حمد الريح يستحق لقب فنان كريه ..

حنكك سنين يا معلم ..

Quote: مكروه وكريه نفس الملاح والشبه بس لانو البعض لمن قرا عبارة كريه قراها بي احساسو البيوصف بيهو حاجات كعببببببة زي الريحة دي كريهة بينما في واقع الحناكيش والجكس الناعم اصبحت كلمة " كريه " من أرقى الإساءات والعجب لمن هناية تكون قاعدة جمبك وتضربك في كتفك بي يدها الشمال وهي بتضحك وتقول ليك : أمشي يا كريه ..!!! كريه المستخدمة هنا ما عندها اي علاقة بي إساءة لي شخص الفنان حمد الريح ولا فيها تحدث عن الجوانب الشخصية لي حمد الريح وهي موازية لي عبارات استخدمها حمد الريح في مواجهة الشباب البيغنوا اغاني هابطة وما فضل ليهو الا يقول ديل اولاد " باطلين "..

ذكرتني لمن قلت الكورة الزمن دا بقوا يلعبوها الـ ..... وجوك ناس محسن خالد وخدر ردموك فيها وإنت قعدت تتفلسف

سؤال مهم يتبادر لذهني :
أين يمكن وضع حمد الريح في خارطة الغناء السودانية ؟؟؟
هل هو فنان عملاق فيكون في زمرة وردي وعثمان حسين وابداؤود وابراهيم عوض؟
هل هو فنان نؤثر فيدخل في باب زيدان ابراهيم ومدرسته ؟
ام هل هو فنان اللحظة كما مجذوب اونسة واللمين عبد الغفار؟؟
والاهم من كل ذلك هل حمد الريح يملك مقومات الفنان المبدع او الفنان الموهوب؟؟؟
وهنا اقصد ان لحمد الريح كلمات جميلة (اكييد ما كاتبا هو) والحان اجمل(معظمها ما ملحنا هو) ولكن يفتقد للعنصر الاهم وهو الصوت الجميل والاداء الممتع فكيف يكون حمد الريح فنان ؟؟
يعني بي بساطة كده هل ممكن انا اشيل غنا حمد الريح وبي صوتي الكعب ده وابقا فنان ؟؟
بي كل بساطة اجد أن محمود عبد العزيز فنان موهوب اكتتتتتتر من مليون مرة من حمد الريح قد لا يملك محمود اغاني حمد الريح ولكنه يملك الاداء الطروب والصوت الجميل ..
لا اعتقد ان حمد الريح فنان رقم في الغناء السوداني ولا ادري كيف اقحم نفسه في هذا المجال ؟؟

تخريمة :
يا ناذر صدقني لسة عند رأيي حمد الريح فنان كريه ..

Quote: مكروه وكريه نفس الملاح والشبه بس لانو البعض لمن قرا عبارة كريه قراها بي احساسو البيوصف بيهو حاجات كعببببببة زي الريحة دي كريهة بينما في واقع الحناكيش والجكس الناعم اصبحت كلمة " كريه " من أرقى الإساءات والعجب لمن هناية تكون قاعدة جمبك وتضربك في كتفك بي يدها الشمال وهي بتضحك وتقول ليك : أمشي يا كريه ..!!!

الاخ عمر والله تحليلك لكلمة الكريه دا عجبني شديد

وانا ظاطي قاعد اقول لحمد الريح كريه لمن اشوفوا يغني بيذكرني بصوت الطاحونة وخاصة لما يقول ينقر بابنا كو.. كو.. كو يا سلام يا ياسلام .... وفي النهاية يقول والله يا طير الرهو والغريب ان طير الرهو لما يرك في الواطا ما بتسمع متين رك.

عمر الفاروق سلام

أتفق معك في رأيك تماما مع أغتراضي علي كلمة كريه لانها تدخل في اطار الاساءة

ففي رأيي أن الاخ حمد الريح ليس بفنان اطلاقا كما يدعي البعض وأعتقد جازما أنه

جاء بالصدفةالي عالم الغناء ... فالاخ حمد لا أري انه يمتلك صوت جميل ولا أداء

متميز ولا تطريب .

وهو تقليدي جدا في اختياراته ومدعي ولا يتعامل مع المسائل الفنية بالعمق المطلوب

يعني بالعربي هو ( مسطح ) وما عندو حاجة ( كيسوا فاضي )

اخي عمر الفاروق
تحياتي وتقديري
هذه اول مرة اداخل في بوست لك.... كمية من الألم .. والشعور بالغضب.. !!!
هل يعقل ان يقال هذا العنوان في حمد الريح ...؟؟.

الفنان حمدالريح (كريه)...!!
لا علي بالآخرين لكن على الأقل قليل من احترام مشاعر عشاق هذا الفنان..
قليل من الاحترام لأسرة هذا الفنان..
قليل من الاحترام لقامة مثل حمد الريح الذي أصبح جزء عزيز من تكوين وجدان سودانيين كُثر وانا منهم..

لكل فنان طريقته في الغناء.. وكونه يضرب على صدره هذا ليس عيباً..

اخي الفاروق احترم وجهة نظرك.. لكن والله كثيرة جدا جدا كلمة (كريه)

العزيز عمر الفاروق
احترم وجهة نظرك لكن العنوان لا يتلاءم والأستاذ حمد ..
ليتك عرفته عن قرب مثلي فهو إنسان بمعنى الكلمة ..
وهو التواضع يمشي على قدمين ..
مودتي واحترامي لشخصك ..

استخدمت كلمة فنان كريه ولم استخدم كلمة انسان كريه حتى لا نخلط الشخصي بي العام ..
حمد الريح الانسان وود البلد على راسي من فوق وحمد الريح الانسان محترم في شخصيته مهندم يجامل في الافراح والاترا يمشي في الاسواق ويقبل الهدايا كلها امور لا شك عندي فيها ولا انا مخوول بتقيمي لي حمد الريح الانسان ..
ياخ اتخيلو جملتي دي زي لمن الواحد يسأل ليهو شيخ من شيوخ الرباطاب (ما تجو تقولوا لي لي تحديييدا الرباطاب) في امر ديني ويقوم الشيخ يرد ليهو :
يجوز لكن مع الكراهة ...
ارجو عدم اقحام حمد الانسان وتصرفات حمد الانسانية في الموضوع فبكل صراحة انا اتحدث عن حمد الفنان ..
نقدي لحمد الفنان الذي يدق في صدره ليست تقيمي بكل تاكيد وهي جملة عرضية ..
بس من يتحدث عن حمد الفنان فلياتي وليعدد مميزات حمد الفنان من ناحية الصوت والاداء ..
مودتي وتقديري..

تخريمة :
عايز ارد على كل الحلوين اللي مروا من هنا واعقب على كلامهم لكن ما بي اليد حيلة فليكم كلكم العتبى

سحبت المداخلة لتعرضنا ليس للتجاهل ولكن للتمادي فيه من صاحب البوست رغم أننا رغبنا في محاورته

Quote: حمد الريح عندو أغاني جمييييييييلة للحد البعيد ..استمتع حد الغرق وانا استمع لي اغنية إلى مسافرة وقلبي المكتووول كمد .. حمد الريح عندو صوت مزعج وكوراااااااااااااااااااااااااااك .. حمد الريح بيغني وهو بيدق في سدرو دق دق دق .. حمد الريح يغني وهو صااااري للناس .. حمد الريح وزي ما قال الراحل ابو داوود احتاج لي نبلة بس وبفرتق ليكم حفلة حمد الريح الكلها طير الرهو وحمام الوادي ويا قميرية ..

