أفضل جامعة سودانية في المرتبه 2112 جامعة "هارفارد" الاولى عالميا

جامعة "هارفارد" حافظت على المرتبة الاولى ضمن افضل 500 جامعة بالعالم

تصدرت المؤسسات التعليمية الجامعية الأمريكية مجددا ترتيب الجامعات للعام 2011 الذي تعده جامعة جياتونغ في شنغهاي متقدمة بأشواط على نظيراتها، بينما تصدرت 5 جامعات سعودية لائحة التصنيف العربي، وفقا لقائمة أفضل 500 مؤسسة جامعية التي نشرتها الجامعة على الانترنت مساء الأحد.

وتحتل الولايات المتحدة 17 مرتبة من أصل المراتب العشرين الاولى، على ما جاء في هذا الترتيب العالمي الذي نشر على موقع الجامعة الإلكتروني.

وتحافظ جامعة "هارفرد" الأمريكية على المرتبة الأولى في حين تحل جامعة "ستانفورد" بالمرتبة الثانية التي كانت في العام الماضي من نصيب جامعة "بركلي" التي أصبحت اليوم في المرتبة الرابعة يتقدمها معهد "ماساتشوستس انستيتوت أوف تكنولودجي".

وترد ثلاث جامعات بريطانية بين أفضل 10 جامعات مع "كيمبردج" في المرتبة الخامسة و"أوكسفورد" في المرتبة العاشرة بالإضافة إلى جامعة "يونيفرستي كوليدج أوف لندن" في المرتبة العشرين.

أما جامعة طوكيو فقد تراجعت مرتبة واحدة وحلت في المرتبة الحادية والعشرين.

بينما جاءت أفضل جامعة آسيوية في المرتبة 24 عالميا (جامعة تايوان الوطنية)، وأفضل جامعة عربية في المرتبة 186 عالميا (جامعة الملك سعود)، وأفضل جامعة أفريقية في المرتبة 324 عالميا (جامعة كيب تاون).

وضمت لائحة أفضل 50 جامعة في العالم 39 جامعة من الولايات المتحدة الأميركية وأربع جامعات من بريطانيا (المراتب 16 و27 و44 و46)، وجامعة واحدة من سويسرا (المرتبة 40)، وثلاث جامعات من كندا (المراتب 32 و33 و42)، في حين جاءت أول جامعة إيطالية في المرتبة 88، وأول جامعة فرنسية في المرتبة 189، وأول جامعة ألمانية في المرتبة 92، وأول جامعة بلجيكية في المرتبة 101، وأول جامعة إسبانية في المرتبة 116، بينما حافظت جامعة كمبردج، البريطانية، على صدارة التصنيف الأوروبي، وذلك من أصل 12000 جامعة ومعهد علمي، شملها تصنيف «ويبومتريكس» الإسباني، لشهر يوليو (تموز) 2011، الخاص بجامعات ومعاهد العالم.

وضمت لائحة أفضل 500 جامعة عالمية جامعتين عربيتين (من السعودية)، بينما ضمت لائحة أفضل ألف جامعة 5 جامعات عربية (من السعودية)، وضمت لائحة أفضل 2000 جامعة 19 جامعة عربية، بينما ضمت لائحة أفضل 3000 جامعة 38 جامعة عربية، بينها 10 من السعودية و6 من مصر و6 من الأردن.

كما ضمت لائحة أفضل 500 جامعة في العالم 4 جامعات إسرائيلية و11 من تايوان و12 من اليابان و8 من الصين، وجاءت أول جامعة هندية في المرتبة 568 عالميا، وفي ما عدا جامعتين من السعودية، خلت لائحة أفضل 50 جامعة آسيوية من أي جامعات عربية أخرى.

وعلى مستوى التصنيف العربي، احتلت 5 جامعات سعودية الصفوف الخمسة الأولى، إذ جاءت جامعة الملك سعود، في المرتبة 186 عالميا، كأول جامعة عربية، محتلة بذلك المرتبة 19 في التصنيف الآسيوي، بينما احتلت جامعة الملك فهد المرتبة 302، وجامعة الملك عبد العزيز المرتبة 790، وجامعة أم القرى المرتبة 955، عالميا.

وجاءت أفضل جامعة قطرية في المرتبتين 1772 عالميا و17 عربيا، وأفضل جامعة أردنية في المرتبتين 1385 عالميا و11 عربيا، وأفضل جامعة كويتية في المرتبتين 1444 عالميا و14 عربيا، وأفضل جامعة إماراتية في المرتبتين 1389 عالميا و12 عربيا، وأفضل جامعة سودانية في المراتب 2112 عالميا و22 عربيا و18 أفريقيا، وأفضل جامعة جزائرية في المراتب 20 أفريقيا و23 عربيا و2142 عالميا، بينما جاءت أفضل جامعة تونسية في المراتب 36 أفريقيا و44 عربيا و3326 عالميا.

وفي المغرب احتلت جامعة القاضي عياض في مراكش المرتبة الأولى مغربيا والمرتبة 2364 عالميا و29 عربيا و24 أفريقيا، في حين تراجعت جامعة الأخوين إلى المرتبة 3288 عالميا و43 عربيا و35 أفريقيا.

وعلى صعيد التصنيف الآسيوي، لوحظ تراجع جامعتي طوكيو وكيوتو إلى المرتبتين الثانية والثالثة، بينما ضمت لائحة أفضل 10 جامعات آسيوية 5 جامعات من تايوان وجامعتين، فقط، من اليابان وجامعة واحدة من سنغافورة، بينما جاءت جامعة بكين من الصين في المرتبة التاسعة، مسبوقة بجامعة هونغ كونغ في المرتبة الخامسة. وعلى الصعيد الأفريقي، احتلت جامعات جنوب أفريقيا الصفوف السبعة الأولى، متبوعة، في المرتبة الثامنة بجامعة القاهرة المصرية، التي احتلت المراتب 1219 عالميا، والثامنة أفريقيا وعربيا.

ويتم إجراء تصنيف «ويبومتريكس» كل ستة أشهر، وتعلن النتائج في نهاية شهري يناير (كانون الثاني) ويوليو (تموز) من كل سنة.

أطلق هذا الترتيب العالمي في العام 2003 وهو جد مرتقب ومنتقد في الأوساط الاوروبية عموما وفي فرنسا خصوصا إذ أن المعايير التي يعتمدها لا تنصف الجامعات الاوروبية.

وتستند هذه المعايير بشكل خاص إلى الأداء في مجال الأبحاث على حساب الاختصاصات، أي على عدد جوائز نوبل وميداليات "فيلدز" المعادلة لجوائز نوبل في مجال الرياضيات بالإضافة إلى عدد المقالات المنشورة في المجلات الناطقة بالإنكليزية حصرا من دون أخذ المنشورات الفرنكوفونية في الحسبان.

