Post: #1 Title: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 04-14-2012, 03:38 PM
نتشرف بدعوتكم إلي سهرة غنائية موسيقية في صحبة فنان الشباب أحمد الصادق، و لأول مرة في الولايات المتحدة On the Memorial Day weekend, Sunday May 27th برعاية وكالة البحر الأحمر للسفر و السياحة، الخطوط القطرية، و منظمة دارفور للسلام و التنمية، برامج للأطفال، أسعار خاصة للراغبين في قضاء الليلة في هيلتون الكساندريا، للمزيد من التفاصيل:
7035384911 2403516038 8043173135
Post: #2 Title: Re: حفل فنان الشباب أحمد الصادق.. فيرجينيا.. مايو 27 Author: Nagat Sid Ahmed Elshiekh Date: 04-14-2012, 03:57 PM Parent: #1
القطار دور حديدو شال منى حبيبى البريدو ولع فينى نارو..... سلام ياملك .... حاجزين طربيزة...... والله صحي .... عايزين نغسل الاحزان الهدتنا دى......... التحية ليك ... ولوكالة البحر الاحمر ... وكمان لفنان الشباب والعجائز احمد الصادق.... أكيد ح تجيب يا ملك من غير سؤال ههههه. تحياتنا.
Post: #3 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 04-14-2012, 04:29 PM Parent: #2
نجاة العزيزة
انتي معروفة حجوزاتك مؤكده ما زي ناس صحبانا كده في النص جنب الفنان كمان، وعشا فنانين وتكلمي اخونا ده يحجز غرفة في الفندق ما يمشي يتضهب في مناساس بالليل و نضاراتو قعر كباية و بالصباح في ال shuttle فسحة في معالم واشنطن (ما لاندوفر) واشنطن قولي
تحياتنا ليك و للاسرة و لنجلاء الصنديدة الملك
Post: #4 Title: Re: حفل فنان الشباب أحمد الصادق.. فيرجينيا.. مايو 27 Author: Red Sea Date: 04-15-2012, 09:45 AM Parent: #3
يا تاج و يا ملك
القطار ده مافى طريقة يعدى بأبوظبى يشيلنا معاهو لفيرجينيا نحضر معاكم البهجة دى
Post: #22 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-25-2012, 05:10 AM Parent: #21
يا دكتور يا ياسر ليك وحشة والله
المواعيد جيش إنت لهسي ما قطعت؟؟؟؟
والله إلا ابقا ليك واسطة قوية التزاكر أمرها بقا ضيق قب ما ي ما يصحو طلبة جورج ماسون وناس في سي يو هههههه تعال قش الكتاحة دي قبال الحساسية ما تفوم عليك شايفو براك لبس الشورت ونازل الميادين الخضراء من قولة تيت
نشوفك ضروري الملك
Post: #23 Title: Re: حفل فنان الشباب أحمد الصادق.. فيرجينيا.. مايو 27 Author: د. ياسر عبد القادر Date: 05-25-2012, 05:34 AM Parent: #22
لا بالله يا ملك.....أحجز لي أخوك
CONFIRMED
Post: #24 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-25-2012, 05:37 AM Parent: #23
بتصرف يا دوك
بس ما تجيب سيرة عارف البني كجة براك ههههه
Post: #25 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-25-2012, 05:40 AM Parent: #24
غسيل أحزان ومكوة سيف
Post: #26 Title: Re: حفل فنان الشباب أحمد الصادق.. فيرجينيا.. مايو 27 Author: د. ياسر عبد القادر Date: 05-25-2012, 05:53 AM Parent: #25
تمام سعادتك........مع الشكر و التقدير
Post: #27 Title: Re: حفل فنان الشباب أحمد الصادق.. فيرجينيا.. مايو 27 Author: Mutaz Khalil Date: 05-25-2012, 03:23 PM Parent: #26
يابخت ناس أمريكا بالفنان الشاب أحمد الصادق
لكن مالو جاي بي بتاع الاورغن بس ؟؟؟
من الافضل أن يغني احمد الصادق باوركسترا كاملة... لأنو الغناء خلف الاورغن فقط لايعطي بعدا جماليا علي الغناء
وأتمني من الفنان احمد الصادق أن يستفيد من هذه الرحلة بان تصقل قدراته ومهاراته لاكتساب البعد الفني الراقي ... فالطريق مازال امامه طويلا وشاقا ليضع بصمته الفنية في خارطة الأغنية السودانية..
