Post: #1 Title: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-30-2012, 09:22 PM
** *
Post: #2 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-30-2012, 09:35 PM Parent: #1
قد كنت من الذين عاصروا تصوير و إنتاج الفلمين تحية و احتراما بواشنطن و عروس النيل بنيويورك من البداية، و هي بحق تجربة تاريخية و ضخمة، التقى فيها عمالقة المسرح و الدراما السودانية بالخارج و الداخل، مثل الأستاذة: تحية زروق، و تماضر شيخ الدين، و الهرم المسرحي: على مهدي، و المبدع: جمال عبدالرحمن لتصويرهما، و قد سخرت لهما شركة خزف للإنتاج الفني بالتعاون مع شركة مهدي للإنتاج الفني، كافة إمكانياتهما المادية والفنية لإنجاحهما، و قد نجحتا.
فنعمل على تطوير و ترقية العمل و الفكرة، و دعمهما بدلا من هدمهما.
و العمل الدرامي و المسرحي في السودان أصبح إنتاجه مكلف، و عايدة ضعيف، و أيضا صار ضحية نقد قاسى و هدام من بعض الذين أدمنوا القنوات الأجنبية. و أضحى الاهتمام به من الإعلام المحلى ضعيف. و لا توجد حتى مجلات متخصصة تهتم بالفن في السودان ناهيك عن قنوات تلفزيونية متخصصة. نحن ما زلنا في بداية الطريق، رغم إننا أوائل المبتدئين. و الشكر لقناة الشروق لرعاية و بث هذا العمل الفنى التاريخي.
لذا أرى ان هذه التجربة أشبة بتش الظلام بالضو.
* من بوست مجاور
عبدالرحيم منصور نيويورك * **
Post: #3 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: حمزه بابكر الكوبي Date: 10-30-2012, 09:49 PM Parent: #2
منصور كل سنة وانت طيب وتحياتي لك يازول يا اصيل ونتمنى كل تقدم للدراما السودانية والتحية للاستاذة تحية زروق ونزكر من اعمالها الخالدة خطوبة سهير والدلالية وكذلك الاستاذة تماضر شيخ الدين ومن اعمالها الخالدة مسلسل وادي ام سدر وازكر انها كانت تمثل شخصية "الفرهيد" مع صديقتيها او شقيقتيها "تم الريد" و "النديانة"
Post: #4 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Muhib Date: 10-30-2012, 10:30 PM Parent: #3
عمل ممتاز ..سوف اشاهد واعطيكم الرائ .. شكرا لاهل الفن في المنافي ..الي الامام
Post: #5 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: عمار عبدالله عبدالرحمن Date: 10-30-2012, 10:55 PM Parent: #4
شكرا ليك كثير في العيد بالصدفة فتحة قناة الشروق شاهدت اللقطة الاخيرة لتحية زروق وهي تقول راجعين اكيد راجعين فجرت دمعتى مع دمعتها وكنت اترقب الاعادة
Post: #12 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:22 AM Parent: #5
هلا بيك أستاذ: عمار
و كلنا ذلك الرجل، نحمل حلم الرجوع بالدواخل، و نحاول جاهدين أن نضعه على الأرض، و حتما إذا في مد الله في الآجل، راجعين أكيد راجعين كما قالت الأستاذة: تحية زروق.
شكرا على المرور الأنيق
عبدالرحيم منصور نيويورك * **
Post: #11 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:12 AM Parent: #4
مرحب بيك أستاذ: محب
و نحن في الانتظار
عبدالرحيم منصور نيويورك * **
Post: #10 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:10 AM Parent: #3
أخونا و حبيبنا: حمزة سلامات يا عزيزي يا هلا و يا مرحبا بكم، و كل عام و انتم و من تحبون بألف خير.
بالإضافة إن الفلم جمع قمم الدراما و المسرح السوداني، حاول أيضا مناقشة قضية تمسنا جميعا في بلاد الغربة، وهى عملية التعايش مع مجتمع الغربة، و تربية الأبناء و الخوف من المستقبل، و دائما نفكر في الرجوع لأرض الوطن الحبيب، لكن كيف و متى تبقى أسئلة صعب الإجابة عليها.
قد تكون هنالك تفاصيل مونتاج و إخراج لا أراها انا حسب خبرتي، إلا أنى أري إن رسالة الفلم واضحة لمن أراد.
عبدالرحيم منصور نيويورك * **
Post: #6 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: حسن حماد محمد Date: 10-30-2012, 10:57 PM Parent: #1
شكراً المنصور
عمل رائع يستحق الاشادة
مع العلم بأن الانتاج السودانى كما ذكرت يعانى الكثير من الصعاب
المنتج المثابر الفنان جمل عبدالرحمن يستحق رفع القبعات للمحاولات الجادة
لتقديم اعمال سودانية بامكانيات شحيحة ومعاناة فى التسويق والتمويل
فكرة الفيلم على بساطتها تلامس واقع السودانيين وهم يعيشمون فى بلاد العم سام
ويعانون من تربية اطفالهم وتواجههم اسئلة كبيرة تحتاج لأجوبة ما زالت عصية
مشوار الألف ميل يبدأ بخطوة
وهذا الفيلم بالتأكيد خطوة فى الاتجاه الصحيح
Post: #13 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:33 AM Parent: #6
حبيبنا ابو على سلامات
و عساكم بخير، بعد مرور ساندي
الأخ: جمال عبدالرحمن منتج و ممثل من طراز خاص، يعمل من اجل معالجة المشاكل و توعية الآخرين عبر الدراما و المسرح، و الشكر لكل من ساهم من فى هذا العمل الرائع.
و نعم إنتاج الفلم خطوة كبيره في الاتجاه الصحيح
عبدالرحيم منصور نيويورك * **
Post: #7 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Elmosley Date: 10-30-2012, 11:19 PM Parent: #1
عنل مبشر بدراما جديدة لهم جميعا الشكر
Post: #8 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Safa Fagiri Date: 10-31-2012, 00:00 AM Parent: #7
إبداع ورائع جداً. مزيد من التوفيق انشاالله. بس لو صبرتو شوية وأضيفت ليهو عواصف ساندي :) كان حيكون اكثر إثارة.
Post: #9 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: اميرة السيد Date: 10-31-2012, 01:54 AM Parent: #8
فلم روعة وتحية زروق ابدعت وتماضر كمان روعة
وعندي ملاحظات في السيناريو وخاصة دور امجد وسوف اعود للتفاصيل غدا
والله يديكم العافية
Post: #15 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:53 AM Parent: #8
الأخت الأستاذة الكتابة المتميزة: صفاء فقيري
سلامات، و عيد مبارك
في ساندي أكثر من الصراع الداخلي و عدم الاستقرار النفسي، في ساندي أكثر من خلافات الأبناء و الاباء التي تحل في دهاليز المحاكم في ساندي أكثر من ان تحاول الرجوع للوطن بعد 21 عام و لا تستطيع. هذه الأعاصير حاول الفلم التنبيه إليها و معالجتها، الفلم في حد ذاته أعاصير، الحمد لله إنهم ذهبوا قبل ساندي الأرض.
شكرا كميات و كل ساندى و انتم بألف خير.
عبدالرحيم منصور نيويورك * **
Post: #14 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 02:37 AM Parent: #7
أستاذنا: الموصلي
سلامات
و كل سنة و انتم طيبين.
شكرا على المرور و الكتابة، بوستنا نور.
عبدالرحيم منصور نيويورك * **
Post: #16 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 03:02 AM Parent: #14
الأخت الكريمة: أميره السيد
سلامات، كل عام و انتم بألف خير
شكرا كميات على المرور، و إن غدا لناظره قريب
عبدالرحيم منصور نيويورك * **
Post: #17 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 03:06 AM Parent: #1
* **
Post: #18 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: نادر الفضلى Date: 10-31-2012, 04:42 AM Parent: #17
عزيزى عبد الرحيم منصور
تحايا طيبة
شغل ممتاز، الموضوع موفق جداً، نخبة ممتازة من الممثلين خاصة الثلاتى تحية زروق وتماضر شيخ الدين وعلى مهدى الإحترافية لم تقتصر على التمثيل بل التصوير وجودة الصوت والإخراج. شغل بحق عظيم .. ونتمنى أن نشاهد أعمال أخرى
Post: #23 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 03:07 PM Parent: #18
هلا و مرحب بالصديق: نادر الفضلى
سلامات يا بركة
و عساكم و الأهل بألف خير، زمن طويل
حقا كل إناء بما فيه ينضح.
الشباب ديل خاضوا تجربة كبيره، و استهدفوا شريحة مهمة في المجتمع السوداني، و هي شريحة المهاجرين، رد الله غربتهم إذا عندهم رغبة، و سلطت الضوء على بعض أهم مشاكلهم. نحيهم معكم على المحاولة.
