المجموعة الكاملة لاغاني الحقيبة مكتوبة

المجموعة الكاملة لاغاني الحقيبة مكتوبة


05-18-2007, 09:13 AM


  » http://sudaneseonline.com/cgi-bin/sdb/2bb.cgi?seq=msg&board=140&msg=1182842762&rn=0


Post: #1
Title: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 09:13 AM

كيف اتحصل عليها واين اجدها ك بي دي اف ?????

Post: #2
Title: Re: المجموعة الكاملة لاغاني الحقيبة مكتوبة
Author: ناذر محمد الخليفة
Date: 05-18-2007, 09:24 AM
Parent: #1

دا بوست شرك ولا شنو ؟!

أنا هسي جيت جاري جري قايل روحي حا ألقاك منزلا ؟!!

Post: #3
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 09:35 AM
Parent: #2

والله يا ناذر انا عارف الموضوع دا حيجيب الناس جاريه جري لكين انا متأكد حالقي لي واحد عيان حقيبه وح تنزلا انشالله اسفين للمشوار لكين برضو كمل جكتك مع البوست لحدي ما نلقي حاجه

Post: #188
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-25-2007, 10:40 AM
Parent: #3

اسبوع كامل ولم يكتمل عقد درر الحقيبه عمنا الموج سلامة ضهرك من القعده الطويله وراجينك لمزيد من الدرر تحياتي مخو

Post: #91
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-19-2007, 09:20 PM
Parent: #2

Quote: أنا هسي جيت جاري جري قايل روحي حا ألقاك منزلا ؟!!


اها يا ناذر بعد الجريةه دى كلها شوف الجماعه ديل حقبنوك كيف
الواح قى يشيل وينزل فى الويرد

Post: #4
Title: Re: المجموعة الكاملة لاغاني الحقيبة مكتوبة
Author: hatim ibrahim
Date: 05-18-2007, 09:42 AM
Parent: #1

.
فتحت المنتدى ولقيت عنوان البوست في الوش
قلت لقيت ( كنز ) مع الصباح
وإذ بي اكتشف انك برضو بتبحث عن الكنز
بااااااااالغت يا الزيادي




بس كمان بنادي معك
Quote: كيف اتحصل عليها واين اجدها ك بي دي اف ?????

وما ضروري بي دي اف
بأي طريقة كانت


تحياتي ،،

Post: #5
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 10:14 AM
Parent: #4

انا قبل كده لقيت جزء كبير منها في جلسة حقائبيه قبل كم سنه كده في رمضان بنادي العرضة نظمناها مع بعض الشباب لكين فرطت فيها وكان الحضور مميز من العارفين بخفايا الحقيبه واذكر واحد يسمي قاموس الحقيبه دا حافظ حتي رقم الاسطوانه والشركه المنتجه واذكر من الحضور ايضا الدكتور نزار غانم ,ساحاول جاهدا الحصول عليها ثم نرفع بوست وجدنا الكنز تحياتي سيد حاتم

Post: #6
Title: Re: المجموعة الكاملة لاغاني الحقيبة مكتوبة
Author: mulhim
Date: 05-18-2007, 10:17 AM
Parent: #4

الاخ محمد المختار وبقية الاخوان ...
اصحاب الاهتمام الحقيبى والجابهم الدربى قايلين نفسهم حيصيحوا وجدتها وجدتها
اها انا جيت ومتأكد انى ما حا القى اغانى الحقيبة كلها مكبوبة هنا ..لانه بكل بساطة مافى حاجة اسمها المجموعة الكاملة لاغانى الحقيبة مكتوبة او مسموعة ... لكن جيت اقدم ليكم اقتراح افتكر انه ظريف وبما انه اغلبنا محبين لفن وشعر الحقيبة ...
الاقتراح انه كل واحد يجى خاشى هنا ينزل الربنا بفتح عليه بيه من اشعار حقيبة ان كان حافظها ,سمعهاغنى ولا ينقلها لينا من مصدرها ...وبعدها ننقحها ونقارن النصوص ونفرز صحتها حسب رواياتها وكده نكون عملنا اول مجموعة(قد تكون) كاملة لاغانى الحقيبة مكتوبة ..
اها رايكم شنو فى كلامى ده ...
ومقترحاتكم بنداها كيف ..بالشعراء ولا الفنانين ؟؟
المهم نبدا ..
لكم ودى والسلام

Post: #7
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 10:46 AM
Parent: #6

الاخ ملهم سلامات والله كلامك زين وزي ما قلتا المجموعه الكامله دي صعبه تتلقي لكين في ناس عندهم مجموعة مكتوبه لا بأس بها ساتصل ببعض المهتمين وشخصية كعوض واخرون قد نجد عندهم اوعدك بالبحث تحياتي مخو

Post: #106
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-22-2007, 01:04 AM
Parent: #4

المزيد

Post: #107
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-22-2007, 01:04 AM
Parent: #4

المزيد

Post: #8
Title: Re: المجموعة الكاملة لاغاني الحقيبة مكتوبة
Author: ناذر محمد الخليفة
Date: 05-18-2007, 10:54 AM
Parent: #1

!!!!!!!

Quote: واذكر واحد يسمي قاموس الحقيبه دا حافظ حتي رقم الاسطوانه والشركه المنتجه


أكيد قصدك محمد حسن الجقر ..

دا لو تابعتو حا يحفظك تاريخ الحقيبة من زمن كانت مخلاية ..

Post: #11
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 11:19 AM
Parent: #8

والله يا ناذر ما مذكر اسمو لكين شكلو اخضراني كده هو ذاتو مرات بغني اتأكد من الفرد واجيك كده ادينا حاجه من زمن المخلايه يا زووول مخلاية الفن دي بتكون عجيبه هوي انا جاري الصلاة احتمال ااكد ليك الاسم

Post: #100
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-21-2007, 02:39 AM
Parent: #11

شكرا لكل من اسهم معنا في جمع هذه الدرر ونطمع في المزيد تحياتي ودام الود مخو

Post: #189
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-25-2007, 01:43 PM
Parent: #8

ياناذر والله انا عارف اللاب توب بتاعك مليان جيب من جوه

Post: #9
Title: Re: المجموعة الكاملة لاغاني الحقيبة مكتوبة
Author: ابو تميم
Date: 05-18-2007, 11:12 AM
Parent: #1

طيب يا جماعة الخير ... عشان البوست ما يكون شرك

ايه رايكم نتعاون وكل واحد يجيب اغنية مكتوبة ونخلي البوست ده مكتبة فعلية للحقيبة ؟

Post: #10
Title: Re: المجموعة الكاملة لاغاني الحقيبة مكتوبة
Author: Salih Merghani
Date: 05-18-2007, 11:16 AM
Parent: #9

معاكم يا شباب

Post: #12
Title: Re: المجموعة الكاملة لاغاني الحقيبة مكتوبة
Author: ابو تميم
Date: 05-18-2007, 11:52 AM
Parent: #1

يالغصن00 الفي نضورك

ياالبدر00 الفي خدورك

ومترقب ظهورك

وأتامل في محاسنك

وأتمتع بمناظرك

واتوسع في سروري

أنا مابقطف زهورك بعاين

بس بعاين بعيوني

*********

ولعبت بي دورك

واصبحت مسحورك

وسبحت في بحورك

وعرفت أهوالك

وعزفت الحانك

آهات تواريني

**********

لازلت مأسورك

وماقادر ازورك

ملأ العهود نورك

أتمهل في بسمك

ويتجلي لي رسمك

شخصك ملأ عيوني

أنا مابقطف زهورك

بعاين00(بَس ) بعاين بعيوني

Post: #13
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 12:01 PM
Parent: #12

ابو تميم سلامات لو امكن زودنا باسماء الاغاني والشاعر بتاعها واول زول غناها منو والبعدو تحياتي مخو

Post: #194
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-26-2007, 08:42 PM
Parent: #12

تصحيح بعض الكلمات
اولا الشاعر عبيد عبد الرحمن
واتوسع فى فنونى ومن القافية يمكن ملاحظة ذلك

Quote: وعرفت أهوالك

وعزفت الحانك

آهات تواريني

وعرفت اوزانك
وعزفت الحانك
اهات توارينى

Post: #195
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-26-2007, 08:50 PM
Parent: #12

Quote: لازلت مأسورك

وماقادر ازورك

ملأ العهود نورك

أتمهل في بسمك

ويتجلي لي رسمك

شخصك ملأ عيوني

أنا مابقطف زهورك


تصحيح:
ملآ العيون نورك

اتامل فى بسمك

Post: #14
Title: Re: المجموعة الكاملة لاغاني الحقيبة مكتوبة
Author: ابو تميم
Date: 05-18-2007, 12:31 PM
Parent: #1

Quote: من لالئ العقد النضيد وذكر من الفنانين سرور وكرومه وزنقار والأمين برهان فإنهم لا شك سيذكرون كروان الحقيبة وبلبلها الصادح بادى محمد الطيب الذي نصحبه في هذه السياحة الفنية
إسمه الحقيقي أحمد المصطفى ويلقب منذ صغره ببادى ، ولد عام 1935 بحلة عباس والتي تتبع حالياً لمحلية الكاملين ، درس بالخلوة في صباه وحفظ القرآن الكريم ( ثلاثة عودات ) وتلقى دراسة القرآن على يد جده لأمه الفكي محمد عبدالله وأكمله مع الفكي محمد مصطفى الحلاوي وكان التعليم آنذاك يركز على الخلوة وبدأ جمال صوته ونداوته يظهر في تلك في الفترة بصورة جذبت اليه الأنظار وكان محمد أحمد شقيق بادى فناناً معروفاً في حلة عباس والقرى المجاورة وكان يغني مع كمال الدين الطيب وسعد سعيد بلال كثلاثي وكان بادى أنذاك يدرس بالخلوة ( ويشيل ) معهم
ثم ما لبث بادى أن استقل بنفسه فاصبح فناناً معروفاً على نطاق قرى الحلاوين والقرى المجاورة . ويقول بادى انه قد وجد تشجيعاً على الغناء من والده فقد كانت تأتي في اليوم الواحد ثلاث عربات من القرى المجاورة الى حلة عباس طلباً لبادى فى ان يغني لهم.يقول بادى إن والدى كان يبحث عنى ويطلب منى أن أذهب معهم وأشاركهم أفراحهم, وفي بداياتي الفنية كنت أردد أغنيات من سبقوني. أمثال محمد وردي – إبراهيم عوض – حسن عطيه و عثمان الشفيع إضافة الى ذلك كنت أردد الأغاني السائدة بالمنطقة وهي مزيج من الأغاني الشعبية وأغاني الحقيبة

السفر الى الخرطوم
لم يكن بادى عندما جاء الى الخرطوم يضع في مخيلته الإنطلاقة الواسعة في عالم الغناء والطرب ولكنه جاء مثل ما يأتي أهل القري الى الخرطوم يبحثون عن فرصة عمل بخلاف الزراعة التى هي الحرفة الرئيسية فى المنطقة, وعمل بادى في عدة مهن قبل أن يستقر به المقام في جامعة الخرطوم حيث عمل فى إحدى كافتيريات الجامعة وكان مدير الجامعة في ذلك الوقت العلامة الراحل البروفيسور عبدالله الطيب وأبرز الفنانين الذين عاصرهم بادى فى تلك الفترة عوض شمبات ، الكابلي وحمد الريح الذي كان يعمل بجامعة الخرطوم وكان بادي يدندن فى أثناء ساعات العمل الشئ الذي استرعى إنتباه الطلبة فأخذوا يلحون عليه في المشاركه عبر المنتديات فاستجاب لرغبتهم وكانت هذه نقطة تحول بالنسبة له..
قصته مع قائد الاسطول
يقول بادى أنه قد غنى أغنية قائد الاسطول بالكبريته عام 1961 عبر برنامج أشكال وألوان الذى كان يقدمه للإذاعة أحمد الزبير وكانت أغنية قائد الاسطول من الأغنيات التى يمتحن بها الفنانون الذين يغنون بالاذاعة لأول مرة وقد أدى بادى الأغنيه بصوره جميله وملفته للأنتباه فظنه الناس كرومه.يقول بادى إن مما عمق صلاته بالأغنية المسابقة التى نظمها أحد محررى مجلة هنا أمدرمان ورصد لها جا ئزة عبارة عن راديو ولم يكن بادى ضمن الفنانين المتسابقين على المسرح الذين كان من ضمنهم أبوداؤود ،عبيد الطيب ، وصلاح مصطفى وكان بادى متفرجاً فوجد نفسه مندفعاً لطلب المشاركة فصفق الجمهور طويلاً لادائه الرائع وحقق المركز الاول. وكان الاستاذ محمد خير مدير المسرح آنذاك وفوارى مدير الإذاعة وطلعت فريد وزير الاعلام . وأغنية قائد الاسطول من الأغاني السياسية ذات الدلالة الرمزية والتى تتحدث عن المستعمر وبها كلمات قوية ولحن رائع وهى من الأغنيات المحببه الى بادى والتى يجد متعه كبيره فى في ترديدها في كافة المحافل والمنتديات
بدايته مع الحقيبة
يقول بادى إن علاقته بأغنية الحقيبة بدأت مع بداياته الفنية في مطلع الستينات حيث كانت مجلة الاذاعة والتلفزيوتنشر الأغاني وتحديداً أغانى الحقيبه وامتاز ذلك النشر بجودة التوثيق ونسبة الأغانى لشعرائها ولذلك لم يجد بادى مشقةً في الحصول على نصوص الأغاني. و أخذ يحفظ ما تننشره المجلة واعتمد في معرفة الالحان على الإذاعة والتلفزيون . وفي ذلك الوقت من الزمان كانت مجموعة من الفنانين تقوم برحلات فنية تجوب خلالها مدن وأرياف السودان فشارك أبوداؤود وسيد خليفة رحلاتهم وغنى معهم. وغنى بادى أغنيات من سبقه من فناني الحقيبة فكان أن غنى لكرومه وسرور وعبدالله الماحي والأمين برهان وعاصر جميع فناني الحقيبة ماعدا مصطفى بطران وخليل فرح وعاصر كل شعراء الحقيبة ما عدا العمرابي وخليل فرح


انهم يفترون على الحقيبة
يعتقد بادى أن أغلب الذين يهاجمون أغنية الحقيبة انما يفعلون ذلك عن جهل تام بما تحتويه هذه الاغنية التى عبرت بصدق وشفافية عن مجتمعها . ثم امتد أثرها الي يومنا هذا حيث لا زالت مرغوبه ومطلوبه من قبل كافة الفئات العمرية ولنستمع لود الرضى وهو يناجي زوجته بأعذب الالحان والأشعار؛ فريدة براها ترتاح روحي كل ما اطراها ست البيت فالمرأة في أشعار الحقيبة ليست كما حاول البعض أن يشيع جسداً لا مكان للقيم الروحية فيه وإنما هناك القيم الإنسانية والعفاف؛ ما قصدي فيك لسان قصدي بس شوفتك صدقني يا انسان لذلك استطاعت أغنية الحقيبة أن تحافظ على تجددها ومواكبتها فهي كانت ولا تزال المرجعية الأساسية للذوق السوداني
من أغاني بادى

تغني بادي بالعديد من أغاني الحقيبة المعروفه في ذلك الزمان وقام بتلحين الكثير من الأغاني نذكر منها على سبيل المثال لا الحصر أغنية، الواعي ما بوصو، وهي من كلمات بت مسيمس وتتحدث هذه الأغنيه عن عبد القادر ودحبوبه بطل ثورة 1908 بمنطقة الحلاوين بالجزيره وكذلك لحن بادي أغنية ’المقدر لا بد يكون، الخدير ، فتاة اليوم ، دابى البركة ، مناى الجدية ، الليلة هوى ياليل ، العديل والزين ، وغيرها من الأغنيات وهناك أغنيات كثيره كان يمكن أن تضيع وتنسى لولا المجهودات التى بذلها بادى في سبيل حفظها مثل – مسونوركم – ومن الأغنيات التى عرف بادى بترديدها؛ ’إنت حكمة، وهي من كلمات محمد على عبدالله الأمى وألحان كرومه ، ليلتنا ليلية وهي من كلمات سيد عبدالعزيز وألحان زنقار ، قمربين الأزهار’ وهي أغنية تراث ، قمر العشاء، وهي أغنية تراث ايضاً، السمحة أم عجن، وهي من كلمات سيد عبدالعزيز وألحان كرومه. ومن أغنيات بادي أيضاً، يا مدلل، بكا الخنساء ، أذكريني ياحمامة ، في الفؤاد ترعاه العناية ، صباح النور ، الفى دلالو ، يا سمير ، سيد الروح ، كما غنى بادى أغنية، الهجروك على؛ وهى من كلمات وألحان عبدالحميد يوسف وغنى بادى أيضاً أغنية ،بتريد اللطام، و تمثل الأغنية قيلت فى رثاء عبدالقادر إمام ودحبوبة. والأغنية من كلمات رقية شقيقة البطل عبدالقادر إمام ود حبوبة
بادى وإقتحام استديوهات الإذاعة بسبب اغنية
مبدياً غيرته على الحقيبة روى لنا الفنان بادى محمد الطيب قصة إقتحامه لاستديوهات الإذاعة بسبب أغنية فقال تعود تفاصيل تلك الواقعة عندما كنت بالمنزل في العباسية استمع لبرنامج استديو النجوم وكان مقدم البرنامج الأستاذ صلاح طه واستضاف خلال البرنامج أحد فناني سنار والذي تغنى بأغنية : يا حبيبى هل تدري أنا صاحي طول الليل أتأمل البدر واذكر جمال محياك ،، وكان اللحن مختلفاً تماماً عن لحن الأغنية فما كان مني إلا ان ارتديت ثيابي على عجل واستأجرت عربة تاكسى وتوجهت مباشرةً الى الإذاعة واقتحمت الاستديو على الهواء مباشرةً وسألت الفنان الذي أدي الأغنية عن المصدر الذى أتى منه بهذا اللحن فاخبرني به, فتوجهت الى الفرقة وطالبت بمصاحبتي على العزف وأديت الأغنية بلحنها الصحيح . ويرى الأستاذ بادى أن المصنفات الأدبية والفنية لها دور كبير في هذه المسألة فهى مطالبه بضبط وتحقيق النصوص منعاً لتحريفها. ويقول بادى سبق وأن طلبت منهم إدخالى فى إحدى لجانهم لا لشئ سوى المحافظة على التراث ولكن هذه الدعوة ذهبت أدراج الرياح ولم تجد الآذان الصاغية وطلب بادى من شركات الإنتاج الفني في حالة تسجيلها لإغنيات الحقيبة أن ترجع اليه أو الى الأستاذ على مصطفى الذى يعتبر أكثر الناس حفظاً وتجويداً لاغنية الحقيبة



المصدر : موقع منطقة الحلاوين


اعتقد بان هذا اللقاء سيساعد في عملية التوثيق لاغاني الحقيبة

Post: #15
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 01:10 PM
Parent: #14

تشكر ابو تميم علي هذه المعلومات القيمة فيما يبدو انني موعود بمجموعه لا بأس بها فقد وجدت بعض الاصدقاء بعد صلاة الجمعه ووعودني بها وكذلك سيبحثون عنها بين الكتب والشمس حاره شديد اتفقنا علي اللقاء في وقت آخر

Post: #16
Title: Re: المجموعة الكاملة لاغاني الحقيبة مكتوبة
Author: تاج السر حسن
Date: 05-18-2007, 01:19 PM
Parent: #15

الظلامى محمد مختار الزيادى .. " ده براه .. وده بره"!!
يا اخى هسه جيت طاير بى نمرة 5 قلت دى جمعه كاربه فيها من عيون الحقيبه ما نحب، خصوصا ونحن جيل نشا على صوت المبارك ابراهيم رحمه الله وهو يردد " حقيبة الفن" يقدمها لكم المبارك ابراهيم وقبله "على شمو" ونشانا على برنامج مثل "ربوع السودان" ومقدمته التى تقول "ام در يا ربوع سودانا نحيك وانت كل امالنا، وسمعنا فيه "السمسم القضارف الزول صغير ما عارف"، ونشانا على برنامج " عالم الرياضة" الذى كان يقدمه المرحوم " طه حمدتو" الذى لا تعرف من تقديمه للبرنامج أو اذاعته للمباريات انه ينتمى وجدانيا للمريخ.
على اى حال ابشرك المذيع أحمد محمد صالح اول زمقدم لبرنامج الحقيبه هذه الأيام فى مصر، واشكرك مقدما فقد الهمتنى فكرة أن اطلب منه طباعة كتاب عن الحقيبه واغانى الحقيبه.

Post: #17
Title: Re: المجموعة الكاملة لاغاني الحقيبة مكتوبة
Author: mulhim
Date: 05-18-2007, 02:54 PM
Parent: #16

اما اضافتى ايها الاحباب ستكون مع الشاعر عمر البنا وهذة القصيده(الاغنية) لما لها من حب خاص عندى


نسايم الليل



نسايم الليل زيدينى
بالشذى والطيب عودينى
زاد الشوق لى يهون امتى وصاله
يا نسايم الليل آنسينى
فى رجوعك لا تنسينى
بى طيب الحب آسينى
من بعد الضر ماسينى
انا برضى عشوق مهما جيوش الحب صالوا
يا نسايم ما بترعينى
ما بفيدنى شذاك دعينى
لو قصدك لى تعينى
ارجعى بى دمعة عينى
للمعشوق قوليلى ينوح ونومه عصالو
فى الهوى يذداد تمكينى
يا بلابل الدوح حاكينى
فى نواحى دوام شاركينى
فى الحب ابكيك وابكينى
اصيح مفروق لى بروق ثغرك لالو
طيفك لامتى يجينى
وفى لذيذ النوم يناجينى
من سهم البين ينجينى
ويبرد نار سجينى
وفؤادى يروق واناجى ملاك طيبه خصاله
سلامى بعد تجنينى
عليك وليالى سنينى
بعد شعرى وتفنينى
فى وصفك وعد حنينى
يغشاك مرفوق مع النسام وروحى خلاله

Post: #18
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-18-2007, 03:57 PM
Parent: #17

الاخ محمد المختار
بوست جميل واتوقع له النجاح ولكن لي رجاء وهو ان يتحرّى
الاخوه المشاركين الدقه في نقل الاغاني ونسبها لاصحابها الحقيقين
حتّى لا ندخل في متاهات نحن في غنى عنها لتتكرر مشكلة الناعسات
عيونن ووجه القمر سافر مره اخرى فهذا البوست يمكن ان يتحول الى
بوست توثيقي هام ومرجع لاغاني الحقيبه يستفيد منه الجميع .

Post: #22
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 07:54 PM
Parent: #18

تعديل خطا غير مقصود دا كلو منك يا تاج السر

Post: #25
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 08:25 PM
Parent: #18

Quote: بوست جميل واتوقع له النجاح ولكن لي رجاء وهو ان يتحرّى
الاخوه المشاركين الدقه في نقل الاغاني ونسبها لاصحابها الحقيقين
حتّى لا ندخل في متاهات نحن في غنى عنها لتتكرر مشكلة الناعسات
عيونن ووجه القمر سافر مره اخرى فهذا البوست يمكن ان يتحول الى
بوست توثيقي هام ومرجع لاغاني الحقيبه يستفيد منه الجميع .



تشكر اخ مجدى
نعم يجب التحرى من ذلك حتى لا يتقى احدا ما معلومه خاطئه ويقوم يغاط بيها كمان
وهناك بعض الالتباسات اساسا هى حصلت ان كنت فى النص او الشاعر
فاليكن البوست للتصحيح ايضا
تحياتى
ودام الود
مخو

Post: #21
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 07:39 PM
Parent: #16

Quote: الظلامى محمد مختار الزيادى .. " ده براه .. وده بره"!!


والله فعلا رشاشه يا تاج السر رميت الملك فيصل العجب بتناول المنشطات
وجيت ترمينا باالظلام ؟؟؟؟
هو الواحد بعد دا ما يصلى ولا شنو؟؟
يا تاج ظلام شنو ياخ
كده خلينا من دا وهات ما عندك من من حقيبه



Quote: واشكرك مقدما فقد الهمتنى فكرة أن اطلب منه طباعة كتاب عن الحقيبه واغانى الحقيبه.


كده اصبر شويه هو انت هسى شفت الهام

الله مريخابى كيفن ما الهمك
تحياتى
مخو

Post: #192
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-25-2007, 09:07 PM
Parent: #16

Quote: على اى حال ابشرك المذيع أحمد محمد صالح اول زمقدم لبرنامج الحقيبه هذه الأيام فى مصر، واشكرك مقدما فقد الهمتنى فكرة أن اطلب منه طباعة كتاب عن الحقيبه واغانى الحقيبه.



الحصل شنو يا تاج السر كلمتو ولا لسه

هات ما عندك من حقيبه

تحياتى ودام الود
مخو

Post: #176
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-23-2007, 01:11 AM
Parent: #14

قائد الاسطول وبت ملوك النيل لسيد عبد ا لعزيز

Post: #19
Title: Re: المجموعة الكاملة لاغاني الحقيبة مكتوبة
Author: Moawia Mohammed
Date: 05-18-2007, 05:03 PM
Parent: #1


Post: #23
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 08:09 PM
Parent: #19

تحياتى معاويه وهات ما عندك من حقيبه
اذا كانت مؤثره فيك ولا فينا
تحياتى
ودام الود
مخو

Post: #20
Title: Re: المجموعة الكاملة لاغاني الحقيبة مكتوبة
Author: Moawia Mohammed
Date: 05-18-2007, 05:08 PM
Parent: #1


أنة المجروح
كلمات : سيد عبد العزيز
الحان : الحاج محمد أحمد سرور

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح

Post: #29
Title: Re: المجموعة الكاملة لاغاني الحقيبة مكتوبة
Author: mulhim
Date: 05-18-2007, 08:41 PM
Parent: #20

مواصلة مع عمر البنا

زهـــــــــرة الروض

يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل
يا زهرة طيبك جانى ليل
اقلق راحتى وحار بى الدليل
امتى اراك مع الخليل
واجلس امامكم خاضع ذليل
دايما انوح واقول حليل
صفى القلب القدره جليل
كيف لا اسهر واكون عليل
انا فى الثرى وهو فى الاكليل
يا الليك عفافك دايما زميل
يا المن طيبك طيب زهر الخميل
لو مر نسيمك على الف ميل
يخلى العالم طربا ثميل
يا اهيف يا ذا الطرف الكحيل
يا الصدرك عالى وخصرك نحيل
مناى فى الدنيا قبل الرحيل
ارى شخصك لكن مستحيل
يا زهرة روضك يبعد عن الـ
عاشق ومحال للقاك ينيل
بستانك نضير ساقيه نيل
الحياة ومحصن بالدردنيل
امتى تعود ايامى القبيل
يا حبيب واوجد للقاك سبيل
ومعاك اتحادث فى قبيل
شفاء داء قلبى الوبيل
قال لى صحيح جسمك هزيل
وجمر الغرام فى عضاك نزيل
لو ما بخاف عاذلى الرذيل
لكنت اوصلك ولعياك ازيل


*لحنها وغناها الفنان الخالد كرومة ومن بعده اداها بنفس المستوى وزاد عليها من الالق الفنان المبدع عبد العزيز محمد داؤود

Post: #196
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-26-2007, 09:02 PM
Parent: #20

Quote: انا والخيال فى جدال وانت بنداك منفوح


تصحيح واكمال المربع:
انا والخيال فى جدال وانت فى نداك منقوح
كلما النسيم يغشاك زى الخميلة تفوح

Post: #24
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:20 PM
Parent: #1

شوفو اى زول داير يكتبو ليه اغنية بس يكتب اسمها هنا
او اى بيت منه ونحن نجيبا ليهو من قرونها..فانا املك 99% منها مكتوبة
وهاكم العربون ده..


جسمى المنحول.جسمي المنحول براه جفاك يامليح الزى
******
كيف حبي يحول وفؤادي معاك يازينة الحى
حلمك ياجميل انا دانى رحول
تركني هواك بين ميت وحى
******
كيف ليك وصول ...وسكونك فوق لى سهيل وثرى
النوم من عيني دوام مفصول
دموعي تلاقى وتسرف رى
******
دى الساحره عقول ... بروق في غيم ولا در فى لمى
خدودك أم ازهار في حقول
سقاني غرامك صافى حمى
******
الطرفه وأقول ..احور متناعس ولحظه صحى
تشوف في قوامه المال مفقول
الظلمة شعور والقمره محى
******
أنا دمعي هطول ...احن لي لماك وقاسى على
يصح في هواك تعذيبي يطول
بالبين أترابك لاهي خلى
******
من ردفه كسول ..بى جيده وعينه يسبى ظبي
بالشوق يا نسيم ابقالى رسول
لو يعطف ثانية يزيل البى

Post: #27
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-18-2007, 08:31 PM
Parent: #24

Quote: شوفو اى زول داير يكتبو ليه اغنية بس يكتب اسمها هنا
او اى بيت منه ونحن نجيبا ليهو من قرونها..فانا املك 99% منها مكتوبة
وهاكم العربون ده..



دا الكلام وصل عمنا الموج وبطل التيمم
جيب من جوه طوالى من غير طلب
حرم الناس الجونا جاريين يشربو من البوست دا
وستكتمل المجموعة الكامله
او قل اكبر ما يمكن جمعه
دفق يا موج
تحياتى
ودام الود
مخو

Post: #182
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-23-2007, 12:18 PM
Parent: #24

لماذا توقف تدفق الموج
هناك بعض الاغانى بها بعض الابيات مكتوبه خطأ ارجو تصحييها

Post: #26
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:29 PM
Parent: #1

ودى ولهان هامى دمعى الشاعر عبيد عبد الرحمن
أغنية ولهان هامي دمعي ...

ولهان هامى دمعى ..وسهران ساهى بالى
بعدك لى ميسر..... وقربك ليه ابالى
بى ذكراك معذب......كل ما الليل مسالى
قلبي يزيد حنانو.....وقلبك ليه قالي
جرت وجار زماني ....وخاطرك طاب نسالى
مهما جد بينك.....صابر مانى سالي
*****
ابكي حبيبي بعدك ..... ايامى الخوالي
انشد فيك صفاهن...وانشد فيك موالى
لولا مسيل دموعي.....بلانى وروالى
حرقت جسمي نارك ...وحرق الكان حوالي
*****
صده سبب نحولي.....وبعده سبب ملالى
حبه ملك فؤادي.....وأتمازج خلالي
أما سبب شقاي ....ودائي واعتدالي
نور محيه الهلالي....ونور خده البلالى
*****
بعدت عنى دارك....ومنع الحظ رحالي
حبك زاد ىنحولى ...وشوقك زاد محالى
أنا ولهان وراضى.....ومرك عندي حالي
والليمنى فيك.....ياحالى يصيبه حالي
*****
لحظك دار كؤوسه...راح الروح سقالى
كنت سمير هناى....وكنت نشيد مقالي
قصدي أتم شرابي......لكن ما بقالي
عنب الشام بحبه..... إلا عصيره غالى

Post: #28
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:32 PM
Parent: #1

ودى مرضان باكى فاقد ....الشاعر محمد على عثمان بدرى


مرضان باكي فاقد......فيكى علاج طبيبي
قالوا ترك سكونك .....يادار وين حبيبك
******
يادار من بقاياك...فوحي وجيبي طيبي
أو عاتق شميم ......النرجس من رطيبي
ماردت سؤالي.......وأجابت دار حبيبي
سدت حلقي عبره.....نفسي متين تطيبي
******
أنا لي مدة طالت .......ما شاهدت قمري
ما شاهدت غصن .....اليانع فيه ثمري
أنا ماشفت محبوبى.......البفيداه عمري
اسكر من عيونه ....هي كأسات فيها خمري
******

حبي الغير خافي.....ياالانت بتخبرى
اسألي منه قلبك......ومن نيراني تبرى
مروا على ناسك....وليك شالوه خبري
هل عرفوني حائر.....وهل ادوك خبرى
******
كيف طغى لي حبك....دائي متين تزولي
لولاك ما نزلت .....عن مقدار نزولي
ليك بنثر جواهري...... وبلغيها زولي
قالت كترت عليه......صديقي الما عزولى
******
فاكهه جميلة يانعه.....شتاها طاف بدري
دره يتيمة انسه.....ظبيه حواها خدري
حوره فى نعيمه......طواها جبينها بدرى
انا فى ناره ساهر....باكى أريتها تدرى
******
لو كلمتي طيفك .......قلت يزور ضريحي
أو قلتيلو داوى.......علل عاشقي وجريحي
لا باس من عذابي.....وبكاء جفني القريحى
ما دام انت نائمه....... وهادئه وتستريحي
******
أنا غافل غرامك.......دون اعلم شحني
دمعي إذا طريتك....بين الناس فضحنى
أنا شاعر فؤادك....في الحب امتحنى
برضك جافيه نافره ....لي متين تحنى

Post: #30
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:50 PM
Parent: #1

افكر فيه واتامل الشاعر عبيد عبد الرحمن

افكر فيهو واتامل

اراهو اتجلي واتجمل

هلالي الهل واتكمل
تفاصيل وقولي والمجمل

ساصبر ياخي ايه اعمل

اذا قلب الفتي اتحمل

مصائب الدهر والامو

اري الصبر الجميل اجمل

حبيبي دمعي بسلسل

مجاري الدم اذا اتحلل


اما شرع الهوي حلل

لقانا نهار او ليل اذا اليل

تذكر عهدنا الاول

صحي الايام بتدول

قريب يومداك وما طول

مضت ايامو يا حليلي

وبقت احلام وتدول

Post: #37
Title: Re: المجموعة الكاملة لاغاني الحقيبة مكتوبة
Author: mulhim
Date: 05-18-2007, 09:15 PM
Parent: #30

صديقى الموج ...لك منى تحية واحترام خاص ...واشهد لك بمرجعيتك فى نصوص الحقيبة والتى شهد لك بها الكثيرون هنا ....واضافة للنصوص وحتى يتمكن من يريد مقارنتها وتصحيحها والاخذ بها كمرجعية .. اعيد كتابة ... أفكر فيه وأتامل لشاعرنا عبيد عبد الرحمن
*مسجلة على الاسطوانات بصوت سرور

أفكر فيه و اتأمل
افكر فيه واتامل *** اراه اتجلى واتجمل
هلالى الهل واتكمل
تفاصيل قولى والمجمل*** ساصبر ياأخى ايه اعمل
اذا قلب الفتى اتحمل***مصايب الدهر والامه
ارى الصبر الجميل اجمل
حديثى ودمعى يتسلسل***فصول فى رواية تتمثل
اقيف فى مواقف استبسل***وعن رؤيا الحبيب حالا
ابين فى مناظر اتوسل
هواه بجسمى يتخلل***مجارى الدم الدم اذا اتحلل
وقيع لى رضاه اتذلل***وما هماه يا سيدى
دا واحدا اصله بيتدلل
ترك افكارى تتضلل***بعذره البيه يتعلل
فما شرع الهوى حلل***لقان نهار ولا
فى ليل اذا أليل
صريح قانون هواك خول***هلاكى وقلبى ما اتحول
حقيقة وليس تتأول***صريع لحظات سيوف لحظك
وحالى ان شفته تتهول
تذكر عهدنا الاول***صحى الايام بتدول
قريب يوم داك ما طول***مضت ايام ويا حليلن
بقت احلام وتتأول