Post: #28 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-26-2012, 03:43 AM Parent: #27
يا معتز سلام
انت عارف البرمجة كلها عند الدسوقي ده لكن برضو حيشاركوه عزفين من هنا علي الليد جيتار والباص والات تانيه مانعاني انشا الله بتكون جوله موفقه
Post: #29 Title: Re: حفل فنان الشباب أحمد الصادق.. فيرجينيا.. مايو 27 Author: Red Sea Date: 05-26-2012, 08:21 AM Parent: #28
صاحب الدار ... الفنان المبدع عمر بانقا كان فى إستقبال الفنان أحمد الصادق
Post: #30 Title: Re: حفل فنان الشباب أحمد الصادق.. فيرجينيا.. مايو 27 Author: حسن الطيب يس Date: 05-26-2012, 06:58 PM Parent: #29
العزيز تاج السر و ناس الرد سي red sea شكرا علي اللفتة البارعة دي الفنان احمد الصادق موهبة فريدة في الزمن ده نامل ان نجد الفرصة و نحتفل به في اوهايو يا تاج يا ظريف ازعفنا بتلفونات الوكلاء قبل الذحمة مع الاماني لكم بسهرة سعيد و دمها خفيف
Post: #31 Title: Re: حفل فنان الشباب أحمد الصادق.. فيرجينيا.. مايو 27 Author: حسن الطيب يس Date: 05-26-2012, 06:58 PM Parent: #29
العزيز تاج السر و ناس الرد سي red sea شكرا علي اللفتة البارعة دي الفنان احمد الصادق موهبة فريدة في الزمن ده نامل ان نجد الفرصة و نحتفل به في اوهايو يا تاج يا ظريف ازعفنا بتلفونات الوكلاء قبل الذحمة مع الاماني لكم بسهرة سعيد و دمها خفيف
Post: #32 Title: Re: حفل فنان الشباب أحمد الصادق.. فيرجينيا.. مايو 27 Author: Red Sea Date: 05-26-2012, 09:22 PM Parent: #31
الأخ حسن الطيب ,
تحياتى وشكراً ليك على إهتمامك بزيارة الفنان أحمد الصادق
يمكنك الإتصال بأحد الأرقام فى بداية البوست أو ترك رسالة برقم تلفونك على هذا الرقم 7038255452
Post: #41 Title: Re: حفل فنان الشباب أحمد الصادق.. فيرجينيا.. مايو 27 Author: Nagat Sid Ahmed Elshiekh Date: 05-28-2012, 04:48 PM Parent: #40
Quote: لحفلة كانت عبارة عن فشل تام في الصالة والحضور الضعيف والزمن الممحوق ولم نستمتع بالحفل تمني التعويض عندنا في جيرسي
أتفق معاك ياصبرى فشل ونص ...... المكان بائس جدآ !!!!!!! الحضور غير مشرف ...... ياحليل فلادلفيا الزمان كانت مثل لكل الولايات فى الدقة ونجاح البرامج .... لعن الله السياسة وتمددها فى جوف الفن والطرب ....... الفنان الجايبو منو ؟؟؟؟؟ دا سؤال ماعندو اى معنى ........ الجاى الحفلة منو ؟؟؟؟؟ ابيخ سؤال !!!!!!!! ياخ تعال وشجع وادعم الفنان الجايك مليون ميل عشان يطربك !!!!!! الحفلة بكم ؟؟؟؟ 30$$$$ دولار دى كتيرة خلاص !!!!!! المهم مع الأسف الشديييييد فاشلة ومخجلة اتحرجنا مع الفنان والضيوف الكانوا اكتر عدد ومشاركة من اهل الدار....... ياصبرى حفل يوجرسى ماتفوتنا ليه جاين والله عشان نستمتع عندكم بدل الهباب الكان فى فلادلفيا ...... ياتاجو اعتذر لينا للفنان الشاب ذو الحنجرة الذهبية باسم كل من شارك فى حفلنا البائس جدآ ........... بالله قول ليهو ما تستاهل أول حفل ليك فى امريكا يكون فى فلادلفيا..... بالله يا طيفور تانى ما تبداء اى حفل لفنان واعد من غير تخطيط ومتابعة لصيقة لمعرفة المكان المقام فيه الحفل........ دا كلام خاص لفنان الشباب احمد الصادق ... معليش وآسفين جدآ لفشل حفلنا امسحا لينا فى الجخنون الغنيت فيه ............
