الفنان الذي تاثر به (محمود عبد العزيز) خلال حياته يسطع نجمة بعد مماته

الحقيقة التي لا يعلمها الكثير من عشاق الفنان محمود عبد العزيز بأنه خريج مدرسة الفنان الهادى حامد حيث تاثر محمود عبد العزيز بطريقة الهادي حامد الفريدة فى الاداء والالحان الجديدة التي كسرت رتابة الاغنية السودانية حيث استطاع محمود بموهبته وصوته الفريد من عمل الاضافة اللازمة حيث ظل يردد اغانية لفترة طويلة من الزمن حتي اعتقد الكثيرين انها ملك لمحمود عبد العزيز"
المدينه | افتقدتك | صونى ليك | سرحتى | قالو لى سرو | لو شفتى كيف | مع السراب | لو تعرف معنى الاشواق | العقبال لى بان | والبنفسج فى ربيعو ...
* مثلما استفاد المرحوم محمود عبد العزيز فى حياته من ترديد كثير من اغاني الهادي حامد التى ساهمت فى ظهوره وسطوع نجمه ها هو ذا الفنان الهادي حامد يسترد عافيته من جديد مستفبدا من الزخم الاعلامي الكبير الذي واكب وفاة الفنان محمود عبد العزيز.

..
سلامات عوافي


وناس الموسيقي قالوا ان الهادي حامد
متاثر بمدرسة الفنان الراحل / احمد ربشة

..

أها الاثنين في أغنية واحدة
بفرح بيها

شكرا ياملك

الاستاذ الهادي حامد ود الجبل - افتقدتك يا صبا عمري

مشتاقين يامعاذ كيف والاسرة الكريمه

اغنيه قالو لي سرو هي اغنيه الموسيقار الراحل اسماعيل عبد المعين

ولو تعرف معني الاشواق هي اغنية الفنان النوبي المصري محمد حسن

وفعلا كما ذكر الا خ الكريم محمد عوض هو من مجموعة احمد ربشه ولكن كما يعلم الجميع

الغربه مقبرة الفنان فاغتراب الفنان عبدالهادي لليبيا اضرت به كتير هاجر في منتصف

السبعينات الي ليبيا وعاد قبل ظهور الفنان محمود بسنوات بسيطه .وبعد رجوعه ومواصلته

لمشواره الفني كانت هناك صعوبات لبعده عن الخرطوم وهو بطبعه كسول وخجول

وفي تلك الايام اذكر كانت بداياته مع فرقة مركز شباب السجانه وهي نفس الفرقه التي

بدأت مع محمود في الخرطوم( فرقة النورص) دي السهلة لمحمود انه يغني اغاني عبدالهادي

وانا لااعتقد انه وفاة الفنان محمود عليه الرحمه جعل نجمه يسطع فهو نجم ساطع لايحتاج

لك الشكر ياحبيبنا وتحياتي لكل الحبان المعاك من اولاد الحلة

بوست جيد شكرا اخونا معاذ السر
وكإضافة
عندما عاد المبدع الهادى حامد من ليبيا الذى ساهم برفع اسهم الفنان الهادى حامد قبل ان يخطف محمود عبد العزيز القاذ من الهادى
هو المطرب عامر الجوهرى فقد ساهم فى تعريف الناس على غناء الهادى بترديد أغانية او حقيقة اخذ اسلوب الهادى والذى اخذه من احمد ربشة
عمل عامر الجوهرى وكان وقتها بمركز الخرطوم جنوب على اظهار طريقة الهادى وبالتالى اصبحت شبه موضة اختطفها بعده محمود عبد العزيز مباشرة بغناء الهادى الجبل نفسه
هذا الاسلوب الذى ادخله احمد ربشة اسلوب هندى أتى به ربشة من زاوية التداخل الهندى اليمنى الصومالى ويبدو ان ربشة له اصول يمنية كما قيل حضرموتية احتكت بطريقة ما بالاسلوب الهندى للاداء الصوتى
وشكرا

الأخ معاذ

Quote: الحقيقة التي لا يعلمها الكثير من عشاق الفنان محمود عبد العزيز بأنه خريج مدرسة الفنان الهادى حامد

الغريبة إنو الحقيقة دي يعلمها ويرددها كل الناس إلا انا ..وأصر على أنها غير حقيقة!!
ما شايف أييي علاقة بين اداء محمود واداء ود الجبل غير إنو محمود كان بيردد أغاني الهادي الجبل ..
فقط دي العلاااقة لكن اداء وصوت وطريقة فلا ود الجبل ولا ربشة ولا غيره محمود كان مختلف في طريقة الاداء تماااماً..
الإرتباط جاء لأنو محمود ردد اغاني الهادي الجبل وبعد داك بقت الحفلات بتكون في الصالات والمكتبة القبطية مشتركة محمود والهادي الجبل...
اسمع اغاني ود الجبل كلها بي صوت ود الجبل وبعد داك جيبا بي صوت محمود وتعال وريني وجه الشبه والتأثر وين؟؟؟
إمكن أكتر أغاني كان بيرددهم محمود ربي يرحمو كانت مع السراب ولمن سرحتي وبغنيلك ..