الاغنية شدا بها الفنان الطيب عبد الله بنفس لحن واداء عميد الفن سرور

Post: #31
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:53 PM
Parent: #1

سايق الفيات الشاعر ابراهيم العبادى


ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى

Post: #32
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 08:57 PM
Parent: #1

ليلى طال زى ديسك الهضلم نزل ابو صلاح


ليلى طال زى ديسك الهضلم نزل.....لضميرك يا فريهيدا انسبل
والجبين النورو يتلاصف لمع......ضوه لينا الحله بالاربع قبل
**************
فيكى حاجب زى هلال اسود غزر......والرمش من طوله فى طرفه انشبل
شابه النشاب والقوس والوتر..............قلبي من جوز غمضه برمشه اتنبل
*********
والعيون الواسعات بلحظهن..........قصرن لعاشقن طول الأجل
ناعسات أطراف عيونك يظهرن.....في خديداتك علامات الخجل
***********
يا أم سنونا من درر يتلاصفن.......زى بريق العينه فاطرك في المثل
حبكم يترب حبوب وسط الحشا........منها زرع الريده في قلبي انشتل
**********
ما بريق المبسم الفرّ وحفظ........لجواهر سنو ما نقا ونجل
المنيل ديمه فايح بالمسك.......لو يمر نسامه بسكر بعجل
************
يا أم رقيبتا شمعدان باهى اتنصب.....لرقاب عشاقه كم أحيا وقتل
والايدين الناعمات يتجدعن......يشبهن خيط الحرير الانفتل
********
والصدر البى النهد برز قلع........تقلو رجح بالضمير الانتحل
والكفل في المشيه يقلع ويتنتل....زى مشية المهره في الطين الوحل
*********
صادفتني وزودت ناري انضرام........أم لهيجا احلي من صافى النحل
فارقتني وفارقت عيني المنام.........قلبي من بين الضلوع فر ورحل

Post: #33
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:01 PM
Parent: #1

خمرة هواك يامى صافيه وجليه....احمد حسين العمرابى


خمرة هواك يا مي صافية وجلية.....هي اللاعبة بالألباب لا البابلية
*************
كم ليل أنوح سهران والناس خليه......عيني سهاد ودموع أمست مليه
شاهدي اضطراب ونحول ظاهر علىّ....راضى وبشوف هجرك اكبر بليه
***************
مي الفؤاد بهواك فاقد شليه......لو طال جفاك يضيع باقي التليه
يا تائهه سيبى الجور حلمك علىّ.....ليك منى ما شئت والوجد ليّه
************
أنا لم أزل لهفان وانت الابيه....... سنيتي أن تحيي دائما خبيه
لو فى النساء رسل كنت النبيه......مابسلي ريدك لا وحياة ابيه
************
هاك منى بإخلاص الماسه ديه......دررا تنافس الدر وأزهار نديه
هلم روحي إليك يا مي هديه .....كان النبي المعصوم قبل الهديه
***************
ليك منى الف سلام والفيى تحيه......تصباك مع النسام بروح سحيه
ما قال محب وعلى محبوبه حيا.........وتقر عيونك يا نور المحيا

Post: #34
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:03 PM
Parent: #1

اندب حظى امالى..احمد حسين العمرابى


اندب حظي أم امالى.....دهري قصدني مالو ومالي
*******
شوف الخيره يارمالى....أظن كاتبني عن عمالي
عارض يعترض اعمالى.....أبنى وأملى ما تمالي
********
لا تقول ضعت من اهمالى ...أنا عامل الحزم رأس مالي
بس ايامى ما با سمالى..........همومي الزايدة متقاسمالى
********
بين الناس حميدة افعالى..........أصلى من الجناب العالي
حبك وحبي مانافعالى................يوم ينعوني لا تنعالى
********
قلبي المن الوساوس خالي............اليوم انشغل ياخالى
لو كان في اللحد ادخالى.............أحلى من العذاب ياخالى
********
دوام آيات محاسنك تالي...........زيد في هجري لا ترتالى
مقسم عن هواك ما تالي.......... طرفك بالهلاك أفتى لي
*******
حبك كاتمه زاد انحالى.......من فرطه الدموع فاضحالى
الشاقنى ومغير حالي.............حسنك واللهيج الحالي
*******
هاك شكواي لو تصغالى...............العدو حن لي رقالى
سهران والدموع راشقالى.........وحياة حبي ليك يا غالى

Post: #35
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:11 PM
Parent: #1

قلبى هام مالو...ابوصلاح

قلبى هام مالو....اه خديدك وجمالو
معذب فى هواك مالو
بدر حسنك لاح والقلوب مالو
لي هواك وشوق قلبي عمالو
يا فريع ياسمين متكي في رمالو
قول لي عاشقك وين ضاعت امالو

شعرو حاكي الغيم حاجبو هلالو ..
فر بسمو نغيم والبروق لالو ..
مافي مانع لو قتلي حلالو ..
افدي جوز تفاح صدرو لولالو

الجوهر الفردي ما اتلقى مثالو ..
قلبي ليهو يلين وقلبو يقسالو ..
حبو صابحني و حسنو مسّالو ..
غير وسيم خدو دموعي ما سالو

الشادن المكحول قلبي يصبالو ..
واخشى من لحظو ومن رمي نبالو ..
كم جريح بي سهام عينو ضاربالو ..
و بيها لا يدري ولا على بالو..

خصرو ناحل وزاد جسمي إنحالو ..
طرفو ناعس نام وطرفي يصحالو
الفريع السيل دمعي سحالو ..
يا نسيم ارجوك شوفو كيف حالو ..

شوف لحاظو سيوف حاجبو هدالو ..
حرسو حولوا يدور إستعدالو ..
الخديد يلصف حسنو يندالو ..
البدر لو غاب يضوي في بدالو

Post: #36
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:14 PM
Parent: #1

متى مزارى اوفى نذارى.....ود الرضى

متى مزاري أوفى نذارى......واجفوا هذا البلد المصيف
*************
ما أقول امتى....... المزار........إلا تجرى دموعي..... الغزار
زارني ناسم شاقني المزار.......لو يزورني الطيف يبقى كيف
*************
ياخصيب السوح امتى اطوفك........وأستريح الروح من قطوفك
ياحبيبى إن شاء الله أشوفك.........في نعيمك...... وظلك وريف
**************
أشهى.... والآمال يفرحوني.......مالي إلا سجعي.......ولحونى
صرت ابغض من ينصحوني........هل تجامل وترسل لي طيف
***************
امتداحك بقى لي قراية............لي تملى القرطاس مراية
الوحايح فصمت عراى.........ها جزا من يعشق ظريف
*************
شعرك اسود زى حظ حسدوك......نور تضاحك بدرك فصودك
كم غضنفر.... فاتكابو سودك.......والمها تهواك .....يا خشيف
************
عفوك اسمح لأجلك ثناى..............لا امل من قبلك ....عناى
عندى مرك حلو يا مناى............والذي يرضيك هو اللطيف
***********
يا ما عاشق وما هو وافى.........ويا ما شاعر يقصد عوافى
مثلهم من يعشق ..قوافي........ومثلنا من يعشق....... عفيف
***********
يامحجب صاين... جمالك...........يا مهفهف بعضك امالك
دام زهاك ..ودايم... كمالك.........يا وحيد القدر.... المنيف
***********
يا رشيقا حسنك..... نمالك.......قل لطيفك هاجرنى... مالك
دمعي كف وكفى انهمالك...........إن بعد الصيف الخريف
*************
يا لهيبي.... الزاد اشتعالا............لي جمر الغضى انتعالا
يا نسيم المحبوب تعالا............من لريحك ارحم ..بهيف
***********
يا امانى .....من كل واقب........ماله طيفك لي ما هو راغب
هل في طرق الأحلام مراقب......أم يحاذر امرا...... مخيف
*********
إن أقول الثنا يا جحاجح..........فهو منه واليه ........راجح
إن تزنبو ترى وزنه راجح........خلى معنى و الروح خفيف
*********
السلام ما ابتسمت زهورك............ما تلألأ رف نور نهورك
ما جلت بسماتك ...شهورك...........يبقى لي متكأك.....قطيف

Post: #38
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:22 PM
Parent: #1

من الاسكلة وحلا قام من البلد ولى ...........الشاعر ود الرضى
دمعى اللى الثياب بلا


من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف

Post: #39
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:26 PM
Parent: #1

انت حكمة...محمد على عبد الله (الامى)

تساؤلات كما قال الأستاذ عوض بابكر ..
انت حكمة...... انت آية....... ولا إنسان.........؟
انت صاحي ولا نايم ولا طرفك من طبعه نعسان؟
انت راحى انت روحي انت إنسان
عيني يا صاحي وانت إحسان
انت نادي انت هادى انت ميسان
انت ظافر انت ضافر اسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى ويا مماتي هاك سطران
الصبابة ومر عذابها وقلبي أقران
انت ساهي انت لاهي انت بطران
في دلالك في جلالك يا سامي وكران
ياصفاى ويا وفاى هاك برهان
عن غرامي وطول هيامي السابنى ولهان
عزّ قربك.. أما بعدك مالو لي هان
قلبي خافق هل توافق قدري ينهان؟
ياحبيبى كن طبيبي امرى حيران
طول نهاري ثم ليلى ساهي سهران
طال عذابي وصاح غرابي جوى عكران
دمعي هامي وشوقي نامي وفرشي نيران
انت حالي انت عالى انت سلطان
انت ساطع وانا ساجع بى غناك طان
طال انينى وفاق حنيني الحان لأوطان
والبلومنى فى هواك ياسيدى غلطان

Post: #40
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:29 PM
Parent: #1

ما بخاف من شى برضى خابر......محمد على عبد الله الامى



ما بخاف من شئ برضي خابر......المقدر لا بد يكون
********
إن اتانى الهم جيشه دافر....يلقى يا خلاي صبري وافر
يلقى عزمي التام ليه خافر....يلقى قلبي شجاع ما جبون
*********
بالعدا معروف ما ببادر .......ما بخون الجار مانى غادر
ما بقول للناس مثلى نادر......بل بقول للخالق..... شئون
********
ما عصيت مولاي مانى فاجر.......لا... ولا بالعالم بتاجر
نفسي يا أحباب ليها زاجر........لم أكون كل يوم لي لون
********
الثبات معروف لي معاصر ......لو بقيت في داخل معاصر
و الإله غير شك لي ناصر........رغم انف الواشي الخؤن
*********
قول لشاهد الزور فيما ثائر.......هدى روعك قبل الخسائر
يا ما قبلك عميت بصائر........من لساني ...وقولي الهتون
*******
قول لأهل الجور والمساخر .....مافى أول ما ليه آخر
مابدوم العز والمفاخر.......وما بدوم الظل والحصون
*******
عن لسان الحق مانى نافر....وما جحدت الخير مانى كافر
ما ضمرت السوء مانى حافر......للصديق هاويات السجون

Post: #41
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:33 PM
Parent: #1

اسمعنى واشجينى بذكرة الاحباب.......محمد على عبد الله الامى


اسمعني واشجيني...... وبذكرة الأحباب...... بلاهي ناجيني
وغرد يا الحمام
*******
رحماك نجيني......ومن تلك الهموم البى....في قاع سجيني
خلى الهنا يجينى.....وخلى السرور يصبح....في طيه زاجينى
************
تبريحي صالينى .....وهيامي زاد أضعاف......ومنامي سالينى
قول انت سالينى.....خلى اليزول منى ........آلمي الموالينى
**********
الشوقو مالينى......والبين برا جسمي............بنوائبه بالينى
يا دمعة بليني....ويا قسوة الأيام.............فتى الحدود ليني
*********
من غيرك يشفيني ....ومن غيرك يعيد......صبري المجافينى
قول انت صافيني.....زمني القصد هجري.....وفى هاوية خافيني
**********
غاب رشدي اهديني......وعلى ملتقى النيلين......أتغنى واشدينى
على توتي....عديني......تجد الأدب فطرى......وتجد الحياء الديني
********
اصعد وناديني.....واقصد رياض شمبات......سير بى عديني
بغناك افديني.....واندب هناك حظي....... وسعدي المعادينى
********
صابحنى وماسينى......ويا جالب الأفراح.......لا تبقى ناسينى
سجعك يواسيني.......ورجائي فيك ياحمام.....إن مت ترثيني
*********
بطرا البساتين......وبطرا الشذا الفواح....المسك والتين
ياجنة فتيني.....وهل بعد ذلك أرجوك......يا حظي ابكيني
*********
إن رمت ترويني ...ري العطيش في ابروف.....وبجرعه داويني
في جوفي كاوينى ....حب أم عفاف أم در......من قبل تكويني

Post: #42
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:35 PM
Parent: #1

عيونى وعيونك...احمد ابراهيم فلاح

عيوني وعيونك أسباب لوعتي
أسباب تشوقي نظرتك وأسباب نفورك نظرتي
هواي يعجز فكرتك وجمالك يعجز فكرتي
في الصد تزيد في جبرتك...في الحب أزيد في خبرتي
دائما اردد ذكرتك ............هل مره فهت بذكرتى
**********
أنت الذي اتعبتنى.......... وأنت الذي بك راحتي
لو آن هلاكي....ولى دنيت أحيا وتحل بى فرحتي
كم استغثت وكم شكيت من سقمي وإتلاف صحتي
كم رددت آهاتي كم دوى في الأفق صدى صيحتي
****************
سندس وعسجد حلتك....... ولما أنا الهوى حلتي
ماذا جنيت يا معبدي........ماذا جنيت يا قبلتي؟
ما ضر يا محبوبى...... لو تنظر لحالتي بالتي
هي أحسن النظرات.......ثم تريني فيك اهلتى
**********
هلا تركت تصددك..........هلا حببت مودتي
هلا رضيت تمازج .......الحب بيننا لافادتى؟
رفقا بمن يهواك .....يا من أنت صفوة سادتي
رحماك بى ضاق الفضا رحماك طالت وحدتي
***************
جيوش اشتياقي هزمتني......... زادت انتى
لو كنت قربى لأسرها.... اجعل لحاظك سنتي
ياروحى ياراحى.... ويا نورى يا ناري يا جنتي
بهوي الهلاك في هواك.. ليتخذ العوازل سنتي

Post: #43
Title: Re: المجموعة الكاملة لاغاني الحقيبة مكتوبة
Author: خضر الطيب
Date: 05-18-2007, 09:37 PM
Parent: #1

الاخ محمد المختار

والاخوة المخضرمين

لكم التحية والتقدير


هناك مجموعة مكتوبة فعلا وهي المجموعة الكاملة

لاغاني الحقيبة , وطبعت هذه المجموعة بمصر

بواسطة محمود عزت المفتي , وكنت قد اعرتها

للاخ الصديق عوض بابكر الذي قام بتصويرها

وهي موجوده بحوزتي الان , اتمنى ان يسعفني

الوقت لاطلعكم عليها


كت اووت :-

يامحمد ياخوي انت معاك صديق الموج بذاتو بتفتش للمجموعة

الكاملة , لو ما اخاف الكضب صديق دا يكون حضر المجموعة دي

لما كانوا بكتبو في الدرافت بتاعا , الكلام دا قبل سنة 1938 م

طبعا , ربنا يديهو طولة العمر

Post: #44
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:53 PM
Parent: #1

طبعا يا شباب خضر الطيب ده كا الفة الفصل بتاعنا عشان الله اداه
حبة قصر وشباب طلعنى ...شلت وراء كرومة،،،
دى اخر واحدة والباقى بالطلب يا شباب
يعنى ما يطلبه الدايرين يقرون
لا تؤاخنى فيما جرى بحكم نفسى وليك بزجره يا ظبى الحجره
الدموع من عينى متفجّره والغمضه علىّ محجّره
روحى من بعدك متضجّره
حرام عليك يا الأهيف تهجره
-
نيران جفاك ما بقدره
وانا بخشى روحى تودّره
أرجوك يا الحسنك بالحور ازدرى
العفو يا حبيب عند المقدره
-
النسيم بى طيبك لو سرى
يطفى نارى البى مؤثّره
حال غرامى ليك كيف افسّره
انت فوق لى زحل وانا فى الثرى
-
الأسود الضاريه الكاسره
يا غزال لحظاتك تأسره
عيناك لو ترضى تجسّره
الجبال الراسية تكسّره
-
بعد ذلك هل يا ترى
أنظر اللحظات الفاتره
والقامه البتميل متبختره
وبى توب الهيبه مستّره
-
العقول فى وصفك حائره
والبدور من نورك غايره
كيف أشوف خدّيك النايره
والعفاف والجبره وزايره
-
الدنيا دايما جايره
والمقادير فينا مخيّره
عسى رب القدره يغيّره
والحى لا بد ما يرى

Post: #45
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 09:59 PM
Parent: #1

الشاغلين فؤادى.. المساح

الشاغلين فؤادي وتايهين فايقين
يفتى البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع
*********
جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على..........المساح

Post: #46
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:01 PM
Parent: #1

نغيم فاهك يا ام زين دواى ...........المساح

نغيم فاهك يا أم زين دواى
شفاى البجبر........ قواي
يا أم حبا ردف...... تواى
كمل صبري وزود هواي
رقى رقى جودي بدواى
ظمأى بعدك وقربك رواى
أقيم ليلى واحسب سهاى
يغيب عقلي وافقد نهاي
وفى جسمي ظاهر وهاى
اسعفينى دنا .....انتهائى
ذكرت البين ليه ياغراب
صياحك يافراق يا خراب
ديار أم زين كانت قراب
غبن بانن في... السراب
البدر محيك وشعرك كليل
يميل خصرك منه العليل
تقل ردفك لاعضاك فليل
قتيل حبك ودمعي الدليل
رق جسمي وصابه انتحال
على حبك حمل الرحال
ومن بعدك أنا حالي حال
يالقمره وصالك محال
أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد
أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا

Post: #47
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:05 PM
Parent: #1

زمانك والهوى اعوانك....المساح

زمانك والهوى أعوانك.....احكمي فينا هذا أوانك
حمامة الغصون صداحة فوق أغصانك
ذكرى لي حبيب ياحمامه مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك
مدنف ودى بيك لكن فقدت... حنانك
روحي وهيبه ليك هي هدية طوع بنانك
هاروت سحره مأخوذ من سحر عينانك
ظلموك لو يقولوا الدر شبيه أسنانك
في صبحي ومساى نازلات دموع ساحالك
وأنا كايس رضاك ورضاك أظنه محالك
أتعكر صفاي وبياضي أصبح حالك
والحال العلى ياريتو لو يو حالك
حسنك مافى عجمان ولا عربانك
لو هب النسيم الزاكى ميل بانك
أدبك خدرك الضاراك على ما بانك
ما ضر لو أكون أنا من احد حبانك
قلبي أمين هواك يا الجميلة خلالك
يا ذات الجمال فرضا علىّ إجلالك
لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

Post: #48
Title: Re: المجموعة الكاملة لاغاني الحقيبة مكتوبة
Author: ابو تميم
Date: 05-18-2007, 10:05 PM
Parent: #1

صديق الموج يا ملك


ياخي انت كيفتني كيف الليلة

وبالله عليك داير كلمات الاغاني التالية :


فرع ياسمين

نغيم فاهك

ياسمير بنظرتك او في الميعاد

Post: #81
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-19-2007, 00:53 AM
Parent: #48

Quote: صديق الموج يا ملك


ياخي انت كيفتني كيف الليلة

وبالله عليك داير كلمات الاغاني التالية :


فرع ياسمين

نغيم فاهك

ياسمير بنظرتك او في الميعاد


ابوتميم كيفك يا سمح...طلباتك اوامر يا جميل نغيم فاهك نزلت
فرغ يا سمين ايهم تقصد الفروع كثيرة
هل هى شى عجيب فى غرامك يا فريع ياسمين؟
ام يافريع ياسمين متكى فى رمالو؟وهى نازلة ايضا
قلبى هام مالو
اما يا سمير ننزلها ليك وكراعنا فى رقبتنا،،

Post: #49
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:10 PM
Parent: #1

من قليبو الجافى.....ابوصلاح


من قليبو الجافي ولى قليبي الحان.....النسيم يتردد عامل استمحان
***********
الغضون تتناول منه خمر الحان ......والطيور تتناشد رايق الألحان
والفروع تتمايل ميلة الفرحان........والزهور بتصفق ويرقص الريحان
***********
يا نسيم ما بالك تتنى قامة البان ...........انت رايق تلعب والعشوق تعبان
اكتشف ما دائي وما الدواء الصعبان.......هل دا جرحا بالغ أم دا سم ثعبان
**************
قال لي لازم جرحك مدة الأزمان.............لا روايحى تطبك لا ولا لقمان
البداوى جروحك إن شفتو يا سقمان.........في عصير الند البنضحو الرمان
**************
يا الغرامك حلّ ورحل السكان..............من مدائن جوفي تملك الأركان
ما ألذ النار السارجه بى لو كان..........يبقى قلبي وقلبك في الغرام شركان
************
قلبي لا يسلاك ولا يطيق نكران .............بين شاهد جفني البى الدموع وكران
درعك البتقمز بالوضيب عكران............والضمير الميل صاحي أم سكران
**************
صاحي سياف لحظك والطريف نعسان......ليك رشرش قاطع جندل الفرسان
انت بدرا ساطع في قوام إنسان.................ليك حسن الدنيا ولى شعر حسان
************
الدوش افكارى وربّ لي جنان...........خمرة تمزج لينه وتسقى در أسنان
رق يسطل سمعي لهيجك الرنان.........انت ناس في دنيا ولا حور في جنان
************
انت حسنك كامل والعشوق كملان..........طش عقلو الهامل فارق الزملان
في المنام يتقدل طيفك العطلان..................والحجارة اتنت لو قليبك لان

Post: #50
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:12 PM
Parent: #1

هوى الخلخال..........ود الرضى

روح واعرض حالى لى حبيب الروحبى هوى الخلخال
جيبلى طيب الحالي........يانسيم ....الليل
*******
قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى
**********
النسيم هبى لي..........يا حسينت الذات
الجمر هبى لي
ياحبيب رحماك.............لا تزيد بلبالى
ولا تكون شكواي.....موية في غربالي
*******
قال لي فيق يا غالى..........إن تنل شكواك
لي لست أبالى
كلما أطراك...........العقل يابالى
يا حبيبي البى............حنن اليابالى
*********
كم وكم قبالى...........قلبو مشغول بيك
وانت ماك مبالي
آه كلما أطراك........لا اعى اقبالى
صرت من البى ........شخصي كاد يغبالى
********
لامني فيك الوالي......واللّ ما بيسوى
وكل من يأوى لي
لست اعبأ بى .........زخرف الأقوال
برضي في التبريح.....والبكى المتوالي
**********
ياعزول اجمالى......اهنأ بى رؤياك
خلنى واعمالى
لا حياة لي ......لولا ما الآمال
خلنى وبلواي.......انت مالك ومالي
*********
يا نسيم لي والى.........هب من المحبوب
في كلا الأحوال
ها أنا الراجيك ......... واقفا لنوالى
وقفة المرؤوس .........في رجاء الوالي
***********
هاك صافى مقالي.......يابديع الذات
انت نور امقالى
الجفا يانور.......العيون لي قالي
هذا لو يرضيك..........حبذا يا غالى

Post: #51
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:17 PM
Parent: #1

يجلى النظر يا صاحى......سيد عبد العزيز

يجلي النظر يا صاحي منظـر الإنسـان
الطرفه نايم وصاحي صاحي كالنعسـان
فى الضي جبينها النادى والبدر خـلان
تجمع لطافـة ورقـة ونفـرة الغـزلان
ما بين أن جسيمها الـلادن الكسـلان
يزرى الحرير الناعـم والفريـع الـلان
دعجة ومكحلة خلقة عظمهـا الرحمـن
بكمال جمال الخلقـة وشحهـا الإيمـان
جذب المناظر مننـا منظرهـا الفتـان
حين جات تميس تتختل وشفنا فيها البان
بدرى وغمامة ودميه فـى فريـع البـان
وردفاً يتب بدروعـه والقديـم غلبـان
من دون مرور النسمة أم قـوام نديـان
تجى فى الدروع منقسمة تميل تخذ أحيان
تقدل تتاتى كفيلـة ويلعـب الطغيـان
وتبـرع المتبـرع وبالخمـرة نـديـان
أنا قلب طار من صدرى يا صديقى عشان
شفت حـور الجنـة داخـل الحيشـان
شفت العيون بتقهقر ضابـط النيشـان
شفت الجمال الوافر في عظيمة الشـان
أقسم يمين يا بنيـه الهـلاك لـى هـان
ذرفت دموع عينـى والفـؤاد ولهـان
أنا في الخلوق ما عليّ الراضى والكرهان
لو كان وهبتي الي نظـرة بـا أم دلهـان
أنتي نور الدنيـا الضـاوى ليـه زمـان
أنتي وهبك ربك تـاج بهـا الأزمـان
إنتي آمنـة خـدرك وبهجـة أمدرمـان
إنتي إنتـي منـاي اللـي مخافـي أمـان
ليكى السلام ما غنى شـادي أو رطـان
ليك السلام ما حن مفـارق الأوطـان
يخضب بنانك حنـة وللوريـد قيطـان
وانيل رضاك يا الملكة نجلـة السلطـان

Post: #52
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:19 PM
Parent: #1

نور جنانى وقبلة حنانى.........ود الرضى



نور جناني وقبلة حناني............يا جواهر عقد القصيد
***********
بغيتي إن لم تعلماني ..........هاك شرحي وهاك فيرماني
ديمه ساكب دمعا عماني.........كيف اصنع كيف علّماني
يا أمان روعي وخير زماني....هل أراك....... لو أمد بعيد
********
يا خلاصة حسن الحساني.......راعى راعى الألم الكسانى
انتحب.... ما ليلا مساني.........والمعاني الفيك مؤانسانى
أشكو حالي واشكر لساني........لي بشكرك يبدى ويعيد
*********
فاق حنان الامات حناني..........ليك وبل عن غيرك غنانى
يوت مفكر وعاضض بناني........حتى أنكر حالي الدنانى
يا حبيبا......... حبك ضناني.........لو أموت في حبك شهيد
**********
الوجيع والمخلص نبانى..........مالو لو تكريمك حبانى
اربح أجرى نظرة أو هبانى....أمسى والأزمات ناهبانى
لو تكون الويل لاهبانى........يبقى عهدي ويبلى الحديد
***********
تسرى روحي لتلك المباني........وحالي أصبح حال اللّبانى
اللّبين ايدى تاه غبانى...........يا بديع الحسن السبانى
لو تعطف طيفك سباني..........كنت البس عمرا جديد
***********
بالتخلق كذب الوشانى .........والتملق أنا ماهو شانى
لا لا ..لا لا وحق من نشاني.....لو مخالب البين ناهشانى
لو تكرم طيفك غشاني.......هذا يوما اعتاده عيد
********
ياطبيب شكواي يا عوانى.......من لهيب الشوق الشوانى
البيروى الناس ما رواني.......ارتضيت في حبك هواني
لو تخلد وجدي الثواني...........لا يزحزح عهدي الوطيد
**********
كان خيالك مرة اصطفاني .......شفني وما عاود شفاني
هو الحبيب مهما جفاني..........يا حبيبا فيك عمري فانى
لا أقول من نارك كفاني........بل أقول.....هل من مزيد
*********
مالو فر قلبي وبصري دانى .........ولى لايح نور اخضرانى
يبقى بسم المحبوب طراني...........يبقى فكر السبب العرانى
يبقى حسّب وامل يراني............الله قادر........ يدنى البعيد
*********
ما بشوف في عصرك طريدك......بالعفاف مدرع وريدك
زيد في هجري ولا زال أريدك....والله أريدك وحتى التريدك
لا أكون إن لم لي ريدك.........كل صبحا صابح يزيد
*************
بالترف والتيه انثمالك..........والسكينة الزانت جمالك
عن تزخرف أدبك حمالك..........أين شاعر يوصف كمالك
أو يحصّل خنصر شمالك..........هل في هذا العالم ... لبيد

Post: #69
Title: Re: المجموعة الكاملة لاغاني الحقيبة مكتوبة
Author: فضيلي جماع
Date: 05-18-2007, 11:15 PM
Parent: #52

الأخ الأستاذ/ محمد المختار الزيادي والإخوة المتداخلون

سعدت جدا بمطالعة مادة هذا البوست. وأسعدني أكثر مساهمة الإخوة-كل بما جادت به ذاكرته ومذكراته من روائع الحقيبة، وأخص منهم الرجل الهمام الأستاذ صديق الموج.

دفعني إلى هذا التعليق أمور هامة تتعلق بمعالجة قضايانا الثقافية في السودان أذكر بعضها على عجالة:

1) غني عن القول أن أسوأ ما أصيبت به ذاكرة الإنسان السوداني - كما نبهني المهندس أبوبكر سيد احمد في دردشة بالهاتف الأسبوع الماضي - هو ثقافة المشافهة. فنحن أمة بينها وبين التسجيل والتوثيق خصومة. ألا يبدو معيبا - بل هو العيب بذاته- أن تقوم وزارات ومصالح ومجالس للثقافة والآداب والفنون على مر عقود ما بعد الإستقلال ، تلهف الأخضر واليابس من مال دافع الضرائب ولا يخطر ببال القائمين عليها أن يجمعوا إرثا ضخما كالحقيبة؟ وإذا قام نفر كريم من السودانيين بجمع وتسجيل هذا الإرث أو بعضه عبر مابكرفون الإذاعة وعبر تسجيل اسطوانات ومنهم: المبارك ابراهيم وصلاح احمد محمد صالح وديمتري البازار وآخرون ، فإنه لا عذر لأجيال جاءت من بعدهم أن تعيش على جهدهم متتاسية أننا في عصر التدوين والتوثيق لا عصر الذاكرة السماعية الهشة.

2) هنالك شباب وشيوخ يحفظون ويقومون بتدوين الكثير عن فترة الحقيبة (وأشير هنا إلى أن الحقيبة عصر وجزء من تاريخنا الفني والتقافي والسياسي لا مجرد مسألة تطريب). ومسئولية هؤلاء الوطنية والأخلاقية تحتم أن يواصلوا الإجتهاد في رفدنا بما انجزوا من تدوين لتلك الفترة - كتابة ونشرا على أوسع نطاق. في ذهني من أعضاء هذا البورد ومن خارجه أسماء كثيرة أنادي منهم على سبيل المثال لا الحصر أحبابي: الدكتور احمد القرشي ، الحقوقي محمد المرتضى حامد، الحقوقي الشيخ قريب الله وأضيف إليهم الرجل الجميل صديق الموج. تدوين هذه الشريحة من إرثنا الثقافي قبل أن تضيع أصبح واجبا وطنيا وأخلاقيا.

3) وعلى منوال سيرة تدوين الحقيبة جاء الوقت الذي ينبغي ان ندون على وجه السرعة كل الإرث الثقافي السوداني قبل أن تدهسه رياح التغيير المندفعة والعاتية في هبوبها. هنا تقع المسئولية على عاتق كل أبناء إقليم من أقاليم السودان بترتيب مخزون البيت المحلي وجمعه من شفاه الناس (وأعني هنا إرثنا الثقافي السوداني بكل اللغات السودانية).

مرة أخرى أشيد بفكرة هذا البوست رغما عن عنوانه الشبيه بمصيدة صحف الإثارة والتلقيق !! لكن العبرة بالمحتوى ، لذا نسامح كاتبه ونثني على جهده كمان !

Post: #79
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-19-2007, 00:31 AM
Parent: #69

Quote: 2) هنالك شباب وشيوخ يحفظون ويقومون بتدوين الكثير عن فترة الحقيبة (وأشير هنا إلى أن الحقيبة عصر وجزء من تاريخنا الفني والتقافي والسياسي لا مجرد مسألة تطريب). ومسئولية هؤلاء الوطنية والأخلاقية تحتم أن يواصلوا الإجتهاد في رفدنا بما انجزوا من تدوين لتلك الفترة - كتابة ونشرا على أوسع نطاق. في ذهني من أعضاء هذا البورد ومن خارجه أسماء كثيرة أنادي منهم على سبيل المثال لا الحصر أحبابي: الدكتور احمد القرشي ، الحقوقي محمد المرتضى حامد، الحقوقي الشيخ قريب الله وأضيف إليهم الرجل الجميل صديق الموج. تدوين هذه الشريحة من إرثنا الثقافي قبل أن تضيع أصبح واجبا وطنيا وأخلاقيا.