برضو كويس اننا جينا احسن من تونس و الجزائر و المغرب.
سلامات يا ناظم.

!Here we go... Viva Harvard, viva MIT and viva Boston


كتر الف خيرك يا ناظم...
فعلاً نتشرف بهارفرد والـ إم أي تي

ورمضان كريم ليك وللمعاك

وهل تتجاهل معايير التصنيف مخرجات العملية التعليمية نفسها ؟؟
يعني في بلد زي السعودية هل من قام بوضع معايير هذا التصنيف غفل عن حقيقة انو الجامعات السعودية "بلا استثناء" يعتمد طلابها بنسبة مائة بالمائة على مراكز الخدمات الطلابية وهي مراكز تجارية يعمل بها عمالة عادية من السودان ومصر وسوريا.. الخ و المنتشرة بكثافة داخل وحول مقار الجامعات السعودية كشريك أساسي في العملية التعليمية بمختلف مستوياتها مثلهم مثل أساتذة الجامعات وأكثر من ذلك في أغلب الأحيان ؟؟

وصحي هم عندهم إمكانات وأموال لكن مخرجات التعليم عندهم من حيث مستوى الطلاب والطالبات السعوديين = Big Zero

لذلك أشك أن السعوديين دخلوا في هذا التصنيف واشتروا هذا المركز بأموالهم لا غير

Quote: وأفضل جامعة سودانية في المراتب 2112 عالميا و22 عربيا و18 أفريقيا،

سلام يا ناظم وشكرا على التنوير ..


ياريت لو وريتنا اسم الجامعه السودانيه عشان الزول يكون مواكب بس

الجامعة هى جامعة الخرطوم

وترتيبها ال18 فى افريقيا وال 2,112 عالميا
...........................................................

1 University of Cape Town 324 315 402 305 357

--------------------------------------------------------------------------------

2 University of Pretoria 507 452 723 700 130

--------------------------------------------------------------------------------

3 Stellenbosch University 540 534 856 421 186

--------------------------------------------------------------------------------

4 University of the Witwatersrand 699 1,401 868 936 214

--------------------------------------------------------------------------------

5 University of Kwazulu Natal 727 837 947 993 289

--------------------------------------------------------------------------------

6 Rhodes University 1,083 1,165 1,530 1,140 675

--------------------------------------------------------------------------------

7 University of the Western Cape 1,156 1,206 1,831 1,132 943

--------------------------------------------------------------------------------

8 Cairo University 1,219 1,605 1,639 1,802 784

--------------------------------------------------------------------------------

9 University of South Africa 1,221 891 2,855 1,989 584

--------------------------------------------------------------------------------

10 Makerere University 1,256 1,007 4,093 1,326 689

--------------------------------------------------------------------------------

11 American University in Cairo 1,357 2,030 1,909 1,731 1,147

--------------------------------------------------------------------------------

12 University of Johannesburg 1,395 2,214 4,125 1,301 799

--------------------------------------------------------------------------------

13 Kwame Nkrumah University of Science & Technology 1,559 2,102 2,025 4,862 869

--------------------------------------------------------------------------------

14 Nelson Mandela Metropolitan University 1,586 1,488 5,564 2,330 990

--------------------------------------------------------------------------------

15 Mansoura University 1,716 2,073 5,465 2,078 1,249

--------------------------------------------------------------------------------

16 Ain Shams University 1,819 3,163 6,947 3,712 364

--------------------------------------------------------------------------------

17 Université Cheikh Anta Diop de Dakar 2,065 2,597 4,345 3,252 1,510

--------------------------------------------------------------------------------

18 University of Khartoum 2,112 2,545 1,070 7,978 1,781
--------------------------------------------------------------------------------

19 North West University 2,123 5,132 5,674 3,843 771

--------------------------------------------------------------------------------

20 Université Mentouri de Constantine 2,142 2,425 9,158 2,966 1,023

شكرا اخ ناظم للتنويه لهذا الواقع المزرى
هل من record لتدنى مستوانا عبر السنين السابقة حتى نرى درجة انحدار وتدنى مستوى تعليمنا .
لك مودتى

يا ناس
انسو حكاية التصانيف دى نهائيا
فهذا ليس اوانها بالنسبة لجامعاتنا القابعة فى وطن يعانى الفقر و الجوع و الحروب
دى زى اننا نحلم نشارك فى كاس العالم فى 2014م
فهوان الجامعات من هوان الاوطان
الجامعات البتدخل فى قمة التصانيف دى هى جامعات التميز مثل هارفارد و ام اى تى.
جامعات البحوث المتميزة التى تنشر مخرجاتها فى ساينس و نيتشر
جامعات يحصل خريجوها على جوائز نوبل كل عام او عامين
جامعات تقدر اصولها و ميزانياتها بمليارات الدولارات و اليورو
جامعات يختار لها الطلاب بالفرازة لا بفلوس ابائهم فقط (العام السابق و ما قبله دخل طلاب كليات طب ختصة بنسب 50% فقط لا غير)
الافضل لنا فى هذه المرحلة ان نركز على تخريج جامعيين بمستوى معقول بحيث يمكن ان نامنهم على اجسامنا و مبانينا و تعليم ابنائنا و غيرها من الخدمات
اما ان نتوقع خريجين يكتشفون علاجا للسرطان او يحصلون على نوبل او يصممون طائرة مثل الشبح, فدى خلوها شوية!!!
فكفاية جدا فى المرحلة دى انو خريجننا يعالجون الامراض السارية بكفاءة او يصممون مبانى لا تنهار قبل ان تطاءها اقدام الساكنيناو يديرون سودانير من غير تاخير الطائرات......الخ

لا وانت الصادق يا استاذ ناظم ...وإن كنت ومازلت اعتقد ان المصنف نسي او تناسي حياءا ان يضع الصفر في خانة الاحاد عند تحديد تقييم الجامعات السودانية

عموما انا من رأي ا استاذ عوض علي الرغم من إنني اجد من المؤسف حقا ان ابناء وبنات السودان الذين يَدْرسون ويُدَرِسون في الجامعات العالمية والتي احتلت المراتب الاولي كهارفاد وييل وغيرها تميزوا علي اقرانهم هناك وشرفوا السودان والعقلية السودانية الجبارة التي يتميز بها ابناء هذا الوطن المعطاء

والحق يقال ونحن صيام ....إن هناك بعضا من اساتذتنا الكرام قمم يشار اليها بالبنان واعلام ترفرف ممن ابي ان يهرب بجلده كما فعلنا وقضي زهرة شبابه يطرق في حديد بارد في جامعات سودانية عريقة واخري لا اصل لها ولا فصل تكذب لتتجمل في بلد نُحر تعليمه ، فيما نحر من بقية باقية من قيمه يوم هلت عليه ثورة انقاذه التعليمية حتي اصبحت حفرة الدخان في بعض داخليات طالباته رفيقة للسفرة او ربما هي مصدر رزقها والعياذ بالله .....اللهم انني صائم

