عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,,

اكثر من 15 مطرب بقيادة:

1/عمر احساس
2/وليد زاكى الدين
3/جمال فرفور
4/افراح عصام
5/اسرار بابكر
6/ايمان توفيق
7/هشام درماس
8/شكرالله
9/نميرى
الباقين ما بعرفهم ,,ممكن يكونو برضو نجوم كبار
بالاضافة ل15 من اعضاء الكورس وفرقة موسيقية كاملة العدة والعتاد

غنو اوبريت المؤتمر الوطنى ضمن احتفالية لدعم ترشيح عبدالرحمن الخضر
مرشح المؤتمر الوطنى لمنصب الوالى ,,

مقتطفات من كلمات الاوبريت ..

نحن شموعك يا ثورتنا
المؤتمر الوطنى السكة البيها بنعبر لوحدتنا

شوف الثورة وانجازاتها شوفو عمارة
نحن اولادة ونحن بناتها

المؤتمر الوطنى املنا نصون بيهو وحدتنا

نحن الشجرة الورافة ظليلة منهج واضح وسكة عديلة
بشيرنا البشر بنهضتنا
الشجرة ظليلة وكلنا بكرة بنحصد خيرة
الكلام دا من غير ترتيب لانو الاوبريت طويل وقرابة الساعة يعنى صعب احفظو ليكم
بس ممكن يكون فى زول حافظ اكتر منى

اسم الاوبريت ملحمة العزة
كلمات...خالد عباس
الحان ...يوسف القديل..
اشراف..... عماد الدين ابراهيم

حقيقة صدمت اكثر فى عمر احساس ووليد زاكى ...
كنت اعتبرهم اكثر وعيا من غيرهم
وانهم ملك جمهورهم ومعجبيهم وبريقهم اكثر من بريق الحكومة
ونجوميتهم وااضحة لا تحتاج للمؤمتر الوطنى ان يدعمها
واذكى من ان يتغنو للمؤتمر الوطنى فى مثل هذا الوقت ودا بالفهم
البسيط من غير تعقيد,,,يعنى ما مطالبنهم بانو يقودو ثورة فكرية
او شئ من هذا القبيل ....
بس يلتزمو لجمهورهم الماعندو علاقة بالمؤتمر الوطنى دا


20سنة فاتو مالكم ما غنيتو للمؤتمر الوطنى

مزيد من الاحباط...

هيئات دعم مرشحي المؤتمر الوطني وشيكات دعم دار المايقوما

استاذنا الباشمهندس ابوبكر,,,,, سلااااام

الله اعلم كم تكلفة الاوبريت ومن اين دفعت التكلفة
من جيب المؤمتر الوطنى ممثلا فى مرشحه عبدالرحمن الخضر
ام خزينة الدولة التى هى بالطبع جيب المؤمتر الوطنى

تخيل كم دفع ل15 مؤدى ومثلهم اعضاء الكورس والفرقة الموسيقية
والمؤلف والملحن والمخرج والمشرف والاضاءة والديكور والازياء
وكم دفع لاقامةالبروفات والنثريات والشاى والقهوة والترحيل
مع العلم بان من ادو هذا الاوبريت هم نجوم الصف الاول فى السودان
واجرهم كبير جدا

المايقوما دى بقرة حلوب للجميعابى واى محاولة للمساهمة فى حل
مشكلة المايوقوما غير واردة وانا واحدة من الناس المهمومين بالمايقوما
وبجيك فى البوست دا بهناك بس ربنا يهون ..

مبالغة، بغنو لي شنو بالضبط .. الناس دي بالجد غريبة وما طبيعية.
لكن يا أميرة مافي دهشة في الاحباط دا، ولا شنو
اتصدمت في اسرار بابكر ما لاني بعرفا ولا بعرف مواقفا.. بس كنت قايلاها احسن من كده..

سالي

Quote: مبالغة، بغنو لي شنو بالضبط .. الناس دي بالجد غريبة وما طبيعية. لكن يا أميرة مافي دهشة في الاحباط دا، ولا شنو اتصدمت في اسرار بابكر ما لاني بعرفا ولا بعرف مواقفا.. بس كنت قايلاها احسن من كده..

سالى ياجميلة ...

فى دهشة وفى احباط الانقاذ دى ليها 20 سنة مالقو يغنو ليها الا
اسى ,,؟؟ ويزيدو احباطنا زيادة ...

تعرف اقسى شئ فى الدنيا ان يوظف الفن فى تجميل القبح
ان يستخدم الفنان كوسيلة لتحقيق اهداف السياسى ...

انا برضو احبطت فى اسرار وخاصة هى خريجة المعهد العالى للموسيقى
والمسرح (كلية الموسيقى والدراما)بالطبع الكلية تخرج ناس بدرجة عالية من النضج
والوعى بقضاياهم وقضايا امتهم ومش مطلابلاتية ومهرجين ,,

وبرضو وليد زاكى الدين احبطنى جدا...



_________________________________________
سالى سعيدة بعودتك ومداخلتك

وردددددددددددددددددددددددددددددددددددددددددي

Quote: وردددددددددددددددددددددددددددددددددددددددددي

فناااااااااااااان

ديل فنانين غفلة يا اميرة وازمنة تردي وطفابيع..
لانو مافي فنان حقيقي بغني لنظام يقمع مواطني بلاده..
والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن
فلسفته الراقية الجانحة للانحياز للانسانية وقيمها الاصيلة...
عشان كده ما تستغربي يا صديقتي فانه عصر التية والظلام وعصر الفنانين الجربندية
واي واحد شال ليهو مايكرفون ورابط ليهو قاش عامل فيها فنان..
وهذه لحظات للتاريخ ...والحساب ولد يا فرفور ورهطه المطبلاتي

فعلا ياكيكي
جلد وغرامة وسجن ومصادرة الآت الفانين وتلك الآوامر المحلية التي تقيد من حقهم وحق جمهورهم بدعة من بدع الإنقاذ ، ومع ذلك نجد عشرات أمثال قيقم والزول النباح داك بتاع المتحركات بين شريحة الفنانين .. لعن الله الفقر ...
تحياتي للأخت أميرة وجميع من مر هنا
الشفيع

Quote: ومع ذلك نجد عشرات أمثال قيقم والزول النباح داك بتاع المتحركات بين شريحة الفنانين .. لعن الله الفقر ... تحياتي للأخت أميرة وجميع من مر هنا الشفيع

الشفيع ابراهيم,,,سلاااام وتحية,,,

قيقم وشنا ن ومنو ومنو ديل اصلا انا رامية طوبتهم لانه من بداية الانقاذ ظهرو كمطبلين للانقاذ ,,,

وبعدين حكاية الفقر دى مابتفق معاك فيها ابدا لانها لا تنطبق على ,,احساس..فرفور...اسرار,,,افراح
لانهم ديل نجوم الشباك الان فى السودان وعندهم جمهور لايمكن تتخيلو,,,,

المسالة اكبر من الفقر يا استاذ الشفيع,,

اعزائي اميرة وكيكي ....

تمنيت لو ان هذا الشباب من المغنيات المغنيين ساهمو في بث توعية اجتماعية عامةة غير سياسية او دعم لفقراء معدمون واطفال يموتون مرضا وجوعا بدل ان يشوهو القادم منمستقبلهم بمثل هذا .... اكثر ما ادهشني هو عمر احساس ( وهو احد اعضاء هذا المنبر لعله يقرء هذا)..؟؟؟

Quote: اعزائي اميرة وكيكي .... تمنيت لو ان هذا الشباب من المغنيات المغنيين ساهمو في بث توعية اجتماعية عامة غير سياسية او دعم لفقراء معدمون واطفال يموتون مرضا وجوعا بدل ان يشوهو القادم منمستقبلهم بمثل هذا .... اكثر ما ادهشني هو عمر احساس ( وهو احد اعضاء هذا المنبر لعله يقرء هذا)..؟

استاذناابوبكر,,,,

هذه هى رسالة الفن والفنانيين,,المساهمة فى قضايا مجتمعاتهم ولو بالقدر القليل
هناك الكثير من القضايا التى يمكن ان يتبناها هؤلا الفنايين بما اكتسبوه من ارضية فنية وجماهيرية كبيرة,,,

اقلاها حملات توعوية لا تكلفهم اى مبالغ مالية بقدر ماهى توظيف نجوميتهم واكتساب المزيد من النجومية والاحترام,,,,

اسرار بابكر وهشام درماس كمان اعضاء بالمنبر ,,,

تحياتى ياباشمهندس

Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن فلسفته الراقية الجانحة للانحياز للانسانية وقيمها الاصيلة... عشان كده ما تستغربي يا صديقتي فانه عصر التية والظلام وعصر الفنانين الجربندية واي واحد شال ليهو مايكرفون ورابط ليهو قاش عامل فيها فنان.. وهذه لحظات للتاريخ ...والحساب ولد يا فرفور ورهطه المطبلاتي

كيكى.... سلااااام

يبدو ازمتنا كل يوم بتزيد .....

الناس ديل اسى هم نجوم الساحة والغناء فى السودان شئنا ام ابينا
وفنانين شباك وعندهم جمهور من مختلف الفئات والاعمار ومحبوبين من جمهورهم

هل حاولت الانقاذ ان تستغلهم كواجهة لدعايتها الانتخابية؟؟
وهل هم بهذا الغباء حتى تسنغفلهم الانقاذ؟

السؤال دا موجه للاخوة
عمر احساس واسرار بابكر وهشام درماس باعتبار انهم اعضاء بالمنبر
ويمتلكون باصويردات ..

Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن فلسفته الراقية الجانحة للانحياز للانسانية وقيمها الاصيلة... عشان كده ما تستغربي يا صديقتي فانه عصر التية والظلام وعصر الفنانين الجربندية واي واحد شال ليهو مايكرفون ورابط ليهو قاش عامل فيها فنان.. وهذه لحظات للتاريخ ...والحساب ولد يا فرفور ورهطه المطبلاتي

تســــــلم يا هندســـــة ياخ ..!!

بت الشيخ تحيـــــاتى

Quote: بت الشيخ تحيـــــاتى

وتحياتى ايضا

وبهديك ليك الاوبريت دا بالمناسبة .....


سااى كدا بس

شوف الثورة وانجازاتها

أعلاه أكتر حته عجبتني يا أميرة
غايتو ربنا يلزمنا الصبر

ده جيل ناس شكر الله والغنا بمصاحبة ( الحشرجة )





__________________________________
فرفور غنا للشامبيون بي 15 مليون ما يغني للإنغاس بي 20 ؟؟

Quote: فرفور غنا للشامبيون بي 15 مليون ما يغني للإنغاس بي 20 ؟؟

عمران مفقوع المرارة,,,سلااااام,,,

ياريت لو وقف عند الشامبيون وجعة مافي




-____________________________________
يكون الشامبيون السبب ??

Quote: فرفور غنا للشامبيون بي 15 مليون ما يغني للإنغاس بي 20 ؟؟

عمران مفقوع المرارة,,,سلااااام,,,

ياريت لو وقف عند الشامبيون وجعة مافي




-____________________________________
يكون الشامبيون السبب ??

