ياخ مشتاقين ياخ تعرف يا صبري انا زيك كدا رغم كل شي لسه ما قنعان من البرنامج دا مشكلتي الدورة دي ما تابعتها لي ما يقارب اكتر من شهر ما شفته تلفزيون (الا مباريات الاحمر الهاج و و الريال البخوف الرجال) و كنت عارف من زمن انو البرنامج توقف بس اول امس فجأة كدا عرفته من الوالده انو البرنامج رجع ليهو زمن . طبعا ح اركز ليك معاهو وبس انت حافظ على البوست و اوعه تسمع كلام حمد دا حمد لو بعرف ياخ كان بيقول في محمود جنس كلامو الما متماسك داااك !! تقبضو بيجي يمشي بهناك لوووووب ياخ اي زول اسمو حمد زيو زي حمد الريح كان مسكته يدو زمنو بيفرق تقولي الطياره فيها بوري !!!
سلام ياحمد ياخ و اشواق .
ـــــــــــــــــــــــــــ تصدق جيت هنا قبل اشوف البتاع هاهاهاها تسلم يا صاحبي . بالماسبة ياخ عماد احمد دا انا بضرب ليهو و تلفونو بره الخدمة عندك خبر منو؟
Post: #12 Title: Re: نجوم الغد - الدفعة 18 (حلقة تمهيدية 4) كاملة Author: حمد عبد الغفار عمر Date: 10-13-2012, 08:06 PM Parent: #11
يا صبري
Quote: الزول دا غنّاي .. لكن في حاجة رايحة لي
الرايح ليك إنو بقسم الجملة اللحنية يعني بيأخد راحة في جملة مفروض يكون ماشي فيها على طول والأغنية زيدان وغيرو بغنوها بانسيابية
دا غير إنو في الكوبليه الأخير بتاع بحسك زمنو إتلخبط شوية ولو كان معاه بتاع إيقاع ما حريف كان لحدي هسة تكونو رايحين
بس برضو صوتو كويس
سلام يا سفيان ياخ ما تغيب كتير تعالوا نفلفل الشباب ديل وبدون مجاملات
Post: #13 Title: Re: نجوم الغد - الدفعة 18 (حلقة تمهيدية 4) كاملة Author: عصام علي أحمد Date: 10-13-2012, 10:14 PM Parent: #12
Quote: أنت زول كتلوني يعني لازم تكون ذواقة .. ما تفضحنا مع عبد اللطيف البكري
ياصبرى المره دى فى ضعف شديد فى اصوات الشباب
ايوه عليك الله ماتشمت فينا عبداللطيف رغم انه بيدرو وخوردى البا ماقصروا مع منتخب الملك
Post: #14 Title: Re: نجوم الغد - الدفعة 18 (حلقة تمهيدية 4) كاملة Author: عبد اللطيف بكري أحمد Date: 10-13-2012, 10:35 PM Parent: #13
خالد وعصام الزول دا ادوه تهوية شوية
يلقاها منكم ولا من تبارك ولا من كريستيانو؟؟؟
انت ياصبري طه لو ماماشي تعيد في السودان ادينا تلفون المدام خلينا نرسل ليها اللنكات بتاعة خط ستة دي!!!
يازول خليك زي سامي الجابر ملك دائرة السنتر !!
اشوف فيكم يوم ياكاتلان ويتعوق ميسي!!!!
نجوم الغد مين ياعم صبري: هل تصدق ان سعر كريستيانو رونالدو يساوي ألف بيت في المنشية أو غاردن سيتي وزي مليون بيت من كوستي لي نيالا؟؟
ويجيك واحد ناطي يقول ليك خليك في كورتك!!!
