Post: #1
Title: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-19-2009, 01:50 PM
..
.
مدخل :
خليل فرح - صالح عبدالسيد ابوصلاح
ابراهيم العبادي - سيد عبدالعزيز.
عبيد عبدالرحمن - عمر البنا .
احمد العمرابي - علي المساح.
محمد بشير عتيق - محمد علي عبدالله (الامي).
احمد حدباي - محمد ود الرضي
الجاغريو - كرومه
هؤلاء غيض من فيض لنجوم سطعت فى سماء بلادى ..
هؤلاء هم خليط شعراء الحقيبة الذين ندر ما يجود الزمان بمثلهم
هؤلاء هم من عطروا سماء الغناء وساهموا فى ترقية الذوق السودانى
هؤلاء هم من وضعوا الكلمة السودانية بما تحتوى من مفردة عن الوطنية
والعادات والقيم والغزل العفيف ..
هؤلاء هم رواد اشعار واغنيات الحقيبة ..
هؤلاء من سطر التاريخ حروفهم ونحتها فى ذاكرة نادر ان تزال منها..
هؤلاء هم من ستظل اغانيهم واشعارهم خالدة على مر الدهور والازمان
هؤلاء هم من تستعصى كلماتهم عن النســيان ..
نحاول ان نجمع اشعارهم .. اغانيهم .. روائعهم
من جهات ومصادر مختلفة .. هنا
(1)
سيد عبدالعزيز ( سيدا)
غنى القمر على الغصون
غِنى القٌمر على الغصون .. ذكرنى الُدر المصون
فريد عصـرو الما متلهْ شئ ..
***
قمرنا الليكـ متربصون .. بالغصن البزرى الغصون
ملاكـ محروس داخل حصون .. شمس الكون تشبه وشيه
قاسي سماع لهجه الحنون .... عظيم كالمال حلو كالبنون
***
بريقه يداوا الجنون .. شعاع محيه العين تختشيه
جميل مثلكـ ما اظن يكون .. حياء وعفه ورقه وسكون
البدر اله قلبي كون .. فى حسن الكون ما خل شي
***
جميل خلقه ومتجلى لون .. تخافوا يجذب من تيه لون
معاطفه دلال يتمايلون .. عوم الوز تقليد مشيه
ليك عالى العالم يهون .. يا الرشا اللدن المهون
***
مناظركـ فيك يتنزهون .. يا الروض الباسم وشيه
هواى فى هواكـ ذات العيون .. الساحرة اللافته العيون
عين سحركـ تشفى العيون .. يا البطران مما تشا
***
_________________
واهدى هذا البوست للاخوة د.أحمدالقرشى وود الموج وعاصم البنا
( طبعا يا عاصم دا نظام قدم السبت )
وايضاً الى تلك الانسانه التى سيتغنى لها عاصم فى الاحد
والى كل بورداب الخرطوم وكل الاصدقاء المنبر داخل وخارج
السودان الذين ربطنا بهم هذا الفضاء من
عشاق ومحبي اغنيات الحقيبة من زمن ماضى وزمن حاضر وزمن لسه ..
|
Post: #2
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: أبو الحسين
Date: 07-19-2009, 01:58 PM
Parent: #1
سلام في الأول...
ثُم تِحِكِّر وحجز الهبَّابي الأول للكِوِّيعَة والإستمتاع...
لك المودة تبلدينا...
أبو الحُسين...
|
Post: #5
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: محمد أبوالعزائم أبوالريش
Date: 07-19-2009, 02:23 PM
Parent: #2
تبلدينا ....
ديل كلهم
Quote: خليل فرح - صالح عبدالسيد ابوصلاح
ابراهيم العبادي - سيد عبدالعزيز.
عبيد عبدالرحمن - عمر البنا .
احمد العمرابي - علي المساح.
محمد بشير عتيق - محمد علي عبدالله (الامي).
احمد حدباي - محمد ود الرضي
الجاغريو – كرومه |
وبعدين تقول:
Quote: نحاول ان نجمع اشعارهم .. اغانيهم .. روائعهم
من جهات ومصادر مختلفة .. هنا |
يبقى إنت ما عايز ليك كتاب .. إنت عايز مكتبة بكل عتادها ... الله يعينك
|
Post: #3
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-19-2009, 02:16 PM
Parent: #1
..
.
(2)
سيده وجمالها فريد
سيد عبدالعزيز ..
سيدة وجمالها فريد .. خلقوها زى متريد*
فى خديدها وضعوا الريد
يامن جمالها فريد أنا قلبي ليكى مريد
شايقنى فيكـ تحديد .. قامه وحزور فى وريد
قط ما براله نديد .. حسنكـ ووصفه عديد
يا منتهى التجديد .. دا مراية ولا خديد
يا جاهلة الله شهيد .. بتميلى من الهيد
والفى صديرو فرهيد .. رمان دا .ولا نهيد
يا نعاس عيون الصيد .. قاتله وحداها فصيد
يلمع فى ضوء تصيد .. قلبي البقالها قصيد
أنا لى فيك نشيد .. بدور صفاكـ مشيد
يوزن ملك جمشيد .. والفى زمانه رشيد
ما بهم كلام ناس زيد .. قلى الهلالى أب زيد
يا حبي انت تزيد .. بالله زيدنى ولا أزيد
حبي .. بطل التهديد .. وحد للهجر تحديد
أنا عظمى ماهو حيد .. بس ليه تهجرنى شديد
هل دا احتفال أم عيد .. أم جنه غير وعيد
دنا فيها كل بعيد .. للسيدح اصله سعيد
يالسيد ح التأكيد ..عزكـ عزيز ماركيد
فلتحيا دون تنكيد .. يا للحسود بتكيد
_________
يقال ان متريد هى ملكة أسبانية اواثيوبيا وليس المعنى ( كما تريد )
هذه الكلمات لحن وغناء كرومه
|
Post: #4
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: عبدالوهاب علي الحاج
Date: 07-19-2009, 02:20 PM
Parent: #3
____
يديك العافية يا تبلدينا
|
Post: #6
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-19-2009, 08:54 PM
Parent: #4
..
.
يا راســـم
سيد عبدالعزيز أبوالسيد ( سـيدا)
أنا راسم فى قلبي صورة الباسم
هو ... دا
***
انا قاسم .. فى عمرى ليكـ اقاسم
ايام لقاكـ يا باسم ..
سويتها تانى مواسم .. أعيــَدا
***
أنا هائم .. بيك يا الفريد ونائم
تتنى ان جيتا قايم
فى المشية راسي وعايم
كدا .. وكدا
***
هل عالم .. إنى بيكـ متألم
يا خالى قلبكـ سالم
وحالى طرفكـ حالم .. فى غريدا
***
يا ظالم إن فت ما بتكالم
وانت عدت ما بتسـالم
بالله سيب دى مظالم تأيدا
***
مين زاعم ...فى الكون مثيلكـ ناعم
لذيذ لهجيكـ طاعم
رشيق قوامكـ ناعم ..غضن الندى ..
***
يا الحاتم .. يا البسمه تضوى العاتم
ثناكـ برق ..القاتم
وفاكـ دارة خاتم
زى كدا *
____________
* واشار الشاعر لخاتم فى بنصره الايمن 
+++
| Quote: ثُم تِحِكِّر وحجز الهبَّابي الأول للكِوِّيعَة والإستمتاع... |
مرحب بيك يا أبوالحسين
بس ياخى ما تكوع ملح ساكت
اجدع لينا قصيدة قصيدتين
الشغلة دى لنهاية السنة ما بتكمل
وبرضو حبابكـ ..
|
Post: #7
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Ahmed al Qurashi
Date: 07-19-2009, 09:12 PM
Parent: #6
| Quote: واهدى هذا البوست للاخوة د.أحمدالقرشى وود الموج وعاصم البنا |
الاخ العزيز / صالح عبدالرحمن
اشكرك على هذا الاهداء القيم وتانى ما حنفوت من بوستك دا
وساحاول بقدر الامكان اضافة بعض المعلومات للاغانى مثلا الملحن والمغنى الذى سجلها على الاذاعة او الاسطوانات
ونبدأ باغنية غنى القمرى على الغصون وهى من اغانى سنة 1931 لحنها كروومة و سجلهاعلى الاسطوانات
كما سجلها للاذاعة فى الخمسينيات الثنائى المبدع عطا كوكو ومحمود عبدالكريم ومعهم فى الكورس اولاد شمبات
مودتى
|
Post: #8
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-20-2009, 08:20 AM
Parent: #7
..
.
قائد الاسطول
سيد عبدالعزيز
يا قائد الأسطول تخضع لك الفرسان
ياذو الفخار والطول أرحم بنى الإنسان
***
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
***
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
يا من تحق القول قتل النفوس حرمان
***
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
***
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
***
يا حبيبي كون ممهول وليكون ماكان
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
***
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان
***
ناقم على الأيام مع أنه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقة تفوح
***
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج بنموج
عدل الطبية جعل جور الحبيب مسموح
_________________
يذهب البعض الى ان هذه القصيدة قيلت فى الامام عبدالرحمن المهدى
الا ان ملامح الكلمة تنفى ذلك .. وترجح بأنها قلت فى احدى
جميلات امدرمان فى تلك الحقبة والتى كانت تتوسط صديقاتها فى الرواح والمجئ..
| Quote: يبقى إنت ما عايز ليك كتاب .. إنت عايز مكتبة بكل عتادها ... الله يعينك |
ابو الريش .. مراحب
بصراحة بينى وبينك المسالة اتضح لي
ما ساهله ..
|
Post: #9
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Hala Hassan
Date: 07-20-2009, 10:09 AM
Parent: #8
يا تبلدى،،
التوثيق ممتاز،
لكن ينقصه الصوت (الفيرشن الاول) للأغنية،،
ياخى قوقلها ولا أى حاجة،،
أتصرف،،،،،
|
Post: #10
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-20-2009, 10:24 AM
Parent: #8
..
.
ولا نزال نبحر مع سيد عبدالعزيز
وعشان المسالة ماتبقي صعبة كل شاعر نديهو 7 قصايد
وتانى نجى قالبين
حور الجنان
سيد عبد العزيز
مـن حـور الـجنان أم أنـت إنسان الكمال
هـل أنـت الملاك جيت تورى الناس الجمال
سـبحان مـن نشاك حسنه وفى غاية الكمال
يـهـواك الـجنوب وإلـيك يـنقاد الـشمال
***
وما أظن يحصوا حسنك لو يحصوا عدد الرمال
وبأيه يقدروك يا ملك ملوك عصر الجمال
سـلطان بـهجتك مـحروس بجيوش الجلال
ويـغار مـن صـفا حسنك صفا ماء الزلال
***
فـى مراية خدودك أشوف تأكيد سحر الحلال
وأشـوف في سما حسنك كل يوم يسطع هلال
صفا ماء الجمال في مجال جمالك راق وجال
زى مـاء الـحياء فـى عيون ربات الحجال
***
مـا فـعل الـسلاح تـفعل عـيناك الـنجال
مـكسور الـطريف كـسر قـلوب الـرجال
يا خلاصةالمعانى الصار معناك موضع مثال
فوق المحسنات حايز لطف وكرم خصال
***
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
***
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهدال
اللادن قوامك من هليت وذو اعتدال
***
جوهر حسنك الصافى وسيرك طاهرات عدال
آيات بينات ما فيهن للكافر جدال
شاركت الغمام والموج مناظر وارتحال
شاركت الظبا فى نفرتن والاكتحال
شاركت القلوب فى موضعن على كل حال
تفداك النفوس وفدا النفوس كان المحال
___________________
| Quote: يديك العافية يا تبلدينا |
تسلم يا وهبه ..
شايفكـ كل ما تصمرقع ليك بوست .. الريس يصمرقعو
عموما انت بطه .. بتاعت الكوارع
ما ممكن تعمل لينا شية مصمرقعة مع الجو الحقيبة دا ..
الدعوة على ..
|
Post: #11
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: عمر صديق
Date: 07-20-2009, 11:25 AM
Parent: #10
الاخ تبلديــــــــــــــــــــــــــــــــــــــــــــــــــــــــــــنا
تحياتي
بوست اكثر من رائع
وحبذا لو قمت بالتوثيق لكل شاعر علي حدة ثم تنتقل للاخر
|
Post: #14
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-21-2009, 03:43 PM
Parent: #8
..
.
مشاركة عبر البريد الإلكترونى
الاخ / تبلدينا
تحية طيبة
دعنى اسجل اعجابي بمحاولتك جمع اغانى شعراء الحقيبة
وهذا والله مجهود مقدر ورغم ان هناك عدد من المواقع تناولت
الاغنيات الا ان طريقتك مميزة ولافته لجمع هذا الابداع واود ان اشاركك
بمعلومه لا ادرى مدى صحتها عن مناسبة قصيدة قائد الاسطول وهى توضح
بأن الشاعر سيد عبد العزيز اعجب بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..
وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعودز
وكعادت الطلاب يخرجون من المدارس فى شكل مجموعات كل مجموعة تذهب من ناحية
وفى يوم من الايام خرجت هى بمفردها من غير المجموعة التى تعود ان يراها معهم
ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :
يا قائد الأسطول تخضع لك الفرسان
ياذو الفخار والطول أرحم بنى الإنسان
الى نهاية القصيدة كما نشرتها
لك شكرى ونحن لك من المتابعين
اخوك الصديق العمرابي
صنفرة:-
لانك شامى اهل البيت ما تطنش المشاركة
______________
الشكر للاخ صديق العمرابي للمشاركة
ونتوقع الزيد من الاضافات عبر البريد
[email protected]
والله التعديل عشان ارجع صنفرتك
دى عشان ما تقول آل البيت شاميهم
حتى فى اعجاب الاخرين بهم..
|
Post: #12
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-20-2009, 12:27 PM
Parent: #7
..
.
بت ملوك النيل
كلمات ابوالسيد /سيد عبد العزيز
يا بت ملوك النيل يا أخت البدور
مين لى علاك ينيل فى البدور والحضور
***
الجبرة فيك بتخيل محمية الحما
الما حام حداه دخيل
ما أبوكى بخيل بت عز الرجال
أهل الدروع والخيل
والهنا... والسرور
***
يا السامية ست الجيل طرفك من حياء
فى عصر السفور خجيل
حسنك وضع تسجيل فى صحف الدهور
يتلوه جيل عن جيل
لى يوم النشور
***
الهيفا يا الخنتيل حروف آيات محاسنك
أرتلن ترتيل
يعجبنى فيك تمثيل أخلاق الملاك
فى سطوة القتيل
الفارس الجسور
***
غضنك رطيب وعديل شعرك ليل
جبينك يخجل القنديل
النور عليكى سديل يا معنى الجمال
الما أتوجد له عديل
فى ناس ولا حور
***
فقتى الكانوا قبيل ما خدات فى الجمال
جائزة نوبيل
حيرتى كل نبيل عيناك سحرهن
يسحر سحر أبابيل
***
يخترق الصدور
يا صاحبة الأكليل ما أظن النهار
العين تدور له دليل
محياك نوره جليل كنت أقول شمس
***
لو ما الزمان كان ليل
أنت عليك نور
لا زلت ليك أميل يا رمز السعادة
الما أتوجد له زميل
***
يا آية التكميل يا مراية الجمال
الفيكى كل جميل
ريحانة العصور
__________
Quote: وساحاول بقدر الامكان اضافة بعض المعلومات للاغانى مثلا الملحن والمغنى
الذى سجلها على الاذاعة او الاسطوانات |
تسلم يا دكتور على المرور
بس بالله تعال ورينا ثقافة الناس العالية دى
من جائزة نوبل لمضيق البسفور والملكة متريد ..
كلام عجيب ..
والله ديل عباقرة الكلمة بلا منافس ..
تسلم؛
|
Post: #13
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-21-2009, 03:22 PM
Parent: #12
..
.
