اللوتري 2013 ..... مرحبا بالجميع

وهاهو موسم جديد نبدأه بكريم الدعوات وطيب الامنيات لكل اعضاء المنبر وقراءه الكرام

ساحاول في هذه المرة شرح عملية التقديم بصورة اكثر تفصيلا وتبسيطا آملا ان تعم الفائدة

الجميع.

لوتري الجن قدما له من سنة حفروا البحر ولا خبر ولا أثر

المرة دي يا الخير دعواتك معانا وان شاء الله تقديمنا سوف يكون مبكراً

Quote: لوتري الجن قدما له من سنة حفروا البحر ولا خبر ولا أثر المرة دي يا الخير دعواتك معانا وان شاء الله تقديمنا سوف يكون مبكراً

اخانا اسماعيل وراق سلامات يا رجل..... امنياتي ليك في هذه المرة الفوز
بس زي ما قلت من الافضل تقدم بدري بدري لانه ود البدري مع ولاد عمنا سام
ديل بقولوا سمين


كامل الود

الخير .. إن شاء الله تكون سنة الخير علينا وعليك

هلا يا وجه الخير


والأمنيات الصادقات لكل المتقدمين ...

الخير سلامات
يعني سوق الموبايلات لقيتو ما بقسم رجعت تاني لي مكتب الترحيلات..(وش اخدر مدور)
على العموم جناً تعرفو ولا جنا ما بتعرفو
اها امسك عندك
الجنيات ديل وابوهم وأمهم
ولو في امكانية شوف لينا طريقة للحاجّات الكبار

سلامات يا عادل

Quote: يعني سوق الموبايلات لقيتو ما بقسم رجعت تاني لي مكتب الترحيلات..(وش اخدر مدور) على العموم جناً تعرفو ولا جنا ما بتعرفو

سوق الموبايلات مااااااااا بنساه والله انشبك فيكم لامن تفيدوني افادات مفيدة ( وش اخضر ومدور خالص خالص)

Quote: اها امسك عندك الجنيات ديل وابوهم وأمهم ولو في امكانية شوف لينا طريقة للحاجّات الكبار

حبابك يا عادل وحباب الجاي من طرفك كله

مودتي

Quote: هلا يا وجه الخير والأمنيات الصادقات لكل المتقدمين ...

تسلم يا عصام


ودي

Quote: الخير .. إن شاء الله تكون سنة الخير علينا وعليك

اميييييييييين يا رب

تشكراتي وكامل الامنيات يا عبد اللطيف

يبدأ تقديم القرعة العشوائية DV- LOTTERY للعام 2013 في تمام الساعة الثانية عشر بتوقيت الساحل الشرقي للولايات المتحدة الامريكية من يوم الثلاثاء
الموافق الرابع من شهر اكتوبر للعام 2011 وتنتهي فترة التقديم في تمام الساعة الثانية عشر بتوقيت الساحل الشرقي للولايات المتحدة الامريكية في يوم
السبت الموافق الخامس من شهر نوفمبر للعام 2011 .
شهر واحد فقط

Quote: DV 2013 Program-Online Registration The online registration period for the 2013 Diversity Visa Program (DV-2013) will begin at www.dvlottery.state.gov on Tuesday, October 4, 2011, at noon, Eastern Daylight Time (EDT) (GMT-4), and conclude on Saturday, November 5, 2011, at noon, Eastern Daylight Time (EDT) (GMT-4).

امنياتي للجميع

الاخ الكريم الخير سلامات:
وشاكر مقدر لك هذا المجهود ،اخيراً قلنا نركب سفينة نوح دي عساها .............فلو أمكن رجائي ان تنشر الايميل حقك هنا من بدري لان الموقع هنا لا يفتح بالساهل

مع شكري وتقديري

تحياتي يا ابراهيم

نشرت بريدي الالكتروني في مداخلة سالفة ارجو المواصلة عبره

اها

روابط قديمة يمكن الاستفادة منها

اللـوتري 2008 مـرحبا بالجمـيع.

الـلـوتـري 2009 .. مـرحـبا بالجـمـيع.

الـلـوتري 2010 ...مرحبا بالجميع

الـلـوتـري 2011 ... مـرحـبـا بالـجـمـيـع

الـلـوتـري 2012 ..... مـرحـبـا بـالـجـمـيـع


مودتي

ايميلي الذي ستتم فيه مراسلتي لهذا العام هو

[email protected]


ارجو من الاخوة/ات الذين راسلوني قبلا في غير هذا الايميل, ان يتقيدوا
فقط بهذا الايميل عاليه فقط واكون لكم من الشاكرين

هل من تغيرات فى الشروط والصورة لهذا العام ؟
تحياتى لك اخى الخير ..... 

Quote: هل من تغيرات فى الشروط والصورة لهذا العام ؟ تحياتى لك اخى الخير .....

كيفك يا شرفي.... طبعا الموقع لسا ما فتح وما عارف لسا المطلوب شنو بالضبط
والاتغير شنو لكن باذنه تعالى حال فتح الموقع ساقوم بشرح تفصيلي لكل المتطلبات


تقبل احترامي

الرابط ادناه هو الرابط الرسمي الذي ستتم عبره المراسلات


http://www.dvlottery.state.gov/

*

فوووق عشان الحاجات تبقاء خير

الاخوةالاحباء ايوب وعمار تشكرو يا سادة لرفع البوست
وابقوا قراب عشان الحاجات تبقى اسمح

سلامات الخير
والف شكر علي مجهودك الجميل الذي تقدمه للكافه كل عام
سنجرب الحظ هذه المره .. عسي ولعل
وربنا يكتب التوفيق ان شاء الله

سلام الخير .

شكراً لك علي افادة الكثيرين داخل وخارج المنبر فهم كثُر , رسالتك وصلت للاخوان والاخوات انو التقديم بدأ .

شكراً لك .

الخير

تحياتي يا ملك ...
سؤال نرسل صور جديدة ومعلومات جديدة ولا لا؟
طبعا المعلومات الخاصة بي تغيرت

وشكراً وبالتوفيق للجميع

الاخ الخير تحياتى


ضعيت رقمى قبل اعرف نتيجة تقديمى فى اللوترى السابق
الحل شنو؟

ثانيا اشكر لك هذه الخدمة
و انا معاك و متابع حتى نقدم من جديد
تحياتى

مشكور ياعم الخير. رابط التعليمات والدول المسموح لمواطنيها بالتقديم بالاضافة للشروط موجودة باللغه العربية هناhttp://travel.state.gov/pdf/DV_2013_Arabic_instructions.pdf

سلام ياسنيرنا ....

كلاكيت ثالث مرة المهم اعدنا ارسال الصور والمعلومات ونتمنى التوفيق ...

شوف لو فى اضافات ولا تعديلات ياحبيب

الاخوة والاخوات الاحباء
نوفل عبد الرحيم حسن
رشا سوار الدهب
الامين موسى بشاري
نايف محمد حامد

مشكورين كتير للمشاركة و كلماتكم الطيبة وجد امنياتي اقدر اكون مفيد لاكبر
عدد ممكن من القراء والاعضاء في امر التقديم للوتري دا.

يا ود البشاري قلت

Quote: سؤال نرسل صور جديدة ومعلومات جديدة ولا لا؟ طبعا المعلومات الخاصة بي تغيرت

طبعا الصحيح انك ترسل صورة جديدة مصحوبة بلابديت بتاع بيناتك

اما اخانا نايف

Quote: ضعيت رقمى قبل اعرف نتيجة تقديمى فى اللوترى السابق الحل شنو؟

فدي يا نايف ما عندها حل تستعوض ربك في التقديم الفات وطوالي
وتقدم السنة دي وربنا يوفقك باذن منه تعالى.

تحيتي وامانياتي للجميع

نتوكل ونقدم يا جماعة

شكرا الخير

Quote: نتوكل ونقدم يا جماعة

طوااااااااالي يا ود الباوقة قدم وكان فزت ليك علي اعزمك ميامي بيتش
نمشي هناك نتكلم عن الوضع السياسي الراهن ههههههههههههههههههه


تحيتي

الاخ عوض يعقوب
تشكر كتير للمساهمة ووضع رابط اللغة العربية

اخانا بابكر التوم وصلت بياناتك وباذنه تعالي حا اقدم ليك
فور البدء في فتح رابط التقديم

تحيتي وودي

الاخ الخير محمد عوض لك التحية


شكرا على المجهود , فى حاجة لو عايزين نعرفها كيف وهى حصة السودان

بعد الانفصال حتنقص و لا نفسها و هى اصلا بقت فى تناقص فى

السنين الاخيرة .

الخير .. ياوجه الخير

ربنا يجزيك خير الجزاء على مجهوداتك السنوية المقدرة لإنجاح التقديم للإخوة ..

Quote: ربنا يجزيك خير الجزاء على مجهوداتك السنوية المقدرة لإنجاح التقديم للإخوة ..

تسلم يا فتح الرحمن ويا ريت اقدر اكون مفيد للجميع

سلام يا ندى

Quote: فى حاجة لو عايزين نعرفها كيف وهى حصة السودان بعد الانفصال حتنقص و لا نفسها و هى اصلا بقت فى تناقص فى السنين الاخيرة .

حقيقة انا ما متأكد من الاجابة علي السؤال دا لكن في غالب الظن انه حصة
السودان حا تكون هي نفس الحصة مناصفة بين دولة جنوب السودان والسودان
الشمالي. اما حصة السودان فهي فعلا متناقصة شديد جدا لانه السنة الفاتت
كان عدد الفائزين هو (757) مقارنة مع السنين الفاتت فعلا دا رقم بسيط
جدا خصوصا لو قارناهو ببعض الدول الافريقية الاخرى, يعني مثلا نيجيرا كان
نصيبها (6024) ومصر (4664) وكينيا (4720) وكتير جدا من الدول بيفوزوا
فيها متقدمين اكتر مننا لكن في النهاية المسالة كلها حظ يعني ممكن يتم
اختيار الزول وسط ملايين من المقدمين.


تقبلي تحياتي والاحترام

الخير اخوي

سلامات يا مان

راجع الايميل

انس الكوري

سلامات يا صديقي.... راجعت الايميل وحا اكون في انتظار باقي البيانات
وباذن الله حا اقدم ليك فور استلامي لهذه البيانات وسوف ارسل لك الكونفيرميشن نمبر





تحيتي

درجت علي ارسال الكونفيرميشن نمبر لكل الذين قمت لهم بعملية التقديم
وكنت دائما اوصي بالاحتفاظ بهذاالرقم لاهميته القصوي لكن حدث وان راسلني
كثير جدا جدا جدا من الاخوة القراء الذين اضاعوا هذا الرقم ولم يتمكنوا
من الحصول عليه في اي من مستنداتهم. وكان ردي دايما ليهم انه لو اضعت رقمك
اضعت بالتالي فرصتك لانه لا يمكن اطلاقا معرفة نتيجة تقديمك ما لم تكن محتفظ
بهذا الرقم والشي الدايما بوصي بيهو الاخوة/ات المتقدمين انه يحتفظوا بالرقم
في ايميلاتهم وفي مكان اخر للاحتياط ( مثل ماي دوكيونتس) وللا الدسكتوب عشان كان
راح من حتة يتلقي في الحتة التانية لانه لو راح كلو كلو منك ماااااااااا حاتقدر
تعرف نتيجة تقديمك كلش

واهو الخواجة ختى التحذير الصريح دا هنا وقال:

Quote: IMPORTANT NOTICE: If you have lost your confirmation information, you will not be able to check your DV entry status. We will not be able to resend the confirmation page information to you.

شكراً الخير والله انت إسم على مسمى بس مزيد من التفاصيل لانو ما حصل قدمنا قبل كدا

Quote: شكراً الخير والله انت إسم على مسمى بس مزيد من التفاصيل لانو ما حصل قدمنا قبل كدا

حاضرييييييييين يا ابراهيم حا ابدأ الشرح التفصيلي بعد ان اتاكد من بعض
المعلومات الصغيرة عشان يكون شرح متكامل.


