"قيادي" في "حزب" الخضر.. المتقسم... يريد ان يمسح الشيوعي من الوجود!

Quote: الكيزان الفيهم انعرفت وما عندهم مستقبل ... وواجبنا الوطني اصبح محصور في مسح الحزب الشيوعي من الوجود ... أو على الأقل تحويله لمطعم شعبي كما اقترحنا سابقًا ...

هـذان الحزبان هما سبب البلاء فى الســـودان.





------
اها يا ناس الديمقراطية رايكم شنو?
بس ما تنسوا دا برضو كان هدف هتلر و موسوليني و كل مهوسي العالم!


--






=====

يا بدر السما
مسح الحزب الشيوعي من الوجود يختلف عن مسح الشيوعيين من الوجود
يعني الدعوة لا غبار عليها
كنت ستكون هتلرية لو دعا الى مسح الشيوعيين (كاشخاص ) من الوجود
العمل على هزيمة الفكرة التي يمثلها الحزب الشيوعي او المؤتمر الوطني او حزب الامة هو جوهر الصراع السياسي بين الاحزاب

وقضى محمد ابراهيم علي على البوست في مهده

Quote: وقضى محمد ابراهيم علي على البوست في مهده

أثني

بدرالدين تحية وتقدير

بالنسبة للكلمات المستخدمة مافيها أي نوع من القبول بالآخر المختلف معاك في الفكر... وبالنسبة لإستخدام تبارك نفسو للكلمات دي ... فدي عادتو الما خلاها حتى لما تهدم فكرتو البيطرحا....

لكن يا باشمهندس محمد إبراهيم الديموقراطية ما بتبنى على أساس مسح فكر بالذات إذا مسالم..بس بتهزمو فكريا عبر صناديق الإنتخابات...وجود الآخر هو اللي بيديك فكرة عن وجودك

وبالنسبة لي موضوع العلمانية بتاع أخونا أمير يا بدرالدين..ما جليتني مرتين يا عمك ..


تحياتي...

محمد ابراهيمنا المهندس

تحياتي

يا محمد ابراهيم, هل من الديمقراطية ان تحاول مسح حزب سياسي من الوجود?
انا ممكن افهم اذا الواحد قال "هزيمة" الحزب الشيوعي او اي شئ من هذا القبيل,
لكن المسح من الوجود ما في ليهو طريقة الا مسح من يحمل الفكر نفسه من الوجود.
يعني عشان تمسح الحزب الشيوعي من الوجود, مافي طريقة الا تقتل كل الشيوعيين و تحرق كتبهم و ترجع تمسح تاريخ البشرية من منصف القرن قبل الماضي بالاستيكة, و دي افعال لا يمكن ان تكون غير جرائم في حق الانسان في الاعتقاد و التفكير و التنظيم و لا شنو يا هندسة?

يا ناس هلال مريخ الموضوع "اعمغ" شوية من الغوغائية لو سمحتم!

مصعب عثمان الحسن

تحياتي

"

Quote: وبالنسبة لي موضوع العلمانية بتاع أخونا أمير يا بدرالدين ..ما جليتني مرتين يا عمك ..

"

ياخ و الله مافي قصد اجليك لكن الزمن مضايق شوية و حا ارجع و ارد عليك, اعدك بذلك.

Quote: وواجبنا الوطني اصبح محصور في مسح الحزب الشيوعي من الوجود ...

احسن الكيزان قالوا امسح اكسح جيبو حي ...

يابدر تبارك واضع تعبير (وجه ضاحك ) يعني ماخد الموضوع ونسة لاتستحق تفتح بيها جبهة بين حزبين كبير ووسط (الوسط الشيوعي ) .
انا عارف تبارك رغم انه كان قاصد الاثارة والونسة لكن هسه يجيك جادي مااصلوا مارق للربا والتلاف وبدل امسح حايقول جيبو حي ..
اها تمشي وين بعد داك ؟!!



تحياتي ..

فايز ود القاضي

تحياتي

"

Quote: يابدر تبارك واضع تعبير (وجه ضاحك ) يعني ماخد الموضوع ونسة لاتستحق تفتح بيها جبهة بين حزبين كبير ووسط (الوسط الشيوعي ) ز انا عارف تبارك رغم انه كان قاصد الاثارة والونسة لكن هسه يجيك جادي مااصلوا مارق للربا والتلاف وبدل امسح حايقول جيبو حي زز اها تمشي وين بعد داك ؟!!"

يا فايز الكلام دا لا يستحمل الهظار ابدا.
يعني لما واحد- لسخرية الاقدار و بلا اي مؤهلات يبقى "قيادي"- في "حزب" سياسي يدعي انه حزب ديمراطي, و يجي يقول انه ما تبقى عليه من واجب هو مسح حزب سياسي من الوجود, لا ينبغي البتة اخذ الامر و كأنه ملحة او نكتة.
دا كلام جاد جدا و وراه قتل و تعذيب و سجون تعشش في عقل قائله و تهديد, السكوت عليه جريمة.
اما عن صاحب القول نفسه, فانا لا اثمنه بفص ملح, و لا يمكن ان اضيع دقيقة في نقاشه (ياخ روسينا ديل بنخسر عليها كتير ياخ, و ما ممكن نضيع زمنا مع اي زول!)
دا كلام يأتي من عقلية نازية و فاشيستية و ارهابية, نريد ان نعرف موقف من يدعون للديمقراطية في السودان منه.

ما يغضبنا و يدفعنا للندم في هذا الجيل ليس فقط اقوال و افعال الناس السيئيين بل الصمت المثير للغضب الذي يلتزمه العقلاء!
كلمة ماثورة لمارتن لوثر كنق


•"We will have to repent in this generation not merely for the hateful words and actions of the bad people but for the appalling silence of the good people."
- Martin Luther King, Jr., "Letter from Birmingham Jail"

http://classiclit.about.com/od/kingmartinluther/a/aa_mlkingjr.htm

مساء الخير (بتوقيتنا) يا بدر السما

Quote: يا محمد ابراهيم, هل من الديمقراطية ان تحاول مسح حزب سياسي من الوجود?

انا مشيت للمعنى القريب وهو ما ذكرته انت بمعنى الهزيمة الفكرية والسياسية
ولا فقل لي كيف تمسح حزبا من الوجود فهو ليس بيتا لناتي بكراكة لنمسحه او شجرة فنجتثها من عروقها
والذي عرفته من متابعتي لتبارك في هذا المنبر انه رجل ديمقراطي ولا يمكن ان يكون داعية عنف واجتثاث للشيوعيين كاشخاص
وهو يطرح نفسه كسياسي وقائد لحزب (اي انقسم ولكن الما انقسم منو في السودان) فلا اظن انه مستعد على الاقل في هذا الوقت لحرق نفسه والظهور بمثل هذه العنتريات
التي حتى لو ارادها ( وانا استعبد جدا هذا ) فليس لديه القدرة لتنفيذها
اما اذا جاء تبارك هنا وقال انه يعني المعنى الذي فهمته انت فسنكون عونا لك لاجتثاثه ومنعه من السير في هذا الطريق

قيادي؟ ؟؟؟شنو كمان...غايتو انا قريت في منبركم دا انو رئيس احد الاخضرين عديل كده...


تحياتي
حاتم هواري

في قراءتي لتعبير تبارك

أجده يقصد أن الحزب الشيوعي هو في الحقيقة ما كان له القدح المعلى في مفهوم الوطنية في السابق
و هذه تأخذ الميزة و الإخلال في شأن السودان بمفهومه القديم
فنشااطات الحزب الشيوعي المتماشية مع فترة ما قبل الاستقلال و بعده
أثرت في خلق حالة من الوطنية النوستالجية التي لم يكن لها أثر كبير في الرؤية المستقبلية و (العملية)
فكم من فكرة أو قائد نجح في بادئ الأمور و حسب معطياتها و لكنه لم يتطور بتطور المعطيات لا في الفكر و لا في الممارسة

و هذه بالضبط أكبر مصيبة حلت و لا تزال حالّة بالعقلية السودانية التي تمارس الانغلاق حتى في ممارساتها الطبيعية اليومية
و ذلك من مبدأ
if its working, then don't fix it
و عليه فقد extrapolated من كلام تبارك أن مفهوم الوطنية القديم لم يعد له وجود أصلا
فليس السودان هو ذلك السودان القديم و إن كان للحزب الشيوعي أثر كبير في القديم
فإنه لن يكون ذلك الأثر نفسه الآن أو في المستقبل

مالك الجاك سلامات وكيفك يا عزيزي ..
الكلام ده شنو بالظبط ؟!
قراءة لمداخلة تبارك ولا قراءة فى موقف تبارك العام ؟!
ومنذا الذى ادعى أن للحزب الشيوعى القدح المعلى فى مفهوم الوطنية فى السابق ..
وهل كان الحزب الشيوعى يتماشي مع الحال الوطنى تكريسا لنستالجيا سوف تأتى ..

Quote: نشااطات الحزب الشيوعي المتماشية مع فترة ما قبل الاستقلال و بعده أثرت في خلق حالة من الوطنية النوستالجية التي لم يكن لها أثر كبير في الرؤية المستقبلية و (العملية)

وكأنها نوستالجيا معلنة سلفاً , تلك التى تفعلها نشاطات الحزب الشيوعى ما قبل وبعد الاستقلال !
هل تريد بأن تقول بالاثر السالب لتأثيرات الحزب الشيوعى على العقلية السودانية ؟!
ومن دون أحزاب الله الكتيره فى السودان يكون الحزب الشيوعى هو المسؤول عن انغلاق العقلية السودانية وإشاعة أنماط السودان القديم فى التفكير والسياسة والحكم ؟!

ده استدلال غريب جدا .. جدا

اشكرا المشرف على المداخلة

الناظر لمفهوم السودان القديم بعد المهدية (صاحبة السودان الأقدم في العهد الحديث)
لا يرى أثرا لمفهوم الوطنية عند الساسة و الأحزاب التي كانت قائمة و ذات نشاط مؤثر عدا الحزب الشيوعي
مثلا...الحزبين التقليديين لم يكن عندهما ما يشحذ السودانيين تجاه قيمة أن تكون سوداني
و أن تعلو هذه الحالة على أن تكون حزب أمه أو ختمي أو مريخابي
أما أحزاب التدين كجبهة الميثاق و جماعة أنصار السنة فهذه تعلي قيمة الدين على قيمة الشعور بالحالة السودانية
اللهم إلا الحزب الجمهوري الذي ربط الفكرة الديبنية من أصلها بمفهوم الوطنية
و لكن بسبب أن الفكرة الجمهورية قد لاقت ما لاقت من المحاربة الدينية لم تكن ذان اثر واقعي التنزيل على مستوى السودان كقطر
الحزب الشيوعي هو من خلق إحساسا بالوطنية لدي غالبية من تهزهم العاطفة لكل ما هو سوداني
بالأغاني..بالتضحيات...بإضافة وعي صادق يصب في خلق "الحالة السودانية"

و لمزيد من التوضيح...هذه الحالة و بما ساهت به من خلق حالة من الوحدة العاطفية لم تتنزل إلى تعريف و مدلولات "جاذبة" لكل الناس
(هنا يجب التفريق بين الحزب الشيوعي محزب سياسي و أثره في تكوين الحالة الوطنية العامة)

أتمنى إنو يكون رأيي وضح الآن!!

شكرا يا مالك الجاك ..

ونستدل من المداخلة الأخيرة على اختلافك الجذرى مع تبارك فى رؤيته "من خلالك" أن الحزب الشيوعي هو في الحقيقة ما كان له القدح المعلى في مفهوم الوطنية في السابق ..
وإن كنت أختلف معك أنا فى أن حالة الجيشان الوطنى التى صاحبت الاستقلال وأعقبته وسبقته كانت حالة عامة ساهمت فيها كل النخبه السودانية ..
عموما للنخبويه قصورها الذاتى الا ان تبعيضها على هذا النحو مخل فى اعتقادى ..

تحياتى ..

محمد ابراهيمنا المهندس

تحياتي و مساء الخير بتوقيتنا برضو ههههههه

يا محمد مافي طريقة لأي تأويل هنا في جملة مكتوبة بلغة عربية واضحة
وهي :"الكيزان الفيهم انعرفت وما عندهم مستقبل ... وواجبنا الوطني اصبح محصور في مسح الحزب الشيوعي من الوجود ...

أو على الأقل تحويله لمطعم شعبي كما اقترحنا سابقًا"

لا توجد تورية عشان يذهب اي انسان لمعنى قريب او بعيد!
مسح اي شئ من الوجود يعني اعدامه ماديا و معنويا. و عشان تمسح الحزب الشيوعي من الوجود, الطريقة الوحيدة هي اعدام الشيوعيين ماديا و معنويا و محو اثرهم في الوجود اما كيف سيتم ذلك لست انا الذي اسأل عنه, و انما يتم سؤال كاتب الجملة, و عشان كدة انا فتحت البوست دا.
اما ديمقراطية اي شخص من عدمها, لا نعرفها مما يقول, و انما نعرفها من مواقفه, و الموقف الذي بين ايدينا يدل على تفكير ملتو و مشوه و نازي نرجسي و فاشي عنيف و عدواني, و ما عارف كيف الجملة بتاعته ممكن تتقري بغير كدا!
اما مسألة قيادته ل"حزب" فوالله ذلك يثير الشفقة, ان هناك من يرتضي ان يقدم شخص بهذا التفكير ليقوده. القيادة ما بس الزول يسموه قائد, القيادة تتطلب مقدرات و مواهب كثيرة جدا اقلها معرفة التعامل في المجال المحدد و اقل مقدرات و مؤهلات القيادي في المجال السياسي ان يعرف القائد التعبير و يقيس عشرا قبل ان يقطع مرة واحدة.

من قال انه لا يستطيع تنفيذها? هتلر فكر فيها و نفذها و قتل مئات الاف الشيوعيين و كذلك موسوليني و جعفر نميري و بونيشيه!

انا لا اطالب باجتثاثه يا محمد !
انا وضعت كلامه و طلبت ان يرينا دعاة الديمقراطية في السودان موقف واضح: هل يرون ان اهم واجباتهم مسح الشيوعيين من الوجود, ام ان للشيوعيين حق في الوجود و التفكير و التنظيم?




















---

العزيز بدرالدين
يا صديقي الاحكام المشتطة كثيرة في التاريخ, فبعضها تملك ان تناي عنه
ان اردت, تغضب ان شئت, او تسخر ان احببت..
تعرف كل ما عنت لي مثل هذه المساخر, تذكرت اجمل ما قرات في
الادب العالمي, الاخوة كرومازوف, فقد صور ديستوفسكي شخصية
اسماها الفتاش العظيم, عاش ذلك الفتاش يحصي علي الناس انفاسهم
باسم المسيح في غيابه, ثم ما ان عاد المسيح للحياة, اخذ الفتاش
يحصي انفاس المسيح نفسه, هذه شخصيات ماساوية بامتياز, طاقتها
المحركة الوحيدة, هي العزة بالاثم, ولن تجني سوي نهاية ماساوية..

يا بدر تبارك ما قيادي ساكت، تبارك رئيس الحزب، فبالله عليكم أعطوا الناس "ألغابها"، بعد الأيمان ؛)
------
بدل البوست ده يا بدر كان تشتكيهو للمرشدة آمنة مختار ؛)

سلام للاخوة الحضور الكريم
الاخ بدر الدين انا اتفق مع رايك بعدم ديمقراطية تبارك فيما طرح ودعوته مرفوضة ان كانت مزحا او تحديدا....

وارتاح لنهج الباشمهندس محمد ابراهيم واتمني ان يكون هو الصواب ..

وللاخ المشرف اتفق معه في استدلاله العميق اعلاه.. فقط اوكد له بان لله حزب واحد في الارض وهم المفلحون .. الذين يعمرون الارض ويعبدون الله دون سواه ويجتمعون علي محبته ويجمعون علي دستوره وهو القران وسنة النبي الكريم....(ولكن للاسف يوجد اختلاف كبير في من هم المفلحون)

Quote: يا ناس هلال مريخ الموضوع "اعمغ" شوية من الغوغائية لو سمحتم!

أها خش في ( العميغ ) ....
لأنو حتتكـ دي ضحلة شوية ...

هذا ديدن أي صراع فكري وسياسي ..
ولا فيها هتلرية .. ولا بلشفية ..
ولا حتى عنصرية ..

حاتم الهواري

تحياتي

Quote: "قيادي؟ ؟؟؟شنو كمان...غايتو انا قريت في منبركم دا انو رئيس احد الاخضرين عديل كده... تحياتي حاتم هواري

يا حاتم الحكاية في السودان بقت; اي واحد عندو تضخم في الذات بجمع ليهو مجموعة, و يعملوهو رئيس و يسموهو قايد!
ما عارف الناس ديل قايدين الناس لوين, فكل كسبهم في التآمر و سفاسف الامور!

مالك الجاك

تحياتي

شكرا لرفع البوست!

Quote: بدل البوست ده يا بدر كان تشتكيهو للمرشدة آمنة مختار ؛)

يا طيفور بالله خليك جادى شويه ..
البوست ده بوست سياسي للحوار مع الأخوة الخُضر فى التصريحات المنسوبه للسيد رئيس الحزب..

الأخ تولوس ..
تحية طيبة وكل الاحترام ..

Quote: فقط اوكد له بان لله حزب واحد في الارض وهم المفلحون .. الذين يعمرون الارض ويعبدون الله دون سواه ويجتمعون علي محبته ويجمعون علي دستوره وهو القران وسنة النبي الكريم....(ولكن للاسف يوجد اختلاف كبير في من هم المفلحون)

دعنى أختلف فى مسألة وجود حزب الهى فى خضم هذا التدافع البشري المحموم والمحتوم ..
وهذه الثنائية (حزب سياسي/الهى) ليست من أصول الدين فى شيء ..

وحتى أن مفهوم الدولة فى الاسلام لم يتبلور الا لاحقا لمفهوم ولاية الامر الذى لم يتبلور بدوره -فى فضاء السياسة- الا بعد انقطاع الدستور الذى ذكرته "القرآن والسنة" .. وكل ما أتى به الدستور -وأعنى القرآن والسنه- فى هذا الاطار لا يخرج عن موجهات عامة ذات إطار أخلاقى صارم تجاه قضايا كالعدل والمساواة والاشتراكيه والديمقراطية وحقوق الانسان ..

وليس فى ذلك أدنى قدر من القصور .. بل هو إكتمال الكمال الالهى فى جعل الامر بين الناس كافة .. لا حصره فى حزب واحد دون غيره فى اكليروسية منغلقة ومنعزله تستأثر بالله والدين ومقاليد الحكم والفوز فى الدنيا والآخرة ..

تحياتى

اخي المشرف تحية واحترام لك وللحضور الكريم
اتفق معك الي حد كبير فيما ذكرته .. وهو ان التدافع البشري نفسه هو من عمارة الارض وصلاح البلاد والعباد وذلك عبر بنائها وسياستها سلما وعدلا ومحاربة الشر والفساد والتصدي له بكل السبل الممكنة وبالتي هي احسن الا ما يدفع للسنان والطعان دفعا ولا سبيل لتجنبه ...واهم مافي هذا التدافع هو تبادل الافكار وتلاقحها وتبادل المنافع الاخري والاستفادة منها لخير البشر وفي ذلك يذهب الناس مذاهب شتئ منهم من يؤثر منفعته لنفسه وتسخيراسلحته وقوته للاذي ولشر البلاد البلاد والعباد .... وهم اعداء الله والانسانية ووجب التصدي لهم وعدم محاباتهم وعلي ما اعتقد وبفهمي البسيط بان الله سبحانه وتعالي امر بالتصدي لهم ولمن يعينهم و وضع اطارا لحزبه كما قال في محكم تنزيله (أَلَا إِنَّ حِزْبَ اللَّهِ هُمُ الْمُفْلِحُونَ) ..
المهم كيفية الوصول الي فهم مشترك يزيل الكثير من اللبس واللغط ويضيق شقة الخلافات ويجعل الاتفاق الي حد ادني من سبل التلاقي والتعاون...

العزيز تولوس ..

Quote: المهم كيفية الوصول الي فهم مشترك يزيل الكثير من اللبس واللغط ويضيق شقة الخلافات ويجعل الاتفاق الي حد ادني من سبل التلاقي والتعاون...

نعم .. ولعل إنضمام عدد من الاصدقاء لحزب الخضر كان بشارة فى الطريق .. فالالتزام الحزبي يجعل من الناس أكثر قدرة على ادارة خلافاتها بطريقة مؤسسية وأكثر عقلانية من التفلت الفردى ..
وكل الامنيات بأن ينتظم الناس فى مؤسسات جادة للمشاركه فى الهم العام ..

محمد المشرف المشرف

تحيات و سلام

شكرا يا محمد ياخ على الكلام الملان و مرتب
واصل في المجهود الممتاز فلنتش عين الضلام بالضو

دكتورنا هشام عثمان

تحياتي

ما قلت الا الحق يا هشام!
لكن تحميل الناس مسئولية اقوالهم و افعالهم مهمة جدا.

شايف هذا السكوت العظيم?
ولا حدش قال بغم!
مرات اقوى مرافعة للادانة, تتوفر بالسكوت .عشان كدة قالوا السكوت رضى, او بتخريج تاني السكوت اهم اثبات على لا-ديمقراطية اغلب من يتشدقون بانهم دعاة للديمقراطية بموقفهم في هذا البوست!

ياسر طيفور يا حبيب

تحياتي

"

Quote: يا بدر تبارك ما قيادي ساكت، تبارك رئيس الحزب، فبالله عليكم أعطوا الناس "ألغابها"، بعد الأيمان ؛) بدل البوست ده يا بدر كان تشتكيهو للمرشدة آمنة مختار ؛)"

ههههههههه يا ياسر, واضح انه خدمات النت مقطوعة لدي دعاة الديموقراطية, و يمكن يكون في فكي عديل كدة بارك في البوست دا قاعد يقرأ ليهم "نون"
عارف يا ياسر زمان لما كنا بنلعب بلي, لما تكون عايز "تحوط" البلية عشان ما يشوفوها, كنا بنرسم دايرة في شكل نون عشان اي زول يجلي البلية هههههههههه
وااااااااااضح انه في زول او ناس جروا نون في البوست دا عشان كدة الناس دي ما شايفاهو
كحكحكحكحكحكح
مش بالله هانت القيادة? زي ما هانت الزلابية من قبل?

انتو ياسر طيفور ده مشى وين ؟!
وين يا فرده ..
أخوك بهظر معاك ياخى وعامل فيها بلعب معاك ون تو ..
وين التو ؟!!!

Quote: انتو ياسر طيفور ده مشى وين ؟!

ود المشرف يا صاحب، والله أنا ذاتي ما عارف مشيت وين، مشغولية بدون شغلة، والمنبر ده بقيت أيام ما بفتحو بعد ما كان فاتح 24/7..
___
أها الوصية بالمهلة يا ود المشرف، السيِّد تبارك رئيس حزب - كما تعلمون ؛) - فما بعيد بكرة تلقوهو قاعد مع رئيس حزبكم وخالف كراع في كراع ؛)
فاستوصوا بمقامه السيادي خيراً ؛)

تولوس

تحياتي
استمتعت بنقاشك مع محمد المشرف
موقفي زي موقف المشرف!
شكرا

ما يغضبنا و يدفعنا للندم في هذا الجيل ليس فقط اقوال و افعال الناس السيئيين بل الصمت المثير للغضب الذي يلتزمه العقلاء!
كلمة ماثورة لمارتن لوثر كنق


•"We will have to repent in this generation not merely for the hateful words and actions of the bad people but for the appalling silence of the good people."
- Martin Luther King, Jr., "Letter from Birmingham Jail"

http://classiclit.about.com/od/kingmartinluther/a/aa_mlkingjr.htm

قال احدهم يصف ندمه على السكوت على جرائم النازية التي طالته في النهاية فقال:"عندما اتوا للشيوعيين لم نحرك ساكنا و لم و لم ندافع عنه,م و بعد الشيوعيين اتوا لليهود فسكتنا جميع,ا و عندما جاءوا لاصطيادنا لم يكن هناك من يدافع عنا"
بتصرف


قال بسمارك:"الاغبياء يتعلمون من تجاربهم, اما انا فأتعلم من تجارب الاخرين"

من يدعو الى مسح شخص من الوجود أو حزب من الوجود ؛
بسبب اختلافه معه سياسيا أو فكريا أو ثقافيا
فعليه ان يتحسس فكره قبل ان يتحسس بندقيته
وعليه ان يراجع فهمه للديمقراطية
ولا اقول المؤتمر الوطني حزبا !!
كما لا اقول الاتحاد الاشتراكي بتاع نميري حزبا !!
وبالطبع لا اقول النازي الألماني حزبا !!
فتلك شركات وعصابات قابضة تأسست بمرسوم من حاكم ديكتاتوري متسلط
عليه فهي خارج نطاق ما بدأت به هذه المداخلة

هون عليك أخ بدر .

لا أحد بوسعه مسح فكرا من الوجود ، وإنما مقارعته الحجة بالحجة .
وحتى الأفكار السلفية المتطرفة لا تهزم إلا بالفكر ...وإن كنا نتمنى لو نصحى الصباح نلاقيها مافى ..
لكن المحاججة هى متعة فى حد ذاتها ..:)

والناس يعلمون أسلوب تبارك الساخر ، لذلك لم يأخذوا كلامه على محمل الجد ..
ولم يستجيبوا لأسلوبك فى السخرية المرتدة من حزب الخضر السوداني .

وياما سخر منا بعض زملاءك وتجاهلناهم ..
ولم نعتبر سخريتهم هذه تمثل الحزب الشيوعي .

وود المشرف وهشام عثمان ديل بعض منهم .


__________

بس أوعو تفتكروا حزب الخضر السوداني ملطشة ..

ويا أب تفة ..أرجى الراجيك :)

آمنه مختار سلام

لم يحدث أن سخرت من حزب الخضر ..
وليست لى معرفة حقيقية بالحزب حتى أمارس السخرية ..
وأرجو تصحيح هذه الفكره الخاطئة ..

تحياتى

بجيب ليك سخريتك بعدين يا ود المشرف من بوست لتبارك بعنوان (بشاشا كسح )..
لأنى هسه نعست .

بعدين حزب الخضر برضه ما بيعرف عنك أى حاجة ....:)

أولاً ... وقبل الخوض في غمار المعركة (وأثناء قيام عشة طيور بتحزيمي وتلزيمي ومسح سيفي البتّار بدهنها الكركار) أود أن ألفت نظر القراء والمتحاورين لنقطتين مهمتين:

1- أنني استهدف "الحزب الشيوعي السوداني" في حملتي الشعواء ... وليس كارل ماركس أو الفكر الماركسي ... فمقارعة الفكر الحجة بالحجة مجال لا يجوز "للحزب الشيوعي السوداني" دخوله ... بل إن من اتهاماتي الأساسية للحزب الشيوعي السوداني - بالإضافة للجاسوسية والدوغمائية والإنقلابية والفاشية والتخلف وجذب الفاشلين اجتماعيًا وأخلاقيًا - أن عضويته تجهل ألف باء الماركسية والفكر الماركسي ... وبما أنني رددت مرارًا وتكرارًا أن لدي أواصر ووشاج وود مع شيوعيين راهنين وشيوعيين سابقين ... فهذه الحملة لا تستهدف الأفراد والشخوص ... ولا الفكر الماركسي ... بل المؤسسة ... منذ المنشأ الإستخباري الموسادي ... إلى البرامج السياسية العميلة والمكرّسة للإذعان للإرادة الخارجية وأجندة الأمن الإسرائيلي في المنطقة ... إلى اللائحة الجاسوسية الفاشية المناقضة للمبادئ الديموقراطية التي نؤمن بها وما تحتوي من أساليب اغتيال الشخصية ومحاكم التفتيش المقامة باسم "البلاغ الحزبي" .... بالإضافة للنفاق وتضليل المواطن ونشر الظلامية تحت ستار "إصلاح الخطأ في العمل وسط الجماهير" ...

2- هذه الحملة قديمة وسبقت انشاء وتأسيس "حزب الخضر السودانيين" ... وإن كان لهذا الحزب علاقة بالأمر .... فهو أنهم احترموا رأيي وموقفي الشخصي من الحزب الشيوعي السوداني حين انضممت إليهم وقبل أن أتقلد قيادة هذا الحزب الواعد بالخير ... فموقفي من الحزب الشيوعي يدخل في شأني الخاص ... وكرئيس لحزب الخضر السوداني أؤكد أن حزب الخضر السوداني لا يؤمن بالحد من حق الأحزاب الأخرى في ممارسة نشاطها السياسي ولم يسبق له أن ناقش تقييم "الحزب الشيوعي السوداني" واتخاذ موقف محدد منه ...

فهذه معركة فردية معي أنا المدعو "تبارك شيخ الدين جبريل" ... وجر "حزب الخضر السوداني" في وحل هذا الصراع ليس بغريب على استراتيجيات الشيوعيين ... خصوصًا "كادر الحماية" المدربين على تغييب العقل والنبيح في كل شاردة وواردة تفيد دفاعاتهم الإستقطابية والفضائحية ...















... المهم ....

ومسح الحزب الشيوعي السوداني من الوجود ليس بالواجب الثقيل ... وسأنجزه بإذن الله دون الحوجة للتفرغ له ...

















... المهم .....

كنا نتمنى أن تتميز فترة تبارك فى رئاسة حزب الخضر "فرع آمنه مختار" بعلاقات صحية تستلهم الجوهر الديمقراطي مع الاحزاب الأخرى ..
علاقات ليس من بينها -على الأقل- مسح الحزب الشيوعى من الوجود ..

كما وأن رئيس الحزب لا يفهم الف باء حركة الخضر ..
هذا فى مقابل اتهامه غير المؤسس لعضوية الحزب الشيوعى جهلهم بالف باء الفكر الماركسي !!!

دا بى دربو ودا بى دربو ... ما تلخبت الكيمان يا دكتور محمد حيدر ...

كان الله قسم للحزب الشيوعي وجود وممارسة سياسية تجمعه مع حزب الخضر اثناء رئاستي لحزب الخضر السوداني ... فقطعًا لست ممن يحتاجون تذكيرهم بالمهنية في المكاتب التي يتولون واجباتها ...

ولا اعتقد أنني سأخون الثقة التي وضعها حزب الخضر في شخصي الضعيف وأنزع لفرض مواقفي الشخصية ...

المشكلة أن كل الدلائل تدل على صواب وجهة نظري الشخصية في الحزب الشيوعي ... وربما لا يكون هنالك حزب شيوعي في القريب العاجل ....

فأنا أتمنى معك أن تتميّز فترة رئاستي لحزب الخضر السوداني بعلاقات صحية مع الأحزاب الأخرى ...

ولكنني - شخصيًا - لست مسؤولاً عن "صحة" الأحزاب الأخرى ...















... المهم .....

Quote: هذا فى مقابل اتهامه غير المؤسس لعضوية الحزب الشيوعى جهلهم بالف باء الفكر الماركسي !!!

يا ود المشرف ... براحة على ود الشريف ....

أنا تهمتي مؤسسة ... والبوست دا مناسبة لسوق الإقتباسات ... وجعل الأمر كله ... والموقف ببعده التاريخي ... في وعاء واحد ...

لقد انتقدنا في الحزب الشيوعي السوداني ... فشله - جهلاً أم عمدًا (ونرجّح "عمدًا" اعتمادًا على الدلائل الإستخبارية) - في قراءة الواقع السوداني بالمعايير الماركسية ... وبالتالي الخروج ببرنامج سياسي يتناسب مع الواقع السوداني من موقف ماركسي ... بل وأمعننا في اتهامنا بالقطيعة بين الماركسية والحزب الشيوعي السوداني ... فاتهمناه بأنه حزب طبقة البرجوازية الصغيرة في السودان ... وليس حزب العمال وطبقة البروليتاريا كما ينبغي له ... وهذا بسبب اعوجاج القراءة الماركسية للواقع السودانية ... وتشهد سكك حديد عطبرة - المعبرة عن البرجوازية الصغيرة في مجتمعنا المنتمي للرعي والزراعة التقليدية - عن هذا التشوه في قراءة الواقع ... بمعايير الدول الصناعية التي لا ينتمي لها السودان ... بل هو ضحيتها في لعبة الإمبريالية العالمية ...

أين اخفقت أنا - ود الشريف دا - في التوافق مع الرؤية الخضراء؟

عشان التهم ما تكون جزافًا كدا على طريقة عنقالة "كادر الحماية" وعضلات تبش ... وما علمهم الحزب من أساليب تناسب انتماءاتهم العرقية من وجهة نظر اصحاب القرار في الحزب ...













... المهم ....

ياخي شوف معاناة زول زي "عدلان احمد عبدالعزيز" .... في انو يوصل فكرة بسيطة ومباشرة لمرحلة النقاش الجاد في أروقة الحزب الشيوعي السوداني:

لسنا ماركسيين.. ورقة مقدمة إلى المؤتمر السادس للحزب الشيوعي السوداني

هذه الفكرة ما كانت لتتبلور لولا نقد الزنادقة أمثالي ...















... المهم ....

ابو فواز

تحياتي

Quote: من يدعو الى مسح شخص من الوجود أو حزب من الوجود ؛ بسبب اختلافه معه سياسيا أو فكريا أو ثقافيا فعليه ان يتحسس فكره قبل ان يتحسس بندقيته وعليه ان يراجع فهمه للديمقراطية ولا اقول المؤتمر الوطني حزبا !! كما لا اقول الاتحاد الاشتراكي بتاع نميري حزبا !! وبالطبع لا اقول النازي الألماني حزبا !! فتلك شركات وعصابات قابضة تأسست بمرسوم من حاكم ديكتاتوري متسلط عليه فهي خارج نطاق ما بدأت به هذه المداخلة

شكرا جزيلا على الموقف الواضح
اهم شروط في الديمقراطية هي القبول بالتعدد و قبول الاخر و المنافسة, لكن المسح من الوجود لم يكن ابدا مبدأ في الديمقراطية.
واضح ان هناك الكثيرين الذين لا يفهمون ماهية الديمقراطية!

