Post: #1
Title: الشايقية ليسوا عرباً، وإنما هم بجا او نوبـة
Author: Abureesh
Date: 06-26-2011, 00:35 AM
ومعروف عن العرب لم يتخلوا عن عاداتهم ابدا خصوصا فى لبس النسـاء.
|
Post: #2
Title: Re: الشايقية ليسوا عرباً، وإنما هم بجا او نوبـة
Author: Al-Shaygi
Date: 06-26-2011, 04:20 AM
Parent: #1
Quote:
الشايقية ليسوا عرباً، وإنما هم بجا او نوبـة
|
أبوالريش ياخ أثبت على واحدة ما ينفع ( يا ) ولا ( أو )...؟؟؟
وبعدين بيفرق شنو لو كانوا حتى من واق الواق المهم هم شايقية.....
لا أدري ما الهدف من هذا البوست؟؟
إلا كان بقى عدم موضوع...!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #3
Title: Re: الشايقية ليسوا عرباً، وإنما هم بجا او نوبـة
Author: Abdlaziz Eisa
Date: 06-26-2011, 04:32 AM
Parent: #2
Quote:
وبعدين بيفرق شنو لو كانوا حتى من واق الواق المهم هم شايقية.....
|
|
Post: #4
Title: Re: الشايقية ليسوا عرباً، وإنما هم بجا او نوبـة
Author: Tragie Mustafa
Date: 06-26-2011, 05:21 AM
Parent: #3
يا الشايقي كيف تفرق شنو؟؟
تفرق كثير يا حبيب!!
كلام ابو الريش معنها انتو من شعوب السودان الاصلين!
وده فخر لكم.
يعني مافيها شيل شنط زي الراجي الجماعه ناس نحن جدنا
العباس(هههههههههههههه)!!
يا ابو الريش سلام
ورجاء كمل ملعوماتك فنحن نعلم انك تكتب بتوثيق.
حدثني زعيم بجاوي (اثق في عمله وثقافته)انه الشايقيه هم(العصاة و المتمردين من البجا)
كان يتم سجنهم بتلك البقاع...ولاحقا كونوا قبيلة الشايقيه.
وان اللغه المرويه اقرب للبجاويه منها للنوبيه اليوم.
|
Post: #5
Title: Re: الشايقية ليسوا عرباً، وإنما هم بجا او نوبـة
Author: مدثر صديق
Date: 06-26-2011, 06:06 AM
Parent: #4
ده زمن الدي ان أ (DNA) ما اظن ده زمن الاثبات بالصور ؟؟؟؟؟؟؟؟؟؟
|
Post: #6
Title: Re: الشايقية ليسوا عرباً، وإنما هم بجا او نوبـة
Author: على محمد على بشير
Date: 06-26-2011, 06:35 AM
Parent: #5
Quote: لا أدري ما الهدف من هذا البوست؟؟
إلا كان بقى عدم موضوع...!!! |
|
Post: #7
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-26-2011, 07:02 AM
Parent: #5
ياقريبي ...اكوب وسلوم ...
| Quote: ومعروف عن العرب لم يتخلوا عن عاداتهم ابدا خصوصا فى لبس النسـاء. |
المنطقة الممتدة من جنوب اسوان حتى مصوع مابين النيل والبحر تأريخياً هي ارض بيجاوية وسكنها البجا وكانت لهم فيها ممالك خمس معروفة مثبتة في التاريخ الشفاهي والمكتوب ، وقد ذكر ذلك ابن حوقل في كتابه ( صورة الارض ) وكذلك اليعقوبي في تاريخه وابن بطوطه في رحلته والمسعودي في ( مروج الذهب ) في القرن العاشر عند زياراتهم المختلفة للمنطقة وقد دونوا ذلك في كتاباتهم ..ولم تكن معظم قبايل الشمال قد تبلورت بمسمياتها الحالية حينها ، وعند دخول العرب للمنطقة وتزاوجهم بهذه القبايل آلت اليهم سلطة المنطقة بحكم القانون العرفي للوراثة لابن البنت لدى البجا وده واضح عندنا حتى في الشرق ويتجلى عند اهلنا النابتاب بيت نظارة البني عامر الذين هم من الجعليين وكذلك عند اهلنا الأتمن بيت نظارة الامرأر وبيوتات كثيرة في البجا ورثوا سلطة القبيلة عبر المصاهرة وهم في الاصل قبايل عربية هاجرت من الجزيرة العربية الى ارض البجا عبر البحر الاحمر ..
في كتابه (مملكة الابواب المسيحية وزمن العنج ) ذكر الكاتب والدكتور احمد المعتصم الشيخ ان الجعليين والشوايقة هم ابناء بنات البجا وذكر اسم الجدة البيجاوية التى انجبتهم وهو اقرب للحقيقة بحكم ان الارض التي تسكنها هذه القبائل ارض بيجاوية تاريخياً ومن المقبول والمؤكد هناك زيجات تمت بينهما ..
اعتقد ان الشوايقة هم عرب خليط بجا ونوبة ..وهناك مقولة - غير مؤكدة - تقول ان الزفانج - وهي قبيلة بيجاوية قديمة لا اعرف إن كانت موجودة او اختفت كأسم- هم الشوايقة - والله اعلم .
لتعديل اسم الكتاب ..
|
Post: #8
Title: Re: الشايقية ليسوا عرباً، وإنما هم بجا او نوبـة
Author: رغيم عثمان رغيم الحسن
Date: 06-26-2011, 09:33 AM
Parent: #7
والمشكلة وين لو كانو عرب ولا بجة ولا نوبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فى النهاية هم سودانيين اولا واخيرا يجمعهم مع كل السودانين نفس الانتماء للبد وتقع عليهم نفس والواجبات وبيستمتعوا بنفس الحقوق
انا فخور جدا بإنتمائى لهذه القبيلة وما شايف اى مشكلة فى الموضوع دا لانى فاهم انو فى فرق بين الانتماء للقبيلة والتعصب القبلى والقبلية ولانومعظم الشياقية بتعاملو مع انتمائهم للشايقية كإنتماء ثقافى ما بتبنى عليه اى نوع من انواع التعصب الرافض لمفهوم المواطنة داخل الدولة
او على الاقل النخبة الواعية المفروض تكون بتتعامل كدا بتفتكر لما نحنا بنكون بنتناقش فى نحنا عرب ولا نوبة تفكر الناس البسيطة الما لقت حظ من التعليم زى اللقيتو انت تعاطيها مع الموضوع دا بكون كيف؟؟؟؟؟
عموما مشكلة الاصول مشكلة لاتؤرق بال الشايقية كثيرا لانهم فى النهاية جنس مختلط من جميع الاجناس وفيه من كل الاصول الموجودة فى المنطقة وكل القبيلة ليست لديها مشكلة انتماء او تصالح مع واقعها وهى قبيلة عربية الثقافة بغض النظر عن اصولها العرقية ودا المفهوم الدخل بيه السودان ومصر وليبيا وتونس والجزائر والمغرب والصومال واريتريا وجزر القمر فى الجامعة العربية لان كل البلدان دى ما عندهم اصل عربى لا من العرب العاربة لا من العرب المستعربة لكن الثقافة العربية مؤثرة فى وجدانهم القفاى بشكل ملموس
يا ابو الريش موضوعك دا قدر ما حاولت افهم المغزى منو شنو ما قدرت يعنى هل بتفتكر ان الانتماء للنوبة ولا البجة سبة ولا عيب بحاول الشايقية ينكروه؟
انت براك عارف التعقيد والتازم الحاصل فى البلد نتيجة تفشى القبلية والجهوية وتهتك النسيج الاجتماعى هل بتتفكر مناقشة مواضيع زى دى ممكن تجيب نتيجة
وحتى الصورة الانت جايبا ما حا تاثر فى نظر الشايقة لاصولهم مقدار ثانية عارف ليه لانها فى فترة كانت تجارة الرق وامتلاك الرقيق عملية مقبولة اخلاقيا وما عايز اقول ليك انها صورة لى امرأة مسترقة او كدا لكن هل بتفتكر انو النقاش فى حاجات زى دى ممكن يكون فيه فايدة؟
|
Post: #9
Title: Re: الشايقية ليسوا عرباً، وإنما هم بجا او نوبـة
Author: Abdullah Idrees
Date: 06-26-2011, 09:58 AM
Parent: #8
يا ابو الريش شيء معروف انو كل قبائل شمال السودان العربية بما فيها الشايقية اختلطت بالبجا والنوبة وبما قبائل افريقية اخرى لا احد ينكر هذا الشيء وليس فيه مذمة او نقيصة حتى يتم انكاره وهذا الشيء اثبته العلم الحديث بفحوصات دقيقة ومتطورة ، احد الزملاء اورد فحص الدي ان اي كاخر مستجدات الوراثة شنو ياخي جايب ليك صورة وجاي تثبت بيها انو الشايقية بجة ولييه اصلا انت عايز تثبت الموضوع ده ومهموم بيهو ؟؟ رغم انو الموضوع غير مهم على الاطلاق لسبب بسيط هو ان الشايقية لا يدعون النقاء العرقي ، لكن لو احترمت عقول الناس وجبت مادة علمية موثقة بمصادر الناس ممكن تناقشك ..
يا خوانا سبق الحمير ده ينتهي متين ونتفك منو ..
تحياتي جميعا ..
|
Post: #10
Title: Re: الشايقية ليسوا عرباً، وإنما هم بجا او نوبـة
Author: أحمد الشايقي
Date: 06-26-2011, 10:03 AM
Parent: #8
Quote:
انا فخور جدا بإنتمائى لهذه القبيلة وما شايف اى مشكلة فى الموضوع دا لانى فاهم انو فى فرق بين الانتماء للقبيلة والتعصب القبلى والقبلية ولانومعظم الشياقية بتعاملو مع انتمائهم للشايقية كإنتماء ثقافى ما بتبنى عليه اى نوع من انواع التعصب الرافض لمفهوم المواطنة داخل الدولة |
| Quote: عموما مشكلة الاصول مشكلة لاتؤرق بال الشايقية كثيرا لانهم فى النهاية جنس مختلط من جميع الاجناس وفيه من كل الاصول الموجودة فى المنطقة وكل القبيلة ليست لديها مشكلة انتماء او تصالح مع واقعها وهى قبيلة عربية الثقافة بغض النظر عن اصولها العرقية ودا المفهوم الدخل بيه السودان ومصر وليبيا وتونس والجزائر والمغرب والصومال واريتريا وجزر القمر فى الجامعة العربية لان كل البلدان دى ما عندهم اصل عربى لا من العرب العاربة لا من العرب المستعربة لكن الثقافة العربية مؤثرة فى وجدانهم الثقافى بشكل ملموس |
| Quote: يا ابو الريش موضوعك دا قدر ما حاولت افهم المغزى منو شنو ما قدرت يعنى هل بتفتكر ان الانتماء للنوبة ولا البجة سبة ولا عيب بحاول الشايقية ينكروه؟ |
أبو الريش زميل تلقاه دائماً راكب في (العدلة) ... (المايلة) .. وشغال تشتيت تركيز ...
أحمد الشايقي
|
Post: #13
Title: Re: الشايقية ليسوا عرباً، وإنما هم بجا او نوبـة
Author: نوفل عبد الرحيم حسن
Date: 06-26-2011, 10:34 AM
Parent: #10
| Quote: (مملكة الابواب وزمن العنج ) |
سلامات فايز
ياريت تمدني بمزيد من المعلومات عن العنج
تحياتي
|
Post: #11
Title: Re: الشايقية ليسوا عرباً، وإنما هم بجا او نوبـة
Author: osman righeem
Date: 06-26-2011, 10:30 AM
Parent: #7
Quote: في كتابه (مملكة الابواب وزمن العنج ) ذكر الكاتب والاستاذ احمد الشيخ ان الجعليين والشوايقة هم ابناء بنات البجا وذكر اسم الجدة البيجاوية التى انجبتهم وهو اقرب للحقيقة بحكم ان الارض التي تسكنها هذه القبائل ارض بيجاوية تاريخياً ومن المقبول والمؤكد هناك زيجات تمت بينهما ..
|
طيب يا ود اختي ابواتنا من وين ؟؟؟ ( وانسبوهم لاباءهم )
غايتو المؤكد اننا نوبة اضاعوا لغتهم المحكية وحفظو ثقافتهم الاثنية
انا شخصيا بفضل اي حاجة تؤكد علي سودانيتنا الصرفة.
بالله يا فائز خلو لينا الضرايح في نصيبنا في الميراث
|
Post: #14
Title: Re: الشايقية ليسوا عرباً، وإنما هم بجا او نوبـة
Author: صبري طه
Date: 06-26-2011, 10:37 AM
Parent: #11
الشايقية هم جعليين
شجرة الجعليين
|
Post: #15
Title: Re: الشايقية ليسوا عرباً، وإنما هم بجا او نوبـة
Author: Kabar
Date: 06-26-2011, 10:38 AM
Parent: #14
صديقي ابو ريش..حبابك
مدخل مغاير قليلا..
و ارجو ان تضع هذا المدخل في الإعتبار.. لا يهمني اثبات من هو عربي أو غير عربي في السودان ، لأن ذلك يشكل ديلما عريضة و طويلة..و لكن ما لفت انتباهي هو الصورة..و الصورة يا ابوريش ، عمرها الطويل يؤهلها لذلك ، هي بالنسبة لي نص.. جدير بالمعاينة و الحفر المنسق ( حفريات بفهم ميشيل فوكو ، و انت سيد العارفين..اعلم انك ستغنيني الشرح الطويل)..لأنها نص تأريخي جدير بالمقاربة..و البحث عن ادلة في الواقع..فما ذا ترى في الصورة/النص التأريخي اياه؟..
و لو قلت لك لو ذهبت في مناطق السودان النائية اليوم ستجد هذا النص كما هو يمشي على قديمن بين الناس؟..
فلنبدا بالمعاينة الدقيقة.. نوعية المشاط التي يظنها البعض هي خاصة باهلنا الشايقية.. نفس الطريقة هي التي وثقها الشاعر محمد سعيد القدال..بعبارة وسمها بانها (مشاط كردفاني)..و طريقة هذه المشاط موجودة في قبائل دار حامد..و الكبابيش..و العطاوي ( رزيقات ..مسيرية..حوازمة..هبانية.. تعايشة.. الخ)..و البعض يسميها مخلوفة و شعفوفة ( معليش زول تاني يشرح المفاهيم دي)..فهي طريقة مشاط مشهورة في مجتمعات الأبالة و البقارة في كردفان و دارفور و النيل الأزرق ( شكرية).. و لو اجريت بعض المقارنات ستجدها موجودة في مجتمعات الهوسا و الإيبو و اليوربا..كونها هي افريقية أو عربية.ز فهذا لا يهمني الآن..و انما يهمني أن اثبت الواقعة..و اترك المقاربات للآخرين..!
المستوى الثاني.. مستوى الإكسسوار..و هو العقود التي توضع على الصدر..و من يراجع الصورة جيدا.. سيلاحظ ثلاث مستويات..الأول يحيط بالجيد مباشرة و مصنوع من السكسك ( الخرز)..و قصير في طوله..و مستوى ثاني مصنوع من القيطان (خيوط غالبا ما تكون حمراء اللون)..و ينتهي بحجاب و محفظة (محفضة) هي تمتد اسفل.. ثم المستوى الثالث..و هو من خرز اكبر (طبعا اولاد و بنات الزمن ده ح يفتكروا انها سبحة من نوى اللالوب..و لكن تشابه فقط)..و هذا الخرز في مناطق البقارة يسمى (المصــو) و هو من احجار كريمة..!..و هذا الأكسسوار موجود في مناطق البقارة و الأبالة في كردفان و دارفور ( فضلا مراجعة نص شعري للشاعر عالم عباس فيه ذكر لسوميت بنات درجيل)..في الأجيال اللاحقة تبدل الخام.زو اصبح يستعاض عنه بخرزات صغير..و مجموع العقد يسمى بـ ( الخناق)..و احيانا يكون هناك عقد اخر يمتد حول الأذن..ولاحقا ادخل الذهب كبعض من ذلك الإكسسوار..و منها ما يعرف بالشف ابو تيلة..او النقار..الخ..!
نفس الأكسسوار موجود في اوساط مجتمعات البقارة و الأبالة في كردفان و دارفور..و من ملاحظاتي المتأخرة.. لاحظت انتشاره في تشاد و الكاميرون و النيجر و مالي و موريتانيا..!
المستوى الثالث..و هو القماش حول الخصر..و في مناطق البقارة في كردفان و دارفور.ز يسمى الحزامة..و يصنع من خامة الدمور بلون أزرق (بالمناسبة يسمى لون النيلة..و لك أن تجري المقاربة)..و اليوم لو ذهبت الى مجتمعات مثل مجتمعات الحوازمة و المسيرية و الرزيقات.. نفس الحزامة موجودة..يعني غطاء حول الحصر و الصدر خالي تماما..و نفس الأمر موجود في مناطق الكبابيش و دار حامد و الكواهلة..في مناطق البقارة طريقة اللبس هذه مقصورة على النساء المتزوجات..و في مناطق الكبابيش مشهور حتى بين غير المتزوجات ( احد الأصدقاء من تلك المناطق كتب يوما ما هنا عن تلك الظاهرة..و تحدث عن فكرة التحدي.. أن المرأة من شدة ثقتها من نفسها و قدرتها على حماية عرضها تلبس هكذا..ولا احد يستطيع لمسها)..!
غاب مستوى رابع عن الصورة..و هو مستوى الحجول..اي اساور الأرجل..!
