شاهد صور مزرعة د. نافع - شقيق البشير اطلق على عمارته اسم " ذات العماد

Quote: شاهد صور مزرعة نافع على نافع - شقيق البشير اطلق على عمارته اسم " ذات العماد " شاهد صور مزرعة نافع على نافع - شقيق البشير اطلق على عمارته اسم \" ذات العماد \" نافع على نافع يعتبر من القيادات القوية في حزب البشير وعرف عن الرجل دفاعه المستميت عن حزبه ولسانه البذئ تجاه الأحزاب المعارضة والقيادات والرموز الوطنية ، كان الرجل حتى لحظة انقلاب البشير على الديمقراطية يعمل استاذا بجامعة الخرطوم - كلية الزراعة - ولا يمتلك شئ خلاف راتبه الشهري - وكان يسكن في منزل ايجار بالحلفايا حتى لحظة الانقلاب - ولكن تبدل الحال بعد قبضتهم على مفاصل السلطة والمال حتى قال احدهم انه لا يجد فرقا بين الدولة والحزب في النواحي المالية - واعتقد هؤلاء الذين اتوا لانقاذ السودان ان الوطن وثروته صارت غنيمة خالصة لهم . وانهمك كل منهم في نهب اموال الوطن بطرق مختلفة وبالشوكة والسكين -ولكن بعد ظهور البترول - قذفوا بالشوكة وهجموا هجمة شرسة بايديهم على اموال الوطن . - سيقول احد الهتيفة - الرد الرد كباري وسد . - مع أن المواطن العادي يعلم ان الكباري والسد عبارة عنن قروض ربوية مجازة من البرلمان الرسالي - نكاية في الشيوخ " عبد الحي يوسف وأخوانه " - هؤلاء الشيوخ الذين هجروا "زلابية الفقراء "وانهمكوا في خياطة الفتاوى من نوع " حرمة سفر البشير - وختان الاناث - وعدم تأجير المنازل للحركة الشعبية - وزواج المسيار والايثار والعرفي وخلافه- - من المباني التي يمتلكها نافع على نافع - عمارتان بجوار فندق القرين فيلدج - على النيل الازرق - هذا بخلاف عمارته التي يسكن فيها حاليا بالمنشية - وقد اهدى الرجل قصرا لابنته المتزوجة من ابن - الراحل - المشير الزبير محمد صالح بحي الرياض مربع 6 وهي شريحة تقع بين المنشية وامتداد ناصر نشرنا صور القصر هنا بالراكوبة وسننشر لاحقا - بالمشيئة - صور القصر بعد ان شارفت اللمسات الأخيرة لاعمال التشطيب على الانتهاء. - والنيل الأزرق يحتضن بخلاف عمارات على كرتي وقصر وداد بابكر - يحضن عمارة شقيق البشير التي يطلق عليها اسم " ذات العماد " - المزرعة التي يمتلكها نافع على نافع توجد بولاية الخرطوم - شرق النيل جوار سوبا شرق - تمتد الى أكثر من كيلو متر للطول و مثلها للعرض - توجد بداخل المزرعة عدة فلل - وكما ترى سور المزرعة عالي ومسور بالحديد والاسمنت - - مزرعة نافع على نافع هذه لا تمثل شيئاً بالنسبة لمزرعة بكري حسن صالح الضخمة والعجيبة وتلك قصة أخرى - - الرئيس البشير يدافع بكل ما أوتي من قوة عن اركان وأقطاب وأساطين الفساد في حزبه ويجزم أن ليس هنالك فاسد - فما هو الفساد حسب فهم البشير اذا لم يكن ذلك فساداً.

http://arabic-media.com/newspapers/sudan/alrakoba.htm

الأخت أماني

عندك quote ما قفلتيه لخبط البوست



تحياتي

Quote: تمتد الى أكثر من كيلو

امانى سلام

انت بتتكلمى عن طماطم واللا بطاطس؟؟
ياخى الحساب بالكيلو دهـ فى اللحمه بقى عند ناس السودان مافى
والله الانقاذ دى بقت الفساد يمشى على حكومة..
ناسين السحت والنار التى ياكلون فى بطونهم،،،

Quote: الأخت أماني عندك quote ما قفلتيه لخبط البوست تحياتي

شكراً الأخ أبو الحسين على التنبيه..
دمت واسرتك بالف خير ..

