العندو بواسير اليموتبها..

Post: #1
Title: العندو بواسير اليموتبها..
Author: طارق جبريل
Date: 01-07-2011, 11:40 AM

يا الحبيبين كيفنكم

جاني ايميل من صحبي اسامة قالي زولك حسن ساونلوا عمليي دحين أضربلو
أتاريه الخرابة ما قالي العمليي ألت شنو
شلت تليفوني طبزك طبزك طلعلي رقمو وضربتلو
- ألو
- ياخينا ألف حمدلالاك بالسلامي قالولي سويتلك عمليي
- ايه طارق هول ناس جبرين.. انت الخبر وصلك لا هناك
- ايي رسلي أسامة قالي صحبك سولوا عمليي
- نان ما قالك عمليي ألت شنو
- لا والله .. اها هسي انت كيفن
- وحاتك يا قريبي انا شفتلي أياما علي الضُلمة كله كله
- يا زول
- يا الحبيب قامن علي البواسير.. ليلن ونهارن ينتحن وانا اتململ من هني لاااا هني
علي اللقيمات وكتين يقلبوها في الصاج.. وكل يوم امشي اهبش فيها في المُستراح
وألقالك شخاليب مدلدلي علي الشافع وكتين ينفخ اللُبانة.. مشيت جبتلي مرهم من الاجزخانة
وقعدت أليس فيها ليلي وصباحي زي العروس اليدلكوا فيها قبل العرس
- اها
- تبرد شويي وتاني تتلافاني... وأقعد أتوحوح .. هبشتها لقيت الشخالب زادن بقن زي ترس الكلتش
والقصي جابتلها دم.. يا بي اسويلي فوطة تحت اللباس ولا كمان اسويلي بامبرز زي محمد ولدي
ودة كله يا الحبيب خوف من مشية الدكتور والبعبيص في الصُلب علي كُبرنا
- نان مالك ما مشيت لي د. طارق
- انا قلت يا الحبيب أكمدها بي شي لامن براها تروح.. نان هي همدت شي
اها يا الحبيب مشيت علي طارق الله يديه العافي..
دخلني وبقى يبعبص في صُلب الجن دة
- شن قال
- قالي يا زول انت الخرابة دي خليتها لي هسي كيفن.. لازم تسويلك عمليي سريعي
عمليي... وووب عليك يا حسن ود حزامة...
- ههههههههه اها
- المهم حددلي مواعيد للعملي في مستوصف في العمارات.. كلمت المرة وقلتلا تكلم اختها
فشان تجي تقعد مع البُطان وما تقولها نوع العمليي.
- ههههههههههههههههههه
- ايي يا الحببب لا نبقى في الفضايح كمان
يا زول مشيت شايلي معاي غيار ومعاي المرة دخلنا ملينالنا اوراق كدي ودخلوني اوضة
ختيت فيها الغيار ومعاي المرة.. جاء واحدا غليد كدي ليه رقبة علي ((التلكي)) أليل الجزارين
أداني مريلة كدي قالي ألبسها وأقلع هدومك كلهن..
-اها
- اتقولعت ولبست مريلة الجن دي.. وطبعا صايم ما أكلتلي شي من أمبارح
وأشوف في القرقوش المرسلاهو لي أمي من العفاض وأعضعض في لسناتي
جاء الخرابة الغليد دة ساقني.. مشينا علي أوضة كدي فيها سرير مصنقع كدي
رقدوني فيهو وأشوف في زولك يخجلو في باغة كبيري فيها رغوة ألت صابون
شويتين جابلو خرطوشا أخدر طويل كدي ليه راس صغوووير.. ووووب عليك يا حسن ود حزامة
قلتلو: انت الخرطوش دة لي شنو
قالي عشان بطنك تفضى لازم نكب ليك شوية صايون
وبقيت أقنت يا الحبيب قبل يدخلولي خرتوش الجن دة
شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
نان يا ود جبرين أنا باقيلي الله ما بيحاسبني تاني
- ههههههههههههه كيفن
- أماني خرطوش الجن ماهو حاااااار هو يدخل فيهو وأنا أقنت
شويتين بقى يكب في صابون الجن دة من الباغة.. هو يكب وأنا أنفخ في ريالتي
زي المكوة البترش الموية في الهدوم ديك
وحاتك كمل الباغة كلها في مصاريني وحسيت نفسي بقيت زي سمكة التامبيرا
اها قام قالي بعد نطلع الخرطوش دة حا تحس انك داير تمشي الحمام
الحمام قدامك.. نص ساعة ندخلك العمليي..
نان أنا صبرت لامن يطلع الخرطوش كله...
وحاتك سلة الخرطوش كدي بوووووووووووووش رشيتو ورشيت الحيط كلهن
- هههههههههههه الله لا كسبك أها
- يا زول مليتلك الدنيا هِرِرِي (جمع هُرار أكرمكم الله).. وإن ما أكذب
طلعتليي باميايي سالمي ضومة ضومة
- هههههههههه نان انت ماك صايم
- اييي بس قبليها بي يوم جيت جعان لقيت المرة مسويالا باميي سمحي
زي ألت دعاية زيت صباح ديك ووقعت فيها جف جف جف
وحات نضري يا ود جبرين الحيطة ألت الأوضة بقت زي حيط مُستراح السوق العربي
كلها مجلطة والعفني ما تديك الدرب..
- نان ما كاتلك الخرابة الغليد دة
- يكاتلني في شنو.. نان هو كبسني صابون زي المخدة الجديدة الينجدوا فيها
وفوق دة كله ما أهُر أن بقيت داير أهُر موش دافعلهم.. ما بي قروشي
- ههههههههههههه
- يا زول وضوني أوضة تاني ودخلت الحمام وبقيت أعصر في بطن الجن دي
وحاتك يا الحبيب أنا قايل مصاريني نزلن ضومة ضومة..
نص ساعة جوا دخلوني للعمليي وجاء د. طارق ومعاهو واحدا تاني
وبنيتين قالولي ديل سسترات.. اها رقدوني علي بطني وختولي شيتا تحت محسني
وبقيت راسي مدلدل لااا تحت وصلبي مفنتر لااافوق علي القلاب أليل التراب وكتين يجي يفضي التراب
- ههههههههه أها
- اها جاء واحدا شايلو حقني ليها راسا طويل كدي قمت قلتلو: انت دي شنو كمان
طارق قالي دي حقنت البنج حا نطعنك بيها في ضهرك.. قلتلو نان مالو رويسها طويل كدي
لا يبقى جبتولكم حقنة قرنتيي.. قعدوا يضحكوا يا الحبيب والراجل بقى يهبش في ضهري لمن
طبزني بي حقنة الجن دي... وجسمي التحت بقى يخدر وماني حاسيبو...
شويتين شلخولي رجليني زي الخروف الدايرين يقسموهوا نصين
اسمع في طارق قال لي واحدي من السسترات أحلقيلو..
- كمان جابتلها حلاقي من تحت..
- أيي الصُلب عارفه شين أنا والشعر فيهو علي شوك الكتر..
- نان أنت شوفته وين.. ههههه
- المهم يا حبيب حلقولي.. أنا إن بقيت قايل الشي فيهو حلاقي
كنت قلت للمرة شديلك حلاوة في علبة نيدو وكنت جيتهم ممعط
- أها
- يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
يعوجن فيهن الخرابات ديل من هني لا هني.. تقول لاعبة جمباز
وأشوف في طارق يشيل ويقطع في شخاليب الجن ديل.. ويخيط..
شويتين الزول المعاهو يا طارق جابلو خابورا كبييييير علي عصاية البشير البينقزبها
في ريوس العربات ديك.. أها خابور الجن دة كبولم فيهو شيتا ملايق كدي
وهجروه في حفرة الجن دي وطارق قلع الخرابات الكان لابسن وجاء عند راسي وقالي:
حمد الله بالسلامة أهملتها لكن الحمد لله العملية انتهت بس حا يعملوا ليك لصقة كدي وبجيك المساء أشوفك
وإن شاء الله باكر الصباح تمرق لي ولادك..
أها الزول المعاهو بقى يليس في خابور الجن دة وشالوني نقلوني علي الأوضة
لقيت المرة قاعدي ممحنة.. شافتني حمدلت لي بالسلامي وطلعتلها علبة حلاوة أدت السسترات منها..
- أها
- ساعتين يا طارق بنج الجن دة يفك مني.. زي التقول ضربوني بي ملتوف من تحت
وانطلقت فيني الناريي.. وبقيت أوجوج.. وأعضعض في يديني..
ووكتين الشي زاد علي قلت لي المرة شوفيلي أي دكتور أن قربت أموت..
ربك رب الخير جاء واحد طبزني حقنة شويي أرتحت،،
- سلامة والله
- يا زول أنا ما معرسلي جعليي.. وأخت البت قومي كلمي أهلك وجوا منكبسيني فيني
- اها شن قلتلم.. انت ماك داسيها
- آآآبعرف تراها بتهم كلمتهم.. وشويتين كبسني ليك نُفاخ يا طارق
- لا يبقى في باقي بامية في المصارين
- شن عرفني.. وحاتك كلو ما ليه زايد.. والخابور ماهو سادي المنافذ كلهن
وجات أمها تسويلي: ألف سلامة يا ود امي
النجما تهرد لهاتك أنا خلاص داير أطرشق..
- هههههههه شن سويت
- قلت للمرة بعد النفاخ زاد وعيوني بقت غُلاد علي ضكر القعونج اليفتشلوا في انتاييي
قولي لي امك تسوق النسوان ديل وتطلع أن بقت جات جنبي تاني بطرش فوقها
- ههههههههههه
- يا زول عافرت بي تحت لقيتم مليسين الخرابة زي بُرطمان الدلكي الخاتنو للعروس
بقيت أعافر بي أصبعي لااامن سويتلي فتحة صغوووويري.. بس بالله زي الماسورة
الكانت قاطعي منها المويي... كررررررر طررررررررر.. ضرررر
- هههههههههههههههههههه ماك نصيح وحات ربي ماك نصيح
- يا طارق انا ماني كنت داير أموت من بامية الجن دي...
المهم يا الحبيب أخدتلي نومي والمغرب جاني د.طارق حسين
طلعوا خابور الجن دة وسوولي مراهم كدي وقالي باكر الصباح تطلع
- والله سلامة يا الحبيب
- يا زول يومين وانا دخول الحمام دة علي ولادة الشفع
اسبوع كدي حتى استعدلت... غايتو أن بقن جاتك لا تسويها في السودان
- هههههههه يا زول مالك علي
- غايتو ضومة فضيحي
- يلا سلام يا الحبيب
- تسلم سلم علي وليداتك

حمانا الله وإياكم

Post: #2
Title: Re: العندو بواسير اليموتبها..
Author: ABUHUSSEIN
Date: 01-07-2011, 11:42 AM
Parent: #1

طارق ســلام

اليوم جمعة و يادوووووب جايين من الـصلاة نجي نلقى البواسير في وشنا....

تحياتي و جمعة مباركة كمان

Post: #3
Title: Re: العندو بواسير اليموتبها..
Author: طارق جبريل
Date: 01-07-2011, 11:43 AM
Parent: #2

Quote: طارق ســلام

اليوم جمعة و يادوووووب جايين من الـصلاة نجي نلقى البواسير في وشنا....

