إمام مسجد يطلب من فرفور الرجوع للصفوف الخلفية في الصلاة

Quote: انتقد عضو تشريعي الخرطوم محمد فضل الله الباشا تركيز الفضائيات السودانية على البرامج الغنائية وبرامج الفكاهة والمسلسلات، وقال إنها لا تتسق مع أهداف المشروع الحضاري، وأردف أن برنامج نجوم الغد على وجه التحديد يخرِّج أجيالاً بعيدة عن موجهات المشروع، ودعا لمراجعة نوعية البرامج الغنائية. وفي المقابل دافع العضو حمد الريح في جلسة أمس «الاثنين» عن الفن والفنانين ورفض تحميلهم مسؤولية كل ما هو قبيح بالمجتمع. وقال لا نقبل ذلك وكل الفنانين جاءوا من بيوت محترمة.. وانتقد ما تعرض له الفنان جمال فرفور من أحد أئمة المساجد ببحري الأسبوع الماضي عندما طالبه بالرجوع إلى الصفوف الخلفية. وفي السياق طالب عدد من نواب المجلس بإنشاء صندوق لدعم فضائية الخرطوم وإنشاء مؤسسات ثقافية بأطراف الولاية وإعادة طباعة الكتب القديمة والعمل على إحياء الثقافة السودانية في مختلف جوانبها، والعمل على إنشاء دور للسينما بالأطراف، وإحياء ثقافة الطفل وتنظيم برامج ثقافية يدعمها المجتمع لتخطي حاجز الإمكانيات ورعاية المواهب التي يفرزها النشاط المدرسي.

جريدة الاهرام اليوم

يا راااااجل!!

لكن امام مفتتتح ..
هسه انا فرفور دا لو لاقانى بعرفو ؟؟؟
معناها متاااااابع ود اللذينا ..


بعدين اوول مرة اعرف انو الصلاة فيها فيرست كلاس
ولوووج وكدا كنت قايله الصفوف ياها الصفوف ..

الانجع انو كان يمنعوا الصلاة من اصلو يقول لى
الفنانين ديل ما يصلوا بس !!







ـــــــــــــ
بركة الفى حتت الحريم مافى امام نترصا
على كيفنا .. لانو الامام المرا دى الله هونينى ساى
يا ابراهيم ؟ !!

الاخت دينا سلامات

الصف الاول فيه فضل كبير......الدليل فى الرابط التالى

http://dalil-rif.com/vb/showthread.php?t=5136

تحياتى يا هندسة

الزمن ده كلللللللووو ماكنت عارف انو الناس الفى الصف الاول احسن ايمانا واقرب الى الله سبحانه وتعالى من الناس الفى الصف الاخير
اللهم زدنا علما

هو ده جامع ولا طيّارة .... الامام ده عامل فيها كابتن طيار ولا شنو ياهندسة؟؟؟؟؟

تخريمة
طبعا يا اخواننا الكابتن ممكن ينزّلك من الطيارة وماتسافر معاه ومن حقّو



والله اعلم

دا امام شرم برم ساي

انا لو مكان فرفور ما ارجع الصف الخلفي مهما كلف الأمر

نطالب الشؤون الدينية بفصله من الامامة فورا

تحية للمطرب فرفور

هسع الفنان الجميل جمال الشهير بجمال فرفور فاسق
لانو بيشنف اذاننا ويمتعنا ويحرك الاوتار الجملية فينا
اذا كان كدة انا ذاتي فاسق بمعيار الامام ده
اموت في اغاني جمال خاصة الاغاني المعتقة لاساطين الفن السوداني
واموت في الفن بصفة عامة واصحى وانوم واعمل على الانغام الحلوة

يا مولانا انعمك الله بمتاع الدنيا و ادخلك الجنة وزوجك من الحور
خلونا من الفاسقين شوف لينا الفاسدين
الامام ده ما متابع فساد اخوان نسيبة
ولّ هو ذاتو من الذين ان مكناهم في الارض صبيحة 29 يونيو



الاستاذ الفنان جمال فرفور ذاتو غلطان ليه
يرجع ليه
المسجد بيت الله
والصف صف الله
وجمال عبد من عباد الله نحسبه من الصالحين
مين النصب الامام دة شرطي صفوف المصلين