تحيتي

الخير ابو النسب

سلامات

راجع الإيميل

،،،،أبوقصي،،،،

Quote: لوتري الجن قدما له من سنة حفروا البحر ولا خبر ولا أثر المرة دي يا الخير دعواتك معانا وان شاء الله تقديمنا سوف يكون مبكراً

الخير والجميع سلامات

حأرسل البيانات المطلوبة على الإيميل
يا ريت لو توضح البيانات المطلوبة شنو؟
ربنا يجزيك خير يا الخير

أمير جودة

الخير شكرا على المجهود

سوف ارسل ليك بينات الجواز .
سوالى كيف اقوم بارسال الصورة الشخصية وما هى مقاسات الصورة

اخو شاكر حامد

UP

UP

الاحباب:

ابو قصي ابو النسب كيفك يا حبوب راجعت الايميل ولم اجد اي رسالة منك
انت متاكد انك رسلت لي في نفس الايميل الختيتو انا في البوست دا؟
لكن للضمان كدا حا اراجع ايميلاتي القديمة احتمال تكون رسلت في واحد فيهم


الاخ عبد الصمد محمد امنياتي لك في هذه المرة بالفوز

الاخ تبلدي تسلم يا سيدي وان شاء الله الشرح حا يكون في المداخلات القادمة

الاخ شاكر حامد باذن الله حا نتوقف في موضع شرح تفاصيل الصورة كاهم جزئية
في عملية التقديم ........ خليك قريب وشكري لحسن الظن.

شرفي تسلم يا سيدي علي تعلية مقام الخيط.


تحيتي للجميع وامنياتي

الخير لماذا تعمل على افراغ النيل من اهله وتزيد من عدد مناضلي الكي بورد؟؟

هههههههههه

ياخ بوستاتك من افيد الاعمال التي يقدمها موقع على الشبكة على الاطلاق.

شكرا على هذا العمل الكبير يارجل

الاخ كمال ادريس

تحياتي يا رجل

Quote: الخير لماذا تعمل على افراغ النيل من اهله وتزيد من عدد مناضلي الكي بورد؟؟

النيل حليلو يا صديقي فضافافه الزواهر اصبحت تنوء بحمل محبيه فتفرق الناس ايدي سبأ
في فجاج اراضين الله سعيا وراء الرزق والحياة التي اغلقت ابوابها في وجوههم....

تسلم كتير يا كمال للاطراء وحسن الظن وجملني الله واياكم بما يفيد


مودتي

تم قبل قليل افتتاح رابط التقديم

حا اقوم ابدأ بشرح الاسئلة الخمسة الاولى- بالفحة الاولى- ونحاول نجاوب كل الاسئلة المتعلقة
بالخمس اسئلة دي

يللا بسم الله نبدأ

الخير سلامااات وكل عام ولوتري جديد وانت بخير ...
غايتو كم سنة لي وراء كدا بكون متابع البوست حقك دا وبقدم بنفسي
اها المره دي أنا متفائل بالتقديم عن طريقك
ومن هسه حاجز دوري في صف التقديم بواسطتك



يلا نمشي نجهز الصور والمعلومات ونجي نجدعها ليك بالايميل
وخلي بالك من طوبتى الحاجز بيها دي



تحياتي وودى

الـســؤال الأول:

الاســــم: كما هو واضح الينا كسودانيين فانه ليس لدينا ثقافة الاسم الاول والثاني والاسم الاخير
او اسم العائلة ولكن يجي علينا ان نتعامل مع هذا وفق مقتضيات طلب التقيدم... طيب الاسم الاول
هو اسمك والاسم الثاني هو اسم ابوك والاسم العائلي او الاخير هو اسم الجد الرابع كما هو في كثير
من مستنداتنا الثبوتية كالجواز والجنسية وشهادات الميلاد..... الكلام دا بيعني شنو, طيب ناخد مثال
توضيحي مثلا متقدم اسمه الطيب عبد العزير مصطفي عبد القادر يكتب اسمه الاول الطيب والاسم الثاني
عبد العزيز مصطفي والاسم الاخير عبد القادر. وبكدا بكون في السليم.
في سؤال بيردني كثير جدا في الايميل وهو هل الجواز الجديدقبول ام لا..... الجواز الجديد دا علي ما اظن
فيهو مشكلة وغير مقبول لسبب لا اعلمه الاحسن الزول يكون عنده الجواز القديم لانه الاضمن ويا ريت لو في
زول عندة معلومات اضافية للاجابة عن هذا السؤال ليتداخل بها هنا ويفيد بها الجميع.


تحيتي

السؤال الثاني وهو:

تاريخ الميلاد والسؤال دا واضح تخت اولا يوم الميلاد ثم شهر الميلاد ثم سنة الميلاد
بالنسبة للناس العندهم شهادة تسنين يجب وضع تاريخ ميلادهم كما هو مكتوب في شهادات
تسنينهم..... بالنسبة للناس الشهادات تسنينهم او ميلادهم مختلفة من بقية مستنداتهم
الثبوتية يجب عليهم التقديم باي من هذه التواريخ ومن ثم العمل علي جعل كل شهاداتهم
الاخرى متوافقة مع التاريخ الذي قدم به لانه عمكم الخواجة عنده لا يتعامل مطلقا في اي
تضارب معلوماتي وخصوصا لو كان في تاريخ الميلاد..... ارجو ان ينتبه الناس لهذه النقطة الهامة


تحيتي

الســؤال الرابع الجنس

وتنبه لانك تعمل الجك علي النوع ذكر ام انثى يعني دي حاجة بسيطة جدا كما يبدو
لكن لو اعمها المتفدم ووضع الجك في الخانة الخطأ بكون خسر كل طلب التقديم


الســؤال الخامس

المدينة التي ولدت بها: تكتب اسم المدينة التي ولدت بها او كما هي موجودة في شهادة ميلادك
ويجب ان تراعي للاسبيلنق الصحيح لكتابة اسم هذه المدينة


السؤال السادس
البلد الذي ولدت فيه: حتى لو كانت جنسيتك الحالية مختلفة عن عن البلد الاتولدت فيه, لازم تكتب
اسم البلد الاتولدت فيهو مثلا لو اتولدت في السودان والان تحمل الجنسية التشادية يجب في هذه الخانة
ان تضع السودان كبلد الميلاد.

قبل البدء في شرح للاسئلة الخمسة القادمة ارجو لو في اي سؤال بتعلق
بالاسئلة الخمسة الاولى ان يسأل قبل البدء في الشرح القادم ولو مافي
اسئلة نواصل الشرح


ودي للجميع

شي هام اخر وهو يتعلق بجميع الاخوة/ات الذين راسلوني
في بريدي الالكتروني يتسائلون عن امكانية التقديم لهم... حبيت اوضح انه اي زول حا يراسلني من تاريخ
بدء التقديم لتاريخ 15 اكتوبر بانه ليس لدي اي مانع في التقديم لهم وبعد هذا التاريخ ونسبة لظروف
دراستي وانشغالي بتافصيل دنيوية اخرى فسون لن استطيع التقديم لهم ويمكنهم الاستعانة بالمعلومات التي
اوردها بالبوست والتقديم بانفسهم كما ارجو ان لا يتعجل من راسلني في الرد ووعدي لهم بالرد فور ان يتوفر
لي الزمن لذلك وغالبا ما حا يكون بعد فترة طويلة من ارسالهم


تحيتي

طيب طالمامافي سؤال في الخمسة اسئلة الاولى نمشي للسؤال السادس طوالي لانه سؤال مهم
وبتحدث فيه كثير من الأخطاء

السؤال السادس




السؤال هو ما هو بلد استحقاقك

وبلد الاستحقاق دي يا اهلنا في الغالب بتكون البلد الاتولدت فيها يعني اتولدت في السودان بلد استحقاقك بكون السودان. اتولدت في مصر
بلد استحقاقك بتكون مصر. ليه الكلام دا, عشان في الغالب البلد الاتولدت فيهو دا بكون هو البلد البتحمل جنسيته. بلد الاستحقاق ما عندها
اي علاقة بالبلد المقيم فيهو انت هسي يعني لو انت مغترب مثلا في السعودية الموضوع دا ما عنده اي علاقة ببلد الاستحقاق .طيب ليه نحن قلنا في
الغالب, طبعا قلنا كدا لانه في استثناءات... كيف.... مثلا في بلاد حتى لو اتولدت فيها بتكون ما بتحمل جنسيها.... طيب نسيبك من الكلام
الكتير كلو ونبسط المسألة دي. بلد الاستحقاق هو البلد البتحمل جنسيته.... اها كدا كيف.... مش ساهلة. طيب في حاجة تانية في ناس عايشين في بعض الدول
الاوربية وهم سوداني المولد اها ديل كييييييييف. طيب لو لو كنت سوداني ومتجنس بجنسية دولة اوربية غير مسموح لمواطنيها التقديم ممكن
تقدم علي اساس انك سوداني لانه السودان من البلاد البتقبل الجنسية المزدوجة ولو كانت الدولة الاوربية دي مسموح لمواطنيها التقديم في اللوتري
طوالي تقدم علي اساس انه البلد الاوربية دي هي بلد استحقاقك.

الدول الغير مسموح لها بالتقديم هي

Quote: AFRICA: All countries on the continent of Africa and adjacent islands are eligible. · ASIA: All countries are eligible except China (mainland born), India, Pakistan, Philippines, South Korea, and Vietnam. Persons born in Hong Kong SAR, Macau SAR and Taiwan are eligible. · EUROPE: All countries are eligible except Great Britain (United Kingdom) and its dependent territories. (Northern Ireland is eligible.) · NORTH AMERICA: The Bahamas is the only eligible country in the region this year. (Canada is not eligible for the DV lottery.) · OCEANIA: All countries in the region are eligible, including Australia, New Zealand, Papua New Guinea and the countries and islands in the South Pacific. · SOUTH AMERICA, CENTRAL AMERICA, AND THE CARIBBEAN: All countries in the region are eligible except Colombia, Dominican Republic, El Salvador, Haiti, Jamaica, and Mexico

قبل ما نمشي للسؤال السابع داير اوضح شي بتعلق بالسؤال السادس دا
وهو لو لاحظتو في الحتة بتاعة

Are you claiming eligibility based on the country where you were born

لو لاحظتو في الحتة دي في يس و نو والعلامة مختوتة جاهزة في يس. يعني لو انت
بتحمل الجنسية السودانية خليها في اليس بتاعتا دي وفط الجزء المكتوب فيه

If not, you must enter the country which you are claiming eligibility

ولو اتولدت في السودان مثلا وبتحمل الجنسية الهولندية تعمل نو وفي الجزئية
التانية من السؤال دي تكتب هولندا.

اها يا اهلنا نمشي للسابع وللا في سؤال !!

Quote: طبعا الصحيح انك ترسل صورة جديدة مصحوبة بلابديت بتاع بيناتك

الأخ العزيز الخير

تحياتي و بارك الله في جهودكم

سؤالي الصور بتاعت التقديم الماضي لا تقبل ، و هل الخلفية البيضاء تنفع؟

مشكور اخي الخير
نسأل الله أن يجعلها في ميزان حسناتك

الصادق

بالنسبة للجواز الجديد اصبح مقبولا ..... لا نه اصبح يحمل اربعة اسماء بالانجليزيه
هذا على عكس الجوازات الجديده الاولى ...الاسم فيها بالانجليزيه كان ثنائى

الاخ الخير تحية

الكلام ده معناه شنو ؟

Quote: Do not submit additional Entry Forms with this person as the Primary Entrant! Multiple entries will disqualify the Entrant from participation in the 2013 Diversity Visa Lottery

هل يمكن للزوجة والزوج التقديم كل واحد as the Primary Entrant

يعنى الاسرة تكون قدمت مرتين بدون يتلغى اى واحد

الاخ الخير شكرا لك
مع تمنياتنا للجميع بالتوفيق انشاء الله











الوليد محمد احمد المحامي-بروكلن نيويورك

الاخ الخير عساك بخير

سؤالى هو انا عندى اخوى زواجه فى بداية ديسمبر 2011 هل ممكن يقدم باعتباره متزوج ؟

سؤالى الثانى ماهى مواصفات الصورة ؟

مقاسات وخلفية الصورة ؟؟







كن بخير

الاخوة/ات المتداخلين

تحياتي وعفوا للتاخر في الاجابة عن اسئلتكم

الاخ الصادق خليفة

Quote: سؤالي الصور بتاعت التقديم الماضي لا تقبل ، و هل الخلفية البيضاء تنفع؟

صورة السنة الفاتت غير مقبولة ولازم تتصور صور صور جديدة وطبعا الخلفية البيضاء دي
اهم حاجة وحا اشرح اكتر موضوع الصورة دا في السؤال السابع.