قبل القماش..كان هناك الكنفوس ( و هو مصنوع من سيور الجلد..بقر..ماعز..الخ)..و هو الفكرة التي تعرف في الثقافات المدينية السودانية بفكرة الرحط..و فكرة جرايد النخل أو سعف الدوم التي يصنع منها الرحط.. موجودة في مناطق الكاريبي ايضا ( طبعا لا يخفى عليك الأثر الأفريقي في ثقافات الكاريبي)..!
شكل الكنفوس رأيته راي عين في بنات تلشي (بالقرب من مدينة لقاوة في جنوب كردفان).. في سبعينات القرن الماضي..!
اذن لو كان الزي وحده ( كما في الصورة/النص التأريخي) كافي لإثبات هوية احد.. فان الأمر يتطلب ليشمل مجموعات اخرى غير الشايقية..فعلا كانت هناك عناصر عربية دخلت السودان ، و لكن كانت لها القدرة على التكيف مع البيئة المحيطة بها.. فهل ذلك يقدح في هويتها مثلا؟..
و دمت..
كبر
|
Post: #17
Title: Re: الشايقية ليسوا عرباً، وإنما هم بجا او نوبـة
Author: طارق جبريل
Date: 06-26-2011, 10:50 AM
Parent: #15
|
Post: #18
Title: Re: الشايقية ليسوا عرباً، وإنما هم بجا او نوبـة
Author: رغيم عثمان رغيم الحسن
Date: 06-26-2011, 10:55 AM
Parent: #15
كبر سلامات
والتمرة ؟؟؟؟؟
اوعا تقول بتشبه تمر الفاشر
****************************
يا صبرى خلينا مع ابو الريش احسن من تطلع لينا جدودنا واحد اسمو هاطل والتانى ياطل
*****************************
يا فايز اهلنا ال فى البلد المشوا اشتغلوا فى الدهب لقوا اثار وقبور كتيرة جدا للعنج ديل بتؤكد انهم كانو ساكنين المناطق دى وانهم برضو اشتغلوا فى التنقيب عن الذهب وعندهم خريطة للدهب نتداولة بينهم من فترة العنج واسامى المناطق كلها بى لغة العنج
|
Post: #19
Title: Re: الشايقية ليسوا عرباً، وإنما هم بجا او نوبـة
Author: Kabar
Date: 06-26-2011, 10:55 AM
Parent: #15
صبري..حبابك
ياخي انا عندي شجردة نسبة زايغ منها عدييل..و هي تذهب الى ان الشايقية ( عيال ابا شايق) اقرباء الرزيقات..و هم و المسيرية عيال راجل ( عطية)..و كلهم مستعدين يلحقوا معد يكرب و قضاعة..و حاجات تانية.. لكن ده مش مهم..!
واحد صاحبي شايقي (ياخي ده و الله الإ تدفع بياض حتى يتذكر انو شايقي.. لأنو من شباب التحليل الثقافي و كده)..ذكر ملاحظة عجيبة..و قال لي غريبة في كردفان قري كتيرة من شاكلة (كريمة) و ( الله كريم)..و لمن قلت ليهو حبوبتي المرحومة ام سماح ام عسكرية بت نصر السكران بتقول لينا عن عيال ابا شايق..كنا قاعدين نقول ليها يا حبوبة بطلي خرف شن لامانا على عيال ام جلبة حبل القيطان..!
الفكرة.. ملاحظات صغيرة عن الواقع ممكن تصنع الفرق..و الناس تعرف الكتير الكتير..!
بالنسبة لي.. ناس السودان ديل الداير ينسب لغاية معد يكرب فليفعل..و الداير ينسب لغاية توت عنخ امون.. فليفعل.. لكن في نهاية اليوم.. اهو ترى قاعدين في الرقعة المسماة سودان؟؟!
نظرية اخونا ابو ريش.دي قالها لي واحد صاحبي اسمو دكتور خالد عطا المنان..و اتعاصرنا زمن الدراسة في جامعة الخرطوم.. لكن هو محظوظ شوية.. لأنو الظروف اتيحت ليهو المعيشة في مجتمعات غرب افريقيا..و خالد هذا طريقة كلامو.. التقول جاي من كريمي اللحظة.. لكن حالف تب الشايقية ديل ما عندهم حجة مع معد يكرب..وهكذا..!
ياخي عرب شنو ؟..ديل جنجويد عدييل يا صبري..!
النسبة بتقول في بعض منها (لعطية ولدين: مسير و رزق..و رزق جاب تلاتة عيال..ماهر (جد المهرية)..و محمود (جد المحاميد..موسى هلال و كده و خلي بالك من محمود كويس)..و نايب..جد النوايبة..و بعدين محمود جاب عيال كتير.. اكبرهم هو شايق جد الشايقية..!!!!!!!!)..!
غايتو السودان ده مرات لذيذ جنس لذاذة واحدة..!
كلنا سودانيين..يا شباب..!
كلنا عندنا عرق في البجا و النوبة و البرقو و الكانم و الكانوري..!!!
كبر
|
Post: #16
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-26-2011, 10:45 AM
Parent: #11
ياخال ...سلامات ..
| Quote: طيب يا ود اختي ابواتنا من وين ؟؟؟ ( وانسبوهم لاباءهم ) |
اعتقد هم عرب اختلطوا بالنوبة والبجا .. وخلاف غيرهم من العرب هم اكثر من اختلط بالنوبة لقربهم من النوبة..
| Quote: غايتو المؤكد اننا نوبة اضاعوا لغتهم المحكية وحفظو ثقافتهم الاثنية |
مادام المحس بحسب فحص الــ DNA طلعوا عرب فاالشوايقة قطع شك عرب ..ولكن لو كان الشوايقة قبايل كونتها احلاف تقليديه مثل الكثير من قبايل الشرق فربما يكونوا ذو اصول مختلفة من بجا ونوبة وعرب ..
| Quote: انا شخصيا بفضل اي حاجة تؤكد علي سودانيتنا الصرفة. |
يعني نوبة او بجا ؟!!!
| Quote: بالله يا فائز خلو لينا الضرايح في نصيبنا في الميراث |
ياخال ضرايح الختمية هي تراث يشاركنا ملكيته الكل ...وشوايقة كسلا يأتون اولاً ثم الاقرب فالاقرب ..
|
Post: #20
Title: Re: الشايقية ليسوا عرباً، وإنما هم بجا او نوبـة
Author: المسافر
Date: 06-26-2011, 10:59 AM
Parent: #16
Quote:
حدثني زعيم بجاوي (اثق في عمله وثقافته)انه الشايقيه هم(العصاة و المتمردين من البجا)
كان يتم سجنهم بتلك البقاع...ولاحقا كونوا قبيلة الشايقيه.
|
لا حولا
ديل الشوايقة ولا شواطين الملك سليمان
|
Post: #21
Title: Re: الشايقية ليسوا عرباً، وإنما هم بجا او نوبـة
Author: عماد حسين
Date: 06-26-2011, 11:04 AM
Parent: #16
يا دكتور قناوي..
شافوهو وسمعو بيهو وفات اضنيهم.. بس:
(فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا)
تحياتي
|
Post: #22
Title: Re: الشايقية ليسوا عرباً، وإنما هم بجا او نوبـة
Author: Kabar
Date: 06-26-2011, 11:04 AM
Parent: #16
Quote:
والتمرة ؟؟؟؟؟
اوعا تقول بتشبه تمر الفاشر
|
رغيم ..حبابك
الفاشر القريب ده يا رغيم؟..
ياخي نحن عندنا عالم هناك..لغاية الليلة بتقول ليك يا جدي عقبة سيد ام قيروان (عقبة ابن نافع صاحب مدينة القيروان)..و لو الواحد عتر ساكت في المشية يقول يا تونس الخضرا..!!!
الفاشر مو هين يا رغيم..!
و دمت..
كبر
|
Post: #23
Title: Re: الشايقية ليسوا عرباً، وإنما هم بجا او نوبـة
Author: عماد حسين
Date: 06-26-2011, 11:31 AM
Parent: #22
Quote: المنطقة الممتدة من جنوب اسوان حتى مصوع مابين النيل والبحر تأريخياً هي ارض بيجاوية وسكنها البجا وكانت لهم فيها ممالك خمس معروفة مثبتة في التاريخ الشفاهي والمكتوب ، وقد ذكر ذلك ابن حوقل في كتابه ( صورة الارض ) وكذلك اليعقوبي في تاريخه وابن بطوطه في رحلته والمسعودي في ( مروج الذهب ) في القرن العاشر عند زياراتهم المختلفة للمنطقة وقد دونوا ذلك في كتاباتهم ..ولم تكن معظم قبايل الشمال قد تبلورت بمسمياتها الحالية حينها ، وعند دخول العرب للمنطقة وتزاوجهم بهذه القبايل آلت اليهم سلطة المنطقة بحكم القانون العرفي للوراثة لابن البنت لدى البجا وده واضح عندنا حتى في الشرق ويتجلى عند اهلنا النابتاب بيت نظارة البني عامر الذين هم من الجعليين وكذلك عند اهلنا الأتمن بيت نظارة الامرأر وبيوتات كثيرة في البجا ورثوا سلطة القبيلة عبر المصاهرة وهم في الاصل قبايل عربية هاجرت من الجزيرة العربية الى ارض البجا عبر البحر الاحمر ..
في كتابه (مملكة الابواب وزمن العنج ) ذكر الكاتب والاستاذ احمد الشيخ ان الجعليين والشوايقة هم ابناء بنات البجا وذكر اسم الجدة البيجاوية التى انجبتهم وهو اقرب للحقيقة بحكم ان الارض التي تسكنها هذه القبائل ارض بيجاوية تاريخياً ومن المقبول والمؤكد هناك زيجات تمت بينهما ..
اعتقد ان الشوايقة هم عرب خليط بجا ونوبة ..وهناك مقولة - غير مؤكدة - تقول ان الزفانج - وهي قبيلة بيجاوية قديمة لا اعرف إن كانت موجودة او اختفت كأسم- هم الشوايقة - والله اعلم .
|
الاخ فايز
أوافقك بأن الشايقية قد يكونون حلفاً وليسوا أبناء رجل واحد، وهذا هو الدارج في تشكيل هوية القبائل السودانية
وليس قاصراً على الشايقية.
يعني ممكن تقول ان كل قبيلة تمثل: سودان مصغر، تتفاوت نسب عناصره العربية والحامية بتفاوت موقع القبيلة
والأحداث والتحالفات التي مرت عليها.
لكن هذا لا ينفي نسب الشايقية بحال.. والمتفق عليه بين عامة النسابة أنهم من المجموعة الجعلية، فهم ذرية:
شايق، بن حميدان، بن صبح، بن مسمار، بن سرّار، بن السلطان حسن كردم، بن أبي الديس، بن قضاعة، بن
عبد الله، بن مسروق، بن أحمد، بن إبراهيم جعل (جد قبيلة الجعليين)...
------------------
استدراك
أكثر حاجة مثيرة ولم ينتبه لها المهللون لهذا البوست أن صاحبه لما أورد هذه الصورة، فقد اثبت أمراً
آخر (لم ينتبه له او لم يرد اثباته).. وهو أن الصورة فيها تعريض وطعن خفي في مجموعتي (النوبة/ البجا)..
فالاستدلال بهذه الصورة على اثبات نسب الشايقية للبجا والنوبة ينطلق من وحي الشكل واللبس.. وهذا يعني
بالتالي أن هذه الصورة تمثل النموذج (الافتراضي) للمراة البجاوية والنوبية.. شكلاً ولبساً.. ولذلك جاز له أن
يستدل بالصورة.. وكمان كتب فوقها للتاكيد
| Quote: ومعروف عن العرب لم يتخلوا عن عاداتهم ابدا خصوصا فى لبس النسـاء. |
يعني ده لبس البجا والنوبة...
ما يجي واحد ناطي ويقول لي: لا.. هو قاصد الشكل دون اللبس.. فالكلام واضح
|
Post: #24
Title: Re: الشايقية ليسوا عرباً، وإنما هم بجا او نوبـة
Author: علاء الدين يوسف علي محمد
Date: 06-26-2011, 11:40 AM
Parent: #23
الشوايقة عبيد مناكيد
أها إرتحتوا
لا حول ولا قُوّة إلا بالله
نفسي أعرِف ما هذا الإهتمام المُتعاظِم يوماً بعد آخر بهذه القبيلة
وكِت هثم ناس ما مُهمِّين كِدا مالكم حارقين رُزّكم معاهم
|
Post: #25
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-26-2011, 11:55 AM
Parent: #24
Quote: الشوايقة عبيد مناكيد
أها إرتحتوا |
ياود الخال ياخي كده يطق ليك عرق ويطق لينا طقم اسنان ..
بعدين ياقريبي العبودية ماعرق بل هي حالة يمكن ان تطال اى فرد من ارقى العرقيات ..
تحياتي ،،،
|
Post: #26
Title: Re: الشايقية ليسوا عرباً، وإنما هم بجا او نوبـة
Author: طارق جبريل
Date: 06-26-2011, 12:03 PM
Parent: #25
| Quote: وكِت هم ناس ما مُهمِّين كِدا مالكم حارقين رُزّكم معاهم |
|
Post: #29
Title: Re: الشايقية ليسوا عرباً، وإنما هم بجا او نوبـة
Author: نوفل عبد الرحيم حسن
Date: 06-26-2011, 12:14 PM
Parent: #25
| Quote: ناس السودان ديل الداير ينسب لغاية معد يكرب فليفعل..و الداير ينسب لغاية توت عنخ امون.. فليفعل.. لكن في نهاية اليوم.. اهو ترى قاعدين في الرقعة المسماة سودان؟؟! |
شكرا يا كبر يا كبير ياخي
فايز ود القاضي
ياريت ترد علي سؤالي في المداخله السابقه اذا عندك معلومات
واذا ما عندك برضو قول ..
تحياتي
|
Post: #100
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 06-29-2011, 05:00 PM
Parent: #29
تم نقل المداخلة لاسفل البوست ليتمكن تمبس من التبيان
|
Post: #28
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-26-2011, 12:08 PM
Parent: #23
عليه وبالقياس
الهدندوة ليسو بجا وانما هم عرب
لانو ابو الريش حدد لبس النوبة والبجة قياسا على الصورة الفوق
والبجة زاتهم ما بجه
ولا يكون يا الله غيرو لبسهم
ده ما سبب كافي لتحديد النسب يا ابو الريش
|
Post: #52
Title: Re: الشايقية ليسوا عرباً، وإنما هم بجا او نوبـة
Author: ذواليد سليمان مصطفى
Date: 06-27-2011, 06:53 AM
Parent: #11
| Quote: طيب يا ود اختي ابواتنا من وين ؟؟؟ ( وانسبوهم لاباءهم ) |
العم /عثمان رغيم
على حسب الروايات والحكاوي
قالوا ابوكم فلاتي
جاي من مالي ماشي الحج
وانقطع في بلاد النوبين
اسمه حاج محمد
عمل بالتجارة في هذه المنطقة
وفي اثناء تواجده كانت امرأة من النوبة
كل ما تزوج رجل يموت الراجل بعد ثلاثة ايام
فقاموا اهل المرأة قالوا لي حاج محمد تعال نزوج ليك بتنا
ثم تزوج البنت النوبية
حاج محمد تم ثلاثة يوم ما مات
والجماعهة منتظرين بانو يموت ولكن بعد شهر المرأة طلعت حابلة
ثم ولدت له ولد
بعد داك كتر الاولاد
الجماعة بقولوا دا اولاد الشقي
ومن هنا صار اسم الشايقية
|
Post: #54
Title: Re: الشايقية ليسوا عرباً، وإنما هم بجا او نوبـة
Author: osman righeem
Date: 06-27-2011, 10:06 AM
Parent: #52
Quote: العم /عثمان رغيم
على حسب الروايات والحكاوي
قالوا ابوكم فلاتي
جاي من مالي ماشي الحج
وانقطع في بلاد النوبين
اسمه حاج محمد
عمل بالتجارة في هذه المنطقة
وفي اثناء تواجده كانت امرأة من النوبة
كل ما تزوج رجل يموت الراجل بعد ثلاثة ايام
فقاموا اهل المرأة قالوا لي حاج محمد تعال نزوج ليك بتنا
ثم تزوج البنت النوبية
حاج محمد تم ثلاثة يوم ما مات
والجماعهة منتظرين بانو يموت ولكن بعد شهر المرأة طلعت حابلة
ثم ولدت له ولد
بعد داك كتر الاولاد
الجماعة بقولوا دا اولاد الشقي
ومن هنا صار اسم الشايقية |
اخونا ذو اليد نور الله عليك
اها طلع جدا فلاتي فتر ما قدر يواصل رحلتو للحج
لكن بس سؤال هو كان ماشي الحج عن طريق اسكندرية ؟؟؟
غايتو الفلاته والنعم فيهم بس ما تجي لي قدام تقول
كان من اخوان حصة شنو كده ما عارف
تصحيح حروف بعد وجدنا النظارة
|
Post: #27
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-26-2011, 12:08 PM
Parent: #5
Quote:
ده زمن الدي ان أ (DNA) ما اظن ده زمن الاثبات بالصور ؟؟؟؟؟؟؟؟؟؟
|
شوف التحليل ابو صور دا برضك بالله
مؤسسة الجلابة في السودان فصول (قديمة جديدة) من الحقد والكراهية
------
سلام يا ابا الريش
ياخ امكن الحاجة دي سخت قامت قالت تتهوى شوية!!
( الزمن داك لا مروحة لا مكيف كمان! )
|
Post: #30
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-26-2011, 12:25 PM
Parent: #27
| Quote: والبجة زاتهم ما بجه |
هل تصدق ياوليد ان معظم قبايل البجا الحالية ترى انها من نسل عربي ويري الكاتب والمؤرخ البيجاوي / محمود ابوعائشة وكذلك الدكتور ادريس جميل ان البجا الاقحاح موجودون فقط في ارتريا...
