Post: #1
Title: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 07:33 AM
ههههههههههه
والله شايفكم جايين الأعمى شايل المكسر
وشايلين سكاكينكم وجاهزين (تشرمطو) لحمي
أنا ما كتبت البيت بل نقلتو من الفيس بوك كما كتبه صاحبه
جبتو ليكم هنا عشان نشوف حل لقصة اللغة البايظة دي
الحقيقة راجعت مجموعة من المنتديات ووجدت أخطاء لُغوية شنيعة
تغيير المعاني والمضامين وأحيانا تلقب المعنى رأسا على عقب
لو الزول بكتب كلامو هو ما في مشكلة
لكن تشيل ليك بيت شعر لإدريس جماع وتكتبو بالطريقة دي ما مقبولة ابدا
ياخ الزولة الكتبت ليها البيت دا ذاتا ما ح تفهم منو شئ
يقول الشاعر :
السيف فى غمده لا تخشى بواتره ........وسيف لحظك في الحالين بتار (وردت ايضا سيف عينيك)
المهم خلونا في البوست دا نتكلم عن العيون في الشعر السوداني خصوصا والعربي عموما
يلا أدونا أجمل الأبيات في العيون ولو معاها مناسباتها بكون أجمل ولو أتحفتونا بشرح للأبيات تكونو بالغتو معانا عدييل كدا
** بالجنبة كدا عليكم الله قولوا لي كنتوا دايرين ترشوني بشنو 
|
Post: #2
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 07:35 AM
Parent: #1
[email protected]
دا إيميلي للراغبين في المشاركة من خارج البورد
|
Post: #3
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 08:00 AM
Parent: #2
أدريس جماع الشاعر الذي عاش لكي يموت
ثمة علاقة روحية تجمع بين قصائد الشاعر السوداني ادريس جماع وشعب السودان ذلك الذي يعتبره الكثيرون من ابناء شعبة (قثارة الحزن الابدي ) حيث القصائد التي استعجلت الرحيل في خضم الالم العاصف الذي كان يعيشه إدريس جماع
الذي طالما تغنى بحزن عميق دون ان يرى الاحلام الورديه التي كانت تداعب مخيلته او دون ان يرتشف من رحيقها كؤوسا تروي ضمأ عاشق عاش من أجل ان يموت
ولد ادريس جماع عام 1922م وتوفي في 1980 له ديوان واحد صدر تحت عنوان ( لحظات باقية ) وقد حمل هذا الديوان عصارة فكر الشاعر وأجمل ماكتب في سنين عمره حتى وفاته حيث القصائد التي تناغمت بفلسفه روحيه حملت الكثير من الالم
من اجمل قصائد ادريس جماع قصيدة ( نومة الراعي ) حيث يقول
في مرقد طافت به الاحلام مشرقة الصور
للنوم قد اسلمت رأسك مطمئناً للقدر
سال الشعاع من الغصون علي جبينك وانحدر
وغرقت في نسيم تعوّد حمل أنفاس الزهر
اغنامك المرحات تقفز في الروابي والحفر
كم وقعت اقدامها في الارض انغام المطر
هو عالم من حسنه يوحي الجمال المبتكر
من الومضات الاولي الشاعرية لادريس جماع
أعلي الجمال تغار منا ماذا عليك إذا نظرنا
هي نظرة تنسي الوقار وتسعد الروح المعني
دنياي انت وفرحتي ومني الفؤاد إذا تمني
أنت السماء بدت لنا واستعصمت بالبعد عنا
آنست فيك قداسة ولمست إشراقاً وفنا
ونظرت في عينيك آفاقاً وأسراراً ومعني
وسمعت سحرياً يذوب صداه في الأسماع لحنا
نلت السعادة في الهوي ورشفتها دنا فدنّا
وفي قصيدة (إني لاعجب) يقول
عجباً أتحتمل الحياة برغم أشتات الصور
ورحابها تبدي الجمال جمال نفس أو بصر
والفكر والإبداع والفن الخصيب المبتكر
والحب والأحلام نشوي والأغاني والسمر
وبها النضارة والندي والنهر يهدر والزهر