الاخت امنة مختار

تحياتي

"

Quote: لا أحد بوسعه مسح فكرا من الوجود ، وإنما مقارعته الحجة بالحجة . وحتى الأفكار السلفية المتطرفة لا تهزم إلا بالفكر زززوإن كنا نتمنى لو نصحى الصباح نلاقيها مافى زز لكن المحاججة هى متعة فى حد ذاتها ..:) والناس يعلمون أسلوب تبارك الساخر ، لذلك لم يأخذوا كلامه على محمل الجد .. ولم يستجيبوا لأسلوبك فى السخرية المرتدة من حزب الخضر السوداني . وياما سخر منا بعض زملاءك وتجاهلناهم .. ولم نعتبر سخريتهم هذه تمثل الحزب الشيوعي . وود المشرف وهشام عثمان ديل بعض منهم .

"

المشكلة في فكرة المسح نفسها ليس في امكانية تنفيذها, يا اخت امنة.
انا متأكد ان حزب صارع الانجليز و صارع نظام عبود و صارع نظام نميري و صارع الانقاذ و بقى و ذهبوا جميعا و ستذهب الانقاذ ايض,ا ليس من السهل على اي من كان مسحه من الوجود, دعك عن مهددنا الحالي.
المشكلة يا امنة, ان حزب -اعتقد انه- ديمقراطي يمكن ان يقبل ان يظل شخص يصرح مثل هذه التصريحات في قيادته, و لو ثانية بعد هذا التصريح العدواني!
السخرية تختلف يا امنة عن التهديد!
السخرية اداة مباحة في المنافسة الديمقراطية, بل هي اداة اصيلة في الديمقراطية اذا كانت على حق. كل الادب السياسي التنافسي يحتوي على نقد و مرات سخرية من موقف الاخر, و ليس هناك اي اعتراض على من اراد- اذا وفرنا له مادة للسخرية منا- ان يستغلها لاقصي حد و ان يسخر و يعرض بالموقف الداعي للسخرية.
لكن التهديد بالمسح من الوجود, فهو كلام لا-ديمقراطي و اجرامي, ينبغي ادانته مؤسسيا من حزبكم اولا, و من كل القوى التي تدعو للديمقراطية في السودان, على الاقل لتثبت للشعب السوداني مصداقيتها في الدعوة للديمقراطية, و انها سوف لن تعيد مآسي الانقاذ بسجن المخالفين و فصلهم و تعذيبهم و اغتصابهم و تشريدهم.

Quote: أين اخفقت أنا - ود الشريف دا - في التوافق مع الرؤية الخضراء؟

أنت قايل يا ود الشيخ الافكار والرؤي دى الواحد مننا بتوافق معها دونما التزام شخصى ولا شنو ؟!

Quote: وإن كان لهذا الحزب علاقة بالأمر .... فهو أنهم احترموا رأيي وموقفي الشخصي من الحزب الشيوعي السوداني حين انضممت إليهم وقبل أن أتقلد قيادة هذا الحزب الواعد بالخير ... فموقفي من الحزب الشيوعي يدخل في شأني الخاص

Quote: وكرئيس لحزب الخضر السوداني أؤكد أن حزب الخضر السوداني لا يؤمن بالحد من حق الأحزاب الأخرى في ممارسة نشاطها السياسي ولم يسبق له أن ناقش تقييم "الحزب الشيوعي السوداني" واتخاذ موقف محدد منه ...

Quote: ومسح الحزب الشيوعي السوداني من الوجود ليس بالواجب الثقيل ... وسأنجزه بإذن الله دون الحوجة للتفرغ له ...

ده نوع جديد من الشيزوفرانيا الرؤيويه ولا شنو يا تبارك ؟!!
انفصام معلن مسبقا بين الرؤية والسلوك ؟!..
ثم انو الرؤية بتاعت الخضر دى لو ما جايبه حقها معاك الجابرك شنو يا عزيزي ..
موضوعيا معاهم الا ذاتيا منفصل تجاه أجندة تتعارض مع رؤية حزبك وانت تحتل ارفع منصب قيادى فيهو.. ده كلام ما بجيب حقو ولا يمكن تمريرو على رابطة مشجعين ناهيك عن هيئات قيادية حزبية لحزب واعد كما تقول ..

Quote: وإن كان لهذا الحزب علاقة بالأمر .... فهو أنهم احترموا رأيي وموقفي الشخصي من الحزب الشيوعي السوداني حين انضممت إليهم وقبل أن أتقلد قيادة هذا الحزب الواعد بالخير ... فموقفي من الحزب الشيوعي يدخل في شأني الخاص

يعنى قالوا ليك مافى مانع تتولى رئاسة حزبنا بناءا على ايمانك برؤاه ثم أمنوا كهيئة قيادية "جادة" على احترامهم لسلوكك العنيف والاقصائى فى المجال العام المتعارض مع هذه الرؤى والمتعلق بحزب آخر يعمل فى ذات المجال
ثم
شأن خاص بتاع فنيلتك يا تبارك ؟!
ياخى قول كلام غير ده آ زول !!
شنو الشخصى فى الموضوع ده ؟

يا تبارك يا عزيزي ..
ياخى والقسم العظيم هذه والله اللاجدوى والعبثية ومنتهى الفوضى منك ..

مودتى التى تعلم

الحكاية ليست فقط عقلية اجرامية و بس كمان جابت ليها عنصرية عديل

Quote: عشان التهم ما تكون جزافًا كدا على طريقة عنقالة "كادر الحماية" وعضلات تبش ... وما علمهم الحزب من أساليب تناسب انتماءاتهم العرقية من وجهة نظر اصحاب القرار في الحزب ...

افتخر باني كنت كادر حماية في الجبهة الديمقراطية, و انني و اخرين اوقفنا الجبهة القومية الاسلامية و تنظيم الاتجاه الاسلامي في الجامعة عند حده.
و افتخر باني عرقيا فلاتي اهلي معروفون بالعلم و العمل, و اريد ان اعرف اين العنقلة لدى الفلاتة!

للتوثيق فقط
كتب رئيس حزب الخضر تبارك شيخ الدين في مداخلة اعلاه التالي للتاريخ

Quote: يا ود المشرف ... براحة على ود الشريف .... أنا تهمتي مؤسسة ... والبوست دا مناسبة لسوق الإقتباسات ... وجعل الأمر كله ... والموقف ببعده التاريخي ... في وعاء واحد ... لقد انتقدنا في الحزب الشيوعي السوداني ... فشله - جهلاً أم عمدًا (ونرجّح "عمدًا" اعتمادًا على الدلائل الإستخبارية) - في قراءة الواقع السوداني بالمعايير الماركسية ... وبالتالي الخروج ببرنامج سياسي يتناسب مع الواقع السوداني من موقف ماركسي ... بل وأمعننا في اتهامنا بالقطيعة بين الماركسية والحزب الشيوعي السوداني ... فاتهمناه بأنه حزب طبقة البرجوازية الصغيرة في السودان ... وليس حزب العمال وطبقة البروليتاريا كما ينبغي له ... وهذا بسبب اعوجاج القراءة الماركسية للواقع السودانية ... وتشهد سكك حديد عطبرة - المعبرة عن البرجوازية الصغيرة في مجتمعنا المنتمي للرعي والزراعة التقليدية - عن هذا التشوه في قراءة الواقع ... بمعايير الدول الصناعية التي لا ينتمي لها السودان ... بل هو ضحيتها في لعبة الإمبريالية العالمية ... أين اخفقت أنا - ود الشريف دا - في التوافق مع الرؤية الخضراء؟ عشان التهم ما تكون جزافًا كدا على طريقة عنقالة "كادر الحماية" وعضلات تبش ... وما علمهم الحزب من أساليب تناسب انتماءاتهم العرقية من وجهة نظر اصحاب القرار في الحزب ...

Quote: ثم انو الرؤية بتاعت الخضر دى لو ما جايبه حقها معاك الجابرك شنو يا عزيزي ..

يا دكتور ... انا بقنعك بى أضرار الحزب الشيوعي في السودان وضرورة مسحه ... ولو ورد في أجندات حزب الخضر كمحور مناقشة برضو بقنعهم ... المشكلة انهم في حزب الخضر لا يناقشون هذه الاشياء ... يناقشون فقط الاشياء العملية وتحويل الرؤية الخضراء الى واقع ... وحقيقة إقحام الخضر كل سطر والتاني حا يغيّر موضوع البوست ...

بالنسبة لى "كادر الحماية" المعفي - حزبيًا - عن استخدام ذهنه ... أولاً نعتذر عن العنصرية الفجة التي تتحكم في القائمين على أمر الحزب ... ثانيًا ما يتسامح فيه الحزب من تعطيل للعقل لا نلتزم به نحن بالضرورة بحجة أننا أيضًا من امدرمان كقيادات وابناء قيادات الحزب ...

(طبعًا ألذ ما في الحزب الشيوعي هو الحديث عنه كحزب لا قبله ولا بعده ... وحده لا شريك له ... "الحزب" حاف كدا ولامؤاخذة !!!!!)

















... المهم ....

لا حولاااااا ..
ده كلام شنو آ تبارك !!

Quote: انا بقنعك بى أضرار الحزب الشيوعي في السودان وضرورة مسحه ... ولو ورد في أجندات حزب الخضر كمحور مناقشة برضو بقنعهم ... المشكلة انهم في حزب الخضر لا يناقشون هذه الاشياء

طيب أقنعهم بمناقشة الموضوع كأجندة وطنية فى الأول ..
وبعدين أقنعهم بى جدواها ..
وذلك فى منتهى البساطه طلما أن إقناعهم ساهل بالشكل ده وفى متناول اليد !!
وبعدين انتو الناس المتأكدين تماما من سهولة أقناعهم ديل .. بتلقوهم وين ؟؟!!
عليك جملة الايمان وما طالبنى حليفه ..
عندنا بى هنا ناس ناشفين نشاف آ تبارك ..
ناس راسخين رسوخ الجبال .. وقيل أكثر رسوخا
عليك أمان الله كان ما جيت يوم عشان تقنعهم ..
ههههههههههههه ..
والذى نفسي بيده آ تبارك ..كان ما جبت دخنه ما تمرق !!

ثم ..

Quote: المشكلة انهم في حزب الخضر لا يناقشون هذه الاشياء ... يناقشون فقط الاشياء العملية وتحويل الرؤية الخضراء الى واقع

وطيب !!

ما هو يا يكون مسح الحزب الشيوعى شيء غير عملى ..
أو حزبكم ده غافل تماما عن أشياء عملية !!

ياخ أقول ليك كلام !!
أمسح .. أكنس .. ما تجيبو حى ظااااااااتو !!

Quote: ما هو يا يكون مسح الحزب الشيوعى شيء غير عملى ..

طبعًا مسح الحزب الشيوعي من الوجود ليس عمل ذا قيمة تذكر ... وتخلص السودانيين من الحزب الشيوعي يشبه لي تخلصهم من الشلوخ ...

وهو عمل انا اقوم به في أوقات فراغي بدافع التسلية في عمل نافع وملء أوقات الفراغ بالغسيل الأسبوعي والتسوّق وتغيير زيت العربية ومسح الحزب الشيوعي من الوجود ...

أشياء من هذا القبيل ... لا ترتقي أن تكون أجندة حزب الخضر السوداني (Although I recycle in my weekly chores) ....
















... المهم ....

اضحكوا على "رئيس" حزب الخضر
هنا يقول ان مسح الحزب الشيوعي من الوجود "واجبهم الوطني"

"

Quote: الكيزان الفيهم انعرفت وما عندهم مستقبل ... وواجبنا الوطني اصبح محصور في مسح الحزب الشيوعي من الوجود ... أو على الأقل تحويله لمطعم شعبي كما اقترحنا سابقًا ...

"

ثم هنا يقول:

Quote: طبعًا مسح الحزب الشيوعي من الوجود ليس عمل ذا قيمة تذكر ... وتخلص السودانيين من الحزب الشيوعي يشبه لي تخلصهم من الشلوخ ... وهو عمل انا اقوم به في أوقات فراغي بدافع التسلية في عمل نافع وملء أوقات الفراغ بالغسيل الأسبوعي والتسوّق وتغيير زيت العربية ومسح الحزب الشيوعي من الوجود ... أشياء من هذا القبيل ... لا ترتقي أن تكون أجندة حزب الخضر السوداني (Although I recycle in my weekly chores) ....

شخص يحدد "واجبهم الوطني" بنون الجماعة, و لما يتعصر يجي يحولها "لواجبه هو في وقت فراغه" هل شخص بهذا التشوش في تحديد اهداف جماعته و اهدافه, جدير بان يكون رئيس اي جماعة جادة?
يا ناس الخضر الحقو نفسكم!

تحياتى للجميع فى هذا البوست ..

Quote: شخص يحدد "واجبهم الوطني" بنون الجماعة, و لما يتعصر يجي يحولها "لواجبه هو في وقت فراغه" هل شخص بهذا التشوش في تحديد اهداف جماعته و اهدافه, جدير بان يكون رئيس اي جماعة جادة? يا ناس الخضر الحقو نفسكم!

النسألك ونستحلفكم بالخامس واللايحة والوصية .... واجبك الوطني - غير الهتافيات نوع "نشر الوعي ما استطعت" و "واقفين تحننوا راكبين تجننوا"! - الإنت البتنافس بيهو وبتفاخر بيهو دا شنو؟ انجاز مرحلة الثورة الليبرالية العلمانية؟

هو انت شيوعي ... وكمان داير تتكلم في الواجب الوطني؟

انتو عندكم الواجب الوطني عبارة عن غلات مع بتاع أمن وقصيدتين تلاتة وربما الموت في السجن ... زهجتوا ناس الأمن والسجون في واجباتهم الوطنية ظاطا ... والله ناس السجون ديل ... كان عندهم احسن فرقة موسيقية بتعزف مارشات عسكرية وجلالات في السودان ... فرتقتوها ليهم بى نضالكم الحامض دا ... الله يفطرق كورالكم النشاز دا ...

يعني ضابط سجون الدولة بتصرف عليهو وعلى عيالو عشان عندو واجب وطني يختص بمعاقبة المجرمين والحفاظ على المجتمع ... شغلتو بيكم شنو فطرتوا ولاّ مضربين عن الطعام ولاّ عندكم طمام من المعاينة في المراية ولاّ أيّ حاجة فارغة؟

بعدين انا حر ... ومفلهم ... وبغيّر رايي على كيفي ... يوم اقول واجب وطني مهم ... يوم اقول واجب وطني ما عليك بيهو بتاع اوكات فراغ ... عندك مانع؟

انتهيت من الشوايعة والشعب السوداني الفضل ... داير تقبل على الخضر توريهم يعملوا شنو ... يلحقوا نفسهم؟

بعدين انحنا في الخضر ما ناقشنا عملية تفكيك الحزب الشيوعي وإذابتو ومسحو من الوجود كواجب من واجبات الإيدين الخدرا ... انا الاخترت الواجب دا لنفسي ... دون الرجوع للخضر ... تقدر انت تختار واجب وطني لنفسك دون الرجوع للحزب الشيوعي ... بدون ما تتعرض للايحة والبلاغ الحزبي والتحقيق وربما إيقاف العضوية أو الفصل مع الإبتزاز والتهديد باغتيال الشخصية والعزلة الإجتماعية ومخاطر الإكتئاب والجنون والإنتحار؟ (تاريخ الحزب الشيوعي يشهد بأن هذا هو مصير من يختار واجباته الوطنية بنفسه دون الرجوع للجنة المركزية!)

بعدين انحنا الخضر اولاد بلد نقعد نقوم على كيفنا ... فتحي البحيري دا انفصل مننا لأنو كان داير ليهو حزب فيهو "لايحة محاسبة سلوك الأعضاء" ... عشان تحاسب ليهو آمنة مختار ومن يختلفون معه في الرأي ... أنحنا الزول لو ما بالغ ولا راشد ... بنختّو مع البراعم الخضراء ... الإنسان البالغ والراشد دايمًا بيتحمّل مسؤولية سلوكو وخياراتو بنفسو ... وحزب الخضر السوداني عبارة عن أرضية سياسية مشتركة للأعضاء بينتموا ليها ويلتزموا بيها بمحض إرادتهم الحرة العاقلة الراشدة البالغة ... وعلى المتضرر اللجوء للقضاء ... انت هسى جايي تقول للخضر يلحقوا انفسهم؟

كدى وريني ... انا مشوش لأنو رأيي انو مسح الحزب الشيوعي من الوجود واجب وطني؟ ...

ولاّ لأني شايف انو مسح الحزب الشيوعي السوداني ماهو شيتًا قاسي وممكن اعملو براي في وكت الفراغ؟ ...

ولاّ التفكك والتهلهل البنيوي الأصاب حزبكم بسبب ضرباتنا النقدية الهادفة البنوجهها في أوقات الفراغ ...

ولاّ ساي بس حاسد الخضر على نعمة الإختلاف في الرأي مع السيد الرئيس بدون إقصاء أو معاداة أو عقوبات تترتب على الإختلاف مع القيادة؟

ما عندنا لايحة سلوك الأعضاء ... امشي اشتكينا لى مسجل أحزاب السودان البتبرروا ليهو في توقيعكم على الفجر الجديد وبتلحسوا في توقيعكم ... بعد شوية حا تقولوا لينا "صديق يوسف" ما عضو ... "صديق اللجنة المركزية" ... باقي انتو البيجيبوها ضقلها يكركب بتقولوا عليهم "اصدقاء الحزب" ...

(قبضت واحد من "اصدقاء الحزب" ديل قلت ليهو وصف لي "صداقتك" مع الحزب! الله لا وراك!)

















... المهم .....

سلام محمد إبراهيم
أخبارك وعساك بخير

[واجب وطني إزالة الفكر الشيوعي من أر ض السودان] ....دي لا غبار عليها...

طيب يا محمد إبراهيم كيفية هذه الإزالة هل هي فقط بمحاربته الحجة بالحجة حتي الإضمحلال دون مس الأشخاص حاملي الفكر؟؟؟
لا أظن فالصراع السياسي ولو بدأ فكرياً يصل لإستخدم ترصد حاملي الفكر في محاربته للفكر و قد سنت من قبل قوانين لمحاربة الشيوعية وأقيمت محاكمات ولم يلتزم دوماً بإخلاقيات الفكر فنشرت أباطيل من نوع زواج أخوات ومحاربة الله ورسوله وتحميلهم تهم إغتيال الشخصية مرة ومخالفة الماركسية طوراً وممثلي فكر البرجوازية الصغيرة في مجتمع رعوي تقليدي أخري . بل دبرت مؤامرات من نوع مسرح المعلمين العالي.
أظن أن رفع مستوي مسحهم لضرورة وطنية تعطي كامل الحق لبدرالدين في سؤ الظن بالنوايا والآليات التي ستستخدم لاحقاً ولا تعوزنا الوقائع التاريخية .
والحق أن التاريخ يقول أن الإنتاج الفكري والفلسفي والعلوم الإنسانية مهما حسنت نوايا مفكريها وتبتلهم الفكري وإيمانهم بحرية الفكر إستتبعها في التطبيق السياسي سن قوانين للبطش الفيزيائي بحاملي الفكر المخالف.ولا إستثني الشيوعية العالمية من هذا .. تكفي الستالينية كمثال وضحايا الثورة الفرنسية التي قامت علي مفكري التنوير وأدبائه جان جاك ودوركهايم وفولتير وهوجو الخ والدولة الديمقراطية الليبرالية جداً المتسامحة في اللواط والإلحاد والمقدسة للحرية الفردية سنت قوانين محاربة الشيوعية في أمريكا..........

جوهر الصراع السياسي ليس هو الصراع الفكري ، الصراع الفكري نفسه تعبير عن جوهرالصراع بين المجموعات البشرية المختلفة لتحقيق مصالحها عبر السيطرة علي السلطة ومراكز القوة ويتسلح بالأفكار وتتبني المواقف في مجري هذا الصراع – يسمي في الأدبيات الإسلام السياسي و"الترابية" التدافع والمدافعة – والعبرة الأساسية في الماركسية هي تقديمها التفسير لجوهر وأصل الصراع وطرحها لإنحيازها للقطاع الأوسع الصاعد عبر النظر لطبيعة علاقات الإنتاج وطبيعة خلق الثروة – القيمة- وتوزيعها في المجتمعات.
كمثال التنبؤ المبكر وقبل إنقلاب 89 والذي قدمه مفكرين مثل محمود محمد طه ومحمد سعبيد القدال والتجاني الطيب لما سيؤؤل إليه حكم الجبهة الإسلامية القومية لم يتم بالبناء علي ما قوله فكرهم وكفي بل تم بناءا علي معرفة وتحليل لطبيعة قوى الرأسمالية الطفيلية وطبيعة علاقتها بالإنتاج والإستحواز علي الثروة– لم يكنوا يعلمون بأسماء الشخصيات التي ستأتي نافع – النص – البشير .. الخ .ولكنهم تنبؤا بالنتائج....
وصدقي كبلوا قبل أيام قلائل كان يتنبأ بمآلات ميزانية 2013 بناءاً علي نصوص الميزانية والطبيعة الطبقية وعلاقة الجماعة بالإنتاج...

الفكر وحملته لا يهزمون تماماً ويزولون بالفكر نعم الحجة الفكرية تهزم فكرة أخري حين تفضحها وتبين ضعف منطقها الداخلي وضعف سندها لكن الفكر وحملته (حزب – انصار – جماهير) يستمرون بشكل أو أخر أو بطرح موازي بديل بل يستمرون داخل المنظومة الفكرية الأخري التي تحاربهم طالما هناك ضرورة لوجودوهم
كمثال النزعات المادية في الفلسفة الإسلامية- والتيارات والنزعات الإصلاحية داخل المؤتمر الوطني الحاكم في تهالكه الفكري والسياسي الحالي رغم ضعفها وعدم إتكاءها علي نقد حقيقي للسند التجاري الطفيلي للرأسمالية الإسلامية داخل المؤتمر الوطني. التغيير الإقتصادي والإجتماعي هو الذي يسهم في إضمحلال فكر بعينه ورغم ذلك يتبقي منه أثر في الأفكار اللاحقة له .. أنظر تأثيرات الأرسطية والإفلاطونية وفكر المجتمع العبودي علي المجتمعات الإقطاعية في العصور الوسطي..

قبل أن أغادرك رايك شنو في المحاولات المعارضة وليست الحكومية التي تنحو بشدة لإنتاج محاولة فكرية جديدة سمها محاولة التفسير العرقي للسياسة السودانية .. ما هي الأصول الفكرية لهذا النهج ومن أين يستمد قواه...

سلام الأخوة صاحبي البورد بدر وتبارك.
سلام الجميع

أقر بأني لم أراجع السياق الذي وردت فيه العبارات رأس المداخلة الأولي من بدر الدين في مقرها الأصل - فقد يكون للأمر تآويل مغاير لمنطوقها هنا...
ليت الأخ تبارك إكتفي بمداخلة أمنة مختار الموجودة في هذا البوست .. ....
مداخلات تبارك الواردة هنا تحوي الأتي من تهم للحزب الشيوعي مع ملاحظة عدم إيراد حيثيات التهم:.

- مقارعة الفكر الحجة بالحجة مجال لا يجوز "للحزب الشيوعي السوداني" دخوله (قد يكون المعني لا مقدرات فكرية لدى الحزب أو أن الحزب يمارس قمع الفكر داخله)
- الجاسوسية والمنشأ الإستخباري الموسادي
- البرامج السياسية العميلة والمكرّسة للإذعان للإرادة الخارجية وأجندة الأمن الإسرائيلي في المنطقة ...
- اللائحة الجاسوسية الفاشية المناقضة للمبادئ الديموقراطية
- الدوغمائية
-الإنقلابية
-الفاشية
-التخلف
-جذب الفاشلين اجتماعيًا وأخلاقيًا
- عضويته تجهل ألف باء الماركسية والفكر الماركسي
- النفاق وتضليل المواطن ونشر الظلامية تحت ستار "إصلاح الخطأ في العمل وسط الجماهير" ...
- الشيوعيين يتحدثون عن الحزب الشيوعي كحزب لا قبله ولا بعده ... وحده لا شريك له ...
- العنصرية الفجة هي التي تتحكم في القائمين على أمر الحزب
- يتسامح الحزب في تعطيل العقل لقيادات الحزب علي أساس عنصري (وهو الإنتماء لأم درمان)
- الحزب يدرب ويعد كوادره للحماية علي تغييب العقل .


وإضافة للتهم أورد إشارات لموقفه من الحزب وأطلق أحكام أظنها (تحقيرية) عليه دون أن يرينا كيفية وصوله لها :

- استهدأف "الحزب الشيوعي السوداني" بحملة شعواء ... وليس كارل ماركس أو الفكر الماركسي ...
- هذه الحملة قديمة وسبقت انشاء وتأسيس "حزب الخضر السودانيين"
- مسح الحزب الشيوعي من الوجود ليس عمل ذا قيمة تذكر ... وتخلص السودانيين من الحزب الشيوعي يشبه تخلصهم من الشلوخ ...
- وهو عمل انا اقوم به في أوقات فراغي بدافع التسلية في عمل نافع وملء أوقات الفراغ بالغسيل الأسبوعي والتسوّق وتغيير زيت العربية ومسح الحزب الشيوعي من الوجود ...


عليه ، حزب إزالته من الوجود تماثل التخلص من الشلوخ وسهل الازالة لدرجة يسهل معها لفرد إنجازه في أوقات الغسيل الإسبوعي والتسوق ولا يرقي لأن يكون هدف (سياسي أو فكري) لحزب الخضر فالحزب يناقش الأمور الجادة فقط والعملية وأضرار الحزب الشيوعي لا ترقي لأن تكون أمراً جاداً ___ كيف تصف حملتك علي حزب هذا شأنه بالشعواء وكيف أصبحت إزالته واجب وطني وهو علي هذا الهوان ___
وخاصة أنه واجب تكفي الصفات الواردة في التهم التي أوردتها لقتله قبل ميلاده.

الأخ تبارك والأخوة المتداخلين

هل نحن نقرأ حديث جاد هنا؟؟!!!!! أم أنك تستعد لإيراد حيثيات وطرح متكامل وعلينا الإنتظار بعد،
أم أن بالأمرشئ مخفي عنا- أن بينكم ونسة أصدقاء في غرفة مفتوحة يتحاورون بأكواد وإيحاءات يعلمونها وحدهم.....
-
عموماً :
- يوجد ما يوحي بأن الأخ تبارك إستخدم المنهج الماركسي وملك علي ضوئه قراءة سليمة لما يجب أن تكون عليه الرؤية الماركسية للواقع السوداني التقليدي الرعوي – وهي قطع شك مختلفة عن أطروحات الشيوعي السوداني المتعلقة بالثورة الوطنية الديمقراطية وعن ما أخرجه الحزب في مؤتمراته (المؤتمر الرابع والخامس) التي حكم عليها بالخاطئة . إذن فليمدنا بقراءته المخالفة لتنظر وتناقش إن لم يكن هذا مناقضاً لطلبه الفصل بين حزبه (الخضر) الحزب وبينه الفرد صاحب الأجندة الشخصية فيما يخص الحزب الشيوعي (تبارك) فقد ذكر تبارك أنه لن يضر (بمهنيته الحزبية)..

- التجني علي وثيقة إصلاح الخطأ بين الجماهير بضربة قلم دون إيراد نقاش حقيقي لنصوصها تجني غير مقبول معاناتك هنا لفصل حزبك عن شخصك تثبت أن السودانيين لا يفصلوا بين الفكر وحامله ، وانها لو فقط إقتصرت علي إفهامنا والإرشاد لمعني التواضع الحقيقي والذي هو مخالف لتواضع العارف وتنازل العالي بل هو تواضع من ينشد العرفان ولو قراءتها منذ البداية بتمعن لتجنبت أخطأ كثيرة في مطلع الشباب وسنوات الدراسة ولقد رأيت شيوعيين يمشون في الأرض كمتصوفة قديسيين فرط مجابدتهم للتعلم وهم يهدونا شيوعية تمشي... رحم الله المغفور له بكري الزبير البشير المتوفي في العام 2008م بقرية ودعشا ريفي الجزيرة عرفته لفترة قصيرة قبل الوفاة فرأيت الشيوعية الحقيقية في مجتمع تقليدي بسيط يرتدي الجلباب ويغشي الفواتح ويهده المرض والكبر ولا ينكسر عوده.....
- الصراع الفكري وأسسه وإحترامه في الحزب الشيوعي واقع يمارس ولم نعهد في الشيوعيين أخذ العمل الحزبي كمهنة ليحاول تعطيل قدرات بعض موظفيها العقلية والفكرية كما الجيش النابليوني – ونتج عن هذا الصراع الفكري نقد الحزب لمواقف إتخذها ونتج عنه إنقسامات عدة حمل معه المنقسمين نقدهم لرؤية الحزب في تحليل الواقع السوداني علي أساس من تطبيق النهج الماركسي – عمر مصطفي المكي – وتوجد في داخل الحزب رؤي مختلفة في موضوعات ومحاور عدة حرة داخل أطره التنظيمية طرقه لإدارة الصراع ولأساليب تطبيق الديمقراطية وفهم الديمقراطية ووجود الصراعات نفسه ووجود أساليب لإدارتها ينفي النفاق والتضليل والتخلف وبالتأكيد الفاشية.
- محاولة عديدون التفسير علي أساس العنصرية والعرقية للصراع السوداني وإفحام العرقية والعنصرية كمحرك أول للصراع الإجتماعي السياسي والفكري السوداني لا يجد عندي القبول .. أري أن العنصرية نفسها ناتج ومظهر وليست المصدر الأساس أو جوهر الصراع – وأري أننا نسهم – كمعارضين- في تضخيم دورها في مواقف الحركة السياسية السودانية والتعميم لها وأصبحت بعبعاً يلوح به لإرهاب الخصم الفكري والأيديولوجي أن تلصق به. وأضافة لكونها معمية عن العدو وعن تناول العوامل الأخري الأكثر جذرية بما تستحقه من قدر، فهي تجر للوقوع في العنصرية مزيد ومزيد من السودانيين عبر نفاج العنصرية المضادة.

هسه يا طبارك إذا كان مسح الحزب الشيوعي من الوجود ( واجب وطني ) ..فماذا عن المؤتمر الوطني ..:)

بعدين شايفاك تمنيت لمن أنشأوا حزبا (مسخا ) بهدف إزالة حزب الخضر السوداني من الوجود ..عبر الكذب والتآمر والخسة والذكورية الفجة و(كل هذه أساليب غير خضراء كما تعلم )..
تمنيت لهم النجاح فى مساعيهم وفى الأهداف التى أنشأوا حزبهم من أجلها ..مع إنك تعرف جيدا (الهدف الوحيد ) الذى أنشأوا حزبهم ذاك من أجله ..

ومع إنهم لا زالوا حتى الآن يستخدمون عبارات ملطوشة من برنامجنا ونظامنا الأساسي فى بتر وتشويه مثير للشفقة لأدبياتنا .


______________

ود المشرف شايفاك تذكرت مداخلتك التى عنيتها ..كويس إنك وفرت على عناء نقلها هنا .

ما تنفعل ياخ ..كنت بس بحاول ألعب معاك لعبة عكس لعبة ون تو ...
لغاية ما يجيك أب تفة ....:)

علاء الدين يوسف يا خ

تبارك الذي ليس بيده الإستيكة

الشيوعين و قايدتك الحزبية عصروك في قصة المسح دي فأرجو أن تراجع نفسك و يلزمك إعتذار

لا أرى بأساً في أن تتراجع للحد الأدني وتحول ليهم الحزب لمطعم شعبي كما اقترحتم سابقًا

حذيفه سلام ..
ولنجعل من مسح تبارك للحزب الشيوعى شربات ..

Quote: محاولة عديدون التفسير علي أساس العنصرية والعرقية للصراع السوداني وإفحام العرقية والعنصرية كمحرك أول للصراع الإجتماعي السياسي والفكري السوداني لا يجد عندي القبول .. أري أن العنصرية نفسها ناتج ومظهر وليست المصدر الأساس أو جوهر الصراع – وأري أننا نسهم – كمعارضين- في تضخيم دورها في مواقف الحركة السياسية السودانية والتعميم لها وأصبحت بعبعاً يلوح به لإرهاب الخصم الفكري والأيديولوجي أن تلصق به. وأضافة لكونها معمية عن العدو وعن تناول العوامل الأخري الأكثر جذرية بما تستحقه من قدر، فهي تجر للوقوع في العنصرية مزيد ومزيد من السودانيين عبر نفاج العنصرية المضادة.

من المؤسف جدا أن الاستقراء الموضوعى/الواقعى لمحركات الصراع فى السودان يخلص لارتباطها ارتباط عضوى وثيق بالجانب العرقى/الإثنى ,, هذه حقيقة لا يقدح فى صلاحيتها إعتبار ذلك خطأ خُلُقى فى تكوين المجتمع السودانى, ولا مفارقتها لجوهر الصراعات الاجتماعية فى بلاد الله البعيدة..

وليد الشفت ..والمديدة حرقتني ..:)

سأحرص على أن يخيب فألك ...

