Post: #1
Title: اللــواء «حطبة» مديراً عاماً للمرور
Author: فدوى الشريف
Date: 12-01-2011, 09:05 AM
| Quote: أصدر مدير عام الشرطة الفريق أول هاشم عثمان الحسين، أمس الثلاثاء قراراً بتعيين مديري إدارتي المرور والسجل المدني في أعقاب إعفاء مديريها أواخر الأسبوع الماضي، وأتى القرار باللواء عبد الرحمن حسن الشهير بـ(حطبة) مديراً لإدارة المرور، وتعيين اللوء عصام الشريف بديلاً له في الاحتياطي المركزي، كما تم تعيين اللواء صلاح خليفة واللواء ناصر كباشي بإدارة السجل المدني، وطرأ تعديل في قيادات المباحث الاتحادية بانتقال مدير الإدارة العامة اللواء فتح الرحمن عثمان مديراً للشرطة الأمينة خلفه في موقعه اللواء بابكر سمرة. |
|
Post: #2
Title: Re: اللــواء «حطبة» مديراً عاماً للمرور
Author: سيف النصر محي الدين
Date: 12-01-2011, 10:06 AM
Parent: #1
ارجو أنو ما يكون "ناشف" مع الجمهور.
|
Post: #3
Title: Re: اللــواء «حطبة» مديراً عاماً للمرور
Author: Dr. Ahmed Amin
Date: 12-01-2011, 10:18 AM
Parent: #2
يسعد صباحك يا فدوى ...
وشكرا على الخبر الجميل ده بتعيين اللواء عبدالرحمن حطبة في هذا الموقع الهام والحساس
وحطبة من أروع الناس الذين عرفتهم رجل شهم وكريم ونبيل وأخو أخوان ...
فهنيئا لإدارة المرور به .. وهو تعيين صادف أهله ...
رجل مجتهد ومخلص .. ويحب الناس ومتواضع وعالي التهذيب ..
ألف مبروك سعادتو عبدالرحمن وان شاءالله نسمع كل ما يسر الناس في عهدك
|
Post: #4
Title: Re: اللــواء «حطبة» مديراً عاماً للمرور
Author: فدوى الشريف
Date: 12-01-2011, 10:45 AM
Parent: #2
| Quote: ارجو أنو ما يكون "ناشف" مع الجمهور. |
اخى سيف النصر
شكرا على مرورك
الدكتور رد على تساؤلك عن اللواء حطبة
تحياتى
|
Post: #5
Title: Re: اللــواء «حطبة» مديراً عاماً للمرور
Author: فدوى الشريف
Date: 12-01-2011, 11:25 AM
Parent: #4
دكتور احمد
نهنى معك اللواء على هذا المنصب
واتمنى ان يكون عند حسن ظن الجميع
شكرا على البطاقة التعريفية للواء حطبة
وايضا نشكر المدير السابق للمرور ونقدر مجهوده طوال فترة عمله بالمرور لاجل الارتقاء بهذه الادارة
تحياتى
|
Post: #6
Title: Re: اللــواء «حطبة» مديراً عاماً للمرور
Author: Dr. Ahmed Amin
Date: 12-02-2011, 09:02 PM
Parent: #5
بعد تعيين اللواء عبدالرحمن حطبة ..
يا ريت يتم تعيين الفريق شرطة محجوب حسن سعد وزير للداخلية
والله الخرطوم ده تاني تمشي زي ساعة بيج بن ...
فالفريق محجوب رجل مباحث من الطرازالاول وقيادي فريد وشجاع لا يجامل
|
Post: #7
Title: Re: اللــواء «حطبة» مديراً عاماً للمرور
Author: صلاح غريبة
Date: 12-02-2011, 09:43 PM
Parent: #6
الف الف الف مبروووووووووك
ونعم الرجل المناسب في المكان المناسب
صلاح غريبة - الرياض
|
Post: #8
Title: Re: اللــواء «حطبة» مديراً عاماً للمرور
Author: عبدالعزيز عبدالله محمد
Date: 12-02-2011, 11:06 PM
Parent: #7
الشي الذي اعرفة عن اللواء عبدالرحمن حطبة
انه متواضع واخو اخوان وانسان شريف بمعنى الكلمة.
نتمنى له التوفيق
|
Post: #9
Title: Re: اللــواء «حطبة» مديراً عاماً للمرور
Author: سيف النصر محي الدين
Date: 12-03-2011, 07:31 AM
Parent: #8
يا دكتور احمد امين
هل تعرف السبب في تلقيب السيد اللواء بحطبه؟
عشان نطمن اكتر و كده.
|
Post: #10
Title: Re: اللــواء «حطبة» مديراً عاماً للمرور
Author: Hisham Ibrahim
Date: 12-03-2011, 12:35 PM
Parent: #9
| Quote: فالفريق محجوب رجل مباحث من الطرازالاول وقيادي فريد وشجاع لا يجامل |
عشان كدا حلقو ليهو .... !!