عليكم الله ياجماعة سامحونا ، والله في طريقي لسفرة طويلة ومين يدري قد تكون المداخلة الاخيرة، اعفو مننا بالله وأذكرونا بما جادت به قريحتنا من خيرات،، وتأكد ياصبري كان حي أنا ولا ميت الليغا مدريدية ههههههه
سلام وأخر دعوانا ان الحمد لله رب العالمين وصلى الله على نبينا محمد وعلى آله وصحبه أجمعين،،
Quote: عليكم الله ياجماعة سامحونا ، والله في طريقي لسفرة طويلة ومين يدري قد تكون المداخلة الاخيرة، اعفو مننا بالله وأذكرونا بما جادت به قريحتنا من خيرات،، وتأكد ياصبري كان حي أنا ولا ميت الليغا مدريدية ههههههه
سلام وأخر دعوانا ان الحمد لله رب العالمين وصلى الله على نبينا محمد وعلى آله وصحبه أجمعين،،
حبيبنا عبداللطيف .. قبل ما أرد عليك وعلى باقي الأخوان بقول ليك تصحبك السلامة وإن شاء الله تتواصل معانا بعد وصولك بالسلامة ...
وأنا خلاص نعست عشان كدا بأتابع الردود بكرة - إن شاء الله -
Quote: ياصبرى المره دى فى ضعف شديد فى اصوات الشباب
ايوه عليك الله ماتشمت فينا عبداللطيف رغم انه بيدرو وخوردى البا ماقصروا مع منتخب الملك
يا عصام .. دي الحلقات التمهيدية يا دوب ... يعني ممكن تقول المناظر ولي قدّام حتتضح الرؤيا بشكل أكبر ... لسة في فنّانين في السكّة ...
وما تخاف من المدريدي عبداللطيف .. ياخي أنا بدون دفاع جهجهتو ...
تسلم ياخ ،،،
Post: #18 Title: Re: نجوم الغد - الدفعة 18 (حلقة تمهيدية 4) كاملة Author: صبري طه Date: 10-14-2012, 10:10 AM Parent: #12
Quote: الرايح ليك إنو بقسم الجملة اللحنية يعني بيأخد راحة في جملة مفروض يكون ماشي فيها على طول والأغنية زيدان وغيرو بغنوها بانسيابية
دا غير إنو في الكوبليه الأخير بتاع بحسك زمنو إتلخبط شوية ولو كان معاه بتاع إيقاع ما حريف كان لحدي هسة تكونو رايحين
بس برضو صوتو كويس
تسلم يا حمد ... وحتّة فرق الزمن دي غايتو ما لاحظت ليها .. معناها أنا ذاتي فارق زمن ...
Post: #17 Title: Re: نجوم الغد - الدفعة 18 (حلقة تمهيدية 4) كاملة Author: صبري طه Date: 10-14-2012, 08:01 AM Parent: #11
Quote: ياخ مشتاقين ياخ تعرف يا صبري انا زيك كدا رغم كل شي لسه ما قنعان من البرنامج دا مشكلتي الدورة دي ما تابعتها لي ما يقارب اكتر من شهر ما شفته تلفزيون (الا مباريات الاحمر الهاج و و الريال البخوف الرجال) و كنت عارف من زمن انو البرنامج توقف بس اول امس فجأة كدا عرفته من الوالده انو البرنامج رجع ليهو زمن . طبعا ح اركز ليك معاهو وبس انت حافظ على البوست و اوعه تسمع كلام حمد دا حمد لو بعرف ياخ كان بيقول في محمود جنس كلامو الما متماسك داااك !! تقبضو بيجي يمشي بهناك لوووووب ياخ اي زول اسمو حمد زيو زي حمد الريح كان مسكته يدو زمنو بيفرق تقولي الطياره فيها بوري !!!
بالأكتر يا سفيان ... وتوقعت مجيئك .. ولكن أهو قُلت للضمان كدا أديك دفرة بالمسكول ... وجميع الحلقات السابقة موجودة قم بزيارة هذا الرابط sympatic000 وأنزل للأسفل حتى تجدها ...
وحمد أخونا زول شكلو خبرة .. ولكن مع محمود أعتقد أنه طشّ شبكة ...
تسلم ياخ ... وفي انتظارك ...
ــــــ
Post: #19 Title: Re: نجوم الغد - الدفعة 18 (حلقة تمهيدية 4) كاملة Author: Abuzar Omer Date: 10-14-2012, 10:39 AM Parent: #17
تحياتى يا صبرى و الضيوف
Quote: [ الدفعة 17 كانت مميزة أكثر من الدفعة 16 بدليل إنّو في الدفعة 17في ثلاثة أوائل مُشتركين ... وجُملة من المتنافسين حازوا على المركز الثاني ...
