Quote: كلمات هذه الاغنية لاشك تحتوي على اشارات عنصرية واضحة انا اسأل : اليس هنالك قوانين تحاسب على التفوه بعبارات عنصرية ؟
انت عارف الكلام دا ما بعتبرهو عنصرية نهااااااااائي عشان الأغنية دي من تأليف فنانة .. وحمادة دا مجرد مؤدي بس ... ولو سمعت نجاة غرزة عندها الحاجات دي عادية جدا ...تحياتي
سلام يا عمر حتى لو كانت بنت و (خادم) بمفهوم بعض افراد المجتمع السوداني ،،، لايجب ان يسمح لها بكتابة مثل هذه الكلمات وبالتالي لايجب ان يسمح له التغني بها !
Post: #8 Title: Re: حماده بت ،،، انا مالي فيني شنو؟! Author: أيمن محمود Date: 03-24-2013, 06:31 AM Parent: #6
Mahmoud Mustafa Mahmoud
Quote: التغني؟؟؟
التغني حتة واحدة؟؟
الله يهديك يا هندسة يااااااخ..
انا بتوقع انك معترض اساساً على انو ده غناء ! بس حسب رأيي ده غناء بمفهوم انو الغناء كلمات ولحن واداء ،،، مسألة انو الكلمات واللحن والاداء دون مستوى الذوق العام ،،، ده ما بيمنع انو ده غناء (يمكن وصفه بغناء هابط او حتى هابط جدا)
Quote: انت عارف الكلام دا ما بعتبرهو عنصرية نهااااااااائي عشان الأغنية دي من تأليف فنانة .. وحمادة دا مجرد مؤدي بس ... ولو سمعت نجاة غرزة عندها الحاجات دي عادية
الاغنية فيها عبارة (ديل الخدم المابشبهونا ) فكيف ماتعتبر عنصرية ؟!! العنصرية دي كمان بقى ليها نوع ولا شنو ؟ الكتبها عنصري والغناها عنصري والبشوفها عادية عنصري ..
اعتقد ان الاخ ناذر الخليفه قد اورد هذه اغنيه قبل فتره فى احد البوستات حقيقه اغنيه فى منتهى القذاره والانحطاط .... رحم الله الفن السودانى
Post: #11 Title: Re: حماده بت ،،، انا مالي فيني شنو؟! Author: خالد علي Date: 03-24-2013, 09:52 AM Parent: #10
للأسف دي موجة من الغناء الهابط التي تنتشر وبكثرة هذه الأيام وتسمى (أغاني المغارز).. وكل أغنية لها هدف محدد وليته كان سامياً.. يعني فلانة تكون عندها مشكلة مع علانة عااادي تفتش شاعر وملحن من إياهم وينظموا هكذا أغنيات.. يعني هذا المغني أكيد حصل ليهو موقف معين وكان رده الفوري من خلال الأغنية دي.. وهذا منتهى الإسفاف والسقوط .. كل ذلك يحدث وسط غياب تام للرقابة وتشجيع جارف من بعض المتلقين والمناصرين لهذا النوع من الغناء ..
Post: #12 Title: Re: حماده بت ،،، انا مالي فيني شنو؟! Author: أيمن محمود Date: 03-24-2013, 10:13 AM Parent: #7
Quote: تطير عيشتنا نحن من فهم بعض افراد المجتمع السودانى
مسألة انو هنالك نظرة (موجودة بكثرة) في المجتمع السوداني لبعض فئاته بانهم (خدم) وهذا اللفظ يطلق عادة للنساء دون الرجال - فدي حقيقة لا اعتقد ان هناك من ينكرها ! يبقى تطير عيشتنا لما نرى ونسمع ولا نبالي كنوع من الانكار او عدم الاكتراث او الغتغته !
Post: #13 Title: Re: حماده بت ،،، انا مالي فيني شنو؟! Author: ناذر محمد الخليفة Date: 03-24-2013, 10:58 AM Parent: #12
والله فعلا مستوى هابط لاقصى درجة زمان كان الهبوط يقاس بما تحتويه الاغنية من ايحاءات جنسية، لكن هذا الغناء تجاوز كل حد وقصد اصابة النسيج الاجتماعي في مقتل، هل يدري هذا المسخ ما يحدثه من اضرار في بنية المجتمع؟ والمشكلة الكبرى ان له جمهور ..يصرخ ويصفق ويردد دون وعي هل نقول ان هناك من يعمل وبمثابرة وتخطيط لإلحاق اكبر قدر من الضرر بهذه البنية الهشة اصلا؟؟؟ هل تنفع نظرية المؤامرة في شرح هذه الظواهر؟