Post: #1
Title: فنجان .. قهوه .. سودانية ..
Author: emad altaib
Date: 02-26-2008, 03:45 PM
ـــــــــــــــ
القهوة السودانيه :بعيد عن زراعة البن وشجرة البن دائمة الخضرة وتاريخ القهوة ومحتوياتها
وبعيدا عن القهوة التركية والايطاليه والمكسرات التي تتناول معها في اثيوبيا وبعيد ا عن السرد العلمي
لطوال الشجرة واين منبتها والظروف المناخية التي تلائم زراعتها وقيمة البن الاقتصادية ..
لها في السودان طابع شعبوي خاص وفريد ..
عاوزين نشرب قهوه .. من كل جهات السودان الحبيب ..مع طرائف الموافق حينما يدار
الفنجان.. بمختلف مسمياته ..
|
Post: #2
Title: Re: فنجان .. قهوه .. سودانية ..
Author: emad altaib
Date: 02-26-2008, 03:57 PM
Parent: #1
يقولي جدي الطيب الله يرحمه ويغفر لله ذهبنا الي عزاء في حلة (كركوج)فقد استقبلنا
الشريف محمد الامين بحفواه وعندما سلم علي والدي الطيب قاله يدك (بارده الجبه رامياك)
واصر ه الشريف انو لازم يشربوا القهوه قبل الوجبة وقد صدق فقد كانوا الجميع (متفريقين).. بعد ما شربوا قهوته قالي جدي قمنا رفعنا الفاتحة من جديد..
فضحك الشريف محمد الامين حتي جلس علي سجادته ..
|
Post: #3
Title: Re: فنجان .. قهوه .. سودانية ..
Author: wail tagelsir abdalla
Date: 02-26-2008, 04:12 PM
Parent: #1
صديقي عماد : عواف يا حبيبنا
القهوة بقت ممنوعة للسودانيين لأنهم بيعانوا من الضغط،
تشرب جبنة عند ست شاي ولا في البيت يجيك زول يمرقها من راسك .. أحلى من القهوة في كسلا مافي ..
نواصل معك شرب الجبنه...
مهندس/ وائل
|
Post: #7
Title: Re: فنجان .. قهوه .. سودانية ..
Author: emad altaib
Date: 02-26-2008, 05:40 PM
Parent: #3
ــــــــــــــــ
مرحبا بك الحبيب مهندس وائل
تصدق ونحن صغاركنا بنطلع الحبنه من راس
حبوباتنا وامهاتنا .. وكناكماباقي السكر نستلذ به
واكيد بينعتونا (بالخمجانين) مفدرات اصبحت معدوه..
ولا عارفين السكري بيعمل سكري .. ولا عارف ضغط..
ولا جنون البقر .. ولا انفلونزا الطيور
شكر ليك ياجميل علي المرور الانيق
ونتمناك .. تتني فنجانك .. فخالتنا
ثلتاويها كانه بكري
لك كل الودياحبيب
|
Post: #4
Title: Re: فنجان .. قهوه .. سودانية ..
Author: emad altaib
Date: 02-26-2008, 04:20 PM
Parent: #1
ـــــــــــــ
عندما كنت في المرحلة الثانوية كانت الدوره المدرسه .. في قمة نشاطها المثير فقد كان
وقد استمتعت بشوة فائقة .. لصوت احدي الفقرات لمدرسة البنات وهي عباره عن مادة ادبية
رائعة من التراث السوداني من الشرق الحبيب ..
يااااا اللوري عليك الرسول بوري سووووووووول بوري
يااااا بنيه سوووي الجبنه سوووويها حالف مابخليها
Quote: الجبنة يا بنية
الجبنة سويها
حالف ما بخليها
جايب فناجينة
من تسني ما نسينا
جبناها يوم جينا
راكبين لوارينا
الجنة يا بنية
اقليها بكرية
قاصدينها الجية
جيتنا صبحية |
فنجان جبه بي شمالو بسوا الدنيا بي حالووو
الي ان قالت بابوووور حربي بي ديشوووو
من اليوم داك دخلت في دوامة الجبنه وعشقها...
|
Post: #5
Title: Re: فنجان .. قهوه .. سودانية ..
