Post: #1
Title: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:36 AM
يعني بعد اكثر من تلاتة سنين من فتح البلاغ صحيتو اليوم وعايزين الجمهور يساعدكم في القبض على المتهم
|
Post: #2
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:38 AM
Parent: #1
نفترض انو المتهم ده هبر ليهو مليار جنيه بس في 2008 وحولها لدولارات بسعر الدولار في ذلك الوقت تقريبا 2600 جنيه واحتفظ بيها دولارات وما عمل بيها ايووووو حاجة
تجي النيابة تفتش ليهو في نهاية 2011 ونقوم نحن يا الجمهور نساعدها ونقبض لها الزول ده يقوم المتهم يقول ليهم عايزين شنو مش ملياركم ده اها هاكم ليهو (طبعا بكون باع دولاراتو ديل بسعر معتصم نيستا البجيبو لينا ده ) بكون بالميت كدة عمل ليهو 730 مليون جنيه
|
Post: #3
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:41 AM
Parent: #2
او الموضوع يكون الحاجة الخاتيها انا في راسي دي
وهي انو الجماعة ديل فقدوا الضهر الكانو متكلين عليهو في التغيير الوزاري الاخير
وناس النيابة والبنك لقوها فرصة
|
Post: #4
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:48 AM
Parent: #3
انا من امس بضرب كف بي كف لانو لقيت الاعلانين ديل في جريدة الرائد
بلاغين مفتوحات من 2008 و2009 والنيابة يا دوب صحت اليوم عايزانا نحن الجمهور نجيب ليها الناس دي
ابينا ما بنجيبهم
|
Post: #5
Title: Re: نيابة مخالفات الجهاز المصرفي : إعلان لمتهم هارب
Author: Alshafea Ibrahim
Date: 12-21-2011, 05:59 AM
Parent: #4
تحياتي ياهندسة ...
الموجودين عملوا ليهم شنو ؟
فعلا أنا لو محل الهارب ده بمشي برجع ليهم قروشهم مع أرباحها كمان ...
قال مخالفات الجهاز المصرفي قال ..
الشفيع
|
Post: #6
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 06:24 AM
Parent: #5
تحياتي يا شفيع
| Quote: فعلا أنا لو محل الهارب ده بمشي برجع ليهم قروشهم مع أرباحها كمان |
ارباحها شنو كمان البرجعها ليهو
ده حيجيهم بالفقه ويقول ليهم (ولكم رؤوس اموالكم )
سؤال كدة للعلم هل في القانون في مدة معينة لا يحق قبلها لصاحب نشر اعلان لمتهم هارب ؟
يعني مثلا لا يحق لصاحب الحق في النشر في الصحف الا بعد مرور مدة كذا
|
Post: #7
Title: Re: نيابة مخالفات الجهاز المصرفي : إعلان لمتهم هارب
Author: هشام المجمر
Date: 12-21-2011, 06:39 AM
Parent: #6
يا محمد
سلام
وانت داسى الاسماء لييه؟
ديل تم نشرهم فى جريدة تقوم تدسهم هنا
هؤلاء الهاربون لا يستحقون الستر فانشر الاسماء باركك الله
|
Post: #8
Title: Re: نيابة مخالفات الجهاز المصرفي : إعلان لمتهم هارب
Author: Ahmed musa
Date: 12-21-2011, 06:48 AM
Parent: #7
Quote: سؤال كدة للعلم هل في القانون في مدة معينة لا يحق قبلها لصاحب نشر اعلان لمتهم هارب ؟
يعني مثلا لا يحق لصاحب الحق في النشر في الصحف الا بعد مرور مدة كذا |
لا
ممكن بعد كم يوم تنشر
فقط النيابة تتاكد انك مخفي نفسك
في سؤال تاني ..؟!!