Quote: من المباني التي يمتلكها نافع على نافع - عمارتان بجوار فندق القرين فيلدج - على النيل الازرق - هذا بخلاف عمارته التي يسكن فيها حاليا بالمنشية - وقد اهدى الرجل قصرا لابنته المتزوجة من ابن - الراحل - المشير الزبير محمد صالح بحي الرياض مربع 6 وهي شريحة تقع بين المنشية وامتداد ناصر نشرنا صور القصر هنا بالراكوبة وسننشر لاحقا - بالمشيئة - صور القصر بعد ان شارفت اللمسات الأخيرة لاعمال التشطيب على الانتهاء.

Quote: نشرنا صور القصر هنا بالراكوبة وسننشر لاحقا - بالمشيئة - صور القصر بعد ان شارفت اللمسات الأخيرة لاعمال التشطيب على الانتهاء.

أماني حبابك
جئت لمشاهدة الصور

Quote: امانى سلام انت بتتكلمى عن طماطم واللا بطاطس؟؟ ياخى الحساب بالكيلو دهـ فى اللحمه بقى عند ناس السودان مافى والله الانقاذ دى بقت الفساد يمشى على حكومة.. ناسين السحت والنار التى ياكلون فى بطونهم،،،

شكراً الأخ صديق الموج ..
أصلاً الموازين إتقلبت في عهد الفساد ..
ولكن مصير الحقوق ترجع للشعب
الذي تجرع الذل والهوان ..
يمهل ولا يهمل ..
دمت واسرتك بالف خير ..

غايتو يا بت العجب لقيتك حاسدة حسااااااااادة


سمحة المقدرة كدى كدى..القادر يسوى..هى لله
هى لله ...

امانى مش ممكن تكون خطة زراعية على وزن خطة اسكانية
شان ما نظلم ملاك الشرف والنزاهة الود نافع النفعنجى

Quote: أماني حبابك جئت لمشاهدة الصور

صبراً أبل الابري مافي !
الأخ ايمو الصور نزلت ..
دمت بالف خير ..

Quote: شقيق البشير اطلق على عمارته اسم \" ذات العماد \"

امانى لمزيدا من الشفافية الراجل غير الاسم لذات الفساد وهذا للعلم،،،

شكراً الأخ محمد على حسن
على إثراء البوست بالصور .. ..
دمت بالف خير ..

Quote: غايتو يا بت العجب لقيتك حاسدة حسااااااااادة سمحة المقدرة كدى كدى..القادر يسوى..هى لله هى لله ... امانى مش ممكن تكون خطة زراعية على وزن خطة اسكانية شان ما نظلم ملاك الشرف والنزاهة الود نافع النفعنجى

شكراً الأخ ود الصايم..
كل المعارضة حاسدة ده رزق من عند الله !
على قولك ما نبهتهم ساكت..
نحن في إنتظار موالي النظام لتفسير ذلك ..
دمت واسرتك بالف خير ..

