ما هو المعيار ؟

الفيصل شنو ؟
الحياء ؟ !!!!!؟؟؟
الأخلاق ؟؟؟!!!

كتب ود الصائم (((هي الحربُ إذن!))))
ضربتك دي بعيدة جدا يا ود الصائم
تستحق نوط التنشين لهذا الربع
واختصرت ما يجري وأغنتنا عن اجترار الأرشيف

كتبت الأخت الكريمة عزاز لها التحية :
((لو ارتضينا نحن كأعضاء تداول بوستات أقل ما توصف بأنها فارغة المضمون --
و بمسميات أخرى لو أردنا الحقيقة – فنحن بذا نرتضي سقوطا اخلاقيا لا قاع له،
و نبرره،
بل و نشجعه،
و نقتل أي رفض فطري له ..
وننزع الحياء عن شاشاتنا،
و بذلك ندجن العيب و ما ببقى عيب ..)))
وكتبت الأخت الكريمة تيسير عووضة -لها التحية- كلاما شبيها بما كتبته الأخت الكريمة عزاز .
إلى هنا وعند هذه النقطة ليس لدي مشكلة إطلاقا مع ما كتبته الأختان الكريمتان
بل لا أجد مبررا يمنعني من الموافقة والبصم بأصابع الكفين العشرة على ما قالتاه.
لكن المشكلة ستأتي عند الحديث عن المعيار والفيصل !!!

السلام عليكم ورحمة الله

متابعين معاك ...

الأخ الكريم البدري
وعليكم السلام ورحمة الله
شكرا للمتابعة.
---------
ما هو المعيار ؟
قالت الأخت الكريمة عزاز عن نزع الحياء من الشاشة ؟
وتحدثت الأخت الكريمة تيسير عن الأخلاق ؟
ما هو المعيار ؟
معارك كثيرة دارت في هذا المكان !!
بلا اقتباسات بلا روابط نسرد :
كتبت أخت كريمة في هذا المنبر نصا إباحيا صريحا
فتداخل أحد الأعضا ء مستنكرا بعنف شديد
فرد عليه أحد الأعضاء واصفا المستنكر بأنه قرأ نص الزميلة بأعضائه التناسلية

الاستاذ محمد،
سلامات ...

كتبت أولا:

Quote: كتب ود الصائم (((هي الحربُ إذن!)))) ضربتك دي بعيدة جدا يا ود الصائم تستحق نوط التنشين لهذا الربع واختصرت ما يجري وأغنتنا عن اجترار الأرشيف

وتلاه قولك:

Quote: بلا اقتباسات بلا روابط نسرد : كتبت أخت كريمة في هذا المنبر نصا إباحيا صريحا فتداخل أحد الأعضا ء مستنكرا بعنف شديد فرد عليه أحد الأعضاء واصفا المستنكر بأنه قرأ نص الزميلة بأعضائه التناسلية

اجترار الارشيف لا يعني فقط إيراد الروابط

أعلم أخي أنك تقصد (البيخلي دي رِجل وديك كراع شنو)
ولكن سادعك تكمل حديثك إلى النهاية ..





أتابعك ،،

انا بستغرب انه الاخوات تيسير وعزاز والبقية ادن نفسهن الحق في انهن امتلكن المعيار النهائي لما يجب ان يكتب في المنبر وما لا يجب من قبل الاخت منال او غيرها , طبعا ما من حق تيسير او عزاز او سناء خالد انهن يدخلن بوست واحدة من الاخوات علي اساس انهن ( ناظرات) مدرسة ويقيمن كتابتها وما يجب وما لا يجب منها , والامر وادهي من كدا انه حتي البشاركوا في بوستات منال يجدوا نصيبهم من التغريظ والتقريع وهو امر غريب في ان احدهم امتلك حقا ليس له في البداية بل افترضه في نفسها افتراضا وبدا يمارسه مع يقينه الكامل ان الحق معه وحده وان الاخر مخطئي , بالرغم من ان المنبر مليئ بالالف البوستات الا ان الاخوات حددن الاخت منال وافترضن فيها سؤ النية وبدان في التنكيل بها بل وصل الامر الي المطالبة باقصائها ودحرها من المنبر , وفي ذات الوقت نجد ان الاخوات متصالحات جدا مع كاتب مثل الاخ محسن خالد الذي يصرح دون قيد بما يخدش الحياء حقيقة مثل كتابة الامثال السرية وفتح بوست واثنان لها ولم نسمع لهن مثلا مطالبة منهن بحفظ ماء وجههن وكتابته , بينما تجد منال وبالا لجنوحها مثلما يشرن بالكتابة تلميحا يجدنه مخلا وطائلا للاداب العامة .

بحاول أقنع في نفسي إنو كاتب المداخلة اعلاه
هو نفسه الذي كتب في يوم من الأيام عن (إنحطاط المنبر)
بسبب بعض الكتابات فيه
الأداك حق تقييم بعض الكتابات بإنها بتسبب إنحطاط للمنبر
هو نفسو البيخلينا نقيم بعض الكتابات على إنها إنحطاط برضو ولا شنو؟


دا طبعاً غير الحق الإنت مديهو لنفسك غيلة - كناظر مدرسة برضو - حول التقييم الراتب للكتابات الأفضل والأسوأ في هذا المنبر !



بجيك راجعة لموضوع التصالح مع كتابات محسن خالد وغيرو ..

نعم انا كاتب انحطاط المنبر وقبل الامس كتبت ان المنبر لا يوجد فيه شيئ يقرأ وشتان ما بين القول الكتابة تشوبها العادية ونزل مستواها وما بين الجام شخص بعينه واسكاته والطلب منه المغادرة في ذات الوقت السكوت عن البعض والتصالح معهم

بل واكثر من هذا انا تصالحت مع كتابة محسن خالد للامثال السرية في نسختها الاولي وشاركت في ذات البوست , ولكن الحديث هنا عن المعيار والترصد لشخص بعينه وليس الحديث عن العموميات . لذا لتكون مداخلتي اعلاه واضحة كفاية

أساسي ازيك,,

Quote: وفي ذات الوقت نجد ان الاخوات متصالحات جدا مع كاتب مثل الاخ محسن خالد الذي يصرح دون قيد بما يخدش الحياء حقيقة مثل كتابة الامثال السرية وفتح بوست واثنان لها ولم نسمع لهن مثلا مطالبة منهن بحفظ ماء وجههن وكتابته , بينما تجد منال وبالا لجنوحها مثلما يشرن بالكتابة تلميحا يجدنه مخلا وطائلا للاداب العامة .

أنا غايتو قبل كده عندي هيستوري مشابه مع سجيمان -الله يطراهو بالخير-
ينفع أنتقد بوستات منال طالما السي في حقتي فيها نقد مشابه؟


بالمناسبه فكرة انه الناس قاصده منال في شخصها,
اللي هي فكرة صاحب البوست وفكرتك من بعد ما منطقيه !


---
صاحب البوست السلام عليكم :)

Quote: بالمناسبه فكرة انه الناس قاصده منال في شخصها, اللي هي فكرة صاحب البوست وفكرتك من بعد ما منطقيه !

تحياتي اماني , انا اختلف معك في هذا , وان لم يكن المقصودة منال في شخصها ففي البورد متسع من الكتاب والكاتبات الذين يفوقون منال في التلميح الي التصريح ويتجاوزونها بفراسخ الا ان التقريع وقع علي منال بعينها

في دراستنا للقانون تعرفنا على معيار الرجل العادي وكلمة الرجل هنا بالطبع تشمل الجنسين حاولت البحث في النت عن تعريف لهذا المعيار ووجدت تعريف اكثر فائدة اورد نصه ها هنا :

Quote: عرف المعيار بأعتباره اداة لتقويم السلوك الفردي بصفة عامة ، بانه مجموعة القواعد التي يضعها المجتمع ايا كان مصدرها ويتحدد في ضوئها السلوك الذي يتوقعه المجتمع من افراده في المواقف المختلفة.وفي ضوء المعنى المتقدم فانه يقصد بالنمط المعياري ( Normative Pattern) وصف الشيء او الموقف بانه ما ينبغي ان يحتذى به . بمعنى ما يجب ان يكون لا ما هو كائن بالفعل ، وهذا نوع من الحكم التقويمي لا التقريري، وتلك في الواقع هي الخاصية الذاتية للمفهوم ، حيث يراد به تلك المقاييس او القواعد الاجتماعية الاخلاقية او الدينية التي تحددها جماعة معينة كي يتمثلها افرادها بوصفها غايات او نماذج للفعل والسلوك، بحيث تؤثر في سلوكهم وتجعله يتميز بالتطابق والتشابه مما يساعد على وحدة الجماعة.(5)

بوسط موعود بمحط شديد .. في كل الاتجاهات!
لو ما عامل ساتر .. ما تشاتر!!

Quote: دا طبعاً غير الحق الإنت مديهو لنفسك غيلة - كناظر مدرسة برضو - حول التقييم الراتب للكتابات الأفضل والأسوأ في هذا المنبر !

اساسي Nothing personal

رددت علي ذلك بمداخلتين تجدهم اعلاه يا البدري

اضحك اخوي هو فيها غير الضحك

Quote: رددت علي ذلك بمداخلتين تجدهم اعلاه يا البدري

ادري والله ادري ...بس عجبتني القطامة
.
.
.

.
.
انتو وين صاحب البوست ؟!!

طبعا الاخت تيسير اشارت بوضوح الي ( اوسكاراتي ) التي امنحها لكتاب المنبر ( غيلة من عند نفسي) الاخت تيسير تتجاوز ما في تلك البوستات من روح الدعابة بين البورداب بالاضافة الا اني لم اطالب يوما باقصاء احد او الجامه او الطلب منه المغادرة

محمد E سليمان
تحياتي وتقديري
وده وتر حساس بالجد .. والحقيقة في بعض الأحيان ( حامضة )
ولكن لا بد منها لذا :

المعيار هنا في سودانيز ( الشعبية ) فقط لاغير
علاقاتك مع الأعضاء هي التي تحدد موقفهم مما تكتب ( إلا من رحم ربي ) .
قائمة أصدقائك في الفيسبوك عامرة أكتب زي ما عايز
كل ما تكتبه هو الصاح حتى لو ناقضت نفسك في البوست
الواحد أكثر من عشر مرات فكل مواقفك صاح ( ونخسرك ليه ؟؟ )
لو ما عندك أصحاب كتار في الفيسبوك ( أنتبه لأخطائك حتى الإملائية منها ).
إنت بوردابي قديم أخطائك مغفورة والويل كل الويل لمن
وقف في طريقك ( البرشك باللبن نرشو بالدم ) .
برلوم جديد ( سردب بس صاحك غلط .. إنت جيت متين عشان تعلمنا ) .
إنت صاحبي ليك الحق في التعبير عن رأيك حتى لو كان ( مشاتر )
لو ماصاحبي ولا بعرفك ( هو بكري بيجيب الأشكال دي من وين ؟؟ ) .
بوستات التضامن .. والشجب ..الشواء .. يتم كتابتها
حسب المعايير أعلاه .

Quote: تحياتي اماني , انا اختلف معك في هذا , وان لم يكن المقصدوة منال في شخصها ففي البورد متسع من الكتاب والكاتبات الذين يفوقون منال في وتجاوزونها بفراسخ الا ان التقريع وقع علي منال بعينها

كلام غريب منك يا أساسي,
البخلي الناس تقصد منال في شخصها شنو؟
لأنها استثنائيه والناس غيرانه منها زي ما هي بتقول؟
ده كلام ناس الروضه ما بيقولوهو !!!

الناس الجبت أساميهم ديل كان سناء خالد وللا عزاز,
ما أوّل مره يرفضو الكتابه الماعندها موضوع وكمان مخلوطه بالمحظور ...
كثير من البوستات اتناولنا فيها رفضنا لتدني مستوي البورد الأخلاقي,
وبرضو رفضنا لخلط الكتابه الأدبيه بايحاءات خارجه عن الاطار أو المغزي, أو خارج ما يخدم النص,

وادي نماذج:
الأنثى العورة والرجالة السودانية..يوجد سوط عنج
شعر اونطة !! لسن هن للفراش وحده ,

والأخير بوست لك انت شخصيا تم تناول ذات الموضوع فيه,

بالعكس يا أساسي توقعتك تقول انه الموضوع ده قتل بحثا,,
واشارتي لبوست سجيمان تصب في ذات الاتجاه,,

البنات الجبت سيرتهم ديل بالذات ما أول مره يتكلموا عن الموضوع ده,

علي فكره تبقي منال متبنيه لخط جديد نوعا ما في البورد,
وهي لا تتبني غيره, وهو أمر يدعو للدهشه بلاشك !!

أححححح

لو ماكنت مزنوق بجدة ّ!!!


لكن يا سئس إنت غلطان

وبوريك لمن نتقابل لييه؟؟

لا يا حيدر وريني هنا ,

انت قايلني لما اطلع من المنبر دا بتذكره تاني عشان اتونس فيهو , ما كفاية الوقت البننفقه فيهو كمان حيتابعنا لي بيوتنا وجلسات اصدقائنا

Quote: طبعا الاخت تيسير اشارت بوضوح الي ( اوسكاراتي ) التي امنحها لكتاب المنبر ( غيلة من عند نفسي) الاخت تيسير تتجاوز ما في تلك البوستات من روح الدعابة بين البورداب بالاضافة الا اني لم اطالب يوما باقصاء احد او الجامه او الطلب منه المغادرة

يا تو روح دعابة يا اساسي وإنت شغال إهانة في خلق الله وحط من قدرهم - فقط - لأنو كتابتهم لا تروق لمزاجك سيادتك الشخصي؟
هل دا تبريرك لتقييماتك القاطعا من راسك إنها دعابة؟
ووضح للجميع كيف تقبل المعنيين بالأمر دعاباتك تلك
بل وفتحت بيها باب للآخرين إنهم يجوا يقيموا معاك حتى جر الأمر ووصل حد الإساءة للأمهات ..


يعني يا جماعة أساسي يقيّم على مزاجو وغصباً عنكم تقبلوها في إطار إنها دعابة ..

بالمناسبة الاوسكارات دي بدات عام 2003 واستمرت سنوات وكانت لافضل الكتاب هذه اول مرة جاءت علي هذا النحو وهي لم اقصدها اصلا باشارتتي لبوستات الاوسكارات ولكن هذه حتي لا تخلو من الامر وكل يراها بوجهة نظره لكن لم اطالب ان يقصي احدا من المنبر مثلما فعلتي انت وحذف لك بكري البوست مرتان , انت الان تحاوريني في اوسكاراتي ام في مطالبتك اقصاء منال من المنبر؟ وماهي معايريك لطلبك ان تذهب وتخلي لك المنبر؟

Quote: انا بستغرب انه الاخوات تيسير وعزاز والبقية ادن نفسهن الحق في انهن امتلكن المعيار النهائي لما يجب ان يكتب في المنبر وما لا يجب من قبل الاخت منال او غيرها , طبعا ما من حق تيسير او عزاز او سناء خالد انهن يدخلن بوست واحدة من الاخوات علي اساس انهن ( ناظرات) مدرسة ويقيمن كتابتها وما يجب وما لا يجب منها , والامر وادهي من كدا انه حتي البشاركوا في بوستات منال يجدوا نصيبهم من التغريظ والتقريع وهو امر غريب في ان احدهم امتلك حقا ليس له في البداية بل افترضه في نفسها افتراضا وبدا يمارسه مع يقينه الكامل ان الحق معه وحده وان الاخر مخطئي , بالرغم من ان المنبر مليئ بالالف البوستات الا ان الاخوات حددن الاخت منال وافترضن فيها سؤ النية وبدان في التنكيل بها بل وصل الامر الي المطالبة باقصائها ودحرها من المنبر , وفي ذات الوقت نجد ان الاخوات متصالحات جدا مع كاتب مثل الاخ محسن خالد الذي يصرح دون قيد بما يخدش الحياء حقيقة مثل كتابة الامثال السرية وفتح بوست واثنان لها ولم نسمع لهن مثلا مطالبة منهن بحفظ ماء وجههن وكتابته , بينما تجد منال وبالا لجنوحها مثلما يشرن بالكتابة تلميحا يجدنه مخلا وطائلا للاداب العامة .

سلامات يا اساسي ...
لن أجادل في حقي في رفض ما أراه غير مقبولا بالنسبة لي ولست مسؤولة عن ميل مسطرة المقارنة في هذا البوست و غيره ...

ارتفع الحاجب دهشة و عاد و ركن في محاولة فك شفرة الديموقراطية الهلت عليك فجأة، عموما بخيتة وعجبتني ليك ... لا أعلم بأي مدخل قرأت ما كتبته في بوست منال، ولكن خلاصتك خديج ...

عليك الله كان ما وريتني ( خلاصتك خديج ..) يعني شنو ؟

انا جادي والله .

كمان يا عزاز بالاضافة الي اني ديموقراطي وافترض ان من حق اي شخص يكتب ما يريده ( دون المساس الشخصي باحد ) فاني ليبرالي الي حد يقلقني احيانا , لذا لم تتنزل علي الديموقراطية فجاة كما افترضتي اعلاه افتراضا او بما في ذهنك عن مواقفي السياسية .

Quote: لو ماصاحبي ولا بعرفك ( هو بكري بيجيب الأشكال دي من وين ؟؟ ) .

الأخ السيد أحمد إبراهيم ..
سلامـــات ..
لفت نظري الجملة المكتوبة اعلاهـا .. وشخصي الضعيف من اكتر الناس استعمالا لها .. وفي الحقيقة كل من يعرفني بشكل جيد من خلال مداخلاتي .. ليس الغرض منها التحقير أو التقليل من شأن حد .. وقاعد استعمله مع اقرب الناس لي في هذا الاسفير العجيب ..
..

جدا ... اتفضل:

Quote: وفي الحديث: كلُّ صَلاةٍ لا يُقْرَأَ فيها بفاتحة الكتاب، فهي خِداجٌ أَي نُقصانٌ. وفي حديث النبي، صلى الله عليه وسلم، أَنه قال: كلُّ صَلاةٍ ليست فيها قراءَةٌ، فهي خِداجٌ أَي ذات خِداجٍ، وهو النقصان. قال: وهذا مذهبهم في الاختصار للكلام كما قالوا: عبدُ الله إِقبالٌ وإِدْبارٌ أَي مُقْبِلٌ ومُدْبِرٌ؛ أَحَلُّوا المصدر محلَّ الفعل. ويقال: أَخْدَجَ الرجلُ صلاتَه، فهو مُخْدِجٌ وهي مُخْدَجَةٌ، ويقال: أَخْدَجَ فلانٌ أَمره إِذا لم يُحْكِمْه، وأَنْضَجَ أَمْرَهُ إِذا أَحكمه، والأَصلُ في ذلك إِخْداجُ الناقةِ ولدَها وإِنضاجُها إِياه. الأَصمعي: الخِداجُ النقصان، وأَصل ذلك من خِداجِ الناقةِ إِذا ولدت ولداً ناقص الخَلْقِ، أَو لغير تمام. وفي حديث الزكاة: في كل ثلاثين بقرةً خَديج أَي ناقصُ الخَلْقِ في الأَصل؛ يريد تَبِيعٌ كالخَديجِ في صِغَرِ أَعْضائه ونقص قوَّتِه عن الثَنِيِّ والرَّباعِيِّ. وخَديجٌ، فعيل بمعنى مُفْعَل، أَي مُخْدَجٌ. وفي حديث سعد: أَنه أَتى النبي، صلى الله عليه وسلم، بِمُخْدَجٍ مقيم أَي ناقصِ الخَلْقِ. وفي حديث عليّ، رضوان الله عليه: ولا تُخْدِجِ التَّحِيَّةَ أَي لا تَنْقُصْها. قال ابن الأَثير: وإِنما قال في الصلاة: فهي خِداجٌ، أَو يكون قد وصفها بالمصدر نفسه مبالغةً، كما قالوا: فإِنما هي إِقبال وإِدبار. والولدُ خَديجٌ. وشاةٌ خَدُوجٌ، وجمعها خُدوجٌ وخِداجٌ وخَدائِجُ. وأَخْدَجَتْ، فهي مَخْدِجٌ ومُخْدِجَةٌ: جاءَت بولدها ناقصَ الخَلْقِ، وقد تَمَّ وقتُ حملها، والولد خَدُوجٌ وخِدْجٌ ومُخْدَجٌ ومَخْدُوجٌ وخَديجٌ: ومنه قول عليّ، رضوان الله عليه، في ذي الثُّدَيَّةِ: مُخْدَجُ اليد أَي ناقصُ اليد

المصدر:
http://www.baheth.info/all.jsp?term=خديج

التعديل لاضافة المصدر (الباحث العربي)

شكرا عزاز كنت اظن ان الجملة _خلاصتك خديج _ لها مدلول اخر غير الذي اعرفه عن معاني كلمة خديج والتي لدي فكرة سابقة انها تقال للطفل الذي يولد ناقصا , لكن الان عرفت مقصدك بالعبارة وهي ما فهمته قبل سؤالي الذي اردت به التاكد وشكرا للمعلومة .

سلام للحبشي

و سلام يا أساسي..

ما بس محسن خالد..في كتيرين كتبوا و ياما حيكتبوا..

في تناول للتابوهات في بحوث علمية

في تناول في بحوث اجتماعية..

و في تناول تحت باب ما من أبواب الفن أو الأدب..

أو حتى التدوين..

نتفق أو نختلف حوله.. أمور ترجع للذوق الشخصي و المعرفي للفرد منا..

و لكن هل حقاً نختلف حول قلة الأدب؟

هل فقدنا بوصلة الحس السليم؟

أم هي فقط الرغبة في الجدال؟

عن نفسي أول مرة على الاطلاق أعقب على شيء تكتبه هذه المخلوقة..

و قد حاولت مراراً تجاهل ما تكتبه كما أتجاهل غيره مما لا يعجبني هنا..

و لكن الفجاجة وصلت حد تجعل الصمت عليها.. أمر مخجل!

و يا أساسي.. أنا برضو ما اتعرفت عليك!!


______________


تحية قدر الليلة و بكرة للبت عزاز..

للمدرسة عزاز..

مدرسة كاملة مش ناظر بس..

منهج و تطبيق


______

و اعذروني لو ما قدرت أرجع هنا.. عشان زمني!

البورد فيهو بنات فعلاً بيطمنو

عزاز ..أماني..سارة..تيسير.. و البقية ممن كن حتماً سيأتين للاحتجاج..على ما يرتكب باسمهن كنساء لو أسعفهن الزمن!

معلومة مهمة يا أساسي ممكن بعديها تبني موقفك من الحاصل دا


لم يحدث على الإطلاق في هذا المكان أن أعلنت تصالحي أو عدمه مع الأمثال السرية التي تستشهد بها كل مرة هذه
وهسي كان قلت ليك جيب لي رأي أنا قلتو حول الموضوع دا ما حا تقدر عارف ليه؟
لأني ما أدليت بدلوي نهائي حولو ولا حول المواضيع الشبيهة الأثيرت مع/ضد عضوات وأعضاء آخرين
عندي رأي واضح و frame محدد للحكاية دي يمكن ما إضطريت إني أعرضو قبل كدا ..

اذن هذا يدلل علي انك بمطالبتك الاخيرة وبوستك المحذوف استتهدفتي الاخت منال دون غيرها مع وجود مواقف لك عامة ضد الجنوح والتلميح المخل .
وهذا يعود بننا الي التساؤل عن المعيار الذي اسكتك عن اشياء وجعلك تتظاهرين في اشياء اقل منه تاثيرا
كتابتي اعلاه هي لرفضي مبدأك الاقصائي الذي اتبعتيه مع منال وطلبك منها صراحة المغادرة من المنبر

Quote: اذن هذا يدلل علي انك بمطالبتك الاخيرة وبوستك المحذوف استتهدفتي الاخت منال دون غيرها مع وجود مواقف لك عامة ضد الجنوح والتلميح المخل . وهذا يعود بننا الي التساؤل عن المعيار الذي اسكتك عن اشياء وجعلك تتظاهرين في اشياء اقل منه تاثيرا كتابتي اعلاه هي لرفضي مبدأك الاقصائي الذي اتبعتيه مع منال وطلبك منها صراحة المغادرة من المنبر

مرحب بيك كأول أنتي إقصائيست في الموضوع دا
يعني إنت عايز تقنعني إنو هنالك ما هو أكثر تاثيراً وضرراً من الكتابة (الموجهة) بتاعة منال؟
لا أظن !

بعدين إنت مالك مضيقها على البنية أنا خيرتها ما بين الإلتزام بأصول وأخلاقيات الكتابة
وما بين المغادرة والبحث عن مكان آخر
طيب ما كان تهديها للخيار الأول (الإنت مقتنع إنو صاح) بدل ما تمسك في التاني
أي مكان في الدنيا دي عندو rules of conduct العايز يلتزم بيها حبابو
الما عايز ما في زول جابرو ممكن يتفضل يمشي يعمل الخمج دا في مكان تاني


لكن نقعد في الكدايس أمبارح كانوا بيكوركوا ليه
و(البصل) ما بنقدر نستغنى عنو
والماعارست شايقي ما عرست


دا إسمو خمج ..

Quote: بوسط موعود بمحط شديد .. في كل الاتجاهات! لو ما عامل ساتر .. ما تشاتر!!

ملخص ماكنت أود قوله .. بس بلغة اقل شوية

بمناسبة خديج دى ..

يعنى اسم خديجة يقابل المعنى ولا كيف ...

:

:

:


ماتشتغلو بى كتير ..

ركزو فى نقاشكم .. والاسئلة بعدين ..

السلام عليكم ورحمة الله
الأخت الكريمة الدكتورة سناء
أنا والله برضو زيك أعجبتني مداخلة الأخت عزاز
وفعلا نسختها وكنت بصدد لصقها والتعبير عن شكري للكلام القيم الذي نثرته الأخت الكريمة
لكن منطقة الرياضيات في قلبي بدأت تدق وتدق بحثا عن الاتساق.
بالمناسبة أنا لم أضرب مثلا بمحسن خالد في هذا الخيط
كتبت أختاه (((و لكن هل حقاً نختلف حول قلة الأدب؟
هل فقدنا بوصلة الحس السليم؟
))))
أظن أن أسئلتك هذه هي التي فتحت هذا الخيط من أجلها
-----------------
((((أم هي فقط الرغبة في الجدال؟))))
ربما تكون رغبة في الجدال لست أدري
لكن على كل حال صرحت باتفاقي مع الأختين تيسير وعزاز ومع كل من استنكر قلة الأدب .
---------------------
الأخت الكريمة أماني
تحياتي
((بالمناسبه فكرة انه الناس قاصده منال في شخصها,
اللي هي فكرة صاحب البوست وفكرتك من بعد ما منطقيه)))
دا كلام شنو دا ؟ من وين جبت الكلام دا يا أخية ؟

الأخ الكريم الحبشي..

أنا عارفة انك متفق مع الرأي بخروج ما كتبته تلك الشخصية عن حدود الأدب..

و متأكدة انو دا رأي أساسي برضو..رغم المكابرة و ادعاء الديموقراطية!!

لكن حديثي أعلاه كان موجه لأساسي و ليس لك..

لأنه من عقد المقارنات..

و اتهمنا باستهداف تلك الشخصية ..المسماة منال..

و أدان ما اعتبره صمتاً على ما سواه!

مضطرة أختصر في تناول الموضوع لضيق ذات الزمن.. فعذراً!

Quote: لكن منطقة الرياضيات في قلبي بدأت تدق وتدق بحثا عن الاتساق.

الاتساق؟
بمعناها الحقيقي أما ما تريدها ان تدل عليه /أو اليه؟

___

اعدد العدة و نحن لك من الناظرين ... رياضيات حديثة و جبر لو حبيت

و الله يا جماعة ما في حاجة بتضركم غير فلسفتكم الكتيرة دي ..
الامر و ما فيه .. انه منال زولة غياظة .. و بتخت نفسها في حتة اي زول بضايق منها ..
و قانونيا كدا ما في زول بقدر يقول احذفوا ليها بوست و لا شيلوها ..
عنف قانوني يعني .. لاعب لينا في المنبر دا ذي جاتوزو بتاع ايطاليا ..

..
..

محمد E سليمان .. احسن زول يولع المشاكل ..
اتخيل انه لديه سنون صفر و ابتسامة خبيثة ..

الأخ محمد اي سليمان,,

Quote: دا كلام شنو دا ؟ من وين جبت الكلام دا يا أخية ؟

عنوان بوستك, ومداخلاتك الأولي في البوست,
تدلل علي اعتقادك وجود خيار وفقوس في انتقاد الكتابات الشبيهه,
مش ده موضوع البوست برضو؟

شكرا علي موافقتنا في وضوح قبح ما تأتي به الأخت منال,

تحياتي,,

الأخ الشاذلى خيرى عبد الله
السلام عليكم ورحمة الله
أظن والله أعلم أن الخديج هو المولود قبل أوانه
ويقول أهل الطب الخدج للأطفال المولودين قبل تمام مدة حملهم .
والتفصيل كما جاءت به الأخت عزاز
والخداج أيضا لثمار النخل التي تسقط قبل أوانها أو الدفيق
وتقول نساء السودان المرة دافقت إذا سقط جنينها بينما يقال طرحت الناقة أو البقرة .
يا أختنا الكريمة عزاز قلت :
((( رياضيات حديثة و جبر لو حبيت)))
تبولوجيا * جبرية بالتحديد أنسب :

*A topologist can't distinguish a coffee mug from a doughnut
----------------------------------------------
ملاحظة عامة
بالمناسبة كثير مما يستنكر على الأخت منال كتابته شخصيا لا أدرك وجه تجاوزه لحدود الأدب إلا بصعوبة بالغة
حتى البوست الأخير ما فهمته إلا بعد مداخلات المتداخلين ، فقط لسبب تباين خلفياتنا الثقافية
مثلا البوستات المستشهد بها في بعض المداخلات أعلاه لا أعرف لماذا هي خادشة للحياء ؟

Quote: الأخ الشاذلى خيرى عبد الله السلام عليكم ورحمة الله

وعليك السلااااااااااام والرحمة والبركة من الله تعالى ..

Quote: أظن والله أعلم أن الخديج هو المولود قبل أوانه ويقول أهل الطب الخدج للأطفال المولودين قبل تمام مدة حملهم

اشكرك يا مولاى ..

اشكرك ..

Dear Mohamed E. Seliaman
Thanks for this very interesting question
Our fellow member Hisham Adm authored a post denying the existence of God
Some found it religiously very offensive & repugnant, others called for his dismissal while some defended him on the ground that he was merely expressing his views, and that those who don’t agree with him, should argue or even subject his views to the most severe standard of critique, in order to prove their warp. In my opinion the same thing could be applied to the text of Manal, without the need or call for her dismissal

Might come back

Love & respect to you & your guests

ربنا دة شافو بالعين ولا عرفوا بالعقل؟؟؟


وبدون اي فتيش للارشيف.. وبدون شرح واقنعوني واقنعمكم...
منال دي كتابتا من حقها (في حدود)..
اتجاوزت حدودا هي ولا غيرا تاخد علي راسا,,يعني هي ما عندها حصانة ..
ونفس الكلام بيسري علينا,,,,

قصة معياري ومعيارك دي بتختلف من زول لي تاني عشان كدة ما تعملوا لي كمبيوتراتكم وجع كي بورد...


يعني جاين تقنعونا وتقنعوا الباقين انو انحنا الغلط؟؟


لو ما عندي باقي نعسة كان حاعمل حدث لاول مرة في منذ اشتراكي في المنبر وانفض العجاج من الارشيف واقعد اقول لاي واحد معترض وحيعترض
انتا كتبتا كدة يوم كدة لكن جيت وقلتا لي زول تاني عكس الكلام ..وفلان كتب كدة وانت حيت قلتا كدة
وكدة وكدة وكدة...


نهايتو..
منال دي ما عندها موضوع مزاج مني ساي برد عليها هي ولا استجرأ ارد علي الباقين..
مزاج او خوفة..

بس منال دي برضووو ما عندها موضوع وكترتا..
وخصوصا انا سارة دي بوصلة معياري ما بتلف وتدور الا علي بوستات منال..

محمد E سليمان
تحية وتقدير ,,,

Quote: ما هو المعيار ؟

دي الاجابة الخطرت على ذهني .......

