Post: #7 Title: Re: احلى حاجه تسويها المراه انها تكون ست بيت ...!!! Author: نوفل عبد الرحيم حسن Date: 08-28-2009, 02:58 AM Parent: #6
Quote: عليك الله بعد البنيه الجلوه الفي الصوره دي لسه الله ما اداك ؟؟؟؟؟؟؟
عارفه يا داليا صورة ابراهيم ود اختي الفي البروفايل دي جايبه لي الهواء لكن بريدو شديد اعمل شنو ؟
Post: #8 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 03:01 AM Parent: #7
وجن يا اختي ازيك ...
انا لسه ما نمت والمطره صابه من امبارح الساعه 12 بالليل ما وقفت ..
وبعدين انا هينه انا زوله ما عندي مسؤليات , انتي يا ست البيت الشاطره المصحيكي لحدي اسي شنو ؟؟؟
امشي ادي راجلك كورن فليكس باللبن ...
مشتاقه ليكي ولي لمار ...
Post: #9 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 03:04 AM Parent: #8
نوفل يا اخوي ,,,
معلييييييييش صوره ابراهيم بس ما وضحت لي كويس لانو الكرسي الوراهو عامل شدو .. ربنا يخليهو انشالله ,...
لكن بالنسبه لست البيت ممكن تشوف وجن دي شغاله خاطبه اليومين دي ساااااااكت في البوستات دي لوووووووول
كمان ممكن تجيب ليك مواصفات سعوديه تجميع السودان كمان ...
كن بخير وارقد عافيه ...
Post: #10 Title: Re: احلى حاجه تسويها المراه انها تكون ست بيت ...!!! Author: نوفل عبد الرحيم حسن Date: 08-28-2009, 03:10 AM Parent: #9
Quote: لكن بالنسبه لست البيت ممكن تشوف وجن دي شغاله خاطبه اليومين دي ساااااااكت في البوستات دي لوووووووول
كان كده سيبك من قصة ست البيت البقت وانتهت دي وخلينا نفتش لينا ست للبيت .. مع ملاحظة انه ما ح نفتش بيت للست لقطه مش ؟ لووووووووول يكه ( الحقوق محفوظه للزول ذاتو )
Post: #11 Title: Re: احلى حاجه تسويها المراه انها تكون ست بيت ...!!! Author: وجن Date: 08-28-2009, 04:58 AM Parent: #10
هو كورن فليكس تقولي معاو لبن قولي حليب لو رقاق معليش إتعلمي أصول الهنكشة والمنتشة كويس يا عسل لمار نفسه قام زي ماقلتي
نوفل عملته ظاهره لكن
الله يعرس ليكم انتو اللتنين
Post: #12 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 07:09 AM Parent: #11
داليا ... ازيك...
تعرفي .. القصة صعبة شويه... زولة accomplished زيك، لما تجي للتطبيق بتبقى ليها حارة... والدتك انسانة متعلمة.. وقعدت في البيت عشان تهيء ليكم الفرصة .. عشان تتعلموا وتفخر بيكم.. واكيد ده الحصل.. لكن النتيجة بتجي في المحك.. لما تجي تلقي نفسك في المحك، القعدة في البيت بتبقى ليك حاره..
مافي زول بياخد كل شي.. لكن التوفيق ممكن... بالنسبة لي النظرية بتشمل الآتي.. مجال التعليم بشكل عام، جامعي او غير جامعي بدي المرأة فرصة التواجد أكثر في بيتها... دوام خفيف.. واجازات كتيرة.. أما انتو، الطب ده كارثه من الكوارث على ست البيت... ودائما عائلة الطبيبة بتعاني من عدم وجودها.. وسهراتها وشفتاتها.. وبيتانا بره البيت.. ودوامها... الحاجه التانية، متى ما كان الخيار بين البيت والشغل، يكون الخيار للبيت.. ودون أي تردد.. الحاجة الثالثة.. في نساء، القعدة في البيت بتديهم الاحساس بقل الأهمية، الناس كلهم في لحظة من اللحظات بمشوا ورا حاجاتهم.. وبتفضل ست البيت براها.. يعني بعد 16 سنة دراسة... انا عملته شنو؟ وبعد القعاد شوية.. بتحس انه كل العملته ضاع..
بالنسبة لينا في الغربة، المقارنة فيها تغيير شوية... مع القفلة في البيت.. وسهولة المعيشة.. وسهولة النظافة ...وسهولة الطبيخ ...بكون في وقت فراغ كتير.. بخلي الواحدة aimless... وبتبقى حياتها رتيبة... التغيير بكون هو الشغل بالنسبة ليها..
شكرا على الدعوه الحلوه وتميها قول ي ربنا يديني راجل يستاهل اقعد ليهو في البيت ...
يديكي العافيه وشكرا لمرورك البحبو مووووت ...
Post: #14 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 09:07 AM Parent: #13
دكتورة داليا صباحاتك نواضر ورمضان كريم
Quote: شكرا على الدعوه الحلوه وتميها قول ي ربنا يديني راجل يستاهل اقعد ليهو في البيت ...
ما تحته خط داير ليه مووش بوست بوستات عدييييييييل ياريت تفتحي ليه نقاش متابعين وواصلي
Post: #15 Title: Re: احلى حاجه تسويها المراه انها تكون ست بيت ...!!! Author: دينا خالد Date: 08-28-2009, 09:14 AM Parent: #12
ووووووووووووووو يا داليا دا اسمو دس السـم فى العـسـل !!
اجيك ولا اخليك ؟؟ او اسمها تجى ؟ ولا نجى ؟
ــــــــــــــ دلويه "The happiest people don't have the best of everything. They just make the best of everything. Live simply. Love generously. Care deeply. Speak kindly. Leave the rest to God. "
Post: #16 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 09:24 AM Parent: #15
مياده كمال العزيزه ..
رمضان كريم .. انشالله مطرتنا دي ادتكم رشه بهناك ...
ما عندك مشكله بوست بوستين اللي تامري بيهو ...
منتظره تعليقك عشان نتناقش ...
يديك عافيه وشكرا للمرور ..
Post: #17 Title: Re: احلى حاجه تسويها المراه انها تكون ست بيت ...!!! Author: doma Date: 08-28-2009, 09:36 AM Parent: #16
اححححححي انا من التنظير دا يا داليا يا بتي اسالي مجرب جربنا الشغل وجربنا ست البيت ادفع كل العندي لو ارجع لشغلي دا خيار ابدا ما تمام الافضل لمن تجد الفرصه ان توفق بين الاثنين حكايه انك غير مجربه وتشيدين بدور ست البيت فيها رائحه انتهازيه بحسها انا كزوله مجربه الناس تمش الصباح الشغل والمدارس وست البيت متل ساقيه جحا مدوره تشيل من البحر وتكب في البحر.
Post: #27 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 10:03 AM Parent: #17
Quote: اححححححي انا من التنظير دا يا داليا يا بتي اسالي مجرب جربنا الشغل وجربنا ست البيت ادفع كل العندي لو ارجع لشغلي دا خيار ابدا ما تمام الافضل لمن تجد الفرصه ان توفق بين الاثنين حكايه انك غير مجربه وتشيدين بدور ست البيت فيها رائحه انتهازيه بحسها انا كزوله مجربه الناس تمش الصباح الشغل والمدارس وست البيت متل ساقيه جحا مدوره تشيل من البحر وتكب في البحر
يا الللللللللللللللللللللللللللللللللللللللللللللله الليلة عيد عديييييييل حمد الله على السلامة يا ستهم بس امسكوا في مداخلات الزولة دي لانها مدرسة عديل في المنبر دا
*** كيفك يا خالة دوما الاميرة
Post: #18 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 09:39 AM Parent: #16
اووووووووووو دينا ...
تجي طوااااااالي .. نحن لاقينك وين ..
بعدين دا اسمو اكنتك ليك ولا اضرب فيك نور عديل ؟؟؟
لكن ما عتدك مشكله يا بتنا ابقي ضاربه نور طوااالي ..
كوني بخير الى ان القاك ..
ملاحظه : الكلام الفي الهمش دا جميل جدا وعين العقل كمان ... تسلمي على المرور
Post: #19 Title: Re: احلى حاجه تسويها المراه انها تكون ست بيت ...!!! Author: Emad Abdulla Date: 08-28-2009, 09:42 AM Parent: #16
Quote: "The happiest people don't have the best of everything. They just make the best of everything. Live simply. Love generously. Care deeply. Speak kindly. Leave the rest to God. "
دي نعلها دينا البتقول الكلام الحكيم ده ؟؟ غايتو .. الحمدلله .
...... داليا .. بقيتي كويسة ؟
Post: #20 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 08-28-2009, 09:43 AM Parent: #16
داليا رمضان كريم وكل سنة وأنت طيبة
ودى أول مرة أكيب فى بوستاتك ... مع إنى بقرأ ليك كتير
Post: #21 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 09:47 AM Parent: #20
داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟
خالتو دوما.. اشتقنا ليك عدييييييييييييييييل.. بكري عمل لينا test كبير في محبتك
Post: #22 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 08-28-2009, 09:52 AM Parent: #21
Quote: داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟
مريم بنت الحسين رمضان كريم
وكيف مابيهم الرجال ... والله ده أكتر حاجة بتشغل الرجل ... بدون ما تحملى كلامى ده أكبر من طاقتو
أي راجل بيفكر أول مايرتبط بإمرأة موضوع الشغل والبيت سواء كان مؤيد لعمل المرأة أو غير مؤيد
والله ياداليا زيدتى إعجابى بيك الليلة
Post: #25 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 10:00 AM Parent: #22
الاخ محي الدين.. الله اكرم.. وتصوموا وتفطروا على خير...
فاهمه كلامك تماماً... لكن لما تجوا "انتو" المسألة بتدخل فيها عوامل اخرى... والله المرأة لما تملك قرارها بتدبر امورها كويييييييييييييييس.. بس اطلعوا منها انتو... وبرضه ما تحمّل كلامي انا فوق طاقته :)
أما داليا دي.. اديها يومين .. مع خالتو دومه.. وتشوف الامور تقلب كيف... العجب كان جات عمتي عشه بت فاطنة
بعدين الهدف من مطالبتي بابتعاد الرجال اننا نستفرد بي الزولة دي نديها راسها.. وهدا قرب يجي
بنت الحسين
Post: #31 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 08-28-2009, 10:08 AM Parent: #25
بت الحسين يديك العافية
Quote: أما داليا دي.. اديها يومين .. مع خالتو دومه.. وتشوف الامور تقلب كيف... العجب كان جات عمتي عشه بت فاطنة
بعدين الهدف من مطالبتي بابتعاد الرجال اننا نستفرد بي الزولة دي نديها راسها.. وهدا قرب يجي
عشان كده أنا ما ماشى من هنا شبر القط ... ياااخ دى زولة بمواصفات نادرة ، تقاس بالذهب عديييييييييييييل
تجن إنتن تلفن ليها رأسا ... لالالا ده كلامى ما ح حيصل .... وعلى الأقل كدى نحاول ننشر أفكارا النيرة دى
ياختى دى مواصفات الرجال بيفتشو ليها بالغربال ما لاقينها ....
Post: #24 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 09:56 AM Parent: #21
عماد عبدالله ..
صديقي الما بيسال مني حتى وقت الشده ...
بس ما عارفه تاني اقول ليك شنو ؟؟؟؟؟؟؟
Post: #214 Title: Re: احلى حاجه تسويها المراه انها تكون ست بيت ...!!! Author: محمد كابيلا Date: 09-14-2009, 02:46 PM Parent: #21
Quote: داليا ياخ دايرين نمنع الرجال يجوا يتكلموا هنا.. هل ده موضوعهم؟ ولا موضوعنا؟
طيب ليه شابكننا جندر وما عارف إيه....!!!؟؟؟
ولا للتمييز ولا ولا ولا ...!!!؟
داليا إزيك ..كل سنة وإنت طيبة .
كل الود محمد كابيلا
Post: #23 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 09:53 AM Parent: #16
Quote: مياده كمال العزيزه ..
رمضان كريم .. انشالله مطرتنا دي ادتكم رشه بهناك ...
ما عندك مشكله بوست بوستين اللي تامري بيهو ...
منتظره تعليقك عشان نتناقش ...
يديك عافيه وشكرا للمرور
ياداليا يا حبيبة هي رشة ساي نحن في الكلاكلة موية التصريف (وفي رواية اخرى قالو دا سيل جاي من الخلا البي هناك) ماليه شارع شرق بالمرة ......... يعني نحن عندنا نيل تاني بي هنالك
Quote: احلى حاجه تسويها المراه انها تكون ست بيت
ياتو قناعات وصلتك للفهم دا صعب الان تتعبي وتتحصلي على شهادات عليا... وتجي تتنازلي وتبقى ست بيت فقط الحتة دي بتدخل فيها عوامل كتيرة اولا الظروف الاقتصادية للسواد الاعظم من السودانيين تتطلب الاثنين (الزوج والزوجة) يخرجوا للعمل... ثانيا : الوضع الاكاديمي والعلمي فزي ما قلت ليك فوق صعب تتعبي وتتحصلي على شهادات عليا... وتجي تتنازلي وتبقى ست بيت فقط نظرة المجتمع وثقافته للزولة القاعدة في البيت لليوم سلبية لي حد ما(بالبلدي كدا ابسط حاجة لو جاييك عريس حيفضل عليكي المتعلمة وبتعمل) (ما يجي زول ناطي لي في حلقى منهم يقول لي كلامك غلط) واديكي القصة دي بنات خالتي اثنين الكبيرة خلصت ماجستير وقعدت في البيت(يعني ما لقت شغل) ... اختها الاصغر منها بي سنتين بتدرس في البكلاريوس جاء واحد قريبنا داير يخطب .... المتخلف الجهلول قال لمن جاء يخطب تخيلي قال ليهم شنو ما دايرالقاعدة في البيت .... مع انو مافي شئ بيعيبها وفيها صفات زولة تقدر تمسك بيت اكتر من اختها الاصغر منها الحنكوشةلى حد ما ثالثا : في رجال الان بفضلوا المراة العاملة ... عن المراة البتلزم بيتها كست بيت فقط والان صورة المراة الست بيت ماشة في تلاشي .... اسع لو واحد متزوج .... وداير يتزوج ثانية ..... الثانية دي عادة بتكون موظفة يا زميلته ... يا شافه زميلة اخته .... يا اخت صاحبه وصلها الشغل او او او وذريعته عادة بتكون استغلال للسلبيات اللي بيشوفها في (ست البيت) بتاعته اللي اما ما مهتمة بمظهرها نتيجة لانشغالها بشغل البيت واموره.... يا مقصرة في حقوق زوجها عشان برضو الشفع ما خدين كل وقتها ... وبالتالي حيلها انهد النهار كله ... ووووو *** اما ما تحته خط في ردي الاول عليكي هل الرجل يستحق منا التضحية بي أني ابقى ليه ست بيت بس بعد الزواج !!!!!!!! ولا برضو سنة سنتين حيزهج وحيكوس ويبدا الضجر والملل ويخشوا في طور الفتور البيكون بين الرجل والمراة في حياتهم... وفي الاخر تنتهي علاقتهم بزواج الزوج من ثانية...... (نظرة متشائمة مووش)
Post: #26 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 08-28-2009, 10:01 AM Parent: #23
ميادة كيفنك ورمضان كريم
Quote: اولا الظروف الاقتصادية للسواد الاعظم من السودانيين تتطلب الاثنين (الزوج والزوجة) يخرجوا للعمل...
طيب من وين ليك الإحصائيات البتدعمى بيها كلامك ده إنو السواد الأعظم ن السودانيين تتطلب عمل المرأة والرجل ...
قولى أعتقد لكن ما تحكمى طوالى .... نحن عايشين وين ...
Post: #29 Title: Re: احلى حاجه تسويها المراه انها تكون ست بيت ...!!! Author: Emad Abdulla Date: 08-28-2009, 10:07 AM Parent: #26
سألت .. و كل يوم بسأل .. إنتي نزلي القزاز شوية .
...... و بالمرة خلي الدلع . هجمتينا ساكت بالكربة و ما كربة .
Post: #30 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 10:07 AM Parent: #26
معليش ارد بدل ميادة على بال ما تجي يا استاذ محي الدين...
مافي ظروف اقتصادية.. ومافي زول محتاج... احنا بنتكلم عن المرأة تقعد في البيت ولا لأ؟ وراجلها عنده مال قارون...ده في السودان طبعا .. النسبة الفقر فيه وصلت 95%... شفته الاخبار قريب؟
بنت الحسين
Post: #32 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 10:15 AM Parent: #26
رمضان كريم اخوي محي الدين جبريل
Quote: طيب من وين ليك الإحصائيات البتدعمى بيها كلامك ده إنو السواد الأعظم ن السودانيين تتطلب عمل المرأة والرجل ...
قولى أعتقد لكن ما تحكمى طوالى .... نحن عايشين وين ...
السودان دا مووش دولة نامية ..... هل دخل الفرد فيه قادر يفتح بيت ياخي في زمنا الاغبر دا الاثنين يكونوا شغالين وبرضو المصاريف مولعة نار
Quote: نحن عايشين وين ...
رمضان كريم يا اخوي !!!!!!!!!!!
Post: #28 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 10:07 AM Parent: #23
دومه حبيبه الكل هنا .. وحبيبتي انا كمان ...
يديك الف عافيه على صحيه الصباح دغش والسندوتشات والمدرسه والتجهيز وشاي الصباح ..
يديك الف عافيه على حله الملاح الفريش الما مسخن ...
يديك الف عافيه على انك بتحومي بي جك المويه (او الحلو مر) على الناس في السحور في سرايرهم عشان ما دايرين يصحوا للسحور ..
عرفت الحاجات دي كلها وانا ما لاقيتيك .. عشان امي بتعمل كده .. وانت اكيد بتعملي كده وكمان اكتر ..
مرورك اسعدني جدا ...
كوني بخير حتى القاك ..
Post: #33 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 10:19 AM Parent: #28
الاستاذ محي الدين ..
شكرا كتير على كلامك اللطيف ويشرفني انك تكون متابع كتاباتي المتواضعه .. ونورت البوست ..
اكيد انا ما بقول كل النسوان يقعدوا في البيت .. في مهن كتيره المراه تبدع فيها اكتر من الرجل زي التمريض مثلا ..
عمل المراه شيء لا بد منه وهي ضلع لا يمكن الاستغناء عنه في مربع المجتمع الكبير ..
لكن .. احساس المراه قائده مملكه البيت ومصرفه اموره لا يضاهيه اي احساس في الدنيا ..
ابتسامه الاطفال وفرحهم واستقبال الزوج اخر النهار بعد تعب يوم عمل طويل لا يعادله اي انجاز ...
وبعدين مريم بت الحسين دي صحبتي البريدها لله في لله كده , ما تزعل منها دي احلى زوله وزي ما قالت دايره تستفرد بي
لكن ووويييييين ... كان ليهم .. !!
كن بخير ايها الجميل ... تحياتي
Post: #34 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 08-28-2009, 10:24 AM Parent: #28
بت الحسين وداليا وست البوست
موضوع لذيذ خلاص ( وش مششروط من الضحك وماعارف أجيبوا من وين)
ح أغيب منو ربما ليوم ، لانى على سفر ح أمشى المطار بعد شوية
_____________________
بت الحسين
Quote: شفته الاخبار قريب؟
يابت عمى أنا الأخبار دى منها أكل عيشى ... شغال فى مهنة النكد ....
نسبة ال 95 % العملا منو ، وحام السودان كلوا على شان يعرف أوضاع الناس
أأي أنا معاك فى فقر ، وفقر مدقع فى مناطق ... لكن كونوا نحكم بنسب مامؤسسة دى ما بتجى
يلا أبقن عافية لغاية ما أصل وجهة سفرى واستقر
محبتى
Post: #35 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 10:30 AM Parent: #34
استاذ محي الدين.. تمشي وتجي بالسلامة..
وعارفاك انت بتاكل عيش من الاخبار.. عشان كده سألته...
ولو 95% ما عاجباك.. يا سيدي معاك لحدي 70%.. قصّرت معاك... وبرضها كتيرة؟
لما تجي راجع داليا دي حتكون عرسّوها.. وبتفتش على عمل بعد ما لقت روحها ما عارفه تقبّل وين (وش ضاحك) يا بكري ما ترجع لينا التعابير دي ياخ
بنت الحسين
Post: #36 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-28-2009, 11:05 AM Parent: #35
مريم بت الحسين صحبتي ...
لمن يعرسوني بجي امسكك الشفع عشان امشي الشغل .. اوعك تتجرسي من اسي .. (وش مدردق من الضحك)
بعدين انت كلامك الاول داك ما كان سمح ولا عاوزه تازري صحبتك دومه (وش غامز)
عموما يا مريومه انا ماشه وجايه البوست في ذمتكم لمن اجي .. النيا جمعه وفاطرين معانا ناس ...
الاستاذ طارق تمشي ةتجي بالسلامه انشالله ..
Post: #37 Title: Re: احلى حاجه تسويها المراه انها تكون ست بيت ...!!! Author: معاوية المدير Date: 08-28-2009, 11:19 AM Parent: #36
بالله البوست كلو غسيل عِدة, وحلة تجقجق في النار, والحبل مليان هدوم باقيهن في الطشت, وواحدات مشرورات فوق سرير الحديد, والشفع ينططو فوق السراير وسخو الملايات, واحييييي يا أنا فترتِ من غسيلهن, أمشوا العبو برة. الحوش داير قش, وداير رش, وكذلك الاوض والبرندات. قشير البطاطس, ووريق الملوخية, والعجيبة لو بقت مفرومة, الفرامة تجيب الفلايت. وبعد ده يجيك خبر بكاء طاير يبوظ البرنامج من أولو لي آخروا...
فلتحيا ست البيت مصدر فخرنا, وإعتزازنا.
رمضان كــريم, وأنا متخارج...
ســـــلام يا داليا...
Post: #39 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 11:37 AM Parent: #37
Quote: بالله البوست كلو غسيل عِدة, وحلة تجقجق في النار, والحبل مليان هدوم باقيهن في الطشت, وواحدات مشرورات فوق سرير الحديد, والشفع ينططو فوق السراير وسخو الملايات, واحييييي يا أنا فترتِ من غسيلهن, أمشوا العبو برة. الحوش داير قش, وداير رش, وكذلك الاوض والبرندات. قشير البطاطس, ووريق الملوخية, والعجيبة لو بقت مفرومة, الفرامة تجيب الفلايت. وبعد ده يجيك خبر بكاء طاير يبوظ البرنامج من أولو لي آخروا...
فلتحيا ست البيت مصدر فخرنا, وإعتزازنا.
الاخ معاوية فعلا دا البحصل مع السواد الاعظم منهن الا من رحم ربي (وقاعدة مع ناس امها)... فالحبوبة بتشيل مسئولياتها دي معاها (مع اني عندي راي في الحتة دي)...
أختى مهندسة مدنية ... ودقست وتزوجت ... وقعدت في البيت لمن القاها داقة جرس من المسئوليات اللي انت قلتها فوق اقول ليها والقال ليكي عرسي منو !!!!!!!!!! والشكلة تقوم بيني وبين زوجها ههههههههه
مداخلتك جميلة عجبتني الصورة النمطية الكتبتها شكرا بالنيابة عن صاحبة البوست ورمضان كريم عليك
Post: #38 Title: Re: احلى حاجه تسويها المراه انها تكون ست بيت ...!!! Author: mayada kamal Date: 08-28-2009, 11:27 AM Parent: #36
Post: #40 Title: Re: احلى حاجه تسويها المراه انها تكون ست بيت ...!!! Author: yasir Abdelgadir Date: 08-28-2009, 12:01 PM Parent: #38
Quote: ابتسامه الاطفال وفرحهم واستقبال الزوج اخر النهار بعد تعب يوم عمل طويل لا يعادله اي انجاز ...
بالله في لسه نساء عندهم الروح دي؟؟؟؟
ينصر دينك ياخ
Post: #41 Title: Re: احلى حاجه تسويها المراه انها تكون ست بيت ...!!! Author: خالد عنان عمر Date: 08-28-2009, 12:11 PM Parent: #38
دكتورة داليا دا بوست فى محلو تمام
وحقو نفرد ليهو مساحات اكبر من كدا
يعنى اكبر من مسالة خلونا برانا زى ما قالت بت الحسين
الله يديها العافية -- الرجال كلهم ما مع داليا -- واحدين مع بت الحسين
لكن : الراجل تعجبو المراة الواثقة من نفسها زى ناس دكتورة داليا لما
تقول جنس الكلام القالتو دا وهى عارفة انها ما بتقدر تسيب شغلها الا
بشق النفس -- لكن مع دا هى برضو بتفضل الحياة بشكل تانى -- الحياة
التقليدية الحقيقية الحياة الفيها حميمية ودفء وفيها احساس بالاسرة
بصورة كاملة وبيرفيكت -- دا ابدا ما بنقص من دكتورة داليا ولا من دكترتا
ولا من كاريزميتها الانثوية بل العكس هنا هو الصحيح --
الموضوع جميل وجاذب وثر وفيه تجديد -- شكرا داليا
ربما اعود
تحية لكل المتداخلين
Post: #42 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-28-2009, 12:54 PM Parent: #41
Quote: لمن يعرسوني بجي امسكك الشفع عشان امشي الشغل .. اوعك تتجرسي من اسي .. (وش مدردق من الضحك)
بعدين انت كلامك الاول داك ما كان سمح ولا عاوزه تازري صحبتك دومه (وش غامز)
عموما يا مريومه انا ماشه وجايه البوست في ذمتكم لمن اجي .. الدنيا جمعه وفاطرين معانا ناس
دلوّش (موش ده اسم الدلع)... انا لسه معاك.. وكلامي داك ما بتحول اصلا... البيت أولا دي ما عندي فيها شك.. لكن انا بغيظني الراجل البقرر بدل مرته ... عشان كده لما دخلوا الرجال ضغطتي ارتفع.. خالتو دومه دي اصلها صاحبة الكل وحبيبة الكل... وانت زاتك صاحبتي ...
دحين يختي.. امسكي الاولاد انت لحدي ما ارجع من الكلية، انا زااااتي شغاله، لكن بجي البيت بدري.. جيبي لي الشفع بعداك كان عايزه.. وهييييع... كان بتجرس من مسكتهم.. تشوفي براك.... وبأكلهم ليك.. اي شي بسويه، إلا العصيدة.. قدر ما شرحوا ناس SHIBKA وروزمين ولنا .. برضه لسه عندي خوفه منها
انا حارسه البوست ده.. وبعد ده بقوانيني لحدي ما تجي ستّو... كدي النشوف لي عمّة بي جاي...
يا نساء المنبر... تعالوا ناقشوا موضوعكم ده...
Post: #43 Title: Re: احلى حاجه تسويها المراه انها تكون ست بيت ...!!! Author: وجن Date: 08-28-2009, 02:29 PM Parent: #42
هسة المابعرف أخو منو يا بت وصلتي كيف طمنيني عليك المهم خليك عشرة على البوست أنا طالعة معزومة فطور بجيك بعدين خفاش بس
Post: #44 Title: Re: احلى حاجه تسويها المراه انها تكون ست بيت ...!!! Author: doma Date: 08-28-2009, 07:18 PM Parent: #43
احححي يا داليا يا بتي احيييييييي يا ورم فشفاشي امانه يا بتي ما في نساء افنن زهره شبابهن في خدمه البيت والاولاد والزوج لا نفع لاشفع وخاصه افناء العمر في خد مه الزوج البتقول عليهو دا اخر الزمن يمش يجيبها بنيه صغيرونه وحليونه بعد شهرين وبالكثير سنه تجيب خبرو تبقي المسكينه في حبس وحضانه .
Post: #45 Title: Re: احلى حاجه تسويها المراه انها تكون ست بيت ...!!! Author: MOHAMMED ELSHEIKH Date: 08-28-2009, 07:29 PM Parent: #44
Quote: احححي يا داليا يا بتي احيييييييي يا ورم فشفاشي امانه يا بتي ما في نساء افنن زهره شبابهن في خدمه البيت والاولاد والزوج لا نفع لاشفع وخاصه افناء العمر في خد مه الزوج البتقول عليهو دا اخر الزمن يمش يجيبها بنيه صغيرونه وحليونه بعد شهرين وبالكثير سنه تجيب خبرو تبقي المسكينه في حبس وحضانه .
doma صديقتنا السابقة في البوردات السابقة(sudanforum) لك التحيةwadelsheikh
Post: #46 Title: Re: احلى حاجه تسويها المراه انها تكون ست بيت ...!!! Author: Siham Elmugammar Date: 08-28-2009, 09:26 PM Parent: #45
داليا رمضان كريم يا مريم حارسة البوست سلام
Quote: يا نساء المنبر... تعالوا ناقشوا موضوعكم ده...
ما أظن!!!!!!!!!!!!!!!!!!!
Post: #47 Title: Re: احلى حاجه تسويها المراه انها تكون ست بيت ...!!! Author: شرفى عبدالقادر Date: 08-28-2009, 09:40 PM Parent: #34
****** رؤيه نظر جميله وجديره بالاهتمام*** لكن صعبه عليكم يا دكتورات!!! انا عارفكم كوييسسس عن تجربه طبعا. مع تحياتى
Post: #48 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 00:37 AM Parent: #47
اووووووووووووو
انا جييييت مسكت البوست دا تاااني ...... الناس المتداخلين جميعا ..ازيكم
خالتي دومه .. اكيد احساس انو الزول يفني عمرو عشان زول ويما يلقى حسن الجزاء حاجه صعبه شديد لكناكيد ما بنقدر نعمم .. وفي نفس الوقت ما بنقدر نعمم نظريتي برضو..
انا ابدا ما قلت كل النسوان يقعدوا في البيت لكن قلت ((((((احلى))))) حاجه تعملها المراه انها تكون ست بيت ..
في رجل يستاهل انو تخلي الدنيا علشانو .. مش بس الشغل .. ومرات بيكون السبب الاولاد اللي بيكونوا اهم من اي حاجه في الدنيا ...
في النهايه اولا واخرا دا مجرد راي وابدا ما تورمي فشفاشك عشانها .. ربنا يخليكي لينا انشالله وشكرا لمرورك..
