الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان

Quote: طبت شرطة أمن المجتمع على عيد ميلاد يؤمه مجموعة من الطلاب ضبطوا يرتدون ملابس خليعة ومجملين بالمساحيق. وكشفت مصادر لـ «الأهرام اليوم» أن شرطة أمن المجتمع قد تلقت معلومات من قاطني إحدى البنايات بمنطقة بانت بأم درمان عن شقة يتردد عليها مجموعة من الصبيان يسببون الإزعاج العام. وقد أكدت الشرطة المعلومات التي وردت لها وقامت بمداهمة الشقة بإذن من النيابة المختصة وضبطت داخل الشقة «19» طالباً بالمرحلتين الجامعية والثانوية وهم يرتدون أزياء خليعة ويضعون أحمر الشفاه والمساحيق النسائية. وقد عثر على أجهزة هواتفهم النقالة على أفلام فاضحة. وقد وجهت لهم النيابة اتهامات بمخالفة المادتين «152، 153» من القانون الجنائي

المصدر

والله يا(نستا) قصة غريبة جداً..
مافي صور للبلوم ده؟؟

قبل ما يجي اي زول ينظر ............

1- تصرف هولاء الشباب غلط ومليون غلط وفاضح ومرفوض تماماً.

2- ما قامت به الشرطة سليم 100% ولاغبار عليه وده جزء من واجباتها.

3- الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف.

Quote: قبل ما يجي اي زول ينظر ............ 1- تصرف هولاء الشباب غلط ومليون غلط وفاضح ومرفوض تماماً. 2- ما قامت به الشرطة سليم 100% ولاغبار عليه وده جزء من واجباتها. 3- الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف.

ياعمر عثمان والله ده أجمل نفي شفتو ليك ..
نفي إستباقي على وزن الحرب الإستباقية بتاعة أمريكا ..

يامعتصم الصور ماعاوزنها طالما حبيبنا عمر كسر الدش في يد أي منظراتي ..

الأولاد ما أولاد الإنقاذ ديل من طلايع مايو ونميري طبعاً ..

تحياتي ياعمر ومعتصم ..

غايتو يا نيستا يا عمكـ
الواحد بقى يتحرج يقول ليكـ وين الصور!

Quote: بانت

ولما ضاقت حلقاتها كنت اظنها ..........

سلام يا معتصم

مافي صور

Quote: خليعة

تخلعنا

بعدين اولاد لابسين لبس خليع كيف يعني؟؟

شرعا ما بين الصرة والركبة فهو ليس بعورة

وهذا يعني فيما يعني، انهم لقوهم لابسين حاجة اقل من بين
الصرة والركبة

انكسه بس يا ربي؟؟

والملاحظة الجديرة بالملاحظة

انو بارتي ومافيهو جكسي

الخايبين ديل، في زول بعمل بارتي وما فيهو جكسي!!

يلا


خلي يشربو الناس اللي كانو مؤيدين مكياج العارضين


تحياتي

Quote: ياعمر عثمان والله ده أجمل نفي شفتو ليك .. نفي إستباقي على وزن الحرب الإستباقية بتاعة أمريكا .. يامعتصم الصور ماعاوزنها طالما حبيبنا عمر كسر الدش في يد أي منظراتي .. الأولاد ما أولاد الإنقاذ ديل من طلايع مايو ونميري طبعاً .. تحياتي ياعمر ومعتصم ..

حلوة وملعوبة ياعمك ...................

بس فات على ياكيمو اكتب (واقفل البوست بتاريخه وعلى المتضرر اللجوء الى القضاء)

احمر شاه عديل كده

بالمناسبه دي

قضيه رشاد الأمريكي واخوانه حصل فيها شنو ؟؟

QUOTE:
مثل هذه الظواهر فهي موجودة في مجتمعنا منذ قديم الزمان بشكل واخراج مختلف.
الأخ عمر عثمان ..
طالما ان المسألة موجودة منذ قديم الزمان بل منذ عهد (سيدنا لوط) واحتمال ماقبل لوط فأن الحلول الأمنية ليست هى الحل, بل التربية والتنشئة السليمة فى المنزل والشارع والمجتمع .
بالمناسبة ماهى عقوبة اللواط فى القرآن والسنة ؟

Quote: الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف.

جانبو والنتيجة وصلت لها بعد دراسة عميقة في علم الاجتماع السياسي و لا كلام ساكت من بودرابي له ود مع انقاذ المشروع الحضاري

Quote: جانبو والنتيجة وصلت لها بعد دراسة عميقة في علم الاجتماع السياسي و لا كلام ساكت من بودرابي له ود مع انقاذ المشروع الحضاري

ياعلاءالدين القصة ما دايرة لها دراسة عميقة ولا حاجة ............

43 سنة ياعلاءالدين انا قاعد في الخرطوم دي وشايف الحاصل شنو (اخصم منها 5 سنين في ابوظبي) ........

اضف الى ذلك عشرة سنين بوليس اقسام ومباحث مركزية = عشرين سنة ملكية ...............

كلنا شفنا وسمعنا عن ناس زي ديل في الحلة وفي المدرسة وفي الجامعة وفي الشغل .............

القصة دي ياعلاء في يوم من الايام كان عندها بيوت عديل .......... وفي احد الاحياء الخرطومية القديمة كان في بيت عديل اسمو (حوش البقر) والكلام ده في السبعينات والتمنينات .......

بس الزمن داك النسوان زاتم ماكانو بتمكيجو والا يعملو احمر شفافيف ............... وزي ما اى حاجة بتتطور الجماعة ديل اتطورو .........

Quote: أن الحلول الأمنية ليست هى الحل, بل التربية والتنشئة السليمة فى المنزل والشارع والمجتمع .

الحلين الاتنين ممكن يمشو مع بعض .........

وفي الاول لازم يكون في ضبط بعدين بتجي المعالجة ........

لانو مافي زول بجي براهو يقول عاوز يتعالج او يتربي وما يعجز عنه البيت والاسرة يكون واجب الدولة القيام به ............

يجب ضبط مثل هذه الظواهر ولامانع من عرضهم على الطب النفسي او خلافه .....

استاذ كمال ..سلامات ..

Quote: الأولاد ما أولاد الإنقاذ ديل من طلايع مايو ونميري طبعاً ..

