Post: #1
Title: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 01:31 PM
....لو أن الفضول إمتلكك حيال رجل الأعمال السوداني/ أسامة داؤود، وطفقت تبحث عن صورته وحوراته في الأنترنت
ستصاب بالدهشة، لأن الرجل يعاني من {فـــقــر} حاد فى الصور والحورات المبزولة عنه فى الانترنت....1 ومن خلال بحثي وفضولي المتواصل
لرؤية صورة هذه الشخصية التى ملات الدنيا ضجيج، لم أجد غير صورة يتيمة له، وفي ما يخص الحوارات فالمحصلة النهائية {صفر}.... اها الزول ده محيرني عديل كده
عندو مشكلة مع الاعلام مثلا....؟ لانو بدير حياته بفلسفة مدهشة جدا جدا...؟
طبعا دى الصورة الوحيدة المتوفرة لاسامة داؤود، بجانب صورة أخرى حوالت تنزيلها لكنى فشلت
|
Post: #2
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 01:39 PM
Parent: #1
اسامة داؤود لا يروى ظمأ الفضولين
|
Post: #3
Title: Re: أسامة داؤود رجل بلا صور أو حوارات....؟
Author: omer osman
Date: 02-14-2012, 01:50 PM
Parent: #2
سلام ياخالد ....
اسامة داؤود ... اعماله تتحدث عنه .....
اكثر من خمسة الف موظف وعامل تستوعبهم شركاته يتحدثون نيابة عنه ...
ليت كل رجال الاعمال في السودان مثله ...
|
Post: #4
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 01:58 PM
Parent: #3
Quote:
اسامة داؤود ... اعماله تتحدث عنه .....
اكثر من خمسة الف موظف وعامل تستوعبهم شركاته يتحدثون نيابة عنه ...
ليت كل رجال الاعمال في السودان مثله ... |
الزميل/ عمر عثمان....تسلم
ومافي شخشخة في الكلام بتاعك ده....لكن ياخ ما يبقى لينا زى الزعيم رقمصفر ههههههه
دايرين نمتع نظرنا بصاحب الربطة والدراهم ده ياخ...هسى احتمال الزول ده لاقاني مية مرة فى السوق العربي وما عرفتو
ههههههه موش فهم برضو.....؟تسلم
|
Post: #8
Title: Re: أسامة داؤود رجل بلا صور أو حوارات....؟
Author: omer osman
Date: 02-14-2012, 02:22 PM
Parent: #4
| Quote: .لكن ياخ ما يبقى لينا زى الزعيم رقمصفر ههههههه |
ههههههههههههههههه .........
تعرف ياخالد احد اصدقائي وكنا شغالين سوا في دال كان بقول لي نفسي يااااخي اشوف رقم صفر ده
ويقصد اسامة داؤود ........... 
بعد اكثر من ستة شهور يوم قلت ليهو اجري اجري تعال عاين بالشباك ده
شايف الزول الماشي ده .... قال لي ايوه ... قلت ليهو بس ده رقم صفر ..
|
Post: #5
Title: Re: أسامة داؤود رجل بلا صور أو حوارات....؟
Author: omer osman
Date: 02-14-2012, 02:00 PM
Parent: #3
Quote: اسامة داؤود ... اعماله تتحدث عنه .....
اكثر من خمسة الف موظف وعامل تستوعبهم شركاته يتحدثون نيابة عنه ...
ليت كل رجال الاعمال في السودان مثله ... |
تنويه ...... انا حالياَ ما شغال في دال
المداخلة اعلاه شهادة حق وليس كسير تلج ......