آخي وصديقي عمرالفاروق
بقدر ما اسعتدنتي عودتك
الا انها اتعستني بهذا البوست الذي
لايشبه اسلوبك
بقدر ما اشتقت لعودتك بقدر ما صدمت فيها

حمد فنان محترم وله جمهور كبير عريض رضي الناس ام ابو
وهذا الجمهور جدير بالتقدير والاحترام
لن يلومك احد ان قلت لا احب الطريقة التي يغني بها حمد الريح
فحب الناس مذاهب
ولو كنت انا صاحب هذا الموقع لطلبت منك تغيير هذا العنوان
لان هنالك من يقرآون العناوين فقط ويفهمونها كما هي
نجي للناحية الفنية
ماتقولو ايو داوود حاجات مماممكن يقولها دي زي حكايات ود نفاش
ان كثير من النكات التي نسبت لابو داوود ليست منه بل منسوبة
والتي كانت بين ابو داوود وحمد غاية في الاحترام

في رآيي آن
طير الرهو لحن ابن الباديه
وحمام الوادي من لحن ناجي القدسي
من اجمل الاغنيات السودنية وعيونها

لك التحية

لماذا كل هذا القبح!؟

Quote: آخي وصديقي عمرالفاروق بقدر ما اسعتدنتي عودتك الا انها اتعستني بهذا البوست الذي لايشبه اسلوبك بقدر ما اشتقت لعودتك بقدر ما صدمت فيها حمد فنان محترم وله جمهور كبير عريض رضي الناس ام ابو وهذا الجمهور جدير بالتقدير والاحترام لن يلومك احد ان قلت لا احب الطريقة التي يغني بها حمد الريح فحب الناس مذاهب ولو كنت انا صاحب هذا الموقع لطلبت منك تغيير هذا العنوان لان هنالك من يقرآون العناوين فقط ويفهمونها كما هي نجي للناحية الفنية ماتقولو ايو داوود حاجات مماممكن يقولها دي زي حكايات ود نفاش ان كثير من النكات التي نسبت لابو داوود ليست منه بل منسوبة والتي كانت بين ابو داوود وحمد غاية في الاحترام في رآيي آن طير الرهو لحن ابن الباديه وحمام الوادي من لحن ناجي القدسي من اجمل الاغنيات السودنية وعيونها لك التحية

شكرا استاذ الموصلى
و كل سنة و انت طيب..

حمد مغني منفر.

حمد الريح احسن سوداني بعرف يقول ابو الغاسم الشابي

Quote: حمد الريح احسن سوداني بعرف يقول ابو الغاسم الشابي

يعني هسع ياصديقي معروف سند بقت علي حمد الريح

Quote: هذه ثقافة القاف السودانيةويقع فيها الغالب الاعم من المثقفين وان حاولو تفادي الوقوع فيها

والكثير منهم يقول

Quote: (البغاء لله وحده)

استغفر الله لي ولكم

وبطلوا سياسه بقى

الاخ عمر الفاروق
وضيوفه الكرام
تحية طيبة


لا احب صوت حمد الريح ابداً واعتبره بشكل شخصي من الصوات المنفرة وغير الجميلة ابداً وانه يغنى بسرعة عجيبة لدرجة لا تدع الكلمة واللحن يجدون مكانهم في نفس المستمع والمتلقي وهذا الامر نبهني له خالي العزيز وأنا لا زلت طفل صغير فحين كان ُيرسلنى لشراء شي يخصه وبسرعة يقول لي غني اغنية لي حمد الريح بتجي سريع وهكذا بدأت انتبه لحمد الريح وكونت موقفي الشخصي من طريقة غنائيه (الصوت والاداء السريع ودق اليد علي الصدر - اظنها مشكلة حفظ الزمن - لكن هذه الطريقة تصدر صوت اضافي من الصدر يشارك في كلمات الاغنية وفي اضافة شي للحن الايقاعي ).
في احد المرات التقيت اخ وصديق فنان وعازف مجيد وماهر للبيز جيتار وحكي لي القصة التالية :-
كنت شغال حفلة مع حمد الريح مناسبة زواج وكانت اول مرة اشتغل معاهو المهم ربضنا عدتنا وبدينا
شغل وفي نص شغلنا اسمع لي بيز جيتار تاني في الحفلة اتلفته يمين شمال مافي حاجة استغربته قلته
يكون بتاع بيز مجنون شغال في دايرة الرقيص بقيت اعاين واعاين مافي حاجة برضو اخر حاجة قلته انسي الموضوع
ده واشتغل فجأة اعاين علي حمد الريح القي ليك الصوت الطالع ده طالع من ضربو علي صدرو بقوة .

حمد الريح محاور غير جيد اذكر حضرت له كثير من الحوارت وفي وجهة نظري هو ضعيف جداً في الحوار وردوده ضعيفة
اذكر له حلقة تحدث فيها عن الاستاذ الدوش وعن اغنية الساقية وحين سأله المذيع عن انها اغنية سياسية رده بعنف
وشدة وهياج انها غير سياسية البته وبعد هذا التنفر لم تستقر الحلقة الحوارية علي حال ابداً.

اخي عمر لك التحية
وياريت ايميلك احتاجك في بعض المواضيع المهمة.

سفيان نابرى

لايمكن ان تصف الفنان الكبير بهذه العبارات الغير جميله .... حمد الريح علامه من علامات الفن السوداني عبر الاجيال شكل وجدان الكثيرين.

الرجاء الاعتزار علي هذا الاسلوب المشين!!

الأخ الموسيقار الموصلي...

تحية طيبة..

هل يمكن تصنيف حمد الريح بأنه مؤدي

أكثر من أنه فنان؟؟؟

وما الفرق؟

Quote: هذه ثقافة القاف السودانيةويقع فيها الغالب الاعم من المثقفين وان حاولو تفادي الوقوع فيها

يا استاذنا الموصلي

الغالب الاعم من السودانيين يقولون ابو الGاسم

Quote: الأخ الموسيقار الموصلي... تحية طيبة.. هل يمكن تصنيف حمد الريح بأنه مؤدي أكثر من أنه فنان؟؟؟ وما الفرق؟

تفتكر زول لحن
الرحيل (حليل الراحو)
وقلبي المكتول كمد
وليتني كنت يامريه
ممكن تقول عليهو مؤدي فقط؟؟؟؟؟
وهذه الاغنيات برغم بساطة الحانها الا انها غطت على الساحة الفنية في يوم من الايام

وتغني بها العديد من المقلدين لحمد وغير المقلدين
===================================
وداير اشوف منتقدي الحان حمدديل واحد فيهم
يخاطبني بطريقة علمية
ويقول لي في الاغنية الفلانية الجملة الموسيقية
الفلانية او العبارة الفلانية غير مكتملة
ويحدد سبب عدم الاكنمال
أما مسالة استلطف واحب ده
شعرا ماعندنا ليهو رقبة
تقبل خالص محبتي واحترامي

من قبل وفي اوائل السبعينيات دخل الاستاذ حمد الريح في نزاع مع الشاعر الكبير اسماعيل حسن الذي

غني له اغنية طير الرهو.ربما لا يذكر الكثيرين هذه المشكله .

لكن الشيء الذي لن انساه ان اسماعيل حسن وصف صوت حمد الريح ب " الاملس "

اعتقد ان وصفه دقيق لحد كبير.

سلام كلكم .....
لا احب حمد الريح إطلاقاً واحب أغانيه عند الاخرين وهو ملحن مجيد ليس في ذلك شك ... متهافت عتيد ليس في ذلك شك أيضاً...!!!
عدم امانته في التعامل مع نص الدوش وتاريخ القصيده الذي ربما يكون محقا حين رفض القول انها سياسية لانني سمعت انه غناها في الاول دون إذن من الدوش فربما لم يفهمها هو او فهمها بطريقة مغايرة لكنه احب حبنا لها!!!
معظم ‘أغانيه راقية الكلمات والالحانأو في الحقيقة كل التي سمعتها له راقية جدا وإن لم يعجبني لحن "يامريه" ربما لانني احسست انه لا يتوافق مع موسيقي القصيده الداخليه.!!!
ثم أنني تذكرت حديث صديقي لي وهو يستمع ل "شال هم فرقتك قلبي" من مصطفي سيد احمد ويقول لي...تعرف يا مدثر؟ انا بحب في مصطفي ده انو بدي الكلمه حقها ومستحقها من ناحيه لفظ ومعني ... يعني الاغنيه دي مثلاً فيها كلام كبير ، هم وفرقه ورحيل وإشتهاء شوف هو بغنيها كيف واسمعه عند حمد الريح شوفو بجري فيها كيف؟
فانا بعتقد انو احساسو بالكلمه حتي لو عميق هو ما جيد في عكسوا بطريقه عميقه بالنسبه لي لكن تحت اي حال هو عندو مستمعينو العتيدين...