مداعب الغصن
للشاعر/ سيد عبدالعزيز
يا مداعب الغصن الرطيب
فى بنانك ازدهت الزهور
زادت جمال ونضار وطيب
يا المنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
تعجبنى والشىء العجيب
هادىء وأليف ماك النفور
بى عفتك صنت السفور
والحسن والأصل النجيب
أنا وإنت فى الروض يا حبيب
راق النسيم وحلى لى المرور
بقى أحلى من ساعة السرور
وأدق من فهم اللبيب
والروضة فى موقع خصيب
حضنوها واتلاقوا النهور
ترى فيها أنواع الزهور
من كل لون أخدت نصيب
يانع ثمارها ونص طيب
أشبه بربات الخدور
الأنبرجن فى يوم حبور
زادن جمال ونضار وطيب
فى الروضة غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
دنت الثريا بقت قريب
بين السلوك فى تانى دور
فى ثانية كم سطعت بدور
وأهلة كان نوعن غريب
شىء ينعش الروح فى الأديب
ويحيى روح ميت الشعور
للقاه ترتاح الصدور
ويفرح القلب الكئيب
______________
صورة تضم ععد من شعراء الحقيبة غايتو لمن ننزل صورة
كل واحد على حدا افرزوهم براكم :)
Quote: تبلدى،،
التوثيق ممتاز،
لكن ينقصه الصوت (الفيرشن الاول) للأغنية،، |
تسلم يا هاله
بس مفروض انت انت تجيبى الصوت وتوزنيهو
ولا دا ما التخصص يا هندسة ..
ول كم ..
|
Post: #15
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: ابو جهينة
Date: 07-21-2009, 06:36 PM
Parent: #13
أخي العزيز تبلدينا
سلام كبير
هذا بوست مهم للغاية
أتمنى أن لا تتوقف و تواصل حتى توفيه حقه بالكامل
متابعين
دمتم
|
Post: #16
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-22-2009, 01:16 PM
Parent: #12
..
.
يا تبلدى
سلام
خد دى معلومه عن مناسبة قصيدة بت ملوك النيل
قصة اغنيه بنت ملوك النيل
كان في فتره الثلاثينات هناك خلاف بين فريقين من رواد
الحقيبه الاوائل وكان فريق يقوده الشاعر العبادي وفي صفه
من الشعراء سيد وعبيد وودالرضي وكان فنانهم هو سرور
والفريق الاخر يقوده ابوصلاح وفي صفه من الشعراء عتيق
وعبدالرحمن الريح وكان فنانهم هو عمر البنا ولما اشتد الخلاف
تدخل السيد عبدالرحمن المهدي لفض هذا الخلاف وقد دعي الي
منزله الفريقين ليصلحم مع بعض وقدوا حضر الفريقين ولما للسيد
عبدالرحمن المهدي من مكانه فقد تم الصلح بينهم وفي تلك الزياره
كانوا قد رأوا ابنه السيد عبدالرحمن وهي طفله صغيره فقام الشاعر
سيد عبدالعزيز بتاليف هذه الاغنيه (بنت ملوك النيل) في تلك الطفله.
تحياتى
________________
غايتو لو الايميلات كلها حتطلع لى مناسبات
الاغانى عن الاسرة المالكة تبقى قصة!!؟
|
Post: #17
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-22-2009, 02:19 PM
Parent: #16
..
.
حاول يخفي نفسه
الشاعر سيد عبدالعزيز
تغنى بها الحاج محمد أحمد سرور
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه
++++++
أغنية حاول يخفي نفسه وهل يخفى القمر في سماه قيل
أن الشاعر سيد عبد العزيز ..
كان يسير في الطريق فى احد ازقة امدر وكانوا في ذلك الزمان لا يخرج الفتيات إلا نادرا
او لبيوت بيوت الاتراح والأفراح فقط ..
وفي أثناء سير الشاعر وصاحبه فتحت احدى الفتيات باب الشارع
لتدفق ماء فى الشارع وكانت تتظن أن الشارع كان خاليا من المارة ..
وفجاة رأت الشاعر وصاحبه في مرورهم بجوار بيتهاوعندها أغلقت الباب بسرعة وتخفت خلفه .. مذعورة
لأن أحد غريبا نظر اليهاوارادت ان تستر وراء الباب وهنا ألهمت هذه الحركة ابوالسيد
ووجهها القمرى الفاتن الذى لمحة فى لحظة لينظم هذه الكلمات الرائعة ..
______________
Quote: بوست اكثر من رائع
وحبذا لو قمت بالتوثيق لكل شاعر علي حدة ثم تنتقل للاخر |
تشكر يا عمر
بس بينى وبينك لو قلت امسك كل واحد لحاله
الطاشر شاعر ديل حيغرقوا الباندويث
خلينا من كل واحد ناخد لينا 8-10 ولو فى فرقة نرجع تانى
مودتى؛
|
Post: #18
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-24-2009, 00:54 AM
Parent: #17
..
.
اقيس محاسنك بمن
سيد عبد العزيز
اقـيـس مـحاسنك بـمن يـالدرة الـماليك تـمن
والله نــــور عـيـنـي ونـــور الــزمـن
مـاشفنا فـي طـول الزمن سواك بدري داخل كمن
الانــوار يـتزاحمن فـي خـدودك اخـدن امـان
ومـن فـاهك يـتقسمن بـروق في بروق يتبسمن
دي الـدنيا ام جـنة عـدن شـفنا ملاك لابس بدن
انـسان لـكن مـفردا حـاز الـنور حـاز الـلدن
غـصنه مـهفهف املدا هيبه اسد في عيون شدن
يـاالجبرة الـمازجة الـعجن جبينك زي فلق الدجن
جـسمك بـالطيب انـعجن اذا الـنسمات بيك عرجن
طـبـاق الـجـو يـتـأرجن والانـفـس يـتهيجن
رنـت نـرجس مـن الـوسن بعيونه الاعين جسن
وان ايـه الـحسن الاسن غصون الروض يتمايسن
فـي ذاك الـذي الـحسن وكـله حسن مالك حسن
روضك زى عارضين صفن حلال سحرك ماسحر فن
كـواكب الـنور الـبلصفن بـي صـفاتك مااتوصفن
بـدور الـكون لو ينصفن يسجدن ليك مايكون وفن
فـيك عـيون الرائين يرن محاسنك بالحسن ازدرن
مـهـما افـكاري يـكبرن ذي حـسنك مـايعبرن
مـع الـبدرين سيرك سرن ومن وزنك هن يقصرن
____________
عزيزنا الاديب أبوجهينة
Quote: هذا بوست مهم للغاية
أتمنى أن لا تتوقف و تواصل حتى توفيه حقه بالكامل
متابعين
دمتم |
بتواجدكم وعبوركم سيتواصل بأذن الله
لك الود باق ..
بس برضو نسخة مؤلفكملم تصلنى :)
|
Post: #19
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-24-2009, 01:26 AM
Parent: #18
..
.
إنت عارف أنا بحبكـ
سيد عبدالعزيز
الحان وغناء الكاشف
أنتا عارف انا بحبك وبحلف بيك
ولا ماك عارف بالمرة ..!!؟
انت صارف عني مده وانا خايف تتحدى
طمنى تعال نبدأ
التألف
والتعارف
والمودة
***
يا حبيبى من فضلك
طاوعنى جاملنى
لا تخالف واحدة مرة
أنا شايف المحاسن الطرائف
فى صمتك فى كلامك
فى عيونك فى إبتسامك
فى خدودك فى قوامك
***
انت جالس انت ماشي انت واقف
انت نائم صغير غرير الطرف حالم
ماك عارف
انا طرفى جفا المنام آلف الحب والهيام
مع الجمال بالعواطف فى هواكم استمرا
متين أصادف رضاك
على وعلى توالف
هواى مناى
حياتى حبك بالمحبة
***
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
احس بعظمة وشان كبير
أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة ..
حبيبى مرة..
بالله مره ؛؛
___________
الاغانى مواقف وهذه احدى الاغانى المواقف التى ترتبط
عندى بالاعزاء الصادق وحرمه تغريد اللذان يشرفان الديار
هذه الايام وكانت احدى ذكرياتهم فى منبر سودانت 2001 وبداية
لزواج سعيد .. متعهما الله صحه وسعادة ..
ولهم ود باق ..
|
Post: #20
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: حبيب نورة
Date: 07-24-2009, 03:56 AM
Parent: #19
تبلدينا
ياخي البوست دة رهييييييييييب
عليك النبي سكُّوا لمن تفتر
وكان فترت بنلزوا ليك
جميل يا جميل
شكرن كتيرن!
|
Post: #21
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Ridhaa
Date: 07-24-2009, 05:33 AM
Parent: #20
Quote: إنت عارف أنا بحبكـ
سيد عبدالعزيز / الحان وغناء الكاشف
أنتا عارف انا بحبك وبحلفيك
ولا ماك عارف بالمرة ..!!؟
انت صارف عني مدة وانا خايف تتحدى
طمنى تعال نبدأ
التآلف
والتعارف
والمودة
***
يا حبيبى من فضلك
طاوعنى جاملنى
لا تخالف واحدة مرة
أنا شايف المحاسن الطرائف
فى صمتك فى كلامك
فى عيونك فى إبتسامك
فى خدودك فى قوامك
***
انت جالس انت ماشي انت واقف
انت نائم صغير غرير الطرف حالم
ماك عارف
انا طرفى جفا المنام آلف الحب والهيام
مع الجمال بالعواطف فى هواكم استمرا
متين أصادف رضاك
على وعلى توالف
هواى مناى
حياتى حبك والمحبة
***
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
احس بعظمة وشان كبير
أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة حبيبى مرة
___________
الاغانى مواقف وهذه احدى الاغانى المواقف التى ترتبط
عندى بالاعزاء الصادق وحرمه تغريد اللذان يشرفان الديار
هذه الايام وكانت احدى ذكرياتهم فى منبر سودانت 2001 وبداية
لزواج سعيد .. متعهما الله صحه وسعادة ..
ولهم ود باق ..
|
الأخ صالح ...
بوست توثيقي ممتاز لازم تطبعه أول بأول ...
سوف أقوم بطباعته أول بأول لأنني من هواة التوثيق لمثل هذه الأشياء الجميلة ..
عبركم خالص تحياتي للمتداخلين ..وتحياتي للأخ الصادق وحرمه تغريد ..
|
Post: #25
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-25-2009, 09:59 PM
Parent: #21
..
.
الفى دلاله
ســيد عبدالعزيز
الفي دلاله ماأعظم جلاله
إستحل هلاكي ولي حرم هِلاله
الهلال الشغل الناس هِلاله
الظلام حين شاف محيه أنجلالهُ
نضرة خدوده وبالأنوار يلالو
راح أنفسنا وريحانة لخِلاله
***
المنعم توب العز كِِساله
مثال النعمة وماأعظم مِثاله
جداول ديسه في وردانه سالو
طيبه يعبق كل ما الليل أمساله
شالو فاله الناس يتمنوا حاله
مثاله الباسم وحتى الغيم سِحاله
***
ومن ضميري حب الغير محاه
نائم وخِلى الكان نائم صِحاله
المدلل ما أكرم خصاله
حسنه وافي ومافي لسان حصاله
عالي سماه بي بعيد وصاله
المحاسن في مراية جماله
***
رطب قوامه وخمر التيه أماله
يتلو قلبك عند قلت شماله
وتدعيله عليه يدوم كماله
__________________
Quote: الأخ صالح ...
بوست توثيقي ممتاز لازم تطبعه أول بأول ...
سوف أقوم بطباعته أول بأول لأنني من هواة التوثيق لمثل هذه الأشياء الجميلة ..
عبركم خالص تحياتي للمتداخلين ..وتحياتي للأخ الصادق وحرمه تغريد .. |
سلام يا كابتن ..
تحايا من ذاكـ الزمن الجميل
وسعيد بمرورك .. ونوعدك باكمال وطبع التوثيق
وسيظل باقى كــ ( القطار)
سلام عبرك للاخوة القدامى
مودتى؛
|
Post: #26
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-25-2009, 09:59 PM
Parent: #21
..
.
الفى دلاله
ســيد عبدالعزيز
الفي دلاله ماأعظم جلاله
إستحل هلاكي ولي حرم هِلاله
الهلال الشغل الناس هِلاله
الظلام حين شاف محيه أنجلالهُ
نضرة خدوده وبالأنوار يلالو
راح أنفسنا وريحانة لخِلاله
***
المنعم توب العز كِِساله
مثال النعمة وماأعظم مِثاله
جداول ديسه في وردانه سالو
طيبه يعبق كل ما الليل أمساله
شالو فاله الناس يتمنوا حاله
مثاله الباسم وحتى الغيم سِحاله
***
ومن ضميري حب الغير محاه
نائم وخِلى الكان نائم صِحاله
المدلل ما أكرم خصاله
حسنه وافي ومافي لسان حصاله
عالي سماه بي بعيد وصاله
المحاسن في مراية جماله
***
رطب قوامه وخمر التيه أماله
يتلو قلبك عند قلت شماله
وتدعيله عليه يدوم كماله
__________________
Quote: الأخ صالح ...
بوست توثيقي ممتاز لازم تطبعه أول بأول ...
سوف أقوم بطباعته أول بأول لأنني من هواة التوثيق لمثل هذه الأشياء الجميلة ..
عبركم خالص تحياتي للمتداخلين ..وتحياتي للأخ الصادق وحرمه تغريد .. |
سلام يا كابتن ..
تحايا من ذاكـ الزمن الجميل
وسعيد بمرورك .. ونوعدك باكمال وطبع التوثيق
وسيظل باقى كــ ( القطار)
سلام عبرك للاخوة القدامى
مودتى؛
|
Post: #27
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-25-2009, 11:23 PM
Parent: #21
..
.
أم جمالاًً يشفى السقيم
للشاعر/ سـيد عبدالعزيز
يا أم جمالاً يشفى السقيم
مريضك كيفن دواه
فى صراط الحب مستقيم
قلبى لكن كلت قواه
يا أم جمالأً يشفى السقيم
طال عذابو الليكن غوى
حق نبينا وموسى الكليم
فر عقلى وشالو الهواء
يا الحشيمة وذوقك سليم
كيف علاجى ودائى الهوى
ما بفيدنى فكى أو حكيم
طبى ليمك ما لى سواه
لو نظرتى نظرة حكيم
ما رأيتى العالم سوى
كفى عنى الصد الأليم
بى يا ما الهوى قد لوى
من فراقك ربك عليم
جد شوقى وعودى اتلوى
يا الجويهلة وقدرك عظيم
حسنك أبدع عن ما اتروى
زى سناك الدر النظيم
يافريع البان الروى
هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى
يا الوحيدة وأصلك كريم
طار منامى وقلبى انكوى
يا أم طباعاً فى ذاتها ريم
أدركينى وسيبى الجوى
_________
تعديل لاستبدال موقع مداخلة
|
Post: #22
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-24-2009, 09:57 PM
Parent: #20
..
.
حياتي والعاطفة النبيلة
للشاعر / ســـيد عبد العزيز
بإسم الحب.. أقدم ليك حياتى
حياتى .. ومعاها العطف الجزيل
عليك يا حب تحياتى عليك أوقفت غاياتى
لحبى أضحى بحياتى أحب الحب وأيامه
وذكرياته وأحلامه وما يوحيه إلهامه
حياة الحب أسميها السعادة بكل معانيها
أقيم ليلاى أغنيها روح يا لليل تعال يا ليل
***
أحب فى كل أوقاتى
ألاقى حبيبى يوماتى
أقول ليه ويقول لّى
العهود بيناتنا مرعية
أقول ليه تعال لى نجلس جلسة غزلية
أمتع فيك عينّي أشوفك وأنسى ألامي
وأقول حققت أحلامي
***
على تميل وعليك أميل
فيك أمعنت نظراتى
وجدتك كل مسراتى
وأفراحي وملذاتي
أحبك وأنسى فيك ذاتي
***
حبيبي أراعى تقديسك ويرتاح قلبي لحديثك
حديثك يشفى العليل والله يا السامي الجليل
الحب الصادق قليل البشبه حبي النبيل
فبدون جميل أهوى الجميل
___________
Quote: تبلدينا
ياخي البوست دة رهييييييييييب
عليك النبي سكُّوا لمن تفتر
وكان فترت بنلزوا ليك
جميل يا جميل |
حبيب نورة يا راق
بالله سكوا معانا ان شاء الله ( بفوق)
|
Post: #23
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: فادية اليمني
Date: 07-25-2009, 00:21 AM
Parent: #22
تبلديهم
ازيييك
بوست رائع
عندى ملفين اغانى حقيبة باصوات مختلفة
بس اكثرها تميز بصوت المجموعة (عصام البنا -عباس تلودى - ياسر تمتام- فرفور)
وكنت متمنية اشارك بيهم معاك بس كيف ؟؟؟ (وش متحير)
استمر بالله
|
Post: #24
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: طارق جبريل
Date: 07-25-2009, 00:37 AM
Parent: #23
اول مرة من ما عرفتك
ما يناهز الربع قرن تعمل ليك حاجة كويسة شديد
|
Post: #28
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-26-2009, 00:12 AM
Parent: #24
..
