الاستعدادت لمنتدى عماد الامين -دبلن. احتفائية غير مسبوقة هذا العام

Imad Al Amin Forum
Imad Al Amin Forum is a non profit and impartial group that aspire to keep
Sudanese nationals resident in Ireland connected to issues concerning Sudan.
Named after our late friend and colleague Dr Imad Al Amin who died while
serving the people of Sudan. Dr Imad Al Amin led an exemplary life, always
dedicated to improving the life of his fellow Sudanese. The forum was
established in July 2009 and holds its meetings every six weeks, usually
in Dublin. As an open forum, attending and participating in activities does
not require membership and everybody is welcomed. While health issues in
Sudan would be the main focus of the forum, other subjects are discussed on
regular basis. From time to time the forum invites guest speakers to cover
certain topics that require specialist expertise. The forum is also open to non
Sudanese who share an interest in the development of our country.
Contact us, mailto:[email protected]

الذكرى السنويه الثالثة للحزن النبيل.
ويقابلها قيام المنتدى بدبلن - جمهورية ايرلندا

تقام هذا العام يوم 16/6/2012
بنادى الشرطه بدبلن
GARDA CLUB

Harrington Street 8-10
Dublin 2

فى أكبر تظاهرة ثقافية سودانية بالعاصمة الايرلندية دبلن,


1/ تم تأكيد مشاركة الكاتب الاستاذ/ فتحى الضو لتقديم الندوة السياسية





2/ وتأكيد مشاركة الكاتب والشاعر الاستاذ / يحى فضل الله



3/ وتأكيد مشاركة المسرحى المخرج والشاعر/ قاسم أبو زيد



4/ وتأكيد مشاركة المبدع وصاحب المدرسة الموسيقية المتميزه الاستاذ / الهادى الجبل



5/ وتأكيد مشاركة المبدع الاستاذ / د. ياسر مبيوع



لهم جميعاً شكرنا الجزيل .
والجمهور السودانى بايرلندا موعود بيوم طويل وحافل يستمر ثمانية ساعات من شلال الابداع الاصيل

الف رحمة ونور تنزل على الأخ د/ عماد اخي محمد
وهنيالكم باليوم الذي حتما سيكون جميل بكل هذا الكم الهائل من المبدعين ،،

اخي محمد انا عندي اخوي اسمو ايهاب عبد القادر في دبلن دي معاكم والراجل مبدع بس كسول جدا اتمنى انكم تجروه معاكم للحاجات الحلوة دي ..

مع خالص تمنياتي لكم بقضاء وقت سعيد ,,

تحياتي : ياسر العيلفون

شكراً ياسر
أيهاب اخ وصديق نعرفع تماماً وفى كان قد شاركنا فى يناير الماضى فى الاحتفائيه الماقمة للراحل الاستاذ مصطفى سيد احمد
وان شاء الله سوف يكون حاضراً
تحياتى

مشاركة طارق ابوعبيده فى السنوية الاولى
دبلن. بارك ويست

من السنوية الثانية 18/06/2011
الاستاذ يحى فضل الله يقوم بتوقيع الاهداء
دبلن . بيوليز هوتيل .ساندى فورد

للفقيد دوام الرحمة
ولأهله ورفاقه وأرحامه حسن العزاء


حاضرين بأذن المولى ...

أوووه محمد مكي الزول الجميل
سلااااااااام يا دوك والله مشتاقين
و الشوق غيمتين ومطرة
يعلم الله بسأل منك ومرسلة ليك سلام كتيييير مع دكتور سردوب , اوع يكون سردب بيهو براهو
ده كرنفال من الإبداع ما شاء الله وتبارك الله ,,
بإذن الله معاكم معاكم ،، ربنا يسهل القواسي إن شاء الله
والتحية والتقدير لكل القائمين على هذا العمل الجميل ,,,

يا جماعة ما تطفروا الخور ده وتجونا ! كلها فد ساعة وتلت الساعة
زي مشواركم زمان من دبلن لي بورتليش وابليكس
عليييييكم الله تعالوا , معقول ما تكونوا جيتو لي حجاز ؟ اها بيني وبين حجاز شارعين وزقاق , والله صحي
كدي قولوا بسم الله وتعالوا نأكل لينا كسرة بي ملاح ولا قراصة . مش عرض مغري بالله ؟