وقبل يومين كان هناك في حملة البشير
محمود عبد العزيز وطه سليمان وآخرين


ديل كلهم( شكارات ) ساي

ياكيكي الفنان الكنتو بتدافعو عنو وعاملين لينا جوطه
ليه يجلدو وشنو ماعارف كان من اول المتقدمين في
كشف اميره للفنانين وماعارف هي نستو ؟؟ ولا مابتعرفو !!!

ويا اميره ماتستبعدي بكره تسمعي وردي بغني للمؤتمر الوطني

Quote: ياكيكي الفنان الكنتو بتدافعو عنو وعاملين لينا جوطه

يا محمد طيب..
انت قاصد محمود عبدالعزيز ولامنو..؟؟
انا ما شفتو مع الناس الجربندية القاعدين بغنو للموتمر الوطني
ولو بقي معاهم برضو لايجعلنا نندهش اكثر فكل شي بقي جائز في البلد العجيب ده
...........
ومحمود عندما عملنا لها جوطة وكركبة كان لم يتلوث بسيرة الموتمر الوطني ولم يغني للقتلة والمارقين
ولو ثبت انو عمل كده طوالي سيذهب الي المجموعة الجربندية من فناني الغفلة وطفابيع الفن السوداني
في زمن التية

Quote: ياكيكي الفنان الكنتو بتدافعو عنو وعاملين لينا جوطه ليه يجلدو وشنو ماعارف كان من اول المتقدمين في كشف اميره للفنانين وماعارف هي نستو ؟؟ ولا مابتعرفو !!!

محمد الطيب ,,,سلاااام,,,

محمودالعزيز ماكان من ضمن المجموعة الغنت اوبريت المؤتمر الوطنى والا كنت نزلتهااسمو مافى شئ بمنعنى,,,
احتمال يكون غنى فى مجموعة غير دى ماحضرتها,,,

وموقفنا من الجلد وااضح سواء غنى للانقاذ او ماغنى,,

الجلد اهانة لكرامة البنى ادم مهما اختلفنا معاهو وكذلك التشهير,,,

خلينا فى موضوع الغنا اسي,,,

الاخت اميرة
والله العظيم انا من سيف الجامعة بقي فنان سلطان
قلت:
كان دا الحال بكرة نشوف لافتة مكتوب عليها:
اتحاد فن الغناء السوداني الاسلامي .
والله صحيح ديل فنانين غفلة
قتل الله الفقر فانه يذل اعناق الفنانين

زين العابدين

Quote: الاخت اميرة والله العظيم انا من سيف الجامعة بقي فنان سلطان قلت: كان دا الحال بكرة نشوف لافتة مكتوب عليها: اتحاد فن الغناء السوداني الاسلامي . والله صحيح ديل فنانين غفلة قتل الله الفقر فانه يذل اعناق الفنانين زين العابدين

الاخ زين العابدين .... سلااااااااام...

يس ما يكون اتحاد الفنايين القديم ... يعملو ليهم واحد ومابغلبهم و مبروك وبخيت عليهم
ديل جو بفكرة تاصيل الفن بغلبهم فكرة اتحاد اسلامى دى؟؟

الغربية بداية الانقاذ قالو الفنون دى كلها ومن ضمنها الغناء حراااانم شرعا
اسى الجد شنو ؟؟؟

تحياتى اخ زين العابدين..

نيازى مصطفى,,,سلاااام,,

فيك الخير ياودامى ,,,,تانى الفضل منو??








__________________________________

الناس دى جنت ولا شنو??

Quote: شوف الثورة وانجازاتها شوفو عمارة نحن اولادة ونحن بناتها المؤتمر الوطنى املنا نصون بيهو وحدتنا نحن الشجرة الورافة ظليلة منهج واضح وسكة عديلة بشيرنا البشر بنهضتنا الشجرة ظليلة وكلنا بكرة بنحصد خيرة

خضر حسين يا مفترى ,,, شوف الثورة وانجازاتها دى العجبتك

انا كلها عجبتنى والعجب المقطع الفوق دا...


غايتو لو لقيت طريقة للاغنية كلها ونزلتها هنا والله الا مرارتك تتفقع

انا بهديها لقمر بوبا وبدورك تهديها للاحبة والاصدقاء

في زول كان بحضر معاي في الـ(حاجة) دي يا أميرة
قال لي أنا الغايظني إنهم بغنوا من جوه





ــــــ
برضو في حته تانية عجبتني
بتاعت
لاجهوية لا عصبية لاشنو ماتعرف شنو



غايتو مسخوا لينا الكورال

اميــرة الشيخ

مؤلم جدا ان نشاهد هذه المجموعه تتغني للمؤتمر الوطني بهذه السذاجه
الم يعلموا ان هذالحزب يقف عقبة في طريق تطور الفنون في البلاد
الم يعلموا ان الفن رساله ووعي ومسؤليه..
تم استغلالهم بوضوح لصالح حزب اجرب منبوذ
سقطوا وهم يرددون هذا الأوبريت البائس المشحون بكلمات جوفاء
تحمل من الزيف والكذب والتضليل ..
كما قال كيكي هم جوغه من الجربنديه سال لعابهم لأموال الشعب التي يتصرف
فيها المؤتمر الوطني تصرف من لا يخشي الفقر..

Quote: مؤلم جدا ان نشاهد هذه المجموعه تتغني للمؤتمر الوطني بهذه السذاجه الم يعلموا ان هذالحزب يقف عقبة في طريق تطور الفنون في البلاد الم يعلموا ان الفن رساله ووعي ومسؤليه.. تم استغلالهم بوضوح لصالح حزب اجرب منبوذ سقطوا وهم يرددون هذا الأوبريت البائس المشحون بكلمات جوفاء تحمل من الزيف والكذب والتضليل ..

الاخ عبدالعظيم عثمان ,,سلاااااااام

ياريت لو كل زول بعرف انو الفن رسالة
الفن مسئولية ...
الفن وعى بقضاياك وقضايا شعبك ,,,
الفن ان تمتلك روح التحدى وروح التغيير

كيف يتم استغلال شخص كبير عاقل وبهذه البساطة ؟
من من ؟
من المؤتمر الوطنى ..

والله لو كان اتجاهم من البداية ما فى مشكلها ..

فجأة كدا المؤتمر الوطنى دا بقى خطير ويتغنى ليهو كل هذا العدد من المطربيين ونجوم
الغناء فى السودان ؟؟


كاارثة ..

الفنانين في لستة اميره جاثمون في صدور احزابنا منذ الاف السنين .....
الفنانين في لستة اميره هم من سحبو مرشحيهم و ما أستعدو لانتخابات معروفه قبل سنين ....
الفنانين في لستة اميره هم سبب عجزنا و ضعفنا و قلة حيلتنا ....





--------------
نداء للشعب السوداني الشقيق :
لا تستمعو للفنانين في لستة اميره ، لعل الله يقيل عثراتنا !!
--------------
يا أميرة الاسافير : تقتلون الحسين بن علي و تسالون عن مغني المؤتمر الوطني .

لاغرابة في ذلك

ياسر انسحب

والاتجاه بقى واحد

مؤتمر وطني وبس


انتو ما سمعتوا البشير قال ليكم امريكا برضوا بقت مؤتمر وطني

يعني شنو فناينين لما يغنوا

Quote: والاتجاه بقى واحد مؤتمر وطني وبس انتو ما سمعتوا البشير قال ليكم امريكا برضوا بقت مؤتمر وطني يعني شنو فناينين لما يغنوا

عبدالله بابكر ....سلام وتحية....

اكثر من 20 سنة والاتجاه واحد ........

يعنى انت احباطك اكتر منى ؟؟
وصلت لمرحلة يعنى شنو فنايين لما يغنو ؟؟

كتيرة .. وكتيييرة شديد
لو قلبتها كويس يعنى لا فنان واحد لا2 لا 3... اكثر من فنان15 يا عبدالله يا اخوى وتقول لى يعنى شنو ؟؟

الصبر الصبر بس

ياكيكي

Quote: ومحمود عندما عملنا لها جوطة وكركبة كان لم يتلوث بسيرة الموتمر الوطني ولم يغني للقتلة والمارقين ولو ثبت انو عمل كده طوالي سيذهب الي المجموعة الجربندية من فناني الغفلة وطفابيع الفن السوداني في زمن التية

زمان كانت دفاعاتك عنو مستميته ودشمانك في السماء
اسي بقي جربندي وغافل ؟؟؟

ياكيكي

Quote: ومحمود عندما عملنا لها جوطة وكركبة كان لم يتلوث بسيرة الموتمر الوطني ولم يغني للقتلة والمارقين ولو ثبت انو عمل كده طوالي سيذهب الي المجموعة الجربندية من فناني الغفلة وطفابيع الفن السوداني في زمن التية

زمان كانت دفاعاتك عنو مستميته ودشمانك في السماء
اسي بقي جربندي وغافل ؟؟؟

Quote: الفنانين في لستة اميره جاثمون في صدور احزابنا منذ الاف السنين ..... الفنانين في لستة اميره هم من سحبو مرشحيهم و ما أستعدو لانتخابات معروفه قبل سنين .... الفنانين في لستة اميره هم سبب عجزنا و ضعفنا و قلة حيلتنا ....

امين محمد سليمان اخانا الذى بامريكا,,,, سلام وتحية ....

عايز تقول لستة اميرة دى نتيجة فقط للحاصل وليست السبب ...
معاك وهناك عشرات اللست الماظاهرة وتاثيرها كبير بالتاكيد . نحن زاتنا يا امين مفترض نكون
انكلودد,,,,وكل زول فينا مساهم بقدر ما فى الحاصل دا... يعنى ما الناس السحبو مرشحيهم وما استعدو للانتخابات
فقط.... ولا لستتى دى بس هى السبب فى الحاصل
بس نتملك الشجاعة الكافية ونقول والله نحن برضو مساهمين

يبدو انك دخلت نادى المحبطين من اوسع ابوابو ...
اللستة دى نموذج فقط ولانو الفنانيين هم واجهة اى مجتمع بالتالى اى يخطو يمشوها محسوبة وظاهرة
اكثر من غيرها ..

________________________________________________________
امبن مايستمعو ليهم كيف ؟؟... ياهم تانى مافى غيرهم ..ديل كل المغنيين فى ال15 سنة الاخيرة

Quote: مزيد من الاحباط...

Quote: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,,

الأميرة بت الشيخ

تبري يا بت أمي من الإحباط
صديقنا خليل قال أحسن نشوف لينا كورة نشجعها
بس الفات عليهو أنو الحال من بعضو
أينما كنتم يدرككم القرف
فترنا من قصة السودان والسياسة وأى حاجة فيها سين ..
أى سين بما في ذلك ( سين ) سعدية .. صديقتي اللدودة .. بعلتي العزيزة .. أم أبنائي

يقول ذلك المثل الإفريقي
" أنك عندما تكون في وسط البحر فإن آخر ما تفعله هو أن تسب التماسيح "
أهلنا في السودان ماااانضغط عليهم
المعايش جباااارة
وهم براهم ( محيلين )
أول الإنقاذ دي ما بدت كلهم أطلقوا لحاهم
الظريف أنهم عارفين نفسهم مستهبلين
أسموا لحاهم ( من أجل أبنائي ) و ( دعوني أعيش )
وتغيرت اللغة
حتى أصبحنا لنحار في أمرهم
أو في أمرنا

Quote: يا أميرة الاسافير : تقتلون الحسين بن علي و تسالون عن مغني المؤتمر الوطني .