البجا لا تكاد تكون اليوم عرقية بيجاوية واحدة ولا مؤكدة بيجاويتها جميعها بل هي احلاف لمجموعات مختلفة الاصول ورثت ارض البجا بالتزاوج والمصاهرة كعرب الشمال تماماً ..
واما قول ان الدناقلة من اصل موزمبيقي فهذا لايسنده دليل شفهي ولا مكتوب وعارٍ من الصحة ..
|
Post: #31
Title: Re: الشايقية ليسوا عرباً، وإنما هم بجا او نوبـة
Author: عماد حسين
Date: 06-26-2011, 12:44 PM
Parent: #30
Quote: عليه وبالقياس
الهدندوة ليسو بجا وانما هم عرب
لانو ابو الريش حدد لبس النوبة والبجة قياسا على الصورة الفوق
والبجة زاتهم ما بجه
ولا يكون يا الله غيرو لبسهم
ده ما سبب كافي لتحديد النسب يا ابو الريش |
يديك العافية يا وليد
بالتاكيد استدلال ابو الريش لا يقوم على حقيقة علمية
لكن هذا لن يصرفني عن القول بأن بعض قبائل الشرق يرجع نسبه إلى اصول
عربية تتوزع بين جهينة وهوازن وبلي
فالبني عامر يرجعون نسبهم إلى قبيلة (بلي) القضاعية.. وهذه تؤيده الوقائع التاريخية
مثلاً يذكر ابن جبير في رحلته وصفاً لقبائل من بلي القضاعية مر بهم في طريقه
لميناء "عيذاب" في شمال شرق أرض البجا فيقول:
"وفي هذا الماء وقعت بين بعض جمالي العرب اليمنيين أصحاب طريق عيذاب
وضمانها، وهم من بلي من أفخاذ قضاعة، وبين بعض الأغزاز بسبب التزاحم على
الماء، مهاوشة كادت تفضي الفتنة ثم عصم الله منها". أ. هـ
ويذكر القلقشندي في (قلائد الجمان في التعريف بقبائل عرب الزمان) نصاً يؤكد
هروب قبيلة (بلي) من الصعيد إلى منطقة البجا وشمال السودان الحالي، فيقول:
"ويقال: إن " بليَّا " وبطونها كانت بهذه الديار، يعني بلاد أخميم. وكانت جهينة
بالأشمونين جيراناً مع قريش كما هم بالحجاز، فوقع بينهم واقع أدّى إلى دوام الفتنة،
فلما أتى العسكر المصري لإنجاد قريش على جهينة خافت بليّ فانهزمت إلى أعلى
الصعيد، إلى أن أُديلت قريش وملكت أماكن جهينة، ثم حصل بينهم جميعاً الصلح
على مساكنهم التي هم بها الآن، وزالت الشحناء من بينهم، ثم اتفقت جهينة وبليّ
على أن يكون لجهينة من المشرق من عقبة قاو الخراب إلى عيذاب". أ. هـ
ويصف اليعقوبي وجود (بلي) في تلك المنطقة كما في كتابه (البلدان)، فيقول
"ومن العلاقي إلى معدن يقال له بطن واح مرحلة، ومن العلاقي إلى موضع يقال
له أعماد مرحلتان، وإلى معدن يقال له ماء الصخرة مرحلة، وإلى معدن يقال له
الأخشاب مرحلتان، وإلى معدن يقال له ميزاب تنزله بلي وجهينة أربع مراحل، وإلى
معدن يقال له عربة بطحا مرحلتان، ومن العلاقي إلى عيذاب أربع مراحل، وعيذاب
ساحل البحر المالح، يركب الناس منه إلى مكة والحجاز واليمن". أ. هـ
تحياتي
|
Post: #32
Title: Re: الشايقية ليسوا عرباً، وإنما هم بجا او نوبـة
Author: بريمة محمد
Date: 06-26-2011, 05:50 PM
Parent: #31
الأستاذ أبو الريش
سلام
غايتو الشوايقة بيعملوا جنس تركين .. مبالغة ..
هل العرب من عاداتهم أكل التركين؟
بريمة
|
Post: #33
Title: Re: الشايقية ليسوا عرباً، وإنما هم بجا او نوبـة
Author: علاء الدين يوسف علي محمد
Date: 06-26-2011, 06:09 PM
Parent: #32
بريمة
أها إنتو بتعمل الكول الريحتو بترمي الصقُر
و بتنسب نفسك لآل البيت
مُش غريبة
|
Post: #35
Title: Re: الشايقية ليسوا عرباً، وإنما هم بجا او نوبـة
Author: HAIDER ALZAIN
Date: 06-26-2011, 06:31 PM
Parent: #33
| Quote: في كتابه (مملكة الابواب المسيحية وزمن النوبة العنج ) ذكر الكاتب والاستاذ احمد المعتصم الشيخ ان الجعليين والشوايقة هم ابناء بنات البجا وذكر اسم الجدة البيجاوية التى انجبتهم وهو اقرب للحقيقة بحكم ان الارض التي تسكنها هذه القبائل ارض بيجاوية تاريخياً ومن المقبول والمؤكد هناك زيجات تمت بينهما .. |
دا البيهمني .. كلام فايز ود القاضي وقت قلتو ببوست تاني شبو فيني العنصريات وقالوا بنزور التاريخ .. قِسس عليكم مساخييت
|
Post: #37
Title: Re: الشايقية ليسوا عرباً، وإنما هم بجا او نوبـة
Author: Nasr
Date: 06-26-2011, 06:43 PM
Parent: #33
قال فايز
| Quote: هل تصدق ياوليد ان معظم قبايل البجا الحالية ترى انها من نسل عربي |
وهل تصدق يا فايز إن كل العرب من نسل أفريقي؟؟؟؟
بالله ما تضيعوا وقتكم ووقت البشرية في مواضيع ميتة زي دي
مما شاركنا في هذا المنبر والناس دي مضيعين وقتنا في حكاية الأصل والهوية والقبيلة والنسل وما عارف شنو
وبسبب الحجج الميتة دي
الجنوب إنفصل ولسه مدورين
ودارفور مكركبة والناس ماتت موت الضات ولسه مدورين
وجبال النوبة مكركبة والناس يقصفون بالطائرات ولسه مدورين
ويموتوا 80 من أبناء الشارع في ظرف يومين
ولسه مدورين
والثورات ضد الديكتاتوريات مدورة في كل المنطقة
والناس تموت من أجل الحرية باللألآف
وناسنا لسه مدورين في ديل بجا وديل نوبا وديل شايقية وديل زغاوة
ويفتحوا القرآن الكريم ويقروا:
وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا
ولسه مدورين
ويفتحوا كتب الحديث ويقرأو:
"يا أيها الناس: إن ربكم واحد، وإن أباكم واحد، ألا لا فضل لعربي على عجمي، ولا لعجمي على عربي، ولا لأحمر على أسود، ولا لأسود على أحمر إلا بالتقوى."
"الناس بنو آدم وآدم من تراب"
ولسه مدورين
ويسمعوا شعر العبادي:
شايقي وجعلي ودنقلاوي أيه فايداني
غير ولدة خلاف خلت أخوي عاداني
يكفي النيل أبوي والجنس سوداني
ولسه مدورين
وكلهم دايرين يقولوا (بآلاف الطرق الممكنة وغير الممكنة):
نحن ما أفارقة
نحن ما زنوج
نحن ما عبيد
كله
BS
ممكن نضيف معيار آخر لقياس تخلف الأمم والشعوب:
أن ينشغل مثقفيهم في مواضيع حتي جهلاءهم بيسخروا منها
|
Post: #50
Title: Re: الشايقية ليسوا عرباً، وإنما هم بجا او نوبـة
Author: عبدالكريم عبدالله
Date: 06-27-2011, 06:12 AM
Parent: #37
Quote: ممكن نضيف معيار آخر لقياس تخلف الأمم والشعوب:
أن ينشغل مثقفيهم في مواضيع حتي جهلاءهم بيسخروا منها |
Nasr
كفيت ووفيت
الله يديك العافية
كريمو
|
Post: #40
Title: Re: الشايقية ليسوا عرباً، وإنما هم بجا او نوبـة
Author: HAIDER ALZAIN
Date: 06-26-2011, 07:05 PM
Parent: #33
Quote: أها إنتو بتعمل الكول الريحتو بترمي الصقُر
|
الكجيّك بالمناسبة تبع منو؟؟؟
ــــــــ
امونة بالمناسبة معلوماتك غلط .. ولا بتعرفي لبس الشرقيات من الهندودة..
ديل بيتلفحن الساري وضهرهن وصرهتن وبطنهن عمرها ما بتكون مكشوفة
لو بتشوفي افلام هندية كلمينا .. لكن اتربينا عندهم في مختلف البوادي
وهم.. عاوزة تثبتي وجهة نظرك بالكضب.. لاولاد طوكر؟؟؟
|
Post: #34
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-26-2011, 06:26 PM
Parent: #31
Quote: عليه وبالقياس
الهدندوة ليسو بجا وانما هم عرب
لانو ابو الريش حدد لبس النوبة والبجة قياسا على الصورة الفوق
والبجة زاتهم ما بجه
ولا يكون يا الله غيرو لبسهم
|
علييييكم الله يا ناس شوفوا وليد ده ذكى و( نجيض ) كيف !!
يا وليد..لبس البجاويات فى الصور التى احضرتها هو اللبس الذى فرضهم عليه المشروع الإسلامى الحضارى..
أما اذا عايز تشوف زى البجاويات الحقيقى ، فأذهب الى بادية شرق السودان..
ستجد انه اشبه بالسارى الهندى ( البطن والضهر بره ) ..وأحيانا لا يرتدين سوى الفوطة ..
|
Post: #36
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-26-2011, 06:39 PM
Parent: #34
اها يا امنه بوبار
بما انك بجاوية قحة ومعارضة للمشروع الحضاري
Quote: أما اذا عايز تشوف زى البجاويات الحقيقى ، فأذهب الى بادية شرق السودان..
ستجد انه اشبه بالسارى الهندى ( البطن والضهر بره ) ..وأحيانا لا يرتدين سوى الفوطة .. |
نفهم انو دي طريقة لبسك بما انك متمسكة ومعتزة ببجاويتك ومعارضة للمشروع الحضاري
ولا حنك منك سااااااااااااااي
عشان اوريك انا ذكي ونجيض قدر شنو ؟
|
Post: #38
Title: Re: الشايقية ليسوا عرباً، وإنما هم بجا او نوبـة
Author: HAIDER ALZAIN
Date: 06-26-2011, 06:46 PM
Parent: #34
Quote: أما اذا عايز تشوف زى البجاويات الحقيقى ، فأذهب الى بادية شرق السودان..
ستجد انه اشبه بالسارى الهندى ( البطن والضهر بره ) ..وأحيانا لا يرتدين سوى الفوطة |
شكلك حنكوشة هدندوة عشتي ببيوت الموظفين زي تراجي ..
لولا ان بفمي ماء لكنت حاضرتك يا حنكوشة.. سؤال زريتي وين في بادية الشرق - سؤال برئ؟؟
|
Post: #39
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-26-2011, 06:56 PM
Parent: #38
| Quote: وهل تصدق يا فايز إن كل العرب من نسل أفريقي؟؟؟؟ |
بل كل العالم من اصل افريقي
والاحباش هم اقدم شعوب الارض
|
Post: #41
Title: Re: الشايقية ليسوا عرباً، وإنما هم بجا او نوبـة
Author: طارق جبريل
Date: 06-26-2011, 10:51 PM
Parent: #39
اها يا جماعة وصلتونا وين
غايتو كان لميتونا في الحبش ديل
تكونوا ما قصرتوا معاي
|
Post: #42
Title: Re: الشايقية ليسوا عرباً، وإنما هم بجا او نوبـة
Author: أسامة البلال
Date: 06-26-2011, 10:57 PM
Parent: #39
Quote: يعني مافيها شيل شنط زي الراجي الجماعه ناس نحن جدنا
العباس(هههههههههههههه)!!
|
شيل الشنط الراجيهم من منو يا تراجي!!
علي أي حال ما عندنا مانع نشيل شنطنا ونرحل لي بلد جدنا العباس لكن حازم وأخوه يمشوا معانا الحجل بالرجل نغشيهم أهلم الهاشميين في الأردن وبعد داك نواصل لحجاز جدنا وإنتو مبروك عليكم الشايقية الطلعتوهم أصيلين بس ما تجوا جارين تشكوا منهم (ههههههههههه)!!
|
Post: #43
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-26-2011, 11:08 PM
Parent: #42
Quote: كنا قاعدين نقول ليها يا حبوبة بطلي خرف شن لامانا على عيال ام جلبة حبل القيطان..!
|
عبارة عنصرية جدا منك يا كبر ..
يا مدعى الموضوعية .
|
Post: #44
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-27-2011, 00:22 AM
Parent: #43
يا صبري
انت [ ابراهيم جعل ] دا اسم واحد، و لّ المربعات نقصن عليك؟
و الله سؤال جادي ...
|
Post: #45
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-27-2011, 00:58 AM
Parent: #44
Quote: يا صبري
انت [ ابراهيم جعل ] دا اسم واحد، و لّ المربعات نقصن عليك؟
و الله سؤال جادي ... |
يا قيقراوى ..الظاهر المربعات نقصوا عليو..
عليك الله إتبرع ليهو بعدد واحد مربع زيادة وصلحو ..
|
Post: #46
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-27-2011, 01:16 AM
Parent: #45
Quote:
يا قيقراوى ..الظاهر المربعات نقصوا عليو..
عليك الله إتبرع ليهو بعدد واحد مربع زيادة وصلحو ..
|
بالجد لو هم راجل ؤ ولدو طيب الضيق لزومو شنو؟
زاحمنهم في مربع واحد ليه؟
|
Post: #47
Title: Re: الشايقية ليسوا عرباً، وإنما هم بجا او نوبـة
Author: احمد محمد بشير
Date: 06-27-2011, 01:57 AM
Parent: #46
يا جماعة "فوقو" من الوهم الانتو غاتسين فيهو دة !! يعني شنو عربي و اعجمي طالما كلنا منحدرين من سيدنا آدم
بطحاني بقاري بجاوي يهودي حلفاوي دينكاوي حساني مسلاتي مراتي سكوداوي رباطي حمري نوباوي شايقي زغاوي زاندي >>>>>>>> دي كلها عبارة عن اسماء وفي نظري لا اعير لها اي اهتمام, وفي النهاية كلنا ابناء حواء وآدم , اي انسان يخاطب الاخرين من خلال القبلية يعتبر متخلف في نظري ولا اتشرف بمعرفته, العالم كلهم يتجه للوحدة وهنالك بلدان يعيش في الغرباء بجنسيات مختلفة ويعاملون كمواطنيين اصحاب بلد >>>> والعكس في بلاد المسلمين.
(انظر كيف فضلنا بعضهم على بعض وللآخرة أكبر درجات وأكبر تفضيلا"21" ) (لافرق بين عربي ولا أعجمي إلا بالتقوى) , ويقول الله تعالى: آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ.
|
Post: #48
Title: Re: الشايقية ليسوا عرباً، وإنما هم بجا او نوبـة
Author: المسافر
Date: 06-27-2011, 05:25 AM
Parent: #47
ولا حد جاب سيرة الهنود
تعرف يا دكتور كبر انت حكاي خلاص
وظني فيك شربت معرفة الحبوبات وثقافتهن المروية
وتأكيداً لكلامك التاريخ ده ماهو بعيد وكان بتقيسو صورة تراه قيزانو قاعدة مافزت
كان أبو الريش تاني جاب سيرة البحر ترانا دربنا عليه ساساقة ما انقطعت
يابوي الصورة البتقولة دي شفناها شوف العين في الصغار في الأعراس وفي الكبار في الحبوبات ما غيرن
وبيني بينك في حكاية الأصل دي ما كانوا سائلين في حد هم هم لا جد جد ولا قير وقعاقير كان ضهر الجبل ينهد
لكن انتو لي زمانكم شوفو الهنود الجو في الزمان الغابر راحو ين ... وقطع شك مامرقوا من تاني
|
Post: #49
Title: Re: الشايقية ليسوا عرباً، وإنما هم بجا او نوبـة
Author: Tragie Mustafa
Date: 06-27-2011, 05:33 AM
Parent: #48
كويس يا المسافر انك معترف انها صوره حقيقه وبتشبه حبوباتكم
وانهم للقريب كانوا يلبسوا كده
Quote:
يابوي الصورة البتقولة دي شفناها شوف العين في الصغار
في الأعراس وفي الكبار في الحبوبات ما غيرن
|
طيب ناس رغيم نكروها ليه
ليه وقالوا دي صورة رقيق؟!
|
Post: #51
Title: Re: الشايقية ليسوا عرباً، وإنما هم بجا او نوبـة
Author: المسافر
Date: 06-27-2011, 06:26 AM
Parent: #49
Quote:
وحتى الصورة الانت جايبا ما حا تاثر فى نظر الشايقة لاصولهم مقدار ثانية عارف ليه لانها فى فترة كانت تجارة الرق وامتلاك الرقيق عملية مقبولة اخلاقيا وما عايز اقول ليك انها صورة لى امرأة مسترقة او كدا |
القائد تراجي
ولدنا الباشمهندس الشاب لا يقصد الإهانة في تشبيهاته التي أدخل فيها (أو) أبو الريش الشهيرة من منطلق أن الأصول لا تقبل أو ...
