السودانية المشاركة في برنامج عرب ايدول ( فيديو ) ..!!

السودانية المشاركة في برنامج عرب ايدول ( فيديو ) ..!!


12-11-2011, 03:00 AM


  » http://sudaneseonline.com/cgi-bin/sdb/2bb.cgi?seq=msg&board=350&msg=1323568853&rn=0


Post: #1
Title: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:00 AM

اظنها مُفتكرة الموضوع برنامج نجوم الغد ..

Post: #2
Title: Re: السودانية المشاركة في برنامج عرب ايدول ( فيديو ) ..!!
Author: محمد زكريا
Date: 12-11-2011, 03:08 AM
Parent: #1

Quote:
اظنها مُفتكرة الموضوع برنامج نجوم الغد ..

او
مفتكره نفسها ممكن تكون ايدول العرب
احلام سودانيه


كل شىء جائز ولا داعى للاندهاش

Post: #3
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:19 AM
Parent: #1

نسبة اقبال مذهلة على مشاهدة البوست من القُراء ..
اممممك (1111) مشاهدة خلال دقايق معدودة ..
غايتو لو ده تصويت كانت فازت بالجائزة بدون شك ..
بكري : حلفتك ياخ المنبر بكامل قواه العقلية ..؟؟

Post: #4
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:28 AM
Parent: #3

Quote: او
مفتكره نفسها ممكن تكون ايدول العرب
احلام سودانيه
كل شىء جائز ولا داعى للاندهاش
الطموح شئ جميل يا محمد ..
بس الاستعداد والتجويد لابد منهما في مسابقات زي دي ..
اللجنة مكونة من فنانين عمالقة في الساحة العربية ..
والمتسابقة ماخدة الموضوع ببساطة زايدة عن حدها ..
غايتو احراج ما ليهو اي لزوم للسودان والسودانيين ..

Post: #5
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:32 AM
Parent: #4

رابط الفيديو : http://www.youtube.com/watch?v=jIo_I1CVpso

Post: #6
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:42 AM
Parent: #5

معلوم ان راغب علامة له رأي في المرأة السودانية ..
ولكن الحق يقال : المتسابقة لم تكن على مستوى الحدث ..

Post: #7
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:45 AM
Parent: #6

للمشاركة من خارج المنبر : [email protected]

Post: #9
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 03:49 AM
Parent: #7

لماذا ادت المتسابقة اغنية مصرية وليست سودانية ؟؟
علماً بأن لجنة التحكيم تضم الملحن المصري حسن الشافعي ..

Post: #24
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 08:25 AM
Parent: #9

<<<<

Post: #8
Title: Re: السودانية المشاركة في برنامج عرب ايدول ( فيديو ) ..!!
Author: Tragie Mustafa
Date: 12-11-2011, 03:48 AM
Parent: #3

الاخ عوض عكاشه
سلامات
اتمن ان تضعها في مقام ابنتك وتفكر باي قلة ادب واستهزاء تعاملوا معها!


الي(سلمى السودانيه)في عرب ايدول لا تهتمي لصعاليك لبنان هؤلاء!

Post: #10
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 04:08 AM
Parent: #8

مرحبتين ام حازم ..
امر المشاركة يهم الشعب السوداني ويتفاعل معه ..
متسابقتنا السودانية سلمى لم تعي جيدا فيما تشارك ..
وهنا يكمن الفرق بيننا وبين الآخرين وسيظل ...
هؤلاء يعون ويعرفون كيف يسوقون لما يعرضون ..
سلمى لم تظهر بمظهر جيد على كافة المستويات ..
ابتداءً من تسريحة شعرها مرورا بتعابير وجهها ..
وصوتها المنخفض الذي لايناسب هكذا مناسبة ..
وانتهاءً بإختيارها لاغنية مصرية في تجربة الاداء ..
هي في مقام اختي ولم ولن اتعرض لشخصها وشكلها ..
ولكن لي حق ابداء الرأي فيما قامت به خلال مشاركتها ..

Post: #11
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 04:30 AM
Parent: #10

Quote: السودانية ثلمى في عرب ايدول ‫‬
هذا هو عنوان الفيديو على اليوتيوب ..
سخرية نتجت عن اخطاء اثناء المشاركة ..

Post: #12
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 04:43 AM
Parent: #11

كنا نتمنى سلمى في هذا الموقف ..
الذي جاء بتكاتف الشعب السوداني ..
مع المتألق خالد حسن .. ولكن ..

khalid.JPG Hosting at Sudaneseonline.com

_______________________
الصورة من بوست للزميل شهاب الفاتح عثمان

وكان نصرنا خالد! ، تهنئه بحجم وطن، فريق شمال افريقيا يحصد الفــوز!.

Post: #13
Title: Re: السودانية المشاركة في برنامج عرب ايدول ( فيديو ) ..!!
Author: القلب النابض
Date: 12-11-2011, 05:23 AM
Parent: #12

صوتها ما حلوا خالص ولو كان المحكم سوداني ما كان حيمشيها خطوة

يعني مجاملات واحتجاج في الفاضي ما عايزين

كثيرين بيطلعوا حتى في تلفزيون السودان من اول غنية بيغنوها


المهم انها ما عندعا حاجة يدافعو ليها بيها امكاتيها صوتها زيرو

ما اي زول عشان سوداني بيطلعوه وما اي زول عشان سوداني (بس) نقول ليهو برافو

دي زيها وزي اي امتحان لاي مادة والفن ما لعب رسالة جادة تبدأ بالموهبة وتنتهي بالالتزام بالتدريب والتجويد واحترام المشاهد واضان المستمع
هارد لك طلعت اوف

Post: #14
Title: Re: السودانية المشاركة في برنامج عرب ايدول ( فيديو ) ..!!
Author: علي جلاس
Date: 12-11-2011, 05:55 AM
Parent: #13

بصراحة كدة ثلمي دي كانت عويرة الفيلم الهندي ده....

