كلنا تامين,,!

Post: #1
Title: كلنا تامين,,!
Author: الملك
Date: 07-03-2008, 00:57 AM

..
..

من يفتح شباك الذكريات
,!!
يفتح على نفسه "أنفاس الحنين"

Post: #2
Title: Re: كلنا تامين,,!
Author: Rihab Khalifa
Date: 07-03-2008, 01:10 AM
Parent: #1

و ان شاء الله كمان دايمان لامين

يا ربي الناس ديل مشو وين كلهم اسي، ماما ايناس شايفنها عملت ليها كارير في التلفزيون

----------
و يسلم ناجي من الرمايه!

Post: #3
Title: Re: كلنا تامين,,!
Author: الملك
Date: 07-03-2008, 01:30 AM
Parent: #2

أُم يس
يسلم "يس" من الرماية
..
..
Quote: ماما ايناس شايفنها عملت ليها كارير في التلفزيون

ما عارف ليه ما مُتذكر
غير"فن وجمال"

و"عشة سالم"
من كل الجنة ديك,,!!

ايام سمحة لا ديقتل لا إنترنت

Post: #4
Title: Re: كلنا تامين,,!
Author: عامر تيتاوى
Date: 07-03-2008, 01:48 AM
Parent: #3

... والاسرة اكتملت فى مودة
يارب دايما تامين
ياملك

بريقع ولد عمنا جحا

Post: #5
Title: Re: كلنا تامين,,!
Author: الملك
Date: 07-03-2008, 02:00 AM
Parent: #4

..
..
عامر تيتاوى
Quote: بريقع ولد عمنا جحا

ده كان شكلوا كييف..!!

"شكلى انا الما حضرتوا",,؟

Post: #6
Title: Re: كلنا تامين,,!
Author: humida
Date: 07-03-2008, 02:18 AM
Parent: #5

ناجي ..
يسعد صباحك ..
والله ذكرتني ايام جميلة ..
حضرت تسجيل حلقات كثيرة من برنامج جنة الاطفال في التلفزيون ..
ايام السنى دفع الله .. وتماضر شيخ الدين ( العرائس ) .. وبابا ( فزاري ) ..
لكن كان يشدني اكثر برنامج ( ركن الاطفال يقدمه عمكم مختار ) ..
وخصوصا انتظر عبارة صديقي ( يوسف ) الشهيرة ( ننننننننكتة ) ..

للاستماع الي شعار البداية لـ( برنامج ركن الاطفال ) اضغط PLAY

Post: #7
Title: Re: كلنا تامين,,!
Author: الملك
Date: 07-03-2008, 02:32 AM
Parent: #6

Quote: ناجي ..
يسعد صباحك ..

الليلة شكلى ما نمتا ولا حأنوم
,,,
Quote: حضرت تسجيل حلقات كثيرة من برنامج جنة الاطفال في التلفزيون ..
ايام السنى دفع الله .. وتماضر شيخ الدين ( العرائس ) .. وبابا ( فزاري ) ..
لكن كان يشدني اكثر برنامج ( ركن الاطفال يقدمه عمكم مختار ) ..
وخصوصا انتظر عبارة صديقي ( يوسف ) الشهيرة ( ننننننننكتة

الناس الفوق دى ...فجأة
بقينا أعضاء معاهم فى سودانييز "الكتوف تتلاحق"
اما يوسف فالمصيبة الزول دا لحدى اسى فى بالى
لمن اى زول يلفظ بى كلمة "نُكتة" بتذكرا ليك كلمة (ننننننننكتة) دى بكل مخارجا

...
...
كانت لحظات
ما احلاها
من عُمر سعيد

ما أحلاها

مرت بسراع

ما أحلاها

Post: #9
Title: Re: كلنا تامين,,!
Author: humida
Date: 07-03-2008, 02:40 AM
Parent: #7

طبعا انا خلاص حددت اقامتي في هذا البوست ..
..
..

تتذكر النشيد دا .. ( ناس فرقة ألوان الطيف ديل كانوا بدوني احساس انه بعد ما ينتهوا من النشيد طوالي بطلعوا مظاهرات ) ..!!

للاستماع لنشيد ( الحروف العربية ) اضغط PLAY

Post: #44
Title: Re: كلنا تامين,,!
Author: الملك
Date: 07-04-2008, 04:06 PM
Parent: #2

..
كانت لحظات ما أحلاها

Post: #8
Title: Re: كلنا تامين,,!
Author: الملك
Date: 07-03-2008, 02:36 AM
Parent: #1

حميدة

...
أنا نسيت

ياخى إزيك وأنت وناس كده

...

Post: #10
Title: Re: كلنا تامين,,!
Author: humida
Date: 07-03-2008, 02:54 AM
Parent: #8

عارف يا ناجي ..
والله لمن ( دمعت ) ..
كان عندي صاحبي اسمه ( هاني ) .. ربنا يتغمده برحمته ..
شالو ( البحر ) في من شال من اهل امدرمان ..
كان يوم الجمعة عنده يوم مقدس .. يلبس قميص المدرسة الابيض والردا الكاكي ..
ويجري علي التلفزيون ..
لا اعرف ان كان الاستاذ ( محمد السني دفع الله ) يتذكره ام لا ..
قام بالتمثيل معه في عدة ادوار هو وابن الاستاذ ( وردي ) وشقيقتي الكبرى ..
وكانت له علاقة حميمة مع الاستاذة ( فايزة عمسيب ) .. كان تناديه دايما بـ( هنو البنات بسببو جنو ) ..

..
..

رحم الله صديقي ( هاني ) واسكنه فسيح جناته ..

Post: #11
Title: Re: كلنا تامين,,!
Author: الملك
Date: 07-03-2008, 03:06 AM
Parent: #1

Quote: طبعا انا خلاص حددت اقامتي في هذا البوست ..
..
..

تتذكر النشيد دا .. ( ناس فرقة ألوان الطيف ديل كانوا بدوني احساس انه بعد ما ينتهوا من النشيد طوالي بطلعوا

تعرف يا صاحب,,,انا لى 4 ساعات بفتش فى الاغانى دى,,!!
ابداً مافى ...نحن فاشلين فى الارشفة ..والتوثيق"للاسف"
..لو أمكن ابعتهم على الايميل دا
[email protected]
ــــــــ

بتذكرالوان الطيف
وبدرى صحيت من نومى
ولما كنتا صغير
..
..

Post: #12
Title: Re: كلنا تامين,,!
Author: الملك
Date: 07-03-2008, 03:16 AM
Parent: #1

Quote: رحم الله صديقي ( هاني ) واسكنه فسيح جناته ..

الله يرحموا,,!

"مالك ياخى"
..
ذكرتنى "غرق"
أًصحاب كتار,,
فجأة "النيل " شالهم
..
..

!!

الله يرحمهم ويرحمنا جميعاً
..
..

Post: #13
Title: Re: كلنا تامين,,!
Author: humida
Date: 07-03-2008, 03:26 AM
Parent: #12

ربنا يرحم الجميع ..

..
..

قبل ما انوم اديك حاجتين كدا من الحاجات العالقة في الذاكرة ..

للاستماع الي ( طبقنا طبق طبقكم ) اضغط علي PLAY

للاستماع الي ( يا طالع الشجرة ) اضغط علي PLAY

Post: #14
Title: Re: كلنا تامين,,!
Author: الملك
Date: 07-03-2008, 03:34 AM
Parent: #13

Quote: قبل ما انوم

..
تنوم شنو الساعة اسى فى السودان 5 ونص "زيكم"
إنت خليت السعودية واللا شنو
,,!!
..
غايتو لحدى بكرة ربنا يحيينا وما تنسى الايميل
"انا شوية كده"

..
..
واكون بدرى صحيت من نومى

Post: #15
Title: Re: كلنا تامين,,!
Author: humida
Date: 07-03-2008, 03:39 AM
Parent: #14

Quote: تنوم شنو الساعة اسى فى السودان 5 ونص "زيكم"
الويك إند يا حبة .. لسع عندي باقي ( فلم ) ..
وتلفون الصباح ( موازي لسيجارة الصباح ) .. وبعدها النوم ..