.
نتوقف قليلا عن الشاعر المبدع سيد عبدالعزيز \ونواصل
مع جهبز اخر من جهابزة الحقيبة الا وهو الشاعر ود الرضى
من الأســكلا ..
رحلة عشق ووصف للشاعر
محمد ود الـرضي
من الأسكلا و حلا
قام من البلد ولى
دمعى اللثياب بلى
بى داهى العذاب حلا
و بتذكاره بتسلي
قلبي الذاب واختل
ووين بدر الكمال حّل
جبل اولياء حبيبى غشى
وحصل فى القطينة عشا
يا قلبى الطفش وفشا
والما اليتو ينكشفا
حل زى الصقر خوى
كالبدر فى الدويم ضوى
عاد لا حول لا قوة
حبيبى الليلة فى الكوة
فى وداعة الله يا ام نفلين
اهنيى البيها محتفلين
سيد الحسن رب اللين
شرف كوستى والجبلين
صفر ودع البابور
حاجزين قمرة اثنين دور
البابور مر بالمجرور
شال ظبيا سكونو خدور
هنيئا حان وقت زهاكـ
الرنك احتفل ببهاكـ
وين الليلة يا النشهاك
يا ليت كنت فى الجلهاك
يا كاكا الحبيب طلاك
بعد ان زاد نفوسنا هلاك
يا ملوط حليل ترلاك
يا زمن الفراق نسلاك
زاد من بعدك الانكال
قلبي البلهموم انكال
شامبي اضحى بيك مسرور
بعد المنجلا يا سرور
يا جوبا حّى انا المضرور
بعد النوم بقي لى ضرور
من دا الهم ما بنجا
حبيبي الليلة فى تونجا
يا خالق الخلق تنجا
تركاكاحلت العنجا
تصريح البحر هزا
زالجبل ارتجف رزا
رب القدرة والعزة
دا المريود لا يتأزا
صـَب يا دمعى لا تكون جاف
ويا قلبي البقيت رجاف
البدر الخفى الإنجاف
اليوم شرف الرجاف
أنتهى
اما المقطع ادناه شخصيا عندى
فيهو تحفظ ما عارف بعض الكتاب
جابوهو من وين وبحشروها فى بعض كتاباتهم!!؟؟
Quote: سلام متوالى ما غبا
ما مر النسيم هبا
قلبى اللى العفاف ربا
يخجل كامل الرهبا |
_________
بهدى هذه القصيدة للاخ دينق فى غيابه
حتى يلم ببعض من مدن جنوب السودان
بدون زعل
عشان ما تخرمج التوثيق..
|
Post: #29
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-26-2009, 02:54 PM
Parent: #28
..
.
أنا في التمني
كلمات الشاعر ود الرضي
غناء خلف الله حمد
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع
داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المصارع
يـفـر خـيط بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع
أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
أقـيـس الفــم بـودعه والقى الـودع واســـع
دي مــا بـيـلقاها زولا زي أنا صـيـدو نـاجـع
___________
العزيزة / فادية
تسلمى يا ستى .. بس صعبه مع كودات الاغانى
الواقفه دى. غايتو اقرى وقشقشي الدموع ..
الله قادر؛
|
Post: #30
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Ahmed al Qurashi
Date: 07-26-2009, 03:34 PM
Parent: #29
Quote: اما المقطع ادناه شخصيا عندى
فيهو تحفظ ما عارف بعض الكتاب
جابوهو من وين وبحشروها فى بعض كتاباتهم!!؟؟
Quote: سلام متوالى ما غبا
ما مر النسيم هبا
قلبى اللى العفاف ربا
يخجل كامل الرهبا |
الأخ العزيز / صالح
حضور ومتابعة لهذا البوست الجميل
تعرف يا صالح البيت دا من صميم الأغنية وموجود في ديوان الشيح محمد ود الرضي صفحة 102
ولقد تغنى بهذا البيت أولاد شمبات عند تسجليهم للأغنية في الخمسينات وهم أول من سجل الأغنية للإذاعة السودانية والأغنية من الحان الحاج محمد احمد سرور.
تسلم يا رائع ومزيدا من التوثيق
|
Post: #31
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Ahmed al Qurashi
Date: 07-26-2009, 04:30 PM
Parent: #30
الاخ العزيز / صالح
لك الود
لقد سبق وكتبت هذه الكلمات عن اغنية من الاسكلا فى بوست الحزن فى الاغنية السودانية ومعه النص الكامل للاغنية اتمنى ان يكون مفيدا للقارئ
قصة الأغنية أن سرور رأى مليم وهى تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن الذي كان يقع جنوب منطقة فندق الهيلتون الحالي .....فتألم سرور كثيرا لفراق مليم فطلب من قبطان السفينة أسماء المدن التي تمر بها الباخرة ثم أخذها مسرعا إلى ود الرضي الذي كان يجلس مع الشاعر احمد حسين العمرابى في دكانه بالخرطوم وكان سرور حزينا وحكي لهم خبر سفر مليم وطلب من ودالرضى تأليف أغنية بهذه المناسبة بعد أن أعطاه أسماء المدن ....وعلى الفور جادت قريحة ود الرضي الشعرية بأغنية من الاسكلا وحلا وكان الوقت منتصف النهار فحفظها سرور وتغنى بها في المساء....بعض الرواة قال إن البيت الأول من الأغنية من تأليف سرور ...والبعض يقول إن العمرابى شارك في تأليف الأغنية ...ولكن مفردات الأغنية تنفى هذا الرأي. ود الرضى فى لقاء اذاعى فى ايامه الاخيرة قال انه قال القصيدة بعد طلب من بعض الفتيات واعطاها لسرور ,
الاستاذ مبارك المغربى سمى هذه القصيدة بالقصيدة الجغرافيا لذكرها حوالى العشرين مدينة سودانية من الشمال إلى الجنوب عكس مجرى النيل....لكن مبارك المغربى في كتابه رواد شعراء الأغنية السودانية عاب على القصيدة ارتجالها وقال إنها مصنوعة ولا تمثل الصدق الشعوري عند الشاعر فجاءت بسيطة الكلمات قريبة المأخذ لاترى فيها روح التجديد والتطوير ..انتهى كلام الأستاذ الكبير مبارك المغربي ....ولكنني اختلف مع أستاذنا الكبير عليه الرحمة وأقول إن هنالك صدق شعوري عند الشاعر لأنه يعرف مليم جيدا وقال فيها أكثر من قصيدة مثل تلفان من الأجفان ومية وثمانية وستة وستة حبيبي حليلو القام يوم ستة.... فمليم ملهمته وتألم لرحيلها وفراقها لذلك انشد من الاسكلا وحلا وسكب فيها الدموع التى سالت حتى بللت ثيابه في مطلع القصيرة وفى ختامها حيث يدعو دموعه للانهمار والتدفق..
من الطرائف المرتبطة بالقصيدة إن سكان أم جر عاتبوا الشيخ ود الرضي لعدم ذكره اسم قريتهم فقال لهم ( عاد لا حوله لا قوة دى من منو ...ما منكم انتو)..
وهذا النص الكامل للاغنية عزيزى صالح ...
من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّّ.....ما مرّ النسيم هبّّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف
********
الأغنية كما ذكرنا لحن وغناء سرور لكن سجلها للإذاعة أولاد شمبات وأولاد المأمون ومبارك حسن بركات
|
Post: #32
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-28-2009, 07:50 PM
Parent: #29
..
.
قصيدة ست البيت
ود الرضى
قيل أن :
ان زوجته عاتبته وذكرت له قائلة
كتبت قصائد كثيرة الا انا ما كتبت فيني اي قصيدة .. ليه ؟؟
قام شاعرنا علي طول كتب قصيدة ست البيت وقال فيها
ست البيت البيت بريدها براها ترتاح روحي كل ما تراها
قالت جارتها مجاوراها تجي شايلة وتجي مزاوراها
تلحظ احتياجنا براها ونشكر سعيها بي وراها
ما قالت بقيت حبوبة وتركت بوختها المحبوبة
لو جات من رياحها هبوبة بتحي عروقك المهبوبة
مي العزاية دائما حادة مي الغبشة المغبرة سادة
مي اللهفانة بي وراء المادة دي اللي البوخة ديمة موادة
ليه ما اشكرها مطاوعاني حافظة لي متعتي وحافظاني
حاوية من الانوثة معاني ومهما ابقي مر بالعاني
لو كان يوم حبيب وصل لي الكرم العريض يوصل لي
منها قط خلاف ما حصل لي بس ازعاجها لي قوم صلي
__________
يا جبريلا ..
فى ذمتك .. دا اخره العشرة
اجرى امسحنى من الفيسبوكـ طيب ..
قهه قهه قهه .. يييييييييييييييكة
|
Post: #33
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-28-2009, 08:35 PM
Parent: #32
..
.
فوق العز والنفل
ود الرضى
تيهى فوق العز و النفل
ياليلى قول حسادك افل
ليلى ليلة وليلك سدل
وفيك عليل الصبا معتدل
النجم ببهاك ليلى دل
و الفهيم بالاية استدل
فيك كل الخير انبهل
و العفاف المزجو الجهل
بالسرور كل وجة استهل
و الجميع لله ابتهل
ليلى قدرك ما انجهل
وليلى سعدك هداشهرو هل
بالطرب كل عقل انذهل
المهل يا ليلى المهل
فيك شوادى اذدروا بالهدل
فيك هز البهلول القدل
جورى تيها جورك عدل
لا اروم عن جورك بدل
المبطر مال واعتدل
و المرجرج طاوى البدل
جندل الفرسان ابجدل
ولا عليه اتبختر قدل
ساح رتل فوق هيبة ونفل
خر بدره وطمح الكفل
يا المنير التام ما افل
استقل ورفت الحفل
جرتوب الهيبة الرفل
زان لجمع الجيل الحفل
شعره ريش هضليماً جفل
فكرى عن تصويره انقفل
اللدانه وقول الوحل
والوطيف الحبكه الكحل
ورى كيف الغيم الرحل
يا الخريف العقب المحل
المدلل مهما فعل
الجبين النافى الزعل
الخدود النورن شعل
يا سعادة الام و البعل
__________________
غايتو الوصف فى القصيدة دى
انا شايف داير ليهو مترجم
|
Post: #34
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-28-2009, 09:23 PM
Parent: #33
..
.
قيل ..
ان الشاعر ود الرضي انه كان يعمل في بناء المسيد
مع مجموعة فيها الاكبر منه.. وكانوا يحملون قدح المونة ناقص..
وكان هو يقوم بملئه تماما ..فراته عمته
ونهرته وامرته ان يفعل مثل البقية ..
فرد عليها بقصيدته حين كتب هذه القصيدة (الاهلية )
وكان عمره وقتئذ ثمانية اعوام .....
بسم الله ابتديت متل البرق لاحت
فى الشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت
مالك يا زمان شبعتنا هولا
لبست الناس تيابا حاشا مى هولا
يات من كان يجي دماعو مبهوله
ولله راحت بقت البواجهولا
مالك يا زمان شبعتنا وح ووحيح
صح الدون كضب
كضب العوالى صحيح
يات من كان انا جعلتو لى صليح
عقرب حزّه لى ويا نفسي زين ومليح
فى احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير
تب الشباب ان بقا كواس
تب الصبى ان قطع المروة خلاص
تب الشايب ان بقى وسواس
تب الاقربين الاتفاتتو الامغاص
_________
المقطع دى مهدى :
مالك يا زمان شبعتنا هولا
لبست الناس تيابا حاشا مى هولا
يات من كان يجي دماعو مبهوله
ولله راحت بقت البواجهولا
|
Post: #35
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: ناذر محمد الخليفة
Date: 07-28-2009, 11:02 PM
Parent: #34
|
Post: #36
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-29-2009, 01:29 PM
Parent: #35
..
.
الطابق البوخـة
ود الرضـي
الجميل واصل درة الآصل
الله لا وراك العلى حاصل
العذاب أنواع جملة غير فاصل
فحلى كبريته كبدى كالبنزين
فادحه كبريته
اصله هالكنى منه ما بريته
يا جرج غور ان شاء الله ما بريته
***
طابق البوخه قام نده يهتف
نام من الدوخه
ايده عاقباه لجدله مملوخه
لى معالق الجوف موسه مجلوخه
يشرح الخاطر بنواحيها رتها العاطر
عمره ماهرج فوقه يالفاطر
شوف حنيجرهالغطست جاره
ملحقه الجيرة
هى التعذبنى ربنا يجيره
خلى كم إنسان مبلي من جيره
شوف حنيناتن تشبه المرجان
فوق بنيناتن
إنعقد قلبي بي عويناتن
العريس يا خوى كوسه بيناتن
_________
للاخ العزيز الجيفارى / بناديها Banadieha
 بيني وبينك الضَّحكَة ورحيق الشَّاي وطعم الخبز والسُّترة، ومَساءَ النوُّر
وعمق ِالالفة بينَ النَّهرِ والنَّخلة وغُنَا الطَّمبور، ـ
وصدق العُشرَة بين الأرضِ والانسان..
دوماً أتمنى ان اسمع عنك كل خير
وان يجمعنا فى ساعات خير ..؛؛
|
Post: #37
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 07-29-2009, 02:44 PM
Parent: #36
..
.
ليالي الخير
ود الرضـي
ليالي الخير جادن من المحبوب
نسائم الليل عادن من المحبوب
****
شفت في الأحلام ظبى يتهادن..برخيم نغمات خلى تنادن
عبرات الشوق بى ازدادن..تلكم أحلام ليت تمادن
+++
شفت الحسن الحافل رافل..في ثياب العز والعز كافل
رانع واحل تايه غافل..لادن هادل ضامر كافل
***
هادئ ساكن آمن قادل ..بهجة هيبة حاكم عادل
لافح فره وطارح سادل..ليل عسعس كاسى الهادل
***
بوبح جيده وأبصر واقل ..ظن مراقب صدق العاقل
قلب المخضوب فوق الفاقل..تل اليمنى ومشى متاقل
***
رنا متخاوف بارق لجّ..بعضه فى بعضه ترادف لجّ
نصفو تثنى وآخر لجّ ..لاطم أمواج من غير لج
***
رفع الهدب شفت محور ..نوره تدفق صعد أتدور
فكر في شئ فضل أتصور..بسم النوار فتح نور
***
فيه تأمل أيسر بندى ..لدن المثمر غصنه البندى
مايقه ترقرق شهر الهندي ..فوح منو العرف الرّندى
***
وصحيت ندمان نومي انقل..ترخرخ جسمى وقواي كل ّ
تناوم غش لكن كلا..هيهات يعود الكان ولّى
***
______________
جمال الوصف والإبداع ؛؛
|
Post: #38
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-03-2009, 02:02 PM
Parent: #37
..
.