ولا عزاء!!!!

Post: #21
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 07:37 AM
Parent: #14

Quote: بصراحة كدة ثلمي دي كانت عويرة الفيلم الهندي ده....
ولا عزاء!!!!
سلمى استسهلت الامر زيادة عن اللزوم ..
وكانت النتيجة المحتومة خروجها من المنافسة ..

Post: #15
Title: Re: السودانية المشاركة في برنامج عرب ايدول ( فيديو ) ..!!
Author: حاتم يوسف العبيد
Date: 12-11-2011, 06:04 AM
Parent: #13

تماماً ....
ماعندها أي علاقة بالغنا .. وصوتها ... للتصويت ماينفع (رأي شخصي وغير متخصص + أضان سمييعة)
...
أما حكاية ... راغب علامه عنده رأي في السودانيات ... ونظرية المؤامرة ... ده كلللله كلام فارغ ...
والدليل على كده ... بعض المتسابقين برضه الماعندهم موهبة ... أخدوا نصيبهم أكتر من ثلمى الثيد من الثودان ..

الزولة دي ماعندها أي موهبة ... ولو كانت في نجوم الغد ... كان أ/محمد سليمان ... مسح بيها الأرض ...

أظنها ... فاكرة الحكاية هزار ... ومتأسف الماجيت .....(الله يرحم زيدان) ...

____
صديقنا / عوض .... سلامات

..

Post: #16
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 06:34 AM
Parent: #15

شكرا القلب النابض / علي / حاتم ...
مشغول شويتين .. برجع ليكم ..

Post: #17
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 06:39 AM
Parent: #16

فوق..

Post: #18
Title: Re: السودانية المشاركة في برنامج عرب ايدول ( فيديو ) ..!!
Author: هويدا شرف الدين
Date: 12-11-2011, 06:50 AM
Parent: #15

الحصل في البرنامج دا ما عشان سودانيه ولا غيرها المتابع لكل هذه البرامج يجد الحكام هذا ديدنهم مثلا برنامج American Idool و So you think you can dance و America got talent وكان سبق وأنو في برنامج Arab got talent فالحكم أصلا بسخروا من المشاركات الفي غير محلها والزوله دي اذا سودانيه او لا ما عندها موهبه خالص والحصل دا طبيعي في البرنامج التي علي ذات النهج

Post: #19
Title: Re: السودانية المشاركة في برنامج عرب ايدول ( فيديو ) ..!!
Author: معاوية المدير
Date: 12-11-2011, 07:00 AM
Parent: #18



أها، قلينا ليكم الفيديو عشان تتقلقلوا
كويس.
إتفضلوا...

Post: #38
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-13-2011, 00:20 AM
Parent: #18

Quote: الحصل في البرنامج دا ما عشان سودانيه ولا غيرها المتابع لكل هذه البرامج يجد الحكام هذا ديدنهم مثلا برنامج American Idool و So you think you can dance و America got talent وكان سبق وأنو في برنامج Arab got talent فالحكم أصلا بسخروا من المشاركات الفي غير محلها والزوله دي اذا سودانيه او لا ما عندها موهبه خالص والحصل دا طبيعي في البرنامج التي علي ذات النهج

دي حقيقة ..
الحكام بيسخرو من المتسابق احيانا ..
بعيدا عن جنسيتو وشكلو وعرقيتو ..
خاصة لو كان الاداء بتاعو ضعيف ..
سلمى قدمت اداء لم يرضي اللجنة ..
ناتج عن ضعف موهبة وسوء تقدير ..
والطبيعى ان تستبعد من المنافسة ..

Post: #25
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 09:59 AM
Parent: #15

Quote: تماماً ....
ماعندها أي علاقة بالغنا .. وصوتها ... للتصويت ماينفع (رأي شخصي وغير متخصص + أضان سمييعة)
...
أما حكاية ... راغب علامه عنده رأي في السودانيات ... ونظرية المؤامرة ... ده كلللله كلام فارغ ...
والدليل على كده ... بعض المتسابقين برضه الماعندهم موهبة ... أخدوا نصيبهم أكتر من ثلمى الثيد من الثودان ..

الزولة دي ماعندها أي موهبة ... ولو كانت في نجوم الغد ... كان أ/محمد سليمان ... مسح بيها الأرض ...

أظنها ... فاكرة الحكاية هزار ... ومتأسف الماجيت .....(الله يرحم زيدان) ...

