Post: #1 Title: ما أحلى ساعات اللقاء... Author: mamkouna Date: 09-13-2007, 08:34 PM
كانت لفتة بارعة أن يبدأ برنامج (( أغاني و أغاني )) أولى حلقاته الرمضانية الثانية....بأغاني اللقاء. فقد كنا في غاية الشوق لمتابعة البرنامج الذي حقق نجاحات ساحقة في الجزء الأول منه..رمضان السابق.
سأقوم يومياً بكتابة تقرير يومي عن البرنامج ... (( إلا ّإذا عندي ضيوف أو كنتَ فاطرة برة ))
يللا يا شباب رمضان الفات.. المراسل الفني...الزووول...أهم زول باشمهندس أبو بكر.. عاصم البنا.. محمد المرتضى حامد.. ملاسي.. ملكة سبأ.. منار محسوب.. سوما... رشا سالم.. تمبس.. عمر الفاروق.. ناذر.. سعد الدين.. الجريفاوي.. عقيد.. فيصل نوبي.. و كل الأحباب الكانو معانا هنا أبو الكلام
يدٌكم معانا.
Post: #2 Title: Re: ما أحلى ساعات اللقاء... Author: Ishraga Mustafa Date: 09-13-2007, 08:40 PM Parent: #1
تصومى وتفطرى على خير ياممكونة ياختى كيف كان اليوم الاول عندكم؟ غابت برضو بعد الروح انسلت؟ انا غايتو الليلة اتمكنت شديد لدرجة كنت عاوزة اقول ليك رجاء تنازلى لى عن ممكونتك بس لمدة شهر..
ويدى معاكم رغم انو ستليتنا خسران، ساعدينا بنزيل الحلقات
ورمضان كريم
Post: #4 Title: Re: ما أحلى ساعات اللقاء... Author: mamkouna Date: 09-13-2007, 08:46 PM Parent: #2
كل سنة و إنتي طيبة يا إشراقة.. ربنا يصبرك و يقدرك و تبري إنتي من المَكنَة. يومنا كان صعب..عطش و صداع و زهللة.. يادوبي فتٌحت بعد جرحت صيامي ب حبتين بانادول إكسترا...!!
خليكِ قريبة.
Post: #3 Title: Re: ما أحلى ساعات اللقاء... Author: mamkouna Date: 09-13-2007, 08:40 PM Parent: #1
نسيت أقول ليكم.. رمضان كريم.. تصومو و تفطرو على خير.. ربنا يتقبل منٌا و منكم.
Post: #7 Title: Re: ما أحلى ساعات اللقاء... Author: mamkouna Date: 09-13-2007, 08:55 PM Parent: #3
الحلقة الأولى:
بدأت حلقة اليوم بإغنية (( الهلال هلٌ )) و ما عارفين بالظبط منو الهلٌ.. السر قدور.. عاصم البنا.. نادر خضر... عصام محمد نور.. فرفور.. أم.. زهرة المواسم...أسرار بابكر.
كان الكل متألق..(( و لا ياربي دا تأثير الشوق )) المُهم.. كانت الحلقة عن أغاني اللقاء.. الليلة لاقيتو.. ليالي لقانا جميلة.. اللقاء الأول.. ما أحلى ساعات اللقاء.. محبوبي لاقاني..و ببسمة حيٌاني.. ثم إختتمت زهرة المواسم أسرار بابكر الحلقة بأغنية.. لاقيتو باسم..زهر المواسم... لاقيتو باسم..جميل المواسم.
بره الشبكة:-
* فرفور دا كان لابس شنو؟ على الله و لا الرجالة تطير!!!؟؟؟ * عصام محمد نور..لا بس عدسات و لا نسى نضارتو في مدني!!!؟؟؟
Post: #5 Title: Re: ما أحلى ساعات اللقاء... Author: tmbis Date: 09-13-2007, 08:47 PM Parent: #1
ممكونــة رمضــان كريم .. غايتو أنا كنت فاطــر بره .. جيت لقيت المسالة جايطه .. ما عارف الزوول وضعو شنــو .. لكن دي لاقيتو باسم .. واسرار دائما خطيرة شايف ابو الكلام قال نسمع زهر المواسم .. من زهــرة المواسم والله فعلا زهرة المواسم.. بعدين الخرمجة الدخلت في النص في التسجيل دي ما مني .. من ناس النيل الأزرق ..
Post: #6 Title: Re: ما أحلى ساعات اللقاء... Author: Ishraga Mustafa Date: 09-13-2007, 08:52 PM Parent: #5
شكرا ياتمبس يادوب حسيت بانو عندنا رمضان
تصوم وتفطر على خير وانشاءالله العرس قرب
* عرسك ده صرحت بيهو عزيزتنا تيسير من ايام بنطف فى الكمونية اها ماتنسى تعزمنا معليش ياممكونة على الخروج عن النص بس عرس تمبس ده مابتفوت
Post: #8 Title: Re: ما أحلى ساعات اللقاء... Author: tmbis Date: 09-13-2007, 08:57 PM Parent: #5
اشراقة الحبيبة رمضان كريم تصومي وتفطري على ألف خير ..
Post: #10 Title: Re: ما أحلى ساعات اللقاء... Author: tmbis Date: 09-13-2007, 09:09 PM Parent: #8
Quote: عرسك ده صرحت بيهو عزيزتنا تيسير من ايام بنطف فى الكمونية اها ماتنسى تعزمنا معليش ياممكونة على الخروج عن النص بس عرس تمبس ده مابتفوت
قلت ليك يا اشراقة كل سنة وإنت طيبة لقيته نزلت تحت اتاريك كتبتي بي فوق .. أما بخصوص العرس يا رجب حوش .. تيسير عووضة عني لو بتضمني لي الكمونية بتشرف عليها تيسير أنا جاهز لي عرس الزين .. بس المشكلة تقوم تنط من موضوع (الكومون ويلس) دا.. وتورطني أنــا ..
ملحوظة: فطور العريس بيكون فيهو كمونية برضو ..؟
بنطلع بره النص وبنرجع تاني يا ممكونة .. ادينا مساحة كمان نعبر عن شعورنا البوست دا عندنا فيهو النص ..
Post: #11 Title: Re: ما أحلى ساعات اللقاء... Author: الزوول Date: 09-13-2007, 09:11 PM Parent: #8
السلام عليكم نحن هنا .......... كل سنة وانتو طيبين أحباب أبو الكلام والأعضاء الجدد ( الحاولنا ندردقم ) المرة الفاتت وفشلنا وشايف المرة دي الفريق عمل صفقة الموسم بشراء اللاعب الأسطورة تمبس تخريمة: تعرف يا تمبس يا دوب لاحظت إنو اسمك ده مفروض يكون لاعب نص في برشلونة !! راجع لكم بالهلال الهل ........................ وما الناس إلا هالك وأبن هالك *** وذو نسب في الهالكين عريق
Post: #23 Title: Re: ما أحلى ساعات اللقاء... Author: Gaafar Ismail Date: 09-14-2007, 01:47 AM Parent: #5
يا ســــلام يا تمبس
الله يجعل أيامك أفراح وردية وبهجة .. أســرار دي خطيرة جدا.. وبصراحة دي أول مرة استمع ليها ..نحن هنا معلوماتنا ضعيفة جدا عن الوجوه الجديدة الرائعة دي. .
مودتي
Post: #37 Title: Re: ما أحلى ساعات اللقاء... Author: Azhari Nurelhuda Date: 09-14-2007, 10:09 AM Parent: #5
تمبسكو الخطير
كل سنة وإنت و الجميع بخير و تصوموا و تفطروا على خير و بخير.
طبعا فاطمة الحاج‘ مغنية النص الأساسي تعتبر من أخطر المغنيات السودانيات و أكثرهن ذكاءا. و إشتهرت في ما إشتهرت به عزوفها عن الغناء الحزين و الميل للغناء الجميل و الملئ بالتفاؤل و السعادة و الإنبهار بالمناظر الجميلة و الطبيعة الخلابة. و فاطمة الحاج أول من غرد بهذا اللحن و أدته آداءا رائعا يظهر جليا في تسجيل إذاعة أمدرمان الرسمي (لاحظ إنسجام الفرقة الموسيقية مع فاطمة الحاج و خاصة آلتي العود و القانون في ذلك التسجيل).
ياحبذا يا تمبسكو لو تبحت و تجيب لينا تسجيل الأغنية دي بصوت فاطمة الحاج للمقارنة. و رمضان كريم
مودتي و حبي للجميع
Post: #42 Title: Re: ما أحلى ساعات اللقاء... Author: tmbis Date: 09-14-2007, 11:23 AM Parent: #37
Quote: ياحبذا يا تمبسكو لو تبحت و تجيب لينا تسجيل الأغنية دي بصوت فاطمة الحاج للمقارنة. و رمضان كريم
.. يا ابو الزهــور: رمضان كريم وتصوموا وتفطروا على خير إنت والمعاك .. تعرف يا ابو الزهور مجرد ما اسمع لي أغنية لي فنان بعينه من القدامى .. بالذات الاصوات النسائية .. بحاول دائما ارجع للمصدر وافتش عنو .. فاطنة الحاج تحديدا عندي معاها عشق خاص لصوته الدافئ ومفردته الفرايحيه .. وفي نظري أنو اسرار بابكر اقرب زولة ممكن تودينا ليها .. لانو صوت اسرار ما بيقل عزوبة من صوت فاطنه الحــاج .. بالرغم من كمية الشجن الفيهو .. ح افتش التسجيل بتاع الإذاعة دا .. بعدين (القانون) دا فعلا بيعمل عمايل عجيبة جدا بيطريني العاقب محمد الحسن .. دائما. بلاي خليك معانا يا استاذ البوست دا مليان تخصصات وناس حلوين .. بوست الموسم عديل كدا.
Post: #9 Title: Re: ما أحلى ساعات اللقاء... Author: mamkouna Date: 09-13-2007, 09:07 PM Parent: #1
مشكوووووووووووووور يا تمبس على تزيين البوست بالأغنية الجميلة دي. رمضانك كريم و كل سنة و إنت طيب و مبروك القفص الذهبي مقدماً.
* ممكن يا تمبس تشرح لينا طريقة إنزال الفيديو من يوتيوب ؟
Post: #12 Title: Re: ما أحلى ساعات اللقاء... Author: Ishraga Mustafa Date: 09-13-2007, 09:20 PM Parent: #9
Quote: * ممكن يا تمبس تشرح لينا طريقة إنزال الفيديو من يوتيوب ؟
تدفعى كم ياممكونة؟ اها ياتمبس لو ممكونة دفعت تدينى الكومشن كم
* أها انا ساكنة رمضان معاكم وعليك الله ياممكونة سجليهو فى ارشفة بكرى المعلنة عشان يفضل للفترة الجاية
Post: #14 Title: Re: ما أحلى ساعات اللقاء... Author: tmbis Date: 09-13-2007, 10:00 PM Parent: #12
Quote: تدفعى كم ياممكونة؟ اها ياتمبس لو ممكونة دفعت تدينى الكومشن كم
.. غايتو كان طلعتي منها بي حاجة مع سخانة رمضان دي والحلو مر والرقاق يا اشراقة ح اقلع منك إنت ذاتك
Post: #13 Title: Re: ما أحلى ساعات اللقاء... Author: tmbis Date: 09-13-2007, 09:49 PM Parent: #9
برشلونة عديل كدا يا الزووول ؟؟ بلاي لحقنــا الهلال هلا دي أنا فاتتني .. لكن تاني كان فطرته بره بشيل كمبيوتري معاي .. يا كمان شلت ( عمودي ) معاي .. . . وإنت طيبة يا ممكونة .. والقفص الذهبي دا لسه عليهو شويتين كدي النخلص من أبو الكلام أول حاجة .. داك ملحوق كدي شوفي الخطوات دي .. ولو لاقتك اي مشكلة قولي عووك:
- أول ما تنقري على الملف العايزه تنزليهو .. بيظهر ليك الملف بالشكل الكبير بتاعو. - تمشي علي ايدك اليمين بتلقي الصورة الخاتيها ليك فوق دي .. - تظللي الكود الفي المربع الأحمــر (بنقره واحده على الماوس بتظلل كلو) .. ومكتوب عليهو Embed تنسخيهو هنا في بطن البوست .. - بيجيك كود عامل كدا: - بعداك في أرقــام جــوه داخل الدائرة باللون الأزرق هي ســر اللعبة تقومي تغيريهــا وتنقصي من درجاته تكون عامله كــدا: widith="425' .. تحوليها لي 325 height="350' .. تحوليها لي 250 وبعداك تشوتيهو بيظهــر معاك الملف بي شكلو النهائي كدا:
Post: #15 Title: Re: ما أحلى ساعات اللقاء... Author: الزوول Date: 09-13-2007, 10:10 PM Parent: #13
السلام عليكم لا حولااااااااااا يا تمبس داير تعقد بت الناس سايي هسه لو فهمت شرحك ده .. ما يعينوها في مايكروسوفت ؟ ممكونة ... زمان عملت لي بوست بالخصوص ده حفظ أفلام الYouTube الى جهازك لكن بعد كده اكتشفت طريقة أسهل امشي للقوقل أكتبي Real player نزليهو في الكمبيوتر وبس مع أي Youtube بتظهر ليك في الركن خيار Download this Video أها انتو الأثنين تدفعوا كم؟ ........................ وما الناس إلا هالك وأبن هالك *** وذو نسب في الهالكين عريق
Post: #24 Title: Re: ما أحلى ساعات اللقاء... Author: Gaafar Ismail Date: 09-14-2007, 01:58 AM Parent: #15
أخي الحبيب الزوول السمح ســلامات
Quote: مع أي Youtube بتظهر ليك في الركن خيار Download this Video
حفظك الله وزادك علما .. دي فعلا أسهل طريقة وانا ما كنت جايب خبرها . يديك العافية.
عاطر تحياتي ومودتي.
Post: #19 Title: Re: ما أحلى ساعات اللقاء... Author: mamkouna Date: 09-13-2007, 11:18 PM Parent: #13
يا سلاااااااام عليك يا تمبس.. عاجزة عن الشكر. أسمح لي أهديك الأغنية دي .. و دي بالمناسبة من الأغاني البتخليني أبكي و أجعر و يفتشو للبيسكتني.. ليكَ... و للحلوة ست القفص.. و للزووووول.. و لكل الأحباب في البوست و البوستات المجاورة.
Post: #33 Title: Re: ما أحلى ساعات اللقاء... Author: tmbis Date: 09-14-2007, 08:41 AM Parent: #19
يا الزووول .. دي طبعا اسهل طريقة بالنسبة لي إدراج اللملفات وما لتحميل وحفظ الملفات، وطبعا عارف ممكونة خطيرة جدا وبتحير ليك ناس مايكروسوفت زاتو .. والدليل قالولو طبعا .. بلاي لو مرت بيك أي برامج جديدة يااي طريقة مستحدثه حاول اشرحه معاك هنا طوالي لانو الموقع بتاع يوتيويب دا لسه في ناس ما قادره تتعامل معاهو .. مع انو ساهل جدا وغير معقد.. .. ممكونــة .. شكرا جزيلا للطير ولي زهرة المواسم .. بعدين حيرتي لي ناس مايكروسوفت . غايتو فيك مشروع (هكرز) درجة أولى ست القفص كان سمعته .. بتعرف أنها ليها.
معليش امس بالليل ما قدرت اواصل معاكم .. فجأة الاتصال بتاع النت قطع لخلل فني من مزود الخدمة .. لو كنت فاكر الشباب الحلوين ديل بيجــو .. كان عملت حسابي .. الشباب الحلوين ديل طبعا مل من مر بي هنا .. والشلة المميزة: باشمهندس ابوبكـر مولانــا المرتضى ومولانــا ود شيقوق .. رمضان كريم يا شباب وتصومو وتفطروا على الف خير ..
Post: #260 Title: Re: ما أحلى ساعات اللقاء... Author: حسن الطيب يس Date: 09-23-2007, 06:46 PM Parent: #13
Post: #16 Title: Re: ما أحلى ساعات اللقاء... Author: abubakr Date: 09-13-2007, 10:26 PM Parent: #1
رمضان كريم ..ممكونة والزول واشراقة والمايسترو تمبس والقادميين في الليالي الجاية
انتظرت اكتر من ساعتيين بعد افطارنا هنا مجبور اتابع حاجات باااايخة ومملة ودعايات وبرنامج لبنية صغيرة ما قدر المنتج ولا المخرج ولا الضيف المرافق في ان يقنعني بانو داك برنامج وفيهو مجهود .. اها عموما جو ناس اغاني واغاني ويادوبك فتحو خشومم والسر قدور مسك عكازو وتووش ياناس التلفزيون وبرنامج دعايات ودعايات وقربت ابقي زي المرحوم محمد صالح فهمي القالو كسر الراديو من زعلتو علي مذيعا ما قدر ينطق اسمو وانا قت اكسر التلفزيون واليحصل يحصل وجماعة السراير والترابيزات الفي الاعلان يشوفو ليهم زولا غيري يجننو بعفشهم المصنوع من الخشب المضغوط الجاب لي الضغط ...اها رجعنا الي اغاني وبرضو في جماعة ما حافظيين وانا ما عارف ايه حكاية الصلعات مع الحفظ ؟؟ والله لو ما البنية اسرار وزهر المواسم ياني الكنت اليوم بقيت زعلان جد من عاصم الاصر انو اني اجدد اشتراكي في البي ان السنة دي ...اها متظريين الحلقات الجاية والمرة دي انا قررت اكسر التلفزيون بتاعي واصلو ما في واحد غيري في البيت هنا بهوب ناحية بي ان واس دي تي في وبيعاينو لي بريبة وانا مصنقر اتابع في حاجات غير راشيل راي واوبرا وذا فريندز وحاجات تانية ما فيها السر قدور .. يا تلفزيون جاك بلا يا الجماعة دييل يغنو يا الدعايات واكسرك حتة حتة ... مودتي ابوبكر
Post: #17 Title: Re: ما أحلى ساعات اللقاء... Author: الزوول Date: 09-13-2007, 10:39 PM Parent: #16
السلام عليكم
.................... أبوبكر أوافقك تماماً على حكاية الإعلانات المملة دي أنا شخصياً حليتها بأن أكلف شخص آخر بتسجيل (الحلقة - الإعلانات) ومن ثم أرجع وأشاهدها ...(فيليه) صافية مصفية .. وبكده تقدر تستمتع من غير تكسر التلفزيون تخريمة: أوعى يكون تلفزيونك 50 بوصة بلازما
وما الناس إلا هالك وأبن هالك *** وذو نسب في الهالكين عريق
Post: #34 Title: Re: ما أحلى ساعات اللقاء... Author: tmbis Date: 09-14-2007, 09:16 AM Parent: #16
Quote: رمضان كريم ..ممكونة والزول واشراقة والمايسترو تمبس والقادميين في الليالي الجاية
.. يا هندسة رمضان كريم وتصوم وتفطر على الف خير .. وحمد الله الف على السلامة والجيت منهم اريتهم طيبين ..
Quote: اها عموما جو ناس اغاني واغاني ويادوبك فتحو خشومم والسر قدور مسك عكازو وتووش ياناس التلفزيون وبرنامج دعايات ودعايات وقربت ابقي زي المرحوم محمد صالح فهمي القالو كسر الراديو من زعلتو علي مذيعا ما قدر ينطق اسمو وانا قت اكسر التلفزيون واليحصل يحصل
والله يا باشمهندس .. زمان أنا كنت بخاف من ابو الكلام لانو كان بيشكل لي هاجس اكتر من الدعايات .. لكن السنة دي مسخوهــا عديل كدا . يعني عايز ترتاح من مسالة التكسر دي .. إلا تضحي بيها لايف وتحضره (بايته) بالليل .. معقولة لكن ..؟
Quote: والمرة دي انا قررت اكسر التلفزيون بتاعي
والله يا باشمهندس الله يستر على كمبيوتري دا .. غايتو حقو تعمل ليك قفص بتاع سلك للتلفزيون دا
Post: #18 Title: Re: ما أحلى ساعات اللقاء... Author: abubakr Date: 09-13-2007, 10:51 PM Parent: #1
Quote: أوعى يكون تلفزيونك 50 بوصة بلازما
يا انا يالبلازما في البيت دة ؟ ياخي كل فرد هنا في معقلي عندو تلفزيون وانت داير تزيد كمان 50 بوصة بلازما وبعديين يعني انا بعويناتي دييل المسافة بيني والتلفزيون ما ممكن تكون اكبر من 10 بوصة واذا بقت 50 بلازما يعني يادوبك اشوف نعال ناس اغاني اغاني وانا صلعاتم ما مريحاني تخليني اشوف نعالم ؟
بعدين انا ما عندي مساعديين زييك يسجلو لي ويصنفرو قبل ما اشوف الحلقات .. يا انا يا ما في ؟ ما قت ليك الباقيين بتاعيين راشيل راي وفريندز ؟
Post: #20 Title: Re: ما أحلى ساعات اللقاء... Author: محمد المرتضى حامد Date: 09-14-2007, 00:23 AM Parent: #1
لسوء الحظ كنت في سفر يا ممكونة ولم أشاهد (أبو الكلام) فماذا جرى يا ممكونة؟ بسرعه قبال الحلقه التانيه.
Post: #21 Title: Re: ما أحلى ساعات اللقاء... Author: mamkouna Date: 09-14-2007, 00:41 AM Parent: #1
أحلى حاجة السنة دي..إنو في إعادة للحلقة. تمٌت إعادة الحلقة زي الساعة واحدة و نص بتوقيت بطن بيتي.
يا ملاسي..عليكَ بالإعادة لأنها ....منزوعة الدعايات و دعايات . يا مرتضى...أقرا البوست من الأول و ما بتفوتك حاجة كان أنا حية في الدنيا. يا باشمهندس أبوبكر...ما تستعجل و تكٌسر البلازما..الجاي أحلى . يا الزووول...قلت لي..مايكروسوفت؟!!!
Post: #22 Title: Re: ما أحلى ساعات اللقاء... Author: محمد المرتضى حامد Date: 09-14-2007, 01:07 AM Parent: #21
Post: #25 Title: Re: ما أحلى ساعات اللقاء... Author: Hussein Mallasi Date: 09-14-2007, 02:21 AM Parent: #22
لم أتصور فداحة غياب نسرين إلا عند غيابها.
Post: #26 Title: Re: ما أحلى ساعات اللقاء... Author: Hussein Mallasi Date: 09-14-2007, 02:25 AM Parent: #25
على الرغم من قلة حيلتها في العام الماضي؛ إلا ان مكانها الشاغر أغرى أبو الكلام على التمدد أكثر.. فأكثر!
Post: #27 Title: Re: ما أحلى ساعات اللقاء... Author: الزوول Date: 09-14-2007, 03:25 AM Parent: #1
السلام عليكم يبدو أن الناس قد ركزت على موضوع الإعلانات –والذي كان مزعجاً بالفعل ونست التعليق على الحلقة نفسها اكتفت الممكونة بالإشادة بإختيار ابو الكلام لموضوع اللقاء
Quote: كانت لفتة بارعة أن يبدأ برنامج (( أغاني و أغاني )) أولى حلقاته الرمضانية الثانية....بأغاني اللقاء. فقد كنا في غاية الشوق لمتابعة البرنامج الذي حقق نجاحات ساحقة في الجزء الأول منه..رمضان السابق
. وهو استهلال اتفق مع الممكونة في براعته وإن كنت أتمنى أن يتم بعض التذكير بمقدمة الجزء الأول – نسرين – والتي برغم تحفظنا على دورها السابق ولكنه عملاً بأذكروا محاسن موتاكم أغنية الهلال هلا الحزن ولي كوكب الأفراح في السما اتجلى نور حبيب الروح النّور الحلة أم قمر دورين فوقنا ادّلى ..... لتعدد ما توحي به من رموز فقد كانت اختياراً موفقاً هلال رمضان الهلا هلال السودان بانتصاراته ( لاحظتوا نادر خضر ... أكيد هلالابي) وهلال السر قدور ....وأهلاً بيهو ... السر قدور هلا أبدع الجميع في أداها حسب رايي ( يا ربي دي خرمة سايي زي ما قالت الممكونة؟) فجأة قفز عمنا ابو الكلام للنكتة وذكر قصة مصور (استديو غردون) الخواجة الذي طلب منه (أبوالكلام) صورة جميلة فرد عليه الخواجة ( انت اقعد يجي واحد تاني نصورو ) في اشارة لأن السر قدور لا يمكن أن يطلّع صورة جميلة ..... عصام محمد نور يا جميل أبدعت في غنية الكاشف الليلة لاقيتو ... ملأ السرور قلبي وبى اسمو ناديتو نقطة صغيرة ذكرها أبو الكلام يتم كثير من التحوير لكلمات الأغاني بحيث انها وبمرور الوقت تكتسب صفة الأصل في ذات الأغنية يقول سيد عبدالعزيز لهى وإنشغل عني لأنني غِبِيتو (بكسر الغين) وليس لهى وإنشغل عني لأنني غَبيتو (بفتح الغين كما يرددها الناس حالياً) وكتحرش من أبو الكلام ذكر إن عاصم البنا ( قعد يغالط فيني ساعة)
.... يا عاصم يا ود البنا .. يا زولنا أنا عارف كلامك منطقي وما ممكن تكون غِبيتو (بالكسرة) لأنه في البداية يذكر ( الليلة لاقيتو) لكن وثم تاني لكن انت عارف عمك ده محتاج لزول يقبل عليهو – ونسرين .. الحيطة القصيرة .. مافي – كان في داعي تغالطوا ؟؟ انت زول فردتنا الزول ده لو ما لقى زول يفكها فيهو ...بفكها في روحو تقوم انت ...ممثلنا ...تضع نفسك في الموقف ده غايتو الله يستر و ....
نسأل المولى يحفظنا من العين ولينا يتولى نلقى في الدنيا العظمة والصولة يتم هنانا ... نفوز بى رضى المولى ... شكراً محمدية – اسماعيل – سعد الطيب – أحمد المك والباقي الماني خابروم ........................ وما الناس إلا هالك وأبن هالك *** وذو نسب في الهالكين عريق
Post: #28 Title: Re: ما أحلى ساعات اللقاء... Author: الطيب شيقوق Date: 09-14-2007, 06:52 AM Parent: #27
ممكونة انا راجعت القائمة الفوق وجدت اسمي اللذيذ نسيتيهو او تناسيتيهو لكن ما مهم انا برجح الاولى وحتى الاولى نفسها اخوك وجد ليها مبرر وهو سبحان من لا ينسى . المهم ما علينا Just kiddying
Quote: (( إلا ّإذا عندي ضيوف أو كنتَ فاطرة برة ))
ممكونة اختي والله انا مشيت اجازة السودان والسببان الفوق ديل مش لوحدهم البيمنعوك انا عارف ناس فلان مات نمشى العزاء وفلانة ولدت نمشى نحمد الله السلامة وفلانة وليدها الوحيد نجح دخل الجامعة نمشى نبارك ليها و فلان الابوهو مفلس اخدوهو ناس لجنة الاختيار للخدمة نمشى نبارك وفلان عتر كسر ترقوته نمشى نحصله في المستشفى عيييييييييييييييييييييييييك احسن منها (أني بنجو مع العفش)
Post: #29 Title: Re: ما أحلى ساعات اللقاء... Author: abubakr Date: 09-14-2007, 07:29 AM Parent: #1
Quote: لم أتصور فداحة غياب نسرين إلا عند غيابها.
كان كدة من اول حلقة الله يصبرك..؟؟ نقطة نظام : ليه السر قدور ما كان رابط كرفتتو كويس ؟ وليه عصام كان مكوع طرف الكنبة زي الزول الماعندو نفس ؟
هل دي من اعراض غياب نسريين ؟؟
Post: #30 Title: Re: ما أحلى ساعات اللقاء... Author: abubakr Date: 09-14-2007, 07:33 AM Parent: #1
Quote: والقفص الذهبي دا لسه عليهو شويتين كدي النخلص من أبو الكلام أول حاجة
يا تمبس الجميل .. كان بقيت ورا ابوالكلام ياكا المودر القفص الذهبي .. الحق قبل ما القفص يسوو من الخشب .. انت ما شايف دعايات ناس المحاميد في التلفزيون المسخو الحفلة امبارح وعفشهم كلو خشب بعدين الناس تقوم تخلي القفص من الخشب .. الحق...
Post: #36 Title: Re: ما أحلى ساعات اللقاء... Author: tmbis Date: 09-14-2007, 09:43 AM Parent: #30
Quote: يا تمبس الجميل .. كان بقيت ورا ابوالكلام ياكا المودر القفص الذهبي .. الحق قبل ما القفص يسوو من الخشب
.. أنا لهـا يا هندسة بعدين يعني حسع ناس المحاميد ديل ما لقو ليهم مكان إلا هنــا دا ..؟ غايتو انا كان مشيت عليهم اكون غلطان
Quote: هل دي من اعراض غياب نسريين ؟؟
.. والله ( كيتا) في ابو الكلام دا حقو يجيبو لينا (رشــا وتسابيح + ريهــام)..
Post: #31 Title: Re: ما أحلى ساعات اللقاء... Author: abubakr Date: 09-14-2007, 07:49 AM Parent: #1
Quote: ممكونة اختي والله انا مشيت اجازة السودان
انت يا ود شيقوق قلعت بهناك وانا ارسل اس ام اس "رمضان كريم " الي مسقط ؟ دة كلام ؟ اها بالله في رمضان ما تخلص اللبن الجاف الفي البلد وكمان امشي النهر الجاف بتاعر مشوار سنينك وشوف اكان اتملي بموية الفيضان واللا لسه وشوف عربية عمك التيمس لسه مغرزة واللا القرود الفي الغابة جنب حلتكم جروها وما تنسي قراوانات الطحنية في دكان عمك ووزع علي الغلابة والفقرا منها ؟ عموما "اغاني واغاني " دي عايزة تفرغ يعني زي تفرغ اكاديمي كدة والتيوتر هي ممكونة لانها بتعرف في نضم غني ناس البندر ما زييك زول مساديير ونم سااااي وعندنا في اللجنة الزووول ودة العميد ما بتفوتو فتفوته نضمي من كلام ابو الكلام اما المايستر تمبس فهو المسعول عن كل الالحان والافلام والانتاج عموما وودالمرتضي هو الالفة "الفايز جانسلر " فلازم تكون مذاكر كويس وتبطل التسطيحة في البلكونة لحدما البرنامج يفوتك .. خلي ام عبدالله تداوم علي الجبنة بشان ما تجييك نومة ما تصحي منها الا الضهر وكدة تفوتك الحلقة والاعادة بعد الواحدة صباحا في ام مبدة .. واوعك من ودملاسي المراقب العام ويا ناجح ويا ساقط والسنة دي هو ما راضي انو نسريين غابت فلذا كلو مشترك حيقطع منو 20 درجة من الاول وابوالكلام 60 درجة اها يباصرو باقي الحلقات بباقي الدرجات ..؟
قال مشي السودان قال ؟ كيف يعني من غير ما تستاذن وانت عابر اجواءنا ؟ دة كلام ؟
Post: #32 Title: Re: ما أحلى ساعات اللقاء... Author: Abomihyar Date: 09-14-2007, 08:18 AM Parent: #31
ياممكونة وتمبس والزول وابوبكر وود شيقوق
كل سنة وانتو طيبين
والوصية يالمهلة عليكم الله ما تقصروا معانا
سجلوا الحلقات دي ونزلوها لينا
باقي نحن ما عندنا النيل الأزرق.
تحياتي لكم ورمضان كريم.
Post: #35 Title: Re: ما أحلى ساعات اللقاء... Author: abubakr Date: 09-14-2007, 09:36 AM Parent: #1
رمضان كريم ابومهيار ..
Quote: سجلوا الحلقات دي ونزلوها لينا
باقي نحن ما عندنا النيل الأزرق.
دة بيعتمد علي وضع الدعايات في الحلقات الجاية وهل حنكسر التلفزيونات ام نشوف لينا برنامج توم وجيري...لكن زي ما قالت ممكونة الحل في التسجيل عند الاعادة قبل السحور .. عموما المايسترو تمبس عامل استعدادات للتسجيل بس كان عامل فلترة وصنفرة لابوالكلام ومش للدعايات ودحين شغال في التعديلات
Post: #38 Title: Re: ما أحلى ساعات اللقاء... Author: mamkouna Date: 09-14-2007, 10:54 AM Parent: #1
Quote: يبدو أن الناس قد ركزت على موضوع الإعلانات –والذي كان مزعجاً بالفعل ونست التعليق على الحلقة نفسها اكتفت الممكونة بالإشادة بإختيار ابو الكلام لموضوع اللقاء
!!!!!!!!!!!!!!!!!!!!!!!!!!!!!!!!!!! دا كلام شنو يا الزوووول..؟؟!! إنتَ ما قريت الحتة دي؟؟!!!
Quote: الحلقة الأولى:
بدأت حلقة اليوم بإغنية (( الهلال هلٌ )) و ما عارفين بالظبط منو الهلٌ.. السر قدور.. عاصم البنا.. نادر خضر... عصام محمد نور.. فرفور.. أم.. زهرة المواسم...أسرار بابكر.
كان الكل متألق..(( و لا ياربي دا تأثير الشوق )) المُهم.. كانت الحلقة عن أغاني اللقاء.. الليلة لاقيتو.. ليالي لقانا جميلة.. اللقاء الأول.. ما أحلى ساعات اللقاء.. محبوبي لاقاني..و ببسمة حيٌاني.. ثم إختتمت زهرة المواسم أسرار بابكر الحلقة بأغنية.. لاقيتو باسم..زهر المواسم... لاقيتو باسم..جميل المواسم.
بره الشبكة:- * فرفور دا كان لابس شنو؟ على الله و لا الرجالة تطير!!!؟؟؟ * عصام محمد نور..لا بس عدسات و لا نسى نضارتو في مدني!!!؟؟؟
Post: #39 Title: Re: ما أحلى ساعات اللقاء... Author: mamkouna Date: 09-14-2007, 10:57 AM Parent: #38
ترحيب خاااااااص بود شيقوق.. كل سنة و إنتَ و أم عبد الله و أخوانه..بخير و صحة و عافية. رمضانكم كريم.
Post: #40 Title: Re: ما أحلى ساعات اللقاء... Author: mamkouna Date: 09-14-2007, 11:01 AM Parent: #39
أهلاً بأبو مهيار.. جعفر إسماعيل.. أزهري نور الهدى.. شرٌفتو و نوٌرتو خليكم قُراب.
Post: #41 Title: Re: ما أحلى ساعات اللقاء... Author: محمد المرتضى حامد Date: 09-14-2007, 11:07 AM Parent: #38
الطيب شيقوق انت الجابك بي هنا شنو؟ ممكونه، أعملي حاجه في الموضوع ده، قسما عظما شيقوق ده يقعد في البوست ده يبقى عليك البقى على نسرين سوركتي مع قدور.
Post: #43 Title: Re: ما أحلى ساعات اللقاء... Author: tmbis Date: 09-14-2007, 11:27 AM Parent: #41
ملحوظة: طبعا يا ممكونــة رجعت تاني سمعت الأغنية بي مزاج .. يا طير .. بالرغم من إني سمعتها مليون مرة قبل كدا . لكن اصلا ما مليته .. غابتو بالإهداء بتاعك دا .. لو سمعته (العصفورة) الخــوف تقوم (تطير) .. ما من (القفص) طبعا أكيد من الفرحــة
اسمعيها يا عصفــورة
Post: #44 Title: Re: ما أحلى ساعات اللقاء... Author: saadeldin abdelrahman Date: 09-14-2007, 12:08 PM Parent: #1
Post: #45 Title: Re: ما أحلى ساعات اللقاء... Author: ناذر محمد الخليفة Date: 09-14-2007, 12:40 PM Parent: #1
رمضان كريم يا ممكونة ويا شباب ..
الحمد لله ظروفي حا تساعدني السنة دي أحضر الحلقات كلها في وكتها عشان نحصل معاكم ..
حسين ملاسي كلامو صاح في حاجة أي زول لاحظ ليها ..
أبو الكلام عمنا السر قدرور نسرين كانت بتفرملو مرة مرة من الإسهاب والإسترسال ، لكن المرة دي لمن ما لقى زول يحوشو خلى الفنانين المعاو زي تلاميذ الإبتدائية وهو زي الألفة !!
Post: #46 Title: Re: ما أحلى ساعات اللقاء... Author: abubakr Date: 09-14-2007, 01:21 PM Parent: #1
اولا مراحب الفيين بناذر وسعدالدين والاستاذ جعفر وازهري وكل عام وهم والجميع القادميين طيبيين
Quote: ممكونه، أعملي حاجه في الموضوع ده،
ايووة ....ضروري العرريب يطلع من هنا ويرجع الي النهر الجاف عشان البرنامج ما يغرز زي اللوري التيمس بتاع عمو ....
Post: #47 Title: Re: ما أحلى ساعات اللقاء... Author: abubakr Date: 09-14-2007, 01:32 PM Parent: #1
يا ممكونة اهو صبرك ما حيطول وهنا اسهل طريقة في الدنيا لانزال وحفظ ملفات يوتيوب.. شغلة ساهلة اوي ( مش عشانك يالعرريب ودشيقوق ) : The Easiest Way to Download and Save Youtube Video http://www.youtube.com/watch?v=tRTk0RPXtW4
ملحوظة : في نفس صفحة الرابط اعلاه عدة طرق لانزال الملفات من اليوتيوب الا ان الذي في الرابط هو اسهلهم
Post: #48 Title: Re: ما أحلى ساعات اللقاء... Author: الطيب شيقوق Date: 09-14-2007, 02:55 PM Parent: #47
ابو بكر
ما تخاف الله ياخي انا موجود في مسقط وبحكى للممكونة دى عن ايام زمان انت اصلك ربنا مبتليك بتقل سمع وكونك من الناطقين بغيرها .
اترككم مع تمبس خلوهو يخليكم تحتوهو حت اصلكم كلكم فاقدين حنان ولو محتاجين لبتاع دلوكة قولوا غاو انا جاهز .
استاذ المرتضى
Quote: الطيب شيقوق انت الجابك بي هنا شنو؟ ممكونه، أعملي حاجه في الموضوع ده، قسما عظما شيقوق ده يقعد في البوست ده يبقى عليك البقى على نسرين سوركتي مع قدور.
اني بنجوا مع العفش - وباصروا لنسرين مخارج يديكم العافية
Post: #49 Title: Re: ما أحلى ساعات اللقاء... Author: Hussein Mallasi Date: 09-14-2007, 03:10 PM Parent: #48
Post: #50 Title: Re: ما أحلى ساعات اللقاء... Author: abubakr Date: 09-14-2007, 04:15 PM Parent: #1
Quote: ولو محتاجين لبتاع دلوكة قولوا غاو انا جاهز .
عجبي ... عرريب بدلوكة ..؟؟
Post: #51 Title: Re: ما أحلى ساعات اللقاء... Author: الطيب شيقوق Date: 09-14-2007, 05:46 PM Parent: #50
الرطاني المرتضى ممكونة
وحياتكم تخلونى اعاين واسمع ساااااااااااااااااااااى ببقى ليكم زى العضم في الحواشة بكف العين من بوستيكم الحضاري ده ولو كترتوا الحديث والله يا ممكونة اجيكم بفزع من اهلي ناس البطانة يقلبوا ليكم البوست ده مساديييييييييييييييير عديل ونبقيك انت يا ممكونة كوثر بيومي البوست .
احسن تخلونى اضرع هنا ساى بالسترة
Post: #52 Title: Re: ما أحلى ساعات اللقاء... Author: abubakr Date: 09-14-2007, 06:34 PM Parent: #1
Quote: ولو كترتوا الحديث والله يا ممكونة اجيكم بفزع من اهلي ناس البطانة يقلبوا ليكم البوست ده مساديييييييييييييييير عديل
يا عرريب ما ودالبنا قال يجيب سيرة البطانة والمساديير قام ابو الكلام نطا في حلقو ما خلاهو يتم شرحو .. الليلة ابوالكلام ما دايير زولا غيرو ينضم ...اها يعني انت كمان تبقي بعيد من جنيات البندر ..
و"عاش السودان حرا مستقلا " ويسقط "سوداني وكل مشتركي غير مكتملي البيانات "
Post: #53 Title: Re: ما أحلى ساعات اللقاء... Author: Ishraga Mustafa Date: 09-14-2007, 07:39 PM Parent: #52
Quote: سأقوم يومياً بكتابة تقرير يومي عن البرنامج ... (( إلا ّإذا عندي ضيوف أو كنتَ فاطرة برة ))
Where are you ya Mamkouna
Post: #54 Title: Re: ما أحلى ساعات اللقاء... Author: tmbis Date: 09-14-2007, 08:00 PM Parent: #53
سلامـات .. ياجمــاعة: دي حاجات من حلقة اليوم..
..
Post: #55 Title: Re: ما أحلى ساعات اللقاء... Author: الزوول Date: 09-14-2007, 09:31 PM Parent: #54
السلام عليكم المرة الأولى التي نعرف فيها أسماء الفرقة الموسيقية وصادفت انها المرة الأولى كذلك التي تفتقد فيها الكمنجست البارع اسماعيل عبدالجبار وهم محمدية ، سعد الطيب ، أحمد المك ، عمر القصاص ، شريف المليجي ، حمزة ، خليل ، اسماعيل فرح موضوع الحلقة كان عن أصل الغناء وفسره السر قدور أن أصله كان ناتجاً من أحدى ثلات العمل ، العبادة والحرب بدأنا بالعبادة الترنم بالتسبيح .. الله الله الله حي .. الله حي حي قيوم ..حي قيوم ... السراي ..السراي يلا يا جمال أبدع جمال فرفور في أداء السراي وربما يرجع ذلك إلى الأخلاص الشديد في الأداء ولاحظ الناس كلهم الدموع في عينه وهو يؤديها يعني يا فرفور ما عرفنا نسوي معاك شنو دايماً باكي .. يا فرحاً ... يا حزناً غايتو الأخلاص في الأداء يولد الأندماج عند المستمعين.. أهنيك ... لا فض فوك.. ................ نجي لأصل العمل هيلا هوب وفيها هيلا تعني الأستعداد ... هوب تعني رفع الشيء تحولت إلى نغم ووظفت في كثير من الحان الشماليين إلى أغاني كأغنية وردي يا سلام منك أنا آه ويلا يا ود البنا أول مرة أسمع عاصم البنا وما أطرب له رأيي الخاص ان أغنية يا سلام أغنية رتيبة .. يعطيها صوت وردي المميز بعداً يصعب على من يقلده ( حتى وردي الصغير) أن يأتي بمثله لم توفق يا فردتنا ( رأي خاص) ............. أغنية السيرة من لها سوى نادر خضر الليلة سار يا عشايا ... عديلة لى المميزة لصلاح بن البادية أفضل ما فيها الزغرودة المميزة التي أطلقها محمدية بالكمان طبعاً والفشل الكبير للمصور والمخرج حينما ركزت الكاميرا على أسرار بدلاً من محمدية لتسجيل الإبداع ( يا ربي كانو قايلنها زغردت هي؟) ...... ممكونة ... ممكن تواصلي ...؟ ........................ وما الناس إلا هالك وأبن هالك *** وذو نسب في الهالكين عريق
Post: #56 Title: Re: ما أحلى ساعات اللقاء... Author: tmbis Date: 09-14-2007, 10:00 PM Parent: #55
Quote: أول مرة أسمع عاصم البنا وما أطرب له رأيي الخاص ان أغنية يا سلام أغنية رتيبة .. يعطيها صوت وردي المميز بعداً يصعب على من يقلده ( حتى وردي الصغير) أن يأتي بمثله لم توفق يا فردتنا ( رأي خاص )
والله يازوول بالغت في دي .. تعرف انا كتبت كلام كتير ومسحتو ما عارف ليه ... نفس الاحساس ده وصلني لما سمعت عاصم البنا بيغني في ياسلام .. حسيت انو ابو الكلام ورطــو ... لو منك يا عصام ما كنت غنيت ياسلام .. احتمال يا الزوول أنو لونية عاصم دي ما اتعودناهو يطلع منها..؟ واللا غنى وردي براهو ..؟ اوافقك الرأي ويبقو خاصين .. عمرك طويل خطفتها من لساني .. نزل الملف لو جاهز عندك ..
Post: #57 Title: Re: ما أحلى ساعات اللقاء... Author: فيصل نوبي Date: 09-14-2007, 10:21 PM Parent: #56
كل سنة و انتم طيبون .. أعاده الله علينا و عليكم باليمن و البركات و تقبل صيامكم و قيامكم و صالح اعمالكم جميعا..
تحيات طيبات لــ ممكونة... و متابعة عن كثب ..
Post: #58 Title: Re: ما أحلى ساعات اللقاء... Author: محمد المرتضى حامد Date: 09-14-2007, 10:21 PM Parent: #56
يا تمبس ، ما كان ممكن واحد يغني يا سلام غير عاصم،
عندما سمعت (المهيرة) تحسرت على أيام البلابل .. يا حليلم.
يا الزوول .. كأنك تقرأ أفكار الغير .. هذا المخرج المتخصص في نقل صورة الكراسي
من الخلف الله يسامحو.
أغاني وأغاني أصبح مفروشات ومفروشات.
Post: #59 Title: Re: ما أحلى ساعات اللقاء... Author: Hussein Mallasi Date: 09-14-2007, 10:30 PM Parent: #58
Quote: موضوع الحلقة كان عن أصل الغناء وفسره السر قدور أن أصله كان ناتجاً من أحدى ثلات العمل ، العبادة والحرب
السر دا حقو ما كان يخلوهو كدا براهو؛ و مفروض كان يجيبوا ليهو زول يعد ليهو البرنامج!!
