Post: #1 Title: وماااااله بوستات الدردشـــة ؟؟؟؟ Author: عمران حسن صالح Date: 02-24-2012, 09:00 PM
Post: #2 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-24-2012, 09:10 PM Parent: #1
هو شكل السودان إتغير لياتو درجة يعني ؟ ما الشعب الطيب ده متعود يجي يشيل الفاتحــة ويشوف ليهو ركن من الأركان العارف شكل الحاجات فيها عامل كيف وهاكـ يا قعدة وقرقراب المشكلة وين إنو الناس بطريقة تعاملم في الأحياء والقعدات البريئة يجوا ينفسو شوية من الوجع الكل يوم زايد ؟ المشكلة وين لامن نتونس طالما في حدود الأدب والأخلاق والاحترام ؟ أنا بتكلم عن أسياد بوستات بتاعة دردشة مرت من هنا وكانت حلوة جداً لا فيها " صور " شاذه لافيها إشارات جنسية مسيئة لتاريخ أحد قال يعني خلاص الناس العاملين فيها آلهة الثقافة حلو لينا مشكلة في الوطن الموجوع داكـ !! قال شنو : واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !! يادي الدردشة البقت خاصة بالعوام فقط !!
Post: #3 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-24-2012, 09:23 PM Parent: #2
تداعيات متعددة لفت راسي وأنا بفكِر في أسماء بعض الجميلين من الكبار كانو بسيطين في التعبير وكبار في الفكرة وطريقة توصيلها إحتفظنا بالفكرة وبطريقة طرحها والعبارات البسيطة الإتقال بيها الموضوع عمرهم الناس ديل ما قالو نحن ناس ثقافة والونسة تركناها للعوام ولا عمرو واحد زي د. محمد عبد الله الريح حسسنا إنو " أنا لا قدركم لا لحم سدركم " مممكن زي عبارتي البسيطة الفوق دي ، وبلدية وما معروف معناها شنو يوصل لينا فكرة تتعب فيها أنت يا من تدعي الثقافة ولا نجد منكـ غير السخافة . . . . أيِ واحد حاسي إنو مثقف وسيده يدينا عرض اكتافو بلد غير النقة ما شاطرة في حاجة رغم تميز الآلاف المالين بلدات الغير لأنو تواضعم الماعندو معنى ده خلى ناس السخافة يتعلقو لينا في رقبتنا وكل مرة نظرية مختلفة عن الفاتت !! عليكـ الله يا ود جبرين أنا عندي بوست عايز أخليهو مع ده وهو بتاع ونسة ساي فترقبه
Post: #4 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-24-2012, 09:31 PM Parent: #3
الثقافة تشمل " على ما أعتقد " جزء كبير من تجارب الآخرين وليه جزء كبير لأن بعض التجارب الأخرى " رغم جمال طرحها " إلا أن الخلاف في الرأي حولها كبير والجزء الكبير من تجارب الآخرين ده فيه الكثير من " المُثل والأخلاق " وهنا بيظهر مدى إستفادة " امخاخنا " من حاجات الآخرين وقدر شنو إتعلمنا . ___ ما أسهل أن يُستفز عندنا " مثقف " الإسفير ويرد بعبارات تستغرب كيف تعامل معها بكل هذه البساطة حتى ولو كان حجم الإستفزاز كبير """ أقول الإستفزاز وليس الإهانة """"
Post: #5 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-24-2012, 09:49 PM Parent: #4
الحوش ده بي كبرو واختلاف الدنيا فيهو زيو وزي الدنيا بره . الدنيا بره علمتنا حاجات بعتبره محدودة مقارنة بالعلم المفروش هنا " الشبكة بالفيها " لأنو الناس من الحِلَة وللجامعات ، وبرضو في الجامعات وسط محيطهم القريب وشوية شوية تتمدد المعرفة والتعُلم وسطم كثيراً ما يتعلم بعضهم حتى مبادي الرجالة في التعامل مع زميلته من خلال رفقة الآخرين إختلفت الفكرة والنظرة عنده من الوسط الحايم فيهو عما كان يفهم ويتعامل به فظهرت شخصيته حينئذ ونمت واكتملت شخصيته " أياً كانت الشخصية " . هنا التجارب متعددة ، وطريقة التعامل معها والإستفادة منها تختلف ألم تحس يا " مسخَف " بأن بعض العبارات هنا تقلل من احترامنا لكـ ؟ أم أنكـ محشور في أسفل مدن الإسفير ؟؟
Quote: قال يعني خلاص الناس العاملين فيها آلهة الثقافة حلو لينا مشكلة في الوطن الموجوع داكـ !! قال شنو : واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !! يادي الدردشة البقت خاصة بالعوام فقط !!
عمران حسن صالح ينصر دينك يا شيخ كلام في المليان ومن زمان عايز اقوله والله يا عمران بوستات الونسه افضل بمليون مرة من (ثغافة) المثقافتية وعباقرة الساسة الموجودين في الحوش ده اساءات ونبذ وبعد ده كله لا (كعباً) بلغوا ولا (كلابا) رش رشك ساي يا عمكـ .......... المصيبة في ناس شايلين باسويرداتهم وحايمين ومفتكرين أي زول يسلم عليهو بالضرورة يكون عارفه لأنه من دهاقنة سودانيز أونلاين ومثقفية
الله لا يكسر سنة قلمك يا حبيب
Post: #21 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-25-2012, 07:49 AM Parent: #6
Quote: اساءات ونبذ وبعد ده كله لا (كعباً) بلغوا ولا (كلابا)
حسي الكــــــلاب الجابه هنــا شنو ؟ ده طبعاً تعليق صاحبي الما مثقف خالس خالس صلاح شتات .
________________________________________ قوم لف يا صلاح ، عشان كدي محلكـ محل بوستات الدردشة فقط
Quote: عليكـ الله يا ود جبرين أنا عندي بوست عايز أخليهو مع ده وهو بتاع ونسة ساي فترقبه
عمران، الزعَّلك منو؟ أول مره ألقاك تقدح نارا، أنا ما عندي خلفيه عن الموضوع لكن إنت مشيت بوست لروجيه غارودي وسيمون دي بوفوار ول شنو؟ عموما سننتظر البوست الموعود.. وزي ما بيقولوا المثقفين .. لي عودة.
