Post: #10 Title: Re: نادر خضر يتربع علي نجومية برنامج اغاني اغاني Author: abdulhalim altilib Date: 09-01-2009, 08:23 AM Parent: #7
الأخ / محمد الأمين والاخوان هارون ، صلاح عبدالله تحياتي لكم في هذا الشهر الفضيل ورمضان كريم وتصوموا وتفطروا على خير .
أكيد يا صلاح أخونا ودالامين بهظر !!
غايتو بتخيل لي ود البنا هو اللي متربع على نجومية البرنامج ، وطبعاً لولا اختلاف الأذواق لبارت السلع !
( بجد .. أنا ما بهظر يا صلاح) !؟
تخريمة :
الأخ / الهادي شهر مبارك عليك ورمضان كريم وصيام مقبول وذنب مغفور بإذن الله .
Quote: ياخ ده جضم أغاني صلاح بن البادية زاتو .. أسي ود البادية ده فنان يجضموا ليهو غنية ؟؟
لكن نادر عملا ..
بعيداً عن أداء نادر أو نجوميتو في حلقات السر قدور ،
داير أسألك عن البرنامج ده اللي منزل عليهو أداء نادر خضر ( humyo.com ) . يا أخي ده شغلوا نضيف شديد ، والصوت فيهو نقاء غير طبيعي وواضح جداً (أعني البرنامج ده) . بس ما عرفت كيف أو من وين نخش عليهو عشان نحفظ الغنية . فهلا تكرمت ونورتنا .. نور الله أيامك .
مودتي للجميع ،
( ليمو )
Post: #12 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-01-2009, 08:33 AM Parent: #10
Quote: داير أسألك عن البرنامج ده اللي منزل عليهو أداء نادر خضر ( humyo.com ) .
نفس السعال بس لقيت البرنامج بفلوس
Post: #13 Title: Re: نادر خضر يتربع علي نجومية برنامج اغاني اغاني Author: Salah Abdulla Date: 09-01-2009, 08:39 AM Parent: #12
Quote: نادر تغني باغني صلاح مصطفي احسن من صلاح مصطفي
والله أنا من الأول عرفتو بوست بتاع هظار ، وعرفتك قعد تهظر..
------------- مش قلت ليكم محمد ده بيهظر ساي ؟؟ في الأول هجمني كنت قايلو جادي ، لكن موضوع صلاح مصطفى ده أكد لي هظارو..
Post: #14 Title: Re: نادر خضر يتربع علي نجومية برنامج اغاني اغاني Author: عبدالله كع Date: 09-01-2009, 08:50 AM Parent: #13
Quote: نادر خضر يتربع علي نجومية برنامج اغاني اغاني
يا محمد نادر خدر خفيف خفة الكلب اللحس العجين .. اتربع شنو يا قريبك !! وين عصام محمد نور ؟
صوم .. وما تجرح صيامك يا فرده
Post: #16 Title: Re: نادر خضر يتربع علي نجومية برنامج اغاني اغاني Author: محمد عبدالرحمن Date: 09-01-2009, 09:05 AM Parent: #14
غايتو انا شخصيا قاعد يطربنى نادر خضر ..بغنى بطريقتو (هو) ماطريقة زول تانى ..يعنى نادر (بشبه روحو) ودا الجديد ..الاضافة والجديد هى مايميز الفنان من الآخر ..ونادر (نفس) جديد ...وبصمة مختلفة ...
Post: #18 Title: Re: نادر خضر يتربع علي نجومية برنامج اغاني اغاني Author: Osama Siddig Date: 09-01-2009, 09:30 AM Parent: #14
الاخوة الكرام,
هى فعلا أذواق , لا أقول أن نادر خضر حاز نجومية البرنامج , و لكنى أيضا اطرب له كثيرا.