Post: #68 Title: Re: ما أحلى ساعات اللقاء... Author: انعام عبد الحفيظ Date: 09-15-2007, 09:59 AM Parent: #59
ممكونة
رمضان كريم عليك وعلى كل زوارك الكرام
بس عندي ملاحظة زمن البرنامج اتخيل لى بقى أقل من المرة الفاتت
وبعدين انتو السر قدور بطريقتو دي من أبو الكلام ح يبقى أبو الغناء
لأنو بيدوبي وبيغني بمعظم الأغاني البيتكلم عنها
Post: #98 Title: Re: ما أحلى ساعات اللقاء... Author: Azhari Nurelhuda Date: 09-17-2007, 00:38 AM Parent: #54
أرفعوا الذكر يا ناس
حي ...... قيوم.....الله
Post: #60 Title: Re: ما أحلى ساعات اللقاء... Author: mamkouna Date: 09-15-2007, 00:21 AM Parent: #1
الحلقة التانية:
ح أواصل من حيثما إنتهى الأخ العزيز..الزووول.
* أتفق معاك يا الزول إنو أغنية (( يا سلام )) لم تلائم عاصم البنا...تفتكر نادر خضر كان ح يؤديها بصورة أفضل؟؟؟
* أداء فرفور لأغنية (( السُراي )) كان جميل جداً...لكن.. لا أتفق معاك في حكاية إنفعال فرفور و دميعاتو..الزول دا الظاهر عندو إلتهاب في عيونو..نفس الدميعات ديل لاحظتهم في أغنية (( الليلة سار يا عشايا )) و كان ما أخاف الكضب..نفس الإلتهاب أصاب أسرار في أغنية (( المهيرة ))!
* أداء أسرار لأغنية (( المهيرة )) كان تقيل و متكلف..كوبليه نادر خضر كان أحلى.
* واضح جداً إنو أبو الكلام مبسووووط من أسرار..أمبارح كانت (( زهرة المواسم )) ... الليلة كانت (( العروس))!!!
* أداء الفرقة الموسيقية في أغنية (( أرضنا الطيبة )) كان مبالغة في الجمال و الإبداع.
* عجبتني جداً جداً مُداخلة عاصم البنا..و التى ذكر فيها أن أهله في البطانة بينغموا الدوبيت على صوت خطوات الجمل ..لكن أبو الكلام ما أداهو فرصة يتم كلامو.
* لم أفتقد نسرين على الإطلاق طوال الحلقتين الفاتو..مع إحترامي ل جرسة ملاسي.. سمعت إنها إنتقلت إلى قناة الشروق.. ما عارفين نقول هاردلك لناس النيل الأزرق..و لا..ناس الشروق!!!
Post: #61 Title: Re: ما أحلى ساعات اللقاء... Author: Elmuez Date: 09-15-2007, 02:33 AM Parent: #1
تحيــاتنا للمشـاركات و المشـاركين
و للسـر قدور و الإستـاف .. و ر مضـان مبارك
و تمبس طبعـا جمل الشيـل " يا ظربون" ..
فكرة الحلقـات ال 30 بديعـة .. و كمنافس للمسلسـل , يعني سمـر إفطاري سوداني بحت و حديث مختلف عن الغم اليومي
فقط لو كانوا إختاروا كوكبـة غنائيـة مختلفــة لكل عــام لضرورة التنويع و التجـديد ..
يعني مثلا السنـة دي كان ممكن يكونوا : سميرة دنيا و عادل مسلم و الطيب مدثر و آمال النور و عمـاد أحمد الطيب .. إلخ .. و هكذا !
نتابع معكن/م
Post: #62 Title: Re: ما أحلى ساعات اللقاء... Author: الزوول Date: 09-15-2007, 03:26 AM Parent: #1
السلام عليكم
Quote: أداء فرفور لأغنية (( السُراي )) كان جميل جداً...لكن.. لا أتفق معاك في حكاية إنفعال فرفور و دميعاتو..الزول دا الظاهر عندو إلتهاب في عيونو ..نفس الدميعات ديل لاحظتهم في أغنية (( الليلة سار يا عشايا )) و كان ما أخاف الكضب..نفس الإلتهاب أصاب أسرار في أغنية (( المهيرة ))!
ممكونة: الله يديك العافية أفسدت علي استمتاعي بالسراي بتاعة فرفور بعد ما سحبت الدموع منها كلامك صحيح الناس دي مكحلة والا شنو؟ .............. كثيراً ما إعجب متأخراً ببعض الإبداعات أسمعها كثيراً ولكن ربما بدون تركيز حتى يغنيها شخص آخر ربما أفضل من المؤدي الأصلي وربما أسوء ولكنه يلفت انتباهي لما فيها من جمال لم أكن أعلم أن هذا النشيد الوطني بهذا الجمال حتى أمس... أسمعوا معي
عزف ممتاز من الفرقة لم يقلل منه الهفوة الصغيرة لبتاع الأورغن الثاني
.................... وما الناس إلا هالك وأبن هالك *** وذو نسب في الهالكين عريق
Post: #63 Title: Re: ما أحلى ساعات اللقاء... Author: غادة عبدالعزيز خالد Date: 09-15-2007, 03:50 AM Parent: #62
والله بختكم، لمةوأغاني وونسه،، ناقصها الشاي بالنعناع بس
كل سنة وإنتو طيبين
غادة
Post: #64 Title: Re: ما أحلى ساعات اللقاء... Author: الطيب شيقوق Date: 09-15-2007, 06:11 AM Parent: #63
المرتضى
ممكونة
الرطاني
Quote: * عجبتني جداً جداً مُداخلة عاصم البنا..و التى ذكر فيها أن أهله في البطانة بينغموا الدوبيت على صوت خطوات الجمل ..
اتهمتوني بعدم اهليتي للمشاركة في هذا البوست لكن براكم يا ممكونة تبحثون عن الاستفزاز لانفسكم وبالتالي ما يرد عني من استفزاز اليكم لا يخولكم الاستفادة قانونا من الاستفزاز as a diminishing factor .
هسع يا ممكونة اكان كتفتوني وبكمتوني كلامك الفوق ده اجي باريهو ساى ؟
وانا بضيف على كلام الاخ عاصم الحلو الاتي :
نحن كمان اهلنا في البطانة بينغموا الدوبيت على صوت الجرس المعلق في رقبة الخروف الفحل خاصة وقت سربة الدغشية .
السربة يا المرتضى جات في اغنية زينب خليفة وقد حكى لينا احمد القرشى عن جسارة هذه الشاعرة الانثى الكردفانية الجميلة التي كانت تمجد في حبيبها علنا .
انتو يا ناس البندر عندكم حركات كده غريبة نحن بقينا ليكم زى مزارع مشروع الجزيرة بتاع القطن يزرع ويعبئي يبيع في البورصات الاوربية وبعد ايام يجيبوا ليهو قطنه ذاتو اسكيرتات وبلوزات وبام..
هسع سار يا عشايا والسراى
وحاجات كتيرة تصنع عندنا في البوادي ويجوا ناس البندر يدخلوا عليها الموسيقي الحديثة ويرجعوها لينا تخلينا نحن ذاتنا نحت مع الجكسي .
Post: #65 Title: Re: ما أحلى ساعات اللقاء... Author: ملكة سبأ Date: 09-15-2007, 09:01 AM Parent: #1
سلاااام
رمضان كرييييم
شنو ياممكونة قايمين بنمرة عشرة كدي
البوست قرّب يقلب ونحن لسة ماجينا
رشاسالم المرة الفاتت عرسوها بعد البوست
وانتي المرة دي اتعلمتي تنزلي فيديو خلاله
اها انا ياربي السنة الجاية الحا اعمل شنو قبلو
أهم زول الزول خلي بالك من الجناح اليمين المرة دي جاهز قبل شهرة اظنو
ولا ظنيتو متفق مع الجماعة وجاهز من ايام التسجيل الاولى
بس اخاف عاصم يجي يقول بهتهم تاني
Post: #66 Title: Re: ما أحلى ساعات اللقاء... Author: abubakr Date: 09-15-2007, 09:16 AM Parent: #1
Quote: برادك الصيني القريافة راميني
صيني وين اصلي واللا مقلد واللا تايواني ؟؟ ات الجابك هنا شنو ؟ ا مبدة كمان سويتها بطانة ؟ اها ود البنا امس قال الزول راكب الجمل ويتهوزز لحد حلفا ما قال امبدة؟؟ بطل السلبطة دي ؟ الدنيا رمضان وات زول بندر سااااي ... قال بطانة قال ...
Post: #67 Title: Re: ما أحلى ساعات اللقاء... Author: ملكة سبأ Date: 09-15-2007, 09:37 AM Parent: #1
Post: #69 Title: Re: ما أحلى ساعات اللقاء... Author: الطيب شيقوق Date: 09-15-2007, 10:24 AM Parent: #67
.صيني وين اصلي واللا مقلد واللا تايواني ؟؟
رطاني
Post: #70 Title: Re: ما أحلى ساعات اللقاء... Author: mamkouna Date: 09-15-2007, 01:22 PM Parent: #1
تحية خاصة..ل..
سعد الدين.. فيصل نوبي.. إنعام عبد الحفيظ.. المعز.. غادة عبد العزيز.. و.. ستنا و ست البوست و البوستات المجاورة.. ملكتنا..بلقيس..!
Post: #71 Title: Re: ما أحلى ساعات اللقاء... Author: Raja Date: 09-15-2007, 01:32 PM Parent: #70
ممكونة العزيزة وضيوفها..
رمضان كريم وكل عام وأنتم بخير..
من هنا برسل سلام وتهنئة لعمي السر قدور.. ربنا يمد لينا في عمره
Post: #72 Title: Re: ما أحلى ساعات اللقاء... Author: Hussein Mallasi Date: 09-15-2007, 01:33 PM Parent: #70
لولا إشارة محمدية لأحمد الملك أن يتريث حتى تبدأ أسرار؛ لشنقها مثلما اعتاد – كثيراً – أن يفعل!
Post: #73 Title: Re: ما أحلى ساعات اللقاء... Author: abubakr Date: 09-15-2007, 03:26 PM Parent: #1
Quote: السر دا حقو ما كان يخلوهو كدا براهو؛ و مفروض كان يجيبوا ليهو زول يعد ليهو البرنامج!!
اكييد ففي الحلقتيين الماضيتتين كثير من عشوائية اضرت بالبرنامج وكانت "اللخمة " ضاربة الثلاث اطراف : السر (رغم خبرة اذاعية طويلة بضعف اعمار معظم المشتركيين) و الموسيقيين (كذلك رغم خبرة محمدية التي تعادل تلك للسر ) والشباب ( ولا الومهم في لخمتهم فغياب الاعداد المسبق وما سياتي به السر يجعلهم متحفزيين احيانا واحيانا ساهميين او في نقاش جانبي ...) عموماومن متابعة لبرامج النيل الازرق هذا العام اري ان هذه القناة تنحدر بسرعة صوب حفرة تلفزيون السودان ومن الامثلة برنامج بث اخر الليل امس اسمه" بيت وثلاث (لا اذكر بالضبط ايه )" سئ الاعداد والحوار والديكور ...الخ ....
Post: #74 Title: Re: ما أحلى ساعات اللقاء... Author: abubakr Date: 09-15-2007, 05:43 PM Parent: #1
من الحلقة الاولي( ياعم تمبس معليش لتسلبطنا ودخلنا في تخصصك .. بس محاولة ) زهر المواسم (عبدالحميد يوسف - فاطمة الحاج) بصوت واداء اسرار باباكر اهداء للجميع و للاخت اشراقة مصطفي بمناسبة عيد ميلادها (انا بقول العشرين والباقي علي كيفها ) والذي يوافق غدا 16 سبتمبر
Post: #75 Title: Re: ما أحلى ساعات اللقاء... Author: abubakr Date: 09-15-2007, 07:03 PM Parent: #1
شاهدت البرنامج بعد الخمس دقائق الاولي وبالتالي تجاوزت "دعايات ودعايات" فبدت لي الحلقة منضبطة وحقيقة كانت كذلك واكثر ترتيبا والتزاما .... ولقد كان نجم الحلقة هو عاصم البنا بلا منازع فهو حافظ وصاحي وقادر علي استنهاض الشباب والعازفيين في هذه الاغنية الرائعة لبطران:
Post: #92 Title: Re: ما أحلى ساعات اللقاء... Author: Abomihyar Date: 09-16-2007, 08:19 PM Parent: #75
سلامات يا ابو بكر
ياخي أغنية زي دي تخت ليها صوت واطي كده ليه؟؟؟؟؟
أرفع يا خي أنت ما عارفنا نحن ناس رفاعة؟؟
Post: #76 Title: Re: ما أحلى ساعات اللقاء... Author: mamkouna Date: 09-15-2007, 07:21 PM Parent: #1
الحلقة التالتة:-
* كانت حلقة اليوم (( حلقة فرحانة ))..إهتمت بإغاني الفرح أو بالأصح الأغاني التى مزجت الجمال الإنساني ب جمال الطبيعة... يعني نظام..الخُضرة و الماء و..الوجه الحَسَن.
* أبو الكلام قال ما معناه أن خليل فرح أحدث تغيير كبير في مسار الأغنية السودانية و حكى عن (( معركة الضواحي )) التى سجلها ابراهيم عبد الجليل في القاهرة و فوجيء في السودان بتسجيل آخر للأغنية بصوت مطربة إسمها فضيل الله!! تفرعت بعد داك فروع جديدة للأغنية ... منها.. * من محاسن حسنو المحاسن....في جبينو النور و الهلال ل عبيد عبد الرحمن. * من محاسن حسن الطبيعة....تلقى هيبة و عظمة و جلال ل العبادي * يا ربيع في روض الزهور...عش مُنعٌم طول الدهور ل مصطفى بطران * ما بنسى ليلة كنا تايهين في سمر... بين الزهور..أنا و إنت و النيل و القمر ل محمد بشير عتيق * الزهور بسمت لينا و الغصون مالت فرحى ل عبد الرحمن الريح * غني يا طيور أو أغنية عيد الربيع ل علي محمود التنقاري و عشة الفلاتية. ثم...
* خُتمت الجلسة برائعة محمد أحمد سرور.. أطرد الأحلام يا جميل و أصحى ... قوم نقضي الليل..في ضفاف النيل..ننشد الفُسحة. و التى غناها عاصم البنا بمنتهى الروعة و المزاج.
---------------------- بره الشبكة:-
* المصوراتي بعد كان مٌركز على الكراسي..الليلة ركٌز على صلع فرفور و عصام.. و فعلاً لاحظنا إنو صلعة عصام أشد لمعاناً من صلعة فرفور.
*لاحظتَ إنو فرفور و عاصم بيقرو من حاجة...يبدو إنهم إستعانو ب بخرات عشان ما نتهمهم بعدم الحفظ زي السنة الفاتت.
* في كتير من الهمز و اللمز و حركات بالعيون و اليدين بقيادة فرفور..و بقدر ما بيكون الموضوع لذيذ مرات..مرات بيكون فيهو إستهتار و عدم إحترام لأبو الكلام و للجمهور.
Post: #77 Title: Re: ما أحلى ساعات اللقاء... Author: الزوول Date: 09-15-2007, 07:34 PM Parent: #76
السلام عليكم زماااااااااااااان كنت بشتري كتاب زهرة الأغاني وأمشي اقفل الديوان وأقيف قدام المراية وأقعد اقرأ وأغني وبكون في غاية الطرب بس في مشكلة صغيرة... ما كنت أقدر اشوف نفسي وأنا بغني لأنو تركيزي بيكون مع الكتاب الا إذا حفظت المقطع... فاضطريت لحفظ معظم الأغاني أها... أنا متأكد لو كنت مكان الشباب ديل كنت غنيت أحسن منهم ما موضوع صوت لكن تلفزيونياً الواحد لما بيشوف الفنان البيغني ده ... بيقرأ من ورقة أو بخرة معناها ايه أعزائي القراء ( يا قول بشاشا) معناها الفنان ده ما بيحس الكلام البيغني فيه ده ومعناها انو ما عايشو وده يخليهو يفقد ميزة اندماج المستمع معاهو لأنو بكل بساطة انت لما تغني لى زول .. مفروض تعاين في وشو مش تعاين للورقة المخبيها تحتك غايتو بدون تعصب لفردتنا أحسن واحد حافظ وأحسن ابداع في حلقة اليوم الكانت عن الغناء للطبيعة ..... ممكونة أثناء كتابتي للتعليق عملت Refresh لقيتك ما قصرت الله يديك العافية ولكن بداية تعليقي قد لا تكون مكررة لذا أنزلته كما هو..بدون تغيير تحياتي .................... وما الناس إلا هالك وأبن هالك *** وذو نسب في الهالكين عريق
Post: #78 Title: Re: ما أحلى ساعات اللقاء... Author: Hussein Mallasi Date: 09-15-2007, 07:37 PM Parent: #76
ما معقول زول واحد يتكلم .. و قصادو خمسة رهن الإشارة؛ يا فلان غني كذا .. و فلان غني كذا !!
Post: #79 Title: Re: ما أحلى ساعات اللقاء... Author: الزوول Date: 09-15-2007, 07:54 PM Parent: #78
السلام عليكم يبدو أن اتفاقنا تام يا ممكونة
Quote: لاحظتَ إنو فرفور و عاصم بيقرو من حاجة...يبدو إنهم إستعانو ب بخرات عشان ما نتهمهم بعدم الحفظ زي السنة الفاتت.
عندي احساس انو ناس النيل الأزرق ساقوا عربية ومشوا لملموا الناس ديل وأدوهم البخرات دي ويا قول حسين قالولهم انتوا بس اقعدوا ساكتين ساكت ولما أبو الكلام يعين واحد فيكم يقوم يقرأ من البخرة ويغني .................... وما الناس إلا هالك وأبن هالك *** وذو نسب في الهالكين عريق
Post: #80 Title: Re: ما أحلى ساعات اللقاء... Author: Hussein Mallasi Date: 09-15-2007, 08:09 PM Parent: #79
تخصص المصور في قفا المغنيين لا يفوقه إلا تجاهله لعازف الإيقاع الآخر!!
Post: #81 Title: Re: ما أحلى ساعات اللقاء... Author: ملكة سبأ Date: 09-16-2007, 08:20 AM Parent: #1
دا قفا المغنيين ولا قفا الكراسي ؟!!
وحاة الله كتروها ومسخوها ؛ لمن بقت بايخة
برضو اكرر كلام ممكون عن الحركة الزايدة لجمال فرفور (لمن يشكك )
وفعلا مابتحس في حلقة امس بجمال أداء الا بعد ان تداركنا فردتنا على قول الزول
البرنامج انا مثبتة بيهو ناس البيت عن مسلسل قالو مهمة
فحقو تتصلحو معانا ياعمو السر
أسرار المرة دي (قاشرة) كويس ياعمر الفاروق
Post: #82 Title: Re: ما أحلى ساعات اللقاء... Author: mamkouna Date: 09-16-2007, 10:50 AM Parent: #1
كيف أصبحتو يا ناس البوست ؟!!! __________________________________________
Post: #83 Title: Re: ما أحلى ساعات اللقاء... Author: الزوول Date: 09-16-2007, 02:14 PM Parent: #82
السلام عليكم
Quote: دا قفا المغنيين ولا قفا الكراسي ؟!!
وحاة الله كتروها ومسخوها ؛ لمن بقت بايخة
ممكونة تدوير الكاميرا في قفا المغنيين والكراسي والموسيقيين والمشاهدين شيء طبيعي لأن الغرض مش التدوير الغرض (غض البصر) عن الفنانيين البيشّفوا والمصورين المساكين ديل واحد قعد يغني وقالوا ليه ما تركز الكاميرا عليهو أها ... يمشي وين عاد ما ياها قفا الناس ... تعرفي يا ممكونة المصورين المساكين ديل ذكروني زماااااااااااان لما أمي تكون مشغولة وما عايزني أخرب ليها شغلها تقولي أطلع من هنا وأطلع الشارع وبى عدم الموضوع أسوي زي المصورين ديل أعاين – وربما ألمس – قفا الناس تخريمة: أنتو جمع قفا شنو؟ ........................ وما الناس إلا هالك وأبن هالك *** وذو نسب في الهالكين عريق
Post: #84 Title: Re: ما أحلى ساعات اللقاء... Author: saadeldin abdelrahman Date: 09-16-2007, 02:21 PM Parent: #83
Quote: قفا
أظن أقفية لكن المؤكد انها ما قفف.
Post: #85 Title: Re: ما أحلى ساعات اللقاء... Author: Hussein Mallasi Date: 09-16-2007, 06:10 PM Parent: #84
تاني بتجي المولد يا عاصم
Post: #106 Title: Re: ما أحلى ساعات اللقاء... Author: mamkouna Date: 09-17-2007, 12:20 PM Parent: #84
Quote: أظن أقفية لكن المؤكد انها ما قفف
طب ممكن تكون (( قِفاف ))..؟؟؟؟!!
Post: #86 Title: Re: ما أحلى ساعات اللقاء... Author: mamkouna Date: 09-16-2007, 06:34 PM Parent: #1
تلغراف مستعجل ل ود البنا:-
الهرشو منو يا ناس.. الهرشو منووووووووووو...!!؟؟؟
Post: #88 Title: Re: ما أحلى ساعات اللقاء... Author: Souad Taj-Elsir Date: 09-16-2007, 06:50 PM Parent: #86
الأستاذة الفاضلة ممكونة وضيوفها الكرام، يا سلام يا ممكونة على هذا البوست الجميل الرائع، وهذه الأنغام العذبة الحلوة
أعجبني جداً عنوان البوست "ما أحلى ساعات اللقاء" وأغنية أحمد المصطفى والأستاذ خالد أبو الروس الرائعة:
ما أحلى ساعات اللقاء في الشاطئ قُرب الملتقى أنا والحبيب عند الغروب
قف يا وديع في الملتقى شوف الطبيعة ورونقا نيلينا كيف متعانقة شوف النخيل الباسقة والنيل يفيض للروض سقا وزهور رياضنا مُنسّقة
شكراً للأستاذة ممكونة على هذه العذوبة وشكراً لكم جميعاً خاصة في هذا الشهر المبارك. رمضان كريم، نسأل الله أن يعيده علينا وعليكم بالخير واليُمن والبركات ووقف هذه الحروب الطاحنة وقد عمّ السلام جميع أرجاء الوطن الغالي، حتى ننعم بالرخاء ونواصل الإستمتاع بهذه الأنغام الجميلة.
Post: #93 Title: Re: ما أحلى ساعات اللقاء... Author: abubakr Date: 09-16-2007, 08:19 PM Parent: #88
مرحب بيك سعاد في ملتقانا الرمضاني وكل سنة وانتي وعبدالله والشباب بالف خير
Post: #97 Title: Re: ما أحلى ساعات اللقاء... Author: mamkouna Date: 09-16-2007, 10:48 PM Parent: #88
الدكتورة..سعاد تاج السر.. بوجودك إزدان البوست شكراً لتشريفك لينا.. و حقيقي.. نوٌر بيتنا... و.. شارع بيتنا.
Post: #89 Title: Re: ما أحلى ساعات اللقاء... Author: mamkouna Date: 09-16-2007, 07:01 PM Parent: #86
الحلقة الرابعة:- * دارت حلقة اليوم حول أغاني (( المُجاملات ))...و تحدث أبو الكلام عن مجاملة الشعراء و المُلحنين و المطربين لبعضهم بالأغاني في مناسباتهم .
* حكى لينا عن (( بلبل )) المونولوجست الحاول يجامل واحد صاحبه في عرسو..ليتضح بعد كدا إنه دخل عرس تاني!! فقال ليهم (( طب ممكن تغيٌرو لي العريس ))!
* من أشهر أغاني المجاملات..مجاملة خليل فرح في زواج محمد عثمان شقيق حسين عثمان منصور و هي.. تمٌ دور و إتدور..عمٌ و نورو شال فات الحلة نوٌر ..زي بدر التمام.
* برضو في مجاملة عبد المطلب حدباي... زهر الرياض في غصونو ماح.. و إتراخى في الساحة أم سماح.. شايل من طبعو الجماح.
* برضو مجاملة مُسعد حنفي في زواج واحد إسمو قاسم... دار العزة يا عبد العزيز إتجلى في نور الطريف المنو زينة الكون.
* الناعسات عيونن..نور جبينن هلٌ.. ما بين تبري صافي..و أخدراني اللون.
* الحتة دي فاتتني..كنت ميتة من الضحك...في هرشة فردتنا!!!!!
* بعد كدا كانت في مجاملة الجاغريو لأحمد المصطفى... حبيبي أنا فرحان..فرحان بيك.
* أختتمت الجلسة بأداء جميل جداً ل فرفور...
قضينا ليلة ساهرة..تضمنت محاسن من كل روضة عينة...من كل عينة زهرة.
بره الشبكة:
* من حركات فرفور و فرفرته طوال الحلقات السابقة..واضح جداً أنه يستحق اللقب! * الجماعة إتفقوا يلخبتو أبو الكلام..مُش كدا يا عاصم محمد نور؟ * المصور رحمنا الليلة من الصلع و الجلحات الصغيرة و ركز على قميص محمدية! * يعني يا عاصم...يرتاح من نسرين...تجيهو إنتَ!
Post: #87 Title: Re: ما أحلى ساعات اللقاء... Author: abubakr Date: 09-16-2007, 06:44 PM Parent: #1
اولا اين تمبس ؟؟؟؟؟؟؟؟ ثانيا حلقة اليوم كانت عن اغاني المجاملات ولكن ابوالكلام ما جامل زولنا ود البنا وعاملو بنفس الاسلوب السلطوي الذي كان يعامل به نسريين ...وكذلك فرفور لم يجامل نادر خضر وقلع الاغنية من حلقو بصورة عشوائية وفيها كثير من الفوضي وعدم الانضباط ... عموما التعليق الرسمي من ممكونة والزوول والكسرة لملاسي .. اما انا قلقد اعجبت بمجاملة الجاغريو لابن اخته احمد المصطفي والف اغنية خاصة (ياحبيبي انا فرحان) ولحنها وغناها له في حفل زواجه وادتها اسرار بابكر بانضباط وحرفية كما يلي :
Post: #90 Title: Re: ما أحلى ساعات اللقاء... Author: Hussein Mallasi Date: 09-16-2007, 07:08 PM Parent: #87
لكي يستقيم الأمر؛ لا بد أن يجلس فرفور في جهة؛ و عصام في الجهة المقابلة
Post: #108 Title: Re: ما أحلى ساعات اللقاء... Author: mamkouna Date: 09-17-2007, 01:14 PM Parent: #90
لكي يستقيم الأمر؛ لا بد أن يجلس ود البنا في جهة؛ و أبو الكلام في "القناة" المجاورة
Post: #96 Title: Re: ما أحلى ساعات اللقاء... Author: Abomihyar Date: 09-16-2007, 08:48 PM Parent: #87
برضو يا أبوبكر
Post: #91 Title: Re: ما أحلى ساعات اللقاء... Author: محمد غلامابي Date: 09-16-2007, 08:02 PM Parent: #1
شكراً للمكونة علي المتابعة
...........
(تمبس) دائماً شغلو بيان بالعمل...
..........
شكراً للمجهود هنا
.....
غض النظر عن الاراء حول البرنامج..
......
سأعود..
.......
غلامابي
Post: #94 Title: Re: ما أحلى ساعات اللقاء... Author: الزوول Date: 09-16-2007, 08:35 PM Parent: #1
السلام عليكم وقعوا معي للأحتجاج على أبوالكلام على هرشة فردتنا وإعلان التضامن معه ولا نامت أعين الجبناء ........ أجمل وصف للمجاملات هو ما استهل به أبو الكلام جلسة اليوم الرابع عطر العلاقات الإجتماعية وعنها دارت الحلقة.. ساكمل فقط ما بدأته المراسلة الفنية الرسمية ممكونة
Quote: من أشهر أغاني المجاملات..مجاملة خليل فرح في زواج محمد عثمان شقيق حسين عثمان منصور و هي.. تمٌ دور و إتدور..عمٌ و نورو شال فات الحلة نوٌر ..زي بدر التمام.
فيها يذكر أن المغنيين يغنونها بصورة خاطئة فهم يقولونها تم دورو إدّور وتعني أن الهلال أكمل أسبوعاً وصار مدوراً وهذا لا يجوز حيث أنه لا يمكن أن يصير كذلك في دور (اسبوع) والصحيح أنه يعني الراقصة تم دورة ..ودوّر بمعنى انها أكملت دورة الرقص ثم رجعت مرة أخرى وهذا في رايي هو المعنى الصحيح ولكن كيف فات هذا على استاذنا عبدالكريم الكابلي ؟ قام محمد بشّر ...
Quote: برضو في مجاملة عبد المطلب حدباي... زهر الرياض في غصونو ماح.. و إتراخى في الساحة أم سماح.. شايل من طبعو الجماح.
كانت الأغنية في نفس الحفلة ولنفس المحمد وفيها يقول يا محمد أبياتي القلال تاج في جبينو وليك هلال بقدرة الحي ذو الجلال تتهنا ... في بيت الحلال لما سمعت (عاصم محمد نور ) يغنيها قلت الله يرحمك يا أبو داود .........
Quote: برضو مجاملة مُسعد حنفي في زواج واحد إسمو قاسم... دار العزة يا عبد العزيز إتجلى في نور الطريف المنو زينة الكون.
ملحوظتين الأولى ..عبد العزيز هذا هو عبدالعزيز المأمون شقيق ميرغني المأمون الثانية .. غناءها بنفس طريقة الحقيبة ( بدون أدوات موسيقية) عدا الإيقاع وهي ألحان عوض شمبات ............
Quote: بعد كدا كانت في مجاملة الجاغريو لأحمد المصطفى... حبيبي أنا فرحان..فرحان بيك.
غنتها أسرار بطريقة معقولة وشايف علاقتها مع أبو الكلام سمن على عسل غايتو أنا زعلت بصورة شخصية وأظن فردتنا عاصم برضو جد جد وبالذات لما قدم أسرار وطلب من فردتنا ما يقاطعها ولو لاحظتو فعلاً عاصم خت المايك ورفض يشيل معاهم.. بس في آخر الأغنية أكلها في حنانو وجامل كمان يا فردتنا انت غلطان كبسور ده الموديك تهبشو شنو؟ وعمنا أبو الكلام طبزها تاني لما ختم أغنية أسرار أنا فرحان بقوله والله أنا برضو فرحان بيكم كلكم .. وفرحان بيك انت يا سارة
Quote: أختتمت الجلسة بأداء جميل جداً ل فرفور...
قضينا ليلة ساهرة..تضمنت محاسن من كل روضة عينة...من كل عينة زهرة.
وهي مجاملة محمد بشير عتيق لصديقه الذي أبى أن يخبرنا بأسمه ليجبرنا على سماع الأغنية كاملة ونعرف أن صديق عتيق هو والتهاني مستمرة ... للعربي البارودي أو كما قالوا
تخريمة: أبوبكر ... شكراً وتنزيل الفيديو عندنا هنا فرض كفاية إذا قام به البعض سقط عن الكل وانت ماك مقصر معانا..بس برضو فاقدين تمبس
.................... وما الناس إلا هالك وأبن هالك *** وذو نسب في الهالكين عريق
Post: #268 Title: Re: ما أحلى ساعات اللقاء... Author: salma subhi Date: 09-24-2007, 07:18 AM Parent: #94
شكراً ممكونة على البوست الراقي
تقديري
متابعين
Post: #95 Title: Re: ما أحلى ساعات اللقاء... Author: abubakr Date: 09-16-2007, 08:40 PM Parent: #1
Quote: أبوبكر ... شكراً وتنزيل الفيديو عندنا هنا فرض كفاية إذا قام به البعض سقط عن الكل وانت ماك مقصر معانا..بس برضو فاقدين تمبس
الفيديو بتاع تمبس غير (كما يقول الاعراب هنا) اي فيديو محترفيين اما انا فاكمل تعليقي به ونبقي جميعا في انتظار تمبس وبيانه بالعمل ...
Post: #99 Title: Re: ما أحلى ساعات اللقاء... Author: mamkouna Date: 09-17-2007, 06:21 AM Parent: #1
يا جماعة..بيجيني إحساس إنو أبو الكلام مُعتبر الجماعة المعاهو ديل أولادو..يعني الشخط و النطر دا ما فيهو كبسرة كما ذكر الزووول و ما فيهو سلطوية كما ذكر ابوبكر...فيهو (( أبوية )) مخلوطة بالكثير من المَحنٌة و الإهتمام. رأي شخصي! و عشان أتأكد من الموضوع دا ساهرتَ مخصوص عشان أحضر الإعادة.. لكن.. غلبني النعاس.
أبو بكر..تمبس..الزووول.. في طريقة تنزلوا لينا حتة الهرشة! بالجد عاجباني!
Post: #104 Title: Re: ما أحلى ساعات اللقاء... Author: فيصل نوبي Date: 09-17-2007, 10:42 AM Parent: #99
Quote: في طريقة تنزلوا لينا حتة الهرشة! بالجد عاجباني!
إضغط للتشغيل ممكون و صابر
Post: #107 Title: Re: ما أحلى ساعات اللقاء... Author: mamkouna Date: 09-17-2007, 12:29 PM Parent: #104
مشكوور يا نوبي ..
ود البنا وجهة نظرو كانت إنو أغاني المجاملات الزمان وٌثقت للمناسبات كما توٌثق كاميرا الفيديو حالياً للمناسبات.. ياربي كان قال ليهو (( you tube )) كان عمل شنو!!
Post: #100 Title: Re: ما أحلى ساعات اللقاء... Author: mamkouna Date: 09-17-2007, 07:01 AM Parent: #1
تحية خاصة لضيوفنا.. أبو مهيار.. و.. غلامابي. نوٌرتونا.
و أنا معاك يا أبو مهيار في حكاية الصوت.. يا باشمهندس أبو بكر... تست..تست..واحد..إتنين..
Post: #101 Title: Re: ما أحلى ساعات اللقاء... Author: الطيب شيقوق Date: 09-17-2007, 07:14 AM Parent: #100
Quote: .. اما انا قلقد اعجبت بمجاملة الجاغريو لابن اخته احمد المصطفي والف اغنية خاصة (ياحبيبي انا فرحان) ولحنها وغناها له في حفل زواجه وادتها اسرار بابكر بانضباط وحرفية كما يلي :
والله حيرتنا اتاري نحن الزمن ده كلو بننفخ في قربة مقدودة واتاريك غاشينا رطاني رطاني رطاني
امشى كده انت والله ناقش كل حاجة ولاعب علينا سااااااااااااى .
تاني بنديك بالتقيل من بنت عدنان .
بتذكرني هندى بصلي بينا التراويح وتلاوته حلوة حلوة وحافظ المصحف كله وتقول يا ربي ما يقيف .
اها انا بشلاقتي ديك قلت امشى اتعرف بيهو بعد الصلاة واعلق ليه عن تلاوته الجميلة .
قلت ليهو ما شاء الله والله انا مرتاح جدا لتلاوتك . زولك عاين لى وقال لى What do you say? قلت لنفسي افو افو افو زولك حدو المصحف بس اى كلمة عربية خارج القران ما ناقشها.
هسع افتونى يا اخواني ما هو حكم صلاتي وراء هذا الاعجمعي؟
هسع تكون انت بتابع ناس الجاقريو زى الهندي ده صاح يا باش؟
لاحظت ان فردتنا بعد (التقطيمة) اخد ليهو تكلة على الكرسي وسرحة .. فدار بخلدي انو شال هم لألسنتكم ...
فيا زول ولا يهمك واااثقين منك .. أفضل اداء ومتابعة
في ظل خفة فرفور وتقلة نادر (عااامل حسابو من أبو كلام) ..
ياالزوول ..ركز معانا بقى
Post: #103 Title: Re: ما أحلى ساعات اللقاء... Author: ملكة سبأ Date: 09-17-2007, 08:58 AM Parent: #1
Quote: الجماعة إتفقوا يلخبتو أبو الكلام..مُش كدا يا عاصم محمد نور؟
يتخيل لي ياممكونة الجماعة كانو عايزين يورطو فيها (عاصم) لكن ابو كلام أصر انه دور (عصام) حسب توزيعاته فاتحرفن عليهم بحكاية عاصم محمد نور دي اللهي قريبة من جمال فرفور الشهير بي جمال مصطفى
Post: #105 Title: Re: ما أحلى ساعات اللقاء... Author: Hatim Yousif Date: 09-17-2007, 10:53 AM Parent: #1
ست البوست / ممكونه والزوار............................ سلام - البرنامج كان من الممكن يكون أفضل من كده كتيييييير .... لو شويه حصل فيهو تعب للإعداد لكل حلقة .. - يعنى كل حلقة بأغانيها كاملة مع إفراد مساحة مقدرة ل أبو الكلام ... لتوضيح المناسبة لكل أغنية .... / على الأقل الفنانيين يكونوا حافظين الأغنية ... - ------------------ بصرررررررراحة مستمتع جداً بأداء / فرفور ....وعصام وعاصم وأسرار .....
لكن / نادر خضر ده المفروض يكون بيعمل في حاجة تانية ....... يستفيد منها .............. ونرتاح منه نحنا .............. - -
Post: #123 Title: Re: ما أحلى ساعات اللقاء... Author: mamkouna Date: 09-17-2007, 09:34 PM Parent: #105
Quote: لكن / نادر خضر ده المفروض يكون بيعمل في حاجة تانية ....... يستفيد منها .............. ونرتاح منه نحنا ..............
بعد أغنية الليلة دي.. ما غيٌرت رأيك يا حاتم يوسف؟!!!
Post: #125 Title: Re: ما أحلى ساعات اللقاء... Author: Hatim Yousif Date: 09-18-2007, 09:15 AM Parent: #123
بعد أغنية الليلة دي.. ما غيٌرت رأيك يا حاتم يوسف؟!!!ب
ست البوست / ممكونه ...............
ياخ الزول ده طلع روح الأغنية عديل كده ........ والله تجيك منها ريحة غناء الأحباش من الشارع الرابع ........... لسه أنا مصر ... نادر خضر ودوه الضل أحسن .. - أسرار .......... منتهى الحلاوة في أغنية (فاطمه الحاج ) - -
Post: #109 Title: Re: ما أحلى ساعات اللقاء... Author: الزوول Date: 09-17-2007, 03:29 PM Parent: #1
السلام عليكم هرشة فردتنا حسب طلب ممكونتنا طبعاً ال Youtube بيطلب تصنيف الفيديو وبيني وبينكم ما عرفت اعمل التصنيف شنو غايتو آخر حاجة عملت التصنيف كوميدي الله في
.................... وما الناس إلا هالك وأبن هالك *** وذو نسب في الهالكين عريق
Post: #128 Title: Re: ما أحلى ساعات اللقاء... Author: Gaafar Ismail Date: 09-18-2007, 03:09 PM Parent: #109
Post: #110 Title: Re: ما أحلى ساعات اللقاء... Author: abubakr Date: 09-17-2007, 03:52 PM Parent: #1
عفوا ياجماعة دي كسرة في انتظار ابو الكلام
Quote:
هسع تكون انت بتابع ناس الجاقريو زى الهندي ده صاح يا باش؟
صاح ... .. العبقرية في اني بعرف نضمكم يا عرريب وانت ما بترطن بالرغم من انو الرطانة في السودان اقدم من العربي ..
Post: #111 Title: Re: ما أحلى ساعات اللقاء... Author: abubakr Date: 09-17-2007, 06:49 PM Parent: #1
عند ابوالكلام كلام مفيد كثير يختصره البرنامج او طبيعة اعداد البرنامج وددت لو ان هنالك مذيعا مقتدرا محاورا قادر علي التقاط ماهو مفيد .. اعجبني اليوم تناوله لللايقاع وامثلة اتي بها من واقع ما لدينا في السودان .. حلقة اليوم الخامس هذه يبدو ان تم تسجيلها مع او يوم تسجيل الحلقة الاولي وهذا واضح من لبس المشتركيين وكرفتة ابو كلام المفكوكة .. اعجبني نادر خضر في رائعة التاج مصطفي انصاف فانصف البرنامج والموسيقيين اليوم .. ساكتفي بالكتابة فقط رغم تحميل الاغنية في يوتيوب املا في ان يعود تمبس بحرفيته مشاركا كتابة وصورة ...
Post: #112 Title: Re: ما أحلى ساعات اللقاء... Author: mamkouna Date: 09-17-2007, 07:16 PM Parent: #1
الحلقة الخامسة:-
* دارت حلقة اليوم عن (( الإيقاع )) و إنتقال الأغنية السودانية من إيقاع التُم تُم..لأيقاع الرومبا.
* ذكر أبو الكلام أن الإيقاع أنواع.. إيقاع يمشي وراك.. إيقاع يمشي معاك.. و.. إيقاع يمشي قدامك!!!
* ذكر أيضاً أن الشباب إعتادو شراء أحذية مُعينة لأداء رقصة الرومبا..فكانت أغنية.. يا عم يا عم... شبط النايلو ب كم؟!!!
* بدأ الغناء برائعة عوض الكريم القرشي.. الحالم سبانا..أحب طرفو الكحيل... و قد أداها (( ثنائي الصِلَع )) فرفور و محمد نور..بإحساس جميل.
* حكى لينا عن لمٌة الشباب قدام الإسبتالية للتغزل في الجميلات.. فغنانا عاصم البنا.. حبيبي آه..قلبي تاه...في يوم الزيارة.
* عرفنا بعد داك إنو عشة الفلاتية كانت مُنافِسة قوية لزملائها المطربين...فغنت على أنغام الرومبا.. أغنية.. أنا بحبك يا مُهذٌب و التى أدتها أسرار.
* خُتم اللقاء بأداء رائع و إحساس عالي و هرمنة بديعة لنادر خضر و أغنية.. يا روحي أنصفني..من ظُلمَك..لأنو قاسي علي أنا يا حبيب ظُلمك.
بره الشبكة:-
* التحية و التجلة للأوركسترا التى أدت أغنية (( يا روحي أنصفني )) بهرمنة بديعة... و التحية ل محمدية...لحُسن هندامو!!! * نادر خضر كان برضو بيقرا من ورقة..مما دفع بالمصور إلى (( صِلَع )) الثُنائي مرة أخرى... نحن ذنبنا شنو؟؟!!! * نادر خضر كان بيغش من ورقة..طيب عاصم و أسرار مالم؟؟؟ ذكروني الطالب القاعد يغش من زميلو. زميلو كتب : لا أعرف الإجابة. هو كتب : و أنا كمان!!!
Post: #113 Title: Re: ما أحلى ساعات اللقاء... Author: abubakr Date: 09-17-2007, 07:27 PM Parent: #1
Quote: * خُتم اللقاء بأداء رائع و إحساس عالي و هرمنة بديعة لنادر خضر و أغنية.. يا روحي أنصفني..من ظُلمَك..لأنو قاسي علي أنا يا حبيب ظُلمك.
تمبس سيواصل ابداعاته التي انقطعت لاسباب فنية كما عرفت منه . وحيث ان نادر خضر ابدع وتمبس ما سجل قلت برضو اشارككم في "انصاف":
Post: #114 Title: Re: ما أحلى ساعات اللقاء... Author: mamkouna Date: 09-17-2007, 07:28 PM Parent: #1
باشمهندس أبوبكر.. الزوووول.. تمبس..
الممكون بيطلب منكم أغنية نادر خضر.. (( يا روحي أنصفني )).. تفتكرو قاصد حاجة ؟؟؟!!!
Post: #115 Title: Re: ما أحلى ساعات اللقاء... Author: mamkouna Date: 09-17-2007, 07:35 PM Parent: #114
مشكوووووووور يا باشمهندس على سُرعة الإستجابة.
by the by..... إنتَ معاي و لا مع الممكون ؟؟؟!!!
------------------
Post: #117 Title: Re: ما أحلى ساعات اللقاء... Author: الزوول Date: 09-17-2007, 07:58 PM Parent: #115
السلام عليكم ممكونة شاهدت الحلقة الخامسة ، وأشرعت كيبوردي للتعليق فوجدتك قد أوجزت وأوفيت لا فض فوك ...... أبوبكر رأيك شنو تتولى رسمياً وظيفة .. المكتبة شكراً لك صديقي ونحن ستاند باي أي شنكبة .. عنكبة .. قول عوووك ( مش عييييك ) تخريمة: رمضان كريم وتحية خاصة للممكون صدق السماك الممكون الحلقات الفاتت دي كلها عن الأفراح والمجاملات والأغاني الفرايحية ما طلبت منها حاجة أول ما جينا على الظلم والإنصاف والحزن .. بديت الطلبيات الله في .................... وما الناس إلا هالك وأبن هالك *** وذو نسب في الهالكين عريق
Post: #127 Title: Re: ما أحلى ساعات اللقاء... Author: mamkouna Date: 09-18-2007, 01:53 PM Parent: #117
Quote: الحلقات الفاتت دي كلها عن الأفراح والمجاملات والأغاني الفرايحية ما طلبت منها حاجة أول ما جينا على الظلم والإنصاف والحزن .. بديت الطلبيات . الله في
في داعي للإحراج.. و.. شيل الحال...؟؟؟
Post: #116 Title: Re: ما أحلى ساعات اللقاء... Author: abubakr Date: 09-17-2007, 07:39 PM Parent: #1
Quote: by the by..... إنتَ معاي و لا مع الممكون ؟؟؟!!!
دة سؤال ما فيه "انصاف" ...انا مع جنياتكم انتو الاتنيين .. اها عندك كلام ؟
Post: #119 Title: Re: ما أحلى ساعات اللقاء... Author: الطيب شيقوق Date: 09-17-2007, 08:31 PM Parent: #116
... العبقرية في اني بعرف نضمكم يا عرريب وانت ما بترطن بالرغم من انو الرطانة في السودان اقدم من العربي ..