احرمونى ولا تحرمونى
ود الرضى
احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام
+++
يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام
+++
كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام
+++
الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام
+++
ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير ذكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام
+++
طاف خيالك والليل كافر
شفت بدرو المتجلي سافر
صك غاضب لقى دمعي دافر
قال لي جملة وعقد الاظافر
قال لي طبع الريم اصلو نافر
قتلو عل تريم النوافر
وعل راء الريم تبقى لام
+++
في التفكر اصبح وامسي
ايضا التذكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام
+++
قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام
+++
___________
قتلو عل تريم النوافر
وعل راء الريم تبقى لام
يا ود القرشى ممكن لوسمحت هنا بس !!؟
|
Post: #39
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-04-2009, 11:24 AM
Parent: #38
..
.
الناحر فؤادى
ود الــرضى
-----------
الناحر فؤادى مولع جوفى حرْ
أضرم نار وجدى نسام السحرْ
دامع طرفي يا أبطرفاً سحرْ
والبسم المفلج للأكباد نحر
لا يبرد حميمى لو احسي البحر
دارى وماك مدارى يا سمح النحرْ
%%%
ما اطراكـ حبيبي الإ وقلبي فَر
اتلظى واكظم الغيظ الوفر
ينعش روحى طيبكـ لومحيك سفر
زى ما بي تفعل ذنبك مغتفر
ادارى البي يا من ساقينى الجرر
إنى المن غرامك عرضه لكل ضرر
شاغل غير اشاغل بي سوحك مرر
على اسمعن من فاهكـ درر
%%%
ابصر طرفي طرفك حكى طرفي المطر
وقلبي كانه طيره خافق وانفطر
احذروا يا احبه حب الريم خطر
يكفى البي حاصل من حالى الفطر
بان لى عينى شخصك والنوم اتجر
والمايق تملى غير خاطرى انفجر
%%%
من فولاذ قليبك زكبدك من حجر
ما احلاك عندى إنزارووهجر
كل اذاى يا طبيبى فى جوفى انحصر
حبك خلا قلبي والعود انصهر
مالى اليك الا قولا مختصر
العند الله اقرب من لمح البصر
%%%
شادن الحفلة طن والاكليل سفر
والنشاب توتر للفاطر غفر
ظبي الريم تبختر للاساد ظفر
معنى الحفلة كاين فى واحد نفر
ورينا النشاهد لى دارة القمر
واتكى فى المبنى ولولى بو الثمر
والجيد المحزز نسف بوعمر
مره ومره اجدع فى طى الضمر
%%%
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه إنضفر
حاكى الغيم تنقل يا غالى النفر
قول للوزة غورى فى عينك ضفر
%%%
________
ما أطراك حبيبى الا وقلبى فر
اتلظى وأكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر
|
Post: #40
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-04-2009, 12:38 PM
Parent: #39
..
.
(10) عاشرة واخيرة - ود الرضى
تيه وإتاكا
كلمات الشاعر محمد ودالرضي ..
تيه واتاكا مراض وصحاح مقله الفتاكا ظبى الرام
XXX
خريف وشتاك ميس يابان المصرى اتاك النسام
البى افتاكا جاب لى روايحك لى هتاكا عود يا منام
XXX
ما بيغباك شغفى عليك ومتى متى اصباك تذيدنى هيام
وترينى صباك وتزيدنى عتاب وحنان نتباكا على الايام
XXX
لعلى اراك ضحا تتجلى بطيب واراك ولو فى منام
ويكون سمراك جوارى تيلاد وبعض امراك وبعده تنام
ْْXXX
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام
XXX
غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام
XXX
زور مرضاك وخدك ناعم يذودبو فضاك جيدا جام
على بعضاك وبعضا يميس يعانق اعضاك فوق اردام
XXX
التجى طالباك اولى بيها انا وبغضاك الالام
تيه واقضى قضاك الاقى رضاك ورضاى فى رضاك وهذا تمام
___________
اعتقد هذا الشعر معناهو شرحو يطول
وما بطولو اللمسان :)
واحد اسباب نفور هذاالجيل من الحقيبة
|
Post: #41
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: سارة كرودى
Date: 08-04-2009, 12:59 PM
Parent: #40
[
كلماتُ تـسْتعَصى على النـسـيان؛؛
حقــيقـــة تـوجــد كلمــات وعبـــارات تسـتـعـصـى علــى النسيــان .. .. .. ..
.. .. .. .
|
Post: #43
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-04-2009, 01:59 PM
Parent: #41
..
.
| Quote: حقــيقـــة تـوجــد كلمــات وعبـــارات تسـتـعـصـى علــى النسيــان .. .. .. .. |
بلاشكـ ،،،
بس اتمنى تكونى قاصده هذه الروائع
لا نوع من التورية لحادثة مضت ..وعبارات سابقة
_______
بعثت اعتذارى عبر زوجك المحترم
ليس اعترافا بخطئ ولكن لتعبير خانك
فى ايصال الرسالة .. وايضا اكرر الاسف
ان كان هذا ما ترمين اليه ..
شكر على المرور ..
وحاولى انسي ..
ومصير الحى يتلاقي؛؛
|
Post: #45
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: سارة كرودى
Date: 08-05-2009, 01:19 PM
Parent: #43
Quote: بعثت اعتذارى عبر زوجك المحترم
ليس اعترافا بخطئ ولكن لتعبير خانك
فى ايصال الرسالة .. وايضا اكرر الاسف
ان كان هذا ما ترمين اليه ..
شكر على المرور ..
وحاولى انسي ..
ومصير الحى يتلاقي؛؛ |
ابدا ما خانى التعبير وماقصدتك بالكلام بس انت حملتو اكتر مما يجب .. ..
الموضوع ما محتاج اسف لو كنته زعلانه ما كان دخلته فى البوست .. ..
صافية لبن .. .. تحياتى لناس كنار .. ..
|
Post: #42
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-04-2009, 01:49 PM
Parent: #40
..
.
وفطحل اخر من فطاحلة وعباقرة الحقيبة
الشاعر عمر البنا.. الذى اجد ان اشعاره واغنياته
من اجود ما جاد به شعراء عصره ؛
ولا يفوتنى ان احى الاخ عاصم البناوالفرجونى الصغير (اريزونا)
هجد الانام/عمر البنا
لحن وغناء/ كرومه
هجد الانام وانا وحدي مساهر والنحول علي جسمي ياحبايب ظاهر
آهـ اسبابي الحب الطاهر
****
اسباب سقامي وبكاء طرفي الساهر** لهلاكي بعادك مضي سيفه وشاهر
مره اندب حظي ومره اهتف اظاهر ** اشكو دهري واناجي النجم الزاهر
****
انت عادل وظالم انت ناهي وامر ** يتمني البدر ليك يبقي مسامر
كونك دواما في نور اليه مخامر** امتيازك عنه انت هادل وضامر
****
بالبان والاس مال قوامك ظافر** علي صدرك قنبل كم اسلم كافر
العيون والضمره والوريد الوافر** من محاسنك عارن الغزال النافر
********
كل ما اكتم حبك دمعي بيه يجاهر ** مابفيدني طبيب مهما يكون ماهر
طبي مابين كوثر فاك وبين جواهر ** سنك اللماعه والخديد الزاهر
*********
أعار صفاه التبري من صفاك الناضر ** ياخلاصة الحسن في العصر الحاضر
الملوك ليك تخضع لنداك تقول حاضر ** تخشي سطوة حسنك وفيك يتلو محاضر
**********
بي وصالك جاحد وبي جفاك مبادر ** كاليزيد في الجبره وفي بخاله مادر
بجمالك وحسنك يالفي عصرك نادر ** لي ارحم حلمك راعي لاتكون غادر
___________
أطيب التحايا والإهداءات للاخ احمد حامد
وحرمه ( اميرة ) ..
لكما الود ..
|
Post: #44
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-05-2009, 01:04 PM
Parent: #42
..
.
Quote: نبذة تاريخية
عمر محمد عمر البنا
نشاء عمر البنا في بيت علم ودين فوالده هو الشيخ محمد عمر البنا
ولد عمر بمدينة امدرمان 1901 وبدا دراسته في خلوة الفكي احمد عمر يحي ود البنا في امدرمان
والتحق بي مدرسة امدرمان الابتدائيه وكان من احسن التلاميذ لي محبين الشعر وانشادا للاناشيد
وكان شاعرنا الصداح افتتن بي الجمال وتغني به وقد تعرض لكثير من الزجر والتانيب من والده العالم
ومن بيئته الدينيه ولكنه استمر بي كتابة الشعرالغنائى وكان من رواد الكلمه ومن ملوك الحقيبه؛؛ |
يا نسـيم الروض
ود البنــــا
يا نسيم الروض زورنى في الماسيه
وجــيب لي الطيب من جناين آســيا
وأنعــــش روحي من الـــم البين
***
نسيم الروض نفــحاتك بــاديه
غمرت أرجاء الحضر والباديه
أظنك مريت في ساعة هاديه
وعانقت غصين الزهره الناديه
***
جاتنى النسمات بطيبك ساريه
وجدت عيني دموعن جاريه
قالت ياعشوق محبوبتك داريه
بحـــالك وليك دائمــا طاريه
***
شكرا يا نســيم أخبارك وافيه
لكن رياك لشــفاى ما كافيه
ما اظنى أطيب وأشوف العافيه
غير ما أنظر الجميلة وجافيه
***
زوري في الطيف ياغانيه
انا روحي للمـــوت دانيه
لو أشوف ناعساتك رانيه
الامــــى تضيع في ثـــانيه
******
ياخــــلاصة الدرة الغــاليه
غير فصدة خدودك حــاليه
ليك حق لو لعاشقك ســـاليه
مادام فاتنه من حب خــاليه
********
نيران هجرك لاعضاى كاسيه
مازينى جفاك ولى ما ماسيه
كيف شوفتك ما تصبح قاسيه
والنجوم قصرت لعلاك ما مواسيه
_______________
أغنية نسيم الروض زورنى في الماسية من اغانى سنة 1936 ولقد قالها عمر البنا وهو فى بيروت يعانى البعد والغربة ..
سجلها للإذاعة أولاد شمبات كما تغنى بها الفنان صلاح بن البادية.. ولقد أجرى فيها عمر البنا حوارا مع النسيم
ويدعوه إلى زيارته بعد أن يتعطر النسيم بطيب المحبوبه لينعش بهذه النفحات روحه التي تعبت وأنهكت من الم الفراق والبين...
ولكن هذه النفحات كانت عطرة وقوية لتغمر كل أرجاء البلد باديته وحاضرته وظن الشاعر إن النسيم
قد عانق المحبوبه فأطفت عليه هذه الرائحة الذكية ...وعندما جاءت إليه النسمات وجدت عيونه تجرى فيها
الدموع ولكن النسيم طمأنه وقال له إن محبوبته تعلم بحاله من الحب والوجد ودائما في ذكرته ..
د. احمد القرشى
|
Post: #46
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-05-2009, 01:46 PM
Parent: #44
..
.
في الليل الهاجع
ود البــنا غناء كرومه
في الليل الهاجع غرد يا ساجع
اذكر احبابى وهيج اشجانى
+++
أرجوك يا بلبل حين تقبل راجع
غرد واذكر نوم عيني الناجع
وهجراني الطال وبكاى وحناني
واشواقى الزادت تحتاج لمراجع
عسى يرحم حبي لي وعقله يراجع
وبى عين الرحمه والرضا يرناني
+++
تايه في نعيمك والخير الهامع
لك راحة الدنيا والخد اللامع
منظر جذاب بى حسنه سبانى
أنا نائح ودائما للنقيضين جامع
من قلبي النار ومن طرفي مدامع
الحب غلاب بالموت انبانى
+++
الحور لي حسنك متذلل وخاضع
والفجر لنورك ياجميل متواصع
غصنك فضاح للأس والباني
يشبهك البدر كأنه معاك راضع
سبحان من أنشاك لمأواك واضع
فوق كل الأنجم لمجدك باني
+++
مضروب لحظاتك غير شك ما نافع
لي عازلك وعاشقك سهمك ما رافع
جبار ومهاب تسبى الفرسان
يهواك الناسك والكاهل واليافع
لو شافك راهب يهواك من دافع
قلبه وفى الحال يسلى الأوثان
+++
ما بخشى عزول في هواك يرافع
وما بخشى رماح وسيوف ومدافع
بس بخشى جفاك يانور انسانى
مظلوم من بعدك شكواي ليك رافع
ونحول اعضاى عن حالي يدافع
يا سكينة قلبى وصحاى ووسانى
+++
ياظبى الأنس لك سعدك تابع
بين روض الجنة والنيل النابع
ما بين ظلال في نعيمك هاني
ما تجاوز طيار لسماك الرابع
حتى يعشم في طلوع السابع
دوم بين علاك في سرور وتهاني
_________________
تايه في نعيمك والخير الهامع
لك راحة الدنيا والخد اللامع
|
Post: #47
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-10-2009, 02:02 PM
Parent: #46
..
.
فى الطــيف
ود البــنا
في الطيف أو في الصحيان زورني
يا حبيبي أنا عيان
مالو لـو فـي بعـض الاحيـان
تسمح لـي صحـوا أراك عيـان
تاخذ يا حبيبي عـن حالـي بيـان
عسى تبقي قلوبنا في الغرام سيـان
^^^
ديمة اساهر لى صيحة الآذان
آناجى خيال اشعارى والنجم والأوزان
انت ووين يا البي حسنك وطنا مزان
امتى تظهر وتكشف عنى الأحزان
^^^
يا فريد الحسن و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان
^^^
كيف يحصر وصفك يا حبيبي لسان
والبان اتعلم من قامتك الميسان
قبل حسنكـ ما رأيت انسان
فاق العسجد لمعة والحرير لمسـان
^^^
النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان
^^^
قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان
^^^
ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان
_..._..._..._..._..._
____________________
No comment
|
Post: #48
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 08-10-2009, 02:34 PM
Parent: #47
..
.
أمـدر وأعــودا
ود البــنــأ
امتى ارجع لى ام در واعوده $$$ اشوف نعيم دنيتى وسعوده
امتى تلمع بروق رعوده $$$ حظوظى تنجز لوعوده
روحى ضاعت فى النار قعوده $$$ لى هون يا ربى عوده
اشوف حبيبتى وانظر خدوده $$$ عساها ترحم تكون ودوده
ومسامعى تسكر من ردوده $$$ وتطفى نارى الفاتت حدوده
اشواق كتيره الدموع شهوده $$$ وللمنام العيون زهوده
فى الهجر روحى ضاع مجهوده $$$ لم تزل حافظه لعهوده
ما كانو يعرفو ناس بلوده $$$ الغرام من قبال ولوده
من يوم وضوعها الفى الخير خلوده $$$ فاتنة طايعها و جلوده
ابواب لقاها ام خدود موصوده $$$ ونار العذاب فى الفؤاد محصوده
غير محاسنك مين يسودا $$$ال ملوك وياسر الاسودا
يا المن فراقك ايامى سودا $$$ خلاف وصالك دايما كسوده ا
هناى ومنية روحى ومقصوده $$$ اشوف رشيم يضوى بين فصوده
___________
Quote: ولد البنا بمدينة أمدر مان في العام 1901
والده الشيخ محمد عمر البنا..
بدأ دراستة بخلوه الفكي احمد بحي
ود البنا ثم مدرسة أمدرمان الأبتدائيه
تزوج في العام 1920...
بحسناء من قبيلة الخنادقه بأمدرمان..
ويقال ان حفل زواجه استمر مدة سته اشهر....ونسبة لرحيل زوجته....
تزوج للمره الثانيه عام 1934 من
بلدته رفاعه.....
وهبه الله القدره الفائقه علي
النظم واللحن والأداء وما زالت
الحانه وروائعه تتناقلها القلوب
الظامئه جيلاااا بعد جيل
بداء شاعرنا ينظم الدوباي
كعهد شعراء ذلك الجيل...أبوجقود
ويوسف حسب الله(سلطان العاشقين) وعمر الصائغ وابو صلاح.