Quote: صبرا آل نافع فإن موعدكم قصرا ،،، الصور المرفقة و التي تشاهدونها تمثل أحد القصور غير الرئاسية المملوكة للأميرة السودانية إبنة التاسعة و العشرين التي لم تتجاوز العقد الثالث من عمرها / نسيبة نافع علي نافع ،،، (و الإسم ليس سالما) فوالد الأمورة السيد/ نافع علي نافع هو نفسه نائب رئيس حزب البشير ومستشار المشير عمر البشير والرجل الأقوي في سلطة المؤتمر الوطني الحاكمة اليوم في السودان ليس غيره ،،، يقع القصر في الرياض مربع رقم (6) بالقرب من مركز الانفال التجاري. ومساحتة تتراوح ما بين 800 إلي 1000 متر مربع، و تقدر المساحة المبنية منها بحوالي 600 متر مربع مرتفعة لأربعة طوابق علي الأقل بما فيها الطابق الأرضي. تتجاوز نسبة الإنجاز في المباني حتي الآن كما ترونها و التي تتولاها شركة صينية حوالي الـ 70% علما بأن متوسط تكلفة بناء المتر المربع (تشطيب لوكس في السودان تقدر بحوالي (1.5 مليون جنيه) أي أن تكلفة المساحة المبنية حتي الآن بطوابقها الأربعة تقدر بحوالي 3.6 مليار جنيه سوداني ما يعادل 1.2 مليون دولار هذا بخلاف قيمة الأرض التي تقدر بحدها الأدني في تلك المنطقة بحوالي مليار جنيه أي أن قيمة القصر بكامله أرضا و مباني تقدر بحوالي 4.6 مليار جنيه سوداني علما بأن: • زوج السيدة/ نسيبة نافع علي نافع و الذي لم يتجاوز الـ 32 عاما من العمر هو السيد/ مصعب الزبير محمد صالح إبن الشهيد الزبير محمد صالح. • يعمل السيد/ مصعب الزبير محمد صالح ملازما في الجيش السوداني و لا توجد هنالك إثباتات لمصادر دخل أخري غير راتبه و هو لا يزال علي رأس عمله..علما بأن والدهم كان يسكنهم في بيت بالايجار عند انقلاب الانقاذ. • القصر تم تسجيله بإسم الملازم مصعب الزبير محمد صالح علي الرغم من أن قيمته تم دفعها من قبل والد الزوجة المصون السيد/ نافع علي نافع و لا أحد يعرف السبب الذي أفضي إلي ذلك ،،، • تم رصف شارع خاص يقع خلف المنزل، بخلاف ان المنزل يقع علي شارع مامون البرير " شارع رئيسي ". • كل مواد البناء من الخارج ما عدا الطوب والاسمنت. ما يثير دهشة الجميع هو : • كيف أن مجرد ملازما بالجيش السوداني لا يتجاوز راتبه الشهري تراب الفلوس إستطاع أن يظفر أولا بإبنة أهم صقور النظام و ثانيا أن ينعم بأحد قصورهم الغالية جدا؟ • ونافع على نافع كان مجرد دكتور جامعي في كلية الزراعة (المفلسة) فكيف أصبح بمقدوره إهداء قصرا بقدر هذا القصر المذكور عاليا لصهره و بنته ،،، الراكوبة

http://sudaneseonline.com/news.php?action=show&offset=120&id=14498

Quote: امانى لمزيدا من الشفافية الراجل غير الاسم لذات الفساد وهذا للعلم،،،

شكراً الأخ صديق الموج ..

ما نشاهده سور فقط لا غير ... ولا ندري ما بداخله

عليه لن نعتمده كمزرعة حتى نشاهد اشجار المانجو

وشخاليب التمر واصفرار ثمار البرتقال

وشكرا ...

Quote: وشخاليب التمر واصفرار ثمار البرتقال

انت وصلت المرحلة فى بترى ؟

Quote: ما نشاهده سور فقط لا غير ... ولا ندري ما بداخله عليه لن نعتمده كمزرعة حتى نشاهد اشجار المانجو وشخاليب التمر واصفرار ثمار البرتقال وشكرا ...

الأخ ود الباوقة لك جزيل الشكر على
إعتماد السور ..
وقد أوكلناك أن تأتينا بخبر المطايب
( شخاليب التمر واصفرار ثمار البرتقال)
في الداخل ..
وسوف يبين المستور بعد سقوط سور
العزيزية!
دمت واسرتك بالف خير ..

الاخت امانى
سلام

ديل يحيروا الشيطان زاتوا

والغريبة لا بخافو ولا بختشو

وبكل عين قوية يقولو

هى لله هى لله

Quote: الاخت امانى سلام ديل يحيروا الشيطان زاتوا والغريبة لا بخافو ولا بختشو وبكل عين قوية يقولو هى لله هى لله

لك جزيل الشكر الأخ مهاجر ..
يشيدون القصور والمزارع باموال
الشعب والشعب جيعان ويطالبونه
بالتوقف عن أكل اللحوم ولا يدرون
بان الغالبية العظمى صار أكل اللحوم
رفاهية ولا يتذكرون طعمه!
إن يومهم قد دنا ..
دمت بالف خير ..