|
Post: #9
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 06:49 AM
Parent: #7
تحياتي يا مجمر
| Quote: هؤلاء الهاربون لا يستحقون الستر فانشر الاسماء باركك الله |
لوووول يا مجمر
ديل سمك صغير جدا والدليل انو نشرو ليهم اعلانات هروب من بلاغات
|
Post: #10
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 06:57 AM
Parent: #9
جيت والله جابك يا احمد موسى
انا سالت كدة عشان ما داير اظلم ناس نيابة الجهاز المصرفي
وقلت يمكن مقيدين بمادة في القانون تمنعهم من الننشر الا بعد مضي مدة معينة سنتين مثلا
| Quote: في سؤال تاني ..؟!! |
ايوة هسي المتهم ده لو رجع للناس ديل راسمالهم واحتفظ بالارباح بديهو كم سنة سجن وبعده يطلع ويتمتع بالقروش دي لووووول
لانو بصراحة شيطاني بيغوي فيني اجرب الموضوع واختصر غربتي دي :)
|
Post: #14
Title: Re: نيابة مخالفات الجهاز المصرفي : إعلان لمتهم هارب
Author: Ahmed musa
Date: 12-21-2011, 07:35 AM
Parent: #10
Quote: ايوة هسي المتهم ده لو رجع للناس ديل راسمالهم واحتفظ بالارباح بديهو كم سنة سجن وبعده يطلع ويتمتع بالقروش دي لووووول
لانو بصراحة شيطاني بيغوي فيني اجرب الموضوع واختصر غربتي دي :) |
محمد علي شكلك مكنتك خفّت
يازول السؤال المهم
المتهمين الهاربين ديل هل عندهم ضمانات ؟
وهل الضمانات دي كافية ؟
لو كافية إنت كايسهم مالك ..؟ ماتنفذ على الضمانات ؟
ولو ما كافية ..ليه ما كافية ؟ والاداهم بدون ضمانات كافية ده ما يتحاسب ليه ؟
محمد علي
يا أسأل اسئلة في العضم يا كمان امرق من البوست ده
ـــــــــــ
دينا خالد
إنتي بتردي على ناس المجمر وبتتجاهلي (مستشار) البوست القانوني ليه .؟؟
جاوبي ..!!!
|
Post: #11
Title: Re: نيابة مخالفات الجهاز المصرفي : إعلان لمتهم هارب
Author: عبدالكريم أحمد الامين
Date: 12-21-2011, 07:02 AM
Parent: #7
Quote: او الموضوع يكون الحاجة الخاتيها انا في راسي دي
وهي انو الجماعة ديل فقدوا الضهر الكانو متكلين عليهو في التغيير الوزاري الاخير
وناس النيابة والبنك لقوها فرصة |
** الباشمهندس محمد إبراهيم..
** سلام وصباحك خير..
## الحاجه الخاتيها فى رأسك هى الأقرب للصواب فى دولة الفساد والإفساد...(والماعندو ضهر يشوف ليهو ضهر)
** أزيدك من الشعر بيت :- أحد أثرياء الحرب الجُُـدد الذين ظهرو فى عهد الإنقاذ كرجل أعمال وشاعر وقطب رياضى عليه بلاغات شيكات مُرتجعه بمبالغ لاأستطيع كتابتها لكثرة الأصفار التى أمام الأرقام ,, والنائب العام حضر ليهو فى عزاء أمو مع كل اثرياء الحكومه ,, (علماً بأن هنالك تعميم بالقبض عليه على ذمة هذه البلاغات) ,, وحاتك النائب العام كان "سبدرات" حفظ البلاغات .... ودقى يامزيكا ... وهووووووى ياليلى وبرضو بالقانون.
## السؤال الذى لم أجد له إجابه:- كيف لهؤلاء المواطنيين مُُحررى البلاغات ضد الوجيه المذكور الحصول على حقهم بعد حفظ النائب العام بلاغات الشيكات وتم كف البحث عن المشكو ضده؟؟؟ (من أقوال النائم"النائب" العام "السابق":- المال تلتو ولا كتلتو)
(ودام الود بيننا)
(ابو محمد فؤاد)
(التعديل لشطب حرف )
|
Post: #12
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 07:18 AM
Parent: #11
تحياتي ابو محمد الماكيكي
| Quote: الحاجه الخاتيها فى رأسك هى الأقرب للصواب فى دولة الفساد والإفساد |
كويس انك رجحت مسالة فقدان الضهور عشان الواحد سيستمو ما يتلخبت وكدة ويفتكر انو الكيزان ديل ربنا هداهم
وبقو بيخافو الله
واحد صاحبنا دكتور بيحكي انو كان عندو (بيشنت) بياتبع فيهو ايام فترة الامتياز وفي دوا معين كدة مفروض ما يدوهو ليهو لانو حسب ما قرا في الكلية انو المريض بالمرض الفلاني لو اخد الدوا الفلاني ده بيؤدي لموتو
اها جاهو الممرض وقال والله يادكتور العيان بتاعك ده امس اديناهو الدوا الفلاني
صاحبنا بسرعة رد ليهو وقال (وطبعا مات مش كدة )
الممرض قال ليهو (ايوة )
رد الدكتور بتنهيدة (ايوووا عشان ما تلخبت لي القريتو في الكلية )
|
Post: #13
Title: Re: نيابة مخالفات الجهاز المصرفي : إعلان لمتهم هارب
Author: دينا خالد
Date: 12-21-2011, 07:28 AM
Parent: #7
بالمناسبة يا ابراهيم وهشام المجمر
الناس البعلنوا عنهم ناس نيابة المصارف ديل
ناس مساكين اقترضوا من البنوك اموال غالبا بتكون صغيرة
او ما يسمى بالتمويل الاصغر وتعسروا فى السداد
مرات بتكون سيارات غالبها كورية كلهم بودوهم نيابة المصارف
ودا بشكل غالبية شغلها
يعنى مافى ضرورة لايراد الاسماء
التماسيح الكبار ما بتحاكمو ..
