Post: #1
Title: المنبر واخد شكل الحمروني !!
Author: أمين محمد سليمان
Date: 03-03-2013, 09:10 PM
في تسعينات القرن الماضي - عليه من الله ما يستحق - كنت متابع لي كورة للمنتخب التونسي، ما متذكر لو في كأس أفريقيا ... تصفيات كاس العالم .... ما متذكر ... المهم، المنتخب التونسي كان عندو لاعب أسود ( قريبنا في الحسبة ) اسمو منو كده الحمروني .... بين الشوطين الحمروني غيروه بلاعب أسود برضو ...المذيع المصري شكلو ما كان عندو خبر التغيير.... كل ما اللاعب الجديد يستلم الكورة، يشبكنا ليك الحمروني إستلم ... الحمروني بيرأص ...و الحمروني بره ليه نص ساعة !!
علي نهاية الكورة كده جابو اللاعب البديل من قريب و وضح إنو ده ما الحمروني .... المذيع المصري بدل ما يعتذر، قال : ده مش الحمروني ... بس واخد شكل الحمروني !!
|
Post: #2
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 09:16 PM
Parent: #1
يا اخوانا ... المنبر بقي بيض و لا أنا براي مبيض ؟!!
|
Post: #3
Title: Re: المنبر واخد شكل الحمروني !!
Author: محمد البشرى الخضر
Date: 03-03-2013, 09:19 PM
Parent: #2
يا بروف انت تاني واحد اقرا ليك كلام بنفس المعنى دا
المنبر في حاله بس شوية جوطة عاملنها الريالاب و الخضراب و البندر اسّي بتنتهي و كل حاجة بترجع في محلّها
|
Post: #5
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 09:23 PM
Parent: #3
والله ما ظنيت يا البشرى .... القصة الدوره دي شكلها أكبر من عوات كل مره !!
|
Post: #4
Title: Re: المنبر واخد شكل الحمروني !!
Author: خالد عبدالوهاب
Date: 03-03-2013, 09:21 PM
Parent: #2
بيض كيف يابروف
ازييك بالمناسبة :)
هيثم طه كتب بداية بوست اتوقع انو يكون عجيب
ود المشرف برضو كتب بوست حايكون ممتع جدا
وعندك عودة محمد حامد جمعة وبندر شاه
بلغة اسابيع البورد ده اسبوع صلاح الدين بندر شاه يحارب الشيوعيين
فلو عايز تستمتع انصحك بنتابعة اليوستات البندرية :)
ايوة وين انت الايام دي ؟
|
Post: #6
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 09:27 PM
Parent: #4
خالد يا غالي ... المشكلة اني متابع !!
من أمس بقرأ بهنا و بهناك ... وصلت حالة من البؤس خلتني أفتح البوست ده ... عموما سنتابع علي قول الصادق !!
|
Post: #7
Title: Re: المنبر واخد شكل الحمروني !!
Author: خالد عبدالوهاب
Date: 03-03-2013, 09:33 PM
Parent: #6
لالا بي هناك انا خلاص اصابني الصمرقع ياقول وهبة
الحقيقة انا الايام دي حياتي كلها اصابها الصمرقع
كلي أمل في هبثم طه ... لو فشل انا غالبا حا انتحر :)
|
Post: #8
Title: Re: المنبر واخد شكل الحمروني !!
Author: خضر حسين خليل
Date: 03-03-2013, 09:34 PM
Parent: #6
يا حمروني وعليك بزيد في جنوني
المنبر يعني شنو ؟ ده لو إفترضنا إنو الواحد عارف البيض يعني شنو ؟
في الحقيقة البلد عبارة عن بيضة كبيرة
وبالتالي المنبر عبارة عن بيضة صغيرة
وعليه : البيض كثير في وطني أو كمال قال الشاعر
يا أمين هووي ماتركز شديد
|
Post: #9
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 09:42 PM
Parent: #8
يا زول هيثم طه بتاع قلبك ؟!!
هيثم طه ببوستو الجديد ده ح يزيد المنبر بؤسا علي بؤس .... Thought-provoking ؟!!
Thought-provoking بدون مراعاة لغير الناطقين بها ناس قيقا و الصائم و وهبه ؟!! 
|
Post: #10
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 09:48 PM
Parent: #9
يا خضرنا ...
بالله لو لقيت الوطن، أقرئه مني السلام و قول ليه أمين قال ليك : لماذا أنت ما أنت ؟!!
|
Post: #11
Title: Re: المنبر واخد شكل الحمروني !!
Author: طلحة عبدالله
Date: 03-03-2013, 09:55 PM
Parent: #9
فوائد البيض
يعتبر البيض غذاءً كاملاً، لاحتوائه على البروتين والدهن والفيتامينات والهرمونات
والأملاح المعدنية وهيدرات الكربون، لذا فإن تناول بيضتين في الصباح يكفيان لإعطاء
الجسم حاجته من البروتين والفيتامينات وهذا يعادل ما في 350 غرام من الحليب أو
50 غرام من اللحم. وبما أنه فقير بهيدرات الكربون فيؤخذ معه الخبز أو غذاء مشوي
كالبطاطا أو الأرز وكذلك كوب من عصير البرتقال لتأمين حاجة الجسم من فيتامين (c).
والبيض أحسن الأغذية، وأسرعها انهضاماً، إذا كان نيئاً أو مشوياً قليلاً، ويعطى لذوي الصحة
الطبيعية وبخاصة الأطفال فيمنحهم المناعة ضد الكساح وفقر الدم، ويمكن إعطاؤه للصغار من
سن (8 - 10) أشهر، ويعطى للكبار وبخاصة المصابين بفقر الدم والحوامل وضعاف الذاكرة
والمصابين بانهيار الجهاز العصبي والقدرة الجنسية، كما يعطى للمصابين بالسل، والسكري،
والنحفاء، والبدينين بشرط تناول السمن أو الزبدة معه.