تحياتي و جمعة مباركة كمان

يا حبيب سامحنا
باقي نحن في المغرب الجمعة شغل

جمعة مباركة يا عزيزي وتحياتي للوليدات وأمهم

Post: #4
Title: Re: العندو بواسير اليموتبها..
Author: ود الباوقة
Date: 01-07-2011, 11:44 AM
Parent: #1

مالك علينايا طارق

بشرب لي في نسكافيه

الرشفة الاولى وتركته وحاليا بطني قالبة

Post: #5
Title: Re: العندو بواسير اليموتبها..
Author: هواري نمر
Date: 01-07-2011, 12:00 PM
Parent: #4

يمين ماك نصيح
دي بي كم كرت يا ود جيريل..!!
لووووووووووووول
خليتني زي المجنون ....أضحك براي في الصباح ده.

بدور أقتبس من كلامك ..
إلا ...........!

__
إزيك يا الحبيب كيفنك؟

Post: #6
Title: Re: العندو بواسير اليموتبها..
Author: ABUHUSSEIN
Date: 01-07-2011, 12:09 PM
Parent: #5

Quote: جمعة مباركة يا عزيزي وتحياتي للوليدات وأمهم

الله إسلمك و إحفظك من كل شر

Post: #73
Title: Re: العندو بواسير اليموتبها..
Author: خضر حسين خليل
Date: 01-08-2011, 12:20 PM
Parent: #6

وحياتك ياطروق لي فترة طويلة ما استمتعت بشئ مكتوب قدر استمتاعي بهذا البوست
غايتو ياطارق يديك العافية ويخليك
فرقت علينا كتير هموم

ـــــــــــــــ
بالمناسبة اريتهم ناس البيت يكون ادوك جوابنا الكتبناهو ليك انا وقمر بوبا

Post: #124
Title: Re: العندو بواسير اليموتبها..
Author: طارق جبريل
Date: 01-11-2011, 02:27 PM
Parent: #73

Quote: وحياتك ياطروق لي فترة طويلة ما استمتعت بشئ مكتوب قدر استمتاعي بهذا البوست
غايتو ياطارق يديك العافية ويخليك
فرقت علينا كتير هموم

ـــــــــــــــ
بالمناسبة اريتهم ناس البيت يكون ادوك جوابنا الكتبناهو ليك انا وقمر بوبا

خضر يا حبيب
يا زول ما جايبي همها اضحك ياخي

وصلني تب مكتوبك والمسخوت التاني
ياخي زعلت ما شفتك

Post: #13
Title: Re: العندو بواسير اليموتبها..
Author: طارق جبريل
Date: 01-07-2011, 01:21 PM
Parent: #5

Quote: يمين ماك نصيح
دي بي كم كرت يا ود جيريل..!!
لووووووووووووول
خليتني زي المجنون ....أضحك براي في الصباح ده.

بدور أقتبس من كلامك ..
إلا ...........!

__
إزيك يا الحبيب كيفنك؟

اسكت اقتبس يا الحبيب تراهو كله طلقيتة

Post: #7
Title: Re: العندو بواسير اليموتبها..
Author: الامين موسى البشاري
Date: 01-07-2011, 12:20 PM
Parent: #4

دا شــنو يا ود جبريل يا مسخوت

جمعة مباركة يا حبيب.....
الله يجازي محنك والله ضحكت جنس ضحك
نان دحين ما فضحته زولك وهو داسيها
بس أخير سواها في الســـودان
قالك في واحد عندو زي جنس وجع صاحبك دا
والدكتور خواجه هو السوالو العملية وبعد العملية
كل يوم الخواجة أجي ويسأل في صاحبنا: اها محل العملية (.....) كيف؟
الراجل قالو: والله يا خواجة محل العملية كويس علا ملافضك كعبه خلاص

Post: #14
Title: Re: العندو بواسير اليموتبها..
Author: طارق جبريل
Date: 01-07-2011, 01:22 PM
Parent: #7

Quote: الراجل قالو: والله يا خواجة محل العملية كويس علا ملافضك كعبه خلاص

دة خواجة مشكوك في ذمته

Post: #8
Title: Re: العندو بواسير اليموتبها..
Author: Elkhawad
Date: 01-07-2011, 12:21 PM
Parent: #4

Post: #9
Title: Re: العندو بواسير اليموتبها..
Author: تولوس
Date: 01-07-2011, 12:37 PM
Parent: #8

شكرا يا طارق جبريل ياخي وانه عمل فني ممتاز وبحق استمتعت وضحكت جدا للصدق في الحكي ... واهمية هذه البوست يا طارق ياخي تكمن في انها محاولة جيدة جدا لكسر الجدار المتين المضروب حول هذا المرض والتعاطي في شانه ومحاولة ازالة الفهم المغلط عند السودانين والعرب والشرقيين عموماوخطورة كتمه والاثار الضارة المترتبة علي ذلك

Post: #10
Title: Re: العندو بواسير اليموتبها..
Author: ياسر بيناوي
Date: 01-07-2011, 12:48 PM
Parent: #9

ود جبرين سلامات

ياجماعة ماقلنا نحن بنخش من المقاهي ارحمونا شوية ياخ

لكن غايتو بعد القريتو دا لو جاتني بواسير دقست ولا بعمل ليها عمليه ولا حاجة

خالص الود

Post: #17
Title: Re: العندو بواسير اليموتبها..
Author: طارق جبريل
Date: 01-07-2011, 01:25 PM
Parent: #10

Quote: ود جبرين سلامات

ياجماعة ماقلنا نحن بنخش من المقاهي ارحمونا شوية ياخ

لكن غايتو بعد القريتو دا لو جاتني بواسير دقست ولا بعمل ليها عمليه ولا حاجة

خالص الود

نان انت يا ود بيناوي في المقاهي دي ديار تضحك بي وين

Post: #18
Title: Re: العندو بواسير اليموتبها..
Author: الزبير صالح الزبير
Date: 01-07-2011, 01:26 PM
Parent: #10

طارق جبريل
مالي احس ان العملية ما كانت لصاحبك ولا حاجة
لمن كنت في السودان ما مشيت ليك لي اي دكتور
تحياتي

Post: #20
Title: Re: العندو بواسير اليموتبها..
Author: طارق جبريل
Date: 01-07-2011, 01:27 PM
Parent: #18

Quote: طارق جبريل
مالي احس ان العملية ما كانت لصاحبك ولا حاجة
لمن كنت في السودان ما مشيت ليك لي اي دكتور
تحياتي

اها قمنا للسلبطة كمان

ان بقيت سويتها حتى ود الصايم سواها

Post: #16
Title: Re: العندو بواسير اليموتبها..
Author: طارق جبريل
Date: 01-07-2011, 01:24 PM
Parent: #9

Quote: شكرا يا طارق جبريل ياخي وانه عمل فني ممتاز وبحق استمتعت وضحكت جدا للصدق في الحكي ... واهمية هذه البوست يا طارق ياخي تكمن في انها محاولة جيدة جدا لكسر الجدار المتين المضروب حول هذا المرض والتعاطي في شانه ومحاولة ازالة الفهم المغلط عند السودانين والعرب والشرقيين عموماوخطورة كتمه والاثار الضارة المترتبة علي ذلك

تولوس كيفنك
ياخي عندي صحبي من البطانة جاب ابوهو عنده عملية بواسير
النبطشي كانت دكتورة
زولك فنننننننن جاء طالع
قال لي ولده دي الطير في الخلا ما شافها تشوفها مرة

ياخي مع انه المرض دة بسيط بس نحن طريقة تربيتنا مخليانا معقدين كل شي

Post: #11
Title: Re: العندو بواسير اليموتبها..
Author: حسبو عكاشة
Date: 01-07-2011, 12:59 PM
Parent: #8

يا طارق
قالو في واحد مشي يعمل نفس العملية في المستشفي الصيني بامدرمان
بعد البنج فكا منو قبل لقي روحو راقد علي بطنو و الدكاترة الصينين متلمين بوراه
قاليهم معقووووله لكن!! دي (...) ولا كُبري

Post: #19
Title: Re: العندو بواسير اليموتبها..
Author: طارق جبريل
Date: 01-07-2011, 01:26 PM
Parent: #11

Quote: يا طارق
قالو في واحد مشي يعمل نفس العملية في المستشفي الصيني بامدرمان
بعد البنج فكا منو قبل لقي روحو راقد علي بطنو و الدكاترة الصينين متلمين بوراه
قاليهم معقووووله لكن!! دي (...) ولا كُبري

ود عكاشة كيفنك
زولك دة بيكون رباطابي

Post: #15
Title: Re: العندو بواسير اليموتبها..
Author: طارق جبريل
Date: 01-07-2011, 01:23 PM
Parent: #8

الخواض كيفنك ابوي

Post: #12
Title: Re: العندو بواسير اليموتبها..
Author: طارق جبريل
Date: 01-07-2011, 01:21 PM
Parent: #4

Quote: مالك علينايا طارق

بشرب لي في نسكافيه

الرشفة الاولى وتركته وحاليا بطني قالبة

عاد لا تكتر من النسكافيه دة يقوم يقع عليك الوقع علي حسن

حمانا الله وإياك

Post: #21
Title: Re: العندو بواسير اليموتبها..
Author: Hatim Gubara
Date: 01-07-2011, 01:40 PM
Parent: #12

يخرب مطنك يا شيخ..
إيه الأرف دا؟

ضحكتنا لمن داير تلحقنا الشايقي دا..

Post: #23
Title: Re: العندو بواسير اليموتبها..
Author: الزبير صالح الزبير
Date: 01-07-2011, 01:58 PM
Parent: #21

Quote: ان بقيت سويتها حتى ود الصايم سواها

وتيب مادام ود الصايم عملها انت مصلبها في حسن المسكين مالك
اعترف وبان وعليك الامان
تعرف ياطارق في 2006 كنت في السودان وجاتني المصيبة دي
كنت ساكن مع اخوي في الحلفايا وقدر ما تجاهلتها ابت تخليني قمت براي مشيت بحري افتش لي دكتور
لكن ماعرفت اروح لدكتور تخصصة شنو المهم لفيت لقيت ليك دكتور جراح قمت قلت اتوكل وامشي ادخل لية
لمن جيت داخل لقيت ليك لافتة جنبة لدكتور بتاع اسنان اسمة انور عباس كان معانا هنا في السعودية ورجع نهائي
المهم طوالي عملت للخلف دور
اصلوا دكتور انور دة صحيح رجع نهائي لكن علاقاتة وتلفوناتة مع الشلة هنا دايما تتطاقش
خفت وانا داخل ولا خارج يشوفني نقوم في الفضايج

تخريمة
حقتي ديك ما وصلت عملية وبشتنة جنس الحصلت لزولك دة أقصد للزول الانت صلبت فية المصيبة دي
تقديري

Post: #26
Title: Re: العندو بواسير اليموتبها..
Author: طارق جبريل
Date: 01-07-2011, 03:00 PM
Parent: #23

Quote: وتيب مادام ود الصايم عملها انت مصلبها في حسن المسكين مالك
اعترف وبان وعليك الامان
تعرف ياطارق في 2006 كنت في السودان وجاتني المصيبة دي
كنت ساكن مع اخوي في الحلفايا وقدر ما تجاهلتها ابت تخليني قمت براي مشيت بحري افتش لي دكتور
لكن ماعرفت اروح لدكتور تخصصة شنو المهم لفيت لقيت ليك دكتور جراح قمت قلت اتوكل وامشي ادخل لية
لمن جيت داخل لقيت ليك لافتة جنبة لدكتور بتاع اسنان اسمة انور عباس كان معانا هنا في السعودية ورجع نهائي
المهم طوالي عملت للخلف دور
اصلوا دكتور انور دة صحيح رجع نهائي لكن علاقاتة وتلفوناتة مع الشلة هنا دايما تتطاقش
خفت وانا داخل ولا خارج يشوفني نقوم في الفضايج

تخريمة
حقتي ديك ما وصلت عملية وبشتنة جنس الحصلت لزولك دة أقصد للزول الانت صلبت فية المصيبة دي
تقديري

عشان الحركات دي ابيت اغترب في الخليج

Post: #25
Title: Re: العندو بواسير اليموتبها..
Author: طارق جبريل
Date: 01-07-2011, 02:59 PM
Parent: #21

Quote: يخرب مطنك يا شيخ..
إيه الأرف دا؟

ضحكتنا لمن داير تلحقنا الشايقي دا..

