Post: #1 Title: إهــــــــانة الخضروات والفاكــــــــهة في السودان!!! Author: آدم صيام Date: 03-24-2011, 08:56 AM
أي واللاهييييييييييييي
إهانة زاطا لمن عجيبية
إهانة في طريقة أكلها وإهانة في طريقة عرضها في الأسواق وإهانة في معرفة فوائدها إهانة حتى في رسمها لوحات تزين مطابخ أو أي تكل ذي خمسة نجوم
سنة تسعة مشيت السودان يعلم الله الفاكهة وخضرتها مفروشة في التراب بكوموا ليها كوم تراب مقدر (تقنت) مضلع ويرشوا جنباتها بالموية الكلام ده من مطار الخرتوم وعلى طول الطريق من السوق الشعبي (ميناء النقل البري قال) وحتى جزيرة أبا جوة
زمان قريت في الجبلين برضو سوق الخدار بنفس الشكل هل في العالم ده كلو يتم عرض الفواكه والخضار في الواطة؟؟؟
البصل اليابس ده ما المفروض يرصوه في الواطة يا أعلم!
ومرات بمشي سنار ومكوار ولحدت السوكي وسنجة أم جوافةً كبار نفس المنظر سافرت كمان من سنار دي لحدت الدامر نفس الطراز
موز كسلا ما تسعلوا منو اصلاً الهملة مطلعة زيتو والله وكت يكبسوا في تلاجة الموز ويقوموا بيه صوف لحدت موقف السجانة وينزلوه هناك! تقول الرزية شنو كتير منو تحول من أخضر إلى أسود في رمشة عين!
جمال سوزي قال لي الفاكهة بنزلوها من جبل مرة فوق المنقة قلب التور والبرتكان أبو صرة برضو بنفس الصورة المكررة
الغريبة أبو جبيهة فيها جنس منقة ! من الله دا ما خلقني ما شفت نوعها وكترتها برضو بصوبروها بنفس الكتلوج الفوق! ولا تاريخ كتابتي دي ما لاقين ليها سوق داخل السودان ده!!؟؟؟
كنت عايز اتكلم عن الباباي بس أهو الانفصال كفاني شر القول
البوست ده مفيد جداً ما تنقطعوا منوا ما تشوفو لغة الضحلة دي
Post: #2 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-24-2011, 09:00 AM Parent: #1
فوائد ومضــــــــــــــــار الفاكـــــــــهة
Post: #3 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-24-2011, 09:05 AM Parent: #2
صراحة فكرة البوست دي ترجع لملاحظة أم هادي زوجتي في زيارتها لسقدان تلاتة، ما قد كان وما سيكون!
أنا زاتي ماكنت شايف فوكا حاجة بالنسبة للتعامل مع هاتين القبيلتين!
دي عنصرية عديييييييييييييييييل كده!
Post: #4 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-24-2011, 09:12 AM Parent: #3
البيندورة دي كان غلبتكم من جنس الفاكهة والصحيح قطفها مش قطعها بالطريقةأعلاه
مش بالطريقة أدناه
عشان تعيش أطول فترة وهي في كامل أبهتها
Post: #5 Title: Re: إهــــــــانة الخضروات والفاكــــــــهة في السودان!!! Author: Zomrawi Alweli Date: 03-24-2011, 09:24 AM Parent: #3
آدم صياح السلام عليكم
المقال يستحق المرور والتعليق
زمان في السبعينات كنا عندما نمر بجوارسوق الخضار والفواكه في السوق العربي كنا نشاهد الفكهانجي يقوم بتنظيف الفواكه حبة حبة وبمنديل نظيف وتلقى الزول الببيع زاتو زول نضيف لابس عراقي نظيفة وطاقية حمرا وامعانا في جذب الزبائن كان البائع يضع البرتكاناية بورقتها الحضراء وكأنما مقطوفة من الشجرة هذا الصباح ولما كنا طلاب مدارس ويعجبنا رصة الفواكة الا اننا كنا لا نستطيع الشراء لان كل الذي يرسبله اهلنا لنا من مال كنا نصرفه في توتو كورة وسينما كلزيوم واستاذ الهلال.
شكرا اخي آدم صيام
Post: #6 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-24-2011, 09:44 AM Parent: #5
Quote: آدم صياح السلام عليكم
المقال يستحق المرور والتعليق
زمان في السبعينات كنا عندما نمر بجوارسوق الخضار والفواكه في السوق العربي كنا نشاهد الفكهانجي يقوم بتنظيف الفواكه حبة حبة وبمنديل نظيف وتلقى الزول الببيع زاتو زول نضيف لابس عراقي نظيفة وطاقية حمرا وامعانا في جذب الزبائن كان البائع يضع البرتكاناية بورقتها الحضراء وكأنما مقطوفة من الشجرة هذا الصباح ولما كنا طلاب مدارس ويعجبنا رصة الفواكة الا اننا كنا لا نستطيع الشراء لان كل الذي يرسبله اهلنا لنا من مال كنا نصرفه في توتو كورة وسينما كلزيوم واستاذ الهلال.