وفي طب أهل بيت الرحمة والنبوة (صلوات الله وسلامه عليهم أجمعين) يشار إلى البيض كعلاج
لكثير من العلل والأسقام :
عن الأصبغ بن نباتة عن الإمام علي (عليه السلام) قال: إن نبياً من الأنبياء شكا إلى الله تعالى
قلة النسل في أمته فأمره أن يأمرهم بأكل البيض ففعلوا فكثر النسل فيهم.
وعن يونس بن مرازم قال: ذكر عند أبي عبد الله (عليه السلام) البيض فقال: أما إنه خفيف
يذهب بقرم اللحم.
وعن أبي عبد الله أيضاً قال: شكا نبي من الأنبياء إلى الله عز وجل قلة النسل فقال:
كل اللحم بالبيض.
(منقول بحذافيرو وغير حذافيرو )
عيب لي البيض يا بروف ياخ .
|
Post: #12
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 10:03 PM
Parent: #11
طلحة يا أخطبوط !!
البيض - سئيلي الله - ما عندو أي عوجة المشكلة في الاستبياض !!!
بالجد بالله ... حاسين البتاع ده بقى ما ياهو، و لا ده احساسي براي قدس الله سري و سر صلعتي الشريفة ؟!!
|
Post: #13
Title: Re: المنبر واخد شكل الحمروني !!
Author: Balla Musa
Date: 03-03-2013, 10:09 PM
Parent: #12
ياأمين
ياخى آخر حاجة كنت أتوفعها أنك تفتح بوست زى دا تمدح فيه المنبر..
عليك الله هسع المنبر دا فيه صفار ول بياض؟ وكمان بالسمنة وكدا؟
|
Post: #14
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 10:14 PM
Parent: #13
يا دوك ...
المدح بما يشبه البل ده علم راسخ ... المشكلة في البل بما يشبه البل !!
ياخي المنبر بالجد بقي لي ماخد شكل الحمروني !!
|
Post: #15
Title: Re: المنبر واخد شكل الحمروني !!
Author: طلحة عبدالله
Date: 03-03-2013, 10:28 PM
Parent: #14
يا بروف
في الحالتين مدح بما يشبه المدح
كان بيض تراكا شفت فوائد البيض
وكان فالعيادي الحمروني كان أحد أبرز نجوم كرةالقدم التوانسة والأفارقة والعرب
جاب مع الترجي التونسي كأس أندية أفريقيا سنة 94 وخاض تجارب احترافية ناجحة كما لعب
للمنتخب التونسي وسجل معه العديد من الأهداف ..
باختصار يا بروف ومن الآخر كدا :
استسلم
|
Post: #16
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 10:46 PM
Parent: #15
عيادي الحمروني !!!
ربنا يرحم والديك يا طلحة !! قول آمين !!
تعرف ... كل ما أشوف لي بوست بينتقد حال المنبر ... بقول في نفسي .... ياخي مافي زول جبر ليه زول .... الما عايز يطلب الله، و لو لفترة مؤقته .... و كتير جدا - زيي و زي ناس كتار هنا - لمن أصل المرحلة دي بقيف .... الدوره دي زي ما قلت للبشرى حاسي إنو "جدة " غير ... و الاستبياض وصل الحلقوم !!
ها أنا أرفع كلتا يداي مستسلما !!
و لي المجد يا طلحة و أنا - كزرقاء اليمامة - أحذركم : أني أرى بيضاً يسير !!!
|
Post: #17
Title: Re: المنبر واخد شكل الحمروني !!
Author: Afraa Sanad
Date: 03-03-2013, 11:05 PM
Parent: #16
شوف يا أمين أنا بعتبرك مسئول بشكل أو باخر من حالة التبويض دي ، عشان من يظهر واحد يقول ليه كلمتين علي بعض تقوموا فيه يرحم والديك يا سليل العلم والمعرفة،،و وووووو- يقوم صاحبنا يفتكر نفسه مفكر ويشيل ليه عصاية ويوقف الناس صف وبعدين يقول من يتبعني خلف هذا الوادي؟؟؟ إن شاء الله شيشتنا ما تنفعك يعني حتي تلفونك غيرتو ...
|
Post: #18
Title: Re: المنبر واخد شكل الحمروني !!
Author: أمين محمد سليمان
Date: 03-03-2013, 11:45 PM
Parent: #17
عفراء يا ستهم .... مسؤليتي من حالة البيضنة هنا زي مسؤليتي من مشاط تبارك* !!!
تصدقي ... أول مره انتبه اني ما شكرتكم اسفيريا علي الدعوة الكاربة محل الطيارة بتقوم و ميشيل بتنوم ... ياخي تتقاصر الكلمات والله !!
طلحة ده كان قلت ليه ولا لا .... عاااارف نفسو مفكر و سليل البتاعات القلتيها دي، و في الكورة بعلم الغيب عديل كده !!
---------------
* شايف تبارك بقي رئيس حزب ... ( وأنا لا ندري أشر أريد بمن في الأرض أم أراد بهم ربهم رشدا )... لكن غالبا ... شرا أريد بهم !!
|
Post: #19
Title: Re: المنبر واخد شكل الحمروني !!
Author: حيدر حسن ميرغني
Date: 03-04-2013, 03:57 AM
Parent: #18
| Quote: شايف تبارك بقي رئيس حزب |
مسكين هذا الراستا
اي زول بقى يسلق فيهو بيضو
|
Post: #20
Title: Re: المنبر واخد شكل الحمروني !!