..
..

لقيتني كيف ..

Post: #16
Title: Re: كلنا تامين,,!
Author: humida
Date: 07-03-2008, 03:43 AM
Parent: #15

ذكريات كرتـــونية .. ( عودة الي الزمن الجميل ) ..!!

Post: #22
Title: Re: كلنا تامين,,!
Author: الملك
Date: 07-03-2008, 01:42 PM
Parent: #16

أختى الكبيرة...
"منقول "
لحفظ اختى الكبيرة

Post: #21
Title: Re: كلنا تامين,,!
Author: الملك
Date: 07-03-2008, 01:34 PM
Parent: #15

حميدة شكراً على الايميل العجيب دا
..
..
إستمتع إذا بى

اسمى سلافة ,,,

..
..
سلافة

Post: #17
Title: Re: كلنا تامين,,!
Author: Wathig Makki
Date: 07-03-2008, 03:52 AM
Parent: #1

الملك الظريف.. كيفك

ذكرتنا ايام جميلة

بفتش من سنين لي نشيد(( ياربي متين اشوف الخرطوم)) لو بتتذكروا

كان في برنامج جنة الاطفال.

واثق

Post: #18
Title: Re: كلنا تامين,,!
Author: محمد سنى دفع الله
Date: 07-03-2008, 04:06 AM
Parent: #17

الملك
والناس رعيه
وحميدة
والناس تعبانة
مالكم علينا
تورتو علينا وجع القلب
لو قلت ليكم انا من امبارح ما نمت ؟؟
بتصدق واسال حميدة
داخل معاي في الماسنجر
زي بتاع اللبن
الساعة خمسة
كلنا تامين
وجاييكم للذكريات
محبة ومودةوسلام
بالمناسبة في ماسنجر الصباح لفت
حميدة نظري لهذا البوست العجيب
تحياتي الصباحية

Post: #25
Title: Re: كلنا تامين,,!
Author: الملك
Date: 07-03-2008, 02:05 PM
Parent: #17

...
...
Quote:
بفتش من سنين لي نشيد(( ياربي متين اشوف الخرطوم)) لو بتتذكروا

قالوا فى الخرطوم
البت تسوق العربية,!!
يا واثق
ذاكرتنا إنتهتبس شوية شوية بيت بيتين
بتذكر ,,!!لحفظ كلنا تامين

Post: #19
Title: Re: كلنا تامين,,!
Author: Rihab Khalifa
Date: 07-03-2008, 10:18 AM
Parent: #1

يا ربي متين نشوف الخرطوم

قالو لي في الخرطوم البت تسوق عربيه

و شنو شنو، ما حافظه

اهم حته بي وصف اليد، و الدبللله الدبله تمشي تقيسها

و البنيه ام شورت بنتظرها تطلع، لانه خاتينها اخر الصف، و اتغاظ لمن يقطعوا الغنيه

اييييييييييييييه ، زمن

Post: #20
Title: Re: كلنا تامين,,!
Author: عصام ابوعكر
Date: 07-03-2008, 01:11 PM
Parent: #19

ياهندسه

كنا من يوم الخميس بالليل نجهز الملابس ونمشي بيت خالتي

كان عندي بنت خالتي شغاله في التلفزيون (ملاك احمد الصياد)

ونبيت معاهم انا واخواني ويوم الجمعه الصباح نتوجه للتلفزيون

كنا بنجلس مع الاطفال البيصفقوا بين الفقرات وكانت فرحتنا لاتوصف عندما

نرجع .البيت ناس البيت وناس الحله يقولوا شفناكم في التلفزيون ...

والمشكله كانت لما نمشي جاهزين الخميس البعده وبنت خالتي تقول الجمعه

دي خلو الفرصه لغيركم (كانت دي العوجه).

ذكرتنا بايام جميله لاتنسي .....

تحياتي ..

Post: #23
Title: Re: كلنا تامين,,!
Author: انعام عبد الحفيظ
Date: 07-03-2008, 02:00 PM
Parent: #1

دا شنو دا يا ناجي قام عليك ولا شنو؟

ــــــــــــــــــــ

كانت لنا أيام لا إنترنت لا أتاري

طين وتراب ساااااااكت

Post: #26
Title: Re: كلنا تامين,,!
Author: الملك
Date: 07-03-2008, 11:08 PM
Parent: #23

إنعام قام على وبس
..
..
Quote: كانت لنا أيام لا إنترنت لا أتاري

طين وتراب ساااااااكت

بدري صحيت من نومي فتحت
مشيت على امي وابوي صبحت

شربت الشاي بكل لطافة
وبين اخواني كنت قيافة

انيقة في لبسي وكلي نضافة
وكانت جمبي صديقتي سلافة

شلت معاي اقلامي وكتبي
ما اتاخرت مشيت في دربي

والاخوات حلوات بقربي
بكرة نجاحنا عليك ياربي

وصلت المدرسة ما اتاخرت
وكنت سعيدة عشان ذاكرت

تابعت الحصة وما سرحت
واخر العام انا كنت نجحت

وبدري صحيت من نومي
انا بدري صحيت من نومي

Post: #27
Title: Re: كلنا تامين,,!
Author: الملك
Date: 07-03-2008, 11:39 PM
Parent: #1

استاذنا محمد السنى دفع الله

..
..

Quote: مالكم علينا
تورتو علينا وجع القلب
لو قلت ليكم انا من امبارح ما نمت

يا ريت ما تنوم ذاتو

ياخى نحن بنحبك من عمرنا 3 سنين لحدى اسى
فى حد لاقى الحب دا كلوا وينوم
...
...
ربنا يديك لينا طولة العمر
ويكبركـــــــ,,,

Post: #28
Title: Re: كلنا تامين,,!
Author: الملك
Date: 07-03-2008, 11:42 PM
Parent: #1

عصام ابو عكر
Quote:
كنا من يوم الخميس بالليل نجهز الملابس ونمشي بيت خالتي
كان عندي بنت خالتي شغاله في التلفزيون (ملاك احمد الصياد)
ونبيت معاهم انا واخواني ويوم الجمعه الصباح نتوجه للتلفزيون
كنا بنجلس مع الاطفال البيصفقوا بين الفقرات وكانت فرحتنا لاتوصف عندما
نرجع .البيت ناس البيت وناس الحله يقولوا شفناكم في التلفزيون ...
والمشكله كانت لما نمشي جاهزين الخميس البعده وبنت خالتي تقول الجمعه
دي خلو الفرصه لغيركم (كانت دي العوجه).
ذكرتنا بايام جميله لاتنسي

ياخى كلامك دا ببكي,!!
عارف
...
...
"ذكريات طاعمة"

وطيبة,,وحنينة

Post: #29
Title: Re: كلنا تامين,,!
Author: الملك
Date: 07-04-2008, 00:21 AM
Parent: #1

رحاب خليفة

,,,
,,,
شايف وجه الشبه دا

,,,
أيام

Post: #30
Title: Re: كلنا تامين,,!
Author: الملك
Date: 07-04-2008, 01:19 AM
Parent: #1

دنيتنا الجميلة
غناء
..
..
محمود عبد العزيز

Post: #31
Title: Re: كلنا تامين,,!
Author: humida
Date: 07-04-2008, 03:21 AM
Parent: #30

آلووو .. تست ..
آلووو .. تست ..

..
..

كل في الألمنيوم .. !!

Post: #32
Title: Re: كلنا تامين,,!
Author: الملك
Date: 07-04-2008, 01:04 PM
Parent: #31

Quote: كل في الألمنيوم .. !!

