ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !

ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !


11-06-2006, 06:11 AM


  » http://sudaneseonline.com/cgi-bin/sdb/2bb.cgi?seq=msg&board=402&msg=1192083796&rn=0


Post: #1
Title: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-06-2006, 06:11 AM

ود كسلا الوريفة العريس كمال سوكيت ,


قريت لومك لينا فى بوست لقاء البورداب و اهلنا قالو الما دارك ما لامك !!

يا كمال العفو و العافية و ان شاء الله بيت مال و عيال و ربنا يتم على خير



نادية السر

Post: #2
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: ibrahim sidahmed
Date: 11-06-2006, 10:02 AM
Parent: #1

انا ما عارف اللوم في شنو لكن الراجل عريس وحولو الملايكة يعني لومو علي العين والراس ...المهم انو اتورط الورطة الجميلة دي . وربنا يتم علي خير

Post: #3
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: هاشم نوريت
Date: 11-06-2006, 10:08 AM
Parent: #2

نادية
دبايتو
فعلا يقال المادارك مالامك.
بس سوكيت معناها شنو

Post: #5
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-06-2006, 10:21 AM
Parent: #3

حباب هاشم ,

نورت المكان و شكرا على الطلة الجميلة ,

اظن (سوكيت) زى (سوميت) ليها معنى جميل و معبر و الا شنو ؟؟؟؟؟؟؟



اكون ممتنة لو وريتنى المعنى يا هاشم و اهو نكون رفعنا شعار اعرف بلدك و ناس بلدك .




الشكر كتير و الود اكتر,



نادية السر

Post: #4
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-06-2006, 10:14 AM
Parent: #2

ابراهيم كوبرا ,

ازيييييك و كل سنة وانت بالف خير ان شاء الله حالك زين و عقبال نشاركك ورطتك الجميلة .

ده لوم سوكيت لينا :

(ناس الخرطوم الكعبين

لا مبروك
لا ربنا يتم على خير
ولا تهنئة ولا يحزنون

شنو الجفا ده
قاطعنوا معاى مالكم
تقول عرست حبيبة واحد فيكم
ولا تقول كنت خاطب واحده منكم

كان ما باركتوا لى
ده طرفى منكم

واخير اتلملم على ناسى
ناس كسلا

زول بحبكم .. وداير خوتكم

يا
ك
ع
ب
ي
ن

كل سنه وانت طيبين )


و تاااااانى ربنا يتم ليك على خير و اعفى مننا و زى ما بقولو اللوم بجى بالغفلات,



نادية السر

Post: #6
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 10:31 AM
Parent: #4

نادبة السر والحضور الكريم ازييكم


طبعا لما تجي سيرة كسلا طوالي بنكون حضور
والمرة دي في حضرة الاخ العريس سويكت وطبعا اليوم هو في كسلا وبهجز لحفلة ناس كسلا بمناسبة زواجه وطبعا عروسه الحلوة معاه الف مبروك تاني وتالت

Post: #7
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 10:32 AM
Parent: #1

تحياتي كمال ..

اذهب الي حيث القاش اخي واكمل نصف دينك واجعل ذلك الجبل شاهدا علي عرسك ثم اعرج قليلا لابوخمسه العريق لتجد صديقنا عبقري ينتظرك وهو يحمل عودا وعروستك الجميله معك وهي مخضبة وتفوح مسكا وعودا فاسمعوا منه لحن المحبة والخصوبه وهو يصدح :

انت السعاده باكمله يا ارقي انواع البشر ,,

وقد تجده منتشي فيغني لك :

خمرتنا من نشوة هواك ياناس دي ما خمرة سكر ,,

والله دي ما خمرة سكر ..

ثم انتشي معه وانتشي وكلاهما موجود ..

ثم اذهب اخي شاقا الطريق الى الاستاد العريق والغسالين لتجد علي ابودبيب (ديبو) ينتظرك فاسمع منه قليلا او كثيرا من روائع مطر وذكريات كسلا وما خص به ابوامنه حامد اهل كسلا فاسمع اخي كمال وعروستك من ديبو :

الحب ليس قضيتي لكن عيون الناس ,,

في موطني اخشي علي قلبي من الاحساس ,,

واحسك غي عيون الناس ,,

وفضاح الهوى وهماس ,,

ثم اطبق علي يد عروستك المخضبه وغني اخي معها ما يغنيه اهل كسلا عندما يليل ليلهم :

كسلا اشرقت بها شمس وجد فهي بالحق جنة الاشراق ..