التعليم العام والعالي بالسودان خرج من قطار التعليم ومعايير التعليم العالمية منذ الثمانينات وذاد الطين بله ثورة التعليم والتعريب.
انا ساتحدث عن التعليم العالي بصفتى اكاديمي ودرست بالجامعات السودانية لسنين قبل ان اهاجر هجرة قصرية
اولاً وزارة التعليم العالي والبحث العلمي لا تحمل من اسمها شي غير مجموعة من الموظفين المتربحين الاداريين البيروقراطيين لا بحوث لا تطوير لا دورات لا موتمرات فقط موظفين علي العلم انها تضم نخبة كبيرة من اساتذة وعلماء اكاديمين كبار بس للاسف مع وقف التنفيذ وفقط الوزارة تختم الشهادات وتشرف اشرافا خفيفا على الجامعات.
ثانياً الجامعات وماشاء الله كثرت حتى صار صعب نذكر عددها واسماءها بالعكس في كل مدينة جامعة وبعض القري بها جامعات يعنى كثرة العرض وقلة في الجودة ويديرها مدراء اساتذة كبار ولكنهم يلبسون ثياب التجار اي الجامعة مسئولة من توفير اكثر من 70% من موازنتها بطرقها الخاصة لان التعهليم العالي يوفر بين 20 الى 25% فقط من لميزانية العامة التشغيلية للجامعة فتجد المدير والوكيل اجتماعاتهم كلها دخلنا كم العجز كم من وين نسد الفرق.
ثالثاً الكادر التدريسي
الكادر التدريسي او هيئة التدريس مساكين من الصباح الى المساء جاريين من كلية لكلية من جامعة لجامعة طلبا للرزق لان الراتب بالجامعة ما بياكل عيش يعنى بقا تاجر شنطة وجارى وراء اكل العيش لا اوراق لا بحوث لا تحضير لا موتمرات لا سمنارات لانة ما فاضي بالعكس بيراجع في المحاضرة داخل المحاضرة ويعود يوميا الى منزلة منهكا لا يستطيع ان يقراء حرف واحد
الطالب الجامعى
مغيب تماما يدرس في مواد انقرضت معلومات اندثرت لا مكتبات لا مراجع يعتمدون فقط على المذكرات التى تباع لهم من استاذ المادة شرطا للنجاح والطالب مسكين يذهب ويعود من الجامعة ابيض
المكتبات والمراجع
لا يوجد خرجت ولم تعد

وهل نتوقع مع نظام جامعى مثل هذا ان يكون ضمن افضل الجامعات الان شهادات جامعاتنا لا تعتمد فى كثير من الدول وخريجينا تنقصهم المعلومة العلمية السليمة الصحيحة
الله المستعان

جامعة الملك سعود ومقرها الرياض ميزانيتها تفوق ال5 مليار ريال سنوياً

وجامعة الملك فهد ومقرها الظهران - جوار ارامكو - وميزانيتها تفوق الأربعه مليار ريال ..


والميزانيات دي بيجيزها مجلس الوزراء برئاسة الملكــ ( حفظه الله )






طيب يا اهل الله - جامعة امدرمان الإسلاميه ترتيبها كم ؟؟

وجامعة الأبيض ترتيبها كم ؟


وجامعة الدلنج دي في والا ما في ؟



وجامعة القرآن الكريم ؟

والاهليه ............................!

Quote: طيب يا اهل الله - جامعة امدرمان الإسلاميه ترتيبها كم ؟؟ وجامعة الأبيض ترتيبها كم ؟ وجامعة الدلنج دي في والا ما في ؟ وجامعة القرآن الكريم ؟ والاهليه ............................!

سلام للجميع، وشكراً يا ناظم

يا هشام تخيل يا هشام في أفضل مائة
جامعة عربية عندنا جامعتين بس سودانيات؟!
وهما جامعة الخرطوم وجامعة السودان
تخيل جامعة الجزيرة العريقة برة الجك؟!
وبرضو تخيل الجامعة الأمريكية في بيروت ليست الأولى؟!
ياخي طلبة الجامعة الأمريكية ببيروت ديل أشطر
عرب لاقوني في حياتي

وهذا هو الرابط:
http://www.webometrics.info/top100_continent.asp?cont=aw

سلامات
هونوا عليكم هذه الترتيبات لا يعول عليها احد
ولا تقدم ولا تأخر..وهناك جامعات لا تعطي اي معلومات حتى يتم تقويمها لعدم اعترافها بهذه الجهات..
بعدين لو جات اجمعة الخرطوم في هذا الرقم عالميا يجب ان نفرح العالم دا فيه كم جامعة؟

شكرا جزيلا ناظم ابراهيم

Elhadi

Quote: وصحي هم عندهم إمكانات وأموال لكن مخرجات التعليم عندهم من حيث مستوى الطلاب والطالبات السعوديين = Big Zero لذلك أشك أن السعوديين دخلوا في هذا التصنيف واشتروا هذا المركز بأموالهم لا غير

سلامات يا الهادى...ما فهمت قصدك شنو ب "مدخلات التعليم"

على العموم الجمعات السعودية فى تقدم متواصل كل يوم. قبل فترة كان فى كلام عن جامعة الملك عبد الله للعلوم و التقنية . فتحت جديدة و العالم كلو كان بيتكلم عنها. المستوى الاكاديمى العالى الاتخت ليها و كمية الاموال اللى اتصرفت فيها. و ما اظن نتغالط ان اهم حاجه لانعاش العلم فى اى مكان هى الاموال و الحرية. و الحاصل فى جامعة الملك عبد الله كله بياشر لنجاح كبير. الجامعة (و لاول مرة فى السعودية مختلطة) و فى مبانى معزولة تماما من العالم ( شكلهم عاوزين يبعدوا منهم جماعة النهى عن المنكر و كده). و لما اقول حرية قصدى حرية ان الناس تفكر و تبتكر.
http://en.wikipedia.org/wiki/King_Abdullah_Un...ience_and_Technology

عوض محمد احمد ....سلامات

Quote: جامعات يختار لها الطلاب بالفرازة لا بفلوس ابائهم فقط

حقيقى ممكن تدخل اعظم الجامعت الامريكية (ذى هارفرد و يل) بقروش ابوك بس. ده ما معناها انك ح تتخرج منها بشهادة....لانهم ما ح ينزلوا مستواهم عشان الطلبة المستواهم تعبان. لكن بيقبلوك بالقروش بس.
انا اندهش جدا لما عرفت ان الرئيس السابق بوش كان فى yale


سلامات يا د.نجاة

Quote: هونوا عليكم هذه الترتيبات لا يعول عليها احد

ده بيعتمد على نوع التعويل :) يعنى انا لو عندى قروش كتيرة (او) اولادى شاطرين جدا اكيد ح يكون خيارى الاول انى اخليهم يقروا فى هارفرد.