سبحان الله ,,
انا طبعا يا جماعة ما عايز افتي في موضوع انا ما مأكد منو ولكن اتمنى ان يأتي من له معلومة اكثر مني لكي يدلي بدلوه في هذا الشأن ,,
ولا فرق بين عجمي ولا عربي إلا بالتقوى ،، فالتقوى هي الفيصل بين المسلمين كما نعلم جميعا ,, فهل هذا الإمام دخل قلب جمال فرفور وعرف إذا كان أنه تقي ام لا ؟؟

تحياتي : ياسر العيلفون

دينا خالد
لكن امام مفتتتح ..
هسه انا فرفور دا لو لاقانى بعرفو ؟؟؟
معناها متاااااابع ود اللذينا ..
------------------------------------------
ومن ناحية اخرى ، انا مع قرار الامام
بس لأسباب تانية اقلها انه امنجي

الزول دا ما سمع بـ : (وما يدريك لعلّه يزّكي).

Quote: نفي الفنان جمال مصطفي (فرفور) أن تكون مشاركته في الحملات الانتخابية قد تغولت علي (العدادات) للحفلات الخاصة أو أثرت علي تواجده في المناسبات الخاصة وحفلات التخريج الطلابية، مؤكداً في ذات الوقت انه لم يتحول إلي الغناء (حصرياً) علي مسار الترويج لمرشح المؤتمر الوطني المشير عمر حسن أحمد البشير. وقال فرفور في حديث خاص لـ(صحيفة فنون) أن جدول إرتباطاته بالحفلات الخاصة والمشاركات يغطي جميع أيام الأسبوع وأكد أن مشاركته بالغناء والترويج لمرشح المؤتمر الوطني المشير عمر البشير لم يكن الهدف من وراءه البحث عن العدادات أو الانتشار والتواجد بقدر ماتجئ مشاركته عن قناعة راسخة ببرنامج وفكرة المؤتمر الوطني، لما يمتلكه من كاريزما وقدرات علي مواجهة أحلك المواقف والظروف!!

هذا أحلك موقف وظرف مر به فرفور

وكنت أتمنى أن يلجأ للمؤتمر الوطنى الذى يؤمن بفكره وبرنامجه عن قناعة راسخة ليخرجه من هذا الموقف والظرف الحالك أو يلجأ للرئيس عمر البشير الذى كان يغنى له ايام الانتخابات بديلا عن قيقم ليخرجه من هذا الظرف وخاصة انه ساهم فى فوزه .

يا ترى هذا الامام الذى أمر فرفور من الابتعاد عن الصفوف الاولى لأنه مغنى وفاسق ما هو رأيه فى السيد الرئيس وهو متقدما الصفوف فى الصلاة كما رأيناه فى الصلاة على الفنان العظيم وردى ؟ وما هو رأيه فى الشريط الذى تداول فى المواقع الالكترونية وفيه السيد الرئيس مهججا وراقصا فى حفلات الاعراس الخاصة والاغانى تصدح بجانبه ؟؟؟

الغريبة انو فرفور قانونى وعمل فى وظيفة وكيل نيابة منذ عام 1994 وحتى 1996

عشان تعرفوا انو كيف الانقاذ بتوظف منسوبيها ، خواء فى المهنة وعدم كفاءة وعدم تأهيل مهنى

حتى لم يستطع ان يدافع عن نفسه امام امام الجامع وجموع المصلين فجرجر ارجله وانسحب الى الصفوف الخلفية

إذا كانت هذه الواقعة صحيحة:
ففتش عن الغلو..
والتنطع.

اللهم لا تمحِّنا ولا تبلينا.

Quote: وقال إنها لا تتسق مع أهداف المشروع الحضاري، وأردف أن برنامج نجوم الغد على وجه التحديد يخرِّج أجيالاً بعيدة عن موجهات المشروع،

بالله شوفوا دا عايش في غيبوبة ليهو كم سنة؟..إنت من زمن المشروع الحضاري، الأصلا مافي زول عارفو هو شنو؟ وكبار صقور الإنقاذ نسوا السيرة دي وتناسوها زي عيد الثورة بتاعم.. ولو دا نائب برلماني ممثل للشعب (وتعس شعب يمثله أمثال هذا وحمد الريح!).. يبقى الإمام من حقوا يطرد فرفور، ومعاه حمد وصلاح مصطفى كمان..

كل إمام في مسجده آمر ...