أما عن اعترافنا فنحن من زمن الغسيل بطين البحر والدمور والزراق أبونيلة والكوفيت أبو ودعة والشعفة ام فدعة والفركة البدعة...
أما الصورة ليست لرقيق
إنما أميرة في توب الأمير
وملكة ست فرخات
لا سترة لا نعلات
( السترة بضم السين تعني لبسة لتغطية الصدر )
|
Post: #53
Title: Re: الشايقية ليسوا عرباً، وإنما هم بجا او نوبـة
Author: osman righeem
Date: 06-27-2011, 09:18 AM
Parent: #49
Quote: طيب ناس رغيم نكروها ليه
ليه وقالوا دي صورة رقيق؟! |
تراجي سلامات
رغيم الابن هو القال
لكن انا شفت شوف العين في منظقنا ونحن اطفال
هذا الزي و وقتها كان محصور لدي الاسر الفقيرة
و قبائل الرحل مما يعني انه قبل فترة طفولتنا
ربما كان هو الزي السائد ونحن حضرنا بداية زواله
و كذلك كانت منطقتنا تنقاسي السوق هي السوق الرئيسي
للمواشي و الجمال وكل الحيونات التي هي محور حياة الناس ذلك الوقت
وكان بهذا السوق عدد من الترزية و الخياطين يكاد يكون اكثر من عدد الدكاكين
بالسوق و كانت اكثر سلعة متداولة في السوق بعد السلع التمونية
هي العراقي و السروال (جاهز) سواء من الدبلان أو الدمورية
مما يدل علي انها صناعة جديدة رائجة
وطبعا كان لبس الرجال ايام الحريم بيلبسو زي الصورة في المداخلة الاولي
شمارة وزن عشرة ( نسيج محلي ) زي بتاع غاندي
عموما اختنا ام حازم يمكن يكون دي لبس النساء في كافة انحاء السودان
في وقت معين
|
Post: #55
Title: Re: الشايقية ليسوا عرباً، وإنما هم بجا او نوبـة
Author: نورالدين الفحل
Date: 06-27-2011, 03:04 PM
Parent: #53
اها يااخوانا وصلنا وين ماتورونا
طلعنا بجة ولا نوبة
الله اعلم نبت شيطانى
|
Post: #56
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-27-2011, 03:52 PM
Parent: #55
قبل أن نتحدث عن نسب الشوايقة
و هل هم بجا أو نوبة أو فلاتة أم بررو
خلونا نتكلم عن الشوايقة الكيزان و الشوايقة الما كيزان
و من الآخيرة دي ممكن نصل للتانية
_______________________________________________________
وكالة ناسا تطلق صاروخا عضلاتو مفتلة نحو الهلال و المريخ
و عمر البشير يخاطب سكان مدينة سنكات و يوعدهم بجنان النخيل و العجوة
|
Post: #57
Title: Re: الشايقية ليسوا عرباً، وإنما هم بجا او نوبـة
Author: صبري طه
Date: 06-27-2011, 04:10 PM
Parent: #56
| Quote: رغيم عثمان رغيم كتب: يا صبرى خلينا مع ابو الريش احسن من تطلع لينا جدودنا واحد اسمو هاطل والتانى ياطل |
أحسن مما يكون عاطل
Quote: كبر كتب: صبري..حبابك
ياخي انا عندي شجردة نسبة زايغ منها عدييل..و هي تذهب الى ان الشايقية ( عيال ابا شايق) اقرباء الرزيقات..و هم و المسيرية عيال راجل ( عطية)..و كلهم مستعدين يلحقوا معد يكرب و قضاعة..و حاجات تانية.. لكن ده مش مهم..!
واحد صاحبي شايقي (ياخي ده و الله الإ تدفع بياض حتى يتذكر انو شايقي.. لأنو من شباب التحليل الثقافي و كده)..ذكر ملاحظة عجيبة..و قال لي غريبة في كردفان قري كتيرة من شاكلة (كريمة) و ( الله كريم)..و لمن قلت ليهو حبوبتي المرحومة ام سماح ام عسكرية بت نصر السكران بتقول لينا عن عيال ابا شايق..كنا قاعدين نقول ليها يا حبوبة بطلي خرف شن لامانا على عيال ام جلبة حبل القيطان..!
الفكرة.. ملاحظات صغيرة عن الواقع ممكن تصنع الفرق..و الناس تعرف الكتير الكتير..!
بالنسبة لي.. ناس السودان ديل الداير ينسب لغاية معد يكرب فليفعل..و الداير ينسب لغاية توت عنخ امون.. فليفعل.. لكن في نهاية اليوم.. اهو ترى قاعدين في الرقعة المسماة سودان؟؟!
نظرية اخونا ابو ريش.دي قالها لي واحد صاحبي اسمو دكتور خالد عطا المنان..و اتعاصرنا زمن الدراسة في جامعة الخرطوم.. لكن هو محظوظ شوية.. لأنو الظروف اتيحت ليهو المعيشة في مجتمعات غرب افريقيا..و خالد هذا طريقة كلامو.. التقول جاي من كريمي اللحظة.. لكن حالف تب الشايقية ديل ما عندهم حجة مع معد يكرب..وهكذا..!
ياخي عرب شنو ؟..ديل جنجويد عدييل يا صبري..!
النسبة بتقول في بعض منها (لعطية ولدين: مسير و رزق..و رزق جاب تلاتة عيال..ماهر (جد المهرية)..و محمود (جد المحاميد..موسى هلال و كده و خلي بالك من محمود كويس)..و نايب..جد النوايبة..و بعدين محمود جاب عيال كتير.. اكبرهم هو شايق جد الشايقية..!!!!!!!!)..!
غايتو السودان ده مرات لذيذ جنس لذاذة واحدة..!
كلنا سودانيين..يا شباب..!
كلنا عندنا عرق في البجا و النوبة و البرقو و الكانم و الكانوري..!!!
كبر |
أخونا كبر حبابك مليون ... وياخي إنت راجل موسوعة ...
ولكن أعتقد إنو فرز الكيمان بالنسبة لعرب السودان بجي عن طريق الأمهات ...
يعني بصراحة أنا سمعت في الونسات وكدة إنو الشايقية حبوبتهم الكبيرة شلكاوية والجعليين حبوبتهم الكبيرة دينكاوية ...
وكان قبل كدة فتحت بوست تساؤل بعنوان "هل الجعليين حبوبتهم دينكاوية ... إلخ" ...
وكُنت جادي في الموضوع ولكن من ردود الأخوان الظاهر افتكروا الموضوع ما جادي !!!
ولك كل الود والتقدير ،،،
|
Post: #58
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-27-2011, 10:56 PM
Parent: #57
شنو يا ابو الاصبار فاتح لينا كدا ياخ؟
طمنا ياخ ..
( ابراهيم جعل ) اسم مركب* و لّ هم نفرين؟
-----
* طبعاً في الدعوسية دي اسم مركب ممنوع ..
عندنا صاحبنا كان عاوز يسمي بتو على امو " ست ابوها" .. ناس الاحوال المدنية حرنوا دت!
قالو ليو يا ( ست ) يا ( ابوها )!؟
غايتو ان طلع اسمو براو ...
دا ح يؤكد انو برضو الجعليين ليسوا عرباً، وإنما هم بجا او نوبـة
المافي شنو!؟
|
Post: #59
Title: Re: الشايقية ليسوا عرباً، وإنما هم بجا او نوبـة
Author: Abureesh
Date: 06-28-2011, 00:16 AM
Parent: #58
سلام للجميـع،
وقد كنت مسافرا لا أجد الوقت لرد مفصل على كل المداخلات، والان اكتب هـذه المداخلة على حسـاب
الزمن للتجهيز للذهاب الى المطار، وسوف أرد على من تكرم بالتعليق، وأشكـر الجميـع.
وقبل ان اضغط على مفتاح "أضف رد"، أحب أن اثبت الاتى:
1- الإنتماء للبجا والنوبة شـرف وتكريم.. وإدعاء الإنتماء لغيرهم منقصـة.
2- الصورة لإمرأة كانت مكرمة ومعززة، وكانت أطهر وأعف من الكثير من اللابسـات اليوم.. والسبب ان رجال
ذلك الوقت كانوا (نصيحين) حين المرض اليوم ضرب العقول مثل الفايروس.. فصار كثير من الرجال غير
أسوياء وأمخاخهم فاســدة ومريضـة حقيقـة، تفرز كيماويات الجنس كلما التقطت العين صورة لشعـر أمرأة
وارسلتها لخلايا المخ المريض عن طريق الأعصـاب البصـريـة.
سأتى إن شـاء الله للموضوع الأساسى حين أصل وجهتى..
|
Post: #60
Title: Re: الشايقية ليسوا عرباً، وإنما هم بجا او نوبـة
Author: بريمة محمد
Date: 06-28-2011, 03:56 AM
Parent: #59
باشمهندس أبو الريش
سلامات ..
| Quote: سأتى إن شـاء الله للموضوع الأساسى حين أصل وجهتى.. |
أنتظروا الراجيكم .. يا أولاد (شقى) كما قال حبيبنا ذواليد ..
تصحبك السلامة ..
بريمة
|
Post: #61
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-28-2011, 06:47 AM
Parent: #60
Quote: اها يااخوانا وصلنا وين ماتورونا
طلعنا بجة ولا نوبة
الله اعلم نبت شيطانى |
لسه في مساوى ياقريبي ههههههه ابودالدقيق الفينو ..
|
Post: #62
Title: Re: الشايقية ليسوا عرباً، وإنما هم بجا او نوبـة
Author: طارق جبريل
Date: 06-28-2011, 11:48 AM
Parent: #61
Quote: اها يااخوانا وصلنا وين ماتورونا
طلعنا بجة ولا نوبة
الله اعلم نبت شيطانى |
|
Post: #63
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-28-2011, 12:51 PM
Parent: #62
Quote: امونة بالمناسبة معلوماتك غلط .. ولا بتعرفي لبس الشرقيات من الهندودة..
ديل بيتلفحن الساري وضهرهن وصرهتن وبطنهن عمرها ما بتكون مكشوفة
لو بتشوفي افلام هندية كلمينا .. لكن اتربينا عندهم في مختلف البوادي
وهم.. عاوزة تثبتي وجهة نظرك بالكضب.. لاولاد طوكر؟؟؟ |
عليييك الله هسه يتناقشوا معاك كيف فى لبس البجاويات ..
وانت ما عارف الفرق بين البجا والهدندوة ..!!
مع انو مليوووون مرة قلنا فى هذا البورد ان مش كل البجا هدندوة ..
لأن الهدندوة قبيلة ضمن قومية البجا .
_____
كمان قال عايز يجى يفتى لى فى لبس البجاويات ...هانت الزلابية ..
ديل حبوباتى وعماتى يا اخوى..ونساء عشيرتى وما زلت أعيش مع اسرتى فى شرق السودان على ساحل البحر الأحمر حيث أرض جدودنا، ولم ننزح إلى أى مكان آخر فى السودان .
زى البجاويات هو نفس زى النوبيات زماااان ايام حضارة كوش العظيمة ..
كوش العظيمة الضاربة فى أعماق التاريخ والتى إنحدر منها حتى العرب والهنود وأبورجينيز أوستراليا ونيوزيلاند.
|
Post: #65
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-28-2011, 01:08 PM
Parent: #63
ولو مشيتو يا حيدر ووليد للمتحف السودانى والمصرى حا تلقوا ان زى البجاويات وزى المرأة الشايقية اعلاه..
هو نفس زى حبوباتهن القديمات منذ عهد الفراعنه بل ما قبله .
|
Post: #66
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-28-2011, 01:25 PM
Parent: #65
Quote: العم /عثمان رغيم
على حسب الروايات والحكاوي
قالوا ابوكم فلاتي
جاي من مالي ماشي الحج
وانقطع في بلاد النوبين
اسمه حاج محمد |
والله يا ذو اليد مبااالغة ...
ياخ ماف اجتماع تاني في القاعـة .. حقو المرة دي تشتري ليك كرسي بي عجلات وتجي مدردق ليهم من البص طوالي لي باب القاعـة لي الصف الاولاني
المرة دي جكك بالكرسي في الصف الأولاني .. كرسي ابوعجلات ما بقعد بيهو في الصف التالت ..
|
Post: #67
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-28-2011, 01:41 PM
Parent: #66
| Quote: ولو مشيتو يا حيدر ووليد للمتحف السودانى والمصرى حا تلقوا ان زى البجاويات وزى المرأة الشايقية اعلاه |
يمشو المتحف ليييه يا أمونـة
حسع عليك الله إنت وتراجي ديل ما متحـف ..؟
اخسر قروشي لييه .. طالما انتو قاعدات هنا دا ..؟
|
Post: #68
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-28-2011, 02:06 PM
Parent: #67
Quote:
والله يا ذو اليد مبااالغة ...
ياخ ماف اجتماع تاني في القاعـة .. حقو المرة دي تشتري ليك كرسي بي عجلات وتجي مدردق ليهم من البص طوالي لي باب القاعـة لي الصف الاولاني
المرة دي جكك بالكرسي في الصف الأولاني .. كرسي ابوعجلات ما بقعد بيهو في الصف التالت ..
|
-------
انت يا تامبا مش قاعة الصداقة دي ديموقراطية شديد؟
ليه طيب ما يجيبوا ( كراسي ) كتيييييييرة على قدر ( الشعب )؟
يا يجيبوا واحدات كبيييرة تسع الجميع! .. المافي شنو!؟
الكيزان ديل اصلو ما ديموقراطيين كلو كلو!!
|
Post: #69
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-28-2011, 03:05 PM
Parent: #68
المافي الكراسي امات عجلات دي يا قيقـا ..
بعدين خليك جادي شوية .. الزول دا قال الجماعة ديل حجاج سااي .. كدي خليك من الكرسي والعجلة من الشيطان .. خلينا في موضوع الحجاج دا ..
|
Post: #70
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 03:08 PM
Parent: #68
sudanese warrior 1920-1930-library of congress
|
Post: #72
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 03:29 PM
Parent: #70
|
Post: #73
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 03:33 PM
Parent: #72
|
Post: #74
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 03:55 PM
Parent: #73
|
Post: #75
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 03:56 PM
Parent: #74
|
Post: #76
Title: Re: الشايقية ليسوا عرباً، وإنما هم بجا او نوبـة
Author: Kostawi
Date: 06-28-2011, 04:05 PM
Parent: #75
|
Post: #78
Title: Re: الشايقية ليسوا عرباً، وإنما هم بجا او نوبـة
Author: محمد جمال الدين
Date: 06-28-2011, 04:14 PM
Parent: #75
العزيز أبو الريش،
آذن لي أن أشارك هنا برأيي الخاص عبر بوست لي يقوم بالجوار أتحدث فيه عن "العيش المشترك" والهوية... وعندي رأي أن الهوية من حيث هي قيمة "جوهر" جدل خارج خط الأولويات فالهوية القيمية ومنها القبيلة والعشيرة والطائفة الدينية ليست هي المشكلة!. (هناك أربعة مستويات للهوية، لطفآ، راجع البوست أدناه).
فإن تحول الشايقية إلى بجا أو ظلوا على شايقيتهم أو إكتشفوا لهم أصول في برنو أو إسكندنافيا ذاك الأمر لن يغير أي شيء في المعادلات الواقعية. كما أن كل إنسان حر فيما يقول به عن هويته. فمبدأ الحرية لنا ولسوانا ينطبق تمامآ على أمر "الهوية" بمعانيها كلها.
أرجو أن يكون منكم من عنده بعض الصبر على قراءة كلامي في هذا اللنك فأملي أن أستفيد وأستنير بآرائكم (هو عبارة عن أربع مقالات وعدة مداخلات شاركني بها بعض الصحاب والزملاء، شكرآ لهم):
يعني شنو "هوية" (صراع القيم والرؤى والمصالح) ووجه...ي كلام الباقر العفيف
مع خالص معاني الود،
محمد جمال
|
Post: #77
Title: Re: الشايقية ليسوا عرباً، وإنما هم بجا او نوبـة
Author: صبري طه
Date: 06-28-2011, 04:05 PM
Parent: #70
Quote: قيقراوي كتب: شنو يا ابو الاصبار فاتح لينا كدا ياخ؟
طمنا ياخ ..
( ابراهيم جعل ) اسم مركب* و لّ هم نفرين؟
-----
* طبعاً في الدعوسية دي اسم مركب ممنوع ..
عندنا صاحبنا كان عاوز يسمي بتو على امو " ست ابوها" .. ناس الاحوال المدنية حرنوا دت!
قالو ليو يا ( ست ) يا ( ابوها )!؟
غايتو ان طلع اسمو براو ...
دا ح يؤكد انو برضو الجعليين ليسوا عرباً، وإنما هم بجا او نوبـة
المافي شنو!؟ |
يا حبيبنا على حسب معلوماتي أن اسم "جعل" هو لقب لـ "إبراهيم" وليس له علاقة باسمه أو باسم أبيه ...
وإذا أردت أن تعرف معنى كلمة "جعل" .. أمشي فتّشها براك كدة وما تجيب لي هوا
فبعض الروايات قالت أنها ترجع إلى كلمة "جعلناك" .. والله أعلم ...
ـــــــ
عمّك قوقل قاعد .. والمافي شنو ؟
|
Post: #79
Title: Re: الشايقية ليسوا عرباً، وإنما هم بجا او نوبـة
Author: محمد حيدر المشرف
Date: 06-28-2011, 04:26 PM
Parent: #77
الواحد مفروض يمشى ليه لى دكتور يتعالج ..
ولا أقول ليكم ..
احسن الواحد يواصل " ما نصيح "
وانشاء الله يجن .. ويزيد فى الجن ذاتو ..