ألف رحمة على دكتور عماد الأمين ، وحضور بإذن واحد أحد

الغالية سوما
مشتاقين بالاطنان. كيف الوليدات؟
اعذرينى عارف إنى مقصر معاك زتقريباً مع كل الحبايب.
السنه دى كانت مرهقة جداً ويادوب خلصت الامتحانات.
حتى حجاز ما مشيت باركت ليهو لانه ما كان عندى وقت.
الكسره والقراصة بجيهن برواقة. سردوب بيكون ضبحوا ليهو الكديسة

لما كان عزابى كان مسردب بينا. هسه مسكين . الغنماية تاكل عشاهو ويديها زياده كمان.:)
حتكون فرصة جميلة نشوفكم من زمن .
تحياتى للجميع بطرفك

تشرف يا دكتور... وسوف يكون يوماً حافلاً إن شاء الله.

ازيك يا محمد
كيف الحال ؟
واسفة انى ما بقدر اكون معاكم السنة دى لانى بديت شغل جديد وما بدونى اجازة
لكن وعد العام القادم
تحياتى لكل الحضور بينكم
ولكل الشباب الجميل
دون فرز

الاستاذه سلمى الشيخ سلامة شاركت أيضاً فى منتدى عماد الامين مع الاستاذة آسيا ربيع والشاعرة د. روزمين الصياد .وكان يوماً جميلاً.. الصورة من أثناء مساهمة سلمى
تصوير : د. محمد عثمان
......................................
سلوم ازيك.. مشتاقين ياخ

غايتو الشغل حلاك من المشاركة لكن مستنيننك فى أول اجازة..
تحياتى للجميع وخصوصاص الشابة الصغيرونه بطرفك

إدفقى
قاسم ابوزيد

لى وين وكيف لمتين..
يحي فضل الله
دبلن. 2011 . تصوير معز حجاز

افتقدتك . الهادى الجبل

افتقدت الابتسا مة ...

ياسر مبيوع .. تحدى

أدينى شهادة فقدان وجدان وضمير اتوفى.. فى ذاك اليوم

الاستاذ فتحى الضو ..ليلة سياسية 24 مارس
ندوة التحالف الديمقراطى - امريكا

up

Quote: الغالية سوما مشتاقين بالاطنان. كيف الوليدات؟ اعذرينى عارف إنى مقصر معاك زتقريباً مع كل الحبايب. السنه دى كانت مرهقة جداً ويادوب خلصت الامتحانات. حتى حجاز ما مشيت باركت ليهو لانه ما كان عندى وقت. الكسره والقراصة بجيهن برواقة. سردوب بيكون ضبحوا ليهو الكديسة لما كان عزابى كان مسردب بينا. هسه مسكين . الغنماية تاكل عشاهو ويديها زياده كمان.:) حتكون فرصة جميلة نشوفكم من زمن . تحياتى للجميع بطرفك

تسلم يا محمد والله , خلاص نحن موعودين إن شاء الله بزيارة ولمة جميلة
ولازما ولا بد نتجمع كلنا مع ناس حجاز وسردوب ,, إن شاء الله

بيني وبينك يا محمد سردوب ده من يومو حنين والله صحي
وما كنت متخيلة يلقى زول ينافسو في حنيتو دي ,
لكن والحق يتقال حبيبتنا تقوى شالت كل الحنان الفي الدنيا
وبي حنيتها المدفقة في السهلة دي مااااا بتخبر دريب الكدائس
دي يا خوي ما شاء الله ودقر العين تشيل وتغرف في الحنين
ربنا يحفظهم ويغطيهم الإتنين ,,

ربنا يجمعنا في منتدي الراحل المقيم دكتور عماد قريب إن شاء الله

برنامج الاحتفائية الثالثة

عمدة...وما اداراك ما عمدة..

كان عماد..يا محمد اعز الاصدقاء ,ومايزال واجملهم إبتسامة..كان ولد الحي وإبن التراب العصي
فنم هانئا,يا عمدة اينماكنت فأصدقائك ما زالوا يحكون (في سيرتك للجايين).
------------------------------
اسمح لي ببعض كتابة لم تكتمل بعد الرحيل المر لصديقي الاعز:

إلي الروح الماثلة امامي...
الي القلب العالي النقاء...
الي صاحب الفكر العادي...
الشهيد صديق الروح...
الزميل عماد الامين...

