هيثم مصطفى VS تشافي هيرنانديز

هيثم مصطفى VS تشافي هيرنانديز


10-12-2011, 04:30 PM


  » http://sudaneseonline.com/cgi-bin/sdb/2bb.cgi?seq=msg&board=350&msg=1318433454&rn=0


Post: #1
Title: هيثم مصطفى VS تشافي هيرنانديز
Author: صبري طه
Date: 10-12-2011, 04:30 PM



أحدهما أفنى ريعان شباب موهبته بالفردوس والآخر بالمقبرة !!!

Post: #2
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:31 PM
Parent: #1


Post: #3
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:32 PM
Parent: #2


Post: #4
Title: Re: هيثم مصطفى VS تشافي هيرنانديز
Author: طارق الكوتش
Date: 10-12-2011, 04:41 PM
Parent: #3

يا سلام يا صبرى

هنالك وجه شبه كبير فى طريقة اللعب

اى واحد منهما بكون حدد حيمرر وين قبل الكوره ما تصلو

وبحركه بسيطه بيكون اى واحد منهما فى مكان مميز وموقف مريح يسهل التمرير له


عندى بوست قديم عن هيثم مصطفى حاجيب ليك الرابط بعد شويه



شكرا يا هلالابى يا جميل

Post: #8
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:52 PM
Parent: #4

Quote: يا سلام يا صبرى
هنالك وجه شبه كبير فى طريقة اللعب
اى واحد منهما بكون حدد حيمرر وين قبل الكوره ما تصلو
وبحركه بسيطه بيكون اى واحد منهما فى مكان مميز وموقف مريح يسهل التمرير له
عندى بوست قديم عن هيثم مصطفى حاجيب ليك الرابط بعد شويه
شكرا يا هلالابى يا جميل

الحبيب طارق الكوتش ...
بالفعل هناك وجه شبه في الكونترول ...
وقد علّق المعلّق السوداني سوار الدهب على هيثم مصطفى في إحدى مباريات الفريق القومي السوداني ببطولة سيكافا للأمم والتي أُقيمت بالسودان بأن "هيثم مصطفى كأنه مركّب مرايات جنب" وهذه الصفة لم أشاهدها بإبداع وإمتاع كما شاهدتها في هيثم مصطفى ولاعب البارسا تشافي هيرنانديز ...

فمن النادر أن ترى هيثم مصطفى أو تشافي ينظرا إلى الأرض ... (الرأس - ما شاء الله - مرفوع فوق وزي مروحة التربيزة) ...


ولك ودّي ،،،

Post: #5
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:41 PM
Parent: #3

هيثم مصطفى على ويكيبيديا

طبعاً أخونا يوسف الدفينة حيغالط في تاريخ ميلاد هيثم مصطفى !!!


تشافي هيرنانديز على ويكيبيديا



ـــــــــ

Post: #6
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:47 PM
Parent: #5

عندما أرى لاعبين أمثال: سمير نصري ومايكل إسيان ... وغيرهم من اللاعبين الأفارقة الذين نُشاهدهم في الملاعب الأوروبية وضمن أقوى الفرق العالمية أستغرب على لاعبينا الموهوبين وضياع عمرهم في الملاعب السودانية التي لا تُغني ولا تسمن من جوع !!!

فهل لا توجد لدى اللاعب السوداني ثقافة الاحتراف ؟!

مثال: هيثم مصطفى

Post: #7
Title: Re: هيثم مصطفى VS تشافي هيرنانديز
Author: طارق الكوتش
Date: 10-12-2011, 04:50 PM
Parent: #6

ده الرابط الذى ذكرته فى مداخلتى اعلاه

اضغط هنا > سيدا .... الذهب الذى لا يصدأ ( توجد لقطات ساحره ... لهذا الفتى الجميل )

Post: #9
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 04:54 PM
Parent: #7

تشكر حبيبنا الكوتش على هذا الرابط ...
وإن شاء الله سأتابعه فقرة فقرة - سطر سطر - زنقة زنقة



ولك ودّي ،،،

Post: #10
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 05:01 PM
Parent: #9

هيثم مصطفى = يصنع الفارق

واللاعب الذي يصنع الفارق هو إمّا صانع ألعاب من الطراز الأول أو مهاجم موهوب يستفيد من أنصاف الفرص ...


لو تأخر هيثم مصطفى ثانية واحدة ربما دخل إمبيلي في حالة تسلسل !!!

Post: #11
Title: Re: هيثم مصطفى VS تشافي هيرنانديز
Author: صبري طه
Date: 10-12-2011, 05:04 PM
Parent: #10

تشافي هيرنانديز = يصنع الفارق ... بل أنه صنع التاريخ ودوّن فيه نفسه كأفضل صانع ألعاب في تاريخ اللعبة ...