لانو عربينا مشتت في الشوارع ورطانتكم تحت الرواكيب وضل النيم وبتقلبوا عربي لما نكون معاكم
قال نتعلم قال
Post: #118 Title: Re: ما أحلى ساعات اللقاء... Author: abubakr Date: 09-17-2007, 08:24 PM Parent: #1
Quote: أبوبكر رأيك شنو تتولى رسمياً وظيفة .. المكتبة شكراً لك صديقي ونحن ستاند باي أي شنكبة .. عنكبة .. قول عوووك ( مش عييييك )
تعرف انا بس "باكب Backup" لتمبس لحدما يضبط الامور الفنية ... عموما انا الشئ الوحيد حاليا في المكان والزمان الانا موجود فيه بعيد لي بعض من رمضان صمته في السودان قبل اكثر من ثلاث عقود هو ان اتابع هذا البرنامج بحسناته وسيئاته .. تمسك بالموجود القليل في غياب الكثير ..ولذا اسجله في وقته او اسجل مقاطع منه وارفعها الي يوتيوب في وقتها ...( الكميوترات اخذت من عمري تقريبا نفس الثلاث عقود منذ ان امتلكت اول واحدة منها وفرتقتها حتة حتة بس عشان اعرف ووو..ولولا ان الصبر قل لانتجت خيرا مما اسجله الان فالهاردويير متوفر بكثرة وكذلك السوفتويير بس وين الصبر ويير ... مودتي ابوبكر
Post: #120 Title: Re: ما أحلى ساعات اللقاء... Author: abubakr Date: 09-17-2007, 08:44 PM Parent: #1
Quote: لانو عربينا مشتت في الشوارع ورطانتكم تحت الرواكيب وضل النيم وبتقلبوا عربي لما نكون معاكم
بالضبط لانو بتاعكم سايب وبتاعنا حسوسي ..!!!
Post: #121 Title: Re: ما أحلى ساعات اللقاء... Author: abubakr Date: 09-17-2007, 08:44 PM Parent: #1
Quote: لانو عربينا مشتت في الشوارع ورطانتكم تحت الرواكيب وضل النيم وبتقلبوا عربي لما نكون معاكم
بالضبط لانو بتاعكم سايب وبتاعنا خسوسي ..!!!
Post: #122 Title: Re: ما أحلى ساعات اللقاء... Author: ودالعباسية Date: 09-17-2007, 09:11 PM Parent: #121
الاخوة اصحاب البوست الجميل ،،،
رمضان كريم ،،
متابعنكم من بداية رمضان وكل يوم بنزوركم هنا ،،،
بس بى صراحة ودا رائ شخصى ،،
انا ما اتكيفت او ما استمتعته بى اداء نادر خضر فى اغنية انصاف ،،
بنفس القدر استمتعته بى اداء الفرقة الفنية المصاحبة والحس المرهف العالى
خاصة من محمدية فى الكمان وسعد فى الاورغن ،،
وشكرا لى ابوبكر فى الفديوهات ،،
ومتابعكم ،،،
Post: #124 Title: Re: ما أحلى ساعات اللقاء... Author: الطيب شيقوق Date: 09-17-2007, 10:17 PM Parent: #122
بالضبط لانو بتاعكم سايب وبتاعنا خسوسي ..!!!
وتيّب
Post: #126 Title: Re: ما أحلى ساعات اللقاء... Author: mamkouna Date: 09-18-2007, 12:23 PM Parent: #1
أهلاً بيك يا ود العباسية. سعيدين أنك تكون معانا و متابعنا. خليك قريب.
Post: #129 Title: Re: ما أحلى ساعات اللقاء... Author: Ahmed al Qurashi Date: 09-18-2007, 05:36 PM Parent: #126
الاخت العزيزه / ممكونة
رمضان كريم وكل سنة والجميع بخير وصحة جيدة 0000 فى العام الماضى لم احظى بمشاهدة برنامج اغانى واغانى مباشرة نسبة لدوامى فى تلك الفترة ولكن الاخ العزيز محمد المرتضى سجل لى كل الحلقات وشاهدتها بالتتابع معه ولقد اعجبتنى كثيرا وهذا العام شاهدت حلقتين من البرنامج لكنها لم تعجبنى من حيث المعلومات والاراء التى يقدمها الاستاذ السر قدور وعدم اتاحته الفرص للفنانين للتحدث خاصة عاصم البنا والذى اذا اتيحت له الفرصة لاضاف الكثير لهذا البرنامج ... كنت اتمنى ان يكون هنالك متحدث اخر مع الاستاذ السر قدور حتى يبث فى البرنامج روحا جديدة ... لك التحية اختى العزيزة ممكونة... واننى مستمتع بهذا البوست والاراء التى تكتب قيه كثيرا .
Post: #130 Title: Re: ما أحلى ساعات اللقاء... Author: Hussein Mallasi Date: 09-18-2007, 06:25 PM Parent: #129
و الله – فعلاً – ممتازين.
Post: #131 Title: Re: ما أحلى ساعات اللقاء... Author: mamkouna Date: 09-18-2007, 06:59 PM Parent: #130
ملاسي إنتَ ما بتحضر دوبلاج بمزااج ؟؟!!!
Post: #132 Title: Re: ما أحلى ساعات اللقاء... Author: mamkouna Date: 09-18-2007, 07:15 PM Parent: #131
الحلقة السادسة:-
* كانت حلقة اليوم عن (( العلامات في حياة أهل الفن ))...و أعتقد أنه يقصد ال turning points في حياة أهل الفن.
* حكى عن أن فنان زي عبد الحليم حافظ لم يلحظه أحد حتى إشتهرت أغنيته (( على قد الشوق )) و لاقت نجاحاً كبيراً...فبدأ الجميع في التفتيش عن أغانيه السابقة.
* بدأ بعد ذلك في ذكر أمثلة..أشتهر فيها الفنان من أغنية واحدة.. صالح سعد مثلاً إشتهر بأغنية ... في القطار.
* في مرات أغنية بتشتهر أكتر من المطرب. زي أغنية صالح الضي.. أوعى تخلف الميعاد..و إنت عارف شوقي كم غناها نادر خضر.
* صلاح عيسى أشتهر بأغنية يا ليالي الأنس لي عودي..و أسمعيني الفرحة من عودي. غناها عاصم البنا
* إبراهيم إدريس الشهير بود المقرن إشتهر بأغنية عبد الرحمن الريح أنا في شخصك بحترم أشخاص..طبعاً عندي إحترامك خاص. غنتها المحترمة: أسرار بابكر
* رمضان حسن أشتهر بأغنية محمد دسوقي (( اللي هو إبن أخت سيد عبد العزيز ))!!! يا غرامي الأول..ذكرى لا تتحول من فؤادي و روحي للحبيب الأول و غناها الفرفور جمال!
* أما الفنان (( عثمان مصطفى )) فقد إشتهر بأغنية من كلمات إسماعيل حسن و ألحان محمد وردي تقول الأغنية.. طال علينا فراقكم...والله يا غايبين قدرِ ما ننسى العلينا...برضو مشتاقين. و غناها لينا...عصام محمد نور.
بره الشبكة: أعمل القهوة و أجيكم راجعة!
Post: #133 Title: Re: ما أحلى ساعات اللقاء... Author: Hussein Mallasi Date: 09-18-2007, 07:20 PM Parent: #132
Quote: ملاسي إنتَ ما بتحضر دوبلاج بمزااج
بعد بوست نجوان لو كنت بشوفها حأخليها
Post: #134 Title: Re: ما أحلى ساعات اللقاء... Author: abubakr Date: 09-18-2007, 07:25 PM Parent: #1
حلقة اليوم هي السادسة .. بدء الشباب في البداية متكاسليين الا انهم عندما غنو اجادو .. كان الموضوع عن "علامة" تجعل من الفنتان او الشاعر مشهورا في مرحلة ما بداية حياته او بعد فترة من ظهوره .. انها العلامة التي تشبه ما اشار اليه السيد قلادويلGladwell في كتابه الشهير تبينغ بوينت Tipping Point ومن هذه الاغنيات اغنية ابراهيم ادريس "انا في شخصك احترم اشخاص وطبعا عندي احترامك خاص " اجادت اسرار في ادائها باحساس عالي واجاد الموسيقيون(ولو ان الاغنية والموسيقي كانت هادئه جدا والصوت كان يحتاج الي تدخل تقني اثناء التسجيل كما بدي لي ) : :
Post: #135 Title: Re: ما أحلى ساعات اللقاء... Author: Muna Khugali Date: 09-18-2007, 08:01 PM Parent: #134
بوست لذيذ زي صيام رمضان السته القبل الفاتت..
كل سنة وانتو كلكم طيبين.. وخاصة انت ياممكونه..
Post: #136 Title: Re: ما أحلى ساعات اللقاء... Author: الزوول Date: 09-18-2007, 08:50 PM Parent: #1
السلام عليكم حلقة العلامات البارزة أو اختصاراً فرمالات الفنانين .......................... وردي لا يُعلى عليه وفعلاً فنان عموم السودان تشعر وأنت تسمع بصمته المميزة في مشتاقين أن هناك مسافة تفصل ابداعه عن بقية الفنانين .......................... ياخي والله فرقة موسيقية ماسية لا أعرف عنكم ولكن صوت كمان ( محمدية + اسماعيل ) كأنه يجرح القلب أبدااااااااااااااااااااااااع طبعاً لحن وردي الحنييييييييييييييين ساعدهم بس مبالغة وعشان تعرفوا انها مبالغة شوفوا كمية الطرب الظاهر على سعد الدين الله يطول عمركم ويديكم الصحة والعافية يا رب ....................... كان عندي كلام كتير .. بس بعد أغنية مشتاقين دي ... كلو طار يا سلام اسمعوا معاي تاني عصام محمد نور ما قصرت ... لا فض فوك
تخريمة: انت يا بكري يا أمين مكتبة الفيديو بتاعتنا ، ما عندكم غير أسرار دي زي عمنا أبو الكلام شابكنا كل يوم .. أبدعت يا أسرار ، وبالغتي يا سارة
.................... وما الناس إلا هالك وأبن هالك *** وذو نسب في الهالكين عريق
Post: #142 Title: Re: ما أحلى ساعات اللقاء... Author: Azhari Nurelhuda Date: 09-19-2007, 00:34 AM Parent: #136
يا سلام كلما ضرب المامبو إلا و ذكر ملك المامبو عازف الطبل الشهيرالمرحوم:
الزبير محمد الحسن
و أراه الآن رأي العين و أسمعه بكلتا أذني بطبلته الفخارية مفصـطنة بحبل دبار ناصع البياض يشد على جسمها الأسطواني جلد كلب كان في حياته نباحا و كتف الزبير الأيمن يعلو و يهبط ممسكا بزمن المامبو في رزانة و الطبلة تسوي هووووو.......
و الله مشتاقين
Post: #137 Title: Re: ما أحلى ساعات اللقاء... Author: abubakr Date: 09-18-2007, 09:04 PM Parent: #1
Quote: انت يا بكري يا أمين مكتبة الفيديو بتاعتنا ، ما عندكم غير أسرار دي زي عمنا أبو الكلام شابكنا كل يوم .. أبدعت يا أسرار ، وبالغتي يا سارة
دة الكبر ؟ اسرار محافظة علي مستوي اداء وحافظة كويس او لدرجة كبيرة .. الشباب بلخبطو الاداء باشارات واضافات وحركات وبالتالي انا انصرف او افقد التركيز .. وبعدين ما بقي كام وعشريين حلقة نشوف العتاولة دييل يسوو شنو ..هو احسن فرفور دة يخلو صوت بس )المخرج يقعدو في غرفة تانية وبس هو يشوف الشباب وهم ما يشوفوه ) اغنية قريبي الاداها عثمان مصطفي برضو جيدة وكنت عايز انزلها هنا بس قت بعديين تقولو متحيز لقريبو ...اها جبتها انت
Post: #138 Title: Re: ما أحلى ساعات اللقاء... Author: mamkouna Date: 09-18-2007, 10:08 PM Parent: #1
التحية و التجلة و الإحترام للدكتور أحمد القرشي صاحب أشهر و أجمل بوست في تاريخ سودانيز أون لاين. البوست الذي فاق عدد زواره خمسة و عشرين ألف زائر..ما شاء الله..و ما زال يتحفنا بكل ما هو جديد و مثير فيما يتعلق بأغاني الحقيبة السودانية. و ما زال يُدهشنا بالكم الهائل من المعلومات النادرة عن شعراء و مطربي الزمن الجميل. الحزن فى الاغنية السودانية -الجزء الاول - الدموع التى ت...يبة وتطفئ نار العشاق
خليك قريب يا دكتور عشان نستفيد من خبرتك و متابعتك لتاريخ الأغنية السودانية فقد سمعنا للأسف الشديد من مصادر مختلفة أن بعض المعلومات التى يذكرها العم / السر قدور...غير صحيحة..إما لما عُرف به من تهويل و تفخيم و تكبير لأي معلومة..و إما بسبب كِبَر سنه. و أنا أنتهز الفرصة دي و أبدي إعجابي الشدييييييد بذاكرة السر قدور..ما شاء الله تبارك الله. أنا بعد ما تخلص الحلقة ب ساعة بكون نسيت تلاتة أرباعها فما بالك بما حدث قبل عشرين سنة أو أكتر!!
تشرفنا بزيارتك يا دكتور و من اللحظة دي .. ..إنتَ سيد البوست.
Post: #139 Title: Re: ما أحلى ساعات اللقاء... Author: mamkouna Date: 09-18-2007, 10:13 PM Parent: #138
تحية حلوة جداً لأصغر و أحلى (( حبوبة )) في البورد. كل سنة و إنتي أحلى يا منى.. إن شاء الله رمضانك دا ح يكون أحلى من القبل الفات...و أقل حلاوةً من الجاي. خشي ل جوه.. تشربي قهوة؟؟!!!
Post: #140 Title: Re: ما أحلى ساعات اللقاء... Author: Abomihyar Date: 09-18-2007, 10:55 PM Parent: #139
ياناس هيي الصوت
أنا بعد ده بجيب ليكم السوط...
ياممكونة ماتكلمي ناسك دبل..
Post: #141 Title: Re: ما أحلى ساعات اللقاء... Author: محمد المرتضى حامد Date: 09-18-2007, 11:58 PM Parent: #140
Quote: بعض المعلومات التى يذكرها العم / السر قدور...غير صحيحة
إذا كان الشارع ما فيهو رادار أو شرطي مرور زي ناس عوض بابكر وأحمد القرشي فحدوث هذه الأشياء متوقع ، لكن المزعلني إنو عاصم عارف في حاجات كثيره ما صاح وساكت والمزعلني أكتر إنو سكت للسر في (الهرشة) رغم انو كلام عاصم صاح ميه الميه لكن السر ما فهم مقصود عاصم وفي ناس لما ما يفهموك بيعملو كده ، تستاهل يا أب احمد. يا ممكونه وأبوبكر .. مع احترامي لرأيكم لكن مرة تانية بقول الله يطرا هاديه طلسم بالخير ، أجد العذر ل (ساره) لأنو الأغنية بتاعت اليوم فيها طلعات بيوحلوا فيها ناس كتار رغم انو سميره دنيا نجحت فيها بسهولة.
Post: #143 Title: Re: ما أحلى ساعات اللقاء... Author: abubakr Date: 09-19-2007, 03:43 AM Parent: #1
Quote: ياناس هيي الصوت
أنا بعد ده بجيب ليكم السوط...
ياممكونة ماتكلمي ناسك دبل..
يعني انا السمعي تقيل سامع انت شن حاصلك؟ انت شيل سوطك والحق الشباب في الحلقة يمكن يصلحو المايك؟ عموما انت بس اتخيل الكلمات ؟
Post: #145 Title: Re: ما أحلى ساعات اللقاء... Author: Abomihyar Date: 09-19-2007, 04:49 AM Parent: #143
أبوبكر تحياتي
إنت أرفع لينا الصوت في تسجيلاتك
والسوط بنجيبو إلا في زول بباطن???
الحقيقة الأغاني التي قمت بإنزالها يا أبوبكر
تبدو لي مسموعة ولكنني لا أستطيع تسجيلها لأن الصوت فيها منخفض جدا
وممكونة أيضا أشارت لهذا الأمر في أحد ردودها .
شكرا لمتابعك
واهتمامك
Post: #144 Title: Re: ما أحلى ساعات اللقاء... Author: abubakr Date: 09-19-2007, 03:48 AM Parent: #1
Quote: يا ممكونه وأبوبكر .. مع احترامي لرأيكم لكن مرة تانية بقول الله يطرا هاديه طلسم بالخير ، أجد العذر ل (ساره) لأنو الأغنية بتاعت اليوم فيها طلعات بيوحلوا فيها ناس كتار رغم انو سميره دنيا نجحت فيها بسهولة.
اكيد بس دة الموجود ؟ الحكاية فيها نسبية وبعدين زولنا بس الصوتو بيلعلع كويس وبيقدر علي المقامات يطلع ينزل منها بسهولة لكن الايام دي ما شايفو مطرف وساكت وان غني قطع الغنية من طرفها وعصام وفرفور ما فاضيين من البانتومايم بتاعهم ..المفروض كان كل حلقة فيها حوار بين واحد منهم وابوالكلام ..اها احنا كدة بنخلق ديكتاتوريات وبعدين نجقلب...
Post: #146 Title: Re: ما أحلى ساعات اللقاء... Author: abubakr Date: 09-19-2007, 06:25 AM Parent: #1
Quote: تبدو لي مسموعة ولكنني لا أستطيع تسجيلها لأن الصوت فيها منخفض جدا
حاضر ... تعرف السبب يبطل العجب ؟ اشاهد واستمع واسجل في مكتبي في البيت ( جزي من صالة كبيرة بعيدة عن الغرف الاخري ) واكون لوحدي والمكان "هس" فلذا يبدو لي الصوت عاليا .. اها اليوم خاقفل اضاني بقطن وادوس الصوت للاخر واشوف انت وممكونة حتمشو لايتو عيادة اي ان تي ؟
Post: #147 Title: Re: ما أحلى ساعات اللقاء... Author: Manar Mahsoub Date: 09-19-2007, 07:38 AM Parent: #1
العزيزة ست البوست ممكونة و بقية المتداخلين رمضانكم كريم و تصوموا و تفطرو على خير ...
Post: #149 Title: Re: ما أحلى ساعات اللقاء... Author: mamkouna Date: 09-19-2007, 12:54 PM Parent: #147
إنتي وييييييييين يا منار؟ زعلانين منك.. و ملومينك.. و.. مخصومة منك...قَلدتين..!
Post: #148 Title: Re: ما أحلى ساعات اللقاء... Author: abubakr Date: 09-19-2007, 08:25 AM Parent: #1
Quote: و الفاقع مرارتى شاى شاى الموبايل ....
رمضان كريم ونعلن تضامننا معك يا قريبتي ... يبدو ان الب ان تنتقم منا لتجاهلنا لها 11 شهرا ..شاي موبايل يعني شاي ملين ؟؟ دي حالة دي ....
Post: #150 Title: Re: ما أحلى ساعات اللقاء... Author: حليمة محمد عبد الرحمن Date: 09-19-2007, 01:32 PM Parent: #148
الاعزاء ممكونة الصابرة ست البوست تمبس المقفوص(من القفص المستقبلي) اشراقة العزيزة الرائع ابو بكر وباقي العقد الفريد.. يا اخوانا الكلام البتقولوا عليهو دا حجا الطير في الباقير انا ما عارفة اي شئ.. للاسف بقيت امبيسيتكو( من ام بي سي) حائرة ما بين الاكشن والفرادي من واحد لاربعة واولادي راكزين على ام بي سي 3 لدرجة اناذاتي انفطمت عليها وبقيت اكون قاعدة اعاين في برامجها وقريب مواعيد النوم اقول يا اخونا دا شنو دا انا بعاين لسع في قناة الشفع؟ ايدكم معاي يا اخوانا.. انا محتاجة حبة خجة وصنفرة كمان.. وكان الله في عون العبد ما كان العبد في عون اخيه..ولو تسحيرة.. وكل رمضان تصوموا وتفطروا على خير
Post: #151 Title: Re: ما أحلى ساعات اللقاء... Author: abubakr Date: 09-19-2007, 02:54 PM Parent: #1
Quote: يا اخوانا الكلام البتقولوا عليهو دا حجا الطير في الباقير
عجيبة دة انا الرطان بقيت افتهم في غني العررايب وشويتتين بدوبي ( موت بغيظك يالعرريب ودشيقوق ) وانتي تقولي لا ؟ انا برنامجي اليومي لاتلفزيون ثم ابوالكلام لا تلفزيون .. بس ناس شاي موبايل والمحاميد وشعبولا قاصدني عدييل التقولي ودشيقوق مرسلم ؟
Post: #152 Title: Re: ما أحلى ساعات اللقاء... Author: سمية الحسن طلحة Date: 09-19-2007, 05:36 PM Parent: #151
كل سنة وإنتو طيبين غايتو ياممكونة أنا دقة قديييمة وفي حاجات كدى ماااا... المهم عندي فيها راي بوست جميل بيك والمتداخلين نتابعكم رمضان كريم
Post: #153 Title: Re: ما أحلى ساعات اللقاء... Author: Hussein Mallasi Date: 09-19-2007, 06:24 PM Parent: #152
يا سلام عليك يا صلاح أحمد إبراهيم ياخي.
Post: #154 Title: Re: ما أحلى ساعات اللقاء... Author: الزوول Date: 09-19-2007, 07:21 PM Parent: #153
السلام عليكم لغاية ما أرجع كدي اتخيلوا معاي الفرقة العجيبة دي + وردي (قبل 30 سنة) = ؟؟ لى زمن طويل ما قلت يا سلاأأأأم يا جماعة أنا بحب وردي ده عدييييل كده وصدقت يا السر قدور محمد وردي عبقري .. لا شك في ذلك
.................... وما الناس إلا هالك وأبن هالك *** وذو نسب في الهالكين عريق
Post: #156 Title: Re: ما أحلى ساعات اللقاء... Author: محمد المرتضى حامد Date: 09-19-2007, 07:42 PM Parent: #154
يا أبوبكر كلامي في محلو ولا لا؟ أنا مش قلت ليك (ساره) بتوحل في الطلعه؟ قيزان زي دي المشي فيها ما هذار، وكان تعب منك جناح اعمل فيها لاعب وسط.
Post: #176 Title: Re: ما أحلى ساعات اللقاء... Author: mamkouna Date: 09-20-2007, 12:56 PM Parent: #155
Quote: وعجبني والله انقلابك علي ملاسي..هو زاته كان معقدنا السنة الفاتت
إنقلاب رمضان دا..على ملاسي.. إنقلاب رمضان الجاي..على سيد الحوش ظااااااتو!!
ممكونة عرمان!
Post: #157 Title: Re: ما أحلى ساعات اللقاء... Author: mamkouna Date: 09-20-2007, 00:03 AM Parent: #1
وعدتكم بكتابة تقرير يومي.. إلا إذا كنتَ بره بطن بيتي... أو... معايا ضيوف. و فاتني أن أذكر...
أو.. لو الكهربا قطعت!
Post: #158 Title: Re: ما أحلى ساعات اللقاء... Author: mamkouna Date: 09-20-2007, 00:23 AM Parent: #157
الحلقة السابعة :-
* دارت حلقة اليوم عن الأغاني التي تُكتب أو تُلحٌن لمُطرب مُعيٌن ثم يتغنى بها مُطرب آخر.
* أغنية (( القلب المأسور )) أو.. مالو قلبي الأسروهو.. كانت لصلاح محمد عيسى لكن إشتهر بها محجوب عثمان. غنتها (( أسرار ))
* حكى عن إضراب نقابة الفنانين و مُطالبتهم برفع أجورهم إلى 5 جنيه على الربع ساعة غناء في الإذاعة السودانية...يا بلاش!
* أغنية (( لو إنتَ نسيت..أنا ما نسيت )) تنازل عنها التاج مصطفى ل حسن عطية.. و عضٌ نواجذ الندم لمن الأغنية نجحت نجاح باهر. غناها (( فرفور ))....و غنى المقطع الأخير منها (( السر قدور))!!!!
* أغنية (( الصبابة )) لحسين بازرعة...كان مفروض يغنيها عثمان حسين.. لكن غناها عبد العزيز محمد داؤؤد. قال أن البيت البيقول (( أنسيت أنك في شعوري و في دمي )) هو من أقوى ما قيل في الأغنية السودانية. غناها لينا (( ود البنا )).
* كانت مسك الختام...و..قمة الإبداع الموسيقي..و قمة الإبداع الفني.. أغنية (( الطير المهاجر )) التى كتبها (( صلاح أحمد إبراهيم )) لعثمان حسين.. لكن لحٌنها و غناها (( محمد وردي )).. أغنية و لحن متفرد و مميز.. غناها لنا (( عصام محمد نور )).. إبدااااااع.. إبدااااع.. إبداااااااااع!
2/ زول فيكم بكرة يصحى يعمل سندوتشات العيال و يقدِم الممكون و يشهِدو... عيوني حمٌٌرو من السهر.
Post: #159 Title: Re: ما أحلى ساعات اللقاء... Author: ودالعباسية Date: 09-20-2007, 00:33 AM Parent: #158
فى نفس وقت البرنامج كان عصام يشدو على الهواء مباشرة
فى التلفزيون القومى فى الفترة المفتوحة ،،
الطير المهاجر ابداع من عصام ،،،
بس اقول ،،
الفرقة ما عاملة بروفة لو عملو بروفة كان الموسيقى
حا تطلع بقدر اداء عصام ،،
على كل الاحوال عمل خرافى ،،
Post: #161 Title: Re: ما أحلى ساعات اللقاء... Author: tmbis Date: 09-20-2007, 01:18 AM Parent: #159
سلامــات ياجماعة مشتاقين .. ردود بايته:
Quote: يا تمبس ، ما كان ممكن واحد يغني يا سلام غير عاصم،
.. يا مولانــا كنت عايز اقول ليك عصام محمد نور اقرب واحد في المجموعة دي ممكن يغني لي وردي .. قبل كدا عندو حلقة في النيل الأزرق قدم أغنية أمير الحسن زي الترتيب .. والليلة اتجلى في الطير المهاجــر .. لكن كمان شايف عاصم صاحبك .. اتجدع خالص فيهاوعلى ضمانتي .. ..
Quote: و تمبس طبعـا جمل الشيـل " يا ظربون" ..
.. مشتاقين يا عــزو .. ورمضان عامل معاكم كيف..؟ طبعا صاحبك داك .. زمان كان فلاتي بس في رمضان .. رغم أنو ما فيهو حيل لي الصيام دا .. حسع كيف معاهو .. فلاتي لسه واللا كندي واللا جابت ليها خرخره ..؟ ..
Quote: من الحلقة الاولي( ياعم تمبس معليش لتسلبطنا ودخلنا في تخصصك .. بس محاولة )
.. ده شغل جميل يا هندسة .. قدها وقدود .. .. ممكــونة .. شايف يدك بقت أخف من يد حسين ملاسي .. ..
Quote: اولا اين تمبس ؟؟؟؟؟؟؟؟
.. يا هندسة شوية نوم علي شوية فطــور بره .. علي شوية حركات من الاتصالات .. والله يخلي ناس الاتصالات .. تجي من المكتب تلقى الهاتف مقطوع تتصل عليهم يصلحوهو .. تمشي اشغل وتجي تلقاهو مافيش .. لكن الله في .. .. أبومهيــار .. كيفك .. ورمضان كريم ،، وكويس أنك متابع معانا .. ومشتاقين ..
Quote: (تمبس) دائماً شغلو بيان بالعمل...
سلام يا غلامابي .. رمضان كريم .. ايوة البيان بالعمل .. بس النلقى ايدنــا.. ..
Quote: الفيديو بتاع تمبس غير (كما يقول الاعراب هنا) اي فيديو محترفيين اما انا فاكمل تعليقي به ونبقي جميعا في انتظار تمبس وبيانه بالعمل ...
يا هندسة والله إنت الخير والبركة .. نحن تلاميذ في حضرتك يا هندسة .. ..
Quote: أبو بكر..تمبس..الزووول.. في طريقة تنزلوا لينا حتة الهرشة! بالجد عاجباني
.. معليش يا ممكونة .. كنت ممكون خارج الشبكة لي كم يوم .. لكن الشباب ما بقصرو .. ..
جيتي متين إنت .. بلاي لينا كم شهــر كدا الواحد زاتو لمن (رطب) .. بقو اتنين .. رمضان مسخــن .. ورشــا سالم .. دي عايزه ليها فتوى عديل كدا .. ..
ملحوظة: وأضف رد
Post: #160 Title: Re: ما أحلى ساعات اللقاء... Author: الزوول Date: 09-20-2007, 01:15 AM Parent: #1
السلام عليكم هذا بعض ما قاله كبار النقاد الفنيين عن أغنية الطير المهاجر الممكونة قالت المراسلة الفنية لجريدة اللقاء
Quote: أغنية (( الطير المهاجر )) التى كتبها (( صلاح أحمد إبراهيم )) لعثمان حسين.. لكن لحٌنها و غناها (( محمد وردي )).. أغنية و لحن متفرد و مميز.. غناها لنا (( عصام محمد نور )).. إبدااااااع.. إبدااااع.. إبداااااااااع!
وهذا ما قاله الناقد المخضرم ود العباسية
Quote: الطير المهاجر ابداع من عصام ،،،
بس اقول ،،
الفرقة ما عاملة بروفة لو عملو بروفة كان الموسيقى
حا تطلع بقدر اداء عصام ،،
على كل الاحوال عمل خرافى ،،
أما الناقد العبقري والرهيب وسيد النقد زاتو (الزوول) فيقول فيقول انها أجمل أغنية سودانية وبس هـــــــــــــاكم
عفواً تم حذف الفيديو لأغنية الطير تالمهاجر ويمكنكم أن تجدوها بأسفل في مداخلة أمين المكتبة الأخ أبوبكر .................... وما الناس إلا هالك وأبن هالك *** وذو نسب في الهالكين عريق
Post: #162 Title: Re: ما أحلى ساعات اللقاء... Author: tmbis Date: 09-20-2007, 01:22 AM Parent: #160
الزووول .. أنا غايتو شكلي كدا متخصص اسرار بابكـــر .. مالو قلبي الاسروهــو جايه في الطريق .
بترضى ..؟
Post: #163 Title: Re: ما أحلى ساعات اللقاء... Author: tmbis Date: 09-20-2007, 01:29 AM Parent: #162
مرحبابالقادمات والقادميين الي دار ممكونة الاسفيري حلقة اليوم هي السابعة ودايما الرقم سبعة مبروك والشباب اليوم كانو مبروكيين وفرفور ما فرفر كتير .. الموضوع كان عن الاغاني التي انتقلت من فنان او شاعر الي اخر صدفة او اهداء فاشتهرت عند الثاني دون الاول وبعضها بقيت كعلامات في تاريخ الاغنية السودانية كالطير المهاجر لصلاح احمد ابراهيم والتي انتقلت من عثمان حسين الي وردي ولحنها فكانت من اروع من غني ولحن وردي وهي كذلك كانت من اروع من غني عصام والشباب الليلة ( ويا ممكونة وابومهيار انا اليوم جايب سوط عنج لو قلتو تاني الصوت ما مسموع .. وليدي الوحيد ولاول مرة قال يقعد في الطاولة جنبي في جهاز كمبيوتر تاني انا خاتيهو ليهو كتشجيع علشان يكابرني لكن دايما هو في غرفتو اها اليوم قعد وانبسطت ولكن لما ابتدت الحلقة ورفعت الصور عاين لي شذرا وراح الي غرفتو واها بقيت براي عشان الصوت ..يعني كان اسهل ارسل ليكم سماعات خاصة ولا اقعد براي تاني فاوع واحد منكم يقول يبغم ؟ ): ملحوظة لناس اليوتيوب : الاغنية اطول من عشرة دقائق وبالتالي يوتيوب لا تحملها ولذا استعنا بغوغل وفيو و...الخ
Post: #165 Title: Re: ما أحلى ساعات اللقاء... Author: Abomihyar Date: 09-20-2007, 04:57 AM Parent: #164
إديك الفي مرادك ياأبوبكر
وكمان الصوت 100/100.
والكواليتي بتاعت الفيديو عالية.
لكن يا أبوبكر عدتها 6 مرات
والله لكن تعبت وغلبك المشي .
بالطريقة دي حتضيع تمبس.
ياتمبس رأيك شنو?
تسلموا كلكم.
Post: #169 Title: Re: ما أحلى ساعات اللقاء... Author: abubakr Date: 09-20-2007, 07:59 AM Parent: #165
Quote: لكن يا أبوبكر عدتها 6 مرات
الست مرات لاخطاء مطبعية .. امس غاب عن بالي ان يوتيوب لا تقبل اي تسجيل صوتي او مرئي ياخد اكثر من 10 دقائق فضيعت وقتا كثيرا ثم انتبهت ورجعت الي فيو وغوغل وهاتيين تاخذان ساعات فلذا وخيث اني كنت جهزت الكتابة اولا كان لابد من اعادة او مسح ..الخ ...
Post: #166 Title: Re: ما أحلى ساعات اللقاء... Author: الزوول Date: 09-20-2007, 05:20 AM Parent: #164
السلام عليكم تحية للجميع مرة أخرى أبوبكر فعلاً المشكلة دي قابلتني في رفع الفيديو على اليوتيوب وأضطريت أقسم الأغنية لأجزاء ولما لقيتك نزلتها ولقيت الشباب ( أبو مهيار) مبسوطين من الصوت قلت أحسن امسحها من مداخلتي يديك العافية ................ تمبس الظريف
Quote: الزووول .. أنا غايتو شكلي كدا متخصص اسرار بابكـــر .. مالو قلبي الاسروهــو جايه في الطريق .
أنت وأبو بكر تتعاونوا على أسرار بس !!!! واحد كفاية .. ما تنسو لسه عندنا فرفور ، نادر، عصام وفردتنا عاصم هسه لما يجي .. ويلقى البوست ده خالي من أغنياتو تقولوا شنو .. كنا مشغولين بأسرار ؟؟؟ ............................. وما الناس إلا هالك وأبن هالك *** وذو نسب في الهالكين عريق
Post: #167 Title: Re: ما أحلى ساعات اللقاء... Author: Gaafar Ismail Date: 09-20-2007, 05:38 AM Parent: #166
أخي الحبيب الزوول السمح
ســلامات
عندي طلب لو أمكن تلبيته: هناك أغنية وطنية يغنيها وردي أعتقد أنها من كلمات الشاعر مرسي سراج بعض مقاطعها تقول: ثـائر هب من غفوته ..... ما اندفاع السيل في قوته ..الخ
عاطر مودتي
Post: #168 Title: Re: ما أحلى ساعات اللقاء... Author: Ahmed al Qurashi Date: 09-20-2007, 07:27 AM Parent: #167
الاخت العزيزة / ممكونة
امس تابعت حلقة جديدة مع العزيز محمد المرتضى من برنامج اغانى واغانى ووجدته لم يسجل هذه الحلقة والحلقات السابقة فسألته عن الاسباب فذكر لى انه بعد اعصار جونو وضياع كل مكتبته الفنية التى سجلها والتى نشهد انها كانت تضم النادر والجميل من التسجيلات اصبح لايهتم كثيرا بالتسجيل والتوثيق وحقيقة كل شئ يمكن ان يرجع كما كان واجمل مثل منزله الذى اصبح مرة اخرى جميلا وعامرا بالضيوف ولكن حقيقة فقدان مثل هذا التراث النادر من الصعب تعويضه ... المهم فى الامر حلقة الامس كانت فيها اكثر من خطأ فى المعلومات ودائما الاستاذ السر قدور يطلق المعلومه ويعطيك احساس انها هى الحقيقة بل من المسلمات ... ففى حلقة الامس قال ان الشاعر حسين بازرعة تغنى له عثمان حسين كل قصائده ماعدا اغنيتين فقط اغنية صبابة التى تغنى بها ابوداود واغنية اخرى لاحمد المصطفى ... وهذه معلومه غير صحيحة حيث تغنى لحسين بازرعه ابوداود نفسه باغنية حليل الفرقه من بكره حليلها الاصبحت ذكرى والتى جعلها كسرة لاغنية هل انت معى للشاعر المصرى احمد محمد ولقد ذكر ذلك ابوداود فى برنامج كتاب الفن الذى كان يقدمه الاستاذ محمود ابوالعزائم لاذاعة صوت الامة فى السبيعنات حيث قال ان اغنية هل انت معى اغنية ذات ايقاع ولحن تقيل وتحتاج الى كسرة خفيفة فاخترنا لها اغنية حليلة الفرقه لحسين بازرعة فجمعنا بين شاعر من مصر واخر من شرق السودان... وايضا تغنى لحسين بازرعه الفنان الكبير التاج مصطفى باغنيتين هما عازف الاوتار وليلة الذكرى ... اذا لم يقتصر شعر حسين بازرعه على عثمان حسين فقط بل تعداه الى فنانين اخرين... وكذلك من المعلومات الخاطئة التى اوردها الاستاذ السر قدور فى حلقة سابقة نسبه لاغنية ياربيع فى روض الزهور لمصطفى بطران بينما هى من اغانى ابوصلاح المشهورة وكنت اتوقع من عاصم البنا ان يصحح السر قدور ولكن الاستاذ لايعطى احدهم فرصة للتحدث ناهيك عن تصحيح المعلومات ولا عاصم خاف من الهرشه ... اما اغنية الطير االمهاجر فلقد ذكر الاستاذ ابراهيم احمد عبدالكريم فى برنامجه التلفزيونى نسائم الليل ان الاستاذ على المك قال له ان صلاح احمد ابراهيم اعطاه الاغنية لكى يوصلها للاستاذ عثمان حسين ليغنيها لكن وردى وجد الاغنية فى مجلة الاذاعة والتلفزيون وبدا تلحينها وهو مسافر على القطار .. وعندما علم على المك ان وردى لحن هذه الاغنية غضب كثيرا وبعدها وهو عند احد الحلاقين استمع الى وردى وهو يغنى هذه الاغنية على مسرح الاذاعة فقال انه بدأ يهز راسه من الطرب حتى جرحه الحلاق... وذكر على المك ان وردى قد ابدع فى تلحين واداء هذه الاغنية ..فزال عنه غضبه من وردى. .. رحم الله الاستاذ على المك والاستاذ ابراهيم احمد عبد الكريم ... لك الود اختى العزيزة ممكونة
Post: #177 Title: Re: ما أحلى ساعات اللقاء... Author: mamkouna Date: 09-20-2007, 01:03 PM Parent: #168
الأخ العزيز : دكتور أحمد القرشي.. كنتَ واثقة أنك ستكون الإضافة الحقيقية للبوست و للبرنامج بصفة عامة. شكراً على المعلومات الثرة.. و حقيقي.. إنتَ سيد البوست .
Post: #171 Title: Re: ما أحلى ساعات اللقاء... Author: الشيخ إبراهيم الشيخ Date: 09-20-2007, 08:17 AM Parent: #167
اول حاجة رمضان كريم وتقبل الله من الجميع
تاني حاجة الاخت ممكونة وضيوفها الكرام
تعرفوا من بداية رمضان بجي بتاوق افتش لي عن بوست
عن اغاني واغاني ده وللاسف لحدي الليلة ما حضرت فيه
ولا حلقة لانه بالضبط مظبوط على صلاة العشاء والتراويح
اول ما اجي داخل البيت (ست روحي) تضحك وتقول لي اسع
الحلقة كملت واقول ليها الله غالب عاد نخلي الصلاة يعني
واقوم كل يوم افتش واجي ماشي بجنب البوست ده عشرة مرات
قمت بعلاقة بوستاتك الحلوة عن ما يقدم في التلفزيون في رمضان
فتحت ليك الكنز ده وسكنت لي تقريباً ثلاثة ساعات سمعت ما خليت
حاجة وعدت الاغاني وسرقت مليت فايلي تب .....
بعد كده خجلت قلت انا دخلت البيت بلا سلام ... وعملت كل العمايل ده عيب
تمبس ياخي رمضان كريم ما تعمل ليك مسج ياخي ورينا الحاجة ده نايم بيها براك كده
ممكونة:
انت شباك رمضانك ده الظاهر فاتح على التلفزيون (صاح وش ضاحك لاخر ضرس) ما خليتي سمح ولا كعب بس (همسة صغيرة) ابعدي من علي مهدي عشان تقدري تتمي الشهر
د.أبوبكر رمضان كريم... لكن حيرت تمبس حيرة وعذبتنا بعصام شديد تسلم يا زوق
مودتي للجميع
Post: #182 Title: Re: ما أحلى ساعات اللقاء... Author: abubakr Date: 09-20-2007, 01:28 PM Parent: #171
Quote: رمضان كريم... لكن حيرت تمبس حيرة وعذبتنا بعصام شديد تسلم يا زوق
تقبل الله صيامك يالشيخ ود الشيخ .. تمبس دة انسان رقيق جدا وبعرف غني العرريب والبندر والمدائح .. واني رطان ساااي اهو بنصلح في اللغة الماصلحتها معلقة امرؤ القيس زمان( بعد اربعين سنة ما عارف حفظوها لينا ليه ؟ ) .. ما كان بس يعلمونا غنا الواحد كان بقي لبلب في العربي هسع ..
Post: #170 Title: Re: ما أحلى ساعات اللقاء... Author: abubakr Date: 09-20-2007, 08:07 AM Parent: #166
Quote: هسه لما يجي .. ويلقى البوست ده خالي من أغنياتو تقولوا شنو .. كنا مشغولين بأسرار ؟؟؟
اليوم الحلقة التامنة وزولنا ضارب طناش وما زار البوست دة .. بعديين هو ما بكمل الغنية ويادوب كوبليهيين و يعاين للفرقة ويوقف الموسيقي ...اما فرفور فقمصانو وجلاليبو دييل عاملالي ازعاع خصوصا مع الصلعة وعشان كذة لما يغني بنشغل بلبسو العجيب دة وفرفرتو الكتيرة وافوت الغنية ... عموما نشوف الباقيات .. وبعدين لازم مع الجندر لانو اسرار مقابل 4 شباب ودي تفرقة جندرية لازم نحن نعوضها بطريقة او اخري ...يعني في البيت وفي الغنا انتو ما مخلنهن .. اعدلو ..
Post: #181 Title: Re: ما أحلى ساعات اللقاء... Author: mamkouna Date: 09-20-2007, 01:24 PM Parent: #164
أغنية عجيبة! تحس معاها إنك عاوز تحضن التلفزيون و من ثمٌَ ...كلِ ما حولك. إبداع.. إبداع.. إبدااااااااااااااااااااع.
مشكور يا باشمهندس على جودة الصوت. ألغي مواعيدنا مع الأخصائي يا أبو مهيار؟؟؟!
Post: #172 Title: Re: ما أحلى ساعات اللقاء... Author: عبدالله الشقليني Date: 09-20-2007, 09:22 AM Parent: #1
العزيزة الأستاذة / ممكونة الأحباء الكرام .
تحية واحتراماً
ربما كان التسجيل الذي نراه فرصة لبدأ صفحة عن التوثيق ، والرجل الذي يتحدث أعتقد إن لم تخُني الذاكرة وأرجو تصحيحي : هو الشاعر الغنائي والإعلامي والمسرحي والفنان : السر أحمد قدور وإن صحّ هو ومن نبرات صوته التي لا تُخيب :
هو من الرعيل الذي يتعين شراب كل المخزون في صدره ، فهو رجل من زمان قديم ولا تخدعنكُم الألبسة الأفرنجية فهو في مقام ( جَد ) الذين يُجالسونه . شعره الغنائي مساحة من فضاء يُريكَ كيف كان الزمن الماضي ، فقد شهِد الرجل جزءً من الحقيبة بذهن مفتوح ، ما أختلف فيه مع الكثيرين هُنا أن قامة في مثله تستحق الذي يحاوره أن يُدرك جيداً مع من يتحدث ، فبيانه هو بيان توثيقي ،واعتراضه هو اعتراض منهجي .
ومن هُنا أنا أعجب لأمرين :
1/ أنه ليس هنالك عمل متكامل اسمه إعداد البرنامج ، ولا أحس بوجود طاقم كما في كل الدُنيا .
2/ لا يصلُح كل من خاطب التلفزة من الغنائيين أن يقدم برنامجاً تلفازياً ناجحاً أحببت أن أقول رأيي بصدق ، وأرجو أن أكون قد وُفقت بدون غلظة للأحباب
Post: #173 Title: Re: ما أحلى ساعات اللقاء... Author: tmbis Date: 09-20-2007, 11:26 AM Parent: #172
يا مولانـــا ... وين ابو الشباب دا .. عامل نايم..؟
Post: #183 Title: Re: ما أحلى ساعات اللقاء... Author: abubakr Date: 09-20-2007, 01:39 PM Parent: #172
الرفيق الصديق بيكاسو رمضان كريم
Quote: لا يصلُح كل من خاطب التلفزة من الغنائيين أن يقدم برنامجاً تلفازياً ناجحاً أحببت أن أقول رأيي بصدق ، وأرجو أن أكون قد وُفقت بدون غلظة للأحباب
هذا بعض من عشوائية في ادارة بلادنا -ليس سياسيا فحسب- وانما في اسلوب وطريقة تناولنا لاعمال وتخصصات او بالاحري ثقافة العمل العام بمختلف انواعه فاختلطت لدينا الواجبات والحقوق وضاعت الجهود ممتبعثرة فيما نعرف وما يجب ان نعرف...السر قدور يعرف اشياء كثيرة عايشها بعضها يحتاج الي تصحيح والبعض الاخر لايخرج من كونه وجهة نظر شخصية والبعض الاخر حقيقي ولكن ربما اضاف اليه بعض من عنده ... هذا بالتاكيد لا يجعل منه معدا ومقدما ومعلقا لبرنامج ...النيل الازرق في هذا البرنامج وبرامج اخري تذاع هذه الايام اثبتت ضعفا كبيرا في مقدرتها علي التناول الاعلامي بحرفية وما زالت تاكل من مخزون تفوقها المادي المحدود الذي ظهرت به في استعمالات الوسائط الاليكترونية ويوم ان تظهر قنوات فضائية او ارضية سودانية تجعل من الحرفية والمهنية مصدر تفوقها فالنيل الازرق ستتواري الم تعيد صياغة شكلها ومضمونها .... مودتي ابوبكر سيداحمد
Post: #174 Title: Re: ما أحلى ساعات اللقاء... Author: mamkouna Date: 09-20-2007, 12:42 PM Parent: #1
كل (( أرشفة )) و إنتو بخير.