صلحوا "بكرى واللا إنتا"
,,,
,,,
اها نواصل واللا فترت يا حميدة
البوست دا اسموا "سيرة"
ــــــــ

"لمن كانت صغيرة"

لمن كنت صغيرة
بلعب بالتراب

ماما لبستني
الجزمة والشراب

مشيت للافندي
اداني كراس

قال لي اكتبي عربي
كتبت ليو حساب

والمزيكة تضرب
والكشافة تكشف

آكل ايه
آكل عجوة

أشرب ايه
اشرب قهوة

اضحك كيف
ها ها ها

ابكي كيف

Post: #33
Title: Re: كلنا تامين,,!
Author: لؤى
Date: 07-04-2008, 01:22 PM
Parent: #1

يا ملك
مُشتاقين

بالله إنتَ من الزّمن داك ؟

عالم قديمة خلاص

أنـا في البـعـيـد مُـشـتـاق لهـمـسـة من الوطن يا نـسـمـة

Post: #34
Title: Re: كلنا تامين,,!
Author: الملك
Date: 07-04-2008, 01:30 PM
Parent: #33

Quote: بالله إنتَ من الزّمن داك ؟

..
الحمد لله طلعت أكبر منكــ ..!
لؤي ما نلقى عندك أى أرشيف للزمن الجميل,,,داك!؟
...
وين رسائلك او ِلنكاتك إليّ
...

Post: #35
Title: Re: كلنا تامين,,!
Author: عبدالله كع
Date: 07-04-2008, 02:06 PM
Parent: #1

وعرفنا كمان حاجه جديدة

الملك زول رائع ..
ـــــــــــــ
ما احلي الطفولة والبراءة

Post: #36
Title: Re: كلنا تامين,,!
Author: الملك
Date: 07-04-2008, 02:20 PM
Parent: #35

Quote: ما احلي الطفولة والبراءة

..
..
عبد الله كع
"نصف الصور الشخصية للأعضاء فى سودانييزاونلاين
تحمل صورأطفال "

ياخى الطفولة دى أحسن حاجة مرت بينا
..
..
خواطر فيل صغير
قبضوني ليه جابوني ليه
عاوزني أعمل أيه هنا
ختوني في قفص كبير جابوني مسجون ليه أنا
أنا ما عملت هناك شيء
بيه أستحق هذا العناء
ما عرفت قط في دنيتي
غير اللعب والشيطنة
قبضوني ليه جابوني ليه
حرموني من طعم الهناء
أمي العزيزة هناك تكوس
ما عارف أبداً وين مشيت
قايلاني حايم بالشجر
زى عادتي كلما أختفيت
المرة دي الموضوع خطير
في حياتي مثله أنا ما رأيت
قبضوني زي مجرم كبير
ما قدرت أزوغ حد ما جريت
قبضوني ليه جابوني ليه
حبسوني ليه أنا ما دريت
خالفت أمي قعدت أحوم
جاهلة الأمور الخافية
قبضوني جابوني الحبس
حرموني خيرات وافية
يا يمة وين نلقى الشجر
والقى المياه الجارية
والقى الصحاب نلعب سوى
في صحة طيبة وعافية
قبضوني ليه جابوني ليه
حرموني ديك ديك الحياة الصافية

Post: #39
Title: Re: كلنا تامين,,!
Author: محمد صالح علي
Date: 07-04-2008, 02:50 PM
Parent: #35

و أنا طالبة شاطرة شطارة
ومجتهدة و بعمل بمهارة
كل البنات غايرات مني
مدرساتي بحبني
اخر الدروس يجن يلقني
اخر الدروس يجن يلقني
مجتهدة و بعمل بمهارة ..

و كمان

مشكرين و مقدرين يا مدرسات يا معلمين
يا معلماتنا يا مدرسين

وكمان
تلاتة في ستة تمنتاشر
وخمسة في ستة بتلاتين

وشوفو دنيتنا الجميلة
وبدري صحيت من نومي فرحت
والتلفزيون يا أحلي صديق
و خواطر فيل

وتحية يا ناجي و ود

Post: #37
Title: Re: كلنا تامين,,!
Author: ناهد بشير الطيب
Date: 07-04-2008, 02:21 PM
Parent: #1

ازيكم ياناس جنة الاطفال ....

ياه ه ه ه ه ه يالملك
ذكريات حلوة ...زمن ماكان فى قنوات فضائيه
ياهو تلفزيون السودان وبس...والجمعه دى بنرجاها
عشان برنامج جنة الاطفال ...ومنها طوالى بنتلم ونفطر ...
ياسلااام...وبنعرف انه الجمعه خلصت بنهاية البرنامج ده ...

يارحاب خليفة....هاك .....

\لا لا لا لا يا قروية

انت ياقروية يا السمنتك بلدية
طوريتك الملوية ..زراعتك المطرية
وبين بنات الناس انت بس حوريّيّة

يالله بتين اشوف الخرطوم

لا لا لا لا ياقروية

لا لا ياقروية ما تغرك المدنية
إنت ما منسية والله انت غنية
بزراعتك المطرية وبهايمك المسقية

أحيي بتين اشوف الخرطوم

قالو لى فى الخرطوم البت بتختار عريسه
وكمان كان دارت الدبله تمشى تقيسه

واعتقد ولست متاكدة ان كاتبها .... المسرحي الشيخ عمر الضو

Post: #38
Title: Re: كلنا تامين,,!
Author: الملك
Date: 07-04-2008, 02:40 PM
Parent: #37

ناهد بشير

...
إزيك أولاً شكراً على القصيدة
عادة جنة الأطفال عندى مربوطة بالعطلة والعائلة الكبيرة
"والقراصة والصينية وملاح الويكة"
والشطة وهلمجر ,,,
ومحاولة كل واحد مننا "زمن الطفولة"
الجلوس بزاوية محددة تتيح له رؤية التلفزيون

..
..
وفى نهاية الحلقة بكون فى فيلم قصير
انا بلبس الجلابية وبكون جاهز عشان اول ما تنتهى

"أجرى الجامع"

"أيام"!!!

Post: #41
Title: Re: كلنا تامين,,!
Author: معتصم ود الجمام
Date: 07-04-2008, 03:40 PM
Parent: #37

اغنية كلنا تامين اظنها غناء هنادي عندما كانت طفله
في العام 90 كانت في المرحلة الثانوية .. هذا اخر عهدي بها
احتفال التلفزيون بيوبيله في الديمقراطية الاخيرة احضر برنامج
الاطفال كل الاطفال الذين شاركوا في البرنامج وصاروا رجالا فكانت
لفته بارعه حيث ظهر عزوز ذلك الذي صار طبيبا .... احكوا عنهم فانهم يستحقون

Post: #40
Title: Re: كلنا تامين,,!
Author: الملك
Date: 07-04-2008, 03:39 PM
Parent: #1

محمد صالح

"ياخى لو حافظ" تِم

كل الود ,,,ليك برضو
ــــــــ

نشيد أمى :-

أمي يااجمل كلمة بقولها

ياحلى نشيد يانغمة جميلة

أمي الجنة دوام قدامها

أمي الجنة تحت اقدامها

أمي عظيمة وأمي حنينة

حنانها علينا ونور عينينا

بتربينا وبتراعينا

وتسعد بينا

تخلي حياتنا تملي جميلة

واحلى نشيد

نقولو نرددوا يوم العيد

Post: #42
Title: Re: كلنا تامين,,!
Author: تماضر الخنساء حمزه
Date: 07-04-2008, 03:54 PM
Parent: #1

ماأحلاها

_
نجيكم كل مرّة..

Post: #43
Title: Re: كلنا تامين,,!
Author: الملك
Date: 07-04-2008, 03:59 PM
Parent: #1

Quote: احكوا عنهم فانهم يستحقون

معتصم الجمام
..
..
يستحقون أكثر من بوست
أذكر أننى حضرت الحلقة التى تضمنت "برانوراما جنة الأطفال"
لكل من شاركوا ,,,كنتا بمشى جنة الاطفال بتاعت تلفزيون عطبرة
أحيانا,,!