من ليس في جنبي ه إنسانية بين البشر
حقد علي الإنسان في جنبيه عشش وانتشر
ويعيش محسوباً عليه إنها إحدي الكبر
ولقد يتيه بعيشه بين المزالق والحفر
( ضمير له حدود)
أنا ما زلت ساخراً
من ضمير له حدود
تارة كله اشتعال
وحينا به جمود
هذه علة الوجود
فهل يشفى الوجود
وفي قصيدة نحو القمه يقول
إلي السماء بعيداً تمضي الذري الشامخات
فيها صقيع وصخر أنيابه مرهفات
وفي الصخور تراءت مزالق وعرات
تكاد للعبد لا ترتقي لها الامنيات
لكن روحاً جسوراً سمت به النزعات
يبغي الصعود وإن لاح في الصعود الممات
لم تثنه عن مناه مخاطر أشتات
والصخر يدمي جسوماً تقودها العزمات
ومن اشهر قصائد إدريس جماع قصيدة انا حظي كدقيق والتي قول في مطلعها
إن حظي كدقيق فوق شوك نثروه
ثم قالوا لحفاة يوم ريح اجمــعوه
صعب الأمر عليهم قال قـــوم اتركوه
أن من أشقاه ربي كيف انتم تسعدوه
خلقت طينة الاسي وغشتها نار وجد فأصبحت صلصالا
ثم صاح القضاء كوني فكانت طينة البؤس شاعراً مثالا
يتغني مع الرياح إذا غنّت فيشجي خميله والتلالا
صاغ من كل ربوة منبرا يسكب في سمعه الشجون الطوالا
هو طفل شاد الرمال قصورا هي آ ماله ودك الرمالا
هو كالعود ينفح العطر للناس ويفني تحرقاً واشتعالا
هذا ويبقى إدريس جماع علامة فارقه في تاريخ الشعر السوداني بل هو التاريخ الذي تقف عنده الأجيال عندما تحين ساعة الشعر
المصادر
ادريس جماع / حياته وشعره
تأليف / محمد حجاز مدثر
الدار السودانيه للكتب
منقول من
هــــــنــــــــــــــــــــا
|
Post: #4
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محمد عبدالله مختار
Date: 01-02-2013, 08:15 AM
Parent: #2
تحياتي يا رائع ..
والله الغريب اني قريت عنوان البوست بصورة صحيحة ، شكلي قريت الكلمة الأولى واستخدمت الاوتو كومبليت من الذاكرة ..
العتب على النظر ..
غايتو البوست بتاعك ده رجعني لي أيام الثانوي وان شاء الله الذاكرة ما تعصلج معانا .. ومن هسي يا جماعة دي محاولات ولا تعد شعراً ..
من قصيدة (دموع بطعم الدم) :
وشهاب طرفُكِ لا يُرَدُّ كأنما
قَدَرٌ هوى في سُدفَةِ الإخفــاءِ
لله درُّكِ يا مــــآقٍ حفّهــــــــا
سحرُ الصبا في روعة الآلاءِ
القصيدة كاملة هنا :
http://www.komey.net/vb/showthread.php?s=e7db...6af1de53361b&t=14173
ومن اللهجة الدارجة :
مستحيـــل أنساك واجافـــي
ومستحيـــل بعدك أصافـــي
ومهمــا شفت عيون جميلــة
أصلو زي عينيكـــــي مافي
ورغم انو مشاعري صادقة
الا مابيانـــــي القوافــــــــي
وكيف يهون القاهو وصفك
انتي مـــا وصفك خرافـــي
كذلك :
عشان عينيك نسيت الكان
وقلبـــي هديتـــو للأقـــدار
نسيتك يوم طعنتي هواي
ومنها انتـــي بس تذكـــار
حرام والله هجـــرك لـــي
وليه قلبـــك يكون غـــدار
وليه يا ظالمة انتي معاي
كأنك دايرة تاخدي التــار
بجيك راجع ان شاء الله كان الله هوّن ..
تحياتي
|
Post: #5
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 08:36 AM
Parent: #4
العزيز محمد عبد الله
Quote: تحياتي يا رائع ..
والله الغريب اني قريت عنوان البوست بصورة صحيحة ، شكلي قريت الكلمة الأولى واستخدمت الاوتو كومبليت من الذاكرة ..
العتب على النظر ..