Post: #175 Title: Re: ما أحلى ساعات اللقاء... Author: mamkouna Date: 09-20-2007, 12:51 PM Parent: #174
الحبيبات.. حليمة محمد عبد الرحمن.. رشا سالم.. سمية الحسن طلحة.
بزيارتكن..بيتنا نوٌر. خليكن قُراب.
Post: #178 Title: Re: ما أحلى ساعات اللقاء... Author: mamkouna Date: 09-20-2007, 01:08 PM Parent: #175
تحية كبيرة جداً للأخ العزيز عبد الله الشقليني. و تحية للأخ الشيخ إبراهيم الشيخ.
سعيدين بتواجدكم معانا .. و سعيدين إنو البوست دا لفت نظركم... و سعيدين بمداخلاتكم المفيدة و الثرة. خليكم معانا.
Post: #179 Title: Re: ما أحلى ساعات اللقاء... Author: mamkouna Date: 09-20-2007, 01:11 PM Parent: #1
باشمهندس أبو بكر.. الزوووول.. تمبس.. و أحياناً.. فيصل نوبي
إنتو النجوم الحقيقيين للبوست دا. تسلموا من كلِ شر.. و ماااااااااا نعدمكم.
Post: #180 Title: Re: ما أحلى ساعات اللقاء... Author: abubakr Date: 09-20-2007, 01:20 PM Parent: #1
Quote: إلا إذا كنتَ بره بطن بيتي...
حيرتيني يا ممكونة .. انا ببني بيوت من كام وتلاتيين سنة ..بيوت كتار وما شفت لي بيت عندو بطن ؟؟ انتو ياناس العربي جننتو الرطاني وغير الناطقيين بها ؟ انا حسع بحاول اتخيل اي بيت ببطن وما قادر ؟ الا نسال السر قدور يمكن عندو ليها غنية ...ويمكن زولنا يكون عندو برضو غنية باسم" بر بطن بيتي " ويغنيها في البرنامج التحفة دة
Post: #184 Title: Re: ما أحلى ساعات اللقاء... Author: معتز القريش Date: 09-20-2007, 02:09 PM Parent: #1
لــكـــــم جــميــعـــا
Post: #185 Title: Re: ما أحلى ساعات اللقاء... Author: الزوول Date: 09-20-2007, 03:26 PM Parent: #1
السلام عليكم
Quote: أخي الحبيب الزوول السمح
ســلامات
عندي طلب لو أمكن تلبيته: هناك أغنية وطنية يغنيها وردي أعتقد أنها من كلمات الشاعر مرسي سراج بعض مقاطعها تقول: ثـائر هب من غفوته ..... ما اندفاع السيل في قوته ..الخ
يا جماعة عذراً للإنحراف بالبوست عن مساره ولكن الأخ جعفر اسماعيل له طلب خاص والرجل لا يحتاج لتزكية مني ولكنه من هؤلاء الذين لا يرد لهم طلب
يقظة شعب للشاعر مرسي صالح سراج
هام ذاك النهر يستلهم حسنا فإذا عبر بلادي ما تمنى طرب النيل لديها فتثنى فارو يا تاريخ للأجيال أنا
ثائر إذ هب من غفوته ينشد العلياء في ثورته كاندفاع السيل في قوته عجبا من له جند على النصر يعين كلنا نفسا ومالا وبنين
نحن في الشدة بأس يتجلى وعلى الود نضم الشمل أهلا ليس في شرعتنا عبد ومولى قسما سنرد اليوم كيد الكائدين وحدة تبقى على مر السنين
قلب إفريقيا بوعي نابض حل منا بالجنوب الناهض منعة الغاب بليث رابض قدما هي كانت جنة المستعمرين ما لهم منها تباروا خائفين
نحن أبناء ملوك في الشمال توجوا الفونج وزانوا كردفان أفسح المجد ليهم خير مكان نسبا نعم أجداد بهم يزهو جبين خلق يسمو وعزم لا يلين
دربنا يوم اللقاء كيف دعا حين داعي البذل بالروح دعا كيف بالسيف تحدى المدفعا ودما بذلوها ذرة لا تستكين للقنا للقيد للعيش المهين
حين خط المجد في الأرض دروبه عزم ترهاقا وايمان العروبة عربا نحن حملناها ونوبه بدمانا من خلود الغابرين هو يحدونا إلى عز مبين
همنا في العيش إقدام وجود وعن الأوطان بالموت نذود لنرى السودان خفاق البنود وغدا سوف يعلو ذكرنا في العالمين فعلوا كان شأن العاملين
........................ وما الناس إلا هالك وأبن هالك *** وذو نسب في الهالكين عريق
Post: #186 Title: Re: ما أحلى ساعات اللقاء... Author: saadeldin abdelrahman Date: 09-20-2007, 04:55 PM Parent: #185
يا سـلاااااام يا والدي الحبيب و يا الزول الرااائع! طبعا ثنائياتكم جميلة جدا و ملعوبة.. بل مهضومة دائما.. ومثلي غالبا ما يأكل من ثمارها (و ما بقش خشمو) .. بس المرة دي ما بفوتا..شكرا كتيــر. وحين خط المجد في الأرض دروبا عربا نحن حملناها و نوبة عـزم ترهاقا و إيمان العروبة يذكرني هذا النشيد دائما ( حوشنا زمان) قبل أن تطرأ على (البيت) الكثير من التغييرات المعمارية.. يعيدني لبواكير طفولتي حين يتحسس الانسان روعة الابداع و يتلمسها لأول المرات و يظن أننا " كشعب " سائرين - لا محالة- نحو المجد.. فتمضي بنا الحياة و نصـطدم بواقع الحياة و تقسو يد القدر..يا قلب لا تحزن.
-------------------- باشمهندس أبوبكر هل تعلم يا عمنا أنك و المستشار المرتضى و الدكتور احمد القرشي من اصحاب أحب الكتابات عندي ? أكاد ارى ارواحكم الشفافة خلف مشاركاتكم و حروفكم المترعة بالإبداع و الطرفة و كل مفيد.
تامبا: بطل حركات! الدنيا رمضان زبط التلفون و الحاجات سريع يا حنين.
و لممكونة و أخينا ملاسي.. قد يكون البرنامج لم يرتق لفرحتنا به أول مرة Like last year و لكن البوست -اكيد- فعل نفس سحر تجمعنا السابق بالتعليقات النقدية و الكاميرات المصوبة لمهندسي البوست من كل جهات الاستديو لتقتطف الابداع حين بزوغه!
تلقى فيها النيل بيلمع في الظلام زي سيف مجوهر بالنجوم من غير نظام
كنت استمع لهذه الأغنية (الطير المهاجر) في عقر ((حلتنا)) فيستبد بي الحنين ويح قلبي.. ماذا تصنع به وقد طال السفر!
تنزل هناك و تحي يا طير بإحترام و تقول سلام وتعيد سلام على نيل بلادنا سلام و نخيل بلادنا سلام و شباب بلادنا سلام سلام
Post: #201 Title: Re: ما أحلى ساعات اللقاء... Author: Gaafar Ismail Date: 09-21-2007, 06:54 AM Parent: #185
يا ســـلام عليك أخي الحبيب الزوول .. لقد جعلت يومي من أسعد ايام الغربة.
ما أروع الكلمات وما أروع أداء وردي . تسلم أخي الحبيب وألف شكر وتقدير. يا ريت تلحقنا بالحفظ .
عاطر تحياتي ومودتي وفائق احترامي
Post: #187 Title: Re: ما أحلى ساعات اللقاء... Author: abubakr Date: 09-20-2007, 05:17 PM Parent: #1
Quote: كنت استمع لهذه الأغنية (الطير المهاجر) في عقر ((حلتنا)) فيستبد بي الحنين ويح قلبي.. ماذا تصنع به وقد طال السفر!
ياسعد الله يسعدك ويرد غربتك ...زمن ما المرحوم صلاح احمد ابراهيم كتب الطير المهاجر وغناها وردي كان البسافر من حلفا الي عطبرة القريبة مهاجر رغم الود الكتير بين المدنتيين وكان سفر الطيارات محدودباالدبلوماسيين بالمبتعثيين الي اوروبا وشوية في امريكا وشوية جدا في اسيا ..مصر ما كانت بعيدة كما هي اليوم .. نيوزيلندة دي يادوبك كنا بنشوفا في الاطلس مرة مرة ولا حتي ما اكلنا كيوي الا بعدما السفر البعيد بقي زي ركوب البص من الخرطوم الي مدني .. وانت اليوم في نيوزيلندا والواحد يشوفها في غوغل ايرث وين والخرتوم وين ويقدر حجم غربتك ولو المرحوم صلاح كان عايش الزمن دة وكتب عن طيرو المهاجر ما عارف كان حيقول اكتر من القالو زمان شنو ..الغربة ياها الغربة .. رد الله غربتك وغربتنا (التي طالت بقدر عمرك)
Post: #188 Title: Re: ما أحلى ساعات اللقاء... Author: Osman Musa Date: 09-20-2007, 05:32 PM Parent: #187
البوست ده بالنسبة لى شربات فى رمضان بوست خفيف لطيف وظريف .. عندى نضمى كتير بجى صاد لكم التحية
Post: #189 Title: Re: ما أحلى ساعات اللقاء... Author: saadeldin abdelrahman Date: 09-20-2007, 05:37 PM Parent: #187
آمين و يصلح حال البلاد و العباد.
يا بامهندس لعلك بتقصد الكيوي الفاكهة بس ! لأنه في كيوي (طير) كان سمعوا بيك أكلت منو البلد دي باكر كلها بتفرش! طير نادر و يمثل شعار لليلد.
يديك العافية
--------
والله وردي دا لمن يقول (نحن ابناء ملوك الزمان) الواحد بيسلطن كيف لله دره!
Post: #190 Title: Re: ما أحلى ساعات اللقاء... Author: عبدالله الشقليني Date: 09-20-2007, 05:42 PM Parent: #187
الحبيب أبوبكر والكريمة ممكونة والأحباب :
كلما أسمع تغريد وردي : على نيل بلادنا سلام وشباب بلادنا سلام ونخيل بلادنا سلام
يعتصرني ألم خفي أنها نزفت دمع المُهاجرين من حلفا لخشم القربة وكأن الشاعر يتحدث بنبضهم ، تلك الهجرة القسرية التي لم تشهد الإنسانية مثلها إلا في استراليا والسودان أيام حُكم الفريق عبود ، وجميع من حضروا يذكر أن المُفاوضون استدعوا لزيارة مصر لتوقيع الاتفاق ، ولم تزل كثير من الأقلام التي لا تعرف التاريخ تقول يا حليل زمن عبود !! ،
وأنا أعجب .
***
بالله يا طير قبلما تشرب تمُر على بيت صغير من بابو من شُباكُو يلمَع ألف نور تَلقى الحبيبة بتشتغل منديل حرير لحبيب بعيد . أقيف لديها وتبوس يديها أنقُل إليها وصايا ليها وحُبي الأكيد
***
رحم المولى الشاعر صلاح أحمد إبراهيم الذي لهبت المنافي ظهره بسيطان الجفاء ، كان ليكون هرماً في الشعر لولا السياسة ، فهي تقصم ظهر المُبدعين . * * *
Post: #191 Title: Re: ما أحلى ساعات اللقاء... Author: abubakr Date: 09-20-2007, 06:44 PM Parent: #1
Quote: لأنه في كيوي (طير) كان سمعوا بيك أكلت منو
ياسعد لو ما الكيوي الفاكهة لما عرفنا الكيوي التيوزيلندي .. الواحد في الاول كان مفتكر انو الفاكهة ولكن لقيناها في بلاد كتيرة وبعديين عرفنا انو النيوزيلنديين لما الواحد بيقول عنهم الكيوي ما بيقصد الفاكهة ...
Post: #192 Title: Re: ما أحلى ساعات اللقاء... Author: tmbis Date: 09-20-2007, 07:10 PM Parent: #191
حلقة اليوم .. عن الصبــاح ..
صبــاحك مالـو
Post: #193 Title: Re: ما أحلى ساعات اللقاء... Author: abubakr Date: 09-20-2007, 07:32 PM Parent: #1
الحلقة الثامنة وكان الموضوع عن "الصباح" .. عن مغني للصباح وعن الصباح ..واكيد ممكونة وود القرشي وكمان المرتضي لهم الكثير ليقولوه عن الحلقة ولقال الاخيرين عن اغاني الصباح ما فات علي ابوالكلام ...اسعف اليوم زولنا ابو الكلام في المامه باغاني الصباح ولو ترك له ابوالكلام مساحة لاتي بالكثير فهو ملم باطراف الغناء السوداني رغم صغر سنه مقارنة بابي الكلام.. كان من الممكن ان تكون هذه الحلقة اكثر فائدة لو ترك ابو الكلام لزولنا ان يغني للصباح اكثر من اغنية ولكن فاكهة هذه الحلقة برضو كانت لزولنا والذي لعلع بصوته يغني للصباح فاطرب العازفيين واطربنا ( اها يا ابو مهيار عندك كلام .. ماكو اسرار اليوم ...ارتحت ؟ ):
3/ أيضاً من أغاني خليل فرح..أغنية(( صباحك مالو))... تغنت بها أسرار.
* إستعرض ود البنا عدة نماذج للصباح في الأغنية الحديثة - نسبياً - عشة الفلاتية...إبراهيم عوض..حسن عطية ...إلخ
* خُتمت الجلسة بإغنية (( هات لينا صباح )) ... و التى زعم عمنا أبو الكلام إنها جات رد على أغنية ... (( مسوا نوركم و شوفوا..الجبينها صباح..و الصباح إن لاح..لا فايدة في الإصباح أو المصباح.)). غناها لنا ود البنا.
بره الموضوع: تحتجب اليوم فقرة (( بره الموضوع )) لظروف قاهرة.. على أمل اللقاء بيكم غداً بإذن الله. أترك الآن المايكروفون لزملائي في البوست. و..قُمنا على مَهلنَا.
Post: #199 Title: Re: ما أحلى ساعات اللقاء... Author: عبدالله وداعه الامين Date: 09-21-2007, 03:25 AM Parent: #197
الاخت العزيزة ممكونة والحضور الكريم
تحية لكم وانتم تنشرون الجمال والروعة هنا
لكم الشكر والمودة وتحية وشكر الى الاخ زول الذي لفت انتباهي لهذا البوست الكنز
لكم هذه الاغاني في فايل واحد والشكر الى الاخ عادل ومنتدى مزيكا سودانية
Post: #200 Title: Re: ما أحلى ساعات اللقاء... Author: abubakr Date: 09-21-2007, 06:38 AM Parent: #197
Quote: * فاتتني مُقدمة البرنامج...أعتقد أنه كان يتحدث عن رفض الكاشف لغناء أغنية (( صابحني دايماً مُبتسم)).
ممكونة اها المقدمة(نضمي ابوالكلام مافي طرب ) وتاني ما تطلعي" برة بطن بيتك" لحدما رمضان يخلص :
Post: #202 Title: Re: ما أحلى ساعات اللقاء... Author: abubakr Date: 09-21-2007, 07:39 AM Parent: #197
Quote: تحتجب اليوم فقرة (( بره الموضوع )) لظروف قاهرة..
لانك مشيتي "برة بطن البيت" مش ؟
Post: #203 Title: Re: ما أحلى ساعات اللقاء... Author: عبد الله عقيد Date: 09-21-2007, 10:05 AM Parent: #1
ممكونة وأخواتها وإخوتها سلام عليكم تصوموا وتفطروا على خير
السنة الفاتت ما كنت قادر اتابع البرنامج وقد تابعته وعشقته عبر بوست ملاسي (أبو كلام).. السنة دي ما عندي هدف في رمضان دا بعد الفطور إلا مشاهدة هذا البرنامج، لكني بعيد تماما عن النت..
الليلة قريت البوست دا كلو وح أحرص على متابعتو زي ما بحرص على متابعة أغاني وأغاني بس كنت بتساءل هل بوست ملاسي السابق له أثر على (الجزء الثاني) من أغاني وأغاني؟ أتوقع ذلك.. أمس في جريدة كتبت ((كنا نفطر على التمر والماء وأصبحنا نفطر على التمر والماء والسر قدور))
ملحوظة.. السر قدور دا زول ظريف يا اخوانّا ما تفهموهو غلط..
تحياتي والمودة
Post: #204 Title: Re: ما أحلى ساعات اللقاء... Author: محمد المرتضى حامد Date: 09-21-2007, 10:33 AM Parent: #203
يا عبدالله ود عقيد ، رمضان كريم ، السر لا يجارى في الظرف والحديث عنه هنا لايخرج عن كونه استمرارا (لأفاعيله) هناك ، لا اضيف جديدا إن قلت لك أنه رغم هرشته لعاصم إلا أنهما بعد البرنامج شبعوا ضحكا لأن المسألة كلها لاتخلو من طرافة. أها ياعبدالله شوف دي نقلتها ليك من موقع البهلة:
كان السر قدور حضوراً في ذلك الفرح بحلة خوجلي للمشاركة باسكتش فكاهي تمثيلي مع الراحل أحمد حميدة (تور الجر)، حيث كان من الطبيعي في ذلك الزمان أن تجد الفكاهة خلال فقرات حفل الزواج، او تجد منولوجيست يشارك في الفواصل بمنلوج فكاهي.
وفي أثناء الحفل أتت فتاة وقد كانت بازخة الجمال، وهي تعرف أن السر قدور قد تسيد ساحة الشعر الغنائي في ذلك الزمان مع الكاشف والعاقب محمد حسن بجميل أشعاره الطروبة حيث أطلت وقتها (الشوق والريد .. يا صغير يا محيرني) ومتحير .. واتلاقينا مرة .. واتدللي) إلى آخر الأغنيات الحسان للسر قدور. فقد طلبت تلك الحسناء من السر قدور أن يؤلف فيها قصيدة تُغنى، غير أن الأستاذ قدور لم يعر للأمر اهتماماً .. الى أن ينتهي الحفل، وقد كان العميد يرف على توفير الترحيل للفنانين والموسيقيين المشاركين في حفل الفرح ذاك.. وكان السر قدور واقفاً خارج المنزل، وإذا بتلك الفتاة وهي تمتلك جرأة عالية توجه عتاباً له عن طريق أحمد المصطفى قائلة له: تصدق يا أستاذ أحمد لقد طلبت من الأستاذ قدور أن يعمل لي قصيدة ويعطيها للفنان الجديد هذا (تقصد ابن البادية)، (لكنه طنش طلبي) وهنا ضحك أحمد المصطفى موجهاً اللوم للسر قدور: شنو يا قدور .. يعني بنتنا دي ما عجبتك وللا شنو؟ فأجاب السر قدور، كيف لم تعجني، ثم أردف قائلاً: أدوني ورقة وقلم، فلم تصدق الفتاة وأحضرتها على وجه السرعة من داخل المنزل .. وهنا قال السر قدور لأحمد المصطفى كيف يا أبوحميد تقول البنت دي ما عجبتني .. مضيفاً (دي زي القمر والله) وقد انهمك في كتابة النص فوراً:
دي زي القمر ... والله أحلى من القمر يا حلوة يا ست البنات .. يا متعة للحب والنظر طولتي بتخبي الغرام ... الليلة في عيونك ظهر في بسمت في رقصتك .. في خدودك الحلوين زهر خلاك أحلى من البنات .. والله أحلى من القمر
ثم قام بتسليمها للفنان ابن البادية، ولم يمض أسبوع واحد حتى كانت تبث من الإذاعة كأجمل أغنيات صلاح الخفيفة .. وشكراً للسر قدور وابن البادية وأطال الله في عمريهما .. وربما أصبحت تلك الفتاة الحسناء الآن (حبوبة) .. من يدري!!!!!!! والرواية أعلاه حكاها لي صديقنا الأستاذ السر قدور شخصياً بكتبه القاهرة قبل عدة سنوات
Post: #205 Title: Re: ما أحلى ساعات اللقاء... Author: Souad Taj-Elsir Date: 09-21-2007, 12:14 PM Parent: #204
الباشمهندس الفاضل أبوبكر سيداحمد، شكراً جزيلاً وتقديراً عظيماً على الترحيب رمضان كريم لكم جميعاً والعزيزة سامية والشباب. صادق المودة.
الأستاذة الفاضل ممكونة، البيت منور بيك يا ممكنونة وبكل ضيوفك وزوارك الكرام. ألف شكر وتقدير على الترحيب الرائع وأغنية البلابل الجميلة "نوّر بيتنا" وكل هذه الأنغام العذبة. صادق المودة.
Post: #206 Title: Re: ما أحلى ساعات اللقاء... Author: ودالعباسية Date: 09-21-2007, 01:35 PM Parent: #205
سلام يا شباب اغانى اغانى ،،،
صاحبنا الزووووووووووول قال ،،
Quote: وهذا ما قاله الناقد المخضرم ود العباسية
معقووووووووول بس ياخى ،،
بقيتنى ناقد ومخضرم كمان ،،تشكر يا حبيبنا ،،
اسمع ،،،
بينى وبينك كدا ،،، وردي دا مش مفروض ما يغنى بعد كدا ،،
عشان يفضل وردي ،،
سوري يا حلوين دخلته ليكم فى موضوع تانى ،،
Post: #207 Title: Re: ما أحلى ساعات اللقاء... Author: abubakr Date: 09-21-2007, 01:44 PM Parent: #1
Quote: بقيتنى ناقد ومخضرم كمان ،،تشكر يا حبيبنا ،،
رمضان كريم نقد ناقد لكن مخضرم دي كيف لو انت في الخمسينات والستينات البقول عليها السر قدور ما كنت بتسمع اغاني ؟ معليش امسحا في وشنا لانو مخضرم دي عايزة عجائز زينا كدة بس زمانك ما كنا بنسمع غني بالعربي اها يادوبك رطانة....انت بس استمر ناقدا وبعد بس عشر او عشرين سنة حتبقي مخضرم ...
Post: #208 Title: Re: ما أحلى ساعات اللقاء... Author: ودالعباسية Date: 09-21-2007, 02:28 PM Parent: #207
اخونا ابوبكر ،،
ازيك يا راجل ،،
Quote: رمضان كريم نقد ناقد لكن مخضرم دي كيف لو انت في الخمسينات والستينات البقول عليها السر قدور ما كنت بتسمع اغاني ؟ معليش امسحا في وشنا لانو مخضرم دي عايزة عجائز زينا كدة بس زمانك ما كنا بنسمع غني بالعربي اها يادوبك رطانة....انت بس استمر ناقدا وبعد بس عشر او عشرين سنة حتبقي مخضرم ...
ما جابت ليها امسحا لينا فى وشنا وكلام زي دا يا حبيب ،،
الزول دا وصفنى بى انه ناقد مخضرم وانا قلته ليه تشكر على الاطراء الجميل دا ،،
يعنى الموضوع عادي ،،،
زمانى وزمانك واحد يا ( ولدنا) ياعمو ! ،،،
لاعربى ولا افرنجى نحن بتاعين السودانى وبس
وكل سنة وانت طيب ،،
Post: #209 Title: Re: ما أحلى ساعات اللقاء... Author: abubakr Date: 09-21-2007, 02:35 PM Parent: #1
Quote: الزول دا وصفنى بى انه ناقد مخضرم وانا قلته ليه تشكر على الاطراء الجميل دا ،،
كلها مزحة في انتظار ابو الكلام المخضرم وما حبينا انك تكون مخضرم وما زلت صغيرا يا اخي (ولو انو كام وعشرين سنة فرق ما شوية حسب التاريخ الكاتبو في البروفايل دة ...)... اهو الواحد مما بدء يسمع راديو في الخمسينات والسر قدور موجود في عمل ما والان ونحن في بداية الالفية الثانية ما زلنا نستمع اليه اطال الله عمره ومتعنا بذكرياته وامكاناته الابداعية
Post: #210 Title: Re: ما أحلى ساعات اللقاء... Author: ودالعباسية Date: 09-21-2007, 02:45 PM Parent: #209
العزيز ،،،ابوبكر ،،
لك كل محبه وتحيه ،،
واسف جدا على كلمة ( ولدنا) ،،
لك كل التقدير والاحترام ،،
Post: #211 Title: Re: ما أحلى ساعات اللقاء... Author: الزوول Date: 09-21-2007, 02:55 PM Parent: #1
السلام عليكم أعزائي أبوبكر وودالعباسية
Quote: معقووووووووول بس ياخى ،،
بقيتنى ناقد ومخضرم كمان ،،تشكر يا حبيبنا ،،
عزيزي الباشمهندس المخضرم أبوبكر مشيت الأرشيف عملت بحث على مواضيع أخونا ود العباسية لقيتلك عندو موضوع في ارشيف ( 2001) نعم 2001 أي قبل المنبر ظااااااتو ( يا قول ود هباني) وكمان الموضوع نقد فني عن المطربة جواهر اها الخضرمة دي كيفنها ؟ ................ ودالعباسية يا حبيبنا انت أدها وأدود موضوع وردي ده اتفق معك ظاهراً وباطناً مش هو وبس ، كل الفنانين الزيو وعندي رأي مشهور ( ما عاجب حبيبنا تمبس) انو مفروض يكون في عمر معين يقيم فيهو الفنان حفل اعتزال ضخم يشارك فيه كل الفنانين ومنها ما يقول بغم الحديث ذو شجون ولعلنا نرجع له في غير هذا المكان تحياتي ورمضان كريم
........................ وما الناس إلا هالك وأبن هالك *** وذو نسب في الهالكين عريق
Post: #213 Title: Re: ما أحلى ساعات اللقاء... Author: ودالعباسية Date: 09-21-2007, 03:04 PM Parent: #211
Quote: لقيتلك عندو موضوع في ارشيف ( 2001)
يازوووول ،،
بقيتنى ديناصور عديل دا ،،
Post: #212 Title: Re: ما أحلى ساعات اللقاء... Author: abubakr Date: 09-21-2007, 02:56 PM Parent: #1
Quote: واسف جدا على كلمة ( ولدنا) ،،
اسف علي ايه وانا لاقي ؟؟ الله يخليك
Post: #214 Title: Re: ما أحلى ساعات اللقاء... Author: Elkhawad Date: 09-21-2007, 03:12 PM Parent: #212
Quote: قصاقيص
محمد أحمد سوركتي كُتب في: 2007-09-21
* هذا ما كنت أتوقعه وأشرت اليه في الأسبوع الماضي وطلبت من المشاهدين ان (يركزوا شوية) فحتماً سيلاحظون أن أسلوب (الحكي) الذي أتبعه الأستاذ (قدور) في العام الماضي هو نفسه الذي سيكرره هذا العام من خلال برنامج (أغاني وأغاني) وقد كان. دون أن تكون هناك أي معلومة مفيدة أو جديدة.. كلام مكرر ومستهلك مع (شوية رغي) وجزء من أغنية يستطيع أي شخص عادي ان يقوم بهذا الدور ولا داعي مطلقاً (لاستيراد) محجواتي من الخارج. * تحدث عن الغناء في السودان وقال إنه ثلاثة أنواع.. نوع يتناول الجانب الديني وأتى بمدحة (السراي) ونوع يتناول (الحرب) وأتى بأغنية (بلادي أنا) للفنان (عثمان حسين) والنوع الثالث قال إنه يتناول العمل و(هيلا هوب) ضرب لهذا النوع من الغناء بأغنية (يا سلام منك أنا آه).. ويا سلام عليك آه من (الفسلفة) ثم أين هو الغناء العاطفي أم أننا كنا (محنطين) في ذلك الزمن الذي يتحدث (قدور) عنه وكأنه الوحيد الموجود في هذا الزمن. * ثم معلومة ان الشعراء أيام الحقيبة كانوا يقفون (طابوراً) أمام (الاستباليات) لإمتاع النظر بحسان الحي اللائي كن يصعب رؤيتهن إلا (أيام الزيارة) من هم هؤلاء الشعراء فنحن نعرف شاعراً واحداً فقط هو كاتب تلك الأغنية فمن هم البقية!! * تحدث عن الإيقاعات وحددها بثلاثة أنواع واحد يأتيك من الخلف والثاني يسير معك جنباً الى جنب والثالث تجده يجري أمامك (دي بقى) عايزة تفسير منطقي أو علمي أو (أوشان صونق) لتدريس هذا الاكتشاف لطلاب معهد الموسيقى الذين سمعوه يطلق هذه (الصواريخ) فضحكوا حتى استلقى معظمهم على وجوههم لهذا الاكتشاف الخطير ولإضافته لعشرات الايقاعات التي تزخر بها بلادنا وفعلاً.. (أطرد الأوهام يا قدور وأصحى). * (تم دورو ودور) أم (تم دورة ودور) ليست بالخلاف الذي يدفع بالأستاذ (قدور) لذلك التصرف غير اللائق والذي لا يحدث أصلاً من شخص فنان تجاه فنان آخر.. ولو كنت مكان الفنان الشاب (عاصم البنا) لخرجت من الأستديو مباشرة وأثناء التسجيل ولا أعود اليه إلا بعد انتهاء الثلاثين حلقة من البرنامج. هذا نوع من النرجسية والتسلط والتعالي وإدعاء الفهم. أنا شخصياً استمعت اليها ومنذ أكثرث من خمسين عاماً (تم دورو ودور) وليست (تم دورة ودور) افتينا يا صديقي العزيز والباحث في مجال الحقيبة وخريج معهد الموسيقى والمسرح الأستاذ (عوض بابكر).. أين الخطأ وأين الصواب؟! * تحدث الفنان العربي (عبد الحليم حافظ) وقال إن اغنياته الأولى لم تر النور إلا بعد ان غنى (على قد الشوق) لموسيقار الأجيال (عبد الوهاب) يا عزيزي (قدور) (عبد الحليم شبانة) كان عازفاً لآلة (الأبوا) بالفرقة ولم يكن مغنياً وفرصة (عبد الوهاب) هي التي فتحت له الطريق ولم يكن يغني قبلها! * يا عزيزي سيد العارفين.. الفنان الشاب (صالح الضي) سبقته شهرته من بورتسودان الى الخرطوم وقبل ان يصل اليها فهو من أسرة فنانة. وقد جاء الى الخرطوم فناناً مكتملاً. محترفاً وكان شاعراً مجيداً كتب عدداً من أغنياته وعلى رأسها الأغنية التي تتحدث عنها في ذلك الزمن العروس لم تكن ترقص بهذا اللون من الغناء الراقي عزيزنا (قدور) وانت تعرف تماماً لونية تلك المرحلة!! * على الفنان (نادر خضر) ان يبعد (دمو) من غناء الحقيبة فصوته وأسلوب أدائه لا يناسبان وغناؤه لها يصيبها في مقتل. * على (جمال فرفور) ان يقلل من الحركات (اللا إرادية) والتي أصلاً لا داعي لها وتشوه من صورته لدى المشاهدين ولا داعي للعزف (بالمايك) ولا داعي (للنوم) على اكتاف (عصام محمد نور) ولا داعي للهرج والمداخلات التي تسمع (تحت تحت) ولم يطلب منك ان تقود الأوركسترا.. لقد كنت (بلياتشو) البرنامج بحق وحقيقة. * الحسنة الوحيدة حتى الآن في هذا البرنامج هي الفنانة الصاعدة بقوة والتي تمتلك موهبة حقيقية وصوتاً قوياً وسليماً وأداءً راقياً يجبرك على الاستماع اليه باحترام وتذوق.. الفنانة الشابة (أسرار بابكر).. يديكي العافية. قصقوصة أخيرة:- أسافر في المدى المجهول أفتش عن سبب صدك ليه حرمانك انت يطول وكيف الكون يكون بعدك كتير عني القليب مشغول وقلبي هناك أسير عندك وجافيني المنام وأقول أكيد حيعود قريب ودك! http://alsudani.info/index.php?type=6&issue_id=1368&col_id=144&bk=1 !
Post: #215 Title: Re: ما أحلى ساعات اللقاء... Author: abubakr Date: 09-21-2007, 03:12 PM Parent: #1
Quote: عزيزي الباشمهندس المخضرم أبوبكر مشيت الأرشيف عملت بحث على مواضيع أخونا ود العباسية لقيتلك عندو موضوع في ارشيف ( 2001) نعم 2001 أي قبل المنبر ظااااااتو ( يا قول ود هباني) وكمان الموضوع نقد فني عن المطربة جواهر اها الخضرمة دي كيفنها ؟
كان كدة مخضرم ونص ...بالمناسبة جواهر دي بتغني وين ؟ اها نحن يادوبك من زمن ناس فاطنة الحاج والبغنن غناها وغني زمنا وزمنا ( اسرار مثلا)
Post: #216 Title: Re: ما أحلى ساعات اللقاء... Author: mamkouna Date: 09-21-2007, 07:07 PM Parent: #1
الحلقة التاسعة:-
* كانت حلقة اليوم عن (( الجنون )) في الأغاني أو (( الجن )) كما ذكر عمنا أبو الكلام.
* من أشهر أغاني الجنون في الحقيبة..أغنية عبد الرحمن الريح التى غناها زنقار.. بعيد الدار.. لقيتك جافي ما حنٌيت..أكون معذور أنا لو جنٌيت. غنى مقطع منها: ود البنا.
* من أشهر الأغاني الحديثة..أغنية إبراهيم عوض والله جنني و غيٌر حالي حيٌر فكري دا الشغل بالي. غنى مقطع منها : نادر خضر.
* حكى أبو الكلام أن صديق الكحلاوي قد إعتاد أن يتسلل لبروفات الكاشف..عشان بعد كدا يغني أغنياته في الحفلات. و ضرب مثل ب أغنية (( فتنة )) . ما عارفة رأي ورثة و مُعجبي الكحلاوي شنو في الكلام دا؟؟!!! غنٌت أسرار للكحلاوي.. قالوا علي شقي و مجنون.. أكيد مجنون..و إنتو جنوني يا حلوين.
* ذكر أيضاً أن للتجاني يوسف بشير ثلاثة أغنيات..أو ثلاثة قصائد مُغناة. محراب النيل لعثمان حسين..أنشودة الجن لسيد خليفة ,,و ثالثة للتاج مصطفى. غنى لينا عصام محمد نور مقطع من : قم يا طرير الشباب ...غني لنا غني.. من لحنك المُستطاب.,.أنشودة الجن.
* ذكر أيضاً أنه و في عام 1964.. حوٌلت الإذاعة إسطواناتها إلى شرايط كاسيت و طلبت من الفنانين إعادة تسجيل أغنياتهم. و لما كان وقت التسجيل محدود...أو الأغنية محكومة بالزمن...فقد تم حذف أو تقصير الكثير من الأغنيات. يعني الأغنية في الحفلة...لا تشبه...أغنية الردايو.
بره الموضوع:- * ما عارفة إذا كانت حلقة الليلة دمها تقيل...و لا..أنا الدمي تقيل. المهم...
Post: #217 Title: Re: ما أحلى ساعات اللقاء... Author: tmbis Date: 09-21-2007, 07:18 PM Parent: #216
كيفك يا صــابره ..؟ حلقة الليلة فعلا كان دمهــا تقيل .. لكن بعد شقي ومجنـون .. دمها بقى خفيف جدا .. تاني رجعت بقت دمها تقيل .. لانهم غنو ليهم اغنية ما قاعد احب اسمعه
Post: #218 Title: Re: ما أحلى ساعات اللقاء... Author: abubakr Date: 09-21-2007, 07:19 PM Parent: #1
بره الموضوع:- * ما عارفة إذا كانت حلقة الليلة دمها تقيل...و لا..أنا الدمي تقيل. المهم...
Post: #219 Title: Re: ما أحلى ساعات اللقاء... Author: الزوول Date: 09-21-2007, 07:33 PM Parent: #1
السلام عليكم
Quote: • ما عارفة إذا كانت حلقة الليلة دمها تقيل...و لا..أنا الدمي تقيل. المهم...
والله ما قلت الا الحق يا الممكونة وشخصياً انا بقيت مما أشوف جلابية النوم القاشربها فرفور دي أعرف انو مافيش فائدة ...........
مواصلة لبره الموضوع بتاع ممكونة • أسرار الليلة جاطت أغنية الكحلاوي بصورة عجيبة الى درجة انو انا استغربت كيف المخرج ما حذفها ويكون معلومكم يا تمبس وأبوبكر الليلة تجيبو لينا أسرار • زولنا (فردتنا) والله ما هين لو أبوالكلام أداهو فرصة • أكتر حاجة عجبتني في اغنيات اليوم العيون الفيهم نعاس هن أساس معنى الجناس هن يثيرن في الناس حماس هن يسوقوا الزوول للجنون يا حلاتن...
.................... وما الناس إلا هالك وأبن هالك *** وذو نسب في الهالكين عريق
Post: #220 Title: Re: ما أحلى ساعات اللقاء... Author: tmbis Date: 09-21-2007, 07:50 PM Parent: #219
Quote: أسرار الليلة جاطت أغنية الكحلاوي بصورة عجيبة الى درجة انو انا استغربت كيف المخرج ما حذفها
يازووول .. جاطته .. جاطته
Post: #221 Title: Re: ما أحلى ساعات اللقاء... Author: abubakr Date: 09-21-2007, 08:27 PM Parent: #1
Quote: يازووول .. جاطته .. جاطته
يعني الواحد ينتظر يوم كامل وبعديين نبقي في الزي دة ... زولنا ساكت متعلل بضياع الباسويرد .. انا من قبل شهريين لما طلب انو ملاسي يستعد قت ليهو ما حجدد اشتراك البي ان اذا الموضوع ما يستاهل والجماعة يطلعو ما حافظيين وابو الكلام يتسلطن علي مزاجو وزولنا بصم بالعشرة انو الامور تمام التما ..كيفن تمام التمام واسرار بقت تقطع كلام من راسا ساااي باسم المرحوم الكحلاوي .. هو -الله يرحمو- قال شنو اصلا ؟؟؟
Post: #222 Title: Re: ما أحلى ساعات اللقاء... Author: Abomihyar Date: 09-22-2007, 00:11 AM Parent: #221
والله مرضنا بالبوست بتاعك دا يا ممكونة
وأبوبكر برضو عندو فيه النص.
أنا والله عايز أحيي الباشمهندس أبوبكر لمثابرته وكمان بدينا الأغاني مكتملة
من المقدمة ولحدي القفلة مش زي أخونا تمبس بقى يدينا سامبل من الأغنية ويكتفي بذلك.
شنو يا هندسة ما تهاودنا!!!
كل سنة وانتو كلكم بخير.
Post: #224 Title: Re: ما أحلى ساعات اللقاء... Author: tmbis Date: 09-22-2007, 00:40 AM Parent: #222
Quote: من المقدمة ولحدي القفلة مش زي أخونا تمبس بقى يدينا سامبل من الأغنية ويكتفي بذلك
..يا ابو مهيـار والهل انا بجيبه زي ما هي .. هم براهم البيعملوها ممحوقة كدا كوبلي كوبليهين ويتمو الباقي غلاط
Post: #223 Title: Re: ما أحلى ساعات اللقاء... Author: tmbis Date: 09-22-2007, 00:25 AM Parent: #221
Quote: كيفن تمام التمام واسرار بقت تقطع كلام من راسا ساااي باسم المرحوم الكحلاوي
يا باشمهندس .. ياخي إنت والزوول . أدوهــا فرصة لي قدام بتتصلح طالما ابو الكلام مرره .. ما تتمسكو كتير معاهــا
Post: #225 Title: Re: ما أحلى ساعات اللقاء... Author: abubakr Date: 09-22-2007, 05:42 AM Parent: #1
Quote: ياخي إنت والزوول . أدوهــا فرصة لي قدام بتتصلح
اصلو برنامج اغاني واللا تاهييل مهني ؟
Quote: طالما ابو الكلام مرره .. ما تتمسكو كتير معاهــا
هو ما عارف بس ولا حافظ ورط نفسو في حكاية الكحلاوي واستعان باسرار فبقي عايز يكحلا عماها
Post: #226 Title: Re: ما أحلى ساعات اللقاء... Author: معتصم الطاهر Date: 09-22-2007, 06:56 AM Parent: #1
ما زلت استمتع
هنا و هناك ..
Post: #227 Title: Re: ما أحلى ساعات اللقاء... Author: محمد المرتضى حامد Date: 09-22-2007, 10:21 AM Parent: #226
Quote: زولنا ساكت متعلل بضياع الباسويرد
تعرف يا بكري أخوي ، زولنا دا أصلو ما بريد الكلام في الغنايين ، يعني هسه زي (ساره) دي لو قالت الكحلاوي ده مع فرقة عقد الجلاد او بيغني لفاروق جويده برضو حايسكت ، مش قلت ليك في البوست بتاعو لحسين ملاسي أن في فمه ماء؟ نعم في فيهِ ماء. الحمدلله لم أشاهد تلك الحلقه لأنو في ناس حتى بدون أخطاء غُناهم يعمل للزول خمّة نفس. غايتو بالطريقه دي ننتظر رمضان الجاي كان ربنا ما أخد وديعتو.
Post: #228 Title: Re: ما أحلى ساعات اللقاء... Author: تماضر الخنساء حمزه Date: 09-22-2007, 10:27 AM Parent: #1
ممكونة رمضان كريم تسلمي انتي والمراسلين امتعتونا
تمبس اجر لينا كامرتك دي
Post: #229 Title: Re: ما أحلى ساعات اللقاء... Author: mamkouna Date: 09-22-2007, 12:45 PM Parent: #1
تحية خاصة و تمنيات طيبة لكل الأحباب الإنضموا لينا مؤخراً...
مُعتز القريش.. سعد الدين... عثمان موسى.. عبد الله وداعة الأمين.. عبد الله عقيد.. الخوٌاض.. معتصم الطاهر.. تماضر الخنساء حمزة..
خليكم قُراب.
Post: #230 Title: Re: ما أحلى ساعات اللقاء... Author: abubakr Date: 09-22-2007, 04:16 PM Parent: #1
Quote: ليك في البوست بتاعو لحسين ملاسي أن في فمه ماء؟ نعم في فيهِ ماء.
يا عزيزي المرتضي البرنامج لو استفاد من زولنا فكونه من ال البنا يجعله مصدرا موثوقا في التاريخ الغنائي والشعر الغنائي السوداني فهو فطم وتربي واستوعب في اجواء تجمع الماضي والحاضر وكلهم اسرة واحدة عارفة بهذا الغناء وبالتالي فان عامل العمر لا يقلل من ثراء معرفته وبالعكس فقوة صوته ومقدرته علي التركيز والتي نلاحظها في تعليقاته القليلة تؤهله لان يكون طرفا محاورا ومقدما للبرنامج .. امل ان يفكر جديا في مثل ذلك برنامج يجمع فيه بعض من مصادر الغناء من اسرته وخارجها والعارفيين من نقاد ومصادر اخري ربما يكون السر قدور احدهم ...مثل ذلك برنامج تكون فيه عوامل النجاح متوفرة ومن هسع الواحد -ان مد الله في الاجال- يستعد الي رمضان الجاي مع ودالبنا والحان سودانية ...
Post: #232 Title: Re: ما أحلى ساعات اللقاء... Author: saadeldin abdelrahman Date: 09-22-2007, 04:36 PM Parent: #230
ازيك يا باشمهندس
ناسنا ديل ابو كلام استفرد بهم ولا ايه.. الغنا زاتو بقى ماف بالمناسبة عاصم ده لاحظت ليه في برنامج قديم للنيل الازرق.. ما ساهل الشاب ده و بعرف في الحقيبة بالحيل.. بس ابوكلام يدي فرصة و مايستصغره.
-----
شكلو حلقة امس دي فعلا تعبانة.. من التسجيلات الممحوقة دي
Post: #231 Title: Re: ما أحلى ساعات اللقاء... Author: abubakr Date: 09-22-2007, 04:20 PM Parent: #1
Post: #233 Title: Re: ما أحلى ساعات اللقاء... Author: mamkouna Date: 09-22-2007, 06:36 PM Parent: #1
يا سلااااااااااام عليك يا عثمان حسين.. عوٌضتنا تُقُل دَم حلقة أمبارح!
Post: #234 Title: Re: ما أحلى ساعات اللقاء... Author: الزوول Date: 09-22-2007, 07:53 PM Parent: #233
السلام عليكم كتبت الممكونة
Quote: يا سلااااااااااام عليك يا عثمان حسين.. عوٌضتنا تُقُل دَم حلقة أمبارح!