Post: #49 Title: Re: احلى حاجه تسويها المراه انها تكون ست بيت ...!!! Author: saif massad ali Date: 08-29-2009, 00:41 AM Parent: #48
الله الله ياداليا
الله يزيدك علم
الله يبلغك الفي مرادك
Post: #50 Title: Re: احلى حاجه تسويها المراه انها تكون ست بيت ...!!! Author: وجن Date: 08-29-2009, 01:15 AM Parent: #49
مساء النور داليا إزيك يا حبيبة تصدقي كان نفسي أقيف معاك في وجهة نظرك من باب الواجب وكده وعلى الأقل الزول ينوبوا جزء من جنس الإعجاب دا ماشاء الله عيني مليانة ما تخافي ما بسحرك لكن للأسف ما بقدر أقعد في البيت من غير شغل مابعرف أكون ما منتجة ما بعرف أبقى خملة وماعندي شغلة راسي بقيف بحس إني ما متجددة ما مطورة ما حيوية بليدة ما إنسانة عديل بحس إني مجرد آلة أنا بعرف أنتج جوة وبرة أنا والعياذ بالله من كلمة أنا بحس عندي طاقات جبارة للعمل دوامين خارج وداخل عشان أحس بدوري في المجتمع وأحس فائدة من وجودي في الدنيا الرايحة دي بعدين العمل بنظمني أكتر وأكتر عشان كده معليش أنا رافعة شعار لا لمهنة ربة منزل فقط لا لست البيت بمناسبة ست البيت مرة سمعت شريط في السودان اسمو ست البيت لفنان معروف بالله ممكن ترفقيو في جيب شنطة الحلو مر
Post: #51 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 01:26 AM Parent: #50
وجن يا حبيبه ..
ازيك ومساكي خير ..
يا ناس المنبر كلكم عندكم نفس العيب ... ما بتقروا المداخله كويس حتن تردوا ...
انا ما قلت المراه ما تشتغل يا وجن, انا قلت لو لقت فرقه تبقى ست بيت بس ودي شويه صعبه في زمننا دا , يبقى جميل ...
بعدين يا عسوله انا والله ما محتاجه لي زول يعجب بي او ما يعجب .. انا عبرت عن وجهه نظري بس .. اللي محورها كلو تجربه امي اللي بفتخر بيها جدا ..
تسلمي يا عسل وسلمي لي على لمار ..
اسم الفنان منو عشان ارسل ليك الشريط ؟؟؟
Post: #52 Title: Re: احلى حاجه تسويها المراه انها تكون ست بيت ...!!! Author: وجن Date: 08-29-2009, 01:42 AM Parent: #51
انا قلت لو لقت فرقه تبقى ست بيت بس طيب تبقي ست بيت بس كيف وهي بتعشق الشغل حبين في قلب واحد ما بجتمعوا يبقى هنا ما أختلفنا
انا والله ما محتاجه لي زول يعجب بي او ما يعجب مالو والله كلامك بعجب بس ما أكون زعلتك سخنت معاك كلماتي دي ولا شنو ماتختي في بالك ياخ إعتبريها هضربة زولة قاعدة في البيت اليومين ديل وداخله في دور ست البيت وراجلة شناف وما بعجبوا العجب ولا الصيام في رجب ومغير معاو الجو والوظيفة ولمار طلباتة أكبر منها واليومين ديل بعلم فيهاالحمام وكل رأس دقيقة بتقول عاوزة تدخل ومشتاقة لناس البيت ومشتاقة لمكة
اللي محورها كلو تجربه امي اللي بفتخر بيها جدا أمك أمي يا حبيبتي والله يخليها لينا
اسم الفنان منو عشان ارسل ليك الشريط والله ما متذكرة لكن الزول بشكر في ست بيتو شكر تقيل محبب يبعث الإعجاب في النفس فالكلمات بتحبو وتخدمو وتقوموا لصلاة الفجر بدري على ما أذكر
يا بت أنا نفسي أعرف انت بتقومي بدري كيف للدوام ولا أجزولكم
Post: #53 Title: Re: احلى حاجه تسويها المراه انها تكون ست بيت ...!!! Author: abubakr salih Date: 08-29-2009, 01:49 AM Parent: #52
يا جماعة كدى دقيقة لو سمحتو
كيف يعنى زول شغلتو فى الدنيا دى انو يقعد فى البيت؟
Post: #54 Title: Re: احلى حاجه تسويها المراه انها تكون ست بيت ...!!! Author: PLAYER Date: 08-29-2009, 01:59 AM Parent: #53
حكمة اليوم تطوير وتنمية البلاد والبيوت مسئولية الرجل والمراة معآ
Post: #55 Title: Re: احلى حاجه تسويها المراه انها تكون ست بيت ...!!! Author: معاوية المدير Date: 08-29-2009, 03:30 AM Parent: #54
Quote: مداخلتك جميلة عجبتني الصورة النمطية الكتبتها شكرا بالنيابة عن صاحبة البوست ورمضان كريم عليك
شـــكراً ميادة...
رمضان كــريم للجميع...
Post: #56 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 09:28 AM Parent: #55
صباح الخير ..
ابو بكر ..
زول شغلتو في الدنيا انو يجهز ليك محل راحتك... انو ياخد بالو من اولادك ..
زول يبتسم ليك لمن ترجع ويخاف عليك لمن تتاخر ..
زول يربي اولادك كويس .. ويطلعهم احسن ناس في الدنيا ...
بلاير ... حكمه اليوم : المراه بتطور كويس بره البيت وجواهو .. لكن جواهو مافي زول بيطور زيها ...
Post: #59 Title: Re: احلى حاجه تسويها المراه انها تكون ست بيت ...!!! Author: ابراهيم الرشيد عبدالرحمن وراق Date: 08-29-2009, 10:25 AM Parent: #56
الدكتورة داليا
رمضان كريم
Quote: ودائما عائلة الطبيبة بتعاني من عدم وجودها.. وسهراتها وشفتاتها.. وبيتانا بره البيت.. ودوامها...
فعلا احلى حاجة تسويها المراة انها تكون ست بيت
Post: #62 Title: Re: احلى حاجه تسويها المراه انها تكون ست بيت ...!!! Author: عبدالله كع Date: 08-29-2009, 10:48 AM Parent: #56
داليا .. صباحك فل فل ..
Quote: انا ما بقول النسوان يخلوا الشغل ويقعدوا في البيت ....
انا بقول يخليهو : عديل ..
في شغل احسن للمرأة من تربية عيالها ... وراعايتهم
في شغل احسن للمراة من المحافظه علي بيتها وزوجها
في شغل في دنيا للمراة احسن من تكوين واسرة يشار لها ..
جل التزاماتهم الاسريه ... تقوم بها الوالده .. ربنا يديها العافيه : والحمد لله ..
ســـــــــــــــــــــــــــــــــــــؤال :
كيف للمراة ( لوحدها ) ان توفق في تربية ومراعاة اطفالها بما فيهم زوجها وشغالها ؟؟؟؟؟؟؟؟؟؟
Post: #58 Title: Re: احلى حاجه تسويها المراه انها تكون ست بيت ...!!! Author: doma Date: 08-29-2009, 10:20 AM Parent: #54
Quote: تطوير وتنمية البلاد والبيوت مسئولية الرجل والمراة معآ
تسلم يا بلير
Post: #101 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 08-30-2009, 06:30 AM Parent: #23
حبيبتي ميادة
Quote: ثانيا : الوضع الاكاديمي والعلمي فزي ما قلت ليك فوق صعب تتعبي وتتحصلي على شهادات عليا... وتجي تتنازلي وتبقى ست بيت فقط
داالخطأالكبير القع فيه الناس ربط التعليم بالعمل فقط المرأة المتعلمة ست البيت افضل من المرأة الغير متعلمة ست البيت
بعدين يا ميادة ست بيت دي ما حاجة كعبة عشان زول يتنازل ويبقاها دي من اسمى ادوار المرأة قاطبة يعلى شأنها بها حيث تقوم عى تربية الابناء.. والنظرة بدونية الى المرأة ست البيت يجب انها تقيف لان قيمتي كانسانة لا تاتي من وظيفة
او شهادة.بل من مدى وجودي الانساني وعمل في المجتمع
Quote: المتخلف الجهلول قال لمن جاء يخطب تخيلي قال ليهم شنو ما دايرالقاعدة في البيت .... مع انو مافي شئ بيعيبها
اها يا ميادة راجل ذي دا ما بجي على بيتي الاستهوان بمؤسسة ازوجية ببدا بسببهلليلة اختيار العروس يجي زول ذي الجاي مراح يقولعايز الزرقة ولا الطويلة ولا الصفرة طوالي بديه درس في الاخلاق لو محل ارة خالتك قوليه حنا ما جالبين بنات
بعدين الزول دا بس عايز بت صغيرة عشان كدا قال م عايز القاعدة في البيت لاسع بكرة يقعد الصغرة في البيت... لانه لو التقتح البخليه يفهم حقالمرأة في العمل المفروض عنده الوعي البوريهالزواج بالطريقة العشوائية السبهلللية دي غلط بس الرجال عندهم زولة عندها ماجستير دي كبيرة في السن والعندها دكتوراه قدمها والقبر يقى زولكم دا عايز بت ثغيرة لا غيرز حيث عدد ضحم من الرجال يفضلوها قاعدة في البيت
Quote: والان صورة المراة الست بيت ماشة في تلاشي ....
الغربية ماشة في زيادة ست بيت باعلى الشهادات الاكاديمية قى المراة تفهم انه لا عها انها تكون ست بيت وانها صارت غير مربوطة بالجهل والامية
Quote: وذريعته عادة بتكون استغلال للسلبيات اللي بيشوفها في (ست البيت) بتاعته اللي اما ما مهتمة بمظهرها نتيجة لانشغالها بشغل البيت واموره.... يا مقصرة في حقوق زوجها عشان برضو الشفع ما خدين كل وقتها ... وبالتالي حيلها انهد النهار كله ... ووووو
دا برضوماصاح لانه المراة ست البيت عندها وقت اكثر قطعا من التي تلعب دور المنتجة والام الزوجة دائما مجيهات ومحننات ستات البيوت ديل.
ولك التحية يا بنية
Post: #57 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 08-29-2009, 10:10 AM Parent: #1
داليا، كل سنة و انتي طيبة و تصومي و تفطري على خير ... _____________________-
Quote: لكن احساس البيت واللاولاد اجمل واقرب وحنيييييييييين ,,, ما تتصوروا قدر شنو ...
الأم قد تعمل خارج المنزل بدافع الحنية أيضا و لتوفير وضع افضل لأطفالها الحنية ما بس "تواجد"، للحنية أوجه أخرى أكثر فاعلية ...
Quote: احلى حاجه تسويها المراه انها تكون ست بيت
احلى حاجة تسويها المرأة أن لا تكون مجرد "ظل" و أن تكون انسان حر منتج بدون قيود أو إملاءات وقرارتها اصيلة و "عقلانية" ...
Post: #60 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 10:39 AM Parent: #57
عزاز . كل سنه وانتي طيبه ورمضان كريم ..
اتشرفت بمرورك اول مره في بوستي ...
المراه هي المراه ... مصدر العطاء والنبع المتفق للحنيه بره البيت وجواهو .. اتفقنا ...
المراه مبدعه في الطب والهندسه والطيران وركوب الخيل ...
الرجل مبدع في الطب والهندسه والطيران وركوب الخيل ...
المراه طباخه ماهره وخياطه بارعه ...
الرجل شيف عالمي ومصمم ازياء لا يضاهى
المراه ست بيت ممتازه : تديره بحكمه
تنظم مصاريفه وتوفر لاخر الشهر
تقفل كويس لمن المطره تصب
تدرس الاولاد وتدفع رسوم المدرسه والترحيل
تهدىء من روع البت الكبيره اذا فاجاتها العاده الشهريه في المدرسه
تهتم بامه وامها على حد سواء
تبتسم له اذا جاء وتخاف عليه اذا تاخر
تحل مشكله الولد الكبير مع السجاير
الرجل : ما بيقدر على حاجه من الفات دا كلو ...
تحياتي اليك
Post: #61 Title: Re: احلى حاجه تسويها المراه انها تكون ست بيت ...!!! Author: وليد محمد المبارك Date: 08-29-2009, 10:43 AM Parent: #60
Quote: احلى حاجة تسويها المرأة أن لا تكون مجرد "ظل" و أن تكون انسان حر منتج بدون قيود أو إملاءات وقرارتها اصيلة و "عقلانية" ...
وهذا لا يتعارض البته مع انها تكون ست بيت بمحض ارادتها واصالة عن نفسها
ويا داليا
بنقوووووووو
بوست موفق للدين فعلا افضل ما تفعله المراة انها تكون ست بيت
لانه مافي افضل من انتاج انسان وتربيته على هذه البسيط وهذه مهمة لا يقدر عليها الا النساء
Post: #63 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 10:54 AM Parent: #61
(((((وهذه مهمة لا يقدر عليها الا النساء)))))))
بنقوووووو وليد ...
Post: #64 Title: Re: احلى حاجه تسويها المراه انها تكون ست بيت ...!!! Author: doma Date: 08-29-2009, 11:44 AM Parent: #61
Quote: بحاول اتخيل بيتنا دا وامي في الشغل ...!!!!! لا حولاااااااااا مبااااااالغه ,,!!!
دي فكره صعبه جدا .....
كدي انتو اتخيلو ...؟؟؟؟؟؟
سلام يا داليا يا بتي يومك سعيد كدي تعالي لي برواقه وناخد الموضوع دا حته حته .كدي وريني ماذا كان سيكون حال اي بيت لو الام في الشغل ؟؟؟؟ ما الام بتمش الشغل متل ما الاب بمش الشغل ومتل ما الاولاد يمشوا المدارس انا عايزه اعرف ليه تكون المسئوليه العظيمه وجسيمه دي كلها علي راس الام ؟؟ من ترتيب الافرشه الناموا فيها وقاموا خلوها في الشمش دا زمن الناس بتنوم في حيشان الله الواسعه والدولايب منكشه كل زول جر العايزه ومرق وعده الشاي ما تديك الدرب لي ما تكون المسئوليه دس مسئوليه الجميع ؟؟؟!!! كل زول قام في مواعيد مبكره لم فرشه وفرش سريره ورتب دولابه وغسل كبايه شاهيهو ومرق الشغل او المدرسه . يعني يخلو البيت دا مرتب وكان ست البيت قاعده وما مرقت الشغل. والله يا بتي فترنا من ساقيه جحا دي تصدقي بالله مرات لمليم كبابي المويه بس بتاخد مني نص ساعه لانه مافي قرد منهم بشرب بالكبايه مرتين يعني لو شرب عشره مرات بيكون استعمل عشره كبابي ولا اكون انا شغاله غسيل كبابي وتعالي شوفي طبعا البنات ما دايرات يبوظن الاظافر اها بت بتدخل يدها في غسيل عده ما في والعجيب لو بقن حلل اوالطوه هوي بنوت الزمن دا بقن مستهبلات وانتهازيات د ايرات يرتاحن فوقنا ونحن قلنا الروووووب .(حليل زمنا نحن بنات السرور الريحنا امهاتنا يقعدن يشرب الجبنه ويتونسن ونحن نكون داعاكات) اها دخلت الحمام لقيتي البشاكير والهدوم بالكوم والردوم \ و الشراب ملكدم متل الكوره وفي واحدين من جنب السرير ما بحركوه او يرموه ليك في سبت الغسيل احيييييي تاني من ورم فشفاشي . اها مرقتوا بي ابوكم الشغل انا لازم اقوم اشوف محل الاكل وين يعلم الله من شيل الاكياس يديني اتملخن وتعالي شوفي بعد رجعتوا كل زول سال: عملتي شنو اليوم ؟؟ جاوبتيهم طوالي تلاحظي فيهم زول كرضم وشه ولا عمل ليه حركه وكانك طبختي ليهم جنازه بحر . البتاكلوا البت ما بدوروا الولد البياكلو الولدما بدوروا الابو اها تقومي بعد داك قلب الام تسوطي من اول وجديد . الناس قاعده ومرتاحه انت تحومي بجك العصير وبالمقشر من الفاكهه لكين لو جبتيه بس ورميته في التلاجه لما يبوظ ما عندهم زمن لقشيره ولا تقطيعه ولا بمشوا عليه اها تقومي تقولي بلاش اشتري فواكه طوالي جوا فتحوا التلاجه لقوا ما فيها شئ تعالي شوفي النقه تلاجتكم فاضيه علي عروشها اصلوا ما فيها غير مويه بالله اعملوها دولاب عده !!. ودا كلو عشان شنو؟؟؟ عشان الام قاعده في البيت لازم تعمل كل شئ وتخدم الاسياد . اجازه الله والرسول دي الام ما بتاخد اجازه. لانه حضرتها ما شغاله في مكتب ولا بتدخل قروش معناتو انها كانت طول السنه في اجازه والاب هو الشغال بجيب القروش والاولاد هم التعبانيين بمشوا المدارس ولا بمشوا للشغل ووووووب انا فترت يعلم بي الله حيلي اتهد يا مؤمنيين خدمه اربعين سنه من غير اجازه. يا ناس حقوق الانسان الحقوني يا اخي عايزه اجازه في جزير هاوي شهر بس . هوي اها النقوم ارمي القراصه للفطور
Post: #65 Title: Re: احلى حاجه تسويها المراه انها تكون ست بيت ...!!! Author: ايهاب اسماعيل Date: 08-29-2009, 12:09 PM Parent: #64
Quote: احلى حاجه تسويها المراه انها تكون ست بيت ...!!!
سلام داليا
وفي أحلي من كدة...المرا للبيت مهما تعلمت وتميزت المرا ياها المرا البيت....الاطفال....التربية ووو دا طبعاً رأي ناس أهل العوض..
ورأي ناس الجندر أنو التوافق هو الحل الامثل بين متطلبات العمل ووأجبات الاسرة والshairing life :
لكن لو دايرة رأيي نصائح خالتك دومة أقريها بعين الاعتبار لانها ببساطة تعبر عن التميز والريادة التي تتمتع بها المرأة السودانية في المجتمع والاسرة
Quote: يا ناس حقوق الانسان الحقوني يا اخي عايزه اجازه في جزير هاوي شهر بس . هوي اها النقوم ارمي القراصه للفطور
ههههههه
خالتك زهجت من المطبخ دايرة تمشي هاواي.......
Post: #66 Title: Re: احلى حاجه تسويها المراه انها تكون ست بيت ...!!! Author: Hussein Mallasi Date: 08-29-2009, 12:14 PM Parent: #65
أحلى حاجة تسويها المرأة إنها تكون ما نقناقة.
_____ الباقي - كلو - مقدور عليهو.
Post: #67 Title: Re: احلى حاجه تسويها المراه انها تكون ست بيت ...!!! Author: وجن Date: 08-29-2009, 12:16 PM Parent: #65
ربنا بالجمال كافاها لامن قال قواما كفاها المسرورة مي تافاهة يا حلاة الكلام في فاها
مي العزاية دايماً سادا ومي الغبشة المغبرة حادة مي اللهفانة بي ورا المادة دي اللي شبابا ديمة موادة
ومن صابحتها وماسيتا طاعمة وناعمة لو مسيتا ما قاستني ما قاسيتا وتشكر فضلي كل ما كسيتا
وليه ما اشكرا مطاوعاني حافظة لي متعتي وحافظاني حاوية من الانوثة معاني مهما ابقى مر بالعاني
ان كان يوم حبيب واصلي الكرم العريض يوصلي منها قط خلاف ما حصلي بس ازعاجها لي قوم صلي
أها ياهودي الكلمات لقيته في بوست وليد المبارك كراس خارجي سعتها في شريط قبل سنتين وعجبتني شديد بس ماكنت عارفة كاتبه ولا المغنياسمو منو
شكرا ليك شديد يا وليد
Post: #70 Title: Re: احلى حاجه تسويها المراه انها تكون ست بيت ...!!! Author: وليد محمد المبارك Date: 08-29-2009, 12:28 PM Parent: #67
Quote: شكرا ليك شديد يا وليد
تسلمي وجن
كاتبها ود الرضي زي ما مكتوب فوق
وفي الشريط السمعيها فيه افترك بكون مؤديها الفنان مبارك حسن بركات
Post: #71 Title: Re: احلى حاجه تسويها المراه انها تكون ست بيت ...!!! Author: وجن Date: 08-29-2009, 12:31 PM Parent: #67
العزيزة دوما فعلا والله كلامك في محلو لكن الحاجات دي طبعا كل زول قام في مواعيد مبكره لم فرشه وفرش سريره ورتب دولابه وغسل كبايه شاهيهو ومرق الشغل او المدرسه . يعني يخلو البيت دا مرتب وكان ست البيت قاعده وما مرقت الشغل. بتعتمد برضو على ست البيت لازم لازم لازم تغرس فيهم حس المسؤوليه دا منذ الصغر عشان لما يكبروا ما يتعبوها وما تسمعي كلام الراجل لما يقول ليك الشفع صغار ما تقصي ضهرن ولا الواحد يكون فرحان بوليداتو التقول جابن من بيت ابو طبعا الأم أحن منها عليهم مافي وبعدين طبعا الحاجات دي بتنفعم لما يكبروا وحتى الأولاد لازم يكونوا في درجة واحدة مع البنات ماف أنا ولد لا أنا راجل والحركات دي المهم الكلام كتير واستمتعت جدا بما كتبيتي ونتمنى ليك اجازة سعيدة في هاواى
Post: #73 Title: Re: احلى حاجه تسويها المراه انها تكون ست بيت ...!!! Author: عبدالله الشقليني Date: 08-29-2009, 01:49 PM Parent: #65
وإني آمل أن تتسع الصدور أكثر برحابتها التي نعرف ، لتتقبل رأي يأتي من دون روافده العادية . مع رجاء السماح بتقبل المداخلة أن تشق طريقها بين الرؤى علنا نبتدع طرائق جديدة للنظر للأشياء القديمة .
لا أعرف مدخلاً مناسباً لتناول الموضوع ، ولكني أبدأ من غير ما ألف المتداخلون : أين البيت ؟ وإن وجد ، ما أركانه ؟ وما العمل وتقسيم العمل ؟ وما الرجل وما المرأة ؟ ما الأب ؟ وما الأم ؟ وما الإخوة والأخوات ؟ وما الأطفال؟ و ما هي مؤسسات تربيتهم ورعايتهم ؟ وما المدرسة ؟ وما الجامعة ؟ وما الدنيا ؟ وما الحياة ؟ منْ يخدم منْ ؟ أسمعتُم بالمطبخ الذي صُمم ليخدم المرء نفسه ؟ أسمعتُم بالنبي الذي يرقع حذاءه ويخيط ملابسه ؟ أسمعتُم بزوجة النبي التي كانت تعمل في التجارة واستخدمت النبي عندها قبل الرسالة وتزوجته ؟ أسمعتُم بزوجة النبي التي أخذته لورقة بن نوفل لمعرفة ماذا حلّ بالنبي من بعد هبوط الوحي ؟ أتكون تلك السيدة ربة منزل فحسب ؟ أتعرف هي هموم النبوة من مجرد ربة منزل أم من خبرتها في العمل والحياة ؟ أتدرون أن تاريخ حياة تلك السيدة الفاضلة مضى عليه أربعة عشر قرناً ونيف ؟
إن الحياة أكبر من بيت تديره امرأة أو يديره رجل .
لقد كتب الشاعر إدريس محمد جماع :
نمشي على الدرب الطويل ولا يطيب لنا مدى إن الحياة بسحرها نغم ونحن لها صدى من مات فيه جمالها فمقامه فيها سُدى
Post: #121 Title: Re: احلى حاجه تسويها المراه انها تكون ست بيت ...!!! Author: Hisham Osman Date: 09-02-2009, 08:39 AM Parent: #73
Quote: إن الحياة أكبر من بيت تديره امرأة أو يديره رجل .
Post: #68 Title: Re: احلى حاجه تسويها المراه انها تكون ست بيت ...!!! Author: وليد محمد المبارك Date: 08-29-2009, 12:20 PM Parent: #64
Quote: يا مؤمنيين خدمه اربعين سنه من غير اجازه. يا ناس حقوق الانسان الحقوني يا اخي عايزه اجازه في جزير هاوي شهر بس . هوي اها النقوم ارمي القراصه للفطور
خاله دوما ربنا يعينك بركة رمضان ده ويديك حسب مجهوده ونستك وينجح ليك اولادك ويعيشك في سعاده وانت تستاهليها
عشان كلامك الفوق ده قال الرسول
امك ثم امك ثم امك
تسلمي ياخ
Post: #69 Title: Re: احلى حاجه تسويها المراه انها تكون ست بيت ...!!! Author: إدريس محمد إبراهيم Date: 08-29-2009, 12:22 PM Parent: #64
Quote: في رجل يستاهل انو تخلي الدنيا علشانو .. مش بس الشغل .. ومرات بيكون السبب الاولاد اللي بيكونوا اهم من اي حاجه في الدنيا ...
الأخت العزيزة / د. داليا ...
أولاً رمضان كريم .. وأتمنى أن تكوني وجميع من حولك بألف خير .. وبصراحه إنسانه زيّك وبمواصفاتك وكرمك الظاهر وحبك لعمل الخير (الحلو مر عابر القارات ، والاتصال المجاني مثالاً) أكيد إن شاء الله وبي دعوات كل الناس البيحبوك (وأولهم أمك الاشتريتي ليها حاجات رمضان) - شفتي أخوك متابعك كيف يا دكتوره؟..- سوف يرزقك الله وفي القريب العاجل بحوله وقوته بعريس يستاهلك ويستحق هذه الإنسانة الاصيلة ذات الخصال الجميلة النادرة ... وأكيد بتكون أمو داعيه له...
يا داليا مسألة (أحلى) حاجه تعملها المرأة إنها تكون ست بيت معاك ألف حق فيها ... لأنها ستكون الملكة التي تدير مملكتها بنفسها ، وتشرف على كل صغيرة وكبيرة فيها، وأهم حاجة تربية الأولاد حتى لا تضطر لترك أولادها يترعرعون في حضن (الشغاله) ويستقون منها الكثير من الآفات .. الطفل كما تعلمين محتاج لحنان ورعاية دائمة شاملة من الوالدين (وخاصة الأم) الشيء الذي لا يتوفر للمرأة العاملة كما يتوفر لست البيت، وبالطبع هذا لا يمنع أن تعمل المرأة إذا حتمت ظروف الأسرة ذلك.
في النهاية لا أملك إلا أن أدعو الله أن يمنحك أختي داليا أكثر مما تتمنين ... وأن يملأ حياتك بكل السعادة التي تستحقين.
مع خالص شكري وتقديري للجميع؛؛
Post: #72 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 01:15 PM Parent: #64
Quote: من ترتيب الافرشه الناموا فيها وقاموا خلوها في الشمش دا زمن الناس بتنوم في حيشان الله الواسعه والدولايب منكشه كل زول جر العايزه ومرق وعده الشاي ما تديك الدرب لي ما تكون المسئوليه دس مسئوليه الجميع ؟؟؟!!!
طيب منو اللي بيعلم الناس الصغار .. انهم لمن يكبروا شويه يعملوا كده ؟؟؟ مش ست البيت؟؟؟
Quote: وتعالي شوفي طبعا البنات ما دايرات يبوظن الاظافر اها بت بتدخل يدها في غسيل عده ما في والعجيب لو بقن حلل اوالطوه هوي بنوت الزمن دا بقن مستهبلات وانتهازيات د ايرات يرتاحن فوقنا ونحن قلنا الروووووب .(حليل زمنا نحن بنات السرور الريحنا امهاتنا يقعدن يشرب الجبنه ويتونسن ونحن نكون داعاكات)
ابدا والله ما حاصل .. نحن في البيت 3 اخوات والحمدلله التلاته بنعمل اي حاجه ... اي حاجه including العواسه .. ومع كده امنا الله يديها الصحه والعافيه ست بيت ممتازه وهي اللي علمتنا الاكل الطاعم الشغل المرتب ... ولحدي الان , مكان ما مرتب او حله ما مزبوطه ما بتقع لينا خالص ..
Quote: تلاجتكم فاضيه علي عروشها اصلوا ما فيها غير مويه بالله اعملوها دولاب عده !!.
Post: #74 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-29-2009, 03:16 PM Parent: #72
بوست تماااااااااااام والمداخلة بعد الفطور حيث الرد عن تجربة
تحية لصاحبة البوست والناس اللى نكشهم البوست دا ورمضان كريم عليكم وعساكم من عواده
د:سلافا العاقب
Post: #75 Title: Re: احلى حاجه تسويها المراه انها تكون ست بيت ...!!! Author: عابدون محمد عابدون Date: 08-29-2009, 03:29 PM Parent: #74
دكتورة سلافة كل سنة وانت والعائلة بخير وعافية ...
Post: #76 Title: Re: احلى حاجه تسويها المراه انها تكون ست بيت ...!!! Author: سارة علي Date: 08-29-2009, 06:18 PM Parent: #75
عدلتها ..
ـــــــــــــــــــــــــ عليكم الله تاني افهمونا كويس..كي بوردي زهج من امسح وعدل
Post: #77 Title: Re: احلى حاجه تسويها المراه انها تكون ست بيت ...!!! Author: بشير جبريل علي Date: 08-29-2009, 07:41 PM Parent: #76
Quote: غايتو انا لو كنتا عزابي في البورد دة ما كنتا فوتا الفرصة دي..
سارة علي ده شنو ده ..يعني لو كنتي عذابي أو عذابية كان عرستي ولا عرستا ما عارف داليا الكباشي ..؟؟!!! داليا ..هسي ده ما إحساس كدة لمن تعيشي التجربة وتطبقيهافي الواقع تعالي قولي لينا رأيك ..
تحياتي ..
Post: #78 Title: Re: احلى حاجه تسويها المراه انها تكون ست بيت ...!!! Author: PLAYER Date: 08-29-2009, 07:57 PM Parent: #77
حكمة اليوم الرجل الذكي يتزوج شريكة لحياته وليس خادمة لحياته والمراة الذكية تتزوج من تشاركه في القرارات وليس من يأمرها بالقرارات حكمة الغد قطار الزوجية يحتاج لسائقين وليس لسائق ومساعد حلة .............. الله يديك العافية يا ماما دومة
Post: #83 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 10:04 PM Parent: #74
دكتوره سلافه ...
