Post: #1
Title: الكلاكلة المنورة!
Author: Hussein Mallasi
Date: 05-03-2012, 10:40 AM
كلو عرفناهو .. الرياض .. الطايف .. أم القرى .. يثرب .. و لكن أن
تصبح إحدى الكلاكلات كلاكلة منورة .. فذلك ما لم يسبقنا عليه بشر!
|
Post: #2
Title: Re: الكلاكلة المنورة!
Author: حسن محمود
Date: 05-03-2012, 10:55 AM
Parent: #1
في الاصل كانت ( المعلقة.).. بين كلاكلتين ..ثم اختير لها اسم (المنورة).
--
وكل الكلاكلات منورة بأهلها الطيبين.
|
Post: #3
Title: Re: الكلاكلة المنورة!
Author: الطاهر ساتي
Date: 05-03-2012, 01:57 PM
Parent: #2
بعدين معاك ياخ
مالك على حلتنا؟
منورة بأهلها، موش بكشافات استاد المريخ :)
|
Post: #4
Title: Re: الكلاكلة المنورة!
Author: Ahmed El Gasim
Date: 05-03-2012, 02:35 PM
Parent: #3
ملاسي سلام
كلاكلة هي الرابط...الكلاكلة القبة...الكلاكلة صنقعت...الكلاكلة الوحدة...الكلاكلة التريعة...الكلاكلة الدخينات....الكلاكلة شرق...الكلاكلة قطعية...الكلاكلة القلعة......الكلاكلةالمنورة.......الكلاكلة عمارة.... شكرا لذكرك بكلاكلاتنا التي نعشق .....
فتامل ....
الطاهر ساتي منور...بالله انت من عندنا...وحبابك يا حسن محمود
|
Post: #5
Title: Re: الكلاكلة المنورة!
Author: Gaafar Ismail
Date: 05-03-2012, 02:51 PM
Parent: #4
ملاسي
سلام من بلاد الشمس المشرقة
| Quote: وكل الكلاكلات منورة بأهلها الطيبين |
|
Post: #6
Title: Re: الكلاكلة المنورة!
Author: حسن محمود
Date: 05-03-2012, 05:13 PM
Parent: #5
Quote: الكلاكلة القبة...الكلاكلة صنقعت...الكلاكلة الوحدة...الكلاكلة التريعة...الكلاكلة الدخينات....الكلاكلة شرق...الكلاكلة قطعية...الكلاكلة القلعة......الكلاكلةالمنورة.......الكلاكلة عمارة.... شكرا لذكرك بكلاكلاتنا التي نعشق .....
|
احمد القاسم ..خالص التحايا والود
نسيت اهم واشهر لاعب لتكملة التيم..حادي عشر.. الكلاكلة اللفة ..جات اخيرا
وكسبت الجولة..########ت القطعية.
..و الكلاكلات كلها منورة رضي ملاسي (البليباصي)..ام ابى.
---
ملاحظة:اشترك معك في دراسة المرحلةالابتدائية والثانوية في نفس المكان.
|
Post: #8
Title: Re: الكلاكلة المنورة!
Author: الرفاعي عبدالعاطي حجر
Date: 05-03-2012, 05:40 PM
Parent: #6
الحمد لله لم تسم المقدسة ,
...............................حجر.
|
Post: #17
Title: Re: الكلاكلة المنورة!
Author: Ahmed El Gasim
Date: 05-04-2012, 01:32 PM
Parent: #6
شباب الموضوع باين كبرتوه...ملاسي سؤاله برئ....وبرضو ادي الناس فرصة للتعرف علي الكلاكلات...
حسن محمود
شكرا...واللفة دي عمرها ما تكون غير" لفة" حيث انها كانت مزارع...اشهرها مزرعة عمنا حاج حامد...او مترة حاج حامد..ومترة الطيب ابراهيم حامد..ومترة عكاشة مضوي قرب القبة...لي شرف ان تكون درست في نفس الدارس التي نهلنا منها وتعلمنا فبها بالكلاكلة والمقرن..
البصاص ابوعبيدة
بص "كويس قبل ما تقهمني يا ولدنا...
الاخوان
الكلاكلة دي ست الحلال والقري...ولها تاريخ www.kalakla.comللعلم...