فقال عمر في اول نظم له في الدوباي
كل ما اقول الهي يعدلك دي الحاله
يزداد المبلل طين ومعاه وحاله
كيف انالا امثل خطة الرجاله ما دام
انتي نافره وشوفتي لبك محاله
وقال ايضا في حفل زواج صديقه
/عمر الزين في رفاعه
اليوم الجنان ورضوان سهي عن سامن
الولدان خرجن وحاسرات للثامن
لجلج كالبرق خطف البصر بسامن
اشتبهن حليهن والحلي وأجسامن
التقي عمر البنا مع الشاعر
ابو صلاح في العام 1926 وكانت اول اغنيه غناها عمر البنا لأبي صلاح هي
طال سهادي وكان نومي هادي ادعيه لا تسرقي
ايضااا كان عمر البنا علي علاقه
منافسه مع كثير من المطربين والشعراء خاصة سرور وكرومه وبرهان و مع
الفنان علي الشايقي وهو من فناني العشرينات وكان عمر البناء معجب
بصوت الفنان علي الشايقي. ومن
الغريب ان العلاقه بينهما انتهت بمشكله وضربه بعصا علي راس الفنان علي الشايقي عندما كان يغني في حفل
في حي السيد علي يشدو أغنيه
عمر البنا |
إيميل من غير توقيع غير كلمة
منقول ..
لك الشكر؛
|
Post: #49
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: الرفاعي عبدالعاطي حجر
Date: 09-01-2009, 03:36 PM
Parent: #48
المحترم تبلدينا
بالله لو تكرمت ان تعود لهذا البوست وتستمر فيه ...
ومشاركات في التصحيح والمعلومة من قبل العارفين ووارشح هنا
الاستاذ المرجع صديق الموووووج الزول الكلس .
تقديري وارجو ألا ينزلق هذا البوست الى اسفل فهو من
أهم البوستات هنا .
............................................حجر.
|
Post: #50
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-11-2009, 01:01 AM
Parent: #49
..
.
زهت ايامى وانا بتغزل
عمـر البـنا
+++
زهت ايامى وانا بتغزل
ما بهتم لى قول العزل
مابسمع كلام فى حبيبى
هو آزاى وهو طبيبى
احب انسان فى طبعو فريد
وبيه اقفل باب الريد
وديع وبديع صغير فى سنه
عجيب وغريب يا ناس فى فنه
كواكب السما كمان عشقنه
واخدن نور شعاعهن منه
انا عن حبه محال اتحول
لانه هو الحبيب الاول
***
فرع الياسمين المال فى كثيبو
العوازل قالو لى سيبو
لو شافوه بالتاكيد
يقولو لى فى حبك زيد
يعذرونى ولى يهنو
ويعشقوه وعليه يغنو
ويبكو ديمه مثلى يحنو
لى لقاه الحبيب يتمنو
يا لائمى انا لم زل
مابسيب روح الغزل
***
شذا الازهار من انفاسو
ورقة النسمات فى احساسو
اقيسو بايه قول لى يا زيد
لو قلتا ملاك اجده يزيد
جمالو غلبنى اعبر عنو
ومثالو عيونى ما شافنو
ظريف و رشيق لطيف و لكنو
ابا ما يجود علي بحنو
لو نزل السمات الاعزل
انا عن حبو ما بتنازل
_____
نواصل؛
|
Post: #51
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-11-2009, 01:18 AM
Parent: #50
..
.
زهرة الروض الظليل
عمـر البـــنا
+++
زهرة الروض الظليل جاني طيبك
مع النسيم العليل زاد وجدي
نوم عيني أصبح قليل
يا زهرة طيبك جاني ليل
أقلق راحتي وحار بي الدليل
كنت أراك مع الخليل
وأسجد أمامك خاضع ذليل
دائماً أنوح وأقول حليل
صفي القلب القدره جليل
كيف لا اسهر وأكون عليل
أنا في الثرى وهو في الإكليل
يالليلك عفافك دائماً زميل
يالمن طيبك زهر الخميل
لو مرّ نسيمك على ألف ميل
يخلي العالم طرباً تميل
يا أهيف يا ذو الطرف الكحيل
يا الصدرك عالي وخصرك نحيل
مناي في الدنيا قبل الرحيل
أرى شخصك لكن. مستحيل
يا زهرة روضك يبعد عن العاشق
ومحال للقياك يلين
وبستانك نضر ساقية نيل الحياة
ومحصن بالدردنيل
امتى تعود أيامي القبيل
يا حبيبي أوجد للقاك سبيل
ومعاك اتحادث فى قبيل
شفاء دا قلبي الوبيل
قال لي صحيح جسمك هزيل
وجمر الغرام في أعضاك نزيل
لو ما بخاف عازلى الرزيل
كنت أوصلك ولي عياك أزيل
__________
يا ود القرشى رأيك شنو فى محاط بالدردنيل دى ؟؟
بعدين الخليل !!؟
|
Post: #52
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Ahmed al Qurashi
Date: 09-11-2009, 01:35 AM
Parent: #51
الاخ العزيز / صالح
يجب ان يستمر هذا البوست كما قال الاخ الرفاعى
اغنية زهرةالروض الظليل يقال ان عمر البنا الفها بناءا على
طلب كرومه وهما على متن القطار فى طريقهما الى مصر
وهى من الحان كرومه ولقد سجلها بنفسه على الاسطوانات
كما تغنى بها بالرق الفنان عبدالعزيز محمد داوؤد
لك الود
|
Post: #53
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-11-2009, 01:42 AM
Parent: #51
..
.
أنا صـــادق فى حبكـ
عمر البنا
++++
أنا صادق في حبك لو قلبي
يتصل بي قلبك .. هذا مقصودي
***
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
***
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي
***
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
***
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
***
قال لي لازم .. صبرك من وصالي قريب
الدخول في قبرك من زمن يا عشوق
لي ظاهر أمرك والعفاف يمنع قلبي
ليك يتحرك .. والجفا شهودي
***
قلت ليه عفوا مهلك بخشي
يا المحبوب بغرامك ...اهلك
قال لو تسمع نصايح اهلك
هذا اولى ليك ...لا تطاوع جهلك
والمحال .. وجودى
***
قلت له بحق .. ربك أسلي كل ...... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك هذا مقصودى
__________
يا الله ؛
|
Post: #54
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: انعام عبد الحفيظ
Date: 09-11-2009, 02:03 AM
Parent: #53
يا تبلدينا البوست دا جميييل شديد وانا بالجد صادقة
برجع بجيك ليهو برواقة
|
Post: #57
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-13-2009, 03:25 PM
Parent: #54
..
.
| Quote: يا تبلدينا البوست دا جميييل شديد وانا بالجد صادقة |
والله الشعور متبادل .. وهذا مريودى ..
ما شايفه انك طولت الغيبة .. الغى الدوحة دى
ما بتستحق ..
__________
أنتِ السما بدت لنا واستعصمت بالبعد عنا
هلا رحمت متيما عصفت به الأشواق وهنى
وهفت به الذكرى فطاف مع الدجى مغنى فمغنى
هزته منك محاسن غنى بها لما تغنــــــــى
|
Post: #55
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-11-2009, 10:48 PM
Parent: #49
..
.
Quote: المحترم تبلدينا
بالله لو تكرمت ان تعود لهذا البوست وتستمر فيه ...
ومشاركات في التصحيح والمعلومة من قبل العارفين ووارشح هنا
الاستاذ المرجع صديق الموووووج الزول الكلس .
تقديري وارجو ألا ينزلق هذا البوست الى اسفل فهو من
أهم البوستات هنا . |
لوصية فى الذمة عزيزنا الرفاعى
بس صديق الموج دا الا نعزم ليهو افراح الموج
عشان تجى تحفظ حتى يزورنا
لك الشكر على المرور والمتابعة
_______
يا بلال تزونا مره يا حنان زورنا مره
( مهداة للموج )
|
Post: #56
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-12-2009, 02:18 AM
Parent: #55
..
.
الأهـيف
عــمر البنا
++++
الأهيف ابى ما يريم
من بعده صار قلبي ضريم
بي نار الفرقة
****
لمتين يا كريم
الحظ يخدمني وحبيبي يلين
واراه الناعس ودر فاطره كريم
يألفني ويترك لطباع الريم
****
هو جسمو سليم
وانا جسمي معذب وقليبي كليم
نور محيه الفجر والليل هضليم
ليه راحت الدنيا ولي التأليم
****
ولو مر نسيم
يتمايل غصنك منه مقيسيم
قبال الحاظك وما رأيت يا وسيم
والأعين تفعل فعل المكسيم
****
براق الغيم زى بسمكـ
وليك الشادى نعيم
كيف عاشقك يثبت وفى وطنه يقيم
انت نافر وعارفه بهواك سقيم
***
ما لي نديم
غير نجم الليل ومنامي عديم
لو كان يا مدلل لهجري تديم
أتعذب وتمنع حظي التقديم
****
لى جود بالليم
انا بعدك صار قلبي اليم
متى تعطف وترحم وتبقي حليم
يا صفى القلب وروح التعليم
***
بقى شغلي نميم
وفراشي قتاد وغطاي حميم
لو كان لي وصالك أوجد تتميم
لي سرك بحفظ في قلبي صميم
****
اه الأهيف ابى ما يلين
من بعده صار قلبي ضريم
يا ناس بي نار الفرقة
___________
نور محيه الفجر والليل هضليم
ليه راحه الدنيا وليا التأليم
لو مره نسيم يتمايل غصنك منه مقيسيم
قبل الحاظك ما رأيت يا وسيم
الأعين تفعل فعل المكسيم
|
Post: #58
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-28-2009, 03:01 PM
Parent: #56
..
.
نعيم الدنيا
عمر البنا ( 10)
=================
يا نعيم الدنيا كيف الحياة غير ليمك
من بعدك اصبح حظى زى لون هضليمك
يا حليف الخدر التايه فى نعيمك
ما دام هاجرنى ارسل لى نسيمك
وأنعش روحى بند جسيمك
أو طيب المسكـ الفايح من تبسيمك
يا امانى حياتى البيك نور أقليمك
يتمنى التبري يلمع كأديمك
ومشتاقه الشمس تظفر بى ليمك
وتأخد نورك وتلثم لقديمك
***
يا فرع البان المايل فى خميلك
من قامه حبي متعلم ميلك
يا بدر التم ما بتم تكميلك
لو ما تجعل محبوبي يبقى زميلك
سيوف الهند من لحظات عينك
ليه بيها تصيبنى ايه بينى وبينك
غير كونى أحبك وحيات خدينك
كف عنى صدودك يا حبيبى ودينك
***
ليك حق فى صدودك وتيهك وتدليلك
وليك حق تهجرنى ويكتر تعليلك
ما دام حسنك فردى وعلى جيلك
ممتاز بالعفه المانعانى اجيلك
مع صدك وهجرك لا زلت أريدك
ومنام عينى بين حزوز جيدك
تيه بين نعيمك مولاك يزيدك
ضيعت حياتى .. تسلم لى ايدك
___________
( *_* )
|
Post: #59
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-29-2009, 11:23 AM
Parent: #58
..
.
فطحلنا الرابع هو صالح عبدالسيد أبوصلاح رائد اغنية الحقيبة المولود في حي الموردة في العام 1890م،
يعد من أشهر شعراء الحقيبة، ويعد أول من تُغني له بأغنية حقيبة وسجلت بمصاحبة الطمبور في اسطوانة،
وهي الأغنية التي تقول:
لو تجاوزي لو تسمحي
مني ريدك ما بتمحي..
يقول الأستاذ محمد حسن الجقر في كتابه روائع أغنيات الحقيبة- هي أن أبو صلاح هو أول شاعر غنائي لعدة أسباب
منها أنه كان يسبك الشعر سبكاً جيداً وله تعبيرات متفردة غاية الروعة، ووصف دقيق متفوق بالغ الإجادة،
ومع كل هذا التفوق كان غزير الإنتاج، ويمكننا القول إن معظم أغنيات الحقيبة كانت من نظمه..
وهو صاحب مدرسة متفردة في النظم، قال عنه الشاعر المعتق محمد بشير عتيق:
«أغنيات أبو صلاح تمتاز بالأوصاف الجمالية والمعاني الحسية والغزل الرقيق، والعاطفة المشبوبة،
وتمتاز أيضاً بالبديع ولزوم ما يلزم والجناس».
إذن فشاعرية أبو صلاح ذاع صيتها وأصبحت مثالاً يحتذى، وذلك لتميزها بروحها العذبة وعاطفتها الصادقة،
وروعة معانيها، وجمال تصويرها ودقة ألفاظها، فأصبح بحق مدرسة للشعراء ومثالاً يُجارى ويُسار على نهجه،
فظهرت قصائد عدة في شعر الحقيبة أمتعت -ولازالت- أفئدة الملايين من عشاق هذا الفن الخالد،
ولكنها كانت دائماً تشهد بريادة أبو صلاح وأستاذيته في هذا الفن.
ونظم أبو صلاح الشعر في حداثة سنه، فقد نظم الشعر وهوهو في الرابعة عشرة من عمره،
وقد كان للبيئة أثرها في شعره، حيث للنيل وملتقاه، والضفاف والخضرة وللطبيعة الخلابة الأثر البالغ
في رقة أشعاره، وافتتانه بجمالها.
وأغنيات «أبو صلاح» لا يزال صداها يتردد حتى هذا اليوم وتناقلتها الأجيال جيلاً بعد جيل، ومنها على المثال لا الحصر:
«ضامر قوامك لان، يا رشا يا كحيل، قسم بي محيك البدري، بدور القلعة، لحظك الجراح، يا ليل أبقالي شاهد،
خلي العيش حرام، يا ربيع في روض الزهور، وصف الخنتيلة، والأغنية الأكثر شهرة (جوهر صدر المحافل)، وأغنية كم نظرنا هلال».
وحينما ننظر لهذا الكم من المغنين ابتداءاً من كرومة وابراهيم عبد الجيل، أولاد الموردة، أولاد شمبات، عبد الله الماحي،
أولاد المأمون، مروراً بالكاشف وأبو داؤود، وردي، أحمد المصطفى، حمد الريح، علي اللحو، ترباس، وصولاً إلى فرفور،
محمود عبد العزيز، عابدة الشيخ، وخلافهم.. حينما ننظر لذلك ندرك بأن هناك كلمات تولد للفناء،
وثمة أخرى تولد للخلود، وهنالك كلمات تؤدي الغرض منها ثم تأخذ طريقها إلى زاوية النسيان،
وثمة أخرى تغوص في أعماق النفس وتستقر في الوجدان لتحجز لها مكاناً راسخاً في الذاكرة.
طوبى لأبي صلاح إرثه اللامتناهي، ونسأل الله أن يغفر له بقدر ما أعطى ووهب من أشعار وألحان لا يزال صداها يتردد بيننا،
ونحن نستعد للإحتفاء بذكرى رحيله التي حدثت في العام 1963م، نأمل أن يكون الاحتفاء بقدر المحتفى به،
وأن يتم جمع وتدوين كل ما جادت به تلكم القريحة المتفردة.
أجسامنا ليه جسمين
أبــو صلاح
-----------------
اجـسـامـنـا لـيـه جـسـمـيـن
روحـنا واحـدة وليه اتقسمت قسمين
شئ عجيب في غرامك يا فريع ياسمين
+++
انـا ياحـبيبي تجدني علي هواك امين
وفؤادي يحجزوعن افكاري في التخمين
وحواسي تحسد نظري لحسنكم تضمين
و شمالي تاخدو الغيرة اذا جلست يمين
+++
فيك يا حبيبي اثنين اللي المنام سالبين
هم شـالو نوم عيني و للضمير تاعبين
بي وجهك الكوكب يجهرني ساعة يبين
وبي قامتك اليايات الفي الصدير لاعبين
+++
من المنام ما معاي و لا ستة من ستين
عـندي التلت من عقلي وعندك التلتين
شـايقاني بسمة فاهك در عقيدو متين
لـولاها مالي صالح في الزلال و التين
+++
يـالفريد فـي ظرفك زي صداقتك وين
مااظن تكون ولا بدعت قبل في التكوين
عـلي صـحيفة قـلبي تـدونت تدوين
و ديـن محـمد حـق لا يقبل التلوين
+++
يامـن اسرت فؤادي ملكتو في اليدين
يـامـلفـت الانـظار يـاناير الخدين
نـحـن الجميع مادمنا قلوبنا متحدين
تـبقي الصداقة قرابة و نكسب الودين
___________
الصورة من موقع ود مدنى
|
Post: #60
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-29-2009, 12:10 PM
Parent: #59
..