بما اني كنت من طلايع مايو بداية الثمانينات فاطلب من الاخ كمال الاعتذار لي شخصياً وسحب عبارة طلايع مايو او يغيرها لسواعد مايو ...يعني ماممكن عشان تطلع ناس جنابو تقوم تدخلنا نحن !!..ومادام الشباب ديل كانوا في بانت فاعتقد انهم من ثوار المهدية ..او من ثورة 16 ديسمبر ...

جنابو ياجاهز ...سلامات ..
بعد خطوة الردود الاستباقية دي نتوقع منك بعد ده بوستات استباقية ..تكون على شاكلة ...الاخوة الزملاء سينزل بوست خلال اليوم او الايام التالية عن كشة المنشية المرتقبة لذا ننوه ان ليس للانقاذ اى دخل بها..

يا أبـنعـوف

Quote: انو بارتي ومافيهو جكسي !!

يمكن دافـنه !!

Quote: في زول بعمل بارتي وما فيهو جكسي!!

ويمكن الزواج إيــاه !




هشام

Quote: 3- الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف

لوووووووووووول

معتصم والاخوان صباحكم نور ...

سلوك معيب ومغرف وظاهرا غريبة بس فى حاجة ملفته ,,,

انو أغلب القصص ابطاله اولاد فى ملابس خليعة مرا ومرا فى مكياج

واحمر شفايف وماعارف شنو داك ,,

بتسأل ليه بقت ظاهرا متفشية فى المجتمع الذكورى اكتر منها

فى المجتمع النسائى!!!!!

Quote: جنابو ياجاهز ...سلامات .. بعد خطوة الردود الاستباقية دي نتوقع منك بعد ده بوستات استباقية ..تكون على شاكلة ...الاخوة الزملاء سينزل بوست خلال اليوم او الايام التالية عن كشة المنشية المرتقبة لذا ننوه ان ليس للانقاذ اى دخل بها..

تاني ح انسق مع نيستا ده اصلوا اكتر زول بجيب كركبات عجيبة ..........

يديني خبر قبل ربع ساعة من فتح البوست .............. اجهز ليك مداخلتي (حقو اعمل لي فرمالة زي بتاعة دكتور مصطفي محمود) ...........

بس هو يعمل موضوع جديد انا اعمل اضف رد ............ ونتلاقي في الهواء ...........

Quote: يمكن دافـنه !!

دافنين شنو يا هشام؟؟

الا الرجولة الى مثواها الاخير


هههههههههههههههييييييييه يا بانت

دي الكان بقولوا بناتها بوصولو اولاد الملازمين بعد الحفلة

هسه اولادها زاتم في امرا ضيق

Quote: كبدة بالطوة الفاتح جبرا يقولون أن بداية إصلاح الخطأ هو الإعتراف به .. لكننا أكثر شعوب الأرض إخفاءاً لعيوبنا وعدم إعترافاً بها خاصة (العيوب الأخلاقية) فلا زلنا وسوف نظل أحسن شعوب الأرض قاطبة وأفضلها أخلاقاً وسلوكاً ، (عايشين) على ذكرى أيام مضت كنا فيها بالفعل مثالاً للفضيلة ولمكارم الأخلاق قبل أن يتبدل الحال لنعانى من هذا التدهور الأخلاقى المريع الذى نسمع به ونقرأه يوميا على صفحات الصحف والذى إعترى مجتمعنا كنتاج طبيعى لما شهدناه فى العقود الأخيرة من تحولات إجتماعية وأزمات (إقتصادية) لم يصمد أمامها إلا من رحم ربى . عندما كنا صغارا (مافى زول يقول ليا متين) كانت كلمة (ده عيب) كافية لأن تجعلك تقلع تماماً عما أنت بصدد فعله أما الآن (فالحرام) ذاااتو خليك من (العيب) أصبح (حاجه عادية) حيث تراجعت الأخلاق ومات الضمير . أذكر أننا حينما كنا (صبية) إنتشرت موضة (البنطلون الشارلستون) وهو نوع من (البناطيل) موافق لكل (المواصفات القياسية) غير أن له فتحة رجل (واسعة شوية) يعنى بوصة بوصتين .. أعجبنى (الشارلستون) فقمت بتوفير ثمن القماش من (مصروفى) وعلى (الترزى) طوااالى لكننى عند إستلامه (غلبنى أوديهو وين) حتى طرأت لى فكرة وهى أن أضعه عند الجيران حتى إذا ما أردت إرتدائه لمشوار (وخاصة السينما) ذهبت وأخذته من هنالك .. قد يسأل قائل : والتعب ده كلو ليه ؟ هو أصلو (بنقو) ؟ والإجابة هى (أخير البنقو) .. فقد إرتبطت التقليعات الشبابية والموضة فى (زمننا) عند الأسر المحافظة بالميوعة (حتى لو كانت زيادة بوصتين) وقد كان أخى الأكبر (محافظاً شرساً) لا أدرى ماذا كان سيحدث لى لو رآنى أرتدى هذا (الشارلستون) ... فتأمل عزيزى القارئ (كنا وين وبقينا وين) !! الآن وبفضل (الضائقة الإقتصادية) فقد إنتفت الرقابة (فى البيت) ليست للأبناء ولكن حتى للبنات تلبس زى ما عاوزة .. تطلع زى ما عاوزه .. تجى زى ما عاوزة وممكن تكون جايبه معاها ما لذ وطاب من بيرقر وفطائر وخلافه وبدلاً عن سؤالها : (كنتى وين)؟ يكون السؤال (الشطة وين) ؟ نعم إن من يقول بأن أخلاق الأمم لا تتأثر بالعوامل (الإقتصادية) فهو (غلتان ثم غلتان) فتدهور حالة المواطن المعيشية وإضطرار البعض للحصول على المال باى وسيلة كانت قد أصبح غاية لا يهم الوسيلة التى تأتى بها و(بقت المسألة عااادى) ! وإختفت حكاية (الحاجه دى عيب) كما إختفت حتى حكاية (الحاجة دى حرام) .. وأصبحنا مجتمع ينطلق بدون (كوابح) أو فرامل ... لا يدرى إلى أين يسير (أخلاقياً) !! ما دعانى إلى كتابة هذا المقال هو خبر قرأته بإحدى الصحف العربية يفيد القبض على تشكيل عصابى بتلك الدولة مكون من نساء (سودانيات) وقد جاء الخبر مدعماً بصورتهن وأمامهن جزء من حصيلة المسروقات (يعنى بالثابتة) ! ربما ينبرى قارئ ممن يروجون لمقولة أننا شعب (منزه عن الأخطاء) فيقول أن هؤلاء النسوة لسن بسودانيات ومثل هذا القارئ هو أحد العوامل التى تزيد (الطين بله) وتجعل مسألة الإصلاح مستحيلة لأن الإعتراف بالمشكلة هو أول بدايات الحلول كما ذكرت فى بداية المقال . وإذا تركنا مسألة بعض مؤشرات إنحراف الأخلاق والقيم (فى الداخل) فقصة هؤلاء النسوة تجعلنا ننبه إلى خطورة إنهيارها (فى الخارج) حيث بدأت فى الظهور مثل هذه الحالات (المزعحة) التى يجب على الدولة تتبعها والعمل على غستئصالها حفاظاً على سمعتنا . تقول الحكاية أن عدداً من رعايا أحدى الدول الذين يقيمون فى إحدى بلاد البترول والذين لا يمتلكون مهنة أو مؤهل قد وجدوا أن أسهل طريقة (لتمشية) الأمور هى بيع (القيم والأخلاق) ويتندر المقيمون فى تلك الدولة على ذلك بطرفة تقول أن أحد الشباب عند دخوله لأحد مراكز التسوق لفتت إنتباهه حسناء فارعة الطول .. سميكة القوام .. حوراء العينين (بإختصار فل أوبشن) Full-Options ..ما لبثت أن (جرت فيهو نور طويل) وبدأت فى إستعراض (أسلحة الدمار الشامل) لديها ولم تمض دقائق حتى شوهد صاحبنا وهى تسير معه نحو العربة بعد أن قام بشراء لوازم العشاء من (سمك وكبده وسجق وخلافه) لتقوم بتجهيزها له حيث أخبرته بأن الشقة فاضية وكده . حينما وصلا أدارت مفتاح الشقة حيث إتجهت هى إلى المطبخ لوضع الأغراض واشارت عليه بالجلوس فى فى الصالون ريثما تقوم بتغيير ملابسها وبعد دقائق قليلة كانت تجلس معه وقد إرتدت ملابس (السهرة) وفجأتن .. وجد صاحبنا أمامه رجل ضخم يمسك بسكين (كبيرة) تقطر دماً .. صعق صاحبنا من المفاجأة نظر إلى أقرب نافذة ليهرب منها لولا أن (الرجل) نظر إليهما قائلا : - الكبده دى عاوزنها (نيه) وإلا بالطوة !! كسرة : أنا بفتكر إنو بالطوة أحسن !!