أسامة
Post: #15 Title: Re: نادر خضر يتربع علي نجومية برنامج اغاني اغاني Author: badr alkalika Date: 09-01-2009, 08:57 AM Parent: #10
تحياتي للجميع ورمضان كريم
تابعت كغيري من عشاق الطرب الاصيل البرنامج
كنت قبيل اسابيع عندي راي كبير في عدد من الفنانيين ما بقول الشباب لانهم بقوا اصل
يعني ناس فرفور ونادر خضر وغيرهمم الا عصام محمد نور وعاصم البنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كنتت لا شك غير محقق
نادر خدر دا والله في اغاني واغاني تجلى عددددددددددددددددددددددديل وخلاني غيرت راي فيهو
فرفور صوته حنين وفي الغنا حي جديا لذيذ
--- ولا شك انا مغرم بعصام محمد نور
والود عاصم البنا دا مملكة والله
صوته طرب اداؤه عذب يحفظ الغنا قديم وجديد كامل الدسم ---- تخريمه
افراح الشعب لا تعليق
Post: #17 Title: Re: نادر خضر يتربع علي نجومية برنامج اغاني اغاني Author: أبو ساندرا Date: 09-01-2009, 09:26 AM Parent: #15
Quote: إنت بتهظر .... مش؟؟؟؟؟
هسع الهظار وين يا صلاح ؟
أيوة انت فنان ومتمكن في علم الأصوات ومزود بالمعرفة والخبرة لكن لازم تدي إعتبار للأذن المخالفة والسميعة المخضرمين فالتقييم الصادر يتعلق بمستوى الأداء في حالة معينة هي حالة برنامج { أغاني و أغاني } ملاحظتي أن نادر خضر فعلآ تفوق في ذات الوقت الذي إتسم فيه أداء عصام محمد نور بالبرود والثقالة نعم لدى عصام إمكانيات عالية ، أظنه لا يعرفها أو يهدرها بطريقته الباردة
ثم ، رمضان كريم .
Post: #19 Title: Re: نادر خضر يتربع علي نجومية برنامج اغاني اغاني Author: ابوبكر على Date: 09-01-2009, 09:36 AM Parent: #17
نادر خضر و اداء رائع اول امس ليلة محمد احمد عوض
عندما غنى الاغنية الاخيرة
Post: #20 Title: Re: نادر خضر يتربع علي نجومية برنامج اغاني اغاني Author: الحاج حمد الحاج Date: 09-01-2009, 09:53 AM Parent: #19
عصام محمد نور صاحب صوت متميز يستطيع تطويعه لأغلب الأغاني.. نادر خضر له طريقة خاصة جدا في الأداء ، أبدع أكثر من غير بقية الحلقات عندما غنى لمحمد ميرغني. عاصم البنا يتميز في أغاني الحقيبة أكثر..و هو مبدع بلا شك.. كل واحد ليهو لونية تميزه..لكن يبقى عصام محمد نور الأميز.
Post: #21 Title: Re: نادر خضر يتربع علي نجومية برنامج اغاني اغاني Author: Elhadi Date: 09-01-2009, 10:45 AM Parent: #20
Quote: الأخ / الهادي شهر مبارك عليك ورمضان كريم وصيام مقبول وذنب مغفور بإذن الله .
بعيداً عن أداء نادر أو نجوميتو في حلقات السر قدور ،
داير أسألك عن البرنامج ده اللي منزل عليهو أداء نادر خضر ( humyo.com ) . يا أخي ده شغلوا نضيف شديد ، والصوت فيهو نقاء غير طبيعي وواضح جداً (أعني البرنامج ده) . بس ما عرفت كيف أو من وين نخش عليهو عشان نحفظ الغنية . فهلا تكرمت ونورتنا .. نور الله أيامك .
