/// دوبيت ومسادير ///

أبرِمشاً شَبَك قلب البريدَك كافتـــو ..

دِيسو الإنبهل تاليّهو لامن لافتــــو ..

الدَعِج اللََدِن عينيهو أول آفتـــــو ..

غلتان البريدَك بتجيبه إنتَ كثافتـــو ..


----------
فاروق أبوحوه

[B]يا ياقوتة الحضرى الحضارمى زبونك
عازة وغالية طلعن فى التريا... تمونك
عاليا ارداف ضامرة هاف وقارن. نونك
انكال بالجمال لامن دفق ماعونك

Quote: يا ياقوتة الحضرى الحضارمى زبونك عازة وغالية طلعن فى التريا... تمونك عاليا ارداف ضامرة هاف وقارن. نونك انكال بالجمال لامن دفق ماعونك

حباب المحرب الدار دارك..
بالحيل سمح نمك

وهاك نمي:
الوقفت قصادي وأبت علي تنــادي
مبرومة ضمير فوقه السماح متمادي
ختفت طرحته برقاً كتل عبـــادي
هي الصيده والباقيات جداد الـوادي


إستدراك:
حتي نتجنب زعل الجندر يمكن قراءة البيت الأخير كالأتي:


هي الصيده والباقيات بشوفِن عادي


---------
فاروق أبوحوه

آآآخ من نور عيونا الداك شلع عبادى
وآآخ كان شفت للشايلاهو فاكهة وادى
جدية غاب طلح ريح السباع بتعادى
كان قناصا(تيل) تهبر شراكهم عادى



منصور

الاخ ابوحوه لك التحيه يااخ والله طولنا من النم
الاخ منصور المفتاح ليك وحشه ارجو ان لاتغيب كتير
لانى سوف انزل فيه دوبيب صوت وليسكتابة خليك قريب
طبعا دا بعد اذن ابوحوه اذا سمح لى


وا اسفاى كان الموت يجى يعجلى
قبال المنزه فيه اكمل غلى
ياشهور الظلام الغبتى ابيتى تهلى
اشوف الفرو بنسف فى السحاب الكلى

أنا كان عندي والي ولا صاحبي صليح
كان جنزرني ما دام قلبي ماهو نصيح
بقيت في صلاتي اتذكر هواها واصيح
أنم في الركعتين والباقـي اتمو نويح

كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب

سيرتا في الكلام السمحه زي العافيه
عافاية العليل زينة الخصال متعافيه
عافيلك عفو عارفاهو متلك عافيـه
عافاك الكريم بالعفه أرقدي عافيـه



المحرب أخوي ومنصور أخوي نموا ساااااااكت البيت بيتكم
باقي أنا داخل تلوت الليل

------
فاروق أبوحوه

Quote: الاخ ابوحوه لك التحيه يااخ والله طولنا من النم الاخ منصور المفتاح ليك وحشه ارجو ان لاتغيب كتير لانى سوف انزل فيه دوبيب صوت وليسكتابة خليك قريب طبعا دا بعد اذن ابوحوه اذا سمح لى

المحرب أخوي البيت بيتنا كلنا
وجيب النم صوت و (سوط).. هييييييييييع


أرح

الرمش الكتل لي زولو قبل الشوفــه
طاعن في القلب خلا الضلوع مكشوفه
إن مرقت قمر لا بدّ إنت تشوفـــه
وإن غابت كمان نار الجحيم بتشوفـه

الرمش البجز لقلوبنا حاصد وصاقـع
لون البرتكان زي لونه جاهِر وفاقـع
الليل الدخل فوق ديسه دمدم واقــع
دا الخلاني فوق نار الغزال متواقـع

-----
فاروق أبوحوه

كدي النكمل نمي أول تبادي
وكان غلبت حيله بدقش نم أهلي ساااااكت

أنا كان عندي والي ولا صاحبي صليح
كان جنزرني ما دام قلبي ماهو نصيح
بقيت في صلاتي اتذكر هواها واصيح
أنم في الركعتين والباقـي اتمو نويح


عقلك فولاز مجرب ماهو دقه صفيح
وماك زول مستخل عند الهوينه بصيح
صوام ديمه ماسك فى صلاتو نصيح
وسواى الفروض قوم الهجوع بتريح



منصور

الاخوان ابوحوه ومنصور ماشاء
شعر ملان وقوافى موزونه
ات عارف يا منصور انا اكتشفت
حبيب نوره برضو بقطع وزول
قوافيه موزونه
وفيها سسته انا قدمت ليه دعوه اجى الخيمه



بجيكم بس الوقت رمضان الدنيا بدور والاخره بدور



تحياتى

سيرتا في الكلام السمحه زي العافيه
عافاية العليل زينة الخصال متعافيه
عافيلك عفو عارفاهو متلك عافيـه
عافاك الكريم بالعفه أرقدي عافيـه

يا فاروق يديك العافيه،
المنصور سو ، ما تقيف،
ود المحرب خالد ، رمضان دا شهر جمال ،
كمِّل السماحه يديك العافيه.

Quote: يا فاروق يديك العافيه، المنصور سو ، ما تقيف، ود المحرب خالد ، رمضان دا شهر جمال ، كمِّل السماحه يديك العافيه.

حباب ود المرتضي

النميم سمح مو كدي ؟

إيدك معانا وأصلك ما بتختا منو تب.

أرح

الدرعة العقيدك لفحة أم كانجيل
وعنقك ظبية وفيك ارداف سبيكة الخيل
البسماتا تبهر فى ظلام الليل
تلِى الجدلة وحلانة ومشيك تقيل


اهلا الاستاذ المرتضى

أبو حوة
المحرب شيخ العرب
المنصور
والزوار الكرام كلكم

والنسيتوا

انا البوست كان رايح مني
لكن مِشيوِير كدي وبجيكم صاد

الليلة دستوري نازل في المسادير

Quote: الدرعة العقيدك لفحة أم كانجيل وعنقك ظبية وفيك ارداف سبيكة الخيل البسماتا تبهر فى ظلام الليل تلِى الجدلة وحلانة ومشيك تقيل

الدرعة العيونه جقمـة الباتيــل
ظبيه خـلا ما شافت الضانقيـل
البسماته شابن زي سنابك الخيـل
من أردافه تاتت لامن مشيها تقيل

رحم الله عكير الدامر ورحم الله الامام السيد عبدالرحمن المهدي

قال عكير في مدح السيد عبدالرحمن:

حالي جلوسو زي رطب الحجاز بيناتنا

بالاحســانملــكنا وطوطن لسـناتــنا

بي سيــئاتنا يغفـر ويطرا لي حسناتنا

اعراضو ال للعافاف اعراضنا وبناتو بناتنا













..

