Post: #1
Title: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-05-2007, 11:38 AM
سنين حلوه ،،،قضيناها مع اسرة القانون العام في فترة دخولنا الجامعة في أواخر الثمانينات ،،، جمعتنا هذه الاسرة الواحدة ، تعرفنا فيها على خيرة الشباب والطلاب والطالبات بالجامعة صالح عبدالوهاب ،،عصام مانديلا ،،عاطف توفيق ،،، فيصل كوبر صديقي الصدوق حامل لواءمدني في الاسرة (ابو الشوق ) وصبري الهادي ،،،زروق ، وشباب كثر جمعتنا سنين الدراسة ومن ثم العمل في التخصص وإن كانت الهجرة المبكرة والاغتراب قد فرق بيننا فترة كبيرة ولكن تظل الاتصالات والاجازات هي التواصل المجال سيتسع لذكرهم مع مقبل الايام ،،، من مختلف الاقاليم ومدن السودان الاخرى ،،مدني ، بورتسودان ،، عطبرة ،،الابيض ،،جميع انحاء العاصمة ومن جميع مدن السودان ،،كنا نلتقي في المناسبات الكبيرة والعريضة التي كانت تجمع شمل الاسرة ،،ولا أنسى دورة الشابات ولكن تخونني الذاكرة ،،، كان الابداع هو طابع الاسرة جميعها ،،ايام ايقاعها لازال في الذاكرة ،،،سنجتر ذكرياتها تباعا.
ود الامير / ياسر (جاكوبس)
|
Post: #2
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-05-2007, 12:03 PM
Parent: #1
لغير الاعضاء التواصل عبر الايميل [email protected] لاجترار ماهو جميل عن هذه الاسرة الجميلة وأخر عهدي بها كان على رأسها أخونا المحامي تاي الله وصبري الهادي ،،،زمن جميل واسرة جميلة ولاننسى تكاتف الاسر حينها مع بعضها البعض (اسرة القانون المدني ،،اسرة العلاقات الدولية ) وسيأتي الحديث عنها باذن الله
نواصل
ود الامير
|
Post: #3
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: abas
Date: 09-05-2007, 12:12 PM
Parent: #1
الحبيب ياسر الامير ابوجكه
مرحب بيك وانت تزكرنا باجمل ايام الحياة
خاصة وانا كنت في اسرة القانون الجنائي
ومعي الصديق الامين سليمان رئيس اسرة القانون العام لفترة
واصل السرد والزكريات
وين شوقي اسي ومنو القال ليك هو حامل لواء مدني
امكن بس في اسرتكم بس
تحياتي يا فراعي متنيل ولا فراعي بس انا فراعي متنيل غايتو
|
Post: #4
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-05-2007, 12:19 PM
Parent: #1
عباس الجميل ،،،يبدو انك من مدني ،،،لكن شوقي زعيم لايختلف عليها اثنان
والله ايام جميلة ،،، وسنجتر فيها ذكريات الايام الحلوة باذن الله ،،،بعدين زعامة مدني نحن مابنرضى نديها إلا لشوقي ،،ولو عملنا استفتاء ستظهر النتيجة واضحة وضوح الشمس ،،فوق فوق يا ابوالشوق
ونواصل
|
Post: #5
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-05-2007, 05:41 PM
Parent: #1
رحلات ثقافية وترفيهية عديدة درجت أسرة القانون العام على إقامتها خلال أيام السنة ،، مناسبات شتى ،،،افراح وترويح ،،،
المواساة لكل شرائح المجتمع ولاننسى أخونا مجدي الزبير الرجل المشاغب ،،، كان يضفي على الاسرة جو جميل ونوع من المرح ،،،
كثيرون هم خريجوا الحقوق في تلك الفترات أثروا هذه الاسرة العريقة بأجواء مفعمة بالمحبة وروح الزمالة الخالصة في التكاتف في كل الملمات وفي الاتراح والافراح ،،،لم نشعر بانقضاء المدة الدراسية إلا ونحن خارج سور الجامعة ،،،يالها من سنين عدت كلمح البرق وأسرع ..
ونواصل
|
Post: #6
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-06-2007, 10:45 AM
Parent: #1
اسر كبيرة قدمت كل ماهو جليل وعظيم من أعمال ثقافية ورياضية واجتماعية ،،،ولاننسى اسرة القانون الجنائي ،،،واسرة العلاقات الدولية الاسرة النشيطة صاحبة الاعمال المتميزة ثقافيا ،،، بقيادة زملائنا (عمر قمر ،،،بشير الطيب ،،،محمد رمزي ،،،العضو النشط امير بكري ) وجمع آخرين لاتسعفني الذاكرة الآن ولكن بمرور البوست نتذكرهم مع التداخل ،،، وأيضا اخوانا الاستاذ كمال ،،وخلف الله في اسرة القانون العام ،، وخالد فزاني وأمير نمر وباقر فريجون وآخرين في اسرة القانون المدني ،،،سنجتر ذكريات كبيرة لنشاط تلك الاسر في تلك الفترة الزاهية عمل جاد وشباب مجتهد ...
ملحوظه
أرسل الزميل والعضو في اسرة القانون (أمير محجوب عثمان ) ايميل وهو يحي كل الزملاء في اسرة القانون العام المذكورين اعلاه وهو متواجد في امريكا منذ (12) سنة ،،،ووعد بالتداخل عبر الايميل فله التحية ونتمنى له التوفيق ...
نواصل
|
Post: #7
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-08-2007, 06:00 PM
Parent: #1
اسرة القانون العام ،،، القامة الكبيرة والهامة العجيبة ،،، كانت تاريخ تحول اجتماعي كبير لنا ،،، كنا نجتمع في أي زمان وفي أي مكان
الكل كان منهمك بالعمل والتعاون الجاد المثمر ،،، اعمال جليلة قامت بها الاسرة سنوردها تباعا
نواصل
|
Post: #8
Title: Re: كلية الحقوق جامعة القاهرة فرع الخرطوم (النيلين ) ،،، أعضاء أسرة القانون العام أين التواصل؟
Author: ياسر الامير ابوجكة
Date: 09-09-2007, 07:06 PM
Parent: #1
ذكريات ذات وقع جميل ، ستظل خالدة في النفس ،، اسرة كانت تضم طلاب من مختلف انحاء السودان ، تحابوا في الله واجتهدوا على
العمل الاجتماعي والثقافي والمناشط الرياضية ،، خاصة طلاب الاقاليم جميعهم فكانوا لايفارقون ركن الاسرة أسفل مدرج حسين فهمي ،،
على الرغم من ضيق المكان ولكن غدوهم ورواحهم طوال اليوم على الركن كان يضفي السرور والبهجة ،،،
تنطلق البرامج من هذا الركن الجميل الكل من الطلاب يعرف وبسرعة البرق البرامج التي تتخلل اليوم وكل يوم ،،،
يالها من أيام ايقاعها يرن في اذني كل يوم كما يرن المنبه للعمل ،، ايقاع طابعه الذكريات كلها مرها وحلوها ،،،
اتذكر الاحباب من الطلاب والزملاء وهم كثر ،،، اللهم أجمع شملهم على الخير ،،، ووفقهم أجمعين ،،،
ونواصل
|
|