Post: #1 Title: فرقة طيور الجنه فى اول زيارة للسودان Author: وجدان جمال Date: 11-13-2012, 03:37 PM
وسوف تحيي حفل باستاد الخرطوم وبورسودان فى يومى 7 و 8 ديسمبر 2012 م
__ غايتو بناتى بالفرحة ح يطيرن
Post: #2 Title: Re: فرقة طيور الجنه فى اول زيارة للسودان Author: حمزه بابكر الكوبي Date: 11-13-2012, 03:44 PM Parent: #1
Quote: غايتو بناتى بالفرحة ح يطيرن
انا ولدي عمروا 4 سنه برضوا معذبني بهم ولما الجو يكون كعب بوقفنا على كراع واحده
نتمني لاطفال السودان الاستمتاع بهذه الفرقة تحياتي وجدان
Post: #3 Title: Re: فرقة طيور الجنه فى اول زيارة للسودان Author: خالد عبد الله محمود Date: 11-13-2012, 03:55 PM Parent: #2
المهم أسعار التذاكر كيف ؟ جونا كم مرة هنا في الرياض و الناس ما قدرت تدخل بسبب أسعار التذاكر المبالغ فيها تخيلي عندك طفلين عايزين يحضرو و لازم يمشي معاهم زول كبير و سعر التذكرة 200 ريال يعني 600 ريال ميزانية برضو بالنسبة لناس متغربين زينا و لا كيف ؟
Post: #4 Title: Re: فرقة طيور الجنه فى اول زيارة للسودان Author: عبد اللطيف بكري أحمد Date: 11-13-2012, 04:42 PM Parent: #3
أخيراً؟؟؟
شعور مرير كان يتحدث به أطفالنا بأن الفرقة طافت معظم أرجاء الوطن العربي بما فيهم اليمن في عز أيام أزمته ولم يفتح الله عليهم بزيارة واحدة للسودان!!
يبدو أن الشكاوي وصلت عندهم ، علماً أن المحبة هي المحبة لاطفال القناة وسيتفاجأ التيم بالمحبة الجارفة والجهور الكبير لهم في السودان،،
شكرا وجدان على الخبر والفرحة الكبيرة لأطفالنا ليبعدو عقدة واحدة على الأقل من عقد التفرقة!!
Post: #5 Title: Re: فرقة طيور الجنه فى اول زيارة للسودان Author: منتصر صلاح Date: 11-13-2012, 05:45 PM Parent: #4
الفرقة من اروع وافضل الفرق العربية بل اجملها علي الاطلاق كل كلمات الاغاني والاناشيد هادفة وحفظناها كلها لولع اطفالنا بها . شكرا استاذة وجدان للخبر .
Post: #6 Title: Re: فرقة طيور الجنه فى اول زيارة للسودان Author: احمد محمد بشير Date: 11-13-2012, 06:14 PM Parent: #5
تمام و الله يا وجدان ربنا يسعد الاطفال في الحقيقة لا اعرف شيء عن هذه الفرقة لكن يبدوا انهم مبدعين طالما الاخوة اشادوا بها في ردودهم اعلاه
Post: #7 Title: Re: فرقة طيور الجنه فى اول زيارة للسودان Author: ناذر محمد الخليفة Date: 11-13-2012, 07:50 PM Parent: #6
شكرا وجدان ..
رغم أني أستطعت وبصعوبة بالغة من تحويل انتباه طفلاتي من قنوات طيور الجنة إلى قناة سنابل السودانية الأصيلة ، بفضل اجتهادات مبدعها معتصم الجعيلي لدرجة أن بناتي صارن يحفظن اغنيات (جدو) و (الجيران حبايبنا) وغيرهن عن ظهر قلب ، إلا أنني لن أستطيع تفويت هذا العرض وإنشاء الله سنكون حضورا مع اسرتي الصغيرة في الاستاد ..
ــــــــــــــــــــ
بنتي الكبرى روضتها أسمها سنابل وعندما أحضرها للمنزل تقول لي وهي تنظر للتلفاز (شغل لي روضتي) ..!!