____
صديقنا / عوض .... سلامات
الحبيب حاتم ..
الصوت لو هو براهو سبب الاستبعاد بتكون مقبولة ..
سلمى دي شاركت لانو امها شجعتها على الغنا ..
بدون تدريب واستعداد وتجويد وقفت قدام الكاميرا ..
محمد سليمان يصل به الحد الى السؤال عن بلد المشترك ..
" يا بتي انتي اهلك من وين ؟ " في استفزار عجيب ..
ولما واحدة تتعرض لشوية سخرية بسبب ظهورها الباهت ..
يجوك ناس العرقيات والعنصرية طايرين للدفاع ..
الزولة دي فشلت في اختبار للشخصية وللصوت ..
وكونها سودانية لم يكن احد عوامل الفشل ابداً ..
تسلم على الطلة يا غالي ..

Post: #20
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-11-2011, 07:29 AM
Parent: #13

Quote: صوتها ما حلوا خالص ولو كان المحكم سوداني ما كان حيمشيها خطوة
يعني مجاملات واحتجاج في الفاضي ما عايزين
كثيرين بيطلعوا حتى في تلفزيون السودان من اول غنية بيغنوها
المهم انها ما عندعا حاجة يدافعو ليها بيها امكاتيها صوتها زيرو
ما اي زول عشان سوداني بيطلعوه وما اي زول عشان سوداني (بس) نقول ليهو برافو
دي زيها وزي اي امتحان لاي مادة والفن ما لعب رسالة جادة تبدأ بالموهبة وتنتهي بالالتزام بالتدريب والتجويد واحترام المشاهد واضان المستمع
هارد لك طلعت اوف
الصوت ممكن فنيا يكون ما جيد ولا يؤهل للاستمرار في المسابقة ..
لكن الموضوع انو الواحد يبرز نفسو بالطريقة الملائمة بالذات في مسابقة بالحجم ده ..
لجنة التحكيم بدأت الامر بطلب المتسابقة رفع صوتها .. ولم تفعل وكررو الطلب ..
ودي اول نقطة كانت ما في صالح سلمى لانها دلت على ارتباكها وخوفها ..
بعده جا موضوع قسمات الوجه والصوت والفعلاً لم يكن بالصوت المُستحسن ..
يعني فعلا الموضوع ما ليهو علاقة بالجنسية واللون والانتماء ..
شكراَ القلب النابض ..

Post: #22
Title: Re: السودانية المشاركة في برنامج عرب ايدول ( فيديو ) ..!!
Author: نور الدين عثمان
Date: 12-11-2011, 07:42 AM
Parent: #20

التحية لكل المتداخلين هنا ...
وصراحة سلمى كانت بتهرج وما عارف اصلا مين اقنعها انها تشارك واعتقد سلمى ماتصلح تغنى خالص لا فى السودان ولا خارجه ومن الاخر يا سلمى الله يسامحك بس ..

Post: #23
Title: Re: السودانية المشاركة في برنامج عرب ايدول ( فيديو ) ..!!
Author: صبري طه
Date: 12-11-2011, 08:00 AM
Parent: #20

شوفوا الشغل دة كيف ...



ـــــــــــ

Post: #26
Title: Re: السودانية المشاركة في برنامج عرب ايدول ( فيديو ) ..!!
Author: مُحَمَّدٍ عِوَضٌ احْمَدُ
Date: 12-11-2011, 10:57 AM
Parent: #23

والله المفروض الناس تخاف ربنا فى بناتها فى الاول..يعنى امها اقنعتها بانها صوتها حلو..وطوالى جيت طايرة تشارك
فى برنامج يقوم على التحكيم فيه اولاد الرقاصات ديل؟ ايوه سلمى ماعندها التكتح..لكن مفروض على الاقل يكون فى بروفات
لاختيار المشتركين على الاقل.
بالجد حاجة مؤلمة وتغيظ لما احنا نبقى مهزلة بالطريقة دى.

Post: #27
Title: Re: السودانية المشاركة في برنامج عرب ايدول ( فيديو ) ..!!
Author: ABUHUSSEIN
Date: 12-11-2011, 11:19 AM
Parent: #26

اها دا تقولو عليه شنو ....؟؟؟؟؟؟


Post: #28
Title: Re: السودانية المشاركة في برنامج عرب ايدول ( فيديو ) ..!!
Author: محمد زكريا
Date: 12-11-2011, 11:30 AM
Parent: #26

Quote: ولما واحدة تتعرض لشوية سخرية بسبب ظهورها الباهت ..
يجوك ناس العرقيات والعنصرية طايرين للدفاع ..
الزولة دي فشلت في اختبار للشخصية وللصوت ..
وكونها سودانية لم يكن احد عوامل الفشل ابداً ..


صباح الخير يا عوض عكاشه
ياخ انا لمن قريت بس عنوان بوستك جيت جارى وقلبى مآكلنى ما تكون المسكينة دى اتبشتنت مع العرب ديل لما نسمعه منهم عننا
وما همانى هذه السودانيه انها من وين فى السودان
تعرف مشكلتنا اننا بتضحكنا المواقف الشينه وما عارف دى اسمها سخريه ذاتيه ولا شنو
ياخ مجرد سوداني يتخت فى موقف زى ده مفروض نزعل ليها مش نتريق لانه موقف حظين ومؤلم
والطيران هنا ما كان مسأله عرقيات ولا بطيخ لكن للمسكينه الاتمرمطت دى

