Post: #1 Title: الفنان جدا .. يـســري صــلاح .. صـبــاحـيـــة Author: معتز القريش Date: 02-03-2008, 09:32 AM
صــبـــاحيــــــــــة
Post: #2 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-03-2008, 09:41 AM Parent: #1
ســت البـيــت
Post: #3 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-03-2008, 10:13 AM Parent: #2
كيف الحياة غير ليمك
Post: #4 Title: Re: الفنان جدا .. يـســري صــلاح .. صـبــاحـيـــة Author: أبي بكر سيد احمد Date: 02-03-2008, 05:29 PM Parent: #1
يا سلااااام علي يسري صلاح ...
ويا سلام عليك يا ود القريش ...
من اجل الاصوات الأنا سمعتها ..... هذا المدعو يسري .....
وعلى قدر ما بنحبه .. على قدر ما حاولنا نقنعه بأنو يجي راجع السودان ... ويساهم ... في رفع راية
(الغنا السمح )..... بس كأننا بنحفر في الصخر ...
عموما ..... ربنا يعدل طريقة ... ويوفقه .. ويحفظة ...لي البلد عموم
التحايا ..
Post: #5 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-05-2008, 08:25 AM Parent: #4
أبي بكر سيد أحمد
شكرا على المرور وأوافقك على كل ما قلت بس بلاش قصة يرجع السودان دي عشان نحنا ما بنتحمل فراقو يسري من الجميل الذي يخفف عناهم الغربة
Post: #7 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-05-2008, 03:42 PM Parent: #4
ابكرات
مشتاقين انت متين دخلت معانا الحوش مرحب بيك وياريت لوعندك تسجيل لصباحية بصوتك تنزلوا لينا في البوست دا تحياتي للرائع مدني النخلي
بالمناسبة مادام جيت معانا هنا عندنا معاك كلام كتير ( يانسيم بسلامي سحرا عرجيلو واعملي احتياطي قبل دخول مركز شباب جنوب )
معتز القريش صاحبي . ( دا ابوبكر سيد احمد الغنا صباحية في التلفزيون)
بحرش ليك الجماعة
مع حبي
ابومناع
Post: #9 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-05-2008, 05:42 PM Parent: #7
يسري صلاح فناني النص مفضل
مادام جيتنا هنا يبقى عليك ترد على الناس ديل كلهم وخليني أنا افضى عشان أنزل الدرر العندي دي ولا رايكم شنو يا جماعة ؟؟؟
Post: #6 Title: Re: الفنان جدا .. يـســري صــلاح .. صـبــاحـيـــة Author: Mohamed Elbashir Date: 02-05-2008, 08:54 AM Parent: #1
تحياتى أخى معتز تعرف من يوم ما نزلت غنيه صباحيه أول مره و أن مترصدك و أساسق وراك عشان نسمع باقى أغانى الفنان يسرى صلاح و ربنا يعلم كم مره كده فكرت أكورك ليك عشان تنزل باقى الدرر فياخى عشانا لو عندك أى أغانى ممكن تنزلها ليهو ما تبخل علينا و لو كمان جبت لينا التسجيل الأصلى حتى لو بالبريد أكون لك من الممتنين و بالله أتشكر لينا يسرى صلاح شديد للابداع ده
تحياتى محمد على
Post: #13 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-06-2008, 05:31 PM Parent: #6
العزيز محمد البشير
شكرا يا اخي على مرورك وانا كلي اسف اني خليتك تنتظر لو كنت عارف يسري دا فنان قدر كدا ما كان أخرت الشغل بس والله مشغول ... لكن أوعدك انو البوست دا يظل فوق لغاية ما ننشف ريق يسري
Post: #8 Title: Re: الفنان جدا .. يـســري صــلاح .. صـبــاحـيـــة Author: Talal Halfa Date: 02-05-2008, 04:14 PM Parent: #1
لا حول الله ده شنو الصوت الطروب ده!!
معليش اذيكم كلكم ، انا مرة مرة بدخل أشارك
لكن المرة دي قعدت كتير في البوست ده عشان أسمع العجيب الاسمو يسري صلاح ده!