ومن أغرب طلبات أئمة المساجد

في أحد المساجد الصغيرة في إمارة الشارقة دخلته لأول مرة وكنت في الصف الأول خلف الإمام فإذا به يهرج ويؤشر علي بعنف ، ما فهمت مطلبه وكنت أظنه يريد أن يطردني من المسجد ، بدأت ألتلفت لكي أفهم ولاحظت أن الجماعة كلهم آسيويين وكل واحد ترك فسحة بينه وبين جاره ، وقام جاري بالشرح لي بأن أضم رجلي قرب بعض واترك مسافة بيني وبين الآخرين وعدم ملامسة أرجل الآخرين... والجماعة كلهم ينظرون إلي كأنني جئت بخطأ فادح، ولو لم استجب لطلبهم لطردت خارج المسجد...


بس مسألة فرفور بكون عشان ما يشغل الشباب في الصفوف خلفه ... (خوف الفتنة وكدا )

إمام حويط....
خاف إنو الفرفور يشوف المكرفون وما يتمالك نفسو....

Quote: الصف الاول فيه فضل كبير...

يا أمين

الفضل للزول البقيف في الصف

لكن الوقوف في الصف ما مخصص لأولو الفضل


أنا لو في محل فرفور والله إلا يفكني منو الجيش ياخي دا عدم حياء وعدم احترام للناس بصورة كريهة جدا


سلام يا محمد ابراهيم

تحياتى أخى محمد إبراهيم..

تخيلوا فرفور يمنع من إمام مسجدأن يصلى فى الصف ألأول..وإعادة صلاة الجنازة على المرحوم وردى لأن ألأمام عمر البشير.

والدين بعيد كل البعد ..

لو تؤجل الصلاة فرفور ما يرجع للخلف ولا خطوة..وبرضو نعرف ليه ألأمام رجعو مش ممكن يكون هناك سبب فقهى مثل أن يكون مع شخص آخر مفرد فى الصف الثانى

دائماً بعضنا بياخذ جانب واحد ويحكم..

تحياتى وتقديرى.

Quote: يا أمين الفضل للزول البقيف في الصف لكن الوقوف في الصف ما مخصص لأولو الفضل أنا لو في محل فرفور والله إلا يفكني منو الجيش ياخي دا عدم حياء وعدم احترام للناس بصورة كريهة جدا

كلام فى الصميم

انا على الطلاق لو كنت فى محل فرفور كنت طردت الامام ذاتو من المسجد وبعد داك ان شاء الله القيامة تقوم.

فرفور مؤتمرم وطني وفي الغالب تكون صلاته نفاقا.

وحمد الريح الريح أسوأ منه.

أنظروا لهذا الدفاع الأخرق عن الفنانيين:

الفنانين جايين من بيوت محترمة.

ما هي مواصفات البيوت المحترمة وتلك غير المحترمة؟؟

ولنفرض إنو - وحسب هذه المواصفات - وجد في السودان فنان (جاي من بيت ما محترم)، هل يمنع من الغناء والصلاة وتنفس الهواء؟؟

وامرحي يا مهازل وود الباوقة.

Quote: إمام مسجد يطلب من فرفور الرجوع للصفوف الخلفية في الصلاة

دا امام ولا ابو فصل!
كان يجيب ليهو اربعة من الصف الاخير عشان يجلدو!
جنى

يمكن الامام ده مستقبح صوت فرفور و ماعايزه يقيف وراهو مباشرة..
اصلو هو مصلى والا كورس ترجعوا لى وراء؟؟
والله ما اضر لاسلام الا مثل هلاء الغلاة المتنطعون،،،

Quote: وامرحي يا مهازل وود الباوقة.

يبقبق ضهيرك

الاصلو مبقبق

يا الله فرفور دا يكون كان لابس مجنصص وطالع حفلة وداهمته الصلاة - وقال نصلي ونطلع
ولا كان لابس جلابية وطاقية .
الإمام دا غايتو كان بكرة تلفت ولقى وراه الشيخ معتز صباحي يقول ليه حرم تصلي بينا يا معتز

بحيراوي

دي فتوى جديدة ولا كيف .؟؟؟

دي زي قصة السوداني العاوز اصلي في مسجد كما يقال من مساجد ابوظبي
بعدين الإمام كل مرة اتلفت اعاين في السوداني واقول ليهو ارجع شويه
لا تعال قدام شويه
ساوي الصف
السوداني زهج من الإمام وقال ليهو
يا زول أنت عاوز تصلي بينا ولا عاوز ترفع ليك كورنر ؟؟

