الاماني السندسية بصوت مصطفى اهداء ليك يا موصلي

الاماني السندسية بصوت مصطفى اهداء ليك يا موصلي


08-27-2003, 02:37 PM


  » http://sudaneseonline.com/cgi-bin/sdb/2bb.cgi?seq=msg&board=18&msg=1254457019&rn=0


Post: #1
Title: الاماني السندسية بصوت مصطفى اهداء ليك يا موصلي
Author: الليندي
Date: 08-27-2003, 02:37 PM


Post: #2
Title: Re: الاماني السندسية بصوت مصطفى اهداء ليك يا موصلي
Author: TahaElham
Date: 08-27-2003, 05:53 PM
Parent: #1

التحية الي المقامات السامية الاستاذ الموصلي و الي الاستاذ مصطفي سيد احمد و الي العزيز الغالي حمزة سليمان. ايها اللندي اليك مليون تحية . جلبت هذه الاغنية الذكريات من مكامن الحنين الذي لا ينضب . ربما في عام 2000 او 2001 شرفنا و نور بيتنا الاستاذ حمزة سليمان و كانت الاماني السندسية احد المرافىء التي اوصلنا اليها الغناء
طه

Post: #3
Title: Re: الاماني السندسية بصوت مصطفى اهداء ليك يا موصلي
Author: Tanash
Date: 08-27-2003, 06:36 PM
Parent: #1

الليندى

زمن لا أذكر مداه, منذ آخر مرة سمعت فيها "الأمانى السندسية", فهيجت شجونا طالما غالبناها تارة بالمداراة و أخرى بمحاولة النسيان, وهيهات.و لم أكن أعلم أن "مصطفى سيد أحمد" قد اصطفاها ضمن الأغانى التى غناها لفنانين آخرين, واذ يضيف ذلك بعدا آخر "للأمانى السندسية", فقد فاقم من شجوننا. وقد تكون هذه مناسبة طيبة لدعوة "الموصلى" تجديد شباب "الأمانى السندسية", بمعنى يعمل ليها
Revision
داعما اياها بمزيد من الزخم الموسيقى, وتجويد الأداء, دون الخروج عن سياق لحنها الذى رسخ فى الوجدان. فهذه هى الأيام - والانقاذ يلفظ أنفاسه الأخيرة - التى يردد فيها كل فرد من الشعب السودانى و السودان نفسه
بكرة بصبح ذكريات
حالى داك الكنت فيهو
و تملأ آمالى العراض
كل درب أقتفيهو
..........
ما بقول أن راح
أوانى عارفو ببسم لى زمانى
وسعدى يرجع لى تانى
بالأمانى السندسية

لك والموصلى .. التحايا .. والأمانى السندسية




Post: #4
Title: Re: الاماني السندسية بصوت مصطفى اهداء ليك يا موصلي
Author: mustadam
Date: 08-27-2003, 07:04 PM
Parent: #1

Dear friends ,
I have no doubt that mustafa had carefully selected very few works composed and performed originally by other artists.His choice was a sort of a celebration of these talents , like paying homage. It is a recognition of the ,undeniably, creative contribution of Al Mosaly to Sudanese music, coming from one of the great musical talents of our , mostly, baren times.

Sorry to write in English, my typing in Arabic is very much time consuming . It is not a linguistic preference .

Mustafa

Post: #5
Title: Re: الاماني السندسية بصوت مصطفى اهداء ليك يا موصلي
Author: Elmosley
Date: 08-27-2003, 07:13 PM
Parent: #1

تشكر عزيزي الليندي
ومصطفي عنما يغني لحن لزميل له انما ذلك يعني ميلاد جديد

Post: #6
Title: Re: الاماني السندسية بصوت مصطفى اهداء ليك يا موصلي
Author: Yasir Elsharif
Date: 08-27-2003, 08:17 PM
Parent: #1

يا سلاااااااااااااااااااااااام يا الليندي

وللراحل المقيم في وجداننا مصطفى أهدي السلام

والسلام موصول للموصلي


لقد سمعت الأغنية قبل أيام قلائل من إذاعة هنا أمدرمان فجددت الشجون كما قال
tanash

الكلمات التي تبعث على الأمل والأماني تغرس السعادة في الوجود الإنساني.. بكرة بصبح ذكريات، حالي داك الكنت فيهو

بكرة تجمعني الصلات بعزيزا اصطفيهو


كلمات خالدة ولحن خالد، خاصة قيمته التاريخية....