Quote: قال شنو : واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !!
الاخ عمران لك التحية
اول مرة تكون زعلان فى بوست
غايتو ضحكت شديد فى الاقتباس الفوق
بس الواحد يقول الله يجازى محنكم يا ناس سودانيز أونلاين
أقول ليك دى مرات البوست بكون مسخن والموضوع ملهلب تجى مثلا تراجى تقول يا صبية المؤتمر الوطنى
او ودالباوقة. بى كع كرع بتاعته. ولا دينق بى اختشى يا فلان والله ببتشرط ضحك وانا بقرا
ما تأخد على خاطرك ما الدردشة براها بتضحك
Post: #9 Title: Re: وماااااله بوستات الدردشـــة ؟؟؟؟ Author: Ahmed musa Date: 02-24-2012, 11:15 PM Parent: #8
Quote: قال شنو : واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !!
Post: #16 Title: Re: وماااااله بوستات الدردشـــة ؟؟؟؟ Author: محمد البشرى الخضر Date: 02-25-2012, 02:23 AM Parent: #15
هي لا حولااااااا أحمد موسى !!! مالك يا ابوحميد ما كنت كويّس البقت عليك شنو ؟ بالي مشى للفاكرين روحن كتابتن في سودانيز تكليف إلهي للتوعية بالهم الوطني و قضايا المرحلة و ...... بلا بلا بلا
Post: #17 Title: Re: وماااااله بوستات الدردشـــة ؟؟؟؟ Author: Ahmed musa Date: 02-25-2012, 02:26 AM Parent: #16
Quote: هي لا حولااااااا أحمد موسى !!! مالك يا ابوحميد ما كنت كويّس البقت عليك شنو ؟
والله زلة كيبورد يا ودالبشرى اها وجيت جاري حفيان هنا وإعتذرت لسيد البسوت والضيوق والقراء
Post: #22 Title: Re: وماااااله بوستات الدردشـــة ؟؟؟؟ Author: محمد عبد الماجد الصايم Date: 02-25-2012, 07:53 AM Parent: #19
كامل التضامن مع المناضل .. والرشّاش!!! والتضامن مع عمران زاتو .. الماف شنو؟
Post: #49 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-27-2012, 12:18 PM Parent: #10
Quote: يبرا من بوستات الدردشة
يعني ده (شعراً) ما عندو ليهو رقبة يا راوية ؟؟ الراجل طلع زول سوداني قُح أخدتو زعله بس .
Post: #48 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-27-2012, 12:10 PM Parent: #8
Quote: اول مرة تكون زعلان فى بوست
دي زاااته مشكلة يا أخت ندى يعني قامت إترسمت لي صورة الزول البالو طويل داكـ ، وأنا عكس كدة بس عجبتني الجلابية دي ولبستها بس كمان ما الزعل البيورم داكـ ويخليني كام يوم ما تمام ، ياها في لحظته بتفشى وينتهي الموضوع وده الحصل مع أخوانــا الزملاء أزهري وأحمد قام نفسم طلع كعادتنا وسجلو الإنفعال أون لاين طوالي .
عموماً لكـ شكري واحترامي وأسفي للرد المتأخر .
Post: #20 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-25-2012, 07:26 AM Parent: #7
Quote: وزي ما بيقولوا المثقفين .. لي عودة.
لا لا لا إنت تعال بي سماحتكـ البنعرفه مالكـ ومال كلام المثقفين .
__________________________________ لم تكن الثقافة إلا سماحة وجمال لمن يحمل لوائها الحقيقي نحن يا مولانــا ناس قريعتي راحت لكن حاجات السمحين بتأدِب فينا على الأقل " التلقِي " . والتشبه بالناس الحلوين ديل برضو فلاح .
Post: #23 Title: Re: وماااااله بوستات الدردشـــة ؟؟؟؟ Author: سلمى الشيخ سلامة Date: 02-25-2012, 09:26 AM Parent: #20
دردش دردشا بكتش بكتشا ونس ونسا ياخ انت زول سمح ما تشتغل بالفارغة خلينا فى اللون لونك يا العروس المثقفين ديل زاتهم عاملين لينا فلايت فى المصران الاعور هى الثقافة دى شنو ؟ وشن طعما كان مابقت حقت الناس كلهم المثقف ياهو البعرف اهله وسمحهم وزينهم غناهم ورقيصهم كلامهم وصمتهم شعر هم الشعبى ومسدارهم وكيف ناموا مبسوطين ولا جيعانين ؟ شكل بيوتهم وشكل ضحكاتهم ولونها وطعمها ؟ مرة كنت بسمع فى حوار بين الطيب صالح وعمنا العبادى يا زول بكيت راسى عديل من التواضع الشايلنه الاتنين مع انهم من اكبر المثقفين شفت كيف؟
Post: #26 Title: Re: وماااااله بوستات الدردشـــة ؟؟؟؟ Author: ismeil abbas Date: 02-25-2012, 09:48 AM Parent: #23
عمران ياحبيب...
مداخلتى دى خذها بعين ألأعتبار يا أأخى وبما إنك زول مهذب ومثقف ما تقوم وتقول لى أمشى بوستات ألأجتماعيات يا إسماعيل.
مريت على البوست المنو نبعت الفكرة وحقيقة وقفت فى الكلام ولكن قلت يازول هو نحن نتكلم فى شنو ونحلى الشنو.
لإذا كان وزير ماليتنا قال بنصدر نبق وما بال مثقفاتية اللأسافير.