Quote: رحم الله عكير الدامر ورحم الله الامام السيد عبدالرحمن المهدي قال عكير في مدح السيد عبدالرحمن: حالي جلوسو زي رطب الحجاز بيناتنا بالاحســانملــكنا وطوطن لسـناتــنا بي سيــئاتنا يغفـر ويطرا لي حسناتنا اعراضو ال للعافاف اعراضنا وبناتو بناتنا

حباب حذيفه ود شيخنا الكباشي (خصيم السم)..

عكير دا كلامو تاني



بين المدرسة والخلوه وبَنية الشيـخ
شاهد ظبية الردن مدالق الفِيـــخ
الخصرو نحيل طبيعه مو رِديــخ
الحركه القليله تجيبلها المِليـــخ



هيييييع

Quote: الاخوان ابوحوه ومنصور ماشاء شعر ملان وقوافى موزونه ات عارف يا منصور انا اكتشفت حبيب نوره برضو بقطع وزول قوافيه موزونه وفيها سسته انا قدمت ليه دعوه اجى الخيمه

الأخ المحرب:

زولك دا انا عارفو (مسخوووت)
عشان كدي أنا مشرك ليه بي كم صيده وكم رمش مفخخ ..

حباب ود السروراب العمرو ما خاب

Quote: أنا كان عندي والي ولا صاحبي صليح كان جنزرني ما دام قلبي ماهو نصيح بقيت في صلاتي اتذكر هواها واصيح أنم في الركعتين والباقـي اتمو نويح

أنا كان عندي وآلي ولا صاحبي نصيح
كان ريحني من ناري المعاها وحيــح
بقيت في نومي اطراها وكيف بستريح؟
ما دام في الروح ظبياً فراقو لديـــح


------
فاروق أبوحوه

Quote: وا اسفاى كان الموت يجى يعجلى قبال المنزه فيه اكمل غلى ياشهور الظلام الغبتى ابيتى تهلى اشوف الفرو بنسف فى السحاب الكلى

وآأسفاي كان الموت وقف فوق دربـي
قبل المطيره تسيل وفيها أكمِّل شربـي
يا سنين الفقر القاصده ناري وحربـي
كل ما بنيت لها بيت ألقاكِ ليه تخربي

Quote: آآآخ من نور عيونا الداك شلع عبادى وآآخ كان شفت للشايلاهو فاكهة وادى جدية غاب طلح ريح السباع بتعادى كان قناصا(تيل) تهبر شراكهم عادى

آآآآه من نور عيونا القجّ في أكبادي
قلل للنصاح ودّر عليَّ رقـــادي
جدية تَبَر ما فارقت للــــوادي
لا شافه زول لا جاب خبرها الرادي


-----
فاروق أبوحوه

النضمِي الدُّقاق دايرلُو حيل و مُروّة
كاتلاني الهموم هردن حشاي من جوة
يا رب يا كريم أديني حبّة قوّة
كان أطلع جبال شيخ العرب وأب حوة

الفَرعت نزيف قلباً مشاتر وجعوا
الفدعت قوام جدياً فريد في طبعو
السبب البِخل الزول يفارق ربعو
السيل في الوِدي هادر وجارف نبعو

Quote: بين المدرسة والخلوه وبَنية الشيـخ شاهد ظبية الردن مدالق الفِيـــخ الخصرو نحيل طبيعه مو رِديــخ الحركه القليله تجيبلها المِليـــخ

عرفتيلك رجالا يا العنقا بت الشيخ

انا والمهدي وبشير الشيخ

ما بنفز يمين ان ختولنا شرك الجيخ

وما بنفز يمين ان شونا شي السيخ









ـــ

عشتا يا ابو حوة

..

Quote: عرفتيلك رجالا يا العنقا بت الشيخ انا والمهدي وبشير الشيخ ما بنفز يمين ان ختولنا شرك الجيخ وما بنفز يمين ان شونا شي السيخ ـ عشتا يا ابو حوة

عشت يا حذيفه..

وكتّر لينا من نم شيخنا عكير الدامر..


تسلم

Quote: الفَرعت نزيف قلباً مشاتر وجعوا الفدعت قوام جدياً فريد في طبعو السبب البِخل الزول يفارق ربعو السيل في الوِدي هادر وجارف نبعو

الفرعت نزيف قلباً مشاتر حالـو
مفدوعة قوام تحت الصدير المالو
السبب القبيل غرّق قليبنا وكالـو
طرفاً بِسَو في الروح بشاتِن حالو

Quote: النضمِي الدُّقاق دايرلُو حيل و مُروّة كاتلاني الهموم هردن حشاي من جوة يا رب يا كريم أديني حبّة قوّة كان أطلع جبال شيخ العرب وأب حوة

خليها الهموم يا زول عليك الخُـــَّوه
لا فاته المحرب لا فارقت لي أب حُوّه
أدينا النجيض نم القليب من جُـــوّه
أصلو الصوم خلاص ما خلاّ فينا مُروّه

لا حولالالالالالالالالالالالالا اتو آآآآآآآآآآ ناس ماكم صايمين ؟؟؟
ديل محنك ات آآآآ اب حوة خابراك انا آ بتقعد برا فرفرة,,


ود عمي الحرب عفيت منك آ شيخ البطانة قعدت الغنا بالصح والله.ز تسلم آآ عشانا


اوووووووووووه المنصور ود المفتاح حليلك ات آآ يابا وحليل زمنا الراح
انا وحات الله آخواني كان فجيتوا لي بكان الا اجادعكم بالحييييييييييل

وكمان شايفة حبيب نورتنا شرف البادية
امانة ما النضم بقي سمح بالحيل
ومعاكم الكباشي
يا خوانا رمضان كريم عليكم وتصوموا وتفطروا علي خير

لكن دحين ابو حوة ماك اتلومت آ جنا ؟ وينو رمضان الكمل مروتك ؟؟
ات بتدورني انضم في ليللي ده واشكيك علي ود ابكور
عشان تاني ما تطاول عليهو
تسلمواااااااااااا يا اهل من بطن البلد الحنين
بجيكم صادة ان شاء الله
فتكم بي عافية آآآآ الحبان

Quote: لكن دحين ابو حوة ماك اتلومت آ جنا ؟ وينو رمضان الكمل مروتك ؟؟

الليله الخليـــج طلّق علينا سمايمـــو
وحاتِك يا (الإسيم) ما شفت زولاً حايمــو
فاتت الخمسين يمين شسمو التسوي هجايمو
وما ظنيت كمان غير أب حُوه زولاً صايمو

أسماء الجنيد حبابك آآآآمبروكه تب..