Post: #8 Title: Re: فرقة طيور الجنه فى اول زيارة للسودان Author: فتحي عباس نقد Date: 11-14-2012, 07:07 AM Parent: #7
السلام عليكم ورحمه الله وبركاته الأخت وجدان جمال والأخوة والأخوات البورداب
أسحموا لي أعبر عن وجهة نظري في تلك القناة
أنا عندي ثلاث بنات والحمدلله ويشاهدون تلك القناة ولكني حريص أن أبعدهم بقدر الإمكان عنها وأبلغتهم بمتابعة قناة الجزيرة للأطفال وقناة براعم وأغلب القنوات التي ليس لديها خدمة (الرسائل) والسبب سأشرحه في الفقرة الثانية.
أنا تابعت قناة طيور الجنة منذ إنشائها (وأقول لم يتطرقوا إذا إفترضنا للسودان) ولم يتقنوا له ولم يعطونا أي إعتبار (فهل هي عنصرية)؟؟
ثانياً: والأهم جداً (لمن يصدقني) هي قناة تجارية بحته جداً جداً كقناة إسبيس تون وذلك بإستغلال الأطفال (رسائل أس أم أس) و (منتجات مش عارف شنو .... ألبان وحلاوة و.... و.......)
أخيراً : إذا رجعنا لعشرون عاماً كان أطفالنا يبدعون إما في المدارس أو النوادي أو حتى الشارع تجدهم يقومون بصنع سيارات أو مركبات بأنفسهم إضافة للألعاب الرياضية (لذا من المفيد) إيجاد فرص لهم لتحريك أجسامهم وتنشيط دورتهم الدموية لأن الجلوس لفترات طويلة وامام التلفزيون والكمبيوتر سيجمد (تفكيرهم) وسيؤدي إلى أمرض لا نحمد عقباها...
بإختصار حاولوا إبعاد أطفالكم عن التلفزيون والكمبيوتر إلا لما ندر (اليوم نرى أطفال مصابون بأمراض السكري أو هشاشة العظام .. أو..... أو.....) نتمنى الصحة والسلامة لجميع أطفالنا وربنا يجنبهم الشر (آمين).
ولكم مودتي.
Post: #9 Title: Re: فرقة طيور الجنه فى اول زيارة للسودان Author: نادر Date: 11-14-2012, 07:17 AM Parent: #8
كرور ساي الغنا مسجل flashback وأسعارهم غالية في شنو ما تعرف، وبعد ده كلو كيزان وفي الكيزان كيزان فلسطين. البقدر يبعّد شفعو عنهم يكون أحسن، عيبوا لي بارني و Shaun the Sheep
Post: #10 Title: Re: فرقة طيور الجنه فى اول زيارة للسودان Author: Gafar Bashir Date: 11-14-2012, 07:25 AM Parent: #9
Quote: أنا تابعت قناة طيور الجنة منذ إنشائها (وأقول لم يتطرقوا إذا إفترضنا للسودان) ولم يتقنوا له ولم يعطونا أي إعتبار (فهل هي عنصرية)؟؟
Quote: ثانياً: والأهم جداً (لمن يصدقني) هي قناة تجارية بحته جداً جداً كقناة إسبيس تون وذلك بإستغلال الأطفال (رسائل أس أم أس) و (منتجات مش عارف شنو .... ألبان وحلاوة و.... و.......)
أنا ابعدت عنها اطفالي ايضا ، لأن عنصريتها لا تحتاج الي اشارة ... فطوال عامين من المتابعة لم يكن هنالك طفل واحد اسود فلسطيني ناهيك عن ان يكون سوداني .... اضافة الي انها تحولت الي سخافات وراء الكواليس ولم تعد تقدم جديدا يذكر ... وانا طافت جميع الدول العربية عدا (دولتنا نحن المتمسحين بالعرب) ... لو كانت التذاكر مجانية لما ارسلت اطفالي
Post: #11 Title: Re: فرقة طيور الجنه فى اول زيارة للسودان Author: نادر Date: 11-14-2012, 07:27 AM Parent: #9
Quote: السلام عليكم ورحمه الله وبركاته الأخت وجدان جمال والأخوة والأخوات البورداب
أسحموا لي أعبر عن وجهة نظري في تلك القناة
أنا عندي ثلاث بنات والحمدلله ويشاهدون تلك القناة ولكني حريص أن أبعدهم بقدر الإمكان عنها وأبلغتهم بمتابعة قناة الجزيرة للأطفال وقناة براعم وأغلب القنوات التي ليس لديها خدمة (الرسائل) والسبب سأشرحه في الفقرة الثانية.