كنا فى الثانوى العالى فوق للكتب بنشيل الكتب الكبيرة ديك بتاعة الكتاب الكبار ديك ناس همنغواى والبرتومرافيا وإذا عدمنا حاجة بنشيل لأجاثا كريستى لزوم فتح المواضيع مع البنات فى البص وحتى تظن أنك حامل لأفكار تحررية وممكن تكون ثورية كمان والواحد ممكن يكون ماقرأ الكتاب لكن الساعة ديك ممكن يحاضر عديل فى ألأدب وطبعاً بالمفهوم فى الوقت داك نحن أولاد قليلين أدب.
Quote: واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !! يادي الدردشة البقت خاصة بالعوام فقط !!
المثقف ما بقول أنا مثقف ولكن لو تحدثت معه ممكن يكب ليك كمية من الثقافة الفى راسو لحدى ما تقتنع ..
والله بوستات الدردشة أجمل أحياناً من الحشو فى بعض بوستات المثقفاتية الذين يدعون الثقافة.
يا أخى لاتزعل مع العلم شىء برفع الضغط..........لك التحية والتقدير يا عزيز.
Post: #27 Title: Re: وماااااله بوستات الدردشـــة ؟؟؟؟ Author: محمد المرتضى حامد Date: 02-25-2012, 10:02 AM Parent: #26
Quote: كنا فى الثانوى العالى فوق للكتب بنشيل الكتب الكبيرة ديك بتاعة الكتاب الكبار ديك ناس همنغواى والبرتومرافيا وإذا عدمنا حاجة بنشيل لأجاثا كريستى لزوم فتح المواضيع مع البنات فى البص
et tu brute وبعدها طوالي تهديها نسخة لرواية من روايات غاده السمان، أو الأنثى هي الأصل لنوال السعداوي، كنا بنسميها (عِدَّة الشُغل) .. سبحان الله يا اسماعيل، كيفك ابوي، ياخ الليله كيفتني وأضحكتني حتى بانت جمب مدرسة المؤتمر.
Post: #28 Title: Re: وماااااله بوستات الدردشـــة ؟؟؟؟ Author: سلمى الشيخ سلامة Date: 02-25-2012, 10:25 AM Parent: #27
يعنى يا محمدالمرتضى حامد انت يا ود امى من عندنا ومن ناس مدرسة المؤتمر ؟ اكيد بتكون شاغلتنى فى الايام السمحة ديك عارف بمناسبة الكتب فى يوم راجعة من المدرسة كنا فى الثانوى العام فى الابيض كانت حصة المذاكرة الزامية تبدا عند الثالثة والنصف مساء وتنتهى عند السادسة يوم جاية راجعة من المدرسة "حلات الدنيا على " لابسة طرحتى وفستانى البنى قام وقفنى شاب من اولاد "البلك" طبعا نحنا بنات السكة حديد ادانى كتاب وجرى قوم يا حذيفة اخوى كحل ليك الولد "حذيفة دا اصغر منى " لمن دخلت البيت كان هو رجع من الدافورى اها بدا معاى حرب استنزاف وابتزاز من ما دخلت البيت اديت امى الكتاب والكان جواه "جواب " امى قرت الجواب وقطعتو وضحكت وقالت انه دا ولد صغير ساكت طبعا كان اسمه مكتوب فى الورقة على اساس انه ارد ليهو حذيفة بدا المساومة "والله ما تدينى شلن السينما اكلم ليك امى اقول ليها الولد اداها كتاب فى الشارع " فقالت لحذيفة ـ دا ولد صغير ساكت قرينا الجواب وشرطناه اها الزول الادانى الكتاب دا ، بعد عدد من السنوات وكنت فى معهدالموسيقى والمسرح "طبعا حافظة الاسم " لقيتو ليك استاذ فى جامعة الخرطوم بتاع اقتصاد كبير لكن طبعا ما جبت ليهو سيرة اتصاحبنا بعد داك شفت الدردشة سمحة كيف ؟ شكرا ياعمران دردش الله ايامك ولا يدرشها لك لانه الدرشة ما سمحة سمحة الدردشة
عمران يا صالح سلام وتحية . . حبوبة لي زماااااااان كانت ما بتفرط في الصلاة كلو كلو لكن ما حافظة ولاشئ من القرآن الكريم قول لي صلاتا كيف ؟ الله واكبر السما سماك والوطا وطاتك اقع واقوم على انجلاتك الله واكبر وهكذا في كل ركعة والسلام سمعا جنا عامل مثقفاتي قاليها صلاتك دي كدي غلط وغير مقبولة لازم تحفظي شئ من القرآن تصلي بيهو ردت عليه يا جنا هوي انا بصلي لي الله والله داري بي اخير منك العارف وحارف شن طعم قرايتك وحفظك برا صلاة
Post: #30 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-25-2012, 12:58 PM Parent: #29
يا مواطنين : جابت ليها فطاحلة دردشة شيل شيلتكـ يا أحمد موسى مش كان جيت كبيت إعتذار وحنان هنا تقوم تجي ( تقنِب هنا ) وتسمع وانت ساكت يعني مثلاً دردشة الأستاذة العزيزة الأصيلة : سلمى الشيخ سلامة حقت عوام ساي ؟؟ حاشاها بت الثقافة زاتة والعجب بتاعين المؤتمر الفوق ديل " المؤتمر الأوريجينال مش الناجرنو قريب ده " .. الليل بكفينا يا بتاعين الدردشة إنتو حسي الشغل مالي الشاشة
Quote: سبحان الله يا اسماعيل، كيفك ابوي، ياخ الليله كيفتني وأضحكتني حتى بانت جمب مدرسة المؤتمر
يا سلام يااااااااااخ..الحمدالله على كيفتك دى وبصراحة البوست ده لوختا الشرامة بحقق أهدافنا نحن أول ونبوح لحدى ما يقضى الله أمراً كان مفعولا.
وجودك هنا بجعل للحكى حلاوة بنكهة النعناع. أيضاً حكى أختنا سلمى الذى لايمل وبقية المجموعة.