أنا ذاتي بقول بالطوة أحسن!

الكبده دى عاوزنها (نيه) وإلا بالطوة !!

والله يا عمك بعدا مانافعة نية ولا بالطوة
طارت ياعمك

عندنا عماً لينا زمان لما يشوفنا بس لابسين بناطلين وقمصان ينهرنا ليك ويقول كلمتو المشهورة "والودة عقلا مرضان؟

حرم دا لو قاعد لي الزمن دا كان انفجر

غايتو جنس غايتو عليهم؟؟

Quote: خلي يشربو الناس اللي كانو مؤيدين مكياج العارضين

لا وجود لرابط بين القضيتين



سؤال للقانونين أرجو إجابته بصورة مبسطة يفهمها غيرهم:

مامدى قانونية تفتيش الموبايلات؟ وهل تحتاج لإذن تفتيش كونها حرزا؟



!

والله دي محتاجة صور عديل كده ..
الشغلانة ربما يكون فيها اسكيرتات وبلوزات !

الأخ العزيز معتصم

Quote: طبت

هل يقصد مراسل الصحيفة"داهمت"؟

تصور برضو انا شايف بالطوه احسن

Omer Osman

كتب

Quote: - الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف.

و لكنها زادات فى عهد الانقاذ و صارت فى كل مكان

لعنة الله على الفاسدين و كل من خرب المجتمع السودانى


______________

مكان بدل مكانة

استاذ دهب الخاين * سلام ..

Quote: أقعد أعتقد كويس يا فايز لما تشوف حاجة !!

ياخي مالك عايز تفتنا مع حزب الامة ...ثوار المهدية ده فريق كورة كان زمان وانقرض ..


ـــــــــ
* عزومة محمدجميل ..

Quote: وقد عثر على أجهزة هواتفهم النقالة على أفلام فاضحة

أنا فاتح البلوتوز وشاحن الاسكراش والذاكرة كبيرة عمة ترباس بس
......
نستقبل افلامكم

Quote: لأولاد ما أولاد الإنقاذ ديل من طلايع مايو ونميري طبعاً ..

كاك....كاك ..ككككككككككككككككككككككككككككككككككككاك









المهم....

على قول أخونا تبارك

Quote: هههههههههههههههييييييييه يا بانت دي الكان بقولوا بناتها بوصولو اولاد الملازمين بعد الحفلة

احمد بطل لخبطه

تقصد حي الضباط

سلام صاحب البوست وضيوفه الكرام ،،

أتفق أولاَ مع متداخل فوق هنا بأنه ليست هنالك عورة لدى الرجل غير الدبرين ،، فإن كانوا يجلسون بنكسات ساكت كده ما فى أية حاجة ولا مشكلة .

الموضوع الثانى ،، هو أننى أميل للآتى :

1- معظم السودانيون ( وحتى يومنا هذا ) إذا سرح أحدهم شعره ناعماَ بإستعمال كريم أو مسح شيئاَ لترطيب وجههه يعتبرونه شاذ جنسياَ،، لذا لا أستبعد مطلقاَ بأن يكون هؤلاء من ما ينطبق عليهم هذا الأمر

2- البوليس السودانى معروف ( حتى ولو نطط أمامنا الأخ الزميل عمر عثمان ) وللأسف بتأييد مطلق من بعض الظباط بأنهم يلصقون ما بدا لهم من التهم لمن يتم القبض عليهم لأى سبب من الأسباب لأسباب بعضها مَرَضية وبعضها وظيفية ،، لذا فقصة المكياجات وخلافها تكون محض إفتراء منهم ،، أو وجدوا مثلاَ جلى لتلصيق الشعر أو كريم لترطيب الوجه أو فزلين لتغطية قشور اليد والأرجل وأسموها بأدوات المكياج التى توحى مباشرة بأنها خاصة بالنساء .