Author: أمين محمد سليمان
Date: 03-04-2013, 04:37 AM
Parent: #19
يا حنين ... دي حسادة مني للراستا زي حسادة القرد !!
ياخي أنا أقل من تبارك في شنو ؟!! ما ياني ناشط في حقوق الوهم الهنا ديل ... ما أبقي رئيس حزب مالي، ولا عشان صلعة ؟!! 
|
Post: #21
Title: Re: المنبر واخد شكل الحمروني !!
Author: محمد حامد
Date: 03-04-2013, 06:43 AM
Parent: #20
أمين يا مفكر سلام
كواحد من الحمرونيين البدلاء أديك وجهة نظري
إنت قايل نحن جايين من وين يا أمين
أصلا كنا متابعين من على البعد في الحمروني (الأصل) وهو بيلعب
وقبل تبديلو وصل لمرحلة (البيض) دي
بالمناسبة المتابع بتأثر بالحالة العامة شديد
ياخ أنا مرات كنت بنوم وفي بالي (بل) مدور هنا ولا كيبوردي ولا كراعي (إلاَ عيني)
لو داير تتأكد أكتر تابع مشاركات ناس الفيسبوك مرات بتلقى نفس اللغة وحتى النفس بتاع الكتابة(إستثنى المشاطيب)
أها لمن إتفتحت طاقة للتسجيل
الناس جات بنفس اللياقة بتاعت القراية ديك
أقول ليك حاجة أنا سجلت وفي ناس كنت مكجنهم بمواقف سابقة بدون ما أعرفهم - في الحقيقة لقيت نفسي غلطان-
أها بنكتب وما زال (الألفوات = جمعة ألفة) ياهم زاتهم من زمن البيض الأول
ومازال الشباك يحتاج لتكنيك خاص (ود البشرى عامل فيها معلم برالمة)
زمان كان تكتب توجد صورة ولا فيديو وعينك ما تشوف إلا الكلكات
أسي وصلنا مرحلة ماف طريقة إلا تشوف ليك قبيلة ولا مدينة تنشن فيها أو تتطلب الله
الكضب زاتو بقى ما بجيب حقو
الخلاصة : البيض لا يوجد من العدم
وأكيد هنالك خطأ من ديك وجدادة في مرحلةِِ ما
|
Post: #22
Title: Re: المنبر واخد شكل الحمروني !!
Author: درديري كباشي
Date: 03-04-2013, 07:21 AM
Parent: #21
اذا سمحت لي يا استاذنا سعادة البروف
ان ادلي بدلوي في هذه العجة
بصفتي واحد من اصحاب مزارع الدواجن الذين الحقوا حديثا بهذا المنبر
فغرقوا سوقه بالبيض
هذه النعمة المظلومة في حياتنا ..
من يومين مريت بمخابز اتوماتيكية هنا في الرياض لشراء خبز ووجدت عندهم قطعة الكيك المدورة الجافة التي تعرف بالغريبة عندنا في السودان تذوقت واحدة ووجدتها لذيذة جدا واعادت لي ذكريات جميلة .. فشريت منها كيلو وانا فرح بهذه الصفقه .. واخذتها البيت .. ام العيال رفضت ان تتذوقها وعندما سألتها قالت لي ريحتها بيض ...؟؟ وانا من تلك اللحظة لم استطع ان اضعها في فمي لان ريحة البيض اصبحت ظاهره فعلا كل ما قربتها....اين كانت رائحة البيض في البداية ؟؟؟ هلل البيض نتعامل معه بحساسية بعد ان نحس بوجوده .. وهل الحكم على الشئ الذي ليس به بيض يصبح كذلك اذا حكمنا عليه بان فيه بيض ..
ثم لماذا البيض منبوذ مع انه ضروري ويدخل في كثير من الاكلات التي نعدها لافراحنا من اعياد وغيرها
وهل يتضرر من البضاعة المسجات في الطريق وبائرة غير صاحبها ..
ثم اتركوا لبيضنا هذا فرصة فان لن ينفع سيتحول لزبد .. اما الزبد فيذهبب جفاءا واما ما ينفع الناس فيمكث في الارض ... ما كنتم تقدمونه وينفع الناس سيمكث في الارض ويظل في ذهن الناس اذا لا ضرر ولا خوف من زبدنا الناتج من بيضنا ..
الشعب السوداني كان ونعتقد لازال جدا شعبا مضيافا وكريما لدرجة انهم كانوا يعتقدون ان كنس الحيشان وضرب الصغار في حضور الضيوفة بمثابة طرد لهم ... فيقولوا مثلا لابنهم او الاب خذ الضيوف للحواشات او الترعة وتعالوا بعد ساعة وهذه شاهدتهاا عمليا في واحدة من قرى الجزيرة ..
لاندري هذا البوست بمثابة كنس لحوش بكري .. او دق للصغار الذين يسمونهم برالمة ..
|
Post: #23
Title: Re: المنبر واخد شكل الحمروني !!
Author: محمد عمر الفكي
Date: 03-04-2013, 07:33 AM
Parent: #22
يا بروف
عليك الله اخونا حمور اخباره شنو؟ اوعى يكون قاعد لحدي هسي لمرسي واهله وعشيرته في مصر؟
تحياتي
|
Post: #26
Title: Re: المنبر واخد شكل الحمروني !!