جميل إنى أضحكتك حتى بانت جنب المؤتمر وما بانت نواجزك...ومن الحكى الجميل والزكريات كنت اتمنى أن يصبح الصبح سريعاً للذهاب للمدرسة وملاقاة الزملاء ويبدأ اليوم من محطتنا فى ركوب البص..وجنس شباب زى الورد يحاكوا الصيد .زمان بت الثانوى العالى ما شاء الله ما زى البلى الهسه ده زمان عاليات وفارهات الواحدة تشيلك فى ضهره وما تحس بيك. وكان فى حياء جميل وأخلاق رفيعة يحتم عليك المشى فى الشارع بأدب كأن كل من فى الشارع يعرفك وتعرفه وتخاف أن يوصل عنك شكوى للبيت.
ونواصل يا عمران دردشة فى هذا البوست الجميل...............ومااااااله بوستات الدردشة؟؟؟؟ ...مع تقديرى وأحترامى.
Quote: يعنى يا محمدالمرتضى حامد انت يا ود امى من عندنا ومن ناس مدرسة المؤتمر ؟ اكيد بتكون شاغلتنى فى الايام السمحة ديك
سلمى هوووووي ، أنا عمري ما شاغلت بت ، ليس تأدبا مني لكن أخواتي كتار وصاحباتم أكتر من الهم في القلب، بخاف أشاغل أي بت يقوم الخبر يصل بيتنا بأسرع من وصول صرح بلقيس من بلد علي عبدالله صالح لمحلات إسماعيل هنيه أما مدرسة المؤتمر فلم تكن ضمن دائرة حركتي الغزليه جغرافيا لأني تنقلت بين الأهليه ومحمد حسين والنهود العليا بالله إنتي برضو أدوك جواب في ديكشينري؟ حصل واحد رمى ليك ورقه سغيره فيها رقم تلفون البيت 51119؟ مش محمد احمد عوض كان بيغني ( جوبا مالك عليا أنااااااا جوبا شلتي عيني أنااا المحبه حقتنا أناااااا إتنين خمسه حارتنا أنااا .. ) أها إتنين خمسه ( 2/5) دي حي المظاهر ، مفاعل بوشهر زاتو ، إنتي قايلا شنو. سبحان الله ..
عمران وناس الراكوبه هوى سلام عليكم ومعاكم البنيه سلمى بت الشيخ كمان والله ونسكم سمحه لكن التعب حاصل لكن الناخد لى دقسه الليله الرياض فيها كتاحه شينه والله الجنبك ما بتشوفو ناس ود البوش ةعمران جايبين خبر الكتاحه
Post: #34 Title: Re: وماااااله بوستات الدردشـــة ؟؟؟؟ Author: يوسف السماني يوسف Date: 02-25-2012, 08:01 PM Parent: #33
بوست تتفجن في نصو وتعاين في الناس و لو طعنتك ضريسا ماتحسها .
معليش يا محمد المرتضى الخاصية بتاعة الاقتباس ابت تشتغل المهم انه الكتاب ما كان ديكشنرى كان رواية من النوع البتقراهو وتبكى حاجة عجيبة الايام ديك ازعم لو كان النت شغال كان اهلنا اكلو نيم "معانا مرة واقفة فى محطة الباص الزمن داك "منتصف السبعينات " كنت فى الثانوى العام بمناسبة الثانوى العام "كان عندنا ناظر لطيف رحمة الله عليه كان بدرسنا التربية الاسلامية ، كان عندنا بت جميلة وكبيرة الحجم ونحنا فناطيط صغار بنلبس الطرحة وهى بتلبس التوب اها مولانا اداها فى التربية الاسلامية 40 من 30 لمن سالناه ليه الظلم دا ؟ قال دى بت كبيرة بتلبس التوب وانتو بتلبسو طرحة اسكتو قليلات ادب نرجع لموضوع الباص "الباص كان حق من حقوق الطالبات يومها ومجاناكمان " واقفة فى الصباح بدرى لانه اول محطة حقتى من السكة الحديد بنمشى امير ولغاية ما نصل المدرسة فى حى ودالياس قوم يا الافندى الوسيم فى ذاك الزمان يجى ماشى عامل فيها رايح ويرمى لى ورقة مطبقة صغيرونة للتعتره شافه عامل من عمال السكة الحديد وما كضب العامل وقام ورا الافندى جرى ـ يا ولد اوعه تقرب من بت الناظر انت منو يا قليل الادب ولم ار ذلك الافندى حتى تاريخ هذه اللحظة كان هذا الافندى يسكن فى ميس الموظفين فى الشارع المقابل لشارع بيتنا "شارع النهود " كنت احتفظ بهذه الرسالة لزمن طويل ، حتى كان يوم ان عرفت ان ذلك الموظف يعمل مديرا لمؤسسة فى الخرطوم لكنى لم التقيه مع ذلك ذلك زمان جميل برئ وفيه قيم عالية كما ذكرت انت فكل اصدقاء اخوتنا يدخلون بيوتنا وندخل بيوتهم الى الان رغم اننا انتقلنا من الابيض الى امدرمان بالمناسبة كان والدى يسنقبل اصدقائى فى الابيض من بين اصدقائى يومها "كنت طالبة فى الثانوى العالى " الاستاذ فضيلى جماع الذى قدمنى للصحافة حينها بعد ان استضفته فى المنتدى الثقافى فى المدرسة الثانوية ومن بين اصدقائى ايضا عم حدباى الشاعر الجميل رغم فارق السن بيننا لكنه كان يزورنى ويبقى طويلا مع ابى رحمة الله عليهما من اصدقائى ايضا الشعر الجميل الراحل عم قاسم عثمان رحمة الله عليه كل هؤلاء الاصدقاء كانوا يجيئون لزيارتى وكذا كان عميرى رحمة الله عليه ،يدخلون الى البيت ويبقون رفقة والدى يتقبلهم ويتانس معهم كما لو كانوا اصدقاءه هو وامر اخر تلك الايام كانت الصداقات تمتد لتكون اسرية وتظل الى امد لانهائى ياخ السودان كان جميل اتمنى ان تعود تلك الايام مع الاستحالة طبعا شكرا لكم جميعا لاتاحة الفرصة فى هذه الدردشة
ياخي المثقفاتية تلاقيهم مرابطين في البوست ده من وراء حجاب
بعدين سوادانيزاون لاين ذاته قامت عن طريق الدردشة يعني دردشنا في الاول
وقرينا سنة اولى دردشة جنرال بعد داك الناس اتخصصت منهم من تثقف ومنهم من تدردش
فرفش دردرش
تحياتي
زاتوووو
Post: #37 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-26-2012, 05:05 AM Parent: #36
مثقفاتيـة في طور التكوين . :)
Post: #38 Title: Re: وماااااله بوستات الدردشـــة ؟؟؟؟ Author: Ahmed musa Date: 02-26-2012, 05:55 AM Parent: #37
عمران اخوي ماتحمّل الثقافة اكتر مما تحتمل زولك المثقف الرئيسي ده (كادر) راسه عديييييل ....