حررررررم نحن في (قهبونه) أظن لو ركبت بي درهم تصل جهنم..
وبرضو لايمنكُن مافيكن زولاً (يسعلنا) ويقول:

ما سلككم في (سفر) ؟؟

Quote: ديل محنك ات آآآآ اب حوة خابراك انا آ بتقعد برا فرفرة,,

متنسِّم وطاري العرس وحاتِك.


حبابك تب آ بت بابَكُــر

Quote: انا وحات الله آخواني كان فجيتوا لي بكان الا اجادعكم بالحييييييييييل

بت الجنيد أسماء:


حبابك وفجينالك تب أها البكان واااسع .


وراجين نمك

Quote: النضمِي الدُّقاق دايرلُو حيل و مُروّة كاتلاني الهموم هردن حشاي من جوة يا رب يا كريم أديني حبّة قوّة كان أطلع جبال شيخ العرب وأب حوة

مرحب حبيب نوره بطل التواضع بتاعك دا وادينا
من بيت الكلاوى والله ماشاء الله
--------------------------------------------

سوما مرحب بيك فى خيمة ابوحوة ونورتى وشرفت والله

كل الحي بجيهـو الشـيب وعمرو بـروح
وهي بعودها الشباب وين البرق مايلـوح
بتتحنن جـديد شـابه وعـطرها يـفوح
حسيراَ بـنوني ذي الـفاقد الـمـروح

خرَّفْـتِ، وطلايْعِـكْ للمراتِع لفَّـــنْ
ضعايْنـِكْ شيَّلَنْ من المدامِر، وقفَّــنْ
وديانِـك مشَنْ، ليهِــن سبوع ما جفَّن
وقِبْليـكْ تَوَّر الركَمِـي السحابو مَدَفَّنْ

---------

عثمان قولوا كيف خبر القشوش النشّت
نبات يالليله درّ والله السعية اتعشّــت
بسطاً غايه يا ابو المُر دي سنتك خشّت
العبادي منع أم خد سِبوع ما اتمشّت
فرحانين عربنا طرابا زرعت وحشّت
جض ّ قعوينا والحفور يلاوي مقشّط
-----
آدم ود البشير ود سـند

Quote: مرحب حبيب نوره بطل التواضع بتاعك دا وادينا

المحرب كيفك حالك؟
إن شاء الله فطرتو؟

حرررم أنا عارفك يا شيخ العرب حركات الجنا دا ما بتمشي عليك

حررم يا ود أب حريره الليله جبت كلاماً تاني

صوره وصوت ومطر وسحاب ... هييييع




-------------
عليك الله كان مشيت بي هناك جهة (ربوب)
سلم لي علي الطيب ود المدني وعبد الرحمن ولدو..

سِيرة السيسبان خدّر لسانا اليابـس
فَرّ الوشيش الكان قبيل عابـــس
الزول السمح مالك رويحنا ولابِـس
ودا الخلانا في حالنا الوقف بنكابس



-------
فاروق أبوحوه

التلب اللـزوم .. صاقعة هوايد الليل
الفارس الهميم .. الفوق سنابك الخيل
أخوك يا السُرّه .. فـارس الشيـل

الدَرَت الكبس .. وهجم البلد سيلـو
عاوان الضعيف .. تمتام نقاص حيلو
أخوك يا السُرّه .. فارس الشيــل

البرق البشيل .. من عصرو عبادي
المطر البسيل .. بالعافيه في الوادي
أخوك يا السُرّه .. فـارس الشيـل

ستّار العروض .. الراكـز الضرغام
قضّاي الغروض .. مطر السما الجمّام
أخوك يا السُرّه .. فـارس الشيــل

الولـد الجَلَد .. مُرحاكة المريوق
عارفاك البلد .. بتحلحل المزنوق
أخوك يا السُرّه .. فارس الشيـل

يرعاك الكريـم.. تتعلاّ يالمبروك
يا ساتر العقاب .. يا ناجد المدروك
أخوك يا السُرّه .. فارس الشيـل


---------
فاروق أبوحوه

بالك فاضي في روبة الفروع بتنقد
ونحنا نهاتي لا بنرقد ولا بنرقد
الخلاني يا الساحر تملي مسقد
فرق العنقو باهي ودوفو مو متعقد



تحياتي ابوحوه وضيوفه..

ممشوق القوام الما وجدته نظيرو.
.
خصامو معاي اخير لي من محنة غيرو..

جافاني العزيز الكنت ديمه نصيرو..

هو يسوي في الغلط وانا اسوي كتر خيرو.

Quote: ممشوق القوام الما وجدته نظيرو. . خصامو معاي اخير لي من محنة غيرو.. جافاني العزيز الكنت ديمه نصيرو.. هو يسوي في الغلط وانا اسوي كتر خيرو.

ممشوق القـــوام الما وجدتَ مثيلو
سارح في الدلال ولا بهمـــو كتيلو
جافاني السمـح الكنت ديمه بجيلــو
هوي يسوي الغلط وانا المجبور أزيلو

Quote: بالك فاضي في روبة الفروع بتنقد ونحنا نهاتي لا بنرقد ولا بنرقد الخلاني يا الساحر تملي مسقد فرق العنقو باهي ودوفو مو متعقد

بالك فاضي في روبة الفروع بتعزِّل
ونحن شقايا ظروفنا يوت بتخــزِّل
الخلاني من الخلوق أتِب متعــزِّل
فرق المعانا وسيفو فينا منـــزِّل


الكباشي يا بكري:

تسلم يا حبيب وحبابك طن..

نم
نم

مرحبا باهل المسدار والشكر لابوحوة والمنصور وبقية السمار



همك فاضى سارح فى بلودن رايقة

ونحنا قلوبنا من شيل الهموم مى فايقة

الخلا نفوسنا لى شفت الخلوق مى طايقة

ليم السمحة تتقسم تتعجن دلال مى حايقة

Quote: عليك الله كان مشيت بي هناك جهة (ربوب) سلم لي علي الطيب ود المدني وعبد الرحمن ولدو

الطيب واطى قلبو وعبد الرحمن موجود فى تبوك
ات اظنك ود خالت حسين الطيب وداعمنا
رسلت ليك ماسنجر داخلى ماجانى منك رد

احمد ود عوض الكريم قال

رِجَالْ التَاكــــــَا بي جَاهُــــــــــــن قَواسـيك هَانَتْ

مَسكْ فَجـــــــاً عميـــــــــــــــــق والبَيدا ليك ادَّنتْ

عَلى الفي جِيــــــــــــــدَا مَتْبورالبَرَاتىْ مَبــــَانتْ

المَخَلوفـــــه ضَجَّتْ من دَويـــــــــــــــــــكَ وعَانتْ

Quote: الطيب واطى قلبو وعبد الرحمن موجود فى تبوك ات اظنك ود خالت حسين الطيب وداعمنا رسلت ليك ماسنجر داخلى ماجانى منك رد

في ماسنجرك الخبر اليقين

البلد أم عجم لى روحى طب مى لايقه
وروقتا روق عدوك متل أم رحل متضايقه
عنزه ومن معيز ديم للجعيص كم عايقه
كان راعاها شيخ متل أم شعيفه ملايقه



منصور

ممشوق القوام الما وجدته نظيرو.
.
خصامو معاي اخير لي من محنة غيرو..