غايتو البوست بتاعك ده رجعني لي أيام الثانوي وان شاء الله الذاكرة ما تعصلج معانا .. ومن هسي يا جماعة دي محاولات ولا تعد شعراً .. |
ياخ بالغت والله أنا اعتمدت على العنوان لجلب الجزارين
تجي تقول لي قريتو صاح يعني هسة في كم واحد زيّك قروهو صاح ههههه
الشعر والله جميل بدون مجاملة
عندي ملاحظة على
| Quote: وشهاب طرفُكِ لا يُرَدُّ كأنما |
أليس الصحيح أن نقول (طرفِكِ) ـ مضاف إليه
|
Post: #6
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محمد عبدالله مختار
Date: 01-02-2013, 09:31 AM
Parent: #5
مشكور يا ود القريش ..
بخصوص قولك
=========================
أليس الصحيح أن نقول (طرفِكِ) ـ مضاف إليه
=========================
القاعدة بتقول : اذا اتصلت الكاف باسم تعرب مضافا اليه مثل ( حديثك عذب )
حديث مضاف والكاف مضاف اليه مجرور ..
كذلك الحال في (طرفك) ، الضمير المتصل (ك) يأتي في محل جر (مضاف اليه) و (طرف) مضاف ..
لكن للضمان كده لو في زول متخصص في اللغة العربية يصححني احتمال اكون غلطان
تحياتي
|
Post: #9
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 09:53 AM
Parent: #6
هذه جملة من مبتدأ وخبر عادية والكاف هي (كاف الملكية)
اذن (ك) ليست ضميرا ولا تنطبق عليها القاعدة التي ذكرتَ
ف (ك) الضمير تأتي مع الفعل مثل (ضربتك) فتعرب هنا مفعول به
وال (ك) في (حديثك) هي نفس الكاف في (طرفك)
فتعرب كلمة طرف مضاف إليه وتبقى الكاف للمليكة مكسورة للتأنيث
هذا والله اعلى وأعلم وننتظر المتخصصين
|
Post: #7
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 09:32 AM
Parent: #5
***
يا أحلا عيون بنريدا في زول علمنا الريدة
فضلنا نعد في رموشا وسرحنا في دنيا بعيدة
|
Post: #8
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 09:43 AM
Parent: #7
رسالة من الأخ عبده خليل
Quote: اخي معتز هذه الابيات للشاعر ابن سناء الملك
يا ناعس الطرف لا والله ما انتبهت
فيك المحبة إلا وقــــــــــــــــــــــت نعسته
وكاسر الجفن إي والله ما انكسرت
فيك الجوانح إلا بعد كســـــــــــــــــــــرته
ما لحظ عينيك إلا شارب ثمـــــــــــــل
وكسرة الجفن إلا عين سكرتـــــــــــــــــــه
(ابن سناء الملك) |
|
Post: #10
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 11:32 AM
Parent: #8
Quote: بسم الله الرحمن الرحيم
المحترم الأستاذ / معتز القريش
السلام عليكم ورحمة الله وبركاته
لك التحية والتقدير , أولاً لإثارة موضوع غاية في الأهمية وهو الأخطاء الشنيعة على الشبكة العنكبوتية للتراث الشعري
( سامح الله الكيوبيس ) وثانياً لك الشكر لحرصك على اشراكنا نحن معشر القراء في أغلب مواضيعك بإيراد الإيميل
بيت الشعر الذي عنونت به موضوعك عدا عن الأخطاء اللغوية فهو مختل عروضياً بما لا يغيب عن فطنة شاعر مُجيد
كإدريس جماع , ولو كتب هكذا لاستقام : السيف في الغمد لا تخشى بواتره **** وسيف لحظك في الحالين بتـــارا
وجماع هنا يعارض أبيات شعر أندلسي قديم تتغنى بها فيروز :
دع عنك ذا السيف الذي جردته ***عيناك أمضي من مضارب حده
كل السيوف قواطع إن جردت ****و حسام لحظك قاطع في غمده
ما حفزني للكتابة إليك والأتصال هاتقياً هو أن أحد شعراء العامية كتب دوبيت يعارض به هذا الشعر الأندلسي أيضا
ويقول فيها :
حكى ورد الريــاض في محاســـنو لمعــــان خــــدو
كــ عود الخيزران مثنــــــــاهو في ذات قـــــــــــدو
دع عنــــك الحســـــــــام الـــ لي قتــــالي تمــــــــدو
لحظـــــك أمضى من برقـــو ومضـــــارب حـــــدو
في الختام أكرر شكري الجزيل , ودمت سالماَ
احمد عوض - الرياض
متابع منتظم لسودانيز اونلاين |
|
Post: #11
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محمد سنى دفع الله
Date: 01-02-2013, 11:57 AM
Parent: #10
جيت جاري قلت الليلة ارش الفارة ده
عامل لي فيها بتاع لغة ونحوي وكدة
ويكتب لي بتارة هي بالتا ولا الها
جيت لقيت الحصة تصحيح ننسحب ونشوف الفارات الدقسو معاك في اللغة
عامك سعيد وايامك اعياد
مودتي
|
Post: #12
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: كمال سالم
Date: 01-02-2013, 12:18 PM
Parent: #11
بالك فائق ورائق ,,, شكلك كده قبضت الحافز .