بالمناسبة انا زماااااان كده حضرت حفلة في الكلاكلة القلعة غناها الزول ده وبتذكر من فرقتو كان في
عبدالحليم فلوت ، والله كانت حاجة مبالغة وبالمناسبة انا كنت يادووووب في تالتة عالي
لكن من ديك تاني ما سمعتو بس كلو كلو ما راح من بالي لأنو جد كده صوتو رخيم ومخارج حروفو وااضحة
وآداؤه فيهو كتير من الثقة ومقدرة عالية علي ايصال الجملة في كامل صورها التعبيرية يعني بالعربي
كده عارف هو بسوي في شنو!
ابوبكر: يجي وين الزول ده؟ عليك الله خليهو قااااعد في الدوحة ، داير تقعدنا في بيوتنا! مش كفاية
Post: #10 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-05-2008, 07:37 PM Parent: #8
تعليق من موقع اليوتيوب على أغنية صباحية
Quote: sosmbc (2 days ago) ابداع جد وفنان فى الاداء وروعه فى الصوت وكلمات من اجمل ما سمعت عن جدا والواحد بالله اتزكر السودان والبلد واهلو وحبايبو وكل ماهو جميل فى السودان كتير لينا بالله من الكلام ده جميل خالص يارائع
Post: #11 Title: Re: الفنان جدا .. يـســري صــلاح .. صـبــاحـيـــة Author: Mutwali Malik Date: 02-05-2008, 08:20 PM Parent: #10
الزمان الدوحة في العام 1991م المكان منزل في حي المنصورة ان لم تخني الذاكرة الحضور يسري صلاح - حاتم الرشيد - ياسر صلاح - حسن قريب يسري جلسنا وبيننا مالذ وطاب من فواكه ابوخليفة الطازجة واستمر الحكي والغنا ولازلت صدي تلك الايام في البال يسري صلاح صوت متمكن واداء راقي وعي عال بما يقوم به لا ادري مالسبب في عدم انتشار هذا الفنان الراقي ونحتاج له لكي يكون امتدادا لجيل العمالقة وارجو من صديقي الفنان يسري ان يفكر كثيرا في هذا الكلام معتز القريش لك الشكر علي امتاعنا بهذه الاغنيات الرائعات وماتحرمنا التحايا موصولة كذلك للفنان الرائع ابوبكر سيداحمد وهو كذلك امتدادلجيل العمالقة وكذلك للفنان طلال حلفا
Post: #12 Title: Re: الفنان جدا .. يـســري صــلاح .. صـبــاحـيـــة Author: عادل التجانى Date: 02-06-2008, 05:23 PM Parent: #11
يا جماعه إزيكم كل المستمعين والمتداخلين
هذا هو يسري صلاح (ولدي) صوت متميز وأداء مقتدر جداً بس أنا عايز أقول حاجه
الفنانين الموجودين في الغربة هم أكثر الفنانين حاجة لأعمالهم (الخاصة) فصباحية أغنية رائعة ولحنها جميل وزي ما بقولوا بتتشال طوالي في الشارع . يسري في حاجة للظهور أكثر بأعماله الخاصة وعلينا أن نساعده على ذلك وأنا أحب أن أقول للزميل / أبو بكر سيدأحمد أن وجوده في الخرطوم يتيح له التعامل مع العديد من الشعراء والملحنين . واضيف أن مدني النخلي الذي ألف أغنية صباحية يستطيع أن يؤلف غيرها (ألف صباحية) ويمكنه من موقعه أن يثري المطرب أبو بكر سيدأحمد بالعديد من هذه الأعمال وعنده من مدني الكثير من الأعمال الجيدة ولكني أوجه له سؤالاً : لماذا اختار أن يغني صباحية ولم يتهنى بها صاحبها حتى الآن . أخاف أن يأتي يوم فيصبح حال يسري حال (الهادي الجبل) فيطلب منه الجمهور أن يغني أغنية أبو بكر سيدأحمد (صباحية) . أنا أعرف أن لكل منهما قدراته ويمكنه أن يقدم فناً راقياً أتمنى من جميع الإخوة والزملاء الفنانين ألا يضيعوا مجهود إخوانهم في الغربة (حرام والله) أقول هذا الكلام وأعلم مدى العلاقة الجميله بين يسري وأبو بكر ولكن هذه العلاقة لا تعطي أياً منهما الحق في التصرف في أعمال الآخر دون الرجوع إليه . وقد علمت من الأخ يسري أن ذلك تم دون الرجوع إليه بعد أن استمعت في دهشة للأخ أبي بكر وهو يشدو بصباحية وقال لي يسري أيضاً أن عدداً من مستمعية تهكموا عليه (ما قلت الأغنية دي حقتك يا يسري) أمبارح عرفنا سيدها