|
Post: #6
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 02:11 PM
Parent: #5
....الغريبة يا عثمان صور وضجيج بوردابينا{ حسين ملاسي} موجودة فى الانترنت بكثافة
وهو لا يمتلك ولا سهم فى شركات أسامة داؤوود....فتأمل.....؟
|
Post: #7
Title: Re: أسامة داؤود رجل بلا صور أو حوارات....؟
Author: السيد أحمد إبراهيم
Date: 02-14-2012, 02:19 PM
Parent: #5
Quote: تنويه ...... انا حالياَ ما شغال في دال
المداخلة اعلاه شهادة حق وليس كسير تلج |
طيب ما يمكن ناوي ترجع .. برضو فهم
تحياتي ياجنابو
|
Post: #9
Title: Re: أسامة داؤود رجل بلا صور أو حوارات....؟
Author: Ali Sirelkhatim
Date: 02-14-2012, 02:36 PM
Parent: #7
الحبيب خالد
الجماعة قاعدين فى بيت البكا جات عربية مرسيدس اخر موديل نزل منها زول وجيه جلابية كيف وعباية كيف وعطر كيف واخر وجاهه المهم شال الفاتحة مع الناس وجلس الراجل صاحب البكا قال ليهو يا ابن العم ماعرفتك والله انت منو ؟ فقال له الوجيه انا قريب الله ياخ فقال صاحب البكا والله انا ذاتى من شفتك قلت انت بتكون يا قريب الله ولا قريب اسامة داوود
مرحبا
|
Post: #10
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 02:40 PM
Parent: #9
Quote:
الحبيب خالد
الجماعة قاعدين فى بيت البكا جات عربية مرسيدس اخر موديل نزل منها زول وجيه جلابية كيف وعباية كيف وعطر كيف واخر وجاهه المهم شال الفاتحة مع الناس وجلس الراجل صاحب البكا قال ليهو يا ابن العم ماعرفتك والله انت منو ؟ فقال له الوجيه انا قريب الله ياخ فقال صاحب البكا والله انا ذاتى من شفتك قلت انت بتكون يا قريب الله ولا قريب اسامة داوو
|
كااااااااااااااااااااك،،،،،حلوة يا أبو علوة....تسلم
|
Post: #11
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 02:40 PM
Parent: #9
Quote:
الحبيب خالد
الجماعة قاعدين فى بيت البكا جات عربية مرسيدس اخر موديل نزل منها زول وجيه جلابية كيف وعباية كيف وعطر كيف واخر وجاهه المهم شال الفاتحة مع الناس وجلس الراجل صاحب البكا قال ليهو يا ابن العم ماعرفتك والله انت منو ؟ فقال له الوجيه انا قريب الله ياخ فقال صاحب البكا والله انا ذاتى من شفتك قلت انت بتكون يا قريب الله ولا قريب اسامة داوو
|
كااااااااااااااااااااك،،،،،حلوة يا أبو علوة....تسلم
|
Post: #14
Title: Re: أسامة داؤود رجل بلا صور أو حوارات....؟
Author: دينا خالد
Date: 02-14-2012, 03:07 PM
Parent: #11
لوووووووووب يا خالد !
تبحببت كدا يوم بتطقك عقررب !
طواااالى بادى من الصفر ؟ .. اقصد من فوق ..
انا زيك استغربت شديييد لما ناس ويكيلس قالوا اسامة داؤود
قال وقال ..
عرفتهم ليك هجامين ورجامين .. الراجل نحن معاه فى البلد
زووول سمع صوتو مافى !
اذكر انو يوم فى حفلة نصير شمت ولا واحده من قصص ناس دال دى
جابو صورتو هنا فى البورد دا .. عماد لا اقول ليك طلال
اها قمت انا جيت لفحت الصورة وكتبت ليهم بالله ياهو دا سيد الاسم ؟؟
انا قايلاا زول سميييين وطويل وكدا ..
لو ما اخاف الكضب لاذ اصحاب البوست بالصمت .. لوووووب تانى ياخ .
لكن لو جادى فى الشوفة دى .. امشى مستشفى فضيل زور الاستاذ وردى
الليلة او بكرة .. فقد يسعدك الحظ وتعتر بيهو هناك ..
ـــــــــــــــــــ
| Quote: أسامة داؤود رجل بلا صور أو حوارات....؟ |
ديل رجال فيرشن جديد يا خالد .. بمصانع ومحجموعة شركات ! ايش جاب لى جاب ..
ارجح ان المقصود بالبوست شخص اخر ياقول البشير مورم فشفاشكم وفاقع مرارتكم 
|
Post: #19
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 05:47 PM
Parent: #14
دينا ....ســـــــــــلام
Quote: لوووووووووب يا خالد !