Author: العوض المسلمي
Date: 03-04-2013, 07:45 AM
Parent: #23
كيفك يا بروف ومشتاقين كتير
المنبر جزء اصيل من الشعب الفضل يتاثر بما يدور فيه
واعتقد ان الحراك الساسي هو ما يحرك هذا المنبر وغيره من المنابر
وعموما الجو السياسي هذه الايام قاتم كليا مع توقع زيادة في القتامة مساء الغد :) وعلي مشاهدينا شراء بطانيات وامبريلات :)
او كما قال
|
Post: #24
Title: Re: المنبر واخد شكل الحمروني !!
Author: خالد عبدالوهاب
Date: 03-04-2013, 07:34 AM
Parent: #22
ود البشرى امرق النصيحة
رايك شنو في نظريتي بتاعة المعرفة النسبية ؟
|
Post: #25
Title: Re: المنبر واخد شكل الحمروني !!
Author: أشرف الرحال
Date: 03-04-2013, 07:41 AM
Parent: #24
البروف امين ،، تحياتي
اجمل ما في حكاية البوست ده عنوانه يا بروف فيه خيال واسع وتأمل يقودك لنتائج متعدده ومختلفة من حيث قراءة العنوان
الحمروني لاعب وحريف وبالتالي التشابه ما بين القدامى والجدد في المستويات واحد بدليل ما في تغيير طرأ ملاحظ على شكل المنبر فمازال حمروني اللون والرائحة والمذاق هنا يتوقف التقييم على ماسبق مجئ الجدد سلبا وايجابا.. المرجع هنا المذيع المصري فتشابه عليه الحمرونيين واصبح ما يفرق بين الاصلي والتقليد
البيض يا بروف فيه الصالح والفاسد وهنا الحكم غير منصف لكن شكلكم كده يابروف زمان بيضكم كله كان صالح ومفرخ فراريج دي مفردها فروج يسر الناظرين وإلا ده ماكان حال البرالمة عندكم
مودتي
الرحـــال
|
Post: #27
Title: Re: المنبر واخد شكل الحمروني !!
Author: أمير محمد ادريس
Date: 03-04-2013, 07:52 AM
Parent: #25
إن شاء الله شيشتنا ما تنفعك يعني حتي تلفونك غيرتو ...
______________
ههههههههههههه والله لكن قصة
ازيك يا بروف .. كنت عاوز أكسر تلج لكن خفت من العكاكيز
التوقيع
واحد بيض
|
Post: #28
Title: Re: المنبر واخد شكل الحمروني !!
Author: وليد التلب
Date: 03-04-2013, 08:21 AM
Parent: #27
بي بي أمين
بيض ومختوم كمان
|
Post: #29
Title: Re: المنبر واخد شكل الحمروني !!
Author: محمد البشرى الخضر
Date: 03-04-2013, 09:34 AM
Parent: #28
يا خلدون اي نظرية تقصد
راجعت البوست دا فوق تحت غير ورجغة تنظير الكتيرة ومسيخة وماليها لزوم دي ما لقيت شي ؟
يا شباب يا شباب محمد, درديري, اشرف و أمير أو يا برالمة :)
ما تتحسسّوا يا شباب
معرفتي بالبروف تسمح لي أن أزعم انه لم يقصد البرالمة بمسالة البيض دي بل لم يقصد أي من الأعضاء ارى انه يقصد المواضيع المخستكة في رقبتها و نوعيّة المشاكل العاضة الحاصلة دي
فما عرفنا عن البروف من قبل الوهمات بتاعة احنا سناير وانتو برالمة
أبو حتوت
خبير مخارجات :)
|
Post: #30
Title: Re: المنبر واخد شكل الحمروني !!
Author: Hussein Mallasi
Date: 03-04-2013, 09:48 AM
Parent: #29
المنبر واخد شكل موقف جاكسون وانت الصادق!
|
Post: #52
Title: Re: المنبر واخد شكل الحمروني !!
Author: Artiga Gilani
Date: 03-04-2013, 09:08 PM
Parent: #30
بسم الله الرحمن الرحيم
سلام يا بروف
حالات الاستبياض بالمنبر قديمة قدم المنبر
تعلو وتيرتها وتهبط حسب المزاج والوضع
السياسى ..
وسبب الاستبياض الرئيسى ان البعض يعتقد
بأنه سيد العارفين ( الفطاحلة ) وكل ما يأتى
به الغير ماهو الا ..... ( دى بتلقاها فى المشاركات )
والبعض الاخر يمارس الوصاية على الاخرين دون
حق ومبرر ..
وقلة هى التى تحاور وتحاول اخراج المنبر من هذه
الحالة .. ونتمنى ان يكون صوتهم هم الاعلى بين
كل هذه الضوضاء
يالبرالمة
هسى الزول دا هبشكم
مالكم عايزين تخلونا
نهبش راسنا ..
( واحد مستبيض )
|
Post: #66
Title: Re: المنبر واخد شكل الحمروني !!
Author: معروف حمدين
Date: 03-07-2013, 04:49 PM
Parent: #30
يابروف
بمر عشان أقرأ لى حاجة وحياتك بصل لحد الآخر وبقلب الريموت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تذكرت الجريدة المدرسية ليه ما عارف !!!!
|
Post: #31
Title: Re: المنبر واخد شكل الحمروني !!
Author: خالد عبدالوهاب
Date: 03-04-2013, 09:55 AM
Parent: #29
ياخ النظرية الكنت كتبتها في بوست الحبشي داك
في تعليل سبب زعل البروف من كلامي داك !
طبعا اخير تقول لي نظريتك بيض من ماتتذكرها كلو كلو هههههههه
|
Post: #32
Title: Re: المنبر واخد شكل الحمروني !!
Author: محمد البشرى الخضر
Date: 03-04-2013, 10:16 AM
Parent: #31
يا خالد بتبالغ
هو كمان البروف زعلو عايز ليه تعليل ونظرية كمان
ما يزعل ولا يضرب راسه بالحيطة :)
وآسفين على النسيان - السن وأحكامه بقى
|
Post: #33
Title: Re: المنبر واخد شكل الحمروني !!