ديناخالد
بارك الله في ملاسي الجمع ناس الكلاكلات...ازيك
|
Post: #7
Title: Re: الكلاكلة المنورة!
Author: عمران حسن صالح
Date: 05-03-2012, 05:24 PM
Parent: #5
يمكن الكهرباء بداية الخريف وعز الصيف ما بتقطع فيها
|
Post: #9
Title: Re: الكلاكلة المنورة!
Author: abubakr salih
Date: 05-03-2012, 05:43 PM
Parent: #7
Quote:
كلو عرفناهو .. الرياض .. الطايف
|
الطائف ... الطائف
|
Post: #10
Title: Re: الكلاكلة المنورة!
Author: أحمد ابن عوف
Date: 05-03-2012, 06:21 PM
Parent: #9
لا بأس ان اعيد اسئلتي لاهل الكلاكلة في بوست سابق لي
صــــنــــقـــــت
وطالما البوست يتيم فنستأذن ملاسي ونجيبو بي جاي
Quote: مالها، مالها صنقعت !!
عيبوها لي
عشان المجاهدين يسموها الكلاكلة المنورة
Quote: ومن وقتها بحثت عن محمد عبدالكريم والتقيت به في الكلاكلة المنورة في العام 1994م
هذا ما صرح به الشيخ محمود عبدالجبار في حديثة لسودانيزاونلاين هنا: |
الشيخ محمود عبدالجبار فى اخطر لقاء لـ(سودانيز او...لامية و السلفية(1-3)
Quote: نرجع لمسألة التِصِنقِع
الكلاكلة المنورة دي كلاكلة جديدة ام هي احدى الكلاكلات القبة او صنقعت او اللفة وتم تغيير اسمها؟؟
وهي يعني صنقعت لمن رأت برهان ربها وبقت منورة يعني
وللا صنقعت لمن وقت على ضهرها وديل جو لقوها خلا
ويا ناس القبة، الناس ديل كفروا البشير والترابي زاتو،
يعني قبتكم دي عما قريب بنسوفها ليكم لمن تصنقعوا جد جد
والمصنقعين ليها شنو زاتو؟؟ |
ختاما
Quote: سؤال لناس الكلاكلة بالبورد
لو حبيتو تجاوبو جاوبو، واذا ما دايرين على كيفكم
هل فعلا الاسم الكلاكلة المنورة متداول حاليا؟؟
وللا مصنقعين زينا كده |
|
Post: #11
Title: Re: الكلاكلة المنورة!
Author: أبو عبيدة البصاص
Date: 05-03-2012, 06:35 PM
Parent: #4
Quote: كلاكلة هي الرابط...الكلاكلة القبة...الكلاكلة صنقعت...الكلاكلة الوحدة...الكلاكلة التريعة...الكلاكلة الدخينات...
.الكلاكلة شرق...الكلاكلة قطعية...الكلاكلة القلعة......الكلاكلةالمنورة.......الكلاكلة عمارة.... شكرا لذكرك بكلاكلاتنا التي نعشق .....
فتامل .... |
Ahmed El Gasim
سلامات مافي داعي للتهميش ....ووين ست الاسم بت بحر ابيض والاقرب لكبري الحريه
الكلاكله القلعه هههه
وانتو ياناس الطاهر ساتي اتلومتو مع حسين بالجد يعني ماتعرفوهو بالكلاكله المنوره
|
Post: #12
Title: Re: الكلاكلة المنورة!
Author: حسن محمود
Date: 05-03-2012, 07:31 PM
Parent: #11
| Quote: الكلاكلة المنورة دي كلاكلة جديدة ام هي احدى الكلاكلات القبة او صنقعت او اللفة وتم تغيير اسمها؟؟ |
احمد ابنعوف.. سلام
صنقعت لم يغير اسمها ومازالت مصنقعة..
اما قصة المنورة ..وانت جاي من الخرطوم ومتجة جنوبا ناحية الكلاكلات ..تقابلك على اليمين اول كلاكلة وهي القلعة ثم القبة ....وكانت بينهما منطقة صغيرة بها مزارع وبعض البيوت .. حار الناس في انتمائها او نسبتها الى أي الكلاكلتين ؟ فأطلقوا عليها (المعلقة ) ..وظل هذا الاسم تقريبا الى منتصف التسعينات وتم تغيير الاسم بعد ذلك الى المنورة ..ربما وبعد وصول المشايخ اليها.. وبلاشك وجد الاسم الجديد القبول من مواطني المنطقة لانه ببساطة افضل من الاسم الاول وانهي حالة التعليق.