تحياتى يا معاذ والحضور

أنا بتفق برضو مع عمر الفاروق

ممكن محمود يكون محب ومعجب بالهادى حامد
زيه وزى كل الناس الذواقين
وممكن يكون نوعية الكلام البغنيه الهادى حامد صادف يكون من نفس النوع البحب يغنيه محمود

لكن ما اعتقد بوجود تأثر أو تأثير بالمعنى المعروف

بعدين الأهم من كده

الهادى نجم اصيل ومنير من يوم ما بدا
يمكن ما اختفى شويه الا لما سافر من البلد
لكن المعجبين والبحبو الهادى حامد برضهم لا يقلو شانا من معجبى محمود وباقى المطربين

المطربين الحقيقيين طبعا

وتحية تانى ليكم اجمعين

الإخوة الأعزاء

السلام عليكم ورحمة الله،

يامعاذ ياخوي مع احترامي لعنوان موضوعك ده، لكن من رايي إنه:

1. محمود ما إتأثر بالهادي الجبل أبداً وبس كان بيغني أغانيهو لكن بإحساس محمود الذي لم يكن تقليداً لشخص سبقه ولن يتكرر بعده.

2. مافهمت المعيار الحددت بيهو سطوع نجم الهادي بعد وفاة محمود الله يرحمو ده كيف؟ يعني الهادي نجمو سطع بعد وفاة محمود وين ومتين؟

ياخ الهادي زول فنان مميز ومدهش ونجمو ساطع شديد من زمان بس عيبو الكسل وقلة الظهور، أما محمود ده.....................

خليهو ساكت



رحمة الله تغشاهو


شكرا لفتح الموضوع الجميل ده

Quote: لأنو محمود ردد اغاني الهادي الجبل وبعد داك بقت الحفلات بتكون في الصالات والمكتبة القبطية مشتركة محمود والهادي الجبل

سلامات يا شباب وشكرا يا معاذ دا موضوع جميل وهام جدا لي ناس كتااار عندها نفس الاعتقاد دا ..
وبنفس الطريقة البتفق فيها مع كلام عمر الفاروق بتفق ايضا مع الجزء الخاص بي المدرسة المشتركة بين .. عامر الجوهري .. والهادي .. في طريقة الغناء .. وهي مدرسة الاستاذ أحمد ربشـة التي تأثر بها ابناء تلك الفترة أو من زامل الراحـل ربشة في معهد الموسيقى والمسرح ..
حفلات المكتبة القبطية كانت وقتها المجمع المهم .. ومن فاته السطوع وقتها .. فاته أن يكون في مخيلة جيل كامل كان يعرف كيف يتحسس ويتذوق الموسيقى ولا اقول انه آخـر جيل كان يفرز أو آخر جيل كان يعرف .. لكن ربما يكون آخـر جيل نال حظ اوفر في أن يستمع للموسيقى واللحـن والاداء كما يجب باوركسترا كاملة وذلك قبل ان تتشوه المسامع بنظام الاورغــن الذي اضر كثيرا بالسمع والموسيقى ..
..
حفلات الهادي كانت دائما تجمع بينه وبين الراحل محمود .. أو بينه وبين شرحبيل أحمد .. أو محمود منفردا والهادي منفردا .. وهي تلك الفترة التي احتضن فيها الاستاذ الهادي .. الراحـل محمود عبد العزيز وساهم بقدر كبير في تشكيل نهج الراحل محمود الفني بالاضافة إلى مده بالعديد من الاعمال والتي ابدع فيها محمود بخياله الخاص وبي موده الخاص والذي هو بطبيعة الحال يختلف عن الاستاذ الهادي حتى من ناحية الخامـة الصوتية والمناطق التي يغنى فيها الراحل محمود مقارنة مع استاذ الهادي ..
..
الهادي حامد امتداد لمدرسة أحمد ربشـة او امتداد لجيله .. بينما الاسطورة الراحل محمود مدرسة قائمة بذاتها .. تتلمذ على يدها الكثيرين بالرغم من صغر سن الراحل .. وصغر عمره الفني في الساحة..

Quote: الهادي حامد امتداد لمدرسة أحمد ربشـة او امتداد لجيله

يا تمبس ألا يوجد وجه شبه بين مدرسة الهادي حامد ومدرسة مصطفى سيد أحمد ؟

تخيّل أغنية "والله نحن مع الطيور" بصوت الهادي حامد .. وأدّيني النجيضة ياخ ...







ــــ
معليش ياخ .. دا السؤال رقم واحد

Quote: يا تمبس ألا يوجد وجه شبه بين مدرسة الهادي حامد ومدرسة مصطفى سيد أحمد ؟ تخيّل أغنية "والله نحن مع الطيور" بصوت الهادي حامد .. وأدّيني النجيضة ياخ ...

سلام يا صبري ..
بالنسبة للرد على سؤالك الاول ..
بسم الله الرحمن الرحيم ...
هل يا صبري المدرسة هي في تشابة الاغنية ؟؟ تشابه الاغنية من ياتو نحية يعني بتقصد إنت ؟؟
من ناحية اللحـن ..؟
التوزيع ..؟
الاداء ..؟ عشان انا اقدر اعرف الحاصل شنو..؟
واللا المسالة مختلطة معاك من ناحية الصوت ..؟ واللا الفهم شنو بالضبط .؟؟

وعليكم السلام يا حبيب ...