Quote: هل نحن نقرأ حديث جاد هنا؟؟!!!!! أم أنك تستعد لإيراد حيثيات وطرح متكامل وعلينا الإنتظار بعد، أم أن بالأمرشئ مخفي عنا- أن بينكم ونسة أصدقاء في غرفة مفتوحة يتحاورون بأكواد وإيحاءات يعلمونها وحدهم.....

ياخي انا برد على قدر الأسئلة ... البوست دا زاتو انا لقيتو بالصدفة ... انا لو بقيت المبادر بى الكلام ... البوست دا حا يتلحس كالعادة ....

كل البوستات الكتبتها قبل كدا ... تم حذفها ... أو تآمر عليها البعض بطرق مختلفة مثل التسويف وإغراق البوست والمنبر كله بالكلام الفارغ ...

نحن نقول الكلمة ... مستعدون أن نسوق حججنا إن وُجِد جو الحوار الفكري المحترم .... وغير متعجلين لنيل مكسب سياسي معيّن ... لأن هدفنا الإستنارة والإرتقاء بالعقل والإنتاج الفكري ...

هذا واجب شخصي وضروري وملح وأنا غير متفرغ له ولا أجده صعب التحقيق في أوقات الفراغ ... ولدينا أعمال أهم في حزب الخضر ولا أرى ضرورة إقحامه من جانبي ...

لو أتت مبادرة من اعضاء حزب الخضر لمناقشة الأثر السياسي للحزب الشيوعي واتخاذ موقف منه ... فهذه المبادرة سيتم التعامل معها بمؤسسية حزب الخضر التي تتعامل مع المواضيع الأخرى ... ولا أملك - كرئيس لحزب الخضر - ضمانات لوجهة الحزب في هذا الشأن ... ففي حزب الخضر ليس لدينا أجندات جاهزة نلزم بها عضويتنا ... ولا يوجد في القيادة من يمارس وصاية على مؤسسات الحزب ...

ويا آمنة نحن نفهم وجهة نظرك حول اسباب نشأة "حزب الخضر الديموقراطي" ... وقد أشرنا لرغبة فتحي البحيري في حزب يتحكم في أعضاءه بلائحة تحاكم مواقف الأعضاء ... ولكننا حين نهنئهم على تأسيس حزبهم ونتمنى لهم النجاح في أهدافهم ... فنحن نتحدث عن أهدافهم المعلنة ولا تهمنا كثيرًا دوافعهم التي أنشأوا الحزب من أجلها ... فليس لدينا ما نخاف عليه أو نخجل منه لنتحسب حزبهم وأجنداتهم غير المعلنة ... ويا جبل ما يهزك ريح ....














... المهم ....

كتب عوض احمد مداخلة من الفيسبوك و لأهميتها انقلها هنا:

محو الحزب الشيوعي السوداني من الوجود!!!!!
أولاً أود أن يتفق معي الأخ تبارك "الذي حمل بيده المحايه" وبقية المتداخلين بإن الحزب الشيوعي السوداني ليس عبارة مكتوبة بقلم الرصاص حتى يمكن محوها وبالتالي يلزم الأخ تبارك قوة مؤسسة حتى يستطيع أن ينجز مهمته التي وهب نفسه وزمنه لها..!

وحريٌ بنا أن نستنتج بأن تلك الوسيلة " أعني المحاية" هي الحزب " حزب الخضر" الذي وصل لسدة قيادته، فمما علمتنا له السياسة الرعناء التي تمسك بتلابيب أهلنا في السودان إنك في سعيك لتبوء مقعد قيادي في حزب "لا طائفي" عليك بتجويد فكرك وقدرتك على طرح برنامج تتقبله عضوية من إنتميت لهم، وبما إن الساعي لمحو الحزب الشيوعي السوداني من الوجود في قمة الهرم القيادي لحزب الخضر الذي لا بد أن يكون قد وصل له بما قدمه من إطروحات لقواعده، فيحق لنا إن ندعي بإن إستراتيجية هذا الحزب تسلك طريق إخلاء المشهد السياسي السوداني من ما يعتبره نبتاً ضاراً إلا وهو هنا الحزب الشيوعي السوداني..!
أو لا يستدعي ذلك أن يصدر حزب الخضر ما يفيد بدعمه لقائده أو تبرؤه مِن مَن يقوده..! وفي الحالين أعتقد إن الأمر ليس بتلك السهولة..!
أما قول الأخ تبارك بعدم تمثل الحزب الشيوعي السوداني للماركسية فتلك فاصلة أخرى قد يحين نقاشها أن وضح موقف حزب الخضر وإن كنت مسبقاً أعتقد بإن الأخ تبارك قد جاءه نبأ سماعي عن الماركسية ولم يسعفه وقته أن يدري ما بها..! حتى يحكم على مفارقة الحزب الشيوعي السوداني لمتنها..!
ملحوظة: كنت أظن "وبعض الظن إثم" أن أحزاب الخضر تنطلق من رؤى تحاول الحفاظ على البيئة التي خربتها أنظمة الإستهلاك المتربعة على رؤسنا..! ولا أدرى أين ذلك من إفتعال حرب مع حزب " الحزب الشيوعي السوداني" حاول ويحاول أن يبث وعياً معرفياً بين بني جلدتنا..!


----
معليش لم انتبه لبقية المداخلة
تحياتي يا عوض احمد





--

زولك عوض احمد كتبنا ليهو:

Quote: كيف تقول: "وحريٌ بنا أن نستنتج بأن تلك الوسيلة " أعني المحاية" هي الحزب " حزب الخضر" الذي وصل لسدة قيادته"؟ انت مستهدف "حزب الخضر السوداني" خلاس؟ امشي اقرا أول مداخلة لي في هذا البوست عندما تعثرت فيه صدفةً أول أمس .... حا تلقى الردود على الدفاعات الشيوعية بالشائعات المغرضة الزي كلامك دا ... لاكين ترشّوا بدون ما تقروا ... دا الضيع شعبيتكم ووصلكم مرحلة قلم الرصاص ...

بعدين يا بدرالدين موسى ... انا مستهدف الحزب الشيوعي من زمااااان ... استهداف مؤسسي قايم على نقد مكونات المؤسسة ... انتو بتقدروا تقولوا كلام زي دا عن "حزب الخضر"؟

انا الليلة رئيس الخضر ... واحتمال كبير ما اقعد لغاية ابريل القدامنا دا ... بعد "حزب الخضر" يغيّر قيادتو برضو بتستهدفوهو؟

انتوا يوم مات قيادتكم وركّازتكم المرحوم الاستاذ "محمد ابراهيم نقد" .... انا قلت ليكم بعد دا حزبكم دا ما نافع ... انتو قايلين "حزب الخضر السوداني" بنفس التركيبة الطائفية القائمة على افراد؟

بعدين انا بستخدم حرية التعبير - في أوقات فراغي - عشان امسح الحزب الشيوعي عن الوجود ... حا استخدم "حزب الخضر السوداني" كمحاية كيف؟

أي نعم "حزب الخضر السوداني" و "الحزب الليبرالي" و "حق" وكثير من التنظيمات الشبابية والحديثة نشأت من إخفاق الحزب الشيوعي السوداني في التعبير عن يسار عريض منظّم ... ولكن الإحتياج لوعاء بديل لتنظيم العمل السياسي اليساري التقدمي هو الذي أنتج هذه الاحزاب والمنظمات ... لم يأبه بالمؤسسة القديمة سوى القليلين يريدون إصلاحها ...

انا وجهة نظري أن الحزب الشيوعي السوداني وُلِد من رحم "أزمة الحكم المزمنة" وهيمنة المركز الجلابي وأنظمة مزاوجة الشياخة والأفندية لسرقة التفويض الشعبي .... وولادته بهذا الخلل البنيوي تجعله غير قابل للإصلاح ... فكيف تصير المحاية هي "حزب الخضر السوداني" ... اجيب الخضر يلعبوا مباراة كرة قدم مع الشيوعيين ويمسحوهم مثلاً؟

ولا كيف؟


















... المهم ....

مواصله مع حذيفة حول جوهر الصراع وارتباطاته العرقية فى هذا السودان ..

قلت أنا أعلاه من المؤسف جدا أن الاستقراء الموضوعى/الواقعى لمحركات الصراع فى السودان يخلص لارتباطها ارتباط عضوى وثيق بالجانب العرقى/الإثنى ,, هذه حقيقة لا يقدح فى صلاحيتها إعتبار ذلك خطأ خُلُقى فى تكوين المجتمع السودانى, ولا مفارقتها لجوهر الصراعات الاجتماعية فى بلاد الله البعيدة..

هذه الملاحظة صالحة فى جميع أحوال الشخصية السودانية وأينما كانت وكيف تكون الا من رحم ربى .. أنظر فى تفاصيل هذا البوست العجيب فى تفاصيله التباركية/الخُضَرية
قال تبارك فى إشارة مؤسفة جدا وعامرة بالدلالات نحو بدرالدين ..

Quote: عشان التهم ما تكون جزافًا كدا على طريقة عنقالة "كادر الحماية" وعضلات تبش ... وما علمهم الحزب من أساليب تناسب انتماءاتهم العرقية من وجهة نظر اصحاب القرار في الحزب ...

وتبارك هو من هو .. نموذجا متقدما للشخصية السودانية وهى تستشرف آفاق الانسنة الواسعة كطليعة وطنية نحو الانعتاق من إسار الرجعية ..

وهذا تصور مؤسف جدا فى كل حالاته .. وأعنى تصور تبارك لحال بدرالدين مع الحزب الشيوعى ..

اولا استدعاء هذه الصورة المخزية فى سياق خصومة مع بدرالدين لا يترك مساحة واسعة لحسن الظن بتبارك شخصيا .. ومخزية هنا تشير لطريقة التفكير العنصري فى الاشارة لعرقية بدرالدين فى سياق خصومة سياسية .. ولا يهمنى كثيرا الالتفاف اللغوى الكبير الذى مارسه تبارك فى سبيل أن يقول لبدرالدين (يا فلاتى) .

نحن امام مسالتين هنا ...
الاولى الضرورة الملحة لاستدعاء الصوره ابتداءً فى سياق خصومة .. والثانية دلالات الاشارة ..
وهنا.. انتهينا من توصيف الضرورة الملحة لاستدعلء هذه الصورة او التصور فى هذا البوست .. ونستمر ..

ثانيا وبمحاكمة موضوعية جدا لهذا الاستدعاء العنصرى يجب الزام تبارك بتقديم الشواهد على تصنيف الحزب الشيوعى للاعضاء بحسب انتماءاتهم العرقية .. او الاعتذار عن ادراج معلومة كاذبة فى سياق خصومته لبدرالدين ..

ثالثا وسواء أقام تبارك حججه ضد الحزب الشيوعى او لم يستطع لذلك سبيلا .. يكون ذلك شاهدا حيا ومعاش فى لحظتنا هذه لاستقراء مكنيزمات التفكير المحركة للمجتمع السودانى .. ولعمرى كم هى فريدة هذه المكنيزمات الدقيقة فى طبع وتنميط السلوك الشخصى وطرائق التفكير والحافز عند الفرد فى المجتمع السودانى ..

* التعديل للتنسيق والوضوح ..

انا جبت سيرة "العنصرية" ... وإشارة (يا فلاتي) قااااااصد يا دكتور محمد حيدر ... على طريقة (وفي أنفسكم أفلا تبصرون) ... لأنني اعتقد أن بدرالدين محمد موسى انسان متّقد الذهن وكان يمكنه أن يختار مجالات أرقى لطاقاته الذهنية بدلاً عن هذه المعارك بالوكالة على طريقة "كادر الحماية" التي اعتادها .... لقد دربوه - ككادر حماية - على قمع ذهنه واستخدام "عضلاته التبش" ... ولم يفعلوا به ذلك لإخفاقه ذهنيًا في فهم الماركسية واستيعاب اللائحة ... بل فعلوا به ذلك لأنه "فلاتي" في بيان بالعمل لعنصرية وطبقية حزب البرجوازية الأمدرمانية الصغيرة ذات الجذور اليهودية ... فأنا افهم أننا ننتمي لمجتمع قبلي عشائري تلعب فيه الإنطباعات العرقية دورًا محوريًا في ممارستنا السياسية ... ولكن أن تتسلل هذه العنصرية لحزب يدّعي أنه ثوري ويمثل الطليعة ... فهذا ما كان سيجعلني أكفر بهذا الحزب لو كنت أنا ذلك "الفلاتي" الذي لا يرون فيه سوى "كادر حماية" ... فلن أسمح لجهة أيًا ما كانت أن تطالبني بقمع عقلي بصفتي غير مؤهل عرقيًا للإنتاج الذهني ... هذه معركة ندخلها - كمهاجرين أفارقة - يوميًا في دريبات امريكا ونعي تفاصيلها جيدًا ... وأنا على ثقة أن رسالتي لبدرالدين موسى قد وصلته بوضوح ...

وأشاركك الرأي ... أنه تصوّر مؤسف لحال بدرالدين مع الحزب الشيوعي ... ولكنه تصوّري لحال الآلاف من المقهورين عرقيًا في أوساط الحزب الشيوعي ... لزيادة الأسف ... أنه التصوّر الأقرب للواقع وتاريخ الحزب يقول بأنه التصوّر الوحيد لعلاقة الحزب الشيوعي بعضويته من العرقيات الأقل هيمنةً في المجتمع السوداني ... في أمريكا يقولون: A mind, is a terrible thing to waste ... وفي تصوّري المؤسف ... أن هذا ما فعله الحزب ببدرالدين محمد موسى ... فنرجو إضافتها لقائمة اتهاماتنا للحزب الشيوعي ...

وكما قلت في صدر البوست ... ليست لدي خصومة شخصية مع بدرالدين أو غيره من اعضاء الحزب الشيوعي بناءًا على عضويتهم للحزب ... ولكن كيف تفسّر هذا البوست وعنوانه وإقحام حزب الخضر فيه ... ومحاولة تشويه موقفي من الحزب الشيوعي وكل أشكال الهجوم الشخصي ... ومحاولات زراعة فتنة وإشعال خصومة بيني وبين الخضر السودانيين ونصحهم بأن "يلحقوا نفسهم" ... وكل هذا التناول غير الموضوعي لوجهة نظري وموقفي؟ (مداخلات "اب تفة" غواصة الإتحادي في الحركة الشعبية ما معدودة)

بعدين ممكن نجيب الشواهد ونقيم الحجج يا دكتور ... بس اتذكر انو دا حزب ألعوبان .. وأنا متجنب ذكر الأسماء والشخوص وبحترم البعد التأميني لسرية الحزب الشيوعي ... في ناس بريئين في الحزب دا وما عندهم دخل في المؤامرة المؤسسية الهم جزء منها ... أمال نحن بنقول عليهو انو حزب جاسوسي واستخباري ليه؟

لو في طريقة نجيب محاضر القدد وإحصائيات ووقائع الحزب بنجيبها ... بس انا بفضّل الجانب النظري من الرأي على الجانب المعضد بالأدلة المادية ... والما عاجبو كلامي دا اليشتكيني في المحكمة ... بتهمة العنصرية ... إشانة السمعة ... نشر الأكاذيب ... البريحكم ...














... المهم ....

لا بأس من نشر محاضر "القدد" يا تبارك ان كانت بحوزتك او باستطاعتك الحصول عليها ..
وذلك نحو اثبات التهمة على الحزب الشيوعى لتضاف لتهمتك المثبتة فى استدعاء هذا الأمر ..
ولا أدرى سبب واحد لتحفظك فى هذا الأمر ..
أُمال مسح الحزب الشيوعى ده بكون كيف ؟!
الهجوم بالنظر ولا كيف آ تبارك ..

Quote: ولكن كيف تفسّر هذا البوست وعنوانه وإقحام حزب الخضر فيه

يا تبارك هذا أمر مفسر جدا فى سياقه بحيث يكون عدم اقحام حزب الخضر هو الأمر الغريب .. أنت رئيس حزب الخضر آ زول .. وكان ما عارف أها النقول ليك .. انت رئيس حزب الخضر يا تبارك !!
ولو رجعت الصفحة الاولى انا قلت كلام واضح جدا عن أهمية الالتزام الحزبى عند ممارسة السياسة ..
عشان الناس تكون مُعرفة بصورة واضحة وترتكز فى خلافاتها على قاعدة جادة جدا ومواقف مسؤولة وقادرة على طرح البديل ..

Quote: . بس انا بفضّل الجانب النظري من الرأي على الجانب المعضد بالأدلة المادية ... والما عاجبو كلامي دا اليشتكيني في المحكمة ... بتهمة العنصرية ... إشانة السمعة ... نشر الأكاذيب ... البريحكم ...

لاشيء مريح فى هذا الأمر ..
ولو ما عارف أعرف الآن أنى شديد الاحباط منك ومن موقفك هنا ..
فبصورة غريبة أعدك أحد الاصدقاء .. وإمكن صديق قريب جدا كمان !
والله صحى !!

والله نفس الشعور يا مشرّف ...

بس ما داير ادخل في دهاليز الـ Hearsay الشيوعية ... خلينا في الراي بتاع مغازلة القيادة لشريحة اجتماعية وعرقية تنحصر في مجموعة أسر محددة على حساب بقية عضوية الحزب ...

توارث القيادة والريادة ومكاتب الحزب بين هؤلاء تدلل على هذه الظاهرة ... بدون تخصيص اسماء وتواريخ ووقائع ... ما دايرين نفتح ملفات جانبية ...

Quote: أُمال مسح الحزب الشيوعى ده بكون كيف ؟! الهجوم بالنظر ولا كيف آ تبارك ..

انت قول خير ... موضوع المسح دا ماشي كويس خالس ... كتّر خير صاحب البوست ...

بعدين انا بعرف موضوع الإلتزام الحزبي بى طريقة مختلفة شوية عن طريقة الشيوعيين المعتادة ... وأنا ملتزم تمامًا بالأرضية السياسية لحزب الخضر السوداني ...

بس حزب الخضر بتاعنا ما عندو "آيديولوجية" انا التزم بيها ... ولو كان حزب الخضر لديه موقف محدد من الحزب الشيوعي ... لكنت أنا جزء من صناعة هذا الموقف ولالتزمت بهذا الموقف ...

فأنا في موقفي من الحزب الشيوعي أعمل في مساحة لا علاقة لها بإلتزامي بحزب الخضر السوداني ... لذلك أدهشني إقحام حزب الخضر ...

لقد تجاوزنا الآيديولوجيات حتى صرنا لا نفهم منطقها الجاهلي وتقاليد العصور الوسطى المصاحبة لها ...












... المهم ....

You lie with dogs, you get fleas...

I might agree on the meaning of the M E T A P H O R, but I totally disagree with the analogy, communists are way better than dogs

(لا أدري سر عداء موقع بكري من مقطع M E T A ولكنني تحايلت عليها بما استطعت!)

















... المهم ....

ههههههههه
شوفوا رئيس حزب "الخدر" فكر ثم قدر, ثم فكر, ثم كتب كلام خارم بارم!
للاسف دا رئيس حزب يا ناس!
واضح ان معايير اختيار رؤوساء الاحزاب بقت رش الحوش البراني, او القعاد في قيف البحر و تنميق ابخرة الدخان في افكار نيرة و "عميغة"!

Quote: انا جبت سيرة "العنصرية" ... وإشارة (يا فلاتي) قااااااصد يا دكتور محمد حيدر ... على طريقة (وفي أنفسكم أفلا تبصرون) ... لأنني اعتقد أن بدرالدين محمد موسى انسان متّقد الذهن وكان يمكنه أن يختار مجالات أرقى لطاقاته الذهنية بدلاً عن هذه المعارك بالوكالة على طريقة "كادر الحماية" التي اعتادها .... لقد دربوه - ككادر حماية - على قمع ذهنه واستخدام "عضلاته التبش" ... ولم يفعلوا به ذلك لإخفاقه ذهنيًا في فهم الماركسية واستيعاب اللائحة ... بل فعلوا به ذلك لأنه "فلاتي" في بيان بالعمل لعنصرية وطبقية حزب البرجوازية الأمدرمانية الصغيرة ذات الجذور اليهودية ... فأنا افهم أننا ننتمي لمجتمع قبلي عشائري تلعب فيه الإنطباعات العرقية دورًا محوريًا في ممارستنا السياسية ... ولكن أن تتسلل هذه العنصرية لحزب يدّعي أنه ثوري ويمثل الطليعة ... فهذا ما كان سيجعلني أكفر بهذا الحزب لو كنت أنا ذلك "الفلاتي" الذي لا يرون فيه سوى "كادر حماية" ... فلن أسمح لجهة أيًا ما كانت أن تطالبني بقمع عقلي بصفتي غير مؤهل عرقيًا للإنتاج الذهني ... هذه معركة ندخلها - كمهاجرين أفارقة - يوميًا في دريبات امريكا ونعي تفاصيلها جيدًا ... وأنا على ثقة أن رسالتي لبدرالدين موسى قد وصلته بوضوح ... وأشاركك الرأي ... أنه تصوّر مؤسف لحال بدرالدين مع الحزب الشيوعي ... ولكنه تصوّري لحال الآلاف من المقهورين عرقيًا في أوساط الحزب الشيوعي ... لزيادة الأسف ... أنه التصوّر الأقرب للواقع وتاريخ الحزب يقول بأنه التصوّر الوحيد لعلاقة الحزب الشيوعي بعضويته من العرقيات الأقل هيمنةً في المجتمع السوداني ... في أمريكا يقولون: A mind, is a terrible thing to waste ... وفي تصوّري المؤسف ... أن هذا ما فعله الحزب ببدرالدين محمد موسى ... فنرجو إضافتها لقائمة اتهاماتنا للحزب الشيوعي ... وكما قلت في صدر البوست ... ليست لدي خصومة شخصية مع بدرالدين أو غيره من اعضاء الحزب الشيوعي بناءًا على عضويتهم للحزب ... ولكن كيف تفسّر هذا البوست وعنوانه وإقحام حزب الخضر فيه ... ومحاولة تشويه موقفي من الحزب الشيوعي وكل أشكال الهجوم الشخصي ... ومحاولات زراعة فتنة وإشعال خصومة بيني وبين الخضر السودانيين ونصحهم بأن "يلحقوا نفسهم" ... وكل هذا التناول غير الموضوعي لوجهة نظري وموقفي؟ (مداخلات "اب تفة" غواصة الإتحادي في الحركة الشعبية ما معدودة) بعدين ممكن نجيب الشواهد ونقيم الحجج يا دكتور ... بس اتذكر انو دا حزب ألعوبان .. وأنا متجنب ذكر الأسماء والشخوص وبحترم البعد التأميني لسرية الحزب الشيوعي ... في ناس بريئين في الحزب دا وما عندهم دخل في المؤامرة المؤسسية الهم جزء منها ... أمال نحن بنقول عليهو انو حزب جاسوسي واستخباري ليه؟ لو في طريقة نجيب محاضر القدد وإحصائيات ووقائع الحزب بنجيبها ... بس انا بفضّل الجانب النظري من الرأي على الجانب المعضد بالأدلة المادية ... والما عاجبو كلامي دا اليشتكيني في المحكمة ... بتهمة العنصرية ... إشانة السمعة ... نشر الأكاذيب ... البريحكم ...

Quote: واضح ان معايير اختيار رؤوساء الاحزاب بقت رش الحوش البراني, او القعاد في قيف البحر و تنميق ابخرة الدخان في افكار نيرة و "عميغة"!

جورج بوك (دينق) ... قابلته شخصيًا وأنكر سابق معرفته بي ... وهو صاحب الشائعة الأصلي ... وبرر شائعته - أمام الشهود - أنه يدافع عن نفسه ولا يجيد "المطاعنة بالكلام" ... فاخترع الأكذوبة ليغيظني ... لا زلت أحتفظ بحقي في رفع دعوى قضائية ضده ... كل ما في الأمر أنني لا أجد لها ضرورة طالما أن جورج بوك يحتفظ بالتهذيب والإحترام تجاهي ولا يعود لهذه الرعونة ...

راني السماني في كندا ... حاول تكرار الشائعة رغم أنني لم ألتقيه في حياتي ... زجره الجميع فتركته وشأنه رغم نيتي في رفع دعوى قضائية ضده أيضًا ... أيضًا غير مضطر لتحمل تكاليف قضائية غير ضرورية رغم ثقتي من مقدرتي أن أضعه في السجن بالقانون ...

أمّا أنت يا بدرالدين احمد موسى ... فلن "أشكك" بلاغ حزبي في حزب أضمر له اكثر مما يضمر لي ... فلن يقفوا في صفي بل وسيحاولوا جعل الحكاية مدخل لاغتيال الشخصية في فرصة طالما بحثوا عنها ... ولن أقاضيك طالما لم أقاضي من سبقوك ... لذا اعترف لك:

لقد فضحتني يا رجل ... وكشفت عورتي ... فأنا اعتدت أن ادخّن "البنقو" لسنوات طويلة سرًا ... وأنكر علاقتي بالبنقو صباح مساء ... ولكنك اليوم أخرجت السر الدفين ووضعته في العلن ... ولا استطيع إنكاره بعد اليوم ... ونصيحة أخوية لك ... إذا أردت أن تتقلد منصبي هذا وتصير رئيسًا لحزب الخضر السوداني؛ فعليك بالبنقو .. فإنه له وجاء ... ولتذهب لائحة الحزب الشيوعي السوداني التي تجرم البنقو للجحيم ... وليبقى البنقو عاليًا محترقًا على مر الدهور والأجيال ...

انا دا - الما بشرب البنقو دا - بششششششششرب البنقو ... عجبك ولاّ غلبك؟

بالله شوفوا الافلام الهندية بتاعة الحزب الشيوعي السوداني .....
















... المهم ....

المشرف حبابك

العنصرية والعرق موجود عندنا وفي بلاد الله البعيدة...بس حقنا محرقنا....
تصاعد لقدر عالي بفعل السياسة الحكومية الرسمية -مافي شك-
تنامت وتتنامي القبلية والجهة بفعل سياسي رسمي ورد فعل حتي أصبح الإنهيار خطر ماثل...؟. جداً..
رغم ذلك أصر علي صحة ما إقتبسته أنت من قولي وحتى يأتيني ما يقنعني بما يخالفه...... إفحام العرقية والعنصرية كمحرك أول للصراع الإجتماعي السياسي والفكري السوداني لا يجد عندي القبول

البوست لن يحتمل حرفه لأوضح وجهة نظري ولن يرضي صاحبيه والزوار فدعها الأن....

فقط أردت في هذا البوست أن أنكر علي من يرجي فيهم أستخدمها كما تستخدمها حكومتنا السنية يسألون عن القبيلة في أوراق رسمية ..ويسأل هنا عن قبيلتك ويتلمس كمدخل أول لرؤية مواقفك ويرون الأحزاب بالنظر إليها عبر مناظير عرقية أولاً..

الأخ تبارك إزيك

تدهشنا بالغرائب
تريد محو كوم الحزب الشيوعي من الأرض بضهر الكوريك ....
أحكام مرسلة وإتهامات بدون سند بدعوى أنك تجيب بقدر السؤال - لن تذكر أسماء شخصيات ومواقف -( لن تورد أدلة مادية وستستند علي النظري فقط) [ بس انا بفضّل الجانب النظري من الرأي على الجانب المعضد بالأدلة المادية]...
بس الجانب النظري غير معضد بالأدلة ده نسميه شنو ..
التنظير في نوعية إتهاماتك لتي سقتها يستند ويقوم علي الواقع والوقائع والوقائع أخبار تحتمل التكذيب والصدق إتكالاً علي الإثباتات (الأدلة المادية). فكيف تريد إزالة كوم الحزب الشيوعي بكوريك جانبه الغريق متجه لأعلي مستخدماً "ضهره". اللهم إلا إن أردت عوضاً عن المسح أن تمسح التهم وتطلو بها وجه الحزب فتخفيه عن الأنظار-
وهذا الإستخدام للكوريك يتفق مع التبسيط المذهل درجة الإستهانة للواجب الوطني الذي نذرته علي نفسك (في أوقات الفراغ)

تصر علي التقصد في إدخال تنظيمك هنا تعسفاً..
سمعنا بأن السودنيين وأظن باقي شعوب أهل الأرض لا تفصل السلوك الشخصي الفردي عن التنظيم السياسي للفرد..
لكن مطلب فصل مواقف ال القيادي السياسية وأراءه في الشأن العام عن حزبه فدي غريبة شوية...

شن قولك إن أعلن محمد مختار الخطيب قرر أن يشن حملة شعواء علي أحزاب الوطني الشعبي البعث الأمة والإتحادي وتنظيمات وجبهات الثورية وأن يمر كاسحاً الليبرالي والأخضرين وحق ولا بأس من أن يكنس منابر سودانيز وفورأول وبعض المجموعات الشبابية التي يري أنها عميلة ومخابراتية...وطلب السيد الخطيب له تحياتنا أن لا يقحم الحزب الشيوعي جراء معركته التي أوجبها علي نفسه ... وإن وافقناه في أمره تجاه حزب واحد لا مندوحة من الموافقة علي البقية
وعلي الجميع إحترام شخصنته لمعركته..وعلي الحزب أن لا يسائله عن مواقفه الشخصية هو قائد منتخب..

وتخيل لو أعطينا هذا الحق لبقية الأحزاب وقياداتها ياخي عبدالرحمن المهدي كان أبوه قدر مرق منو.... ومافي حزب حينزنق في معركة ما المخارجة جاهزة ...ده فلان براهو..


- تكرمك بتوضيح إضافي لنقطتين:
ذكرت أنه تم تشويه موقفك من الحزب الشيوعي نرجو الإيضاح عن الموقف والتشويه.
وذكرت أنكم تجاوزتم الأيدلوجيات وأن لا أيدلوجيا للخضر –. مزيداً من الضؤ.

Quote: واضح ان معايير اختيار رؤوساء الاحزاب بقت رش الحوش البراني, او القعاد في قيف البحر و تنميق ابخرة الدخان في افكار نيرة و "عميغة"!

ما فهمتها في الأول ووقعا لي تعليق تبارك ...
إتهام دون سند .. تدخل في الخاص الشخصي الفردي ... إثباته لو تم يدخل في دائرة تجسسوا وتحسسوا البيت الخاص والحوش البراني.... لا يهم هذا البوست ولسنا الشرطة ولا الخضر....

لكن يا تبارك ، راجع الخبراء وشوف، ( إذا كان تعلم هذه الدهية بجيب أفكار نيرة وبهية وممكن يخليك تنظم لينا كلامك في البوستات أعلاه وتنزلوا من الأتهامات الساي للإثباتات والمنطق وتجيب حيثيات إتهاماتك اللي قيلت قبل كده بس مافي زول راضي يختها هنا بدالك زي ما منتظر) ... ياخي إتعلما ولو لفترة دوام هذا البوست اللي حاتابعه ولو لم إتداخل.

Quote: بالله شوفوا الافلام الهندية بتاعة الحزب الشيوعي السوداني ....

؟؟؟؟؟؟؟؟!!!!!!!!!

Quote: فقط أردت في هذا البوست أن أنكر علي من يرجي فيهم أستخدمها كما تستخدمها حكومتنا السنية يسألون عن القبيلة في أوراق رسمية ..ويسأل هنا عن قبيلتك ويتلمس كمدخل أول لرؤية مواقفك ويرون الأحزاب بالنظر إليها عبر مناظير عرقية أولاً..

ولكننا في هذا البوست بصدد وجهة نظر تريد مسح حزب من الوجود بسبب ممارسات كهذه ... وضحية الممارسة هو مفترع البوست نفسه ... وخطاب البوست يدلل على العنصرية التي مورست على مفترع البوست بقمعه ذهنيًا ...

البوست نفسه يقف شاهدًا على هذا التاريخ الذي لن نتجاوزه بدفن رؤوسنا في الرمال وإنكار وجوده ...

انظر لحرف البوست للهجوم الشخصي وتهمة البنقو (وكأن البنقو تهمة!) ... لماذا ينحرف ببوسته لهذا الإنحراف المخزي لو تدرّب على الحوار الفكري الأمين والجاد ...

من قام بتدريبه على هذا الإنحراف المخزي ولماذا ... وهو يملك من القدرات الذهنية والمعرفية ما يؤهله لأفضل من ذلك؟

لقد استهونوه لأنه "فلاتي" ... حتى هانت عليه نفسه ... وصار لا يرى عقلاً في غير استراتيجيات الحماية التي خبرها ...















... المهم ....

تحياتي يا تبارك
محيرني موقفك في البوست دا, ما ممكن تفترض افتراض من عندك وتبني عليهوتعتبره قاعدة, اعني مسألة اختيار كوادر الحماية بناء على اعراقهم - أو كما بالصيغة الانت قلتها تنميط اعراق معينة و حرمانها من المشاركة سوى في دور محدد
وتضرب مثال ببدر الدين تشيد بقدراته و تستنكر كونه يكون كادر حماية و ترجع المسالة دي لعرقه و تتعامل مع المسالة دي كأنها حقيقة وليست فرضية
غير كيس بدر الدين عندك مثال آخر يدعم النسق الإحصائي الخلاك تصل للنتيجة دي؟ هل لا يوجد كوادر حماية من اعراق أخرى و لهم قدرات مثل قدرات بدر الدين
طبعا يستحيل تتوفر على المعلومات و الإحصاءات دي ما لم تكن عضو كامل العضوية في الحزب بل و درجتك التنظيمية متقدمة
مسألة انك ما حتجيب اسماء ودلائل تدعم إدعاءك لن تفيد النقاش على الأقل الطرف التالت القارئ المتابع لنقاشكم دا وما عندو الخلفية العندكم عن كيفية اختيار و توزيع الكوادر
افهم لو بدر الدين و اعضاء الحزب ما فنّدوا فرضيتك لأسباب تنظيمية و تامينية و غيرها لكن انت ما في ما يمنعك من دعمها و اثباتها بالإحصاءات

الشايقي الطويل الجهامة ... ابن الهامش وودالقضارف ... بإمكانياته الذهنية التي خبرها الجميع هنا ... طه جعفر ...