وانصحك بزوغه خفيفه واذهب الي واو نار وتذوق ذلك المذاق ثم عد اخي باكرا ستجد العروسه بانتظارك وهي تغني باسمة هانئه :

يلاك معاي ود شريفي حسن الطبيعه ..

واذهب معها حيث تريد ..

ثم تجدنا جميعا هنا بانتظارك والعروس لنغني لك :

يا حمامه مع السلامه ظللت جوك الغمامه ..

وننتظرك



بيت مال وعيال وتتهنا ببيت العيال يا كيمو ..


منعم

Post: #8
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Adrob abubakr
Date: 11-06-2006, 10:44 AM
Parent: #1

الأخت نادية
لك التحية
وألف مبروووووك لعريسنا!

الأخ تولوس
Quote: في حضرة الاخ العريس سويكت

ربما معاك الخبر اليقين...
هل هو سويكت أم سوكيت وماذا تعني?
وماذا يعني أيضا إسمك "تولوس"?

Post: #9
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم ابراهيم الحاج
Date: 11-06-2006, 11:07 AM
Parent: #8

العزيزة نادية السر


لك التحية


والف وتهانينا الي الاخ كمال

سويكت والاخت اسمهان

وبيت الهنا والسرور

كلمة "سويكت"

هي تصغير لكلمة "ساكت"

عند اهل الشمال...


اما سوكيت...ياادروب معناها انت

عارفو بالتبداويت...


"تولوس" أو "أولوس"


احدي قمم جبال كسلا..

معناه بالتبداويت

الأملس ، الصلد..والله اعلم

علي حسب مرجعية جماعة أولوس الادبية

وروادها كجراي ،مبارك ازرق، البدري حسين،

حسان ابوعاقلة،وكثيرون..

لك التحية العزيز ادروب ..



شايف في بوست للاسماء البجاوية

للاخت تورير..وهي لفتة نادرة وبارعة لتعريف البعض

باللغة التبداويتية ,,,أو البداويت..

Post: #10
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 11:13 AM
Parent: #8

عبدالمنعم سليمان ارك تعرف كسلا جيدا يا رجل

وشارع الغسالين ده سويكت زاتو ما بعرفه ودخلت وشقيت حلتنا كمان وجيت لي ديبو صاحبي
يازوول انت منو

...
ادروب دبا.. كاتيوا
بروك تكتينا

اؤلوس
اؤؤلوس
بلغة اهلنا البجاء تعني الاملس
ويطلق اهل كسلا لاحد جبال كسلا اسم اولوس وحرفت الي تولوس
وقديما انشاء اخينا الاستاذ احمد طه الحسن ومعه مجموعةكبيرة من عظام ادباء كسلا
انشاوا مجموعة اولوس او تولوس الادبية منها جاء اختياري لها الاسم
شكرا ي حبايب

Post: #14
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 05:50 PM
Parent: #10

تولوس ..

يا اخوي من يعرف ديبو فخو امن ( لوووول)


يا زول انت المنو ..

هسه المظلل القزاز انا ولا انت ..

وكمان في القعده لما امشي كسلا بكون البوري والرشيد ومحمد عوض واخرون ..

انت منو يا تولوس ..


تحياتي


منعم

Post: #16
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 06:46 PM
Parent: #14

Quote: وكمان في القعده لما امشي كسلا بكون البوري والرشيد ومحمد عوض واخرون ..

تيحاتي لخالد البوري وولعة والرشيد ده منو ما عرفتو وبرضو تحياتي ليه
نسيت الاساسيين
موية وحسن الضووعبدالله جامع وبوكووعبقري وقراصة وكوكية
ديل طبعا من يتواجد حاليا اما ان كنت تريد ان ازكرك بالافراد منذ خمسة عشر عاما مضت فانا مستعد ... وان كنت تحب ان ارسم لك خرط اماكن القعدات فانا مستعد ايضا وان تحب تستمع الي محمد مطر في حفلة حية علي الهواء مباشرة ايضا ان مد الله في العمر سوف انسق مع الفرد هنا في جدة ونعمل حفلة علي شرفك بالبالتوك كالعادة ...


