الـحِـكـايـة فـيـهـا جـدآدة ... والله صـحـي ...

كادت ان تنضمّ إلي ركب المشاهير، أمثال مِيسِي، رونالدو، دينزل واشنطون،
كوبي برآين، سيلين ديلون ...إلخ
لكن حظها العاثر حال دون ذلك، ففُجعنا فيها حيث رحلت إلي الدار الآخرة
تحمل أحلآمها بين طيات كفنها، ولسان حالها يقول لنا، أمانة يا ناس السودان
ما عندكم المِحن.
كادوا أن يخرجونا من دجل إلي دجل آخر !!!؟؟؟ يا جماعة المسعلة دي حدها
وين ؟؟؟


قال ليك وآحد مشى السوق يشتري الخدار... قدُر ما يقيف جنب خُدُرجي يلقى
قريشاتو ما بيكفّن. وكت غِبى حِيّلة، جدع قٌفتو وإتفّن وسط السوق وكورك في
الناس: يا جماعة هووووووي، كدي تعالوا شاورونا في معيشتنا دي.

دحين يا جماعة هووووووي، تعالوا شاورونا في حال البلد.


وحات ربي جدادة عديييييل كدي...

Quote: وكشفت الاعترافات التي عُرضت بالصورة والصوت كل الشخصيات المقبوض عليهم عدا قوش، كشفت مشاركة «فكي» ليقوم بأعمال الدجل والشعوذة، حيث أقرَّ «الفكي» بأن ضابطاً برتبة اللواء لجأ إليه للقيام بعمل يمنع تحركات قيادات متنفذة في الحكومة وجهاز الأمن «سماهم»، وذكر الفكي أنه طلب من المتهمين إحضار دجاجة، وعندما جاء بها أحدهم في «ضهرية» عربته وجدها «ميتة». وعند سؤال الفكي ضمن التحريات عن سبب عدم تبليغه السلطات بالمحاولة، قال إنه رأى في المنام فشلها ولذلك آثر عدم التبليغ

http://alintibaha.net/portal/home1/%D8%A3%D9%...A7%D8%A8%D9%8A%D8%A9
أها، ديّل أكانوا دايرين يحكمونا، والحاكمننا أظرط
منهم في الهوايل النفر دي.
والله صحي.

يا جماعة كدي شاورونا في حال البلد.
عجيب !!!...

Quote: وعندما جاء بها أحدهم في «ضهرية» عربته وجدها «ميتة»

يموّت حيلك. خاتيها في الضهرية مالك. قايل نفسك موديها أمواج.
يا سجم دي ماشة تشارك في عملية إصلآح كبيرة جداً، كانت سوف
تغير مجري التاريخ، وتنتشل بلد كامل من بئر الهلآك.
يا اخي ما كان تلبسا نضارة سودا، وتركبا معاك في المقعد القدآم
طالما هي ماشة في مهمة خطيرة بالشكل دا.
تختها في الضهرية!!! طورية هي ؟؟؟

Quote: قال أحد المقبوض عليهم: «الرئيس يتمتع بشعبية كبيرة ولو قمنا بتسليمه سنجهض الثورة»

طيّب،،،، وكت اصلو بيتمتع بشعبية كبيرة،
مزعزعنو مالكم يا ناس الطير.
جدادة يا كبير، يا سلآقين البيض.
الزول دا معاهو شيخ بلة الغايب. باقيلكم
بتقدروا عليهو؟؟؟. ختاها ليكم وآآآآآضحة، تلآتة وتلآتين
سنة بالتمام والكمال، والله يضاعف لمن يشاء.