Quote: والعجب هو بيغني بسرعة 180كلم في الساعة .

كامرى!
البوست
نموذج تجسيدى ثلاثى الأبعاد للنقد الهدام
جنى

كل الحضور الأنيق :
ليس تحويراً للموضوع بل مجرد عقد مقارنة بسيط وارجو ان لا تهتموا به كثيراً ..
اكثر من عشرومية بوست كانت عناوينها اكثر قبحاً في حق الرئيس السوداني عمر البشير وعبارات اقبح من كلمة " كريه " فلم نسمع احتجاجا من معظم الاخوة على تغير هذه العبارات ..
فهل الموضوع يعتمد على معرفة الناس والعلاقات الطيبة بينهم ام هو مبدأ الإحترام للجميع ..
وفي رأيي إحترام رئيس الدولة كرمز سيادة اكبر من الفنان ولا شنو ؟
عموما اصر والح على انني لم ولن اتعمد شتم حمد الريح الشخصية والكراهة مرتبطة بي اسلوب حواراته عن الشباب ..

الأخ عمر الفاروق .. كلمة كريه كلمة كريهة في حق الفنان حمد الريح ..
أي فنان له اغنيات جميلة وأخري بايخة .. وحمد الريح كفنان له روائع عدة .. وأذواق الناس تختلف .. هذا من الناحية الفنية .. أما من ناحية حضوره الاعلامي فعلي حسب مشاهدتي لقليل من البرامج والسهرات التي كان مستضافآ فيها فأنطباعي عنه بأنه إنسان متواضع وعفوي ليست له براعة في تنميق الكلام ولولوته وحذلقته ، بل الفي قلبه علي لسانه بأسلوب بلدي بسيط ليس فيه تكلف .. وقد عجبت يومآ حين عدد المدن والقري التي زارها في إحدي رحلاته الفنية حول السودان بدءآ من بورتسودان ومرورآ بالوسط وإلي أقاصي الغرب ـ في رحلة واحدة ـ ايام سفر اللواري !!! ..
وعمومآ كل الفنانين القدامي لهم بصماتهم الصوتية التي ميزت الاغنية السودانية في عمومها ـ تلاحظ الاختلاف الكبير بين اصوات الفنانين الكبار ومن ضمنهم حمدالريح ـ ليسوا كالفنانين الشباب الذين يقلد بعضهم الآخر ..
فلو وصفت حمد الريح بالكريه لأنه ينتقد الفنانين الشباب فماذا ستقول بالله عن وردي مثلآ الذي يسفه أيضآ الفنانين الصغار والكبار ؟؟ ـ وأنا من معجبي وردي في اغانيه القديمة مع أن أدائه الجديد لأغانيه القديمة اصبح يصيبني بالضجر ..

لقد ظلمت الرجل ياخي !!..

ألأخ الفاروق.. وزي ما قال أخونا يوسف الـموصلي!!حكاية أحب هذا وأكره ذاك دي مسألة ماعندها ميزان نقدي.. ولكن لدي تجربة شخصية فيما يختص بأغنية الساقيه وأغنية{شال هم فرقتك} إذ أجريت حوارا مع الشاعر عمر الدوش عقب عودته من أوربا عام{1984} وتطرقت في الحوار لأغنية الساقيه.. فقلت له أفاد الفنان حمد الريح بأنه غني هذه ألأغنية قبل مايو{1969}..فضحك عمر وقال لي{إن أحمد هذا ولدوهو في مايو وطهروهو في مايو وأغترب لـمدن بعيده في مايو...} ثـم أردف قائلا{أنا ذاتي ما لاقيت حمد الريح}...
أما فيما يختص بأغنية{شال هم فرقتك} أيضا جاءت حيثياتها في حوار أجريته مع مصطفي سيدأحمد فقال{هذه ألأغنية أعطاني أياها شاعرها عبدالرحمن مكاوي وملحنها يوسف السماني ولكن بقدرة قادر أخذاها مني وأعطياها لحمد الريح}

على الرغم من اختلاف الاخوة المتداخلين حول كلمة " كريه " المستخدمة في البوست إلا ان معظمهم اتفق على ان حمد الريح ليس فنان ..
الاقلية التي تؤيد حمد الريح في هذا البوست تطرقت لاغاني حمد الريح والحانه والكلمات ولم تطرق للصوت الذي يتغنى به حمد الريح في اشارة الا انهم فعلاً مقتنعون بان حمد الريح لا يملك المؤهل الحقيقي لقياس الفنان وهو الصوت ..
ابناء جيل حمد الريح التانيين ممكن نطلق عليهم فنانين ولو كانت اغانيهم قليلة وشحيحة ..
حمد الريح يقنع المشاهدين والمستمعين في معظم اللقاءات الفنية انه يسافر لدول المهجر لنقل الاغنية السودانية للعالمية فهل فعلا حمد الريح فنان مؤهل لمثل هذه المسئولية ؟؟؟
اوافق عبد القادر سالم في ما يقول وما يقدم لتقديم الفلكلور السوداني اضافة لصوته الحنين ..
اقتنع بما يحاول تقديمه جاهدا عمر احساس (ما بريدو) في تقديم اغاني دارفورية وان كان (يتبشتن) عندما يحاول ان يغني اغاني فناني الوسط ..
هل اذا تغنى حمد الريح بي الساقية في امريكا سينقل الاغنية السودانية ؟
حمد الريح فنان ضعيف في الامكانيات الصوتية ..
حمد الريح فنان حاول في فترة التشعبط سياسيا ودخل عبر بوابة الفنان الذي يحاول ان يقدم فن وسياسة وفشل..
حمد الريح ربما ترأس إتحاد الفنانين وحاول وان إدعى غير ذلك محاربة الشباب ..
نعم هناك فنانون لا تجزم تحديدا اين تصنفهم هل هم عمالقة هل هم كباااار قد يختلف الناس فيهم لكن يتفق الجميع على شئ واااحد " الزول ده صوتو جميييييل"
صلاح مصطفى مثلا مهما يختلف الناس حوله سيبقى صاحب الصوت الدافئ والاداء الحنييين ..
ويدان ابراهيم يظل هو العندليب الاسمر ..
انت صديقي الاستاذ الموصلي وان كنت شحيح الحضور في الساحة الفنية في الفترة الفائتة ولكن من يستمع لصوتك زمان يجزم انك فنان وفنان مبدع كمان لما تملك من خامة صوتية وقتها (ووقتها دي ما تقيف عندها كتير لانو طووولنا ما سمعناك في الفترة الحالية)..ولو وضعت كللل اغاني حمد الريح في كفة (بي طريقته الغنائية الصوتية) واغنية واحدة تؤديها استاذي الموصلي الزمان لرجحت كفة الموصلي فالأذن تعشق قبل العين غاليا في حالة الغناء ..
حمد الريح ليس مع الكبار ..
حمد الريح ليس صاحب مدرسة غنائية ..
حمد الريح دخل مجال الغناء عنوة مع ان الساحة الفنية وقتها مليانة ...

الفاروق والاخوة الاعزاء ...

يا جماعة حمد دا عيبو الوحيد انو ( بنهر ) الغنا .. هس شوفو اغنية ( عشت الشقا )
من كتر النهير بقت تنطط زي العبلاج ...

Quote: على الرغم من اختلاف الاخوة المتداخلين حول كلمة " كريه " المستخدمة في البوست إلا ان معظمهم اتفق على ان حمد الريح ليس فنان ..

لو كنت فى عمرنا لعرفت ما أحدثته الساقية فى وجدان الشعب السودانى وما قذفته من رعب فى قلوب سدنة نظام نميرى!
التحية للفتان حمد الريح الذى ساهم فى صياغة الوجدان السودانى بصوته العذب الجميل
جنى

الاخ عمر الفاروق
قالوا من طول الغيبة جاب الغنائم لكن جبت ليك لغم وجيت.

اضحكني كثيرا تبريرك لي كلمة كريه بي قصة الحنكوشة لمن تضربك في كتفك وتقول ليك ياكريه طيب ده لو قصدك حمد الريح معناها زول عسل عديل كده لووووووول.
بعدين ياحبيبنا اعمل حسابك والله الايام دي البلاغات شغالة قرش ونص مايفتحو فيك بلاغ ويسجنوك في توتي

بعدين الراجل ياخي ماصغير لازم صوتو يتغير ده شئ طبيعي ويحاول يتم الاغنية انشاء الله مويه .