استاذى وملاذى ....النحرير فضيلى جماع
شكرا جزيلا على هذا الاطراء ..ولا اظننى استحق كل هذا
ولاخير فينا استاذى ان لم نوثق لهولاء العظام ..وحقيقى تجدنى
جد اسف على حالنا..فاذا كتب هولاء كل هذا فهل نستكثر عليهم
ان ننقل ما كتبوا...لابارك الله فى امة لاتحفظ حقوق مبدعيها
ولا توفيهم كيلا....استاذى سوف اظل اكتب فى هذه المساحه
كل ما احفظ وما احتفظ به مكتوبا..بس الله يدينا ضهر للكى بورد
اشكرك ثانيا واناشد معك كل من ذكرت من الاخوان فهلا فعلنا،،،،

Post: #53
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:22 PM
Parent: #1

احرمونى ولا تحرمونى...........ود الرضى


احرموني ولا تحرموني ............سنة الإسلام السلام
*********

عطفكم يا من المونى...........كالأشعة الأسهم رموني
الشجون بالليل نادموني .........الأنين والنوح علموني
لو معنعن قول كلموني .........حبي طاهر لم تظلموني
برضي قابل الهجر احترام
***********
قلبي راحل أنا كيف سكوني.......صبري ماحل يا كاينه كوني
كفوا صبرا يا من بكوني........مهما كنتم لن تدركوني
مانى ضاجر لا أشكو كوني.......سنة العشاق اتركوني
كل عاشق هدف السهام
************
يالنفونى كفى اعرفوني...........ساهي ساهر ساحات جفوني
في هواكم يامن جفوني............لا ألوم إن لم تنصفوني
انعكاس الأحوال كفوني............أيضا الأيام عرفوني
يوم سموما ويوما غمام
**********
كلما النسمات عطروني.....فاجأونى دموع مطرونى
ربى اغفر للعكرونى.......في وداعة الباري العرونى
رب وقت يتذكروني ..........أو يقول القايل درونى
أو يحدث عنى المنام
***********
الدهاة بالسلو ما دهوني...........عن تجاهكم ما وجوهونى
بى تحكوا وشمتوا النهونى.......وبرضي هايم وخاضع لهونى
لا أقول مستنكف وهوني..........عن كثير عن قيس نبهوني
عن حقيقة الحب غين ولام
*************

ما تنفس صبح أو ضحى لي....إلا غاب هدهد فكرى ووحالى
قال لي قربك عين المحال.........قلبي غير ذكراك ما صحالى
يكفى انو السهد اكتحالي..................يكفى شاهد لي انتحالي
المدامع السن لحالي............شاكى شاكر شاخص دوام
*************


طاف خيالك والليل كافر...........شفت بدره المتجلي سافر
صك غاضب لقى دمعي دافر.......قالوا جمله وعقد الأظافر
قال لي طبع الريم أصله نافر........قتلو علّ تريم النوافر
وعلّ راء الريم تبقى لام
**************
في التفكر أصبح وأمسى ...........أيضا التذكار نجوى همسي
وحياتي أشبه برمس..............أشكو يومي واسترحم أمسى
ما عهدتك يا ليل تمسى.............طلت وامتى إشراق شمسي
وانت وين يا بدر التمام
*************
النفوس امتحلت لريفك.............تصبو معنى تزاور وريفك
والزهور تتنافس لكيفك.............أما أنا يا ملاك عفيفك
أغش عيوني بالنوم لطيفك........وقلبي يخفق ما هب طريفك
قلبي صاحي وانا كيف أنام
**********
قت ليت الأيام يندن............تبقى لانت وسحابه دندن
بلماك النيران يخمدن.............ليك روحي وأجزيك حمدا
قال لي كيف تستوجب لي حمدا.......من تعاطي المكروه عمدا
غير شك يتعاطى الحرام
************



قلت أهلا وازددت حبا .......وجهي هلل وعيوني عبّن
كسحائبا في ماحلة صبن.......حبي زرع وطوارفه هبن
وحواسي لنداك لبن......العصور بمثالك تنبن
مثل ذلك ليت الانام

Post: #54
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:27 PM
Parent: #1

ليالى الخير ........ود الرضى



ليالي الخير جادن................من المحبوب
نسائم الليل عادن................من المحبوب
**********
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
****************

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
*************
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
*************

بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
************
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
**************
وصحيت ندمان نومي انقل........تناوم غش وقواي كل ّ
حاولت النوم لكن كلا.........هيهات يعود الكان ولّى

Post: #55
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:35 PM
Parent: #1

جوهر صدر المحافل ........ابو صلاح


يا جوهر صدر المحافل ..........روحي معاك اتلطفيله
**********
ما النور الفى حليه رافل.........في حق نهده قلوبنا قافل
كالظبي الفى مقيله غافل......تاره يميل والتانيه جافل
وجهه ينور والبدر آفل ......فوق للبدر يزيد نفيله
************
بالنور خدك لاح مقابل..........للشعر الطال ليله سابل
سهم ألحاظك لي نابل.........بى كل شئ دون هجري قابل
ينسب نوحي على البلابل.......وانتى القمره بتنسبيله
*********
ليك جوز عينين نعسان وكاحل.......وخصرا يميل وصدر راحل
ولى وجدي اللي جسمي ناحل.......بحر الشوق ما ليه ساحل
بيني وبين النوم مراحـل.........وين للطيف أنا القى حيله
*********
الفرع البتنى راتــل...........طيره ينوح في غصونه حاتل
بهوى نسيم لي فكرى شاتل.........والأسد الفى القيد يناتل
يتأكد ما ليهو قاتل ............غير مكحول ظبي النتيلا
***********
ضاوى سناك لي بريقه راسل........لاح بين عنابتين عواسل
صدرا يرجح وكتفو خاتل...........رنا طرفك للسيف يماثل
ليه ما يجندل كل باسل ..........وساحبه دغس وخدود اسيله
**********
المرنوع لي كتفو هادل.........في دروعه ولى معاصمه جادل
أنا ساهر والليل سادل ..........شرط الحاكم يبقى عادل
لا اقبل بهواك مبادل...........كيف اعشق وارضى البديلا
************
تمنع طيفك لي يغازل.........داخل قلبي أنا ليك منازل
يا لايم لا تبقى هازل..........أنا في الحب لروحي باذل
هل عاشق يسمح لعازل.........خلى نصيحتك عنى زيلا
***********

يوقد جمري ودمعي باهل .............كيف نار تشعل في مناهل
ضاق بى الكون مع انه ماهل........نومي تصعب ووجدي ساهل
لو بى حالة سهري جاهل ..........دى الأنجم أسال سهيلا
***********

لى طيفك ما لقيت وسائل................غير بسط النسمات رسائل
اغرب شئ وأعجب مسائل................حلم الصاحي ودمعه سائل
لو شكيت في امرى سائل................البدرين كونك مثيلا
***********

زايد شوقي ودمعي هامل..........جمر الحب لي جسمي شامل
حتى الطيف لي لا يجامل............مع كلا ما كنت آمل
دمى تحنن بى الأنامل............وهل يرضيك كده ياجميله

Post: #56
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:37 PM
Parent: #1

اضيع فى هواك يا مهفهف حرام...........ابو صلاح



أضيع في هواك يا مهفهف حرام......ما ذنبي عندك خلاف الغرام
*********
حبيب قلبي زاد الفؤاد انضرام........يذوب قلبي لذكركم احترام
خلاف قربكم خلى مالي مرام........وقرب المحب من شئون الكرام
***********
وحيد في الجمال حبه لروحي سام.....يبق در عقيد فاطره في الابتسام
مسلح عيون لحظه لجروحي سام.....وسيف العيون أقوى من الحسام
**************
رقيق خصره سادل عليه الغمام..........يجاذبه النسيم في المرور كالذمام
يميل بالشمال والجنوب والأمام.........يكاد أن يرك فوقه غصنه الحمام
***********
بعادك صعيب يامدلل نعم...........وقربك الىّ من ألذ النعم
وذكراك شرابي وشوقي الطعام......وليلة لقاك خير من ألف عام
************
عن وصفك لسان العزول في بكم.........محكم جمالك دقيق الحكم
وكم أبدو ليك شكوىياخلى كم............وأنت خصيمى وأنت الحكم
***********
جمالك شهير في الخلوق زى علم..........تقيد من شعاعك كواكب الظلام
محال استنط لي عزولك كلام............أضيع في هواك يا بديع والسلام

Post: #57
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:40 PM
Parent: #1

ضامر قوامك لان............ابو صلاح


ضامر قوامــك لان قلبك قسى وجافيت ليه يا جدي الغـــزلان

* * * * * * * *
أسهرت جفني ملان يزرف دمع نازل كالمزن في الهمــــلان
ما بصح ليك يا فلان طرفك دوام ناعس وأنا طرفي ما غفلان

* * * * * * * *
أظهرت شكلك بان كوكب منير اشرق من فوق لي غصن البان
كم ليك محب تعبان درب العشق ساهل ودرب الوصال صعبان

* * * * * * * *
كالظبية في اللفتان أما الخديد ناعم زي زهرة البستان
تجد الطباع أمتن وحسن بديع رائع منظر جميل فتان
* * * * * * * *
لا يحصى وصفو لسان وجهك بدر كامل من البدور إحسان
ما قصدي فيك لمسان مقصودي بس شوفتك لا تضيعني يا إنسان
* * * * * * * *
القمري في الأغصان ذكرني ألحانك وقلبي إنطرب فرحان
بتوارى لي لمحان بروق درر فاهك بالراحة والريحان
* * * * * * * *
ليه كفك أتحنن وليه قلبك القاسي ما فيهو لي حنان
يا الراقص الفنان جبك ملك فلبي وجننت عقلي جنان

Post: #58
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:46 PM
Parent: #1

لحظك الجراح...........ابو صلاح


لحظك الجراح .....أذاي فيه وفيهو الطرب والراح
مناى زهرة الأفراح
***********
للقلوب سراح ............مبتعد شئ عجيب مسجون وعنده سراح
بى ضاق الكون لا اجد لو براح......منى فارق وشال نوم عيوني وراح
************
عمري أضحى مباح ...........في الغرام لا اقصد غير لقاك أرباح
سرى ليك يباح .............في الظلام تتبسم وليلى يبقى صباح
***********
جيش غرامك زاح ............هد حصن المهجة ولى دماي نزاح
عقلي كاد ينزاح ...............قولي هجرك جد يا جافى ولا مزاح
**************
ليك مغرم صاح ................يا خلاصة حسن العجم والفصاح
بى جنون يا صاح ............من بعادك هل بى قربك القى نصاح
*************
ليك محي وضاح ..........وليك جبين بى نور ماء الجمال نضاح
والدمع فضاح.............بى سر هواي و البى تعلم به دون إيضاح
***********
تعبت الاصفاح .............وطرفي جافى النوم من طيب عبيره الفاح
بين عيونه صفاح ................في مبيسمه عقد الدر وفى صدره جوز تفاح

Post: #59
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:47 PM
Parent: #1

حبيبى فوادى ........ابو صلاح


يا حبيبي فؤادي طبعا يــــــــهواك أنا أرضى هلاكي ولا أرضى سواكـــا
يتلألأ خدك يلمع ضواك يتمايل خصرك ما حمله قواكـــــــــــا
يا مساوي البدرى وهو لا يــــسواكا لحظك يمرضني وحق من سواكــــــا
يا الزهرة اليانع رايق في خبــــاكــــــا العين لغرامك شـــــوقـــا تتبــــاكـى
ليك عندي هدية هي روحي فداكا يا ظالم رفاقا بي من حبــــــاكـــــا
يا ساكن قلبي متى طرفي يــــراك هل تدري عشوقك هو من أسراكـــــا
ما أصعب حبك وياما أطـــــــراك أنا قابل هجري لو كان ســــراكـــــا
طبعا ما اعلم بالحب لــــــولاكــــا يا منعش روحي ويا معنا هـــلاكــا
مهما تسلاني انا لا اسلاكـــــــــــا في قــولـــه لا لا مـــــا أحـــلاكـــا

Post: #60
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:49 PM
Parent: #1

ببدور القلعة............ابو صلاح



العيون النوركن بجهرا ............. غير جمالكن من السهرا
يا بدور القلعة وجوهرا


السيوف ألحاظك تشهرا على الفؤاد المن بدري انهرا
أخفي ريدك مرة و أجهرا نار غرامك ربك يقهرا

**************
عالي صدرك لي خصرك برا فيهو جوز رمان جلّ البرا
الخطيبة وردفك منبرا الشعور البسطل عنبرا
**************
الصدير أعطافك فترا والنهيد باع فينا وأشترا
الوضيب إقدامك سترا لقطيبو قلوبنا البعثرا

************
صيده غيرك ايه الجسرا تستلم أفكارنا وتأسرا
حال محاسنك مين الفسرا يا الثريا الفوق أهل الثرى

**************
جارحة صالح كل ما يحضرا في مدينة الجوف ساكن الضرا
الرشيم والرشمة الخضرا ذي فريع في موية منضرا

************
هل حبيبي نسى ام لي طرا يا أم شلوخا عشرة مسطرا
النسايم بالند عطرا دا الدافق لي دموعي ومطرا

****************
حفلة يا ابو الحاج إتذكرا ورنة الصفارة إتفكرا
وهبه بي مزيكتو إتحكرا كم طرب افكارنا وسكرا

*****************
البدور النارت مسفرا قاصدة تشتري قلوبنا تسفرا
عبد الرحمن دمت يتظفرا بي نعيم وحظوظ متوفرا

Post: #61
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:55 PM
Parent: #1




الكوكب احتفلوا بالقمر...........ابو صلاح

الكواكب احتفلوا بالقمر ........أم دى روضة درية الثمر
*************

أم دى بهجة الأهيف الضمر ......ديسه للدرع وزع الخمر
الطريف شبك رشرشه العمر.....للعيون سيوف تقضى ما أمر

*************
ديسه للقدم وصل الخبر............والصدير برز قلع انتبر
والنهيد رخص لسه ما جبر........ قلبي هج طار عنه ما صبر
*******
الشعر نزل للدرع ستر ................زاحم القدم فيه كم عتر
الصدر قلع والردف نتر .........والضمير تعب حالته في خطر
**************

صبري قلّ سال دمعي ما انزجر.......طرفي لي لذيذ المنام هجر
يا المزانه يا ربرب الحجر .......يا المحجب يالضارب الكجر
***********
دمعي ماله فاض شابه البحر .......ما طفى العلى من لهيب وحر
عقلي ما أنفقد قلبي ما أنسحر ........تدرى بالعلي نجمة السحر
***********
ما البروق وما البدر لو سفر .......ما الغصون وما الاريل النفر
كاحله ناعسه ليك سيف رمش غفر......تسلميبو من ضل أو كفر
***********

العشق نصيب والغرام قدر..........والقلوب تطيع أمرك الصدر
نارنا ما انطفت شوقنا ما فتر.........ضعنا والنفد فينا ما ندر
************
خاتم السعود في النجم ظهر... .......باحتفال ختام نور اشتهر
انتهز فرص يانع الزهر ...............دمت في نعيم مدة الدهر

Post: #62
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 10:58 PM
Parent: #1

رشا يا كحيل.........ابو صلاح



يا رشا ياكحيل غيثنى .........الهــــــــــوى سباني
**********

يا الامرضنى وما طبانى ......في خديدك يلوح نور رباني
نيران أشواقك لاهبانى .......واسهام ألحاظك ناشبانى
ومن ضمن الحاله التاعبانى .....مهضوم كشحك صدرك باني
يتهادى يميل خصرك فريع باني
***********
من شفت الحسن الفتاني ..........نومي ترحل ووجدي اتانى
مال جيش حبك عتانى .........بى سهامو الما بتختانى
ومال صدرك لحشاك تانى......كتفك مال به فريع بستاني
يتكل في دروعه يبوس تانى
************
لولى الشعراء قصيد ومسانى .......ما بجيد وصفك غير لساني
في فؤادي الحب مساني ..........وأصبح بهواك وما سانى
ما بصح منك تنساني ............لوغاب شخصك عن انسانى
غير شك أوصاف حسنك مؤانسانى
***************

هبتلى روايح داهشانى .........يا نسيم عقب عود على شانى
قول ليه غرامك اغشانى ........وادركنى الدمع الرشانى
حسنك شانك والحب شانى.......يا نسيم روح بلغ واغشانى
بى حق من أنشاك وانشانى
***************
ليه ياملاك حسنه سجانى ......ليك نوره ولى نار سارجانى
طرفي اللمحك هو الجاني .....في بحور أشواقك زجانى
فيك خاطر بى وما نجانى ......اعلم اقبل سعدي وجاني
لو في الأحلام طيفك ناجاني
************
جمر الأشواق هب قلاني ........ما أنطفا بى دمعي البلانى
أنا لا اسلاك لو تسلانى ..........طرفي لى محاسنك دلاني
ملكني هواك وخلاني ........فارقت أقاربي وخلاني
حسنك والاك والحب والاني
********
زاد وجدي جيوشه مزاحمانى ......شتت فكرى وقلّ امانى
تلويح عازلك ما همانى ...........أوصاف حسنك ملازمانى
فاطرك يلمع در وجماني ......... في خديدك فصدة لمع لماني
.يالضامر وجوز نهدك رماني

Post: #63
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:01 PM
Parent: #1

وجه القمر سافر.............ابو صلاح



وجه القمر سافر يضوى شعاع ونور وافر
يا بدر ساءلك جاوب ليش أخوك نافر
********
من حيو السباع تنتر ومن رمشو السهم طافر
ريم يسحبلى سيف لحظو وآخر بالسلاح غافر
يادمع ادفق ودع ياقلب سافر
شوقي لي ضامر
هل بى نظرتك اظفر يا من بى القلوب ظافر
*********
كاحل طرفك الناعس والجيد بالاسيس غامر
مجدولات اديك صدرك رجح طبق الضامر
زيدنى من تيهك طائع ليك يا آمر
زهرة السامر
رفقا بمجنونك يا ليلة بنى عامر
*********
اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر
************
في دولة صباك تايه يا الفى عشقي ماك فاكر
أصبح مسكنك قلبي الفى كل ثانيه ليك ذاكر
لو رأيت محيك يا البى نظرتك ماكر
ليك أكون شاكر
وأم الأفق بيك تقنع لا تولد شمس باكر
*********
تنظر بانه تتمايل في ثياب لو قدم خاتر
وتنظر كيف صدير يقلع تفاحو وردف ناتر
وبين ناعساتو يضوى الصارم الباتر
اللحاظ فاتر
لامعه سيوفو تتبارق من كسراتو يا ساتر
*********
عاشق محيك الضاوى وعاشق حسنك النادر
تقبل لحظك يمرضني وانت على شفاى قادر
في هواك قابل تنفيذ أمرك الصادر
لي ليه غادر
حلمك جود وأتعطف سارع بى لقاي بادر
*********
وحيات طرفك الناعس وحيات حاجبك الداير
وحيات خدك المجلى ومنظوم ثغرك الناير
بى لقاك تسمح لو كان في المنام زاير
فكرى فيك حاير
كل ساعة جيش حبك يهجم في الصدر غاير

Post: #64
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:03 PM
Parent: #1

عازة الفراق بى طال......العبادى


يا عازه الفراق بي طال
وسال سيل الدمع هطال

طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال

أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال

حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا

ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

Post: #65
Title: Re: المجموعة الكاملة لاغاني الحقيبة مكتوبة
Author: بهاء بكري
Date: 05-18-2007, 11:03 PM
Parent: #1

Quote: حبيبى فوادى ........ابو صلاح


يا حبيبي فؤادي طبعا يــــــــهواك أنا أرضى هلاكي ولا أرضى سواكـــا
يتلألأ خدك يلمع ضواك يتمايل خصرك ما حمله قواكـــــــــــا
يا مساوي البدرى وهو لا يــــسواكا لحظك يمرضني وحق من سواكــــــا
يا الزهرة اليانع رايق في خبــــاكــــــا العين لغرامك شـــــوقـــا تتبــــاكـى
ليك عندي هدية هي روحي فداكا يا ظالم رفاقا بي من حبــــــاكـــــا
يا ساكن قلبي متى طرفي يــــراك هل تدري عشوقك هو من أسراكـــــا
ما أصعب حبك وياما أطـــــــراك أنا قابل هجري لو كان ســــراكـــــا
طبعا ما اعلم بالحب لــــــولاكــــا يا منعش روحي ويا معنا هـــلاكــا
مهما تسلاني انا لا اسلاكـــــــــــا في قــولـــه لا لا مـــــا أحـــلاكـــا


اه ياصديق تذكرت عمنا عبدالله البيجاوي عليه رحمة الله ......... فقد استمعت لهذه الاغنية لاول مرة منه في قيدومة صلاح ابوعجاجة ......... كان مدخلي للاستماع لاغاني الحقيبة عمنا عبدالله البيجاوي وانت ياصديق ........ واذكر حينما اختلفنا حول احدي الاغنيات فقلت لي وقتها ... انت مجنون انا كنت بسمع برنامج من حقيبة الفن ووقتها انت كنت فاكر ان هذا البرنامج له علاقة بالمدائح النبوية ......... حيث كان يقدم قبل صلاة الجمعة ........... كانت ايام ياصديق

Post: #66
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:09 PM
Parent: #1

البديع الهواك سبانى ...................ابوصلاح




يا البديع الهواك سباني ................. يا أخا البدر يا مكمل
**********
كل من طرفه فيك تأمل .................قلبو من الغرام تحمل
كم عقل في هواك مهمل.............مزوى بين خصرك المزمل
المضمر فريعه باني ............علاه بدر الصفا المجمل
***********
يا جميل هجري طال تسلسل .........بين اياديك حبي ليك تمثل
يا رشيق عن قتيل هواك سل.............برقك المن سناك يرسل
نور عقيد درك الجمانى ............الضاوى بين فاطرك المعسل
***********
لي سواك قلبي لا يرى محل..........ومستحيل عن فؤادي ترحل
وما بجد عن شروط هواك حل...........والسهم منه جسمي ينحل
كم سحب لحظه سيف ازانى ............ من طرفه السقيم وأكحل
*************
دول ايدك أم حرير مجدل ...............والوريد ولا القامه اعدل؟
هل صباح بالمحى تبدل............ ودا الاسيس ولا ليل مسدل
والكتيف لي ضميره تاكى ..............في أرائك الدروع مهدل
************
ركني ليه من هواك تزلزل ..............والنفوس في رضاك تبذل
ياالرشيق الحشاك مهدل..............يا ملاك من علاك منزل
المريض في الهلاك يعانى............ يحي لو طرفه فيك تغزل
************
ياقمر في سماك مدلل ............شوقي زاد منامي قلل
الملك لي الغرام تذلل .............لي قلب برضاك تعلل
يا الهواك أضحى لي تهاني............لابسه تاج بالدر مكلل
**************
كيف هواك عن فؤادي ينقل..........دا المحال ما أظنه يعقل
يا رقيق الحشا المفقل...........يضوى سيف طرفك المصقل
لو سحب لحظه هندوانى ...........للجبال الرواسي قلقل
************
قلبي بى ذكركم تأهل............. وشوقي كاد منه عقلي يذهل
والدموع من عيوني تبهل........... ما أظن بالعلي تجهل
في الخيال أحيا لو تراني ........... والنجوم من وصالك أسهل

Post: #67
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:12 PM
Parent: #1


قسم بمحيك البدرى ......ابو صلاح

قسم بمحيك البدرى ..............غرامك منو ضاق صدري
حبيبي البى العلىّ تدرى
*************
المحـــى نور ليلة القــدر.............نصب قوس حاجبه لي غدري
ومعاك في داخل الخدرى...........فؤادي المالكه من بدري
************
حيـــاتي ونعمـتي ويسرى .........رضيت لو يرضى بأســـرى
وفرض يا دمـــوعي تنتثرى.......إذا منو النسيــم يســـرى
************
حمــــام الأيك والقمري........يصيح ينبيـــك عن امـــرى
وبــين عواســـلك السمـــرى.......روايحى وفاكهتي وخمري
*************
أراك وتــوفى بــنذري ........دمــوعي الفى الوجــن تذري
حنــانك ما عليك وزري......أنا قاســيت الهــوى العـــذري
************
صحــيح لجروحي لا تبرى..........وهواك برضاي ما جبري
بســيمات فاهـــك التبــرى..........يا جميل آه كم قللت صبري
************
أخاف يحسدني فيك دهري ..........ويحرسك سرى عن جهري
وحرس قوس حاجبك الشهري.......جويهرات خــدك الزهري
**************
قبــالك وين أجد فكــرى .............ومصافحــة اليمين سكري
ببــالك هــل يمــر ذكرى.............وأمامك شكوتى وشكري

Post: #68
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:15 PM
Parent: #1



يا ليل ابقالى شاهد............ابو صلاح

يا لــيــل ابقــالى شاهد ........على نار شوقي وظنوني
************
يا ليل صار ليك معاهد....... طرفي اللي منامي زاهد
دنا لي سهرك وأشاهد ........فوق لي نجمك ظنوني
**********
يا جميل لي سهري واجد ......واراك نايم وهاجــــد
مين لي عيني نــاجــــــد .......بى دموعي الغرقونى
***********
لا تكون بالنظرة جاحد ..........حلمك في الميه واحد
منك لي ربى شاحــــد .........بين أيــدك يا حــنونى
**********
خده البى مطارقه فاصد ..........جامــع كل قـــاصد
طرفه المكحول وراصد .........بى سهامه الالمونى
************
براق سنــك يساعـــد ..........للغيم المزنه راعد
ساكن قلبي ومباعـــد ............تشتاق شوفتك عيوني
************
حبك في الجوف يطارد .......ما بين صــادر ووارد
يا حبيبي اللي فـــارد........نظــــراتــك يأســـروني
***********
بعدك لي عقلي فاقد ...........وقربك جوه جوفي راقد
قلبك على ظلمي عاقد.......... أشـــواقك ضــيعوني

Post: #70
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:22 PM
Parent: #1

لوتجازى ولو تسمحى...........ابوصلاح



لو تجازى لو تسمحي .............. منى ريدك ما تمحى
***********
بى خيول الشوق ارمحي ............ واردي دمعي البطمحى
بس عشوقك لا تــقمــحى ............ بى طريف العين المحي
************
تمسى بهجة ونور تصبحي ........... وفى قلوب الناس تربحي
خــلى القـلب البتنبـحــى........ وهاك نوم العين اضبحى
************
مــن عيوني بتروحــى .............وفى قلبي بتســــوحــى
برضي فاهم سر الوحي .............الفى حـــواجبك يتلــوحى
***********
من سهــامك تتراشحى............... وزاحمي كشحك اكشحي
خلقه عرقك مسك ارشحى..........والنســيم بالطيــب كشحي
***********
كيف خصيمك بتمدحى.............. وكالحــمــائم بتصدحــى
كيف عزولك لا تردحى.............. وأنت جنة ونار تقدحي
************
بالمـــــبنة البترزحى .....فكـــرى مالك بتزحزحي
عن عزولك لا تفصحي...........وبى سهام الدغس الفحى
************
خلى دمعه يسيل طفحى ............وبالغرام غطى ولفحي
يازهيرة الروض فتحي ............والنسيم بالطيب كتحى
***********
العزول المــا بســـتحى ..........بى سيوف العين نتحى
يا الحمامة البتصـيحى ........... وبى فروعك بتميحى
*************
لا تحرقي الجوف ريحى ...........وشوفي دمعي البتسيحى
من غصونك ما بتبرحى ..........يوم تبـكى ويوم تفرحي
**************
في المطيرق بترجحى ............وبالنســـائم تتمرجـــحى
لا تفرى ولا تسرحى ............هاك قليبي البتجـــــرحى
************
تابعي فن الحب تنجحي ...........كان صدقت وكان تبجحى
المـــــبكم بتنصحــى........وبى نغيــمتك بتفصحـــى
************
جيبى عقلى الطاش انصحى ...........كــان مغيب والان صحى

Post: #71
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:23 PM
Parent: #1

شقيقة البدرى..........ابو صلاح

شقيقة البــــــدرى ........ شوفة الفرضه ليلة قدري
خمسين
********
الهبى يا حرائق صدري .............فيضي يا دموعي انحدري
مستلمة الفؤاد من بدري .........سليبه الجته لـــيه لا ادري
***********
فوق لي عيوني تردى تصدري ..........جوه كلاي ضاربه الخدرى
كيل في الغــرام على قدري ..........سألك بالعيون لا تعذري
*************
زودي ناري قللي صبري .............جمّرى قلبي كي تختبري
إنما يصفى زى التبـــرى.........عــنك يا جـــروح لا تبرى
*************
طيبك بالنســـائم يســـرى...........شـــم نفحاته يجبر كسرى
قابل بى غرامي وحسري .........بس بى موتى عاد لا تجسري
*************
رد خـــديده فلق الفجــرى..............قال إن مت إيه البجـــرى
يا خد مين الهداك على زجري.........أفضل موتى من نار هجري
**************
عبدا بالمحاسن مشــــرى ............في الحـب موتى عزى وفشرى
للعازل جزء من عشري ...............كــــل الباقـــي ليك ابشــــري
**************
عينيك بالدعج لي تزري ...............خـــدك ما هو قابل عذري
خصرك رمحه يقصد حزري ............يرجــع به الصـــدر تنقـــدرى
*************
تتجـــلى وتميلي تخــترى ..............في ليل الشــعر تنستـــرى
رائعة وسابحة تندى وتترى..............من تقل الـــردف تنبتـــرى
***************
ما سلمه وصغيرة القصرى ............ما الشاشاله حسن البصري
تسبى الحور دقاق الخصرى ............يا ملكة جمــال العصري
************
طوفان دمعي ما طفا جمري ............علمـــت النويح للقمري
بائع في غرامـــك عمري .............ليك الطاعة زى ما تامرى
*************
يا ريحان فؤادي وعطري ............ يازهيرة صيامي وفطري
تلصفى نايره تنعمي وتطرى .........ناسية البى لي متين تطرى
*************
يا عناب ســـناى البكري............يا سقمي وشفاى وسكري
يا الفى تيهك اصحي افكرى ....... رجعى قلبي واقبلي شكري

Post: #72
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:27 PM
Parent: #1

يا ام جبين بدرى .......ابو صلاح


يا أم جبين بدري ....والله ما بدري
آن أوان حظي...... ..أم علّى بدري
*************
طيبه فيدنى ..........تهت في ديني
روحي في ايدك ......ولا في ايدينى
*********
قالت لي في ايدى ......بيها مفـــديه
نظره في شلوخى .....ساده في الديه
*********
روحي مجلوبه .......وليك مسلوبه
أم في ديتي .........ماكى مطلوبه
*******
حاجبه الشهري .....والخـديد زهري
زى سواد عينيه ....حظي طول دهري
********
العيون كـحله .....والرشيم احلى
فاطره الزهري ....مخزن النحله
********
درى تقصيبه ......سهمي ما بصيبه
طش صياده ......ما خــبر صــيده
*******
جنّ رصيده .....ســهمه ما بصــيده
رق ضمير طيبه ....عارته الصيده
********
الادين فطره ..........من حرير اطره
والضمير قبضه ......ما بزيد قطــره
*******
جــل أنشاك.........رقق أحشاك
من تقل ردفك .....الضــمير شاكى
**********
النظم كاري .........واصله تذكاري
حق نهد فيه ........طالبه افكـــارى
*********
قلبي لا تهدوا.......والمنام زهدوا
يا نسيم أغشا ....والســـلام أهدوا

Post: #73
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:28 PM
Parent: #1

لى فى المسالمة غزال.....عبد الرحمن الريح

لي في المسالمه غزال نافر بغنى عليه .....جاهل قلبه قاسى وقلبي طائع ليه
مصــــــباح الظــلام الربنا معليه ...........زايد في الكمال نور الجمال جاليه
إن شافه الغزال مع نفرته يواليه ...........وان شاقه القمر أنواره تخجل ليه
كل من شافه قال أنا بالنفس افديه ..........هو غصن الرياض الزاهي في واديه
أزهار الربيع ما زى زهور خدّيه ..........وجدلات الحرير ما لينه زى ايديه
ان جاء النسيم زى الفــرع يتنيه ...........والثمر الرطيب كـذب اليقول يجنيه
باللّمى والخدود يأذى العشوق يفنيه ..........الصحا والنعاس والسحر في عينيه
والده معجنه وعلى فطرته مربيه ............الفرد الوحيد في الدنيا مافى شبيه
يتجاهل علىّ وأنا حالي ما غابيه ......سابني في نارهواى وشال قلبي يلعب بيه
هو أمير الهوى وقاضى الغرام مفتيه ......إن جار علىّ في قتلى كيف يفتيه
يا قلبي الحزين انت الصبر خاتيه ....... إن جار أو عدل سيبه اليتيه في تيه

Post: #74
Title: Re: المجموعة الكاملة لاغاني الحقيبة مكتوبة
Author: بهاء بكري
Date: 05-18-2007, 11:33 PM
Parent: #1

ود الموج ......... سلام
يااخي قطعت نفسنا براحة علينا

Post: #75
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:34 PM
Parent: #1

حن يا قمر ......ابو صلاح


حن يا قمر أوفى لي ميعادا ......... منامي خاصمني و لي عادا
**************
غمضة اجفانى طال بعادا ...........وسال دمعي البقـالى عادا
أرجو من شوفتك الاعادا .......... جفاك شقا ونظرتك ســـعاده
**********
البدور ناظره ليك حساده ......... ودون حلى تضوي خلقه ساده
والشعر في القديم تساده .......... والردف باقـــى ليك وســــاده
*************
المحي اللمـــع تبـــــادا........... كم عـــوازل حــــرق اكبادا
نوره فرم كلاى ابــــــادا ..........وكان هواك يبقى لي عـــباده
************
ما الضمير الرنع تهادا ............. نظرته بى عيني زاد سهاده
يا نجم سالك الشهادة .............. كفاي عذاب وروحي طال جهادا
************
حزت شوقي الكتر ترادا ............ وبالجمــال حــازت لانفرادا
تومة البــدر قلبي رادا ..............وامـــــرى ســلمــته للاراده
***************
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده

Post: #76
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:37 PM
Parent: #1

اشتياقى وهجرك حرام..........ابو صلاح



اشتياقي وهجرك حرام ..........طش قلبي وسكن الغرام
يا فؤادي الزاد انضرام .......من بعـــادك والانصرام
لي خلافك مافى احترام ........انت قصدي وغاية المرام
الطبيب الكشف الألم ........قالي مرضك عندي أتعلم
أما عمرك ضاع يا سلام ...... انت عاشق ما فيش كلام
صار علاجك بين استلام .......الفويطر الكشف الظلام
واللجينة المازجه الكلام ....والنهيد الما شاف غــلام
يا طبيبي علاجي انعدم .........جد وجدي وصبري انهدم
كيف احصل ضفر القدم ........كان ده وصفك انا دائي دام
والله صادق يا طبيب نعم ....... من رأيت البى صديره عام
أب وضيبا هضليم نعام ........صرت مضنى وجافى الطعام
يا الفريع اللى ثماره حام ... صافى لونك خاتى اللحام
جيش غرامك عمل ازدحام ......في قليبي الزاد انفحــام
من رايتك عقلي أتوهم ........طش فكرى وعــدم الفهم
فر من قوس حاجبك سهم ........شق صدري وكيله هــم
يا شقيقـة بـدر التمام ...... يا أم جبينا كشف الغمام
يا أم صديرا فضح الحمام ...... جرعينا كؤوس الحمام
يا الضمير الرق انحزم ........بى صديرك ماح ما لزم
بى نهيدك حالف جــزم ......... صافى حسنك ما فيه ذم
يا الضمير الرنع انقسام ...... والبريق الفى الابتسام
يا الشليخ اللي روحي سام ..........كف لحظك رمشك حسام
جن ليلى ونومي أتهزم ......... يا شبيهة صــيد الخــزم
ضاوى خدك فاهك أزم ..............من فويطرك برقا رزم
العشوق القبلي أنضرم ............بى هواك ابتلى ما نضم
اما كان ما زولك أضم .............كان رآك وغيب كـــضم
يا جدية وادي البشــام .......... يا الجلاد المرعــاه شام
دام عفافــك والاحتشام ..........يكفى بنجك دا الليله سام
من عيوني البيك هلوسن ..........وين عيوني تلاقى الوسن
فيك ثلاثة وعزن قــسن ........... ماء وخضرة ووجها حسن

Post: #77
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:41 PM
Parent: #1

يا ربيع فى روض الزهور.............عبيد ياربيع في روض الزهور
.
يا ربيع في روض الزهور ............... عيش منعم طول الدهور
***********
بى رنين الصوت الجهور ............. واحتفال غاليات المهور
نجم حظك بدأ في الظهور .............. ساعة بينن توزن شهور
**********
صابنى ظبيا عيناه حور .............. والدو بدري وأماتو حور
سيف مهند طرفو الجسور ........... وفى خدودو النار والبحور
**********
وجهو يخجل نور الفجر ..................شعرو فوق الأرداف يجر
ديمه تابع الصد والهجر ............. اصلو حكم الغي كلو جور
**********
يا خلاصة نــور البدور ............يا المحجب وساكن الخدور
كأس غرامك في الناس يدور............عبــى زود لايفــوتنى دور
*************
ديسو وافر كامل الغزر ................صيد عيونو الرماش فزر
واللحاظ ما بتقبل عــذر ..............في قلوبنا تحاكى الجزر
************
الضمير اللان في قصـــر................من صديرك غالبو البصر
هزّ يشبه سيف النصـــر .............يا مليكة حســن العــصور
*************
ردفو رجا وقلب الصدر ...............في الكتيف الدعك السيور
فكرى طشه وقلبي الغيور ............ منى فرّ وسبق الطــــيور
************
من غرامن أين الفرور .................ليت دمعي يطفى الحرور
يا ربيع أتوقى الشرور ..............دام عليك الهنا والسرور

Post: #78
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-18-2007, 11:44 PM
Parent: #1

افكارى تايهة.........بر محمد نور

افكارى تايهه من أوصاف عديدة ظهرت بى قوافي
وفنون جديدة
*********
تطربني القمارى في غصنك نشيده
يا الحزت المحاسن يا المنية الوحيده
أنا يا نور عيوني محبتي ليك أكيده
يا الصاين جمالك حسادك تكيده
********
قربك لي سعادة وشوفتك لي مفيده
بشكي ليك حظوظي وظروفي العنيده
يا الناعسات عيونك لي عينا سهيده
بى حالي وسهادي نجوم الليل شهيده
*********
يا حبيب انت جافى نيراني بتزيده
شايل قلبي عندك والروح انت سيده
يا عقد الجواهر يا معنى القصيده
تضرب بى سهامك أرواحنا وتصيده
********
حبك يا حبيبي أصبح لي فريضه
في وصفك مكمل في ذاتك فريده
انت سلبت روحي وأنا روحك بريده
شفنا الصيده عارت من جيدك وريده
********
الروح تهوى ذاتك يا حبيب وأنت عيده
البدرين تهابك من حسنك بعيده
نظراتك دواى وما منظور تعيده
لو طيفك يزورني دى الليلة السعيده

Post: #80
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-19-2007, 00:40 AM
Parent: #1

بهاء الدين بكرى شقيقى الصغير تحياتى

Quote: اه ياصديق تذكرت عمنا عبدالله البيجاوي عليه رحمة الله ......... فقد استمعت لهذه الاغنية لاول مرة منه في قيدومة صلاح ابوعجاجة ......... كان مدخلي للاستماع لاغاني الحقيبة عمنا عبدالله البيجاوي وانت ياصديق ........ واذكر حينما اختلفنا حول احدي الاغنيات فقلت لي وقتها ... انت مجنون انا كنت بسمع برنامج من حقيبة الفن ووقتها انت كنت فاكر ان هذا البرنامج له علاقة بالمدائح النبوية ......... حيث كان يقدم قبل صلاة الجمعة ........... كانت ايام ياصديق


بهاء رحم الله عمنا عبد الله البيجاوى هذا الرجل المكافح الفنان
والله يا بهاء لازلت امتلك تسجيلا لهذه الاغنية بصوته وكان يعزف
على جيتار الاخ الرشيد العكام وكان ذلك يوم وداعى وانا
راجع فى ذات منفى الى هنا..ولازال صوته الشجى يشنف
مسمعى كلما..هفت بنا ارواحنا الى مضارب قبايلنا
تلك ايام زواهر مازلنا نجتر زكراها..فى تلك الايام
التى ابت ان تمسك ماء او تنبت كلاء،،،،

Post: #82
Title: Re: المجموعة الكاملة لاغاني الحقيبة مكتوبة
Author: munswor almophtah
Date: 05-19-2007, 08:07 AM
Parent: #80

يا الموج
فى الضواحى وطرف المداين

لأبوصلاح


منصور

Post: #83
Title: Re: المجموعة الكاملة لاغاني الحقيبة مكتوبة
Author: Rawia
Date: 05-19-2007, 08:20 AM
Parent: #82

مـــا ينشل يمينك يا الموج اخوي

Post: #85
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-19-2007, 10:17 AM
Parent: #83

العزيز صديق الموج
يبدو انك من الذين يبحثون عن المشاكل والاّ بماذا تسمي ادراجك لاغنية وجه القمر سافر في هذا البوست
باسم الشاعر ابو صلاح بعدما اوضحت حقيقة امرها في بوست الحزن في الاغنيه السودانيه للاستاذ احمد
القرشي وبعد ذلك في بوست الحقيقه السافره لوجه القمر والناعسات عيونن بين مسعد حنفي وابو صلاح
فربما تكون انت من الذين ذكرهم الاستاذ شوقي بدري حين قال ( سمعت بعض المثقفين باذني يقولــــون
الحلبي ده مابقدر يكتب كلام زي ده) ناسيين ان ابو صلاح نفسه ان جاز القول حلبي ايضاً مثله مثل مسعد
حنفي فهم الاثنين من اصول مصريه وقد سبق ان رددت على القول الذي لايصنف مسعد حنفي ضمن شعراء الحقيبه
وذكرت سبب ذلك وقمت بنشر مجموعه من قصائده التي نشرت في كتاب امير الاغنيه السودانيه قلماذا هذا
العناد والمكابره يااستاذ صديق فان كان لديك دليل واضح تستند عليه غير ادلتك التي قمت انا يتفنيدها
في بوست الحزن فلتأتي به وإلاّ فانا اطالبك من هنا باعتذار صريح على هذا الخطأ والذي اتمنى ان يكون
غير مقصود حتى لا تجعلني اضعك في قائمة ابناء ابو صلاح السوداء وانا في انتظار ردك.