جافاني العزيز الكنت ديمه نصيرو..

هو يسوي في الغلط وانا اسوي كتر خيرو




ممشوق القوام حاحيتو فرن طيرو

لا دودار نفع لا كج شرك فى ديرو

ممكون طب متوك وين علاج من غيرو

كل ما نزيد غرام زاد مره دوز تصعيرو



منصور

الليل الطويل واا ضيقي
والحال العلي انا مابعرفو رفيقي
لامتين يابت معوز القيقي ...لامتين يا ام فلج ريقك يواقع ريقي

البارح انا وقصبة مدالق السيل
في ونسة وضحك لامن قسمنا الليل
وكتين النعام اتشقلبنو الخيل
لا بخلت .. لاجادت على بالحيل !

الحردلو

يا قلبي المجرح
وبالرماد مكيول
كل ما ينشلوك حاتل
وكل مل يحزموك مبهول !

يا أب حوة الفقُر عمّ وكشح تيرابو
والقلب النِدَي أتشالبنّوا دِيابو
نبحن وهوهون... هجمن علي كلابو
خمّن وصرصرن سجماً غرز نشّابو

يا اخواننا الهموم سايقات صغارن مرّن
جابن للمغس من (شوشنا ) يوم ما ترّن
قسماً ما بنزِح لو الحراير حرّن
نثبت للمِحن ونحلب سدور الدرّن

انعدل سرج الزاملة وراجع ليكم

Quote: انعدل سرج الزاملة وراجع ليكم

في رجاك يا يحي لامِن الزامله تكمِّل علوقه..


أرح

Quote: يا اخواننا الهموم سايقات صغارن مرّن جابن للمغس من (شوشنا ) يوم ما ترّن قسماً ما بنزِح لو الحراير حرّن نثبت للمِحن ونحلب سدور الدرّن

يا ياسين أخوي خلي الهموم لي سِيدا
وأركز للمحن ما دام تجيك من سِيدا
غابات الوحـل إنت الأسدها وسِيدا
يا ود الرجال الما بتخاف غير سِيدا



---------
فاروق أب حُـوَّه

Quote: يا أب حوة الفقُر عمّ وكشح تيرابو والقلب النِدَي أتشالبنّوا دِيابو نبحن وهوهون... هجمن علي كلابو خمّن وصرصرن سجماً غرز نشّابو

الَفُقــر اللعين يا اخوي ما تحكيهُ
والهـَم الكبيــــر خليهُ للبانيهُ
الزول إن صبر لازم الكريم يغنيهُ
وإن ضاق كمان زبد الوهم بِجِنيهُ


--------
فاروق أب حُـوّه

Quote: يا قلبي المجرح وبالرماد مكيول كل ما ينشلوك حاتل وكل مل يحزموك مبهول !

قلبي المَوَجَّـــع
وبي قيودو مَكَتَّف
كل ما أقول خِـلا
ألقاهُ بيكَ مَسَتّـف


------
فاروق أب حُـوَّه


والله يا خالد العبيد (البِهيل) كعب بالحيل

Quote: البارح انا وقصبة مدالق السيل في ونسة وضحك لامن قسمنا الليل وكتين النعام اتشقلبنو الخيل لا بخلت .. لاجادت على بالحيل ! الحردلو

بعد ما نسينا ظلمِك ومن هلاكو سَرَينا
تاني اتردّا في مهلــك غنـــاكِ سِـرِينا
هاوية ريدِك المن كــل رفوفه شريـنا
سوّد ليلنا تب بعد دومة حُجاكِ كَريـنا

------
فاروق أب حُـوَّه


الصديق خالد العبيد..
رمضان كريم يا سيد ..

حبابك وحباب الحاردلو ونمو السمح..

تسلم ..

Quote: الليل الطويل واا ضيقي والحال العلي انا مابعرفو رفيقي لامتين يابت معوز القيقي ... لامتين يا ام فلج ريقك يواقع ريقي

الليل الطويـل صاحيهُ وآآآ سهري
والقلب الهِلِك يوت بالهموم مهري
الزول السمح كا تلني طول دهري
ببكيهُ الدُغُـش لامن يهِـل شهــري


حبابك عثمان محمد كرار..

والدار دارك يا حبيب

قول ..
نم ..

Quote: .ممشوق القوام حاحيتو فرن طيرو لا دودار نفع لا كج شرك فى ديرو ممكون طب متوك وين علاج من غيرو كل ما نزيد غرام زاد مره دوز تصعيرو

ممشوق القوام شاشيتو طــاااار مـا ركّ
دودرتو الرزيـن فااات الشـرك والدكّــه
معسول الكــلام من فرقو يوت نتشــكّي
بالدُكري المسنون في قلوبنا غرّز وشكّ


------
فاروق أب حُـوَّه

Quote: البلد أم عجم لى روحى طب مى لايقه وروقتا روق عدوك متل أم رحل متضايقه عنزه ومن معيز ديم للجعيص كم عايقه كان راعاها شيخ متل أم شعيفه ملايقه

البلد أم عجم لي روحي تب مي خايله
وروقتا زي الدنيا مهما طالت زايلـه
الودر نومي فرقة الفي المشي متمايله
الله يصبر قلوباً فوق الدبر يوت شايله




------
فاروق أبوحوه

Quote: مرحبا باهل المسدار والشكر لابوحوة والمنصور وبقية السمار همك فاضى سارح فى بلودن رايقة ونحنا قلوبنا من شيل الهموم مى فايقة الخلا نفوسنا لى شفت الخلوق مى طايقة ليم السمحة تتقسم تتعجن دلال مى حايقة

مرحبتين يحي ونعلك طيب..