Post: #22 Title: Re: نادر خضر يتربع علي نجومية برنامج اغاني اغاني Author: نعمات حمود Date: 09-01-2009, 11:10 AM Parent: #21
الاخ محمد ...نعمت اياما .. فعلا نادر يتربع على عرش النجومية .. الاناقة والتهذيب والتشذيب وحتى الجلسة ..لا كراع ممطوطة ولا حركة زايدة بعدين نجي للاساس : كل الاغاني اجادة بطريقة جميلة .. بللاهي شفتو اللبسة البيضاء دي ..شرط والله لكن برغم كل هذا فهذا لايمنع من ..ما ذهب اليه الموسيقار والملحن ..احمد المك (افراح عصام ..مقدرات مهولة )) وحقيقة اختلاف الاراء لايفسد للنجومية قضية .. محبتي وعميق التواصل
Post: #23 Title: Re: نادر خضر يتربع علي نجومية برنامج اغاني اغاني Author: ارصد محمد جلال Date: 09-01-2009, 11:44 AM Parent: #22
اوافقك الراي
وفعلا نادر نجم الحلقات حتى الان
و
رمضان كريم
Post: #24 Title: Re: نادر خضر يتربع علي نجومية برنامج اغاني اغاني Author: Salah Abdulla Date: 09-01-2009, 11:47 AM Parent: #23
أبا ساندرا .. سلام
Quote: هسع الهظار وين يا صلاح ؟
يا عبدالرحمن أنت تعلم أنني لا أملك إلا أذني فقط .. الهظار أنا شايفو في الكلام الاتقال عن نادر خضر مع أكيد إحترامي له ، وإقراري التام بأنه لولا إختلاف الآراء لبارت السلع ، وسمع الناس ووووووووووألخ تعرف المصيبة وين ؟؟ المصيبة في إنو الأذن السودانية الذواّقة بدأت تستجيب للغث .. وده من كترة الأصوات الغريبة البقت تتسمع يوماتي وتاني مع إحترامي لنادر خضر ، إلا أن صوتو أكتر من عادي ، ليس فيه ما يميز وزي صوتو ده بتكون إنت أو واحد من صحبانك بيغني زيو أو يمكن أحسن منو فشنو البيميز صوت نادر ، وشنو الإضافة الممكن يساهم بيها صوتو في مسيرة وتاريخ الغنا السوداني ؟؟ الصوت زاتو مقاييس تحديد جمالو شنو – المقاييس العلمية ؟؟؟ بعيداً عن إختلافات السمع والأذواق دي .. أها نحن دايرين الموصلي يجي يقول لينا كلامو هنا ده ..
هو الناس ديل قايلين الغنا ده سااااااااااااي كده ؟؟؟
هذا مع إحترامي الأكيد للجميع ، ولنادر خضر ..
Post: #25 Title: Re: نادر خضر يتربع علي نجومية برنامج اغاني اغاني Author: هواري نمر Date: 09-01-2009, 11:59 AM Parent: #24
سلام.. و كل رمضان و الجميع بخير... لا اعتقد بان نادر تربع علي البرنامج.. يمكن او يكون قد ادي بعض الاغاني بطريقة جيدة, و لكنه لم بتربع و لن يكون!؟؟ شوفو حلقة زيدان ابراهيم.. لم يستطيع احد من الشباب مجاراة زيدان..