أنا تابعت قناة طيور الجنة منذ إنشائها (وأقول لم يتطرقوا إذا إفترضنا للسودان) ولم يتقنوا له ولم يعطونا أي إعتبار (فهل هي عنصرية)؟؟
ثانياً: والأهم جداً (لمن يصدقني) هي قناة تجارية بحته جداً جداً كقناة إسبيس تون وذلك بإستغلال الأطفال (رسائل أس أم أس) و (منتجات مش عارف شنو .... ألبان وحلاوة و.... و.......)
أخيراً : إذا رجعنا لعشرون عاماً كان أطفالنا يبدعون إما في المدارس أو النوادي أو حتى الشارع تجدهم يقومون بصنع سيارات أو مركبات بأنفسهم إضافة للألعاب الرياضية (لذا من المفيد) إيجاد فرص لهم لتحريك أجسامهم وتنشيط دورتهم الدموية لأن الجلوس لفترات طويلة وامام التلفزيون والكمبيوتر سيجمد (تفكيرهم) وسيؤدي إلى أمرض لا نحمد عقباها...
بإختصار حاولوا إبعاد أطفالكم عن التلفزيون والكمبيوتر إلا لما ندر (اليوم نرى أطفال مصابون بأمراض السكري أو هشاشة العظام .. أو..... أو.....) نتمنى الصحة والسلامة لجميع أطفالنا وربنا يجنبهم الشر (آمين).
ولكم مودتي.
شكراً فتحي نقد
Post: #12 Title: Re: فرقة طيور الجنه فى اول زيارة للسودان Author: عبد الحكم ابراهيم الحاج Date: 11-14-2012, 08:23 AM Parent: #1
خليهن البنات نحنا ذاتنا حنطير من الفرح يا اختى القناة دى محرمانا الشوف فى اى حاجة تانى امسك الرموت الجوطة تقع
Post: #13 Title: Re: فرقة طيور الجنه فى اول زيارة للسودان Author: خال فاطمة Date: 11-14-2012, 08:29 AM Parent: #12
Quote: خليهن البنات نحنا ذاتنا حنطير من الفرح يا اختى القناة دى محرمانا الشوف فى اى حاجة تانى امسك الرموت الجوطة تقع
ما براك أخي عبد الحكم
Post: #14 Title: Re: فرقة طيور الجنه فى اول زيارة للسودان Author: محمد عبد الماجد الصايم Date: 11-14-2012, 08:30 AM Parent: #12
ياخ برفعو لي كثافتي عديل!! داير غير القصة القالا خالد عبد الله فوق!!!
Post: #15 Title: Re: فرقة طيور الجنه فى اول زيارة للسودان Author: ناذر محمد الخليفة Date: 11-14-2012, 08:38 AM Parent: #12
من اسخف أناشيد القناة وأكثرها إحراجا لي كأب امام طفلاتي وأكثر نشيد يحفظنه ويرددنه كلما رأوني هو النشيد :
يا بابا يا بابا صاير عندك كرش .. دائما انت بتاكل وعنو ما بتسألش ..!!
Post: #16 Title: Re: فرقة طيور الجنه فى اول زيارة للسودان Author: MOHAMMED ELSHEIKH Date: 11-14-2012, 08:57 AM Parent: #15
لحسن حظي اطفالي تركوها براحتهم ولايحبون متابعتها يركزون فقط على كارتون نت ورك وام بي سي 3
القناة كيزانية بحته
Post: #17 Title: Re: فرقة طيور الجنه فى اول زيارة للسودان Author: مزمل خيرى Date: 11-14-2012, 09:07 AM Parent: #15
فرقة حلوة بالجد
Post: #18 Title: Re: فرقة طيور الجنه فى اول زيارة للسودان Author: محمد عبد الماجد الصايم Date: 11-14-2012, 09:18 AM Parent: #17
Quote: فرقة حلوة بالجد
كان كـدا أبقى مارق يا معلم!! أنا غايتو تذكرة جوان علي .. الباقي اتصرف فيهو إنت!