شكرا اخي آدم صيام
والله صدقت يا زمراوي أخوي
أتذكر مرة اشتريت تفاحاية وعمري 6 سنوات من سوق خضار ود نوباوي بقرش ونص بس ما من المعروض وملمع فوق الطاولة المشمعها كلو فواكه ديك، من شبه المخفوج التحت الطربيزة
أها لو جيت للرص ، الرص براهو هندسة بجيك ليهو شكراً لمروركم الفكه أخي
Post: #7 Title: Re: إهــــــــانة الخضروات والفاكــــــــهة في السودان!!! Author: عبدالأله زمراوي Date: 03-24-2011, 10:17 AM Parent: #6
تحياتي أ. صيام...
إهانة فعلا ما بعدها إهانة. أخذت معي ولدي عام 2008 لسوق الخضار. والله العظيم رأيت أحد الباعة يملأ فمه بالماء و (يبُخ) في كيمان الجرجير. وعلى الخلف دور عدنا أدراجنا من مدخل السوق...
Quote: إهانة فعلا ما بعدها إهانة. أخذت معي ولدي عام 2008 لسوق الخضار. والله العظيم رأيت أحد الباعة يملأ فمه بالماء و (يبُخ) في كيمان الجرجير. وعلى الخلف دور عدنا أدراجنا من مدخل السوق...
زمراوي أخوي الكلام ده بلومك عديل البوست ده من ضمن أهدافو الترويج للأورقنك عشان التصدير لبلاد برة تقوم تقول بخ الجرجير الخطير بفمه
عليك أمان الله ده كان سافي مع بختو دي ياهو المخلل الجاهز
أضرار عرض الفواكه والخضار بصورة غير لائقــــــــــة
1- عرض الخضار والفاكهة على الأرض يعرضها للتلوث المباشر فينعكس تأثيرها السالب على صحة المستهلك. 2- في حالة عرض (الخضرفاكهة) دون حماية من أشعة الشمس أو على الأرض فإن ذلك يعجل بتلفها في ساعات قلائل مما يؤدي إلى الهدر الاقتصادي للثروة. فمثلاً تاجر الخضار يمكنه أن يفقد رأس ماله بعجلة لعدم قدرته على الحفاظ على بضاعته لمدة كافية، كما يترتب من هذه العملية تلوث البيئة وذلك بكثرة الفضلات وزيادة تكاليف محاربة النفايات. 3- تفقد (الخضرفاكهة) الكثير من قيمتها الغذائية إذا عرضت بطريقة غير علمية. 4- عرض (الخضرفاكهة) بصورة غير جذابة وجميلة يؤثر في قوة الشراء إذ أن فن التسوق وجذب المستهلك يصابان بالعطب. 5- عرض (الخضرفاكهة) بصورة غير جذابة وجميلة يشوه الـــــ (image المنظر العام والسياحة وسمعة البلد الذوقية كما يحد من قوة تصدير هذه السلع الحيوية إلى الخارج.
هسع الكلام البقول فيه ده مش منطقي وعلمي؟ ما يجي واحد يقول لي فلفسة واسعة
خضروات يجب أن تحال من الخــــــــلاء إلى الأسواق مباشرة
1- التمليكة دي عيبوها لي! دي فيها قيمة لا يمكن أن تتوفر في خضار بيسر ويمكن طبخا مع اللحم أو بالإستيم كمان أو برفقة قرع (يقطين) أو فول مجروش. 2- الموليتة -لا حول ولا قوة إلا بالله- دي غنية جداً بالفيتامينات وتعتبر من أغنى 10 أغذية عالية القيمة. 3- عيش الريف (الذرة الشامية) قبل أن تظهر لسنابله حبوب، خضار فاخر وغني. 4- ثمار اللوبيا العفن بكامل غلافها فريك قبل ظهور الحبوب والنضج خضار غني يطبخ باللحم والدجاج كأبدع ما يكون. 5- خدرة المساكين. 6- أوراق الكثير من الأشجار الغضة. 7- اللوبيا البيضاء أوراقها وثمارها مغلفة قبل النضج. 8- نبات الريحان و النعناع (peppermint) ديل مع المشاوي حاجة تجنن 9- عش الغراب أو ود الواطا! الخواجات قليلو الحيا سموه المشرووووم، أها أنا بسميه المشلخ سودنة للخضار
السودان عموماً لم يصل مرحلة استخدام المواد الكيمياوية كالأسمدة بكثافة في الزراعة وهذه محمدة وأي محمدة إلى أن مرض النقل الأعمى لكل ما هو غربي قد يشجع البعض لاستخدام المواد الكيمياوية بكثافة
فقد اتجه العالم إلى تشجيع الخضروفاكهة التي لم تستخدم فيها المواد الكيمياوية لمضارها الصحية الكثيرة
لذا أنصح نفسي وبت آدم أمي بزراعة جبراكة للخضار حول المنزل وتسميدها بالمواد العضوية( مثل روث الدجاج والبهائم) بدل الكيمايئة حفاظاً على القلب والبقية الباقية
Post: #13 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-25-2011, 02:29 AM Parent: #12
مراحل بناء السوق الجد جد
Post: #14 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-25-2011, 04:52 AM Parent: #13
ده العرض ولا بلاش
ده العرض ولا بلاش
الغريبة في آخر الفيديو سامع صوت سوداني هلا وعدنا بنقل الفكرة، ومشكور مقدماً؟
Post: #15 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-25-2011, 04:55 AM Parent: #14
سوق خضار سوداني
Post: #16 Title: Re: إهــــــــانة الخضروات والفاكــــــــهة في السودان!!! Author: عباس محمود Date: 03-25-2011, 09:46 AM Parent: #15
الاخ صيام تحياتي وتقديرى الا تتفق معي معي في ان طريقة التعامل اللي ذكرتها دي هي عبارة عن ثقافة تحتاج الي تغيير بالرغم من ان معظم منتجاتنا المذكورة ممكن نقول انها organic في اوئل التسعينات زرت موقع تابع للهيئة العربية للاستثمار في ام دوم وتابعت عملية تعبئة وتغيلف بطريقة مرتبة ونظيفة وعلمت يومها انها سترسل بالطائرة الي فرانكفورت وما افتكر ده بحصل الان وكانت المنتجات فلفلية وفاصوليا خضرا وشمام وبسلة ان لم تخني الذاكرة اخيرا الا تتفق معي ان التعامل مع الخضروات ضعيف حتي في المائدة السودانية ياخى قبل سنة بس وجدت من يدلني علي فايدة الباباي وانا الان استمتع به جدا خاصة في الاجازات وبالمناسبة و انا راجع من الاجازة قبل ايام جبت ليمون بلدي وعصيره يرد الروح
سلامي وشكري لك
Post: #17 Title: Re: إهــــــــانة الخضروات والفاكــــــــهة في السودان!!! Author: Abdlaziz Eisa Date: 03-25-2011, 09:48 AM Parent: #15
ود صيام
حياك الله
نقلتنا بكل حواسنا لربوع باريس.. لكن الرملة بتاعة قوز عبدالرسول ديك شئ متميز ممكن تضع عليها اي شئ.. رملة انظف من موية البحر..