دعونا من الاحكــــــــــــــــام المطلقة!! تربع.............مرة واحدة فيها انكار لمجهود بقية الفناين.. نادر له طريقته في الاداء و كل اغنية يريد ان يغنيها بنفس الاداء و اللونية وفي حلقة زيدان...خفت ان يدخل جملته المحببة(حبيبووووو)... لا انقاص من مقدرته , و لكن ان نقول تربع مرة واحده ,اعتقد كثيرة... و لكم و لي نادر خضر و لكل المجموعة الاحترام
اين ؟؟ فيصل الصحاقه عمار السنوسي محمود عبدالعزيز عمر جعفر عادل مسلم... ؟؟؟؟؟ ؟؟؟؟؟ ؟؟؟؟؟
Post: #26 Title: Re: نادر خضر يتربع علي نجومية برنامج اغاني اغاني Author: جلال عثمان Date: 09-01-2009, 12:23 PM Parent: #25
لا تربع ولا استطال وينطبق الكلام عليهم كلهم بالله عليكم في حلقة امس دي بتاعة محمد ميرغني دي كم مرة تدخل محمد ميرعني عشان ينقذهم من الورطات البدخلو نفسهم فيها وماتنسوا انو الاغنيات التى تؤدي في البرنامج اغنيات مسموعة وتكاد تكون محفوظة للجميع
Post: #27 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-02-2009, 09:00 AM Parent: #26
Quote: الاناقة والتهذيب والتشذيب وحتى الجلسة ..لا كراع ممطوطة ولا حركة زاي
.والذوق والحصافة
Post: #28 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-02-2009, 09:26 AM Parent: #24
Quote: يا عبدالرحمن أنت تعلم أنني لا أملك إلا أذني فقط ..
طيب مركب مكنة يتاعت PHD holder وعامل فيها مقطعة مالك ردك اقرب الي العبط
Post: #29 Title: Re: نادر خضر يتربع علي نجومية برنامج اغاني اغاني Author: omer osman Date: 09-02-2009, 09:39 AM Parent: #28
Quote: غايتو انا شخصيا قاعد يطربنى نادر خضر ..بغنى بطريقتو (هو) ماطريقة زول تانى ..يعنى نادر (بشبه روحو) ودا الجديد ..الاضافة والجديد هى مايميز الفنان من الآخر ..ونادر (نفس) جديد ...وبصمة مختلفة ...
نفس الشعور يامحمد عبدالرحمن. واضيف عليهو نادر زول فاهم جداً ولو في زول شاف الحلقة العمله مع هيثم كابو السنة الفاتت
بقتنع بي كلامي ده.
محمد الامين ........ رمضان كريم بوست موفق جداً.
Post: #30 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-02-2009, 11:46 AM Parent: #29
Quote: واضيف عليهو نادر زول فاهم جداً
دة كلام صاح ياسعادتك كل سنة وانت طيب
Post: #31 Title: Re: نادر خضر يتربع علي نجومية برنامج اغاني اغاني Author: Salah Abdulla Date: 09-02-2009, 12:17 PM Parent: #28
Quote: طيب مركب مكنة يتاعت PHD holder وعامل فيها مقطعة مالك ردك اقرب الي العبط
طبعاً ما ح أقول ليك إنت ردّك أقرب ( لقلة الأدب) لأنو هو فعلاً كده.. وموضوعك الفتحتو ده ممكن أتكلم ليك فيه كلام يرجعك ( الروضة ) وذلك دون الحاجة الى أن أكون عندي (إبتدائي) مش Ph.D ( بيكتبوها كده يا شاطر).. وبعدين ياخي أنا ما مقطعها ولا حاجة ، لكن ح أقطعها ليك فوق رأسك المدوقس ده ، عشان تعرف تتكلم بأدب.. دحين صورتك دي مش كانت يوم الجرسة والاعتذارات العالمية.. إنت ما بتتوب ؟؟ ما بتتعظ أصلو ؟؟
وأعمل فري أكاونت .. وبعد ده عادي تقدر تحمل الأغاني من جهازك للموقع ده ...
وبعد ما تحمل الغنية للموقع أنقر عليها بالزر اليمين وبتلقى الكود جاهز تحت ( Embed Track ) بس تنسخو وتجيبو هنا ..
وده بالنسبة لطريقة عمل الموقع الفوق ده في حالة رفع الأغاني ..
................
أما بالنسبة لحفظ الغنية الفوق دي فممكن تحفظا طوالي من الرابط التحت ده ..