و يا اميره عشان ما تجي تحلفي لي إنو لمن ولدو الحسين بن علي كان عمرك سنتين و ما ممكن تكوني شاركتي في كتلو ، الغرض من الكلام ده إنو خلينا نوجه سهامنا لاس البلاء : لاحزابنا الكسيحه سبب أزمتنا و نكستنا دي .
بعداك ناس فرفور هينين !!!







---------

Quote: يقول ذلك المثل الإفريقي " أنك عندما تكون في وسط البحر فإن آخر ما تفعله هو أن تسب التماسيح "

المثل موووباااالغه يا عاطف ....

يا أميره الدهشه فى شنو ؟؟
يأخى ديل إشتروا أوباما مايقدروا يشتروا
شوية الصبيه ديل ؟؟!!











خليك من البرنسات ديل ,, إنتى ماشفتى الكوامر ناس
صلاح مصطفى وعثمان مصطفى وحمد الريح ؟؟
حاجه تخجل !!

سلام يا أميرة

البفقع المرارة بالجد موقف عمر إحساس وأسرار بابكر أما البقية ديل فمجرد منتفعين من اجل المال يمكن أن يغنوا للمؤتمر الوطني وبعدو يمشوا يغنوا للمعارضة عادي ..

Quote: البفقع المرارة بالجد موقف عمر إحساس وأسرار بابكر أما البقية ديل فمجرد منتفعين من اجل المال يمكن أن يغنوا للمؤتمر الوطني وبعدو يمشوا يغنوا للمعارضة عادي ..

بكرى اسماعيل...سلااااام...

حااااصل والله قال ليك قاعدين يغنو هنا وهنا وباشراف اتحاد الفنانين كمان
يعنى دار ابوك كان كتلت شيلك فيها ش...

فقعان المرارة بقى اخف حاجة...

كمال سالم يا زعيم ... سلااام

صلاح مصطفى دا برضو من البداية اعلن انو مجاهد وبقى امام جامع عديييل
وممكن يقول ليك الغنا حراااام

والله الناس ديل انا مفتنعة فيهم فنانين كبار شئنا ام ابينا
بس بعد الاوبريت دا ينظر ويفاد .....

Quote: حقيقة صدمت اكثر فى عمر احساس ووليد زاكى ... كنت اعتبرهم اكثر وعيا من غيرهم

مساكين سمعوا كلام الناس
عشان ماتحبطي يافردة
طلعي مسدسك وامليهم رصاص

انتي ماحضرتي لقاء البشير بالرياضيين والمثقفين
مش كان اتخذلتي بس ..
كان جنيتي..
وكل سنة وحياتك مسرح...

Quote: 1/عمر احساس 2/وليد زاكى الدين 3/جمال فرفور 4/افراح عصام 5/اسرار بابكر 6/ايمان توفيق 7/هشام درماس 8/شكرالله 9/نميرى

طفابيع البلد زادت ...


والله الجوع كافر متشدد ...

اميرة ازيك ...

فايز,,,,سلام..

والله لو جوع اصللللى ما لايماهم لكن المسالة فيها بعد تانى

الأخت أميرة :
ما لي أرى الناس قد مالوا إلى من عنده المال

لا شيء صوت يعلو على صوت الجنيه

سلام يا أميرة الشيخ

عادي جداً .. فلا تحرموا المبدعين من الانتماء
مثلا حمد الريح (مريخابي) ومرشح (المؤتمر الوطني) للمجلس التشريعي بولاية الخرطوم !!
وجمال الوالي رئيس (المريخ) مرشح المؤتمر الوطني في دائرة جغرافية بالجزيرة !!
ومعتصم جعفر (مريخابي) وقيادي باتحاد الكورة مرشح المؤتمر الوطني بالجزيرة برضو !!
وكمال شداد رئيس الاتحاد العام (هلالابي متمرد)عضو في المكتب القيادي للمؤتمر الوطني !!

وكمال ترباس أيضاً ابدي رغبته في المشاركة ضمن حملة دعم ترشيح البشير
ونشرت الصحيفة تلك الرغبة
(وشخصياً) علمت بأن قيادي في المؤتمر الوطني
أجري اتصال هاتفي برموز في الحملة لاتاحة الفرصة لترباس بالمشاركة




ـــ
اميرة ... معاكم الليلة حتي نتجاوز الغزالة !!

أميرة الشيخ
الشفيع ابراهيم
مالكم؟ بعيدين من الوسط ده ولا ما بتعرفوه؟؟
وأسوأ من كده برضو في..
موقف شنو وجماهير شعب شنو؟؟
الموقف الجديد؟؟ هاهاهاهاها
يا أمبرة كل اناء بمافيه ينضح
ماتحبطو يا أخوانا... عادي
والله بقينا نسردب بس
الغنو ديل رمز المؤتمر الوطني ما يكون عارفنو.. عداد وبس
مالكم ما سمعتو بالاربعين حرامي بتاعين المعهد

والله يا أميرة معزورين هم أصلا مغنواتية ما فنانين
قبلهم سقط وردى الذى كان الشعب السودانى يحترمة
أنا شخصيا لا
هل كانوا يطربون أحد ؟أصلا
القصة لا فن ولا يحزنون قروووووووووووش

Abdelkarim A. Ahmed wrote:

Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده..

Well said....Thanks

Zeinab wrote:

Quote: القصة لا فن ولا يحزنون قروووووووووووش

yes, these people should be dealt with according to this fact you hit... we should not open our hearts and houses to them when they come to the US or any where in Diaspora ... no more respect than we give when dealing with any other person who sells himself/herself for money. Thank you, Zeinab...


Thanks, Amira Elsheikh, for alerting us..

I invite you to listen to some different young 'Girifna' singer who refused to sell her voice:

http://www.girifna.com/?p=937

Quote: Song by: alsarah (www.myspace.com/soulsudani) Produced by: Oddisee (http://oddiseemusic.blogspot.com/) Co-Produced by: Alsarah Written by: مجموعة المبدعين الديمقراطين / The Democratic Creators Alliance 1986 Back up vocals: Karine Fleurima Finale drums: Zara Bode / Stefan Amadon Lyrics: (In Arabic) O youth with limitless potential protect *April from destruction come on, vote, participate come on vote, participate To the long beard and the prayer bead of lies, we say the country is waiting to be lifted up lets fulfill its beautiful dreams

mohamed elgadi

خالص التحايا
الصديقة العزيزة
Amira Elsheikh

ازيك يابت اخبارك وصحتك..
ما تخيلي الموضوع محيرني كيف؟!..
ياحليل الفن كان رسالة...!!!
وزي ما قال خضر الماغس الزول انو بغنو من جوه وباخلاص...
ياخ انا فيهم ناس كنت بريدهم عديل زي ناس ريماز واخرين...
غايتو بحاول (بحاول) اسمع ليهم بدون اتخيل شكل الصورة الشفتها..
ياريتني ماسمعت كلام زولة صاحبتنا وفتحته التلفزيون..
المشكلة فيهم عازفين بعرفهم برضو حيروني ، زي ناس سارة شحادته عازفة الكمان زولة سنيرتنا ، غايتو لو لقيتها الا أسائلها الحاصل شنو؟!؟!

التحايا النواضر..

Quote: ازيك يابت اخبارك وصحتك.. ما تخيلي الموضوع محيرني كيف؟!.. ياحليل الفن كان رسالة...!!! وزي ما قال خضر الماغس الزول انو بغنو من جوه وباخلاص... ياخ انا فيهم ناس كنت بريدهم عديل زي ناس ريماز واخرين... غايتو بحاول (بحاول) اسمع ليهم بدون اتخيل شكل الصورة الشفتها.. ياريتني ماسمعت كلام زولة صاحبتنا وفتحته التلفزيون.. المشكلة فيهم عازفين بعرفهم برضو حيروني ، زي ناس سارة شحادته عازفة الكمان زولة سنيرتنا ، غايتو لو لقيتها الا أسائلها الحاصل شنو؟!؟!

معتز يا جميل ......
انت اخدت شارة اخصائى كبييير ونحن ماعارفين ...

ياخ الفن دا رسالة وسيظل رسالة مهما حاول الانقاذيين تلويثه وتوظيفه لمصالحهم
الفن كالاوكسجين لابد ان يكون نقيا ونظيفاولكل الناس ’,,,,,
ما يفعله هؤلا لا يجعلنى اكفر برسالة الفن اطلاقا ولكنى كفرت بهؤلا وبينهم من
نعزهم ونحترمهم وانا مثلك لدى بينهم اصدقاء ومعارف اصابونى فى مقتل ....

عليك الله سارة لو ورتك الحاصل شنو كلمنى ...ثمح؟؟

انا زى صحبتك دى فتحت التلفزيون وقلت والله اخلع اصحابى زى ما اتخلعت

نتخلع برانا يا معتز ..؟



_________________________________
ادينا خبرك باى طريقة

Quote: مبالغة، بغنو لي شنو بالضبط .. الناس دي بالجد غريبة وما طبيعية. لكن يا أميرة مافي دهشة في الاحباط دا، ولا شنو اتصدمت في اسرار بابكر ما لاني بعرفا ولا بعرف مواقفا.. بس كنت قايلاها احسن من كده.. سالي

إزيك ياأميرة

اقتبست كلام سالي دا لانو بعبر عني شديد .. بالجد احبطت في
أسرار بابكر .. طبعا وليد زاكي الدين أصلا معروف متعاطف
مع الجماعة دي .. أين هم الآن من محمد النصري ..
سلامات ياسالي وسلامي لمريم وعبد اللطيف .. وربنا يكتب
سلامة خطاب وتحياتي لكل أهل مونترى
طبعا آخر مرة اتقابلنا هنالك..

الاخت أميرة فعلا كانت مفاجئة أن يتغنى هؤلاء الشباب بدلا عن الوطن ـ يتغنون للمؤتمر الوطني وزمرته والصدمة أن يكون على رأسهم عمر إحساس والذي عرف بغنائة التراثي .
أن يتحول الفنان لطبال هذه هي الكارثة والطامة الكبرى .

Quote: الاخت أميرة فعلا كانت مفاجئة أن يتغنى هؤلاء الشباب بدلا عن الوطن ـ يتغنون للمؤتمر الوطني وزمرته والصدمة أن يكون على رأسهم عمر إحساس والذي عرف بغنائة التراثي . أن يتحول الفنان لطبال هذه هي الكارثة والطامة الكبرى .

الدخرى .... سلاااااام وتحية ,,,

يبدو ان الوطن اصبح هو المؤتمر الوطنى لهؤلا الشباب للاسف
والا كيف لهم ان يتغنو بمثل هذه الكلمات الهزيلة والبائسة
وخالية من اى مضمون وطنى,,,,
وكمان من غير خجلة اليشير البشر بوحدتنا
والله دى طلبة مدرسة ابتدائية ما يادوها
ناهيك عن فنان بقامة احساس .....