3- أنظروا هنا لبعض اراء المتداخلين بما فيهم للأسف الأخ الزميل عمر عثمان الذى كان ظابطاَ والذى يعلم تماماَ بأن المتهم برىء حتى تثبت إدانته ،، فذهب مباشرة للإدانة ومش كده وبس ،، بل ذهب إلى إلصاق تهمة جديدة عليهم بطريقة خفية .

مع التحية ،،

ماهر

Quote: انكسه بس يا ربي؟؟

Quote: فإن كانوا يجلسون بنكسات ساكت كده

ردود غير موفقة اطلاقا

Quote: ليست هنالك عورة لدى الرجل غير الدبرين

بعرف عينين ، اضانين ، كراعين ، يدين ، كليتين ، ركبتين ، اليتين ، لكن دبرين دي ماسمعت بيها ..!!

Quote: مامدى قانونية تفتيش الموبايلات؟ وهل تحتاج لإذن تفتيش كونها حرزا؟

في حضور ثلاثة قانونيين

My question still stands


!

Quote: Quote: انكسه بس يا ربي؟؟ Quote: فإن كانوا يجلسون بنكسات ساكت كده ردود غير موفقة اطلاقا

الراجل تعدى النكسي وانت ماسك في النكسي يامعتصم !!ولا يعني الدبرين موفقة ؟!!

Quote: 1- تصرف هولاء الشباب غلط ومليون غلط وفاضح ومرفوض تماماً. 2- ما قامت به الشرطة سليم 100% ولاغبار عليه وده جزء من واجباتها. 3- الكلام الذي ده وزي هولاء الشباب ما حاجة جديدة في السودان والانقاذ ليست لها اى علاقة باستشراء مثل هذه الظواهر فهي موجودة في مجتمعنا منذ قديم الزمان بشكل واخراج مختلف.

بسسسسسسسسسم الله .... جنابو هسي إنت مالك؟ السألك والسأل (الإنغاز) منو؟

بعدين يا نيستا، كان مفروض في العنوان تكتب (لا توجد صور) عشان ناس أيمن دياب وود الصايم ديل ما يدخلو.

Quote: ردود غير موفقة اطلاقا

وأين عدم التوفيق هنا يا أخى معتصم ؟؟ والله الظاهر بعد كده بس لو قلت يا ولد واللا يا بنت سيحسب أنه من الكبائر التى تُجزَّ فيها الرؤوس .


يا أخى أنا القدامك ده ،، فى منزلى مع أولادى بقعد بالنكس ،، مش كده وبس ولمن أكون عزابى برضو بقعد مع أصحابى بالنكس ،، فيها شنو ده ما معتصم ؟؟ .


ماهر

مش مولودين في عهد الانقاذ عااااااااااااااااااااااااااااااادي

Quote: - البوليس السودانى معروف ( حتى ولو نطط أمامنا الأخ الزميل عمر عثمان ) وللأسف بتأييد مطلق من بعض الظباط بأنهم يلصقون ما بدا لهم من التهم لمن يتم القبض عليهم لأى سبب من الأسباب لأسباب بعضها مَرَضية وبعضها وظيفية ،، لذا فقصة المكياجات وخلافها تكون محض إفتراء منهم ،، أو وجدوا مثلاَ جلى لتلصيق الشعر أو كريم لترطيب الوجه أو فزلين لتغطية قشور اليد والأرجل وأسموها بأدوات المكياج التى توحى مباشرة بأنها خاصة بالنساء . 3- أنظروا هنا لبعض اراء المتداخلين بما فيهم للأسف الأخ الزميل عمر عثمان الذى كان ظابطاَ والذى يعلم تماماَ بأن المتهم برىء حتى تثبت إدانته ،، فذهب مباشرة للإدانة ومش كده وبس ،، بل ذهب إلى إلصاق تهمة جديدة عليهم بطريقة خفية .

ياماهر في حاجة في شغل البوليس اسمها (بالثابتة) يعني قبضوهم متلبسين ...........

دي دايرة ليها قاضي ؟؟؟؟؟؟

الا اذا اثبتو انهم كانوا (مكرهين) او (مضطرين) للاستفادة من الدفع القانوني (بالاكراه) أو حالة (الضرورة) ..........

انا غايتو لو محاميهم بقول نطه عليهم حرامية وقالو ليهم كان ما لبستو كده بنكتلكم ......

او اجيب ليهم قرار طبي انو هدوم الاولاد بتعمل ليهم حساسية ######ـــــــا نة .........

Quote: في حضور ثلاثة قانونيين My question still stands

بالطبع نفترض ان هناك امر صادر من النيابة بالتفتيش بناًء على بلاغ ومعلومات مقدمه من الشرطة ........

التفتيش يجب ان يكون منطقياً ومتوافقاً مع الغرض من التفتيش والذي وافقت عليه النيابة .......

فاذا كنت ابحث او افتش عن مخدرات فلايعقل ان ابحث عنها في موبايل ذلك الشخص الا اذا كانت هيروين مثلاً ....

التفتيش قانوناً يمكن ان يشمل الاشخاص الموجودين في المكان المراد تفتيشه اذا قامت شبهة باخفائهم شيء متعلق بالتفتيش ........

اذا كان الامر متعلق بافعال وسلوك فاضح فمن البديهي وبحسب الخبرة والقضايا المماثلة ان تكون الموبايلات هدفاً للتفتيش .........

اذن لا غبار على قيام الشرطة بتفتيش موبايلات المتهمين وما وجد فيها يعضدد قرائن ودلائل الادانة ضدهم ...........

Quote: بعرف عينين ، اضانين ، كراعين ، يدين ، كليتين ، ركبتين ، اليتين ، لكن دبرين دي ماسمعت بيها ..وين التاني ؟

أخى فايز ،، لك العتبى

ربما كنت أقصد السبيلين أو نحوهما ،، لقد تشابه أى شىء هذه الأيام بما فيهم الأولاد والبنات كقصتنا هنا

ماهر

Quote: فمن البديهي وبحسب الخبرة والقضايا المماثلة ان تكون الموبايلات هدفاً للتفتيش

المادتان 152 و 153 من المواد التي يجوز فيها القبض بدون أمر من النيابة, فهل يعني جواز قيام الشرطة بتفتيش موبايل و/أو محفظة و/أو أوراق المتهم حال الإشتباه و/أو القبض؟

بالدارجي البسيط و

Quote: وبحسب الخبرة والقضايا المماثلة ان تكون الموبايلات هدفاً للتفتيش

أكون واقف في الشارع يشك فيني رجل شرطة يفتش موبايلي؟ وجزلاني و المجلة الأنا شايلها معاي؟

!

