المحس .. سبب العذاب

المحس .. سبب العذاب


11-13-2012, 08:19 PM


  » http://sudaneseonline.com/cgi-bin/sdb/2bb.cgi?seq=msg&board=410&msg=1352834355&rn=0


Post: #1
Title: المحس .. سبب العذاب
Author: صبري طه
Date: 11-13-2012, 08:19 PM

هند .. كأساً في صحن الكاتدرائية .. وطقساً من غموض ..

تتسلل وكأنها من خطوط أوربا الامامية..هائمة بالكل..وعالقا فيها الكل..قلقة..وشاردة ..دوي حولها وضجيج..وآمالا عراض..لكنها السكون..بعضا من غبار الانجلاء..وفرحة الجلاء..وسكون النهاية..والنبش المحزن..وفرحة عودة الديار ..وحديقة.. هي ذاتها صورة الرجوع..وكلاسيكية الالوان.. لا تقبل أساسا لها سوى الابيض.. ولا بأس من مسحة أخرى تخالطه.. لوحتها مخملية الاطار وموصلية الخلفية..وسيمفونيتها بمزمار داؤود تعزف.. إيقاع القصور هي..كجلسة الثلث الاخير وكل الكون هجوع..ونجوع الرؤيا والرؤى..وللكل هيام..وهائم بما يهيم.. وهي لحظة سرقة بريئة لعاشق عذري مهزوم.

... يا لهذا الطيف.. مورفينا أنت ضد الالم.... منتظمة الايقاع هوفينية النوتات.. وكابتنا لا يبالي سوى بالنصر..تدخل مسامي.... مسامي أروع إنتصاراتها.. كجناح تتهادى موازنة للكون.. وتتمخطر في غنج مد الفضاء.. مثيرة لحس النسائم بإن تسري مواكبه في بهرجة كرنفالية..حضورها كعنادلا صداحة وحفيف..وحمائما هدالة.. وفراشة لا تحدها الاضواء.. بل تدع النور للتحليق.. أو كوردة تمضي للأعلى بفعل الفيزياء وتدني حينا فاعلة بالقلوب شيئا ليس أجن منه ولا أجمل من مهابته..فإذا ما أنقشعت (عشقريرة) الذهول.. تتمدد سعادة لقياها..كسعادتك بجرعة رمضانية نهارية في هجير صيفي ..يغفرها الله.. وتجد لها الف الف مخرج فقهي..ومبرر تقبله النفس مهما تمرد العقل على حججه.. وهي كبوسنية ضلت الطريق من رحم رحم سراييفو نحو تخوم شمال (مصطفى سعيد) فأمعنت حائرة .. ثم قررت بث شيئا جديد.. هويتها الانتشار..وهي الانتشار.. مبثوثة كبيان تحريضي..متعته في التداول السري ..فإذا ما عم..عم..( ما دام طار جنى الوزين يا دوب قل نوم العين).. وهي محصورة بين الروعة والروعة..فإن تخرج..تدخل.. فقانونها أبدا دخول..إنها كونا فسيح..

متبهرجة.. بل هي البهرجة..تيارها فطري الاحساس..تجرف إذا إنسابت .. وتنساب إذا جرفت.. وحولها شموع الميلاد.. وكل الاجراس الشرقية.. ولها الفخامة الفارسية مفترشة.. وتحت خطوطها ترقص أرض الميلاد..وهي لا تخطو..بل تخط الاحرف الاولى لعقلية السير والمسير.. وفرضية القدوم..صادقة كخشوع في بيت لحم..أو دموع المتطهرين..متطلعة كرضيع للثدي..قريبة كقلب المرضعة..ومنتصرة بوعي رهيب.

باهية وبهية..نادية وندية..مدادا من الانس اللطيف والطيف الانيس ..وهي الجليس..كتابا ومكتوبا ..وكاتبة.

من مآذن باريس وأبراجها.. بلندن وضيائها.. من محافل الالواح..وتراتيل روما .. ومن قباب الهند الشرقية..خرجت.. رومية العز ..وبوذية السحر والاثر.. وتبتية الصعود.. وهي النيل في عنفوان السقيا.. والامزون في طول المسير..وعريقة كبابل ودجلة وفرات العارفين.. وهي إيحاء دافنشي وشوارد فولتير النضير..وأنعتاق الازمنة.. وهي نهرو ما تمجد.. وهي غاندي ما تمدد..وهي بستانا نضير..وبعضا من نداء الدوح وربى التيجان.. وهي من شٌعب رجلة..ومن بوادي الامهرية.

خرجت من عمق الازمان..ثم دخلت لما رأت ألا مناص.. بيدها تباشيرا وإرهاصا.. بفتح عبقري.

(محسية)..(هذا العالم)..(التي)..إلتقيت.