Author: محمد عبد الماجد الصايم
Date: 03-04-2013, 10:33 AM
Parent: #32
حمروني يا بطة!!
كـدي أنزل من البلكونة بعدين نتفاهم!!
|
Post: #34
Title: Re: المنبر واخد شكل الحمروني !!
Author: وليد محمد المبارك
Date: 03-04-2013, 10:44 AM
Parent: #33
| Quote: المنبر واخد شكل موقف جاكسون وانت الصادق! |
تاااااااااااااااااااااااااااااااني يا ملاسي
انت ما بتوب
| Quote: كـدي أنزل من البلكونة بعدين نتفاهم!! |
امين حصل ناس حسن موسى يا ود الصايم
بكره بعمل ليه سودان شنو كده ما عارف ضوت كوم
|
Post: #35
Title: Re: المنبر واخد شكل الحمروني !!
Author: وليد محمد المبارك
Date: 03-04-2013, 10:45 AM
Parent: #34
نسيت اخت الابتسامة
اها
|
Post: #36
Title: Re: المنبر واخد شكل الحمروني !!
Author: جمال ود القوز
Date: 03-04-2013, 10:57 AM
Parent: #35
| Quote: يا اخوانا ... المنبر بقي بيض و لا أنا براي مبيض ؟!! |
بيض تاااااااااااني .......... .....
يابروف ..
يأخ البيض ده ماااااااااا قديتونا بيهو قد ....
وأكيد حيجيكـ كل صاحب طوه ..
دايرليهو بيضه .. بيضتين ... .....
ولا عزاء لمبيضي المحاره ... ..
ــــــــــــــــــــــــــــــ
لقد انفقش بيضنا ........
|
Post: #37
Title: Re: المنبر واخد شكل الحمروني !!
Author: الصادق سيكا
Date: 03-04-2013, 11:30 AM
Parent: #36
Quote: المنبر بقي بيض
براي مبيض
بيض كيف يابروف
الواحد عارف البيض يعني شنو
الحقيقة البلد عبارة عن بيضة كبيرة
المنبر عبارة عن بيضة صغيرة
البيض كثير في وطني
فوائد البيض
البيض - سئيلي الله - ما عندو أي عوجة
المشكلة في الاستبياض
فيه صفار ول بياض؟
كان بيض تراكا شفت فوائد البيض
أني أرى بيضاً يسير
حالة التبويض
حالة البيضنة
اي زول بقى يسلق فيهو بيضو
لمرحلة (البيض
زمن البيض الأول
: البيض لا يوجد من العدم
فغرقوا سوقه بالبيض
ريحتها بيض
البيض يا بروف فيه الصالح والفاسد
واحد بيض
بيض ومختوم كمان
لم يقصد البرالمة بمسالة البيض دي
نظريتك بيض
بيض تاااااااااااني
يأخ البيض ده ماااااااااا قديتونا بيهو قد
دايرليهو بيضه .. بيضتين
ولا عزاء لمبيضي المحاره
لقد انفقش بيضنا |
ارى نقل هذا البوست بالقرب من مزارع جدو للدواجن
|
Post: #38
Title: Re: المنبر واخد شكل الحمروني !!
Author: الصادق سيكا
Date: 03-04-2013, 11:46 AM
Parent: #37
Quote: فوائد البيض
يعتبر البيض غذاءً كاملاً، لاحتوائه على البروتين والدهن والفيتامينات والهرمونات
والأملاح المعدنية |
فعلا يا طلحة البيض مفيد لوزارة الصحة .
وعادى ممكن الواحد يحصل ليهو استبياض منبرى زى الحاصلة للبروف دى
اما لاكين الواحد يحصل ليهو استبياض بدون سبب ده المحيرنى
|
Post: #39
Title: Re: المنبر واخد شكل الحمروني !!
Author: جمال ود القوز
Date: 03-04-2013, 03:09 PM
Parent: #38
| Quote: اما لاكين الواحد يحصل ليهو استبياض بدون سبب ده المحيرنى |
ياسيكا ..
الاستبياض حصل واللي كان كان ..
يشهد الله نحن ظاتنا جانا استبياض ..
من المنبر ده
ومن الاستبياض المتواصل الفيهو ........ ..
دي حالة اسهال استبياضي .....
|
Post: #40
Title: Re: المنبر واخد شكل الحمروني !!
Author: جمال ود القوز
Date: 03-04-2013, 03:15 PM
Parent: #39
Quote: المنبر واخد شكل موقف جاكسون وانت الصادق!
تاااااااااااااااااااااااااااااااني يا ملاسي
انت ما بتوب
|
يتوب .. !! ..
يتوب كيف ياولي يأخ ......
ووحاتكـ ليهو حق ..
لانه وسط الحالة الاستبياضية الصابت الموقع ده ..
مالو لو ضرى عيشو ..
واستبيض ليهو استبياضه استبياضتين ...
فيها حاجة دي .....
|
Post: #41
Title: Re: المنبر واخد شكل الحمروني !!
Author: الصادق سيكا
Date: 03-04-2013, 03:39 PM
Parent: #40
الحبيب جيمى .. قواسيب من الود ..
| Quote: الاستبياض حصل واللي كان كان |
الغريبة انا ما شايف اى
فى المنبر دا
|
Post: #42
Title: Re: المنبر واخد شكل الحمروني !!
Author: جمال ود القوز
Date: 03-04-2013, 03:59 PM
Parent: #41
والله الـ ( كهلول ) ده عندو حلاة بيضه ..