اله يسترك يا حبيب

Post: #22
Title: Re: العندو بواسير اليموتبها..
Author: saadeldin abdelrahman
Date: 01-07-2011, 01:52 PM
Parent: #12

وصموني بقلة الحياء

خلال سنوات عملي في مؤسسة الاتحاد للصحافة، كان معظم أصدقائي من أهل البلد، من أبناء الإمارات الشمالية:
رأس الخيمة والفجيرة وأم القيوين، والسر في ذلك أنهم كانوا يعيشون معا كـ "عزاب"، ويعودون إلى بيوتهم
عصر كل يوم أربعاء ليستأنفوا العمل صباح السبت، والتواصل مع العزاب أسهل من التواصل مع المتزوجين لأنك
تستطيع ان تداهمهم في محل سكناهم بلا إحم أو دستور (يقال إن منشأ هذه العبارة هو أنه في العصر الملكي
في مصر كان هناك غضب عارم من دستور طرحته الحكومة وصارت الشرطة السرية تعتقل كل من يهاجم الدستور، وفي
المقاهي والأماكن العامة كان الناس إذا انتبهوا إلى أن شخصا ما يشتم الدستور بينما شرطي سري يقترب من
المكان يتنحنحون "إحم" فارتبطت هذه الكلمة ومعها "دستور" بالتنبيه إلى وجود زائر طارئ.. والله أعلم)..
وكانت هذه الشلة من أبناء الإمارات الشمالية تقيم في عمارة في حي الخالدية في أبو ظبي وكنت أزورهم كثيرا
وربطتني بهم صلات ومودة قوية ما زالت قائمة مع بعضهم الى يومنا هذا.

وذات مرة اضطررت الى الذهاب الى المستشفى، وأنا أعاني من نزف مؤلم، وتم استدعاء جراح تصادف أن كان سودانيا
اسمه علي محجوب، وقال لي إنه لابد من احتجازي لإجراء عملية استئصال البواسير في اليوم التالي، قلت: على جثتي
.. مفيش عملية.. اعطني أي بلوى.. مرهم.. حبوب.. بودرة.. طباشير.. المهم لن أخضع للجراحة، فقال لي: بكرة تندم
يا جميل وأعطاني بعض العقاقير وذهبت الى البيت، وبعدها بأسبوع ذهبت إلى الجراح منكسرا أرجوه أن يجري العملية
فقال: لا مانع، بس بدون بنج.. قلت له: على بركة الله بس خلصني من الآلام التي امتدت الى ساقي وحرمتني من الجلوس
ومن العمل.. وأجريت العملية بتخدير كامل ثم استيقظت، ووجدت العديد من الأقارب والأصدقاء حول سريري،.. سعدت
بمحادثتهم، ثم انتهى موعد الزيارة، وبدأت أحس بألم فظيع، ولكن الممرض طلب مني الصبر إلى أن يأتي الطبيب في
الجولة المسائية،.. ولم أكن قادرا على تحمل الألم، فاقترب مني شاب مصري، كان قد أجرى جراحة لاستئصال دُمَّل (خُرّاج)
من كفه وقال لي خد .. لم أسأله عن نوع الحبة التي كانت في يده، و"أخدتها"، فأعطاني واحدة أخرى فـ "أخدتها"،
وأحسست بخدر لذيذ وبأن الألم صار محتملا ونمت مجددا، وفي منتصف الليل استيقظت وكأنما النيران تأكل جسمي.. وتسللت
من وراء ظهر الممرض المناوب الى حيث كان صاحبنا المصري نائما وأيقظته وتوسلت اليه ان يعطيني "حباية" فصاح:
يا عمي سيبني في حالي.. حد قال لك إن أنا عندي مخزن فاليوم؟ حاولت على مدى ربع ساعة إقناعه بأن يعطيني حبة
فاليوم أخرى، ولكنه رفض فصحت فيه: إلهي يقوم لك خراج في لسانك وعيونك.. وسمع الممرض ضجيجنا وزجرني وقادني الى
سريري، ثم أتى طبيب وطخني إبرة جعلتني أدخل في غيبوبة لذيذة نحو 8 ساعات تخللها السخف المعتاد في المستشفيات:
فور أن تغمض عينيك يأتي ممرض لقياس ضغط الدم.. ويذهب فتنام مجددا فيعود بعد نصف ساعة لأخذ عينة من الدم.

المهم غادرت المستشفى ثم استأنفت العمل والتقيت بأصدقائي أبناء الإمارات وعاتبتهم لأن أيا منهم لم يزرني في
المستشفى فهتفوا: إنت ما تستحي.. مسوي بواسير وتبي الناس تزورك؟ ثم شرحوا لي أن معظمهم أجرى عملية بواسير
ولكن خارج البلاد.. في الهند أو البحرين أو بنجلاديش.. المهم في بلد لا يعرفه فيه الناس

جعفر عباس

Post: #24
Title: Re: العندو بواسير اليموتبها..
Author: ناذر محمد الخليفة
Date: 01-07-2011, 02:11 PM
Parent: #22

يجازي محنك وصاحبك يا طارق .. هي بالله العملية دي بيسووها كدي ..!!

نسأل الله السلامة .. هسي فرقها شنو من الشغلة ديك ..!!

علي بالحرام الشغلة ديك أسهل منها بي كتير

Post: #28
Title: Re: العندو بواسير اليموتبها..
Author: طارق جبريل
Date: 01-07-2011, 03:03 PM
Parent: #24

Quote: يجازي محنك وصاحبك يا طارق .. هي بالله العملية دي بيسووها كدي ..!!

نسأل الله السلامة .. هسي فرقها شنو من الشغلة ديك ..!!

علي بالحرام الشغلة ديك أسهل منها بي كتير

Post: #27
Title: Re: العندو بواسير اليموتبها..
Author: طارق جبريل
Date: 01-07-2011, 03:01 PM
Parent: #22

يا سعد الدين كيفنك
لكن جعفر عباس ما بالغ

Post: #29
Title: Re: العندو بواسير اليموتبها..
Author: محمد عبد الماجد الصايم
Date: 01-07-2011, 03:31 PM
Parent: #27

ستاندر والحمد لله!
شوفو ود جبرين دا .. صلعتو دي ما ساي!!

Post: #30
Title: Re: العندو بواسير اليموتبها..
Author: محمد عبد الماجد الصايم
Date: 01-07-2011, 03:32 PM
Parent: #29

أما فيما يخص زول طارق دا
فطريقة حكيهو دي ما غريبة علي!!

Post: #31
Title: Re: العندو بواسير اليموتبها..
Author: محمد علي شقدي
Date: 01-07-2011, 04:52 PM
Parent: #30

ودجبريل ليك التحيه
حكي لذيذ خلانا نتمتع بألم صاحبك وكفاره
-------------------------
وعندنا صاحبنا عمل العملية دي في مستشفى مدني والظاهر الدكاترة كانو في سنة الامتياز صاحبنا تعب بعدها
لفترة طويلة لما شافو ممرض قديم في حلتنا قال لينا صاحبكم ده والله الجماعة ديل قلبوها ليهو قلبت شراب

Post: #35
Title: Re: العندو بواسير اليموتبها..
Author: جمال الباقر
Date: 01-07-2011, 05:19 PM
Parent: #31

ههههههههههههههههههههههه
حكي لذيذ بلحيل

Quote: وبقيت أقنت يا الحبيب قبل يدخلولي خرتوش الجن دة
شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
نان يا ود جبرين أنا باقيلي الله ما بيحاسبني تاني

معقول لسة في ناس بتعمل كدة.؟.....

في حاجة اسمها fleet enema

Post: #38
Title: Re: العندو بواسير اليموتبها..
Author: طارق جبريل
Date: 01-07-2011, 05:41 PM
Parent: #31

Quote: والله الجماعة ديل قلبوها ليهو قلبت شراب

موبااااااااااااااالغة يا شقدي
الخرابة ام فتفت هي

Post: #32
Title: Re: العندو بواسير اليموتبها..
Author: Abd Alla Elhabib
Date: 01-07-2011, 04:56 PM
Parent: #30

ود جـبرين
حمـد لله علي السـلامـة
-------------
الجاتك في الكوبري
ياما هـرتك هــري

Post: #39
Title: Re: العندو بواسير اليموتبها..
Author: طارق جبريل
Date: 01-07-2011, 05:42 PM
Parent: #32

Quote: ود جـبرين
حمـد لله علي السـلامـة
-------------
الجاتك في الكوبري
ياما هـرتك هــري

يا خينا قلنالك حسن ماني أنا

Post: #34
Title: Re: العندو بواسير اليموتبها..
Author: اشرف السر
Date: 01-07-2011, 05:02 PM
Parent: #30

Quote: أما فيما يخص زول طارق دا
فطريقة حكيهو دي ما غريبة علي!!

Post: #37
Title: Re: العندو بواسير اليموتبها..
Author: طارق جبريل
Date: 01-07-2011, 05:40 PM
Parent: #30

Quote: أما فيما يخص زول طارق دا
فطريقة حكيهو دي ما غريبة علي!!

غايتو انت كنت مباري نعيم ومعتصم نيستا

Post: #33
Title: Re: العندو بواسير اليموتبها..
Author: اشرف السر
Date: 01-07-2011, 05:00 PM
Parent: #29

Quote: شوفو ود جبرين دا .. صلعتو دي ما ساي!!

انا برضو قلت كدا يا ود الصايم

بس الحلاق بتاعو وين؟ ما عرفت

Post: #40
Title: Re: العندو بواسير اليموتبها..
Author: طارق جبريل
Date: 01-07-2011, 05:43 PM
Parent: #33

Quote: انا برضو قلت كدا يا ود الصايم

بس الحلاق بتاعو وين؟ ما عرفت

أهااااا قمنا علي الصلبطة

Post: #57
Title: Re: العندو بواسير اليموتبها..
Author: مبارك جادين
Date: 01-07-2011, 11:38 PM
Parent: #33

الله يجازي محنك يا ود حبريل

ايام الجامعة واحد صاحبنا
جاي من السوق مرورا بكبري الشبان المسلمين
الفي الترعة ديك يا طارق
قام قابل واحدة من الزميلات المعاه في الكلية
بعد السلامات والسؤال عن الاحوال
قالت ليهو من وين كدة الليلة؟
بطريق الظرافة بتاعت الناس مع الجكسي قال ليها
-والله كنت بزور فلان دة عملوا ليهو عملية بواسير
قامت البت قالت ليهو بكل براءة
-وين ؟؟
رد سريعا
_في عينو
هههههههههههههههههههههههههههههههههه

Post: #69
Title: Re: العندو بواسير اليموتبها..
Author: طارق جبريل
Date: 01-08-2011, 12:14 PM
Parent: #57

Quote: ايام الجامعة واحد صاحبنا
جاي من السوق مرورا بكبري الشبان المسلمين
الفي الترعة ديك يا طارق
قام قابل واحدة من الزميلات المعاه في الكلية
بعد السلامات والسؤال عن الاحوال
قالت ليهو من وين كدة الليلة؟
بطريق الظرافة بتاعت الناس مع الجكسي قال ليها
-والله كنت بزور فلان دة عملوا ليهو عملية بواسير
قامت البت قالت ليهو بكل براءة
-وين ؟؟
رد سريعا
_في عينو
هههههههههههههههههههههههههههههههههه

دة بيكون بشير خفة يا حبيبنا

Post: #62
Title: Re: العندو بواسير اليموتبها..
Author: محمد عبد الماجد الصايم
Date: 01-08-2011, 09:15 AM
Parent: #33

Quote: انا برضو قلت كدا يا ود الصايم
بس الحلاق بتاعو وين؟ ما عرفت

إنت في الحلاق بتاعو يا أشرف ولّ عمكـ
دا بكون عملو ليهو عملية بواسير في راسو!!