بعدين با ابوالريش ..
الحاجه المتاكد منها انو قطعا لن يكون الشعر فى الصوره أعلاه هو الحافز لافراز تلك المواد الكيماويه للجنس !
Quote: والسبب ان رجال
ذلك الوقت كانوا (نصيحين) حين المرض اليوم ضرب العقول مثل الفايروس.. فصار كثير من الرجال غير
أسوياء وأمخاخهم فاســدة ومريضـة حقيقـة، تفرز كيماويات الجنس كلما التقطت العين صورة لشعـر أمرأة
وارسلتها لخلايا المخ المريض عن طريق الأعصـاب البصـريـة.
|
|
Post: #80
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-28-2011, 05:05 PM
Parent: #79
Quote:
نفهم انو دي طريقة لبسك بما انك متمسكة ومعتزة ببجاويتك ومعارضة للمشروع الحضاري
ولا حنك منك سااااااااااااااي
عشان اوريك انا ذكي ونجيض قدر شنو ؟ |
انت قايلنى يا وليد بخجل وللا بستعر من زى أهلى وحبوباتى ؟!
ذكى ونجيض نجاضة لكن ..والله أفحمتنى ..
______
ايه رأيك أنا عندى صورة بالزى ده ..
خايفة انزلها هنا تحصل ليك انت وحيدر صدمة حضارية ..
قرقرقر
|
Post: #81
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-29-2011, 00:13 AM
Parent: #80
Quote: يا حبيبنا على حسب معلوماتي أن اسم "جعل" هو لقب لـ "إبراهيم" وليس له علاقة باسمه أو باسم أبيه ...
وإذا أردت أن تعرف معنى كلمة "جعل" .. أمشي فتّشها براك كدة وما تجيب لي هوا
فبعض الروايات قالت أنها ترجع إلى كلمة "جعلناك" .. والله أعلم ...
ـــــــ
عمّك قوقل قاعد .. والمافي شنو ؟ |
عاد دا كلام دا!؟
ياخ انت مش الجبت الهواء دا هنا بيدينك ديل؟
------
لوووووب
قلت لي الكترابة ي كولها ( لقب ) ساااااااي؟
|
Post: #82
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-29-2011, 04:59 AM
Parent: #80
Quote: ايه رأيك أنا عندى صورة بالزى ده ..
خايفة انزلها هنا تحصل ليك انت وحيدر صدمة حضارية .. |
يا بكري ما تشغل الماسنجر
|
Post: #83
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-29-2011, 07:24 AM
Parent: #82
Quote: ايه رأيك أنا عندى صورة بالزى ده ..
خايفة انزلها هنا تحصل ليك انت وحيدر صدمة حضارية .. |
.. | Quote: يا بكري ما تشغل الماسنجر |
ما قلنا ليكم عندنا متحف هنا دا .. مجاني .. شوفو الناس دي معاكم كمان .. بدل يتموها خيال ساكت كدا
غايتو يا آمنة قهرتك بالقاهر
|
Post: #84
Title: Re: الشايقية ليسوا عرباً، وإنما هم بجا او نوبـة
Author: الرفاعي عبدالعاطي حجر
Date: 06-29-2011, 08:36 AM
Parent: #83
| Quote: حدثني زعيم بجاوي (اثق في عمله وثقافته)انه الشايقيه هم(العصاة و المتمردين من البجا) |
عشان بكرة اربط ليك
في الطريق لي عمنا
شحوتاي وفائز القاضي
يعني زولك طلعنا صعاليك
البجة ... يديك العافية يا
تراجي مصطفى ويحفظ العمل والعلماء
ياجماعة دا حوار يجب ان نتجاوزه على اقل تقدير نحن .
.......................................................حجر.
|
Post: #85
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-29-2011, 08:47 AM
Parent: #83
وليد و تمبس
بالجد ما في داعي
|
Post: #86
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-29-2011, 08:51 AM
Parent: #85
Quote: وليد و تمبس
بالجد ما في داعي |
مافي داعي بالنسبة لي شنو يا قيقراوي .. علشان افهم بس ..
|
Post: #87
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-29-2011, 09:25 AM
Parent: #86
و الله يا تمبس ما عاوز اكرر قصتكم انت ود القاضي امس في بوست المؤسسة
لكن شايف انو تعليقاتكم انت و المذكور
ما بتليق بيكم انتو ديل ..
ياخ لو القائل مجنون ..
المعلقين الرياضيين مالم!؟
عموماص هي وجهة نظري انا ..
لو ما قسمت معاك .. اكيد بتعرف بحر ابيض وين ..
بالميت كبها في خور ابو عنجة ان شاء الله
سلام يا صحبي
|
Post: #88
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-29-2011, 10:21 AM
Parent: #87
| Quote: و الله يا تمبس ما عاوز اكرر قصتكم انت ود القاضي امس في بوست المؤسسة |
من الناحية دي والله معاك حق وانا بنصحك انك ما تدقس .. أو ما تتجلى ساكت .. والله العملتو مع فايز دا .. من ما جيت المنبر دا عملتو مرتين بس .. عشان كدا ما تدقس يا قيقراوي .. لاني ح افهمك غلط طوالي
| Quote: عموماص هي وجهة نظري انا .. |
وجهة نظرك زي الدبايب يازول ماف عوجه وعلي العين والراس ..
بس معليش . السيدة الفضلى آمنة طارحة نفسه انها ممكن تكتب اي كلام وتقول اي كلام .. يعني من مجموعة فاكرة انها ممكن تخرص اي زول بي كلمة كملتين تقولم ودا طبعا كلام ما مظبوط علشان كدا يا قيقراوي .. انا شخصيا مع امنة ما فارقه معاي ومع تراجي ما فارقه معاي .. بعدين ياخ حسع انا قلت ليها شنو ؟؟
يجي شنو من البتقول فوقو وتلمح بيهو وكتبتو عديل كدا ..؟
زمان الزولة دي قالت كلام عجيب خلاص .. ربطتني ليك انا ودكين .. لما بدينا نفكفك في كلامة والله يا قيقراوي التلفونات دي اشتغلت قرش ونص .. من اخوان كمية .. قمت رفعت يدي .. تتخيل حسع دي تجي في الفين وحداشر تقول تمبس ضايق يدي قبل كدا ..؟
...
بعدين يا قيقا الزولة دي قالت انا بالنسبة ليها زي شاي اللبـن .. إنت المداخلة دي ما لاقتك واللا شنـو ..؟
واللا مقاطع المنتجات الدنماركية إنت ..؟
|
Post: #89
Title: Re: الشايقية ليسوا عرباً، وإنما هم بجا او نوبـة
Author: محمد عبد الماجد الصايم
Date: 06-29-2011, 10:30 AM
Parent: #88
البتجيهو الصورة دي ما يتعافن علينا باللاي
|
Post: #90
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-29-2011, 10:37 AM
Parent: #89
| Quote: البتجيهو الصورة دي ما يتعافن علينا باللاي |
أعمل جسر جوي مع قيقراوي دا .. انا غايتو دا طرفي لا عايز منها صورة ولا عايز منها صورة
|
Post: #91
Title: Re: الشايقية ليسوا عرباً، وإنما هم بجا او نوبـة
Author: محمد عبد الماجد الصايم
Date: 06-29-2011, 10:55 AM
Parent: #90
أنا غايتو أُعلن انحيازي التام لآمنة مختار وقوى الهامش!
شفت شنو وتمبس شنو .. هي دي وشوش الواحد يلاقيها الصباح؟
|
Post: #93
Title: Re: الشايقية ليسوا عرباً، وإنما هم بجا او نوبـة
Author: humida
Date: 06-29-2011, 11:16 AM
Parent: #91
و الله القعاد مع العرب ديل علمنا انه كلنا دينكا .. و الحمد لله ..
|
Post: #92
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-29-2011, 11:05 AM
Parent: #88
| Quote: من الناحية دي والله معاك حق وانا بنصحك انك ما تدقس .. أو ما تتجلى ساكت .. والله العملتو مع فايز دا .. من ما جيت المنبر دا عملتو مرتين بس .. عشان كدا ما تدقس يا قيقراوي .. لاني ح افهمك غلط طوالي |
شكراً ياتمبس على حسن الظن ومحاولة حفظ الود المحفوظ عندي ..
ياقيقراوى ماتتدخل بين الشرق والشمال ..
|
Post: #94
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 06-29-2011, 11:23 AM
Parent: #92
| Quote: شكراً ياتمبس على حسن الظن ومحاولة حفظ الود المحفوظ عندي .. |
معقولة يا فايز ياخ .. محاولة حفظ ؟ والله دي بالغت فيها عديل كدا ..
مش بقولو ليك مصارين البطن شنو كدا ما عارف ..
اهـا إنت المصران الأعـور زاتووووو .. .. بعدين البوست داك زاتوو جعان .. والله ولا بيستاهل إنو الواحد يكتب فوقو .. لكن للاسف الشديد الجماعة اياهم بيعرفو كيف يلعبو لعبات زي دي ..
| Quote: ياقيقراوى ماتتدخل بين الشرق والشمال .. |
أما بالنسبة لي قيقراوي .. فمافي مشكلة لانو نوعية قيقراوي دا الواحد بشيل منهم خمسة ستة سبعة كدا في صفحتو ويجري بيهم .. اكان جات جرية
لكن زي ناس ود الصايم ديل .. ياخ دا البنقالي قاليهو .. صديق .. مترر خلاص كمممل ..
|
Post: #95
Title: Re: الشايقية ليسوا عرباً، وإنما هم بجا او نوبـة
Author: صلاح أبودية
Date: 06-29-2011, 11:30 AM
Parent: #92
لانا عرب ولانا نوبة ولانا بجا
ولا سآءلين فى ديل ولافى ديل !!
شوايقة وبس !!
جدنا فلاتى زى ماقال ذواليد ولّ متمرد ولّ مجنون
ولّ عاضيهو ###### ..
ما شغلتنا ..
شوايقة وبس ..
وبنعرف بعضنا كويس لمن نجى لى فرز الكيمان !!
|
Post: #96
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-29-2011, 11:55 AM
Parent: #95
يا قيقا
صورة مشابهة مرفوعة في المداخلة الاولى في البوست ده
الناس قالت ده لبس قبيلة معينة وانو ده شغل بتاع فلكلور وعااااااااااادي
اها انا سالتها بما انو ده فلكلور وهي فرحانة بيه
هل هي تقدر تلبس كده
قالت عندها لبس بالزي ده
وما بتقدر ترفعوا هنا
وانا ما مصدقها
وما اظنها تتصور كده
ولو متصورة كده ومعتزة بالفلكور ده
ترفع لينا الصورة هنا
ولو متعقده ترسلها لي وانا بصدقها
اي فهم خارج الاطار ده مسئول منو انت براك وحسب فهمك
|
Post: #97
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 06-29-2011, 12:04 PM
Parent: #96
| Quote: ولو متعقده ترسلها لي وانا بصدقها |
على جثثنا ياوليد فالاقربون اولى ...
|
Post: #98
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 06-29-2011, 12:36 PM
Parent: #97
ولي يا ولي
Quote:
اي فهم خارج الاطار ده مسئول منو انت براك وحسب فهمك
|
فير انف
موافق .. و جداً جدن .. حتى آدم همسلف
المافي شنو هو!؟
|
Post: #99
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-29-2011, 01:48 PM
Parent: #98
Quote: بالله ما تضيعوا وقتكم ووقت البشرية في مواضيع ميتة زي دي
مما شاركنا في هذا المنبر والناس دي مضيعين وقتنا في حكاية الأصل والهوية والقبيلة والنسل وما عارف شنو
|
الأخ نصر ..لا تجزع
أعتقد ان هذا مخاض طبيعى يخوضه السودان
فى سبيل تلمس هويته الحقيقية المتجانسه .
|
Post: #101
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 06-29-2011, 05:49 PM
Parent: #99
.
|
Post: #102
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-29-2011, 06:51 PM
Parent: #101
قرقرقر
الشرك قبض .
عزيزى قيقراوى ..صدقنى هذيان الجماعة ديل ما حا يخلينى اخجل من زى أهلى واسلافى وثقافتى التى أعتز بها..
وأعتبر ان زى نساء البجا قمة فى الحشمة ..كما أفهمها أنا ..
وما منعنى من نشر الصورة إلا خشيتى عليهم من الصدمة الحضارية ..
فهؤلاء يعيشون فى السعودية منذ زمن..
وطبعا أنت أدرى بالسعودية ، وثقافة المطاوعة الوهابيين ..
...
شخصيا ..الجسد الإنسانى لا يخيفنى ..فهو بالنسبة لى موضوع جمالى ..
وآية ربانية ( تبعث التقديس فى مهجة الشقى العنيد ) ..
|
Post: #103
Title: Re: الشايقية ليسوا عرباً، وإنما هم بجا او نوبـة
Author: الرفاعي عبدالعاطي حجر
Date: 06-29-2011, 09:32 PM
Parent: #102
بوست انحرف عن مساره وليته يعود
بطرح السؤال المحوري من نحن عرب
بجة نوبة او كما قال بشاشا عليه
رضوان العقل ان عاد الى بحثه :
الشايقية ليسوا عرباً، وإنما هم بجا او نوبـة
والله ولي التوفيق .
....................................................حجر.
|
Post: #104
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-29-2011, 10:05 PM
Parent: #103
Quote: بوست انحرف عن مساره وليته يعود
بطرح السؤال المحوري من نحن عرب
بجة نوبة او كما قال بشاشا عليه
رضوان العقل ان عاد الى بحثه :
الشايقية ليسوا عرباً، وإنما هم بجا او نوبـة
|
الأخ حجر..
يا لها من مصيبة ..إن كنت لا تعرف أصلك وجذورك الحقيقية حتى الان ..
.
|
Post: #105
Title: Re: الشايقية ليسوا عرباً، وإنما هم بجا او نوبـة
Author: الرفاعي عبدالعاطي حجر
Date: 06-30-2011, 07:36 AM
Parent: #104
الاخت آمنة مختار
حبابك ,,,
تعرفي الهرجلية في الجد تتعبني
رأيت الرجل يطرح فكرة نريد تكملتها
وبس .
...................................حجر.
|
Post: #106
Title: Re: الشايقية ليسوا عرباً، وإنما هم بجا او نوبـة
Author: وليد محمد المبارك
Date: 06-30-2011, 10:40 AM
Parent: #102
Quote: عزيزى قيقراوى ..صدقنى هذيان الجماعة ديل ما حا يخلينى اخجل من زى أهلى واسلافى وثقافتى التى أعتز بها..
وأعتبر ان زى نساء البجا قمة فى الحشمة ..كما أفهمها أنا .. |
كضـــابة
| Quote: وما منعنى من نشر الصورة إلا خشيتى عليهم من الصدمة الحضارية .. |
برضو كضـــابة
اساسا صورة بالمواصفات دي مرفوعة في اول مداخلة في المنبر
ماجاتنا صدمة حضارية ليه
؟؟!!!
عشان تعرفي روحك حــمارة قدر شنو ؟
ولا تكوني يالله مخمومة في روحك وقايلا نفسك في جمال السيد سارة ام سيدنا اسحق
Quote: فهؤلاء يعيشون فى السعودية منذ زمن..
وطبعا أنت أدرى بالسعودية ، وثقافة المطاوعة الوهابيين .. |
ده منو ده ؟
الله يوعدني وازور السعودية واحج بيتو واعمر
امييييييييييييييييييين
بالله انت قالاني مغترب في السعودية
والله فيك الخير
Quote: شخصيا ..الجسد الإنسانى لا يخيفنى ..فهو بالنسبة لى موضوع جمالى ..
وآية ربانية ( تبعث التقديس فى مهجة الشقى العنيد ) .. |
اها قمنا للكلام ############
الجسد الانساني فعلا هو موضوع جمالي وايه رباني
لكن عنده خصوصيتو ..
وستر هذا الجسد الا من الخواص .. احدى مميزان بني البشر ككائنات تخصص مناطق في جسدها وعقلها لخاصة الخاصة هو احدى الاشياء التي تميز البشر عن بقية الكائنات الاخرى
ستر الجسد وستر بعض الافكار وتخصيصها لخواص ده من شغل العقل والتفكير
اباحة الجسد للعامة ده شغل الحـــيوانات بس
وهسع بطلي كضب
مشاعرنا وصدمتنا الحضارية لا اظنها تهمك كثيرا ، بل اعتقد انك لو وجدتي حطبا فيه نار واستطعت ان تلقينا فيه لفعلت
بطلي الحنك واثبتي صدقك وارفعي صورتك كما السيده في الصورة اعلاه
لو كنت فعلا متصورة متلها ولا اظنك
ولو كنت فعلا مصدقة وهمت انك مفتكرة الجسد محراب مباح للجميع ان ينظر اليه وايضا لا اظنك
اتحداك ..
ومتاكد انك لا تستطيعين
لانو البتقولي فيه ده حنك سااااااااااااااااكت بتاع اون لاين
ما اكتر ولا اقل
استهلاك منبر يعني
|
Post: #107
Title: Re: الشايقية ليسوا عرباً، وإنما هم بجا او نوبـة
Author: AMNA MUKHTAR
Date: 06-30-2011, 03:46 PM
Parent: #106
الأخ حجر تحياتى :
بس بفتح الباء ولا كسرها ..؟
..
أما عن موضوع البوست ..كلللنا بوستاتنا بتتعرض لغزوات المهرجلين ومع ذلك
بنواصل فيها عادى ..