-------------------------------------------
عن الاخت مثار النقاش كقارى جديد لنج لبوستاته ( الرومانسية ) ... طلعت لى فكرتي
عن الرومانسية out of point ..... على أى حال المعايير وأضحة لكين كل وأحد بعاير
بالطريقة البتريحوا ......... حال الدنيا


التعديل لضبط المداخلة

هي كتبت شنو ؟

الاخوات اماني الامين وسناء خالد وتيسير وعزاز

من النهاية كدا وعشان ما نقعد نتجادل في الحبة , الاستاندر او المعيار او المقاس الانتو بتقيسوا بيهو ما بديكم الحق انكم تحددوا منو جانب الصواب ومنو المستلم جادة الطريق , كونه اختنا منال دي استخدمت تلميحات رأيتموها منافية للاداب العامة ما بديكم الحق للحظة انكم تنظموا ليها حفلة ( شواء) علي الهواء وبالتتابع زي ما حصل بالامس واليوم لولا تدخل بكري ابو بكر فقد تواليتم تباعا علي بوستها العميانة شايلة المكسرة والاخت تيسير في النهاية ختمتها ببوست تطالبها فيه بالذهاب , لو رجعنا لكلام الفاتح دا عن المعايير بنلقاهو ضرب مثال جميل جدا فهشام ادم بكل صلافة قال انه الله مافي , الناس اتكالبت عليه ولكن بالمقابل في تانين قالوا من حقه يقول ويتناقش في الدايره , فبالله عليكم كلام منال ولا هشام ادم؟ خلينا من ديل انت يا عزاز واسف للمثل الشخصي دا , صورتك الفي البروفايل دي مع انها تركيب او فيها شغل الكتروني الا انه البعض حتي من عضوية هذا المنبر حسب معايرهم انه وجود صورتك دي ومطالعتهم ليها في البوستات ممكن براحة يدخلهم النار. هل صورتك دي فيها خدش للحياء او فيها منافاة للاداب العامة؟ بس كونه الشعر مكشوف فيها حسب معايرهم قد يكون مدعاة للتجاوز لذا السؤال عن المعيار من الاخ محمد سليمان سوال منطقي ومطلوب الرد عليه لانه ماعون المعيار دا واسع جدا وفضفاض جدا وممكن اي زول يمسكه علي التاني -, فايا اخواتي اقرن انكن تكاكاتن عليها وتكالبتن عليها وهجمتن عليها هجمة واحدة في تتابع رغم انه منال دي قاعدة من زمان بتكتب في كلامها دا الجد شنو الان ما عارفين؟ هل زودتها شوية؟ ولا اصبتن بالملل ؟ يمكنكن تجاوز بوستاتها وعدم فتحها وكفي الله المؤمنات شر المعيار .

الاساتذة، محمد سيد العربية و ضابط النقطة اساسي ...
نرجع لأول البوست قبل القراءة بقرون الاستشعار و ندّعي البراءة
مادام سوقها ماشي الايامات دي ...
كتابة منال مخفية؟
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
ولا ما استهجناه مكتوب بحبر سري اطلعنا عليه لاننا متساوون معها في منبع السريرة، وهذا رأي ذهب اليه محمد إي سليمان و سأعود له في قت لاحق بس افك ارتباط الافكار المضفرة دي في الأول ...

_____
تساءل الاستاذ محمد عن:

Quote: الفيصل شنو ؟ الحياء ؟ !!!!!؟؟؟ الأخلاق ؟؟؟!!!

و العينة الاداها لينا ضيقة وما بتقدر تضايف ولا بتقدر تشيل النفس الانسانية و تنوعها و تنقلها بين اصبعين من اصبع الله ... الحياء شنو؟ و الاخلاق شنو؟
نفكك الكلميتن بالعودة لأصل الكلمات كما تكتب ما دمتم ارتضيتم التخاطب باللغة العربية و حددت لي اختيارين لا ثالث لهما ولا حتى خيار ثالث (جميع ما سبق)
الأخلاق:

Quote: والخُلْق والخُلُق: السَّجِيّة. يقال: خالِصِ المُؤْمنَ وخالِقِ الفاجر. وفي الحديث: ليس شيء في الميزان أَثْقلَ من حُسن الخُلُق؛ الخُلُقُ، بضم اللام وسكونها: وهو الدِّين والطبْع والسجية، وحقيقته أَنه لِصورة الإِنسان الباطنة وهي نفْسه وأَوصافها ومعانيها المختصةُ بِها بمنزلة الخَلْق لصورته الظاهرة وأَوصافها ومعانيها، ولهما أَوصاف حسَنة وقبيحة، والثوابُ والعقاب يتعلّقان بأَوصاف الصورة الباطنة أَكثر مما يتعلقان بأَوصاف الصورة الظاهرة، ولهذا تكرّرت الأَحاديث في مَدح حُسن الخلق في غير موضع كقوله: مِن أَكثر ما يُدخل الناسَ الجنَّةَ تقوى الله وحُسْنُ الخلق

المصدرالسابق

الحياء:

Quote: والحياءُ التوبَة والحِشْمَة، وقد حَيِيَ منه حَياءً واستَحْيا واسْتَحَى، حذفوا الياء الأَخيرة كراهية التقاء الياءَينِ، والأَخيرتان تَتَعَدَّيانِ بحرف وبغير حرف، يقولون: استَحْيا منك واستَحْياكَ، واسْتَحَى منك واستحاك؛ قال ابن بري: شاهد الحياء بمعنى الاستحياء قول جرير: لولا الحَياءُ لَعَادني اسْتِعْبارُ، ولَزُرْتُ قَبرَكِ، والحبيبُ يُزارُ وروي عن النبي، صلى الله عليه وسلم، أَنه قال: الحَياءُ شُعْبةٌ من الإيمان؛ قال بعضهم: كيف جعَل الحياءَ وهو غَرِيزةٌ شُعْبةً من الإيمان وهو اكتساب؟ والجواب في ذلك: أَن المُسْتَحي ينقطع بالحَياء عن المعاصي، وإن لم تكن له تَقِيَّة، فصار كالإيمان الذي يَقْطَعُ عنها ويَحُولُ بين المؤمن وبينها؛ قال ابن الأَثير: وإنما جعل الحياء بعض الإيمان لأَن الإيمان ينقسم إلى ائتمار بما أَمر الله به وانتهاء عمَّا نهى الله عنه، فإذا حصل الانتهاء بالحياء كان بعضَ الإيمان؛

المصدر السابق

خلال فترة هجوم الهكر الأولى- على وزن الحملة الفرنسية الاولى – كتبت كلاما كثيرا عن الأخلاق لم ير النور حتى الآن، تساءلت وقتها عن نشأة (الأخلاق) كفكرة لا مفردة ولا تلك المتفق عليها أنها غريزة بل منظومة الأخلاق المنظمة للعلائق الاجتماعية ... لو ثبتنا ان المقصد الاساسي من تحديد معيار أخلاقي قائم بذاته متفق عليه بغض النظر عن سجية افراد المجتمع - هو خلق مجتمع أفضل، و الأفضل هو "الخير" (الواجب عمله) و عكسه "الشر" (الواجب تجنبه) فماهي محددات الخير و الشر إذا؟ هل تحددها الغريزة أم الشرائع أم التجربة و الخطأ؟

ما لقيت اجابة لغاية حسي .. بس ده ما موضوعنا ..

الخلاصة من العك الفوق هو ان الأخلاق نسبية و بحاجة لمحددات أخرى لتحديدها (الشر و الخير) .. متفقين؟
من يحدد الخير و من يحدد الشر؟ وانا باحب النسبية زي عيوني و احتمال جدي يكون نيوتن شخصيا، وفي الحالة قيد النظر و الطعين، ما تكتبه منال، بالنسبة لي ليس بخير ..
لأنو مبتذل ... فارغ ... محسوب ضد علىالكتابة النسوية ... لانو بينحدر بمستوى مكان انا قاعدة فيهو
لانو انا زولة بروية و بتاعت مشاكل وما بحب مياعة البنات .. المهم نقو ليكم سببين و شيلو الجايزة ...

المهم كتابتها غلط ...
و البيطبلو ليها حالتهم مزرية و باخجل ليهم جد جد
و بكري فاهم الديموقراطية غلط زيو زيك سيم سيم سديق ...

و أقول قولي هذا وأدعو الله ان يوفقني في لعبة الليدو وان يغتي على البوست ده من الختفان



_________

ما أعرفه هو أن الفعل الأخلاقي هو الذي تحس بعده بالراحه و غير الأخلاقي هو ما تحس بعده بعدم الراحة - ارنست همنغواي


***************

اساسي شفت مداخلتك الفيها نظارة قعر كباية و صباع رافعو لينا في وشنا انا و تيسير و سناء وانا باضيف في مداخلتي دي ، النهار بقى في الرمق الأخير و انا لسه جت لاق من السفر عبر الزمن ... البقدر اقولو انو الشخصية الجديدة جميلة شديد و حاول تنميها ... جد جد .. لايق عليك لايق ... بس حال تشملنا بنظرة من الديموقراطية الوليدة دي و تدرك انو احنا ما طالبنا انها تقيف ولا تمشي، بس طالبنا انو الكلام ده يكون في الغرف المغلقة ما في قارعة البورد ... وعموما، الدايرنو حصل، و المسكوت عنو اهو افتح فيهو بوستات و العميان شايل المكسر ينظر فيها ...

بوستات بصل و سراير و كدايس تاني نهي نهي زندقي

Quote: اساسي شفت مداخلتك الفيها نظارة قعر كباية و صباع رافعو لينا في وشنا انا و تيسير و سناء وانا باضيف في مداخلتي دي ، النهار بقى في الرمق الأخير و انا لسه جت لاق من السفر عبر الزمن ... البقدر اقولو انو الشخصية الجديدة جميلة شديد و حاول تنميها ... جد جد .. لايق عليك لايق .

يبدو يا عزاز جليا انك ما كنت بتعرفيني وماخدة عني فكرة من بنات افكارك كما يظهر وبتحاولي الان تحلي مكانها فكرة جديدة عني , الظريف في الامر انك بداتي تشوفيني كويس يادوب بس المفارقة في انك بتنفي عني ما في ذهنك لا ما هو عليه انا .
( وهذه افة التنميط السودانية الشهيرة )

ــــــــــ
اساسي اسلامي ديموقراطي ليبرالي
مافي زول يقول لي ما بتلمن , بتلمن ونص وخمسة

كما وانه لم يمنعني من الانضمام للحزب اللبرالي ( نور تاور عادل عبد العاطي ثروت ) الا حواري مع عادل حول الاسلام وموقف الحزب .

سلامات يا اساسي

Quote: كما وانه لم يمنعني من الانضمام للحزب اللبرالي ( نور تاور عادل عبد العاطي ثروت ) الا حواري مع عادل حول الاسلام وموقف الحزب .

انقطع ذلك الحوار دون ان اسمع رأيك
ما هو اعتراضك على موقف الحزب من قضايا الاديان وعلاقتها بالسياسة ؟؟

طبعا لقيت اسمك في البوست طوالي عرفت مداخلتك حتكون شنو وما خيبت ظني , طبعا يا عادل صعب نفتح الموضوع دا وسط البوست دا
وعلي العموم انا اتكلمت عن موقف الحزب والاسلام تحديدا ولو تذكر سألتك من رايك الشخصي تحديدا وقلت ليك بهمني , ورايك الشخصي دا
الخلاني اجفل واستبعد الفكرة مؤقتا , لو رجعت للبوست حتلقاني كاتب ليك بوضوح هناك
( انه انا ما مستعد حاليا لا فكريا ولا ذهنيا ولا اجتماعيا ان يقال فيٌ اساسي بقي مباري الملحد دا ) وقد كتبت لك اشياء كثيرة عن مسألة الدعوة في الاسلام والتبشير في المسيحية ومسألة ايماني بالشريعة الاسلامية وفكرة دولة القانون انا كمسلم بشوف انه القوانين مثلا ترتكز علي الشريعة وكلام كثير ياخ في النهاية البوست بقي شكلة بينك وبين بشاشا وبعض الاخوان الشيوعين ونبز وامكانية الحوار انتفت لو متذكر
اظن البوست في مكتبتك وان كنت انا صاحب البوست بعنوان ( الي عادل عبد العاطي تجنيد مفتوح )

Quote: الاخوات اماني الامين وسناء خالد وتيسير وعزاز من النهاية كدا وعشان ما نقعد نتجادل في الحبة , الاستاندر او المعيار او المقاس الانتو بتقيسوا بيهو ما بديكم الحق انكم تحددوا منو جانب الصواب ومنو المستلم جادة الطريق

يا أساسي,,
الرسول (ص) قال: الحلال بيّن والحرام بيّن وبينهما أمور مشتبهات ..
هسي أنا بقول ليك الصاح بيّن والغلط بيّن وبينهما أمور مشتبهات,
بوستات اللُخت منال بتقع في منظور عدد من بنات البورد ده وعدد من رجال البورد غير مستهان به,
انها في دائرة الغلط, عايز وصف نوصفها ليك: مبتذله, فارغه, خالية مضمون, دايره في فلك منال وأحاسيسها ورمانسيتها, وبعد ده فيها ايحاءات ما كريمه,
الكلام ده بيّن (شمس قمر ياقول ماما) ومافيهو احتمال اشتباه بالنسبه للمذكورين أعلاه..

Quote: ما بديكم الحق للحظة انكم تنظموا ليها حفلة ( شواء) علي الهواء وبالتتابع زي ما حصل بالامس واليوم لولا تدخل بكري ابو بكر فقد تواليتم تباعا علي بوستها العميانة شايلة المكسرة

لاشواء لايحزنون, كل زول كتب رايو -مداخله واحده- ومشي في حال سبيلو, يعني ساين اوت وتنسي الموضوع,
بس مابدينا الحق ليه؟
شفنا حاجه من منظورنا غلط, البسكّتنا ويطلّعنا من البوست من سكات شنو؟
باسوورد بكري ده لزومو شنو طيب؟
والفوق النقد منو؟
وتواليتم عليها دي مالها زي الشايلين عكاكيز كده !!!!
بعدين ست البوست ما تشد حيلها شويه وتجي ترد علينا تورينا غلطنا وين؟

Quote: فايا اخواتي اقرن انكن تكاكاتن عليها وتكالبتن عليها وهجمتن عليها هجمة واحدة في تتابع رغم انه منال دي قاعدة من زمان بتكتب في كلامها دا الجد شنو الان ما عارفين؟ هل زودتها شوية؟ ولا اصبتن بالملل ؟ يمكنكن تجاوز بوستاتها وعدم فتحها وكفي الله المؤمنات شر المعيار .

طيب وعمران وقمربوبا والزول زاتو وباقي الانتقدوا منال؟
برضو تكالبو وما عارفه شنو؟

اساسي

اطلع من البوست , كلامك ميتان و مرقت البوست من جوهرو و حولت البوست لي غلاط حول ماهية اساسي.
عصلجتك هنا دي اسه ما نفس الفكرة البتنتقد بيها الشابات ديل , قلت رأيك ؟ شكرا إتخارج و خلي غيرك
يقول رأيو برضو (ان لربعك الديمقراطي عليك حق) . او اقعد و ركز في إجابة سؤال المعيار و الفيصل
من خلال ردك بتكون وصلت رسالتك الرافضة للإقصاء , يا الحبشي عاوزين لينا بوست عن (فك الإرتباط بين الاقصاء
و الاخلاق) عشان نواكب التيرمات الجديدة مع التعاليم الراسخة و القصة ما تبقي خديج المكسيك ساي.

الحبشي
أضبط بوستك ياخي , بوستك جميل لكنو مطلوق ساي في الخلا !! انت سميتو بي اسماء و الاسماء جاتك
اقعد ناقشها و نحن بنجادعكم بالفيها النصيب و الغرض التثاقف و تبادل الافكار. ما تجي ترمي لي مطار
و تمشي.

Quote: الفيصل شنو ؟ الحياء ؟ !!!!!؟؟؟ الأخلاق ؟؟؟!!!

سؤال البوست ما عندو إجابة محددة طبعا ،، ودي حاجة نسبية كل حسب بيئته تربيته نشأته .. إلخ
كان من الأفضل أن تسأل عن المرجعية شنو بيكون اسهل ولكن تظل النسبية قائمة،،

فيما يتعلق بي مصدر مشكلة البوست هذا ،، ألا وهي حكم البعض على كتابات منال
اول حاجة اقول انو انا ما قريت من قبل في هذا المنبر مثل كتاباتها وده عشان نطلع من حتة دومة محسن خالد القاعد يكد فيها اساسي
والذي صار همه الأكبر ليه احتفيتو بهذا واقصيتو هذا !!
يصبح ممكن بعد ده احكم عليها واقول إنو معظم البوستات كان فيها إيحاءات جنسية لم أرى لها مثيل ،، ومن ثم من حقي المطالبة
بأن أقول ما كتبتيهو يخدش الحياء العام ،، أو ادخل وانقد ،، أو حتى اطالب بتطبيق من قوانين بكري ما من شأنه ايقاف مثل هذه الايحاءات

طيب الحيجي ناطي ويقول ياخي انا ما فهمته او تراى لي اي ايحاءات ،، يعني انت راسك براهو كعب عشان كده شاف الكعب
وده الساتر القاعدة تعملو صاحبة البوست في كل مواضيعها ،، حتى صاحب هذا البوست قال انو بصعوبة أو من ردود الاخوات
حتى فهم انو الموضوع يتعلق بالحياء والاخلاق ،، هنا تأتي المشكلة ،، الحل شنو ،، يعني نجيب بوستاتها ونقول الكدايس
ديك كانو صوتهم عالي عشان بيعملو شنو وللا نعمل شنو يعني ،، الايحاء الجنسي الحاجة يمكن الوحيدة الممكن تكتسبها
حتى ولم لم تكن من الصعاليق المقطعين السمكة وديله

زمـان .. اول ما جيت المنبر دا ..
كتبت بوست عنوانو (احـلى حاجه المراه تسويها انها تكون سـت بيت) ..
عبرت فيهو عن وجهه نظري (والتي يختلف معي فيها الكثير من عضوات البورد هنا) ..
والله البوست عمل قريب الخمسـه صفحـات ..!!
كان فيهو كميه من المداخلات الثره .. والمشاركات الجميله جدا ..
الشاهـد في الموضوع :

بالرغـم من انو رأيي كان مختلف تماما عن رأي معظم العضوات الاتي تداخلن
الا اني ما فكرت ولو في لحظه انهم دايرين يتكـــالبــوا علي او اني مقصوده شخصيـــا كـ دالـيا ..!!

ربمالانني تعاملـت في البوست بي فهم (الاختلاف في الرأي سمـه سودانيز اون لاين , ولا يفسد للود قضيـه)
وعشان كـدا البوست كان جميل جدا وموفق .. (اتخرب في النهايه بي شكله بين عزوزه واحد الاعضاء .. تتذكري يا عزوز )

الكلام ده بساعد برضو النقاش

Quote: Aristotle conceives of ethical theory as a field distinct from the theoretical sciences. Its methodology must match its subject matter—good action—and must respect the fact that in this field many generalizations hold only for the most part. We study ethics in order to improve our lives, and therefore its principal concern is the nature of human well-being. Aristotle follows Socrates and Plato in taking the virtues to be central to a well-lived life. Like Plato, he regards the ethical virtues (justice, courage, temperance and so on) as complex rational, emotional and social skills. But he rejects Plato's idea that a training in the sciences and ####physics is a necessary prerequisite for a full understanding of our good. What we need, in order to live well, is a proper appreciation of the way in which such goods as friendship, pleasure, virtue, honor and wealth fit together as a whole. In order to apply that general understanding to particular cases, we must acquire, through proper upbringing and habits, the ability to see, on each occasion, which course of action is best supported by reasons. Therefore practical wisdom, as he conceives it, cannot be acquired solely by learning general rules. We must also acquire, through practice, those deliberative, emotional, and social skills that enable us to put our general understanding of well-being into practice in ways that are suitable to each occasion.

الكلمة الرفض يكتبها كيبورد بكري ميتافزكس , بكري كزول بتاع علوم متفق مع الفزكس لكن مختلف مع الميتا

http://www.seop.leeds.ac.uk/entries/aristotle-ethics/

I am out of here

ياجماعة
انا خايف تتعبوا نفسكم ومنال دى تطلع رودا مردة تانية..


سارة قالت:

Quote: ربنا دة شافو بالعين ولا عرفوا بالعقل؟؟؟

لاهذا ولا ذاك!

بعض الكلام البنكتبوا هنامابنقدر نقولوا لايف وان بيرسون..
عشان كدا حقوا تقول ماهو معيار النت؟ وماهو معيار الحياة فى الواقع؟ وتحاول تقرب بين المعيارين بكشف كل جوانب الشخصية الإسفيرية مع قراءة مايكتبه أو تكتبه على الأم الأب ألزوج الزوجة و الأبناء والأخوان والأخوات..


وصلت بعد زمن من العك الى نظرية لذيذة ومريحة:
وهى أن أى زول يتقاطم معاك أتصل عليه فى الخاص ثم تكلم معاه فى التلفون
بذلك أكثر من تسعة وتسعين فى المية من المشاكل يمكن تفاديها..

والله محسن خالد زاتو مايقدر يقول أمثالوا السرية دى فى قوز رملة من قيزان المسيكتاب إلا يكون سكران لط وتانى يوم يقول ماقلتها! هههههه

ومنال دى لو انثى نقول لبت مجذوب ربنا يرحمك كنت ولا حاجة.

والله يا جماعة إنتو جميلين خالص

يعني جايين عاملين كيتة هنا عشان قلنا لمنال تكتب في حتة تانية لو مصرة على نوعية كتابتها دي
من الواضح إنكم يائسين من جدوى الخيار الأول "أي إنها تكتب بإحترام أكتر" وطوالي مسكتوا في التاني


ياخي أنا لو كل يوم بمرق الشارع بيلاقيني زول عريان في اليوم الأول بتخلع شديد
اليوم التاني بتخلع شوية
اليوم التالت ببتدي أتساءل الزول دا مالو فهمو شنو؟
في اليوم الرابع بقول يمكن "حران" خليهو بي راحتو
اليوم الخامس بتحاشى أطلع الشارع عشان ما أصطبح بطلتو البهية
اليوم السادس بكون وصلت الحد والموضوع لما يتكرر ببقى ما عندو علاقة بالحريات وباقي الطقم الفاهمينو في غير مكانو دا
وطوالي في اليوم السابع ببدا أفتش في آليات تجنبني شر رؤية الزول العريان دا كل يوم:
يا إما يمشي يلبس حبة هدوم "حبة ما كتير"
يا يقعد جوة بيتم ويتعرى زي ما داير


والمثل المصري بيقول ليك أصبر على جار السو* يا عزّل، يا جاتلو نصيبة



ــــــــ
السو = السوء

..

يا تيسير

قبل كدة في بوست الكدايس البتصرخ في السطوح دخلنا وعلقنا انو الكلام دة ما صح.. اتخيلي طلعونا انحنا الما صاح؟؟!!

وكمان شنو؟؟ ما فضل شدو* ولا محامي في البورد ما قبل علينا وفي النهاية الاساءات دورت من طرف..

هو دة شنو دة؟؟؟

ياخ ما تعملوها ظاهرة كدة..كمان انتو طلعوا النصيحة يا (شدوهات) المنبر ..

يعني رومانسية متدفقة وعاملة طوفان,,
رومانسيتا دي حلال عليها لكن شغالة توزع فيها من طرف ..
وفي النهاية تجي زي الحمل وتقول شنو ..

Quote: ده شنو ده (وش مخلوع) بوستينى ده النكتو منو بعد مشى الصفحه الطيش

يا جماعة..
المنبر دة مفروض نحافظ عليه .. وغيرتنا عليه بتخلينا نقول للاعور انتا اعور في عيونوا..

Quote: لسبب تباين خلفياتنا الثقافية

طيب أنت ما جاوبت على سؤالك

يالله خلاص البوست دا إنتهى.....

المعيار بتحكمو الجغرافيا و الثقافة و العادات و القانون
و بكري أبو صلعة.

قالوا أساسي بقى لبرالي و كمان ديمقراطي
ولد دا......هاك عادل عبدالعاطي

هنا ممكن نقول سؤال: معيار اللبرالية شنو?
هل معيارها عند أساسي (بتاع الكبسة والمشكل) زي معيارها عند عادل (بتاع بيرقر كنك و كنتكي فرايد جكن)

انت يا خدر كتبت مداخلتك لي قاصد ترد بيها اعتبار للاخت عزاز شايف اني اهدرتو ؟ ولا قاصد تتظارف كالعادة , الخلاني اقول كدا انني شايفك استندت علي مفردات عزاز في طردك لي من البوست وعارف دي المشكلة الانا بنبح فيها من امس وهي انه عزاز جات ردت علي منال في بوستها المعلق ليهو زمن , بعدها مباشرة توالت الاخوات علي الاخت منال متخذات من مداخلة عزاز ترسانة للقصف , بذهنية التور كان وقع بتكتر سكاكينو يعني ببساطة المسألة كانت رد فعل قطيع ودا الاتحاشينا نقوله من امس لكن واضح انه حتي مداخلتك الفوق دي زاتها جاءت بذهنية القطيع وان لم يكن فالزود عن الاخوات بشهامة مقنع الكاشفات وكلاهما لا مكان له هنا ,
بعدين في حاجة مهمة وهي استعراض اساسي الذكرته انت دا , كلمات مثل بوليس البوست او ضابط شرطة البوست وكلمات مثل انتي اقصائست في النهاية طابعها شخصي خالص بالاضافة الي تريقة عزاز عن الديموقراطية الاتنزلت علي فجأة والانت جيت شايلها زي البستلة فرحان بيها خلتني اوضح جزء من فهم اساسي العام للحاجات , وبالمناسبة وحاجة مهمة جدا لتيسير في البداية ردودك اعلاه وفي معظمها لم تدافع عن الفكرة الريسية الاستندتي عليها في تقريعك لمنال وانما كانت هجوم علي الاخر المختلف معك ومواقفه السابقة وهو يطعن جدا في مواقفك التي استندتي عليها في انها ضعيفة ومتهالك ولا تجدي ما تقولينه دفاعا عنها وعن فكرتك وانما جاء ردك اما تنميطي للاخر مثل ( انتي اقصائست ) او هجوم عليه بمثل انت طيب ما كتبت كيت وكيت وتفاجئك بموقفه , وايضا الاخت عزاز حاولت اشغالي بنفسي بموضوع النيو لوك ولابألك وكلام ظاهره التريقة وباطنه التريقة برضو ,
لذا اخوي خدر ورغم تجملك بالقول انك تريد الاستفادة الا اننا هنا امام حالة خاصة ليس البوست لتثقيفك ورفع افاقك ومداركك , كما وايضا يمكنك مثل السنوسي ( فط) مداخلاتي وتجاوزها وقراءة ما تحس انه يساهم في تثقيفك وتنمية قدراتك من كتابات الاخوة المشاركون في البوست.

Quote: بعدها مباشرة توالت الاخوات علي الاخت منال متخذات من مداخلة عزاز ترسانة للقصف , بذهنية التور كان وقع بتكتر سكاكينو يعني ببساطة المسألة كانت رد فعل قطيع ودا الاتحاشينا نقوله من امس

من الواضح جداً إنو الأخ أساسي ما عندو أدنى فكرة حول كيف ومتى بدأت رحلة إنتقادنا لكتابة منال
طيب بريف سريع كدا يا أساسي:

الموضوع دا بادي ليهو شهور طويلة وراينا فيهو عمرو ما حايتغير
في عضوات كريمات إتشتموا هنا في المكان دا بواسطة أحد الأعضاء
بأنهن (قاهرات) و(مطاليق) و(فاكات) فقط لأنهن إنتقدن الكتابة الصارخة بتاعة منال
وما في زول جا قال للزول الشتمهم دا تلت التلاتة كم
يا العاملين فيها بتاعين حريات وديموكراتية
بعضهن آثرن التوقف والذي إمتد لشهور طويلة حتى الآن
وبعضهن واصلن المسيرة وما بدلن تبديلا
وشخصياً القدامك دي أي بوست حق منال دخلت كتبت فوقو بكري حذفو
وأي بوست حقي أنا دي إنتقدت أو إنتقدنا فيهو كتابتها بكري برضو حذفو
والكلام دا مدور ليهو شهور آخرها كان أن حذف لي 4 ولا 5 بوستات ورا بعض أمس

أساسي اللي مش عارف يقول عدس
ياخي قول عدس وريحنا من الجدال الماعندو ثمرة دا

Quote: وبالمناسبة وحاجة مهمة جدا لتيسير في البداية ردودك اعلاه وفي معظمها لم تدافع عن الفكرة الريسية الاستندتي عليها في تقريعك لمنال وانما كانت هجوم علي الاخر المختلف معك ومواقفه السابقة وهو يطعن جدا في مواقفك التي استندتي عليها في انها ضعيفة ومتهالك ولا تجدي ما تقولينه دفاعا عنها وعن فكرتك وانما جاء ردك اما تنميطي للاخر مثل ( انتي اقصائست ) او هجوم عليه بمثل انت طيب ما كتبت كيت وكيت وتفاجئك بموقفه

اساسي إنت جادي ما عارف الفكرة الرئيسية الإستندت عليها في تقريعي لمنال

الفكرة الرئيسية يا سيدي إنو المكان دا ما إنداية ولا ماخور الزول يجي يبث فيهو لواعجو وأشواقو الجنسية
أي زول/ة شاعر/ة إنو عندو إحتياجات غريزية عايز يلبيها - ودا شيء طبيعي - يمشي يعمل الحركة دي برة البورد ويجي راجع أو تجي راجعة عادي ومكانه/ا سيظل شاغراً بيننا ريثما يعود أو تعود

فل ستوب

Quote: الفكرة الرئيسية يا سيدي إنو المكان دا ما إنداية ولا ماخور الزول يجي يبث فيهو لواعجو وأشواقو الجنسية أي زول/ة شاعر/ة إنو عندو إحتياجات غريزية عايز يلبيها - ودا شيء طبيعي - يمشي يعمل الحركة دي برة البورد ويجي راجع أو تجي راجعة عادي ومكانه/ا سيظل شاغراً بيننا ريثما يعود أو تعود

دا كلام فاضي للاسف وموغل في الاسفاف , وفيهو اتهام صريح غير كريم ابدا ومرفوض تماما
ما شفنا من منال ولا غيرها طلبوا من زول في المنبر دا انه يمارس معاهم ما تقولي عليه اعلاه من احتياجات غريزية وتلبيتها في المنبر
بعدين منال ما تتكلم عن كديس بكورك في السطوح او يزغرد حتي مافي حاجة جابراك تعقبي عليها او تهاجميها وتفسري كلامها دا علي ما كتبتيه اعلاه ولا لك الحق ابدا في كتابة مثل هذا الكلام عن عضو معنا في المنبر , بل لا اجد منال بعد حديثك هذا جافت الادب بقدر ما تفعلين انت بهذا الاتهام المجاني الصريح

Quote: دا كلام فاضي للاسف وموغل في الاسفاف , وفيهو اتهام صريح غير كريم ابدا ومرفوض تماما ما شفنا من منال ولا غيرها طلبوا من زول في المنبر دا انه يمارس معاهم ما تقولي عليه اعلاه من احتياجات غريزية وتلبيتها في المنبر بعدين منال ما تتكلم عن كديس بكورك في السطوح او يزغرد حتي مافي حاجة جابراك تعقبي عليها او تهاجميها وتفسري كلامها دا علي ما كتبتيه اعلاه ولا لك الحق ابدا في كتابة مثل هذا الكلام عن عضو معنا في المنبر , بل لا اجد منال بعد حديثك هذا جافت الادب بقدر ما تفعلين انت بهذا الاتهام المجاني الصريح

تقديراً للحالة بتاعة الحوص التقييمي الإنت فيها حالياً دي والمروا بيها ناس تانيين قبلك حين يتعلق الموضوع بمنال، سأتجاوز عن رميك لي (صراحةً) بمجافاة الأدب، الشيء الذي لم يرد ظاهرياً ولا ضمنياً في كلامي أعلاه عن منال ..

Quote: تقديراً للحالة بتاعة الحوص التقييمي الإنت فيها حالياً دي والمروا بيها ناس تانيين قبلك حين يتعلق الموضوع بمنال، سأتجاوز عن رميك لي (صراحةً) بمجافاة الأدب، الشيء الذي لم يرد ظاهرياً ولا ضمنياً في كلامي أعلاه عن منال ..