مرحب بيك الف ...
منتظرنك ..
شكرا لمجرد المرور يا جميله .. ارقدي عافيه لمن تجي تاني ..
Post: #114 Title: Re: احلى حاجه تسويها المراه انها تكون ست بيت ...!!! Author: شرفى عبدالقادر Date: 08-31-2009, 08:54 AM Parent: #83
*****
Post: #79 Title: Re: احلى حاجه تسويها المراه انها تكون ست بيت ...!!! Author: Frankly Date: 08-29-2009, 08:06 PM Parent: #1
Quote: Guys: a word of advice. Marry pretty women or ugly ones. Short ones or tall ones. Blondes or brunettes. Just, whatever you do, don't marry a woman with a career.
M Noer
يا شباب: نصيحة. تزوّجوا نساء جميلات أو قبيحات, قصار أو طوال, شقراوات أو بنُيات الشعر , مهما فعلت, فقط لا تتزوج أمراءة عاملة
مايكل نور
Post: #80 Title: Re: احلى حاجه تسويها المراه انها تكون ست بيت ...!!! Author: Nuha Ahmed Date: 08-29-2009, 08:37 PM Parent: #79
احلى حاجة يسويها الزول يكون نفسه ويختار خياراته بصدق _____________________________________________
Post: #84 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-29-2009, 10:20 PM Parent: #80
بعد اذنك يا داليا(هو بالالف ولا بالتاء المربوطةدالية اللي معناهو ورق العنب؟؟)
عابدون محمد عابدون ,,,,,,,,,,يعني بس تجيبك القراصة كل رمضان ,,,تتخيل انو الكلام دا مرت عليهو سنة,,,عساك طيب وعساكم من عواده
ومبسوطة جدا جدا بتذكرك لى,,,والقديمة بنات تحييكم
مريم بت الحسين رمضان كريم والزولة دى الله يجعل سيرتنا زى سيرتا الكل بيحبها,,,,وبحس اننا بنشبه بعض في حاجات كتيرة وسمحة,,,
بلير,,,,,رمضان كريم عليك يا صاحب البوست القوي,,,,,لماذا(رغم انى كنتا عايزاها هل)يقتل الزواج طموح السودانيات
حسين ملاسي,,,,كلامك عجبنى بخصوص النقة,,,,برضو رمضانك كريم
Post: #81 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 09:49 PM Parent: #79
فرانكي ...
Quote: فقط لا تتزوج أمراءة عاملة
اكيييييييييييد ما موافقه على الكلام دا ... التحيه للمراه العامله .. التحيه للمهندسه والكاتبه و الدكتوره والتشكيليه وست الشاي ...
التحيه اليهن جميعا وهن يتميزن , داخل البيت وخارجه ...
المراه العامله كاي امراه .. لها حقوقها الطبيعيه في الحياه , ان تتزوج وتنجب وتربي ...
شكرا فرانكي على المرور الجميل ...
Post: #85 Title: Re: احلى حاجه تسويها المراه انها تكون ست بيت ...!!! Author: yasir Abdelgadir Date: 08-29-2009, 10:24 PM Parent: #81
بعد ظهور لعيبة ليبرو وقشاشين (خبرة ومحترفين) في الميدان...بدأت ست البوست تغير رأيها من موضوع ست البيت
وإتضح إنها برلومة في الشغل وفي البيت
Post: #86 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-29-2009, 10:44 PM Parent: #85
Quote: بعد ظهور لعيبة ليبرو وقشاشين (خبرة ومحترفين) في الميدان
احترامي لكل التداخلين اعلاه .. وفيهن صديقات عزيزات واخوات رائعات .. احترمهن جميعا بدون فرز ...
Quote: بدأت ست البوست تغير رأيها من موضوع ست البيت
ابدا ما حصلش .. ست البيت اجمل وظيفه في العالم تليق بالمراه لانو ما في زول غيرها بيقدر يتميز فيها .. لو قدرت تكون ست بيت بس ..
لو ما قدرت .. التحيه ليها لانه عامله ومع العمل بتغطي احتياجات اسرتها وهو شيء صعب جدا وتحسد من تستطيع الايفاء به ..
Quote: وإتضح إنها برلومة في الشغل وفي البيت
شكرا على مجاملتك الرقيقه ... في زول لاقي يصغروهو ويقول لا .. لوووووووول
ياسر شكرا على مرورك الجميل .. وارقد عافيه ...
Post: #87 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-29-2009, 11:33 PM Parent: #81
المخرجة المصرية ايناس الدغيدي كتبت مرة من المرات انو المراة الناجحة هي التى تنجح في حياتها العملية والاسرية معا فالنجاح لا يتجزأ
ودى حقيقةحاصلة ومعاشة,,,وانا طول عمرى كانت ولازالت عندى وجهة نظر اقبض عليها بشدة ,,,انو في اي لحظة احس انو عملى اثر على حياتى
الاسرية باى شكل سلبي بخليهو ,,,ما بقول بضحي بيهو عشان التضحية دى غالبا ترك شى تحبه لشي لم تكن لتحب ان تفعله لو ترك ليك الخيار
فالامر هنا ما فيهو اى نوع من التضحية وانما هي موازنات,,,اترك شى احبه لشي احبه اكثر,,,احبه اكثر من حياتي نفسها
عمر المعاناة في مهنة الطب قصير صدقيني يا داليا ,,ما لم تختارى بمحض ارادتك تخصص مرهق جسديا(والمهنة اصلا مرهقة ذهنيا)كالجراحة او
الاطفال او النساء والتوليد فعمر المعاناة فقط فترة الامتياز ال16 شهر وكثرة النبطشيات وقيام الليل ومرور الدغش والclearance وال
on call هي فترة علي قدر معاناتها تصبح من اثري واجمل الفترات في حياتنا كاطباء وفيها وفي غمرتها وفي عز ضغطها فعلا تحدثك نفسك
بترك كل هذا(الهراء)والخلود للمنزل,,,, كنا بنقول في حينها,,, مالم حبوباتنا؟؟؟ ماتراهم عاشو وماتو مرتاحين ومبسوطين,,,ياربي!!!
Post: #88 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-29-2009, 11:54 PM Parent: #87
لما اقول بخلي شغلي ما بعنى اسيبو واقعد في البيت نهاااائي,,,ابدا,,,احاول اشكلو يعني انا طبيبة اشوف تخصص خفيف ,,,ما شرط العيادة
كل يوم المسا,,,ممكن اتجه للدراسات العليا واكتفي بالتدريس في الجامعة ,,,مرت علي فترات كنتا فيها ست بيت لظروف ما كنتا بكتب مقال
اسبوعي في صحيفة السودانى,,,, المهم انك تنتجى حاجة متجددة مختلفة عن الطبيخ والتحمير والغسيل (او الاشراف عليه).
اى راجل يا داليا يحبك و(يحترمك)والاحترام دا ما معناها يفتح ليك باب العربية لما تجى تركبي لانو السواق ممكن عادى يعملا,,,انا اقصد
يقدر تعبك ولو بابتسامة وتحت تحت شكر قدام امو واخواتو,,,ياخد برايك في امور حياتية مشتركة(ما الحياة دى حقتكم انتى وهو)حتي لوكنتى
ست بيت ساي ما امرأة عاملة او حتى لو كنتى ما متعلمة ,,,اى راجل يتعامل معاكى علي انك (من القوارير)التى يجدر الرفق بها,,, اى راجل
يلاحظ الحاجة السمحة ويعلق عليها زى الحاجة الكعبة اللي بينتقدا,,,اى راجل بالمواصفات دى يادالية وياكل بنات حوا,,,, يستااااااهل
يستاهل لو حكمت الظروف انك تقعدى ليهو في البيت وتولعى ليهو اصابع يدك اليمين لو الكهربا قطعت
Post: #90 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 08-30-2009, 00:08 AM Parent: #88
احسن حاجة عملتها في حياتي اني قعدت في البيت
لكن قعدت قعدة ايجابية جدا قريت كمية من الكتب وحاولت اللاحق احلامي باني اكتب قصص
نهائي ما حبيت العمل خارج المنزل..
معك يا داليا احسن حاجة تسويها المرأة تقعد في البيت لكن بقناعة تامة موش مجبرة..عشان ما تحيل حياة اهل بيتها الى جحيم بسبب الاحلام المجهضة..
مح تحيات صحن شبكة ربات البيوت لحقوق الانسان
Post: #91 Title: Re: احلى حاجه تسويها المراه انها تكون ست بيت ...!!! Author: filan Date: 08-30-2009, 00:14 AM Parent: #88
غايتو الطبيبة والمدرسة ديل المفروض يتشغلوا قبل وبعد الزواج . التعليم والطب مـُقدسات برضو.
Post: #89 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-30-2009, 00:07 AM Parent: #87
والله يا د.سلافا انا جيت داخله مما شفته اسمك.. وقلت بسسسسسسسس جات ست الشي زاااتو
Quote: مريم بت الحسين رمضان كريم والزولة دى الله يجعل سيرتنا زى سيرتا الكل بيحبها,,,,وبحس اننا بنشبه بعض في حاجات كتيرة وسمحة,,,
ولما قريت كلامك لي.. فعلا جاني احساس زي ده.. انه فعلا بنتفق في حاجات كتيره... وليك تقدير خاص جداً عندي.. رغم اننا لعبنا لينا ماتش واحد بتاع بيج بونج في بوست Player اللاعب الخرافي في مواضيع البوستات...
انا برضه اعتقادي كده.. اسرة الطبيبة بتعاني في البداية بس... لكن بعداك برتاحوا.. وانتو ادرى مني في الحته دي طبعا.. لكن لما اسرتها تتحملها شويه في العصرة بتاعت البداية دي، بعداك الامور بتمشي بصورة كويسه...
داليا، يا عزيزة.. انا فاهمه انه موضوع البوست حقك انحرف شويييييييه كده عن الكنت عايزه تقوليه.. انه ست البيت هي البتجيه البيت.. لكن احنا النساء العاملات عندنا شعور خفي بالذنب.. ده شي انا شفته في اوبرا (حسي تجيني سمارت تشاكلني) .. كل النساء بعيشوا الدوامة دي... المرأة العاملة بتحس انها لو قعدت في البيت احسن، والقاعده في البيت بتحس انها لو اشتغلت احسن.. وفي النهاية، الجانبين بهاجموا بعض في سبيل انه كل جانب يثبت انه الجانب الاخر مقصّر.. عشان يحس انه ما مقصّر (فهمتي حاجه؟!).. من ناحيتي، اسأليني عن الشغل، ما حاقول ليك اي فائدة من فوائده المباشره في نفسي، وفوائده عظيمه بالنسبة لي.. لكن حأقعد اقول ليك انه محمود (ولدي الوحيد) قاعد في البيت الوقت كله (احنا عايشين في السعودية) وانه لما انا امشي الشغل بمشي الحضانه احسن ليه من قعاد البيت.. وانه نادر (زوجي) بجي من الشغل اساساً متأخر.. وانه اجازاتي كتيره.. ودوامي قصير.. وعندي يومين اجازه في الاسبوع.. وبشتغل 169 يوم في السنة.. وبعد اخلّص تحضير حيكون دوامي، وقت محاضراتي بس وامشي البيت! برضه حأقول ليك انه لو جبته اخو او اخت لمحمود، حاقعد معاه أو معاها سنة في البيت.. عشان ياخد رعايته بالكامل من غير نقصان! ده عليك الله موش كلام زول حاسي بالذنب؟
المحك ببقى وين، وزي ما قالت ليك د.سلافا انه المرأة ترفع شعار "البيت أولاً"....عشان نضمن انه البيت يكون مفرّش ومبخر لما الراجل يجي.. والولد نظيف ومستحمي.. والحلّة مسبّكة..
كده اعتقد الامور وضحت
محبتي لكم..
بنت الحسين
Post: #92 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-30-2009, 00:54 AM Parent: #89
طبعا يامريم ياعسل انتى ماخدة راحتك بعد ما التتار العندك نامو(نادر ومحمود) زى المغول العندى(سيد ويزن) اولئك الارهابيين الذين
نحبهم ونموت فيهم(موتت كدا زى ما بقول سيد).
في واحدة من اعداد الريدر دايجست العندنا في مكتبة البيت الكبير(حلوة مش كدا انا زاتى عجبتني)مقال جميل بعنوان علم زوجتك كيف تعيش
من بعدك,,,بعدك دى ياخوانا فيها المرض وفيها الموت وفيها الطلاق والعياذ بالله,,,فيها ظروف الدنيا المامعروفة,,,سجن بشيكات طايرة,,,
اغتراب,,,فيها زواج تانى عديل كدا(هئهئهئهئ),,,المحصلة انو الواحدة ماتغرق في شبر موية,,,يعني مثلا مرة مرة تغشي السوق تجيب الخضار
,,,تجيب الكهربا,,تقيف مع عمال الصيانة في البيت,,,انا ما بقول تمشى السجانة تجيب ماسورة ستة لينيا ولا تعرف الفرق بين مقتاح13
والمفتاح الانجليزي,,,بس مجرد وزنة للامور الحياتية اليومية.
والناس اللي بيقولو ما تتزوج امرأة عاملة ما بيدو صورة الحياة الزوجية ابعادا الطبيعية ففي الزواج
We are searching for a humanbeing not searching for a job
بالتالى لافرق بين عاملة وست بيت بل الفرق يكمن في القيمة الانسانية في داخلنا.
حكت لينا امى الله يديهاالف عافية(وهى بالمناسبة استاذة لغة انجليزية تركت العمل بمزاجا)عن واحدة من جاراتا صحت يوم الصباح بعد ما
الرجال والعيال طلعو قامت تبكي بعزم ما فيها اكنو مات ليها عزيز,,النسوان ديل اي واحدة توبا حصلا هناك,,مالك يا زولة,,,قالت نفس
ياخوانا انا حاسة انى براى المساهرة اكتب ساي الا بارك الله في بت الحسين اخيتي المشاركانى دى
Post: #93 Title: Re: احلى حاجه تسويها المراه انها تكون ست بيت ...!!! Author: PLAYER Date: 08-30-2009, 01:02 AM Parent: #92
العزيزة د/سلافة بلير,,,,,رمضان كريم عليك يا صاحب البوست القوي,,,,,لماذا(رغم انى كنتا عايزاها هل)يقتل الزواج طموح السودانيات. الله أكرم لك ولجميع أفراد أسرتك الكبيرة والصغيرة.... في البوست الصيغة المناسبة( لماذا يقتل الزواج طموح السودانيات ) .. الحمدلله ربنا جابك والدكتورة مريم(لو ما انتي ومريم ما كنت راجع البوست دا تاني لانو يبدو لي انو صاحبتها ما عاجبها كلامي او اعتبرت انو قصدتها شخصيآ في حين قصدي لرفض تضحية المراة بحلمها وطموحها من أجل الزواج ما لم يكن هناك دافع قوي علي رايك ....لان الحقيقة الرجال يشاركون أكثر في شئون البيت ورعاية الاطفال مع الزوجة العاملة خاصة عندما تقول انها تعبانة, يقدر الزوج ذلك, علي العكس مع زوجة البيت حيث يتعامل الزوج كالضيف عند دخوله البيت البيت(يريد كل شي جاهز وامامه واذا الطفل شيئآ يكون رده:أمشي لأمك,وأذا قالت فترانة شوية يرد: من شنو من........ المهم الحمدلله ربنا جابك ومريم عشان الواحد ياخد رجله وعدل لباب الخروج من البوست وما يطاوق الا بالشباك بس ,قناعة بانكما خير وأفضل من يقولن الحق لصاحبة البوست بحكم أشتراكم معها في مهنة الطب وخبرتكم عليها بالزواج. العزيزة د/بنت الحسين رمضان كريم وكل عام وانت بخير شكرآ لكلماتك
Post: #94 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-30-2009, 01:11 AM Parent: #92
دى مداخلة صغيرونة وماشة انوم عشان والله تعبت من اللابتوب وهو زاتو تعب منى
اول يوم في اول رمضان لي في بيتي(انا براي)جينا من الشغل سوا انا وعزيز دنياي,,ما عشان شغالين في نفس المكان(وان تشابهت المهنة)
وانما اتفقنا نتلاقي في مكان معين ونجي سوا(نوع كدا من الشوق الغير منتهي)المهم جينا داخلين سوا,,,هو مشي استحما وغير ورقد قصاد
المروحة قدام التلفزيون وانا بعد نفس الطقوس سريع علي المطبخ,,,فجأة اتذكرتا منظرو وهو ممدد مرتاح يتنهد بكل استمتاع من الهواء
البارد,,,والله استغربت ابدا ما بقول زعلتا ولابقول هانت علي روحي,,,بس استغربت وقلت في عقل بالي ,,,بالله هو الموضوع كدا,,,والله لكن دى
قصة وواصلت شغلي عادي,,,,هو اللي ما هنتا انا عليهو ورفعتا راسي لقيتو واقف في باب المطبخ وبيقول لي بالحرف,,,,عايني انا والله ممكن
برضو اعمل حاجات كويسة بس وريني اساعدك في شنو,,,,,وكبرت كراعي من الفرح نص في الارض ونص في النعال,,,علي قول الراحل المرهف الدوش
واديت نفسي تحيةو,,,,وحسيت انو كفاية جدا احساسو دا حتى لو ما عمل اى حاجة( لكن والله قشر لي الفواكه)
Post: #95 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-30-2009, 01:21 AM Parent: #94
تسلم يا بلير وانا يعز علي خروجك واختلاف الراى لايفسد قضية الود المتبادلة في المنبر ابدا ابدا,,,وداليا نفسها اوضحت انو كلاما مجرد
راى قابل للنقاش وللتغيير.
قبل دقايق جانى ابو يزن وابتسم ابتسامة(بمبية)اعرفها تماما,,,قال لي ,,انتى الشوربة الهناك دى,,,وتانى ادانى نفس لون الابتسامة ولانى
(لبيبة)قلتا ليهو حاضر وبهدؤ غادرت الجهاز وذهبت لارض معركتى(مطبخى)وجهزت اشوربة اللي معمولة اصلا عشان خاطر عيونو من غير ما احس انو
الامر نقص من جندريتى والكلام الكبار داك او اسال نفسي سؤال الشدة داك ,,الراجل دا بستاهل اقوم ليهو من النت هسي,,,اااااي بستاهل
Post: #96 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-30-2009, 01:26 AM Parent: #95
ياخوانا والله تصبحو علي حب(علي قول المرحوم احسان عبدالقدوس) بكرة انشاءالله بدخل تانى اذا داليا عقبت عشان تعقيب صاحب البوست يعني
ترحيبو بوجودك في البوست حقو
Post: #221 Title: Re: احلى حاجه تسويها المراه انها تكون ست بيت ...!!! Author: sourketti Date: 09-14-2009, 11:07 PM Parent: #96
عملت الدكتورة داليا معى لفترة وجيزة جداً ...وأنا فى مقام عمها ...
ولم أكن أعلم بأنها حتى الآن free woman ولو كنت أعلم ماتركتها تطلع من حولنا شبراً واحداً ...ونحن ماعندنا عطلة فى مثل هذه الأمور ...وهى فى تقديرنا قِسمْ ومهما خطط لها الفرد ونظّر تأتى الامور بما كتب الله وسطر ...
الدكتورة داليا إنسانه ذكية الروح طيبة ومرحه كنت أرى فيها براءة وصدق معشر ونخوة ومرؤة...كانت تساعد من تعرف ومن لا تعرف من المرضى وتأسى وتتألم لآلامهم...وتجبر من يتعامل معها على إحترامها طأطأة الرأس لنبل وعذوبة وأدب حديثها ...كانت تعامل زملائها كأنهم أشقائها وتعاملنا كأننا أعمامها ...
أتمنى لها طيب حياة ويا حظ من يجد لها سبيلاً
ســــــــــوركتى (لعلها تتذكرنى)
Post: #97 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-30-2009, 01:35 AM Parent: #95
player... ازيك .. ووالله نقطة انه المرأة الشغاله بتلقى دعم .. دي صحيحة مية المية.. موش بس كده.. بتجيد العمل في سرعة واتقان.. في واحده ممكن تكون قاعده يومها كله في البيت ما تنجز زي المرأة الشغالة.. وده بعلم الأطفال يعتمدوا على انفسهم.. بالمناسبة.. انا ما دكتوره.. لكن لو اديتني تلاته سنين.. ومعاها دعوة كاااااااااربه من امي، ببقى :)
سلافا ازيك.. وحاتك انا صاحية زاتي.. انا ومحمود جينا الامارات في زيارة لوالدتي ووالدي... راجلي البستاهل قاعد في السعودية.. انت راجلك البستاهل سحّرتيه بي شوربة شنو هههههه (حشرية)...
يا داليا.. الله يديك راجلك البستاهل
Post: #98 Title: Re: احلى حاجه تسويها المراه انها تكون ست بيت ...!!! Author: سارة علي Date: 08-30-2009, 02:15 AM Parent: #97
Quote: سارة علي ده شنو ده ..يعني لو كنتي عذابي أو عذابية كان عرستي ولا عرستا ما عارف
بشير جبريل.. ما فهمتك.. عشان انتا ما فهمتني...بمعني لو كنتا فهمتا كلامي ما كان استغربتا.. ورمضان كريم..
Post: #99 Title: Re: احلى حاجه تسويها المراه انها تكون ست بيت ...!!! Author: doma Date: 08-30-2009, 05:38 AM Parent: #98
انا زي اكون ما فاهمه موضوع البوست يبدو لانه شايفه الموضوع اتجه لرجال بستاهلوا وواحدين لا . انا موضوعي عمل البيت نفسه ( العمل المانيول) سواء كان زوجي بستاهل ولا ما بستاهل لا اري فيه اي شئ مفرح . وست البيت التي تفرح بانها ست بيت بتكون اكيد ممن توفر لهن ظروف ازواجهم الاقتصاديه استاجر من يقوم بالاعمال المنزليه من غسيل ومكوه ونظافه. اما ست البيت التي تقوم بهذه الاعمال فهي توفر وقتا وطاقه لافراد الاسره الاخرين يمكنهم من استغلالها في مناشط اخري سواء كانت فكريه ام بدنيه او حتي ترفيهيه يعني بصريح العباره ست البيت هي الفرد المستغل من افراد الاسره الاخرين . ولكي تتساوي الفرص انا افضل ان اعمل خارج المنزل ونتقاسم العمل المنزلي حتي يكون الجهد المبذول والوقت الضائع في العمل المنزلي مقسما بين افراد الاسره .
Post: #100 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 08-30-2009, 06:12 AM Parent: #99
Quote: ازيك .. ووالله نقطة انه المرأة الشغاله بتلقى دعم .. دي صحيحة مية المية.. موش بس كده.. بتجيد العمل في سرعة واتقان.. في واحده ممكن تكون قاعده يومها كله في البيت ما تنجز زي المرأة الشغالة.. وده بعلم الأطفال يعتمدوا على انفسهم..
اها النحدسك يا مريم كل صاحباتي بدون فرز شغالات وكلهن يقمن بكامل واجبهن خارج المنزل وداخل المنزل
وكل الرجال السودانين كولهم دي ما مبالغة بفتكرو شغل المرأة عمل اضافي وانه هي ما ذيو ولو شغالين في حتة واحدة ةنفس الوظفة ودا السبب خلى كثير من البنات الطموحات يتزوجو اجانب لان الاجنبي لا يرى فرق بين عمل الزوج او المرأة والعمل عنده قيمةعاليةعندهم.ز مااتعلم الرجال ان يساعد في الاعمال المنزلية لانه بتعمل بالنموذج حيث اجيال ابائنا يعدون دخول المطبخ عيب ورعاية الاطفال عمل نسائي بحت. ربما الاجيال المولودة في الثمانيات ستحمل مفاهيم مختلفة لان نسبة كبيرة من امهاتم عاملات..
بتاعة راجل يستاهل ولا لا الا المرأة لا تبقى في المنزل لخدمة الرجل بل لخدمة اطفالها واسرتها labour of love
لماكنت شغالة كنت بصحى مع الصبح بصحي البنات بحميهم بسرح ليهم بلبسهم بعمل ليهم السندوتشات اشربهم الشاي والعصير بقيف معاهم للبص وبعداك بمشي الجامعة ب بجي الساعة 5 مساء اعمل الوجبة الرئيسية ياكلو اسوقهم البارك يلعبو شوية بتكون قعدتي الاولى من الصباح في البنش بعداك الواجبات بعداك النوم بعداك التصحح حيث كنت ادرس لغة عربية يوميا في تصحيح الى الساعة الواحدة احيانا..احضر هدوم المدرسة
داتبيكال دي في حياة اي امراة سودانية شغالة.. عشان كدا احسن حاجة االواحدة تخلي سبل الرزق للزوج وتتفرغ لبيتها بدون زعل.. بعد الاولا د يكبرو ترجع تشتغل بالذات من سن سنة الى 10سنوات تلد اولادها تقوم عليهم لما يتعلمو يقرو ويكتبو ترجع لعمل
Post: #102 Title: Re: احلى حاجه تسويها المراه انها تكون ست بيت ...!!! Author: وجن Date: 08-30-2009, 07:16 AM Parent: #100
بعد الاولا د يكبرو ترجع تشتغل بالذات من سن سنة الى 10سنوات والله بعد السنوات دي تاني ما أظنها تقدر ترجع تشتغل ويكون منها فائدة قدر الفي راسه بكون طار
Post: #103 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-30-2009, 07:51 AM Parent: #100
الاعزاء ضيوفي الكرام في البوست ...
صباحكم خير ...
اسمحوا لي اولا اني اعبر عن فرحي الشديد جدا ( وش بينطط من الفرح ) بردودكم .. خاصه انها جات نت اناس اكن لهم كل الاحترام والتقدير والموده ...
والله لما فتحت البوست الصباح ولقيتو فتح صفحه تانيه فرحت جنس فرح ...!! خاصه اني برلومه جديده في المنبر , وافتخر ان اتداخل بكل تواضع مع اي من الضيوف اعلاه ...
لما خطرت في بالي فكره هذا البوست , وجدت معارضه من بعض المحيطين بي , بعذر انه ( حايجيب لي هوا ) وانو بعض الناس هنا في المنبر مع احترامي لهم ممكن يقولوا لي كلام جارح ..
اعترضت .. اصريت اني ارفع البوست لانه كان نابعا من شكر كبير وامتنان و محبه لكل ست بيت , وفيهن امي وخلاتي وعماتي وكثر احبهن , وارى مجهوداتهن في الحفاظ على
التماسك الاسري .. فيهن المتعلمات بل والجامعيات بدرجات رفيعه , فيهن المحاميه والطبيبه والمدرسه , وفيهن من اقتصر تعليمها على المراحل الثانويه او الابيتدائيه ...
راهنت انني في هذا المنبر , ساجد من يتداخل معي بكل تحضر, فان اتفق معي اظهر وجهه نظري دون ان يغالي , وان اختلف معي , اورد نقاط اختلافه بكل موده , وقد اتفق معه انا ايضا
بنهايه الامر , وذلك لاننني اؤمن تماما ان اختلاف الاراء لا يفسد للود قضيه وان ايا منا لم تلده امه وهو كامل المعرفه بل اكتسبها من المحيطين به .. وهوغرض وجودنا في هذا المنبر ..
وقد كان ... وجدت من اتفق او اختلف بكل موده .. وسعدت جدا بمداخلاتهم واضافت الي الكثير , خاصه وانني قليله التجربه , ليس بحكم السن فحسب , بل لانني قلما خضت نقاشات مطوله
مع اناس بهذا القدر من الثقافه والوعي كا اللذين التقيتهم هنا.... احييهم من هنا واشد على ايديهم فردا فردا ....
وفي ذات الوقت (على قوله عصام الشوالي) .. وجدت من وجه الي كلمات جارحه .. من فسر نقاط اختلافي او اتفاقي بطريقه صعبه ومؤلمه ..
لن ادخل في تفاصيل ذلك .. لان العبارات التي كتبتها احدى الكريمات تعبر عن ذلك ويمكن لاي منا الرجوع الى ذلك في نفس البوست ...
خاتي دومه .. شكرا لانك مريتي على البوست اكتر من مره , ولي الشرف , محبه الناس الكبيره ليكي لهم فيها الحق وتستاهلي اكتر من كده , احساس انو الزول بعرفك من زمان دااحساس جميل
شكرا ليكي وشكرا على كتاباتك , استفدت منها كتيييير وربنا ما يحرمنا من روحك المرحه ...
د. سلافه العاقب .. والله معرفتك كنز وربنا يديكي على قدر محبتك دي .. وخشمك فيهو العسل ..
وجن .. صحبتي .. وام لمار العسوله .. ونستنا اخر الليل بتكيفني .. الله يديكي العافيه وموفقه انشالله ..
د.نجاه محمود .. صديقتي التي احب .. كلامك دايما بيديني القوه , وددت اليوم لو اني امتلك نصف شجاعتك .. ربنا يديكي الفي مرادك ..
وليد وياسر وايهاب و عبدالله وفرانكي وكل الشباب المتداخلين .. شكرا لمروركم الجميل ويديكم الف عافيه .. انتو اولاد زي الده واخوتكم ما بتتعوض ..
بلير .. ابدا مازعلت من كلامك ولا حصل اعتبرتو شخصي , لكن رديت عليك بنفش طريقه الردود المقتضبه الكتبتها لي اللي ما فيها لا سلام ولا تحيه (حكمه اليوم) , ولما جيت ناقشت قضيتك معاي ,
خاطبت مريم بت الحسين و اتكلمت عني بصيغه الغائب (صاحبه البوست) ..!!
احترمك جدا واقدرك , بل واستمتع بكتابتك المميزه قبل حتى ما يكون عندي باسويرد .. صافي يا لبن ومافي بين الاخوان الا كل خير .. مرورك دايما يسعدني في كل بوستاتي والبيت بيتك ..
اسعدتني جدا دعواتكم الجميلات , بالصحه والعافيه والعريس البيجي سريع .. اطمنكم علي .. صاحب النصيب موجود ومتابع البوست دا زاااتو
بس ادعو لينا ربنا يسهل امورنا ....
تحياتي اليكم جميعا ..
خالص مودتي وارقدوا عافيه ...
