نــــــــــادي الطمبــــــــور

نــــــــــادي الطمبــــــــور


01-01-2005, 02:22 AM


  » http://sudaneseonline.com/cgi-bin/sdb/2bb.cgi?seq=msg&board=401&msg=1240868703&rn=0


Post: #1
Title: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 02:22 AM

الطمبور صديقنا و عزنا و ملجانا
وكتين السنين تفتح بوابة أحزانة
مما قمنا نسمع فيهو لا ملينالا ملّانا
زي إبل الرحيل شايلي السُقا و عطشانة
الطمبــــــــــــــــــور

نادي الطمبور:
وينو الحبيب نور الظلام ليه إنطفا؟
ومالو القمر من دارنا يا ناس إختفى؟
حبيبنا عود سيب الصدود سيب الجفا
حبيبي أصلو الحب عهود و الحب وفا
عندك طبايع يا جميل ما أظرفا
رقة و رزانة و خفة غير متكلّفا

الطمبور:
يا حبيبي انا إفتقدتك لمّا زاد الشوق علي
و إنت عارف روحي بعدك لا بتموت لا بتقى حيَيِ

الطمبور:

يا نضاراً كاسي فيك و فيك آية
فيك براءة طفل عمرو لسة ما تم السماية
فيك وراعة شيخنا لمّا يحضر اللوح و الدوايا
و فيك صدق حيرانو لماً يوقدوا نارهم للقراية
يا سحابة ظليلة جاية و يا ربيع من غير نهاية

حبايب النادي:

زمن كايس أراضيهم
وصف لي درب الريد عشان أوصل أراضيهم يا مرسال
مرســــــــــــــــــــال الشوق أنا الضهبان

أما آن لهذا العملاق أن يعود؟
دعونا نستفتح به العام 2005 دعوة لكل عشاق الطمبور و الفن الراقي

Post: #2
Title: Re: نــــــــــادي الطمبــــــــور
Author: مريم بنت الحسين
Date: 01-01-2005, 03:34 AM
Parent: #1

علاء.. كل عام وإنت بخير ... والسنة الجاية على أمانيك...

طبعا اطريت أسأل الوالده عن "الطمبور".. انا بسميه الحاجه البمسكوها كده (وبعمل حركة مسكة الطمبور)... لو عندك ملفات يا ريت تشاركنا بيها...

عندي زميلي شايقي ظريف شديد... مرّه ببراءة سألته.. قلت ليهو انت بتعرف تعزف في الحاجه البمسكوها كده (قصدي على الطمبور)... قعد اضحك.. قال لي لأ، انا الناس البصفقوا بي ورا...



بنت الحسين

Post: #3
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 03:43 AM
Parent: #2

الغالية بنت الحسين
و إنتي طيبة يا رب
حقيقة ما توقعت مشاركتك في البوست دة قلت الزولة دي بتاعت أسلاك و أثير بس ، لكن واضح من كلاك إنك سميعة بس.
و النكتة حلوة شديد
حأقول ليك شيء جديد عليك في علاء بس ما يسحروني
أنا بعزف أورغ و عود بإجادة و طمبور و جيتار و فلوت و ماندولين.
و الموسيقى جارية في الدم مع الكمبيوتر طبعاً.
حيجوا الشباب هسي و يزودنا بالمفيد

Post: #4
Title: Re: نــــــــــادي الطمبــــــــور
Author: مريم بنت الحسين
Date: 01-01-2005, 05:18 AM
Parent: #1

Quote: أنا بعزف أورغ و عود بإجادة و طمبور و جيتار و فلوت و ماندولين.


ماشاء الله تبارك الله.. طيب ما تسمعنا شي من انتاجك...

انا بالمناسبة زولة داخله في الكومبيوتر ده بالغلط... انا بحب الادب شديد.. والقصة والرواية والخواطر.. وجني الاكبر الكتابة...

في انتظارك والبقية ايضاً

بنت الحسين

Post: #5
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 08:17 AM
Parent: #4

الغالية نت الحسين
إنت داخلة صح الأدب لا يمكن إحترافه بل يمكن إكتسابه و العكس للكمبيوتر.
و شكلك لميتي الإتنين فبالله طلعي من المستخبي من مخزونك الأدبي.لنا مهي و طلعت شاعرة كبيرة
خلينا نشوف صوت نسائي تاني سواء في الشعر أو القصة أو غيرهما من المجالات الإنسانية.

Post: #6
Title: Re: نــــــــــادي الطمبــــــــور
Author: ست البنات
Date: 01-01-2005, 09:11 AM
Parent: #1

العزيز علاء ،
كل عام وانت طيب ومبسوط وتقرقر يا رب!
الطنبور اتولد معاى فى البيت !
الوالد يرحمه الله كان عازفا بارعا !
وكنا نرقص مع عزفه ونغنى !
فقد كان أبى يرحمه الله جميلا يتدفق فنا وانسانية وحبا وودا .
ولى عودة وقعدة طويلة .
واغشى لقدابتى أملا خشمك وقنب أكللك ديفيقاتن سميحات وكتحة ترمس !
ست البنات .

Post: #8
Title: Re: نــــــــــادي الطمبــــــــور
Author: ملكة سبأ
Date: 01-01-2005, 11:05 AM
Parent: #6

سلامات علا
ومن عندك من هنا اهدي التحايا للجميع
واتني ان تكون سنة أفضل
وبعد إذن ناس الطنبور ( عندنا) أقدم ليكم هذا البوست بكل ما يحمل من روائع هدية عام جديد جميل كما نتمنى ..
http://www.sudaniyat.net/forum/viewtopic.php?t=1332&pos...ostorder=asc&start=0

Post: #11
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 11:35 PM
Parent: #8

ملكة سبأ

عارف حديثك ذوق وفن
وين كنتي كايس ليك زمن
جايانا بعد الليل سكن
راحن نجيماتو إتّكن
وين كنتي كايس ليك زمن
بان الصباح و نسايمو جن
و بلابلو في الأغصان شدن
وين كنتي كايس ليك زمن

أتابع كتاباتك في سودان.نت و جهودك الجميلة في عكس صورة مشرفة و مشرقة عن "الشمال بلد الأحبة"
و عن أهلي الأفاضل زاد شوقي ليهم يا ماشي سادر سلم عليهم.
ما تغيبي ، الصفاقين في السكة و عندنا الغنايين راجينكم للشبال.

Post: #10
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 11:29 PM
Parent: #6

ست البنات
Quote: الوالد يرحمه الله كان عازفا بارعا !
وكنا نرقص مع عزفه ونغنى !
فقد كان أبى يرحمه الله جميلا يتدفق فنا وانسانية وحبا وودا .


رحمه الله رحمة واسعة

يا قمرا أقلبي السنسن الحمرا و شوفي أبوي أنا الراجياهو كل صباح
والله جاهو العيد كمان زاد القليب حسرة هو منطمي قلبو و نفسو منكسرة
لا لمّة القروش لا حصل المسرى بلد ما فيها زول مات من عدم كسرة
فراقكم ليها يا أحباب دة ما كان صاح

التحتها خط دي عايزة ول يجي يصلحة


حباب ست البنات ، قعدنا تحت النقيقيرات و جبنا طمبورنا وريحة الجروف سابقي قعدتنا ، و بنات الشيخ يسون في الشاي المن لبن النعجي ، و حنبدأ الجلسة.

Post: #7
Title: Re: نــــــــــادي الطمبــــــــور
Author: yasiko
Date: 01-01-2005, 10:56 AM
Parent: #1

الأخ علاء الدين سلام
كل عام وانت بخير
الموضوعان التاليان وجدتهما في "سودان نت" وبكل اسف لم اتذكر الكاتبين ،
والان استسمحهما ، غياباً ، لنقلهما إلى هنا ولهما العتبى حتى يرضيان




الطنبور :-
هى آلة لم تدخلها المكننة تتكون من أشياء بدائية ويرسم عليها باليد رسومات جميلة ويشدْ عليها خمسة سلوك .
ويشدو بها فنانين الشمال من الحامداب والمناصير الى حلفا ولكن اتقنها بطريقة فنية جميلة أبناء قبيلة الشوايقه .
ومن الفنانين الذين أجادوها بقوة هو النعام آدم وهو رقم أنه فاقد حاسة الرؤية ولكن كان مبدع ويمتاز بخفة الدم والنكات السريعة ومما يحكى عنه أن أحد أبناء المنطقة يطلق عليه أبو سلك وكان معجب بالنعام وطيلة الوقت يبشر فوقه ويقول أنا أبو سلك
اين ما يذهب النعام شرق أو غرب يجده معه وفى أحد المرات عندما كان يهز فوقه قال له النعامه !!!!!! أبو سلك أرجوك أبعد من فوق خمس سلوكى هذه .
ومن الفنانين عثمان اليمنى وهو مبدع كذلك ولكن سيس نفسه والسياسة تمحو بريق الفن لذى فقد جلة معجبينه .
والفنان محمد جباره الذى أبكى عيون جدتى وأمى وعيون جيلى بأغنيته الحنينه : يا يمه أرسلى لى عفوكى ينجينى من جور الزمن .... وباقى كلماتها الحنينه .


&&&&&&&


إن آلة الطنبور هي قريبة من آلة العود من حيث استخراج الأصوات بواسطة النقر ولمس الأصابع وشكل الطنبور من حيث صندوقه الذي يعتبر بيت الصوت يكون صغيراً بحجم الماندولين وزنده يكون طويلاً أقل من مسافة المتر بشيء قليل ويوضع على زنده ربطات من الأوتار تسمى الدساتين ومهمة هذه الدساتين تعيين أماكن النغمات والطنابير على نوعين ميزاني أو خراساني وبغدادي ولكل منهما خصائصه ومزاياه فالطنبور البغدادي يحتوي زنده على ستة عشر دستاناً أي ربطة ولذا نجده ضيق المسافات إذ لا يؤدي إلا الموال البغدادي و الإبراهيمي وبعض النغمات البسيطة بينما نجد الطنبور الميزاني الذي يعتبرونه كاملاً يحتوي على ثلاثين ربطة فوق زنده ويمكن لهذا الطنبور أن يؤدي سائر الألحان وحتى باستطاعته مماشاة آلتي القانون والبيانو ويوضع على صدر هذه الآلة وتران فقط هما صول دو وباستطاعة هذين الوترين أن يؤديا سائر الألحان والنغمات وقد يوضع ثلاثة أوتار على الطنبور في بعض الأحيان
ولهذه الآلة عازفون بارعون اشتهروا في ميدانها في الماضي والحاضر ففي العصر العباسي اشتهرت عبيده الطنبورية وهي مغنية جميلة الوجه وشاعرة مجيدة ومحدثة لبقة وعاصرت إسحاق الموصلي وغنته ولكنها لم تنل شهرتها اللائقة بها وسميت بالطنبورية لأنها اختصت بالعزف على الطنبور والغناء عليه وقد اشتهر غيرها من المغنيين بالطنبوريين أيضا منهم أبو حشيشة ومخارق والمسدود والزبيدي وفي مطلع القرن العشرين ظهر طنبوري معاصر مجيد هو عازف الطنبور التركي جميل بك الطنبوري الذي ذاعت شهرته في العالمين التركي و العربي

Post: #13
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 11:42 PM
Parent: #7

الحبيب yasiko

يا نسمة جروف بكتب ليك حروف
من قلبي الولوف لزولي العطوف
أغريهو السلام

لمن الطمبور يرن يخلي قلب الكافر يحن

الطمبور ساحر ذو خمس أوتار لكنه شكّل مع نقرات الدليب التي قال عنها باحث موسيقي ألماني"هذا أجمل إيقاع في العالم"
إيقاع الدليب الذي عرفه YANI ذلكم الموسيقار العالمي و ألّف عليه عدة مقطوعات مسموعة.

نحاول نستضيف الأستاذ الموصلي ليدلو بلدوه عمَا يختزنه في جعبته عن الطمبور و أوتاره و الدليب كإيقاع.

Post: #9
Title: Re: نــــــــــادي الطمبــــــــور
Author: عمر الفاروق شيخ الدين
Date: 01-01-2005, 11:09 AM
Parent: #1

حبيبنا علاء :
والله نضمك في الثقافة بقا لي غريب غريب طوووولنا ما سمعنا ابداعتك دي ..الله يجازي اللكان السبب ..

بت الحسين مريوما :
والله علاء ده انا ساكيهو لي زمن يسمعني حاجة وهو زايغ اجيب ليهو الاورغن يقول لي والله لو لقينا عود يكون احسن اشوف ليهو العود يقول لي ياخ غنا الشوايقة حنيين خليني اشوف لي طمبور اها بس شغال معاهو يا كديسة سكي الفار ...
انا خايفو يطلع (عازف) عن الزواج ..
لك التحايا

Post: #14
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 11:45 PM
Parent: #9

ود شيخ الين

زعلان منك أيٍّ لأنك
ما قدرت قوافل شوقي
ولا أكرمت رسايلو الجنّك
لا عوّافي ولا كيفنك

يمشي يلاحق في السفار
الماشين و الجاين منك
قبال يوصل جبل البركل
شوقو يسبقو و يسأل عنك
لا عوّافي ولا كيفنك


وينك يا راجل؟
حبابك و إنت ضيف في النادي و عارفك ممكون بعشق الطمبور

Post: #12
Title: Re: نــــــــــادي الطمبــــــــور
Author: alsngaq
Date: 01-01-2005, 11:38 PM
Parent: #1


Quote: الطمبور صديقنا و عزنا و ملجانا
وكتين السنين تفتح بوابة أحزانة
مما قمنا نسمع فيهو لا ملينالا ملّانا
زي إبل الرحيل شايلي السُقا و عطشانة


الحبيب علاء

كل سنة وانت طيب

وبالف خير

الكلام دا جميل بالحيل
بس خلي ست البنات تجيب
بوست القراريص حقها داك
هنا عشان تكتمل الصورة
والفرحة

تحياتي



تحياتي

Post: #15
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-01-2005, 11:53 PM
Parent: #12

حبيبنا alsngaq

و إنت كمان تجينا و نمشي مع بعض نلف البلد حلّي حلّي و محل محل ، نغشا ناس قوز قرافي و نقعد مع يعقوب تاج السر و نسمع حكاويهو مع الغرام و نبكي لمّا يقول :

إن مت أكتبو فوق قبر المحب كلمات
هذا شهيد الحب عاشق الجمال المات

و نجابد لامن نصل لعاشق نجلا ، سيد أحمد عبد الحميد يحكيلنا أنبل قصة غرام و يحكيلنا شعورو في اللحظات القال فيها للمحبوبة بت العم السافرت و غابت و جات و جابت :

أخلف للوعود و عذرتو و قلنا نصيب و أقسام
طاف كل الفريق في عيدو زار كل البلد حام
لكن طول إجازتو أبانا لامن كملا و قام
حرام والله نحن البينا أرحام

Post: #16
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 01:22 AM
Parent: #15

إسمعين ود حد الزين
قال:

نحن الساس و نحن الراس و نحن الدنيا بذاتة.

كان ذلكم في الفخر و الإعزاز بإرث المنطقة الذي لا يضاهى.


و حق لنا أن نفخر بإنتمائنا لقبيلة الطنابرة:

لوما جيت من زي ديل
كان وا أسفاي وا مأساتي
واذلي
تصور كيف يكون الحال
لو ما كنت سوداني
و أهل الحارة ما أهلي

و يقول في أحد مقاطع قصيدته العصماء التي أصبحت تنافس "نشيد العلم" في الوطنية :

عرب ممزوجة بدم الزنوج الحارة ديل أهلي
ديل قبيلتي وكتين أفصل للبدور فصلي


و على ذات النسق جاءت أغنية يوسف ود كرم الله لمحبوبة شاعر الأغنية "رانيا" التي يقال أنها كانت هندية و عايرته بسمرة لونه فقال لها:

الريدة ما بتعرف حدود
لا ليها مرسى ولا بلود
يا رانيا قلبك ليه جحود
أسمر صحيح أنا معترف
و أهلي الهناك بالجملة سود
لكن سمارة لون و بس
أما القلوب عكس الجلود
يا رانيا قلبك ليه جحود
يا رانيا لو زرتي الشمال
تلقينا أهل ترحاب وجود
تلقينا سمحين الطباع
تلقينا وقت الجد أسود

Post: #17
Title: Re: نــــــــــادي الطمبــــــــور
Author: alsngaq
Date: 01-02-2005, 01:54 AM
Parent: #16



علاء

كدي كان النظر دا ما كعب
انت يا زول كنت فى الهند
الكبر دخل والنظر بقى كعب
شديد خلاص

اخوك
السنجك

Post: #18
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 02:08 AM
Parent: #17

السنجك
POONA UNIVERSITY
SYMBIOSIS COLLEGE
DECCAN AREA

Post: #19
Title: Re: نــــــــــادي الطمبــــــــور
Author: Elmosley
Date: 01-02-2005, 03:13 AM
Parent: #1

شكرا يا علاء علي هذا البوست
وحقيقة الامر فانا اعشق الة الطمبور
وهي اله منتشره علي طول ساحل البحر الاحمر وغربه الي الشمال
وهي اله لها العديد من الاسماء مثل اللير وكيسر
وكما اجاد عزفها في شمال السودان الشوايقه
فان شرق السودان يجيدها ايضاوفي سائر انحاء الشرق يطلق عليها
(بازانكوب) ولكنها بلغة التقري تسمي (مسنغو)

اما عن ايقاع الدليب فهو ليس منحصر في السودان فقط
كما يعتقد البعض منا ولكنه منتشر في كثير من انحاء العالم خصوصا في بعض المناطق الاوربية
ولكن الضرب الايقاعي للدليب وهو في ميزان 7/8
له تمييز وجمال ومهارات خاصه لدي قبيلة الشايقيه

فقد الف عليه اعظم مؤلف موسيقي في القرن السابق
ايجور سترافنسكي كما الف عليه كثيرا الموسيقار الاغريقي ياني
وايقاع الدليب يطلق عليه الاعرج لانه ميزان مركب

Post: #20
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 03:28 AM
Parent: #19


الموصلي
وليك من غير ما تقولِّي سلام بقول أهلاً حباب
و أفضل إستناك قدر زمني الرجيتك فيهو لو قدري استجاب
كل شعري و نثري كلو
وهبتو لقمري المطول مني غاب
و إنت مهما طال زمانك ليك آخر يا عذاب
أنا بعشقك
و بعشقك و ما شفتة إنسان أدمن الريد و منو تاب
و بعشقك و ما شفتة مجنون غير فقيرو يمسو طاب
إلا خايف عمري يكمل و لسة في صدري العقاب
ومني ليك لابد أواصل و يبقى قلبي أنا غاب و جاب
أنا بعشقك


ما أجمل حضورك يا أستاذنا الموصلي و أنت تضفي على الجلسة سر العلام و العلامة ، دخلت من باب الكشر الكبير و جيتنا في بطن الحوش ، إتوهط يا موصلي هاك جُر عليك سبيطة مدين و سبيطة مشرق و رطِّب جوفك و بعدها بيجيك الشربوت بمناسبة راس السنة و شاي المغيرب المقنن.
القعدة شكلها حتطول و لسة الجايِّ جايَ.
معلومات مفيدة من أستاذنا الكبير و شخصياً جديدة علي و مفيدة نستفيد منها في مقبل الأيام
شكراً يا موصلي و ياريت تطلّنا مرة مرة
و الشوق وريدك في قليبنا بلا حدود

Post: #21
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 04:07 AM
Parent: #20

أحبتي عشاق الطمبور
دعونا لا ننسى أن نزجي التحايا مباركات لكل من حمل الشعلة الطمبورية على مرّ السنين و الأيام ، وقفة صغيرة لتحية الأستاذة العملاقة الغايبة عن العين الحاضرة دوماً في البال و الخاطرة ، الأستاذة نفيسة أحمد علي مِزيِّر
المقدمة السابقة للنادي التي أمتعت الكثيرين بكنوز الشمال ، يقال أنها بالأمارات العربية المتحدة بعد أن خطفها الفارس ذو الحصان الأبيض:
أصلو ود أب زيد كل يوم من بلدنا مرحِّل جِدي
و نقول لها
مشتاقين إنتي متين تجينا
تعبانين و الشوق طال علينا
حور في سور و سيدو معلّي سورو
و الجيران ما قادرين يزوروا
لكل من يعرف لها طريقاً أو يسمع عنها خبراً أن يبلغها عنّا السلام و الحب و عبرها يمتد للفارس الهمام خالد شقوري المقدم الحالي للبرنامج و الشاعر الشاب الفاتح.