Quote: هل يا صبري المدرسة هي في تشابة الاغنية ؟؟ تشابه الاغنية من ياتو نحية يعني بتقصد إنت ؟؟ من ناحية اللحـن ..؟ التوزيع ..؟ الاداء ..؟ عشان انا اقدر اعرف الحاصل شنو..؟ واللا المسالة مختلطة معاك من ناحية الصوت ..؟ واللا الفهم شنو بالضبط .؟؟

من حيث اللحن والأداء ...




ـــــــ

Quote: يا تمبس ألا يوجد وجه شبه بين مدرسة الهادي حامد ومدرسة مصطفى سيد أحمد ؟

Quote: من حيث اللحن والأداء ...

..

Quote: تخيّل أغنية "والله نحن مع الطيور" بصوت الهادي حامد .. وأدّيني النجيضة ياخ ...

من ناحية الاداء ربما .. وهي مسالة الصوت السليم المدرب والالتزام التكنيكي الذي يخص كلا على حداه .. بعيدا عن نوعية الصوت وطبقته التي فيها بعض الاختلافات .. في نوتة مسار الصوت ..
..
بعدين يا صبري انت قايلني عمك بابا فزاري واللا شنـو ..؟
نحن يا صبري بننظر وبنفتي في حدود خطوط المعرفة .. لانو القوالب اللحنية دي إلا بي معرفة ومعرفة شديدة كمان
لكن اكان فهمتك صاح من مضمون سؤالك .. يبدو انك خالط اللحـن والاداء مع بعض وفي التشابه بين الهادي وجوك على انهم ببقو لي بعض .. حيث انو في اعمال الهادي بيعتمد على الصولو او العزف المنفرد سواء ان كان للكمان او الساكس .. ودي نفس الميزة البتلقاها عند الهادي ايضا الصولو اضافة إلى الهارموني وشغل التوزيع للالات وشكل الاوركسترا الاقرب للكامل البيديك عمل اشبه بالمتكامل..
عليك الله يا صبري لو تاني عندك سؤال قولو لي طلحـة طوالي يا الزول القاعد جمب طلحـة .. لاني انا من ناحية اسئلة الحمد لله

بعدين بالنسبة للتخيل يا صبري ، لما بديت اتخيل لقيته اشبه بي اني بتخيل الراحـل زيدان ابراهيم وهو بيغني في نشيد صه يا كنار وضع يمينك في يدي ..
يعني زي ما شايف الشغله شوية ضغطت علي فيها ..

Quote: من ناحية الاداء ربما .. وهي مسالة الصوت السليم المدرب والالتزام التكنيكي الذي يخص كلا على حداه .. بعيدا عن نوعية الصوت وطبقته التي فيها بعض الاختلافات .. في نوتة مسار الصوت .. .. بعدين يا صبري انت قايلني عمك بابا فزاري واللا شنـو ..؟ نحن يا صبري بننظر وبنفتي في حدود خطوط المعرفة .. لانو القوالب اللحنية دي إلا بي معرفة ومعرفة شديدة كمان لكن اكان فهمتك صاح من مضمون سؤالك .. يبدو انك خالط اللحـن والاداء مع بعض وفي التشابه بين الهادي وجوك على انهم ببقو لي بعض .. حيث انو في اعمال الهادي بيعتمد على الصولو او العزف المنفرد سواء ان كان للكمان او الساكس .. ودي نفس الميزة البتلقاها عند الهادي ايضا الصولو اضافة إلى الهارموني وشغل التوزيع للالات وشكل الاوركسترا الاقرب للكامل البيديك عمل اشبه بالمتكامل.. عليك الله يا صبري لو تاني عندك سؤال قولو لي طلحـة طوالي يا الزول القاعد جمب طلحـة .. لاني انا من ناحية اسئلة الحمد لله بعدين بالنسبة للتخيل يا صبري ، لما بديت اتخيل لقيته اشبه بي اني بتخيل الراحـل زيدان ابراهيم وهو بيغني في نشيد صه يا كنار وضع يمينك في يدي .. يعني زي ما شايف الشغله شوية ضغطت علي فيها ..

تُشكر يا بابا فزاري* للتوضيح ...

بالمُناسبة أنا الكلام دا يا قريتو قبل كدا في مكان يا سمعتو من زول .. والكلام بالضبط كان بيقول إنّو مدرسة الهادي حامد امتداد لمدرسة مصطفى سيد أحمد .. ولمّا دقّقت في الاستماع لكليهما .. لقيت فعلاً في حاجة بتجمعهما مع بعض والحاجة دي هي الكانت رايحة لي عشان كدا سألتك إنت بصفتك عندك خبرة في مجال الموسيقى ..





ـــــ
* غايتو دقست وجبت ليك لقب لي نفسك جديد لنج



ـــــ

شكراً معاذ

Quote: الهادي حامد امتداد لمدرسة أحمد ربشـة او امتداد لجيله .. بينما الاسطورة الراحل محمود مدرسة قائمة بذاتها .. تتلمذ على يدها الكثيرين بالرغم من صغر سن الراحل .. وصغر عمره الفني في الساحة..

