Post: #1
Title: نانسي ... كل سنه وإنتي طيبه ..
Author: طلال عفيفي
Date: 03-02-2009, 03:22 AM
كل سنه وإنتي طيبه يا نانسي ...
طيبه وجميله وبديعه ..
ربنا يسقي أيامك زي ما خليتي زهور كتيره في مشاعرنا تتفتح
من جديد ..
صوتك وإحساسك الدافي كانوا أصدقاء لمن الدنيا عزت علينا
بالكتير .
وجودك في حياتنا خلى طعم الإحتمال ممكن .. ممكن يكون في
حاجات كتيره كويسه ونشوفا وهي بتتولد وبتكبر ، وممكن
الإنسان يقدر يقاوم عبث الحياه المحيط ويطلع نضيف ..
كل سنه وإنتي طيبه وقويه وبتشبهي الحياه ...
|
Post: #2
Title: Re: نانسي ... كل سنه وإنتي طيبه ..
Author: وجدي الكردي
Date: 03-02-2009, 03:36 AM
Parent: #1
فنان يا طلال..
ونانسي موجوعة، وموجعة في آن..!
|
Post: #5
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 05:25 AM
Parent: #2
شكراً يا أستاذ وجدي ...
ربنا يديم المعروف ...
|
Post: #3
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 03:37 AM
Parent: #1
*في صوت نانسي سر عجيب ، إنت بتكون
عارف إنو ما صوتك ، لكن حالة أشبه
باليقين بتخليك بتعتقد إنها بتغني
ليك ..
صوت هذه البنت زي الفراشة بيشيل ويحط
من شجنك على ألمك ، ومن ألمك على ذكرياتك
ومن ذكرياتك على عشمك في الحاضر السعيد ..
في حضرتها تشعر بحالة نادرة من الصفاء
والإنسجام ..
ولو ممكن كمان من هنا أبعث ليها بكل التحايا
محل ما هي في الدنيا وإنو ربنا يفتح عليها أينما
حلت ..
_____________________________
*كلام قديم بس لسه معناه في قلبي
*الفوتوغرافيا من أرشيف صحيفة
الراية القطرية.
|
Post: #4
Title: Re: نانسي ... كل سنه وإنتي طيبه ..
Author: معروف حمدين
Date: 03-02-2009, 03:57 AM
Parent: #3
كل سنة وهي بألف صحة وعافية ...
__________________________
الخرطوم بدونكـ ما حلوة ....
|
Post: #6
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 05:33 AM
Parent: #4
سلام يا معروف ...
| Quote: كل سنة وهي بألف صحة وعافية ... |
آمين ..
_________
| Quote: الخرطوم بدونكـ ما حلوة .... |
الخرطوم ؟؟
المسامح كريم يا معروف .
|
Post: #7
Title: Re: نانسي ... كل سنه وإنتي طيبه ..
Author: فيصل نوبي
Date: 03-02-2009, 06:36 AM
Parent: #6
كل عام و انت زهرة فبراير.
|
Post: #9
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 08:09 AM
Parent: #7
شكراً يا فيصل ..
تسلم يا صديقي .
|
Post: #8
Title: Re: نانسي ... كل سنه وإنتي طيبه ..
Author: أيزابيلا
Date: 03-02-2009, 06:41 AM
Parent: #6
يا طلال
وانت طالع من هم فى البيوت قبالة هم آخر ينتظرك منذ نهار امس على دسك المكتب
وانت تعبر بالهموم فى الطريق...
لا شيء لتلتقطه
النهار كنهارات الصحاري
والبيوت كبيوت النمل
تبحث عن بث اثيري لعثمان حسين...يبلل يومك بقليل نداوة
الله يهدى ناس الاذاعات
والا غنية السنين...اوالذكريات
اواى صوت لابراهيم عوض
وفجأة تبث اذاعة مانقو اغنية (شقى ومجنون) بتاعت نانسي
الصوت البخليك تتهدل من فرط الخضرة,,,والخضرة هنا تعدي
كمن حقن اوردتك بشيء بارد
خضرة متيقنة...ليست على مضض
.........
كل الاصوات...درجات من صوت واحد منسي فى التاريخ
الا صوت نانسي
وفيروز
كلاهما نسيج وحده
كل سنة..وكلاكما طيب
فى المحال البعيدة
ورد الله غربة وطني
|
Post: #10
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 08:28 AM
Parent: #8
زي ما قلتي يا شذى ...
أحياناً كنت بسمع نانسي في ظروف شبيهه بالحكيتي عنها ،
كانت بتديني روح وطاقة إيجابية وبتشخلل لي ما سكن
من حواس .
نانسي كانت طول الوقت تيار عفي بيسري فيني لمن أسمعا،
وأتمنى تظل كذلك وتستمر .
ومع إنو موهبتا وأدائها أمور ليس لي فيها يد ولا كراع
إلا أنني بشعر بالفخر لمن ألقاها شغالة في مكان أو حته
وكأنها من عمايل يدي ! .. شفتي الإنسان ؟
وإنتي كمان طيبه ياشذى ، وما تتصوري فرحت بكلامك ده كيف
والدنيا صباح .