شاورونا في حال البلد

دي الجدادة وماتت وعرفنا مصيرها


طيب قصة الصقر شنو
عايش سع ولا لحق الجدادة

ود المدير (نحن الطيور) اصدقاء المزارع
كفانى الزنجى مؤونة السؤال عن صقر ود الباوقة
على سيرة الجداد قالو جدادة عفصتا رقشه لما اتمطت فى الشارع
قالو قامت اتنفضت وقالت ليهم: احى يا روحى الديوك يا كده يابلاش ..
طيب يا معاوية جدادة زى دى ما بتستحق يسمو باسمها شارع من شوارع الخرطوم
ماتراهو كل حنبرة او زعيط يموت فداء للانقاذ بسمو باسمه شارع..
يخيل لى الشارع القدام دار المؤتمر الوطنى مناسب جداً يسموهو شارع الجدادة
نعمنو الدار دى فيها ديوك عدة لا حصر لهم..
يعنى هسه بقى عندنا صقر ود الباوقة وجدادة قوش عقبال ود ابرق نافع
الطيور على اشكالها تقع،،،

شكلهم كانوا جادين جــداد شديد في حكاية الفكي دي
والله صحي ()
..
..






__
سلام يا دفعة

Quote: دي الجدادة وماتت وعرفنا مصيرها طيب قصة الصقر شنو عايش لسع ولا لحق الجدادة

سلآمات يا الزنجي.
موت الجدادة فقد كبير، فقد ضحت بروحها في محاولة
لإنقاذ شعب ضاق الويلآت من هذا النظام المستبد.
أما الصقر الرعديد، ال########، الصهيوني، الجاسوس. حتماً
قريبي ود الباوقة سوف يرفع أمره لسيده الرئيس، وبعدها
لن تسمعوا غير كع...

شعب يحكموهوا بى جدادة
والله ياو المدير
ديل كتروها خلاص فى حق الشعب
مرة صقر .. ومرة جدادة
وفوق ده فوقه ابو العفين
يمكن يحكم كمان
شفت المصايب دى

ندين ونشجب اقحام الدجاجة في شنطة العربية
ونرفع الامر لجمعيات حقوق الدجاج لسوء المعاملة التي لقتها شهيدتنا الوفية
ولا نامت اعين الحبناء

هذا الديك يناصر الحكومة
انه غير انقلابى
وسيقوم بجولة تفتيشية على كامل
الدجاج المتأمر
ولا نامت اعين الجبناء
وحدة دجاجية وديوكية
خلف القائد .. تأكيدا على وحدة الصف الوطنى

http://www.youtube.com/watch?feature=player_d...ilpage&v=s6KQZcksOIo

الديك الذى ماتت دجاجته فى
ضهرية عربة اللواء الانقلابى الفاشل
فلنعزى هذا الديك المفجوع
فى فقده الجلل

الموضوع كله اصله قائم علي "الطيور"
يعني بيعتبروا شعب السودان كله طيور..
وفي نفس الوقت يستعينوا بالطيور في حكمه!

.....
.....

ياربي إحنا عايشين في ياتو زمن يا معاوية؟؟

Quote: وعند سؤال الفكي ضمن التحريات عن سبب عدم تبليغه السلطات بالمحاولة، قال إنه رأى في المنام فشلها ولذلك آثر عدم التبليغ

يا ود المدير الفوكيا ديل كلهم نجاض وردهم حاضر كدا!؟
ما حصل لاقاني فكي كيشة

اووووو ود المدير ..
اتاريك داقى صيوان "اول" لتلك الجداده الطقوسيه الراحله ..
اشرف الحلبى فى بوستينى احتسبها شهيده .. تصور !!

...
كامل التضامن مع "الفكى" و "الجداده" و "الشعب السودانى ..

ود المدير وضيوفك الكرام السلااااام عليكم يا اهلنا

لكن يا ود المدير الفكي ده زاتو خازوق كبير
ليه قال جدادة ؟ ما كان يقول عتود ؟؟ ولا يعني دايرين يمعطوا ريش الشعب الفضل ؟
فكي ماسورة و حقااار ,, والله صحي

كامل التضامن مع جدادتي الصغيرة الحمراء , نحتسبها في سبيل الله
لكن بركة الإستشهدت هسه كان عايشة إمكن كان تكون شوربة في بطن الترابي !!
اخير ليها الإستشهاد من إنها تبقى فطيسة في بطن ضلالي ,, والله صحي

