Post: #4 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 08:38 AM Parent: #3
مشكور يا ريس
الود دا حيكون ظاهرة كاسحة
شجاعة منقطعة النظير واداء ومحافظة على الإيقاع بشكل رهيب
Post: #5 Title: Re: الفنان صلاح ولي عجييب Author: الزنجي Date: 11-29-2012, 11:31 AM Parent: #4
صلاح ولي دا الفنان البينطط داك
خامة صوتة جميلة وبينقي الاغاني البتتناسب مع صوتة
لو ر(.........) شوية ووجد من يا خد بيده ستكون له إضافة للاغنية السودانية
Post: #6 Title: Re: الفنان صلاح ولي عجييب Author: وضاح عبدالرحمن جابر Date: 11-29-2012, 11:37 AM Parent: #5
غناى الزول ده
Post: #7 Title: Re: الفنان صلاح ولي عجييب Author: صديق الموج Date: 11-29-2012, 12:04 PM Parent: #6
حمد الزول ده ناوى يغنى لى حد سن 40 وبس واللا الفكره شنو؟؟ لا نه نطيط زى ده بعد السن ديك كيف تانى ؟ والله الا يدرب ليه قرد وهو يمسك المايك خلف الكواليس مخير الله،،،،
Post: #8 Title: Re: الفنان صلاح ولي عجييب Author: Hassan Bakri Nugud Date: 11-29-2012, 12:50 PM Parent: #7
صـلاح ولــي دا شــاب جميل ، ومبدع بالجــد ..
شــايف فيهــو إمتداد طبيعي لجيل الرواد من مدرسة التعبير الحركــي أمثال القامــة سيد خليفة ، والهــرم خضــر بشيــر ، والمبدع النور الجيلانــي ..
الاهم من كدا ، إنـو فنــان مثقف ، وواعــي بي الشئ البيقدمــو ..
في شعرة رفيعــة بتفصــل بين الأداء الحــركي المصاحب للغنــاء ، وبين التهــريج .. الشــاب دا قدــر يحافظ عليهـا بإمتيــاز !
Post: #9 Title: Re: الفنان صلاح ولي عجييب Author: ناذر محمد الخليفة Date: 11-29-2012, 02:07 PM Parent: #8
نسخة جديدة منقحة من عبد الله البعيو .. وفي نفس الوقت باهتة ومشوهة من خضر بشير ..!!
بتكلم عن المظهر والحركة فقط ..!!
Post: #10 Title: Re: الفنان صلاح ولي عجييب Author: حيدر حسن ميرغني Date: 11-29-2012, 02:11 PM Parent: #9
Post: #11 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 02:46 PM Parent: #5
Quote: صلاح ولي دا الفنان البينطط داك
خامة صوتة جميلة وبينقي الاغاني البتتناسب مع صوتة
يعني يا الزنجي أنت بتعرفو من زمان؟
ياخ أنا أول مرة أسمعو أمس
تعرف لو خلى النطيط بعد شوية لو ما عمل حسابو حيكون عادي
Post: #12 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 03:07 PM Parent: #11
Quote: غناى الزول ده
غناي يا وضاح وواثق من نفسو بتحس فيهو ثقة فنانين كبار
Post: #13 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 03:57 PM Parent: #12
Quote: حمد الزول ده ناوى يغنى لى حد سن 40 وبس واللا الفكره شنو؟؟ لا نه نطيط زى ده بعد السن ديك كيف تانى ؟ والله الا يدرب ليه قرد وهو يمسك المايك خلف الكواليس مخير الله،،،،
والله يا موج الود دا حيرنا الغريبة بعد النطيط دا كلو ولا قطرة عرق مافي
وبهناك هويدا شرف الدين تقول مافي أكل
شباب ياخي بس بي نطيطو دا سن 40 دي ما بحصلها يوم غايتو بتنكسر فيهو مخروقة
ربنا يحفظو
Post: #18 Title: Re: الفنان صلاح ولي عجييب Author: عبد المنعم سيد احمد Date: 11-29-2012, 05:12 PM Parent: #5
Post: #31 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 03:10 PM Parent: #18
مشكور عبد المنعم سيد أحمد
على الفيديو
تحياتي
Post: #14 Title: Re: الفنان صلاح ولي عجييب Author: عبدالله علقم Date: 11-29-2012, 04:08 PM Parent: #1
ولسة حنشوف أكتر في الزمن دا!!
Post: #15 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 04:28 PM Parent: #14
مرحب حسن نقد
Quote: في شعرة رفيعــة بتفصــل بين الأداء الحــركي المصاحب للغنــاء ، وبين التهــريج .. الشــاب دا قدــر يحافظ عليهـا بإمتيــاز !