تحياتي للجميع ولم أشأ أن أعكر صفو هذا البوست بل قصدت أن أقول رأيي بوضوح
وطالما جيت حوشنا يا أبا بكر فتحملنا بدون زعل
عادل التجاني الدوحة
Post: #14 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-07-2008, 11:00 AM Parent: #12
علمتني معني الحياة
Post: #15 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-09-2008, 07:32 AM Parent: #14
Post: #23 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-10-2008, 02:27 PM Parent: #12
التحية للاستاذ الذي يفرح لفرحنا وبزعل لوزعلنا عادل التجاني . حكاية السمحة . ود بلدو اخو الاخوان
فنان بمعنى الكلمة ونحنا الفانين في قطر مابنقدر نوفيه حقوا الله يديهو العافية
Post: #16 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-09-2008, 08:28 AM Parent: #11
المكان منزل في حي المنصورة ان لم تخني الذاكرة الحضور يسري صلاح - حاتم الرشيد - ياسر صلاح - حسن قريب يسري جلسنا وبيننا مالذ وطاب من فواكه ابوخليفة الطازجة واستمر الحكي والغنا ولازلت صدي تلك الايام في البال
اخونا متولي
تحياتي ياذوق كانت لنا ايام في دوحة الجميع متولي , حباب ، حاتم الرشيد ، ياسر صلاح , حسن الشيخ لمة طيبة من السودانين ياريت ترجع .
تعرف يامتولي كلو شي اتغير اشكال الناس حتي شكل الغنا الواحد بقي مابيعرف يتصرف لما يكون عندو حفلة لانو الناس بقت تطلب حاجات غريبة واذا غنينا غنانا الزمان تلاقي االناس بتعاين ليك باستغراب وبقولو الزول دا بسوي في شنو ولا تقلب حسب الموجة الجديدة ولاتنوم في بيتكم احسن .
احكي ليك حاجة لذيذة حصلت من فترة شغال حفلة ومعاي حسن الشيخ انا طبعا غنيت الفاصل الاول غيرة لسيد خليفة ’ صباحية , المصير , يعني مجموعة من اغنياتي الخاصة ومجموعة من الغنا الخالد غنا العمالقة زي ماقولته المهم الفاصل التاني كان حسن الشيخ وابوعلي انتا عارفو زول بتاع ربات وركب في الموجة الجديدة يعني بقي راجل معاصر يعني باختصار ولع الحفلة خلاها نار وانا قاعد مع الشباب في الحفلة جات بت صغيرة اباوت عشرة سنين قالت لي ياعمو انتا ماربيت لينا الحفلة الزول البغني داء هو الربا الحفلة بعدين انتا ذاتك مابتعرف تغني احسن ليك تبطل الشغلانية دي المقياس للابداع بقي بكمية الصو لات بالطريقة الحبشية مع الايقاعات الحبشية والنبق وراجل المرا وهلم جرا عموما العزاء الوحيد اننا عاصرنا جيل جميل واعتقد اننا اخر جيل بسمع وبستمتع بالجميل من الكلمات والالحان .
نشوفك قريب في الدوحة ياعمو متولي اللقب الجديد لجيلنا
ابومناع
Post: #17 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-09-2008, 08:33 AM Parent: #11
المكان منزل في حي المنصورة ان لم تخني الذاكرة الحضور يسري صلاح - حاتم الرشيد - ياسر صلاح - حسن قريب يسري جلسنا وبيننا مالذ وطاب من فواكه ابوخليفة الطازجة واستمر الحكي والغنا ولازلت صدي تلك الايام في البال
اخونا متولي
تحياتي ياذوق كانت لنا ايام في دوحة الجميع متولي , حباب ، حاتم الرشيد ، ياسر صلاح , حسن الشيخ لمة طيبة من السودانين ياريت ترجع .