Quote: ولا تقدم ولا تأخر..وهناك جامعات لا تعطي اي معلومات حتى يتم تقويمها لعدم اعترافها بهذه الجهات..

كيف لا تقدم و لا تاخر ??? مستوى الجامعات فى اى بلد بيعنى التقدم العلمى و ده بيعنى كتير جدا.اكيد ما فى جامعة مستواها ممكن ينافس فى المراكز المتقدمة دى بتدس معلوماتها.

Quote: بعدين لو جات اجمعة الخرطوم في هذا الرقم عالميا يجب ان نفرح العالم دا فيه كم جامعة؟

غايتو ممكن ما نزعل شديد بسبب الحاصل فى السودان من فساد و حروب و مشاكل. لكن نفرح دى صعبة شوية
العالم فيه حوالى 195بلد ,صح?
عشان يجى ترتيب جامعة الخرطوم بالمتسوي ده ممكن نقول ان كل دولة فى العالم (فى المتوسط) عندها حوالى 11 جامعة احسن مننا و فى اخر دولة بيجى السودان. ده طبعا لو قلنا كل الدول متساوية.

Quote: حقيقى ممكن تدخل اعظم الجامعت الامريكية (ذى هارفرد و يل) بقروش ابوك بس. ده ما معناها انك ح تتخرج منها بشهادة....لانهم ما ح ينزلوا مستواهم عشان الطلبة المستواهم تعبان. لكن بيقبلوك بالقروش بس. انا اندهش جدا لما عرفت ان الرئيس السابق بوش كان فى yale

سلام يا سمارت و د. نجاة
يا د. نجاة الترتيب دا مهم جداً جداً في أمريكا ومعتمد فيها
وبعدين فائدته تكمن في تسهيل إختيار الأباء والأمهات لابناءهم
للإلتحاق بالجامعات الأفضل عالمياً.

ويا سمارت حليل جامعة يل، والله بي قروشها الكتيرة دي دقت
الدلجة شوفي ترتيبها الـ 28، وشوفي الجامعات بتاع الاستيتز
الملح ماشاء الله عليها، يعني أولادنا ممكن نقريهم فيها شبه ملح،
وشوفي جامعة واشنطن ترتيبها الثامن عالمياً يعني أحسن من
جامعة يل بمراحل والعجب جامعة ديوك الخاصة الشهيرة بالطب
برضو دقت الدلجة وجامعة جابل هيل للطب في نورث كارولانيا كسحتها
بي مراحل، تحياتي للجميع

Quote: وشوفي الجامعات بتاع الاستيتز الملح ماشاء الله عليها، يعني أولادنا ممكن نقريهم فيها شبه ملح،

ملح وين يا النذير يا اخى?
دى مصاريف بيركلى ...جامعة حكومية و ترتيبها رقم خمسة فى القائمة اللى انت جبتها.
انا عايشه قرب منها (نوعا ما). اتخيل لو ابنى او بنت قعد معاى فى البيت ح ندفع $23,494 فى السنة. خاصة وانى ما ح يكون عندى اى طريقة لدعم حكومى.
و بالمناسبة يا النذير لو عاوز المصاريف بتاعة ال Resident مفروض ترجع من السعودية اللى انت لابد فيها دى
http://students.berkeley.edu/finaid/home/cost.htm




ترتيب الجامعات ده ما مهم للاهل فى امريكا بس. الاهل فى كل العالم بتهتم بيه....لو عندهم قروش ليه طبعا. و المستثمرين برضوا بيهتموا بيه لاسباب مختلفة طبعا

سلامى واحترامى لكم
ورمضان كريم وكل سنه وانتوا بخير

شكري لاثراء الحوار والمعلومات والاحصاءت القيمه عن جامعات الدنيا
عن تدهور التعليم فى بلادنا هى حقيقه ماثله وباستنثاء جامعات لا تتجاوز الاربع كل ما تبقى لا يفى بالحد الادنى لمعايير الجامعات والمعاهد العليا.
جامعه الخرطوم كانت الجامعه الاولى فى المنطقه لاحظوا ترتيبها بين جامعات افريقيا والشرق الاوسط

سلام يا سمارت

يا سمارت كالفورنيا دي أغنى ولاية وأسعارها في كل شيء نار
وما بتتهبش لكن برضو لو لاحظتي التويشنس و الفيز ما كتيرة شديد
إتناشر ألف وتمنمائة دولار بس في السنة، اليوتلتيز والهاوسينغ والفوود
والإنشورنس بتاع العلاج دي والمواصلات وخلافها كلها ولدك ما محتاج ليها،
تعرفي جامعة ديوك الخاصة في نورث كارولاينا سنة 2000 كان رسوم السمستر
الواحد خمسة وعشرين ألف دولار دي تويشتنس وفيز بس يعني السنة بي خمسين ألف دولار
في السنة من غير رسوم الدراسة الصيفية.

ولو قلبتي جامعات الإستيتز التانية بتلقي أسعارها مناسبة
شوفي جامعة تكساس التحت دي ترتيبها الحداشر وسنتها ما فايتا العشرة ألف دولار
لكلية الهندسة، برضو ترتيبها أحسن من جامعة يل بمراحل، وعشرة ألف دولار مقارنة
برسوم جامعة يل بي بلاش وبالمناسبة جامعات الإستيتز بدو الطالب Grants إذا
ما كان أول بكلاريوس له، بشرط أن تكون متجنس أو تحمل الإقامة الدائمة،
وبمناسبة الإقامة في الولاية، يا سمارت معظم جامعات الإستيتز علشان تكون
مقيم في الولاية أقصاها تكون مقيم في الولاية لمدة عام، وبالمناسبة بعتمدوا
تأريخ رخصة القيادة يعني ليس بالضرورة تكون مقيم فيزائياً في الولاية فرخصة
القيادة تكفي يعني يمكن التحايل عليها، وبرضو لو فتشتي كويس ح تلقي معظم
جامعات أيوة في الأفضل مائة جامعة وأنا متأكد إنها أبو الرخاء لأن ولاية أيوة
من الولايات الرخيصة، والسودانيين بهاجروا ليها علشان الدراسة رخيصة والسكن أرخص،
والواحد لمن يبقى عليها بعمل دراسة جدوى كويسة وأنا من هسا بعمل دراسة جدوى لتعليم بناتي
وأيوة لحد هسا أحسن ولاية من ناحية التعليم والسكن الرخيص معاً، تحياتي.

