يا شذاذ الافاق بالدليل القاطع دخل الفرد في السودان يتجاو 1800 دولار

بناء علي قناعة مني بان الشخص ما ممكن يكذب كدة ساي وبما ان قناة الجزيرة ما ضل شدرة او عمود نور طرف الشارع ممكن اي شخص يجي يكضب ويمشي وبما ان السيد ربيع زول ما جاهل بالموضوع دة باعتبارة مستشاااااااااااار وايضا لا يمكن ان يكون كل الذين هبوا وكذبوا السيد ربيع فيما اوردة من ان متوسط دخل الفرد 1800دولار غير صادقين وعلية وجدنا نحن الزبير صالح الزبير بان هناك حلقة مفقودة فاتينا بالمقابلهة التلفزيونية المذكورة وبحثناها بحثا مضنيا وكذلك قتلنا كل ما كتب في الاسافير عن هذا الموضوع من جانب شذاذ الافاق ومن لف لفهم ومن الذين عناهم نافع علي نافع في موضوع لحس الكوع وجدنا التالي
اولا السيد ربيع محق تماما بان دخل الفرد في السودان 1800 دولار بل اكثر من ذلك الاف المرات
ثانيا كل شذاذ الافاق غير محقين في ردهم علي السيد ربيع بل انزلقوا في خطاء تاريخي قاتل كما سيتبين من السطور ادناة
ثالثا نسي السيد ربيع عبد العاطي جزئية صغيرة غير ذات تاثير في مجمل حديثة وهو ان الدولار الذي عناة هو دولار دوله زمبابوي ولكنه بالتاكيد غير مسئول عمن ظن اثما انه يعني دولار دوله الاستكبار امريكا لانه من البديهي ان السيد ربيع ذو الخلفية الاسلامية لا يمكن ان يورد رجسا كالدولار الامريكي بلسانه الرطب من ذكر الله
وعلية فانني ومن هذا المنطلق ادعوا كافة شذاذ الافاق للتقدم والاعتذار بشجاعه عما اوردته اقلامهم من تهكم وتكذيب في حق السيد ربيع
وبما انني اسعي لخير وتخفيفا للشذاذ فانني اقترح ان يكون الاعتذار جماعيا فانا مثلا ساعتذر عن كل اهلي في بركية العظيمة ومشو والحفير وارتقاشا وكرمة والبرقيق وليتقدم ممثل عن كل منطقه ويعتذر نيابه عن اهلة وانا علي يقين من ان السيد ربيع عبد العاطي سيقبل هذا الاعتذار الجماعي نسبه لما عهدناة عنه من كرم حاتمي غير مسبوق واريحية وسماحه نفس مثله مثل اخوانه الكيزان العمرهم لا كذبوا لا نافقوا لا سرقوا ولا تهكموا علي بني وطنهم ووصفوم بالشحاتين والشرذمة وشذاذ الافاق ولا احتقروهم يوما ما.


اسعار الدولار الزمبابوي


صور للدولار المعني

يا قريبي ... كيفك
مسكاقمي

الارقام العلى البيلز دي حقيقة يا الزبير؟
بليون وترليون!!
كان كدا سادومبا يكون الوليد بن طلال هناك

مسكاقمي يا قريبي


أضحكتني والله والأوضاع مبكية


ولا نملك إلا أن نقول:



حسبنا الله ونعم الوكيل


سلامي للجميع

محمد البشري
الارقام حقيقية بالتاكيد وادخل شوف سعر صرف العملة الزمبابوية في اللنك المرفق
سعر صرف الدولار دة قصاد الجنية السوداني كالتالي

1 جنيه سوداني = 82.0635 دولار زيمبابوي
1 دولار زيمبابوي = 0.0122 جنيه سوداني

عشان كدة قلنا كلام ربيع دة صحيح بس هو دقس ما جاب سيرة الزمبابوي

حمزاوي يا زعيم
شايف كيف انا وفرت عليكم واعتذرت بالنيابة عن كل اهلنا عشان ما نتعبكم

قناوي يا زعيم كيفنك

Quote: مسكاقمي يا قريبي أضحكتني والله والأوضاع مبكية ولا نملك إلا أن نقول: حسبنا الله ونعم الوكيل

بالله نعمل شنو قاعدين نعاين ونشوف ناس تكذب من غير ما ترمش ليها جفن كانهم بيتكلموا عن بلد تانية ما بلدنا دي زااااااتا
ولمن ننتزع الضحك من وسط مصيبة فدة معناه قمة الماساة
دمت بخير

Quote: That's the going rate for Zimbabwe's highest denomination note, the biggest ever produced for legal tender—and a national symbol of monetary policy run amok. At one point in 2009, a hundred-trillion-dollar bill couldn't buy a bus ticket in the capital of Harare

وطبعا يا جماعة هناك دليل دامغ يعضد ما ذهبنا الية من ان ربيع قاصد دولار زمبابوي وهو ان هناك عامل مشترك بين حكومتي البلدين الا وهو ان ان دوله زمبابوي نحت منحي الحكومة السودانية الظافرة حافرا بحافر وقامت بحزف سته اصفار من عملتها وكيزانا ديل ما كتروها حذفوا ثلاثة بس

مش مفروض يا جماعة ربيع عبد العاطي يتبني مخرجي دة بدل التبريرات الفارغة القاعد يرددها في جريدة الانتباه دي

سلام الزبير ..

غايتو بالغت .. اديت ربيع مخارجة عمرو ما كان يحلم بيها ..!!

هسي يقرا كلامك دا يدق يدو في طربيز المكتب ويقول : أي والله أنا قاصد دولار زيبابوي دي !!


لكن لاحظ معاي .. لو كان دخل الفرد فعلا 1800 دولار زمبابوي معناها اكلنا نيم لأنو المبلغ دا ما بيجيب ولا حتى تلاتة عيشات !!

طبق البيض بمليون دولار

يا حبيبنا الراجل قاصد
متوسط صرف الفرد الشهرى1800 دولار

Quote: At one point in 2009, a hundred-trillion-dollar bill couldn't buy a bus ticket in the capital of Harare

ممكن يا جماعة مترجم قانوني
يترجم هذه العبارة
ذات التقاطيع بين عبارات
مائة-تريليون-دولار؟


لا أظن ذلك صحيحا حسب فهمي

ارجو ان اكون فهمت خطأ




الحليلة

الحليلة
الموضوع ما دائر ليه مترجم قانوني
ايوة دولار زمبابوي وصل الأرقام دي والصور والمعلومات المرفقة صحيحة مائة بالمائة والترليون ما بيركبك باص دة برضو صحيح
حاليا دوله زمبابوي أعزها الله وموقابي بعد ما نشف البلد وخالها صقعيبه حزف ست أصفار من عملته زيو وزي كيزان بلدنا
هل تصدق عزيزي القاري ان روبرت موجابي رئيس زمبابوي. دة احد أضلاع وأعمدة حركات التحرر الافريقي وانه بعد ان جلس علي الكرسي اول شي فعلة ان جعل ثورته تأكل أخاها وهو رفيق نضاله جوشوا نكومو تماماً كثورتنا التي أكلت أباها
ما برانا المصابين ومبتلين يا جماعة