تبحببت كدا يوم بتطقك عقررب ! |
اها يعني الواحد لا يشوف أمريكا ولا يشوف أسامة داؤود...كده حرام عديل كده
| Quote: انا قايلاا زول سميييين وطويل وكدا .. |
هههههه يعنى عشان عندو كٌرضـــمــــة لازم يكون سمين وطويل...اصلو المدقدقين ديل ما يضبو يا دينا
Quote: لكن لو جادى فى الشوفة دى .. امشى مستشفى فضيل زور الاستاذ وردى
الليلة او بكرة .. فقد يسعدك الحظ وتعتر بيهو هناك .. |
أموت أنا فى الملاريا ذاتها...من دربي ده تنكش تنكش تنكش ويا فضيل جاك بلا
بس لمو لى الشيرن بتاع السرير.....
|
Post: #13
Title: Re: أسامة داؤود رجل بلا صور أو حوارات....؟
Author: Mohammed Ahmed Saeed
Date: 02-14-2012, 02:54 PM
Parent: #9
المتابع للاستثمارات فى السودان يجد دال من اكثر الشركات السودانية جدية مع تركيزها على الصناعات والاستثمارات المؤثرة والتى يحتاج لها البلد مثل الصناعات الغذائية .
من اهم المشاريع التى أستوعب لها أسامة داؤد كفاءات نادرة هى زراعة القمح فى حوض النوبة وحسب متابعتى هنالك مشاكل رى تعترض هذا المشروع الحيوى والذى نامل ان يرى النور الموسم القادم لانو الموسم دا عدى
كذلك زراعة البرسيم وتصديرة لتوفير عملة صعبة للبلد
رجل اعمال انسان ووجة ثروتة لخدمة بلدة اتمنى ان يتمثل بة الاخرون ويتركو المضاربة فى الدولار ويتوجهوا صوب الاستثمار الزراعى والصناعى.
أستغرب جدا عدم دخولة الاستثمار فى مصانع السيخ والاسمنت او الصناعات البتروكيمائية
ليست لى اى علاقة بشركات دال او اى شركة بالسودان واعمل لل22 سنة الماضية ومازلت خارج السودان ولاتربطنى بشركات دال اى علاقة من قريب او بعيد لكن معجب جدا ومتابع دائم لكل أستثمارات شركة دال وتحديدا بعد دخولهم الاستثمار الزراعى وتركيزهم على الصناعات المحتاج لها البلد واصرارهم على الاستثمار بالبلد فى وقت هرب مستجدى النعمة دولارتهم للاستثمار فى دول الجوار والصين او تخزينها كعملة بالبنوك الخارجية
|
Post: #28
Title: Re: أسامة داؤود رجل بلا صور أو حوارات....؟
Author: Hassan Bakri Nugud
Date: 02-15-2012, 07:25 AM
Parent: #9
Quote: الجماعة قاعدين فى بيت البكا جات عربية مرسيدس اخر موديل نزل منها زول وجيه جلابية كيف وعباية كيف وعطر كيف واخر وجاهه المهم شال الفاتحة مع الناس وجلس الراجل صاحب البكا قال ليهو يا ابن العم ماعرفتك والله انت منو ؟ فقال له الوجيه انا قريب الله ياخ فقال صاحب البكا والله انا ذاتى من شفتك قلت انت بتكون يا قريب الله ولا قريب اسامة داوود
|
أولاً .. السلام عليكم جميعاً ..
النكتة جميلة جداً طبعا ، لكن الغريبة إنو السيد / أسامة داؤود بعيد كل البعد عن الأوصاف الفي النُكتة دي !
رجل متواضع وبسيط لأبعد الحدود .. يعني ممكن عااااادي جداً يكون جاء نفس ( البكا ) ده ، وما في زول لاحظ ليهو أصلاً !
والله صحي ..
المهم ، زي ما قالو الشباب .. الرجل إنجازاته ، وأعماله تتحدث عنه .. ولا يحتاج لصور أو حوارات للدلالة عليها ..
__________
طبعا دي شهادة زول شغال في دال ، لكن ( واللـــــــــــــــه ) ما كسّير تلج يا جنابو !
|
Post: #37
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-18-2012, 02:29 PM
Parent: #28
الزميل / حسن
تشكر على المرور ياخ..........
| Quote: المهم ، زي ما قالو الشباب .. الرجل إنجازاته ، وأعماله تتحدث عنه .. ولا يحتاج لصور أو حوارات للدلالة عليها .. |
ياخ بتفق معاك فى الانجازات بتاعه اسامة داؤود...لكن من حقنا نشوف المان ده ولا شنو....؟
تحياتي
|
Post: #12
Title: Re: أسامة داؤود رجل بلا صور أو حوارات....؟
Author: omer osman
Date: 02-14-2012, 02:51 PM
Parent: #7
Quote: طيب ما يمكن ناوي ترجع .. برضو فهم
تحياتي ياجنابو
|
هههههههههههه .......