|
Post: #15
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 12:25 PM
Parent: #12
| Quote: بالك فائق ورائق ,,, شكلك كده قبضت الحافز . |
؟؟؟؟؟؟؟؟؟؟؟؟؟؟؟؟؟؟؟
|
Post: #13
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-02-2013, 12:24 PM
Parent: #11
Quote: جيت جاري قلت الليلة ارش الفارة ده
عامل لي فيها بتاع لغة ونحوي وكدة
ويكتب لي بتارة هي بالتا ولا الها
جيت لقيت الحصة تصحيح ننسحب ونشوف الفارات الدقسو معاك في اللغة
عامك سعيد وايامك اعياد
مودتي |
يعني الشرك قبضك يا فنان ههههههههههه 
هي لا بالتاء ولا بالهاء ـ
اسكتو بس
بَتَّار (صيغة مبالغة)
وكل استقلال وانت والعيال طيبين
|
Post: #14
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محجوب البيلي
Date: 01-02-2013, 12:25 PM
Parent: #11
أخانا معتز.. كل سنة وأنت ـ ومن تحب ـ بألف خير.
| Quote: السيف في غمده لا تخشى بواتره ........وسيف لحظك في الحالين بتار |
ما حافظ البيت ولكن، البيت بهذه الطريقة مكسور، وغالبا ما يكون كما يلي:
السيف في الغمد لا تخشى بواتره ........وسيف لحظك في الحالين بتار
أما إذا قلت:
السيف في غمده، فيتوجب عليك ان تحذف كلمة "لا" ليصبح:
السيف في غمده تخشى بواتره ........وسيف لحظك في الحالين بتار
وهو في هذه الحالة يستقيم وزناً ولكنه يختلّ معنى.
......................
جايين لكلام العيون
|
Post: #16
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: عبد الباقي الجيلي
Date: 01-02-2013, 12:59 PM
Parent: #14
ود القريش ...
تحياتي لك ولضيوفك الكرام ....
أستأذنك في الرد أولاً على حديث الأخ محجوب البيلي ....
تعرف من زمن أيام الجامعة وهذا البيت رغم جماله يزعجني بهذا الميل ...
وأظن روايتك له أصح من ناحية العروض ....
تشكر يا حبيب ...
كما وأظنني سمعت الشطر الثاني هكذا ..
ولحاظ عينيك في الحالين بتار ...
**********************
أما بخصوص شهاب طرفك ...
فإن كلمة طرف جاءت مضاف إليه مجرور لورود كلمة شهاب قبلها ....
فتكون طرف مضاف إليه مجرور ... وهو مضاف ...
والكاف ضمير مبنى في محل جر بالإضافة ...
يعني طرف وردت هنا مضاف إلى شهاب ... ثم مضاف ...
يعني مضاف إليه أولاً ثم مضاف ...
هذا والله أعلم
|
Post: #17
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: Fawzi Babiker
Date: 01-02-2013, 02:05 PM
Parent: #16
الاخ معتز تحياتى لك وضيوفك الكرام
والله انا لما قريت البيت قلت ده بوست ما بستاهل انى ادخله.
غيرت رايى وقلت ادخل اقول ليك ياخ قتلتونا بجهلكم بالعربية.
لما دخلت وقرأت اول جملة ضحكت وقلت كفانا الله شر الشراك.
ناس كتيرين دقسو بمن فيهم الاخ الاستاذ محمد السنى له خالص تحياتى.
اوافق الاخ البيلى الا اننى ارى (لا) ضرورية اذ انه وهو فى غمده لا تخشى اذيته.
فى الاعراب الاخ عبدالباقى اتى بالاعراب الصحيح.