وكان من المفترض من الفنان ان يخرج للجامع الجنبو
ويفتح بلاغ اشانة سمعة ومايتنازل عنه
حتى يثبت فاسق
واذا كان الفنان فعلا فرفور
كل الناس او كل الذين يعرفونه
يعرفون معدنه وحسن اخلاقه وادبه الجم
وحسن سمعته

هذا الامام ساقط دين وعلم اجتماع
في كم واحد بعرفو فرفور في المسجد كانو
حتى الاطفال في الحي صدقني نظرتهم للأمام بتكون اختلفت وحيفقد كتير اجتماعيا
ما قلت ليك ساقط دين واجتماع
وما بعرف المجتمع السوداني ابدا
محبتي

ولوكان فى صف واحد فى المسجد كان طرده خارج المسجد!
لم اكن اعرف ان اهل الصف التانى كلهم فسقة!
سؤال لفضيلة الامام
اذا لم يجد غير فرفور فى المسجد هل تنعقد الجماعة ام لا!
والله السودان دا حيتفرتق فرتيقة يسير بذكرها الركبان!
جنى

حامد بدوي كتب:

Quote: فرفور مؤتمرم وطني وفي الغالب تكون صلاته نفاقا. وحمد الريح الريح أسوأ منه. أنظروا لهذا الدفاع الأخرق عن الفنانيين: الفنانين جايين من بيوت محترمة. ما هي مواصفات البيوت المحترمة وتلك غير المحترمة؟؟ ولنفرض إنو - وحسب هذه المواصفات - وجد في السودان فنان (جاي من بيت ما محترم)، هل يمنع من الغناء والصلاة وتنفس الهواء؟؟

عيب عليك يا حامد..أأنت اضطلعت على قلوب الناس حتى تصفهم بالمنافقين وأن صلاتهم غير مقبولة؟
وما أدراك عن صلاتك؟..يعني أنت الكامل..وجئت تصنّف الناس يا هداك الله
****************************************************************
ليس من حق أي إمام أن يُبعد مصليا من الصف الأول
وإذا كان الأطفال-على الراجح من كلام أهل العلم-لايجوز تحويلهم من المكان الذي
شغلوه بمجيئهم -الف الأول- مبكرين يريدون تحصيل الخير بسببه..فكيف بالراشدين الذين يريدون
الصلاة، والتزكية والتطهير والمغفرة،..وأعجبني استدلال هاني عربي بالآية:
"وما يدريك لعله يزّكى"
الناس ديل بجيبو الكلام دا من وين؟
ياجماعة المنافقون كانوا يصلون مع الرسول صلى الله عليه وسلم وهو يعرفهم
فكيف بمن عصى؟
اللهم فقّهنا في الدين
لكن هذا لا ينبغي أن يدفع إنسانا إلى سبّ الإمام لو أخطأ في تصرّفه لأنه
ربما يكون اعتمد على دليل خاطئ أو اجتهاد مرجوح..الشاهد أنه ليس له دليل على تصرفه
اللهم اجعلنا من الذين يعبدون ربنا-الحق- ويرحمون الخلق

Quote: بعدين اول مرة اعرف انو الصلاة فيها فيرست كلاس ولوووج وكدا كنت قايله الصفوف ياها الصفوف ..

بمسجد النور الأستثمارى الخاص بآل عمر البشير بكافورى , الصلاة هناك فيها فيرست كلاس وكشا مشا كلاس .
ففى ذلك المسجد كما نقلته للبورد هنا من قبل , الصف الأول محجوز للريس واخوانه واصدقاءه وناس الأمن فقط , ومع ان تسوية الصف من تمام الصلاة فمن غير المسموح لكائن من كان ان يقف فى صف الريس حتى لو كان فى ذلك الصف يقف شخصين فقط .
مابين صف اولياء الله الصالحين اولئك والصف الثانى حيث يقف جمهور المصلين يوجد حاجز متحرك لمنع اى مصلى من الدخول للصف الأول الخاص بأشباه الرسل والملائكة..
تقول لى فرفور .

الناس مفروض تتثبت وما أي زول يجي يقول كلام الناس طوالي ما تصدق لقت ليها جنازة تنوح حولها
نمرة واحد: هل هذا الشيء حدث فعلا؟؟؟ مفروض الناس تتثبت من النقطة دي
نمرة اتنين: لو حدث فعلا فهل الإمام ده لمن رجع فرفور كان عارف شخصيته إنو ده هو فرفو؟؟
نمرة تلاتة: لو فرضنا إنو عارفو ده فرفور فهل رجعو عشان هو فنان وللا في سبب تاني؟
زي ما قال بعض الأخوان إنو ممكن يكون رجعه عشان يقيم صف مع شخص منفرد في الصف الخلفي!!