اللي يشرب من مية النيل يرجعلها تاني
|
Post: #15
Title: Re: أسامة داؤود رجل بلا صور أو حوارات....؟
Author: قاسم المهداوى
Date: 02-14-2012, 03:08 PM
Parent: #12
سلاام يا خالد
يقال والله اعلم انو القروش ليها درب شارع يعنى
ولو لميت فى شارع ( القنزب ) ما بتفكو وما بتكلم اى زول تانى
لانو لو كلمت زول ح يكلم التانى وهكذا ؟؟؟
علشان كدا الناس العرفو درب القروش ما بيتكلمو كتير علشان الواحد فيهم
ما يدقس ويقول اسم الشارع
لهذا تجد رجال المال والاعمال الجد جد فى صمت رهيب ومخيف
فقط تتحدث عنهم اعمالهم , وكدا لاحظ الناس الفلسو تلقاهم بتاعين كلااام وكورة
ومهرجانات وسياسة ونقة فى الفاضى والمليان وبى سبب وبدون سبب
ولا كــــيف ؟؟؟
قاسم المهداوى
|
Post: #16
Title: Re: أسامة داؤود رجل بلا صور أو حوارات....؟
Author: دينا خالد
Date: 02-14-2012, 03:56 PM
Parent: #15
Quote: ليست لى اى علاقة بشركات دال او اى شركة بالسودان واعمل لل22 سنة
الماضية ومازلت خارج السودان ولاتربطنى بشركات دال اى علاقة من قريب او بعيد
لكن معجب جدا ومتابع دائم لكل أستثمارات شركة دال وت |
لووووووووب .
اسااااسا خالد قاصد يجررس الناس كدا !
يا اخوانا
اى زول يجى داخل البوست دا لازم يقدم اقرار ببراءة الذمة على ان يشتمل
الاقرار ايضا انك حلفاوى ام لا ؟؟ لانو ديل برضو لا تقبل لهم شهادة ..
فى هذا البوست وكدا ..
ـــــــــــــــــ
والاولادو فى (كيكس ) او مشترك فى (نادى القولف ) برضو ما معانا ..
وينظر فى امر محبى الكولا واخواتها وسيقا واخوانها ..
اما سكان الخرطوم واحد فلا تقبل لهم شهادة ايضا !
|
Post: #17
Title: Re: أسامة داؤود رجل بلا صور أو حوارات....؟
Author: أسامة البلال
Date: 02-14-2012, 04:36 PM
Parent: #16
Quote:
لهذا تجد رجال المال والاعمال الجد جد فى صمت رهيب ومخيف
فقط تتحدث عنهم اعمالهم , وكدا لاحظ الناس الفلسو تلقاهم بتاعين كلااام وكورة
ومهرجانات وسياسة ونقة فى الفاضى والمليان وبى سبب وبدون سبب
ولا كــــيف ؟؟؟
|
علي كدا يا قاسم مهداوي كان نجيب ساوريس قعد يشحد في الحسين
ياخي الراجل دا من شدة ما بحب الظهور والأضواء والنقة عمل ليهو قنوات تلفزيون خاصة بيهو مرة وبقي مقدم برامج غير الجرايد ومع دا ما شاء الله ماشه معاهو حلاوة وبقي ضمن أغني 300 شخصية في العالم وأغني من أغني 300 سوداني بمافيهم رقم صفر شخصيا
|
Post: #18
Title: Re: أسامة داؤود رجل بلا صور أو حوارات....؟
Author: قاسم المهداوى
Date: 02-14-2012, 04:52 PM
Parent: #17
اسامة البلال
سلاامات
| Quote: علي كدا يا قاسم مهداوي كان نجيب ساوريس قعد يشحد في الحسين |
ازوغ كيف ؟؟؟
عارف فى واحد ما بيحب سيرة الموت بيحكى لاصاحبو انو
حلمان راكب فى رقبه البعير بالمقلوب
قالو ليهو خلاص نكير شالك
قال ليهم انا طوالى نزلت بضنب ( الجمل )
المهم
اعتبر دى مخارجتى من خرم الابرة الختيتنى فيهو
يا سيدى ساوريس فتح فى ( النقة ) بعد ما خلااص بقى فى فائض قيمة اكبر من القيمة الفعليه ذاتو
وايضا الجغرافيا واختلاف الامكنة ليها اثر فى العمليه الاستثمارية
تصويب الاسم
نصير شمة
قاسم المهداوى
|
Post: #23