ياسيكا ..
بالذات لمن يشلف ..
يجيب ليكـ كومبقايه ..
يعيشكـ في حالة من الاستبياض الضحكي المتواصل ...
ــــــــــــــــــــــــــــــــــ
ترجمة للناطقين بغيرها .........
كهلول = ديكـ ..
كمبقايه = بيضه .. بعد تدليعها ..
|
Post: #43
Title: Re: المنبر واخد شكل الحمروني !!
Author: محمد حامد
Date: 03-04-2013, 04:33 PM
Parent: #42
Quote: والله الـ ( كهلول ) ده عندو حلاة بيضه ..
ياسيكا ..
بالذات لمن يشلف ..
يجيب ليكـ كومبقايه ..
يعيشكـ في حالة من الاستبياض الضحكي المتواصل ... |
يا جيمي يا دفعة
النثقفكم شوية عشان ما تبقوا مستبيضين ساي
أصلا الكلمة دي - حسب علمي- أصلها راجع للمثل - الما سري- بتاع فلان سلاق (بيض)
طبعا سلق (البيض) ما منو فايدة لأنو ما زي لمن تعمل مُلاح أي حاجة تانية ممكن تضوقها وبتستفيد
أها من هنا الناس شافت المثل دا طويل مسكوا في البيض الأخيرة دي
يعني زول (بيض) ما منو فايدة
حكينا القصة دي ليييييييه
عشان البوست دا بعمق (صلعة) بروف أمين دي مش يبقى (ذكوري) ساي فالراجل أشهد له - صادقا- بإنو ناشط في حقوق المنبر دا عموما
يبقى حسب القصة دي الشكر (للريس) الذي جمع (البيض) في سلة واحدة وخلى أي زول يسلق بطريقتو فشكلو لا يجيد السلق
cc: لبتاع موقف جاكسون دا طوالي سالقنا
محمد حامد
خبير سلق وفي الغالب مسلوق
|
Post: #44
Title: Re: المنبر واخد شكل الحمروني !!
Author: جمال ود القوز
Date: 03-04-2013, 04:59 PM
Parent: #43
يا محمد حامد ..
يا دفعة ..
وحاتكـ عيشتنا في حالة من الاستبياض الملوكي ..
واستبيضتنا حق الاستبياض ..
وحتى باض ديكنا ذاتو ..
قصة فلان سلاق بيض دي معروفه ..
معناتها مارق كيت ..
وزي ماقلت لا ضواقه ولا دياولو ..
يسلق بيضو ويبقى مارق ..
ماعندنا شكـ في عمق صلعة البروف ..
التي جادت علينا بكل هذا الاستبياض ..
واتحفتنا به ..
وحق له ان يستبيض ..
فالموقع بقى بيض صحي صحي ..
وهو لو مابيض ..
كان استبيضنا فيهو ..
المهم ....
تحياتنا لكـ يابرلوم ..
ولكل فقاسات البيض ..
الفي المنبر ده ..
واقترحهم كبديل للسلق ..
رايكـ شنو ؟؟ ....
نانو السلق مافيهو فايده ...
ـــــــــــــــــــــــــــــــــــــــ
ولبتاع موقف جاكسون خليهو مشحوط في موقفو ..
بعدين السخانة الفي الموقف ديكـ ..
ومع الاسفلت نصة نهار حتعمل عمايل ..
|
Post: #45
Title: Re: المنبر واخد شكل الحمروني !!
Author: طلحة عبدالله
Date: 03-04-2013, 05:00 PM
Parent: #43
يا برالمة ...
أنا بشوف والله أعلم إنكم ماشين عاصرين شوية شوية على البروف أمين .. فشنو ..
ختوا الكورة واطة عشان تكون حلوة وملعوبة ..
واللا شنو ؟
|
Post: #46
Title: Re: المنبر واخد شكل الحمروني !!
Author: محمد حامد
Date: 03-04-2013, 05:13 PM
Parent: #45
Quote: يا برالمة ...
أنا بشوف والله أعلم إنكم ماشين عاصرين شوية شوية على البروف أمين .. فشنو ..
ختوا الكورة واطة عشان تكون حلوة وملعوبة .. |
يا طلحة ياخ
في الحقيقة - بحكم إننا صغار- ما بنعرف الحمروني الأصلي كان بيلعب كيف فشنو مرات بنشلت
اما بالنسبة للبروف فما يستحق العصر لمكانتو في قلوبنا - بالنسبة لي- من زمان التفاعل شوف
عشان كدا دي كدراتنا من الكورة دي
جيمي ود القوز
شايف جاكسون جاهز للشمس أصلا بنظاراتو ديك خليهو الوقفة (بتريحو) شوية
|
Post: #47
Title: Re: المنبر واخد شكل الحمروني !!
Author: طلحة عبدالله
Date: 03-04-2013, 05:32 PM
Parent: #46
فيك الخير يا محمد حامد ...
وإتا عامل إيه بالله ؟
|
Post: #48
Title: Re: المنبر واخد شكل الحمروني !!
Author: أمين محمد سليمان
Date: 03-04-2013, 06:31 PM
Parent: #47
يا برالمة* يا حلوين و متحسسين ... سئيلي الله ما قاصدكم ... لو قاصدكم كان قلتها عديل !!
المنبر - و هنا بتكلم أصالة عن نفسي و ليس نيابة عن أحد - بقي بيض ...و بيض دي - كما جاء في صحاح اللغة - تعني البل المقرون بالتوجس ... و تعني فيما تعني إنو مافي مواضيع عميقة للنقاش و لا سطحية للخستكة . انتهي !!