جنية الحضور.. والدخول.. ولا تخرج.. لا تحرج أبدا إن تدخل.. وهي كالزمن..لا يتوقف دخولها..باقية ما بقيت جدلية البيضة والدجاجة..ألدها حينا.. وكل الاحيان تلدني..

ومجنونة التكليف..

عابثة بالمحيط والحضور..

ولا مبالية سوى بأن الحياة هي الحياة.

وما من شيئ أنساني السياسة سوى هذه اللوحة القادمة من محيط تهراقا...

عشرينية السنين..فواحة النكهة..عبيرية الاريج.. طروبة الصوت..نخلية الشموخ.. بانية القوام.. وتتهادى إذ تسير.. ولها من الحضور ما يبهر كليات الفكر وجزئيات الشوارد.. وملهمة للقول والفعل والسكون والحركة..

متقدمة..

هي الحضارة..

والجسارة..

والحياة..

(على زراعيها تكتمل العصور.. وحول خصرها الف الف كوكب يدور).

في عينيها شيئا هو خفق الجناح ما تهادى في الفضاء والفراغ موازنا كل القوانين.. وهو خفق القلب والخاطر.. وروح تتجدد ما تواصل الضوء في خطوط السير وزوايا الانتشار..في عينيها شيئا لعله دوائر التكوين إذ لا فوق ولا تحت.. وما من يمين أو شمال.. ليس سوى المدى.. متقلبا في دوائر لا تنتهي.. ما أعظم من محيطها سوى محيط المحيط.. المحيط.

هامسة دوما..مؤكدة أن المستحيل هي ..والممكن هي.. متعادلة.. وعادلة.. متصالحة.. وصالحة..وأبية لا آبية.. وآئبة لا غائبة..ودوما تسري نحو الداخل..وما من (قف) في قاموسها..داخلة داخلة..ووالجة والجة..وما من نهاية لرحلة دخولها.. أنت عندها لا متناهي الحدود.. وهي فيك لا متناهية السرى..والسراة..وما من ميقات لها..فكل الوقت هي ..وكل الوقت أنت.

دخلتني بأصيل..

وتوغلتني في نفس الاصيل...

وأسقطت حصوني.. في الاصيل ذاته.

(سلام)..

هكذا بدأ مشوارها بالسلام..

وما درت أي نار أشعلها سلامها..

فأستسلمت (طوعا) لا (كرها).

..

أيتها النيلية.. يا جدلية النشوء ..وعنصر التمام والكمال والجمال ..

ويا حضرية الوجود..

لا تعتقيني فإن أغلالك حريرية الملمس..

وسجونك يقينية التأمل..

ولي فيك مآرب أخرى..

وأنت الحياة..

بجدارة..

.....

ندااااء..

يا أيتها الحضارة النوبية... يا أيتها الوجود... يا أيها الانسان... ويا محس الإباء...

إعتقوا كل الجمال... فإنكم كل الجمال.

Post: #2
Title: Re: المحس .. سبب العذاب
Author: صبري طه
Date: 11-13-2012, 09:04 PM
Parent: #1


Post: #3
Title: Re: المحس .. سبب العذاب
Author: Zomrawi Alweli
Date: 11-13-2012, 10:08 PM
Parent: #1

صبري طه

تاريخ التسجيل: 10-08-2009
مجموع المشاركات: 5274

يا لهذا الجمال الذي طوعته وسكبته على ارضية هذا المنبر


فاليك هذا اللحن يا صبري
https://www.youtube.com/watch?feature=player_embedded&v=WvaqrhWuKss

Post: #4
Title: Re: المحس .. سبب العذاب
Author: صبري طه
Date: 11-13-2012, 10:16 PM
Parent: #3

تُشكر على اللحن الهندي الجميل يا زمراوي ...
Quote: يا لهذا الجمال الذي طوعته وسكبته على ارضية هذا المنبر

ما نقلته في هذا البوست .. خاص بصديقي وزميل الدراسة الأخ العزيز الرائع علاء الدين الدفينة ...




ـــــــــ
ساعدني في الحصول على باسوورد للأخ علاء الدين الدفينة

Post: #5
Title: Re: المحس .. سبب العذاب
Author: طارق جبريل
Date: 11-13-2012, 10:20 PM
Parent: #4


هو أنا المرقدني خل شنو غير المحس ديل

Post: #6
Title: Re: المحس .. سبب العذاب
Author: عبد الحكم ابراهيم الحاج
Date: 11-14-2012, 02:25 AM
Parent: #5

سلام للمحس الرقدوا طارق جبريل كاويك
شكرا صبرى
وسلام ايها الرائع

Post: #14
Title: Re: المحس .. سبب العذاب
Author: صبري طه
Date: 11-14-2012, 09:09 AM
Parent: #6

سلام عبدالحكم ... وتسلم يا حبيب ...

Quote: سلام للمحس الرقدوا طارق جبريل كاويك


ود جبريل جبر الله كسر قلبه ...