لماذا ؟؟
اليس الامر خاضع لتقيمي حسب المعيار الذي اخترت وضع حديثك فيه ونفس هذا الشي الذي دعاك حسب معايرك الي ( الظن) ثم التصريح ان منال تجافي الادب والزوق بحديث الكدايس واعتبار حديثها اشواقا شخصية لا يجب التصريح بها هنا ؟

Quote: لماذا ؟؟ اليس الامر خاضع لتقيمي حسب المعيار الذي اخترت وضع حديثك فيه ونفس هذا الشي الذي دعاك حسب معايرك الي ( الظن) ثم التصريح ان منال تجافي الادب والزوق بحديث الكدايس واعتبار حديثها اشواقا شخصية لا يجب التصريح بها هنا ؟

متمنية آخذ كلامك دا مأخذ جد
لكن غلبني والله ..

ي

Quote: ا سيدي إنو المكان دا ما إنداية ولا ماخور الزول يجي يبث فيهو لواعجو وأشواقو الجنسية

اسفى عليك اختى اتعفف عن الانحطاط الى هكذا مستوى
هذه هى ثقافتك التى تدعين ... حاشا ان تكون للثقافة امثالك
قرأت هنا انحدار فكر وهشاشة قلم
و ربما لو خلعتي تلك النظارة السوداء لكان استنكارك مقبولاً و مهضوماً
كبعضهم هنا و رغم انك ترينني من هذه الزاوية
التي لا احب تسميتها كما اسرفتي انتي في وصفها
دون أدنى مراعاة لناقوس الحياء الذي قرعتيه مراراً هنا و دون أدنى تحفظ
فانا يا سيدتي المحترمه لا استطيع ان استخدم هذه الألفاظ التي اوردتها هنا .. شوفتي كيف ؟
فمعيار اخلاقي هنا يختلف تماما عن معاييرك التي تريدينني ان استند اليها
عشان كدا و بالدارجي خلونا نفض القِصّة دي
لانو اذا انتي شايفاني كدا فأنا هسه شوفتك اسوأ من كدا .. وقع ليك
اين انتى مما كتبتى هنا ؟؟؟
رجائى كفى عن المهازل وهاجمى باحترام ان كان لكى قضية او موضوغ اصلا

انا مهما كتبت ما وصلت درجة جرأتك هنا

ده اول واخر رد احتراما لصاحب البوست

Quote: حين يتعلق الموضوع بمنال

اما هذه فتثبت بما لا يدع مجالا للشك ان منطلقاتتك ( نسوانية ساكت ) ولا تستند علي اكثر من ان ذهنيتك تعشعش فيها فكرة غريبة اي مختلف معك في موضوع هجومك علي منال لديه ( اجندة شخصية )
يا اخت عينا ملانة اكثر مما تتخيلين ولدينا من يجعلنا لا نري سواهن و بقية النساء في هذا المنبر وغيره بالنسبة لينا مجرد اخوان واخوات لا اكثر ولا اقل
للاسف تجاوزت قصة العدس اعلاه علي اني لا يجوز ان افسرها علي هذا النحو اما تصريحك اعلاه فيجعلني متيقن الان من ان منطلقاتك تدعو للشفقة .
انتهي الحديث معك يا تيسير وربنا يعافيك من هذه النظرة الضيقة ويوسع مداركك

Quote: انتهي الحديث معك يا تيسير وربنا يعافيك من هذه النظرة الضيقة ويوسع مداركك

شكراً اخي اساسي على الدعوات الأخوية وعلى إتاحة الفرصة
واسمح لي أن أدعو لك بدوري بنفس الدعوة
وزد عليها أن يستعدل ليك بصرك وبصيرتك من الحوص (المؤقت) دا
قادر يا كريم



تحياتي ،،

Quote: وزد عليها أن يستعدل ليك بصرك وبصيرتك من الحوص (المؤقت) دا قادر يا كريم

امين يا رب

وان كان هذا الحوص المؤقت حتي الان لم يجعلني اتهم شخص صراحة بانه ( جاري ورا مراة اسفيرية ) او ان احداهن تكتب تحت تاثير غرائزها

Quote: وان كان هذا الحوص المؤقت حتي الان لم يجعلني اتهم شخص صراحة بانه ( جاري ورا مراة اسفيرية ) او ان احداهن تكتب تحت تاثير غرائزها

ما تعمل فيها ضحية
بضاعتك ردت إليك
إنت البديت الإساءة رغم حرصي على ألا أسيء ليك في هذا البوست
إنت قايل حقك حرير وحق الناس دمور؟


كلامي حول منال أبداً ما بديك الحق إنك ترد بدلها وتسيء لي
منال عندها كيبورد زي حقك دا وأسن وأهي جات قامت بالواجب ..

Quote: اسفى عليك اختى اتعفف عن الانحطاط الى هكذا مستوى هذه هى ثقافتك التى تدعين ... حاشا ان تكون للثقافة امثالك قرأت هنا انحدار فكر وهشاشة قلم و ربما لو خلعتي تلك النظارة السوداء لكان استنكارك مقبولاً و مهضوماً كبعضهم هنا و رغم انك ترينني من هذه الزاوية التي لا احب تسميتها كما اسرفتي انتي في وصفها دون أدنى مراعاة لناقوس الحياء الذي قرعتيه مراراً هنا و دون أدنى تحفظ فانا يا سيدتي المحترمه لا استطيع ان استخدم هذه الألفاظ التي اوردتها هنا .. شوفتي كيف ؟ فمعيار اخلاقي هنا يختلف تماما عن معاييرك التي تريدينني ان استند اليها عشان كدا و بالدارجي خلونا نفض القِصّة دي لانو اذا انتي شايفاني كدا فأنا هسه شوفتك اسوأ من كدا .. وقع ليك اين انتى مما كتبتى هنا ؟؟؟ رجائى كفى عن المهازل وهاجمى باحترام ان كان لكى قضية او موضوغ اصلا انا مهما كتبت ما وصلت درجة جرأتك هنا ده اول واخر رد احتراما لصاحب البوست

يجنن عليك اللون دا

Quote: الفكرة الرئيسية يا سيدي إنو المكان دا ما إنداية ولا ماخور الزول يجي يبث فيهو لواعجو وأشواقو الجنسية أي زول/ة شاعر/ة إنو عندو إحتياجات غريزية عايز يلبيها - ودا شيء طبيعي - يمشي يعمل الحركة دي برة البورد ويجي راجع أو تجي راجعة عادي ومكانه/ا سيظل شاغراً بيننا ريثما يعود أو تعود

أسوأ ما قرأت في هذا المنبر شكلاً ومضموناً

لا حول ولا قوة إلا الله العلي العظيم

ما هذا ؟

يؤسفني أقول ليك يا فرانكلي إنو ليس أسوأ باي حال مما تكتبه منال في هذا المكان ..

*** هل فعـــلا نحــــنا محتـــاجــــين ليهــــو ****

Quote: نعم انا كاتب انحطاط المنبر وقبل الامس كتبت ان المنبر لا يوجد فيه شيئ يقرأ وشتان ما بين القول الكتابة تشوبها العادية ونزل مستواها وما بين الجام شخص بعينه واسكاته والطلب منه المغادرة في ذات الوقت السكوت عن البعض والتصالح معهم

أساسي السلام عليكم
إذن يا أساسي انت سلكت "معايير" محددة لتقييم أن المنبر كذا وكذا
من حق الأخوات ان يسلكن نفس معاييرهن دون نكير من أحد..اللهم إلا إذا كان
معياره مدعّما بدليل ومعيار"أصلي" وهو كلام الحق-سبحانه- ورسوله الأمين صلى الله عليه وسلم
أي حرف وكلمة تقال لابد ان تُقاس بمعيار..وهذا المعيار لابد ان يكون من كامل..وحكيم..وخبير
وهو ربي لا إله إلا هو..
أراك وصفت كتابات هشام عن سبه لرب العزة بوصف يناسبها..وهذا جيد منك...لأنك استعملت
معيارا صحيحا..
كذلك الأخوات استعملن نفس معيارك في ردهن على منال..لكنك تقول بان كتابات منال لاتستأهل
كل هذا..إذن هناك خلل ما في معيارك...حاول المراجعة..ربما "ليبراليتك" طغت على ثوابت الشريعة
فعملت "رجة"..و"فكفكت" المسامير(فلاتلوموني ولوموا أنفسكم)

فائدة: كتابات محسن خالد او غير محسن خالد كلها تخضع لهذه المعايير..
يعني أن الاختباء خلف ما يسمى بالإبداع الأدبي والكنايات والإشارات لايعفي..
فالكلمة النظيفة كالفكرة النظيفة(يسقى بماء واحد ونفضل بعضها على بعض في الأكل)

حكمة:
(مايلفظ من قول إلا لديه رقيب عتيد)
محمد إي سليمان: أشكرك على التميز باختيار الأفكار المطروحة

Quote: إذن يا أساسي انت سلكت "معايير" محددة لتقييم أن المنبر كذا وكذا من حق الأخوات ان يسلكن نفس معاييرهن دون نكير من أحد..اللهم غلا غذا كان

الاخ عماد

مثلا ان تشاهد كرة قدم وتقول الكرة دي تعبانة او كرة بايخة هذا بالنسبة لتقيمي للمستوي العام في المنبر قد يتفق معي بعض المشاهدين او يختلف , ولكن الاخوات قالوا الكرة تعبانة واللعيبة مرض ودايرين يطلعوهم من الميدان ويفرتقوا الكورة رغم انهم لا مدربين لا مدراء كرة بل مجرد مشاهدين زي زيهم .
فانا لم اطالب في تقيمي بان يبعد احد من المنبر او اقصي احدا , بينما الاخوات حاولن افتراس المذكورة بافتراض ان كتابتها ( قلة ادب) رغم ان البعض قد يختلف معهن وطلبت اليها تيسير بوضوح ان تكتب ( بادب ) او ان تذهب من المنبر وهنا تيسير اعطت نفسها الحق في التقيم والفعل الذي يعقب التقيم رغم عن ان تقيمها نفسها خاضع لتقيم الاخرين
اتمني تكون نقطتي واضحة كفاية

Quote: أعلم أخي أنك تقصد (البيخلي دي رِجل وديك كراع شنو)ولكن سادعك تكمل حديثك إلى النهاية ..

Yes sister can you explain it ?.x

-----------------------------------
new post:x

Quote: أنا لا زلت عند رأيي إقتباسك للكلام الأنت معترض عليه و بشكل متكرر يعنى أنك لا تتورع عن قوله..و كون هذه السيدة تدافع عن محسن خالد و عن حقه في كتابة ما يريد لا يعطيك الحق في قذف مثل هذا الكلام في وجهها.. عموما ..أعصابك يا مان.

Quote: ولكن الاخوات قالوا الكرة تعبانة واللعيبة مرض ودايرين يطلعوهم من الميدان ويفرتقوا الكورة رغم انهم لا مدربين لا مدراء كرة بل مجرد مشاهدين زي زيهم

لكن معاييرهن في الإخراج صحيحة يا اساسي
هناك كتابات "خمج" كما قالت الاخت ..وانت هاهنا أختلف معهن في الأسلوب وليس في المبدأ
الموضوع ما يحتاج لكل هذه الغضبة المضرية منك للدفاع عن خطأ ظاهر..
بمناسبة" الإخراج أو الطرد" من مكان معين بسبب "شتارة المعايير" إستمع لهؤلاء المعترضين
على معيار ان فاحشة الرجل مع الرجل حرام..اعترضوا حسب معاييرهم الخاطئة وقالوا-كما حكى ربنا عنهم-
(أخرِجوا آل لوط من قريتكم إنهم اناسٌ يتطهرون)
شفتَ المعيار المشاتر يا أساسي؟
وهناك معيار صحيح للإخراج(الذين أخرجوا من ديارهم لأول الحشر)
ولذلك ليس هناك ضابط لمسألة المعيار إلا ما أتت به شريعتنا العظيمة
ووافق الفطرة السليمة
والعقول الواعية المستقيمة
لك شكري

Quote: زمـان .. اول ما جيت المنبر دا ..

Quote: تاريخ التسجيل: 23-07-2009

Quote: انت يا خدر كتبت مداخلتك لي قاصد ترد بيها اعتبار للاخت عزاز شايف اني اهدرتو ؟ ولا قاصد تتظارف كالعادة , الخلاني اقول كدا انني شايفك استندت علي مفردات عزاز في طردك لي من البوست وعارف دي المشكلة الانا بنبح فيها من امس وهي انه عزاز جات ردت علي منال في بوستها المعلق ليهو زمن , بعدها مباشرة توالت الاخوات علي الاخت منال متخذات من مداخلة عزاز ترسانة للقصف , بذهنية التور كان وقع بتكتر سكاكينو يعني ببساطة المسألة كانت رد فعل قطيع ودا الاتحاشينا نقوله من امس لكن واضح انه حتي مداخلتك الفوق دي زاتها جاءت بذهنية القطيع وان لم يكن فالزود عن الاخوات بشهامة مقنع الكاشفات وكلاهما لا مكان له هنا ,

صباحات الله بيضا يا أساسي،

أولا لا بد أن أشكرك على وقوفك على الشط التاني لأنو أختلافنا حيوصلنا لحتة ما .. قد تكون وسط و قد تكون في ضفة إحدانا ...

مداخلتي في بوست منال الحذفو بابا بكري لم تكن الأولى من نوعها مع منال.. فقد رددت لها في بوست آخر مدور عجاج Re: **** قريب منى وعايش فى شرايينى ..بعيد عنى ومجننى ****
وقلت فيه

Quote: 02-05-201, كتابتك (المكتوبة بشغف) يا منال نجحت في رسم خط واضح بيّن يفرّق بين من يحترم نفسه و من يبذلها رخصية بثمن بخس

وقبل ذلك من شهور تداخلت أيضا وبينت رأي بأن كتابتها الإيحائية تسيء للذوق العام، يعني ما صحيت الصباح فجأة لقيت روحي متحسسة. كما أربأ بالتي تداخلن بعدي بأنهن تصرفن بسلوك القطيع لأنه كما ذكرت لك تيسير أنها تداخلت من قبل، و سارة علي تداخلت معي في الشهور السابقة و نالنا ما نالنا من قبيح القول و ساقط المفردات... يعني القطيع ده كلو معلمين :)

افتكر بيناتنا نقطة اتفاق، انت تحتفظ لي بحق انتقاد كتابة منال؟ صح؟ طيب انت اعتراضك على شنو؟ على أي طلب ليها بأنها ترحل؟ صححني لو كنت فاهماك خطأ ... إذا في حدود ما منحته لي من حق الاختلاف مع منال قلت و ما زلت أقول ان كتابتها الإيحائية مسيئة للذوق العام، مسيئة لي كعضو بيكتب في البورد ده و اتعرضت فيه لما تعرضت من محاولات اشانة سمعة و لسه باكتب فيهو لأني ما قنعت من خير فيهو، بس لما يبقى مبتذل انا شخصيا بتأذي و باحس اني بذلت وقت و زمن في مكان لا يليق بإنسان يحترم نفسه.

البورد فعلا مليان بوستات بلا أي قيمة فكرية، و أمسى منبر chatting، ولكن، تحول نمط التواصل هنا مع الحفاظ على السقف الأخلاق يالمتبع عليه أقل ضررا من تقبل لغة إيحائية لا اعتقد أنها تضيف أي فائدة بل تؤثر على معايير المقبول في مجتمع اعتقد انه ارتضى معايير أخلاقية. في أوقات سابقة كثيرة هاج المنبر على مفردات استخدمها أعضاء في لحظات غضب وفصل بسسبها كثيرون، و نحن في رويحتنا دي بنقيم الناس وبيقيومنا بمفرداتنا و (تربيتنا) وسقفنا الأخلاقي في الاختلاف.

أحسب نفسي يا أساسي من منادي الديموقراطية و حرية الاختيار، وما زلت، ولكني مؤمنة بأن الحرية (قيد) من حرير نضعه بانفسنا. الحرية في التعبير مسؤولية في ما نكتب وما يترتب على ما نكتب أو نفعل أو نقول. مارست منال حريتها تماما في كتابة ما تريد و جاء وقت سداد ثمن هذه الحرية و للأسف أنها لم تقدم لي جديدا يعفيها من جرح الذوق العام بالنسبة لي. أنا قريت أدب أنكيزي يا أساسي و ودرسنا كتاب أقيمت لهم مقاصل عديل على الخروج على معايير الذوق العام في حين الكتابة، و فند الكتاب أراءهم أما بدواعي كسر التابو أو الخروج على المألوف و اكتشاف الذات أو غيرها. مالم يورده أحدهم – بحسب علمي – هو التملص من مرامي الكتابة الإيحائية أو لغتهم تلك كما فعلت منال في بوستها الأخير ... الشيء الآخر اني لا اتعاطى مع منال على اساس انها كاتبة أو أديبة، زيها زينا في سوق الله أكبر و استهجنت منها استخدام لغة charged و المؤلم أكثر تجاوب البعض ممن أحترم و مجاراتها في لغة لا تليق بشاشات تدخل بيوت الكثيرين منا ...

في هذا الموضع تحديدا لا أمارس ازدواجية معايير على الإطلاق، لا أحب الكلام البذيء على المستوي الشخصي ولا أحبه أدبا مكتوبا أو مرسوما أو مغنى. عشت في بيئات كثيرة قد يحسبها الكثيرون منفتحة ولكنها تتمتع بحس عال تجاه ما يخدش الذوق العام و يدنينا درجة مع الحيوانات الغير عاقلة.

قرر أعضاء نادي الكتاب الذي أتبع له قراءة كتابين أحدهما لمحمد شكري (الخبز الحاف) و الثاني لكاتبة سعودية تكتب بأسم مجهول. حاولت البحث عن ما علقت به على رواية محمد شكري فقد بعثتها عبر ايميل لتعذر حضور الاجتماع لدواعي سفري . رأيت وقتها أن فجاجة محمد شكري في الرواية مرده ابداع لم يشذب، فقد تعلم الكتابة في وقت متأخر و تخرج من مدرسة الحياة في بيئة تشبه ما كتب في الرواية. إذا هو نتاج بيئته، وهو نقد أدبي بحت لا شخصاني ولم أكن لأصل إليه لو لم اطلع على تاريخ حياته ككاتب و خلفيته، وهي معلومات مهمة للحكم على الأدب و لتقيمه. الكتاب الآخر للكاتبة السعودية لم أستطع اكماله على الرغم من أن ألفاظه لم تكن بذات الفجاجة ولكن لأن الأفكار لم تكن مرتبه وبدت لي ترفا فكريا لا أكثر و خواطر مراهقة، وهو نفس التقييم لما بين يدينا الآن. قد يحاججني كثيرون أن الأدب النسوي تحديدا بحاجة لكسر قيد العادية و الخروج عن المألوف، و قد أتفق نوعا ما لو توفر للكاتبة أدوات الكتابة و توظيف اللغة لإيصال هدف ما ولكن (منال) قيد الدراسة ترى انها استثنائية و انثى فوق الشوق و تحت السحاب و مال إلى ذلك من نرجسية.
نقطة أخيرة، بخصوص انتماءك الفكري أو السياسي، هو حقك الخاص يا أساسي ولكن ضعه في اختبارات متعددة، فقد يفاجئك تقلب فؤادك بين

المواقف كلما بقت الحكاية شوف عين ما حديث ناس و النار بتحرقك انت. محمود لك أن ترفض إقصائنا لمنال من حيث المبدأ، ولكني اخشى بأنك أقصيتنا نحن فداء أحداية نظرتك لمنهج (الاقصاء)

لا عدل مطلق ولا ظلم مطلق ولكل شئ وجهان أوأكثر ...

في غير مرة نعتت كتابات أختنا منال بأنها ذات إيحاءات صراحة وضمناً فما الجديد الآن؟!
الأخوات المعترضات على هذا النسق من الكتابة معهن حق
وأشهد لهن بمواقف إدانة سابقة لهذه الكتابة في تواريخ سابقة
الأخوات حقانيات
و(أمثالهن) يباهى بهن ويفتخر
بس أظاهر الصورة بقت مقلوبة
خاشة هنا يا أساسي يا أخوي من باب الغباء مش من باب القطيع(وش باسم)
لكم التقدير
وأقول قولي هذا وأخرج قافلة الباب وراي(:

Quote: من باب الغباء

حاشاكي الغبـاء يا حبيبه ..
تلمي وتعيشي يـارب ..

تيسير تصدقي الرابط الجبتيهو ما حصل قريتو قبل كده؟!!
لكن لما فتحتو هسي أصابني بالغثيان,

Quote: وقبل ذلك من شهور تداخلت أيضا وبينت رأي بأن كتابتها الإيحائية تسيء للذوق العام، يعني ما صحيت الصباح فجأة لقيت روحي متحسسة

Quote: إذا في حدود ما منحته لي من حق الاختلاف مع منال قلت و ما زلت أقول ان كتابتها الإيحائية مسيئة للذوق العام، مسيئة لي كعضو بيكتب في البورد ده و اتعرضت فيه لما تعرضت من محاولات اشانة سمعة و لسه باكتب فيهو لأني ما قنعت من خير فيهو، بس لما يبقى مبتذل انا شخصيا بتأذي و باحس اني بذلت وقت و زمن في مكان لا يليق بإنسان يحترم نفسه.

Quote: تحول نمط التواصل هنا مع الحفاظ على السقف الأخلاق يالمتبع عليه أقل ضررا من تقبل لغة إيحائية لا اعتقد أنها تضيف أي فائدة بل تؤثر على معايير المقبول في مجتمع اعتقد انه ارتضى معايير أخلاقية. في أوقات سابقة كثيرة هاج المنبر على مفردات استخدمها أعضاء في لحظات غضب وفصل بسسبها كثيرون، و نحن في رويحتنا دي بنقيم الناس وبيقيومنا بمفرداتنا و (تربيتنا) وسقفنا الأخلاقي في الاختلاف.

Quote: و للأسف أنها لم تقدم لي جديدا يعفيها من جرح الذوق العام بالنسبة لي. أنا قريت أدب أنكيزي يا أساسي و ودرسنا كتاب أقيمت لهم مقاصل عديل على الخروج على معايير الذوق العام في حين الكتابة، و فند الكتاب أراءهم أما بدواعي كسر التابو أو الخروج على المألوف و اكتشاف الذات أو غيرها. مالم يورده أحدهم – بحسب علمي – هو التملص من مرامي الكتابة الإيحائية أو لغتهم تلك كما فعلت منال في بوستها الأخير

Quote: في هذا الموضع تحديدا لا أمارس ازدواجية معايير على الإطلاق، لا أحب الكلام البذيء على المستوي الشخصي ولا أحبه أدبا مكتوبا أو مرسوما أو مغنى. عشت في بيئات كثيرة قد يحسبها الكثيرون منفتحة ولكنها تتمتع بحس عال تجاه ما يخدش الذوق العام و يدنينا درجة مع الحيوانات الغير عاقلة.

Quote: رأيت وقتها أن فجاجة محمد شكري في الرواية مرده ابداع لم يشذب، فقد تعلم الكتابة في وقت متأخر و تخرج من مدرسة الحياة في بيئة تشبه ما كتب في الرواية

Quote: الكتاب الآخر للكاتبة السعودية لم أستطع اكماله على الرغم من أن ألفاظه لم تكن بذات الفجاجة ولكن لأن الأفكار لم تكن مرتبه وبدت لي ترفا فكريا لا أكثر و خواطر مراهقة، وهو نفس التقييم لما بين يدينا الآن.

--------------------------------------

Illustration: John Dyson


هوامش
__________
(1) جبران خليل جبران
(2)إبراهيم عبد القادر المازني

Mohamed E

يا أخوي أنت عنوانك ده بقول ما هو العبار ولا ما هو المعيار؟

زي ما عارف نحنا ناس العربي ده ما لغتنا الاولى.

إذا كنت عاوز تعرف من هو العبار. فهو صاحبنا بريمة محمد أدم بلل.

موجود بهاذا البورد وبندلعوا وبنقول ليهو عبابيرو.

أما المعيار ده فلا أعتقد بأن هنالك شخص له الحق أن يتحدث عن المعايير. فعن أي معايير نتحدث ومن وماذا الذي يحدد تلك المعايير؟

هذا في حالة الاتفاق حول تلك العبابير أقصد المعايير أصلا.

Quote: بعدها مباشرة توالت الاخوات علي الاخت منال متخذات من مداخلة عزاز ترسانة للقصف

بلاي يا اساسي لو ما عارف تاريخ القصة دي ما تقعد تنظر وتشبكنا ترسانة وقصف..
يعني انحنا من خوفنا من منال كنا منتظرين عزاز بعدها الشجاعة تجينا من كل حدب وصوب؟؟ويبقي فينا المثل (العشر قام لي شوق؟؟)
القصة دي بدينا فيها انا وحنين قبل ما عزاز اصلا تنتبه..
بوستات منال دي دخلتا فيها واديت رأي في الوقت الاعضاء كانوا وما زالوا (محوصين) على قول تيسير..
ياما بوستات اتحذفت ووصلتني اساءة من اعضاء هنا عشان شنو؟؟عشان قلتا لي منال وقفي..
ومنال ذاتا ما قصرت وكتبت بوست باسمي..
فبلاي يا اساسي ما عارف الحاصل وما متابع بوستات اتحذفت ما تدي رأي زي الاقتباس الفوق دة..
وتعليقك دي واضح الهدف منو شنو بالنسبة لي فبلاي ركز علي المضمون (كتابة منال)..
انت اديت رأيك من حقك..لكن الدفاع الفايت حقو ما كويس,, عارفاك بتتكلم من واقع عضويتك في المنبر لكن بما انو الموضوع فيهو طرف (اساسي ) غيرك انتا فيا ريت تديهو فرصة شوية يدي رايو,,
لانو استلامك للبوست دة بيخلي منال تنوم قفا..وتقول خلي اساسي يعبر عني...
في كمية من الردود المتبادلة في بوستات منال بين الاعضاء ,,ردود ممكن اصنفها(بمعياري) بانها مشينة ومخجلة ..
وفي النهاية دة منبر ســــــــــــــــــــوداني ابينا ولا رضينا ..واكيد فاهميني سوداني دي شنو

ـــــــــــــــــــــــــــــــــــــــــــــــــــــــــــ
هسه المنبر دة كمية المتزوجات البيحملوا ود ومشاعر لازواجهم هينة؟؟
ياما عبروا عنها باسلوب رصين.. لكن ما بطريقة(اللهفة والالتياع والليالي الباردة ) البتقول فيها منال دي؟؟

سلام للجميع
ما شايف أي زول جاوب سؤال دكتور محمد E ده !! هل المعيار الدين ؟ الأخلاق ؟ ما تعارف عليه الناس ؟ ولا شنو لكن يبدو إنو دي ما القضيه اللي الناس بتناقش فيها هسي !!! *
النقاش بقي كتابات منال في عضمتها .
عندي مليون راي سلبي في كتير من كتابتها و لو كان عندي أي علاقه شخصيه بتسمح لي إنو انصحها - داخل أو خارج المنبر - كان عملتها ، لكن محيراني قصة تكالب الأخوات علي منال تحت حجة إنو كتابتها بتسئ ليهم كأعضاء في هذا المنبر ، و ده كلام ما سليم لانو منال بتكتب كلامها ده باسمها يبقي - زيها و زي أي زول - خيرها و شرها واقف عليها ، منال ما بتكتب ممثله للمرأه في هذا المكان ، منال بتكتب ممثله عن روحها ، من حق الناس ينتقدو كتابتها لكن ما من حقهم يسئو ليها و لا من حقهم يطالبو باقالتها من من المنبر !! و لو بدينا قصة إنو كتابات فلان بتسئ لينا عشان كده يتفضل يمشي اهلو : المنبر ده غير سيدو ما بقعد فيه زول !!!!







--------------
*بالنسبه لسؤالك يا دكتور :، أقول و بالله التوفيق :
افتكر المعيار هنا هو مدي عصرتك علي الزول و علاقتك بيهو اللي بتكون تراكمت عبر مشاركاتو أو عبر علاقتك الشخصيه إن وجدت !!
ما شفت لي زول في منبر بكري ده إنتقد زول صحبو و لا زول معصور عليهو ، النبيشه بتجي للناس الانت already مختلف معاهم .

Quote: ما شايف أي زول جاوب سؤال دكتور محمد E ده !! هل المعيار الدين ؟ الأخلاق ؟ ما تعارف عليه الناس ؟ ولا شنو لكن يبدو إنو دي ما القضيه اللي الناس بتناقش فيها هسي !!!

لانو طوااالي وقبل ما زول يرد عليه اردف مداخاتلو باقتباس ودالصائم وعزاز وتيسير..وبالتالي هو حدد محور النقاش اللي هو قاصدوا اصلا..

Quote: لكن محيراني قصة تكالب الأخوات علي منال تحت حجة إنو كتابتها بتسئ ليهم كأعضاء في هذا المنبر

وانا المحيراني قصة(تكالب) الموزعينها دي ؟؟ يعني عشان اجتمعنا علي رأي واحد معناها تكالبنا..؟؟
انتو قايلين انحنا عندنا نظرية المؤامرة وقمنا من زمنا الرخيص دة اتصلنا علي بعض وعملناها ماسينجرات وخطابات واتفقنا واتكالبنا؟؟
يعني تاني الناس ما تتفق علي رأي واحد والا معناها في (تكالب حاصل)..
ما ياما الناس اتفقت علي اشياء ..يبقي حقهم دة اتفاق وحقنا (تكالب)؟؟
كلامك انتا المرفوض يا امين..

Quote: و ده كلام ما سليم لانو منال بتكتب كلامها ده باسمها يبقي - زيها و زي أي زول - خيرها و شرها واقف عليها ، منال ما بتكتب ممثله للمرأه في هذا المكان ، منال بتكتب ممثله عن روحها ، من حق الناس ينتقدو كتابتها لكن ما من حقهم يسئو ليها و لا من حقهم يطالبو باقالتها من من المنبر !!

حيرتني..
منطقك غريب..
اديك مثل ما عندو علاقة بالموضوع..اتخيل مأجر في بيت واحد مع زول كل يوم بيطقع بالحجار وبيسكر ويقوم يكورك..ومعاك في اوضة واحدة..ناس الحلة مش حيقولوا بيتكم دة بيت مكروه؟؟ وعشان عارف كدة مش حتحاول تتكلم مع الزول دة اقلاها او تكلم بتاع الايجار انو يتخارج ليك منو؟؟طبعا ما حاقول انتتا التتخارج...

اها انحنا المتكالبين متضررين من كتابة منال..انا معاي ناس متحيرين في كتابتا واضافو انو الموقع دة كلام فارغ ..كلامهم دة خلاني امشي افتش ليهم بوستات الثقافة والذي منو بس عشان اغير الفكر

علي فكرة سجيمان كان كتب بوست قبل كدة فيهو كلام ما حلو دخلنا انحنا عدد من العضوات وقلنا ليهو يا ريت تمسحو واتفضل مشكور مسحو بدون ما تنط في راسو نظرية المؤامرة.. مالكم ما اتذكرتو لينا دي ولا انتو قايليننا تخصص بوستات منال ؟؟
ـــــــــــــــــــــــــــــــــــ
هسه انتا يا امين ما حصل مرة اتكالبتا؟؟
ولا حتتكالب؟؟
تكالب و اتفاق وجهات نظر ,,فرز لي بيناتهم

النجيضة: المعيار هو كاتب البوست!