وكل ما يجى اخر سنة البنك بجيبها فى الصغار ديل
ـــــــــــــــ
بالمناسبة هل ما زال ناس نيابات المصارف ومحاكمها
بتمارس عملها داخل بنايات تابعة للمصارف وبتدفع رواتبهم
المصارف ؟؟ فيصبحوا بذلك الخصم والحكم ؟؟ مما اثار موجه
اعتراضات قانونية كتيرة فى السابق ؟
|
Post: #15
Title: Re: نيابة مخالفات الجهاز المصرفي : إعلان لمتهم هارب
Author: فايزودالقاضي
Date: 12-21-2011, 07:36 AM
Parent: #13
حجب الاسماء يعتبر تستر على مجرمين يامحمد بحسب المادة 12 من الفصل التاسع من قانون 2010م
تحياتي ،،
|
Post: #16
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 07:47 AM
Parent: #13
تحياتي دينا
انا فعلا قصدت عدم ايراد الاسماء تحرزا
واذا كانوا فعلا كما ذكرتي فالحمد لله اني ما جبت اساميهم
انا بس لفت نظري انو البلاغات مفتوحة من 2008 و2009 والنيابة يا داب صحت في اخر 2011 بتفتش عيهم
Quote: بالمناسبة هل ما زال ناس نيابات المصارف ومحاكمها
بتمارس عملها داخل بنايات تابعة للمصارف وبتدفع رواتبهم
المصارف ؟؟ فيصبحوا بذلك الخصم والحكم ؟؟ مما اثار موجه
اعتراضات قانونية كتيرة فى السابق ؟ |
نحن وبلا فخر خصخصنا نظام التقاضي كاول دولة في العالم ودي مفروض نخش بيها موسوعة جينس
اي مؤسسة حكومية او شركة عملت ليها محمكة ونيابة وشرطة
لكن في النهاية لما يكون فيها سجن بودوهم السجن بتاعنا البندفع ليهو ده
فمفروض انو يعملو ليهو شرطة سجون وسجون ويدفعو ليها
كان في نيابة ومحكمة لسوداتل وناس الكهرباء برضو كان عندهم محكمة ونيابة
وناس البنوك برضو ما قصرو
والمحليات برضو لكن محمكتهم طبعا عدالة ناجزة يعني يا تدفع يا تنجلد وتخش السجن
لكن اظنهم بحفزو الجلاد
|
Post: #17
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 07:57 AM
Parent: #16
| Quote: يا أسأل اسئلة في العضم يا كمان امرق من البوست ده |
وفي اعضم من انو اسالك لو في طريقة اهبر لي هبرة
وبعد كم سنة ارجع للناس قروشا واستمتع بالارباخ في ارخبيل الجزر الماليزية (او اي ارخبيل تاني عشان نجاة محمود ما تزعل)
انا بديك البوست لله كدة بس شوف لي قرض بدون ضمانات والاهم تضمن اعلاني يطلع بعد 2015 وليك 10% من الارباح لووووول
|
Post: #18
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 08:05 AM
Parent: #17
ود القاضي يا مهمش
نحن كجلابة وابناء مركز نتبع فتوى شيخنا ولا نتبع مثل هذه القوانين الوضعية لوووول
قال شيخنا ومجدد عصره ابراهيم غندور
| Quote: في المؤتمر الوطني لجنة داخلية تسمى لجنة المحاسبة وهي فاعلة في كل ما يصل إليها من مستندات ولكن لا تعلن نتائجها على كل المواطنين |
|
Post: #19
Title: Re: نيابة مخالفات الجهاز المصرفي : إعلان لمتهم هارب
Author: أيمن الطيب
Date: 12-21-2011, 09:01 AM
Parent: #18
يا محمد سلامات,,
الضمانات ممكن تكون مثلا بيت فى جبرة تمنو 300 مليون يقومو يلعبو ليك شوية فى الأصفار ونوع العملة!!
فهمت!!!
بعدين القصة وما فيها إنو الناس دى ضهرا إنكشف والغتا وقع فكان لزاما أن يبدأوا فى إبتزازهم!!