Save @ PC
لك جزيل شكري وفائق تقديري على هذا الشرح والتوضيح وهذه التنويرة التامة عن البرنامج ، وأرجو أن نتمكن من الاستفادة منه بالطريقة المثلي . شكراً ليك أخي العزيز الهادي ، وتسلم .
تخريمة :
أخي / صلاح عبدالله ، تحياتي ،
Quote: طبعاً ما ح أقول ليك إنت ردّك أقرب ( لقلة الأدب) لأنو هو فعلاً كده.. وموضوعك الفتحتو ده ممكن أتكلم ليك فيه كلام يرجعك ( الروضة ) وذلك دون الحاجة الى أن أكون عندي (إبتدائي) مش Ph.D ( بيكتبوها كده يا شاطر).. وبعدين ياخي أنا ما مقطعها ولا حاجة ، لكن ح أقطعها ليك فوق رأسك المدوقس ده ، عشان تعرف تتكلم بأدب.. دحين صورتك دي مش كانت يوم الجرسة والاعتذارات العالمية.. إنت ما بتتوب ؟؟ ما بتتعظ أصلو ؟؟
ح أتلحك تليحة ، بس حاول أكتب بالعربي..
رمضان كريم ، ونحن في شهر فضيل عشان كده استهدى بالله ، وقول يا باسط.
بصراحة تعليق الأخ محمد الأمين زعلني ، لأن تعليقه جارح ، ولم أكن أتوقعه منه وأخشى أن تجرح صيامه ، مثل خوفي عليك من تجريح صيامك و .. صوموا وربنا يهدي سرَّكما ، كما يقولون . وهدوا اللعب وخلونا نستمتع بأغاني وأغاني السر قدور ، دون أن نجنح للكلمات الجارحة أو العبارات التي لا تليق بنا ، خاصةً في هذا الشهر المبارك .
تخريمة :
كنت أتمنى أن ألتقيك وأتعرف عليك خلال زيارتي القصيرة للدوحة لاسبوعٍ خلا من دخول رمضان ، لكن زحمة لقاءات ومواعيد الأهل والصحاب وبرامجهم المجوبكة والتي انعدم فيها التنسيق حالت بيني وبين ألتقيك وبقية الأحباب ناس ود الأمير وود قريش وأبو ساندرا و ود دياب وغيرهم . وإمكن أجمل حاجة طلعت بيها من زيارتي القصيرة تلك هي إلتقائي بواحد من أعز الأصدقاء لم ألتقه منذ أكثر من ثلاثة عقود (!!؟؟) وهو الأخ عادل حسن محمد سعيد والشهير بـ(عادل شانتير) والذي يعمل في مصرف قطر الاسلامي . و .. لو ربنا سهل ، وسارت رياح سفننا كما نشتهي ، فلربما ألتقيك وبقية الصحب الكرام خلال عطلة عيد الفطر (بعد اسبوعين ونص ) بإذن الله . وحتى ذلك الحين .. دم بخير ومعك ود الامين .
مودتي لكما،
( ليمو )
Post: #33 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-02-2009, 02:07 PM Parent: #31
Quote: طبعاً ما ح أقول ليك إنت ردّك أقرب ( لقلة الأدب) لأنو هو فعلاً كده.
يا حبيب انا اسف ماقصد كدة بس ردك كان ضفاري شديد وكانك ماعارف نادر خضر انا ماعندي شريعة بنادر بس الحق يقال وردك اوحي لي كانك زول عارف موسيقي وعندك درجة علمية لا تتلحني لا اتلحك ولا عندي معاك اي سوابق بس خلي صدرك واسع واقبل راي الاخر ورمضان كريم
Post: #34 Title: Re: نادر خضر يتربع علي نجومية برنامج اغاني اغاني Author: Salah Abdulla Date: 09-02-2009, 05:49 PM Parent: #33
محمد الأمين , رمضان كريم وكل سنة وإنت طيب ..