Quote: الخلاني اقول كدا انني شايفك استندت علي مفردات عزاز في طردك لي من البوست وعارف دي المشكلة الانا بنبح فيها من امس

والله يا اساسي تراك مسختها زي ما بقولوا اهلك السعوديين , ياخي كمان نفسك فاتحة بتتكلم عن منو إستفاد من لغة و مفردات منو ؟ اساسي انت قايلنا بالجد قاعدين في البورد ده عشان نتثقف ؟ انت جنيت ولا شنو ؟ العاوز يوسع مداركو يا اساسي يعصر صلبو ده في كرسي مربوط في طربيزة و يقعد يقرأ .المنابر (بدون خميرة فكرية) كبيرها تَبني وجهات نظر آخرين تعبوا في تحصيل معرفة. اها إعتناق معرفة الاخرين ديل من خلال المنابر ركوب عِري , بتخلي سيدها يتفاصح زيك كدي و ضهرو كاشف ( ما حاتقدر تدافع عن ما تقول به مالم تنهلو من مصدرو),
- تقدر تقول لي يا اساسي انت ضد الاقصاء ليه و كيف ؟
- تقدر تقول لي انت ديمقراطي حسب طريقة ياتو شيخ ؟
- ليبرالي كيفن عاد ؟
- طيب سيبك من ده كلو , اركز و ورينا رأيك في سؤال البوست الرئيس (إطار نظري) بدون إقحام امال . - ماهو المعيار- ؟

اما فيما يخص اللغة و إستلافها, والله ما شفت عين قوية قدر عينك في الـ 35 سنة الاخيرات ديل , انت يا جنا ما قاعد تقرأ كلامك تاني قبل ما تضغط علي ايقونة إرسال ؟ اصلو ما حصل قارنت بين لغتك و بين لغة اصدقاء و زملاء هنا في المنبر ؟ طيب ما حصل راجعت ارشيفك قبل وبعد 2004 , انت يا اساسي قايل الاحراج وطولة اللسان ديل صعبات ؟ انا كتبت ليك متضجر من ثقالتك رغم ديمقراطيتك العذبتنا بيها دي يا خلف الله . طيب نشرح تاني و يعوضنا الله , كلامي جوهرو انو حريتك تنتهي ببداية حرية الاخرين و دي نظرية قديمة و بايخة زاتو يا ديمقراطي , عشان كده انا طردتك من البوست لكن انت كل الفهمتو انو انا مستلف مفردات عزاز , يعلم الله المنبر ده كلو عارف منو مستلف شنو و من منو


______
تطول لسانك زيادة اسه بعمل ليك فرش المتاع بتاع تامبا داك و بوريك لغتك رزق المنابر دي جايبها من ويين

كلامكم ما لو بقى فور أول

و عليكم السلام و رحمة الله و بركاتو يا ساره !

Quote: وانا المحيراني قصة(تكالب) الموزعينها دي ؟؟ يعني عشان اجتمعنا علي رأي واحد معناها تكالبنا..؟؟ انتو قايلين انحنا عندنا نظرية المؤامرة وقمنا من زمنا الرخيص دة اتصلنا علي بعض وعملناها ماسينجرات وخطابات واتفقنا واتكالبنا؟؟ يعني تاني الناس ما تتفق علي رأي واحد والا معناها في (تكالب حاصل).. ما ياما الناس اتفقت علي اشياء ..يبقي حقهم دة اتفاق وحقنا (تكالب)؟؟ كلامك انتا المرفوض يا امين..

عليك الله يا ساره إتعاملي مع كلامي الكتبتو زي ما هو ، ما زي ما انتي متخيلاهو : وين أنا قلت ولا لمحت ساي إنو في نظرية مؤامرة و اتصلتو علي بعض وعملتو ماسينجرات وخطابات.... الخ ؟
التكالب في عضمتو مافيهو حاجه و أنا ما اعترضت عليه ، و كلامي واضح :

Quote: لكن محيراني قصة تكالب الأخوات علي منال تحت حجة إنو كتابتها بتسئ ليهم كأعضاء في هذا المنبر

لمن شيخنا أبوالريش - قدس الله سره - كتب ما كتب في فور أول : تكالب عليه المنبر كلو و أنا أولهم ، المشكله ما في التكالب كفعل ، المشكله في الحجه و سبب التكالب و ده كلامي : أنا ابديت استغرابي من حجتكم بتاعت إنو منال بتسئ ليكم بكتابتها !!!

Quote: حيرتني.. منطقك غريب.. اديك مثل ما عندو علاقة بالموضوع..اتخيل مأجر في بيت واحد مع زول كل يوم بيطقع بالحجار وبيسكر ويقوم يكورك..ومعاك في اوضة واحدة..ناس الحلة مش حيقولوا بيتكم دة بيت مكروه؟؟ وعشان عارف كدة مش حتحاول تتكلم مع الزول دة اقلاها او تكلم بتاع الايجار انو يتخارج ليك منو؟؟طبعا ما حاقول انتتا التتخارج... اها انحنا المتكالبين متضررين من كتابة منال..انا معاي ناس متحيرين في كتابتا واضافو انو الموقع دة كلام فارغ ..كلامهم دة خلاني امشي افتش ليهم بوستات الثقافة والذي منو بس عشان اغير الفكر

يلا بمنطقك ده : أنا ما عاجباني كتابات هباني مثلا و بفتكر فيها بذاءه ، أرفع سلك لعمك الضباح أقول ليه خارج لينا هباني ده ؟ من حقي أنتقدو لكن ما من حقي أقول يتفضل يمشي بيتهم و ده القلتو : إنتقدو كتابات منال ، لكن ما تطالبو باقصائها بحجة إنو كلامها بيسئ ليكم !!!
بعرف إنو ممكن زول من ناس بيتنا ممكن يجيب لي الاساءه باعتبار إنو ما ربيناهو كويس ، بعرف إنو زول صحبي ممكن يجيب لي الاساءه باعتبار إنو ما عرفت أصاحب لكن ما بعرف كيف ممكن زول يجيب لي الاساءه في منبر بتاع حوار فيهو أكتر من سبعه ألف عضو ؟!!
المساله دي - في تقديري - أبسط من البساطه : كل شاة معلقه من عصبتها و كل زول النيك نيم حقو بعبر عن نفسو فقط ، من حق أي زول ينتقد أي زول لكن ما من حقو يطالب بأقصاؤو ، و أنا القدامك ده كان جاني إحساس ساي إنو كتابات فلان من الناس - في كلام عام ما موجه لي شخصيا - بتسئ لي أنا كأمين ( و ما افتكر الاحساس ده ممكن يجيني في يوم ) بمشي أهلي قبل ما أطالب بانو الزول ده يمشي اهلو !!!!

بعيدا عن موضوع البوست:
نلاحظ بأن هناك نقاشا موضوعيا يديره الأطراف المتحاورة بجدارة وإقتدار وهذا شىء إفتقده المنبر منذ فترة..ما يصيب بالغثيان
هو كثرة وضع الوجوه الضاحكة الخضراء بلا داعى ..فالنقاش جادى وكلماتكم بدون وضع تلك الوجوه الضاحكة لها وزنها..
أصابت المنبر موجة من الهزل فالكل فى حالة ضحك وهزل حتى فى تلك المواضع التى يتطلب فيها البوست شىء من الجدية..








----
الإستثناء طبعا لريحانة البورد ود الصايم فهو خبير بتلك الوجوه ويعرف متى يضعها ومداخلاته تنم عن سرعة بديهة وفيها تلطيف لأجواء الحوار

Quote: زمـان .. اول ما جيت المنبر دا .. كتبت بوست عنوانو (احـلى حاجه المراه تسويها انها تكون سـت بيت) .. عبرت فيهو عن وجهه نظري (والتي يختلف معي فيها الكثير من عضوات البورد هنا) .. والله البوست عمل قريب الخمسـه صفحـات ..!! كان فيهو كميه من المداخلات الثره .. والمشاركات الجميله جدا .. الشاهـد في الموضوع : بالرغـم من انو رأيي كان مختلف تماما عن رأي معظم العضوات الاتي تداخلن الا اني ما فكرت ولو في لحظه انهم دايرين يتكـــالبــوا علي او اني مقصوده شخصيـــا كـ دالـيا ..!! ربمالانني تعاملـت في البوست بي فهم (الاختلاف في الرأي سمـه سودانيز اون لاين , ولا يفسد للود قضيـه) وعشان كـدا البوست كان جميل جدا وموفق .. (اتخرب في النهايه بي شكله بين عزوزه واحد الاعضاء .. تتذكري يا عزوز )

معليـش بس حسيـت انو كلامي دا مهم في الحته دي ..
حا ارجع لي مداخله امين تاني للاهميه .. مساكم ورد جميعا ..

Quote: أنا ابديت استغرابي من حجتكم بتاعت إنو منال بتسئ ليكم بكتابتها !!!

طيب يا امين (بعد السلام عليكم ورحمه الله ) طبعا والوش دا

لو قلت ليك انو منال دي عضوه سودانيز اون لاين فرع الخرطوم ..
زوله لطيفه ومرحه ومجــامله جدا جدا ..
بتجي لمات البورداب وبناكل معاها في صحن واحد ..
وبنلقاها اول المعزين في الاتراح (ربنا يبعدالاحزان انشالله ) ..
ووالله ما شفنا منها الا كل خيـر ..
تحت المسميات الانا ذكرتها فوقي دي ..
انا اديت روحي الحق وقلتا ليها كتابتكـ دي يا منال بتحرجـــني انا كـ (داليـا) ...
وبتمنعني اني اتداخل معاكي في بوستاتكـ او احيانا كتيره بمتنع حتى عن قراءتها ..
وبمما انو نحن بنلاقيكي كتير جدا وبنسلم عليكي في يدك ..
وبنضحك وبنتونس معاكي ...
وعشان علاقات البورد دي ما تبقى شمار في مرقه ساي ..
انا بطلب منك تراجعي نفسك في البتكتبيهو مره ومرتين وتلاته ..
لانو من حقـك علينـا انو ننصحـك على الاقل , ولو ما قبلتي النصيحه يبقى الود القائم في الـ Shaking hand

اهـا يا امين .. تفتكـر كلامي دا عدائـي او اقصـائي او تكـالبي ..؟؟
(مفردات معسمـه ياخ وبتعمل وجع كيبورد .. انتو بتجيبوا لينا الكلام دا من وين ..؟؟)

داليا مرة تمبس ، و عليكم السلام و رحمة الله تعالي و بركاتو

Quote: طيب يا امين (بعد السلام عليكم ورحمه الله ) طبعا والوش دا لو قلت ليك انو منال دي عضوه سودانيز اون لاين فرع الخرطوم .. زوله لطيفه ومرحه ومجــامله جدا جدا .. بتجي لمات البورداب وبناكل معاها في صحن واحد .. وبنلقاها اول المعزين في الاتراح (ربنا يبعدالاحزان انشالله ) .. ووالله ما شفنا منها الا كل خيـر .. تحت المسميات الانا ذكرتها فوقي دي .. انا اديت روحي الحق وقلتا ليها كتابتكـ دي يا منال بتحرجـــني انا كـ (داليـا) ... وبتمنعني اني اتداخل معاكي في بوستاتكـ او احيانا كتيره بمتنع حتى عن قراءتها .. وبمما انو نحن بنلاقيكي كتير جدا وبنسلم عليكي في يدك .. وبنضحك وبنتونس معاكي ... وعشان علاقات البورد دي ما تبقى شمار في مرقه ساي .. انا بطلب منك تراجعي نفسك في البتكتبيهو مره ومرتين وتلاته .. لانو من حقـك علينـا انو ننصحـك على الاقل , ولو ما قبلتي النصيحه يبقى الود القائم في الـ Shaking hand اهـا يا امين .. تفتكـر كلامي دا عدائـي او اقصـائي او تكـالبي ..؟؟ (مفردات معسمـه ياخ وبتعمل وجع كيبورد .. انتو بتجيبوا لينا الكلام دا من وين ..؟؟)

كلامك يا دكتوره ولا عدائـي و لا أقصـائي او تكـالبي !! و ده نفس الكلام القلتو إنو لو أنا عندي علاقه شخصيه كان بتسمح لي انصحها كنت عملتو !!!
الاقصاء يا كتوره لمن نقول منال كتاباتها تافهه و بتسئ لينا تتفضل تمشي بيتهم !!









-------------
كان عندي كم وش كده داير اختهم ، لكن شايف عمك امبده قال مافي زول يخت وشوش غير ود الصايم !!!!

Quote: كان عندي كم وش كده داير اختهم ، لكن شايف عمك امبده قال مافي زول يخت وشوش غير ود الصايم !!!!

بـس دا يـاهو الاقصـاء زاتوو يا مايسترو ..

اقول ليك كـلام :

ديل حقيني , وحقين مداخلتكـ الفاتت ..

-----------------

خليكـ قريب يا ماسيترو .. عمدي كلام سر دايره اقولو ليك لمن نصل الصفحه السابعه في البوست دا

(ألف ليلة وليلة) تراث مقدس أم يجوز تهذيبه وتنقيحه؟



امتلأت الساحة الثقافية الأسبوع الماضى كلاما عن حرية الفكر والإبداع، مع نشر تأكيدات عن قدسية التراث، وذلك بمناسبة البلاغ الذى قدمه بعض المحامين ضد إعادة هيئة قصور الثقافة نشر كتاب «ألف ليلة وليلة» فى سلسلة الذخائر، وهذا الكلام سليم وإيجابى، ولا خلاف حوله عند المثقفين ودعاة التنوير، إلا من نقطة واحدة يدور حولها الجدل، وهى «قدسية التراث»، لذلك يثار سؤال ملح: هل لتحقيق التراث ونشره قدسية، فلا يستطيع أن يغيره أحد، أم أن تنقيحه أمر جائز؟.

سؤال آخر يرتبط بهذه المسألة: هل كان يمكن من البداية أن نعيد نشر «ألف ليلة وليلة» مع حذف القصص الجنسية «الأيروتيكية» الثقيلة أم أن الحذف يتعارض مع حرية الفكر والتنوير، ما يجعلنا نخضع لأفكار سلفية بدأت تتوغل وتلاحق المثقفين؟.. بمعنى هل كان من الممكن أن تفعل هيئة قصور الثقافة مثل دارى الهلال والشعب، وتصدر طبعة منقحة من «الليالى»، حتى تتجنب إثارة الجدل، والدفاع عمّا يسمى الأدب المكشوف، وهل إذا فعلت ذلك تصبح «جبانة»، ولا تقوم بدورها الثقافى؟.

أخيرا، هل تعنى الدعوة إلى الاستنارة: نشر المنتجات الثقافية بما فيها التراث دون تهذيبه، حتى لو تضمن ما يصدم الناس، أم أنها تنصب فى المقام الأول على طرح الأفكار الجريئة والمتمردة؟!
بالطبع لا يجوز تأييد مصادرة الكتب، أو ملاحقة المثقفين، ولكن لابد من طرح الأسئلة حول آلية تحقيق التراث، ومنطق النشر، للمتخصصين، وغير المتخصصين خاصة فى الدور الحكومية.

ولعل الخوف من دعوات مصادرة الكتب، جعل اللجنة العليا للنشر بالهيئة العامة لقصور الثقافة فى اجتماعها الأخير مع رئيسها الدكتور أحمد مجاهد توصى بطبع «ألف ليلة وليلة» كاملة، وعدم الالتفات إلى مصادرتها أو حذف أجزاء منها، مؤكدة: «أن فعل العكس سيرسى سابقة خطيرة ستؤدى إلى كارثة ثقافية كبرى».
وبعيدا عمّا فعله بعض المحامين وبلاغهم ضد الكتاب المتوفر على شبكات الإنترنت، يجب أن نناقش مسألة قدسية التراث بجدية.

الدكتور أيمن فؤاد سيد، خبير المخطوطات وأستاذ التاريخ الإسلامى، يرى أن «ألف ليلة وليلة» تراث إنسانى عالمى، فلا يسمح تغييره، كما أن مهمة المحقق أن ينشر النص كما كتبه مؤلفه، مؤكدا أن سلسلة «الذخائر» صورت كتاب «ألف ليلة وليلة»، ولم تنشره أو تطبعه من جديد، إذ لا يصلح تقنيا مع التصوير الضوئى أن تحذف قصصا من الكتاب، كما فعلت دار المعارف التى هذبته من قبل وطبعته ووزعته على الطلبة، وليس على الجمهور العادى.

وذكر الدكتور أيمن فؤاد أن الطبعة الكاملة من «ألف ليلة وليلة» صدرت عام 1835 أى فى عهد محمد على دون أن يثور أى جدل حولها، ما يعنى أن المجتمع وقتها كان يشهد حرية تعبير وإبداع أكثر من الوقت الحالى، و«ربما يكون ذلك بسبب أن المجتمع كان محدودا، ولا توجد فضائيات أو صحف، أما الآن فهناك حالة من التصيد للثقافة وللمثقفين». وأضاف د.أيمن أن ألف ليلة وليلة كانت وقتئذ عوضا عن المسلسلات والأفلام المسلية، موضحا أن الهدف من التعديل ليس رضوخا لطلبات المصادرة، أو الخوف من السلفيين، بل كان التعديل أو التنقيح هدفه تقديم الكتاب لكى يناسب الفئات العمرية للقراء الصغار.

واختلف معه الدكتـور أحمد درويش ــ الأستاذ بدار العلوم ــ حيث أكد أن كتب الأدب شأنها شأن كتب العلم، ليست متاحة وسهلة لكل الناس، فلا يعطى الكلام العلمى إلى غير المتخصصين، خاصة إذا كان من المراهقين. وقال د.درويـش: «عندما أجد هذه الكتب، سواء العلمية أو الأدبية، لا أمنعها، وإنما أضعها فى دوائرها المناسبة، أى لا أطبعها فى كتب عامة أو للأطفال. أحافظ عليها كما هى، لا أعتدى على طبيعتها، ولكنى أضعها فى إطار الطبعة المتخصصة للقارئ المتخصص».

ولكن ألا ترى أن هذا الكلام ضد حرية الإبداع والفكر؟ فأجاب د. درويش: «لن يـدَّعى أحد فى العالم أن الحرية تعنى أن أترك ما هو ضار للناس، فهل يجب على الطبيب أن يصرح بتعاطى المخدرات، رغم معرفته بأنها ضارة؟.
ومن صاحب الحق فى المنع أو الإباحة؟ فقال: مشكلة العالم العربى أنه لا يعرف كيف يبسط الأدب، ولكن العالم المتخصص هو الذى يستطيع ذلك.

هل التهذيب جريمة؟

ما بين عامى 1888 و1890 أخرجت مطبعة الآباء اليسوعيين كتاب الليالى بعدما هذبت عباراته التى تتعلق، كما يسمى فى أدبنا العربى بالأدب المكشوف، وجعلته مشتملا على خمسة مجلدات. ومعروف أيضا أن دار الهلال نشرت طبعة منقحة لألف ليلة وليلة، بمجهود من الكاتب صالح جودت، وكذلك فعل أحمد رشدى صالح فى دار الشعب التى أصدرت طبعة مشتملة على رسومات من الفنان حسين بيكار، فهل ما فعلته الهلال أو الشعب جريمة فى حق التراث الإنسانى العالمى؟.

أجاب الكاتب الكبير إبراهيم أصلان: أن هذا جائز إذا كانت المطبوعة تستهدف النشء، على أن تقوم بذلك لجنة علمية مستنيرة، أما النص التراثى فلا يجوز أن نكون أوصياء عليه، مؤكدا على أهمية أن يظل التراث كما هو؛ لأنه شهادة على زمن وبرهان، ولا يليق اللعب بالبراهين، فليس من المنطقى أن ننصب أنفسنا أوصياء على التراث الملىء بالجوانب الجنسية.

ولخص أصلان رأيه فى هذه المسألة أنه إما أن تطبع الكتب التراثية كما هى تماما أو لا تطبع من الأصل، ولا يستقيم أن نكون أكثر تخلفا من عهد محمد على الذى شهد الطبعة الكاملة لألف ليلة وليلة.

سألته: هل يجب أن تكون حرية الإبداع مطلقة وبلا حدود؟. أجاب أصلان: إنها محدودة بضمير الكاتب نفسه، والكتاب الحقيقيون هم أصحاب الضمائر اليقظة الحريصون على تقاليد المجتمع وشعور الناس، وليس المطلوب منهم أن يصدموا الناس، بل إنهم يعملون على تغيير مجتمعهم، وليس الصدام معه.

أما الدكتور خالد فهمى ــ أستاذ التاريخ بجامعة نيويورك ــ فأكد أن التراث ليس له قدسية، واتفق معه الدكتور أحمد زكريا الشلق ــ أستاذ التاريخ بجامعة عين شمس ــ فهو قابل للتأويل والتنقيح. وقال فهمى: إن القدسية فقط للدستور المصرى، خاصة مادته رقم 47 التى تقرر أن حرية الرأى مكفولة، ولكل إنسان التعبير عن رأيه ونشره بالقول أو الكتابة أو التصوير أو غير ذلك من وسائل التعبير فى حدود القانون، والنقد الذاتى والنقد البناء ضمان لسلامة البناء الوطنى، وكذلك مادته 48 التى تنص على أن حرية الصحافة والطباعة والنشر ووسائل الإعلام مكفولة. وأشار فهمى إلى أن «مكفولة» تعنى حماية التعبير ليس فقط عن الأفكار السائدة والمقبولة لدى غالبية الناس ولكن أيضا حماية التعبير عن الكلام المغاير لما هو سائد، الذى يجوز أن نطلق عليه أنه «صادم» للمجتمع، باعتبار أن مناقشته قد تكون مفيدة للناس بشكل عام من حيث المبدأ، موضحا أن حرية التعبير عن أفكار صادمة ليس المقصود منها إغضاب الناس، بل معناه أن مناقشة هذه الأفكار الخارجة وغير المألوفة ربما تكون مفيدة وصالحة، وذلك من خلال المناقشة الجادة له.

ولكن رغم هذا، أكد فهمى أن هناك خطرا لا يجب أن نستسلم له، وهو انتهاك الحق فى المعرفة المكفول بدعوى الحفاظ على سلامة المجتمع، مشيرا إلى أن فتح باب المصادرة يرسى قاعدة خطيرة وهى عدم مناقشة الأفكار الصادمة، وهذا باب إذا فُتح لا يستطيع أحد إغلاقه أبدا، فمثلا إذا قبلنا بمبدأ حذف بعض الفقرات الصادمة من ألف ليلة وليلة فما الذى يمنعنا أن نحذف يعض الأبيات من شعر أبونواس أو بعض الفقرات من الفتوحات المكية لابن عربى أو طوق الحمامة لابن حزم بدعوى أن هذه الأعمال تحتوى على ألفاظ وأفكار صادمة؟ وإذا كانت المصادرة ستسعد ـ إذا جاز التعبير ـ بعض الناس، فهى ستضر بأناس آخرين.

وطرح فهمى سؤالا مهما حول هذا الموضوع: لماذا هذه الألفاظ التى يراها البعض خادشة للحياء العام كانت مسموحا بها فى وقت ما، أما الآن فهى خطيرة ونطالب بمصادرتها؟ فأجاب فهمى «هذا يرتبط بتطور اللغة، بل بمفاهيم الحياة. وهذا يدخل فى عمق دراسة التاريخ، لذلك لا يستطيع أى مؤرخ دراسة ذلك دون أن تتوفر لديه كل المواد التى تبين ذلك».
وفى إجابته عن ذلك السؤال أكد الدكتور أحمد درويش أن هناك بالفعل ألفاظا كانت مقبولة فى وقت ما ــ ليس فى الأدب وحده بل فى الدين أيضا ــ وأصبحت الآن غير مقبولة، مؤكدا أنه يجب احترام الذوق العام فى الوقت الحالى الذى لديه حساسية من استخدام بعض الألفاظ الموجودة فى ألف ليلة وليلة.


أحكام وطلبات

قبل الختام، لابد من التذكر أنه فى عام 1985 حدثت ضجة مشابهة لما يحدث هذه الأيام، وصدر حكم من آداب القاهرة بمصادرة الليالى قائلا: «نشر التراث بما فيه من ألفاظ جنسية لا يستهدف سوى الربح». ثم صدر حكم آخر بإلغائه من محكمة الجنح المستأنفة، جاء فى الحكم: «وحاصل ما تقدم بيانه فإن الكتب المضبوطة وحيثما استقر فى وجدان هذه المحكمة، لا تعتبر كتبا ــ يقصد ألف ليلة وليلة وكتاب تسهيل المنافع ــ فى الجنس كما لم يكتبا أو يطبعا بغرض خدش الحياء العام.

كما أن قيمة ذلك المؤلف تحدد بالنظر إليه ككل متكامل وليس كعبارات منفصلة عن أصلها»، وأشار الحكم إلى أن هناك كتبا مثل لسان العرب والأغانى ونهاية الأرب فى فنون الأدب تضمنت عبارات غزل صريح يفوق كمًّا ونوعا ما ورد بالليالى، وينبئ بذاته عن طرائق قدماء الأدباء فى التأليف والنظم الأدبى.
وختم القاضى حكمه بطلب إلى المجلس الأعلى للفنون والآداب قال فيه: «تهيب المحكمة بالمجلس واتحاد الكتاب أن تتكاتف فى معالجة الكتب التى تعد من التراث الشعبى والأدب العربى والعمل على تنقيتها مما هو عالق بها من هنات، دفعًا لكل مظنة تحوم حولها».
أخيرا، لا يجوز الرفض التام أو القبول الكامل لما يثار حول «ألف ليلة وليلة»، إذ يجب أن يناقش أهل الاختصاص هذه القضية بشىء من الجرأة الفكرية «الليبرالية» التى هى أخت للتنوير.


سامح سامى -

الاخوات العزيزات

الرافضات لطريقة طرح منال بالبورد

لمست شئ من الغيظ منكن في اشكالية دفاع الرجال عن عن منال

هل في ما تكتبه منال شئ مسئ للاخوات أو للنساء عموما ؟؟؟

اولا انا من الرأي الذي يقول ان ما تكتبه منال هنا مثال جيد للاسفاف و الانحطاط

وان متابعة الرجال لها فهي في سياق حالة بت مجذوب في موسم الهجرة الي الشمال

والرجال يحبون المراة التي تحكي في المحظور مع الناس و اذا ما وجدو واحده متفلته

تبسموا لها وشجعوها متكشمين و من لا يجرو علي العلانية فدونه الماسنجر


فالموضوع خارج نطاق الحق العام والحق الخاص فعندما تثار الغرائز نكون اقرب الي البهائم

وهذا بكل اسف ما تعمل عليه( مجموعة منال ) وهذا ما ظلت الاخوات تيسير و عزاز وسارة و اماني

و الاخريات يحاولن ان يقلن لنا اختشوا قبل أن تختشي مجموعة منال

Quote: هوامش __________ (1) جبران خليل جبران (2)إبراهيم عبد القادر المازني

الاستاذ محمد إي سليمان .. أوردت اقتباسات من ردي على أساسي وأوردت الهوامش أعلاه وهي ليست من أصل نصي
أرجو توضيح ما قصدت إن أردت حوارا موضوعيا بحق ...

الصورة neither here nor there ولا أظنك تجهل ذلك ..!!

ما استغربه في هذه الثورة من قبل كثيرين استكثروا علينا نقدنا لما تكتبه (منال) أو أي كاتب مستقبلي لكتابة مليئة بالإيحاءات، هو انهم يكيلون بمعيارين، بيد يمنحون حق الكتابة لطرف و بيد يمنعون حق الاختلاف للأطراف الأخرى ... مآخذهم محض دعاوٍ غير مثبتة بأننا تصرفنا كسلطة عليا بينما هم بحدتهم في الخلاف معنا اعطوا انفسهم سلطة مطلقة في تحديد من هو الحر ومن لا يملك تلك الحرية! اشكالية الأخلاق – الحياء مستبعد من الخيارات هنا كونها في نظري سجية لا تخضع لأمر العقل – ليست أمرا جديدا، ولو كان الخلاف على نسبية الأخلاق لكان الخلاف مثمرا أكثر، فهو خلاف تعاقب على الفلاسفة و المفكرين وأسس كثيرون منهم مدارس قائمة بذاتها سقراط و نيتشة و كانط و الجاحظ و ديكارت و ساتر ...

المؤيدون و الداعون لرفع اليد عن نقد الكتابة الإيحائية يغفلون بمباركتهم للفعل أمرا مهما، هو معيار الحد الأدنى للأخلاق في المحيط، وما سيعد مستقبلا (خطأ) و (صواب) في هذا المحيط (المنبر) ... مثلا، في الماضي حدثت مخاشنات بين نفر من الأعضاء و تدنت لغة الحوار لمستويات لا تليق بمجتمع ندخل إليه طوعا للتواصل البناء، و نتيجة السكوت أو التغاضي عن تلك اللغة، ما عاد العيب عيبا و استساغ بعض اللاحقين من المختلفين استخدام ذات اللغة و عند التصدي لهم برروا بأنها استخدمت من قبل ولم تُستهجن، ونتيجة التغاضي السابق، اكتسبت لغة المخاشنات شرعية ظرفية (المنبر) كونها لم تقابل بحزم من قبل أفراد المحيط ولم يحددوا ميثاقا أخلاقيا يحتكموا اليه. وهنا كان الخطأ، فالغاية أن تكون الأخلاق و الخير (ثابتة نوعا ما) غير تابعة لمصالح فردية، بل يجب أن تعمم لتشمل مخالفيك قبل مؤيديك إن أردت أن تكون طرفا في خلاف نزيه سواء كانت نتيجته ضدك أو لك.

خياراتنا الأخلاقية عادة تتشكل في اللاوعي*، ولكن المكان الخارجي و المجتمع المحيط يؤثران في تلك الخيارات اللاواعية و يؤدلجها، والمحيط ليس سوى أشخاص آخرين تحكمهم أهواء و قرارات في اللاوعي أيضا ولكنهم – الاشخاص في محيط محدد – يخلصون لمعايير أخلاقية حتى لو كانوا في نظر مجموعات أخرى لا أخلاقين – فأعضاء عصابة سرقة يحكمهم ميثاق أخلاقي على الرغم من أنهم مارقين على القانون، و بالتالي معاير الخير و الشر وفق ذلك القانون.

احتكامنا للرقابة الذاتية مهم جدا، بعيدا عن سجالات لا تجدي ... هل اللغة في البوستات قيد الخلاف و محمولها مقبولة لو نقلت بتفاصيلها لطاولة عشاء أحدنا مع اسرته؟ قد نبرر مشاهدتنا لفلم من ذات النوع أو قراءة نص بذات الصفة بقولنا انه (أدب) أو (فن) ولكن هل للونسة ذات حدود الحرية الممنوحة للأدب و الفن؟ لا اعتقد، فالفن و الأدب محاصران أيضا بدليل المقالة التي اوردها أيمن أعلاه، و يحاسب الفنان و الكاتب و الشاعر و القاص و الفيلسوف على خياراتهم إن هي خالفت ما اتفق عليه المحيط من معايير أخلاقية. فرجاء، رجاء خاص، لا تمنعوا خلافا قد يفيد أحد الأطراف و المجتمع الذي يتنميان له.

خلاصة الكلام، لو خرجنا باتفاق على سقف أخلاقي في الكتابة الحرة في هذا المحيط نكون كسبنا كتير...




____________

*بحسب فلسفة سقراط

يا عزاز يا بنت ةعمتي
ليس الامر على الاطلاق في حدود سقف اخلاقي للكتابة بل هو حدود\ سقف اخلاقي في التعامل مع الاخرين
فبعض ما يكتب هنا يصيب المرء منا بالغثيان ليس اكثر
فهل يتعامل البعض مع منابر الحوار لاشباع نزواتهم الذاتية ام ماذا بالضبط

كتب أمين محمد سليمان:

Quote: الاقصاء يا كتوره لمن نقول منال كتاباتها تافهه و بتسئ لينا تتفضل تمشي بيتهم !!

إنتو يا خوانا جادين؟

أتاريني كنت محقة لمن إتنبئت بقدوم ناس الأنتي إقصائيزم للبوست
ما في حاجة في الكون دا موجودة بإطلاقها كدا أي شيء عندو حد أدنى من الأسس والقوانين والحدود وحتى الأعراف (القوانين غير المكتوبة)
الحرية المطلقة مفسدة مطلقة "نسيت صاحب المقولة منو"
ما في مكان في الدنيا دي ما فيهو إقصاء بمعناهو الإيجابي والسلبي
المجرم الخارج على القانون بيتم إقصائو في سجن مكتوب على بوابتو إصلاح وتهذيب
في مكان أكل عيشنا دا البتجاوز اللوائح والقوانين المكتوبة والمتعارف عليها بيتم إقصائو
في الحلة لو عندكم لا سمح الله بيت سلوك أهلو (رجال كانوا أو نساء) ما منضبط
بيتم إقصائهم معنوياً بمقاطعتهم من قبل جميع أهل الحي
تلميذ تجاوز المتعارف عليه بيتم إقصائو من الحصة وأحياناً من المدرسة كلها
هنا عندنا في البورد دا حصلت حالات إقصاء كتيرة جداً جداً ولأسباب أبسط وأقل كثيراً من السبب الذي نطالب به إقصاء منال

إقصاء السوء عمرو ما كان حاجة منافية للفطرة ولا ضد الديمقراطية التي تعني ضمن ما تعني أن تحرص على حرية الآخرين كحرصك على حريتك
ودا من الأشياء الإتعلمناها ومارساناها في الحياة برة وكتر خير المكان دا العلمنا نقرش حصى الديموقراطية الجد جد ..