.
{ يا جوهر صدر المحافـــــــل}
احدى الروائع لابوصلاح ان لم تكن الاروع ..!!
****
يا جوهر صدر المحافل ***** روحي معـاك اتلطفيلهـا
###
ما النورالفي حـٌليهو رافل ***** في حُـٌق نًهده قلوبنـا قافل
كالظبي الفي مقيله غافل ***** تارة يميـل والتانية جافــل
وجهو يَنور والبدر آفـل ***** فوق للبدر يزيـــــد نفيلا
###
من نور خدك لاح مقابل ***** للشعـر الطـال ليلــو سابل
سهم ألحاظــك ليناّ نابل ***** بي كل شيء دون هجري قابل
يُنسب نوحي علي البلابل ***** وإنت القمـره بتُنسبيلهـا
###
ليك جوز عين نعسان وكاحل ***** وخصـر يميل وصـدرو راحل
وليّ وجــداً اللي جسمي ناحل ***** بحر الشــوق ما ليــه ساحل
بيني وبين النـوم مراحل ***** ووين للطيـــف أنا القي حيله
###
الفرع البتَّني راتل ***** طيره ينوح في غصونـه حاتل
وهو نديم لي فكري شاتل ***** والأسد الفي القيـــد يناتل
يتأكـد ماليهو كاتــل ***** غيـر مكحــول ظبـي النتيلـــــه
###
ضاوي ثناك لي بريقه راسل ***** لاح بين عُنّابتين.. عواســل
صــدرا يرجح وكتفهو حاتـــل ***** رنا طرفــك للسيـف يماثــل
بيو يجنـدل كلّ باســـــل ***** ساحبة دغس وخــدود أسيلـــه
###
يالمرنوع الكتفو هادل ***** في دروعـه ولي معاصمه جـــادل
أنا ساهــر والليل ســــــادل ***** شـرط الحاكم يبقي عـادل
لا أقبل بهــواك مبـادل !! ***** كيف اعشق وأرضي البديــلا.. !!؟
###
أمنع طيفك ليّ لا يقاتــل ***** داخل قلبي أنــا ليــــك منازل
يا لائـم لا تبقـي هـازل ***** أنا فــي الحــب لي روحـــي باذل
العاشق يسمع لى عاقـــل ***** خلَى نصيحتك عنى زيـــلا
###
فوق الجمر ولدمعى باهل ***** كيف نار تشــعل فى مناهــل
ضــاق بي الكون مع انو ماهل **** نومى تصـًعب ووجدى ســاهل
لو بحالة دهري جاهــل ***** دي الأنجـــم فأســــأل سهيلة
###
لي طيفـك ما لقيت وسائل ***** غير بَسًّط النسمـات رسائل
غرب شيئ وأعجب مسائل ***** حلم الصاحـــي ودمعـــو سائـــــــــــل
لو شكّيت في أمري سائـل ***** البدريـن كونك.... مثيلــــــــــه
###
زايد شوقي ودمعي هامل ***** جمـر الحــب لي جسمـــي شامل
حتى الطيــف لي لا يُجامـــل ***** مع ُكّلاًَ.. مــا كُنــــت آمـــــــــــل
دمــي تحنّن بيــه الأنامــــــل ***** هل يرضيـــك كـده ياجميلـــــــه
وهل يرضيكـ كدا يا جميله..!!؟؟
________
ياخى والله دا وصف يمزق الشرايين ..
وكما قلنا ان الاغانى مواقف
هذه الاغنية تذكرنى بالاخ كمال الشادى
وهو يتغنى بها فة شقة ما بالزقازيق فى زمن نسي التاريخ رصده ..
ولا زال الوجه راسخ فى الذاكره
ولا زالت جميله جميله بعد مرور كل هذه الاعوام ..
|
Post: #61
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-29-2009, 01:51 PM
Parent: #60
..
.
أغنية بدور القلعة
أبو صــلاح
-------------
وهي كُتبت في حي القلعة بامدمان .. وهذه مناسبتها كما نقلت عن الراوي
حى القلعه الشهير فى ام درمان
وتغزل فيه ..الام درمانيون ..زمنا طويلا ..اغنيات ما
زالت باقيه ..يترنم بها جيل اليوم ..مثلما تغنوا
لحى الاسبتاليه والمسالمه والمورده وابوروف وبيت المال
تخليدا لسكان هذه الاحياء ..البشوشين الطيبين ..ايضا
تغنوا لبدور القلعه وجوهره.
وهى من كلمات والحان الشاعر صالح عبد السيد ..ابوصلاح
كتبها فى حى القلعه الذى يقع وسط ام درمان
القديمه ..ست الاسم ..التى يحدها من الشمال فريق
ودنوباوى ..وتحديدا مسجد الشيخ قريب الله ..الطيار
وغربا حى الركابيه وجنوبا حى السيد المكى ..وشرقا
وددرو ..ومنها يقودك الطريق اذا رغبت الى سوق الشجره
ثم ابوروف حيث المعديه والمشرع ..وعبور النيل الى
شمبات فى ايام الجمع والزيارات الاسريه والترفيهيه
والشاعر ابو صلاح كتب اغنيه بدور القلعه فى احدى
المناسبات بهذا الحى العريق ..حيث ان حفلات الزواج
فى تلك الايام ..كانت الفتيات فيها يجلسن على
السباته (البساط )وليس على الكراسى على ايامنا هذه
..فى اتجاه معاكس للفنان والضيوف
وكان فنان الحفل فى تلك الليله هو فنان الحقيبه
المعروف والمشهور كرومه ..وكان الشاعر ابوصلاح من
بين حضور الحفل ..وكان كداب الشعراء فى مثل تلك
المناسبه ..ان يقف منزويا فى ركن قصى حتى تتاح له
فرصة مراقبة الحفل ومشاهدة الحسان وحتى يتمكن من
وصف ما يشاهده ويعكس ذلك عبر قصيده تكتب فى اجمل
حسان الحفل
وبينما الفنان كرومه يقدم فاصله الغنائى
فى الحفل قال العريس لاحدى الحسناوات ان
الشاعر ابو صلاح موجود فى الحفل ..ولربما
كانت محظوظه فيكتب قصيده يصف فيها جمالها
..اشار لها العريس فى اتجاه الشاعر ابوصلاح
ويبدو ان الحسناء لم يعجبها ..حال ..شاعرنا
ابو صلاح اى الشكل العام للشاعر ابو صلاح
علم الشاعر ابو صلاح من العريس ان الحسناء لم
يعجبها ..شكله ..وعلى وجه الخصوص شكل عينيه
وكان الشاعر ابو صلاح لها بالمرصاد ..فاخذ
يخاطبها فى صمت ..وشرع على الفور فى كتابة قصيدته
:الشهيرة
العيون النوركن بجهره
غير جمالكن مين السهره
يا بدور القلعه وجوهره
السيوف الحاظك تشهره
حى القلعه مثله مثل باقى احياء ام درمان ..يمتاز
بالصفاء والعلاقات الاسريه المتميزه ..وهو مثل
حى العرب ..تقوم فى داخله احياء صغيره مثل
فريق الشفايعه ..وفريق الشيخ الجعلى ..وفريق
المقابيل والفتحاب ..ولهذا الحى ايضا نكهه مميزه
فهو قد ضم الفنان المشهور الحاج محمد احمد سرور
+++++
العيون النوركن بجهره
غير جمالكن مين السهره
يا بدور القلعه وجوهره
***
السيوف ألحاظك تشهرا
لفؤادى المن بدرى اتهرأ
اخفى ريدتك مرة و اجهرا
نار غرامك ربك يقهرا
****
صيدة غيرك ايه الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى
*****
الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا
*****
يا ام زميم نسي لى ام طرا
أب شــلوخاً عشرة مسطره
النسايم بالندى عطره
دا الدفق لدموعى ومطره
****
جارحه (صالح ) كل ما يحضرا
فى ( مدينة ) الجوف ساكنه الضرا
الرشيم والرشمة الخضرا
زى فريع فى مويه منضره
***
عالى صدرك لى خصرك برى
فيه جوز رمان جلى البرا
الخطيبة و ردفك منبرا
يا بدور القلعة و جوهرا
*****
جلسة يا (ابو الحاج) اتذكرا
و رنة الصفارة اتفكرا
(وهبة) بى مزيكتو اتحكرا
كم طرب افكارنا و اسكرا
*****
العيون النوركن بجهرا
غير جمالكن مين السهرا
يا بدور القلعة و جوهرا
__________
(وهبة) بى مزيكتو اتحكرا
كم طرب افكارنا و اسكرا
( بين القوسين )
عبرت الى سماوات الحقيبة 
|
Post: #62
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 09-30-2009, 01:46 PM
Parent: #61
..
.
قسم بمحيكـ البدري
أبو صــــلاح
++++
قـسم بـي محيك البدري * غرامك منه ضاق صدري
حــبــيـبـي البــالــعـلـي تـــــدري
المحي نور ليلـة القـدر * نصيب قول حاجبه لي غدري
ومـعاك فـي داخل الخدر * فؤادي المالكه من بدري
ْْْْ
حياتي ونعمـتي ويسري * رضيت لو يرضي بي أسري
وفـرض يا دموعي تنتثري * إذا منه النسيم يسري
حـمام الايـك والـقمري * يـصيح ينبيك عن امري
بـين عـواسلك السمري * روايحي وفاكهتي وخمري
أراك توفي بي نـــذري * دموعي اللوجن تذري
حنانك ما عليــك وزري * انا قاسيت الهوى العذري
صحيح لي جروحي لاتبرئ * هواك بي رضاي ماجبري
نسيمات فاهك التبـــري * ياجميل آه قللت لي صبري
أخاف يصدني فيـك دهري * ويحرسك سري عن جهري
وحرس قوس حاجبك الشهري * جويهرات خدك الزهري
حيالك ويـن اجد فكري * ومصافحة اليمين سكري
بـبالك هـل يمر ذكري * وأمامك شكوتي وشكري
____________
قول لي طيـفك عرِّج تعال شوف هواك اللـي جسمي عال
داوي نـاري الزايدة اشتعال ولـوتسـرَّك تـلك الفـعـال
كـل شـي يرضيك هو عال منِّـي هـاك الـروح سـجلا
|
Post: #63
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-01-2009, 11:27 AM
Parent: #62
..
.
كم نظرنا هلال ..
أبوصــلاح
+++
كـم نـظرنا هلال ماشاقنـا غيـر هلالو *** ماأظنو زلال يـروينا غـير زلالـو
اري الهـلال ينقـص واري محيو يتجلالو *** كل يوم يزداد في خديدو نور يحلالو
تتقاصـر الابصار عن حـسنو من اجلالو *** يـتيه يـصد باسم آه مـاألذ دلالـو
الـذّ شـي قربـو بدل النـظر فـي دلالو*** وامـّر شـي بعدو وجفاه أو اهمالو
اري الغصون بتميل واقول هـواهُ امالو *** علـي الخلاف واذا ميل علي انا مالو
طرفو ليه نعسان واناطرفي ليه يصحالو *** يـتلو آية الحب الفي الخديد لايحالو
دلالـو كل ما يزيد جسمي بيزيد انحالو *** ام قلبي الضاع خلي اليروح في حالو
اذا ادار لـحـظو عـلي جـبل دكّالـو *** ولو بسم انزل دمـع السحاب ابكالو
وقلبو لا يشـفق علي عاشقو مهما شكالو *** حبيبي طبع الطير ينزل علي اشكالو
اذا ادرّّ النـوح يـسـلب قـلوب عُُـقّالو *** طبيعي فاهو خدار لا صبغة لا دقّّالو
بالـراح والريـحان الله جـلّ ســقـالو *** دا شعرو ليل وجبينو البدرايه يبقالو
ولـي حـبيب ياليـل نـوم العيون قـلاّلو*** ولي حبيب ياليل قتل النفوس حلاّلو
ولي حبـيب ياناس اشـوف خدودو يلالو *** مع الظـلام تشـتاق الزهرة تتدلالو
____________
يا حبيبى فؤادى _ طبعاً يهواكـ _
انا ارضى هلاكى ولا ارضى ســواكا
|
Post: #64
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-01-2009, 12:29 PM
Parent: #63
..
.
يا حبيبى فؤادي
أبو صــلاح
++++
يا حبيبي فؤادى طبعا يهواكا
انا أرضى هلاكي ولا أرضى سواكا
****
يتلالا خدك يلمع ضواكا
يتمايل خصرك ما حمله قواكا
يا مساوي البدر هو لا يسواكا
لحظك يمرضني وحق من سواكا
****
يا الزهر اليانع رايق في خباكا
والعين لي غرامك شوقا تتباكى
ما أصعب حبك ياما أطراكا
أنا قابل هجري لو كان سراكا
****
أنا عندي هدية هي روحي فداك
يا ظالم رفقا بمن حباكا
يا ساكن قلبي ومتى طرفي يراكا
هل تدري عشوقا هو من أسراكا
****
طبعا لا أعلم في الحب لولاكا
يا منعش روحي يا معنى هلاكا
مهما تسلاني انا لا أسلاكا
في قولة لالا .. لالا ما أحلاكا..
____________
خلى العيش حرام ما دام ارى الموت يحل
ما بين الرميش فوق للطريف الكحيل
|
Post: #65
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-06-2009, 02:32 PM
Parent: #64
..
.
خلى العيش حرام
ابوصــلاح
_________
خلي العيش حرام مادام اري الموت يحل
مابين الرميش فوق لي الطريف الكحيل
+++
هـزاز صدرو ميل فـدع الخصر النحيل
بالرجـاج يقـالع شـبه المهر الوحيل
+++
النوم مـني فـرّ وقـلبي نـاوي الرحيل
مـن غير المنام طيف الخيال مستحيل
++
والاني اشتياقي وقـلبي اصبـح وجـيل
تتمـلك محاسنك روحي جيل بعد جيل
+++
والاك الجمال يرفـع لـي قـدرك يجـل
يتمني الهلال ينصاغ لي قـديمك حجل
+++
بنخوض الرماح لو كـان تـزيد او تقل
ونخاف مـن ضـمير الاهيف المنفـقل
+++
بنقـابل المدافـع بالثـبات والعـقـل
ونهاب سيف عيونو اللمعو يبرق صقيل
+++
يالمنّـّك معـار تكحيل شويدن الخـميل
علمت الغصون مع النسيـم كيف تميل
+++
مخـتارك يحـاكي الشولة دمعو الهميل
والتـختارو لي لاشـك جـميل ياجميل
________
كثيرون يعتقدون التختارو ليلى .. :)
وصف الخنتيله جمال تاجوج المافى مثيلها
كفاكـ يا زميل
|
Post: #66
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-07-2009, 02:19 PM
Parent: #65
..
.
وصف الخنتيلة
أبـو صــلاح
__________
وصف الخنتيله جمال تاجوج
المافي مثيله
كفاك يا زميل
رويحتي قتيله
قليبي بيشابي حسب ترتيله
صدير هزاز وضميرة فتيلة
وليها وريد اريل في نتيله
وضيبة زميله تقود بتاكي
القامة يميله
جبينو تلوح انوارو جميلة
يفوق القمرة بعد تكميله
خدوده اسيلة سناها يفوق
غيماتو عسيلة
كتيفة نزل طاوع توسيله
من الارداف ما لاقي وسيلة
خديرة كحيلة ضهيره رنع
غالباهو الحيلة
ضمير الاهيف صحفحاتو نحيلة
صدير يرجح وارداف رحيله
عقولنا هزيله قلوبنا عليك
كثر زلزيله
وشوفة عارضك نغمة جزيلة
ترد الروح والغمة تزيله
خدرتك اصيله على النرجس
يعظم تفصيله
عيونى نجوم الليل تحصيله
مقاطع النوم ارجوك توصيله
الروبه ضليلة طايله معتمة
لاخمة دليلة
لولا قمر محيك هالي له
لكنا نتوه في ضلمة ليلة
ليها نفيلة تعوم واكتافه
يلازمو كفيله
وليها طباع الصيد جفيله
عليها القافية وجب تقفيله
____________
ارحم يا سمير قلبى
المانساكا اسمح لى بنظره
لو فى الطيف عساكا
|
Post: #67
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-08-2009, 11:02 AM
Parent: #66
..