كنت أجد الراحل محمود عبدالعزيز قريب من القلب وكنت أسمعه بقلبي عندما يغني وأسمعه بعقلي وأحس صوته يتخلخل داخل دمي واعصابي
أحب هذا الرجل بشدة رحمة الله عليه.
كان صادقاً في كل شيء يفعله محمود رحمة الله
عندما مدح المصطفى كان يمدحه كأنه يراه أمام ناظريه
عندما غني كان متفرداً فاق بكثير في صدقه وردي وود الأمين

التحية للجميع

@ نعم الهادي حامد لايحتاج لشخص ليقوده لسلم النجومية فقد سطع نجمه فى نهاية التمانينات لكنه اختفي عن الساحة الفنية لفترة ، لكن بالاضافة للموهبة هنالك ظروف معينة تساعد البعض فى بلوغ سلم النجومية والشهرة بسرعة كبيرة .

@ من خلال البوست اردت ان اقول ان الفترة القادمة سوف تكون فترة بروز غير مسبوق لنجم الفنان الهادي حامد من حيث الطلب عليه من خلال الحفلات العامة والخاصة ومبيعات شرايط الكاسيت .

@ السبب الرئيسي لاعتقادي هذا كان هنالك نقاش ساخن بين اخي وابن خالتي بعد وفاة محمود عبد العزيز حيث يعتقد ابن خالتي ان نجومية وشعبية محمود عبد العزيز تفوق بقية الفنانيين السودانيين وفى مقدمتهم وردي وهذا الاعتقاد مترسخ فى ذهن كثير من معجبي محمود عبد العزيز من الشباب.

@ فى الخميس الماضي كان الهادي حامد يصدح باغنية "المدينة" فى قناة النيل الازرق لفت نظري ان خالتي ظل يستمع الى الاغنية كاملة ولمدة تجاوزت الربع ساعة دون يحول الي القناة ولفت نظري تفاعل الشباب والعازفين فى المسرح مع الهادي حامد بصورة جميلة فى تلك اللحظة ان احسست ان الظروف اصبحت سانحة لسطوع

نجم الهادي حامد وزيادة الطلب عليه من خلال الحفلات العامة والخاصة وذلك لاسباب كثيرة :

| . فراغ الساحة الفنية بعد وفاة الفنان وردي وزيدان ابراهيم ومحمود عبد العزيز .

|| . الهادي حامد من الفنانيين المؤهلين لخلق تواصل الاجيال و اقناع والتاثير على كافة الفئات العمرية لامتلاكة موهبة التلحين وطريقة الاداء والتطريب المختلفة التي ادمنها الشباب.

Quote: 1. محمود ما إتأثر بالهادي الجبل أبداً وبس كان بيغني أغانيهو لكن بإحساس محمود الذي لم يكن تقليداً لشخص سبقه ولن يتكرر بعده.

محمود عبد العزيز تاثر بالهادي حامد باعتراف محمود نفسه :

@ ركز فى طريقة الاداء وليس الصوت لان خامة الصوت مختلفة .

@ حتي تركيبة الالحان فى اغاني محمود الجديدة مشابهة لالحان الهادي حامد.

Quote: حتي تركيبة الالحان فى اغاني محمود الجديدة مشابهة لالحان الهادي حامد.

محمود وحسب عرفتي ليهو لحن أغنية واحدة كانت أغنية الولد الشفت ولحنها في شكل الحان موسيقى الراب..
باقي الألحان هي الحان الغير امثال الكردفاني القديل وعبد اللطيف خضر والفاتح حسين و و و.وعليه ما بتوقع إنو محمود بيمشي يقول ليهم لحنو لي زي الهادي الجبل ..لأو بيقوم يسمع اللحن ويقول ايوااا ده قريب من مدرسة ود الجبل ويقوم يلحنو ..
الكلام ده ما حاصل والدليل إنو محمود غنى لي كتييير من الفنانين كمية أغاني تفوق ما غناهو للهادي ود الجبل امثال محمد احم عوض وكمال ترباس..بالمناسبة محمود كان بيحب أغاني ترباس جددداً جددداً ..

Quote: محمود وحسب عرفتي ليهو لحن أغنية واحدة كانت أغنية الولد الشفت ولحنها في شكل الحان موسيقى الراب.. باقي الألحان هي الحان الغير امثال الكردفاني القديل وعبد اللطيف خضر والفاتح حسين و و و.وعليه ما بتوقع إنو محمود بيمشي يقول ليهم لحنو لي زي الهادي الجبل ..لأو بيقوم يسمع اللحن ويقول ايوااا ده قريب من مدرسة ود الجبل ويقوم يلحنو .. الكلام ده ما حاصل والدليل إنو محمود غنى لي كتييير من الفنانين كمية أغاني تفوق ما غناهو للهادي ود الجبل امثال محمد احم عوض وكمال ترباس..بالمناسبة محمود كان بيحب أغاني ترباس جددداً جددداً ..

الملحن هو الذي يجهز اللحن حسب طريقة وقدرات الفنان ومثال على ذلك اغنية "فى عز الليل" التي تغني بها الفنان النور الجيلاني حيث نجد ان الكابلي قام بتلحينها مرتين مرة بما يتماشي مع طريقة وقدرات النور الجيلاني فى نفس الوقت تغني بها الكابلي بطريقة واداء مختلف.