..
..
بالمناسبة صورة بروفايلك جميلة برضو

Post: #45
Title: Re: كلنا تامين,,!
Author: معتصم ود الجمام
Date: 07-04-2008, 04:18 PM
Parent: #43

ناجي الملك هذا ابني مرهف
حضرنا الى السودان في ابريل الماضي وما لاقيناكم
مرهف الان بقى سوداني يقراء ويدافس في وطنو ,,,
ويتعلم الغناء والحجى والحب من اهلو لك الود

Post: #46
Title: Re: كلنا تامين,,!
Author: الملك
Date: 07-04-2008, 04:41 PM
Parent: #45

معتصم

..
Quote: حضرنا الى السودان في ابريل الماضي وما لاقيناكم
مرهف الان بقى سوداني يقراء ويدافس فس وطنو ,,,
ويتعلم الغناء والحجى والحب من اهلو لك الود

مُرهف ,,
"إسم عجيب"

...
انا شهر "ابريل" كنت فى القاهرة مع سفيان نابرى
يعنى اتعاقبنا ,,,للاسف
...
وشوية شوية علموا "كيفن بخش البوست دا"

Post: #47
Title: Re: كلنا تامين,,!
Author: الملك
Date: 07-04-2008, 05:02 PM
Parent: #1

تماضر

بتك الشديدة دى

Post: #48
Title: Re: كلنا تامين,,!
Author: السر عبدالله
Date: 07-04-2008, 05:18 PM
Parent: #47

اشهر من قدمت برنامج جنة الاطفال هى صفيه الامين

Post: #49
Title: Re: كلنا تامين,,!
Author: الملك
Date: 07-04-2008, 09:09 PM
Parent: #48

Quote: اشهر من قدمت برنامج جنة الاطفال هى صفيه الامين

لكن من هى صفية الأمين
؟!
..
..

Post: #52
Title: Re: كلنا تامين,,!
Author: humida
Date: 07-04-2008, 10:22 PM
Parent: #48

للاستماع لنشيد ( اوعك تقطع صفقة شجرة ) اضغط PLAY

Post: #50
Title: Re: كلنا تامين,,!
Author: Rihab Khalifa
Date: 07-04-2008, 09:20 PM
Parent: #1

ناهد

بسسس، الياهاا زاااتا، بي صفااتاا

ما شاء الله علي الذاكره

يا الله بتين اشوف الخرطوم

---------

كان بقت علي الدبله و سوقه العربيه، هين اسي

Post: #51
Title: Re: كلنا تامين,,!
Author: الملك
Date: 07-04-2008, 09:32 PM
Parent: #50

Quote: كان بقت علي الدبله و سوقه العربيه، هين اسي

Post: #53
Title: Re: كلنا تامين,,!
Author: السر عبدالله
Date: 07-04-2008, 10:33 PM
Parent: #51

يا الملك اذا ما بتعرف السيدة صفية الامين اسال ناس التلفزيون
فزوجها كان مخرج تلفزيونى شهير...وبعدين اظن عندك حق ما تعرفها لانها
كانت بتقدم برنامج الاطفال فى الستينات والسبعينات. وكانت محررة فى جريدة
الاضواء.يعنى انتو اطفال صغاراو ربما قبل ولادتكم

Post: #54
Title: Re: كلنا تامين,,!
Author: humida
Date: 07-04-2008, 10:46 PM
Parent: #53

للاستماع لنشيد ( بدري صحيت من نومي ) اضغط PLAY

Post: #55
Title: Re: كلنا تامين,,!
Author: الملك
Date: 07-05-2008, 00:48 AM
Parent: #53

Quote: وبعدين اظن عندك حق ما تعرفها لانها
كانت بتقدم برنامج الاطفال فى الستينات والسبعينات. وكانت محررة فى جريدة
الاضواء.يعنى انتو اطفال صغاراو ربما قبل ولادتكم

إحتمال لانها تغيبت عن الشاشة بعد ذلكــ وتقريباً ما بنكون حاضرين زمنا,!!
..
..
السر عبد الله
لا زلت أذكر صوت "فيروز الرحبانى" على الراديو وموسيقاها,,!
كان لحن برنامج الصباح في اذاعة امدرمان,,!!
ضاع الراديو وتبقى صوت فيروز
..
..
فى حاجات بتسمع وما بتتنسى,!!

ف يدك معانا عشان نتذكر أو نحاول

وتُشكر على الإضافة

Post: #56
Title: Re: كلنا تامين,,!
Author: Rihab Khalifa
Date: 07-05-2008, 01:00 AM
Parent: #51

و حياه الاوزون يا ناجي

قر قر قر

ما نقوم نلخبط الرصه بس الكلام حاقص لي ليهو كم سنه، نجيكم من بلاد الفرنجه و بقينا ننخلع في البلد

يا ربي شنو بيكون علي وزن قياس الدبله و سواقه العربيه اليومين ديل

يا ربي بتين اشوف الخرتوم

قرويه انجلترا

typo

Post: #57
Title: Re: كلنا تامين,,!
Author: عمرو كمال ابراهيم
Date: 07-05-2008, 01:56 AM
Parent: #56

حجة السنينة

زوجة جحا

نوادره

وذلك الزعبوط متدليا على رأسه

ومن تحته

نظارة طبيةمن الوزن الثقيل

وثعلوب المكار

وخبثه

ونلك الملبوسات الكاكية
التى يتباهى بها الصغار ،، من ضيوف الحلقات

او بها .. يقشرون

تمنيت ذهابى لتسجيل إحدى الحلقات بها

لبسة الكاكى

وكان له حينها شنة ورنة

ويخيفون بها الأشقياء من زماننا

تبدل الحال

لم يعد ذلك الرداء يخيف

جنة الأطفال .. منازلهم

Post: #63
Title: Re: كلنا تامين,,!
Author: الملك
Date: 07-05-2008, 03:11 PM
Parent: #57

Quote: جنة الأطفال .. منازلهم

وجنة "وديدى وسفيان وعمرو"

مكانها ,,,حيث لم يكتمل النيل,,!

"شارع النيل"

...
كفاية "ام الدنيا"
تعالوا

Post: #74
Title: Re: كلنا تامين,,!
Author: عمرو كمال ابراهيم
Date: 07-06-2008, 00:52 AM
Parent: #63

ناجى

شفت سفيان عمل شنو

شتتنتى ليك سريع سريع

حجز لى تان يوم من اديتو التذكرة

Post: #75
Title: Re: كلنا تامين,,!
Author: الملك
Date: 07-06-2008, 09:08 AM
Parent: #74

عمرو

"سفيان دا فى القاهرة "

بدرجة "سفير"
..
..

Post: #112
Title: Re: كلنا تامين,,!
Author: عمرو كمال ابراهيم
Date: 07-09-2008, 00:42 AM
Parent: #75

Quote: "سفيان دا فى القاهرة "

بدرجة "سفير"

وحات الله

سفير فوق العادة

و من قلبه... أمير

Post: #62
Title: Re: كلنا تامين,,!
Author: الملك
Date: 07-05-2008, 03:01 PM
Parent: #56

Quote: و حياه الاوزون يا ناجي

الطبقة ,,,واللا أسامة داؤود
,,
,,
Quote: قرويه انجلترا

وام يس ,,,الألمانى

Post: #58
Title: Re: كلنا تامين,,!
Author: ناهد بشير الطيب
Date: 07-05-2008, 09:38 AM
Parent: #51

Quote: كان بقت علي الدبله و سوقه العربيه، هين اسي

رحاب والملك

كتب الزميل نزار حسين زميل المنبر ...فى وقت ماضى ...
عن تحويره لكلمات لا لا ياقروية ..