.
ارحم يا سمير
أبوصــلاح
____________
ارحم يا سمير قلبى
المانساكا اسمح لى بنظره
لو فى الطيف عساكا
===
بدلك وتيهك مع تشديد
قساكا جوا فؤادى ساكن
صبحك ومساكا
حسنك خفا قلبى وتقلك
رساكا بغرامك كسانى
وبالانوار كساكا
===
جل البارى ابدع فى خلقك
براكا وعبثا قلبى يتعب
فى حبك وراكا
صحوا مابتزورنى هل
فى الطيف اراكا يالراشا
يالمكحل يا شويدن الاراكا
===
انتا السالى جيلك وجيك
ما سلاكا انتا بتجلى حليك
وما بتجلى حلاكا
كيف الامه تهوى
وكيف تعشق بلاكا
يامراهيم جروحا
و يا ملكا و ملاكا
===
ياظبى الخمائل وظل الغيم
معاكا ناعس فى الخمائل
قانص ما سعاكا
كيف تصطاد قلوبنا والشئ
الدعاكا ارجع من هظاراك
وجيب قلبى معاكا
===
نور يا خديدو الما بطيق
نداكا ولع يا فؤادى
الحبك ما فداكا
يا غزال لى هلاكى وقتلى
انا مين هداكا الموت بين
كواحلك يانوعيس هداكا
===
مكحول الخمائل بالنظر
اشتهاكا يزدرى بالزهور
الفى الاكمام زهاكا
يالفى الخاطره لينك فى
جيدك بهاكا نومى الشيلتو
جيبو هاكا قليبى هاكا..هوي
____________________
من قليبو الجافي ولى قليبي الحان
النسيم يتردد عامل استمحان
الغصون تتناول منه خمر الحان
والطيور تتناشد رايق الألحان
والفروع تتمايل ميلة الفرحان
والزهور بتصفق ويرقص الريحان
|
Post: #68
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-08-2009, 12:49 PM
Parent: #67
..
.
من قليبا الجافى
أبـو صــلاح
=============
من قليبو الجافي ولى قليبي الحان
النسيم يتردد عامل استمحان
الغضون تتناول منه خمر الحان
والطيور تتناشد رايقة الألحان
والفروع بتميل ميلة الفرحان
والزهور بتصفق ويرقص الريحان
يا نسيم ما بالك تتنى قامة البان
انت رايق تلعب والعشوق تعبان
اكتشف ما دائي وما الدواء الصعبان
هل دا جرحاً بالغ أم دا سم ثعبان
قال لي لازم صبركـ مدة الأزمان
لا روايحى تطبك لا ولا لقمان
البداوى جروحك إن شفتو يا سقمان
في عصير الند البنضحو الرمان
بي الغرامك حلّ ورحل السكان
في مدائن جوفي تملك الأركان
ما ألذ النار السارجه بى لو كان
يبقى قلبي وقلبك في الغرام شركان
صاحي سياف لحظك والطريف نعسان
ليك رشرش قاطع جندل الفرسان
انت بدراً ساطع في قوام إنسان
ليك حسن الدنيا ولى شعر حسان
انت حسنك كامل والعشوق كملان
طش عقلو الهامل فارق الزملان
في المنام يتقدل طيفك العطلان
والحجارة اتنت لو قليبك لان
قلبي لا يسلاك ولا يطيق نكران
بين شاهد جفني البى الدموع وكران
درعك البتقّمز بالوضيب عكران
والضمير الميل صاحي أم سكران
الدوش افكارى وربّ لي جنان
خمرة تمزج تينه وتسقى در أسنان
رق يسطل سمعي لهيجك الرنان
انتو ناس في دنيا ولا حور في جنان
_____________
يا سمــــيري بنظرتك
أوفي الميعاد
العـــــيون الشافتك
ما أسعدا
من هواك أنا جسمي
دائماً في ارتعاد
أما نومــــي الفرُ ما
منظور يعـاد
يكفي وجدي ويكفي
هـــجري والبعاد
|
Post: #69
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-11-2009, 01:26 PM
Parent: #68
..
.
يا سمير بي نظرتك
ابـو صــلاح
+++++
يا سمــــيري بنظرتك
أوفي الميعاد
العـــــيون الشافتك
ما أسعدا
من هواك أنا جسمي
دائماً في ارتعاد
أما نومــــي الفّرُ
ما منظور يعـاد
يكفي وجدي ويكفي
هـــجري والبُعاد
رِق وجود وانظر لراحات وعاد
لو رضـــاك ينجز حظوظي يساعدا
زاد غرامى وعيشى قط مالَى لاد
يا نسيم غيثنى من الم الجلاد
جيب لى طيب جسمو الاحلى من الجلاد
تسرى بين اكمام بساتين البلاد
مافى زهرة ولا عزمك قالدا
يا نســــيم نومي قلُ وزاد عناد
أستـــعد أصبح عليك الاستناد
أجتــــهد في سـرعة زي قدح الزناد
تلقي سيُاف لحـظو صاحي وطرفو ناد
احتفــــلبو ولف بثوب الندي
قولو يا المكــحول طبيع
من غير تماد
يا أب صديراًً شال ثمارو وخضرو ماد
يا المحــجب في غرف ذات العماد
لو لـحاظ عينيك صدف راسي الجماد
غــير شك دك الـــحــجارة وهمدا
صرت اعجب دمعى ليه ملا المهاد
صبرى ولا وشوقى دايما فى اجتهاد
الغرام بجيوشو لحصون قلبي هاد
طرفى خاصم نومى وانطفى بالسهاد
ما شكيت الحب شكيت مالى هدا
ليل طــــال عتُم نشر ثوب الحداد
من نجــــومو اتوشح الدرر الجداد
طــــرفي ساهر يتلو أيات الوداد
الشـــــجر أقلام جميع والنيل مداد
لـــــــو كتب أشواقي ليك ما عددا
__________________
الــكـواكب احــتفلو بالقـمر
ام دي روضـة دُرّيـة الثَـمر
ام دي بهـجة الاهـيف الضـمر
ديـسا للــدرع وزّع الخُـمر
|
Post: #70
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-14-2009, 03:24 PM
Parent: #69
..
.
الــكـواكب احــتفلو بالقـمر
ابوصلاح
------------------------
الــكـواكب احــتفلو بالقـمر ام دي روضـة دُرّيـة الثَـمر
ام دي بهـجة الاهـيف الضـمر ديـسا للــدرع وزّع الخُـمر
والطريف شبك رُشرُشـو العَـمر للعيون سيوف تقـضي ماأمر
ديـسا للقـدم وصّـل الخــبـر والصـدير بـرز قلّـع انتـبر
والـنهيد رُخـس لسّـع ماجـبر قلـبي هـجّ طار عنه ماصبر
الشـعـر نـزل للـدرع سـتـر زاحـم القـدم فيـها كم عتّر
والصـدر قلـع والـردف نـتـر والضمير تِعب حالتو في خطر
صبـري قـلّ سال دمعي مانزجر طرفـي لي لـذيذ المنام هَجر
يالمــزانة ياربــرب الحُـجـر يالمـحجّب الضـارب الكُـجر
دمعي مالو فـاض شـابه البحـر ماطفـي العليَّ من لهيب وحر
عقـلي مانـفـقد قلـبي مانسحر تـدري بالعـليَّ نجمة السحر
مالبـروق ومـا الـبدر لـو سفر مالغـصون ومـا الاريل النفر
كاحلة ناعسة للسيف رمـش غفر تسلميـبو مـن ضـلّ او كفر
العُـشُق نصـيب والغـرام قـدر والقـلوب تطـيع امرك الصدر
نارنا مـانطفـت شوقـنا مافـتر طِعـنا والنفـس فيـنا مانتر
خاتم السعـود وفـي النجم ظهر باحـتفال خـتام نورو اشتهر
انـتـهـز فـرص يانـع الزهـر دمت فـي نـعيم مـدة الدهر
______________
|
Post: #71
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: محمد يوسف الزين
Date: 10-14-2009, 04:05 PM
Parent: #70
interesting post
|
Post: #72
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-16-2009, 01:09 AM
Parent: #71
..
.
thx ya M.Y.Z
________
welcome
|
Post: #73
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-20-2009, 01:00 PM
Parent: #72
..
.
يا ليل ابقالي شــاهد
ابوصلاح
------------
يا ليل أبقالي شاهد على نار شوقي وجنوني
يا ليل صار ليك معاهد طرفي اللي منامي زاهد
دنا لي سهرك وأشاهد فوق لي نجمك ظنوني
يا جميل لي سهري واجد وأراك نايم وهاجد
مين لي عيني ناجد بي دموعي الغرقونى
+++
لا تكون بالنظرة جاحد حلمك في المية واحد
منك لي ربي شاهد بين ايدك يا حنوني
خده البي مطارقه فاصد جامع كل المقاصد
طرفه المكحول وراصد بي سهامو الألموني
براق سنك يساعد الغيم المزنه راعد
+++
ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني
بعدك لعقلي فاقد وقربك جوه جوفي واقد
قلبك على ظلمى عاقد شوفتك لراحتى ومنونى
___________
|
Post: #74
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-20-2009, 02:03 PM
Parent: #73
..
.
ابو صلاح
لحظك الجرّاح
++++
أذاي فيه ، وفيه الطرب والراح
مناي يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح
________________
|
Post: #75
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: عبدالله كع
Date: 10-20-2009, 02:21 PM
Parent: #74
يااا - اللـــــــــــه
ريحتني . كنت بفتش لي حاجه زي دي ...
|
Post: #76
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-27-2009, 01:56 PM
Parent: #75
..
.
Quote: يااا - اللـــــــــــه
ريحتني . كنت بفتش لي حاجه زي دي ... |
ريح الله بالكـ
_______
لى عودة؛
|
Post: #77
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-27-2009, 05:27 PM
Parent: #76
..
.
ضامر قوامك
أبو صلاح
....................
ضامر قوامك لان
قلبك قسى وجافيت ليه يا جدي الغزلان
سهرت جفني ملان
يذرف دمع نازل كالمزن في الهملان
ما بصح ليك يا فلان
طرفك دوام ناعس وأنا طرفي ما غفلان
اظهرت شكلك بان
كوكب منير أشرق من فوق غصن البان
كم ليك محب تعبان
درب العشق ساهل ودرب الوصال صعبان
كالظبي في اللفتان
أما الخديد ناعم ذي زهرة البستان
تجد الطباع آمتن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا إنسان
القمري في الالحان
ذكرني ألفاظك وقلبي إنطرب فرحان
يتواري لي لمحان
بروق درر فاهك بالراح والريحان
ليه كفك إتحنن
وليك قلب قاسي ما فيه لي حنان
يالراقص الفنان
حبك ملك قلبي وجننت عقلي جنان
_____________
|
Post: #78
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-27-2009, 06:35 PM
Parent: #77
..
.
شاعرنا التالى .. هو شاعر الوجدان عبيد عبدالرحمن
نشأته
و لد عبيد عبد الرحمن في حى المسالمة القريب من السوق الكبير بام درمان حوالى عام 1905على الارجح او 1908 .
ينتمى والده الى منطقة بربر التى هاجر منها ابان الثورة المهدية ليبايعوا الامام المهدى فى مدينة الابيض
و عادوا ليستقروا فى ام درمان بحى المسالمة و هو الحى الذى اقام فيه النصارى الذين بايعوا المهدى و طاب لهم المقام.
ارسله ابوه إلى خلوة الفكى على القريبة من الحى ثم التحق بمدرسة الطاهر الشبلى فى عام 1914 بشارع كررى
و قضى بها عامين ثم أتم دراسته الاولية بكتاب حسن على بشارع ابو روف ثم آثر مساعدة والده
فعمل في دكان والده الترزى حيث كان هذا الدكان بالسوق الكبير ملتقى لاصدقاء عبيد من الشعراء
امثال سيد عبد العزيز و بطران و العمرى و احيانا ود الرضى ثم تخلى عن العمل مع والده
حيث عمل بالاعمال الحرة في التجارة و النقل بالعربات و كانت اغلب اعماله فيما بين العاصمة
و الجزيرة حيث نظم اغنية "طال هجرى يا ام درمان".ثم زوجه والده باكرا في عام 1929 و لم يكمل الخامسة
و العشرين بعد و رزق منها بانجاله عصام و إلهام و غسلام و محمد رضا و فتحى . استقر بالعاصمة
حيث التحق بمصلحة الاشغال في عام 1934 ترزيا إلى أن تمت احالته إلى المعاش في عام 1867.(1،2)
شعره:
تاثر عبيد بالدوباى و شعر الطنبور و كان مولعا بجقود و العبادى و ابو صلاح و لم يمارس صنعة الدوباى كثيرا
وان كان قد نظم بعض اشعار الدوبيت فالف عددا من القصائد ذات الشطرات المربعة خلال سنة 1923
و اعطاها للطمبارى محمد رأس البيت الذى غناها فى الاعراس و قد اندثرت أغانى الدوبيت التى نظمها
الشاعر على قلتها و لم يتذكر عبيد شيئا من دوبيته غير بضعة ابيات يقول فيهما"
درجت و انزوت فاتت على استعجــــــال
تركت بى ما تركت من الاوجــــــــــــــال
صريع لحظات طريح من مرهفات انـجال
أريته حرب سجال و رجال تلاقى رجــال
و قد وضح لنا انه لم يتأثر بشاعر غنائى معين. من اولى اغنياته و التي غناها عبد العزيز المامون"
البدور الطالعة ليلة *** يقصرن عن حسن ليلى
لا محال لا قيل قيلة *** فيها كل شئ ما احيلى
يقول عبيد " اغلب شعراء الاغانى كانوا يضعون مخططا لحنيا لقصائدهم بعد نظمها لان اساس الغناء كان الرقص.
أنا و خليل فرح و احمد عبد الرحيم العمرى و عبد الرحمن الريح كنا معروفين باننا شعراء ملحنيين.
و على الفنان أن يضع التحسينات التي يريدها. كنت اعطى المطرب النص مكتوبا و اشرح له المخطط اللحنى
الذي نظمته بناء عليه و من الانصاف القول باننى لم اضع لحنا مكتملا، فقط اضع اللحن الاساسى و اعطيه للفنان
الذي يقوم بعمل التغييرات و التحسينات التي تناسب صوته و اداءه."
يشير عبيد إلى أن الصداقة التي جمعت بين الشعراء و المغنيين كانت احدى الاسباب الرئيسية
في انجاح تجاربهم المشتركة إذا يقول " الفنانين الذين عايشناهم كانوا خلاقين اصلا لكنهم
و جدوا المساعدة منا لاننا نؤلف باللحن و كنا نعيش ولادة القصيدة بشكل مشترك و لم تكن لدينا ظاهرة
أن يطلب الفنان من الشاعر أن ينظم له قصيدة على اساس لحن معين".(1)
اول قصيدة غنائية نسجها عبيد على نمط الحقيبة كانت في نفس العام الذي انقطع فيه عن الدراسة و
عمل بمحل والده و هي اغنية مطلعها
البدور الطالعة ليلا *** يقصرن عن حسن ليلى
و اعترف بها الشاعر عبد الرحمن عبد الماجد (لوكا) و لكن العبادى و رفاقه رفضوا الاعتراف بها حتى ذاع صيتها
و غناها المطرب عبد العزيز المامون فاعترف بها اخيرا العبادى و صحبه و صارو ياتون الى دكان ابيه ليسمعوا منه.