الفنان عبدالكريم الكابلي - في عز الليل

Quote: الهادي حامد امتداد لمدرسة أحمد ربشـة او امتداد لجيله

تمبس
سلام

للاسف هذا الامر غير دقيق
الهادى الجبل كان فنانا و ملحنا و بنفس استايله الحالى منذ 1967م
بينما اتى احد ربشة للسودان فى عام 1973م للالتحاق بمعهد الموسيقى و لم يظهر صوته للسميعة الا بعد منتصف السبعينات
الاقرب هو تاثر ربشة بالجبل اذ كان ربشة حاضرا بقوة فى المشهد الفنى السودانى و كانت له علاقات و منفتح على الموسيقيين السودانيين
و ارجو ان (يحضرنا) الموصلى هنا فهو كان من شهود تلك الحقبة

مع تحياتى و مودتى

Quote: للاسف هذا الامر غير دقيق الهادى الجبل كان فنانا و ملحنا و بنفس استايله الحالى منذ 1967م بينما اتى احد ربشة للسودان فى عام 1973م للالتحاق بمعهد الموسيقى و لم يظهر صوته للسميعة الا بعد منتصف السبعينات

سلام يا عوض ..
لا اثني حديثك انما اعطيك حق المعرفة .. حيث انني بدأت التأريخ لاستاذ الهادي بعد فترة 67 حسب معرفتي مع العلم أن في حديث خاص للهادي اشار إلى أن أغنية ما اتعودته اخاف من قبلك قام بتسجيلها للاذاعـة السودانية في العام 72 مع العلم أن الاغنية ذاعت وانتشرت بواسطة سيف الجامعة في فترة التسعينات او نهاية التسعينات وكانت اغنية الشارع والشباك الاولى ..

Quote: الاقرب هو تاثر ربشة بالجبل اذ كان ربشة حاضرا بقوة فى المشهد الفنى السودانى و كانت له علاقات و منفتح على الموسيقيين السودانيين

كلام جيد يا عوووض .. إلى حين عودة من يؤرخ للفترة بشكل جيد ..
ولو اثبت صحة ذلك .. فذاكرة العديد من ابناء جيلنا تحتاج إلى تعديل ونحتاج إلى اعتذار جماعي ورد حق للهادي الذي ظلم في اكثر من موضع اولها معهد الموسيقى والمسرح .. وثانيها الاعلام الذي ركز على ترويج هذا الحديث

هناك العديد من البوستات السابقة عن تجربة ربشـة والهادي في الارشيف .. ربما لو عدنا لها نجد ما يفيد ..

Quote: الملحن هو الذي يجهز اللحن حسب طريقة وقدرات الفنان

وبناء على ما جاء أعلاه فقد لحن الملحنين حسب قدرات وطريقة محمود مش ؟؟ وليس حسب قدرات وطريقة الهادي الجبل!!!
يعني ما ممكن الملحن يلحن أغنية يا مدهشة لي محمود بي طريقة الهادي الجبل..بتكون بي طريقة محمود ..
أهو كده انت رديت على نفسك بي نفسك براااااك ..
وعلييك الله ما تقول لي ولأنو محمود بيشبه الهادي الجبل فقد لحنو له بناء على ذلك ..

Quote: من خلال البوست اردت ان اقول ان الفترة القادمة سوف تكون فترة بروز غير مسبوق لنجم الفنان الهادي حامد من حيث الطلب عليه من خلال الحفلات العامة والخاصة ومبيعات شرايط الكاسيت

..

Quote: فى الخميس الماضي كان الهادي حامد يصدح باغنية "المدينة" فى قناة النيل الازرق لفت نظري ان خالتي ظل يستمع الى الاغنية كاملة ولمدة تجاوزت الربع ساعة دون يحول الي القناة ولفت نظري تفاعل الشباب والعازفين فى المسرح مع الهادي حامد بصورة جميلة فى تلك اللحظة ان احسست ان الظروف اصبحت سانحة لسطوع