احيّا متين اشوف الخرطوم

قالوا لي في الخرطوم الرقشة والدفار
والمدارس خاصة والبنات شطّار
والمدرس يجيهم كل يوم في الدار
ونحن هنا في مدرسة وقطيييّة

Post: #59
Title: Re: كلنا تامين,,!
Author: محمد سنى دفع الله
Date: 07-05-2008, 10:03 AM
Parent: #58

الجد شعبان

عبد العزيز عبد اللطيف الحجاي ومكتشف عزوز
سليمان جحا المراقب المالي في شركة الأقطان
ابو التيمان عمل معه كل الممثلين الكوميديين
الفقرات المتنوعة
الدراما
الأغاني
برنامج متنوع تمت دراسته بعناية لم تكن هناك
حاجة اسمها صدفة
من الأعداد الى الأخراج
وبالمناسبة هذا البرنامج كان يخرج لفترة طويلة
على الهواء مباشرة
اعجاز

Post: #60
Title: Re: كلنا تامين,,!
Author: salma subhi
Date: 07-05-2008, 10:24 AM
Parent: #59

يا سلام يا جنتنا
فيك الأفراح قضيناها
وماأحلاها الطفولة

شكراً أخ ناجي
على البوست الجميل

Post: #82
Title: Re: كلنا تامين,,!
Author: الملك
Date: 07-06-2008, 10:29 AM
Parent: #60

سلمى صبحى

"شابة أونلاين "

..
..

تشكرى على الزيارة

Post: #65
Title: Re: كلنا تامين,,!
Author: الملك
Date: 07-05-2008, 03:29 PM
Parent: #59

Quote: وبالمناسبة هذا البرنامج كان يخرج لفترة طويلة
على الهواء مباشرة
اعجاز

...
جنة الأطفال دى ,,,,ببرنامجها والحانها ,,كانت نكهة
ولحدى اسى "فيها النكهة" حتى الأغنية بتخلى الزول يسرح "ويمرح"
...
غايتو دى كانت من أحسن الأشياء الشفناها فى حياتنا
لكن

لسه إنت مقصر معانا هنا
,!!
ولسه منتظركـــــ

Post: #64
Title: Re: كلنا تامين,,!
Author: الملك
Date: 07-05-2008, 03:20 PM
Parent: #58

Quote: رحاب والملك

كتب الزميل نزار حسين زميل المنبر ...فى وقت ماضى ...
عن تحويره لكلمات لا لا ياقروية ..

احيّا متين اشوف الخرطوم

قالوا لي في الخرطوم الرقشة والدفار
والمدارس خاصة والبنات شطّار
والمدرس يجيهم كل يوم في الدار
ونحن هنا في مدرسة وقطيييّة

..
..

Post: #61
Title: Re: كلنا تامين,,!
Author: عبد الناصر الخطيب
Date: 07-05-2008, 10:43 AM
Parent: #1

ناجي ( الملك )
حميده ....
شكر كتير ليكم ,,,,

بصراحة رجعتونا لزمن جميل .......أيام بطعم البهجة

الجد/ شعبان ( الله يرحموا )
وماما صفية ( أ/ صفية عبد الرحيم )
وماما عشه ( أ/ عائشة سالم ) _ فن وجمال
أ/ يحي شريف

وكثيرون تبقوا في الذاكره

********

بتصدق يا حميده ( بدري صحيت من نومي ) لحدي كم سنه لوراء النشيد ده كان في جهازي
حتى وأنا قاعد في الشغل بكون بسمع فيهوا ............
ولما سافرته كان أحلي هدية من الصديق هشام أحمد الطيب
وبرضوا وأصلته الاستماع ليهوا ..................

أكيد في الزمن داك
كان ( القروية ) و( دنيتنا الجميلة ) و ( خواطر فيل )

وكتير من الاناشيد الجميلة ,,,

يالها من ( جنه )

ويالها من أيام

--------
تقديري

Post: #66
Title: Re: كلنا تامين,,!
Author: الملك
Date: 07-05-2008, 03:41 PM
Parent: #61

عارف يا عبد الناصر
...
أجمل مافى الموضوع ,,!
انا كنتا مساهر وفجأة جاتنى الأغنية دى "هدية"
وبدأ الحنين ,,,وتبعه البوست
...
...
بدأت "أسماء" الشخصيات الحقيقية تظهر,,لتلك الأسماء "العالقة بالذاكرة
والأناشيد تُكتب والأغانى تُرسل,,,الجميل فى الأمر أنو فى عدة "أجيال"
حضرت المرحلة دى ,,,ولسه بنفس "التفاصيل" مع إختلاف الأزمنة
...

Post: #67
Title: Re: كلنا تامين,,!
Author: Maawya Hussein
Date: 07-05-2008, 04:15 PM
Parent: #1

اسمع دي يا ملك

ألفين سلام يا أُمنا

Post: #68
Title: Re: كلنا تامين,,!
Author: Maawya Hussein
Date: 07-05-2008, 04:19 PM
Parent: #1

و دي

متشكرين ومقدرين

Post: #69
Title: Re: كلنا تامين,,!
Author: عبد الناصر الخطيب
Date: 07-05-2008, 04:32 PM
Parent: #1

ياربي متين أشوف الخرطوم

وقالوا لى في الخرطوم جنينه البلدية
وقالوا لى في الخرطوم الفسحة بالعربية

طبعا ياناجي
أنا من الجيل الابتدي يشوفه ( أبيض وأسود )
من نص السبعينات قبل المدرسة بعتباري مواليد 1970 م

يعني من جيل يعتبر متقدم شوية على جيلكم

والوقت داك كانت بتقدمه ماما صفية ( أ/ صفية عبد الرحيم )
وكان بتقدم صور الاطفال أ/ نضال عبد الكافي

وتابعته سنين بتعتبر أزيد من اللازم
لحدي بداية التسعينات كنت مهتم أشوف البرنامج

وفي سنين أخيرة كنت برضوا بحرص أشوف ( جنة الاطفال )
بس فرق كبير بينه وبين ( جنه الاطفال ) في زمنا

وفي فترة بقت تعلم الاطفال خزعبلات ( الجماعة )
ومن الزمن داك بقيت ما بهتم بيها بس بتحسر على الاجيال الحتتربي على برامج
فقدت صفة الترويح والتربية والتثقيف

وبقت للأدلجة وغسل العقول

فما اظن البرنامج ده حيرسخ في بال الاجيال الاحقة
بنفس القوه والالوان الذاهية
الرسخ بيها في بال أجيالنا والقباله

فعلا هي نافذه فتحت على الحنين

تقبل تقديري

Post: #70
Title: Re: كلنا تامين,,!
Author: الملك
Date: 07-05-2008, 10:54 PM
Parent: #69

عبد الناصر الخطيب

Quote: فما اظن البرنامج ده حيرسخ في بال الاجيال الاحقة
بنفس القوه والالوان الذاهية
الرسخ بيها في بال أجيالنا والقباله

فعلا هي نافذه فتحت على الحنين

..
فعلا دا نفس الإنطباع المغروس جوانا ف "جنة الأطفال" ,,,حتى لو إختلفت الأعمار
بالمقارنة مع الأشياء الآخرى ,,,التى اختلفت ما بين جيل الستينيات
والسبعينيات والتمانييات و"التسعينيات" ,,,

بخاصة ما يشاهد فى التلفاز ,,أو يسمع فى المذياع
...
فهو ما يزال راسخ بقوة فى داخل كل منا,,!
...
غايتو ربنا يمد فى ايامهم ويرحم من توفى منهم
طبعوا علينا ملامح لا تمحى ,,!

Post: #71
Title: Re: كلنا تامين,,!
Author: الملك
Date: 07-05-2008, 10:57 PM
Parent: #1

معاوية

..
الله يريحك دنيا وآخرى

..