الله يفتح عليكي .
|
Post: #12
Title: Re: نانسي ... كل سنه وإنتي طيبه ..
Author: على محمد على بشير
Date: 03-02-2009, 08:31 AM
Parent: #10
وانا كمان .. كل سنه وانتى طيبه وطلال طيب ..
|
Post: #20
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 03:59 PM
Parent: #12
وإنت كمان يا علي ...
كل سنه وإنت طيب ..
|
Post: #11
Title: Re: نانسي ... كل سنه وإنتي طيبه ..
Author: خضر حسين خليل
Date: 03-02-2009, 08:30 AM
Parent: #8
إزيك ؟.. وازي الزيك ؟
يا الزيك دايماً معدوم
وكيف حالك في هالأيام
الفيهن حسك مكتوم
الفيهن احتار الحاكم
بين الظالم والمظلوم
(عبد الجليل فتح الرحمن)
ازيك يا طلال
الشوق مدرار
وكل سنة وإنت ونانسي بخير
مستمتع اليومين ديل برفقة نانسي عبر (رفقة) شئ عجيب وغنا تحس بيهو موجه لي روح الروح
بكون راجع أو ماشي علي الشغل وبسمع في رفقة ! ببكي مرات ياطلال لما أسمع لي غنيوة
طارق الامين بجيني احساس بالفجيعة يا طلال حاجة كدة بين الترقب (وانتظار المستحيل) شئ
بين الرغبة العارمة في احتضان الذكريات واحتضان الذكريات ! حاجة واحدة من حاجتين !
نانسي بلا شك تستحق يا طلال أكثر من تهنئتها تستحق هذه البنت ان نصفق لها كثيراً
العمر المديد يانانسي والحلم الاكيد وقادم ايام سمحات بالحيل !
يا طلال حتي في الفيس بوك بقيت ماظاهر!
تحياتي لسودانيي قاهرة الرجال
|
Post: #13
Title: Re: نانسي ... كل سنه وإنتي طيبه ..
Author: داليا حافظ
Date: 03-02-2009, 08:54 AM
Parent: #11
ألتقطني يا صديقي ...
في الدروب الما بتجيبك ..
...ويا زمن وقف شوية
صدقني الزمن بتوقف يا طلال وبحس نانسي راكبة جنبي ...وبتغني لي براي
بتنقذني من التفكير في الزحام ...ووحشة الغربة والطريق ..
وبرضو مرات بتبكيني ...
كلو سنة وانت بتدغدغي جوانا ...
|
Post: #14
Title: Re: نانسي ... كل سنه وإنتي طيبه ..
Author: Yassir Bainwi
Date: 03-02-2009, 09:24 AM
Parent: #13
طلال مشتاقين ياخ ليك مدة مابنته
وكل سنة والبت السمحة دي احلي واجمل وانضر
خالص الود
|
Post: #15
Title: Re: نانسي ... كل سنه وإنتي طيبه ..
Author: مدثر محمد ادم
Date: 03-02-2009, 11:18 AM
Parent: #14
الصديق الرائع ودعفيفي سلامات
وكل سنة وناسي طيبة واكثر ابداع وتالق
وقالوا قالوا علي شقي مجنون
بستمتع بالاغنية دي شديد بصوت ناسي
زسرح معاها معالم من الجمال والجنون
وتسلموا الاثين ابداعا
مدثر تيف تيف
|
Post: #29
Title: Re: نانسي ... كل سنه وإنتي طيبه ..
Author: طلال عفيفي
Date: 03-03-2009, 01:45 AM
Parent: #15
العزيز مدثر
أطيب التحاياوكل الأشواق ..
أتمنى تكون بخير حيثما كنت ،
وأتمنى أن نلتقي قريباً ..
شكراً على كلماتك يا صديق
|
Post: #16
Title: Re: نانسي ... كل سنه وإنتي طيبه ..
Author: كمال ادريس
Date: 03-02-2009, 11:19 AM
Parent: #14
كل سنة ونانسي بخير وانت وكل الناس الحلوة
|
Post: #17
Title: Re: نانسي ... كل سنه وإنتي طيبه ..
Author: سمندلاوى
Date: 03-02-2009, 12:16 PM
Parent: #16
كل سنة وانتى طيبة مع امنياتى لك
بكل ماهو جميل ........
|
Post: #18
Title: Re: نانسي ... كل سنه وإنتي طيبه ..
Author: نانسي عجاج
Date: 03-02-2009, 01:02 PM
Parent: #17
طلال والاصدقاء
شكرا للمساحة دي ..
وكل سنة وانتو برضه طيبين وسالمين وتامين
وكل سنة تتحقق الاماني
وكل والناس والبلد بخير
بصراحة ما قاعدة احتفل بي عيد ميلادي ، وهو بالنسبة لي ما يوم احتفالي بقدر ما انه لحظة مناسبة جدا لي وقفة مع النفس وتامل ..
وترتيب للغرف الداخلية
واعادة تقييم ومحاسبة.. بكون نتيجتها دايما احساس مريح لو راضي عن نفسك تماما .. الحاجة الما بتحصل بسهولة ..