غايتو الاولاد ديل ما فضل ليهم تلا يشربوا السجاير بس ..

Quote: لا وجود لرابط بين القضيتين

يا أستاذ

يوجد ألف رابط ... فما النار إلا من مستصغر الشرر

تحياتي لك

Quote: يوجد ألف رابط ... فما النار إلا من مستصغر الشرر

تفضل شاكرا ببيان خمسة من تلك الألف رابط


!

سؤال تاني لو سمحتم

Quote: شقة يتردد عليها مجموعة من الصبيان

Quote: 1.من ياتي في مكان عام فعلاً او سلوكاً فاضحاً أو مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معا ً 2.يعد الفعل مخلاً بالآداب العامة اذا كان كذلك في معيار الدين الذي يعتنقه الفاعل او عرف البلد الذي يقع فيه الفعل.

المادة 152 القانون الجنائي 1991

الصبية المتهمون تم القبض عليهم داخل شقة لا أحسب ان وصف (مكان عام) يجوز عليها و بحسب فهمي (الخاص) لمتن المادة فإن التجريم لإتيان الفعل في (مكان عام) و ليس لإتيان الفعل في ذاته

إن صح قولي أعلاه فكيف يستقيم إتهام الصبية بنص المادة 152 ؟


!

Quote: يعني ماممكن عشان تطلع ناس جنابو تقوم تدخلنا نحن !!..ومادام الشباب ديل كانوا في بانت فاعتقد انهم من ثوار المهدية ..او من ثورة 16 ديسمبر ...

الاخ فائز ود القاضى
الكلام الكاتبو هنا دة غير جدير بالاحترام لتاريخنا وقيمنا
ثوار المهدية ديل البتدخلهم فى حتة غريبة زى دى حرروا الوطن من امثال هؤلاء ومن شايعهم .
الاستخاف المستفز لتراثنا ما بنرضاه ولا بنقبلوا وارجو ان تحترم فى كتاباتك قيم البلد دى وموروثاتها

الاخ الفاتح ...تحياتي واحترامي ...

Quote: الاخ فائز ود القاضى الكلام الكاتبو هنا دة غير جدير بالاحترام لتاريخنا وقيمنا ثوار المهدية ديل البتدخلهم فى حتة غريبة زى دى حرروا الوطن من امثال هؤلاء ومن شايعهم . الاستخاف المستفز لتراثنا ما بنرضاه ولا بنقبلوا وارجو ان تحترم فى كتاباتك قيم البلد دى وموروثاتها

بالعكس ياالفاتح كلامي جاء كسخرية من كلام اخونا عمر يعني هل سيكون هؤلاء من ثوار المهدية ان لم يكونوا نتاجاً لافرازات سياسات الانقاذ وممارساتها ..هكذا هي اخي الفاتح ..ثم ان المهدية نحن ابناء الشرق كنا عمادها واول من آمن بها وناصرها ولا اظنك تجهل ذلك ..
لذلك حتى ذهابك لهذا الحد من التفكير لا يليق بالمهدية ...قيم البلد دي اخي الفاتح هي قيمي وتراثها هو تراثي ولا ازايد ..


ودي واحترامي ..

والله ياماهر حيرتنا :
بقينا موبايلات ابو شريحتين؟؟؟ هههههههههه

انت حاسب الجنبك داك ولا شنو؟؟؟؟؟

تقديري

Quote: تفضل شاكرا ببيان خمسة من تلك الألف رابط !

أولاً لا شك أن كلمة ألف استخدمت هنا كمجاز

..

ولكن الروابط التي أراها:

1. أولاً أنهم دافعوا عن أن يستخدم الرجل المكياج.. ولا بد أن يقبلون بهذه.

2. الذي أراه أن هؤلاء رأوا تساهل البعض مع من سبقهم فاستسهلو الموضوع.

3. أن من دافع عن هؤلاء نريده أن يرى أنه سيدافع عن كل من شابههم.

4. أن هؤلاء ولا شك لدي يقتدون بأولئك .. طالما يراهم البعض منا مبدعون ومنتجون كما ذُكر هنا قبلاً

5. أن لكل شيء ما بعده.. فإذا لم يعاقب أولئك العقاب الرادع .. فحتما سيظهر ما هو أكثر من هؤلاء





والله أعلم ..

نادر النور ياخي مافي ربط بين قضية العارضين والقضية دي
إلا لو الناس كده كسر رقبة عوزه تمرر أرأها , القضية الاولي الأتكلم عنها الناس هنا
سبق ودلل بعض الاخوان أنو المكياج فيها حته مهنية زي مقدمي الاخبار والبرامج التلفزيونية
وعرض الازياء برضوا سبق واتكلم في الناس انو نوع من الفنون بغض الناس قبلوها ولا ... لا

يبقي ربط الموضوع ده بالموضوع السابق ما عندوا اى أساس
الهم افتراض الناس أنو الناس الدافعت عن العارضين في الموضوع السابق انو دفاع عن ظواهر سلبية
وياخي ده ما حاصل


-------------------------
مع اكيد التحية والتقدير

أستاذنا عبد الناصر الخطيب

تحية وتقدير


أخي العزيز مسألة رأيي في هذا الأمر أو غيره فهو لا شك رأي شخصي وقابل للخطأ والصواب

لكن لو نظرت للحياة بشكل عام .. ستجد أن كل المظاهر السالبة في الحياة كانت بدايتها كذلك

أستهانة بالمصيبة.. ثم مشّينا الأمر على أنو حاجة شاذة ليست ذات حكم

بعد كدة لقينا نفسنا مجبرين نمشّي ما بعدها

هذا ما أردت إيضاحه ..