العزيز الصادق صديق سلمان

تسلم يا حبوب للمرور وحسن الدعء ادعو الله الاستجابة .... سلمت

العزيز شرفي عبد القادر
جد سعيد جدا جدا بافادتك في موضوع الجواز القديم والجديد لانه جد من الحاجات الكنت ما قادر
القى ليها اجابة ابدا رغم كثرة السؤال عنها من المراسلين... اها يا اهلنا شرفي جاب الاكيدة
وقال:

Quote: بالنسبة للجواز الجديد اصبح مقبولا ..... لا نه اصبح يحمل اربعة اسماء بالانجليزيه هذا على عكس الجوازات الجديده الاولى ...الاسم فيها بالانجليزيه كان ثنائى

الاخت الكريمة ندى

المقتبس الختيتيهو دا بيعني انه الزوج اذا قدم مع زوجته تاني ما يقدم براهو والزوجة كان قدمت
مع زوجها تاني ما تقدم براها.... لانه الفرص المتاحة للمتزوجين كالاتي:

من حق الزوج ان يقدم فورم وفي نفس الفورم دا يقدم معاهو لزوجته واطفاله... ودي فرصة
من حق الزوجة ان تقدم فورم وفي نفس الفورم دا تقدم معاها لزوجها واطفالها... ودي فرصة تانية
كدا الاسر بكون عندهم فرصيتن البفوز فيهم بكون فوز التاني معاهو اوتماتيكلي

اخونا الحبيب الوليد

تسلم يا حبوب للمرور وخليك قريب يا رجل حا نحتاجك في الاجابة علي بعض اسئلة القراء والاعضاء

الاخ عبد الخالق عابد تحيتي يا رجل

Quote: سؤالى هو انا عندى اخوى زواجه فى بداية ديسمبر 2011 هل ممكن يقدم باعتباره متزوج ؟ سؤالى الثانى ماهى مواصفات الصورة ؟ مقاسات وخلفية الصورة ؟؟

بالنسبة للسؤال عن اخوك فخليه يقدم لوحده واذا قدر له الفوز ساهل جدا جدا اضافة الزوجة لاحقا
ارجوا العمل بهذه النصيحة حتى ولو نصحك آخر يخالفني الرأي فيها لسببين الاول انه دا الشي القانوني
والصاح والتاني انها مجربة مع كتييييييير جدا جدا مع الناس البعرفهم معرفة شخصية ما فيها اي مشكلة
اكرر انصحه بالتقديم لوحده والزوجة تلحق فيما بعد اذا قدر له الفوز.... اما سؤالك البتعلق بالصورة
فدا حا يكون في شرحي للسؤال السابع.... تابع وباذن الله تجد الاجابة الكافية عن سؤالك


تحيتي وحبي للجميع

فى انتظار الشرح المفصل لوضعية الصورة
شكرا الخير

طيب يا اهلنا موضوع الصورة دا فيهو كلام كتير جدا لانه اهم اهم جزئية بتتسبب في رفض
كتير جدا من الطلبات.... طيب الشي الاول الدايرة اقوله انهالرابط ادناه فيهو نماذج
لصورة صحيحة وصور غير صحية. تقوم تفتح الرابط دا وتعمل اسكرول داون وتشوف كل الصور
الخاتنها وتقارن صورتك بيها اذا لقيتها صحيحة اتوكل وقدم واذالقيت فيها اي حاجة من
الحاجات الممكن تكون سبب في رفض الطلب ارجو انك ما تستعجل وتحاول تاخد صورة تانية
جديدة مطابقة لمواصافات الصورةالصحية قبل ما تقدم طلبك.... والرابط هو:

https://www.dvlottery.state.gov/photo.aspx

يتبع

نفس الرابط دا

https://www.dvlottery.state.gov/photo.aspx

بتلقو فيهو حتة ممكن تخت صورتك فيها عشان تشوفها صحيحة وللا لا.... الشي المهم جدا جدا العايز
اقوله انه الرابط دا يا جماعة بعمل جك للمقاسات فقط اكرر المقاسات فقط . الكلام دا بيعني شنو
انك لو جبت صورة (اي حاجة) وعملتها بالمقاسات المطلوبة وختيتها في الرابط دا حا يقول ليك صورتك
صحيحة ودا شي مهم الناس لااااااااازم تنتبه ليهو..... الرابط دا يا جماعة ما بعمل جك للخلفية
ولا درجة الاضاءة ولا درجة الوضوح ولااااااااااا اي شي تاني بس بعمل جك للمقاسات بتاعة الصورة فقط
يعني مافي زول يتصور والخلفية تكون ستارة ملونة مثلا ويقوم يظبط مقاسات الصورة ويعمل ليها جك لانه
حا يقولو ليهو صورتك مقبولة وبمجرد ما يمشي الطلب بتاعه لادارة الفرز حا يسقطو حجرو وحا يطلعوهو
من الجنة وسقطها

غايتو ما عارف لكن اتمنى اني اكون وفقت في شرح الجزئية دي فيما يتعلق بامر الصورة

يتبع في موضوع الصورة

اها بعد كدا نشوف شكل السؤال في الفورم كيف




ينصح دائما انه المتقدم يتاكد من انه صورته صحيحة مية في المية قبل ما يختها هنا. طيب مواصافات الصورة البخليها صحيحة شنو
تعالو نشوف الكلام دا من المقتبس القديم الكنت كاتبه في بوست السنة الفاتت. مواصفات السنة الفاتت هي نفسها مواصفات السنة
دي بالنسبة للصورة ما اتغير فيها شي

Quote: يجب مراعاة الاتي في الصورة * الخلفية تكون بلون محايد ويفضل اللون الابيض. من الاخطاء البقعو فيها الناس انك تكون لابس ابيض ولون الخلفية ابيض.... طبعا كدا ما حا يظهر منك الا الوجه وهم عايزين صورة تكون فيها الاكتاف ظاهرة. * بالنسبة للحجاب بينصح انو عند ارتداء الحجاب ان تحرص المتقدمة علي ظهور كامل ملامح الوجه ( عيون- حواجب- جبهة- حنك.... الخ).... التوب والعمة غير مقبولين. ملحوظة: ارجو من الاخوة/ات البراسلوني عبر بريدي الاليكتروني انهم يراعو لهذه المتطلبات حتى يتثنى لي الاسراع في التقديم لهم/ن.

تبع في امر الصورة

بالنسبة للاطفال الرضع ممكن تصورهم في البيت عادي بس حاول خلي ملامح الوجه
تكون كاملة ويفضل تكون الخلفية بيضاء وبعد تعمل كدا تبط المقاسات وتخليها
600 بكسل في 600 بكسل.


كل الصور الجاتني في تقديمات السنة الفاتت من استيدو النيل في الخرطوم كانت
صور صحيحة مية المية. ( دعاية مجانية لاستديو النيل) هههههه

اها نواصل وللا في اسئلة بتتعلق بالصورة او باي من الاسئلة السبعة الاولى بالفورم
لو في اي سؤال في السبعة اسئلة دي احسن نجاوبة قبل ما نمش قدام.

الخير اخوي

سلامات يا مان

تعثر الوصول لباقي بيانات الطرف الآخر

عشان كده يا مان ابداء بالبيانات المعاك

وكان ليهم قسمه بحصلوا..... كما ما حصلوا

والشرك قبض نقعد مع بعض ونشوف ليهم صرفة

راجع الايميل
اخوك دوماً وابداً

أولا الف شكر وتحية ليك يأخ الخير

نأمل ان يكون الخير هذه المرة على يديك

رايك شنو فى بلد شيوخ عربها كايسين الهجرة

قول يالطيف وارخى اضانك لايميلى والعديد من اصدقائى بجامعة قطر

تحياتي وتشكراتي مقدماً وربنا يجعل كل هذا الجهد في ميزان حسناتك.

عادل سهل
شيخ العرب

سلام يالخير اخوى

دخلت الصورة حقت السنة الماضية وعملت ليها photo check وقالوا لى valid

اها اتوكل واقدم بيها ؟

ولا اعمل صورة جديدة؟؟

تحياتى

يا الخير سؤال فني

الظل في الصورة لو مسحته عبر الفوتوشوب حتى تكون الخلفية كلها فاتحة وفي لون فاتح واحد ابيض او قريب منه من دون المساس بالوجه لا من قريب او بعيد هل يستبعد الصورة؟ يعني الامريكان بيعرفوا اذا الصورة دي اتعالجت بفوتوشوب او اي برنامج تاني علماً ان بقية المواصفات كلها متوفرة والاضنين مرايات بس. ؟

متابعة وعشم
مشكوور شدييد

سؤال يالخير
الفرصة بتختلف لو الواحد قدم من السودان او عن طريق واحد فى امريكا
ولا كلو حظ بس؟؟

الحبيب انس التوم

يا سيدي مافي عوجة والفيها الخير ربك يسويها
حا اقدم ليك براك والباقي خليهو لي ربنا الذي بمشيئته
يكون مبتدأ الاشياء ومنتهاها...... ودي كامل غير منقوص


عادل سهل.... شيخ العرب حبابك ابوي

وحبابك تدخل ايميلي من اوسع ابوابه ويفرحني جدا اني اقدم
ليك بل ويزداد فرحي اذا تم قبولك الذي تسبقه دعواتي بالتوفيق

اختنا الفاضلة مهيرة بت عبود.... حبابك يا خية

Quote: دخلت الصورة حقت السنة الماضية وعملت ليها photo check وقالوا لى valid اها اتوكل واقدم بيها ؟ ولا اعمل صورة جديدة؟؟

بالمناسبة مداخلتك دي مفيدة جدا لانها ذكرتني معلومة هامة جدا وهي انه يا اهلنا
الصور القديمة الاستعملتها قبل كدا لو مشيتو وعملتو ليها جك في الفوتو فادلديتر
حا تجيكم النتيجة بانه الصورة فالد وزي ما انا قلت ليكم في مداخلة سابقة بانو
الفتو فاليديتر دا بعمل جك فقط للمقاسات... المقاسات فقط... واهو كلام مهيرة دا
اثبت كلامي القلتو قبل كدا...... طيب يا مهيرة اهلكم الخواجات ديل قالو دايرين
صورة تكون ليها ستة شهور بالكتير يعني صورة زايدة من تلاتة شهور هم بعرفوها طوالي
طيب كدي صورتك القديمة دي يا مهيرة مرري فيها الماوس ساي مش بتظهر ليك تفاصيل
الصورة او دوسي البروبرتس بتاعة الصورة مش بظهر ليك التاريخ الاتخدت فيهو الصورة
اها الخواجة لانه تفتيحة طوالي حا يعرف الصورة دي اتخدت متين بالطريقة بتاعة
البروبرتس دي او كم طريقة تانية المهم في النهاية الصورة القديمة الخواجة بعرفها
بقوم طوالي يغطس حجر الابلكيشن بتاعك عشان كدا انا بوصي الناس دايما انها تتصور
صور حديثة..... اها شوفي الخواجة قال شنو هنا

Quote: The submitted image must adhere to the following specifications. Photographs submitted must be a recent photograph, taken within the last 6 months. Please be advised that failure to comply with any of the following requirements may result in disqualification from the lottery.