يا خ دى هى اللى جات طايره بى اول طياره كما قالت
وطيروها بسرعه

وانت زاتك داير تطيرها معانا من الصباح
قال ناس العرقيات والعنصريه يجوك طايرين

ياخ دى ما اخدت فرصتها من الخوف والربكه الدخلوها فيها

طيب هسه لو كانت من الهامش كان ح تقول علينا شنو يعنى

اها بالمناسبه لازم نوصى الموصلى يرعاها
لو رفض انا ح ارعاها واتبناها واحاول ان اصقل موهبتها واعيد لها الثقه فى نفسها


=======
هذا فقط لو كنت قاصدنى انا
والسلام ختام

Post: #29
Title: Re: السودانية المشاركة في برنامج عرب ايدول ( فيديو ) ..!!
Author: داليا الكباشى
Date: 12-11-2011, 11:46 AM
Parent: #26

نوهااائي الموضوع ما عندو علاقه بـ (سودانيتها) ,
ياخي هي حتى غنا سوداني ما غنتو (ما أعتقد أنو دي مشكله)

الزوله الفي الفيديو الاسمها سلمى دي , صوتها شين .. شييييييين (دا رأيي أنا كزوله ما موسيقيه)
وطبيعه البرامج دي واااحده , بتكون في فنانه (بولا عبدول .. احلام ..الخ متساهله الى حد ما) , وفي واحد مهزئاتي (الملحن المصري البي الشمال دا)
وواحد بين البينين (راغب علامه مثالا) ,

(التهزيء) والضحك هي جزء من الحبكه الدراميه لجذب الجمهور , وماعندو أي علاقه بي (جنس) أو (جنسية) المتسابق ,
معظم الناس البيتقدموا للبرامج دي , بيكونوا عارفين أنهم ممكن يتعرضوا للسخريه أو (التهزيء) في حاله عدم قبول أدائهم ,
وياتوافق عليها يا ما توافق .. والكلام دا منطبق على النسخ الامريكيه (النسخه الأصليه للبرنامج) ,
تيك ات أور ليف ات !



دي (تهزيئه) لي مواطنة الفنانه أحلام .. امارتيه http://www.youtube.com/watch?v=j9ujCo4hW-c

ودي (تهزيئه) لي فلسطيني -أردني (والله دا هزأ نفسو براهو ما أدى فرصه يهزئوهو زاتو) http://www.youtube.com/watch?v=qRiOAHx9l8s&feature=related

ودي (تهزيئه) لـ تونسي http://www.youtube.com/watch?NR=1&v=y3MYb3VAO2Q&feature=endscreen

Post: #30
Title: Re: السودانية المشاركة في برنامج عرب ايدول ( فيديو ) ..!!
Author: لنا جعفر
Date: 12-11-2011, 02:56 PM
Parent: #29

Quote:
فى برنامج يقوم على التحكيم فيه اولاد الرقاصات ديل؟ ايوه سلمى ماعندها التكتح..لكن مفروض على الاقل يكون فى بروفات
لاختيار المشتركين على الاقل.
بالجد حاجة مؤلمة وتغيظ لما احنا نبقى مهزلة بالطريقة دى.


مساكم ود يا أحباب
أولاً أخونا محمد عوض قاصد شنو بي اولاد الرقاصات؟؟العبارة دي ما استوقفت زول؟ يفترض نكون حذرين في كلامنا لانه الفنان بيشكل وجدان امة ورمز ليها احيانا
فلما تهين فنان أو مُحكّم فكأنك بتستعدى عليك كلو قواعدو الجماهيرية دي وبتخرب في سريانك الاجتماعي كسوداني يامحمد ياخوي بعدين مقولة المسيح للمجدلية بتصلُح هنا تماما ولكل امة خطلها ونُساكها وعُبادها
الكلام ده ما اظن اكون محتاجة اقول في وسطه انه الرقص ذات نفسو فن وعندو أدواتو وتنظيرو وجماهيرو ومساحتو وسط الوسائط الفنية للامم
الكلمة دي ما عادلة وممكن تكون ماحقيقية وممكن تكون ما مستوعبة الرقص ذات نفسو كواجهة ثقافية يامحمد عوض يا خوي
ثانياً لفت نظري الفيديو بتاع اخونا صبري طه
كنت متألمة وانا بشاهد في موهبة الزولة دي وثباتها ودرجة اتساقها مع احساسها في الغُنا ...متألمة لانه الشباب بيمشو مسابقات زي دي وهم مامؤهلين وما مدعومين من اي جهة ولافي اصلا جهات بترعى بجدية مواهب الشباب وبتكون حريصة تبرزهم كواجهة حضارية وثقافية لمحتوى أمة قاعدة في السودان ده من اربعة خمسة الآف سنة على الاقل
ومتألمة انه نحن كسودانيين بنخجل من هويتنا ولغتنا وموسيقانا ....يعني البت اللطيفة دي ليييييه ماغنت بلهجتها السودانية؟؟؟؟انا على فكرة زول منفتح على افكار بتاعت انه ممكن يعبر عنك اي نوع فن وبي أي لُغة لكن المسابقات دي بتطرح بلدك واسمك ......وانت اصلا متقدم كسوداني فليه تغني بلغة تانية؟؟؟؟
انا ماضد انه الناس تسمع وتغني لي اي فنان في العالم لكن المسابقات دي عندها خصوصية عالية جدا من ناحية اتاحة الفرصة ليك عشان تظهر نفسك وتحمل واجهتك الفكرية والثقافية والتراثية زاتا
دي حتة ممكن تساعد الناس البيبحثو في حتة انه الغنا السوداني ليه ماعندو تماس مع العرب....مؤذي جدا تتقدم كسوداني وتشتغل شغل بلد تانية
بالضبط كده ده بيعني انه الجيل البيشارك ده ثقته في ملامحه الوطنية متدنية وحاسس بحصار ثقافي وفني واجتماعي لكن هو مشارك في حصار نفسو بنفس نسبة نفي الآخر ليك ولكينونتك
الشي التالت الملفت برضو حكاية العُنصرية الطافية دي ياخوانا.....
صحيح ممكن الجيران الاعزاء العرب يكون عندهم فينا رأي عرقي ودي بيلمسوها الناس العايشين وسطهم بسهولة شديدة لكن ما ممكن نحن على الدوام تكون فرمالتنا للناس العنصرية...دي فكرة بقت ممجوجة...انت جوّد شغلك ولو ظلموك ارفع لافتة العنصرية وجااااهر بيها ....لكن ما ممكن انت تقدم عمل ني جداً فنيا على الاقل وتجي تحتج بالعنصرية....
تقديري للجميع وامسية سعيدة ليكم