همك فاضي في البلد البعيده مشكّــن
ونحنا قلوبنا من فرق السميحه اندّكـن
الخلا قلوبنا في درب المغايس جكّـن
عيون كتلننا حرقـن ورقنا و شكّــن


-----
فاروق أبوحوه

Quote: يا أب حوة الفقُر عمّ وكشح تيرابو والقلب النِدَي أتشالبنّوا دِيابو نبحن وهوهون... هجمن علي كلابو خمّن وصرصرن سجماً غرز نشّابو

انت يابوي الفقر تبرا منو
والزيك انت ياعشاي مابفقر
انت بحر يمين انت ثروة مش قوميه
ثروة كونيه وح يجي يوم
وافاخر الدنيا كلها واقول ده ولدي ماشالتك بطني
لكن كلمه امي الانت بتقولها لي
تخليك انت واحمد وعصام في مكان واحد
كل سنه وانت طيب



سيد الدار سلام عليك والشهر مبارك
حبيب نوره ده امسك فيه قوي والله عنده غنا في الزمن العلينا ده
تب مافي

يا اخواننا الهموم سايقات صغارن مرّن
جابن للمغس من (شوشنا ) يوم ما ترّن
قسماً ما بنزِح لو الحراير حرّن
نثبت للمِحن ونحلب سدور الدرّن


ياخ أنسى الهموم خيرك دعولو مقرن
وزرعك من صنوبر طيرو ركن وفرن
أثبت يا ولد جيت من بطونن برن
وزى شدر الحراز واقفات دوام ما خرن


منصور

يا أب حوة الفقُر عمّ وكشح تيرابو
والقلب النِدَي أتشالبنّوا دِيابو
نبحن وهوهون... هجمن علي كلابو
خمّن وصرصرن سجماً غرز نشّابو



يا زول الفقر سيفك مواسى عقابو
وقلبك من حديد هممك متركشه بابو
دربك زى لغم ضبع الخشش هيابو
لو كايسات لحم دم الأسود شرابو



منصور

المنصور أخوى نحنا اولاد رجال ماهماها الفقر دام الاصل ثابث فوق كرم وفضايل


يازول الفقر مو عيب نتحكابو

" ود الاصول بى فقره فاتح بابو

نضمك اعدلو ما تخاف من فقر وعذابو

وفقرا حق كريم دارينو نحنا حبابو"

يازول الفقر مو عيب نتحكابو

" ود الاصول بى فقره فاتح بابو

نضمك اعدلو ما تخاف من فقر وعذابو

وفقرا حق كريم دارينو نحنا حبابو"




كعب العدم يا يحى كعبه أسبابو

وكعب الزول يهوش والعنكبوت فى جرابو

علا أكان قدر والمولى ساكت جابو

مين بقدر على ومين كان قدر حجابو






رمضان كريم وسلام حار ودعاء ليوم الدين لك وللأسره



منصور

Quote: ياخ أنسى الهموم خيرك دعولو مقرن وزرعك من صنوبر طيرو ركن وفرن أثبت يا ولد جيت من بطونن برن وزى شدر الحراز واقفات دوام ما خرن منصور

يا منصور أخوي زولك خفيف قلبو
إن جاتو الهمـــوم بالهينه تتشلبو
أب قلباً خفيـــف الدنيا بتتضقلبو
والزول الصبور يصعب دوام غلبو

Quote: يا زول الفقر سيفك مواسى عقابو وقلبك من حديد هممك متركشه بابو دربك زى لغم ضبع الخشش هيابو لو كايسات لحم دم الأسود شرابو

Quote: يا زول الفقر سيفك مواسى عقابو وقلبك من حديد هممك متركشه بابو دربك زى لغم ضبع الخشش هيابو لو كايسات لحم دم الأسود شرابو

يا زول الفقر ما بطفي فيك النــور
و ما بغشاك هَم إن كان يجيك مدفور
يالقلبك مِتِل قش الخلا المشـــرور
معروف الصفات فارساً قفاك مستور



----------
فاروق أب حُـوّه

Quote: انت يابوي الفقر تبرا منو والزيك انت ياعشاي مابفقر انت بحر يمين انت ثروة مش قوميه ثروة كونيه وح يجي يوم وافاخر الدنيا كلها واقول ده ولدي ماشالتك بطني لكن كلمه امي الانت بتقولها لي تخليك انت واحمد وعصام في مكان واحد كل سنه وانت طيب سيد الدار سلام عليك والشهر مبارك حبيب نوره ده امسك فيه قوي والله عنده غنا في الزمن العلينا ده تب مافي

أمي الله يسلمك!


ماعندي قولاً هسة

بجيك صاد
مع إني كنت خايف من جِنس النضمي دة

وكت الليل برد جاني الحبيب يتني
فتح الباب كرب شميت روايح الجنه

كابستو وبكي قال لي روق استني
خلي الناس تنوم والدايرو كلو اتمني

Quote: وكت الليل برد جاني الحبيب يتني فتح الباب كرب شميت روايح الجنه كابستو وبكي قال لي روق استني خلي الناس تنوم والدايرو كلو اتمني

رمضاااااااان يا عثمان رمضااااااااااان...

Quote: انت يابوي الفقر تبرا منو والزيك انت ياعشاي مابفقر انت بحر يمين انت ثروة مش قوميه ثروة كونيه وح يجي يوم وافاخر الدنيا كلها واقول ده ولدي ماشالتك بطني لكن كلمه امي الانت بتقولها لي تخليك انت واحمد وعصام في مكان واحد كل سنه وانت طيب سيد الدار سلام عليك والشهر مبارك حبيب نوره ده امسك فيه قوي والله عنده غنا في الزمن العلينا ده تب مافي

بت إب حريره:

رمضان كريم ,,
وحقيقه الجني (النصيبه) دا مو ساهل تب
وبجي يومو بس يخلي جنو دا ويمسك العصا كويس..

أيا يالحيل خابر غناهو الطاعم يا عفاف..
عشان كدي أنا بشرِّك ليه بي كم صيده هنا..


تسلمي

سلامات يا أهل الخيمـة

والمرة دي معاكم شيخ العرب,

Quote: كم شديت على تيساً بسوك الناب وكم جايب زَمَل من الرَّهد كَسّـاب حديث الناس كتير .. ما عندي ليهو حساب إنقطَع اللسان يا فاطنة أبوك إن عـاب

هع هع ابشر يا محرب



أحمد الشايقي

قالوا البلد مطراااانه ..
قلنا ننم مادام مانا فيها..
..

الليله البلد قالوا المطــر قسّمهـا
والبرق الحَقَص من قِبلِي تب وسّمها
التِعل التقيل كتف البلـــد عسّمها
ما خلالو شي لا عند سيولو عزمها


__________
فاروق أب حُــوَّه

ابوحوة

المنصور

أحمد الشايقى

الاخ ابوحوة ...كان من المفترض ان نتقابل يوم الجمعة فى الافطار التاريخى لبورداب الامارات

الا اننى تحركت قبل فقرة التعارف واكتشفت انك كنت جالسا فى طاولة الفنانة سميرة دنيا

الجايات أكتر من الرايحات...