Post: #42 Title: Re: حفل فنان الشباب أحمد الصادق.. فيرجينيا.. مايو 27 Author: حسن حماد محمد Date: 05-28-2012, 05:17 PM Parent: #1
Quote: لعن الله السياسة وتمددها فى جوف الفن والطرب ....... الفنان الجايبو منو ؟؟؟؟؟ دا سؤال ماعندو اى معنى ........ الجاى الحفلة منو ؟؟؟؟؟ ابيخ سؤال !!!!!!!! ياخ تعال وشجع وادعم الفنان الجايك مليون ميل عشان يطربك !!!!!! الحفلة بكم ؟؟؟؟ 30$$$$ دولار دى كتيرة خلاص !!!!!!
الأخ الملك سلامات
الف مبروك نجاح حفلتكم فى فرجينيا
وفلادلفيا برضو يا جماعة السودنينن ما كتار شديد
يعنى برضو مشكورين على المحاولة
اعلم بأن الفنان لا يصب كل اهتمامه فى العداد وان كان طبعاً شئ مهم
ونحن فى نيويورك وبالرغم من العدد الهائل احياناً الحفلات ما بتغطى معانا
عشان كده عندنا مجموعة طيبة من الاخوة والاخوات بيتموا الناقصة والفنان بيكون دائماً مبسوط معانا
حكاية 30 دولار كتيرة دى جد شئ محير
الواحد السنة كلها تجيهو حفلة وله حفلتين ويقوليك 30 دولار لا حول ، ما بيقدر الصالة ايجارها بكم
الفنان بكم ، العازفين بكم ، عمال الصالة والتب كم ، المواصلات والعشا قبل وبعد الحفل بكم
غايتو مرات كدا الواحد بيشك فى حكاية انو السودانيين ديل عايشين فى عالم تانى
وبعدين حكاية الأسر الفيها الاخت والمرة والشفع والحبوبة وبنات الجيران والأمريكية ويكونوا سبعتاشر نفر ويقوليك اسرة يا عمك
عشان كدا يا احمد الصادق نحن راجنك فى نيويورك وحاتك الناس هنا متشمرة وراجياك دحين قول لى ناس البحر الأحمر خليكم حلوين
وفكوا احمد لينا بى جاى وخلوا الباقى علينا
تخريمة
ياتاج السر الزول دا دحين ما بيشه البرنس
حقو يسموهو احمد البرنس وله رايك شنو ياعمك
Post: #43 Title: Re: حفل فنان الشباب أحمد الصادق.. فيرجينيا.. مايو 27 Author: محمد ابراهيم قرض Date: 05-28-2012, 05:49 PM Parent: #42
Quote: الحفلة كانت عبارة عن فشل تام في الصالة والحضور الضعيف والزمن الممحوق ولم نستمتع بالحفل
يا حليل زمن الفن والفنانين .. معقول بس ؟؟؟
Post: #44 Title: Re: حفل فنان الشباب أحمد الصادق.. فيرجينيا.. مايو 27 Author: Mohamed Foto7li Date: 05-28-2012, 06:33 PM Parent: #43
سلام
حفلة فرجينيا كانت جميلة ومنظمة ومشاءلله الصالة مليانه
Post: #45 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-28-2012, 06:55 PM Parent: #44