تسلم شديد

Post: #72
Title: Re: كلنا تامين,,!
Author: Maawya Hussein
Date: 07-05-2008, 11:01 PM
Parent: #71

Quote: وآخرى

دي دنيا تانيه

Post: #73
Title: Re: كلنا تامين,,!
Author: الملك
Date: 07-05-2008, 11:20 PM
Parent: #72

Quote: دي دنيا تانيه

خطأ مطبعى

جيت أعدلوا لقيتك قاعد بالمرصاد

ـــــــــ

"دُنيا وآخرة"

..
..

Post: #76
Title: Re: كلنا تامين,,!
Author: عصام عبد الحفيظ
Date: 07-06-2008, 09:08 AM
Parent: #73

Quote: أحيي بتين اشوف الخرطوم

قالو لى فى الخرطوم البت بتختار عريسه
وكمان كان دارت الدبله تمشى تقيسه
..

ناجى جنة اطفال رسمى وشعبى
وانا اتارى اقول ناجى اختفى
الايام الفاتت دى ووين ....

وشوف ناهد بشبر معاهم

وهسة انتوا فى حديقة الطفل
ولا جنينة الحيوانات يا حلوين

ويالها من ذكريات وقصص لا تنتهى

Post: #77
Title: Re: كلنا تامين,,!
Author: ريهان الريح الشاذلي
Date: 07-06-2008, 09:30 AM
Parent: #76

سلامات يا نااااجي

ياخ انا كانت امنية حياتي انو امشي جنة الاطفال ويجيبوني في التلفزيون وانا صغيرة كنت بعمل البروفات في الحمام للنشيد الحقدمو في البرنامج الحاجة الوحيدة الكانت مخوفاني انو واحد من الشفع في البرنامج يقول لي يا سمينة قدام الكاميرا ويقومو يجيبوها في التلفزيون ..

كانت فكرة مرعبة ....

Post: #81
Title: Re: كلنا تامين,,!
Author: الملك
Date: 07-06-2008, 10:19 AM
Parent: #77

Quote: كانت فكرة مرعبة ....

طبعاً إتخيلت منظركــ,,,انا كنتا "ضعيف جداً"
..
والله بمشى بس عشان اشاغل الأطفال السُمان

Post: #78
Title: Re: كلنا تامين,,!
Author: الملك
Date: 07-06-2008, 09:36 AM
Parent: #76

Quote: ناجى جنة اطفال رسمى وشعبى
وانا اتارى اقول ناجى اختفى
الايام الفاتت دى ووين ....

عصام

"دنيا الأطفال" دى دينا مُمتعة وحنينة,!!
فيها الذكريات ...والحنين ...والشقاوة...ووووو
انا الصورة دى عاجبانى جدا لو تذكُر,,,

الصورة من معرض عاصم ..!! الاخير

Post: #79
Title: Re: كلنا تامين,,!
Author: العوض المسلمي
Date: 07-06-2008, 09:44 AM
Parent: #1

الملك كيفك
سلام والف تحيه

يا اصحابنا نجيكم كل مره

شايلين افراح فيها مسره

ايام مضت ولن تعود ابدا وما احلاها من ايام

اما اليوم فاسبيستون وتوم وجيري ماتركت للعيال فرصه تفكير

او ابداع او حتي تطور

كلنا تامين وانشاء كمان دائما تامين

ويارب ماتحرم بيت من الاطفال

Post: #80
Title: Re: كلنا تامين,,!
Author: الملك
Date: 07-06-2008, 10:08 AM
Parent: #79

العوض المسلمى

"الله يخلى ليك عيالكــ"

...
...
الامانة دى بطرفك..سلم عليها

ومُصغرة كمان
http://www.sudaneseonline.com/u/612.JPG

Post: #83
Title: Re: كلنا تامين,,!
Author: Maawya Hussein
Date: 07-06-2008, 11:41 AM
Parent: #1

يا وطني يا بلد احبابي

Post: #84
Title: Re: كلنا تامين,,!
Author: Siham Elmugammar
Date: 07-06-2008, 12:00 PM
Parent: #83

يا الملك ده بوست مباااااااااااااااااااااااااااااااااالغه
ياخ

Post: #86
Title: Re: كلنا تامين,,!
Author: الملك
Date: 07-06-2008, 12:16 PM
Parent: #84

زعيمة المعارضة "البوردابية الخرطومية"

سهام المجمر
..
..

ما أجمل من أطفالكــ ديل طبعا ,,!

Post: #85
Title: Re: كلنا تامين,,!
Author: Amjed
Date: 07-06-2008, 12:13 PM
Parent: #1

كـــــــــــانت ايـام ما احلاهـــــــــا

والله يا ناجي يديك العافية بس
و ياخي انتا بالغت بولغت كبيرة
1كرني اعضيك في نص راسـك دا لمن الاقيك

Post: #88
Title: Re: كلنا تامين,,!
Author: الملك
Date: 07-06-2008, 12:19 PM
Parent: #85

Quote:
والله يا ناجي يديك العافية بس
و ياخي انتا بالغت بولغت كبيرة
ذكرنى اعضيك في نص راسـك دا لمن الاقيك

بالغتا إنت دا

..
ياخى أنا مش مفروض الاقيك أمس,,!!؟؟
فاتتك اللمة والونسة ,,,!!

ــــــ
بس مافى اى زول فقدكــــ؟

Post: #87
Title: Re: كلنا تامين,,!
Author: Amjed
Date: 07-06-2008, 12:16 PM
Parent: #1

بالمناسبة يا ناجي و بالجنبة كدا
مرهـف دا اجمل شخصية تقابلها

Post: #90
Title: Re: كلنا تامين,,!
Author: الملك
Date: 07-06-2008, 12:30 PM
Parent: #87

Quote: بالمناسبة يا ناجي و بالجنبة كدا
مرهـف دا اجمل شخصية تقابلها

...
اوعا بكون بحضر "مسلسل نور" ,,الشخصية دى فاتتنى
أمس كانت معانا طفلة جميلة جداً
أسمها "يمنة مجدى النعيم"

الموضوع الوحيد "عشان ادخل معاها فى ونسة"
كان مسلسل نور ,,,ومهند

...
والله انا مشتاق لى "نور"

حقتى

Post: #89
Title: Re: كلنا تامين,,!
Author: Amjed
Date: 07-06-2008, 12:28 PM
Parent: #1

يا زول انا المغضوب عليهم و الضالين زاتا الايام دي

Post: #91
Title: Re: كلنا تامين,,!
Author: الملك
Date: 07-06-2008, 12:33 PM
Parent: #89

Quote: يا زول انا المغضوب عليهم و الضالين زاتا الايام دي

"الله يكون فى عونك"

..
..
تعال الفيسبوكــ؟!

Post: #92
Title: Re: كلنا تامين,,!
Author: الملك
Date: 07-06-2008, 01:48 PM
Parent: #1

معاوية

...
ما عندك

لا لا يا قروية؟؟

Post: #93
Title: Re: كلنا تامين,,!
Author: Maawya Hussein
Date: 07-06-2008, 02:38 PM
Parent: #92

Quote: ما عندك

لا لا يا قروية؟؟

يا ربي متين اشوف الخرتوم

قاعده والله

Post: #95
Title: Re: كلنا تامين,,!
Author: الملك
Date: 07-06-2008, 11:55 PM
Parent: #93

Quote: يا ربي متين اشوف الخرتوم

قاعده والله

طيب ,,,مخزنا لمؤسم الهجرة
ما تنزلا ياخى ,!

Post: #98
Title: Re: كلنا تامين,,!
Author: Rihab Khalifa
Date: 07-07-2008, 10:43 AM
Parent: #95

انت عارف محمد نكتها لي من وين ما عارف، لكن ما نزلتها

تتبارك يا محمد

-------------

مع انه ده ما مكانه، ناجي كان عندك لينك فيروز، وينك، فنونا بيهو بليييز

الجمله دي ما مركبه صاح، لكن بتكون فهمتني

Post: #103
Title: Re: كلنا تامين,,!
Author: الملك
Date: 07-08-2008, 00:13 AM
Parent: #98

Quote: مع انه ده ما مكانه، ناجي كان عندك لينك فيروز، وينك، فنونا بيهو بليييز

الجمله دي ما مركبه صاح، لكن بتكون فهمتني

وينك,,!!