Post: #39 Title: Re: وماااااله بوستات الدردشـــة ؟؟؟؟ Author: الرفاعي عبدالعاطي حجر Date: 02-26-2012, 07:55 AM Parent: #38
Quote: عمران يا صالح سلام وتحية . . حبوبة لي زماااااااان كانت ما بتفرط في الصلاة كلو كلو لكن ما حافظة ولاشئ من القرآن الكريم قول لي صلاتا كيف ؟ الله واكبر السما سماك والوطا وطاتك اقع واقوم على انجلاتك الله واكبر وهكذا في كل ركعة والسلام سمعا جنا عامل مثقفاتي قاليها صلاتك دي كدي غلط وغير مقبولة لازم تحفظي شئ من القرآن تصلي بيهو ردت عليه يا جنا هوي انا بصلي لي الله والله داري بي اخير منك العارف وحارف شن طعم قرايتك وحفظك برا صلاة
هو كذلك واقع الحال هذا الشخص الذي سمى وصفه زلة كيبورد جاء متهمنا بالقرب من الوطني وعند المحاصرة قال المرونة والان يقول بأننا اقرب الى اشخاص مثال صورة مع عصام دهب ,,, ذات الاعتذار يجب ان يكتب في البوست الاصل . اخي الجميل عمران صالح وافر المودة .
...............................................................................................................حجر. مع حفظ حقوق صاحب التعليق عبدالله ود البوست فيما تم تكويته والاستدلال به .
أخونا عمران الله يصلح الحال ....انحن ناس ونسة ساكت ..وضحك لي اخر الليل ....
قال شنو : واحد مثقف قال لواحد مثقف آخر لو ما فهمت أمشي بوستات الدردشة !! قام المثقف التاني قال ليهو غاضباً أنا يقولو لي أمشي بوستات الدردشة ؟؟ !! يادي الدردشة البقت خاصة بالعوام فقط !! ليك حق يا عمران ..بس القصد كان واضح من المثقف الاول ..الرد ما كان مناسب ..وللجميع اعتذاري الشديد ..
ما أسهل أن يُستفز عندنا " مثقف " الإسفير ويرد بعبارات تستغرب كيف تعامل معها بكل هذه البساطة حتى ولو كان حجم الإستفزاز كبير """ أقول الإستفزاز وليس الإهانة """"
هل نقبل الاستفزاز يا عمران يا أخوي ونسكت ..رغم القناعه انه لم يكن استفزاز أو استفزاز قصد به أهانه ...
ألم تحس يا " مسخَف " بأن بعض العبارات هنا تقلل من احترامنا لكـ ؟ أم أنكـ محشور في أسفل مدن الإسفير ؟؟
الله .الله...الله حسيت والله ........من لحظة كتابتها .. يا عمرن ..وتاني الاسف ..
الامين موسي المصيبة في ناس شايلين باسويرداتهم وحايمين ومفتكرين أي زول يسلم عليهو بالضرورة يكون عارفه لأنه من دهاقنة سودانيز أونلاين ومثقفية
الله ياسامحك يا بشاري .... شوف لي زول يشتري مني الباسورد ويريحني ..اصلي مفلس الايام دي ..انشاء تكون قريب استاذي العميد( الفاضل البشاري ) مع كامل احترامي لك
الله لا يكسر سنة قلمك يا حبيب نعم ويديه العافية ....
Rawia كامل التضامن مع المثقف التاني مع كامل التقدير ...
طارق جبريل يا قريبي كيفنك ابوي يا اخوي دردش سااااااي امي ماتت ودكتور مجدي مات الله يرزقهم الجنة دردش يا حبيب تليشة: واحد: من وين؟ التاني: والله كاتب اسفيري
الله يرحمهم يا ود جبريل راجع البوست وان لقيتني غلطان ...بقدم اعتذاري للجميع ... وانت عارف ما بنرضي الاستفزاز ولا كيف......ما تقول لي غايب من الامتداد مالك ...زعلان منكم.....اها رضوني
أحمد موسي والله زلة كيبورد يا ودالبشرى اها وجيت جاري حفيان هنا وإعتذرت لسيد البسوت والضيوق والقراء
زلة الكيبورد تعتزر منها للغلط معاه ..الما بعرفك ولا بتعرفو ..وبطل اسلوب الاستفزاز ....الخلانا نغلط و غلطناسبب فتح بوست اخونا عمران
عمران اخوي ماتحمّل الثقافة اكتر مما تحتمل زولك المثقف الرئيسي ده (كادر) راسه عديييييل ....
كادر .....( ولا يزال اخونا في الله شاري شكل )
يا عمران عايزين نتونس ...وكتر خيرك علي البوست وتجدني اكرر اسفي حتي للثقافة نفسها انشاء تقبل ..... تحياتي و وافر الاحترام للدردشه .............
