Post: #1
Title: عشرين دولار رسوم عبر الخط الناقل من الجنوب لبورسودان والشمال يرفض!!
Author: زهير عثمان حمد
Date: 03-16-2012, 10:57 PM
#
قدمت حكومة دولةالجنوب السودان عرضا جديد للوفد المفاوض الشمالي في مسألة رسوم عبورالبترول علي الخط الناقل بين الشمال والجنوب والرسم هو عشرون دولار وتدفع كالتالي عشرة دولارت من حكومة الجنوب والعشرة الاخري من الشركات العاملة ولكن الشمال رفض العرض وتمسك بأثنان وثلاثون دولار لحين أجتماع سلفا والبشير الذي سوف يكون في العاصمة الاثيوبية خلال الاسبوع القادم
|
Post: #2
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: JOK BIONG
Date: 03-17-2012, 00:46 AM
Parent: #1
تجارة الدولية لا تزيد عن دولار واحد فقط....
69 سنتا لا زيادة قولوا يستر الله او يفتح الله...حكاية تجارة وحقي وحقك لا اكثر...
لا حكومة جمهورية جنوب السودان قدمت 20 دولار ...معليش لو اقتراح من الخرطوم ومرفوضا نهايا في جمهورية جنوب السودان..
يعني نفطنا موش جزء من غنائم للشمال كما يعتقد اصحاب النظريات الاسلامية...
|
Post: #3
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-17-2012, 05:39 AM
Parent: #2
يفتح الله
|
Post: #4
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: بكري الخير
Date: 03-17-2012, 01:53 PM
Parent: #3
هو البرميل بي كم؟
والله كلام
عرب وحظهم ضرب
بعد ما بتكلمو عن براميل ال الشنو كدا ما عارف بقو يتكلمو عن براميل ال شنو كدا ما عارف
نقسما بيناتنا خلوها 26 سمح؟
تقول بنبيع طماطم
الله يطمم بطونكم
|
Post: #5
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: Deng
Date: 03-17-2012, 02:01 PM
Parent: #4
أنه عرض مغري جدا. يجب أن لا تفوته حكومةا لخرطوم، لأنه لا يوجد مثيل له في الأسعار العالمية المتعارف عليها.
|
Post: #6
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-17-2012, 02:11 PM
Parent: #5
يا دينق
الجماعة خلو موضوع النقل دا نهائي
كان بي عشرين كان بي مية
الي أن يحسم موضوع الحدود
حسما باتا لا رجعة فيه...
وإلي ذلك الحين...فعلي حكومة الجنوب
أن تسعي بإتجاه لامو الكينية أو جيبوتي
لضمان مستقبل سيادتها والله مو هيك
|
Post: #7
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: تولوس
Date: 03-17-2012, 02:52 PM
Parent: #6
قبيل شن قلنا ..........غايتو صواتك يا بقه.......... الا تشربها براك
بعد كده مافي بترول يمشي عبر الشمال قبل الانتهاء من ترسيم الحدود وتوقيع اتفاق شامل ونهائي يشمل ابيي وكل المناطق الشمالية
|
Post: #8
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: ismeil abbas
Date: 03-17-2012, 03:08 PM
Parent: #7
عشرون دولار إذا الحكومة واضعة 32 فالمسافة بعيدة لأن هناك حسابات خاضعة لهذا السعر .. الزمن يسرق الجميع ويجب أن لايكون النفط أحد وسائل الضغط..ألدولتين خسرانه ألآن..يجب الوصول لسعر يتفق عليه لمصلحة الطرفين.
تقديرى وإحترامى.
|
Post: #9
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-17-2012, 03:15 PM
Parent: #8
Quote: عشرون دولار إذا الحكومة واضعة 32 فالمسافة بعيدة لأن هناك
حسابات خاضعة لهذا السعر .. الزمن يسرق الجميع ويجب أن لايكون النفط
أحد وسائل الضغط..ألدولتين خسرانه ألآن..يجب الوصول لسعر يتفق عليه
لمصلحة الطرفين |
ياخ الموضوع فيه سيادة
وبرلمان...
نحن ما عندنا سيادة وبرلمان
وبعدين مش هم قفلوا بلفهم براهم...
الموضوع دا يجب أن يقيف هنا...والبلف يكون مقفول
الي ان تحسم جميع الأمور العالقة...أو بلفهم دا
يفتحوه علي حتة تانية.
في أمر كهذا لابد للحكومة أن تنشف دماغا خالص خالص
ونشوف آخرتا...