Post: #22
Title: Re: نــــــــــادي الطمبــــــــور
Author: osly2
Date: 01-02-2005, 08:12 AM
Parent: #21

قالولى بتهوى شافعه ؟
قوتليهم لو بترضع
قالولى صباك ضائع
قوتليهم بيها برجع
وصوا وساكت توصوا
وصيتكم ما بتنفع
شوف العين شن بسوى
لى جائع قصدو يشبع؟

علاء وشلة الطنابره جايكم صاد

تحياتى

Post: #25
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 11:50 PM
Parent: #22

osly2
حبيبنا أوسلي
سلام عليك و إنتجايب ريحة يس عبد العظيم ألا رحمة الله عليه
لا بتالفو ولا بتوالفو لا قادر منو ترجع

تعال و كمِّل لينا الغنية و خلي قعيدتك تطول


لا زلت أذكر قبل سنوات ليست بالطويلة حينما كنت مسافراً عبر "زهرة الشمال" مع عبد الرحمن ود مكي و كانت نفسي تنازعني البقاء ، عبرنا من الشرق للغرب ووصلنا أوسلي و بين مد و جذر ما بين البقاء و المواصلة لمحت أحدهم في أوسلي الحلوة يشير لود مكي بأن توقف و كان يريد مقعداً للخرطوم غير "مسطح" بأي حال من الأحوال و الدنيا برد ، و لقيتة فرصة و أديتو تذكرتي و قبضت قروشه وودعت ود مكي و مساعدو إبراهيم ولد أخوهو "الله يرحمو إتوفى قبل شهور قليلة" و عدت أدراجي من أوسلي إلي سوق القرير "راجلاً غير راكب" ومنها إلي تنقاسي السوق "بفوردكي" و من ثم لمروي غرب ثم البنطون و البيت الكبير.

راجينك

Post: #23
Title: Re: نــــــــــادي الطمبــــــــور
Author: ود الشيخ
Date: 01-02-2005, 10:53 AM
Parent: #1



ست البنات
يا ممسوخي الحاجة البمسكوها كيف

علاء
يا اخوي الدولار مجننك اسمه ود شيخ الدين
مش شيخ الين لكن ممكن الهللة

Post: #24
Title: Re: نــــــــــادي الطمبــــــــور
Author: خضر عطا المنان
Date: 01-02-2005, 11:12 AM
Parent: #23


عزيزنا : علاء

جابني حسيس طنبور ينقرش بى هني ..

والدليب العاوي في نص السمي ..

وجيت أتاوق أكان القالي رقراقن من بين

الصفوف فشان أمتع نضري دا برقيص بنياتن

سميحات وأشيلي شبيبيلات أروي بيهن الرويح

العطيشاني دي ..

سلامي ليك .. ولى كل الجالسين في ديوانك السمح الأصيل دا.

كل عام وأنت والأهل التحت والفوق كلهن بالف خير.

خضرعطا المنان

Post: #27
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 11:58 PM
Parent: #24

الزول الوسيم في طبعو دايماً هادي
حلات رويحتك يا ود عطا المنان و حلالنا بيك وبي دخلتك علينا المافي متلها شي في الدنيي دي و شن الدنيي عليك الله "خرباني أم بناين قش"

و حلاة نويدينا الجابك لينا و حق لقبيلة الطنابرة أنت تفخر بك يا ود عطا المنان.
و راجينك

Post: #26
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-02-2005, 11:54 PM
Parent: #23

حبيب الناس ود الشيخ

عارف صورتك دي عشان تكتمل في نادينا دة ناقصة شنو؟؟؟

الطمبور
و ستي صفاقين
تلاتي من تالة اليمين و تالتي من تالة الشمال

Post: #28
Title: Re: نــــــــــادي الطمبــــــــور
Author: maman
Date: 01-03-2005, 05:31 AM
Parent: #1

الأخ علاء
الأخوان والأخوات

تحياتي لكم جميعا

أقدم اشتراكي في النادي ( وما تنسو تقطعو لي ايصال).. قصيدة للسر عثمان الطيب شدى بها في زمان سابق الفنان الفنان محمد جبارة، وهي يا صحاب قمري حليلو.. من زمان فارق خميلو

مامان



يا صحاب قمري حليلو
 السر عثمان الطيب 
يا  صحاب  قمرى  iiحليلو
من  زمان  فارق  iiخميلو
**
مالوفى  العش ساب iiخليلو
دون  وداع فى يوم iiرحيلو
فر   سايق  الشوق  iiدليلو
ما  اتعرف  شقيش iiسبيلو
**
الدموع    زادو   iiالبشيلو
فى  الطريق  يرون iiغليلو
يسرى   دايح   جن  iiليلو
حنن     الكافر    iiحويلو
**
هد   بى   ترحالو   iiحيلو
زاد  كتر فى السفرة iiويلو
يا   حليلو   غنا   وهديلو
لي   يجى  النسام  iiيشيلو
**
منى    كل   الهم   iiيزيلو
ما   اتلقالى  محال  iiمثيلو
كنت   بلقى  وكت  iiمقيلو
حاضنو شايلو جريد نخيلو

Post: #29
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-03-2005, 06:55 AM
Parent: #28

الحبيب مامان

يا حليلكم يا أهلنا و ضمّة ضمّة الشوق كتلنا

خشيت علي لقدابة ست البنات لقيتك تقرٍّض في حرفك الليل القراصة و تنضم في نضم حناكيش الطنابرة ما بيفهموهو ، نضماً شهاني البلد بالحيل يا مامان ، عجبني حديثك تب و قلت أندهلك تجينا كمان تدينا طلة بي هني لكن قلت كدي خلّو براهو هسعيتي طنيبيرنا المو خمج يجيبو يلوِّح بي عمتو و خاشي على بنوتن تحاكي الخيل يشيلو شبال شبالين و يقعد.

مامان






New Page 1




mso-ansi-font-weight:bold">


الطمبور صديقنا و عزنا و ملجانا

وكتين السنين تفتح بوابة أحزانة

مما قمنا نسمع فيهو لا ملينا لا ملانة

زي إبل الرحيل شايلي السٌقا و عطشانة



أوتارو الحنيني تملِّي عايشي معانا

في الريف و الحضر و محل ما تمشي بطانة

الله لو بشيشي تداعبو إيد فنانة

تتراقص جميع الدنيا بي أركانة



لو قلبك حجر و غنانا شايفو رطانة

أول ما يرن تلقاك غرقتة معانا

إحساسك يذوب قامتك تميل طربانة

زي مرّ النسيم وكتين يداعب البانة



الطمبور سماحتو القمرة مالي سمانا

الليل و السكون و الرملة كالمرجانة

نتلملم نكون في شلة سامية مكانة

نضحك ننبسط لما الصباح يلقانا






Post: #30
Title: Re: نــــــــــادي الطمبــــــــور
Author: Shinteer
Date: 01-03-2005, 06:55 AM
Parent: #28

صديق بن أحمد ... اللللللللللللللللله. الصوت الذي لا أملّه
شكراً يا علاء .. والشكر كيمان ليك يا ياسيكو.

صديق أحمد .. ملكات صوتية .. تمرق القطايع المزمنة.

يديك العافية يا ود أحمد.

Post: #32
Title: Re: نــــــــــادي الطمبــــــــور
Author: bayan
Date: 01-03-2005, 07:03 AM
Parent: #30

بشوف لى جنى يقيف فى الصف يطير لافوق يطير يندق


تحياتى لكم جميعا

وكل سنة وانتو بالف خير تامين لامين

وامغصتى رحل تلوت الليل

Post: #33
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-03-2005, 07:08 AM
Parent: #30

حبيبنا شانتير
الدار دارك و النادي بلاكم ما بيبقى

صديق أحمد فنان لا حدود له كما أن حبنا له لا تحده حدود
صديق غنّا كتير لعبد الله محمد خير و بهديك المقطع دة اللي يقال أنو عبد الله محمد خير كتبو في عيون خليجية لابسة البرقع في سوبر ماركت في الرياض لما بحلق فيها و في الجمال الما إتوجد للعيون السود و نهرتو و قالتلو "إيش فيك تطالع" فقال في اللحظة و التو:







New Page 1




mso-ansi-font-weight:bold">


rtl;unicode-bidi:embed">12.0pt;color:red">بتسألي فيّ


rtl;unicode-bidi:embed">12.0pt;color:red">إيش فيك بتطالع


rtl;unicode-bidi:embed">12.0pt;color:red">بطالع في بدر فتك الخمار طالع


rtl;unicode-bidi:embed">12.0pt;color:red">بطالع في القوام الأمرد الفارع


rtl;unicode-bidi:embed">12.0pt;color:red">بطالع في جمر بيك وبلاك والع


font-family:"Times New Roman";mso-fareast-font-family:"Times New Roman";
color:red;mso-ansi-language:EN-US;mso-fareast-language:EN-US;mso-bidi-language:
AR-SA">بطالع في النفس لا يبقى مو طالع





Post: #31
Title: Re: نــــــــــادي الطمبــــــــور
Author: ود الشيخ
Date: 01-03-2005, 07:01 AM
Parent: #1



علاء
البوست ده راقي يا اخي

Post: #34
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-03-2005, 07:12 AM
Parent: #31



قصدك شنو يعني يا ود الشيخ؟

يا حبيبي والله نحن ناس راقين بالفطرة.
و خليك معانا بس ما تمرق

Post: #35
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-03-2005, 08:36 AM
Parent: #34







New Page 1




بيان


embed"> 


يا
غالية نار الشوق حرقتني يادابا


شوق
للصغير يادوب في الواطة يتحابا


من
شافني قام يبكي بي إيدي لي شابا


ما
جبتي لي خبر لا جوني جلابة


mso-fareast-font-family:"Times New Roman";color:blue;mso-ansi-language:EN-US;
mso-fareast-language:EN-US;mso-bidi-language:AR-SA">يا غالية نار
الشوق حرقتني يادابا

embed"> 


 






Post: #36
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-03-2005, 10:46 AM
Parent: #35








و من أرض الشمال المعطاءة و من نوادينا جاءا يشكلا ثنائية من أجمل ما تكون ، تغنيا بأشعار عاشق نجلا سيد أحمد عبد الحميد :

بالله يا مرسال شيل السلام ليهو
سافر مع الأنسام أرجوك قول ليهو
قولّو العشوق راجيك شوقك مبكيهو
يغريك ألف سلام ردّو اللوديهو







Post: #37
Title: Re: نــــــــــادي الطمبــــــــور
Author: osly2
Date: 01-03-2005, 07:16 PM
Parent: #36

ضمنى يا ليل الغلابة وضمنى
لفنى وابلعنى فى جوفك هناك ولمنى

بسالك بالفيك مسك قلبو وشهق
بالبيبكى ودار تشقوا العبرة طق
بالكتم سر حبو لا باح لا نطق
قولى مخلوق حظى منك ولا من حظى اتخلق ؟


انتظر طاوعنى لا تعجل تفوت
يبقى ما تلقانى بكرة وراك اموت
ودا ان حصل البس سوادك وحدنى

مالك اتحيرت يا ليل فى الكلام
ماك شايف الدنيا فى عينى ظلام
والقليب عميان يفتش فى الزحام
لى قلوبا طيبة ما عرفت خصام
فى زمننا الطيبة راحت وما اتلقت
فى دروبا جريت والكرعين حفت
والبقول يمسح دموع عينى يزيدا يتمنى

Post: #39
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 00:20 AM
Parent: #37

الحبيب أوسلي
ذهب يس عبد العظيم و بقيت أغانيه ترنيمة حب و عشق دائمة ، حلالي بيك و إنت عندك منو الكتير ، يسن
لو ما كان العمر من بدري إنكتب في اللوح
كان النفوس تتفدى روح بي روح ليسن


النادي بيكم عمران و ما عليهو خوف تب

Post: #38
Title: Re: نــــــــــادي الطمبــــــــور
Author: yasiko
Date: 01-04-2005, 00:02 AM
Parent: #1

الحنـــــــــــــــــــــــين
 السر عثمان الطيب 
الـــــحـــــنـــــيـــــن
ودانـي جـيت بالساقي سادر***قلت انشد ناسا iiعن
زولـــــــــي iiالــمــســافــر


الـــــحـــــفـــــيـــــر
شـوف عيني يبكي معاي يكابر***دمعو جدول جاري
لــبــيــتــكـم iiمــــجــــاور


قـــــــــــــــــــــال
لي  وين ما بنت طوّل ماك ظاهر***دار اجيكم قلت iiلو
كــــــان لاقـــــي iiخـــاطــر

كـانت الايـام حنان بلحيل نواضر***الله يلعن حظي
شـــــوم  يــااخــوانـي iiعــاســر

لـمحل الـلقيا سـقت خطاي ازاور***استعيد الماضي
اتــعــلــلــبـو   iiصــــابــــر

احضن  الاغصان  واهيم في وهم سادر***وحدي iiتحت
الــمـنـقـة لـــلأحــزان مــصـاقـر

مـالو  مـن خـلاني مـا يـكتب يخابر***بس iiلعلّو
الــمـانـعـو  خـيـروكـتـر بــشـايـر

نـاس فـلان قـالوا لي طاريك ديمة iiذاكر***بغرامك
قــلـبـو ديــمــه مـــلان وعــامـر

لابـس  الاخلاص حرير وهلال واساور***قلدو iiفوق
عــنـقـو اكــلـيـل مـــن iiازاهـــر

آه..تـقاليد ريـفنا يـا الابو ماب تشاور***نحن iiسر
مـأسـاتـنـا  بـتـنـا  قـــولا iiقــاصـر


بـرضي بـمحبوبتي مهما كان بفاخر***زولتي iiخلقت
مـــنــي زول فـــنــان وشــاعــر

مـن جراحي ونوحي والاذي والدرادر***من iiجحيمي
الـفـيـهـو مــرمـي كــأنـي iiكــافـر

مـن ضـيا الـقمرة البشق الليل يدافر***من iiحسيس
طـنـبـور  يـــرن فــي روعــة يـنـاقر

من فؤادي وروحي من آخر وآخر***بهدي اجمل شعري
لــــؤلــــؤ  در  جــــواهــــر

Post: #40
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 01:07 AM
Parent: #38

حبيبنا yasiko

الله عليك و إنت جايينا بريحة ود جبارة ، الحنين وداني جيت للساقي سادر ، تقرِّب دميعاتنا القراب ينزلن شو من الغنوي دي تحديدا يا سلام عليك و بالله أمرق ك العندك خلي النادي يعمر أهلو عشان عشاقو كمان.

و خلّني أديك شوية كمان من حق أولاد شايق سكان البنادر من شاعرنا و ملحنا الأستاذ علاء الدين أحمد علي "ود حلفاية الملوك" الصديق الظريف الدمو خفيف ، علاء الدين أحمد علي رغم إحتراف تلحين الأغنيات الحديثة لعدد من الأصوات المعروفة أمثال المرحوم خوجلي عثمان و أسامة الشيخ و الجيلي الشيخ و عدد آخر الفنايين إلا و أنه من تلحين أغنية واحدة شايقية مية المية أكدّ أنه واصل من كل الجهات ، الأغنية ذات عدة شعراء نظمت كلماتها بطريقة المرابيع وهي طريقة البطانة و شعر البادية:



مالك نفسي مطعونة و تملِّي تنيني
مالك عيني للغميد أبيتي تليني
عطشان ديمة كفح الموية ما برويني
كاتلاني الطريفية البريدة قريني
الناس عيدت مرقت علي أصحابة
و انا فريت على الجاهلي السمح ترحابة
فاطراً يحكي برّاق البدودي سحابة
لفت قلبي زي لف طرحتة اللافحابة

ختت إيدة فوق إيدي إنجذبتة خدرتة
حبيت أمشي من كتر الطرب ما قدرتة
بقت الحنة بيني و بيها إندرتة
لولا الحنة بيني و بينة كنت ودرتة

أخدر ليهو ضل فوقو المحاسن شرن
أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ردن و فرن

يتمنى الدهب لو لونو يشبه لونك
تتمنى الدرر لو هي تبقى سنونك
مجنون ليلى حالتو أقل من مجنونك
مادام ليلى كانت في المحاسن دونك

عن من أحب أنا غير راضي فُرقتة
هايج بي غرام عن حالي كل ُسرقتة
لولا أدمعي من ناري كنت حرقتة
ولولا ناري من كترت دموعي غرقتة

Post: #41
Title: Re: نــــــــــادي الطمبــــــــور
Author: عمر الفاروق شيخ الدين
Date: 01-04-2005, 01:21 AM
Parent: #1

صحي يا جماعة الرواية البتقول انو ليلة القدر جات في القرير لي اح الصالحين ولمن قالت ليهو اطلب قال ليها عايزنك تبقي الشوايقة ديل كللللللللللللللللللهم " غنايين" وهو كان قاصد يقول " غنيانيييييييييين ")؟؟
زمان قلنا رواية خرافية لكن بعد زرتكم اسة بديت اصدق..
ليكم التحية ..
وحوا قالت دايري تلبس حشمة ما شرطا قيافة ..
قالوا ليها الدايرة تلبس الا تقلع توب عفافا..