Post: #31
Title: Re: السودانية المشاركة في برنامج عرب ايدول ( فيديو ) ..!!
Author: ساميه حامد
Date: 12-11-2011, 06:07 PM
Parent: #30

Quote: الحصل في البرنامج دا ما عشان سودانيه ولا غيرها المتابع لكل هذه البرامج يجد الحكام هذا ديدنهم مثلا برنامج American Idool و So you think you can dance و America got talent وكان سبق وأنو في برنامج Arab got talent فالحكم أصلا بسخروا من المشاركات الفي غير محلها والزوله دي اذا سودانيه او لا ما عندها موهبه خالص والحصل دا طبيعي في البرنامج التي علي ذات النهج


بالضبط ده هو الحاصل

اما بالنسبة للاخت السودانية هي الجابت لنفسها الكلام

يعني حتى الاغنية الإختارتها ما مناسبة معاها ولو إختارت اي اغنية برضو ما ها تأديها كويس

لانها ما مؤهلة وما عندها لا صوت ولا حضور ولا اي شئ

عكس البت الجابها صبري جد صوت رائع واداء جميل جدا

Post: #32
Title: Re: السودانية المشاركة في برنامج عرب ايدول ( فيديو ) ..!!
Author: Abuzar Omer
Date: 12-11-2011, 07:53 PM
Parent: #31

لنا جعفر، متعة أكبر و أكتر..

تحياتى ياخ قولتينى تماماً..

Post: #33
Title: Re: السودانية المشاركة في برنامج عرب ايدول ( فيديو ) ..!!
Author: مُحَمَّدٍ عِوَضٌ احْمَدُ
Date: 12-11-2011, 08:09 PM
Parent: #30

Quote: مساكم ود يا أحباب
أولاً أخونا محمد عوض قاصد شنو بي اولاد الرقاصات؟؟العبارة دي ما استوقفت زول؟ يفترض نكون حذرين في كلامنا لانه الفنان بيشكل وجدان امة ورمز ليها احيانا
فلما تهين فنان أو مُحكّم فكأنك بتستعدى عليك كلو قواعدو الجماهيرية دي وبتخرب في سريانك الاجتماعي كسوداني يامحمد ياخوي بعدين مقولة المسيح للمجدلية بتصلُح هنا تماما ولكل امة خطلها ونُساكها وعُبادها
الكلام ده ما اظن اكون محتاجة اقول في وسطه انه الرقص ذات نفسو فن وعندو أدواتو وتنظيرو وجماهيرو ومساحتو وسط الوسائط الفنية للامم
الكلمة دي ما عادلة وممكن تكون ماحقيقية وممكن تكون ما مستوعبة الرقص ذات نفسو كواجهة ثقافية يامحمد عوض يا خوي


الاخت لناجعفر
مساء سعيد
بشكل شخصى انالا ارى ان الرقص والشرقى بالذات نوع من الفن. بالعكس
هى متاجرة رخيصة بجسد المرأة. اتفق معك فى ان ابناء الرقاصة تقال كـ نوع
من الاهانة فى نفس البلدان التى تخص حكام البرنامج. وبصراحة وجدتها
اخف عبارة يمكن تقال فى حقهم لانو ديل ما فنانين ..ديل رباطة
وقليلين ادب. الفنان الحقيقى يحترم مشاعر البنى آدمين ولا يمكنه ان يسخر ويتعالى على الآخرين بهذه الطريقة الفظة

Post: #34
Title: Re: السودانية المشاركة في برنامج عرب ايدول ( فيديو ) ..!!
Author: لنا جعفر
Date: 12-11-2011, 09:42 PM
Parent: #33

Quote:
الاخت لناجعفر
مساء سعيد


أسعد الله مساك ياخوي بكل خير

Quote:
بشكل شخصى انالا ارى ان الرقص والشرقى بالذات نوع من الفن. بالعكس
هى متاجرة رخيصة بجسد المرأة.