Post: #19 Title: Re: فرقة طيور الجنه فى اول زيارة للسودان Author: مزمل خيرى Date: 11-14-2012, 09:36 AM Parent: #18
Quote: ان كـدا أبقى مارق يا معلم!! أنا غايتو تذكرة جوان علي .. الباقي اتصرف فيهو إنت!
Post: #20 Title: Re: فرقة طيور الجنه فى اول زيارة للسودان Author: وجدان جمال Date: 11-14-2012, 11:02 AM Parent: #19
الزملاء الاكارم .......... الكوبى / خالد عبدالله / عبد الطيف بكرى / منتصر صلاح / احمد بشير / ناذر خليفة / نادر / فتحى عباس / جعفر بشير / عبدالحكم ابراهيم / خال فاطمة / محمد الصايم / محمد الشيخ شكرن على المرور والتعليق فى البوست ..
غايتو المعلومة العندى انو الاحتفالين ديل برعاية شركة زين للاتصالات وهى حتكون فى استاد الخرطوم وبورتسودان وبتمنى انو اسعار التذاكر تكون فى متناول الجميع عشان الناس تقدر برغم الظروف الاقتصادية السيئة دى تسعد اطفالها .. وانا بتخيل ان سعر التذكرة كان بااااالغ ما يفوت العشرة جنية خاصة انو فى ستاد ..
امنياتى للحضور بقضاء وقت ممتع ....
Post: #21 Title: Re: فرقة طيور الجنه فى اول زيارة للسودان Author: معاذ حسن Date: 11-14-2012, 11:03 AM Parent: #19
تحية يا اصدقاء انا زي صاحبي ناذر حولت لسنابل السودانية اتمنى ان تستمر ويستفيد اصحابها من تجربة الفلسطينين في الفهلوة وجمع الفلوس المهم تستمر قناتنا وتتطور ياخي والله طيور دي عملت لي رجة في مخي رغم اني حولت منها قبل اسبوع لسع شغالة في دماغي قال الارنب لأمو...... وما ما جابت بيبي ......طيب ومال امي انا
Post: #22 Title: Re: فرقة طيور الجنه فى اول زيارة للسودان Author: omer osman Date: 11-14-2012, 11:18 AM Parent: #21
Quote: الاحتفالين ديل برعاية شركة زين للاتصالات
اذن بخت عبدالرحمن واخوانه يخشو ملح سااااااااكت
زي ناس البوليس في الكورة
Post: #23 Title: Re: فرقة طيور الجنه فى اول زيارة للسودان Author: محمد عبد الماجد الصايم Date: 11-14-2012, 11:24 AM Parent: #22
Post: #24 Title: Re: فرقة طيور الجنه فى اول زيارة للسودان Author: الصادق صديق سلمان Date: 11-14-2012, 11:34 AM Parent: #23
Quote: أنا تابعت قناة طيور الجنة منذ إنشائها (وأقول لم يتطرقوا إذا إفترضنا للسودان) ولم يتقنوا له ولم يعطونا أي إعتبار (فهل هي عنصرية)؟؟
ثانياً: والأهم جداً (لمن يصدقني) هي قناة تجارية بحته جداً جداً كقناة إسبيس تون وذلك بإستغلال الأطفال (رسائل أس أم أس) و (منتجات مش عارف شنو .... ألبان وحلاوة و.... و.......)
أخيراً : إذا رجعنا لعشرون عاماً كان أطفالنا يبدعون إما في المدارس أو النوادي أو حتى الشارع تجدهم يقومون بصنع سيارات أو مركبات بأنفسهم إضافة للألعاب الرياضية (لذا من المفيد) إيجاد فرص لهم لتحريك أجسامهم وتنشيط دورتهم الدموية لأن الجلوس لفترات طويلة وامام التلفزيون والكمبيوتر سيجمد (تفكيرهم) وسيؤدي إلى أمرض لا نحمد عقباها...