Title: Re: أسامة داؤود رجل بلا صور أو حوارات....؟
Author: عبدالعزيز حسين عبدالرحيم
Date: 02-14-2012, 05:59 PM
Parent: #18
هسع لو قلت ليكم أنو أسامه داؤود دا عضو هنا في سودانيزاونلاين بتصدقوني ؟
بكتب وتحاوروه وتستهزوأ بيه
خلو أي زول يختار خياره الاختاره وكتر خيره الاختار يكون في السودان ويستثمر هناك بدل الكتار الشالو النعمة من بلدهم لي بلد ناسا عيونم خضر
كتر خيرك يا أسامه وخيارك صح
|
Post: #38
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-18-2012, 02:34 PM
Parent: #23
الزميل/ عبد العزيز حسين
Quote: هسع لو قلت ليكم أنو أسامه داؤود دا عضو هنا في سودانيزاونلاين بتصدقوني ؟
|
....بنصدقك ياخ....واقدم لى ترشيحاتي .....؟
| Quote: خلو أي زول يختار خياره الاختاره وكتر خيره الاختار يكون في السودان ويستثمر هناك بدل الكتار الشالو النعمة من بلدهم لي بلد ناسا عيونم خضر |
مافى مشكلة فى انو يستثمر فى السودان ولا الصومال...وموضوع المكان ده خارج حسابات البوست
تشكر
|
Post: #20
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 05:55 PM
Parent: #15
......قاسم مهداوي ....يافــــردة....كيفنك....؟
| Quote: لهذا تجد رجال المال والاعمال الجد جد فى صمت رهيب ومخي |
طيب عمنا/ صلاح إدريس ده مالو عامل لينا وجع وش تفتح الجريدة تلقاهو كاتب عمدو
تمشي الاستاد تقاهو متحكر فى المقصورة، تسمع أغنية تلقاها من الحانو ....لاعب معانا ضاغظ شديد
|
Post: #21
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 05:56 PM
Parent: #15
......قاسم مهداوي ....يافــــردة....كيفنك....؟
| Quote: لهذا تجد رجال المال والاعمال الجد جد فى صمت رهيب ومخي |
طيب عمنا/ صلاح إدريس ده مالو عامل لينا وجع وش تفتح الجريدة تلقاهو كاتب عمدو
تمشي الاستاد تقاهو متحكر فى المقصورة، تسمع أغنية تلقاها من الحانو ....لاعب معانا ضاغظ شديد
|
Post: #22
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-14-2012, 05:58 PM
Parent: #15
للتكرار والكبكبة هههههه
|
Post: #24
Title: Re: أسامة داؤود رجل بلا صور أو حوارات....؟
Author: اسعد الريفى
Date: 02-14-2012, 10:59 PM
Parent: #22
_________________
من الانترنت
|
Post: #25
Title: Re: أسامة داؤود رجل بلا صور أو حوارات....؟
Author: اسعد الريفى
Date: 02-14-2012, 11:15 PM
Parent: #24
Quote:
أسامة داؤود يخرج من صمته ويحكي قصة النجاح الكبير
ويعتبر أسامة داؤود أحد أهم رجال الأعمال الناجحين في بلادنا..
حيث شكل مع أولاد العم الراحل بشير النفيدي نموذجاً حياً للنجاح والتواضع وحسن الخلق والتربية.
أصدرت المجموعة.. مجلة داخلية في ثوب قشيب وطباعة فاخرة باسم «جسور» تحدث فيها أسامة داؤود ولأول مرة عن رحلة نجاحه..
ونشرت صورته وهو رجل لا يحب الأضواء ولا يحب الحديث عن أعماله ولا تجربته.
أسامة حكى قصة النجاح من البداية أي من العام 1951م وهو عام مولد أسامة.
عن البداية ذكر أنها كانت شركة ساير ولولي..
وهما اسمان لبريطانيين قدما الى السودان من مصر وقد توفيا في نهاية الخمسينيات وتخصصت الشركة في مجال المنتجات الهندسية وكانت وكيلة كاتربلر في السودان.