Post: #12
Title: Re: المحس .. سبب العذاب
Author: صبري طه
Date: 11-14-2012, 08:00 AM
Parent: #5

Quote: هو أنا المرقدني خل شنو غير المحس ديل

وإنت شنو الما مرقّدك خل :)




ـــــــ
غايتو إلاّ الخَل والخِل الوفي

Post: #7
Title: Re: المحس .. سبب العذاب
Author: أنور سيد ابراهيم
Date: 11-14-2012, 06:03 AM
Parent: #4

هيييييييييييييييييييييييييييييييع

مــســكــاقمــى أووووو صــبــرى

عساك طيب .. شكرا ليك كتييييير و صباحك قشطة بالمهلبية

( اللى ودّاك أكــد وسروج شنو )

تحية عبرك للاخ طارق جبريل

كامل الود

Post: #8
Title: Re: المحس .. سبب العذاب
Author: Asim Fageary
Date: 11-14-2012, 06:30 AM
Parent: #7

Quote: ـــــــــ
ساعدني في الحصول على باسوورد للأخ علاء الدين الدفينة




يا صبري بالرغم من إنه الطلب موجه لزمراوي الولي


لكن عاوز أسألك سؤال

صاحبك دا ما يكون بتاع لولوة زيك ولمن تناقشه يدخلك بخوجلي ويطلعك بحمد

عشان نعرف من هسع زمراوي يضامن معاك كيف

بعدين البوست كله مليتوه محس الحكاية شنو

ياخي في ناس بقت تتكلم مع المحس بلغتها عادي هنا

وقيل إنو طارق جبريل بقى يكسر العربي كمان

وفايز ود القاضي في أحد البوستات يقول: (عربي فألعب به)

فهمونا ما تكون خطة صهيونية !


_____________________

لك ودي ولصديقك




التعديل = إسم طارق جبريل

Post: #9
Title: Re: المحس .. سبب العذاب
Author: Zomrawi Alweli
Date: 11-14-2012, 07:01 AM
Parent: #8



زول يكتب كلام زي دا
لابد ان يكون بيننا ويتم تصفية الاعضاء الغير مؤثرين والغير جادين والاعضاء الغير عضوين(يعني المابكتبو)

يا بكري اعمل تصفية للصالح العام
من لم يشارك خلال السنة بـ 365 مشاركة في السنة يطلع برا


Post: #11
Title: Re: المحس .. سبب العذاب
Author: عبدالرحيم أبراهيم العبيد
Date: 11-14-2012, 07:14 AM
Parent: #9

الاخ/ صبري
تحياتنا
وكل عام والجميع بالف خير
شكراعلي هذا الجمال
وكما ذكر شيخنا زمراوي

زول يكتب كلام زي دا
لابد ان يكون بيننا

Post: #31
Title: Re: المحس .. سبب العذاب
Author: صبري طه
Date: 11-15-2012, 07:44 AM
Parent: #11

وعليكم السلام أخي عبدالرحيم .. وكل عام وأنتم بخير ...
Quote: وكما ذكر شيخنا زمراوي

زول يكتب كلام زي دا
لابد ان يكون بيننا

إن شاء الله وبمعاونة بعض الأخوان حنشوف مسألة وجوده في سودانيز أونلاين مع الباشمهندس بكري ...


تسلم ،،،

Post: #10
Title: Re: المحس .. سبب العذاب
Author: محمد عبد الماجد الصايم
Date: 11-14-2012, 07:12 AM
Parent: #8


Post: #13
Title: Re: المحس .. سبب العذاب
Author: عبدالأله زمراوي
Date: 11-14-2012, 08:34 AM
Parent: #10

Quote: يا أيتها الحضارة النوبية... يا أيتها الوجود... يا أيها الانسان... ويا محس الإباء...

إعتقوا كل الجمال... فإنكم كل الجمال.


روعة كتابة صحبك الكريم مثلك...

Post: #15
Title: Re: المحس .. سبب العذاب
Author: Sayed Bekab
Date: 11-14-2012, 09:10 AM
Parent: #13

Quote: زول يكتب كلام زي دا
لابد ان يكون بيننا


نحمدالله ود جبريل رقد خل ...... مرحب حباب ود الدفينة

Post: #16
Title: Re: المحس .. سبب العذاب
Author: Asim Fageary
Date: 11-14-2012, 09:16 AM
Parent: #15

يا صبري طه

مداخلتي الفوق دي ما شايفها

ولا دي مقاطعة غير معلنة

Post: #17
Title: Re: المحس .. سبب العذاب
Author: صبري طه
Date: 11-14-2012, 09:35 AM
Parent: #16

Quote: يا صبري طه

مداخلتي الفوق دي ما شايفها

ولا دي مقاطعة غير معلنة



ياخي صبراً يبل الآبري ياخ ..
ثمّ ما عندي زمن عشان أمشي أقرأ تاريخ الرد متين .. وأحمّل آلية المنبر التقنية كل ذلك لأنّ ترتيب المُشاركات بجهجه الباكات ...
يعني مثلاً بوست يكون فيهو عشرة صفحات وآخر واحد ردّ فيهو تلقاهو في الصفحة الأولى أو الثانية .. بحيث لا ينزل ردّه آخر البوست ... (من برّة عينك لي إسمو كآخر زول رادّي لمّا تخش البوست إلاّ تستعين بالناتو) ..
ولا يوجد رابط يذهب بك إلى المُداخلة الأخيرة (شُفت كيف) ...