Quote: المزرعة التي يمتلكها نافع على نافع توجد بولاية الخرطوم - شرق النيل جوار سوبا شرق - تمتد الى أكثر من كيلو متر للطول و مثلها للعرض - توجد بداخل المزرعة عدة فلل - وكما ترى سور المزرعة عالي ومسور بالحديد والاسمنت - - مزرعة نافع على نافع هذه لا تمثل شيئاً بالنسبة لمزرعة بكري حسن صالح الضخمة والعجيبة وتلك قصة أخرى -

Quote: الرئيس البشير يدافع بكل ما أوتي من قوة عن اركان وأقطاب وأساطين الفساد في حزبه ويجزم أن ليس هنالك فاسد - فما هو الفساد حسب فهم البشير اذا لم يكن ذلك فساداً.

ليبقى عالياً لفضح نظام القتل و التعذيب ..

Quote: وكان يسكن في منزل ايجار بالحلفايا حتى لحظة الانقلاب

اذا المعلومة دي غلط يبقى اي حاجة تانية غلط

بعدين ذات العماد دي حيطتها مالها مشققة كدي



والله لو دا بيصب في خانة المعارضة يبقى على المعارضة السلام.

المعلومة صحيحة يا نجاة
صحيحة مية المية
انت ناسية انو كان استاذ جامعي
وكان ساكن بالايجار
اذا طبق عليه قانون من اين لك هذا
ليمان كوبر برحب بيه
نافع حرامي وعينو قوية

Quote: انت ناسية انو كان استاذ جامعي وكان ساكن بالايجار

بالجد كلامك محير انت متأكد انه كان ساكن في الحلفايا؟

بعدين استاذ جامعي دي مالك مبخسها كدا؟
استاذ جامعي في زمن نافع حاااااااجة كبيرة جدا يا خالد
يسكنون في البيوت الحكومية الفارهة ذات اصطبلات


بالله اسع نافع دا ما عمل اي حاجة للناس غير المرزعة والبيت؟
يا خالد نافع كان مسؤول من جهاز الامن على ايام الانقاذ
ودي براها تودي ورا الشمس
ما عايزة اي اكاذيب ولا فتل ولا شتل
بعدين البيت بتاع بتو دا شغال منشار مرة لما تجي سيرة الزبير ولما تجي سيرة نافع

بعدين قلنا نبعد الاسر من النضال ال###### دا
بالجد يا حليل السودان لا حكومة لا معارضة

Quote: بالجد كلامك محير انت متأكد انه كان ساكن في الحلفايا؟ بعدين استاذ جامعي دي مالك مبخسها كدا؟ استاذ جامعي في زمن نافع حاااااااجة كبيرة جدا يا خالد يسكنون في البيوت الحكومية الفارهة ذات اصطبلات بالله اسع نافع دا ما عمل اي حاجة للناس غير المرزعة والبيت؟ يا خالد نافع كان مسؤول من جهاز الامن على ايام الانقاذ ودي براها تودي ورا الشمس ما عايزة اي اكاذيب ولا فتل ولا شتل بعدين البيت بتاع بتو دا شغال منشار مرة لما تجي سيرة الزبير ولما تجي سيرة نافع بعدين قلنا نبعد الاسر من النضال ال###### دا بالجد يا حليل السودان لا حكومة لا معارضة

برجع لي كلامك بكرة لانو مهم جدا
وقبل بكرة اقول حاجتين !

بتعرفي البروف محمد هاشم عوض !
الاستاذ في جامعة الخرطوم
مفروض يتعمل ليه تمثال وقاعة جوه الجامعة
عارفه الحصل ليه شنو بعد خدمة طويلة طويلة
الكيزان طردوه شر طردة من بيت الجامعة
وماعندو بيت ملك
عارفه ليه ؟
لانو لو كان كوز حقير حرامي زي نافع
كان عمل ليه قصور ومزارع
وبرجع للموضوع ده بالتفصيل
لانو ده نموذج واحد
والله بدي الجنة لي نافع !!