الاخت اميرة الشيخ لك التحاياالنواضر حقت اخونا تروتسكى

لا تندهشى كثيرا فهذا زمان يقال فيه تعيش رجبا ترى عجباوما بالك باختلاط الحابل بالنابل

بالمناسبة لو سالتنى (الفنانين )ديل بالطرف كلهم عندهم مببرراتهم وهذا مما يزيد الطين بلة

فنانين شنو ديل هم اشبه بالجوقة ليس الا......

كونى بخير

Quote: بالمناسبة لو سالتنى (الفنانين )ديل بالطرف كلهم عندهم مببرراتهم وهذا مما يزيد الطين بلة

حامد محمد حامد...سلاام
برضو نواضر معتز تغشاك ...

الغريبة سالت سالت والله الكنت بعتبرهم اصدقاء,,,,

بس الاجابة صعبة شديد وما مقنعة

او زى ما قلت انت مبررات مبررات
ونحن تعبنا من ايجاد المبررات والاعذار

تعبناااااااااااا




ابقى طيب ,,

Quote: اقتبست كلام سالي دا لانو بعبر عني شديد .. بالجد احبطت في أسرار بابكر

سمية قسم يافنانة ازيك ,,,

شفتى البلد دى خربت كيف ؟؟؟
والفن بقى مهزلةوناس المؤتمر قدرو يكاوشو على شئ وباى شئ

وايضا تحباتى ليك ولبعلكم العزيز وعبر المداخلةدى برضو بحى مريم وخطاب
وكل اهل الفن الحقيقين فى شخصك ..

محمد القااضى.... سلااااااااااااااام

شكرا على الرابط .....

شكرا ساااارة شكرا محمد القاضى وكل الشباب المهمومين بالوطن ,,

كدا الواحد ممكن يحس بانو فى امل فى بكرة





شكرا سااااااارة ياعسسسسسسسسسسل

Quote: والله يا أميرة معزورين هم أصلا مغنواتية ما فنانين قبلهم سقط وردى الذى كان الشعب السودانى يحترمة أنا شخصيا لا هل كانوا يطربون أحد ؟أصلا القصة لا فن ولا يحزنون قروووووووووووش

زينب بدرالدين ,,,سلااااام

طيب كان يفضلو مغنواتية ,,,,

الغناء العاطفى ماااالو؟
غنا الحماسة مالوووو
؟
غناء السيرة ,,غنا البنات ...
بس غناء المؤتمر الوطنى دى حاااااارة ووجعتنى شديد

غايتو ورد وسيف الجامعة وصلاح مصطفى وحمد الريح سووها شينة
وماخفى اعظم

Quote: أميرة الشيخ الشفيع ابراهيم مالكم؟ بعيدين من الوسط ده ولا ما بتعرفوه؟؟

عبدالمنعم الحاج,,,سلاااام وتحية,,,

تعرف لو كنا بعيدين كان الوجعة بتكون اقل ومافى مغصة ,,,

سردبناوسردبنا لامن ضهورنا اشتكن,,,

اهانسردب لمتين??

عبود الرحيم ,,,سلاااام,,,

يعنى ياعبود داير تقول لىالمريخاب ديل كوووولهم مؤتمر وطنى...??
ياخ قول ساااى ونحن ماحارمين زول من انتماء ,,

بعدين القال ليك منو هم ال15منتمين للمؤتمر الوطنى??
لو كان اعلنو انتماهم دا والله زمااان كان رمينا طوبتهمواعتبرناهم غير موجودين بس الناس ديل استغلونا
استغفلونا فى النهاية وبقو طبالين وليست فنايين,,,,,

اما الانتماء الرياضى والسياسي دا بجيك راجعة تانى

Quote: الأخت أميرة : ما لي أرى الناس قد مالوا إلى من عنده المال لا شيء صوت يعلو على صوت الجنيه

جعفر محي الدين,,,سلااااام,,

صوت الدولار والاسترلينى..اعلى,,

تحياتى...

حافظ كنجال,,,سلاااام..

انت قاعد معانا هنا فى الدفسيبة دى???

لقاء الرياضيين دا مش الكان فى استاد المريخ? وجمال الوالى قدم وثيقة وشنو كدا ماعارفة??
دقيت جرس هنا وفتحت بوست ونكرت الوالى حطب وقلت ما بمثلنى>>
اما لقاء المثقفين دا يطرشنى الايكون عملو كتاامى .....


انا جنيت زماااان وخلصت ياحافظ....

Quote: يقول ذلك المثل الإفريقي " أنك عندما تكون في وسط البحر فإن آخر ما تفعله هو أن تسب التماسيح " أهلنا في السودان ماااانضغط عليهم المعايش جباااارة وهم براهم ( محيلين ) أول الإنقاذ دي ما بدت كلهم أطلقوا لحاهم الظريف أنهم عارفين نفسهم مستهبلين أسموا لحاهم ( من أجل أبنائي ) و ( دعوني أعيش ) وتغيرت اللغة حتى أصبحنا لنحار في أمرهم أو في أمرنا

عاطف يا عمر سلام وتحيات كتاراااات...

اولا تحياتنا الحارة لصديقتكم اللدودة وبعلتكم العزيزة جدا وام ابنائكم الحلوين سعدية وربنا يخليكم لبعض

القرف حاصل والاحباط حاصل يعنى البحر من امامنا والعدو من خلفنا ,,,,

والله يا عاطف وزى ماقلت فى كم مداخلة فاتو الناس البغنو فى اوبريت المؤتمر الوطنى ديل ما محتاجين
وفيهم كم فنان/ة كدا يصنفو اثريا ء ...ونجوم شباك وعدادهم مااااشى سواء كان فى الحفلات العامة او الخاصة
او حتى فى التلفزيون .....

اما مثلك بتاع التمساح دا عصرتو بيهو على شديييد وشمت امين ياسمين فينى..

تحياتى ...

مرمر
تحايا وسلامات

Quote: حقيقة صدمت اكثر فى عمر احساس ووليد زاكى ... كنت اعتبرهم اكثر وعيا من غيرهم وانهم ملك جمهورهم ومعجبيهم وبريقهم اكثر من بريق الحكومة ونجوميتهم وااضحة لا تحتاج للمؤمتر الوطنى ان يدعمها واذكى من ان يتغنو للمؤتمر الوطنى فى مثل هذا الوقت ودا بالفهم البسيط من غير تعقيد,,,يعنى ما مطالبنهم بانو يقودو ثورة فكرية او شئ من هذا القبيل .... بس يلتزمو لجمهورهم الماعندو علاقة بالمؤتمر الوطنى دا 20سنة فاتو مالكم ما غنيتو للمؤتمر الوطنى مزيد من الاحباط...

فى ناس عندهم
الكاش يقلل النقاش
وفى ناس عندهم
الكاش يبدل المواقف
وفى ناس عندهم
الكاش يخرمج كل الافكار
وفى ناس عندهم
الكاش كاش وكاش وكااااااش
وبس

قاسم المهداوى

قاسم يا مهدواى.... سلااااااااااااام

الكاش لايبدل اصحاب المواقف القوية وثابتة
الكاش لايبدل اصحاب القضايا الواضحة
الكاش لا يبدل اصحاب العقول المستنيرة


والوطن لا يشترى بالكاش ..

الكاش يبقى عندى مجرد
ارقام لا تقدم ولا تؤخر


رهانى على اصحاب المواقف الحقيقية والمبادئ

Quote: ان يستخدم الفنان كوسيلة لتحقيق اهداف السياسى ...

شكرا يا اميرة على كشف المغتغت
فهناك مقولة بتقول الفن ولا الايدلوجية
استغرب مشاركة شباب معقود عليهم الامل فى
توعية الناس والمتلقى بصورة عامة, استغرب
مشاركتهم وتطبيلهم وتمجيدهم باقوى المواد
تاثيرا فى الوجدان والحس البشرى.
تلك استغلالية بلاوعى ولادراية ....
الفنان الاصل يمتاز بالشفاية التى هى بدورها
تؤكد انحيازه للشعب وهنا يتجلى مربط الفرس
وهذا للامانة والتاريخ

تحياتى

عارفة ياأميرة

أتحيرت , لدرجة لاتوصف (قُضى على تماما) لما شفت عمر إحساس

جمال بعد الشامبيون أتوقعت منو اى شىء.

وليد مااندهشت , لأنو فى لقاء قبل كدة مع البشير والشباب شنو كدة , وليد قاعد وبذيع فى الحفل ويؤيد زى الترتيب.


دى أسمها نخوض مع الخايضين.

سلامو ياأميرة.

Quote: حاله الادمان علي متابعه المنبر لم تنتهي رغم اجازه شم النسيم الطويله...طالعت المنبر وسرقت نظرات سريعه الي مواضيعه.....لم يلفت انتباهي موضوع ما ولكن هذا البوست للزميله اميره الشيخ استرعي انتباهي عمراحساس...وليد زاكى الدين.... فرفور....درماس...افراح.....لمؤتمر الوطنى,,,,,,, ورأيت ان القائمه تزداد باسماء الفنانين اللذين قد شاركو في هذه الهوجه الانتخابيه للحزب الحاكم......وقد تتسع اذا شملنا كل اطراف المعركه من احزاب سياسيه بصوره عامه والحقيقه مضمون البوست يصب في نفس اتجاه ما احاول الاشاره اليه في هذا البوست وخصوصا في هذه الايام الهوجاء. وفي ذهني صاحب الاسم الرئيسي لهذا البوست استاذ الموصلي الذي يعود غدا الي اراضي الوطن السودان بعد طول غياب. وزاد خوفي عليه من سوق المزايدات والاغراات في هذه الايام.....ذلك الاستغلال السياسي......الدخول الي الشعب عبر وجدانياته وكيف للفنان ان يختار الجانب الذي يصب في تيار ما قد يؤدي الي مصلحه افضل للشعب...اذن مسئوليه الفنان هنا جد كبيره جداً......تري هل يصعب الاختيار فيمن هو الطريق الاصح؟؟؟ يلعب الفنان دورا كبيرا في المجتمع......ولكن حينما لا يكون الفنان مستقلا ذاتيا يقع فريسه سهله لطغمه لا تهمها سوي استغلال الامكانيات الابداعيه.....الفنيه ثم لا ينفك حين..... فترميه لا رد جميل ولا اكرام....... كلفظه عظم من بين فكي كلب متوحش...........لحم الفنان هواحساسه الداخلي واحترامه الذاتي لنفسه كفنان محترم ===== قبل ايام كنت اتحدث مع صديق عن استغلال اهل السياسه لاهل الفن......كيف تشتري مبادئهم وتوجه ابداعاتهم لترضيخ المواطن المغلوب....سألني صديقي .....كيف؟؟؟ ارضاخ المواطن عن طريق الفن..... بقتل الصور المثلي التي تشغل حييز اعجابه باصابته في مقتل... بكم الاحباط ......انه لا امل حين يصاب الوجدان..... عندما تري مبدعينك المفضلين يموتون يموتون حين يتنازلون......حين يقتلون.....حين يزبحون....كذلك الانسان المستمع .المعجب سيرضخ لحاله البؤس بان يختار فيما اختار مبدعيه....بعد الله طبعاً ==== نعم يتم الشراء وذلك بدفع الاموال الطائله لبعض منسوبي الفن..... او وان كانو حقا فنانون.....فنانون تحكمهم الماده اولا قبل الرساله الفنيه او المباديء. و من اجل الماده فقط للاسف تنازل البعض مجبورا, اومن اجل ان يجد مسرحا يقف عليه ,او من اجل لقمه عيش ......للاسف ان مثل هذا الفنان المجبر هنا انما هوالضحيه الاخيره والارخص قيمه... اما الضحيه الاولي فهو الانسان الاصيل في شخص ذلك الفنان...ذلك الصوت الداخلي الذي يابي ان يتنازل عن المباديء والذي في قراره نفسه يتجرع مراره كأس الذل والخزلان. لا انوي ان اقسي بكلماتي علي اي فنان كان...بقدر ما احاول جاهدا ان اجلي الصوره ....اجد العذر.....الفنانون هم ضحايا من الدرجه الاولي يتم استغلال ظروفهم من اجل الوصول الي اذن المستمع. الاحباط احساس يصيبنا حين نصاب بخيبه امل فيمن يشكلون وجداننا.....ممن نكن لهم الاعجاب ساواصل