جايييييك ياخ

Post: #19
Title: Re: المحس .. سبب العذاب
Author: هشام عباس
Date: 11-14-2012, 10:19 AM
Parent: #17

شكرا صبرى
وعبرك لصديقك الدفينة

ونحن المحس نمد الحب للجميع بدون فرز لاننا خلقنا للحب فقط

Post: #20
Title: Re: المحس .. سبب العذاب
Author: صبري طه
Date: 11-14-2012, 10:25 AM
Parent: #19

Quote: ونحن المحس نمد الحب للجميع بدون فرز لاننا خلقنا للحب فقط

طيّب .. في زول بعرف الحُب بحب المريخ ؟
وكمان كبير المُغرمين حمزاوي ..

تباً لكما بكل الود ...

Post: #24
Title: Re: المحس .. سبب العذاب
Author: عبدالرحيم أبراهيم العبيد
Date: 11-14-2012, 12:50 PM
Parent: #19

ونحن المحس نمد الحب للجميع بدون فرز لاننا خلقنا للحب فقط
أديك العافيه يا هشام

Post: #44
Title: Re: المحس .. سبب العذاب
Author: صبري طه
Date: 11-18-2012, 09:27 AM
Parent: #15

Quote: نحمدالله ود جبريل رقد خل ...... مرحب حباب ود الدفينة

ود جبريل ديمة راقد خل ...

تسلم ياخ ،،،

Post: #42
Title: Re: المحس .. سبب العذاب
Author: صبري طه
Date: 11-17-2012, 08:09 AM
Parent: #13

Quote: روعة كتابة صحبك الكريم مثلك...

تسلم يا زمراوي ...

Post: #25
Title: Re: المحس .. سبب العذاب
Author: صبري طه
Date: 11-14-2012, 02:50 PM
Parent: #10

ود الصايم .. رقد خل ... ورقد قش ... ورقد زي جُمعة لركلات الترجيح أمام دجوليبا

Post: #18
Title: Re: المحس .. سبب العذاب
Author: صبري طه
Date: 11-14-2012, 10:14 AM
Parent: #8

Quote: لكن عاوز أسألك سؤال

صاحبك دا ما يكون بتاع لولوة زيك ولمن تناقشه يدخلك بخوجلي ويطلعك بحمد

هل من أمثلتك النقاش الذي دار في البوست رقم 1352219012
في القسم رقم 410
المفتوح للأعضاء المسجّلين ومُقيّد بتعطيل إمكانية الرد بالنسبة للزوار ...

Quote: بعدين البوست كله مليتوه محس الحكاية شنو

ياخي في ناس بقت تتكلم مع المحس بلغتها عادي هنا

وقيل إنو طارق جبريل بقى يكسر العربي كمان

وفايز ود القاضي في أحد البوستات يقول: (عربي فألعب به)

فهمونا ما تكون خطة صهيونية !

لا توجد أيّتها خطط من جانبي .. وتوقيت هذا البوست .. الصُدفة وحدها لعبت فيه دوراً كبير ...


ـــــــــ

Post: #21
Title: Re: المحس .. سبب العذاب
Author: Asim Fageary
Date: 11-14-2012, 10:30 AM
Parent: #18

Quote: ومُقيّد بتعطيل إمكانية الرد بالنسبة للزوار ...


ملعوبة فالنبقى زوار وغير مسجلين في هذا الركام


Post: #45
Title: Re: المحس .. سبب العذاب
Author: صبري طه
Date: 11-28-2012, 02:30 PM
Parent: #21

Quote: ملعوبة فالنبقى زوار وغير مسجلين في هذا الركام

وليبقى هذا البوست عالياً .. لمُتعة الزوّار أيضاً ...

Post: #22
Title: Re: المحس .. سبب العذاب
Author: مزمل خيرى
Date: 11-14-2012, 10:36 AM
Parent: #18

Quote: ]ونحن المحس نمد الحب للجميع بدون فرز لاننا خلقنا للحب فقط
شكرا هشام .. شكرا صبرى

Post: #51
Title: Re: المحس .. سبب العذاب
Author: صبري طه
Date: 12-17-2012, 04:36 PM
Parent: #22

Quote: شكرا هشام .. شكرا صبرى

وشكراً لمرورك أخي مزمّل ...