Post: #104 Title: Re: احلى حاجه تسويها المراه انها تكون ست بيت ...!!! Author: سارة علي Date: 08-30-2009, 08:12 AM Parent: #103
وانا ويييين من التشكرات الكتيرة دي يا داليا؟؟ غايتو الفيك اتعرفت.. ولا معتبراني من الاخوات الكريمات؟؟ ـــــــــــــــــــ اكيد اكيد ما شفتي مداخلة خالتك السرة...
Post: #105 Title: Re: احلى حاجه تسويها المراه انها تكون ست بيت ...!!! Author: سيف بخيت موسي Date: 08-30-2009, 08:14 AM Parent: #103
داليا صباح الخير
بوست موفق للنقاش الهادف
Quote: معك يا داليا احسن حاجة تسويها المرأة تقعد في البيت لكن بقناعة تامة موش مجبرة..عشان ما تحيل حياة اهل بيتها الى جحيم بسبب الاحلام المجهضة..
أنا حقيقة متفق مع دكتورة نجاة فيما جاء أعلاه
شكر وسلام لداليا والجميع
Post: #106 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-30-2009, 09:34 AM Parent: #105
نجاة محمود(صاحبة الصحن)
( بتاعة راجل يستاهل) بترد عليك وبتقول ليك
ردى بخصوص الراجل اللي يستاهل كان تعقيب علي تعليق د:داليا صاحبة البوست نفسو اللي بتدعي انو ربنا يديها راجل يستاهل تقعد ليهو في
البيت,,,,وتعليقا التانى انو في راجل يستحق تخلي الدنيا عشانو مش بس الشغل,,,لو كنتى متابعة كويس من البداية,,,,بعدين القال منو
الواحدة فينا بتقعد عشان تخدم اولادا وبس,,,,ابدا لانو الاولاد ديل ما جابتم معاها من بيت ابوها(ولا شنو؟) ,,,انتى بتقعدى عشان قناعاتك
وموازنات الامور عندك وزى ما قالت الصحفية المصرية نادية عابد,,,انا ارفض ان تكون الامومة غطاء لفشل عاطفي,,,واضيفي ليها اي نوع من
انواع الفشل التانى,,,بعدين اي شغل دا اللي بيقعد يحرسك لما تجى راجعة بعد نومة اهل الكهف ديك؟؟؟
عموما شكرا علي مرورك (الفاحص),,,وفي النهاية ما زول بشبه زول ولا حالة بتشبه حالة والامر كلو قناعات وعرض تجارب,,,,لكن بس صحنك طلع
فاضي
د:سلافا العاقب احمد,,,,طبيبة ست بيت
Post: #107 Title: Re: احلى حاجه تسويها المراه انها تكون ست بيت ...!!! Author: SHIBKA Date: 08-30-2009, 09:37 AM Parent: #106
داليا والحلوات المعاها
كل سنة وانتو طيبين ورمضان كريم
اجمل شئ انو المرة فعلا تكون ست بيت ممتازة مهما المرأة تفوقت في اي مجال يفضل الاولوية للبيت
ما كل الازواج بفضلوا المراة العاملة وفي احيان اخرى تكون المراة العاملة هي من اهم اسباب الزواج لان الوضع الاقتصادي يتطلب ذلك
لكن تلف وتدور وتتعلم وتنتج وتعلم وتخترع في النهاية اهم انها تكون ست بيت وما مبشتنة
Post: #108 Title: Re: احلى حاجه تسويها المراه انها تكون ست بيت ...!!! Author: عبدالله ود البوش Date: 08-30-2009, 10:03 AM Parent: #107
Quote: اجمل شئ انو المرة فعلا تكون ست بيت ممتازة مهما المرأة تفوقت في اي مجال يفضل الاولوية للبيت
ناس العقول لايفوتو ولايموتو
خالدة رمزي احرزت المركز الاول في امتحانات الشهادة السودانية 1983 تزوجت مباشرة بعد النتيجة وفضلت البيت على الجامعة وطلعت للمجتمع اربعة افراد من افضل شباب السودان ( اربعة بدل واحد )
نهارك سعيد يا هند وايضا كذلك داليا الكباشي
Post: #109 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 08-30-2009, 10:12 AM Parent: #107
Quote: بتاعة راجل يستاهل ولا لا الا المرأة لا تبقى في المنزل لخدمة الرجل بل لخدمة اطفالها واسرتها labour of love
سلامات يا دكتورة سلافة
يبدو انك فهمتي بتاعة دي قاصداك بيها اعتذر لك لقد خاني التعبير بقصد موضوع راجل بستاهل ولااقصدك الحقيقة انا قرأت كلام دومة ولم اقرأ كلامك بعد لك العتبى حتى ترضي و،اسفة شديد انك فهمتي انك المقصودة ببتاعة دي بتاعة تعني الموضوع
نجي للصحن الفاضي..
الحمدلله والشكر له لم يفضى صحني قط..ماديا( بكون الى الان طبخت وغسلت مليون صحن) ومعنويا عملت في حياتي كل ما اتمناه درست واشتغلت و قعدت في البيت مارست هواياتي ونشاطاتي. وما حاسة باي صحن فاضي.. بناتي كبرن كلها سنتين بحول الله يتخرجن عمرهن ما قعدن في حضانة او مسكن لي اي زول غير جدتهن حين كنت اعمل الماجستير عشن طفوله سعيدة جدا وسويات جدا..وطيلة فترة بياتي الشتوي كنت اقرا في مجالي استعدادا لاي زمن ارجع الحق الركب ربما لان مجالي نظري
ونموذج اختي جلست 18 سنة وعادت الان للمحاماة بعد ان دخلت ىخر بناتها المدرسة هي امراة مثقفة وقارئة ممتازة جدا طيلة قعادها في البيت بتقرأ وتكتب
وصديقتي مخرجة ناجحة جدا وامراة لها رؤي تفرغت تماما لاطفالها تربيهم تربية حقيقية موش يكبروا مع الزمن دون عناية بالجانب المعنوي مثلها اعرف عدد كبير من ربات البيوت يجلسن بصورة ايجابية منهن دومة دي..
على العموم شكرا لكن جميعا وشكرا للدكتورة داليا انها تفتح بوست ذي دا عشان نفهم الاجيال الجديدة بتفكر كيف في موضوع العودة الى البيت ورمضان كريم
Post: #170 Title: Re: احلى حاجه تسويها المراه انها تكون ست بيت ...!!! Author: تاج السر محمد حامد Date: 09-13-2009, 01:10 PM Parent: #97
Post: #176 Title: Re: احلى حاجه تسويها المراه انها تكون ست بيت ...!!! Author: almogira alemam Date: 09-13-2009, 03:53 PM Parent: #97
Post: #204 Title: Re: احلى حاجه تسويها المراه انها تكون ست بيت ...!!! Author: khalid abuahmed Date: 09-13-2009, 11:40 PM Parent: #97
اختي الكريمة داليا..
شكرا على هذا البوست الجميل مثلك.. خالد ابواحمد
Post: #110 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 08-30-2009, 01:57 PM Parent: #1
الأخت د. داليا كباشي ، سلام تاني و اعفي لي كترة الطلة بس الموضوع مهم و جدا ... و اعتذر مقدما إن اغضبك كلامي، ولا أقصد سوى طرق الأبواب المغلقة ...
أمس باليل قريت الموضوع لأمي (مواليد 1939) و استغربت و اتحوقلت و قالت اريت ما تعبنا زمان! أمي يا داليا لم تتوقف عن العمل لحظة منذ عادت للسودان في الخمسينات و أصرت على افتتاح مراكز محو الأمية في الشمالية و هي خطوة لم تكن بسلاسة تسجيل طفل في الاساس الآن ، وبعد سنوات، وبعد ان غادرت فتيات القرية للالتحاق بالمدارس في المديريات المجاورة و شاركن في معارض الخرطوم و عدن ليدرسن في أول مدرسة أولية، غيرت والدتي مسارها المهني و تعلمت لتصبح زائرة طبية بلا أجر لمدة 10 سنوات ولم تسلم حقيبتها إلا لظروف الاغتراب للحاق بوالدي. امي أست شديد يا داليا! وقالت لي اوصل ليك امانة " يا بتي الشغل ما بس علشان القروش ... الشغل عبادة!"
وفي ذات السياق كنت اتحدث منذ قليل مع صديقتي د. شيراز و هي تخبرني عن لقاء فاطمة أحمد ابراهيم على قناة الجزيرة و الذي فاتني غير مرة، و أست شيراز على جهد فاطمة احمد ابراهيم و غيرها من نساء بلادنا الماجدات اللاتي حاربن و جاهدن لتعليم المرأة لتضلع بدورها في المجتمع و تساهم غي تنشئة أجيال يستحقها السودان ... موضع الأسى يا أختي أن تعليم المرأة و حقها بالتالي في الفرص، غُلف في أقدم ورق سولفان وزينته لفائف الابتزاز العاطفي و اللعب على لحن الأمومة و الأنوثة و ملكة المنزل و غيرها ... ان لزمت منزلها فهي ملكة و إن خرجت فهي أقل انوثة و أقل حنانا و أقل أمومة و أقل .. أقل ...
ان الدعوة بأن تقرن المراة في المنزل و طرحها كخيار (أحلى) يضرب بكل الجهود النسوية عرض الحائط و يويسع الشقة الطبقية، و ترتبط فكرة عمل المرأة بالعوز، و نرجع نلف و ندور في البجوازية الكدابة ... و نأتي للأمر الأهم، الرجل السوداني (الفش غبينتو) من عمل المرأة في حين انه غير متضرر البتة من علمها فالمرأة السودانية العاملة لا تقصر أبدا في التزاماتها الاسرية وإن قصرت فلن يمد الرجل يد العون ليشكي و يبكي من علمها خارجه، إذا هي السلطة الذكورية تطل برأسها من جديد وتجر المرأة للـ (الحرملك) بيد ملفوفة بالحرير وكيف لا و الدعوة من امرأة متعلمة!
ما زلت احترم حقك في الاختيار، ولكن يا عزيزتي دفوعاتك بأن التواجد في البيت جميل و حنون و ( ان تكون المرأة مجيهة في رقبتها) لا تكفي لتحيد مسار فتاة ما قد تقرأنا في مكان ما في زمن ما لتختار الجلوس في المنزل لأنه (أحلى) ... يمكنني ايراد مئات الدفوعات المضادة لاسوغ بها عمل المرأة و الفرق بين الأم العاملة و الام الغيرعاملة -لحساب العاملة بالطبع -- و سأدبجها بعنوان لامع و أخلع عليها صفات بـ (افيد) و (انفع) ولكن إن فعلت، فأكون قد اتيت ما نهيت عنه ... لسنا في سباق، ولكنني حريصة على ان تنال المرأة شأنها و حريتها ولا تكون تحت طائلة تقيم و تجريم إن هي اختارت العمل واعد ذلك نوعا من emotional blackmailing ... يا داليا الكلام البنكتبو هنا بيقروهو كتار ... اديك واحدة من السيناريوهات الجات في بالي: لو قرتك بنت بتحارب علشان تشيل الشهادة و تتخرج و تشتغل علشان تشيل اهلها و تكون اسرة مستورة مع شريك حياتها وما رزقها الله زوج قادر يخليها تقعد في البيت، موش بنكون قلبنا ليها انتصارها على الظروف مرارة؟ موش بنكون ادينا قياس مغلوط لما هو أفضل، بمعيار لا يراعي الفروق ولا الاختلافات؟
خياراتنا البديهية لا تعني بالضرورة انها خيارات الآخرين أيضا ...
ولك كل الود،
Post: #111 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-30-2009, 02:35 PM Parent: #110
الاخت عزاز شامي .. المحترمه ..
ابدا ما تعتذري عن الطله , دا بيتك ومطرحك يا غاليه ونحن الضيوف .. واكيد مشاركتك بسعد بيها جدا لانها تاتي من انسانه مثقفه وواعيه ومتوازنه ..
اولا .. التحيه لوالدتك الانسانه العظيمه .. التي وقفت تلك الوقفات الجباره في سبيل التعليم وهو امر صعب الحصول عليه في ذلك الزمن . فلا بد ان الجهود
من اجل ايجاده لم يكن بالامر اليسير على والدتك , ربنا يديها العافيه ويخليها ليكي انشالله .. وبالمناسبه وصلي ليها وصيه: يا خالتو نحن الزيك ديل مفروض يدرسونا ليهم في المدارس ..تحياتي ...
Quote: أصرت على افتتاح مراكز محو الأمية في الشمالية
Quote: عدن ليدرسن في أول مدرسة أولية،
يا عزاز يا عزيزتي .. انا اصلا ما جبت سيره التعليم , ولا قلت المراه ما تتعلم ولا دا كان موضوع البوست .. فكره تعليم المراه هي موضوع منتهي ومكرر وحتى اصعب الرجال في العالم ممن يرفعون جبه وعباءه سي السيد , يؤمنون بتعليم المراه , بل ويعزلوا البت المتعلمه المراه تتعلم لنفسها اولا , لتخرج من ظلاميه (الحريم) و(النسوان) و(الحرملك) التي ذكرتيها ,, ثم لتنفع نفسها ومجتمعها بما اوتيت به من علم .. كده نحن متفقين ..
Quote: " يا بتي الشغل ما بس علشان القروش ... الشغل عبادة!
يا خالتو ام عزاز .. او اذا سمحتي لي .. يا امي .. منذ ان وضعت قلمي من اخر امتحان في كليه الطب , وحتى حنت علي وزاره الصحه وعينتي في وظيفه طبيبه قضيت فتره 9 اشهر , اشتغلت منها 6 شهور بدون ولا مليمه وهو ما يسمه بالاتاشمنت , ودا لاني بحب مهنتي جدا وبفتكر انو الطبيب ما حق روحو, حق الناس وانو ابسط حاجه يقدمها انو يساعد الناس ما امكنه ذلك وحتى ان كان بدون اجر او في مناطق نائيه جدا كالتي عملت بها وذللك رضى من الله ... برضو يا عزوزه نحن متفقين..
Quote: موضع الأسى يا أختي أن تعليم المرأة و حقها بالتالي في الفرص، غُلف في أقدم ورق سولفان وزينته لفائف الابتزاز العاطفي و اللعب على لحن الأمومة و الأنوثة و ملكة المنزل و غيرها ... ان لزمت منزلها فهي ملكة و إن خرجت فهي أقل انوثة و أقل حنانا و أقل أمومة و أقل .. أقل ...
برضو يا عزوزه .. موضوع التعليم .. لم اطرقه , لم اقل البنات ما يتعلمن .. لم اقله ولن اقوله .. لسه نحن ماشين متفقين
Quote: الرجل السوداني (الفش غبينتو) من عمل المرأة في حين انه غير متضرر البتة من علمها فالمرأة السودانية العاملة لا تقصر أبدا في التزاماتها الاسرية
لماذا نتعامل مع الرجل كانه عدو؟؟؟ ليه يفش غبينتو اصلا؟؟ المراه دي منو؟؟ كائن فضائي ؟؟ جاي من المريخ ؟؟(طبعا لاني مريخابيه على السكين) .. المراه هي حبيبه الرجل وامه اواخته وشريكه حياته وكفاحه وهمومه .. حتى لو كانت قاعده في البيت ... بعدين (الرجل السوداني) غيرمتضرر ؟؟ منو القال ليكي يا حبيبه؟؟؟ لا نستطيع ان نعمم التجربه .. لا توجد احصاءات .. وان كانت موجوده , فالضرر من عدمه هو عامل متغير وليس ثابت , يخضع لتعريف الضرر نفسو .. في راجل الضرر بالنسبه ليهو انو زراره القميص المقطوعه ما تخيطت , وفي راجل الضرر بالنسبه ليهو انو الولد بقى مدمن مخدرات ..!! الفرق شااااااسع ... صح؟
Quote: سنا في سباق، ولكنني حريصة على ان تنال المرأة شأنها و حريتها ولا تكون تحت طائلة تقيم و تجريم إن هي اختارت العمل
ابدا ما جرمت اي امراه عامله .. على العكي انا ضربت تعظيم سلام لكل امراه عامله .. وذللك لما تتحمله من مشاق في التوفيق بين البيت والعمل .. اقري ردي على مداخلتك السابقه يا عسوله ...
Quote: كيف لا و الدعوة من امرأة متعلمة
عزاز يا عزاز .. ما تخلطي الموضوعين ببعض , تعليم المراه موضوع وعملها موضوع تاني مختلف خاااااالص .. وعشان
Quote: الكلام البنكتبو هنا بيقروهو كتار ...
يبقى ما تضللي البت الصغيرونه الممتحنه شهاده البتقرا فينا دي .. خليها تقرا قرايتها انا ما قلت ما تقرا .. تقرا .. وتنجح .. عشان توعى وعشان تعرف وعشان تتنور . عشان تبقى طبيبه , مهندسه , صحفيه, تشكيليه, بانكر , دبلوماسيه شاطره , وكمان ست بيت اشطر ..
العزيزه عزاز ..
Quote: خياراتنا البديهية لا تعني بالضرورة انها خيارات الآخرين أيضا ...
شكرا لمرورك الجميل ويديك الف عافيه .. تحياتي لي خالتو ام عزاز ..
Post: #112 Title: Re: احلى حاجه تسويها المراه انها تكون ست بيت ...!!! Author: Frankly Date: 08-30-2009, 02:37 PM Parent: #110
America's Stay-at-Home Feminists
By Linda Hirshman, The American Prospect. Posted November 24, 2005. More and more women are leaving the workforce to stay home and raise kids. Has feminism failed? The Truth About Elite Women
Half of the wealthiest, most-privileged, best-educated females in the country stay home with their babies rather than work in the market economy.
الحقيقة حول نخبة النساء انثوية "البقاء في البيت" الأمريكية من ليندا هيرشمان, الأمريكان بروسبكت. نشرت في 24 نوفمبر 2005 يوماً بعد يوم يزداد عدد النساء الخارجات من سوق العمل ليقرن في بيوتهن ويربين الأطفال. هل فشلت التورة الإنثوية؟ نصف النساء الميسورات وأكثرهن امتيازاً وأفضلهن تعليماً في هذه البلاد (أمريكا) يخترن البقاء في المنزل وتربية الأطفال عوضاً عن االمشاركة في سوق العمل
Post: #113 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 08-30-2009, 02:55 PM Parent: #112
العزيز Frankly,,,,
حبابك الف تاني ...
ما اوردته حقيقه ...!! وهو خير مثال ...
من ندعوهم امما سباقه .. سبقونا حتى في هذه ...
مرورك دايما جميل وما تنقطع ... ارقد عافيه ..
Post: #115 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 08-31-2009, 11:01 AM Parent: #113
داليا ازيك مره تانية.. ومعليش ما قدرته اجي امبارح.. يادوب واصله لأمي.. وبغرف من حنانها الكتير، والمشتاقه ليه...
واسكتي ساي، امس علمتني العصيدة ههههه
بالمناسبة يا داليا.. انا اتلخبطته شويه كده.. يعني بحس رأيك مره في الاتجاه ده، ومره في الاتجاه ده...خليني احكي ليك شويه ... انا اول ما اتخرجت من البكالوريوس في الاردن، قررته اني لازم اعمل ماجستير... قضيت سنة كاملة بعمل في professional certificate حقتنا ناس الكومبيوتر، وبعدها رتبته اموري وعملت الماجستير... لما خلصت الكلام ده كله، كان عمري 24 سنة... اشتغلته فترة في قطر، وكان شغلي fulfiling, وكنت مبسوطه فيه خالص.. اتزوجته سنة 2005... وعلى طول ربنا ادانا محمود... خلال سنة الحمل، كنت شغاله برضه، إلى ان وصل محمود.. وبعدها، انتقلت للدمام مع نادر... قعدته في البيت سنة كاملة.. لحدي ما محمود كمل سنته دي.. وبقى عايز اطفال ولعب وكده.. خلال السنة دي، ما بخفي عليك.. مريت بدوامه بتاعت زهج شديده.. ويمكن السبب ما كان شغل البيت، لأنه شغل البيت ما مشكله كبيرة لينا لأننا أسرة صغيرة.. لكن السبب كان الحبسه بتاعت السعودية الانتقلت ليها ... وكنت خلال السنة دي بفتش على شغل.. بس ربنا قدر لي اني ما ألقاه لحدي ما محمود تم سنة من عمره.. وهو ما احمد الله عليه.. عشان كده انا حسي راضية كل الرضا عن ادائي مع محمود.. وقررته اطبقه في أي طفل ربنا يرزقني ليه..
يوم الخميس، الoff day بتاعنا.. بعمل عادة غدا غير (على وزن جدّة غير).. بحاول انه يكون في حاجه مختلفة تماماً، طبخه جديده.. تحلية مبتكره.. حتى طريقة التقديم بتكون مختلفة... وبجهز الbasics بتاعت الاكل لباقي الاسبوع.. عشان نادر بحب الاكل fresh.. وبحب اكل البيت... غسيلي بغسله كل يوم خميس.. عشان الجمعه بجي واحد يكوي لي..
في ايام الاسبوع العادية، بصحى بدري، بجهز لمحمود تلاته وجبات في عموده بتاع الحضانه... وبخلي بالي تكون متنوعة... وبجهز ليه شنطته فيها غياره.. وبشكيره.. وعصيره.. وزبادي.. وفطوري وفطور نادر.. وبخت لنادر كيكة لانه بتأخر في الشغل... وبعمل الشاي بتاعي...
مستمتعه بالاكلات الجديدة البتعلمها من فتافيت (قناة الطبيخ).. وتلاجتي ما بتخلو من الكيك.. وبعرف اطبخ اكلات عالمية، ايطالي، وفرنسي، وصيني! وبظبط ليك القراصة بالدمعة! وبتستمع جداً باني اعمل اكل صحي، ومفيد، موش بس لغاويص... وبذلت مجهود كبير اعلم محمود عادات كتيرة، منها انه اول ما يجي من بره، بطلع الجزمة (لا مؤاخذه) ويختها في مكانها.. وانه بدخل الحمام براه.. وانه يتسوك براه..
ومستمتعه بكل دور من الادوار دي.. وبوازن بصورة مناسبة.. ما بخلي دور يطغي على دور.. وما بجيب شغلي معاي البيت... وما بجيب البيت معاي للشغل..
it is all about little planning.. and a lot of blessing
مع محبتي
بنت الحسين
Post: #116 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 08-31-2009, 10:52 PM Parent: #115
بالضبط يا داليايسلم (تمك علي ها الحكى )
لماذا نعامل الرجل علي انو عدو؟؟؟ليه يفش غبينتو اصلا؟؟؟المرأة دى منو؟؟؟ وكمان كيفتيني انك مريخابية ياذوق يافهم
عشان كدا بنقول البدايات الصح بتجيب النهايات الصح(وما معناها الزواج في حد زاتو نهاية عشان ما نتفهم غلط) وحسن الاختيار
ليهو اثرو القوي عشان تتعاملى مع الراجل (العدو عند البعض) علي انو روح روحك ,,,اللى تلفي وتدوري وتتعبي وتشتغلي جوا البيت
وبراهو ونفسك يتقطع وتتملي توتر وزهج وهموم,,,,,,,,,,,,تروح لحظة تختى راسك معاهو في مخدة واحدةاخر اليوم(حتى لو طلع ما بحب النوم
في مخدة زى سيدى سيد),,,هنا تجى اهمية استمتاعك باللي بتعملي فيهو سوا عمل منزلى او خارج المنزل,,,وكضاب البيقول ليك في جهة مبسوطة
بحالتا,,,يعني انتى فكرك لو قعدتى في البيت ما حاتحنى للشغل والجرى والon call?ولا لو يوم طلع عندك 5 مرضي انتى مسئولة عنهم عشان
مافي اطباء امتياز كفاية ما حاتحنى للبيت وتحسدي حبوبتك زاتا علي قعادا وشرابا للجبنة؟دى حالة الانسان اصلا وطبيعة كونية فيهو.
بالمناسبة والله (مع جرة طوييييييلة لحرف اللام)انا ما كنتا ناوية اعمل اى مداخلة تانى في الموضوع دا ما عارفة يمكن حسيت للحظة انو
نفسي اتسدت,,,يمكن حسيت انى قلتا كل العندى,,,لكن بالجد كلامك ياداليا حركنى ,,,كمان انا ما بقدر العسل بت الحسين دى ما اجادعا
بالكلام مرة مرة
(خلال سنة الحمل، كنت شغاله برضه)، ( قعدته في البيت سنة كاملة.. لحدي ما محمود كمل سنته دي.. وبقى عايز اطفال ولعب وكده.. خلال
السنة دي، ما بخفي عليك.. مريت بدوامه بتاعت زهج شديده.. ويمكن السبب ما كان شغل البيت، لأنه شغل البيت ما مشكله كبيرة لينا لأننا
أسرة صغيرة.. لكن السبب كان الحبسه... وكنت خلال السنة دي بفتش على شغل.. بس ربنا قدر لي اني ما ألقاه
لحدي ما محمود تم سنة من عمره.. وهو ما احمد الله عليه.. عشان كده انا حسي راضية كل الرضا عن ادائي مع محمود.. وقررته اطبقه في أي
طفل ربنا يرزقني ليه..) (يوم الخميس، الoff day بتاعنا.. بعمل عادة غدا غير (على وزن جدّة غير).. بحاول انه يكون في حاجه مختلفة
تماماً، طبخه جديده.. تحلية مبتكره.. حتى طريقة التقديم بتكون مختلفة... وبجهز الbasics بتاعت الاكل لباقي الاسبوع..
غسيلي كل يوم خميس.. عشان الجمعه بجي واحد يكوي لي..)( مستمتعه بالاكلات الجديدة البتعلمها من
فتافيت (قناة الطبيخ).. وتلاجتي ما بتخلو من الكيك.. وبعرف اطبخ اكلات عالمية، ايطالي، وفرنسي، وصيني! وبظبط ليك القراصة بالدمعة!
وبتستمع جداً باني اعمل اكل صحي، ومفيد، موش بس لغاويص.)( ومستمتعه بكل دور من الادوار دي.. وبوازن بصورة مناسبة.. ما بخلي دور يطغي
على دور.. وما بجيب شغلي معاي البيت... وما بجيب البيت معاي للشغل..)
عشان لما اقول ليك يا مريم احنا بنتشااااابه,,,,مع عندى اى كلام تانى اقولو بس الله يجعلك جارتى في اركويت
تسلمو كلكم
د:سلافا
Post: #117 Title: Re: احلى حاجه تسويها المراه انها تكون ست بيت ...!!! Author: SHIBKA Date: 09-01-2009, 06:52 AM Parent: #115
مريم ترتيبك موفق والاهم من دا كلو تفهم زوجك لضرورة شغلك والتي تنتفي احيانا عند ازواج اخرين
ربنا يسعدكم يارب
Post: #118 Title: Re: احلى حاجه تسويها المراه انها تكون ست بيت ...!!! Author: smart_ana2001 Date: 09-01-2009, 09:19 AM Parent: #117
سلامات لكل الجكس فى البوست (و معليش مقدما لاى واحده ما عجبتها كلمة جكس) و سلامات لكل الرجال اللى جو (مبسوطين ) بعنوان البوست.... عاوزه اقول ليكم كلكم يا اللى كتبتو فى البوست ده ...انكم حقيقة متفقين (ما عادا عزاز الشامى و بلير و دوما ). اقول ليكم كيف؟ انتو متفقين ان المرأة مفروض تقوم بكامل واجباتها المنزليه و بيتها يكون (على سنجة عشرة) و الولاد مربيين و نظاف... و زوجها كل احلامه محققة . الاختلاف الوحيد ان بعضكم شايف انها تكسر رقبتها عشان تعمل ده و كمان تشتغل و البعض الاخر شايف ان المرأة لازم تتفرغ للموضوع ده. مريم (صحبتى جدا) اللى مشغوله جدا بالدكتوراة....من اولوياتها ان البيت يكون فيه كل ما لذ وطاب و يكون مريح جدا لابنها و زوجها و دى مسؤليتها هى.(انا ما بنتقد فيك يا مريم...انا ذاتى بكسر رقبتى عشان اعمل كده) د.نجاة شايفه انو المرأة مفروض توقف حياتها و طموحها لحدى ما الاولاد يكبروا و بعد كده تواصل ..حتى لو كانت 10 سنوات!!!! لان الراجل السودانى ما فى منه امل. د.سلافة....بعديوم شاق جدا فى العمل (مثل يوم زوجها تماما) بتكون سعيده لما (يكشكر) بانه يساعد فى البيت. اما صاحبه البوست (د.داليا كباشى) ...فبعد قرايه الطب ...شايفه ان قاعد البيت (احلى) ..طيب يا اختى قريتى طب ليه؟؟؟ انا جاده؟ ما تقولى لى عشان الام المتعلمة احسن. لان الام القاريه تربية احسن مليون مرة من الام القاريه طب...مدام اصلا القرايه عشان تربية الاطفال....بعدين انت بدخولك لكلية الطب ضيعتى فرصة لشاب بان يدخل كليه الطب و يبقى دكتور (بالجد) و يعالج الناس المساكين... (دى كانت امثلة ....ما قاصده اطنش زول)....لكن ليه ما فيكم واحده فكرت انو :يعنى شنو لو البيت بقى (مرات) جايط شويه؟ يعنى شنو لو زوجك رجع قبلك من الشغل و هو اللى جاب العيال من المدرسة و حضر الغداء؟ فيها شنو لو عشان شغلك و اولادك (من غير ترتيب)...قررتى تختصرى التزاماتك الاجتماعية فى فترة من حياتك عشان امورك تسلك؟ ليه حتى خيارات الدكتورات تكون محصورة فى (التخصصات الخفيفة) عشان البيت و الاولاد؟ ليه خيرات زوله ذى مريم ...ذكيه جدا..منظمة...و طموحة يكون الدريس بس....لان اجازاته كتيرة؟؟...فى حين انا اضمن ليها (باذن الله) لو اشتغلت فى شركة استشاريه او حتى منظمة عالمية انها تمشى لقدام و تبقى من المدرا الكبار...بس لانها زوله ذكيه و منظمة. فى النهايه انا ما بنتقد فى اى واحده منكم...ابدا..اهم حاجه الواحده تكون سعيده و يكون زوجها سعيد و اطفالها برضوا...موش ده هو السبب فى اننا بنشتغل او نقعد فى البيت ..اننا نكون سعداْء؟؟؟ (على الاقل ده هو السبب فى انى اخترت واحد فيهم)...و كل اسرة عندها فورميلا معينه بتنفع معاهم. و لو كان فى واحده شايفه انو قعاد البيت احسن..و هى مبسوطة بيه....ما فى مشكلة. واذا كانت اخرى مبسوطه بالبيت و الشغل....و عاوزاهم الاتنين يكونوا تمام برضو كويس.... و لو فى واحده قررت تاجل موضوع الزواج لحدى ما امورها تنتظم و تحقق احلامها...ما فى مشكلة برضو بس ما تنسوا انو فى خيار رابع ..ان الاسرة تحاول تتجاوز مرحلة بناء المستقبل و تربيه الاطفال (دائما بيكونوا فى نفس الوقت) باقل خسائر ممكنة... يعنى الواحده ما لازم تكون طباخة ماهرة..و ست بيت ممتازه...و قاشرة السنة كلها و متابعة واجبات الاطفال و بيشوفوا شنو فى التلفزيون و مصاحبين منو الايام دى. وتكون برضوا رشيقة ومن النجوم فى مجال عملها...طيب زوجها ده بيعمل شنو فى الدنيا دى؟؟؟؟ _________________________________________________________ صديقتى العزيزه ..مريم...العفو يا اخى....اشاكلك كيف يعنى؟؟؟؟ لكن كمان انتى بتبالغى...تانى ابرا؟؟؟..Just kidding
Post: #119 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-02-2009, 01:37 AM Parent: #118
د.سلافا...
