هيثم كابو .. يفشل مرة أخرى في المحاكمة !!

أمسية الجمعة الماضية ، تابعت برنامج ( محاكمة) الذي تبثه قناة هارموني الفضائية ويقدمه الصحفي هيثم كابو .
كانت المحاكمة في هذه الحلقة مع الفنان نادر خضر
وكالعادة ..
لم يستطع هيثم كابو أن يدير هذه المحاكمة ..
وفشل فشلاً ذريعاً ، في إدارة حوار مع الفنان نادر خضر ..
نادر خضر أكد للبرنامج أنه وافق على الحضور لهذه المحكمة ليثبت للجمهور فشل كابو !!
واستطاع نادر أن يحاكم هيثم كابو ..

يذكر أن كابو فشل من قبل في محكامة مع داعية الانفصال .. الطيب مصطفى .,

التعديل .. لخطأ فني ..

ألأخ/هشام الطيب

لك التحية ولصورة البروفايل الجميلة.محمد عركى وأبوعركى.والتحية لدكتورة عفاف الصادق وذيذن وأخواتو..

Quote: نادر خضر أكد للبرنامج أنه وافق على الحضور لهذه المحكمة ليثبت للجمهور فشل كابو !! واستطاع نادر أن يحاكم هيثم كابو ..

لقد صدقت والله..وأرسلت رسالة بلsmsلهارمونى ولم تعرض بخصوص هذا الموضوع

نادر خضر زول مقنع وفاهم...

تحياتى....................إسماعيل محمد احمد عباس..

اسماعيل عباس
.. سلامات ..

Quote: لقد صدقت والله.. وأرسلت رسالة بلsmsلهارمونى ولم تعرض بخصوص هذا الموضوع نادر خضر زول مقنع وفاهم... ..

كًًنت أتابع شريط ال sms اسفل الشاشة
وكل الرسائل كانت تدعم نادر الفنان الرائع ..

شكراً ياحيبب

الاخ الاستاذ هشام

السلام عليكم ودعواتى الطيبة لكم

فرصة طيبة نتعارف وجميل جدا تفتح هذا البوست ....!!

بالجدوبدون ضغينة على احد فانا لست من المعجبن بنادر خضر ولكن للمهازل التى
يفعلها هيثم ..فقدتابعت البرنامج فقط لمتابعة الملطشة التى كان يملطشها نادر وفعلا احترمت جدا
نادر خضر واعجبنى بشدّة ، والله ماعارف كيف لقناة تريد النجاح ان تكون محكمتها مهزلة
خاصة وان من يحاكم يدور حول سؤالا واحدا ويزداد اصرارا عليه طيلة الحلقة....؟!

مهزلة والله ...

شكرا نادر خضر ..اثبت انك ذو حنكة ..اكرر احترامى لك ..

شكرا وشكرا كثيرا اخى استاذ هشام لفتح هذا البوست

كامل مودتى

انور سيد

السلام
بس بسأل لو انت اخونا هشام الطيب ود المامون من امريكا ام هشام طيب اخر ؟ عموماً تحياتي لك فى الحالتين

يا هشام الطيب سلام
ياخي براحة علي كابو صاحبي ..
أي نعم هو المفروض ما يحاكم نادر خدر لانو فنان جميل وغناي لكن برضو خليك حنين عليهو .
بس.

Quote: يا هشام الطيب سلام ياخي براحة علي كابو صاحبي .. أي نعم هو المفروض ما يحاكم نادر خدر لانو فنان جميل وغناي لكن برضو خليك حنين عليهو . بس.

نصيحة أخوية والله ومجرررررررردة ...
شوف ليك صاحب غيرو ...!
الله يغيظو ويمرضو زي ما رفع سكرينا ..!
ده جايبنو من وين ده ؟؟!
والمصيبة فاهم إنو منقطها وخارم التعريفة ..
وهو ما عندو حاجة ولو بي تعريفة .!







غايتو المستفيد من الحلفة دي كان نادر ..
فلرب ضارة نافعة .