Post: #70
Title: Re: العندو بواسير اليموتبها..
Author: طارق جبريل
Date: 01-08-2011, 12:16 PM
Parent: #62

Quote: إنت في الحلاق بتاعو يا أشرف ولّ عمكـ
دا بكون عملو ليهو عملية بواسير في راسو!!

دي بوسير دي ولا تالولة

Post: #36
Title: Re: العندو بواسير اليموتبها..
Author: طارق جبريل
Date: 01-07-2011, 05:39 PM
Parent: #29

Quote: ستاندر والحمد لله!
شوفو ود جبرين دا .. صلعتو دي ما ساي!!

قلتلي 8 سلندر آآآآ

Post: #41
Title: Re: العندو بواسير اليموتبها..
Author: ahmed khidir
Date: 01-07-2011, 06:25 PM
Parent: #36

طارق سلامات

يعد السرد والحكي الدقيق ده
يا انت كنت حاضر مع قريبك ده
ولا انت الزول العمل العملية

كلامك ده قولوا لي زول ما عندو حديده اقصد علاقه مع البواسير

Post: #45
Title: Re: العندو بواسير اليموتبها..
Author: طارق جبريل
Date: 01-07-2011, 09:22 PM
Parent: #41

Quote: طارق سلامات

يعد السرد والحكي الدقيق ده
يا انت كنت حاضر مع قريبك ده
ولا انت الزول العمل العملية

كلامك ده قولوا لي زول ما عندو حديده اقصد علاقه مع البواسير

يا حبيبنا هسي دي يثبتوها ليك كيفن

Post: #42
Title: Re: العندو بواسير اليموتبها..
Author: Abd Alla Elhabib
Date: 01-07-2011, 07:26 PM
Parent: #36

Quote: يا خينا قلنالك حسن ماني أنا

ياخ المـؤمـن مصاب
ما فيها حاجة يا طارق

Post: #43
Title: Re: العندو بواسير اليموتبها..
Author: عمران حسن صالح
Date: 01-07-2011, 07:48 PM
Parent: #42

Quote: في حاجة اسمها fleet emema
أشرح يا دكتور الباقر في ناس بتتاوق وقالو لي أسألو لينا
يا طاااااااااارق
خش في الشرح العِلِمي ياخي
تعميماً للفائدة :)

Post: #47
Title: Re: العندو بواسير اليموتبها..
Author: طارق جبريل
Date: 01-07-2011, 09:28 PM
Parent: #43

Quote: يا طاااااااااارق
خش في الشرح العِلِمي ياخي
تعميماً للفائدة :)

يا قريبي انت باقيلي داير تجيبلنا رفديي في باقي الربع دة

Post: #44
Title: Re: العندو بواسير اليموتبها..
Author: عماد الدين عبدالله
Date: 01-07-2011, 08:04 PM
Parent: #42

ابداع يا ود جبرين

سلامة صاحبك

طولنا منك في الشعبية

تحياتي واحترامي

Post: #48
Title: Re: العندو بواسير اليموتبها..
Author: طارق جبريل
Date: 01-07-2011, 09:30 PM
Parent: #44

Quote: ابداع يا ود جبرين

سلامة صاحبك

طولنا منك في الشعبية

تحياتي واحترامي

عمدة يا حبيبنا
ياخي كيفنك
يعلم الله عندي ليكم وصيي من استاذ علي ابو دية
بجي بنزلها ليكم بهناك

Post: #46
Title: Re: العندو بواسير اليموتبها..
Author: طارق جبريل
Date: 01-07-2011, 09:25 PM
Parent: #42

Quote: ياخ المـؤمـن مصاب
ما فيها حاجة يا طارق

وكتين الايمان جابلو بواسير حبابو

Post: #49
Title: Re: العندو بواسير اليموتبها..
Author: جمال الباقر
Date: 01-07-2011, 09:57 PM
Parent: #46

Quote:

Quote: في حاجة اسمها fleet emema

أشرح يا دكتور الباقر في ناس بتتاوق وقالو لي أسألو لينا
يا طاااااااااارق
خش في الشرح العِلِمي ياخي
تعميماً للفائدة :)

عمران كيفك

اولا ... ذهب اصبعنا خطا لحرف الm بدلا من الn
الصحيح fleet enema

ودا الانبوب الشرجي الذي يستعمل لافراغ المستقيم بدلا من الصابون الذي تم استعماله لصاحب طارق

لاننصح طبعا باستعماله دون الاستشارة

Post: #54
Title: Re: العندو بواسير اليموتبها..
Author: طارق جبريل
Date: 01-07-2011, 11:06 PM
Parent: #49

Quote: الصحيح fleet enema

ودا الانبوب الشرجي الذي يستعمل لافراغ المستقيم بدلا من الصابون الذي تم استعماله لصاحب طارق

لاننصح طبعا باستعماله دون الاستشارة

ود الباقر شكرا للمعلومة
لكن مالطة خربت

Post: #50
Title: Re: العندو بواسير اليموتبها..
Author: Al-Shaygi
Date: 01-07-2011, 10:06 PM
Parent: #1

قريبنا طارق
Quote:
- يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
يعوجن فيهن الخرابات ديل من هني لا هني.. تقول لاعبة جمباز

أهم حاجة ما قلتها؟؟؟؟

الخرابي ما لصقوهو في البطن بي مخاليهو!!!!

قريبك ده ما وصف ليك كويس....

ياخ أنا بضحك لامن البواسير رجعت لي تاني بعد تلاتين سنه,,,,,

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #51
Title: Re: العندو بواسير اليموتبها..
Author: خالد المحرب
Date: 01-07-2011, 10:34 PM
Parent: #50

والله يا طارق ضحكتنى فى وقت كان الضحك كانت اسبابه معدومه
ات مسلط بى الجد

Post: #53
Title: Re: العندو بواسير اليموتبها..
Author: طارق جبريل
Date: 01-07-2011, 10:37 PM
Parent: #51

Quote: والله يا طارق ضحكتنى فى وقت كان الضحك كانت اسبابه معدومه
ات مسلط بى الجد

اوووووووه شيخ العرب ود المحرب
كيفنك يا حبيب
يا زول اضحك سااااااااااكت
اصلها ماهي جايبي تمنها

Post: #52
Title: Re: العندو بواسير اليموتبها..
Author: طارق جبريل
Date: 01-07-2011, 10:34 PM
Parent: #50

Quote: أهم حاجة ما قلتها؟؟؟؟

الخرابي ما لصقوهو في البطن بي مخاليهو!!!!

قريبك ده ما وصف ليك كويس....

اوووووووووه قريبنا الشايقي
ياخي كيفنك

يا الحبيب زولي وصفلي كلي شي
بس ان فتيتو هني آآآبيصبح علي الربع دة

Post: #55
Title: Re: العندو بواسير اليموتبها..
Author: معاوية عبيد الصائم
Date: 01-07-2011, 11:16 PM
Parent: #52

Quote: مالك علينايا طارق

بشرب لي في نسكافيه

الرشفة الاولى وتركته وحاليا بطني قالبة

بوست غير موفق البتة
كامل التضامن مع الحساس الما شناف
ود الباوقة اليابانى

ياخ احترم نسكافيه الجماهير(ود الباوقة)
نموذج للجماهير قر قر قر قر

اكان........ لمت فى عود الجوز قربيك شوية
بهدى اللعب ؟..رغم قناعتى الزيو الا حادث

المسخوط ما ......ازيك ولا شى

Post: #71
Title: Re: العندو بواسير اليموتبها..
Author: طارق جبريل
Date: 01-08-2011, 12:19 PM
Parent: #55

Quote: بوست غير موفق البتة
كامل التضامن مع الحساس الما شناف
ود الباوقة اليابانى

ياخ احترم نسكافيه الجماهير(ود الباوقة)
نموذج للجماهير قر قر قر قر

اكان........ لمت فى عود الجوز قربيك شوية
بهدى اللعب ؟..رغم قناعتى الزيو الا حادث

المسخوط ما ......ازيك ولا شى

عود الجوز كان جاب ضقلها

Post: #56
Title: Re: العندو بواسير اليموتبها..
Author: فايزودالقاضي
Date: 01-07-2011, 11:21 PM
Parent: #52

ههههههههههه

والله ياطارق قعدت اضحك براى بصورة هستيرية ...حكي مرتب وبواسير مرتبة ...

عمليةالبواسير دي اقرب للاغتصاب كان كدي ...

يديك العافية ..

Post: #72
Title: Re: العندو بواسير اليموتبها..
Author: طارق جبريل
Date: 01-08-2011, 12:20 PM
Parent: #56

Quote: ههههههههههه

والله ياطارق قعدت اضحك براى بصورة هستيرية ...حكي مرتب وبواسير مرتبة ...

عمليةالبواسير دي اقرب للاغتصاب كان كدي ...

يديك العافية ..

اغتصاب بي قروشك يا عمك

Post: #58
Title: Re: العندو بواسير اليموتبها..
Author: almulaomar
Date: 01-08-2011, 07:31 AM
Parent: #1

منتهي الجمال (السرد الأدبي طبعاً يا طارق) المهم دا نوع أو ضرب من ضروب الأدب نسيت إسمو شنو يكون الموضوع حاصل ليك وتقول حصل لي فلان هي ما إياك أعني فأسمعي يا جاره لكين قريب منها ، المهم يا ود جبريل على طاري هذه الحكاية قال ليك في واحد يعاني ما عنيت أنت لا صاحب من تلك الآلم وودوهو وفي طربيزة العملية ختو وتحلق حوله طلبة كلية الطب وكان البروف بتاع سجارة أها صاحبنا بعد البنج خلاص بدأ يفك منو والهوا سباني قال بلسان عربي مبين " يا ساتر" أها البروف أكلت معاهو قال ليهو إنت والسترة إتفارقتو زماااان قول يا لطيف.

Post: #59
Title: Re: العندو بواسير اليموتبها..
Author: ابو جهينة
Date: 01-08-2011, 07:49 AM
Parent: #58

و الله يا ود جبريل إنت غايتو .. ما عارف أقول ليك شنو
لكن عليك أمان الله مديرنا كل مرة يمرق يتاوق لي و عاوز يشوف الزول دة مالة بيضحك براه.