انا فهمتا السؤال نص لحدى اسى,,!!
دايرة ياتو لينك لى فيروز,,؟؟
ياتو اغنية,,!

Post: #94
Title: Re: كلنا تامين,,!
Author: امل احمد عمر
Date: 07-06-2008, 04:09 PM
Parent: #1

يا ملك أزيك .. جنة الأطفال جابتني جري

أيام والله .. كنت بستنى ماما عشة بفارغ الصبر

وأول ما يشوفوني لاصقة اضاني على الرادي

ولابدة .. أكيد بسمع في عمنا مختار

بالنسبة لي ذكريات الطفولة مرتبطة لي بالوطن ..

لانو بعدها فارقنا ترابو ..

ولما يقوم علي (على قول انعام) بغني (أوعك تقطع صفقة شجرة عشان ما يجينا جفاف وتصحر)

Post: #96
Title: Re: كلنا تامين,,!
Author: الملك
Date: 07-07-2008, 00:04 AM
Parent: #94

أمل عمر

"اقنعينى كيف ,,!!
انتى كنتى طفلة؟"

Post: #97
Title: Re: كلنا تامين,,!
Author: حسين محي الدين
Date: 07-07-2008, 10:19 AM
Parent: #96

الملك .. الملك
الله عليكـ يا سيدي

Post: #100
Title: Re: كلنا تامين,,!
Author: الملك
Date: 07-08-2008, 00:05 AM
Parent: #97

حسين محى الدين
...
وينكــــ ؟؟!

Post: #133
Title: Re: كلنا تامين,,!
Author: tayseer alnworani
Date: 08-12-2008, 02:00 PM
Parent: #100

الملك
ازيك يا ملك

انمشغلت يومين عن البورد ولم جيت لقيت البوست ده سعدت بيه سعادة

لا توصف عشان العصابة الثلاثة الانت عارفهم يخلوا حفظ الاغانى العربية

و يحفظوا اناشيد جميلة وليها هدف و يتغنوا بيها فى جميعياتهم الادبية

شكرا يا ملك
شكرا حميدة
لقد ساهمتوا فى فرح اطفالى

Post: #138
Title: Re: كلنا تامين,,!
Author: على محمد على بشير
Date: 08-14-2008, 04:36 PM
Parent: #100

انحناءه للملك ..

Post: #139
Title: Re: كلنا تامين,,!
Author: الملك
Date: 08-17-2008, 10:16 PM
Parent: #138

على

..
..
تسلم

Post: #99
Title: Re: كلنا تامين,,!
Author: امل احمد عمر
Date: 07-07-2008, 10:59 AM
Parent: #96

هاهاهاهاهاهاهاهاها

والله ياناجي كنت طفلة وبدون نضارة ..

أها اقتنعت ؟

Post: #101
Title: Re: كلنا تامين,,!
Author: الملك
Date: 07-08-2008, 00:06 AM
Parent: #99

Quote: أها اقتنعت ؟

لا ...إلا بى صورة,,!

Post: #102
Title: Re: كلنا تامين,,!
Author: humida
Date: 07-08-2008, 00:11 AM
Parent: #101

يلا يا جماعة يدكم معانا نقلب الصفحة دي ..

..
..

Post: #104
Title: Re: كلنا تامين,,!
Author: الملك
Date: 07-08-2008, 00:20 AM
Parent: #102

حميدة

..
..
الاغنية المفترضة تشتغل فى الصفحة التانية
"لا لا يا قروية"
او "بدرى صحيت من نومى"
ـــــ
والخيار لك ولى معاوية

Post: #105
Title: Re: كلنا تامين,,!
Author: humida
Date: 07-08-2008, 00:39 AM
Parent: #104

والله علي حسب طلب الجماهير .. ( لا لا يا قروية ) ..
بس ما حنشغلا اتوماتيك عشان التسجيل تعبان ..
مع وعد من معاوية انه يشوف ليها علاج ..

للإستماع لنشيد ( لا لا يا قروية ) اضغط PLAY

Post: #106
Title: Re: كلنا تامين,,!
Author: humida
Date: 07-08-2008, 00:49 AM
Parent: #105

معليش يا ( ملك ) ..
نخالفك شوية .. ونجيب حاجة جديدة ..

للإستماع لنشيد ( احمد جا ) اضغط PLAY

Post: #107
Title: Re: كلنا تامين,,!
Author: Maawya Hussein
Date: 07-08-2008, 10:21 AM
Parent: #1

Post: #108
Title: Re: كلنا تامين,,!
Author: Maawya Hussein
Date: 07-08-2008, 10:25 AM
Parent: #107

save as

Post: #109
Title: Re: كلنا تامين,,!
Author: الملك
Date: 07-08-2008, 10:59 PM
Parent: #1

الله يديكم العافية

..
..
!!

الاتنين

Post: #110
Title: Re: كلنا تامين,,!
Author: Rihab Khalifa
Date: 07-08-2008, 11:10 PM
Parent: #1

ايييييييه، ايااااااام

حضارات سااادت، ثم باادت

Post: #111
Title: Re: كلنا تامين,,!
Author: oudenoord
Date: 07-08-2008, 11:49 PM
Parent: #1

الملك,,حميدة,,معاويه
تتعلوا ياحلوين

Post: #119
Title: Re: كلنا تامين,,!
Author: الملك
Date: 07-19-2008, 07:31 AM
Parent: #111

Quote: الملك,,حميدة,,معاويه
تتعلوا ياحلوين

أمين..
يا حبيب
..
..

Post: #113
Title: Re: كلنا تامين,,!
Author: Maawya Hussein
Date: 07-09-2008, 00:48 AM
Parent: #1

بدري صحيت من نومي

Post: #114
Title: Re: كلنا تامين,,!
Author: Maawya Hussein
Date: 07-09-2008, 01:07 AM
Parent: #1

قم للمعلم

Post: #137
Title: Re: كلنا تامين,,!
Author: الملك
Date: 08-14-2008, 04:00 PM
Parent: #114

.
معاوية السمح
!

Post: #115
Title: Re: كلنا تامين,,!
Author: Maawya Hussein
Date: 07-09-2008, 01:16 AM
Parent: #1

مميزه جدا

بابا اوبح

Post: #116
Title: Re: كلنا تامين,,!
Author: الملك
Date: 07-09-2008, 09:27 PM
Parent: #1

معاوية
..
..

كل عبارات الشكر لاتكفى يا صديقى
فقط أعزورنى إن غبت بعض الشئ

هذه الأيام ,,! تأكدت تماما!
بأن "أجمل العمر" قد مر سريعاً
..
وتبقت سنوات ,,,التعاسة
واليأس
..

سلامى لحين عودتى

Post: #117
Title: Re: كلنا تامين,,!
Author: الملك
Date: 07-12-2008, 11:40 PM
Parent: #1

البوست دا ,,,عاجب سيدو

Post: #118
Title: Re: كلنا تامين,,!
Author: الملك
Date: 07-18-2008, 09:57 AM
Parent: #1

غناء العصافير
..

..

Post: #120
Title: Re: كلنا تامين,,!
Author: إسماعيل حميم
Date: 07-20-2008, 08:29 PM
Parent: #118

أخوي الحبيب ناجي

والله إنت جميل لمن غلط !!
تعرف لي مدة من المنبر دخلت اليوم اتاوق لفت إنتباهي العنوان خليتني بطلت شغلي . . . .
وأحمد إتحكر جنبي وهاك يا اسئلة كل ما اشغل لنك من لنكات الأناشيد الجميلة!
يا أخي والله دي ذكريات حلوة وممتعة لك الله يا متفرد!

نشيد القروية من اداء مجموعة أطفال توتي وهي كانت مجموعة متميزة النشاط ولها
مركز تتدرب داخل توتي ولا ادري ماذا حل بها الآن.