Quote: الاخ صيام تحياتي وتقديرى الا تتفق معي معي في ان طريقة التعامل اللي ذكرتها دي هي عبارة عن ثقافة تحتاج الي تغيير بالرغم من ان معظم منتجاتنا المذكورة ممكن نقول انها organic في اوئل التسعينات زرت موقع تابع للهيئة العربية للاستثمار في ام دوم وتابعت عملية تعبئة وتغيلف بطريقة مرتبة ونظيفة وعلمت يومها انها سترسل بالطائرة الي فرانكفورت وما افتكر ده بحصل الان وكانت المنتجات فلفلية وفاصوليا خضرا وشمام وبسلة ان لم تخني الذاكرة اخيرا الا تتفق معي ان التعامل مع الخضروات ضعيف حتي في المائدة السودانية ياخى قبل سنة بس وجدت من يدلني علي فايدة الباباي وانا الان استمتع به جدا خاصة في الاجازات وبالمناسبة و انا راجع من الاجازة قبل ايام جبت ليمون بلدي وعصيره يرد الروح
سلامي وشكري لك
شكراً العزيز/ عباس محمود (العقاد) لمروركم الجميل والإضافة السمحة
ثقافة أيوة! ثقافة الخيبة عديل، لكن أنا خايف من السودانيين قالوا أنا زول شناف خلاس بجيك لموضوع التصدير ده أبق معنا إن شاء الله أوريك فائدة الباباي الجد، فهو مزيل للقرحة قرحة المعدة الكمدة بالرمدة وقد جربه زميل لي لمدة 15 يوم صباح ومساء ليوم الليلة بخم في الشطوط وكل محظوراتات القرحة لك الشكر أخي على مرورك الكريم
Quote: نقلتنا بكل حولاسنا لربوع باريس.. لكن الرملة بتاعة قوز عبدالرسول ديك شئ متميز ممكن تضع عليها اي شئ.. رملة انظف من موية البحر..
ياخي انت لقطة.. خلي الخضار والفواكه..
عزيزي عزيز شكرا للإفادة
عندكم الخير والبركة في باريس البتيخ بالهبلة الشمام بالهبلة المنقة والقشطة والبرتكان والليمون زارعنوا في الحيشان أنتم من سكان كلفورنيا إلا خاينة ما بتدي حريف
بس تقول لي إنت لقطة! ما قبلتها منك مشيت بوسطينك داك شفت حبيبي أبو صلاح قلت أسلم وكيلك الله لما دخلت البوست الغبار سد الكي بورد صرفت النظر، قلت ممكن القاه في ظرف أحسن أنا بقيت مازول شدايد يا عزيز اتصلت بيك أمس وما رديت!!!
ليبيا الصحراء: تصدر البطيخ والعنب والتين والزيتون وكثير من الخضروات إلى إيطاليا و ماما فرنصا! مصر الصحراء: تصدر الأفكاتو اليوسفي و القشطة والبطاطس والطماطم إلى أوربا! الأردن الصحراء : تصدر الخضر والفاكهة! إسرائيل السغنتوتة: تصدر الخضر والفاكهة والتمور كمان!!
ما هي الأسباب التي تمنع السودان الوادي من أن يكون الدولة الأولى في تصدير الخضر والفاكهة؟ مع توفر شروط: الأرض المياه الأورقنك القوى البشرية الزراعية
علماً أن زراعة الخضروات وحصادها لا تتجاوز مدته تلات تشر!!! أم الفاكهة أقلها سنتين لتنتج. ليس من ضمن الأسباب النظام الدكتاتوري طبعاً لوجوده في كل من مصر وليبيا
Quote: يفُتتح يوم الأربعاء المقبل في العاصمة الألمانية برلين معرض الخضر والفاكهة الدولي الذي يعتبر من أهم المعارض الدولية المتخصصة فى أوروبا ويشهد مشاركة متميزة من 2000 عارض من 79 دولة من بينها مصر التي تشارك بجناح ضخم يضم 45 شركة مصرية من كبريات الشركات المصرية فى مجال إنتاج الخضر والفاكهة في مصر.