يا راجل جماعتك ديل هم زاتهم غير السكة دي عشرين
دولار ما بلقوها في البرميل.
|
Post: #10
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: Frankly
Date: 03-17-2012, 04:47 PM
Parent: #9
دولة جنوب السودان الوليدة وقعت في شر أعمال الود باقان
قفل البلف عشان يزعّل حكومة السودان قام جوّع أهله
جنوب السودان يتعرّض لضغوطات شديدة خاصّة من أمريكا التي تريد بترول سريع وبسعر زهيد مقابل السلاح منتهي الصلاحية فأوباما في ورطة حقيقة جرّاء تزايد أسعار المحروقات في أمريكا
والجنوب يتعرّض لضغوطات شديدة من المنظمات الأممية لعدم تمكنه أو سعيه لوقف العنف القبلي والعجز الكبير في المواد الغذائية
مهما خفضت دولة جنوب السودان من نفقاتها ورهنت بترولها المدفون لقروض فلن تحل مشكلة العجز الناتج عن توقف ضخ البترول
والمشكلة الكبرى التي تواجه جنوب السودان هو أنّ إعادة الضخ تتطلّب شهوراً وستكون جد مكلّفة
الحديث عن خط بديل حكي ساكت وكلام لا يسوى الحبر الذي كتب به تماماً كحديث الود باقن عن العبيد الجنوبيين قبل كم يوم
وبعدها بيوم قال العلاقت بين الشمال والجوب طيبة
طيب وين العبيد الجنوبيين هل تحررّوا أم مازالوا عبيداً أم نسج عبوديتهم من بنات أفكاره
كل هذا لأنّ دولة جنوب السودان تسمع للود باقان ولا يوجد رجل رشيد يعيد الأمور لنصابها ويضع باقان في موقع يناسبه (بواب لمستشفى مثالاً)
الابار قفلت في الجنوب والبلف قفل في الشمال ولن يعود ضخ النفط إلا بحل كافّة القضايا العالقة ومن أهمها كف دولة جنوب السودان عن دعم حركات التمرّد ضد السودان وفك الإرتباط بالحركة الشعبية قطاع الشمال
هذا أو الموت جوعاً لبني دولة جنوب السودان
والحصار الإقتصادي السوداني على جنوب السودان ما زالت ورقته تنتظر الموافقة بتفعيلها كورقة ضغط قوية وفاعلة ولكنها للأسف ستصيب الشعب الجنوب سوداني الصديق أكثر من نظام الحركة الذي لم ينضج بعد من مرحلة عصابة غاب إلى كرسي حكم رشيد
|
Post: #12
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: hamid brgo
Date: 03-17-2012, 05:16 PM
Parent: #11
| Quote: عشرين دولار رسوم عبر الخط الناقل من الجنوب لبورسودان والشمال يرفض! |
الاخ زهير
مع احترامي لكم فإن مصدركم كذاب
فقط اماني
تلك احلام اللصوص
لن تنالوا من نفط شعبنا بعد اليوم الا وفق الاسعار العالمية لرسوم المرور
لكن ستساعدكم دولة الجنوب حتى لا ينهار اقتصادكم المتهاوي بشرط تكوين صندوق خاص لمساعدات الاتية من دولة الجنوب شريطة ان لا تستغل اموال ذلك الصندوق في الحروب او شراء الاسلحة
اي ان تفتحوا حساب خاص و تحت آلية مراقبة حتى لا تصرف المساعدات في الحروب
يبدو انكم في نوم عميق
|
Post: #13
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: Tragie Mustafa
Date: 03-17-2012, 05:48 PM
Parent: #12
يا د.حامد برقو يا اخوي خليهم يحلموا هي الاحلام بقروش؟!
شوف يا نزار حسين وتولس وفرانكلي وكل الدجالين الهنا
اي اتفاق بتصلوا ليه ب(الفقرا) المبركنهم ديل بلا خجله مصيره يوصلكم لنتائج زي انفصال الجنوب!
تقعدوا تكتبوا في الحكام وبيفوت عليكم انه (الشعوب ما بتنكتب)!
كثر حكومة الجنوب الحنت على الشعب الشمالي من الجوع!انتو مش جعتوا
بل عدمتوا الدولار حتى لحقن الانسولين ودي حقائق كل المقيمين في السودان عارفنها!
بتكذبوا على منو وبتتبجحوا على شنو وانت اعلم انه دولتم هي السافه التراب!
ويتحير الزول من واحد يفترض مفتح نسبيا نتيجه لاقامته في الغرب زي فرانكلي تكتشفه بيسوق الهبل لشعبه
و الغباء السياسي و الجهل بالابجديات!
| Quote: هذا أو الموت جوعاً لبني دولة جنوب السودان |
عارف يا فرانكلي غير الرقي الفاضي الكتبته انت لعلمك الجنوبين لن يموتوا جوعا
بل انتم شعبكم العاش الطفره البتروليه هو الذي لن يستحمل الجوع!