Post: #23
Title: Re: المحس .. سبب العذاب
Author: صبري طه
Date: 11-14-2012, 11:40 AM
Parent: #7

مسكاقمي أنور ...
Quote: ( اللى ودّاك أكــد وسروج شنو )


ودّاني سبب العذاب :)

Post: #26
Title: Re: المحس .. سبب العذاب
Author: طارق جبريل
Date: 11-14-2012, 05:36 PM
Parent: #23

شايفكم خليتو البوست وسيده ومسكتوا في ود جبرين ورقادو خل
لاني داسيها لاني خجلان منها
المحس مرقدني كاويق عديييييييييييييييييييل

Post: #27
Title: Re: المحس .. سبب العذاب
Author: Medhat Osman
Date: 11-14-2012, 06:10 PM
Parent: #26

صبري
مسكاقمي
اوليكن اشري تا اوليناااااا
شوف ليك زول يترجم الكلام ده.

Post: #28
Title: Re: المحس .. سبب العذاب
Author: عكاشة مختار
Date: 11-14-2012, 06:38 PM
Parent: #27

طيب نحن نقول شنو ؟ اقول ليك هاكم ده :-
http://www.youtube.com/watch?feature=player_e...edded&v=ebXfWytMW-I#!

Post: #29
Title: Re: المحس .. سبب العذاب
Author: الامين موسى البشاري
Date: 11-14-2012, 11:52 PM
Parent: #28

أهم حاجة ما يكون رشاشة زيكـ يا صبري
بصراحة زول كتاب ويستحق التواجد هنا
..
..


__
صبري راجع الانبوكس في الفيسبوك

Post: #30
Title: Re: المحس .. سبب العذاب
Author: Asim Fageary
Date: 11-15-2012, 05:59 AM
Parent: #29

Quote: صبري
مسكاقمي
اوليكن اشري تا اوليناااااا
شوف ليك زول يترجم الكلام ده.


صبري مدحت بقول ليك

الولد دا أجمل منك

Post: #32
Title: Re: المحس .. سبب العذاب
Author: Zomrawi Alweli
Date: 11-15-2012, 08:54 AM
Parent: #30

Quote:
Quote: صبري
مسكاقمي
اوليكن اشري تا اوليناااااا
شوف ليك زول يترجم الكلام ده.


صبري مدحت بقول ليك

الولد دا أجمل منك


يا عاصم انت جهجهت صبري
اتصل بمكي علي ادريس صاحب اغنية عديلة يشرح ليك كويس

Post: #33
Title: Re: المحس .. سبب العذاب
Author: طارق ميرغني
Date: 11-15-2012, 09:39 AM
Parent: #32

Quote: هو أنا المرقدني خل شنو غير المحس ديل


شكرا يا صبري

شكرا يا طارق جبريل


وبرضو زمراوي

Post: #54
Title: Re: المحس .. سبب العذاب
Author: صبري طه
Date: 12-17-2012, 04:44 PM
Parent: #33

Quote: شكرا يا صبري

شكرا يا طارق جبريل


وبرضو زمراوي

تُشكر أخي طارق ...

Quote: لو جئت بهذه الجزئية فقط، لَكَفَتْنا، فما بالك بهذا الزخم المتخم برذاذ النيل ونداوة طين الجروف وهمهات سعفات النخيل ومعانقة الموج لأطراف القيف؟

لا فض فوك يا إبن طه

تُشكر يا ريّس .. وأتمناه معنا قريباً ...

Post: #34
Title: Re: المحس .. سبب العذاب
Author: ابو جهينة
Date: 11-15-2012, 10:08 AM
Parent: #32

صبري

تحايا بكل مفردات المحسية

باهية وبهية..نادية وندية..مدادا من الانس اللطيف والطيف الانيس ..وهي الجليس..كتابا ومكتوبا ..وكاتبة.

لو جئت بهذه الجزئية فقط، لَكَفَتْنا، فما بالك بهذا الزخم المتخم برذاذ النيل ونداوة طين الجروف وهمهات سعفات النخيل ومعانقة الموج لأطراف القيف؟

لا فض فوك يا إبن طه

دمتم

Post: #53
Title: Re: المحس .. سبب العذاب
Author: صبري طه
Date: 12-17-2012, 04:43 PM
Parent: #29

Quote: أهم حاجة ما يكون رشاشة زيكـ يا صبري
بصراحة زول كتاب ويستحق التواجد هنا

للأسف مرّيخابي !!!

مُش حاجة غريبة ؟!

Post: #52
Title: Re: المحس .. سبب العذاب
Author: صبري طه
Date: 12-17-2012, 04:39 PM
Parent: #28

Quote: طيب نحن نقول شنو ؟ اقول ليك هاكم ده :-
http://www.youtube.com/watch?feature=player_e...ebXfWytMW-I#!