هل انت فعلا من كسلا يا زول انا شاكي في امرك


سوال للامارة لما تجي السينماء الشرقية كنت بتدخل من ياتو باب ؟

وسوال تاني وريني الصورة دي فيها منو



Post: #17
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 06:51 PM
Parent: #16

Quote: موية وحسن الضووعبدالله جامع وبوكووعبقري وقراصة وكوكية



يا تولوس الظلامي قبضتك يا اخوي انت ما زولنا طيب ..

حسن الضو بقا بوليس والبقيه قاعدين ..



كلمة السر ياتو باب من السينما موش ..


يا اخوي انحنا اولاد قلبا ورمضان ( رمدي ) حبيبنا وقريبنا ومصور معانا ..

زاسال علاء حسن الجاك ( رومينيجه )


اها يا تولوس كمان اسال من الاستاد عشان تامن ..


محبتي يا بلدينا الظلامي


منعم

Post: #11
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Adrob abubakr
Date: 11-06-2006, 11:37 AM
Parent: #1

تولوس
Quote: اؤلوس
اؤؤلوس
بلغة اهلنا البجاء تعني الاملس
ويطلق اهل كسلا لاحد جبال كسلا اسم اولوس وحرفت الي تولوس
وقديما انشاء اخينا الاستاذ احمد طه الحسن ومعه مجموعةكبيرة من عظام ادباء كسلا
انشاوا مجموعة اولوس او تولوس الادبية منها جاء اختياري لها الاسم

Quote: شكرا ي حبايب

بالله إنت خطري كده وأنا ما عارف!

ننتظر فتوي من هاشم نوريت ولا الأخت تورير!

Post: #12
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: MaxaB
Date: 11-06-2006, 01:51 PM
Parent: #1


ألف مبرووك .. للرجل المحبوب الذوق .. ودكسلا
ربنايتمم ليه على خير .. و يجعلوا بيت مال و عيال

و شكرا ليك نادية .. على التنبيه


رب اجعل هذا بلدا آمنا وارزق أهله من الثمرات

مكسب

Post: #13
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: WADKASSALA
Date: 11-06-2006, 02:17 PM
Parent: #12

Quote: وانصحك بزوغه خفيفه واذهب الي واو نار وتذوق ذلك المذاق ثم عد اخي باكرا ستجد العروسه بانتظارك وهي تغني باسمة هانئه :
.
ســموها واو نـــــــــور
عـبد المنعـــم إزيــــك

Post: #15
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 05:54 PM
Parent: #1

ود كسلا ..


انار الله قلبك بالحب وتذوقت من طيب الواوين وابعد عنك النار ززز



منعم

Post: #18
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 06:54 PM
Parent: #1

يجازي محنك يا تولوس جبت ديبو زاتوووووووووو



منعم

Post: #19
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 07:03 PM
Parent: #18

منعم تحياتي للحبايب
علاء وعزيز وعصام خسن الجاك ومحمد وعوض الله
وحبيبي علي وذوالنون وحمادة وعمنا ديبو زاتو وحسون ومليشا (مصطفي)وغبده ويوسف وكمبس وطارق ومعتصم عوض وايوب وديكو فاروق (ديك العرش) ووداعة والكثر من اولادنا وكل اهل كسلا ... وياخو انا من كسلا فعلا وقولا وانتما وولو عرفتني فعلا لتغيرت عنك صورة هائلة كنت تضعها لي ...
تعال لينا هنا
http://www.kassalahome.com/php/index.php

Post: #20
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 07:06 PM
Parent: #1

Quote: فاروق (ديك العرش)



والله قتلتني من الضحك يا تولوس ...


اها الخميني ما قلته ..


تحياتي يا ظلامي واصبر وبجيك هناك ..