والرجرجة والدهماء في المواقع القيادية ...

انا ضربت مثل بى بدرالدين لأنو اتسدّر للموضوع ... لاكين حقيقة ما داير اجيب اسماء وأدخل في الشخصي ...

قلنا ليك اتعامل مع الجانب النظري في الراي ... هل يخلو الحزب الشيوعي من "طائفية" غير معلنة تحابي أسر معينة على حساب بقية العضوية؟

هل نحتاج لأدلة واسماء ودلائل لنقول هذا الرأي عن الإتحادي الديموقراطي؟ أو عن حزب الأمة؟

بدرالدين جانا يترتر .. وقلنا ليهو انت في قاع المؤسسة الطائفية العنصرية الانت جايي تدافع عنها ... في ردو قال ليّ يا بتاع البنقو ... يعني أكّد كلامي بصورة غير مباشرة ...

الداير اسماء ومعلومات وإحصاءات ... يلجأ للقضاء ...












... المهم ....

Quote: هل يخلو الحزب الشيوعي من "طائفية" غير معلنة تحابي أسر معينة على حساب بقية العضوية؟

و

Quote: لاكين حقيقة ما داير اجيب اسماء وأدخل في الشخصي ...

طيب بالتوفيق لمشروع مسح الحزب ..... رجالة ساي

Quote: افهم لو بدر الدين و اعضاء الحزب ما فنّدوا فرضيتك لأسباب تنظيمية و تامينية و غيرها لكن انت ما في ما يمنعك من دعمها و اثباتها بالإحصاءات

نحن اولاد قبايل ... ما بنطعن من الخلف ولا بنستغل ضعف ... نحن بنجي بالدرب وبنقارع الحجة بالحجة ... وأخلاقياتنا باختيارنا ما بنبررها لى زول ...

انا ممكن انتقد الحزب الشيوعي لغاية ما أجيبو الواطا ... لاكين ما بعرّض تأمينو للخطر عشان انتصر لى نفسي ... النظام ما كدا يا مان ...

ما بنتدبى ليهو ... بنشيلو حمرة عين ..















... المهم ....

كمان ما ممكن تفرض فرضية كبيرة زي دي في حق الحزب - هي تهمة على الاصح - وفي مكان للحوار العام وما تثبتها بحجة الاخلاق
الحزب الخايف على تأمينو ألاتخاف على أدبيّاته و صورته و طرحه كحزب تقدّمي من أهدافه الأساسية محاربة التمييز العرقي و المحاباة و سائر عيوب المجتمع و مفاهيم (اولاد امدرمان) القلتها دي
ثم ياتبارك ما عايز اصفك جزافا كدا ساي بالعنصرية - و لم اعرفها عنك من كتابتك هنا من قبل - لكن انت من انحرفت بالنقاش للحتة دي و جبتها انت ورميت بيها الحزب فهل يحق عليك هنا مقولة رمتني بدائها و أنسلّت ؟

والله انتو ناس جمجرة ودايرين ليكم شمار حار في الشيوعيين ... وانا فرصة زي دي ما بديكم ليها ...

الندلل ليكم على النظرة العنصرية المهيمنة على الحزب الشيوعي كمؤسسة بطريقة تانية ...

رفع السيد "حامد كفو" مرشح الجبهة القومية الإسلامية في كسلا ... دعوى قضائية على جريدة الميدان لسان حال الحزب الشيوعي السوداني ... شاكيًا إياها بأنها وصفته بالأجنبي واللاجئ وأوصاف عنصرية أخرى ... فنشرت جريدة الميدان اعتذار ودفعت تكاليف المحكمة وتعويض مالي لحامد كفّو تنفيذًا لحكم المحكمة ...

وقيسوا على ذلك ... دايرين عنصرية اكتر من إدانة جريدة الحزب الرسمية في قضية عنصرية؟

الراي ما مبني على تهم جزافية ... لاكين ركزوا لينا على الراي ما على إثبات التهم ...
















... المهم ....

Quote: والله انتو ناس جمجرة ودايرين ليكم شمار حار في الشيوعيين ... وانا فرصة زي دي ما بديكم ليها ...

اتوقّعتها منّك.. اخير تقول جلا عديل

Quote: رفع السيد "حامد كفو" مرشح الجبهة القومية الإسلامية في كسلا ... دعوى قضائية على جريدة الميدان لسان حال الحزب الشيوعي السوداني ... شاكيًا إياها بأنها وصفته بالأجنبي واللاجئ وأوصاف عنصرية أخرى ... فنشرت جريدة الميدان اعتذار ودفعت تكاليف المحكمة وتعويض مالي لحامد كفّو تنفيذًا لحكم المحكمة ... وقيسوا على ذلك ... دايرين عنصرية اكتر من إدانة جريدة الحزب الرسمية في قضية عنصرية؟

إذن الحزب الشيوعي عنصري و يميّز في توزيع كوادره تنظيميا بناء على اعراقهم !!
القياس عندك لكن

العنصرية كمّها يا ود البشرى؟

وااااحدة ... لو مارسوها مع الخصوم ... أو مارسوها مع الكوادر ...

القياس العندك انت كيف؟













... المهم .....

Quote: هسه يا طبارك إذا كان مسح الحزب الشيوعي من الوجود ( واجب وطني ) ..فماذا عن المؤتمر الوطني ..:)

إذا أردنا هدم بناء ... علينا وضع عبوات ناسفة في أساسه ...














... المهم ....

العنصرية واحدة نعم لكن لمّا اقول الحزب الفلاني عنصري و يفعل كذا وكذا و يميّز كوادره عرقيّا هنا بتكلّم عن منهج و فعل غير مستنكر و موافق عليه في ادبيّات الحزب وبين قياداته و كوادره ودا ينسف مبادئ الحزب وما يدعو له من مساواة وعدالة وقيم نبيلة
لكن ما فعلته الجريدة دا فجور في الخصومة منّها - او من القائمين على تحريرها - و اعتذارها ودفع التعويض بمثابه اعتراف ونوع من النقد الذاتي
انا ما عارف تفاصيل الحادثة دي لكن افترض أن الحزب بكون حاسب القائمين على أمر الجريدة لمخالفتهم أحد المبادئ التي يدعو لها الحزب.

Quote: فتحي البحيري دا انفصل مننا لأنو كان داير ليهو حزب فيهو "لايحة محاسبة سلوك الأعضاء" ... عشان تحاسب ليهو آمنة مختار ومن يختلفون معه في الرأي

معليش يا تبارك
لكن الحقايق الموضوعية في هذه الحتة غير ذلك تماما
مؤسف ان تعطي لنفسك الحق في هذا التصحيف (المتعمد والمغرض والمجرم) لما حدث
انا لم ولن ولا يعقل أن أطلب لائحة لمحاسبة من يختلفون معي في الرأي
أنت الذي كنت ولا زلت تريد (وضعية خاصة) لامنة بحكم انها عندها مشاكل نفسية وانها اسست الحزب حسب تقديرك - وللسببين العجيبين ديل ولاجتماعهما الأعجب! - يجب أن تترك على حل انتهاكها المستمر للاخرين ... خصوصياتهم وحرماتهم والتحرش بهم بمختلف الوسائل المختلفة الروائح . وعلى هؤلاء الاخرين - لأنهم لم يؤسسوا الحزب ولايعانون من مشاكل نفسية في نظرك - إما أن يقبلوا بهذا الانتهاك المستمر والاعتداء الدائم واما يخرجوا مثل الكثيرين الذين تركوا الحزب زمااان
هذا هو اخر ما دار بيني وبينك قبل ان نفترق سياسيا
فلمصلحة من تزور في هذا التاريخ القريب يا تبارك .. ولماذا ؟؟
ونحن ما قصرنا معاك ولا مع أحد
فكرة انو عندك واجب ما ... تجاه امنة وما تعانيه دي في حد ذاتها حاجة نبيلة جدا وتجد منا التقدير والاحترام والتفهم
بس الواجب دا ما ممكن تحققو بانك تجعل حزب الخضر نسخة مشوهة من احزاب الملكية الخاصة زي حزب الترابي والميرغني والصادق
في وسائل اخرى اجتماعية وثقافية ممكن تعمل بيها الواجب دا
ثم انا لم انفصل ... على الإطلاق
انا قمت بتجميع الخضر الحقيقيين خارج حزبكم في حزب خضر حقيقي وانت تعلم ذلك
والذين يسمون ذلك انقساما او انشقاقا نسوق لهم مثلا بسيطا ليتوقفوا عن هذه التسمية المخلة لما حدث

(تخيل أن هناك مجموعة مكونة من 7 أشخاص قبل (ما حدث) ....... وبعده مباشرة صار هناك مجموعتان .. إحداهما 4 والثانية 39 هل يمكن أن نسمي ذلك انقساما او انشقاقا او انفصالا ؟؟)



الارقام لتقريب الفكرة وليست بالضرورة لعد اعضاء الخضر السوداني والخضر الديمقراطي

يا تبارك
ادرك ما تعانيه في هذا البوست جراء خلطك لمشاعر ذاتية خاصة بعمل عام
وافهم ما تعانيه داخل الخضر السوداني لذات السبب
واراقب هذه المعاناة عن كثب
داعيا الله لك من كل قلبي بالتوفيق لخروج عادل ومريح من هذين المأزقين اللذين هما مأزقا واحدا
ولا أطالبه جل وعلا أن يشفيك من حب آمنة مختار وكراهية الحزب الشيوعي
ولكن اتوسل اليه واتسوله أن يلهمك وضع هذه المشاعر مواضعها المناسبة ....بعيدا عن شئون الناس العامة



وعيب يا تبارك عيب !
انت قابل روحك بتبيع (شنو ؟؟) (وين ؟؟؟)

Quote: أنت الذي كنت ولا زلت تريد (وضعية خاصة) لامنة بحكم انها عندها مشاكل نفسية وانها اسست الحزب حسب تقديرك - وللسببين العجيبين ديل ولاجتماعهما الأعجب! - يجب أن تترك على حل انتهاكها المستمر للاخرين ...

يعني مستثناة من اللايحة؟ ... أمنة "وضعية خاصة" والبقية يتحاسبوا؟ ... يعني لو كنّا اتفقنا معاك؛ كان هسى تكون آمنة مرفودة بنص اللائحة وما عندها "وضعية خاصة"؟

هل هنالك عدم أمانة في نقل وجهة نظرك أنك تريد لائحة محاسبة سلوك تسري على الجميع وليس فيها وضعية خاصة للبعض؟

هل هنالك عدم أمانة في القول بأننا اختلفنا معك على محاسبة سلوك الأعضاء مبدئيًا ووجهناك باللجوء للشرطة إن كنت ترى أنك متضرر؟

هل هنالك عدم أمانة في القول بأنك انفصلت مننا لهذا السبب؟ بل ووضعته شرطًا لرجوعك أن "نحاسب" آمنة؟

بعدين ما تتخيل نفسك الوحيد البتعرف تحرّف كلام الزول التاني وتخليهو منظرو ما حلو ...

بس انا جبت وجهة نظرك الإنت انفصلت مننا على اساسها في عمومياتها ... ما دخلت في الحوارات الشخصية وشغل الجمجرة البتعمل فيهو انت هنا دا ....

نحن قررنا انو نهنيكم على إنشاء حزبكم وعلى تحقيق اهدافكم ليه؟ لأنكم في أهدافكم المعلنة أصلاً ما اختلفتوا معانا ...

هسى الناس المشوا معاك ديل - كان 4 كان 40 - حا تعمل ليهم لايحة تحاسبهم ولاّ حا تعتبرهم "وضعية خاصة" ...

يا فتحي معقول تكون مختلف مع شخص أو جهة .. وتكون ما فاهم نقطة الإختلاف ظاطو؟

بعدين رايي وموقفي من الحزب الشيوعي ما "مشاعر" ... لا حميمية ولا عدائية ...

ياخي انا كاتب اني سألت "صديق حزب" عن طبيعة هذه "الصداقة" ... لأني استنكر إقحام المؤسسات في "المشاعر" ... أو العكس ....

بدرالدين احمد موسى فتح البوست دا عشان مداخلتك دي ... عشان كدا انا حاولت اعمم وما ادخل في الخاص ...

تلف وتدوّر ... بندق الصفايح ... ونطلع الفضايح ...

نحن بنحترم خصوصيات الناس ... وبنتوقع الإحترام في المقابل ....












... المهم .....

Quote: بمثابه اعتراف ونوع من النقد الذاتي

"النقد الذاتي" البيجُب ما قبله دا ... كلنا بنعرف ليهو ... خليني اتمغّى في الشيوعيين ... وبعدين الفخهم "نقد ذاتي" يخلي ريحتهم طير طير

المثل الجلابي بيقول: الإضينة دقّو واتعضّرلو ...


















... المهم ....

Quote: يعني مستثناة من اللايحة؟ ... أمنة "وضعية خاصة" والبقية يتحاسبوا؟ ... يعني لو كنّا اتفقنا معاك؛ كان هسى تكون آمنة مرفودة بنص اللائحة وما عندها "وضعية خاصة"؟ هل هنالك عدم أمانة في نقل وجهة نظرك أنك تريد لائحة محاسبة سلوك تسري على الجميع وليس فيها وضعية خاصة للبعض؟ هل هنالك عدم أمانة في القول بأننا اختلفنا معك على محاسبة سلوك الأعضاء مبدئيًا ووجهناك باللجوء للشرطة إن كنت ترى أنك متضرر؟ هل هنالك عدم أمانة في القول بأنك انفصلت مننا لهذا السبب؟ بل ووضعته شرطًا لرجوعك أن "نحاسب" آمنة؟ بعدين ما تتخيل نفسك الوحيد البتعرف تحرّف كلام الزول التاني وتخليهو منظرو ما حلو ... بس انا جبت وجهة نظرك الإنت انفصلت مننا على اساسها في عمومياتها ... ما دخلت في الحوارات الشخصية وشغل الجمجرة البتعمل فيهو انت هنا دا .... نحن قررنا انو نهنيكم على إنشاء حزبكم وعلى تحقيق اهدافكم ليه؟ لأنكم في أهدافكم المعلنة أصلاً ما اختلفتوا معانا ... هسى الناس المشوا معاك ديل - كان 4 كان 40 - حا تعمل ليهم لايحة تحاسبهم ولاّ حا تعتبرهم "وضعية خاصة" ... يا فتحي معقول تكون مختلف مع شخص أو جهة .. وتكون ما فاهم نقطة الإختلاف ظاطو؟ بعدين رايي وموقفي من الحزب الشيوعي ما "مشاعر" ... لا حميمية ولا عدائية ... ياخي انا كاتب اني سألت "صديق حزب" عن طبيعة هذه "الصداقة" ... لأني استنكر إقحام المؤسسات في "المشاعر" ... أو العكس .... بدرالدين احمد موسى فتح البوست دا عشان مداخلتك دي ... عشان كدا انا حاولت اعمم وما ادخل في الخاص ... تلف وتدوّر ... بندق الصفايح ... ونطلع الفضايح ... نحن بنحترم خصوصيات الناس ... وبنتوقع الإحترام في المقابل ....

في عدم أمانة يا سيدي وعدم أخلاق وعدم ضمير مطلق
وعدم احترام لعقول الناس البقرو
إنك تقول انو انا طلبت لائحة محاسبة للناس البيخالفوني في الرأي !
دا واحد
في ذمتك انا طلبت محاسبة تعاقب على الاختلاف في الرأي؟؟
ولليلة ولي بكرة
ما تتخيل انت ولا غيرك انو ممكن تسامحنا الزائد وأدبنا الجم يمكن يخلينا نتغاضى عن الكذب والاعتداء والافتراء
وما تتخيل انك عندك الحق انك تكذب علينا وعلى الاخرين
بدون ما يكون عندنا الحق انو نقول الحقيقة حيال هذا الكذب والافتراء دون أن نخوض في غيره من الحقائق
ايوا
نقطة خلافنا الأساسية معك انك ترى امنة مختار فوق المحاسبة
لانك ترى انها معتلة نفسيا وانها اسست الحزب
ما عارف الـ2 ديل يتلمن كيف ؟ كيف زول معتل نفسيا يؤسس حزبا
لكن دا فهمك
وفي تقديري انك مخطئ جدا في التعاطي مع تأسيس حزب بهذا الفهم
ودا نابع من تقدير خاص تكنه لها ونحترمه ومعلوم من جملة كلامك عنها في هذا المنبر وفي غيره
فقط نختلف معك في ان العمل العام لا يجب ان يكون ميدانا لهذا التقدير الخاص
مثلما ان العمل العام لا يجب ان يكون ميدانا لتفريغ مراراتك الخاصة ضد الحزب الشيوعي
بعدين ياتو خصوصيات انا لم احترمها ليك
كل كلام انا قتو هنا .. منشور ومعتت في هذا المنبر
انت وامنة البتكونوا محتاجين درس مستمر في احترام خصوصيات الاخرين .. كما عساك تعلم
بعدين اظن انو التجربة ورتك انو انا ما من الناس البيستجيبو لي اي ابتزاز
ودا ليك مني عهد يا تبارك
كل ما تجيب سيرتي ولا سيرة الخضر الديمقراطيين هنا ولا في اي مكان بالكضب والافتراء
انا حاجي واوري للناس حقيقتك
دق صفايحك وطلع فضايحك .... ساي

نقطة خلافنا الأساسية معك انك ترى امنة مختار فوق المحاسبة لانك ترى انها معتلة نفسيا وانها اسست الحزب

محمد البشرى الخضر

تحياتي

يا محمد ياخ ما تزعل من تبارك شيخ الدين رئيس حزب الخضر السوداني و محاولته لبس ثوب العنصرية البالي, و محاولة تسويف النقاش هنا حول دعوته النازية بمسح الحزب الشيوعي من الوجود, بوصف الفلاتة بالغباء و انهم ممكن يستكرتوهم ساكت كدا.

في الحقيقة يا محمد البشرى تبارك عندما كتب كلامه كان يريد او يوصل رسالة لشخص اتهمه هو نفسه (اي تبارك شيخ الدين) بانه من غرب افريقيا. فقد كتب له سليمان رافاي في بوست ابوريش هذان الحزبان الاتي
كتب رافاي من الفيسبوك معلقا على هراء كتبه رئيس حزب الخضر الاتي:

Quote: "تبارك شيخ الدين جبريل !!!! ما أغربه من مسمى!! من أي الملل أنت ياتبارك؟ ما نوع المخدر الذي تستخدمه؟ هل أنت سوداني أصيل أم أنك من الذين هاجروا للسودان من غرب إفريقيا...متى قابلت طبيبك النفساني آخر مرة؟ لا تسرف في تعاطي ما تتعاطاه...وإلا فنهايتك بدون شك هي الجنون

هـذان الحزبان هما سبب البلاء فى الســـودان.
انظر ادني البوست في مداخلات الاخوة من الفيسبوك.

تبارك اتجن جنونه و عجز على الرد على سليمان رافاي- (كلام سليمان رافاي كلام ينم عن جهل و ضيق افق و عنصرية مافي كلام في ذلك)- و بدل ان يشرح له بمؤهلات رئيس حزب في الاقناع, بأن من هاجروا من غرب افريقيا الان سودانيين اصيلين بما يكفله لهم قانون الجنسية; فأبناء و ابناء ابناء ابناء ابناء المهاجرين الاوائل من غرب افريقيا سودانيون بالميلاد و لا وطن لهم غير السودان.
لكن هل تبارك يملك القدرة على المنطق و الاقناع?
لا طبعا, فهرب لنفي التهمة عن نفسه, و اسهل طريقة لنفي تهمة انه فلاتي هي ان يسب الفلاتة و الحكاية مقنطرة فبدرالدين احمد موسى فلاتي معروف و كمان شيوعي!
اذن فلنفهم هجوم تبارك و بذائته في حق قبائل الفلاتة في السودان, و كذبه الصراح في حق الحزب الشيوعي كان محاولة يائسة و بائسة لنفي التهمة هن نفسه!
السؤال لماذا اعتقد العنصري سليمان رافاي ان تبارك شيخ الدين فلاتي?
هل لأن ملامحه تشبه بعض الفلاتة?
طبعا يا محمد الحكاية دي معذبة تبارك عذاب القبورة, فمن قبل قرأت في احد بوستاته انه نوبي و بالله عليك ارجع للبوست و انظر كم صدقه الناس فيما استمات لاثباته!
الغريب يا محمد البشرى, نزعة سب الفلاتة عشان الزول يبعد نفسه عنهم, سلوك شائع بين السودانيين!
فلما رأى احد من يسميهم بعض الناس, احد ادباء السودان, الناس ينسبون الزعيم اسماعيل الازهري للفلاتة, انبرى لنفي التهمة ربما لصلة قرابة بينه و الازهري, و قال كلام فيما معناه "ان اسماعيل الازهري ينتمي لناس لهم اصل و فصل و ارومة كريمة" و كأن الفلاتة تحولوا من سلالة القرود امام اعين من سماه الناس في غفلة من الزمن اديب. فالاديب على الاقل حسن الادب, و صاحبنا قليل ادب بوش البيت!
و اخر, و ايضا لغرابة الصدف فنان معروف, ذهب لزيارة الخرطوم بعد سنوات من الغياب, و التقاه احد كتاب سودانيزاونلاين و جاء هنا من باب الاعجاب او باب المطاعنة فقال:" انه اعجب ايما اعجاب بشخصية ذاك الفنان, الذي قال انه ينحدر من احدي مدن الشمال, لكن كاتب سودانيزاونلاين غمز بشئ فقال:" لكن ما ادهشني هو شبه الفنان بشرحبيل احمد" و شرحبيل احمد زيو زي بدرالدين احمد موسى يفتخر باصله.
فما كان من ذلك الفنان الا ان يفتح بوست في منبره و يصف كاتب سودانيزاونلاين بانه انثى!
صدق يا محمد!

قالت العرب "اذا عرف السبب بطل العجب"!
فارفق برئيس حزب الخضر في عقدته الازلية, فهو يعاني يا محمد البشرى, و العيان في ذمة الواعي!

وعليكم السلام يا بدر
دعني اختلف معك أو على الأقل لا اوافق على تفسيرك
وما في زعل أنا لفتت نظري فرضية تبارك وبمتابعتي لكتاباته من قبل ما عرفت عنه استخدام الاشارات العنصرية في النقاش
ممكن يسخر ممكن يستفز خصمه نعم لكن عنصرية لا


بالنسبة للمثال الذكرته يا بدر أذكر الحادثة و التعليق و الرد - المتاخر بالمناسبة :) - عليها
وبرضو ما بتفّق مع تفسيرك لحتة التشبيه بشرحبيل, وبرضو لانو الكاتب لم يعرف عنه هذا النوع من التمييز في كتابته هنا على الأقل و الله اعلم بما تخفي الصدور

آمنه مختار سلام ..

Quote: د المشرف شايفاك تذكرت مداخلتك التى عنيتها ..كويس إنك وفرت على عناء نقلها هنا . ما تنفعل ياخ ..كنت بس بحاول ألعب معاك لعبة عكس لعبة ون تو ... لغاية ما يجيك أب تفة ..

اذن إساءاتى المتكررة لحزب الخضر ياها مناداتى لى تبارك برئيس حزب الخضر "جناح آمنه مختار" !!!

أولا يا آمنة هى "مناكفات" وليست إساءات ..

تانيا هى موجهة لى تبارك .. بمعنى مناكفه لتبارك او مع تبارك لا ادرى ايهما صحيح ..
الصحيح أن بينى وبينه ما يسمح بهذه المناكفات ..

تالتا يا آمنه يا عزيزتى أنا منفعل بى كم حاجه فى البوست المؤسف ده ..

رابعا اب تفه جا والحمدلله ..

مودتى يا آمنه .. واحترامى لحزب الخضر عبرك
...........

شكرا يا حذيفة ..
مودتى

أستاذ فتحى البحيرى ..
تحية طيبة ..


أرى تجاوزا فى ايراد بعض الأحاديث الخاصه التى تحصلت عليها بصورة شخصية من خلال ممارسة العمل العام ..
أقدر دوافع ايرادك لها وارى -ومن بعد ذلك- تجاوزا فى ايرادها ..
ما كان لهذا ال "أحاديث الخاصه" ان تغادر مستودعها فى "جواك" ...
وكان ذلك جديرا بك وانت أحد الذين يناضلون الآن هذه السلطة العارية من كل معنى نبيل ..

هذا رأيي واحببت كتابته ..
مودتى ..

Quote: أنا لفتت نظري فرضية تبارك وبمتابعتي لكتاباته من قبل ما عرفت عنه استخدام الاشارات العنصرية في النقاش ممكن يسخر ممكن يستفز خصمه نعم لكن عنصرية لا

تشكر على الإنصاف يا ود البشرى ... انا موقفي من العنصرية ما شاحدو من زول ...

وموقف "الحزب الشيوعي" من العنصرية ... ما بمشّيهو تحت أي مسوق أو تبرير ...

ولو اللغة قوية وعاضّة ... فلأنو الموضوع بيلمس اللحم الحي أصلاً ...

ولسة مستعدين لمناقشة الراي ... ما مستعدين للشمار والجمجرة ...

(شكرًا يا دكتور المشرف ... كرهتي في الدنيا ... البرواز المايل )














... المهم ....

محمد البشرى الخضر
تحياتي

Quote: دعني اختلف معك أو على الأقل لا اوافق على تفسيرك وما في زعل أنا لفتت نظري فرضية تبارك وبمتابعتي لكتاباته من قبل ما عرفت عنه استخدام الاشارات العنصرية في النقاش ممكن يسخر ممكن يستفز خصمه نعم لكن عنصرية لا بالنسبة للمثال الذكرته يا بدر أذكر الحادثة و التعليق و الرد - المتاخر بالمناسبة :) - عليها وبرضو ما بتفّق مع تفسيرك لحتة التشبيه بشرحبيل, وبرضو لانو الكاتب لم يعرف عنه هذا النوع من التمييز في كتابته هنا على الأقل و الله اعلم بما تخفي الصدور

طبعا مافي مشكلة في الاختلاف في التفسير, الناس اختلفوا في تفسير القرآن ذاتو ياخ, بس المسألة هنا ما عواطف و شهادات ابراء, المسألة هنا كلام مكتوب و في البوست دا.
العنصرية هي شنو يا محمد البشرى?
العنصرية انك تعامل او تعتقد ان مجموعة عرقية محددة, اقل من الناس او مغفلين او اغبياء, او ان شاء الله تعتقد انهم ملايكة و احسن من الناس دي برضها عنصرية!
تبارك رئيس حزب الخضرالسوداني, كتب هنا ان الحزب الشيوعي يتعامل مع الفلاتة بانهم اغبياء, ودي عنصرية مهما حاولت الهروب من النتيجة المنطقية لموقفك الاول يا محمد, فاما تدين العنصرية راسو عديل, او تجد تبريرات سابقة لتخفيف اثر و تزويغ مرتكبها من مواجهة مسئولية موقفه.
العنصرية موقف اذا اتخذته مرة واحدة في حياتك, و لو لثانية, فانت عنصري و موقف رئيس حزب الخضر هنا عنصري.
اما تحليلي لسبب ثورة تبارك الهوجاء هنا فصحيح انه يخاطب عقدة في نفسه. و اما باقي الامثلة فتلك امثلة ما اكثر و لا اقل من ردة الافعال غير المبررة من "مثقفين" و من يسمون "ادباء" في السودان عندما يقال لهم شئ يشبههم بالفلاتة. بس تحليل الجينات DNA متوفر و الناكر يورينا هو من وين. مين يقدر يغطي عين الشمس?

لسع البوست مفتوح عشان نسمع رأي الاحزاب و التنظيمات التي تدعو للديمقراطية في السودان, فيما يرى تبارك شيخ الدين رئيس حزب الخضر السوداني بضرورة مسح الحزب الشيوعي السوداني من الوجود.




ore Trouble)! Correct these lyrics
Review these lyrics

Link to these lyrics:


War (No More Trouble) lyrics

Until the philosophy which holds one race
Superior and another inferior
Is finally and permanently discredited and abandoned
Everywhere is war, me say war

That until there is no longer first class
And second class citizens of any nation
Until the colour of a man's skin
Is of no more significance than the colour of his eyes
Me say war

That until the basic human rights are equally
Guaranteed to all, without regard to race
Dis a war

That until that day
The dream of lasting peace, world citizenship
Rule of international morality
Will remain in but a fleeting illusion
To be pursued, but never attained
Now everywhere is war, war

And until the ignoble and unhappy regimes
That hold our brothers in Angola, in Mozambique,
South Africa sub-human bondage
Have been toppled, utterly destroyed
Well, everywhere is war, me say war

War in the east, war in the west
War up north, war down south
War, war, rumours of war

And until that day, the African continent
Will not know peace, we Africans will fight
We find it necessary and we know we shall win
As we are confident in the victory

Of good over evil, good over evil, good over evil
Good over evil, good over evil, good over evil

سي السيد البحيري /
أما لسقوطك من قاع ..!!

رجاء إحترم نفسك ياخي إنت وشلتك ( العقدتهم آمنة مختار ) ، وكف عن محاولات الصيد فى الماء العكر ..

فعلتهموها مع تراجي ..وها أنتم تفعلوها مع تبارك !!

وغيرهم/ن كثر من الذين يعرفوني كما يعرفون أنفسهم ..
وفشلتم ..

معقول الرسالة لسه ما وصلتكم ..
وللا غباءكم أمر ميؤوس منه ؟!

دا كلللله بس عشان الأسسوا حزب الخضر ديل (نساء )..

Quote: سي السيد البحيري / أما لسقوطك من قاع ..!! رجاء إحترم نفسك ياخي إنت وشلتك ( العقدتهم آمنة مختار ) ، وكف عن محاولات الصيد فى الماء العكر .. فعلتهموها مع تراجي ..وها أنتم تفعلوها مع تبارك !! وغيرهم/ن كثر من الذين يعرفوني كما يعرفون أنفسهم .. وفشلتم .. معقول الرسالة لسه ما وصلتكم .. وللا غباءكم أمر ميؤوس منه ؟! دا كلللله بس عشان الأسسوا حزب الخضر ديل (نساء )..

سلام يا امنة ؟
ما ممكن ياخي وعيب عليك تمشي من كمبالا بدون ما تقولي مع السلامة
ناهيك من انك تشكريني على انو ضيعت من عمري اسبوع كااامل اساسق واساهر واجري ... عشان ما تخشي السجن
والحمد لله ربنا وفقني وقدرت أقنع الناس انهم ما يفتحوا فيك البلاغات الكانت حاتوديك في 60 داهية نتيجة انعدام الضمير والاخلاق اللي ظهرتي بيهو معاهم
كان تتصلي بينا
اقلاه تعرفي انو لم يعد ما يستدعي هروبك
وما تقولي لي اسرار
لانو كمبالا كلها عرفت انك كان حاتخشي السجن لولاي
المهم
محمد صلاح بتاع مؤتمر البجا عملتي ليهو شنو ؟؟
ما عشان انتي عندك موقف شخصي من ناس الفجر الجديد
تقومي تنفسي ليهو رغبتو وطموحو الانتدبك عشانو في انو يوقع على الميثاق
الحاجتين أعلاه (فضلا عن سلوكك السيء الكثير الموثق مع الماجدات والماجدين عاصم وداعة الله ، ياسر خالد مهدي ، عزة عبدو ، تقوى بشير ، رشيدة ادم ، سلوى محمد عبدالله ، عبدالله الضي واخرين نتحفظ على أسمائهم الآن .. والموثق كله لحين) ما سلوك زول أخضر
ناهيك عن أنو يدعي أنو المالك والوكيل الحصري للخضر في السودان
وبمناسبة الماجدين والماجدات
ماجدة اختك كيف ؟؟
ان شاء الله فهمتيها انك كنت بتستخدمي حساب الفيسبوك بتاعا في شتيمة المحترمات والمحترمين ... عشان تكون في الصورة ... الظروف ما معروفة
وعليك الله
وخصمتك بالله ما تتحدثي عن السقوط
سمح ؟؟

يا تبارك الله يرضى علينا و عليك ما تصفّي النية ياخي وتعفينا من قصة الشمار لعاضة دي ما تخليني اتحسس من النقاش معاك
طيب انت قلت هو رأي - مع اني اراه تهمة راسها عديل لكن مشيها راي - اها يا تبارك اتفضل اقنعنا بصحّة رأيك دا بالوسيلة الإنت شايفها لا تطعن في اشخاص أو تؤثر على أمنهم


يا بدر انا لم اشهد بغرض الإبراء أو التعاطف بل شهدت بما علمت
ولو كان محل تبارك احد من عرف عنهم هذا النوع من العنصرية و التمييز العرقي أو قرأتها له من قبل ما كنت اهتميت بأني أدخل البوست واناقشه في كلامه
فمن اليسير علي أن افهم ليه قال كدا
ونقاشي ليس بغرض الإدانة أو التخفيف فقط انا عايز اسمع منه مسوّغاته للفكرة دي و اناقشه فيها أو أقرأ تراجعه عنها بعد أن يتبيّن خطأها - كما أتوقّع :)
وكلامي و موقفي في بداية مداخلاتي هي هي لم أغيرها أو اهرب منها ولا يوجد ما يستدعي الهروب منها
ما في زول شايل ليه سكين لواحد تاني يجبره على الهروب من رأيه وموقفه, ما ياها الكيبوردات دي ولاّ شي تاني :)

Quote: أستاذ فتحى البحيرى .. تحية طيبة .. أرى تجاوزا فى ايراد بعض الأحاديث الخاصه التى تحصلت عليها بصورة شخصية من خلال ممارسة العمل العام .. أقدر دوافع ايرادك لها وارى -ومن بعد ذلك- تجاوزا فى ايرادها .. ما كان لهذا ال "أحاديث الخاصه" ان تغادر مستودعها فى "جواك" ... وكان ذلك جديرا بك وانت أحد الذين يناضلون الآن هذه السلطة العارية من كل معنى نبيل .. هذا رأيي واحببت كتابته .. مودتى ..