وحوا قالت دايري تاكل ما لقت ولا لقمة نية ..
قالوا ليها ان دايرة تاكلي اكلي في خاطرك شوية ..
اضحكيلم وابسميلم تلقي بدل اللقمة مية ..

سووت الشاي للعطالة ..
ما لقت غير الرزالة ..

حوا يا ناس يا حليلا وضم يا ناس يا حلييييلا ..

اجمل ما سمعت منكم اهلي الشوايقة البحبكم ساااااااااااااااي بلا شغلة بي الرغم من اني ما شايقي ..
لي حكايات كثيييرة مع القرير التي هي اول مدينة ازورها خارج امدرمان حتي قبل ان ازور اهلي ..
لي عودة ..

Post: #42
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 02:56 AM
Parent: #41

الحبيب ود شيخ الدين

مدّت الإيد للعطالة ختّو في إيدينة لالا
حامت الحلال تغسِّل ما لقت غير الرذالة

حواء و عابرة و يعقوب تاج السر إبداع متفرد و متجدد
حباب عشاق النادي و راجينك

Post: #43
Title: Re: نــــــــــادي الطمبــــــــور
Author: riad atta
Date: 01-04-2005, 04:30 AM
Parent: #42

الأخ / عــــلاء


التحية لك


الطمــبور أو كما سماه الشاعر محمد بادي (هذا الكائن الذي يمشي على خمس) فمن الغرابة أن يتأخر في العودة ومن العجب أن لا يعود .



الطمبور نقيمتو الشــاردي سايقي الفرحة تترنم تزغرد والنسيم ضماها كان فرحة بنيت العم



والطمبور إذا ما ناح مع غنياو عكس الريح بجينا...... ونحن في إنتظار عودته .


والشكر موصول لكم جيعا



أبو مــنى

Post: #44
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 07:18 AM
Parent: #43

مرحب حباب أبو منى
أبقى داخل
و من يوسف كرم الله حكم مطموسة جوة غنانا الحنين








الحزن لو طال ما بيدوم
الدنيا حلوة حلوة الننسى الهموم
كل شئ بإرادة محكوم
لا تقول دهري علي ظلوم
بأريج الرضا ليل ننوم
نبتسم ضاحكين كل يوم
الدنيا حلوة حلوة الننسى الهموم














Post: #45
Title: Re: نــــــــــادي الطمبــــــــور
Author: osly2
Date: 01-04-2005, 08:32 AM
Parent: #44

الناس في سعادة وبهجـــة
وانا بحـر الهموم طمــاني
وين قارب نجاتي آخـلــقو
واللـه انـا دايمـا الآخـراني
اهرب من دناي ويـن أمشي
ياريت الأمــاني أمــــاني
طالما الدنيا ياها الدنيــــا
وطـــالما ياني ياني أنا ياني
ياسجم السجم يابخـــتي
ياحظـي المولي وفــــاني
كيفن في الشقاوة عتـرت
والخير فاتـني واتعـــداني
آه يامــــرتي المليــوكة
يانار قيدي تاني وتــــاني
من ألـماً مقطع قلــــبي
في جواي كاتل انســاني
آه ياقدري كـون في همي
راجيك من قبل ترجــاني
هم واحد يودر ســــيدو
مطبوقات عليّ تمـــاني

Post: #46
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 09:15 AM
Parent: #45

أوسلي الحنين
تعرف لي فترة بفتش في أغنية "سلم عليهم أهلي الأفاضل" ما لاقيها يا ريت لو إنت ولا واحد من أعضاء و عشاق النادي يجيبة لينا لأنها بتعدد مناطق الشمال حتي حتي.

Post: #47
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 09:46 AM
Parent: #46

القصيدة للشاعر الشاب علاء الدين عبدالرحيم أبسير وغناء الفنان عبدالرحيم أرقي

أميمة

أحمد معروف بالطيبة
حسن أخلاق وعليها إتربه . .
تكفي شهادة ناس الحلة
إنو خلوق وخجول ومُربّه
* * * * * * * * *
رغم حداثة سنو
لبس تهذيبو أصالة وهيبة
أدي الناس الحب أدوهو
حسن الظن بيناتن شبأ
خشت فجأة أميمة حياتو
وصارت بينو وبينا محبة
قلبو إختارها عشان معروفة
زولة حنينة وراقية وطيبة
دسو الريد في السر بيناتُن
وخلّو حبيس دفين ومخبأ
وكيف تنضارى متل أشواقن
وليه زي ريدُن يوم يتخبأ
* * * * * * * * *
وبعد أعوام وصلتلو رسالة
جواب مليان تقيل ومعبأ
قبال ما يفتحو عرف الراسل
باينة وظاهرة رسائل وهبة
أخوهو الليهو زمن متغرب
تسعة سنين قضاهن غربه
مرسل ليهو تذاكر وفيزا
دايرو يجيهو هناك في طيبه
* * * * * * * * *
طار في الأول أحمد فرحه
كلم كل الناس والصحبه
لما إتذكر أميمة حبيبتو
فجأة إنتابو شعور بالخيبه
لكن قرر إنو يسافر
سرعة يعود ويتم الخطبه
لأنو الغربه طريقه قصير
وفيها يهون تحقيق الرغبه
* * * * * * * * *
جاتو اميمة حزينة توادعو
جاتو تجفف دمعو الكبه
جاتو توصي عشان ما يقوى
لا ينساها هناك في الغربه
جاتو تطمنو إنو ح يفضل
ريده الخالد مهما غبه
حافظه عهود الريدة البينُن
ومهما كان ح يظلو أحبه
* * * * * * * * *
أهدتلو المصحف شان يرعاهو
من العين والهم والكربه
لبّسه عهد الريد في جيده
عقد ممهور بصورة الكعبه
قامو إتوادعو زين إتباكو
فات خلاها وحيدة وخبا
سافر شال همو وأحزانو
بعد أيام في المملكة غبا
* * * * * * * * *
لاقو الناس يا زول كيف حالك
بالأحضان قام سالم وهبه
قالو نصاح ناس أمي وأبويا
مشتاقين راجنلك أوبة
قالو أحمد: سافر يا وهبه
غير جوَّك وروِّق حبه
أمك ياخي تلاهي عليك
لاخالالا ضريح لاقبه
السودان مشتاقلك كلو
ضفاف ورمال سواقي وتربه
وحتى النيل فرحان راجيك
تجي وتنهل من مويتو العذبه
بعد أيام كان وهبه هناك
بين أصحابو وأهلو وأحبه
في حضن أمو الطول منو
في حيشانو الواسعة الرحبه
قالتلو أمو أخوانك كبرو
وما فضلنا زول يتربه
بس فضلي أشوفو جديدك
وكتين لسع حيه وطيبه
* * * * * * * * *
إختارولو بنيي سميحي
تشع حيويه ورونق وهيبه
أديبه وراقيه وكلها عفه
وبرضو أهل وقراب في الحسبه
يوم العرس الحي صباحي
فرح مطبوق والناس منطربه
شاق الليل صوت كم زغروده
وحس طنبور ودليبن ربه
إلا في واحده حزينه وباكيه
سايله دموعا دوام منسكبه
الفي دموعا سؤال بيحير
وفي آهاته أسرار محتجبه
وقالو الناس دي دموع الفرحه
وغيرا شنو الحا يكون السِّبه
* * * * * * * * *
بعد أيام ساق وهبه عروسو
ساقا رجع لي بلد الغربه
سايقو حنين لي كل أصحابو
ولي أحمد أخوهو أشواق ملتهبه
وصل الباب كورك يا أحمد
فتح أحمد بي لهفه ورغبه
شاف قدامو الما متوقع
هم الكون فوق راسو إنصبه
شاف السلسل عهد الريده
نفس السلسل وصورة الكعبه
شاف قدامو أميمه حبيبتو
كانت قاسيه وقاضيه الضربه
شاف أحلامو تضيع قدامو
بعد ما كانت منو قريبه
كانت لحظه تفيض بالدهشه
شاف الدنيا كأنها تسبح
كورك أميمه...أميمه وصنقع
صنقع ودنقر.. ودّر وغبى
وجن أحمد في نفس اللحظه
جن الريـد..ما أظن بتخبأ

Post: #48
Title: Re: نــــــــــادي الطمبــــــــور
Author: osly2
Date: 01-04-2005, 09:50 AM
Parent: #46

علاء الدين .. سلام
اتلح فى رقبة مامان اكيد بتكون عندو ومعاها رد السر عثمان الطيب
يا البكره قايم قاصد بلادى
اهدى التحايا من كل فؤادى


اداك عيون تحيى وتكتل
ان رادت شئ بى امره يكون
فتشت نو احى الدنيا وجيت
ما لقيت لشقاى من غيرك عون
علمتبنى العشق المجنــون
جالسينى وفى شرعو افتينى
افتينى فى حكم الهوى بالذات
فى نص الماده الفيهو تقول
يعدم من حبا ولو مظلوم
لا شاهد لا دفعا مقبول
لو قتل الحب عاشق عمدا
العدل مع القاتل على طول
طيب ما ذنب المات مقتول
ما تردى على حيرتينى

Post: #49
Title: Re: نــــــــــادي الطمبــــــــور
Author: برهان تاج الدين
Date: 01-04-2005, 02:36 PM
Parent: #48

عليكم الله شوفوا الشوايقة اتلملموا كيف ..
بس قولة ترن ترن.

-------------------
"برهان الحاسد"

Post: #50
Title: Re: نــــــــــادي الطمبــــــــور
Author: kamalabas
Date: 01-04-2005, 02:47 PM
Parent: #1

ما يطلبه المستمعون
oo رحل تلوت الليل ooo
Quote: وأشوف فيك صورة مابتنشاف أشم رحيت الكليت والشاف
...
سماح ناسن حلات ناسن بلا السكر ,.طعم قراصة في قدحا من الدبكر
كوارك شفع المغرب ينجضوا في الجمر قنقر
هل نطمع في أن يمدنا أحد الأخوة بنص هذه القصيدة ( رحل تلوت الليل )
أو يسمعنا لها بصوت محمد جبارة
هذه القصيدة اللوحة المكثفة التي تقول كل شئ وتحشد كل التفاصيل الصغيرة
الرائعة الملئة بالشجن الاليم والألفة والشوق الدافئ
>..

كمال

Post: #51
Title: Re: نــــــــــادي الطمبــــــــور
Author: osly2
Date: 01-04-2005, 03:46 PM
Parent: #50

كم ارقني غيابك انت واجــرى الدمع المابي يوني
وينك والأيام الحلوة لا شي غير جيتك شــاغلني
اندهدهتي ودهدهتيني متوهدب بين شكي وظني
لاشكا اقنعني اسيبك لاظنا في رجـــاك وصلني

Post: #52
Title: Re: نــــــــــادي الطمبــــــــور
Author: yasiko
Date: 01-04-2005, 04:48 PM
Parent: #1

Quote: عليكم الله شوفوا الشوايقة اتلملموا كيف ..
بس قولة ترن ترن.

-------------------
"برهان الحاسد"


برهان الدين سلام
قالو " البِكِي بيحرروه أهلو"
وازيدك " الطنبور في عين " ست البنات " و " الملكي" أُورغن
لك الود

Post: #53
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-04-2005, 11:41 PM
Parent: #52

برهان تاج الدين
حبيب الكل
مرحب بيك في نادينا و إن ما شالتك واطاتنا تشيلك روسنا أكيد.

Post: #56
Title: Re: نــــــــــادي الطمبــــــــور
Author: ابو جهينة
Date: 01-05-2005, 00:20 AM
Parent: #53

الأخ الأستاذ علاء الدين

تحية معجونة برنة طمبور على ضفة النهر الخالد

أين كان هذا البوست ؟ أن عامل السن فعلت بنا ما فعلت ؟
بوست جميل جدا ..

للعلم : أنا عازف طنبور من الدرجة ( الأولى) : أى بمستوى رفيع جدا منذ الصغر .. فقد إستهوتني هذه الآلة الحنونة لدرجة أنني قمت بصناعة طنبور بنفسي ..
عندما إمتحنت لمعهد الموسيقلى عام 1976 قلت للأستاذ عثمان مصطفى لا بد أن أمتحن أيضا على آلة الطنبور مع آلة العود التي أجيدها أيضا .. و بالطبع رفضت اللجنة و إعتبروا كلامي غريبا ( رغم أن آلة الطنبور آلة لا تقل عن بقية الآلات الوترية إن لم تكن تفوقها ) ..

تخريمة : قال الأخ العزيز الأستاذ برهان :
عليكم الله شوفوا الشوايقة اتلملموا كيف ..
بس قولة ترن ترن.

و ها أنذا آتيكم بقبيلة المحس و السكوت التي تألق عدد لا يستهان به منهم في العزف على آلة الطنبور و أخص بالذكر صديقي المرحوم ( حسين وقيع الله المشهور بحسين ألالا و المرحوم دهب الشاعر من جزيرة صاى و الأخ محمد عبدالرحمن من صواردة و الأستاذ الباحث مكي على إدريس ) ..

بوست جميل يا علاء تستحق عليه الشكر و الثناء .
إقتراح : عمل قائمة بأسماء فناني الطنبور مع ذكر بعض من أغانيهم و شعراءهم و ملحنيهم و مناطقهم ( للتوثيق ) ..

تسلم

Post: #58
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 00:40 AM
Parent: #56

أستاذنا أبو جهينة

مرحب بيك والله و شرفت ناديك و مطرحك و براحك ، و قبال كدي قلنا:
الله لو بشيشي تداعبو إيد فنانة
تتراقص جميع الدنيا بي أركانة

و هأنتذا أحد مبدعي هذا الفن الراقي و عازف ماهر للطمبور و دارس للموسيقى و لا شك أن لدولك في هذا البوست أهمية كبرى وسنجد منك الكثير المثير و سبق و إستعنا بالأستاذ الموصلي الذي لم يتوانى عن المداخلة ، ولا شك أنك اللبنة التي ستكمل البناء و منتظرنك إنت و ناس صاي و صواردة و آرتمري و شدة و كل الطنابرة البيت بيتكم.
و من كل بستان الزهر و حيكتر النحل

Post: #54
Title: Re: نــــــــــادي الطمبــــــــور
Author: ود الشيخ
Date: 01-04-2005, 11:57 PM
Parent: #1

]


(ولاي) والله يا علاء الدين يوسف علي محمد
بكانك ده ببرد حشاي عليك النبي خوت فيهو
بخور تيمان وبخور جاوي

Post: #55
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 00:01 AM
Parent: #54

الغالي ود الشيخ

و عشان طلتك الحلوة دي جردل شربوت من القنديلة المخصوص و الكرشة ، الضحية ذاتة قرّبت ، جيب جكك و تعال.

Post: #57
Title: Re: نــــــــــادي الطمبــــــــور
Author: عمر الفاروق شيخ الدين
Date: 01-05-2005, 00:33 AM
Parent: #1

علاء الدين يا اخوي:
انت ناديكم ده خاتين فيهو مطاوعين (انصار سنة ) ولا شنو ؟؟؟
ماشايف لي بنية كده فاااارعة تجي تدي الشبال!!!!!
والله مشتهي لي شبال من شايقية !!!

Post: #59
Title: Re: نــــــــــادي الطمبــــــــور
Author: ابو يسرا
Date: 01-05-2005, 01:52 AM
Parent: #57

تتم الآن خطوات جادة لاعادة صياغة نادي الطنبور
سيخرج النادي بشكل جميل يلبي طموحات اهل الشمال
الجهود يقودها اخوة اعزاء بقيادة الاستاذ السر محمد طة وعبدالرحمن عجيب وآخرون
انا شاهد على مايجري من جهود لبث الحياة فى نادي الطنبور وعلى استعداد لنقل اقتراحاتكم للجنة نادي الطنبور

Post: #60
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 02:01 AM
Parent: #59

تسلم كتير يا أبو يسرى
والله عندنا إقتراحات كتيييييييييييييري في صالح النادي و كدي نشوف راي الأعضاء و أنا بجهز ليك إقتراحاتي و لحدي الوقت داك سلم لينا عليهم وخليهم إن قدرو يتابعو معانا هني شويي

Post: #61
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 02:10 AM
Parent: #60

ويا حليل محمد كرم الله بلبل السودان الأول بلا منازع الذي إعتزل الغناء و هو في أوجه و عز شهرته و فضّل أن يعتلي المئذنة لتطول رقبته يوم لا ينفع مال ولا بنون إلا من أتى الله بقلب سليم.
محمد كرم الله ذلكم الصوت الشجي الذى تغنى بـ

أحلف ليها بالإسلام تحلف بالمسيحية
قصة ريدة بين إنسان مسلم و بين مسيحية

و :

حتى الطيف رحل خلاني

هنا في هذه المساحة نفرد له و من كلمات الشاعر الكبير محمد سالم حميد هذه القصيدة الخطاب المعنون القصة:








وريني شن طعم الدروس مادام مكانا مشي قطر
كيف ذاتا ترتاح النفوس تقبل قرايتة بالجُبر
يايمة.....
كل مأفتح كتاب القاك في اول سطر
القى الصحاب .. القى الجناين والتمر
كيف ذاتو .. ابوي تلقاهو فاتح كتابو مع الفجر
يقرأ ويرتل في كلام ما بفهمو الناس الكُتُر
يايمة
حان الإمتحان من وقتو بس فاضل شهر
كيف ذاتي ..يانبع الحنان انجح من آلام السهر
عمرك سمعتيلك جبان خاض المعارك وانتصر
ما أظني من جور الزمان انجح وأجيب ليكن نمر

الشوق متل شوق الكتر طعن الجسم لامن خِدر
والله لوما مِنْجَبِر ماكت بفارقك بـ شبر


يايمة.....
في الحصة عقلي انا راح سدر
يا يمة المدرس لو فكر
كان تلقي قاعد فوق ككر
في الدونكا لسع مافطر
والله مش لو كان نَهَر
لو كالني بي سيطان بقر
مادام عقيل الجن سدر
ما ظنيتو من عندك حضر
كر من حالي كر قاعد لي فوق كيمان جمُر
غربة وكمان حالاً فقر عزبني قبل أصل القبر
أصلو الغربة طعيما مُر ..لكني بقعد بالجبر
لامن سنين الهم تمر ..ياربي ألهمني الصبر








Post: #62
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 02:59 AM
Parent: #61

حبيبنا أبو يسرا
أول تبادي
قول ليهم
يا حليلكم يا أهلنا و ضمة ضمة الشوق كتلنا
و تاني قولهم أنحن جاهزين لأي مساعدة مادية كانت أوغيرة
و تالت شيء قولهم الشجر الكبار فيهو الصمغ
صديق أحمد
ثنائي العامراب
يوسف كرم الله
عبد المنعم عبد الفارس
ميرغني النجار
و لسة القايمة طويلة بس خلّهم يبدولنا بي ديل