بشكل شخصي ؟ ممكن اضع لرأيك اعتبار طبعاُ بس في قاعدة عريضة للفن ده من العصر العباسي والاموي قبلو....يعني في صدر الدولة الاسلامية الرقص موجود وعندو معلمينه وجمهورو والمسألة ما رأيي ورأيك المسألة أعمق من كده شوية...المسألة انه مدرج ضمن الفنون العالمية وعندو مسابقات واكاديميين ومتخصصين وشهادات....سنة سبعة وسبعين ناس سعد الله ونوس انشئو اكاديمية للرقص والفنون المسرحية مثلاً وما سمعنا اعتراضات جادة وفي مصر والشام وغيرها الرقص معترف بيهو كفن وبيمارس على رأس الاشهاد بما فيهم الحركات الاسلاموية زي اخوان مصر وناس حزب الله وبقية الاسلاميين في اي حتة وممكن استوعب انه البعض معترض عليهو لكن عمره ماكان اعتراض حدّ من نمو وانتشار الرقص بكل انواعو...طبعا في الرقص الدرامي اللي هو التعبيري وده بيعالجو بيهو النفسانيين
يبقى المسألة واقعاً متحققة وممكن تختلف حولها الآراء لكن لايمكن نقول انه مانوع من الفن طالما فرّخت المعاهد راقصات والمعاهد دي بتعطي شهادات ...على مستواك الشخصي مافيش حد بيصادر حريتك في اعتقاد ماتشاء لكن كمان ماتصادر حقنا في القول بي انه فن وعندو حيزو الجماهيري ووقعو في وجدان متذوقينه...بعدين هو اصلا عبارة عن دراما بتوصل فكرة زيو وزي اي كتاب او فيلم او اي واحدة من وسائط المعرفة
[/B
]
Quote:
اتفق معك فى ان ابناء الرقاصة تقال كـ نوع
من الاهانة فى نفس البلدان التى تخص حكام البرنامج. وبصراحة وجدتها
اخف عبارة يمكن تقال فى حقهم

أنت ليه بتهين من الاصل؟؟؟ فكرتك عشان تصل ياعوض اخوي محتاج انك ما تستعدي الناس على مشروعك ....الشتائم مابتوصل اي زول بل بالعكس بتعزلو وانت كمصلح اجتماعي او زول متدين مطالب بالحسنى ومناصحة الناس ....العنف الجسدي واللفظي بيعنو انه الزول قدراتو على الحوار هو ذات نفسو ما متيقن منها بعدين ياخ نحن في السودان ده دولة المشروع الحضاري دي مسئولة عن انحراف سلوك كتير من الناس وفي مظاهر سالبة موجودة وعارفنها وفي اشكالات شذوذ وبغاء اها بتقبل الشوام او المصريين او غيرهم يجو يشتمونا بيها؟؟؟عرفت انا قبيل استشهدت بمقولة المسيح في المجدلية ليه؟؟؟بالجد من كان منكم بلا خطيئة فليرجمها بحجر وطالما نحن بشر فنحن خطائين والشتم بيجر الشتم
بعدين انت مالفت نظرك انه الحركات الاسلامية في العالم العربي متعايشة مع الرقص والخمور وغيرهم ليه؟؟؟اي زول عشان ينفذ برنامجو محتاج يتعايش وكل زول حر في معتقدو وسلوكو والرب وحده هو البيحاسب ....الصيغ السياسية وعّت كل الاحزاب والتنظيمات انه نفي الآخر خطل ووهم وسعير بيكتوي بيهو الزول الما بيعترف بالآخر ....عمرك سمعت بسلفيي مصر مثلاً غاروا ليهم على ملهى أو مرقص؟؟؟سمعت انهم جمعوا الخمور وأبادوها؟؟؟موش وهابيين وسلفيين وعندهم دقون جاااادة؟؟؟بيقدرو على زي ده؟؟؟يللا ده اسمو التعايش المضطر انت تنتجو عشان ماتنعزل بي برنامجك
ياسيدي انت عندك رأي وانا عندي رأي يبقى رأيي أجدر بالحماية من رأيك مالم يتعارض مع رأيك وحرياتك...الدنيا ماشة كده
تحياتي أخي محمد عوض وشكراً لردك وسعة صدرك

Post: #35
Title: Re: السودانية المشاركة في برنامج عرب ايدول ( فيديو ) ..!!
Author: مُحَمَّدٍ عِوَضٌ احْمَدُ
Date: 12-11-2011, 10:28 PM
Parent: #34

يا اختنا لنا رعاك الله..
انا قلت بالنص الرقص الشرقى. لا ارى فيه اى فن..وان نزلت
نصوص مقدسة فيه لن اؤمن به.وبعدين انا ماعارف انتى كبرتى الحكاية كده ليه؟ ودخلتى فيها مشروع
حضارى وحركات سلفنجية واسلامية وماعارف شنو؟ الرقص الدارمى البعالجو بيهو ماعندى فيهو مشكلة
ولو قامت حلقة زار هسه عادى ممكن اقيف فيها. ولو لقيت قطع رحط ممكن اعاين برضو..