تعرف يا عزيزى على العكس تماما . هذه نقطة الضعف و دليل الفشل. فى امريكان ايديل مثلاً من (70000 لى 100000) مشارك بيطلعوا اول و تانى و تالت
لكن لجنة البرامج ده فاقده للابتكار و الموهبة و ماقادرة تميز بين العدد القليل ده مستفيدة من المخزون الهايل للفن السودانى..
بابكر جامد و ما خلاق و كذلك الطاقم بتاعه. فى إنتظار برامج منافس فى قناة أخرى ذات رؤية و ملكة إبداعية..
Post: #21 Title: Re: نجوم الغد - الدفعة 18 (حلقة تمهيدية 4) كاملة Author: صبري طه Date: 10-14-2012, 11:06 AM Parent: #19
ولك أجمل تحية أخي أبو ذر ...
Quote: تعرف يا عزيزى على العكس تماما . هذه نقطة الضعف و دليل الفشل. فى امريكان ايديل مثلاً من (70000 لى 100000) مشارك بيطلعوا اول و تانى و تالت
لكن لجنة البرامج ده فاقده للابتكار و الموهبة و ماقادرة تميز بين العدد القليل ده مستفيدة من المخزون الهايل للفن السودانى..
يا أبو ذر القصة وما فيها مسألة بتاعة نقاط بتمنح للمتسابقين وداخل فيها الجمهور ذاتو ...
وأدّيك مثال لجائزة أفضل لاعب لأوروبا الأخيرة والتي فاز بها الإسباني إنييستا .. رغم توقعات البعض بفوز ميسي أو رونالدو ...
عدد المصوتين = 53 صحفي فحاز إنييستا على 19 نقطة وميسي على 17 ورونالدو على 17
لاحظ ميسي ورونالدو تساويا في عدد النقاط
تسلم ،،،
Post: #20 Title: Re: نجوم الغد - الدفعة 18 (حلقة تمهيدية 4) كاملة Author: نعمات حمود Date: 10-14-2012, 10:53 AM Parent: #17
الاستاذ صبري .....كل المحبة والتقدير ...
صراحة كدا انا بحب الزول الاسمو بابكر صديق دا من زمن اصوات وانامل وحتى اليوم وكنت لقريب مؤمنه انو مبدع ومريح جدا لذلك كان طموحي فيهو انو يطور ويغيير من شكل النمطية المستمر فيها دي ...يطرح البرنامج في حوارات مع الجمهور واكيد في مفكرين وعباقرة زي ناس نابري ديل ممكن يثروا البرنامج بي افكار جديدة ....تعرف برنامج زورق الالحان رغم عظمته الا انه كان مرهقا جدا لا تستطيع متابعته باستمرارية والسبب انو بنفس الشكل لاعز الناس نفس النمطية المكانية والزمانية والديكور والطريقة ....فمللناه .... اها كنت اتمنى تغيير البرنامج في كل شي حتى طريقة الاساتذة محمد سليمان والدكتور الدرديري ....الواحد بقى بستمتع بتريقة محمد سليمان غير المفيدة من نظرات حقارة وتهكم وغيرو ....المعلومات التي يلقيها انت من وين ونيلا دي كيت كيت وما ادراك ما اضان الحمار ...يجب ان تكون الملاحظات داخل اطار النقد الفني البناء لدعم النجم ...ومن ثم كنت اتمنى مراعاة اللبس والميك في ظل انتشار ثقافة بيوتات الزينة والتصميم وغيرو ودي ماحاجة كثيرة او صعبة اصلا ...لا نريد ان تكون صورة احدهم اول يوم تختلف عن اخر الحلقات بسبب التغييرات التي تحصل ليصبح محل التهكم والضحك والمسخرة ....وكما هناك اتكيت في الحوار بين النجم والمقدم والحكام نتمنى ان يكون ثريا ..ومفيدا
ومني محبتي
Post: #22 Title: Re: نجوم الغد - الدفعة 18 (حلقة تمهيدية 4) كاملة Author: Abuzar Omer Date: 10-14-2012, 11:24 AM Parent: #20
تحياتى صبرى و نعمات (الحاضرين الآن)
مثلاً يا صبرى مسألة الثلاثة الأوائل ( لو قرروا تكون الحلقة الأخيرة من أربعة أعمال، أغنية بالعود فقط و تانية عربية "سلم سباعى" و ثالثة من الأغنيات الصعبة " وردى، محمد الأمين، و رابعة عمل خاص)
و النظام معروف للجميع منذ فترة كافية.. تفتكر الجمهور براهو ما بقدر يعرف الأول و التانى و التالت، بالإضافة للفائدة التى سيستفيدها هولاء الشباب.