Post: #41 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-26-2012, 09:31 AM Parent: #40
والله العظيم يا أزهري حسستني بمجموعة من الحاجات الجميلة فينا وصدقني أهم ما في الموضوع ده كلو إني كتبت ما كتبت ولم أنظر للإسم ليس عدم إهتمام أو تعالي بس كان أصل الموضوع العبارات الإتقالت وكنت قسماً بالله صادق فيها لأبعد درجة وده الريحني من ردكـ بأنكـ حسيت بصدقي ولم أكن أقصد الإستفزاز وإلا لكنت حسيته عموماً أشكركـ جزيل الشكر وصدقني لا يبقى إلا الإحترام وصدقني أخونا أحمد موسى من خلال إتصال بيننا لامن قلت ليهو يعني جايي تحرجني وتقول كلام إعتذارات :) ضحكـ وقال لي شيل إعتذاري ورد عليهو ما دايرين إعتذارات وخم إعتذاركـ ده وشيلو وديهو للمثقفاتية :) """ يلا ده كلام إتكتب من الكيبورد وللشاشة أتمنى ما يكون كلامي مجوبكـ """ ولكـ إحترامي يا أزهري
__________ حا نواصل دردشة وخليكـ معانا عشان ممكن براحة نوصل كل قتاعاتنا للآخرين دون أن ننفعل خاصة وأن السياسة السجم دي قذارتها هي التي تقودنــا إلى كل الأخطاء التي نرتكبها
Quote: ما تقول لي غايب من الامتداد مالك ...زعلان منكم.....اها رضوني
يا حبيبنا العيازه بتلقاهو في الامتداد ياخي في زول بزعل من حبايبو
والله يا ازهري انا زييي وزي قريبي عمران دة ما شفت الكاتب منه ياخي لمن تجوا تتجدعوا هنا اتذكروا انه نحن من الرعاع ياخي
Post: #44 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-26-2012, 10:05 AM Parent: #42
Quote: أيام المنديل الفيه قلب و داخل فيه سهم و في كم نقطة دم نازله كدا....
إلى مدام : أبو حسين بالإنجليزي " وزميلة الحوش " نأمل من سعادتكم التكرم بالسماح لبعلكم الكريم يجي ( يدردش) حبة عن الموضوع ده دون تأثيرات جانبية . يعني دون أن يؤثر ذلكـ على كمية الملح في غداء هذا الأسبوع والذي بعده .
__________________________________________ إسماعيل غايتو ما زاغ ، مولانــا قال كان بخاف الموضوع يصل البيت أها باقي إنت
وكيفني شديد وخصوصا مداخلات الاخ العزيز ود المرتضى والاخت الجميلة سلمى الشيخ سلامة والاخ الغالي اسماعيل وحكاويهم عن الجكس والمراسلة وكنت عاوزة اكتب تجارب عديدة هنا بس خفت المفتش يجي داخل ويعمل لي تحقيق فإكتفيت بالمطالعة على مضض واقول ليك حاجة يا عمران الناس الإتلمت في البوست ده من اميز الكتاب في سودانيز بداية منك انت كاتب البوست واقول ليك حاجة تاني اغلب الناس الدخلت عندك هنا انا اول ما ادخل سودانيز بفتش على بوستاتهم او مداخلاتهم يعني لو لقيت بوست عن اي حاجة ولو حتى ما عندي فيه شغلة وقريت آخر مداخلة مثلا لعمران طوالي بدخل عشان اشوف عمران كتب شنو وك>لك محمد المرتضى وطارق جبريل وسلوم قليلة اللوم وسمعة الحبيب وكثير من الكتاب هنا والكلام ده بقولوا ليك عشان تعرف انو بوستات الدردشة والونسة اجمل الف مرة من غيرها من البوستات والدليل الناس الجميلة الدخلت في البوست الجميل ده
Quote: إلى مدام : أبو حسين بالإنجليزي " وزميلة الحوش " نأمل من سعادتكم التكرم بالسماح لبعلكم الكريم يجي ( يدردش) حبة عن الموضوع ده دون تأثيرات جانبية . يعني دون أن يؤثر ذلكـ على كمية الملح في غداء هذا الأسبوع والذي بعده .
اما بالنسبة للزميل وزي ما قلت ليك فوق عاوزة افضفض واحكي وكنت خايفة منو فشنو فخليو هو يديني الامان وانا بديهو الامان لكن لو لقيت القصة فيها كده ولا كده ما بضمن ليك ردة فعلي تكون شنو غايتو راقبوا زميلكم ده لو إختفى شوية كده افقدوه طوالي
Post: #50 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-28-2012, 11:11 AM Parent: #46
Quote: لكن لو لقيت القصة فيها كده ولا كده ما بضمن ليك ردة فعلي تكون شنو غايتو راقبوا زميلكم ده لو إختفى شوية كده افقدوه طوالي
يا ناس لجنة بورداب الرياض بلاهي أفقدو لينا الزول ده وين مختفي
___________________ كل التقدير والإحترام مدام سامية
Post: #57 Title: Re: وماااااله بوستات الدردشـــة ؟؟؟؟ Author: عمران حسن صالح Date: 02-28-2012, 01:37 PM Parent: #46
Quote: لكن لو لقيت القصة فيها كده ولا كده ما بضمن ليك ردة فعلي تكون شنو غايتو راقبوا زميلكم ده لو إختفى شوية كده افقدوه طوالي
يا ناس لجنة بورداب الرياض بلاهي أفقدو لينا الزول ده وين مختفي
___________________ كل التقدير والإحترام مدام سامية
Quote: ليس تأدبا مني لكن أخواتي كتار وصاحباتم أكتر من الهم في القلب، بخاف أشاغل أي بت يقوم الخبر يصل بيتنا بأسرع من وصول صرح بلقيس من بلد علي عبدالله صالح لمحلات إسماعيل هنيه أما مدرسة المؤتمر فلم تكن ضمن دائرة حركتي الغزليه جغرافيا لأني تنقلت بين الأهليه ومحمد حسين والنهود العليا بالله إنتي برضو أدوك جواب في ديكشينري؟ حصل واحد رمى ليك ورقه سغيره فيها رقم تلفون البيت 51119؟
.. بالنسبة للمشاغلات دي يا مولانـا .. عندي بت عمنا كدا من بعيد .. يوم نحن لاعبين دافوري في طرف الحلة .. والميدان لازم اي كائن يمر من خلالو .. نبات كان ام انسان او جماد او حيوان .. فقومي يا زولة تعالي مارة عند الاصيل .. وقومي يا شلاقتي اتصلطي علي واقترحي لي طلب مشاغلة .. واظنها اول مرة في حياتي اعمله .. ما اشتغلت بي الشغلة الزولة دي وهي ما بتعرفني .. ولا انا حصل شفتها .. يا مؤمن يا مصدق بعد المغربية جات والدافوري فرتق .. امشي اللقى ليك زولتي ذاته .. قاعدة وعاملة الحالة واحدة وكمان بتعمل في شاي المغربية .. يعني مثلا عايزني .. ابيت في البيت دا ؟؟ طيب كان فتحت فيني بلاغ .. داخلي .. إنت رجل قانوني بتعرف البيحصل شنو بعداك .. طوالي السرير بتاعي الفي الجيران جيت تاني يوم الصباح كان الموضوع مات .. وطلعت زولة متفهمة
Quote: لنكات يا عالم ...لنكات الله يرضى عليكم
.. والله بقيت قاعد ساكت يا معلم زيك زيي واحد .. .. يا عمران .. والله في ناس هنا لو ونسوك .. اخير ليك من مية مثقف .. بي صراحة كدا الونسة مما يكون فيها واحد بفتكر وبعتقد .. وبتظارف .. انا طوالي بخارج رقبتي ونسونا ياخ .. ونسينا يا سلمى الشيخ ويا محمد المرتضي .. ونسونا بي شارع المدارس .. وبي العصريات .. وبي الحلة وبي الحاجات البراحة دي ..