هذا البيت يعجبنى جدا:
إن العيون التي في طرفها حور قتلننا ثم لم يحيين قتلانا
يصرعن ذا اللب حتى لا حراك به وهن اضعف خلق الله إنساتا
يعجبنى البديع فى كلمة انسان.
........................................................
انا ما مختص لكن كنت علمى جغرافيا.............بنفع!!!!!
التصحيح كان لوضع حتى بدلا عن ثم وكان الخطأ بسبب السرعة.
|
Post: #18
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محجوب البيلي
Date: 01-02-2013, 04:03 PM
Parent: #17
| Quote: يصرعن ذا اللب ثم لا حراك به وهن اضعف خلق الله إنسانا |
يصرعن ذا اللب حتى لا حراك به * وهنَّ أضعف خلق الله إنسانا
|
Post: #19
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محمد عبدالله مختار
Date: 01-02-2013, 05:40 PM
Parent: #18
الغالي ود القريش
تحية طيبة
الصواب ما قلته أنت مع تعديل طفيف ..
سألت متخصص في اللغة العربية أخبرني بأن (شهاب) مضاف و (طرف) مضاف اليه مجرور والكاف ضمير في محل جر مضاف اليه
بسبب وجود الكاف تصبح (طرف) هذه المرة مضاف ، بعد ان كانت في الاعراب قبل قليل مضاف اليه .!
والشكر للأستاذ عبدالباقي الجيلي على المداخلة والتصحيح وما جاء به هو الصواب ..
أستاذ محمد السني لك التحية والأسرة الكريمة وان شاء الله انتو والجميع بخير
تقبلوا عاطر التحايا
|
Post: #20
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: Mahmoud Mustafa Mahmoud
Date: 01-02-2013, 07:40 PM
Parent: #19
أجيب ليكم ضقلها يتلولح؟؟
ما أظنها صحيحة...
من ناحية عروض وكدا...حاسي بيها مفروض تكون:
السيف في الغمد لا تُخشى بواتره..وسيف عينيكِ في الحالين بتارُ..
نحن كان ما متنا ...ما شقينا (المغابر)؟؟
..
معتز الشفت إزيك ياخ..
وكل سنة وأنت والبلد والأهل بخير..
.
|
Post: #21
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: Mahmoud Mustafa Mahmoud
Date: 01-02-2013, 11:22 PM
Parent: #20
| Quote: وسيف عينيكِ في الحالين بتارُ |
بتار الأسد ؟؟؟
كاااااااااااااااااااااااااااااااااااااك
أحي يا مصاريني...
..
.
|
Post: #22
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-03-2013, 05:21 AM
Parent: #21
شكرا لكم جميعا أعزائي الكرام وصباحكم نور وسرور
اليوم عندي مشغوليات كتيرة عايز أخلصا وأخدت ليها إجازة عدييييل كدا
أها أنا بشكركم على مداخلاتكم المفيدة (صحي والله)
وقد سعدت كثيرا بها ـ فأنا أعشق العربية عشقي للنسوان (لزوم عندي تلاتة وكدا)
أدعو لي مواضيعي تخلص اليوم عشان أجيكم راجع واحد واحد
إحترامي لكم جميعا
|
Post: #23
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-03-2013, 05:39 AM
Parent: #22
Quote: (( وأتذكر أنا شخصياً من البيئة التي نشأت فيها أننا كنا نكرر (مابيطلع بأيدنا شي) أي أن هناك أقداراً تطوقنا وأن مصيرنا من ذل واستعمار داخلي وفقر مدقع وخوف يتلبسنا من حكام قاهرين فوق العباد وقبائل من الأجهزة الأمنية الضاربة أنه أمر مقدر علينا.
وأتذكر قريبا لي زرته يطوقه الفقر والمرض وفوق رأسه مثل شعارات العالم العربي بيتان ركيكان من الشعر:
إن حظـي كـدقيقٍ بين شـوكٍ بـذروه.. ثم قالوا لـحفاةٍ يـوم ريـحٍ اجـــمعوه صعب الأمر عليهم قلت قومي اتركوه.. إن من أشقاه ربي كيف أنتم مسعدوه.