تُشكر على اليوتيوب أخي عكاشة .. ويا ريت لو أرفقت معاهو الترجمة ...






ـــــــــــ

Post: #35
Title: Re: المحس .. سبب العذاب
Author: صبري طه
Date: 11-15-2012, 10:36 AM
Parent: #27

مسكاقمي مدحت ...
Quote: صبري
مسكاقمي
اوليكن اشري تا اوليناااااا
شوف ليك زول يترجم الكلام ده.


ترجمها لي أحد أصدقائي بالآتي:-
الأحلى منّنا كمان نحن

Post: #36
Title: Re: المحس .. سبب العذاب
Author: فرح الطاهر ابو روضة
Date: 11-15-2012, 11:11 AM
Parent: #35

غايتو انا ما عارف بحق لي التصويت
ولا لا يا صبري اخوي
وصوت البرلوم بنحسب بي كم
نص صوت
ولا ربع
ولا في فهم الفهم محتاج لييه لكم زول لعتق من منقصة البرلمة
لكن قدرتي بسويها ليييييييييييييييييييييك
وببصم ليك بالعشرة لو يكملوا اصبع واحد من اصابع شيوخ المنبر

نقطة سطر جديد

يا صبري لو صوت البرلوم بنص صوت ولا ربع
بشوف لي كم بريلم كده
يجي يكمل النصاب

تسجيل خروج


احتــــــــــــــــــــــــــــــــــــــــــــــــــــــــــــــترامي ليك
ولي رفيق صبري رفيقه لابد يكون بهذا الالق والجمال

وتسلم

Post: #37
Title: Re: المحس .. سبب العذاب
Author: طارق جبريل
Date: 11-15-2012, 11:17 AM
Parent: #36

ابو روضة جاكم بي عجاجتو

Post: #38
Title: Re: المحس .. سبب العذاب
Author: فرح الطاهر ابو روضة
Date: 11-15-2012, 01:12 PM
Parent: #37

Quote: ابو روضة جاكم بي عجاجتو



هههههههههههههههههه لا والله جينا نسلم ونخت لييينا كلمتن سمحة في بوست مرتاح ومريح

Post: #39
Title: Re: المحس .. سبب العذاب
Author: شمس الدين ساتى
Date: 11-15-2012, 02:21 PM
Parent: #38

Quote: ونحن المحس نمد الحب للجميع بدون فرز لاننا خلقنا للحب فقط


شكرا هشام

شكرا صبرى

زكمان الراقد خل معاكم

Post: #40
Title: Re: المحس .. سبب العذاب
Author: محمد على طه الملك
Date: 11-16-2012, 11:28 AM
Parent: #39

سلامات يا صبري ..
مقال صاحبك غاية في الروعة والبلاغة ..
صاحب هذه المشاعر الجياشة والكلم المموسق الرصين ..
يستحق عضوية البورد بجدارة ..
دعنى أترجم شدوه على لسان هذا المغني النوبي .
اغنية حبينا مندن


التحية لك ولزوارك ولأهلنا المحس.

Post: #41
Title: Re: المحس .. سبب العذاب
Author: مها عبد الله
Date: 11-16-2012, 03:58 PM
Parent: #40

تحية سلام ومحبة العزيز صبري وللصديق العزيز إبن رفاعة الأصيل علاء الدين الدفينة ، صاحب القلم المميز والرائع ، كتابة تشبه جمال أهلنا المحس والحضارة النوبية ، تعظيم سلام للجميل علاء ، ومعك ننادي بضرورة تواجده بيننا ، قلم شجاع وقف فى وجه الظلم بقوة وصلابة ، وما تعرض له وأسرته من
ظلم وإستبداد حكومة الفساد ، يستحق أن يمنحه باشمهندس بكري باسووورد و أن يأت ليحكي بنفسه ما حدث !

لكما المحبة والسلام ولضيوف البوست الأعزاء كل الود والتقدير

Post: #56
Title: Re: المحس .. سبب العذاب
Author: صبري طه
Date: 12-17-2012, 04:50 PM
Parent: #41

Quote: تحية سلام ومحبة العزيز صبري وللصديق العزيز إبن رفاعة الأصيل علاء الدين الدفينة ، صاحب القلم المميز والرائع ، كتابة تشبه جمال أهلنا المحس والحضارة النوبية ، تعظيم سلام للجميل علاء ، ومعك ننادي بضرورة تواجده بيننا ، قلم شجاع وقف فى وجه الظلم بقوة وصلابة ، وما تعرض له وأسرته من
ظلم وإستبداد حكومة الفساد ، يستحق أن يمنحه باشمهندس بكري باسووورد و أن يأت ليحكي بنفسه ما حدث !

لكما المحبة والسلام ولضيوف البوست الأعزاء كل الود والتقدير

يا دُفعة لكِ التحية والسلام ولابن الدُفعة الغالي علاء الدين .. وإن شاء الله سيكون قريباً بيننا ...