---------
ولك كامل الود

Quote: ..ما لبثت أن (جرت فيهو نور طويل) وبدأت فى إستعراض (أسلحة الدمار الشامل) لديها

هسي عليك الله ياود الصائم كلام زي بتفكوا هنا ساهي .. ولا صورة واحدة بس تقرب لينا الفهم شوية ؟؟!!
الغتاتة ماحلوة منك

Quote: 1. أولاً أنهم دافعوا عن أن يستخدم الرجل المكياج.. ولا بد أن يقبلون بهذه

بل دافعت في حق المرء في إستخدام الأدوات التي لا يتم عمله إلا بها, ولا لاعلاقة لهذا بذاك

Quote: 2. الذي أراه أن هؤلاء رأوا تساهل البعض مع من سبقهم فاستسهلو الموضوع.

السابقون تم القبض عليهم وتوجيه التهم إليهم فعن اي تساهل تكتب؟

Quote: 3. أن من دافع عن هؤلاء نريده أن يرى أنه سيدافع عن كل من شابههم.

مرة أخرى لست أرى رابطا بين الأثنين

Quote: 4. أن هؤلاء ولا شك لدي يقتدون بأولئك .. طالما يراهم البعض منا مبدعون ومنتجون كما ذُكر هنا قبلاً

ربما, على الرغم من أن عارضي الأزياء الذين نقصد كانوا يلبسون ملابس رجالية لم نرى فيها ما يفضح

Quote: 5. أن لكل شيء ما بعده.. فإذا لم يعاقب أولئك العقاب الرادع .. فحتما سيظهر ما هو أكثر من هؤلاء

هذة ليست نقطة ربط ولا تشابه ولم أفهم من هم (أولئك) و من هم (هؤلاء)


!

Quote: طبت

دي براااها دايرة ليها بلاغ قائم بذاتو ..
طبت؟؟
ياخ ده دمر الصحافة تدمير ...
اكيد الكتب الخبر ما صحفي واحد من الناس الطبو ما عندو علاقة بلغة الصحافة ..
هو الخبر شنو بعد (طبت) دي ؟؟
لانو بعد طبت ما قدرت اركز نهائي علي الخبر ..
اقراهو واجي راجعة لي (طبت) ...!!!!

ـــــــــــــــــــ

حولتن

Quote: بل دافعت في حق المرء في إستخدام الأدوات التي لا يتم عمله إلا بها, ولا لاعلاقة لهذا بذاك

بئس العمل وبئس الأدوات المستخدمة وبئس المستخدم وبئس الرجولة

Quote: السابقون تم القبض عليهم وتوجيه التهم إليهم فعن اي تساهل تكتب؟

لو ركزت على كلامي ستجد أنني كتبت (تساهل البعض) وهم من أعنيهم بمداخلاتي كلها في هذا الموضوع

Quote: مرة أخرى لست أرى رابطا بين الأثنين

أنا أرى الرابط .. لأن أول مداخلة في هذا الموضوع نصها: خلي يشربو الناس اللي كانو مؤيدين مكياج العارضين، أي من دافع عن مكياج العارضين

Quote: ربما, على الرغم من أن عارضي الأزياء الذين نقصد كانوا يلبسون ملابس رجالية لم نرى فيها ما يفضح

المرة الماضية مكياج بدون لبس فاضح .. والمرة دي مكياج ولبس فاضح والمرة الجاية .................. ؟؟!!

Quote: هذة ليست نقطة ربط ولا تشابه ولم أفهم من هم (أولئك) و من هم (هؤلاء)

أولئك أعني بها عارضي الأزياء .. وهؤلاء أعني بها المذكورين في هذا البوست






!!

I made my point and you made yours

!

بسم الله الرحمن الرحيم
(إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ)
صدق الله العظيم....

مثل هؤلاء يتم حبسهم حتى يتوبوا أو يُقام عليهم الحد ...
مثل هذه الظواهر تستوجب حسماً قاطعاً وحازماً وإلا فإن العاقبه ستكون...

قال تعالى (فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِنْ سِجِّيلٍ مَنْضُودٍ ( * ) مُسَوَّمَةً عِنْدَ رَبِّكَ وَمَا هِيَ مِنَ الظَّالِمِينَ بِبَعِيدٍ ( * ) صدق الله العظيم

Quote: مثل هؤلاء يتم حبسهم حتى يتوبوا أو يُقام عليهم الحد ... مثل هذه الظواهر تستوجب حسماً قاطعاً وحازماً وإلا فإن العاقبه ستكون...

يا سوركتى ،، تحبسهم عشان عملو شنو ؟؟ مش فى الأول تثبت أنهم فعلوا شيئاَ منكراَ وبعدين تفكر فى الحبس أو الضرب أو الجلد أو الجز أو أى حاجة ؟؟

يا جماعة الموضوع بلاغ من واحد قد يكون حاقداَ قد يكون متزمتاَ قد يكون زهجان من الناس ديل بس قد يكون يكون قد يكون

يا جماعة تروووووو حتى نعرف التهمة بالظبط .


ماهر

Quote: ليست هنالك عورة لدى الرجل غير الدبرين

---

Post: #63 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Salahaldeen Nadir Date: 07-15-2010, 12:41 PM Parent: #62 السادة القانونيون أفتونا فيما استفتيناكم !

---

Post: #64 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Salahaldeen Nadir Date: 07-16-2010, 04:43 PM Parent: #63 Quote: طبت شرطة أمن المجتمع على عيد ميلاد يؤمه مجموعة من الطلاب ضبطوا يرتدون ملابس خليعة ومجملين بالمساحيق. وكشفت مصادر لـ «الأهرام اليوم» أن شرطة أمن المجتمع قد تلقت معلومات من قاطني إحدى البنايات بمنطقة بانت بأم درمان عن شقة يتردد عليها مجموعة من الصبيان يسببون الإزعاج العام. وقد أكدت الشرطة المعلومات التي وردت لها وقامت بمداهمة الشقة بإذن من النيابة المختصة وضبطت داخل الشقة «19» طالباً بالمرحلتين الجامعية والثانوية وهم يرتدون أزياء خليعة ويضعون أحمر الشفاه والمساحيق النسائية. وقد عثر على أجهزة هواتفهم النقالة على أفلام فاضحة. وقد وجهت لهم النيابة اتهامات بمخالفة المادتين «152، 153» من القانون الجنائي إليكم القصة (كما أراها) و ليصصحني القانونيون إن حضروا 1. تلقت شرطة أمن المجتمع (معلومات) من قاطني البنايةبتسبب صبية في إحداث إزعاج عام 2. داهمت الشرطة الشقة المعنية بعد إذن النيابة 3. وجدت قوة الدهم الصبية على الحال المذكور في متن الخبر 4. ألقت قوة الدهم القبض (بدون أمر من النيابة) مستندين على نص المادة 152 5. قامت تفتيش موبايلات الصبية والعثور على مواد مخلة بالآداب 6. تم إضافة إتهام للصبية بنص المادة 153 !