حباب ناس ود السقيد و الجيل الجديد لكن كبارنا بلاهم ما بنبقى

Post: #63
Title: Re: نــــــــــادي الطمبــــــــور
Author: riad atta
Date: 01-05-2005, 05:15 AM
Parent: #62

الأح / عــــلاء


قالو من نسى قديمو تــاه



ياحنانة الكريم طاريك والسعد المن الله يجيك
السعد اليجيك عجلان وأبوك بضبح التــــيران
السعد اليجيك بي سمحـــو
فوق القــوز يجرر طلحو أبوك يمــرق شواويل قمحــو
السعد اليجيك باريك والعكش اليتكي إضنبك

**********

ياخالق العباد وين نمشي من هادي البلاد وين نمشي
دربك فوقو نمشي ونمشي كان شوك كان رمالا هشي
يا عرفة الخدار وين نمشي ياقش العــدار وين نمشي
وياخالق الخلوق وين نمشــي وبعدها كيف نروق وين نمشي
غادي من الحدود وين نمشي يالقصبة أم سقود وين نمشي

**********

الله لينا والله الليل الله لينا النــار ياقلبي أنا
الكــبرى ياجارة الجبينة شــان عينها بكت عينينا
قدموها بكت عــلينا والبخـــيت ما جابة ليــنا
ياحليل الفاروقوني والقبب كان حلوفوني مابسيب الوالفوني
داير أسافر باللواري وداير أزور مدني الضهاري
داير أشوف الشاغلي بالي إنشاء الله في قسمة حلالي

ولنا عودة



أبو منى

Post: #64
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 08:27 AM
Parent: #63

حبابك أبو منى و القعدة بيك حتحلى كتير و كتير بس أوعدني إنك لا تفووت


أحبتي
أعضاء النادي و عشاقه ، أهديكم و قلبي يتفطر حزناً قصيدة مغنّاة كلما سمعتها ترقرق الدمع في العينين منسكباً لمرارة المآساة المتمثلة فيها و هي قصة حقيقية.
منو الما سمع بقصة أمونة بت الشيخ حمد و منو الما إتقطع قلبو وهو بيسمعه ؟
كضاب اليقول ما بكا ولا زعل و حس باللوعة و غصة جات في حلقو اللهم إلا يكون ماهو بشر زيو زي الناس.
أمونة بت الشيخ حمد بغينها و يبكيك "عيسي برّوي" البيقول عن نفسو:

من أعزّ ديار أنا
منصوري موقد نار أنا

و الغنا لينا برضو :
زينوبة

وهاهو يعيشنا في قلب مأساة أمونة التي ترمز للكثيرات من بناتنا فهيا عيشوها و إدعوا لأمونة بالرحمة و لحبيبها بالصبرالجميل:



أمونة بت الشيخ حمد
أبوها كان مزواج خلاص ناسب جميع اهل البلد
ميلاده كان عرساً كبير هيصة و ضبايح مالا حد
يوم السماية إتيتمت حكم القدر في الأم نفد
كانت شبيهة أمها في القدلة و العود الأمد
و بقت أمل كل الشباب و جماله في بت ما اتوجد
في مرة رفّ قليبة يوم حبت قريب الشيخ حمد
و أظن كمان حباها هو و سوي الضلوع لي حبو سد
كاتمين غرامن في القلوب ولّع لهيبو و ما برد
خايفين يصارحوا يقولوا شي و ما يلقوا للدايرنو رد
خايفين عيون الناس تشوفن و الخبر يملا البلد
و الحب هناك عيباً كبير لا بت تبوحبو ولا ولد
في يوم أبوها ضحك كتير برّم شواربو بلا الأسد
ناداها آمني تعالي جاي فوق البرش ربّع قعد
قالتلو هوي جاياك خلاس و قليبة فرّ و ما رقد
حاج الخدر عارفاهو داك قالتلو أيوة أبو سند
جاني الصباح طالب يديك داير نسب شيخ البلد
و أنا قتلو أهلاً بيك تعال يومين تلاتي تكون عقد
راجلاً عظيم عندو القروش عندو الحرير راقد لِبد
و كمان كريم و أخو رجال ماعونو فد يوم ما برد
جرن الدموع من عينه شو سكتت و ابت تديهو رد
بس قام مرق خلاها فات لا سِبة لُو كايسلو رد
عند المغيرب تاني جاها كدي لي محاسن الحاج سرد
داير يأثر في قليبة لو كان تقول تديهو رد
و كتين غِلب و احتار خلاص ولّع فؤادو جمر وقد
فسر سكوت البت رضا جاب زولو لمّ الناس عقد
و المال مخمخم و الحرير تحت الرجول مدّوهو مد
يوم الصفاح و الناس تجوط بالفرحة مقلوبة البلد
أمونة تبكي بكا السواد بدل الفرح جاها النكد
و بشيشي قامت للمروق منسرقة ما حسابه حد
كان الحبيب راقد هناك و الصدمة قادي قليبو قد
وقفت قصادو بكت كتير لامن دميع العين جمد
قام جاها بي شوقو الكتير و قليبو داك إنهدّ هد
قالتلو ما بإيدي شي ديل ناس أبوي و أبو سند
إتلملموا و سووا الكلام و أنا لا رضيت لا جبتة رد
داك عندو مالاً مو قليل و أبوي شاف المال سجد
أداني للراجل العجوز المن عروقو الدم شرد
قايلني بسعد بالقروش ولّا المراح الما اتورد
لكن محال أسعد بلاك كان الزمن يتهدّ هد
بديك قليبي و روحي ديل و هناك بعيش صورة و جسد
و اتراجعت دارت تصد لكن قليبة رجع رفض
مسكت دريباً مو غريب كم بيهو صوت بنوت ورد
قاصدي البحر داير تموت لا عيشة لا هم لا نكد
و اتلفتت وقفت كتير لامن قليبة خلاص صمد
شافت مسار النيل حزين حتى النخل حزنان خمد
و بشيشي فكفكت الحرير لا زينة لا ربيط عقد
مادام حياتة بقت دموع و قليبة من زولا انفرد
قالت أخير إرتاح خلاص أرسى و شقاي ألقالو حد
في لحظة موج النيل عِلا و في جوفو غابت للأبد
أمونة غابت للأبد

Post: #65
Title: Re: نــــــــــادي الطمبــــــــور
Author: shazaly gafar
Date: 01-05-2005, 08:52 AM
Parent: #1

اخى علاء
تحية بحنية الوتر الحنيِّن(الذى يقابل الاصبع الخنصر)
وكل سنة وانت وكل الرائعين بألف خير
انا قبل كده كتبت عن الفيديو كليب فى عالم الطنبور والدليب
زول قالى عينك فى راسك مافى حتى اصبت بشفقة على الطنبور الجميل
عندى فصيدة تقول:
طنبورى لا خاف لا فِتِر
لا زيَّفت أوتارو دين
طنبورى لا تاه لا وِدر
لا جمَّلت ألحانو شين
طنبورى لا داخ لا عتر
فى سكة المال والبنين
وانا يا مناى
ما شلت غير حبك متاع
مردوم على أكتافى دين
شاذلى

Post: #66
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 09:00 AM
Parent: #65

شاعر النادي الجديد
شاذلي
حبابك و بدون أي مجاملة بقول ليك
الله على كلماتك الحلوة القوية المترابطة و يبدو إنو جايينا شاعر بشاعرية متدفقة زي الساموري و إنشاء الله تفيض علينا بالخير الوفير.
غايتو بوستيك دة لا شفتو لا كحل عيني و يا ريت تنزلو لينا هنا عشان تشوف نهببو ليك كيفن.
و يا ريت لو عندك المزيد من شعرك الجميل دة تنفحنا و تلحقنا بيهو باقي كفح الموية ما برويني.
وراجينك إنت متين تجينا

Post: #69
Title: Re: نــــــــــادي الطمبــــــــور
Author: shazaly gafar
Date: 01-05-2005, 09:18 AM
Parent: #66

تُشكر علاء

انا هشت ونزلت القصيدة
اريتا تجيب حقها
وكمان نستأذن الاخوة انو نعيد البوست بتاع الفيديو كليب والدليب
اتمنى أن تتكرموا علينا بالنظرات الناقدة فى الشعر تحديدا لانو
انا من زمن الجامعة ما سمكرت قصيدة
مع حبى

Post: #70
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 10:39 AM
Parent: #69

تشكر إنت يا شاذلي
يلة نزل البوست و نحن وراك
و بالنسبة للقصايد و الشعرالخاص متعنا و نديك راينا بكل صراحة نحن ما بنجامل في الكلام المقفى دة شرف قبيلة و إنت لحدي هسي أثبت إنك شاعر.

Post: #67
Title: Re: نــــــــــادي الطمبــــــــور
Author: osly2
Date: 01-05-2005, 09:00 AM
Parent: #65

ان سالوك عن احوالي البي مايصيد مخلوق
تاهت بي مراكب الغربة لا ريس ولا واسوق
انسلب اللحم من جسمي اصبح تب عضام وعروق
اما قليبي لو شفتيهو بي سيف الغرام مشقوق
لا لاقي البحن في حالي لا زولا علي شفوق
الدرب المسافر بيهو من طولو بتهابو النوق
خمسة سنين قعد في ظلامو ما بان لي صباح وشروق
اساهر الليل مع الباكنو ينجاري الدمع سبلوق
ابكي علي الزمان الفات ما ظن البفوت ملحوق
انبقي عاد دة حالي البي ما اظن للسعادة اضوق

Post: #68
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 09:05 AM
Parent: #67

أوسلي الحبيب

و أطير لا فوق و أطير و إندّق

دي قالوها لي متل كلامك الحلو دة ، كلام التقول خاتنلو شب عشان يجينا صافي و رايق و شايل جواهو حلاوة الوصف الشايقي الجميل ، يا سلام عليك والله كل كلمة قريتة تشق في القلب زي شق المنجل للجريد.

Post: #71
Title: Re: نــــــــــادي الطمبــــــــور
Author: yasiko
Date: 01-05-2005, 10:43 AM
Parent: #1

Quote: عندما إمتحنت لمعهد الموسيقلى عام 1976 قلت للأستاذ عثمان مصطفى لا بد أن أمتحن أيضا على آلة الطنبور مع آلة العود التي أجيدها أيضا .. و بالطبع رفضت اللجنة و إعتبروا كلامي غريبا ( رغم أن آلة الطنبور آلة لا تقل عن بقية الآلات الوترية إن لم تكن تفوقها ) ..


Salam Abujuhayna

I will comment later about this kind of (committees)and (musicians)and their passive, if not distructive, role in Shaygyah art

Quote: عندما إمتحنت لمعهد الموسيقلى عام 1976

No comment
(Laik Algoamah)
wish a good one!

Post: #72
Title: Re: نــــــــــادي الطمبــــــــور
Author: Moawia Abdelgadir Ali
Date: 01-05-2005, 02:31 PM
Parent: #71

لكن واللة غاية الروعة. وينو طشا موقع نادى الطمبور فى النت.
اب كريك

Post: #78
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 11:11 PM
Parent: #72

Moawia Abdelgadir Ali

الروعة دي ما بتكمل علِّي تشاركنا فيها بالعندك

Post: #73
Title: Re: نــــــــــادي الطمبــــــــور
Author: maman
Date: 01-05-2005, 03:01 PM
Parent: #1

صورة حديثة للشاعر محمد سعيد دفع الله

مع تحيات

مامان



Post: #74
Title: Re: نــــــــــادي الطمبــــــــور
Author: خضر عطا المنان
Date: 01-05-2005, 04:17 PM
Parent: #73

عمنا : مامان

بالله دي صورة الزول الفنان اللسمو محمد سعيد دفع الله ؟؟

لكن واضح انو الزمن عمل فيهو عمايلو !!!!!!!!!.

قوللو كفاك غربة ياود القرير .

تحياتي وسلامي بلاحدود ليهو ولكل اهلي في الرياض ..


تسلم عمنا مامان .

خضرعطاالمنان

Post: #80
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 11:19 PM
Parent: #74

أستاذنا خضر ود المنان

قلنالك المرقي من هني صعبي خلاص.
عشان كدي أقعد و خلِّي الجوجوة و أركز النادي محتاجلك

Post: #79
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 11:16 PM
Parent: #73

عمّ النادي مامان
كدة النادي بقى صورة و كلمة.

إنت وين طولت غيبتك يعني ما شفتنا بنشابي عليك وقلنالك عندنا قصيدي رايحي علينا و قالو مافي غيرك بيجيب أترة ؟
سلِّم عليهم أهلي الأفاضل
مطلوبة بشدة عشان نزين بيها النادي بالله إنت ولا العارف ما تبخلو علينا بيها عشان نمتع زوارنا بالوصف الجميل للشمال العزيز

Post: #75
Title: Re: نــــــــــادي الطمبــــــــور
Author: yasiko
Date: 01-05-2005, 07:18 PM
Parent: #1

*******
 ******* 
حُـبي الـفقدتو بعد وَفا **** عَكَّر لي جَوِي بعد iiصِفا
وصِــبـحـت ســعـادتـي مـــن iiالـمُـحـال
جَمري  القديم ما كان كَفى**** موقِد يَلهلِب وما iiانطفا
جَـــات  تــانـي هَـبَـتـو ريـــح iiمــنـال
ريدنا  الزمان مالو اختفى ***** مالا المودة بِقَت جَفا
ريـــدًا  انـــت عــارفـو حُــلـو iiوحَــلال
البِت دي وين كت شايفا ***** أو مَرَّة واحده مَصَادِفا
يــاصــح  تــقـولـو سـمـعـنـا iiقــــال
رُوحي  المَشَحتَفة عارِفا **** مالا السِّيرة بِقَت iiتَخَوِفا
شـــن  دار يــكـون سـبـبا غـيـر iiالـجـمال
مـسكيني  فـاقِدي عَواطِفا **** عَشمِاني فيك iiتَوالفِا
راجــــــاك تَــجُـودلـهـا iiبــالــوِصَـال
قلبي العليل كايس الشِّفا **** لو شِلتو في حُضنَك iiدِفَا
كــــان بـالـسـعـادة عِــمـيـري iiطـــال
قَدَمِي العليك سَاسَق حِفا **** هو بَراهو حَالتو iiيَوَصِفا
يَــغـنِـي الـبـيـشـوفو عــــن iiالــسـؤال
غـالبني  حـالتي أصـنِّفا **** وِشِّي وقَفَايا بِقَن iiقَفَا
وبــقـى  جِـسـمـي دايــمـا فــي iiانـتـحال

Post: #76
Title: Re: نــــــــــادي الطمبــــــــور
Author: yasiko
Date: 01-05-2005, 07:27 PM
Parent: #1

شتلة قُـريرا
شـتـيـلـة iiقــريـرا
الـفجر نـبحن iiبـوابيرا
حـليل  تـغريد iiعصافيرا
بـلاها  أصبحنا في iiحيرة
يـازهـرتنا iiالـنـضيرة
حـرام نـقلك من iiالجيرة
دهــب  زادوه iiتـجميرا
لـفـة  خـاتم iiضـميرا
شـبيهة الـبدر الـمنيرة
لـيك  تاجوج ماها iiسيرة
نـزلت  العقلات iiالضفيرة
تـداعب رمـان iiصـديرا
نـظرتك  قـاسي iiتفسيرا
فـيها  انـذارات iiخطيرة
سـت الـكل يـا iiأمـيرة
روحـي كـفاها iiتـدميرا
ضـاقت وغـلبت iiبصيرا
خـلاص اتـحقق iiمصيرا
فـراقكم  زادتـي iiتعكيرا
وبـلاك  ما عندي iiتفكيرا
يـا  صـلاح أم iiشـديرة
تـعود ونـشم من iiعبيرا

جـدي الـبرعن iiأراكـن
سـبيبك  ولا لـيل iiساكن
إنـت طـبيبي بـس لكن
رحل كت في القرير ساكن

يـفوح الـمسك مـن فاه
مـضـمر  واحـسـرتاه
الـفـريع الـهتف iiنـداه
تـمـوع تـتنى مـا iiلاه

لـيه  عـجلتي بـالقومة
قـريرنا معاكي شن iiلوما
عـيني مـا رأت iiنـومة
بـقت  لك سبب iiالحكومة

يـاظـبية جـنان iiمـالك
فـارقت  الـقرير iiمـالك
ربـنـا مـالك iiالـممالك
يـحرق الـكومر iiالشالك

شبيهة الصيد في iiالبوادي
مـحكم عـودك iiالـنادي
فـاطرك بـرقو iiعـبادي
الـرزق يا جاهلة iiجبادي

فـراقك  قـاسي iiألـمني
سـواد عـينيكي iiجـنني
على  الأحباب ماب iiتحني
فـقد  عـقلي بقيت أغني

لـيـك بـرسل iiتـحياتي
بـضمنه مـوتي iiوحياتي
أتـكرن وأمـشي فـلاتي
عـليك يـازهرة iiالشاطي

فـريع الـمحلب iiالـقايد
عـشانو أقـاسي iiالشدايد
سـهامو رمـاني أوصايد
ألـمي  الراح جاني iiعايد

بـصلي وبـعبد iiالـباري
أقيم  ليلي وأصوم iiنهاري
عـشان  الشاغلة iiأفكاري
الشلوخة  قضيب iiالكباري

حـليل الـروقة iiوالبسمة
حـليل  الضامرة iiمنقسمة
شـلوخ خـديها iiمترسمة
قـامت  وكـل شي قسمة

Post: #77
Title: Re: نــــــــــادي الطمبــــــــور
Author: yasiko
Date: 01-05-2005, 07:32 PM
Parent: #1



المرحوم الفنان النعام آدم
عليه الرحمة

Post: #81
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-05-2005, 11:21 PM
Parent: #77

yasiko
ما عندي أي تعليق يناسب جمال الصورة و مضمون النص الشعري الختيتهم لينا ديل.
صورة النعام مفروض نختها شعار للنادي و ما قيل في القرير لا أحسبه يكفيها.

Post: #82
Title: Re: نــــــــــادي الطمبــــــــور
Author: maman
Date: 01-06-2005, 01:04 AM
Parent: #1

وهاكم يا اخوانا برضو صورة حديثة للسر عثمان الطيب


Post: #83
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-06-2005, 01:19 AM
Parent: #82

عمّ النادي مامان
كدة النادي بقى صورة و كلمة.