الموسيقيين واهل الفن الكبار سبب تردي الاوضاع في السودان الموصلي مثالا

مستغربة ليه يا أميرة؟
ده شعب ميت لا تتوقعي منه غير النفاق والمصلحة الخاصة..
أرجو من الأخوة الكرام ألا يتوقعوا أي مواقف مشرفة من هذا
الشعب السطحي الجبان. شخصياً لن أدين أي فعل إجرامي من
أجهزة المؤتمر الوطني ضد أي مواطن سوداني بعد الآن..
انسوا إنو عندكم شعب وانسوا الكلام السليقة القاعدين
نردد فيهو (تصور كيف يكون الحال لو ما كنت سوداني إلخ)..
ده كلام فارغ.. نوع الشعب السوداني ده لا يشرف أي أمة..

Quote: مستغربة ليه يا أميرة؟ ده شعب ميت لا تتوقعي منه غير النفاق والمصلحة الخاصة.. أرجو من الأخوة الكرام ألا يتوقعوا أي مواقف مشرفة من هذا الشعب السطحي الجبان. شخصياً لن أدين أي فعل إجرامي من أجهزة المؤتمر الوطني ضد أي مواطن سوداني بعد الآن.. انسوا إنو عندكم شعب وانسوا الكلام السليقة القاعدين نردد فيهو (تصور كيف يكون الحال لو ما كنت سوداني إلخ).. ده كلام فارغ.. نوع الشعب السوداني ده لا يشرف أي أمة..

الاخ نصرالدين البشير
هسه الشعب السوداني ذنبو شنو؟ يعني مسكت في المستغل وتركت الاستغلالي
الشعب مغلوب علي امره وليس جبان....كذلك هؤلاء الفنانون......من يستطيع مخالفه او الوقوف ضد تلك الاجهزه فهو خاسر ان لم يهلك
علينا التفريق بين الجاني والمجني عليه......ولا تنسي انه انا وانت واهلك واهلي وكلنا نعتبر من افراد الشعب السوداني

لسة ياما ح تتفقع مرارات

يعني الديموقراطية دي إلا نكون معاكم

ياااخ الناس ديل اختارو المؤتمر الوطني
ما من حقهم ..؟؟؟؟
انتو بس البتفهمو ؟؟؟


قومو لفو

واخدو ليكم لفة تاني
الى حين أن تسمعوهم يوم النصر العظيم ان شاء الله

Quote: ياااخ الناس ديل اختارو المؤتمر الوطني ما من حقهم ..؟؟؟؟ انتو بس البتفهمو ؟؟؟ قومو لفو واخدو ليكم لفة تاني الى حين أن تسمعوهم يوم النصر العظيم ان شاء الله

كلام بيزعل......انا فاهم انهم اختارو ومن حقهم انهم يختارو المؤتمر الوطني......وده المزعلنا.......انت زعلان مننا مالك؟
ما عندك كلمات افضل من اللي باللون الاحمر دي؟.........دي بتزعل ياخ

=====
ما كفايه علينا 20سنه اللف والدوران......ناخد لفه تاااااااني؟

الاعزاء اسفة لتاخير الرد الشغل وبعدين شغالة كوبى بوست من كيورد بكرى
برجع ليكم كووووولكم....

محمد زكريا...سلااااام....

عليك بالظلامى معتزولاتاخدك به رافة

Quote: لسة ياما ح تتفقع مرارات يعني الديموقراطية دي إلا نكون معاكم ياااخ الناس ديل اختارو المؤتمر الوطني ما من حقهم ..؟؟؟؟ انتو بس البتفهمو ؟؟؟

معتز القريش,,,سلااااام

سؤال جاااادى والله,,,

انت انضميت للمؤتمر الوطنى متين???



___________________________________
لانو زماااان سالتك قلت لى انا لامؤتمر وطنى لاكوز

نصرالدين البشير ...سلااااام

ما تخلى الزعل يعميك ,,,الشعب السودانى هو انا وانت وامى وخالتك وبنات عمنا
وبنات جيرانا القاعدين هنااك وماجايبين خبر للسياسة ولا السياسين

شعب سطحى جبان ميت دى كلها لينا؟ ..
كان توجها لناس الحكومة لانهم وعمايلهم اقرب ...

اما الشعب السودانى دا والله انا لازلت مؤمنة بانو شعب فيهو الكثي روالكثير
جدا بس شعب ما محظوظ ابدا ابدا...

تحياتى ....

Quote: قبل ايام كنت اتحدث مع صديق عن استغلال اهل السياسه لاهل الفن......كيف تشتري مبادئهم وتوجه ابداعاتهم لترضيخ المواطن المغلوب....سألني صديقي .....كيف؟؟؟ ارضاخ المواطن عن طريق الفن..... بقتل الصور المثلي التي تشغل حييز اعجابه باصابته في مقتل... بكم الاحباط ......انه لا امل حين يصاب الوجدان..... عندما تري مبدعينك المفضلين يموتون يموتون حين يتنازلون......حين يقتلون.....حين يزبحون....كذلك الانسان المستمع .المعجب سيرضخ لحاله البؤس بان يختار فيما اختار مبدعيه....بعد الله طبعاً ==== نعم يتم الشراء وذلك بدفع الاموال الطائله لبعض منسوبي الفن..... او وان كانو حقا فنانون.....فنانون تحكمهم الماده اولا قبل الرساله الفنيه او المباديء. و من اجل الماده فقط للاسف تنازل البعض مجبورا, اومن اجل ان يجد مسرحا يقف عليه ,او من اجل لقمه عيش ......للاسف ان مثل هذا الفنان المجبر هنا انما هوالضحيه الاخيره والارخص قيمه... اما الضحيه الاولي فهو الانسان الاصيل في شخص ذلك الفنان...ذلك الصوت الداخلي الذي يابي ان يتنازل عن المباديء والذي في قراره نفسه يتجرع مراره كأس الذل والخزلان. لا انوي ان اقسي بكلماتي علي اي فنان كان...بقدر ما احاول جاهدا ان اجلي الصوره ....اجد العذر.....الفنانون هم ضحايا من الدرجه الاولي يتم استغلال ظروفهم من اجل الوصول الي اذن المستمع. الاحباط احساس يصيبنا حين نصاب بخيبه امل فيمن يشكلون وجداننا.....ممن نكن لهم الاعجاب

محمد زكريا,,,,,

وضعت يدك على موطن الالم بهذا التحليل الواعى,,,العميق,,,عبرت عن جزء كبير عن ما اريد توصيله,,,,يبدو انك صاحب وجعة حقيقة,,,
هناك الكثير من النقاط تحتاج لمزيد من النقاش ولكن اعتقد ان ببوستك متسع اكثر وطرح متباين يتناول القضية بعمق
اكثر لذلك اوعدك بالتداخل هناك فقط عامل الزمن يتسبب فى تاخيرى عن الرد والتداخل فى كثير من المواضيع
لدى الكثير الذى اود قوله حتى استفيد وعسي افيد,,,

شكرا وبجيك بهناك اكيييد,,سلاااام

Quote: أتحيرت , لدرجة لاتوصف (قُضى على تماما) لما شفت عمر إحساس جمال بعد الشامبيون أتوقعت منو اى شىء. وليد مااندهشت , لأنو فى لقاء قبل كدة مع البشير والشباب شنو كدة , وليد قاعد وبذيع فى الحفل ويؤيد زى الترتيب.

ندى .... سلاااام ومحبة ,,,

كنت متخيلة انى اديت المسالة اكبر من حجمها لما بشوف التلفزيون
ولما فتحت البوست كنت بعزى نفسى وبعض اصدقائئ بالملحمة اياها

المسالة مؤلمة ياندى بالجد ,,,,

الناس بتتساقط ببساطة كدا ؟؟

الكلمة بقت ماعندها قيمة للدرجة دى ....؟؟

حسيت بانو الناس ديل يومها كانو بفلقو فينا عديل وهم ما جايبين خبر


جمال دا ممكن لسة واقع تحت تاثير الشامبيون
وليد كنت بتخيل انو على درجة من الوعى وماشفتو قبل كدا



تحياتى يا ندووووش

Quote: شكرا يا اميرة على كشف المغتغت فهناك مقولة بتقول الفن ولا الايدلوجية استغرب مشاركة شباب معقود عليهم الامل فى توعية الناس والمتلقى بصورة عامة, استغرب مشاركتهم وتطبيلهم وتمجيدهم باقوى المواد تاثيرا فى الوجدان والحس البشرى. تلك استغلالية بلاوعى ولادراية .... الفنان الاصل يمتاز بالشفاية التى هى بدورها تؤكد انحيازه للشعب وهنا يتجلى مربط الفرس وهذا للامانة والتاريخ

استاذنا سمندلاوى ,, سلام وتحية ,,

الفن اولا واخيرا
البوست نابع من حرصى الشديد على الفن وابعاده من السياسى المباشر
ايضالدى قناعة بان الفن من اصدق وسائل التعبير التى ابتدعها الانسان لتعبر ,,,,
تعكس.. تنقل ..تحلل ,,واقع الانسان بكل مافيه .....

مؤمنة بان الفن من اكثر الوسائل الفاعلة فى مسالة التغيير ..بكل مستوياته
اجتماعى ..ثقافى ,,,سياسى ,,,, اقتصادى ...

كثير من الدول فى العالم دا تعرفنا عليها من خلال فنونها المختلفة
(مسرح...غناء.... سينما,,, تشكيل الخ)وليس من خلال ساستها

الفن ثم الفن

الأخت أميرة سلام
أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله.


خالص الود والإحترام لكل المتداخلين

Quote: الأخت أميرة سلام أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله.