---

Post: #65 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Salahaldeen Nadir Date: 07-16-2010, 04:51 PM Parent: #64 متن الخبر يقول Quote: طبت شرطة أمن المجتمع على عيد ميلاد يؤمه مجموعة من الطلاب ضبطوا يرتدون ملابس خليعة ومجملين بالمساحيق. وكشفت مصادر لـ «الأهرام اليوم» أن شرطة أمن المجتمع قد تلقت معلومات من قاطني إحدى البنايات بمنطقة بانت بأم درمان عن شقة يتردد عليها مجموعة من الصبيان يسببون الإزعاج العام. أي أن سبب (البلاغ/الدعوى/ المعلومة) هو تسبيب الإزعاج العام (المادة 77-أ القانون الجنائي 1991) وهو الأساس الذي بموجبه صدر أمر النيابة بالتفتيش و/أو التحري Quote: التفتيش يجب ان يكون منطقياً ومتوافقاً مع الغرض من التفتيش والذي وافقت عليه النيابة إذن لماذا تفتيش الموبايلات؟ !

---

Post: #66 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Salahaldeen Nadir Date: 07-16-2010, 05:00 PM Parent: #65 ظني هو وقد يجانبني الصواب ان تسلسل الإحداث جاء على النحو التالي 1. وصول المعلومة وطلب الإذن بالتحري والتفتيش بتسبيب الإزعاج العام 2. دهم الشقة 3. إكتشاف الصبية على الحال المذكور 4.لحظة الدهم يتبين للقوة المداهمة أن ما رأوه يمثل تهمة (أفضل) بكثير من مجرد الإزعاج العام يقومون بتفتيش الموبايلات إستنادا على ما وجدوه وإسنادا لإتهامهم. هل تنطبق أحكام المادة 152 على الصبية و قد دهموا في شقة تخصهم؟ وهل يصح قانونا قيام الشرطة بتفتيش الموبايلات إستنادا على تطبيق خاطئ للمادة 152؟ و هل يصح الإتهام بالمادة 153 المبنية على تفتيش خاطئ؟ أفتونا !

---

Post: #67 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: عثمان محمد كرار Date: 07-16-2010, 05:04 PM Parent: #65 شوف ديل يامعتصم قبل اسبوعين في بخارست وفي مقدمتهم السفير البيريطاني في رومانيا http://www.youtube.com/watch?v=rF2hJVSJGHg

---

Post: #68 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: عثمان محمد كرار Date: 07-16-2010, 05:11 PM Parent: #67 http://www.youtube.com/watch?v=VysPErkdcmg&feature=related ومع السفير البريطاني في بخارست قالو معاهم 2 من القساوسه الامريكان من المؤيدين للزواج والله غالب وحكتو بالغه

---

Post: #69 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: زهير عثمان حمد Date: 07-16-2010, 05:45 PM Parent: #68 الاخوة البورداب الكرام مساء الخير الواقعة صحيحة مائة بالمائة كنت في شرطة النظام العام ميدان الربيع أمدرمان بسبب صديق كان هو وخطيبتو في العربية أمام منزل الخطيبة ومن المؤسف تم أعتبار ذلك نوعا من الاختلاء الان موضوعوا أنتهي كدا قرشين وخلاص مرق. المهم الشباب ديل مثليين عديل لكين الطريف في الموضوع بعد نصف ساعة من وصولهم للقسم شخصيات مهمة جدا أتصلت وقيادات ومحامين وكمان منظمات مجتمع مدني بالاضافة لمنظمة أسمها كلير بوينت عاملة في مجال تتطوير البنية الاجتماعية كانت معهم ومعهم محامي مشهور المهم تم تحرير الوقائع ووكيل نيابة شرطة النظام العام أمر بأطلاقهم بكفالة نقدية قدرها خمسائة جنيه مع أدراج أسماءهم في قوائم الممنوعيين من السفر رغم أن طبيب المنظمة طلب الكشف عليهم رفض وكيل النيابة ذلك بسبب وجود أثار للضرب الشديد عليهم واضحة وبعدين أتضح أن البلاغ من مجموعة تاني في صالحة برضو مثليين زيهم ديل قتلوا السوق بمعني هم الارخص يعني لا في معلومة وغيروا لا حول ولا قوة الابالله

---

Post: #70 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Mahir Mohammed Salih Date: 07-16-2010, 08:54 PM Parent: #69 Quote: ذلك بسبب وجود أثار للضرب الشديد عليهم واضحة يا اخوانا هل يُعقل هذا ؟؟ لماذا يضربون ؟؟ يا أخى فلنفترض جدلاَ أنهم مثليون ،، ألا يمكنهم الإنتظار حتى تنتهى محاكمتهم ؟؟ وأعتقد أن هنالك بعض من الشرطة يعتقدون بإنهم حافظون للفضيلة فى جمهورية السودان ويبدأون الضرب مباشرة عند الإعتقال ظانين بأنهم حفظة الأخلاق والفضيلة فى هذا البلد ،، يا أخى هذا مرض معروف للقاصى والدانى ودونكم شعب كامل كان يتبع لأحد الأنبياء ،، كان عليهم الوعظ والإرشاد والعلاج بدلاَ عن هذا الضرب . مع التحية ،، ماهر

---

Post: #71 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Salahaldeen Nadir Date: 07-16-2010, 09:31 PM Parent: #70 Quote: يعتقدون بإنهم حافظون للفضيلة فى جمهورية السودان thank you very mutch !