انا شخصيا سمعت حمد الريح وانا في الطفولة واستمتعت باغانيه ولحدي اسع مرتبطه بي ذهني وقبل يومين كان معاده ليهو حفله وحضرتها لحدي اخرها .
برضو سمعت لي بلال موسى القمر خالها وعمها والشمس تشبه امها لو ماغلطان وبرضو اغنية
يابلادي عزة بفخر بيك في رحاب ثورة مايو
كوبري كوستي حديد يايات وبالزلط ربط البلاد اووووو
ارجو ان يكون نقدك التاني في محلو بعيدا عن الحب والكراهيه الراجل ليهو جمهور ومعجبين وقبل كده اسره وابناء لو شافو كلامك ده ح تكسر في خاطرهم شويه .

تحياتي وعودا حميدا

زاتوووو

وما قذفته من رعب فى قلوب سدنة نظام نميرى

نعم جني . وهي السبب الرئيسي في قيام الانتفاضة ...

Quote: انت صديقي الاستاذ الموصلي وان كنت شحيح الحضور في الساحة الفنية في الفترة الفائتة ولكن من يستمع لصوتك زمان يجزم انك فنان وفنان مبدع كمان لما تملك من خامة صوتية وقتها

رأيك هذا يتعارض تماماً مع الرأي الذي قال به عبد الفتاح الله جابو
عندما تمت استضافته في برنامج أسماء في حياتنا.

انا غايتو لمان اسمع حمد الريح بشعر بالاتي:

نفسي بقوم
ضغطي برتفع
اوداجي تتنفخ
اضاني تطقطق
عيوني بزعللن
تتقلص امعائي
تتذبذب كمية الدم المار في الشريان الاورطي
تتكلس الشحوم في الاوردة
ينتابني القلق (ابو سبعة)
اقفل التلفزيون

ثم عندما استرجع الذاكرة واعرف انه محسي من توتي
اجلس واعدد حسناته وشهامته وانسى كل الفات
لكين تاني برجع واقول ان الحانه وطريقة اداؤه لا تعجبني

Quote: رأيك هذا يتعارض تماماً مع الرأي الذي قال به عبد الفتاح الله جابو عندما تمت استضافته في برنامج أسماء في حياتنا.

مهما كان رآي عبد الفتاح فهو مجرد رآي
وهو رجل جدير باحترامي ولايستحق بان نشير الي رآيه
دون ذكر ذلك الرآي

الاخ عمر
بشهادة الاخ الموسيقار يوسف الموصلى عن الاستاذ حمد والذى لا يحتاج لنقدك لانك اصلا ليس بناقد فنى افتكر ان هناك قصد تستهدف به الاخ الانسان حمد.كما قلت لك فى بوست سابق نحن اهل واخوان واصدقاء وسند حمد الريح يمكن التدخل لمعرفة ما تكنه من عداوة للاستاذ حمد وسنقوم بحلها والا عندك قصد معين ففى تلك الحالةموت بكمدك. فحمد قمة لا توازى عندنا اى من ذكرت ولا يسووا ذرة من فن واخلاق حمد. اناشد الاخ بكرى لحذف هذا البوست الشخصىالكريه والذى ربما يعرض صاحبه للمسائلة اذا تمادى بالحديث بهذه اللغة السوقية الى لا تستندعلى اى سند فنى ويكفى كلام الاستاذ يوسف الموصلى وكفانا تجريح فى رموز هذا الوطن ويكفى حمد احترام وحب اهل العزة فى جزيرة توتى.وإذا عدت عدنا.

Quote: حمد الريح عندو أغاني جمييييييييلة للحد البعيد ..استمتع حد الغرق وانا استمع لي اغنية إلى مسافرة وقلبي المكتووول كمد ..

يا الفاروق اخوي...اذا اردت ان تنتقد أداء الفنان حمد الريح
نقدا فنيا هادفا...فمن باب أولي ان تعرف ان أغنية الي مسافرة
هي نفسها يا قلبي يا مكتول كمد...

Quote: لو كنت فى عمرنا لعرفت ما أحدثته الساقية فى وجدان الشعب السودانى وما قذفته من رعب فى قلوب سدنة نظام نميرى! التحية للفتان حمد الريح الذى ساهم فى صياغة الوجدان السودانى بصوته العذب الجميل جنى

وانت كان سمعته رايو في ملحمة الساقية في اللقاء التلفزيونى الاتعمل معاهو أيام مفاصلة الجماعة في شهر صفر كان ناس عمركم عملو ابريلات وابريلات لحماية وجدانهم من حمد.



جنى كيفك ياخ
مشتاقين .

..
.
يعنى بعد مسيرتة الفنية كلها دايرين تطلعوهو
كريه ومنفر ..
غايتو بالغت انت وملاسي ..

___________

تسوقوا وتدوورا معاهو الساقية بالسنوات من اتكلم مره مرتين
خلاص .. استحق الإبادة ..

..
.
يعنى بعد مسيرتة الفنية كلها دايرين تطلعوهو
كريه ومنفر ..
غايتو بالغت انت وملاسي ..

___________

تسوقوا وتدوورا معاهو الساقية بالسنوات من اتكلم مره مرتين
خلاص .. استحق الإبادة ..

Quote: مهما كان رآي عبد الفتاح فهو مجرد رآي وهو رجل جدير باحترامي ولايستحق بان نشير الي رآيه دون ذكر ذلك الرآي

ليس مجرد رأي .. فقد كان الرجل عضو مؤثر في لجنة الإجازة

Quote: ليس مجرد رأي .. فقد كان الرجل عضو مؤثر في لجنة الإجازة

والاجازه دي كانت وين في ياتو بلد قضوها؟؟؟؟؟
الموصلي ذاتو كان عضو فيها بعد داك
عشان يكون في ناس عندهم معرفة بعلوم الاصوات!!!!

Quote: والاجازه دي كانت وين في ياتو بلد قضوها؟؟؟؟؟ الموصلي ذاتو كان عضو فيها بعد داك

و وكت بقى – بعد داك - عضو فيها قضاها في ياتو بلد.

أستاذنا الكبير موصلي أخونا ده عنده بوست رائح ليهو حايشغلك كثير دحين إتحملوا

الحبيب مجاهد
ياخي قلت اقزز شويه مع صاحبي ملاسي
اصلو اتعلم الكتابه التلغرافيه دي (مني)
لكن مابعترف بالكلام ده

اها دي واحده اخيره يا ملاسي عشان داير اتمم علي قدرة الفول الشاديها دي

Quote: Quote: والاجازه دي كانت وين في ياتو بلد قضوها؟؟؟؟؟ الموصلي ذاتو كان عضو فيها بعد داك و وكت بقى – بعد داك - عضو فيها قضاها في ياتو بلد

قضاها في اميركا وبرغم كده هو الانشط هييييييييييع
ولم تتوقف الصحافه الكويسه ولا الصحفيين الكويسن ابدا
عن الكتابة ايجابا عنه

Quote: عشان يكون في ناس عندهم معرفة بعلوم الاصوات!!!!

رأي عبد الفتاح الله جابو - السالب جداً - كان
عن الصوت و ليس عن المعرفة بعلوم الأصوات.

Quote: : عشان يكون في ناس عندهم معرفة بعلوم الاصوات!!!! رأي عبد الفتاح الله جابو - السالب جداً - كان عن الصوت و ليس عن المعرفة بعلوم الأصوات.

نفهم من ذلك يا حسين أن رأيك هو نفس رأي عبدالفتاح الله
جابو برغم عدم معرفته بعلم الأصوات...؟؟

أما أنا وبرغم عدم معرفتي بعلم الأصوات فان رأي يخالفكما
أنت وعبدالفتاح الله جابو...حينما (كان في الاجازة..)
أعزلا الا من كمان غير ديفيزيو..

نــانسي عجــاج فنانه نــاعمـــة ..
أو
ياريت يا عمر تسمعنـا .. ( نسمة العز يا سماحــة )

Quote: رأي عبد الفتاح الله جابو - السالب جداً - كان عن الصوت و ليس عن المعرفة بعلوم الأصوات.