بإختصار حاولوا إبعاد أطفالكم عن التلفزيون والكمبيوتر إلا لما ندر (اليوم نرى أطفال مصابون بأمراض السكري أو هشاشة العظام .. أو..... أو.....) نتمنى الصحة والسلامة لجميع أطفالنا وربنا يجنبهم الشر (آمين).
دا الكلام المفيد
Post: #25 Title: Re: فرقة طيور الجنه فى اول زيارة للسودان Author: وجدان جمال Date: 11-14-2012, 01:26 PM Parent: #24
الاعزاء ........ معاذ حسن / عمر عثمان / الصادق صديق متشكرين كتير على المرور والاضافة .......
Post: #26 Title: Re: فرقة طيور الجنه فى اول زيارة للسودان Author: وجدان جمال Date: 11-14-2012, 02:01 PM Parent: #25
___ غايتو الاغنية دى البنات حفظنى ليهم صم ..
Post: #27 Title: Re: فرقة طيور الجنه فى اول زيارة للسودان Author: ناذر محمد الخليفة Date: 11-14-2012, 05:59 PM Parent: #26
تنبيه لطيف وصلني بخصوص هذه الاغنية ..
Quote: من اسخف أناشيد القناة وأكثرها إحراجا لي كأب امام طفلاتي وأكثر نشيد يحفظنه ويرددنه كلما رأوني هو النشيد :
يا بابا يا بابا صاير عندك كرش .. دائما انت بتاكل وعنو ما بتسألش ..!!
هذه الأغنية أو هذا النشيد لايتبع لقناة طيور الجنة من بعيد او قريب .. بل هو لقناة أخرى تسمى محبوبة تشابه قناة طيور الجنة في رسالتها وخطها الإعلامي ..!!
Post: #28 Title: Re: فرقة طيور الجنه فى اول زيارة للسودان Author: مزمل خيرى Date: 11-15-2012, 10:00 AM Parent: #12
Quote: القناة دى محرمانا الشوف فى اى حاجة تانى امسك الرموت الجوطة تقع
ههههههههههه والله نفس الشئ عندنا ... لو قربت من الرموت ياويلك وسهر ليلك
Post: #29 Title: Re: فرقة طيور الجنه فى اول زيارة للسودان Author: وجدان جمال Date: 11-29-2012, 03:16 PM Parent: #28
تم تأجيل حفل طيور الجنة الى 14 ديسمبر لظروف خارجة عن ارادة الشركة التى تعاقدت مع الفرقة
__ تعديل تاريخ الحفل من يوم 13 الى 14
Post: #30 Title: Re: فرقة طيور الجنه فى اول زيارة للسودان Author: وجدان جمال Date: 12-07-2012, 08:35 PM Parent: #29
Post: #31 Title: Re: فرقة طيور الجنه فى اول زيارة للسودان Author: وجدان جمال Date: 12-08-2012, 10:26 AM Parent: #30
والله شايفة اسعار التذاكر دى غالية خاصة فى الظروف الاقتصادية الصعبة دى ..... يعنى ممكن تكون بى 10 جنية واعلى تذكرة بى 50 للناس الوضعها كويس ....