Quote: عشان لما اقول ليك يا مريم احنا بنتشااااابه,,,,مع عندى اى كلام تانى اقولو بس الله يجعلك جارتى في اركويت
بس بعدتيها علي شويه كده.. اركويت دي لا في بحري محل بيت اهلي، لا في ام درمان محل بيت اهل نادر... ههههههه وفعلا بحس اننا متفقين في كل شي..
Shibka
Quote: ترتيبك موفق والاهم من دا كلو تفهم زوجك لضرورة شغلك والتي تنتفي احيانا عند ازواج اخرين
تعرفي يا عزيزتي.. دي نقطة مهمة جداً.. في رجال ممكن تكوني بتعملي في الحاجات دي كلها.. وواقف ليك على الغلطه.. واي حاجة تحصل يعايرك بي الشغل... ويطالبك بأكتر مما تطيقي... ده طبعا لو خلاك تمشي... في رجال كده، عايزين يعيشوا حياتهم وحياتك.. والواحد فيهم بكون راسم مستقبله ده، والمره فيه صحبة راكب... ما عندها اي تأثير في سير الحياة دي... عارفاك single.. ان شاء الله تلاقي الزول اليحترمك.. ويحترم اختياراتك.. ويسعدك..
سمارت صاحبتي والله خجلتيني ومليتي راسي بوهمات كبيرة كده.. انا طبعا عارفه ومتأكده انك انت يا ست السجك المجيه.. انت زولتي زاااتك... زي سلافه دي... وفي مكان ما قريت ليك انك بتحبي الاكل المظبط.. تساؤلاتك كلها مشروعة.. وممكنه... بالنسبة لي.. اختياري للتدريس كان مزيج بين حلمي القديم في الشغل في الجامعة زي والدي.. وبين رغبتي في انه اؤدي رسالتي كأم وزوجة على اكمل وجه.. هو إلتزام شخصي منّي اكتر من انه مسار اجباري... انا عندي قدر كبير من الاحساس بالذنب تجاه العائلة والأطفال.. اتولد من انه والدتي خريجة آداب جامعة الخرطوم، من دفعة الزمن الجميل.. ما اشتغلت ولا يوم في حياتها إلا بينا احنا.. اكلنا وشرابنا وملابسنا كلها بتكون جاهزه...نرجع من المدرسة نلقاها، من الجامعة نلقاها، من الشغل نلقاها.. تجي تزورني ف المدرسة.. وتتابعني انا واخواني.. مستلمه مصروف البيت.. ومديرة اعمال الوالد... الاستقرار الانا عشته في بيت اهلي، بحس اني عايزه اوفره في بيتي.. ومحاولة ما اسيب احلامي في وظيفة تتنتهي...
داليا ست البوست.. معليش ياخ.. شكلنا كده احتليناه ليك..
بنت الحسين
Post: #120 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 09-02-2009, 08:13 AM Parent: #119
فوووووق عشان النقاش الحلو دا يستمر وانا والله استفدت حتى من الاراء السلبية(بالنسبة لى )فيهو.
Smart
كلامك جميل واتفق في نقاط كتيرة معاك
تحياتى للجميع
د:سلافا
Post: #122 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 09-03-2009, 05:24 PM Parent: #120
Quote: د.نجاة شايفه انو المرأة مفروض توقف حياتها و طموحها لحدى ما الاولاد يكبروا و بعد كده تواصل ..حتى لو كانت 10 سنوات!!!! لان الراجل السودانى ما فى منه امل
سلامات يا سمارتي
انا ما بفتكر لو ما كنت بعمل خارج البيت معناها حياتي واقفة الحياة في سيرورتها مرات من الضرورة الجلوس ي البيت ايضا ما بالضرورة الطموح يكون ابقى مديرة ولا اخصائية..مشكلتنا انناحددنا الطموح بانك تكوني عندك وظيفة وربطنا العلم بالتوظيف الادراي
في طموحات تانية .. طموحي منذ صغري ان اكون كاتبة مشهورة ودا طموح ما عنده دخل بحيز مكاني . توقفت عن الكتابة ما عدا الاخوانيات لمدة 5 سنوات لاني ما كنت فاضية حيث لدي ثلاثة بنات يصارعوك في اي ورقة وقلم شايلاه..والان انا في الاربعينات ولم احقق حلمي هذا حيث لم انشر اي رواية او مسرحية الى الان..لا احس يا مرارات لاحلام المجهضة لاحساسي انني في اي وقت من حياتي قدمت تضحية في محلها.. مافي اي ندامات.
نجي لراجل السوداني عامة وانا لا اتحدث عن امر خاص لا ن زوجي دعمني دعم منقطع النظير في دراستي وقراءاتي والى الان يهدي لي كتب في عيد ميلادي .. ولم يقيد حريتي في اي عمل اريد ان اعمله ولا يحس بالتهديد من طموحاتي لانه محقق الطموحات ومنجز ولكن اتحدث عن المفاهبم الرجالية عامة احيانا تجدي رجل يتماشى مع رغباتك ولكن يضع لك كل العراقيل حتى تتعبي وتخلي الامر وهذا حادث لعدد من معارفي مثل يمكنه اذا كان طموحك ان تدرسي دراسات عليا يدفع لك الرسوم ولكن بعد ذلك كل يوم عايزك تمشي تعصري فراش وتجاملي كل اهلو ومافي حاجة اسمها امتحانات ضيوف طول الوقت. الى ان تجدي من المستحيل عمل هذه الدراسات العليا بعدا ك تتوقفي ويبدأ بالسخرية منك اهو قلتي عايزة تقري ودفعنا ليك القروش وما كملتي
والكلام دا يقولو لاي زول يجيكم يعني هو زول متفهم وانت زولة فاشلة
يمرقك برة ويخت العراقيل او النوع الممكن يخليك تشتغلي بعداك يعرقل ليك عملك كزوج وكيلة النيابة التي اتى اليها البوليس بالليل عشان تمشي القسم زوجها حلف طلاق ماتطلع وقعدت وبسببها الان لايتم تعين وكيلات نيابة كما قيل لي... وامثلة كثيرة من كل المهن.. وجهة نظري ان المرأة حين خرجت للعمل وجدت نفسها بوظيفتين والرجل بقى فقط بوظيفة واحدة..بكدا تكون امرأة اضافت عبء جديد
عليها مع المودة
Post: #123 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-04-2009, 04:38 PM Parent: #122
الأخت داليا تحياتي ومرحبا بك في فضاءات الاونلاين.. فتحتي موضوعا مهما للنقاش واسمحي لي ببضعة نقاط
1. ما فهمته من بروفايلك ومن مسار البوست انك لست متزوجة بعد وليس لديك أطفال. فمن سنوات عمرك لا تزالين صغيرة وأتمنى لك مستقبلا باهرا بإذن الله. لكن هذا البوست لا يمكن أن يكتب إلا من إمرأة متزوجة ولديها طفلين حتى أو ثلاثة حتى تتمكن من الجزم بأن بقاء المرأة في البيت هو أفضل لها من الخروج للعمل. وأعتقد أن هنالك بوست آخر سنناقشة معك بعد عدة سنوات وبعد مرورك بتجربة الأمومة والبقاء في المنزل لنعرف إذا ما كان رأيك لا يزال في مكانه.
2. أنتي ذكرتي في عنوات البوست أن أجمل ما تقوم به المرأة هو أن تكون ست بيت. هل هذا يعني أنك تتحدثين على لساني أنا وعزاز وماما دوما وغيرنا من النساء؟ وإن كان هذا صحيحا، فمن الذي أعطاك الحق ان تتحدثي على لساننا؟ من الذي أدراك ما هو الأفضل لي أنا وكيف عرفتي طموحاتي أفكاري آرائي مشاعري وغيرهم من الإعتبارات الأخرى العميقة. أنا لا أقصد أن اهاجمك أو ان أقسو عليك بهذه الكلمات لكن لا يمكنك يا عزيزتي أن تقومي بفتح بوست كبير عريض وتتوصلي فيه إلى نتيجة تعمميها على جميع النساء بدون دراسات علمية. وحتى الدراسات العلمية تكون فيها نسبة ونسبة، كان موضوع البوست من المفترض أن يكون: أتمنى أن أكون ست بيت. أو غيره من العناوين التي تتحدث عنك أنتي فقط بدون أن تصلي إلى محصلة نهائية وصوتي فيها غير متضمن.
3. رأيت أنك تسيرين في إتجاه أن هنالك رجل يستاهل وهنالك رجل لا يستاهل. هذه مقولة مع إحترامي لك، لكنني أستغرب فيها. ليس هنالك رجل يستحق أم لا، لكن هنالك إمرأة تستحق. المرأة تستحق أن تكون سعيدة وتستحق ان تحقق طموحاتها وتستحق أن تعامل بتقدير. الأمر ليس له علاقة بالرجل يا داليا، وإلا معنى كلامك، فكل النساء العاملات رجالهن لا يستحقن البقاء في المنزل لهم. الأمر كله يختص بالمرأة في المقام الأول وفيما تريد أن تنجزه في حياتها وفي الكيفية التي تريد أن تنجزها به.
4. المرأة خلال فترة الحمل تمر بعدة تغيرات، وأعتقد أنك بحكم أنك طبيبة تدركين تماما ما أقول. فهنالك على أبسط الأمور إكتئاب ما بعد الولادة وهو يستمر مع 20% من النساء ليصبح شيئا أخطر. فكيف تأتي لتطالبي المرأة المصابة بالإكتئاب أن تجلس في المنزل وتستمع اليوم كله إلى بكاء الأطفال وقضاء طلباتهم، الخروج من المنزل للدراسة أو العمل قد يكون لها خير معين، فهل وضعتي في إعتبارك هذه التعقيدات الكثيرة قبيل أن تطلقي عبارات رنانة وتفتحي بها بوستا؟ 5. لا أستغرب أن تريد إمرأة البقاء في المنزل، فهنالك صديقات عزيزات على قلبي ستات بيت وأنا أعتز بهم كثيرا وأثق في قرارهم أنه كان الأفضل لهم. وكذلك هنالك دراسات كثيرة عن نساء تخرجن حتى من أرقى الجامعات الأمريكية وقررن البقاء في المنزل فأنا أدرك أنه ليس كل إمرأة عاملة وليست كل إمرأة تريد أن تعمل. لكنني أستغرب أن تأتي إمرأة أخرى وتحكم على كل النساء بأن الأفضل لهن أن يقررن في بيوتهن ويكونوا ستات بيوت وخصوصا أنها ليست بذات التجربة التي تؤهلها لمثل هذا القول.
6. ما دمنا نتحدث عن التجربة، فأنا قد بقيت مع هاشم إبني حتى بلغ العامين، لكنني كنت غير سعيدة. كانت دوامة المنزل تقتلني وكان أكثر ما أصبو إليه هو نسمة هواء أستنشقها بعمق وبضعة أحاديث عقلانية. كان شهاب قد بلغ ستة أشهر وبدأت دراسة الماجستير. كنت أخرج ليلتين في الإسبوع أذهب إلى فصلي الدراسي وأستذكر خلال اليوم. حينما أحضر من الخارج أجد معز، وهو بالمناسبةرجل وزوج يستاهل كل خير، قد قام بتحضير الأطفال للنوم وأقضي معهم لحظات سعيدة هادئة قبل أن يخلدوا للنوم وكنت وقتها سعيدة جدا.
7. الآن، هاشم وشهاب في المدرسة، معز في العمل وبدأت في تحضير رسالة الدكتوراة وأنا حبلى. ولا أتوقع أن أتوقف حتى بعد أن أضع إن شاء الله.
8. لا أريد أن أطيل عليك كثيرا يا داليا، لكنك محتاجة إلى مراجعة عنوانك الذي جزمت فيه بمستقبل المرأة.
9. التحية إلى كل النساء العاملات وستات البيوت وكل من تسير لتحقيق أحلامها.
غادة
Post: #124 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-04-2009, 05:03 PM Parent: #123
Quote: الآن، هاشم وشهاب في المدرسة، معز في العمل وبدأت في تحضير رسالة الدكتوراة وأنا حبلى. ولا أتوقع أن أتوقف حتى بعد أن أضع إن شاء الله
عافية منك ورضيانة عليك يا غادة يا بتي... ولله شرقتيني بالاعجاب.. ربنا يتم ليك بالصحة والسلامة.. ونفرح بي بنية جميلة زي كده.. ويتمم ليك الدكتوراه.. عشان نخت ليك الدال ديك جنب اسمك...
داليا دي زولة لزيزة جداً بالمناسبة... ويمكن هي كانت عايزه تحيي الجميلة والدتها من خلال البوست ده.. حننتظرها بعد تتزوج.. وتجيب لينا بنوته حلوه، وتجي تقول لينا رأيها.. ولازلنا نقدر امهاتنا اللواتي اخترن الجلوس في البيت، ومدنا الحب...
بنت الحسين
Post: #125 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-04-2009, 05:25 PM Parent: #124
Quote: داليا دي زولة لزيزة جداً بالمناسبة... ويمكن هي كانت عايزه تحيي الجميلة والدتها من خلال البوست ده.. حننتظرها بعد تتزوج.. وتجيب لينا بنوته حلوه، وتجي تقول لينا رأيها.. ولازلنا نقدر امهاتنا اللواتي اخترن الجلوس في البيت، ومدنا الحب...
سلامات يا مريومة والله الزول حقيقي أفتقدك كثير جدا في خلال الفترة الماضية بالنسبة لداليا، فأنا أعتقد أنها فعلا أنسانة طيبونة ولذيذة من ردودها. لكن بس أعيب عليها أن فتحت موضوعا يبدو من السطح هادئا لكنه مظلم الأعماق ومحفوف بالمخاطر. التحية لوالدة داليا وقد قررت البقاء في المنزل لتربيتهم فأحسنت حتى تخرجت داليا طبيبة. والتحية أيضا لوالدتي العاملة والتي كافحت وناضلت حتى تعلمنا وهي تعمل. إبان فترة إعتقال والدي، كانت الوالدة هي مصدر الرزق الوحيد للأسرة وكانت تستيقظ صباحا تجهز الفطور وترتب البيت ثم توصلنا لمدارسنا المختلفة بإختلاف أعمارنا. تذهب إلى عملها لتخرج في فترة الإفطار وتذهب إلى منزل والديها فتعد لهما الإفطار ثم تسرع إلى عملها مرة أخرى لينتهي اليوم وتبدأ رحلة تجميع الأبناء من المدارس المختلفة. بعد الوصول إلى المنزل يبدأ الغذاء ثم الواجبات لأربعة أبناء ثم الإستعداد للغد. كلنا كنا في مراحل عمرية صغيرة لم تتح لنا مساعدتها بالطريقة المطلوبة فتحملت هي كامل المسئولية. ومثل والدة داليا ووالدتك ربنا أنعم عليها حتى تخرجنا جميعا من الجامعات وحضر اثنين منا رسالات الماجستير وانا بدأت الدكتوراة. تعرفين، أنا ووالدتي بدأنا سويا تحضير رسالة الماجستير لأنها كانت ترغب في التحضير وإن لم تمنحها الظروف مناخا مناسبا فبدأته بعد أن أوصلت أبنائها إلى بر الأمان وإن لم تكن الظروف السابقة لكانت قد حضرت الماجستير قديما وكذلك الدكتوراة. لأمهاتنا جميعهن المحبة ولكل النساء الدعم في تحقيق أحلامهن ولو بعد حين.. تقبلي محبتي غادة
Post: #126 Title: Re: احلى حاجه تسويها المراه انها تكون ست بيت ...!!! Author: SHIBKA Date: 09-04-2009, 09:44 PM Parent: #125
فخورة بامراة من بلادي تدعى غادة واخرى هي مريم
تحياتي لكما كامهات عصريات مكافحات وطموحات ويقدرن تحمل المسئولية واين هي الاولويات لتكون فعلا لها الاولوية في حياة المراة مهما وصل بها المقام او المكان
Post: #127 Title: Re: احلى حاجه تسويها المراه انها تكون ست بيت ...!!! Author: وجن Date: 09-05-2009, 05:22 AM Parent: #126
وينك يا دلوش إن شاء الله المانع خير
Post: #128 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-05-2009, 07:03 PM Parent: #123
الاخت غاده ... المحترمه ... مرورك جميل واشكرك جدا عليه ...
زي ما مشيتي نقطه نقطه الليل نعدو , امشي معاكي برضو نقطه نقطه ...
Quote: هل هذا يعني أنك تتحدثين على لساني أنا وعزاز وماما دوما وغيرنا من النساء؟
لم لوا ولن اتحث بلسان احد ممن ذكرتي او من غيرهم , لان كل تجربه هي حكر على صاحبها , وليس هناك بالضروره مانع من ان تتشابه التجارب ولكن يبقى الاختلاف سيد الادله .. ما لاحظته انك ذكرتي المتزوجات اللاتي يتفقن معك بالراي , ولم تذكري مريم بت الحسين ولا د.نجاه هنا ... هل ذلك لاختلافهن عنك في الراي ام ماذا ؟؟وان كان ذلك صحيحا فذلك يؤيد ما رميت اليه.
Quote: إن كان هذا صحيحا، فمن الذي أعطاك الحق ان تتحدثي على لساننا؟ من الذي أدراك ما هو الأفضل لي أنا وكيف عرفتي طموحاتي أفكاري آرائي مشاعري وغيرهم من الإعتبارات الأخرى العميقة
تااااااني , لم اتحدث عن تجاربكن تحديدا , وانما تحدثت عن تجربه والدتي (الله يديها العافيه) , عن تجربه بنات خلاتي , صديقاتي ... الخ , وحيث انني لم اتحدث عن تجربتك او اي تجربه اخرى لا علم لي بها اصلا , فانني لا انتظر احدا كي يعطيني الحق فيما اكتب ولا اكتب , من حقي يا عزيزتي ان اورد ما اشاء من افكار ومن حقك ان تقبليها او لا تقبليها , تتفقي معها او تختلفي او توردي الامثله التي تشاءين ,كي تثبتي عكسها .. كما ان طموحاتك وافكارك تختلف من امراه لاخرى .. قد اكون فقط اوردت طموحات من ارادت ان تبقى الى جانب زوجها او تجالس طفليها , لا طموحاتك وافكارك انت ... مع احترامي لكل تجاربك ...
Quote: ما فهمته من بروفايلك ومن مسار البوست انك لست متزوجة بعد وليس لديك أطفال
Quote: لكن هذا البوست لا يمكن أن يكتب إلا من إمرأة متزوجة ولديها طفلين حتى أو ثلاثة حتى تتمكن من الجزم بأن بقاء المرأة في البيت هو أفضل لها من الخروج للعمل.
ميييين قال انو الزول مفروض يخت اصبعو في النار عشان يعرفها حاره ؟؟؟... هل مررت بكل التجارب الانسانيه التي على وجه البسيطه كي تعرفي جدواها من عدمه ؟؟
Quote: لكن لا يمكنك يا عزيزتي أن تقومي بفتح بوست كبير عريض وتتوصلي فيه إلى نتيجة تعمميها على جميع النساء بدون دراسات علمية
اولا : لم اعرف من قبل ان البوستات هنا مقسمه الى كبيره وصغيره ومتوسطه .. البوست هو البوست والموضوع ومشاركات الناس فيه هي التي تحدد حجمه واستمراريته .. ثانيا : لم يبدا البوست بمراحل اثبات النتائج العلميه ( نظريه , تجربه , نتيجه علميه , تطبيق ) ولم اورد اي نتيجه علميه او دراسه ولم اتفوه بذلك الا من خلال مشاركه فرانكي .. ولم يكن ابدا منحى البوست هو التوصل للدراسات العلميه او النتائج ومن احب ان يوردها او قد فعل فذلك فضل منه وتجديد , وانما هو ونسه نتراشق بها اطراف الحديث تحكي كل منا عن تجربتها او تجربه من تعرف من المحيطين , النتيجه ان تعم الفائده بين الجميع وان تزيد اواصر اخوتنا ومحبتنا حتى وان اختلفنا ان نختلف بمحبه ...
Quote: كان موضوع البوست من المفترض أن يكون: أتمنى أن أكون ست بيت.
هذا رايك يا غاده يا عزيزتي فلا تفترضي ان يكون رايي ايضا .. انا كتبت (احلى) ومرات الحلو ما يكملش او قد لا يتوفر وذلك فلا ضير ان يكون هنالك غيره ... رايت انك تودين ان تلخصي ان ما رميت اليه في البوست هو رايي الشخصي ولا يمثل راي اي شخص غيري , ولكن لا اعتقد ذلك بدليل الامثله التي اوردتها وامثله اخرى عده قد تكونين عايشتي مثلها و وايضا بدليل ان في هذا البوست من يتفق معي كليا او جزئيا ...
Quote: فكيف تأتي لتطالبي المرأة المصابة بالإكتئاب أن تجلس في المنزل
Quote: الخروج من المنزل للدراسة أو العمل قد يكون لها خير معين
بحكم اني طبيبه , اقول ليكي يا عزيزتي , في حاله اكتئاب الولاده تنصح السيده (طبيا واجتماعيا) , بعدم مزاوله الاعمال المنزليه بل وحتى اخذ اجازه من عملها ان كانت تعمل .. فالطبيبه قد لا تشخص بصوره سليمه , والمهندسه قد تسقط منها الحسابات والارقام سهوا وسيده الاعمال لا تستطيع تحمل ضغوطات العمل تحت وطاه الاكتئاب . لذا فاننا عاده ننصح ببقائها في المنزل تحت الاشراف الطبي , بقرب من تحب (طفلها والدتها زوجها) او السفر بصحبتهم ... بالمناسبه اكتئاب ما بعد الولاده لا يستمر اكثر من اربعين الى خمسه وخمسين يوما بعد الولاده , وان حدث فتلك مضاعافات حاله مرضيه نفسيه اخرى لها علاجاتها وتدخلاتها المختلفه .
Quote: قبيل أن تطلقي عبارات رنانة وتفتحي بها بوستا
لا تعليق .....
Quote: لا أستغرب أن تريد إمرأة البقاء في المنزل، فهنالك صديقات عزيزات على قلبي ستات بيت وأنا أعتز بهم كثيرا وأثق في قرارهم أنه كان الأفضل لهم.
كده متفقين ... طيب شنو المشكله ؟؟؟؟
Quote: بدأت في تحضير رسالة الدكتوراة وأنا حبلى. ولا أتوقع أن أتوقف حتى بعد أن أضع إن شاء الله.
شكرا على مرورك الجميل وتحياتي الى والدتك المثابره على بيتها وعلى رسالتها العلميه الاخرى ..
شكرا على مرورك وردك ودمتي..
عدلت (بعد) الى (بعدم) .. خطأ املائي ..
Post: #129 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-05-2009, 07:07 PM Parent: #128
د.نجاه , وجن , مريم بت الحسين صحباتي
وشبكه العسوله البقت صحبتي
وسمارت ومروك الغني وكل الناس اللي اتداخلو....
رااااااجعه ليكم ...
تحياتي ...
Post: #130 Title: Re: احلى حاجه تسويها المراه انها تكون ست بيت ...!!! Author: سارة علي Date: 09-05-2009, 08:39 PM Parent: #128
قبل ان اطرح مداخلتي بتمني من داليا انو صدرها يكون واسع لاني لاحظتا(واحتمال اكون غلطانة ) انها ما بتقبل النقد المهم مداخلتي دي عشان بس عشان اتحيرتا...باعتبار انو اي معلومة بتنكتب هنا ممكن يقراها زول تاني وبكرر تاني يا داليا ما تفهمي مداخلاتي البكتبا دي غلط
Quote: بحكم اني طبيبه , اقول ليكي يا عزيزتي , في حاله اكتئاب الولاده تنصح السيده (طبيا واجتماعيا) , بعد مزاوله الاعمال المنزليه بل وحتى اخذ اجازه من عملها ان كانت تعمل ..
وهنا يا داليا قريت كلام تاني من مصدر تاني بيقول
Quote: حاولى ألا تكونى بمفردك كل يوم و طوال اليوم. قومى بملاقاة أصدقائك أو أمهات أخريات. أقبلى كل عروض المساعدة العملية. لا تخجلى من طلب المساعدة و لا تشعرى بتأنيب الضمير عند قبولك المساعدة. يمكن للنساء المصابات بإكتئاب حاد ما بعد الولادة الحصول على بعض المساعدة لرعاية الأطفال أو الأعمال المنزلية. لا تحاولى أن تكونى ربة منزل كاملة. فأن يكون المنزل مرتبا للغاية أم لا فليس هذا بشئ مهم. قللى من مهامك بقدر المستطاع. خذى أكبر قدر ممكن من الراحة لأنه يبدو أن الإرهاق يزيد من الإكتئاب
يعني بالسوداني ما تشغلك بالك بي قصة البيت واهتمي بي نفسي وما ترهقي نفسك بالشغلة اذا كنتي مصابة بأكتئاب ما بعد الولادة (الغير الحاد) واحسن حاجة يكون معاك شخص يخفف منك مسئوليات البيت وكمان بينصحوا بالخروج خارج المنزل والانشغال بحاجات تانية بتحب المراه انو تعملها عشان حالة الاكتئاب ما تتأزم وفي بعض الاحيان عشان تتجنب انو ما يحصل اكتئاب من تغيير برنامج حياتها بي سبب الولادة..ومن هنا كان تعليق غادة بالخروج للعمل والدراسة (طبعا الخطاب موجه للمرأة الوضعت طفل )...والكلام التحتو خط دة تأييد لي كلام غادة طبعا كلامي دة بعد ما قريت عدة مصادر ..
تاني حارجع لكلامك
Quote: بحكم اني طبيبه , اقول ليكي يا عزيزتي , في حاله اكتئاب الولاده تنصح السيده (طبيا واجتماعيا) , بعد مزاوله الاعمال المنزليه بل وحتى اخذ اجازه من عملها ان كانت تعمل .. فالطبيبه قد لا تشخص بصوره سليمه , والمهندسه قد تسقط منها الحسابات والارقام سهوا وسيده الاعمال لا تستطيع تحمل ضغوطات العمل تحت وطاه الاكتئاب . لذا فاننا عاده ننصح ببقائها في المنزل تحت الاشراف الطبي , بقرب من تحب (طفلها والدتها زوجها) او السفر بصحبتهم ...
يعني انتو في حالة اكتئاب الولادة بتنصحوا المرأة المصابه به ان تزاول الاعمال المنزلية وفي نفس الوقت تنصحوها بالبقاء تحت الاشراف الطبي؟؟ وطبعا في فرق بالقيام ببعض الاعمال المنزلية والقيام بالاعمال المنزلية..يعني النصيحة علي حسب رأي الاطباء الاخرين مفروض تكون (أن لا تشغلي بالك بالاعمال المنزلية والبقاء في المنزل تحت الاشراف الطبي)..طبعا لو كنتي قلتي أنا انصح.. ما كان كتبتا كلامي دة بس انتي قلتي..(أننا ننصح ) وطبعا النصيحة دي شاملة الاقتباس كلو..وهنا تاني وقعتي في الخطأ بتاع التحدث بلسان الجماعة ـــــــــــــــــــــــــــ ما منتظرة منك رد..
Post: #131 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-05-2009, 09:25 PM Parent: #130
ساره علي ....
Quote: بحكم اني طبيبه , اقول ليكي يا عزيزتي , في حاله اكتئاب الولاده تنصح السيده (طبيا واجتماعيا) ,(( بعدم ))مزاوله الاعمال المنزليه بل وحتى اخذ اجازه من عملها ان كانت تعمل .. فالطبيبه قد لا تشخص بصوره سليمه , والمهندسه قد تسقط منها الحسابات والارقام سهوا وسيده الاعمال لا تستطيع تحمل ضغوطات العمل تحت وطاه الاكتئاب . لذا فاننا عاده ننصح ببقائها في المنزل تحت الاشراف الطبي , بقرب من تحب (طفلها والدتها زوجها) او السفر بصحبتهم ...
((بعدم)) , كانت مكتوبه ((بع)) , خطأ املائي ,
وهو يغير المعنى كليه ... بعد ما ( اقتبستي ) من كلامي , قمت (بتعديلها) ال كلمه (بعد) وبها لا تستقيم جملتي لا لفظيا ولا معنويا ..
شكرا للتنبيه ... وما كتير عليكي الرد يا خالتو السره ...