ديوك جامعة خاصة يا النذير يا اخى. لكن بيركلى دى جامعة حكومية.
بعدين انا البخلينى افك اولادى يمشو تكساس شنو? سجمنا. يقعدوا معاى هنا فى كلفورنيا دى بغلاتها.
المشكلة فى الاطفال البتربوا هنا ديل لما يبقوا على الجماعة بينظروا براهم و ما ممكن كمان اقلع زول عايش حياته كلها فى كلفورنيا و اقوا ليه تمشي الجامعة فى ايوه.
موضوع ال Grants ده تقريبا مستحيل. ممكن اسكلرشب لو الاولاد بقوا شاطرين شديد. يا زول للزمن داك انا بكون شغالة لى ذى 20 سنة كده (لو ربنا احيانا)

Quote: الفيز ما كتيرة شديد إتناشر ألف وتمنمائة دولار بس في السنة

تعرف يا النذير انا الان بدفع اكتر من كده لمدرسة طفلى اللى عمره ما تم 3 سنوات.
واحد صاحبنا قال لى يا اخى ما توديه مامون حميده بنص المبلغ ده. بعد 10 سنوات ما بيتخرج دكتور??

Quote: تعرف يا النذير انا الان بدفع اكتر من كده لمدرسة طفلى اللى عمره ما تم 3 سنوات. واحد صاحبنا قال لى يا اخى ما توديه مامون حميده بنص المبلغ ده. بعد 10 سنوات ما بيتخرج دكتور??

تعرفي يا سمارت في بوست الشفيع بتاع طب دنقلا مجان وللأ قبول خاص الجزيرة
المهم القبول الخاص بي أربعة ألف دولار، الجماعة قالوا ليهو
أربعة ألف دولار ؟! لا حولا؟! يا زول قريهو برة السودان هاهاها
ياخي أربعة ألف دولار سندوشات برة ما بتكفيهو والله بالغوا

وجميل جداً يا سمارت تهتمي بتعليم أطفالك من هسا
تعرفي يا سمارت أجمل حاجة في الأطفال إنهم إمتداد
لطموحاتنا، والحاجات اللي ماقدرنا نحققها في نفسنا
نطبقها عليهم، طبعاً في ناس ببالغو شديد في الحتة
دي، لمن كنا عايشين عزابة في مدينة قرين سبورو كان
جارنا سوداني متزوج وعندو أطفال وطباعو غريبة شوية يوم قال لينا
أنا أولادي ديل عايز أفرمتم (من كلمة Format يعني
ح يفرمتم زي السي ديهات) تخيلي
الزول دا مجنون كيف؟!
عندنا صاحبنا ساكن معانا في البيت قال لينا بعد الزول
دا ما فات:الزول المسحلب دا كان جاء البيت تاني أنا ح أطردو

سلامات يا سمارت

في اليابان في جامعات افضل من اي جامعة في امريكا من هارفارد وانت طالعة
وكذلك في هونق كونق وفي استراليا وفي ماليزيا ليه الجامعات دي مابتجي فيا لترتيبات دي بدرجات متقدمة
ليه بس الجامعات الممتازة في الغرب(امريكا) واسرائيل؟حتى الدول الاوربية مغيبة
واحدة من الاحصاءات دي بتعتمد على نقرات الويب سايت

بععد تركيع الابراج بقى العرب ما بمشوا الغرب واتجهو الى استراليا ونيوز لندا وماليزيا

فجاة جات حمى الترتيبات دي بقت تتنشر في اي مكان جزء من الدعاية وكدا

لو مكانك ما بخسر في الاندرقرادويت قروش كثيرة ربما في الدراسات العليا
لانه احينا بيختوها ليك في الاعتبار في بعض الاماكن..

الاخ ناظم ابراهيم

شكرا لهذا البوست والذى يعطينا صورة عن حال جامعاتنا

ولكى تكتمل الصورة هنالك تقييم اخر وهو تقييم بيزا

http://www.pisa.oecd.org/pages/0,3417,en_3225...07_1_1_1_1_1,00.html

وهو تقييم لمستوى التعليم دون الجامعى وفيه تعطى اختبارات للتلاميذ فى اعمار ١٥ سنة

فى مواد الرياضيات والعلوم وفى القراءة

ومن بين ٦٦ بلد مشاركة فى هذا النظام لا نجد الا ٤ بلدان عربية هى تونس والاردن وقطر وامارة دبى

والملفت ان امارة دبى تحتل الترتيب رقم ٢٩ عالميا فى تقرير سنة ٢٠١٠

اما افضل الدول فى التعليم المدرسى فهى: فنلندا - كوريا - هونج كونج - كندا - اليابان - استراليا - استراليا - نيوزيلندا - امريكا - المانيا وهولندا (اغفلنا شانقهاى لانها ليست دولة)

اما بقية دول الاتحاد الاوربى فهى تاتى فى الترتيب التالى بعد العشرة الاوائل

اما قطر والاردن وتونس فهى تحتل ذيل القائمة

وهى افضل من السودان ومصر وبقية الدول العربية لانها لم تدخل اصلا فى هذا التصنيف

شكرا

Quote: اما افضل الدول فى التعليم المدرسى فهى: فنلندا - كوريا - هونج كونج - كندا - اليابان - استراليا - استراليا - نيوزيلندا - امريكا - المانيا وهولندا (اغفلنا شانقهاى لانها ليست دولة)

ليه الدول دي مابتجي متقدمة في التصنيفات الجامعية؟

الموضوع كلو دعاية للجامعات الامريكية والاسرائلية

اخى محمد مهاجر سلامى

شكرا على الرابط المهم واضافتك عن تقييم التعليم الثانوي

فى هذه الدول الطفل ثروه قوميه وتعمل الدوله ما تستطيع لكى ينال تعليم متقدم لذلك تجد ميزانيه التعليم من اكبر الميزانيات

والعكس تماما عندنا ما زال كثير من اطفال المدارس يفترشون الارض

بعض الدول تدفع مرتبات لمدرس الابتدائيه اعلى من اساتذه الجامعات وتختارهم من اكفاء الخريجين