سودانيزأونلاين كموقع كتابة على الإنترنت يمكن يكون من أكتر المواقع الأدتنا كعنصر نسائي شجاعة وقابلية إننا نكتب فيهو لأسباب كتيرة أولها نضج عضوية الموقع بسبب عامل السن وإرتفاع مستوى التعليم والخبرة الحياتية المتراكمة مقارنة بمعظم المواقع الكانت موجودة حين تأسيس الموقع دا والفترة الجات بعديها واللي كان معظمهم teenagers بيتعاملوا مع الإنترنت كأداة تسلية وتمشية وقت، هذه العضوية الناضجة والمنضبطة أكسبت الموقع إحترام مستحق وجعلت منو فعلاً أيقونة مختلفة وخلت ناس كتيرين من ضمنهم أنا يغيروا رأيهم ويتشجعوا ويكتبوا في الإنترنت
أنا لمن جيت المكان دا كانت بتكتب فيهو على سبيل المثال لا الحصر د. ندى على و د. ندى أمين و د. إيمان أحمد والأستاذة تماضر شيخ الدين
د. بيان ودوما وبنات العباسي شيري وبت قضيم والعشرات العشرات من العضوات المحترمات والمنضبطات اللي أسسوا فعلاً لرأي مختلف حول الكتابة النسائية الإسفيرية منال جاية تهدم مجهود الكريمات ديل لسنوات طويلة بكتابة إيحائية موجهة في شكل خواطر وكبسولات قابلة للإشتعال
والهسي شايفنو إبتذال بكرة ببقى عادي والناس تستسيغوا ويتجي منال تانية وتالتة وبي مستوى الردود القاعدين نطالعها بين بعض المتداخلين ومنال الموقع دا حا ينتهي لشيء رخيص ومبتذل للغاية
ياخي مرة مرتين عبري عن نفسك (راجع مثال الزول العريان القلناهو في الصفحة الأولى) لكن أن يصبح هذا هو خط كتابتها الدائم فهذا غير مقبول ويجعلنا فعلاً نتساءل ماذا تريد هذه المخلوقة؟
24 ساعة ملهلبة 24 ساعة مشتاقة وفي حالة إشتعال 24 ساعة كلام إيحائي قذر ورخيص ليه؟ ذنبنا شنو (نتضرس) كلما قرينا كتابتها المتمادية كل مرة دي؟ منال من حقها تعبر عن أشيائها أوكي لكن التعبير دا لما يتكرر لحد الإزعاج يبقى من حقنا برضو نطالبها بالإلتزام بقليل من الإحترام للقارئ ولنا في كتابتها أو (وأكرر) أو تمشي تعمل الخمج بتاعا دا في مكان آخر ..

وللأسف الشديد يا تيسير انو رأينا في كتابة منال صُنفت (غيرة نسائية) !!!!


تتخيلي!!
غيرة..
الزمن دة في نسوان بيغيرن من بعضهن؟؟

الفهم لو كان بيشتروا بالقروش كان اتبرعتا بي حر مالي اشتري لي عدد من الفهامات بدل يجيني العصاب..

منال كتابتا فيها تجاوز.. ولي بكرة حاقول الكلام دة .. وقدر ما الله يديني حاعترض..
الداير يدافع عن العوج بنوريهو العديل..
والشايفنا انحنا (عُوج) يجي يورينا هو العديل..
وزي ما قالت تيسير انحنا بندافع عن وجودنا هنا,,
بلا كدايس بلا بصل بلا ليالي باردة..كلام فاااااااارغ وفارغ جدا..
ولو شايفاهو ملان ما تقعد تتدسا التجي تدينا رأيها..ممكن انحنا الغلط..

صاحب البوست وضيوفه الكرام , يسعد صباحكم ,


حقيقي متابعه للبوست ده من بدايته ووجدتني أتأرجح كثيرا بين ضفتيه , احترم بشده رأي

المحترمات عزاز وتيسير وساره واماني , وقد أوضحن وجهات نظر سليمه ومتحفظه وتسمو بقلم المرأه

من القيل والقال , كذلك لم أستطع مغالبة نفسي من الاقتناع بوجهة نظر المحترم الأخ أساسي ..

صاحب البوست طرح سؤال شامل وفضفاض على حد وصف الأخ أساسي , قديما قالوا (لايصح الا الصحيح) ,

هذا الصحيح هو المعيار المتفاوت الأوجه لموازنة الأخلاق كما نراها أو كما يشاء لنا التخلق بها ,

ان تكتب الأخت (منال) فهذا شأنها , طرحت أفكار بكتابتها واستهلكت وقت القارئ محاولة لاسترعاء

اهتمامه , هذا ما يفعله الكاتب , القارئ متذوق , وليس قاض أو جلاد ينفذ أحكام لم تتحدد معايير ثابته

لتنفيذها , هذا ما يجدر بنا مناقشته وصاحب البوست حيث يصب جواب سؤاله الهام ,

يجوز النقد , فبديهي بما انها قدمت عرضا انها تتلقى بالمقابل عليه تقييم , ممكن نخبرها حتى

انها أحرزت من وجهة نظر اي قارئ كان (صفر) على هذا النص , ولها تقبل ذلك برحابة صدر , فهكذا

تجري الأمور , ويمكن ايضا ارفاق هذا الـ(صفر) بنقد واف كاف مهما بدى لاذعا , عليها تقبله ,

لست أيضا بموضع يسمح لي أو لغيري تقديم أي مبررات نيابة عنها فهي عضو له كامل الاحترام يمكنها

التفضل بايراد ماتشاء حول ماتراه يبرر كتاباتها , فقط أقول اننا يجب أولا الاجابه والاتفاق على

سؤال البوست العميق : ماهو المعيار؟ حتى ندين كتابات الأخت (منال) او سواها ..

اثارة كل هذه البلبله حول كتابه تعود نواياها لكاتبتها فقط أمر مشين بصورة الأخت (منال) امام

زملاءها من الأعضاء والقارئ الكريم , بينما هذا المتذوق يختار ما يعجبه ويحوم حوله ويترك ما لا يستسيغه ..

شرطة (نظام عام النصوص) امر غير مستحب وغير مريح ومنفر لمرتديات (نصوص البنطال) !! وهذا معيار آخر

كما هو معلوم للجميع للمظهر العام يخص مرتديه (أو كاتبه) فقط !!

الكتابه تمثل صاحبها وليس طائفه تكتب معه أو أخرى تقرأ له , والله عليم بذات الصدور !!

لا أنكر اني لم أقرأ للأخت (منال) من قبل , وأتمنى أشوف منها كتابه واعيه ومبدعه ومتحسسه لخطاها ,

فالقلم مسؤوليه كبيره كما وأظن قد تبدى لها تماما من كم الجلبه المثاره حول نوعية ما تقدمه ,

فالنقف جوارها ونخبرها انها لن تخيب ظن قارئ ينتظر منها الأفضل , وانا على ثقه اني قريبا سأمتع

ناظري بنص جميل وسأدخل البوست وأوقع أسمي وأكتب : شكرا منال :)


متأسفه جدا على طول مداخلتي , ووافر احترامي للجميع ..

نصوص شنو يا نبراس الله يهديك؟


منال ما قاعدة تكتب نصوص أدبية عشان نقعد ننقاشها فيها أو نحتفظ بوجهة نظرنا سلباً أو إيجاباً لنفسنا
كما فعلنا مع آلالاف النصوص المرت علينا هنا وبرة
منال يا ستي بتجي تفتح بوستات عبارة عن سؤال:

هل نحن محتاجين ليهو؟ (البصل)
أو أمبارح غلبني أنوم عشان الكدايس كانوا بيكوركوا الليل كلو يكونوا يا ربي مالم؟
أو صحي يا بنات الما عرست شايقي ما عرست؟ وتعالوا ورونا ليه؟


بعداك البوست بيتساق على هذا الأساس بشكل تفاعلي وبمساعدة بعض المداخلات البتخليك تتسائلي فعلاً
الناس ديل بيعملوا كدا ليه؟


تداخل عشرات الأخوان والأخوات مناصحين لمنال أن مثل هذه الأسئلة حمالة أوجه جداً
ولكنها تتجاهل المناشدات وتواصل مداخلاتها وردودها بشكل يؤكد ما يمكن أن تذهب إليه بعض الظنون
والأمر لما يتكرر بشكل دائم وبإصرار يبقى من حق المتلقي يقيف ويسأل دا شنو الإبتذال البيحصل دا ..

تيسير بت عم عثمان ، سلام عليك و علي ال عووضه أجمعين

Quote: إنتو يا خوانا جادين؟ أتاريني كنت محقة لمن إتنبئت بقدوم ناس الأنتي إقصائيزم للبوست ما في حاجة في الكون دا موجودة بإطلاقها كدا أي شيء عندو حد أدنى من الأسس والقوانين والحدود وحتى الأعراف (القوانين غير المكتوبة) الحرية المطلقة مفسدة مطلقة "نسيت صاحب المقولة منو" ما في مكان في الدنيا دي ما فيهو إقصاء بمعناهو الإيجابي والسلبي المجرم الخارج على القانون بيتم إقصائو في سجن مكتوب على بوابتو إصلاح وتهذيب في مكان أكل عيشنا دا البتجاوز اللوائح والقوانين المكتوبة والمتعارف عليها بيتم إقصائو في الحلة لو عندكم لا سمح الله بيت سلوك أهلو (رجال كانوا أو نساء) ما منضبط بيتم إقصائهم معنوياً بمقاطعتهم من قبل جميع أهل الحي تلميذ تجاوز المتعارف عليه بيتم إقصائو من الحصة وأحياناً من المدرسة كلها هنا عندنا في البورد دا حصلت حالات إقصاء كتيرة جداً جداً ولأسباب أبسط وأقل كثيراً من السبب الذي نطالب به إقصاء منال

ده كلام زي الورد يا تيسير ، و خليك من مثل السجن لانو البخش السجن بيكون خرق قانون و هنا مافي قانون تحاسبو بيه منال علي كتابتها !! امسكي لي في مثل البيت الأهلو سلوكهم ما منظبط - لا سمح الله ديل - (لو ما عمك امبده كان اديناها وش أخدر مدور ) ، انتي قلتي ناس الحله بيقصوهم معنويا : خلاص منال دي أقصوها معنويا : ما تدخلو بوستاتها ، أو افتحو بوست إنتقدو كتاباتها كل ما هي تفتح واحد أو أعملو signature زي بتاعت علاء الدين يوسف أكتبو فيه ما تروه مناسبا : أعملو أي شي ، أي شي : بس ما تقولو منال تمشي أهلها لانو كتاباتها بتسئ لينا !!!! مافي كتابة زول بتسئ لزول تاني ما عندو علاقه بيه غير تواجد في مساحه إسفيريه !!!

Quote: سودانيزأونلاين كموقع كتابة على الإنترنت يمكن يكون من أكتر المواقع الأدتنا كعنصر نسائي شجاعة وقابلية إننا نكتب فيهو لأسباب كتيرة أولها نضج عضوية الموقع بسبب عامل السن وإرتفاع مستوى التعليم والخبرة الحياتية المتراكمة مقارنة بمعظم المواقع الكانت موجودة حين تأسيس الموقع دا والفترة الجات بعديها واللي كان معظمهم teenagers بيتعاملوا مع الإنترنت كأداة تسلية وتمشية وقت، هذه العضوية الناضجة والمنضبطة أكسبت الموقع إحترام مستحق وجعلت منو فعلاً أيقونة مختلفة وخلت ناس كتيرين من ضمنهم أنا يغيروا رأيهم ويتشجعوا ويكتبوا في الإنترنت أنا لمن جيت المكان دا كانت بتكتب فيهو على سبيل المثال لا الحصر د. ندى على و د. ندى أمين و د. إيمان أحمد والأستاذة تماضر شيخ الدين د. بيان ودوما وبنات العباسي شيري وبت قضيم والعشرات العشرات من العضوات المحترمات والمنضبطات اللي أسسوا فعلاً لرأي مختلف حول الكتابة النسائية الإسفيرية منال جاية تهدم مجهود الكريمات ديل لسنوات طويلة بكتابة إيحائية موجهة في شكل خواطر وكبسولات قابلة للإشتعال والهسي شايفنو إبتذال بكرة ببقى عادي والناس تستسيغوا ويتجي منال تانية وتالتة وبي مستوى الردود القاعدين نطالعها بين بعض المتداخلين ومنال الموقع دا حا ينتهي لشيء رخيص ومبتذل للغاية ياخي مرة مرتين عبري عن نفسك (راجع مثال الزول العريان القلناهو في الصفحة الأولى) لكن أن يصبح هذا هو خط كتابتها الدائم فهذا غير مقبول ويجعلنا فعلاً نتساءل ماذا تريد هذه المخلوقة؟ 24 ساعة ملهلبة 24 ساعة مشتاقة وفي حالة إشتعال 24 ساعة كلام إيحائي قذر ورخيص ليه؟ ذنبنا شنو (نتضرس) كلما قرينا كتابتها المتمادية كل مرة دي؟ منال من حقها تعبر عن أشيائها أوكي لكن التعبير دا لما يتكرر لحد الإزعاج يبقى من حقنا برضو نطالبها بالإلتزام بقليل من الإحترام للقارئ ولنا في كتابتها أو (وأكرر) أو تمشي تعمل الخمج بتاعا دا في مكان آخر ..

كلام منال ده علاقتو شنو بيك و باخواتنا المذكورات ديل ؟!! ياخي كل زول عندو باسورد فان كتب فاحسن فمن الله و إن أساء فمن نفسه ، الكلام ده بينطبق علينا كلنا : رجالا و نساء ، شيبا و شبابا.
ما في شي بلم تيسير بت أبوها مع منال الاستثنائيه إلا إنو الاتنين بكري ادهم باسويردات هنا !!! كل واحده بتكتب كلامها و الناس بتقيم كل حسب رؤيتو .
يا تيسير يا أختي - و في بعض الروايات الضعيفه جدا - يا بتي : افتحي مليون بوست و اكتبي مليون مداخله إنتقدي كتابات منال و منال ذاتها كان دايره : لكن ما تقولي منال تمشي بيتهم ، لانو بكره بجي ازوال بنفس منطقك ده بقولو تيسير بت أبوها تتخارج لينا من هنا لانها زولة مشاكل و ممكن تجي تكتب ليك كلام زي السم و نحن والله السم ده ما بنقدر عليه !!
ولحدي ما تجيبو لينا ميزان بيصفر و بعمل نور أحمر زي حق المطافي لمن الزول يتعدي حدود الأدب في الكتابه ، ما تقولو أي زول يمشي بيتهم !!!

(عمو)أمين خال حمور أخو بدري ..

Quote: ده كلام زي الورد يا تيسير ، و خليك من مثل السجن لانو البخش السجن بيكون خرق قانون و هنا مافي قانون تحاسبو بيه منال علي كتابتها !! امسكي لي في مثل البيت الأهلو سلوكهم ما منظبط - لا سمح الله ديل - (لو ما عمك امبده كان اديناها وش أخدر مدور ) ، انتي قلتي ناس الحله بيقصوهم معنويا : خلاص منال دي أقصوها معنويا : ما تدخلو بوستاتها ، أو افتحو بوست إنتقدو كتاباتها كل ما هي تفتح واحد أو أعملو signature زي بتاعت علاء الدين يوسف أكتبو فيه ما تروه مناسبا : أعملو أي شي ، أي شي : بس ما تقولو منال تمشي أهلها لانو كتاباتها بتسئ لينا !!!! مافي كتابة زول بتسئ لزول تاني ما عندو علاقه بيه غير تواجد في مساحه إسفيريه !!!

تتخيل القلتو دا كلو عملناهو في مراحل متفاوتة

وشخصياً بقيت ما بدخل ليها بوستات عديدة لأنو العنوان واسمها ممكن يخلوك تخمن من برة
رقبة البوستات الدخلناها كانت مقززة والعلقت فيها بكري حذفها

فتحنا بوستات ننتقد الكتابة بكري حذفها
ولما كان آخر العلاج الكي فتحت بوست أمس أطالبها بقليل من الإحترام للقارئ
بكري حذفو


بعدين يا أمين ما أظنك محتاج إني أوضح ليك إني ما طالبت برفدها من المنبر أو إنها تمشي وما تجي
بالعكس قلت مكانها سيظل شاغر لغاية ما تمشي تكتب الخمج بتاعا دا في مكان تاني (لو مصرة يعني) وتجينا راجعة تاني

عرفت أنا إعتراضي وين؟

Quote: كلام منال ده علاقتو شنو بيك و باخواتنا المذكورات ديل ؟!! ياخي كل زول عندو باسورد فان كتب فاحسن فمن الله و إن أساء فمن نفسه ، الكلام ده بينطبق علينا كلنا : رجالا و نساء ، شيبا و شبابا. ما في شي بلم تيسير بت أبوها مع منال الاستثنائيه إلا إنو الاتنين بكري ادهم باسويردات هنا !!! كل واحده بتكتب كلامها و الناس بتقيم كل حسب رؤيتو . يا تيسير يا أختي - و في بعض الروايات الضعيفه جدا - يا بتي : افتحي مليون بوست و اكتبي مليون مداخله إنتقدي كتابات منال و منال ذاتها كان دايره : لكن ما تقولي منال تمشي بيتهم ، لانو بكره بجي ازوال بنفس منطقك ده بقولو تيسير بت أبوها تتخارج لينا من هنا لانها زولة مشاكل و ممكن تجي تكتب ليك كلام زي السم و نحن والله السم ده ما بنقدر عليه !! ولحدي ما تجيبو لينا ميزان بيصفر و بعمل نور أحمر زي حق المطافي لمن الزول يتعدي حدود الأدب في الكتابه ، ما تقولو أي زول يمشي بيتهم !!!

طيب عشان نكون موضوعيين أكتر

أنا لو دخلت مطعم مثلاً أول سؤال بيسألك ليهو الويتر هو سموكينق ولا non (جيت أكبها بالعربي طلعت نن ما علينا)
بتقوم بتقول ليهو (نن) لو أنا قاعدة في الننسموكينق إيريا وجا زول شايل سجارتو من حقي أقول ليهو أمشي شيل سجارتك وأشربا في الإسموكينق إيريا هناك لإني بتأذي من ريحة السجاير رغم إننا أنا وهو دافعين في المطعم زي بعض وعندنا نفس الحقوق، لكن لو من ما دخلت والويتر سألني وقلت ليهو سموكينق ومشيت لقيت الناس كلهم بدخنوا ما من حقي أقول ليهم وقفوا التدخين كل الممكن أعملوا إني أشيل سفنجاتي وأتخارج بهدوء ..

البورد دا ما مفتوح لنوعية الكتابة دي لو صاحبتها مصرة عليها تمشي تكتبها في المواقع المخصصة لذلك في الإنترنت
بكل بساطة ..

يا سارة ..

كلنا لما إتطرقنا للموضوع دا وفتحناهو وإنتقدناهو ظاهر وباطن كنا عارفين إننا we're taking risk on
الرسك دا بيتفاوت ما بين إنو البنعمل فيهو دا يتوصف كغيرة نسائية ودا أنا وإنتي أول ناس عارفين إنو غير وارد على الإطلاق
لأنو الناس البعرفوا سارة ولا عزاز ولا تيسير ولا أماني ولا حنين هنا ولا برة عارفين إنو حياتنا الواقعية ووضعنا وإنجازنا فيها
بيغنينا عن أي شعور بالغيرة تجاه شخصية متواجدة في الأسافير دايرة في فلك واحد ليصبح شغلها الشاغل ..

الرسك التاني الممكن ناخدو إننا نتشتم في أدبنا وأخلاقنا ودي ما أعتقد بتهمنا لو نحن واثقين نحن شنو ومنو
والحولنا (هنا ولا برة)عارفين نحن شنو ولا منو وصاحب النظر يميز يا سارة ..

طالما إنتي شاعرة إنك واقفة في مكان صاح وبتتكلمي من منطلق صاح وفي النهاية ما بيصح إلا الصاح
يبقى مرحب بالرسك عشان خاطر عيون الصاح والدنيا دي يا ستي ما فيها free lunch

Quote: هل نحن محتاجين ليهو؟ (البصل) أو أمبارح غلبني أنوم عشان الكدايس كانوا بيكوركوا الليل كلو يكونوا يا ربي مالم؟ أو صحي يا بنات الما عرست شايقي ما عرست؟ وتعالوا ورونا ليه؟

تيسير

من الكلام المقتبس فوق ده انتى فهمتى انو الزوله دى قاصدة شنو بالظبط؟؟
او بتقصد شنو؟؟!! عشام الناس تتكلم بكل وضوح ...طالما الموضوع فيهو اتهامات
بانو منال بتقول فى كلام ما مقبول !!

ــــــــ

Quote: تيسير من الكلام المقتبس فوق ده انتى فهمتى انو الزوله دى قاصدة شنو بالظبط؟؟ او بتقصد شنو؟؟!! عشام الناس تتكلم بكل وضوح ...طالما الموضوع فيهو اتهامات بانو منال بتقول فى كلام ما مقبول !!

ألعب غيرا يا بوب ..

Quote: ألعب غيرا يا بوب ..

يا اخوانا زول يصحي امبده ده يفك لينا حظر الوشوش دي !!!!












--------------
يا كمان صحو ود الصايم يجي يخت لي تسعه باسمي !!!

معا انى ما قاصد من وراء سؤالى اى حاجه يا تيسير غير السؤال نفسو والكلمات الجات فيهو!
وده يا تسير يؤكد انو الناس ممكن مرات تاخد كلام من صيغته من غير التاكد من نيت صاحبه ومقصده
من الحديث..دخلت على بعض كتابات منال منه..ما هو جميل ...ومنه ماهو غير مفهوم المقصد -مبهم - بالنسبه -لى-
ولكن لم اظن بانه بتقصد حاجه ما اخلاقيه من الابهام ....ونفترض العكس لو فعلت ده برجع ليها هى فى شخصها
هى وحدها ..ولا اعقتد بانها بثمثل النساء والبنات فى المنبر اى واحد بمثل نفسو/ نفسها ومقيد بقوانيين المنبر!!
وحتى الان هى لم تخالف اى من قوانيين المنبر سوى الافتراض بانه تعدت معايير وسقوف ..وما الى..
ياخى اسلوها عدييييييل يا منال انتى قاصده شنو من الكدايس والبصل البتكلمى عنو ده..ولو هى صادقه معا نفسها
حتقول ليكم الحقيقه ...

بالنسبه للاقصاءها من المنبر ده حق ممكن تنادى بيهو واى زول ممكن اقول انا عايز فلان ده امشى او فلانه من هنا...
بس فى لائحة فى النهايه بتتحكم فى التطبيق من عدمو!

ــــــــــــــــــ

صباح الخير عليكم,,
طبعا كل ما أقول تاني ما حأدخل البوست ده بقرأ كلام يحرّق لي روحي وأضطر أواصل,,

أمين يا خال حمّور,,

Quote: كلام منال ده علاقتو شنو بيك و باخواتنا المذكورات ديل ؟!! ياخي كل زول عندو باسورد فان كتب فاحسن فمن الله و إن أساء فمن نفسه ، الكلام ده بينطبق علينا كلنا : رجالا و نساء ، شيبا و شبابا.

خليني أشرح ليك ياسيدي,,
لما منال تتبني خط خادش للحياء مستتر -حسب ظنها- وصريح -حسب رؤيتنا- في البورد,
وبعد شويه يجونا اتنين تلاته منالات جداد يمشوا في نفس المنهج,
ده طبعا تحت تأثير تشجيع بعض رواد البوستات من الرجال,,
ويتحول البورد الي هرج لا ضابط لا رابط,
وأهلنا وناسنا البيقروا لينا يلقونا قاعدين في مكان فيهو بنات بيفتحوا بوستات خادشه للحياء علي شكل ونسه,

خليني أقيف هنا وأقول ل د. نبراس ولكل من يعتقد انه نحن هنا بنناقش أدب وفن انت غلطان وشكلكم ما قريتو ليها,
ياجماعه منال منو البتكتب أدب وفن؟ الزوله دي بتتونس ونسه خادشه, ده كل البتعملو هنا,
لو النجوم والكلمات الرنانه البتستعملها دي اسمها أدب كلمونا نراجع نفسنا,
لكن كل ما تكتب هنا عباره عن ونسه خادشه,
ما عندي اعتراض علي الونسه لأنه كلنا ممكن نمارسها عادي هنا, لكن اعتراضي لما الواحده تفتح بوستات منذ تاريخ تسجيلها,
كلها ونسه خادشه وأشواق وما الي ذلك .. وبعد ده يجي زول يناقش بوستات منال كأدب وفن, بنقول ليهو شكلك ما قريت,,

المهم يا أمين لما البورد ده يتعرف انه فيهو بنات ده خط كتابتهم, تفتكر كان تيسير دي كان أي بت خط كتابتها مغاير وما بتقبل الهرج ده,
ممكن تاني تجر قلم هنا؟
الاقصاء هنا حيكون بالبطئ وعكسي ضدنا نحن, والنتيجه فراغ البورد من القلم النسائي الجاد واحتشاده بالكتابه -أقصد الونسه- الغرائزيه البحته..

ما تقول لي أقعدوا وأكتبوا وأصروا علي البقاء والبقاء للأصلح وما عارفه شنو,
يا أمين أنا وللا البنات المعاي ديل ما بنجازف باسمنا ونحشره في حته تجيب لينا الكلام,
وعلي فكره في النهايه اسمنا بنات البورد ده, وفي لمات البورداب بيشوفونا بيقولو بنات سودانيز,
عايز الكلمه دي تبقي لينا اخر العمر مسبّه؟

يا أمين القارئ ذاتو لما يلقانا ساكتين علي الفوضي دي مش حيفتكرنا مبسوطين وعاجبنا الحاصل؟
ولما يلقي اللُخت ببتونس مع بعض رجال البورد بمالم تقله "بت مجذوب" في روايات الطيب صالح ما حيكوّن فكره عن بنات الأسافير سيئه؟
وتحديدا سودانيزنا دي؟

أمين ياخ نحسب اننا بنكتب في مكان محترم, بنناقش مواضيع جاده وبنرفه بونسه محترمه وبضوابط,
عايزين وجودنا معاكم يستمر كمصدر فخر لينا واعزاز بيكم وبمنبر بكري, حافظوا لينا علي جو البورد صحّي ونقي,
أو أسمحوا لينا نقود معركتنا للحفاظ عليهو بأنفسنا -وذلك أضعف الايمان-
عايزين البورد يتحول لمكان سئ السمعه حنتجنبه زي ما بنتجنب أي حاجه سيئة السمعه في الواقع,
لأنه في الواقع ما في احتمال انه زوله محترمه تزور مكان سئ السمعه تحت أي ظرف,
لانفسها بتقبل لا المجتمع بيتفهم ..

وتحياتي يا خال,,

يادوب قريت الكلام كلو كامل بدون فططان و ضحكت لمن إتزكرت في مواقف مشابهة كثيرين من البدافعوا عن حق امال في كتابة ما تريد
وقفوا في المنبر ده و ناصحوا الراكزين في تجويد صنعاتِهم (كتاب - شعراء) وقالوا ليهم و بفم بيادق حريصة علي الحياء العام
و المعيار و .. الخ (الكلام ده لو كتبتو اختك حا يكون موقفك شنو ؟) و ذلك ذبدة إفحام الخصم و منتهي الحُجة في عُرفهم.
اها الليلة اختك ذااااتها تجي تقول ده إسفاف , تجي انت ذاتك نفس الزول القليص القبيل داك , تاني تقيف نفس الوقفة الزمان ديك
و بصوت عالّ تهتف ضد الإقصاء.






___
جهجهتوا الملعقة ياخ

Quote: يادوب قريت الكلام كلو كامل بدون فططان و ضحكت لمن إتزكرت في مواقف مشابهة كثيرين من البدافعوا عن حق امال في كتابة ما تريد وقفوا في المنبر ده و ناصحوا الراكزين في تجويد صنعاتِهم (كتاب - شعراء) وقالوا ليهم و بفم بيادق حريصة علي الحياء العام و المعيار و .. الخ (الكلام ده لو كتبتو اختك حا يكون موقفك شنو ؟) و ذلك ذبدة إفحام الخصم و منتهي الحُجة في عُرفهم. اها الليلة اختك ذااااتها تجي تقول ده إسفاف , تجي انت ذاتك نفس الزول القليص القبيل داك , تاني تقيف نفس الوقفة الزمان ديك و بصوت عالّ تهتف ضد الإقصاء.

فتأمل ..










ــــــــ
بعد إذنك يا أمبدة

Quote: يادوب قريت الكلام كلو كامل بدون فططان و ضحكت لمن إتزكرت في مواقف مشابهة كثيرين من البدافعوا عن حق امال في كتابة ما تريد

آمال منو ؟

عَنْ أَبِي مُحَمَّدٍ الْحَسَنِ بْنِ عَلِيِّ بْنِ أَبِي طَالِبٍ سِبْطِ رَسُولِ اللهِ صَلَّى اللهُ عَلَيْهِ وَسَلَّمَ وَرَيْحَانَتِهِ رَضِيَ اللهُ عَنْهُمَا، قَالَ: حَفِظْتُ مِنْ رَسُولِ اللهِ صَلَّى اللهُ عَلَيْهِ وَسَلَّمَ: دَعْ مَا يُرِيبُكَ إلَى مَا لا يُرِيبُكَ

رَوَاهُ التِّرْمِذِيُّ، وَالنَّسَائِيُّ، وَقَالَ التِّرْمِذِيُّ : حَدِيثٌ حَسَنٌ صَحِيحٌ

يعني حتى لو كِتاباتِك يا < منال > ما فوقا أي حاجة برضو أولى أن تقتدي بِالحديث أعلاه ... البشر في الغالِب يا < منال > إنْطِباعِيين جِدًا ، كِتاباتِك ومُداخلات المُعْترِضين ، إخْتزلتِك في < البت دي بِتاعت إحاءات ما مفهومة > بعد داك إنتي كَونِك تكوني مظلومة ولا ما مظلومة ما بِهِم كتير ، الإنْطِباع إنْطبع وخلاص ، حتقولي : ما بِهِمَني؟ ما حأصدِقك ... ليه ما حأصدِقِك؟ لأنك لو الناس ما بِهِموكي كاتبة البِتكْتِي فوقو ده لِمنو؟ لو الناس ما بِهِموكي كِتاباتِك دي أولى بِيها مُذكِراتِك الخاصة ... المُذكِرات البنْدِسها مِن العالمين ... يا < منال > أنا ما عِندي مصلحة إنك تزعلي مِني ولا أفرِحِك ، بس ده الكُنت حأقولو لأُخْتي ، حأقول ليها : كِتاباتِك طالما بتِتْفهِم -خلينا نقول- غلط ، حقو إنتي تاخدي بروشتة المُصطفى دَعْ مَا يُرِيبُكَ إلَى مَا لا يُرِيبُكَ أفْتكِر ده مِعْيار مُمْتاز جِدًا

أصلو إنْتَنْ يا < منال > ما بتِتْحملو ...
أكان الكِضِب عيب يا < منال > إتْجملو ...
يِمه.. بناتِك ديل وحاتِك قربن يتْكَملو ...