منعم

Post: #21
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 07:20 PM
Parent: #20

الله

تحياتي للخميني
تعرف ابراهيم حترة كان من اعز اصحابي ومازلت احن اليه الي الان ... وقبل سنتين شفت فايز علي حمزة لقيتو مطوع من النوع الكوووول الدقن تنفع مقشاشة

تعرف نحن التجمع الرئيسي بتاعنا مع ياسر السيوفي ودائما معه قدام البيت وحتي بعد شهر سوف اكون في كسلا لو مد الله في الايام وبتلقاني هناك علي طول بس المرة دي مع عدنان

Post: #22
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 07:23 PM
Parent: #1

Quote: وحتي بعد شهر سوف اكون في كسلا


تولوس ساسافر كسلا في العيد نتقابل ..


ما قتا لي بتعرف حسن بنيان يعني الله يرحمه ..


ولا ما مات ..


منعم

Post: #23
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 07:30 PM
Parent: #22

حسن بنيان مليشا عجوز ...
الله يرحمهم ويغفر ليهم وانا اسالك بتعرف عمك عبدالله قاسم ايه اخبارو واين هو الان ؟؟؟

وهشام وسعيد كلب الخواجات اسماء اختفت اشتاق اليها ولا اعرف عنها اي حاجة

Post: #25
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-06-2006, 07:43 PM
Parent: #23


كيمو يا عريس حمد الله علي السلامة

راجيك البوست ده يلا شيل شيلتك ورحب بمن قدم اليك التهاني
كمال سويكت & اسمهان ... الف الف مبرووك

Post: #24
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 07:37 PM
Parent: #1

يالله يا تولوس انا طولت خالص وحاشرح ليك بالايميل ممكن الظروف .. بس جيت العيد الفات لمدة يوم ..


شكرا يا رائع للذكريات الجميله ..


منعم

Post: #26
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم ابراهيم الحاج
Date: 11-06-2006, 07:48 PM
Parent: #24

والله انا زاتي حيرتني

يامنعم سليمان

وناس صلاح عبد العاطي

وحسن هني..والرشيد هاشم الوقيع

واولاد مكرب..

وأللّو ..عماد حسن الجاك .. عمر علي

أزرق..

والله انا كنت لابد ليك لبدة

لكن من طلعت من كسلا وتعرفها

زقاق زقاق ...بعد دة

ما جاتك راحة...


اها ديل ناس السواقي

Post: #27
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-06-2006, 07:51 PM
Parent: #1

Quote: والله انا كنت لابد ليك لبدة

لكن من طلعت من كسلا وتعرفها

زقاق زقاق ...بعد دة

ما جاتك راحة...



منعم يا سمي ..

لابد لي ليه يا اخوي يلبد ليك كلالا انشاء الله .. اها دا عرفته ..


اللو والله اول ما جيت السودان ومعاي عاطف الامريكي عزمنا سهره في الميرغينيه ما حاحكيها ليك يمكن المره دي ما تلبد ساكت يمكن تغدر بي عديلللل كده ..

تحياتي يا اللابد


منعم

Post: #28
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم ابراهيم الحاج
Date: 11-06-2006, 08:02 PM
Parent: #27

انت ماعارف لابد ليك ليه


امش راجع بوست المرحاض..


عشان تعرف حاجة ...

يلبد ليك ..ود الحاجة ..


برينف..واللو

دي حاتكون حيّرتو "يني" زاتو..


المهم يازول احييك

وبيناتنا كتير

Post: #29
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-07-2006, 03:05 AM
Parent: #28

الاحباء ابناء كسلا الشاربة من الطيبة ,

تولوس,
عبد المنعم سليمان,
ادروب,
عبد المنعم ابراهيم,
MAXAB,
WADKASSALA,



التحايا الكريمة للمرور و الاسهام الرفيع و الثر !

دمتم و دام ود و اريحية اهل القاش فى ظلال جنة الاشراق كسلا!




و للعريس كمال الامانى العذبة ,



نادية السر

Post: #30
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-07-2006, 04:40 AM
Parent: #29

شكرا يا نادية يا اختي لاحتمالك ثرثرتنا ولكن في حضرة الجمال يكون البحث عن الجمال ايضا...



Quote: وناس صلاح عبد العاطي

منعم ابراهيم
هل اخبرتك ياصديقي بانا فجعنا العام الماضي برحيل اخونا وحبيبنا وصديق الجميع صلاح عبد العاطي البشير... ولازال الالم حاضر وبقوة ولانملك الا ان انا لله وانا اليه راجعون

Post: #31
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-07-2006, 07:55 AM
Parent: #30

العزيز تولوس ,

ما تقول كده و الله انا اتشرفت جدا بوجودكم و حديثكم الحلو

و بوست العريس كمال رحب يسع من الحبايب الف (بالدينار) كمان!