إن هذين البيتين الركيكين يرويان كامل مأساة العقل الإسلامي. وإن أمامنا مهام كالجبال في تحرير العقل من نوعين من الأفكار (الميتة) و(القاتلة):
(الميتة) هي أفكار التراث التي فقدت فعاليتها وماتت ولكنها تفعل مثل عمل الجثة عندما تفوح رائحتها ولا تدفن،
والقاتلة هي التي نقلت من وسط فعاليتها بدون شروط نقلها كما لو نقلنا الدم إلى مريض نازف بزمرة مغلوطة فنقتله من حيث نريد إنعاشه كما يفعل جماعة الحداثة اليوم حيث يقومون بعملياتهم الجراحية الفكرية على العقل المسلم بالمنشار وبدون تخدير))
المصدر: صحيفة الشرق الأوسط
العدد: 8296
15 أغسطس 2001 (ألفين و واحد)
الكاتب : د. خالص جلبي.
------
وكما هو ملاحظ فإن الصياغة في مقال الدكتور (خالص جلبي) مختلفة عن تلك الواردة في البيتين خاصة جماع، ولكن المعنى يبقى هو كما أظن.
ولقد ذكرت أخى معتز أن القصيدة (من اشهر قصائد إدريس جماع) فهل هل قصيدة كاملة، وهل أنت متأكد من أنها فعلاً لجماع أم أنها نسبت إليه؟ وما هو عنوانها: إن كان لها أسم أو رسم أو عنوان؟
الصادق عبدالله الحسن |
ثم عاد وصحح في رسالة أخرى
Quote: معليش أخي معتز ، كلمة (هل) الأخيرة لا تمت للموضوع بصلة وإنما تقرأ (هي) فـ(هل هي قصيدة كاملة). لأن تكرار هل هلهل التعليق وأصبح لا يساوي هلله، ولا يشتري بصله (بصلة بالهاء المربوطة من لسانها طبعن)
وهناك شاعر – لم أعد أذكره – شبّـه العيون وهي تَـبكي و تُـبكي بالبصله. فبعض النساء عيونهن جميلة، وتكون أجمل عندما يحششن البصل.. والقلوب. |
|
Post: #33
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: عبد الحكم ابراهيم الحاج
Date: 01-08-2013, 01:13 PM
Parent: #20
النصيحة ليك يا الله عنوان البوست يضرس ضريس
- شكرا المعتز
|
Post: #34
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-13-2013, 10:18 AM
Parent: #33
Quote: النصيحة ليك يا الله عنوان البوست يضرس ضريس
- شكرا المعتز |
شفت كيف
مرات بندم إني بعرف شوية عربي
وبقول يا ريتني لو كنت ما ناقش أي حاجة
كان لا تعب ولا تضريس
|
Post: #28
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-06-2013, 11:47 AM
Parent: #14
Quote: ما حافظ البيت ولكن، البيت بهذه الطريقة مكسور، وغالبا ما يكون كما يلي:
السيف في الغمد لا تخشى بواتره ........وسيف لحظك في الحالين بتار
أما إذا قلت:
السيف في غمده، فيتوجب عليك ان تحذف كلمة "لا" ليصبح:
السيف في غمده تخشى بواتره ........وسيف لحظك في الحالين بتار
وهو في هذه الحالة يستقيم وزناً ولكنه يختلّ معنى.
......................
جايين لكلام العيون
|
تسلم يا محجوب ومنتظرين عودتك
|
Post: #24
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: عثمان دغيس
Date: 01-03-2013, 07:52 AM
Parent: #1
** بالجنبة كدا عليكم الله قولوا لي كنتوا دايرين ترشوني بشنو
والله يا ود القريشش الليلة كنت جاييك أرشك كده لمن تعرف حاجة ...
لأنو عنوانك ده والله ضرسني لمن عرفت حاجة ...ههههههههههههه
لكن لقيتك بلوى ههههههه
|
Post: #29
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-07-2013, 08:54 AM
Parent: #24
Quote: والله يا ود القريشش الليلة كنت جاييك أرشك كده لمن تعرف حاجة ...
لأنو عنوانك ده والله ضرسني لمن عرفت حاجة ...ههههههههههههه
لكن لقيتك بلوى ههههههه |
هههههههههههههه وسقط فنان آخر
|
Post: #25
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: عادل سهل
Date: 01-03-2013, 08:39 AM
Parent: #1
أخونا معتز
في الحقيقة دا بوست زول عنده كمية من الزمن للبحث عن الجمال، شكلو الربيع بدأ عندك بدري شوية والوليدات خلصوا امتحانات وإنت قفلت حسابات السنة.