زمان في ليبيا كان في فنان سوداني ايقاعه مختل ومشهور يذلك
في الوسط الفني
غني معاي في حفله بليبيا
وبعدين قال للعازفين ياخي الموصلي ده فنان كويس لكن زمنو (ايقاعه كعب)
والعازفين جابو لي الشمار
وكم كنت سعيدا بذلك!!!!

Quote: زمان في ليبيا كان في فنان سوداني ايقاعه مختل ومشهور يذلك

Quote: وبعدين قال للعازفين ياخي الموصلي ده فنان كويس لكن زمنو (ايقاعه كعب)

Quote: وكم كنت سعيدا بذلك!!!!

أي واحد محلك كان حيكون سعيد؛ بس شهادة عضو لجنة
إجازة الأصوات شيء مختلف لا أظنه يبعث على السعادة.

Quote: أي واحد محلك كان حيكون سعيد؛ بس شهادة عضو لجنة إجازة الأصوات شيء مختلف لا أظنه يبعث على السعادة.

ملاسي ياخ ماتبقي صحفي كيشه
طيب انا سجلت للاداعه كيف؟؟؟؟"

استميح الاخوة القفز بي الزانة والوصول لي اخونا نزار ..
الأخ نزار:
يبدو انك استعجلت طريقة قراية الجملة وما فهمت مقصدي ..ولو انا ما عارف انو اغنية الى مسافرة هي نفسها اغنية قلبي المكتول كمد فكدي تعال نفكر سوا الى مسافرة دي تكون ياتو اغنية ؟؟؟يا ربي طير الرهو ؟
قصدت التوضيح فقط لانو الكتيرين بيعرفو الاغنية دي بي قلبي المكتول كمد بافتراض انها بتبدا بيها زيها زي الكتير من الاغاني البتشتهر بي اول مقطع بينما الشاعر يسميها اسم مختلف ..
وبعدين ياخ افهما وحاول صدق انو قلبي مكتول كمد بي رمد ..
وكمد لبد ..

والعجب يا تمبس لمن يقول ليك :
قااااااابعة فيييييييييي..قااااااابعة فييييييييييييي..
والله لحدي قريب ده انا قايلا طااااابعة فييييييييييي..
ولا هي شنو ؟

Quote: قااااااابعة فيييييييييي..قااااااابعة فييييييييييييي..

اخير إنته بقيته طابعة .. أنا قاعد اسمعه طالعة فيييي .. طالعة فيووووووو
المشكلة يا عمــر إنو بتاع (الباص جيتار) منو ما عارف جبريل .. طويل كدا
تخيل بيكون عادي جدا شارخ ليك (الباص) بي (البيكــا) .. حاجة مزعجة جدا.. ( تكنيك ليسss )
عامله زي
واحد كدا قال لي انا بعزف جيتار .. قلت ليهو ياتو نوع .. قال لي :
( جتـــار عضم)
يعني بقت اربعة علي ..
1- نسمة العز يا سماحة
2- باص جيتار يلعبوهو بي بيكـا
3- جيتار عضـــم
4- ومندلين



ــــ
بـــلاي يا عمر بعدما تخلص من نسمة العز + المندلين .. شوف لي معاك موضوع نانسي دا..


قال ليهو:
يا ابوي النور أنا بعرفو .. ,.

والعجب كمان في واحدة تاني كده بيقول فيها:
قووووووووقن قوووووووقن قوووووووووووقن قوووووووووووقن قوووووووووووووووووووووووووووووووووقن ..
والله دي بيسكها سك لو سمعها كاكي لفاز بذهبية بكين

أستاذنا الموصلي:
تعديلاتك قدرت ..اقصد كترت كلللللللللو من قدرة الفول دي ..

معليش ياعمر شغلناكم بي موضوع جانبي
المهم القدره نجضت
وبقطع للسلطه ومارق علي الشغل
يانمارق انا (مارق)

يانزار حسين تحياتي
يافنان

غايتو يا فارق .. تصريفتكـ لكلمة (كريه) زي تصريفة محسن خالد لكلمة (قنيط)

يللا يا شباب نشوف وشكم بي خيـر
علي ضمانتي عمر دا بيكون الآن ركب الظلط .. وماشي يجيب العيش

يا كاروشة ..
عليك الله دقيقة ياخ البوست دا نحن بنجابد فوقو من جاي لي جاي .. وحسع دي مفكرين نعمل ليهو (بــرشام)
خي عمر دا يتجلى الدنيا راس سنـة

ده منننننننننننوووووووو يا اخوووووووووووووووووي؟؟ ده منننننننننننننننننو ؟
تمبس ياخ ما تشوف لينا بكري يعمل لينا شكل زول ممحن ومقبل على الحيطة ولابس جلابية مشروطة من فوق ..

Quote: واحد كدا قال لي انا بعزف جيتار .. قلت ليهو ياتو نوع .. قال لي : ( جتـــار عضم)

دي زي واحد صاحبنا عامل مصاحب الحناكيش ..قال لي يا عمر والله امبارح صاحبنا احمد عزمنا غدا في بيتهم والله يا عمر الناس ديل من شدت ماااااا مرطبين جاب لينا في الغدا جبس اكلناهو بدووووووووون عيش
يعني يا تمبس جبس عضم

تخريمة :
نانسي دي يا قريبك التعريجة ليها الا بي بوست صوتي والمداخلات فيهو تكون صوتية عشان في حاجات كده بي الحروف مااا بقدر اظبطا لمن نانسي تقولا ..ترانا قدرنا نكتب طابعة في وطالعة في لكن جنس النخنخة والتقطيع ده نكتبو كيفنهو ؟

Quote: حمد الريح عندو أغاني جمييييييييلة للحد البعيد .. استمتع حد الغرق وانا استمع لي اغنية إلى مسافرة وقلبي المكتووول كمد ..

الأخ نزار:
يبدو انك استعجلت طريقة قراية الجملة وما فهمت مقصدي ..
ولو انا ما عارف انو اغنية الى مسافرة هي نفسها اغنية
قلبي المكتول كمد فكدي تعال نفكر سوا
الى مسافرة دي تكون ياتو اغنية ؟؟؟يا ربي طير الرهو ؟

=========================================================

أنا لم استعجل يا عمر الفاروق بدليل أنك ذكرت كلمة أغاني
وليس أغنية...فلو كنت تقصد أغنية الي مسافرة بس كان تقول:-
حمد الريح عندو أغنية جميلة للحد البعيد واستمتع حدالغرق
وأنا اسمع الي مسافرة (قلبي المكتول كمد)..


حكيتا معاك مش؟؟؟؟؟




تحياتي يا موصلي يا فنان يا جميل

الأستاذ الموصلي..

شكرا على الرد..لكن...

أنت بكلامك بتأكد إنو حمد ملحن..

ودي ما فيها إختلاف.. لكن كمغني لا أعتقد..

عشان كده أنا ذكرت إنو مؤدي...

بس يا أستاذ

عليك الله علق على قول الأخ/ طارق

إذ قال إن صوت حمد "أملس"

وهذا في حسباني تعبير يعرفه أهل الموسيقى

والأخ طارق وهو صديق موسيقى ودارس للنوتة

إلا أنه درس الهندسة الزراعية

وأنا إذ أعترف بأنني اول مرة أسمع تعبير "صوت أملس"

إلا أن فهمي له بأنه ليس له أبعاد ولا عمق وأقرب

ما يكون أنه flat أي مسطح وهو ما أحسه

هذا مع إعترافنا بأن بعض ألحانه جميلة كما ذكرت..

ألا الغناء... أشك في ذلك.

Quote: الأستاذ الموصلي.. شكرا على الرد..لكن... أنت بكلامك بتأكد إنو حمد ملحن.. ودي ما فيها إختلاف.. لكن كمغني لا أعتقد.. عشان كده أنا ذكرت إنو مؤدي... بس يا أستاذ عليك الله علق على قول الأخ/ طارق إذ قال إن صوت حمد "أملس".