Quote: ود المدير (نحن الطيور) اصدقاء المزارع كفانى الزنجى مؤونة السؤال عن صقر ود الباوقة على سيرة الجداد قالو جدادة عفصتا رقشه لما اتمطت فى الشارع قالو قامت اتنفضت وقالت ليهم: احى يا روحى الديوك يا كده يابلاش .. طيب يا معاوية جدادة زى دى ما بتستحق يسمو باسمها شارع من شوارع الخرطوم ماتراهو كل حنبرة او زعيط يموت فداء للانقاذ بسمو باسمه شارع.. يخيل لى الشارع القدام دار المؤتمر الوطنى مناسب جداً يسموهو شارع الجدادة نعمنو الدار دى فيها ديوك عدة لا حصر لهم.. يعنى هسه بقى عندنا صقر ود الباوقة وجدادة قوش عقبال ود ابرق نافع الطيور على اشكالها تقع،،،

هههههههههههههههههه،
صديق الموج يا صديق، شارع بس!!!؟ يا اخي المفروض يعملوا ليها نصب
تذكاري، فقد ضحت بروحها من أجل الوطن مُش زيكم إنتو يا مناضلي
الكيبورد. دي إنضمت إلي قائمة المشاهير، وأصبحت لا تقل شاناً من
ديك البطانة وديك المسلمية. شُفت كيف؟!

Quote: شكلهم كانوا جادين جــداد شديد في حكاية الفكي دي والله صحي () .. .. __ سلام يا دفعة

تسلم يا دفعة.
في الإمور الجادة إذا حصلت مستجدات تجد الجادين يجدون بالجد،
بالجد ويستعينوا لقضاء حوائجهم بالجداد. غايتو جنس جِديّة !!!
خلي بالك عمك الفكي اب إبريق دا بتاع شوربان...

Quote: وفوق ده فوقه ابو العفين يمكن يحكم كمان شفت المصايب دى

يا عبد المنعم أبو العفين دا بيجيكم بي صبرة.
غايتو نصبر نشوف اخرتا شنو.
غايتو جِنِس مِحن !!!

http://www.youtube.com/watch?feature=player_d...ilpage&v=8Yx0ElBcmgA

قاليك الديك بعد جولته التفتيشية
على الجداد المتأمر
عمليهو حفلة ديسكو كاربة
احتفالا بدحر الخونة

وجاء الدجاج من كل حدب وصوب
الى حفلة الديسكو
تاكيدا لاخلاصه لحكومة المؤتمر الوطنى
حتى لا يوصف بالمتأمر .. او الطابور الخامس

Quote: ندين ونشجب اقحام الدجاجة في شنطة العربية ونرفع الامر لجمعيات حقوق الدجاج لسوء المعاملة التي لقتها شهيدتنا الوفية ولا نامت اعين الحبناء

سلآم يا الزبير،
يا أخوي ما يبقى شجب وإدآنة زي سُوآة أهلنا بتاعين
جامعة الدول العربية. إنكربوا، والموضوع دا أكان
خليتوهو فات ساكت بتبقى فينا عوجةً كبيرة بالحيل،
وبعدين نودي وشنا وين قدآم الجداد ؟...

حققو معاهم زي ما دايرين بس،
أووووعكم تقولوا عليهم دجالين
كلكم طينة وآحدة، وكلكم تمارسون
الدجل و الشعوذة.

بلة الغايب دا الزول السقى البشير العسل، والبشير
قال، العسل بتاع بلة نفعلوا الحساسية. برضو بلة
قال عندو أعشاب أخطر من الضِريسا زاتا، أداها
ليهو أخوهو من الجن، وقال كووووولكم قاعدين
تمشو تملو بطاطيركم من عندو.
أها، أكان جيتو قلتو الناس ديل دجالين، عاد دا اللوم
زاااااااتو.
والله صحي...

Quote: الموضوع كله اصله قائم علي "الطيور" يعني بيعتبروا شعب السودان كله طيور.. وفي نفس الوقت يستعينوا بالطيور في حكمه! ..... ..... ياربي إحنا عايشين في ياتو زمن يا معاوية؟؟

ألف سلآمة يا منى، بركة اللأصبعك بقى كويس
وبقيتي تكتبي.
والله بقينا منتظرين ود ابرك واخوانه، وناس أُم قيردون، والسقدة
وسهرا. يعني البلد بقت زي شُدرة الحراز تأوي جميع أنواع الطيور.
عايشين في زمن الطير الفي الباقير. نحن منتظرين الجماعة ديل
يطيرو، جونا وآحدين بتاعين جداد كمان!!!...