Quote: وكيفني شديد وخصوصا مداخلات الاخ العزيز ود المرتضى والاخت الجميلة سلمى الشيخ سلامة والاخ الغالي اسماعيل وحكاويهم عن الجكس والمراسلة وكنت عاوزة اكتب تجارب عديدة هنا بس خفت المفتش يجي داخل ويعمل لي تحقيق فإكتفيت بالمطالعة على مضض
ههههههههههههه .. والله يا سامية .. بخصوص الجكس دا .. كنت مفكر احكي ليكم قصة الزولة الكنا بنحبها نحن تلاتة انا واصحابي اتنين ياسر ومعاوية .. وود خالته باقي لينا في رقبتنا .. ياخ هي بتجي من الثورة كانت يوم الأربعاء بتقعد يوم الخميس ويوم الجمعة العصرية بتمشي .. نحن من يوم الخميس ..بنكون حارسين العمود .. لحدت يوم الجمعة بالعصر .. لا خلينا كشيح موية عدة .. لا خلينا مرسال علب الصلصة من الدكان .. لا خلينا شرايط هاشم مرغني وفتحان المسجل ب يصوت عالي .. وحياتك دا كلو ما نفع .. تلاتة في واحد ... اكتشفتهم بعد فترة طويلة .. انهم كانو معاي في نفس البرنامج .. وبدات الاعترافات بعدما كبرنا .. طبعا كنت عايز احكي القصة دي .. لكن زي ما شايفة العين بصيرة والايد قصيرة .. ومسالة التفاتيش دي .. بقت واقع ..
غايتو الواحد لما يكون محمول موضوعو ببقى بايظ خلاص .. . والله يادوبك انا انتبهت لي مسالة انو الواحد بقى محمول ..
Post: #54 Title: Re: وماااااله بوستات الدردشـــة ؟؟؟؟ Author: الرفاعي عبدالعاطي حجر Date: 02-28-2012, 11:45 AM Parent: #52
النتايج يا حجر النتايج والله ناقصني شاي ترابلة ، حسي عليكـ الله ما جيت وشايل شاييكـ ؟؟ همي بس الناس ديل حا أقدر أسكهم ؟؟ غايتو عندي مبرر وهو إنو أصلاً جلسات الونسة بستلموها ناس الونسة يبقى نحن ناس قرقراب ساي :) ياخي أحمد موسى زاتو بيكون يجي يفتح مكتبو الصباح ويجي يتاوق أنا شايفو عديل كده :)
Quote: أهو جاك واحد قال ليك كانو تلاتة ميتين في واحدة ..... و قال ليك كشيح مويه و هاشم ميرغني
. انا ما لاقي يدي يا ابوحسين قلت ليك بقيت محمول .. والله كان لاقي يدي .. طارق جبريل دا تخموهو من البوست دا ناشف لكن المشكلة طارق جبريل زاتوو قريب الحكومـة ممكن بعدما تودوهو الحوزادث يجي راجع يرش الواحد
Quote: انا ما لاقي يدي يا ابوحسين قلت ليك بقيت محمول .. والله كان لاقي يدي .. طارق جبريل دا تخموهو من البوست دا ناشف لكن المشكلة طارق جبريل زاتوو قريب الحكومـة ممكن بعدما تودوهو الحوزادث يجي راجع يرش الواحد
إنت كدا ترش طارق جبريل لمن يآمن و بي كدا الحكومة حا تعمل حسابها منك و تكون ضربت عصفور و رهوة بي رشة واحدة...
Quote: انا ما لاقي يدي يا ابوحسين قلت ليك بقيت محمول .. والله كان لاقي يدي .. طارق جبريل دا تخموهو من البوست دا ناشف لكن المشكلة طارق جبريل زاتوو قريب الحكومـة ممكن بعدما تودوهو الحوزادث يجي راجع يرش الواحد
ايييييه دنيا
Quote: إنت كدا ترش طارق جبريل لمن يآمن و بي كدا الحكومة حا تعمل حسابها منك و تكون ضربت عصفور و رهوة بي رشة واحدة...