حبيبنا كمال
ياخي مع كل الاحترام
هل يمكن ان اصف لي زميل ذو تاريخ طويل
وجمهور عريض بان صوته املس
اما قول طارق فهو ليس قوله
ولكنه نقله عن قول لشاعرنا العظيم اسماعيل حسن
الذي انتقد الكثيرون قصيدته
طير الرهو برغم جمالها الاخاذ في نظري
كلمة أملس ليست كلمة علمية في نظري
واعتقد طارق يقصد بانه خال من الفايبريشن
وهذا غير متفق عليه
لك وله التحية

شكرا أستاذ الموصلي..

فقد أثبت بكلامك أنك فنانا

يتكيء على أرث مقدر من الأخلاق الفاضلة

وتبقى مساحات إختلاف الرؤى خضراء بالمحبة

شكرا مرة أخرى...

مع أطيب التحايا والأماني السندسية

بمناسبة العامين الجديدين

ودمتم

Quote: شكرا أستاذ الموصلي.. فقد أثبت بكلامك أنك فنانا يتكيء على أرث مقدر من الأخلاق الفاضلة وتبقى مساحات إختلاف الرؤى خضراء بالمحبة شكرا مرة أخرى... مع أطيب التحايا والأماني السندسية بمناسبة العامين الجديدين ودمتم

نعم أخي كمال
أولا أنا وزميلي الفنان حمد الريح على النقيضين تماما
من المنظور السياسي
الخلاف في كل الامور لايفسد للود قضية
فالجمال مسالته نسبية وحب الناس مذاهب
كثيرون من الناس لايستطعمون الصوت الغنائي الاجش لعازف الترامبيت العالمي
(ارم سترونج)
وكثيرون ممن يعتبرونه فلتة زمانه في التعبير الغنائي
بس الله يكفينا شر ( الطعان واللعان وأهله)
كل المودة

مشكلة حمد الريح إنو بيغني في نفس الأغاني من 40 سنة ...
احياناً قاعد اسأل نفسي: حمد الريح دا ما زهج من ترديد نفس الأغاني كل الـ40 سنة دي ؟؟؟؟

يا جماعه الله يرضى عليكم الفنانين ديل ناس حساسين شديييد وما بى ينفع تتحدثوا عنهم بهذه اللغه الناشفه
وبعدين ده فنان كويس وده فنان كعب أصلا ما عندها معنى لإنو الموضوع مرتبط بالأحاسيس والمشاعر للشخص المعنى،،،يعنى الحكاية ما هلال مريخ،،،،
حمد الريح فنان قدير وله ملايين المعجبين
تأسرنى أغنية الى مسافرة وتكلب لها شعرة جلدى طربا
حمد الريح هو فنانى منذ زمن المراهقه وما زلت احترمة وأكن لة الود الخاص
أرجوكم ما تجرحوا مشاعرنا
وبعدين، ياعمر الفاروق، الراجل مريخابى.....!

Quote: يا جماعه الله يرضى عليكم الفنانين ديل ناس حساسين شديييد وما بى ينفع تتحدثوا عنهم بهذه اللغه الناشفه

يا mekki الكلام عن حمد الريح وليس الفنانين

توقفت كثيرا للصورة اعلاه ونسيت التعليق عل موضوع البوست

ما ابلغ هذه الصورة لطفل لا يعرف ما يفعله هذا العسكر الغبي الذي اتخذ سلم البيت متكا لبندقيته لقتل البشر... بولا هيئا ايها الطفل العراقي البريء.

وفي النهاية حمد الريح فنان يستحق الايقاف من الغناء

وكمان عامل نفسو قيافه ولبيس وتلقى ماركة البدله ملصقه فى الكم, اظنو مفتكر دا جزء من التفصيله

استاذي الموصلي واخي كمال كرار كما يعلم الجميع ان استلطاف صوت فنان من عدمه تخضع لذوق المتلقي.

اما عن الاستاذ حمد الريح فزمنه كويس "لا يخرج عن الزمن " وصوته لا يفرق ككثير من مغنواتية هذا الزمن

كذلك لا احد يستطيع ان يقول انه اخطأ في المازوره الفلانيه او انه لم يؤد كوبليه بصوره جيده. لكن

المشكله في الاداء.

لكن فهمي لتعبير "املس "انه خالي من التطريب والفايبريشن كما قال الاستاذ مثلا مقارنه مع صوت ابوبكر

سيد احمد او الجابري او سميره دنيا.

لكن في نهاية النهايات اعيب علي الاستاذ حمد ان كثير من ايقاعاته مستعجله كأنما عايز يخلص من

الاغنيه وخلاص ،الشيء الثاني "النهير" في بدايات الكلمات اثناء الغناء بمعني انه لا يبدأ بدايات

مريحه .

لكم كل تقديري وودي

ياطارق انت ياخي رجل غاية في التهذيب
ياخي كلنا عيوب والله
هسع كان قلنا ليكم حاجات والحان قبل ماتخش المطبخ
في روسين كبيره بتقع من طولها
روسين اللحن زي الغلوتيه يجو العازفين يخلوه ٢٤ قيراط
وما في مشكلة فالعبرة في النهاية والطبق مستور
انا هسع سمعت طير الرهو والله مافي اجمل من كده
وما شايف اي نهير
بل تنقل حمد بين الشدة واللين في غاية اللطف
انا بحترم رآي عمر الفاروق لكن الدور ده قام بي (نمره واحد)
اما ناس منفر ديل
اخخخخخخخخخخخخخخخ منهم
محبتي

اها ياطارق اذا المسآلة فايبريشن
فزيدان من الفصيلة التي لا تحتوي الكثير من الفايبريشن
ولكنه استايل طروب جدا صوت منساب بلا فايبريشن
Styles make fights
ياعزيزي
وفي ناس كتيرن عندهم فايبريشن
يعمل زلزال في طبلة الاذن

طير الرهو - حمد الريح
كلمات : اسماعيل حسن
الحان : صلاح ابن البادية

يسلم ذوقك يامعاويه
والله حمد هنا مبهج وممتع وجميل
تسسسسسسسسسسسسسسسسسلم

ظلمت الراجل علي الاقل في العنوان القاسي جدا ...
مع احترامى لرايك
لكن الفهم قسم
والله يخلي ليك راجل المرا و قمبلة و بلة يا بلة
ويخلي لينا مريا و ازميل فدياسا
عليك الله اشرح معنى ؟ و من هو فدياس؟

كل عام وانتم بخير

Quote: يا mekki الكلام عن حمد الريح وليس الفنانين

يا عصام،،،حمد الريح زول فنااااااااااااان وبالتالى هو من الفنانين

استاذنا الموصلي:
انا متاكد تماما انك ممكن تجي هنا وتحلل لينا معظم اغاني حمد الريح والاداء اللحني واللزمة الفلانية والابداع في الحتة الفلانية بي درجة انا متاكد تمااااااما حمد الريح زاااتو حا يكون ما عارفا وحا يقول بالله ده كلللللللللللللو في اغنيتي دي ؟؟؟؟
اغاني حمد الريح تجدني من اكتر المرددين لها في اوقات المزاج الرايق واستمتع جدا بيها لمن يغنيها غيرو حمد الريح يبدو انو الفنان الوحيد اللي عكس مقولة سمح الغنا في خشم سيدو ..
حمد الريح الفنان الوحيد البيغني اغانيهو بي صورة اضعف من ما يغنيها له الاخرين ..
استمعت الي اغنية الى مسافرة(وبرضو نزار يقول لي حكيتا معاك !!) بي صوت نادر خضر واعجبتني جدا جدا جدا وسمعتها عند حمد الريح لمن حسيت انها ما اغنيتو ...
وفي قلبي حنين لاغنية احلى منك قايلة بلقا ولا غيرك انتي ببقا وانتي افراحي البعيشا وغيرا مكتوب لي اشقا ..
والظروف ياااااااااااااا حلوة دايما كانت بتفتح لينا ابوبا مشاغلات للجكس ..
ايام الجمعيات الادبية وانا ادعي الغناء واتسلبط الفن عنوة كنت بردد لو عارف عيونك توهت العيون ورقصت المشاااعر وغنا وراها كووون وغنى معاها كووون ولاي للا ..للااا ..ولااااااااا لللا ..لالالالالالالااااااااااااااااااا ..
ولما الفرااااااااااااااااااق يحصل إن شاء الله مااااااا يحصل..وجممممممممممممبك ومشتهيك يا عيون ..وكييييييييف كييييييييف ..كيف كيف كيف ..لما الفرااااق يحصل ..إن شاء الله ماااااااا يحصل..
مع قفلة البنقز كنا نرفع ايدينا للسماء في حركة شوفوني وكده ونظام الاولاد متأثرين بي الاغنية ونقول امييييييييييييييين ..