هشام والمتداخلين

تحايا

الحلقة كانت مميزة لحد كبير ، نادر قدر ان يوضح موقفه من برنامج اغاني واغاني وبمصداقية عالية لم تدع مجال للشك فى انها ادعاءات،،وكمان قدر لحد ما يبرر حالته الفنية الراهنة


هيثم استطاع الى حد كبير ان يغطى كل النقاط المحتاج ليها المشاهد وحسب وجهة نظري هيثم فى المحاورة ليس بهذا السوء والدليل انو يستطيع استفزاز الضيف وهذا ما تتطلبه طبيعة البرنامج

لكن فى النهاية كان الكسبان ندوري

داخل النص
نادر خضر ، لبق وبليغ ومابيديك آخر ،، بيعجبني جدا لما يتكلم عن الاغنية الشبابية


خارج النص
عثمان دغيس
الك وحشة

الصديق أنور سيد
.. سلامات وتحيات ..

Quote: خاصة وان من يحاكم يدور حول سؤالا واحدا ويزداد اصرارا عليه طيلة الحلقة....؟!

اتفق معك .. هنا
خصوصاً وأن( كابو ) لم يستطع أن ينتقى أسئلة جيدة يوجهها لنادر
وأعتقد أنه قد صًدم بشخصية نادر التي تقبلت النقد البناء بصدر رحب ..
واستطاع نادر أن يدافع عن التهم الموجهة اليه بطريقة ذكية جداً ..
مما أكسبه إحترام الجمهور ..


خالص مودتي ..

معاوية .. سلامات ..

وتحياتي لك ولصديقنا الكابتن
husham eltayeb بفرجينيا

خالص مودتي

العزيز طلحة عبدالله .. سلامات ..و تحيات ..

Quote: ياخي براحة علي كابو صاحبي ..

(كابو) صحفي ممتاز ..
لكن مايقدمه في برنامج محاكمة ليس جديراً بالاحترام يا صديقي ..
تعرف يا طلحة ..
و(السواد الاعظم) زي ما قال نادر..
من الصحفيين البستضيفهم(كابو) وبقدموا التهم في المحاكمة برضو ..
ياخي في واحد صحفي كدا ما متذكر إسموا ..
المهم الزول دة قال كلام كتييييير عن نادر خضر في بداية البرنامج ..
ياخي أنا قلت اليلة نادر دة من الزعل ح يطير في الشاشة ويخنق الصحفي دة
لكن نادر تطلع مُفتح وقلب الطاولة على ( كابو )

العزيز هشام الطيب

تحية طيبة
جمهور نادر ومعجبيه زادو بعد الحلقة

دغيس .. سلامات
وبلا شك أن نادر إكتسب جمهوراً خرافياً من هذه الحلقة ..
والزول الكان مابسمع نادر ..
بعد الحلقة ح يسمعوا وإتكيف ليهو كمان ..

كل الود ياحبيب ..

شمائل
.. سلامات وتحايا ..
أتفق معك في أن ( نادر ) استطاع بلباقته ودهائه وذكائه أن يجاوب على الاسئلة بشكل منطقي ويدحض كل الاتهامات التي وجهها ( كابو ) وأعوانه .

Quote: والدليل انو يستطيع استفزاز الضيف وهذا ما تتطلبه طبيعة البرنامج

طبيعة البرنامج لاتتطلب إستفزازاً ، لكنها تطلب نوع من الاسئلة الحادة والاتهامات الصريحة
وجميع الاسئلة والاتهمات التي طرحها ( كابو) لم تكن صحيحة ..
كابو يتعامل مع البرنامج ومع ضيوفه بشكل إستفزازي مما يفقده إحترام المشاهدين ..

كل الود ..

العزيز فيصل
.. سلامات وتحيات ..
و نادر إكتسب حُب المشاهدين والجمهور من خلال المحاكمة ..
له التحية بحجم روعته ..

العزيز هشام
والله في حاجة مزعلاني شديد
هيثم كابو كان مصر إصرار شديد أنه أغنية الساعة خمسة من الاغاني الهابطة التي تخدش الحياء وما عارف شنو
في حين أنه قناة هارموني هي القناة الوحيدة العندها فيديو كليب للأغنية بصوت سامي المغربي وكان يبث بصورة مستمرة
هل ده معناه أنه القناة هابطة وتتبنى الغناء الهابط !!!!