وهو يتمتع بكنترول من النادر أن نرى مثله ...


Post: #12
Title: Re: هيثم مصطفى VS تشافي هيرنانديز
Author: عمران حسن صالح
Date: 10-12-2011, 05:20 PM
Parent: #9

Quote: اختير ليكون سفيرا للامم المتحدة للنويا الحسنة
من أندر المواهب السودانية الفذة، لديه قدره عالية على القيادة داخل الملعب وخارجه. وهو لاعب خلوق جدا لذلك أختير سفيرا للنوايا الحسنة لدى الأمم المتحدة. شارك في ثلاث نهائيات مع المنتخب الوطني السوداني، وحاز الهلال تحت قيادته على لقب الدوري الممتاز لخمس سنوات على التوالي في إنجاز كبير يحسب له شخصيا ويكتب له في سجلاته. هو ملك التمريرات السحرية, معظم أهداف ناديه تأتي عن طريق تمريراته المتقنة، التي توصل إلى مرمى الخصم مباشرة, بالإضافة إلى مقدرته في الاحتفاظ بالكرة وتهدئة اللعب, رغم هذا تظل قدر الحسنة ته غير الطبيعية في صناعة اللعب والتمريرات غير المتوقعة هي الأهم والسبب لمباشر في شهرته.


لووووووووووووووووووووول لكن
في زي كم تاشر (صفوة ) الليلة بيابو العشاء زاتو
أح
وتاني
أخ


شكراً صبري ومراحب بالكوتش طارق

Post: #13
Title: Re: هيثم مصطفى VS تشافي هيرنانديز
Author: أمجد الزين
Date: 10-12-2011, 05:40 PM
Parent: #12

صبرى يا حبيب
والله هيثم دة فنان واى حاجة
لكن الصراحة كدة فيها زيادة محلبية لمن تقارنو بتشافى
غايتو الحاجة المشتركة بيناتهم انو الاتنين لعيبة وسط

Post: #14
Title: Re: هيثم مصطفى VS تشافي هيرنانديز
Author: طارق الكوتش
Date: 10-12-2011, 07:32 PM
Parent: #13

Quote: شكراً صبري ومراحب بالكوتش طارق

تسلم يا عمران ....


يا امجد الزين الفرق الوحيد ده
سودانى وداك اسبانى ، وقيس على كده
من حيث الانضباط التكتيكى و اللياقه
البدنية و الثقافه الاحترافية وهكذا ...

لكن ده
Quote: والله هيثم دة فنان واى حاجة
كفايه

Post: #15
Title: Re: هيثم مصطفى VS تشافي هيرنانديز
Author: Magdi Ahmed Elsheikh
Date: 10-12-2011, 11:00 PM
Parent: #14

Quote: هيثم مصطفى VS تشافي هيرنانديز


موووبااااااااااااااااااااالغة......!!



غايتو يوم حتحلجو ليكم زوول ....................!!







_______
ماعندكم مارضونايا كمان....!!

Post: #16
Title: Re: هيثم مصطفى VS تشافي هيرنانديز
Author: وليد عبد اللطيف
Date: 10-13-2011, 07:25 AM
Parent: #15

ياصبري اذا شاهدتو هيثم في الهلال اقل
من ماكان يقدمة قبله من فن راقي وجميل وهو في بدايات طريقة الى النجوميه

.
.

Quote: غايتو يوم حتحلجو ليكم زوول ....................!!

ههههههههه
.
.
.
العاجبني في هيثم غير اسلوبة في اللعب شجاعته وفراسته كثيرا حاولوا النيل منه
في الهلال لدرجة عملو له مشاكل مع صديقة اي نصفة الاخر حمد كمال لاعب الهلال السابق
والان يادوب ناس مازدا بفرفروا بعد الاحداث الاخيرة
كان مفجخ كل المدربين وخاتيهم في جيبو ( ولانضمة )
قالو التور لو وقع بتكتر السكاكين
المرحوم الشيخ ادريس كباشي الرهيف الحريف هو من اكتشف هذا الموهوب
وقدمه للاهلال في طبق من ذهب ...