لكن ده كللللو حمد الريح ما بيأديه بي الطريقة الممكن تخلي المثلث متساوي الاضلاع ..وكنت اتمنى لو تنازل حمد الريح للشباب الذين يهاجمهم بان يتغنوا باغانيه فلعلها تكون الوسيلة الاسهل لتحبيب النس في اغانيه بعد ان لعب دور المنفر من اغانيه بطريقته التنهيرية ..

مرت الايام يغنيها شباب هذا الزمن بي صورة اجمل من ما تغنى بها حمد الريح مع انو حمد لافحا لكن طبعا عشان هو حمد ماف زول بيقدر يقول ليهو كده ويقولوا ليك بالعكس حمد فنان كبير والكل يتشرف بان يتغنا له حمد باغنياته وكان حمد قد تقدم لاسرة الفنان عوض الجاك وعبد الدافع عثمان واللمين دامزين بطلب ترديد الاغنية منذ الخمسينات ؟؟؟؟؟؟
اعجبني غضب المرحوم ابراهيم عوض من زيدان ابراهيم وقال ليهو ماااااا راضي تغني اغنياتي وحاول عمر الجزلي تلطيف الاجواء يومها في حلقة مشتركة وعندما استعمت لي زيدان يردد يا خاين احترمت غضب ابراهيم عوض فابراهيم عوض فقط من يستطيع ان يغني لابراهيم عوض ..
بعيدا عن الالحان يا موصلي الا تعتقد ان الضلع الاهم في مثلث الاغنية هو اداء الفنان من ناحية الصوت والتطريب؟؟؟
اذا كنت تود ان تتحدث عن جوانب علمية حقا لتقنعنا بحمد الريح الفنان فقبل الحديث عن الالحان حدثنا عن صوت حمد الريح وامكانياته الصوتية والاداء الانفعالي لحمد الريح وفي اي منطقة يغني ومدى درجة تقبل الاذن الموسيقية واذن المستمع العادي لصوت مثل صوت حمد الريح وتطريب كتطريب حمد الريح (ده لو في تطريب طبعا)..
احترم تماما رايك واحترم اكثر حفظك للجميل لزميل المهنة وصديق الفن ودي اصالة معدنك يا موصلي لكن اقعد بينك وبين نفسك وما ضروري تكتب لينا هنا واسمع حمد الريح بي روااااقة صدقني حا تبتسم ليك ابتسامة خبيثة كده في سرك وتقول ( والله الولد الممسوخ عمر الفاروق ده عندو حق )

Quote: لكن ده كللللو حمد الريح ما بيأديه بي الطريقة الممكن تخلي المثلث متساوي الاضلاع ..وكنت اتمنى لو تنازل حمد الريح للشباب الذين يهاجمهم بان يتغنوا باغانيه فلعلها تكون الوسيلة الاسهل لتحبيب النس في اغانيه بعد ان لعب دور المنفر من اغانيه بطريقته التنهيري

ياعمر هي اغاني حمد لو لم تكن محببة للناس لما رددها الشباب ديل
ياحبيبي ساهل جدا انك تغني اغنية مسموعه لسرور ولا كرومه ولا الكاشف ولا زيدان
ولاحمد والناس تصفق ليك لان الاغنيات اصلها معشعشة في وجدان الناس وبتعيدهم للماضي الجميل الافتقدوه
والناس لمن بتصفق ليهم اصلا بيصفقو في الغالب الاعم لسيد العمل الاصلي
طيب اها الاجيال الانا ذكرتها دي كلها ادت الشباب ديل الارث ده كلو
هم جهزوا شنو للاجيال الجايه؟؟؟؟؟؟؟؟؟
عمر لاتدعوا الشباب للتواكل بل دعوهم للتوكل والانتاج الجديد والمثابرة عليه والصبر علي الجمهور ليستوعبها
ويفهمها ويصفق لها---------- كل الفنانين الزمان ديك عملوا كده
بل في واحدين منهم لم يحضروا بالشكل الكافي تمجيد الشعب لاعمالهم
الكاشف مثالا
وفي النهاية انا ماعندي مانع الشباب الجدد يغنوا غناي كلو لانو بيضيف جديد ليهو
علي شرط ان يعملوا انتاجهم الخاص وينتهوا من مسآلة الاجترار المرة دي
لا للاجترار المتواصل ولا للمجترين
كل الحب
تخريمه آخيره
ياخي انا بسمع حمد وانا طالب وسمعته وانا فنان
قبل آن يدوك الاذن الالهي بالوصول الينا في هذا العالم الفاني
طال عمرك

عمر الفاروق مشتاااقين يا أخي ..
ومشتاقين لبوستات الداتابيس وكدا ..
اوضة وبرندا وحوش ..
يالذيذ حمد الريح ما بيستحق تقول عليه كريه في اشهر موقع سوداني ..
والله ما يستحق ..
مع اني ما بتاع فن وكدا ..
بس غاظتني ..
شوف الغيظة دي ..
تحياتي واشواقي المدفقة يالذيذ بالجد ..
وركي ياقمرية ..

Quote: وكنت اتمنى لو تنازل حمد الريح للشباب الذين يهاجمهم بان يتغنوا باغانيه فلعلها تكون الوسيلة الاسهل لتحبيب النس في اغانيه بعد ان لعب دور المنفر من اغانيه بطريقته التنهيرية ..

.. تعرف يا عمر قبل فترة كنت قاعد بحضر في النيل الأزرق بي مزاج .. في واحد من البرامج الخفيفة دي ..
مقدم البرنامج قال نستمع لي اغنية شنو كدا ما عارف ( وهي أغنية لحمد الريح ).. بمشاركة اسرار بابكر وعلى ما اعتقد عصام محمد نور وكان معاهم اتنين تاني .. يعني مجموعة كدا كويسة وهي من ضمن الاغنيات الجميلة البتقبل القسمة على خمسة ستة فنانين ..
تتخيل حمد الريح حلف ولا واحد ما يقول ليهو كوبليه .. كان شغال سانكوبيشن شديد جدا .. قبلما الكوبليه يبرد يسخن الكوبلية التاني .. زي نظامك الاقتصادي في (الويست) لما تخطف (الآسات) الأربعة حار حار .. وتقعد في الصقيعة
المهم انا استغربته لحدت ما الأغنية انتهت .. ماف واحد من الشباب ديل قال اي حاجة والله دق ليهم سدرو وشال براهووغنا براهو .. والشباب ديل قاعدين يتفرجو ويتلفتو ..
غاظني ليك المقدم بتاع البرنامج طيب ما كان يقول لينا من الأول حمد الريح بيعمل حاجاتو براهو..

تمبس حمدا لله علي السلامة

Quote: تتخيل حمد الريح حلف ولا واحد ما يقول ليهو كوبليه .. كان شغال سانكوبيشن شديد جدا

مالو السنكوبيشن؟؟؟ عيبو لي!!!
الفنان الذي يجيد السنكوبيشن في الغنا
هو الفنان الاجدر لان السنكوبيشن ليس عيب
بل هو التنغيم ووضع النبر الضعيف في موقع النبر القوي

وبعدين مالك داوشنا بي صورة كوستاوي دي
بقيتو اصحاب ولا شنو

Quote: مالو السنكوبيشن؟؟؟ عيبو لي!!! الفنان الذي يجيد السنكوبيشن في الغنا هو الفنان الاجدر لان السنكوبيشن ليس عيب بل هو التنغيم ووضع النبر الضعيف في موقع النبر القوي

حمد الله على السلامة يا استاذ موصلي .. بركة الجيت ..
والله السنكبة فعلا فن راقي وحرفنة لي شفوت المزيكا ..
لكن السنكبه الشفتها اليوم داك خلت الشباب يتلفتو ..
كانت المسالة عبارة عن:
السرعة مع اللفحــان ..
مش في حاجة كدا اسمها السرعة مع الاتقان ..؟ دي كانت السنكبه بتاعته
كان يسنكب ليهو مقطع ويدي الشباب الباقيين ديل فرصة معاهو ..
يعني يسنكب فوكال .. ويسنكب كورس في وكت واحد ..؟
..