شكرا كميات على المرور و التوقف و الكتابة
عبدالرحيم منصور نيويورك * **
Post: #19 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: mohmmed said ahmed Date: 10-31-2012, 05:05 AM Parent: #17
فى سهرة جميلة شاهدت الفيلم مساء الامس اسمتعت باداء النجمة تحية زروق تلقائية وخبرة فى التعامل مع الكاميرا تماضر اداء مريح اضفت الكثير من الروح للعمل وتفوقت فى تقديم شخصية لم يكتب لها بشكل جيد على مهدى ايضا اداء بسيط دون تكلف عليش جيد وايضا البنات الصغار لم يعجبنى اداء جلود جاء بشكل نمطى حاول اداء الشخصية بشكل كاركتيرى لم يكن موفقا سيناريو الفيلم يحكى عن مشاكل الاغتراب وتربية الابناء واختلاف الثقافات الحكاية الاولى ام تحاول اقناع ابنتها بالعودة للسودان استمرت هذه الحكاية لتقف فى منتصف الفيلم مع بداية الحكاية الثانية الابن ومحاولة نقل الشركة فكرة الانتقال من مدينة الى اخرى داخل امريكا لم تكن مقنعة ما الذى يمنع شخص هاجر من وطنه ونجح فى مدينة ان ينتقل الى مدينة اخرى واهو كلو غربة الخاتمة جاءت مفاجاءة وبلمسة سحرية فقط ببوست تحل كل المشاكل ذكرتنى بالحلول التى تقدمها المسلسلات المصرية فجاءة كدة يهبط الحل من السماء دون مقدمات ودون بناء درامى منطقى متسلسل المؤلف لم يبذل الجهد الكافى فى بناء الشخصيات مثال شخصية الزوجة تماضر تشارك فى حل كل المشكلات للاصدقاء ولا يكشف لنا عن دواخل الشخصية حياتها احلامها مشاكلها شخصية الابن ظهرت بشكل سريع ولم يتم التمهيد لها والتقديم فى الجزء الاول من الفيلم لم ينجح المؤلف فى تقديم صورة واقعية صادقة لواقع حياة السودانيين فى امريكا اعتقد ان كتابات تاج السر الملك ذات الروح الساخرة وهى تتناول احوال بنى كجة فى امريكا كانت اكثر صدقا وواقعية وحرارة فى تصوير ذلك الواقع مشكلة الفيلم الكبرى من الاخراج تعامل مع المكان من الخارج لم نحس اننا فى مجتمع امريكى متحرك طوال الفيلم لم تظهر شخصية امريكية سوى صديقة عليش طيب الناس ديل فى امريكا ما بيمشو السوق ما بيدخلو بنك ما بيركبو مواصلات ما بيتكلمو مع الامريكان مواقع التصوير داخل منزل وفى الخارج الكاميرا وكانها خائفة تلقط الاماكن الخارجية من بعيد وكان الكاميرا فى يد سائح يتجول علاقة الممثل مع المكان والديكور فيها انفصال حتى داخل المنزل ما تحس انو الشخص دا عايش فى بيوتو ما فى حوار وتعامل مع الديكور البيت مرتب ونظيف ما تحس بروح المعيشة اليومية فى مشهد حفل الاستقبال فى المنزل يتحدث محمد عبد الله عن الضيوف سودانيين وامريكان ولا نشاهد مشهد الاحتفال هذا فيلم تلفزيونى مادته الصورة وليس الحى الشفوى كانت فرصة مشهد سودانيين عايشين فى امريكا فى لحظة تجمع واحتفال اظن ان الخوف من تكلفة الاناج حرمتنا من الصورة المشهدية النابضة الاخراج تعامل بشكل ميكانيكى مع التقطيع والمونتاج لقطة عامة لقطة متوسطة كلوز اب مشهد بعين الصقر مشهد بعين الدودة واحد اتنين تلاتة واحد اتنين تلاتة تقطيع سريع دون الاهتمام بالبعد الدرامى والبعد الجمالى للمشهد فى مشهد المكالمة بين على مهدى وتحية روق 30 ثانية هنا و30 ثانية هناك واحد اتنين واحد اتنين التقطيع يعتمد على الموقف الدرامى الحوار الاهم يتم التركيز عليهو حتى لو تم تصوير المكالمة كلها من طرف واحد
بعد الكلام الكتير دا كلو برضو العمل جميل وممتع والتجربة تستحق التقدير
Post: #20 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: ضياء الدين ميرغني Date: 10-31-2012, 09:45 AM Parent: #19
شاهدت اللقطة الاخيرة لتحية زروق وهي تقول راجعين اكيد راجعين فجرت دمعتى مع دمعتها نفس الاحساس والشعور عمل درامى ممتاز وواقعى جدا تحية لاستاذ على مهدى وجمال عبد الرحمن وتحية زروق وتماضر شيخ الدين وعبد السلام جلود ومحمد عبد الله وانتصار و صديقى عليش الذى اجاد وابدع لدرجة اغتظت منه وتحية كبيرة للمخرج الجميل ابو بكر
Post: #21 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: خالد عبد الله محمود Date: 10-31-2012, 10:09 AM Parent: #20
فلم محبط حقيقة شاهدت في العيد و على قناة الشروق نفسها فلم أنتج في الفكي هاشم و كان أكثر أمتيازاً من هذا الفلم قياساً بأسماء النجوم و و أفضلية مكان التصوير توقعت أن أشاهد فلم على مستوي عالي من الأحترافية لكن لم اشاهد سوي الدراما السودانية العادية التي تعودنا أن نشاهدها في القنوات السودانية المختلفة
Post: #22 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Muhib Date: 10-31-2012, 01:38 PM Parent: #21
الفيلم كان جيد جدا وهذا بدون مجامله .. الاداء حسن في التمثيل والاخراج . ملاحظتي الوحيده هي لبس الثوب السوداني في المنزل ومع الزوج او لبس الطرحه ..لا اظن علي الزوجه لبس ثوب في منزلها مع زوجها .. لاحظت احتشام اكثر من اللازم في المشاهد المنزليه وهذا ياخذ من واقعيه المشاهد المصوره داخل المنزل .. اعرف الضغوطات التي تواجه فيلم يعرض في السودان ولكن اود ان اعطي رائ الامين لان صناعه الافلام تعتمد علي نقل الواقع الحقيقي .. ..
Post: #24 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Egbal Elmardi Date: 10-31-2012, 03:31 PM Parent: #22
تحيه لسيد البوست والضيوف من وجهة نظري كمتفرجه عاديه.... من حيث الأداء تماضر وعلي مهدي أداءهم ممتاز البنات برغم صغر سنهم أدو دورهم بعفويه كامله الولد أمجد الآكسن بتاعو قوي جداً وحكاية إنو يمثل دور زول إتربي هنا ما جايه... وغير كده الأولاد والبنات البتأمركو دايماً ما بيكونو إتربو في نوع بيوت زي الأسره دي....
محمود وزوجتو دورهم ثانوي وكان المفروض يؤدي لإثراء الفلم لكن أداءهم كان نقص علي الفلم.... محمود الأمركه ما خايله فيهو.... لو كان ختوهو في محل الزول الساكن مع تماضر وعلي مهدي من طريقة أداءو زول ممكن يكون سوداني ود بلد عادي زوجتو أداءها معسّـم جداً...وما عندها تلقائيه.... التلقائيه يخلوها لتماضر...
سيده...من حتة عُمر أُمنيه صغيره عليها... ومن طريقة لبسها شكلها أم عصريه... يعني طريقة التواصل بينها وبين بنتها الأمريكيه مفروض يكون أكثر سلاسه...
فكره الفلم ما بطالة ...لكن كانت محتاجه لشوية شغل... إقحام الكمونيه وأُم فتفت كإشاره لتضارب الثقافات...ما لافقه....
حكاية الغني الشديد دي.... حاله نادره في واقع السودانيين هنا...
Post: #26 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: اميرة السيد Date: 10-31-2012, 04:00 PM Parent: #24
نجي اولا للتعليق على دور امجد.. بصراحة هو ادى دوره ببراعة شديدة وكأنه ممثل مخضرم في وزن علي مهدي وتحية زروق وحتى من شدة براعته في اداء دور الولد المتمرد على ابوه قربت ادخل جوه التلفزيون عشان اخنقه.. ولكن السؤال في السيناريو :" هل فعلا في ولد بيشتكي ابوه في المحكمة في امريكا حتى ولو الولد اصبح متأمرك وثقافته بقت غربية 100%؟ لم اسمع بذلك حتى الآن .. ولكن اذا فعلا ده حصل وفي ولد سوداني اشتكى ابوه في محكمة امريكية فأنا بقول للأسر العايشة هنا في مريكا وبالصوت العالي:" انتو القاعدين ليها هنا شنو؟؟ اهربوا وانفذوا بجلدكم وانقذوا اولادكم من هذا الانهيار قبل ما الفاس يقع في الراس!!!! وما عدا هذا السيناريو، فإن الفلم وبكل المقاييس كان ممتاز جدا مع الأخذ في الاعتبار الامكانيات المادية الضعيفة لمنتج الفلم .. ويعني ارجو ان لا تقيسوا الفلم بالأفلام الأمريكية لأن ميزانية الفلم الأمريكي الواحد تبلغ ميزانية دولة مستقلة .. وانا متأكدة اذا المخرج كان وجد الميزانية المعقولة كان عمل فلم احسن من ممتاز وكان نفذ كل الكلام الذي اشار إليه محمد سيد احمد واقبال في انتقادهم للفلم .. وطبعا كلامهم كان منطقي جدا.. ولكن اليد قصيرة .. وبهذه الامكانيات المتواضعة عمل المخرج فلم ممتاز خلانا متحكرين في الكراسي منتظرين نهاية الفلم.. وكل الممثلين في الفلم ادوا ادوارهم ببراعة شديدة وخاصة المثل دور امجد الفقع مرارتنا من الزعل..
وبعدين انتقاد اقبال في محله برضه .. لأن البيت الصورو فيه الفلم كان بيت برجوازي.. ومعظم السودانيين ما بيسكنوا في بيوت بهذه الفخامة.. بس اوعكم تقولوا لينا البيت ده فعلا بيت سوداني؟؟؟ لأن ده معناه ان في سودانيين نجحوا نجاح باهر في بلد الأحلام .. امريكا.. والله يديكم العافية
Post: #25 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 03:56 PM Parent: #19
الأخ الأستاذ: محمد سيد احمد
سلامات، كل عام و انتم بألف خير
Quote: فى سهرة جميلة شاهدت الفيلم مساء الامس اسمتعت باداء النجمة تحية زروق تلقائية وخبرة فى التعامل مع الكاميرا تماضر اداء مريح اضفت الكثير من الروح للعمل وتفوقت فى تقديم شخصية لم يكتب لها بشكل جيد على مهدى ايضا اداء بسيط دون تكلف عليش جيد وايضا البنات الصغار لم يعجبنى اداء جلود جاء بشكل نمطى حاول اداء الشخصية بشكل كاركتيرى لم يكن موفقا سيناريو الفيلم يحكى عن مشاكل الاغتراب وتربية الابناء واختلاف الثقافات الحكاية الاولى ام تحاول اقناع ابنتها بالعودة للسودان استمرت هذه الحكاية لتقف فى منتصف الفيلم مع بداية الحكاية الثانية الابن ومحاولة نقل الشركة فكرة الانتقال من مدينة الى اخرى داخل امريكا لم تكن مقنعة ما الذى يمنع شخص هاجر من وطنه ونجح فى مدينة ان ينتقل الى مدينة اخرى واهو كلو غربة الخاتمة جاءت مفاجاءة وبلمسة سحرية فقط ببوست تحل كل المشاكل ذكرتنى بالحلول التى تقدمها المسلسلات المصرية فجاءة كدة يهبط الحل من السماء دون مقدمات ودون بناء درامى منطقى متسلسل المؤلف لم يبذل الجهد الكافى فى بناء الشخصيات مثال شخصية الزوجة تماضر تشارك فى حل كل المشكلات للاصدقاء ولا يكشف لنا عن دواخل الشخصية حياتها احلامها مشاكلها شخصية الابن ظهرت بشكل سريع ولم يتم التمهيد لها والتقديم فى الجزء الاول من الفيلم لم ينجح المؤلف فى تقديم صورة واقعية صادقة لواقع حياة السودانيين فى امريكا اعتقد ان كتابات تاج السر الملك ذات الروح الساخرة وهى تتناول احوال بنى كجة فى امريكا كانت اكثر صدقا وواقعية وحرارة فى تصوير ذلك الواقع مشكلة الفيلم الكبرى من الاخراج تعامل مع المكان من الخارج لم نحس اننا فى مجتمع امريكى متحرك طوال الفيلم لم تظهر شخصية امريكية سوى صديقة عليش طيب الناس ديل فى امريكا ما بيمشو السوق ما بيدخلو بنك ما بيركبو مواصلات ما بيتكلمو مع الامريكان مواقع التصوير داخل منزل وفى الخارج الكاميرا وكانها خائفة تلقط الاماكن الخارجية من بعيد وكان الكاميرا فى يد سائح يتجول علاقة الممثل مع المكان والديكور فيها انفصال حتى داخل المنزل ما تحس انو الشخص دا عايش فى بيوتو ما فى حوار وتعامل مع الديكور البيت مرتب ونظيف ما تحس بروح المعيشة اليومية فى مشهد حفل الاستقبال فى المنزل يتحدث محمد عبد الله عن الضيوف سودانيين وامريكان ولا نشاهد مشهد الاحتفال هذا فيلم تلفزيونى مادته الصورة وليس الحى الشفوى كانت فرصة مشهد سودانيين عايشين فى امريكا فى لحظة تجمع واحتفال اظن ان الخوف من تكلفة الاناج حرمتنا من الصورة المشهدية النابضة الاخراج تعامل بشكل ميكانيكى مع التقطيع والمونتاج لقطة عامة لقطة متوسطة كلوز اب مشهد بعين الصقر مشهد بعين الدودة واحد اتنين تلاتة واحد اتنين تلاتة تقطيع سريع دون الاهتمام بالبعد الدرامى والبعد الجمالى للمشهد فى مشهد المكالمة بين على مهدى وتحية روق 30 ثانية هنا و30 ثانية هناك واحد اتنين واحد اتنين التقطيع يعتمد على الموقف الدرامى الحوار الاهم يتم التركيز عليهو حتى لو تم تصوير المكالمة كلها من طرف واحد
دا كلام ممتاز، و نقد بناء، و رأى يقدر و يحترم.