Quote: يعني حتى لو كِتاباتِك يا < منال > ما فوقا أي حاجة برضو أولى أن تقتدي بِالحديث أعلاه ... البشر في الغالِب يا < منال > إنْطِباعِيين جِدًا ، كِتاباتِك ومُداخلات المُعْترِضين ، إخْتزلتِك في < البت دي بِتاعت إحاءات ما مفهومة > بعد داك إنتي كَونِك تكوني مظلومة ولا ما مظلومة ما بِهِم كتير ، الإنْطِباع إنْطبع وخلاص ، حتقولي : ما بِهِمَني؟ ما حأصدِقك ... ليه ما حأصدِقِك؟ لأنك لو الناس ما بِهِموكي كاتبة البِتكْتِي فوقو ده لِمنو؟ لو الناس ما بِهِموكي كِتاباتِك دي أولى بِيها مُذكِراتِك الخاصة ... المُذكِرات البنْدِسها مِن العالمين ... يا < منال > أنا ما عِندي مصلحة إنك تزعلي مِني ولا أفرِحِك ، بس ده الكُنت حأقولو لأُخْتي ، حأقول ليها : كِتاباتِك طالما بتِتْفهِم -خلينا نقول- غلط ، حقو إنتي تاخدي بروشتة المُصطفى دَعْ مَا يُرِيبُكَ إلَى مَا لا يُرِيبُكَ أفْتكِر ده مِعْيار مُمْتاز جِدًا

جملة الايمان أخوكم مستغرب ليس الا

مستغرب في محمد اي سيلمان اللا عنده منقلة ولا مثلث للمعيار وفاتح بوست ومشتبك ليه في مصادر بختها ترجع تبحث فيها ما تلقاها لعزاز وقاعد ينمر في بوستا جديدة..الفكرة شنو يعني.. بتلخص كلام الناس وترفع بوستات جديدة؟؟طيب انت قدرت تدير الفتحته ده عشان تعمل فيها انك بتاع Hot topics.
ومستغرب في كمية الكلام والاقتباسات والنقة الطويلة في موضوع محسوم جوا اي زول،خاصة انو اي زول خش بوستات منال بعرف انو في حاجة ما طبيعية بالذات الشباب وما يتدسدسوا اصلوا وما يعملوا فيها رايحين لانو القصة مكشوفة.
ومستغرب تماما للناس الما قرت البتكتبه منال وبقول للناس اقصائيين مع انو ما شفت زول طالب بالواضح فصل منال (لحدي هسة).
يا عالم اعملوا كليك علي بحث فوق واختاروا كل المنابر والمكتبات وختوا اسم منال..ببقي الكلام واصل وواضح.
مستغرب في الناس البنظم فيهم مولانا خدر وما راضين يخشوا الصف

__
المهم ما علينا
شخصيا انا من الناس السخنوا بالبوستين الاخيرين بتوع منال بتاع الما عرست شايقي ماجابت (راجل) والتاني بتاع الما بفهم كلامها(الرومانسي البثته لكل عابر سبيل) زول طرطور ساي.
ما اظن موضوع زي ده عايز ليه معيار وقيامة رابطة..زوله تجي تقول ليك انا دايبة وعلي نار ومولعة والناس بتتفاعل معاها
نوعية الكتابة الزي دي اقلاها بتاثر في نوعية اخواتنا الموجودات هنا وبحجم في فكرة وجودهم ومع ده لست ممن ينادون برحيل منال بالعكس التقعد وتبقي مع اخواتها بس تصلح خطها ده شوية ما اكتر او تقعد وما شايف في ضرر علي الاخوات بس تتحمل نتيجة كلماتها ودي كافية لانها تبقي مسئولة وقدر كلماتها البتختها وخاصة انو زميلاتنا عبروا بوضوح ودي كفاية وشجاعة تحمد ليهم.

الشيء الاخير تحية كبيرة لعزاز وتيسير (ويا تيسير لو جاتك رشاشة كلامة من منال فدا زكاة لموضوع زي ده وما تحسبي في بالك) وكذلك لسارة واماني وداليا في بوست تاني برضو وسناء خالد وقبليهم الاستاذه فتحية شامي قبل شهور لما قعدت ليها الكلام وكان بقي واضح وما ظنيتها كان تاني تواصل في خطها ده ومريم بت الحسين ولكل لزميلاتنا الخشوا الموضوع رغم انه مرهق.

النصيحة خلوها التكتب مادام الناس ختت رأي واضح ونرجع لمداخلة عزاز انو التفاعل مع كتابتها هو الفيصل للناس البتحترم روحها او تبتذلها وده معيار بالنسبة لي كزول سوداني مولود في نص السبيعينات غايتو كافي قبله وبعده ما عندي منقلة ولا مثلث ولا اي علبة هندسة.

صدقوني الموضوع بسيط وما دايرة نقة قدر دي ده منبر عام وعام خالص ما ينفع كدة والله

شكرا ونأسف للنقة الطويلة

شكرا يا مورتا للتنبيه و إعتذار عن طتابة الاسم خطاء
الحقيقة انا الجابني ليكم الحبشي و سؤالو
معيار الحياء و الاخلاق ؟
و انا الحبشي ده عادة ما بديهو آخري بي اخوي و اخوك
بقعد اراقب و اجادع لحدي ما يرمي بياضو.





____
الحبشي انهزني بي مسنجر عليك الله كان عملتو خلف دور او لو اساسي رجع و شرح موقفو من المعيار و الاقصائية. ودعتكم الله

في أي حته زي بما إنو في قانون معناها في أخلاق والهدف من القانون وهو الحد الأدنى من الأخلاق ضبط السلوك وحفظ النظام العام ويعاقب من يتجاوزه، أمّا الأخلاق تحث الأفراد نحو الكمال، وتحضّ على التحلّي بالفضائل، أهاالأخلاق دي ما ملزمه للأفراد زي القانون بس لازم تكون موجوده والناس من حقها تخت رأي في الشي الما أخلاقي

البوست دا سيدو وين أضبط بوستينك دا وكان أنا طلعت بعيد من الموضوع فلك أسفي

Quote: وده معيار بالنسبة لي كزول سوداني مولود في نص السبيعينات

يا قمر..

مل تستغل الموضوع لصالحك..









ــــــــــــــــــــــــــــــــــــ

فيك الخير..

سارة سلام
مافهمت كلامك
وده زاتو ما موضوع عشان يستغلوه
لكن اشرح ليك الكلام تاني

قصدي انو يمكن للاجيال البعدينا الموضوع ده ممكن يكون عادي انو يستغلوا المنابر العامة في البوح الخاص
ليس الا

تحياتي

يعني يا قمر بوبا الا كان الصق ليك وش اخضر عشان تفهمني؟؟
انا كنتا بكاوي.. ودكتور امبدة قال ممنوع منعا باتا نخت وشوش ضاحكة ..
الاستثناء الوحيد ود الصائم..
بقيتو ما بتعرفوا تهظروا ولا شنو؟؟




ــــــــــــــــــــــــــــــــ
لكن بالجد شكلك اتحسستا من قصة السبعينيات دي ..
وبرضو ممنوعة اخت لي وش..

يعني يا سارة الوشوش الخدرا بقت ممنوعة بامر الطبيب؟؟اول مرة اشوف طبيب يستنثني غايتو
ياخي ما كا تتجاوزي الاوامر

ما اتحسست ياخي...ارتبكت قلت انا هببت شنو للمصلحة الشخصية

تسلمي وجمعتك مباركة...انتو عندكم جمعة في امريكا؟؟

بخصوص التقليل من وضع الوجوه الضاحكة الخضراء..مجرد وجهة نظر قد تكون صحيحة أو خاطئة..
وليست بحال من الأحوال أمر..
على العموم هيئة الإتهام تقدمت بعريضة قوية رغم الثغرات وهيئة الدفاع لم تكترث للأمر كثيرا ولم تقدم الكثير الدفوعات..والقاضى طبعا هو القارىء الذى بيده الحكم.....



خروج

Quote: الاستاذ محمد إي سليمان .. أوردت اقتباسات من ردي على أساسي وأوردت الهوامش أعلاه وهي ليست من أصل نصي أرجو توضيح ما قصدت إن أردت حوارا موضوعيا بحق ... الصورة neither here nor there ولا أظنك تجهل ذلك ..!!

OK I don't have an Arabic KB now .x
---------------------------------

Quote: وقبل ذلك من شهور تداخلت أيضا وبينت رأي بأن كتابتها الإيحائية تسيء للذوق العام، يعني ما صحيت الصباح فجأة لقيت روحي متحسسة

Quote: إذا في حدود ما منحته لي من حق الاختلاف مع منال قلت و ما زلت أقول ان كتابتها الإيحائية مسيئة للذوق العام، مسيئة لي كعضو بيكتب في البورد ده و اتعرضت فيه لما تعرضت من محاولات اشانة سمعة و لسه باكتب فيهو لأني ما قنعت من خير فيهو، بس لما يبقى مبتذل انا شخصيا بتأذي و باحس اني بذلت وقت و زمن في مكان لا يليق بإنسان يحترم نفسه.

Quote: تحول نمط التواصل هنا مع الحفاظ على السقف الأخلاق يالمتبع عليه أقل ضررا من تقبل لغة إيحائية لا اعتقد أنها تضيف أي فائدة بل تؤثر على معايير المقبول في مجتمع اعتقد انه ارتضى معايير أخلاقية. في أوقات سابقة كثيرة هاج المنبر على مفردات استخدمها أعضاء في لحظات غضب وفصل بسسبها كثيرون، و نحن في رويحتنا دي بنقيم الناس وبيقيومنا بمفرداتنا و (تربيتنا) وسقفنا الأخلاقي في الاختلاف.

Quote: و للأسف أنها لم تقدم لي جديدا يعفيها من جرح الذوق العام بالنسبة لي. أنا قريت أدب أنكيزي يا أساسي و ودرسنا كتاب أقيمت لهم مقاصل عديل على الخروج على معايير الذوق العام في حين الكتابة، و فند الكتاب أراءهم أما بدواعي كسر التابو أو الخروج على المألوف و اكتشاف الذات أو غيرها. مالم يورده أحدهم – بحسب علمي – هو التملص من مرامي الكتابة الإيحائية أو لغتهم تلك كما فعلت منال في بوستها الأخير

Quote: في هذا الموضع تحديدا لا أمارس ازدواجية معايير على الإطلاق، لا أحب الكلام البذيء على المستوي الشخصي ولا أحبه أدبا مكتوبا أو مرسوما أو مغنى. عشت في بيئات كثيرة قد يحسبها الكثيرون منفتحة ولكنها تتمتع بحس عال تجاه ما يخدش الذوق العام و يدنينا درجة مع الحيوانات الغير عاقلة.

Quote: رأيت وقتها أن فجاجة محمد شكري في الرواية مرده ابداع لم يشذب، فقد تعلم الكتابة في وقت متأخر و تخرج من مدرسة الحياة في بيئة تشبه ما كتب في الرواية

Quote: الكتاب الآخر للكاتبة السعودية لم أستطع اكماله على الرغم من أن ألفاظه لم تكن بذات الفجاجة ولكن لأن الأفكار لم تكن مرتبه وبدت لي ترفا فكريا لا أكثر و خواطر مراهقة، وهو نفس التقييم لما بين يدينا الآن.

--------------------------------------

Quote: احتكامنا للرقابة الذاتية مهم جدا، بعيدا عن سجالات لا تجدي ... هل اللغة في البوستات قيد الخلاف و محمولها مقبولة لو نقلت بتفاصيلها لطاولة عشاء أحدنا مع اسرته؟ قد نبرر مشاهدتنا لفلم من ذات النوع أو قراءة نص بذات الصفة بقولنا انه (أدب) أو (فن) ولكن هل للونسة ذات حدود الحرية الممنوحة للأدب و الفن؟ لا اعتقد، فالفن و الأدب محاصران أيضا بدليل المقالة التي اوردها أيمن أعلاه، و يحاسب الفنان و الكاتب و الشاعر و القاص و الفيلسوف على خياراتهم إن هي خالفت ما اتفق عليه المحيط من معايير أخلاقية. فرجاء، رجاء خاص، لا تمنعوا خلافا قد يفيد أحد الأطراف و المجتمع الذي يتنميان له.

Quote: المؤيدون و الداعون لرفع اليد عن نقد الكتابة الإيحائية يغفلون بمباركتهم للفعل أمرا مهما، هو معيار الحد الأدنى للأخلاق في المحيط، وما سيعد مستقبلا (خطأ) و (صواب) في هذا المحيط (المنبر) ...

Quote: ما استغربه في هذه الثورة من قبل كثيرين استكثروا علينا نقدنا لما تكتبه (منال) أو أي كاتب مستقبلي لكتابة مليئة بالإيحاءات، هو انهم يكيلون بمعيارين، بيد يمنحون حق الكتابة لطرف و بيد يمنعون حق الاختلاف للأطراف الأخرى

All of the above is written by sister Azaz Shami .x
I find all of the above fine .x
--------------
And the following is also written by our sister Azaz

Quote: علمت كغيري بأن الأخ حمّور زيادة سيمثل أمام مجلس المطبوعات بتهمة "خدش الحياء العام" الذي بات مؤخرا قاعد على الهبشة و يخدشه الهوا الطّاير ..!! و بقراءة سريعة للأحداث في الفترة السابقة نجد أن "حياءنا العام" تم تأميمه و بات تابعا للدولة و أجهزتها و حددت له أطره و صرف لنا مرة أخرى في صورة جلدات و غرامات و استدعاء أمام الجهات المختصة. باختصار تمت مصادرة حياءنا العام و على المتضرر اللجوء للقضاء..!! فحيائنا يخدشه بنطال واسع ارتدته امرأة ناضجة بكامل إرادتها ... و حيائنا الغر الجديد تخدشه كتابة إبداعية عن اغتصاب طفلة، وكأن الكاتب خلق تلكم الشخوص ووضع في جوف الجاني قلب شيطان..!!

Quote: ولكن نفسي الأمارة بالسوء و التي تقبل خدش الحياء العام منه و الخاص، بحثت في أمر تهمة "خدش الحياء" الموجهة لصديقنا حمّور، ووجدت الأمر متعلقا بقصة قصيرة تروي مأساة اغتصاب طفلة صغيرة، طوّع حمّور قلمه في رمزية عفيفة ليصف وحشية مغتصب و براءة طفلة تستحق أن تعيش في أمان ... و غرس سن قلمه في قلوبنا بسرده اللحظات الفاصلة بين الإنسانية والوحشية ... بين براءة طفلة تلعب و بين خوف و ألم فوق طاقة البشر... ووجدت سبب التهمة ...

مصادرة حياءنا العام! كلو منك يا حمّور زيادة!

This is how Hammoor Ziada describes his story Wala lan taud tadhak

Quote: كثيرون ادعوا ان القصة خادشة للحياء .. لكن الله انطقهم يا صاحبي .. فكلهم كانوا يؤكدون أنها مقززة .. و العجب أني كتبتها لتكون مقززة و تثير الغثيان. فاذا هم يعيبون القصة بنجاحها في ما كُتبت له.

Quote: حين تعود يا أمجد ستجد سودانيز اون لاين مشتعلا. عزاز و داليا كباشي و دوما و عمر عشاري و أحمد ابراهيم و غيرهم حملوا راية الدفاع حتى اشفقت عليهم. و ستجد اخرين – يا للعجب – يقدمون للمجلس مبررات محاكمتي. تخيلت موظفا في المجلس يطبع مداخلات الاعضاء في سودانيز اون لاين ليرفقها مع القرار مؤكدا أن القصة بها جرعات غير ضرورية من الجنس و انها مثيرة للغرائز و شبيهة برواية لوليتا و خادشة للحياء العام. هذه المداخلات هي ابلغ رد على حجتي التي قلتها للمجلس أن قصة ولاء لقيت الاستحسان من القراء و التجاوب المطلوب. قال المجلس أنه هو الجهة الوحيدة التي تحدد ما هو خادش . هم وحدهم من يقررون ذلك لا القراء. و الان ظهر القراء الذين يؤكدون أنها فعلا خدشت حياءهم. فالتحية للمجلس الذي بادر بحفظ حياء الناس.

رسالة من حمور زيادة: ولاء لم (تزل) تضحك ...

والله يا محمد إي سليمان خانك ذكاءك أو انت خنته ايهما أقرب للصواب -- مرتين في البوست ده
أولا: قلت ما حتجيب اقتباسات من الارشيف و جبت اقتباسات من الارشيف، ومن خلى عادتو قلت سعادتو

ثانيا: ما قلته أنا في وقت سابق حول موقف المصنفات الأدبية حول أمر (قصة) حمور لا ينطبق على نصوص منال قيد الاعتراض

قصة ولاء لم تعد تضحك كان فيها plot وعناصر قصة قصيرة قد يتفق حولها النقاد
أو يختلفوا، كانت فيها (هدف) من طرق توصيله كتابة الصدمة ... كتابة منال عن البصل
الأخضر و تفضيل رجال قبائل سودانية على أخر و التفاعل معها يصب عندي في ونسة (.....)
وليس بأدب يحتكم لمعايير محددة الاختلاف ضمنها معروف ...
قصة ولاء لم تعد تضحك لم تكن اباحية ولا مثيرة للغرائز و من تثيرة عليه ان يتحسس انسانيته
و يطلب المعونة لدى الاطباء النفسيين ...
كتابة نص حمور قدمت ضررا أدنى لغاية أسمى، ولم تخفل الأخلاق بمعناها الأرفع (رفض اغتصاب الأطفال)
أي كتابة أدبية عندي قابلة للنقد وراجع الارشيف و عد لحواري السابق مع الاستاذ اسامة الخواض
حول نص شعري سابق ... الفرق ان كتابة منال لا ترقى لمستوى النقد، و الأحرى بنانقاش نفسية
و عقلية من يجارونها من طرف و من يقتتلون للي عنق الحرية وإطلاق يدها لتكتب ما ينتقص من
قيمة هذا المكان ...
اورد كل ما قتله سابقا عن اشكالية الاخلاق و الكتابة (الابداعية) و هي بين قوسين لتدرك الفرق.
محاولاتنا لنكون فاعلين اخلاقيا لا تعني اننا نتناقض في المواقف، فيجب أولا تحديد ماعون للمقارنات
قبل إطلاق النعوت صراحة و تمليح. املك الجراة و الثقة الكاملة لإصدار رأي و مراجعته متى ما تبين
لي ما يبطله أو يدعمه أو يطوره، ارمي أنت ما بيمينك لو مرة و بين موقفك بدل ان تقتات على لاصطياد
في آراء الآخرين ....


سوري شديد .... كش ملك

________

ما لم توضح بعد مقصدك من إيراد هوامش لم ترد في نصي الاصلي هنا ....

Pathetic

Quote: Pathetic

يا زميل المنبر ..
لو دايرنا نتناقش معاك بهدوء مافي مـانع .. منها نحن نستفيد وانت تستفيد ..
بس لو داير مشكله من مافي , فتأكد انو ما عندنا زمن للكلام دا ..

لو سمحتا تشيل الكلمه دي ..
لانها ما بتشبهك ..

شكــرا ..

Quote: Pathetic

you? Yes... you are pathetic

you needn't Arabic since you live on other's writing anyway

انتا البتحنن يا محمد ...

عارف ليه؟؟
لانك جيت فتحتا ليك موضوع وعارف نفسك انك داير من وراهو شبك..
فيا ريت تجي تفيدنا وتستفيد في موضوعك الفتحتو..
واركز..

ـــــــــــــــــــــــــــــــ
ولا انت مستمتع بقصة الشبكة الحاصلة دي.. وبقت ليك زاد؟

يا نسوان هوي
لقيتو الراجل براه و دايرين تحقروا بيه


أديلم يا أبو ال E

أنا سيب لي بتاعة واشنطون دي
أنت أبقى على الإتنين ديلاك - (بس حاسب - عضلات تبش)

Quote: Pathetic

يا دكتور ، مالي أراك حائدا عن دربك !
أختنا عزاز لم تقل ما تستحق منك هذه الكلمات !!

خليني أشرح ليك ياسيدي,,
لما منال تتبني خط خادش للحياء مستتر -حسب ظنها- وصريح -حسب رؤيتنا- في البورد,
وبعد شويه يجونا اتنين تلاته منالات جداد يمشوا في نفس المنهج,
ده طبعا تحت تأثير تشجيع بعض رواد البوستات من الرجال,,
ويتحول البورد الي هرج لا ضابط لا رابط,
وأهلنا وناسنا البيقروا لينا يلقونا قاعدين في مكان فيهو بنات بيفتحوا بوستات خادشه للحياء علي شكل ونسه,
خليني أقيف هنا وأقول ل د. نبراس ولكل من يعتقد انه نحن هنا بنناقش أدب وفن انت غلطان وشكلكم ما قريتو ليها,ياجماعه منال منو البتكتب أدب وفن؟ الزوله دي بتتونس ونسه خادشه, ده كل البتعملو هنا,
لو النجوم والكلمات الرنانه البتستعملها دي اسمها أدب كلمونا نراجع نفسنا,
لكن كل ما تكتب هنا عباره عن ونسه خادشه,
في الصميم

أقترح تغيير

Quote: منالات[/

إلى "مجددينات"-وهي جمع مؤنث سالم!
أقترح على منال أن تحول "ونستها" إلى مذكراتها الخاصة
والسلام

Quote: يا مستر محمد اي سليمان .. النص اللي انت اقتبستوا دا (مع انك ما وضحتا الغرض من الاقتباس) الا اني حا افترض انك بتسأل : شنو الخلى ديك ايد ودي كراع ..؟؟ طيب اجاوبك : ببساطه لانو دي ايد ودي كراع ..!! النص اللي كتبوا حمور من فتره وتم الاعتراض عليه بحجه انه (خادش للحياء) هو نــــص ادبـــي , وهذا امر لا يختلف عليه اثنان (الا لو كان عندك راي تاني يعني ) النص الادبي : هو ماده قابله للتقييم , للبحث , للاختلاف , للادلاء بدلونا كلنا كدا بي كوستاوي دا.. انا شخصيا (كـ داليا) كنت منزعجه من ايقاف حمور عن الكتابه بسبب تلك القصه (ولاء لم تعد تضحك) لاني قاعد هفي السودان وبشوف صحف كتيره تورد يوميا على صفحاتها ما هو اسوء واضل بكثير .. ولما كانت قصه العزيز حمور تهدف الى لفت النظر الى قضيه هامه وحيويه في تلك الفتره (وهي اغتصاب الاطفال والقصر) فقد حزنت جدا ان تحجب وتمنع من التداول بل ويتم ايقاف كاتبها فتره عن العمل , بينما تورد الكثير من الجرائد والمجلات على صفحاتها يوميا قصصصا من نوع : نط , واغتصب , وسرق بصوره مقززه وبتفاصيل يقشعر لها البدن لا حاجه لنا- نحن القراء- بها .. بالنسبه الى نصوص الزميله (منال) .. فهي لم ترقى الى مرحله النص الادبي كي نتفق او نختلف عليها بل كانت جميع بوستاتها عباره عن تساؤلات ما اعتقد انو في زول عندو اجـابه عليهـا .. تلخيـص: - الموضوعين ما متابهين وما في اي رابط بيناتهم .. - بما انهم ما متابهين تبقى المقارنه معدومه .. كدي خلينا من دا كلوو انت رايك شنو ..؟؟

مـداخلتي في بوست **** مصـــداقــية قلوب تـــكتب ****

أختنا أماني سلام
قريت مداخلتك أكتر من مره ، و عجبني جدا وضوح رؤيتك و سلامة حججك ، و متفق معاك في جزء كبير مما أوردتي خلافي معاك و مع بقية الأخوات في الأتي :
- مافي كتابة زول بتسئ لزول تاني ، ده منبر حوار كل زول يكتب رايو و أفكارو و الناس بتقيمو تقييم فردي عليها .
- إنتقدوها كما شئتم ، لكن ما تطالبو إنو حسابها يتوقف بحجة انها بتسئ ليكم ، لو في اساءه بتسئ لنفسها و أهلها و اصحابها و ....الخ
طيب إذا قلنا منال تتفضل تمشي أهلها لانو كتابتها خادشه للحياء , البمنع شنو نقول هشام هباني مثلا يمشي اهلو لانو خادش بسكاكينو ؟ البمنع شنو نقول محسن خالد يمشي لانو بجيب لينا الفاظ أخر مره سمعناها ساي قبل عشرين سنه ، شخصيا ضد منع أي شخص من الكتابه بحجة إنو كلامو بيسئ لينا كمجموع !!
------------------
خدر الشيوعي

Quote: يادوب قريت الكلام كلو كامل بدون فططان و ضحكت لمن إتزكرت في مواقف مشابهة كثيرين من البدافعوا عن حق امال في كتابة ما تريد وقفوا في المنبر ده و ناصحوا الراكزين في تجويد صنعاتِهم (كتاب - شعراء) وقالوا ليهم و بفم بيادق حريصة علي الحياء العام و المعيار و .. الخ (الكلام ده لو كتبتو اختك حا يكون موقفك شنو ؟) و ذلك ذبدة إفحام الخصم و منتهي الحُجة في عُرفهم. اها الليلة اختك ذااااتها تجي تقول ده إسفاف , تجي انت ذاتك نفس الزول القليص القبيل داك , تاني تقيف نفس الوقفة الزمان ديك و بصوت عالّ تهتف ضد الإقصاء

يا دجانقو أفرز !! غايتو أنا كلامك ده كلو ما داخل فيه !!
------------------
قمر الظلام

Quote: ومستغرب تماما للناس الما قرت البتكتبه منال وبقول للناس اقصائيين مع انو ما شفت زول طالب بالواضح فصل منال (لحدي هسة).

في ناس قالو منال تمشي ، و في بوستات سحبها عمك الضباح .
ولو كلامك صاح و مافي زول قال تمشي ، شخصيا ما عندي أي مشكله في الباقي !!!
------------------

Quote: على العموم هيئة الإتهام تقدمت بعريضة قوية رغم الثغرات وهيئة الدفاع لم تكترث للأمر كثيرا ولم تقدم الكثير الدفوعات..والقاضى طبعا هو القارىء الذى بيده الحكم.....

يعني يا امبده هسي نخت الوشوش دي ولا ما نخت ؟!!
إنت قلت القصه دي بتصيبك بالغثيان ، ونحن والله الغثيان ده ما بندورو لا ليك لا لغيرك !!!

Quote: انتا البتحنن يا محمد ...

That is fine.x
Many thanks

Quote: Pathetic

Dear Mohamed E. Seliaman
You authored a very controversial post that has attracted so far a considerable number of readers and participants.
Everyone has expressed his/her views with respect to the subject matter in a very refined manner, to the point that Dr. Ombada has commended the smooth flow of the discussion.. Therefore, I am afraid to say that your using of the word "pathetic" is quite
inappropriate, whether you meant it for Azaz's reply or her person
Can't we just learn the virtue of being different without being somewhat violent?

Love & respect to you all

Quote: Can't we just learn the virtue of being different without being somewhat violent

ياخي ده والله من أعمق ما قرات في الاونه الأخيره !!!

Quote: That is fine.x Many thanks

خلاص قبلتا علي؟؟

ليه حاسة انو نبرتك (الكتابية) دي مااااااا بتريح..

خليت ردود الباقين في كلمتك الكتبتها..وقبلتا علي انا الحيطة القصيرة؟؟

اتفضل يا فايز ود القاضي..
شايفاك بتاوق كتير بي جاي.
اتفضل

اماني و أمين . . خلوني اخش واسطة خير بينكم . . شايفكم افكاركم متقاربة مع اصراركم انكم تبدو مختلفين
شهوة الاختلاف السودانية الممتازة . . على أي شئ و على اللاشئ . . بالضبط فلم الجزائر / مصر

و تاني كمان واحد


و تالت كمان . . المافي شنو ؟


سوري للمتقززين
و الله بمارس في حقي المتساوي معاكم بالمناسبة ما أكتر . . فلكم ان تقروا و تقززوا . . او الاسكرول داون ادنى لكم . . و كفى الله البورداب شر القتال في اللاشئ !!!
حيرتونا و الله !! . . الباسويردات مش وااااااااحد ؟

Quote: ما هو المعيار ؟

كيل و لا وزن ؟ . . و لا بالكورجة ساي ؟

يا أمين منال ما عبيطة لكن قاعد تستعبط - و دا ما ظن كان دايرين دليل بجيبو ليكم - و أماني و المتكالبين منطلقين من وجهة نظر فايتة عليك و علينا - غالباً جندرية او دفاعاً عن الكتابة النسوية ، و اتخيل لي دا خارج تخصصاتك ولا كيف فتعال نتواضع شوية و زي ما طلبوا منك خليهم يخوضوا معركتهم ، ما تجي تحاجز ساي !
اما من ناحية انها تمشي بيتم ، فدا غريب غريب ، و دي النقطة الفايتة على اماني و الاخريات و من تبعهم/ن بغير إحسان !!
يا أماني فايت عليكم انو دا اسمو " دسكشن بورد " يعني تعدد . . اختلاف . . دشمان . . بلنجات . . الخ الخ
و الله لو لاقاني زول قال لي في ( بورديكم ) في زول او زولة صفتو او نعتو . . بقول ليهو انت ما عندك موضوع و لا شنو يا زول ؟ و انا مالي و مال اهلي ؟! . . اما كان قاطعني ساي في صمة خشمي بكون احسن لي ذاتو . . دا زول راسو كعب . . يكون وفر علي عزيمة ليهو في راسو الكعب دا
فحكاية تمشي منال او هباني او قيقراوي دي مسألة تقعدوا تكوركوا بيها هنا ساي لما حسكم ينقرش . . و كان مشى اي زول بالطريقة دي ياهو البقى بطل و شهيد قضية ( اللاشئ ) و عدم الموضوعية
الزولة دي تقعد و يتعزم ليها في راسا الكعب دا !! . . اها دا حلي للموضوع . . ان ما نفع ؟ . . القيد بس . . الشكينيبة راس و اندهو سيدي المكاشفي ابو عمر

--------
اماني و أمين انتو عارفين اخوكم عندو نفسيات .. صراحة اخترتكم انتو لانو ما بتنبزو . . النبي فيكم ما تخزلوني
سناء و عزاز و تيسير عليكم الله خففوا اللغة شوية . . عارفنكم زعلانين . . لكن ما بجوز و الله دعوة زميلة ليكم - نقول قدر رماها في دربكم - لكن كلامكم قاسي بالجد . .

اقول قولي هذا و استغفر الله لي و لكم . . فاستغفرووووووه
كب النقوم على حبة النفسيات بتاعة ما بعد الدخول للبورد دي

Quote: الله لو لاقاني زول قال لي في ( بورديكم ) في زول او زولة صفتو او نعتو . . بقول ليهو انت ما عندك موضوع و لا شنو يا زول ؟ و انا مالي و مال اهلي ؟! . .

أها يا قيقراوي لو الزول دة نعت ليك المنبر وقال ليك المنبر دة كلو كرور...
ما بتقدر تقول ليهو وانا مالي ومال اهلي..

بتصدق انو دي حصلتا لي اكتر من مرة..

ــــــــــــــــــــــــــــــــــــــــ
عشان كدة انحنا حلقوم كي بوردنا انقرش

سارة ازيك

Quote: أها يا قيقراوي لو الزول دة نعت ليك المنبر وقال ليك المنبر دة كلو كرور... ما بتقدر تقول ليهو وانا مالي ومال اهلي..

ليه ما بقدر ؟

الا يكون متوقعني الرجل الاخضر !! . . او الطفل المعجزة دا :



او عمك دا :



يعني اسي نعتبرو دا جوابك على سؤال البوست :

Quote: ما هو المعيار ؟

المعيار هو كلام واحد معتوه او رأيو غير الموضوعي الناجرو من سفنجاتو دا !!
دا ما ياهو من الناس الراسم كعب ذاتم ياخ !!
العزيمة بس
و زي دا من جوووووووووة . . . اوخخخخخخخخخخخ . . .


-----------

غايتو انا علي بالخستكة بتاعتي دي فقط لا غير . . ما مسئول من كرور الباقين
و بخيل لي لو كل زول عرف خستكتو . . و عمل على تحسين نفسو بنحصل في المجموع على " منبر ما كرور " . .
او أدنى الى ذلك . . . و لا كيف ؟

Quote: سناء و عزاز و تيسير عليكم الله خففوا اللغة شوية . . عارفنكم زعلانين . . لكن ما بجوز و الله دعوة زميلة ليكم - نقول قدر رماها في دربكم - لكن كلامكم قاسي بالجد .

.

سلامات يا قيقراوي و حباب الاختلاف البيودي لنتيجة، وحباب العشم فينا بالخير .. يشهد الله راجعت كل كلمة كتبها في هذا الخيط و الأمر منذ بدءه، ولم أجد ما اعود عنه، ونفسي لوّامة لوم شديد و تمسك بتلابيبي إن أنا ظلمت أو تغولت... بين لي أين قسيت و اهدي لي عيوبي إن تفضلت ...