تسلم حبيبنا ود المشرف
وانا بدوري اتفهم وأقيم نصيحتك هذه بعمق لا يمكن أن تتخيله
لكن ما تراءى لك أنه أحاديث خاصة هو مبذول هنا في المنبر وفي غيره من الأماكن العامة
فضلا عن أنه أصبح (تاريخيا) بشكل ما لأنه ساهم بقدر وافر في خروجنا الفردي من الخضر السوداني واشتراكنا مع آخرين في تكوين الخضر الديمقراطي
.. فأنا لم أذع أي سر
هذا من ناحية
من الناحية الثانية الأهم
لقد مارس تبارك كذبا فجا وغبيا بقوله أننا كنا نطالب بمحاسبة من يخالفوننا في الرأي
هذه الجزئية من مداخلته استغرقت 5 كلمات على الأقل من الكتابة القصدية
لذا لا يمكن أن اعتبرها سهوا أو فلتة كيبورد
لو كانت كلمة واحدة لقلنا لعل وعسى
وهذا الكذب الغبي يتعدى الإساءة لشخصي... لتشويه متعمد لملابسات قيام حزب بكامله
وهذا ما لم يمكننا السكوت عليه
لك مودة وحب وامتنان وتقدير بقدر احترامك للاختلاف وللخصوصية والادمية محضها
وهذا ما افتقدناه بعمق لدى تبارك وآمنة

شكرا ود المشرف .

هذا هو فتحي البحيري ( بدون رتوش ) الذى تفاجأنا بشخصيته الحقيقية بعد أن تورطنا وإخترناه رئيسا للجنة تسيير حزب الخضر السوداني .

وتبارك حتى الآن ..
لا يريد أن يحرجه .. ويقول ( الأسباب الحقيقية ) لخروجه من حزب الخضر ..
وتكوينه حزبا مع (أشباهه ) .

وفعلا / الطيور على أشكالها تقع .

__________

ويا البحيري يا ضهبان : ألعب غيرها ..:)

مرسي مزنوق يا رجالة ؛)
__
بالرغم من محاولات المرشدة آمونة لصد الهجمات عنه ؛)

امنة بطلي عادتك السخيفة في الهروب والمراوغة وجاوبي على الاسئلة

الناس البيقروا اوعى من انو تنطلي عليهم مراوغاتك دي

حالتك تحنن

محمد صلاح زعلان منك شديد بالمناسبة
عيب عليك خااااالص !!

سي السيد /

أهرب من شنو ..وأراوغ فى شنو ..وأجاوب على شنو !!

على سيل أكاضيبك السخيفة التى لا تنطلي على من فى رأسه شوية طايوق ؟!

بعدين بالنسبة للقراء ..ما تشيل همهم ، أصلهم عارفني ما حصل يوم زغت من معركة ..يا دلاهة .

________

وعلى العموم / مواصلة معاك فى بوستك بتاع حزب الكرفتات ..
ركز معاي بهناك ..عشان نشوف نهايتك شنو ..يا ألعوبان .

بوست الكرافتات براهو
بوست السيديريهات دا رقصتو غلبتك ولا شنو ؟

الغموض يكتنف مساعي مؤتمر البجا للالتحاق بالفجر الجديد

بانسبة لي ... الحوار مع فتحي البحيري استنفد غرضه ... لذا سأرد على جزئية ودالبشرى الموضوعية هنا:

Quote: اها يا تبارك اتفضل اقنعنا بصحّة رأيك دا بالوسيلة الإنت شايفها لا تطعن في اشخاص أو تؤثر على أمنهم

الرأي هو ... أن حزب تشوبه شبهات ممارسة عنصرية كالحزب الشيوعي؛ يجب مسحه من الوجود لهذا السبب وحده ... رغم أن للحزب الشيوعي أرتال من الأسباب الأخرى لمسحه من الوجود ...

ولن نناقش هذه الممارسة العنصرية على مستوى الشخوص والأحداث ... فإن أتت معلومات كهذه ... فأنا حريص كل الحرص ... ألاّ أكون أنا مصدر هذه التفاصيل ... وذلك لشيء في نفس يعقوب ... وليس لعدم توافر معلومات عن شخوص وأحداث وتواريخ بعينها وشهود أيضًا ... ولكنني اربأ بالمؤسسة التي جعلتني في مقدمتها ... عن المنافسة غير الشريفة ... والصيد في المياه العكرة ... الذي يمارسه البعض هنا ... ولولا مسؤليتي التاريخية؛ لكان للأمور ميزان آخر ... فالنزال المباشر مع "ودالشريف" من جهل الجاهلين لو تعلمون ... لاكين الله ستر ... والسترو الله ما بيفضحو "ودالشريف" ... هيع ... انا المامون على بنوت فريقو ... (والتنبر حق على اصحاب المنابر لا يبخسوه إلاّ ظلمًا ولعنة الله على الظالمين!).

فالأمر يا ودالبشرى كما أوردنا ... شبهة عنصرية ... وشبهة جاسوسية استخباراتية ... وشبهة انقلابية شمولية معادية لليبرالية ... وشبهة دوغمائية ظلامية معادية للعقلانية ... وشبهة هيمنة وخداع متمظهرة في "إصلاح الخطأ في العمل وسط الجماهير" (ولم أنس تساؤل من سأل) ... كلها تدعو لمسح الحزب الشيوعي من الوجود ... بالإضافة لخسائر الميدان ... وقد يسأل سائل: وما هي خسائر الميدان؟

كنت أتحدّث مع صديق عن تبني "حزب الخضر السوداني" لأغنية "جينا نخت إيدينا الخدرا ... فوقك يا أرض الطيبين" ... فعلّق على أنها اغنية فريدة ... وسألني عن شاعرها ... فقلت: أنه الشاعر الإسباني الراحل "فيردريكو جارسيا لوركا" ... فاندهش مخاطبي وقال: كتبها بالسوداني؟ ... فقلت: طبعًا لا ... كتبها بالاسبانية ... وقام بسودتنها المثقف الأديب الدكتور "عبدالله علي ابراهيم" .... فقال مخاطبي: يا سلااااام ... بالله عبدالله علي ابراهيم دا فيهو عرفة قدر دا؟ ... فقلت: هي داب عرفة! ... الراجل بحر في العلم والمعرفة .... غتّس حجرو الشيوعيين كمثقف سوداني ضل سبيلو في التواصل مع شعبو ... دا مثقف من النوع النحنا بنحسبو "خساير ميدان" في معركتنا مع ظلامية الحزب الشيوعي .....

أردت أن أنقل الحوار حرفيًا ... وهو مع صديق ليس من حزب الخضر ... لأنقل الفكرة كما هي بدون رتوش ... في تغوّل الحزب الشيوعي على ساحتنا الثقافية ... ونحره لمثقفين كم رجونا من أن يصنع عطاءهم وعيًا يخلق واقع أفضل ... وليمجد الحزب أدعياء ثقافة وفن ... كم أصابونا بالإكتئاب ... (كما وصفت إحدى نساء الكلاكلة شريط "مصطفى سيداحمد" الذي مافتئ ولدها يعيد تكراره على مسامعها!) ....

وكم من ضرر وأثر سيء تسبب الحزب الشيوعي فيه .... ولكن محو الحزب الشيوعي لن يكون بالسهولة التي يمارس بها الإقصائيين والشموليين حملات التطهير العرقي ... "أكسح أمسح ... اكلو نيّ ما تجيبو حيّ" ... كما يصوّر مفترع البوست .... بل يتم مسح الحزب الشيوعي بملء المساحات التي شغلها بظلاميته وجاسوسيته وهيمنته المبنية على القهر العنصري والتهديد باغتيال الشخصية والثقافة الهتافية التي ينشرها بالموضات وونسات القعدات والحاكو حاكو ... ملء هذه الفراغات بفكر تقدمي واعي يستصحب قراءة موضوعية للواقع السوداني ويستشرف مستقبل أفضل بناءًا على تلك القراءة الموضوعية والواقعية ...

وسنمسح هذا الحزب الشيوعي السوداني من الوجود ... لأن مسحه من الوجود واجب وطني ذو أولوية ... ولن يكلفنا مسحه من الوجود ... سوى بعض المجهود في أوقات الفراغ ....

















... المهم .....

Quote: بانسبة لي ... الحوار مع فتحي البحيري استنفد غرضه ..

نشكرك جدا يا تبارك على هذا الحوار وهذا الاستنفاد
فقط لفائدة القراء والمتابعين ... هل يعني هذا أنك تعترف لهم ضمنيا أنك كنت تكذب عندما قلت أننا طالبنا بمعاقبة من يخالفونا في الرأي
أم أنك تريد أن تقول لهم أننا وأن حجتنا وأن حقنا في أن لا تكذب علينا ..... أقل من أن يناقش

كان الله في عونك يا ..... يا (أخي !)

اخونا بحيري

سلام
كدي يا اخوي اسألك في موضوع البوست دا ياخ!
ما رأيكم انتم في حزب الخضر الديمقراطي في كلام تبارك شيخ الدين الذي يرى ان مسح الحزب الشيوعي من الوجود اولا واجب وطني للخضر و بعد الزنقة كواجب "وطني" له هو في وقت فراغة?
رأيك شوف في كلام هذا الدونكيشوتي النازي العنصري الكذاب?

طيب ليه انا سميته كذاب?
لأنه قولني ما لم اقل او افعل فقد قال الاتي:"

Quote: بدرالدين احمد موسى فتح البوست دا عشان مداخلتك دي ... عشان كدا انا حاولت اعمم وما ادخل في الخاص ..."

انا لم افتح البوست عشان مداخلة منك يا بحيري, انا فتحت البوست عشان كلام كتبه هو, و وضعت اقتباس و عنوان البوست الذي كتب فيه ذلك و الان يأتي ليكذب بوش البيت!
يا جماعة دا حزب شنو الرئيسو نازي و عنصري و كذاب و عيان عديل كدة!

تسلم يا بدرالدين

وللأمانة والإنصاف
فإن تبارك قال أنك فتحت هذا البوست (عشان مداخلتي دي ) باعتبار أنه يعني أن مداخلتي هذه هي غاية بوستك
لا سببه كما فهمت انت
نحن نقول : انا داير انوم عشان انا تعبان
ونقول : انا داير انوم عشان ارتاح
في الحالتين استخدمنا عشان واوردنا بعدها السبب مرة والغاية مرة أخرى

وعلى الرغم من أن هذا ضرب من محاكم تفتيش (بيزنطية) إذ لا أحد يستطيع الجزم بهدفك الحقيقي من إيراد البوست
إلا أن صياغتك لعنوان البوست أغرته بهذا : قيادي بحزب الخضر (المتقسم !!)
فيا أخي ... كمان بالتاء؟؟
تقسم يتقسم تقسما
بدل
انقسم ينقسم انقساما

؟؟

وصراحة يا صديق
لقد كنت اتابع البوست من بعيد وانوي ان لا اتداخل فيه على الاطلاق
لولا سقطة حبيبنا تبارك التي رفضت دافعها وغايتها وتأثيرها على تشويه صورة حزب الخضر الديمقراطي
فضلا عن رفضي المطلق لغبائها وافتراضها الغباء في وفي قراء هذا البوست


وأرد على تبارك في هذه الجزئية : إذا كان بدرالدين فتح هذا البوست لأجل مداخلتي هذه كما تزعم
فهل بدر الدين حملك على أن تقول كذبا : فتحي قال يحاسبوا ليهو الناس البيختلفوا معاهو في الرأي ؟؟
ولا حاتعمل لي زي صاحبك محسن الله يطراه بالخير : كانت في جهة ما تستخدمك ككيبورد وانت تكتب هذا الهراء

أما عن سؤالك عن رأي حزب الخضر الديمقراطي فيما يقول تبارك
فأمرك عجيبب ياخ !!!


عندك خيارات

اتخيلت المنظر يا بدرالدين يا اخوي
يعني اسي انا امشي الف لي عمة .. ولا اربط لي كرفتة زي ما قالت آمنة .. وامشي لي ناس الخضر الديمقراطي .. اقول ليهم انا اسمي فتحي البحيري .. عضو معاكم في الحزب .. داير اجتماع اسسسي دي .. في شنو يا زول؟ أبدا ما في حاجة ... بس في حتة كدا اسمها سودانيز اونلاين .. فيها زول اسمو تبارك .. تبارك دا كان معاي في الخضر السوداني .. وقال ليهو كلمة كدي ما عجبت زول اسمو بدرالدين .. الكلمة شنوالقالا تبارك دا؟
قال داير يمسح الحزب الشيوعي السوداني من الوجود ... والحزب الشيوعي دا شنو... وبدرالدين دا منو ؟ الحزب الشيوعي دا كيت وكيت وكيت وبدرالدين دا عضو في الحزب دا وكاتب ليهو بوست (بوست دي زاتا معناها شنو يا فتحي ؟) في سودانيز بلمح لي انكم انتو انقسمتو من الخضر السوداني الكنت انا فيهو مع تبارك .. لا لا هو ما بلمح بس .. هو بقول انو حزب تبارك دا قد (تقسم) حتة حتة وانو حزبكم دا ما هو إلا شظية من شظاياهو .. أها وتبارك خبارو قال كدا والملابسات شنو والباكقراوند النفسي بينو وبين الحزب الاسمو الشيوعي دا شنو الخلاهو يقول كلمتو الشينة دي .. ونحن - كحزب خضر ديمقراطي - مطلوب مننا شنو في الكبسيبة دي كلها ؟ وهل هو من اولويات حزبنا الان في هذه المرحلة يا الاسمك فتحي البحيري يا العضو معانا هنا .. يا الجاي لافي ليك عمة او رابط ليك كرفتة وبطالب باجتماع بخصوص كلمة قالا زول صاحبك اسمو تبارك شيخ الدين عن حاجة اسمها الحزب الشيوعي السوداني في حتة اسمها سودانيز اونلاين وما عجبت زول اسمو بدرالدين وقام بدر الدين دا سألك .. وبراءة الأطفال في عينيه .. انت يا فتحي ناس حزبك رأيهم شنو في الكلمة القالا تبارك دي ؟؟

يعني باختصار يا بدر الدين حقو أنا وانت وتبارك وامنة نتوقف عن ايماننا الراسخ اننا نحن مراكز لهذا الكون وان نجومه واجرامه وبشرو وحاجاتو كلها مهمتها انها تلف وتدور حول مركزيتنا دي ..للكون افلاكه التي تشغله وما نحن الا ذرات في ضواحيه .. علينا الاجتهاد في ممارسة ذاتنا الهامشية دي باكبر قدر ممكن من التوازن والانسجام في اطار الضاحية الهي قاعدة فيها ... فهمتني ؟؟

انت قريت عنوان البوست يا فتحي؟

حزب الخضر .. ومتقسّم ... (قرّب يكتب ليّ "فتحي البحيري كيف؟")

يعني كيييف انت جايي تفرتق حزبنا ... وانت بى هناك حزبك مفترق ... وبى مداخلاتك دي ثبت انو دا فعلاً غرضو من البوست ...

نديهو تاني من (وفي انفسكم أفلا تبصرون) ...يا بدرالدين احمد موسى ... "فتحي البحيري" تربيتكم دا ... اعتبرو بضاعتكم الخاسرة ردت إليكم ... المافي شنو؟

وكلّموا ياسر عرمان معاكم بالمرة ....














... المهم ....

السيِّد الرئيس تبارك ؛)
___
يا مُرسي ؛)

Quote: انت قريت عنوان البوست يا فتحي؟ حزب الخضر .. ومتقسّم ... (قرّب يكتب ليّ "فتحي البحيري كيف؟") يعني كيييف انت جايي تفرتق حزبنا ... وانت بى هناك حزبك مفترق ... وبى مداخلاتك دي ثبت انو دا فعلاً غرضو من البوست ... نديهو تاني من (وفي انفسكم أفلا تبصرون) ...يا بدرالدين احمد موسى ... "فتحي البحيري" تربيتكم دا ... اعتبرو بضاعتكم الخاسرة ردت إليكم ... المافي شنو؟ وكلّموا ياسر عرمان معاكم بالمرة ....

يا تبارك!!
انت قريت مداخلتيني الفوق لي مداخلتك دي ؟
وبرضو يا تبارك ... السبب الخلاني أخش هنا هو غباءك انت وليس ذكاء بدر الدين
يعني في داعي تتفولح وتقول انا طالبت بمعاقبة الذين يخالفونني في الرأي
في ظل علمك - أو زعمك - أنو بدر الدين قاصد يجرجرني لأقول شيئا ما هنا
المشكلة إنك لسا عامل فيها تفتيحة
ومتخيل إنك قادر تدير المعركتين
الخاطئتين كليهما والخاسرتين كليهما
في آن معا
وأنت - بخبثك الراهن - أعجز من أن تخرج من أية واحدة منهما
في ظل يقظة القارئ الحصيف
وداير تخلق وهمتين جديدات وتعيش فيهن كمان
إني أنا شيوعي سابق
وإني أتعاطي - الآن - شيئا ما ... مع ياسر عرمان
تصدق ... كنت أتمنى
وبرضو ما حيحلك يا حبيبي : أأنا قلت لأذنيك المفلطحتين هاتين ... حاسبوا الذين يخالفونني في الرأي ؟؟


جيب سفة !

الأخ بدر الدين دا شنو دا ..

آخر حاجة كنت أتوقعها منك يا نصير المرأة .../

ههههههههه شوفوا رئيس حزب "الخدر" فكر ثم قدر, ثم فكر, ثم كتب كلام خارم بارم! للاسف دا رئيس حزب يا ناس! واضح ان معايير اختيار رؤوساء الاحزاب بقت رش الحوش البراني, او القعاد في قيف البحر و تنميق ابخرة الدخان في افكار نيرة و "عميغة"!



أها شوف عضوة فى حزب (الخدر) ردت عليك الرد دا /

شيخ بيخطب مجموعة من المساطيل بقوليهم : ان بناتكم واعراضكم يحملون اجهزة بلاك بيري وايفون....اتدرون مع من يتكلمون حتى الفجر .. والابتسامة لا تفارق وجوههم ؟!...قالو لا . قال الشيخ مع الحبيب .
ردو المساطيل : صلى الله عليه وسلم.... إنتحر الشيخ :)


................................:)

امنة مختار

ههههههههههههه
نكتة في السلك!
اتاري عشان كدة اخترتوا تبارك (بفهمها و هي طايرة!) يبقى رئيسكم?
هسع يا امنة يعني دخل اني نصير نسوان هنا شنو?
لكن بس لعلمك انا ربتني حبوبة بت محمد زين, و ابو خمسة بنات. فمافي طريقة للمزايدة على احترامي اللانهائي للنساء و معرفتي بانهن قادرات على فعل ما يردن.
لما الجماعة ديل لاووك في القيادة يا امنة, كنتي تنادي اخوك ( الفلاتي كادر الحماية ابو عضلات تبش) كنت شتت ليك شملهم ههههههههه
انا اخوك يا امنة.
بس النكتة حقيقة في السلك!





---
عارفك قصدت بيها عكس تأويلي لكن نعمة و وقعت لي في عبي (حجري) اعمل شنو غير استغلها ابشع استغلال هههههههههه









-

فتحي بحيري

ياخ شكرا على الاجابة, و دا غاية العايزو منكم يا بحيري!

العديل راي و المكعوج راي و النص نص برضو راي!
وانا بس طلبت راي!







---

يكفينا الله شر الكعوجة
يا بدر الدين ياخوي



الموضوع اعمق مما تتخيل
تتخيل !!
يعني بديهيات انو نقول لي تبارك : كككخ ... تاني ما تقول كدا ... عيب عليك ... دي مفروغ منها قطعا وما في زول حيقدر يدافع عن كلمة تبارك التي قالها وليته ما قالها .. ولا حتى هو نفسو .. والدليل انو لا زال بيحاور وبيناور

لكن فرق كبير جدا بين إنك تخت مادة في قانون جنائي
وبين إنك تصدر حكم قضائي بناء على هذه المادة

وانت نفسك تمارس الان شيئا مما قاله تبارك .. بعنوان بوستك (العورة) دا
وتبارك يمارس ما قاله عنكم ضدنا .. بقوله الكاذب أنني طلبت محاسبة من يخالفونني في الرأي

وبصورة أعمق من كدا
كلنا نمارس المحو في هذه اللحظة بشكل أو بآخر
بحق وبغيره
شئنا أم أبينا

بعدين شهوة إنك داير تحشر كل الناس في صنفين لا ثالث لها
إما معك
أو ضدك

دي ذاتا شكل من أشكال المحو

وبوسعك أن تعتبر كلامي هذا مكعوجا
مثلما بوسعي أن اعتبر عنوان البوست .. إبادة جماعية !

Quote: .. بقوله الكاذب أنني طلبت محاسبة من يخالفونني في الرأي

وين الكذب؟

ما طلبت؟

ولاّ طلبت حاجة غير المحاسبة؟

ولاّ طلبت محاسبة نفسك وصاحبك ياسر مهدي؟

ولاّ طلبت محاسبة آمنة مختار بمناسبة عيد ميلادها؟

إنت طلبت محاسبة من خالفوك في الرأي يا مان ... بل وأردت أن تبتدع لنا "لائحة محاسبة سلوك الأعضاء" في حزب الخضر ليكون هذا السلوك مستديم ... وين الكذب هنا ...

وكلامك قاعد ... انا ما داير ادق الصفايح العملت ليها داونلود من الفيسبوك وسكايب ...

هسى انت دخلت في مشكلة جديدة ... اسمها انك بتطعن في مصداقيتي ... دي ما سبقك عليها إلاّ النبي المسيكتابي ...

مداخلاتك هنا بتأكد صحة كلامي وانا ما محتاج ادخل في الخاص عشان اثبت أي حاجة ...

وتهمتك ليّ بالكذب سيأتي وقت محاسبتك عليها ... سديت نفسنا من الحوار ... الله يديك العافية ...

















... المهم .....

البحيري

تاني شكرا!
لما يكون صعب عليك للدرجة اتخاذ موقف في حكاية بتاعت حقوق ديمقراطية و حقوق انسان دا في حد ذاتو كافي.

اما البوست و عنوانو فدا برة الموضوع, لأن العنوان تقرير حال و ما فيه اي شئ. و الا عليك نفي كلامي و اثبات ان حزبكم "ود امبارح" غير متقسم.

و الغريب, البوست باقي لي ذي عيادة طبيب الاسنان, و يبدو ان انتزاع موقف في مسألة ديمقراطية و تتعلق بحقوق الانسان من دعاة الديمقراطية في السودان, لا يقل الما لديهم من انتزاع ضرس بلا بنج!
معقولة يا ناس??!!
طيب مشكلتكم (المقصودين هنا كل من يتشدقون بانهم دعاة للديمقراطية و حقوق الانسان في السودان) شنو مع الانقاذ و انصار السنة و ناس التكفير و الهجرة? كلهم يرون واجبهم مسح الحزب الشيوعي بدوام كامل و معاها اوفر تايم اربعة عشرين ساعة في اليوم و ما قادرين, فانضموا لصفهم لأنكم موضوعيا لا تختلفون عنهم في شئ!



--
ياخ بعدين انت و تبارك لو عندكم نقاش في حاجاتكم التنظيمية السابقة, و اثبات ان تبارك كذاب او انك طلبت لايحة حسن سير و سلوك عشان كدة وصلوك الباب, بالله شوفو ليكم بوست تاني,البوست دا فقط مفتوح لسماع اراء دعاة الديمقراطية في ما قاله رئيس حزب الخضر بوجوب مسح الحزب الشيوعي من الوجود.

ياتبارك انت تكذب وتلف وتدور لا تزال
أنا قلت لك تعمل لجنة محاسبة لي ولامنة ولبقية اطراف النزاع الذين تجنت عليهم آمنة أسوأ تجني يمكن أن يحدث لي ناس ضمن مجموعة حزبية
وقلت لك بالحرف أنني جاهز لأي عقوبة أو إدانة إذا رأت لجنتك او رأيت أنت أنني استحقها
وأنت قلت أن آمنة لا يمكن أن تحاسب لأنها في نظرك مؤسسة للحزب وبالأمارة سألتك في الاسكايب : وهل معنى أنها أسسته أنها تملكه !! فأخذت تتلجلج أسوأ من لجلجتك هذه وطفقت تتحدث عن وجوب مراعاة حالتها النفسية
وأن أي شخص لا يستطيع أن يتحمل تجنيها . يمكنه مغادرة الحزب .. وبالأمارة الأخ فقيري لما حدد ليك مواعيد لمحاسبتنا ومحاسبتها زغت من المواعيد .. زي العجب .. والورد والترتيب
ثمة تفاصيل أكثر لو أردت
وعيب عليك تضطرني لي كل هذا يا ... هذا


يا بدر الدين
اسمح لي اقول ليك انت زول ساذج جدا وقاعد تتلولو
انا كلامي واضح جدا .. القضية ليست - على الاطلاق - كلمة قالها تبارك ويجب شنقه عليها هنا
انت كدا عامل زي الكمساري الماسك ليهو صبي درداقة وبكفت فيهو في السوق
لانو شرب موية من بتاع الموية بدون ما يدفع المية جنيه
وداير ناس السوق والسواقين والكماسرة وبتاعين الدرداقات الفي السوق دا كلهم يبطلوا شغلتم ويجو يكفتوا معاهو
في حين أنو هو ذاتو بيكون الليلة زايغ ليهو بي كم باقي
ومتحرش ليهو بي كم طالبة ثانوي
وقاعد يدنقر لي حرامية المرور لما يجي يدفع ليهم الـ30 ج بتاعة الإيصال
وعيييك

محبتي لكما لا تزال !!!

Quote: ياتبارك انت تكذب وتلف وتدور لا تزال أنا قلت لك تعمل لجنة محاسبة لي ولامنة ولبقية اطراف النزاع الذين تجنت عليهم آمنة أسوأ تجني يمكن أن يحدث لي ناس ضمن مجموعة حزبية وقلت لك بالحرف أنني جاهز لأي عقوبة أو إدانة إذا رأت لجنتك او رأيت أنت أنني استحقها وأنت قلت أن آمنة لا يمكن أن تحاسب لأنها في نظرك مؤسسة للحزب وبالأمارة سألتك في الاسكايب : وهل معنى أنها أسسته أنها تملكه !! فأخذت تتلجلج أسوأ من لجلجتك هذه وطفقت تتحدث عن وجوب مراعاة حالتها النفسية وأن أي شخص لا يستطيع أن يتحمل تجنيها . يمكنه مغادرة الحزب .. وبالأمارة الأخ فقيري لما حدد ليك مواعيد لمحاسبتنا ومحاسبتها زغت من المواعيد .. زي العجب .. والورد والترتيب ثمة تفاصيل أكثر لو أردت وعيب عليك تضطرني لي كل هذا يا ... هذا

طيب يا فتحي ... عشان انت اختلفت مع آمنة بخصوص مسألة لا تهم الحزب كثيرًا أو قليلاً ... طالبت بعقد لجنة محاسبة وتحديد معايير لهذه اللجنة ... وطالبت بأن ينص الحزب على لائحة تحاسب الأعضاء في مثل هذه الحالات ... وقررت وحددت متى تكون المواعيد ... وجهلت أو تجاهلت عدم موافقتنا على مبدأ المحاسبة أساسًا ... قلنا لك أن هذا الحزب ليس لديه سلطة قضائية يفرض بها عقوبات ولائحة ... ولا ينبغي له ... وقلنا لك عن عدم وجود أي عضو ملتزم بعقد موقّع بينه وبين الحزب يلزمه بلائحة ... وأننا لن نستنسخ أحزاب الكيزان والشيوعيين ونفرض لوائحنا بالإبتزاز والتشهير ... لأننا ضد ذلك مبدئيًا ... وهأنتذا لا زلت تتحدث عن وجوب انعقاد لجنة محاسبة لتقوم بتوقيع عقوبات على المخطئين ... ذكرنا لك الشرطة اليوغندية ونصحناك باللجوء للقضاء إن كنت ترى أنك متضرر ... لأننا فشلنا في الوصول لعقلانية نخاطبها في ذهنك عن كيفية إدارة خلافاتك مع الآخرين ... بمعنى آخر:

انت داير تعمل لينا لايحة عشان تستخدمها كمرجعية لإدارة خلافاتك ... وعشان تشهرها في وجه من يخالفونك في الرأي ... وكلامك الفوق دا - بما فيهو تكرار إتهامي بالكذب - يؤكد صدق هذه الحيثيات كما أوردتها أنت ...

فشكرًا لك لتبرئتي من الكذب ... وشكرًا لك على نعتي بالكذب ... اشكرك لهذه واشكرك على تلك ...

(وموضوع الحزب الشيوعي عمرو ما كان موضوع مهم ... امشوا حلوا مشكلتكم مع جريدة الراي العام ... صبي الدرداقة مشغول! )














... المهم ....

Quote: عشان انت اختلفت مع آمنة بخصوص مسألة لا تهم الحزب كثيرًا أو قليلاً .

كذاب و 60 كذاب أنا لم اختلف مع آمنة بخصوص مسألة لا تهم الحزب .. أنا ظللت لفترة طويلة جدا أحاول وبالتي هي أحسن وبصبر ودأب .. إنو أعالج مشكلة تحرش آمنة المزمن بالعضوات والأعضاء الذين يخالفونها في الرأي ... وكان أخرها مشكلة عزة عبدو وتقوى بشير اللتين قامت آمنة بطردهما من وراء الحزب من وراء ظهري وظهرك وظهر الجميع في خيانة خ سيسة للأمانة الفنية التي أوكلناها لها وأنت تشهد على أنني لم أشأ أن آخذ آمنة بجريرتها هذه بقدر ما حاولت إصلاح الخلل وتصحيح الخطأ .. لتتحول آمنة بعدها ضدي وتقوم بابتزازي في خ سة متناهية بأنها تجيب سيرة خصوصياتي الأسرية وتحويلي من حكم إلى خصم وقعدت أناتل معاها ويا آمنة الكلام منك دا ما صاح وانتي ما ناقشة أبو النوم في الديمقراطية وادب الاختلاف واحترام الخصوصية (لب الإشكال مع عزة عبدو وتقوى بشير إن آمنة لا تفقه ألف باء احترام الخصوصية وانتهكت خصوصية البنات البتلدن بقوة عين واصرار وعناد لا يوجد عند أعتى جواسيس الاستخبارات البتشكي وتبكي منهم ديل ) ويا امنة روقي المنقة فإذا بها تتورط في ما كان سيدخلها السجن في كمبالا بالمزيكة .. لولا أنني وآخرين اجتهدنا اجتهادا مضنيا في إقناع المتضررين جنائيا من سخف آمنة أن السودانيين هنا لا ذنب لهم إذا كانت إحداهم لا تهتم بعدم إحراجهم أمام اليسوى والمايسوى .. ولم اقترح وحدي موضوع المحاسبة .. لقد افرد له الأخ فقيري حيزا مقدرا من النقاش .. ولم نلجأ له باعتباره سيفا يجب تسليطه على رقبتها بقدر ما قلنا أنه الحل الوحيد للاستمرار الممكن العادل معاً .. وقلت لفقيري أنني أقبل بأي عقوبة تطالني وقلت لك يا صديقي أنني لا أتوقع ولا أريد ولا أتمنى عقوبة قاسية على آمنة وأن مجرد كلمات تشعر الضحايا أنهم في أمان هنا في المستقبل تكفي .. وتنصلت أنت وتزاوغت وركبت راسك في إنو المحاسية أصلا حرام عندك .. وإنه آمنة بالذات لا يمكن محاسبتها لأنها أسست الحزب وقلت لك : هل يعني كونها أسست الحزب أنها تملكه ؟ فتلعثمت ! وقلت أيضا أنك لا تستطيع أن تواجه آمنة بمحاسبة لأنها معتلة نفسيا ... وأن كل من لا يريد أن يتحمل انتهاك آمنة وأذاها له .. يمكنه أن يحل مشكلته ... بالمغادرة

انشر ما لديك .. فلدينا مزيد وإثبات جرائم آمنة بحق المجني عليهن لدينا .. فضلا عن انتحالها لشخصية شقيقتها ماجدة .. واستخدامها لها في السب والشتم والابتزاز
والتصعيد لا يغلبنا على الإطلاق
يا لبؤسك يا ..... يا صديقي


دا كلو عشان تثبت أنو انا طلعت ... لأنني أضيق بالرأي الآخر ..... وليس لأن آمنة هي التي تضيق به
ماش


وقولك أنني أريد اللائحة لاستخدمها في إدارة خلافاتي هذا أبعد الأشياء عن التصديق
ومن مجمل التجربة التي بيننا
1- أنا لم أسع على الإطلاق لسلطة رئيس حزب الخضر ولم أقبلها بعد أن عرضت علي إلا باشتراط أن تكون مؤقتة
2- لم أمارس السلطة إطلاقا ضد آمنة واجتهدت في أضيق الحدود وبأكبر المجهود لكي أجعلها تتراجع عن انتهاكاتها المستمرة ضد العضوات والأعضاء بشكل ودي
3- لم أتمسك - إطلاقا - بهذه السلطة لحظة حوجتي الماسة لها للانتصار لذاتي بها .. وقلت لك أنت وليس غيرك استلمها مؤقتا ريثما يختار الناس من يرونه مناسبا وذلك لأنني لم أرد (وطبعا شكله فهمك للممارسة السياسية الذي تبدى بوضوح وجلاء في محاولتك المستميتة هذه إنك ترمي بلاويك وداء آمنتك علينا... ما مخليك لي حد أسي تصدق إني كنت صادق في الحتة دي ) ولم أقبل أن أكون خصما لآمنة وحكما في تجنيها على شخصي وعلى الآخرين بذات الوقت
4- لم أطلب أن أشارك في وضع لائحة ولا في تنفيذها بل على العكس قلت أن أول من يجب أن يحاسب هو أنا
5- انت تكذب وتدري أن كذبك مفضوح .. إذ كيف يمكن تصديق أن أجهل زول في العالم بالسياسة وبالديمقراطية .. يطالب بمحاسبة الذين يخالفونه في الرأي

ودا كله نابع من إحساسك الرومانسي النبيل إنو حزب الخضر اللي انت فيهو دا هو عبارة عن ملكية خاصة لآمنة ... ما شفتو آمنة يا ناس الفريق ؟؟ شفنا الشافوا آمنة !!