و نسأل الله ان يتقبل صديقكم صلاح عبد العاطى و يجعل مثواه الجنة و لكم جميعا حسن العزاء و الصبر .



نادية السر

Post: #32
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: كمال عثمان سويكت
Date: 11-07-2006, 08:35 AM
Parent: #1

ناديه السر

كنت حاسس من
كتيف القاش
بجيلك
وانثر الدوبيت أزاهر
فى بيادرك
وفى خميلك

كتر ألف خيرك
كان العشم انو تكون تهنئة
فى بوست بورداب الخرطوم

وهاهو يحمل بوست لوحده
أيه الهنا ده


الله يخليك ..
وما عارف نقول عقبالك
أم ندعو لك بالحج

وسويكت هو إسم جدنا كبير العايله
وهى معروفه جداً فى كسلا
وان كنا فى الاصل ننتمى الى قبيلة الشايقيه
من نورى
وزى ما قال ليك منعم الحاج
انها تصغير لى كلمة ساكت
يعنى جدنا كان زول هااااااااااااااااادى
بس ما جبدنى وطلعت زول نويضم
والدليل انى شغال مذيع فى التلفزيون القومى
ونضمى ساااااااااااااااااااااى

وتانى وتالت مشكوره على التهنئة
وافراد بوست خااااااااص
والمسأله كلها كانت مداعبه

Post: #33
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: كمال عثمان سويكت
Date: 11-07-2006, 08:39 AM
Parent: #1

ابراهيم كوبرا

تحياتى
وشنو كابى الزوغه
ليك يومين
انت ما بتجى الا شغال

تانى تاكل نارك براااااااااااك
فى الايام الجايه دى
فهمتنى
بكره الاربعاء مسافر أكمل عرسى
وعقبال تتورط الورطه
اللذيذه دى

Post: #34
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: كمال عثمان سويكت
Date: 11-07-2006, 08:46 AM
Parent: #1

عبدالمنعم سليمان
تحياتى
وشكراً على الكلام الحلو
ولقيتك مقدد كسلا ركن ركن
انت كنت شغال لبانى

والرحله السياحيه دى حلوه جداً وممتعه
خاصه العروس ما شافت جياد خلى كسلا
بس خربتها بى واو نار
معقوووووووووووله

والصوره دى الفيها ناس ديبو
كانت فى السواقى الجنوبيه شهر 8 الفات
وكانت بمناسبة زيارة محمد الشابك لكسلا
وكنت انا من الحاضرين

وبعد الصوره جات مطرة السواد والرماد ملت الصاج مويه واللحمه
طفحت .. ومافى زول سلم من المطره

بس انتو جبتو اسامى انا عرفت ناس فيها وكتير
ما عرفتهم
يا انتو عجايز شديييييييييد
يا انا عجوز جداً وما مواكب

وتسلم تانى على التحيه

Post: #35
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: كمال عثمان سويكت
Date: 11-07-2006, 09:01 AM
Parent: #1

تولوس ..

مرحب حبابك
وتشكر يا حبيب
ومرينا على التهانى
وردينا للناس الحلوين .. وعارفك ما بتقصر

لكن عبد المنعم طلع مقدقد كسلا
رغم انى كتير من الناس القلتوهم ما عرفتهم
وبالمناسبه بكره ماشى كسلا



منعم ابراهيم

سلامى ليك وللبنيات والبنين
وأمهم كمان
والله كان العشم تكون معانا
وبالمناسبه
حتكون فى حنة طمبور كاااااااااااااااربه
بى الصادق فرج ونور الدين .. فاتتك مش كده


ابوبكر أدروب
يا زول انا باقى لى بعرفك
انت مش ساكن حى العمال مربع 8
واخو محمد احمد خريج الجزيره
والضابط محمد احمد
واونور ... وباقى لى انت مشيت الجزاير
كلامى ده صاح ولا ما انت الزول المقصود
ولو صاح ده انا جارك وبعرف الاسره فرداً فرداً
وصديق شخصى لى محمد احمد
وكان معانا عاطف ابراهيم بخيت
كنا ثلاثى خطير

وعلى كل أحييك يا صديقى على التهنئة
ونقول عقبالك

Post: #36
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-07-2006, 09:11 AM
Parent: #35

العريس كمال منور البوست ,

سعيدة جدا بطلتك و معاك الملايكة ,

و كان نفسى اكون بعرف فى التقنية الحديثة دى و اقدر انزل ليك صوت زغرودة حلوة او اغنية سيرة لكن تقول شنو امية تقنية بعيد عنك!