هذه هي مشاكلنا نبدأ في الحديث عن الرجوع إلى ارض الوطن، و لا نستطيع، لرفض الأبناء و الزوجات، فنؤجله إلى وقت لاحق،
الأبناء يتصرفون تصرفات نعدها شاذة و غريبة، لأننا تربينا تربية مختلفة، و هم تربوا في بيئة يحكمها القانون، أكثر من الدين و العادات و التقاليد و طاعة الآباء،
نحن لا نحب التغير، خوفا من الاسوء، أو لأننا تعودنا و تأقلمنا – ولوفين يعنى - لذا تجدنا نخاف حتى إلى الرجوع للوطن.
اما بالنسبة للحلول، فصدقني نحن امة دائما يجمعنا عمل الخير، من الصعب جيدا أن نتعاون و نتكاتف بدون خلافات، لكن اللحظة الذي يموت فيها شخص منا أو يمرض مرض شديد تجد الجميع يد واحدة و قلب واحدة و يدفعون بدون حساب او تردد، الكلام دا عن تجارب،
بالنسبة للتصوير في الإمكان العامة مثل البنوك و المصالح الحكومية يتطلب الحصول على اذون خاصة، و دفع اموال طائلة و حتى في أمريكا تصنع الامكان و المواقع في الاستوديوهات كجزء من تكلفة الفلم.
Quote: بعد الكلام الكتير دا كلو برضو العمل جميل وممتع والتجربة تستحق التقدير
شكرا كميات، فقد أعجبتني مداخلتكم كثيرا، و هنالك بعض الأشياء أحس انك على علم و دراية بها أفضل مني
عبدالرحيم منصور نيويورك * **
Post: #27 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 07:53 PM Parent: #25
الأخ الكريم: ضياء الدين ميرغني
سلامات، و كل عام و انتم بخير
شكرا كميات على المرور الأنيق
و أنا اقرأ كلماتكم و أتذكر مشهد المبدعة: تحية زروق، تذكرت أغنية الفنانة: عائشة الفلاتة و هى تقول يجو عايدين يا الله، ان شاء الله عايدين.
لا يوجد شخص فى الأرض يخرج من بلدة و أرضة و ناسه لاى سبب من الأسباب، الا و يخرج بامل الرجوع يوما ما.
و نحى معكم كل شارك و ساهم في هذا الفلم
عبدالرحيم منصور نيويورك * **
Post: #28 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 10-31-2012, 11:29 PM Parent: #27
الأخ الكريم: خالد عبد الله
سلامات، و كل عام و انتم بخير
Quote: فلم محبط حقيقة شاهدت في العيد و على قناة الشروق نفسها فلم أنتج في الفكي هاشم و كان أكثر أمتيازاً من هذا الفلم قياساً بأسماء النجوم و و أفضلية مكان التصوير توقعت أن أشاهد فلم على مستوي عالي من الأحترافية لكن لم اشاهد سوي الدراما السودانية العادية التي تعودنا أن نشاهدها في القنوات السودانية المختلفة
كنت أتمنى أن تكون أكثر تفصيلا و دقة، أين كان الفلم محبط "حقيقة" و هل فشل في توصيل الرسالة، و ما هو اسم الفلم الذي أنتج في الفكي هاشم حتى يتثنى لنا المقارنة.
أتعتقد إن الممثل السوداني أذا مثل دور خارج السودان، مفترض أن يمثل بطريقة مختلفة تماما عن التي يمثل بها داخل السودان، مع العلم أن الرسالة موجة أصلا للسودانيين بالداخل قبل الخارج.
إن للفلم ثغرات و عثرات و بعض الإشكاليات، ذكرها الإخوة و الأخوات هنا، لكن أعطوا المنتج و الممثل، و المخرج، اجر المحاولة.
نحن نحلم بنقد بناء يساعد في تطوير التجربة و صقلها، نريد نقد مبنى على الدراية و العلم و الفهم لبواطن الأمور، و حسن الظن بالآخر.
شكرا على المرور
عبدالرحيم منصور نيويورك * **
Post: #29 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdullah Idrees Date: 11-01-2012, 00:42 AM Parent: #28
اغنية المقدمة رائعة جدا ما فيها كلام من كل الجوانب .. الأداء اجمالا جيد جدا ، ربما هنالك قصور بسيط في اداء الفتاتين ولا اعتقد انه معيب بحكم تجربة الفتاتين و اعداد الفيلم .. في البداية بدا لي السيناريو مفككا ، لكن شيئا فشيئا اندمجت مع التجربة وشدتني بحق خاصة على مستوى الاداء برغم بعض البطء الذي لازمه وهذه ربما سمة من السمات السلبية الدراما السودانية لا ادري متى تتخلص منها باستثناء بعض الفنانين في فرقة الاصدقاء ومن بينهم جمال بالاضافة لتماضر شيخ الدين كانت ايضا طبيعية جدا ، اعني اننا في الحياة العادية نتحدث بسلاسة وايقاع اسرع بكثير وليس بهذا البطء .. السيناريست كان ايجابي جدا تجاه القيم السودانية ، انتصر لها مقابل القيم العملية الغربية .. لا ادري ان كان قد بالغ نوعا ما ، لكن في النهاية هي رؤيته وتجربته .. عموما تجربة ايجابية بكل المقاييس ونتمنى ان نرى الافضل .. تحياتي عبدالرحيم
Post: #30 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: يحي قباني Date: 11-01-2012, 02:10 AM Parent: #29
تحية زروق رائعة كما عرفناها و عشقناها ...
تماضر تلقائية و حرفيه رائعه ... مجهود ضائع وسط الهرجله
علي مهدي مازال يحفظ النص و يسمع الدرس
كبقية أعمالهم ... قاعدين يمثلوا ... ما في شئ طبيعي
همسة في اذني تحية و تماضر ... رجاء البحث عن منتجين ومصورين
وكذلك مخرجين من خارج صندوق الدراما السودانية ....
Post: #31 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: ihsan fagiri Date: 11-01-2012, 03:03 AM Parent: #1
بالله شوفو حالة تم اضر وتحيه مروق الفلم عجبني تمام مزيدا من التقدم
Post: #32 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: ihsan fagiri Date: 11-01-2012, 05:57 AM Parent: #31
بالله شوفو الحلاة دي تماضر تحيه الفلم عجبني ومزيدا من التقدم وآسفه لأخطاء الا ملاكين غلبني ما اصلحها
Post: #33 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: احمد التجانى احمد Date: 11-01-2012, 06:40 AM Parent: #32
تحية واحتراما
هل هذا العمل تنطبق عليه مواصفات الفلم السينمائ ام هم (تمثيليه) تلفزيونيه
حسب وجهة نظرى كمشاهد وليس لى تخصص فى هذا المجال فهذا العمل هو تمثيليه تلفزيونيه لا تصلح للعرض فى صالات السينما من واقع الصناعة , اى نوع الكاميرا المستخدمه فى التصوير وحتى اذا اتفق معى اهل الراى , ارى ان انتاج هذا العمل يعتبر مجازفة ولا اتوقع ان يكون له عائد مادى يغطى تكاليف انتاجه
Post: #34 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Sidgi mattar Date: 11-01-2012, 09:59 AM Parent: #33
العزيز عبد الرحيم
شاهدت الفلم واعجبنى كفكره واداء ......كل المشاركين لهم التحيه والاحترام
كل عام وانت بخير وعيد سعيد اخى ود المنصور
Post: #35 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-01-2012, 02:25 PM Parent: #34
مرحب بيك كتير أستاذ: محب
ملحوظة مهمة و واضحة، و أرى إنكم فسرتم الأمر تفسير سليم.
شكرا كميات، على المرور مره ثانية
عبدالرحيم منصور نيويورك * **
Post: #36 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-01-2012, 02:44 PM Parent: #35
الأخت الأستاذة: إقبال المرضى
سلامات، و كل عام و انتم بخير
Quote: تحيه لسيد البوست والضيوف من وجهة نظري كمتفرجه عاديه.... من حيث الأداء تماضر وعلي مهدي أداءهم ممتاز البنات برغم صغر سنهم أدو دورهم بعفويه كامله الولد أمجد الآكسن بتاعو قوي جداً وحكاية إنو يمثل دور زول إتربي هنا ما جايه... وغير كده الأولاد والبنات البتأمركو دايماً ما بيكونو إتربو في نوع بيوت زي الأسره دي....
محمود وزوجتو دورهم ثانوي وكان المفروض يؤدي لإثراء الفلم لكن أداءهم كان نقص علي الفلم.... محمود الأمركه ما خايله فيهو.... لو كان ختوهو في محل الزول الساكن مع تماضر وعلي مهدي من طريقة أداءو زول ممكن يكون سوداني ود بلد عادي زوجتو أداءها معسّـم جداً...وما عندها تلقائيه.... التلقائيه يخلوها لتماضر...
سيده...من حتة عُمر أُمنيه صغيره عليها... ومن طريقة لبسها شكلها أم عصريه... يعني طريقة التواصل بينها وبين بنتها الأمريكيه مفروض يكون أكثر سلاسه...