وإنو أي زول آمنة ما ترتاح لوجودو في الحزب .. مفروض يمش
ولما يمش ... يعمل أي حاجة .... إلا إنو يفكر في تجميع مظاليم .... هذا ... (الهوى ) .... في حزب خضر ديمقراطي ... حقيقي ... جديد
وإذا تجرأ وفعل ..... نقوم نخرب سمعتو ونضيع جمعتو ... ونقول هو بيطالب بلائحة عشان يحاسب بيها من يخالفه الرأي .. وإذا زنقنا وعكلت معانا ... نقول هو داير لائحة عشان يستخدمها في إدارة خلافتو .. وإذا زنق وعكلت نوهمو بإنو عندو ملفات قذرة عندنا حاننشرا ليهو على الملأ ... و .... المهم زول يتجرأ ويجمع كل الناس الطردتم آمنة من الحزب .. من قولة تيت ولي حدي الآن .. لأنهم اختلفوا معاها في الرأي .. لازم نأدبو


أما نحن طبعا يا تبارك
فـ (على العهد لا زلنا ) نقدس إحساسك النبيل تجاه آمنة
ونرفض - في نفس الوقت - حل مشكلة هذا الإحساس عبر شأن الناس العام

و أثناء استمتاعنا بالجلد والتعذيب وتخريب السمعة الصادر منك تجاهنا نتيجة هذا التقديس وهذا الرفض
لن نتوانى عن اقتراح الحلول التي نراها مناسبة لهذا الإحساس النبيل خارج إطار الشأن العام
إذا طلبت منا ذلك

لك الود (!!!)
هل (تصدق !!!)

Quote: .. ولم اقترح وحدي موضوع المحاسبة .. لقد افرد له الأخ فقيري حيزا مقدرا من النقاش .. ولم نلجأ له باعتباره سيفا يجب تسليطه على رقبتها بقدر ما قلنا أنه الحل الوحيد للاستمرار الممكن العادل معاً .. وقلت لفقيري أنني أقبل بأي عقوبة تطالني وقلت لك يا صديقي أنني لا أتوقع ولا أريد ولا أتمنى عقوبة قاسية على آمنة وأن مجرد كلمات تشعر الضحايا أنهم في أمان هنا في المستقبل تكفي .. وتنصلت أنت وتزاوغت وركبت راسك في إنو المحاسية أصلا حرام عندك ..

شوف يا حبيب ... انا قلت الكلام واضح ... انك تريد لائحة للحزب ... لمحاسبة الأعضاء ... (طبعًا لم تظهر لك تلك الرغبة في فلتة عبقرية من فلتات الفكر السياسي والتنظيمي) ... لتدير بها معاركك ... وتسلطها على رقاب مخالفيك في الرأي ... وهذه مشكلة تنظيمية أساسية تطعن في بنية التنظيم ... ولا علاقة لها بالأحداث والسياقات التي أنتجتها ... فالأحداث يمكن أن تفسّر ظهور فكرة المحاسبة واللائحة ... ولكنها لا تبرر جدوي وجود لائحة واجراءات محاسبة ... في نهاية الأمر سنتورط نحن كحزب في هذه اللائحة بغض النظر عن ملابسات خلافك مع "آمنة مختار" ...

Quote: 1- أنا لم أسع على الإطلاق لسلطة رئيس حزب الخضر ولم أقبلها بعد أن عرضت علي إلا باشتراط أن تكون مؤقتة 2- لم أمارس السلطة إطلاقا ضد آمنة واجتهدت في أضيق الحدود وبأكبر المجهود لكي أجعلها تتراجع عن انتهاكاتها المستمرة ضد العضوات والأعضاء بشكل ودي 3- لم أتمسك - إطلاقا - بهذه السلطة لحظة حوجتي الماسة لها للانتصار لذاتي بها .. وقلت لك أنت وليس غيرك استلمها مؤقتا ريثما يختار الناس من يرونه مناسبا وذلك لأنني لم أرد (وطبعا شكله فهمك للممارسة السياسية الذي تبدى بوضوح وجلاء في محاولتك المستميتة هذه إنك ترمي بلاويك وداء آمنتك علينا... ما مخليك لي حد أسي تصدق إني كنت صادق في الحتة دي ) ولم أقبل أن أكون خصما لآمنة وحكما في تجنيها على شخصي وعلى الآخرين بذات الوقت 4- لم أطلب أن أشارك في وضع لائحة ولا في تنفيذها بل على العكس قلت أن أول من يجب أن يحاسب هو أنا

شوف يا حبيب .... انا اعتقد أن فهمك "السلطوي" لمنصب "رئيس حزب الخضر السوداني" كان له عظيم الأثر في تفاقم الأزمة (مضافًا لتربيتك الشيوعية على تقديس "اللايحة") ...

فرئيس حزب الخضر السوداني لديه صلاحيات تنظيمية تتيح له إدارة شؤون الحزب وعملية صنع القرار داخل الحزب ... وليس لديه سلطة على أحد ...

وقد قلنا لك مرارًا وتكرارًا ... أننا ناشطين في عمل سياسي عام ... ولسنا "هنابيل" في ضيافة "آمنة مختار" في حزبها "السلك وملك" ... وأن إشاراتك لهذه الحيثية باعتبارها الحقيقة والواقع؛ فيه خلط وعدم فهم للواقع ... وفيه تجريح واستفزاز لنا نحن اعضاء الحزب غير المشاركين في معركتك مع "آمنة مختار" ... بدأت حينها - ولا زلت - في ابتزاز الجميع بالكلام الجارح .... حتى يتخذوا موقف واضح مع أو ضد ما فعلته "آمنة مختار" ... وأنت من تبنّى مشكلة بين اعضاء في الحزب لا شأن للحزب بها ... عزة عبدو وتقوى بشير اتخذتا المواقف التي تناسبهما ... وحقهما محفوظ في العودة للحزب في الوقت الذي تريانه ... ومسألة تغوّل "آمنة مختار" على حقوقهن في المشاركة بحظرهن من عضوية مجموعة مناقشات الحزب هذه حسمناها من جذورها دون الحوجة لتجريح واستعداء أحد .... فلا يتم إضافة أو حذف عضو اعتباطًا دون العودة لغالبية الخضر المشاركين في المناقشات ... وهذا اجراء مؤقت لحين قيام مؤتمرنا العام الأول المزمع عقده في مارس هذا ... فنحن في واقع الأمر لا زلنا حزب صغير من الناحية الجماهيرية ولن يصعب علينا تنظيم مؤتمر في فترة زمنية قصيرة ... ونرحب بمشاركة "تقوى بشير" و "عزة عبدو" وكل من يؤمن بأرضية الفكرة الخضراء كمشروع سياسي للتعامل مع المشهد السياسي السوداني ...

مسائل الرئاسة والسلطة والتعامل مع الحزب كمؤسسة حسبية و "اللايحة" وأمراض الأحزاب السياسية المزمنة هذه مسائل ننصحك بمعالجتها والفكاك منها في خاصة نفسك كصديق ... ونؤكد لك بأنها لا تمر على مبدئية الخضر والتقليد التنظيمي الذي نسعى لترسيخه في ممارستنا الحزبية ... والذي يعود للأستاذة "آمنة مختار" الفضل في وضع أسسه من شفافية وندية وتشاركية بين الأعضاء ... في مجمل مجهوداتها المقدّرة لتأسيس حزب الخضر السوداني بصورته الحالية ... فلا يعقل التلويح بالمحاسبة واللائحة في وجه من أسس مؤسسة كاملة ضد هذا النوع من الممارسات المريضة ... لم نقل أن "آمنة مختار" فوق المحاسبة ... بل ونصحناك باللجوء للشرطة والمؤسسات الحسبية ذات الإختصاص والسلطة ... ولكن قلنا أن تأسيس "آمنة مختار" لحزب الخضر في مجمله كسر لعصا السلطات الحزبية ولوائح المحاسبة وأدوات الإستقطاب والجاسوسية والإبتزاز واغتيال الشخصية وممارسات الأحزاب السياسية التقليدية التي أوصلتنا لهذا الواقع السياسي المتردي ... فيبدو أنك اسئت فهم ما قصدناه ...

ولا زلت اعتب عليك اتهامي بالكذب ... رغم أنك كفيتني عناء إثبات براءتي من التهمة ... فالكلمة لا أحبها ... حتى ولو كانت في سياقاتك التي تناقض الكلمة ...

(وأيضًا لا زلت أرى عميق الحكمة والرشاد في الإبتعاد عن الخاص ... وأنصحك بالمثل!)














... المهم ....

Quote: يا لبؤسك يا ..... يا صديقي

لايك لمن بي غادي ذاتو
























---------

يا ريس طبارك

ما تنسوا ادراج مقترحي باعتماد لازمة "صديق“ كصفة رسمية للخضر السودانيين، في مؤتمر مارس 2013 العام

واضح جدا من هذه اللغوسة والعواسة التي ما عفتك ولن تعفيك في النهاية من كونك صرت سادنا لمجموعة ضيقة تسميها انت حزبا وتتعامل معها امنة باعتباره شبشبا يخصها
تلبسه وقت ما تشاء وتخلعه وقت ما تشاء
وغير قابل عبر سنوات مضت وأخرى ستاتي على اقناع آحاد معدودين لأن يكونوا بداخله
في الوقت الذي يتم فيه طرد العشرات والمئات بشكل منتظم عبر إلغاء فكرة السلطة نظريا بهرطقاتك البنقوية هذه .. وتركيزها عمليا بيد نفسيات آمنة المضطربة والمعتلة حسب وصفك
هؤلاء العشرات والمئات الذين نجتهد في تجميعهم الآن في تنظيم اخضر حقيقي يأمنون فيه على أنفسهم تماما من التحرش والانتهاك (الآمنمختاروي) العجيب
ولا أعتقد أن ثمة حزب خضر في العالم ... يتعاطي هذا الصنف التباركي .. ويرفض أن تنظم العلاقة بين أعضائه مبادئ أو لوائح ترسم الخط الفاصل بين أصبعي وأنفك
فضلا عن الخط الفاصل بين صور العضوات والأعضاء وخصوصياتهم ورغبة آمنة المزمنة في النشر والمشاركة العابرة لحقهم في أن تستأذنهم حتى
جميل الآن أنك وصلت بهذه الفانتازيا إلى نهايتها المنطقية
واعترفت - أخيرا - أن رغبة محاسبة المختلفين معي في الرأي لم تجر على لساني ولا على أفعالي ولله الحمد والشكر .. حمدا يصل لي عندو بركة هذه الجمعة الجامعة والكلمة السامعة
وأن هذه الرغبة معلومة في دينك الآمنوي وعلمك اللدني بالضرورة ...تلحقنا وتفزعنا يا تبارك يا صاحب آمنة ياكاشف الغائبة والمختبئة في حنايا النوايا وأعماق الصدور
وهي ليست قابلة للحوار والنفي والإثبات - بالتالي - بأي جدال منطقي عقلاني (بغيض) من الذي ظللنا نسوقه ونتوسل به إليك وإلى عقول القراء لتصفح عنا .. لا لتعتذر لنا .. وليستعيدوا اعتقادهم أن تحت قبتك الزاهية هذه فكي (ما) .. لا ليشهدوا على براءتنا مما ترميننا به
لك العتبي يا صديق .. انت لم تكذب .. ولكننا لا نزال مسخوتين وغير قادرين على الإيمان بمعجزاتك وكراماتك الباهرة .. تلك التي تخبر عن إدراكك للنوايا ... فليسامحنا الرب
وفي سختتنا هذه مضطرين للبرطمة والترجمة بما لايليق في حضرتك :

اي تجمع بشري .. ان شاء الله لمة دافوري في الحلة .. يحتاج بالضرورة لآلية لفض النزاعات بين أعضائه
هذه الآلية ولتسمى لائحة أو سافوتة أو أي شيئ يتم وضعها بمعايير وبي تراضي ما يضمن مساواة الجميع إزاءها
ويتم تطبيقها على الجميع بدون فرز أو محاباة أو تمييز

خبرة تبارك النفسية السابقة مع آخرين ظلموه بلوائح ما ..... ليست مبررا على الإطلاق لاستدعاء مولانا جان جاك روسو من تربتو الآن ؟؟
ولا تعفيه من جرائم ضد الانسانية بتركه امنة تظلم العشرات من الناس ... وتطردهم بهذه الطريقة أو تلك ... ولن يعفيه علمه اللدني أن المحاسبة حقة شيوعيين وان كل من يريدها هو بالضرورة يريد أن يدير بها خلافاته .. وأن آمنة بالذات لا تجوز محاسبتها ... لأنها أسست الحزب .. ولأنها معتلة نفسيا ... ومن لم يستطع أن يتحمل أذاها .. فليذهب .. لن يعفيه كل هذا العلم اللدني من (محاسبة !) التاريخ طالما أنه يعج بالمسخوتين من أمثالنا


ولن يأمن هذا التبارك .. من ظهور تبارك جديد .. بعد 10 أو 40 سنة
يكتب في مكان ما .. متأبطا طيف آمنته الجديدة : مهمتي هي أن أمسح الحزب التباركي السوداني ... من الوجود



الله (يسختك)
ضيعت جمعتي
وخربت سمعتي
انا من قبيل قايل قبتك تحتا فكي ؟؟




المهم

لا اله الا الله قيقراوي ذات نفسه غشانا!

طيب ما تسوق لينا راي ياخ

اما بحيري و تبارك فقد ختينا طوبتهما في واطة الله, انا مالي و مال الناس الكبار كبار كمان; واحد رئيس حزب و تاني عندو حزب حقو عديل ذيو ذي اختنا امنة مختار (و بذلك تحققت المساواة بين الرجل و المرأة و كل الانشلادا هههههههههه)
بحيري شكرا على اكتشافك سذاجتنا و دي حاجة ما بشوفوها الا الناس العندهم احزاب حقتهم ههههههههه
لكن مثالك بتاع الدرداقة يدل على عمغ بتاع رؤساء الحزاب عديل كدة

يا جماعة انا طردتكم من بوستيني دا ياخ, امشوا شوفوا ليكم مكان تاني, ما تخربوا لي فرصة اني اكفت صبي الدرداقة!
برة لو سمحتو!

قيقراوي بعد ما الله اداك الشجاعة الكافية و دخلت, ياخ ما تغني لينا رأي في قول رئيسك ياخ ينوبك ثواب (وللا الديمقراطية دي بس عند الشيوعيين هناك تتكلمو و هنا تقطعوها في حنانكم?) ههههههههه

هههههههههههههههه
بدر الدين بقيت زي الزول الماسك الكشف في عزومة عريس خاتي كرسيك في باب الصيوان البجي داخل و مارق كلّو تحمّر ليه إلاّ يخت ليه راي في كشفك

يا بدر ما تدردقنا في درداقتك دي يازول

























------

انت قايلنا حركات السوق دي ما بنعرفا ول شنو؟
ياخي زهرة صبانا الباكر قضيناهو في السوق الشعبي كوستي انحنا
ما ندردق ليك بالساهل

الزول الشرب منك وما دفع يهونداك ..
ليك اللحم، ولينا العضم ... ول اقول ليك قولة:
العضم ذاتو ليك .. الجريو المربنو نحنا مات ذاتو
العضم نسوي بيو شنو؟


اسي في ذمتك دي اقول راي في شنو واخلي شنو في ملجتك دي!؟
لكن للامانة وكت جينا، يا طبارك حكاية انو كوادر العنف بتم اختيارهم على اسس عنصرية دي بدحضها واقع تجربتي الشخصية ..
اقول قولي هذا وفي بالي علي حمودي، وعاصم شرزم، وحتى شيراز محمد عبدالحي هارسلف!

قيقراوينا

سلام يا صاح

Quote: حكاية انو كوادر العنف بتم اختيارهم على اسس عنصرية دي بدحضها واقع تجربتي الشخصية .. اقول قولي هذا وفي بالي علي حمودي، وعاصم شرزم، وحتى شيراز محمد عبدالحي هارسلف!

اولا يا قيقراوي ما اسمهم كوادر عنف!
اسمهم كوادر حماية, حمااااااااية ياخ
ناس العنف كانوا الكيزان و نحن بنحمي نفسنا منهم!
و في الحقيقة كل الجبهة الديمقراطية اعضاؤها كوادر حماية.

مرة يا قيقراوي كوز (اظنو ناجي بتاع المؤتمر الشعبي هسع, لكني ما متأكد) جاء ماشي جمب مساء الخير جريدة الجبهة الديمقراطية في السنتر, و اتلفت ما شاف اي زول دشن قريب, فمد يده و قطع الجريدة. فجأة لقى نفسه بين يدي الله و بنية بت حلال و لابسة حلو ناطة ليهو في حلقو, ما حلوهو الا الناس. اتخيل كانت كادر حماية برضو و على ما اظن انها كانت بت عرب عديييييييييييييل ذي تبارك.
ناس الحزب ديل عندهم حركات ياخ يعرضو حياة البت للخطر ذيها و ذي بدر الدين احمد موسى الفلاتي!


ما تنط, قول رأي يا زول!


----
محمد البشرى الخضر قوم لف ههههههههههههه

Quote: على ما اظن انها كانت بت عرب عديييييييييييييل ذي تبارك.

كان حظي ضرب ... يقروا كلامك دا اولاد العرب ... عشان تآمن ...

وين الجهني صهيب حامد ... ولاّ حفيد العباس المنسي ...

عشان تثبت ليك على راي ... بت عرب؟ ... ولاّ زي تبارك؟












.... المهم ....

شن عرفني انا بي فرق (العنف) من (الحماية) يا بدر كمان!؟
شن عرفني انا بالرياضيات السياسية العليا والدقيقة البتفرق بين (الديموقراطية المركزية) و(المركزية الديموقراطية)
ناس انحنا الساي ديل بنشوفا تقديم وتاخير وتنطع ساي بس (بكسر الباء)
مرة في نقاش تغيير اسم الحزب زميل متنطع مصر انو في فرق بين (اشتراكي ديموقراطي) و (ديموقراطي اشتراكي)!!

ياخي والله للحزب دا رجال ونساء مآمنين بيو .. حقو تعملوا ليهم تماثيل عديل كدا ..
مرة في عيد لقيت ليك الزميلة الصاقعة شادية التركي شغالة تامين للدار
والله صحي!

















------------

يا بدر ياخي ربنا قال ما معناه (لا يحاسبكم الله باللغو في ايمانكم)
ياخي ورجغة سودانيز دي ما محسوبة .. المهم السلوك العام .. وتراكم المواقف

سم سانين في (غصة) الدسموقراطية بت الك لب دي بالذات .. نحنا السودانين ديل ما بنقدر عليها في كل الاوكات
لساتنا يا صديقي في بتاتي في دروبا .. نحبو .. نسقط ونقوم .. ونتعلم

دا راي شخصي .. حتى بالمرة قبل كدا دعيت لتنظيم [ديموقراطيون في اوكات الفراغ] حزب قدّر ظروفك .. لسد الفراغ في المشهد السياسي الملتوث دا!


[يا لبؤسك يا صديقي] دردقتني لي درداقتك دي ايها البرجوازي الصغير

حذيفة الجلاد:

Quote: أقر بأني لم أراجع السياق الذي وردت فيه العبارات رأس المداخلة الأولي من بدر الدين في مقرها الأصل - فقد يكون للأمر تآويل مغاير لمنطوقها هنا... ليت الأخ تبارك إكتفي بمداخلة أمنة مختار الموجودة في هذا البوست .. .... مداخلات تبارك الواردة هنا تحوي الأتي من تهم للحزب الشيوعي مع ملاحظة عدم إيراد حيثيات التهم:. - مقارعة الفكر الحجة بالحجة مجال لا يجوز "للحزب الشيوعي السوداني" دخوله (قد يكون المعني لا مقدرات فكرية لدى الحزب أو أن الحزب يمارس قمع الفكر داخله) - الجاسوسية والمنشأ الإستخباري الموسادي - البرامج السياسية العميلة والمكرّسة للإذعان للإرادة الخارجية وأجندة الأمن الإسرائيلي في المنطقة ... - اللائحة الجاسوسية الفاشية المناقضة للمبادئ الديموقراطية - الدوغمائية -الإنقلابية -الفاشية -التخلف -جذب الفاشلين اجتماعيًا وأخلاقيًا - عضويته تجهل ألف باء الماركسية والفكر الماركسي - النفاق وتضليل المواطن ونشر الظلامية تحت ستار "إصلاح الخطأ في العمل وسط الجماهير" ... - الشيوعيين يتحدثون عن الحزب الشيوعي كحزب لا قبله ولا بعده ... وحده لا شريك له ... - العنصرية الفجة هي التي تتحكم في القائمين على أمر الحزب - يتسامح الحزب في تعطيل العقل لقيادات الحزب علي أساس عنصري (وهو الإنتماء لأم درمان) - الحزب يدرب ويعد كوادره للحماية علي تغييب العقل . وإضافة للتهم أورد إشارات لموقفه من الحزب وأطلق أحكام أظنها (تحقيرية) عليه دون أن يرينا كيفية وصوله لها : - استهدأف "الحزب الشيوعي السوداني" بحملة شعواء ... وليس كارل ماركس أو الفكر الماركسي ... - هذه الحملة قديمة وسبقت انشاء وتأسيس "حزب الخضر السودانيين" - مسح الحزب الشيوعي من الوجود ليس عمل ذا قيمة تذكر ... وتخلص السودانيين من الحزب الشيوعي يشبه تخلصهم من الشلوخ ... - وهو عمل انا اقوم به في أوقات فراغي بدافع التسلية في عمل نافع وملء أوقات الفراغ بالغسيل الأسبوعي والتسوّق وتغيير زيت العربية ومسح الحزب الشيوعي من الوجود ...

معليش ما نسيت أرد عليك ... طبعًا العنصرية ألقت بظلالها على كل مجالات حيواتنا ... خصوصًا حياتنا السياسية ...

لكن حقيقة أذهلني في هذه القائمة الطويلة من الإتهامات ... أنني مطالب بإثبات تهمة واحدة فقط ... بسبب السياق الذي أوردتها به ... فتأمل ...

(وبى الجنبة كدا ... شكرًا على وضع كل البيض في سلة واحدة ... ذكرتني قصة "صبي الدرداقة" المشى لى "العرضحالجي" عشان يشتكي "الكمساري"!)















... المهم ....

Quote: أنني مطالب بإثبات تهمة واحدة فقط ... بسبب السياق الذي أوردتها به ... فتأمل

ياتبارك
فوز حامد كفو في الجمعية التاسيسية (الديمقراطية الثالثة ) عن دائرة ريفي كسلا ، وهو ممثل الدائرة طيلة الحقبة المايوية
يصبح اجنبي ومزور في عهد ديمقراطي بدعاوي حزب تقدمي يساري وتتصدي لتلك الحملة الجريدة الرسمية للحزب التقدمي اليساري
التي يتبؤ ا اعلي ادارة فيها عضو المكتب السياسي الرفيق ( أ . ط ) ، رغم ان ريئس الفرع في بورسودان اوان الحكم الاستعماري للسودان
استقال من الحزب بعد تحقق الاستقلال وتفرغ للنضال علي الضفة الاخري في ارتريا واسس حركة تحرير ارتريا !!!!!! فاذا كان الحزب يجهل
واقع وتاريخ السودان فهل يجهل عضويته وانتماتها ؟ وهل اعلام الحزب بقيادة الزعيم التاريخي (ا .ط) يجهل تاريخ البلاد وتاريخ الحزب ؟

Quote: لأنها أسست الحزب .. ولأنها معتلة نفسيا ... ومن لم يستطع أن يتحمل أذاها .. فليذهب ..

واللاهي اللائحة واللوائح عندكم لكن ... إعل إعل قرين قروب .. إعل إعل قرين قروب ...

بطّل فوضى يا حيدر الزين .... يعني الكلام دا لامن فتحي البحيري كتبو أول مرة انا ما قريتو؟

انا ما برد على كلام زي دا ... لأنو لو صدق فيه فتحي فلا يجوز أن يأتي به هنا ...

وتعليقك على الخاص أقبح من نشر فتحي له ...













... المهم ....

Quote: وتعليقك على الخاص أقبح من نشر فتحي له ...

الخاص شنو؟
إنتو قايلين نفسكم مكوعين على عنقريب هبابي في راكوبة هواها قبلي وبتتناقشوا عن ضهب بت ابليس؟
دا كلام جاء في إطار الكلام عن (لائحة ) حزب يُطلق عليه حزب سياسي وبيــن من؟
بين مالك حزب جديد متهم بأنه مسروق من حزب آخر وبين رئيس الحزب الآخر المبجل ومدار الحديث عن صاحبة حقوق ملكية الحزب المسروق..!
تقول خاص وفوضي خلاقة وخلافه... والحنك العاضي دا


بعدين انت عارف مالكة حزبكم الانت الريس بتاعو لم توفر لها في الدنيا حبيب ولا صديق يبقي ما تقول اتجاهلت وما اتجلهلت تنفي او تقر هذه المذمة التي كررها فتحي البحيري بحقك حتى الان ثلاثة مرات او اكثر.. مش ما تقول ما برد عليهو انت ريس حزب ودا اتهام ليك خطيــر ..
مفروض تتوسع في الحتة عشان لو بقت امونة دفعة للشرس صلاح جاكات تاني الزول ما يزعل من شطحاتها..


وشكراً

Quote: تنفي او تقر هذه المذمة التي كررها فتحي البحيري بحقك حتى الان ثلاثة مرات او اكثر

دا اصطياد في المياه العكرة ... وخبث ليس بغريب عليك يا حيدر الزين ... انا الاعور بقول ليهو اعور في عينو ... ما محتاج لى شفتنات فتحي البحيري ...

ياخي انت قلتها بنفسك ... نحن كنا نتحدث عن لائحة ... أيه البيجيب كلام زي دا أصلاً ...

انت طبعًا جايي تشتت الهجمة المرتدة على الحزب الشيوعي ... وتسبب فوضى ترجعنا لى حكاية "متقسم" وما ادراك ما "متقسم" ... ارعوي يا حيدر الزين ...














... المهم ....

Quote: انا الاعور بقول ليهو اعور في عينو ...

كضااااااب ... اعور شنو .!! انت المشكوك في جنترتو ما قادر تحدد موقفك منه لمن تنضم في الاعور.. والا بس فلاحتك في العوران؟

Quote: انت طبعًا جايي تشتت الهجمة المرتدة على الحزب الشيوعي ...

دي شيوعيفوبيا والا شنو؟
في واحد اخونا هنا عندو برضو فوبيا غريبة جداً في حالة تعارض المصالح طوالى بيلصق لي عدد كمين ديباجة كدة بتاعت كوز ، امنجي ، عنصري ،،
غايتو بالجد بنزهك انك تبقي من جماعة الفوبيا اللافين هنا ديل..

Quote: ارعوي يا حيدر الزين ...

ابيييييييت يا عمر فضل المولى... بعدين القصة ما قصة متقسم او صاحبني وانت متقسم القصة في كونه هل سُرق المانفستو !!!

ـــــــــــــــــــــــــــ
هسع كان سألتك انت زعلان كدة مالك وشابكني خبائث وغرائب.. أنا جبت حاجة من عندي في الاقتباس دا والا هو كلام كرروا السيد فتحي البحيري وقال انه ورد منك؟؟!

دا حزب شنو دا بالله وكمان ستو زعلانة انها ما بيذكروها مع القامات من القيادات النسوية وقادة الاحزاب العندها ساس وراس..









المهم تيك إت ايزي

Quote: أنا جبت حاجة من عندي في الاقتباس دا والا هو كلام كرروا السيد فتحي البحيري وقال انه ورد منك؟؟!

وانا ما رديت على فتحي سيد الكلام ... انت جايي مكررو داير شنو؟

بعدين الجلكسات البتزلقها كل شوية عن آمنة برضو قاعد اقراها وما قاعد أرد عليها ...

إنت لو أعور صحي صحي ... ما تفتح بوست عدييييل ... تكتب فيهو رايك في آمنة مختار عشان نجيك نناقشك فيهو ... بدل "الجمجرة" البتعمل فيها دي ...













... المهم ....

Quote: لأنو لو صدق فيه فتحي فلا يجوز أن يأتي به هنا ...

أمرك عجيب جدا جدا يا تبارك
يعني يجوز أنك تتهم الناس بالكضب (هنا )ومن وحي علمك الغيبي بما نفوسهم
ولا يجوز إنهم يدافعوا عن أنفسهم بالإتيان بالحقائق المبرئة لساحتهم (هنا )
اهو بقولك (لا يجوز) دي انت بديت في وضع لائحة عفابية تدير بيها خلافاتك في هذا البوست !!


ويا بدرالدين
جدا ... أنا ذاتي ما متشرف ولا مرتاح بالمتاوقة أو (الدخول ) لهذه (الغابة ) (الإقطاع) بتاعتك دي
وسوف لن أسمى طلبك هذا ضيقا بالحوار والرأي ,,, والرأي الثالث !!
وليس لدي أي شروط لتنفيذ تعليماتك بعدم الدخول مرة أخرى
سوى أن يتوقف هذا التبارك عن انو يجيب سيرتي هنا
وسوى إنك تقوم بحذف كلمة المتقسم دي من عنوان البوست
فإن تحقق هذان الشرطان ودخلت أنا إلى هنا بعدها
إني إذن لمن الظالمين

Quote: يعني يجوز أنك تتهم الناس بالكضب (هنا )ومن وحي علمك الغيبي بما نفوسهم

أها ... كدا كويس؟

انبسطت يا حيدر الزين؟














... المهم ....

ماليهم حق حيدر الزين وبدر الدين ... الكل مرة بيجيبوني ليك هنا .. يا صديقي

ماليهم حق !!


هل هناك خضر بلا لائحة ولا آلية لفض النزاعات ... يا تبارك ؟

مهما يكن من أمر فإن ثلاث بدايات (محاولات) لتأسيس حزب خضر سوداني بدءا بنوفمبر 2005 مرورا باكتوبر 2011 وليس انتهاءً بيناير 2013 لا يجب أن تمر دون النظر في إيجابياتها وسلبياتها. فالسودانيون المقتنعون بأفكار الخضر العالميين ومبادئهم وبإمكانية زراعتها في تربة واقعهم السياسي الاجتماعي الظامئة لها لن يتوقفوا بأمرنا أو بأمر أحد عن هذه المحاولات .. وما دار من نقاشات - اتخذ للأسف الطابع الشخصي – يمكننا بسهولة وضعه في الإطار التجريدي لتسمية جوهر الخلافات التي أدت للاشتباك بين محاولة الخضر السوداني (اكتوبر 2011) والخضر الديقراطي (يناير 2013)
بحسب تبارك شيخ الدين فإن (تجريد) الخلاف مع الذين خرجوا من الخضر السوداني وشاركوا مع آخرين في تأسيس الخضر الديمقراطي هو رغبة الخارجين في حزب يتم التحكم في أعضائه بلائحة وأن (وحزب الخضر السوداني عبارة عن أرضية سياسية مشتركة للأعضاء بينتموا ليها ويلتزموا بيها بمحض إرادتهم الحرة العاقلة الراشدة البالغة ... وعلى المتضرر اللجوء للقضاء) وهذا كلام غريب .. هل إذا رأى عضو في الحزب – على سبيل المثال - أن رئيس الحزب المستقيل قد فرض عليهم رئيسا جديدا ً من خارج الحزب أو من داخله .. وأن هذا المسلك فيه انتهاك صارخ لوجودهم معا ً داخل الحزب .. هل يكون الخيار الوحيد المتاح أمام هذا العضو هو اللجوء للقضاء؟ وهل هناك مادة قانونية .. جنائية أو مدنية أو حتى في (الأحوال الشخصية) تتحدث عن فض النزاعات ذات الطابع التنظيمي المحض بين أعضاء الحزب الواحد ؟
لاشك أن تبارك شيخ الدين على تواصل بحزب الخضر الديمقراطي الأمريكي ، إن لم يكن مرتبطا به تنظيميا .. هل (لا!) توجد لوائح تتحكم في أعضاء الخضر الأمريكي؟ وهل الخيار الوحيد للمتضرر هناك هو اللجوء للقضاء ؟؟ لا نريد أن نثقل عليه بغير الخضر الأمريكي لتبيان أنه يحاول تسويق بضاعة مزيفة للخضر العالميين في أن الحل الوحيد للمتضررين داخل الحزب هو اللجوء للقضاء .. هل سمعت يا تبارك بلجنة اسمها لجنة فض النزاعات في حزب الخضر الامريكي؟
هل تمضي الأمور هنا كما تحاول التسويق له (سودانويا ً)؟ لا تقل لي أن فض النزاعات داخل الحزب هنا يتم عبر آلية الوساطة وحدها ؟ كله لوائح وكله يندرج تحت دائرة السيطرة على الأعضاء وعدم ترك حبل تغول بعضهم على البعض .. على غاربه
دعك من هذا كله .. لقد تحدث النظام الأساسي في حزب الخضر السوداني والذي تم إعلانه في اكتوبر 2011م عن (نظام داخلي) يستطيع أن يتعامل مع أعضاء الحزب ب(عقوبة) قد تصل لحد العزل والإقصاء – هذه لغة نظامكم الأساسي وليست لغتي أنا - وفقدان العضوية بالتالي .. وأن هذا النظام الداخلي يحدد الكيفية التي تتم بها إجراءات تطبيق هذه المادة (راجع المادة العاشرة من النظام الأساسي لحزب الخضر السوداني وللأمانة فإن النص هنا يكاد يتطابق مع المادة 12 الفصل الثاني من الباب الثالث للقانون الأساسي المقترح لحزب الخضر الجزائري المنشور في 2007 )
الخلاصة أن فكرة حزب للخضر بلا لائحة تنظيمية وبلا آلية لفض النزاعات بين أعضائه غير سائدة وغير موجودة حتى .. لا في الفضاء العالمي ولا في الإطار الإقليمي .. ولا حتى في حزب تبارك- آمنة نفسه كما أعلن عن نفسه في اكتوبر 2011م فمن أين يأتي صديقي الحبيب وحبيبي الصديق تبارك شيخ الدين بهذا الصنف العجيب ؟؟
والنتيجة العملية لهذا التعاطي التباركي – للأسف الشديد – هو حزب تستطيع رئيسته المستقيلة (نتيجة كفرها المؤقت بمبدأ اللاعنف) الاتيان برئيس جديد للحزب من خارج عضويته (حسب ظنها وحسب ما نشرته هي لا نحن على الملأ ) ليحفظ لها مقعدها الرئاسي ريثما يعود لها إيمانها باللاعنف من جديد بعد فشلها فيما كانت تنتويه بذلك الكفر المؤقت !