Post: #92
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-19-2007, 09:48 PM
Parent: #85

Quote: العزيز صديق الموج
يبدو انك من الذين يبحثون عن المشاكل والاّ بماذا تسمي ادراجك لاغنية وجه القمر سافر في هذا البوست
باسم الشاعر ابو صلاح بعدما اوضحت حقيقة امرها في بوست الحزن في الاغنيه السودانيه للاستاذ احمد
القرشي وبعد ذلك في بوست الحقيقه السافره لوجه القمر والناعسات عيونن بين مسعد حنفي وابو صلاح
فربما تكون انت من الذين ذكرهم الاستاذ شوقي بدري حين قال ( سمعت بعض المثقفين باذني يقولــــون
الحلبي ده مابقدر يكتب كلام زي ده) ناسيين ان ابو صلاح نفسه ان جاز القول حلبي ايضاً مثله مثل مسعد
حنفي فهم الاثنين من اصول مصريه وقد سبق ان رددت على القول الذي لايصنف مسعد حنفي ضمن شعراء الحقيبه
وذكرت سبب ذلك وقمت بنشر مجموعه من قصائده التي نشرت في كتاب امير الاغنيه السودانيه قلماذا هذا
العناد والمكابره يااستاذ صديق فان كان لديك دليل واضح تستند عليه غير ادلتك التي قمت انا يتفنيدها
في بوست الحزن فلتأتي به وإلاّ فانا اطالبك من هنا باعتذار صريح على هذا الخطأ والذي اتمنى ان يكون
غير مقصود حتى لا تجعلني اضعك في قائمة ابناء ابو صلاح السوداء وانا في انتظار ردك



الاخ مجدى سلامات
فالتكن هذه المساحه
تصحيح لكل التباس
وانا حامشى اداقر ليك
المهتمين بالحقيبه
ونطلع بالمفيد
تحياتى
ودام الود
مخو

Post: #84
Title: Re: المجموعة الكاملة لاغاني الحقيبة مكتوبة
Author: Abd-Elrhman sorkati
Date: 05-19-2007, 09:39 AM
Parent: #1

سلامات ... يديكم العافية

( بوست محمد مختار ... بقلم صديق الموج )

واستجاب للشرك الجميل أمسكوا دي وهي في أعتقادي من أخطر ما قيل :-

مسوا نوركم كلمات : سيد عبدالعزيز الحان وغناء كرومة


مسوا نوركم وشوفوا من جبينوا صباح
والصباح ان لاح لا فايدة في المصباح

هل اتاك حديث الكزكب النضاح
قمرة تمطر خمرا حارسا الفضاح
لو تجينا محاسن الشمس للايضاح
ما بتجيب محاسن محيها الوضاح
********
نور جمالوا دهشنا معشر الفصاح
بين ناطق صامت وبين صامت صاح
غالية وغنية محاسن وفيها شوف يا صاح
الجمال الفيهو كل معني صاح
**********
تنظر الايات من نور علي الواح
المعاني الخرد ومنية الارواح
في العيون المرضي والسحر الواح
يجذب الالباب ويفرح النواح
***********
القوام اللادن والاريج الفاح
من جسيمها الناعم الاسمر التفاح
خلوا عقلي وخلوا في حشايا كفاح
وجيش هواها أحتل قلعةالاصفاح
************
روضة غنا جماها يجلب الافراح
وحورية من الجنة فيها تسقيك راح
كل هذا تراه ما بزيل اتراح
من يحبه أتهالك واستراح وراح
************
يا ليالي أحبابي ما شفيتي جراح
بل شقيتي فوادي بمدية الجراح
صرت اتلوا حديثك في الوجود بصراح
لو تليتبوا كتابي سميت بالشراح
************
فيك نظرت مناظر يعلم الفتاح
لو قفلنا قلوبنا كاتلهم مفتاح
ادري او لم ادري صرت كالملتاح
لو رضاكي هلاكي انا للهلاك ارتاح
**************
ما جنيت في هواكي وما علي جناح
أشتكيت للقمري ولم يعرني جناح
يكفيك لساني الغني ليك كم كم ناح
لو رثيتبو حياتي ما احتجت لي مناح

أستغغغغغفر الله ،،،،




Post: #86
Title: Re: المجموعة الكاملة لاغاني الحقيبة مكتوبة
Author: عبده عبدا لحميد جاد الله
Date: 05-19-2007, 10:45 AM
Parent: #84

الأخوة الأعزاء
محمد المختار
صديق الموج
تحية طيبة
بوست جميل مزيد من الإبداع والتوثيق

Post: #199
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 00:46 AM
Parent: #84

تصحيح:
Quote: هل اتاك حديث الكزكب النضاح
قمرة تمطر خمرا حارسا الفضاح
لو تجينا محاسن الشمس للايضاح
ما بتجيب محاسن محيها الوضاح


لو تحيجنا محاسن الشمس للايضاح
ما بتحيجنا محاسن محيها الوضاح

Quote: في العيون المرضي والسحر الواح


السحرن لواح

Quote: خلوا عقلي وخلوا في حشايا كفاح
وجيش هواها أحتل قلعةالاصفاح

خللا عقلى بمعنى اصابه خلل وخلى التانيه بمعنى ترك

Quote: وحورية من الجنة فيها تسقيك راح


حورها من الجنه

Post: #294
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 07-09-2007, 09:00 AM
Parent: #199

اعجز عن الشكر واطمع فى المزيد


محمد

Post: #87
Title: Re: المجموعة الكاملة لاغاني الحقيبة مكتوبة
Author: Zeinab
Date: 05-19-2007, 10:53 AM
Parent: #1

يا عم صديق الله ايديك العافية

ادينا

هواك وهوايا بي جارو سبن افكاري نظراتك

احب تعطف تزيد وجدي واحب كل الاحب ذاتك


والله عجباني عجب


بعدين الذا شئ في غناء الحقيبه مناسبه كتابه الاغنيه ياريت لو تذكرها


يا عم صديق عليك الله اغنيه جناين اسيا


زينب الشفيع

Post: #88
Title: Re: المجموعة الكاملة لاغاني الحقيبة مكتوبة
Author: عيدروس حجر
Date: 05-19-2007, 11:39 AM
Parent: #87

في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
البدر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

Post: #89
Title: Re: المجموعة الكاملة لاغاني الحقيبة مكتوبة
Author: Moawia Mohammed
Date: 05-19-2007, 04:28 PM
Parent: #1

Quote: يا الموج
فى الضواحى وطرف المداين

لأبوصلاح
منصور


في الضواحي وطرف المداين
كلمات والحان خليل أفندي فرح
يا منصور


أغنية وأكثر من فنان ... ( في الضواحي )

Post: #90
Title: Re: المجموعة الكاملة لاغاني الحقيبة مكتوبة
Author: ناذر محمد الخليفة
Date: 05-19-2007, 06:26 PM
Parent: #1

طلب مساعدة .. موقع به أكبر كمية من الاغاني السودانية (مكتوبة ) ..

Post: #93
Title: Re: المجموعة الكاملة لاغاني الحقيبة مكتوبة
Author: munswor almophtah
Date: 05-20-2007, 01:06 AM
Parent: #90

الأخ Moawia Mohammed

السلام ورحمة الله وبركاته

الف جزاك الله خيرا على رائعة أبوصلاح على روائع الأداء لها فشكرا جزيلا وسلامى لك والود



منصور

Post: #94
Title: Re: المجموعة الكاملة لاغاني الحقيبة مكتوبة
Author: Mohamed Adam
Date: 05-20-2007, 03:51 AM
Parent: #1

الأخ محمد المختار.
تحيّه طيبه.

قصيده معبره!

لا تؤاخنى فيما جرى
بحكم نفسى وليك بزجره
يا ظبى الحجره
الدموع من عينى متفجّره
والغمضه علىّ محجّره
روحى من بعدك متضجّره
حرام عليك يا الأهيف تهجره
-
نيران جفاك ما بقدره
وانا بخشى روحى تودّره
أرجوك يا الحسنك بالحور ازدرى
العفو يا حبيب عند المقدره
-
النسيم بى طيبك لو سرى
يطفى نارى البى مؤثّره
حال غرامى ليك كيف افسّره
انت فوق لى زحل وانا فى الثرى
-
الأسود الضاريه الكاسره
يا غزال لحظاتك تأسره
عيناك لو ترضى تجسّره
الجبال الراسية تكسّره
-
بعد ذلك هل يا ترى
أنظر اللحظات الفاتره
والقامه البتميل متبختره
وبى توب الهيبه مستّره
-
العقول فى وصفك حائره
والبدور من نورك غايره
كيف أشوف خدّيك النايره
والعفاف والجبره وزايره
-
الدنيا دايما جايره
والمقادير فينا مخيّره
عسى رب القدره يغيّره
والحى لا بد ما يرى

Post: #95
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-20-2007, 06:58 AM
Parent: #94

الاخ محمد المختار
تحياتي وشكراً على اهتمامك بالمتابعه فانت بصفتك صاحب البوست فمن واجبك الحرص على عدم حدوث مثل هذه التجاوزات من بعض الاخوه المشاركين سواء كان الخطأ عن قصد او بدون قصد لان هذا بوست توثيقي لا يجوز ان يشارك فيه احد بمعلومه هو ليس متأكد من صحتها والغريب في الامر انني نوهت الى هذا الامر في بداية البوست و بالرغم من ذلك عاد الاخ صديق الموج لفتح هذا الباب مره اخرى وقد طلبت منه ان يصحح هذا الخطأ ان كان عن غير قصد اما ان كان مقصوداً فليأتنا بالدليل ولكنه لزم الصمت وهذه الامور لا تقبل مثل
هذا الاسلوب فليس من شيم الرجال رمي التهم جزافاً ثم السكوت عموماً انا مازلت في انتظار رده .

Post: #96
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-20-2007, 09:56 AM
Parent: #95

من الصدف العجيبه ان يتزامن موضوع النقاش في خطأ الاستاذ صديق الموج ونسبه لاغنية
وجه القمر سافر للشاعر ابوصلاح مع وصولي اليوم في بوست محطات في حياة الشاعر
مسعد حنفي الى الجزء الذي يتحدث فيه الوالد عن بداية معرفته بالشاعر ابوصلاح ومن
ثم بدايه فصول مشكلة الناعسات عيونن ووجه القمر سافر وسبب اللبس الذي يقع فيه
الكثيرين وادعو المتابعين لمتابعة بوست المحطات لمعرفة الحقيقه السافره التي لا
تقبل القسمه على اثنين وكل من لديه اي اعتراض على كلام الوالد فانا على اتم ..
الاستعداد لمناقشته بالادله والمنطق البحت وانا مازلت في انتظار الاخ صديق الموج .

Post: #181
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-23-2007, 11:09 AM
Parent: #95

Quote: الاخ محمد المختار
تحياتي وشكراً على اهتمامك بالمتابعه فانت بصفتك صاحب البوست فمن واجبك الحرص على عدم حدوث مثل هذه التجاوزات من بعض الاخوه المشاركين سواء كان الخطأ عن قصد او بدون قصد لان هذا بوست توثيقي لا يجوز ان يشارك فيه احد بمعلومه هو ليس متأكد من صحتها والغريب في الامر انني نوهت الى هذا الامر في بداية البوست و بالرغم من ذلك عاد الاخ صديق الموج لفتح هذا الباب مره اخرى وقد طلبت منه ان يصحح هذا الخطأ ان كان عن غير قصد اما ان كان مقصوداً فليأتنا بالدليل ولكنه لزم الصمت وهذه الامور لا تقبل مثل
هذا الاسلوب فليس من شيم الرجال رمي التهم جزافاً ثم السكوت عموماً انا مازلت في انتظار رده .


عمنا الموج ارجو الرد على الاخ مجدى لكى نستبين بعض الاشياء التى حدث فيها بعض اللبس
تحياتى
ودام الود
مخو

Post: #97
Title: Re: المجموعة الكاملة لاغاني الحقيبة مكتوبة
Author: ناذر محمد الخليفة
Date: 05-20-2007, 12:16 PM
Parent: #1

والله يا ود الموج عافي منك دنيا وأخرة ..

بس ما تقيف ونزل كل العندك قبال أجي ناطي ليك جو جهازك أقلع منك الأغاني دي وأمسحا منك حسادة سااااكت وأخليك لافي صينية

Post: #98
Title: Re: المجموعة الكاملة لاغاني الحقيبة مكتوبة
Author: Abd-Elrhman sorkati
Date: 05-20-2007, 02:41 PM
Parent: #1

غصن الرياض المايد
كلمات : علي المساح

يا غصن الرياض المايد
يا الناحلني هجرك وانت ناضر وزايد
جافيتني ليه انا ليك رايد
***
يا غصن الرياض المايد
ما اظن عن غرامك لو اموت ما أحايد
سهران ليلي طال والعين صحت ما هجايد
تعبان قصدي ليمك وأنت ناضر وزايد
***
في الجيل يا الجمالك سائد
عينيك ليك جنودك وأنت ليهن قائد
يا نافر جفيتني بنظرة لي ماك جايد
شوفتك زي هلال العيد وفيه أعايد
***
انا وحبك ترعرعنا ونشأنا ندايد
من زمنا قبيل أيام قلال وعدايد
ما خلص القديم وتبين مصايبه جدايد
حن يا حبيبي كفاي مر العذاب وشدايد
***
يا خلاصة الحواري المن جنان وخوالد
حسنك ليك يدوم لا أم تلد لا والد
رافل في ظلال مجد التليد التالد
يا لابس العفاف حلية وعقود وقلايد
***
عانيت في ليالي هواك صنوف وأحايد
مشكلة بين هواي وجفاك وأنت محايد
بس ما ذنبي غير صوت النشيد ونشايد
في مدحك بنيت قصر الرشيد الشايد

Post: #99
Title: Re: المجموعة الكاملة لاغاني الحقيبة مكتوبة
Author: Abd-Elrhman sorkati
Date: 05-20-2007, 02:45 PM
Parent: #1

يا ناعس الاجفان
كلمات : محمد بشير عتيق
لحن وغناء : كرومة

يا ناعس الاجفان أنا من صفاك مسحور
بالله انت ملاك والا من حسان الحور
***
تذرف عيوني بحور
أقضي الليالي قيام ما بين شوق وهيام
وارعي النجوم في سحور
وفؤادي آه منحور
مقتول بغير سلاح وأقول بكل صراح
سبب العيون الحور
***
فيك الكمال محصور
أكظمت كل حسود وحسنك مقامه يسود
علي كل جيل في عصور
طرفك لحاظه تريع أسدا شجاع وهصور
ليك نفرة الغزلان مع جبرة الفرسان
في هيبة المنصور
***
أهيف رشيق متبور
تتهادي تيه ودلال ما بيت غرف وظلال
نعمة وترف وحبور
وسهمك علي مهبور
أيه ذنبي غير هواك وانا يا جميل
بهواك من قلبي ما مجبور
***
يا البي العفاف مشهور
نيدك عبير فياح وقوامك المياح
أينع ثمار وزهور
بي حبي دمعي جهور
أنا في دجاك يا ليل نجمك بقالي خليل
فارقت نومي دهور
***
أنا من زمان مأسور
هجراني ما هماك يا ليلي قاسي لماك
من طول جفاك محسور
وحياة خديدك وجيدك وطريفك المكسور
أنا شعري ما بيوفيك مهما أبالغ فيك منظومي والمنثور .









Post: #101
Title: Re: المجموعة الكاملة لاغاني الحقيبة مكتوبة
Author: مصطفي سري
Date: 05-21-2007, 03:26 AM
Parent: #99

العزيز صديق الموج والله اسكرتنا بالحقيبة الرائعة
واصل حتي نثمل (ونقيف لط) ويديك العافية واصل

Post: #103
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-21-2007, 04:54 AM
Parent: #101

لا بأس ايضا في توثيق السيرة الذاتية لشعراء الحقيبة وترحالهم وحلهم وقصة الاغنية والمدن التي شهدت ميلاد هذه الدرر

Post: #102
Title: Re: المجموعة الكاملة لاغاني الحقيبة مكتوبة
Author: سمية الحسن طلحة
Date: 05-21-2007, 04:40 AM
Parent: #99

غزال البر ياراحل

غزال البرِّ ياراحل
حرام من بعدك الســـاحل
أنا مجنــون هـواك
لكن أظهـر مظهـر العاقل
أخاف على حبك أتضمضم
أخاف يجد الكلام ناقل
أقبـِّل خدك الزاهي
واخاف من طرفك الواقل
يشوفني يمضي تعذيبو
تسيبني وتمشي متـّاقل
أنا المن حالي ماك سائل
أنا المنـِّي الفؤاد مُضنى
أنا المنـِّي الدمع سايل
أعاني عذابي ياالهائل
أخذ منـِّي الفراق مأخذ
ونال منـِّي الهوى نائل
حبيبي تبين الأخضر
إذا كان يوم يجيك عازل
يريد يوشيك عن أمري
فاعلم إنـّو مترازل
أقول ليك الكلام الجد
وما أنا بالكلام هازل
ولا أنا للوداد ناسي
ولا أنا عن حبي متنازل
سمير الأنجم الزهر
وليل بنهاري متواصل
فقدت منامي واحلامي
ومابين الألم فاصل
جميع ماإنت ترضاهو
جميل منك إلي واصل
تأكد ماكذبتك شيء
وحاة روحك هو الحاصل

Post: #200
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 01:25 AM
Parent: #102

تصحيح:
Quote: حبيبي تبين الأخضر
إذا كان يوم يجيك عازل


حبيبى تبين الاخبار اذا كان يوم يجيك عازل

Post: #198
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-26-2007, 09:58 PM
Parent: #99

Quote: يا ليلي قاسي لماك


يا اللى قاسى لماك

Post: #104
Title: Re: المجموعة الكاملة لاغاني الحقيبة مكتوبة
Author: معتصم دفع الله
Date: 05-21-2007, 06:58 AM
Parent: #1

تحياتي أخي محمد ..
معليش جينا متأخرين ولقينا الشباب ما قصروا ..
كان هناك بوست فيه الكثير من أغاني الحقيبة وشعرائها لم يقدر لنا أن نكمله ..
أضغط على هذه الوصلة ما بين زول ساكت وصـديق المـوج تــيه وإتـاكا ..

كل التقدير ..

Post: #105
Title: Re: المجموعة الكاملة لاغاني الحقيبة مكتوبة
Author: أيمن الطيب
Date: 05-21-2007, 07:42 AM
Parent: #1

الأخ الفاضل الزيادى الفاضل و كل عاشقى حقيبة الفن هنا سلامات,


قطوف المعانى في الشعر السودانى الجزء الخاص بفن الدوبيت و حقيبة الفن

للأستاذ معتصم عثمان دياب وهو الجزء الثالث وهو كتاب ثرّ جدا و يعد مرجعا

لحقيبة الفن , الكتاب موجود و فى (PDF.FORMAT) لكن المعروف أن حقوق

الطبع محفوظة للناشر الأستاذ دياب و لا يمكننا نشره هنا!!!! حاول أن تجد

الطريقة المناسبة لإيصاله لك و لك كل الود .


أيمن

Post: #108
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 02:58 AM
Parent: #105

كدي امسك من ود الشوية واديكم كم حاجة كدا

البوست شحمان وعاوز حاجات شحمانة زي ما بقول منعم شوف

نايرات الوجن

شعر الحسن ود سالم وغناء الفنان احمد عبدالرحمن الخديوي

نايرات الوجن
تومي متين لي يجن
نامو الخلوق والليل جن
مرسالي جاء وقال لي جن
ماشات علي يدرجن
ميهن خفاف يتبرجن
ريفات صغار بنات عجن
زي الجواهر يلهجن
من غير شمع هن سرجن
اخدن معاي ساعتين رجن
شالن فؤادي وعرجن
**********
جمل قوافيك للوزن
لي الجمروه وبقى للوزن
اخفي الاسوم لا تفرزن
جنّ عشوقن عايزن
*********
فارمة الكبد بي مقصها
قصصا عياني قصها
قادت المحزم نصها
وحلاهٌ رحى بنصها
******
قاموا الخلوق وقفوا ليها صف
مدبور ساقك ما اصف
مراية خديدها الاتلصف
مظلوم انا وقط ما اتنصف
*****
اصبحت حائر بي الدليل
وكايس لماك ما لقيت دليل
كاتلاني عندي عليك دليل
عينيك صاد ود الدليل

******
برسل سلامي بعد ما
دودا السحاب كر حبّ ماء
يمسك يديك ويلثما

Post: #109
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:00 AM
Parent: #108

بت ملوك النيل


كلمات الشاعر / سيد عبد العزيز


يا بت ملوك النيل يا أخت البدور

مين لى علاك ينيل فى البدور والحضور

الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

Post: #110
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:01 AM
Parent: #109

أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

Post: #111
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:02 AM
Parent: #110

ماهو عارف قدمو المفارق - خليل فرح


ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

Post: #112
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:04 AM
Parent: #111

الشرف الباذخ - خليل فرح


نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل00

Post: #113
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:05 AM
Parent: #112

غنى القمري على الغصون ذكرني الدر المصون
فريد عصره الما متله شىء

قمرنا الليك مطرف يصون يالغصن البزري الغصون
ملاك محروس داخل الحصون شمس الكون تشبه مشيه
فريد عصره الما متله شىء

قاسي سماع لهجه الحنون عظيم كالمال حلو كا البنون
بي لهجه يداوي الجنون شعاع محيه العين تختشيه
فريد عصره الما متله شىء

جميل متلك ما أظن يكون حيا ورقة وعفة وسكون
يالبدر الليه روحي كون في حسن الكون ما خلى شيء
فريد عصره الما متله شىء

ليك عالي العالم يهون يالرشا يا اللدن المصون
مناظرك فيك يتنزهون يالمطران مما مشيه
فريد عصره الما متله شىء

Post: #114
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:06 AM
Parent: #113

الشاعر /محمد علي عبد الله

سألته عن فؤادي

سألته عن فؤادي وعن سبب هيامه

أجابني ما هو عارف

عشقته وجماله نظمته فى فنونى

جفانى صدى عنى تركنى لشجونى

اذا تلاشى صبر وترعرت جنونى

واذا أنبرى فؤادى لعهدى ما بخالف

حبيبى يا مدلل بحق صفا كمالك

حرمتنى وصالك وملت عنى مالك

أنا صريع محاسنك وانا أٍير جمالك

تعال شوف تعال زفيرى والعواطف

يا فرحة الحزانى ويا زينة المواكب

يا ربرب الخميلة ويا زهرة الكواكب

زمانى جار معاك وهاهو لى ناكب

بعدك الصلانى يادرة المعارف

جمالك المكمل لهانى عن سواك

وتيهك او دلالك رمونى فى هواك
حبيبي أنت ومين يكون دواك

أظن عفوك عنى ورضاك لى يوالف

أهوى الذى ضنانى وغزانى بى نباله

ولا سأل فى حالى ولا خطر بباله
يرانى أو أراه وأقيف ذليل قباله

واقوله أنت سيدى وفيم عنى صارف

Post: #115
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:07 AM
Parent: #114

كيف الحياة غير ليمك
في بعدك اصبح حظي زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني ارسل لي نسيمك
وانعش لي روحي بندي جسيمك
او طيب المسك الفايح من تبسيمك
يا اماني حياتي البيك نور اقليمك
يتمنى التبري يلمع كأديمك
مشتاقة الشمس تظفر بي ليمك
تاخد من نورك تلثم لي قديمك
يا فرع البانة المايل في خميلك
من قامتو حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني ايه بيني وبينك
غير كوني بريدك وحياة خدينك
كف عني صدودك يا روحي وبينك
ليك حق في صدودك وتيهك وتذليلك
ليك حق تهجرني .. ويكتر تعليلك
ما دام فردي ... على جيلك
تمتاز بالعفة المانعني اجيلك
مع صدك وهجرك لا زلت اريدك
ومنام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي ايدك

Post: #116
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:08 AM
Parent: #115

الاوصفوك
محمد بشيرعتيق
___


الاوصفوك بالبدري او بالزهر هم ما انصفوك
+++++++
كيف يجهلوك
وعلي الجمال العادي راحو يمثلوك
ولو بادلوك
عين الحقيقة او بالصيرة تاملوك
بالنور او بالنار أو بي قدر ما ضاع الخيال ما عادلوك
+++++
كوكب منزه في علوك سحرك قريب
شخصك بعيد او كان قريب
انواره آخذه بلا سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة فيك موهبة شكل الظبا
وطبع الملوك

Post: #117
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:09 AM
Parent: #116

ما بنسي ليلة
كلمات عتيق غناء كرومة



ما بنسي ليلة كنا تايهين في سمر بين الزهور
انا وانت والنيل والقمر
++++
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
+++++
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
+++++
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
+++++
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
+++++
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

Post: #118
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:10 AM
Parent: #117

فتنت بيه .. عشقته ليه
كان مالي انا مالي بيه
فتنت بي حسنه البديع
عشقته لطبعه الوديع
حبيته لادبه الرفيع
صرعت بلحظه المريع
بلحظه ياما كم صريع
وحبيبنا تايه ما عليه
في خدوده فتحت الزهور
في جبينه أشرقت البدور
بشوفته تنشرح الصدور
خلقوه زول وكسوه نور
من شدة الحيا والشعور
ذادوه ذوق وهدوه تيه
فتنت بوجهه الصبيح
هويته بالمعنى الصريح
حبيته حب ابن الزريح
قول للعزول فيق واستريح
آويته في قلبي الجريح
ما دام بريده بخاف عليه

Post: #119
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:11 AM
Parent: #118

إنت بدر السماء في صفاك
قولي من عيني ما خفاك
ياحبيب متى وفاك ؟
ماله بدر السماء ما شروق ؟
من حماه ومنعه المروق
خده زهري وبسمه البروق
غير أشوفه أنا ما بروق
ياحبيب متى وفاك ؟
حاجبه يحكي النون والهلال
طرفه فيه معاني الدلال
انت كل الحيا والجمال
جيده أتلع ظبي التلال
ياحبيب متى وفاك ؟
يا حليل زمن الجهل
في رياض الربا في السهل
من سروفنا بنشرب نهل
يا زمان هل من عودة هل ؟
ياحبيب متى وفاك ؟

Post: #120
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:11 AM
Parent: #119

الكواكب


الكواكب احتفلو بالقمر
ام دي روض دريه السمر

اقرب بهجه الاهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما امر


وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر


ودمعي مالو فاض شابه البحر
ما طفى العلي من لهيبو حر
عقلي انفقد وقلبي ما انسحر
وتدري بالعلي نجمه السحر


العشق نصيب والغرام قدر
القلوب تطيع امرك الصدر
ونارنا ما انطفت وشوقنا ما فتر
ضعنا والنفس فينا ما ندر


الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر


خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر

Post: #121
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:13 AM
Parent: #120

لحن وغناء كرومة

سيده وجمالها فريد *** خلقوها زي ماتريد
في خديده وضعوا الريد
يامن جمالها فريد *** أنا قلبي ليكي مريد
شايقني فيك تحريد *** قامة وحذوذ في وريد
قط مابراله نريد *** حسنك ووصفه عديد
يامنتهى التحديد *** دي مراية ولاخديد
ياجاهلة الله شهيد *** بتميلي من الهيد
والفي صديره فرهيد *** رمان دا ولا نهيد
ياناعس عيون الصيد *** قاتله وحداها فصيد
يلمع في ضوه تصيد *** قلبي البقالها القصيد
أنا لي فيك نشيد *** بدور صفاك مشيد
يوزن ملك جمشيد *** الفي زمانه رشيد
مابهم كلام ناس زيد *** قلي الهلالي أب زيد
ياحبي أنت تزيد *** بالله زيدني وأزيد
حبي ... بطل التهديد *** وحد للهجر تحديد
أنا عظمي ماهو حديد *** بس ليه تهجري شديد
هل دا إحتفال أم عيد *** أم جنه غير وعيد
دنا فيها كل بعيد *** للسيوح أهله سعيد
يالسيوح التأكيد *** عزك عزيز ماركيد
فلتحيا دون تنكيد *** ياللحسود بتكيد

Post: #122
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:14 AM
Parent: #121

كم نظرنا هلال ما شاقنا غير هلالو
ما اظنو ذلال يروينا غير ذلالو

ارى الهلال ينقاص ورا محيو يتجلالو
كل يوم يزداد في خديدو نور يحلالو

قاصر الابصار عن حسنو من اجلالو
يتيه يصول باسم هي ما الذ دلالو

الذّ شئ قربو غزل النظر في جمالو
امّر شئ بعدو وجفاهو
ارى الغصون بتميل ما اظن هواها امالو
على الخلاف واذا ميل علي انا مالو

طرفو ليه نعسان وانا طرفي ليه يصحالو
يتلو اية الحب الفي الخدود لايحالو
جمالو كل ما يزيزد جسمي بيزيد انحالو
اما قلبي الضاع خلي اليضيع في حالو


انا لي حبيب يا ليل نوم العيون قلالو
انا لي حبيب يا ناس قتل النفوس حلالو
ولي حبيب يا ليل بشوف خدود يلالو
مع الظلام تشتاق الزهرة تدالالو

Post: #123
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:15 AM
Parent: #122

الصبح البديع
الشاعر //// محمد بشير عتيق
ــــــــــــ
في رونق
الصبح البديع
قوم يا حمام يا حمام
اسمعني الحان الربيع
قوم يا حمام حي الغمام
انا لي فيك شوق واهتمام
اسمعني من شدوك صدى
أهو ده الربيع ناضر بدا
ومن الرياض ...... يدا
وشاها بي قطر الندا
في رونقا الصبح البديع
صحت الورود في كل روض
وتبسم الزهر الربيع البديع
اهي الطبيعة الكون تحلى بمنظرا
للعالمين سفرك بأحلى مناظرا
من روضى تغني لناظره
أطيارا عائدة "عاشقة" زائره
هي والنسيم
هي والنسيم في مناظرا ترسل حقائق وجوهرة
هي نزهة بل
هي آية من صنع البديع الوديع
قوم ياحمام أنا أنا
حي الغمام أنا
اسمعني
أسمعني عن تصويرو كيف
هو اية في الجنس اللطيف
وبالأختصار
هو حسن صار فوق الجميع

Post: #124
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:16 AM
Parent: #123