تعرف يامتولي كلو شي اتغير اشكال الناس حتي شكل الغنا الواحد بقي مابيعرف يتصرف لما يكون عندو حفلة لانو الناس بقت تطلب حاجات غريبة واذا غنينا غنانا الزمان تلاقي االناس بتعاين ليك باستغراب وبقولو الزول دا بسوي في شنو ولا تقلب حسب الموجة الجديدة ولاتنوم في بيتكم احسن .
احكي ليك حاجة لذيذة حصلت من فترة شغال حفلة ومعاي حسن الشيخ انا طبعا غنيت الفاصل الاول غيرة لسيد خليفة ’ صباحية , المصير , يعني مجموعة من اغنياتي الخاصة ومجموعة من الغنا الخالد غنا العمالقة زي ماقولته المهم الفاصل التاني كان حسن الشيخ وابوعلي انتا عارفو زول بتاع ربات وركب في الموجة الجديدة يعني بقي راجل معاصر يعني باختصار ولع الحفلة خلاها نار وانا قاعد مع الشباب في الحفلة جات بت صغيرة اباوت عشرة سنين قالت لي ياعمو انتا ماربيت لينا الحفلة الزول البغني داء هو الربا الحفلة بعدين انتا ذاتك مابتعرف تغني احسن ليك تبطل الشغلانية دي المقياس للابداع بقي بكمية الصو لات بالطريقة الحبشية مع الايقاعات الحبشية والنبق وراجل المرا وهلم جرا عموما العزاء الوحيد اننا عاصرنا جيل جميل واعتقد اننا اخر جيل بسمع وبستمتع بالجميل من الكلمات والالحان .
نشوفك قريب في الدوحة ياعمو متولي اللقب الجديد لجيلنا
ابومناع
Post: #18 Title: Re: الفنان جدا .. يـســري صــلاح .. صـبــاحـيـــة Author: keiga2000 Date: 02-09-2008, 09:37 AM Parent: #17
التحيه لك اخي يسرى
كما اتذكر تلك الايام التي جمعتنا والشاعر مدني النخلي في صالونه العامر في الدحيل واعجبتي بالجد تلك الاغنية الرائعة واستغربت جدا لعدم تداوله وانتشاره لكن تحكي واقعا معاشا لاغلبنا وكنت اطلبها دائما وعندي هدية من الاستاذ مدني شريط كاسيت فيها تلك الاغنية معي في السيارة
وكذلك اتذكر دعوتي لك في اول ملتقى لبورداب الدوحة بمنزل نادوس فلقد ابدعت فيها
ويالها من ايام خاصة ليالي صالون النخلي بالدحيل
متعك الله بالعافيه ووفقك في حياتك ومسيرتك الفنية
ابومصطفى
Post: #20 Title: Re: الفنان جدا .. يـســري صــلاح .. صـبــاحـيـــة Author: Talal Halfa Date: 02-09-2008, 12:53 PM Parent: #17
أنا شفت مداخلة الفنان يسري صلاح بخصوص غناء اليومين ديل ، طبعا" كلامك صاح 100% بس انت ما مفروض
تحتار وتقعد تتفرج ، أكيد في اغنيات وكلمات موجودة انت ممكن تتناولها وتكون خفيفة وفي نفس الوقت
قريبة من تناول الجيل الحالي والانا سمعتو في البوست ده يعجب اي شخص ، المشكلة يا يسري انو نطاق
حفلاتكم في الغربة ضيق جدا" فنفس المستمع بتكرر عليك في كل حفلة ما ذي السودان ، واديك معلومة انا
عضو في اتحاد الفنانين ووالله والله زيدان ومحمد الأمين واللحو ومجذوب اونسة وتاور شغااااالين اكتر
من الشباب بجانب عصام ووليد وسيف الجامعة واكيد ديل ما بغنو راجل المرة ، في النهاية يبقي ما
يقدمه الفنان من أغنيات وليس من حفلات ، الحفلات بتبقي ذكريات والأغنيات تفضل خالدة ، انا أخوك
الصغير ويشرفني (لو انت قبلان) اسمع مني انت راجل صاحب صوت مذهل فما تشتغل بالغناء للجالية وبس