من وفاء الرجل ذكر رجلاً اسماه العم إدريس وقال إنه كان أفضل من يصنع عصير الليمون الذي اشتهرت به مكاتب الشركة ويقدم للضيوف وقد رفض العم إدريس ان ينتقل من المهنة لأي شخص من بعده.
أول أعمال الشركة كان مع مشروع الجزيرة ووزارة الري وذكر أنهم قضوا على آفات خطيرة أصابت المشروع اسمها «سيدا».
وذكر السيرة الذاتية العطرة لوالده الراحل فقال:
درس في كلية غردون.. ثم لاحقاً في جامعة بريستون في العام 1945م قبل ان يلتحق بسلك الخدمة المدنية في السودان، حيث عمل بمدينة الخرطوم ومديراً لمديريات بحر الغزال وكسلا، وبعد تاريخ متميز من العمل الإداري بالخدمة المدنية كلف بمهمة الإشراف على تهجير أهالي حلفا القديمة بعد أن وافق نظام عبود على طلب الحكومة المصرية بإقامة السد العالي.. وكان هذا يعني ان تغمر مياه البحيرة المقترحة والتي أسميت فيما بعد ببحيرة ناصر كل أراضي حلفا القديمة.
وزاد: كان جدي من ناحية الأم من أهالي حلفا وكان معارضاً لهذا المشروع وحاول دون جدوى إقناع الحكومة بأن تتم إعادة التوطين في ثلاثة مواقع مقترحة على ضفة النيل، ونتيجة لهذا الخلاف احيل والدي للمعاش المبكر من حكومة عبود.. وكان أول موظف بالخدمة المدينة ينال هذا الشرف.
وزاد: دخل والدي عالم الأعمال التجارية برصيد لا يتجاوز اثني عشر جنيهاً، ومع ذلك كان يمتلك منزلاً خاصاً.. نتيجة عمله بالحكومة بالاضافة الى سيارة هيلمان هنتر وظل يعيش في هذا المنزل حتى وفاته.
وقد أهداه السيد محمد صالح الشنقيطي مكتباً صغيراً في شارع الجمهورية ليمارس من خلاله أعماله التجارية ثم أصبح ناشطاً سياسياً في حزب الأمة، وتولى منصب وزارة الإعلام لفترة وجيزة ولكنه كان يتطلع للولوج الى عالم الأعمال.
ثم تحدث عن كيف أصبح والده وكيلاً لشركة كاتربلر، ومن ثم تطور الأمر الى شركة التراكتورات السودانية واحتوت المجلة على إفادات من بعض العاملين بالشركة وخاصة ما كتبه المدير العام لشركة دال توم ستيفنسون بعنوان لنمض الى عزنا والغد.
وكتب جمعة إبراهيم مقالاً بعنوان ملامح من تاريخ تطور نظم الكتابة في السودان.. وموضوع عن منشآت دال التخزينية في منطقة قري الحرة.
والمجلة نشرت موضوعاتها باللغتين العربية والإنجليزية إنه جهد إبداعي.. كبير يتناغم مع جهد دال وإبداعها في كل أعمالها ومنتجاتها.
الرأي العام |
|
Post: #26
Title: Re: أسامة داؤود رجل بلا صور أو حوارات....؟
Author: نبيل عبد الرحيم
Date: 02-15-2012, 00:01 AM
Parent: #25
أسامة رجل أعمال بمعنى الكلمة
|
Post: #27
Title: Re: أسامة داؤود رجل بلا صور أو حوارات....؟
Author: Hassan Bakri Nugud
Date: 02-15-2012, 07:11 AM
Parent: #5
Quote:
تنويه ...... انا حالياَ ما شغال في دال
المداخلة اعلاه شهادة حق وليس كسير تلج ...... |
|
Post: #29
Title: Re: أسامة داؤود رجل بلا صور أو حوارات....؟
Author: اسعد الريفى
Date: 02-15-2012, 07:26 AM
Parent: #27
Quote: ويعتبر أسامة داؤود أحد أهم رجال الأعمال الناجحين في بلادنا..
حيث شكل مع أولاد العم الراحل بشير النفيدي نموذجاً حياً للنجاح والتواضع وحسن الخلق والتربية. |
لا شك فى أنه رجل أعمال حقيقى .. صنع نفسه بنفسه و أجتهد فى أن يحقق نموذجا مشرفا لرجل الاعمال
|
Post: #30
Title: Re: أسامة داؤود رجل بلا صور أو حوارات....؟
Author: حافظ حسن ابراهيم
Date: 02-15-2012, 08:15 AM
Parent: #29
Quote: أولاً .. السلام عليكم جميعاً ..