ياخي أن برضو آسف على الكلام الكتبتو ، بس أنا إتفاجأت بردك ، وأنا ما غلطت عليك في شئ ، وده كان رد فعل طبيعي لكلامك .. بعدين أنا بعرف نادر كإنسان ، وما اتطرقت للجانب الشخصي ده نهائي لأنو موضوعك أبداً ما كان شخصي ، أنا إتكلمت عن جانب الصوت وبالمناسبة خلفيتي الموسيقية والغنائية جيدة وممكن أتكلم كويس جداً في المجال ده.. والراي القلتو ما مُلزِم لأي زول ، كما آراء الغير غير ملزمة لي .. عموماً حصل خير ، وفرصة سعيدة ..
------------------------------ يا ليمو ، رمضان كريم ، وشكراً على كلماتك الطيبات ، وحصل خير إن شاء الله .
ياخي كنا سنزداد سعادة بمقابلتكم الجايات أكتر من الرايحات ، وح أعرف من التلب أو عادل موعد جيتك الجاية ، ونلاقيك إن شاء الله ، ونلمك في باقي الناس وكل سنة وإنت طيب..
Post: #37 Title: Re: نادر خضر يتربع علي نجومية برنامج اغاني اغاني Author: على محمد على بشير Date: 09-02-2009, 07:40 PM Parent: #35
Quote: نادر خدر دا والله في اغاني واغاني تجلى عددددددددددددددددددددددديل وخلاني غيرت راي فيهو
انا شخصيا لا احب الفنان نادر خضر ولا احب اغانيه ولا طريقته الغريبه فى تأدية الاغانى ولكنه لفت نظرى فى برنامج حوارى فى قناة هارمونى مع كابو وشدانى بقوه فى برنامج اغانى فى هذا الموسم
فعلا قد تفوق وابدع فى اغانى الغير وكان متمكنا ورائعا جدا
رغم انى لا زلت فى رايى القديم فى اغانيه الخاصه وفرفور الى اليوم تائه وعصام محمد نور اليوم بس سخن وبدأ يدخل فى الفورمه
Post: #36 Title: Re: نادر خضر يتربع علي نجومية برنامج اغاني اغاني Author: أمين فاروق Date: 09-02-2009, 07:38 PM Parent: #20
Quote: عصام محمد نور صاحب صوت متميز يستطيع تطويعه لأغلب الأغاني.. نادر خضر له طريقة خاصة جدا في الأداء ، أبدع أكثر من غير بقية الحلقات عندما غنى لمحمد ميرغني. عاصم البنا يتميز في أغاني الحقيبة أكثر..و هو مبدع بلا شك.. كل واحد ليهو لونية تميزه..لكن يبقى عصام محمد نور الأميز.
Quote: انا شخصيا لا احب الفنان نادر خضر ولا احب اغانيه ولا طريقته الغريبه فى تأدية الاغانى
راي ويحترم كمان
Post: #39 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-03-2009, 09:08 AM Parent: #38
كلهم نجوم عاصم -جمال-عصام حتي الشباب الصغار بس في نظري نادر تميز
Post: #40 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-03-2009, 09:25 AM Parent: #39
في حلقة امس السر قدور اسهب في الحديث كثيرا
Post: #41 Title: Re: نادر خضر يتربع علي نجومية برنامج اغاني اغاني Author: عبدالغني كرم الله Date: 09-03-2009, 09:33 AM Parent: #39
Quote: غايتو انا شخصيا قاعد يطربنى نادر خضر ..بغنى بطريقتو (هو) ماطريقة زول تانى ..يعنى نادر (بشبه روحو) ودا الجديد ..الاضافة والجديد هى مايميز الفنان من الآخر ..ونادر (نفس) جديد ...وبصمة مختلفة ...
هذا ماكتبه اخوي محمد عبدالرحمن..
وأثني.. صاااااح...
تحس بالفردية، وبلغة الفكر الصوفي (أصالة التقليد)... يعني هكيل الأغنية قديم، ولكن صاغها بروحه هو..