Post: #132 Title: Re: احلى حاجه تسويها المراه انها تكون ست بيت ...!!! Author: سارة علي Date: 09-05-2009, 10:29 PM Parent: #131
يخلخل شنو اقول ليك؟؟ يا بت خالتو دي ما تقوليها لي هنا..اصلا حالنا واقف ههههههههههههههههه
Post: #133 Title: Re: احلى حاجه تسويها المراه انها تكون ست بيت ...!!! Author: yasir Abdelgadir Date: 09-05-2009, 11:07 PM Parent: #132
Quote: اى راجل يتعامل معاكى علي انك (من القوارير)التى يجدر الرفق بها,,, اى راجل
يلاحظ الحاجة السمحة ويعلق عليها زى الحاجة الكعبة اللي بينتقدا,,,اى راجل بالمواصفات دى يادالية وياكل بنات حوا,,,, يستااااااهل
يستاهل لو حكمت الظروف انك تقعدى ليهو في البيت وتولعى ليهو اصابع يدك اليمين لو الكهربا قطعت
أرفع لك القبعة يا سلافة.....
Post: #134 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-05-2009, 11:33 PM Parent: #133
Quote: Quote: لكن هذا البوست لا يمكن أن يكتب إلا من إمرأة متزوجة ولديها طفلين حتى أو ثلاثة حتى تتمكن من الجزم بأن بقاء المرأة في البيت هو أفضل لها من الخروج للعمل.
ميييين قال انو الزول مفروض يخت اصبعو في النار عشان يعرفها حاره ؟؟؟... هل مررت بكل التجارب الانسانيه التي على وجه البسيطه كي تعرفي جدواها من عدمه ؟؟
الأخت الكريمة داليا يبدو أن النقاش يا عزيزتي سيكون غير متكافئ. أنا أتحدث عن تجربة الأمومة التي مررت بها شخصيا وأنتي تتحدثين عن تجارب أخريات ترين أن تجاربهن تؤدي إلى أن البقاء في المنزل أجمل. أنا لا زلت أؤمن بأنك إذا لم تمري بذات التجربة لكي تعرفي كيف تشعرين حيالها أنت شخصيا، ليست والدتك، ليست إبنة عمتك أو إبنة خالتك، فلن تستطيعن أن تحكمي. ولا زلت أؤكد بأن سيكون بيننا بوست بعد أن يوفقك الله وصاحب النصيب الذي يرقب البوست وترزقين بأبناء وبنين إن شاء الله.
Quote: وحيث انني لم اتحدث عن تجربتك او اي تجربه اخرى لا علم لي بها اصلا , فانني لا انتظر احدا كي يعطيني الحق فيما اكتب ولا اكتب , من حقي يا عزيزتي ان اورد ما اشاء من افكار
وكان هذا مصدر الخلاف يا داليا، لانك لا تعرفين تجاربنا فكتبتي عبارة عاملة شملت كل النساء بما فيهم نساء يختلفن في العبارة أعلاها. لكي أن تكتبي في هذه الدنيا ما تشائين لكن لا تعممي وفي هذا البوست دلائل مثلي وعزاز وماما دومة واسمارت انا وأوردتهم كمثال ليس لأنهم تفقن معي في الرأي لكننا نعتبر النسبة التي لا تتفق معك والتي تضمنتيها في عنوانك.
Quote: بالمناسبه اكتئاب ما بعد الولاده لا يستمر اكثر من اربعين الى خمسه وخمسين يوما بعد الولاده , وان حدث فتلك مضاعافات حاله مرضيه نفسيه اخرى لها علاجاتها وتدخلاتها المختلفه .
أدرك هذا يا داليا، لذلك أعقبت بأن 20% من جملة النساء يتحول إكتئاب ما بعد الولادة إلى أمراض نفسية أشد خطورة. ولهذا لا أرى أن البقاء في المنزل هو الأصلح لها تحت ضغط ووطأة بكاء الأطفال ومطالبهم ودوامة عمل المنزل التي لا تنتهي
Quote: Quote: لا أستغرب أن تريد إمرأة البقاء في المنزل، فهنالك صديقات عزيزات على قلبي ستات بيت وأنا أعتز بهم كثيرا وأثق في قرارهم أنه كان الأفضل لهم.
كده متفقين ... طيب شنو المشكله ؟؟؟؟
المشكلة في أنه احلى لبعض النساء أو أفضل لهن وليس للجميع يا داليا.
لكي الحق أن تؤمنين بما تشائين يا داليا، وأتمنى أن يروق لك البقاء في المنزل مستقبلا، لكنه تأكدي أنه ليس الخيار الأحلى لجميع النساء.
أمنياتي بالتوفيق غادة
Post: #135 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-05-2009, 11:36 PM Parent: #134
Quote: يعني انتو في حالة اكتئاب الولادة بتنصحوا المرأة المصابه به ان تزاول الاعمال المنزلية وفي نفس الوقت تنصحوها بالبقاء تحت الاشراف الطبي؟؟ وطبعا في فرق بالقيام ببعض الاعمال المنزلية والقيام بالاعمال المنزلية..يعني النصيحة علي حسب رأي الاطباء الاخرين مفروض تكون (أن لا تشغلي بالك بالاعمال المنزلية والبقاء في المنزل تحت الاشراف الطبي)..طبعا لو كنتي قلتي أنا انصح.. ما كان كتبتا كلامي دة بس انتي قلتي..(أننا ننصح ) وطبعا النصيحة دي شاملة الاقتباس كلو..وهنا تاني وقعتي في الخطأ بتاع التحدث بلسان الجماعة ـــــــــــــــــــــــــــ
الأخت العزيزة سارة
يبدو أن داليا تعشق الحديث على لسان الجماعة وهذا ما جلب لها نقاشاتنا ونقتنا التي نحاول أن نلفت بها نظرها وهي لا تريد ان تراها. انا لا أدري حديث الأطباء كلهم لكن بتجاربي وتجارب الأمهات اللاتي أعرف، أسوأ شيء يحدث لها هو البقاء في المنزل. غايتو.. رمضان كريم يا صديقتي غادة
Post: #136 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 09-06-2009, 00:36 AM Parent: #135
اكتئاب ما بعد الولادة ما من القعاد في البيت من اختلال في كيماء المخ يعني لو مرقت عملت مليون شغل ولو غسلت دشليون صحن ما بروح وهو ما منتشر للدرجة دي.
الاكتئاب العادي دا بجي للنساء الطموحات المحبطات من زيجات من رجال انانين اظهروا وجههم الحقيقي بعد الزواج وكسروا وعود ضربت قبل الزواج..فصارت المرأة مورطة بين ترك بيتها
والبقاء فيه. حيث ما حادث الان يظبط الرجل موجة المرأة بمعسول الكلام قبل الزواج ويعمل فيها مستنير ويخرج وجه سي السيد بعد الزواج شغل مافي قراية مافي لذلك تكتئب.. لانها ما عارفة تطلق ولا تستمر
الحمل والاولادوالزواج ما انجازات صعبةحتى نمنع الناس من الكتابة عنها مالم يفعلوها لانها هي السائدة
بعدين بفتكر رد العزيزة غادة ما عنده معنى على نقطة الكلام بلسانا
حيث قدمت داليا وجهة نظر يا ياخذ بها او لا دون عسف منعها من الكلام لمان تزوج وتنجب..
Post: #140 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-06-2009, 02:15 AM Parent: #136
Quote: بعدين بفتكر رد العزيزة غادة ما عنده معنى على نقطة الكلام بلسانا
حيث قدمت داليا وجهة نظر يا ياخذ بها او لا دون عسف منعها من الكلام لمان تزوج وتنجب..
العزيزة د. نجاة تحياتي ورمضان كريم.. تقبل الله صيامك وقيامك
لم أمنع داليا من الحديث عن وجهة نظرها يا دكتورة، لكن لا أرى أنه من الصحيح الوصول إلى إستنتاجات إذا لم نمر بتجاربها. من مر بالمقابر ليس كمن مات.. فهنالك تفاصيل لا تدرك إلا بعدما نمر بالتجارب.. وهذا ما أقصده. وبالمناسبة، أنا لا أعني الحديث على لساني أنا تحديدا ولكن أقصد جموع النساء التي ترى أن البقاء في البيت ليس جميلا ولا (يحزنون).
تقبلي محبتي وإحترامي
_________
خارج النص: وين الصورة مع د. عبدالله -وجه باسم-
Post: #137 Title: Re: احلى حاجه تسويها المراه انها تكون ست بيت ...!!! Author: lana mahdi Date: 09-06-2009, 00:50 AM Parent: #135
الحبيبة دالياوضيفات وضيوف البوست رمضان كريم وكل عام وأنتم بخير لو فهمت مداخلةالحبيبة غادة خالد فهي تقصد أن التجارب الإنسانية والحياتية كل تجربة لا يحسن تقييمهاإلا أصحابهاحيث لم ولن تتشابه تجربتان إنسانيتان البتة مثلاً لو حكى أحدهم لي مشكلة وطلب رأيي...إحساسي بمشكلته لن يماثل إحاساه هو وتقييمي للظروف وللبيئة والمحيط الذين طوقوه ساعةالمشكلة لن يكون كتقييمه لها.. ولكل ذلك تقدم رأيك(على وجل)وبدقة متناهية وبدون افتراض أنك (عارف حذافيرالمشكلة)..دةمثل... المثل الثاني :بعض صديقاتي يفضلن الزوج البيتوتي، الذي يرافقهن فيبرمجان سوياً ويتشاركان معظم اللحظات والرحلات وحتى الرحلات الروتينية كالذهاب للتسوق وكل مكان ما دام ذلك ممكناً.. وبعض صديقاتي يعددن هذا مدعاة للملل الزوجي...حيث أن خروج الرجل كثيراً أفضل.. عن نفسي أفضل الرجل البيتوتي ولحسن الحظ زوجي يحب المكوث بالمنزل وجو الأسرة والبرامج المشتركة لأفرادها.. لو اضطررت للتوقف عن العمل لظروف خاصة بأسرتي سأتوقف ريثماتنجلي الظروف وإلا سأظل أعمل وأكون سعيدة بحياتي ككل-المهنية والاسرية-مثلما أنا الآن..
محبتي وتقديري لك لنا
Post: #138 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-06-2009, 01:19 AM Parent: #137
انت يا لنا مهدي حاسبه روحك شغاله على قولة يعقوب... ماشاء الله وتبارك الله.. ما بسحرك انا ههههههههه
محبتي
Post: #139 Title: Re: احلى حاجه تسويها المراه انها تكون ست بيت ...!!! Author: yasir Abdelgadir Date: 09-06-2009, 01:45 AM Parent: #138
ماكنت عايز اجي داخل في (بيت بت المني بت مساعد) لو لا إنو تم تنبيهي لمداخلة كتبتها قبل يومين في شكل تعبير كروي (ليبرو وقشاش ) جابت لي هواء وكنت عايز أراجعها...قمت لقيت كلام الاخت لنا الجميل دا
Quote: لو اضطررت للتوقف عن العمل لظروف خاصة بأسرتي سأتوقف ريثماتنجلي الظروف وإلا سأظل أعمل
فبعتقد إنو أي أنثي لديها طفل عمرو بين شهرين و سنتين مثلا...من الصعوبة بمكان أن تبعد عنه لمدة ثمان ساعات (مدة الدوام من غير مواصلات)...والشغالة أو الجدة لايمكن أن تقوم بدور الام في هذه المرحلة السنية..إذن بقاء الانثي بالمنزل ليس دائما من أجل هذا السي سيد.....صدقوني حتي الاب بينتظر متين ينتهي دوامو عشان يرجع لزوجتو وأطفالو....أعتقد إنو دا سبب ممكن يكون مقنع ياغادة مع كامل إحترامي لرأيك....
Post: #142 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-06-2009, 02:25 AM Parent: #139
Quote: فبعتقد إنو أي أنثي لديها طفل عمرو بين شهرين و سنتين مثلا...من الصعوبة بمكان أن تبعد عنه لمدة ثمان ساعات
سلامات يا دكتور ياسر.. كيف أخبارك وكيف الحي بيك هل تعني عبارتك أنك ترى أن احلى حاجة تسويها المراة أن تكون ست بيت حتى يفوق طفلها عمر السنتين مثلا؟ أم هل ترى أن المرأة من المفترض أن تكون ست بيت وخلاص؟ علشان أعرف محاور النقاش
تقبل التحايا
____________
رمضان دخل العضم ولا لسه؟ -وجه باسم-
Post: #143 Title: Re: احلى حاجه تسويها المراه انها تكون ست بيت ...!!! Author: yasir Abdelgadir Date: 09-06-2009, 02:38 AM Parent: #142
الاخت العزيزة غادة:
لك من التحايا أصدقها
ماقصدته هو أن بقاء المرأة في البيت أو أن تكون ست بيت ليس دائما قرار تملكه هي...يعني من أهم أسباب عودتها هو مهمة أساسية إقتضها الضرورة حتمت عليها الترجل قليلا من مهام العمل الخارجي لاداء مهمة أخري هي أيضا مهمة سامية جدا تقتضي بقاءها ولو الي حين بالمنزل كست بيت..حتي تنتهي هذه المهمة ثم يمكنهاالعودة للمهمةوالعمل مرة اخري اذا ارادت...
لي عودة لان رمضان دخل العضم فعلا (-:
تحياتي واحترامي
Post: #141 Title: Re: احلى حاجه تسويها المراه انها تكون ست بيت ...!!! Author: غادة عبدالعزيز خالد Date: 09-06-2009, 02:21 AM Parent: #137
Quote: لو فهمت مداخلةالحبيبة غادة خالد فهي تقصد أن التجارب الإنسانية والحياتية كل تجربة لا يحسن تقييمهاإلا أصحابهاحيث لم ولن تتشابه تجربتان إنسانيتان البتة
الحبيبة لنا مهدي تكتب إسمي فد مداخلتها يا فرحتي يا فرحتي
ما أقصده فعلا هذا يا لنا، التجارب التي نمر بها تختلف تماما عما يمكن حتى أن نقتنع به من قبل. وإليك تجربة عايشتها مع صديقة لي عن قرب... كانت تعمل ومجتهدة و(شاطرة) في مجال عملها الذي يندر فيه النساء. وتقدم لها زوجا مشترطا عليها ترك العمل والتفرغ للمنزل تماما بعد الزواج. لم يعدها بمعسول الكلام أو يحاول أن يخدعها وإرتضت هي الأمر وصارت ربة منزل بعدما دخلت عش الزوجية راضية مرضية. ولم يمر العام إلا وبدأت الخلافات تدور بين الزوجان، هي تريد العودة إلى مجال العمل وهو يرفض عمل المرأة رفضا باتا.. كان يقول لها أنا كنت أريد ربة منزل وأنا إشترطت عليك هذا وإرتضيته من الأول. وكانت ترد، كنت موافقة على الشرط لكنني لم أدر أن البقاء في المنزل سيكون بمثل هذه الصعوبة والرتابة القاتلة.
هنالك تجارب لا تدرين أنها كيف ستمسك وتؤثر عليك ما لم تمري بها شخصيا.. فقد تقلب قناعاتنا رأسا على عقب
_________
بالجد مشتاقين يا صديقتي تحياتي لأسرتك الكريمة
Post: #144 Title: Re: احلى حاجه تسويها المراه انها تكون ست بيت ...!!! Author: Solafa Alagib Date: 09-06-2009, 11:03 AM Parent: #141
والله انتو ناس عسل عديل كدا ,,قدر ما الواحد يقول يقرا بس من دون مداخلة ما يقدر والنقاش كل مرة بيحلى
شكرا علي تحيةالجنتلمان ياسر
تحياتى للام (الما مطرطشة)غادة الحلوة(بالجدوالله)
بجيكم برواقة,ودامت لكم الصحة
د:سلافا العاقب
Post: #145 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 09-06-2009, 11:28 AM Parent: #144
Quote: ولم يمر العام إلا وبدأت الخلافات تدور بين الزوجان، هي تريد العودة إلى مجال العمل وهو يرفض عمل المرأة رفضا باتا.. كان يقول لها أنا كنت أريد ربة منزل وأنا إشترطت عليك هذا وإرتضيته من الأول. وكانت ترد، كنت موافقة على الشرط لكنني لم أدر أن البقاء في المنزل سيكون بمثل هذه الصعوبة والرتابة القاتلة.
سلامات يا غادة
اها الخرخرة هنا من الزوجة حيث اتفقت مع رجل واضح جدا وضع شروط هي وافقت عليها
هذا الامر مر بصديق اتفق مع زوجته ان تبقى في المنزل بعداك بدأت الشمطات وانتهت بالطلاق تعرفي المحزن شديد هو ان تتخ للمرأة قرارتها
في وسطنا الفني دائما تحدث مثل هذه الهزات .. حتى لو تزوجت فنان ستجد ايضا صعوبات غالبية الزيجات التمت بين زملاء المهنة الذين كن نظن انهم اكثر تفهما انتهت بالطلاق..انتهت في ظني للانفصام الذي يعاني منه الازواج..يوعد بمعسول الكلام ويجي يخرخر بعد الحبل يتربط(احسن تسمية ابدعت العقلية الشعبية في تسميتهالعقد الزواج)
___________ ما عجبك شعار الصحن الفاضي د ولا شنو؟
Post: #146 Title: Re: احلى حاجه تسويها المراه انها تكون ست بيت ...!!! Author: داليا حافظ Date: 09-06-2009, 12:11 PM Parent: #145
داليا
رمضان كريم ..
ما قريت كل المداخلات ..
لكن ..
Quote: احلى حاجه تسويها المراه انها تكون ست بيت ...!!!
وجهة نظر بيلاقيها سؤال بفرض نفسو طوالي ..بالنسبة لمنو ؟..ليك ؟..لي ؟ لأخريات
؟ بشكل عام ؟
وبتتبعا اسئلة كتيرة ..
مش ممكن إيكون في نساء كتيرات احلى حاجه بالنسبة ليهن انو يكونن ستات بيوت لكن نتيجة
لظروفهن القاهرة ..وأحمالن التقيلة القصة دي مستحيل عديل تتحقق ؟
ومش ممكن نساء ميسورات وما محتاجات أييي حاجة وخيار أنو يكونن ستات بيوت ده عندهن ما وارد
نهائي ؟!
ومرقت النساء للعمل كللللها كدة إختيارية ؟..أو كلها كدة للمناددة مع الرجال ؟!
بتصور لأ ..البناسب دي ما بنفع مع دي ..
والخيار المتاح لفلانة مستحيل يتحقق لفلتكانة ..
عشان كدة ببساطة
لمن تقولي
Quote: أحلى حاجه تسويها المراه انها تكون ست بيت ...!!!
إتوقعي ردود على شاكلة :
*آييي والله
* بالنسبة لمنو ؟
* ده من وجهة نظرك !
* ياريت لكن ماباليد حيلة ..
* قرنا وتعبنا عشان نقعد ..
* لا أبدا ..
* منو القليك بعدين بتعرفي ..
وكدة..
والقصة في الأخر خيارات من جهة وجبر عديييل من جهة تانية !
حاسة إني طولت ..
شكرا على الموضوع المهم ..
Post: #147 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-06-2009, 02:24 PM Parent: #146
Quote: *آييي والله
* بالنسبة لمنو ؟
* ده من وجهة نظرك !
* ياريت لكن ماباليد حيلة ..
* قرنا وتعبنا عشان نقعد ..
* لا أبدا ..
* منو القليك بعدين بتعرفي ..
اتصوري يا داليا حافظ، الردود ما اتجاوزت الكلام ده...
Post: #148 Title: Re: احلى حاجه تسويها المراه انها تكون ست بيت ...!!! Author: وجن Date: 09-06-2009, 06:08 PM Parent: #147
حبيبة قبل ما تجي تردي شيلي نفس طويييييييييييييل واستمتعي بالغنية
Post: #149 Title: Re: احلى حاجه تسويها المراه انها تكون ست بيت ...!!! Author: mamkouna Date: 09-07-2009, 01:39 AM Parent: #148
Quote: احلى حاجه تسويها المراه انها تكون ست بيت ...!!!
منو القاليك يا داليا انو ست البيت فاضية و رايقة و كمان حلوة؟ انتي ما عارفة قصة الراجل البيقول لزوجتو "نفسي اقعد زيك في البيت و ارتااااح!" جه يوم راجع لقى اولادو في الشارع وسخانين و جعانين ...دخل البيت لقاهو جايط و...الخ الخ الخ... اتاريها صاحبتنا رقدت في سريرا اليوم داك و.... ارتاااااحت . ........... اوبرا وينفري قالت بتزعل لما يسألوا واحدة عما اذا كانت شغالة فترد بالنفي بينما هي أم لأكثر من طفل! و نصحتهن بأن تكون أجاباتهن YES...I AM A MOTHER !!! و لما يقولوها ..يقولوها بكل فخر و إعتزاز. ......... اي وظيفة في العالم يا داليا ممكن يؤديها شخص غيرك...يمكن كمان يكون اكثر كفاءة و خبرة و مهارة منك.. الا وظيفة ام لاطفالك...لاااااااااااااا يوجد من يؤديها غيرك! Mothers Are Indispensable ................. الإجابة على حكاية أحسن أشتغل بره البيت و لا أحسن أكتفي بي شغل البيت...تختلف من واحدة لأخرى.. ممكن يكون في اخوات شقيقات متربيات نفس التربية و من نفس الام و الاب.. لكن عندهن رؤى مختلفة.. ممكن واحدة تشتغل بره البيت و بالتالي جوه البيت برضو! ...التانية تكتفي بشغل البيت بس...التالتة تقرر ما تتزوج من اصلو! يعني الاجابة على السؤال دا *نسبية* و تخضع لظروف و شخصية كل واحدة. ...... الانا عاوزاهو منك يا داليا انك لما تختاري...تكوني سعيدة و مقتنعة بي خيارك... لما تقرري العمل خارج البيت...تستمتعي و تقتنعي بالحكاية دي...و تعرفي انو وظيفة الام برضو ح ترافقك. لما تتفرغي لبيتك و أولادك تختي في بالك إنو وظيفة الام دي الوظيفة الوحيدة المافيها أجازات إطلاقاً و لا بدلات و لا حوافز و لا حتى مكافأة نهاية خدمة.. لكن فيها إنتاج تفرحي لي فرحو و تحصدي ثماره فرحة و سعادة إن شاء الله.
Post: #150 Title: Re: احلى حاجه تسويها المراه انها تكون ست بيت ...!!! Author: عبير خيرى Date: 09-07-2009, 02:47 AM Parent: #149
.
إزيك يا داليا وضيفانك الكرام
أهم حاجة إنه المرأة تكون نفسها وليست ظل ...وأهم شيئ للمرأة والرجل أن يعمل كلاهما لأجل ظروف تتفتح
فيها كل مواهبهم وإمكاناتهم للتفاعل والنجاح والإضافة للحياة سوي أكانت حياتهم الفردية أو الإجتماعية
ومهم جداً أن ترتبط المرأة برجل يفتح كل الألق والإمكانيات الكامنة جواها عشان ما تسعده هو فقط بل تسعد
نفسها أيضاً ومجتمعها.. ولو رأت أن هنالك ظروفاً تحبز فيها البقاء في المنزل فليكن كذلك خارج أي تسويق
لقسمة عمل فات فيها الفوات
Post: #151 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-11-2009, 01:08 AM Parent: #150
ست البيت وست المكتب الفاتح على الجمهور ختم الدوله جنبك هيبه قط لم تقبلي المصرور حلال وبلال عليك يا ام مرتب بالتعب ممهور وساعه رضاعه اجمل من سياحه شهور النوم النوم ... النوم تعال .... النوم النوم سكت الجهال اخر من تنومي تقومي دغشا بدري قبل الشمس ماتترك سرير النوم ويغادر عشتو العصفور تحرسيها اللبينه تفور تسوي الشاهي يا لله يا لله كم من سنتدوتش فطور للممتحنه والبهاتي جاري يحصل الطابور وبرضو وراك ومستنيك هم دفتر غياب وحضور لفحنا العمه وخليناك بين الحله والماسوره رتبتي القميص والطرحه حفظتي النشيد والصوره والتعب البخلي الصوره في عينيك اجمل صوره ديك الحجله وداك البلي ياما تشري وياما تبلي مابتكلي مابتملي مابنقص حنانك ملي هل هذا عمل مأجور ؟ ممرضه سسترا ودكتوره توب السهره ابيض ناصع بين العنابر نور مدرسه حيث مدركتك حنانك سور .. كراريس الصبى الباكر تزاكر نحوه بكرا مرور سلاما عمتي الفراشه المقشاشه جنبك كم بشوفا زهور بت الشده والورديه والمكنه التي ليلا ونهارا تدور تحت الشمس في الحواشه بين الحبه والزرزور كلك كلك كلك ياحلوه جنب الكمبيوتر تكيه صبح الشاشه ياخد من عيونك نور بت الكادحين وغلابه والهبابه ست الكسره احب القرقريبه القرقريبه قريبه في ايديك فراشه تدور والهبابه والعرق البنقط داك زي قمريه قوقو قوقو فوق السور تغازل في الضحى النقاع عشه وميري مدرسه الحياة المعموره لا كراس لا سبوره لا تقرير سمح رقاكي لا دبوره تحيي تعيشي لا مقهوره لا منهوره لا خاطر جناك مكسور بل مستوره يامستوره يا ذات الضرى المستور سلاما يا غزالات العمل والبيت ملاياتك ضفاف النيل احب واديك هذا الحوش احب الشاي مع القرقوش احب المستك الفواح اهيم في غمرة النعناع بن ومدق وجمرات تسخن الايقاع سلاما يا نساء الارض قاطبة بكل مكان
Post: #152 Title: Re: احلى حاجه تسويها المراه انها تكون ست بيت ...!!! Author: طلال جبير جابر Date: 09-11-2009, 11:07 AM Parent: #151
فووووووق من اجل نقاش هادف
سلامات ياست البيت والضيف المعاها متابعين ومن قريب
زول مرتو شغالة
Post: #153 Title: Re: احلى حاجه تسويها المراه انها تكون ست بيت ...!!! Author: PLAYER Date: 09-11-2009, 12:33 PM Parent: #152
Post: #154 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-12-2009, 11:09 AM Parent: #153
Quote: معك يا داليا احسن حاجة تسويها المرأة تقعد في البيت لكن بقناعة تامة موش مجبرة
ياسلام عليك يادكتورة نجاة
الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع
أول حاجة لانهن دائما متعصبات لرأيهن ومناكفات بطريقة تجردهن من الأنوثة ...
وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب
معايير أحلامهن ...
الحياة الزوجيةوسعادتها دى أكبر من كده بكتييير ، وتقود إليها أشياء قد تكون بسيطة جدا ...
محي الدين
Post: #159 Title: Re: احلى حاجه تسويها المراه انها تكون ست بيت ...!!! Author: داليا حافظ Date: 09-13-2009, 08:43 AM Parent: #149
Quote: الانا عاوزاهو منك يا داليا انك لما تختاري...تكوني سعيدة و مقتنعة بي خيارك... لما تقرري العمل خارج البيت...تستمتعي و تقتنعي بالحكاية دي...و تعرفي انو وظيفة الام برضو ح ترافقك. لما تتفرغي لبيتك و أولادك تختي في بالك إنو وظيفة الام دي الوظيفة الوحيدة المافيها أجازات إطلاقاً و لا بدلات و لا حوافز و لا حتى مكافأة نهاية خدمة..
ممكونة أزيك
أنا بحب مداخلاتك جدا وبقراها بعناية ..
يعني يا داليا المرأة تختار العمل تختار البيت ..تجبر على العمل أو تجبر للتخلي عنه ..الأمومة في
مكانا..
Post: #155 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-12-2009, 11:31 AM Parent: #1
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ...
سلامة فشفاشك يا محي الدين جبريل ... بيكون لحق فشفاش ضل الفيل المطعون ...
Post: #156 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-12-2009, 11:37 AM Parent: #155
الفاضلة عزاز
رمضانك كريم
Quote: بيكون لحق فشفاش ضل الفيل المطعون ...
معليش نهار رمضان مسخن عندنا ... وقعى لى الكلام ده . ممكن ؟
ونجى للباقى ...
وبعدين حصل الشرف ... أول مرة نكتب فيها لبعض .. أعتقد ذلك
محي الدين
Post: #158 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-12-2009, 04:56 PM Parent: #156
محي الدين ... حبابك و كل سنة و انت طيب و ان شاء الله دائما على سنة نبيك و حبيبك و هديه ...
Quote: معليش نهار رمضان مسخن عندنا ... وقعى لى الكلام ده . ممكن ؟
جدا ...
بس يا ريت توريني انت قاصد منو بكلامك ده ... و هنا دي ظرفية مكانية مقتصرة على البوست ولا المنبر ككل:
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ... وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن ...
ولك الشكر مقدما ...
Post: #157 Title: Re: احلى حاجه تسويها المراه انها تكون ست بيت ...!!! Author: هواري نمر Date: 09-12-2009, 11:40 AM Parent: #155
سلامات يا دكتورة... شكرا لك علي البوست الجميل.. وحبيت اهديكن هذه الاغنية. بصوت ..شمت محمد نور..
وسلاما الي كل نساء الارض في مكان وزمان في البيت او الوظيفة او الدراسة....
مع عاطر احترامي و تقديري...
Post: #160 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 09:43 AM Parent: #157
عزاز طابت أوقاتك
Quote: بس يا ريت توريني انت قاصد منو بكلامك ده ... و هنا دي ظرفية مكانية مقتصرة على البوست ولا المنبر ككل:
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ... وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن ...
عزاز ... علمتنا المهنة أن نتجاوز ذكر الأسماء فى بعض الأحيان إذا شعرنا
أن تناولها مباشرة سيحدث تشويشا على الرسالة أيى بمعنى أنه
سيخلق جدلا يصرف المتلقى عن الموضوع الأساسى المطروح ...