------------
* لفظ برالمة لوصف الأعضاء الجدد لا يفوقه سوءً سوي لفظ رباطي لوصف الأمنجية !!
|
Post: #49
Title: Re: المنبر واخد شكل الحمروني !!
Author: جمال ود القوز
Date: 03-04-2013, 07:06 PM
Parent: #48
Quote: يا برالمة* يا حلوين و متحسسين ... سئيلي الله ما قاصدكم ... لو قاصدكم كان قلتها عديل !!
المنبر - و هنا بتكلم أصالة عن نفسي و ليس نيابة عن أحد - بقي بيض ...و بيض دي - كما جاء في صحاح اللغة - تعني البل المقرون بالتوجس ... و تعني فيما تعني إنو مافي مواضيع عميقة للنقاش و لا سطحية للخستكة . انتهي !!
------------
* لفظ برالمة لوصف الأعضاء الجدد لا يفوقه سوءً سوي لفظ رباطي لوصف الأمنجية !! |
وسئلي الله انا جمال ود القوز أصالة عن رويحتي دي ..
عارف قصدكـ ..
وإنكـ بتقصد المواضيع التي يكتبها الكل ..
في الفترة الأخيرة ..دون تخصيص للبرالمه ..
بلفت النظر الذي تفضلت به ..
مشكوراً ........
لكن نحن بنكابس في الناس الجات على حس البيض دي ...
وجات تركب الموجه ...
وتصفي بعض آثار هنات مضت ..
فما متحسسين والله ..
ولكـ في الخاطر موده يابروف ..
فبعض الحروف تنبض بالحياة ..
وبعضها يولد ميتا .. ونحن متابعين كتاباتكـ ..
لأن الغالبية من البرالمه والهم برالمه بالاسم وبس ..
متابعين من زماان ..
وعارفين الناس القدام واحد واحد ..
لكـ تقديرنا واعتذارنا ...
إن علق في تفسكـ شئ ..
ودي نيابة عن رهطي ( البرالمه ) .......
|
Post: #50
Title: Re: المنبر واخد شكل الحمروني !!
Author: أمين محمد سليمان
Date: 03-04-2013, 07:29 PM
Parent: #49
القوز يا جمال ... ياخي والله ده كلام طيب، حسن ظن و محبة باذخة ... كتر خيرك ياخ و أنت تلقم المتصيدين في عكر المياة ... الصايم و الشفت و من تبعهم بغير إحسان !!
|
Post: #51
Title: Re: المنبر واخد شكل الحمروني !!
Author: جمال ود القوز
Date: 03-04-2013, 07:34 PM
Parent: #50
أها ديل جوز زي اللوز .........
| Quote: و من تبعهم بغير إحسان |
أها هنا تشخت شخيت .........
|
Post: #53
Title: Re: المنبر واخد شكل الحمروني !!
Author: أمين محمد سليمان
Date: 03-04-2013, 09:44 PM
Parent: #51
يا جمال ... ناس الصايم و الشفت و القدام ديل أنا بقدر عليهم ... واسي لي الجداد ديل الله يرضي عليك !!!
-------
ارتيقا يا حبيبنا ... الاستبياض في المنبر أسبابو كتيرة .. و ممكن يكون شخصي و ما عندو علاقة بالمنبر ذاتو .. تماما كما قال الشاعر :
ومن يك ذا فم مريض ...يجد مراً به البيض الزلالا !!!
|
Post: #54
Title: Re: المنبر واخد شكل الحمروني !!
Author: أيمن محمود
Date: 03-04-2013, 10:40 PM
Parent: #53
المعلم البيض الاوضة القاعد تقرا فيها ده معلم تمام 
مافي شخشة
اطالب بكري بمنحه باسوورد
|
Post: #55
Title: Re: المنبر واخد شكل الحمروني !!
Author: Artiga Gilani
Date: 03-05-2013, 10:43 AM
Parent: #54
بسم الله الرحمن الرحيم
سلام يا بروف
عارف زمان فى البورد كان فى مضادات استبياض
سريعة المفعول ..
تشعر بالحالة طوالى تاخد ليك كبسولة من ناس
د/ سجيمان
هوزى
بت قضيم
ويجيك قرنفل باهداء على شكل غنية
وجرعات الموصلى الموسيقية
وكتير من الرائعين
طوالى بتلقى نفسك طلعت من الاحساس بالحالة اياها
الناس ديل وين ؟
دمت بخير
|
Post: #56
Title: Re: المنبر واخد شكل الحمروني !!
Author: وليد محمد المبارك
Date: 03-06-2013, 00:26 AM
Parent: #55
| Quote: الصايم و الشفت و من تبعهم بغير إحسان !! |
احسان منو ؟
|
Post: #57
Title: Re: المنبر واخد شكل الحمروني !!
Author: تبارك شيخ الدين جبريل
Date: 03-06-2013, 02:40 AM
Parent: #56
الفرق بيني وبينك يا امين انو انا رئيس بالفطرة وانت بروف بالسليقة (غالبًا سليقة بيض)
... المهم .....
|
Post: #58
Title: Re: المنبر واخد شكل الحمروني !!
Author: أمين محمد سليمان
Date: 03-07-2013, 01:25 AM
Parent: #57
من أكتر الحاجات البتبيض بي في منبر من لا منبر له ده، لما عضو يقول لعضو إنت بتهاجمني عشان عايز تشتهر !!!
|
Post: #59
Title: Re: المنبر واخد شكل الحمروني !!
Author: أمين محمد سليمان
Date: 03-07-2013, 02:02 AM
Parent: #58
| Quote: الفرق بيني وبينك يا امين انو انا رئيس بالفطرة وانت بروف بالسليقة (غالبًا سليقة بيض) |
يا تبارك إنت بتهاجمني عشان عايز تشتهر !!!
|
Post: #60
Title: Re: المنبر واخد شكل الحمروني !!