Quote: و أنا طالبة شاطرة شطارة
ومجتهدة و بعمل بمهارة

اما هذا النشيد وعلي ما اعتقد هو ونشيد

Quote: ( أمي يا اجمل كلمة بقولها يا احلى نشيد يا نغمة جميلة)

من اداء طالبة كانت بمدرسة المنهل المتوسطة امدرمان إسمها حنان وهي زميلة
لشقيقتي الاكبر بسنوات قليلة ( يعني قريبة من دفعتنا) ما دايرين نجيب ليها
الهوى!!

برنامج الاطفال:
عم جحا – السنينة – بريقع – وحماته ظريفة
والجد شعبان (المرحوم الأستاذ محمود الصباغ) وفي ذلك الزمن كان يسكن جارنا
مباشرةً في بيت المال

وعمك الحجاج
وود ابو قبورة
وثعلوب المكار – يحي شريف
والحاوي
وفقرة لاعزوز – عبدالباسط هو زميل دفعتي في مدرسة المؤتمر منهم الزملاء
بالمنبر الاخي النصري امين وأخي د. جهاد الغزالي.

حيث كانت كلها فقرات تعليمية تثقيفية معرفية تناغم البيئة ذات مستوى عالي
رحم الله ذلك الزمان وأهله واعان جيل (سبيس تون)
على ثقافة الحروب والتكنولوجيا!!!!

مرفق
مودتي
إسماعيل حميم

.

Post: #121
Title: Re: كلنا تامين,,!
Author: الملك
Date: 07-22-2008, 11:16 AM
Parent: #120

ٍسمعة
,,,
Quote: رحم الله ذلك الزمان وأهله واعان جيل (سبيس تون)
على ثقافة الحروب والتكنولوجيا!!!!

بالضبط رحم الله ذلك الزمان,,,
ورحم الله هذا الزمان أيضاً
قديما كانت الأشياء تسير على وتيرة واحدة
أما الان ,,,فحتى التطور أصبح سريعاً

واصبح الاطفال "غرباء"
غير محدودى الذكاء
والأسئلة ,,!

...
غايتو نحنا إستمتعنا بحتة "الصغر" و الصبا
لكن الاجيال الجاية,,بتكون أحوج ما تكون,,
للأشياء القديمة,,,زى جنة الأطفال,,,القديمة

"القديمة دى = زى الله أكبر القديمة"

مرفق "كل المحبة"
والود

Post: #122
Title: Re: كلنا تامين,,!
Author: رانيا قاسم
Date: 07-22-2008, 01:30 PM
Parent: #1

ونحنا كمان متشكرين ومقدرين

بوست في غاية الروعة والجمال

حقيقة اخذني بعيداً الى ذكريات اجمل سنين العمر

كانت ايام

ما احلاها

اكرر امتناني

Post: #123
Title: Re: كلنا تامين,,!
Author: إسماعيل حميم
Date: 07-23-2008, 11:03 AM
Parent: #122

*
**
***
**
*

.

Post: #125
Title: Re: كلنا تامين,,!
Author: الملك
Date: 07-29-2008, 08:07 AM
Parent: #123

سمعة
..
..

Post: #124
Title: Re: كلنا تامين,,!
Author: الملك
Date: 07-23-2008, 01:02 PM
Parent: #122

رانيا قاسم
...
ملاحظة
جميع من يضعون صور لاطفال على بروفايلتهم,,,
"يحنون لمرحلة الطفولة"
,,,
"البنية دى جميلة"
...
كل ودى

Post: #126
Title: Re: كلنا تامين,,!
Author: إسماعيل حميم
Date: 07-30-2008, 10:21 AM
Parent: #124

Quote: سمعة
..
..

أهاا يا ناجي كدي قلت شنو؟؟

مرفق
مودتي
إسماعيل حميم

.

Post: #127
Title: Re: كلنا تامين,,!
Author: إسماعيل حميم
Date: 08-06-2008, 10:28 PM
Parent: #126

وينك يا ناجي

راجين تعليقك

مرفق
محبتي
إسماعيل حميم

.

Post: #128
Title: Re: كلنا تامين,,!
Author: الملك
Date: 08-06-2008, 11:42 PM
Parent: #126

سمعة ,,,يخلق من الشبه اربعين
..
نسخة منك ولدكـ
..

Post: #129
Title: Re: كلنا تامين,,!
Author: Rihab Khalifa
Date: 08-07-2008, 09:54 AM
Parent: #1

احمد المختار و محمد الفاتح يا ناجي
رحاب الدور الجاي

Post: #132
Title: Re: كلنا تامين,,!
Author: الملك
Date: 08-12-2008, 01:33 PM
Parent: #129

رحاب خليفة

انا عارفك ممكن تكونى لابسة عمة زى ديل

زماااان

Post: #140
Title: Re: كلنا تامين,,!
Author: Rihab Khalifa
Date: 08-17-2008, 10:36 PM
Parent: #132

عمه الهينه دي؟ عندي صور ما بقدر انزلها، حفاظا علي مستقبل اولادي و كده!
-----------
انت و تبارك قصتكم شنو مع اسمي يا ربي، هو رحاب طه و انت رحاب الفيل
شكلك ما لاقيت الخليفه ليك مسافه يا ناجي، لسه ما كلمته عن كلامك عن امي

Post: #141
Title: Re: كلنا تامين,,!
Author: الملك
Date: 08-18-2008, 05:06 PM
Parent: #140

عدلناها يا بيولوجى
..
..

Post: #130
Title: Re: كلنا تامين,,!
Author: Rihab Khalifa
Date: 08-09-2008, 05:36 PM
Parent: #1

alpost da 3ajibni

Post: #131
Title: Re: كلنا تامين,,!
Author: الملك
Date: 08-09-2008, 11:01 PM
Parent: #130

أحمد جا

نكتب اسمو

نتهجا’’!!

"حوبة انا ذاتى نفس الملامح والشبه "

لكن البورد بقى بطرد ,,!

Post: #134
Title: Re: كلنا تامين,,!
Author: الملك
Date: 08-12-2008, 02:07 PM
Parent: #1

Quote: ملك
ازيك يا ملك

انمشغلت يومين عن البورد ولم جيت لقيت البوست ده سعدت بيه سعادة

لا توصف عشان العصابة الثلاثة الانت عارفهم يخلوا حفظ الاغانى العربية

و يحفظوا اناشيد جميلة وليها هدف و يتغنوا بيها فى جميعياتهم الادبية

شكرا يا ملك
شكرا حميدة
لقد ساهمتوا فى فرح اطفالى

...
...
هم وين الثلاتى المرح
داك
بعدين حركات الجندرة الما سمحة دى
بطلوها ,,,
وما تمشوا تلاقوا الجندرة براكم

سمح
..
..

Post: #135
Title: Re: كلنا تامين,,!
Author: tayseer alnworani
Date: 08-12-2008, 02:32 PM
Parent: #134

Quote: بعدين حركات الجندرة الما سمحة دى
بطلوها ,,,
وما تمشوا تلاقوا الجندرة براكم

سمح
..

ملك يا ملك سلامات
مرات الغتاته ضرورية لكن المرة الجاية اكيد جندر لانو
بتعنى الاتنين يعنى معانا معانا

الثلاثى و خاصة زهوة بسلموا عليك شديد

Post: #136
Title: Re: كلنا تامين,,!
Author: الملك
Date: 08-13-2008, 07:20 AM
Parent: #135

Quote: مرات الغتاته ضرورية لكن المرة الجاية اكيد جندر لانو
بتعنى الاتنين يعنى معانا معانا

الثلاثى و خاصة زهوة بسلموا عليك شديد

غايتو بنسامحك عشان
"زهوة" دى
...
...
ممكن لو ما جيبتيها معاك نطرد عادى,,!
سلمى على العيال ديل
وما تجيبهم أوزون ,,