Post: #17
Title: Re: هيثم مصطفى VS تشافي هيرنانديز
Author: سفيان بشير نابرى
Date: 10-13-2011, 10:43 AM
Parent: #16

سلام يا صبري و تحيات

غايتو اعفيني من المقارنة بين هيثم و وتشافي


بس خليني اعلق علي كلام الصديق الجميل و ليد
عبد اللطيف الراجل الفنان :-
Quote: عملو له مشاكل مع صديقة اي نصفة الاخر حمد كمال لاعب الهلال السابق

سلام يا ولي يا عزيز
تعرف أمس المساء بنتسامر مجموعة من الاصحاب البحراويين (انا خفسته ليهم
زيارة) و الونسة كانت كلها عن الكورة بالطبع و الذكريات دورت عن الحرفاء
وعن صاحبك عبدو الشيخ و عن فايز نصرالدين و ذكرنا درر كتيرة من اولاد بحري
شويتين كدا بقينا نتكلم عن الثنائية في الكورة و انو الثنائية دي دائما
بكون فيها واحد احرف من التاني و استعدادو الذهني والبدني اكتر من التاني
بس التاني دا بكون مستوعب فردتو دا ومستوعب كل تصرفاته و بيتخيله مباشرةً
ودا نتاج الصحبة و الصداقة الطويلة و اتذكرنا بالطبع حمد و الديبة ومرينا
علي الزين آدم و العجب و هنا لاحظنا ملاحظة عجيبة جداً أنو الزين كان حريف
وجرئ و فنان مهاري و العجب كان اقله منو شوية فجأة كدا واحد قال أنتو ليه
مستغربين ياخ نسيتو حمد كمال و هيثم مصطفي ليه ؟؟؟ و واصل :- حمد كمال دا
كان منقطه رسممممي و هيثم كان يتبع خطواته و بكمل معاهو .

فعلاً لقيت كلام الصديق دا صحيح لحد كبير .



* كلامي دا ما تقليل ابداُ في حق هيثم .

و تحياتى .

Post: #18
Title: Re: هيثم مصطفى VS تشافي هيرنانديز
Author: وليد عبد اللطيف
Date: 10-13-2011, 11:41 AM
Parent: #17

Quote: علي الزين آدم و العجب و هنا لاحظنا ملاحظة عجيبة جداً أنو الزين كان حريف
وجرئ و فنان مهاري و العجب كان اقله منو شوية فجأة كدا واحد قال أنتو ليه
مستغربين ياخ نسيتو حمد كمال و هيثم مصطفي ليه ؟؟؟ و واصل :- حمد كمال دا
كان منقطه رسممممي و هيثم كان يتبع خطواته و بكمل معاهو .

فعلاً لقيت كلام الصديق دا صحيح لحد كبير .

ياسفيان ..
ياجميل يامدلل تحياتك وصلتنا عبر موثق المنبر صديقي عماد عثمان احمد
ياخي بحري تتشرف بيك وانت تعطر سماها بزيارتك الانيقة
الثنائيات في كرة القدم كثيرة وجميلة في نفس الوقت
ولكن كثيرا ما التوفيق يلعب دور كبير جدا جدا
الغريبة قبل دقائق كنت بتكلم مع نسيب الكابتن حمد كمال وبرضو زول كفر
وقلت له حمد كمال تم قتله كرويا واصابته كان ممكن تعالج لو كان هنالك اهتمام من جانب الهلال
ولكن في وقتها عشان تأديب هيثم مصطفى تم شطب حمد كمال لاضعاف شوكة هيثم مصطفى
ولكن لم يستسلم هيثم رغم فرق الامكانيات الكبيرة بين هيثم مصطفى وحمد كمال
وطبعا حمد لعب قبل هيثم وكان اساسي لفريق الامير وله دور ايجابي لانه يتمتع بالقوه وشعلة النشاط التي تتوفر به
المهم كان هو الضحية رغم امكانياته ودورة الفعال لفريق الهلال وقتها .
ياخي ناس الهلال سجلو هيثم السعودي قالو عشان يحل محل هيثم مصطفى ويخلصوا منه
طبعا هيثم السعودي لانديد له في كرة القدم غير سكسك وفايز نصر الدين
برضو فشلت المحاوله وتم شطب هيثم السعودي من كشوفات الهلال
الظروف خدمت هيثم مصطفى كثيرا في الهلال اضف الى ذلك امكنياته الكبيرة وشخصيته القوية
وفشلت كثيرا من الدسائيس التي كانت تحاك له ..
ومن هنا تحياتي للصديق الكابتن عبدو الشيخ ... الراقي اذا طولنا عنه هو من يتصل ويتفقدنا.. جزاه الله الف خير
ياسفيان انها بحري سر الهوى
( في ربو بحري لاقيتو بسم حياني حيتو)

Post: #19
Title: Re: هيثم مصطفى VS تشافي هيرنانديز
Author: صبري طه
Date: 10-15-2011, 09:01 AM
Parent: #12

Quote: لووووووووووووووووووووول لكن
في زي كم تاشر (صفوة ) الليلة بيابو العشاء زاتو
أح
وتاني
أخ

شكراً صبري ومراحب بالكوتش طارق

علينا كسودانيين وبعيداً عن تعصّب الأندية أن نفخر بأمثال هيثم مصطفى ...