فكره الفلم ما بطالة ...لكن كانت محتاجه لشوية شغل... إقحام الكمونيه وأُم فتفت كإشاره لتضارب الثقافات...ما لافقه....
حكاية الغني الشديد دي.... حاله نادره في واقع السودانيين هنا...
كملتي الكلام، و اعتقد إن ملحوظاتكم مهمة خاصة إنها أتت من مشاهد عادى و يجب وضعها في الحسبان المرات القادمة. و أتمنى من المنتجين و المخرجين يسجلوا هذه الملحوظات.
شخصيا، أنا و جدت إن حكاية الكمونية و المرارة شئ يتفرد به السودانيين في عيد الضحية، و الفلم عرض في عيد الضحية، و فكرة نحن بنأكل غلط و نشرب غلط لابد انو يكون فهمنا غلط، دى رسالة واضحة انو الزول بيأكل على حسب فهمو، و احتمال أكون غلطان.
شكرا كميات، على المرور الأنيق
عبدالرحيم منصور نيويورك * **
Post: #37 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-01-2012, 04:40 PM Parent: #36
الأخت الكريمة: أميرة السيد
سلامات، و كل عام و انتم بألف بخير، و كيف عاملينا مع الإعصار ساندى، ان شاء الله مر بسلام.
Quote: نجي اولا للتعليق على دور امجد.. بصراحة هو ادى دوره ببراعة شديدة وكأنه ممثل مخضرم في وزن علي مهدي وتحية زروق وحتى من شدة براعته في اداء دور الولد المتمرد على ابوه قربت ادخل جوه التلفزيون عشان اخنقه.. ولكن السؤال في السيناريو :" هل فعلا في ولد بيشتكي ابوه في المحكمة في امريكا حتى ولو الولد اصبح متأمرك وثقافته بقت غربية 100%؟ لم اسمع بذلك حتى الآن .. ولكن اذا فعلا ده حصل وفي ولد سوداني اشتكى ابوه في محكمة امريكية فأنا بقول للأسر العايشة هنا في مريكا وبالصوت العالي:" انتو القاعدين ليها هنا شنو؟؟ اهربوا وانفذوا بجلدكم وانقذوا اولادكم من هذا الانهيار قبل ما الفاس يقع في الراس!!!! وما عدا هذا السيناريو، فإن الفلم وبكل المقاييس كان ممتاز جدا مع الأخذ في الاعتبار الامكانيات المادية الضعيفة لمنتج الفلم .. ويعني ارجو ان لا تقيسوا الفلم بالأفلام الأمريكية لأن ميزانية الفلم الأمريكي الواحد تبلغ ميزانية دولة مستقلة .. وانا متأكدة اذا المخرج كان وجد الميزانية المعقولة كان عمل فلم احسن من ممتاز وكان نفذ كل الكلام الذي اشار إليه محمد سيد احمد واقبال في انتقادهم للفلم .. وطبعا كلامهم كان منطقي جدا.. ولكن اليد قصيرة .. وبهذه الامكانيات المتواضعة عمل المخرج فلم ممتاز خلانا متحكرين في الكراسي منتظرين نهاية الفلم.. وكل الممثلين في الفلم ادوا ادوارهم ببراعة شديدة وخاصة المثل دور امجد الفقع مرارتنا من الزعل..
وبعدين انتقاد اقبال في محله برضه .. لأن البيت الصورو فيه الفلم كان بيت برجوازي.. ومعظم السودانيين ما بيسكنوا في بيوت بهذه الفخامة.. بس اوعكم تقولوا لينا البيت ده فعلا بيت سوداني؟؟؟ لأن ده معناه ان في سودانيين نجحوا نجاح باهر في بلد الأحلام .. امريكا.. والله يديكم العافية
الأخ: محمد عليش "أمجد" من الممثلين الشباب البارعين، و يتميز بالإضافة إلى إجادة الأدوار انه مصور و منتج بارع و هو من المقيمين معنا في الولايات المتحدة. فالرغبة في خنقه معناها انه أجاد الدور، و أنت زوله ما بتحبي الخرمجة و الحال المائل.
واحدة من رسائل الفلم التنبيه و التنوير بظاهرة تمرد الأبناء على الآباء و الذي اعتقد انه أضحى واقع مؤلم و محسوس في الولايات المتحدة، يتفاوت التمرد و كلما اتسعت الرقعة بين جيل الآباء و الأبناء و الآن الأحفاد كلما ظهر الصراع بين الدين و العادات و التقاليد و بيئة المجتمع الغربي.
نحن في حوجة ماسة إلى تكوين روابط و جاليات قوية تحفظ دينا و عاداتنا و تقاليدنا، و يكون التركيز الحقيقي على الأبناء، و أؤمن تماما، نحن كآباء فقط نعمل و نحاول بكل ما استطعنا من قوة تقديم الأفضل لأبنائنا، و بعد ذلك الحافظ الله.
الاستقرار النفسي دائما يأتى بالنجاح، و نحن منذ إن قدمنا إلى هذه الديار لم نحدد هل نحن مهاجرون، أم مغتربون؟! فالفرق كبير. و ان شاء الله لى عودة للكتابة عن ذلك.
شكرا كميات، و الله يديك الصحة و العافية
عبدالرحيم منصور نيويورك * **
Post: #38 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-01-2012, 07:54 PM Parent: #37
* **
Post: #39 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-01-2012, 07:59 PM Parent: #38
أغنية شعار فلم تحية واحترام الحان و توزيع: محمود السراج أداء :خالد الدوحة كلمات :خالد شقوري تنفيذ موسيقي: وائل عبد اللطيف
ودبلد
يا ضي بلد سكن الشواهق ودبلد رغم البهارج ود بلد ما بدلت فيه المطارات نكهتو وما شالت الأيام ملامح روعتو المن إتولد وما غنا غير صوت الرعد ويا ليلى هوي الليلى ذاتها هي بت بلد كيف يا سنين؟ ليه يا سنين ؟ الغربة تصبح غربتين والقصة كلها بيت شعر معروشه قافيتو بالحنين وقليب أصيل شايل الوطن موعد أمين الغيمة في عينو الشمال والنيل سرف عينو اليمين المبنى فوق ساس الصبر ما بنهدم والعزة فى الناس البيوت ماب تنعدم والعرقو ضارب فى السماح ما بنهزم وتحية لي كل الايادى الكافحت والسامحت والصافحت إيد النجم وتحيه للناس البتعرف كيف تكابد وتبتسم وتحية أكبر و احترام لكل زول حفظ الوسم كل زول حفظ الوسم
** *
Post: #40 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-02-2012, 11:30 AM Parent: #39
الأستاذة: تحية زروق – إبداع بلا حدود
بكاميرا الشاب المبدع: محمد عليش
* **
Post: #41 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-02-2012, 08:14 PM Parent: #40
الأخ الباشمهندس: يحي قباني
سلامات،
Quote: همسة في اذني تحية و تماضر ... رجاء البحث عن منتجين ومصورين
وكذلك مخرجين من خارج صندوق الدراما السودانية ....
كنا نتمنى ان تعطى بعض الحلول لمشاكل و إخفاقات المنتجين و المخرجين السودانيين، بدلا من الدعوة إلى هجرهم و عدم التعامل معهم.
شكرا كميات، على المرور
عبدالرحيم منصور نيويورك * **
Post: #42 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: امينة عيسى Date: 11-02-2012, 10:39 PM Parent: #40
صاحب البوست وضيوفه الكرام عيد سعيد وينعاد عليكم بالخير والسرور عمل جميل من وجهه نظر مشاهد عادى وغير متخصص تحية كعادتها رائعة ولكن رايت ان تماضر كانت اكثر تلقائية وعفوية تماما مثل الشابتين اقصد البنات بنتها وبنت سيدة على مهدى مافى كلام ابدا ممتاز ويجبر على المتابعة الراجل العاطل وزوجته بصراحة ما عجبونى هى كانت بتمثل وبس وهو كان دوره ما جميل وتمثيله اسوا من الدور نفسه الولد المتمرد اعجبنتنى وجهة نظره واللى ممكن تكون هى رؤية ابنائنا فى الخارج ورايهم فى سودانيتنا لكن اداؤه لم يكن كمن عاش فى امريكا يعنى استايل الللبس وطريقة الكلام عادية صحيح انا كنت منتظرة اشوف فلم مكتمل مية المية يعنى يناقش القضية المطروحة بتفاصيل اكثر لكن فى راى ما قصورا والله اما الممثلين الاخرين فكانوا مقنعين بالنسبة لى
لك ولهم ولضيوفك كل المحبة
Post: #43 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: اميرة السيد Date: 11-03-2012, 06:16 AM Parent: #42
Quote: لراجل العاطل وزوجته بصراحة ما عجبونى هى كانت بتمثل وبس وهو كان دوره ما جميل وتمثيله اسوا من الدور نفسه
..................
عزيزتي امينة عيسى فعلا زي ما قلتي ان الفلم جميل وكل الممثلين ما قصروا وعملوا جهدهم لانجاح الفلم.. لكن قصة الراجل العاطل وزوجته الشغالة ما كثيرة هنا في امريكا لأن الغالبية العظمى من الرجال ، ان لم يكن كلهم، شغالين .. وما شغل ساهل كمان .. لأنه في رجال بيشتغلوا 12 ساعة و 13 ساعة يوميا وطوال ايام الأسبوع.. وان شاء الله لقطة الراجل العاطل في الفلم ما يكون فيه ظلم للرجال الذين يكافحون هنا في الغربة من اجل لقمة العيش..( اها يا زملاء انا بدافع ليكم) والله يديك العافية.. ومبروك كمان لتخريج فرح..
Post: #44 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: يحي قباني Date: 11-03-2012, 06:43 AM Parent: #43
Quote:
الأخ الباشمهندس: يحي قباني
سلامات،
Quote: همسة في اذني تحية و تماضر ... رجاء البحث عن منتجين ومصورين
وكذلك مخرجين من خارج صندوق الدراما السودانية ....
كنا نتمنى ان تعطى بعض الحلول لمشاكل و إخفاقات المنتجين و المخرجين السودانيين، بدلا من الدعوة إلى هجرهم و عدم التعامل معهم.
شكرا كميات، على المرور
عبدالرحيم منصور نيويورك * **
سلامات أخي عبد الرحيم
وحمد الله علي سلامتكم من " الهوريكين " ... انشالله كل الناس بخير ...
الحقيقة المقصود بالهمسة مش هجرة الأستاذة تحية و الأستاذة تماضر
بقدر ما هي رسالة الي هؤلاء ...
ياخي الدراما السودانية تجاوز عمرها أعمارنا و مازال الحال في حاله بل تدهور
نفس الطريقة ... التسميع و يا ناس انحنا قاعدين نمثل ....