( أها .. يموت الزول و بواسيرو تلعب )

Post: #75
Title: Re: العندو بواسير اليموتبها..
Author: طارق جبريل
Date: 01-08-2011, 12:35 PM
Parent: #59

Quote: الله يا ود جبريل إنت غايتو .. ما عارف أقول ليك شنو
لكن عليك أمان الله مديرنا كل مرة يمرق يتاوق لي و عاوز يشوف الزول دة مالة بيضحك براه.

( أها .. يموت الزول و بواسيرو تلعب )

حبيبنا ابا جهينة
ياخي كيفنك
يا زول مانا حارلنا منها شي
اسكت اضحك

Post: #60
Title: Re: العندو بواسير اليموتبها..
Author: زهير الزناتي
Date: 01-08-2011, 07:56 AM
Parent: #58

Post: #61
Title: Re: العندو بواسير اليموتبها..
Author: امير عوض الجمري
Date: 01-08-2011, 08:49 AM
Parent: #60

انعديشك وديش ديشك يا طارق يا ثقيل يعني اسي في داعي تخلي الواحد
يضحك زي الاهبل كدا براهو في المكتب ... وبعدين معانا بنيات في الشغل
ديل كان سألني بتضحك مالك اقولهن شنو !! واشرح ليهن عمل الفتحة الصغيرون العملها ابوعلي
وطلع منها نواح المصارين علي تدمير البوابة دي كيفن !!!
غايتو الله يسامحك ويجازي محنك يا مسخووووووووووووووت ..

Quote: اسمع في طارق قال لي واحدي من السسترات أحلقيلو..
- كمان جابتلها حلاقي من تحت..

هههههههههههههههههههههها ...
ذكرتني نكتة الزول اللقى ليهو كتاب واقع ولمن فتحو لقاهو كتاب عمليات وفيه شرح كامل لي كيف
تعمل العملية الفلانية .. اها زولك مشى فتح عيادة جراحة وقعد يقطع في الناس يجيهو زول زائدة يفتخ الكتاب ويقعد يشتغل .. جيب المشرط افتح الجنبة اليمين خمسة سنت تلقى لحيمة صغيرة اقطعها بعدين خيّط وقفل وخلاص يللا مع السلامة .. اها يوم جاهو واحد عنده بواسير زي ابو علي دا اها صاحبنا فتح الكتاب وقعد يقول للراجل تعال بي جاي جوة الستارة اقلع البنطلون .. اقلع اللباس .. فنقس .. ولقى طبعا احلق الشعر راح جاب المقص وكجك كجك كجك قعد يحلق في الشعر والصفحة كملت راح قلب بي هناك لقى الكتابة ممسوحة قام نفخ لي صاحبنا ا ف اف نفحتين وقال ليهو نعيماً خلاص قوم ..

Post: #63
Title: Re: العندو بواسير اليموتبها..
Author: Shawgi Sulaiman
Date: 01-08-2011, 09:59 AM
Parent: #61

طارق لك تحياتي

انا لي 10 سنوات ما ضحكت بالطريقة دي الناس في المكتب إفتكروني جنكستة ، ياخ والله إبداع صاحبك ده

Post: #64
Title: Re: العندو بواسير اليموتبها..
Author: معاذ حسن
Date: 01-08-2011, 10:15 AM
Parent: #63

ههههههههه
حمد لله على السلامة
قلنا ليك ماتكتر من شطة قندهار
ما سمعت الكلام لمان اكلت سمبهار
واحد بلدياتنا جاتو بواسير
مكتمها وميت بها سنين ..في النهاية اضطر يعمل عملية
أها بعد طلع من العملية راقد في العنبر جن طالبات كلية الطب
نضاف وظراف سلمن عليهو ..
- حمدا لله على السلامة يا حاج.
- الله يسلمكن يا بناتي.
- يا عمو نحن طالبات طلب وعايزين منك مساعدة.
عملك طلع الجزلان..
-ابشرن اساعدكن تب.
- لا يا عمو نحن ما عايزين قروش نحن عايزين نكشف عليك.
- كدي..ما في مشكلة-كشف عمك عن صدره لوضع السماعة .
- لا يا عمو ما فهمتنا نحن عايزن نشوف محل العملية !!

صمت عمك طويلا ..ثم قال ....
- يا بناتي والله ماني داير اطردكن
لكن عينة وجوهكن السمحة دي ما وجوهاالزول ما بقابلا بي ......طتو

يا الحبيب انت وين هسي؟

Post: #81
Title: Re: العندو بواسير اليموتبها..
Author: طارق جبريل
Date: 01-08-2011, 12:44 PM
Parent: #64

Quote: لكن عينة وجوهكن السمحة دي ما وجوهاالزول ما بقابلا بي ......طتو

ابو النسب ما بالغت ياخي
يا حبيب تحياتنا لي بتنا
جايننا متين

Post: #113
Title: Re: العندو بواسير اليموتبها..
Author: صلاح الدين ابراهيم الفضل
Date: 01-09-2011, 07:48 PM
Parent: #64

يا طارق ... عذرا لاقتحامى بوستيكم الظريف وزولك ده ( ولا كان انت ) محظوظ واسمع هذه الحكاية التى قرأتها قبل فترة فى استراحة بإحدى الصحف السودانية ... وتحكى بأن احدهم عانى ما عانى من هذه المصيبة واتوكل على الله وقابل الجراح وبعد المعاينة قرر الجراح اجراء العملية فى اليوم التالى وهون على صاحبنا بأن الحكاية لا فيها جراحة ولا يحزنون وهى مجرد كى بالكهرباء ويا دار ما دخلك شر وتقوم بعد العملية تمشى بيتكم وجاء صاحبنا ورقدوه الرقدة ديك وبدا الجراح وبعد الحلاقة واخذ الجهاز بتاع الكى وساوى المنطقة تماما وفى النهاية قام بسكب مادة السبيرتو المطهرة على كامل مناطق العمليات وبعد أن كاد الطبيب ان يخلع الجونتيات ويعلن نهاية العملية لاحظ وجود بعض الشلاضيم تحتاج للإذالة فإذا به يأخذ جهاز الكى بالنار ثانية ويوجهه لتك المنطقة ناسيا حكاية السبيرتو وكدة وبعد داك عينك ما تشوف إلا النور .....

Post: #114
Title: Re: العندو بواسير اليموتبها..
Author: طارق جبريل
Date: 01-09-2011, 08:30 PM
Parent: #113

Quote: يا طارق ... عذرا لاقتحامى بوستيكم الظريف وزولك ده ( ولا كان انت ) محظوظ واسمع هذه الحكاية التى قرأتها قبل فترة فى استراحة بإحدى الصحف السودانية ... وتحكى بأن احدهم عانى ما عانى من هذه المصيبة واتوكل على الله وقابل الجراح وبعد المعاينة قرر الجراح اجراء العملية فى اليوم التالى وهون على صاحبنا بأن الحكاية لا فيها جراحة ولا يحزنون وهى مجرد كى بالكهرباء ويا دار ما دخلك شر وتقوم بعد العملية تمشى بيتكم وجاء صاحبنا ورقدوه الرقدة ديك وبدا الجراح وبعد الحلاقة واخذ الجهاز بتاع الكى وساوى المنطقة تماما وفى النهاية قام بسكب مادة السبيرتو المطهرة على كامل مناطق العمليات وبعد أن كاد الطبيب ان يخلع الجونتيات ويعلن نهاية العملية لاحظ وجود بعض الشلاضيم تحتاج للإذالة فإذا به يأخذ جهاز الكى بالنار ثانية ويوجهه لتك المنطقة ناسيا حكاية السبيرتو وكدة وبعد داك عينك ما تشوف إلا النور .....

قلت لي زولك بقى نار

Post: #78
Title: Re: العندو بواسير اليموتبها..
Author: طارق جبريل
Date: 01-08-2011, 12:40 PM
Parent: #63

Quote: طارق لك تحياتي

انا لي 10 سنوات ما ضحكت بالطريقة دي الناس في المكتب إفتكروني جنكستة ، ياخ والله إبداع صاحبك ده

شوقي كيفنك
يا زول اضحك ماها جايبي تمنها

Post: #65
Title: Re: العندو بواسير اليموتبها..
Author: إدريس محمد إبراهيم
Date: 01-08-2011, 10:30 AM
Parent: #61

آالمسخوت كيفنك ؟!!!....

يا زول إت ما نصيح ؟ .... وحات الله .. وأحلف وأنا صادق .. ما بذكر ضحكت زي الضحك ده بتين ....

والله يا طارق من كترة الضحك لامن أدمّع عدييل كده ... وكمان أقوم أمسح النضاره .. وهاك يا ضحك ....

ياخ كتلنا عديييل أنت وزولك ده ....

Post: #66
Title: Re: العندو بواسير اليموتبها..
Author: إدريس محمد إبراهيم
Date: 01-08-2011, 10:40 AM
Parent: #65

بعد إذنك يا طارق قمت بنقل الموضوع في منتدى قريتنا (منتديات دار العوضة) مع الاحتفاظ طبعاً بحقوق الملكية كاملة ....

ياخ ... الله يهديك بس ... لي حسع بضحك ....

Post: #67
Title: Re: العندو بواسير اليموتبها..
Author: الزبير صالح الزبير
Date: 01-08-2011, 11:44 AM
Parent: #66

Quote: بعد إذنك يا طارق قمت بنقل الموضوع في منتدى قريتنا (منتديات دار العوضة) مع الاحتفاظ طبعاً بحقوق الملكية كاملة ....

ادريس محمد

معقولة بس كان تنقل ليهم موضوع دخان سكينة علي الأقل ريحتة أزين من دة
تقديري

Post: #68
Title: Re: العندو بواسير اليموتبها..
Author: امير عوض الجمري
Date: 01-08-2011, 11:55 AM
Parent: #67

Quote: أهم حاجة ما قلتها؟؟؟؟

الخرابي ما لصقوهو في البطن بي مخاليهو!!!!

ربطوهو بي تكّة وعلقوها في رقبتو ..

الله يسختكم الاتنين شوايقة مناحيس .. ههههههههههههها

Post: #85
Title: Re: العندو بواسير اليموتبها..
Author: طارق جبريل
Date: 01-08-2011, 12:51 PM
Parent: #68

Quote: ربطوهو بي تكّة وعلقوها في رقبتو ..

الله يسختكم الاتنين شوايقة مناحيس .. ههههههههههههها

Post: #84
Title: Re: العندو بواسير اليموتبها..
Author: طارق جبريل
Date: 01-08-2011, 12:49 PM
Parent: #67

Quote: ادريس محمد

معقولة بس كان تنقل ليهم موضوع دخان سكينة علي الأقل ريحتة أزين من دة
تقديري

يا حبيب ديك بتجيب ليه الهوا

Post: #83
Title: Re: العندو بواسير اليموتبها..
Author: طارق جبريل
Date: 01-08-2011, 12:48 PM
Parent: #66

Quote:
بعد إذنك يا طارق قمت بنقل الموضوع في منتدى قريتنا (منتديات دار العوضة) مع الاحتفاظ طبعاً بحقوق الملكية كاملة ....

ياخ ... الله يهديك بس ... لي حسع بضحك ....

يا زول انقل ساكت
بس بالله ارمي لينا الرابط

Post: #82
Title: Re: العندو بواسير اليموتبها..
Author: طارق جبريل
Date: 01-08-2011, 12:46 PM
Parent: #65

Quote: آالمسخوت كيفنك ؟!!!....

يا زول إت ما نصيح ؟ .... وحات الله .. وأحلف وأنا صادق .. ما بذكر ضحكت زي الضحك ده بتين ....