Quote: لو تؤجل الصلاة فرفور ما يرجع للخلف ولا خطوة.. وبرضو نعرف ليه ألأمام رجعو مش ممكن يكون هناك سبب فقهى مثل أن يكون مع شخص آخر مفرد فى الصف الثانى

أما لو رجعه عشان هو فنان فهذا تصرف مرفوض ولا أجد له أي مبرر فقهي!

مش ممكن يكون حمد الريح نجر القصة دي من راسو ساي عشان يعمل بيها جوطة!!

السودان في مستنقع الهوس الديني

يسير مسرعا للقاع باتباع نهج التطرف والغلو

ولسه المشهد القادم افظع ؟؟؟؟

سلامات محمد
لفنان المحترم جمال فرفور لايستحق كل هذا التشنيع
خاله الشيخ الورع الصادق عبد الله عبد الماجد ومن اسرة محترمة ومتدينة
كونه مقرّب من المؤتمر الوطني لايمنعنا ان نتضامن معه في مثل هذا الموقف
هذا الامام الإمام الجاهل بأمور الدين يستحق الطرد

انا غايتو بقترح يعملوا حتة كده ورا هناااااااك فى الجامع جنب النسوان للفنانين اصلللللهم بحبو بعض .. غايتو كان عملوا فكرتى دى كان ما الناس كللها بقت تغنى لومونى..

محمد اسف لوجع الوش ياخى

روي انه لحق ببني إسرائيل قحط على عهد موسى (عليه السلام)
فاجتمع الناس إليه فقالوا:
يا كليم الله... ادع لنا ربك ان يسقينا الغيث ، فقام معهم ، وخرجوا إلى الصحراء وهم سبعون ألف أو يزيدون...
فقال موسى (عليه السلام):

إلهي ... اسقنا غيثك وانشر علينا رحمتك ... وارحمنا بالأطفال الرضع والبهائم الرتع والشيوخ الركع

فما زادت السماء إلا تقشعاً والشمس إلا حرارة..
فتعجب موسى (عليه السلام) وسأل ربه عن ذلك ...
فأوحى الله عز وجل إليه:
إن فيكم عبداً يبارزني بالمعاصي منذ أربعين سنة ، فناد في الناس حتى يخرج من بين أظهركم ، فبــه منعتكم.
فقال موسى(عليه السلام) : إلهي وسيدي ..
أنا عبد ضعيف وصوتي ضعيف، فأين أبلغ وهم سبعون الف أو يزيدون؟ فأوحى الله سبحانه وتعالى إليه :
منك النداء ومنا البلاغ ... فقام منادياً وقال :
ايها العبد العاصي الذي يبارز الله بالمعاصي منذ أربعين سنة أخرج من بين أظهرنا فبك منعنا من المطر.

*فنظر العبد العاصي ذات اليمين وذات الشمال فلم يرى أحداً خرج منهم فعلم إنه المطلوب فقال في نفسه: إن أنا خرجت من بين هذا الخلق فضحت نفسي ، وإن قعدت معهم منعوا لأجلي..
فادخل رأسه في ثيابه نادماً على فعاله وقال :
إلهي وسيدي ...عصيتك أربعين سنة وأمهلتني ، وقد أتيتك طائعاً فاقبلني*

فلم يستتم كلامه حتى ارتفعت سحابة بيضاء فأمطرت كأفواه القرب ،

فقال موسى(عليه السلام):
إلهي وسيدي ، بماذا سقيتنا وما خرج من بين أظهرنا احد؟
فقال: يا موسى سقيتكم بالذي منعتكم (يعني ذلك الرجل التائب)...
فقال موسى(عليه السلام):
إلهي ...أرني هذا العبد الطائع.
فقال: يا موسى ....
إني لم أفضحه وهو يعصيني أأفضحه وهو يطيعني !