غايتو نحنا في فرجينيا ح نتخز قرار بعد ده نمسك اللعب الحلو بجاي، نجيب فنانيننا ونعمل ليهم الحفلات الشديدة و الأقاليم ياكلو نارن ههههه والداير يشاركنا مرحب بيه ومعليش يا نجاة وأمبارح كنا متوقعينكم و يا حسن حماد مافي فنان بيطلع لشي غير العداد مسحة الشنب و تكاليف الغربة وحق غسيل الأحزان. أمبارح فاق الحضور التوقعات، وصراحة الماشاف أحمد الصادق بيؤدي ماشاف والشافو بيدفع ضعف القيمة، وأود الإشارة إلى الموسيقار دسوقي دون أن اغمط حق ابداعه وفايز مليجي و عبده السر و كل الناس الوفدو في اعداد مهولة حتى آخر دقيقة و الشكر لأحمد الصادق، لرقيه و انسانيته و حضوره الفني المخيف، واسجل إعجابي بقدرته العالية على السيطرة التامة على موقعه طوال فترته على المسرح، فكأنما يحرك الناس بخيط خفي وسحر لا يقاوم.
والما حضر حفلة في فيرجينيا ما حضر كمال طيفور صديقي العزيز يا ريت منك خمسة تاني ويا فضلي مدبر الإنقلابات العاطفية لك محبتنا جميعا.
Post: #46 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-28-2012, 07:14 PM Parent: #45
يا صبري ياخي تحيتي من قبة مدني السني لغاية قبب العركيين
أود أن أقول راي شخصي جدا أنا لأول مرة اسجل إعجاب بهيئة و طريقة لبس فنان سوداني ( بجتنب أدءه الفني بالطبع) و كما يسمي (بيلي جويل) المغني الأمريكي الشهير الفنان البلبس (الفل سوت) بالمحامي أو المحاسب فان الوصف لا ينطبق على أحمد الصادق فهو كما يقول العارفين Hip to the core ويحمل كل خصائص البوب ستار دون شك ساكتب مطولا عنه قريبا
بختنا يكون عندنا زول زي ناس تيدي آفرو و فيمي كوتي، لو الكيزان ديل خلو الغتاتة بتاعتن دي
Post: #47 Title: Re: حفل فنان الشباب أحمد الصادق.. فيرجينيا.. مايو 27 Author: فاروق أبوحوه Date: 05-28-2012, 09:42 PM Parent: #46
تاج يا جميل..
أفرحني جداً نجاح الحفل والشواهد كثيره علي ذلك.
أحمد الصادق حباه الله بصوت جميل و يمتلك كاريزما علي المسرح لا يخطئها الكفيف. كما يمتلك هدوء الواثق من مقدراته ، ينسرب إلي الناس كالفراشة خفةً ، و الرحيق مذاقا. الرجل بسيط جداً و (مستخت) فيه تواضع الملوك ، قريب جداً من الناس لذلك يلتف حوله جمهور لا يستهان به و هذا لم يأت من فراغ إطلاقاً.
شهادتي قد تكون في أحمد الصادق مجروحه ، ولكن قد حاولت أن أوثق لبعض أعماله في بوست كتبته في 2010 كخطوه تشجيعيه لسماع آراء الناس ، قصدت أن يكون عنوان البوست مثيراً للجدل بمثل ما أحدثه ظهور أحمد الصادق علي الساحة الفنية السودانية من جدل كبير.
المهم أنا سعيد يا تاج بهذا الإحتفاء بفنان أري فيه عافيه تبشر بفنان جيد إن شددنا من أذره بعيداً عن الغتاته التي أشرت ليها.