إنت وين طولت غيبتك يعني ما شفتنا بنشابي عليك وقلنالك عندنا قصيدي رايحي علينا و قالو مافي غيرك بيجيب أترة ؟
سلِّم عليهم أهلي الأفاضل
مطلوبة بشدة عشان نزين بيها النادي بالله إنت ولا العارف ما تبخلو علينا بيها عشان نمتع زوارنا بالوصف الجميل للشمال العزيز

Post: #84
Title: Re: نــــــــــادي الطمبــــــــور
Author: خضر عطا المنان
Date: 01-06-2005, 01:21 AM
Parent: #82


لكن أ....جماعة الخير يسووا معاكن شنو ؟؟

يعني علاء وعمنا مامان ديل كل ماأدور أمرق لابرا شويي

يقوم يجيبولون حاجة جديدي تقعد الواحد للصباح ..

والله ياعمنا مامان الحقيقة وجودك هنا في الداري دي

خلا عجاجتا قايمي وشبابيلا بلا عدد ..

الله يديك العافية ويمد في الأيام .

وأنت أ... علاء انشاء الله يوم شكرك ما يجي .

وسلامي لكل أهلي الطنابرة ومن والاهم من دون فرز..

وعلى راسن كلهم مبدعنا السلك السادس السر عثمان الطيب.

خضرعطاالمنان

Post: #85
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-06-2005, 01:31 AM
Parent: #84

الحبيب ود عطا المنان
أستاذنا
شفت النادي عمران بيكم كيف
إسمعين ود حد الزين قال شنو؟


أقول بعضي ألاقيهم تسربو في مسارب الروح بقو كلي
مِحل قبّلت ألقاهم معاي معاي زي ضلي

Post: #86
Title: Re: نــــــــــادي الطمبــــــــور
Author: ود الشيخ
Date: 01-06-2005, 01:41 AM
Parent: #1

حـليل الـروقة والبسمة
حـليل الضامرة منقسمة
شـلوخ خـديها مترسمة
قـامت وكـل شي قسمة

الله الله

Post: #87
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-06-2005, 01:48 AM
Parent: #86

الله عليك إنت يا ود الشيخ يا رايق يا راقي
شفت نادينا ضُلّو بارد كيف و بيخليك تقول كلام سمح كيف؟
عشان كدي جر بمبرك و أقعد

Post: #89
Title: Re: نــــــــــادي الطمبــــــــور
Author: riad atta
Date: 01-06-2005, 03:06 AM
Parent: #87

آ رجالة والله عبد الله محمد خــير ما قصر تــب


طولت شايل الذكرى في عيني للعيد المضى
طولت بحسب في نجوم الليل وأعبر في مساحات الفضى
وأحفر مشاعري على الألم وأروضـــــــة


يوم بيتنا أصبح كل خــير
يوم كنا بي نشوت فرح دايرين نطير
يو القمر في بيتنا متواضع قعد فوق السرير
وقال كــل عام وأنتم بخير


مرت ليالي طــوال علي وطأت غرامك ما بتخف
حاولت أصارحك وليك بالبي أعترف
جاولت أكتب ليك رسائل بي دموعي المابتجــف .... مـــليون حرف
داير أخليك عن دلالك تنصرف
داير أعبر عن مشاعر عن مشاعرك تختلف
ودايرك تصدف أني في محــراب غرامك معتكف

وأجــيب قلم وأحصر تعابير الألم
وكل أبتهالات العشـــــــــــم
لكني من أول حرف أجد الأنامل ترتجف وتذكر العيد المضي

تمر ســـنين وتمر سـنين وتمر شهــور
وأنا قلبي يحي بلا شعــــور
لكـــنو قرريالقلبت ظلامو نور
قرر يحارب كل أوضاعو ويثــور
قرر يصارحك بي ضمـــير ما فبه زور
قـــــرر يرســل ليك سطــــــور
مكتوبة فوق ورق الزهــــــــور
مكــتوبة بي دمعو القــــــزير
داير الحروف تبقالو نـــــــور
وتبقالو لي قلب البحبو جواز مرور

Post: #91
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-06-2005, 05:10 AM
Parent: #89

riad atta

بحت في مسودات عبد الله محمد خير و أمرق المخبّا

Post: #88
Title: Re: نــــــــــادي الطمبــــــــور
Author: maman
Date: 01-06-2005, 02:42 AM
Parent: #1

الأخوان والأخوات الكرام

تحية

هاكم قصيدة من قصائد حسن الدابي وهي رحلة نيلية بالباخرة للمحبوبة من القرير الى الكلد

السفرو بالليل
 حسن الدابي 
الليلة    ليل    ياليل ..للسفّرو   iiبالليل
يا  حليل جدي الريل ودعنا دمعو iiيسيل
وا  بورو شق النيل خاويهو زي iiالسيل

كان   شفتو   يوم   داك   البانة  تتاكا
قالت     ودعناك     عيني    iiتتباكى

يقدل  دخل  جوّه  في  الصندل  iiاتحوّه
حرق   القلب  جوّه  لا  حول  لا  قوة

من   القرير   حل ّ   الصورك   iiجلّ
رفع   الستار   طلّ  دماعو  سال  iiبل

طالب   المقل   غرّب  أمواجو  iiتتقلّب
بحاريهو   اتسلّب   جر   السلك   تلّب

قام  بيهو  لي أوسلي مين الصبر iiمتلي
والله  العظيم أصلي لا ديمة ماب iiاسلي

خلوني  في حيرتي قام بيهو لي iiكورتي
يا  خلا  كيف  شورتي شالوها iiنوارتي

قام  لأم  بكول  كابس قالو البحر يابس
كان  البرد  قارس  الريس شن iiحارس

مورة    ود   قدورة   طبّاها   iiبابورة
يا   حليل   المضمورة   الدنيا  iiغدارة

الحتاني    وحجاره    قصاد    البيارة
ضربولو  صفاره  جات  ناسو iiتتجاره

ريح    الكلد   نسم   بي   توبا   iiتتلثم
تتنى    تتبسم    وأنا    يومي   iiيتقسم

وصل الكلد ركّ شوف ناسا كيف حابكا
جات   نازلا   تتكا   حورية  لا  iiشكّ

تلاتة     عتالة     رموها     iiالسقالة
الحالة    بطالة    سوقيها    يا   خالة

يا  يابا  ود  بيلي  نادهك  وقف iiحيلي
بين   بكرة  والليلي  تجيبو  لي  iiزولي

يا  أم باب حمد جارا حارقة القلب iiنارا
لو   ترجع   لي   دارا  علي  iiالمزارة

Post: #90
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-06-2005, 05:07 AM
Parent: #88

الحبيب العم مامان
تسلم إيدك بس شوف طلبنا منك شنو و ما تتقل علينا و على عشاق النادي.

Post: #92
Title: Re: نــــــــــادي الطمبــــــــور
Author: maman
Date: 01-06-2005, 05:18 AM
Parent: #1

Quote: عمنا : مامان

بالله دي صورة الزول الفنان اللسمو محمد سعيد دفع الله ؟؟


أخونا خضر عطا المنان

تحية

كان معي محمد سعيد دفع الله ويسلم عليك وقال لك نحن خلاص بنستعد للرجوع .. بس إنت متين؟؟
بعدين ياخي محمد سعيد أداني سر خطير.. وهو إنك بحساب الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)

الأخ علاء

هل انت في الرياض؟؟ أرجو الاتصال على جوال 0502291176 أن كنت في الرياض

مامان

Post: #93
Title: Re: نــــــــــادي الطمبــــــــور
Author: osly2
Date: 01-06-2005, 07:48 AM
Parent: #92

ياســيكو
شكرا على الصور البديعه والاغنيه الرائعه ولو عندك واحده للنجار
نزلها لينا

مامان
عمك خضر طلق اكيد كان داير يقولك ود اخوى لكن كلمة عم جات ناطه براها
التحايا للسر وحمد سعيد


ابكى انت وانا الاتبكى
المن الله واصــــــــل
ايه فى ايدنا غير مانبكى
نشكى البينا حاصـــــل
تعاتبنى وتهيج روحى
قولة ماك مواصــــــــل
ما عارفه السبب من اهك
الباقــين عــــــوازل
ديل دايرين يفرقوا قليبى
شافوا عليك مــــــائل
منو الفيهم بفرق النسمه
من زهر الخــــــمائل

Post: #94
Title: Re: نــــــــــادي الطمبــــــــور
Author: yasiko
Date: 01-06-2005, 08:53 AM
Parent: #1

الأخ مامان والحضور الكريم

Quote: ياخي محمد سعيد أداني سر خطير.. وهو إنك بحساب الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)


كلام خضر دا هين ومقبول لكن شوف علاء الدين سوابك شنو:

Quote:
Quote: عمّ النادي
مامان

بالغت يا علاء

يا أخوانا البوست دا بقى شحمان خلاص اوعوا يقوم واحد يضبحو للعيد
ولي عودة

Post: #95
Title: Re: نــــــــــادي الطمبــــــــور
Author: osly2
Date: 01-06-2005, 07:10 PM
Parent: #94

ياسيكو
بركه الما قال مامان عم امة محمد كلها


واحات الريد الفى عينيك
قودينى عليهن ودينى
ادينى امانك ادينى
جاييك مرسون بى رسن الشوق
قايدنى هواك من ارض النوح
شلت خطواتى قيود الهم
اتوطأ على قلبى المجروح
يا امنيه لسع ميسا بعيد
فى دوبا صبر صابرينا يا روح
ما دام الله سواك لى روح
فى اسرك دوبى وأحيينى

Post: #96
Title: Re: نــــــــــادي الطمبــــــــور
Author: zoul"ibn"zoul
Date: 01-06-2005, 07:23 PM
Parent: #1


بسم الله الرحمن الرحيم

السلام عليكم ورحمة الله وبركاته



سلام يا علاء - ما شاء الله انتو كلكم شايقية - الهم ذد و بارك فى
أولاد العرب - انا عاوز ابقى عضو بالإنتساب فبالله يا علاء اعمل لى واسطة


ود جعل

Post: #97
Title: Re: نــــــــــادي الطمبــــــــور
Author: منصوري
Date: 01-06-2005, 11:32 PM
Parent: #1

ناسنا متلمين بي جاي.. ما شاء الله لا يسحروكم..

Post: #98
Title: Re: نــــــــــادي الطمبــــــــور
Author: riad atta
Date: 01-07-2005, 04:06 AM
Parent: #97

الأخ عــلاء


دي من عمايل الجماعــة .....


هسع ياتو فيهم يا خلق الله عاد أو عاد يات مصير لي وللولاد

وتبدأ أمونة رحلة ما كان في الحساب
ضاراها الزمن شبعة في العزاب
صار لها من سنين في بطن الجــراب
رحلة مع الجحيم تبدأ بلا ميعـــاد

من يوم سافر أحمد قاصد للجــنوب
تبكي أمونة حــرقة هزت للقلوب
زوجها أبو العيال الخاتي العيوب
مفقود من ســنة واعلنو للحـداد

تمر السنة بي فوق السنة
تمــو أربع سنين مــرت محزنة
وفكرو في الكفيل وبيناتم جنا
ومحل الأبو بقى عم الولاد

عقدولو الأهل سلوى المـتبع
من مرت الأخو الراح ومارجع
إن داس المشاعر أو قال إقتنع
لازم الناس تضحي شان لبنى وعماد

ويتم العقد بينات الدموع
لا فرحـا كبير لا ضوت شموع
عجلات الزمن ما بتقبل رجوع
وما بتمشي الحياة زي ما الزول أراد

ما كان في الحساب الزمن العنيد
ينسج في خيوطو من وقتا بعيد
في بوما عصيب وما في البال أكيد
من أول جديد إنكال الرماد

سنتين بالكتير كان جابو الولد
والحزن القبيل بيناتم برد
وسمو على الفقيد الراجل الصمد
شان حفط الاسم وتقدير للوداد

وفي لحطة سكون عماها الديار
حس الباب نقر قايلة أمونة جـار
تاريه الفقيد كان في الانتظار
مفقود الجــنوب يرجع تاني صــاد

كانت صدمة قاسية وفوق للإحتمال
خلتها بين جحيم واقع أم خيال
إختل العقل وكان أخــــر سـؤال

هسع ياتو فيهم ياخـــــلق عاآآآآآآد

Post: #99
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-07-2005, 05:18 AM
Parent: #98

زول و منصوري و ياسيكو بكرة الرد واحدي واحدي
العم مامان بلغ و سيتم التنفيذ
و دي من طارق العوض


.
.

[qb]


أنا جيت مشتاق ليك



لنظرة من عينيك



إيدي تسالم إيديك رغم إنو فيها الحنة



بعد الزمان فرقنا



فرقتنا طالت بينا



و دنياي كئيبة حزينة



أنا برضي ليك يا زينة



كل السعادة أتمنى



طال شوقي ليم يا غالي



شوقي المغير حالي



إخترت إنت بدالي



خليت عقيلي إنجن



فرح القليب يوم شافك



ما حب تاني خلافك



ولا لاقى يوم أوصافك



ما إنت حور الجنة



شوفتك تبلل شوقي



و بتسري دم في عروقي



طيفك يحوم بفوقي لكنو ما بستنى




[/qb]

Post: #100
Title: Re: نــــــــــادي الطمبــــــــور
Author: riad atta
Date: 01-07-2005, 06:23 AM
Parent: #99

طنابرة الموقع


بين الحب والانسانية بين الزاد وقلوبنا أسيا
ضاعت بين البين ياحليلة وردة صغيرة دابة ندية

يامظلومة وظلمك باين أبسط حق طالبة الحرية
يا مجروحة وغصبا عنك تدي الروح الغالية هدية
لم قليبك يلوي ضراعك في الأحلام أو حتى النية
تلقي أسرارك هي التختارك بالقانون والعرف ضحــية

يوم باعوك ما باعو إحساسك والله الروح الطاهر نقية
والله الشوق الشاقني وشاقك والله الغلب الديمة علي
يا الجواي من قبل لقيتك قبل أكون في الدنيا خلية
لو في مدارك عز مزارك شن بشيلك من عيني

لامن أموت في قلبي مكانك مافي بلاك في فكري قضية
ليك بغني وقلبي يمني وأمرك مارق من إيدي
بيني وبين الشوق ياغالية لو في إنصاف وين الندية
غير الهم والخوف والحسرة يلعبو بي صباح وعشية

طال مصيرك في إيد غيرك والاحلام نسيا منسية
يقني قلبي بالمقسومة وأشكي معاي للأيدو قوية
لا غنيت شان أكشف حالك زي حالي الشايلة الماهية
ولا ضاريت منك عزالك لا فشيت الغبن الفي

Post: #101
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-07-2005, 07:24 AM
Parent: #100

الحبيب raid atta
و الطنابرة معاك بغنوا:



لا شوفةً تبل الشوق ولا رداً يطمِّن
أريتك تبقى طيب إنت أنا البي كلو هيِّن
قِليباً لي رِهيِّف عارفو ماب يحمل حنيِّن
إنت ماب يغباك حالو الفيهو كل البيهو بيِّن
بقيت مالي غير أشعاري أكتبه فيك وأدوِّن
أقول يمكن تزيل ما بي ولاّ قليل تهوِّن
ومالكن يا قماري بتشدن إيش لازمة تغنِّن
نغيماتكن تهيج أشواقي للعينين يبكِّن
بدّيكن وصية أمانة لي سيد روحي طيرن
ترا الحال العلي شُفتنو قولن ليهو أحكِن
قولولو السحب في روضو ما عادن يَكبَِّن
وأضحى محل خراب ما فيهو غير زهراً مضبلن
قولن ليهو ليلو طويل .. طويل.. طولاً يجنِّن
لا قمراً ظهر في سماهو لا نجمات يضوِّن
وكل ماليهو يتصبّر يقول أيام يعدِّن
يمنّي لنفسو بي لقياك ولاّ ترُدَْلو يمكِن


Post: #102
Title: Re: نــــــــــادي الطمبــــــــور
Author: ود الشيخ
Date: 01-07-2005, 07:34 AM
Parent: #1




الشاعر البمدع محمد طه القدال


أماتي القبيل بي حنهن لجني
كرفة وقدلة كيف شوق اللبن رجني
حزناً جاني في ميع الصبا يلجني
أطلع مني يا جلدي المنمل جني
وأطلع مني يا حزنا بقي مكجني
خلني ابدي مسداري
واودي قفاي لي دارا بقت مي داري
وجيتا وجيت بينا و بين عضاي الشحمة
الا النار بقت قدامي
جلدي الليلة وبينو وبين عضاي المافي
الا تراني شوال الكبس
نفيخ جراريب الورم هدامي
في جلدي الورم قولن لي ولا صحي الورم عضامي .؟
سفريتك مي في النية مي ها الكانت محرية
خابراك عريف ...
ذم العربان ولا قيام الوردية .؟

Post: #103
Title: Re: نــــــــــادي الطمبــــــــور
Author: Yasir Elsharif
Date: 01-07-2005, 07:41 AM
Parent: #1

من العطش النص اتوفى.. وباقي النص الفضّل جيفة

هدية للجميع بدون فرز مع أجمل التحايا والأمنيات بزوال الكراهية والبغض من النفوس.. وإحلال المحبة والتقدير والاحترام محلها.. أزيلوا "صقر" "صدأ" الكراهية والعنصرية فيلمع معدنكم بما هو أصلكم يا أبناء مهيرة، و "هل تغرس إلا في منابتها النخل"؟

Post: #104
Title: Re: نــــــــــادي الطمبــــــــور
Author: AL GURAIR
Date: 01-07-2005, 11:28 AM
Parent: #103


التحية لك أخي " علاء الدين " وانت تقود هذا الركب الجميل ممتطيا صهوة جواد حلو الكلام الذي يتسرّب عبر الروح والجسد ويتشكّن " جوه جوه الجوف...التحية لكل الذين ..اتوا ..والذين هم ..في الطريق...
وهذا ...واقع نعيشه جميعا ..وسوف يظل ..كامن في دواخلنا ..صاغه الاستاذ الشاعر السر عثمان الطيب في قصيدة لا زلنا نرددها ..ونستحضرها في كل حين ...
بلا خبر طق... الخبر
..مالي البلد ..قالو ا العريس قام بالاحد
الحلي جاطت والحريم يتهامسن ..جاي الولد...
كوم من بنات للبير ورد..يتحدثن..جاي الولد
يا بختها..واشوقنا نحنا..لليينا جمر الشوق وقد
كل الحديث الليلي فوق بت البلد .......
***
لامن خلاص
الليل دخل..وآخر شعاع من الشمس روّح نزل
ضوء القميرة جاء من بعيد... بهّر قدل
دافر ظلام الحلي قدامو ووصل
ناس البلد ..النام رقد ..والماسك السبحه...وعبد
مشغول هو بي خبر العريس ..القالوا قام يوم الاحد
***
هناك بعيد بي
غادي ..في آخر الديار
راكوبة ضلها أحر من حر النهار
كوم من بروش... وجريد تمر.. عيدان صغار
دلوق هدوم موروثة ..من زمن الكبار
ثلاث عناقريبا صغار..كرّابا..متقطّع نزل
والنوم من البفوقا روّح تب جفل
راقد هناك كوم من ضياع..مركب مسافري...بلا شراع
أحلام مسافري بلا وداع..ودموع ضياع تتجارى من غير انقطاع
احرف أنين ..ما خطتن ايد بي يراع
ليلا نجومو يودعنو مسافرات ..هن سراع
***
بت البلد عبراتا سدّت ..في الحلق
تبكي وتنوح ..تشرب دموعا وتنشرق
لمّان حسيس نقاره ..جاها من الشرق
قامت مع الليل صنقرت
وبكت بكت ..شالت طريحتها
للدميعات ..كفكفت