" مرحبا بالشايقى :-

كم عديت هضاليمن سود ماخفت

وكم شديت زوامل ولى هوام وسمت

حكاوى الناس عليك ان نجح او عبت

انقطع اللسان ياشمة أخوك سيد سبت

Quote: " مرحبا بالشايقى :- كم عديت هضاليمن سود ماخفت وكم شديت زوامل ولى هوام وسمت حكاوى الناس عليك ان نجح او عبت انقطع اللسان ياشمة أخوك سيد سبت

كم شـديت على قارحاً بدور ركّـاب

وكم قافيت دروباً جافـن الدوداب


كم جـوّعت من نحر أم لبا المتـلاب

وكم سدّدت في الزايلة ال بناها خراب



أحمد الشايقي

كم شقيت عتاميرا دروبها سراب

وكم عديت ليالى الوك الصبر والتاب

وكم قارع سلاحا يغلب المضراب

وكم سديت جمايلا للاخو ما عاب

كم شديت على قارحاً بدورلو شكال

وكم شـقـيت دروباً كربتا الرقال


كم جازفت كبس الصـف يمين وشمال

وكم رافقت شـلع الاحمر الوشـال

أحمد الشايقي

Quote: كم شديت على قارحاً بدورلو شكال وكم شـقـيت دروباً كربتا الرقال كم جازفت كبس الصـف يمين وشمال وكم رافقت شـلع الاحمر الوشـال أحمد الشايقي

مرحب بالقانون واهلو


فرقنا الزمن دهورنا يا الخلان
الرس نارو ماتت والقصيم حزنان
فاتوه البعزوا وبكرموا الضيفان
احساسهم سويه سلالة الفرسان


طولنا منك ود ابحوه معليش

Quote: طولنا منك ود ابحوه معليش

يالمحرب قالوا بسوها كدي؟؟؟

ياخي شوف مسنجرك

و لا تطول الغيبه

Quote: كم شديت على قارحاً بدورلو شكال وكم شـقـيت دروباً كربتا الرقال كم جازفت كبس الصـف يمين وشمال وكم رافقت شـلع الاحمر الوشـال أحمد الشايقي

مرحبا أحمد الشايقي
حبابك ياخي وحباب نمك..
أبقي لا داخُل الخيمة وناسه برحبوا بيك..

بنجيك لمسدارك..


تسلم يا عزيز

Quote: ابوحوة المنصور أحمد الشايقى الاخ ابوحوة ...كان من المفترض ان نتقابل يوم الجمعة فى الافطار التاريخى لبورداب الامارات الا اننى تحركت قبل فقرة التعارف واكتشفت انك كنت جالسا فى طاولة الفنانة سميرة دنيا الجايات أكتر من الرايحات... " مرحبا بالشايقى :- كم عديت هضاليمن سود ماخفت وكم شديت زوامل ولى هوام وسمت حكاوى الناس عليك ان نجح او عبت انقطع اللسان ياشمة أخوك سيد سبت

الصديق يحي عبد الكريم:

ليتني عرفت أنك كنت هناك ..
نعم كنت متواجد ولكني غادرت مبكراً أيضاً ..
لا عليك بيننا الأيام سنلتقي يوماً إن شاء الله..


مودتي

أخوى المنصور انعدل جاتك تاره وعارفك بصدها

" مانابا الكتال ونقول جرحنا جديد

وما بنخاف ضربن سيوف وحديد

مرحبتين حبابو الموت نحسبو العيد

يانا اصحاب عروض نحميها ما بنحيد

فوق يا ابوحوة

مسدار ياأهل المسادير (2006-2008)

هذا عنوان له وقع فى نفسى صاحبه الاديب منصور المفتاح وقد سبحنا فيه العامين ونيف ولم نصل لساحله

أتمنى ان يمتد بنا هذا التطواف وادعو اهلنا ناس البطانة بالدخول والمساهمة....

Quote: فوق يا ابوحوة

تتعلا وما تتدلا يا يحي


أما للمسادير بجيك بي رواقه
الليله المزاج متعكِّر شويه


تحياتي

Quote: كم عديت هضاليمن سود ماخفت وكم شديت زوامل ولى هوام وسمت حكاوى الناس عليك ان نجح او عبت انقطع اللسان ياشمة أخوك سيد سبت

كــم شقيـت هَضَالِيمَاً علي الــدوداي
وكم شدّيت علي الجَنَب النصيـِح زوزاي
يلاّوي الزاملو من كُتر الزحيـح روراي
مسابِق الشوق علي الزِينه وسَدِيدَة الراي

--------
فاروق أب حُـوَّه

أهلا سيد الدار واسفين تأخر المسدار علا عذرنا مقبول عند كرام وأحرار...اخى ابوحوة




كم شقيت هضماليما على السواى

وكم شديت على صعبا شديد لاواى

يغالب صاحبه مابى اللجمة والحواى

بدور يهبر يبيت تالا السمح ناجاى

مسدار يا اهل المسادير

المنصور وأهل الدار

كل عام وانتم بخير وربنا يعيده عليكم بالخير والقبول والرضا

Quote: مسدار يا اهل المسادير المنصور وأهل الدار كل عام وانتم بخير وربنا يعيده عليكم بالخير والقبول والرضا

الحبيب يحي عبد الكريم و ضيوف المكان:

كل سنه وإنتو طيبين.

العيد مبارك عليكم
أعفوا مننا
وعافين منكم

وربنا يحقق أمنيات الجميع

Quote: أهلا سيد الدار واسفين تأخر المسدار علا عذرنا مقبول عند كرام وأحرار...اخى ابوحوة كم شقيت هضماليما على السواى وكم شديت على صعبا شديد لاواى يغالب صاحبه مابى اللجمة والحواى بدور يهبر يبيت تالا السمح ناجاى

البيت بيتك أدفر الباب وأدخل يا يحي أصلو متاكا ساكت يا حبوب.