القعاد .... والترتيب ... ياخي ما في شي طبيعي ابدا ....
أما علي مهدي ... فغايته ... الدنيا حظوظ بس ...
Post: #45 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: عليش Date: 11-03-2012, 07:19 AM Parent: #40
great job... up..
Post: #46 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: يحي ابن عوف Date: 11-03-2012, 09:55 AM Parent: #45
شكرا صاحب البوست وضيوفه الكرام وكل المشاركين لهم التحيه والاحترام عمل ممتاز وخطوة فى الاتجاه الصحيح الفلم جميل وكل الممثلين ما قصروا تحية للجميع على مهدى وجمال عبد الرحمن وتحية زروق وتماضر شيخ الدين وعبد السلام جلود ومحمد عبد الله وانتصار وعليش المزيدا من التقدم .
Post: #47 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-03-2012, 11:01 AM Parent: #46
الأستاذة: تماضر شيخ الدين – كالعادة أداء رائع
بكاميرا الشاب المبدع: محمد عليش
* **
Post: #48 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-03-2012, 12:55 PM Parent: #47
الأخت د. إحسان فقيري سلامات،
الأستاذات: تحية زروق و تماضر شيخ الدين، عطاء متواصل و إبداع بلا حدود
شكرا كميات، على المرور
عبدالرحيم منصور نيويورك * **
Post: #49 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-03-2012, 01:30 PM Parent: #48
الأخ الباشمهندس: احمد التجاني سلامات،
Quote: حسب وجهة نظرى كمشاهد وليس لى تخصص فى هذا المجال فهذا العمل هو تمثيليه تلفزيونيه لا تصلح للعرض فى صالات السينما من واقع الصناعة , اى نوع الكاميرا المستخدمه فى التصوير وحتى اذا اتفق معى اهل الراى , ارى ان انتاج هذا العمل يعتبر مجازفة ولا اتوقع ان يكون له عائد مادى يغطى تكاليف انتاجه
أوافقك الرأي، نحن حتى الآن لم ننجح في تقديم فلم يعرض في دور العرض السينمائي في السودان، إن وجدت، دائما تعرض الأفلام العربية و الأجنبية.
نحن نحتاج إلى ثورة في هذا المجال، و أرجو ان يكون فلم "تحية واحتراما" هو شرارة البداية فى تقديم اعمال تجذب المشاهد السوداني.
شكرا كميات
عبدالرحيم منصور نيويورك * **
Post: #50 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-03-2012, 01:51 PM Parent: #49
الأخ الحبيب: صدقي مطر
سلامات، و كل عام و انتم بألف خير، وين يا عزيزي؟
الفلم من حيث الفكرة ما فيهو كلام كما تفضلت، و التفاعل مع الأداء يختلف فيه الناس كل على هواه و مزاجه.
شكرا كميات، على المرور الراقي
عبدالرحيم منصور نيويورك * **
Post: #51 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-04-2012, 00:49 AM Parent: #50
الهرم المسرحي الأستاذ: على مهدي – تألق منقطع النظير
* **
Post: #52 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: يحي قباني Date: 11-04-2012, 03:54 AM Parent: #51
ما زلت تصفه بالهرم يا عبد الرحيم
وانت لا تدري انك تظلمه ...
Post: #53 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-04-2012, 01:16 PM Parent: #52
الأخت الكريمة: أمينة عيسى – أم فرح
سلامات، و ألف مبروك لفرح، و إن شاء الله دائما ناجحين
Quote: صاحب البوست وضيوفه الكرام عيد سعيد وينعاد عليكم بالخير والسرور عمل جميل من وجهه نظر مشاهد عادى وغير متخصص تحية كعادتها رائعة ولكن رايت ان تماضر كانت اكثر تلقائية وعفوية تماما مثل الشابتين اقصد البنات بنتها وبنت سيدة على مهدى مافى كلام ابدا ممتاز ويجبر على المتابعة الراجل العاطل وزوجته بصراحة ما عجبونى هى كانت بتمثل وبس وهو كان دوره ما جميل وتمثيله اسوا من الدور نفسه الولد المتمرد اعجبنتنى وجهة نظره واللى ممكن تكون هى رؤية ابنائنا فى الخارج ورايهم فى سودانيتنا لكن اداؤه لم يكن كمن عاش فى امريكا يعنى استايل الللبس وطريقة الكلام عادية صحيح انا كنت منتظرة اشوف فلم مكتمل مية المية يعنى يناقش القضية المطروحة بتفاصيل اكثر لكن فى راى ما قصورا والله اما الممثلين الاخرين فكانوا مقنعين بالنسبة لى
لك ولهم ولضيوفك كل المحبة
الفلم حاول عكس بعض إشكاليات المهاجرين و المقيمين في بلاد العم سام، و اعتقد إن المؤلف المتميز: قصي السمانى قد تنقصه التجربة الشخصية لذا لم يناقش القضايا بتفصيل أكثر، أو احتمال تركها لخيال المشاهد.
شكرا كميات، على المرور الأنيق.
عبدالرحيم منصور نيويورك * **
Post: #54 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-04-2012, 01:55 PM Parent: #53
الأخ الكريم الباشمهندس: يحي قباني
سلامات،
Quote: سلامات أخي عبد الرحيم
وحمد الله علي سلامتكم من " الهوريكين " ... انشالله كل الناس بخير ...
الحقيقة المقصود بالهمسة مش هجرة الأستاذة تحية و الأستاذة تماضر
بقدر ما هي رسالة الي هؤلاء ...
ياخي الدراما السودانية تجاوز عمرها أعمارنا و مازال الحال في حاله بل تدهور
نفس الطريقة ... التسميع و يا ناس انحنا قاعدين نمثل ....
القعاد .... والترتيب ... ياخي ما في شي طبيعي ابدا ....
أما علي مهدي ... فغايته ... الدنيا حظوظ بس ...
شكرا يا اخي، نحن و الحمد لله في آمان الله. كيف انتو في كندا؟
أنا اعلم جيدا إنكم أكثر الناس اهتماما بالفن و الفنانين و لكم في ذلك باع طويل، و قد طورتم الاهتمام بتكوين و احد من اكبر المواقع السودانية للتوثيق للفن السوداني في الماضي و الحاضر. و اعلم أنكم أهل دراية و علم.
لكن للآسف الناظر إلى حال المسرح السوداني يراه انه يعانى من فقر دم حاد، نحن نشاهد نفس الأشخاص منذ طويل لا دماء جديدة لا تطور، لا احد يريد أن يصبح ممثل في السودان، حتى بعض المتميزين و أدوات التغير أصبحوا طيور مهاجرة.
كنت أتمنى ترعى هذه الطيور المهاجرة الفن و المسرح من على البعد، و لنا في تجربة الأستاذ الموسيقار: يوسف الموصلي خير مثال، في رعاية و دعم الفنانين الجدد، التحية له، فهو مازال يعطى للفن لا تقيده المسافات و الحدود.
و كما قلت في البداية، الهدف نقد بناء يساعد في تطوير التجربة و صقلها.
شكرا كميات، و الله يديك الصحة و العافية.
عبدالرحيم منصور نيويورك * **
Post: #55 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: إبراهيم عبد الحليم Date: 11-04-2012, 08:28 PM Parent: #54
فيلم جميل ابدع فيه الجميع وبالاخص تماضر شيخ الدين وعلى مهدى. صديقى الجميل عليش اجاد دوره للطيش لمن غلط- هههيعععع عجبتنى يا عليش.
اما صديقى الثانى د. محمود السراج فكنت اتمنى منه موسيقى تصويرية اكبر من كده بكثير حتى تعطى هذا الفيلم البعد الثالث وخصوصا ان الافلام الحالية تعتمد فى انتشارها وثبوتها وخلودها فى الذاكرة على موسيقى تصويرية تعد لها مخصوصا من عباقرة اهل الموسيقى على سبيل المثال فقط الفيلم الامريكى عازف الهارمونيكا Man with the harmonica
Ennio Morricone MORRICONE-"Harmonica/ Man With A Harmonica/ Death Rattle" (1968)
Post: #56 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: امينة عيسى Date: 11-04-2012, 08:45 PM Parent: #55
الاعزاء اميرة السيد وعبد الرحمن شكرا نبيلا يشبهكم ونبارك ليكم كل سمح يا رب
وكل انحناءة دون المقام
Post: #57 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Mannan Date: 11-05-2012, 01:15 AM Parent: #56
فيلم مسيئ للمنفيين واللاجئين السودانيين ولأول مرة يعمل لاجئون سياسيون فى فيلم تقف وراءه سفارة الإنقاذ فى واشنطن وقنصلية الإنقاذ فى نيويورك ومحاسيب نظام الإنقاذ الذين يستمتعون بخيرات الغرب (ياكلو خيرو ويحمدو غيرو). للمزيد فى البوست التالى: فيلم سودانى تقف وراءه سفارة النظام للإساءة الى السودانيين فى الخارج.. حزننا كبير على سقوط قامات فنية كبيرة فى فخ نظام الإنقاذ الدموى...
Post: #58 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-05-2012, 11:45 AM Parent: #57
الأخ العزيز: عليش
سلامات، و كل فلم و انتم بألف خير
ألف مبروك نجاح الفلم، و دي نتيجة طبيعية للعمل الجاد و المثابرة. و إن شاء الله دائما ناجحين.
شكرا كميات، على المرور، بوستنا نور
عبدالرحيم منصور نيويورك * **
Post: #59 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-05-2012, 11:47 AM Parent: #58
الأخ الأستاذ: يحي ابن عوف
سلامات،
ربنا يديك الصحة و العافية، حقا إنهم يستحقون التحية و الاحترام فقد قدموا عمل تاريخي عظيم و بجهد خاص.
شكرا كميات، على المرور و التوقف و الكتابة
عبدالرحيم منصور نيويورك * **
Post: #60 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-05-2012, 11:53 AM Parent: #59
الأستاذ المنتج المتميز و المثل المبدع: جمال عبدالرحمن
القلب النابض، و الدينمو المحرك لهذا الإنتاج الضخم، و مدير شركة خزف للإنتاج الفني التي لها سبق التصوير و الإنتاج خارج السودان.