فجأة السنين ..الفاتو ..جن
أيام زمان اتلملمن.
اتذكرت....
كانت تقوم فجرا صباح
لمّن يقوموا أهل الصلاح
ابوها شايل السبحه..صاح...
يا شافعه..سوّي الشاي سريع..شدّي ..الملاح
شيلي المناجل ..وامشي قدامي...الجرف
***
اتذكرت ..كانت تسبقو وتمشي تنزل بي تحت
تمسك سبيطة التمرة
بايدها ..وتحت
تصل البحر ..والموج يداعبا فوق هدوما ..ينط يرش
***

بعدين... تشيل القش تفوت ..واليوم يفوت..
وتفوت سنين وتمر سنين
يكبر عمير بت البلد ..
ويكبرمعاهو كمان حنين
***
في يوم صباح وصباح هناء
واحة عبير نغمة غناء
ريحة.. لبيني مقننه
مر الجنا ...وسلّم علي بت البلد
ذي عادتو سلّم... وابتعد
تابعاهو ..عين بت البلد

بت البلد ..سمعت ضريبات القلب

.. يا الله ...مالو ده ها القلب
بعد الثبات كيفن خرب
بت البلد ..عرفت...تحب
***
اليوما داك بت البلد ما جاها نوم
ما دام خيال ود البلد يمشي...ويحوم
بين الخيال ..شافت وجيهو الهاش وباش
***
بت البلد.. تاهت مع الشوق
اللي ما عاد يننكتم
والصورة هادي الفي القليب بتترسم
اسمو العلي نونات خديدها..صبح وسم
***
تاهت مشت سايقاها دقات الدليب
لدار حبيبا ..مني ..القليب
لقعدة عصراوية ..فوق العنقريب
للونسي والخاطر يطيب
لمسكة في ايد..الحبيب
الوقفة قدام الجنات
القرمصيص ..وغنا البنات
يا الله ..وين تلقى...الثبات
الصفقة من تالا الولاد
ماب تسمعها ..جاياها ..من آخر..بلاد
***
بت البلد ..اتذكرت كيف حاج محمد ..والدها
حالف يمين..ود البلد ما..يآخدا
لو كان ركع قداما ..صلي ويعبدها
***
اتذكرت كيف حاج محمد...والدها
قال ليها ما عندك ادب
تعبان سنين فوقك تعب
وادّيك لزولا..كعب
تربال ..وعيشتو عدم عدم
لا قارئ لا ماسك قلم
تاخديهو تندمي صح ندم
يشقيك ..يوريك الالم
***
بت البلد ..
اتذكرت كيف حاج محمد...والدها
وصف العريس ..الجاي بقطر الاحد
كتّر محاسنو وعددها...
راجل موظف عندو..مال
يأويك في بيت الحلال
تبقيلو كيف ام العيال
***
بت البلد..اتذكرت
لمان ابت قول حاج محمد والدها
كيف نهّرها ..وحالف يمين ..بيودرها
لو ما رضت
يالجاي ..بقطر الاحد
اتذكرت كيف الحبيب ود البلد
في الغربة روح..وابتعد
وبكت بكت بت البلد ..
لما الخبر ذاع في البلد انو العريس قام يوم...الاحد
الحلي جاطت والحريم يتهامسن جاي الولد

التحية للأستاذ الشاعرالسر عثمان الطيب ..
ومعذرة ان كانت هنالك اخطاء املائية او لغوية ..لأننى كتبتها بعد سماعها من شريط كاسيت

الفاتح عبد الله طه / القرير

Post: #105
Title: Re: نــــــــــادي الطمبــــــــور
Author: خضر عطا المنان
Date: 01-07-2005, 11:43 AM
Parent: #104

Quote: أخونا خضر عطا المنان :
كان معي محمد سعيد دفع الله ويسلم عليك وقال لك نحن خلاص بنستعد للرجوع
بس إنت متين؟؟ بعدين ياخي محمد سعيد أداني سر خطير.. وهو إنك بحساب
الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)


والله آ..عمنا مامان :

أنتو دايرين تلحقوني النعام آدم واللا شنو ؟؟؟.

ان صح حمدسعيد قال الكلام دا .. بس يبقى طلق عديل !!!!

قولو عجل بالرجوع .. قبال يقوم يجدع الحجار في شوارع الرياض !!!!.

وجاييكن راجع تاني .

بس أدوني اللذن خلوني اللشوف بى هناك حاصل شنو مع قصيدتي البى غادي

ديك : ( دمعة أم ثكلى ) اللت الأم المسيكيني دي الفقدت وليداتا اللتنين

رضيع وشافع صغيرون اسمو ( راما) ,,

في أمان الله .

خضرعطا المنان

Post: #108
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 01:53 AM
Parent: #104

الفاتح ود القرير
يا كريم الأصل و النبتة
حباب أهل القرير قوز قوز و ساقي ساقي
ما أجمل الكلمات التي أهديتها لنا و فعلاً زي ما قالوا الشباب البوست دة بقى شحمااااااااان الله يستر عليه من العين.
لا زلت أذكر يوم ذهبنا أنا و الأخ أبو القاسم سيد أحمد خالد صاحب شريط "ناعسة العينين" وهو من قوز قرافي إلي موقف باصات الشمال و معنا أحد حناكيش العاصمة و بيد أبو القاسم خطاب مرسِّلو لوالدو في القوز و لا زلت أذكر الدهشة التي إرتسمت على وجه حنكوشنا حينما سلّم المظروف الذي يحتوي على قريشات البندر لأحد الراكبين "من طرف" دون حتى تدقيق في هويته و قال له "لمّا تصل قوز قرافي قبالة دكان أبوي سيد أحمد إن البص وقف أنزل وسلمو ليهو في يدو و إن ما وقف لامن تصل قصادو أسكت أرمو و بيصل"
ما أنقاكم يا أهلي الحنان و ما أروع جمال القرير و الفي قفاهن ديسن شرّ
و بالله ألحقنا بكل ما عند سيد أحمد عبد الحميد خاصة قصيدة الجن.
مع ودي

Post: #107
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 01:39 AM
Parent: #103

الحبيب ياسر الشريف
شكراً على الطلة و اتعليق الجميل عن أهلي الحنان "وهل تغرس إلافي مابتها النخلُ؟"
و أزيدك كمان
أهلي الحنان زي النحل من يتلطف به يجد منه العسل و من يتطفل عليه يجد منه اللسع" و إنشاء الله عسلنا تشرب منو لامن تنشرق قول آمين
و الهدية مقبولة و بعد إذنك سنقوم بنسخها و إنزالها لعشاق النادي

Post: #106
Title: Re: نــــــــــادي الطمبــــــــور
Author: ود الشيخ
Date: 01-08-2005, 00:50 AM
Parent: #1



شخل ده لقيتو في السفحة التانية

Post: #109
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 02:12 AM
Parent: #106

ود الشيخ الرايع
تسلم كتير على مجهوداتك الحلوة معانا و مشاركاتك الجميلة و بالله واصل ما أجمل حضورك

Post: #110
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 02:23 AM
Parent: #109

الحبيب منصوري

من أعزّ ديار انا
منصوري موقد نار أنا
إن وقف في الباب أنا
لاقوني بالترحاب أنا

حبابك و بك يطيب المقام

Post: #111
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 02:25 AM
Parent: #110

زول بن زول
يا ودجعل
سيد الأصل الماك فسل
إنتساب شنو يا ود العم
إنتة عضويتك قبال عضويتي في النادي

Post: #112
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 07:05 AM
Parent: #111

و من صديق أحمد صاحب الصوت الماسي :


بلالي متين يجي آيمة بلالي متين يجي
نركب البيسابق الريح
نمشي في الخرتوم نستريح
الخدامة تسوي التبيخ
وكل جمعة نزور الضريح
يمة بلالي متين يجي

الرسول يام الهدايِّي
قولي لامي انا ماني جايّي
كنا نشرب لبن السعايِّي
بقينا نشرب لبن الشرايِّي
المي من الماسوري جايِّي
تبخينا في الحلة أم غتايِّي
آيمة بلالي متين يجي

الرسول يا ود عمتي
إن دُرتة راحتي ودُر جمتي
رسل التسريح اللسافر
بلالي متين يجي

Post: #113
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-08-2005, 08:46 AM
Parent: #112

و كلمتين حنان تاني من صديق:


أجيكم و الحنين كاسحني سيلو
ألاقيكم قليبي يفش غليلو
يهد حزن السنين الهدّ حيلو
سنين محسوبة من غيركم خساير

أضوق طعم الحياة الطولتو فاقدو
أحس فرح الصغير الضمّة والدو
صغيرنا على كبيرنا ألاقي اقالدو
و أجي البيت زي عريس زافنو ساير

سنين ريدتنا فوق القيف نعيدة
وكت كان العمير أفراح وريدة
يرن طنمبوري للأفراح يعيدة
يبوح بأشواقي لي ست الضفاير
يسوقني الشوق

Post: #114
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 00:09 AM
Parent: #113



لا بتالفو ولا بتوالفو لا قادر منّو تقنع
قريني مصاقر قرينك شقي الحال ما بيقنع
و قالو لي بترجى شافعة قت ليهم لو بترضع
قالو لي صباك ضايع قت ليهم بيها برجع
وصوا ساكت توصوا وصيتكم ما بتنفع
شوف العين شن بسوي لجايعن بدو يشبع

Post: #115
Title: Re: نــــــــــادي الطمبــــــــور
Author: ابو يسرا
Date: 01-09-2005, 03:28 AM
Parent: #114

ظهر امس كنت مع الفنان محمد جبارة وحدثته عن هذا البوست وتكلمنا طويلاً عن نادي الطنبور والدور الذى يفترض ان يقوم به وكان الحديث ثر وشيق اتمني ان انقله لكم فى مداخلات لاحقة لانه يستحق النشر
ود جبارة يرحب ان يكون ضيف على منتدانا وقى الثريب سافتح بوست جديد لتلقى اسئلتكم لاستاذنا ود جبارة ليقول الكثير

Post: #116
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 03:48 AM
Parent: #115

أبو يسرا
أولاً نتمنى أن تنقل له تحياتنا و قد جمعتني به من قبل جلسة خاصة في الخرطوم و الرجل معطاء بمعنى الكلمة.
أنا على أتم الإستعداد لإنشاء موقع إلكتروني خاص بالنادي و إن كنت أفضل أن يكون بإسم مروي ليشمل نشاط رابطتنا الطلابية الضخمة في شتى أنحاء العالم و رابطة أبناء مروي لغير الطلاب في الداخل و الخارج.
تحياتنا مرة أخرى لود جبارة

Post: #117
Title: Re: نــــــــــادي الطمبــــــــور
Author: ابو يسرا
Date: 01-09-2005, 03:59 AM
Parent: #116

الاخ علاء الف شكر
انشاء موقع شي جميل واتمني فى الوقت الراهن ان يكون اهتمامنا بموقع للطنبور لانه يمر بمفترق طرق وربما تضيع هويته اذا بعدنا عن الاهتمام بامرة خاصة بعد رواج تجارة الكاست التى لاهم لها الربح المادي لذلك ابتعدت الشركات عن نشر ابداع اهل الطنبور واتجهت ال انصاف المواهب من الشعراء والملحنين والمودين
نحن الىن فى امس الحاجة لارجاع الامور الى نصابها ولجنة نادي الطنبور تدرك الخطر القادم لذلك هى تعمل مافي وسعها للنهوض بفننا الجميل
يمكن تاجيل امر انئاء موقع رابطة مروي حالياً والاهتمام بانشاء موقع الطنبور وان هنا على استعداد للتنسيق مع الاخوة فى لجنة نادى الطنبور لتقدبم كل الدعم اللازم من اجل انشاء الموقع
وياريت تصلنى موافقتك لانشاء الموقع حتى نتجاور جميعاً ونصل الى خريطة للموقع تلبي طموحات كل اهل الشمال
تحياتك لمحمد جبارة ستصله اليوم باذن الله

Post: #118
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 04:09 AM
Parent: #117

الحبيب أبو يسرا
أجمل ما في الوجود أن تسخر علمك لما تحب و يفيد
أنا على أتم الإستعداد لتقديم كل الدعم التقني و المادي اللازم لهذا المشروع العظيم.
سأرسل لك في الخاص معلومات الإتصال

Post: #119
Title: Re: نــــــــــادي الطمبــــــــور
Author: ابو يسرا
Date: 01-09-2005, 04:14 AM
Parent: #118

انا فى انتظارك اخي علاء
ساتصل الىن باهل نادى الطنبور لابلاغهم برسالتك
الف شكر وماعدمناك

Post: #120
Title: Re: نــــــــــادي الطمبــــــــور
Author: Shinteer
Date: 01-09-2005, 05:00 AM
Parent: #119

تعرف يا علاء .. هذا الصديق أحمد قد أدمنته في مرحلة من المراحل في أواخر الثمانيات. بعد حصولي على العضوية الكاملة بنادي الشوايقة (العضوية ما صعبة يا زول بن زول) .. بفضل صديقي (ود دفعتي) ابن منصوركتي البار (مع إنهم بديرية دهمشية، وصديق أحمد نفسه بديري دهمشي ). وشددت الرحال إلى ديار الشايقية في رحلة لم استمتع بمثلها بعد. وقد زرت أسرة النعام آدم في بيتهم مع صديقي ذاك .. وقبل توجهنا إلى ديار أسرة النعام آدم سمعت بعض الأخوة في منصوركتي يقولون: الزول ده قال داير يزور حلة العرب!!! .. فاكتشفت أن النعام آدم وجماعته ينتمون إلى قبيلة الهواوير لكنهم استوطنوا تلك المنطقة و"تشـيّـقوا"؛ أصبحوا شوايقة. كما اكتشفت الكثير المثير عن الشوايقة ومن تشيّق من جيرانهم البديرية وبعض أبناء شمال كردفان من الهواوير الذين هبطوا من صحاريهم إلى البحر ابتغاء العيش بعد أن فقدوا أنعامهم بفعل "المـحـل" .. فتشيّقوا كلهم بلا قهر ولا سلطان. شخصياً لو مكثت في ديار الشايقية لعامٍ أو بضع عام لتشيّقت. إيه الحنية دي؟. فعلاً الشايقية شعب راقي .. رقيق العبارة .. حنين .. وجريء على التعبير عن حنيته شعراً ونغماً ولحناً. نحن فينا خشونة شوية بتخلينا نكتل الحسرات في حشانا دون التعبير عنها .. وحتى جدنا عبد الله ود بخيت عندما سمع أغنية شايقية يذكر المغني فيها كلمة "يا يـمّة" (هذه أغنية إدريس إبراهيم على ما أظن) .. قال: راجل يقول يا يـمـة؟. هذه من المحرمات .. ويزداد التحريم حرمةً عندما تتعمق شرقاً وتصل إلى الهدندوة .. عيييييييك .. موت أحمر تجيب كلمة أم دي.
الشايقية شعب راقي بالفعل. وصديق أحمد (قيل لي أنهم يلقبونه بـ حلاّل العقد أو حلاّل شنو كدي ما بتذكر، لأنه يغني في أي حفلة متى ما استدعوه .. وبدون قروش). صديق أحمد من أبدع الحناجر التي أسرتني وما زالت .. صوت طروب مطرب لأبعد الحدود .. صوت غريب لا أمـلّ سماعه ولا أمل التعجب فيه. سبحان الله الذي أودع سر الإبداع في حناجر عيال شايق، حتى لو كانوا بديرية دهمشية.
أدمنته في فترةٍ ما وكنت "أكتل" أي حفلة في الخرطوم يغني فيها صديق أحمد. والآن لدي شريطين أتسلّى بهما لزوم الاجترار لتلك الذكريات.

حيّا الله دار شايق .. وكل الشايقية الراقيين.

أخوكم في الله
جعلي خلاء

Post: #122
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 06:55 AM
Parent: #120

Shinteer
الحبيب
يا سلام عليك لقد أنصفت صديق أحمد و إن كانت جميع كلمات الأرض تعجز عن وصف الرجل ، و النعام الغنّا :
فاوضني بلا زعل
ياخي طمني أنا عندي ظن
ديل شيوخ الطمبور
و طمبورنا حنيين حتى دينق غنّا بيهو و أروك طون أروك الله يرحمو قال قبل كدة فنانو المفضل صديق أحمد و سلكنا دة فيهو سحر و غنانا مافي متلو و حبابك وسط ولاد شايق.

Post: #121
Title: Re: نــــــــــادي الطمبــــــــور
Author: waleedi399
Date: 01-09-2005, 06:11 AM
Parent: #1

الاخ علاء الدين يوسف ..

عــــوافــــــــي ..

بعد اذنك والله عجبني صوت الطمــبور دا تــــب..

قلت اخد لي تكيه تحت الشجيرة دي في ضل المقيل مع الهمبريب دا ..

مـــع انــو الدنيا شـــــــــتاء ..

أها بس قلت استئذنك شايف معاك ضيفان في الديوان من البلد..

اظن جابهم صوت الطمبور الحنين دا زي .

أديــك الــــف عافــــية .. أها بمشي انا اخليكم بعافيك .. لكن بجيكم تااااااااااانـــي ..

ســـلم لي على الناس الجوه ديك .. لحدي ما نصلـــــــهم..

Post: #123
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 06:58 AM
Parent: #121

waleedi399
حبابك يا راقي و رايق
و مرحب بيك في نادينا الواحة المخضرة و الضل الوريف و الخريفالماطر
و بشيشي بشيشي أمرق بس تعال صاد.