عشان تاني تكضبوا تراجي!

يا تراجي ويييييييينك؟!!!!


ود المدير سلامات أخوي ..

Quote: يا ود المدير الفوكيا ديل كلهم نجاض وردهم حاضر كدا!؟ ما حصل لاقاني فكي كيشة

يا حلبي الفكي طلع حويط وشِفِت، وشديد ولضيّد كمان.
صاحبك أوّل ما عصروهو عمل فيها سيدنا يوسف، وقال
إني رأيت أحدى عشر كوكبا.
داير يظعط الجدادة ويعملآ شوربة لكن المكنة عضّت...

Quote: اووووو ود المدير .. اتاريك داقى صيوان "اول" لتلك الجداده الطقوسيه الراحله .. اشرف الحلبى فى بوستينى احتسبها شهيده .. تصور !! ... كامل التضامن مع "الفكى" و "الجداده" و "الشعب السودانى ..

عاد يا ود المشرّف الصيوان ما بندقو كيفِن ؟ الجدادة دي جداتاً هيّنة ؟؟؟
أشرف دا بالمناسبة ولي، واكان قال لا يحق عدم تصديقه ومراجعته تُخرج
صاحبها من المِلة. أكان قال شهيدة معناتا خلآس شهيدة، ويكون قول الحلبي
تأكيّد نعمنا شهادتا ما دايرالآ رفع ضو.
التضامن وآجب، وإنتو اصلكم ما بتقصرو...

Quote: ود المدير وضيوفك الكرام السلااااام عليكم يا اهلنا لكن يا ود المدير الفكي ده زاتو خازوق كبير ليه قال جدادة ؟ ما كان يقول عتود ؟؟ ولا يعني دايرين يمعطوا ريش الشعب الفضل ؟ فكي ماسورة و حقااار ,, والله صحي كامل التضامن مع جدادتي الصغيرة الحمراء , نحتسبها في سبيل الله لكن بركة الإستشهدت هسه كان عايشة إمكن كان تكون شوربة في بطن الترابي !! اخير ليها الإستشهاد من إنها تبقى فطيسة في بطن ضلالي ,, والله صحي

بت الجنيد،
كيف حالك ؟.
الفكي يا بت الجنيد وكِت عصروهو قال حلمان الإنقلآب فشل.
والله صحي.
الجدادة نحتسبها لكن أكان عاشت الترابي ياتو البتصلو مع الفكي الماسورة ؟.
دا كان عايزا شوربة لرقبتو يحلم علي حسها بأنه فكي الحكومة الجديدة
بمزاج، لكن الجدادة والفكرة اللتنين طارنلو في راسو...

يا وضاحة،
الفي الصورة الجبتيها دا ديك ما جدادة.بعدين شكلو كدا
شايف نفسو شديد. يعني دا لو الضابط حاول ياخدو للفكي
كان رفض يركب في الضهرية. دا لو إقتنع اصلاً بحكاية
الفكي، وشكلو كدا عشان يوافق علي المشاركة في المحاولة
كان حيطلب منصب الرئيس كشرط اوّل وأساسي.
المصيبة وقعت في جدادتنا المسكينة دي، وأظن وقعتلك
حكايتا.

ألف شكر يا وضاحة...

Quote: عشان تاني تكضبوا تراجي! يا تراجي ويييييييينك؟!!!! ود المدير سلامات أخوي ..

سلآمات أُختي هدير.

والله تراجي ظلموها ظلم الحسن والحسين.
المعلوم إنو الناس ديل في بدآية حكمهم أقروا علي
لسان مسئولين كبار بأنّ الجن عرضوا عليهم المساعدة
في إرساء دعائم الحُكم.
قالوا، البتجي من السما تحملآ الوآطة. غايتو وقعت في
أُختنا تراجي لا إيدا، لا كراعا.

تحياتي لك يا هدير،
وللأُخت تراجي...