يا معاذ ..
انت كدا ظلمت استاذ الهادي شديد جدا ..
بلغة اهل الكمبيوتر الهادي حامد عادة يشتغل من خلف الويندوز ..
بي صورة اوضح:
الهادي من ضمن الذين يستمتعون وهم يضعون الالحان للغير أو لنفسه .. يعيش دائما حالة بيات شتوي وهو يللاوي الحرف والكلمـة والعود .. ونادرا ما يظهر كفنان شباك .. أو فنان مناسبات .. يعني عطاءه الفني للفنانيين الغير اكثر من عطاءه لنفسه ..
واذا كان الراحل خليل اسماعيل هو فنان الفنايين فإن الهادي هو فنان الفنانيين من قبل الراحل خليل ..
..
المعروف ان الهادي فترة من عمرة عاشها في حينا العريق الموردة ..
جمعتني علاقة مميزة في فترة منتصف التسعينات مع استاذ الهادي .. امتدت إلى رحاب بعيدة جدا .. واذكر انه في احدى حفلات احد ابناء الموردة (العريس) ابن الحلة وكنا حينها نسمع الهادي بطريقة جنونية جدا ونمتلك مكتبة ضخمة للهادي واحيانا نقوم بترتيب الاستماع وفق الذوق العام لنـا حيث كنا نستمتع بحفلات المكتبة القبطية بعد ان يترك الخيار لنـا الاستاذ الهادي لنختار الاغنية التي تنقصنا في الشريط الفلاني او عندما يقوم باضافة اي شي جديد فيها وهو كان دائما في حالة تجديد في التوزيع او في الاداء الصوتي ..
المهم .. صديقي المشترك كانت حفلة زفافـه فاصر ان يكون الهادي هو سلطان ذلك اليوم ..
شدينا المسرح من فترة طويلة وزيناه (بفتق) الخيمة الكزامية .. وكنا نحسب في الثواني التي يعتلي فيها الهادي خشبة المسرح ويمتعنا .. لانه سيد المتعة ..
صعد الهادي المسرح .. وللدهشة التي انتابت الهادي لم يبارح المسرح .. حتى تحدث بعبارات مؤثرة جدا وقال بالحرف الواحد .. انا ما متخيل انو في ناس بتسمعني بالطريقة دي ..
المفرح في الامر انه صدح بي اغنية المدينـة .. للشاعر حسن السر .. هو نفسه حسن السر شاعر بخاف اسال عليك الناس .. وكان المهم في الأمر ان صوت الهادي وقتها على بعد خطوات من درب حلتنا جابك يوم .. ومن نفس الشباك التي كتبت فيه كلمات المدينة .. وهذا ما رفع من وتيرة الغناء والاحساس بالمكان لدى الهادي .. واذكر ان الهادي وقتها لم يستطع ان ينزل من خشبة المسرح .. ولم يتسطع ان يكمل اي من الاغنيات .. وذلك للحفظ الصـم .. لجميع اغنياته من الجميع شيبا وشبابا وكهول ..
وهذا بالضبط ما تجحده عندما تذهب لحضور حفل في جبل الاوليـاء .. أو اي يوم مفتوح كان ابان ايام جامعة القاهرة فرع الخرطوم .. بالمكتبة القبطية .. حيث للهادي جمهور عجيب يحفظه عن ظهر قلب .. من الشيب والشباب والسيدات والعواجيز ..
الهادي لا يحتاج أن يسطع نجمه من جديد ... لكن يحتاج الجيل الحالي ان يعيد ترتيبه ويتحسس مسمعه ..
وبدون شك الهادي لن يعمل على عرض نفسه في شباك الاغنيات بقدر ما يعمل على تقويم الخط الموسيقي فهو معلم واستاذ ومدرسة
اسمح لي يا معاذ امدك يب بوستات قديمة تمت مناقشة تجربة الهادي .. وهنا التحية لزميل البورد الغائب الطيب برير والذي تغنى الهادي بأحدى كلماته الجميلة اغنية فاتت .. الهادي حامد ( ود الجبل ) .. فــــاتت..
..
.. مهرجــان ميلاد الأغنيــات .. ( نقله نوعية )

وأرجو يا معاذ ان تسمح لي بي هذا العمل الذي يبين عبقرية الهادي اللحنية والتوزيعية .. وهي عبقرية خاصة به

التحية لصاحب البوست ولكل المتداخلين

الغنية التحت دي ( ما بمشي الدكان ) نزل عنها بوست قبل كده واحد من الاخوة يساعدنا برابط البوست والفيديو

وده برضه بيكون مفيد في النقاش.


https://www.youtube.com/watch?v=P5PygG5rUGM

دا شنو دا يا عباس أول مرة اسمع الحاجة دي

شكرا لك اخ معز

تمبس يا حبيب الغنية دي نزل عنها بوست قبل كده واعتقد البوست نزله حبيب نورة

وانا بفتكر النموذج ده بالاضافة لالحانه المتميزة لاشعار ( قريبته ) الحاجة بت حسين

بتورى مقدرته العالية في تقديم الحان متنوعة ...ياخي قبل اقل من شهر ناس مجموعة اروقة

كان عندهم تجمع في الجبل الهادي قدم اغنية بالفصحي في مدح الرسول الكريم كان اللحن مدهشا للجميع.

الهادي عنده مشكلة انه ما ليه في شغل ( العلاقات العامة )..ومعاها شوية كسل زي ماقلتو.

سلام يا معاز
و تحياتي للجميع في البوست ..
ربنا يرحم محمود و يتقبلو القبول الحسن (ولا حول ولا قوة إلا بالله)

بتفق مع عمر الفاروق و تمبس في كل كلامهم دي النقطة الأولي ... الشي التاني محمود اكتر من مرة قال أنه معجب بتجربة الهادي
و ايضاً محمود قال أنه معجب اغنيات خوجلي هاشم(ود عطبرة) و غنى بعض اغاني خوجلي هاشم.
طبعاً الهادي نجمه ساطع زي ماقال الكتيرين هنا بس مشكلتو غير انو كان في الاغتراب الهادي كسول جداً جداً زيادة على كدا اصرار
الهادي على استقراره بجبل اوليا و عدم الخروج منها الا في الضرورات .
الهادي ملحن لايشق له غبار و كتير بفكر انو الهادي ممكن يعتزل الغناء لكنه لن يستطيع أن يعتزل التلحين ابداً الهادي فنان مهرجانات
و المنتديات من الطراز الاول وقليل المشاركة في الحفلات .
نعم بين الهادي و عامر الجوهري و محمود مشتركات كبيرة لكن الصوت ليس مشترك بينهم ابداً طريقة الهرمنة و الفايبريشن تقربهم
من بعضهم البعض لكن لكل منهم استايله الخاص .
الهادي و محمود يتمتعان ببراعة صوت مطواع وذكي يعرفون كيف يتحكمون به بخيالهم (الحاجة دي بحسها في صوت عبد العزيز
محمد داؤود فهو الفنان صاحب الصوت المتفرد و العريض في تاريخ الغناء السوداني) ليه أنا قلته ابو داؤود؟ لانو بصراحة يامعاز
السر و يا عمر الفاروق و تمبس انا شايف محمود (برضو الهادي) هم الاتنين و معاهم ابو داؤود (الذي ما غنى أغانية إلا و استعمرها
حسب إفادة البروف علي المك) هم الفنانين الوحيدين البنتمو لبعضهم و هم الوحيدين العملو فرق في الأغنية السودانية من حيث الآداء
الصوتي التطريبي في ال(الحلى) الصوتية و الهارموني .
تحياتي لكم جميعاً
و الف رحمة و نور على محمود المحمود وعلى أبو داؤود.