المهم

يا ناس انا حا افتح بوست بعنوان:
زعيما حزبي الخضر في السودان يسطوان و يخربان و يحرفان بوستيني من موضوعه و مساره!!!
رايكم شنو?

صباح الخيرات يا تبارك..

Quote: وانا ما رديت على فتحي سيد الكلام ... انت جايي مكررو داير شنو؟

جمجرة مني زي ما قلت

Quote: بعدين الجلكسات البتزلقها كل شوية عن آمنة برضو قاعد اقراها وما قاعد أرد عليها ...

براك قلتها ( عن آمنة مختار ) انت دخلك شنو عشان ترد او ما ترد وكمان تقولها بصيغة إنك متفضل علي وعامل فوقي جميلة؟!
انت من صحك يا تبارك والا عشان - إختارتك - رئيس الحزب حقها بقيت الموكل بالرد عنها؟
على العموم اساساً انا ما قاعد اكتب جلكسات عنها بالعكس انا اول من وقف في صفها هنا عندما (سرق ) فتحي البحيري وبقية عصابته حزب السيدة امنة مختار وصحت بالصوت العاالي
ان أعيدوا الحزب لصاحبته ايها اللصوص .. ووقت انا كوركت بضرورة غرجاع الحزب لمالكته انت كنت لابد وما قاعد تتكلم ولا جايب خبر..
بس بالصرااحة كدة والله يا تبارك اندهشت دهشة شديدة ولدرجة التلاشي اني اعرف انك في حزب الزولة دي لا وكمان رئيس معين؟
طبعا المعلومة دي عرفتها بعد حادثة السطو.. قلت تبارك دا جنّا ولا شنو؟
عموماً وفر الرد على جلكساتي واستفيد منه في الرد على الجلكسة بتاعت الجنترة دي..

Quote: إنت لو أعور صحي صحي ... ما تفتح بوست عدييييل ... تكتب فيهو رايك في آمنة مختار عشان نجيك نناقشك فيهو

ابييييييييييييييييييييييييييييييييييييت... بوست بدر الدين دا بس حتى يقضي الله امراص مفعولا او إلتهي بموضوع آخر :)

ــــــــــــــــــــــــــــــــــــ..
بعدين والله ماعندك حسنة يا شين مفروض تشكر دخولي وردودي في البوست دا ياريسهم وحارسهم وفارسهم

Quote: أها ... كدا كويس؟ انبسطت يا حيدر الزين؟

يا تبارك انبسطت شنو يآخ..
اديك النصيحة عشان ما تغلط ساي وتشبكني بدافع واشتت الكورة عن الحزب الشيوعي.. ( تلقى الحزب زاتو انهجم في كلام دا )..
أولاً انا منذ البدء مندهش وكل ما يوم بتزيد الدهشة في المستوى الوصلنا ليهو في تعاطينا السياسي ومستوي يعض المتسلبطين على السياسة وتجرؤها على العمل العام باسم انها قيادات حزبيـة من أمثال الناشطة الخضراء او الاميرة البجاوية - امنة مختار - واندهش اكتر في انها تقدر تلقى ليها تُبع ومناصرين لدرجة انضمامهم لحزب تقول الأخبار المنقولة انها تحتفظ بحقوق ملكيته بحكم انها كتبت " المانفستو " حقه بيديها الكريمتين.. لا وتطالب بحفظ حقوق العلامة التجارية المسجلة..
والحيرة بت عم الدهشة حينما تقارن بين مستوى الصراع السياسي والفكري والتنظيمي داخل الاحزاب الواحدة قبل عشرين عام وبين ما يحدث اليوم..
فشتان ما بين صراع مجموعة الخاتم عدلان من جهة ومجموعة الحاج وراق من جهة اخري.. كما هو الشتان ما بين صراع الخاتم عدلان نفسه مع الحزب الشيوعي وما بين الصراع الدار بين مجموعة حق بعد مغادرة الحاج وراق.. كما هو الشتان ما بين صراعات الحزب الشيوعي التاريخية الذي تريد انت ان تمسحه منذ صراعات عبد الخالق وعوض عبد الرازق مرورا بانقسام القيادة الثورية..
والحيرة والدهشة كانت في التظور النوعي لمستوى القيادات والوسائل واسس الخلاف ما بين تلك الصراعات وصراعكم هذا في حزب الخضر العملاق..وحكاوي النميمة والصور والصراعات الاسرية التي لا تعدو كونها من جنس وعلى شاكلة " فلانة طلقوها " ولعمري سمعنا هنا في صراعكم " فلانة عرسو فوقها " وفلانة ما ختت صورتها وعلانة مسحلبة وفرتكان بيغير مني..
هو انا معاك يا تبارك انه الزمن اتغير والأجيال اختلفت لكن كمان ما لدرجة إننا من الاستماع لاغاني الود والسنبلاية بزخم فنانيها وشعراءها نجي نستمع لأغنية حرامي القلوب تلب وسجل لي عرباتك!!
دا مستوى صراع يآخ داخل حزب حديث يُسمي حزب الخضر السوداني وسط كوماج الحراك السياسي السوداني الهادف لإسقاط نظام طاغي وديكتاتوري ، انقسم الحزب بسبب الاشكاليات اعلاه وجاء قادته الجدد يبشروننا بانتخاب مجلس قيادي اخر محملين معهم بأدبيات هذا الحزب ورواسب صراعهم بين قوسين ( الفكري ) أو كما يتوهمون..!!
وشر البلية ما يضحك.. فالحزب الشاقق والمشقوق لديهم الامل بخلف الساق فوق الساق وسط دائرة المشهد السياسي السوداني لنطفح نحن الرعاة هؤلاء بالمزيد من الغثاء..
وتجي تقول لي جمجرة يا تبارك وجلكسات..!
صراحة وانا اعتبرك أخ وصديق من ناحيتي واعتز ببعض العلائق بشوف انه الجلكسات هي تبنيك انت لمثل هذا الهراء وزج اسمك باسم العمل العام فلا فكر فيه ولا اخلاق ولا شرف صراع وانا ما عهدت المدعوة آمنة مختار لها مخزون فكري او فائدة مرجوة في اي حراك عام يمكنها المساهمة به او على الأقل تحتفظ بشرف خصومة .. تقول لي تؤسس حزب بمستوي افكار وأسس حزب الخضر العالمي المعروف .؟ معقولة بس يا تبارك؟؟؟
قال حسن حسني في ذات حاحا وتفاحة ( معقولة سجادة من ايران تلف بيها واحدة من بولاق ؟؟!)

البنقوية القالها فتحى دى تيار جديد ولا شنو ؟!
غايتو اخوكم فى تايلاند ومنقطع عن العالم ..
آخر حاجه حاضرها كانت ما بعد الحداثة!!!!

Quote: بحسب تبارك شيخ الدين فإن (تجريد) الخلاف مع الذين خرجوا من الخضر السوداني وشاركوا مع آخرين في تأسيس الخضر الديمقراطي هو رغبة الخارجين في حزب يتم التحكم في أعضائه بلائحة وأن (وحزب الخضر السوداني عبارة عن أرضية سياسية مشتركة للأعضاء بينتموا ليها ويلتزموا بيها بمحض إرادتهم الحرة العاقلة الراشدة البالغة ... وعلى المتضرر اللجوء للقضاء) وهذا كلام غريب ..

انا افهم انك تقول انو دا كلام غريب ... ونحن في حزب الخضر نعلم تمام العلم أن هذا التوجه في الممارسة السياسية توجه جديد على الكثيرين (ما غريب على الحزب الليبرالي مثلاً) ... ولكن أن تصف كلامي بأن لوائح الأحزاب تستخدم اساسًا لتصفية الخصوم داخل الأحزاب ... أو كلامي بأنك مع خيار أن يكون للحزب لائحة تحاسب سلوك الأعضاء ... أن تصف هذا الكلام بأنه "كذب" .. فهذا هو الكلام الغريب بعينه.

بعدين لجنة فض النزاعات في حزب الخضر الأمريكي لجنة وساطة اختيارية ... بتقدّم ليها طلب توقع فيهو بالإلتزام بتنفيذ قراراتها اختيايًا عشان تتدخل في حل نزاع بينك وبين زول ... ولو الزول ما وافق بيكون ما عندك حل غير اللجوء للقضاء ... لاكين انت داير قانون حزبي فوقي بيفرض قراراتو على الأعضاء بى سلطة فوقية اسمها "اللايحة" ... ماف طريقة يا شاب ...

نظام: "كله لوائح وكله يندرج تحت دائرة السيطرة على الأعضاء وعدم ترك حبل تغول بعضهم على البعض .. على غاربه" ... دا نظام ما بيخارج في العالم الديموقراطي المعاصر الشغالين لإدخال السودان في ساحاتو ...

بعدين يا حيدر الزين بطّل جمجرة وحزب امنة ورجعوا لى امنة حزبها وكلام فارغ ... الكلام بتاع انو دا حزب امنة دا كلام بتاع فتحي البحيري وتراجي مصطفى ...

نحن داخل الحزب نتعامل على انه حزب الفكرة الخضراء وليس "حزب آمنة" ... ونعتبر تصنيف حزب الخضر بهذه الطريقة من باب الشتيمة ... ونحتفظ بحق الرد عليها (زي ما قال البشير) ...

لا شك أن الأستاذة آمنة مختار هي مؤسسة هذا الحزب ... لكن يجب ألاّ يفهم ذلك على أنها أسست "طبلية" مسجلة باسمها ... فارعوي يا حيدر الزين ...

ولو داير تقول كلام عن آمنة افتح ليها بوست (زي ما أي عضو في البورد دا بيفتح بوست للتاني - نقترح انو يشاركك ياسر طيفور في البوست) ...

عشان نفهم رايك شنو ظاطو ... لأنو الدفاع عن الحزب ومبادئ الحزب وسمعة الحزب دا شغل سياسة ... لاكين الدفاع عن آمنة مختار دا شغل اخوان البنات ...

(وانت الله قال بى قولك لو أنبرت آمنة بنفسها للدفاع عن نفسها)















... المهم .....

Quote: بعدين يا حيدر الزين بطّل جمجرة وحزب امنة ورجعوا لى امنة حزبها وكلام فارغ ... الكلام بتاع انو دا حزب امنة دا كلام بتاع فتحي البحيري وتراجي مصطفى ... نحن داخل الحزب نتعامل على انه حزب الفكرة الخضراء وليس "حزب آمنة" ... ونعتبر تصنيف حزب الخضر بهذه الطريقة من باب الشتيمة ... ونحتفظ بحق الرد عليها (زي ما قال البشير) ...

ليس كلام فتحي وتراجي مصطفي.. بل وست الحق زاتها السيدة الفاضلة آمنة مختار التي لم تنفي المعلومـة ولم تقل لمن قالها ( إرعووي ) بل ساقت على خطى الحديث ما يدل على مباركتها لفكرة الــ95% ..!
بعدين انت الكلام تقوله راعيــة ست الحزب الاستاذة تراجي وبتبشر بيهو في عنوان بوست حدادي مدادي في عدة صفحات وعلى مدى عدة ايام ولم تزجرها انت او آمنة او اي (اخضر قرين ) بالمنبر دا ولم اسمعك تقول بغم وتجي ( ترعويني ) أنا .. حقارتك بس فوقي

Quote: ولو داير تقول كلام عن آمنة افتح ليها بوست

افتح بوست..! يا حلاة لِكْلِك ..

بعديــن ياخي تاني ما تقول لي إرعوي بالله.. بالطريقة دي بتكسر لي مقاديفي وتكتل الابداع الجواي وتجيني عقدة نفسية من الهرشات..
شنو كل ما افتح خشمي تهرشني وتقول لي إرعوي.. قدرك انا والا لحم سدرك عشان تتنمّر علي يآخ

حيدر الزين اختشي!

يااااا حليلك آ تبارك ..



..
زمان فى البورد ده كان فى ناس مهابين الجناب يرعوى امثالنا إزائهم ..
والله صحى !!

شكلو مسالة الخضر دى (اسفيريا على الاقل) ما ماشه معاك يا صاحبى
تعرف !!
انت بيع الموضوع ده واتفرغ لى مسح الحزب الشيوعى ..
لانو الموضوع ده داير واحد وراهو مؤمن ورامى لى قدام ..
ولا يمكن التعويل طويلا على تسامى الشيوعيين ان يتكالبوا على عزيز منبر قديم..

هل يمكن التعويل طويلا على تساميهم ؟!

Quote: بعدين لجنة فض النزاعات في حزب الخضر الأمريكي لجنة وساطة اختيارية ... بتقدّم ليها طلب توقع فيهو بالإلتزام بتنفيذ قراراتها اختيايًا عشان تتدخل في حل نزاع بينك وبين زول ... ولو الزول ما وافق بيكون ما عندك حل غير اللجوء للقضاء

يعني في النهاية طريقة والية لفض النزاعات
والأنا كنت قاعد اتناقش معاك فيهو بالساعات الطوال عبر الاسكايب كان زي دا وارقى منه كمان لو تتذكر

قت ليك الإساءة الوجهها ذلك العضو المميز كانت كلام ... وممكن الحزب (يطفيها) بي كلام .. افضل بي كتير من الانت فيهو الان


الخلاصة انو النزاعات الحزبية حتى في الخضر لابد لها من حلول حزبية
ومسألة أنو الخيار الوحيد للمتضرر أنو يمشي القضاء دي عمليا معناها خلوا لينا حزبنا انا وامونة او اقبلوا انو الحزب يتحول لي غابة اللي ما عندو اخلاق فيها هو اللي يكسب
لأنو انا ما ممكن امشي القضاء اقول ليهو رئسة الحزب جابت لينا فتحي البحيري من خارج الحزب عشان يبقى رئيس موقت لي حدي هي ما تمشي تجرب حظها مع ناس كاودا وتجي ؟؟

وحتى الحاجات التانية الممكن القضاء يكون عندو فيها كلمة
زي الاتهامات الباطلة
وانتحال شخصية احتها ماجدة
وانتهاك خصوصية العضوات
الخ الخ
مفروض (قبل) القضاء الحزب يكون عندو فيها كلمة وقرار
وعندك مثال الزولة الاتهموها بغسيل الأموال

وتم إعفائها من مناصبها الحزبية في الخضر الفرنسي قبل أن يقول القضاء كلمته


يا تبارك ما بحلك
ونظامك الأساسي بيتكلم عن نظام داخلي ممكن يعاقب العضو بالعزل والإقصاء
ودا غير فقدان العضوية نتيجة عدم دفع الرسوم أو الإدانة بتهم مخلة بالشرف والأمانة
كما هو واضح من الصياغة البتشبة لي حد كبير صياغة الخضر الجزائري في 2007
يعني العزل والإقصاء دا حيكون نتيجة لي شنو إذا ما كانت المسألة تنظيم العلاقة بين أنفك وأصبعي داخل الحزب ؟؟

Quote: يعني في النهاية طريقة والية لفض النزاعات والأنا كنت قاعد اتناقش معاك فيهو بالساعات الطوال عبر الاسكايب كان زي دا وارقى منه كمان لو تتذكر

ياخي انت رفضت أي آلية لفض النزاع بينك وبين آمنة (بما في ذلك "الشرطة" كآلية فض نزاع) ...

وحلفت ألف يمين يا "محاسبة" يا تتخارج ... واتخارجت ... تاني داير شنو؟

مساعينا الشخصية لتطييب النفوس مرقتها من الخاص للعام بصورة مشوهة وظالمة ...

قلنا ليك مشكلة الحزب المؤسسية حليناها دون اللجوء لوضع أي وزر على أي زول ... وخلافاتكم الشخصية بنحلها معاكم ... تاني نعمل ليكم شنو؟

إنت وآمنة لامن حظرتوا بعض ... أنا رجعتكم الإتنين وقعدت أنقل حواراتكم "كوبي اند بيست" عشان نسمع للطرفين بإنصاف ونصل لى نتيجة ...

النتيجة الوصلنا ليها (من وجهة نظري) إنو الحزب لم يقصي أي شخص أو يحرمو حق التعبير عن موقفو بالكامل ... (ومن وجهة نظرك) إنو طالما لم تتم محاسبة آمنة يبقى مافيش فايدة ...

ما قدرت تقنعنا بمسؤولية الحزب في محاسبة آمنة في خلاف شخصي بينك وبين آمنة ... أو خلاف شخصي بين آمنة وتقوى وعزة ...

قال الجميع - بما فيهم آمنة - أن الحزب منخرط بصلاحية آمنة مختار في حذف وإضافة الأعضاء ... وليس لآمنة هذه الصلاحية منذ تلك المشكلة (وهذا ما يهمنا في حزب الخضر) ...

أما كيفية حسم نزاعاتكم مع آمنة ... فهذا أمر لا يهم حزب الخضر السوداني من قريب أو من بعيد ... فنحن لم ننضم لحزب الخضر لمتابعة هذه الشجارات الصبيانية ...

ليس لدينا لائحة محاسبة سلوك الأعضاء ... ولا ينبغي لنا في المستقبل ... وإن كانت وجهة نظرك أن ذلك مأخذ على الحزب ... فقل لنا لماذا ...

بعدين ما تتخيل أنك تحتل مسؤولية منصب محدد في الحزب ... وتخل بواجبات ومسؤوليات ذلك المنصب ... وتستمر فيه لأنو الحزب "ما عندو لايحة" ...

المنصب لديه مسؤوليات وواجبات وصلاحيات ينص عليها نظام الحزب يا حبيب ... ما طالق ساي ... والصلاحية التي تسيء استخدامها تفقدها ...

بلا لايحة بلا محاسبة بلا يحزنون ... نحن ما جايين نربي الراشدين في مدرسة الأخلاق الحميدة ... نحن جايين نشتغل سياسة ...

وارحمنا ياخي ضيعت علينا الويكند في الكلام الفارغ ... واجبنا في تنورك سياسيًا ما بيوصل لدرجة الإبتزاز كمان ...

امشي القضاء ولاّ امشي محل عايز ... ياااااا خلف الله عذبتنا ...












.... المهم ....

لا زلت تمارس الكذب
1- انا لم يكن لدي أي مشكلة مع آمنة ، لا شخصية ولا غيرها ، قبل قيامها بالتحرش بالعضوات وطردهن من القروب لأنهن لم يستجبن لنزواتها ولقد استمت وانت تعلم ذلك لكي افض هذا النزاع بصورة تحفظ للحزب عضواته وأسراره .. اكرر عضواته وأسراره .. ولكن احساس امنة الكبير بالتميز وأنها فوق أي نقد أو مراجعة .. وجنوحها إلى الابتزاز الرخيص .. مضافا إليه احساسك النبيل تجاهها وأنها (أساسية) اكثر من مبادئ الخضر نفسها هو الذي عقد الأمور وحولني بغدرة غادر من حكم .. إلى خصم وحكم .. فأبيت أنا هذه الوضعية والكل يشهدون على ذلك
2- مسألة أن الحزب ليس فيه فكرة المحاسبة لم تكون موجودة ضمن النقاش على العكس تماما .. طرح الأخ فقيري اقتراح أن تتشكل لجنة محاسبة ووافقت أنا ووافقت أنت وحددنا موعدا لكنك تخلفت انت وامنة زي الترتيب
3- المحاسبة ظلت تمارسها امنة بشكل فردي وديكتاتوري فهي وحدها تقرر ان هذه العضوة (ما عندها حساسية عمرية ) وتصدر الحكم وذلك العضو (ذكوري) ونصدر الحكم و ثالث (براي ) و عواصة لجمعية البيئة وتصدر الحكم .. وحدها ... والكل شهود على ذلك
لأجل ذلك أقول لك يا تبارك أنت تمارس الكذب
وتدافع عن فكرة لا وجود لها إلا في رأسك
ووأنا لم أرفض شيئا يخرجكم من المأزق بدأ من المحاسبة التي تطالني أنا قبل أي شخص آخر
وانتهاء بأي آلية تفض النزاع وتحفظ للحزب عضويته آمنين !
المؤسف أنك تمارس الكذب فيما عليه شهود
والمؤسف أكثر أنك تتهمني بإخراج ما سميته مساعيك لتطييب النفوس من الخاص للعام .. بصورة مشوهة وظالمة
ولا تتهمني بالكذب (!!!)
انا اقول لك : لو أنك لم تكذب علي لما احتجت أنا أن أخرج هذه المساعي التي لم تستهدف تطييب مشاعر أحد سوى آمنة
كل الذين اعتدت عليهن آمنة ظلوا يراقبون خيباتك العدالية المتتالية منذ تاريخه وحتى الآن
وحتى آخر كذبة تستهدف تبرئة المخطئ وتخطئة المجني عليه
واصل !!

***
جميل أن تنشأ جمعيات وأحزاب لحماية البئية وجميل أن يتنافس المتنافسون علي صيانة الكرة الأرضية - أرضا وجوا وبحرا- وعلي ترسيخ وبث الوعي بقضايا البئية في بلادنا... ولكن العبرة دوما تكون بالنتائج وبالثمار," فبثمارهم تعرفوهم" ** ممن هذه التيارات يقوم بالترويج لقضايا البئية في أرض الواقع في الجامعات والشوارع والميادين العامة? ** ممن هذه القيادات يعيش وسط جماهير شعبه ويراه الناس في أفراحهم وأتراحهم وتجمعاتهم فقيادة الجماهير لاتكون بالريموت كتترول وأجهزة التحكم من بعيد. وإنما بالتفاعل الحي? ** أين هم من تلوث النيل والمجاري المائية ومحاصرة وتعرية من يتسبب في ذلك? ** أين هم من مواجهة-ممن يقوم بدفن النفايات النووية والمخلفات الصناعية الضارة وجعل الوطن " كوشة" تحوي مخلفات وفضلات العالم? ** أين هم من السياسات التي قلصت الغطاء النباتي والغابات لصالح الاعمدة الخرصانية ?
** وأين هم ممن أستولي علي الميادين والحدائق العامة ? أين وقفاتهم الإحتجاجية ضد هذه السياسات ?** أين هم من المصانع القائمة وسط المناطق السكنية وتلك التي لا تتقيد بأبجديات معائير السلامة? ** وفوق هذا أين هم ممن أشعل الحروب التي قضت علي الزرع والضرع والغطاء النباتي والحياة البرية وأعني تحديدا المؤتمر الوطني الذي تسبب - بسياساته وآلته الحربية - في فتح جبهات موت ودمار جديدة!?
** ثانيا
القيادات الجديدة يجب أن تعي أن الديموقراطية ليست فقط مؤسسات ومفاهيم عامة أو حتي آلية لإختيار الحاكم وفصل السلطات وتبيان حقوق وواجبات المواطنة وإنما هي فوق هذا سلوك وممارسة فردية فلايمكن لمن يبشر بالديموقراطية أن يفتقر لهافي نفسه- ففاقد الشئ لايعطيه ! علي من يتصدي للعمل العام أن يتحلي بقيم التسامح والتعائش وإحترام حق الاخر في التعبير والتنظيم- وإحترام التنوع والإختلاف والنأي عن عقلية الإستئصال والإقصاء - وعليه أن يكون عفيف اللسان مبتعدا عن الجلافة والفظاظة والاساءة والتجريح- ,عليه أن يرسي نموذجا يحتذي فمن لايستطيع دفع ضريبة القيادة فعليه الايتصدي لها !!

Quote: ولا تتهمني بالكذب (!!!)

الحمدلله اللاحظت ... أتمنى ألاّ تفهم عدم الإتهام على أنه براءة لك وتأمين على مصداقيتك ...

(ياخي والله البتعمل فيهو دا عيب ياخي ... انا ما قبلان بيهو نهائي)













... المهم ....

كمال عباس ...

عصايتك دي قبّلها على ناس جمعيات البيئة ...

ما تطبظنا بيها ...

















... المهم ....

أها الخبر شنو ..الزولة الغريبة الإسمها آمنة مختار دى طلعت مجنترة وللا مدمنة مخدرات وللا جاية من المريخ ......:)

__________________

ولا زال البحيري يتردى كاذبا ..

متييييين زغت أنا من محاولة أستاذ فقيري للمحاسبة وحل المشكلة التى تسببت فيها أنت ، وحرصت على تضخيمها ، وكنت تريد أن تحاسبني ظلما بإسم مؤسسية لم تكن موجودة أصلا ..
والسبب هو مماطلتك ( الغريبة ) طوال العشرة أشهر التى كنت فيها رئيسا للجنة تسييير الحزب فى تكوين لجنة تسيير جديدة !!

أما بخصوص لائحة تنظيمية .. نعم موجودة فى نظامنا الأساسي الذى ستتم أجازته بعد إجراء التعديلات والإضافات عليه فى المؤتمر العام ...
ولكنها ستكون لائحة لتنظيم شؤون العضوية مع الحزب ، وكل من يخالف مبادئ الحزب ..ويتم تنبيهه لذلك ..ويكابر فمن المنطقي أن يتخذ إجراء مؤسسي ضده .

ولن تكون لائحة لمحاسبة الأعضاء لخلافات تتعلق بثقافة العضو أو العضوة أو إختلاف نظرتهم إلى الأمور أو كجينهم لبعض أو مشاعرهم الشخصية ..

______________

بعدين يا تبارك ، أنا لم أحظر فتحي البحيري ولا أى عضو أو عضوة ..لعلك نسيت .

أنت تعرف من حظر من ، ثم صار يشتمه من وراء ظهره ...فى الوقت الذى كنا فيه مشغولين بأمور مصيرية تخص الحزب .

( وكل هذه الأمور حدثت فى قروب خاص بالحزب على الفيسبوك ) ، وهذا القروب لا يشمل كل العضوية ..ويوجد فيه أشخاص من خارج الحزب .

منهم عزة عبدو الجاى البحيري يقول عليها عضوة فى الخضر ، وهى ليست عضوة ، فقط كانت موجودة فى القروب ولم نسمع لها حسا ..
وتقوى أيضا لم نكن نعرف عنها شيئا قبل طلبها الإنضمام للحزب ، والآن صرنا نعرف عنها الكثير ، والفضل لما حدث ..فلو لم تحدث هذه المشكلة التى أثارتها بسبب نشر صورتها فى صفحة تابعة للحزب ..وشتمي من وراء ظهري ..لكنا حتى الآن مخدوعين فيها .

وطبعا إنت ما صدقت ولقيتها فرصة لمحاولة طردي من الحزب بحجة إنتهاكي لخصوصية العضوات ..!!
خشية من أن أملك الخضر معلومة ممارستك لتعدد الزوجات ، الذى موقفنا منه موقف مبدئي ...وأنت تريده شأنا خاصا ..
وكل من يناقشك فيه هو قليل أدب ويجب محاسبته وطرده لأنه ينتهك خصوصيتك حسب زعمك ..وبعض أن تصدت لك معظم العضوية النشطة
وتركوا لك قروب الفيسبوك ..أضطررت لكتابة إستقال مهزوزة بعد أن عرفت حجمك الحقيقي ( كما قال الخضر ) .

...................................

بعدين يا بحيري نحن ما بنلم الناس من طرف ، فنحنا بنتخير النوعية وليس الكم .
وقروب حزب الخضر هو بمثابة دراسة لأفكار ومفاهيم الموجودين فيه تجاه القضايا المختلفة .

يعنى أى زول يمارس العنصرية والتمييز النوعي والعمري ويخشى من نشر صورته أو كتابة إسمه الحقيقي ، أو يمارس تعدد الزوجات ...أو يريد أن يفرض علينا برامج أحزاب أخرى وأجندات أخرى خاصة بممنظمات بيئية
فهؤلاء ليس لهم مكان فى حزب الخضر ...وهنيئا لحزب الكرفتات بهم .

وحتى الآن الحزب يمثل رؤية مؤسسيه ..إلى حين إكتمال مؤسساته ..
هذه ألفاء باء تكوين الأحزاب .

أما بالنسبة لكمال عباس وما كتبه من واجبات يفترض ( هو ) إن علينا التصدي لها ..

فنحن كحزب خضر ، من حقنا أن نحدد أولوياتنا حسب رؤيتنا ..وليس حسب رؤيتك .

والآن نرفع ( شعار إصحاح البيئة السياسية أولا ) ..فعندما تصح البيئة السياسية سنتصدى حينها لإصحاح البيئة الطبيعية وللمهام الأخرى الكثيرة الموجودة فى برنامجنا وفى أهدافنا فى النظام الاساسي وبقية الأوراق المقدمة من العضوية .

فحزب الخضر تنظيم سياسي ، ليس من أهدافه إصحاح البيئة الطبيعية فقط ، وإلا لسعينا إلى تأسيس منظمة لحماية البيئة ..
وشخصيا عضوة قديمة فى المنظمة السودانية لحماية البيئة .


_______________

أما تعليقات البعض حول إرتباط حزب الخضر لهم بالبنقو ..ووصفه بحزب ( الخدر ) ..
بما فيهم رئيسنا السابق ظااااتو ..

فبس نقول ليهم : الظاهر عليكم رايحة ليكم سطلة ..
فرجاء ..شوفوا وين تجار البنقو والمخدرات ....:)

بعدين يا أخ بدر ..

البحيري كتب فيما كتب ، وخرف فيما خرف ..
وقال ليك : الحزب الشيوعي دا شنو .


أحمد ربك ..على الأقل نحنا عارفين الحزب الشيوعي دا شنو ..:)

Quote: وقال ليك : الحزب الشيوعي دا شنو !؟

مسحو ليهم بإستيكة يا قيقا ..ولا هماهو ...


على الأقل تبارك أورد لهم حيثيات المسح ..من وجهة نظره طبعا ..:)

...............

هكذا تحول البحيري بعد الإعتقال ..إلى دكتاتور صغير مغرور .

كتبت الأستاذة أمنة مختار

Quote: بالنسبة لكمال عباس وما كتبه من واجبات يفترض ( هو ) إن علينا التصدي لها .. فنحن كحزب خضر ، من حقنا أن نحدد أولوياتنا حسب رؤيتنا ..وليس حسب رؤيتك .

وماكتبه كمال عباس هو مايتوقعه أن يكون من ضمن إهتمامات جمعيات وأحزاب البئية, وهو بالمناسبة وجهة نظري الخاصة وليست بالضرورة أن تكون كلها صائبة أو أن تعبر بدقة عن غيري , وبالمناسبة هذه المحاور التي تحدثت عنها ترتبط إرتباطا وثيقا بالسياسة والخلل السياسي فالقضايا المطلبية والصيغ الإحتجاجية يمكن أن تكون مدخلا لمعارضة سياسات النظام~!
وهذه النقطة مثلا فيها إشارات سياسية مباشرة:-
**

Quote: وفوق هذا أين هم ممن أشعل الحروب التي قضت علي الزرع والضرع والغطاء النباتي والحياة البرية وأعني تحديدا المؤتمر الوطني الذي تسبب - بسياساته وآلته الحربية - في فتح جبهات موت ودمار جديدة!?

** الان ن وبعيدا عن الخضرأقول تعميما:-
أن الحزب الجيد هو الحزب الذي يتقبل النقد ويأخذ بالايجابي منه ويضحد السلبي , وينفتح علي الجماهير ويتعلم منها ويعلمها ولاتدعي
قيادته إمتلاك مفاتيح الحقيقة وإدعاء العصمة ولا تقوم بإستعداء الاخر
قلت

Quote: القيادات الجديدة يجب أن تعي أن الديموقراطية ليست فقط مؤسسات ومفاهيم عامة أو حتي آلية لإختيار الحاكم وفصل السلطات وتبيان حقوق وواجبات المواطنة وإنما هي فوق هذا سلوك وممارسة فردية فلايمكن لمن يبشر بالديموقراطية أن يفتقر لهافي نفسه- ففاقد الشئ لايعطيه ! علي من يتصدي للعمل العام أن يتحلي بقيم التسامح والتعائش وإحترام حق الاخر في التعبير والتنظيم- وإحترام التنوع والإختلاف والنأي عن عقلية الإستئصال والإقصاء - وعليه أن يكون عفيف اللسان مبتعدا عن الجلافة والفظاظة والاساءة والتجريح- ,عليه أن يرسي نموذجا يحتذي فمن لايستطيع دفع ضريبة القيادة فعليه الايتصدي لها

لو كنت تكرمت وإطلعت على برنامجنا ونظامنا الأساسي يا أستاذ كمال عباس ..
لكنت وفرت على نفسك عناء كتابة هذه النصائح .