Author: Muna Khugali
Date: 02-26-2008, 04:24 PM
Parent: #4
مادام الموضوع فيه معشوقتي القهوه..
يبقي نستأذن علشان نقعد...ممكن؟؟
|
Post: #10
Title: Re: فنجان .. قهوه .. سودانية ..
Author: emad altaib
Date: 02-26-2008, 06:46 PM
Parent: #5
ـــــــــــــ
لك السلم والرحمة اختي مني
معشوقتك ومعشوقتنا القهوه ذي مابيقولوا
فيها سر الله..
والحوش حوشك مفتوح وماعندو شخم باب ..
والدخول ليه من غير تذاكر الاستئذان
وريحة البن المقلي .. بجيب الضهباب
وجنبه فوقها جنزبيل وكان قلت غرنقل وامكن
هبهان ..كثر خير خالتنا دي جابت بخور
التيمان..
والله يا ختي مني القهوه الافرنحية دي
تحصيل حاصل بس.. لكن نسوي شنو ماعندنا غيرها
شكرا ليك كثير
|
Post: #6
Title: Re: فنجان .. قهوه .. سودانية ..
Author: Sahar Abdelrahman
Date: 02-26-2008, 04:30 PM
Parent: #4
سلامات عماد
بما اني مجنونة قهوة عزمت نفسي معاكم
تحياتي لزوارك الكرام
|
Post: #11
Title: Re: فنجان .. قهوه .. سودانية ..
Author: emad altaib
Date: 02-26-2008, 06:59 PM
Parent: #6
ــــــــــــ
اختي ساره عبد الرحمن
سلمك الله من كل مكروه..
المجننانه دي القهوه..
علي النعمة عندنا ناس ..بيحتثوها
علي مرارتها قمة الكيف .. ولا عشقا في سكرها
وكمان عندنا ..تانين في ازمات السكر
(بيقشو)معاها التمر..
انت ماشاء الله عليك ثقفتيها بي كيكتها..
شكرا ليك كثيرا علي الحضور الجميل
سعيد بوجودك
|
Post: #8
Title: Re: فنجان .. قهوه .. سودانية ..
Author: طارق جبريل
Date: 02-26-2008, 06:07 PM
Parent: #1
على سبيل التحية
|
Post: #12
Title: Re: فنجان .. قهوه .. سودانية ..
Author: emad altaib
Date: 02-26-2008, 07:04 PM
Parent: #8
ـــــــــــــ
دكتور طارق جبريل
يا مرحبا..
قطع شك تحية مقبوله ..
ومردوده بالاف التحايا..
لكن النسال سؤال..
المغاربه ديل بسوها بي طقوسنادي
ولا شيتا جديد..؟
لكل كل ودي
|
Post: #9
Title: Re: فنجان .. قهوه .. سودانية ..
Author: بكري الخير
Date: 02-26-2008, 06:29 PM
Parent: #1
اخ يا عماد القهوة دي هي المحرك الاساسي
كان كدي بكرة بجيك بي صوري يا خوي
|
Post: #13
Title: Re: فنجان .. قهوه .. سودانية ..
Author: emad altaib
Date: 02-26-2008, 07:12 PM
Parent: #9
ـــــــــــ
اخوي بكري الخير
لك السلام والقومه ليك ..
| Quote: القهوة دي هي المحرك الاساسي |
والله انت اصلي عديل كده
وحيات خوتك الواحد كان ما اخد ليه شرفات
واتكرفها كوووويس ..اشوف شعاع وطشاش..
| Quote: كان كدي بكرة بجيك بي صوري يا خوي |
وعد الحر امانه ودين ..
بكره انا راجيك ..
حتي كان الشمس غيبة
اخلي الحاجة تسويها لينا
بس حضور مهم ..
لك وافر المحبة
|
Post: #14
Title: Re: فنجان .. قهوه .. سودانية ..