غرضي من إثارة الموضوع جرجرتو من حتة المحظور و (يا زول اعمل رايح) إلى النور ووضعو على طاولة النقاش و نبشه و تسميته بأسمه و تعريضه لهواء و شمس النقد ولكل عقل و رأي ... ومن أوردت و غيرهن\م نتلاقى في نقاط كثيرة و محور اختلافنا في طريقة المعالجة بس الدوا الدايرينو واحد (مراجعة هذا النوع من الكتابة) إثارة الأمر بتكوّن رأي عام، و أنا متأكدة ان وتيرة مجارة الكتابة هذه سيتغير، و قد تخف، وتتخذ الكتابة في عضمها مستقبلا طابعا حريا بالقبول و الاحترام ... أي كاتب جاد بيستفيد من النقد ولو اتين قالوا ليك راسك مافي اتفقدها ... مشكلتي يا قيقراوي ما باعرف ألون و ازخرف رأي، ومن يعرفني حق المعرفة بيعرف طبعي المصوكر ده، تعايشت و قبلت نفسي و مباشرتها في تداول الأمور كافة، ما بتغير في شان بورد بكري ... الناس مخيّرة تقبل أو ترفض كلامي، بس تديني (الرأي) ما الاحساس، قد تحبني أو تكرهني أو لا يعنيها من أمري شئ، وفي كل خير المهم الأفكار والطرح و القلوب أمرها عند الله ...


أي وصف كتبته عنيت به كتابات (منال)، إن انسحبت صفة الكتابة على الكاتب، فهو أمر متوقع، فالكلمة اسيرة في وثاق المرء فاذا تكلم صار في وثاقها ..وقيل تكلم لأعرفك وفي الاسافير أكتب لأعرفك، فلا تلمني و لم القائل أو الكاتب على ما جر لنفسه. تداخلت غير مرة في البوستات المعنية، وكان الرد أبعد ما يكون عن المنطق و تمترس خلف مؤيدين أو صورة براءة متخيلة في رأس الكاتبة، وعندما أعيتها الحيلة وصفتنا بالغيرة ... ومن تفاهة الاتهام اسقطته من حسابات ما يُرد أو يفند، واعتذر عن ذكره الآن لنفسي و لك فهو أرخص عندي من نقرة كي بورد في وقت راحة اخترت طوعا صرفه أمام هذه الشاشة ...


محمدة لك أنك لا تولي سمعك لن يأكل لحما حي، ولكني لا أعبأ بما قد يقوله الآخرون خارج هذا المحيط بقدر حرصي على تعاطي افراد المحيط من حولي، فاحترامك للآخرين في محيط مشترك، نادي الحلة مثلا -- تدلل عليه بلغتك وتصرفاتك، لو ماشي محل ولا بيت زول بتحترمو بدل عليك جلابيتك و مشيتك و سلامك عليه وقولك و حديثك و مفرداتك. مجاراة هذا النوع من الكتابة و قبولها في محيطنا اللي هو المنبر، بيعني ضمنا انو ده حدو من الاحترام، المكان ما ليهو قيمة اعتبارية، قيمتو بالساكنين فيهو و في حالتنا، البيكتبو فيه، و بالتالي لو الكلام ده مقبول، ياهو انحنا شبهو رضينا أو أبينا، وانا ما شبهو، علشان كده بعافر، وعلشان ناس كتير ما شبهو، بتعافر هي برضو ...

Quote: أي وصف كتبته عنيت به كتابات (منال)، إن انسحبت صفة الكتابة على الكاتب، فهو أمر متوقع، فالكلمة اسيرة في وثاق المرء فاذا تكلم صار في وثاقها ..وقيل تكلم لأعرفك وفي الاسافير أكتب لأعرفك، فلا تلمني و لم القائل أو الكاتب على ما جر لنفسه. تداخلت غير مرة في البوستات المعنية، وكان الرد أبعد ما يكون عن المنطق و تمترس خلف مؤيدين أو صورة براءة متخيلة في رأس الكاتبة، وعندما أعيتها الحيلة وصفتنا بالغيرة ... ومن تفاهة الاتهام اسقطته من حسابات ما يُرد أو يفند، واعتذر عن ذكره الآن لنفسي و لك فهو أرخص عندي من نقرة كي بورد في وقت راحة اخترت طوعا صرفه أمام هذه الشاشة ...

سلام يا عزاز

سألتي و استبقت الجواب بالرد الفوق تماماً
عشان نوضح حاجة انا مع حقكم في خوض المعركة دي لآخرها ، و بكل الوسائل الشايفنها مناسبة - و واضح يا عزاز موقفك و ما تفضلتي بشرحه اعلاه من غرض اثارة الموضوع و دي ابصم وراك فيها - لكن بس بتتفقي معاي انو أي ثورة ما بتمشي في مسارات معدة سلفاً ، و دي بتحكما شروط و ظروف قد تكون ما كانت محسوبة ذاتو دا اولاً . نقطتي " القسوة " او القساوة يا قولنا نحن الناس الساي ديل فيما يليك في الكلام دا

Quote: كتابتك (المكتوبة بشغف) يا منال نجحت في رسم خط واضح بيّن يفرّق بين من يحترم نفسه و من يبذلها رخصية بثمن بخس

يا عزاز معليش كلامك - الاستباقي - أعلى اعلاه ما مبرر كافي لاقناعي بالقفزة البي زانة و لا برشوت في تصريحك اعلاه من استهلالو بـ " كتابتك " و نهاينو بوصف " رخيصة " في تولا " نفسه "
كان دا ما ظلم ، ما اظن تاني يكون في ظلم في الدنيا دي الحمد لله !!
كيف الكلام دا ؟
بعضمة كيبوردك في وكت الراحة الفضلتي صرفو هنا دا قلتي : فاذا تكلم صار في وثاقها !!!
اتكلمت وين الزولة دي ؟ ( راجعي الناس الاتكلمت معاهم/ن . . داليا الكباشي مثالاً و شوفي شهادتا !! )
اما تعديل الكلمة من ( إذا تكلم ) الى ( كتابتك (المكتوبة بشغف)) فا دي انا شايفا قساوة ساي ! . . يا عزيزة ما تنسي ( الوهم الكبير ) البديهو باسويرد بكري دا للمواهيم !! . . يا عزاز الزولة دي شايفة نفسها رب الكتابة عديل !!! و يصنف على ( كتابتها ) بقية البهائم الهنا - الهم الزيي كدا - و يوصموا بالغباء عادي لأنهم ما فهموا او ( حسوا ) . .

Quote: اعرف دوما ان جمال كلماتى يجذب الناس الراقيين ولا ابالى بمن خانه غباؤه فى فهما ...

حولتيييييييييين !!!
دا مرض عديل بعيد عنك ، لكن دا ما موضوعنا اسي و لا هو دفاع عنها ( الجنون مؤقت ) و الله ذاتو انا ما شايف انها تستاهل كل قومة النفس دي اصلاً .
يلا نرجع لموضوعنا . . يا عزاز مافي فرق بين ( الكتابة ) متوهمة او حقيقية ، و ما بين ( الكلام بالدرب العديل ) ؟
انا شايفك قسيتي في القفزة دي . . ممكن اكون غلطان عادي و في الحالة دي اعتذاري الشديد


---------

يا عزاز الخال أمين من أهل الكشف عديل هنا خليك من بصيرة ساي

اها دي قساوة ما مبررة
ياخ انتو الجوز من كتابي المفضلين ما تفجعونا في فال الحوار العفي عليكم الله . . و لا اراكم الله مكروه في عزيز لديكم

و كل الاحترام

يا امين و البقية الملتبس عليهم الامر و بعيداً عن المهاترات
كثيرون من اهل هذا المنبر يتعاملون مع منال كشخصية واقعية و ليس على سطح الاسفير فحسب و يسعون جهدهم وراء ما تسايره بهم غرائزهم في البورد و خارجه (و أحسبك تعلم)
لكن القاضي او الحكم ليس له ان يحكم من تلقاء علم نفسه
لهذا فليكن الحكم و (المعيار) ما تكتبه منال نفسها من كتابة ونسة لا تحمل اي معاني اخرى غير ايحاءات ايروسية سافرة يدل على معانيها ما يتلوها من كلام ( زي بوست البصل و بوست الكدايس الابت تنوم بالليل دي و ...الخ)
هنا الموقف يختلف بشدة عن كتابات محسن مثلا
او حتى ما يعرف بالادب الايروسي
فديسفسكي وصف اكثر من موقف جنسي بصورةسافرة في رواياته
لكن لم يتهمه احد بكتابة الجنس من اجل الجنس
هنا منال تستخدم الايحاء الجنسي بصورة سافرة (هل اقول بذيئة) من اجل غرض مستتر
فهل لنا غير افتراض الظاهر (و حتى الشريعة لها بالظاهر)
قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا

Quote: لهذا فليكن الحكم و (المعيار) ما تكتبه نوال نفسها من كتابة ونسة لا تحمل اي معاني اخرى غير ايحاءات ايروسية سافرة يدل على معانيها ما يتلوها من كلام ( زي بوست البصل و بوست الكدايس الابت تنوم بالليل دي و ...الخ)

نوال منو ؟؟

عفواً مرتضى
لعلني اقصد منال
ساقوم بالتعديل و شكراً للتنبيه

بما إنو مافي زول إشتغل بي حأواصل

Quote: في أي حته زي بما إنو في قانون معناها في أخلاق والهدف من القانون وهو الحد الأدنى من الأخلاق ضبط السلوك وحفظ النظام العام ويعاقب من يتجاوزه، أمّا الأخلاق تحث الأفراد نحو الكمال، وتحضّ على التحلّي بالفضائل، أهاالأخلاق دي ما ملزمه للأفراد زي القانون بس لازم تكون موجوده والناس من حقها تخت رأي في الشي الما أخلاقي

منال بتكتب بوستات فيها إيحاءت ما أخلاقية لكن قوانين ولوائح المنبر ما فيها قانون بيردعه ودا برضو ما بيمنع انو الناس تشكل في كتاباته رأي وممكن أي زول عندو رأي ما يتداخل معاها أو يقولو فيها رأيو بالطريقه البشوفه مناسبة بس ما يصل حد أنو الناس تمنعة من الكتابة بالمنبر.





____
الموضوع دا ذكرني الدعاية بتاعة العصير رانجو برضو كان فيها إيحاءات ما كريمة وبسبب تركيز الناس مع الحاجه دي إنتشرت الدعاية إنتشار عجيب أي زول يقول ليك سمعته دعاية رانجو!! وفي النهاية الدعاية إتمنعت و وقفت بس ما عارف سنو ليها قانون و وقفوها ولا قفوها كيري ساي

حيرتي زادت من المعيار ده
تخيل يا عزيزي كثير من القوم يتبع هذا المعيار
http://www.youtube.com/watch?v=0y7mA90tpYU

قيقراوي ..

أي حرف كتبتو في هذا الموضوع أنا مسؤولة عنه تماماٍ
وأي قسوة شعرت بها أنت من خلاله أعنيها ومسؤولة عنها تماماً
لشهور خلت حصل كلام مع المخلوقة دي في شكل مناصحة أو مناشدة باللين من أخوان وأخوات كتيرين
بأن تراجع نفسها وكتابتها لم تعبأ بها بل زادت وتمادت بصورة أقرب للمكاواة وحكاية (كان عجبكم)

قالوا البيصوط المُر ما يغلبو شرابو

عايزة تكتب كدا يبقى تستحمل نتيجة كتابتها المنفلتة
وتاخد على راسا زي الترتيب يا مشت عديل "وكتبت بحد أدنى شديد خالص من الإنضباط" يا كمان مشت كلو كلو
العايز يخمج يمشي يخمج برة ويجينا راجع مكانو قاعد مستنيهو


ودا آخر كلام عندي ..

منال دي زي الذكرتا انها بتكتب في منبر او منابر غير هنا,..
لو لقطتا المعلومة دي صح منها..
يا ريت تجي تورينا بتكتب هناك باسم منو وبتكتب شنو؟؟
وراي اعضاء المنابر التانية شنو في كتابتا..

عشان نقيم وكدة..
ممكن هنا جدة غير..
ــــــــــــــــــــــــــ
دة علي اساس اني لفحتا الكتابة صح..

وجدة غير قاصدة بيها سودانيز غير..
يعني لافحة اسم المهرجان...
باعتبارو جاذب وكدة..

ـــــــــــــــــــــــــ
عشان ما تجوا تعوجو وتبعجو البوست

يا اخوانا

عزاز وتيسير وسارة وحنين للبلد وامانى وكل من تصدت لكتابة منال موقفهن صحيح مية مية وبأى معيار كان..
وأى واحد فيكم لو كانت منال أختو ماكان حايرضى تكتب فى هذا المنبر بهذا الأسلوب..

وموقف المذكورات أعلاه بخلى الواحد يطمئن على بوصلة المرأة السودانية وغيرتها على بنات جنسها..

الناس المعترضين يا إما شغل مكاواه أو شغل سفسطة باسم الحرية بس واحد برضى أى من يهمه أمرهن تكتب بهذه الطريقة مافى.
هذا لايعنى أن منال فى حقيقتها مبتذلة ولكن كتابتها رخيصة ومبتذلة مع أنها لديها المقدرة لكتابة كلام جميل ومفيد!

الأخ الفاتح تحياتي
(( am afraid to say that your using of the word "pathetic" is quite
inappropriate))
ما هو المعيار الذي يجعل كلمة (يحنن) غير لائقة ؟
تحياتي وشكري على المرور

الأخ الكريم السيد أحمد إبراهيم
وعليكم السلام ورحمة الله .
كتبت أخي الكريم :((
وده وتر حساس بالجد .. والحقيقة في بعض الأحيان ( حامضة )
ولكن لا بد منها لذا :

المعيار هنا في سودانيز ( الشعبية ) فقط لاغير
علاقاتك مع الأعضاء هي التي تحدد موقفهم مما تكتب ( إلا من رحم ربي ) .
قائمة أصدقائك في الفيسبوك عامرة أكتب زي ما عايز
كل ما تكتبه هو الصاح حتى لو ناقضت نفسك في البوست
الواحد أكثر من عشر مرات فكل مواقفك صاح ( ونخسرك ليه ؟؟ )
لو ما عندك أصحاب كتار في الفيسبوك ( أنتبه لأخطائك حتى الإملائية منها ).
إنت بوردابي قديم أخطائك مغفورة والويل كل الويل لمن
وقف في طريقك ( البرشك باللبن نرشو بالدم ) .
برلوم جديد ( سردب بس صاحك غلط .. إنت جيت متين عشان تعلمنا ) .
إنت صاحبي ليك الحق في التعبير عن رأيك حتى لو كان ( مشاتر )
لو ماصاحبي ولا بعرفك ( هو بكري بيجيب الأشكال دي من وين ؟؟ ) .
بوستات التضامن .. والشجب ..الشواء .. يتم كتابتها
حسب المعايير أعلاه .)))
كلامك هذا يمكن البرهنة عليه جيدا من أرشيف هذا المنبر ، لكن بني عمنا يكوهون التوثيق .
أضيف إلى معاييرك أعلاه معيارا آخر هو معيار الطبقية الثقافية .
وشرحه إنو نحن مفروض نقعد ننتظر السادة المثقفاتية والسيدات المثقفاتيات عشان يفرزوا لينا الكتابة :
دي قلة أدب وخدش للحياء (!!)
وديك أدب وإبداع ورقية ووحي من سماوات التنوير (!!)

لمّن تقنعوا من البوست أدونا مسكول!!






_
ود الصايم .. أجدع من يلبس أي طاقية في منبر لا منبر له!

دكتور أمجد تحياتي
(((يا امين و البقية الملتبس عليهم الامر و بعيداً عن المهاترات
كثيرون من اهل هذا المنبر يتعاملون مع منال كشخصية واقعية و ليس على سطح الاسفير فحسب و يسعون جهدهم وراء ما تسايره بهم غرائزهم في البورد و خارجه (و أحسبك تعلم)
لكن القاضي او الحكم ليس له ان يحكم من تلقاء علم نفسه
لهذا فليكن الحكم و (المعيار) ما تكتبه منال نفسها من كتابة ونسة لا تحمل اي معاني اخرى غير ايحاءات ايروسية سافرة يدل على معانيها ما يتلوها من كلام ( زي بوست البصل و بوست الكدايس الابت تنوم بالليل دي و ...الخ)
(....)
هنا منال تستخدم الايحاء الجنسي بصورة سافرة (هل اقول بذيئة) من اجل غرض مستتر
فهل لنا غير افتراض الظاهر (و حتى الشريعة لها بالظاهر)
قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا))))

إنت يا دكتور ما شاعر إنو لغتك دي سلفية شديد؟
أكيد إنت متقمص روح جماعات الوعي التناسلي ؟
أكيد إنت تكتب بصورة ساخرة أو بقيت من جماعة الشيخ محمد عبد الكريم ونحن ما عارفين !!

والله لكن بوست فنان جدا ..
أحسن حاجة الواحد يطلع ليهو في عمارة من خمسة طوابق .. ايوة خمسة طوابق تحديدا .. ويعاين للارض من تحت ويجي الطابق الرابع ويعاين ليكم من تحت .. ويجي التالت ويعاين ويجي الأول ويغمض ..
انا الخلاني اقرا البوست دا شنو..؟
اخير كان الواحد يغمض بس وهو بيقرا .. احسن حاجة تغمض وإنت بتقرا ..
طيب بالبلدي ..
لو كنت أنا زول عامل فيها فقري جدا في سودانيزاونلاين .. ومصادم واسد واشم وعامل فيها منجض الناس نجاض .. هل يحق لي استخدام معيار بلدي مرة ومعيار استاندرد مرة ..؟
بي صورة أوضح .. يعني يحق لي اقول اي كلام .. ما ليهو علاقة بي معيار ولا بي فلسفة ولا بي اي حاجة من كمية المصطلحات الشايفه داشة في البوست دا .. وهل كمان بينفع إنو الناس تسردب .. من كلامك وتلبس ليها نضارة لحام .. بينما تلاقيك في حتة تانية وإنت مستخدم الجوكر بتاع تليماتش داك .. وتشبكك هاك يا مناضل .. ويا شريف .. ويا لطيف ويا مدلل سيب دلالك دا .. وهاك قلبي هديتو ليك وردة ..؟
العايز يرد ممكن يرد ... او دون ذلك اعتبروني مجنون ..لكن العايز يرد فليكن عارف إنو انا قاصد هشام هباني .. ويخت المسالة دي في بالو .. ويخت في بالو كمان إني داخل البوست دا ولابس نضارة لحام برضو ..

بالمناسبة:
إنتو صديق الموج وووين .. عشان يجي بس يدي حاجة صغيرة عن المعيار الاخلاقي الكتابي ..

Quote: ريت تجي تورينا بتكتب هناك باسم منو وبتكتب شنو؟؟

قوقلي ( عسل صافي)

في عكس الريح

Quote: نقطتي " القسوة " او القساوة يا قولنا نحن الناس الساي ديل فيما يليك في الكلام دا Quote: كتابتك (المكتوبة بشغف) يا منال نجحت في رسم خط واضح بيّن يفرّق بين من يحترم نفسه و من يبذلها رخصية بثمن بخس يا عزاز معليش كلامك - الاستباقي - أعلى اعلاه ما مبرر كافي لاقناعي بالقفزة البي زانة و لا برشوت في تصريحك اعلاه من استهلالو بـ " كتابتك " و نهاينو بوصف " رخيصة " في تولا " نفسه " كان دا ما ظلم ، ما اظن تاني يكون في ظلم في الدنيا دي الحمد لله !! كيف الكلام دا ؟ بعضمة كيبوردك في وكت الراحة الفضلتي صرفو هنا دا قلتي : فاذا تكلم صار في وثاقها !!! اتكلمت وين الزولة دي ؟ ( راجعي الناس الاتكلمت معاهم/ن . . داليا الكباشي مثالاً و شوفي شهادتا !! ) اما تعديل الكلمة من ( إذا تكلم ) الى ( كتابتك (المكتوبة بشغف)) فا دي انا شايفا قساوة ساي ! . . يا عزيزة ما تنسي ( الوهم الكبير ) البديهو باسويرد بكري دا للمواهيم !! . . يا عزاز الزولة دي شايفة نفسها رب الكتابة عديل !!! و يصنف على ( كتابتها ) بقية البهائم الهنا - الهم الزيي كدا - و يوصموا بالغباء عادي لأنهم ما فهموا او ( حسوا ) . .

صباح الخير يا قيقراوي وبداية اسبوع موفقة ...
يعني حسي الفرق جوهري ناسخ بين (تكلم) و (كتب) في المقولة أعلاه؟ يا اخوي ما المقولة دي قالوها قبل اختراع الدمورية و مرقة الماجي و الاستدلال على بواطن الآخرين كان بالقول و الحبر كان غالي، هل من المنطقي استبعاد تقييم المرء بما يكتب إلا يقوله (كلام)؟ النقوم نمشي أهلنا و نفض السيرة كان كده تعبانين فوق شنو؟


يا قيقراوي انت ما غلطان، إنت بس عشمان فيني بالخير و شفت الكلام مني قساوة، بس لو فككناهو – و عشمك في في محلتو – يمكن ما تشوفو قساوة .. وصف الكتابة بأنها (مكتوبة بشغف) كان من باب الاستعارة من بحر مفرداتها هي زااااتها، هي بتقول انا باكتب بشغف، اغالطها في روحها؟ كتابتها دي الهي مكتوبة بشغف بالنسبة ليها و انا بالنسبة لي إيحائية و نوع التعاطي مع نصوصها خلق الخط الفاصل ده ... بذل النفس رخيصة بثمن بخس ما إلا يكون soliciting، ما دايرة أدخل في قذف محصنات و أفتح باب الاتهامات المجانية ... (الكتابة) وانا حددتها لأانها هي ما يعنيني -- فعل الكتابة، والفريقين المحترم و عكسه قيمتهم من خلال رد الفعل (الكتابة) لاني ما لاقيتهم عين لعين... بالضد تعرف الاشياء، كتابتهم استهجنتها و عقدت مقارنة فورية مع العكس ومن هنا جا التقييم أعلاه ....أنابشر عادي، بشر الله و الرسول ده ... استدل بالشواهد وظاهر الأمور و من الكتابة شفت ابتذال و شفت رخصة. يعني الرخصة شنو كان ما كانت نقل أمور حميمية للعلن و تعزم الناس على خصوصيتك و تصر على ارسال رسائل مبطنة وممكن تتفهم (غلط) ولا تصححها؟

Quote: يا عزاز الخال أمين من أهل الكشف عديل هنا خليك من بصيرة ساي اها دي قساوة ما مبررة ياخ انتو الجوز من كتابي المفضلين ما تفجعونا في فال الحوار العفي عليكم الله . . و لا اراكم الله مكروه في عزيز لديكم

يا قيقراوي يا اخوي انا وضحت للاستاذ أمين في مكان الكلام سبب ما قلت و كان سبب الحدة تفسير المثل، و يشهد الله ما قصدت من مراميه عمى البصيرة، عمى البصيرة ده تقيم خطير ما بيطلق ساي كده و في سياق أمور زي دي ... اتمنى يكون قرأ ردي، والعفو و العافية و انا عافيه ليه ...

ابقى طيب

يا حبشي .. عذّبتنا
أفرز لينا كلامكـ من كلام الناس ياخ!

دقيقة دقيقة يا عزوز ..

Quote: و نوع التعاطي مع نصوصها خلق الخط الفاصل ده

نصوص شنو يا جماعة؟
وفوق كمان نبراس كاتبة نصوص منال وأفكارها

منال ما قاعدة تكتب نصوص أو تطرح أفكار ولا ينبغي لها
الزولة دي قاعدة تسأل أسئلة وجودية (يا ربي؟)
أسئلة فلسفية (يمكن!)
حول الحيوانات الأليفة والخضار ورجال القبائل السودانية ..

الحاجة البتخليك تطلع الطابق السادس .. تلقى زي كوستاوي دا عامل فيها جحا في البوست دا ..
تخيل كوستاوي عامل فيها جحا..أوعه تكون يا (أمبوبـة)* بتتكلم عن المعايير الاخلاقية ..

Quote: إنت يا دكتور ما شاعر إنو لغتك دي سلفية شديد؟ أكيد إنت متقمص روح جماعات الوعي التناسلي ؟ أكيد إنت تكتب بصورة ساخرة أو بقيت من جماعة الشيخ محمد عبد الكريم ونحن ما عارفين !!

للجدية التي يكتب بها أمجد أرجح الاحتمال الثاني.

هل .. الشيوعيين أو الشيوعييون أو الشيوعينست .. في البورد دا .. عندهم معيار محدد لي كتابتم .. واللا المسالة دي حريـــات شخصية .. ؟
اعني ..
مسالة الكتابة دي حريات شخصية هنا .. واللا بكري فعل القوانين بتاعتو صلاخية ...؟

والله تشبكونا نقّة كـدا سنتين ما تخلصوا!!
قلنا ليكم المعيار هو كاتب البوست فقط لا غير!

ممكن استفسار؟
طيب .. شكرا!


المعايير دي بتشمل النبذ ولا كيف؟!

Quote: قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا

تُرى كيف كان موقفه حينها ؟!!

Quote: الأخ الفاتح تحياتي (( am afraid to say that your using of the word "pathetic" is quite inappropriate)) ما هو المعيار الذي يجعل كلمة (يحنن) غير لائقة ؟ تحياتي وشكري على المرور

Dear Mohamed E. Seliaman
Thanks for your reply and question.
I understand from your elaboration that you meant it for evoking pity, but surely you know that the word pathetic, as well as a wide range of other English words, could bear wide connotations and different interpretations. Based on such understanding I took it (pathetic) for ludicrous or contemptuously dull and uninteresting, and hence made the comment quoted above.
Stay well

Quote: كثيرون من اهل هذا المنبر يتعاملون مع منال كشخصية واقعية و ليس على سطح الاسفير فحسب و يسعون جهدهم وراء ما تسايره بهم غرائزهم في البورد و خارجه (و أحسبك تعلم)

دكتور امجد كنت اتمني ان تكون موضوعيا وانت تناقش هذا الموضوع , لان اتهامك للكثيرين من اهل هذا المنبر يسعون وراء عرائزهم لهو اتهام ما كان ليصدر منك في حق زملاء لاتعرف عنهم شئيا
وكان الاولي ان تبني كلامك علي حقائق وليس افتراضا ان كل من تداخل مع الاخت منال صاحب غرض وتسيره غائزه !!!
وانت مطالب بالاعتذار للاخت منال وكل الذين وصلتهم اساءتك من هذا الكلام ...

والله يا عمكـ العوض لو فتشت الكلام الزي دا
تلاقيهو كميات تجارية .. عشان كـدا قلنا ليهم
لمن تقنعوا من البوست دا أدونا ليهو!!

ودالصايم ياعمك نحن لا ناس تفتيش ولا محالج ولا غيره
بس نلقي كلام زي ده وبالصراحة " ما عائز اقول كلمة تانية " لازم نعمل استوب ولا شنو ؟؟

Quote: قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا

كلامك دا يا د. أمجد ماياهو كلام ( ترضى أختك أو أمك تقرأ البوست أو الكتاب الفلاني ) ؟!

خدر

Quote: I took it (pathetic) for ludicrous or contemptuously dull and uninteresting,

ما عندها حل تاني يا الحبشي .. دي لو مرقت منها حا نديك ميدالية (يا اخوان البنات الجري ده ما حقي )

Quote: المعايير دي بتشمل النبذ ولا كيف؟!

pathetic

يا جماعة خدر دا قال شنو؟
عارفو ثعلب زي الحبشي


احتياطا كـدا: بائس إنت دا





حسب كلام قوقل رضي الله عنه
صفة
1.مثير للشفقة
2.محزن
3.بائس
4.شجي
5.حزين

وبما إنو خير الأمور أوسطها فأنا اخترت بائس

Quote: 4.شجي 5.حزين

الحبشي .. هكّرت قوقل زاتو !؟ عفيت منك







______
ود الصائم , ما تتحسس ياخ بتاعتي بتفرق من بتاعت الحبشي

خدر يا عمكـ .. تحسس شنو ياخ!
تعال اتحسس المعيار دا بالله Re: حلمنتيش وكلام مافييش!!!!!!!!!!

الأخ الفاتح
السلام عليكم ورحمة الله
شكرا للتعقيب والتويضح


الأخت الكريم سارة
السلام عليكم ورحمة الله
أولا أشكرك جدا على موقفك الرافض لاستخدام المعايير المزدوجة
ثاني: كتبت
((خلاص قبلتا علي؟؟

ليه حاسة انو نبرتك (الكتابية) دي مااااااا بتريح..

خليت ردود الباقين في كلمتك الكتبتها..وقبلتا علي انا الحيطة القصيرة؟؟)))
كتبت لك تعقيبا على تبرعك بترجمة المفردة الإنجليزية Pathetic :
That is fine.x
Many thanks
وترجمة مداخلتي كالآتي :
ذلك حسن(سناه بالحبشية ) .
شكري لك مضاعف .
واو لاحظت مداخلات أمين و داليا والفاتح احتوت على معنى مخالف للمعنى الذي أثبته أنت .
______________________________
الأخت الكريم نهال
السلام عليكم ورحمة الله
شكرا للمرور والتعليق الذكي

سلام أخي الكريم محمد

آلمتني المقارنة بين (ولاء لم تعد تضحك).. و بين الحالة التي نحن بصددها!

لم تواتني الفرصة لمتابعة أمر كتابات الأخ حمور زيادة في أوان أزمة القصة المشار إليها مع الصحافة! و لم أدل فيها بأي دلو..
ولاء لم تعد تضحك قرأتها بأحاسيس أم فلم أر فيها وصفاً جنسياً..بل وصف لجريمة.. هزتني لأن لي ابنتين في عمر (ولاء القصة) تقريباً!

بكيت كثيراً بعد قراءة القصة.. و صرفت النظر عن فكرة كانت تراودني بإرسال الأولاد لقضاء الإجازة الصيفية لوحدهم مع الأهل هناك! ليس لأن الأهل غير أمناء عليهم..و لكن لأنني لن أسامح نفسي أبداً.. إن غفلت عنهم عين بحسن نية متوفرة جداً في البيئة السودانية .. و وقع لهن أو لأخيهن مكروه لا سمح الله!

(ولاء لم تعد تضحك) درس للأمهات و الآباء ... و كل راع ..و واع لا يجب أن يغفل!!

المقارنة مجحفة جداً!



___________




يا نهال..سعيدة بعودتك لمشاركتنا المكان..سعيدة جداً..

محمد..

Quote: That is fine.x Many thanks

طيب ماتقول لي بالعربي كتر خيرك وبارك الله فيك؟؟
ترجمتها ليك احسن من قوقل ذاتو..
يا ود الصائم ياخ ترجم من الانجليزي للعامية..
اللغة العربية الفصحي دي ما بفرق فيها IS من WAS
ــــــــــــــــــــــــــــــــ
دة كلو كم والــ(X) دي كوم براهو ..ابت تتفهم لي كلو كلو..

Quote: يا ود الصائم ياخ ترجم من الانجليزي للعامية..

كو


أي كلمة داخل البوست على مسؤولية صاحبها
الحبشي دا ما مضمون كلو كلو

نهال فهمتي كلامي بالعكس تماما
كدي ارجعي اقريهو تاني و ركزي مع البين القوسين

البوست دة انقلب لي تصفية حسابات..
فالدخول بدون طبنجات غير مستحب وغير آمن..
اسلحة بيضاء بتمشي الحال..


فبلاي جهزوا مقبرة الجماعية..