.......................

وإصحاح البيئة السياسية ، كنا نتوقع ان يكون مفهوما ..
فأولوياتنا هى ( إسقاط نظام القتلة ومحاسبتهم لا التطبيع معهم ) .


وعلى العموم / أدونا فرصة نشتغل ونكمل مؤسساتنا ..
فنحن مشغولون بالتحضير لمؤتمرنا العام الأول .

وكذلك بأمور يقوم بها كل الناشطون والناشطات السياسيين فى التصدي لنظام القتلة .

وبعد إكتمال تاسيس الحزب ( الذى عطل بفعل فاعل ) ، نرحب بكل النقد البناء .

اختنا امنة مختار

سلام

"

Quote: بعدين يا أخ بدر .. البحيري كتب فيما كتب ، وخرف فيما خرف .. وقال ليك : الحزب الشيوعي دا شنو . أحمد ربك ..على الأقل نحنا عارفين الحزب الشيوعي دا شنو ..:)

"

يعني يا امنة انا عديم شغلة لغاية ما اقرا تفاصيل كلام بحيري ?!!!
صدقيني بقرأ كلام بحيري و تبارك بعين مغمضة, و عقل شارد و بفط خمسة سطور. و بقرأ كلمتين من بداية السطر, و الله على ما اقول شهيد!
ياخ الوقت براهو ممحوق كمان ازيد عليه وجع قلب?!

بعدين النسألك يا امنة القناديل ديل مفروض يعرفوها الرجال بس و ما اظنها جندروها بعد العرفك بيها شنو انه بيبيعوها هههههههههه



-----
يا جماعة حقيقة حقيقة كدة و الله ما عايزكم تسطو على بوستيني دا ياخ
العايز يدي لينا رئيس الحزب سوط, حبابو!
العايز يشرح مبادي الخدر و شعارهم, بالله يهوينا هههههههههههه

غايتو يا قيقراوينا زمان ما كنت فاهم لما يقولو فلان في موقف لا يحسد عليه الا بعد شفتك في النيولوك بتاعك هههههههههههه!

آمنة مختار
فتحي البحيري لم يتحول عندك إلى شيطان رجيم إلا لما قال ليك
1- عيب تنتهكي خصوصية البنات البتلديهن وتمشي تشيري صورن في اي حتة بدون إذنن
2- عيب إنك تنتحلي شخصية اختك المسكينة ماجدة وتستخدمي اسمها في ارتكاب جرائم يمكن أن يعرضك ويعرضها في صمة خشما .. لمساءلات قانونية وجنائية
3- إلا لما رجعت البتين الانتي مارستي عليهن اقصى درجات التعذيب وحذفتيهن من القروب بناء على مزاجك الشخصي
4- ولما قمت بحذف الناس الانتي اضفتيهم بدون علم احد للقروب الخاص بتاع الحزب مع أنهم أعلنوا أنو ما عندهم علاقة بالحزب ولا بالقروب ولا بمبادئ الخضر حتى واللي من ضمنهم صالح شوربجي اللي اعترف انو من اهداف وجودو في القروب الخاص لحزب الخضر هو التحرش الجنسي بالعضوات والأعضاء بتاعين الحزب
5- ولما كتبت بوستات اطالب فيها ببحث عودة المؤمنين بالمبادئ الخضراء والفاعلين الحقيقيين الآن في ساحة هذه المبادئ واللي كانوا معانا ومشوا لأسباب غامضة

وبعد ما بقيت ليك بمبي للأسباب أعلاه وغيرها جيتي تمارسي ضدي الابتزاز وانك حاتقولي للخضر شيئا من خصوصياتي الأسرية التي يعتقد جهلك وظنك المريض أنك ممكن (تردميني) بيها لأنني لم أكن متطابقا ولا متواطئا معك على .. ولا ساكتا (مثل تبارك) عن جرائمك اعلاه
هذه هي الحقائق
ورفضت بعدها أي نقاش موضوعي حتى حول ما بذلتيه من خصوصياتي ... لاحظي اني بدأت اتحاور معك موضوعيا حتى حول خصوصياتي الاسرية .. اكتر من كدا اكون ديمقراطي كيف ؟؟
ولما تبين لك ان كيسك فاضي تماما
قمت حولتني انا ايضا الى خصم

وفي اللحظة دي رفض الديكتاتور الصغير .... اللي هو انا ... انو يكون خصم وحكم ... وكلفت تبارك بمهامي كرئيس الى حين ان يختار الأعضاء من يرونه
(ما زيك : قتي انك جبتيني انا رئيس عليهم غصبا عنهم ومن خارج حزبهم وخارج مبادئهم كمان ... شفتي الفرق الكبير بينك وبين الديكتاتور الصغير )

ورفضت انك تجي في الاسكايب في اليوم الموعود للمحاسبة
المحاسبة اللي هي مبدأ عام موجود في كل مكان وفي اذهان الخضر واللي بناء عليها اقترح فقيري عمل لجنة محاسبة تحاسبك وتحاسبني وتحاسب بقية العضوات المسكينات في ما نشأ بينك وبينهن من نزاع اقحمتني فيهو لما حاولتا احلو بشكل ودي
دي الحقايق
ولدينا الوثائق والأدلة والشهود
وعلى استعداد لنشرها في اي مكان

ولم يدفعنا لذكرها الآن إلا إصرارك العجيب على الكذب
وإنك شايفة إنو مشاركتنا مع آخرين كثيرين
في تكوين حزب خضر حقيقي منفتح وغير مصمم على مقاس شخص بعينه
يعبر عن قناعتنا ومحبتنا لوطننا
..هي جريمة نستحق بها تشويه تاريخنا الناصع مع إشكالاتكم الصغيرة في مجموعتكم الطاردة والمغلقة
... واللي مصرين تصمموها على مقاس إشكالاتكم النفسية والاجتماعية ... المزمنة

يا قيقا قرين* .. قووول انا اختشيت او إرعويت - ايهما حل أجله واستحق الدفع - وانضميط على بوزي الخفيف دا..
اها عصاية كمال عباس البتنخس دي حا تعملوا معاها شنو!

عموماً شكلى حا اغيــر رائي في حزب (الخضر) وديمقراطية صاحبته وحاملة صك الملكية بتاعو لانها لا تفرق بين الرئيس السابق المهنضب بصيحة ياهووو ياهووو الحق.
وما بين الريس الحالى حلال العقد واخو الاخوان كلهم عندها واحد بتشخط في اجعص جعيص فيهم وتسمع كلمة انضم وما تقول كدة تاني زي ما حصلت حاجة في فصول (الخدر)
أها يادووبك انا عرفت تبارك حبيب ألبي جاب كلمة إرعوي من وين وانا الكنت ظالم عمر فضل المولى انه سلفوا ليها..


....المهم...



ـــــــــــــــــــــــــــــــــــــــ
* قيقا قيقا .. والله باقي لي هظار هظار لدرجة انه الواحد ما قادر يشاغلك بحتة انك بقيت قرين دي.. الا بالجد وصحي صحي كدة انت اخدراني لونو سمحات عيونو..

يا حيدر الزين ..

عصاية كمبال عباس موجهة فى (الأساس) لحزبكم الليبرالي ..حليفنا .

......................

بعدين أول مرة فى حياتي أشوف حزب ينتقدوه ..ويسألوا عن نشاطه ، وهو لا زال فى طور البناء والتأسيس ولم تكتمل مؤسساته بعد .

دا غايتو تمييز جندري عديييييل ..على قول عضوة فى الحزب .

Quote: يا حيدر الزين .. عصاية كمبال عباس موجهة فى (الأساس) لحزبكم الليبرالي ..حليفنا .

يا امونة الاخدر لونة .. الليبرالية مكفولة للجميـع لكن كما يقول الشيوعيين " سابقاً " هذا شرفٌ لا ادعيـه وتهمة لا انكرها ..

فآآشنو كما يقول قيقا قرين انا لست من ضمن الحزب الليبرالي " حليفكم " فما تحملو حلفاؤكم وش قباحتى..

وللحق والحقيقة انا اساسا ما تبع اي حزب ولا منضم لاي تنظيم للآمانة كدة يعني ..

فوقت عندك رياسة بتوزعي فيها ساي كدة ومرات مرات حفظ مقعد - زي طوبة الحجز في صف الفرن زمن الخبز عيش - ماكان تقولى لي عووك!!
او اقلاها تجيبيني في ريس لحزبك بدل تبارك الشين دا..
يآخي والله ما عافي ليك تفوتيني فرصة اني ابقي رئيس قيقاراوي واتأمر عليهو وارسلو يجيب موية ويولع السيجارة -حمراء طبعاً عشان ماتنهريني-

غايتو هسع ما فات شئ انتي بس ادينا الــ قريين لايت وارفدي تبارك ابشعر ومسكيني العصاية من نصها وصورة من المانفستو وانا بجيب ليك فتحي بالانتربول لو ما رجع لينا " حزبنا " صاد..

ـــــــــــــــ..
كلام لكن ..!! يعني العلماني كمال عباس بيأشر بعصايتو على الليبرالي ؟
والله انا قايلوا مباري الامنجي هشام هباني والكوز الشعبوي محمد سليمان صحوبية ساكت..
والله حجوة لكن :)

يا أخ بدر غايتو بوستك دا بقى كوميك غصبا عنك ....:)


بعدين النسألك يا امنة القناديل ديل مفروض يعرفوها الرجال بس و ما اظنها جندروها بعد العرفك بيها شنو انه بيبيعوها هههههههههه

كان ما متنا ما شقينا المقابر ..؟!

حكاية الحاجة دى يعرفوها الرجال وما يعرفوها النساء ..أظن دا فهم أكل عليهو الدهر والشرب .

غايتو بقيت بتذكرني بعبد المحمود أبو ..............:)




_____________

يا حيدر الزين ..
مرحب بيك فى حزب الخضر ...على الأقل إنت زول وااااضح ...إتفقنا أم إختلفنا معك .

الأخ حيدر الزين
تحياتي
كتبت

Quote: كلام لكن ..!! يعني العلماني كمال عباس بيأشر بعصايتو على الليبرالي ؟ والله انا قايلوا مباري الامنجي هشام هباني والكوز الشعبوي محمد سليمان صحوبية ساكت.. والله حجوة لكن :)

أنالا أباري أو أتبع أحدا... ولا أرهن ضميري أو قلمي لمصلحة أي فرد أو جماعة! كما أني لا أضفي حصانة أو قدسية علي حزب أو تنظيم.. فليس هناك جهة فوق النقد... أمارس حقي في التعبير والاختلاف بلا وصاية وبلا تأثير بعوامل الصداقة والمجاملات - فلا شئ فوق المبدأ..
.......

يا حيدر الزين اجندتك المخفية ظهرت ... يا طمّاع ...

عليك الله خلينا نحسم "التفلتات" دي براحة ...

يقول فتحي:

Quote: ولما قمت بحذف الناس الانتي اضفتيهم بدون علم احد للقروب الخاص بتاع الحزب مع أنهم أعلنوا أنو ما عندهم علاقة بالحزب ولا بالقروب ولا بمبادئ الخضر حتى واللي من ضمنهم صالح شوربجي اللي اعترف انو من اهداف وجودو في القروب الخاص لحزب الخضر هو التحرش الجنسي بالعضوات والأعضاء بتاعين الحزب

القروب لم يكن للأعضاء فقط ... فنحن لسنا "حزب سري" .. ولكن بتربيتك "الشيوعية" استعديت اصدقاءنا بلا مبرر ... لماذا تحمل مزاح شخص محترم مثل "صالح شوربجي" محمل الجد ثم تأتي لتبشع بسمعته هنا (وهو كان يعتقد أنه يمزح في قروب خاص لن يخون تلك الخصوصية) ... ألأنه ليس عضوًا في سودانيزاونلاين ولا يستطيع أن يأتي ليدافع عن نفسه؟

لقد كان القروب دائرة ثقة وتطوير ملكات ومعارف وترسيخ بعض ممارسة الشفافية ... فكنا نناقش بياناتنا ومواقفنا العامة على مرئى ومسمع اصدقاءنا وأهل ثقتنا وبمشاركتهم ... وكنا نقوم بالجزء اليسير من العمل التنظيمي بعيدًا عن القروب ... فأتيت أنت لتحوّلنا لخلية حزبية سرية على طريقة الإستخباراتية الشيوعية ... ففقدنا بعض شفافيتنا المتعوب فيها ... والآن يتعيّن علينا العمل من اجل استعادتها مرةً أخرى ...

لما قمت بحذف د. نبراس ووالدها شقيقي هشام شيخ الدين رغم علم الجميع بأنه حزب أمة وأنها مستقلة؟

لماذا نتحرّج نحن لتستنير وتتطوّر أنت ... ورغم ذلك تأبى إلاّ أن تجرنا لأوحال تخلفك وعـفن شيوعيتك؟

سري وتأميني وتغويص وفراكشنات واعتداءات على استقلالية التنظيمات التي لا تعمل لحساب "دوغما" الثورة التي حين قامت أمام أعينكم عميت عنها بصيرتهم السياسية ففشلتم في استيعاب واقع الإنفصال، والآن تفشلون في رؤية المخرج للشعب السوداني، منتظرين نفس تلك الثورة التي لم تعترفوا بها، أن تأتي وأنتم طليعتها براياتكم الحمر الميامين ...

خلونا نضاير حياتنا السطتوها لينا بغبائكم المستحكم ... زهجتونا وسليتوا روحنا ...











.... المهم ...

ثم أن آمنة لم تنتحل شخصية شقيقتها ماجدة ... آمنة قالت "أنا آمنة استخدم حساب ماجدة لأن فتحي حذفني" ... زهجتنا ياخي بى تكرار هذا الكلام ... امشي افتح بلاغك خلينا نقدم شهادتنا وأدلتنا على عدم وجود انتحال شخصية ... مشاكلك الشخصية مع آمنة لا تزال مشاكلك مع آمنة وتحسمها بالطريقة البتريحك ... لكن هريتنا بالأكاذيب والافتراءات وقلة الذوق والتعدي على الخصوصيات والكلام الصبياني ..

اتهذبنا معاك وما داير تحترم نفسك وتستر عورتك ... تاني تفتح خشمك انا بجيب ليك القديم والجديد بدءًا من تسجيل اعتراضي على ترشيحك لرئاسة الحزب ... في الحقيقة انا ممكن ارجع من رفدتك من حزب الأمة ومغازلتك ثم استعداءك للإمام الصادق المهدي ...

انت قايلنا قاعدين في الدنيا دي ضيوف على زول؟












... المهم ....

تكذب لا تزال ولا تختشي
1- القروب كان للأعضاء فقط ولمناقشة الامور التنظيمية الصرفة .. القروب اللي ما للاعضاء فقط غيرو وكل الناس عارفة الحتة دي ولسا مصر تعيد تعريف الاشياء بما يوافق هواك واجرام امنة
2- آمنة انا ما حذفتها على الإطلاق وهذه كذبة جديدة ... ثم ان الانتحال انتحال ولما نمشي للبوليس حسب نصيحتك بما تفوهت به امنة وهي منتحلة شخصية ماجدة اكيد حيقول جيبو ماجدة وتزيد الادانات ادانة جديد
3- انت عرفت بالتجربة انني لا استجيب للابتزاز .. وكل ما تكضب حول ماحدث بيننا حاجي واقول الحقيقة ... والبحلك سويهو ... الكلام دا مفهوم ؟؟
4- وانا الان مشكلتي ليست مع امنة بقدر ما هي مع كضبك انت ... ودا حلي ليها
5- اما عن الاسطورة الخيالية الداير تألفها الآن : أنا لم أكن في لحظة من لحظات عمري عضوا في حزب الامة ؟؟؟ ومع ذلك لا مانع عندي من الاستمتاع بسردك اللذيذ
احكي

ما قت ليك انت طلعت كضاب سااااااي
و انا كنت قايل قبتك تحتا فكي ؟؟؟؟

تخيلوا معاي
الحزب عندو قروب عام
وقروب تاني ... برضو عام

ويتم مناقشة الامور التنظيمية خارج القروبين
لازم يتم اعادة انتاج الواقع ... وتعريفو ... وتسميتو عشان امنة ما تطلع غلطانة ... ويطلع اسم الكضب (تهذيب) !!!

وتخيل ... قال شوربجي كان بمزح !!!
كيف زول بيمزح ... وانا بناقشوا في موضوع في منتهى الجدية .. انك ياخي انت بتقول انت ما عضو في الحزب وانك بترغب في وحدة اندماجية بينك وبين الحزب... والقروب دا قروبب خااااص بأعضاء الحزب ...وياخي معليش انا يا تقوم انت تكتب بوست وتعتذر للناس ديل وتمش .. يا انا بكتب البوست دا وبشكرك وبعتذر ليك ... اسا في ذمتكم يا سامعين .. دا سياق يقوم فيهو شوربجي يمزح فيهو ... وياتو مزاح ؟؟؟؟

لسا
ما لازم الحزب يطلع اسا دي انو ما خاص ... عشان امنة ما تكون غلطانة
وما لازم شوربجي يكون كان بمزح ....... عشان امنة ما تكون غلطانة
ولازم فتحي يكون تربيتو شيوعية ويكون مرفود من حزب الامة ... وعندو ميول بعثية ... ويكون اتصوف بقى انصاري سنة .... عشان امنة ما تكون غلطانة

بالنسبة لعمليتك ال########ة وحركتك الما ظريفة التانية
انا نهائي ما حذفت نبراس من القروب
وصديقي وحبيبي هشام شيخ الدين انا اتناقشتا معاهو باستفاضة واريحية وكتر خيرو تفهم الموقف
وفهمتك ليهو في حينو
وانت برضو - كتر خيرك انذاك تفهمت الموقف - قبل ان تكون مطالبا بتشويه التاريخ السوداني الحديث لتبرئة آمنة ومن لف لفها
وبمناسبة حينو دي ... تحب اوريك انت رايك كان (حينو) شنو في شوربجي ؟؟؟



المهم
الله يديك قدر نيتك
قول آمين !!

وإنت كمان يا سي السيد ربنا يديك على قدر نيتك ...

اختنا امنة مختار

تحياتي
ههههههه

"

Quote: يا أخ بدر غايتو بوستك دا بقى كوميك غصبا عنك ....:) بعدين النسألك يا امنة القناديل ديل مفروض يعرفوها الرجال بس و ما اظنها جندروها بعد العرفك بيها شنو انه بيبيعوها هههههههههه كان ما متنا ما شقينا المقابر ..؟! حكاية الحاجة دى يعرفوها الرجال وما يعرفوها النساء ..أظن دا فهم أكل عليهو الدهر والشرب . غايتو بقيت بتذكرني بعبد المحمود أبو ............:)

"

انت متأكدة انك شقيتي الترب? الكلام دا بدينك, و بحيري بشيلو و يدق بيهو طار هسع دي ههههههه
اسمعي, لو بحيري حاول يستغل الكلام دا, قولي واحد من اتنين; يا اما انك ما عارفة شقة الترب معناها شنو, او قولي ما بتعرفي الترب في نفسها انا بدعمك و بعمل ليك اسناد ههههههه
اها عبد المحمود ابو دا مالو كمان?
ياخ انا بس بهاظر معاك ياخ. يعني زول قلعو منو بوستيهو يسوي شنو غير يهاظر و يخفف على نفسه?!!!
لكن هسع يا امنة مش كتيرة منكم تختطفوا بوستيني عنوة, و تمارسوا فيه اغتيال حزب الخدر علني و بالواضحة?
في بوست لذيذ ما عارف الفاتحو, منو قريتو امبارح, عنوانه يجري مجرى المثل, و انا خلاس حفظتو بقول "ملاح علوية الفركتو و ابتو"!!!!!
هسع قدر ما تزيدو موية لبوستيني دا طعمو بزيد, اها اسمي البوست شنو
"بوست بدر الدين الفتحو عشان تبارك, و كتل حزب الخدر"?
هسع دي بضاعة يعرضوها رئيسين بتاعين احزاب على الملأ?

يا أخ بدر..

أنا ذاتي بقيت أجى مخصوص عشان أضحك فى بوستك دا ..
فشر البلية ما يضحك فعلا .

الحمد لله عندى روح فكاهة عالية ، تتسلل إلى حتى فى لحظات الغضب .


انت متأكدة انك شقيتي الترب? الكلام دا بدينك, و بحيري بشيلو و يدق بيهو طار هسع دي ههههههه اسمعي, لو بحيري حاول يستغل الكلام دا, قولي واحد من اتنين; يا اما انك ما عارفة شقة الترب معناها شنو, او قولي ما بتعرفي الترب في نفسها انا بدعمك و بعمل ليك اسناد ههههههه اها عبد المحمود ابو دا مالو كمان?

أها كمان شق الترب عندو معنى تاني ....:)

( دا للضمان كدا ، عشان أى زول عايز يدين يدين براحته ..)

..................

نسيت أيام الهبة الشعبية عبد المحمود أبو قال الثوار بيعملوا شنو فى حوش مسجد الخليفة ؟

يا بحيري دا آخر كلام بيني وبينك ... انت راجل ما محترم وانا قنعت من توقيفك وحا اضطر استخدم معاك الخشونة لو تاني غلطت فيني ...

لغاية هنا وكفاية ... كل الكلام القلتو عشان يغالطوك فيهو .. انا ما داير اغالطك فيهو ...

المجموعة لم تكن للأعضاء فقط ... أنت جعلتها كذلك ... وهي الآن كذلك ... ولكنها ستعود مفتوحة للأعضاء أن يضيفوا من يرونه مناسبًا لإثراء حواراتنا ... وسنحرص على زيادة تطبيقات نظرية البهجة هذه المرة ...

انا لا أحب ولم يسبق لي الحوار حول شخص وطريقته (سوى مع الفكي المسيكتابي محسن خالد) لكن دعني افاجئك ... اعتقد أنك أنت المعتل نفسيًا ... ولا أجد حرجًا في أن أقول هذا في آمنة مختار إن كان هذا رأيي ... لذا لا أجد معنى في إنكار قول منسوب لي أنا لم أقله ...

أنا ببساطة ووضوح وفي معرض مسعاي لتطييب النفوس قلت لك أن آمنة مختار تمر بضغوط نفسية شديدة في وضعها الحالي في كمبالا ... وكان الأجدر بك وبحرمك المصون أن تكونا الأقرب لها بدلاً من هذه العدائية غير المناسبة ... ولكن يبدو أن وسواسك زيّن لك أن تنسب لي فكرتك بأنها معتلة نفسيًا ... إما لأن هذا هو رأيك فيها ... أو بدافع الخبث وزرع الفتنة بيننا ... أو محاولة حـقيرة لتشويه سمعتها بالشائعات ... في كل الأحوال ... يظهر فساد نفسك وسوء سريرتك وضحالة تفكيرك ... وبسبب خبثك وعـفنك هذا صرت شريد الأحزاب والتنظيمات التي انضممت لها تباعًا ... فأنت لا تصلح للعمل السياسي في جو صحي ديموقراطي يخلو من المؤامرات والخيانة والفضائح ... ولا ترتاح في الهواء النقي إلى أن تفسده بنظام "فرد الملاية" ولغة الفواتي المتبجحة بكل ما تأباه النفس من إيذاء للغائب وكشف للخاص والسري وخيانة للأمانة وتغوّل على الأعراض واتهام للناس في سمعتهم وكل عزيز لديهم بلا حساسية ولا ذوق ولا تهذيب ...

إن كان هذا ما أردت أن تعرف إن كنّا سنجرؤ على قوله ... فها هو الأمر نقوله لك كما نراه ... أنت معتل نفسيًا ... ومعتل نفسيًا بعقدة النقص ... يا ناقص ...














... المهم .....

تسلم تبارك
انت زول - للاسف الشديد والكلمة دي ما شتيمة ولكنها تقرير لواقعك - كذاااااب ومصر على الكذب

كل كلمة أنا قلتها هنا عندي اثبات ليها ويمكن عرضه اذا لزم
ونحن ما قصرنا مع امنة وانت تعلم ذلك جيدا ولكنك مضطر للكذب حوله ودا ما موضوع الخلاف
ومشكلة امنة النفسية - بحسبك برضو - لم تبدأ في كمبالا ولم ولن تنتهي فيها
ونحن برضو نكن كامل التقدير والتعاطف لحالة اي زول النفسية شريطة ان لا نسمح لها بان تلون شأن السودانيين العام وتصبغه بصبغتها

وانا يا صديقي لا ازال عند عهدي لك

اي محاولة اخرى للكذب بشأننا ستجد منا حسما مماثلا وأشد
إسقاط الأساليب الملتوية والقذرة في التعاطي والاختلاف السياسي ليست بأقل أهمية عندنا من إسقاط النظام
وأصلا عينتك انت وآمنة ما كان في سكة تلمنا معاهم لولا شأن الناس العام

تاني تجي ؟؟

اححححح,
بعد كل العجاجة التي اثارها زعيما حزبي الخضر, خلص القارئ لشئ واحد و هو, انه لم يكن هم حزب الخضر مسح الحزب الشيوعي من الوجود, بل كان همهم الوحيد و شغلهم الشاغل هو القطيعة في زميلتهم و محاولة تصويرها بأنها تعاني حالة نفسية, ليقتسما الكيكة من وراءها!
اتخيلوا!!!!!!!!

طيب يا فتحي يا كذاب يا معتل نفسيًا يا ناقص يا طريد ...

اثبت - بما يحلو لك من أدلة ومن أي مكان يطيب لك - أنني كذبت ...

معاك أحلى مايك ... النشوف آخرتك وآخرة اكاذيبك ووقاحتك ...















... المهم ....

بدرالدين ... وين الوش المبتسم البيجي مع التعليقات الزي تعليقك دا؟

شكلك كدا - بعد كورسات كادر الحماية - محتاج كورس جمجرة ...

(يكفي أن دفاعك عن الحزب الشيوعي وقف في حدود أن حزب الخضر "متقسم")

لو لجنتكم المركزية أرادت أن تكتب نقد ذاتي ... ترى هل ستستخدم نفس التبريرات؟

(نجيب اقتباسات من تصريحات سكرتيركم الأخيرة ولاّ ماف داعي؟)

"ناسا" عندها علم بى عدم عداءكم "للسماء"؟










... المهم .....

يا جماعة الخضر روقوا المنقة شوية بالله عليكم ..
هذه الاتهامات الموزعة بالاعتلال النفسي مسالة محبطة جدا ..

جدا
تجنن ... وانت منفعل

قول بسم الله

نمرة : 1
بما أنك لن تستطيع أن تبرهن أنني كنت عضو في حزب الأمة وأنني اترفدت منه

إذن أنت كذاب


وهو المطلوب إثباته


أزيدك ؟؟؟

نمرة : 2
بما أنك لن تستطيع أن تبرهن أنني قلت أو أضمرت أو أسررت أو أعلنت أنني أريد اللائحة التنظيمية لمحاسبة الذين يختلفون معي في الرأي
إذن أنت كذاب


وهو المطلوب إثباته


أزيدك ؟؟؟

رسالة من الأخ فتحي البحيري، بعنوان: (لو كانوا "صادقين")

هل صحيح ان فتحي البحيري ضابط باجهزة الامن ومستشار اعلامي لها؟

غيض من فيض ... يا قبـيح الفكر واللفظ والمنهاج ...

انظر لتعافـنك على حزب الأمة بعد التشريد

فشلت في إثبات كذبي يا كاذب يا كذوب يا كذّاب ... لا زال الرجل يكذب ويتحرى الكذب حتى يكتب عند الله كذابا ....

(ومداخلاتي وكت بتبلغ عنها بترد عليها ليه؟)














... المهم ....

السيد الرئيس تُبارك السلام عليكم ورحمة الله ؛)

ونزيدك من الشعر بيت (بخصوص إصرارك على المحاسبة بدلاً عن فض النزاع وطرقك الإقصائية التي سلكتها)

يا عـفن ... انا المرة دي حالف اصل معاك لغاية قعر بلاعتك المكودب القـبيح ...





شوف الوسـخ واللولوة وعدم الأخلاق ... نستر فضايحك دي وجايي تتبجح علينا ... يا عقور يا مسعور ...

هنالك الكثير المثير من حيث أتت هذه الحوارات ... فارعوي يا متبجح بالجهل وخاطل بالإثم ...

(سأستأذن من الآخرين وآتي بالقديم والجديد)

يا كاذب يا كذوب يا كذاب ...















... المهم ....

لسا ما انت ما مشيت خطوة واحدة .. ولا ربع خطوة
في طريق اثبات اني كنت عضو في حزب الأمة واترفدت منه ... ولن تستطيع !!!
ولسا ما مشيت ولا مليمتر في طريق اثبات اني قلت او اضمرت او اسررت او اعلنت اني داير اللائحة لمحاسبة من يختلفون معي في الرأي
ما خططت تحته احمر يدل دلالة قاطعة على كذبك انت : مبادرة المحاسبة اتت من فقيري وليس مني .. واتفق عليها الجميع من حيث المبدأ .. اذن كيف اردتها انا وكيف ساستخدمها لمعاقبة المختلفين معي في الرأي ؟؟
يا لبؤسك وروعة انفعالك والفاظك التي تشبه نواياك
لن اسقط معك في وحلك
ولن اتركك تكذب
فاهم !!!

ومع ذلك :
أزيدك ؟؟

وبدأت الآن الحلقة الأولى
من الجزء الكم ؟ من هذا المسلسل المكسيكي ... والخاص بنشر حوارات القروب الخاص على الملأ !!

لاحظ انك في كل مرة ... انت البتبدا تجيب سيرة الخاص

ما أنا !!

ولي حد من جيب حقنا
ومن حقنا الان اننا نجيب حقنا
.. خلينا نقزقز معاك في الجبتو انت دا
.. ونشوف لاي مدى انكم انت وامنة ظللتو تتعاملوا مع الحزب وكأنه شبشب خاص بآمنة
آمنة .. ولعنفها اللفظي الشديد (لما الأخ علاء الزبير يسمي حاجة عنف لفظي فدا معناها انها تعدت هذه المرحلة بكثير) اضطرت العديد من العضوات والاعضاء اللي تربيتم ما بتسمح ليهم بتداول ما تتفوه به امنة
قاموا عملوا ليها بلوك من التواصل الشخصي الاجتماعي عبر فيس بوك ... ودا من أبسط حقوقهم الطبيعية .. وما في زول من حقه يجبرهم على التواصل مع من يتأذون ويتضررون من التواصل معه
حتى ولو كان يشاركهم عضوية حزب .. لانو الحزب ما شلة ونسة .. الحزب يتعين عليه ان يكون منفتحا على عموم الخلق الذين لا يشترط تواصلهم الشخصي مع بعضهم البعض
آمنة .. ولتضخم الذات الذي فيها .. ولأنها تنطلق من قناعة راسخة أنها مالكة للحزب ... تعتقد أن كل من (عمل لها بلوك) قد فقد حقه في عضوية الحزب
شفتو كيف ؟

وواضح مما أورده تبارك أن هذه النقاشات ما كان لها إلا أن تكون إلا في المجموعة ( والتي هذه هي طبيعتها منذ أن كانت ) الخاصة جدا بأعضاء الحزب ..
يعني تبارك يثبت الان انني كنت محقا عندما استأذنت من آخرين (وشوربجي !!!) قبل أن أعيد الأمور إلى نصابها وأحذفهم بعد إضافة امنة المريب له وهو - شوربجي - يعلن انه لا علاقة له بالحزب وانه (يتطلع ) إلى وحدة او تحالف بينه شخصيا وبين الحزب
اذا كان امنة يا تبارك بتقول انها جابت رئيس للحزب من خارجه ... يعني ما غريبة عليها تضيف (شوربجي !!) للقروب الخاص ، موش ؟؟
لاحظوا أن آمنة غير مخطئة وهي تطرد عضوات الحزب منه لخلاف شخصي بحت دون أن تكلم زول ... وأنا مخطئ لأنني (استأذنت ) الجميع ومن يهمهم الأمر في حذفهم من القروب الخاص بالأعضاء لأنهم قالوا انهم ما اعضاء وان هناك من لم يحترمهم ولم يحترم الوضعية الخاصة لهذه المجموعة .. ولم يحترم الحزب وأعضاءه .. وبعد أن جرت مياه كثيرة تحت الجسر .. يتعين على هذه المجموعة أن لا تكون خاصة عشان اكون انا الغلطان .. ما آمنة ... يحيا العدل !! .... يحيا العدل يا تبارك !!!

وما يجي تبارك يقول ليك انو البلوك يتعارض مع امكانية تبادل الحوار والنقاش داخل المجموعة .. لأنه هو الذي برهن الآن أن آمنة لاتناقش بموضوعية
تتكلم عن قناعاتها التي تستقيها من تراجي وغير القابلة للنقاش وعن ظنونها وأوهامها هي .. في أحسن الأحوال ... وما خفي كان عنفيا لفظيا ...وأعظم .. وانكى ... وحاجات تانية حامياني
اذن لا فائدة للحزب ولا (أمن) للعضوات والأعضاء الذين بلكوا آمنة ... بفك هذا الحظر عنها

ولا (صدق) يحاول تبارك (تسويقه) للناس العقلاء ومفتحين هنا .. ومن واقع ما نشره هو من (غسيل) .... قبل ما نجيب حقنا !!