اشتغل للغناء لكل الأجيال ولكل الناس الجوة والبرة ، please don't give up
Post: #22 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-10-2008, 02:20 PM Parent: #20
الاستاذ / طلال عبدالرحمن
انا افضل طلال عبدالرحمن ولا احب ان يسمي الفنان بمنطقة لانك لكل السودان وليس لحلفا فقط
اما بخصوص ان نحاول ان نطرح العمل الجيد بايقاعات خفيفة لمواكبة العصر نحنا بنحاول لاكين حقيقة بنواجة عقبات ( يعني ناس راجل المراء وفنانين رجال النسوان كتار يجيبو ناس طلال لشنو القاعدين يغنو غنا العجايز ؟
دي واحدة من المشاكل القاعدة تقابلنا بالاضافة لصغر حجم الجالية وتكرار المستمعين بصورة متواصلة عشان كدة نطاق مشاركتنا في الحفلات بقي محدود جدا بالاضافة لانشغالنا باعمالنا الخاصة ليست الفنية بالتاكيد لانو لوسكيت الغنا في البلد دي والله تاكل طوب .
وبالمناسبة الحفلة البتتكلم عنها دي انا كنت في المتوسطة ماتعمل لينا دعاية تتطلعنا عجايز شوف شوف العجايز ناس ابوبكر سيداحمد صاحبك ... طلال اوعة تمشي مع الزول دا ابوك بشاكلك حايقول ليك اوعة تمشي مع الاولاد الاكبر منك وصل الكلام دا لي ابوبكر .
التحية لاخونا ابكرات الاسم الحركي بتاعو والتحية لكل الفنانين الشباب الصامدين امام تيار راجل المرة وحتي وحتي الشراء وبشربو الليمون
ابومناع
Post: #19 Title: Re: الفنان جدا .. يـســري صــلاح .. صـبــاحـيـــة Author: مازن الجمّال Date: 02-09-2008, 09:47 AM Parent: #1
يا سلام على الصوت الطروب ويا سلام على الاغاني الحلوة
حقيقة مستوى عالي في الاداء
Post: #21 Title: Re: الفنان جدا .. يـســري صــلاح .. صـبــاحـيـــة Author: Mutwali Malik Date: 02-09-2008, 09:43 PM Parent: #19
كما يقول الامريكان YOU MADE MY DAY ربنا يميد في ايامك استمتعت انا واخوة كرام معي بالشقة وهم يتسالون لماذا لم تجد الانتشار الذي تستحقه بمعني هم اول مرة يستمعو ليك واشادو بالصوت الجميل والاداء الراقي وانا بقول ليك حقو تفكر كثيرا في التواصل داخليا وخارجيا وما تهمل الكلام دا رجاء
Post: #24 Title: Re: الفنان جدا .. يـســري صــلاح .. صـبــاحـيـــة Author: معتز القريش Date: 02-10-2008, 05:57 PM Parent: #21
Quote: والتحية لكل الفنانين الشباب الصامدين امام تيار راجل المرة
ايواااااااا كدا يا ابومناع عايز تمنع الناس يغنو لينا الحسنة في المنعول والشكر لحماد
Post: #25 Title: Re: الفنان جدا .. يـســري صــلاح .. صـبــاحـيـــة Author: يسرى صلاح Date: 02-11-2008, 07:23 AM Parent: #24
القريش
انتا نظامك غير الجماعة بجيك راجع بمهله وبتفاهم معاك ماتستعجل علي رزقك
( نزل الباقي)
ابومناع
Post: #26 Title: Re: الفنان جدا .. يـســري صــلاح .. صـبــاحـيـــة Author: Alsa7afa_30 Date: 02-11-2008, 10:22 AM Parent: #1
سلام و تحايا على الجميع ..
يا يسري لازم تخلي الكسل ده شوية و تتحرك ...
و احنا معاك ..
بالجد الواحد متحسّر على الغنا الجميل المكدس عندك !