Post: #161 Title: Re: احلى حاجه تسويها المراه انها تكون ست بيت ...!!! Author: د.محمد حسن Date: 09-13-2009, 10:00 AM Parent: #160
قصة من الحياة الزوجان في احدى دول الاغتراب والاثنان مؤهلان تأهيل عالي ارتضت الزوجة ان تجلس في البيت وحدث ان تم تفنيش الرجل ... بحث كثيرا ولم يوفق قالت له زوجته دعني اجرب حظي وفعلا تم تعييناها اتفقا ان يمسك هو البيت وان تعمل هي وفعلا التزم الرجل ولبس المريلة واتحزم واستمتعت هي بعملها الجديد اصبح فنان في المطبخ بمساعدة مشاهدة كل برامج الاسرة تفنن في ديكور المنزل تاي كل يوم تجد كل ( جركانها في مكانها ) وغدا ولا احلي وفي المساء يذكرها با حتياجات المنزل وهي تصرف بدأت الشهور تمر وبدا حماسها للعمل ولمصاريف البيت تقل ذات يوم جاءات المنزل وجدت كل شي معد واثناء الغدا قال لها نريد فلوس لشراء بعض المقاضي انتفضت فيه ( هوي يا راجل قوم اقلع المريلة دي ومن بكرة شوف ليك شغل انا تاني ما ماشة الشغل )
Post: #162 Title: Re: احلى حاجه تسويها المراه انها تكون ست بيت ...!!! Author: د.محمد حسن Date: 09-13-2009, 10:06 AM Parent: #160
قصة من الحياة الزوجان في احدى دول الاغتراب والاثنان مؤهلان تأهيل عالي ارتضت الزوجة ان تجلس في البيت وحدث ان تم تفنيش الرجل ... بحث كثيرا ولم يوفق قالت له زوجته دعني اجرب حظي وفعلا تم تعييناها اتفقا ان يمسك هو البيت وان تعمل هي وفعلا التزم الرجل ولبس المريلة واتحزم واستمتعت هي بعملها الجديد اصبح فنان في المطبخ بمساعدة مشاهدة كل برامج الاسرة تفنن في ديكور المنزل تاي كل يوم تجد كل ( جركانها في مكانها ) وغدا ولا احلي وفي المساء يذكرها با حتياجات المنزل وهي تصرف بدأت الشهور تمر وبدا حماسها للعمل ولمصاريف البيت تقل ذات يوم جاءات المنزل وجدت كل شي معد واثناء الغدا قال لها نريد فلوس لشراء بعض المقاضي انتفضت فيه ( هوي يا راجل قوم اقلع المريلة دي ومن بكرة شوف ليك شغل انا تاني ما ماشة الشغل )
Post: #164 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 10:47 AM Parent: #162
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ... وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن
استاذ محي الدين.. تحية
خليني اعاتبك على اسلوبك الكتبته بيه الجملة دي... لانه لو عدم التجربة يعتبر مانع للزميلات هنا انهم يبدوا رأيهم، فأول واحده ممكن نضيفها لتقييمك ده هو صاحبة البوست التي هللت لرأيها (مع كامل تقديري للعزيزة داليا).. كما ان التعصب للرأي دون تجربة أمر يمكن ان نصفك به (مع احترامي) وينطبق عليك، فأنت لست إمرأة عاملة ولا ست بيت...
ويبقى الرأي المصرّين عليه انه المرأة يكون عندها الخيار... سواءا تقعد او تشتغل... وما تترك فرصة لأحد ان يعيش لها حياتها...
اتمنى الا تضيق برأيي والغرض هو توصيل رأي وإثراء النقاش، دون ان انتمي إلى مهنة الصحافة، ومع ذِكر الأسماء بوضوح..
ورمضان كريم، وتصوموا وتفطروا على خير
عزاز ازيك
بنت الحسين
Post: #166 Title: Re: احلى حاجه تسويها المراه انها تكون ست بيت ...!!! Author: ودقاسم Date: 09-13-2009, 11:05 AM Parent: #160
البارحة التقيت كاتبة الموضوع داليا كباشي في إفطار بورداب الخرطوم ... واليوم بدأت ابحث عن بعض ممن التقيتهم بالأمس لأتعرف عليهم من خلال أفكارهم .. الموضوع دسم ، وكبير كما قالت غادة .. لذا فهو من المواضيع التي تحتاج نوعا من ترتيب الأفكار وجمع قدر واف من المعلومات ( استطلاعات مثلا ) ، ولا بأس بالأمثلة التي أتت بها داليا ( أمها وقريباتها ) .. لكني أتصور أن الموضوع برمته خاضع لفكرة ( ليس حبا في علي لكنه كره لمعاوية) ، فبعض تجارب العمل قاسية وصعبة ومرهقة وربما لا تكون مسلية .. وبعض بيئات العمل غير مشجعة وغير محفزة وغير جاذبة .. فيتصور الإنسان أن الخيار الآخر هو الأفضل ... وكثيرا ما اشتكت غليّ ابنتي فدوى ( وهي أيضاطبيبة زي داليا ) من التعب والإرهاق وسوء بيئة العمل ، ومازحتها عدة مرات قائلا ، لو ما عاجبك الشغل تعالي أقعدي في البيت ... فترد : ياريت والله يابابا .. لكنها تصبح في صباح الغد وتصحو من نومها باكرا وتتجه للمستشفى ... زوجتي أيضا كانت موظفة عندما تزوجنا ،، لكنها تركت الوظيفة بعد أن لحقت بي في الغربة ، ولم تعد إليها ، وأجدها سعيدة بخدمة زوجها ( اللي هو أنا ولمدة ثمان وعشرين سنة ) وأولادها بما فيهم ابنتنا الوحيدة .. وهي تشكو الإرهاق وتستعين ببعض من يساعدها في الأعمال المنزلية ، لكنها لا تقبل أن يشاركها أحد في المطبخ إلا أنا وفدوى أحيانا .. وقد سألتها عدة مرات هل لديك ميل إلى العودة للوظيفة ، لكنها في كل مرة تقول ( وظيفة وييييين معاكم انتو ) .. وكلنا بقدر دورها الذي اختارته عن قناعة وتؤديه بكامل رغبتها واختيارها ، وكلنا ننظر إلى أدوارنا باعتبارها مكملة لبعضها .. وأنا شخصيا موظف منذ العام 1977 حتى اليوم ، لم انقطع عن الوظيفة إلا فترة سنة واحدة ... لكني حتى الآن لست مقتنعا بالعمل الوظيفي ، وأشعر أنني ضيف على الوظيفة رغم كل هذه السنين ، وأميل للعمل الحر لأنني في الأصل فلاح ضل طريقه إلى التعليم ، ففقد أصوله ولا يزال يخشى السقوط ...
والحوار الذي يدور في هذا الموضوع حوار طيب وإن اخشوشن في بعض منعطفاته خاصة وأن المتداخلات ممن امتلكن ناصية المنطق ونصاعة الحجة أمثال ابنتي عزاز ، ومريم ، وغادة .. وآمل أن أرى مداخلا لعشة بت فاطنة ورجاء العباسي ، وإشراقة مصطفى ، وأماني الجندرية ، وإيمان أحمد .. وإلى غادة أقول : أن معنى عنوان الموضوع يفيد أن داليا ترى ذلك لكنها لا تجزم ولا تلزم الآخرين بما ترى ... وربما كانت هناك إشكالية في اللغة أو التعبير عن وجهة نظر ما ، لكن لا ينبغي أن نعوّل على هذه الإشكالية كثيرا لأننا إن فعلنا ربما نفسد الحوار ..
Post: #163 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 10:25 AM Parent: #1
Quote: عزاز ... علمتنا المهنة أن نتجاوز ذكر الأسماء فى بعض الأحيان إذا شعرنا أن تناولها مباشرة سيحدث تشويشا على الرسالة أيى بمعنى أنه سيخلق جدلا يصرف المتلقى عن الموضوع الأساسى المطروح ...
الاخ محي الدين، ما يصرف ... أدينا بنتبادل الحوار و نؤسس لقيمة تحمل مسؤولية ما نكتب ... الرسالة التي اوصلتها كانت نقد شخصي موجه لكلا الشخصيتين و من حقهما الرد عليك بالواضح الما فاضح تحب اعمل ليك إحصاء سريع لزوار البوست من النساء و عدد المتزوجات و غير المتزوجات لأصل للشخصيتين اللتان اضرتا بفشفاشك؟ لو فعلت، هل ستطالبني بتسمية ضل الفيل؟
Post: #165 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 10:59 AM Parent: #163
Quote: ما يصرف
إذا كان ده رأيك أنا رأيى ما كده ومن حقى ... ليه يصرف ... ده موضوع أهم من نقاش أنا عارف الطرف الآخر بيناقش
بياتو طريقة ...
Quote: نؤسس لقيمة تحمل مسؤولية ما نكتب ...
ولأنى بتحمل مسؤولية كتابتى ... بحدد أسلوبى فى التناول على شأن أحافظ على الموضوع المطروح ، يعنى مش كلامى يجئ خصما على
المساحة اللى خصصا صاحب البوست لطرحه ....
Quote: الرسالة التي اوصلتها كانت نقد شخصي موجه لكلا الشخصيتين و من حقهما الرد عليك بالواضح الما فاضح
الرسالة التى أردتها فى إطار موضوع البوست وتداعياته ... أيى زول يفهما بطريقتوا ... وأنا لو عاوز ردهم
تجاه رايى فيهم كان فتحتوا ليهم بوست طويل وعريض ... لكن ده بالنسبة لى ما أولوية .... وعرف أسلوبم فى النقاش
ح يوديك وين ويطلعك وين ... وأهو قاعدين نقرأ كل يوم فى المنبر ده ....
Quote: تحب اعمل ليك إحصاء سريع لزوار البوست من النساء و عدد المتزوجات و غير المتزوجات لأصل للشخصيتين اللتان اضرتا بفشفاشك؟ لو فعلت، هل ستطالبني بتسمية ضل الفيل؟
والمناسبة شنو ياعزاز بالإحصاء
وفى النهاية أنا شخصيا بحدد الطريقة اللى بكتب بيها وأي زول متضرر من كتابتى دى يعمل اللى عاوزه
بس فقط نحافظ على موضوع البوست لانو أنا لو عندى أيى هدف غير ده كان سمييييت الأشخاص عديل
لكن منعا للتشويش وصرف الموضوع عن مساره إخترت الطريقة دى
مع تقديرى
داليا معليش
Post: #167 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 12:06 PM Parent: #1
Quote:
Quote: : ما يصرف
إذا كان ده رأيك أنا رأيى ما كده ومن حقى ... ليه يصرف ... ده موضوع أهم من نقاش أنا عارف الطرف الآخر بيناقش بياتو طريقة ...
Quote: نؤسس لقيمة تحمل مسؤولية ما نكتب ...
ولأنى بتحمل مسؤولية كتابتى ... بحدد أسلوبى فى التناول على شأن أحافظ على الموضوع المطروح ، يعنى مش كلامى يجئ خصما على المساحة اللى خصصا صاحب البوست لطرحه ....
Quote: الرسالة التي اوصلتها كانت نقد شخصي موجه لكلا الشخصيتين و من حقهما الرد عليك بالواضح الما فاضح
الرسالة التى أردتها فى إطار موضوع البوست وتداعياته ... أيى زول يفهما بطريقتوا ... وأنا لو عاوز ردهم تجاه رايى فيهم كان فتحتوا ليهم بوست طويل وعريض ... لكن ده بالنسبة لى ما أولوية .... وعرف أسلوبم فى النقاش ح يوديك وين ويطلعك وين ... وأهو قاعدين نقرأ كل يوم فى المنبر ده ....
Quote: تحب اعمل ليك إحصاء سريع لزوار البوست من النساء و عدد المتزوجات و غير المتزوجات لأصل للشخصيتين اللتان اضرتا بفشفاشك؟
لو فعلت، هل ستطالبني بتسمية ضل الفيل؟
والمناسبة شنو ياعزاز بالإحصاء وفى النهاية أنا شخصيا بحدد الطريقة اللى بكتب بيها وأي زول متضرر من كتابتى دى يعمل اللى عاوزه بس فقط نحافظ على موضوع البوست لانو أنا لو عندى أيى هدف غير ده كان سمييييت الأشخاص عديل لكن منعا للتشويش وصرف الموضوع عن مساره إخترت الطريقة دى
مع تقديرى
داليا معليش
تحفة الابصار في رش الملح و البهار
يا استاذ محي الدين انت من بدأ بصرف الموضوع عن مساره بنقدك للشخوص و طعنت في ضل شخصيتين و لما جينا قلنا ليك قول ديل منو تمنعت و اتهمتنا بصرف البوست عن مساره .. شاركت خمسة أعضاء نساء غير متزوجات : داليا الكباشي وهي صاحبة البوست و متفق انت معاها داليا حافظ سارة علي مياده كمال و شخصي الضعيف ... ولكي لا تطلق لخيالنا العنان أرجو التكرم بتوضيح من تقصد بوصفك أدناه:
Quote: أول حاجة لانهن دائما متعصبات لرأيهن ومناكفات بطريقة تجردهن من الأنوثة
علشان لو أنا واحدة منهم أعرف أرد عليك، ولو أنا ما منهم، برضو لي أجر التنبيه ...
أما قولك بأنه:
Quote: الرسالة التى أردتها فى إطار موضوع البوست وتداعياته ... أيى زول يفهما بطريقتوا ... وأنا لو عاوز ردهم تجاه رايى فيهم كان فتحتوا ليهم بوست طويل وعريض ... لكن ده بالنسبة لى ما أولوية .... وعرف أسلوبم فى النقاش ح يوديك وين ويطلعك وين ... وأهو قاعدين نقرأ كل يوم فى المنبر ده ....
تداعيات البوست لم تشمل تنابذا ولا طعنا و لا لمزا و لا إهانة للأعضاء، نساء و رجال وردك غير منطقي أو موضوعي، لأنك يا سيد يا كريم أطلقت نعوت و صفات مسيئة لمشاركتين في الخيط و يسهل الاستدلال عليهما -- لو أجريت إحصاء سريعا لكما ذكرت لك -- و عند سؤالك عن من تقصد تتعذر بحجة عدم صرف الموضوع عن مساره و أنت من بدأ بصرفه عن مساره عندما انتقدت شخوصا بعينها و بصفات لا تتعلق بفكرة البوست الأساسية ... و دعني اؤكد لك انو انا شخصيا سواء كنت معنية بوصفك أم لا يعنيني كثيرا رأيك الشخصي فيني، و المراد ليس خلق رغبة حقيقية لديك في الرد بقدر ما أريد بيانا بالعمل على تحمل مسؤولية ما قلته ... و تذكر باننا في رمضان.... فإما أن تحذف كلامك المسيء، وأما تبتدر بوستا توجه فيه كلامك للشخصيتين المعنيتين ...
"ليس المؤمن بالطعان ولا اللعان ولا الفاحش البذيء" (وَيْلٌ لِّكُلِّ هُمَزَةٍ لُّمَزَةٍ) ____________________
مع تقديري انا برضو ...
وده كلامك القلتو قبيل للتذكير و للإطلاع:
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ...
وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن ...
Post: #168 Title: Re: احلى حاجه تسويها المراه انها تكون ست بيت ...!!! Author: داليا حافظ Date: 09-13-2009, 12:23 PM Parent: #167
Quote: لانو أنا لو عندى أيى هدف غير ده كان سمييييت الأشخاص عديل لكن منعا للتشويش وصرف الموضوع عن مساره
إخترت الطريقة دى
هل بتفتكر يا محي الدين أنو التشويش على بوست جريمة أكبر من الإساءة لزميلات ..؟
غض النظر أن كنت معنية أو لأ ..
Post: #169 Title: Re: احلى حاجه تسويها المراه انها تكون ست بيت ...!!! Author: وجن Date: 09-13-2009, 12:35 PM Parent: #168
عاد يا محي الدين شيل شيلتك من قال لك أن تهبش النكاف وتذهب له في عقر دارك بنوتنا ديل مافي زول بقدر عليهن والله اتلمن عليك خلااااااس حيونك نجوم القائله كامل التضامن معك في محنتك
Post: #171 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 03:35 PM Parent: #169
Quote: تحفة الابصار في رش الملح و البهار
شوفى يا عزاز ده أسلوبك الأنا عارفوا ... أعرافى تمنعنى عن مجرد مجاراتك ... وهذا من باب تقديرى للمرأة ...
وده واحد من الأسباب البتخلينى ما أدخل بوستاتك ... لانها بالشكل ده ...
وبعدين
داليا الكباشى دى ... منى الزيها على قول حبوبتى... ربنا يحفظا ... أنا شخصيا ما بعرفا لكن من خلال طرحها
خلتنى أعجب بيها لأبعد حد ...
عموما أنا كلامى قلتو ولليلة وليوم باكر ألخص كلامى المناكفة والنقة تجرد المرأة من أنوثتها ...
وعدم ذكرى للأسماء من حقى .. لأن هناك قراء فطنون .... فلماذا إثارة الغبار
وبرضو محبتى التى لاتعلمين
وهذا مطلقا ليس تقليلا للآخرين
Post: #174 Title: Re: احلى حاجه تسويها المراه انها تكون ست بيت ...!!! Author: mayada kamal Date: 09-13-2009, 03:47 PM Parent: #171
انا بجيك بالدرب عدييييييييل يا استاذ محي الدين انا واحدة منهم صح ............... رجوعا لردك لي في مداخلتي
بجيك راجعه على حسب تاكيدك ا و نفيك !!!!!!!!!!!!!!!!!!!!!!!!!
*** عزاز شامي يا بت ملوك النيل معقولة بي رجاحة عقلك المعروفه بيه ما عرفتي ديل منن
Post: #172 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 03:42 PM Parent: #168
Quote: هل بتفتكر يا محي الدين أنو التشويش على بوست جريمة أكبر من الإساءة لزميلات ..؟
داليا حافظ يازولة ... إساءة شنو ... وجريمة شنو ...
ده منبر للرأى ... وإنت صحفية وأنا بعرفك كويس لو مابتعرفينى إنت ... وده أسلوب وارد فى كتابات الرأى
إنك تشير لأيى شخص بدون ذكر الإسم بغض النظر عن شكل الإشارة ... والإشارة عادة تكون لتجنب ذكر الأسماء فى موضوعات كتيييرة
ولأسباب كتيرة ...
أنا بستغرب لكلامك ده ... حاولى تابعى تسلسل كلامى مع عزاز من بدايتو ...
ورمضانك كريم
Post: #173 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 03:43 PM Parent: #1
Quote: تحفة الابصار في رش الملح و البهار
Quote: شوفى يا عزاز ده أسلوبك الأنا عارفوا ... أعرافى تمنعنى عن مجرد مجاراتك ... وهذا من باب تقديرى للمرأة ...
وده واحد من الأسباب البتخلينى ما أدخل بوستاتك ... لانها بالشكل ده ...
قول واحد
Quote: وعدم ذكرى للأسماء من حقى .. لأن هناك قراء فطنون .... فلماذا إثارة الغبار
قول اتنين
Quote: وبرضو محبتى التى لاتعلمين
هي عاد بعد ده كلو و محبة؟ محبة التاباني و الياباني عاد
Quote: وهذا مطلقا ليس تقليلا للآخرين
لا لا لا لا ابدا ... انت بس قصدك تطاعن براااحة كده و الباقي على ربونا ...
Post: #175 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 03:48 PM Parent: #173
Quote: كامل التضامن معك في محنتك
مش عليك الله ياوجن ( وش مشروط من الضحك وماعارف أجيبوا من وين )
Post: #177 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 03:57 PM Parent: #175
ميادة مساك الله بالخير ...
Quote: *** عزاز شامي يا بت ملوك النيل معقولة بي رجاحة عقلك المعروفه بيه ما عرفتي ديل منن
طيب أسأليها وريحينى من السؤال المافى داعى ليهو ... لأنو من البداية أنا أشرت فقط ... والبقية لرجاحة العقول ...
Post: #178 Title: Re: احلى حاجه تسويها المراه انها تكون ست بيت ...!!! Author: mayada kamal Date: 09-13-2009, 04:04 PM Parent: #177
شايفاك تجاهلت الجزء الاول بتاع سؤالي
Quote: انا بجيك بالدرب عدييييييييل يا استاذ محي الدين انا واحدة منهم صح ............... رجوعا لردك لي في مداخلتي
بجيك راجعه على حسب تاكيدك ا و نفيك !!!!!!!!!!!!!!!!!!!!!!!!!
أنتظر إجابة
Post: #179 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 04:22 PM Parent: #178
وبعدين مش أشرتى لرجاحة عقل عزاز هنا ... طيب كلنا بنوافقك فى الرأى ده ... أمشى أسأليها
وبعدين
إنتو ماعندكم فطور ولا شنو
طبعا فى الشغل هسى وما عارف افطر كيف
أها بتجى ولا لا
Post: #180 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 04:26 PM Parent: #179
عزاز
طيب مع إقتباساتك الكتيييرة الفوق دى ... كان تختى دى معاهن ياااااخ ... على شان تريحينى أكتر
Quote: داليا الكباشى دى ... منى الزيها على قول حبوبتى... ربنا يحفظا ... أنا شخصيا ما بعرفا لكن من خلال طرحها
خلتنى أعجب بيها لأبعد حد ...
Post: #182 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 04:40 PM Parent: #180
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ... وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن
استاذ محي الدين.. تحية
خليني اعاتبك على اسلوبك الكتبته بيه الجملة دي... لانه لو عدم التجربة يعتبر مانع للزميلات هنا انهم يبدوا رأيهم، فأول واحده ممكن نضيفها لتقييمك ده هو صاحبة البوست التي هللت لرأيها (مع كامل تقديري للعزيزة داليا).. كما ان التعصب للرأي دون تجربة أمر يمكن ان نصفك به (مع احترامي) وينطبق عليك، فأنت لست إمرأة عاملة ولا ست بيت...
ويبقى الرأي المصرّين عليه انه المرأة يكون عندها الخيار... سواءا تقعد او تشتغل... وما تترك فرصة لأحد ان يعيش لها حياتها...
اتمنى الا تضيق برأيي والغرض هو توصيل رأي وإثراء النقاش، دون ان انتمي إلى مهنة الصحافة، ومع ذِكر الأسماء بوضوح..
ورمضان كريم، وتصوموا وتفطروا على خير
عزاز ازيك
يا اخونا مداخلتي دي راحت مع مداخلة عمو ود قاسم بنت الحسين
Post: #181 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 04:30 PM Parent: #1
Quote: إجابة شنو يا ميادة إنت منتظرانى أقول ليك انا قاصدك انتى ؟ أكيد بتهظرى وبعدين مش أشرتى لرجاحة عقل عزاز هنا ... طيب كلنا بنوافقك فى الرأى ده ... أمشى أسأليها وبعدين إنتو ماعندكم فطور ولا شنو طبعا فى الشغل هسى وما عارف افطر كيف أها بتجى ولا لا
تصدق و تآمن يا استاذ محي الدين ... انا خجلت ليك ... فعلا فعلا انا خجلت ليك لا انكر انو موقفك صعب، ولكن تعاطيك معه و قذفك الكرة يمنة و يسرة و محاولات انتزاع ابتسامة مجاملة من ما قارئ ما لن تفلح في تزين عورة ما كتبت في حق زميلات لك في هذا المكان، و تمنيت فعلا تكون لديك الشجاعة للمواجهة بدلا الهروب للأمام الذي تمارس فيه الآن ... وعليه ... فاذهب(فانتم الطلقاء) ... صورة مع التحية مما كتبت لكل من يظل يؤكد لنا بأن الرجل طول عمرو يحترم المرأة (الند)
Post: #183 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 04:43 PM Parent: #181
عزاز يا أخت ند شنو وبطيخ شنو ... إنتى بمتشى بعيد خلاس والله
وبعدين
ساعدينا بالألفاظ يازولة ... ماعاوز أقتبس حتى أقع فيما وقعتى فيهو أنت ...
وأنا عارف أسلوبك ده لو كان خاطبتى بيهو واحدين تانين كان القيامة قامت هنا
لكن ثقى ما ح تلقينى واحد من زباينك أبدا
لأنى بحترم المرأة وأنت أول واحدة
عموما محبتى مجددا
فسريها زى ماعاوزة
وأنا عندى ليها تفسير واحد
هو محبتى وللجميع
ومن قلبى
Post: #185 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 04:54 PM Parent: #183
بت الحسين طابت اوقاتك
Quote: خليني اعاتبك على اسلوبك الكتبته بيه الجملة دي... لانه لو عدم التجربة يعتبر مانع للزميلات هنا انهم يبدوا رأيهم، فأول واحده ممكن نضيفها لتقييمك ده هو صاحبة البوست التي هللت لرأيها (مع كامل تقديري للعزيزة داليا).. كما ان التعصب للرأي دون تجربة أمر يمكن ان نصفك به (مع احترامي) وينطبق عليك، فأنت لست إمرأة عاملة ولا ست بيت...
تعاتبينى على اسلوبى ده من حقك وأنا من حقى أكتب طبعا ... كون انى اشير فقط ده واردفى الصحافة والمنابر ...
لكن
صاحبة البوست سبق وان قلت رأيى فيها مباشرة وفى الصفحة الأولى ... وأريتا عروس محمد ولدى قرقرقرقرقر عمره سنة وتمانية شهور
دى بت بمقام الثريا وقيمة الذهب ... ما بعرفا شخصيا لكن من خلال طرحها بت ومكملا الذوق والفهم (بمعيارى الخاص طبعا)
وبعدين تانى
تعصب للرأى شنو هنا ... نعم من حقى أقول رأيى هنا ... أنا متزوج ... وأخواتى منهن المتزوجات الشغالات والماشغالات
ومعاى زميلاتى فى المكتب أو حقل المهنة بتاعتى ,,,, وعارف البير وغطاها ... تانى شنو ... يعنى شقيت المقابر
وبعدين الدلوكة دى كلللللها على شأن أشرت إشارة فقط ومان كان سميت الأسماء عديل كان القيامة قامت عديييل
وبرضو
محبتى
Post: #184 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 04:51 PM Parent: #1
Quote: ساعدينا بالألفاظ يازولة ... ماعاوز أقتبس حتى أقع فيما وقعتى فيهو أنت ...
وأنا عارف أسلوبك ده لو كان خاطبتى بيهو واحدين تانين كان القيامة قامت هنا
لكن ثقى ما ح تلقينى واحد من زباينك أبدا
دليل حي على الهوة الشاسعة ما بين الكلمات اللامعة في ظاهرها و المبطنة بطعن و همز و لمز يسوقها قائلها بجبن منقطع النظير ...!!
Post: #186 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 05:00 PM Parent: #184
Quote: لانه لو عدم التجربة يعتبر مانع للزميلات هنا انهم يبدوا رأيهم، فأول واحده ممكن نضيفها لتقييمك ده هو صاحبة البوست التي هللت لرأيها (مع كامل تقديري للعزيزة داليا).. كما ان التعصب للرأي دون تجربة أمر يمكن ان نصفك به (مع احترامي) وينطبق عليك، فأنت لست إمرأة عاملة ولا ست بيت...
النقطة دي عايزاك تراجعها تاني يا استاذ محي الدين... لانها ببساطه بتدل على انه البوست ده من اساسه ما قائم.. كونه (وافق هواك)، لكن اساسه ما صحيح لانتفاء تجربة صاحبته.. تماماً زي زميلاتنا الكتبته ليهم الكلام الماظريف داك...
دي ما دلوكة يا أستاذ محي الدين... انت كتبت (بحرقة فشفاش)، وعبرت عن زميلات لينا بأسلوب ما مناسب.. وما صحيح منّك.. الغريبة انه د.نجاة الانت موجه ليها الكلام، وجهة نظرها مختلفة عن وجهة نظرك... !
بالمناسبة، كلمة دلوكة دي اكبر اهانة ممكن توجهها لمرأة بتناقشك بمنطق وهدوء! وللأسف اي حرف انت كتبته هنا بدل على انك ما بتحترم المرأة...
بنت الحسين
Post: #187 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 05:02 PM Parent: #184
يا أخونا يحلها الشربكا
عزاز ياأختى
الحكاية ما بالشكل ده والله ....
صدقينى أنا بعرف ده أسلوبك ... لكن ما متخيلك بالشكل ده
Quote: دليل حي على الهوة الشاسعة ما بين الكلمات اللامعة في ظاهرها و المبطنة بطعن و همز و لمز يسوقها قائلها بجبن منقطع النظير ...!!
وبعدين همز شنو ولمز شنو كلامى ده وااااضح وموجهوا ليك انت ... وين الهمز هنا
وصدقينى
أنا الدرب المشيتو معاك فى النقاش ده عمرى ما مشيتو مع إمرأة ... لأنى بحترم المرأة ( لو بتستوعبى كلامى كويس)
ولو دقيتى الدلوكة عدييييل من شتائمك دى ....
صدقينى ما ح أتعامل معاك بنفس طريقتك وطريقة البفتحوا ليك بوستات خصيصة للمشاكل
وليييه
ده ما ح تستوعبيه لى صدقينى
Post: #188 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 05:31 PM Parent: #187
بت الحسين
مجددا تحياتى
Quote: دي ما دلوكة يا أستاذ محي الدين... انت كتبت (بحرقة فشفاش)، وعبرت عن زميلات لينا بأسلوب ما مناسب.. وما صحيح منّك.. الغريبة انه د.نجاة الانت موجه ليها الكلام، وجهة نظرها مختلفة عن وجهة نظرك... !
بالمناسبة، كلمة دلوكة دي اكبر اهانة ممكن توجهها لمرأة بتناقشك بمنطق وهدوء! وللأسف اي حرف انت كتبته هنا بدل على انك ما بتحترم المرأة...
منو القاليك أنا قلت وجهة نظر د نجاة مع وجهة نظرى ... لكن عندها كلام لقيتو هنا ووقع لى فى جرح ... يعنى توافق مع رأيى
المشكلة وين هنا ..
وبعدين كلمة دق دلوكة دى بنستخدما فى العامية لمعنى معروف وما فيهو أيى مشكلة فلان ده بتاع دق دلوكة يعنى بيدى
المواضيع هالة قد تكون أكبر منها ... أظنك طولتى من السودان ... مش
وبعدين عندك
مسألة إنى ما بحترم المرأة دى كتيرة شوية ياااااخ ... والمابعرفك يجهلك
ولا إذا كان إختلافى مع مرأة فى الرأى عدم إحترام ليها ... تبقى دى أول مرة أسمع بيها
دى أنا بعتبرا نبذ أحر من واحد ختتوا لى عزاز ... وأترفع عن الخوض معها فى غماره ... لانه ليس من شيمى
بس ياريت فى النقاش ما نتطرق للأسلوب ( الستاتى) لأنو ده منبر ...
Post: #189 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 05:51 PM Parent: #188
Quote: بس ياريت فى النقاش ما نتطرق للأسلوب ( الستاتى) لأنو ده منبر
ما كنت ماشي كويس، وبتحترم في المرأة! ماله الأسلوب الستاتي!؟
انا ما طولته من السودان، انا ما عشت فيها خالص، وبعتبر كلمة دلوكة في حوار بي شخصين offensive....