Quote: ودي براها تودي ورا الشمس

يمة القمر بالباب
ضوت قناديلو
يمة أرد الباب
ولا أناديلو ؟

لا يا بت خلي عمك نافع ياخدو معاه في مشوارو ورا الشمس

المعارضه علي الطريقه 4/2/4
جيب صورة حوش
يكون بداخله اشجار
اختار مساحة طويلة
المكان لا يهم ممكن حتي من خارج السودان
اكتب عليهو اسم وزير من حكومة البشير
هذا دليل واضح علي الفساد
........
سوف تجد من يدعمك
ويرفع البوست

1111

Quote: المعلومة صحيحة يا نجاة صحيحة مية المية انت ناسية انو كان استاذ جامعي وكان ساكن بالايجار اذا طبق عليه قانون من اين لك هذا ليمان كوبر برحب بيه نافع حرامي وعينو قوية

لك جزيل الشكر الأخ خالد العبيد ..
دمت واسرتك بالف خير ..

Quote: Quote: وكان يسكن في منزل ايجار بالحلفايا حتى لحظة الانقلاب اذا المعلومة دي غلط يبقى اي حاجة تانية غلط

صحيح كان يسكن في الحلفايا بالإيجاز الذي كان
تدفعة الجامعة (بدل سكن) وبعدها إنتقل إلى مساكن
الجامعة في شمبات والتي سكن فيها لفترة قصيرة
بعد الإنقلاب ثم إنتقل منها !

Quote: بعدين ذات العماد دي حيطتها مالها مشققة كدي

هذه ليست حيطة ذات العماد ، هذه حيطة المزرعة !

Quote: والله لو دا بيصب في خانة المعارضة يبقى على المعارضة السلام.

مرحباً بالمعارضة التي تكشف الفساد والفاسدين ..

Quote: يعمل السيد/ مصعب الزبير محمد صالح ملازما في الجيش السوداني و لا توجد هنالك إثباتات لمصادر دخل أخري غير راتبه و هو لا يزال علي رأس عمله..علما بأن والدهم كان يسكنهم في بيت بالايجار عند انقلاب الانقاذ.

1- يعني لما توفى الزبير محمد صالح لم يترك لأولاده سكن!!!!

تحت الرغبة الملحة لاثبات شيء يتم نفي شيء آخر دون وعي أو إدراك فيفتضح الغرض..

الحمد لله

يا اماني من باب العدالة الصحفية والمساواة في الكراهية
صوري لنا مزارع ال المهدي المحيطة بالخرطوم عشان تشوفي المزارع الماخمج
صوري لنا السرايات التي تشبه القصور الفكتورية في بلد الجوع والغلابة الذين قطعوا الاشجار وعبدوا الطرق للاقطاعية الكبرى في افريقيا
صوري لنا بيوتهم من الشارع الى الشارع واخبرينا من اين اتت فكما قال شوقي بدري عبد الرحمن المهدي كان يركب حمارا في جزيرة الفيل
بعد زوال المهدية ام ذلك هو الفساد المقدس ام تلك جهود الاباء والتجارة الحرة
ليس هنالك فساد اطهر من فساد
صورى لنا اراضي التعويضات التي ابكت الصادق في البرلمان من اين جاءت ومن
الذي اشار اليهم بملكيتهاام هم فوق الحساب لانهم بركة وجدهم كان يقاتل بسيوف العشر
اما هذا السور الذي اصبح قضية في هذا البوست فان اي باشكاتب في الخرطوم يمكن ان يتملكه ،،
على الاقل صوري المزارع الاخرى المنتشرة الى حد المدى
يعني المابتريدو تشوف مزعتو احسن مزرعة

Quote: يا اماني من باب العدالة الصحفية والمساواة في الكراهية صوري لنا مزارع ال المهدي المحيطة بالخرطوم عشان تشوفي المزارع الماخمج صوري لنا السرايات التي تشبه القصور الفكتورية في بلد الجوع والغلابة الذين قطعوا الاشجار وعبدوا الطرق للاقطاعية الكبرى في افريقيا صوري لنا بيوتهم من الشارع الى الشارع واخبرينا من اين اتت فكما قال شوقي بدري عبد الرحمن المهدي كان يركب حمارا في جزيرة الفيل