ذبت وجدا في هواك
محمد بشـــير عتيق
+++++++++++
ذبت وجدا في هواك
يا حبيبــي لــــــم أزل
عايش على سفح الأمل
يا من صليتني بنار هواك
رفعــــت فنـــي لمسـتواك
أنا في الغرام حامـل لواك
في قربى أو في حال نواك
قـط لم أفــكر في ســــواك
رغم العـزل لي فيك غــزل
برتاح لأنشــــودة غـنـــاك
وأنظم عقود زي نور سناك
أنا في الغرام حافظ ولاك
شعوري ما أستيقظ بلاك
والحكمة يا زينة حـــلاك
تزداد جمال وأزداد هلاك
حسنك ضمر حامى السمر
تيهك أمــر ليـه يا قمـــــر
تتواري عنى في ثوب حياك
ويبهر عيوني شعاع ضياك
يا المن خيالك اختشاك
بخمور دلالك انتشـــاك
بحبي ليك لو انتشــــاك
بالله سل نسمات عشاك
وبيك جواي ومبلغ هواي
وأنا طبي في خمرة لماك
لكن محال ألحـــق سمـاك

Post: #125
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:17 AM
Parent: #124

قضينا ليلة ساهره
عتيق
*******
قضينا ليلة ساهره اتضمنت محاسن
من كل روضة عيتة ومن كل عينة زهرة
راينا حفلة ساهرة
اتوجت قياصر
واتلألأت كواكب من اطيب العناصر
وكل من راها تبالا بي هواها
صبح شعوره ثاير وفكره ضل حاير
ما بين دي واحدة صفره
ودي واحدة خضرة
الروضة لابسة حلة
من الزهور طرايف بها المكان تحلا
الجو نسيمه رايق والغيم نشر مظلة
وما احلا ديك مناظر فيها البيان تجلا
بين مسفرات أهلة ونخبة عرب أجلا
ناس عليها فرحة وناس صريعة جرحي
وناس قلوبه أسري
والف الف عاشق يذوب غرام و حسرة
غزال عيونه كاحله رشيق قوام واحلا
ملك زمام فؤادي و ترك عضايا ناحلة
ما احلا ابتسامه يسكرني راح كلامه
في قلوبنا استغل ونجم السعد تدلي

Post: #126
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:18 AM
Parent: #125





تاريخ التسجيل: Apr 2005
مشاركة: 4,389
ما بنسي ليلة
عتيق
******
ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

Post: #127
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:19 AM
Parent: #126

طيب رياه** أبوصلاح
**********
يا من فاح طيب رياه
على ميت الهوى أحياه
فؤادي الشوق أعياه
يا من لاح نور محياه
يفوق بدر السما في ضياه
اذا لاح برق ثناياه
السحاب يبكي يذوب في مياه
وقلوبنا تذوب وياه
سعيد الحسنك وافاه
المريض شوفتك فيها شفاه
حبيبي البي ما بخفاه
ومستحيل قلبي يخفاه
من هجري كفا كفاه

Post: #128
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:19 AM
Parent: #127

يا روحي انصفني
الشاعر / /عبدالرحمن الريح
-------------------
في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام

Post: #129
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:20 AM
Parent: #128

جاني طيفه طايف
لشاعر عبدالرحمن الريح
----------------------
جاني طيفه طايف لحاظه كالقذايف
وانا من عيونه خايف
جاني طيفه طايف في ثوب من الطرايف
خدود كالقطايف ليهو العنب شفايف
حبيبي دمعي زارف غرقني سيله جارف
لماذا عني صارف وهالكني وانت عارف
حبيبي انا حالف في عوازلي ليك اخالف
قلبي ليك محالف ومتي ياغزال توالف
تلا في هواي صحايف ولقي حبي غير زايف
قال لي اراك خايف ودون تشرح انا شايف
ياملهم العواطف ومهدل المعاطف
متي ياجميل تلاطف وتكون علينا عاطف
جاني طيفه طايف

Post: #130
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:22 AM
Parent: #129

الزمان زمانك
عبدالرحمن الريح
--------------------
الزمان زمانك
أهدى لي مـن فـضـــلـك
نـظـره فى رمانك
يا الفريـــــــد فـى عصرك
قلبى فاقد امانك
حرام عليك تهجرنى
وترضى بى حرمانك
بالكـمــال شــرفـــــت
مـنــاطق ام درمانك
وبالجمال امــتــــــزت
عـلـى شباب أزمانك
يا أنيس الصـيـــــــد
أنــا فى الغرام إنسانك
انت روح شعـــرى
وانا فى الشعر حسانك
ان قصدت هلاكــى
تـجــدنـى مـن فرسانك
وان عـطــفــــت عــلـــى
ذاك مـن إحسانك
يا الحنـيـــن فـى نفـسك
قولى ويـنه حنانك
شلت قلـــــــبـى ودمــى
خـضـبـت بيهو بنانك
ان مرقت تـــمــر
فى الـروض عـلى افنانك
النجوم تـتـــــــغــزل
فــى بـيــــاض اسنانك

Post: #131
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:23 AM
Parent: #130

زيدني في هجراني
الشاعر عبدالرحمن الريح
----------------
زيدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني

Post: #132
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:23 AM
Parent: #131

خـــداري
كلمات : عبد الرحمن الريح
--------------
خداري البي حالي ماهو داري
جافاني
متين يزورني حبي
محياهو يضوي داري
أقول جلست مره
مع الطير الخداري
من بعدوا في هواهو
و لي روحي كم أداي
إيه قصدوا من عذابي
لو ما قصد وداري
كل ما رأيتوا باسم
الطيب يجيني ساري
كل ما رأيتوا تايه
يزداد علي حساري
لولاهو ما إشتبهت
في يميني أو يساري
لولاهو ما صبرت
على ذلي و إنكساري
في فكرة الكواكب
و الأنجم السواري
و الحور مع جمالن
بالنسبه ليك جواري
أظهر أمام عيوني
لا تبقى متواني
أنا جارك البحبك
أوعك تخون جواري
لو ما حبيبي يرحم
لاشك في دماري
نار الغرام صلتني
في الأدمع إنهماري
ما دام صبحت عاشق
و الحب صبح ثماري
سيبوني في الأرايك
أسجع مع القماري

Post: #133
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:24 AM
Parent: #132

الشادن الكاتلني ريده
----------------------
الشادن الكاتلني ريده
هلك النفوس و الناس تريده
مالو لو يرحم مريده
الكون وحيده والكون فريده فيه لا يوجد طريده
نظم العقول في سلك ريده لبسن قلايد في وريده
الجيل قديمه علي جديده
ليه اعترف معدوم نديده
فاق السلاح و كسر حديده
نقرابي في صفحة جديده
يصعب علي وصف قصيده
وصعب علي نظم قصيده
ده غزال سارح بين صيده يا ريد محال شركك يصيده
انسان كحيل ناعس هجيده
جيد الغزال كانه جيده
مهما اقول القول اجيده
انا وصفه كيف افدر اجيده
كلما اقول الحظ يعيده نحس الزمان يسبق سعيده
القطر دانيه وبعيده هو هلال صيامه و يوم عيده

Post: #134
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:26 AM
Parent: #133

الطاووس
كلمات عبدالرحمن الريح
---------------------------
ملك الطيور ارقص وسط الطيور نشوان
خلي الزهورتفتح مختلفة الالوان
ارقص وهل في الكون
طاير جميل مثلك بيهو الوجود مفتون
من درك المكنون
اكشف كنوز حسنك ورينا فيك كم لون
ما بين جمال وفنون
للزهر تصحو عيون
تهدي الشذي واحيان
تهدي الهوي النديان
للعاشق الولهان
يا اجمل الاطيار
ليك في الحديقة ديار
مبنية بالورد ومعروشة بالازهار
مخضرة الاشجار في شواطئ الانهار
ملتفة والاغصان بالخفة والميسان تلهب الانسان
انشر جناحك و ميل حي الربيع يا جميل
خلي الشمس تسكب ذهب الاصيل في النيل
في رياضك النضرات
النور يسير قطرات
محمرة العبرات
الروعة تستكمل
يبقي المكان اجمل زي لوحة الفنان

Post: #135
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:26 AM
Parent: #134

ياجميل يا مدلل
الشاعر عبدالرحمن الريح
--------------
ياجميل يا مدلل قولي ليه بس حكم الغرام قد حلل
عذابي يدوم
ياجميل يا مدلل
كل ما اطراك بالدموع اتبلل
جسمي صار منحول والمنام يتقلل
طرفو لي رؤياك دمعو كبر وهلل
جفاني النوم
بالعلي لا تجهل يا حلو النغمات يا لذيذ المنهل
نارو حارقة الجوف و المدامع تبهل
بعد هذا الحال هل وصالك يسهل
تحن يا ظلوم
ليل ضفايرك مسدل يا رشيق القامة والمعاطف الهدل
القوام ممشوق و المعاطف جدل
ده البخلي إليك حبي ما لا يتبدل
يزيد كل يوم
العقول تتخيل والاديب للقاك يتهبل
بيد اني عزيز خفت في المستقبل
اهدي ليك الحب وانت بي ما تقبل
اكون محروم
في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس
والسماك الاعزل

Post: #136
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:27 AM
Parent: #135

ما رأيت في ا لكون
الشاعر عبدالرحمن الريح
-------------------------------
ما رأيت في الكون يا حبيبي أجمل منك
في جمالك وتيهك وفي جهالة سنك
من كمالك و ظرفك ومن جمالك أظنك
يا حبيبي نساء الدنيا ما ولدنك
راجي عطفك ولطفك راجي حلمك و حنك
ديمه يا مريود تجدني سائل عنك
يا حبيب الانفس ما بتوب من حبك
لو صليتني بنارك برضي برضي بحبك
مره تيه في دلالك ومرة ارعي محبك
مره خليك جاير مرة خاف من ربك
يا جميل المنظر كيف كيف أذمك
سيبني في آلامي و بالعلي ما يهمك
خالي عقلك و قلبك فاضي فكرك و همك
المدام المسكر والعسل في فمك
قلبي ذاب من نارك وصبري ضاع من صدك
هل أداري حياتي أم أعالج ودك
نسمة الاسحار مزاجه نفحة ندك
وزهرة الازهار بستانه صفحة خدك
السرور اوقاتك والمحاسن خمرك
الزمان خدامك ممتثل لي أمرك

Post: #137
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:28 AM
Parent: #136

يا مداعب الغصن الرطيب
الشاعر سيد عبدالعزيز
--------------------
يا مداعب الغصن الرطيب
في بنانك إزدهت الزهور
زادت جمال ونضار وطيب
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
تعجبني والشيء العجيب
هادئ وأليف ماك النفور
بى عفتك صنت السفور
والحسن والأصل النجيب
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب
والروضة في موقع خصيب
حضنوها وإتلافوا النهور
ترى فيها أنواع الزهور
من كل لون أخدت نصيب
يانع ثمارها ونص وطيب
أشبه بربات الخدور
الإنبرجن في يوم حبور
زادن جمال ونضار وطيب
في الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب

Post: #138
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:29 AM
Parent: #137

يا أماني
سيد عبدالعزيز
-------------
ياأماني .. جار بي زماني لو أراكـم أصبح سعــيد
يامناي وأملي وأماني من مخاوف الوجد الرماني
في كلا من أنباء زماني أشهي ليكم الحظ حماني
ماسليتك يا أماني ماني سالي زولاً لي شوفته عيد
الجمال يالصفا يامعانـي لي جامـل وأقبلني عـاني
شوف شقاي الفي الحب أعاني وبالخمالة الصاحب دعاني
لوعلم بالحال كان رعاني ولـيَّ ساعد ومد لي أيـد
ياجميـل الذات الشجـاني في جبينـك بدراً لجـانـي
للتهتك ماكنت جاني غير هويتك والجافي جانــي
والعزول الجاهل هجاني وكل ذنبي أنا ليك أريــد
ياحبيباً حبك لهاني عـن خلافك يامناي نـهانــــي
لي شاغل ولهي الوهاني ولو يسرك ألمي الوهاني
عند ي أفضل من التعاني ومن حياتي في عيش رغيد
فتَّ حـــد الألام كفاني دون أظاهــر تيهك نفانــــي
بيي شمت خلي وجفاني ياحبيب خايف أبقى فاني
لوتكرم حسنك لفانـــي ماعــلي فـي عمـــري وزيـد
حبي صفوة عيشي وهواني العيون النجل الغواني
عن تكحل ودلال غواني كنت أسعد ويسعد أوانـــي
ليت نظراً لي لو ثواني أبقى عبدك وتبقى لي سيد
من عيون الناس يالنساني في وداعة رب المثاني
يالفريع الرمانه ثاني صدر يعلى ويرجح به تـــاني
كيف يعبر وصفك لساني الله خلقك في الكون فريد
ياحبيبي التفكير عياني هـدَّ عزمي ولخبط كيانـــي
مانفعني شئ عــــن بياني لعذابــي والنوح حياني
سوى إسمي المضني وبياني أسمى إسمي الشاعر المجيد

Post: #139
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:29 AM
Parent: #138

نظرة يا السمحة أم عجن
الشاعر سيدعبالعزيز
---------------
لو كان قليل تبرى الشجن
أعرف صفا الأيام أفيقن
أنظر جمال تلك الوجن
دولات صدودك ماوعن
ألامى وبى اتدرعن
أبكى واصيح متضرعاً
يا ناس دموع عينى ترعاً
أرحمونى مارضنى الظعن
أمالى جور لى قاطعن
أحشاي هديل أتقطعن
وبالفرقة نشابك طعن
يا منبع النور والفطن
يا الفقتى يعرب والرطن
فى جوفى من حبك قطن
يا جاهلة مليون ألف طن
كيف أسلى عينيك والوجن
يالبسمتك نور الدجن
جسمك حرير ناسجة العجن
ناضر وباللون انعجن
الضاوية زى خديك من
فى الدنيا يا نور الزمن
أرواح نسائمك لى رمن
نرجس مزج لى مسك اليمن
ما احلاك يا الجيدك شدن
يالعمرى فيك ضائع سدىً
انا عندى شوفتك يا اللدن
أحسن من الروح فى البدن
يا منبع الذوق آه يا من
حبك غرز فى الجوف كمن
يا غالية قط ما ليك تمن
إن هب او جار الزمن
ليك السلام ما ولعن
خديك بالنور يلمعن
وعدد النجوم ما يطلعن
يرضيك وبيك لى يجمعن

Post: #140
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:30 AM
Parent: #139

أم جمالاً يشفى السقيم
سيد عبدالعزيز
------------------
يا أم جمالاً يشفى السقيم
مريضك كيفن دواه
فى صراط الحب مستقيم
قلبى لكن كلت قواه
يا أم جمالأً يشفى السقيم
طال عذابو الليكن غوى
حق نبينا وموسى الكليم
فر عقلى وشالو الهواء
يا الحشيمة وذوقك سليم
كيف علاجى ودائى الهوى
ما بفيدنى فكى أو حكيم
طبى ليمك ما لى سواه
لو نظرتى نظرة حكيم
ما رأيتى العالم سوى
كفى عنى الصد الأليم
بى يا ما الهوى قد لوى
من فراقك ربك عليم
جد شوقى وعودى اتلوى
يا الجويهلة وقدرك عظيم
حسنك أبدع عن ما اتروى
زى سناك الدر النظيم
يافريع البان الروى
هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى
يا الوحيدة وأصلك كريم
طار منامى وقلبى انكوى
يا أم طباعاً فى ذاتها ريم
أدركينى وسيبى الجوى

Post: #141
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:32 AM
Parent: #140

مليح الزى
سيد عبدالعزيز
--------------
مليح الزى ساحر المحاجر
يالحجروك لى نومى حاجر
بهاجر ليك يا اللى هاجر
يا اللغز الفى شرحه حائر يعجز عنه العقله ناير
ليك منازل فى الضماير تجليت فوق البصاير
وعن العين سابل الستاير
يا حبيبى النديان وناير أدور قربك ولى بعدى داير
ما بتنزار وما جيتنا زائر مثال الجبرة عليك سائر
كيف أتعدل يا الطبعه جاير
وكيف أرتاح وأنا دمى ثائر
تعال حساب راجع الدفاتر يامثال اللى عرضه ساتر
لأجلك كم راعيت خاطر لأجلك كم خضت المخاطر
وراك بالمال والروح أخاطر
فترت معاك يالطرفه فاتر
تتواضع وقدرك عالى أرفع من سموه معالى
أدبك مضرب الأمثالى ولأخلاق جمالها مثالى
شفتك يوم تضوى تلالى
قلت الليلة هلى هلالى
حسن الدنيا إتجلالى والأحجار حداك لآلى
برسالة المحبة أو حالى حسنك وسحره أُر حالى
كأنى نبي الزمان الحالى
من الناس بقالى حالى
ما بهم إن سهت ليالى وأسهرن اللى كانوا حيالى
فناى فى هواك أحيالى ذكرى ترددها الأجيالى

Post: #142
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:32 AM
Parent: #141

الليل ما بنومو
سيد عبدالعزيز - الكاشف
----------------
الليل الليل ما بنومو لأني
أنا حارس نجومو
طول يا ليل وهود
عاجبني طول الليل
الليل نسيمو عليل
الليل سكونو جميل
الليل به النساك تتأمل الأفلاك يا ليل
الليل به العشاق تتذوق الأخلاق
تتناجى بالأرواح
ولشدة ما ترتاح
ما دايرة تاني صباح
الليل الليل ما بنومو لأني
أنا حارس نجومو
أنا راصد كواكبه تائه
في ظلامه سابح
في خيالو سارح
وما عاشق جماله
بس لي فيه ذكرى
وماخد عنه فكرة
يكون فيه التلاقي
وانظر فيه حبي
الحابيهو قلبي ينظر ما يلاقي
الليل الليل ما بنومو لأني
أنا حارس نجومو
ويا ليل يا ليل يا ليل يا ليل
بالله عيرني سماع
اشكيك حبي الضاع
وتغير الأوضاع
هويت محاسن إنسان
في غاية الإبداع يا ليل
عاهدني حبيته
ووجدته عهده خداع
قت ليهو الوداع
يا حبيبي الوداع
الوداع الوداع
يا سميري الوداع
الليل الليل ما بنومو لأني
أنا حارس نجومو

Post: #143
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:33 AM
Parent: #142

الليلة لا قيته
الشاعر سيد عبدالعزيز
------------------
الليلة لا قيته
القلب حباه
وبالشكر واليته
ما عشقت هندامه وقامته وتواليته
أنا عاشق أخلاقه وقدرته جليته
ياليته يشعر بى ياليته ياليته
بالزمة با مدهش
وجدانى هزيته
منى الفؤاد بالصد صدعته وأذيته
وأن حلفونى بأسمك عن ضررى عزيته
ليه ودى بالهجران يا حبيبى جازيته
أنا لو ضمنت رضاك
كان شخصى هنيته
وبيك تم لى أملى
الفى الكون تمنيته
وأقول صريح للناس يا ناس السعد ظنيته
عرج على بعد ما خلاص العمر أفنيته

Post: #144
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:34 AM
Parent: #143

فريع الطيب
سيدعبدالعزيز
----------------
يافريع الطيب والثمر
ياأم جبيناً فاضح القمر
كيف أنسى الحسن العمر في محيك دارة القمر
وليل ديس يمطر خمـــــر والغصن أتنى وخمر
كيف أنسى ذاك الحور
ولوغبت وبعد الجور
لي أوع في الجوف صور
من حبك وعقلي الزور
كيف أنسى ساعة ختـر حاديكم وسابنا في خطر
طار عقلي عني وإنبتر وقلبي يعزف نقر الوتر
من حبك بفيد حذر
ياليت العازل عذر
إن طيفك لي يوم نظر
لوصالك بالروح نذر
ماحيلتي إن نفذ القدر ببعدك وحظي أندمر
الحـــالـم ظلمـاً أمــــر بهجراً كالموت أمر
كيف أحمل بعدك شهر
والثانية عندي بدهر
صار فوقي النوح والسهر
ومن دمعي في الخد نهر
يانسايم أروي الخبـــر خبر شوقي الملأ كل بر
ما إتعالج كسري وجبر وفي نهار الهجران وإن صبر

Post: #145
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:34 AM
Parent: #144

الجِنان في الدنيــا
الشاعر/ سيد عبد العزيز
---------------------------
الجِنان في الدنيــا والليالي تدور
أم دي ليلة وجمعت بين شموش وبدور
أم دي زينة الدور أم ليلة القدر
الفيها زي ماندور هاهو نور في خدور
العفاف والرقة والقدارة يدور
بين بنات الحور والسحر في عيونن
منه كم مسحور
والحسود منحـــور
والبروق تلامع من بسوم ونحور
والقديم مبتور
بالهياب مسبور
زي عظمة القائد في حزا الطابور
النظر مكسور دون توغل تارك
كم قلب مكسور
في حسابه كسور
وحاله حال الواقف في الحساب مأسور
الجلال مأمور في النظام المحفل
بالفرح مغمور
والمحل معمور
بالأدب زي حرمة بيته المعمور
الكمال مشهور
في الغصون الرايعة يانعة فايقة زهور
فادعة مايسة ظهور
ساعة بينهن توزن ياصديقي دهور
القمر في نور
والنجوم تتلامع في سما البلور
شئ عجيب يالنور
رب محمد شفنا الدنيا نور في نور

Post: #146
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:35 AM
Parent: #145

ياحليف الصون
سيد عبدالعزيز
---------------
ياحليف الصون
فلتدم في علاك
إنت زول معصوم
ولا إنت ملاك
إنت بدري وكيف الخدر ظلاك
أنت كوكب نور تشتهي الأفلاك
فيك كم آيات يالحياك جلاك
منظر الساحرات ومنظر الأفلاك
ياجميل النور ماسه من عيناك
منظر الأنوار طالعة من مغناك
والشباب يترنم بي معاني غناك
والجمال الفيك عن مديح أغناك
كل معاني اليوم طالعه من معناك
تبسم الأيام لوبسمت سناك
الزهور والنور بانو في وجناك
والزي جمال الحور زيه فته هناك
مهما أجيد أوصـاف أشوفها حامله صفاك
يانـقـي اللــون أيه أقول في صفاك
الحريــر يخشــى للصفا الصافاك
والتبــر يبـقــى زي صفر لصفاك
تخشع الأبصار من شعاع محياك
وعُقَّل الأفكار يسرحن في ضياك
النفـوس في هواك يالهواك في حياك
أنا عندي يوم الفوز حبيبي يوم رؤياك
الـرآك غير شك بي حبيبه رعاك
ليه لأنه يشوف كل شئ يرعاك
حتى نور الكون حجبوه معاك
يابـهـي الطلعة أنا كيف خلاصي معاك

Post: #147
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:36 AM
Parent: #146

صباح النور
الشاعر سيدعبد العزيز
----------------------
صباح النور عليك يازهور
صباحك يوم يقاس بدهور
يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور
زهر طاهر مالمغرور
عليه جناح الرضا مفرور
صباحه سعادة بكل سرور
جماله يغني عليه سرور
نظرتك جالس بين خدور
بدري هناك أنكشفوا بدور
تفوق نيشان ممتاز في صدور
العظما المثلوا أعظم دور
جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور
يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور
فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور
أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

Post: #148
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:37 AM
Parent: #147

إنت عارف
سيد عبدالزيز - الكاشف
-----------
إنت عارف
أنا بحبك . وبحلف بك
ولا ماك عارف بالمرة
إنت صارف عني مدة
وأنا خايف تتحدى
أنا خايف
متى نبدأ التعارف
والتألف والمودة
ياحبيبي من فضلك
جاملني طاوعني
لاتخالف واحده مرة
أنا شايف
المحاسن الطرائف
في صمتك في كلامك
في عيونك في إبتسام
في خدودك في قوامك
إنت جالس إنت ماشي
إنت واقف إنت نايم
صغير غرير الطرف حالم
ماك عالم ماك عارف
أنا طرفي جفا المنام
آلف الحب والهيام
مع الجمال بالعواطف
في هواكم إستمر
متين أصادف
رضاك علي وعلي توالف
هواي مناي حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة
إن رأيتك بالقرب مني
اسعد أظني ... هل تدري إني
أحس بعظمة وشأن كبير
أفرح كتير فرح كبير
أكاد اطير من الفرح
والأمل أحيا وأحالف المسرة

Post: #149
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:38 AM
Parent: #148

أنا ما معيون
الشاعر سيد عبدالعزيز
-----------------------
أزاى وداوى خدود وعيون
يا ناس .. أنا ما معيون
حليف آلآم وعيونى عيون
دائى عظيم ودواى مصيون
سامى بعيد عن العيون
وانا عقلى بقاله رقيب وعيون
أغنى عليها وأبدى فنون
أفوق الساجعة حنان وجنون
أأمل ليمها الما مظنون
وسيف هجرانها على مسنون
تجدنى مغيب وحولى شجون
كانى اسير فى حب مسجون
أملى بكل قماح معجون
موتى دنى وسببى العرجون
زينة زكية حراك وسكون
تامى جمالها الما ملكون
لو عبرنا صفاتها تكون
هى أول غانية تضوى الكون
عفاف وترف فوق القانون
دلال وسبات وهياب وحنون
فى فاهاه الدر منظوم مكنون
ومدام ومسك وعسل مشنون
ناعمة جسيمها حرير ووهون
طبيعة بطيب الند مدهون
عزيز أرواحنا لذاك يهون
ملى اذا أًبح مهيون
لمكلة جنوده خدود وعيون
لحاظة تخيف قايد المليون
وترهب عنتر ونابليون
ليها سلامى بعد ما يصون
عاشق حب قمر محصون
وبعد ما غنى الطير فى غصون
يبقالها سمير وسرير وحصون

Post: #150
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:41 AM
Parent: #149

صورة الباسم
سيد عبدالعزيز
------------------
أنا راسم
في قلبي صورة الباسم
أهو ده
أنا قاسم في عمري ليك أقاسم
أيام لقاك ياباسم
سويتها تاني مواسم أعِّيدا
أنا هائم بيك يالفريد ونائم
تتنى إن جيت قايم
في المشية راسي وعايم
كدا وكدا
هل عالم إني بيك متألم
ياخالي قلبك سالم
وحالي طرفك حالم
في غريدا
ياظالم إن فت مابتكالم
وإن عدت مابتسالم
بالله سيب دي مظالم تأيدا
مين زاعم في الكون مثيلك ناعم
لذيذ لهيجك طاعم
رشيق قوامك ناعم
غصن الندى
يالحاتم يالبسمة تضوي العاتم
ثناك برق القاتم
وفاك دارة خاتم
وزي كدا

Post: #151
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:42 AM
Parent: #150

جارو اهلك
لشاعر / محمد علي عبدالله
--------------------
جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر

Post: #152
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:43 AM
Parent: #151

أنت حكمة
الشاعر محمد علي عبدالله
--------------------------
أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

Post: #153
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:44 AM
Parent: #152

غـــــــــرّد يا حمـــام
الشاعر : محمــد علـــى
-------------------------
أسمعني و أشجيني بي ذكرة الأحباب
بالله ناجيني
رحماك ناجيني من ذي الهموم ألبي
من قاعو سجيني
خلى ألهنا يجيني وخلى السرور يصبح
في طيّو زاجينى
تبريحي صاليني وهيامي زاد أضعّاف
ومنامي سالينى
قول أنت سلينى خلى اليزول منى
آلمي الموالينى
الشوق مالينى والبين برى جسمي
وبي نوايبو باليني
يا دمعة بلينى ويا قسوة الأيام
فوتي الحدود ليني
من غيرك يشفيني و من غيرك أنت يعيد
صبري المجافينى
قول ليهو صافيني زمني القصد هجري
فى هاوية خافيني
غاب رشدي أهديني وفى ملتقى النيليين
أتتغنى آشدينى
على توتى عديني تجد الأذان فطرى
تجد الحياة الديني
صبحني مسيني ويا جانب الأفراح
لا تبقى ناسينى
سجعك يواسيني ورجائي فيك يا حمام
كان متّ ترثيني
أزغد وناديني وأقصد رياض شمبات
سير بيّ وديني
في غناك أبدينى اندب هناك حظي
سعدى المعادينى
إن رمته ترويني ري العطيش في برود
بي جرعة داويني
في جوفي كاوينى حب وعفاف أم در
من قبل تكويني
بطري البساتين وأطرى الشذا الفواح
والمسك والتين
يا جنّة فتينى هل بعد هذا رجوع
ويا حظي أفتيني
وغــــــــرد يا لحمام

Post: #154
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:45 AM
Parent: #153

هواك وهواي
الشاعر محمد علي عبداللة
-----------------------------
هواك وهواي بي جاروا وسبن أفكـاري نظراتـك
أحب تعطف تزيل وجدي وأحب كل البحب ذاتك
بحب لونك بحب لونك بحب يـا حبـي نفحاتـك
بحب فى خدك الزهرة وبخـاف ترمينـي لمحاتـك
أخاف صدك بخاف جورك وأحب تتهنى بحياتـك
بحبك حبي للعافية وكمان يـا سيـدي وحياتـك
بحب فيك الحيا الفطري ويذوب من حالي صيحاتك
إذا في حبكم ضعـت واذا أقبـر فـى ساحاتـك
أكون للحظ دوام شاكر وأقبل أنـت راحاتـك
أحب أنظر جمال محياك وأخاف تسحرني بسماتـك
وأخاف لحظك يجرحني واحب تسكرنى بسماتـك
وأحب طيفك يأنسني وأحب تسمعنـي نغماتـك
وأخاف هجرك يطول بي وأخاف تحرمني كلماتك
منعم يا فريد عصرك سعيـد وسعيـده ساعاتـك
مكمل يا نزيه صافي وعفافك فطـري مـا فاتـك
وديع وبديع مثال رقة حشيم والريم هوى صفاتك
أنرت فؤادى يا ضامر ودمعي خضاب فى كفاتـك
زيد يا دمعي فى سيلك وزيد يا صـدري زفراتـك
حبيبك ودعك راحل زيد يـا طرفـي عبراتـك
حمام الأيك حـن مـره تعـال أسمعنـي نبراتـك
طربت أم در مقر أملي زمـان كفـاي عباراتـك

Post: #155
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:45 AM
Parent: #154

سألته عن فؤادي
الشاعر محمد علي عبدالله
-----------------------------
سألته عن فؤادى
أجابني ما هو عارف
وعن سبب هيامه
أجابني ما هو عارف
عشقته وجماله نظمته فى فنونى
جفانى صدى عنى تركنى لشجونى
اذا تلاشى صبر وترعرت جنونى
واذا أنبرى فؤادى لعهدى ما بخالف
حبيبى يا مدلل بحق صفا كمالك
حرمتنى وصالك وملت عنى مالك
أنا صريع محاسنك وانا أسير جمالك
تعال شوف تعال زفيرى والعواطف
يا فرحة الحزانى ويا زينة المواكب
يا ربرب الخميلة ويا زهرة الكواكب
زمانى جار معاك وهاهو لى ناكب
بعدك الصلانى يادرة المعارف

Post: #156
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:47 AM
Parent: #155

هجد الانام
عمر البنا
---------------
هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر

Post: #157
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:48 AM
Parent: #156

فلـق الصبـاح
شعر و غناء : خليل فرح
------------------------
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
والا كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة تشوف صفرة
الاصفـرار ده كتيـر
أخجلـوك يـا أميـر
والّــ نُمّــت نهـار
صبح البُستـان شايل
شجـر الرمـان مايل
السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
أنـزل إنـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
والا لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبفخــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

Post: #158
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:49 AM
Parent: #157

ود مدنى
-----------
ما له أعياه النضال بدني
روحي ليه مشتهيه ود مدني
ليت حظي سمح وأسعدني
طوفه فد يوم بي ربوع مدني
كنت أزوره أبويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار أبويا ومتعتي وعجني
يا سعادتي وثروتي ومجني
حين سألنا حاوي الوصب
من خمايل قرية القصب
قالوا جات سيرتك علي النصب
ونحن بين الروضة والقصب
صنفه بعرها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي
تاني ما سمعنا انقطع خبره
يا حليلم طشوا ما إتخبروا
واحدة فيهن قالت إنجبروا
فقر ابونا
وخدمة النبرو
الكنانة أكرمت نزلي
وأغدقت من خيره كل زلي
إن حييت أو مت في الازل
ده مقدر طبعه في الأزل
غايته بختم نفثتي الخطرت
بي تحية من حشاي شطرت
للتدور والطايره والما طارت
وسلاما ما الغصون خطرت

Post: #159
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:50 AM
Parent: #158

تم دور وأدور ...
خليل فرح
------------
تم دور وادور
عم نوره شال فات الحله نور
زي بدر التمام واحدين قالوا نور
واحدين قالوا دوب مروي ما بتنور
زي بدر التمام
مين يقوم يتهور
يبري القيف هناك تحته الدابي كور
زي بدر التمام
قالوا الكون اتطور
لا عاشق عفيف لا جميل إتصور
زي بدر التمام
الحسود يتضور
ناره ماكله لسانه كله زور ومزور
زي بدر التمام
الطريق الحور
دمي ما بروح سيدة ليش يتجور
زي بدر التمام
هز شوقي وتور
يا نديم إزاي جرحي المخفي غور
زي بدر التمام
يا قليب إتجبر
قوم وريني كيف الكرام تتصبر
زي بدر التمام
نحن ما بنتعبر
النفوس أن حبت تستحى وتتكبر
زي بدر التمام
ما خبير أتخبر
في الزمان الفات والجديد إدبر
زي بدر التمام
أوعي لا تتشبر
هل رأيت لك عاشق بالغرام يتنبر
زي بدر التمام
نحن ما بنطفر
ما بنهاب سفيه إلا ما بنتزفر
زي بدر التمام
قولوا لي البتنفر
ما شالن قناع المعاك تتوفر
زي بدر التمام
يا زميل إتشطر
شن بتشوف حداك إلا حور مبطر
زي بدر التمام
يبقي يومنا مطر
ماله الكون دهين والفريق معطر
زي بدر التمام
النحر مغمر
والسباته حارة والمجال مضمر
زي بدر التمام
الشعر مخمر
يرشح كله ند عردب المجمر
زي بدر التمام
قام محمد بشر
هز فوق تيجانن سل سيفه وكشر
زي بدر التمام
قول معاي وإتفشر
نحن سياج عروضن نحن يوم المحشر
زي بدر التمام
يا حسن اتذكر
طيب ليلتنا ديك والصباح السكر
زي بدر التمام
المدام ما اتنكر
لا من ديكنا صاح فوق رؤوسنا اتحكر
زي بدر التمام
كل شىء مفسر
ما في شىء غريب والعسير ميسر
زي بدر التمام
ما في عين تتحسر
دام عريسنا دام والحسود إتحسر
زي بدر التمام

Post: #160
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:51 AM
Parent: #159