ابوعبيدة .. سلامي
ما تبهت الرجل ..لا تهميش ولا حاجة .. القلعة مذكورة ..وهي
اول كلاكلةوالاقرب الى الكبري الجديد بالعزوزاب..
.
|
Post: #13
Title: Re: الكلاكلة المنورة!
Author: محمد النيل
Date: 05-03-2012, 10:45 PM
Parent: #12
Quote: كلو عرفناهو .. الرياض .. الطايف .. أم القرى .. يثرب .. و لكن أن
تصبح إحدى الكلاكلات كلاكلة منورة .. فذلك ما لم يسبقنا عليه بشر! |
يا حسين ملاسى
سلام
بس عندى شوية تصحيح
فعقلك ما يمشى بعيد مقارنة بالاسماء اعلاه
شايفك مقارن كل الاسماء مع اسماء السعودية
لا لا
الكلالكة المنورة ما مقصود بيها المدينة المنورة
..
فالقصة كالآتى :
منطقة المعلقة والمنطقة التى تليها جنوبا وهى تسمى القبة شمال
هذه تعبر مناطق تحولت الى سكنية مؤخرا مقارنة بالقلعة والقبة وصنعقت والوحدة
فتأخر فيهما دخول الكهرباء
فسبقت المعلقة القبة شمال فى دخول الكهرباء والاضاء وذلك فى بداية التسعينات
ففرح اهلها بذلك وسموها الكلاكلة المنورة بكسر الواو (بالدارجية) بانوار الكهرباء
فتحور الاسم تدريجيا الى المنورة بقتح الواو
فمدينة الرسول ص منورة بالمصطفى نفسه والفرق كبير
...
اما مدينة الرياض الخرطوم ايضا لم يتم تسميتها على رياض السعودية فهو اسم تم لمستوى الخضرة التى ستتبع نوعية او مستوى الدرجة الاولى ذى المساحات الكبيرة التى ستشمل
الحديقة التابعة لكل قطعة سكنية كاول توزيع من نوعه
يعنى الرياض مقصود بها حدايق قطع الدرجة الاولى
...
اما بقية الاسماء نتفق معك فيها
لك الود
..
..
..
..
...
سؤال بسيط يا ملاسى
مالك إنت فاتح الموضوع دا يا دااااب ؟؟
إنت يا خوى اول مرة تسمع بالكلاكلة بالمنورة دى؟؟؟؟
|
Post: #14
Title: Re: الكلاكلة المنورة!
Author: سيف اليزل جعفر عبد الرحمن
Date: 05-04-2012, 04:01 AM
Parent: #13
| Quote: اما قصة المنورة ..وانت جاي من الخرطوم ومتجة جنوبا ناحية الكلاكلات ..تقابلك على اليمين اول كلاكلة وهي القلعة ثم القبة ....وكانت بينهما منطقة صغيرة بها مزارع وبعض البيوت .. حار الناس في انتمائها او نسبتها الى أي الكلاكلتين ؟ فأطلقوا عليها (المعلقة ) ..وظل هذا الاسم تقريبا الى منتصف التسعينات |
دشليون في المائة صااااااااااااااااااح
بس القبة اوروبا للكلاكلات
|
Post: #15
Title: Re: الكلاكلة المنورة!
Author: دينا خالد
Date: 05-04-2012, 07:20 AM
Parent: #14
يفتح بوست لمعالجة كلمة المنورة
حسب انها وصف مدينة الرسول (ص) ..
فيتحول البوست بقدرة قادر الى بوست (اهل الكلاكلات اجمعوا هنا) ..
فتأمل !
كرهتو ملاسى البوستات ! خلو يكمل ياخ !
ـــــــــــــ
الطاهر ساتى ! ملاسى جاييكم من الاخر
شنو علاقة الرطانة بالمنورة كمان ؟؟
دناقلا يا رسولى الله ؟؟ 
|
Post: #16
Title: Re: الكلاكلة المنورة!