بس !!!! ............. حلقة اليوم خصصت للحديث عن الفنان عثمان حسين ويبدو أن عثمان حسين قد أشاد بالبرنامج في مكان ما فهو يرد على التحية والإشادة نيابة عن المشاركين في الحلقة والقناة ايضاً وهو يحتاج لحلقات عديدة حتى يمكن أن يوفيه حقه لأنه أحد أعمدة الغناء السوداني الذي مر بعدة مراحل أولها الحقيبة و سرور ثم مرحلة كرومة ثم تلتها مرحلة الكاشف ، أحمد المصطفى ، عبدالحميد يوسف ثم المرحلة الرابعة ويتزعمها عثمان حسين ، الشفيع ، أبو داؤد والكاشف كانت أغنية الفراش الحائر والملهمة من أهم الأغاني التي أحدثت تحولاً في مسيرة الغناء السوداني وكان هذا في سنة 1948 ، 1949 ..... تكلم بعدها عن عثمان حسين وأن انحداره من الخرطوم التي يتميز فنانيها بالميل نحو الموسيقية مقارنة بفناني أمدرمان ، وهذا نتج لوجودهم في بيئة الجاليات والفرق الأجنبية وهذا يتجلى في غناء عثمان حسين. أرجع طريقة التطريب التي يتميز بها غناء عثمان حسين إلى انحداره من قبيلة الشايقية التي يتميز فنهم بالحنية التي يعبرون عنها بتطريب يأتي من أسفل الحلق وهي عند عثمان حسين طبيعية في أداءه وأطلق عليه لقب أكثر انسان معبر عن أغاني الشايقية بالرغم من أداءه البعيد عن ايقاعهم. ...... أدى عاصم البنا أغنية كيف لا أعشق جمالك – كلمات علي محمود التنقاري وكان فردتنا كعادته ابداعاً وأناقة وقبلها حارم وصلي مالك لعتيق. .... تكلم بعدها أبو الكلام عن بداية عثمان حسين وأغاني الكسرات التي نجحت نجاحاً كبيراً وأمثلة لها إن تريدي يا ليالي تسعدينا و .... ذكرتني حبيبي ذكرتني ... أداها فرفور بلبسته العجيبة ........ كان عثمان حسين أساس الغناء الرومانسي الذي جمع الشعراء قرشي محمد حسن وصلاح أحمد محمد صالح و حسين بازرعة وشعرهم هو خليط بين الفصحى والعامية ، وقد تعرف بازرعة على عثمان حسين من خلال قرشي وصلاح ومن ثم ارتبط به ...... ثم طور عثمان حسين في موسيقاه وأداءه وأدى عصام محمد نور أغنية شجن بمصاحبه موسيقية مميزة من الفرقة. ....... غنى للشاعر عوض أحمد خليفة عدة اغنيات منها خاطرك الغالي أبدعت فيها لولا بعض الأخطاء الصغيرة في أداء الكلمات... ......... بدأت رحلة بازرعة مع عثمان حسين ب أتذكري في الدجي ( القبلة السكرى) وختمت الحلقة بالمصير ... نادر خضر ......... جوه الموضوع: • قلل أبو الكلام من الكلام .. ولولا اندماجه في تبيان أثر الأصل الشايقي لتطريب عثمان حسين لكانت الحلقة أغاني وأغاني • فرفور ده بيجيب اللبسات دي من وين ؟ • فردتنا ... أنيق والله • أبو بكر وتمبس ... هنيئاً لكما ... نرحب باي فيديو لأسرار اليوم فقد أبدعت اليوم ..
.................... وما الناس إلا هالك وأبن هالك *** وذو نسب في الهالكين عريق
Post: #247 Title: Re: ما أحلى ساعات اللقاء... Author: mamkouna Date: 09-23-2007, 01:27 AM Parent: #234
ما شاء الله.. تبارك الله... "البوست" محروس..و ستو تكوس!
Post: #250 Title: Re: ما أحلى ساعات اللقاء... Author: mamkouna Date: 09-23-2007, 01:46 AM Parent: #247
الحلقة العاشرة:-
* دارت حلقة اليوم عن الفنان المُبدع (( عثمان حسين )) الذي وصفه أبو الكلام بأنه.. أساس الغناء الرومانسي السوداني.
* للمزيد من التفاصيل عن حلقة اليوم...الرجاء مراجعة مُداخلة الزووول.
بره الموضوع:-
* الأغنية الأخيرة الغناها نادر خضر و التى تقول كلماتها.. كل لحظة..بتمر عليا.. إنت في خاطري..وعينيا.
إسمها (( المصير )) أم (( المستحيل ))....!!!؟؟؟ أنا غايتو عارفة إنو (( إبراهيم عوض )) عندو أغنية إسمها (( المصير ))... بتقول كلماتها..
ليه بنهرب من مصيرنا.. نقضي أيامنا في عذاب.. ليه تقول لي إنتهينا.. و نحن في عز الشباب.
و عارفة إنو (( عثمان حسين )) عندو أغنية إسمها (( ليالي المصير ))..بتقول كلماتها...
يا ليالي المصير..قولي ل خلٌنا.. أوراق الخريف..طارت حولنا. يا ليالي الرجاء..عودي..علٌنا.. لاح الضياء..يبدو ظلنا.. في عقد السماء..في دنيا المُنى.. بس إنتَ ..و أنا.
Post: #235 Title: Re: ما أحلى ساعات اللقاء... Author: abubakr Date: 09-22-2007, 08:04 PM Parent: #1
الحلقة العاشرة وكانت مساحة لاخطاء حلقة الامس فلقد خصصها ابو الكلام لاستاذ الجيل عثمان حسيت (كما اشار اليه ) ويري ابو الكلام ان عثمان حسين اثرت فيه بيئته وشايقيته المرتبطة بالربابة والنغم فجاء صوته ممثلا حقيقيا لاغاني اهلنا الشايقية بلا منازع .. المهم ان ابداع عثمان حسين هو الذي غطي علي كل شئ اليوم ولا يفوتني ان اشيير الي زولنا اليوم (وهو متانق كشيخ طريقة اخر قيافة ) يبدو انه اراد ان يثبت لابوالكلام ان غناء عثمان حسين غير مرتبط بمقامات صوتية ولا بيئة محددة وكادا ان يتغالطان في كيفية غناء" كيف لا اعشق جمالك " فانسحب ابوالكلام مفسحا المجال لزولنا ليغنيها ( ويبدو انني الليلة سارفع هنا اكثر من اغنية الم يفعل الزوول وتمبس ليستمتع الجميع باكثر من ابداع لعثمان حسين ):
Post: #236 Title: Re: ما أحلى ساعات اللقاء... Author: tmbis Date: 09-22-2007, 08:14 PM Parent: #235
واصل كفاحـك يا باشمهندس .. أنا يادوبك صحيت من النوم ويادوبك بفطــر بعد اربعة ساعات من الفطــور .. بالمناسبة اعادة الحلقة الساعة كم في النيل الأزرق .. ؟
Post: #237 Title: Re: ما أحلى ساعات اللقاء... Author: abubakr Date: 09-22-2007, 08:18 PM Parent: #1
يا تمبس حكايتك شنو مع النوم ؟؟ انت داير ابوالكلام يزعل منك ويجييك ناطي يطير النوم من عيونك اها البرنامج بجيبوه اخر حاجة في ارسالهم يعني 4 صباحا ( تلاتة عندكم ) اها الزوول اليوم راضي عن اسرار وحنجبر بخاطرو وننزل اغنيتها "خاطرك الغالي" بعد شوية ..
Post: #238 Title: Re: ما أحلى ساعات اللقاء... Author: abubakr Date: 09-22-2007, 08:21 PM Parent: #1
Quote: • أبو بكر وتمبس ... هنيئاً لكما ... نرحب باي فيديو لأسرار اليوم فقد أبدعت اليوم ..
Post: #239 Title: Re: ما أحلى ساعات اللقاء... Author: abubakr Date: 09-22-2007, 08:31 PM Parent: #1
ويا جماعة نادر خضر والله حاول في المصير انتو بس بشان خاطر عثمان حسين اسمعوه:
Post: #240 Title: Re: ما أحلى ساعات اللقاء... Author: tmbis Date: 09-22-2007, 08:51 PM Parent: #239
Quote: يا تمبس حكايتك شنو مع النوم ؟؟
عندي فرق نوم من رمضان القبل الفات يا باشمهندس وبعيد عنك بدايات انفلونزا رمضان الشهيرة بلاي يا باشمهندس لما تسمع اسرار في خاطرك الغالي ركز لي في الحتة بتاعت: (ايامي ليــل).. شوف عملت فيها شنـو..؟ دا الفرق لما أسمع (اسرار بابكــر) و (نانسي عجاج) لما الاتنين كل واحده فيهن بتغني لي عثمان حسين بي طريقته.. الفرق (عندي) واضح شديد.
أضافة: ــــــــ (ايامي ليــل).. المنطقة الاتحركت فيها دي .. فيها حاجة بتعرف تعمله أم كلثوم بس..
Post: #241 Title: Re: ما أحلى ساعات اللقاء... Author: محمد المرتضى حامد Date: 09-22-2007, 10:02 PM Parent: #240
Quote: البرنامج لو استفاد من زولنا فكونه من ال البنا يجعله مصدرا موثوقا في التاريخ الغنائي والشعر الغنائي السوداني فهو فطم وتربي واستوعب في اجواء تجمع الماضي والحاضر وكلهم اسرة واحدة عارفة بهذا الغناء وبالتالي فان عامل العمر لا يقلل من ثراء معرفته وبالعكس فقوة صوته ومقدرته علي التركيز والتي نلاحظها في تعليقاته القليلة تؤهله لان يكون طرفا محاورا ومقدما للبرنامج
والله يا باش بدون مبالغه أو تحيز أقول ليك ممكن عاصم يقدم ال 29 حلقه لوحده ويؤدي نماذجا متباينة عن غناء الحقيبة والغناء الحديث وبدون اي مساعدة وفي سلاسة غير عادية لأن المعلومات التي يختزنها ذخيرة لا يستهان بها ، وعندما قلت لك أن في فمه ماء عنيت أنه يعلم الكثير ولا يستطيع بأدبه الجم أن يقاطع أو يرد على قدور أو ينقد زميل أو زميلة، تعرف يا بكري كنت أتمنى أن يقتصر دور قدور على مجرد( التنسيق) بين أولئك الشباب ويكتفي بالربط ليتركهم ينداحوا لكنه آثر ممارسة الإحتكار والقمع ، على أية حال عاصم سيتداخل من اليوم فصاعدا بعد عودته من جوبا.
Post: #242 Title: Re: ما أحلى ساعات اللقاء... Author: abubakr Date: 09-22-2007, 10:20 PM Parent: #1
Quote: كنت أتمنى أن يقتصر دور قدور على مجرد( التنسيق) بين أولئك الشباب
والله يالمرتضي قبل دقائق وانا اتحدث مع تمبس (ضارباهو انفلونزا محددة اقامتو ) ذكرت شيئا في نفس السياق بحيث يكون لكل شاب حلقة يديرها مع السر محاورا وموضحا رايه/ها في موضوع الحلقة ..واكيد عاصم له الكثير الذي يقوله مما اختزنه عبر سنوات عمره مما شاهد وسمع من اسرته الممتدة
Post: #243 Title: Re: ما أحلى ساعات اللقاء... Author: محمد المرتضى حامد Date: 09-22-2007, 10:43 PM Parent: #242
والله يا باش ياريت لو كان الواحد عندو فرامل يد في الريموت. ياخي السر ده كان عندو في جريدة الخرطوم عندما كانت تصدر في القاهرة عمود بعنوان أساتذة وتلاميذ يكتب فيه عن الفنانين والشعراء والمذيعين وكل من له علاقة بالمايك ، كان عمودا لطيفا لكن كمان الأستاذية والتلمذة دي ما طوااالي يا قدور أدّي الشباب فرصة أكسجين. للأسف أن كل الحلقات سجلت قبل رمضان بشهرين وبإشراف المخرج المستحوذ بقفا الفنانين والكراسي.
يا تمبس كفاره،
مليون مره قلت ليك ألبس ليك حاجه تقيله قبل ما تشاهد فضائياتنا لكن ما بتسمع الكلام.
ملاسي : وينك يا راجل؟ ياخي ألف مبروك وعقبال الجايه.
Post: #244 Title: Re: ما أحلى ساعات اللقاء... Author: ودالعباسية Date: 09-23-2007, 00:14 AM Parent: #243
سلام يا اهلنا ،،
حلقة امبارح ما حصلتها ،،، بس تابعتكم هنا ،،
الليلة الحلقة كانت جميلة مع اغانى عثمان حسين ،
والشباب ابدعو ،،
كسرة ،،
انتو ليه اسرار دي بتعمل بى اصابعينها كدا ،،
الحركة دي شالتها من نانسى ولا من زمااااان يا تمبس ،،؟
ولا الحركة بقت لمن تتعمل يقولوا الفنان دا متسلطن على الاخر ،،
Post: #245 Title: Re: ما أحلى ساعات اللقاء... Author: ودالعباسية Date: 09-23-2007, 01:14 AM Parent: #244
نسيت اقول ،،،
اغنية امبارح شقى ومجنون ،،مجوبقة ،،
وتانى ،،،، فرفور الليلة كان مالو ،،
فى زول عارف ،،
Post: #246 Title: Re: ما أحلى ساعات اللقاء... Author: ASIM AL BANNA Date: 09-23-2007, 01:23 AM Parent: #1
يااخوانا ما احلى ساعات اللقاء بيكم ورمضان كريم على الجميع والله مافى حاجة مزعلانى قدر تاخرى على تهناتكم بى رمضان بسبب سفرى الى جوبا طوال العشرة الايام الماضية .... وماكنت قايل ممكونة حاتفتح ليها جبهة فى الشمال باقى الجبهات ناقصة حلفا بس ... من كترت المداخلات علبنى اتمها رحت ناطى لى حلقة اليوم .. زى الزول لما تفوتو صلات العصر ويدخل عليهو المغرب .... والغريبة يا ملاسى موضوع الهرشة ده يازول.... كان معلن قبل الحلقة ومعروف انه عندى مداخلة فى الحلقة دى وخامى لى مجموعة مراجع جايبها معاى عشان اسعف اغنية زمن الربيع حلا واخراجها من اغانى الطبيعة بحجة انها كتبت لى زواج محمد احمد المحجوب خصيصا وفيها بيت بحكى هذا الموضوع ... وفى اللحظة القررت فيها المداخلة كان قدور بلاوى فى فرفور ورحت ناطى ليهو من جبهة الشرق وبس شياطين الدنيا طلعت عليهو ... وحمبكته لما الحكاية تمت خمس حلقات والكل كان عارف لى درجة اتهمونى بانى رميت موود الحلقات ... عموما الراجل فى مقام والدى ولا عتب عليه بس عاتب على النيل الازرق زى ماعرفو يقطعو اخطاء كتيرة قمت بتصحيها كان يقطعو الهرشة دى وفى الاخر نحن مغنيين مع ابو الكلام ...
الجدير بالذكر ان الحلقة الفيها الهرشة كانت باعتبار انها الاخيرة وتانى يوم العيد ... شكلها الهرشة دكت الكوتشينة ... واتلخبطت الحلقات شكوها من الاول ... ولكن ثقتى فى بديهة الامر ان الشكة تصاعدية حتى النهاية ... اما قصة البخرات ومعاها قصة تانية اكتفى بان اقول انها كانت توجيه لتصحيح اخطاء من السنة الماضية من اللخبطة الحصلت واعتراض اصحاب اغانى على النصوص الغير كاملة فكان الامر ان تستعين بالنص كاملا ... ويا زول محمد عبدو فنان العرب بخت الكراس زاتو جمبو عديل كده عشان يقول النص كامل علما بان القصيدة قد تكون اكثر من 10 ابيات تحس منها ثلاثة فقط كفنان والباقى مايعجبك تتناساه .. وده الجاب لينا اللوم عامااول .. المهم ماتبرير لكن الحقيقة ....
خلو بالكم الاستاذ السنة دى متوتر شوية وبتكلم بى سرعة زى الداير يتخارج وده كان احساسى اثناء التسجيل من كثرة الانتقادات كان بحاول يتفادى اخطاء السنة الماضية لدرجة ان التسجيل تم فى شهر يوليو الماضى .... والاغرب ان الناس كانت متوترة من الجو الملغم السائد فى الاستديو ... اسرار ظلمت ظلم الحسن والحسين السنة الفاتت جات لقت بعاعيت غناء بغنو كلو يوم فى الخرطوم وحلقمو فيها شديد لكن السنة دى بقت راجل شوية وللحق اخدت حقها بيدها مننا كلنا واى اغنية ادوها ليها كانت ماليا هدوما ....
الجرايد مسخنة فى السودان اكتر منك ياممكونة وفى ناس ساعات اللقاء عندهم اراء شخصية لا تتعدى الراى الشخصى ابدا مع انه حب الناس مذاهب ... ولكن القى يدو القلم بشخبط المكجنو.... مش؟
والاغرب يوم واحد مالقيت حيادية (ياربى حرية الصحافة كده؟) ولا شارع الحرية ودوهو الصحافة؟ والنقد الاجنبى اقصد الادبى فى المدارس بس ... وانه يبنى على مراجع ومعطيات وثوابت ... والغريب الطرب شى نسبى لا يخضع لمعايير او مكاييل ودوراب وارادب وقناطير ... يا اطربك او ما اطربك ... وهذا يعود الى طريقة الاداء (الدليفرى) بالعربى المانقلز ... ولا نسى حب الناس مذاهب ...
الجاى احلى .... اما عن راى الشخصى وموضوع الماء فى فمه يامرتضى نخليهو بعد الحلقة الاخيرة ...
شيقوق والملكة والزول وملاسى ورشا الغايبة وناس اللقاء كلكم عمر الدنيا للبعرف حسابو ثلاثى يوما راح... وهسع يوم ... ويما آتى..
لكم التحية واعفو لى مرت عشرة ايام مرت واخته عدوى من ابو كلام .. كفارة ياابو انفلونزا...
ملحوظة ... انا ماحضرتة الهرشة على التلفزيون العنده ينزلها لينا عشان ازعل ليكم تانى ...
Post: #248 Title: Re: ما أحلى ساعات اللقاء... Author: ودالعباسية Date: 09-23-2007, 01:43 AM Parent: #246
هلا ،، ورمضان كريم ،،
بى احد اعمده اغانى ،،اغانى ،،
السنة دي باين عليكم ظلمتو نادر خضر ،،
الزول شايفه مسكييييين ،،،
نورتنا يا فنان ،،
Post: #249 Title: Re: ما أحلى ساعات اللقاء... Author: ASIM AL BANNA Date: 09-23-2007, 01:45 AM Parent: #1
حلقة الاستاذ عثمان حسين ربنا يديهو الصحة والعافية .... كان هناك مقترح من النيل الازرق بان يستضيف البرنامج عدد من الفنانين الرواد فى برنامج اغانى واغانى ... ومنهم الاستاذ عثمان حسين وتقوم المجموعة بترديد اغنياته فى وجوده ولكن الاستاذ اشاد بالبرنامج واعرب عن اعتزازه واستمتاعة بحلقات السنة الماضية واشاد باداء اغنياته مما جعل قدور يرد التحية فى البرنامج ... واعتذر عن تلبية الدعوة بسبب ( استمتاعة وهو متلقى اكثر منه مشارك بالبرنامج) وكان هذا الاعتذار بمثابة هدم للفكرة رغم قبول البعض بدون ذكر اسماء وفى حال حضر الجميع كان السؤال يدور فى خاطر الجميع لماذا لم ياتى ... واتفق الجميع على ان لا تغيير فى البرنامج ... وتعاقدت نسرين سوركتى مع قناة الشروق منذ الاول من اغسطس حيث ينتهى عقدها مع النيل الازرق علما بان الحلقات تبث فى رمضان اى سبتمبر مما يدخلها فى حرج مع عملها الجديد....
ياربى عثمان حسين راضى عننا ... انشاء الله بكرة اضرب ليكم تلفون خاص ليهو وانقل ليكم بكل امانة على اللهواء مباشرة راية فى الحلقة ...
Post: #251 Title: Re: ما أحلى ساعات اللقاء... Author: الزوول Date: 09-23-2007, 02:00 AM Parent: #249
السلام عليكم فردتنا شخصياً ... يا للهنا يا للهنا كدي لامن أجيك راجع والجماعة يهجموا عليك أولاً كمصطلح السر قدور صار اسمه أبو الكلام رسمياً عاصم البنا صار اسمه الرسمي عندنا ( فردتنا) غايتو هاك الهرشه دي على الماشي كده بس أنقر على اللينك ده
........................ وما الناس إلا هالك وأبن هالك *** وذو نسب في الهالكين عريق
Post: #252 Title: Re: ما أحلى ساعات اللقاء... Author: mamkouna Date: 09-23-2007, 02:03 AM Parent: #1
أشرقت الأنوار...و الهلال هلٌ!
أهلاً بيك يا ود البنا في خيمتنا الرمضانية. رمضانك كريم و كل سنة و إنت طيب و تصوم و تفطر على خير. شكراً يا خي على إمتاعنا و إسعادنا ببرنامجكم الشيٌق (( أغاني و أغاني )).. يا خي نحن بطٌلنا المرقة و الدخلة..و إتفرغنا لبرنامجكم دا.. في طريقة نتقاسم معاكم العداد!!!؟؟؟
بالمناسبة...
* بالنسبة للهرشة بتاعتك...تجد نسختين منها في أول الصفحة 2 الأولى مُنزلها... فيصل نوبي و التانية مُنزلها...الزووول..... بالألوان...و الترجمة على الشريط!
* بالنسبة لأي كلمة ح تقراها هنا ... فيها شناف ما كتبتها أنا...! فيها شُكُر و كسير تلج...بكون كتبتها أنا... أنا ياخوي أولادي صُغار و ما بقوا للبهدلة.
* بالنسبة للبسة الليلة...دي جلابية العيد؟؟؟!!!
Post: #259 Title: Re: ما أحلى ساعات اللقاء... Author: abubakr Date: 09-23-2007, 06:45 PM Parent: #252
Quote: * بالنسبة لأي كلمة ح تقراها هنا ... فيها شناف ما كتبتها أنا...! فيها شُكُر و كسير تلج...بكون كتبتها أنا... أنا ياخوي أولادي صُغار و ما بقوا للبهدلة.
شفتو جنس الزمزقة دي ؟ يعني هسع لو ابوالكلام ادوهو باصويرد وجاكي طاير تقولي شنو ؟؟ والله مصنع تلج ما يكفيكي
Post: #253 Title: Re: ما أحلى ساعات اللقاء... Author: ASIM AL BANNA Date: 09-23-2007, 02:32 AM Parent: #1
زولى هووى ... ابو الكلام فسر الماء بالماء .... مايفوتك منو القال انه غناء الحقيبة فرح كلو ؟؟؟ يعنى زيدنى فى هجرانى وفى هواك يا جميل العذاب سرانى فرح ...؟؟ ولا حليل زمن الصبا ... ولا غبت عن انسانى ... ولا روح واعرض حالى ؟؟؟ ولا ياحبيبى انا عيان .. ولا ولا ولا ... الموضوع كان الاغانى الموثقة لى حدث بى عينه وده كان سبب ضحكتى الغير مبررة اثناء الهرشة وانه اغنية زمن الربيع حلا هى لم تكن من اغانى الطبيعة بل من اغانى المناسبات وكانت رمزية فى ربيع اول الذى تزوج فيه محمد احمد المحجوب ... ولكنى هرشت اثر هرشة لم تمهلنى طويلا .... يازول ماتقول لى تانى بتجى ديمقراطية فى مليون ميل مربع...
الفرح والحزن فى كل الاوقات وليس مربوظ او مقصور على حقبة بعينها والتوثيق داخل الاغانى لازال ينبض داخل كل اغنية حتى فى اغنياتى الخاصة هناك توثيق ظرفى زى لون الدهب ولا القمح كانت توثيق لشىء محدد نقلا عن الشاعر دون تفاصيل ... والغريب كلامى لم يكن موضوع منفصل عن التوثيق فى الحالتين وانا الضايع
غايتو مرت لكن كان لقيتا تانى لومك على ...ز
Post: #254 Title: Re: ما أحلى ساعات اللقاء... Author: محمد المرتضى حامد Date: 09-23-2007, 11:58 AM Parent: #253
Quote: يازول ماتقول لى تانى بتجى ديمقراطية فى مليون ميل مربع...
عشان كده قلت ليك كان مفروض تعملوا انتفاضه على (قدور) دا.
Post: #255 Title: Re: ما أحلى ساعات اللقاء... Author: Moawia Mohammed Date: 09-23-2007, 12:58 PM Parent: #1
ممكونه والجمع الكريم رمضان كريم وكل سنه وانتم طيبين شكرا لامتاعنا ونحن المساكين قناة النيل الأزرق ما بتصلنا بره الموضوع ( علي قولك يا ممكونه )
Quote: كل لحظة..بتمر عليا.. إنت في خاطري..وعينيا.
أغنية المصير كلمات : حسين بازرعة
Quote: يا ليالي المصير..قولي ل خلٌنا.. أوراق الخريف..طارت حولنا. يا ليالي الرجاء..عودي..علٌنا.. لاح الضياء..يبدو ظلنا.. في عقد السماء..في دنيا المُنى.. بس إنتَ ..و أنا.
أغنية أوراق الخريف كلمات : عبد المنعم عبد الحي
تسلموا و التحية لجمعكم الرائع
Post: #256 Title: Re: ما أحلى ساعات اللقاء... Author: abubakr Date: 09-23-2007, 01:16 PM Parent: #1
Quote: عشان كده قلت ليك كان مفروض تعملوا انتفاضه على (قدور) دا.
رمضان كريم ودالبنا وتعويض ما فاتك في الايام العشر الماضية ضروري والماء الذي في فمك يجب ان تبلعه وتنطلق فوجودك في البرنامج اساسي وليس تكملة عدد وانت لك رصيد وافر من المعرفة عن تاريخ الغناء السوداني .. مع كل حلقة اري ابوالكلام يستقوي وتزداد سلطويته او ابويته السلطوية ( بشان ممكونة ما تزعل) ويبدو لي ان الوضع لو استمر علي هذا الحال فسنتتهي بفرعون اغاني ..ما اخذ بالقوة (هنا اللسان ) لا يرد الا بالقوة ( الغناء) ولو الشباب قررو اسلوب وطريقة سير وتوجه البرنامج وفق رؤيتهم فهم اهم اركان اللقاء فالسر قدور ان اراد الكلام فقط لما وجد البرنامج هذا الزخم والمتابعة (حتي من زولا رطان زي )..هنالك اوراق كثيرة في يد الشباب لم يستعملوها ولذا كما ذكرت استقوي ابو الكلام ..
حاشية : يا ودالبنا سعوال : انت فرفور دة بيجيب االهدوم اللابسها دي من وين ومن ياتو ترزي ؟ ياخي بقي منظمة الوحدة الافريقية : يوم لابس نيجري ويوم من النيجر والكاميرون ويوم غاني او كونغولي مرة واحدة ما لبس سوداني ...
Post: #257 Title: Re: ما أحلى ساعات اللقاء... Author: ودالعباسية Date: 09-23-2007, 06:23 PM Parent: #256
ازيكم ،،،
حلقة الليلة ،،،
كانت نص ،، نص ،،
Post: #258 Title: Re: ما أحلى ساعات اللقاء... Author: abubakr Date: 09-23-2007, 06:28 PM Parent: #1
"ابدعت يابني " كانت اللازمة دي ضرورية لانو الحصة بدت مملة وكل الشباب كانو مركلسيين والتقول حصة "طبيعة Physics" اها لو ما ود البنا غني "هل تدري " كانو يكونو نايميين لي هسع .. الموضوع كان عن الغنا في السينما واتي بامثلة من سنة اربعيين الي ستيين ولذا ابتدت بسرور وانتهت بابراهيم عوض ... الاغاني كانت قصيرة زي الضواقة اها الا بتاعة عاصم واسرار وبشان كدة حنزلهم الاتنين وبالتالي الزوول ما يقول حاجة... اهي نجييكم بالغنيتتن بعد شوية حاشية : انا بقيت اشعر بسلطوية زي ابو الكلام اصلو تمبس مافي والزوول كمان خلي لي الساحة يعني الشباب كلهم مافي واها انا الكهل متسلطن وانزل غني علي كيفي يعني السر قدور بس البيعرف يتسلطن ويهرش خلق الله فاصل ونواصل
Post: #261 Title: Re: ما أحلى ساعات اللقاء... Author: abubakr Date: 09-23-2007, 07:07 PM Parent: #1
ياجماعة انا رفعت اغنية عاصم الي يوتيوب قبل اغنية اسرار وبالرغم من انو اغنية اسرار اطول زمنا الا ان يوتيوب خلصت من ضغط الملف ورفعته قبل اغنية عاصم ( دي قصة ؟ ) :
Post: #262 Title: Re: ما أحلى ساعات اللقاء... Author: mamkouna Date: 09-23-2007, 07:10 PM Parent: #1
الحلقة الحداشر:-
* إستعرضت حلقة اليوم تاريخ الأغاني المصورة أو ما يُعرف حالياً بالفيديو كليب. ذكر أبو الكلام أن الأغاني المصورة كأغاني ألفيس بريسلي كانت بمثابة إعلان ترويجي يُغري الشباب بشراء الأغنية لأنها أغنية متكاملة.. أغنية + رقصة..!!!!!!!!!!!!!
* ذكر أبو الكلام أن الأغاني المصورة كانت تُنتَج لأغراض دعائية و أن للأغنية المصورة وظيفة درامية .. إرشادية...وطنية..أو ..إجتماعية. لذلك تقوم شركات الإنتاج بإنتاجها و توزيعها...لا المُطرب أو المُغني.
* من أول الأغاني السودانية المصورة..أغنية (( يا حبيب الروح هل تدري ب حالي )) التي غنٌاها أحمد المصطفى من ألحان سرور... في فيلم (( بت البلد )) عام 1944 أو 1945. غنانا ود البنا من ألحان سرور..هل تدري يا نعسان أنا طرفي ساهر.
*أبضاً ظهر إسماعيل عبد المعين في فيلم روائي بعنوان (( ما تقولش ل حد )) و غنى أغنية بنفس العنوان بالإشتراك مع (( فريد الأطرش ))!
* من أشهر الأفلام السودانية و أول فيلم ملون ...ظهرت أغنية (( الخرطوم)) من كلمات الشاعر الكبير..عبد الرحمن الريح. و زعم ود البنا أن فيديو كليب أغنية (( الخرطوم )) ..هو أول فيديو كليب في العالم العربي.!
* ظهر أحمد المصطفى مرة أخرى في فيلم بصُحبة النجمة صباح و غنى لها من كلمات حسن عوض أبو العلا...... رحماك يا ملاك..هواكَ ملكني غنانا مقطع منها...نادر خضر.
* ظهر كذلك المرحوم سيد خليفة و أغنيته الأشهر (( المامبو السوداني )) من كلمات عبد المنعم عبد الحي ....في فيلم (( تمر حنة )) و قامت بالرقص على الأغنية ...النجمة المعروفة نعيمة عاكف! غنى مقطع منها...عصام محمد نور.
* ظهر كذلك المرحوم إبراهيم عوض في فيلم (( إسماعيل ياسين في جنينة الحيوانات )) و غنى أغنية إسمها (( أظهر و بان..عليك الأمان )). و لما كان لحنها متميز,,,فقد لحٌنها الموسيقار برعي محمد دفع الله.. فقد وضع عليها الشاعر سيف الدسوقي..كلمات جديدة..لتظهر أغنية.. أعزٌ مكان..وطني السودان. غنتها لنا...أسرار.
بره الموضوع:
* عجبتني جداً جداً حكاية عربة القطار السينمائية التى تجوب الولايات و الأقاليم...و يتجمع الناس في كل محطة لمشاهدة فيلم أو أغنية مصورة جديدة. * ما كنت بحب أغنية (( المامبو السوداني )) و بعتبرها أغنية مُهرجة و مهرجلة و غير جادة.. لكن.. بالجد عجبني لحنها و الطريقة الغناها بيها عصام محمد نور.
Post: #263 Title: Re: ما أحلى ساعات اللقاء... Author: abubakr Date: 09-23-2007, 07:26 PM Parent: #1
ودى الاغنية الخلت ابو الكلام يقول "ابدعت ياابني " :
Post: #264 Title: Re: ما أحلى ساعات اللقاء... Author: الزوول Date: 09-23-2007, 08:22 PM Parent: #1
السلام عليكم • نجم اليوم ... الفرقة الموسيقية في أغنية المامبو السوداني • عندما تكلم أبو الكلام عن أغنية حسن أبو العلا ...رحماك يا ملاك للفنان أحمد المصطفى وذكر أن أحمد المصطفى غناها بصورة جميلة مع صباح ... كنت أتمنى أن تشارك أسرار مع أحد المطربين الرجال بنفس طريقة صباح مع أحمد المصطفى غايتو كان تكون ابداع ... • أسرار ما حافظة كويس ... يعني جاطتها ... وبالذات في الآخر والمصيبة طلعت من الزمن الموسيقي... لكن نقول شنو مع عصابة أبو الكلام ، تمبس وأبوبكر الله في • طبعاً لازم نشاغل فردتنا.. كل الفنانين الأخرين يؤدون أغاني الآخرين بطريقتهم الخاصة ما عدا فردتنا .. فهو يؤدي الأغاني بنفس طريقتها الأصلية ، لا أدري إن كان هذا يصب سلباً أو ايجاباً في خانة فردتنا ... أقرب مثال الأغنية التي أنزلها مدير مكتبة الفيديو ( أبوبكر) أعلاه ... هل تدري يا نعسان .................... وما الناس إلا هالك وأبن هالك *** وذو نسب في الهالكين عريق
Post: #265 Title: Re: ما أحلى ساعات اللقاء... Author: abubakr Date: 09-23-2007, 08:48 PM Parent: #1
ممكونة الزوول
اها مامبو مامبو سوداني :
Post: #266 Title: Re: ما أحلى ساعات اللقاء... Author: mamkouna Date: 09-24-2007, 01:56 AM Parent: #1
* الأخ معاوية محمد..شكراً على تصحيح المعلومات..و شكراً لحضورك.
* الأخ حسن الطيب يس...شكراً للأغنية الشايقية الحنينة..و للرقصة المُصاحبة.. إنت (( تلميذ )) عند تمبس زيٌنا..و لا..(( خريج)) !
Post: #267 Title: Re: ما أحلى ساعات اللقاء... Author: Manar Mahsoub Date: 09-24-2007, 06:25 AM Parent: #1
المحاميد للمفروشات ...اطقم جلوس اطقم نوم و اطقم سفرة .... يالفائز اسمك سمح ......... اثاثات هلا ..لو عايز اى حاجة جميلة و مرتبه جيب من عند هاله دولاب و مرتبه ..... زووم للاثاث و الديكور ...سعد الله للاثاث .....جياد للاثاثات المنزلية و الطبية ..آآآآى ....ماهى اسباب زيارتك للسودان ... اليمامة ... معكرونة اليمامة حاشيل اليمامة و اطير ....اطير ..... الشاى البيعدل مزاجك ....... شاى شاى الموبايل ..... شاى شاى شاى ....مفروشات ..مفروشات مفروشات ..... ليبتون علامة الجودة .... و اخيرا بقى ينزل ليك سيجنال 2 .......... ممكونة للمفروشات و الديكور ... ابوبكر للاثاثات المنزلية و المكتبية ....منورة للديكور ( دى دعاية لمفروشات السنة الجاية ) .... حبيت اخلى البوست متكامل فيه البيبسطنا و البيعكرنا برضو ..... و فقرة الاعلانات اكثر من زمن البرنامج عشان كده ما حقو ننساها من البوست .. و لا شنو ؟؟؟
انتو عارفين امبارح انا اتأكدت تماما بانو عدم وجود نسرين هو السبب فى خرمجات كثيرة (بالرغم من انها ما كان ليها لزوم) لكن عرفت لزومها كان شنو ؟ فى وجودها كان المخرج اكثر تركيز يعنى اذا ابو الكلام ساكت بيسلط الكاميرا على وش نسرين السمح او توبها المهم شكلها العام كان عامل ليه موضوع لكن حسع صاحبنا حاسى بفراغ شديد و مفتقد للوجه الحسن عشان كده لمن يمل من نضمى ابو الكلام الكثير بنلاقيه بيسرح فى خطة برنامجه القادم و اعتقد بيفكر فى عمل مسابقة ايهما اكبر صلعة فرفور ام عصام محمد نور ... و برضو متأثر بالمفروشات عشان كده بيجيب الكنبة من وراء ... عندى رأى يمكن ما يعجبكم حلقات السنة دى بتفتقد للتلقائية فى الاداء و باهته شوية و حماس المشاركين قل شديد و ده واضح جدا على وشوش الشباب لمن يكون ابو الكلام مندمج و مرات يجيبو ليك فردتنا يتثاءب لكن بيدس وشو للجنبه و بعدين مرات كثيرة بيكون فى سرحان كده حاصل... يعنى التفاعل ما ميه ميه ..... و اتمنى انو بقية الحلقات تبرد قلب ابوبكر على اشتراكه فى النيل الازرق ....
Post: #269 Title: Re: ما أحلى ساعات اللقاء... Author: abubakr Date: 09-24-2007, 10:27 AM Parent: #1
Quote: ... ابوبكر للاثاثات المنزلية و المكتبية
يا قريبني انتي عينك في الفيل تطعني في ضلو يعني ما شايفة الاعلان البايخ بتاع بنك قيصل وبلدياتنا البايخ وصاحبو بتاع عييك .. اثاث شنو هو شعبولا مدينا فرصة نعلن عن اثاثاتنا ..الواحد ما عارف يختها وين وبعدين كيف نسيتي شاي الموبايل .. يعني ملين ..شاي زهورات بعد الافطار ... الغريبة انو ناس الا art امبارح الضهر اتصلو " هااالو هنا الا ART انت اشتراكك في النيل الازرق وباقة الاوائل تنتهي بعد اسبوع (بالضبط الميعاد السنة الماضية الاشتركت فيهو في ال bn وندمت بعدها ) وهل تبغي تجديدها " اها فكرت شوية .. لكن رمضان السنة دي ما في زولا هوب ناحية بيتنا واهو تلاتة سامية في كورنر وضياء في الكورنر التاني وانا في كورنيرين ما عندي حاجة غير البرنامج دة بالرغم من ملابس فرفور وحركاتو وصلع عصام وفرفور وعدم وجود نسريين (بالرغم من اني السنة الفاتت كنت مغيوظ منها ) وابو الكلام السنة دي البالف مقاطع اثناء الحلقة وتجي اسرار مفوته غنا كثير ووو طب اعمل ايه بعد الافطار ؟ اهو قت ليهو "نعم" واول ما وصلت البيت لقيت الرصيد في الايميل " لقد سحبنا مبلغ كام .. واهو اتوكعنا بسبب زولنا وابوالكلام اشتراك سنة تانية ...وبعد دة كلة "بنك فيصل عييييك " انا البدفع مش بنك فيصل ؟؟؟؟
Post: #270 Title: Re: ما أحلى ساعات اللقاء... Author: mamkouna Date: 09-24-2007, 12:16 PM Parent: #1
* أهلاً بيكِ يا سلمى صبحي.. سعيدين بمتابعتك لينا.
* أهلاً بيكِ مرة تانية يا منار.. بالمناسبة نسيتي ...صاااااابح يا حلييييييييييييييب! غصدك شنو؟؟؟!!
Post: #271 Title: Re: ما أحلى ساعات اللقاء... Author: فيصل نوبي Date: 09-24-2007, 01:02 PM Parent: #270
سلامات .. و تحية لكم جميعا..
__ الغريبة مافي زول علق علي لبس أسرار الي الآن ..
Post: #272 Title: Re: ما أحلى ساعات اللقاء... Author: ودالعباسية Date: 09-24-2007, 01:42 PM Parent: #271
رائك شنو فى قوصه اسرار ،،
Post: #276 Title: Re: ما أحلى ساعات اللقاء... Author: فيصل نوبي Date: 09-24-2007, 05:19 PM Parent: #272
ود العباسية ياخ قاعد لي ربع ساعة عشان اعرف القوصة دي شنو
الليلة بجيب ليكـ خبرها من صالون التلفزيون
Post: #273 Title: Re: ما أحلى ساعات اللقاء... Author: abubakr Date: 09-24-2007, 03:43 PM Parent: #1
Quote: الغريبة مافي زول علق علي لبس أسرار الي الآن ..
يا فيصل يعني انت ما شايف فرفور بيلبس شنو بقيت علي المسكينة دي ؟
Post: #274 Title: Re: ما أحلى ساعات اللقاء... Author: فيصل نوبي Date: 09-24-2007, 04:52 PM Parent: #273
يا باشمهندس هو لو ما لبس كده يكون فرفور كيف بالمناسبة حلقة اول أمس فرفور كان ما مبسوط ( يوم حلقة الجلابية اياها )
ياخ الزول ده (فرفور) ما كنت بتابعه الا بعد حلقات ابو الكلام دي.. بالجد غنٍاي و عندو مخارج جميلة..
Post: #275 Title: Re: ما أحلى ساعات اللقاء... Author: abubakr Date: 09-24-2007, 05:07 PM Parent: #1
Quote: بالجد غنٍاي و عندو مخارج جميلة..
دي ما فيها كلام .. غناي شديد بس فرفرتو الكتيرة بتظهرو علي انو شخص مش جاد وبتاع منلوجات ...
Post: #277 Title: Re: ما أحلى ساعات اللقاء... Author: فيصل نوبي Date: 09-24-2007, 05:59 PM Parent: #275
الحلقة 12
فرفور مع انه مختوت في خانة اليكـ الليلة و ما قادر يفرفر خالس
لكن لعبها حلوة و كسر تلج لي ابو الكلام
يا قدور انت ملاكـ و لا من حسان الحور
_ حبيبنا إبدع كمان
Post: #278 Title: Re: ما أحلى ساعات اللقاء... Author: فيصل نوبي Date: 09-24-2007, 06:07 PM Parent: #277
و كادت الهرشة ان تتكرر مع عصام محمد نور
حتي ضحكـ حبيبنا ضحكة حاول إخفائها لكنه لم ينجح
Post: #279 Title: Re: ما أحلى ساعات اللقاء... Author: فيصل نوبي Date: 09-24-2007, 06:24 PM Parent: #278
و يا جمال دنيانا و أبو الكلام معانا
حلقة كسير تلج تقيل
Post: #280 Title: Re: ما أحلى ساعات اللقاء... Author: ودالعباسية Date: 09-24-2007, 06:28 PM Parent: #279
ياسلاااااااااااااااام عليك يا محمديه ،،
الكمانه اتكلمت عدييييييييييل كدا ،،
يا خااااااااال الحقنا بى الفيديو ،،
اصلو جيت متاخر شوية وحصلت نادر وعصام بس ،،
Post: #281 Title: Re: ما أحلى ساعات اللقاء... Author: فيصل نوبي Date: 09-24-2007, 07:06 PM Parent: #280
نبداء من الاخر مع كسير التلج
Post: #282 Title: Re: ما أحلى ساعات اللقاء... Author: فيصل نوبي Date: 09-24-2007, 07:40 PM Parent: #281
انت ملاكـ
Post: #290 Title: Re: ما أحلى ساعات اللقاء... Author: mamkouna Date: 09-25-2007, 06:37 AM Parent: #275
الحلقة إتناشر:-
* كانت حلقة اليوم عن (( التلحين )) و (( المُلحنين )). ذكر أبو الكلام أن كلمة (( لحٌن )) في اللغة العربية تعي (( الخروج عن المألوف ))...لذلك يُسمي أهلنا في المغرب العربي الألحان القديمة (( المألوف )).
* ذكر أيضاً أن معظم الألحان السودانية القديمة كانت مستوحاة من (( المديح )) و لم يكن للملحن شأن يُذكر...فالأغنية تعرٌف بشاعرها و مغنيها فقط.
* أول من خرج عن المألوف إلى المُبتكر في الغناء السوداني هو (( كرومة )) و من أروع الأمثلة لذلك ..أغنية (( أنا من صفاك مسحور)) من كلمات محمد بشير عتيق. غناها لنا...ود البنا.
* من أشهر المُلحنين السودانيين..برعي محمد دفع الله..علاء الدين حمزة..عبدالله عربي...خليل أحمد..الصلحي..السني الضوي...عبد اللطيف خضر..بشير عباس...أحمد المك...إلخ.
* إبتكر برعي محمد دفع الله..المُلحن و عازف العود الأشهر.. ما أسماه أبو الكلام..بالموسيقى الصامتة أو المعبرة.. أدتنا الفرقة الموسيقية نموذج منها..في مقطوعة المروج الخضراء.
* من ألحان بشير عباس و من أغاني البلابل الخالدة..حاولت أسرار بابكر أن تدينا مقطع من أغنية (( دورة الأيام )) لكنها إستعملت سلم مختلف عما إعتادته...ففشلت فشل ذريع في أداءها مما إضطر المخرج لبتر ما تبقى من الأغنية... و شمتت فينا محمد المرتضى!!!
* غنى فرفور مقطع من (( صغيرتي )) لأبو داؤؤد و برعي محمد دفع الله..من كلمات الشاعر عوض حسن أحمد...who happened to be ...عم فرفور لزم!!
* غنى نادر خضر مقطع من أغنيتي المفضلة (( المصير )) لإبراهيم عوض..كلمات سيف الدسوقي..ألحان خضر ود الحاوي...الذي زعم أبو الكلام أنه أول من إكتشف مواهبه التلحينية عندما طلب منه تلحين أغنية للجابري .
* خُتمت الجلسة بأغنية (( يا جمال دنيانا )) لإبراهيم عوض و من ألحان برعي محمد دفع الله أيضاً.