مرتضى ..سلاااااااام
مرحب بالاختلاف الذى يفضى الى نقاش مفيد ومثمر...
لم اذكر فى اى من مداخلاتى السابقة ان واحد من هؤلا الفنانيين لديه راي او منتمي للمؤتمر الوطنى ....
لو كان دا حاصل ما كنت احتجت لفتح البوست من اصلو ..
وايضا لم اناقش ابداعهم او موهبتهم فى الغناء او امكانيتهم الفنية ,,,
الفنانين ديل ملك عام عندما ظهرو فى الساحة تفاعلنا معهم بعيدا عن وحل السياسة ولهم جمهورهم من مختلف
الاتجاهات السياسية ولكن لما تظهر فجاءة وتبقى بتطبل وبتغنى للافراد (عمر البشير) او لحزب ( المؤتمر الوطنى)
لازم انا كجمهور اخد وقفة واحاسبك كمان ,,,,,
عمر البشير ما بطل قومى شان يتغنو ليهو الشباب ديل ونقول عاااادى من حقهم ....
ا
مرتضى الجزء الاخير من كلامك يحمل كم هائل من التناقض .....
اولا.. التلفزيون القومى دا جهاز عام واخطر من انك تغنى فى حفلة
ثانيا...الفنايين ديل حضرتهم فى التلفزيون القومى ,,,ولايبقى دا عااادى لانو التلفزيون القومى ملك للدولة...؟
الاشياء لا تنفصل من بعضها يا مرتضى ,, لا احتمل شخص يغنى للقبح والموت والدمار وفى نفس اللحظة
يتغنى للحب والخير والجمال واقول عادى من حقو ..... دا كم من التناقض غير محتمل ....

المسالة عندى مسألة مبدا والمبادى لا تتجزاء....


تحياتى...

سلاااام أميره

Quote: لم اذكر فى اى من مداخلاتى السابقة ان واحد من هؤلا الفنانيين لديه راي او منتمي للمؤتمر الوطنى .... لو كان دا حاصل ما كنت احتجت لفتح البوست من اصلو ..

لو أي فنان منتمي لأي حزب انا ما عندي معاهو مشكله وكونو يغني ويشارك مع حزبوا في أي عمل فني دي متفقين فيها؟

Quote: وايضا لم اناقش ابداعهم او موهبتهم فى الغناء او امكانيتهم الفنية ,,,

معليش بس انا شفته الناس البيتداخلو كلهم بيقولو ديل ما فنانين وجربنديه .... الخ ودا ما صاح عشان كدا قلته

Quote: من لديه موهبه ستظل موهبته أن غنا للمؤتمر أو غنى للحركة الشعبية

Quote: الفنانين ديل ملك عام عندما ظهرو فى الساحة تفاعلنا معهم بعيدا عن وحل السياسة ولهم جمهورهم من مختلف الاتجاهات السياسية ولكن لما تظهر فجاءة وتبقى بتطبل وبتغنى للافراد (عمر البشير) او لحزب ( المؤتمر الوطنى) لازم انا كجمهور اخد وقفة واحاسبك كمان ,,,,, عمر البشير ما بطل قومى شان يتغنو ليهو الشباب ديل ونقول عاااادى من حقهم ....

هنا ببقى الفنانين ديل عندهم واحد من سببين خلاهم يعملو العمله المهببة دي يا هم مقتنعين بالزول او الحزب السياسي الغنو ليهم ودا حقهم يا هم إتعاملو مع الموضوع بإحترافية وإنو شغل لا أكتر لا أقل وبرضو من حقهم لانو اساسا هم ما عندهم رأي في البشير انو سفاح او او ولا عندهم رأي انو المؤتمر الوطني حيسوق البلاد لانها تتمزق ........ الخ

Quote: الاشياء لا تنفصل من بعضها يا مرتضى ,, لا احتمل شخص يغنى للقبح والموت والدمار وفى نفس اللحظة يتغنى للحب والخير والجمال واقول عادى من حقو ..... دا كم من التناقض غير محتمل ....

شفتي موضوع قبح وجمال والقصص دي نابعه من رأيك في المؤتمر الوطني ورأيك في البشير الممكن اكون انا ما بختلف معاك فيهو بس الفنان ممكن يكون مختلف معانا فيها أو ما عندو رأي انو المؤتمر الوطني دا قبح وما بعاين للموضوع من الزاوية بتاعتك دي والموضوع بالنسبة ليهو شغل لا اكتر لاقل ودي شغلتو

ببساطة الناس ممكن تنتقد كلمات الأوبريت وتقول متناقضه مع أفعال المؤتمر في كذا وكذا وممكن ننتقد الأوبريت في اللحن ننتقد الفنانين ديل في الأداء لكن لو عايزين ننتقد الفنانين ديل عشان ادو عمل فني للمؤتمر الوطني لازم نكون عارفين انو الحاجه دي متناقضه مع مواقفهم أو أراءهم

خالص إحترامي لك ولرأيك

مرتضى ..سلااااام

بجيك راجعة والدنيا ويك اند

اميره

لك تحياتي

Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,,


في السودان اي شئ ممكن،،،

والناس ما تندهش من الموضوع دا كتير عادي في زمن الا شئ،،،

المذكورين أعلاه مثلهم ومثل بقية المطبلاتية والارزقية

Quote: ديل كلهم( شكارات ) ساي

شكارات ولا حكامات يا نيازى
الله يخيبم ياخى قالوا قبل كم يوم فى مجموعه سجدت لمحمود عبدالعزيز ما احسن يسجدوا للبشير بالمره ما دام المعجبين بيهو بغنى للبشير اما اسرار دى من ما سمعتها بتضم الياء فى ("كالفدائي) فى اغنية انا سودانى بتاعة العطبراوى قنعت منها بعدين يا شباب المعايش جباره. ما تضايقوا الجماعه زى ما بقولوا المصريين( ما فيش حد بياكلها بالساهل) .

لاحظنا انه الفنانين فى السودان اصبحوا ايضا تكتلات واحزاب
مجموعة مع المؤتمر الوطنى واخرى مع الحركة الشعبية وغيرها مع الشعبى الإسلامى
حقوا يعملوا مسابقة زى برنامج نجوم الغد يسموهو نجوم الحزب

اميرة الشيخ

تحياتي الكتيره


وا اسفي علي وطني تتقدمه طفابيع


والزول الدار ابوه حرقت بغني كيف للحارق والقاتل والجاني


اخص عمر احساس زول قريب لي في المحبه

والاخرين لا معرفة بهم بهن


اما من لا طعم ولا لون ولا رائحة فلا اعلق عليه عليها


لان الغناء للجماهير وليس للسلاطين


تاني وا اسفي علي وطني



لذا افترعت بوستين واحد لعركي الشموخ والاخر لمحجوب الانسان

أختى أميرة سلام
أين تكمن ألمشكلة اذا تغنى بالأمس مجموعة من عملاقة الفن والغناء وعلى رأسهم وردى للحركة الشعبية فى تدشين حملتها فما الذى يمنع هؤلاء أن يتغنوا للمؤتمر الوطنى أو لغيره كان ذلك بقناعاتهم الفكرية .. أم لأى مقصد آخر .... يبقى أن ناقل الكفر ليس بكافر مع الفارق ....

سألت فناناً شايقياً صديقاً ، لماذا تُغنى للإنقاذ بعد أن كنت تغني ضدها ؟ فأجابني : لقد جُعت ، و لم يعد لي مورد أسدد منه رسوم المدارس لأطفالي و لا لطعامهم . . . . وسالت دمعة على خديه . . . . . ، إنه الفقر المُذل أيها السادة !!

و نسأل ، لماذا دخل ( القوم ) المجلس الوطني وقبضوا الرواتب و المخصصات ، والناس يتضورون جوعاً ، وبقوا فيه كديكور ، ليمرر النظام كل سياساته المستبدة و المُفقرة للناس !!

على مر التاريخ ، كان للإستبداد فقهائه ومستشاريه وفنانيه ، فقط تختلف صِيغه من فئة الى أخرى .

Quote: كلمات...خالد عباس

تحياتي استاذة اميرة
هل خالد عباس هو الشاعر خالد عباس الطاهر
كاتب كلمات اغنية ( دق المطر) التي تغنى بها الاستاذ عاطف انيس

دق المطر دق
فتح الملاذ للهم
صدر الغنا انشق
وزع موسيقى الدم
دق المطر دق
فتح الملاذ للهم
طرف الغنا اتلقى
قبل السقوط النم
دق المطر دق
فتح الملاذ للهم
فانوس هواك بق
ياخاله اخت العم

والذي له ايضا قصيدة تقول في احد مقاطعها
الجامعة دم
الجامعة للمد الشجاع


؟؟؟؟؟؟

Quote: الأخت أميرة سلام أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله. خالص الود والإحترام لكل المتداخلين

الاخت اميرة الشيخ و المتداخلين الكرام

تحياتي

أتفق مع هذه المداخلة تماماً

و ياريت لو سمعتونا جزء من الاوبريت عشان نشوف الجماعة ديل ادو الاغنية بمهنية و احتراف ولا لا

Quote: و ياريت لو سمعتونا جزء من الاوبريت عشان نشوف الجماعة ديل ادو الاغنية بمهنية و احتراف ولا لا

حافظ بشير ..سلااااااااااام

انت بجدك؟؟؟
مسألة المهنية والاحترافية دى هنا ما موضوعنا ,,,

نحن فى عضم الفكرة ...
فكرة انو يغنو للانقاذ وللمؤمتر الوطنى ...
تقول لى نشوف الكواليتى بتاعة الاغنية؟؟؟
اغنية فى كلماتها متناقضة مع عمايل الانقاذ على الارض الواقع ...
يعنى انا لو كنت مؤتمر وطنى لاسمح الله ما بصدق كلام الاوبريت دا......

اما اذا كنت داير تشوف مدى الاحترافية والمهنية افتح بوست تانى وشوف متخصصيين فى المزيكا والاداء
يدلو بدلوهم فى الموضوع ,,,لانو نحن ناس سمع ساكت ...

.


فعلا ً.. الشاعر خالد عباس ده منو؟

إنتو .. أسرار بابكر دي درست معهد الموسيقى والمسرح متين؟

بعدين وليد زاكي الدين ده .. مؤتمر وطني من زماااااان.

أنا المحيرني ولد حلتنا الفنان عمر إحساس!

أما الباقين ديل فـ قطعا دايرين يهيصوا فأتركوهم!

.

Quote: و ياريت لو سمعتونا جزء من الاوبريت عشان نشوف الجماعة ديل ادو الاغنية بمهنية و احتراف ولا لا

سلامات حافظ والله انا شايف الناس مفروض تجيب الأوبريت وينتقدوهو يقولو كلماتو كدا وكدا وكدا وبتتناقض مع فعايل المؤتمر الوطني في كدا وينقدو الفنانين ويقولو مثلا الجماعة ديل ما جضمو المزيكا أو فلان وفلان اصواتهم كانت تعبانه وفلان كان منشز ........ إلخ لكن حركة فلان دا لو غنى للمؤتمر الوطني يبقى ما بيعرف يغني وجربندي ساي ما بتعجب.

Quote: سلامات حافظ والله انا شايف الناس مفروض تجيب الأوبريت وينتقدوهو يقولو كلماتو كدا وكدا وكدا وبتتناقض مع فعايل المؤتمر الوطني في كدا وينقدو الفنانين ويقولو مثلا الجماعة ديل ما جضمو المزيكا أو فلان وفلان اصواتهم كانت تعبانه وفلان كان منشز ........ إلخ لكن حركة فلان دا لو غنى للمؤتمر الوطني يبقى ما بيعرف يغني وجربندي ساي ما بتعجب.

مرتضى ,,,,

انت وحافظ جيبو الاوبريت واتكلمو عن الفنيات وتجضيم المزيكا والصوت والنشاز

ماعندنا اى مانع..