Post: #7
Title: Re: الاماني السندسية بصوت مصطفى اهداء ليك يا موصلي
Author: الليندي
Date: 08-27-2003, 09:55 PM
Parent: #6

شكراً طه - مستدام - طناش - ياسر الشريف وللموصلي خالص الشكر لاهدائه لنا هذه التحفة الفنية الرائعة وزي ما قال ياسر الشريف هي اغنية بتدعو للتفاؤل والاغنيات السودانية غالب عليها الشكوى واللوعة
وتترك للحبيب يفعل ما يريد بالمحب ولو حاولنا الاغنيات المتفائلة في الغناء حقنا حنلاقها قليلة ورغم أنو الناس بتفتكر أنو الاستاذ عركي هو البدأ الغناء المتفائل باغنية فضل الله محمد وعد ( بكرة اهديك دبلة الحب والخطوبة ) الا أنني أري بان في ذلك اجحاف كبير لهرمنا الشامخ وردي الغني رائعة السر دوليب هدية ( حبيبي فكر وقدر ايه الجبتو ليك ) وطبعاً دي وردي غناها قبل عركي وبرضو غنى الوصية لاسماعيل حسن رغم أنها فيها روح التحدى الا انها في زمنها كانت فكرة جديدة في الغنا السوداني وما ننسى ابو اللمين في يا حاسدين غرام وفي رأي الشخصى أنو الاماني السندسية اقرب لجيلنا وانا ما قدرك يا طه يادوب اتخرجت سنة 99 لكن لاننا جيل الاحباطات الما حضر اكتوب ولا عرف عنها الا شفاهة والما اتمتع بالانتفاضة لعدم وعي بيها في ذلك الزمان واتهرى هري بالانقاذ الشيبتو قبل يوم شيبو لكن برضو بقدر نصنع الفرح

ولكم خالص حبي

Post: #8
Title: Re: الاماني السندسية بصوت مصطفى اهداء ليك يا موصلي
Author: sheba
Date: 08-27-2003, 10:45 PM
Parent: #1



يقول الموسيقار الموصلى فى لقاء معه باحدى الصحف

لقد اعجبنى بشدة اداء مصطفى سيداحمد لاغنيتى " الامانى السندسية " وتمنيت لو لم اكن قد سجلتها للاذاعة ليسجلها هو بصوته الرائع فانا متفق تماما مع استاذ الصوت مستر " كيم اوقمان " على ان لمصطفى صوت نادر ورائع

-----------------------------------

الامانى السندسية

كلمات صلاح احمد عبد الفتاح

********************
مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى امانى
وسعدى برجع ليا تانى
بالامانى السندسية
بالامانى السندسية
****
بكرة بصبح ذكريات
حالى داك الكنت فيهو
تملا آمالى العراض
كل درباً اقـتـفيهو
بكرة تجمعنى الظلال
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
****
اصلى من فيض العواطف
ديمة أسراني المحنة
وكل مناى ترتاح حروفى
فى فؤاد طاوياهو انة
لا فؤادى يشيل عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية



Post: #9
Title: Re: الاماني السندسية بصوت مصطفى اهداء ليك يا موصلي
Author: الليندي
Date: 08-27-2003, 11:19 PM
Parent: #8