بره الموضوع: * يتخيل لي كان مفروض عصام محمد نور..يغني أغنية البلابل..و تغني أسرار يا جمال دنيانا. * حشر كلمة (( السر قدور )) في كل أغنية بقى مُستهلَك و مبتذل و فيهو الكثير من البَكَش و الضحك على الذقون.. كترتوا المحلبية يا شباب النيل الأزرق.
Post: #283 Title: Re: ما أحلى ساعات اللقاء... Author: abubakr Date: 09-24-2007, 07:57 PM Parent: #1
اداء :عاصم البنا الحان وغناء كرومة كلمات محمد بشير عتيق
انا من صفاك مسحور
Post: #284 Title: Re: ما أحلى ساعات اللقاء... Author: فيصل نوبي Date: 09-24-2007, 08:04 PM Parent: #283
المروج أداء الفرقة الموسيقية لحالها..
Post: #285 Title: Re: ما أحلى ساعات اللقاء... Author: abubakr Date: 09-24-2007, 08:23 PM Parent: #1
محمدية والفرقة الموسيقية المروج الخضرا برعي محمد دفع الله
Post: #286 Title: Re: ما أحلى ساعات اللقاء... Author: خالد علي محجوب المنسي Date: 09-24-2007, 11:51 PM Parent: #285
ممكونة سلام برجع لك لحين ميسرة
خالد محجوب
Post: #287 Title: Re: ما أحلى ساعات اللقاء... Author: ASIM AL BANNA Date: 09-24-2007, 11:56 PM Parent: #1
ياناس الحقوووونا كنار كنت مدير علاقات حكومية فيها ولى يومين ماقادر االتقى بيكم من تقلت الانترنت
Post: #288 Title: Re: ما أحلى ساعات اللقاء... Author: محمد نور أحمد Date: 09-25-2007, 00:44 AM Parent: #287
Quote: ياناس الحقوووونا كنار كنت مدير علاقات حكومية فيها ولى يومين ماقادر االتقى بيكم من تقلت الانترنت
عاصم تقلة إنترنت ولا زايغ من عملتك يا عاصم.؟ تضحك في ولدي عصام لمن الضحك يشرقك زي دا؟ لمن اتهرشت ما كل الناس اتضامنت معاك. إنشاءالله يهرشوك تاني .. قول آمين.
إزيكم يا شباب يا رائعين أبوبكر والله إنت ظااااااااااااتك شاب مع الشباب ديل طالما مبدع قدر ده.. الصوت .. الصوووووووووت تمبس .. بليز خل الحركات دي .. شنو عيان ونائم والكلام الما جايب حقو ده .. يعني أبوبكر ده يتعب براه كده كل يوم .. وكان جاب أسرار تنقنقوا. الزووول .. شايفك اتكلت على أبوبكر برضك ومتحاوم في البوستات التانية .. داير ليك أمر قبض وتسليمك لهذا لبوست فورا. فيصل نوبي .. شنو يا عمك زايغ من بوستيك ومتحاوم بجاي .. ياخي عارفنك بتعرف تنزل فيديو .. وقت فالح كده ما كنت تركز في بوست الهيلاهوب هناك .. شوفتنا اتنين وخليت خشمنا ملح ملح. ممكونة .. ست البيت .. شكلك كده بره بطن بيتك .. والله ممكونك ده محنني عديييييل، أنا متعاطف معاه والله لدرجة بعيدة .. إنت مسئولة من الخير ما تطلبي ليه باوسويرد من بكري .. ما شايف ممكونين كتار عتدهم باوسويردات مع بعض.
التحية ليكم على ربطنا بالبرنامج بهذه الصورة المدهشة.
Post: #291 Title: Re: ما أحلى ساعات اللقاء... Author: mamkouna Date: 09-25-2007, 07:32 AM Parent: #288
Quote: ممكونة .. ست البيت .. شكلك كده بره بطن بيتك .. والله ممكونك ده محنني عديييييل، أنا متعاطف معاه والله لدرجة بعيدة .. إنت مسئولة من الخير ما تطلبي ليه باوسويرد من بكري .. ما شايف ممكونين كتار عتدهم باوسويردات مع بعض.
و منو القال ليك يا محمد نور..الممكون ما عندو باسويرد؟؟!!! مُش يمكن قاعد معانا هنا.... فييييييييي البوست دا؟؟!!!
Post: #292 Title: Re: ما أحلى ساعات اللقاء... Author: فيصل نوبي Date: 09-25-2007, 08:20 AM Parent: #287
يا عاصم خلي الحنك البيش بتاعك ده انت بتضحك في الراجل ليه
محمد نور كيفك يا حبيبنا بتم ليك باقي الحلقات اللي عندي لكن و الله ما كلهم لظروف قاهرة .
Post: #289 Title: Re: ما أحلى ساعات اللقاء... Author: abubakr Date: 09-25-2007, 04:46 AM Parent: #1
ياود نور نورت ... الواحد ما عارف يسوي شنو مع انفلونزة تمبس وخطوط كنار بتاعة ودالبنا وزوغة الزوول ؟ ياهوي الشهرف شارف منتصفو وانتو ووين ؟ ممكونة انتي برضو برة بطن بيتك ؟ ما عندكم زحمة مواصلات زي حالنا هنا ما بخليكم تطلعو برة بعد الشغل الا للشديد القوي ؟ موضوع مهم : فرفور امبارح كان مدبرس وماخد كوورنر وما صحصح الا لما ابولكلام جاب سيرة ابوداود وصاحبو الشاعر عوض .. فرفور ما خلي ابو الكلام يتمها ونط قال " عمي" .. وابوالكلام عاين ليهو بطرف عينو " ايوه هو عم فرفور " وبعدها فرفور غني لابودواود من اشعار عمو وباقي البرنامج بقي صاحب ابو الكلام يبشر ويطقطق ويسلم عليه وفي النهاية اصر علي ان يدخل اسم ابو الكلام في لازمة في اغنية ياجمال دنيانا ...كوسة بس
Post: #293 Title: Re: ما أحلى ساعات اللقاء... Author: محمد نور أحمد Date: 09-25-2007, 08:41 AM Parent: #289
دي شنو التصريحات الخطيرة دي يا ممكونة
Quote: و منو القال ليك يا محمد نور..الممكون ما عندو باسويرد؟؟!!! مُش يمكن قاعد معانا هنا.... فييييييييي البوست دا؟؟!!!
غايتو ما أبوبكر ولا تمبس ولا الزول ولا نوبي ولا عاصم ولا أنا مسئولة من الخير يا ممكونة ، هو الممكون بيخش من وراء حجاب ماله؟.. الواحد كان لابد ليك لي شكلة لكن بعد ده غايتو نتلفت يمين وشمال قبلما نخش البوست ظااااااااااااتو.
- فيصل نوبي .. راجيك بغادي يا عمك .. مع إنه جماعتك السنة دي قدر الشفتو شغل كله هباله لكن كدي جيب لينا الباقي نشوفه ونحكم.
Post: #318 Title: Re: ما أحلى ساعات اللقاء... Author: mamkouna Date: 09-26-2007, 07:11 AM Parent: #293
Quote: مسئولة من الخير يا ممكونة ، هو الممكون بيخش من وراء حجاب ماله؟..
لأنو شعارنا في المرحلة دي.. (( لن أعيش في جُلباب...ممكوني ))!!!
Post: #294 Title: Re: ما أحلى ساعات اللقاء... Author: abubakr Date: 09-25-2007, 10:08 AM Parent: #1
الرئيس السابق لاكبر ديمقراطية في الشرق وثاني اكبر دول العالم سكانا ( الهند) اسمه ابوالكلام وهو عالم مرموق وجهبوز واستاذنا السر قدور عصامي علم نفسه صحقي وشاعر واذاعي ومسرحي وكاتب وهو همزة الوصل بين كل هذا والمجموعات السودانية في مصر وانا ان نشير اليه ب"ابوالكلام" ليس انتقاصا من استاذيته واسهاماته الثرة وانما لشدة قربه منا بما يقدمه الان وما قدمه خلال عقود سته ماضيات في كل المجالات المذكورة وهو الذي غني له عمالقة الغناء السوداني مثل الكاشف والعاقب اغاني ما زالت تطرب وجدان اجيال .. يكفيه ان جمعنا ونحن شتات اختلفت مشاربنا واعمارناوتوجهاتنا نستمع الي جيل شاب مبدع يوثق لاغاني اجيال سابقة ..جعلنا رغم ما نبديه من عدم رضا او نقد في صورة مزاح لبعض الهنات ان لا يستقيم يومنا في هذا الشهر الفضيل دون ان نشاهد ونستمع اليه والي هذا الشباب المبدع الجميل ..شكرا استاذ السر قدور وشكرا اسرار عاصم عصام نادر فرفور
Post: #295 Title: Re: ما أحلى ساعات اللقاء... Author: نجوان Date: 09-25-2007, 10:41 AM Parent: #294
لمّة جميلة يا ممكونة.. وسابقة!
للأسف ما مواظبة زيّكم.. بس برجع إن كان في فرصة..
Post: #296 Title: Re: ما أحلى ساعات اللقاء... Author: معتصم الطاهر Date: 09-25-2007, 12:44 PM Parent: #1
Quote: تحية خاصة و تمنيات طيبة لكل الأحباب الإنضموا لينا مؤخراً...
معتصم الطاهر.. ..
خليكم قُراب.
مؤخرا؟؟؟؟ وأنا قاعد منأول يوم و ما داير أخرمج .. أنا أكلت معاك أول بلحة فى اول ساعات اللقاء ..
Post: #297 Title: Re: ما أحلى ساعات اللقاء... Author: mamkouna Date: 09-25-2007, 02:08 PM Parent: #1
مرحب بيكم يا خالد المنسي.. و يا نجوان.. منتظرين رجعتكم..بفارغ الصبر.
الباشطاهر..معتصم.. هو إنتَ باللهِ الكملٌت علينا العصيدة؟!!!! تحياتي و أشواقي لسيدة كل الفواكه و فاكهة كل المواسم و رمضانكم كريم.
Post: #298 Title: Re: ما أحلى ساعات اللقاء... Author: نجوان Date: 09-25-2007, 06:15 PM Parent: #297
وقائد الأسطول.. دون شك هو عاصم البنا.. (أدّى الأغنية بتمكّن.. دون تشنج ولا كواريك)..
الباقيين go home
Post: #299 Title: Re: ما أحلى ساعات اللقاء... Author: abubakr Date: 09-25-2007, 06:45 PM Parent: #1
الحلقة 13 وهي عن شاعر كبير مؤثر في الغناء السوداني والذي يعتبر ساهم في نقل الاغنية من عصر الحقيبة الي العصر الحديث وهو سيد(عبدالمحسن عبد العزيز) .. ابديالشباب انضباطا وهدوء غير مسبوق في الحلقات الماضية و ابدي السر قدور اليوم تركيزا ساعده كثيرا في نقل ما اراد من معلومات الي المشاهد بمعرفة .. اجاد الشباب في ثلاث اغاني من كلمات سيد عبد العزيز هي : غني القمري علي الغصون - الحان كرومة المجموعة بقيادة عاصم في قايد الاسطول -الحان سرور عاصم البنا في لي حق اذا اتهمت - الحان الكاشف
اليوم اليوتيوب بطئ ربما لزحمة في السيرفر ولذا سارفع الثلاث اغاني متما ا انتهي تحميلها في اليوتيوب
حاشية : انتو يا خلق الله بجدكم اعتمدتو علي بربري رطان يكون امين مكتبة اغاني بالعربي ( ما في واحد/ة يجي/تجي ناطي/ناطة ويقول/تقول خليل فرح او وردي .. دييل غير وانا غير يادوبك عرفت امبارح بس شنو يعني "عوج الدرب " كتر خير زولنا ود البنا .. وعليه انتو تتحملو كافة المسئولية .. قال بربري قال
Post: #311 Title: Re: ما أحلى ساعات اللقاء... Author: mamkouna Date: 09-26-2007, 06:08 AM Parent: #299
Quote: ابدي الشباب انضباطا وهدوء غير مسبوق في الحلقات الماضية
غايتو فرفور و نادر خضر كانوا نايمين.. الباقين أظنهم غمرانين!!!
Post: #300 Title: Re: ما أحلى ساعات اللقاء... Author: abubakr Date: 09-25-2007, 07:12 PM Parent: #1
قايد الاسطول الشاعر : سيد عبدالعزيز الحان وغناء : سرور
اداء : عاصم البناوالمجموعة
Post: #301 Title: Re: ما أحلى ساعات اللقاء... Author: abubakr Date: 09-25-2007, 08:05 PM Parent: #1
ولي حق اذا اتهمت كلمات : سيد عبد العزيز الحان وغناء : الكاشف اداء: عاصم البنا
Post: #312 Title: Re: ما أحلى ساعات اللقاء... Author: mamkouna Date: 09-26-2007, 06:27 AM Parent: #301
الحلقة تلاتاشر:
* كنتَ فعلاً بره بطن بيتي...لكن حضرت الإعادة بشق الأنفس. (( السَهَر...أديتو العدو )). جيت حسي أنزٌل الريبورت لقيت الزووول ما قصر في الأداء.. و طبعاً كالعادة..باشمهندس أبو بكر هو سيد الموقف.
رأي شخصي: بفتكر إنو .. (( هات لينا صباح )) (( زهر المواسم )) (( لي حق إذا إتهمت )) و.. (( الطير المُهاجر ))... هي من أجمل الأغاني السمعتها المرة دي.
بره الموضوع:
* أسرار بابكر..أنيقة في غير تكلف..بسيطة...متناسقة الألوان..متجددة اللوك.. و كذلك نادر خضر.
* لاحظتَ إنو فرفور لمن يلبس كويس..بيكون رايق...مُش كدا؟؟؟
* قعدة ود البنا بالتي شيرت..و جاي من النادي الأمريكي.. جنب بتاع المحاكم الصومالية ..الجاي من الدافنة.. ذكرتني أوبريت..لا لا ..لا لا يا قروية.
Post: #319 Title: Re: ما أحلى ساعات اللقاء... Author: abubakr Date: 09-26-2007, 07:43 AM Parent: #312
Quote: * قعدة ود البنا بالتي شيرت..و جاي من النادي الأمريكي.. جنب بتاع المحاكم الصومالية ..الجاي من الدافنة.. ذكرتني أوبريت..لا لا ..لا لا يا قروية.
ود البنا لابس كاجوال وعصام شوية لو الدقينة طالت كنا بقينا في قوات دولية بس فرفور اكيد اللبس عندو مرتبط بالفرفرة اها يارب يتم الخلقات الجاية بسفاري واللا قميص نص كم بس نتخارج من فرفرتو وبرضو امبارح ايدو ما فصرت تاشر للفرقة بالدسة .. لاول مرة منذ بداية الخلقات بتاع الكامير ما صور الكراسي من ورا (القفا)...
Post: #302 Title: Re: ما أحلى ساعات اللقاء... Author: abubakr Date: 09-25-2007, 08:31 PM Parent: #1
غني القمري علي الغصون كلمات: سيد عبدالعزيز الحان وغناء : كرومة اداء: اسرار بابكر
Post: #303 Title: Re: ما أحلى ساعات اللقاء... Author: ASIM AL BANNA Date: 09-25-2007, 10:54 PM Parent: #1
يا باش والله ماقادر ادخل الصفحة 2و3 من ساعات اللقاء غلبنى كلو كلو ياممكونة والله انا الممكون وفايتك بالصبر لما وصلت الصفحة الرابعة حتى قدرته اواصل معاكم ياربى شتمتونى ولا شنو؟؟؟؟
Post: #304 Title: Re: ما أحلى ساعات اللقاء... Author: خالد علي محجوب المنسي Date: 09-25-2007, 11:05 PM Parent: #303
ممكونة والله يعجز الكي بورد رداً ايجاباً او سالباً مع جمال ما نرى وما نسمع مازلت مشدوه بين صفحات بوستك الجميل أتنقّل في خفة ممزوجه بفرح غامر مثل عصفور يدرب أجنحته الرخوة على الطيران بين فرحة ما ارى وفرحة فرحة ماسمع بين هذه وتلك اجوب عرضاً وطولاً حديقتك العامرة في فرح وحبور.
تخريمة بسطة
Quote: يا باش والله ماقادر ادخل الصفحة 2و3 من ساعات اللقاء غلبنى كلو كلو ياممكونة والله انا الممكون وفايتك بالصبر لما وصلت الصفحة الرابعة حتى قدرته اواصل معاكم ياربى شتمتونى ولا شنو؟؟؟؟
يا عاصم البنا غير الكانون تبعك
Post: #307 Title: Re: ما أحلى ساعات اللقاء... Author: abubakr Date: 09-26-2007, 04:06 AM Parent: #303
Quote: يا باش والله ماقادر ادخل الصفحة 2و3 من ساعات اللقاء غلبنى كلو كلو ياممكونة والله انا الممكون وفايتك بالصبر لما وصلت الصفحة الرابعة حتى قدرته اواصل معاكم ياربى شتمتونى ولا شنو؟؟؟؟
يا ودالبنا دة بطء مؤقت في الارسال او السيرفر .. حاول الدخول الي مواقع اخري للتاكد .
Post: #315 Title: Re: ما أحلى ساعات اللقاء... Author: mamkouna Date: 09-26-2007, 06:50 AM Parent: #303
بلا كنار... بلا لمٌة.. سودٌِن شبكتَك.. و خليك سوداني!
Post: #325 Title: Re: ما أحلى ساعات اللقاء... Author: abubakr Date: 09-26-2007, 12:49 PM Parent: #315
Quote: سودٌِن شبكتَك.. و خليك سوداني!
مذاكرة تمام ما اسبوتنق علي طول لابو شريحتيين ...
Post: #305 Title: Re: ما أحلى ساعات اللقاء... Author: الزوول Date: 09-26-2007, 03:18 AM Parent: #1
السلام عليكم عدنا لم استطع الدخول يوم أمس للبطء الممل في الإنترنت الذي لا أعرف هل هو عام أم خاص ، فتح الصفحة يستغرق حوالي 5 دقائق وأحياناً لا تفتح وأرجو الآ يكون ملخص الحلقة بايت عند بعض الناس ....................
Quote: حاشية : انتو يا خلق الله بجدكم اعتمدتو علي بربري رطان يكون امين مكتبة اغاني بالعربي
والمشكلة مساعدك العيناهو ليك اسمو فيصل (نوبي) والله يا أبوبكر النصيحة لله رطاني والا ماك رطاني ما مقصر معانا والقعد تسوي فيهو ده عرّوب البطانة جت مابيسوهو.. الله يديك العافية.. الممكونة شايفها بقت طوالي برة بطن بيتها والمصيبة ما قعد تدينا توكيل عشان نقوم بالواجب يعني غايتو تلخيص للحلقة 13 عشان الترتيب وكده .................... الحلقة 13 دارت الحلقة شاعر وصفه أبوالكلام بأنه أحد أعمدة الغناء السوداني عن الشاعر عبدالمحسن عبد العزيز الشهير بسيد عبد العزيز وسبب الأسمين هو أن أبوه – وهو من أصول مصرية – كان مسافراً حينما ولد سيد سنة 1905 ( وهي نفس السنة التي ولد فيها عبيد عبدالرحمن) فسماه أهله عبد المحسن ولكن أباه لم يعجبه الأسم فسماه سيد على اسم صديق له واشتهر بهذا الأسم. اكتفي من الخلوة بالتعلم السريع للقراءة والكتابة ثم تركها لمساعدة أبوه في تجارته كان له اصدقاء بعضهم الدراسة كصديقة يوسف الحسن والد لاعب المريخ حسن يوسف الحسن (أبوالعائلة) ووالد الشاعر تاج السر الحسن والحسين الحسن وكان صديقه ايضاً خالد بن الخياط أول ناقد فني ظهرت موهبته الشعرية مبكراً حيث كان ينظم الشعر ويعرضه على صديق والده العبادي الذي أشاد به وقدم له بعض النصائح أول أغنياته المسموعة التي غناها عبدالعزيز المأمون شقيق ميرغني المأمون سنة 1923 شجاني سجيعة زاد ألمي وأفكاري وجيعة بلابل الدوح وسجل له عبدالله الماحي في القاهرة ، أنا ما معيون و نظرة يا السمحة ام عجن ثم غنى له كرومة اإنية تعتبر هي بداية تحرره عن الآخرين غنى القمري على الغصون ذكرني الدر المصون فريد عصرو الما مثلو شيء أبدعت فيها أسرار (فريدة العصر والبرنامج) عرفتوها يا أبوبكر وتمبس؟؟ .................. وقفت مليئاً في هذا البيت فريد عصرو الما متلو شيء هل يقصد ليس كمثله شيء ؟؟؟؟
قاده طموحه لتعلم الميكانيكا فـأجادها وعمل في عدد من شركات السيارات البريطانية وليجيد الميكانيكا أكثر قام بتعلم الانجليزية وتعلم النحو ليجيد الشعر وظل طوال عمره يحب التعلم والثقافة وتنقل في النقل الميكانيكي حتى وصل إلى المشرف الهندسي بالأبيض وظهر هذا في اغنيته البديعة التي غناها سرور ثم عبيد عبدالرحمن ( هذه من عندي) سيدة وجمالها فريد خلوقها زي ماتريد ( ماتريد حسناء انجايزية وليس كما يغنيها الناس خلوقها زي ما ... تريد) غنى نادر خضر جزء منها .................. تحدى شعراء عصره في الفن الذي كانو يتبارون فيه وهو لزوم ما لا يلزم من القافية كقول العبادي يا مي نسمة خيالك جاني جنح الظلام ناجاني هيج علي إشجاني والجاني يا ناس جاني ... ويقول أبو صلاح لى شوفتك ما لقيت وسائل غير بسط النسمات رسائل أعجب شيء وأغرب مسائل حلم الصاحي ودمعو سائل
.... أما العبادي فقال زدني في هجراني في هواك يا جميل العذاب سراني على عفافك دوم سيبني في نيراني ....... فجاء سيد عبدالعزيز وزاد عليهم بعمل قافيتين مزدوجتين
يا قائد الأسطول .. تخضع لك الفرسان يا ذا الجلال والطول .. أرحم بني الأنسان غنتها كل المجموعة بس بقيادة فردتنا... وأبدعوا فيها ....... تعامل مع رمضان حسن في عدة أغاني أشهرها الجمال والحب في بلادي أما قصيدة فتنة فهي في رأي أبو الكلام فهي أجمل ما غنى وأجمل الأبيات فيها والذي لا يزال يعتبره من أبدع الأبيات زي بسمة الأزاهر في نظري ابتسمت وزي نقشة الخواتم في قلبي اترسمت ختم بها فردتنا فزاد فوق ابداعه ابداع الفرقة الموسيقية ............. برة الموضوع الليلة ارتحنا من إحدى الصلع بعد أن غطاها عصام محمد نور بالطاقية بس .. عيونهو ممثل السلطان قابوس والا شنو ؟؟ أول مرة نسمع صوت العود صولو بتاع أحمد المك ويا دوب اقتنعت انهم ما ممكن كانوا يجيبوني ( الزوول) مكان أحمد المك ............................. وما الناس إلا هالك وأبن هالك *** وذو نسب في الهالكين عريق
Post: #306 Title: Re: ما أحلى ساعات اللقاء... Author: abubakr Date: 09-26-2007, 04:03 AM Parent: #1
من اقوال الزوول ( زي "من اقوال" ماو )
Quote: والمشكلة مساعدك العيناهو ليك اسمو فيصل (نوبي)
Quote: الممكونة شايفها بقت طوالي برة بطن بيتها
Quote: أبدعت فيها أسرار (فريدة العصر والبرنامج) عرفتوها يا أبوبكر وتمبس؟؟
Quote: بس .. عيونهو ممثل السلطان قابوس والا شنو ؟؟
Quote: ويا دوب اقتنعت انهم ما ممكن كانوا يجيبوني ( الزوول) مكان أحمد المك
Post: #309 Title: Re: ما أحلى ساعات اللقاء... Author: Souad Taj-Elsir Date: 09-26-2007, 04:16 AM Parent: #306
شكراً جزيلاً يا باشمهندس أبوبكر على هذا الإبداع شكراً وتقديراً للأستاذ الفاضل تمبس شكراً لكم جميعاً كل هذه الأغنيات شديدة الإبداع وخاصة "غنّى القمري على الغصون" وحقيقة كل الأغاني. أرشح هذا البوست أن يكون "بوست الشهر" هذا توثيق ممتاز لهذا التراث وهذا الفن. يا باشمهندس بكري هذا الجمال هذا المجهود يستحق أن يكون مرفوعاً في الصدارة.
Post: #310 Title: Re: ما أحلى ساعات اللقاء... Author: abubakr Date: 09-26-2007, 04:37 AM Parent: #309
Quote: شكراً جزيلاً يا باشمهندس أبوبكر على هذا الإبداع
العزيزة سعاد .. الشكر لمن ابدع ..هذا الشباب الجميل القادر علي امتاعنا كل يوم ..الشكر للاستاذ السر قدور الذاكرة والتجربة التي ما بخلت بما عندها لاجيال اصغر ... مودتي وتحياتي لعبدالله والشباب
Post: #308 Title: Re: ما أحلى ساعات اللقاء... Author: abubakr Date: 09-26-2007, 04:08 AM Parent: #1
Quote: والمشكلة مساعدك العيناهو ليك اسمو فيصل (نوبي)
برضو من اندنا بس خسارة ما بيرتنش ...
Post: #313 Title: Re: ما أحلى ساعات اللقاء... Author: salma subhi Date: 09-26-2007, 06:29 AM Parent: #308
ممكونة كيفك
شاركت قبل كده بي مداخلة فتشتها ما لقيتها...
نعيد ونجدد التحية مرة أخرى لك ونحييك على هذا البوست الجميل.
ومتابعة
Post: #314 Title: Re: ما أحلى ساعات اللقاء... Author: نجوان Date: 09-26-2007, 06:46 AM Parent: #313
Quote: يا قائد الأسطول .. تخضع لك الفرسان يا ذا الجلال والطول .. أرحم بني الأنسان غنتها كل المجموعة بس بقيادة فردتنا... وأبدعوا فيها
مضبوط يا الزول..
وبالتأكيد (مرّة تاني) تفوّق عاصم البنا على المجموعة في هذه الأغنية.. و.. (دون مجاملة).. لم يستطع أحد من المجموعة أن يجاري عاصم في حماسه وإمكانياته الصوتية.. لعله السونامي البنّاوي؟!
أسرار تقريبا لم يكن لها وجود يذكر (يبدو ان بعض السلالم كانت رجالية جدا).. نادر وفرفور.. حاولوا... (لكن ما سمعنا حاجة).. عصام محمد نور.. حنّيت عليهو عديل كدة والله
الموسم الجاي.. أرشّح عاصم.. ياسر تمتام.. وسميرة دنيا..
Post: #316 Title: Re: ما أحلى ساعات اللقاء... Author: mamkouna Date: 09-26-2007, 06:57 AM Parent: #313
العزيزة سلمى.. مُداخلتك نزلت في الصفحة 2 ردي عليها نزل في الصفحة 3 و نجدد التحية ليك مرة تانية في 4
خليكِ معانا..أوعي تغيري المحطة.
Post: #317 Title: Re: ما أحلى ساعات اللقاء... Author: mamkouna Date: 09-26-2007, 06:59 AM Parent: #316
دكتورة سعاد تاج السر.. خالد المنسي.. نجوان..
البيت بيتكم.
Post: #320 Title: Re: ما أحلى ساعات اللقاء... Author: فيصل نوبي Date: 09-26-2007, 08:03 AM Parent: #317
يا شباب حلقة أمس طارت مني برضو !! في أغنية ناقصة تاني يا باشمهندس ؟
نجوان تحيات كتار و حبابكـ في دار ممكونة .
الزوول ترجمة : نوبي بس للاسف ما بيعرف يرطن
Post: #322 Title: Re: ما أحلى ساعات اللقاء... Author: abubakr Date: 09-26-2007, 09:26 AM Parent: #320
Quote: في أغنية ناقصة تاني يا باشمهندس ؟
هن كلهن خمس تلات كاملات واثنين سامبل التلات رفعناهن هنا ولو عايز السامبل برضوfkvtuih انت بس خلي الجمهور يساندك عشان نقول " نزولا عند رغبة الجمهور" انا ما عارف ليه نزولا .. الجمهور مقامو عالي ولارزم يكون طلوعا الي .. اها ما في زولا يجي ناطي ويقول بيعرف "عربي" احسن مني الرطان it is my second language
Post: #326 Title: Re: ما أحلى ساعات اللقاء... Author: abubakr Date: 09-26-2007, 02:56 PM Parent: #322
عموما يا فيصل اها دي بعض من اغنية ( سامبل)
سيدة وجمالا فريد كلمات الشاعر سيد عبد العزيز الحان وغناء محمد احمد سرور اداء نادر خضر
Post: #321 Title: Re: ما أحلى ساعات اللقاء... Author: Hatim Yousif Date: 09-26-2007, 08:41 AM Parent: #1
ناس البوست ...... ........ سلام - أغنية (لي حق إذا إتهمت ) ... طلعت شكلها غريب من عاصم البنا ........ وأنا متأكد السميعة بيكونوا إنتبهوا للحاجة دي ... الأغنية دي خير من يؤديها عصام محمد نور ... وحصل كتير غناها ..... - --------- هرجلة فرفور ألذ حاجة في البرنامج ... يا أخوانا فرفور ده إنسان متمرد جداً ... وأعتقد ده نوع من قلق المبدعين ... - -
Post: #323 Title: Re: ما أحلى ساعات اللقاء... Author: فيصل نوبي Date: 09-26-2007, 09:42 AM Parent: #321
ياخي فرفور ده الذ زول في البرنامج و بالجد بيعكس شكل الحلقة في وجهه منذ البداية يعني قبل ان تبين ملامح الحلقة بامكانك استبيانها من ملامح فرفور
__ بعدين حبيبنا عاصم .. متكيف للطيش من حركات فرفور .. بس كمان مسختوها بإدخال قدور في معظم الاغاني .. كسرتو تلج لمن اندرش يعني بقا حُرترب عديل كده
Post: #324 Title: Re: ما أحلى ساعات اللقاء... Author: ملكة سبأ Date: 09-26-2007, 10:39 AM Parent: #1
Quote: ياربى شتمتونى ولا شنو؟؟؟؟
اكلمو ؟!
سلامات ياناس
بنحضر نمشي
بقينا متابعين عندكم وخلاص
قضية الراي العام انتصرت
والسهر مابنقدر عليهو ياممكونة
Post: #327 Title: Re: ما أحلى ساعات اللقاء... Author: abubakr Date: 09-26-2007, 04:36 PM Parent: #1
يبدو انو ناس النيل الازرق لما شافونا اخر كبكبكة وعايزين نشوف اغاني واغاني بقو يدللو وعشان كدة اها النيل الازرق من العصر ابت تشتغل تب وهسي باقي للبرنامج ساعة وانتو حظكم اها اليوم يا ممكونة اهو في حالة زي دي تطلعي برة بطن البيت .. الغريبة انو القناة السودانية مكابرة النيل الازرق اها تقطع وتجي .. بالمناسبة ياناس الداخل ( شفتو كيف يعني احنا ناس برة ) هي استوديوهات النيل الازرق دي وين عندكم اوع تقولو كمان جنب دييك السودانية ..يعني معقولة حتي في دي جنب بعض ...اها ما في جنيرتر تسلفو لناس النيل الازرق بس لمدة 30 دقيقة وانا بدفع حق الايجار بالدولار ( جنس حالة ) وين الزول ياخي ما تشوف لينا حل ؟ انا بس امين مكتبة اها كان كتب مافي تسوو شنو ؟ اها ليلتنا كحلي ...جنس حسادة يا ناس الكهربا
Post: #328 Title: Re: ما أحلى ساعات اللقاء... Author: احمد معتصم الطيب Date: 09-26-2007, 05:15 PM Parent: #327
رمضان كريم يا حلوين
الوأحد ساكى البوست ده من أول رمضان من حلاتو وحلاتكم وحلوة الأغانى الفيهو يا أخى كتر خيركم وربنا يسعدكم جميعآ وقلت لازم أشارك ولو بكلمة شكر لى ست البوست ممكونة وجميع المشاركين الله يخلى لينا قناة النيل الأزرق دى ويخليكم لينا يارب
Post: #329 Title: Re: ما أحلى ساعات اللقاء... Author: abubakr Date: 09-26-2007, 05:58 PM Parent: #1
الحلقة 14: لاشئ نسبة لانقطاع ارسال النيل الازرق يارب ناس الا ART حبعوضنوني كيف علي الانقطاع دة .. دي ما قناة تجارية ؟؟؟
Post: #330 Title: Re: ما أحلى ساعات اللقاء... Author: Hussein Mallasi Date: 09-26-2007, 06:09 PM Parent: #329
كلو منك يا أبو الكلام .. نسرين دي السنة الفاتت ما كانت كبيرة
Post: #331 Title: Re: ما أحلى ساعات اللقاء... Author: abubakr Date: 09-26-2007, 06:16 PM Parent: #1
Quote: كلو منك يا أبو الكلام .. نسرين دي السنة الفاتت ما كانت كبيرة
انت كنت وين ؟ ما البوست دة انت برضو مسئول عنو .. هسع بس تطلع لينا حقنا من النيل الازرق لانقطاع الارسال الليلة ؟ بعدين يمكن الانقطاع دة عشان نشوف نسريين في الشروق .. اها الليلة شفناها في الشروق وهي ذاتا ما اتغيرت ...
Post: #332 Title: Re: ما أحلى ساعات اللقاء... Author: abubakr Date: 09-26-2007, 06:18 PM Parent: #1
من الحلقة 13 (الثلاثاء 13 رمضان)
الجمال والحب في بلادي كلمات الشاعر سيد عبد العزيز الحان وغناء رمضان حسن اداء عصام محمد نور
Post: #333 Title: Re: ما أحلى ساعات اللقاء... Author: فيصل نوبي Date: 09-26-2007, 06:22 PM Parent: #332
Post: #334 Title: Re: ما أحلى ساعات اللقاء... Author: الزوول Date: 09-26-2007, 06:30 PM Parent: #333
السلام عليكم أبوبكر هسع دي عملية (تِفل ) بيعملا ؟ ( يا قول الرطّانة) بقطعة كهرباء .... يبوظوا علينا تعيناتنا واستعدادتنا وامتناعنا التام عن الفطور برة بطن البيت زماااااان لما الإذاعة أو التلفزيون يقطع زي كده نقول قطع شك انقلاب يا ربي ناس فردتنا وشلتو عملو انقلاب على أبوالكلام غايتو أنا أرشح فرفور يكون وزير الخارجية مش دايماً بيقولوا وزير الخارجية عمل جولة مكوكية فرفور ده هو ذاتو عبارة عن مكوك أها الممكونة مرة في ذات المرات قالت في اعادة الساعة كم ما عارف ونحن ما اشتغلنا بيها على أساس نحن ما محتاجين ما دام بنحضر القطفة الأولى الليلة جات حوباتك يا السهر أها قلتي لينا الإعادة الساعة كم؟ الله في ........................ وما الناس إلا هالك وأبن هالك *** وذو نسب في الهالكين عريق
Post: #335 Title: Re: ما أحلى ساعات اللقاء... Author: abubakr Date: 09-26-2007, 06:39 PM Parent: #1
Quote: هسع دي عملية (تِفل ) بيعملا ؟ ( يا قول الرطّانة)
والل" بججا" ما يعملا.. دة كلام ...لكن بردوا حنشوفلنا طريقة نملا الخانة
Post: #336 Title: Re: ما أحلى ساعات اللقاء... Author: ودالعباسية Date: 09-26-2007, 06:59 PM Parent: #335
الليلة الواحد خرمان لحدي هسى ،،
سجارة بعد الفطور ما شربناها ،،،
ناس النيل الازرق ديل مالهم ،،،
تنشنة على خفيف ،،
انا زاتى بقول انه لاغنية بتاعة افتتان ما اتغنت حلو ،،
ياشباب والله شفته ليكم نسرين سوركتى فى قناة شروق ،،
عاملين معاها مقابلة ،،، يعنى الزوله دي فكت درب النيل الازرق عديييييل كدا
Post: #337 Title: Re: ما أحلى ساعات اللقاء... Author: abubakr Date: 09-26-2007, 07:04 PM Parent: #1
من الارشيف وانا اليوم بحكم السن بكان السر قدور وحاتكلم زي ما عايز لانني رايت الشمس قبلكم :
تاسف ممكونة من بطن بيتا نيابة عن مديري (كدة مرة واحدة) هذا البوست عن اللخبطة الحاصلة من انقطاع ارسال النيل الازرق المفاجئ في الليلة 14 من شهر رمضان ...وعليه كيتا في الفرحانيين بهذا الانقطاع (هو في زول فرحان ياجماعة؟) فان الادارة الفرعية للمكتبات ستواليكم باغاني لم تنزل في هذا البوست من ارشيف هذا الشهر ( يعني ال 13 حلقة الفاتن) ونبدء باول حلقة وبالافتتاحية للسر قدور والمجموعة في اغنية استهلالية اسمها "الهلال هللا" وتفاديا للخلط فليست هذه هي الاغنية التي يغنيها المشجعيين في استاد الهلال وانا لا مريخابي ولا حاجة لانو ايدي اتكسرت وانا تفل لما واحد قريبنا مغيوظ مني لاني صاحب الكورة والصفارة وقفني حارس مرمي وشات كوره اصر علي انها بلنتي من خط ستة وقاس بالضبط ستة اشبار وهات يا شوته خلتني جاري لليوم ولذا اي تفسير رياضي لهذه الاغنية هي اووت):
يا ممكونة انا لا عارف شاعر الاغنية دي ولا المغني والملحن الاصلي فبالله تسمعيها بس كدة فهي برعاية سوداني :
Post: #338 Title: Re: ما أحلى ساعات اللقاء... Author: abubakr Date: 09-26-2007, 07:06 PM Parent: #1
من ارشيف الجزء الثاني لبرنامج اغاني واغاني رمضان 1428 :
في الحلقة الثانية كان الموضوع هو "من اين ياتي الغناء" اي من اين ياتي النغم ؟ واهمية الغناء والتعبير الصوتي .. علاقة الصوت بحركة الانسان في عمله وعبادته وفي الحرب ..الخ وعندما تطرق الي حركة العبادة اتي بامثلة وشرح وهنا اتت اغنية السراي يالسراي: مدحة السراي يالسراي اداء فرفور والمجموعة
Post: #339 Title: Re: ما أحلى ساعات اللقاء... Author: Hatim Yousif Date: 09-26-2007, 07:20 PM Parent: #1
يعني الناس دي كلها بايته القوى ,,,, والله قايل نفسي براي ... الله يطلع عينكم ياناس النيل الأزرق ... الزول أخوي ... الإعادة بعد الساعة واحدة صباحاً ,,, غايتو عسى ولعل.. - -
Post: #340 Title: Re: ما أحلى ساعات اللقاء... Author: mamkouna Date: 09-26-2007, 08:04 PM Parent: #1
و الله الليلة يا جماعة زعلتوني جنس زعل... مرقت فطرت بره بطن بيتي و أنا مطمئنة إنو وراي جيش عرمرم من المراسلين و اميني المكتبات و مراسلين حربيين كمان...تجوا تقولوا لي الكهرباء و الإرسال!!!!
حلقة الليلة كانت عن المطرب الفنان (( حسن عطية )) . أبو الكلام إستهل الحلقة بما معناه...يا جماعة الليلة أسمحوا لي أتكلم كتير!!!!!!!!!!!!!!!!!!!!!!!!!!! أجي يا أبو الكلام!!؟؟؟ و البتسوي فيهو السنتين الفاتو دا كان شنو؟؟؟
أهم حاجة في حلقة الليلة إنو في ضيفة جديدة....!!! ما ح أقول ليكم هي منو لغاية ما تحضروا الإعادة الساعة واحدة صباحاً بتوقيت بطن بيتي.. كل البقدر أقولو.. إنها حلوة...تسريحتها حلوة...و....شنطتها أحلى!!!
أنا زاااااتي ح أحضر معاكم الإعادة لأني بصراحة حضرت الحلقة و حولي خمستاشر طفل و عشرين شاب و تلاتين سيدة و عشرة جكسويات!!!! أسمع ب وين يعني!!!!
Post: #341 Title: Re: ما أحلى ساعات اللقاء... Author: abubakr Date: 09-26-2007, 08:21 PM Parent: #1
Quote: أنا زاااااتي ح أحضر معاكم الإعادة لأني بصراحة حضرت الحلقة و حولي خمستاشر طفل و عشرين شاب و تلاتين سيدة و عشرة جكسويات!!!! أسمع ب وين يعني!!!!
ممكن تقولي لينا وين نشوف الحلقة المعادة .. النيل الازرق بح ؟؟ ما في هنا ....بالله سجلي ورسلي لينا ...
Post: #342 Title: Re: ما أحلى ساعات اللقاء... Author: mamkouna Date: 09-26-2007, 09:08 PM Parent: #341
للأسف يا باشمهندس.. ما تشوف طولة اللسان دي.. أنا زولة زلنطحية ساي فيما يتعلق بالتكنولوجي.. لا بعرف أسجِل..لا بعرف أنزِل في يوتيوب.. كتٌر خير تمبس الحاول يعمل مني مشروع هكر مستقبلي عظيم.
خلينا متفائلين إنو الإرسال يرجع في الساعتين الجايات ديل... و إلا ح يبوظ البوست دا عديييييييييل كدا!
Post: #343 Title: Re: ما أحلى ساعات اللقاء... Author: mamkouna Date: 09-26-2007, 11:00 PM Parent: #1
الإعادة إبتدت يا شباب.
Post: #344 Title: Re: ما أحلى ساعات اللقاء... Author: mamkouna Date: 09-26-2007, 11:52 PM Parent: #1
الحلقة أربعتاشر :-
حلقة اليوم ستكون (( منزوعة الدَسَم )) نسبة لإختفاء قناة النيل الأزرق من شاشات مندوبينا في الإمارات و السعودية و بقية دول الخليج العربي.. على متابعينا في البوست و البوستات المُجاورة..مراعاة فروق الوصف!
* إستهل أبو الكلام حلقة اليوم بعبارة ((أسمحوا لي أتكلم كتير شوية ))..فمن أقدمه اليوم قمة من قمم الفن السوداني...الفنان و الموسيقار...حسن عطية.
* حكى عن طُرفة شخصية مفادها أنه - و خلال زيارة لحسن عطية للقاهرة..غنى أبو الكلام أغنية (( إنتَ حياتي )) فعلق حسن عطية عن رأيه في أبو الكلام ك مُطرب..قائلاً.. موضوعاً ممكن..لكن شكلاً..لأأأ..!!
* حكى أن حسن عطية كان بيحتج على إسباغ ألقاب زي أبو الفن..عم الفن أو خاله...و إقترح أن تتم تسمية عشة الفلاتية..أم الفن!
* حكى عن نشأة حسن عطية في الخرطوم مما أضاف لثقافته الموسيقية..و عن قربه و إلتصاقه ببيئة خليل فرح.و حكى عن أصله الشُكري..و عن قرابة والدته لناس زريبة الكاشف. حكى أنه درس طب..و تخرٌج فحٌيص!!!!
* فنٌد أبو الكلام طريقة غناء حسن عطية لأغنية.. (( خداري..البي حالي ماهو داري..جافاني )) و علٌق فردتنا ود البنا بأنها تشبه أغنية (( لاقاني..و ب فرحة إتلقاني )).. قطٌعوا ليهو باقي الكلام في حلقو.. و.. غنانا عصام محمد نور مقطع من (( خداري )).
* إنتبه بعد داك أبو الكلام لإنو شباب النيل الأزرق لخبطوا الأبيات مع بعض..فعلق أنو ناس كتار بيعملوا كدا مما يخل بالمعنى الأساسي للأغنية و ترتيب قافيتها.
* نوٌه إيضاً إلى أن لصوت حسن عطية القدرة على إلإنتقال من الصوت العادي إلى القرار بإسلوب فني رفيع.
* حكى أن جماعة قالوا إنو غناء حسن عطية ما واضح الكلمات أو المفردات...daaaaaaa !!! لكن..محمد أحمد المحجوب قال..إنو حسن عطية بيوصل الإحساس بدون الحوجة للكلمات!!! غنانا نادر خضر مقطع من .. (( سألتو عن فؤادي..أجابني ماهو عارف.. و عن سبب غيابو..أجابني ماهو عارف )).
* حكى لينا برضو إنو حسن عطية عندو أغاني خفيفة راقصة..تظهر فيها القدرات الإيقاعية لفن حسن عطية.... زي أغنية (( الحجل بالرجل..يالأفندي سوقني معاك )) غنتها أسرار بابكر بمُشاركة نادر خضر.
* حكى إنو حسن عطية قام بتسجيل أغنية (( حبيب عمري إنتَ لي كل شي )) في مصر...بدون عازفي إيقاع. غنى مقطع منها..ود البنا.
* من أجمل أغنيات حسن عطية..أغنية (( إنتَ حياتي )) و هي أغنية قديمة..إستطاع حسن عطية أن يحولها إلى أغنية حديثة..ببراعة فائقة...و كانت بداية لعلاقة ناجحة بينه و بين الشاعر الكبير..عبد الرحمن الريح. غناها لنا...فرفور.
بره الموضوع:
* إذيعت إعادة الحلقة قبل 45 دقيقة من ميعادها اليومي...إمعاناً في إفشال البوست دا!!
* لو عارفين بت فرفور ح تخليهو رايق و هاديء و رزين كدا..كنا طالبنا بوجودها من الحلقة الأولى.