تحيتي ليك يا خية ويا رب من المقبولين والفائزين المرة دي

اخوي محمد الفكي كيفك يا رجل
اما فيما يتعلق بسؤالك

Quote: الظل في الصورة لو مسحته عبر الفوتوشوب حتى تكون الخلفية كلها فاتحة وفي لون فاتح واحد ابيض او قريب منه من دون المساس بالوجه لا من قريب او بعيد هل يستبعد الصورة؟ يعني الامريكان بيعرفوا اذا الصورة دي اتعالجت بفوتوشوب او اي برنامج تاني علماً ان بقية المواصفات كلها متوفرة والاضنين مرايات بس. ؟

اي صورة فيها شغل بتاع فوتوشوب بعرفوها وبتكون غير مقبولة هذا علي حسب علمي حتى لو كانت الاضنين مرايات لوري سفنجة ههههههههه

مرحب بيك يا امجد الزين وان شاء الله ما اقصر معاك تب وعشمك واصل وتشكر يا سيدي علي حسن الظن

اما عن سؤالك

Quote: الفرصة بتختلف لو الواحد قدم من السودان او عن طريق واحد فى امريكا ولا كلو حظ بس؟؟

دا برضو سؤال مهم في كتير جدا من المتقدمين بسالوني ليهو.... داير اقول انه االتقديم ما عنده اييييييييي علاقة بالمكان الانت فيهو
يعني لو قدمت من السودان وللا الخليخ وللا اوربا كلوو سيم سيم مافي اي فرق واي زول يقول ليك غير كدا بكون داير يشوش عليك.... انا
اوريك السؤال دا سببه شنو وليه الناس دايما بتسأله.... زمااااان كان وضع العنوان في الابليكشن شي هام جدا جدا وهسي برضو هام لكن
ما هام شديد.... ليه.... زمان الناس البقدمو ليهم ناس من امريكا هنا بكتبو ليهم عناوينهم الفي امريكا هنا ولانه امريكا بلد بتحترم
المعامالات البريدية اطلاقا ورقك ما حا يروح.... لكن لو قدمت من بلد ما بتحترم المعاملات البريدية ففي الغالب حتى اذا فزت احتمال كبير
ورقك يضيع.... عشان كدا الناس بتقول ليك احسن يقدم لي زول من امريكا وللا من السودان!!! والمسالة كلها في النهاية هل الحتة البتقدم منها
دي بتحترم البريد بتاعا وللا لا...... طيب نرجع لكلامي القبيل قلتو وهو انه موضوع وضع العنوان كان زماااااااااان مهم جدا وهسي ما مهم جدا ليه
هسي يا جماعة البفوز ماااااااا برسلو ليهو في عنوانو يقولو ليهو يا زول هوووي انت فزت.... هسي في كونفرميشن نمبر تدخلو تشوف نفسك فزت
وللا لا..... كان لقيت روحك فزت بقولو ليك في الخطاب دا زاااتو امشي الحتة الفلانية في الكمبيوتر بتلقي ليك ابلكيشنات املاها واعمل ليها برنت
اوت ورسلها لينا..... يعني الشغل كلو بقى بيتم عن طريق الكمبيوتر ما زي زمان كان بتم عبر المراسلات البريدية..... يعني هسي كان كتبت
في محل العنوان دا ام طرقا عراض ماكو مشاكل هههههههههههه




حسيت انه نقتي بقت كتيرة

السؤال الاسئلة رقم 8, 9, 10, و 11





السؤال الثامن: العنوان

رغم انه العنوان اصبح من الحاجات الغير مهمة شديد الا اننا ما نتجاوزة ولازم نملا خانته

السؤال رقم تسعة: اللهو البلد الذي تقيم فيه الان.... والسؤال دا سببه بسيط جدا... اهلنا
الخواجات ديل دايرن يعرفوك لو فزت يعملو معاك المعاينة بتاعة استخراج الفيزا وين.


السؤال العاشر:
رقم التلفون ودا سؤال اختياري ما مهم انك تخت رقم تلفونك لكن لو ختيتو بكون احسن

السؤال الحادي عشر: البريدي الاليكتروني ودا مهم برضو انك تتاكد بانك تكتبو بالصورة الصاح

السؤالين الثاني عشر والثالث عشر





السؤال الثاني عشر وهو: ما هي اعلى درجة علمية حصلت عليهالغاية هذا اليوم.

الكلام دا بيعني انه لو حابي تقدم طلبك في هذا اليوم وبكرة حا تخلص البكلاريوس بتاعك ما تكتب مخلص بكلاريوس لانهم دايرين اخر
درجة علمية حصلت عليها في وقت ملئ بيانات الطلب دا.... دي حاجة الحاجة التانية هم دايرين اقل حاجة تكون مخلص الثانوي.. فيما
يتعلق بالثانوي بتاع هسي ما مقبول لانه 11 سنة بس ودا اطلاقا ما بقبلوه.... لكن لو خلصت الثانوي وعملت سنة واحدة في الجامعة عشان
تكون مكمل 12 سنة دراسية كدا ممكن تكون مقبول..... المهم الزول يختار الاختيار الصحيح من وسط التمانية خيارات الخاتنها دي.

السؤال الثالث عشر دا حا انقل اقتباس من بوست السنة السنة الفاتت لانه شرحو مبسط وواضح جدا

Quote: طيب السؤال الثالث عشر:Unmarried Married Divorced Widowed Legally Separated ما متزوج عليك بالاولي متزوج عليك بالتانية.... بس.... عندي توضيح هنا لو كتبت متزوج طلب التقديم دا حا افتح ليك ليك نافذة جديدة واللي هي (part two) عشان تقوم تكتب فيها بيانات الزوج/جة والاطفال ان وجدو. اما اذا كتبت غير متزوج وما عندك اطفال الابلكيشن بتاعك بتهي لغاية السؤال 14 طيب مش ممكن تكون ما متزوج وعندك اطفال ههههههههههههه الحركة دي طبعا كتيرة هنا انو تكون ما متزوج وعندك اطفال... المهم... ما اظن عندنا غرض كبير نحن بالجزئية دي لانها ما قاعدة تحصل عندنا.

طيب السؤال الرابع عشر وهو عدد الاطفال




لو كتبت في الخانة دي (0) خلاص الابلكيشن بتاعك بكون انتهي لي هنا الا اذا كنت كاتب متزوج حا تتفتح ليك صفحة
تانية اللهي (بارت تو) عشان تكتب فيها بينات الزوجة الذكرتها دي..... طيب لو كاتب ما متزوج, مطلق يعني او
منفصل لكن عندك اطفال, في الحالة دي برررررضو بفتح ليك (بارت تو) عشان تكتب فيهو بيانات الاطفال ديل.... طيب
الاطفال ديل هم منو؟ الاطفال ديل بقصدو بيهم اي طفل بايلوجيا حقك او متبنيهم او عيال زوجتك من ابو تاني. في حاجة
حاجة مهمة جدا لو الطفل حقك من ضهرك هههههههه (اللاست نيم) بتاعو لازم يكون زي حقك ولو متبنيهو وما ماخد اسمك او طفل
زوجتك من اب اخر, ما شرط (اللاست نيم) بتاعو يكون زي حقك.



وبي كدا بنكون انتهينا من شرح كل الاسئلة وباذن الله نقدر نساعد كمان في الرد علي بعض الاسئلة الما بكون قدرت
اوضحها بشكل جيد ويا ريت كمان لو في زول عنده فكرة كويسة او معلومة مفيدة او حابي يقدمها للناس ( بس مجاني )
يعني ما يجي يتسغل البوست دا لاي غرض تجاري مرحب بيهو .وذلك حتى تعم الفائدة الجميع. انا يا اهلنا كما ظللت
اردد دائما انه الخدمة دي مقدمها للناس لوجه الله تعالى لا ارجو سوى قبوله ودعواتكم الطيبات.


وامنياتي للجميع بالفوز

البيانات المطلوبة لكل من يرغب ان اقوم بملئ فورم تقديمه وارساله هي:

1/الاسم: اذا كان رباعي ارجو كتابته كاملا.
2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة
اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا
7/اكتوبر/1975 ( مهم جدا تكتب الشهر كتابة وليس رقم).
3/ المدينة التي ولد بها مقدم الطلب
4/ البلد التي ولد بها مقدم الطلب
5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة.
6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص
واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي
برضو ممكن بس لازم يتاكد انه الخدمات البريدية جيدة في المنطقة التي يسكن بها.
7/رقم التلفون- دا شرط اختياري في فورم التقديم لكنه اساسي بالنسبة لي عشان لو فزت اقدر اتصل عليك.
8/عنوان بريده الاليكتروني
9/المؤهل الاكاديمي.
10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة
مثل معلوماته.

هـــــــــــــــــــــــــــــــــــــامارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

بالنسبة للناس الراسلوني معظمهم ما اداني البيانات دي كاملة رجائي ان تعاود مراسلتك لي لو كانت البيانات
الرسلتها لي ما كاملة.... طبعا من اكثر الحاجات البتاخد وقتي بالجد الناس البرسلو ليك بيناتهم ناقصة دي
لاني حا اظطر ارسل ليهم اوريهم انه بيناتهم ناقصة ويقوم هو بعد داك يرد بسؤال ارد ليهو تاني يوعدك يرسل في
اقرب وقت وترسل ليهو تقول ليهو كويس مافي مشكلة يرسل ليك يقول ليك شنو شنو وايييييييييييييييك لغاية ما تقدم
ليهو يكون تمت بينك وبينو كمية من المراسلات ودي يا اهلنا جد مسالة متعبة جدا واخوكم والله مشغووووووووول بكمية
من الحاجات..... يعني الواحد لو راجع البوست دا كويس انا متاكد حا يرسل لي ارسال صحيح لبياناته من المرة الاولى
وبانا حا اقدر ارسل ليهو رسالة واحدة بس اخطره فيها باني قدمت ليهو وبلحق ليهو فيها الكونفيرميشن نمبر بتاعه
وبي كدا بكون وفر زمن لغيره عشان اقدر اساعد اكبر كمية من الناس.


تسلمو كلكم

يا أبو الخير ،،،
تحياتي وشكر الله سعيك ،،،
جاينك جاينك السنة دي ،،،
جربنا مرات وزهجنا لكن يمكن يكون الخير على إيدك
نرتب أمورنا ونجيك على جناح السرعة ،،،

Quote: في حاجة حاجة مهمة جدا لو الطفل حقك من ضهرك هههههههه (اللاست نيم) بتاعو لازم يكون زي حقك

السلام عليكم الخير وربنا يقبل منك ويديك العافية.
بخصوص الكلام اعلاه.. لو اسمي مثلا الطيب الامين علي احمد ح يكون الفميلي او اللاست نيم احمد
ولو طفلي اسموفي الجواز محمد الطيب الامين علي ح يكون الفاميلي نيم بالنسبة ليهو علي..
وكده اختلف الفميلي نيم بالنسبة للولد وابوه..
عايزين نقدم يا الخير بس موقفانا الحتة دي ..قلنا نشاورك مع اكيد الشكر .

Quote: بالنسبة للحجاب بينصح انو عند ارتداء الحجاب ان تحرص المتقدمة علي ظهور كامل ملامح الوجه ( عيون- حواجب- جبهة- حنك.... الخ).... التوب والعمة غير مقبولين.