النكتة جميلة جداً طبعا ، لكن الغريبة إنو السيد / أسامة داؤود بعيد كل البعد عن الأوصاف الفي النُكتة دي !
رجل متواضع وبسيط لأبعد الحدود .. يعني ممكن عااااادي جداً يكون جاء نفس ( البكا ) ده ، وما في زول لاحظ ليهو أصلاً !
والله صحي ..
المهم ، زي ما قالو الشباب .. الرجل إنجازاته ، وأعماله تتحدث عنه .. ولا يحتاج لصور أو حوارات للدلالة عليها ..
__________
طبعا دي شهادة زول شغال في دال ، لكن ( واللـــــــــــــــه ) ما كسّير تلج يا جنابو ! |
حسن بكري الله يطمنك لكن ورمت فشفاشي مؤخراً يا خي و عضيت عشرة أصابع ندم كدا ... السنة المضت قدمت لوظيفة في دال دي
و الله طلعت شورت لست تصدق و قلت مفروض أمشي المعاينة
أها جاء اليوم الموعود و لبست أجمل ما عندي من هدوم و عملت جل زاتو لصلعتي دي
أها الاقيك ليك صاحبي إبن ال###### (ما معافي ليه دنيا و أخرة علي قولات أمي)
المهم بنتونس نتونس ... قلت ليه أنا الليله عندي معاينة في دال شخصياً
قال لي يا حافظ إنت جادي
رفعت حاجب الدهشة هلال و قلت ليه: ليه ما جادي إنت ما واثق في قدراتي
قال لي لا الموضوع ما قدرات بس, لكن و الله جنس هدومك من الباب ما بدخلوك
يا حبيب أنسي الفكرة و الليله ورح نبيت في مدني في قعدة سمحة
مشينا مدني و القعدة ما كانت سمحة لا حاجة
هسي يطلع أسامة داؤود متواضع جداً ... فعلاً من تواضع لله رفعه ... لكن نحن مالنا ... متواضعين خلقة ربنا
خالد بحر سلام يا خي شد السلك و أدينا العلوم و مجهز ليك حاجة سمحة بالله رسل تلفونك في الخاص, لأني ذات زهجة كسرت التلفون
|
Post: #31
Title: Re: أسامة داؤود رجل بلا صور أو حوارات....؟
Author: محمد فرح
Date: 02-15-2012, 09:33 AM
Parent: #30
ملاسي مالو لابد
أسامة داؤود رجل مفخره ويستحق كل الإحترام والتقدير وقدم ومازال يقدم خدمات جليلة جداً للوطن
ربنا يديهو الصحة وطول العمر
|
Post: #32
Title: Re: أسامة داؤود رجل بلا صور أو حوارات....؟
Author: Hassan Bakri Nugud
Date: 02-15-2012, 09:43 AM
Parent: #30
Quote:
حسن بكري الله يطمنك لكن ورمت فشفاشي مؤخراً يا خي و عضيت عشرة أصابع ندم كدا ... السنة المضت قدمت لوظيفة في دال دي
و الله طلعت شورت لست تصدق و قلت مفروض أمشي المعاينة
أها جاء اليوم الموعود و لبست أجمل ما عندي من هدوم و عملت جل زاتو لصلعتي دي
أها الاقيك ليك صاحبي إبن ال###### (ما معافي ليه دنيا و أخرة علي قولات أمي)
المهم بنتونس نتونس ... قلت ليه أنا الليله عندي معاينة في دال شخصياً
قال لي يا حافظ إنت جادي
رفعت حاجب الدهشة هلال و قلت ليه: ليه ما جادي إنت ما واثق في قدراتي
قال لي لا الموضوع ما قدرات بس, لكن و الله جنس هدومك من الباب ما بدخلوك
يا حبيب أنسي الفكرة و الليله ورح نبيت في مدني في قعدة سمحة
مشينا مدني و القعدة ما كانت سمحة لا حاجة
هسي يطلع أسامة داؤود متواضع جداً ... فعلاً من تواضع لله رفعه ... لكن نحن مالنا ... متواضعين خلقة ربنا
|
والله صاحبك ده حاسد حسادة !