شكراً الأخوة المساهمين لقد أثريتم النقاش وأوفيتم ,استفدنا منكم كثيراً
ورأيي أن التصنيف مقنع لأنه يعتمد على إحصائيات بطريقة علمية
رغم أن التصنيف يغفل مستوي الطلاب المتخرجين من هذه الجامعات
وببساطة إذا ما قارنا خريج جامعة الخرطوم أو السودان أو الجزيرة بخريج أي جامعة سعودية
فإنا نلاحظ أن خريج الجامعات السودانية أفضل
وربما يرجع ذلك لتركيبة الأشخاص نفسهم لأن السودانيين معروف عنهم حبهم للإطلاع والمعرفة
وكلنا يعلم أن جامعة الخرطوم كانت تسير على خطى الجامعات البريطانية حتى عهد قريب
وكانت هناك منح مشتركة وتبادل خبرات ومواكبة للمناهج
وحدث ماحدث في السنوات الأخيرة من تعريب و ذهاب الخبرات وهجرتها خارج الوطن
ولم يكن التعريب بطريقة علمية إنما كان إرتجالياً
هذا في ظل ثورة التعليم العالي التي نعلمها جميعاً
نأمل أن تعود جامعاتنا للريادة الإقليمية والعالمية
لأن التعليم هو أساس تقدم الشعوب

Quote: ورأيي أن التصنيف مقنع لأنه يعتمد على إحصائيات بطريقة علمية

التصنيف بيتم بطريقة ما عادلة في كثير من الجهات التي تقوم بعمل هذه القوائم
والاسئلة التي تسأل والمعلومات التي تجمع تخلي الموضوع مثل مقارنة التفاح بالبرتقال
ولا جراي ال###### ولا بعيد البحر..

ممكن اوزع استبيان احصر الاسئلة فيه اطلع منه نتائج بصورة علمية

كما ان هناك كثير من الجامعات لا تشارك في هذه الاستبيانات ولاتقدم معلوماتها لهذه الجهات

حيث هذا الرانكك يعتمد على ان تشترك فيه الجامعة..وتقدم له بتعبئة الاستمارات المعنية.

Quote: لو مكانك ما بخسر في الاندرقرادويت قروش كثيرة ربما في الدراسات العليا

سلام يا د. نجاة وعمر هواري والجميع

يا د. نجاة بالعكس الأندرقرادويت مسؤولية الآباء والأمهات
من أبنائهم تجاه تعليمهم الأندرقرادويت أما الدراسات
العليا بكون التشجيع معنوي لأنها تصبح شيء من الكماليات
وليس من الضروريات مثل الأندرقرادويت، وبالمناسبة يا د. نجاة
البوست قرادويت في أمريكا في جامعات الإستيتز (بنعني بيها
الجامعات الولايائية الحكومية المدعومة من قبل الحكومة الولايائية)
شبه مجانية، فما على الطالب إلا بإثبات جدارته في السمستر الأول
وبقية السمسترات الجامعة هي التى تدفعها له ومعها المصاريف، وبسموها
"أسستنس شيب (مساعدة مالية)، مع العمل الطفيف مع المشرف عنه
في رسالة الماجستير أو الدكتوراه.

وأتفق معك إلي حدٍ ما بأن أمريكا وإسرائيل هما من يحركان
مثل هذه التصانيف للجامعات لإنشاط سوق التعليم في بلدانهما
فهما رائدتا الرأسمالية والتسويق في العالم بلا منازع
وأذكر عندما طبعت ليبيا العلاقات مع الولايات المتحدة الامريكية
أول تصريح من وزيرة الخارجية كنداليزا رايس بأنها طلبت
من الشباب الليبي إغتنام الفرصة والإلتحاق بالجامعات الأمريكية،
وبرضو بعملوا تسويق لجامعاتهم في دول الخليج. والسعودية لوحدها
بتسفر أكتر من خمسة ألف طالب سعودي سنوياً لأمريكا للدارسة
يعني الموضوع موضوع بسنيز، وبالمناسبة أحداث سبتمبر إليفين
ما أثرت كتير في العلاقات الأمريكية السعودية، ولكن هذا لا يعني
بأن الجامعات الأمريكية غير جديرة بالأفضلية في الجامعات العالمية
فهؤلاء الأمريكان يعملون بنظام "إدارة الجودة الشاملة" أي يعملون
على إرضاء الزبون بكل الوسائل كان في التعليم أو الصناعة
أو خلافه، وبالمناسبة أمريكا أكبر بلد بتصرف على التعليم في العالم،
وبالمناسبة اليابنيين ما عاملين الجامعات بتاعتهم للبزنيس، بالإضافة
بأن لغتهم غير مشجعة للتعليم في بلادهم، فاللغة الإنكليزية هي
لغة المال والإقتصاد ولغة التعليم الأولى في العالم بلا منازع
، لذا الجامعات الأمريكية في القمة.

ويا عمر هواري، حليل التعليم في السودان والله التعليم في السودان
إنتهى نهاية بطل في فيلم هندي، والأجيال التى سبقناها ناس تعليم
مرحلة الأساس ديل مستواهم متدني جداً ونهوا التعليم في السودان،
وبالمناسبة برضو ظلمت الطلاب السعوديين، تعرف يا عمر الجامعات
السعودية دي نسخة طبق الأصل من الجامعات الأمريكية في كل شيء
وحتى البروفيسورات بتاعنها كلهم من أمريكا أو حصلوا على تعليمهم
في أمريكا، بالإضافة إلى الحكومة السعودية بتدي الطلاب إعانات للإعاشة
وكلها تساعد على التعليم، وبالجد السعودية في التقدم العملي والدراسي
فاقت الدول العربية بسنين ضوئية، وليست السعودية كما كانت في الستينيات أو
السبعينيات أو الثمانينيات، قد حدثت فيها طفرات كبيرة، بس للأسف
لسا في تعليم وتوظيف البنات مدنيين جداً وقد يكونوا أسوأ دولة في
العالم من هذه الناحية.

تحياتي للجميع

سمـارت سلامات ورمضان كريم...

طبعاً أختلف معك قلباً وغالباً في قضية القبول في جامعة هارفرد.
هذة الجامعة وصلت لهذا المستوى ونالت دورها الريادي هذا لأنها
حافظت على تقليدها الصارم في مستوى القبول الأكاديمي لطلابها في
مختلف المستويات. فهم بيطالبوا بدرجات عالية قبل أن يناقشوا
مسألة تسديد الرسوم الدراسية.

وللعلم تعتبر هارفرد من أكثر الجامعات التي تقبل طلاباً بالمجان!
نعم.. تصدقي أن 17% من الطلاب يدرسون بالمجان. وأنا أعني مجاناً
وبدون قرش تسدد. هذا غير قبولها لطلاب المنح الحكومية والعسكريين.
والطلاب الـ بالدين فيها قليلون، وكذلك الـ (بالكاش) لأنها فعلاً غالية.

وكذلك بها أجمل نظام للماجستير والدكتوراة (دقة واحدة) يعني مع بعض
وهو نظام مستحدث إسمه "الماجستير والدكتوراة في 6 سنوات" وشرطه أن
تقبلك الجامعة بناءاً على درجاتك السابقة ومشروع الدراسة.. وتقريباً
هو مجاني في عدد من الكليات.