Post: #345 Title: Re: ما أحلى ساعات اللقاء... Author: ASIM AL BANNA Date: 09-26-2007, 11:55 PM Parent: #1
يا اخوانا النيل الازرق ماجات وانا حضرته الحلقة مرتين وبرضو ماحفظتها لكن العارفو انها كانت عن حسن عطية وشفنها (ناس الخرطوم) ختينا سلك ومسامير ورا التلفزيون وعملنا سيرش للقناة الارضية وجاتنا وبعدين الاستاذ اتكلم عن حسن عطية بى اسهاب شديد من بعد اذن المشاهدين ووضح طريقة ادائه فى منطقة القرار فى الصوت وتم تعديل كل من المدعو عصام محمد نور فى كيفية اداء الحرف المتحرك لدى حسن عطية (وقاطعتو) وما هرشنى .... بعدين الاغنية كانت خدارى كلمات عبدالرحمن الريح ... والمحور الثانى كان اغنية سالتو عن فؤادى وتغنى بها المدعو نادر خضر .... والمحور الثالث كان اغنية الحجل بالرجل يالافندى سوقنى معاك وغنتها المدعوة اسرار بابكر والمحور قبل الاخير كان عن اغنية حبيب العمر التى سجلها حسن عطية فى مصر بدون ايقاع وقام احد الفنيين المصرين بتلعيب الايقاع وتسجيلة على الشريط ولم يحدث اى خلل فى الايقاع وعزى ذلك لى ان الاستاذ حسن عطية ملك الايقاعات وتغنى بها المدعو عاصم البنا ... وجاء الختام وكان باغنية انت حياتى التى قام بتوجيهها المدعو جمال فرفور الى ضيفته الرقيقة الانيقة وضيفة الحلقة ليخاطبها بكل جمال فرفور فى الدنيا انت حياتى وقمنا على مهلنا.
اتمنى ان اكون نفستكم شوية الاغانى قادرين عليها نا تمبس والزول وابوبكر ... ياخبر النهار ده بفلوس بكره .....
ياممكونة طلعتى اى كلام .....
Post: #346 Title: Re: ما أحلى ساعات اللقاء... Author: Alsa7afa_30 Date: 09-27-2007, 00:25 AM Parent: #1
سلام على أحلـى ناس ..
رايكم شنو نعمل تصويت لأحسن أداء؟
أنا بقول :
1/ عصام 2/عاصم 3/أسرار 4/نادر 5/فرفور
قولكم شنو ؟؟ . . .
مع التحية ..
Post: #347 Title: Re: ما أحلى ساعات اللقاء... Author: ودالعباسية Date: 09-27-2007, 01:17 AM Parent: #346
يعنى النيل الازرق كانت شغاله ،،،
يعنى الخليج كل ماشاف الحلقة ،،
ممكونة انتى البخرة دي لقييها وين ،،
يعنى الليلة ضاعت علينا ،،،
Post: #348 Title: Re: ما أحلى ساعات اللقاء... Author: Hussein Mallasi Date: 09-27-2007, 02:32 AM Parent: #347
Post: #349 Title: Re: ما أحلى ساعات اللقاء... Author: Hussein Mallasi Date: 09-27-2007, 02:39 AM Parent: #348
Quote: انت كنت وين ؟ ما البوست دة انت برضو مسئول عنو
لم تتركوا لنا ما يقال - أو يكتب - يا خال
Post: #361 Title: Re: ما أحلى ساعات اللقاء... Author: mamkouna Date: 09-27-2007, 11:39 AM Parent: #346
أهلاً بيك يا الصحافة-30..رمضانك كريم.
لو حاولنا نعمل إستفتاء لأحسن أداء ح نظلم الباقيين.. كل واحد فيهم عندو أداء ممتاز في أغنيات..و أداء هزيل في أُخَر.. لذلك.. رأيي نعمل إستفتاء لأجمل أغنية.
أنا بقترح..
الطير المهاجر.. هات لينا صباح.. زهر المواسم.. لي حق إذا إتهمت.. يا روحي أنصفني.. ما ليٌ غيرك حياة.
Post: #350 Title: Re: ما أحلى ساعات اللقاء... Author: abubakr Date: 09-27-2007, 04:15 AM Parent: #1
انا ما قلت ليكم ... ناس جوة دييل عندهم كوسة كتيرة ...قناة النيل الازرق تبث ارض وفضائي وهم عندهم الخياريين ونحن فضائي بس!! يعني هسع الواحد يجيب ارييل من الخرتوم الي الخليج كيف.. ارييل بحري صحراوي ؟ بعديين انا من عشاق الاستماع الي المرحوم حسن عطية ( وربما كانت حتكون اهم حلقة بالنسبة لي ) ونظرية المؤامرة انا ما استبعدها في حرماني من الحلقة دي ؟ يارب منو البتامر ضدي ؟؟ تمبس وعيان والزوول وما شاف زيي وفيصل نوبي هو بتاع اوديو وبرضو ما شاف ؟ لازم الواحد يكتب كتاب زي الامريكان في نظرية المؤامرة واغاني واغاني ..؟ اها ياود ملاسي استاذي عايزين ناشر انت بتاع صحافة وممكن تساعد في اول ريفيو عن الكتاب ؟ هسع الواحد ينتظر 12 ساعة بشان يعرف النيل الازرق حتشتغل والا لسه ؟
Post: #351 Title: Re: ما أحلى ساعات اللقاء... Author: الشيخ إبراهيم الشيخ Date: 09-27-2007, 07:12 AM Parent: #350
Quote: و الله الليلة يا جماعة زعلتوني جنس زعل... مرقت فطرت بره بطن بيتي و أنا مطمئنة إنو وراي جيش عرمرم من المراسلين و اميني المكتبات و مراسلين حربيين كمان...تجوا تقولوا لي الكهرباء و الإرسال!!!!
ممكونة كيف حالك ما ملاحظة مما رمضان ده جاء وانتي فاطرة برة الناس ديل حتعزميهم كلهم كيف الله يكون في عونك يوم فطورك وفي عون ممكونك كمان ... بعدين حلقة امبارح ده فشلتي فيها فشل فظيع الله يخليك لينا يا ابوبكر يا احلى رطاني يعني الحلقة المعظم الناس ما حضرتها ما نزلتيها لينا.... بعدين ناس قناة النيل الازرق ديل فضايح عديل كده ده قناة مدفوعة الاجر لازم يكون عندها استعداد للبث في كل الاحوال شرطتو عينا.
بعدين تمبس مالو لابد الله عليك يا أبو بكر يا جمل الشيل انت والزول والله متعة عديل كده أظهر يا تمبس ليك الامان ونحن ما بننسى إنك الاصل .
ممكونة اقعدي في بطن بيتك باقي الشهر ده عشان الطواري الزي ده نلقاك فيها سمح...
عاصم البنا إبداع إبداع طلاقة وحلاوة... عصام محمد نور مافي كلام بتقال تسمع بس وتبكي... اسرار بابكر تحليق في عوالم كونية صعب العودة منها وكان رجعت بترجع مدشدش وكسر عديل.
Quote: انا ما قلت ليكم ... ناس جوة دييل عندهم كوسة كتيرة ...قناة النيل الازرق تبث ارض وفضائي وهم عندهم الخياريين ونحن فضائي بس
عشان كده يا أبوبكر حسين ملاسي احسن مننا نحن لينا الله الحلقة ده إلى بعد العيد نحضرها
تحياتي للجميع
Post: #352 Title: Re: ما أحلى ساعات اللقاء... Author: فيصل نوبي Date: 09-27-2007, 07:14 AM Parent: #351
اها و بعدين مع ناس النيل الازرق ديل !!
Post: #360 Title: Re: ما أحلى ساعات اللقاء... Author: mamkouna Date: 09-27-2007, 11:28 AM Parent: #351
Quote: ممكونة كيف حالك ما ملاحظة مما رمضان ده جاء وانتي فاطرة برة الناس ديل حتعزميهم كلهم كيف الله يكون في عونك يوم فطورك وفي عون ممكونك كمان ... بعدين حلقة امبارح ده فشلتي فيها فشل فظيع
تنقُر يا الشيخ ما شايلة الهم؟!!! اليوم داك إلا يقطعوا إرسال كل الفضائيات و يبثوا مارشات عسكرية..و...قرآن !!
بعدين ياخي ما تبقى مُجحِف في حقي.. يعني أنا أعترف ليكم إني ما بتاعت تكنولوجي.. و.. أساهر ليكم لأنصاصي الليالي و أكتب ليكم تقرير حدادي مدادي.. تجي تقول لي فشل فظيع؟؟!! ياخي إنتَ ....فظيع!
Post: #353 Title: Re: ما أحلى ساعات اللقاء... Author: abubakr Date: 09-27-2007, 08:37 AM Parent: #1
Quote: عشان كده يا أبوبكر حسين ملاسي احسن مننا نحن لينا الله الحلقة ده إلى بعد العيد نحضرها
شكرا ود الشيخ .. اصلو ناس جوة دييل دايما احسن من ناس برة ( الجداد الخلوي )..بعديين انا بشوف القناة دي في السنة مرة وفي رمضان بس ومن السنة الفاتت بس يعني الحلفة الفاتت دي كان فاتتني في الفوري حلاص عشان كدة اها بفكر في رفع قضية ضد النيل الازرق للتعويص اهو الواحد غربة تلاتيين سنة ما جابت حاجة اها نطلع بتعويض مليوني كدة لزوم المعاش والذي منو ... اها عندكم فكرة البث الفضائي رجع واللا ننتظر ما نرفع القضية لحلقة واخدة بس لحلقات بشان التعويض يزيد...؟
يا فيصل كدة اتصل ب ال ART في واحد اسمو حسن هو البتصل لما الاشترك يقرب يخلص والغريبة بيديك كل عنواينو والموبايل لكن اول ما تدفع تاني بخليك في الهوا وما برد
Post: #354 Title: Re: ما أحلى ساعات اللقاء... Author: نجوان Date: 09-27-2007, 09:32 AM Parent: #353
"حجبوهو من عيني.. إلا من قلبي لااا ما قدروا حجبوهو.."
لسان حال باشمهندس أبوبكر (وآخرين كتااار)..
Post: #355 Title: Re: ما أحلى ساعات اللقاء... Author: abubakr Date: 09-27-2007, 09:51 AM Parent: #354
Quote: لسان حال باشمهندس أبوبكر (وآخرين كتااار)..
اني معترف and last night sleep was a VERY poor substitute for it
Post: #356 Title: Re: ما أحلى ساعات اللقاء... Author: فيصل نوبي Date: 09-27-2007, 09:52 AM Parent: #353
يا خال سلامات
Quote: يا فيصل كدة اتصل ب ال ART في واحد اسمو حسن هو البتصل لما الاشترك يقرب يخلص والغريبة بيديك كل عنواينو والموبايل لكن اول ما تدفع تاني بخليك في الهوا وما برد
انت بيتصل بيكـ حسن !! نحن بتتصل بينا حاجة كده ؛ و بصراحة ما بينفع يتكلمو معاها في نهار رمضان .. أمس قالت هنالكـ عطل فني من المصدر ... الليلة من الصباح اتصلت لكن بصراحة ما بقدر ارد عليها وانا صائم ..
Post: #357 Title: Re: ما أحلى ساعات اللقاء... Author: abubakr Date: 09-27-2007, 10:02 AM Parent: #1
Quote: أمس قالت هنالكـ عطل فني من المصدر ... الليلة من الصباح اتصلت لكن بصراحة ما بقدر ارد عليها وانا صائم ..
وبعديين .. يعني قبل يوميين لما جددت الاشتراك يا ريت لو اصريت انو اكتب ليهم شيك بدل ما ادييهم تفاصيل الكردت كارد في التلفون ومافي خمس دقائق وكان الايصال في الايميل .. اها هم كدة سريعيين مع الفلوس بس بعد داك حسن ما برد وفلانة دييك ما ممكن تناضما في رمضان.. اها شن نسوي وناس نجوان والاسمايلي فيسز حيخلونا نلف كعب داير بحثا عن البرنامج .. دة كلام ...
Post: #358 Title: Re: ما أحلى ساعات اللقاء... Author: abubakr Date: 09-27-2007, 10:06 AM Parent: #1
انذار للنيل الازرق من الرطان وعلي ودالبنا ابلاغهم شفاهة :
انا الليلة كان بقيتو في سواية الليلة الفاتت حاادمن قناة ساهور وهارموني والشروق واخليكم في الهو سااااي من غير جمهور ....واصلو ناس هارموني والشروق وساهور عندهم اغاني ومديح بالرطانة وانتو ما عندكم غير برنامجكم البايخ دة وبث!!!
Post: #359 Title: Re: ما أحلى ساعات اللقاء... Author: محمد المرتضى حامد Date: 09-27-2007, 10:15 AM Parent: #358
Quote: كلو منك يا أبو الكلام .. نسرين دي السنة الفاتت ما كانت كبيرة
ملاسي آخر مره فحصت نظرك كان متين؟
Post: #362 Title: Re: ما أحلى ساعات اللقاء... Author: abubakr Date: 09-27-2007, 12:57 PM Parent: #1
Quote: ملاسي آخر مره فحصت نظرك كان متين؟
هو بس نظرو ستة علي ستة بس مع الالوان بيضعف شوية وبالذات اللون الاصفر بتاع قناة الشروق .. عشان كدة ما شافا هناك
Post: #363 Title: Re: ما أحلى ساعات اللقاء... Author: abubakr Date: 09-27-2007, 02:33 PM Parent: #1
يا جماعة الوضع ما زال متازما ويبدو انو دي عين كاربة والنيل الازرق ابت تب تشتغل (بث فضائي) وعليه فامر المكتبة وادارة التسجيلات تؤول تلقائيا الي مكتبنا في الداخل ( اها نشوف ملاسي وممكونة يسووا شنو )
Post: #364 Title: Re: ما أحلى ساعات اللقاء... Author: abubakr Date: 09-27-2007, 03:06 PM Parent: #1
اتصلت بالاي ار تي وادخل رقم الاسنمارت كارد ووووو بعدين اها جاني واحد انا: ياخ البي ان مالها هو : فيها مشكلة واحنا بنحاول نشغلها انا: اها متين ؟ انا: احنا بنحاول يمكن الليلة .. اها مع السلامة
( يعني التقول ولا لوري التيمس بتاع عم ودشيقوق المغرز من الزمان داااك واهو بيحاولو يجرووه كل سنة وبرضو مغرز ).. جنس حالة اول مرة قناة فضائية مغرزة ..طيب لو كانت ارضية كنا قلنا اها الفيضانات وشوارع المتعافي هي السبب بس دي ستالايت ؟ ______________ فوبيا نظرية المؤامرة : وبعدين التفت كدة ولقيت امين حسن عمر في شاشة الشرووق ؟؟ ______________
Post: #365 Title: Re: ما أحلى ساعات اللقاء... Author: mamkouna Date: 09-27-2007, 03:33 PM Parent: #1
دخلتَ أشوف أخبار البث الفضائي المفقود شنو.. بالله لسه ما رجع؟؟؟!!
لو لغاية بكرة ما رجع.. ح أضطرَ أخش لي كورس مكثف في كومبيوترمان..و لا...التقانة!!
Post: #366 Title: Re: ما أحلى ساعات اللقاء... Author: ودالعباسية Date: 09-27-2007, 04:06 PM Parent: #365
الحال ياهو نفس الحال وفى جواي صدي الزكري ،،،
ياناس النيل الازرق عملتوها واضحة صراحة ،،
الليلة برضو بايتين القوا ،،
Post: #367 Title: Re: ما أحلى ساعات اللقاء... Author: abubakr Date: 09-27-2007, 04:21 PM Parent: #365
Quote: لو لغاية بكرة ما رجع..
الله يطمنك .. بكرة بكرة ؟ .. واحنا شن سوينا في الليلة كمان بكرة وكومبيوترمان وتقانة ؟؟ انتي لمان ابتديتي البوست دة ما عملتي حسابك ليه ليوم اغبر زي دة ؟ انتي مش عارفة اي حاجة فيها نيل متنيلة ؟
Post: #368 Title: Re: ما أحلى ساعات اللقاء... Author: فيصل نوبي Date: 09-27-2007, 06:18 PM Parent: #367
يعني الحل شنو الليلة ؟؟
Post: #369 Title: Re: ما أحلى ساعات اللقاء... Author: abubakr Date: 09-27-2007, 07:15 PM Parent: #1
Quote: يعني الحل شنو الليلة ؟؟
اها قبل دقائق ( عندنا عشرة مساء) عادت ...كانت ودرانة وجات .. اها تصحي للصباح يافيصل وتسجل ...
Post: #370 Title: Re: ما أحلى ساعات اللقاء... Author: ودالعباسية Date: 09-27-2007, 07:23 PM Parent: #369
فكوها يعنى ،،،
Post: #371 Title: Re: ما أحلى ساعات اللقاء... Author: mamkouna Date: 09-27-2007, 11:45 PM Parent: #1
الحلقة الخمستاشر:-
*حلقة اليوم كانت عن شاعر أغنية البداية ..(( جلسة ما منظور مثيلا)).. الشاعر الذي وصفه أبو الكلام بأنه...شاعر فيلسوف.. الشاعر..عبيد عبد الرحمن.
* من أجمل قصائد الشاعر..أغنية... (( أفكر فيهو و أتأمل..)) و غناها لنا أبو الكلام ظاااااتو..
* من الأغاني كمان..أغنية (( حليل زمن الصبا )) غناها لنا..عصام محمد نور.
* حكى لنا أن الشاعر عبيد عبد الرحمن..شكٌل ثنائياً خطيراً مع سرور في البداية..ثم مع إبراهيم الكاشف في النهاية.
* حكى أيضاً أن الشاعر إستطاع أن يُسجل سابقة بكتابة أغنية للفنانة (( مهلة العبادية ))..و تبدو الأغنية كأن كاتبتها إمرأة.
* من أعمال الشاعر الخالدة..غنانا فرفور.. (( حجبوهو من عينيٌ إلا من قلبي لا ))
* من أعماله أيضاً..غنانا نادر خضر.. (( حبيبي أكتب لي..و أنا أكتب ليك ))
* غنت أيضاً أسرار.. (( أذاكي يا عيوني ))
* حكى أبو الكلام أنه في تسجيل أغنية (( جاهل صغير مغرور..ما عرف الهوى ))..في مصر.. تساءل المصريين إن كانت أغنية..أم شتيمة!!!
* خُتمت الجلسة بأغنية (( آلفني في البرهة القليلة )) أبدع فيها فردتنا...ود البنا.
بره الموضوع:
* أسرار كانت الليلة في قمة أناقتها و تناسق ألوانها...فردتنا كان بالبدلة الfull-suit و كذلك عصام محمد نور...فرفور لابس كويس..نادر خضر رائع بالأبيض.
* ود البنا الليلة إنتقم حق هرشتو.. قال لأبو الكلام بصريح العبارة.. (( أنا ح أقاطعك..و لو سمحت ما تقاطعني لمن أقاطعك ))... فوق.. فوق.. فردتنا..فوق!!!
Post: #372 Title: Re: ما أحلى ساعات اللقاء... Author: abubakr Date: 09-27-2007, 11:52 PM Parent: #1
*
Quote: ود البنا الليلة إنتقم حق هرشتو.. قال لأبو الكلام بصريح العبارة.. (( أنا ح أقاطعك..و لو سمحت ما تقاطعني لمن أقاطعك ))... فوق.. فوق.. فردتنا..فوق!!!
بس يجيب لينا حقنا من ناس النيل الازرق علي الحلقتيين الفاتن ...
Post: #375 Title: Re: ما أحلى ساعات اللقاء... Author: محمد المرتضى حامد Date: 09-28-2007, 00:15 AM Parent: #372
ممكونه دبلوماسيه في عرضها للحلقة ، شوفي ياممكونه زمان لما كان واحد يقول فلانه (ظريفه) فهذا يعني عند البعض إنها ما عندها حاجه تانيه، أنا لاأعني أن ساره (ظريفه) لكن مامكن كمان زول جايبنو يغني تقومي تقولي لينا أنيقه وما عارف شنو. ياخ لما غنت : دُرتي السهر لعيونك براك يا عيوني ، قلت ليها صدقتي والله ، مش كان أحسن النوم. والله لولا فردتنا ( إنت يا عاصم لقب "فردتنا" دا ماشي معاك؟ باكر لو زعلو منك حايلقبوك (توب زراقنا)، والله لولا فردتنا ما كان ساهرنا البتة ، لكن عوضنا بالروح الوجيله وقيس يوم لاقى ليلى. يا فرده ، حذاري تخلي أي واحد يعمل ليك القفله ، كمل شغلك براك ، شايف المحاكم الصوماليه وتلهون قسّسَا حاولوا يقفلوا معاك ، بس ما جابوا المسطرين ، أوعى.
Post: #376 Title: Re: ما أحلى ساعات اللقاء... Author: Abomihyar Date: 09-28-2007, 00:30 AM Parent: #372
بركة الجات .. شفقتونا ...
ياللا يا باشمهندس هات المغنى ..
فيصل نوبي الطريقة البتنزل بيها الغنا دي مكوجنة مرات بتجيب صوت بس
بعدين ما بتتحفظ في الكمبيوتر , شوف ليها حل ياخ..
ياتمبس والله براءة في أغاني كده بس المطلع وخلاس.
تسلموا وإن شاء الله البي إن تنستر معاكم في النص الباقي.
Post: #373 Title: Re: ما أحلى ساعات اللقاء... Author: abubakr Date: 09-28-2007, 00:06 AM Parent: #1
الحلقة 15 : رسائل كلمات عبيد عبدالرحمن الحان وغناء الكاشف اداء نادر خضر والمجموعة
Post: #374 Title: Re: ما أحلى ساعات اللقاء... Author: ASIM AL BANNA Date: 09-28-2007, 00:14 AM Parent: #1
انتو قايلين هو بارهو بهرش ولا شنو يا ممكونة .؟؟؟ احم احم ..... الليلة يا اخوانا اخيرا استاذنا عثمان حسين فتح تلفونة تمكنت من محادثته الساعة 10 بتوقيت عربيتى وانا ماشى على الحفل وما احلى ساعات اللقاء كان موضوع الحديث بينى وبينه وهو يبلغكم جميعا الحب والتحايا واجمل الامنيات بصوم وقيام وعيد مبارك 3 one in المهم بطمنكم على صحتو وفى سؤال عن حلقت عثمان حسين ابدى تحفظ لم عن الافادة الصريحة فى تحليل الاداء ولكنه مسرور جدا لكون الشباب يحفظ ويردد اغنياته وكذلك شاكرا قناة النيل الازرق لكونها تخصص له هذه الحلقة ... وكان جل الكلام عن بوست ما احلى ساعات اللقاء وكانت سعادتى العارمة عندما قال ان الشعب السودانى شعب طيب وهو شاكر ومقدر للسؤال عنه وتتبع اخباره وقد توعدنا بزيارة رمضانية ولكنه حكم عليها بالساعة 11 صباحا ونحن بنجى راجعيين مع الحرامية زى الوقت ده يا ربى القومه كيف ؟؟؟ المهم انا عندى كمرا زى حقت ملاسى ممكن اعمل ليكم صور جديدة وحلوة ووانا موعود باخر لحنين للاستاذ حايدنى ليهم ولكن يا ممكونة بعد يدخلو الورشة حتى تسمعيهم ... اما بالنسبة للصور حا ادخل كورس عند الزول مان عشان يورينى ارفع من راية الكورنر كيف ؟؟؟؟
لكم محبتى
تانى
احم احم .... الليلة لقيت ايدى فيكم يالشمات ...
Post: #378 Title: Re: ما أحلى ساعات اللقاء... Author: محمد المرتضى حامد Date: 09-28-2007, 00:56 AM Parent: #374
يا عاصم أنا جيت متأخر وحضرت (ساره) في أذاك يا عيوني لكن طالما شلت لينا التار وهرشت قدور ما عندي غير اقول ليك رفعت راسنا وسير سير يا .. بالله يا بكري نزِّل لينا هرشة عاصم لقدور عدة مرات و بالعرض البطئ والسريع عشان المدعو ملاسي ومن لف لفه من المعوقين لمسيرة الثورة والرجعيين والمندسين .. وكده.
Post: #377 Title: Re: ما أحلى ساعات اللقاء... Author: abubakr Date: 09-28-2007, 00:54 AM Parent: #1
هوي انا بربري راسي قوي حجر ساااي انت ايدك دي ما تجيب لي بيها حقي من ناس النيل الازرق بشان الحلقتيين اللات امس واول امس ...يعني الا الواحد يهرش ....؟
Post: #379 Title: Re: ما أحلى ساعات اللقاء... Author: ASIM AL BANNA Date: 09-28-2007, 01:34 AM Parent: #377
والله ياباش انا اتصلت وعرفت العطل لكن ما بقدر ابوح ... بس السبب كان خارج عن ارادة الجميع وده ماعشان تبردبطنك بس لكن الحقيقة خارج عن ارادتنا ....
بعدين اللجان الثورية والشعبية الكانت عاملة يامحمد المرتضى ظيطه وظمبرطة يوم الهرشة الليلة شايفهم نامو بدرى ومالاسى اظنو فى المعتقل فى قناة هارمونى اقصد ... شغال تفحيص وتمحيص ... وشهادات تسنين ....
المهم يا اخوانا بركة الاتحليتو بالسلامة وثبت بما لا يدع مجالا للشك من المظاهرات الحصلت انو عمك السر ده زى البنج بمشى فى الناس براااااااحة لحدى ما يدمنو ويفرفرو ويتندرو وتساررو ويبنو امال عراض واليوم لا عاصم لكم من ايها الشمات
Post: #380 Title: Re: ما أحلى ساعات اللقاء... Author: ودالعباسية Date: 09-28-2007, 01:58 AM Parent: #379
اخيرا ،،،
طيب البعوضنا حلقة امبارح منو ،،،،
يا فردتنا مفروض تجيب لينا الحلقة مسجلة لحدي الصالون بتاعنا دا ،،
يعنى حلقة الليلة ما حضرناها برضو ،، ودا نسبة لى اكل العيش وكدا ،،
تقوموا تجيبو لينا فيديو واحد بس ،، الباقى وين ،،؟
Post: #381 Title: Re: ما أحلى ساعات اللقاء... Author: abubakr Date: 09-28-2007, 07:09 AM Parent: #1
لفني في البرهة القليلة كلمات الشاعر عبيد عبدالرحمن الحان وغناء : اسالو ممكونة وفردتنا(شفتو ليكم رطان بيحفظ اغاني عربي قدر دة ) اداء: عاصم البنا
Post: #382 Title: Re: ما أحلى ساعات اللقاء... Author: abubakr Date: 09-28-2007, 07:12 AM Parent: #1
حجبوهو من عينيٌ إلا من قلبي لا كلمات الشاعر عبيد عبدالرحمن الحان وغناء ابراهيم الكاشف اداء جمال الملقب بفرفور
Post: #383 Title: Re: ما أحلى ساعات اللقاء... Author: abubakr Date: 09-28-2007, 07:36 AM Parent: #1
اذاكي يا عيون كلمات الشاعر عبيد عبدالرحمن الحان وغناء ابراهيم الكاشف اداء اسرار بابكر
Post: #384 Title: Re: ما أحلى ساعات اللقاء... Author: abubakr Date: 09-28-2007, 07:43 AM Parent: #1
هرشة العودة "(( أنا ح أقاطعك..و لو سمحت ما تقاطعني لمن أقاطعك ))" كلمات والحان واداء فردتنا(عاصم البنا)
Post: #385 Title: Re: ما أحلى ساعات اللقاء... Author: نجوان Date: 09-28-2007, 10:36 AM Parent: #384
شكرا يا ابوبكر.. سلام ممكونة.. وبقية المساهرين
عن ترتيب الأداء.. يا صحافة 30
طبعا كما قال الناقد.. هؤلاء نجوم الصف الأول (سوري وما تزعل يا عاصم من تعليقي هناك).. ومشهود لهم في الساحة الفنية الآن.. والبرنامج ككل متميز وبه قدر كبير من الإبداع.. لكن .. النقد الموضوعي ما بيمشي مع المجاملة .. الفرق شاسع بين أداء عاصم البنا وبقية المجموعة.. حتى الأغنيات التي يمكن وصفها بهزيلة يا ممكونة .. أقل عند عاصم مقارنة بالبقية..
جمال فرفور متمكّن.. لكنه بيكورك كتير .. (ودي مشكلة ) أسرار بتتعب أيضا مع السلالم العالية.. وصوتها يبدو مختنقا.. نادر.. يجد صعوبة في الغناء دون اللجؤ لإستايله (المتأثر بالغناء الأثيوبي) والذي ظهر به في بداياته.. عصام .. صوت رائع وأداء جميل .. ينفع سولو فقط.. لانه بيضيع مع المجموعة..
وجهة نظر.
Post: #386 Title: Re: ما أحلى ساعات اللقاء... Author: محمد نور أحمد Date: 09-28-2007, 10:58 AM Parent: #385
Quote: بره الموضوع:
غريبة يا ممكونة ما أشرت لغياب محمدية !!!ٌ؟ شايف الليلة زول تمبس بتاع نجوم الغد بيضبح براه .. ولا يا ربي عيوني الما ياهم؟؟ كدي أسالوا لينا (فردتنا) محمدية ده مشى وين يوم تسجيل الحلقة دي ؟؟ ما يكون أبو الكلام هرشه زي هرشة ناس كده؟
بالمناسبة: الهرشتين مختلفات تماما.. هرشة أبو الكلام لفردتنا هرشة هرشة عديييييييل غير مشكوك في أمرها بينما هرشة فردتنا لأبو الكلام صاحبتها إبتسامة ناعمة مما يشكك في كونها هرشة لكن عشان إنت فردتنا وكده نقبلها منك .. واحدة بواحدة. لو أبو الكلام ده هارشك في أي حلقة جاية حقو تورينا من هسع نتهيأ ليها ما نقوم نتفاجأ بعدين.
________________________________________ مسئولين من الخير با جماعة.. تمبس الحاصل عليه شنو؟
Post: #387 Title: Re: ما أحلى ساعات اللقاء... Author: abubakr Date: 09-28-2007, 12:23 PM Parent: #385
يانجوان .. اها بعد 44 حلقة ( بتاعة السنة الفاتت وبتاعة الحالي ناقص حلقة شفتي الحساب كيفن ) انا يبدو لي والله اعلم بقيت اعرف غني العرريب والالحان ز.يعني ممكن ادلو بدلوي ( شفتي العربي كيف) في الموضوع حيث انني محايد يحكم اني بره تقريبا بعدد سنوات عمر اجعص شاب من دييل ( بس الصلعة ما بتتحسب ).. كل صوت من الاصوات الخمسة متميز بامكانات ولون يكاد يكون مختلفا عن الثاني وهذا يظهر في غناء جماعي لبعض الاغاني التي تتطلب مقامات متنوعة فتجد كل صوت يظهر في وضوح في المقام الذي يناسبه كما ظهر في الغناء الفردي لكل صوت منهم حيث اجاد كل علي حدة ..فردتنا صوت بدوي سوداني(صوت البادية بكل نقاوته وجبروته) قوي ومتمكن في ما يناسب هذا الصوت ( اغاني الحقيبة او غناء اهل الوسط الشايع والذي يتراكم الجيد منه منذ اكثر من قرن ويبقي مستجدا دائما يناسب وجدان كل جيل )ولو اني سمعت له مرة واحدة اغنية جديدة بلحن وتوب مختلف كان قد رفعها المرتضي في بوست العام الماضي هنا فبدي لي كذلك انه قادر علي اشكال اخري غير الحقيبة متما توفر لحن يناسبه..وفرفور ياتي تقريبا في سياق واحد وبامكانات لا تبعد كثيرا عن فردتنا في ترديد غناء اهل الوسط الشايع بتمكن لكنه عندما يرفع عقيرته عاليا ثم يعود يتعب او تتعب الكلمات .. عصام يجمع بين امكانات صوتية كثيرة تجعله مثلا يغني بتمكن للكاشف ولوردي ولعثمان حسين وابراهيم عوض وهوواع للموسيقي كثيرا وهذا يساعده في الغناء الصعب .. نادر منذ ان استمعت اليه قبل عقديين من الزمان عندما كان هنا في الخليج صبغ صوته باثر الغناء الاثيوبي وبالتالي فانه لا يمكن ان يغيب عن المستمع ذلك الاثر حتي لو غني اغنية ممعنة في سودانيتها انه بذلك ربما حبس امكاناته الصوتية في قالب واسلوب معين يحاول من خلاله ان يغني الحان تبدو متباينة وربما لا تتماشي مع ذلك الاسلوب واحيانا اشعر بانه يتجاوز صعوبات لحنية في بعض الاغاني السودانية الصعبة الاداء بالقفز بها الي الساحة الاثيوبية .. اسرار الصوت النسائي السوداني الهادئ الحنين والذي يجبرك ان تسمعه في اغاني تناسب ذلك الهدوء ولكنه يتعب كثيرا في مقامات عالية او عندما تحاول ان تصدح رافعة عقيرتها عاليا يعيب غنائها انها لا تحفظ الكثير وتكتفي بابيات قليلة من الحان كثيرة ....يتميز فردتنا بان له مخزون كبير من الارث الغنائي الشايع في الوسط شعرا ولحنا ومعايشة بحكم انه ياتي من اسرة ربما هي سدنة هذا النوع من الغناء والشعر في السودان وبنقاوة صوته من الشوائب ونلاحظ ذلك في السهولة واليسر الذي يتعامل بها صوته مع مقامات جد عالية لا يزيدها المايكروفون ولا المؤثرات الصوتية شيئا .... ____________________ اها ان قلت العايز اقولو ما في زولا يجي ناطي ويقول شن دخل الاسمنت والمونة والحديد والمطبخ (بحكم الارث) في النضمي عن غناء العرريب واللا واحد يجي يقول لي انت مالك يا عجمي في غنانا .. اصلو مشغلني بلاش اسجل ليكم اغاني وما تسمعو كلامي يعني اشمعنا السر قدور ما انا برضو مخضرم ولي سنتيين في مجال الغناء (ياعتبار حضوري ل 44 حلقة ) وفي حنتي غني البعيو والعرس غني ابوعركي (حبيبي انا بحب الزول ده لله في الله وكنت عامل مع جماعة اول ما اتخرجنا وهو يادوبك وصل الخرطوم حزب لمساندته ضد حزب زيدان وطلحة الشفيع مع اني كنت ساكن جنب دكان امنة في حي الصقور جنب النادي -بيت واحد من ناس مكاوي عوض-وما بعيد من بيت ناس زيدان في الزمن داك " شايف كيف يا تمبس يعني ما براك القطعت خور ابو عنجة كداري واللا مشيت مدرسة المؤتمر كداري (كان اخوي الكبير استاذ الانجلزي هناك) .. دة كلام في التاريخ ما ليكم بيهو شغلة..)....
Post: #388 Title: Re: ما أحلى ساعات اللقاء... Author: محمد المرتضى حامد Date: 09-28-2007, 01:19 PM Parent: #387
Quote: سمعت له مرة واحدة اغنية جديدة بلحن وتوب مختلف كان قد رفعها المرتضي في بوست العام الماضي هنا
الباشمهندس أبوبكر، الأغنية التي تعنيها هي أغنية (هوى الخلخال) للشاعر الخرافي محمد ود الرضي ورفعها في المنبر العام الماضي حبيب الجماهير tmbis مؤداة بصوت عاصم وأرجو أن يعيد رفعها في هذا البوست مرة أخرى ليستبين الجميع أن عاصم تفوق فيها على نفسه ولا أقول على غيره لأنه في الأصل لا تنعقد المقارنة بينه وبين أولئك الغير مع احترامي لهم. بالله يا تمبس جيب لأبي بكر الرابط.
Post: #399 Title: Re: ما أحلى ساعات اللقاء... Author: نجوان Date: 09-28-2007, 07:02 PM Parent: #387
Quote: اها ان قلت العايز اقولو .... يعني اشمعنا السر قدور ما انا برضو مخضرم ولي سنتيين في مجال الغناء (ياعتبار حضوري ل 44 حلقة ) وفي حنتي غني البعيو والعرس غني ابوعركي
الفوق ده قد يزيد المصداقية لكن تحليلك النقدي يا باش ما محتاج و بيسند نفسه تمام
أوافقك في ملاحظاتك جملة وتفصيلا.. ونشوف بقية الشهر مخبّي ايه للمجموعة..
Post: #389 Title: Re: ما أحلى ساعات اللقاء... Author: abubakr Date: 09-28-2007, 01:52 PM Parent: #1
Quote: بالله يا تمبس جيب لأبي بكر الرابط.
عزيزي المرتضي ...شكرا ...عندما سمعتها لم استبين ان الصوت صوته ولكنها تسللت الي وجداني فصرت استمع اليها كثيرا تلك الايام ثم انتبهت الي اته هو.. تلك اغنية ولحن تبشر به كفنان ليس بالضرورة في جلباب ابيه حتي ولو كان جلباب ابيه ماهلا يسعه ويغطيه ..فهو في امكانه ان يكون فنانا له صناعته الخاصة المستطعمة بدرر من الموروث
Post: #391 Title: Re: ما أحلى ساعات اللقاء... Author: ودالعباسية Date: 09-28-2007, 02:09 PM Parent: #389
Quote: وما بعيد من بيت ناس زيدان في الزمن داك " شايف كيف يا تمبس يعني ما براك القطعت خور ابو عنجة كداري واللا مشيت مدرسة المؤتمر كداري (كان اخوي الكبير استاذ الانجلزي هناك) .. دة كلام في التاريخ ما ليكم بيهو شغلة..)....
كان كدا انت من عنديييييييينا عديييل ،،،
على حسب الشكل الموجود فى الصورة وكلامك الفوق ،، اخوك استاذ انجليزي !
ما يكن اسمه( حسن) ؟ ولا ( طمبل ) ودا الارجح عندي ،،،؟؟
Post: #392 Title: Re: ما أحلى ساعات اللقاء... Author: abubakr Date: 09-28-2007, 02:20 PM Parent: #391
Quote: على حسب الشكل الموجود فى الصورة وكلامك الفوق ،، اخوك استاذ انجليزي !
اول مرة لساني المتبري مني ما قادر يقول حاجة ..؟
دة في زمن بعيد جدا واسمو محمدالفاتح .. عموما النادي كان عبارة عن حوش وربما غرفة او غرفتيين لكن ليلة الخميس كانو بركبو ليك مكرفونات وتعال يا صخب وتشوف الغبار دة في العلالي ذكرني بنادي او حوش كدة في اول الستينات في ميونخ برضو فيهو مكرفونات وشباب كاسح بس هناك غبار مافي . اجمل ما في الحي داك انو ما في واحد بيتدخل في شئونك بتاتا .. الواحد كان بينزل من التاكسي ( ماكو خاص ولا هايس ولا امجاد الزمن داك) قدام مركز صحي الضو حجوج ويمشي طوالي يمر بعجائز حي الضباط قاعديين برة "سلام" ويكسح علي البيت ..ترجع صباحا مساء اي وقت الجماعة قاعديين وكلو زول في حالو ...ايام
Post: #393 Title: Re: ما أحلى ساعات اللقاء... Author: ودالعباسية Date: 09-28-2007, 02:52 PM Parent: #392
Quote: اول مرة لساني المتبري مني ما قادر يقول حاجة ..؟
دة في زمن بعيد جدا واسمو محمدالفاتح ..
Post: #394 Title: Re: ما أحلى ساعات اللقاء... Author: abubakr Date: 09-28-2007, 02:57 PM Parent: #393
تعرف ياود العباسية الزمن الانا بتكلم عنو انت كنت وين حسب البروفايل بتاعك؟؟؟ لسه ما كنت شفت الشارع لانو عمرك كان سنتين ؟ وتمبس كان بيلعب في الشارع الورا الخور....ما قت ليك زمن
Post: #390 Title: Re: ما أحلى ساعات اللقاء... Author: Moawia Mohammed Date: 09-28-2007, 02:02 PM Parent: #1
1- عاصم
2- عصام 3- نادر 4- أسرار
5- فرفور
Post: #395 Title: Re: ما أحلى ساعات اللقاء... Author: Hussein Mallasi Date: 09-28-2007, 06:10 PM Parent: #390
عشان تعرفوا أهمية عصام محمد نور.
Post: #396 Title: Re: ما أحلى ساعات اللقاء... Author: Hussein Mallasi Date: 09-28-2007, 06:15 PM Parent: #395
على الرغم من أن الحلقات قد تم تسجيلها قبل رمضان؛ إلا أن تأثير الصيام قد بدا واضحاً على سعد الدين و نادر خضر!!
Post: #397 Title: Re: ما أحلى ساعات اللقاء... Author: عبد الله عقيد Date: 09-28-2007, 06:36 PM Parent: #396
نادر خضر أقنعني (يا حسين) خاصة بعد أداءه لأغنية محمد الأمين اليوم ياخي بعد الشر عليك..
غياب عصام (مؤثر)
فرفور الليلة ما قادر (يفرفر) الظاهر شغلانية محمد الأمين دي صعبة شوية عليهو (يا حليلو)..
Post: #400 Title: Re: ما أحلى ساعات اللقاء... Author: نجوان Date: 09-28-2007, 07:11 PM Parent: #396
Quote: على الرغم من أن الحلقات قد تم تسجيلها قبل رمضان؛ إلا أن تأثير الصيام قد بدا واضحاً على سعد الدين و نادر خضر!!
أنا برضو قلت كده (بس عندي نظرية)..
Post: #404 Title: Re: ما أحلى ساعات اللقاء... Author: abubakr Date: 09-28-2007, 07:36 PM Parent: #400
Quote: أنا برضو قلت كده (بس عندي نظرية)..
دي عايزة نظر
Post: #405 Title: Re: ما أحلى ساعات اللقاء... Author: الطيب شيقوق Date: 09-28-2007, 07:45 PM Parent: #404
Quote: يانجوان .. اها بعد 44 حلقة ( بتاعة السنة الفاتت وبتاعة الحالي ناقص حلقة شفتي الحساب كيفن ) انا يبدو لي والله اعلم بقيت اعرف غني العرريب والالحان ز.يعني ممكن ادلو بدلوي ( شفتي العربي كيف) في الموضوع حيث انني محايد يحكم اني بره تقريبا بعدد سنوات عمر اجعص شاب من دييل ( بس الصلعة ما بتتحسب ).. كل صوت من الاصوات الخمسة متميز بامكانات ولون يكاد يكون مختلفا عن الثاني وهذا يظهر في غناء جماعي لبعض الاغاني التي تتطلب مقامات متنوعة فتجد كل صوت يظهر في وضوح في المقام الذي يناسبه كما ظهر في الغناء الفردي لكل صوت منهم حيث اجاد كل علي حدة ..فردتنا صوت بدوي سوداني(صوت البادية بكل نقاوته وجبروته) قوي ومتمكن في ما يناسب هذا الصوت ( اغاني الحقيبة او غناء اهل الوسط الشايع والذي يتراكم الجيد منه منذ اكثر من قرن ويبقي مستجدا دائما يناسب وجدان كل جيل )ولو اني سمعت له مرة واحدة اغنية جديدة بلحن وتوب مختلف كان قد رفعها المرتضي في بوست العام الماضي هنا فبدي لي كذلك انه قادر علي اشكال اخري غير الحقيبة متما توفر لحن يناسبه..وفرفور ياتي تقريبا في سياق واحد وبامكانات لا تبعد كثيرا عن فردتنا في ترديد غناء اهل الوسط الشايع بتمكن لكنه عندما يرفع عقيرته عاليا ثم يعود يتعب او تتعب الكلمات .. عصام يجمع بين امكانات صوتية كثيرة تجعله مثلا يغني بتمكن للكاشف ولوردي ولعثمان حسين وابراهيم عوض وهوواع للموسيقي كثيرا وهذا يساعده في الغناء الصعب .. نادر منذ ان استمعت اليه قبل عقديين من الزمان عندما كان هنا في الخليج صبغ صوته باثر الغناء الاثيوبي وبالتالي فانك لا يمكن ان يغيب عن المستمع ذلك الاثر حتي لو غني اغنية ممعنة في سودانيتها انه بذلك ربما حبس امكاناته الصوتية في قالب واسلوب معين يحاول من خلاله ان يغني الحان تبدو متباينة وربما لا تتماشي ذلك الاسلوب واحيانا اشعر بانه يتجاوز صعوبات لحنية في بعض الاغاني السودانية الصعبة الاداء بالقفز بها الي الساحة الاثيوبية .. اسرار الصوت النسائي السوداني الهادئ الحنين والذي يجبرك ان تسمعه في اغاني تناسب ذلك الهدوء ولكنه يتعب كثيرا في مقامات عالية او عندما تحاول ان تصدح رافعة عقيرتها عاليا يعيب غنائها انها لا تحفظ الكثير وتكتفي بابيات قليلة من الحان كثيرة ....يتميز فردتنا بان له مخزون كبير من الارث الغنائي الشايع في الوسط شعرا ولحنا ومعايشة بحكم انه ياتي من اسرة ربما هي سدنة هذا النوع من الغناء والشعر في السودان وبنقاوة صوته من الشوائب ونلاحظ ذلك في السهولة واليسر الذي يتعامل بها صوته مع مقامات جد عالية لا يزيدها المايكروفون ولا المؤثرات الصوتية شيئا .... ____________________ اها ان قلت العايز اقولو ما في زولا يجي ناطي ويقول شن دخل الاسمنت والمونة والحديد والمطبخ (بحكم الارث) في النضمي عن غناء العرريب واللا واحد يجي يقول لي انت مالك يا عجمي في غنانا .. اصلو مشغلني بلاش اسجل ليكم اغاني وما تسمعو كلامي يعني اشمعنا السر قدور ما انا برضو مخضرم ولي سنتيين في مجال الغناء (ياعتبار حضوري ل 44 حلقة ) وفي حنتي غني البعيو والعرس غني ابوعركي (حبيبي انا بحب الزول ده لله في الله وكنت عامل مع جماعة اول ما اتخرجنا وهو يادوبك وصل الخرطوم حزب لمساندته ضد حزب زيدان وطلحة الشفيع مع اني كنت ساكن جنب دكان امنة في حي الصقور جنب النادي -بيت واحد من ناس مكاوي عوض-وما بعيد من بيت ناس زيدان في الزمن داك " شايف كيف يا تمبس يعني ما براك القطعت خور ابو عنجة كداري واللا مشيت مدرسة المؤتمر كداري (كان اخوي الكبير استاذ الانجلزي هناك) .. دة كلام في التاريخ ما ليكم بيهو شغلة..)....