ومن المتوقع أن يزور المعرض أكثر من 50 ألف زائر من مختلف دول العالم.
ويعد هذا المعرض سوقاً دولية ضخمة لتصدير المنتجات الزراعية من الخضر والفاكهة.
وتعد ألمانيا واحدة من أهم الدول التي تصدر لها مصر منتجاتها من الخضر والفاكهة والمحاصيل الزراعية ، حيث بلغت نسبة الصادرات المصرية لألمانيا العام الماضي 76.8 مليون دولار فيما بلغت 64 مليون دولار فقط عام 2006.
ويأتي في مقدمة صادرات مصر إلى ألمانيا البطاطس ، حيث يبلغ قيمة الصادرات 20.4 مليون دولار والعنب بقيمة 16.64 مليون دولار , أما صادرات عام 2008 فقد وصلت قيمتها إلى 61.4 مليون دولار حتى شهر نوفمبر.
ومن المقرر أن يقوم بافتتاح المعرض السفير رمزي عز الدين رمزي سفير مصر لدى ألمانيا الاتحادية والمستشار التجاري شفيق عبد العزيز.
عندكم الخير والبركة في باريس البتيخ بالهبلة الشمام بالهبلة المنقة والقشطة والبرتكان والليمون زارعنوا في الحيشان أنتم من سكان كلفورنيا إلا خاينة ما بتدي حريف
بس تقول لي إنت لقطة! ما قبلتها منك مشيت بوسطينك داك شفت حبيبي أبو صلاح قلت أسلم وكيلك الله لما دخلت البوست الغبار سد الكي بورد صرفت النظر، قلت ممكن القاه في ظرف أحسن أنا بقيت مازول شدايد يا عزيز اتصلت بيك أمس وما رديت!!!
تخى تخى شديد لمن خلت يا ناس سين غاف راء
عزيزي ودصيام
أهو كدا أنت بتثير فينا أشواق الماضي التليد.. لا زلت أكثر بيت جدي أبكر الله يرحمه في جنب بابور ساوي عند مدخل الجنينة الكبيرة الجنوبي.. كانت لنا شجرة ليمونة عملاقة لا زلت احتفظ بامضائها على جسدي لأظل أذكرها ما حييت.. كنت أدخل الجنينة في الصباح الباكر فتجود على العاملات بما طاب من الثمر.. لي رغبة أن أبكي ذلك الفردوس المفقود..
البوست هو امتداد لبوستك داك.. وحسبتك تأخرت كثيرا.. نحن كلنا صرنا ما ناس شدايد.. لكن حلوة الكرة من لمسة واحدة..
تحياتي
الجوال كان يرن في الغرفة وعندما وصلته سكت والرقم كان غير معرّف.. معليش
Quote: أهو كدا أنت بتثير فينا أشواق الماضي التليد.. لا زلت أكثر بيت جدي أبكر الله يرحمه في جنب بابور ساوي عند مدخل الجنينة الكبيرة الجنوبي.. كانت لنا شجرة ليمونة عملاقة لا زلت احتفظ بامضائها على جسدي لأظل أذكرها ما حييت.. كنت أدخل الجنينة في الصباح الباكر فتجود على العاملات بما طاب من الثمر.. لي رغبة أن أبكي ذلك الفردوس المفقود..
الله والنبي ما تقول لي
مشيتي الأنكرتها ديك! وننكر إن شئنا على الناس قولهم ولا ينكرون القول حين نقول!!!
زرعت بالتمام 10 موزات إضافية مع الولد توتو( طبعا تنزع من موزة واحدة وتزرع عشرة) وقلت له تجي العام القادم تحصد يا ولدي بعد 8 تشهر اتصلت ببت آدم وقالت قلعتهم كلهم! لكن السخيل الأبيض ما زال في عهدة توتو!!
في اللحظة دي استوقفتني اغنية الراحل سيد خليفة.. ثم ضاع الامس منا وانطوت في القلب حسرة
فقدنا فراديسا وفراديسا.. ياخي مزيقة الامام بقيادة ابو دخمس دي براها ما فردوس.. ولا تقليعات خراب كوستي الصوفية.. ونسمة من عصافيرو
انها باريس ..
تحياتي
Post: #24 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-27-2011, 01:23 AM Parent: #23
Quote: فقدنا فراديسا وفراديسا.. ياخي مزيقة الامام بقيادة ابو دخمس دي براها ما فردوس.. ولا تقليعات خراب كوستي الصوفية.. ونسمة من عصافيرو
انها باريس ..
بئر معطلة وقصر مشيد
عزيزي
Post: #25 Title: Re: إهــــــــانة الخضروات والفاكــــــــهة في السودان!!! Author: Abdlaziz Eisa Date: 03-27-2011, 09:12 AM Parent: #24
دي لقطة من شباكنا الاخدر (بمبي ماشي) وبيتنا الناصية..
تعرف يا عزيزي أيام كنت أتاجر الليمون بقلب الكرتونة وبضع عليها فوضة حمراء هي العلم بتاعي لما المريخ يفوز.. حبوبتنا الفراشية بت حسب الولي الله يرحمها كانت بتغيرها لي وتقول لي لونك افرشه في ميدان الكورة.. ما كنت اعرف انها في السي آي ايي وتلك ايام الحرب الباردة..