Quote: الصحيح أن تستبدل كلمة الأحلى بالأجمل والترجمة تكون :

الأجمل مننا برضو نحن

ونقدر ظروفكم وسبب عذابكم .

تُشكر أخي ولياب على الدعم ...

Post: #43
Title: Re: المحس .. سبب العذاب
Author: ولياب
Date: 11-17-2012, 03:14 PM
Parent: #39

Quote: ترجمها لي أحد أصدقائي بالآتي:-
الأحلى منّنا كمان نحن


الصحيح أن تستبدل كلمة الأحلى بالأجمل والترجمة تكون :

الأجمل مننا برضو نحن

ونقدر ظروفكم وسبب عذابكم .


Post: #46
Title: Re: المحس .. سبب العذاب
Author: اميرة السيد
Date: 11-28-2012, 03:19 PM
Parent: #43

Quote: من مآذن باريس وأبراجها.. بلندن وضيائها.. من محافل الالواح..وتراتيل روما .. ومن قباب الهند الشرقية..خرجت.. رومية العز ..وبوذية السحر والاثر.. وتبتية الصعود.. وهي النيل في عنفوان السقيا.. والامزون في طول المسير..وعريقة كبابل ودجلة وفرات العارفين.. وهي إيحاء دافنشي وشوارد فولتير النضير..وأنعتاق الازمنة.. وهي نهرو ما تمجد.. وهي غاندي ما تمدد..وهي بستانا نضير..وبعضا من نداء الدوح وربى التيجان.. وهي من شٌعب رجلة..ومن بوادي الامهرية.


>>>>>>>>>>>>>>>>>>>

عزيزي صبري طه

اولا نردد ما قاله فرح الطاهر بأن هذا البوست مرتاح ومريح..
نعم انه بوست مريح يريح القلب والعقل ويدغدغ العواطف.. وعندما قرأت البوست وفي لحظة تمنيت ان اكون محسية.. ولكن فجأة تذكرت انني فعلا محسية قلبا قالبا وميلادا لأن والدي محسي ولا يتكلم سوى النوبية وعلى الرغم من ان والدتي ليست محسية ولكني تفننت في اللغة النوبية واتقنتها .. وبصراحة وبعد قراءة هذا البوست الرائع كروعتكم فرحت فرحا شديدا .. ونقول لكما انت وعلاء الدين الدفينة والذي- كما قلت سطر هذه الدرر النفيسة- ان المحس ليسو سبب العذاب ولكن سبب السعادة والحنية والعطف والانسانية وكل الحب.. فإن مشاعرهم الدفاقة وحنانهم اللدن يمكن ان توزع على كل البشر في العالم ويكفيهم.. والله يديكم العافية

واذا فعلا علاء الدين كاتب هذه الدرر ليس عضوا في المنبر العام فنحن نناشد الباشمهندس بكري صاحب الحوش ان يلبي النداء ويسمح له بالعضوية .. فنحن في حوجة لكلماته الرائعة والمضيئة .. ولا شك انه سيشكل مع الشاعر المحسي الفذ عبد الإله زمرواي ثنائيا رائعا سيغردان في دوحة المنبر العام ويظللان ارضية المنبر بغمام الحب والزهور والورد والكلمات التي تدخل بانسياب للقلوب والعقول..
والله يديكم العافية

Post: #47
Title: Re: المحس .. سبب العذاب
Author: اميرة السيد
Date: 11-29-2012, 05:41 PM
Parent: #46

عزيزي ولياب

وايه رأيك في الترجمة دي ..
:" وفي زول أحلى مننا غيرنا نحن.."

والله يديك العافية

Post: #48
Title: Re: المحس .. سبب العذاب
Author: صبري طه
Date: 12-17-2012, 02:08 PM
Parent: #47