اخي هشام

لقد اوردنا بوستا منفصلا عن فشل المدعو كابو مع الاستاذ الطيب مصطفى وهاهو الان يكرر نفس الفشل وبنفس
الطريقة مع المطرب نادر خضر ..

اقترح تكوين محكمة عدالة ناجزة لمحاكمة المدعو كابو على محاكماته الفاشلة ...



ود الباوقة

Quote: هيثم كابو كان مصر إصرار شديد أنه أغنية الساعة خمسة من الاغاني الهابطة التي تخدش الحياء وما عارف شنو في حين أنه قناة هارموني هي القناة الوحيدة العندها فيديو كليب للأغنية بصوت سامي المغربي وكان يبث بصورة مستمرة هل ده معناه أنه القناة هابطة وتتبنى الغناء الهابط !!!!

تعرف يا فيصل ، ( كابو) قاعد يدخل هارموني في حتات ضيقة جداً خصوصاً بإصراروا دة ..
أعتقد إنو هيثم كابو لم يستمع لأغاني زمان وتسجيلات زمان والاغاني الجد خادشة للحياء العام ..

ود الباوقة ، تحياتي لك

Quote: لقد اوردنا بوستا منفصلا عن فشل المدعو كابو مع الاستاذ الطيب مصطفى وهاهو الان يكرر نفس الفشل وبنفس الطريقة مع المطرب نادر خضر ..

أتمنى أن يستفيد ( كابو) من آراء المشاهدين والمتابعين للحلقات
وأتمنى أن لا يكرر أخطاءه مرة أخرى .
وأن يعد أسئلتة وإتهاماته بطريقة صريحة وواضحة ،
وأن لايصر على رأيه . فلربما كان رأيه خاطئاً أو صواباً يحتمل الخطأ.

تحياتي هشام الطيب

الصديق الفنان الراقي نادر خضر من الفنانين الذين تميزوا بأعمالهم وطريقتهم في الأداء ويكفي جمهوره الكبير خير شاهد على تميزه وإجادته وطبعا كابو فات عليه أن الفنان نادر خضر من الفنانين القلائل المحنكين الذيملكون ناصية الكلمة في الحوار ولديه حضور قوي في الشاشة يطغى على عشرة محاورين بقدرات كابو المحدودة فوقع في شر أعماله لأنه أساسا أسئلته كانت في غاية السماجة ولغته غاية في الضعف وتطرق لأماكن لم يستطع أن يصمد في وجه ردود الفنان نادر خضر وأنا أكيد أنه هناك بعض الردود لم يفهمها أصلا وكان وكأن على رأسه الطير وهو يحدق في نادر وفي نفس الوقت طريقة كابو في الأسئلة واللغة المستخدمة التي تحاول التأسيس لأشياء غير موجودة أصلا ويفتح باب خلافات ليس لها أي داعي حقيقة كانت مخجلة ومؤذية لنا كمشاهدين في نفس الوقت..
عموما البرنامج فكرته قوية ولكن يحتاج إلى مقدم برامج قوي ذو حضور وشخصية طاغية في الشاشة وفي نفس الوقت يكون متسلح بثقافة عالية ويدرس شخصية الضيف بعناية ويعرف المداخل في توجيه الحوار وإدارته للأتجاه الذي يختاره وكل هذا غير متوفر في كابو..
مودتي

عثمان حسن
..سلامات وإحترامات ..

ونادر أثبت أنو فنان ورائع كمان ..

فوق

د. مجدي
سلامات واحترامات ..
وشكراً كتير على رفع البوست ..
تحياتي
هشام الطيب

والله نادر لا فنان ولا عندو علاقة بالفن ..
لكن هيثم كابو زول مرض أي زول وهم ممكن يتعملق قدامو ...