انت كالحلم في لغة العارفين بحزني ...
انت كالحزن ...
منتحلا صمتك البالغ الحسن..مرتحلا دون إذن!!
انت يا ولد الحي...يا بن التراب العصى..يابن امي التي لم تلدك
أنت يا لغة الدرب يا مسرح الروح و عراب القافلة..
سالتك يا اول الراحلين الي القلب قبل قليل و لم تدرك الفاجعة ...
سالتك يا انت ..كيف رحلت ولم تبلغ الرابعة!!
سالت جميع الذين مررت عليهم ذاك النهار فلم يعرفوك باسم ...
سالت عن الروح و البوح والفكرةالسائدة
سالت عن الاصدقاء اليتامي...شوق(شوك) وشيراز..
عدت السوال مرارا فقالوا عرفناك يا صاحبي .
احب السكوت إذا انت يرضيك صمتي...
(لا احب السفر)
لا احب الدروب التي تنتهي هكذا...
فجاة ...لا احب السفر...
-------------------------------------
مفروض يا محمد كان اكون معاكم في دبلن بس لظروف اكاديمية قاهرة ساتواجد بلندن
وتحياتي ل:
محمد عثمان
احمد حسن
معز حجاز
وخالد البرلوم
وجميع الزملاء بطرفكم.

سلام دكتور محمد مكي..

الرحمة والمغفرة لدكتور عماد الأمين..
وتحية لكم علي الإحتفال بذكراه بهذا الشكل المنتج والإيجابي..

مع التقدير..

العزيزة منى خوجلى
جبر الله كسركم والهمكم الصبر الجميل
نتمنى حضوركم للمشاركة
ولك كل التقدير والاحترام

شكراً مرتضى على الكلمات الطيبات.
التحايا وصلت لاصحبها ويقرؤنك مثلها.
نقدر الظروف القاهرة التى منعتك من المشاركة. ونتمنى حضوركم فى المنتديات القادمة.
تحياتى

width=400&autoplay=false&height=400" style="border:0;outline:0" frameborder="0" scrolling="no">

azzasudan on livestream.com. Broadcast Live Free

سنقوم بالبث المباشر للفعالية على قناة عزةسودان اعلاة, حتى يتمكن أكبر عدد ممكن من المشاركة من
مخلتف ارجاء العالم . توجد ايضاً خاصية التفاعل الحى (chat) .

نتمنى ان نستطيع تقديم الخدمة بجوده عالية.

سلامات يا محمد مكي
اتمنى أن يكون يوما حافلا ...
اتمنى أن تساعد الظروف على الحضور..
لماذا لم تقدم الدعوه لشخص من الاتجاه السياسي المعاكس لتكون الجلسه السياسيه أكثر سخونه ،بدل الاستماع لطرف واحد ..أم دعيتوهم ورفضوا؟
تحياتي ..

العزيز الصادق
مشاقون يارجل..عذراً لنأخر الرد لأنى أنشغلت عن البوست.
حقبقة لم لم تفكر اللجنة فى مناظرة سياسية وانما ندوة. لذا قدمت الدعوة للاستاذ فتحى الضو
الذى هو قارئ ممتاز للحالة السياسية فى السودان وعالم بخافايا وأسرار الدولة والنظام
ومن اميز المحللين.
لكن الفكرة جميلة وربما نفذناها فى منتدى قادم, فهو مفتوح لجميع الآراء.
نتمنى أن نراك يوم السبت القادم باذن الله.
تحياتى لكم وكل الشباب بطرفك فى ووترفورد.

وصل دبلن مساء أمس المبدع د.ياسر مبيوع , للمشاركة فى احتفائية السبت, الف مرحباً به
ونتمنى له إقامة طيبة بين أصدقائه.

معاكم من على البعد يا دكتور محمد بس ما تنسى تكتر لينا من صور ايهاب عبد القادر لانو لينا زمان ما شفناه ,,

تحياتي : لك وللاخ ايهاب وللجميع ..
ياسر العيلفون

كل المنى بالنجاح لهذا المنتدى
ولكم التحايا يا اهل دبلن الجميلين
الذين باتوا جزءا من نسيجى
محمد المكى والمعز حجاز واحمد سردوب وخالد ومحمد عثمان وكل الرائعين
اتمنيت لو كنت معاكم
تحايا للجميع من المشاركين

*****

وصل أمس بالسلامة الاساتذة: قاسم أبوزيد و يحى فضل الله والهادى حامد (الجبل)
الف مرحباً بهم فى دبلن ونتمنى لهم إقامة طيبة

شكراً باشمهندس\ بكرى لرفع البوست
شكراً سلمى مرة أخرى
شكراً قرشى .. يوم السبت تعال بدرى شوية .