بكاميرا الشاب المبدع: محمد عليش * **
Post: #61 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: رأفت ميلاد Date: 11-05-2012, 08:36 PM Parent: #60
كتب محمد سيد أحمد
Quote: اسمتعت باداء النجمة تحية زروق تلقائية وخبرة فى التعامل مع الكاميرا تماضر اداء مريح اضفت الكثير من الروح للعمل وتفوقت فى تقديم شخصية لم يكتب لها بشكل جي
حقيقة أضافتا الرقى والمسئولية للفلم .. وطيتا كثيراً على ضعف السيناريو والأخرج والحبكة
التحية لهما
Post: #62 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: عبدالله الشقليني Date: 11-05-2012, 09:54 PM Parent: #61
تجربة جديرة بالتقدير الإشادة ، وتحتاج لتحليل العمل والإحاطة بإمكانات التنفيذ ، وقد تفضل الأستاذ " محمد سيد أحمد " بإنارتنا خاصة وأنه من المختصين . هنالك عناصر متعددة :منها الفكرة والنص والثيم ، الاخراج و السيناريو والحوار ، الكاميرا الاضاءة ، قدرات الممثلين : الخبرات مع التلقائية ، التجارب الشابة و الاكسسوارات ، الموسيقى ، المونتاج ، الكتابة ، التمويل ، التجربة والتحديات ، والخبرات ، ..... لقد قرأت الكثير عن قصة حياة الجيل الأول والجيل الثاني ، كتبت نصاً بهذا الخصوص ، وكتب كثيرون في مدونة الأمريكيين السودانيين . وهذا العمل يعرض وجهاً من تلك القصة . ويحتاج النقد البناء من المختصين ، وحفر أكثر في التفاصيل وبناء كل الشخصيات من الداخل ، وهو ما أراه متوفراً عند النجمتين تحية و تماضر و بتلقائية النجوم الشابة . لهم الشكر الجزيل . فالعمل في ظل الإمكانات المحدودة ، تجعل التجربة جديرة بالاحترام . ومن المهم مدّ وصال المحبة للجميع ،الأغاني المصاحبة والألحان والنصوص الشعرية ذات العلاقة بقضية هامة من قضايا الصراع بين الجيل الأول والجيل الثاني . ونأمل في المرات القادمة ، الدخول في تفاصيل الأحداث والغوص في تجاويف الحياة هناك ، وتقديم تفاصيل حول الموضوعات : العمل ، الضيوف ، غرز النماذج ذات الأصول السودانية وغيرهم من ذوي الأصول غير السودانية وتعدد الحياة الإثنية والثقافية في تلك المجتمعات ، وتعرية الحياة كاملة لنعرف الفروق بين السودان وبين المهاجرين ، وأن يمتد الأمر للسودان لنعرف الصورة النضيرة التي حملها المهاجرون ، ليفاجئوا بالحياة في السودان وتغير الناس والطباع والأخلاق ، مما ورثوه من فقر مدقع في ظل الحياة التي نشهد فيها خسران الحياة الاجتماعية والسياسية والاقتصادية ،وأزمة الحريات والقمع وانعكاسها السالب في حياة الناس ، تأثرت به الحياة الكريمة التي عرفها السودانيون قبل هجرتهم . ومن هنا تكون الصورة أكثر درامية ..... ونشكر للأكرم : الأستاذ عبد الرحيم ، ونعيد الامتنان والتقدير على العمل ولكل المشاركين فيه ، ونشيد بالخبرات التي كانت الرافع للعمل . تحية خاصة للنجمتين : تحية وتماضر .... كانتا قطفاً من شراب أول النخب ...، وكذلك محبتنا للأستاذ جمال ،ومحبة غير محدودة لك المشاركين .
تقبلوا محبتي
*
Post: #63 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-06-2012, 03:25 AM Parent: #62
الأخ الكريم الباشمهندس: يحي قباني
سلامات،
لا حول و لا قوة إلا بالله، ظلم مرة واحده، ممكن توضح لي أنا كيف ظلمته.
شكرا كميات، يا عزيزي
عبدالرحيم منصور نيويورك * **
Post: #64 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: يحي قباني Date: 11-06-2012, 03:55 AM Parent: #63
لوً كان علي مهدي بين الممثلين الرجال ... هرما
فماذا يكون مكي سناده و حسن عبد المجيد ؟؟؟
وما ذا يكون الهادي الصديق وعوض صديق؟؟
وما ذا يكون الفاضل سعيد ... فريق محطة التلفزيون ...!!! وكثيرين اهم و أعظم .
يا عبد الرحيم ... علي مهدي قزم أمام هؤلاء العمالقة
علي مهدي استغل ظروف غياب المسرح و غياب العمالقة القسري. و رقص علي جميع النغمات ...
أرجوك يا أخي فباعطاءك له حجما أكبر من إمكانياته فانت تظلمه ...
أعطه فرصه ...لربما يتعلم ...
Post: #65 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: garjah Date: 11-06-2012, 08:39 AM Parent: #40
عمل كبير بحق
التحية لنا صاحب الخيط
ولكل ابطاله
Post: #66 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abureesh Date: 11-06-2012, 10:16 AM Parent: #40
شكرا يا عبد الرحيم، وشاهدت الفلم كاملا.. ودا رايى كمشاهـد عنقالى..
إضاءة جيـدة اداء معظم الممثلين مهنى وعلى كفاءة عالية، والمقياس العنقالى عندى للاداء هو ان تشعر انك لا تشاهـد (تمثيليـة). على مهدى اراد ان يخلق وطن داخل وطن، على وزن حكومة داخل حكومـة.. وهـذا ما عطل معظم السـودانيين، بما فيهم انا زاتى.. تماضر دائما فى القمـة.. جزاها الله خيـر. التصوير لم يكن مهنيا كله.. فى بعضـه home video مأخوذ بكمرا زى كمرتى منصوبـة على الكتف او اليد المجردة، ويظهر هـذا من حركـة الفريـم.. ومرات كويس بكاميرا مهنية منصوبـة على سيبيـا.. ويمكن التغاضى للسبب الذى ذكرته من تكاليف الإنتاج العالية.. فمن الصعب توفير كمرات مهنية 100% واستخراج رخص تصوير فى شوارع واشنطن ونيويورك وتدفع تكاليف عالية.. فكان الحل خطف دقيقـة هنا ودقيقـة هناك للتصوير بكمرات ثابتة، أو اللجوء للهوم فيديو بكمرة اليد.. الصوت كويس نوعا ما.. ومرة ثانيـة وبما ان هـذا فيلم فالمفروض البيت يكون استديو مجهـز بجدران تمتص الصدى ومصصم على غرار بيوت السودانيين وليس فى البيوت ذاتهـا.. والعذر مرة اخرى للإمكانيات.. الشاب مجدى لغته الإنجليزية ليست فى مستوى لغة طالب ثانوى فى أمريكا، واخطاء نحوية كثيرة من امثال he don't بدل he doesn't إضافـة الى الـ thick accent
على العموم عمل عظيم، وأكيد تخذ كريدت كبير من حجم الممثلين.. وقـد عكس ثقافـة سودانية ولم يكن تقليدا لأى ثقافـة أخرى..
أعطى مجمل العمل 90%
Post: #67 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-06-2012, 11:01 AM Parent: #66
هلا و مرحب بالفنان د. إبراهيم عبد الحليم
سلامات،
كان لأغنية الشعار اثر خاص في نفسي، و لذا فتشت عليها، و كم كنت سعيد عندما و جدتها.
كلمات قوية، موسيقية رائعة، توزيع رهيب، أداء قوى. ما في أجمل كدا.
حتى إن بعض الناس قالوا إن الفلم، أغنية.
و من هنا نحى معكم الملحن و الموزع الذي لا يشق له غبار الموسيقار د. محمود السراج، و صاحب الكلمات التي هزت الجميع الشاعر المُجيد: خالد شقوري، و المنفذ موسيقي: وائل عبد اللطيف، أما الفنان صاحب الصوت الرخيم: خالد الدوحة، فقد اسر النفوس.
سكن الشواهق ود بلد رغم البهارج ود بلد ما بدلت فيه المطارات نكهتو وما شالت الأيام ملامح روعتو
شكرا كميات، على المرور الأنيق.
عبدالرحيم منصور نيويورك * **
Post: #68 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-06-2012, 11:24 AM Parent: #67
عزيزي القارئ
Quote: فيلم مسيئ للمنفيين واللاجئين السودانيين ولأول مرة يعمل لاجئون سياسيون فى فيلم تقف وراءه سفارة الإنقاذ فى واشنطن وقنصلية الإنقاذ فى نيويورك ومحاسيب نظام الإنقاذ الذين يستمتعون بخيرات الغرب (ياكلو خيرو ويحمدو غيرو). للمزيد فى البوست التالى: فيلم سودانى تقف وراءه سفارة النظام للإساءة الى السودانيين فى الخارج.. حزننا كبير على سقوط قامات فنية كبيرة فى فخ نظام الإنقاذ الدموى...
إذا ساء فعل المرء ساءت ظنونه ** وصدق ما يعتاده من توهم
للآسف، صار بيننا أناس يكذبون كما يتنفسون، لا يردعهم وازع من خلق أو دين، إن وجد، فالذي له دين لا يكذب. و الاسواء و الاضل، إنهم يطلقون الكذبة و هم يعلمون إنها كذبه، و يرددونها في عقلوهم المريضة و كتاباتهم، حتى تتغلف بغلاف الحقيقة، فتصير حقيقة عندهم. و حين يكذب الإنسان و يصدق نفسه، فهو يصرخ بصوت مكتوم للذين من حوله لمزيد من الاهتمام و المساعدة في نشله من الأوهام.
و من الجهل أن يرى البعض إن الفلم الذي يحاول أن يعكس قضايا اجتماعية عامة في بلاد المهجر، مثل قضية التعايش مع المجتمع الغربي، و تسليط الضوء على قضية الحنين للوطن، و هم الرجوع، و ينبه المجتمع لمشكلة و قضية أصبحت واقعة و هي تمرد الأبناء على الآباء، هي فقط إنها مشكلة تمس فئة معينة، إنها مشكلة مجتمع و تمس الجميع بلا استثناء. فقط عين السخط تبدى المساوئ.
إن الذين لا يميزون بين ما هو سوداني أو إنقاذي، و لا يستطيعون وضع حد فاصل بين معارضة الأوطان و معارضة السلطان، دائما تراهم يؤمنون بنظريه المؤامرة، و لهم هلاويس و هواجس تسيطر على حياتهم العامة و الخاصة، و إن هناك شئ يحاك في الظلام ضدهم. و اعتقد إنهم في حوجة ماسة للعلاج.
اللهم لا تمحنا ولا تبلينا
عبدالرحيم منصور نيويورك * **
Post: #69 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-06-2012, 11:43 AM Parent: #68
النجم: عبدالسلام خليل – أدور و مواهب متعددة
بكاميرا الشاب المبدع: محمد عليش
** *
Post: #70 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: ماجدة عوض خوجلى Date: 11-06-2012, 01:33 PM Parent: #69
الاخ العزيز عبدالرحيم تحياتى ليك ولكل القامو بهذا العمل حقيقة عمل جميل ومقدر... فيه بعض الهنات الصغيرونه ... لكن بكل تاكيد هو كبدايه عمل كبير وجميل جدا ... وحقتو الناس تشجعو وتقيف معاهو تحيه خاصه للجميلات تحية زروق وتماضر ... وللفنان على مهدى ... ولكل القامو بهذا العمل الجميل ربنا يوفقم ونشوف ليهم عمل قادم جديد ... تسلم اخى عبدالرحيم
Post: #71 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-06-2012, 11:55 PM Parent: #70
هلا و مرحب بالأستاذ: رأفت ميلاد
تسلم، حقا إنهم يستحقون التحية و الاحترام فقد قدموا عمل تاريخي عظيم.