يا ليل
خليل فرح
--------
يا ليل صباحك مالو أحبابك جفوني ومالو
لا يفرز يمين من شمالــو
ما دام الحبايب مالــو
بدرك ما بشيقني كمالـو
يا ليل طول وسيبو في حالو
ما بزحزح إنتحالـو
باليل والنهار بوصالـو
يا حاسد سعي ونمالــو
لكن قلبي ما إهتمالــو
ما يحقد وديع في جمالـو
ضاحك كالزهر في رمالـو
زاد تيه ودلاله وحالـو
بلفي قلبي مين أوحالـو
سيب الواقع أرضى محالو
لابد العيون تصحالـو

Post: #161
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:52 AM
Parent: #160

زاهى فرعك
خليل فرح
-------------
زاهى فرعك نما وسما
تشبهى الضو فى السما
الخدود نارها مضرمة
فى حشاى واضعة مفرمة
بي هلاكنا أنت مغرمة
طرفك الساهى كم رمى
سمحة قامتك على التما
فاهك البسمة خاتما
للبدور خدك إنتمى
فى العيون شلخك احتمى
يالقلب تقسما
وحبيب تبسما
بدر تم وقد سما
اه ما أبعد السما
يا نسيم أمشى سالما
بى لطيف شيشا حلما
بالعلى أ[قى كلما
وهاك رويحتى سلما
مجلس الأنس ضمنا
نحنا والكانو يمنا
والسرور كله عمنا
مافى هم لا همنا
مافى جاهل بذمنا
يا شقاوة البشمنا
العيون هادرة دمنا
أصله ما بيبرأ سمنا
وقفت بانة النقا
ديسا طاويها فالقا
النظر راح يسارقا
صد قال فوق خالقا
الحرير ماله خانقا
والحجيل يمشى زانقا
صيدة روايها ما اتلقى
كل شىء فيها قالقا
جلست شوف تأملا
وقفت ضجت الملا
صاح شاديها وإتملى
متنا ما سمعنا ململة
شوف وريدا وسوالفها
شوف صديرا المزالفا
شوف ضميرا الموالفا
من كفيلا المخالفا
ليلة فى غاية الصفا
حفلة معدومة الصفة
يا نديم عقب أوصفا
وأقطف أزهارها صفصفا
غصن بان إذا مشى
واذا مال واختشى
فضح الغصن والرشا
لك يا غصن مافشى
لك يا ريم ما تشا
لك فى داخل الحشا
روضة طيبة وشى
الحسان تمشى قادمة
يضوى العتمة كالدما
يا عيومى تهدما من
صياح أزرفا دما
كوكب السعد إنتمى
لك يا صاحب النما
فسلام عليك ما
لبس الروض نمنما
العيون ناعسة صاحية
والخدود يقطرن حيا
البصيبن ما حيا
ما بتزيل عطشته الحيا

Post: #162
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:54 AM
Parent: #161

ميـل وعَــرِّض
شعر وغناء : خليل فرح
-----------------------
ميل وعرض كتـر أمراضى
بهـواكم والهـوان راضـى
جن ليلى وهاجت أعـراضى
سَحَّ دمعى وطـاشت أغـراضى
هذا بعض البى عدا أمراضى
وإنت دارى وغاضى ماك راضى
لسّه تـايه فى الدلال ماضى
هل تنـاسيت عهدنـا المــاضى
فى صحيفة قلبى كم ماضى
ماضـى خـاتم لحظـك الماضى
جسمى ومن زمان قاضى
ها هـو حبــك بين أنقــاضى
هدى روعك أوعك لا تقاضى
ما بشـارعك ما بكـوس قــاضى
المضلل رشدى يـا هـادى
والمكتِّـر فى الغضــا سهــادى
الجبين الفى الظلام هــادى
والقـــوام السيــده متهــادى
يا حبيبـى فيــم تهديـدك
طول عذابى وهجــرى ما بفيدك
روحى فى ايديك وحاة ريدك
امتى ضـاعت يا سـلامة أيـدك

Post: #163
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:55 AM
Parent: #162

بقعة ام درمان
خليل فرح
-------------
أذكر بقعة أم درمان
وأنشر في ربوعها أمان
ذكر يا شبابي زمان
دارنا ودار أبونا زمان
فيها رفات جدودنا كمان
ما بنساك خلقه ضمان
جنة وحور حماك أمان
ذكر يا شبابي زمان
بطرا الأسسوك زمان
كانوا يحلحلوا الغرمان
يساهروا يتفقدوا الصرمان
ذكر يا شبابي زمان
في السودان فتيح معروف
ولسه أب عنجه خورو سروف
ود نوباوي زول معروف
باقى وديك مشارع أبروف
ذكر يا شبابي زمان
كانوا جبال تقال ومكان
نزلوا اتربعوا الأركان
خلوا البقعة كل مكان
آهلة وزارة بالسكان
ذكر يا شبابي زمان
ليه يا كعبة العربان
غاضبة وفين عريسك بان
قبال نسأل الركبان
حبك من حسودك بان
ذكر يا شبابي زمان

Post: #164
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:57 AM
Parent: #163

يوم الزيارة
عبيد عبد الرحمن
--------------------
أفكاري الحيارى وتاهت بإختيارا
حبيبي آه قلبي تاه في يوم الزيارة
الدنيا وعمارا الجنة ونعيما بزهورا وثمارا
فصود في خدود يضون وخدود بدون أمارة
يرسلوا نور ملون أحمر أخضر أصفر
فاتن يا سمارا
التفت وأهداني نظرة تزري بالزهر اذدهارا
مثلت فيها البراعة وخفة الروح والمهارة
الشغل عقلي بفنه نظرة مني ونظرة منه
وارتفعت الحرارة والتهبت العواطف
وأصل النار شرارة
ماهو عارف البي لأنه لسه نونو
حوله ناس بالعيد يهنوا ناس متابعنه ويهنو
وأنا روحي ليه تهوم داعيها حادي الشوق
هايمة بليلها ونهارها وانت يا الناعسات عيونك
الله لعيوني السهارى

Post: #165
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 03:58 AM
Parent: #164

أنا يا طير
عبيد عبدالرحمن
------------------
أنا يا طير .. أنا ياطير بشوفك
فرحان وبتغني وحبيبك معاك
وحبيبي غاب عني
أنا ياطير موله محزون لأني
وحيد حبيبي غايب
آه يا طير وتاني علي مصايب
من أدهى الغرايب لي أجمل حبايب
صدوا وبعدوا مني
أنا ياطير حبيبي للآلام تركني
وبدلل عليّ وبالهجران هلكني
زعلان مني صدّ وبرايو إستبد
إتناسى المودة وإعتاد التجني
ياريت كنت زيك لو يجدي التمني
حبيبي يكون معاي
وفي الأشجار نقيل وبالأغصان نميل
بخفة جناحك وحرية سراحك
في الأفنان نغني

Post: #166
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:02 AM
Parent: #165

أفكر فيه وأتأمل
عبيد عبدالرحمن
----------------
أفكر فيه وأتأمل
أراه إتجلى وإتجمل
هلالى الهل واتكمل
تفاصيل قولى والمجمل
سأصبر ياخى إيه أعمل
إذا قلب الفتى إتحمل
مصايب الدهر وآلامه
أرى الصبر الجميل أجمل
حديثى ودمعى إتسلسل
فصول فى رواية تتمثل
أبين فى مواقف أستبسل
وعند رؤيا الحبيب حالاً
أبين فى مواقف أتوسل
هواه بجسمى إتخلل
مجارى الدم إذا إتحلل
وقيع لى رضاه إتذلل
وما هماه يا سيدى
دا واحد أصلو بتدلل
ترك أفكارى تتضلل
وعذرو البيهو يتعلل
فما شرع الهوى حلل
لقانا نهار
ولا فى الليل اذا أليل
صريح قانون هواك خول
هلاكى وقلبى ما تحول
حقيقة وليس تتأول
صريع لحظات سيوف لحظك
وحالى ان شفتو تتهول
تذكر عهدنا الأول
صحى الأيام بتتدول
قريب يوم داك ما طول
مضت لحظات ويا حليلها
بقت أحلام وتتأول

Post: #167
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:04 AM
Parent: #166

زاد أذاي
عبيد عبد الرحمن
----------------
زاد أذاي يا صاحي وإعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
إيه يفيد القول
وإيه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي وإعتراني نحول
طرفي دامع وصاحي وبالسهاد مكحول

Post: #168
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:05 AM
Parent: #167

رحلة في طيارة
سيد عبدالعزيز
---------------
يا حبيبي قلبي حاب
رحلة بين طيات السحاب
وحدنا أنت وأنا
حبيبي خاف يوم الذهاب
في بساط الريح المهاب
حبيبي عاتبني وبعيونه كان العتاب
وللاحباب لغة العيون أبلغ خطاب
قال لي ألمس قلبي ذاب
أنا خايف وإنت شايف
طوينا الجو طي الحجاب
وبنشوف العالم رهاب
تحتنا ويهتف لنا
وصلنا جهة معينة إتخذنا الآفاق رحاب
وأتخذنا الأنجم صحاب
شربنا كاسات الهنا
دور منهن ودور مننا

Post: #169
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:05 AM
Parent: #168

الليلة لا قيته
الشاعر سيد عبدالعزيز
---------------------
الليلة لا قيته
القلب حباه
وبالشكر واليته
ما عشقت هندامه وقامته وتواليته
أنا عاشق أخلاقه وقدرته جليته
ياليته يشعر بى ياليته ياليته
بالزمة با مدهش
وجدانى هزيته
منى الفؤاد بالصد صدعته وأذيته
وأن حلفونى بإسمك عن ضررى عزيته
ليه ودى بالهجران يا حبيبى جازيته
أنا لو ضمنت رضاك
كان شخصى هنيته
وبيك تم لى أملى
الفى الكون تمنيته
وأقول صريح للناس يا ناس السعد ظنيته
عرج على بعد ما خلاص العمر أفنيته

Post: #170
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:06 AM
Parent: #169

غصباً عنك
سيد عبدالعزيز
------------------
غصباً عنك يلفت نظرك
مهما تحافظ وتاخذ حذرك
تصبح عاشق غصباً عنك
طعم شوفته يحلو في نظرك
وتفرح جداً لو كان نظرك
تفتكره ملاك إنتظرك
في مناظره يتمتع نظرك
تقول ليه ومنشرح صدرك
الحسن كله أتفصل قدرك
البدر شفناه النور في بدرك
لا ما أتطاول قدره لقدرك
إن يوم في العمر الحظ نصرك
وفي نعيم حسنه أتمتع بصرك
تصبح أسعد أبناء عصرك
وتملأ عيون كل من بصرك
إنت في قربه تأمن دهرك
يامحظوظ يومك وشهرك
حلو الدنيا يجري في نهرك
وأيامك باسمه وزهرك
إنت في قربه الناس تعتبرك
الموفق والمسعد وأبرك
بالنعيم أتعوض صبرك
والشباب العاد في كبرك

Post: #171
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:07 AM
Parent: #170

حاول يخفي نفسه
الشاعر / سيد عبد العزيز
-----------------------
حاول يخفي نفسه
وهل يخفى القمر في سماه
أبداً لا وطبعاً لا
شفناه شفناه
حاول يخفي نفسه وغير إتجاه
سطع النور في أفقه وكل إنسان رآه
خلنا البدر أشرق كامل في علاه
خلنا الزهر فتح من أنفاس شذاه
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظرة إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدري ومرة تقول كزهري
مرة تسمي شعري ومرة تعمي سحري
تقلب فيه أسما وبرضو تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلألي والكواكب تتناثر حداه
فيه الحسن أودع ماملكت يداه
مفرح وشوفته تفرح
بتلقاك باسم كالزهر المنسق
في زمن المواسم
تشوف في مقلتيه حياه دلال تيه
واللحظ البيجرح والوجد المبرح
أنا من دون أصرح
لي قلب إصطفاه وهسه هناك معاه

Post: #172
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:07 AM
Parent: #171

نوركم
سيد عبد العزيز
-------------
مسوا نوركم
المن جبنا صباح
الصباح إن لاح لافائدة في المصباح
هل أتاك حديث الكوكب النضاح
قمره تمطر خمره وحارسها الفضاح
أو تحيجنا محاسن الشمس للإيضاح
مابتحيجنا محاسن محيها الوضاح
نور جمالها دهشنا مع الفصاح
بين ناطق صامت وبين صامت صاح
غانية غانية محاسن فقيها شوف ياصاح
الجمال الفيه كل معنى صاح
تنظر الأيات من نور على ألواح
المعاني ومنية الأرواح
في العيون المرضن السحر لأح
يجذب الألباب أو يفرح النواح
القوام اللادن الأريج الفاح
من جسيمها الناعم الأثمر التفاح
خلا عقلي وخلا في حشاي كفاح
جيش هواها إحتل قلعة الأصفاح
روضة غناء جمالها يجلب الأفراح
وحورها من الجنة فيها تسقيك راح
كل هذا تراه مابيزيل أتراح
من يحبه تهالك إستراح وراح
يسألوني أحبابي ماشفيتي جراح
بل شقيتي فؤادي بمدية الجراح
صرت أتلو حديثك في الوجود بصراح
لوتليت بكتابي سميت بالشراح
فيك نظرنا مناظر يعلم الفتاح
لوقفلنا قلوبنا كان لهن مفتاح
أجرى أو لم أدري صرت كاللمتاح
لورضاك هلاكي أنا للهلاك أرتاح
ماجنيت في هواك وماعلي جناح
إشتكيت للقمري ولم يعيرني جناح
يكفيك لساني الغنى ليك وليك كم ناح
لورثيت به حياتي ماإحتجت لي مناح

Post: #173
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:08 AM
Parent: #172

الفي دلاله
شعر : سيد عبد العزيز
---------------------
الفي دلاله ماأعظم جلاله
إستحل هلاكي ولي حرم هِلاله
الهلال الشغل الناس هِلاله
الظلام حين شاف محيه أنجلالهُ
نضرة خدوده وبالأنوار يلالو
راح أنفسنا وريحانة لخِلاله
المنعم توب العز كِِساله
مثال النعمة وماأعظم مِثاله
جداول ديسه في وردانه سالو
طيبه يعبق كل ما الليل أمساله
شالو فاله الناس يتمنوا حاله
مثاله الباسم وحتى الغيم سِحاله
ومن ضميري حب الغير محاه
نائم وخِلى الكان نائم صِحاله
المدلل ما أكرم خصاله
حسنه وافي ومافي لسان حصاله
عالي سماه بي بعيد وصاله
المحاسن في مراية جماله
رطب قوامه وخمر التيه أماله
يتلو قلبك عند قلت شماله
وتدعيله عليه يدوم كماله

Post: #174
Title: Re: المجموعة الكاملة لاغاني الحقيبة مكتوبة
Author: عبدالله وداعه الامين
Date: 05-22-2007, 04:11 AM
Parent: #173

الاخ العزيز محمد المختار

لقد قمت باضافة 66 نص غنائي من شعر الحقيبة

وبحاول اجيكم تاني راجع

اخد لي نفس

Post: #175
Title: Re: المجموعة الكاملة لاغاني الحقيبة مكتوبة
Author: mulhim
Date: 05-22-2007, 08:03 AM
Parent: #174

الاصدقاء اصحاب الحقيبة ... والمداخلات

كان من الافضل مراعاة المواد المضافة من باقى الاخوان ومحاولة تنقيحها..وتصحيح ما ورد فى الروايات من خطأ ان كان عن طريق النقل او الرواية والسماع ...بدلا ان ياتى كل واحد وينقل ( كوبى بيست) للحاجات الموجوده عنده فى الكمبيوتر..
الاخوان صديق الموج وعبدالله وداعة الامين هم اصحاب اكبر مداخلات ومشكورين عليها كتير بس اكيد تكرار الاغانى(الاشعار) وكترة التكرار من غير تنقيح ومراعاة للمداخلات من باقى المشتركين فى البوست ليها اثرها السالب (من غير قصد منكم) فى جعل البوست ماده توثيقية مرجعية ...

واصبح البوست ماده ملخبطه وغير مفيده لمن يبحث عن نصوص سليمه ومنقحه بل يذيد الباحث ملل..

لكم تحياتى ,مجمل ودى والسلام

Post: #216
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-28-2007, 08:48 PM
Parent: #175

Quote: الاصدقاء اصحاب الحقيبة ... والمداخلات

كان من الافضل مراعاة المواد المضافة من باقى الاخوان ومحاولة تنقيحها..وتصحيح ما ورد فى الروايات من خطأ ان كان عن طريق النقل او الرواية والسماع ...بدلا ان ياتى كل واحد وينقل ( كوبى بيست) للحاجات الموجوده عنده فى الكمبيوتر..
الاخوان صديق الموج وعبدالله وداعة الامين هم اصحاب اكبر مداخلات ومشكورين عليها كتير بس اكيد تكرار الاغانى(الاشعار) وكترة التكرار من غير تنقيح ومراعاة للمداخلات من باقى المشتركين فى البوست ليها اثرها السالب (من غير قصد منكم) فى جعل البوست ماده توثيقية مرجعية ...

واصبح البوست ماده ملخبطه وغير مفيده لمن يبحث عن نصوص سليمه ومنقحه بل يذيد الباحث ملل..

لكم تحياتى ,مجمل ودى والسلام



الاخ العزيز ملهم

اتمنى ان تصحح كل الاخطاء فى هذا البوست
فكثير ما نقول لشى والصحيح شى اخر
لك منى كل الود
مخو

Post: #210
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 10:08 AM
Parent: #131

Quote: زيدني في هجراني
الشاعر عبدالرحمن الريح
----------------

الشاعر عمر البنا

Post: #187
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-24-2007, 09:04 PM
Parent: #127

الاح/عبدالله وداعه الامين

تشكر وراحين الزياده
تحياتى
ودام الود
مخو

Post: #191
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-25-2007, 06:51 PM
Parent: #125

بت ملوك النيل
وقائد الاسطول


لو سمحتو

عندى كميه لا بأس بها فى الكمبيوتر ولكن فيما يبدو بها اخطاءكثيره

تحايتى ودام الود
مخو

Post: #209
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 10:02 AM
Parent: #125

تصحيح:
اتمام باقى الابيات
ما احلا ابتسامه يسكرني راح كلامه
في قلوبنا استغل ونجم السعد تدلي
والحظ كتب مجله
منشور بيانها مرة
لى عربى البارودى التهانى مستمرة
لى صديقنا لى حبيبنا التهانى مستمرة

Post: #193
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-26-2007, 07:00 PM
Parent: #124

المزيد

Post: #208
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 09:57 AM
Parent: #123

تصجيح:
Quote: ومن الرياض ...... يدا
وشاها بي قطر الندا


وعلى الرياض مرت يدا
Quote: للعالمين سفرك بأحلى مناظر

للعالمين سفرت باحلى مناظرا
Quote: من روضى تغني لناظره
أطيارا عائدة "عاشقة" زائره

الروضة تغرى لناظره
اطياره عاشقه ازاهره
Quote: هي نزهة بل


هى نزهه لى كل من يرى
Quote: هي آية من صنع البديع الوديع

هى حكمة بل هى اية من صنع البديع

Quote: قوم ياحمام أنا أنا
حي الغمام أنا
اسمعني
أسمعني عن تصويرو كيف
هو اية في الجنس اللطيف
وبالأختصار
هو حسن صار فوق الجميع[/QU
كونك محب وهواك طريف
تتعشق الروض الوريف
انا لى حبيب ناعم ظريف
هادى واليف مترف عفيف
اسالنى عن تصويره كيف
هو ايه فى الجنس اللطيف
بالاختصار هو حسنه صار فوق الجميع

Post: #207
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 09:41 AM
Parent: #122

تصحيح
Quote: ما اظنو ذلال يروينا غير ذلال


ما اظنو زلال يروينا غير زلالو
Quote: ارى الهلال ينقاص ورا محيو يتجلالو

ارى الهلال ينقص وارى محيو يتجلالو
Quote:
قاصر الابصار عن حسنو من اجلالو

تتقاصر الابصارعن حسنو من اجلالو
Quote: امّر شئ بعدو وجفاهو

امر شىء بعده وجفاه اواهمالو
Quote: ارى الغصون بتميل ما اظن هواها امالو

ارى الغصون بتميل واظن هواها امالو
الابيات الناقصه؛
لو مر بمحفل يسلب قلوب غقالو
خلقه فاه خضار لا صبغه لا دقالو
بالراح والريحان الهى جل سقالو
ده شعر ليل وجبينو الفجر ايه يبقالو

اذا ادار لحظو على جبل دكالو
ولو بسم انزل دمع السحاب ابكالو
قلبه لا يشفق على عاشقه مهما شكالو
حبيبى طبع الطير ينزل على اشكالو

Post: #205
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 05:42 AM
Parent: #120

تصحيح:

Quote: اقرب بهجه الاهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما امر


هل دى بهجة الاهيف الضمر
ديسو للدرع وزع الخمر(بضم الخاء وفتح الميم وتشديد الراء)وهى نوع من العطور الشعبيه السودانيه
الطريف شبك رشرشو العمر
للعيون سيوف تقضى ما امر

Quote: خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر


خاتم السعود فى النجم ظهر
حا ارجع للبيتين الاخيرين تانى

Post: #211
Title: Re: المجموعة الكاملة لاغاني الحقيبة مكتوبة
Author: Kamal Mahjoob
Date: 05-27-2007, 10:25 AM
Parent: #118

[QUOTE]ود الموج ......... سلام
يااخي قطعت نفسنا براحة علينا


لا يا اخي ما قطع نفسنا ، ولو كانت (البوستات) - جمع بوست - كلها زي دة كان أفضل من المهاترات الصبيانية البنشوفا في البورد دة كل صباح
شكرا لك
والشكر الكثير جدا لصديق الموج الذي ابدع وأخرجنا من متلازمة الكآبة دي

Post: #204
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 05:13 AM
Parent: #117

تصحيح:
Quote: خالين من قدر

خالين من قذر

Post: #203
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 05:03 AM
Parent: #116

تصحيح الاوصفوك
Quote: عين الحقيقة او بالصيرة تاملوك
بالنور او بالنار أو بي قدر ما ضاع الخيال ما عادلوك


او بالبصيرة تاملوك
بالنور او بالنار او بقدر ما صاغ الخيال ما عادلوك
Quote: شكل الظبا


حسن الظبا

Post: #202
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 04:31 AM
Parent: #115

تصحيح
Quote: وبينك
ودينك

Quote: ما دام فردي ... على جيلك


مادام حسنك فردى وزايد على جيلك
تيه
Quote: بي نعيمك مولاي يزيدك


تيه بين نعيمك

Post: #201
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-27-2007, 01:43 AM
Parent: #113

Quote: قمرنا الليك مطرف يصون يالغصن البزري الغصون


قمرنا البيك متربصون
Quote: شمس الكون تشبه مشيه


شمس الكون تشبه وشى
Quote: يالمطران مما مشيه


يا البطران مما نشىء

Post: #197
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-26-2007, 09:54 PM
Parent: #110

Quote: جينا بي كل اقتراب

تصحيح:
جينا بى كل اقتراح

Post: #177
Title: Re: المجموعة الكاملة لاغاني الحقيبة مكتوبة
Author: محمد حيدر
Date: 05-23-2007, 03:31 AM
Parent: #1

زيدنى فى هجرانى
عمر البنا/كرومة

فى هواك ياجميل العذاب سرانى
على عفافك دوم سيبنى فى نيرانى
لمتين تطرانى أنظرك فى النوم
جوز نوعسك رانى
.................
طرفى قصدوه يراك وماقصدت ترانى
ما بسيب حبك والله لو ضرانى
يانعيم أزمانى ياحياة روحى
وبهجة أم درمانى
فى الحياة غيرك ما فى زول همانى
فى بعادك أذاى وفى وصالك أمانى

..................
بلبل الأغصان غنى بى ذكراك
وبالنويح أوصانى
بالجمال خصاك وبالعذاب خصانى
وبالدلال أوصاك على دوام تعصانى
........................
يادرر ألحانى يا أذاى ودواى
ياراحى يا ريحانى
أنت نايم وأنا ألم البعاد صحانى
حن على ..غرامك والله كاد يمحانى
.........................
مال فريعك بانى ..فيه بدر وظلمة
وفيه ردفاً بانى
حين نسيم الليل بى روايحك اتانى
زاد على الشوق ودمعى سال هتانى

Post: #178
Title: Re: المجموعة الكاملة لاغاني الحقيبة مكتوبة
Author: محمد حيدر
Date: 05-23-2007, 03:34 AM
Parent: #1

زيدنى فى هجرانى
عمر البنا/كرومة

فى هواك ياجميل العذاب سرانى
على عفافك دوم سيبنى فى نيرانى
لمتين تطرانى أنظرك فى النوم
جوز نوعسك رانى
.................
طرفى قصدوه يراك وماقصدت ترانى
ما بسيب حبك والله لو ضرانى
يانعيم أزمانى ياحياة روحى
وبهجة أم درمانى
فى الحياة غيرك ما فى زول همانى
فى بعادك أذاى وفى وصالك أمانى

..................
بلبل الأغصان غنى بى ذكراك
وبالنويح أوصانى
بالجمال خصاك وبالعذاب خصانى
وبالدلال أوصاك على دوام تعصانى
........................
يادرر ألحانى يا أذاى ودواى
ياراحى يا ريحانى
أنت نايم وأنا ألم البعاد صحانى
حن على ..غرامك والله كاد يمحانى
.........................
مال فريعك بانى ..فيه بدر وظلمة
وفيه ردفاً بانى
حين نسيم الليل بى روايحك اتانى
زاد على الشوق ودمعى سال هتانى

Post: #179
Title: Re: المجموعة الكاملة لاغاني الحقيبة مكتوبة
Author: محمد حيدر
Date: 05-23-2007, 03:38 AM
Parent: #1

وداعا روضتى الغناء
الكاشف وكلمات الشاعر حميد ابو عشر

وداعا ً روضتي الغنا وداعا ً معبدي القدس
***
طويت الماضي في قلبي وعشت علي صدي الذكري
وهذا الدمع قد ينبئ بظلم المهجة الحيري
لماذا الهجر يا حبي
لماذا دهرنا ضنّ وشبع روحي باليأس
***
نسيت الماضي يا ليلي وماضي الحب والطهر
ليالي نقطعوي الليل بحلو النجوي والشعر
ليالي حبنا الاولي
نسيتي الليل اذ كنا نفدي النفس بالنفس
***
أظل اردد الشكوي لما لاقيت من وجدي
حبيب الروح لا أقوي علي حمل الهوي وحدي
ولما لم أجد سلوي
كسرت ابريقي والدنا
سكبت علي الثري كأسي
***
وداعا روضتي الغناء وداعا معبدي القدسي

Post: #180
Title: Re: المجموعة الكاملة لاغاني الحقيبة مكتوبة
Author: محمد حيدر
Date: 05-23-2007, 03:59 AM
Parent: #1

يا قائد الأسطول

سيد عبد العزيز

يا قائد الأسطول تخضع لك الفرسان
ياذو الفخار والطول أرحم بنى الإنسان
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان

Post: #183
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-23-2007, 05:16 PM
Parent: #180

الاخ العزيز محمد المختار
البوست به دربكه عجيبه وغير مفهومه فردودك بتاريخ اليوم جميعها نزلت في البوست رقم واحد موزعه وسط الايام يعني ان مداخلاتك الموجهه للاخ صديق الموج للرد على مداخلاتي لا اعتقد انه قرأها او اطلع عليها فارجو ان تبحث عن السبب في هذه اللخبطه ولك شكري واعتزازي.

Post: #184
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-24-2007, 08:26 AM
Parent: #183

وهاك هذه القصيده التي هي اشهر من نار على علم
ـــــــــــــــــــــــــــــــــــــــــــ
وجه القمر سافر: للشاعر مسعد حنفي
،،،،،،،،،،،،،،،،،،،،،،،،،،،،،،،

وجه القمر سافر
يضوي شعاعه نور وافر
يابدر ساءلك
جاوب ليش اخوك نافر
..........
من حيّه السباع تنتر
ومن رمشه السهم طافر
ريم يسحبلي سيف لحظه
وآخر بالسلاح غافر
يادمع ادفق
ودع ياقلب سافر
شوقي لي ضافر
هل بي نظرتك اظفر
يامن بالقلوب ظافر
..........
كاحل طرفك الناعس
والجيد بي الاثيث غامر
مجدولات ايديك
صدرك رجح طبق الضامر
زيدني من تيهك
طايع ليك ياآمر
زهرة السامر
رفقاً بمجنونك
ياليلى بني عامر
..........
إعلم لولا ماطرفك
للبيض الرقاق شاهر
إنسان عيني كاد يغرق
في ماء خدك الزاهر
ونورك يتوقّد
لي عيون الخلوق جاهر
ظلمي شئ ظاهر
إشراق الفجر يشهد
بي طرفي العليك ساهر
..........
في دولة صباك تايه
ياالبي عشقي ماك فاكر
اصبح مسكنك قلبي
الفي كل ثانيه ليك ذاكر
لو رأيت محيك
ياالبي نظرتك ماكر
ليك اكون شاكر
وأم الأفق بيك تقنع
لا تولد شمس باكر
..........
ننظر بانه تتمايل
قامة البنفدع خاتر
وننظر كيف صدير يقلع
تفاحه وردف ناتر
وبين ناعساته
يضوي الصارم الباتر
اللحاظ فاتر
لامعه سيوفه تتبارق
من كسراته ياساتر
..........
عاشق محيك الضاوي
وعاشق حسنك النادر
تقبل لحظك يمرضني
وانت على شفاي قادر
في هواك قابل
تنفيذ أمرك الصادر
ليّ ليه غادر
حلمك جود واتعطّف
سارع بي لقاي بادر
..........
وحيات طرفك الناعس
وحيات حاجبك الدّاير
وحيات خدّك المجلي
ومنظوم ثغرك الناير
بي لقاك تسمح
لو كان في المنام زاير
فكري فيك حاير
كل ساعه جيش حبك
يهجم في الصدير غاير


Post: #185
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-24-2007, 05:08 PM
Parent: #184

الناعسات عيونــــن/ كلمات الشاعر مسعد حنفي
_________________________________________

الناعسات عيونن نور جبينن هلّ
مابين تبر صافي واخضراني اللون
،،،،،،،،،،،،،،
دار العزّه يا عبدالعزيز إتجلّ
بي نور الخدود المنّه زينة الكون
الغانيات جمالن من الحور اجلّ
ولي اقمار وجوهن في فؤادي سكون
،،،،،،،،،،،،،،
لي ليمن تكاد درر النجوم تدلّ
البي نار غرامن قلبي صار ممكون
مسحور من طريفن وسحرهن لي دلّ
وين ماهبّ طيبن تلقى قلبي يكون
،،،،،،،،،،،،،،
من انوار جمالن ياخي عقلي اختلّ
توجد في صفاهن العفاف والصون
بين فدعة يديهن واللدن والتله
بين رمان صدورن الجمال محصون
،،،،،،،،،،،،،،
البدور تسعالن والملوك تتعلاّ
لو تلقاله نظره من الصفا المكنون
بين مفصود خديدن وساده زايده العلّه
صاروا لي زي ليلى وصرت انا المجنون
،،،،،،،،،،،،،،
ياقاسم معاك نجم السعود ما ذلّ
دمت قدرك عالي ودام عدوك مغبون
لي عزولك ديمه الإنكسار والذلّه
والنحاس مابوازن لي دهب شيبون
،،،،،،،،،،،،،،
من نظرة جمالن راح منامي وولّى
وعقلي شاغله غرامن واعترتني شجون
السرور ياقاسم عرشه قوم اتولّ
بين تهاني البانه وميلة العرجون



Post: #186
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-24-2007, 06:51 PM
Parent: #185

قسيم الريد ليّ جود بالطيف / للشاعر مسعد حنفي
ــــــــــــــــــــــــــــــــــــــــــ

قسيم الريد ليّ جود بالطيف ياأخا البدري
..................
يالرشا المكحول بي لو تدري
من لهيب الشوق التهب صدري
يابعيد الليم دمعي منحدري
اما نوم عيني فاقده من بدري
..................
في هواك عمري يدني من قبري
باكي شاكي حزين جسمي صار مبري
فيك افوق ايوب بي عظيم صبري
وشوقي ليك ياملاك امر من الصبر
..................
طرفي دمعه هميل ينسكب يجري
ديمه ساهر يوت صاحي للفجر
تهوى تعذيبي وذلتي وزجري
ياحبيبي كفاك والله طال هجري
..................
كيف يكون يابنات قلبي ليك خدري
وعيني لا تراك ياسمي القدر
نظرتك بتفوق ياب محي بدري
لذّة الدنيا وليلة القدر
..................
الدلال والتيه طبعك الفطري
ولحظك النعسان كاحل القطر
من جمال محياك وطيبك العطري
صار جمال تاجوج اصله مامطري
..................
حسنك الفتان يوجب الشكر
ينعش الارواح يسلب الفكر
ماجمال يوسف شايع الذكر
زي جمالك ياصحوتي وسكري
.................
عقلي شاغله الريد والهوى العذري
ضل ياخلاّي اقبلوا عذري
ايه يفيد ياجميل حرصي او حذري
وجسمك الناعم للحرير يزري

Post: #190
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-25-2007, 04:20 PM
Parent: #186

الاخ محمد المختار
والله حيرتنا الواحد ماعارف المشكله في البوست ولاّ في جهازك كل ردودك بتنزل في غير المكان المفروض تنزل فيه يعني ردك الاخير اليوم نازل ضمن مشاركات الجزء الاول وبين المشاركات فياريت تشوف ليك حل للمشكله دي.
اخوك مجدي مسعد

Post: #218
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-29-2007, 01:26 PM
Parent: #184

تصحيح:


Quote: والجيد بي الاثيث غامر


والجيد بالاسيس عامر


Quote: ننظر بانه تتمايل
قامة البنفدع خاتر

ننظر بانة تتمايل فى ثياب
لو قدم خاتر

Post: #214
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-28-2007, 08:46 AM
Parent: #183

Quote: الاخ العزيز محمد المختار
البوست به دربكه عجيبه وغير مفهومه فردودك بتاريخ اليوم جميعها نزلت في البوست رقم واحد موزعه وسط الايام يعني ان مداخلاتك الموجهه للاخ صديق الموج للرد على مداخلاتي لا اعتقد انه قرأها او اطلع عليها فارجو ان تبحث عن السبب في هذه اللخبطه ولك شكري واعتزازي.


الاخ مجدى سلامات
المشكلة فى مخو يا سيد دماغى ما جمع كلو كلو انو فى صفحة تانية وحصلت لى كتير بالذات لما البوست يكون عامل كم صفحه

وهات ما عندك من تجليات عمنا مسعدحنفى


تحياتى
ودام الود
مخو

Post: #220
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-29-2007, 03:35 PM
Parent: #180

تصحيح قائد الاسطول:
Quote: فى حبك المأهول ونخدم السكان



لى حيك الماهول ونخدم السكان

Post: #206
Title: Re: المجموعة الكاملة لاغاني الحقيبة مكتوبة
Author: شادية الطيب
Date: 05-27-2007, 06:12 AM
Parent: #1

بوست رائع
ويكون اروع لو تنزلو لينا الاغاني دي كمان وبي روابط للحفظ
تكونوا ما قصرتو تب

Post: #212
Title: Re: المجموعة الكاملة لاغاني الحقيبة مكتوبة
Author: عبد المنعم عمر عثمان
Date: 05-27-2007, 04:12 PM
Parent: #206

Quote: هذاالعناد والمكابره يااستاذ صديق فان كان لديك دليل واضح تستند عليه غير ادلتك التي قمت انا يتفنيدها
في بوست الحزن فلتأتي به وإلاّ فانا اطالبك من هنا باعتذار صريح على هذا الخطأ والذي اتمنى ان يكون
غير مقصود حتى لا تجعلني اضعك في قائمة ابناء ابو صلاح السوداء وانا في انتظار ردك.