سبق عبيد معاصيره بالاخيلية المدهشة و الصياغة المحكمة و الكلمات الرقيقة المهذبة فقد
وصفه الشاعر عبد الرحمن الريح بقوله:
كم عبيد في شعره الرصين *** كان مثال اللبق الامــين
منه تظهر في كل حين *** تحفة تشجى الناس اجمعين
الغزليات في اشعاره:
من مقدمة ديوان "غزال البر" بقلم التجانى حسين
احتلت الغزليات حيزا مهما من شعر العبيد و تميزت غزلياته بالتصوير البليغ و جمال اللغة و الاسلوب و
الموسيقى الداخلية فها هى قصيدة غزال البر" و التي يقول عنها شاعرها أنها نظمت في اواخر الثلاثينيات
لسفر حبيب على مركبو مائية و كان سفره مفاجأة على الشاعر مما ترك اثره واضحا في نفسه
و الذي صوره في القصيدة:
غزال البر يا راحـــــــل
حرام من بعدك الساحل
انا المن حالى ماك سائـــل
انا المنى الفؤاد مضنى
انا المنى الدمع سائـــــل
اعانى عذابى الهائــــــل
و نال منى الهوى نائــل
و من اجمل قصائد الشاعر تلك التي جارى فيها اغنية خليل فرح "فى الضواحى" فالشاعر هنا يرى أن للمدن أو الحضر جمالها
و خليل فرح ركز في قصيدته على جمال الطبيعة اما شاعرنا فقد كان تركيزه على جمال المرأة في المدن و التي يشيد
باخلاقها العالية .
و جارى شاعرنا أيضا الشاعر ابو صلاح في قصيدته "عينى و المنام في معاندة" بقصيدة "طرفى و المنام" التي يقول مطلعها
طرفى و المنام في مجاهدة
و الليالى عن حالى تشهداعبيد و القضايا الاجتماعية:
تعود الشاعر على تناول القضايا الاجتماعية و مشاكل و هموم الناس اليومية في مختلف المجالات
و العهود منذ عهد الاستعمار مرورا بالعهود الوطنية المتتابعة و قد تعرض بسبب ذلك إلى العديد من
المساءلات و المحاكمات فعندما حدثت الازمة المالية في أوائل الثلاثينيات عبر عن ذلك ابلغ تعبير في
قصيدته "جولة في السوق" و التي قال في مقدمتها " هذه القصيدة من صميم واقع الحياة التي عاشتها الامة السودانية
في الثلاثينيات و التي تمثلت في الازمة المالية ابان حكم الانجليز"
فقد تعرض الشاعر في هذه القصيدة لتصوير حالة الكساد الاقتصادى في البلاد من خلال وضع الموظف
و العامل و لامزارع و الجزار و تاجر الماشية الخ.. فيقول.
الموظف حسب مرتبه و عــــــــداه
راجعه و كرره تانى الجساب عداه
لقاه فرق كتير محل مـــــــــــا وداه
كل اول شهر زعلان و مابى غداه
و عن العامل يقول:
العامل يقول هلكه العمـــــــل هدّاه
موضوع في مكان لا يمكن إتعداه
محروم من لذيذ كل ما جنته يــداه
عمل المستحيل بس حظه مــا أداه
ثم يقول:
نقول وين القروش و كلامنا شن معناه
بقت عند الحكومة و خشمنا شمعنـــــاه
تناول الشاعر قضايا الماء و الكهرباء في قصيدته "شركة النور" و "المهدية الحارة الاولى"
ففى الاولى يخاطب مدير شركة الكهرباء حيث يقول عنها:
"كانت الكهرباء حديثة الدخول في البيوت و كذلك المياه ..
و عندما وصلت فواتير ثمن الكهرباء و الماء و بالرغم من زهد ثمنهما في ذلك الوقت رأى المواطنين أن ثمنها كثير" فيقول:
نخاطب لمدير الشركة
بينا و بينه شئ حيوى
و منافع بينا مشتركة
صراحة نقول غالى
علينا ثمن الموية
و غالى علينا ثمن النور
اما في قصيدته "المهدية الحارة الاولى" فيتناول انقطاع المياه و الآثار التي تترتب على ذلك
و ذلك من خلال مصاعب تعانى منها الاسر .
و تناو عبيد عبد الرحمن أيضا مشكلة المواصلات حيث تحدث عن الترماى و عن الاعطال التي تحدث فيه
ثم تحدث في قصيدة أخرى عن "شح المواصلات" كما تناول أيضا الاوضاع في البصات.
و المعروف أن للشاعر في ديوانه "رسائل" قصيدة بعنوان " إلى ضابط مجلس بلدى امدرمان" تحدث فيها عن
وضع السوق فقادته إلى المحكمة التي حكمت عليه بعشر جنيهات غرامة و كان المبلغ كبيرا جدا في ذلك الوقت (1968).
و هذه القصيدت الساخرة المشهورة انتقد فيها عبيد الفوضى التى يمارسها البائعون فى السوق الكبير
و عدم ملاحقة رجال البلدية لهم و مساهمتهم فى الفوضى بقبول ما يقدم اليهم من الطيبات و يقول فيها (2):
يا ضابط المجلس هل كلامنا بتسمعو *** كم من مواطن ليك شكا و من حرقه سالت ادمعه
و قد اختتمها ببيت يفيض بالحكمة:
الدنيا اصلها من زمان ناس يشقوا*** فيها و فيها ناس يتمتعواحى المسالمة في شعر عبيد:
يقول الشاعر " كانت نشأتنا في حى المسالمة و كانت علاقة ابناء و بنات الحى علاقة الاسرة الواحدة"
و لذلك نجد من الطبيعى أن العديد من قصائده تدور حول بنات المسالمة و من بينها " آه من جور زمانى"
و "من مصر و السودان" و كذلك " افكر فيه و أتامل".
و المعروف عن حى المسالمة أن فيه المسلمين و المسيحيين على السواء و يقول شاعرنا " كنت اسكن المسالمة
واحببت فتاة مسيحية تسكن بحى المسالمة أيضا فاحببتها لدرجة الجنون و فوجئت بانها زوجت زواجا مبكرا للشعور
بما يكنه كل منا نحو الآخر من حب و الخوف من أن يتم الزواج بيننا لاختلاف الاديان".
و يقول شاعرنا عن ذلك اليوم " كان اكبر يوم حسرة في حباتى" و من هنا كانت قصيدته:
افكر فيه و اتامــــــل
أراه إتجلى و اتكمــل
هلالى الهل و اتكمـل
حديثى و دمعى اتسلســل
فصول في رواية تتمـــثل
اقيف في مواقف استبسل
و عن رؤيا الحبيب حالا
ابين في مواقف اتوســـل
و يضيف معاوية (1): يقول عبيد "دعينا الى حفلة الاكليل فى الكنيسة انا و الشاعر سيد عبد العزيز
و الاستاذ خالد آدم (ابن الخياط)" و ذكر الشاعر انه التقى بها مصادفة مرة واحدة بعد ذلك عام 1980
فى احدى المناسبات الاجتماعية رغم التغييرات التى احدثتها السنوات إلا ان عينيه ابت إلا ان تنظر اليها بمنظار عام 1930.
مع سرور
التقى عبيد مصادفة بسرور في حفلة عرس احياها سرور (و يقول المبارك انه التقى بسرور و معه برهان في حفلة في عام 1925
(بود مدنى) و كان عبيد قد كتب القصيدة على ورقة ليعطيها اى مطرب كان سيلتقيه في تلك الليلة
و كان من حسن حظه أن كان سرور هو مطرب تلك الليلة و احتكر سرور انتاج عبيد عبد الرحمن طوال
مرحلة الحقيبة إلى أن ظهر الفنان ابراهيم الكاشف الذي اعتمد على اشعار عبيد في الانتقال من غناء الحقيبة إلى الغناء الوترى.
و قد نظم عبيد الشعر الغنائى طوال الفترة 1924 إلى 1942 (فترة الحقيبة) و قد اعطى قصائده الغنائية الاولى
لعدد من فنانى امدرمان الذين لم تكتب لهم الشهرة مثل عبد العزيز المامون و حسن التوم و غيرهم
و لكن شهرة عبيد الحقيقية بدات نحو العام 1926 حين تغنى له سرور بقصيدته (1)
طال هجرى يا أم درمان *** بى بعادك حكم الزمان".
تغنى سرور بمعظم منظومات عبيد عبد الرحمن خلال العشرينيات و الثلاثينيات و من اكثرها شهرة
(ليلة ما احلاها 1928 التي اشتهرت باسم "الحكاية عيون") و (ضاع صبرى) التي نقلها عن سرور
الفنان ابراهيم عبد الجليل كما غناها الفنان كرومة و (جاهل صغير مغرور) التي لحنها كرومة
و (غزال البر يا راحل) و (من محاسن حسنو المحاسن) و (منظر شئ بديع ما احلى الغزل 1928 )
ثم انتقلا إلى التجديد باغنيات (اسمعته تغريدى 1937) و (افكر فيه و اتامل 1930) التي لحنها سرور
و (انا ما بقطف زهورك) و (المتطوعات) الخ.(1)
ومن طرائف عبيد مع سرور أن الفنان سرور كان يعتد بنفسه كثيرا فقال لعبيد مشيدا بجهده في
ترويج اغانى عبيد "نحنا طلعناكم فوق و ممكن ننزلكم تحت" فقال له عبيد "
اتارينا ما عارفين نحن ليه دايما فوق"
و كان سرور يستعين بعبيد و صديقه سيد كلما مرت به أزمة تنافس بينه و بين كرومة و عمر البنا
و كعينة من ذلك اغنية عبيد :
و لهان دمعى سهران ساهى سالى *** بعدك لى محير قربك ليه أباللى
________________
http://nawaonline.net
معلومات اضافية عن الشاعر .. بقلم ابوريم
|
Post: #79
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-27-2009, 06:56 PM
Parent: #78
..
.
أغنية "رسايل" (حبيبي أكتب لي) لها قصة فريدة حين كانت قصيدة، وبعدما أضحت أغنية.
فقد نظمها الشاعر عبيد عبد الرحمن يناجي فيها صديقه ورفيق دربه الشاعر سيد عبد المحسن عبد العزيز
الذي لا يعرف كثيرون أنه كان له باع في التأليف المسرحي مثلما شارك في نظم أغنية ما يسمى "الحقيبة"
والانتقال بها الى مرحلة هيمنة الآلات الموسيقية على الأداء الغنائي السوداني.
ومثل رفيقه عبيد عبد الرحمن كون ثنائياً متميزاً مع الفنان إبراهيم علي أبو جبل المعروف بالكاشف.
وجاءت دواعي المناجاة بسبب إقامة عبيد في أم در أمانه،
بينما كان سيد يقيم في الأبيض عروس الرمال حيث كان يعمل ملاحظاً لورشة مصلحة النقل الميكانيــكى هناك.
لا يعرف كثيرون، بل سيدهشون حين يكتشفوا أن ملحن هذه الأغنية العملاقة ليس الكاشف،
وإن كانت لا تزال مسجلة في بطاقات المكتبة الصوتية لإذاعة أم درمان باعتبارها من تلحينه.
ملحنها الحقيقي هو الفنان الكبير الأستاذ التاج مصطفى . وقام بتوزيع الأغنية والإشراف عليها
حين تم تسجيلها في أستديو الإذاعة الموسيقار الإيطالي الراحل إيزو ما يستريللي، وقد خلدت ذلك التسجيل
صورة فوتغرافية شهيرة تظهر فيها الفرقة الموسيقية بقيادة مايستريللي، والكاشف مؤدياً والتاج مصطفى
يرقب التسجيل ضمن الجوقة الموسيقية..
مدونة ندى شداد
+++++
حبيبي اكتب لي
عبيد عبدالرحمن
========
حبيبى اكتب لى .. وانا اكتب ليك
بالحاصل بى .. والحاصل بيك
الباقى علي ..انا شوق وحنين
واقيم الليل .. آهات وانين
اتقلب ما بين .. الجنبين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك
***
أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامي ليك
***
اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. عز الِصبا
ابسم اليك ..تبسم معاى
جالس حداى تسمع .. غناى ..
مع صوت الناى ..وانا يا مناى
الطول حياتى .. بغنى ليك ..
_______________
|
Post: #80
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: عبدالرحمن طبيق
Date: 10-27-2009, 08:07 PM
Parent: #79
تبلدينا تحياتنا
ما ارع هذا البوست وأجمله
بس قددت عيون يا اخي ما تكبر الخط شويه وكمان ضلمو شوية خلينا نستمتع دون عناء
|
Post: #81
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 10-28-2009, 08:14 AM
Parent: #80
..
.
أفكر فيه و اتأمل
الشاعر عبيد عبدالرحمن
آداء سرور
+++++
افكر فيه واتامل *** اراه اتجلى واتجمل
هلالى الهل واتكمل
تفاصيل قولى والمجمل *** ساصبر ياأخى ايه اعمل
اذا قلب الفتى اتحمل *** مصايب الدهر والامه
ارى الصبر الجميل اجمل
حديثى ودمعى يتسلسل *** فصول فى رواية تتمثل
اقيف فى مواقف استبسل *** وعن رؤيا الحبيب حالا
ابين فى مواقف اتوسل
هواه بجسمى إتخلل *** مجارى الدم اذا اتحلل
وقيع لى رضاه اتذلل *** وما هماه يا سيدى
دا واحدا اصله بيتدلل
ترك افكارى تتضلل*** بعذره البيه يتعلل
فما شرع الهوى حلل*** لقانا نهار ولا
فى ليل اذا أليل
صريح قانون هواك خول *** هلاكى وقلبى ما اتحول
حقيقة وليس تتأول *** صريع لحظات سيوف لحظك
وحالى ان شفته تتهول
تذكر عهدنا الاول *** صحى الايام بتدول
قريب يوم داك ما طول *** مضت ايام ويا حليلن
بقت احلام وتتأول..
________________
|
Post: #82
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 11-14-2009, 03:17 AM
Parent: #81
..
.
أنا يا طير
عبيد عبدالرحمن
________________
أنا يا طير .. أنا ياطير بشوفك
فرحان وبتغني وحبيبك معاك
وحبيبي غاب عني
أنا ياطير موله محزون لأني
وحيد حبيبي غايب
آه يا طير وتاني علي مصايب
من أدهى الغرايب لي أجمل حبايب
صدوا وبعدوا مني
أنا ياطير حبيبي للآلام تركني
وبدلل عليّ وبالهجران هلكني
زعلان مني صدّ وبرايو إستبد
إتناسى المودة وإعتاد التجني
ياريت كنت زيك لو يجدي التمني
حبيبي يكون معاي
وفي الأشجار نقيل وبالأغصان نميل
بخفة جناحك وحرية سراحك
في الأفنان نغني..
_____________
|
Post: #83
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: Tabaldina
Date: 03-23-2010, 01:23 PM
Parent: #82
..
.
(*)
|
Post: #84
Title: Re: كلماتُ تـسْتعَصى على النـسـيان؛؛ .. ( بوست توثيقى) ..
Author: د.يوسف محمد طاهر
Date: 03-23-2010, 05:29 PM
Parent: #82
السلام عليكم - أخي الفاضل : تبلدينا :
أولاً : أوصيك بأن تنقل هذا البوست إلى الربع الثاني من العام 2010 م
مع ألف تحية وتقدير على الجهد الخرافي الذي تقدمه لانجاح هذا السفر القيم
____________________________________
لا تنسى أن توثق لمحي الدين فارس , والهادي
آدم , ومصطفى سند , والفيتوري ... وجميع
هذه الكوكبة من شعراء العصر ...
| Quote: كلماتُ تـسْتعَصى على النـسـيان؛ |
فعلاً كلمات تستعصي على النسيان لأنها نابعة من عاطفة شعرية
صادقة , وهكذا حال شعرائنا...
أجد نفسي دائماً مشدوداً لمثل هذه البوستات , فلك مني كل الود...
|
|