Post: #124
Title: Re: نــــــــــادي الطمبــــــــور
Author: ابو عثمان
Date: 01-09-2005, 08:14 AM
Parent: #1

علاء الدين
ربنا يديك العافيه ويطول في عمرك علي اهداءانا هذا البوست الرائع والمدهش

Post: #125
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 09:20 AM
Parent: #124

تسلم أبو عثمان
و بمناسبة السلام السوداني التأريخي أهديكم القصيدة ، النشيد الوطني - ديل أهلي- لإسماعيل حسن





بلادي أنا
بلاد ناسا مواريثهم في أول شي
كتاب الله و خيل مشدود
و سيف مسنون حداه درع
و تقاقيبهم تسرج الليل مع الحيران
و شيخًا في الخلاوي ورع
وكم نخلات تهبهب فوق جروف الساب
و بقرة حلوبة تتضرع وليها ضرع
بلادي أنا
تشيل الناس و كل الناس
وساع بي خيرها لينا يسع
و تدفق مياه النيل على الوديان
بياض الفضة في وهج الهجير يشع
بلادي سهول بلادي حقول
بلادي الجنة للشافوها أو للبرة بيها سمع
بلادي أنا ... تكرم الضيف
و حتى الطير يجيها جيعان ومن أطراف تقيها شبع
بلادي الصفقة و الطنبور و داراتا تنح في الليل
و بنوتا تحاكي الخيل ...يشابن زي جدي الريل
و شبالن مكنكن...في طريفو ودع
بلادي بلاد من التاريخ
من ترهاقا .. لي عن ميسنا ...حتى الجاي خيل و دروع
بلادي أمان .. بلادي حنان .و ناسها حنان
يكفكفوا دمعة المفجوع ...يبدُّوا الغير على ذاتهم
يقسموا اللقمة بيناتهم ..و يدوا الزاد
حتى ان كان ...مصيرهم جوع
يحبوا الدار .. يموتو عشان حقوق الجار
و يخوضوا النار .. عشان فد دمعة
و كيف الحال .. اكان شافوها سايلة دموع
ديل أهلي البقيف في الدارة و سط الدارة و إتنبّر
و أقول للدنيا .. كل الدنيا ...ديل أهلي
عرب ممزوجة بي دم الزنوج الحارة .. ديل أهلي
و ديلة قبيلتي لما أدور أفصل .. ..للبدور فصلي
أقول بعضي ألاقيهم تسربوا ..في مسارب الروح .. بقو كلي
أصحاب روحي و الإحساس ...و سافر في بحار شوقهم كمان عقلي
محل قبلت ألقاهم معاي...معاي .. زي ضلي
لو ما جيت من زي ديل ...كان أسفاي .. وا مأساتي .. وا ذلي
تصور كيف يكون الحال .. لو ما كنت سوداني ...و أهل الحارة ما أهلي

Post: #126
Title: Re: نــــــــــادي الطمبــــــــور
Author: waleedi399
Date: 01-09-2005, 10:09 AM
Parent: #124


علاء الدين يوســـف..

جيتك صاد تاني .. بدون أي نقطة
لانو دايرنها الليلة في عرضة الطمبور دي
وبرجو بجيك تاني

ويااااااااا ابو عثمان يا أخوي سلام ...

ما تقعد شويه من وقفتك المتعبة دي ..
رجلينك دي ما وجعتك من الوقفه الصعبة دي
عشان نشوف معاك الطمبور والاغاني الحلوة يا أخوي ..

وبعدين ابجورتك دي بريتها بري .. خلاص ارحمها شويه

لك التحية .. واديك الف عافية

Post: #128
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 10:13 AM
Parent: #126

حباب وليد
أجمل الحلوين

Post: #147
Title: Re: نــــــــــادي الطمبــــــــور
Author: ابو عثمان
Date: 01-11-2005, 04:36 AM
Parent: #126

Quote: ويااااااااا ابو عثمان يا أخوي سلام ...

ما تقعد شويه من وقفتك المتعبة دي ..
رجلينك دي ما وجعتك من الوقفه الصعبة دي
عشان نشوف معاك الطمبور والاغاني الحلوة يا أخوي ..

وبعدين ابجورتك دي بريتها بري .. خلاص ارحمها شويه

لك التحية .. واديك الف عافية)

ألأخ/ وليد
شكرا يا حبيب وعارف ابجورتي زي السودان الحبيب وقربت تنظف من المشاكل والفتن وتبقت لنا مشكلة دارفور وبعد ان تجد طريقها للحل العادل باذن الله-اعاهدك باني سوف اقعد في الواطه واشيل طورتي واهجر الغربه وابقي زول بلد تب
يا رب

Post: #127
Title: Re: نــــــــــادي الطمبــــــــور
Author: waleedi399
Date: 01-09-2005, 10:12 AM
Parent: #124


علاء الدين يوســـف..

جيتك صاد تاني .. بدون أي نقطة
لانو دايرنها الليلة في عرضة الطمبور دي
وبرجو بجيك تاني

ويااااااااا ابو عثمان يا أخوي سلام ...

ما تقعد شويه من وقفتك المتعبة دي ..
رجلينك دي ما وجعتك من الوقفه الصعبة دي
عشان نشوف معاك الطمبور والاغاني الحلوة يا أخوي ..

وبعدين ابجورتك دي بريتها بري .. خلاص ارحمها شويه

لك التحية .. واديك الف عافية

Post: #129
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 10:47 AM
Parent: #127


مبروك للسودان إنتهاء ظلمات الحرب و إنبثاق فجر السلام و المحبة

Post: #130
Title: Re: نــــــــــادي الطمبــــــــور
Author: إيمان أحمد
Date: 01-09-2005, 01:29 PM
Parent: #129

.
شكراً

Post: #131
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-09-2005, 11:12 PM
Parent: #130

شكراً على مرورك يا إيمان

Post: #132
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-10-2005, 00:19 AM
Parent: #131


البنات الإتنين ماشات سوا
واحدي للمرضانين دوا و التاني عجوة بلا نوا

و نسوح شوية مع ود البركل
عبد الرحيم
الفنان الوسيم ذو الصوت الرخيم
قالوا عوض الجرف في طرفة من طرف فنانين الطمبور قالّو:
غايتو يا ود البركل كان على الوجاهة فايتنا لكن سلك ما بتفوتنا


Post: #133
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-10-2005, 00:29 AM
Parent: #132

كتب كمال عباس
Quote: وأشوف فيك صورة مابتنشاف أشم رحيت الكليت والشاف
...
سماح ناسن حلات ناسن بلا السكر ,.طعم قراصة في قدحا من الدبكر
كوارك شفع المغرب ينجضوا في الجمر قنقر
هل نطمع في أن يمدنا أحد الأخوة بنص هذه القصيدة ( رحل تلوت الليل )
أو يسمعنا لها بصوت محمد جبارة
هذه القصيدة اللوحة المكثفة التي تقول كل شئ وتحشد كل التفاصيل الصغيرة
الرائعة الملئة بالشجن الاليم والألفة والشوق الدافئ


الحبيب كمال
أولاً لك العتبى حتى ترضى لعدم إنتباهنا في النادي لهذه المداخلة الحلوة و الطلب اللذيذ .
و أرجو من الأخ أبو يسرا أن يتكرم بنقل القصيدة من الأستاذ ود جبارة مباشرة و يبقى سمح القول من خشم سيدو.
عشان كلنا نستفيد.

و حنرجع نكمل سياحة مع ود البركل

Post: #134
Title: Re: نــــــــــادي الطمبــــــــور
Author: عمر الفاروق شيخ الدين
Date: 01-10-2005, 00:53 AM
Parent: #1

اهلي الحناااااااااااااااان ناس الطمبور (بالتبني )..
الرائع علاء الدين ..

اجيكم ماني (زااااااااااااير)
اريت رزقاً يغرب سيدو طااااااااير ..يسوقني الشوق ..

بهذه الكلمات اجدني مجبرا علي الدخول في كل يوم هذا البوست والاستمتاع بحنين الطمبور وراجي سماع دوران الساقيي وبابور سيد الحمد وحوض البرسيم والأناقي وتمر قنديل ..

وامسك حبل الصبر لا تخلي قلبك يبقا ني ..
اصلو ود ابزيد كل يوم من بلدنا يرحل جدي ..

واصلوا وما تقيفوا وما تحرمونا من حلو الكلام

نور الشرق بان بان فجر الغرام بدا في الطلوع ..
خليني وحدي براي بسير كان انت قررت الرجوع ...

معليش كان في اخطأ في بعض كلمات القصائد فانا حلاوي مركب مكنة شايقي

Post: #135
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-10-2005, 01:49 AM
Parent: #134

عمر الفاروق
تستاهل الجواز الأحمر
خلاص يا زول بقيت هيئة

Post: #136
Title: Re: نــــــــــادي الطمبــــــــور
Author: ابو يسرا
Date: 01-10-2005, 03:06 AM
Parent: #135

الاخ علاء
اتصلت بالامس على اسرة نادي الطنبور وقابلت سكرتير النادي الفنان السر محمد طة(تماسيح الحامداب) ووعدني انه سيكون هناك اجتماع اليوم لمناقشة امر الموقع وطلب منى ان اتقدم بالشكر لك نيابة عن كل اهل الطنبور
اتمني ان اترسل لى هاتفك ونتراسل على الايميل
[email protected]

Post: #137
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-10-2005, 03:43 AM
Parent: #136

الحبيب أبو يسرا
تحياتي لأهل النادي دون فرز
و معلوماتي وصلتك
و في إنتظاركم

Post: #138
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-10-2005, 07:18 AM
Parent: #137



طال بي العذاب
ليه سقوني الآلام شراب
يا خلوق
أنا من صغيرة و لسة ياداب
قام أبوي سداني بي باب
قالِّي أصلو البت للحجاب
لا صديقة تزورة لا أصحاب
يا التقاليد حكمك إرهاب
و إنتي ياكي مصيبة الشباب
يا خِلوق
وين أشوف أنا راحة ضمير
سوُّلي سور برلين الشهير
حرموني مريقة العصير
و أمي حارساني بقت غفير
من عذابي انا في هم مجير
لا سعادة أشوفة ولا خير
يا خِلوق
بسقي ستي القاعدة في الدار
في فرح ما شاركت جار
المروق ممنوع قالوا عار
جابو عادات ناسنا الكبار
في العذاب ماشيالي مشوار
و راح عميري الدابو نوّار
يا خِلوق
أمي تنهر حلفت يمين
و إلا مهري انا بالملايين
و الهدوم كمين و كمين
و الشباب من بيتنا خايفين
بالتقاليد نمشي راجعين
أرحموا العرسان ديل مساكين
يا خِلوق
أنا أبكي دايماً حظي انا المات
من بلد حاكماها عادات
شوفوا ناس آسيا مدرسات
و ناس سهير في الشركة عاملات
إلا انا الودّع ودوري مات
ديمة باكية دموعي نازلات
يا خِلوق



Post: #139
Title: Re: نــــــــــادي الطمبــــــــور
Author: osly2
Date: 01-10-2005, 07:20 AM
Parent: #137

اهلى الطنابره
جاييكم صاد

Post: #140
Title: Re: نــــــــــادي الطمبــــــــور
Author: عمر الفاروق شيخ الدين
Date: 01-10-2005, 10:48 AM
Parent: #1

طنابرة يا رسول الله

Post: #141
Title: Re: نــــــــــادي الطمبــــــــور
Author: maman
Date: 01-10-2005, 10:27 PM
Parent: #1

Quote: سوقني محل ما المحنة
وأيادي تقطّر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حباب الحبان في بابه
وتدخلوا عليّ الحرام



سوقني معاك يالحمام/أوبريت للسلام)
 محمد الحسن حسن سالم 
سوقني    معاك   iiيالحمام
...                  ii...
سوقني  محل  ما  iiالحبيبة
قريبة    تراعي    iiالغرام
غريبة   الأشواق   iiحبيبة
يجيبا    منام   في   iiمنام
...                  ii...
سوقني  محل  ما  iiالمحنة
وأيادي     تقطّر    iiسلام
سماحة  الحياة  فوق iiأهلنا
وبلادي     تقرقر    iiوئام
...                  ii...
غلابه  وأمان  مو iiالطيابة
ضكارى  بصارى  iiوكرام
حباب   الحبان  في  iiبابه
وتدخلوا    عليّ   iiالحرام

فقارى     ولكن    iiغنايا
غنايا      بهذا     iiالغمام
بهذا    النيل   كم   iiتغايا
وتيرابا     نرميهو    iiقام
...                  ii...
إرادة    القمره    iiالبتقدر
براها   تضوي   iiالضلام
شعاع   شمشاً  ياما  خدّر
وإذا    يبَّس    لا    iiيُلام
...                  ii...
فيابا    خرابا    iiالحرابة
وخرابة  فكر سوسي iiسام
خرابة  الكل  نفسو  iiتأبى
عقابه   ..  تلِم  عم  iiسام
...                  ii...
ولِيد    مخلوق    iiللقرايي
خزين   مدخور   iiللجِسام
تتمر     نيتو     iiالتخايي
إلاما      مذهلل     iiإلام

درب  من  دم ماب iiيودي
حرِب سُبّه .. حرب حرام
تشيل  وتشيل  مابيِ  iiتدِّي
عُقب     آخرتا    iiإنهزام
...                  ii...
بطانة    الشيطان   iiقديمِة
وبعد  دا  منو العرشو iiدام
إذا  الإنسان  ما  ليهُ iiقيمِة
علي إيش خلَّفُو سام iiوحام
...                  ii...
تعالوا  الدم  ما  هو iiمويةِ
ولا   ها   ترايي  iiالمسام
خباري  بحمر  في iiاخويا
وطراوة    الخوة   إبتسام
...                  ii...
تعالوا    نحانن    iiبعضنا
نخل   قلبو   على  iiالتُمام
نبضنا    يشهل    iiأرضنا
وأرضنا    تجِم   iiالعضام
...                  ii...
تعالوا   بدل  نبني  iiساتر
نخيب     ظن    iiالصدام
نطَّيب    للعازه    iiخاطر
نقوم      لأطفاله     سام
...                  ii...
أخير     كرّاكةً     iiبتفتح
حفير    وتراقد    iiالركام
أم     الدبابة     iiالبتكشح
شخير    الموت   iiالزؤام
...                  ii...
تعال  لي  غابتك يا iiخيرا
تعال  لها  يا  أسده iiالهمام
بدل  دوشكة  يغني  iiطيره
محل   قنبلة   عش  iiنعام
...                  ii...
بلد  صمَّي  وشعب  iiواحد
عصية    على   iiالإنقسام
أبيه     وبكراها    iiواعد
صبية     ومشهاده    iiتام
...                  ii...
بساطا  أحمدي  كم iiيشيلنا
وتشهِّلنا    على    iiالدوام
نَقِل   لينا   تقوِّي   iiحيلنا
ودليلنا     تمام     iiالتمام
...                  ii...
نلقّم     سقف     iiالمتاهة
نجم   هدّاي  في  iiالضلام
ونطعِّم   حرف   iiالنزاهة
لإيئلافك      يا     iiحمام
ديموقراطية        iiوأمان
سوا  ..  سوا عالين iiمقام
مواريثنا    المن    iiزمان
محصَّنة  في  أروع iiنظام
...                  ii...
بريدك   يا  زول  iiبريدك
بعشقك     حتّى    iiالهيام
أريحيتك    عد    iiتزيدك
مهابة      وليك     القيام
...                  ii...
عهدي   معاك   يا  iiحمام
حبِيْب    الرُسل    iiالكرام
رسول   الأمراء   iiالعظام
عصامي   على  ما  iiيرام
...                  ii...
ماب   تهدِل   في  خنادق
ولا  ب  تقدِل فوق iiحطام
ولا  ب  تنزل  في iiفنادق
وسطنا    مراعيك   iiقُدام
...                  ii...
فيا   ملدوغ   من   iiأديس
معوَّق     في     iiكوكدام
تعال   عمِّر   فينا   ميس
كفانا    طشيش    iiالكلام
جناحيك   جنوب   iiشمال
وأمش   طوِّف  يا  iiحمام
محِل  غصن  العزّة  iiمال
عليك    وعليهُو   iiالسلام
حكيم   الطير   يا   مهبِّر
شُراكة     القَتَلة    iiاللئام
متين   بإسم  الحق  iiتكبِّر
وبالرحمة   تصلِّي   iiإمام
...                  ii...
فلاحة     العالم     iiتعمر
محبّة     مودة     iiووئام
تشمِّر     ساعد    iiالسلام
...                  ii...
سوقني  زمن  كُلُّو  iiعافي
نتاجو   عِلم  خيرو  iiعام
بري   آيمة  من  iiالمنافي
وطن  وافي  على  iiالدوام

Post: #142
Title: Re: نــــــــــادي الطمبــــــــور
Author: ابو يسرا
Date: 01-11-2005, 00:29 AM
Parent: #141

رائعة حميد(انشودة السلام) غناها الفنان عثمان عبد العظيم لتجمع بورداب الخرطوم فى حفل استقبال الاخ بكري ابو بكر حين عودته للخرطوم وهى عمل رائع وبعد ان انتهي الفنان عثمان من تقديم الانشودة جاء الى مكانة بجواري وعندها تحرك استاذنا الكبير فضيلي جماع وجاء مهنئاً الفنان عثمان على روعة الاداء وطلب منا هاتف الاستاذ حميد وابدي اعجابة الشديد بالانشودة كلمات ولحن واداء
التحية لحميد وللفنان عثمان عبد العظيم وللاستاذ فضيلي واليك انت مامان

Post: #143
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 00:30 AM
Parent: #141

محمد كرم الله
بلبل السودان الأول ، الذي لا و لم و لن يأتي من يحاكيه صوتاً ورقةً و بيان ، كلّما سمعته رغم قدم تسجيلاته و قلتها أغيب عن الزمكان مع الرنة الأولى لطنبوره الحنيين و حتى خاتمة الكاسيت ، و من روضته الغناء أهديكم أحبةالطمبور "سر غرامك"
:


يا الغرامك فينا كامن شوَّق العين شال منامه
ثغرك الدُر المُنظم مِنُّو حيَّتنا ابتســــــــــــامة

النســـــيم غازل ضفايرك بعثرة و غيّر نظامة
و الخدود أداها طلّة و رشــــــّت النّبك الغمامة

القــــوام فاتن مكـــــــــمّل مافي أمثـــــالو قامة
و النـــــغيم لادنمعطّر خمرة الحـــــــب للندامى

الصدير هودج و راحل و مابي للعشاق ســلامة
الضمير الواهي فتّر لي قلوبنا و زاد هيــــــــامه

في خطاك لحن المشاعر وبهجة الروح يا مدامة
حكمة الريم طبعو نافر ما عليك في الصد ملامة

في الجمـــــــال أول و آخر النفوس هيج غرامه
للوداع أنا ماني قادر إلا برضو مع الســـــــلامة

Post: #144
Title: Re: نــــــــــادي الطمبــــــــور
Author: ابو يسرا
Date: 01-11-2005, 00:34 AM
Parent: #143

الاسبوع الماض تم تكريم الفنان محمد كرم الله وكان حفل رائع زبعد طول غياب قدم بعض من اغانيه
لم احضر حفل التكريم ولقد نقل لى الفنان محمد جبارة صورة عن روعة المشهد

Post: #145
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 02:40 AM
Parent: #141

تسلم إيدكيا مامان
والله دي أروع هديةلي ولعشاق النادي بمناسبة الأحداث الجارية و هي تلائم ذلك جملة و تفصيلا و نتمنى أن يدوم السلام والحب

Post: #146
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 03:14 AM
Parent: #145

أبو يسرا الحبيب
والله هو تكريم جاء لأهله دون شك فالرجل لا مناص من تكريمه لما قدّم و ترك من إرث كبير جعله رقماً ضخماً في الخارطة لن يزول.
كم أحبه هذا الرجل و بالله عليك يا أبو يسرا شوف لينا التسجيل حق التكريم دة باقي أنا في إجازتي الجاية من رقبتك ماني نازل.
تسلم كتير و تحياتي لأهل النادي كلهم وبالله أسأل لينا عن أخبار نفيسة أحمد علي مزيّر

Post: #148
Title: Re: نــــــــــادي الطمبــــــــور
Author: riad atta
Date: 01-11-2005, 05:39 AM
Parent: #146

الطمبور هذا الكائن العجيب الذي يحتوى على معاني كثيرة تجتمع كلها بداخل قدح الدبكر ويحصنها ذلك الجدار المصنوع من جلد البقر ويحرسها الديو ممسكا بعصاتيه ومدعما بأسلاك المعدن التى تتولي أخراج النقمات الواحدة تلو الأخرى عندما يتقدم أحد ملوك الطمبور أمثال مامان والنعام آدم ومحمد جبارة والمرحوم سيف الأراك ممسكا به ، ساعتها ليس أمام الجميع سوى الطاعة والتطوع بين أيادي هؤلاء الحجافلة لترسل نقما يجعل الكثيريين ينحنون إليه سمعا وطاعة .