جد.. أعجبت بشريف.... (قد تكون علاقتي مع أهله هنا، لها سبب، كالفنان الكبير عمر الفحيل، والإنسان.. الرقيق... عصام ما عارف... هو زول فنان، لكن شايف ناقصو شي؟؟ شنو والله ما عارف، لكن بفكر في الأمر..
بالله عوض شمبات ده عصبي كدي، بارك الله في عصبيته، فقد أظهرت محمد احمد عوض،،... وكل أحترامي... "رددتها كالاغنية)..
ياخي ام درمان كانت سوق فكر، وغناوي، وتلحين.. ياخي شكري لحسن بابكر، فقد زين سماء الوجدان بألحان رائعة..
والله اغنية، أنا بحلم بيك ياوطني، تمنيت تكون "نشيد الوطن" مش نسيد جند الوطن، وموت، وخراب، وفكرة السلام، أكبر فكرة راودت مفكري السودان، ويكفي انو في الغرب، دارفور، وكردفان، ظهر أكثر من 25 متمهدي، يعني ختام العنف، والشدر يحشر شوكو كمان..
(غريبة مش)، وهو في أغرب من الدنيا، وحكاويها..
التصوير سئ سئ والاعداد شبه مرتجل، (لكن برضو طاعم)..
ياربي ريماز دي أصلو قعدتها، عديلة زي نخلة.. أم آلام ظهر.... "حادة"..
تسلم يامحمد..
...
Post: #42 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-03-2009, 09:45 AM Parent: #41
انا بفتكر انها الافضل من بين البنات تغني ياحترافية اكثر منهن ربما لانها كانت عنصر اساسي في كورال الاحفاد اتوقع لها مستقبل جيد شريف لدي احساس بان هنالك شي بنقصة لا اعرف ماهو
Quote: أفراح؟؟؟ لا أدري، لكن لا تطربني على المستوى الشخصي..
ريماز... خايف ناس ازعلو، فالسكات أخير
نفس الشعور
Post: #43 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-05-2009, 08:39 AM Parent: #42
Post: #44 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-07-2009, 11:07 AM Parent: #4
فوق
Post: #45 Title: Re: نادر خضر يتربع علي نجومية برنامج اغاني اغاني Author: نعمات حمود Date: 09-07-2009, 11:30 AM Parent: #44
الاخ محمد الامين ... (نادر نجم النجوم ...)بالنسبة للبرنامج خلينا نقول عشان ما ينط لي زول ويقولي لا حودة وين او شبارقة او نجاة غرزة .. نحن موضوعنا اغاني اغاني بالتاكيد كل له نجوميته لكن خلينا ننتناقش حلقاتنا جلستهم غير مريحة ليس هنالك انسجام مع السيد الجميل قدور ..رغم هذا الحديث الشيق لكن لمن تشوفهم تقول في بيت بكاء وفرفور ..اخر فرفره (بذكرني بناس الكنبة الاخيرة في فصول المدرسة ) كنت اود ان يكون هناك تحاور حتى لا يحدث محدثنا نفسه ون قو و نادر حقيقة معتدل في كل شي ..خاصة طريقة تعاملة جلسة محترمة ولبس محترم حلقتهم مع محمد ميرغني هو الحاول يكابس ويختف الاغنية من خشم الواحد ولانو مخنوق بالغناء لم يرغب في ان يكون مستمعا ..مما اطفى بعض الخرمجة على الاداء ..ولكن كانت بشوية حيوية ودا لانو ما في بروفات وترتيبات سابقة كلفتك كلفتك تسجيل على طول قبل ما الواحد يتعرف على الفنان او الشاعر كما تعلمون وااكد لك ربماالواعدين ديل لم يقابلوا بعض الشعراء والفنانين الضيوف معاهم الا اثناء الحلقة لذلك في جمود في البرنامج ورغم ان الناس جميعها تحافظ على الحضور ولكن لسماع الغناء لا غير كحالة اهلنا السودانيين شكرا محمد على الوفاء لنادر وغيره لك عميق التواصل
Post: #46 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-08-2009, 08:35 AM Parent: #45
نعمات سلام كلامك صاح مية في المية
Post: #47 Title: Re: نادر خضر يتربع علي نجومية برنامج اغاني اغاني Author: عبدالغني كرم الله Date: 09-08-2009, 08:43 AM Parent: #46
كلامك كلو صاح يا نعمات حمود..