ملحوظة :-
يافاروق و تمبس
عايزكم في كلام سِري ياخ .

من الطرائف التي يحكيها الهادي حامد بنفسه انه بعد فراغه من أداء أغنية "بفرح بيها" في احدى المناسبات، صعد اليه في المسرح شاباً منتشياً بالطرب وقال له: الله عليك يا أستاذ، بالله أغنية تانية من أغاني محمود لو سمحت !

ود نابري السفيان ..

Quote: و ايضاً محمود قال أنه معجب اغنيات خوجلي هاشم(ود عطبرة) و غنى بعض اغاني خوجلي هاشم.

ولو ما اخاف الكضب اغنية الكان زمان أو أغنية الكنت قااايلو فات زمان هي الأشهر التي رددها الحوت ربي يرحمو وهي من أكتر الأغاني الإرتبطت بي إسم محمود ومحمود إرتبط بيها وصححني لو غلطان ..


بالمناسبة يا نابري في قصة الأصوات دي برضو إتفقنا بي صورة غريبة ..تحدييداً محمود وابوداؤود..
النصييحة الهادي الجبل انا شايف إنو ما عندو صوت تطريبي بالعكس انا بشوف إنو إمكانياتو الصوتية محدودة جداً لكن هو ذكي بيعرف كيف يوظفها وهو من أكتر الفنانين البيستخدمو سياسة المط والترقيق ( دي نجرة مني انا ساي ما بعرف في الموسيقى إسمها شنو :)..) وبقصد بيها إنو الهادي الجبل في كتيير من الأحيان اثناء الاغنية بيحاول يرقق وينعم صوتو ثم مع الترقيقة دي بيدها ليك مطططة كده لي اخر الكلمة يعني زي كلمة (البنييية ) في اغنية بفرح بيها ..

التحية للجميع
يا شباب انا فى هذا البوست لم اقصد التقليل من مكانة الهادي حامد الفنية مقارنة بمحمود عبد العزيز انما قصدت ان الفنان الهادي حامد قادرعلى تعويض معجبي الفنان محمود عبد العزيز غيابه عن الساحة الفنية وذلك لتشابه اللونية الغنائية وقدرتة على اتحافنا بالجديد من الاعمال.

فوق

مستمتع جدا بالحوار ينقصه دخول المختصين في الموسيقي وعلم الاصوات

وانا مع مدرسة محمود المتفرده ولا تشابه بينهم في الاداء ومحمود يمتلك

مقدره في الاداء تفرد بها عن سائر المغنيين السودانيين وخلق مدرسة خاصة بمحمود

رحمة الله عليه هو مبدع وفنان منذ طفولته رحمة الله عليه.

والهادي ود الجبل كما زكروا الشباب مقدراته اللحنية تفوق الغناء بكثير

تحياتي اخي معاز السر.

Quote: النصييحة الهادي الجبل انا شايف إنو ما عندو صوت تطريبي بالعكس انا بشوف إنو إمكانياتو الصوتية محدودة جداً لكن هو ذكي بيعرف كيف يوظفها وهو من أكتر الفنانين البيستخدمو سياسة المط والترقيق ( دي نجرة مني انا ساي ما بعرف في الموسيقى إسمها شنو :)..) وبقصد بيها إنو الهادي الجبل في كتيير من الأحيان اثناء الاغنية بيحاول يرقق وينعم صوتو ثم مع الترقيقة دي بيدها ليك مطططة كده لي اخر الكلمة يعني زي كلمة (البنييية ) في اغنية بفرح بيها ..