والله يا طارق من كترة الضحك لامن أدمّع عدييل كده ... وكمان أقوم أمسح النضاره .. وهاك يا ضحك ....

ياخ كتلنا عديييل أنت وزولك ده ....

حبيبنا ود ادريس
اضحك الله سنك يا حبيبنا
تسلم من كل شر

Post: #77
Title: Re: العندو بواسير اليموتبها..
Author: طارق جبريل
Date: 01-08-2011, 12:38 PM
Parent: #61

Quote: ولقى طبعا احلق الشعر راح جاب المقص وكجك كجك كجك قعد يحلق في الشعر والصفحة كملت راح قلب بي هناك لقى الكتابة ممسوحة قام نفخ لي صاحبنا ا ف اف نفحتين وقال ليهو نعيماً خلاص قوم ..

يمين بالله ماك نصيح

Post: #76
Title: Re: العندو بواسير اليموتبها..
Author: طارق جبريل
Date: 01-08-2011, 12:37 PM
Parent: #60

هسي يا ابو الزوزو نفهم شنو

Post: #74
Title: Re: العندو بواسير اليموتبها..
Author: طارق جبريل
Date: 01-08-2011, 12:22 PM
Parent: #58

Quote: منتهي الجمال (السرد الأدبي طبعاً يا طارق) المهم دا نوع أو ضرب من ضروب الأدب نسيت إسمو شنو يكون الموضوع حاصل ليك وتقول حصل لي فلان هي ما إياك أعني فأسمعي يا جاره لكين قريب منها ، المهم يا ود جبريل على طاري هذه الحكاية قال ليك في واحد يعاني ما عنيت أنت لا صاحب من تلك الآلم وودوهو وفي طربيزة العملية ختو وتحلق حوله طلبة كلية الطب وكان البروف بتاع سجارة أها صاحبنا بعد البنج خلاص بدأ يفك منو والهوا سباني قال بلسان عربي مبين " يا ساتر" أها البروف أكلت معاهو قال ليهو إنت والسترة إتفارقتو زماااان قول يا لطيف.

هسي يثبتولك كيفن القصي ماها ألتي يا بهجة عمر

Post: #79
Title: Re: العندو بواسير اليموتبها..
Author: Dr.Mohammed Ali Elmusharaf
Date: 01-08-2011, 12:40 PM
Parent: #74

يا دكتور طارق
ياخي ده ابداع شديد خالص

قطعتى مصارينا وخوفتنا

محبتي

Post: #86
Title: Re: العندو بواسير اليموتبها..
Author: طارق جبريل
Date: 01-08-2011, 12:53 PM
Parent: #79

Quote: يا دكتور طارق
ياخي ده ابداع شديد خالص

قطعتى مصارينا وخوفتنا

محبتي

يا دكتور كيفنك ياخي
يا حبيب القصي بسيطي
بس نحن ساولها توم وشمار
حمانا الله واياك
وتسلم على المرور الجميل

Post: #80
Title: Re: العندو بواسير اليموتبها..
Author: عبد الدائم سيد أحمد
Date: 01-08-2011, 12:42 PM
Parent: #74

مرقت البامية من نفسنا

Post: #87
Title: Re: العندو بواسير اليموتبها..
Author: طارق جبريل
Date: 01-08-2011, 12:54 PM
Parent: #80

Quote: مرقت البامية من نفسنا

النضيف يا حبيبنا

Post: #89
Title: Re: العندو بواسير اليموتبها..
Author: إدريس محمد إبراهيم
Date: 01-08-2011, 12:56 PM
Parent: #80

Quote: ادريس محمد

معقولة بس كان تنقل ليهم موضوع دخان سكينة علي الأقل ريحتة أزين من دة
تقديري

الزبير أخوي ...
تحياتي .. وأرجو أن تكون وجميع من حولك بألف خير ....

نسوي شنو بس مع المسخوت ده ... ياخي الطلبه ده كان قال ليك السلام عليكم ساكت يضحكك ... ومواضيعو كلها تحت الدكه ... الله يستر المساخيت البي هناك ما يقوموا يقبلوا علي أخوك بس ... لكن أصلهم عندهم قسم خاص بالطرائف والنكات .. اتوكلت وشتو هناك يا الزبير ... ومحل الرهيفه التنفد ....

مع خالص التقدير والموده ؛؛؛؛

Post: #91
Title: Re: العندو بواسير اليموتبها..
Author: almulaomar
Date: 01-08-2011, 02:41 PM
Parent: #80

Quote: هسي يثبتولك كيفن القصي ماها ألتي يا بهجة عمر

يا ود جبريل حقو تقول الفينا مشهودة وكان غلبتك قول الشينه منكوره. والجاتك جمب راية الكورنر خلعتك ، وفي النهاية كتلوك ولا جوك جوك.

Post: #94
Title: Re: العندو بواسير اليموتبها..
Author: طارق جبريل
Date: 01-08-2011, 09:53 PM
Parent: #91

البهجة عمر مداخلتك حا اعمل ليها

Post: #88
Title: Re: العندو بواسير اليموتبها..
Author: معاوية المدير
Date: 01-08-2011, 12:55 PM
Parent: #74

يققققطع نفسك يا ود جبرين.
إنت بلآ بِحيّت الهوآيل ما عندك شغلة؟
غايتو صاحبك ده قولوا الجاتك في
سامحتك...

Post: #90
Title: Re: العندو بواسير اليموتبها..
Author: إدريس محمد إبراهيم
Date: 01-08-2011, 01:04 PM
Parent: #88

هاك الرابط يا ود جبريل ....

مع خالص محبتي التي تعرف ؛؛؛

http://daralawdh.com/vb/showthread.php?t=2335

Post: #92
Title: Re: العندو بواسير اليموتبها..
Author: Ahmed Saeed Mohamed
Date: 01-08-2011, 07:33 PM
Parent: #90

ابداع والله... اضحكتنا اسعد الله ايامك

قالو فى زمن نميرى احد المايويين الكبار عمل عملية بواسير٠ نميرى حب يعمل لية مفاجأة ويزورة من غير اخطار٠
من غير توقع قالو ليهو نميرى برة وداخل يشوفك من الخلعة الخابور فووت جاء نابل

Post: #93
Title: Re: العندو بواسير اليموتبها..
Author: امير عوض الجمري
Date: 01-08-2011, 09:33 PM
Parent: #92

Quote: طلعتليي باميايي سالمي ضومة ضومة

ووش البامية بقى ما ياهو !!
كان يمسّحوا ليهو الخرطوش بي زيت صباح لتسهيل الدخول وكمان المحافظة على وش البامية .

Post: #104
Title: Re: العندو بواسير اليموتبها..
Author: طارق جبريل
Date: 01-09-2011, 11:48 AM
Parent: #93

Quote: ووش البامية بقى ما ياهو !!
كان يمسّحوا ليهو الخرطوش بي زيت صباح لتسهيل الدخول وكمان المحافظة على وش البامية .

Post: #103
Title: Re: العندو بواسير اليموتبها..
Author: طارق جبريل
Date: 01-09-2011, 11:42 AM
Parent: #92

Quote: ابداع والله... اضحكتنا اسعد الله ايامك

قالو فى زمن نميرى احد المايويين الكبار عمل عملية بواسير0 نميرى حب يعمل لية مفاجأة ويزورة من غير اخطار0
من غير توقع قالو ليهو نميرى برة وداخل يشوفك من الخلعة الخابور فووت جاء نابل

نميري بالغ ياخي

Post: #95
Title: Re: العندو بواسير اليموتبها..
Author: Ahmed Saeed Mohamed
Date: 01-08-2011, 11:50 PM
Parent: #90

ابداع والله... اضحكتنا اسعد الله ايامك

قالو فى زمن نميرى احد المايويين الكبار عمل عملية بواسير٠ نميرى حب يعمل لية مفاجأة ويزورة من غير اخطار٠
من غير توقع قالو ليهو نميرى برة وداخل يشوفك من الخلعة الخابور فووت جاء نابل

Post: #96
Title: Re: العندو بواسير اليموتبها..
Author: عثمان محمد كرار
Date: 01-09-2011, 00:46 AM
Parent: #95

قاعد لي مع جماعه بقيت اضحك براي وهن يسولي ضحكنا معاك قلت ليهم اتذكرت لي نكته

Post: #97
Title: Re: العندو بواسير اليموتبها..
Author: عثمان محمد كرار
Date: 01-09-2011, 01:00 AM
Parent: #96

قالو ياودجبريل واحد عندو نفس مصيبتك دي اها عمل كم عمليه والحال في حالو لاجديدا جده ولاقديما راح ..لقي واحد صاحبو قال ليه يازول القصه دي حلها عندي تب ماتشيل هم اها ياخرابه حلها شنو قالو تضربا جيروتقابل بيها الشمس لااامن تنشف والكمده بالرمده ..اها صاحبنا بقي يفكر الشي يعملا وين قال يمشي الخلا حته مافيها اي بشر ركب عربيتو ودقش الخلا اطمان انومافي اي زول حايم ضرب الحكايه جير وقابل بيها الشمس..وراسو بين كرعيهو يشوف واحد رباطابي راكب وماشي عليه لما وصلو سلم عليه صاحبنا ابي يرد السلام علي امل الزول دا يتخارج الرباطابي عرعر حمارو وقالو جاييكم ز...من الحج والله شنو ازول ضاربا جير:)

Post: #98
Title: Re: العندو بواسير اليموتبها..
Author: عبدالله ابوشوارب
Date: 01-09-2011, 06:02 AM
Parent: #97

وحات الله ماك نصيح يا ود جبرين

والله قطعت مصاريني بالضحك وذكرتني واحد قريبنا عمل عملية بواسير

وداسي الموضوع لكن الناس عرفو والحلة انقدت فيه حمدالله علي السلامة حمدالله علي السلامة

عندو اخت حنييييينة ودمعتا قريبة اها جاتو تكفر ليه والديوان مليان عليه

وقعدت تبكي وهي مصرة الا تشوف العملية وعمك يجهجه ليها في الكلام

اها لمن الناس سكتوا هي عرفت الموضوع ما طبيعي

قامت قالت ليه انت يا،،،، اخوي العملية دي عملوها ليك وين ؟

قال ليها عملوها لي في ذمتي دي يا ،،،، اختي

لكن قلت لي البامية كيف ؟

Post: #106
Title: Re: العندو بواسير اليموتبها..
Author: طارق جبريل
Date: 01-09-2011, 11:54 AM
Parent: #98

Quote: وحات الله ماك نصيح يا ود جبرين

والله قطعت مصاريني بالضحك وذكرتني واحد قريبنا عمل عملية بواسير

وداسي الموضوع لكن الناس عرفو والحلة انقدت فيه حمدالله علي السلامة حمدالله علي السلامة

عندو اخت حنييييينة ودمعتا قريبة اها جاتو تكفر ليه والديوان مليان عليه

وقعدت تبكي وهي مصرة الا تشوف العملية وعمك يجهجه ليها في الكلام

اها لمن الناس سكتوا هي عرفت الموضوع ما طبيعي

قامت قالت ليه انت يا،،،، اخوي العملية دي عملوها ليك وين ؟

قال ليها عملوها لي في ذمتي دي يا ،،،، اختي

لكن قلت لي البامية كيف ؟

اريتها اخت السواد دي

Post: #99
Title: Re: العندو بواسير اليموتبها..
Author: على احمد النعيم
Date: 01-09-2011, 06:09 AM
Parent: #97

العزيز ود جبريل

ياخى والله انت مدهش ومجنون حد الثمالة.