أها يالخير ولدى (.... الخ ) دى نعلوا فيها الاضنين يكونن ظاهرات فى الصورة ، يعنى برة الحجاب؟

تسلم يالخير ياعشاى

تحياتى

فوق

ان لله عبادا اختصهم بقضاء حوائج الناس ... حببهم للخير وحبب الخير اليهم أولئك الآمنون من عذاب يوم القيامة ( صدق رسول الله الكريم )
أصالة عن نفسى ونيابة عن كل السودانيين أتقدم لك بوافر الشكر والتقدير وهذا الجهد الذى تبذله على حساب وقتك وزمنك انما يدل على أنك سودانى اصيل ومازال الزول بخير ... سوف تصلك بياناتى لعلى من أصحاب الحظ العظيم

Quote: ان لله عبادا اختصهم بقضاء حوائج الناس ... حببهم للخير وحبب الخير اليهم أولئك الآمنون من عذاب يوم القيامة ( صدق رسول الله الكريم ) أصالة عن نفسى ونيابة عن كل السودانيين أتقدم لك بوافر الشكر والتقدير وهذا الجهد الذى تبذله على حساب وقتك وزمنك انما يدل على أنك سودانى اصيل ومازال الزول بخير ... سوف تصلك بياناتى لعلى من أصحاب الحظ العظيم

ربنا يقدرنا يا بهاء -قدر قدرتنا- نساعد الناس وتسلم يا سيدي لحسن الظن
تقبل اطيب امنياتي لك بحظ وافر.

العزيز ابوبكر عبد القادر العاقب

تحيتي يا حبوب. رتب امروك وحبابك عشرة بلا كشرة

عبد الله عثمان حبابك

Quote: لو اسمي مثلا الطيب الامين علي احمد ح يكون الفميلي او اللاست نيم احمد ولو طفلي اسموفي الجواز محمد الطيب الامين علي ح يكون الفاميلي نيم بالنسبة ليهو علي.. وكده اختلف الفميلي نيم بالنسبة للولد وابوه.. عايزين نقدم يا الخير بس موقفانا الحتة دي ..قلنا نشاورك مع اكيد الشكر

فعلا الحتة دي مزعجة كتير من الناس وانا غايتو الشي الممكن اعمله في الحالة دي
هو اني بخت اسمه زي ما هو مكتوب في الجواز بس لازم تتاكد انك اذا اذا فزت يكون
عندك اي مستند رسمي كشهادة ميلاده واللي هي اسمك انت مفروض يكون فيها رباعي ودي
حاجة بتثبت ليهم في المقابلة في السفارة انك فعلا انت ابوه.... يعني شنو... تكتب
اسمه زي ما هو موجود في الجواز ما تغير منه شي.... الخطوة التانية ودي طبعا اذا
فزت تقوم تتاكد انه اسمك في شهادة ميلاده يكون الطيب الامين علي احمد ..... هم عارفين
اننا ما عندنا ثقافة اللاست نيم دي بس دايما لو لقو حاجة تثبت ليهم بكون احسن.

Quote: أها يالخير ولدى (.... الخ ) دى نعلوا فيها الاضنين يكونن ظاهرات فى الصورة ، يعنى برة الحجاب؟

مهيرة اول مرة اعرف انه اضنيك مننطات هههههههههههههه.... المهم.... الاضنين ما مشكلة اطلاقا في
صورة طلب التقديم... الاضنين المطايرات ديل في مرحلة تانية بطالبو انهم يظهرو لكن هسي ماكو مشكلة

الاخ عبد العزيز عيسى تسلم يا حبوب للمرور ورفع البوست.... رفع الله مقامك


تحياتي وامنياتي للجميع

http://youtu.be/tJc1MXagsbk
ودى هدية منى ليك ولكل المهاجرين

ياحبيب ...

رجعت لملاحظة سابقة ليك بانو الصور القديمة يوز لس وبتتكشف هههههه

على العموم الصور الرسلتها ليك ووصلتك ليها سنين عددا

غدا انشاء الله برسل ليك الصور الحديثة وفيها اضافة للكابتن الجديد اخر العنقود مكان فى فى الصور الرسلتها

وربنا يساعد أنشاء الله

ومانعدمك ياغالى

والله ياخير ماقصرت تب عفيت منك

الاخ الخير تحياتي و شاكر لك الرد على تساؤلي الاول
ولدي سؤال اخر

اذا كان مكان الميلاد في شهادة الميلاد او التسنين مختلف عن ما هو بالجواز( مثلا مولود بالدويم حسب الشهادة) وفي الجواز مكتوب من مواليد الخرطوم ما العمل ؟

طيب كلاكيت رابع مرة.......!!!!!!

المرات الفاتت كنت بنتظر البوست

عشان اعمل اول مداخلة....يمين غير ماجبت الكج

لي ولي محمد الصايم ...ماعملت حاجة

المرة دي قلنا كدي ننتظر النحل يجي وبعدين نخش

يمكن نكسر الحظ ولا نكسر حاجز الصوت ظاااااااااااااتو....!!!!

الخير ياصديقي الجميل......

كن كيف شاء لك الجمال فانني بك معجب

لقيتني كيف عليك الله..........؟

الأخ الخير

أنا رسلت ليك كل البيانات أرجو أن تأكد وصولها لكم عبر الايميل الذي تفضلت بكتابته اعلاه من عدم وصولها لكم مع الشكر الوفير


الصادق

بهاء تشكر كتير يا سيدي علي الهدية ورحم الله القامة مصطفي سيد احمد
الذي اهدانااجمل الكلمات والالحان وخلد فينا برسالته السامية التي
حلقت بنا في سماوات الطيور الما بتعرف ليها خرطةولا في ايدها جواز سفر

Quote: غدا انشاء الله برسل ليك الصور الحديثة وفيها اضافة للكابتن الجديد اخر العنقود مكان فى فى الصور الرسلتها وربنا يساعد أنشاء الله

ربنا يسعدكم بملودكم الجديد ولك كل التهاني يا بابكر وحا اكون في انتظار صورك الجديدة وباذن الله اقدم ليك فور
استلامي الصور..... تسلم

شكرا كتير ليك يا عمار وان شاء الله ربنا يقدرنا وما نقصر كمان وكمان

عزيزنا الصادق خليفة مرحبتين يا حبوب

Quote: اذا كان مكان الميلاد في شهادة الميلاد او التسنين مختلف عن ما هو بالجواز ( مثلا مولود بالدويم حسب الشهادة) وفي الجواز مكتوب من مواليد الخرطوم ما العمل ؟

طوااااالي في الحالة دي ياالصادق تغيرشهادة الميلاد بحيث انها تتوافق مع الجواز
او
تغير الجواز بحيث انهيتوافق مع شهادة الميلاد
لانه الخواجات ديل مابفهموا كلام زي دا. لازم الحاجات كلها بيناتها تكون واحدة

الأخ الخير
تحية تقدير

يطيب لي في البدء أن أسوق لك أقصى أيات الشكر والتقدير ، وأنت تقدم خدمة جليلة لبني وطنك ، وتحميهم من جيوش النصابين الذين أستغلوا حاجة الناس

ورغبتهم الملحة في الهجرة شبه المجانية لأمريكا

لدى بعض الإستفسارات أخي الخير ، وليت صدرك يتسع للرد عليها :

1 ـ أعتمدت على نفسي ، قدمت العام قبل الماضي (أكتوبر 2009) بإسمى وزوجتي ، وجأني خطاب إعتمادنا من مركز كنتاكي
وقمت بتعبئة النماذج بدقة متناهية ، وبعضها طبعته ، وأرسلتها للمركز ، وحينما لم يصلني رد ، خاطبتهم عن طريق الإيميل ، لأنني وصلت مرحلة مسموح لي بذلك ،
فجاء ردهم بأن طلبي وصلهم ، وهو مستوف للشروط ، وطلبوا مني الإنتظار ، لأن الأقليم الذي أتبع له مازالت طلبات منسوبيه في طور الإعداد
ولكن لم يصلني أري رد فيما بعد حتى الأن
السؤال : أ ـ هل بالإمكان معرفة أسباب عدم قبول طلبي ـ رغم أنني أرجح أن السبب هو تاخري الشديد في إرسال النماذج بعد تجهيزها
ب ـ هل سيؤثر ذلك التقديم الذي لم يوصلني للنهاية المرجوة على تقديمي هذا العام
2 ـ سأقدم الأن ، علماً بأنني متزوج ، فهل بالإمكان تقديم طلبين الأول بإسمي وزوجتي والثاني بإسم زوجتي وأنا مضاف لها بإعتباري زوجها
3 ـ ليس لدينا أطفال ، ولكن مع الشروع في الإجراءات لو وقع علينا الإختيار ربما يكون معنا مولودنا الأول ـ فما الترتيب الواجب إتباعه
4 ـ لدى قريب يود أن يقدم لأسرته (زوجة و5 أطفال) هل بالإمكان أن يقدم طلبين بإسمه وإسم زوجته

يا الخير
رسلت ليك على الايميل سؤال ضروري جداً ترد عليهو
تحياتي

الخيرتحية طيبة
أولاً الف شكر على هذا المجهود الجميل، وكونو تعمل على مساعدة الناس يتخارجوا من البلد دي حكاية ماساهلة ياخ :)
أها أنا حيّرني السؤال الثامن دة بتاع العنوان ياريت تشرح كل خانة بالتفصيل وأكون شاكر وممتن جداً

Quote: الخير ياصديقي الجميل...... كن كيف شاء لك الجمال فانني بك معجب لقيتني كيف عليك الله..........؟

ربنا يبارك فيك يا الخير ...

مجهودك مقدر وربنا يثبت اجرك باذن الله ..

رسلنا المعلوم ظبط الشغلانية وانحنا بنساعدك بالسبحة ..

لعل وعسى ربك يأذن ..

مع جزيل الشكر يا حبوب

مرحب يا صحاب

Quote: المرات الفاتت كنت بنتظر البوست عشان اعمل اول مداخلة....يمين غير ماجبت الكج لي ولي محمد الصايم ...ماعملت حاجة المرة دي قلنا كدي ننتظر النحل يجي وبعدين نخش يمكن نكسر الحظ ولا نكسر حاجز الصوت ظاااااااااااااتو....!!!!

الصفوة كيفك ياحبوب وجد انا مفتقد ود الصايم في هذا الخيط لان بوجوده يزدهي المكان
وحاشاك من الج انت يا صفوة فالنجمة التي تسكن فؤداك كفيلة لضحد فرية الكج التي نعت نفسك بها
باذن الله السنة من الموفقين والمقبولين.

اخونا الصادق

Quote: أنا رسلت ليك كل البيانات أرجو أن تأكد وصولها لكم عبر الايميل الذي تفضلت بكتابته اعلاه من عدم وصولها لكم مع الشكر الوفير

نعم يا صديقي استلمت كل بيناتك والصور. قمت بمراجعة الصور وهي جيدة جدا وساقوم بمراستلك فور الانتهاء لك من عملية التقديم. تحيتي

العزيز محمد علي البصير

Quote: بعض الإستفسارات أخي الخير ، وليت صدرك يتسع للرد عليها : 1 ـ أعتمدت على نفسي ، قدمت العام قبل الماضي (أكتوبر 2009) بإسمى وزوجتي ، وجأني خطاب إعتمادنا من مركز كنتاكي وقمت بتعبئة النماذج بدقة متناهية ، وبعضها طبعته ، وأرسلتها للمركز ، وحينما لم يصلني رد ، خاطبتهم عن طريق الإيميل ، لأنني وصلت مرحلة مسموح لي بذلك ، فجاء ردهم بأن طلبي وصلهم ، وهو مستوف للشروط ، وطلبوا مني الإنتظار ، لأن الأقليم الذي أتبع له مازالت طلبات منسوبيه في طور الإعداد ولكن لم يصلني أري رد فيما بعد حتى الأن السؤال : أ ـ هل بالإمكان معرفة أسباب عدم قبول طلبي ـ رغم أنني أرجح أن السبب هو تاخري الشديد في إرسال النماذج بعد تجهيزها ب ـ هل سيؤثر ذلك التقديم الذي لم يوصلني للنهاية المرجوة على تقديمي هذا العام 2 ـ سأقدم الأن ، علماً بأنني متزوج ، فهل بالإمكان تقديم طلبين الأول بإسمي وزوجتي والثاني بإسم زوجتي وأنا مضاف لها بإعتباري زوجها 3 ـ ليس لدينا أطفال ، ولكن مع الشروع في الإجراءات لو وقع علينا الإختيار ربما يكون معنا مولودنا الأول ـ فما الترتيب الواجب إتباعه 4 ـ لدى قريب يود أن يقدم لأسرته (زوجة و5 أطفال) هل بالإمكان أن يقدم طلبين بإسمه وإسم زوجته