شكرا محمد مكي واصدقاء الراحل الدكتور عماد الامين بدبلن

شكرا لهذا الوفاء من اهل الوفاء لمن يستحق الوفاء
لك الرحمة الاخ العزيز عماد الامين

شكراً كثيراً مرة أخرى يا ياسر
................................................
كنا نتمنى نشوفك معانا يا معتصم, تابعنا عبر القناة على النت.
تحياتى

مساء الخير
صباح النور
كل المنى ان تخرج الاحتفالية جميلة ورائعة كروح صديقنا المحتفى بحضوره بيننا دكتور عماد الامين
له كل الرحمة

Quote: مساء الخير صباح النور كل المنى ان تخرج الاحتفالية جميلة ورائعة كروح صديقنا المحتفى بحضوره بيننا دكتور عماد الامين له كل الرحمة

العزيز ابراهيم
شكراً يا فنان وياريت تشاركنا
تحياتى

يتوالى حضور الاصدقاء للمشاركة وحضور الاحتفائية
مرحباً بهم جميعاً
اقامة طيبة فى دبلن

الأخ محمد مكى و القائمين على أمر منتدى عماد الأمين بدبلن

تحايا حميمة للجميع مع التمنيات لكم بيوم ناجح يليق بقامة الراحل

الوصيـــــــــــــــــة ..

فى اتصال هاتفى اليوم بالصديق شاعر الشعب ( محجوب شريف ) بألمانيا

أبلقنى أن أنقل تحاياه الشخصية و الأسرة و أيضا نيابة عن مشروع رد الجميل لكل المشاركين فى هذا المنتدى
مشيدا بتحويل الحزن على الأعزاء لفعل ايجابى كما تفعلون الآن ,

كما أبلغنى أيضا ان الراحل د. عماد الأمين كان من الداعمين لمشوع رد الجميل بالسودان بل و قام بزيارتهم أكثر من مرة .

**
*
محجوب بخير و يطمئن الجميع


مرة اخرى لكم الود

الاخ محمد مكى سلامات
طبعاً التقيت بالمرحوم د. عماد الامين اثناء وجوده للتحضير فى النرويج قبل حوالى 6 سنين وكانت ايام مليـئة بالنشاط والذكريات الجميلة
بالرغم من علمى بالبوست ولكن كنت لسبب ما اتوقعت ان يكون الاحتفال يوم 23 يونيو
ولو ان الزمن ضيق ساسعى بمحاولات عسى ان اتمكن من الحضور

بسم الله الرحمن الرحيم

الاخ د.مكي التحية لك علي المجهود العظيم التحية الي كل الشرفاء من ابناء بلادي التحية الي كل الذين يحاولون صناعة سودان يسع الجميع الرحمة لعماد ولعل هذه الكوكبة الرائعة امتداد لحياة اخري له وكما قال الشاعر فارفع لنفسك بعد موتك ذكرها فالذكر لانسان عمر ثان . عاش عماد علي " العمرالثاني" تحياتي الحارة لكم واتمني النجاح الباهر للمنتدي وخاصة ان في معيته الاخ الاستاذالزميل فتحي الضو ونتمني المشاركة في المنتديات القادمة .