واحد صاحبنا أخد مرابحة من بنك وكانت تلاتة مليار وشغال تمام التمام باقلى ليهو مليار ويخلص مع البنك وحصل غلاط ومشكلة ومدير الفرع أقنعو بإنو يختفى شوية وهو حا يحلها وطلب منو يطلع من البلد اسبوعين تلاتة,,
الراجل سمع نصيحة المدير وسافر وبقى يساكك فيهو من برة وبعد تلاتة |سابيع المدير بقى قافل تلفونو وما برد,,
بعد شهر وأسبوع الراجل قلق وركب الطيارة ورجع البلد وعلى الفرع راس,,
المدير غضب وزعل وقال ليهو الجابك شنو هسه ؟؟؟!!! ياخ أنا ما قلت ليك أصبر!!!
بعد يومين تلاتة إكتشف إنو المرابحة بقدرة قادر بقت فى أوراق البنك 13 مليار وإكتشف إنو هو ما سدد أى مبلغ حتى تاريخه وهو معلن متهم هارب (فقط فى أوراق البنك)
اللفخة كانت داخلية مية المية وعدد من موظفى البنك متورط تماما...
قصص البنوك والمرابحات والسرقات حا تبدا تدور من تانى طالما السخانة حصلت وإختلف اللصوص,,,
بيوت إتهدمت وأسر تشردت بسبب سياسات البنوك الغير مسؤولة تجاه الأموال واللعب والمغامرات
من بعض الذين أغرتهم البنوك بتساهلها وإنقلابها عليهم لاحقا,,
تحياتى,,
|
Post: #20
Title: Re: نيابة مخالفات الجهاز المصرفي : إعلان لمتهم هارب
Author: Hisham Ibrahim
Date: 12-21-2011, 10:50 AM
Parent: #16
| Quote: لكن اظنهم بحفزو الجلاد |
القاضي ذاتو عندو نسبه في الغرامات البيحكم بيها والله ...
غايتو كم كدا وينزل عطاء إدارة القضاء السوداني .. زي دندش للمزادات ..
قُضاة البيض والدجاج اللاحم ديل ...
ياخ اقول ليكـ دي وما عاوزكـ تصدقها !
مرافق الحكومه لمن يكون عندها مصالح مع مصلحه حكوميه تانية بتدفع عشان شُغلها يتقضي ...
والله دي لو ما قالها لي زول ثقه وسمعها وعيشها بي نفسو ما أصدق كان اجرو لي صداقه ذاتو ...!!
إنت بس من السودان وتدي ربكـ العزيز القدير العجب العجاب ...
مودتي قدر فساد البلد المتوسد فيها ذاتو ...
|
Post: #21
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:45 PM
Parent: #20
تحياتي ايمن
| Quote: الضمانات ممكن تكون مثلا بيت فى جبرة تمنو 300 مليون يقومو يلعبو ليك شوية فى الأصفار ونوع العملة!! |
تعرف واحد من البلعبو ديل ينوبك ثواب نحاول نلحق لينا شلية
حتى لو واحد زي زولك الفوق يديك تلاتة مليار ويسجلا عليك 13 لوووول
النظام المصرفي عندنا قاعد في الهوا ساي وما في عاقل بمشي يخت قروشو في البنك عشان يجو يتجدعو بيها بني كوز
ويجي في الاخر يطلعوها ليهو كسور وبواقي
ونجي نحن نلقى نيابة المصارف جاية بعد 3 سنوات تعلن الجمهور الكريم عشان يساعدها في القبض على المتهم
|
Post: #22
Title: Re: نيابة مخالفات الجهاز المصرفي : إعلان لمتهم هارب
Author: محمد إبراهيم علي
Date: 12-21-2011, 05:55 PM
Parent: #21
سلامي هشام
Quote: القاضي ذاتو عندو نسبه في الغرامات البيحكم بيها والله ...
غايتو كم كدا وينزل عطاء إدارة القضاء السوداني .. زي دندش للمزادات |
انا لله وانا اليه راجعون
زي ما قالت دينا فوق ناس نيابة المصارف ديل مرتباتهم وحوافزهم بتجي من المصارف زاتا
وهنا انهدم اهم ركن من اركان العدالة
فكيف بالله يقبل قاضي ان ياخذ من ريع قضايا من يقعون تحت رحمته من صغار الباعة الذين ياتي بهم عسس المحلية
|
Post: #23
Title: Re: نيابة مخالفات الجهاز المصرفي : إعلان لمتهم هارب
Author: معاوية عبيد الصائم
Date: 12-21-2011, 06:16 PM
Parent: #21
Quote: تعرف واحد من البلعبو ديل ينوبك ثواب نحاول نلحق لينا شلية
|
والله زولك ده تلقى متكل مع واحد من ناس نيابة المصارف ديل
زيتنا فى نيابتنا...هسى لو زول ما مسدد قسط بيت من بيوت البنك
العقارى رحمة الله عليه ..اكان زماااااااااان نكتو ..وانجدع فى السجن
ناس زى ديل ينسال منهم صديقى (الدغرى) باوقيشن ..
يازول سلام
|
|