كما ذكر أعلاه يجب استطلاع رأي الإمام بواسطة الصحافة لأن هذا الأمر شأن عام بشقيه الفقهي والعرفي

هل هو نفس إمام مسجد الثورة الذي حاول تصنيف المرحوم وردي ، أم من جماعته ووجد ضالته في فرفورنا هذا لكي يلحق بركب فهم أئمة المساجد ذوي المقدرات الفقهية وتطبيقاتها في أيام الجمع ...
إذا كانت صلاة الجمعة فليس من المحتمل أن يكون فرفور قد أرجع لكي يثني مصلي مفرد..
وهل هناك فتوى تمنع صلاة الفسقة والزناة العصاة(المجاهرين) في الصف الأول ،
وإذا علمنا أن هناك شخص لا يصلي وليس على طهارة هل يمنع من دخول المسجد أم يترك الأمر له ولمعرفته أنه لا يجوز له دخول المسجد من غير وضوء، وهل للمساجد نفس حرمة المسجد الحرام لمنع دخول المشركين إلى حرمها ، ولكو كانوا عمال بناء أو صيانة أو غير ذلك...

ومن نواحي العرف هل للإمام حق السيطرة على المصلين وتوجيه الأوامر لهم بصيقة الأمر أفعل وأترك أم أنه يدعوهم ويعظهم الموعظة الحسنة وتوخي الحكمة في مثل هذه الأمور...
في العرف المسجد من بيوت الله ، والقائمون عليه يقدمون أعمالهم لله ( كل شيء لله ) وهم خدام وليس أسياد فهل يجوز لهم طرد أحد أو تشجيعه على عدم الدخول إلى المسجد أو تصنيف من يجوز لهم الصلاة في هذا المسجد وكراهة دخول زيد وعبيد واستحباب دخول بلابل الدوح..




من القصص القديمة:
واحد أصلوا ما عندو فكرة عن ما يحدث داخل المسجد ، وفي مرة من المرات دعي لحضور زواج صديق له في إحدى القرى ولم يتحرج من حضور مناسبة عقد الزواج في المسجد والظاهر الماذون طول الحكاية فإذا به الضيف يطلع علبة السجائر والولاعة من جيبه وقبل أن يتناول لفافة نبهه من يجلس بجانبه بأن ضغط على يده( ممنوع التدخين في المسجد ) رد عليه الضيف ما شايف في لافتة ممنوع التدخين هنا ، وشرح له جاره دي مفهومة من غير لافتة، رد الضيف ياخ طرمبة البنزين مفهومة وبرضو فيها لافتة ... بدل ما تلفتني بايدك ياخ

كدى اتاكدوا لينا من قصة اجر ومميزات الصف الاول دى
وتانى شوفو منو اليقيف ليكم فى الصف التانى

Quote: تخيلوا فرفور يمنع من إمام مسجدأن يصلى فى الصف ألأول..وإعادة صلاة الجنازة على المرحوم وردى لأن ألأمام عمر البشير.

فعلا ..صورتان تحكيان الغلو..والجهل
هذا -إذا كانت الواقعة "الفرفورية" صحيحة.. وأن الإمام أرجع فرفور بسبب غنائه؟
..
الاقتباس الرائع هذا من مداخلة للأخ إسماعيل عباس
وفعلا فيه فشارة جميلة للغلو بشقيه ..وانه من أكبر أسباب البلاء

أخى العزيز عماد موس محمد......السلام عليكم..

Quote: Quote: تخيلوا فرفور يمنع من إمام مسجدأن يصلى فى الصف ألأول..وإعادة صلاة الجنازة على المرحوم وردى لأن ألأمام عمر البشير. فعلا ..صورتان تحكيان الغلو..والجهل هذا -إذا كانت الواقعة "الفرفورية" صحيحة.. وأن الإمام أرجع فرفور بسبب غنائه؟ ..

نعم الغلو والجهل...وزيادة فى الموضوع للكسب الرخيص من بعض ضعاف النفوس.

قد تكون واقعة فرفور لم تحدث وإن حدثت ليست بمثل تلك الصورة المشوهة....لك التحية والتقدير وألأحترام.

الامئة ديل بعضهم بقى مبدعين جدا ....

الجمعة الفاتت صلى بنا امام كان يلحن الايات ولا يرتلها ... خرجنا من الجامع علق احد الظرفاء ان الامام تنقصه كمنجتين خلفه ...

يستحب أن يقف خلف الإمام في الصف الأول أهل العلم وحفظة القرآن
قال (: (ليليني منكم أولو الأحلام والنهى، ثم الذين يلونهم (ثلاثًا)
[مسلم وأبوداود والترمذي وأحمد].

ــــــــــــــــــــــــــــــــــــ

منقول