Author: emad altaib
Date: 02-26-2008, 07:32 PM
Parent: #13
ـــــــــــ
انت عارفين ..
قبل اقل من شهر ..كنا متواعدين اناو الحبيب
ودالعمده ده اياهو ود العمده الواحده ده في المنبر
نمشيء مشوار واليوم يوم جمعة .. اراد الله المشوار بطل
فمشينا لي بيت عمنا علي الله يده العافيه والصحه .. فتغدينا معاه
فاصره لازم نشرب الشاي والجبنه .. الشاي ده ضامنو طب
لكن لمن اردفه بالجنبه وحياتكم .. ما باقي لي شيء
الا اقوم العب (صقرية)..طبعا صقريه من تراث احباب
اهل الشرق واهل السودان كلواعلي شان ما يجينا
واحد ويقول (متعنصرين) وكده واسياد الجبنه ذاتها..
لكن اليوم داك مارويت ري فيك يالجبنه ..
|
Post: #15
Title: Re: فنجان .. قهوه .. سودانية ..
Author: heba Elmahi
Date: 02-26-2008, 10:11 PM
Parent: #14
سلام يا عمدة وتحياتي ، ياخي الله يجازيك خليت ريقنا يجري !! و زي ما قلت انت انه القهوة الافرنجية دي سد خانة بس اصلها ما بتشبه قهوتنا البي الجنزبيل و الهبهان !!
وصيتك و الوصية في الزمة امشي اقعد جنب اقرب ست شاي و اشرب ليك كباية جبنة كاااربة كدة و قول دي لي اختي هبة و بالنية بس بتصل ...
|
Post: #16
Title: Re: فنجان .. قهوه .. سودانية ..
Author: emad altaib
Date: 02-26-2008, 10:53 PM
Parent: #15
ــــــــــــــ
هبويه اختي الله يسلمك ويعافيك ..
Quote: سلام يا عمدة وتحياتي ، ياخي الله يجازيك خليت ريقنا يجري !! و زي ما قلت انت انه القهوة الافرنجية دي سد خانة بس اصلها ما بتشبه قهوتنا البي الجنزبيل و الهبهان !!
وصيتك و الوصية في الزمة امشي اقعد جنب اقرب ست شاي و اشرب ليك كباية جبنة كاااربة كدة و قول دي لي اختي هبة و بالنية بس بتصل ... |
انت عارفه ياهبوية انا لي زمان طوووويل ماشربت لي جبنه في بيتنا ولاشفت السودان ذاتو
يعني انا زيك كده طاشي بي بلد الله .. حسه اتصلت علي قربتي الدكتوره مقيمين في نفس المدينه سوا يعني بختك جبنة دكاتره وكده اول ما تصل البيت تسويها ليك .. وكلمتها قلت ليها هبويه اختي دي في بلدا ...
مافيه (ودابرق) ولا (عشوشه).. (فدنكلليها) الجبنه دي طلب خاص فاعتبريها وصلت ...
وكمان ممكن تصبري شويه بجبنة حبيبا و(اخوي ادروب) ده والله كمان برضها ماساهله ..
ماتنسي انا دفعت ليه القروش ... كامله والله لمن انبسط والباقي قلت ليه خليه معاك
اروي كويس فيها .. بس الله يستر ما نحميك النوم
وداعة الله والحمدلله اوفيت بالزمة وكمان كلمة امي تسوي لينا جبنه من السودان لي وليك في كبايتن ...
ولك كل الود والجبنه كمان
|
Post: #17
Title: Re: فنجان .. قهوه .. سودانية ..
Author: emad altaib
Date: 02-27-2008, 02:46 PM
Parent: #1
ــــــــــــــــ
بالله عليكم شوف (الخرمه)و(القريفه) بسوي
في صاحبها شنو .. الصوره دي لشباب خليجين
كانوا في السودان رحله للصيد .. وفي الفتره البسيطه
دي ادمنو شيء اسمو جبنه..حسب الصوره الاخري والصيد من الموقع
الاصل للصوره
بالله ده ماعشق حتي الجنون ..
|
|