زي دا كان قالوا ليهو تعال وزير داخليه ما بيجي
النظيف ما بلطخ روحو بي الطين ...!
|
Post: #11
Title: Re: اللــواء «حطبة» مديراً عاماً للمرور
Author: Dr. Ahmed Amin
Date: 12-03-2011, 05:42 PM
Parent: #9
Quote: يا دكتور احمد امين
هل تعرف السبب في تلقيب السيد اللواء بحطبه؟
عشان نطمن اكتر و كده. |
دكتور سيف .. عساك بخير ياااخ ..
والله يا دوك انا سبب معرفتي بهذا الهمام بدأت من الثمانينات في مدينة ود مدني الجميلة
وكان زميل ورئيس لشقيقي .. فقد كان يزورنا في المنزل من وقت لآخر وربطته بالعائلة علاقات متميزة
أما لماذا لقب بحطبة ما عارف بالضبط .. لكن يمكن لأنه كان نحيف ومعضل
بس الصفات الشفتها وعرفتها فيهو من واقع معاش ومن أصدقائه إنه فعلا راجل نزيه تماما وحقاني بصورة غريبة يعني لو لقاك مظلوم
يقلع ليك حقك من خشم الأسد .. ورجل وفي لأخوانه وأصدقائه أيضا بصورة انا شخصيا ما شفتها في زول ...
وزول (درش) صاح .. يعني ممكن يكون شغال 24 ساعة من غير نوم ..
برضو يمكن عشان كدي جاء لقب حطبه ...
لو جاتك مشيه للسودان أديني خبر عشان تقدر تقابله وتشوفه بنفسك .. وتحكم عليه لمن تشوف التعامل الراقي والطيبة الأصيلة
والنشاف الجد..
أكيد إحترامي ..
|
Post: #12
Title: Re: اللــواء «حطبة» مديراً عاماً للمرور
Author: نصار
Date: 12-03-2011, 07:46 PM
Parent: #11
حطبة البعرفه راجل نظيف و مخلص للشرطة، اسم حطبة لانه ما شاء الله قوي قوة خارقة تحكى عن قوته الحكاوي.. في التمرين لو جا جمب زول ساكت بعوقه.. لكن قوته ما كان محدد شخصيته في تعامله مع الناس، و هو ضابط صغير كان بعض عتاولة مدني ما برضوا ضابط يقبضهم غيره.. اعتقد انه مهما تغير تبقى خصال حميدة فيه تميزه على قيادات الايام العلينا دي.. الف مبروك
|
Post: #13
Title: Re: اللــواء «حطبة» مديراً عاماً للمرور
Author: Abuzar Omer
Date: 12-03-2011, 07:53 PM
Parent: #12
بعد التهنئة..
أتمنى يكون فى زول حاوره، عشان نعرف أولوياته، خططه، و الآليات التى سيتبعها لمعالجة الوضع الراهن للمرور المتدنى.
و نعرف ماذا سيضيف للوظيفة الكبيرة دى..
نطمع فى خفض نسبة الحوادث القاتلة إلى النصف، نطمع!!!!
|
Post: #14
Title: Re: اللــواء «حطبة» مديراً عاماً للمرور
Author: سيف النصر محي الدين
Date: 12-03-2011, 08:48 PM
Parent: #13
Quote: لو جاتك مشيه للسودان أديني خبر عشان تقدر تقابله وتشوفه بنفسك .. وتحكم عليه لمن تشوف التعامل الراقي والطيبة الأصيلة
والنشاف الجد |
سلامات يا دكتور
غايتو بالشايفو في فوضى المرور في الخرطوم ما ظنيت في زول يقدر
ينظمها في يوم من الأيام، بس بعد المواصفات المذكورة عن الأخ حطبة هنا
في بصيص أمل و نصبر و نشوف.
و إن شاء الله في مشيتي الجاية للسودان نشوف سعادة اللواء و نتلمس مدى
نشافه عن قرب 
|
Post: #15
Title: Re: اللــواء «حطبة» مديراً عاماً للمرور
Author: فدوى الشريف
Date: 12-04-2011, 08:54 AM
Parent: #14
دكتور احمد وكل من قال كلمة حق فى المدير الجديد لادارة المرور
قالوا الكلام سمح فى خشم سيدو
والمابعرفك بجهلك
اتمنى ان يكون حطبة عند حسن ظن الجميع
|
|