Author: أحمد ابن عوف
Date: 05-04-2012, 07:34 AM
Parent: #15
الاخ حسن محمود
تحياتي
وششكرا على الشرح
غايتو ما يستفاد من الدرس بالنسبة لي هو الآتي
| Quote: وصول المشايخ اليها |
|
Post: #18
Title: Re: الكلاكلة المنورة!
Author: سيف اليزل برعي البدوي
Date: 05-05-2012, 03:59 AM
Parent: #16
Quote:
rifagالشيخ عبد القادر حفيد الشيخ حمد ود ام مريوم (صاحب المسيد الشهير بمنطقة الكلاكلة القلعة ..واحد الرجال الذين وضعوا حجر الاساس لمنطقة الكلاكلات بشكل عام ..وكان قاضيا في عهد المهدية .
نسبه:ـ
الشيخ عبدالقادر ود الشيخ ابراهيم ود الشيخ محمد ود الشيخ المنصور ود الشيخ النور ود الشيخ حمد ود ام مريوم الكبير عميد اسرة السادة المريوماب على امتداد السودان والمريوماب هم احفاد الشيخ يعقوب بن الشيخ مجلي الذي ينحدر نسبه الى سيدنا عبدالرحمن بن ابي بكر الصديق
رضى الله عنه.
ولد الشيخ عبدالقادر ود ام مريوم بمنطقة الكلاكلة الحالية والتي تدعي القلعة نسبة لارتفاعها عن سطح البحر في سنة1227هــ ونشأ في كنف والده الشيخ ابراهيم الكبير الذي سميت عليه الكلاكلة القبة ووالدته هي فاطمة بنت حماد بنت عجيب المنجلك وهي حمادبية عبدلابية .
وقال المقدم الصديق مضوي الصديق (من ابناء الكلاكلة القبة ) تربطنا علاقة قوية بالمريوماب او احفاد ود ام مريوم صلة رحم والتصاهر حيث ان مدينة ودليلة هما من بنات (حمد) من قبيلة (المرزوقاب او المرزوقابي ) و مدينة انجبت فاطمة التى تزوجها الفكي ابراهيم والد عبد القادر ود ام مريوم ، ودليلة تزوجت من ياسين وانجبت بنتا اطلقت عليها ايضا اسم فاطمة التى تزوجها نعيم جد النعيماب الذين يقطنون فى الكلاكلة القبة حاليا واول مقدم لود ام مريوم من آل نعيم هو (محمد نعيم ) واخوانه هم (احمد والصديق والقماش ) كان ذلك فى عهد التركية الاول كما ان والد عبد القادر الفكي ابراهيم مدفون فى الكلاكلة القبة حاليا وشيخ ( جاد الله ابو شر ) كان تلميذاً لجد عبد القادر .
ويواصل الحديث المادح احمد الصديق : ان صلاة الاعياد والاحتفالات كلها تكون فى مسجد ود ام مريوم فى الكلاكلة القلعة حيث تأتي الوفود من ابناء واحفاد ومحبي ود ام مريوم و يشكل احمد واخيه الجيلي ابناء المقدم الصديق مجموعة من المداح على نطاق الكلاكلة بجانب حفيد ود ام مريوم ( الزبير ) .
و قال الكاتب : ان الشيخ عبدالقادر ود ام مريوم الذى كان قاضياً فى عهد المهدية جعل الكلاكلة تلعب دوراً مهماً فى تاريخ المنطقة الى جانب ان موقع الكلاكلة القريب من الخرطوم جعل شهرتها فى عهد الاتراك والعثمانيين جعل الاتراك يصنعون بوابة للقيقر (الخندق الواقي ) للخرطوم من الناحية الجنوبية الغربية اسمها بوابة الكلاكلة وقد عسكر جيش المهدي بقيادة النجومي فى هذا المكان وانطلق منه ليلاً ليفتح الخرطوم وموضع بوابة الكلاكلة اليوم هو ( كبرى الحرية ) والبوابة الاخرى كانت ( بوابة المسلمية ) ومكانها اليوم (كبرى المسلمية ) وبذلك تكون الكلاكلة قد لعبت دوراً بارزاً من خلال موقعها الاستراتيجى فى تاريخ السودان وتاريخ دولة المهدية |
|
Post: #19
Title: Re: الكلاكلة المنورة!