اها يا عمر اديك ميزة ..
صوت الهادي دا تطريبي لمــن بيعمل للواحد مغص من التطريب ..وخليني انجر ليك انا ذاتي .. بس نجر من جوووه..
صوت الهادي حفظه الله ورعاه يصنف من الاصوات (التينور) وهو اول صوت في الرجال فصوت الهادي حسب سمعي ليهو كمان بيتصنف Dramatic Tenor التينور الدرامي ومصنف انو من اقوى الاصوات وبيأدي اكثر االالحان من ناحية الجهد والقوة ..
غير القوة الفي صوت الهادي .. في الحتة بتاعت التأرجح دي .. في الحتة بتاعت البنييييه وهي مسالة الفابريتو .. اللي هي بتحس انو الصوت جاييك طالع عدييل من بطن الواحد ..
ودي الميزة يا عمر بتاعت الفرق ما بين الزول البيعرف يغني ومميز في الغناء وما بين الزول صاحب (النووور) بتاع المرة الفاتت .. القال قاعد يهرمـن ..
بعدين في حاجة تانية ومهمة جدا في صوت الهادي .. انو صوووت مدرب جدا .. والذكاء البتقصدو دا يا عمر هو في التدريب .. يعني ذكاء الهادي انو بيعرف يكتب لي نفسو ووين .. وعارف امكانية حدود صوتو ممكن تصل وووين .. وعارف ممكن يطلع ووين وينزل من ووين في النوتة .. يعني مسالة محدودية الصوت دي بتنتج عن انك تتورط ليك في نوتة وفي سلم ويا شنقته الاوركسترا ويا الاوركسترا شنقتك .. وتبقى في البخارجك .. وفي كل الاحوال شنقته الناس البتسمع ليك
بالمناسبة .. التينور الدرامي دا هو صوت المؤدي الاوبرالي .. الراحل لوشيانو بافروتي ..
مع العلم انو النجر دا ناس المزيكا المتخصصين من حقهم يفتو لي فوقو .. وفي صحة كلامي ..
وحقو الناس المتخصصة تدينا النجيضة شوية وتساعدنا

سلام يا سيكـا ..
أول حاجة سرك في بير حاضرين جدا ..

Quote: اصرار الهادي على استقراره بجبل اوليا و عدم الخروج منها الا في الضرورات . الهادي ملحن لايشق له غبار و كتير بفكر انو الهادي ممكن يعتزل الغناء لكنه لن يستطيع أن يعتزل التلحين ابداً الهادي فنان مهرجانات و المنتديات من الطراز الاول وقليل المشاركة في الحفلات .

وانا برضو بتفق معاك في كلامك دا كلووو .. ومن ضمن كسل الهادي .. اصراره على عدم مفارقة الجبل .. لذلك اصبحت منطقة الجبل منطقة مقفولة للهادي والجميع يحبه ويحفظ اغانيه عن ظهر قلب ويرددونها معه كما يجب

تحياتي للجميع ولمحمود الرحمة بقدر ما أمتع وللهادي التجلة والتقدير على ما يقدمه من فن وأداء متفرد

Quote: صوت الهادي حسب سمعي ليهو كمان بيتصنف Dramatic Tenor التينور الدرامي ومصنف انو من اقوى الاصوات وبيأدي اكثر االالحان من ناحية الجهد والقوة

النجار بابا فزاري اشيفك بقيت تذاكر من ورانا


الهادي وجبل الأولياء ومحمود
فعلاً الاعتقاد السائد لدى الكثيرين إنو محمود تأثر بمدرسة الهادي ود الجبل في الأداء وليس ترديد أغنياته وحسب
بتذكر حفلة للهادي ود الجبل إبان فورة بوليس المصنفات
وكانت المدينة
هدوء ، جلوس، تربيع للأيادي احتراماً للمعلم، وساحة الحفل تخلو حتى من المبشرين
الكل يمضي في عالمه الخاص لا يجمع الحضور سوى كلمات الأغنية،
وصودفااااااه فيي أب عاد مادييييييييييييييناااااااه
بوليس المصنفات
قالوا شنو قالوا الحفلة ما عندها تصديق
وما قادرين يصدقوا إنو دا فن تسامى في وجدان الحاضرين حتى بلغ مرتبات علت عن هم الدنيا فسكنت في قلوب الحاضرين محبة وذكريات
ربما من تلك المدينة


المدينة خربوها بعض الحواتة بالكواريك وإظهار مدى حفظ الحاضرين للحن والكلمات

محمود البدايات اختلف كتير من محمود ما بعد البدوي من حيث الأداء والصوت ربما،
أو يمكن وقتها أداء محمود حاجة جديدة ومختلفة عن إطار السائد
محمود المكتبة القبطية مرحلة
محمود الفندق الكبير مرحلة تانية
محمود البدوي وفورة الكاسيت مرحلة ما كانت بي نفس التطريب في المرحلتين القبلها
دا رأي شخصي
لكن في كل مراحل حياة محمود كان متفرد متفرد متفرد

له الرحمة

ماشاء الله عليك ياتمبس والله ما قادر اجاريك مشكلتي كبيرة ما في كيبورد عربي شغال بكتب بالمواس

ربنا يديك العافية

الفنان الهادى حامد شخص هادى جدا ونادرا ما تجده منغعلا
اتهام التاشر باداء وطريقة احمد ربشة يزعجه وقد فنده اكثر من مرة
الهادى بدا الغناء قبل قدوم ربشة للسودان
حدثنى شقيقى الاكبر مصطفى انه استمع للهادى لاول مرة فى عام 1965 فى الاحتفال بالذكرى الاولى لثورة اكتوبر فى نادى الرى المصرى بجبل اولياء
اغانى الهادى الاولى

عرفتك

وشقاغريبة
مع السراب

الهادى بدا مع غرقة فنية فى ديم البساطاب بجبل اولياء
فيها احمد محمد نور عازف عودالسر حسن الطيب عازف كمان
خضر مكاوى مغنى وعازف كمان
والشاعر الاول للهادى هو عبد الرحمن السمانى
فى بداية الهادى شاركه فى التلحين عثمان الطيب بقادى