Post: #50 Title: Re: حفل فنان الشباب أحمد الصادق.. فيرجينيا.. مايو 27 Author: Nagat Sid Ahmed Elshiekh Date: 05-28-2012, 11:51 PM Parent: #48
Quote: وفلادلفيا برضو يا جماعة السودنينن ما كتار شديد يعنى برضو مشكورين على المحاولة اعلم بأن الفنان لا يصب كل اهتمامه فى العداد وان كان طبعاً شئ مهم
الاخ حسن حماد دعنى اختلف معك ، الجالية فى مدينة فلادلفيا كبيرة جدآ دا ما سبب ، وبعدين حفلات فلادلفيا دائما ناجحة الا الحفل الاخير دا لذلك كانت دهشتنا وصدمتنا كبيرة !!!! ..... يا ملك والله ندمانة لعدم حضورى لحفلكم العامر بناسوا وفنانو الراقى بختكم ياراقين ..... لكن تانى معاكم معاكم ........
Post: #49 Title: Re: حفل فنان الشباب أحمد الصادق.. فيرجينيا.. مايو 27 Author: Abubaker Mustafa Date: 05-28-2012, 10:51 PM Parent: #46
ياتاج السر كلم دسوقي دا لو لاقيتو قليهو ابوبكر قال ليك اضرب لي ضروري في السودان يافي تلفونو يا عند الحارث وتحياتنا للشباب كلهم في يو اس ايه
Post: #51 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-29-2012, 00:07 AM Parent: #49
Post: #52 Title: Re: حفل فنان الشباب أحمد الصادق.. فيرجينيا.. مايو 27 Author: Tagelsir Elmelik Date: 05-29-2012, 02:41 AM Parent: #51
فتوحلي العزيز نسعد دواما بلقاك دكتور ياسر تقابلنا ولاول مرة في ابهي عرس اتمني ان يدوم التواصل
بكري ابو بكر The power behind the force يوم شكرك ما يجي
Post: #53 Title: Re: حفل فنان الشباب أحمد الصادق.. فيرجينيا.. مايو 27 Author: حبيب نورة Date: 05-29-2012, 04:03 AM Parent: #52
يا عمك
الحفلة دي جابت واللا ما جابت ؟؟؟؟
Post: #54 Title: Re: حفل فنان الشباب أحمد الصادق.. فيرجينيا.. مايو 27 Author: Red Sea Date: 05-29-2012, 07:05 AM Parent: #53
تتقدم شركة البحر الأحمر بالشكر الجزيل لكل الذين شاركو وساهمو فى إنجاح هذا المهرجان الغنائى الكبير ونخص بالشكر والإمتنان الفنان الشاب المبدع صاحب الحنجرة الذهبية أحمد الصادق والفرقة الموسيقية .. دسوقى , مليجى وعبدو السر أمسية ما كانت لتكون بهذا البريق لولا وقفة محبى الفنان أحمد الصادق الذين ظلو يرددون معه الأغنية تلو الأخرى حتى نهاية الحفل ولابد من الإشادة بالجهد الكبير الذى بذل حتى يخرج الحفل بهذه الصورة المشرفة لكل السودانيين المقيمين بولاية فيرجينيا وضيوفهم من الولايات الأخرى
أبو السرة إنت و بكرى أبو بكر The power behind the force إنشاء الله يوم شكركم ما يجى
وشكراً على البوست و اللقطات الجميلة يا أبو سامى .... وفى إنتظار باقى الصور
الأخت نجاة تحياتى ليك ولناس فيلى وإنشاء الله نقدر نعوضكم فى مرة أخرى
فضلى البكرى ع/ Red Sea Team
Post: #55 Title: Re: حفل فنان الشباب أحمد الصادق.. فيرجينيا.. مايو 27 Author: Nagat Sid Ahmed Elshiekh Date: 05-30-2012, 03:59 AM Parent: #54
Quote: الأخت نجاة تحياتى ليك ولناس فيلى وإنشاء الله نقدر نعوضكم فى مرة أخرى
سلام يافضلى وتسلم .... فى انتظار الحفلة القادمة أقصد أين ستقام الحفلة الجاية. تحياتى.