Author: سيف اليزل برعي البدوي
Date: 05-05-2012, 04:03 AM
Parent: #18
Quote: يرجع تأريخ الكلاكلة الي حوالي 450 سنة تقريبا منذ قدوم الشيخ علي بن محمد بن كنه ا...لمشهور (فتاى العلوم) الى منطقة المنجرة ( المقرن حاليا ) قادما من الازهر الشريف وهو من اصل ( كاهلي حميداني ) واولاده يسمون الفتاياب ويرجع نسبه الي الزبير بن العوام كما جاء في نفس العصر إلى هذه البقعه حمد الله بن محمد العوضي ( اولاده يسمون الكلاكلة ) (وهو جدي أنا خوجلي حسين المبارك ) ووطنه الاصلي جوير العوضية – غرب شندى فرع الجعليين الحميراب وتصاهر الاثنان وصار يشملهم اسم الكلاكلة.
- نزح الكلاكلة القدماء من المنجرة قبل اتخاذ الاتراك الخرطوم عاصمة لهم وحلوا بالارض التي تسمي بالحصى والواقعه جنوب الحماداب وشجرة غردون وكانت خالية تقريبا الا من بعض قبائل الكواهلة والصواردة الذين كانوا من الرعاة فحل عليهم الكلاكلة وقاموا بالزراعة وقطع الاشجار وعمروها برا وبحرا ونزح عنها الكواهله والصواردة وبقي بها الكلاكلة.
- سبب تسمية الجعليين العوضية بالكلاكلة تعود هذه التسمية الى ( كلكلة) وهي اسيرة عاد بها ( حمد الله بن محمد العوضى ) من احدى رحلاته الى المنجرة اثناء متاجرته بالتمور وروى عنها انها كانت مسترجلة وفارسة وهى بنت الملك حسب الله الذى كان يسكن غرب النيل الابيض قبالة منطقة الكلاكلة التى كانت تسمى قديما ( جبل المى ضحى) وتسمى حاليا ( فتاشة) وقد جعلها ( حمد الله) لكى تدرب اولاده على ركوب الخيل وكانت تقول لهم (كلكلوا الخيل) وهى جملة تدل على ابراز الصدر للقوة والجرى ولما سمع الناس منها ذلك اصبحوا يقولون لاولاد ( حمد الله ) اولاد كلكلة وهى فى الحقيقه ليست امهم انما امهم هى فاطمة من بنى الصفر الجعليين .
- الكلاكلة فى عهد المهدية : لما ظهر الامام محمد احمد المهدى فى السودان واعلن دولة المهدية كان بالكلاكلة العالمان الشهيران الشيخ عبدالقادر ود ام مريوم بالكلاكلة القلعة والشيخ النذير خالد الماحي بالكلاكلة القبة كما اشرنا سابقا ولما كان الشيخ عبد القادر اكبر سنا واكثر شهرة في ذلك الحين من الشيخ النذير فقد عينه دولة المهدية اميرا وقاضيا بها وقام بدوره باحضار الشيخ النذير للخليفه عبد الله التعايشي اثر معضلة علمية معينة فظهرعلمه في حل تلك المعضلة فعينه الخليفه قاضيا ورفعه في سلك القضاة الى ان وصل في اواخر دولة المهدية الى مرتبة قاضيا للقضاة وبذلك اصبح في الكلاكلة قاضيان بدولة المهدية وعدد من الامراء منهم على سبيل المثال العالم الامير الفكى دفع الله بالكلاكلة قطعية الذى حشد قبيلة الكلاكلة حشدا في ميدان الجهاد .
وتجدر الاشارة هنا الى ان موقع الكلاكلة القبة القريب من الخرطوم وشهرتها بين القبائل في عهد الاتراك العثمانيون جعل الاتراك يصنعون بوابة للقيقر ( الخندق الواقى) للخرطوم من الناحية الجنوبية الغربية اسموها بوابة الكلاكلة وقد عسكر جيش المهدى بقيادة النجومى في هذا المكان وانطلق منه ليلا ليفتح الخرطوم وموضع بوابة الكلاكلة اليوم هو ( كبرى الحرية ) والبوابة الاخرى كانت ( بوابة المسلمية ) ومكانها اليوم كبرى المسلمية وبذلك تكون الكلاكلة قد لعبت دورا بارزا من خلال موقعها الاستراتيجي في تاريخ السودان وتاريخ الدولة المهدية .