اما فيما يتعلق بسؤالك الاول. نعم يمكنك معرفة سبب تاخر الرد بالاتصال علي هذالرقم 0016035267500 ودا كمان العنوان بتاعهم لو حابي تراسلهم:

Department of State
Bureau of Consular Affairs
Kentucky Consular Center (KCC)
3505 North Highway 25W
Williamsburg KY, 40768 U.S.A

اما الجزء البتعلق بامكانية المراسلة مرة تانية فداير اقول ليك انه طالما انت ما دخلت امريكا دي يحق ليك تقدم تاني وتالت ورابع ومليون
مرة مافي مشكلة. عشان كدا يا صديقي قدم طوالي ومافيها اي مشكلة.
سؤالك التاني. نعم المتزوجين دايما بكون عندهم فرصتين الفرصة الاولى بقدم الزوج ومعاهو زوجته واطفاله في طلب واحد. الفرصة التانية بتقدم
الزوجة ومعاها زوجها في طلب تاني. يعني بتعبو طلبين اذا فزت انت بالتالي زوجتك اوتماتيكلي بتكون فازت معاك واذا فازت زوجتك اوتماتيكلي
انت بتكون فزت معاها.
سؤالك الثالث. نعم يمكن لقريبك ان يفعل نفس الشي يقدم لزوجته وهو معاها وفي طلب تاني يقدم لنفسه ومعاهو زوجته

الاخ عمر تحياتي

Quote: رسلت ليك على الايميل سؤال ضروري جداً ترد عليهو

ايميلك وصل يا صديقي وبرد ليك الليلة باذن الله

هشام الطيب سلامات يا حبوب

Quote: أولاً الف شكر على هذا المجهود الجميل، وكونو تعمل على مساعدة الناس يتخارجوا من البلد دي حكاية ماساهلة ياخ :) أها أنا حيّرني السؤال الثامن دة بتاع العنوان ياريت تشرح كل خانة بالتفصيل وأكون شاكر وممتن جداً

تعرف يا هشام زي ما انا اتطرقت للنقطة دي في مداخلة سابقة انه مسالة العنوان دي ما بقت ذات اهمية قصوى لانه كل
المراسلات هسي بتتم بالكمبيوتر يعني بتدخل الكونفيرميشن نمبر بتاعك وبتعرف لو اخدوك وللا لا.... اذا اخدوك بوروك
تمشي وين في الكمبيوتر علي اساس انه في ابكيشنات تانية تملاها وتعمل ليها برنت اوت وترسلها ليهم.... اما اذا ما اخدوك
لا قدر الله فبتظهر النتيجة انه ما اخدوك..... زمان العنوان كان مهم لانه اذا اخدوك برسلو ليك خطاب قبولك بالعنوان البريدي
العادي دا وهسي لانهم ما برسلو للفايزين خطابات عشان كدا موضوع العنوان بقى ما ذات اهمية.... لكن.... للضمان احسن الزول
يخت عنوانه.... للضمان بس ليس الا.... طيب طريقة العنوان المختوتة في الابلكيشن دي مصممة بشكل كبير علي الطريقة البتكتب بيها
العنوان هنا في امريكا لكن دا ما بيعني انك اذا ما ساكن في امريكا ما تقدم طبعا.... لو عندك اي عنوان خارج امريكا ممكن تختو
بس يا ريت الناس تتاكد من انها خاتة عنوان في بلد بحترم المعاملات البريدية.
اتمنى اني اكون وفقت في شرح النقطة دي
اختي الكريمة هدى تسلم يا ستي وجزيل شكري.
اخي الشاذلي خيري عبد الله باذن الله نقدم ليك طوالي وما عندك اي عوجة. ابشر يا حبوب وساعدها زي ما قلت بالسبحة هههههههه

تحيتي لكل القراء والاعضاء
وخالص الامنيات للجميع

الخير يا اخوي

سلامات

انشاء الله ما تكون قدمته لي

لانوا حصلته دقسة كده في الصورة

وانشاء الله بتصور وبرسل ليك صورة جديدة

حاولته اتصل عليك بس الخط ما جمع معاي

معليش يا مان عذبناك معانا
ربنا يعظم الاجر انشاء الله يارب
انس التوم
مودتي

العزيز الخير

Quote: نعم يا صديقي استلمت كل بيناتك والصور. قمت بمراجعة الصور وهي جيدة جدا وساقوم بمراستلك فور الانتهاء لك من عملية التقديم. تحيتي

ياها المحرية فيك يا حبيب

شكراًً

الصادق

انت كالغيث.....

اينما نزل....نفع

اديك العافية

وسلامات الاخت الفاضلة

هدي عبد المنعم......

ويديكي العافية يا ام حسام

بس بعااااين بعيوني!!

شوف يا عمكـ .. كلام واحد والله واحد
الفورمات القديمة ذاتا .. ونفس المعلومات!
لو داير أفرود ليكـ الإيميل بتاع السنة الفاتت Ok!

ما تفرودو مفرود عندي جاهز

على بركة الله .. ولو طرقش ما تنتظرني!!

خلاص جيت تتلولو

يا صفوة بالله ابعد الزول دا من هنا باللهي

لك التحية أخي الخير ...

وقمت بإرسال كل بياناتي مع الصور على بريدك الإلكتروني ...


ولك كل الود والتقدير ،،،




ــــــــ
وراك يا ود الصايم أينما تذهب

الخير .. ياخ معقولة تبقى علي هارون دياب وصبري طه!
كنسل الطلب يا معلم!
كنسل ياخ دي ما طريقة دي!!

Quote: الخير .. ياخ معقولة تبقى علي هارون دياب وصبري طه! كنسل الطلب يا معلم! كنسل ياخ دي ما طريقة دي!!

هارون دياب دة عرفناهو مريخابي ...

أنا مالي كمان ؟!



ــــــ
خلاص قدّم معاك لي يوسف الدفينة ولفايز ود القاضي عشان ود الصايم يزيد فرحو ...

Quote: اخي الشاذلي خيري عبد الله باذن الله نقدم ليك طوالي وما عندك اي عوجة. ابشر يا حبوب وساعدها زي ما قلت بالسبحة هههههههه

لا كان كدى خلاس ..

بنتحلق تب صلعة ونعتكف يا خوى ..

وبالمرة ينوبك شوية دعاء ..

مودتى.

الزول الأعز محمد الخير ... سلامات
والله كل الصور العندى ما ظبطت .... الليلة مشيت لواحد هندى وأخد منى صورة بنفس مقاسات اللوترى وقال لى الاستلام بكرة يعنى يوم 10/10/الساعة 5 مساء بتوقيت الامارات وان شاء الله بالكتير كل المعلومات تصلك قبل يوم 15 لأنك ح تكون مشغول بعد هذا التاريخ حسب كلامك ... مع شكرى

يا صحاب تحياتي

ارجو معذرتي للغياب يمتد ليومين عن البوست
لاني قاعد ارد واقدم للناس الراسلتني في الايميل وجد كمية كبييييييرة
جدا جدا من الناس ارجو ان اوفق في الرد والارسال لكل من راسلني....

حين العودة للبوست حا ارد لكل المتداخلين


تحيتي

الاخ الخير سلامات وعاطر التحايا لك ولاسرتك الكريمة

نتمى التوفيق للجميع

الرووووووووب

Quote: الرووووووووب

ما بحلك

سلام يا الخير

لوعاوز مساعده فى التقديم ادينى خبر اخت ايميلى هنا للبقيه لكى اخففوا عليك ..واقدر اساعد ولو بلقليل



ــــــ

بوب كيفك يا حبوب وليك زمن مختفي

عليك الله يا بوب اديني تلفونك علي الماسنجر او اتصل علي في رقمي

جد انت وقعت لي في جرح يا مان..... تسلم كتير.

تمام يا مان سا اتصل بيك قريب

الخير
مشكور على رد الايمل .
حقو اكتبها بالسرى عشان الجماعة ديلك ما يشوفوها

الأخ الخير
السلام عليكم قمت بتعبئة الفورم بنفس الصور بتاعت السنة الماضية وعندما خلصت ما حفظت الكونفرميشن نمبر بتاعي ..عندي كونفرميش ن الأولاد ..هل ممكن أقدم تاني ؟ أم أرسل ليك البيانات دي كلها وتقدم لي معاك من عندك ؟؟

الخير السلام عليكم و شكرا جزيلا علي المعلومات المفيدة لو تكرمت سؤال من اخونا نزار توتي بسأل عن حجم الصورة المطلوبة هل هي ٨ انش فى ٨ انش ولا ٢ انش فى ٢ انش علي مقياس ٦٠٠ بكسل فى ٦٠٠ بكسل

الله يوفق الجميع إن شاء الله

الزول الاعز محمد الخير ... تم ارسال المطلوب باسمى بهاء الدين سليمان ... قلنا نلحقك قبل تاريخ 15

فيك الخير يا الخير وجزاك الله خيرا

من يرغب فى التقديم يمكنه ايضا مراسلتى على [email protected]

لتخفيف الحمل على الاخ الخير ...اتمنى ان يراعى الجميع الارشادات التى قدمها الاخ الخير
من مقاسات الصور وجميع الشروط....


ــــ
تمنياتى للجميع بالتوفيق

Quote: من يرغب فى التقديم يمكنه ايضا مراسلتى على [email protected] لتخفيف الحمل على الاخ الخير ...اتمنى ان يراعى الجميع الارشادات التى قدمها الاخ الخير من مقاسات الصور وجميع الشروط.... ــــ تمنياتى للجميع بالتوفيق

الاخ الكريم بوب

ما عارف اشكرك كيف وفعلا حا تخفف علي حمل كتير جدا.... انصح كل من يرغب في مراسلة اخونا بوب
ان يفعل دون تاجيل فهو رجل شهم وزول حارة ويقيني بان معرفته في عملية ملء الفورمات معرفة
وثيقة فهو مقيم في بلاد عمنا سام منذ امد هههههههههه بالاضافة لكدا زولا مبروك وايدو مبروكة

تشكراتي غير محدودة يا بوب

أنتظر الإجابة على سؤالي أعلاه

Quote: أنتظر الإجابة على سؤالي أعلاه

معليش يا عبد الرحمن اتأخرت ليك في الاجابة عن سؤالك

طيب بالبوصة: الطول 2 بوصة والعرض 2 بوصة

بالسنتميتر: الطول 5.08 والعرض 5.08 سنتيميتر

بالنقاط: الطول 144.00 والعرض 144.00 نقطة

بالنسبة المؤية: 100% الطول والعرض 100% درجة مؤية

واذا غلبتك تب رسلها لي وانا بصلحها ليك وارسلها تاني.

تقبل تحياتي

فهذا سؤالي :

Quote: الأخ الخير السلام عليكم قمت بتعبئة الفورم بنفس الصور بتاعت السنة الماضية وعندما خلصت ما حفظت الكونفرميشن نمبر بتاعي ..عندي كونفرميش ن الأولاد ..هل ممكن أقدم تاني ؟ أم أرسل ليك البيانات دي كلها وتقدم لي معاك من عندك ؟؟

للا سف يا عبد الرحمن ما ممكن تقدم تاني لاني حتى لو قدمت ليك انا
مش برضو حا ادخل نفس البيانات الانت دخلتها؟ اها انت وللا انا وللا
اي زول تاني كان دخل البيانات دي تاني الكمبيوتر برفضو وبرفض حتى
طلبه الاساسي القدم بيهو.... عشان كدا يا صاحبي ااستعوض في تقديمك
دا صاحب العوض واعتمد علي حظ المدام لانه زي ما قلت انت انك حفظت
الكونفيرمشن نمبر بتاعا.... تحياتي واسف برضو اني ما انتبهت لسؤالك
من بدري.