البلاد الساحرة
اليوم دخلت مدينة أدخلها لاول مرة ، مدينة قوامها البحر ، المطر ، الخضرة ، والوجوه الحسناء تلفك بغمامة من الماضى ،
هنا كان يعيش من كتب "السلاح والرجل "المعروف باسم برنارد شو، الذى يقول عنه اهل ايرلندا انه متغطرس وعميل لذلك لا يحبونه ، لقد زرته اليوم رفقة محمد مكى واحمد سردوب ،
كان جالسا فى تلك الحديقة بحذائه الاسود وغليونه الذى امسك به بحرفية عالية ، فى حديقة عامة تجاوز المتحف الطبيعى ، وهو متحف يشهدك على الانسان الايرلندى البدائى ،
حيث الحياة البدائية المرتبطة بالكهف والبحر ، وتمتد حتى تلتقى بالعصور الحديثة فى تسلسل سلس، ثم انك تشهد على الجمال الكامن فى تلك اللوحات التى رسمها رسامون ايرلنديون لكل عظماء بلادهم حين عزت الكاميرات ،
لكن كاميراتهم اليدوية التى تحمل الريشة واللون تنسج لك عالما ابهى واكثر روعة من الفوتغرافى ، هذا ما اشهدنا عليه العصر الممتد من العصور الوسطى الى هذه اللحظة ...
مرورا بالتنقيطية والتعبيرية ، والكلاسيكية ، والواقعية وهى من اجمل اللوحات التى شهدناها فى جاليرى دبلن
حين تخرج من الجاليرى انت تعبر السكة الى حيث مبنى البرلمان الذى يحرسه رجل شرطة واحد لا يحمل مسدسا حتى ،
ويساعد المارة الذين يسالونه عن اماكن يريدون الوصول اليها ، وكذا تجد ان مبنى مجلس الوزراء خال من الشرطة امامه ، لا احد سوى النظام الذى يسود ارض اوسكار وايلد وبرنارد شو وجيمس جويس ...

الحركة شمال
هذا اول ما يلفت انتباهك فى ايرلندا ، وعاصمتها دبلن ، ان الحركة شمال ،
عليك ان تمسك بيد احد الذين معك "لتقطع" الشارع ،البيوت صغيرة ، مرتبة منتظمة فى نظافة ونظام ، الشوارع انيقة ونظيفة ،
العربات التاكسى جميلة جلها من المارسيدس والتايوتا الجديدة أو العربات الكبيرة من نوع "تايوتا ـ فان "
تشاهد فى الشوارع الناس يمشون الهوينا ليس عليهم من تعجل باتجاه اى شئ، لكنهم بالقطع اسرع من شعوب اخرى فى اماكن اخرى ، طيبون ومتسامحون ،
هذا اول انطباع يدخل قلبك تجاه هذا الشعب الذى كان ضباط جيشه يحكمون بلادنا، لكن لايهم الان فهم شعب مستقل وكذا نحن ...
تتجول فى شوارع دبلن لتكتشف ان هذا الشعب مولع بحريته اكثر من اى شئ آخر ، يحبون الترحال ، وهذا تلمسه من المتحف الذى نظم العديد من مناحى حياة الانسان الايرلندى القديم ،
حيث المراكب الشراعية تقف شاهدا على تلك الرحلات التى لم تتوقف فى الزمن القديم ،
وكان احد الشهود عليها من عرفوا بالفايكنج ، وهو شعار احد فرق كرة القدم فى الولايات المتحدة تحديدا فى ولاية مينسوتا ،حيث تلك الطاقية المشهورة بقرنيها الصغيرين من النوع الذى كان يرتديه الفايكنج ...
فى العموم ايرلندا بلاد صغيرة قوام سكانها اربعة مليون نسمة ، وككل المدن تنغمس دبلن فى حالة الكوزموبوليتانية التى تراها فى كل مدينة فى هذا العالم الان ...
كثير من الاجناس انت فى مواجهتها فى كل مكان ، ولا تبعد دبلن عن تلك الخاصية

من وحى دبلن فى زياتى الاولى لرحابها

الاعزاء جميعاً
عذراً لانشغالنا عن البوست , فقد توافد من الامس عدد كبير من الاصدقاء
من دول مختلفة وكان لنا أن نلازمهم ونكرم موفدهم.
اليوم سنكون معكم إن شاء الله عبر قناة عزة سودان( الرابط فى البوست) فى نقل مباش
حتى يتمكن الجميع من المشاهده.

الشكر الجزيل لكل من مر من هنا . وسأعود بالرد على الحميع فرداً فرداًو فى أقرب فرصة
خلال اليوم إن شاء الله.
تحياتى ودمتم

اعتذار لجميع الاصدقاء. لم نتمكن أمس من البث المباشر, نسبة لخلل تقنى لم نتمكن من اصلاحة, لكن تم توثيق الفعالية وسنقوم ببثها لاحقاً. ولكم العتبى.

.............................................................................................................

كان يوماً جميلاً .

اكيد يا دكتور كانت ليلة ما منظور مثيلة ،، ونحن في إنتظار تزويدنا بتوثيق هذه الفعالية ..


تحياتي : ياسر السر