طالما نحن فى منبر عام .
|
Post: #108
Title: Re: الشايقية ليسوا عرباً، وإنما هم بجا او نوبـة
Author: عبدالله الشقليني
Date: 07-01-2011, 07:11 AM
Parent: #107
| Quote: الشايقية ليسوا عرباً، وإنما هم بجا او نوبـة |
| Quote: المرض دة ما ملاريا ، سُكري أو ضغط |
الأكرم : أبو الريش
تحياتي
*
|
Post: #109
Title: Re: الشايقية ليسوا عرباً، وإنما هم بجا او نوبـة
Author: Abureesh
Date: 07-01-2011, 09:15 AM
Parent: #108
***Quote: الشايقية ليسوا عرباً، وإنما هم بجا او نوبـة
Quote: المرض دة ما ملاريا ، سُكري أو ضغط
الأكرم : أبو الريش
تحياتي***
الأخ عبدالله الشقلينى،
ليتك أبنت، وانت الاديب الحصيف.. فأنا أعد العدة للردود والتعليقات.
لم افهم ما سطره قلمك اعلاه.
|
Post: #110
Title: Re: الشايقية ليسوا عرباً، وإنما هم بجا او نوبـة
Author: HAIDER ALZAIN
Date: 07-01-2011, 09:57 AM
Parent: #109
| Quote: فهؤلاء يعيشون فى السعودية منذ زمن..وطبعا أنت أدرى بالسعودية ، وثقافة المطاوعة الوهابيين .. |
متخلفة .. وهم ولو شفتك متأكد حا اتعوذ من الشيطان في اسوأ تجلياته..
بعدين حباااب وليد المبارك بالمملكة - آنست وشرفت ياوليد يآخ.. عبيطة ( بإختصار من مصلحتك تجينا صدمة ونموت بسكتة دماغية فامتعينا بالصورة يا امونة الكضيضيبة ) جنس كضب هو
|
Post: #111
Title: Re: الشايقية ليسوا عرباً، وإنما هم بجا او نوبـة
Author: HAIDER ALZAIN
Date: 07-01-2011, 10:09 AM
Parent: #110
Quote: هذيان الجماعة ديل ما حا يخلينى اخجل من زى أهلى واسلافى وثقافتى التى أعتز بها..وأعتبر ان زى نساء البجا قمة فى الحشمة ..كما أفهمها أنا ..
|
الكضيضيبة.. رجعتي الصورة ببداية البوست لزي الهندندوة يعني نفهم المرأة تمشي صدرها كاشف انه دا قمة الحمشة في نظرك- موبااالغة- وزدتي عليهو انه لديك صورة
بعضهم بيقول نتجاوزك هنا .. هو كضب زي دا يفوتوو كيف؟ بطلي تنجذبي وراء الاكاضيب وبفوت ليك سمح !!
|
Post: #112
Title: Re: الشايقية ليسوا عرباً، وإنما هم بجا او نوبـة
Author: فايزودالقاضي
Date: 07-02-2011, 08:47 AM
Parent: #111
ياجماعة الحجة منتظرة النتيجة ...بجا ولا نوبة ؟!!!!
|
Post: #113
Title: Re: الشايقية ليسوا عرباً، وإنما هم بجا او نوبـة
Author: محمد عبد الماجد الصايم
Date: 07-02-2011, 09:06 AM
Parent: #112
Quote: فهؤلاء يعيشون فى السعودية منذ زمن..
وطبعا أنت أدرى بالسعودية ، وثقافة المطاوعة الوهابيين .. |
إنتي قايلة عزيزكـ قيقراوي دا عايش في ناقورنو كرباخ؟
|
Post: #118
Title: Re: الشايقية ليسوا عرباً، وإنما هم بجا او نوبـة
Author: عبدالله الشقليني
Date: 07-02-2011, 11:23 AM
Parent: #109
الحبيب أبو الريش
تحية لك ولأضيافك وضيفاتك الفضليات
سنعود لإثراء الملف ، وسوف نتجهد ما يتيسر ،
لكن أمر القطعيات أمر صعب في شعوب اختلط أهلها من قديم الزمان ،
مثل ( ليسوا .... ) و ( بل هم كذا... أو كذا ...)
لقد اشتركت الهجرات في صناعة هذا الطعام الإثني على نار الزمن الهادئ .
إن دماء كل الشعوب السودانية وغيرهم من الأجناس قد تفرقت أيدي سبأ كما يقولون ،
وأن الأجناس الخالصة لم تعد في الوجود . فمن نسميهم مجازاً بالعرب اليوم ،
ينطبق عليهم ذات الأصول ، فالنبي الأكرم : من العرب المستعربة ، وفي التاريخ
الديني إن هاجر نوبية ، وإبراهيم من بلاد أور.
وهنالك حديث شريف يقول " أنا أفصحُ العرب "
وسيرة العرب كما يقول عنها الدكتور طه حسين في " الشعر الجاهلي" :
( وسيرة النبي التي تحدثنا أن العرب تجاوزوا باب المندب إلى بلاد الحبشة . ألم يهاجر المهاجرون الأوائل إلى هذه البلاد ! , وهذه السيرة نفسها تحدثنا بأنهم تجاوزا الحيرة إلى بلاد الفرس ، وبأنهم تجاوزا الشام وفلسطين إلى مصر .فلم يكونوا إذن بنجوة من تأثير الروم والحبش والهند وغيرهم من الأمم المجاورة لهم .ولم يكونوا على غير دين ولم يكونوا جهلة ولا غلاظاً ولم يكونا في عزلة سياسية أو اقتصادية بالقياس إلى الأمم الأخرى )
المتتبع لسيرة دخول القادمين من الجزيرة العربية إلى السودان يعرف أن الهجرات قديمة قدم التاريخ ، ومن الهجرات الحديثة نسبيا ، ما جاءت زمن الهجرة الأولى ، وما تبعها في عهد خلافة ابن عفان من حملة ابن أبي السرح ، ومن الحروب التي امتدت قرون ، ثم الهجرة عن طريق مصر ، ومن بعد الحروب المماليك في مصر وطردهم الفاطميين الذين تدفقوا على بلاد النوبة و السودان من الشمال واختلطوا بأهله وانحدر منهم من انحدر إلى كل السودان وسطه وشرقه وغربه ، ولم تكن تُعرف التقسيمات الحالية للأجناس قبل سبعة قرون ، وكذلك كانت هجرات عبر البحر الأحمر ، وهجرات عبر السودان الغربي من بعد فقد الأندلس ، والهجرة إلى بلاد السودان من بعد هزيمة الأمويين ....
هذا التاريخ المتداخل لا يسمح بوجود عرق صافٍ إ إذا استثنينا بعض قبائل نادرة في شرق السودان التي احتفظت بأعراقها دون خليط مع أهل السودان إلا فيما ندر ، وهذا العرق القادم من اليمن أو المملكة العربية السعودية هو أيضاً خليط أجناس .....
الموضوع كبير ومتشعب ، وقد نبت علم الأنثروبولوجيا وعلم الإثنيات مع علوم التاريخ لتقصي أمر الشعوب ، وجاء الحامض النووي لكشف هذا الخليط من البشر ، ومعلوم أن الإنسان الذي وقف على قدمين منذ مائتي ألف عام جاء من إفريقيا وانتشر .
وهذه مقدمة وقد أتمكن من رفد الملف بما نقدر عليه ،
وتقبل شكرنا ومحبتنا للجميع .
وأرجو إن كان الأمر دراسة علمية أن تستمر إلى كل قطاعات وشعوب السودان ، ولا ينحصر الأمر في إثنية أو عرق ، كي لا نقع في " فخ العرقية " التي تملأ السودان هذه الأيام . وهي ارتداد بالوطنية ونكوص عن المبادئ الإنسانية .
.
|
Post: #114
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 07-02-2011, 09:26 AM
Parent: #101
Quote: لعناية الاخ تمبس
عندك رد اخطا طريقه فوق
ارجو شاكرا الاطلاع عليه |
سلامات يا احمد حامد
يلاريت تساعدني بالاقتباس ... لاني ما فهمت قصدك ..
|
Post: #115
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 07-02-2011, 09:37 AM
Parent: #114
Quote:
إنتي قايلة عزيزكـ قيقراوي دا عايش في ناقورنو كرباخ؟
|
لووووووب
و انت السادق عايش في نفس البلد العايش فيو عزيز بشاشا ( القارئ )
------
جدة غير يا هماش الدعوسية انتو
|
Post: #116
Title: Re: الشايقية ليسوا عرباً، وإنما هم بجا او نوبـة
Author: محمد عبد الماجد الصايم
Date: 07-02-2011, 09:41 AM
Parent: #115
شابكننا جدة غير لحدي ما شالكم السيل!!!
هسي إنتو قاعدين مطمئنين على استثماراتكم؟
|
Post: #119
Title: Re: الشايقية ليسوا عرباً، وإنما هم بجا او نوبـة
Author: قيقراوي
Date: 07-02-2011, 01:12 PM
Parent: #116
Quote:
شابكننا جدة غير لحدي ما شالكم السيل!!!
|
زمان كنت في " حفر الباطن " ...
في الشريط البجري بي تحت دا في التلفزيون لمن تشوف ليك واحد ذاكر محل اقامة " الدعوسية " ..
اتاكد انو م نضهارينا ديك ..
لانو بتعاع الدماما بقول الدمام، و بتاع الرياض بقول الرياض، و بتاع جدة بقول جدة غير ..
لكن من تلقها دعوسية سليقة اعرفو زول اقاليم سااااي
------
يا عمك
استثمار ياتو؟
القالوا ملاسي؟
|
Post: #117
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-02-2011, 09:57 AM
Parent: #114
اخى تمبس لعلك بخير
هذه مداخلتك
Quote: Quote: المافي شنو!؟
المافي الكراسي امات عجلات دي يا قيقـا ..
بعدين خليك جادي شوية .. الزول دا قال الجماعة ديل حجاج سااي .. كدي خليك من الكرسي والعجلة من الشيطان .. خلينا في موضوع الحجاج دا .. |
و هذا ردى
Quote:
كتب الاخ العزيز تمبس
Quote: قال الجماعة ديل حجاج سااي |
يكفى الحجاج الفلاتة شرفا و مجدا اقتران اسمهم بركن من اركان الاسلام .الحجاج يا تمبس ضيوف الرحمن اكرامهم اولى من الاستخفاف بهم .
عودة لموضوع البوست
القبايل السودانية بشكل عام متداخلة متمازجة بحكم تعايشها الجغرافى منذ امد بعيد
القبيلة الواحدة تحمل فى طياتها التعدد و التداخل فهى اشبه بالكنفدرالية من كونها عصارة عرقية
الشعوب و القبايل السودانية متداخلة تداخلا يصعب معه التمييز بين مكوناتها
|
Post: #120
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 07-02-2011, 01:23 PM
Parent: #117
Quote: اخى تمبس ارجو ان الفت انتباهك حتى لاتقع فى الخطأ
اخى لا يليق بك التقليل من شأن الاخرين اضافة كلمة سااى للحجاج لم توفق فيهايكفى الحجاج شرفا ومجدا اقتران اسمهم بركن من اركان الاسلام .الحجاج يا تمبس ضيوف الرحمن اكرامهم اولى من الاستخفاف بهم . |
يا خوي كدي دقيقه عليك الله ..
حسع ياهو كلامك دا العامل بيهو اعلان وعندك مداخله سقطت .؟
عاين اولا انا ما قصدي استهين بي حاج .. واللا غيرو ..
كل ما في الأمـر انو مصطلح حاج دا .. ووفق ما هو متداول في بسيط اللغـة .. مقصود بيهو (الفلاتـة) وهو لفظ متعارف اطلق على الفلاتة لاكثرهم ارتباطا بي الحج ,, وكل ما يقرب لله .. وهي غالبا تندر ليس الغرض منو التقليل من شأن حاج واللا من شأن عبادة واللا من شان ركـن .. ولا شان قبيلة بعينها ياخ إنت لو اساسا ما فاهم الحاجة اسأل منها اول ..
نفس الفلاتة ديل بيطلق عليهم لقب . (كزونــة) وانا لحدت الآن ما عارف معناها شنو علشان كدا نأيت من نفسي اني اكتبه ربما تكون كلمة مضره علشان ما يجي ناطي لي واحد متلك يحاضرني في اركان الاسلام الخمسة ..
قبائل النوبة ايضا يطلق عليهم , المــان .. ود برضو في بسيط اللغـة علشان لما اكتب الماني .. ما تجي تقولي بتستهتر بي زول ..
والله فعلا انا احيانا بجيني احساس كدا إني قاعد اخاطب لي ناس من حتات تانية ..
...
|
Post: #121
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-02-2011, 02:44 PM
Parent: #120
| Quote: كل ما في الأمـر انو مصطلح حاج دا .. ووفق ما هو متداول في بسيط اللغـة .. مقصود بيهو (الفلاتـة) |
بمنطق اهل الرياضيات من الاقتباس اعلاه الاستنتاج الحجاج هم الفلاتة حسبماكتبت يا تمبس يعنى عندما يقول تمبس حجاج سااى معنى الكلام فلاتة ساى
يا عزيزى تمعن فى الخطأ الذى تثبته على نفسك
ارجو ان تعيد قراءة مداخلتى بوعى ... يبدو انك لم تدرك حتى الهرجلة التى كتبتها براك
اشرح لك ببساطة الاحتجاج كان على اضافة كلمة سااى للحجاج الفلاتة حسب تاكيدك اعلاه
و كلمة سااى الواردة فى سياق حديثك يا تمبس اشارة للاستخفاف هذا ما قصدت تنبيهك اليه بكل احترام
تسمية الفلان بالحجاج امر لا غبار عليه بل شرف و مجد
فمداخلتى لا علاقة لها بتدريسك اركان الاسلام التى يفترض ان تكون على دراية بها
و هنا انبهك من سرج الغرور المعرفى .. الاستئناس باراء الغير محمدة و زيادة خير على خير
و كان ذلك ديدن الكبار من اهل المعرفةامثال الامام الشافعى دع عنك انا و انت
اما حكاية الفلان كزونة حقيقة دى جديدة على ... و يمكن نسبها لك حصريا وفق قانون الملكية الفكرية
عزيزى تناول القبيلة اى قبيلة يجب ان يكون بعيدا عن الاستخفاف من قبيل كلمة سااى
كنت اتوقع منك ببساطة تدارك ذلك .. لكن للاسف اذا بك تثرثر خارم بارم معيب لا معنى له
معذرة اخى لتنبيهى لك الذى اثارك و جعلك تصرف عربى كثير من غير لزوم
اها ده طرفى فانت حر تانى لك على ان نطقت بغم فلك ان تستخف بمن و كما تريد..
رغم قناعتى بان النصيحة واجبة بيننا
| Quote: والله فعلا انا احيانا بجيني احساس كدا إني قاعد اخاطب لي ناس من حتات تانية .. |
ياخى عد الى رشدك .. افرك عينيك كويس بقوة لتبعد السنة .. بكسر السين .. ياخى .. لتدرك انك تخاطب زميل فى المنبر اسمه احمد حامد من نسل سيدنا ادم ابو البشر عليه السلام.. المخلوق من تراب .. مقيم بكوكب الارض الدائر حول الشمس ... فى قارة افريقيا تحديدا فى بقعة حول النيل
و المؤكد اننا سيان فى ذلك .. ان كنت عزيزى تمبس تعتقد وهما بانك مغاير لسنة الخلق البشرى و تنتسب لجغرافيا خارج اطار السماء الدنيا و تظن انك كائن من فضاء اخر فهناك خياران .. ان ننظم لك جمعة ارحل .. او .. نتضرع الى المولى عز و جل لك بالمعافاة و الشفاء من هذا الوهم المرضى انه على ذلك قدير فهو الشافى بلا ريب
لا اريد عزيزى تمبس ان ادخل معك فى مجادلة ادرك انك اوهن من ان تصمد فيها.. او مباراة شد حبل حتما ستكون الساقط فيهااولا .
انتهى البيان نقطة على السطر
معذرة لصاحب البوست و المتداخلين لهذه التخريمة خارج مسار البوست التى اضطرنا لها الاخ تمبس
|
Post: #122
Title: Re: الشايقية ليسوا عرباً، وإنما هم بجا او نوبـة
Author: بدر الدين احمد موسى
Date: 07-02-2011, 10:29 PM
Parent: #121
قريبي الفلاتي
احمد حامد صالح
ما هوي باني
قلت لي تمبس قال:
مش كدة و بس هو بقول:
| Quote: والله فعلا انا احيانا بجيني احساس كدا إني قاعد اخاطب لي ناس من حتات تانية .. |
اتخيل?
يا احمد الخواجات عندهم مثل جميل و مناسب هنا: "شوف الكنتوش بعير الكفتيرا قال سودا"
"This is the pot calling the kettle black!"
حجاج ساااي
ههههههههههه
كلام من حاج ساااااي
|
Post: #123
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-03-2011, 11:17 AM
Parent: #122
اخى العزيز الحاج يدرالدين
سلامات
البعيش ياما يشوف ..