شكرا كميات، على المرور و التوقف و الكتابة
عبدالرحيم منصور نيويورك * **
Post: #72 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-07-2012, 00:12 AM Parent: #71
هلا و مرحب بالكاتب المتميز الأستاذ: عبدالله الشقليني
بوستنا نور
Quote: تجربة جديرة بالتقدير الإشادة ، وتحتاج لتحليل العمل والإحاطة بإمكانات التنفيذ ، وقد تفضل الأستاذ " محمد سيد أحمد " بإنارتنا خاصة وأنه من المختصين . هنالك عناصر متعددة :منها الفكرة والنص والثيم ، الاخراج و السيناريو والحوار ، الكاميرا الاضاءة ، قدرات الممثلين : الخبرات مع التلقائية ، التجارب الشابة و الاكسسوارات ، الموسيقى ، المونتاج ، الكتابة ، التمويل ، التجربة والتحديات ، والخبرات ، ..... لقد قرأت الكثير عن قصة حياة الجيل الأول والجيل الثاني ، كتبت نصاً بهذا الخصوص ، وكتب كثيرون في مدونة الأمريكيين السودانيين . وهذا العمل يعرض وجهاً من تلك القصة . ويحتاج النقد البناء من المختصين ، وحفر أكثر في التفاصيل وبناء كل الشخصيات من الداخل ، وهو ما أراه متوفراً عند النجمتين تحية و تماضر و بتلقائية النجوم الشابة . لهم الشكر الجزيل . فالعمل في ظل الإمكانات المحدودة ، تجعل التجربة جديرة بالاحترام . ومن المهم مدّ وصال المحبة للجميع ،الأغاني المصاحبة والألحان والنصوص الشعرية ذات العلاقة بقضية هامة من قضايا الصراع بين الجيل الأول والجيل الثاني . ونأمل في المرات القادمة ، الدخول في تفاصيل الأحداث والغوص في تجاويف الحياة هناك ، وتقديم تفاصيل حول الموضوعات : العمل ، الضيوف ، غرز النماذج ذات الأصول السودانية وغيرهم من ذوي الأصول غير السودانية وتعدد الحياة الإثنية والثقافية في تلك المجتمعات ، وتعرية الحياة كاملة لنعرف الفروق بين السودان وبين المهاجرين ، وأن يمتد الأمر للسودان لنعرف الصورة النضيرة التي حملها المهاجرون ، ليفاجئوا بالحياة في السودان وتغير الناس والطباع والأخلاق ، مما ورثوه من فقر مدقع في ظل الحياة التي نشهد فيها خسران الحياة الاجتماعية والسياسية والاقتصادية ،وأزمة الحريات والقمع وانعكاسها السالب في حياة الناس ، تأثرت به الحياة الكريمة التي عرفها السودانيون قبل هجرتهم . ومن هنا تكون الصورة أكثر درامية ..... ونشكر للأكرم : الأستاذ عبد الرحيم ، ونعيد الامتنان والتقدير على العمل ولكل المشاركين فيه ، ونشيد بالخبرات التي كانت الرافع للعمل . تحية خاصة للنجمتين : تحية وتماضر .... كانتا قطفاً من شراب أول النخب ...، وكذلك محبتنا للأستاذ جمال ،ومحبة غير محدودة لك المشاركين .
تقبلوا محبتي
*
سلمت يداك، كملت الكلام الله يديك الصحة و العافية.
شكرا كميات، على المرور الأنيق
عبدالرحيم منصور نيويورك * **
Post: #73 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-09-2012, 03:38 AM Parent: #72
النجمة: إخلاص نور الدين – أداء متميز
* **
Post: #74 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-10-2012, 02:57 AM Parent: #73
الأخ الفاضل الباشمهندس: يحي قباني
سلامات،
نحن للأسف مقصرين جدا في التوثيق لهؤلاء المبدعين.
أما رائكم عن الأستاذ: على مهدي، يحترم و يقدر.
شكرا كميات، شكرا كميات، على المرور و التوقف و الكتابة
عبدالرحيم منصور نيويورك * **
Post: #75 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-10-2012, 03:07 AM Parent: #74
الأخ الأستاذ: أحمد محمد عباس
سلامات، و أهلا و مرحب بيك كتير و تسلم الأيادي.
شكرا كميات، على المرور و التوقف و الكتابة
الله يديك الصحة و العافية.
عبدالرحيم منصور نيويورك * **
Post: #76 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-10-2012, 03:18 AM Parent: #75
النجم: محمد عبدالله – تميز بلا حدود
* **
Post: #77 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: أنور أبو القاسم الهادى Date: 11-10-2012, 05:16 AM Parent: #40
بعد ان شاهدت الفيلم كاملا اجد نفسي اتفق مع عدد من الملاحظات النقدية حول العمل بشكل عام التي ابرزها بعض الاخوة اعلاه. واضيف الي ذلك ان كاتب السيناريو والحوار حصر نفسه احيانا في عبارات والفاظ معينة تكررت بصورة مزعجة لحد ما مثل تعبير (نفس سوداني) بفتح النون والفاء. وهذا عيب في السيناريو وكان ينبغي ايجاد عبارات اخري تحمل المعني المطلوب بدلا من ترديد نفس التعبير علي السنة جميع الممثلين بهذه الصورة. ولكن العمل بعامة ممتاز جدا في نظري والاداء خاصة بالنسبة لعلي مهدي وتحية زروق وتماضر شيخ الدين والصغيرات كان جميلا ومتميزا وعلي مستوي رفيع وواضح جدا انه لولا ضيق الامكانيات لكان في الامكان الانفتاح بهذا العمل بصورة تجعله ينافس كثير من الاعمال العربية الكبيرة. كذلك بعد ان شاهدت الفيلم اقتنعت بأن دعاوى الاخ نورالدين منان في بوست آخر بخصوص اجندة سياسية انقاذية وراء الفيلم فاقدة للاساس المنطقي فليس في هذا العمل ما يدل علي توطوء سياسي من قريب او بعيد لصالح النظام او اي شئ من هذا القبيل وادعو الاخ نورالدين الي اعادة مشاهدة الفيلم بشئ من الهدوء والتجرد. التهنئة والشكر للذين شاركوا وشاركن في هذ العمل الموفق والذي هو خطوة مباركة في طريق تنمية السينما السودانية ان شا ء الله تحياتي لصاحب البوست والمعلقين
Post: #78 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-11-2012, 04:36 PM Parent: #77
الأخ الكريم: محمد عثمان – أبو الريش
سلامات، و ألف مرحب في بوستكم
Quote: شكرا يا عبد الرحيم، وشاهدت الفلم كاملا.. ودا رايى كمشاهـد عنقالى..
إضاءة جيـدة اداء معظم الممثلين مهنى وعلى كفاءة عالية، والمقياس العنقالى عندى للاداء هو ان تشعر انك لا تشاهـد (تمثيليـة). على مهدى اراد ان يخلق وطن داخل وطن، على وزن حكومة داخل حكومـة.. وهـذا ما عطل معظم السـودانيين، بما فيهم انا زاتى.. تماضر دائما فى القمـة.. جزاها الله خيـر. التصوير لم يكن مهنيا كله.. فى بعضـه home video مأخوذ بكمرا زى كمرتى منصوبـة على الكتف او اليد المجردة، ويظهر هـذا من حركـة الفريـم.. ومرات كويس بكاميرا مهنية منصوبـة على سيبيـا.. ويمكن التغاضى للسبب الذى ذكرته من تكاليف الإنتاج العالية.. فمن الصعب توفير كمرات مهنية 100% واستخراج رخص تصوير فى شوارع واشنطن ونيويورك وتدفع تكاليف عالية.. فكان الحل خطف دقيقـة هنا ودقيقـة هناك للتصوير بكمرات ثابتة، أو اللجوء للهوم فيديو بكمرة اليد.. الصوت كويس نوعا ما.. ومرة ثانيـة وبما ان هـذا فيلم فالمفروض البيت يكون استديو مجهـز بجدران تمتص الصدى ومصصم على غرار بيوت السودانيين وليس فى البيوت ذاتهـا.. والعذر مرة اخرى للإمكانيات.. الشاب مجدى لغته الإنجليزية ليست فى مستوى لغة طالب ثانوى فى أمريكا، واخطاء نحوية كثيرة من امثال he don't بدل he doesn't إضافـة الى الـ thick accent
على العموم عمل عظيم، وأكيد تخذ كريدت كبير من حجم الممثلين.. وقـد عكس ثقافـة سودانية ولم يكن تقليدا لأى ثقافـة أخرى..
أعطى مجمل العمل 90%
الشخص العادي - العنقالى ، دائما تفاعله مع الفلم يعكس مدى نجاح الفلم.
واحد من طبائعنا السودانية العريقة التي نأخذها معنا أين ما ارتحلنا، هو مفهوم الكبير و العمدة و الزعيم و الشيخ - شخص له احترام خاص في العائلة، أو القبيلة أو المنطقة يسهر و يرعى و يهتم بمن حوله، الذي يرغب في الزواج يشجعه و يدعمه و يطلب من الجميع دعمه، الذي يرغب في السفر يساعده و يتدخل في قرار الأسرة الرافض للفكرة، و يتدخل أحيانا حتى في المشاكل الزوجية و هكذا.
في بلاد المهجر، كان لابد لنا أن نبدأ من نقطة معينة، و دائما السكن، و العمل أصعب شئ في البداية، لذا لا بد من وجود شخص أو جسم يسهل هذه الأمور الصعبة. نساعدك لكي تساعد غيرك في المستقبل، و مفهوم الاختصاص في قضى حوائج الناس شئ محمود و يرغب فيه الدين، و المجتمع، بالأحاديث، و الغناء. و قد حاول الفلم توصيل هذه الفكرة، و ذهب لأبعد من ذلك إنه لها معارضين، و من الداخل.
للأسف حتى الآن لم نستطع أن ننجح في خلق و بناء جسم يراعى مصالحنا بدون مشاكل عنصرية و سياسية و شخصية.
شكرا كميات، على المرور الراقي.
عبدالرحيم منصور نيويورك * **
Post: #79 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: SAMIR IBRAHIM Date: 11-12-2012, 01:27 AM Parent: #78
الاخ منصور
السلام عليكم ورحمة الله تعالي وبركاته
الفيلم يختلف عن واقع السودانيين في الولايات المتحدة الامريكية وبعيد كل البعد عن قضايا السودانيين . الفيلم حاول يصور السودان دولة تشجع علي عودة المغتربين والمهاجرين والان الحال في السودان اصبح عشره من عشره .