الاخ العزيز مجدى مسعد لك تحياتى ،،،،،،،
ذكرت أن هناك قائمة أبناء أبوصلاح السوداء أرجو شاكرا ذكر من هم بهذه القائمة ؟
وهل العارف بعلم الحقيبة الاستاذ محمد الحسن الجقر من ضمنها ؟

ولك ودى ،،،،،،،،،،،،

Post: #213
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-27-2007, 08:25 PM
Parent: #212

الاخ عبد المنعم عمر عثمان
تحياتي
ابناء ابوصلاح ياعزيزي الفاضل يصرّون حتّى يومنا هذا على نسب اغنية وجه القمر سافر لوالدهم بالرغم من عدم ادعاء والدهم هذا الادعاء حتى وفاته وبالرغم من تحدي الوالد له في جريدة ملتقى النهرين ومجلة هنا امدرمان الاّ انه لم يستطيع الدفاع عن نفسه بكلمه واحده وسجلت الاغنيه في الاذاعه في حياته وايضاً لم يعترض والقصه بكاملها نشرت في بوست الحزن في الاغنيه السودانيه وبوست الحقيقه السافره واخيراً في بوست محطات في حياة الشاعر مسعد حنفي فتخيل بعد كل هذا ياتي الاستاذ صديق الموج وينزل الاغنيه باسم ابو صلاح وربما اكون انا قد تسرعت في مهاجمته وقتها ولكن لي عذري فانا بشر والذي يتهم بالباطل هذا والدي فإذا لم ادافع عنه فانا لا استحق ان احمل اسمه لذلك طلبت من الاستاذ صديق تصحيح الخطأ ان كان بحسن نيه والاّ فليأتي بدليله ويقنعني به. اما ياعزيزي عن موضوع القائمه السوداء فهي خاصه بابناء ابوصلاح ولكن هي ستشمل كل من يكابر ويصر على تشويه وجه الحقيقه اما العارف بعلم الحقيبه الاستاذ محمد الحسن الجقر فانا لا اعرفه شخصياً ولم اتشرف بالاضطلاع على كتابه ولكني اقولها لك هنا ان كان قد نسب وجه القمر لابوصلاح فهو ايضاً قد اخطأ لانه لم يبحث عن الحقيقه من جميع مصادرها لذلك انا لا الومه وله العذر ولكنه عذر يحتاج منه لاعتذار ولكن بعد قراءة المذكرات وان كابر واصر على التمادي في الخطأ بعدها فهو في القائمه السوداء بلا شك.

Post: #215
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-28-2007, 11:33 AM
Parent: #213

مخو العزيز
هذا البوست من البوستات الجميله والتي نتمنى لها الاستمرار طويلاً فاغنيات الحقيبه لا
حصر لها ولا عدد ولكن العمليه تحتاج منك الى مجهود مضاعف وتعب لمتابعة البوست والعمل
على ضبط إيقاعه والاخ صديق الموج لم يقصر فهو متابع جيد للأخطاء التي ترد في معظم القصائد
فله الشكر . ان شاءالله سأقوم باضافة بعض اعمال الوالد في الايام القادمه.

Post: #217
Title: Re: المجموعة الكاملة لاغاني الحقيبة مكتوبة
Author: Dr. Ahmed Amin
Date: 05-29-2007, 05:15 AM
Parent: #1

قايد الإسطول
غناء: مبارك حسن بركات


Post: #219
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-29-2007, 03:27 PM
Parent: #217

الاستاذ العزيز صديق الموج
تحياتي وشكراً على مداخلتك ومجهودك الجبار الذي تبذله لتصحيح الاخطاء التي ترد في بعض النصوص المنشوره في هذا البوست الجميل وارجو ان تواصل جهودك لخروج البوست في احسن صوره .
بالنسبه لتصحيحك لقول الوالد والجيد بالاثيث غامر بقولك (والجيد بالاسيس عامر) فللاسف فقد اخطأت مرتين
الاولى في كلمة الاثيث ويمكنك وبكل بساطه ان تكتب كلمة اثيث في القوقل وتضغط على بحث لتكتشف الخطأ الذي وقعت فيه فهي كلمه مرتبطه بالشعر (بفتح الشين) وقد ذكرها القاص مبارك الصادق في قصة الطفل في اقماطه فقال (تروح تمشط شعرها الاثيث) والامثله كثيره .
اما الخطأ الثاني فكان في تبديل كلمة غامر بعامر فالمعنى واضح ولا يحتاج الى شرح فالشعر الاثيث يغمر الجيد ويغطّيه .

اما بالنسبه ل (في ثياب لو قدم خاتر) بدلاً من (قامة البنفدع خاتر) فهذا ليس خطأ فما اوردته هو بالفعل مايتغنّى به اولاد شمبات في تسجيل الاذاعه ولكن بالرجوع الى النص الاصلي الذي نشر في كتاب امير الاغاني السودانيه والذي سبق ونشرته في اكثر من بوست سابق نجد ان قول الوالد (قامة البنفدع خاتر) هو الاصل وربما تم التغير لضرورة اللحن وليس لخطأ في التعبير.

ارجو من الاخوه الذين يتصدون للاخطاء الوارده في القصائد توخي الدقه والتأكد من التصحيح قبل نشره وللجميع الشكر والتقدير.

Post: #221
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-29-2007, 03:53 PM
Parent: #219

الاخ العزيز مخو
لك التحيه . كما وعدتك من قبل اعود اليوم لأهدي الاعزاء متابعي هذا البوست قصيده من اجمل قصائد الوالد التي نشرت في كتاب امير الاغاني السودانيه.

البـــدر المنيــر / للشاعر مسعد حنفي
-----------------------------------

البدر المنير اعياني الهزل
هجرك لم يزل هل جد أم هـزل
------------------
يام ديساً غزير للأرداف نزل
شخصك في الفؤاد مرسوم للأزل
ريدك في القليب موجود لم يزل
اهواك ماعلي في اللام والعزل
------------------
ياسعده البحوز من قلبك قبل
تتمنى الزهور من خدّك قبل
نديان الجبين والشلاخ نبل
والشاف العيون لا ريب إنخبل
-----------------
الموت والهلاك قي الداعجه النجل
والخد اللطيف الصابغه الخجل
الشافن يجن في الحال بي عجل
مكتوب للعشوق تقصير الأجل
-----------------
السيف يام سماح قد سبق العزل
طلقت المنام جافيت الجزل
لا يحلو الغرام إلاّ بالغزل
بس دايماً جفاك يتلف ما إنغزل
-----------------
ياست البنات يام شعراً سدل
فقتي الحور جمال لا قول لا جدل
لكن فيك صدود لا زال لا إنعدل
والحال العلي إزداد ما إنعدل
-----------------
شوقك بيّ طال يالظبي الجفل
يام خصراً نحيل من عالي الكفل
غاب النوم شهور عن عيني غفل
وطرفي الباكي حول بالطيف ماإحتفل
-----------------
لو يرضيك أذآي يازينة الحفل
اسعد بي نعيم ارضاك يام نفل
البدر اختفى والكوكب أفل
إجلال لي جمالك والكون إحتفل

Post: #227
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-29-2007, 08:03 PM
Parent: #217

الدكتور احمد امين

تشكر على الاغنية

وارجو مدنا بما تملك من حقيبة مكتوبه


تحياتى ودام الود
مخو

Post: #222
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-29-2007, 04:28 PM
Parent: #1

الاخ مجدى تحياتى

Quote: بالنسبه لتصحيحك لقول الوالد والجيد بالاثيث غامر بقولك (والجيد بالاسيس عامر) فللاسف فقد اخطأت مرتين
الاولى في كلمة الاثيث ويمكنك وبكل بساطه ان تكتب كلمة اثيث في القوقل وتضغط على بحث لتكتشف الخطأ الذي وقعت فيه فهي كلمه مرتبطه بالشعر (بفتح الشين) وقد ذكرها القاص مبارك الصادق في قصة الطفل في اقماطه فقال (تروح تمشط شعرها الاثيث) والامثله كثيره .
اما الخطأ الثاني فكان في تبديل كلمة غامر بعامر فالمعنى واضح ولا يحتاج الى شرح فالشعر الاثيث يغمر الجيد ويغطّيه


الاخ مجدى تحياتى.....شكرا جزيلا لايراد هذه المعلومات...ولكن اراك تجهد كثيرا
لتثبت ان ملكية القصيدة تعود للوالد....وهذا سوف اعود له مفصلا بس اصير
وبخصوص التصحيح ...للاسيس وانت تقول مرتبطه بالشعر يا مجدى اخوى هذه كلمة سودانية
دارجية بحته مثلها مثل الديس ولعلمك الديس والاسيس هما اطراف نبات السعدة وعادة
ما تكون اطراف نهايات النبات ناعمة وزاهية ويمثل بها للشعر .....
اما بخصوص اهى غامر او عامر؟
فلا يمكن ان يكون الجيد بالاسيس غامر لكى يستوى المعنى كان يجب ان تكون الاسيس للجيد
غامر لو انها غامر لان الشعر هو الذى يغطى الجيد وهو الرقبة وليس العكس عليه الجيد بالاسيس عامر اى ان جيدها عامر بالشعر وهو كناية عن غزارة شعرها...!!



Quote: اما بالنسبه ل (في ثياب لو قدم خاتر) بدلاً من (قامة البنفدع خاتر) فهذا ليس خطأ فما اوردته هو بالفعل مايتغنّى به اولاد شمبات في تسجيل الاذاعه ولكن بالرجوع الى النص الاصلي الذي نشر في كتاب امير الاغاني السودانيه والذي سبق ونشرته في اكثر من بوست سابق نجد ان قول الوالد (قامة البنفدع خاتر) هو الاصل وربما تم التغير لضرورة اللحن وليس لخطأ في التعبير.


اخى مجدى بخصوص فى ثياب لو قدم خاتر فلو اوردناها كما كتبتها انت لكانت بدون اى معنى
والنص كما اوردته انت(ننظر بانه تتمايل قامة البنفدع خاتر)وانا اوردت النص كالتالى
ننظر بانة تتمايل فى ثياب لو قدم خاتر ولنحكم القارى الكريم ايهم اصح هذا غير ان
مصادرى كالاتى: كل من تغتى بهذه الاغنية فهم ينطقونها كما اوردتها
اولاد شمبات وهولاء اعترفت بهم انت ..الاستاذ خضر بشير...الاستاذكمال ترباس...الاستاذ ابراهيم خوجلى....الاستاذ الفرجونى....ديوان ابوصلاح ص(19)...كتاب الاستاذ محمد حسن الجقر حقيبة امدرمان ص(117) علما هذه هى المصادر التى اخذت منها هذا التصحيح ولا توجد
مصادر اخرى.
مجدى يا اخوى برد نفسك اما موضوع من هو شاعر الاغنية فامهلنى قليلا ريثما اتيك بما
اعرف...علنا نصل الى بر امن فالنقاش الهادف والهادى هو مبتغاى..والى ان اتيك يبقى
الود،،،


Post: #223
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-29-2007, 05:49 PM
Parent: #222

العزيز صديق الموج
صدقني ليس بيني وبينك غير الود والاحترام ولا اظن ان الخلاف قد يفسد للود قضيه فانا وانت لا نسعى إلاّ لأظهار الحقيقه امام القارئ فياليتك تجعل الحوار بيننا متواصلاً ومتصلاً حتّى لا يكون الفاصل الزمني في الردود فيه تشتيت لمتابعة القارئ المتابع للبوست فليس من المعقول ان ترد على اتهام بعد اكثر من عشرة ايام فهذا يشعرني بعدم جديتك في المناقشه الهادفه مما يفقد المواضيع قيمتها . نعود لموضوع الاثيث فإن كانت كلمة الاسيس كلمه سودانيه دارجه كما تقول فكلمة الاثيث كلمه عربيه تحمل نفس المعنى والمعروف ان اغاني الحقيبه في معظمها تحتوي على الفاظ عربيه فصحى لا تحصى ولا تعد ولا اعتقد ان الوالد حينما استخدم كلمة اثيث اخطأ التعبير وكما اخبرتك يمكنك ان ترجع الى القوقل وتبحث عن كلمة اثيث وسترى النتيجه بنفسك.
اما لفظ عامر ولفظ غامر فليس هناك خطأ ويمكن لاهل البلاغه ان يفتوننا فالمفروض ان تكون الجمله هكذا الجيد مغمور بي الاثيث ولكن تم تقديم الاسم (الاثيث) قبل الفعل (غامر) وهنا تأتي البلاغه ولا يمكن ان نقول الجيد للاثيث غامر لان الشعر هو الذي يغمر الجيد وليس العكس مثل ان نقول الشاطئ بالماء مغمور او الشاطئ مغمور بالماء فالمعنى واحد ولكن لا يمكن ان نقول الشاطئ للماء مغمور او الشاطئ مغمور للماء عموماً ادعو اهل اللغه ليفتوناحتّى تعم الفائده الجميع.

اما قول الوالد ننظر بانه تتمايل قامة البنفدع خاتر فواضح انه يصف المحبوبه وهي ترقص بدليل البيت الذي يليه ويقول وننظر كيف صدير يقلع تفاحه وردف ناتر . ومعروف كلمة ينفدع تستخدم للفتاة التي ترقص وهي مستخدمه كثيراً في اغاني رقيص العرائس في بيوت الافراح فهل ترى ان هذا الوصف ليس له معنى كما تقول ايضاً نسأل اهل اللغه ان كان لكلام الوالد معنى ام لا .

ام الذين ذكرتهم من مطربين فجميعهم تغنوا بالاغنيه حسب ماسمعوها من التسجيل الموجود في الاذاعه بصوت اولاد شمبات وهذا شئ منطقي
لانهم لم يطّلعوا على النص الاصلي الموجود في كتاب امير الاغاني السودانيه فلهم العذر .

واضح انك مازلت غير مقتنع بما جاء في مذكرات الوالد من سرد للأحداث التي واكبت المشكله ولكني اعود واكرر انا على استعداد تام لمناقشة اي شخص لديه شك في ملكية والدي لوجه القمر والناعسات عيونن بكل هدوء ولكن بشرط ان يكون الحديث او الاعتراض مدعوماً بدليل واضح ومقنع وليس مجرد محاوله للإثاره فكما قلت من قبل المذكرات تحكي حقائق مثبته تاريخياً وفي حياة الطرف الثاني وهو ابو صلاح فإن كان هناك من يريد الدفاع عنه بعد موته فليأتي بالمفيد وإلاّ فلا داعي لذلك وانت ياخي صديق وعدتني اكثر من مره بالكتابه ولكنك للاسف مازلت تخلف وعدك في كل مره فاتمنى ان لا تخلفه هذه المره ولكن تذكر لا اجتهادات ولا استنتاجات خاصه وانا في انتظار عودتك العزيزه.

Post: #224
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-29-2007, 07:02 PM
Parent: #1

Quote: اما لفظ عامر ولفظ غامر فليس هناك خطأ ويمكن لاهل البلاغه ان يفتوننا فالمفروض ان تكون الجمله هكذا الجيد مغمور بي الاثيث ولكن تم تقديم الاسم (الاثيث) قبل الفعل (غامر) وهنا تأتي البلاغه ولا يمكن ان نقول الجيد للاثيث غامر لان الشعر هو الذي يغمر الجيد وليس العكس مثل ان نقول الشاطئ بالماء مغمور او الشاطئ مغمور بالماء فالمعنى واحد ولكن لا يمكن ان نقول الشاطئ للماء مغمور او الشاطئ مغمور للماء عموماً ادعو اهل اللغه ليفتوناحتّى تعم الفائده الجميع.


اخى مجدى تحية وبعد :
اولا الفارق الزمنى فى الردود سببه اننى اريد ان استوثق مما اكتب وسوف
اتيك بالرد حال ما تتوفر عندى كل الاسانيد،ارجو ان يتسع صدرك ووقتك لى.
اما بخصوص الاسيس او الاثيث غموما نحن السودانيين لا ننطق الثاء كما يخرج
العرب السنتهم عند نطقها وننطقها اما تاء كمثل الثوم وام كلثوم فننطقهم
تو وكلتوم وهلمجر..ولكن الدارجة الاسيس ولكن المثل الذى ضربته عن ان الشاطى
بالماء مغمور او الشاطى مغمور بالماء فليس هنالك صلة بينهما وبين ما ذكرت
فالعبارتين الذى اوردت صحيحتان ولكن لا يمكن ان تقول الماء مغمور بالشاطى
وهذا ما عنيت انا،لانك اوردت الجيد بالاسيس غامر،وانا قلت لك الاثيث اوالاسيس
هو الذى يغمر الجيد وليس العكس...هذا ما اردت توضيخه.
لذا تكون الجيد بالاثيث او الاسيس عامر هى الاصح.
(اما قولك ننظر بانة تتمايل قامة الفدع ناتر) فهكذا تخرج بدون معنى للتالى:
فى هذه الحالة يجب ان بقال البيت كالتالى ليستقيم معنى ولكنه ينكسر فى الوزن
ننظر بانه تتمايل حبن ننظر الى قامة الفدع ناتر اوننظر بانه تتمايل مثل قامة
الفدع ناتر....عليه ارى ننظر بانة تتمايل فى ثياب لو قدم خاتر ابلغ واقوى
معنى.....ويبقى كل هذا اجتهادوالله اعلم.
سوف ارجع لك بالكثير عن القصيدة...اتمنى ان يسعنى صبرك،،،12

Post: #225
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-29-2007, 07:35 PM
Parent: #224

الاخ صديق
كما قلت لك فلندع اهل اللغه يدلون بدلوهم .

Post: #226
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-29-2007, 07:54 PM
Parent: #225

Quote: الاخ صديق
كما قلت لك فلندع اهل اللغه يدلون بدلوهم .



الاح مجدى سلامات
فكرت ان اتحدث بخصوص هذا الموضوع مع (بدوى)ابن ابو صلاح وهو لا يسكن بعيد منا واجده كل يوم جمعة حيث نصلى فى جامع واحد ولكنى عدلت عن فكرتى بعد مداخلتك هذه وليكن الامر لاهل اللغة
حتى نستبين الحقيقة
ولو تطلب الامر نثيرها لك فى صفحات الجرائد


تحياتى ودام الود
مخو

Post: #228
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-30-2007, 03:24 PM
Parent: #1

Quote: الاح مجدى سلامات
فكرت ان اتحدث بخصوص هذا الموضوع مع (بدوى)ابن ابو صلاح وهو لا يسكن بعيد منا واجده كل يوم جمعة حيث نصلى فى جامع واحد


يكون حسنا فعلت،،،

Post: #229
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-30-2007, 03:54 PM
Parent: #228

الاخ العزيز مخو
تحياتي . الاخ بدوي انا اعلم موقفه من المشكله مسبقاً
ولكن ان سنحت لك الفرصه والتقيته فارجو ان تسأله عن رأيه
بعد ان قرأ المذكرات التي ارسلتها عن طريق الاخ مجدي شفيق
واستلمها يداً بيد فهو قبل ان يقرأ الذكرات قال للاخ مجدي
بالحرف الواحد وجه القمر والناعسات عيونن لوالدي ولكنه
اهداهما لصديقه مسعد حنفي فهل مازال عند رأيه بعد قراءة
المذكرات ؟

Post: #231
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 05-31-2007, 09:40 PM
Parent: #229

Quote: الاخ العزيز مخو
تحياتي . الاخ بدوي انا اعلم موقفه من المشكله مسبقاً
ولكن ان سنحت لك الفرصه والتقيته فارجو ان تسأله عن رأيه
بعد ان قرأ المذكرات التي ارسلتها عن طريق الاخ مجدي شفيق
واستلمها يداً بيد فهو قبل ان يقرأ الذكرات قال للاخ مجدي
بالحرف الواحد وجه القمر والناعسات عيونن لوالدي ولكنه
اهداهما لصديقه مسعد حنفي فهل مازال عند رأيه بعد قراءة
المذكرات ؟


تحياتى مجدى
الموضوع ده بدأ يزن لى فى راسى وحاجيب ليك اخرو حتى نصل الى الحقيقة بس اروق شويه والله انا مزنوق زنقة وحاتصل بالمهتمين بالموضوع .
واوعدك ببوست منفصل شروطه الالتزام بالحيادية والموضوعية
ما اتمناه الان هو اكبر كمية ممكنه من اغانى الحقيبه ارجو مدنا بكل ما تملك ان كانت للوالد او غيره
بس امهلنى شويه اتصل بكم زول كده واوريك الحاصل شنو.
ولك كل الود
مخو

Post: #230
Title: Re: المجموعة الكاملة لاغاني الحقيبة مكتوبة
Author: صديق الموج
Date: 05-31-2007, 01:39 PM
Parent: #1

Quote: الاخ صديق
كما قلت لك فلندع اهل اللغه يدلون بدلوهم .


فوق فى انتظار اهل اللغة،،،bold

Post: #232
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 05-31-2007, 10:45 PM
Parent: #230

الأخ العزيز مخو
تحياتي ايها الشخص الجميل والشكر كله لأهتمامك الصادق بموضوع الخلاف على وجه القمر سافر والناعسات عيونن
فواضح من حديثك انك من الذين يبحثون عن الحقيقه ويجتهدون في البحث عنها فليوفقك الله في مسعاك ولي رجاء
ايها الصديق وهو ان تطلب من الذين تود سؤالهم عن حقيقة الخلاف ان تطلب منهم ان يطّلعوا على المذكرات ثم
بعد ذلك يدلوا بدلوهم بصوره حياديه بعيداً عن التحيز سواء لمسعد حنفي او لابوصلاح فانا وانت والعديد من ..
الإخوه المتابعين لا نريد سوى الحقيقه فالجميع اصبحوا الآن يدورون في دائره مفرغه لآن الجميع يتعامل مع الامور
بالعاطفه عازفين عن المنطق والتفكير فالعاطفه دائماً ماتحجب الحقيقه عن اعيوننا مهما كانت الحقيقه واضحه.

Post: #233
Title: Re: المجموعة الكاملة لاغاني الحقيبة مكتوبة
Author: Hussain Ghaffar
Date: 06-02-2007, 03:43 PM
Parent: #232

الأخوة الأعزاء
والله بوست جميل جمال أهل السودان الذين أبدعوا أغانى الحقيبة التى أعتقد
أنها أرقى أنواع الاداب والفنون التى أبدعها الخيال السودانى المبدع.
لمن أسس هذا البوست ولكل رواده والمشاركين فيه كل التحايا والود.
هل منكم من ياتينا بنص ثلاث أغنيات جميلات : يا سمير بى نظرتك أوفى الميعاد , وأغنية من حور الجنان أم أنت انسان الكمال وأغنية الأهيف ؟
لكم التحية والى المزيد من الطرب والأبداع.
حسين عبد الحليم

Post: #234
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-03-2007, 09:52 AM
Parent: #233

Quote: الأخوة الأعزاء
والله بوست جميل جمال أهل السودان الذين أبدعوا أغانى الحقيبة التى أعتقد
أنها أرقى أنواع الاداب والفنون التى أبدعها الخيال السودانى المبدع.
لمن أسس هذا البوست ولكل رواده والمشاركين فيه كل التحايا والود.
هل منكم من ياتينا بنص ثلاث أغنيات جميلات : يا سمير بى نظرتك أوفى الميعاد , وأغنية من حور الجنان أم أنت انسان الكمال وأغنية الأهيف ؟
لكم التحية والى المزيد من الطرب والأبداع.
حسين عبد الحليم


الاستاذ حسين جعفر تحياتى وسلامات

يظل الطلب على اغانى الحقيبة كابداع متجد وككلمات تعبق بشذاها كلما طال الزمان
فهى كالخمر المعتقة
يبرهنى جمال كلماتها
ارتجاليتها
تلقائيتها

وكثير ما يسحرنى سحرها

تستفزنى جدا

فاكتب الشعر احيانا على طريقة نهج الحقيبة


ويتواصل الطلب عليه

تحياتى ودام الود
مخو

Post: #235
Title: Re: المجموعة الكاملة لاغاني الحقيبة مكتوبة
Author: Gaafar Ismail
Date: 06-03-2007, 01:50 PM
Parent: #230



الأخ العـــزيز صديق المــوج

ســـلام

لو أديتنا (ضاع صبري - غنـاء الراحل احمد الطيب) تكون ما قـصّرت تب.


تيحاتي ومودتي.

Post: #236
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-04-2007, 10:30 AM
Parent: #235

Quote: الأخ العـــزيز صديق المــوج

ســـلام

لو أديتنا (ضاع صبري - غنـاء الراحل احمد الطيب) تكون ما قـصّرت تب.


تيحاتي ومودتي.



ويتواصل الطلب

Post: #237
Title: Re: المجموعة الكاملة لاغاني الحقيبة مكتوبة
Author: Gaafar Ismail
Date: 06-04-2007, 11:14 AM
Parent: #236



إبننا العـــزيز مخو

ســلام

أين " ضاع صــبري "بين الطلبات الكثيرة

تحياتي ومودتي

Post: #276
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-10-2007, 08:45 AM
Parent: #237

Quote: إبننا العـــزيز مخو

ســلام

أين " ضاع صــبري "بين الطلبات الكثيرة

تحياتي ومودتي


Quote: أين " ضاع صــبري "


ما تسأل ضاع وين قول الضيعو منو
والله يصبرنا


تحياتنا عم جعفر


ودام الود
مخو

Post: #238
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 03:35 PM
Parent: #1

هاك شيخ جعفر ما تموتو لينا فى البوست ده بالعشم

ضاع صبري أين يا وصلي
قلبي بي نار الغرام مصلي
يا عقود آمالي إنفصلي
ما بفيق من النويح أصلي
عقلي بات كل ساعة ينقصلي
و فيك ضاع يا طيبة الأصل ِ
أي ده ليل و البدر واضح لي
أم دا ديسك محيو فاضح لي
العيون عاد روقي لي وأحلي
كفي رمشك هو المجرح لي
زاد من نار الصدود وجلي
يا معاني الشعر و الزجل ِ
باهي جيدك و الخديد مجلي
تري دا الهلاك في الأعين النجل
ليك نسايم الشوق دوام يسلي
في هواك كم وكم ضائعاً مثلي
ما سليتك وإنت كيف تسلي
صرت ميت والدموع غسلي
مال ليالي الهجر تجمع لي
وديمة يا نيراني تشتعلي
يا بدر بالله أسطع لي
و يا سهيل أرجوك تسمعلي
ترمي ديسك في الكفل وتعلي
تثني قامتك وللصدير تعلي
يا حمام بالله أسجع لي
ومالو ضايع في الخيال فعلي

Post: #247
Title: Re: المجموعة الكاملة لاغاني الحقيبة مكتوبة
Author: Gaafar Ismail
Date: 06-06-2007, 10:39 AM
Parent: #238




الأخ العزيز مولاي صديق الموج

شـــكرا جزيلا على تلبية طلبي بشأن "ضــاع صــبري" ، تسلم يا الحبيب.

تحياتي وصادق مودتي

Post: #299
Title: Re: المجموعة الكاملة لاغاني الحقيبة مكتوبة
Author: Nader Abu Kadouk
Date: 08-06-2007, 08:32 AM
Parent: #247


Post: #239
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:06 PM
Parent: #1

ليالى الخير جادن ود الرضى

--------------------------------------------------------------------------------

ليالي الخير

ليالي الخير جادن................من المحبوب
نسائم الليل عادن................من المحبوب
**********
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
****************

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
*************
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
*************

بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
************
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
**************
وصحيت ندمان نومي انقل........تناوم غش وقواي كل ّ
حاولت النوم لكن كلا.........هيهات يعود الكان ولّى
*************

Post: #300
Title: Re: المجموعة الكاملة لاغاني الحقيبة مكتوبة
Author: Nader Abu Kadouk
Date: 08-06-2007, 08:34 AM
Parent: #239


Post: #240
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:09 PM
Parent: #1


يا مداعب الغصن الرطيب
الشاعر عبيد عبد الرحمن

--------------------

يا مداعب الغصن الرطيب
في بنانك إزدهت الزهور
زادت جمال ونضار وطيب
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
تعجبني والشيء العجيب
هادئ وأليف ماك النفور
بى عفتك صنت السفور
والحسن والأصل النجيب
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب
والروضة في موقع خصيب
حضنوها وإتلافوا النهور
ترى فيها أنواع الزهور
من كل لون أخدت نصيب
يانع ثمارها ونص وطيب
أشبه بربات الخدور
الإنبرجن في يوم حبور
زادن جمال ونضار وطيب
في الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب

Post: #241
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:18 PM
Parent: #1

غصن الرياض..........المساح


غصن الرياض



يا غصن الرياض المايد
يا الناحِلني هجرك وانت ناضر وزايد
تهجرني ليه.. وأنا ليك رايد؟
...
يا غصن الرياض المايد
ما أظن عن غرامك لو أموت ما حايد
سهران ليلي طال والعين صِحت ما قايد
تعبان قصدي ليمك، وإنت ناضر وزايد
...
يا الهاجر جفيتني بنظرة لي ماك عايد
شوفتك زي هلال العيد، وفيهو بعايد
...
أنا وحبك ترعرعنا ونشأنا ندايد
من زمنا قِبيل، أيام قُلال وعدايد
ما خلِص القديم، وتبين مصايبو جدايد؟
حِن يا حبيب .. كفاي مُر العذاب وشدايد
....
يا خُلاصة الحواري الـ من جِنان وخوالد
حُسنك ليك يدوم، لا أم تلِد لا والد
راسخ في ظلال مجدو التليد التالد
يا الـ لابس العفاف حلية وعقود وقلايد

Post: #242
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:21 PM
Parent: #1

احرمونى ولا تحرمونى ..ود الرضى

أحرمونى

احرموني ولا تحرموني
سنة الاسلام السلام
عطفكم يا من ألّموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري وحالي
قالّى قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم يبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت أيامى يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام

Post: #243
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:23 PM
Parent: #1

--------------------------------------------------------------------------------

أنا صادق فى حبّك

عمر البنا


أنا صادق في حبك لو قلبي
يتصل بي قلبك هذا مقصودي
أنا أقصد ودك وأنت تحرمني
النظر في خدك لأذاي اراك
ديمة باذل جهدك مع علمك بهواك
منذ أيام مهدك انت مريودي
أمتى تنجز وعدك وعني يذهب نحسي
ولي يطلع سعدك يا حبيب غثني
ما بطيق نار بعدك وأنت عارفني
ما بعيش من بعدك انتهى وجودي
الشباب في عصرك جملة معترفين
لجمالك وحسنك يا مهدّل يا مفدّل
يا المهفهف خصرك الكواكب والحور
قاصرين عن قدرك كيف أنا هجودي
أمتى يفرج سجنك وأشوف صورتي
في مراية وجنك تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
قال لي لازم صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك والجفا شهودي
قلت له بحق ربك أسلي كل أهلي
لو حظيت بي قربك حظي لو ساعد
ثانية بس أظفر بك بعد ذلك أموت
ما في شك بفخر بك أنت مريودي

Post: #244
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-05-2007, 04:27 PM
Parent: #1

انة المجروح............سيد عبد العزيز
يا أنة المجروح
يالروح حياتك روح
الحب فيك يا جميل
معنى الجمال مشروح
للحب لهيب فى الجوف زى الزناد مقدوح
منه الجبابرة تلين لصوت بلابل الدوح
وتصاحبو النسمات تفضل معاها تدوح
بين نغمة الأشواق ومحاسن الممدوح
الناس تحب رؤياك بالخاطر المشروح
حورية فى السودان بحبى ليكى أبوح
يا عنب جناين النيل أتمنى منه صبوح
وانشد فؤادى الضال بين الرياض مذبوح
وأرى الهلال فى ظلال تلك الخميلة يلوح
أنا لو ضمنت رضاك اكون سعيد ممنوح
يا من تسر رؤياك تفرح وتنسى النوح
تكسى النهار بجمال خديك جمال ووضوح
منه الغزالة تقيف فى موقف المفضوح
من الوله للقاك دمعى الغزير مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقة تفوح
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج بنموج
عدل الطبية جعل جور الحبيب مسموح
يا ملفت الأنظار يابسمة المفروح
وانا أهدىليك الحب حب من فؤاد مجرود
حب الشحيح للمال حب الجبان للروح

Post: #245
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 05:56 AM
Parent: #1

فووووووووووووووووووووووووووووووووووق الى ان يقيض الله لنا عودة،،،،

Post: #246
Title: Re: المجموعة الكاملة لاغاني الحقيبة مكتوبة
Author: Hussain Ghaffar
Date: 06-06-2007, 06:12 AM
Parent: #245

مشكور يا ود الموج على جهودك القيمة لاتحافنا بالروائع.
وياريت تحن على واحد طالب ثلاث أغنيات: يا سمير بى نظرتك أوفى الميعاد
ومن حور الجنان أم أنت انسان الكمال , وقصيدة الأهيف لود البنا.
ولك ولكل المشاركين خالص تحياتى وتقديرى.
حسين عبد الحليم

Post: #248
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-06-2007, 11:13 AM
Parent: #246

Quote: مشكور يا ود الموج على جهودك القيمة لاتحافنا بالروائع.


لقد جعل من هذا البوست متحف انيق نشتم منه شذى الكلمات العطرة
له كل الشكر ولا نخفى طمعنا ونرجو المزيد




تخياتى ودام الود
مخو

Post: #249
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 01:36 PM
Parent: #1

تيه وإتاكا
كلمات الشاعر محمد ودالرضي ..