Quote: لحقيقة راجعت مجموعة من المنتديات ووجدت أخطاء لُغوية شنيعة
تغيير المعاني والمضامين وأحيانا تلقب المعنى رأسا على عقب |
شيخنا المعتز إنت ذاتك كدى اكتب واقرأ قبل ما تضغط الماوس للنشر، لأنه بوستك دا لا يحتمل غلطات مطبعية
المهم : إن العيون التي في طرفها حور قتلننا ثم لم يحينا قتلانـــــــــــــــــــــــــــــــــــا
يصرعن ذا اللب حتي لا حراك به وهن اضعف خلق الله إنسانا
وبدون تعليق!
مودتي
عادل سهل
|
Post: #26
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: محمد سنى دفع الله
Date: 01-03-2013, 10:38 AM
Parent: #25
عيون اتقال فيها الشعر
|
Post: #27
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-06-2013, 11:14 AM
Parent: #26
| Quote: عيون اتقال فيها الشعر |
ما شايفين أيتها عيون أيها الفنان الجميل
أعد تحميل الصورة لو تكرمت
|
Post: #30
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: عبد الباقي الجيلي
Date: 01-07-2013, 11:35 AM
Parent: #27
وفي العيون ....
روي أن عليّاً ابن الجهم .. أنشد الرشيد وقد أتي به من البادية لتوه ...
أنت كال###### في حفظك للود
و كالتيس في قراع الخطوب ...
فهم بعض الحاضرين أن يتناولوه (يعني يلفخوه) ...
فمنعهم الرشيد وأوصى بأن ينزلوه بقصر الرصافة ليقضي فيه زماناً ...
ثم جاء بعد فترة ... فأنشد ...
عيون المها بين الرصافة والجسر
جلبن الهوى من حيث أدري ولا أدري ...
|
Post: #31
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-07-2013, 12:00 PM
Parent: #30
Quote: وفي العيون ....
روي أن عليّاً ابن الجهم .. أنشد الرشيد وقد أتي به من البادية لتوه ...
أنت كال###### في حفظك للود
و كالتيس في قراع الخطوب ...
فهم بعض الحاضرين أن يتناولوه (يعني يلفخوه) ...
فمنعهم الرشيد وأوصى بأن ينزلوه بقصر الرصافة ليقضي فيه زماناً ...
ثم جاء بعد فترة ... فأنشد ...
عيون المها بين الرصافة والجسر
جلبن الهوى من حيث أدري ولا أدري ... |
وهذا مما يستدل به على تأثير البيئة على الفنان عموما
وبالطبع الشاعر أولهم
تشكر على المشاركة القيمة
|
Post: #32
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 01-08-2013, 12:51 PM
Parent: #31
شكرا عادل سهل على المداخلة القيمة والتنبيه
|
Post: #35
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: Asim Fageary
Date: 01-13-2013, 12:41 PM
Parent: #32
Quote:
أدريس جماع الشاعر الذي عاش لكي يموت
ثمة علاقة روحية تجمع بين قصائد الشاعر السوداني ادريس جماع وشعب السودان ذلك الذي يعتبره الكثيرون من ابناء شعبة (قثارة الحزن الابدي )
حيث القصائد التي استعجلت الرحيل في خضم الالم العاصف الذي كان يعيشه إدريس جماع
الذي طالما تغنى بحزن عميق دون ان يرى الاحلام الورديه التي كانت تداعب مخيلته او دون ان يرتشف من رحيقها كؤوسا تروي ضمأ عاشق عاش من أجل ان يموت
ولد ادريس جماع عام 1922م وتوفي في 1980 له ديوان واحد صدر تحت عنوان ( لحظات باقية )
وقد حمل هذا الديوان عصارة فكر الشاعر وأجمل ماكتب في سنين عمره حتى وفاته حيث القصائد التي تناغمت بفلسفه روحيه حملت الكثير من الالم |
يا معتز القريش
سلام
ما زالت فرص الرش متوفرة
نرشك ولا نخليك ؟!
|
Post: #36
Title: Re: السيف فئ غمضة لا تخنشا بواترة وسيف عينيكئ في الحالين بتارة
Author: معتز القريش
Date: 02-13-2013, 03:45 PM
Parent: #35
عاصم مالك يا أخي
يا معتز القريش
سلام
ما زالت فرص الرش متوفرة
نرشك ولا نخليك ؟!-----------------
النبي فوقي غايتو ههههه
|
|