الفيلم حاول يصور انو في تاجر سوداني يضارب في سوق المال وان بيته تكيه لدرجة ان له طباخ خاص .. ومنذ ان وصلنا نيويورك في منتصف الثمانينات وحتي اليوم لم نري سوداني واحد يضارب في سوق الاموال وله طباخ وفاتح منزله تكيه بل كل السودانيين يجروا جري الوحوش من اجل لقمة العيش والفواتير الخ . وكاتب الفيلم يجهل بطريقة المضاربة في سوق المال.
دور الاستاذه القديره تحيه زروق لا يناسب سنها.
صورة الفيلم ان الام تريد العوده للسودان والبنت ترفض .. العكس هو الصحيح عندما سافر ابناءنا للسودان حتي اليوم يحلموا بالعوده ونحن الذين نرفض العوده لان الاسباب التي هاجرنا من اجلها ما زالت قائمة بل زاد الطين بله .
وانت سيد العرافين ان اي عمل اعلامي او فيلم يتم تصويره في نيويورك يحتاج الي عشرات التصاديق من ادارة المدينة ويحتاج الي مصاريف مكياج ومواصلات واقامه ويدكور الخ الخ ... حسب علمي ان اي عمل اعلامي مصور لا تقل ميزانيته عن المائة الف دولار . السؤال : من هو ممول الفيلم ؟؟؟؟
الفيلم صور ان احد المهاجرين مبطوح في المنزل والزوجه هي التي تعمل وهذا غير صحيح لان كل السودانيين في الولايات المتحدة الامريكية يعملوا علي الاقل 12 ساعة يوميا .
لكم التحيه والتقدير .
Post: #80 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-12-2012, 02:31 PM Parent: #79
الأخت الكريمة: ماجدة عوض خوجلى
سلامات، و أهلا و مرحب بيكم كتير
Quote: الاخ العزيز عبدالرحيم تحياتى ليك ولكل القامو بهذا العمل حقيقة عمل جميل ومقدر... فيه بعض الهنات الصغيرونه ... لكن بكل تاكيد هو كبدايه عمل كبير وجميل جدا ... وحقتو الناس تشجعو وتقيف معاهو تحيه خاصه للجميلات تحية زروق وتماضر ... وللفنان على مهدى ... ولكل القامو بهذا العمل الجميل ربنا يوفقم ونشوف ليهم عمل قادم جديد ... تسلم اخى عبدالرحيم
كلام يكتب بماء الذهب، نعم إنها بداية و بداية قوية و خطوة في الطريق السليم، يجب دعمها و مساندتها بالنقد البناء الذي يساعد في تطويرها و ترقيتها.
الله يديك الصحة و العافية.
شكرا كميات، على المرور الأنيق.
عبدالرحيم منصور نيويورك * **
Post: #81 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-13-2012, 03:26 AM Parent: #80
مرة أخرى فيلم "تحية واحتراما" تحية زروق و تماضر شيخ الدين نجمات مضيئات و ألق خرافي بقلم: بدرالدين حسن علي
Post: #82 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-17-2012, 07:08 PM Parent: #81
الأخ الكريم: أنور أبوالقاسم
سلامات، و اهلا مرحب بكم في بوستكم،
و اعتذر بشدة في التأخر في الرد، فنحن كما تعلم ناس ويكند، و إجازات في الردود.
Quote: بعد ان شاهدت الفيلم كاملا اجد نفسي اتفق مع عدد من الملاحظات النقدية حول العمل بشكل عام التي ابرزها بعض الاخوة اعلاه. واضيف الي ذلك ان كاتب السيناريو والحوار حصر نفسه احيانا في عبارات والفاظ معينة تكررت بصورة مزعجة لحد ما مثل تعبير (نفس سوداني) بفتح النون والفاء. وهذا عيب في السيناريو وكان ينبغي ايجاد عبارات اخري تحمل المعني المطلوب بدلا من ترديد نفس التعبير علي السنة جميع الممثلين بهذه الصورة. ولكن العمل بعامة ممتاز جدا في نظري والاداء خاصة بالنسبة لعلي مهدي وتحية زروق وتماضر شيخ الدين والصغيرات كان جميلا ومتميزا وعلي مستوي رفيع وواضح جدا انه لولا ضيق الامكانيات لكان في الامكان الانفتاح بهذا العمل بصورة تجعله ينافس كثير من الاعمال العربية الكبيرةالتهنئة والشكر للذين شاركوا وشاركن في هذ العمل الموفق والذي هو خطوة مباركة في طريق تنمية السينما السودانية ان شا ء الله تحياتي لصاحب البوست والمعلقين
نقد بناء و ملحوظات مهمة، أتمنى من المخرجين و المنتجين الاستفادة منها في الأعمال المستقبلية
Quote: كذلك بعد ان شاهدت الفيلم اقتنعت بأن دعاوى الاخ نورالدين منان في بوست آخر بخصوص اجندة سياسية انقاذية وراء الفيلم فاقدة للاساس المنطقي فليس في هذا العمل ما يدل علي توطوء سياسي من قريب او بعيد لصالح النظام او اي شئ من هذا القبيل وادعو الاخ نورالدين الي اعادة مشاهدة الفيلم بشئ من الهدوء والتجرد.
يا أخي الكريم إنها الأغراض، و الغرض مرض و هؤلاء يرون الشوك في الورود فقط.
شكرا كميات، على المرور و التوقف و الكتابة
الله يديك الصحة و العافية.
عبدالرحيم منصور نيويورك * **
Post: #83 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-18-2012, 04:58 PM Parent: #82
الأخ الكريم: غاندى ابراهيم
و عليكم السلام عليكم ورحمة الله تعالي وبركاته، و أهلا و مرحب بيك كتير
Quote: الاخ منصور
السلام عليكم ورحمة الله تعالي وبركاته
الفيلم يختلف عن واقع السودانيين في الولايات المتحدة الامريكية وبعيد كل البعد عن قضايا السودانيين . الفيلم حاول يصور السودان دولة تشجع علي عودة المغتربين والمهاجرين والان الحال في السودان اصبح عشره من عشره .
الفيلم حاول يصور انو في تاجر سوداني يضارب في سوق المال وان بيته تكيه لدرجة ان له طباخ خاص .. ومنذ ان وصلنا نيويورك في منتصف الثمانينات وحتي اليوم لم نري سوداني واحد يضارب في سوق الاموال وله طباخ وفاتح منزله تكيه بل كل السودانيين يجروا جري الوحوش من اجل لقمة العيش والفواتير الخ . وكاتب الفيلم يجهل بطريقة المضاربة في سوق المال.
دور الاستاذه القديره تحيه زروق لا يناسب سنها.
قد يكون الفلم إلى حد ما بعيد من الواقع، و اعتقد ذلك نابع من تجربة المؤلف الشخصية كما قلت سابقا. قد يكون في الفلم بعض الشوائب و الإخفاقات، لكن دائما نحى التجربة، و المحاولة و نقف معها و ندعمها.
و لم أرى أن الفلم، صور السودان دولة تشجع علي عودة المغتربين والمهاجرين والان الحال في السودان اصبح عشره من عشره، أين ترى ذلك؟ حتى فكرة الرجعة في الفلم كانت نابعة من خوف و رغبة الأم ان لا يصير حال ابنتها مثلها أتت لتحقق أحلامها، و سرقها الزمن.
Quote: صورة الفيلم ان الام تريد العوده للسودان والبنت ترفض .. العكس هو الصحيح عندما سافر ابناءنا للسودان حتي اليوم يحلموا بالعوده ونحن الذين نرفض العوده لان الاسباب التي هاجرنا من اجلها ما زالت قائمة بل زاد الطين بله .
ذلك يعتمد على البيئة و السن، إذا ترعرع الطفل في بيئة مرتبطة بالسودان تجده يحب الذهاب إلى السودان و الإقامة فيه. و أيضا ليس من العقل بمكان ان نطلب من أطفالنا الذهاب و الإقامة في السودان بعد واحد و عشرين سنة بعد أن تربوا و ترعرعوا في البيئة الغربية، فان ذهبوا زيارة فقط الى السودان تجدهم غرباء، اللغة و العادات و التقاليد، حتى البيئة من حيث المناخ مشكلة لديهم.
Quote: وانت سيد العرافين ان اي عمل اعلامي او فيلم يتم تصويره في نيويورك يحتاج الي عشرات التصاديق من ادارة المدينة ويحتاج الي مصاريف مكياج ومواصلات واقامه ويدكور الخ الخ ... حسب علمي ان اي عمل اعلامي مصور لا تقل ميزانيته عن المائة الف دولار . السؤال : من هو ممول الفيلم ؟؟؟؟
اعتقد الأخ: حسن حماد، الله يديه الصحة و العافية، فصل الحديث و أجاب على هذا السؤال – في بوست مجاور - و في حديثة أرى إجابة شافية و كافية، و اعتقد إنكم ليس لديكم رغبة في قبول هذه الإجابة، او إن إنها ليست شافية لديكم.
Quote: الفيلم صور ان احد المهاجرين مبطوح في المنزل والزوجه هي التي تعمل وهذا غير صحيح لان كل السودانيين في الولايات المتحدة الامريكية يعملوا علي الاقل 12 ساعة يوميا .
الأمور بدأت تتغير، وكلمة كل السودانيين دا كان زمان، و الفهم إن هنالك تأثير ضخم في مفاهيم بعض الناس عن العمل، و العلاقات الاجتماعية و إن العادات و التقاليد السودانية بدأت تضيع وسط زخم الحياة الغربية و في المقابل نجد الشخص الكريم الذي فاتح بيته للجميع دلالة على إننا مازلنا بخير.
و اعتذر بشدة في التأخر في الرد، فنحن كما تعلم ناس ويكند، و إجازات في الردود.
شكرا كميات، على المرور و التوقف و الكتابة
عبدالرحيم منصور نيويورك * **
Post: #84 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-18-2012, 05:04 PM Parent: #83
أود أن اشكر الجميع، و خاصة الذين تداخلوا معنا للمرة الأولى، و أهلا و مرحبا بكم جميعا، و موعدنا الفلم القادم - "عروس النيل" في رأس السنة. و كل عام و انتم بخير.
عبدالرحيم منصور نيويورك * **
Post: #85 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 11-19-2012, 01:26 AM Parent: #84
المصور المبدع و صاحب العدسة الذهبية عبده عركي
* **
Post: #86 Title: Re: ~~~ شاهد أول فلم سوداني يصور في أمريكا - تحية و احتراما – كامل~~~ Author: Abdelrahim Mansour Date: 12-02-2012, 03:00 PM Parent: #85