طيب ..شكرا ليك يا ملك لكن لو أني ما حفظت الكونفرميشن نمبر بتاعي ألا يتصلون بالفائز في الايميل الموضوع في بيانات صاحب الطلب ؟؟

Quote: طيب ..شكرا ليك يا ملك لكن لو أني ما حفظت الكونفرميشن نمبر بتاعي ألا يتصلون بالفائز في الايميل الموضوع في بيانات صاحب الطلب ؟؟

للاسف لا يا عبد الرحمن ما بتصلو بايزول بالايميل عشان يوروهو الكونفيرميشن نمبر بتاععو
لو تابعت البوست انا الجزئية دي ختيتها من بدريييييي ونبهت ليها الناس ولو رجعت للصفحة
الاولى بتلقاني خاتيها باللون الاحمر وذلك لاهميتها..... برضو نختها هنا تاني بمثابة تذكرة

Quote: Entrant Status Check will be the sole means of informing you of your selection for DV-2013, providing instructions to you on how to proceed with your application, and notifying you of your appointment for your immigrant visa interview. Therefore, it is essential you retain your confirmation number. The U.S. Department of State is unable to provide your entry confirmation number if it is lost.

سلامات ياالخير وشكراً على المجهود الكبير البتبذل مع الناس كل سنة.
في كم سؤال حأدوشك بيهم:
1- الطرحة كيف مع النسوان؟ شايفهم كاتبين كلو لا الا الغطا بتاع الراس لأغراض دينية؟ هل الطرحة مشمولة في كدا؟
2- بالنسبة للعنوان، نحنا حالياً في السودان، هل نخت عنوان في السودان ولا عنوان زول برة السودان أفضل؟ انت عارف حال البريد في هذى البلاد
شكراً مقدماً

الاخ محم تحياتي
لانسبة لاسئلتك

Quote: 1- الطرحة كيف مع النسوان؟ شايفهم كاتبين كلو لا الا الغطا بتاع الراس لأغراض دينية؟ هل الطرحة مشمولة في كدا؟ 2- بالنسبة للعنوان، نحنا حالياً في السودان، هل نخت عنوان في السودان ولا عنوان زول برة السودان أفضل؟ انت عارف حال البريد في هذى البلاد شكراً مقدماً

انا اجبت عنهم بتفصي في هذه البوست.
ارجو العودة للصفحة الاولي السؤالين السابع والثامن وستجد الاجابة

تحيتي

الخير يا الخير
اتمنى انو يكون بريدىوصلك

سلامات يا الخير ...

اولا:
ارسلت لك ايميل بعنوان هام وعاجل وضروري وفي انتظار ردك


ثانيا:
زوجتي وبنتى يحملون الجوازات الجديده والتى بها الاسم رباعيا بالعربي وثنائيا بالانجليزي
مع العلم ان جوازى من الجوازات القديمه الاسم بها رباعى سوا بالعربي او الانجليزى

اها العمل كيف في الحاله دى وبماذا تنصح ؟؟؟


مع خالص تقديري

Up

الاحباب زوار البوست

عفوا لتاخري في الرد علي بعض الاسئلة ولكن والله اخاكم مضغوط امتحانات
لكن لي عودة قريبة وربنا يقدرني ارد علي جميع الاسئلة واكمل للناس
الراسلتني في ايميلي كل التقديمات والاجابة كذلك عن اسئلتهم ولحينها
ارجو عذري وتقبلوا خالص الامنيات.

Good day Alkhair,
I have sent to you an email with my information, please confirm safe receipt of the same and advice accordingly that my application is duly submitted.
Thank you again for your valuable support.
Waleed Abkam

جميع زوار البوست من زملاء او قراء وودت تنبيهكم الى ان هذا اليوم 15/10/2011 هو
اخر يوم استطيع ان اقبل فيه طلبات او استفسارات في بريدي الالكتروني وحقيقة كنت بتمنى اني امدد الفترة لكن نسبة لكثرة الطلبات
وضيق وقتي لم استطيع تمديد فترة المراسلة لاكثر من هذا اليوم. تحياتي وامنياتي للجميع

أخونا الخير ... تمّت المراسلة ياخ ...



ــــــ
صورة جديدة لنج وكبيرة ووجاهة فايتة الحد ذاتو

يا معلم .. الصحة كويسة ولّ نرسل ليكـ (دربّات)؟

الاخ الخير سلام
هناك سؤال من احد الاخوة

الاخ الخير
كل سنة و انت طيب
شاركت فى اللوترى 2013 و كانت مشاركتى صحيحة
و لكن فى تقديمى باسم زوجتى قمت بكتابة ايميلها بطريقة خاطئة
هل يؤثر ذلك على التقديم مستقبلا و ما هو الحل ؟
مع خالص شكرى و تقديرى

الخير
المنو كل خير
انا الايام دي في السودان وما
اخفي اعظم

اتمنى التوفيق للجميع

مرحب بالاحباب

عدت اليوم للمواصلة في البوست بعد غياب مجددا عذري لكل من لم استطيع الرد عليه
في هذا الخيط.... ساقوم اليوم بالتفرق التام لمواصلة التقديم واخطار كل الذين
قمت لهم بالتقديم باذن الله..... ارجو ان يوفقني الله في الرد علي اكبر عدد من الذين
راسلوني.



لكم التحية

البوست ده محتاجين ليه يكون في الصفحة الاولى حتى نهاية فترة التقديم.

ارجو عذري للردود القصيرة التي اقوم بارسالها لكل من راسلني عبر البريد الاليكتروني
كمية الاستفسارات والطلبات كتيرة جدا ولازم ارد علي الجميع.... عليه ارجو عذري مرة تانية


ودمتم

UP

سؤال فنى ... ممكن الواحد يقدم طلب باسمو و طلب آخر باسم الزوج مع العلم انو تفاصيل الزوج بتكون مذكورة فى طلب الزوجة او العكس ...ام بس فقط الاكتفاء بطلب واحد خاص على سبيل المثال بالزوجة و فيه تفاصيل الزوج و الابناء؟؟ افيدنى افادك الله

up عشان حضرة الناظر

فى انتظار الرد عشان نعمل اللازم لو الموضوع بقى فيه امكانية طلب تانى ....ما تتأخرو علينا الزمن ضايق شديد

الاخت منار

تحياتي

طبعا سؤالك دا من الاسئلة المهمة جدا لكن انا جاوبت عنه في مداخلة سابقة بنفس هذا البوست
يعني لو رجعتي للصفحة الاولى بتلقيني كاتب

Quote: من حق الزوج ان يقدم فورم وفي نفس الفورم دا يقدم معاهو لزوجته واطفاله... ودي فرصة من حق الزوجة ان تقدم فورم وفي نفس الفورم دا تقدم معاها لزوجها واطفالها... ودي فرصة تانية كدا الاسر بكون عندهم فرصيتن البفوز فيهم بكون فوز التاني معاهو اوتماتيكلي

تحيتي

صحابي مرحبا بكم

الاخ الحبيب صبري.... فرغت من التقديملك وارسلت لك رسالةتفيد بذلك. اتمنى لك التوفيق يا صاحب

العزيز ابراهيم عوض عمر (ابراهومة) وينك يا صديق ليك زمن قاطع مننا الاخبار... ارجو ان ترسل لي رقم
تلفونك في الماسنجر الداخلي.... تحياتي لك والاسرة.

الاخ عمار محمد ادريس.... تحياتي يا حبوب. قمت بالتقديم لك وارسلتلك رسالة تفيد بذلك تصحبها امنياتي
لك بالتوفيق وان شاء الله نشوفك معانا قريب يا صاحب.

الاخ بهاء الدين سليمان

Quote: الزول الاعز محمد الخير ... تم ارسال المطلوب باسمى بهاء الدين سليمان ... قلنا نلحقك قبل تاريخ 15

يا صاحب والله تعبت شديد عشان القى ايميلك دا.... كدي رسله لي تاني وافيدني في البوست بالارسال لاني ناوي اخلص كل المراسلات
في ظرف اليومين القادمين ..... تحياتي وما تقلق ابدا باذن الله فور استلامي لايميلك حا اقدم ليك.... تحيتي

الاخ حامد محمد حامد..... سلمت يا رجل وارجو ان اكون قد فعلت شي يفيد الناس كل ما ارجوه دعواتكم الطيبات هذه... سلمت يا رجل

الاخ وليد ابكم... تحياتي يا حبوب

Quote: I have sent to you an email with my information, please confirm safe receipt of the same and advice accordingly that my application is duly submitted. Thank you again for your valuable support. Waleed Abkam

قمت بالتقديم لك وارسلتلك رسالة في ايميلك تفيد بذلك ارجو لك التوفيق... تقبل امنياتي

ود الصايم كيف يا صديق

Quote: يا معلم .. الصحة كويسة ولّ نرسل ليكـ (دربّات)؟

حا اوريك ترسل لي شنو لما الاقيك في براحات ارحب هههههههههه.... عشان عندي لي حاجة حاقصة لي كم يوم كدى لا يصح التصريح بها في هكذا اماكن عامة


اختنا الفاضلة هدي. كيفك يا خية وعساكم واراضين السودان الحبيب بخير .... تحياتي للاهل.

الاحباء وليد دوش وياسر السيد رفع الله مقامكما كما رفعتم هذا الخيط لتعميم الفائدة... سلمتما


ملحوظة: ارجو ان يخطرني كل من راسلني في الايميل ولم ارد رسالته او اقوم باكمال التقديم له/ها


تحيتي وودي للجميع

سلام وتحية أخي الخير ..

ونحن نقدم في اللحظات الآخيرة لي إستفسار مهم ..

جواز زوجتي الإلكتروني الإسم العربي مكتوب بالكامل (رباعي)

لكن بالإنجليزي فقط مكتوب الإسم الأول والأخير ..

أها رايك شنو لو إخترت الإسم الأول والأخير

وعملت كليك على (عدم وجود إسم وسط) ...

منتظر رأيك سرييييييع



مودتي

الاخ الدكتور احمد امين

سلامي وتحياتي

قلت

Quote: جواز زوجتي الإلكتروني الإسم العربي مكتوب بالكامل (رباعي) لكن بالإنجليزي فقط مكتوب الإسم الأول والأخير .. أها رايك شنو لو إخترت الإسم الأول والأخير و Quote: عملت كليك على (عدم وجود إسم وسط) ...

لو عملت كدا حا تكون اخطأت خطأ كبير سيفقدك فرصة التقديم اون زا سبوت.

الشي الداير اقولو ليك انه الزول لو فاز, في اجراءات بيعملها قبل ان يمنح تاشيرة الدخول
الاجراءات دي بتكون في السفارة الامريكية في البلد الذي تقيم فيه.... من اهم الوثائق البيسألوك
منها في هذه الاجراءات هي شهادة الميلاد, وشهادة الميلاد دي بكون مكتوب فيها الاسم رباعيا كاملا
واذا لقوك عملت كليك علي (عدم وجود اسم وسط) حا يعتبروك مزور وحا تفقد الفرصة طوالي وربما تفقدها
لاحقا للدخول لامريكا في اي وقت اخر...... عليه يجب عليك ان تكتب الاسم كاملا (رباعي) لزوجتك. في خانة
الاسم الوسط اكتب اسم ابوها وجدها. في خانة الاسم الاول اكتب اسمها هي. في خانة الاسم الاخير اكتب اسم جدها
الرابع.

مثال لهذا: روان الخير محمد عوض
الاسم الاول (روان). الاسم الاوسط (الخير محمد). الاسم الاخير (عوض)

ارجو ان اكون قد وفقت في شرح هذه الجزئية

تحياتي

شكرا يا الخير ...

انا من أمس منتظرك وحلفت ما أبدأ التقديم الأ بعد إجابتك ..

أها توكلنا على الله ..


