Post: #1
Title: جواب لبهنس (يجده بخير)
Author: fadlabi
Date: 04-09-2007, 00:07 AM
فقط يا محمد لو كان لجرحي اسم!
متذكر يا بهنس قصيدتك البقيت ما بتحبها ديك?
متذكر لمن تقول: سألتك عن أبعد فجة أفارقك فيها.. أشرتي علي.
عارف يا محمد في قصيدتك دي
صاحبي محمد حسين بهنس يلون قصائده بالزمن بتوفيق أحسده عليه
في قصيدته (بهديك الفوضى) يشير بهنس الى الزمن إشارة فقط لتجد نفسك أنت المتلقي في قلب الزمن الذي يحكي عنه بهنس..
في القصيدة مشاهد مختلفة.. تحتوي على العناصر المعروفة للمشهد زمان و مكان وحدث و أبطال .. بهنس غالبا يقول كل العناصر باستثناء
الزمن ,هو يشير اليه فقط ولكنك تراه بوضوح .. إقرأ معي
بهديك الفوضى
شجار طفلين في ساحة روضة
أنا أراهما في الفترة المسماة الضحى .. أرى حتى ملابسهما المتسخة بفعل الشجار و أرى بوضوح أين تستقر الشمس في تلك اللحظة
أهديك إحباطي
حديث عابر
في مركبة عامة
بصوت واطي
هل يمكنك رؤية المشهد و توقع زمان حدوثه, أنا يمكنني ذلك بوضوح.....
الزمن يا محمد عنده القدرة على تغيير طعم الأشياء فشارع البيت صباحا يختلف طعمه ظهرا ويختلف ليلا وهكذا .. كأنه شارع جديد في كل
مرة..
أما عن ما بداخلي تجاه حضرتك يا مان فهو زي زمان .. لسع بشوفك زوليين تلاته يا بهنس كل مرة بطلع منهم واحد.. و الغريبة كلهم
أصحابي.
إنت مشيت وين يا محمد ..
مشتاقين ياخ
تعال عليك البيناتنا تعال
رسل لي إيميل ولا أي حاجة
عارف السنة الفاتت في ألمانيا الناس لسع بسألوا منك و مشتاقين ليك..
المعجبين من الجنسين على قول واحد صاحبنا كده 
|
Post: #2
Title: Re: جواب لبهنس (يجده بخير)
Author: سفيان بشير نابرى
Date: 04-09-2007, 07:13 AM
Parent: #1
 
|
Post: #3
Title: Re: جواب لبهنس (يجده بخير)
Author: تبارك شيخ الدين جبريل
Date: 04-09-2007, 07:36 AM
Parent: #2
تقرير قديم من الجدود نتّاخدو
سقطت بحرب هدؤ بعوضات العدو
ما بفرز الجوا وسيطة والنهوا من بدوا
حكم البطن سيّان بيتزا و قدوقدو
الفحل البعيف!
|
Post: #10
Title: Re: جواب لبهنس (يجده بخير)
Author: fadlabi
Date: 04-09-2007, 11:21 AM
Parent: #3
ليلا مرصع بالحنين يلمع دمع
وجه البنات والريح تتندل في الشمع
الطوف مطلوح موج بيفرد وينجمع
ليلا يصن فيو بلعة الريق تنسمع
ليل في خريف
تنقرش عصبي في النجمات تلوح ده صوابي
ملتهب الوجود تنفخ رماد أعصابي
غبيت في الرحيح دون ضيف فتحت ابوابي
دخلت فيها غيمةورحمنت أسبابي
مابعدم خريف
حافي عليها مشيت والحسكنيت سجاده
غيلان الالم جو وأكلتهم لباده
حفيان بت حضنتهاواتخلقت سعاده
حفنه من النعاس والغفوه بالجباده
شفت عيون خريف
|
Post: #4
Title: Re: جواب لبهنس (يجده بخير)
Author: سفيان بشير نابرى
Date: 04-09-2007, 08:44 AM
Parent: #1
  
|
Post: #7
Title: Re: جواب لبهنس (يجده بخير)
Author: fadlabi
Date: 04-09-2007, 11:11 AM
Parent: #4
|
Post: #5
Title: Re: جواب لبهنس (يجده بخير)
Author: ايوب عبدالرحيم
Date: 04-09-2007, 09:16 AM
Parent: #1
فاضلابي
قبل فترة قليلة تذكرت هذا البهنس
واندهشت لاني لم اجد له اي بوست في الفترة الماضية
هذا البوست عن الرسم بالضوء :
اقامة معرضي الاول في الرسم بالضوء
هو من اجمل البوستات التي قراتها في المنبر في النصف الاول 2006
وللاسف الان غالبية الصور غير موجودة
اتمنى من بهنس ان يقوم بانزالها
وان يفيدنا بخصوص اعماله
وتحياتي لك ولبهنس ودي صورتين لبهنس بالرسم بالضوء
|
Post: #6
Title: Re: جواب لبهنس (يجده بخير)
Author: وليد محمد المبارك
Date: 04-09-2007, 09:32 AM
Parent: #5
غياب فيزيائي
غياب اسفيري كمان
كتيره علينا يا معلم
|
Post: #9
Title: Re: جواب لبهنس (يجده بخير)
Author: fadlabi
Date: 04-09-2007, 11:19 AM
Parent: #6
مش يا وليد عليك الله
|
Post: #8
Title: Re: جواب لبهنس (يجده بخير)
Author: fadlabi
Date: 04-09-2007, 11:18 AM
Parent: #5
ايوب عبدالرحيم
عندي بعض الصور لبعض أعمال بهنس ممكن أنزلها بعد ما ألقاها
بهنس إختفى من الناس حتى
لا أحد يعرف له مكان
و نحن في شوق كبير له لو كان يعلم
|
Post: #11
Title: Re: جواب لبهنس (يجده بخير)
Author: محمد محي الدين
Date: 04-17-2007, 11:53 AM
Parent: #1
الاخ الفاضلابي...
((هديت مسداري)) ومشيت كداري...
لبهنس طعم الحضور ولون الشتات...
بهنس ايها العنيد اخرج ومعك الاخرون...
مع حبي.
|
Post: #12
Title: Re: جواب لبهنس (يجده بخير)
Author: محمد عبد الله شريف
Date: 04-17-2007, 02:34 PM
Parent: #11
بهنس يا بهي حتي في غيابك .
نشتاق لشغبك وشخـبتاتك ... اطلع من مزاجك وتعال
|
Post: #13
Title: Re: جواب لبهنس (يجده بخير)
Author: Elkhawad
Date: 06-17-2007, 11:14 PM
Parent: #12
فاضلابي
بهنس شكلو الجواب ده ما وصلو لسه
كدي رسلو تاني
|
Post: #14
Title: Re: جواب لبهنس (يجده بخير)
Author: Muna Khugali
Date: 06-17-2007, 11:49 PM
Parent: #13
ولما تلاقيه..
قول ليه
مني مشتاقه لوجودك كتير..وغيابك طال شديد..
تحياتي.ز
|
|