Quote: ما هو المعيار ؟

تمنيت لو تمت إجابة سؤال البوست الرئيسي
لكن سؤال زي دا ما عندو إجابة واحدة يتفق عليها الجميع
إجاباتو أقرب ما يكون لأجوبة "ماهو الفيل" لمجموعة كل منهم رأى - أو تحسس - طرفا مختلفا منه
لكن على الأقل اتوقع ان يقود النقاش للإتفاق على حد أدنى , أو لمعايير متفق عليها من الأغلبية
المشكلة أن السؤال يحمل داخله شرك - أو مجموعة شراك - و توجد ردود جاهزة لكل إجابة متوقعة حسب قائلها - ومن إرشيف كتاباته في مواقف سابقة مشابهة او غير مشابهة

عشان الكورة قرّبت و ياريت لو تنحسم القصة دي قبلها احاول ألخص النتايج الوصل ليها البوست لحدي أسي
(النتايج دي حسب قرايتي للنقاش وهي قراءة قد تكون بالأذنين أو لا تكون - حسب تعريف الـ ER و الذي لم يحسم بعد ايضا)

لاتكون الكتابة مرفوضة باعتبارها خادشة للحياء:
1-إذا كانت نصا أو عملا أدبياأو في قالب شبيه
2-إذا كان الكاتب رجل
3-إذا كانت مرة أو مرتين وليست خطا دائما

نتائج جانبية من هنا وهناك:
1-كتابة النساء - خير شر - تحسب على باقي العضوية النسائية
2-الإيحاءات الجنسية أشد خطرا و أعظم اثرا على سمعة البورد من نكران وجود الخالق (سبحانه وتعالى)
3-وضع البسمات و الوجوه الضاحكة في ثنايا مداخلات النقاش الجادة بايخ ومافي ليه داعي
4-دايما تذكر الارشيف و سابق آراءك و مواقفك قبل أن تفتي


هذا والله أعلم

Quote: عشان الكورة قرّبت و ياريت لو تنحسم القصة دي قبلها احاول ألخص النتايج الوصل ليها البوست لحدي أسي (النتايج دي حسب قرايتي للنقاش وهي قراءة قد تكون بالأذنين أو لا تكون - حسب تعريف الـ ER و الذي لم يحسم بعد ايضا) لاتكون الكتابة مرفوضة باعتبارها خادشة للحياء: 1-إذا كانت نصا أو عملا أدبياأو في قالب شبيه 2-إذا كان الكاتب رجل 3-إذا كانت مرة أو مرتين وليست خطا دائما نتائج جانبية من هنا وهناك: 1-كتابة النساء - خير شر - تحسب على باقي العضوية النسائية 2-الإيحاءات الجنسية أشد خطرا و أعظم اثرا على سمعة البورد من نكران وجود الخالق (سبحانه وتعالى) 3-وضع البسمات و الوجوه الضاحكة في ثنايا مداخلات النقاش الجادة بايخ ومافي ليه داعي 4-دايما تذكر الارشيف و سابق آراءك و مواقفك قبل أن تفتي

وانتا رأيك شنو في النتايج الطلعتا بيها دي؟؟

Quote: الإيحاءات الجنسية أشد خطرا و أعظم اثرا على سمعة البورد من نكران وجود الخالق (سبحانه وتعالى)

وبالذات دي ما عرفتك جبتها من وين ..يعني حصل عليها اتفاق؟
بمعني لو ما دخلنا قلنا راينا في موضوع الالحاد او البوست ما طقش عينا معناها موافقين علي كلام الكتبوا.؟؟

ــــــــــــــــــــــــــــــــــ
سلامات واخبارك..؟؟

الاخ خدر
كلامك صاح مية المية , زمان زي ما قلت انت وجهة نظري كانت حتكون مختلفة جدا جدا , بل لو نزل البوست دا سنة الفين واتين ممكن جدا تلقاني علي رأس القائمة البتطالب موش بطرد منال بل بجلدها زاتو و شفت كيف , لكن وكما كتبت انا قبل كدا سنة الفين وتمانية في المنبر دا انه ساهم بشكل كبير جدا اي سودانيز اون لاين في اعادة تشكيل نظرتي للحاجات بزواية مختلفة جدا بل تغيرت نظرتي للكثير من الامور بصورة احيانا تكون معكوسة تماما عما كنت انظر بها اليها في السابق و شخصيا بعتقد انه الفترة ديك كنت لسع ( شاب صغير ومندفع وتجربتي في الحياة صغيرة) الان بعد مرور السنوات زيادة التجارب الحياتية والمماحكات ايضا اختلف التقيم لكثير من الاشياء بداخلي قد تجد هذا الامر مفسرا في هذا البوست الذي انزلته قبل سنتان حكيت فيه هذه التجربة ::: اساسي :::
بالنسبة لاشاراتك اني اقتبس من احد وما الي ذلك فانا اقول لك اني اكتب كل مداخلاتي بعد الضغط علي ايقونة رد وليس في ذهني سوي ما اريد ان ارد عليه امامي ولست معنيا طبعا اذا تشابه حديثي مع اي حديث اخر
ــ
الاخت عزاز
شكرا للمداخلة القيمة التي قراتها علي عجالة وساعود بتأني اليها للاستفادة منها باذن الله في تجربتي ( الديموقراطية الجديدة) سائلا المولي عز وجل عدم التخبط هنا وهناك الي حين الاستقرار علي ارض ثابتة
ــــ

الحاجة الصادمة الوحيدة الطلعت بيها من هذا البوست هي دهشتي في الاخت تيسيرعوضة وشراستها الغير مبررة وسماعها طوال الوقت لصوتها فقط دون حتي التفكير للحظة انه قد يجوز ان يكون الاخر علي جزء من الصواب او ان له وجهة نظر من حقه ان يقولها علي الاقل او ان المولي عز وجل لم يخصها وحيدة بنهايات الرأي , واحمد الله كثيرا علي ان كل الامر معك ما هو الا نقاش لا يتجاوز هذا المنبر يمكنني تجاوزه وغض الطرف عنه بسهولة , فالاختلاف معك مدعاة للعبث والضغط علي الاعصاب دون جدوي او طائل. والحمد لله انه دي عرفة نت ساكت وبوستات فلو كنت اختي مثلا كنت هاجرت ليك من البلد واغتربت في تشاد .

Quote: هل اللغة في البوستات قيد الخلاف و محمولها مقبولة لو نقلت بتفاصيلها لطاولة عشاء أحدنا مع اسرته؟

عزاز شامي

Quote: قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا

د. أمجد

أساسي

نظرة ماسحة سريعة لهذا البوست ستبين لك صحة أو عدم وجهة النظر التي دافعت عنها بشراسة كما تقول والتي أراها أنا مستحقة
وستعلم هل كنت فعلاً أسمع صوت نفسي أم هو رأي الجميع وإن إختلفت الصيغة
الغالبية العظمى حتى الآن إتفقت على رأي واحد حول تلك النوعية من الكتابة
إختلفت أساليب وأدوات إيصال وجهة النظر
وتباينت معايير الجميع حول التقييم
لكن في النهاية كان الإتفاق أن ما يحدث خطأ غير مقبول

من جانبي يا أساسي تمنيت أن تكون أخي المشاكس اللدود لأخبرك وبكل أخوة أن من يسمح لنفسه بإهانة الآخرين وإحراجهم وإطلاق التصنيفات عليهم بكل "قوة وش" كأسخف أو أثقل الأعضاء دون أن يتعرضوا له أو يؤذوه ودون مراعاة لإنسانيتهم أو كرامتهم ودون إعتبار لحظهم العاثر الذي جعلهم لا يروقون لمزاجك - الشيء الذي لا استطيع أنا فعله ولو على رقبتي السيف رغم شراستي التي ذكرتها - عليه أن يعلم أن كرامة الناس وإنسانيتهم ليست موضوعاً للدعابة ولا مدعاة للتندر وفي هذا كلينا يمكنه أن يسيب البلد للآخر (يمكنني أنا أختار أوغندا في هذه الحالة)

رغم كل شيء كنت وستظل أخاً إسفيرياً عزيزاً أحسبه من المميزين في هذا المكان وإن إختلفت معك في كثير من وجهات النظر
لك الإحترام والتقدير من قبل ومن بعد ولك العتبى على خشونة أصابتك من طرفي كرد على إساءتك لي والتي أثق في أنها لم تكن متعمدة
بل جرفها تيار النقاش هذا مع إحتفاظي برأيي وبشراستي في هذا الموضوع تحديداً كما هما

تحياتي ،،

الأخوة الكرام
تحياتي
في رأي أن هناك خلطا شنيعا بين مفاهيم فكرية مختلفة ( الديموقراطية و /الفوضوية/ والعدمية )
فالديموقراطية لاتعني الفوضي والتفسخ والتسيب وأي محاولة لإفراغ الديموقراطية من مضامينها السامية وشحنهابمعاني سالبة بحيث تصير مرادفا للعبث والتحلل!! أي فهم هذاشأنه يشوه و يبتذل الديموقراطية ويتجاهل لبها جوهرها وإن تمسك بقشورها!! ...
ومن ناحيةأخري يدرك أي مطلع علي علم الأجتماع السياسي أن للحريةالفردية مقيدات ومحددات وأنها ليست مطلوقة وسائبة ساكت !
فالمجتمع بقيمه و تقاليده ومكوناته الاخلاقية والذوق العام يحد من الحرية الفرديةوكذلك الاديان بآوامرها ونواهيها كما يشكل ضمير الفرد و مثله والتزامه بالمسؤلية مكبلا إختياريا لحريته !! هذا بالاضافة ( لتدخل ا لدولة بقوانينها ونظمهاولوائحها !! فمثلا يري بعض دعاة التحرر المنفلت أن تعاطي المخدرات حرية شخصية والأنتحار خيار فردي بحت والبغاء ( بيع الجسد) خيار شخصي والتعري الكامل حق والاساءة والتجريح حق لا يملك المتضرر أمامه سوي الرد !! وهو نفسه ما تتتصدي له المجتمعات الواعية والقوانين ودعاة الحريات المنضبطة !! والديموقراطية والحريات الفردية ليست مفاهيم مجردة ولاهي نظريات تستورد وتزرع في أي بيئة بصورةمكانيكية دون مراعاة طبيعة البئية ومكوناتها المحلية وتركيبتها الإجتماعية وأنما يجب أن يتم التعامل معها بشكل مبدع وخلاق يحسن توطين قيم ومنجزات الإنسانية بشكل يراعي خصوصية الواقع.
2
ماتكتبه العضوة منال صالح ليس نصوصا أدبيا أو إنتاج فكري وإنمامجرد إنطباعات شخصية مـكتوبة في أغلب الاحوال بصورة مباشرة تخلومن الترميز والتشفير - فلنأخذ مثال كتبت السيد المصون منال- أنها باتت ذات ليلة مؤرقة ومساهرة في شرفةمنزلها العامر بسبب ( تشاكس الكدايس ومعافرتها وأزعاجها وتنطيطها وقد أستنتجدت الاخت المحترمة أنهم -يكونوا ضكر وإنتاية وتسآلت ببراءة ياربي يكونوا بعملوا في شنو?? فأين التشفير والترميز والمداراة في هذا القول ? دا كلام موغل في المباشرة والسفور اللفظي ? ولا أدري كيف يتسني لأي شخص أن يدافع عن هذا الحديث ? بإسم الحرية الشخصية وحق التعبير ? أذا كان الأمر كذلك فهل الحرية الفردية بلا قيود ولا أسس ومحددات ? من يقول بهذا عليه أن يعيد النظر في الديموقراطية ويستوعبها علي حقيقتها !!
3
يجب أن ألا نجهل خصوصية وضع المراة في بلادنا وطبيعة هذا المنبر كوسيط تفاعلي وسيلة تثآقف وتلاقح فكري يتأثر فيه العضو بما حوله ويؤثر فيه وكلما أرتفع مستوي الحوار في المنبر وسمت قيمة المادة المكتوبة فيه كلما أرتفعت أسهم المنبر وأرتقي ليضحي منارة فكرية شاهقة وقمة ثقافية أ صبح فخرا لكل من ينتمي اليه وبنفس القدر سنجد أن كلما تدنت لغة الحوار فيه وطغي فيه الغث والاسفاف و أنحدرت لغة الكتابة فيه وساده الأبتذال والإنفلات والفوضي كلما إنحدر مستوي المنبر وتدني رصيده أصبح بؤرة مشينة وعنصر طرد لا أداة جذب !! .....أيها السادة أن ما يكتب في المنبر ينعكس بصورة غير مباشرة سلباأو إيجابا علي مجمل عضويته وعلي مستوي الموقع وتقيمه العام..
4
كتبت منال ما كتبت وكان من الطبيعي أن يثير ذلك إختلافا ورفضا لأسلوبها وفي رأي أن هذا قمة الديموقراطية : ممارسة حق الأختلاف والسعي لتشكيل رأي عام يرفض هذا الاسلوب ويتصدي للقبح ولكل ماهو طارد ومنفر ويسعي لخلق جو صحي ومعافي .....وأعتقد أن أي محاولة لمصادرة حق الاختلاف هذا هي إجهاض لقيم الحوار وسلب لحق إنساني أصيل
5
قامت ألأستاذة تيسير بالتقدم خطوة في طريق ممارسة حق الأختلاف حيث طالبت السيدة منال بأن تصحح مسارها الأسفيري أو الأنسحاب خارجا- مؤقتا- لتفريغ شحناتها من الأنفعالات والالتهابات العاطفية والكف عن البوح بمشاهدتها لما حدث بين ذكور القطط وأناثها لأنه خادش ويتجاوز الحد الادني من إحترام المتلقي والعضوية وفيه تجاوز للموضوعية ولأسس الحواروأن فيه إنحدار وأسفاف ينعكس بصورة غير مباشرة علي عضوية المنبر!! والأستاذة تيسير كتبت هذا وهي تعي أننا لا نعيش في كوكب آخر وآنمافي وسيط سوداني لا ينفك عن قيم ومثل شعبه والذي يحكم علي المكان بما يكتب فيه ويتسآل الانسان البسيط فيه أنتو المقعدكم في حتة زي دي شنو ?
والسؤال هل ماقامت به تيسير إقصاء ومصادرة للرأي الاخر ? لا فتيسير لم تدعو لإقصاء شخص وأنما دعت لطرد أسلوب ونمط كتابي رأت فيه
تجاوز لأدب الحوار.. تقول اللائحة:

Quote: على جميع الأعضاء الالتزام بأدب الحوار والاختلاف واحترام الرأي الآخر

وبقول:

Quote: يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.

.. رأت تيسير أن في أسلوب منال إخلال بأدب الحوار ونسف لموضوعية الحوار والإنحدار من قمة الموضوعية لقاع الأسفاف والإبتذال !! أذا تيسير لم تدعو لأقصاء شخص ( مع أن الدعوة لمحاسبةأو فصل شخص حق لائحي) وأنما دعت لإقصاء أسلوب وذكر ت وبالحرف الواحد أن مكان الشخص محفوظ بيننا متي ماتخلي عن أسلوبه ذلك !! تيسير تعاملت مع لائحة المنبر روحا ونصا ولم تتغول علي حقوق أحد حيث تمسكت بحقها اللائحي ودفعت بالكرة تجاه إدارة المنبر وعضويته! أذا يصبح من التعسف المزائدة علي ديموقراطية تيسير وعلي أتساقها الفكري وذلك بوصمها بالاقصاء والضيق بالاخر وهي أبعد الناس عن هذا !!@... أن توظيف لفظة أقصاء في غير موضعها يبتذلها ويستهلكها ويفرغها من محتواها ! فمتي كانت الدعو ة للموضوعية والمسؤولية إقصاء ? ومتي كانت الدعوة لضبط الحرية الفردية والديموقراطية بحد أدني من المسؤلية والالتزام قمع وفاشية ?
............ التحية لجميع الاخوات اللواتي صرحن بحقهن في الأختلاف والتصدي للقبح... التحية لحاملات المشاعل والمنحازات لهموم شعبهن ولقضايا المراة ولقضايا الديموقراطية والحريات العامة بالوطن فمن ينحاز للديموقراطية وحق التعبير إسفيريا مطالب بأن يترجم ذلك لمواقف علي مستوي وطنه وأن يتصدي لتزييف الدبموقراطيةوتزوير إرادةالشعب قبل يتشدق بها علي مستوي التعامل مع عضوية منبر إسفيري!
وعلي الشرفاء وأصحاب الضمايئر الحية العمل علي حمايةهذا المنبر والارتقاء به

مواصلة
6
توضيحات :
a- ربط حق الاسفاف والأبتذال بحق الالحاد وهو موقف فكري وفلسفي
حق الالحاد والكفر وكفالة حق التعبيرللملحد دا حق حق كفله الدين نفسه
كتبت في هذا

Quote: لماذا تسلبونه حقا كفله له الله تعالي ? الم يقل تعالي (قل الحق من‏ربكم فمن شاء فليومن و من شاء فليكفر) (و لو شاء ربك لآمن من فى الارض كلّهم جميعا أفأنت تكره الناس حتى يكونوا مؤمنين) أم تسعون لسلبه حق الحوار والاختلاف ? وهو أيضا حق كفله الله تعالي حتي للشيطان !! أنظروا لحوار الشيطان مع الذات الالهية ورد الله تعالي ومحاورته له وعدم أقصائيه بالرغم من تحدي الشيطان لله !! ألم يكن الله قادرا علي إخرا س الشيطان ومحوه من الوجود? أذا لماذا تركه وكفل له حريته في الوسوسة ومحاولة التأثير علي البشر ? .......... فبمثل ما نجد في النص الديني توثيقا لتحدي ا لشيطان لله وحواره معه نجد أيضا توثيقا لكلام وتشكيك الكفارفي وجود الله وزعم بعضهم أن الملائكة هي بنات الله وتشكيك بعضهم في رسالة الرسول -ص- وزعمهم بأنه ساحر ومجنون ! (" ولقد خلقناكم ثم صورناكم ثم قلنا للملائكة اسجدوا لآدم فسجدوا إلا إبليس لم يكن من الساجدين * قال مامنعك ألاّ تسجد إذ أمرتك قال أن خير منه خلقتني من نار وخلقته من طين * قال فاهبط منها فما يكون لك أن تتكبر فيها فاخرج إنك من الصاغرين * قال أنظرني إلى يوم يبعثون * قال إنك من المنظرين * قال فبما أغويتني لأقعدن لهم صراطك المستقيم * ثم لأتينهم من بين أيديهم ومن خلفهم وعن أيمانهم وعن شمائلهم ولا تجد أكثرهم شاكرين * قال أخرج منها مذءوماً مدحورا لمن تبعك منهم لأملأن جهنم منكم أجمعين { ........

7
من التعسف ربط موقف شخص ما من قضية منال بموقفه من عمل روائي أو
إبداعي !! فالمادةالادبية عالم من من صنع وإبتكار الاديب ..لها
منطقها الخاص والياتها المتفردة ولأبطالها مجال حركتهم وإنفعالتهم
ورؤاهم التي قد لا تتطابق مع رؤي الاديب !
لا يمكن أن تحاكم شخص بموقفه من عمل روائي متخيل وذلك بربطه بموقفه
من حقائق وإشكالات الواقع!!
8
يجب أن أوضح أن الأختلاف هنا والمحاكمة موجهة لمنال الأسفيرية أوما تخطه منال ولسنا في مجال الحكم علي شخصهاالحقيقي أو أخلاقها أو سمعتها
ولا يحق لنا ذلك ! ...ذكرت بعض الأخوات أن بعض من تداخل مع منال من عضوية مبرمجين بمنال ولاأدري لماذا لا يكون العكس صحيح أيضا وأنها هي من تبرمج ببعضهم وتجتذبهم وتثيرهم بتلـك النوعية من الكتابةبحيث تجعلهم يتهافتون علي بوستتاتها ويتبارون في التعليقات المجارية لموضوع بوستتاها بصورة تخصم من رصيدهم وأحترامهم وتقلل من مكانتهم !!
...........
9
شخصيا ومع إحترامي وتفهمي لأساليب الاخوات والاخوة في التصدي للنشاذ
والقذي عبراليات يرون فعاليتها ومع إتفاقي مع عنصر التوعيةوالتنوير
الاأني أفضل تجاهل ما لايروق لي أو الأعتراض عليه إن كان يستحق الاعتراض
وإهدار المداد !
..........

سرور كيفك ...

Quote: وانتا رأيك شنو في النتايج الطلعتا بيها دي؟؟

رأيي إنها نتايج مخستكة - زي الكورة

Quote: Quote: الإيحاءات الجنسية أشد خطرا و أعظم اثرا على سمعة البورد من نكران وجود الخالق (سبحانه وتعالى) وبالذات دي ما عرفتك جبتها من وين ..يعني حصل عليها اتفاق؟ بمعني لو ما دخلنا قلنا راينا في موضوع الالحاد او البوست ما طقش عينا معناها موافقين علي كلام الكتبوا.؟؟

دي زيها زي غيرها جبتها من هنا و هناك وما قلت حصل عليها اتفاق

ورد في النقاش أعلاه - بأكتر من صيغة أن سمعة البورد وأعضاؤه/عضواته تتأثر سلبا بالكتابات موضوع النقاش
في حين - على ما أذكر - في أحداث هشام آدم الأخيرة و بوسته عن نكران وجود الخالق (سبحانه و تعالى) وفي خضم الهجوم و الإختلاف الحصل معاه ما قريت حجة زي دي
كل أو اغلب من هاجمو أو ناقشه كان بتكلم عن عضم الموضوع
ما في زول جاب سيرة سمعة البورد او تاثرو بيها كحجة
فالنتيجة الوصلت ليها دي - أو الإستنتاج للدقة - كان للمقارنة أعلاه

وزي ما قلت في البداية أن القراية قد أو قد لا تكون سليمة

دا ما مهم يا سرور , المهم الإجابة على السؤال عن المعايير أو الإتفاق عليها وقبولها للأغلبية على الأقل

_______________________________

أخباري زينة الحمدلله بس زنقة شغل وكدا
إنت كيف؟

يا كمال عباس..

حصل قبل كدة نقاش حاد اكتر من دة..
ووصلنا حقنا في الاساءة الزادت الطين بلة..
واتفتحت بوست باسمي بخصوص الموضوع دة..
وبي قدرة قادر طلعناانحنا الغلط والاخت منال هي الصاح

وازيدك..
بكري لمن طلبت منو يطبق قوانين قرقوش الختاها منظر دي... باعتبار ما نالني من اساءة..اتلفت جاي وجاي وكل القدرو انو مسح البوستات..

في واحد دخل دافع في البوست المسحوب (ما عني ..دافع عن الصح) ما متذكرا اسمو وعمرو ما اداخل معاي..ندمتا اني ما حفظتا اسمو ويا ريت لو قرأ كلامي دة او اتذكر البوست الكان بينا انا ومنال وتبلدينا يذكرني بيهو..العضو دة ربنا يباركو ودنيا واخرة ..دة دافع عن الفكرة بطريقة تحلف تقول اخوي عندو باسويرد ما هو..وهسه جات الفرصة الاني اشكرو فيها..
البيغيظني اني ما مطالبا الباقين لمن واحد يمد لسانو يجوا يدافعو عني..لكن البيغيظ لمن الزول يكون غلطاااااااان يجي يتجارو ويقولا لا انتو الغلطانين..ودة الحصل في البوست الانسحب من شهور..وما تشبكونا معيار ولا غيرو..البيحصل دة غللللط واااااااااااضح ..

ـــــــــــــــــــــــــــــــــــ
والغلطة غلطة بكري..لو كان رسل ليها انذار ما كان(منبرو) بقي بالصورة البتخجل اقلاها في نظرنا انحنا الاعضاء

الاخ محمد اي سليمان

لو لا اختلاف المعايير لبارت المسامير

لا يمكن ايجاد معيار محدد هنا لاختلاف الاديان والمعتقدات وعامل السن والجنس (ذكر او انثى طبعا) بعدين قوانين بكوري دي ممكن الواحد يكون حريف ويتجاوزها فماتراه انت بذئ يكون عند شخص اخر انفتاح وتكون انت متخلف والعكس صحيح

عشان كده خلينا مع قوانين بكوري والحريف ح يطلع مبدع لووووووووولز ياخي


الموضوع تشعب تشعبا واسعا حتى بدات اراجع مفهومي لمعني معيار

تحياتي

زاتوووو

ما يفوتك يا كمال عباس ,
الحبشي مندهش انو المستنيرين بقوا يخافوا من الحديث عن الاباحية (عطفا علي ردو علي المسلمي في بوست آخر تعليقا علي كلام د امجد)
كيف استطاعت عضوية المؤتمر الوطني فعل ذلك ؟







__
معيارك كان شنو يا الحبشي ؟

سلام يا أختي سارة علي

Quote: يا كمال عباس.. حصل قبل كدة نقاش حاد اكتر من دة.. ووصلنا حقنا في الاساءة الزادت الطين بلة.. واتفتحت بوست باسمي بخصوص الموضوع دة.. وبي قدرة قادر طلعناانحنا الغلط والاخت منال هي الصاح

... إنها المجاملات... والشلليات العمياء واللبرلة العرجاء الشائهة التي لا تضع حدا فاصلا بين المسؤلية الفردية والحرية الشخصية ولا سياجا تنتهي عنده حريتك حينما تبتدي حرية الاخرين ولا فرقا بين حرية التعبير و الاسفاف !! وأحيانا يكون الموقف ناتج عن إنحياز حقيقي -بس ما في محلو - لحق الاخر في الكلام مع ضرورة تحمل نتاج تبعات كلامو ! وأحيانا يصور الأمر بأنه صراع نسواني وغيرة من حجم التفاعل الذي تلاقهو تلك النوعية من الكتابات ودا طبعا فهم بائس ومتهافت فالاسلوب أياه لا يحتاج لعبقرية ولملكات خارقة وقدرة كتابية إبداعية موغلة في التفرد بحيث تعجز الاخريات عن المجاراة !! لا أنه أسلوب غارق في العادية وساهل جدا ويمكن لأي واحدة أن تنتهجه بشرط أن تخسر مقابله الكثير لتكسب التصفيق وآهات الاعجاب وتناقز الخفاف وتهافتهم علي تلك الموائد !! الغيرة - إن وجدت- والتنافس يكون في الحضور الإيجابي والمادة المثمرة لا في
الكتابة البالونية والفرقعات ! ثم أن معظم من يتصدين لهذا الأسلوب لهن رصيد كافي من الأحترام والتفاعل إسفيريا وعلي أرض الواقع ولهن إنجازات وإسهامات مقدرة !! ....... إذا إشهار سلاح الغيرة لأخراس الاصوات الرافضة وسيلة عاجزة وفيها عدم إحترام لحق الإختلاف الموضوعي والخالي من الاغراض الذاتية ... نعم أصدقك فهناك حقا من يشكل حائط صد دفاعي أمام أي محاولة نقد جادة أو وقوف في وجه القبح وتبرئية المخطي وتخطئية من يحاول ا لإ صلاح !!
التحية لك ياسارة ... والحقيقة فأنا لم أتابع كل المعارك السابقة مع الزولة المعنية ولا أملك خلفية كافية عنها وقد تداخلت اليوم في المنبر بعد فترة غياب لتقديم واجب التعازي والتهاني فقط والإنسحاب فوجدت هذا الموضوع أمامي فكان لزاما علي أن أسطر بعض الحروف إحقاقا للحق ... التحية لك ياسارة وأرجو أن تواصلي الدفاع عن قناعتك والا يتملكك الاحباط
........... و ختاما أرجو أن تستفيد أختنا منال من الاطروحات الناقدة وتعالج أوجه القصور في كتابتها وتواصل مسارها الأسفيري .......

سلامات جميعاً
حسي يا شيخ العوض عليك الله كل الطلعتا بيهو من كلامي دا انك تطالبني بالاعتذار ...
اها الاعتذار على شنو بالضبط
على انو في شلة كورص منساقة وراء غرائزها و بتزين للاستاذة دي دروب الايروتيكا الهي ماشة فيها (دا طبعاً مع الاعتذار للايروتيكا ذاتها)
ولا على انو في جماعة من القوم بتحتفي بيها داخل و خارج المنبر (و برضو منساقة وراء غرائزها اعتمادا على ما تكتبه هنا)
ولا على شنو بالضبط عموما لو رجعت برضو و قريت كلامي حتلقى اني قلتا ما علينا و لنا بحكم الظاهر ... ممكن تراجع البوستتات اياها و تورينا الظاهر

لكن ملحوظة كدا بما انك شيخ البورداب و الموزع للنصائح بتقديم الاعتذارات عن التجاوزات و ما شابه
مالك اتجاهلت اتهام السيد اخوك لي بشرب الخمر و بانو الكحول افسدت افكاري ما شفتو ولا في مانع تاني مثلاً
و لا تكون الكحول افسدتهامن ورايا
عموما بالرجوع للموضوع و لتوضيح ما التبس بتفسير الماء مرة اخرى بالماء
سؤالي الاستنكاري عن عرض الايحاءات الشبقية دي بالشكل العلني دا كان لمقاييس البعض كما وضحت للاخت العملت المقاربة مع كلامي
و المعيار عطفاً على سيد البورد هنا هو المضمون
محسن خالد مثلاً لمن يكتب (تيموليت) كقصة فيها مضمون ادبي و نص جمالي في المقام الاول فيهو مضمون : هدف : فكرة دايرها تصل الوضع بيختلف بيختلف جملة و تفصيلا عن احاديث منال الايحائية في بث لواعج شوقها و غرامها بالبصل (الما بتحمل الحياة بدونو)
علاء الاسواني في كتابته عن عمارة يعقوبيان و وصفه للعلاقات الجنسية المتشابكة وتأثيرها على مجرى الاحداث بيختلف عن كتابة منال الايحائية عن الكدايس الحمتها النوم (لأنهم ضكر و انتاية)
اكمل ليك الامثلة ؟
ما حنخلص
المضمون شنو من ايحاءات منال و لا هو الجنس من اجل الجنس و خلاص
ثم تعال يا شيخنا متين كان التقدميين او غيرهم من اصحاب المواقف السياسية دعاة اباحية ... رداً على تساؤلك في البوست المفترع داك
ولا دا كان في عداد تجييش الجيوش و تجهيز العدة و تكثير المداخلات ليس الا

شوفو ... في مضمون من كتابة منال دي (الهي ما نصوص زي وضحت تيسيير فوق) ,,, نجي نناقشو و يكون حقها في انها تعتقد و لا تفتكر ولا اي حاجة
مافي مضمون و كلام ونسة ساي
يبقى احاديث غرف النوم لغرف النوم و كل زول حر في الهو بيعملو فيها

ورد في الاثر الكريم انو :
العلى راسو ريشة يحسس عليها

مثل جامايكي

بوست ثر و ممتع كما توقع حمودي..
مع ذلك كدت أصاب بالملل لولا أن جادت إحدى الأخوات بعينة من "الكتابة" مثار الجدل
المعيار: (سلو بلدنا كده) يا حبشي.

لي عودة بإذن الله

Quote: يلا بمنطقك ده : أنا ما عاجباني كتابات هباني مثلا و بفتكر فيها بذاءه ، أرفع سلك لعمك الضباح أقول ليه خارج لينا هباني ده ؟ من حقي أنتقدو لكن ما من حقي أقول يتفضل يمشي بيتهم و ده القلتو : إنتقدو كتابات منال ، لكن ما تطالبو باقصائها بحجة إنو كلامها بيسئ ليكم !!!

كتابات هباني فيها بذاءة بس يا اميــن ؟!

كتابات هباني هي البذاءة في ذات نفسها والتفاهة ..

ولو كان قاعد جنبي كل ما اقرأ ليهو بوست بديهو كبعة بالجزمة على راسو

بس بعديــن الواحد يخاف تجي جمعيــة الدفاع عن حقوق الجزمة وترفع فيهو دعوي
إساءة معاملة الجزمة ..

بالمناسبة .. استفسار برضو:
الواحد معاييروا بتكون ثابتة في كل الحاجات؟
ولا مثلا الدين عندو معيار، والمسنجريات عندها معيار،
والنبز عندو معيار، والكورة عندها معيار؟


دا عشان نأسس لمعايير ثابتة
وبكري يجي يكسّرنا لينا في راسنا!!


كل واحد يخلي بالو من معيارو!

يا عمك النبذ مافيهو اي معيــار ..

تشيل وتكب للزول بس .. وكمان لو خلطت نبذك بعبار خادش للحياء مع عبارين دين

يكون معيارك في السلك .. ( أديتك مثال بهناك يا شيال الحال )

Quote: بالمناسبة .. استفسار برضو: الواحد معاييروا بتكون ثابتة في كل الحاجات؟ ولا مثلا الدين عندو معيار، والمسنجريات عندها معيار، والنبز عندو معيار، والكورة عندها معيار؟

يا عمك

رغم عن مظهر البراءة الاستثنائية في السؤال

الاجابة طبعا في تعدد مستويات لكل معيار وهذه

ترد علي شكل استثناءات

يعني بالعربي كده في مستوي للمعيار علي عين الناس
و نفس المعيار عنده مستوي لمن نكون راس 2 رأس
أو في حالة مسنجرات ( برانا بنعرف مستوانا)

عارف زول واحد بيكتب في الموضوع من منطلق محدد

غير البوردابيات مافي

يعني مثلا كلام أمجد في المفهوم العام انا معاه
لكن في الاسلوب يسمح لي عاد

عارف مواضيع منال عن الخضروات و الحيونات الاليفة و المعجنات
لو كتبتها زولة بغير الشخصية الشفناها و سمعناها كان يمكن يكون
رأي غير ..... اها وانت رايك شنو؟؟؟؟؟؟؟؟؟؟