بالله عليك؟
ياخ انت عيان من جوه !
من قمنا وشفنا الدنيا العندهم قروش وممتلكات في السودان
بتعدو على الاصابع يا سعادة البروف
مثل .. ناس المهدي واولاد الميرغني وعلي دنقلا الشيخ مصطفى الامين

الطفيلية الاسلامية الانت شال الطار وتغني ليها يوم حسابها قرب
طلعت دين الشعب السوداني
ومرت الريس اشترت قصر الشيخ مصطفى الامين
وازيدك
مشيت السودان قبل سنتين
ود جيرانا علي اليمين ما عندو التكتح
راكب حداشر خ عمرو كلو .. لمن مرقنا السودان
هسه عيني باردة اصبح من ملاك العمارت والقصور والعربات الفارهة
عارف ليه؟
لانو بقى كوز مؤتمر وطني حرامي
دي مؤهلاتو دنيا وآخرة
شفتها هانت كيف

وبرجع ليك تاني !

يا اماني خلينا من نافع التجي بيان دي تثبت لينا من وين اشترى على كرتي فندق قصر الصداقه؟؟؟
وبكم اتاع ليه؟؟و اتباع اصلا ليه؟؟ماهو فندق ممتاز وموقعه ممتاز؟؟؟


ديل فسادهم زكم الانوف.

اما المنافق عبد الملك اياهو
بقول ليه بقت تقارن جماعتك بالطائفيه؟؟
طيب ما انتو ادعيتوا بانكم جاين تنقذونا منهم؟؟!!
نبقي في الاقتداء بيهم؟!


ويا خالد العبيد
قرنك للرجل العفيف الشيخ مصطى الامين باستغلالي الطائفيه فيه ظلما للرجل العصاكي البنى نفسه بنفسه
وليس من استغل حواريه وانصاره لبناء مستعمراته الماليه؟!


والطائفيه يا خالد العبيد مافي سبب واحد يخليك كتقدمي تضاري على سؤاتها وبؤسها
واستغلالها للبشر. ولو فاكر عشان سواد التحالف معهم حنضاري عليهم تبقى غلطان.\معلون ابو التحالفات الغير مبدئيه كلها.

Quote: اذا المعلومة دي غلط يبقى اي حاجة تانية غلط بعدين ذات العماد دي حيطتها مالها مشققة كدي والله لو دا بيصب في خانة المعارضة يبقى على المعارضة السلام.

سلآمات دكتورة نجاة والجميع.
ما عندي عِلِم بباقي البوست، بس حكاية كان ساكن في الحلفايا
بلإيجار دي، والله علي ما اقول شهيد صحيحة 100%، ومتأكد
منها لأني سكنت جواره في الحلفاية لما يقارب الـ 7 سنين، وتحديداً
في محطة كيلو 8. البيت الكان مأجرو مضروب جير اصفر، وكان
يجاوره من الناحية الجنوبية شاور البخيت شاور، وبيتنا نحن كان
مقابل لبيت شاور ويقع غربه. الناحية الشرقية لبيت نافع مقابلة الظلط
(ظلط شارع عطبرة)، غرب بيت شاور كان بيت وآحد رتبتو كبيرة
في البوليس إسمو عبد الهادي، غربه طوالي حوش فاضي تابع للمرحوم
الشيخ عوض الله صالح. شمال بيت نافع في مدرسة المدرسة دي لمان
رجعت السودان في عام94 كان فيها مركز تدريب للدفاع الشعبي.
انا سكنت عزابي وغير عزابي لفترة في المنطقة دي جار
لنافع. عندو أهلوا رجال كبار في السِن كانوا احياناً عندما يحضرو
لزيارة نافع يجو يبيتو معاي في البيت.