Quote: ...المسألة انه مدرج ضمن الفنون العالمية وعندو مسابقات واكاديميين ومتخصصين وشهادات....سنة سبعة وسبعين ناس سعد الله ونوس انشئو اكاديمية للرقص والفنون المسرحية مثلاً وما سمعنا اعتراضات جادة وفي مصر والشام وغيرها الرقص معترف بيهو كفن وبيمارس على رأس الاشهاد بما فيهم الحركات الاسلاموية زي اخوان مصر وناس حزب الله وبقية الاسلاميين في اي حتة وممكن استوعب انه البعض معترض عليهو لكن عمره ماكان اعتراض حدّ من نمو وانتشار الرقص بكل انواعو...طبعا في الرقص الدرامي اللي هو التعبيري وده بيعالجو بيهو النفسانيين



Quote: على مستواك الشخصي مافيش حد بيصادر حريتك في اعتقاد ماتشاء لكن كمان ماتصادر حقنا في القول بي انه فن وعندو حيزو الجماهيري ووقعو في وجدان متذوقينه...بعدين هو اصلا عبارة عن دراما بتوصل فكرة زيو وزي اي كتاب او فيلم او اي واحدة من وسائط المعرفة


وانا لم اصادر حقك فى القول انه فن. انتى عندك فن..؟ مافى مشكلة.. متفقين ..انا ارى العكس..وحددت نوع بالواضح الرقص الشرقى..لا يعجبنى ولا اعتقد ان هناك شخص سيشعر بالسعادة المفرطة لأن امه راقصة بارعة..وبتوصل فكر..وبتساهم فى المعرفة
عبر وسيط حساس مثل جسدها.


Quote: أنت ليه بتهين من الاصل؟؟؟ فكرتك عشان تصل ياعوض اخوي محتاج انك ما تستعدي الناس على مشروعك ....الشتائم مابتوصل اي زول بل بالعكس بتعزلو وانت كمصلح اجتماعي او زول متدين مطالب بالحسنى ومناصحة الناس ....العنف الجسدي واللفظي بيعنو انه الزول قدراتو على الحوار هو ذات نفسو ما متيقن منها بعدين ياخ نحن في السودان ده دولة المشروع الحضاري دي مسئولة عن انحراف سلوك كتير من الناس وفي مظاهر سالبة موجودة وعارفنها وفي اشكالات شذوذ وبغاء اها بتقبل الشوام او المصريين او غيرهم يجو يشتمونا بيها؟؟؟عرفت انا قبيل استشهدت بمقولة المسيح في المجدلية ليه؟؟؟بالجد من كان منكم بلا خطيئة فليرجمها بحجر وطالما نحن بشر فنحن خطائين والشتم بيجر الشتم
بعدين انت مالفت نظرك انه الحركات الاسلامية في العالم العربي متعايشة مع الرقص والخمور وغيرهم ليه؟؟؟اي زول عشان ينفذ برنامجو محتاج يتعايش وكل زول حر في معتقدو وسلوكو والرب وحده هو البيحاسب ....الصيغ السياسية وعّت كل الاحزاب والتنظيمات انه نفي الآخر خطل ووهم وسعير بيكتوي بيهو الزول الما بيعترف بالآخر ....عمرك سمعت بسلفيي مصر مثلاً غاروا ليهم على ملهى أو مرقص؟؟؟سمعت انهم جمعوا الخمور وأبادوها؟؟؟موش وهابيين وسلفيين وعندهم دقون جاااادة؟؟؟بيقدرو على زي ده؟؟؟يللا ده اسمو التعايش المضطر انت تنتجو عشان ماتنعزل بي برنامجك
ياسيدي انت عندك رأي وانا عندي رأي يبقى رأيي أجدر بالحماية من رأيك مالم يتعارض مع رأيك وحرياتك...الدنيا ماشة كده
تحياتي أخي محمد عوض وشكراً لردك وسعة صدرك


لم اطرح نفسى كـ مصلح اجتماعى وانا لست متديناً بالكاد اصلى صلواتى المفروضة
ومادام الرقص الشرقى يعتبر فن راقى فـ يبدو اننى لم اقوم باهانة لجنة
تحكيم البرنامج اياهو والحمدلله..
تحياتى. مرة اخرى اخت لنا

Post: #36
Title: Re: السودانية المشاركة في برنامج عرب ايدول ( فيديو ) ..!!
Author: Tragie Mustafa
Date: 12-11-2011, 11:47 PM
Parent: #13

القلب النابض

ربنا يختي يضوقك غلاوة الجنا وتعرفي انه الامر لا مجاملات لا غيره لكنه وعي

بحقوق ابناء .....الناس وبناتهم لا اكثر.

Quote:

صوتها ما حلوا خالص ولو كان المحكم سوداني ما كان حيمشيها خطوة

يعني مجاملات واحتجاج في الفاضي ما عايزين

كثيرين بيطلعوا حتى في تلفزيون السودان من اول غنية بيغنوها


المهم انها ما عندعا حاجة يدافعو ليها بيها امكاتيها صوتها زيرو

ما اي زول عشان سوداني بيطلعوه وما اي زول عشان سوداني (بس) نقول ليهو

برافو
دي زيها وزي اي امتحان لاي مادة والفن ما لعب رسالة جادة تبدأ

بالموهبة وتنتهي بالالتزام بالتدريب والتجويد واحترام المشاهد واضان المستمع

هارد لك طلعت اوف
وممكن تثبتي باقتباسات من القال ليها برافو؟!

عشان سودانيه ولا عشان غيره؟!