بس ياخى خوفتنا من الخوازيق دى يعنى لا قدر الله لو جات نموتبها بالجد زى ماقلت واللا نسوى شنو؟؟

ياخى تانى انت مبدع ومدهش ومجنون ...

تحياتى لك بلا حدود

Post: #100
Title: Re: العندو بواسير اليموتبها..
Author: نادر النور آدم
Date: 01-09-2011, 07:47 AM
Parent: #99

يا ود جبرين
..
أضحك الله سنّك
..
..
عندنا قريباً لينا - الله يرحمه -
كانت عندو الحكاية دي وسكت عليها فترة طويلة، أها القصة بقت صعب تتحمل أكتر من كدة، الدكتور قال العملية عمك قال ليه السماء قريب، أها اولادو عندهم دكتور صاحباً ليهم في البندر داااااااك، قال ليهم جيبوه نديه بنج كامل ونخلص الموضوع، ودا الحصل، أقنعوه بأنو في دكتور شاطر حا يديه علاجات بس، عمك أول ما صحى من التخدير عرف الحكاية اتجوبكت، طلع سكينو وقال ليهم: علي الطلاق البكلم واحد من ناس الحلة إلا سكيني دا تاباهو ...

Post: #108
Title: Re: العندو بواسير اليموتبها..
Author: طارق جبريل
Date: 01-09-2011, 11:59 AM
Parent: #100

Quote: يا ود جبرين
..
أضحك الله سنّك
..
..
عندنا قريباً لينا - الله يرحمه -
كانت عندو الحكاية دي وسكت عليها فترة طويلة، أها القصة بقت صعب تتحمل أكتر من كدة، الدكتور قال العملية عمك قال ليه السماء قريب، أها اولادو عندهم دكتور صاحباً ليهم في البندر داااااااك، قال ليهم جيبوه نديه بنج كامل ونخلص الموضوع، ودا الحصل، أقنعوه بأنو في دكتور شاطر حا يديه علاجات بس، عمك أول ما صحى من التخدير عرف الحكاية اتجوبكت، طلع سكينو وقال ليهم: علي الطلاق البكلم واحد من ناس الحلة إلا سكيني دا تاباهو ...

قلتلي يموتوبها
الله يقلعك يا ود النور

Post: #107
Title: Re: العندو بواسير اليموتبها..
Author: طارق جبريل
Date: 01-09-2011, 11:56 AM
Parent: #99

Quote: العزيز ود جبريل

ياخى والله انت مدهش ومجنون حد الثمالة.

بس ياخى خوفتنا من الخوازيق دى يعنى لا قدر الله لو جات نموتبها بالجد زى ماقلت واللا نسوى شنو؟؟

ياخى تانى انت مبدع ومدهش ومجنون ...

تحياتى لك بلا حدود

الله يحبر بي خاطرك يا حبيب

Post: #105
Title: Re: العندو بواسير اليموتبها..
Author: طارق جبريل
Date: 01-09-2011, 11:52 AM
Parent: #97

Quote: قالو ياودجبريل واحد عندو نفس مصيبتك دي اها عمل كم عمليه والحال في حالو لاجديدا جده ولاقديما راح ..لقي واحد صاحبو قال ليه يازول القصه دي حلها عندي تب ماتشيل هم اها ياخرابه حلها شنو قالو تضربا جيروتقابل بيها الشمس لااامن تنشف والكمده بالرمده ..اها صاحبنا بقي يفكر الشي يعملا وين قال يمشي الخلا حته مافيها اي بشر ركب عربيتو ودقش الخلا اطمان انومافي اي زول حايم ضرب الحكايه جير وقابل بيها الشمس..وراسو بين كرعيهو يشوف واحد رباطابي راكب وماشي عليه لما وصلو سلم عليه صاحبنا ابي يرد السلام علي امل الزول دا يتخارج الرباطابي عرعر حمارو وقالو جاييكم ز...من الحج والله شنو ازول ضاربا جير:)

هو شقي الحال دة ما لقى يقع الا في رباطابي

Post: #147
Title: Re: العندو بواسير اليموتبها..
Author: khalid Elkhidir
Date: 01-14-2011, 03:37 PM
Parent: #95

سلامات يا طارق

ياخى الدنيا صباح و انا داخل هنا اشوف الاخبار.
و الله كتلتنا بى الضحك, ياخى صاحبك ده قولوا عمليت
البواسير ام خرطوش دى الفرنجه خلوها:::: عندهم ليها
حلول بسيطه و جميله" قولوا عليك بى الطش و المويه الدافيه"
بدون "تدكتر"

ممتع ممتع...

Post: #148
Title: Re: العندو بواسير اليموتبها..
Author: طارق جبريل
Date: 01-14-2011, 05:53 PM
Parent: #147

Quote: سلامات يا طارق

ياخى الدنيا صباح و انا داخل هنا اشوف الاخبار.
و الله كتلتنا بى الضحك, ياخى صاحبك ده قولوا عمليت
البواسير ام خرطوش دى الفرنجه خلوها:::: عندهم ليها
حلول بسيطه و جميله" قولوا عليك بى الطش و المويه الدافيه"
بدون "تدكتر"

ممتع ممتع...

اخبار شنو التفتشلها يا خالد وصحبي ممكون

Post: #102
Title: Re: العندو بواسير اليموتبها..
Author: طارق جبريل
Date: 01-09-2011, 11:41 AM
Parent: #90

Quote: هاك الرابط يا ود جبريل ....

مع خالص محبتي التي تعرف ؛؛؛

http://daralawdh.com/vb/showthread.php?t=2335

تسلم يا حبيب

Post: #101
Title: Re: العندو بواسير اليموتبها..
Author: طارق جبريل
Date: 01-09-2011, 11:38 AM
Parent: #88

((يققققطع نفسك يا ود جبرين.
إنت بلآ بِحيّت الهوآيل ما عندك شغلة؟
غايتو صاحبك ده قولوا الجاتك في
سامحتك ))

اوووووووه حبيبنا ود المدير
ياخي واسي الراجل
ههههههههههههه

اسعدني تليفونك يا حبيب

Post: #109
Title: Re: العندو بواسير اليموتبها..
Author: صلاح أبودية
Date: 01-09-2011, 12:17 PM
Parent: #101

ود الخالة
حمدا لله على السلامة !
مافى صور ؟؟

Post: #110
Title: Re: العندو بواسير اليموتبها..
Author: طارق جبريل
Date: 01-09-2011, 02:47 PM
Parent: #109

Quote: ود الخالة
حمدا لله على السلامة !
مافى صور ؟؟

يا صلاح كدة كيف
تم التعديل عشان البوست ما يمشي الخور

Post: #111
Title: Re: العندو بواسير اليموتبها..
Author: عبدالله ابوشوارب
Date: 01-09-2011, 05:26 PM
Parent: #110

Quote: يا صلاح كدة كيف

كدة البوست مشي الخور بي مزااااااااج

الله يجازي محنك يا ود جبرين دا جبتو من وين ؟

Post: #112
Title: Re: العندو بواسير اليموتبها..
Author: طارق جبريل
Date: 01-09-2011, 05:38 PM
Parent: #111

Quote: كدة البوست مشي الخور بي مزااااااااج

الله يجازي محنك يا ود جبرين دا جبتو من وين ؟

خلاص عدلناها عشان البوست ما يمشي الخور

Post: #115
Title: Re: العندو بواسير اليموتبها..
Author: ياسر إدريس حسن
Date: 01-09-2011, 11:52 PM
Parent: #112

الريس ود جبرين

دحين اللي حلينا من بواسير الانقاذ منو؟ اخوانا في الجنوب عملو عملية استفاء وجابو ليهم دكاترة من الخارج. نحن نعمل شنو؟

Post: #116
Title: Re: العندو بواسير اليموتبها..
Author: عثمان محمد كرار
Date: 01-10-2011, 00:10 AM
Parent: #115

Post: #118
Title: Re: العندو بواسير اليموتبها..
Author: طارق جبريل
Date: 01-10-2011, 11:58 AM
Parent: #116

ود كرار النصايب دي نكتها من وين

Post: #117
Title: Re: العندو بواسير اليموتبها..
Author: طارق جبريل
Date: 01-10-2011, 11:39 AM
Parent: #115

Quote: الريس ود جبرين

دحين اللي حلينا من بواسير الانقاذ منو؟ اخوانا في الجنوب عملو عملية استفاء وجابو ليهم دكاترة من الخارج. نحن نعمل شنو؟

يا حبيب الانقاذ دي ينفع معاها آخر العلاج الكي بس

Post: #119
Title: Re: العندو بواسير اليموتبها..
Author: محمد أبوالعزائم أبوالريش
Date: 01-10-2011, 01:01 PM
Parent: #117

Quote: العندو بواسير اليموتبها

يموتبها .. ما أظن .. وحسب الحكاوي دي الشغلة ما بتنقدر.

لكن النصيحة مفروض تكون (العندو بواسير ما يكلمبها طارق) ....... الشي مفضوح فضيحة.

Post: #120
Title: Re: العندو بواسير اليموتبها..
Author: طارق جبريل
Date: 01-11-2011, 12:13 PM
Parent: #119

Quote: لكن النصيحة مفروض تكون (العندو بواسير ما يكلمبها طارق) ....... الشي مفضوح فضيحة

يا حبيب كل سنة وانت طيب

Post: #121
Title: Re: العندو بواسير اليموتبها..
Author: ابوبكر قسومة
Date: 01-11-2011, 12:46 PM
Parent: #120

أسمع نصيحة مجرب ما تسمع كلام طبيب...
غايتو يا ود جبريل من خلال الدقه في وصف العملية ما ظنيت البتحكي عنو ده كلو قالو ليك صاحبك,,,,
نصيحة ود جبريل دي ما ترموها واطة

Post: #122
Title: Re: العندو بواسير اليموتبها..
Author: محمد زكريا
Date: 01-11-2011, 01:06 PM
Parent: #121

بعد كورس فى اللغه الشايجيه
قررت تانى باميه فى البيت مافى
لو لا الحمام الحيطتو اتجلبطت كنت عاوز اقول ليك والله ابداع عديل ......لكن شكلها بتكون مشاتره
لكن اسهلتنا بالضحك

الراجل بلدياتنا عنده البواسير مشى الدكتور اداهو حبوب لبوسات وقال ليه حبه صباح ومساء فى المستقيم
= وين؟ عفواً يالدكتور وين؟ المستقيم؟ وين يعنى؟
= فى فتحه الشرج
= اها.....علا شنو المعنى يعنى؟ فتيحه الشرر شنو الداهيه كمان؟....وين ؟
= ياخ منطقه الاخراج قصدى
= ااا زول ها اخراج شنو؟.....اختها وين يعنى؟
= ياخ ختّها فى###### .........كده كويس معاك
= هوىا الدكتور خبارك زعلت ولسانك بقى زفر كدى.......يعنى ما نستعلم؟.......اها روّق شويه....اختها وين؟
=؟؟؟؟؟؟؟؟ زعلتا؟

=========
يجازى محنك يا طارق جبريل هسه فى داعى

Post: #126
Title: Re: العندو بواسير اليموتبها..
Author: طارق جبريل
Date: 01-11-2011, 07:14 PM
Parent: #122