الجنوبين اصلا تعودت معداتهم على الجوع
وعايشاين بلا علاج ولا انسولين ولا يحزنون!
لانهم لسه معتمدين على الطبيعه!
شوف انت المظاهرات الحتندلع لك من ناسكم الما بعرفوا الجوع!
لعلمك لافي ناس في الشرق بيغلبها الصبر على الجوع ولا الغرب و لا الجنوب
الجرسه كلها في ناس المركز ديل!
لانه البقيه جياع وبيقاتلوا اصلا جوعا يخفوهم بيه مافي.
قال الجوع قال؟!
اكثر من الشافوا على ايديكم.
|
Post: #14
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-17-2012, 07:17 PM
Parent: #13
Quote: شوف يا نزار حسين وتولس وفرانكلي وكل الدجالين الهنا
اي اتفاق بتصلوا ليه ب(الفقرا) المبركنهم ديل بلا خجله مصيره يوصلكم لنتائج زي انفصال الجنوب!
|
جاك أول الدجالين
أنا هنا دا مبرك لي 16 فقير بي نبقهم وسبحهم
باقي ليك ال16 ديل ما فيهم فقير بصيب...
وشنو:
حكومة الجنوب حنت علي الشعب الشمالي (حزمة واحدة ) من الجوع؟
المشكلة شنو هنا؟
مش الشعب الشمالي والشعب الجنوبي أخوان؟
غايتو بتخرمجي في جنس خرمجه...ولابسة بدلة مناضلين..كمان
والله تقولي كلامك دا في الكلاكلة اللفة...إلا يخلوك
لافة صينية لا يوم الدين
|
Post: #15
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: Hassan Makkawi
Date: 03-17-2012, 07:35 PM
Parent: #14
Quote: اي اتفاق بتصلوا ليه ب(الفقرا) المبركنهم ديل بلا خجله مصيره يوصلكم لنتائج زي انفصال الجنوب!
|
مداخلة تحفة....
إنا لله وإنا إلية راجعون...
|
Post: #16
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: hamid brgo
Date: 03-18-2012, 07:22 AM
Parent: #13
| Quote: يا د.حامد برقو يا اخوي خليهم يحلموا هي الاحلام بقروش؟! |
الحبيبة تراجي
كنت في اديس ابابا
لست في موقع اقول فيه حرف واحد لكن عندما تسمح الظروف ستسمعين المضحك المبكي
الشعب السوداني في وادي و موقف الفئة المجرمة في الخرطوم في واد اخر
قبل الذهاب الي المفاوضات ارادوا تمييع مواقف الاخ باقان و ذلك بتحريض وزير المالية الاسبق الاخ ارثر اكوين ليثير موضوع اختباء 30 مليون دولار و ينسبه الي الاخ باقان
لا يمكنك ان تتصوري حجم الالم الذي كان يشعر به باقان و هو في المفاوضات امام المجتمع الدولي و الاقليمي و امام الاعداء في الخرطوم
كيف له ان يطالب بحقوق الشعب الجنوبي امام هؤلاء في الوقت الذي يتهم فيه بالسرقة
كان موقفا مؤلما للجميع و ليس لباقان وحده
الاخ اثر قد وقع في فخ كبير
لكن باقان الذي عرفتموه لم يتوانى او ينكسر بل دافع بكل صلابة عن حقوق شعبنا في الجنوب و عن منع تمويل حرب المجرمين ضد شعوبنا في النيل الازرق و جبال النوبة و دارفور
عدنا الي حيث اتينا منه لكن الاخ باقان قد رجع الي جوبا ليتابع البلاغ الذي تقدم به ضد الاخ المخدوع من قبل مجرمي الخرطوم السيد اثر اكوين
قد تابعت القضية من خلال هاتف نقال من داخل قاعة المحكمة
الجمعة الماضية كان يوما مفصليا
تمنيت لو انني حينها كنت في جوبا
على كل كان باقان يدافع عن نفسه بنفسه
احضرت كل المستندات التي تخص الجوانب المالية للحركة الشعبية منذ عام 2005 لم يجدوا مستندا واحدا يدين باقان- بل لم يستلم باسم الحركة جنيها واحدا ناهيك الدولارات. بل لم يصادق على صرف قرش واحد. في الاصل لا اختباء للرقم المذكور
لتبدأ الملامة بين الصحف التي اثارت الموضوع من جهة و الاخ ارثر من جهة اخرى
اي انكر الاخ ارثر ما جاء في الصحف
طلبوا من الاخ باقان ان يسمح لهم بستوية الموضوع خارج قاعات المحكمة
الا انه رد ساخرا كيف تدعون الي التسوية مع شخص متهم بسرقة اموال ارامل و ابناء الشهداء؟
صمت الجميع لتستمر الاجراءات
رؤية دولة الجنوب التي لن تتغير تقوم على الاتي:
- يكون رسوم عبور النفط وفق المعايير العالمية او ازيد بقليل( اي هامش صغير فوق اعلى رسوم عبور في العالم)
- مساعدات مالية من دولة الجنوب لدولة السودان و بشكل مستمر بشرط ان يخصص صندوق لتلك المساعدات و تحت آلية مراقبة بحيث لا تصرف المساعدات في الاغراض الحربية اي تمويل حروب الخرطوم ضد الشعوب السودانية
المجرمون في الخرطوم يحلمون
في الصباح يكتبون
و في اليوم التالي يصدقون اكاذيبهم
اما الشعب السوداني مغيب
|
Post: #17
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: احمد التجانى احمد
Date: 03-18-2012, 07:50 AM
Parent: #16
| Quote: لن تنالوا من نفط شعبنا بعد اليوم الا وفق الاسعار العالمية لرسوم المرور |
يا الفيلسوف حامد برقو
يا اخوى لما ليبيا قفلت عليكم وقبلها تشاد خلاص قبلتوا على الجنوبيين دايرين تلحسوا القريشات حقتم
الله يستر عليهم منكم ومن اليوغنديين
|
Post: #19
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: hamid brgo
Date: 03-18-2012, 08:23 AM
Parent: #17
Quote: يا الفيلسوف حامد برقو
يا اخوى لما ليبيا قفلت عليكم وقبلها تشاد خلاص قبلتوا على الجنوبيين دايرين تلحسوا القريشات حقتم
الله يستر عليهم منكم ومن اليوغنديين
|
الاخ احمد التجاني
ارجو ان تراجع مصادرك
حامد برقو الذي معك في هذا البوست جنوبي مثله مثل الرئيس سلفا او عبدالله بيور او احمد عمر احمد او عبدالباقي اييي او على تميم فرتاك
او ين ماثيو
|
Post: #18
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: ismeil abbas
Date: 03-18-2012, 07:57 AM
Parent: #16
Quote: رؤية دولة الجنوب التي لن تتغير تقوم على الاتي:
- يكون رسوم عبور النفط وفق المعايير العالمية او ازيد بقليل( اي هامش صغير فوق اعلى رسوم عبور في العالم)
- مساعدات مالية من دولة الجنوب لدولة السودان و بشكل مستمر بشرط ان يخصص صندوق لتلك المساعدات و تحت آلية مراقبة بحيث لا تصرف المساعدات في الاغراض الحربية اي تمويل حروب الخرطوم ضد الشعوب السودانية
|
!!!!!!!!!!!!!!!!!!!!!!!!!!!!!!!!!!!!!!
إذا دولة الجنوب لم تغير من موقفها . وحكومة السودان لم تغير أيضاً موقفها لماذا الجلوس مرة أخرى للتفاوض؟؟؟؟؟
تحياتى للجميع.
|
Post: #20
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-18-2012, 09:48 AM
Parent: #18
Quote: الاخ احمد التجاني
ارجو ان تراجع مصادرك
حامد برقو الذي معك في هذا البوست جنوبي مثله مثل الرئيس سلفا
او عبدالله بيور او احمد عمر احمد او عبدالباقي اييي او على تميم فرتاك
او ين ماثيو |
وهل هو غير حامد برقو المعانا من زمان؟
|
Post: #21
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: hamid brgo
Date: 03-18-2012, 11:38 AM
Parent: #20
| Quote: وهل هو غير حامد برقو المعانا من زمان؟ |
من الافضل ان تتصل به طالما تعرفه و تعرف اصله
و انصحك بإبلاغ المجلس القومي للصحافة و المطبوعات ليتخذ قرارا يمنع ايجار حسابات اعضاء المواقع السودانية لعناصر الدول المعادية للسودان و توجهه الحضاري
و كمان احتياجه النفطي
|
Post: #22
Title: Re: عشرين دولار رسوم عبر الخط الناقل من الجنوب لبورسودان والشمال يرفض!
Author: nazar hussien
Date: 03-18-2012, 01:50 PM
Parent: #21
Quote: وهل هو غير حامد برقو المعانا من زمان؟
من الافضل ان تتصل به طالما تعرفه و تعرف اصله
و انصحك بإبلاغ المجلس القومي للصحافة و المطبوعات ليتخذ قرارا
يمنع ايجار حسابات اعضاء المواقع السودانية لعناصر الدول المعادية
للسودان و توجهه الحضاري و كمان احتياجه النفطي
|
يا زول:
السؤال دا إنت لقيتو بغلي والله شنو...مالك محرر نفسك كدي
(التوجه الحضاري والاحتياج النفطي والمجلس القومي للصحافة
والمطبوعات)
|
|