Quote: اما هذا السور الذي اصبح قضية في هذا البوست فان اي باشكاتب في الخرطوم يمكن ان يتملكه ،،

دا كرتوم دا ولا جزيرة العجائب

(عمل الاستاذ/ المرضي)



الاخت/ أماني العجب

حكومة الفساد..
ناس حرامية
وما بينهم شريف..
قبحهم الله

Quote: بالجد كلامك محير انت متأكد انه كان ساكن في الحلفايا؟ بعدين استاذ جامعي دي مالك مبخسها كدا؟ استاذ جامعي في زمن نافع حاااااااجة كبيرة جدا يا خالد يسكنون في البيوت الحكومية الفارهة ذات اصطبلات بالله اسع نافع دا ما عمل اي حاجة للناس غير المرزعة والبيت؟ يا خالد نافع كان مسؤول من جهاز الامن على ايام الانقاذ ودي براها تودي ورا الشمس ما عايزة اي اكاذيب ولا فتل ولا شتل بعدين البيت بتاع بتو دا شغال منشار مرة لما تجي سيرة الزبير ولما تجي سيرة نافع بعدين قلنا نبعد الاسر من النضال ال###### دا بالجد يا حليل السودان لا حكومة لا معارضة

ذكرنا المعلومات التي لدينا وعلى د. نافع
أن يبرئ ذمته على الملأ كما يفعل المسئولون
في الدول التي تحترم مواطنيها ..

أنني احترم الأسر وخصوصياتهم ولكن أين
علاقة الأسر هنا بموضوع البوست ؟!
د. نافع مسئول عام امتلك ثروة بعد توليه
لمناصب قيادية الشعب يريد أن يعلم من أين
له هذا !

Quote: يا خالد نافع كان مسؤول من جهاز الامن على ايام الانقاذ ودي براها تودي ورا الشمس

شكراً على التركيز بهذا الجانب المظلم في حياة
د. نافع السياسية الأستاذ الجامعي الذي صار
جلاداً لشعبه ..
جهاز الأمن الذي أسسه عاد هذه الأيام أكثر
شراسة وجمعاً وبيوت الأمن السرية
مازالت قائمة ويمارس فيها ما لا يرضاه
الله ورسوله ..

Quote: اكتب عليهو اسم وزير من حكومة البشير

الكرار ...ياخ نظامك نضيف وعفيف

Quote: ودي براها تودي ورا الشمس يمة القمر بالباب ضوت قناديلو يمة أرد الباب ولا أناديلو ؟ لا يا بت خلي عمك نافع ياخدو معاه في مشوارو ورا الشمس

لك جزيل الشكر الأخ المسافر ..
دمت بالف خير ..

Quote: Quote: اذا المعلومة دي غلط يبقى اي حاجة تانية غلط بعدين ذات العماد دي حيطتها مالها مشققة كدي والله لو دا بيصب في خانة المعارضة يبقى على المعارضة السلام. سلآمات دكتورة نجاة والجميع. ما عندي عِلِم بباقي البوست، بس حكاية كان ساكن في الحلفايا بلإيجار دي، والله علي ما اقول شهيد صحيحة 100%، ومتأكد منها لأني سكنت جواره في الحلفاية لما يقارب الـ 7 سنين، وتحديداً في محطة كيلو 8. البيت الكان مأجرو مضروب جير اصفر، وكان يجاوره من الناحية الجنوبية شاور البخيت شاور، وبيتنا نحن كان مقابل لبيت شاور ويقع غربه. الناحية الشرقية لبيت نافع مقابلة الظلط (ظلط شارع عطبرة)، غرب بيت شاور كان بيت وآحد رتبتو كبيرة في البوليس إسمو عبد الهادي، غربه طوالي حوش فاضي تابع للمرحوم الشيخ عوض الله صالح. شمال بيت نافع في مدرسة المدرسة دي لمان رجعت السودان في عام94 كان فيها مركز تدريب للدفاع الشعبي. انا سكنت عزابي وغير عزابي لفترة في المنطقة دي جار لنافع. عندو أهلوا رجال كبار في السِن كانوا احياناً عندما يحضرو لزيارة نافع يجو يبيتو معاي في البيت.

لك جزيل الشكر الأخ معاوية المدير ..
ودمت بالف خير..