كله إلا هارفرد يا سمارت.. نحنا ما بنرضى فيها


__________________

حليل زمن القراية بالإنجليزي في جامعة الخرطوم ورغم أني من أنصار التعريب إلا إنه
تم فيها بطريقة خظأ دمرت هذة الجامعة العريقة.. مضافاً له عوامل أخرى بينها سوء الإدارة.

Quote: سلامات يا الهادى...ما فهمت قصدك شنو ب "مدخلات التعليم" على العموم الجمعات السعودية فى تقدم متواصل كل يوم. قبل فترة كان فى كلام عن جامعة الملك عبد الله للعلوم و التقنية . فتحت جديدة و العالم كلو كان بيتكلم عنها. المستوى الاكاديمى العالى الاتخت ليها و كمية الاموال اللى اتصرفت فيها. و ما اظن نتغالط ان اهم حاجه لانعاش العلم فى اى مكان هى الاموال و الحرية. و الحاصل فى جامعة الملك عبد الله كله بياشر لنجاح كبير. الجامعة (و لاول مرة فى السعودية مختلطة) و فى مبانى معزولة تماما من العالم ( شكلهم عاوزين يبعدوا منهم جماعة النهى عن المنكر و كده). و لما اقول حرية قصدى حرية ان الناس تفكر و تبتكر.

سمارت .. إزيك
خلاصة ما أقصده يا سمارت إنو ما قيمة مثل هذا التصنيف إذا لم يأخذ في الحسبان نوعية ومستوى الطالب المتخرج نفسه..
وماذا تفيد المباني الفخمة والميزانيات الضخمة إذا كان المنتوج النهائي للعملية التعليمية على صعيد مستوى الطلاب هو صفر تقريباً
ما أخير يقروا في راكوبة ويطلعوا فاهمين بدل ما يقروا في مباني فخمة ويتخرجوا بهائم :)

ما عاوز أسوق البوست لحتات تانية قد لا تتفق ومضمون البوست، لكن بحس إنو الكلام واقف لي هنا وعاوز أعلق على حتة انتي ذكرتيها..
هذه ليست المرة الأولى يا سمارت يأتي ملك ويفتتح جامعة هي الأضخم والأكبر "من حقات الملوك من قبله" كدعاية لعهده الميمون، وجرياً على عادات الملوك من قبله..
إذا استصحبنا ده مع محاولات الملك الحالي للظهور بمظهر الملك الإصلاحي والمنفتح والشنو ما عارف "والانفتاح والإصلاح منه براء" لربما استطعتي تقريب الصورة وفهم البروباغندا المثارة حول الإصلاح في عهد الملك الحالي.. لذلك فما ترينه تطور يا سمارت لا أرى فيه إلا عادة الملوك مع بعض البهارات والتوابل لخدمة أهداف الدعاية لعهد الملك الحالي..
وعلى سبيل المثال..
ما أبوهم عبد العزيز عندو أكبر جامعة في السعودية..
والملك سعود برضو عندو جامعة..
والملك فهد برضو كان عندو جامعة
وسلطان ولي العهد لديه جامعة.. ونايف "ولي العهد الثاني" عندو جامعة..

الحصل شنو والاتغير شنو طوال هذه السنوات ؟؟

وأبشرك انو بعد طويل العمر ده يموت الحا يجي محلو حا يعمل برضو جامعة أكبر وأفخم وبدعاية أكبر، وستنزوي جامعة الملك عبد الله في ركن قصي تشكو جور الزمان وفراق الأحبة مفسحة المجال لصالح جامعة الملك الجديد.. كصيرورة وعرف متعارف عليه في كل المجالات وليس أمر متعلق بالتعليم والجامعات فقط
هكذا تمضي الأمور هناك يا سمارت فما تنخدعي ساي وما تتابعي الـ MBC وقناة العربية كتير :)

Quote: و ما اظن نتغالط ان اهم حاجه لانعاش العلم فى اى مكان هى الاموال و الحرية

أبداً ما حا نتغالط ، الأموال متوافرة والخير باسط..
لكن الحرية وينا ؟ :)

Quote: اما ان نتوقع خريجين يكتشفون علاجا للسرطان او يحصلون على نوبل او يصممون طائرة مثل الشبح, فدى خلوها شوية!!!

أخى عوض ...

تتوقع شنو من طلبة فى جامعة الخرطوم منهم واحد بيقول أول مدير لجامعة الخرطوم هو إسماعيل حسب الدائم

Quote: يا د. نجاة بالعكس الأندرقرادويت مسؤولية الآباء والأمهات من أبنائهم تجاه تعليمهم الأندرقرادويت أما الدراسات العليا بكون التشجيع معنوي لأنها تصبح شيء من الكماليات وليس من الضروريات مثل الأندرقرادويت، وبالمناسبة يا د. نجاة البوست قرادويت في أمريكا في جامعات الإستيتز (بنعني بيها الجامعات الولايائية الحكومية المدعومة من قبل الحكومة الولايائية) شبه مجانية، فما على الطالب إلا بإثبات جدارته في السمستر الأول وبقية السمسترات الجامعة هي التى تدفعها له ومعها المصاريف، وبسموها "أسستنس شيب (مساعدة مالية)، مع العمل الطفيف مع المشرف عنه في رسالة الماجستير أو الدكتوراه.

سلامات
وجهة نظري يدرس الطالب في اي جامعة مناسبة وتخصص مناسب
اذا في قروش بخسرها في الدراسات العليا
بعدين كلامك عن الدراسات العليافي امريكا ما بالسهولة دي الطالب بيجد منحة
والا كان اي زول قدر يعمل دراسات عليا...
الدراساتالعلياالان ما بقت كماليات بقت ضرورة كبيرة حتى تجد وظيفة جيدة
وتنافس في سوق العمل..

افضل الطالب طوالي يستمر..في الدراسات العليا

سلامات يا د.نجاة

Quote: في اليابان في جامعات افضل من اي جامعة في امريكا من هارفارد وانت طالعة وكذلك في هونق كونق وفي استراليا وفي ماليزيا ليه الجامعات دي مابتجي فيا لترتيبات دي بدرجات متقدمة ليه بس الجامعات الممتازة في الغرب(امريكا) واسرائيل؟حتى الدول الاوربية مغيبة واحدة من الاحصاءات دي بتعتمد على نقرات الويب سايت

طبعا انا ما عندى فكرة ليه الجامعات دى ما مذكورة فى القوائم دى.لكن و من غير تعقيد, الاضافات فى العلم للبشرية العملوها خريجين هارفر ( or its dropouts ) و استانفرد و كل الجامعات الامريكية دى ما هينة. مقارنة باى جامعات تانية...و التقدم الامريكى فى مجال الطب و الادوية و الكومبيوتر و هندسة وكتير من مجالات العلم معروف.
عن الجامعات الاسرائلية....حقيقى احتمال كبير تواجدها يكون من دعاية او اى شيء...لكن فى مجالى اللى انا شغالة فيه ...احد اكبر العلماء فى مجال ال Groundwater اسرائيلى و حارب فى فيما يسمى بحرب التحرير. رضيت او ابيت ....لو عاوزه اتابع اخر مستجدات العلم ده مفروض اقرا اوراق الراجل ده العلمية.
المقياس البتكلم عنو اخونا ناظم ده بالذات من اكتر المقاييس المحترمة. و عاملنه الصينيين.... عاملنه عشان يقيسوا تقدم الجامعات الصينية و تطورها المتواصل كل سنة.