تحياتي
Post: #26 Title: Re: إهــــــــانة الخضروات والفاكــــــــهة في السودان!!! Author: د.يوسف محمد طاهر Date: 03-27-2011, 12:18 PM Parent: #25
سلام يا آدم صيام ... بوست جميل وملاحظة جديرة بالتوقف ... بس عندي سؤال بسيط : هل الإنسان عندنا ليه قيمة ؟ خليك من الحضروات والفاكهة ! ما هو كثير من مبدعيننا في كل المجالات بظهروا خارج السودان وفي السودان لا أحد جايب خبرهم!
Quote: سلام يا آدم صيام ... بوست جميل وملاحظة جديرة بالتوقف ... بس عندي سؤال بسيط : هل الإنسان عندنا ليه قيمة ؟ خليك من الحضروات والفاكهة ! ما هو كثير من مبدعيننا في كل المجالات بظهروا خارج السودان وفي السودان لا أحد جايب خبرهم!
د. يوسف وعليكم السلام ورحمة الله
قيمة الإنسان دي والله أنا سخسياً فترت منها فقلت نشوف لي صرفة تانية كان تساهم في الإضاءة شكراً لمروركم العطر
Post: #28 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-29-2011, 06:23 AM Parent: #27
الصينيون يزرعون الخضروات في السودان
تشانغ فنغ هوا ، مزارع صيني للخضروات، استأجر 2000 مو (الهكتار الواحد= 150 موا) من الأرض على شاطئ النيل في السودان في مارس العام الجاري، وأقام عليها أكبر مزرعة باستثمار أجنبي بالسودان. زرع فيها أكثر من 30 نوعا من الخضروات الصينية.. زراعة الخضروات في السودان ولد تشانغ فنغ هوا عام 1974. سافر مع والديه عام 1988 إلى مدينة ووهان بوسط الصين لزراعة الخضروات بالتعاقد في مزرعة خهباوهو، واصبح مزارعا متمرسا للخضراوات وعمره 19 سنة. في فبراير 2000 زاره أحد أصدقائه الذي عمل في شركة تابعة للشركة الصينية للبتروكيماويات (صينوبيك) وعاد والسودان. عند حديثه حول السودان قال إن أكثر ما أكلناه من الخضروات في السودان هو البطاطس والبصل، وهو أمر كان من الصعب علينا تحمله، وسمعنا أن الخضروات التي تقدم لنا في مناسبات قليلة تشحن من أوروبا! وقال الصديق أيضا: هناك، الماء متوفر، نهر النيل يتخلل السودان، لكن المحليين لا يزرعون الخضروات. فكر تشانغ فنغ هوا في الأمر وقال: إذا سافرت إلى السودان لزراعة الخضروات، يمكننى أن أحقق الثراء. منذ ذلك الوقت عقد العزم لزراعة الخضروات في السودان، بدأ يتعلم الإنجليزية والعربية. بعد عيد الربيع عام 2001 حصل على تأشيرة دخول السودان، فاستعد لرحلة السودان. تجربة تخمير الأسمدة العضوية وصل تشانغ فنغ هوا إلى العاصمة السودانية الخرطوم في الرابع من مارس 2001، وعمل في مطعم أولا، ثم ذهب إلى الأسواق الريفية فلاحظ أن أنواع الخضروات قليلة للغاية وأسعارها غالية، معظمها بطاطس وبصل، لا ترى تقريبا الخضروات ذات الأوراق الخضراء. في اليوم التالي ذهب إلى وزارة الزراعة والغابات للاستفسار. وكان ما اسعده كثيرا أن إجراءات استئجار الأراضي سهلة وبأسعار رخيصة جدا. في الحالات العادية، تبلغ القيمة الإيجارية لكل مائة مو من الحقول 300 دولار لمدة عشر سنوات. خطط لزراعة الخضروات بضاحية الخرطوم. كانت أول مشكلة واجهها مشكلة السماد العضوي. بواسطة أحد أصدقائه وجد مصدر الروث، وبنى حفرة لتخمير السماد. بعد أسبوع، جف الروث والأعشاب بسبب أشعة الشمس القوية. فعرف أن الأسلوب التقليدي الذي كان يستخدمه في الصين ليس مناسبا، فصنع غطاء فوق الحفرة ووضع طبقة من التراب فوق الغطاء لعزل الحرارة. ثم بنى كوخا خشبيا بسيطا بجانب الحفرة للقيام بتجربة تخمير السماد العضوي وإصلاح التربة. نصحه الفلاحون السودانيون: أيها الصيني، عملك خطير، احذر الذئاب! وبالفعل تسمع هناك أخبار هجوم الذئب على الإنسان بين حين وآخر. لكنه لم يتراجع، بل يشعل النار كل ليلة حسب نصائح السودانيين للوقاية من هجوم الذئاب. بعد جهود كدود ومرات من التجربة، نجح أخيرا في تخمير الأعشاب. إقبال هائل على الخضروات في يونيو 2001 استأجر تشانغ فنغ هوا 10 مو من الأرض على شاطئ نهر النيل بضاحية خرطوم بأمواله، وبنا مسكنا متواضعا واشترى مضخات الماء واستأجر 3 محليين وأعد بذور الخضروات، وطلب من الآخرين أن يبعثوا إليه ببعض البذور من الصين. بدأ يزرع الباذنجان والخيار وغيرها من الخضروات المقاومة