Post: #190 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 05:56 PM Parent: #189
Post: #191 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 06:16 PM Parent: #190
خلاس! موافقة...
نبدا من حرقة الفشفاش....
I don't appreciate what you implied about our colleagues
واتمنى لو انك تذكرهم بالاسم عشان يدافعوا عن انفسهم.. او تسحب كلامك باعتباره إساءة...
مع احترامي
بنت الحسين
Post: #192 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 06:30 PM Parent: #191
أول حاجة أنا قلت نرجع ما قلت بشرط ....
وتانى حاجة أنا ما ح أقول أسماءهم .... لأسباب مليت بيها البوست ده فوق ......
وكلامى ده أنا ماشايف فيهو أيى إساءة ...
على أيى حال أنا ماشايف فى داعى لحكاية سحب كلامى ده لانو القاصدم بيهوا عارفين نفسم ومافى داعى لتطويل الكلام
ولا شنو
Post: #193 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 06:41 PM Parent: #192
دي ما شروط :)... دي بداية الحوار من نقطة الفشفاش....
Post: #194 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 06:52 PM Parent: #193
خلاس نتجاوز حتة ( فشفاشى ) للقلب .. وجع القلب الجاء بعدها
ونركز على حتة أسلوب المناكفة ... يااااخ دى حاجة بتجنن الرجال وتخصم جزء كبير من أنوثة المرأة
إتخيل لى دى حتة كويسة نعمل منها كت ونخشش إنسيرت ... ونبدأ مونتاج البوست أو الصفحة من الأول ... لانو شايف فى
فريمات كتيرة فى إنفكتات ...
خلاس
معليش أنا بكتب ليك وشغال مونتاج رسالة خبرية قرقرقرقر
ح أفييدا للمحطة بعد شوية
Post: #195 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 07:32 PM Parent: #1
من لا يشكر الناس لا يشكر الله ... و الاخ محي الدين نثر محبته هنا و غرقنا بها و عرفانا منا بالجميل و المحبة التي طوق اعناقنا بها، سنوثق ابرز مشاركات الاستاذ محي الدين اللي بيحترم المراة بالحيل ... و ذلك حرصا منا كي لا تضيع إضاءته و مشاركاته الثرة، وإلى حين تفرغ و نفتح بيها بوست حدادي مدادي يشيل الحبايب، سنقوم بجمهعا دوريا ... ننوه بان الاستاذ محي الدين مؤسس لمدرسة جديدة في احترام المراة و عقلها بدليل اكتفاءه بالتلميح لا بالتصريح عن رأيه في أختين شاركتا هنا و ما زلنا نجهل من هن، و علل تمنعه عن الافصاح بأنه واثق تمام الثقة في فطنتهما، و عليه الفطنة محمدانا في البوست ده و الجدير بالذكر، استخدامه المبتكر لمفردات (عامية) كـ دلوكة و ستاتي في محاولة لكسر الرتابة في تناول امور الجندر، فله التحية أينما كان في غرفة المونتاج أو في برندة في السوق العربي و سوق الخضار ... بسم الله نبدأ ... (1) 12-09-2009, 11:09 ص
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ... وثانيا لانهن لم يخضن غمار الحياة الزوجية أو حتى أنهن لم يطلعن عن كثب عن تجارب ناس متزوجين حوالينهن فقط يحلمن بمدن فاضلة حسب معايير أحلامهن ... الحياة الزوجيةوسعادتها دى أكبر من كده بكتييير ، وتقود إليها أشياء قد تكون بسيطة جدا ... محي الدين
(2) 13-09-2009, 10:59 ص
Quote: الرسالة التى أردتها فى إطار موضوع البوست وتداعياته ... أيى زول يفهما بطريقتوا ... وأنا لو عاوز ردهم تجاه رايى فيهم كان فتحتوا ليهم بوست طويل وعريض ... لكن ده بالنسبة لى ما أولوية .... وعرف أسلوبم فى النقاش ح يوديك وين ويطلعك وين ... وأهو قاعدين نقرأ كل يوم فى المنبر ده ....
(3) 13-09-2009, 03:35 م
Quote: شوفى يا عزاز ده أسلوبك الأنا عارفوا ... أعرافى تمنعنى عن مجرد مجاراتك ... وهذا من باب تقديرى للمرأة ... وده واحد من الأسباب البتخلينى ما أدخل بوستاتك ... لانها بالشكل ده ... عموما أنا كلامى قلتو ولليلة وليوم باكر ألخص كلامى المناكفة والنقة تجرد المرأة من أنوثتها ... وعدم ذكرى للأسماء من حقى .. لأن هناك قراء فطنون .... فلماذا إثارة الغبار وبرضو محبتى التى لاتعلمين
(4) 13-09-2009, 04:43 م
Quote: عزاز يا أخت ند شنو وبطيخ شنو ... إنتى بمتشى بعيد خلاس والله وبعدين ساعدينا بالألفاظ يازولة ... ماعاوز أقتبس حتى أقع فيما وقعتى فيهو أنت ... وأنا عارف أسلوبك ده لو كان خاطبتى بيهو واحدين تانين كان القيامة قامت هنا لكن ثقى ما ح تلقينى واحد من زباينك أبدا لأنى بحترم المرأة وأنت أول واحدة عموما محبتى مجددا فسريها زى ماعاوزة وأنا عندى ليها تفسير واحد هو محبتى وللجميع ومن قلبى
(5) 13-09-2009, 04:54 م
Quote: وبعدين الدلوكة دى كلللللها على شأن أشرت إشارة فقط ومان كان سميت الأسماء عديل كان القيامة قامت عديييل وبرضو محبتى
(6) 13-09-2009, 05:02 م
Quote: عزاز ياأختى الحكاية ما بالشكل ده والله .... صدقينى أنا بعرف ده أسلوبك ... لكن ما متخيلك بالشكل ده
Quote: أنا الدرب المشيتو معاك فى النقاش ده عمرى ما مشيتو مع إمرأة ... لأنى بحترم المرأة ( لو بتستوعبى كلامى كويس) ولو دقيتى الدلوكة عدييييل من شتائمك دى .... صدقينى ما ح أتعامل معاك بنفس طريقتك وطريقة البفتحوا ليك بوستات خصيصة للمشاكل وليييه ده ما ح تستوعبيه لى صدقينى
(7) 13-09-2009, 05:31 م
Quote: بس ياريت فى النقاش ما نتطرق للأسلوب ( الستاتى) لأنو ده منبر ...
(8) التاريخ: 13-09-2009, 06:52 م
Quote: ونركز على حتة أسلوب المناكفة ... يااااخ دى حاجة بتجنن الرجال وتخصم جزء كبير من أنوثة المرأة
Post: #196 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 07:50 PM Parent: #195
طبعا سبق وكلمتك ... ما من أنصار بوستاتك ....
وقلت ليك الكلام ده هنا فوق ... على شأن ماتحلمى إنى ح أخسر نقرة حرف واحد فى بوستيك ده
والسبب قلتوا لانها بوستات دلاليك ساكت
وخليك أمينة مرة واحدة
ايى إقتباس جبتيهو لكلامى الفوق ده جيبى كلامك بتاع الرد عليهو أو قولك اللى أنا رديت عليهو سمح
ودعتك الله
وبرضو
محبة بالكوم والردوم
Post: #197 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 08:04 PM Parent: #1
Quote: طبعا سبق وكلمتك ... ما من أنصار بوستاتك .... وقلت ليك الكلام ده هنا فوق ... على شأن ماتحلمى إنى ح أخسر نقرة حرف واحد فى بوستيك ده والسبب قلتوا لانها بوستات دلاليك ساكت وخليك أمينة مرة واحدة ايى إقتباس جبتيهو لكلامى الفوق ده جيبى كلامك بتاع الرد عليهو أو قولك اللى أنا رديت عليهو سمح ودعتك الله وبرضو محبة بالكوم والردوم
يا الله! رحماك! انفطر قلبا الما كونك لا تقرأ ما أكتب ... سأدعو الله في صلواتي أن تتكرم و تقرأني وان يفتح الله قلبك على حجة أقوى مما كتبت هنا في هذا الخيط .... سنواصل التوثيق لدررك و جميل كلامك يا محي الدين و الشمس ما بتتغطى بغربال
Post: #198 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-13-2009, 08:19 PM Parent: #197
إنت عارفة ياعزاز
لغاية هنا وإنت تحديدا ما ح أرد عليك كفاية مهزلة فارغة
والله بتذكرينى ولا مافى داعى
رفعت الأقلام وجفت الصحف ...
Post: #199 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 08:53 PM Parent: #198
يا عزاز.. احنا عملنا خطوة كويسه.. عملنا rewind لما قبل الحته بتاعت الفشفاش.. انا ده بعتبر اعتراف ضمني بانها حته غلط.. وما كانت تجي... ده تقدّم.. لانه بما انه الكلام كان ضمني، فالاعتراف ايضا ضمني...
استاذ محي الدين.. عايزه اعرف مقصودك إيه من كلمة "مناكفه".. عشان اعرف ايضا علاقتها بالبوست بتاع داليا... !! ما بتذكر اننا اتكلمنا عن مناكفات هنا!
Post: #200 Title: Re: احلى حاجه تسويها المراه انها تكون ست بيت ...!!! Author: سارة علي Date: 09-13-2009, 08:59 PM Parent: #199
Quote: والله بتذكرينى ولا مافى داعى
لا في داعي.. في داعي تورينا انها بتذكرك بي شنو... عشان انحنا والقراء خيالنا ما يشطح لي بعيد.. واذا في رايك مافي كان داعي فالافضل كان تمسحا.. ولكن بما انك ما مسحتا فكلامك دة بيندرج تحت مسمي(مطاعنة).. وعلي العموم الميزة دي(المطاعنة) مافي عزاز عشان ما بتلاوذ وبتختها ليك تااااااخ ولو دي طريقتك..تبقي يا خسارة
Post: #201 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-13-2009, 09:35 PM Parent: #200
ساره علي.. انضمي إلى الكنافة دي... مرحب بيك
Post: #203 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 11:32 PM Parent: #199
Quote: يا عزاز.. احنا عملنا خطوة كويسه.. عملنا rewind لما قبل الحته بتاعت الفشفاش.. انا ده بعتبر اعتراف ضمني بانها حته غلط.. وما كانت تجي... ده تقدّم.. لانه بما انه الكلام كان ضمني، فالاعتراف ايضا ضمني...
استاذ محي الدين.. عايزه اعرف مقصودك إيه من كلمة "مناكفه".. عشان اعرف ايضا علاقتها بالبوست بتاع داليا... !! ما بتذكر اننا اتكلمنا عن مناكفات هنا!
يا ام نادر ... على قلوب أقفالها ... لغته تهوي متسارعة في قاع سحيق في كل مداخلة و لم يتبقى سوى ورقة توت واحدة تكاد تسقط و تبدي سوءة لا نرتضيها ....
ابقي عافية و طيبة يا ست البنات ...
Post: #208 Title: Re: احلى حاجه تسويها المراه انها تكون ست بيت ...!!! Author: mayada kamal Date: 09-14-2009, 10:31 AM Parent: #198
done
Post: #202 Title: Re: احلى حاجه تسويها المراه انها تكون ست بيت ...!!! Author: عزاز شامي Date: 09-13-2009, 11:27 PM Parent: #1
Quote: إنت عارفة ياعزاز لغاية هنا وإنت تحديدا ما ح أرد عليك كفاية مهزلة فارغة والله بتذكرينى ولا مافى داعى رفعت الأقلام وجفت الصحف ...
كلام الله ده ما مجرد اكليشيهات ... ولا شعر و لا اقتباس جميل يا نقتدي بيهو يا بلاش نلوث قدسيته انت طعان لماز هماز ... عارف ربك قال في نوعك ده شنو؟
عارف يا استاذ محي الدين، انا لو نوع الكتابات دي بتهمني ولا بتخوفني صدقني ما كنت كتبت في سودانيس اون لاين و لو بخاف الخوض في مياه العقول الضحلة، لما خاطبتك من البداية ....
بس علشان نوعك ده احنا بنكتب، النوع الما عارف روحو و لا قادر يصنف نفسو و سارقاهو سكينة ... النوع البيقول انا باحترم المرأة وفي أول ملف يرمي القناع و تبرز الحقيقية البشعة الزول البيقول انا باحترم المراة و بيقعد يطاعنها باسلوب بيسميهو (ستاتي) بيدعي انو بيترفع عنو ... اسلوبك اسلوب الضعيف، ولو لك قدرة على المواجهة كنت كتبت كلام واضح و صريح بس البهدلة البهدلتها انت لروحك في البوست ده مكسب كبير لي و خصم كبير ليك و للنساء العشمانات في دعم من نوعك، ان شاء الله تضوي ليهن ... انا شخصيا لا انت ولا دعمك ولا فهمك و لا احترامك لازمني ... انا ما بلزمني الضعيف البيطاعن حتى خصومي باختارهم بعناية يا سيد ... انت حتى في اختبار الخصومة ساقط ... كسقوط مفرداتك و لغتك و تمليحاتك .. انت كنت بلونة اختبار ما اكتر... قدرت من خلالك ابين الفرق ما بين الاحترام الحقيقي و الاحترام الما بيغادر سقف الحلق ...
انا عافية ليك حقي لـ الله و الرسول و اتمنى حقيقي من قلبي انو ربي يهديك لانو حرام زول يتولد و يموت عبث ...
حاول تجوّد وجودك ...
Post: #205 Title: Re: احلى حاجه تسويها المراه انها تكون ست بيت ...!!! Author: داليا حافظ Date: 09-14-2009, 07:57 AM Parent: #202
جريمة دي يؤخذ ويرد فيها ..أما كونها إساءة فهي إساءة ..ولو إنت بتعتبر إنو كلام زي ده :
Quote: الهااارد فشفاشى فى إتنين هنا بيتكلمن سااااى ، بس لانهن شغالات ... لكن بغياب تااام عن كواليس الموضوع أول حاجة لانهن دائما متعصبات لرأيهن ومناكفات بطريقة تجردهن من الأنوثة ...
ما إساءة دي مشكلة اكبر ..
Quote: وإنت صحفية وأنا بعرفك كويس لو مابتعرفينى إنت ..
لا ياخ انا بعرفك جدا ..إنت زول معروف ..
Quote: وده أسلوب وارد فى كتابات الرأى
إنك تشير لأيى شخص بدون ذكر الإسم بغض النظر عن شكل الإشارة
إذا كان ده أسلوب وارد ..ما معناها إسلوب صحيح ..ولو إنت بتتكلم عن التعريض ..فهو ما كدة ..
Quote: بغض النظر عن شكل الإشارة
لأ ..شكل الإشارة هو البحدد يعني لو جيت قلت على سبيل المثال وليس من باب الإملاء
في ناس بحبو المناكفة وبتكلموا عن مواضيع هم ما جربوها صدقني ما كان في زول إشتغل بي كلامك ..
لكن لمن تجي تقول :
Quote: فى إتنين هنا بيتكلمن سااااى
Quote: دائما متعصبات لرأيهن ومناكفات بطريقة تجردهن من الأنوثة
فده تحديد أتنين ...ومناكفات بطريقة تجردهن من الأنوثة وشغالات وبعيدات عن كواليس الموضوع ..
ودي طاقية بتزبط مع عدد محدد ..والإساة طالتهن وإنتهى الأمر حددتهن طالتن ما حددتهن برضو عرفو رأيك
الاشعرهن بالإساءة والإستياء في آن ..شفت الموضوع كدة خير و بركة ما شفتو كدة برضو خير وبركة ..
سلام
Post: #206 Title: Re: احلى حاجه تسويها المراه انها تكون ست بيت ...!!! Author: khalid abuahmed Date: 09-14-2009, 10:13 AM Parent: #205
لكن للأسف شمتن على الأعداء.. وزي ما بقولوا المصريين..(ده كان مستخبي وين..؟؟). أنا قريت البوست قبل سوء الظن واللت والعجن والباقي على مسئولية صاحبة بالأخرى "صاحبته".
ما خليتوني أتهنئ بهذا البوست.
Post: #207 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-14-2009, 10:26 AM Parent: #206
سارة على ... كيفك ... طبعا دى طريقتى وما ح أغيرا
وأيوا بتذكرنى بطريقة نقاشا معاى بأشياء أترفع عن ذكرها ...
فى شنو تانى
Post: #210 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-14-2009, 10:41 AM Parent: #207
داليا حافظ
تحية طيبة ياااختى
Quote: في ناس بحبو المناكفة وبتكلموا عن مواضيع هم ما جربوها صدقني ما كان في زول إشتغل بي كلامك ..
صدقينى ... فى عينة من الناس زى الفوق دى ... لو قريتى ليها قرآن تناكفك وتوديك التوج بقرايتك ليهو
وأنا أصلا ما منتظر منها كلام طيب بتاتا ... يمكن أعترف بالخطأ الإرتكبتو أنا مش فى طريقة كلامى
ولا فى طرحى الفوق ده ... ولا حاجة ...
المتأسف عليهو إنو قادنى للحديث مع واحدة أنا بعتبرا ممن يشكلوا النصف الفارغ للمنبر ده ...
وما كنت بتخيل يجى يوم أنقر ليها حرف واحد
لكن أقدار .... ومهازل...
عموما
إذا أصاب رشاش كلامى دا أيى واحدة هنا بسوء فلها العتبى ... وأنا بعتبروا سوء فهم لحديثى لاغير ...
وإذا شعر أى عضو أو قارئ إنى أثقلت على اللى أشرت ليهم بكلامى فله العتبى أيضا ...
وما ح أسحب كلامى على شان يكون شاهد
لو أنا صح يصوبونى
ولو خطأ يعرف الآخرون ذلك ...
أما العزيزة عزاز
فلا فلن أعتذر لها ... حتى ول كنت أقصدها هى ...
فهى لاتعنينى بأى شى ... لن أندم على ما أريق من ماء بيننا لانها أصلا لاتعنى بالنسبة لى شيئا
فلها ما تشاء
ممكن تفتح بوست تفرغ فيهو سموما ....
ممكن تدق دلوكا هنا للسنة الجاية ... وما تنتظر منى مجرد نقرة ع الكيبورد ...
واكرر إحترامى للجميع
Post: #209 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-14-2009, 10:35 AM Parent: #205
اهلنا قالوا، لو اتنين قالوا ليك راسك مافيش اهبشوا!
Quote: في ناس بحبو المناكفة وبتكلموا عن مواضيع هم ما جربوها صدقني ما كان في زول إشتغل بي كلامك ..
كده يا داليا حافظ نفس السيناريو الاتخيلتو.. وكده مافي زول كان قال حاجه... لكن انا لفت انتباهي حاجه، جملة حرقة الفشفاش دي فيها غضب شديد... يعني يا استاذ محي الدين، you are taking it too personal!...
Post: #211 Title: Re: احلى حاجه تسويها المراه انها تكون ست بيت ...!!! Author: Hussein Mallasi Date: 09-14-2009, 10:43 AM Parent: #209
مافي حاجة هاردة للفشفاش أكتر من إصرار مريم بت الحسين على حشر الجمل الانجليزية.
Post: #212 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-14-2009, 11:01 AM Parent: #211
me happy today
google got richer today
*التعديل لإضافة سبب الفرحة!
Post: #224 Title: Re: احلى حاجه تسويها المراه انها تكون ست بيت ...!!! Author: رغيم عثمان رغيم الحسن Date: 09-15-2009, 03:42 AM Parent: #211
Quote: مافي حاجة هاردة للفشفاش أكتر من إصرار مريم بت الحسين على حشر الجمل الانجليزية.
سارة على
انتى ليه مصرة تقلبى البوست دا دلالة عرسان
حرب ذات الفشفاش دى انتهت عشان نرجع لى موضوع البوست ولا نمشى ونجيكم بعدين
Post: #213 Title: Re: احلى حاجه تسويها المراه انها تكون ست بيت ...!!! Author: JAD Date: 09-14-2009, 12:02 PM Parent: #1
Quote: ممكن تكون طبيبه رهيييييبه او مهندسه حطيييييره او سيده اعمال او مصممه او فنانه او ... او...
لكن ...
اجمل من انك تكوني ست بيت ممتا.زه ماااااااااااااااافي ...
احلى من احساس الشكر والامتنان البيجيكي من اسرتك لمن تعملي اكله حلوه ولا البيت يكون مرتب ويشرح القلب او حتى تكوني مجيهه في رقبتك دي .. صدقيني مافي ...
شكراً على هذا الكلام الطاعم ..
(ومن أوتي الحكمة فقد أوتي خيراً كثيراً) ..
Quote: شكرا على الدعوه الحلوه وتميها قول ي ربنا يديني راجل يستاهل اقعد ليهو في البيت ...
ياالله .. بالله إنت غير متزوجة!!! .. يا حسرة على الرجال والله ..
(وما يلقاها إلا الذين صبروا وما يلقاها إلا ذو حظ عظيم) ..
يا داليا .. إن شاء الله ربنا يكون مدخرك لرجل يستاهلك ..
العشرة مباركة يا جماعة ..
ومن الفائزين بالأجر العظيم إن شاء الله ..
جاد
Post: #215 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-14-2009, 10:39 PM Parent: #213
سلامات .... اسفه لاطاله الغياب .. ولكن سير البوست لم يكن موفقا ... احزنني جدا وساءني ان يكون هذا ما افضى اليه ...
الاستاذ محي الدين ... شكرا لكلماتك الرقيقه تجاهي وتجاه اسرتي.. لك عظيم الشكر ووافر المحبه ...ارجوك بكل محبه ايقاف هذا النقاش هنا حتى تستمر الاهاف المروه منه ,,
مودتي ...
Post: #216 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-14-2009, 10:44 PM Parent: #215
الاخت الكريمه .. الاستاذه عزاز شامي ...
ارجو ايقاف النقاش هنا حتى نستطيع الاستمرار فيما يرمي اليه البوست اصلا ...
او نقل المعركه الى معترك (بوست) اخر ... وافر محبتي واحترامي ...
Post: #217 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-14-2009, 10:47 PM Parent: #216
Quote: ساره علي.. انضمي إلى الكنافة دي... مرحب بيك
ليه كده يا مريومه يا صحبتي ... لمن ان اطلع من البوست قاعده امسكك ليهو ...
لمن ازداد وطيس النقاش كان تهدي النفوس وتزيلي سوء التفاهم بدل ما تعزمي الناس الى مادبه المعركه ...
عموما ... وجودك في حد ذاتو جميل يا جميله ... تحياتي لي محمود ونادر ...
Post: #218 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-14-2009, 10:54 PM Parent: #217
Post: #219 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-14-2009, 10:59 PM Parent: #218
دلوش.. معليش يا عزيزتي.. ما كان ودي اخيّب ظنك.. لكن الموضوع كان محتاج توضيحات كتيره.. كلمة كنافة دي بالمناسبة تقابلها كلمة غبينة.. انا عارفاك حتلقي لينا كلنا العذر..
Post: #220 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-14-2009, 11:01 PM Parent: #218
Quote: العشرة مباركة يا جماعة ..
ومن الفائزين بالأجر العظيم إن شاء الله ..
جاد
تسلم يا عزيزي ...
شكرا على المرور الجميل ,,, وحبابك الف ....
مودتي
Post: #222 Title: Re: احلى حاجه تسويها المراه انها تكون ست بيت ...!!! Author: نجاة محمد بابكر Date: 09-14-2009, 11:38 PM Parent: #220
Quote: بحاول اتخيل بيتنا دا وامي في الشغل ...!!!!! لا حولاااااااااا مبااااااالغه ,,!!!
دي فكره صعبه جدا .....
كدي انتو اتخيلو ...؟؟؟؟؟؟؟؟؟؟
صدقتى والله يادلوية عارفة انا كنت لمن اجئ من الشغل والاقى امى ماموجودة فعلا لاحولاااااااااااااا لكن ممكن اكون موجودة فى البيت وهى تطلع لكن انا مااجئ من برة وهى تكون ماموجودة شفتى الانانية دى كيف
شكرا على البوست الرائع وتسلمى يارائعة
Post: #223 Title: Re: احلى حاجه تسويها المراه انها تكون ست بيت ...!!! Author: سارة علي Date: 09-15-2009, 00:20 AM Parent: #222
Quote: عملت الدكتورة داليا معى لفترة وجيزة جداً ...وأنا فى مقام عمها ...
ولم أكن أعلم بأنها حتى الآن free woman ولو كنت أعلم ماتركتها تطلع من حولنا شبراً واحداً ...ونحن ماعندنا عطلة فى مثل هذه الأمور ...وهى فى تقديرنا قِسمْ ومهما خطط لها الفرد ونظّر تأتى الامور بما كتب الله وسطر ...
الدكتورة داليا إنسانه ذكية الروح طيبة ومرحه كنت أرى فيها براءة وصدق معشر ونخوة ومرؤة...كانت تساعد من تعرف ومن لا تعرف من المرضى وتأسى وتتألم لآلامهم...وتجبر من يتعامل معها على إحترامها طأطأة الرأس لنبل وعذوبة وأدب حديثها ...كانت تعامل زملائها كأنهم أشقائها وتعاملنا كأننا أعمامها ...
أتمنى لها طيب حياة ويا حظ من يجد لها سبيلاً
ـــــــــــــــــــــــــــــــــــ دة كلام سوركتي نقلتو بي جاي..بس عشان الترتيب في المداخلات.. مراعاة للترتيب في المداخلات وكدة...
Post: #225 Title: Re: احلى حاجه تسويها المراه انها تكون ست بيت ...!!! Author: د.نجاة محمود Date: 09-15-2009, 04:47 AM Parent: #223
شغلتنا اموالنا واهلونا م وغزواتنا من البوست دا
الاستاذ محي الدين شكرا على موافقتك لي في الرأي
وشكرا على ادبك وتهذيبك في المناقشات..
Post: #228 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-15-2009, 10:16 AM Parent: #225
دكتورة نجاة .... باقى رمضانك كريم
Quote: الاستاذ محي الدين شكرا على موافقتك لي في الرأي
وشكرا على ادبك وتهذيبك في المناقشات..
وشكرا على إهتمامك بالرد ...
Post: #226 Title: Re: احلى حاجه تسويها المراه انها تكون ست بيت ...!!! Author: وجن Date: 09-15-2009, 04:56 AM Parent: #223
التعديل عشان ست البيت ما تتكدر اكتر من كده
Post: #232 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-15-2009, 07:17 PM Parent: #226
وجن ...
Quote: غايتو يا ساره انا شامه ريحه ماياها كان الريحه فاحت وماعجبت فلانه فانا وابن عمي على الغريب
التعديل عشان نتاكد من الريحه ياها ولا ماياها[/ اعاQUOTE]
رجاء رجاء ... احاول جاهده اعاده البوست الى هدفه الرئيسي .... الرجاء اعانتي على ذلك ... على الاقل بالهدوء ... شكرا يا حبيبه ..
Post: #230 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-15-2009, 07:05 PM Parent: #222
العزيزه نجاه محمد بابكر ...
Quote: صدقتى والله يادلوية عارفة انا كنت لمن اجئ من الشغل والاقى امى ماموجودة فعلا لاحولاااااااااااااا
شفتي كيف ؟؟؟ والله اسي اليومين ديل (ماما) مشغوله شويه في كم حته , مجاملات عائليه وظروف وفاه وكده .. وحياتك يا غاليه انا ممشيه البيت ايوه ,, لكن كل ركن فيهو
مفتقدها بشده ... وحتى انا زااااااتي لمن اكون بسوي اي حاجه ما بحس بيهو بيطلع زي ما هي بتعملو .. اكان (نضافه) واكان (اكل) ... ربنا يخليها لينا انشالله ..
شكرا على مرورك يا غاليه وحبابك الف ... ارقدي عافيه ..
Post: #227 Title: Re: احلى حاجه تسويها المراه انها تكون ست بيت ...!!! Author: محي الدين جبريل Date: 09-15-2009, 10:11 AM Parent: #215
ست البوست داليا الكباشى ... طابت أوقاتك
لاشكر على قولة حق فى حق من يستحق
ومعذرة إذا كان حديثى جاء بما لاتشتهى السفن ... لكن العتبى مقدما ومؤخرا .....
وطلبك على العين والراس ...
Post: #229 Title: Re: احلى حاجه تسويها المراه انها تكون ست بيت ...!!! Author: سارة علي Date: 09-15-2009, 05:54 PM Parent: #227
يا وجن .. شميتي شنو يا بت امي؟؟ بلاي قومي رشي معطر عشان ضيوف البوست يشعروا بالجو النقي..
انا ما عندي غير بف باف ارشو؟؟ ـــــــــــــــــــــــــــــــــــــــــ يا جماعة واصاوا في البوست القيم دة وما تشتغلوا بي انا اصلا بيجيني حراق كي بورد والدكتور قال لي اخدي جرعتين في اليوم(يعني مداخلتين) وليس علي المريض حرج...الله يشفيني
Post: #233 Title: Re: احلى حاجه تسويها المراه انها تكون ست بيت ...!!! Author: وجن Date: 09-15-2009, 07:19 PM Parent: #229
تش تش تش تش تش تش الحمد لله ست البيت جات لقت الريحه طيبه
Post: #231 Title: Re: احلى حاجه تسويها المراه انها تكون ست بيت ...!!! Author: داليا الكباشى Date: 09-15-2009, 07:11 PM Parent: #227
الاستاذ محي الدين جبريل ...
Quote: ست البوست داليا الكباشى ... طابت أوقاتك
لاشكر على قولة حق فى حق من يستحق
ومعذرة إذا كان حديثى جاء بما لاتشتهى السفن ... لكن العتبى مقدما ومؤخرا .....
وطلبك على العين والراس
تسلم يا عزيزي على سرعه الاستجابه ...
مرحب بيك في البوست وزي بيتكم وااااااااحد... ارقد عافيه ..
Post: #234 Title: Re: احلى حاجه تسويها المراه انها تكون ست بيت ...!!! Author: مريم بنت الحسين Date: 09-15-2009, 09:37 PM Parent: #231
Quote: رجاء رجاء ... احاول جاهده اعاده البوست الى هدفه الرئيسي .... الرجاء اعانتي على ذلك ... على الاقل بالهدوء ... شكرا يا حبيبه
العجب كان جات عمتي عشه بت فاطنة