Quote: رسالة من الأستاذ/ علاء الدين الدفينة إلى المهندس/ بكري أبو بكر

الجدر لا الغيوم يستأجرها العابرين....لكني نزيل غيمتكم دوما...مقيما لا عابرا.
:::
في( اليوم السابع)...أدركت كم يلزمني من الوقت لتهدئة هياج النشوء.
ذاك المسخ القادم من لون الوهلة الاولى...
في اليوم الاول خرجت للأرض أتون الصفحات الوردية ومتون الحب.
وخر الماء بلا أنساب ...بل باضت كل الاحرف لغة الوشم الاصل....هوية.
كفاح فتور الاعضاء ونسل السيدة الفضلى...
ومذ برعت أجنحة النور على التحليق ...والتغريد...هامت كل الديدات على الالوان...
تحاول جز الاحمر جزا...وتعلن صحراء العار...رضوخ الغاب للأنياب....
(خلاسية) (الرحيق) تمور على الاذعان...
ترقص للأنفاس الحرى...
توقد شمعة...
ما أحلاها....بلا ضوضاء...
ما أغلاها بطعم ضياء.
::
هي الشجون لا السجون ما أطلقت عبقر سلاف الفائزين....العارفين كيف ومتى الوصول.
::
هنا أقف اليوم...
كما كل يوم أصطف مع النسائم والغيوم لأمارس نفس العادة ..معاناة تفريخ الحرف...وصناعة فكرة.
متلازمة المخاض عصية كدأبها...وغال رحمها الولود...وحينا تجيئ ..بنفس الالم..
::
هنا فولتير...
ونهرو ينتظر..
وفيلسوف الموت الهادئ ..غاندي..
::
أترى الترتيب قد إختل حين حكم دارون؟.
أم حين أمتدت رؤية فورباخ لتطال العمق؟.
::
قلنا دوما بهافانا الحل...
لم يكن أرنستو شاعرا حينما ألهب الحس بالثورة...وما غامر لومامبا بإحتضان القارة الدافئة له ...
لكنها الشروط التي غابت عن التاريخ...وحاضرة هي الآن...
بماذا ينادي هؤلاء الاوباش؟.
أترى غير الثورة بديل؟.
:::
لاجل هذا أنا هنا...
لاجل الانسان.


[email protected]

Post: #49
Title: Re: المحس .. سبب العذاب
Author: صديق الموج
Date: 12-17-2012, 02:31 PM
Parent: #48

صبرى و الله انا مبسوط من البوست ده جنس دين بسطة و فى محس
رقدونى زى طارق جبريل، و مبلغ حزنى انه الكلام الداير اقوله ليس
مما يحكى فى ادب الحتات العامة، دحين ان جمع بيننا ملتحد او
اتصلت على تلفونياً سوف احكى لك عما يجيش بقلبى ( وليس بخاطرى)
حلوة بقلبى دى مش؟؟؟

Post: #50
Title: Re: المحس .. سبب العذاب
Author: صبري طه
Date: 12-17-2012, 02:51 PM
Parent: #49

Quote: صبرى و الله انا مبسوط من البوست ده جنس دين بسطة و فى محس
رقدونى زى طارق جبريل

تُشكر يا موجنا على المُكالمة اللّطيفة ..
والظاهر حأعمل استطلاع بينك وبين طارق جبريل لأعرف أيّكما رقد خل أكثر من الآخر ...

Post: #57
Title: Re: المحس .. سبب العذاب
Author: صبري طه
Date: 12-17-2012, 05:01 PM
Parent: #46

تسلمي يا أميرة ويدّيك العافية ...
Quote: ونقول لكما انت وعلاء الدين الدفينة والذي- كما قلت سطر هذه الدرر النفيسة- ان المحس ليسو سبب العذاب ولكن سبب السعادة والحنية والعطف والانسانية وكل الحب.. فإن مشاعرهم الدفاقة وحنانهم اللدن يمكن ان توزع على كل البشر في العالم ويكفيهم.. والله يديكم العافية


نعم هُم كما ذكرتي .. وما يُميّزهم طيبتهم وبشاشتهم وبساطتهم ...




ــــــ
بس عذاب عنوان البوست الذي أقصده = عذاب ود جبريل :)

Post: #55
Title: Re: المحس .. سبب العذاب
Author: صبري طه
Date: 12-17-2012, 04:48 PM
Parent: #36

Quote: غايتو انا ما عارف بحق لي التصويت
ولا لا يا صبري اخوي
وصوت البرلوم بنحسب بي كم
نص صوت
ولا ربع
ولا في فهم الفهم محتاج لييه لكم زول لعتق من منقصة البرلمة
لكن قدرتي بسويها ليييييييييييييييييييييك
وببصم ليك بالعشرة لو يكملوا اصبع واحد من اصابع شيوخ المنبر

نقطة سطر جديد

يا صبري لو صوت البرلوم بنص صوت ولا ربع
بشوف لي كم بريلم كده
يجي يكمل النصاب

تسجيل خروج


احتــــــــــــــــــــــــــــــــــــــــــــــــــــــــــــــترامي ليك
ولي رفيق صبري رفيقه لابد يكون بهذا الالق والجمال

وتسلم

تسلم يا أبو روضة .. وأنت كلّك جمال ...


Quote: شكرا هشام

شكرا صبرى

زكمان الراقد خل معاكم

شُكراً أخي شمس الدين ساتي ...

Quote: سلامات يا صبري ..
مقال صاحبك غاية في الروعة والبلاغة ..
صاحب هذه المشاعر الجياشة والكلم المموسق الرصين ..
يستحق عضوية البورد بجدارة ..
دعنى أترجم شدوه على لسان هذا المغني النوبي .
اغنية حبينا مندن


التحية لك ولزوارك ولأهلنا المحس.

وعليكم السلام أخي محمد علي طه الملك ...
وتُشكر على الطرب الأصيل ...