اخوك الكزونة احمد
عودة لموضوع البوست
مقال مفيد
Quote: د أحمد الياس حسين:
من هم أسلاف البجة؟ المِجا - البليم - البِجا 1
التعرف على أصول السكان والوعي بالذات مسألة هامة وملحة خاصة في الظروف التي تعيشها بلادنا الآن، والتعرف على الأصول والوعى بالذات مسألة صعبة وشاقة تتطلب الكثير من الوقت والجهد وتضافر الجهود والمشاركة الجادة للآقلام المتخصصة وغير المتخصصة. وكنت قد قمت بمحاولة من قبل للتعرف على سكان السودان قبل دخول الاسلام والعرب إلى افريقيا، وتم نشر ذلك في كتاب بعنوان «السودان: الوعي بالذات وتأصيل الهوية»، نشر الكتاب ووزع في نطاق محدود وآمل أن يرى النور في نشرة عامة. وتهدف الدراسة الحالية إلى التعرف على سكان السودان منذ وصول العرب والاسلام إلى افريقيا وحتى قيام الممالك الاسلامية في السودان في القرن الخامس عشر الميلادي، أي قبل ظهور المسميات القبلية الحالية. وستعتمد الدراسة بدرجة أساسية على مصادر التراث العربي ألى جانب ما يتوفر من المصادر الأخرى مثل المصادر المصرية القديمة واليونانية والرومانية والمصادر الآثارية السودانية، وسوف لن تستخدم الدراسة في هذه المرحلة التراث الشفاهى والمخطوط الذي تناول أصول القبائل في السودان لأن الفترة التي تتناولها الدراسة سابقة لظهور التراث.
وهذا الجزء من الدراسة يهتم بمنطقة شرق السودان ويبدأ بمحاولة التعرف علي أسلاف قبائل البجة الحالية، ثم التعريف بأرض البجة ثم تتناول الدراسة قبائل البجة ومدنهم قبل القرن الخامس عشر الميلادى. وبالطبع فإن ذلك ليس بالأمر السهل دراسة ذلك نسبة لشح وندرة المعلومات والمصادر خاصة فيما يتعلق بالمناطق الجنوبية من أراضي البجة وسكانها. ويتوفر قدر معقول من المعلومات عن السكان على مناطق النيل والأجزاء الشمالية من بلاد البجة في المصادر القديمة يُمَكِّن من محاولة التعرف على أسلاف البجة الذين سكنوا على ساحل البحر الأحمر وعلى شواطئ النيل والمنطقة الواقعة بينهما.
ولم تكن المنطقة الصحراوية الواقعة بين النيل والبحر الأحمر بهذا الجفاف الذي يسودها اليوم، بل كانت إلى وقت قريب من بداية الحضارة المصرية تتمتع بقدر وافر من المطروالغطاء النباتي مكن السكان من القيام بدورهم الحضاري في المنطقة. والشعب الذي سكن هذه المنطقة ينتمي إلي السلالة الأصيلة التي كونت سكان وادي النيل منذ فجر تاريخه. وهنالك بعض الآراء التي ربطت أسلاف أولئك السكان بهجرات أتت من شبه الجزيرة العربية في الألف الرابع قبل الميلاد. وقد ناقشنا ذلك في الفصل الأول من كتاب الوعي بالذات وتأصيل الهوية وخلصنا إلى أن كل الدلائل التاريخية والآثارية وضحت أن سكان الصحارى الواقعة شرقي النيل ينتمون إلى السلالة التي كونت السكان الأصليين للمناطق الوسطى والشمالية لنهر النيل ولم يأتوا من الخارج.
ومن المعروف في التاريخ أن سكان مناطق البجة الحالية عرفوا عند قدماء المصريين واليونانيين والرومان بأسماء متعددة، سنتناول ثلاثة فقط من تلك الأسماء التي اشتهرت في تلك الفترة والتي أطلقت على المجموعة المعروفة اليوم باسم البجة وهذه الأسماء هي: المِجَباري والتُرُجلُدايت والبليميين.
المِجَباري
المِجَباري هو الاسم الذي أطلقته المصادر القديمة على السكان الأصليين القدماء على الساحل الغربي للبحر الأحمروالذين تجولوا فى المناطق الشمالية ما بين البحر الأحمر ونهرالنيل. وقد امتدت مناطق استيطان هذه الفئة من مواطن البجة الحالية في السودان وحتى المنطقة الواقعة بين الأقصر والبحر الأحمر في الحدود المصرية الحالية شمالاً.
وقد عرف المِجَباري قديما بالمازوي والمِجاي والمدجاي والمِجو والمِجا (Medjo و Medju و Medjay) وسنشير اليهم فيما يلي باسم المِجا لأنه أولاً الاسم الأقدم، ولأنه ثانياً الاسم الأخف في النطق والأقرب إلى الاسم الحالى «البجة».
ولا خلاف بين المؤرخين أن المِجا الذي ورد ذكرهم في الآثار المصرية القديمة منذ الألف الثالث قبل الميلاد والذين عاشوا في الصحراء الواقعة إلي الشرق من إقليم واوات (العتباي) هم أسلاف البجة الحاليين. وقد اشتغل الكثير من المِجا في المهن المتصلة بالتعدين فقاموا بتأمين تلك الأنشطة بالحراسة والخفارة وتولوا مهمة الأتصال وربط مناطق التعدين بالمدن المطلة غلى النيل.
وقد ساهم المجا بدور فاعل في النشاط التجاري عبر البحر الأحمر ونهر النيل، كما وضحت المصادر القديمة مساهمتهم في النشاط الدبلوماسي مع القوى التي تعاقبت على حكم مصر في ذلك الوقت. وظل اسم المِجا عَلماً على سكان الصحراء الشرقية للنيل حتى القرون الأخيرة السابقة للميلاد حيث بدأ ظهور اسمي التُرُجلُدايت والبليميين. فقد ذكر سترابو الذي نقل عن اراتوستين (Eratosthenes) في القرن الثالث قبل الميلاد أنه: «على جانبي الجزء الأسفل [الشمالي] من مروي على طول النيل في اتجاه البحر الأحمر يسكن المِجَباريون والبليميون، وهم تابعين للاثيوبين [يقصد المرويين] ويجاورون المصريين. وعلى ساحل البحر يسكن التُرُجلُدايت.» وهكذا أصبح سكان منطقة البجا يعرفون بثلاث أسماء: المِجا والتُرُجلُدايت والبليميون.
وسيتضح فيما يلي أن البليمين كانوا يتركزون على مناطق النيل والمِجا يتركزون في المناطق الواقعة بين النيل والبحر الأحمر بجوار التُرُجلُدايت. وعند حديثه عن التُرُجلُدايت قارن سترابو بين اسلحتهم وأسلحة المِجا، فذكر أن عِصي المِجا تنتهي بمقابض من حديد وأنهم يستخدمون في قتالهم الحراب والدرق المصنوع من الجلد غير المدبوغ، بينما يستخدم الآخرون الحراب والسهم والنشاب.
التُرُجلُدايت
أصل كلمة التُرُجلُدايت Troglodyte يوناني استخدمها الكتاب اليونانيين لوصف سكان الكهوف في كثير من بقاع العالم كما في حوض الدانوب والقوقاز وافريقيا. وفي افريقيا ذكرت المصادر الكلاسيكية وجود التُرُجلُدايت في تونس وليبيا وأعالي النيل والبحر الأحمر
وقد جعلت دائرة المعارف encyclopedia.or تُرُجلُدايت البحرالأحمر من أشهر هذه المجموعات، ربما لنشاطهم السياسي والتجاري على سواحل البحر الأحمر السودانية. فقد أطلق بليني على ساحل البحر الأحمر «ساحل التُرُجلُدايت» وذكر إنهم كانوا نشطين في تجارة اللبان في مواني البحر الأحمر
وكما ذكرنا فإن سكان منطقة ما بين النيل والبحر الأحمر قد عرفوا في المصادر اليونانية والرومانية بالتُرُجلُدايت والِمَجا والبليميون. وقد استخدمت هذه الأسماء أحيانا للاشارة إلى سكان منطقة بعينها في بلاد البجة الحالية وأحيانا استخدمت كمترادفات للدلالة على سكان كل المنطقة، ويرى الباحثون ? مثل محمد ابراهيم بكر: تاريخ السودان القديم ص 46و 81 وماكمايكل: تاريخ العرب في السودان ج 1 ص 38 - أن هذه الجماعات هي نفسها التي أطلقت عليها المصادر العربية فيما بعد اسم البجة
ومن أقدم النصوص عن التُرُجلُدايت ما جاء في الآثار المصرية القديمة التي ترجع إلى الاسرة السادسة والعشرين في عصر الفرعون نكاو الثاني Necho II (610-595 ق.م.) الذي كان شديد الاهتمام بتجارة البحر الأحمر لدرجة فكر فيها بحفر قناة تربط النيل بالبحر الأحمر وشرع بالفعل في تنفيذ الفكرة.
وورد في النصوص القديمة والتي جمعها Eide وآخرون ونشرتها جامعة بيرقن عن منطقة النوبة بين القرن الثامن قبل الميلاد والقرن السادس الميلادي أن الملك نكاو الثاني أرسل حملة نيلية ضد التُرُجلُدايت. ويبدو أن التُرُجلُدايت كانوا منتشرين على مناطق صعيد مصر الأعلى بين النيل والبحر الأحمر، وربما كانت تلك الحملة ضد التُرُجلُدايت على إحدى الطرق الرابطة بين النيل ? من منطقة الأقصر - والبحر الأحمر أو قد تكون الحملة مرسلة مباشرة من الصعيد إلى سواحل البحر الأحمر.
وقد ساهم التُرُجلُدايت في النشاط التجاري على سواحل البحر الأحمر. وتشير الوثائق إلى علاقاتهم المباشرة مع دولة البطالمة بمصر، فقد ذكر بلوتارخ «أن الملكة كليوباترة السابعة لم تكن تحتاج إلى مترجمين عندما يخاطبها مناديب الشعوب المجاورة لمملكتها مثل مناديب الاثيوبيين والتُرُجلُدايت واليهود والسوريين والميديين.»
ويدل ذلك على أن التُرُجلُدايت كانت لهم كيانات سياسية متطورة مكنتهم من تنظيم نشاطهم التجاري وعلاقاتهم الخارجية، ورغم أنه لم يرد ذكر لمملكة ترجلوداتية في الصحراء الشرقية أوالبحر الأحمر في المصادر اليونانية الرومانية ? كما حدث للبلبميين - إلا أن قيام مثل ذلك الكيان السياسي يعتبر أمراً لا بد منه خاصة إذا كانت للتروجلودايت علاقات خارجية مثل تلك التي كانت مع البطالمة.
البليميون
البليميون هو الاسم الذي أطلقته الآثار الفرعونية والكوشية والمصادر اليونانية والرومانية على سكان منطقة النيل الواقعة جنوبي أسوان. وقد دلت نتائج الأبحاث الجديدة مثل أعمال كلايدي ونترز عالم اللغة المروية المشهور والذي نشر نص نقش كلابشة المروي وهانس بَرنارد الذي اعتمد على الآثار والوثائق التي جمعت عن منطقة شمال السودان ما بين القرنين الثامن قبل الميلاد وحتى القرن السادس الميلادي ونشرتها جامعة بيرقن ووثائق الجبلين المنشورة في كتاب مصطفى محمد مسعد «الاسلام والنوبة في العصور الوسطى» في الملحق رقم 3 وغيرها من المصادر الكلاسيكية التي أرجعت وجود البليميين إلى القرون السابقة للميلاد أمدتنا ببعض المعلومات عنهم حتى القرن السادس الميلادي.
وقد ربط الباحثون بين البليميين والمِجا مما يرجح أنهم كانو عائشين معا في نفس المنطقة أو ربما كان وجود البليميين أكثر تركيزاً على منطقة النيل والمِجا تجاه البحر الآحمر. فالآثار وضحت أن البليميين دخلوا منطقة النيل جنوبي أسوان في القرن السابع ق.م.، وأن اسمهم بدأ يتردد منذ القرن السادس قبل الميلاد في الاثار المصرية والكوشية.
وتوضح السجلات المروية أن البليميين قد استقروا منذ القرن الخامس قبل الميلاد على طول المنطقة الواقعة من اسوان حتى منطقة دنقلا في خلال القرون التي سبقت احتلال الرومان مصر في نهاية القرن الأول قبل الميلاد. وذكرت المصادر اليونانية السابقة للميلاد (انظر Mac Michael, A History of the Arabs In the Sudan vol.1 p 3) أن المناطق الواقعة حول أسوان هي مواطن البليميين الرئيسة، ويمتدون جنوبا وشرقا نحو حدود اكسوم وميناء أدولس على البحر الأحمر. وهذا الوصف يتطابق مع مواطن البجة الحالية.
فالمصادر القديمة - السابقة للميلاد- تناولت كل سكان المنطقة المعروفة الآن ببلاد البجة تحت اسم البليميين مما يؤكد أن شعوب هذه المنطقة أُشير إليها في المصادر القديمة مرة تحت اسم البليميين وأخرى تحت اسم المِجا ومرة أخرى تحت اسم التُرُجلُدايت. وقد ذكر ماكمايكل (نفس المكان السابق) أن الكتاب المسيحيين المبكرين أطلقوا اسم البليميين على البجة. |
|
Post: #124
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-03-2011, 11:19 AM
Parent: #123
تكملة المقال
Quote: ويبدو أن استقرار البليميين في القرون السابقة للميلاد قد ازداد في منطقة جنوبي اسوان، حتى شيد ملك مروي أركاماني (206-186 ق.م.) معبدا في كلابشة لإلاههم مندوليس. ويعتقد كثير من المؤرخين «أن البليميين كانوا السكان الأساسيين الذين عاشوا في الجزء الأكبر من النوبة السفلى [جنوب اسوان] في القرن الميلادي الأول.» ولم يكن استقرار وامتزاج البليميين بالسكان السابقين في جنوبي أسوان فقط، بل توضح الآثار الراجعة إلى فترة ما قبل الميلاد أن استقرارهم امتد شمالاً في منطقة طيبة في صعيد مصر.
لم يتردد ذكر البليميين كثيراً في مصادر القرنين الميلاديين الأول والثاني كما يتضح من النصوص التي جمعها بَرنارد والتي أشرنا إليها سابقاً.، بعكس القرون التالية - من الثالث وحتى السادس الميلادي - والتي شهدت لهم حضوراً دائما ومؤثراً على الأحداث في مصر والسودان. فقد كانت دولة مروي ? التي كان البليميون جزءاً منها - على رأس الأحداث فى المنطقة، وقادت الصراع مع الرومان. فقد احتلت مملكة مروي المناطق الشمالية بعد نهاية حكم البطالمة، وهي المناطق التي شرع الرومان منذ دخولهم مصر في التوسع عليها.
مملكة البليميين
ازداد عدد البليميين منذ القرن الأول الميلادي كما ذكر المؤرخون. ويبدو أنهم أصبحوا القوة الرئيسة بين الزعامات المحلية وتشربوا بالثقافة المروية. ويرى البعض أن فخار منتصف القرن الثالث الميلادي في كلابشة قد يكون من عمل البليميين الذين تثقفوا وكتبوا نقوشاً مروية واغريقية عثر عليها في معبد كلابشة. وهكذا تهيأ البليميون منذ منتصف القرن الثالث الميلادي للقيام بدورهم القيادي في المنطقة.
نقل مصطفى محمد مسعد عن مصادره في كتابه (الاسلام والنوبة في العصور الوسطى ص 29) أن العلاقات ساءت بين البليميين والرومان، وبدأ البليميون هجومهم على الرومان عام 250م. وفي نفس الوقت ورد في نص عثر عليه في جزيرة فيلة بجوار أسوان أن الملك المروي تقردماني Teqeridamani 246-266م أرسل سفارة إلى الأمبراطور الروماني حاملاً إليه الهدايا. ويذكر ترمنجهام في كتابه (Islam in the Sudan ص (44 أن تلك السفارة كانت بقيادة أمير بليمي يدعى Pa-smun Ibn Paesi ويصف الأمير نفسه بأنه السفير العظيم إلى روما. والبحث عن سبب السفارة أو سبب إعتداءات البليميين على الرومان يتطلب المزيد من البحث، ولكن لا يبدو وجيهاً أن يكون سبب السفارة ?كما يرى البعض - طلب مملكة مروي المساعدة من الرومان الذين أثبتت الوثائق اضطراب الأوضاع في مناطق حدودهم مع مروي.
وتحالف البليميون مع زنوبيا (الزباء) ملكة (تدمر) في سوريا عندما هاجمت الرومان في مصر. وتحرك الرومان سريعا فهزموا قوات زنوبيا وقضوا على الثوار في طيبة وهزموا البليميين وأجلوهم إلى ما وراء أسوان. غير أن البليميين عاودوا واحتلوا بين مدينتي Coptos & Ptolemais في منطقة طيبة في صعيد مصر.
وبعد نحو عقدين من السفارة المروية البليمية للبيزنطيين انهارت مملكة مروي في منتصف القرن الرابع الميلادي، و يبدو أن مولد مملكة البليميين المستقلة قد بدأ بذلك الحدث. فكما رأينا من تسلسل الأحداث منذ القرن الثالث الميلادي أصبح البلبميون هم القوة المهيمنة علي حدود مروي الشمالية، وكان من الطبيعي أن يكونوا ورثتها في الحكم على الأقل في مناطق نفوذهم في الشمال. ولم يصبح البليميون - كما ذكر بعض المؤرخين - جنرالات النهر فقط بل اعترف بهم كحكام يديرون شؤون بلادهم بحرية تامة.
ويبدو أن البليميين قد بدأوا بسط نفوذهم في المنطقة حتى سواحل البحر الأحمر، لأن إحدي الوثائق الرومانية تحدثت عن تعرض بعض القواعد الرومانية على البحر الأحمرلغارة من سفن البليميين عام 378 م. وربما بدأ إسم البليميين ينتشر بعد امتداد نفوذهم شرقاً فأطلق الرومان إسمهم على سكان منطقة التُرُجلُدايت. وقد يؤيد ذلك أيضا ما تردد في المصادر عن ترادف استخدام البيليميين والمِجا والتُرُجلُدايت.