جزاك عند الله البشريات ...


أحمد

الحمد لله اكملت ما يزيد عن 95% من التقديمات لكل من راسلني قبل تاريخ 15/10 وما تبقي بسيط جدا
اتمنى ان لاينزعج الذين لم ارسل لهم ارقام قبول التقديم(الكونفيرميشن نمبر) باذن الله في ظرف بكرة
او بعدبكرة بالكتير اكون انتهيت ليكم كلكم من التقديمات وكلي منى ان يحالف الحظ الجميع


وددت ان انوه الى انه تبقت خمسة ايام فقط لاغلاق باب التقديم اتمنى انه كلنا نساعد بعض برفع البوست
في الخمسة ايام الجاية دي - قبل انتهاء فترة التقديم - عل وعسى ان يستفيد منه اكبر عدد ممكن من
الاعضاء والقراء.


تحيتي وحبي للجميع

يا حاتم شناب لسبب ما وجدت ايميلك في الجنك ميل
بس حبيت اطمنك انه في ظرف الساعات القلائل القادمة حا اقدم ليك
ما تقلق

تحياتي

صباح- الخير للخير وش الخير

Quote: وددت ان انوه الى انه تبقت خمسة ايام فقط لاغلاق باب التقديم اتمنى انه كلنا نساعد بعض برفع البوست

حاضرين ......

انا ما استلمت لسه.....!!!!!!

حبيبنا هارون هسي حا تستلم باذن الله بس خليك قريب

اخانا احمد شناب قدمت ورسلت ليك الكونفيرميشن نمبر

تحياتي

حبيبنا العزيز الخير محمد عوض

يا أخي لك من الشكر أجزله على هذا المجهود العظيم

والذي بفضله ستتغير حياة اشخاص كتار بإذنه تعالى .


طبعآ لما شفتك مشغول و مزحوم , قمت على طول راسلت الاخ بوب على إيميله

وما هي الا يومين فقط وقام باللازم وأرسل لي ال Confirmation Number

ألف شكر أخي بوب وربنا يجعلها في ميزان حسناتكم .


عثمان الخير الجدي

الاخ عثمان الخير

تسلم يا حبوب وتشكراتي لاخي الحبيب بوب الذي لي في جرح والذي لولاه
لما استطعت ان اوفي كل مراسل حقه. وبوب ربي يخدر ضراعك

الاخ عثمان

ربنا انشاء الله اوفقكم وتكونوا من اصحاب النصيب


ــــــ
تحياتى

الاخ الخير

السلام عليكم

عندى سؤال شوية خارج موضوع البوست وإن كان ذو علاقة وثيقة بموضوع التأشيرة والهحرة وكده

رسوم التأشيرة (للذى تم إختياره) فى السفارة فى حدود 3000 ريال سعودي
وحسب علمي تدفع قبل الإنترفيو ، وطبعا الغنترفيو هو المحك يعنى ممكن لأى سبب ما يقبلوك وفى الحالة دى ما هو مصير ال3000 دى؟
علما بأن الرسوم هى رسوم (تأشيرة) وليس رسوم (إنترفيو) والتى - حسب اللوائح - لا تسترد
فما العمل فى حالة حدوث الرفض من جانب مجرى المقابلة؟ ما الطريقة فى تقديرك لإسترداد المبلغ؟



سؤال تانى صغير :
حسب كلامك ان الخواجة ممكن يكتشف أنو صورتك أقدم من 6 شهور ، فهل فعلا الخواجة بيتاكد من ذلك بإتباع البروبورتيس لكل الصور؟ ولا دى بتحصل صدفة ، علما بان الصور قد تكون فى حدود 8 شهور يعنى ما توحى بأنها قديمة(هذا إذا كان الخواجة يعتمد على تقديراتهلمدى قدم الصورة او حداثتها )

خالص الشكر،،

Quote: وددت ان انوه الى انه تبقت خمسة ايام فقط لاغلاق باب التقديم اتمنى انه كلنا نساعد بعض برفع البوست في الخمسة ايام الجاية دي - قبل انتهاء فترة التقديم - عل وعسى ان يستفيد منه اكبر عدد ممكن من الاعضاء والقراء.

حبيبنا تلفونك مقفول

عزيزنا وليد طه

صدقني يا عزيزي اي شي بتعلق بتعاملات السفارة مع المتقديمن لا ادري عنه الكثير ولكن
خير من يجيب عن هذا السؤال شخص يكون مر بالمعاملة دي سابقا... عن نفسي فقدسمعت بان
المبلغ التدفعو رسوم للتاشيرة لا يسترد حتى وان لم تمنح التاشيرة بس حقيقة ما متاكد


اما الجزئية الثانية من السؤال

Quote: حسب كلامك ان الخواجة ممكن يكتشف أنو صورتك أقدم من 6 شهور ، فهل فعلا الخواجة بيتاكد من ذلك بإتباع البروبورتيس لكل الصور؟ ولا دى بتحصل صدفة ، علما بان الصور قد تكون فى حدود 8 شهور يعنى ما توحى بأنها قديمة(هذا إذا كان الخواجة يعتمد على تقديراتهلمدى قدم الصورة او حداثتها )

عمكم الخواجة يا اخانا وليد مفتح وعنده مية طريقة يعرف بيها اذا ما كانت الصورة قديمة او حديثة
وقصة معرفتها من خلال البروبرتيس دي ابسط حاجة ممكن يعرف بيها تاريخ الصورة. اذا بس نوهت للحتة بتاعة
البروبرتيس دي كابسط طريقة ممكن اي زول يعرف بيها تاريخ الصورة.... لكن يا اخي وليد نصيحتي للمتقدمين
دائما بانه الزول يعمل الشغل النجيض وما يتلولو مع الخواجة لانه كما زكرنا انفا انه مفتح وما بدقس ههههههه

تحياتي يا حبيب

)))))))


UP

بالله ماذا يضير الخواجة إن كان عمر الصورة 8 شهور او 6 شهور ؟!

ياخى الملامح ياها ذاتنا والصور ونفس المشاهد
والزمان واقف مكانو والرقم لسه واحد

أمريكان مفترين بشكل :)

شكرا عزيزي الخير

UP

الخير ...شكرا يا صديقي

انا عندي احساس انه اللوتري حيضرب معاي انشا الله

اخونا الخير

سلامات

انشاء الله زنقتك فكت انتظرنا Confirmation Number

مايكون التقديم ماتم واتخلبطت مع بوب

يازول ماتفتح تلفونك.....!!!!!!!

هارون تلفوني فاتح

فتشت علي بياناتك والصور تفتيش شديد وما لقيتااي شي دايراك تسرع ترسلهم لي تاني

يا بابكر انا ما فهمت كلامك كويس لكن داير اطمنك اني رسلت ليك بس لسا ما رسلت ليك

الكونفيرميشن نمبر يعني ماتشيل هم موضوعك خلاص انتهى.....


هارون ضرووووووري بالله

ويا اهلنا اخوكم عنده امتحان الجن والجنبه بعد بكرة دعواتكم بس

تحياتي وعذري للرد السريع.

Quote: انا عندي احساس انه اللوتري حيضرب معاي انشا الله

انا زاتي عندي الاحساس دا

بس خليك مطنش الموضوع ونظام ما شغال بيهو كتير

ياحبيب وحاتك تلفونك مقفول معاي طواااااااااالي

المهم......

عملت ليك اعادة ارسال بالقديم

وباذن الله بكره ارسل ليك صور جديدة .....

شاكرين ومقدرين ياجميل

الخير كل عام وانت بخير

امبارح قدم زميلي ومرتو وساعدتهم بفضل توجيهاتكم القيمه .. يديك العافيه

اغلب الاستوديوهات هنا بتعمل الخلفيه البيضاء بالفتوشوب ,, ماحكم ذلك



تحياتي

وانتي طيبة يا دلال وربنا يحقق الاماني

بالنسبة لسؤالك

Quote: اغلب الاستوديوهات هنا بتعمل الخلفيه البيضاء بالفتوشوب ,, ماحكم ذلك

يجوز مع الاكراه ههههههههههه .... طبعا يجوز عمل الخلفية بالفوتوشوب او اي صوفتوير تاني ما مشكلة
المشكلة المادايرا الخواجة انه الزول يقعد يهابش في عضم الصورة زاتا وختى نموذج لجنس الخرمجة دي
في الويب سايت بتاعه.... النموذج الختاه الخواجة اهو دا:





امنياتي لزميلك وزوجته بحظ وافر

احترامي

بحمد الله وعونه انتهيت لتوي من التقديم لكل الذين راسلوني
وقد قمت بارسال الكونفيرميشن نمبر لكل من قدمت له..... اتمنى للجميع التوفيق والعفو والعافية لو اهملت رد من اي
اي من الاسئلة واتمنى اني اكون وفقت في شرح طريقة التقديم واجبت عن كل الاسئلة اجابات مقنعة ومفيدة.....والى ان التقيكم
العام القادم في لوتري جديد لعام 2014 اترككم في رعاية الله وحفظه وكل لوتري وانتو طيبين

الخير ياريت لو تسعفني سريع....

انا قدمت لمجموعه ولكن قابلتني مشكله واحده مع احدهم
وهو انه مولود بالسعوديه وتاريخ الميلاد كما هو معلوم مدون با لتاريخ الهجري ..... ؟؟؟؟؟

العمل ؟ العمل ؟ ياريت لو ترجع لي سريع.

تحياتي يا وليد

لازم طبعا التاريخ البتكتب في التقديم يكون ميلادي.... تقوم تعمل شنو. تمشي للرابط ادناه

http://www.ihijri.com/

وتخت التاريخ الهجري بتاع المتقدم دا وتشوفو بعادل شنو بالميلادي.... وتقدم ليهو على هذا الاساس

تحياتي وامنياتي له

غدا الساعة اطناشر بتوقيت الساحل الشرقي لامريكايعني حوالي الساعة السابعة مساء السبت
بتوقيت السودان, سيغلق باب التقديم للوتري هذا العام.

Less than three hours left

just a reminder

تم اغلاق صفحة التقديم قبل ساعة من الان

الساعة الان الواحدة بتوقيت الساحل الشرقي للولايات المتحدة

كل عام والجميع بخير

الشكر والتقدير للاخ والصديق الخير على هذا المجهود الجبار

هذا البوست السنوي الذي ينتظره الكثيرين

والذى اصبح بمثابة امل كبير

والتقدير الكبير له ورغبته الصادقة في مساعدة الاخرين

كل عام وانت بخير يا الخير

وكل عام والجميع بخير

والله يا الخير ما قصرت تب ربنا يديك العافية ويحقق امانيك ببركة هذا العيد الكريم

الوطن بقى طارد بصورة ما عادية شوف بس عدد الناس الفي البوست دا وزواره وخليك من اللوتراب بتاعين السنين الماضية والجاية


المؤتمر الوطني هجر تلت السودانين ولا يزال رئيسه يمتهن الرقص الله لا يكسبو ولا طرح فيهو عافية ببركة هذه الليلة المباركة


قدمت قبل تلاتة سنين وحردت قلت الخواجة ما عاوزني الان بفضل الله ثم فضل توجيهاتك بعثت في الامل من جديد وقدمت واكتشفت ان جزء كبير كان رايح علي


المهم اديتني نفس احساس اخوي الكونت الفوق دا

ايوب عبد الرحيم مشتاقين ياخ وادينا اخبارك ما عرفناك وقفت وين ؟


كل عام والجميع بخير

Quote: الاخ الخير سلام هناك سؤال من احد الاخوة الاخ الخير كل سنة و انت طيب شاركت فى اللوترى 2013 و كانت مشاركتى صحيحة و لكن فى تقديمى باسم زوجتى قمت بكتابة ايميلها بطريقة خاطئة هل يؤثر ذلك على التقديم مستقبلا و ما هو الحل ؟ مع خالص شكرى و تقديرى

الرساله اعلاه من الاخ مصطفى محمد على
مقيم بالقاهرة