بس زول يقول ليك الشجرة ظليلة والبشير شنو كدا ماعارف
تنقد ليهو شنو؟؟؟

الفكرة اصلا ريجكتت .. اذا اتكلمت عن مزيكا وعن اداء تبقى انصرافية منى ساكت



تحياتى ,,,

Quote: فعلا ً.. الشاعر خالد عباس ده منو؟ إنتو .. أسرار بابكر دي درست معهد الموسيقى والمسرح متين؟ بعدين وليد زاكي الدين ده .. مؤتمر وطني من زماااااان. أنا المحيرني ولد حلتنا الفنان عمر إحساس! أما الباقين ديل فـ قطعا دايرين يهيصوا فأتركوهم!

سيف اليزل .. سلاااام

خالد عباس سمعتو من المذيع ومن اضانى كوبى بوست لهنا..

اسرار للاسف درست معهد الموسيقى والمسرح ودا الاوت بت بعد 5سنين دراسة


يبقى غالبية الناس متفقة معاى فى عمر احساس
ودحلتكم والله نحن صديفنا عديييييييييييل كدا
شفت الوجعة دى كيف .؟

تحياتى ياسيف

محمد هشام...سلاااام

بالتاكيد دا ما خالد عباس البنعرفو..ولا منو العوض وعليهو العوض وبالتاكيد تشابه اسماء..

تحياتى يامحمد هشام...

Quote: و نسأل ، لماذا دخل ( القوم ) المجلس الوطني وقبضوا الرواتب و المخصصات ، والناس يتضورون جوعاً ، وبقوا فيه كديكور ، ليمرر النظام كل سياساته المستبدة و المُفقرة للناس !!

سرى بخارى,,,,سلااااام,,,

تساؤل موجع,,,,,

المجلس الوطنى هو مجلس صورى ومهمته دعم النظام ولا اكتر ولا اقل,,,
ولايرجى منه شئ,,,,

هَذَا زَمَن بَيْع الْزَّمَن لَا نَسْتَغْرِب مِن جِيْل الْإِنْقَاذ أَن يُغْنِي لِلْمُؤْتَمَر الْوَطَنِي وَلَكِن الْغَرِيْب ان يُغْنِي عُمَر إِحَسَّاس لِلْمُؤْتَمَر .
هُنَالِك أَيْضا وَاحِد مِن الْفَنَّانِين الْكِبَار غِنَا فِي تَدْشِين حَمَلَة الْمُؤْتَمَر الْوَطَنِي هُو الّفّنّان حَمْد الْرِّيح الَّذِي غِنَا الْسَّاقِيَة . شَوُّفَوُّا الْمُفَارِقَات يَاجَمَاعَة نَحْن فِي زَمَن الُلَا مُسْتَحِيْل .

أَمِيْرَة سَلَام
الْمَبَادِئ أَصْبَحَت تُبَاع وَتَشْتَرِي أَلَا تَتَذَكَّرِي غَازِي سُلَيْمَان الْمُحَامِي وَلَكِن الْآَن أَصْبَح يُدَافِع عَن الْمُؤْتَمَر أَكْثَر مِن آَهِلَة .

الْقَابِض عَلَي مَبَادِئَه الْآَن كَالْقَابِض عَلَي الْجَمْر

Quote: أَمِيْرَة سَلَام الْمَبَادِئ أَصْبَحَت تُبَاع وَتَشْتَرِي أَلَا تَتَذَكَّرِي غَازِي سُلَيْمَان الْمُحَامِي وَلَكِن الْآَن أَصْبَح يُدَافِع عَن الْمُؤْتَمَر أَكْثَر مِن آَهِلَة . الْقَابِض عَلَي مَبَادِئَه الْآَن كَالْقَابِض عَلَي الْجَمْر

يوسف السمانى ..سلااااااام

غازى سليمان دا فاقد البوصلة ,,,, شان كدا مابتعرف ليهو اتجاه
اخر مرة فى حوار معاهو على شاشة تلفزيون السودان
ما طلعت منو باسود ولاابيض .. ولاتعرفو مؤتمر وطنى ولاحركة شعبية
جانى احساس انو زول قاعد ساى ومامرتكز على اى فكرة ....
فبالتالى لا اسف عليه ..

Quote: أين تكمن ألمشكلة اذا تغنى بالأمس مجموعة من عملاقة الفن والغناء وعلى رأسهم وردى للحركة الشعبية فى تدشين حملتها فما الذى يمنع هؤلاء أن يتغنوا للمؤتمر الوطنى أو لغيره كان ذلك بقناعاتهم الفكرية .. أم لأى مقصد آخر .... يبقى أن ناقل الكفر ليس بكافر مع الفارق ....

ادم خاطر,,,,,,سلاااااام,,

وردى غنى للحركة الشعبية يعنى ديل من حقهم يغنو للمؤتمر الوطنى??

ولا قصدك شنو??

احتمال ان اكون مافهمت وجهة نظرك...

تحياتى

Quote: والزول الدار ابوه حرقت بغني كيف للحارق والقاتل والجاني اخص عمر احساس زول قريب لي في المحبه والاخرين لا معرفة بهم بهن اما من لا طعم ولا لون ولا رائحة فلا اعلق عليه عليها

صبرى الشريف....سلاااام,,,,


هذه ماقصدته كيف لهؤلا الفنايين ان يتغنو لمن شرد وقتل ونهب واساء للجميع..

انا مثلك عمر احساس شخص قريب منى...

لذلك استغربت واندهشت جدا,,,

تحياتى,,

Quote: لاحظنا انه الفنانين فى السودان اصبحوا ايضا تكتلات واحزاب مجموعة مع المؤتمر الوطنى واخرى مع الحركة الشعبية وغيرها مع الشعبى الإسلامى حقوا يعملوا مسابقة زى برنامج نجوم الغد يسموهو نجوم الحزب

مصطفى توفيق ..سلااااااااااام

نجوم الحزب دى عجبتنى خالس خالس ..

غايتو المؤتمر الوطنى حيكون بطل المسابقة وحيكووش على كل الفنايين فى الساحة
سلطة ومال تانى فى شنو ؟؟

هنا ياربى برضو فى انسحابات ؟؟

Quote: بعدين يا شباب المعايش جباره. ما تضايقوا الجماعه زى ما بقولوا المصريين

د.محمد بابكر...سلااااااام..

المسالة ما معايش حسب وجهة نظرى ...
المسالة فيها ابعاد تانية ممكن تكون غير مرئية او نحن ما قادرين نشوفها..
لانو ما ممكن الواحد بين يوم وليلة ....يبقى ملك اكتر من الملك نفسو ..

تحياتى

Quote: في السودان اي شئ ممكن،،، والناس ما تندهش من الموضوع دا كتير عادي في زمن الا شئ،،،

حافظ ..سلاااااام

فعلا كل شئ ممكن لكن نحن دورنا شنو شان القبح دا ما يستشرى ويبقى هو الطبيعى ..


نتفرج بس؟؟

تحياتى

Quote: الفن ثم الفن

شكرا اميرة

هذا ماعنيته...



تحياتى

وايضا تحياتى يا سمندلاوى يا فنان

الاستاذة اميرة
تعرفى
ناس الجبهة عرفوا بلمس اليد انو طريق الصدق والاستقامة والعيش من عرق الجبين مابوصلهم لاهدافهم
عشان كدا عملوا انقلاب قتلوا وعذبوا وشردوا وسرقوا وظلوا طيلة العشرين سنة الفاتت يحاربوا فى القيم دى بالسلطة ومال الشعب وخلقوا فى البلد مناخ "جو عام" من الفقر المادى والروحى واختلال فى المفاهيم ممكن يجر اى زول فيهو شق الى ساحتهم .. ومع دا كلو مافى فنان حقيقى ضميره صاحى وانسانيته مكتملة ممكن يشارك فى عمل مع اللصوص ديل إلا يكون فيهو شى منهم, عشان كدا ماتحبطى المجموعة دى ختى طوبتهاوراك فالشعب فى وقضيتوا واضحة ضد الكضب والفهلوة والدجل والركاكة والدكتاتورية..وفناننو ولاد وبنات موجودين وياما يجوك مارقين زى القمر واحلى .
تحياتى