Author: أمين محمد سليمان
Date: 03-07-2013, 02:12 AM
Parent: #59
الحلوين :
محمد حامد
درديري كباشي
محمد عمر الفكي ( حمور بقي ساكن في الفيس بوك و خلينا مرتاحين الله يرضى عليك ... حمور شنو كمان في السقط دا !! )
شيخ العوض
الرحال أشرف
أمير إدريس
وتر الصفوي !!
البشرى
طلحة الاخطبوط
ملاسي
الغالي خالد
الصايم
وليد الشفت
الصادق سيكا
أيمن محمود
و من خارج الأستديو ستهم راوية العباسي و أختنا في الله و الوطن أم مؤيد:
شكر الله سعيكم !!!
|
Post: #61
Title: Re: المنبر واخد شكل الحمروني !!
Author: Amir Omer
Date: 03-07-2013, 04:14 AM
Parent: #60
يا بروف صباحاتك بُيّض (بضم الباء) 
حالة الإستبياض دي حالة (قشرية) محتاجة ليها حقنة (في العمق) ويحصل الشفاء منها!
شخصيّاً أكتر حاجة بتستبيض بي في البورد دا لما اشوف كمية البوستات المعنونّة بأسماء اعضاء وكل واحد شايل حربتو وبطعن بيها في التاني ... والكل خسران!!
ــــــــ
في رأيي الشخصي (جداً) المنبر دا رغم مظهره الإجتماعي لكن بيلعب دور توعوي كبير انا واحد من الناس الممكن اكون استفدت كتير منه في الناحية دي.
كل المطلوب إنه الناس الزيك دي (وهم كتار) يواصلوا ويكتبوا ما يفيد الناس وما تصيبهم حالة الإستبياض دي مع المستبيضين!
|
Post: #62
Title: Re: المنبر واخد شكل الحمروني !!
Author: خالد عبدالوهاب
Date: 03-07-2013, 04:24 AM
Parent: #60
شنو هو الشكر الله سعيكم !!
اسي ماياهو ده الاستبياض ذاااتو
رد لينا نفر نفر يامعلم انت قايل فتح البوست زي قفلو ؟
شوف المنبر كلو بقى يبيّض بي سبب بوستك ده
والماببيض قاعد يكاكي
تقوم تجي بكل بساطة تقول شكر الله سعيكم وتمشي !!
لا ياخوي كان غيرك اشطر
لازم تحل لينا مشكلة المح الدلقتها في المنبر دي
انا ماعارف الناس بتقدر تنوم كيف بالليل
|
Post: #63
Title: Re: المنبر واخد شكل الحمروني !!
Author: أمين محمد سليمان
Date: 03-07-2013, 03:58 PM
Parent: #62
| Quote: كل المطلوب إنه الناس الزيك دي (وهم كتار) يواصلوا ويكتبوا ما يفيد الناس وما تصيبهم حالة الإستبياض دي مع المستبيضين! |
يا عم أمير ... ياخي أنا لو عندي ما ينفع الناس بكتب لي بوست زي ده ؟!
--------------
| Quote: رد لينا نفر نفر يامعلم انت قايل فتح البوست زي قفلو ؟ |
يا غالي ... والله ده الصاح، لكن العين بصيرة و اليد قصيرة !!!
|
Post: #64
Title: Re: المنبر واخد شكل الحمروني !!
Author: بدرالدين الطائف
Date: 03-07-2013, 04:16 PM
Parent: #63
Quote: الحلوين :
محمد حامد
درديري كباشي
محمد عمر الفكي
شيخ العوض
الرحال أشرف
أمير إدريس
وتر الصفوي !!
البشرى
طلحة الاخطبوط
ملاسي
الغالي خالد
الصايم
وليد الشفت
الصادق سيكا
أيمن محمود
و من خارج الأستديو ستهم راوية العباسي و أختنا في الله و الوطن أم مؤيد:
شكر الله سعيكم !!! |
حلوه يا بروف.
|
Post: #65
Title: Re: المنبر واخد شكل الحمروني !!
Author: طلحة عبدالله
Date: 03-07-2013, 04:32 PM
Parent: #64
Quote:
شكر الله سعيكم !!!
|
الإستبياض واحد والله يا بروف .
إنا لله وإنا اليه راجعون .
|
Post: #67
Title: Re: المنبر واخد شكل الحمروني !!
Author: محمد البشرى الخضر
Date: 03-07-2013, 07:13 PM
Parent: #65
| Quote: من أكتر الحاجات البتبيض بي في منبر من لا منبر له ده، لما عضو يقول لعضو إنت بتهاجمني عشان عايز تشتهر !!! |
احييييي يا بروف
الحركة الجهلولة دي مش بتبيّض بالواحد فقط فحسب بل تفقع حتى الموجود
|
Post: #68
Title: Re: المنبر واخد شكل الحمروني !!
Author: أمين محمد سليمان
Date: 03-07-2013, 09:44 PM
Parent: #67
إنت الأحلي يا بدرنا !
-----------
أبدا والله يا أخطبوط ... لكن كترتو علي !!
-----------
الله يرضى عليك يا البشرى الموجود ده احتفظ بيهم بقدر الامكان ...الدنيا ما معروفة !!
|
Post: #69
Title: Re: المنبر واخد شكل الحمروني !!
Author: حافظ انقابو
Date: 03-07-2013, 10:30 PM
Parent: #68
يا بروف
البيض الكتير بعمل زand#65275;لي
والله صحي
ثم مشتاقين ياخ
وقت لي مشاط طبارك مالو؟
|
|