للجفاف وذات الجذور العميقة، واتخذ سلسلة من الإجراءات لإصلاح التربة. بعد اقل من نصف سنة، تحولت الـعشرة مو من أراضي التربة الحمراء السيئة التي تحوي الرمل والعصى وحامض الفسفور إلى حقول عالية المردود. أشعة شمس بخرطوم كثيرة، ومياه نهر النيل وافرة، فترعرع الملفوف الصيني والباذنجان المستدير والخس والفلفل والخيار التي حصل على بذورها من الصين. ما إن نقلت هذه الخضروات الطازجة إلى سوق المنتجات الزراعية بخرطوم حتى بيعت كلها فورا. ليس صحيحا أن أهل الخرطوم لا يحبون الخضروات، بل لا يمكنهم أن يشتروا تلك الخضروات المشحونة جوا بأسغار باهظة. أسعار خضروات تشانغ هنغ هوا مثل أسعار اللحم هناك، لكنها أرخص من أسعار الخضروات المشحونة جوا بكثير، لذلك أصبحت رائجة في الخرطوم بسرعة. عجيبة مزارع الخضروات الصيني في نفس الوقت استفاد آلاف الصينيين في الخرطوم من خضروات تشانغ فنغ هوا. كانوا يعيشون في الخرطوم بدون خضروات، فيأكلون الفواكه فقط. فلم يستطع بعضهم تحمل ذلك، فعادوا إلى الصين. حاليا يمكنهم أن يتمتعوا بالخضروات المحلية بأسعار يمكنهم أن يتحملوها! ليس الصينيون وحدهم بل الأمريكيون والأوروبيون وكل الأجانب الذين يعملون في السودان متأثرون بخضروات تشانغ فنغ هوا. في الماضي كانوا عندما يكلون الخضروات كأنهم يتمتعون بافخر طعام في الدنيا، حاليا يمكنهم أن يأكلوها يوميا! توسعت مزرعة تشانغ فنغ هوا بسرعة، حيث وسعت مساحة زراعة الخضروات بسرعة هائلة. استأجر 3000 مو من الأرض في مارس هذا العام، لتصبح أكبر مزرعة باستثمار أجنبي بالسودان. زرع أكثر من 30 نوعا من الخضروات الصينية. وتشير أكثر التقديرات تحفظا إلى أن الفلاح الصيني الذكي ربح أكثر من 10 ملايين يوان (120 ألف دولار) في أربع سنوات. حذا كثير من الصينيين حذوه في زراعة الخضروات في أفريقيا، ونجحوا بدرجات متفاوتة. حاليا معظم الخضروات ذات الأوراق العريضة في السودان من إنتاج الصينيين. وقد مضى عصر سيطرة الخضروات ذات الأوراق العريضة الأوروبية على السوق السوادني بلا رجعة. تشانغ فنغ هوا، الذي حقق هذه الأعجوبة يقول، قالت عنه صحيفة الأخبار السودانية: السيد تشانغ الصيني غير التاريخ.؟
منقول بي وردتو دي من
المصدر:منتدى الأحساء الثقافي
Post: #29 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-29-2011, 06:29 AM Parent: #28
عند حديثه حول السودان قال إن أكثر ما أكلناه من الخضروات في السودان هو البطاطس والبصل، وهو أمر كان من الصعب علينا تحمله، وسمعنا أن الخضروات التي تقدم لنا في مناسبات قليلة تشحن من أوروبا! وقال الصديق أيضا: هناك، الماء متوفر، نهر النيل يتخلل السودان، لكن المحليين لا يزرعون الخضروات.
Post: #30 Title: Re: إهــــــــانة الخضروات والفاكــــــــهة في السودان!!! Author: الطيب رحمه قريمان Date: 03-29-2011, 06:46 AM Parent: #29
ابن عمى آدم ول صيام
لك تحية خضرية نيرة يانعة
انت كما عهدناك كاتبا مبدعا فى صياغة الجمل التى تدخل الى المخ من اضيق ابوابه.
شايفك نسيت التمليكة ... !!!!
انا الايام احصد فى منتوجى من الطماطم ...
شى سلطة و شئ ملطة و شئ تخزين و مربة و شئ صلصة
ده كله لانى اموت فى الاورقنك .
Post: #31 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-29-2011, 07:08 AM Parent: #30
Quote: ابن عمى آدم ول صيام
لك تحية خضرية نيرة يانعة
انت كما عهدناك كاتبا مبدعا فى صياغة الجمل التى تدخل الى المخ من اضيق ابوابه.
شايفك نسيت التمليكة ... !!!!
انا الايام احصد فى منتوجى من الطماطم ...
شى سلطة و شئ ملطة و شئ تخزين و مربة و شئ صلصة
ده كله لانى اموت فى الاورقنك
ود عمي/الفارس الجحجاح
مشكور على المرور
التمليكة في الصدارة راجع أول البوست
ده الشغل والله، تحصد في منتوجك فايق مالك مال الويكة اليابسي كمان لو زودت علهيا الشتي الخدرا يكون اكتملت سلطة صينيتك
إنت عارف أخوي بساورني شك أنو عدم اهتمام السودانيين بالخدار قد يكون مرجعو (ثقافة العيب) يعني القشوش دي أكل حيوانات ساكت! السوداني الجد جد (ود البلد) لابدين يا كل لحم ولحم ولحم ويتوضأ بسمنة وبس!