أفلا يستحق الطمبور أن يكون له ناد وأن يوثق لهذا النادي عبر موقع يخصص له ؟

فالدعوة لهذا الموقع جاءت ملائمة ومناسبة وتستحق الدعم والاجتهاد حتى تبقي هذه الراية مرفوعة نتبادلها جيل بعد جــيل .
ونحن إذ نشد من أزركم نعدكم بأن نقدم لكم كل الدعم ماديا كان أم معنويا

فالتحية والتجلة للأخ علاء الذي بادر (بكسر الميرتق) ليتدفق هذا الكم الهائل من الكلمات الجميلة والشكر موصول للأخ أبو يسرا الذي تطوع بأن يكون حلقة وصل بين الأخوة في نادي الطمبور وطنابرة المنبر الاوفياء وعلى رأسهم العم مامان وكل الإخوة الذين شاركوا بالقصائد أو المداخلات فصدقوني إخوتي أنه عرس عبر شبكات الانترنت فاليتواصل العطاء .

وانشــــاء الله ما تعترلكم شـــوكي آ الوليدات قولو آمــــين أيي
آه ودعاتكم الله لامن نجيكم المرة الجاي

والله كدي قبل منا نمشي أن نقولكم :

الرسول يا ود عمتي إن درت راحتي ودر جمتي
رسل التسريح اللجي
نركب البيصابق الريح ونمشي في الخرتوم نستريح
الخدامي تسوي التبيخ وكل جمعة نزور الضريح
الرسول يا أم الهداي قولي لي أمي أنا ماني جاي
كنا نشرب لبن السعي بقينا نشرب لبن الشـراي
ألمي بالماسورة جــاي تبيخنا في الحلي أم غتاي
أبو منى

Post: #149
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 07:30 AM
Parent: #148

الحبيب أبو منى
والله بعد كلامك دة مافي كلام ينقال.
و إنشاء الله الراية دايماً فوق

Post: #150
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 11:12 PM
Parent: #149

نادينا محلو في الأولى دايما

Post: #151
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-11-2005, 11:51 PM
Parent: #150



Post: #152
Title: Re: نــــــــــادي الطمبــــــــور
Author: محمد حامد جمعه
Date: 01-12-2005, 00:01 AM
Parent: #150

علاء الدين .........الله يجازيك ..
ياخ البوست دا ما خطيييييييييييير ياخ قريتو بس بقيت اقول لنفسى (بشييكن يا عيونى يا دموع لا تفضحنى ) ........... بوست حلو ومؤثر وانا لمن شفت المسالة مشت لصفحتين قلت (الزومة ضايقى ) وكدى النشوف الحاصل شنو ... وجينا والله يستر ما اطلع مشلخ

Post: #153
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-12-2005, 00:10 AM
Parent: #152

أستاذ محمد حامد
والله من قلبي دخلتك علينا بالدنيا كلها و نوّرت النادي و ماك طالع إلا و إنت هيئة

Post: #154
Title: Re: نــــــــــادي الطمبــــــــور
Author: ABU QUSAI
Date: 01-12-2005, 02:42 AM
Parent: #150

لا حولااااااااااااا بالله دا كله فاتني ، أشيل وأمطق ما عرفت اكتبها كيفن دي .
سلااااااااااااااااااااام تعظيم يا شباب وتسلم يا علاء الدين ، والله شغلني عنكم شغل الحج لكن برجع ليك ومعاي تلبية طبلك كان عمك مامان ما لباه ليك . بس حيكون من الذاكرة التي شاخت وتاني سلام وليكم راجع فسرااااااااااااع .

Post: #155
Title: Re: نــــــــــادي الطمبــــــــور
Author: ابو يسرا
Date: 01-12-2005, 03:29 AM
Parent: #154

اخي علاء قبل وصولك للسودان اديني خبر لاجهز لك برنامج طنابير
الف مرحب بيك مقدماً وكل اهل الطنبور فى انتظارك
واليك وعد من ابي يسرا وهو الاحتفاء بك بمنزل استاذنا ود جبارة فى ليلة من الزمن الجميل
والآن معي الاستاذ عثمان عبد العظيم وهو يرحب بمقدمك وسيسمعك انشودة السلام
الف مرحب بيك

Post: #156
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-12-2005, 03:45 AM
Parent: #154

مرحب بيك يا أبوقصي
وبالله عليك طلبي دة محتاجينلو شديد حتى انكان من الذاكرة

Post: #157
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-12-2005, 11:19 PM
Parent: #156

والله يا أبو يسرا شهيتني الجية و ذكرتني أعمل الحجز من هسي مع إنو لسة باقي شوية
و تحياتي لود جبارة و فنان أنشودة السلام الحبيب

Post: #158
Title: Re: نــــــــــادي الطمبــــــــور
Author: الزوول
Date: 01-13-2005, 04:31 AM
Parent: #1

السلام عليكم
والله يا جماعة نضمكم سمح بالحيل
بجيكم راجع بس قت اطنكح البوست قبال ما يروح مع بوستات السياسة الكتيري و مسيخي دى

Post: #159
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-13-2005, 04:47 AM
Parent: #158

زوول سمح القول
حبابك وسط أهلك الحنان
و راجينك

Post: #160
Title: Re: نــــــــــادي الطمبــــــــور
Author: الزوول
Date: 01-13-2005, 10:09 AM
Parent: #1

السلام تاني
أخونا علاء الدين
كلامي المرة دي بخصوص طلبك ( غنية سلم عليهم أهلي الحبايب )..وفي الحقيقة هي عندي بس لما شفت الناس الكبار زي مامان وأبو قصي اتكلموا الصغار لزم يسكتوا، فسكت تأدبا وانتظارا لعل وقتهم يسمح ولكني أظنهم مشغولين فليسمحوا لي بأنزالها نيابة عنهم و الرجاء ان يصححوا ما بها من هنات وهفوات


سلّم عليهم ... اهلي الأفاضل
ذاد شوقي ليهم ... يا ماشي سافل
* *
كل التلاقي . . . قول اشتياقي
خُدرة جروفنا . . . صوت السواقي
حسين نارتي طوفها . . . وأنزل جروفها
عاين الجناين . . . دانيات قطوفها
* *
كَرَبة النضيرة . . . وكل العشيرة
كروان طبيعي . . . خيرات وفيرة
أصّل المنصورة . . . وباليابها زورها
بلغ سلامي . . . لأغلى حورة
* *
زور ارتيموقا . . . الكتلت عشوقها
بي طيبها ساجع . . . قمريها قوقا
سيّال قنتي . . . والبى جوارها
بى حِتي حِتي . . . وبى حارة حارة
* *
لأبدوم قوشابي . . . كاتب جوابي
للرأسو شايب . . . والدابو حابي
عَبَسا وشبابا . . . و جِرا اقيف قبالا
عاين الطبيعة . . . وسبّح جمالا
* *
للدبة اطلع . . . للثانوية
وللطلبة أجدع . . . مليون تحية
الكَرَد البريدو . . . غنالو كُنة
مولاي زيدو . . . كَرَدنا جنة
* *
الجابرية واحة . . . عوض الله فيها
خُد عندو راحة . . . سلم عليها
وبالغابة أقطع . . . حمّور جميلة
للطيبة منبع . . . آه يا حليله
* *
زور تنقسينا . . . تَلِب الحنينة
استاذنا نورنا . . . ليك

Post: #163
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-14-2005, 11:05 PM
Parent: #160

زوول حبيبي
بديت أرد قبل أقرأ القصيدة
أول عبارة قلتها بعد قريت الكوبلي الأوي هي
الله
الله عليك و ألف شكر و ربنا ما يحرمنا منك يا رب و لا تدري كم هي غالية على نفسي هذه القصيدة الأعجوبة أول حاجة قدامي الليلة إنو أحفظه لأني أحب ترديدها.
لك الشكر ما بقيت محبتنا للنادي

Post: #161
Title: Re: نــــــــــادي الطمبــــــــور
Author: الزوول
Date: 01-13-2005, 10:09 AM
Parent: #1

السلام تاني
أخونا علاء الدين
كلامي المرة دي بخصوص طلبك ( غنية سلم عليهم أهلي الحبايب )..وفي الحقيقة هي عندي بس لما شفت الناس الكبار زي مامان وأبو قصي اتكلموا الصغار لزم يسكتوا، فسكت تأدبا وانتظارا لعل وقتهم يسمح ولكني أظنهم مشغولين فليسمحوا لي بأنزالها نيابة عنهم و الرجاء ان يصححوا ما بها من هنات وهفوات


سلّم عليهم ... اهلي الأفاضل
ذاد شوقي ليهم ... يا ماشي سافل
* *
كل التلاقي . . . قول اشتياقي
خُدرة جروفنا . . . صوت السواقي
حسين نارتي طوفها . . . وأنزل جروفها
عاين الجناين . . . دانيات قطوفها
* *
كَرَبة النضيرة . . . وكل العشيرة
كروان طبيعي . . . خيرات وفيرة
أصّل المنصورة . . . وباليابها زورها
بلغ سلامي . . . لأغلى حورة
* *
زور ارتيموقا . . . الكتلت عشوقها
بي طيبها ساجع . . . قمريها قوقا
سيّال قنتي . . . والبى جوارها
بى حِتي حِتي . . . وبى حارة حارة
* *
لأبدوم قوشابي . . . كاتب جوابي
للرأسو شايب . . . والدابو حابي
عَبَسا وشبابا . . . و جِرا اقيف قبالا
عاين الطبيعة . . . وسبّح جمالا
* *
للدبة اطلع . . . للثانوية
وللطلبة أجدع . . . مليون تحية
الكَرَد البريدو . . . غنالو كُنة
مولاي زيدو . . . كَرَدنا جنة
* *
الجابرية واحة . . . عوض الله فيها
خُد عندو راحة . . . سلم عليها
وبالغابة أقطع . . . حمّور جميلة
للطيبة منبع . . . آه يا حليله
* *
زور تنقسينا . . . تَلِب الحنينة
استاذنا نورنا . . . ليك ما نسينا
أرقي وشعابها . . . قبّل ترابها
بلّغ سلامي . . . لشيبها و شبابها
* *
عفاض نزورها . . . غاية منايا
شيل التحايا . . . أصّل الحصايا
و طل البشاري . . . ود حُمد طه
أجواد و طيّب . . . للطائي باها
* *
شتت سلامي . . . وكل احترامي
ب شوق شمالي . . . قليبي دامي
برسل ودادي . . . و كل احترامي
لى كل ذرة . . . من طين بلادي
* *
اشواقي توصل . . . للدابو يرضع
وللباقي مقنع . . . وللماشي يزرع
جادو المعذب . . . كره البنادر
وقولي لي مرحب . . . أنا جاي
باكر

Post: #162
Title: Re: نــــــــــادي الطمبــــــــور
Author: maman
Date: 01-14-2005, 02:20 PM
Parent: #1

يا ما بريدك ريد
 محمد المهدي حامد نور الدين 
ياما    بريدك    ريد وأنا   كم   بعزك   عز
وياما    كتبت   حروف لكن   بياني   iiعجز
أنا   جابني   ليك   شوقاً جوّا   الكيان  iiبيهز
خلاني     زى    عصفور للهجرة    iiمتجّهز

*         *         *         *         ii*
آه   يا   شتيلة  النيل أنا  في  هواك  iiمكتول
ريدك    كبر   جُواى فيهو   الأمل   iiمشتول
فيض   الهوى   الدفاق زى   المطر  iiمبهول
وأنا فيك لقيت ذاتى وصرتِ العرض والطول

*         *         *         *         ii*
راجيك   سنين  وسنين حبل  الصبر  iiممدود
حاضن  العذاب  يا ناس راجى الغمامة iiتجود
ومحلنا   يروى  شديد والخضرة  ليهو  iiتعود
وانا  ليك  بدوب  إخلاص وتفانى  ما iiمحدود

*         *         *         *         ii*
نتلاقى    بعد    البين في    واحة   iiالتحنان
يوم   العديل   والزين يبقى   الوجود   iiريان
وأنسى    الضياع   الفات ومرارة   iiالحرمان
وأنا  وانت  نحيا  عشان نسعد  بنى  iiالانسان

Post: #164
Title: Re: نــــــــــادي الطمبــــــــور
Author: علاء الدين يوسف علي محمد
Date: 01-14-2005, 11:11 PM
Parent: #162

الحبيب الغالي مامان
الله يديك العافية و طولة العمر عشان تجود لينا بالكلام السمح البنسي المآسي و الأحزان يخليك لينا ربنا و يحفظك للنادي و الطمبور.
شفتة الزوول اللذيذ ما قصر معانا وجاب لينا النشيد الوطني للشمال بعد أحرجتني و خليتني أساسق وراك محل محل و أدق عليك في جوالك من الثابت و ما ترد.
تسلم كتير و كنت متأكد إنكم أحرص مني على النادي و من أن ينغمس وسط دهاليز صفحات البورد.
و دايماً فوق يا رب

Post: #165
Title: Re: نــــــــــادي الطمبــــــــور
Author: الزوول
Date: 01-22-2005, 10:23 PM
Parent: #1

EMBED SRC=http://www.bayanit.com/upload/protected/salim3laihom.ra VOLUME=35 WIDTH=235 HEIGHT=69
TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE





a href=http://www.bayanit.com/upload/protected/salim3laihom.ra target=blank Save @ PC

Post: #166
Title: Re: نــــــــــادي الطمبــــــــور
Author: علاء الدين يوسف علي محمد
Date: 03-31-2005, 03:08 AM
Parent: #165

ما أجمل أن يتكون في دواخلك حب إنتماء لمكان و زمان و عشيرة ، دون تجني على الوطن الكبير ووحدته ، فخر الإنتماء أعظم هبة.

شوفوا بالله الرد البليغ دة لسؤال:




بالله إنت شايقي!!؟
سؤال يا بت غريبب
أنا أيِّ شايقي
و بالتحديد بقولك بلدي أرقي
و كان دار تعرفي اصلي
في النيل و الجروف الخدرا في نوح السواقي
في نِغيم طمبور يبكي الليل و في لبس العراريق و الطواقي
و كان فتشتي في قلب الحسان من جُوة تلقي
أنا أيِّ شايقي
و جنسي شايقي و دمي شايقي
و جدي شايق
و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابة
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل و كتين أشم ريحة ترابي
أنا أي شايقي و الشايقية مازجي دماي في ذاتي و عروقي
كان مكضبة أقيفي أفصد ليكي إيدي و هاكي ضوقي
أنا أمي مهيرة بت عبود و شيخي الميرغني الختمي الطريقة
و جدي شايق شيّد الشايقية جدد ليها شوقي
أنا أيِّ شايقي و شايقي أيِّ
بسوم الروح و أقدِّمة لي حياة العز ضحية
و ما بهاب الموت مادام عيني حية
في وقت السِلِم بدرع و ألِم فوق كتفي طورية
و ساعة الحارة في وسط الصفوف تلقيني شايل البندقية
أنا أيِّ شايقي و شايقي أيِّ
و دة ياهو كلامي مهما قريت و اتعلمت و أصبح شاني سامي
و دة ياهو كلامي حتى ان كان بقيت سفير
و لّا كمان بقيت لجلاج أناطق الطير محامي
دة ياهو كلامي حتى ان كان بقيت عميد و قايد جيش نظامي
و دة ياهو كلامي حتى ان كان بقيت ريِّس و أصارع الموج ورا مِي
و دة ياهو كلامي حتى ان كان بقيت غوّاي و زي قيس في غرامي
دة ياهو كلامي أنا اصلي شايقي و ما بغير من كلامي
لما أقول أنا شايقي ما بقصد تِكِبِّر و إني أعلى من الثُريّا
لما أقول أنا شايقي ما بقصد أقسِّم و طني و أدعو العنصرية
لما أقول أنا شايقي بقصد إني سوداني و بسوق ستين سرية
و لما أقول إني شايقي بقصد إني بحمي حماي و احتضن الحرية
أنا أيِّ شايقي و شايقي أيِّ
و السودان عموم يا بت وطنّا ان كان نضمنا عديل
ولّا ان كان كسرنا الكِلمة حتى ان كان رطنّا
جُوارنا أمان و قلوبنا حُنان و أبيض من قطنا
و نحن المن زمان معروف نكِرم الضيف ولو نربط بطُنّا
أنا أيِّ شايقي و شققت العُقاب جيت من كريمة
زادي كسرة متمرة و حبّات جِريمة
لبسي جبة مبرقعة و غبشة و قديمة
و للبنادر جيت و كان أكبر جريمة أنا قلبي ما بدلتو بس بدّل هدومي
و ماني صايع ساكت آبت لا تلومي أنا أصلي أفندي في طرف الحكومة
عاد وحات اسم الله في شايقيتي فد يوم ما بزيِّف
و حبي للشايقية من ما قُمتة درفوناً خِفيِّف
و لما أبقى شايقي و بين ضلوعي دوام يفر قلبي الرِهِّيف
و لهجة الشايقية حلوة و في لساني يمين تكيِّف


شوايقة يا رسول الله