Quote: لو مكانك ما بخسر في الاندرقرادويت قروش كثيرة ربما في الدراسات العليا لانه احينا بيختوها ليك في الاعتبار في بعض الاماكن..

ذى ما قال ليك النذير...الدراسات العليا غالبا ما بيحتاج فيها الطالب يدفع قروش كتيرة. و السبب (تانى) امريكا بتصرف على الابحات العلمية قروش كتيرة....و (غالبا ) كل طلبة الدراسات العليا بيلقوا (او الدكتور المشرف بيلقى) جهة تصرف على المشروع. و اكيد ما عمل خيرى. لكن بيكون عندهم شكلة حقيقية دايره حل ...طالب الدراسات العليا يعمل بحثه فى المشكلة دى...يحلها و الجهة الحكومية او الخاصة تكون حلت مشكلتها و الطالب لقى زول دفع ليه مصاريفه وشال شهادته. win win.
و ذى ما قلت ليك فى امريكا ما فى حاجه اسمها انت طالب اجنبي ما ح نخليك تقرا على حساب جهة حكومية. انت زول شاطر و مجتهد عادى تاخد فرصة بتاعة امريكى ود قبائل ما مجتهد. (:

Quote: ليه الدول دي مابتجي متقدمة في التصنيفات الجامعية؟ الموضوع كلو دعاية للجامعات الامريكية والاسرائلية

لانه افضل الطلبة فى الدول دى لما يبقى الموضوع لدراسات عليا بيجوا امريكا. لو دخلتى صفوف الدراسات العليا ح تندهشي بكمية الطلبة الاجانب. امريكا بتصرف على الابحاث قروش مهولة عشان كده الناس بتجى امريكا للدراسة. و على عكس اغلب الدول... ممكن تقرا اى شيء حتى لو كنت اجنبي.

Quote: بعدين كلامك عن الدراسات العليافي امريكا ما بالسهولة دي الطالب بيجد منحة والا كان اي زول قدر يعمل دراسات عليا... الدراساتالعلياالان ما بقت كماليات بقت ضرورة كبيرة حتى تجد وظيفة جيدة وتنافس في سوق العمل..

حقيقى القبول فى الجامعات الامريكية ما ساهل. لكن لو تم قبولك كطالب دراسات عليا الحصول على منحة او وظيفة باحث او مساعد تدريس فى الجامعة ساهلة جدا.
الدراسات العليا فى امريكا لسه كماليات. مهما سمعنا فى الازمة الاقتصادية الامريكية و الكلام ده ...الاقتصاد الامريكى عملاق. صحيح البطالة عالية الايام دى لكن عشان تعيش فى الطبقة الوسطى الامريكية و تعيش الحلم الامريكى ما محتاج شهادات عاليا (ماجستير و دكتوراة).
عشان كده الدراسات العليا ما اولوية هنا. احنا الاجانب بنعملها لانو هنا صعب جدا تلقي وظيفة من غير شهادة من جامعة امريكية... عشان كده اغلبنا بتمها ماجستير او دكتوراة عشان يلاقلى شغل. فى تخصصات طبعا مهم معاها الدراسات العليا ذى الطب و وكده
يا د.نجاة .....ما تحبوا امريكا ذى ما عاوزين. لكن نكران تقدم الجامعات الامريكية ما ح يفيدنا فى شيء.
شيء تانى...اظن ان نظام الدراسة الامريكى ما فيه مشاكل للاجانب لانهم عارفين ان الطالب ده بعد كم سنة ح يتخرج و ح يقرر انه عاوز يقعد فى امريكا و ح يبقى امريكى. (:

سلامات محمد يس الخليفة و رمضان كريم.
لو عندكم كم مليون دولار و اتبرعت بيها لى harvard endowment fund تاكد ان ابنك ح يلقى قبول فى هارفرد. و ده طبعا ما ذي القبول الخاص عندنا. لكن بيحصل. و انا اتفق معاك ان جملتى (انه ممكن تدخل ابنك هارفر بالقروش) ما دقيقة. لانها قروش مهولة و ناس قليلين بيقدروا عليها.
اغلب الجامعات لو قبلتك للماجستير ممكن تواصل الدكتوراه طوالى او لو بحث الماجستير طلع مستوى عالى جدا ممكن تتم ال classes و تعملها دكتوراة.
انا شخصيا ما ناوية حتى افكر فى هارفرد. University of California, Berkeley تمام التمام (لو ربنا قدرنا عليها) على الاقل عينى تكون على الاولاد طوااااالى

Elhadi سلامات

Quote: هكذا تمضي الأمور هناك يا سمارت فما تنخدعي ساي وما تتابعي الـ MBC وقناة العربية كتير :)

Come on!!!!! This is offensive
تعرف جامعة الملك عبد الله دى سمعت بيها فى NPR. و دى (لى ال ما بيعرفوها) من اكتر الاذاعات الامريكية المحترمة. ذى ما تقول كده اذاعة المثقفاتية الامركان.
معلوماتك عن الخرجين السعوديين و التعليم فى السعودية قديمة جدا

Quote: أبداً ما حا نتغالط ، الأموال متوافرة والخير باسط.. لكن الحرية وينا ؟ :)

ذى ما قلت فى تعليقى الاول عن الجامعة. الجامعة فى حته معزولة بعيده عن اعين جماعة الامر بالمعروف (و مختلطة) و بمستوى اكاديمى عالى و اظن انها عنده تعاون مع MIT او حاجه ذى كده. و ده ما سمعنا بيه قبل كده فى جامعة سعودية

شكرا ناظم...واسفة على احتلال البوست

smart_ana2001

شكري لك على المعلومات القيمه والحوار الراقى

ليس تحيز للجامعات الامريكيه ولكن اري انها تتفوق على مثيلاتها فى العالم

تلاحظى تدفق الطلاب الياباتيين والصينيين بالالاف للدراسه فى مختلف الجامعات الامريكيه

معظم الفائزيين بجوائز نوبل يعملون بمراكز الابحاث وجامعات امريكا