Post: #37
Title: Re: السودانية المشاركة في برنامج عرب ايدول ( فيديو ) ..!!
Author: القلب النابض
Date: 12-12-2011, 02:06 AM
Parent: #36

هلا تراجي مشتاقين ياخي

آمين على الدعوة الطيبة دي,,,وربنا يحفظ ليك العندك ويديهم الصحة والعافية

في مسائل الفن دي ماف زول بيجامل يعني ما جاملوها ولا حيجاملوها ودي طبيعة البرنامج ما اظنك متابعة البرامج الشبيهة في القنوات الامريكية او غيرها

أصلا لجنة التحكيم بتكون كدة بايجة وجافة ومحرجة (ماشفتي سايمون)
مرات المشاهد العادي بيضايق لمازول ما قدر الحكاية يجي يعمل فيها شاعر او فنان اوغيرة.
اصلا الفن دي الحتة الوحيدة البتكون فيها فنان بتجبر الناس تسمعك ماعندك حاجة الناس مابتقيف عندك كتير وتعبر كما العابرين بلاشئ
تحياتي

Post: #39
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-13-2011, 01:09 AM
Parent: #37

مشاركة وردتني عبر الايميل ..
استأذنكم في عرضها قبل الرد على المداخلات ..
الشكر والتحية لصاحبها ..

Quote: بالطبع أساءني جدا تعليق ######رية لجنة التحكيم

أرى أنها هي السبب الرئيسي للتهكم من أدائها

لماذا ينسلخ البعض عن تراثهم وارثهم وفنهم الذي نراه جميل ويمكن تمثيلنا به

لا ادري من الذي سمح لهذه الفتاة بالمشاركة .. عموما انتكاسة جديدة السودانيين

لك الله يا سودان

تقبل التحايا

اخوك عوض الله الصلحابي

جدة

Post: #40
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-13-2011, 03:04 AM
Parent: #39

ورسالة اخرى عبر البريد الالكتروني ..
لك الشكر الجزيل اخت سوسن السر ..

Quote: السلام عليكم ورحمة الله تعالىوبركاته
لك التحية استاذ عوض عكاشة
والله اصابني الاستياء من هذه الفتاة لانها لم تأخذ الموضوع بجدية وكان يجب ان تخضع لتدريب مكثف للصوت تحت اشراف متخصص ليعرف طبقات صوتها وأي نوع من السلم الموسيقي يلائمها .....
وكان يجب عليها أن تختار أغنية سودانية خفيفة يمكن لجنة التحكيم أن تتقبلها بأذن صاغية لأن العرب لا يعجبهم السلم الخماسي ..... كان يجب أن تكون أكثر ذكاءا....
أما لجنة التحكيم فقد قابلتها باحترام منذ البداية ولكن ارتباكها وفشلها وعدم لباقتها في الكلام كل هذا جعلهم يضحكون ....
لقد شاهدت برامج كثيرة لهذه المسابقات وخاصة حلقات الكواليس والشهادة للحق لقد عاملت اللجنة سلمى بلطف ورقة بالنسبة لما نشاهده من متسابقين عرب في نفس موقفها ..... لكن اصبح عندنا عقدة الاضطهاد ..... وحتى لو كنا غلطانين لا نعترف بغلطنا بل نقول لا قاصدننا.....
ومن يريد ان يشارك في مثل هذه البرامج يجب أن يكون مستعد من كل النواحي حتى في( طريقة الكلام) .... لكن شغل الهبتلي دا ما بنفع ....
مع فائق التحايا
سوسن السر

Post: #41
Title: Re: السودانية المشاركة في برنامج عرب ايدول ( فيديو ) ..!!
Author: amir jabir
Date: 12-13-2011, 04:03 AM
Parent: #40

Quote: السلام عليكم ورحمة الله تعالىوبركاته
لك التحية استاذ عوض عكاشة
والله اصابني الاستياء من هذه الفتاة لانها لم تأخذ الموضوع بجدية وكان يجب ان تخضع لتدريب مكثف للصوت تحت اشراف متخصص ليعرف طبقات صوتها وأي نوع من السلم الموسيقي يلائمها .....
وكان يجب عليها أن تختار أغنية سودانية خفيفة يمكن لجنة التحكيم أن تتقبلها بأذن صاغية لأن العرب لا يعجبهم السلم الخماسي ..... كان يجب أن تكون أكثر ذكاءا....
أما لجنة التحكيم فقد قابلتها باحترام منذ البداية ولكن ارتباكها وفشلها وعدم لباقتها في الكلام كل هذا جعلهم يضحكون ....
لقد شاهدت برامج كثيرة لهذه المسابقات وخاصة حلقات الكواليس والشهادة للحق لقد عاملت اللجنة سلمى بلطف ورقة بالنسبة لما نشاهده من متسابقين عرب في نفس موقفها ..... لكن اصبح عندنا عقدة الاضطهاد ..... وحتى لو كنا غلطانين لا نعترف بغلطنا بل نقول لا قاصدننا.....
ومن يريد ان يشارك في مثل هذه البرامج يجب أن يكون مستعد من كل النواحي حتى في( طريقة الكلام) .... لكن شغل الهبتلي دا ما بنفع ....
مع فائق التحايا
سوسن السر



وشكرا
-----------------------
فيها شبه من الفنانه سهام لندن

Post: #42
Title: Re: السودانية المشاركة في برنامج عرب ايدول ( فيديو ) ..!!
Author: awad okasha
Date: 12-17-2011, 07:03 PM
Parent: #12

فووق..