Post: #1
Title: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: jini
Date: 05-19-2012, 06:37 PM
جنى
|
Post: #2
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: ود الباوقة
Date: 05-19-2012, 06:41 PM
Parent: #1
خسارة العمة والجلابية
|
Post: #3
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Bashasha
Date: 05-22-2012, 03:23 AM
Parent: #2
الحمبرا السامي روحو جني:
مافاهم قصدك شنو بالجلابي المستتر؟
وما علاقة هذا بالصورة؟
ولا فهمك انو الجلابية والعمة زي خاص بالجلابة تحديدا؟
من اين لك هذا؟
|
Post: #4
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: خالد العبيد
Date: 05-22-2012, 03:59 AM
Parent: #3
سلام يا جني
| Quote: ولا فهمك انو الجلابية والعمة زي خاص بالجلابة تحديدا؟ |
طبت حيا وميتا استاذ الاجيال جمال محمد احمد
رفض تقديم اوراق اعتماده كسفير بالجلابية والعمة
لانها لا تمثل الزي القومي السوداني
اما عن صديقي بشاشا
بالجد فهو جلابي رايح في الزمن الصعب
|
Post: #5
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Bashasha
Date: 05-22-2012, 04:52 AM
Parent: #4
| Quote: طبت حيا وميتا استاذ الاجيال جمال محمد احمد رفض تقديم اوراق اعتماده كسفير بالجلابية والعمة لانها لا تمثل الزي القومي السوداني |
سلام يا خالد،
وهل قبل كده الدويلة الهو قبل يكون ليها سفير، هل تمثل القومية السودانية؟
انها معلنة بحد السيف انها عربيىة، او هو قبل بي كده!
وماذا يفقه امثال هؤلاء عن "القومية السودانية"، المدوعلين بي امباز موظف قلم مخابرات جيش كتشنر؟
|
Post: #6
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: jini
Date: 05-22-2012, 05:56 AM
Parent: #5
فرقك من النافع الشلوخ!
جنى
|
Post: #7
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: ود الباوقة
Date: 05-22-2012, 07:04 AM
Parent: #6
| Quote: المدوعلين بي امباز موظف قلم مخابرات جيش كتشنر؟ |
يا زول
انت فاقد للشرعية
مش لو لبست جلابية وعمة
|
Post: #8
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: ولياب
Date: 05-22-2012, 07:36 AM
Parent: #7
من أراد منكم أن يتنفس الصعداء وتكسحه أمه ، فليلاقي بشاشا خلف هذه الشاشا
سلام لبشاشا
|
Post: #9
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Barakat Alsharif
Date: 05-22-2012, 09:36 AM
Parent: #8
| Quote: لانها لا تمثل الزي القومي السوداني |
وهل يمثل البنطلون والقميص والبدلة والكرافتة الزي القومي السوداني؟؟
|
Post: #10
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Bashasha
Date: 05-22-2012, 02:56 PM
Parent: #9
| Quote: فرقك من النافع الشلوخ! |
السامي روحو جني،
او اشمعنا نافع تحديدا؟
لو للجلابية، او العراقي، والطاقية، فجذور اقدم وثيقة، تعود لاكثر من 3,500 سنة من تاريخو!
مرة اخري ده تاريخ الوثيقة المجسم فيها العراقي والطاقية، مش العراقي ذات نفسو الذي لاندري بالتحديد منذ كم من الالاف، ظهر للمرة الاولي!
اما العمة، فمنقوشة في البجراوية نواحي شندي! اي منذ قرابة ال2,000 سنة! نعم النقش، مش سج العمة الذي لانعلم تحديدا من متين!
الطريف زينا ده، خارج السودان مرتبط بالعرب للاسف، او بالاسلام ياللغرابة!
خليك من ده، بابا الفاتيكان زاتو دارع جلابية او كمان طاقية!
وكذلك حاخامات اليهود!!
الاصل السوداني للحضارة ماجخ ساكت!
كمافي ايران، باكستان، افغانستان، وما شابه!
اما عمة السيخ في الهند، فهي ايضا من اثار كوش هناك، كما مفردة هند ذات نفسها، نهر "القانق" او جبال "كوش"...الخ.
اذن حتي هنا، فهمك جلابي استلابي، كالعهد بكم!
بعدين بشاشا حقيقة هو اكبر جلابي في السودان كلو!
قرقرقرقر!
كنا بنقول علي استحياء في المنبر!
ولكن واضح لا احد يعادي هذا الوعي مثلنا!
ربما لانو جوانا بمعدل اكبر من اي شمالي اخر!
بالمناسبة الفرق بين بشاشا او نافع، فرق مقدار!
بل امثال نافع افضل من نوعك ده حقيقة، يا للغرابة!
نافع زي ناس السنجك زمااان هنا، ناس عزام، او غيرم، واعين بي وعيهم الجلابي، ولكن مع الاعتقاد انو حق!
اما نوعك ده فاخطر، لانو حامل للمكروب، من دون ما يكون واعي بيهو!
فانتا تتنفسه كما الهواء، او عشان كده نوعك اخطر، بالذات لما يكون ليبرالي!
يا ساتر!