البرنامج، كلفته شديد، شديييييييد...
يعني برنامج زي ده صاح قناة النيل الازرق تصرف عليه الكثير الكثير، في الاضاء والاستديو، والبروفات، والمعالجة، لأنو ما مباشرة، يعني في لقطات هبيلة، تعرض، المخرج نايم..
والاصوات والاغاني مشوه وغير مكتملة.. والحوار متداخل، ..
غايتو، ياها حالنا، برنامج ينجح سنة، يستمر مليون سنة، بلا تجديد، وفن، وصنعة..
البرنامج ده، لو قيض له الدراسة، والاهتمام، وتصاوير تسجيلية، كان ممكن يكون برنامج ناجج بمعنى الكلمة
لكن بعد ده بنحضرو، وكمان بالليل، لأنو توقيتو بالدوحة شين تب، ونقعد لحدي واحد ونصف، عشان نسمع المخرف الجميل قدور
برضو لاحظت لمن السر قدور يمدح جمال البنات، (اصلو ما بقولو شكرا، أو يفرحن)، ياخي ده سجن كبير، للمرأة في التعبير عن نفسها..
تسلمي، وشكري يامحمد، ود الامين..
Post: #48 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-09-2009, 08:35 AM Parent: #47
حلقة الامس كانت عن مني الخير البت السمراء دي مبالغة عديل كدة الملاحظ وجود بخرات (ورق مكتوب في الاغنية الاولي واغنية عصام محمد نور)
Post: #49 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-16-2009, 12:34 PM Parent: #48
الاخ محمد الامين ... ما زال نادرنا محافظا على مركز النجومية .. الادب في الكلام والمشاركة والقعدة المرتبة ..والشعر المشذب واللبس النظيف المرتب تعرف تلات حلقات بشوف بنطلون (العم الزول السمح السر قدور مفرتك (اللفقة )يعني معقول بس لا مخرج لا زميل ولا واحدة من البنات ديل ما ينبهوهو ...حراام ...شئ محير بعدين بتاع الكاميرا دا خايف ما بجيب البنات ديل بس لمحة الحكاية شنو
وفرفور خفة دم زيادة ..... محمد عميق التواصل
Post: #51 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-16-2009, 12:59 PM Parent: #50
Quote: الادب في الكلام والمشاركة والقعدة المرتبة ..والشعر المشذب واللبس النظيف المرتب
اتفق معك تماما
Quote: تعرف تلات حلقات بشوف بنطلون (العم الزول السمح السر قدور مفرتك (اللفقة )يعني معقول بس لا مخرج لا زميل ولا واحدة من البنات ديل ما ينبهوهو ...حراام ...شئ محير
الاخراج بصراحة تعبان ربما لضيق الاستديو المخرج وقع في كثير من الاخطاء خاصة في حركات عصام محمد نور الود شريف ايضا علية كمية من الملاحيظ بالرغم من ان صغير في السن مواليد 1992 فشل المخرج والاخراين في اخراج صورة جملية لشريف( الحلاقة اللبس ...الخ نعمات خاص مودتي كل الاشواق
Post: #52 Title: Re: نادر خضر يتربع علي نجومية برنامج اغاني اغاني Author: محمد الامين محمد Date: 09-16-2009, 01:02 PM Parent: #51