وقام البليميون في عام 429 م بغارات على منطقة طيبة والواحة الخارجة التي كانت مركزاً رومانياً يطل على حدودهم الصحراوية، ونهبوا الواحة وأسروا بعض سكانها ومن بينهم نسطورس القس المسيحي المشهور الذي كان الرومان قد نفوه هنالك. ولكن أطلق البليميون سراح القس بعد مفاوضات مع قبيلة mazici الأمازيغ الصحراية (ربما طوارق اليوم المعروفين باسم Imashagh). وكانت هذه القبيلة ? كما ذكر مصطفى محمد مسعد ص 7- تتجول في الصحراء حتى المنطقة الواقعة بين أسوان والواحة الخارجة.
وكان انتشار المسيحية قد بدأ في مصر في زمن مبكر، لكن القرن الرابع الميلادي شهد تحولاً كبيراً في العالم المسيحي عندما أظهر الامبراطور قنسطنطين الأكبر (313 ? 337) ميله للمسيحية، وانتهى اضطهاد وتعذيب المسيحيين وتمتعت المسيحية برعاية الدولة. وساهمت الاسكندرية ? كأحد أهم المراكز المسيحية ? في نشر تطور الفكر المسيحي المبكر. وكان من أكبر انجازاتها نشر المسيحية في الحبشة في عهد الامبراطور قنسطنطين الأكبر
وكانت المسيحية منذ وقت مبكر قد بدأت تنتشر في صعيد مصر وتحولت الكثير من المعابد إلى كنائس في اقليم طيبة، كما تم إنشاء عدد من الكنائس. وفي القرن الرابع الميلادي أُسست أسقفية في فيلة. كما انتشرت المسيحية في اكسوم شرقاً وفي واحات الصحراء الغربية مثل الواح الخارجة. أما في شمال السودان وشرقه المتاخم للحدود المصرية فقد تأخر انشار المسيحية بالمقارنة إلى انتشارها في اقليم طيبة واكسوم والواحات، ربما يرجع السبب إلى الاضطرابات التي عاشها الإقليم منذ بداية الحكم الروماني لمصر.
وتشير بعض الدلائل على أن الدعوة المسيحية قد بدأت تتسرب إلى مناطق البليميين والنوباديين منذ القرن الرابع، غير أنها لم تنتشر سريعاً فى السودان في القرون المبكرة. ويبدو أن قوة النوباديين قد نمت في المنطقة إلى جانب البليميين وأسس سلكو مملكته منذ عام 530م. إلا أن إحدى الوثائق اليونانية (535-537 م) وضحت أن البليميين والنوباديين كانوا لايزالوان حلفاء. غير أن نشاط البعثات التبشيرية وصلات البيزنطيين بالنوباديين قد حول موقفهم المعادي للوثنية، بينما واصل البليميون سياستهم المعادية للمسيحية. وكان ذلك إيذاناً بنهاية الود والتحالف بين البليميين والنوباديين وبداية الصراع الذي أدى إلى نهاية مملكة البليميين كما تقول المراجع.
وما توفر من معلومات عن البليميين يشير إلى حقيقتين هامتين: الأولي أن البليميين أصبحوا قبل انهيار مروي بوقت طويل سادة المنطقة وجنرالات النهر، وثانيا يؤكد ذلك تطور نظام حكمهم مما يجعل قيام مملكتهم ? تحت ظل المرويين ? أمراً مقبولاً. هذه الدلائل تشير إلى أنه من المقبول جدّاً أن يسعى البليميون إلى وراثة مملكة مروي بعد سقوطها. ويزيد ذلك تأكيداً نقش كلابشة الذي تضمن في موضعين الاشارة إلى كونهم ورثة مروي.
فقد جمع بَرنارد نحو 73 نصا عن البليميين والمِجا والتُرُجلُدايت والبجة ما بين القرن السابع قبل الميلاد والقرن السادس الميلادي. وبلغ عدد النصوص التي ذَكرت البليميين بالاسم مباشرة أوالتي تضمنت الإشارة اليهم 47 نصاًّ. ويشبر ذلك إلى أن البليميين كانوا القوة المسيطرة في المنطقة وأن اسمهم أصبح أكثر انتشاراً في الوثائق والآثارمن أسماء أبنا عمومتهم المِجا والتُرُجلُدايت، وأصبح علماً عليها في بعض الأحيان. أما اسم البجة فقد اشتهركعلمٍ على كل المجموعات الأخرى منذ القرن السابع الميلادي.
ومن بين السبعة والأربعين نصاّ جاءت سبعة منها قبل القرن الثالث الميلادي. وبلغت النصوص في القرن الثالث ثمانية نصوص، وفي القرنين الرابع والخامس عشرين نصا، وفي القرن السادس اثنتا عشر نصا. ويدل ذلك بوضوح أن البليميين كانوا موجودين في المنطقة منذ القرن السابع قبل الميلاد إلا أن قوتهم برزت منذ القرن الثالث الميلادي، وأصبحوا عنصرا فاعلا في أحداث كل المنطقة الواقعة ما بين الواح الخارجة غربا والبحر الآحمر شرقاً حيث امتدت غاراتهم في القرون التالية حتي أطراف البحر الأحمرالشمالية. أما في الشمال فرغم كون حدودهم في أسوان إلا أن امتداد نفوذهم تعدى ذلك في القرون التالية إلى منطقة طيبة في صعيد مصر.
وقد بلغت نصوص القرنين الثالث والرابع الميلادين عشرين نصاّ الأمر الذي يوضح ازدياد نفوذ البليميين في المنطقة. وقد رجحنا فيما سبق قيام مملكة البليميين المستقلة داخل مملكة مروي في القرن الرابع الميلادي، ولعل ما ورد عن ملوك البليميين يؤيد ذلك. فقد وردت اسماء ستة ملوك بليميين فيما جمعه بَرنارد من نصوص، ثلاث منهم قدرت تواريخ حكمهم في القرن الخامس الميلادي والثلاث الباقين في القرن السادس.
والوثائق الأخرى المرتبطة بالبليميين هي ثلاث وثائق مكتوبة على جلد غزال باللغة اليونانية عثر عليها فلاح مصري في منطقة الجبلين على بعد 25 ميل حنوب مدينة الأقصر. وقد ترجمها إلى الانجليزية كيراون وإمِري، ونقلها إلى العربية وضمنها كملاحق مصطفى محمد مسعد في كتابه الاسلام والنوبة تحت عنوان «الوثائق الدالة على استقرار البليميين في منطقة طيبة»
الوثيقة الأولى جاءت ترجمتها عند الآتي:
«أنا شاراشن ملك البليميين، أكتب إلى أولادي شاراشن وشاراتكور وشاراهيت، أنه طبقاً لأمري هذا قد منحتكم حكم الجزيرة المعروفة باسم تناري، وألا يقف في سبيلكم أحد، وإذا أثار الرومان مشاكل وامتنعوا عن دفع الأتاوة العادية لكم فإنه لا الفيلارك ولا الهيبوتيرانوس يمنعانكم من إرغام الرومان على دفع العطايا العادية عن جزيرتي.»
«شاراشن الملك، تنتكنا: أمير القصر ? شاهد، كتبه سانسانوس في اليوم الرابع والعشرين من شهر .....»
وهنالك وثيقة أخرى ? رقم أربعة - ذكرها بَرناد clause no. 339، وهي عبارة عن أمر ملكي أصدره الملك باراخيا (Barakhia) إلى صوفيا يشير إلى وضعها أو إقامتها في مكان ما، وقد ورد أن هذا الملك خلف الملك خاراخِن - أو شاراشن كما كتبه مسعد - في الحكم.
فنحن أمام أربعة نصوص تتعلق كلها بحكم البليميين منطقة في صعيد مصر. وتسوق هذة الوثائق العديد من الأسئلة مثل: ما هي علاقة البليميين بصعيد مصر أو إقليم طيبة؟ وإلى أى مدى امتد نفوذ البليميين على صعيد مصر؟ هل حكم البليميون مناطق أخرى غير جزيرة تناري ولم يصل إلينا ما يوضح ذلك؟ ومتى حكم البليميون جزيرة تناري؟ وقد حاولنا الاجابة على بعض هذه الاسئلة في كتاب الوعي بالذات، ولكن تظل مثل هذه الأسئلة في انتظار المزيد من البحث والتقصي. والذي يثير الانتباه ويتطلب البحث الجاد هو ارتباط ووجود البليميين الواضح - عندما دخل المسلمون مصر - بإقليم طيبة الذي يقع ما بين منطقة الأقصر الحالية وأسوان.
وكما وضحنا أعلاه فإن البلميين تمركزوا على النيل والمِجِا تمركزوا في الصحراء الشرقية وهم السلالة التي أطلقت عليها المصادر العربية اسم «البجة». ويبدو أن اسم البليميين قد بدأ في الانحسار في القرنين اللذين تليا دخول المسلمين مصر وانحصر في مناطق محدودة في بلاد النوبة. فقد أشار إليهم الجغرافي العربي المشهور الادريسس الذي عاش في القرن الثاني عشر الميلادي إلى قبيلة قوية بجوار النوبة تعرف بالبليين، وسنفصل الحديث عنها لاحقاً. وفي نفس الوقت يبدو أن استخدام اسم «المِجا» سكان ساحل البحر الأحمروالصحراء الشرقية قد ساد وفظهر في المؤلفات العربية «البجة».
[email protected]
الصحافة |
|
Post: #125
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-03-2011, 11:24 AM
Parent: #124
|
Post: #126
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-03-2011, 12:03 PM
Parent: #125
وجود الجينات الفولانية وسط قبايل شمال السودان امر طبيعى
كثير من الباحثين يرجع اصول الفلان الى النيل و جنوب مصر و اثيوبيا
فيما يؤكد البقية انهم استقروا فى النيل بعد دخولهم الى افريقيا قبل هجرتهم الى حوض نهر صنهاجة
جينات الفلان فى غالبها مرتبطة بالعصر المروى و ما قبله و جزء يسير منها مرتبط برحلة العودة
من نهر صنهاجة شرقا نحو مكة فى طريقهم للحج
http://books.google.com/books?id=8fls3x1xcmUC...ulani%20nile&f=false
كانوا فى المكان قبل الميلاد 2000
http://books.google.com/books?id=sIQf488LFNQC...ulani%20nile&f=false
علاقة الفلان بالنيل مروى
http://books.google.com/books?id=3ACKrcIEAl4C...ulani%20nile&f=false
النيل ارض المعياد للفلان
Some aspects of pastoral nomadism in the Sudan
Abdel Ghaffar Muhammad Ahmad, Lajnah al-Qawmīyah al-Sūdānīyah lil-Sukkān - 1976 - عدد الصفحات: 219 - عرض المقتطفات
The Pastoral Fulani. A Fulani tradition states that all true Fulani, with their cattle, shall eventually find their 'promised land" on the banks of the Nile, in the land from which the Hyksos shepherd kings first migrated^
|
Post: #128
Title: Re: الشايقية ليسوا عرباً، وإنما هم بجا او نوبـة
Author: احمد حامد صالح
Date: 07-03-2011, 12:14 PM
Parent: #126
لمزيد من الاطلاع حول الشايقية
الشايقية: القبيلة والتاريخ
إخلاص محمد - 2005 - عدد الصفحات: 181 - عرض المقتطفات
Shaikia (Arab people); tribes; Sudan; history.
books.google.com
الشايقية في السودان: شعب وتاريخ
مقار، نسيم - 1997 - عدد الصفحات: 111 - عرض المقتطفات
books.google.
books.google.com
الشايقية : وصف لقبائل الشايقية و تاريخ مديرية دنقلة من القرن ...
عبد المجيد نكولز عابدين - عدد الصفحات: 68 - لا معاينات
books.google.com
صور من حياة الشايقية، القرن التاسع عشر: المجلد 1
1995 - لا معاينات
The tribe of Shayiqīyah; Sudan; history.
books.google.com
|
Post: #127
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 07-03-2011, 12:06 PM
Parent: #121
| Quote: انتهى البيان نقطة على السطر |
والله لو كان كتبته الكلام دا قبل الخارم بارم بتاعك الفوق دا .. كان ريحتني .. راحة شديدة خلاص ..
إنت عايز تتكلم . ساااااااااااااي صاح .. عايز تصرف كلام بس .. لوك لوك لوك ..
ياخ اكسح شوف ليكزول يستوعب كلامك دا ..
كزونـة عايز تكتبه لي وكالة حصرية ..؟
إنتو الزول دا جادي ..؟
عارف يا بتاع كوكب الارض إنت الفي افريقيا ..؟
احسن حاجة الواحد علشان ما يفهم غلط .. ويخش شمال ويكتب كلام فارغ وعلشان ما يسمع كلام فارغ ..؟ احسن حاجة الواحد يتعامل مع من يفهم كلامم .. ولو غايبه عليهو حاجة يسال منها .. لكن ما يجي يحاضر ساكت ..
ان اشك انو النوعية دي زاتوو لو حكيت ليها نكته .. لازم تشرحه ليهو ..
يعني النكتة ومعاها .. ما يستفاد من النكتة ..
يا احمد حامد صالح .. ياخ الله يرضى عليك .. اتخارج ياخ علمك الواسع ونصيحتك دي امشي كبها في مكان تاني .. شنو شابكني رياضيات وحساب مثلثات .. ؟
إنت قايلني بستوعب ليك كلامك دا ..؟
إنت جادي ..؟
|
Post: #129
Title: Re: الشايقية ليسوا عرباً، وإنما هم بجا او نوبـة
Author: tmbis
Date: 07-03-2011, 12:23 PM
Parent: #127
Quote: قريبي الفلاتياحمد حامد صالح
ما هوي باني
قلت لي تمبس قال:
مش كدة و بس هو بقول:
| Quote: والله فعلا انا احيانا بجيني احساس كدا إني قاعد اخاطب لي ناس من حتات تانية .. |
اتخيل?
يا احمد الخواجات عندهم مثل جميل و مناسب هنا: "شوف الكنتوش بعير الكفتيرا قال سودا"
"This is the pot calling the kettle black!"
حجاج ساااي
ههههههههههه
كلام من حاج ساااااي |
..
اها .. يعني حساسين خلاص ..؟
طيب خلاص سيغوا ليكم عريضة علشان تقولوا تمبس دا نبذ الفلاتـة ..
..
هو كان المدخل حجاج بيت الله واركان الاسلام .. بعد شوية شكلو ح تتعمل عريضة بتاعت توقيع ..
على كل كان عملتو عريضة ادوني خبر شان اوقع معاكم ..
|
Post: #132
Title: Re: الشايقية ليسوا عرباً، وإنما هم بجا او نوبـة
Author: بدر الدين احمد موسى
Date: 07-03-2011, 07:44 PM
Parent: #131
تمبس
ازيك
Quote: اها .. يعني حساسين خلاص ..؟
طيب خلاص سيغوا ليكم عريضة علشان تقولوا تمبس دا نبذ الفلاتـة ..
..
هو كان المدخل حجاج بيت الله واركان الاسلام .. بعد شوية شكلو ح تتعمل عريضة بتاعت توقيع ..
على كل كان عملتو عريضة ادوني خبر شان اوقع معاكم .. |
هههههه
قلت عشمان في عريضة مننا للاحتجاج عليك?
الحس كوعك! هههههههه ( دي والله ما للشكل لكن لاستحالة الفعل و من اثار نافع على نافع الدرسني زمان) تيك ات اييزي
الغريبة يا تمبس وما عارف لو احمد حامد عنده راي تاني, انه الفولاني في قصصهم ادعوا علاقات مع, وفي حياتهم الثقافية و السلوكية يشابهون اغلب قبائل الشمال السوداني; من المحس لغاية الجعليين. لكني لم اسمع ولا مرة-اقصد لم اسمع من اهلنا وكبارنا- انهم عندهم علاقة بالشايقية!ومن حيث الثقافة ايضا هناك فروق كبيرة جدا, مثلا, لا تجد الغناء شائع لدي الفولاني, وهو شائع لدي الشايقية. و تجد الشايقية اهل زراعة و الفولاني اهل رعي.
ومش كدة و بس التون بتاع لون الشايقية غير موجود البتة في الفولاني. و بالتالي من الصعب الكلام عن علاقة جينية حديثة بين الشعبين-طبعا لسع نحن اخوان من ادم وحوا.
لكن يا تمبس في تشابه كبير جدا في السلوك الثقافي, و وبنيان الجسم و حتي اللون, بين الشايقية و الهوسا, لغاية الشلوخ المتعارضة. والهوسا كما الشايقية يحبون الغناء و يحترفون الزراعة و البستنة.
اها دي شهادة من حاج سااي ببراءة الشايقية من دم الفولاني
ذو اليد مغرض سااي ههههههه
|
Post: #133
Title: Re: الشايقية ليسوا عرباً، وإنما هم بجا او نوبـة
Author: محمد جلال عبدالله
Date: 07-04-2011, 05:10 PM
Parent: #1
Quote:
ومعروف عن العرب لم يتخلوا عن عاداتهم ابدا خصوصا فى لبس النسـاء.
|
الملابس ليست دليلا في إثبات نسبة أو هوية
وإلا السودانيين الاتولدوا وعاشوا في الخليج
تلقى بناتهم بيلبسوا العباية والنقاب
وأولادهم بيلبسوا الدشداشة
هل ده كافي لإثبات أنهم خلايجة مثلا؟؟؟
بنفس القدر اليمنيين العاشوا في السودان
تلقى رجالهم بيلبسوا الجلابية والعمة
ونسوانهم بيلبسوا التوب السوداني بي ربطتو كمان
هل ده معناتو إنهم أفارقة أو سودانيين أصليين
وبنفس القدر العرب البعيشو في أوروبا والغرب
والبعيشوا في باكستان أو الهند من الطلاب وغيرهم
بالله شوفوا لينا موضوع فيهو فايدة
|
|