هيييييييييييييييييع عاد انتو الاتنين انا قريب حكوماتكم اي شنكبة عنكبة تنوموا في سلم العمارة
تعرف يا مولانا زمان تحاحي ثلاثة شهور لمن الله يجيب ليك سماية عشان تديها الجواب وتنتظر للوحم التاني عشان يجيك الرد ولمن تتشاوفوا ولد السماية الاولى بيكون في الثانوي العام
غايتو ان بقى زمان كان في ماسنجرات وحات نضري كان رقدنا البلد كاويق
Post: #63 Title: Re: وماااااله بوستات الدردشـــة ؟؟؟؟ Author: الرفاعي عبدالعاطي حجر Date: 02-29-2012, 01:13 AM Parent: #60
حقوق الاقتباس محفوظة للبوست الاصل الذي يتهمنا بالقرب من الوطني ثم يمضي لنقاش علاقاتني ببعض من منسوبي الوطني في اطار العام .
يا جميل يا لماح.............واصل دردشتك ونحن معاك وبوستاتك صاحبة الفكرة...تقديرى وإحترامى..
Post: #67 Title: Re: وماااااله بوستات الدردشـــة ؟؟؟؟ Author: عمران حسن صالح Date: 03-01-2012, 09:06 PM Parent: #66
سماعين يا ابن خالتي والله ليكـ وحشااااااات ، ده شنو الكعوبية دي ؟؟ معقول ياخي اسبوع كامل ما نشوفكـ ؟؟ .. الونسة الطاااااااااااااعمة حلال يا سماعين يا آخوي ، أها مرات في ناس شايفين القرقرابة دي قِمة الإنصرافية وناس الونسة ديل بيكونوا مرات كتيرة عُلماء عديل كدي تخيل شكل العالم الونَاس ياخي بيكون ونسة بي فهم وضحكتوا ممكن توص ليكـ فهم إنو سمع ليهو نكتة من نكات أسفل المدينة وبرضو عالم أها يقوموا يضيعوا وسط التقييم الخاطي ويضيعوا في الزحمة ساي ..... حسي الود ده ما ضاع وسط الزحمة المالية البلد عولاق ساي وما بشبه الغُنا
Post: #68 Title: Re: وماااااله بوستات الدردشـــة ؟؟؟؟ Author: عمران حسن صالح Date: 03-01-2012, 09:12 PM Parent: #67
الدقير: انت يا ام الحسن غاتسي في القاطوع دة قاعدي تسوي في شنو ام الحسن: اكوسلي في دِلِق فشان اسويهو بزذيق فشان اعوسلك الفطير... يعوسوا عليك يا بركة جاه النبي - الدقير: نان واقود الجن ما كمل من النار.. انتي اصلك مالك ما سويتي القشرديق دة من قبيل ام الحسن: القشرديق اليكفنوك بيهو... انت اصلو لسانك دة آآآبيرتاح الدقير: يرتاح كيفن وهو الوكت كله ساكت ويسمع في صوت اللربل في القراعي ام الحسن: هي كدي... انا اصلي ما لقيتلي زولا اعرسو غيرك في البلد الفقر دي الدقير: نان كنتي دايري تلقي احسن مني وين عاملي تلاليشك كدي علي كعك العَقِد ام الحسن: عاد فراغك.. وحات نضري انا كان دايرني ود العمدة علي ابوي قال ادة ابوك كلمي عاد الله يرحمه ماهو قايلني دايري اوكر قدر دة.. الدقير: اي شن طعمك انت الدلكتك مصوفني و خومرتك مرميي جنب لدايات الصاج
يا قريبي احمد الريح الدقير جدي خال امي ام الحسن حبوبتي بت خال جدي ابو ابوي وانا كنت قاعد معاهم اليوم داك
Post: #70 Title: Re: وماااااله بوستات الدردشـــة ؟؟؟؟ Author: عمران حسن صالح Date: 03-01-2012, 11:18 PM Parent: #69
Quote: الدقير: اي شن طعمك انت الدلكتك مصوفني و خومرتك مرميي جنب لدايات الصاج
والله كلام كدي حسي خلي وائل يقول كلام زي ده لي لولا :) ، طبعاً بنحتاج نغير كلماتكـ العتيقة بتاعة مصوفني ولدايات عشان السياق هههههههههههههههههههههههههه
Quote: Quote: لكن لو لقيت القصة فيها كده ولا كده ما بضمن ليك ردة فعلي تكون شنو غايتو راقبوا زميلكم ده لو إختفى شوية كده افقدوه طوالي يا ناس لجنة بورداب الرياض بلاهي أفقدو لينا الزول ده وين مختفي
Quote: Quote: لكن لو لقيت القصة فيها كده ولا كده ما بضمن ليك ردة فعلي تكون شنو غايتو راقبوا زميلكم ده لو إختفى شوية كده افقدوه طوالي
يا ربي ليك الحمد والشكر ،
غايتو يا ساميه - زي ما قال صديق أحمد - كان تاجوج بِقَت بالرتبه مشهوره إنتي فوق تاجوج زادوك دبوره..
يمهل ولايهمل..
يا عمران وود المرتضى مالكم بقيتوا غتيتين كدي انتوا شوايقة ولا شنو؟؟
يعني خليتوا مداخلتي الطويلة وعريضة ديك كلها والكتبت ليكم فيها شعر عديل عنكم وانكم من كتابي المفضلين ومسكتوا لي في الجزئية دي
تشيلوا وتكرروا فيها يعني المفتش كان فطاها فوق يجي يلقاها عندكم جلوها بالله النقطة دي
Quote: غايتو يا ساميه - زي ما قال صديق أحمد - كان تاجوج بِقَت بالرتبه مشهوره إنتي فوق تاجوج زادوك دبوره..
والله يا محمد المرتضى دبورتك دي شهادة اعتز بيها شديد إلا إن بقت جابت وراها طلقة ولا شي اخير عدمها
Quote: حتى الان عجبتني نون النسوة في السرد الشفيف الصادق (طبعاً سلمى وسامية)
يعجبك الخير يا الرفاعي يا اخوي الا بس المفتش ما مديني فرصة امرق الجواي كل شوية بعمل مرور
غايتو الا اكتبها بالحبر السري وانتوا حاولوا افهموها