Post: #32 Title: Re: إهــــــــانة الخضروات والفاكــــــــهة في السودان!!! Author: مدثر صديق Date: 03-29-2011, 09:37 AM Parent: #31
آدم صيام .....سلام و احترام لهذا البوست الموفق
Post: #33 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-29-2011, 09:55 AM Parent: #32
Quote: آدم صيام .....سلام و احترام لهذا البوست الموفق
العزيز/ مدثر صديق شكراً لمروركم الفكه ومسجّع لو قلت لهذا البوست التمام تكون كملت السجع ولنهيتنك عن السجع لقول المعصوم لا تسجعوا سجع الكُهّان
بالله يا مدثر أخوي دي مش أعجوبــــــــــــــــة!
Post: #34 Title: Re: إهــــــــانة الخضروات والفاكــــــــهة في السودان!!! Author: almulaomar Date: 03-29-2011, 11:16 AM Parent: #33
أدم صيام الفواكه عندنا بنغني ليها برتكان نهدك مدردم والله الليموني والبرتكان الناير وأهدي لي تفاحه أو بس برتكانه وليهو العنب شفايف ومنقة كسلا الحلوة الصافي لونا وأسأل العنبه الراميه فوق بيتنا تشبهي الموز في الجناين وعييك لغاية شتلة محنه وباقات الزهور زاتا وماخلينا رمان ولا عجوه وأظن بس الما قدرنا عليها فاكهة الكيوي لأنها لم تكن معروفة لدينا وتبقي الأن حق مشاع لمن أراد أن يشعر أو يدخلها في قصيدة غزلية - بس ما تدقسو - المصيبة دي تشبه أبو القنفد يعني حا تكون هجاء أكثر من كونها غزل فما في واحد يقول لي المحبوبة إنتي يا شبه الكيوي. يعني بإختصار كده نحنا ناس غنا سااااكت ، الخضر والفواكه عندنا لا تلقي أقبال لأسباب منها الإقتصادي ومنها ما يتعلق بثقافتنا الغذائية ، وحتى الذين فتح الله عليهم يلهطون تلك الفواكه بعد الأكل نظام تحليه أوتحبيسه وهو أمر بحسب كلام العلم خطأ حيث أن الفواكه تتخمر ولا يستفيد الجسم منها الفائدة المرجوه. أخونا المسخوت عماد حسين رجل أنتيكه فهو مثقف لدرجة قف تأمل وهو مفلس بمرتبه فقير إقتصادياً كان في مجلس من المجالس التي تشبه مجالس أم الكبائر في تنوع شخوصها أن تم طرح قضية عزوف الناس عن الخضروات والفاكهة في بلادي وتشعب الحديث وتخطي صحن السلطة وسلة الفواكه وهلم وأستلم أخونا عماد دفة الحديث فهو رجل ضليع ومحدث مفوه أها قال للناس هو زاتو أكلكم للفواكه بعد الأكل غلط وجاب ليك نظريات علمية من حتات كده شئ مجلات وشئ نشرات وشي جامعات وعيييك وفي النهاية قال لينا ربنا زاتو الخلقنا وخلق البطيخ والجرجير واللحم الضاني والعجالي والجداد قال في محكم تنزيله "وَفَاكِهَةٍ مِّمَّا يَتَخَيَّرُونَ* وَلَحْمِ طَيْرٍ مِّمَّا يَشْتَهُونَ" يعني جابالفواكه الأول ومن ثم ذكر اللحم والترتيب دا مش تتيب عبثي (تعالي الله عن ذلك علواً كبيرا) ولمن صاحبنا سرح وأستلم الجو الناس إتلملت منو وبخاصة أصحاب الموائد العامرة بالجداد والفاكهة فقال ليهو يا أخي المثل برضو بيقول من حكم في مالو ما ظلم يا اخي لمن تلقي جداد وفواكه بعدين أعمل الإنت عاوزو وخليها تخمر أو حتي تعفن في بطوننا هي في النهاية بطني مش بطنك. إنتهي أما حكاية الفواكه التوب تن ورص الفواكه في التراب فهذا شأن أخر سوف أعود إليه كان الأدمنستريتور مد في البوست بعد الأرشفة.
Post: #35 Title: Re: إهــــــــانة الخضروات والفاكــــــــهة في السودان!!! Author: الطيب رحمه قريمان Date: 03-29-2011, 11:34 AM Parent: #34
ابن عمى , كان لابد من زيارة البوست مرة و مرات اخر كثيرة سوف تأتى .
Quote: ده الشغل والله، تحصد في منتوجك فايق مالك مال الويكة اليابسي كمان لو زودت علهيا الشتي الخدرا يكون اكتملت سلطة صينيتك
تعرف اثناء كتابة المداخلة الاولى جاءنى طارئ لذلك جاءت قصيرة و غير مكتملة.
بجانب النتدورة يا آدم لدى الجرجر و الذى قيل فيه
"لو تعرف اهمية الجرجير لزرعته تحت السرير" او كما يقولون .
و الفجل من تلك العينة الحارة "شطة شطة"
و البصل الاخضر
و اقوم بزراعة هذه المحصولات فى اوقات متافوتة فى موسمها حتى لا تنتج كل فى وقت واحد .
شايف اخوك فنان كيف .