صديقي ... شيبة

انت عارف أنو الشاعر صلاح عبد الفتاح شاعر منسي وكتير المنسيين رغم أنهم كتبوا درر وانا قبل كده سالت استاذنا الموصلي عن شاعر الاماني السندسية ووراني لكن تصدق برضو نسيتو وفي ناس كتبوا درة أو درتين واكتفوا في ناس كتبو دواويين وكلها غث يعني شوف الجيلي عبد المنعم كتب مرحباً يا شوق والهوى الاول ومنسي وحسن السر كتب بخاف وبريق الصحو في حين حسن الزبير عندو مليون اغنية لكنها بما تساوى الاغنية الوحيدة الكتبها الشاعر المنسي للراحل المقيم المصطفى عنكى احكي وليك بقول ويا ريت يا شيبة تنزل الاغنية دي انا عارفك بتلم فيها انا لدي في شريط لكن للاسف فقدتو في السودا وده جزء منها

عنك احكى وليك بقول للناس حكاية
رجعة الامل المسافر هجهة الاسي في عيونك
رحلة الحب والصبايا
عنك التاريخ بقول عينيك صبحت للبقاوم في مشاوير العمر
والحديث الببدأ منك لنهايتو بنتظر
وعدك حذر وابتسامتك مشاتل
ولحنك المجروح حكاية السمحة والحب والقدر

وليها بقية لكن لا استذكرها جيداً مع خالص ودي لك

Post: #10
Title: Re: الاماني السندسية بصوت مصطفى اهداء ليك يا موصلي
Author: Elmosley
Date: 08-28-2003, 06:29 AM
Parent: #9

TahaElham
وطناش
والمستدام
وياسر الشريف
وشيبه
والليندي
ايها الاحبه
كلنا عشاق للتفاؤل ومخبين للراحل المقيم
دمتم

Post: #11
Title: Re: الاماني السندسية بصوت مصطفى اهداء ليك يا موصلي
Author: Alsawi
Date: 08-28-2003, 11:55 AM
Parent: #1

الله يبارك فيك يا اللندي، والله بفتش ليها من اكثر من عشرة سنين وما لاقيها لا بصوت الموصلي ولا مصطفى ولا محمد الامين الذي غناها هو الاخر بالمناسبة مما يدل على تفردها اكثر واكثر

والله يرحم مصطفى فقد اخلص وابدع، واظن هذا التسجيل قديم جدا ربما من اوائل التمانينات او قبل كده

والله يبارك في الموصلي الذي اهدي لنا الفرح والتفاؤل وما زال، ومازال يهدي لنا وللاخرين معنى ان تكون متواضعا ومهذبا ومتسامحا

Post: #12
Title: Re: الاماني السندسية بصوت مصطفى اهداء ليك يا موصلي
Author: الليندي
Date: 08-28-2003, 01:02 PM
Parent: #11

شكراً يا موصلي على شحذنا بالتفاؤل في زمن جد صعب تحقق فيهو اليسير من احلامك

صدقينا الصاوي شكراً ليك وفعلاً التسجيل ده في النصف الاول من الثمنينات وبالمناسبة الزول الغنى الاماني السندسية عادل الصديق في شريط متداول وطبعاً صوتو مقارب لود اللمين

ولكم خالص ودي

Post: #13
Title: Re: الاماني السندسية بصوت مصطفى اهداء ليك يا موصلي
Author: Alsawi
Date: 08-28-2003, 04:56 PM
Parent: #1

اللندي تحياتي

صدقني محمد الامين غنى الاماني السندسية وكان عندي له شريط، وطبعا محمد الامين، غير صوته، فعزفه على العود لا يحتاج لاجتهاد كثير لتمييزه، والشريط النادر فيه اغنية يبدو انها من كلمات سبدرات من ايام مايو الاولي، والعام الماضي عندما زارنا ابو الامين في هولندا سالته عن تلك الاغنية واجابني، ولكن لم يكن عند كلينا الوقت لاطلب منه الاماني السندسية مرة اخرى

لك الود والتحية

Post: #14
Title: Re: الاماني السندسية بصوت مصطفى اهداء ليك يا موصلي
Author: Elmosley
Date: 08-28-2003, 10:03 PM
Parent: #13

الصاوي والليندي كلهم غنوها وابوعركي برضو عندو معاها كلام لكن اول زول عناها وحتي قبل اغنيها هي امال النور
تسلمو وربنا يحفظكم دخري