بس حركتو كتيرة شديد ورغم ذلك ما منعتو من المحافظة على زمن الغناء
يعني زول قادر يسيطر على أحاسيسو بشكل غريب
Post: #16 Title: Re: الفنان صلاح ولي عجييب Author: Ashraf el-Halabi Date: 11-29-2012, 05:00 PM Parent: #15
يا حمد شايف بوستيك دا لما الجلاكين أعداء النجاح ناس الموج وحيدر حسن وناذر وعلقم هههههههه
ما شفت بوستيك قبل ما أفتح بوست لولدنا
Post: #17 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 05:00 PM Parent: #15
Quote: نسخة جديدة منقحة من عبد الله البعيو .. وفي نفس الوقت باهتة ومشوهة من خضر بشير ..!!
بتكلم عن المظهر والحركة فقط ..!!
والله يا ناذر كلامك دا ذكرني أغنية:
زولا سرب سربا وختا الجبال غربا
قنعان
المهم
Post: #19 Title: Re: الفنان صلاح ولي عجييب Author: حمد عبد الغفار عمر Date: 11-29-2012, 07:30 PM Parent: #17
والله يا حيدر أنا في السمع دا صعب جدا لا بيعجبني العجب ولا هيثم مصطفى
لكن ما اخفي عليك الزول دا فيهو حاجة كدا بتشد الزول ليهو
على العموم أنا كنت مستمتع معاه لكن السبب شنو ما عارفو
Post: #20 Title: Re: الفنان صلاح ولي عجييب Author: Abd Alla Elhabib Date: 11-29-2012, 08:33 PM Parent: #19
محاولة باهتة لأمركة الغناء السوداني بتقليد حركات ناس الراب والهب هوب يا ولي ركّاب سرجين بدق الدلجـة ---------------- تحياتي يا حمد
Post: #21 Title: Re: الفنان صلاح ولي عجييب Author: إسماعيل وراق Date: 11-29-2012, 11:22 PM Parent: #20
أشاد به شيخ النقاد الفنيين ميرغني البكري كما اشاد به دكتور الدرديري وهو موسيقي مشهور..
صلاح يرجى منه مع قليل من التركيز..
Post: #22 Title: Re: الفنان صلاح ولي عجييب Author: إبراهيم عبد الحليم Date: 11-30-2012, 08:07 AM Parent: #21
اخ حمد
تحية طيبة لك و لضيوفك
اللحن بتا ع اغنية عديله عليك هو نفس لحن اغنية مشيت للعمدة وقال لى ما بمضى - حلاة الزول الحمانى بنار الكمائن
فقط لزم التنويه ومستغرب كيف فات ذلك على هذه الفرقة الموسيقية الكبيرة
تمنيات بنقاش ممتع وجميل
Post: #23 Title: Re: الفنان صلاح ولي عجييب Author: Kabar Date: 11-30-2012, 09:24 AM Parent: #22
حمد..حبابك كتر خيرك ..و كتر خير الشباب هنا.. اتفق مع حسن بكري نفد.. انو الصورة هنا امتداد لأداء خضر بشير ، سيد خليفة.. نور الجيلاني..و البعيو..
اما حكاية النطيط البدون عرق.. ياخي انت شفت حاجة؟..عندي فكرة افتح بيها خيط في اليومين ديل.. البلد كلها قاعد تنطط يا حمد..
الآنسات شهد (12 سنة) و شروق (9سنين)..بالغصب بنحاول ترغيبهم في المزيكا السودانية..و عندهن رأي في ادأء سميرة دنيا..و بيقولن عليها حزينة للغاية.. سمعتهم شرحبيل.. عجبهم شديد و حافظين اللابس البمبي.. اها مرة وريتهم فيديو للبعيو.. شهد قالت.. he knows how to rule the stage شروق قالت: he is too clowning اها وريتهم النور الجيلاني.. شهد قالت: he knows how to connect with audience شروق قالت: he is OK اها قمت وريتهم.. الفيديو بتاع صلاح (بعد ارفاقك ليهو هنا).. عارف قالن شنو؟.. الإتنين قالن بصوت واحد: He is Coooooooool
الفكرة.. كل دهر و ليهو ناسو..و الشباب اليومين ديل مع النطيط.. لكن صلاح شفتو في بوست اشرف..و بيأدي اغنية حمد الريح الكتبها سليما ن عبد الجليل (لا سلام)..اداء معقول مقياسا بناس اليومين ديل..و بيقدر يخلق اثر درامي ينسيك حزاينية الغنية..!