- الكلاكلة في عهد الاحتلال الانجليزى المصرى (1898م) : وعلى اثر سقوط الخرطوم وانقضاء دولة المهدية رجع قاضيا المهدية الشيخ عبد القادر ود ام مريوم والشيخ النذير خالد الي الكلاكلة ووالوا رسالتهم في نشر علوم الشريعة وكان مسجد الشيخ النذير وخلوته معهدا علميا غير نظامي ضم اكثر من (30 طالبا) من خارج الكلاكلة من منطقة الجزيرة والشمالية والنيل الابيض هذا عدا الطلاب المحليين من اهل الكلاكلة وفي الثلاثينات واوائل الاربعينات هاجر الي طلب العلم بالمعهد العلمي بام درمان عدد (8) من ابناء الشيخ النذير واحفاده ومنهم من نال الشهادة العالمية ومنهم من اخذ الشهادة الاهلية ومنهم من واصل دراسته بعد ذلك بمصر ونال شهادة الليسانس من كلية دار العلوم بجامعة فؤاد الاول وهكذا ساهمت الكلاكلة في نشر العلوم الثقافية في السودان .
- الكلاكلة والحركة الوطنية : انخرطت قبيلة الكلاكلة في عضوية نادى الخريجين بام درمان وفي حزب الاشقاء بواسطة شابين من الكلاكلة كانا يدرسان العلم في ذلك الحين بمعهد ام درمان العلمي ويسكنان بتوتي وهما الشيخ شريف ابراهيم خوجلي والشيخ ابراهيم جادالله بعد ان اقنعهما بهذا الانضمام شاب من توتي يسمي امام المحسي وكان موظفا بوزارة المالية وبذلك تكونت اول لجنة فرعية لنادى الخرجيين ولحزب الاشقاء جنوب الخرطوم وهي لجنة الكلاكلة القبة انذاك وتوثقت الصلة بين اسماعيل الازهرى ويحي الفضلي ومبارك زروق بقرية الكلاكلة القبة انذاك وقد حسمت اصوات الكلاكلة رئاسة مؤتمر الخريجين لصالح اسماعيل الازهرى ضد منافسه ابراهيم احمد وهكذا كان للكلاكلة دورها في الحركة الوطنية بوقوفها مع اسماعيل الازهرى الذى اصبح رئيسا للسودان واعلن الاستقلال من داخل البرلمان.
الدور الريادى للكلاكلة في تاسيس المنشات التعليمية والصحية والثقافية :
- اسست اول مدرسة ابتدائية في جنوب الخرطوم علي النيل الابيض بالكلاكلة القبة عام (1942م) ولاتوجد مدرسة سواها من الخرطوم الى جبل اولياء في ذلك الحين.
- اسست بالكلاكلة القبة اول شفخانه صحيه امتدت خدماتها لجميع القرى المجاورة.
- اسست بالكلاكلة القبة اول مدرسة ابتدائيه للبنات عام 1954م .
- اسس اول نادي ثقافي رياضي بالكلاكلة القبة عام 1958م وقام بدورة في تطوير المنطقة .
- اسس بالكلاكلة القبة اول مركز صحي عام 1968م افتتحه الرئيس السوداني الاسبق اسماعيل الازهري.
- افتتح بالكلاكلة القبة في عام (1997م) المستشفي التركي وهو اول مستشفي من نوعه جنوب الخرطوم.
- وقد تميزت الكلاكلة الحديثه بتعدد وتنوع قبائلها وسكانها ومساجدها ومؤسساتها المختلفه
المصدر: كتاب حصاد القرون للمؤرخ دكتور سعد الدين محمد أحمد |
|
Post: #20
Title: Re: الكلاكلة المنورة!
Author: أبو عبيدة البصاص
Date: 05-13-2012, 06:30 PM
Parent: #15
Quote: يفتح بوست لمعالجة كلمة المنورة
حسب انها وصف مدينة الرسول (ص) .. |
|
|