كـم شقّيت هضاليماً علـي المزمــوم
وكم شدّيت علي كلسـاًً يخُـب ملخـوم
يجابِد في الرَسـَن زي التقول مسمـوم
وأنا المدلوق علي أم ديساً بَهيَل مردوم

--------
فاروق أب حُـوّه

Quote: كـم شقّيت هضاليماً علـي المزمــوم وكم شدّيت علي كلسـاًً يخُـب ملخـوم يجابِد في الرَسـَن زي التقول مسمـوم وأنا المدلوق علي أم ديساً بَهيَل مردوم

قعاد البيت براهو اليوم بقالى جنون
بدور شتل الجنينه وخدرة الليمون
وين ياصاحبى مقرن حاجبو عامل نون
والتسريحه فوق الجبهه عامله فنون

Quote: قعاد البيت براهو اليوم بقالى جنون بدور شتل الجنينه وخدرة الليمون وين ياصاحبى مقرن حاجبو عامل نون والتسريحه فوق الجبهه عامله فنون

قُعاد البيت براهـو اليوم بِقـالي مُصيبه
بَدَور شتل الجــروف الخُدرَه فيهُ عجيبه
مقــرن حاجبو يا خالـد المُوُنه والقُسيّبه
والتسريحه فوق الجبهــة حاجـه مُهيبه

------------
فاروق أب حُــوّه

Quote: كـم شقّيت هضاليماً علـي المزمــوم وكم شدّيت علي كلسـاًً يخُـب ملخـوم يجابِد في الرَسـَن زي التقول مسمـوم وأنا المدلوق علي أم ديساً بَهيَل مردوم

قعاد البيت براهو اليوم بقالى جنون
بدور شتل الجنينه وخدرة الليمون
وين ياصاحبى مقرن حاجبو عامل نون
والتسريحه فوق الجبهه عامله فنون

بالمحرب أخوي

شوف مسنجرك
وخلينا أنا النشوف قصة الحاجب المقرون دا

عافيه يا كلس؟

ا]

يازول ات قريب السره بت اللمين والدة الناظر محمد صديق طلحه
ناظر البطاحين من ام شديده هى
والمسنجر وصل ابشرك

Quote: والمسنجر وصل ابشرك

الحمد لله يالمحرب

الشئ ما سلّ روحنا




بعدين بنرجع

كم شقيت عتاميرا دروبها سراب

وكم عديت ليالى الوك الصبر والتاب

وكم قارع سلاحا يغلب المضراب

وكم سديت جمايلا للاخو ما عاب




بحر الناس خوير وأنا للبعرفو تساب

وقلاع للمدفن لبن البطير جياب

اللخو بحفضو وكعب البقول عياب

وإن رخى برفعو وبفتحلو ستين باب


منصور

العزيز أبو حوة وجميع المتداخلين لكم التحية على هذا البوست وإليك مساهمة بادية كردفان:
عينك كحلة وسنك مداحى الفقع
وريقك مسخ السكر بعد اتنقع
عرجون دنقلا العالى ما بطقع
سيد الريد مقدد قلبو ما بترقع
==========
قدلت بالحجل تتكابو تعرف لى مشيتو ورتلو
شوف أطباعها كيفن الدلال في المشية عرفتلو
بسمت بالسنان للضحل ووكت بانت استحت كجرتلو
وخلت قلبى واجوجو نار عود والهبوب هبتلو

ونواصل
أحمد التجاني ماهل
ملتقى كردفان للثقافة والتراث والآداب والفنون
www.kordufan.com
الإمارات

مرحبا بالاخ الشاعر احمد التجانى

وراجعلك ياالمنصور أخوى

أرجع صد تعال جيب سكه غير اللاعب

ويا دقر الخشش ديش البعاديك راعب

سواى للسمح ضيف الهجوع بتداعب

ونياش فى القنيص ما بترجى خير من لاعب



كيفك يا يحى


منصور

Quote: أرجع صد تعال جيب سكه غير اللاعب ويا دقر الخشش ديش البعاديك راعب سواى للسمح ضيف الهجوع بتداعب ونياش فى القنيص ما بترجى خير من لاعب كيفك يا يحى منصور

أرجع صُـد تعـال ليك البكـان متماهل
يا الصقر البشيل فرخ الصعيب والساهل
معروف في المحاص أسداً تصد الصاهل
يا لكرمـك محيط لا ليهو حـد لا ساحل

---------
فاروق أبحًـوّه

Quote: أحمد التجاني ماهل ملتقى كردفان للثقافة والتراث والآداب والفنون

أهلاً بك أحمد التجاني ماهل
وكل سنه وإنت طيب

وحباب نم أم خيراً جوا وبرا..
ياخي إنت من بلد خصبه ومترعة بالجمال
فما تبخل علينا بفن كردفان العزيز علي النفس.


تحياتي

Quote: بحر الناس خوير وأنا للبعرفو تساب وقلاع للمدفن لبن البطير جياب اللخو بحفضو وكعب البقول عياب وإن رخى برفعو وبفتحلو ستين باب منصور

شقّاق الدُهَـــم برقاً ضرب عبّــادي
فوق كبد السحاب يوماتي رايح وغـادي
يا أبخيراً دفق خــدّر يباس الــوادي
معروف يالأصم فايت الرجال لا غـادي


فاروق أبحُـوَّه

ناديت عليك خابرك تجيب النادى

وماك مدسوس فعل للقريب والغادى

ستار للعروض يوت للضيوف بتنادى

شامل هيبة صاحب سمتة قادل عادى

Quote: ناديت عليك خابرك تجيب النادى وماك مدسوس فعل للقريب والغادى ستار للعروض يوت للضيوف بتنادى شامل هيبة صاحب سمتة قادل عادى

شقّاق الدُهــم خيرو الطمح قِِدامو
زي تَبَر الخريف طالِق عتيق نسّامو
يا تِعِل الدَرَت كاسِر ضُراع لجّّّـامو
يالسيل الدفَرَ مَحَل السنين هدّّّامــو

--------
فاروق أبحُـوَّه

ناديت عليك خابرك تجيب النادى

وماك مدسوس فعل للقريب والغادى

ستار للعروض يوت للضيوف بتنادى

شامل هيبة صاحب سمتة قادل عادى

اقبل باللخو مستور عرض وان عاب

ولا تجافى الصديق شان عزول كداب

معادن الرجال توزن باصول وحساب

صاحب الصاحب الصدوق ان عدم اوجاب

وين يا المنصور

المبدع الفرجونى متعك الله بالصحة والعافية



ابو حوه هاك شعر سمح من ناس ليهم باع طويل فى هذا المجال

Quote: المبدع الفرجونى متعك الله بالصحة والعافية ابو حوه هاك شعر سمح من ناس ليهم باع طويل فى هذا المجال

ود أب حريره يا تلب

دا كلاماً بدورلوا تكيه وقهوه وسجاره
القريفه كاتلانا للنميم لكن مافي فرقه تب.