تيه واتاكا مراض وصحاح مقله الفتاكا ظبى الرام
_________________________________

خريف وشتاك ميس يابان المصرى اتاك النسام
البى افتاكا جاب لى روايحك لى هتاكا عود يا منام
_____________________________

ما بيغباك شغفى عليك ومتى متى اصباك تذيدنى هيام
وترينى صباك وتزيدنى عتاب وحنان نتباكا على الايام
_________________________________---
لعلى اراك ضحا تتجلى بطيب واراك ولو فى منام
ويكون سمراك جوارى تيلاد وبعض امراك وبعده تنام
________________________
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام
____________________________---
غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام
____________________________
زور مرضاك وخدك ناعم يذودبو فضاك جيدا جام
على بعضاك وبعضا يميس يعانق اعضاك فوق اردام
_______________________________
التجى طالباك اولى بيها انا وبغضاك الالام
تيه واقضى قضاك الاقى رضاك ورضاى فى رضاك وهذا تمام

Post: #250
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 01:40 PM
Parent: #1

ويقول سيد عبدالعزيز

لي نيه في قمر السماء

لي نيه في قمر السما مقاصدي آه ما أجسما

أبني الفكر وأهدما والعين تسيل دمعة الدما
والدمعة مرات أعدما لحبيب روحي أقدما
يا ... ليته يرضى .. يخدما

حواسي ماله كلما هبت نسمة تألما
روح يا نسيم لها كلما لو جاهلة كنت أعلما
حن .. المعذب لي ... اللما

عجباً ملاك ساكن حما في حماية الحيا أحتما
منعه الدلال يظهر حما هلك النفوس وأبى يرحما
من ... هجره يا حامي ... الحما

بديها روحي تقسما بدل الزهور في مواسمها
مهما النفوس قدرن سما تفدي العيون الباسما
الفي ... القلوب ممضي ... اسما


كم من محاسن أعظما فيك خايله خلقه منظما
زي معنى شاعر نظما صفا بهجتك ما أعظما
شوفتك ... ظما وتروي ..... الظما

حي المسالمة ومسلمه ذكراها انسى وقلما
الذكرى دائماً مؤلمه لله أموري أسلما
والقمره ... مـــا لقيت .... سلما

Post: #251
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 01:45 PM
Parent: #1

شيخ جعفر هاك انت والطالب من حور الجنان

سيد عبد العزيز - من حور الجنان

من حور الجنان أم أنت إنسان الكمال
هل أنت الملاك جيت تورى الناس الجمال

سبحان من نشاك حسنا وفى غاية الكمال
يهواك الجنوب وإليك ينقاد الشمال
ما أظن يحصوا حسنك لو يحصوا عدد الرمال
وبى إيه يقدروك يا ملك ملوك عصر الجمال

سلطان بهجتك محروس بجيوش الجلال
ويغار من صفا حسنك صفا ماء الزلال
فى مراية خدودك أشوف تأكيد سحر الحلال
وأشوف فى سما حسنك كل يوم يسطع هلال

صفا ماء الجمال فى مجال جمالك راق وجال
زى ماء الحياء فى عيون ربات الحجال
ما فعل السلاح تفعل عيناك النجال
مكسور الطريف كسر قلوب الرجال

يا خلاصة المعانى الصار معناك موضع مثال
فوق المحسنات حايز لطف وكرم خصال
آلهة الجمال اعترفوا ليك ما ليك مثال
وتتمنى البدور تقبيل يداك بى امتثال

يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال

يا الغصن الرطيب عاجبنى فيك الإنهدال
اللادن قوامك من ملبن وذو اعتدال
جوهر حسنك الصافى وسيرك طاهرات عدال
آيات بينات ما فيهن للكافر جدال

شاركت الغمام والموج مناظر وارتحال
شاركت الظباء فى نفرتن والإكتحال
شاركت القلوب فى موضعن وعلى كل حال
نفداك بالنفوس وفداء النفوس كان المحال

Post: #253
Title: Re: المجموعة الكاملة لاغاني الحقيبة مكتوبة
Author: Hussain Ghaffar
Date: 06-06-2007, 01:57 PM
Parent: #251

الله الله
يا سلام يا ود الموج يا رائع !
يديك العافية ان شاء الله
وحقو تكمل جميلك وتدينا يا سمير بى نظرتك أوفى الميعاد ثم الأهيف

Post: #275
Title: Re: المجموعة الكاملة لاغاني الحقيبة مكتوبة
Author: Gaafar Ismail
Date: 06-08-2007, 03:18 PM
Parent: #251



الأخ الحبيب مولا ي صديق الموج

سلامات


Post: #252
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 01:53 PM
Parent: #1


أنا في التمني

محمد ود الرضي

أنا في التمني ديمه هديلي ساجع
ما لقيت لي مغيث ولا لقيت لي مراجع

داير أشوف حبيبي اليوم داك شفته رايق ودمعه ناقع
أسود شعره حالك أما صفاره فاقع
تتلاصف خدوده لا حجاب ولا براقع
أشوف لعسو ونواعسو جل الباري صانع
اقيس الفم بودعه القى الودع واسع
أقيس بالليل بشعره ألقى الفرق شاسع
أشوف في خده شخصي وفي صدري المضارع

يفر خيت بسمه يشبه برقاً ليله هاجع
يرفع لي رشاشه يسبل نظره واقع
داير أشوف غافل وداير أشوف جاذع
محنن دون قنله وحدو وتوبو واقع
يتغطى بي سوعده ويحنو كان واجع
ويلتجى بى مرافقه واطراف المضاجع
يردد لي نغيماً تشتاق لي المسامع
وتتلب فوق شفاه لؤلؤة المدامع
أعاين فيه وأضحك وأجري وأجيه راجع
متلاعب ليس إلا ما موضوع مطامع
دي ما بيلقاها زول زي صيده ناجع

Post: #254
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 01:58 PM
Parent: #1

فريع البانه المن نسمه...ابو صلاح

فريع البانة المن نسمة
يتمايل حاكى المنقسمة

نار قلبي بتوقد من وسمة
تلمع في خديدها وتفِر بسمة
الفم الزي خاتم نص قسمة
يا الماك داريابي والغي قسمة

نص وسطك خاتم بي زنده
وصديرك قائد والديس جنده
كفيلك قلع من عنده
و أكتافك فوقو يا روحي بسنده

حبوب الفاطر درية
وجهك يتلألأ من دون ريه
الجبهة تلاصف بدرية
والحالة البي ماها مدرية

الجيد الوافر كالجامة
فاقت أعرابها وأعجامها
المهرة العاصية في لجامها
لقلوبنا لحاظك يا روحي رجامة

زبرجد لونك ما واخضرا
ولع نار قلبي وأخ ضر
أنا قلبي فدايتك ما ضرّّ
لو كان يدقدق يا روحي ويضرّ

يا ريلة بزازك ما نوعها
من خز أو عسجد مصنوعة
قالت بأعطافها المرنوعة
دي ثماري ولكن يا روحي ممنوعة

Post: #255
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:02 PM
Parent: #1


أسمعنى نشيدك .... ورينى كمان فى الفن تجديدك

يا حمام الدوح

أسالنى أفيدك ... عن حالى البى وأحسبنى شهيدك

ولهى ما بفيدك ....أبقالى رسول أو خذنى فى أيدك

أترك تهديدك ....أسمعنى درر وواظب ترديدك

وين القى نديدك ...يا جالى الهم زيد شجوى وأزيدك

عقب تغريدك ...يا ساجع الدوح خلينى أريدك

وأًليهو بريدك ....وألبس روحى يا حمام فى وريدك

لا تخش هجيرك ...سافر يا حمام مولاك يجيرك

سارع فى سيرك ...لو لى جناح أنا كنت وزيرك

رحماك فى صعيدك ....أندب حظى وأدنى لى بعيدك

يوم عيدى وعيدك ...يوم الأيام لديارنا تعيدك

Post: #256
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:11 PM
Parent: #1


عقلي إنشغل بهواك

مصطفى بطران
عقلي إنشغل بهواك والحكمة عيني
لاجه ومجافيه النوم يا أربعيني

هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مره أسمعيني
وخليني أصلى النار في هواك دعيني

فوق اللي جاري على لا تجرديني
ثوب الغرام ودوام عنه انشديني
طائع مريد لقساك لى روحى ديني
ما اخترت غانيه سواك وحق ديني

مهما يلاقي عذاب قلبي السجيني
مهما يزيد ويفيض همي البجيني
لو كان يزورني الطيف مره ويجيني
تلبس ســـواد ايم ثوب اللجيني

من يوم رماني لحاظ سيفو السنيني
محّق على نومي ومحّق سنيني
أصبحت كل صباح يزداد أنيني
كالبلبل المفرود يامى حنيني

Post: #257
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:18 PM
Parent: #1



تيهي فوق العز
الشاعر محمد ود الرضي

ليلى ليلى ليلك سدل فيك عليل الصبا إعتدل
النجم بي بهاك ليلى دل والفهيم بالآيه استدل

فيك كل الخير انبهل والعفاف المزجو الجهل
بالسرور كل وجه استهل والجميع لله ابتهل

ليلى قدرك ماانجهل ليلى سعدك هدا شهرو هل
بالطرب كل عقل انذهل المهل ياليلى المهل

المبطر مال واعتدل والمرجرج مالى البدل
جوري تيهاً جورك عدل انا لا اروم عن جورك بدل

المدلل مهما فعل والجبين النافي الزعل
الخدود النورن شعل ياسعادة الام والبعل

ماح رتل فوق هيبه ونفل خر بدرو وطمح الكفل
بي المنير التام ماافل استقل ورفد الحفل

اللدانه و قول والوحل والوطيب الحبكو الكحل
ورى كيف الغيم الرحل ياالخريف العقب المحل

Post: #258
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:23 PM
Parent: #1

خمرة هواك...احمد حسين العمرى

خمرة هواك يامي صافية وجلية
هي اللاَّعبة بالألباب ما البابلية

كم ليل أنوح سهران والناس خلية
عيني سهاد ودموع أمست ملية
شاهدي إضطراب ونحول ظاهر عليَّا
راضي وبشفوف هجرك أكبر بلية

أنا لم أزل لهفان وإنت الأسية
ستيني أن تحي ودائما خليَّة
لو في النساء رسل كنتي النبية
ما بسلى ريدك لا وحيات أبيَّا

هاك مني بي الإخلاص الماسه ديه
درراً تنافس الدر وازهار نديَّة
هلمي روحي ليك يامي هدية
كان النبي المعصوم قبل الهدية

ليك مني الف سلام والفي تحيَّة
تغشاك مع النسام وبروح شجيَّة
ما قال محب وعلى محبوبو حيَّا
وتغر عيونك يا نور المحيَّا

Post: #259
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:31 PM
Parent: #1


نار وجنة .. أحمد فلاح

عيوني وعيونك اسباب لوعتي
اسباب تشوقي نظرتك واسباب نفورك نظرتي
هواي يعجز فكرتك وجمالك يعجز فكرتي
في الصد تزيد في جبرتك في الحب ازيد في خبرتي
دايما اردد ذكرتك هل مرة فهمت بذكرتي
انت الذي اتعبتني وانت الذي بك راحتي
لو ان هلاكي ولي دنيت احيا وتحل بي فرحتي
كم اشتقت وكم شكيت من سقمي واتلاف صحتي
كم رددت اهاتي وكم دوي في الافق صدي صيحتي
سندس وعسجد حلتك ولما انا الهوي حلتي
ماذا جنيت يامعبدي ماذا جنيت ياقبلتي
ماضر يا محبوبي لو تنظر لحالتي بالتي
هي احسن النظرات ثم ثم تريني فيك اهلتي
هلا تركت تصددك هلا حببت مودتي
هلا رضيت تمازج الحب بيننا لافادتي؟
رفقا بمن يهواك يا من انت صفوة سادتي
رحماك بي ضاق الفضا رحماك طالت وحدتي
جيوش اشتياقي هزمتني زادت انتي
لوكنت قربي لاسرها اجعل لحاظك اسنتى
ياروحي ياراحي ويانوري وناري وجنتي
اهوي الهلال في هواك ليتخذ العوازل سنتي

Post: #260
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 02:58 PM
Parent: #1

ست البيت
ودالرضي

اريدا براها ترتاح روحي كل مااطراها ست البيت


قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوب وبلاده
نضيفه ومنظمين اولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوختا المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتاوتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو مااتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني

Post: #261
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:03 PM
Parent: #1

في الخوجلاب ياقلبي
صالح عبدالسيد ابوصلاح

مـاكنت رايق وساكن في صفاءوتأمين
فـي الـخوجلاب ياقلبي مني شالك مين

ديـل الـبروق الـشالن ام درر ياسمين
مـابين ظـل الايـك ونـفحه الياسمين
لولا الشلوخه تلاته ومن تحت وسمين
يـاقلبي بـينه وبـيني يقسمك قسمين

قيس ما روايـح الورود ما الزلال والتين
فـوق الـجمال الـفردي اليلة ملتفتين
بس ايه لزوم انوارنا المن شموع ورتين
مـادمت انـت وبـدر الـتم زي اختين

بـقي ديـسك اطول منك ولله متقايسين
شـفنا الـضفاير جـرن بالقديم كايسين
أنا شوقي دايماً زايد وماشي في تحسين
انـا صـبري قل ويشهد بي ازاي حسين

برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الـناس جروحن تسعة وانا بي جروح تسعين

عـد الـشوادي الـغنن يالغرام نايحين
عـد القماري القوقن في الفروع مايحين
عـد الـنسايم الـمرن بالمسك فايحين
تـغشاك ياعثمان نعمة وسرور كل حين

Post: #262
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:10 PM
Parent: #1

فروع الحنة
الشاعر : ابراهيم العبادى
غنــاء : أولاد شمبات

من فروع الحنـة وزهرة التفاح
هـاج بلابل فكري النسيم الفاح

الجداول تجري فوق خدودك دُر
والرشيم البقّه بي أشعة خُدر
يعمي عيني قبلك ما نظرت بدُر
فوقو ليلاً حالك يعلو غصناً ماح

كل معصم جدلة والكفيفــات غـوف
والكتيف الهادل بالكفــل مشــغوف
نايمة او كان صاحية حال جلوس و وقوف
فيهو لاحـــم ديمة ومنو مالو بـراح

إختصر أفـكاري خصـرك المعقود
ما بيمس بي كفة لا قميص لا عقـود
جالبو ردفاً جايل حلمو ليه مفقــود
عذرو وااضح صدرك مالبو جوز تفـاح

القوام متوازن لا قُـصر لا طـول
والشليخ أفعالو تصرفــات مسطول
ماهو خاتي دا ساند ضهرو فى الأسطول
والعيون حراسن فوق جفونو صـفاح

إنتي روحي وراحي ليك ظمآن غاب
ما بصرح بإسمك ما بجيب ألقـاب
إنتي ديسك خدرك ماكي صيدة غاب
من فوارس حييك ليكي غابة رماح

خلي أمعن شوفا قول لي إيه النـور
هل رأيت لك صيدة أم دا جام بلـور
جـلّ من أنشاها وصاغا شُـعلة نور
هل دا جيـد وقلادة أم نجوم وصباح

يا ام جبينا يندى بالحسن نضاح
حالى من دون شرحى ما بيدور ايضاح
حبى لاتخذلنى الغرام فضاح
والمحلق قبلى فى سبيلن راح

Post: #263
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:15 PM
Parent: #1

هــواك وهــواي
محمد عبد الله الأمي .. ولا ماكده يا المـوج

هواك وهواي بي جاروا وسبن أفكـاري نظراتـك
أحب تعطف تزيل وجدي وأحب كل البحب ذاتك
بحب لونك بحب لونك بحب يـا حبـي نفحاتـك
بحب فى خدك الزهرة وبخـاف ترمينـي لمحاتـك
أخاف صدك بخاف جورك وأحب تتهنا بحياتـك
بحبك حبي للعافية وكمان يـا سيـدي وحياتـك
بحب فيك الحيا الفطري وبذوب من حالي صيحاتك
إذا في حبكم ضعـت واذا أقبـر فـى ساحاتـك
أكون للحظ دوام شـاكر وأقبل أنـت راحاتـك
أحب أنظر جمال محياك وأخاف تسحرني بسماتـك
وأخاف لحظك يجرحني واحب تسكرنى بسماتـك
وأحب طيفك يأنسني وأحـب تسمعنـي نغماتـك
وأخاف هجرك يطول بي وأخاف تحرمني كلماتك
منعم يا فريد عصرك سعيـد وسعيـده ساعاتـك
مكمل يا نزيه صافي وعفافك فطـري مـا فاتـك
وديع وبـديع مثال رقة حشيم والريم هوى صفاتك
أثرت فؤادى يا ضامر ودمعي خضاب فى كفاتـك
زيد يا دمعي فى سيلك وزيد يا صـدري زفراتـك
حبيبك ودعـك راحل زيد يـا طرفـي عبراتـك
حمام الأيك حـن مـره تعـال أسمعنـي نبراتـك
طريت أم در مقـر أملي زمـاني كفـاي عباراتـك

Post: #264
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:42 PM
Parent: #1

هاكم شوية رميات عشان تاخدو نفس

الجرحو نوسر بي

الجرحو نوسر بي غور في الضمير
في قلبي خلف الكي يا ناس الله لي
لو ما الشي قسم وأنا عقلي مداير
يمشي الكي قبل وينسف الداير
والمحي المتل قمر العشا الداير
والديس الغزير لي قامته يضاير
يجيك بي عجن ويقولي شن داير
رحماك يا عشوق طاش الفكر حاير
يا ناس الله لي






ملوك أم در

الليه كيف أمسيتو
يا ملوك أم در يبقى لينا نسيتو
الخيال لي جسمي وخليلي اسيتو
مالو لو بي طيف الخيا استيو
جلسن شوف يا حلاتم
فزر في ناصلاتن
قاللولي جن هوى هباين
الحبايب حباين
حوى السبع المتاني
هن نعمات الحسان
ملكن قلبي ولسانى



طابق البوخة

الجميل واصل درة الاصل
الله لا وراك العلي حاصل
العذاب أنواع جملة غير فاصل
فردت المهمات بالالي واصل
فاح لي كبريته كبدي كالبنزين
قادحة كبريته
اصل هالكني منه ما بريته
يا جرح غور إن شاء الله ما بريته
طابق البوخه قام ندا يهتف
نام من الدوخة
ايده عاقباه جدله مملوخه
لي معالق الجوف موسه مجلوخه

Post: #265
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:50 PM
Parent: #1

برضي ليك المولى الموالي.....العبادى

لو تحول دون قصدي العوالي برضي أغوص في بحوري واوالي
ليك اخراج درري الغوالي وانشئ شعري وزجلي وموالي
في سناك قليل يا جميل برضي ليك المولى الموالي
وفيك لازم الصبر الجميل

يا ملاكي ظروفي العصيبة حايله دونك مالي صيبه
قالي هاك اقوالا مصيبه كل نفساً توجد نصيبه
واليصيبه المولى أليصيبه بالقدر كم عزّ الذليل
كم ربوعاً أجدب خصيبه ومافي فجراً ما عقبه ليل
المكارم خلقي الجبيلة والمحامد سالك سبيله ....
ديمه شارب من سلسبيله من اخاير أخير قبيله
ومن أعالي العائلة النبيلة وكل صميماً لصميم بديل
الليالي حينه وقبيله للجلل معدود الجليل

قالى كتر النوح العيالك وديمه تشكي أيام زاهيالك
مرة تبكى تقول الحيالك والنسيم اليتم عيالك
إنت زاهي ولاهي ويالك من مرائي وصدقك قليل
إنت عاشق بالجد خيالك ومنه ساكن ظلاً ظليل

يا سما الغايات يا ملاكا من تطاول لي نيل علاكا
عشت دم يا حلية حلاك يا حياة أرواحنا هلاكا
لو صليت بالنار ما سلاكا قلبي راضي وهاك الدليل
انه صابر وحامل بلاكا مرة ارحم يكفي القليل
برضي ليك المولى الموالي وفيك لازم الصبر الجميل

Post: #266
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 03:58 PM
Parent: #1

قسم بي محيك البدري...........ابوصلاح

قـسم بـي محيك البدري غرامك منه ضاق صدري
حــبــيـبـي بــالــعـلـي تـــــدري

المحي نور ليلة القدري نصب قوس حاجبه لي قدري
مـعاك فـي داخل الخدري فؤادي المالكه من بدري

حياتي ونعمتي ويسري رضيت لو يرضي بي أسري
اراك يـادموعي تنـتشري إذا منه النسيم يسري

حـمام الايـك والـقمري يـصيح ينبيك عن امري
بـين عـواسلك السمري روايحي وفاكهتي وخمري

فـبالك ويـن اجـد فكري مصافحة اليمين سكري
بـبالك هـل يطوف ذكري وأمامك شكوتي وشكري

صحيح يا جروحي لاتبرئ هواك بي رضاي ماجبري
نسيمات فاهك التبري ياجميل آه كم قللت لي صبري

Post: #267
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:05 PM
Parent: #1

الليل الهاجع ............ عمر البنا

في الليل الهاجع غرد يا ساجع أذكر أحبابي وهيج أشجاني

أرجوك يا بلبل حين تقفل راجع غرد وأذكر نوم عيني الناجع
وهجراني الطال وبكاي وحناني وأشواقي الزادت تحتاج لمراجع
عسى يرحم حبي لي عقله يراجع وبي عين الرحمة والرضا يرعاني

تايه في نعيمك والخير الهامع لك راحة الدنيا والخد اللامع
منظر جذاب بي حسنه سباني أنا نايح ودائماً للنقيضين جامع
من قلبي النار ومن طرفي مدامع الحب غلاب بالموت أنباني

الحور لي حسنك متذلل وخاضع والبدر لنورك يا جميل متواضع
غصنك فضاح للأس والباني يشبهك البدر كأنه معاك راضع
سبحان من أنشاك لمأواك واضع فوق كل الأنجم لمجدك باني

مضروب لحظاتك غير شك ما نافع لي عازلك وعاشقك سهمك ما رافع
جبار ومهاب تسبي الفرسان يهواك الناسك والكاهل واليافع
لو شافك راهب يهواك غير دافع قلبه وفي الحال يسلى الأوثان

ما بخشى عزول في هواك يرافع وما بخشى رماح وسيوف ومدافع
بس بخشى جفاك يا نور إنساني مظلوم من بعدك شكواي ليك رافع
ونحول اعضاى عن حالي يدافع يا سكينة قلبي وصحاي ووساني

يا ظبي الأنس لك سعدك تابع بين روض الجنة والنيل النابع
ما بين ظلال في نعيمك هاني ما تجاوز طيار لسماك الرابع
حتى يعشم في طلوع السابع دم بين علاك في سرور وتهاني

Post: #268
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:09 PM
Parent: #1

أفكر فيه وتأمل .. عبيد عبدالرحمن


أفكر فيه واتأمل اراه اتجلى واتجمل
هلالي الهل واتكمل

تفاصيل قولي والمجمل سأصبر يا اخي ايه اعمل
إذا قلب الفتى تحمل مصايب الدهر وألامه
ارى الصبر الجميل اجمل

حديثي ودمعي يتسلسل فصول في رواية تتمثل
ابين في مواقف استبسل وعن رؤيا الحبيب حالا
ابين فى مواقف اتوسل

ترك افكاري تتضلل بعذرة البيهو يتعلل
وقيع لرضاه بتزلل وما هماهو يا سيدي
ده واحد اصله بتدلل

صريح قانون هواك خول هلاكي وعنه ما تحول
حقيقة وليس تتأول صريع لحظات سيوف لحظك
وحالي أن شفته تتهول

هواه بجسمي يتخلل مجاري الدم إذا تحلل
فما شرع الهوى حلل لقانا نهار ولا في الليل
إذا اليل

تذكر عهدنا الأول صحي الأيام بتتدول
قريب يوم داك ما طول مضت أيامه يا حليلها
بقت أحلام بتتأول

Post: #269
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:11 PM
Parent: #1

غير شادن الارام- محمد بشير عتيق ...غناء كرومة
غير شادن الارام لاشك عيشي حرام
يانفسي ذوبي غرام
زيد يافؤادي ضرام مابين شوق وصرام
اصبح هواك اجرام تعشق خشيف رام
هل في الثريا مرام
كل ماخطر نسام او لاح بريق نسام
اشجاني تضحي جسام عمري العزيز ينسام
اصلوا الغرام اقسام
ما الفي تهامة وشام مرعاه نال وبشام
ده المابينالو غشام والبين شلوخ ورشام
يسبي الوليد وهشام
عد مانظمت كلام في شعري من الام
او عازلي ابدي ملام ما لاح بريق في ظلام
مليون تحية سلام

Post: #270
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:15 PM
Parent: #1

صباح النور .. عبيد عبد الرحمن

صباح النور عليك يا زهور
صباحك يوم يقاس بدهور
***
يلوح للعين من نورك نور
شعاع الشمس على البنور
جهرت عيونا كفاك يا نور
قلوبنا رميتن في التنور
***
زاهي وطاهر ما المغرور
عليهو جناح الرضا مفرور
حياته سعادة وكله سرور
جماله يغني عليهو سرور
***
رأيتك جالس بين خدور
بدرى حداك انكسفو بدور
تفوق نيشان ممتاز في صدور
العظماء المثلوا أعظم دور
***
في دلك وحسنك موفور
وأنا ودمعي يجرى مجرى البسفور
تزيدني دلال وعناد ونفور
وبرضي أقول ذنبك مغفور
***
يا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

Post: #271
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:18 PM
Parent: #1

ليله ويالها من ليله......عتيق

ليلة ويالها من ليلة
ليلة ويالها من ليلة كانت ليلة مامنظورة
داخل جنة في مقصورة جلسة علي رفاق مقصورة
حافلة بكل فن محصورة فيها حبينا سمح الصورة
منو البدري ماخد صورة
ليلة ويالها من ليلة توزن الف ليلة وليلة
لينا الروضة سافرة خمارة دانية قطوفها يانعة ثماره
نحنا بلابله وسماره نحنا اهلتا واقماره
عالي نظامنا حالي وثامنا
هاهو طربنا هاهو مدامنا
مادام الحبيب قدامنا
طبعا ياخي نحنا الليلة اسعد ناس في اعظم ليلة
نامي شبابه زاهي خضاره لامع جسمه يخفي نضاره
من ثغروا البروق اتضارو
يسكر عرفه غير ماتعرفه والاغرب شعوره وظرفه
هم عن شخصه لاينحرفه
اعمال حبي ليه جليلة وازهار شعري بي اكليله
برضي اشوفه فيهو قليلة

Post: #272
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 04:20 PM
Parent: #1

من بعيد لبعيد.....عتيق
من بعيد لبعيد ..
لو سمحت ظروفك ..
اسمح لي أشوفك ..
***
ما يكون مني خوفك ..
أنا عاشق الفضيلة ..
والمثل النبيلة ..
***
من بعيد لبعيد ..
وري العين جمالك ..
لو لحظات قليلة ..
***
الحسن الأكيد ..
والحب المنزه ..
عن أغراض وكيد..
***
الروح والجمال والسحر الحلال ..
هم احسن خلال ..
هم اكرم نفيلة ..
بل اعظم خصيلة ..
في السودان اصيلة ..
***
بس بالله فيد ..
عن هجراني ظلماً..
ماذا تستفيد ..
يا أروع مثال ..
في الحياة والخصال ..
وعلى كل حال ..
هجرانك وصال ..
وروحك روح جميلة ..
للأخلاق زميلة ..

Post: #273
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-06-2007, 05:01 PM
Parent: #1

بلغ الاقوال يا هلال.....ابو صلاح


بلغ الاقوال


بلغ الاقوال يا هلال شبيهك جسمى انقلى
انت شايف البهاء والجلال والترف والتيه والدلال
وبى لاحظ الشوق الملال شوف دواى ممزوج فى خلال
العنب والدر والزلال طبى يحرم والموت حلال
مين يميز دى ويعقلا

طرفى ساهر بالسهد والنوح والوبال
طرفو سيف يتلامع قبال الوتر والقوس والنبال
لو يصادف شم الجبال باللحاظ فى الحال قلقلا

يالنفورك زادنى انتحال انت ساكن فى جوفى حال
اروى وصفك على كل حال العيون واللما فى اكتحال
هذا رسمك والموت محال فى قصائدى المنقلا

الكتوف نازلات بانهدال والشعر كالليل فى انسدال
والقوام والجيد فى اعتدال فاطرو ناير فى الظلمة دال
فى خدو تنظر صورتك المرايا المتصقلا

دمعى طايل زاد انهمال فكرى ضل يمنه وشمال
ما رايت فى الكون احتمال من خلافك يا ذو الجلال
حسنك تم كبدر الكمال منو برق السحاب انجلا

قول لطيفك عرج تعال شوف هواك اللى جسمى عال
نارو زايده فى اشتعال لو تسرك تلك الفعال
كل شى يرضيك هو عال هاك منى الروح سجلا

Post: #274
Title: Re: المجموعة الكاملة لاغاني الحقيبة مكتوبة
Author: صديق الموج
Date: 06-08-2007, 02:42 PM
Parent: #1

فوق ريثما نعود،،،

Post: #279
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-16-2007, 08:10 PM
Parent: #274

Quote: فوق ريثما نعود،،،


فى انتظارك حتى تعود


ملحوظة

موضوع وجه القمر والناعسات عيونن ما ناسيو بس عندى تجزهيزات


تحياتى ودام الود
مخو

Post: #280
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-18-2007, 08:41 AM
Parent: #274

Quote: فوق ريثما نعود،،،


متى تعود؟؟؟؟؟؟؟؟؟؟؟؟؟؟؟؟؟؟؟؟؟
منتظرنك

تحياتى
محمد

Post: #277
Title: Re: المجموعة الكاملة لاغاني الحقيبة مكتوبة
Author: معتصم الطاهر
Date: 06-15-2007, 11:02 AM
Parent: #1

ما شقيتك

ممكن بالله ..

Post: #278
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-16-2007, 08:40 AM
Parent: #277

Quote: ما شقيتك

ممكن بالله ..



تحياتى اخ معتصم
وليه لا ما ممكن لكين البجيب عمك الموج بى هنا منو


ستجها ريثما يعود


تحياتى ودام الود
مخو

Post: #281
Title: Re: المجموعة الكاملة لاغاني الحقيبة مكتوبة
Author: Elbagir Osman
Date: 06-19-2007, 03:55 PM
Parent: #1

فوق

دائما

ويا بكري

أرشفة ولا ما أرشفة

البوست دا ما يتهبش


الباقر موسى

Post: #282
Title: Re: المجموعة الكاملة لاغاني الحقيبة مكتوبة
Author: Tagelsir Elmelik
Date: 06-19-2007, 04:01 PM
Parent: #281

وجدتها اضغط على هذا الرابط

http://www.rosestudio.com/suitcase-lg.html

Post: #283
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-19-2007, 06:19 PM
Parent: #281

تحياتى استاذ الباقر عثمان

لك كل الود لقد نبهته فى ذلك وهذه فرصة لن تتكرر

وهات ما عندك من حقيبة


تحياتى
محمد

Post: #284
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-20-2007, 09:50 AM
Parent: #283

المد المد يا الموج

Post: #285
Title: Re: المجموعة الكاملة لاغاني الحقيبة مكتوبة
Author: Elbagir Osman
Date: 06-20-2007, 01:45 PM
Parent: #1

أما الأستاذ الموج

فقد أثبت أنه محيط


الباقر

Post: #286
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-21-2007, 09:17 AM
Parent: #285

الموج

Post: #287
Title: Re: المجموعة الكاملة لاغاني الحقيبة مكتوبة
Author: ABDELMAGID ABDELMAGID
Date: 06-23-2007, 04:14 AM
Parent: #286


يا جماعه خلو لينا البوست التوثيقى ده دايما فوق ....

Post: #288
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-23-2007, 07:00 PM
Parent: #287

Quote: يا جماعه خلو لينا البوست التوثيقى ده دايما فوق ....



عبد الماجد تربيع سلامات

نسبة لا نشغالنا خليك متابع مع البوست دا



نفسى اعرف اكتب بالالوان كيف وخاصة الاحمر دا


تحياتى
محمد

Post: #289
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-26-2007, 10:28 AM
Parent: #288

هيه

هيه يا موج

Post: #290
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 06-28-2007, 09:24 AM
Parent: #289

نقول يا منو

Post: #291
Title: Re: المجموعة الكاملة لاغاني الحقيبة مكتوبة
Author: Maksab
Date: 07-05-2007, 00:37 AM
Parent: #290

تسلموا يا اساتذة على الاثراء ده

يا موج في اشعار لما اسمعه غنا في بعضهم تغييرات بسيطة في الابيات

خصوصا بلغ الاقوال يا هلال دي

الرجاء تتأكد منها

تحياتي

فديو

Post: #292
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 07-07-2007, 08:34 AM
Parent: #291

مكسب سلامات


والله انت عارف البوست ده مكسب كبير


بس البجيب الموج منو


تحياتى
محمد

Post: #293
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 07-09-2007, 07:55 AM
Parent: #292

حتى الان اعجز عن الشكر ولكنى اطمع




تياتى
محمد

Post: #295
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 07-10-2007, 09:48 AM
Parent: #293

.............

Post: #296
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 07-11-2007, 09:20 AM
Parent: #295

..........

Post: #297
Title: Re: المجموعة الكاملة لاغاني الحقيبة مكتوبة
Author: هضيبي علي سعيد
Date: 07-12-2007, 11:19 AM
Parent: #1

تحياتنا استاذنا

و نشكركم على هذا البوست التوثيقي الرائع

و نرجوكم مدنا بنص رائعة و د الرضي التي من فحواها..........


تيه و التاكا ...... مراض و نصاح مقلم فتاكة
ظبي الرام

Post: #298
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 08-06-2007, 08:10 AM
Parent: #297

Quote: و نرجوكم مدنا بنص رائعة و د الرضي التي من فحواها..........


تيه و التاكا ...... مراض و نصاح مقلم فتاكة
ظبي الرام


لهعناية السيد/صديق الموج


وشكرا

Post: #301
Title: Re: المجموعة الكاملة لاغاني الحقيبة مكتوبة
Author: DKEEN
Date: 08-15-2007, 05:50 PM
Parent: #1

Quote: رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج


لاإله إلا الله..



ود الموج ..
ود الرضي الله يرحمو موش بالغ؟؟

Post: #302
Title: Re: المجموعة الكاملة لاغاني الحقيبة مكتوبة
Author: محمد المختار الزيادى
Date: 08-29-2007, 11:08 AM
Parent: #301

طله لرفع البوست


تحياتى للجميع

محمد المختار الزيادى

Post: #303
Title: Re: المجموعة الكاملة لاغاني الحقيبة مكتوبة
Author: مجدي مسعد حنفي
Date: 08-29-2007, 03:28 PM
Parent: #302

العزيز محمدالمختار الزيادي
يازول والله بالغت انت وين اختفيت فجأه زي
حبيبنا الموج وحبيبنا احمد القرشي
يازول البوست ده ماداير كسل لكن داير المتابعه
المتواصله والبحث عن الجديد دايماً.

Post: #304
Title: Re: المجموعة الكاملة لاغاني الحقيبة مكتوبة
Author: Safia Mohamed
Date: 08-30-2007, 02:39 PM
Parent: #1

الاخ محمد المختار:
بوست رائع واروع من الروعة.

بالتاكيد لم استطع انا استحضر كل ما كتب للمزيد من المساهمات ولكني اقترح ان العنوان يتغير لتوثيق كتابي ومسموع ومرئي بمعنى ان اي اغنية مفروض يرادفها اداء ملحن من ايا كان يا حبذا لو كانت من صاحب الاغنية الاصلية ، تعرف لان الاجيال الجاية اللي احنا بنوثق ليها دي تحتاجه مصحوبا بلحنه.
أنا مثلا لا تمتعني الكلمات لوحدها بل احاول ان استحضر لحن كل اغنية واردده وانا اقراها.



اضحكني كثيرا التعليق
Quote: بوست محمد المختار بقلم صديق الموج

اها ما نطول
وليك علي كل ساعتين ادي البوست دفرة
مع السلامة

صفية

Post: #305
Title: Re: المجموعة الكاملة لاغاني الحقيبة مكتوبة
Author: Safia Mohamed
Date: 09-01-2007, 12:55 PM
Parent: #1

up