الملاحظ الشباب ما قاعدين يستفيدوا من البرامج و مافى أى صقل للمواهب.
و يا نعمات يا أختى الناس ديل غالبهم يجيبوا مذيع شاب لبق و حيوى يقدم البرامج ده و نرتاح من الكلام الفارغ بتاعهم ده؟؟؟
Post: #23 Title: Re: نجوم الغد - الدفعة 18 (حلقة تمهيدية 4) كاملة Author: Abuzar Omer Date: 10-14-2012, 11:29 AM Parent: #22
أنا بعتقد أنو الغرض من البرامج ده مفروض يكون، إخارج الشباب و البلاد من دائرة التقليد اللعينة دى إلى فضاءات الإبداع الرحبة...
فى العشرة سنة الماضية لا تستطيع أن تحصى 10 أغنيات جيدة من ال 35 مليون نسمة ديل كلهم.. عليك الله دى ما حالة متأخرة جداً!!!!
Post: #24 Title: Re: نجوم الغد - الدفعة 18 (حلقة تمهيدية 4) كاملة Author: Abuzar Omer Date: 10-14-2012, 11:30 AM Parent: #22
أنا بعتقد أنو الغرض من البرامج ده مفروض يكون، إخارج الشباب و البلاد من دائرة التقليد اللعينة دى إلى فضاءات الإبداع الرحبة...
فى العشرة سنة الماضية لا تستطيع أن تحصى 10 أغنيات جيدة من ال 35 مليون نسمة ديل كلهم.. عليك الله دى ما حالة متأخرة جداً!!!!
Quote: نعمات حمود كتبت: صراحة كدا انا بحب الزول الاسمو بابكر صديق دا من زمن اصوات وانامل وحتى اليوم وكنت لقريب مؤمنه انو مبدع ومريح جدا لذلك كان طموحي فيهو انو يطور ويغيير من شكل النمطية المستمر فيها دي ...يطرح البرنامج في حوارات مع الجمهور واكيد في مفكرين وعباقرة زي ناس نابري ديل ممكن يثروا البرنامج بي افكار جديدة ....تعرف برنامج زورق الالحان رغم عظمته الا انه كان مرهقا جدا لا تستطيع متابعته باستمرارية والسبب انو بنفس الشكل لاعز الناس نفس النمطية المكانية والزمانية والديكور والطريقة ....فمللناه .... اها كنت اتمنى تغيير البرنامج في كل شي حتى طريقة الاساتذة محمد سليمان والدكتور الدرديري ....الواحد بقى بستمتع بتريقة محمد سليمان غير المفيدة من نظرات حقارة وتهكم وغيرو ....المعلومات التي يلقيها انت من وين ونيلا دي كيت كيت وما ادراك ما اضان الحمار ...يجب ان تكون الملاحظات داخل اطار النقد الفني البناء لدعم النجم ...ومن ثم كنت اتمنى مراعاة اللبس والميك في ظل انتشار ثقافة بيوتات الزينة والتصميم وغيرو ودي ماحاجة كثيرة او صعبة اصلا ...لا نريد ان تكون صورة احدهم اول يوم تختلف عن اخر الحلقات بسبب التغييرات التي تحصل ليصبح محل التهكم والضحك والمسخرة ....وكما هناك اتكيت في الحوار بين النجم والمقدم والحكام نتمنى ان يكون ثريا ..ومفيدا
تسلمي يا نعمات .. وأتمنى أن يصل رأيك الجميل هذا لأصحاب الشأن ...