إت عافيه؟

بدور ليك زمن يا ديفة القناص
بى خط الرمل حفيت مصابع الناس
رميتى القلوب يا جاهلة بالرصاص
خليتى العيون ديما غميضهن حاس
======
الدرعا السكونك النقّيب معروف
ضاربانى ومبيتةفوق فؤادى ظروف
الخلتنى ابداً غيرها ما منشوف
اذتنى وعلمت قلبى الدليج الخوف
========
بت أمات حقو الغرب الحدارة وقلها
فصل البيضة من الحوة دابو فصلها
انا الخلانى روحى ساربة قبلها
برا الغداوو كربل بالحريرة شبلها
=====
بريريبة الجفل صيدها مصابح القُنه
مرضانك بنين للصباح ما غنى
كان بتريدينى وقلبك لىّ فيهو محنه
ارح اسقينى من ريقك سقاط الشنه
ونواصل

ناديت عليك خابرك تجيب النادى

وماك مدسوس فعل للقريب والغادى

ستار للعروض يوت للضيوف بتنادى

شامل هيبة صاحب سمتة قادل عادى




صوتك زى شراب قارص النياق الشافى

وراكب ديمه فوق صهب الإبل عنافى

زمن المعضلات متلك مجرب مافى

سواى للفضل كاتل العزيز بتعافى




منصور

سلام

المربعات الجاية دي عندها نضمة
الليلة كنا مع أختاً لينا مشينا نوادعا ومعاي أخوان من ضمنهم الأخ الحبيب الشاذلي الفنوب
وفي خشم باب الفندق دخلت واحدة شايلة هموم الدنيا كلها وراها

إنا لله !!

أها الشافعة علي اليمين ما كانت شافعة نصاح

أها شيطان المسادير هبرنا أنا و أخوي الشاذلي


أنا ورِفقاني أنجزنا أرخي عطافو
ضُمة حرقنا بي عجنو وعبق أطرافو
الخلانا مأذيين نكوس إنصافو
فرعو متبّراً موزون وعالية أردافو

أنا قمت رديت عليه


ضامر جيدو زيو الخلوق ما شافو
غازّي نِهيدو نابِل سهمو بين أكتافو
يا مولاي سبحان الخلق أردافو
كفلاً شايلو معدوم البجيد أوصافو

قمت كتبت في الشافعة المِي شافعة نصاح المربع دة

يامرنوع وربيان من حراير إبلو
يا مفدوع و روبان من كريم واهِبلو
الخلاني أنضُم في الشعر و أكتبلو
داير أتِبنُو إلا الرفاق ما قِبلو

ليرد علي الاخ الشاذلي الفنوب بالمربع دة

قدُر ما تصوط قدُر ما تكِب مافي منو مفرة
ده عنز التيتل الرقّص كفيلو مضرّة
الخلاك مبسوط .. بين الرجال منسرّة
موجة كفلو لوّاجة .. وضميرو أنصرّه

ما قلت ليكم مِي شافعة نصاح!!

كتبت فيها تاني دة

تتلولو تقول الدنيا مين الفِيها
من ضحكاتة تكتُل بي بسيمة فِيها
متمومة حُسُن أبداً كلمة تب مافيها
ست الجيهة كل أشعارنا ما بتوفيها

ليرد الفنوب بالمربع ده

كاجرنا اليقين و بقينا زي الفِرة
جافانا الصبُر ولفحنا زيف القِرة
الخلانا ممكونين صبُر ما دره
رقّيص النهيد سواهو لينا مضره

Quote: بدور ليك زمن يا ديفة القناص بى خط الرمل حفيت مصابع الناس رميتى القلوب يا جاهلة بالرصاص خليتى العيون ديما غميضهن حاس

ياماهل دا كلام ماهل
بجيهو وكتين أبقي متماهل


جيب باقي الكلام القلتو لي يومها..

تسلم

آآناس المسادير هاكم سلام من بادي
فوق المنتدى لكين قديم بي غادي
مشيوب الرويس في الفارغه ماهو بعادي
مدردر في الزمان زول طاعن الأوتاد

سلام يالراعي سيد بوست الجمال أبوحوه
جاييكم زميل زول فزعه تب ومروه
مابنسى الجميل تب مابخون الخوه
لي غوث الضعيف تلقاني دافر جوه

ناس الخيمه سلام
طولنا من الناس والنم..

غايتو تاني إلا الواحد ينزل دوبيتو ومعاهو طبله..

كل هذا البوست ما عدا الأسماء منشور علي أحد المنتديات
دون الإشاره إلي أي واحد من أصحابه..
ياخي الواحد بكلفو شنو يخت المصدر
أوينسب الحق لأهلو؟

دا الرابط:

منتديات قندتو



الصبر يارب

أهل البيت سـلام إن شاء الله حالكُن طايب
يا أولاد الكـــرام من الصغير للشـايب
ديوان الضيوف سمته و شمـوخ ومطايب
معروفين يميـن ناسـاً تستروا العــايب

فاروق أبوحوه

راعي البوست سلام جيناك تاني زياره
شايل أشواقو ماظن بنتظر سياره
لقيناك فوق سديري ورابط النضاره
لا بتقول حباب لا قهوه لا عباره

ود أبحوه هوي نحنا الخيم مرتعنا
وقول النم دا كيفنا وشنفه لمسامعنا
معروفين أصل حد باينه في شافعنا
كساحين هجوم ترسانه إن دافعنا

نحنا إن قلنا مابتقال كلام فوق قولنا
ونحنا بنركب الدرب الصعيب لا حولنا
في العالم يمين ماشفنا زول زي زولنا
كل أمم الأرض ضاقت يمين معسولنا

جمعتنا الأسافر وجابنا منبر بكري
فيهو دوام صراع حد للنقاش الفكري
وفيهو المنطرب هاوي العرض والصقري
وكت الحاره في الأوطان خزينا ودخري

بقترح آلفحول ننظر قضايا الساعه
نقول النمه في الحفظ العهود والباعه
ونكشف سرقة الناس الدوام لباعه
مو برو الوطن زي ناس علي وسمساعه

هاناس كيف وطنا يقبلو فوقو القسمه
وكيفن ننكسر نترك هدفنا الأسمى
وش ميري وسعاد تصبح دوام مبتسمه
نحفظ لي خريطتنا وجمال الرسمه

آشعب الجنوب رجح كليمة الوحده
كل أمم الأرض تتمنى لو متحده
شن جابتلنا العصبيه غير الشحده
وشن جاب الخلاف غير الكساح والهده

الوطن الجريح نص شعبو باقي سياسي
قومو لي عجاجتو إتخاتفوها كراسي
في البذل وعطاء مالقينا لاعب أساسي
ولا في الحق برز زولاً شديد الباس