خالد
سلامات واحترامات ..
وبغض النظر تماماً عن علاقة نادر بالفن والغناء والموسيقى ، نجد آن نادر تفوق على كابو بذكائه في الحوار الذي تم بينهم في المحاكمة .

Quote: لكن هيثم كابو زول مرض

أتفق معك هنا

الاغنية مهداة للجميع

صحابي خالد محمود الرشاشة
ياخي بالغت في حليفتك أنو نادر ما فنان
دا فنان لامن فنان
وبالغت برضو في وصفك لصاحبي كابو بالمرض
الزول دا صحافي كويس بالجد والله ( ما عشان صاحبي )
يا هشام العزيز ياخي قلنا ليك خفف عليهو الزول دا شوية ..

طلحة ياحبيب
ياخي كابو دة أنا أحترموا جداً كصحفي
وبعدين بتكيف عديل كدا لمن أقرأ كتاباته
ومشاكساتو زمان مع الهندي عز الدين وتكريم وردي اوسكار ليالي ..
لكن ما عندو اي خبرة في العمل التلفزيوني ..

هلا طلوح الوصيف

Quote: صحابي خالد محمود الرشاشة ياخي بالغت في حليفتك أنو نادر ما فنان دا فنان لامن فنان وبالغت برضو في وصفك لصاحبي كابو بالمرض الزول دا صحافي كويس بالجد والله ( ما عشان صاحبي ) يا هشام العزيز ياخي قلنا ليك خفف عليهو الزول دا شوية ..

والله ياخ ده رأي الخاص بس طبعاً ما بفرضو على زول و نادر في الحقيقة عندو جماهير كتيرة دي ما بقدر أنكرها وفي النهاية لولا إختلاف الأراء لبارت السلع.

بالنسبة لهيثم والله يا طلحة و ما طالبني حليفة أنت الزول الوحيد المقتنع بعبقرية الزول ده؟زي حكاية عمكـ شداد بالضبط و في النهاية أنت زول حكمكـ على الأشياء ما معتمد لأنو لو عندكـ حسن أختيار ما كان عينكـ في سيد البلد و تبقي مريخابي

Quote: وبلا شك أن نادر إكتسب جمهوراً خرافياً من هذه الحلقة .. والزول الكان مابسمع نادر .. بعد الحلقة ح يسمعوا وإتكيف ليهو كمان

يا ود الطيب .. هشو سلام
لاحضرته الحلقه دي ولناوي احضره لو حا يعيدوها .. ولا ناوي حتي اسمع ابو النون ( حبيبو ) حبيبو

احترامي

إنت حُر ياحبيب ومن حقك ماتسمع لأي فنان زاتو !!











______
لكن قول لي المزعلك شنو يا كع ؟ !!

Quote: لكن قول لي المزعلك شنو يا كع

مندرة يا خوي فاقع مرارتي عديل يا مان ..

المحاكمات السابقات الحضرته

كمال ترباس ... تراكم خبرات وله مكان في خرطة الغناء السوداني

وردي ... فنان افريقيا ..

ديل بس ...

نادر هو شنو ؟؟

Quote: نادر هو شنو ؟؟

مُغني جميل

هشام الطيب
حقيقة أنا لم أشاهد من قبل الصديق هيثم كابو علي الشاشة
معرفتي به لا تتعدي حدود الصحافة الورقية والتى أري أنه حريف فيها كما وافقتني اعلاه ..
وعليه فربما كنت علي حق طالما ان كلامك عن كابو (التلفزيوني) لانني كما قلت ليك لم اشاهده حتى الآن لاحكم عليه ..
لكن برضو هون عليك ..



الرشاشة العزيز ابو الخلد
يا زول متين انا قلت كابو دا عبقري ..؟؟؟؟؟؟؟؟؟؟؟؟
ياخي انا ما وصلتو حتى مرحلة (ممتاز) تقول لي قلت عبقري ..
قلت يا خالد أنو كابو صحفي ( كويس )

Quote: حقيقة أنا لم أشاهد من قبل الصديق هيثم كابو علي الشاشة

ونصيحتي ليلك ياحبيب ماتشوفو في التلفزيون أبداً

*