وعشان كدا بحاول احيانا اتحايل عليه بالنسيان
:)
لكني برضه فرحانة بالاصدقاء ومشاركتهم
خليكم بخير
ولي قدام
|
Post: #19
Title: Re: نانسي ... كل سنه وإنتي طيبه ..
Author: saadeldin abdelrahman
Date: 03-02-2009, 01:21 PM
Parent: #18
كل سنة و مشاعركم الحلوة دي حية و تتنفس وطن بسام زيكم.
|
Post: #21
Title: Re: نانسي ... كل سنه وإنتي طيبه ..
Author: سارة علي
Date: 03-02-2009, 04:15 PM
Parent: #19
كل عام وانتي طيبة نانسي...
وربنا يديك راحة البال..
ويديها ليك انتا برضو يا طلال..
|
Post: #22
Title: Re: نانسي ... كل سنه وإنتي طيبه ..
Author: نوفل عبد الرحيم حسن
Date: 03-02-2009, 04:36 PM
Parent: #21
كل سنه وانت تعطرين سماواتنا بالطرب الاصيل
كل سنه وانت اجمل واقوي
لك التحايا اخي طلال عفيفي
|
Post: #23
Title: Re: نانسي ... كل سنه وإنتي طيبه ..
Author: عثمان فضل الله
Date: 03-02-2009, 06:48 PM
Parent: #22
طلال تعرف... من عرفتك ..فى ذاك المكان الجميل ... الموجع... جوبا عرفتك بانك ماعادى وكل يوم بتدينى جرعة جديدة ياخ البت والله عجيبة وتستحق من كل زول يخت طوبة فى تمثال ليها بميدان ابو جنزير ...تعرف ياطلال والله رغم عملاقة الغناء وملوكه واناطينة لكن بعد وفاة الاستاذ مصطفى سيد احمد مرت على حقيقى قرف ماكنت بسمع فيها زول غير الغنا الهابط ...لماسمعتة نانسى اعادتنى والله ياطلال لصوابى اعادتنى والله طلال من يوم ماسمعنها ماختيت فى كاسيت العربية والله البيت غيرها ...حقيقى خلت الدنيا تنطاق
شكرا طلال
كل سنة وانت طيبة نانسى
|
Post: #25
Title: Re: نانسي ... كل سنه وإنتي طيبه ..
Author: ست البنات
Date: 03-02-2009, 07:43 PM
Parent: #23
وكل سنة والناس جميلين وعفيين ,
ويا أخ طلال كتاباتك كنت اتابعها عبر هذا الأسفير ,
كانت تخرج من تلافيف الحياة ,
وكنت دون ان تشعر تعيد كل واحد منا الى قيلولة الوطن ,
ورغم الحزن المطمور جواك كنت تجيب الفرحة ,
والأمل الأخضر حين تذكر وفاء الأصدقاء وافتقادك لهم ,
وبعفوية كان ينداح حكيك سلسا .
فأين ذاك القلم ؟
كونوا بخير جميعا .
ست البنات .
|
Post: #28
Title: Re: نانسي ... كل سنه وإنتي طيبه ..
Author: طلال عفيفي
Date: 03-03-2009, 01:19 AM
Parent: #14
سلامات يا ياسر ،
وإنت طيب ... وبتمنى تكون بخير ..
تحياتي يا أخي
|
Post: #27
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 11:30 PM
Parent: #13
سلامات يا داليا ...
قلتي لي بتنقذك من غربة ؟
والله جيتيني فيما أظن ، فمن مسالك الغنا الجميل والحساس
إنه يلملم أطرافك ويقربك من نفسك حين تكون الهوه بينك
وبين العالم بعيدة .
عشان كده يمكن بنحب المغنيين ، لأنهم إنطلاقة صوتنا المبحوح .
شكراً يا داليا ، وربنا يقرب البعيد .
|
Post: #24
Title: Re: نانسي ... كل سنه وإنتي طيبه ..
Author: طلال عفيفي
Date: 03-02-2009, 07:41 PM
Parent: #11
شوق كتير ليك كمان يا خضر يا عجيب ،
أما الدنيا حدانا فهي بخير ، بنعافر
ونحيا ... الحياه فيها ومضات جميله،
بتكون عارف ، مش كده ؟
نانسي خلقت حالة جميلة وجديدة ، وممكن
تكون علامة في وجدان ناس كتير .
يمكن زي ما بنحب صوتا ، يكون في ناس ما
بيحبوا صوتا ، لكن ماهنختلف على إنها
عندها روح صاحية في الأداء ، وده الخلاها
لامعة عندي وعند ناس كتير ..
كل سنه وهي طيبة تاني ،
وتحياتي يا صديقي
|
Post: #26
Title: Re: نانسي ... كل سنه وإنتي طيبه ..
Author: nasmah1981
Date: 03-02-2009, 07:51 PM
Parent: #24
كل سنة وإنت طيبة فنانتنا الجميلة...ورحم الله والدك فقد كان من خيرة الرجال
|
|