و لدى اربعة شجرات منتجات من الليمون " الايام دى الليمون على قفا من يشيل"
و شجرة جوافة
و شجرة يوسفى
و شجرة برتقال
و انتج كمية كبيرة من "الليف" الحمام
"نحن ناس بحر ابيض بنحب البرود"
و لديا كمية من القرع العسلى
"الدبا" وهى من الطعام الذى كان يحبه الرسول صلى الله عليه و سلم.
و الآن بصدد اعادة تشيد بيت الجداد
و كان عندى العام الماضى جداد سمح يا آدم "وى بتاع اللقاط"
الملا عمر حسابك لي شوية حتشيلني الليل وقلبي على الجماعة الهربو من بن جواد ريفي ليبيا في التلفزيون لكن مداخلتك دي من شدة شحمانة بصنقر ليها في الفيك بوس عديل
Quote: الملا عمر حسابك لي شوية حتشيلني الليل وقلبي على الجماعة الهربو من بن جواد ريفي ليبيا في التلفزيون لكن مداخلتك دي من شدة شحمانة بصنقر ليها في الفيك بوس عديل الفواكه عندنا بنغني ليها برتكان نهدك مدردم والله الليموني والبرتكان الناير وأهدي لي تفاحه أو بس برتكانه وليهو العنب شفايف ومنقة كسلا الحلوة الصافي لونا وأسأل العنبه الراميه فوق بيتنا تشبهي الموز في الجناين
زمان الفكي عبدالرحمن في برنامجو الصباحي احتج قال ليه ما يغنو للجرجير والرجلة! كلو غناهم في قام اتعزز الليمون والبرتكان نهدك!
Quote: وحتى الذين فتح الله عليهم يلهطون تلك الفواكه بعد الأكل نظام تحليه أوتحبيسه وهو أمر بحسب كلام العلم خطأ حيث أن الفواكه تتخمر ولا يستفيد الجسم منها الفائدة المرجوه
عليك الله سقفنا يا أخي
Quote: عماد حسين
يا أخي عماد حسين ده ما تجيبة لينا هنا كان ما يسخطو ناس ساس يسوس
Quote: أعود إليه كان الأدمنستريتور مد في البوست بعد الأرشفة.
البوست ده حدو يوم 31 كان داير تعتلو براك لا قدام فنعما هي
Quote: فاكهة الكيوي لأنها لم تكن معروفة لدينا وتبقي الأن حق مشاع لمن أراد أن يشعر أو يدخلها في قصيدة غزلية
الكيوي قال ! هو فجور البلد دي يخلي فيها كيوي؟ شوف ربنا لم غضب منكم أبدل ليكم شنو: ومال عجور الكلاب ما كيوي في صورته المكفهرة خليك من عجور الكلاب (أم بنو بنو) الصفراء والسعينات شفتها دي أداها ليكم مع الرأفة ديل بدلوهم ليكم للفجور العام بشئ من... ذواتي أكل خمط وأثل وشيء من سدر قليل مخير الله أستراليا عندها الكيوي ورئيسة وزراء حسناء كمان لا تقر دمغة الجريح ولا تهلك أسيراً وجريحا أهو بلوة ، تبش الكلاب وحكومة الكلاب الغربية في السودان يوجد عنب اسمو عنب المساكين!!!
فاكهة الكيوي
عجور الكلاب أو خياره
Post: #37 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-30-2011, 09:48 AM Parent: #36
Quote: و انتج كمية كبيرة من "الليف" الحمام
"نحن ناس بحر ابيض بنحب البرود"
و لديا كمية من القرع العسلى
"الدبا" وهى من الطعام الذى كان يحبه الرسول صلى الله عليه و سلم.
و الآن بصدد اعادة تشيد بيت الجداد
الطيب أخوي إنت زولي تب بالذات في موضوع الليف ده ، يا أخي بدي البيت طراوة ورطوبة، أما البرود فنعما هو
والله الدبا دي فيها جنس مربى! أجعص مربى في العالم ما يلحقها
تقشرها وتديها النار تلات ساعات وتشطفها بكمية سكر وريحة ملح شوي وروح منقا أو روح فراولة!
مع بيت الجداد لا تنسى صنوه الحمام فإنه الوجبة السريعة عند الحيرة كان سمعوك ناس الرفق بالحيوان تضبح في الحمام يودوك لا هاي يا مهوى الجبابرة وقناصي الحمام! يا زول كان الله هوّن يا ني الزايرك في البلد تب
العندكم في الواطا اسمها دباء ودي اسمها اليقطين المعلقة دي
Post: #38 Title: Re: إهــــــــانة الخضروات والفاكــــــــهة في السودان!!! Author: آدم صيام Date: 03-31-2011, 08:18 AM Parent: #37
في الفكشن علمت أن جميع حكام ولايات السودان اجتمعوا- بعد ما قروا البوست الختير ده- اجتماع مغلق لمدة أسبوع وخرجوا بالآتي:
القيام بحملة في كل الربوع لزراعة الخضروات والفاكهة واستخدموا شعارات ولمصقات من شاكلة النوع أدناه! تجد الملصقات في محطات الترام بالذات محطة ترام أبوجميزة ومرابط الحمير ووزرايب النعيز وفي الشجر الغلاد الفي شارع النيل شطبوا القلوب المنحوتة في الجذوع ووضعوا شعارات الحملة ضد الجوع