Quote: بعد كورس فى اللغه الشايجيه
قررت تانى باميه فى البيت مافى
لو لا الحمام الحيطتو اتجلبطت كنت عاوز اقول ليك والله ابداع عديل ......لكن شكلها بتكون مشاتره
لكن اسهلتنا بالضحك

الراجل بلدياتنا عنده البواسير مشى الدكتور اداهو حبوب لبوسات وقال ليه حبه صباح ومساء فى المستقيم
= وين؟ عفواً يالدكتور وين؟ المستقيم؟ وين يعنى؟
= فى فتحه الشرج
= اها.....علا شنو المعنى يعنى؟ فتيحه الشرر شنو الداهيه كمان؟....وين ؟
= ياخ منطقه الاخراج قصدى
= ااا زول ها اخراج شنو؟.....اختها وين يعنى؟
= ياخ ختّها فى###### .........كده كويس معاك
= هوىا الدكتور خبارك زعلت ولسانك بقى زفر كدى.......يعنى ما نستعلم؟.......اها روّق شويه....اختها وين؟
=؟؟؟؟؟؟؟؟ زعلتا؟

=========
يجازى محنك يا طارق جبريل هسه فى داعى

ابو الزيك ياخي دة دكتور ولا شرامي

Post: #123
Title: Re: العندو بواسير اليموتبها..
Author: امير عوض الجمري
Date: 01-11-2011, 01:06 PM
Parent: #121

Quote: ود كرار النصايب دي نكتها من وين

هو نكت نصاح يا طارق .. ياخي اتاريها الشغلانية دي صعبة خلاص
الله يحفظ (.......تنا) من جنس البعبيص دا ... وتاني ما جاي بوستيك الكلو عزّابة
التقول في الليق دا ...
بس امكن نجي نشمشم ساي ونمش .. وان كان الشمشيم ذااااتو صعب في الحتة ام هنايات دي ... ههههههههها

Post: #130
Title: Re: العندو بواسير اليموتبها..
Author: طارق جبريل
Date: 01-12-2011, 11:54 AM
Parent: #123

Quote: هو نكت نصاح يا طارق .. ياخي اتاريها الشغلانية دي صعبة خلاص
الله يحفظ (.......تنا) من جنس البعبيص دا ... وتاني ما جاي بوستيك الكلو عزّابة
التقول في الليق دا ...
بس امكن نجي نشمشم ساي ونمش .. وان كان الشمشيم ذااااتو صعب في الحتة ام هنايات دي ... ههههههههها

يا شقي الحال فطستني بالضحك

Post: #125
Title: Re: العندو بواسير اليموتبها..
Author: طارق جبريل
Date: 01-11-2011, 04:21 PM
Parent: #121

Quote: أسمع نصيحة مجرب ما تسمع كلام طبيب...
غايتو يا ود جبريل من خلال الدقه في وصف العملية ما ظنيت البتحكي عنو ده كلو قالو ليك صاحبك,,,,
نصيحة ود جبريل دي ما ترموها واطة

ياخي منو القاليك انا مجرب
نسوي ليكم اشعة في المنبر دة ولا شنو

Post: #127
Title: Re: العندو بواسير اليموتبها..
Author: مُحَمَّدٍ عِوَضٌ احْمَدُ
Date: 01-11-2011, 08:01 PM
Parent: #125

ياود جبرين..سلامات
والله كل ما اقرا موضوعك ده اقوم من الكرسى
قعدة الكمبيوتر دى اكيد بتلحقنا امات طه

Post: #131
Title: Re: العندو بواسير اليموتبها..
Author: طارق جبريل
Date: 01-12-2011, 11:55 AM
Parent: #127

Quote: ياود جبرين..سلامات
والله كل ما اقرا موضوعك ده اقوم من الكرسى
قعدة الكمبيوتر دى اكيد بتلحقنا امات طه

ايي أخير الوقاية من البعبيص

Post: #128
Title: Re: العندو بواسير اليموتبها..
Author: د.محمد حسن
Date: 01-11-2011, 08:16 PM
Parent: #125

ود جبرين
جيب اضانك اكلمك براك

تاني ما تتقشى بي اكياس الاسمنت

ملحوظة

عمران ما دخل البوست ده مالو؟

Post: #129
Title: Re: العندو بواسير اليموتبها..
Author: omar arbab
Date: 01-11-2011, 11:22 PM
Parent: #128

Quote: نان مالك ما مشيت لي د. طارق
الله يديه العافي

Post: #139
Title: Re: العندو بواسير اليموتبها..
Author: طارق جبريل
Date: 01-12-2011, 05:52 PM
Parent: #129

Quote: الله يديه العافي

ود ارباب كيفنك
دكتور طارق راجل صباح خير ياخي

Post: #132
Title: Re: العندو بواسير اليموتبها..
Author: طارق جبريل
Date: 01-12-2011, 11:56 AM
Parent: #128

Quote: تاني ما تتقشى بي اكياس الاسمنت

يا دكتور انت كنت شغال طُلبة ولا شنو

Post: #133
Title: Re: العندو بواسير اليموتبها..
Author: ابوبكر قسومة
Date: 01-12-2011, 12:14 PM
Parent: #132

Quote: Quote: تاني ما تتقشى بي اكياس الاسمنت

يا دكتور انت كنت شغال طُلبة ولا شنو

يا دكتور طارق زولك ده كان شغال طلبة ما كان جاتو بواسير ..كان جاهو امساك.

Post: #134
Title: Re: العندو بواسير اليموتبها..
Author: ناصر احمد الامين
Date: 01-12-2011, 01:08 PM
Parent: #133

Somo la funny sana, shukrani kwa uvumbuzi huu

Bawasiri radhi

هههههههه

Post: #135
Title: Re: العندو بواسير اليموتبها..
Author: ابوبكر قسومة
Date: 01-12-2011, 01:16 PM
Parent: #134

Quote: Somo la funny sana, shukrani kwa uvumbuzi huu

Bawasiri radhi
وييين درست اللغة السواحيلية يا قريب ماضي؟

Post: #136
Title: Re: العندو بواسير اليموتبها..
Author: ناصر احمد الامين
Date: 01-12-2011, 01:35 PM
Parent: #135

Quote: وييين درست اللغة السواحيلية يا قريب ماضي؟

في اليابان ياقريب عبدالحميد !! هههه

تحياتي يا ابوبكر ليك و لي الجماعة المعاك بلا فرز و قريبي دا عليكم الله فسحوه كويس !!

Post: #138
Title: Re: العندو بواسير اليموتبها..
Author: ابوبكر قسومة
Date: 01-12-2011, 01:45 PM
Parent: #136

أهلا بيك كتير يا ناصر ,,وكان لي قريبك ده نحنا ما لمينا فيهو الا أمس بس..سنعمل بالوصية.

(معليش يا طارق أسمح لنا علي التغول الذي مورس علي بوستينك الروعة ده)

Post: #145
Title: Re: العندو بواسير اليموتبها..
Author: طارق جبريل
Date: 01-14-2011, 10:52 AM
Parent: #138

Quote: (معليش يا طارق أسمح لنا علي التغول الذي مورس علي بوستينك الروعة ده)

يا حبيب اسكت دغمس سااااااكت

Post: #137
Title: Re: العندو بواسير اليموتبها..
Author: د.محمد حسن
Date: 01-12-2011, 01:36 PM
Parent: #135

انت يا طارق اخوي
النسوان الشي ده مو قاعد يجيهن
مالن ما دخلن كفرن لك !!!!؟

Post: #142
Title: Re: العندو بواسير اليموتبها..
Author: طارق جبريل
Date: 01-12-2011, 05:57 PM
Parent: #137

Quote: انت يا طارق اخوي
النسوان الشي ده مو قاعد يجيهن
مالن ما دخلن كفرن لك !!!!؟

يا حبيب شوف عيني الولادة قاعدي تجيب البواسير

Post: #141
Title: Re: العندو بواسير اليموتبها..
Author: طارق جبريل
Date: 01-12-2011, 05:56 PM
Parent: #134

Quote: Somo la funny sana, shukrani kwa uvumbuzi huu

Bawasiri radhi

هههههههه

يا ناصر دي مرحلة متأخرة في البواسير

Post: #140
Title: Re: العندو بواسير اليموتبها..
Author: طارق جبريل
Date: 01-12-2011, 05:55 PM
Parent: #133

Quote: يا دكتور طارق زولك ده كان شغال طلبة ما كان جاتو بواسير ..كان جاهو امساك.

نان يا حبيب الامساك دة ما ياهو البيجيب الشخاليب

Post: #143
Title: Re: العندو بواسير اليموتبها..
Author: مهيرة
Date: 01-12-2011, 07:19 PM
Parent: #140

Quote: يا حبيب شوف عيني الولادة قاعدي تجيب البواسير

انت من زمن الولادة البتجيب البواسير؟!!!

ياطارق قول للجنيات ديل كان ما متنا ما شقينا المقابر !!!

أها ياطارق خسمتك بالرسول تخت الوشوش الخدر الاتك ديلاك ،أنا ما عرفتلن

شكرا على اهدائنا الابتسام وتفريج الهموم ياطارق

تحياتى

Post: #144
Title: Re: العندو بواسير اليموتبها..
Author: طارق جبريل
Date: 01-13-2011, 11:32 AM
Parent: #143

Quote: انت من زمن الولادة البتجيب البواسير؟!!!

ياطارق قول للجنيات ديل كان ما متنا ما شقينا المقابر !!!

أها ياطارق خسمتك بالرسول تخت الوشوش الخدر الاتك ديلاك ،أنا ما عرفتلن

شكرا على اهدائنا الابتسام وتفريج الهموم ياطارق

تحياتى

مهيرة كيفنك ياخي
حمانا الله واياك يا الزيني

Post: #146
Title: Re: العندو بواسير اليموتبها..
Author: صلاح الأحمر
Date: 01-14-2011, 12:59 PM
Parent: #144

يخرب بيتك !
ده شنو ياشايقي الجن؟
أغرقت صباحي في بحر من دموع الفرح.
ضحكت لمن السلك الفي سنوني قرب يقع.
الله يديك العافية،ده الكلام ،وشغل صح.

واحد عندو بواسير مشى للدكتور ،
طلعو في تربيزة الكشف وقال ليهو
أقلع هدومك كلهاواعمل زي وضعية السجود.
المهم الطبيب شايل بطاريتو ومعاهو ممرضتين
دخل أصبعو بالجونتي في (.....) صاحبناوقام
سألو : حاسي بي حاجه؟
قال ليهو والله ياخي حاسي بي حقرة

Post: #149
Title: Re: العندو بواسير اليموتبها..
Author: طارق جبريل
Date: 01-14-2011, 05:55 PM
Parent: #146

Quote: واحد عندو بواسير مشى للدكتور ،
طلعو في تربيزة الكشف وقال ليهو
أقلع هدومك كلهاواعمل زي وضعية السجود.
المهم الطبيب شايل بطاريتو ومعاهو ممرضتين
دخل أصبعو بالجونتي في (.....) صاحبناوقام
سألو : حاسي بي حاجه؟
قال ليهو والله ياخي حاسي بي حقرة

عاد يا ود اللحمر النصيبي دي ان بقت جاتك (حماك الله)
نان انا ما بفرج فيك خلق الله

Post: #150
Title: Re: العندو بواسير اليموتبها..
Author: طارق جبريل
Date: 01-24-2011, 12:53 PM
Parent: #133

Quote: يا دكتور طارق زولك ده كان شغال طلبة ما كان جاتو بواسير ..كان جاهو امساك.

نان فرقن شنو