كوستاوي دا يا استاذ موصلي .. فردتنا .. لكن مرات كدا عندو حركات

Quote: ولم تتوقف الصحافه الكويسه ولا الصحفيين الكويسن ابدا عن الكتابة ايجابا عنه

اللييييييييلة
دي مشت كده سااااكت؟ بالغت يا حاج.

____________
يا اخوانا حسب الوضح من كل المداخلات، كل الهاجموا حمد الريّح، هجومهم كان بمقياس الذوق الشخصي، وما أدراك ما الذوق الشخصي، يعني أنا متأكد مثلاً لو واحد إتكلم عن عبقرية محمد الأمين الفنية، حيجي واحد يطلّعو ما بيعرف يغنّي (رأي شخصي، وليس نقد فني مؤسس). وبصراحة أنا نفسي قلت قبل كده (في كلام ونسة) إنو حمد الريّح بينهّر الغنا .. وممكن الواحد يقول أي شئ في مجلس الونسة. لكن لما ينشر كلام في وسيلة إعلامية، أو مكان نقاش، يفترض إخضاع كلامو لمعايير أو شروط ممكن يكون بينها(الدليل). أما إطلاق صفة مثل (كريه) فضلاً عن كونها صفة نابعة من رأي شخصي، فهي لا تناسب وصف فنان أو مبدع أو مجرّد مؤدي بها.

الفاروق .. أخفقت في هذا الوصف، وأخفقت أيضاً في إقناع الناس بأنك لا تقصد المعنى الواضح.

الله يهديك

عمر الفاروق سلام
يازول حرام عليك
..................
انا ضد كلمة كربه

.................
معظم البلدان الاخرى تمجد فنانيها
الاستاذ الفنان حمد الريح رجل خدم الفن السودانى وله بصماته فى الفن السودانى وهو فى وجدان اى سودانى
عندما كنا اطفال كنا نرى فى اغانى حمدالريج ( نشيد مدرسى) وعندما كنا فى فترة اخرى ( وخاصة اغانى الغربة .. حمام الوادى ياراحل..
والساقية لسه مدورة ( ملحمة) وانت كل زينة,,,
الاستاذ الشاعر المرحوم احمد الريح
والاستاذ عمر الشاعر
وتوتى
....................
معظم الفنانيين السودانيين لهم بصمات فى مسيرة الفن السودانى
مثلا قد تشدك اغنية واحدة فقط عند فنان وهذه الاغنية .. تضعك فى خانة,, ان هذا الفنان له مكان فى القلب
كل فنان له عظمته ونكتشف عظمنهم من خلال جيلنا الحالى المتذوق للكلمة والمعنى واللحن
مرة وانا اشاهد الفاتح حسين وهو يعمل عمل موسيقى للفنان الراحل المقيم عثمان حسين,, فعرفت ان عثمان حسين لم يمت
....................
واخيرا
الاستاذ الفنان حمد الريح... يفضل ...حمد الانسان


صورتى مع الاستاذ الفنان حمد الريح فى النرويج 2007

Quote: بعيدا عن الالحان يا موصلي الا تعتقد ان الضلع الاهم في مثلث الاغنية هو اداء الفنان من ناحية الصوت والتطريب؟؟؟ اذا كنت تود ان تتحدث عن جوانب علمية حقا لتقنعنا بحمد الريح الفنان فقبل الحديث عن الالحان حدثنا عن صوت حمد الريح وامكانياته الصوتية والاداء الانفعالي لحمد الريح وفي اي منطقة يغني ومدى درجة تقبل الاذن الموسيقية واذن المستمع العادي لصوت مثل صوت حمد الريح وتطريب كتطريب حمد الريح (ده لو في تطريب طبعا)..

حمد الريح فنان ذو صوت عريض ومساحه صوتيه ماهلة
ويستطيع أن ينتقل من القرار المتوسط الى الجواب العالي في سهولة ويسر
اصلا حمد لولا تلكك النبرات القوية في صوت حمد في التعبير عن بعض الالفاظ
لما كان حمد الريح (حمد الريح)
ليس بالضرورة أن يتسحسح الفنان حتى ينبسط منه كل الناس فحب الناس مذاهب
هنالك مثلا دائما اضربه هنا أخذته من الملاكمة

Styles make fights
ياسيدي أنا ضربت ليكم مثل مريتو عليهو مرور الكرام
انو لويس ارم سترونج أعظم عازف ترامبيت بتاع جاز في التاريخ
وبيغني وله صوت اجش لايحبه القلة ولكن الكثيرين يحبونه وبشكل خرافي
المهم انه فريد وله طريقته
http://www.last.fm/music/Louis+Armstrong/_/What+a+Wonderful+World

اسمع الغنوتين المهم أنه اسلوب في الاداء لا يتماشي والسحسة الفنية
تحياتي

ما دام انت مصر على كلمة كريه والفنان حمد كحل وسط نقترح
عبدالرحمن الزومةيستحق لقب صحفى كريه ..
شوف كان تلقى واحد يحتج!
الزومة ظاتو ما حينكر!
جنى

La vie en rose - Louis Armstrong

اعتقد دي احلي
مع تحياتي
حافظ

بن خاللي العزيز
فعلا ده مثال احلي للطرمبه
وانا اديت مثال للغنا
تحياتي ياجميل

عمرالفاروق
تحياتى
وصفك لحمد الريح صعب حبتين، وتبريرك له نأخذ منه الجانب الحسن ونيتك فى توضيح أنك لا تقصد شخصه.
فى رأى أن أى فنان ظهرما قبل وحتى 1980 هو فنان موهوب، وإن إختلف المستمعين فى الإعجاب به. رائعة الشاعر المرحوم صلاح أحمد إبراهيم (يا ماريا) لو لم يغنى حمد غيرها لكفته فناناً فناناً . أسمعه فى أغنية الليلة جيت شايل الفرح، وأسمعها من نادر خضر، لتآمن بأن حمد فنان متمكن، ولأعطيته مليون حق فى الكلام إيجاباً أو سلباً فى الفنانين الشباب!

حمد الريح فنان وإنسان يحترم فنه و يجيد التعامل مع الناس، وواجهة محترمة للفناانين السودانيين.

أخى عمر، يعز علىّ أن فنان مثل حمد الريح مشواره الفنى ألحاناً وأغنياتاً رائعة ردد بعضها فنان فى قامة محمد منير، مشواره الفنى قارب الخمسين سنة، أن تصفه بتلك العبارة. الموت من الحياة ما معروف، تمنيت ألا يسجل فى إرشيف سودانييز أون لاين هذا النعت فى حقه!

يكفيه لو غنى ( إلى مسافرة)

أستاذ حمد فنان عظيم .. و فوق ذلك فنان منضبط يحترم فنه و جمهوره ..
إستمعت له في حفله الذي أقامه بأريزونا عام 2006 .. كان صوته هو هو لم يتغير بنفس حيويته في الغناء و نفس الأداء .. نفس صوته في الستينات ..
يكفي أن زملائه الفنانون توجوهوا نقيبآ لهم لأكثر من مرة .. متعه الله بالصحة و العافية .. وأدام عطائه الجميل الخالد.

مريا - حمد الريح
كلمات : صلاح أحمد ابراهيم

الفنان حمد الريح رحلة عطاء فنى قاربت الخمسين عاماً
أحد الفنانين القلائل بيننا اليوم ممن يذكروننا بالزمن السمح
أنعم الله عليه وعليهم بكامل الصحة والعافية و طولة العمر

أغنية الرحيل للفنان حمد الريح

تعليق نقل إلي عن حمد الريح ..
وقد نسب إلى العملاق وردي ..
فقد نقل إلي أنه عندما سئل وردي عن حمد الريح قال لهم :
العندو أغنية وداير ينهروها ليهو يوديها لي حمد ...!


وقد صادف هذا التعليق الساخر هوىً في نفسي ...!





التحية لكل مبدعي بلادي ...
وإنتقدوهم هوناً ما .....!