و دمتم.. كبر
Post: #36 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 06:22 PM Parent: #23
مراحب يا كبر
Quote: الآنسات شهد (12 سنة) و شروق (9سنين)..بالغصب بنحاول ترغيبهم في المزيكا السودانية..و عندهن رأي في ادأء سميرة دنيا..و بيقولن عليها حزينة للغاية.. سمعتهم شرحبيل.. عجبهم شديد و حافظين اللابس البمبي.. اها مرة وريتهم فيديو للبعيو.. شهد قالت.. he knows how to rule the stage شروق قالت: he is too clowning اها وريتهم النور الجيلاني.. شهد قالت: he knows how to connect with audience شروق قالت: he is OK اها قمت وريتهم.. الفيديو بتاع صلاح (بعد ارفاقك ليهو هنا).. عارف قالن شنو؟.. الإتنين قالن بصوت واحد: He is Coooooooool
ما شاء الله ربنا يحفظهم ويخليهم ليك وصف غاية الدقة
وشيل شيلتك انت معاك نقّاد اساتذة كبار
غايتو ما تحاجج كتير بطيروها ليك في راسك
Post: #33 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 04:24 PM Parent: #21
مرحب اسماعيل وراق
Quote: اشاد به شيخ النقاد الفنيين ميرغني البكري كما اشاد به دكتور الدرديري وهو موسيقي مشهور..
صلاح يرجى منه مع قليل من التركيز..
طبعا ديل ناس ما بطلعوا أراء مجاملة وبالتأكيد رأوا فيه ما لا نراه
عموما زول بغني بطريقة جهز ليها نفسو كويس ونجح
Post: #32 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 03:51 PM Parent: #20
مرحب عبد الله الحبيب
Quote: محاولة باهتة لأمركة الغناء السوداني بتقليد حركات ناس الراب والهب هوب يا ولي ركّاب سرجين بدق الدلجـة
اتخيل لي ناس الراب والهب هوب بعملوا الرقصة أول وبعد داك بيألفوا الموسيقى ال بتناسب الرقصة
لو خلى واحد من السرجين ديل يا دوب بدق الدلجة شكرا
Post: #24 Title: Re: الفنان صلاح ولي عجييب Author: Elmosley Date: 11-30-2012, 10:54 AM Parent: #1
شغل موسيقي ممتاز ومنظم وخروج على التقليدية في المسرح شكرا له وللشباب
Post: #25 Title: Re: الفنان صلاح ولي عجييب Author: طارق جبريل Date: 11-30-2012, 11:12 AM Parent: #24
يا حمد هو دة فنان
Post: #26 Title: Re: الفنان صلاح ولي عجييب Author: Hassan Bakri Nugud Date: 11-30-2012, 01:09 PM Parent: #24
Quote: شغل موسيقي ممتاز ومنظم وخروج على التقليدية في المسرح شكرا له وللشباب
أظنو بعد كلام الأستاذ القامــةالموصلي .. ماف كلام يتقال !
مبروك النجومية يا صلاح ولي ..
Post: #27 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 02:34 PM Parent: #26
استاذنا عبد الله علقم
أهلا بيك
Quote: ولسة حنشوف أكتر في الزمن دا!!
زمن دوار
عادي ممكن بعد شوية تلقاه فنان السودان الأول
أنظر من تبقى من فناني السودان
يعدون على أصبع يد واحدة
Post: #28 Title: Re: الفنان صلاح ولي عجييب Author: ساميه حامد Date: 11-30-2012, 02:47 PM Parent: #27
Quote: يعني يا الزنجي أنت بتعرفو من زمان؟
سلام يا حمد ولكل المتداخلين
الزول ده انا حضرت ليو حفلة قبل اربعة سنين تقريبا في السودان(حفلة زواج)
بنفس نطيطو ده وبزيادة كمان عارف طلع في راس البيت وإتسلق صهريج الموية
والناس إتفاعلت معاه بطريقة عجيبة والجميل انو بغني اغاني الآخرين وبطريقة جميلة جدا خصوصا اغاني حمد الريح
نتمنى ليو التوفيق والنجاح
Post: #30 Title: Re: الفنان صلاح ولي عجييب Author: عمار محمد ادريس Date: 11-30-2012, 03:02 PM Parent: #28
Post: #29 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 03:00 PM Parent: #27
أشرف الحلبي يا راقي يا زين
الحالة واحدة ياخ كلا البوستين لتشجيع المواهب
Quote: يا حمد شايف بوستيك دا لما الجلاكين أعداء النجاح ناس الموج وحيدر حسن وناذر وعلقم هههههههه
ما شفت بوستيك قبل ما أفتح بوست لولدنا
ما تشوف الكلام دا ، الجلاكين ديل تلقاهم قافلين الصالون وبسكسكوا
بس النطيط دا ما بقدرو عليهو دا عايز high quality cartilaginous fluid