---

Post: #72 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: عادل عبدالعزيز عبد الرحيم Date: 07-16-2010, 11:29 PM Parent: #71 لا حولة ولا قوة الا بالله العلى العظيم الله يجازى اللى كان السبب بعدين خلونا نتحاور فى اسباب الظاهرة هل هى نتاج لتفكك المتجتمع نتيجة للضغوط الاقتصادية ام هى نتاج لفششل المنهج التعليمى ام هلى نتاج لاحباط عام من الوضع فى البلد ام هى نتاج لضعف الثقافة الدينية ام اماذا ام ماذا ؟؟؟؟؟؟ اعتقد ده المهم فى الموضوع

---

Post: #73 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: ذواليد سليمان مصطفى Date: 07-17-2010, 00:12 AM Parent: #72 والقنبلة قبل ان تنفجر للصحافة القنبلة قبض مدير مكتب وزير دولة في اعمال فاضحة تحت المادة 154 في الطائف

---

Post: #74 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Emad Mohamed Date: 07-17-2010, 00:17 AM Parent: #72 I made my point and you made yours والله لاعندك point ,ولا الله قال

---

Post: #75 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: معتصم محمد صالح Date: 07-28-2010, 05:28 PM Parent: #74 فوق الى ان نعود

---

Post: #76 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: المسافر Date: 07-29-2010, 06:07 AM Parent: #75 Quote: أتضح أن البلاغ من مجموعة تاني في صالحة برضو مثليين زيهم أهو الحكي طلع !! بلاغ كيدي يعني ؟؟ وجماعتنا ديل مع ما طبو عليهم وطبطبوهم الطبطيبة دي كيف شورتهم الرد الرد السد السد !! لازم يحرشوا عليهم إدريس دبي يرسلهم كام لاندوكروزررررات ودوشكات وجزر سريع الساعة عشرة ونص ضحوي

---

Post: #77 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: Asim Fageary Date: 07-29-2010, 06:09 AM Parent: #75 Quote: QUOTE: مثل هذه الظواهر فهي موجودة في مجتمعنا منذ قديم الزمان بشكل واخراج مختلف. الأخ عمر عثمان .. طالما ان المسألة موجودة منذ قديم الزمان بل منذ عهد (سيدنا لوط) واحتمال ماقبل لوط فأن الحلول الأمنية ليست هى الحل, بل التربية والتنشئة السليمة فى المنزل والشارع والمجتمع . بالمناسبة ماهى عقوبة اللواط فى القرآن والسنة ؟ يا قلقو بعد التحية إنت أظنك كنت معاصر زمن القاضي الباكستاني في الخرطوم قالوا كان في قاضي باكستاني ايام الإنجليز في الخرطوم والشرطة قبضت ليها إتنين من النوع المذكور في البوست و ودتم المحكمة للقاضي القاضي قال ليهم ديل جايبنهم لي ليه قالوا ليه ديل بمارسوا اللواط قال ليهم وأنا دخلي شنو بيهم ديل ودوهم مستشفى الأمراض النفسية وقالوا ليك الجماعة في الخرطوم طلعوا مظاهرات تأييد للقاضي الباكستاني وكانت الهتافات: يعيش القاضي الباكستاني سوى ...... مرض نفساني مع تحياتي عاصم فقيري

---

Post: #78 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: حسن محمود Date: 07-29-2010, 08:36 AM Parent: #77 Quote: طبت شرطة أمن المجتمع على عيد ميلاد يؤمه مجموعة من الطلاب الكلمة دي مش غريبة على قاموسنا الصحفي ؟.. مسموعة في الدارجية المصرية( طب الجرة على... معتصم ..تحياتي .

---

Post: #79 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: عبد الرازق سعيد Date: 07-29-2010, 11:42 AM Parent: #78 Quote: يا أخى هذا مرض معروف للقاصى والدانى ودونكم شعب كامل كان يتبع لأحد الأنبياء ،، كان عليهم الوعظ والإرشاد والعلاج بدلاَ عن هذا الضرب . طيب ياخي هؤلاء الذين تتحدث عنهم لم يستجيبوا لوعظ النبي الذي ظل يدعوهم لترك هذه الخبائث سنين عدداً فهل من الممكن لأشباههم الـ(19) أن يستجيبوا لوعظ وإرشاد الشرطة أو الدعاة العادين .. وحتى أن الله عز وجل في كتابه الكريم نعت أمثال هؤلاء بأنهم قوم مجرمين وقوم فاسقين وأنزل عليهم أشد أنواع العذاب ولم يقل أنهم مرضى .. ومنذ متى كان الفسوق مرضاً يعالج في المستشفيات إذا لابد من أنزال أشد العقوبات على هؤلاء الفاسدين أعاذنا الله منهم وكفانا شرهم ..

---

Post: #80 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: على ميرغني Date: 07-29-2010, 11:56 AM Parent: #79 بغض النظر عن حجم هذه الظاهرة نجد ان المجتمع والاعلام والحكومة برضو بصورة ولا اخرى بتساعد في انتشار الخنوع وسط الشباب ... لمن المجتمع والإعلام والحكومة تمجد شاب (فنان ولا نجم كورة) وتعملوا نجم مجتمع رغم انو مشهور وسط الناس بانو فيهو إنة كيف تطلبوا من الصغار والشباب ان يكونوا غير العملتوهم نجوم مجتمع ديل ...... اعتقد انو الازمة كلنا بنساعد فيها وحتى على مستوى مجتمع الحلة او الحي زمان لمن البت او الولد يكون سيرتو ما تمام تلقى المجتمع كلو قاطعوا ومارس عليهو ضغط لتغيير سيرتو دي لكن اسع كدا كلنا نسال نفسنا عن تعاملنا مع زي الشباب ديل بيكون كيف ما داير اذكر اسماء لكن كلنا عارفين انو الفنان الفلاني داك زي الشباب ديل ولاعب الكورة داك برضو زيهم لكن برضو في نفس الوقت نجوم مجتمع وكدا ودا الشئ الحيجيب لينا المتشددين قريباً جداً

---

Post: #81 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: عبد العزيز عبدالكريم نهار Date: 07-29-2010, 07:58 PM Parent: #80

---

Post: #82 Title: Re: الشرطة تضبط 19 شاب وجدتهم مجملين بالمساحيق واحمر الشفاه ويرتدون ملابس خليعة في حفل بامدرمان Author: رغيم عثمان رغيم الحسن Date: 08-01-2010, 08:06 AM Parent: #81 سوركتى ما هو الحد من القراءن وما هى طريقة تنفيذه من السنه على من حضر عيد ميلاد وكان يضع زينة نسائية ************** والله ما انتج امثال هؤلاء الا تنطنع من يده الامر فى ديننا حتى كره الناس فيه