Post: #32 Title: Re: فرقة طيور الجنه فى اول زيارة للسودان Author: مرتضي عبد الجليل Date: 12-08-2012, 10:39 AM Parent: #31
Quote: كرور ساي الغنا مسجل flashback وأسعارهم غالية في شنو ما تعرف، وبعد ده كلو كيزان وفي الكيزان كيزان فلسطين. البقدر يبعّد شفعو عنهم يكون أحسن، عيبوا لي بارني و Shaun the Sheep
والله يا نادر عبرت عني تماماً فرقة مؤدلجة و أغاني عن فلسطين وشنو ما عارف ! ذنب الأطفال شنو من آسي يتابعو ليك في فلسطين وجن الطين؟؟ في قنوات تعليمية جميلة جداً زي براعم وفي قنوات ذي السي بي بي حلوة وأنتراكتف و مفيدة ولست البوست نقول ليها ابعدي من الطيور و غنيلهم)))()))
Post: #33 Title: Re: فرقة طيور الجنه فى اول زيارة للسودان Author: وجدان جمال Date: 12-09-2012, 10:16 AM Parent: #32
التذاكر تباع فى الاماكن التالية : 1 - الساحة الخضراء بالخرطوم 2 - حدائق امدرمان الكبرى 3 - كل فروع مطاعم ايطلى بيتزا - عدا فرع كافورى .. 4 - مطاعم وفروع ديمنيز بيتزا
Post: #34 Title: Re: فرقة طيور الجنه فى اول زيارة للسودان Author: وجدان جمال Date: 12-09-2012, 10:17 AM Parent: #33
الاخ مرتضى اشكرك على المرور ..........
Post: #35 Title: Re: فرقة طيور الجنه فى اول زيارة للسودان Author: وجدان جمال Date: 12-12-2012, 12:22 PM Parent: #34
ارتفاع جنووونى فى اسعار التذاكر التى نفدت من النوافذ المعدة للبيع .... ودخلت السوق الاسود ......
حيث ارتفع سعر التذكرة ابو 30 جنية الى 100 جنية وارتفع سعر التذكرة ابو 50 الى 120 و 140 جنية .!!
دى ما كانت فرقة والله .... الناس كلها تتسال عن التذاكر حتى بالسوق الاسود وما لاقية ........!!!
Post: #36 Title: Re: فرقة طيور الجنه فى اول زيارة للسودان Author: وجدان جمال Date: 12-12-2012, 04:47 PM Parent: #35
نسأل الله اليوم دة يمر على خير ..........
Post: #37 Title: Re: فرقة طيور الجنه فى اول زيارة للسودان Author: وجدان جمال Date: 12-13-2012, 11:36 AM Parent: #36
لا حول ولا قوة الا بالله العلى العظيم ياجماعة ارتفاع جنونى فى الاسعار ...... التذكرة ابو 50 جنية وصلت لى 170 جنية معقولة دى ......!!!!!!!!!!!!!!!!!
Post: #38 Title: Re: فرقة طيور الجنه فى اول زيارة للسودان Author: النذير حجازي Date: 12-14-2012, 07:30 AM Parent: #37
فوووووووق من أجل أطفالنا
وشكراً يا وجدان
Post: #39 Title: Re: فرقة طيور الجنه فى اول زيارة للسودان Author: وجدان جمال Date: 12-16-2012, 10:54 AM Parent: #38
شكرا يا النذير حجازى .... بس ياخساااارة والله
Post: #40 Title: Re: فرقة طيور الجنه فى اول زيارة للسودان Author: وجدان جمال Date: 12-16-2012, 10:56 AM Parent: #39
الفرقة عند وصولها لمطار الخرطوم
Post: #41 Title: Re: فرقة طيور الجنه فى اول زيارة للسودان Author: وجدان جمال Date: 12-16-2012, 11:00 AM Parent: #40
فشلت الشركة المنظمة للعرض بلو هليز فى تنظيم الحفل والذى خرج بصورة سيئة عكس حفل بور تسودان الذى كان فى قمة الروعة ...
هناك احاديث ان بعض الحهات قد قامت بطباعة الاف التذاكر المضروبة وقامت ببيعها جوار الاستاذ اثناء الازدحام ولم يلاحظ احد ان التذاكر مزورة .........
Post: #42 Title: Re: فرقة طيور الجنه فى اول زيارة للسودان Author: وجدان جمال Date: 12-16-2012, 11:02 AM Parent: #41
عشرات الاسر عادت بخفى حنين ولم تسطيع دخول الاستاذ برغم شراءهم تذاكر للدخول ... وبالداخل اختلط الحابل بالنابل فور ظهور الفرقة على المسرح .....
فشلت قوات الشرطة واللجنة المنظمة من ايقاف تدافع الاطفال وذويهم نحو المسرح ........