يا سيدى تانى مبروك و ربى يتم ليك بالخير و يجعل ايامك كلها سعادة,



يعنى قلبى كان حاسى اهو طلعنا بنعرف صديق عزيز و غالى مشترك ( عاطف ابراهيم بخيت) زميل ايام دراسة فى جامعة الخرطوم (بزنس) و زوج اعز و احب صديقاتى الى قلبى .

نادية السر

Post: #37
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-07-2006, 09:11 AM
Parent: #35

يا كيمو انت يا زوول ما رديت علي اي زوول هناك اضغط علي اللنك الفوق داك

Post: #38
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Adrob abubakr
Date: 11-07-2006, 09:34 AM
Parent: #1

Quote: وصديق شخصى لى محمد احمد
وكان معانا عاطف ابراهيم بخيت
كنا ثلاثى خطير

إنت قصدك أخي الأصغر محمد علي (جامعة الجزيرة) أم الأكبر محمد أحمد؟
يا أخي إنت زمن الجزائر ده كان نهاية الثمانينيات!!!
بالله كيف عرفتني؟!
لكن قول لي هل إنت من أقارب حسن الشيخ وطاهر الشيخ ولا أنا غلطان؟!

أوي تولوس وود كسلا ده يجروك للكيزان!

Post: #39
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: تولوس
Date: 11-07-2006, 10:02 AM
Parent: #38

Quote: أوي تولوس وود كسلا ده يجروك للكيزان!

اهو يا ادروب اسال عندك عبد المنعم ابراهيم الحاج وكمال سويكت وديل يعرفوني معرفة شخصية واسرتي وبيتنا وكل صغيرة او كبيرة وممكن يقولو ليك لو انا كوز

.. انا رجل واضح لا اخلط بين معارضة الحكومة وهدم الوطن ولا بين المعاضة والارتهان في حضن الاجنبي
ولا يمكن ان اكون عميان كما في الماسونية انفذ مخططات لا ادري عنها شيئا ..
بقدر كراهيتي للكيزان والحكومة
اكره السندكاليين
اكره المنتفعين
اكره الاغبياء
اكره الملاحدة
اكره الصليبين والتنصيرين
اكره العملاء الامبرياليين

واحب وطني والوطنين بقدر كراهيتي للانقازيين ...

ما توزع الاتهامات لمجرد اختلاف الاراء

Post: #40
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: معتصم دفع الله
Date: 11-07-2006, 10:19 AM
Parent: #1

تهانينا القلبية للزميل كمال ..
إن شاء الله بيت مال وعيال ..


فيك الخير يا نادية ..
ربنا يجمل أيامك ..

Post: #42
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-08-2006, 07:07 AM
Parent: #40

المعتصم ود دفع الله ,

تسلم و يباركو ليك السمح ان شاء الله !

و ممتنة كتير للدعوات الرقيقات و لك مثلها !




نادية السر

Post: #41
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: عبد المنعم سليمان
Date: 11-07-2006, 03:36 PM
Parent: #1

ناسف لعدم التداخل للحاله التي وصل اليها المنبر وفصل الاخت تراجي ..



لكسلا المحبه ولكم الاحترام


منعم


ونعود لاحقا

Post: #43
Title: Re: ود كسلا الوريفة العريس كمال عثمان سوكيت الما( دارك) ما( لامك) ربنا يتم على خير !
Author: Nadia Elsir
Date: 11-08-2006, 07:11 AM
Parent: #41

عبد المنعم سليمان ,

ممنونة للمرور و ان كان على عجالة !

راجين ان تعود للمنبر سكيتنه و ربى يهدى النفوس !




ان شاء الله نواصل فرحتنا بالعريس كمال !



نادية السر