صعب الزول الغير متمرس يفرزك من كوم المعسكر الاخر، او انتو قاشر بي ذات الشعارات، بل بطاقة العضوية، كمعارض "شمالي" لي نظام نافع!
|
Post: #11
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Barakat Alsharif
Date: 05-22-2012, 03:08 PM
Parent: #10
| Quote: اما العمة، فمنقوشة في البجراوية نواحي شندي! اي منذ قرابة ال2,000 سنة! نعم النقش، مش سج العمة الذي لانعلم تحديدا من متين! |
المصدر
يا بشاشا
الفراعنة كانوا يضعون على الراس غطاءا أقرب (للشماغ) العربي بل وعليه في بعض الصور عقال، وعقالهم كان شريط من القماش، صورة ابو الهول احسن دليل لنوع غطاء الراس مع خلوها من (العقال)
هات لنا ما يثبت ان العمامة مروية او كوشية وستكون قد اضفت لمعلوماتنا معلومة مثيرة ومدهشة وتكون قد ساعدت في سد فراغ معرفي
الموضوع جاد
|
Post: #13
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Bashasha
Date: 05-22-2012, 05:18 PM
Parent: #12
| Quote: هات لنا ما يثبت ان العمامة مروية او كوشية وستكون قد اضفت لمعلوماتنا معلومة مثيرة ومدهشة وتكون قد ساعدت في سد فراغ معرفي |
هاك: الطاقية، العمة، الجلابية و العراقي إنتاج سوداني أصيل منذ أقدم العصور
عبدالغفار سلام،
خليك من كلام بشاشا، اللنك اعلاه مش تبعك؟
فما فاهم قصدك شنو بي هات اثبات لي ذات الكلام البتقول فيهو انتا، او بي اثباتك؟
اليس هذا غريب شوية؟
بعدين ما مغذي نسب السابق الي اللاحق في تشبيهك لي ازياء الفراعنة بالعرب؟
اذا الاصل فرعوني فما معني نسبه للعرب الظهرو "عامن اول"؟
هناك وثيقة، اشرنا ليها، تفصل ازياء شعوب الارض الكانت معروفة لاجدادنا الزمن داك، اي قبل اكثر من 3,000 سنة، بتوضح اذياء ساميي اليوم، في الزمن داك، وايضا الخواجات بي لغة اليوم، في مقابل ذات عراقينا، سروالنا، والطاقية!
لاحظ الطاقية الحمرا بالذات المنتشرة في الغرب، ليها مدلول محدد خاص، قديم جدا!
معليش مافي وكت انكت الحاجات دي وانشرا هنا، ولكن اعد ده يكون موضوع بوست كامل، مع مشاريع البوستات القادمة، عن الاصل السوداني للعلوم، والحلقة الثالثة عن الاصل السوداني للاسلام ذات نفسو، امو او ابوهو!!!
|
Post: #14
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Barakat Alsharif
Date: 05-23-2012, 08:40 AM
Parent: #13
مع التحفظات على الطاقية والعمة..ننتقل إلى الشطر الثاني من الموضوع ألا وهو الجلابية
اين موقع الجلابية من الإعراب في التاريخ؟
|
Post: #15
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: Bashasha
Date: 06-30-2012, 03:53 AM
Parent: #14
مع التحفظات على الطاقية والعمة..ننتقل إلى الشطر الثاني من الموضوع ألا وهو الجلابية اين موقع الجلابية من الإعراب في التاريخ؟
بركات سلامي،
مرت علي وثيقة فيها زول بي جلابية منذ قرابة ال2,000 سنة، ولكن لم اتحقق من الوثيقة حينها، او بالتالي ما حاقول حاجة.
ايضا او حديثا، حوالي من 1000 سنة من تاريخ اليوم احد الفراعنة بيظهر لابس مايقارب الجلابية، وهو جالس، بينما "سيدنا" ابراهيم او سارة بيظهرو في حالة توسل ليهو!
الموضوع محتاج لي بحث او من جانبي مادخلتا فيهو وكت.
مع الاخذ في الاعتبار، الاساس هو العراقي، بحيث الجلابية ممكن نعتبرا مجرد تقليعة او موضة منبعا العراقي.
ساعود وانشر اقدم وثيقة في مجال علم الاجناس، وهي في ذات الوقت اقدم وثيقة لازياء الشعوب المختلفة العرفوها اجدادنا حينها، وهي ايضا اقدم وثيقة للعراقي.
في الوثيقة دي السامي عندو زي مختلف!!
!stay Tuned
|
Post: #16
Title: Re: الجلابي المستتر تقديره بشاشا!تكسح ما تكسح تانى ما عندنا بيك شغلة!
Author: الخير محمد عوض
Date: 06-30-2012, 04:05 AM
Parent: #15
الحمبرا بشاشا انا داير اسالك سؤال بسيط جدا
انت لو عايز تكتب كلمة ( and ) بتكتبها بالعربي كيف ؟
ولو عايز تكتب كلمة ( or ) بتكتبها بالعربي كيف ؟
ما تجي تتفلسف لي وتسلق لي حاجاتي ساي لاو عن جد ذبحتنا ذبح بعدم
تفرقك لهاتين الكلمتين .... يا بيضة انت لازم تعرف انو في فرق
وفرق كبير جدا بين ( او ) و ( و )..... شرقت افكارنا الله يغيظك
|
|