مدني شنو ، مدني ما ملحوقةياخ ! هههههههه
تعرف يا حافظ ، في تكنيك بيستعمل في مسألة المعاينات دي ، وأكيد المظهر حاجة مهمة خالص .. لأنو أول حاجة بقيموك بيها في المعاينة ( الجواب باين من عنوانو )..
لكن برضو ما لي درجة انك تمشي تشتري بدلة من آرماني ، وقميص انجليزي ، وكرفتة فرنسية
بعدين طريقة كلامك ، ثقتك في نفسك وفي مقدراتك ، وطريقة تعبيرك عن المقدرات دي ، لغتك زاااته ..
دي كلها حاجات مهمة ، بس أكيد كفاءتك وتأهيلك هم الفيصل في الموضوع ..
يا زول أنسى كلام صاحبك ده ، وقدم تاني ، ربنا يوفقك إن شاء الله.
|
Post: #33
Title: Re: أسامة داؤود رجل بلا صور أو حوارات....؟
Author: قلقو
Date: 02-15-2012, 11:24 AM
Parent: #32
كتب الأخ/محمد احمد سعيد
| Quote: معجب جدا ومتابع دائم لكل أستثمارات شركة دال وتحديدا بعد دخولهم الاستثمار الزراعى وتركيزهم على الصناعات المحتاج لها البلد واصرارهم على الاستثمار بالبلد فى وقت هرب مستجدى النعمة دولارتهم للاستثمار فى دول الجوار والصين او تخزينها كعملة بالبنوك الخارجية |
هذا هو المختصر المفيد.
|
Post: #34
Title: Re: أسامة داؤود رجل بلا صور أو حوارات....؟
Author: ناذر محمد الخليفة
Date: 02-15-2012, 01:22 PM
Parent: #33
خالد بحر ..
انت بتحرر في شبكة السوداني ؟!
راجع عدد الليلة ..!
|
Post: #35
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-15-2012, 01:40 PM
Parent: #34
....شكرا لكل الشباب لإثراء الموضوع والنقاش...
|
Post: #36
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-15-2012, 01:41 PM
Parent: #34
....شكرا لكل الشباب لإثراء الموضوع والنقاش...
|
Post: #39
Title: Re: أسامة داؤود رجل بلا صور أو حوارات....؟
Author: خالد خليل محمد بحر
Date: 02-18-2012, 02:39 PM
Parent: #36
الزميل/ أسعد الريفي
تشكر ياخ على النجيضة، ومتعنا بالصور دى ياخ
|
Post: #40
Title: Re: أسامة داؤود رجل بلا صور أو حوارات....؟
Author: الأمين عبد الرحمن عيسى
Date: 02-18-2012, 07:14 PM
Parent: #39
| Quote: درس في كلية غردون.. ثم لاحقاً في جامعة بريستون في العام 1945م قبل ان يلتحق بسلك الخدمة المدنية في السودان، حيث عمل بمدينة الخرطوم ومديراً لمديريات بحر الغزال وكسلا، |
داوود عبداللطيف والد أسامة داوود صدر عنه كتاب في أوائل التسعينات يحكي قصة نجاحه ، الكتاب كان باسم " رجل المهام الصعبة" وذكر أن أول أعماله التجارية كان سعيه الحثيث للحصول على توكيل شركة الهواء السائل، التي وطدت أقدامه في دروب النجاح، ثم من بعدها تمكن من الحصول على توكيل شركة الكاتربيلير..
أما قصة أسامة داوود مع القمح فهي طريفة فقد قيل أن آليات الكاتربيلير للحرث الثقيل كانت شركة دال تؤجرها لمشروع الجزيرة لعمليات الحرث الثقيل وفي أحد المواسم عجز المشروع عن الدفع نقدا وسلم قيمة إيجاراته قمحا. فاستمر يقوم بعمليات الحرث الثقيل ويستلم قمحا يقوم بطحنه .. و حدى به ذلك إلى ولوج عالم المطاحن و الدقيق وكانت سيقا..
هذه صورة لداوود عبداللطيف
الوقوف سوارابي مدير الشرطة وداوود عبداللطيف مدير مديرية كسلا، الجالسون الفريق إبراهيم عبود قائد الجيش آنذاك وبجواره اللواء أحمد عبدالوهاب، الصورة في عام 1957
|
|