تحية طيبة صديقتى العزيزة اميرة مقرونة بشكرى العميق فى محاولتك الجادة بعدم خدش هذه العلاقة وانتى تطرحين موضوع البوست, وما ساقنى الان للرد هو احترامى لموقع سودانيز اون لاين وشخصك العزيز وزملاء البورد والمداخلات التى احترمها رغم تباين نوايا ومسوغات كاتبيها ولكن يبقى هذا الموقع منبرا حرا للتعبير دونما مساس ولا وصاية لذا تكمن فائدة وضرر الموقع فى طريقة استخدام او استغلال هذا الحيز الكبير من الحرية. تريثت فى مداخلتى لمعرفة المزيد من الاراء بغرض الاستفادة القصوى مما يطرح من مداخلات وقد اجمع الجميع توبيخى اكثر من بقية المجموعة المؤدية وقد اجمع اغلبهم على مسالة فقع المرارة
اقول:
السودان يعيش حالة تحول كبير فى تاريخة وهو التحول من الحكم الشمولى الى الحكم الديمقراطى, وقبل سنوات من الحكم الشمولى كانت المعارضة من الاحزاب السياسية تعيش خارج السودان وتتحاشى العودة خشية تعرض نفسها للاعتقال والمحاسبة ولكن الان كل الاحزاب المعارضة وقادتها تعيش داخل السودان وتمارس نشاطها المعارض وهذا لا يحدث فى اى وطن عربى او افريقى ولكن بعض السودانين يصدرون بعض الاحكام بغرض المعارضة التى لا تعطى الخصم اى تقدير لاى تحول ايجابى مهما كان شكلة او حجمه .وانا هنا لا ادافع عن حكومة الانقاذ ولكنى كمبدع يهمة امر شعبة وآثر البقاء داخل الوطن يقاسم الشعب مرارتة وافراحه اثمن اى فعل ايجابى يصب لصالح هذا المواطن وما يحدث من تحول ديمقراطى هذا الامر يخدم الجميع شعبا وساسة ومعارضة ولكن لابد من توقع الكثير من الانفلاتات والهنات والتذمر بعد كل هذه الاعوام من غياب الممارسة الديقراطية نظاما للحكم . ومن الطبيعى ان يكون حزب المؤتمر الوطنى الحاكم الان اكثر جاهزية وجديه فى حين وجود تراخى وتماطل وعدم الجدية من الاحزاب الاخرى والبعض اظهر جدية فى اخر اللحظات رغم ان ما يتم الان هو الطريق الوحيد المفضى الى التحول الديمقراطى اى عن طريق الانتخاب الحر, على الاقل هذا ما يلوح لى فى الافق وهو ايضا اقصر الطرق واامنها للوصول الى الحكم والمواطن هو الفيصل بعيدا عن اراقة الدماء والانقلابات .كثيرون اخطأوا فى حق هذا الشعب بقصد او بدون قصد او غفلات نجيد توظيفها على اسواء صورة تضعنا فى خانة الفظاظة والجلافة والتهور ولكن حتى وان حدث هذا فالغافل وحده يقف عند هذه المحطه ولا يسمح لنفسه بتجاوزها اولا ثم بعد استقرار الحال تتم محاسبة من اخطأ فى حق من
هذا فهمى لاوضاع السودان الراهنة وانا لم اكن يوما فارغ المحتوى ولن اكون ولو سعى ويسعى البعض لفعل هذا بقصد او من غير قصد
ولننتقل لموضوع المداخلة وهى مشاركة حزب المؤتمر الوطنى اوبريت غنائى
*اقول عقب عودتى من امريكا مباشرة شاركت حزب الامة الاصل تدشين حملتة بداره بالموردة حضورا بدعوة كريمة
*شاركت الحزب الاتحادى الديمقراطى الاصل بتدشين حملتة بمدينة نيالا بجنوب دارفور
*ثالثا شاركت ملبيا دعوة الصديق استاذ ياسر عرمان لاهل الثقافة والفن بمنطقة البجراوية
*ثم رابعا واخيرا شاركت المؤتمر الوطنى هذا الاوبريت رغم تحفظاتى التى ذكرتها للقائمين على امر الاوبريت وهى النأى بنفسى للتغنى لاشخاص او احزاب وقد التزمت بهذا طوال مسيرتى وبعد طول نقاش قبلت على اساس مشاركتى للاحزاب السابقة اسوة بها اذا كان هذا سيفضى بنا الى طريق الديمقراطية التى ارتضاها الحزب الحاكم وفتح المجال لتحقيق ذلك وانا لست مسؤل عن هواجس النزاهه والممارسات التى ساورت بعض الاحزاب التى انسحبت ولم تعد, والتى انسحبت ثم عادت, والتى انسحبت ثم عادت ثم عادت وانسحبت يحدث كل هذا التضارب دون محاسبة من المنتمين لهذه الاحزاب ولكن تقم الدنيا ولم تقعد فى امر عمر احساس الذى تصرف بفهم يؤمن به متجاوزا تحفظاتة ومبادئة بحسن نية المصلحه العامه وقد اكون مصيبا او مخطئا ولكنى عموما تمددت على مساحة من دعانى مشاركته حملاته ولم اخذل احدا رغم حرصى بالبعد عن المحافل السياسية ومزالقها ومثال لهكذا موقف كنت قد دعيت لمشاركة احد المشاركين استضافة بالتلفزيون واعتذرت لارتباطى المسبق بحفل فى نفس الموعد ولكنى فؤجئت بانسحابه من الترشيح بعد يوم من بث الحلقه هذا ما قصدته من المزالق السياسيه ومن هنا اهيب بالجميع ان يترك المبدع لينضح بما فيه وان يترك ليصبح كما هو دائما مركز التقاء قومى لكل الوان الطيف السياسى والقبلى والجهوى واعلن احترامى لكل مبدع اعلن طواعيه انتمائه لاى حزب وهذا مكفول له كما هو مكفول لغيره
اسمحوا لى بتاكيد معلومة اننى لم اجر اى عملية ازالة المرارة اى ان مرارتى لازلت تتاثر كسائر البشر
وسانتهزها مناسبة لذكر بعض ما يفقع مرارتى
1\ بوادر الجفوة و استمراء الانشقاق الذى اجتاح ويجتاح السودانين فى الداخل والخارج وعدم قبول الاخر
2\استعلاء الولاء السياسى على الوطن المطلق
3\الميل الحاد لتصعيد المواقف دون طرح حلول وبدائل وانتظار الحل الذى سينزل من السماء يغتة
4\التراشق بالقبيلة والجهة على كافة المستويات
5\التغاضى عن الرقابة والمحاسبة الذاتية لذات الشخص وذات الحزب وفرض الوصاية دون خلفية تعزز هذا التصرف
ااخيرا اكرر شكرى وحبى للجميع وهذا كل ما بجعبتى وقد لا اعود باى مداخلة والحرية مكفولة للجميع بالتعبير وساظل متابعا لما سيكتب مع شكر خاص للاعزاء محمد زكريا ومرتضى احمد عبدالقادر والصديق سمندلاوى واؤكد عدم انتمائى لا اى حزب غير حزب محمد احمد وهذا الوطن الذى اهبه كل نفيس وغالى وافديه بعمرى
شكرا اختى وصديقتى الغالية اميرة
عمر احساس

العزيز والزميل عمر احساس
انتهز الفرصه لار عليك باسرع ما يمكن.....اولاً اشكرك علي هذا الرد الوافر
لم تخيب ظني عندما ذكرت ان هنالك فنانون حقيقون ولكن هي ادغال السياسه ورياحه الغابرهو التي تصيبهم احين كثيراً فيما لا يشتهون
وانا كما ولو اعيش باحساس اهل الفن من الداخل اولئك القابضون علي الجمر ويصدحون بالنغم......احس بك وانت فنان بألوضع الذي وجدت نفسك فيه معاً مع طغمه الانقاذ
والذي في الداخل ليس كمن بالخارج....عموماً كما اسلفت فانا لا ابحث مبررات للفنان واعتبر حريه الفنان ملك له....فقط فلتعلم اننا نحزن ان نري امثالك في مكان ليس لامثالك
لا نملك الحق ان نلومك فانت ادري بما تفعل ولا تحاسب لانك تغنيت للمؤتمر الوطني بل لاننا نعتقد انهم لا يستحقون ان يغني لهم فنان مثلك
اري انها شجاعه فائقه ان تاتي وترد علي هذا البوست بكل رباطه جاش وهدوء وافتخر بك كفنان واعي ومثقف ...ليتك تري عبره ما من هذا البوست
انا ساظل دائما مع حريه الفنان ومناصره اهل الفن......وليكن الوطن من همومنا الاوليه
تحياتي

عزيزي عمر .. تحية طيبة
شخصيا لا أشك في نواياك بحكم إبداعك وتاريخك الفني ولقاءات شخصية في مناسبات زاهية جمعتنا في عقد التسعينيات، ولكن أسمح لي بإبداء بعض الملاحظات على النص المكتوب هنا بتوقيعك.
ولعدم معرفتي بعمل الاقتباسات سأشير فقط إلى بدايات الفقرات التي أعنيها.

تقول بعد الاستهلال إن "السودان يعيش حالة تحول كبير في تاريخه من الحكم الشمولي إلى الحكم الديمقراطي وإن المعارضة عادت إلى الوطن وتمارس نشاطها".

في الكتابة أعلاه تنسب هذا التحول إلى "مجهول"، وكذلك عودة المعارضة لممارسة نشاطها. وأنت تعلم أن التحول والعودة حدثا نتيجة نضال طويل خاضته المعارضة الشمالية والحركة الشعبية، ومن بعد جاءا بضغوط المجتمع الدولي الذي يخشى على مصالحه في المنطقة وذلك عبر اتفاقية نيفاشا، بمعنى أن الانقلابيين الإسلاميين لم يتفضلوا براحتهم بهذا التحول. وعلى كل سرعان ما سيعودون إلى ممارساتهم القديمة بل وأفظع إذا لم يحسن قادة المعارضة المحافظة على هذا الكسب.
والبناء للمجهول هنا –حتى وإن لم تكن تقصد، وغالب الظن لا تقصد- يرجعه علماء النفس إلى عمل ميكانيزمات دفاع تستخدمها نفس الإنسان لتبرير عمل لا ترضى هي عنه.

في فقرة أخرى تقول "ومن الطبيعي أن يكون حزب المؤتمر أكثر جاهزية وجديه في حين وجود تراخى وتماطل وعدم الجدية من الأحزاب الأخرى..".
هذا كلام تلوكه الحكومة حتى صدقها البعض، والحقيقة أن الأحزاب لم تتراخ ولا يحزنون إنما منعتها الحكومة -طوال انتقالية نيفاشا- من العمل وضيقت عليها حتى ساعة انطلاق الحملة الانتخابية، وما ببعيد قمع مسيرة تسليم مذكرة الأحزاب إلى البرلمان في مطلع ديسمبر الماضي.

ثم تقول في أسباب مشاركتك في الأوبريت "وبعد طول نقاش قبلت على أساس مشاركتي للأحزاب السابقة"،
وهو قول يساوي الضحية بالجلاد، وأنت تعلم أنه ما من حزب حكم السودان واقترف مثقال ريشة من الأهوال والفظائع التي اقترفها المؤتمر الوطني بحق الشعب السوداني فـ"هل يستويان مثلا"؟.
مع صادق المحبة والتقدير، بعد ده كلو.
--------------------
العزيزة أميرة الشيخ .. تحياتي
رسالة الفنان عمر معنونة باسمك فمعذرة للتداخل. لكن تعرفي في اللحظة النويت أكتب فيها عن الأوبريت يومداك سبقتيني بالكتابة، وخاصة عن عمر إحساس، أما البقية ديل فما عندي فيهم صالح.

الاستاذ الفنان .. عمر احساس ,,

شاكرة جدا حضورك وتعقبيك رغم اختلافى معك فى الكثير من النقاط
واسفة على التاخير يا صديقى .....

عندما وجهت حديثى اليك انت تحديدا لانى اعرفك واعرف احترامك لوجهات نظر الاخرين واعرف ما تتسلح به
من علم ومعرفة لذلك مستكتراك على ناس المؤتمر الوطنى

لازلت عندى وجهة نظرى بان تغنيك للمؤتمر الوطنى خصم وسيخصم من الكثير ,,,,

لحدى ما ارجع ليك تقبل تحياتى واحترامى ......

_________________________________________
البوست دا غتس ايام زحمة الانتخابات وماكان فى زول جايب خبرو الوقت دا

Quote: العزيزة أميرة الشيخ .. تحياتي رسالة الفنان عمر معنونة باسمك فمعذرة للتداخل. لكن تعرفي في اللحظة النويت أكتب فيها عن الأوبريت يومداك سبقتيني بالكتابة، وخاصة عن عمر إحساس، أما البقية ديل فما عندي فيهم صالح.

الاستاذ معاوية الزبير,,,تحية,,,

حتى لو الرسالة معنونة باسمى هذالايمنع تداخل الاخرين والإدلا برايهم ووجة نظرهم,,هذا منبر عام وحرية الراى مكفولة للجميع ,,,
اعتقد ان مداخلتك مهمة وتصب فى نفس الاتجاه هو انا وانت وناس تانين كتار عشمنا كبير فى عمر احساس,,,
ولم يرضينا ان يتغنى عمر احساس للمؤتمر الوطنى,,
واعتقد احساس لم يستنكر نقدنا(هجومنا)

انا سعيدة بمداخلتك جدا,,لانو من النادر ان تتداخل ببوستات

البوست حقك واكتب براحتك

Quote: وفناننو ولاد وبنات موجودين وياما يجوك مارقين زى القمر واحلى . تحياتى

الاخ عمر ادريس ,, سلاام ....

ما تتخيل وقفت عند العبارة الاخيرة دى قدر شنو؟؟
عبارة مليانة تفاؤل وامل
تتخيل دا ممكن يحصل بعد غسيل الامخاخ الجماعى البعملو فيهو الناس ديل....؟؟


اسفة لتاخير الرد ودمت طيب ومتفائل ..

Quote: لانو ما ممكن الواحد بين يوم وليلة ....يبقى ملك اكتر من الملك نفسو ..

الاخت اميرة الشيخ
المؤسف الكلام الفوق ده هو الحاصل بالضبط
هشام كمال