Post: #34 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 05:29 PM Parent: #29
مرحب ابراهيم عبد الحليم
Quote: اللحن بتا ع اغنية عديله عليك هو نفس لحن اغنية مشيت للعمدة وقال لى ما بمضى - حلاة الزول الحمانى بنار الكمائن
قعلا نفس اللحن مع إضافة بسيطة للمقدمة
مشكور على الطلة
Post: #35 Title: Re: الفنان صلاح ولي عجييب Author: Ashraf el-Halabi Date: 11-30-2012, 06:03 PM Parent: #34
Quote: طلع في راس البيت وإتسلق صهريج الموية
ولدنا دا لمن يخش الحضرة بغبي يا سامية
Post: #37 Title: Re: الفنان صلاح ولي عجييب Author: حمد عبد الغفار عمر Date: 11-30-2012, 06:35 PM Parent: #24
أهلا استاذنا الموصلي
Quote: شغل موسيقي ممتاز ومنظم وخروج على التقليدية في المسرح شكرا له وللشباب
ولا بنقدر نقول كلمة معاك
مشكور
Post: #38 Title: Re: الفنان صلاح ولي عجييب Author: حمد عبد الغفار عمر Date: 12-01-2012, 09:42 AM Parent: #37
Quote: يا حمد هو دة فنان
فنان ونص وخمسة وقريب أشرف الحلبي كمان
عندك كلام؟
Post: #39 Title: Re: الفنان صلاح ولي عجييب Author: حمد عبد الغفار عمر Date: 12-01-2012, 10:21 AM Parent: #38
مرحب سامية حامد
Quote: بنفس نطيطو ده وبزيادة كمان عارف طلع في راس البيت وإتسلق صهريج الموية
والله دا فنان مريح لا مسرح ولا الزول يتعب نفسو تمسكو المايك بس بس بالطريقة دي ما أظن في زول شاف ليهو عروس أو عريس
طريقتو طريقة غناء جماهيري فعلا
Post: #40 Title: Re: الفنان صلاح ولي عجييب Author: حمد عبد الغفار عمر Date: 12-01-2012, 10:55 AM Parent: #39
أهلا عمار محمد إدريس
مشكور على الفيديو
الزول دا قديم كان كدا
Post: #41 Title: Re: الفنان صلاح ولي عجييب Author: خالد عبد الله محمود Date: 12-01-2012, 03:13 PM Parent: #40
Quote: he is too clowning
دي أول حاجة خطرت في بالي لمن سمعت أغنية حمد الريح الوصية لأني حسيتو بصطنع الحركات دي و ليست عفوية كما عند خضر بشير أو البعيو لكن للأمانة بعد ما شفت فيديو الحفلة الهنا قل بكتير إحساسي بإنها مصطنعة و بديت أحس إنها برضو عفوية
عموماً هو فنان جيد لأنو صوتو حلو و ده أهم شئ
Post: #42 Title: Re: الفنان صلاح ولي عجييب Author: Nazar Faisal Date: 12-01-2012, 03:49 PM Parent: #41
فنان جميل يستحق منا الدعم والتشجيع اعتقد انه ظاهرة فريدة في زمن نعاني فيه انحطاطات كثيرة في مجالات عديدة منها المجال الغنائي أستاذنا الموصلي أنصفه تماماً فله الشكر التقدير الى الامام صلاح
Post: #43 Title: Re: الفنان صلاح ولي عجييب Author: Hadia Mohamed Date: 12-01-2012, 07:44 PM Parent: #42
حلقة البرنامج كانت لطيفة ولى ظريف وعندة 12 عمل خاص ما بقلد يعنى اخيرا لقينا واحد واثق من نفسة وطلعنا من التفليد وترديد الحقيبة الطلعنا عينها, بس يا ولى البدل ما بتنفع مع عمرك ولا مع النطيط خليك كاجوال الى الامام .
Post: #44 Title: Re: الفنان صلاح ولي عجييب Author: حمد عبد الغفار عمر Date: 12-02-2012, 07:55 AM Parent: #41
مراحب يا خالد عبد الله
Quote: لكن للأمانة بعد ما شفت فيديو الحفلة الهنا قل بكتير إحساسي بإنها مصطنعة و بديت أحس إنها برضو عفوية
ما مصطنعة الزول دا مصمم كدا أصلا وبنفعل بعفوية
Post: #45 Title: Re: الفنان صلاح ولي عجييب Author: حمد عبد الغفار عمر Date: 12-02-2012, 08:33 AM Parent: #44
اهلا نزار فيصل
Quote: الى الامام صلاح
أنا غايتو الزول دا من دون الناشئين متعاطف معاه
لأن لونيتو غير
Post: #46 Title: Re: الفنان صلاح ولي عجييب Author: حمد عبد الغفار عمر Date: 12-02-2012, 08:51 AM Parent: #45
مرحب هادية محمد
Quote: بس يا ولى البدل ما بتنفع مع عمرك ولا مع النطيط خليك كاجوال
فعلا مفروض يلبس ما يناسب العرض
البدل ما بتشبه النطيط دا وما بعيد تنشبك ليها في كمان ولا جيتار وتحصل كارثة