ده كلو حرام عليك كده حتنزل سهم اعمار في ا########## . الناس عايزة تكتب ليها مسكولات ساى .
Post: #406 Title: Re: ما أحلى ساعات اللقاء... Author: abubakr Date: 09-28-2007, 08:03 PM Parent: #405
Quote: ده كلو حرام عليك كده حتنزل سهم اعمار في ا########## . الناس عايزة تكتب ليها مسكولات ساى
انت بس خليك مع اسهم بورصتكم بتاعتنا نحن قادريين عليها من غير مس كولات
Post: #419 Title: Re: ما أحلى ساعات اللقاء... Author: mamkouna Date: 09-29-2007, 06:38 AM Parent: #405
الحلقة ستاشر :-
* في البداية أعتذر و بشدة لكل أسياد و سيدات و زوار البوست عن التأخير الذي صَاحَبَ إنزال التقرير اليومي. رمضان كريم و بيحب اللٌمة و ممكونتكم ممكووونة الأيام دي بضيوف أعزاء . ربنا يقدرنا على إكرامهم و حُسن ضيافتهم..إذاعة الحلقة بتكون في نفس توقيت القهوة و الشاي و لم العدة و من ثمٌ غسيلها....و إعادتها بيكون (( الجداد غمٌد ))... عذراً مرة تانية...رمضان كريم و بيحب كل كريم.
* حلقة الأمس كانت عن الغناء السوداني خارج السودان.
* حكى أبو الكلام عن دعوة الملك فاروق لفنانين سودانيين للمشاركة في حفل زفافه إلى الملكة ناريمان. تم إختيار الفنانين..الكاشف..أحمد المصطفى و حسن عطية للمشاركة في الحفل.
* كان الحفل باذخاً حيث غنت أيضاً فيه..سيدة الغناء العربي..أم كلثوم. فاجأ الكاشف زملائه بأغنية جميلة صُنِعَت خصيصاً للمناسبة...إسمها (( سلوا قلبي )).. تغنانا بها..فردتنا..ود البنا.
* غنت أسرار (( أنٌة المجروح )) و التى تقول إحدى أبياتها.. مصرية في السودان..بحبي ليها أبوح.
* ذكر أبو الكلام أنه لا يُمكن الحديث عن الفن السوداني خارج السودان مالم يُذكر الفنان الراحل (( سيد خليفة )). للفنان سيد خليفة رصيد رائع من الأغنيات باللغة العربية الفُصحى و بالدارجي.. أبو الكلام ما يختار إلا (( إزيٌكم..كيفنكم ))..!!!؟؟
* في حلقة أول أمس جات سيرة لوري جاي من مدني.. نطٌ فرفور قال..دا اللوري الجاب عصام؟؟!!! الظاهر الموضوع حقيقي.. و.. عصام رجع باللوري!!!
*
Post: #420 Title: Re: ما أحلى ساعات اللقاء... Author: abubakr Date: 09-29-2007, 06:44 AM Parent: #419
Quote: ربنا يقدرنا على إكرامهم و حُسن ضيافتهم..
انشاء الله ..انت قدها وقدود .. بس هم حيعيدو معاكم؟ بس بشان الزوول يعمل حسابو
Post: #398 Title: Re: ما أحلى ساعات اللقاء... Author: abubakr Date: 09-28-2007, 06:39 PM Parent: #1
الحلقة 16 : عن الغناء السوداني خارج السودان
الاغنية الاولي لم استمع اليها انا من قبل ولا اظن كثيرين منكم وجميل ان يكون زولنا عاصم كالعادة حافظ لمثل هذه الاغاني النادرة وهذا يؤكد مكانته وسط فناني جيله
سلو قلبي سلوه عن مدي حبي لهذا الكوثر العذب كلمات صادق عبدالله الحان وغناء ابراهيم الكاشف اداء عاصم البنا
Post: #401 Title: Re: ما أحلى ساعات اللقاء... Author: abubakr Date: 09-28-2007, 07:14 PM Parent: #1
اسمر جميل كلمات عبدالمنعم عبد الحي الحان وغناء الكاشف اداء جمال فرفور
Post: #402 Title: Re: ما أحلى ساعات اللقاء... Author: abubakr Date: 09-28-2007, 07:28 PM Parent: #1
قالو متالم شوية الحان وغناء محمد الامين اداء نادر خضر (ملحوظة: رغم ان التسجيل كامل صوتيا الا ان الصورة في اخر الاغنية مشوشة وسابدلها بعد التسجيل من الاعادة )
Post: #403 Title: Re: ما أحلى ساعات اللقاء... Author: abubakr Date: 09-28-2007, 07:30 PM Parent: #1
Post: #407 Title: Re: ما أحلى ساعات اللقاء... Author: abubakr Date: 09-28-2007, 08:21 PM Parent: #1
يا تمبس ياتمبس
انت خلاص علقت علي حكاية الانفلونز وضربت طناش .. طيب علي الاقل بالله عايزين الاغنية دي : عاصم البنا في (هوى الخلخال) للشاعر محمد ود الرضي
دروري جدا ...
Post: #408 Title: Re: ما أحلى ساعات اللقاء... Author: abubakr Date: 09-28-2007, 09:36 PM Parent: #1
ممكونة انتي طوالي بر بطن بيتكم الايام دي ؟؟ انتي مش ست البوست دة طوالي بر بطن البوست كمان ؟؟...اها عندكم برضو في محلات " بوفيه حتي الاشباع "
Post: #409 Title: Re: ما أحلى ساعات اللقاء... Author: ودالعباسية Date: 09-28-2007, 10:40 PM Parent: #408
ياخال ،،،
ربنا يديك طولة العمر ،،
حلقة الليلة ،،،
اول مرة يغيب واحد من الشباب ،،،
واليوم ظهر انه سعد لا يعلى عليه ،،
بى الزاوية كدا ،،
مافى اي هرشات ولا فرفرات ولا لبسات جديدة ،،؟؟
ياشباب نحن بدل نجى نحكى عن الشئ الشفناهو ،،
فردتنا دا ما يجى يحكى لينا عن الكواليس بتاعة البرنامج ،،
بنكون كدا عشنا معاهم اللحظه ،ولا شنو ؟!
Post: #410 Title: Re: ما أحلى ساعات اللقاء... Author: Hussein Mallasi Date: 09-28-2007, 10:50 PM Parent: #409
ترى ما سبب شعورهم بالحرج عندما طلب منهم أداء أغنية ازيكم كيفنكم
Post: #411 Title: Re: ما أحلى ساعات اللقاء... Author: Hussein Mallasi Date: 09-28-2007, 11:08 PM Parent: #410
مرة في عرس في جدة؛ طلبت إحدى السيدات المتسعودات من عبد العزيز المبارك أن يغني ازيكم كيفنكم
ابتسم عبد العزيز .. فقد كان يظنها تمزح .. و لما تأكد من جدية طلبها اسقط في يده و نظر للفرقة الموسيقية مستنجداً .. بس ما كان في طريقة يقولوا ليهو ما حافظنها!!
Post: #425 Title: Re: ما أحلى ساعات اللقاء... Author: mamkouna Date: 09-29-2007, 07:13 AM Parent: #411
Quote: على الرغم من أن الحلقات قد تم تسجيلها قبل رمضان؛ إلا أن تأثير الصيام قد بدا واضحاً على سعد الدين و نادر خضر!!
Post: #412 Title: Re: ما أحلى ساعات اللقاء... Author: abubakr Date: 09-29-2007, 04:51 AM Parent: #409
Quote: فردتنا دا ما يجى يحكى لينا عن الكواليس بتاعة البرنامج ،،
لا دة حيعملو منو برنامج السنة الجاية ( يعني بالبواقي والمسكوت عنو )
Post: #413 Title: Re: ما أحلى ساعات اللقاء... Author: abubakr Date: 09-29-2007, 04:54 AM Parent: #1
Quote: بس ما كان في طريقة يقولوا ليهو ما حافظنها!!
انا برضو افتكرت كدة؟ يارب ليه ما جاب اغنية لسيد غير دي ؟
Post: #414 Title: Re: ما أحلى ساعات اللقاء... Author: الزوول Date: 09-29-2007, 05:00 AM Parent: #1
السلام عليكم أبوبكر والله ما مقصر كلو كلو بس ممكونتنا دي الحاصل عليها شنو؟ كورتها فكت والا شنو؟ وحتى لما تكون فاطرة في بطن البيت مافي منها خبر يا الممكونة ياختي لما تكوني ناوية تفطري برة بطن بيتك أو عندك ضيوف جوه بطن بيتك قولي عووك عشان ما ننتظرك وننزل تلخيص الحلقة طوالي هسع أنا أعمل شنو؟ بعد كده زاتو بقى بايخ ................ وما الناس إلا هالك وأبن هالك *** وذو نسب في الهالكين عريق
Post: #421 Title: Re: ما أحلى ساعات اللقاء... Author: mamkouna Date: 09-29-2007, 06:51 AM Parent: #414
Quote: يا الممكونة ياختي لما تكوني ناوية تفطري برة بطن بيتك أو عندك ضيوف جوه بطن بيتك قولي عووك عشان ما ننتظرك وننزل تلخيص الحلقة طوالي
عوووووووووووووووووووووووك
Post: #423 Title: Re: ما أحلى ساعات اللقاء... Author: abubakr Date: 09-29-2007, 07:08 AM Parent: #421
Quote: عوووووووووووووووووووووووك
عجيبة ..انتي وضيوفك ؟
Post: #415 Title: Re: ما أحلى ساعات اللقاء... Author: abubakr Date: 09-29-2007, 05:19 AM Parent: #1
Quote: بعد كده زاتو بقى بايخ
لا احسن تكتب لانو حلقة امبارح لازم تشرح ففيها اشياء تخص الموضوع واختيارات الاغاني والموجوديين والغائبيين ... اما ممكونة فستقدم الي لجنة ادارية للمحاسبة لانو بقت زي ناس النيل الازرق يمكن اتاثرت بيهم اهو يقطعو الارسال يوميين ومحمدية ما يجي وعصام ما يجي وفرفور يفرفر وهرشات .. اما تمبس فيبدو انو عندو تصويير خارجي السنة دي
Post: #416 Title: Re: ما أحلى ساعات اللقاء... Author: abubakr Date: 09-29-2007, 05:24 AM Parent: #1
بيان بخصوص الصورة في تسجيل اغنية ود الامين الباشكاتب الغناها نادر امس : نسبة لعدم التزام النيل الازرق بمواعيد البرامج وعدم التنبيه لذلك - عادة اذاعية وتلفزيونية سودانية - فلقد وجدت صباح اليوم ان التسجيل التلقائي للحلقة المعادة طلع مدايح وكورة ما فيها اقوان ( قدر المسجل) فمسحت الملف الكام قيقابايت وهكذا سننتظر اعادة في الفطر ودي ما مؤكد نحضرها .. لذا لزم التنويه
Post: #417 Title: Re: ما أحلى ساعات اللقاء... Author: mamkouna Date: 09-29-2007, 06:17 AM Parent: #1
البوست دا ما غريب علي..!!
- أو كما قيل - !
Post: #418 Title: Re: ما أحلى ساعات اللقاء... Author: abubakr Date: 09-29-2007, 06:19 AM Parent: #1
Quote: البوست دا ما غريب علي..!!
بتسحرو فوول ليه ؟؟
Post: #422 Title: Re: ما أحلى ساعات اللقاء... Author: mamkouna Date: 09-29-2007, 07:01 AM Parent: #1
Quote: ممكونه دبلوماسيه في عرضها للحلقة ، شوفي ياممكونه زمان لما كان واحد يقول فلانه (ظريفه) فهذا يعني عند البعض إنها ما عندها حاجه تانيه، أنا لاأعني أن ساره (ظريفه) لكن مامكن كمان زول جايبنو يغني تقومي تقولي لينا أنيقه وما عارف شنو.
ملاحظة ليك يا مرتضى مقابل (( سارة )) زي ما كنتَ مقابل (( سوسن )) السنة الفاتت..
إتكلمنا عن كرفتة أبو الكلام الدٌاقة سيستم.. إتكلمنا عن جلابية فردتنا حقت العيد.. إتكلمنا عن جلاليب نوم فرفور.. إتكلمنا عن عصام الجاي من الدافنة.. إتكلمنا عن نادر المتألق بالأبيض... حتى..محمدية...إتكلمنا عن قميصو المرة بره..و مرة...برضو بره..
سارة..حيطتك القصيرة....؟؟ أقول ليك شنو غير.. كان قابلتها..يقابلنَك شباشب المولد..!؟؟؟!
Post: #424 Title: Re: ما أحلى ساعات اللقاء... Author: mamkouna Date: 09-29-2007, 07:10 AM Parent: #422
Quote: فردتنا صوت بدوي سوداني(صوت البادية بكل نقاوته وجبروته) قوي ومتمكن في ما يناسب هذا الصوت ( اغاني الحقيبة او غناء اهل الوسط الشايع والذي يتراكم الجيد منه منذ اكثر من قرن ويبقي مستجدا دائما يناسب وجدان كل جيل )ولو اني سمعت له مرة واحدة اغنية جديدة بلحن وتوب مختلف كان قد رفعها المرتضي في بوست العام الماضي هنا فبدي لي كذلك انه قادر علي اشكال اخري غير الحقيبة متما توفر لحن يناسبه..وفرفور ياتي تقريبا في سياق واحد وبامكانات لا تبعد كثيرا عن فردتنا في ترديد غناء اهل الوسط الشايع بتمكن لكنه عندما يرفع عقيرته عاليا ثم يعود يتعب او تتعب الكلمات .. عصام يجمع بين امكانات صوتية كثيرة تجعله مثلا يغني بتمكن للكاشف ولوردي ولعثمان حسين وابراهيم عوض وهوواع للموسيقي كثيرا وهذا يساعده في الغناء الصعب .. نادر منذ ان استمعت اليه قبل عقديين من الزمان عندما كان هنا في الخليج صبغ صوته باثر الغناء الاثيوبي وبالتالي فانك لا يمكن ان يغيب عن المستمع ذلك الاثر حتي لو غني اغنية ممعنة في سودانيتها انه بذلك ربما حبس امكاناته الصوتية في قالب واسلوب معين يحاول من خلاله ان يغني الحان تبدو متباينة وربما لا تتماشي ذلك الاسلوب واحيانا اشعر بانه يتجاوز صعوبات لحنية في بعض الاغاني السودانية الصعبة الاداء بالقفز بها الي الساحة الاثيوبية .. اسرار الصوت النسائي السوداني الهادئ الحنين والذي يجبرك ان تسمعه في اغاني تناسب ذلك الهدوء ولكنه يتعب كثيرا في مقامات عالية او عندما تحاول ان تصدح رافعة عقيرتها عاليا يعيب غنائها انها لا تحفظ الكثير وتكتفي بابيات قليلة من الحان كثيرة .
عجبني جداُ جداً التحليل العميق دا.. أوافق و أبصم بالعشرة على أي حرف فيه.. تسلم يا باشمهندس يا رطاني.
Post: #429 Title: Re: ما أحلى ساعات اللقاء... Author: abubakr Date: 09-29-2007, 10:30 AM Parent: #424
Quote: عجبني جداُ جداً التحليل العميق دا..
يا ممكونة انا خايف اغتر واقوم اودر شغلانة المباني والعمارات والمشاريع واصلو الواحد تعب وكبر واقوم اصدر مجلة فنية (ايه رايك يا ملاسي ؟) وهاك يا معييط في الفنانيين والمستمعيين والمشاهديين وبعدين اخت صورة فردتنا في غلاف العدد الاول ..عايزين مراسليين للمجلة يا ناس ؟ انا حامشي اخد لي رقدة(نص يوم اجازة) وانا بفكر في الموضوع دة واكيد حاصل لحل لحد رمضان الجاي ؟
Post: #426 Title: Re: ما أحلى ساعات اللقاء... Author: الزوول Date: 09-29-2007, 08:51 AM Parent: #1
السلام عليكم بناء على طلب الجمهور الجمهور ده هو أبوبكر تكملة ما بدأته الممكونة بعد الفيلم المشهور ( سهر الجداد ) .................... ذكر أبو الكلام أن بداية خروج الفن السوداني كان اتجاهه شرقاً ، فقد زار الحاج سرور ارتريا ، أثيوبيا والصومال حيث هناك نسبة مقدرة من المعجبين ، وأيضاً اتجه الفن السوداني غرباً نحو تشاد وأفريقيا الوسطى ونيجيريا. كل هذه المناطق لم تكن تمثل مشكلة أمام الفن السوداني لتشابه السلم الموسيقي ، ولكن المشكلة مع الغناء العربي ذو السلم السباعي. ومع ذلك فقد اتجه الفن السوداني إلى مصر منذ القدم بدأ عبدالله الماحي سنة 1927 فسجل عدة اسطوانات في مصر ثم الحاج سرور سنة 1932 وأقام عدة حفلات.. ............... على البرير ( لا أدري إن كان يمت بصلة لآل البرير الحاليين) عميد الجالية في مصر آنذاك هو من كان له الفضل لدعوة فناني السودان لزواج ملك مصر والسودان الملك فاروق وكان له الفضل ايضاً في دخول الفنان اسماعيل عبدالمعين وسيد خليفة لمعهد الموسيقى بالقاهرة.. كلمات أغنية الكاشف (التي سمعنا بها لأول مرة) تأليف صادق عبدالله وهي أول أغنية للكاشف تسجل في الإذاعة المصرية. سلوا قلبي ..عن السودان ينبيك سلوه عن مدى حبي لهذا الكوثر العذب ومصر حبيبة القلب ........... إبداع والله يا فردتنا ...... يلاقي المصريون صعوبة في فهم كلمات أغانينا حينما تغنى بالسلم الخماسي وقد روى أبوالكلام حكاية الرجل الذي علق على أغنية عثمان حسين بأنها كانت ستكون جميلة لو كانت باللغة العربية ولذا ابتكر الحاج سرور طباعة كلمات أغانيه وتوزيعها على الجمهور ....... غنت (سارة) أنة المجروح فأعملت فيها سكين الكوجنة ولا أدري ماذا كان سيحدث لها لو لم ينجدها فردتنا .. الله يخليك لزنقات ناس سارة .......... سيد خليفة شهرته من القاهرة ، وقد عرفه السودانيون من خلال الإذاعة ، وعندما رجع إلى السودان طلب من الشاعلر اسماعيل حسن أن يؤلف له أغنية تقدمه إلى جمهور السودان ، فكانت أغنية ازيكم أغنية ذات موسيقى متفردة وأداء متنوع ولا أعرف لماذا يكره السودانيين ( على قول حسين ملاسي) ترديدها ، حتى الممكونة تكرهها ( على قولي) ذكرأبو الكلام أن شهرة الأغنية ذاعت أكثر حينما القى الأزهري خطاباً في المطار حين رجوعه من السعودية قال فيه: فتحت لنا الأبواب ، وزرنا رسول الله صلى الله عليه وسلم ، وأعتمرنا ، وقابلنا أخوتكم السودانيين وقلنا لهم .. أزيكم ..كيفنكم .. انا لى زمان ما شفتكم ... وسيد خليفة هو أول سوداني يطلع في أضواء المدينة الذي كان يقدمه المذيع اللامع جلال معوض ، وله الفضل (سيد خليفة ) في تعريف العرب بلهجتنا المحلية.. .............. ذكر أبوالكلام ايضاً قصة مساعدة الشريف حسين الهندي ابراهيم الكاشف عام 1959 حينما استاجر له المسرح على حسابه..بعد أن ذهب له أبو الكلام والكاشف في فندق Intercontinental .................. آخبر أيضاً عن حفلة وردي في الثمانينات في سنما ريفولي حينما اقفل الشوارع المحيطة بها ، وتكرر الأمر مع محمد الأمين في حفلة نادي الزمالك وايضاً اقفل أكبر شوارع القاهرة ش الدول العربية
............................. وما الناس إلا هالك وأبن هالك *** وذو نسب في الهالكين عريق
Post: #433 Title: Re: ما أحلى ساعات اللقاء... Author: abubakr Date: 09-29-2007, 12:56 PM Parent: #426
Quote: ولا أدري ماذا كان سيحدث لها لو لم ينجدها فردتنا ..
ذكرتني دي ..الغريبة المرتضي فوت دي كيف ؟ فردتنا دي وجودو في البرنامج دة محوري وربما في برامج شبيهه في المستقبل فعنده مخزون في ذاكرته من الكلمات واللحن يتفوق به احيانا علي السر قدور .. وهناك امر اخر هو ان نوبة صحيان تعزف عندما يستلم هو المايك وخصوصا في الحلقات الاخيرة والتي راينا فيها الشباب وهم يتثاءبوون او مرخميين ..ان صوته قوي يقدر من خلاله بعث روح ونشاط وسط الشباب والموسيقيين واكييد نحن المشاهديين (فالامر ايحائي في مثل هذه الحالات)ويشاركه في ذلك لدرجة ما عصام محمد نور وهو فنان مقتدر ولذا كان لغيابه امس اثر واضح في سير البرنامج ... انا ما متحيز- اكيد لانو واحدا فيهم ما رطاني - وانما وجهة نظر متابع لما يجري في هذا البرنامج ( وما عندي غيرو في رمضان حيث اعيش وما عارف الواحد يسوي شنو لو ناس النيل الازرق قطعو الارسال تاني والناس هنا كلو واحد مشغول والشوارع زحماااااة ولذا كلو واحد بيلزم بيتو واحيانا الواحد بينسي وقت الفطور ..الخ )
Post: #427 Title: Re: ما أحلى ساعات اللقاء... Author: abubakr Date: 09-29-2007, 10:15 AM Parent: #1
Quote: الجمهور ده هو أبوبكر
هسع الواحد لو قال اسرار غنت كويس تقول للمرتضي "الجمهور عايز كدة " انا هسع "قلنا" نطلع مظاهرة ونهتف "عايزين السر قدور رمضان الجاي " ما عارف حسين ملاسي حيقول شنو لانو " الجمهو عايز كدة " .... ازيكم كيفنكم
Post: #428 Title: Re: ما أحلى ساعات اللقاء... Author: abubakr Date: 09-29-2007, 10:21 AM Parent: #1
نزولا عند رغبة الجمهور والزول ازيكم كيفنكم كلمات: (!!! الحان وغناء : سيد خليفة اداء: عاصم البناوالمجموعة
Post: #430 Title: Re: ما أحلى ساعات اللقاء... Author: mamkouna Date: 09-29-2007, 12:34 PM Parent: #1
ألف ألف مبروووك يا شباب اللقاء.... شايفة البوست علٌقوهو في المُعلاق..!!
Post: #431 Title: Re: ما أحلى ساعات اللقاء... Author: abubakr Date: 09-29-2007, 12:38 PM Parent: #1
Post: #432 Title: Re: ما أحلى ساعات اللقاء... Author: ودالعباسية Date: 09-29-2007, 12:53 PM Parent: #431
مبروك يا شباب التعليق ،،،
وممكونة دي تانى تدينا النشرة كاملة ،،،
فاطرة جوة بطن بيتها ولا ما فاطرة ،،
عشان الزووول يعمل حسابه ،،
Post: #434 Title: Re: ما أحلى ساعات اللقاء... Author: abubakr Date: 09-29-2007, 01:04 PM Parent: #1
Quote: فاطرة جوة بطن بيتها ولا ما فاطرة ،،
ايوه كدة عشان يكون نزولا عند طلب الجمهور (الهو انا) وودالعباسية
تانيا ياخي تمبس دة مش من حلتك او جنب حلتك ما تكورك عليهو خلي يشوف شغلو ..دة ضارب طناش ساااي ..اها هسع ممكونة وعندها البيغطي ليها بعد ما قالت عييييك للزول .. فيصل نوبي صحي يوم ورجع نام وهسع علقو البوست وبقينا علي الهوا يعني كان برامجنا طلعت ما كويسة يانا الحنبقا زي البي ان يوم ما قطعت الارسال ونبقي ملطشة للرايح والجاي .. انت ياولدي في الدوحة ما في تسجيل بس كلو عالهو ما تغطي لينا لما نقول ليك عييييك(اشمعنا ممكونة؟) ...
Post: #435 Title: Re: ما أحلى ساعات اللقاء... Author: ودالعباسية Date: 09-29-2007, 01:38 PM Parent: #434
ياخال ،،،
المشكلة انا زي ممكونة كدا مرات جوة ومرات بره ،،
وتانى شئ ما عندي الخبرة الكافيه فى عمل الفديوهات دي
مع انى بسجل الحلقة اذا موجود ولا ما موجود ،،
بس بجى احضرها عندكم هنا ،،
تمبس دا مختفى فى ظروف غامضة جدا جدا ، ،،
ما يكون اعتكف ،،
Post: #436 Title: Re: ما أحلى ساعات اللقاء... Author: abubakr Date: 09-29-2007, 01:44 PM Parent: #1
Quote: ياخال ،،،
المشكلة انا زي ممكونة كدا مرات جوة ومرات بره ،،
شايفك في صورة فاطريين برة بطن بيوتكم انتو وناس بدرالدين الامير.. ما في طريقة لفطور بر بطن بيوتنا الا المطاعم هنا فلذا دائما جوة بطن البيت .. ما عليك انت بس سجل يمكن تفوتنا حلقة مهمة نورييك كيف ترسلا لينا
Quote: تمبس دا مختفى فى ظروف غامضة جدا جدا ، ،،
ما يكون اعتكف ،،
شايفو في بوستات تانية معتل كاميرتو وحائم ...هسع اقوم اتصل بيهو القاهو نايم و " والله يا خال بس هسع جيت من برة وناس اتصالات ما مريحني يوم النت شغال ويوم ما شغال " دة لو ما عندو حساسية وانفلونزا اها نقول عييك لفيصل نوبي ..يمكن ..
Post: #437 Title: Re: ما أحلى ساعات اللقاء... Author: ودالعباسية Date: 09-29-2007, 02:00 PM Parent: #436
خلاص يا خال ،،
نحن فى انتظار الدرس الخصوصمى ،،
Post: #438 Title: Re: ما أحلى ساعات اللقاء... Author: فيصل نوبي Date: 09-29-2007, 05:52 PM Parent: #436
يا خال سلامات و ربنا يتقبل الصيام و القيام
شايف فوق في شكوي مقدمة ضدي من ابو مهيار انه حاجاتي (مكوجنة) بالتالي قررت اتابع بس عشان ما اخرب الرصة ..
__ تنزيل الملفات بصيغة rm بيحتاج للريال بلاير بدلا عن الميديا بلاير و الغالبية ما بيستخدمو البرنامج ده بتقوم تطلع معاهم (مكوجنة)
اها متابع معاكم .
Post: #439 Title: Re: ما أحلى ساعات اللقاء... Author: abubakr Date: 09-29-2007, 06:25 PM Parent: #1
Quote: شايف فوق في شكوي مقدمة ضدي من ابو مهيار انه حاجاتي (مكوجنة)
قال كدة وزاغ ؟ عموما خليك استندباي
Post: #440 Title: Re: ما أحلى ساعات اللقاء... Author: abubakr Date: 09-29-2007, 06:29 PM Parent: #1
الحلقة 17 عن الغناء الشعبي ممتعة و كان يمكن من تكون احسن من كدة بكتيير
Post: #441 Title: Re: ما أحلى ساعات اللقاء... Author: ودالعباسية Date: 09-29-2007, 06:42 PM Parent: #440
Quote: الحلقة 17 عن الغناء الشعبي ممتعة و كان يمكن من تكون احسن من كدة بكتيير
لو كان الحفظ 100%
لكن عصام واسرار ابدعو ،،،
والحلقة جميلة وفرايحيه ،،
Post: #442 Title: Re: ما أحلى ساعات اللقاء... Author: abubakr Date: 09-29-2007, 06:56 PM Parent: #1
ليه التجني
الحان وغناء عائشة الفلاتية اداء اسرار بابكر
Post: #443 Title: Re: ما أحلى ساعات اللقاء... Author: mamkouna Date: 09-29-2007, 07:00 PM Parent: #1
الحلقة سبعتاشر :-
* أقل ما يُمكن أن تُوصف به حلقة اليوم...أنها كانت حلقة (( حماسية )). أراهن أن كل من شاهدها..عَرض....بَشٌر...أو..زي حالاتي كدا...زغرد..!!
* كانت حلقة اليوم عن ألوان الغناء الشعبي السوداني,..الحديث و القديم.
* ذكر أبو الكلام ان في الشعر الحديث عدد قليل جداً من الشاعرات بينما 99 % من شعراء الاغاني الحديثة من الرجال!!!! بينما نجد في الغناء الشعبي 99% من النساء بينما 1 % فقط للرجال!!! ذلك لان المراة خجولة بطبعها و لا تُعرب عن حبها و عشقها بسهولة لكنها تجد نفسها في أغاني الحماسة التى تدعو لمكارم الاخلاق و الشجاعة و الكرم و الفروسية و غيرها من الأخلاق الحميدة.
* وجٌه أبو الكلام شكر خاص الى (( طه عبد الرحمن)) الذي فتح أذهان الناس على الغناء الشعبي لما كتب عن مهيرة بت عبود و ذكر قصيدة مهيرة الشهيرة.
* ذكر أبو الكلام أيضاً ((بنونة بت المك )) و .. أخت (( النعيم ود حمد)) التى غنت لشقيقها... احيا سنن البرامكة ....عاجبني طول ايدو سامكة انا غنيت للولد ...الاسمو النعيم ود حمد غنى مقطع منها ...فرفور
* ذكر أن كلمة ((بابا)) التى تأتي في سياق الاغنية ماهي إلا عن بابا محمد بابا المحسي و هو رجل يحفظ مدائح اب شريعة.
* ذكر أيضاً قصائد اخت ((عبد القادر ود حبوبة ))..من أشهر قصائدها.. (( الواعي ما بوصو ))... هذا ما قاله..السر قدور.. لكن..دكتور أحمد القرشي قام مشكوراً بتصحيح المعلومة.. (( الواعى ما بوصو من كلمات ((بت مسيمس)) وقالت هذه القصيدة فى ودحبوبه وذكرت فيها اسم رقيه اخته( وقال انا اخوك يارقية ) اما رقية فانشدت فى اخيها الاغنية المشهورة ((بتريد اللطام اسد الكداده الزام))...
* غنى مقطع منها.... عاصم البنا
* ذكر أيضاً أن عازف العود ((عثمان عوض الله )) هو اول من قدٌم في الاذاعة السودانية اغنيات شعبية.... ك اغنية الدود قرقر... حبس الدرب. غنى فرفور مقطع من اغنية الكابلي الجنزير في النجوم... زي الهيكل المنضوم.. ما بخاف.
* من أشهر من غنى أغاني الحماسة ..الفنان الراحل..سيد خليفة.. من أشهر أغانيه.. الوافر ضراعو... الدود قرقر ... ثم... شدولو و ركب فوق مهرك الجماح غناها لمن رقصنا و زغردنا.... عصام محمد نور!
* قال أبوالكلام انو أغنية (( التجني )) بتذكرو موقف تعرض ليهو في حفلة سنة 57 في المقرن .عندما حاول شخص ان يمنعهم هو و حسن عبد المجيد من التمثيل لكن أبو الكلام واجهه و تصدى له بشجاعة ليُجبر الرجل على الاعتذار بل و دفع مبلغ عشرين جنيه !!!!
بره الموضوع:-
* عرفنا عصام محمد نور مشى مدني ليه!!! عشان يجيب بدلة (( فطوطة ))..!!
Post: #444 Title: Re: ما أحلى ساعات اللقاء... Author: abubakr Date: 09-29-2007, 07:01 PM Parent: #1
هذه مهداة من ست البوست ممكونة الي السيد ممكون تمساح الدميرة مع تحيات الجمهور (الهو انا)
شدولو وركب فوق مهرك الجماح الحان وغناء سيد خليفة اداء عصام محمد نور
Post: #446 Title: Re: ما أحلى ساعات اللقاء... Author: mamkouna Date: 09-29-2007, 07:13 PM Parent: #444
للشاعر..عمر ود الحسين (( ود القبيلة ))
شدوا لك ركب ..فوق مهرك الجمٌاح ضرغام الرجال... الفارس الجحجاح السم النقوع...للبدن نتٌاح تمساح الدميرة ..الما بكتلو سلاح إعصار المفازة ..للعيون كتٌاح المال ما بيهٌم ...إن كتر وإن راح *** بطناً جابتك والله ما بتندم ويا أسد الكداد الفي خلاكَ رزم ويا رعد الخريف الفوق سماك دمدم بابك ما انقفل ونارك تجيب اللٌم ما بتعزم تقول غير استريح حرٌم *** أبواتك جبير بيسدوا للعوجات ومطمورتك تكيل للخالة والعمات وفي الجود والكرم إيديك دوام بارزات ويا أب قلباً حديد في الحوبة ما بتنفات *** صدرك للصعاب دايماً بعرف العوم وفي وسط الفريق في الفارغة ما بتحوم لا تتلام ولا بتعرف تجيب اللوم تفخر بيك بنات البادية والخرطوم ***
Post: #445 Title: Re: ما أحلى ساعات اللقاء... Author: abubakr Date: 09-29-2007, 07:05 PM Parent: #1
الواعي ما بيوصو كلمات اخت البطل عبدالقادر ودحبوبة اداء عاصم البنا
Post: #447 Title: Re: ما أحلى ساعات اللقاء... Author: abubakr Date: 09-29-2007, 07:31 PM Parent: #1
احيا سنن البرامكة كلمات اخت النعيم ود حمد في مدح اخيها
اداء جمال مصطفي المشهور بفرفور
Post: #448 Title: Re: ما أحلى ساعات اللقاء... Author: abubakr Date: 09-29-2007, 07:36 PM Parent: #1
نسيبةالبيجري اداء نادر خضر
Post: #449 Title: Re: ما أحلى ساعات اللقاء... Author: ودالعباسية Date: 09-29-2007, 07:40 PM Parent: #448
Quote: * عرفنا عصام محمد نور مشى مدني ليه!!! عشان يجيب بدلة (( فطوطة ))..!!
البدلة دي مش كانت موجودة فى السنة الفاتت برضو ،،
Post: #450 Title: Re: ما أحلى ساعات اللقاء... Author: الزوول Date: 09-29-2007, 08:00 PM Parent: #1
السلام عليكم غريبة ... أبو الكلام عندما يتحدث عن أغنية شدولو وركب ما يذكر اى شيء عن شاعرها المبدع عمر الحسين الذي غادر دنيانا هذه قبل عامين تقريباً - رحمه الله رحمة واسعة – وعمر الحسين للعلم هو مؤلف وجامع إشعار المادح حاج الماحي وهو في رأيي عمل توثيقي جيد حيث استغرق سنوات من البحث وأنتج حوالي 150 قصيدة جمعها في كتاب بأسم ديوان حاج الماحي ................ بما إن الحلقة كانت عن أغاني الحماسة فقد كنت اتوقع اكتساح فردتنا (صاحب الصوت البدوي الحماسي) للكل ..ولكنه ظهر بشكل خجول .. .............. توقعت – وبما أن أبو الكلام مغرم بالفلاتية – وبما أن الحلقة دارت حول أغاني الحماس والبطولة ، أن ( يأمر) ( سارة) بغناء ( يجوا عايدين .).. لاتساقها مع موضوع الحلقة ولكنه أتى بأغنية ليه التجني وهي أغنية رتيبة لا صلة لها بموضوع الحلقة ................ ذكر أبو الكلام عن أغنية الفلاتية أنها تذكره بالموقف الذي حدث له في الحفلة ولم استطع معرفة الصلة بينهما ................. فردتنا ... قميصك شرط لكن ... ............................. وما الناس إلا هالك وأبن هالك *** وذو نسب في الهالكين عريق
Post: #451 Title: Re: ما أحلى ساعات اللقاء... Author: Hussein Mallasi Date: 09-30-2007, 00:34 AM Parent: #450
أجمل حاجة في حلقات أغاني و أغاني إنها قربت تنتهي!
Post: #453 Title: Re: ما أحلى ساعات اللقاء... Author: mamkouna Date: 09-30-2007, 01:39 AM Parent: #450
Quote: توقعت – وبما أن أبو الكلام مغرم بالفلاتية – وبما أن الحلقة دارت حول أغاني الحماس والبطولة ، أن ( يأمر) ( سارة) بغناء ( يجوا عايدين .).. لاتساقها مع موضوع الحلقة ولكنه أتى بأغنية ليه التجني وهي أغنية رتيبة لا صلة لها بموضوع الحلقة ................ ذكر أبو الكلام عن أغنية الفلاتية أنها تذكره بالموقف الذي حدث له في الحفلة ولم استطع معرفة الصلة بينهما
أتفق معاك يا الزووول... أنا زاتي إتوقعتَ أن تغني سارة أغنية (( يجوا عايدين ))..بكل مافيها من حماسة . و لغاية اللحظة دي ماقادرة أفهم سر أغنية (( ليه التجٌني ))..و علاقتها بالعشرين جنيه الرسلهم ليهو البك..عبد الله خليل!!!
ياريت فردتنا يجي يشرح لينا.
Post: #452 Title: Re: ما أحلى ساعات اللقاء... Author: ASIM AL BANNA Date: 09-30-2007, 01:33 AM Parent: #1
يا اخوانا اولا مبروك التعليقة .... الحاجة التانية اخجلتو تواضعنا ياعنى فردتكم ماقصرتو معاهو ابدا لما الواحد بيقى ماقادر يصنقر من تقل الراس .... الحاجة التالتة دور برنامج بتاع عزايم فطور برا يعنى الواحد عاذر ممكونة والله مقدر صمودا امام كل ما تعانيه خارج وداحل بطن بيتا من افطارات جماعية ..... السنة الفاتت بيت محمد المرتضى خمستاشر يوم كان الفطور فى بطن بيتو بس نلم العدة وطوالى جلسة ما منظور مثيلا ... المرة دى جابت ليها جوبا وفطور بره ويا عالم .... عندى ليك خبر يا باش مهندس ... هسة انا جاى من التلفزيون ... وسجلنا سهرة العيد لى تلفزيون السودان القومى فى برنامج كل الجمال تم التصويت لى top 7 لعام 2007 وكرمونى مع 6 من الزملاء الاعزاء فى التلفزيون فى وجود حوالى 40 من اهل الفن السودانى ويال سعادتى بها والله بينكم اهديكم ايها فردنا فردا فردا بدون فرز ... بعدين انا لى تلاته حلقات ماحضرت البرنامج لكنك يازول ويا ممكونة وابوبكر مامقصرين يقصر الملح ...اطمنتا على شغلتى ... الحاجة الاجمل كان معانا عمر قدور اخو الاستاذ السر قدور وطيب خاطرى من الهرشة .... المكرمين فى البرنامج اى الفازت اغنياتهم بالتصويت الاتية اسمائهم ...
عادل مسلم محمود تاور عافية حسن جمال فرفور عبدالكريم ابوطالب محمد شبارقة عاصم البنا
نرجع لى مرجوعنا ... ملاسى ده مالو مقاشرنا السنة دى ؟؟؟؟ ولا هارمنى ؟؟؟؟
يا الزول عملت ليكم الصور مع الاستاذ عثمان حسين الليلة لكن يخربنى كان بعرف ارفعا ...
بكرة
Post: #454 Title: Re: ما أحلى ساعات اللقاء... Author: ودالعباسية Date: 09-30-2007, 01:57 AM Parent: #452
انت بس قوول عوووووووووك ،،
ونحن جاهزين ،،،يافردة
Post: #456 Title: Re: ما أحلى ساعات اللقاء... Author: abubakr Date: 09-30-2007, 08:15 AM Parent: #452
Quote: الحاجة التانية اخجلتو تواضعنا ياعنى فردتكم ماقصرتو معاهو ابدا لما الواحد بيقى ماقادر يصنقر من تقل الراس
انت تستاهل كل خير
انت ما عليك لو تقلت خالص استلف ليك صلعة من الثنائي المعاك
Post: #455 Title: Re: ما أحلى ساعات اللقاء... Author: hatim ibrahim Date: 09-30-2007, 02:08 AM Parent: #1
.. يا سلااااااام عليكي يا ممكونة وعلى الشباب الرائعين .. امبارح بس شفت البوست ده !! للأسف الأوقات القليلة البدخل فيهاالمنتدى بقضيهو مناكفات مع اخوانا المريخاب .. ومن أمبارح وأنا مستمتع بالصفحات الفاتت يا دووووب وصلت للصفحة دي .. والله حاجة أكثر من رائعة .. خصوصا بالنسبة للمساكين زينا الما عندهم قناة النيل الأزرق شكرا بالجملة لهذا المجهود وشكرا لامتاعنا ..
رمضان كريم .. وكل سنة وانت وجميع المتداخلين بألف خير ...
Post: #460 Title: Re: ما أحلى ساعات اللقاء... Author: mamkouna Date: 09-30-2007, 12:47 PM Parent: #455
مرحب بيك يا أخ حاتم إبراهيم.. خُش ل جوٌه.. البوست..بوستك.
Post: #457 Title: Re: ما أحلى ساعات اللقاء... Author: abubakr Date: 09-30-2007, 08:25 AM Parent: #1
مرة اخري فوبيا نظرية المؤامرة:
النيل الازرق الارسال انقطع في عز انشغالنا وجهجهنا يوميين الارسال بين كمبيوتري والريسيفر كمان لخبط اثناء التسجيل البارحة الكمبيوتر زاطوووو حصلو ليهو كراش ولذا ساضطر الي صرف ساعات في اعادة تشغييل وتحمييل برامج وملفات ( حالة ما عادية لانو انا بتاع كمبيوطرات الحصل دة ما مفروض يحصل كدة ساااي ؟؟؟؟)
يعني الليلة حاستعمل جهاز اخر محمول laptopوبطاقة تسجيل PCMCIA دة كلام .....كان اتاخرنا استحملو ..يا تمبس انت وووين ؟ ودالعباسية انت بتعرف للصور ما بتعرف للتسجيل ليه ؟؟ اها شوية بخور تيمان والذي منو ...
Post: #458 Title: Re: ما أحلى ساعات اللقاء... Author: محمد المرتضى حامد Date: 09-30-2007, 09:35 AM Parent: #457
أنا ما شاهدت حلقة أمبارح لكن (ساره) كانت كما عهدناها غير مُقنعه ، نعم يا بكري كلامي دا
على طريقة كارت بلانش.
تالاهون قسّسا والمحاكم الصوماليه رتابه مبالغه.
إنتو المحاكم الصوماليه ده لابس قناع باسم ولاشنو؟ يعني مامكن الأغنيه فرايحيه هو باسم ،
حزينه هو باسم ، حماسه وحرابه برضو باسم ، في الليله ديك حسَيت بأني غريب هناك .. برضو باسم .. زهر
المواسم، ما علينا اصلو ناس المحاكم يعملون بأن التبسُّم في وجه ممكونه صدقه.
تعرف يا بكري ( سيد البوست ) فرفور ده مابينفع يغني في جلسات هادئه زي دي ، دا عاوز ليهو استاد
أو حاجه زي ميدان الخليفه مثلا ليرفع عقيرتو ويكورك ، يعني زي اللامبورجيني مامكن تتحاوم بيها في الزقاقات
عايزه ليها موترواي (تفتح) فيهو على الآخر أما الناس اللي بيتحكموا في أصواتهم أيا كانت مساحة
Quote: عادل مسلم محمود تاور عافية حسن جمال فرفور عبدالكريم ابوطالب محمد شبارقة عاصم البنا
عاصم ده شنو البتعمل فيهو دا؟ معاك تاور فنان جميل ، فرفور ياهو جمال مصطفى أوكي ، لكن
الباقين ديل منو؟
ما تشتغل بكلام المغرضين أمثال ملاسي ومن لف صينيتو والمندسين وقول ليهم لو رمضان انتهى نحن في
العيد وما بعد العيد لاحقنكم.
مبروك يا ابوبكر (البوست بتاعك) علّقوهو في المشلعيب زي بُخسة الروب واللحمه خايفين عليهو من
الكدايس والكدّارات والحايمات برّه (بطون بيوتن). يعني بكري أبوبكر لما شاف ست البوست يوما كلو
بره بطن بيتا قال يشيل البوست يوديهو الإصلاحيه.
يا بكري ، حبيبنا علاء الدين يونس المشهور في نواحي البورد والمناطق المجاوره كالحلاّل والقرى
والدساكر ب (تمبس) خرج في مهمة سياسية عسكريه على راس تجريده نتمنى له النصر المؤزر ونغني له يجو
عايدين ، مش بتاعت المدارس زمان.
Post: #477 Title: Re: ما أحلى ساعات اللقاء... Author: نجوان Date: 10-01-2007, 07:38 AM Parent: #458
محمد المرتضى.. كلام مضبوط.. (كلو تقريبا.. ما عدا اللمبورجيني.. الفيسبا تبدو مناسبة أكتر)..
Post: #459 Title: Re: ما أحلى ساعات اللقاء... Author: abubakr Date: 09-30-2007, 09:54 AM Parent: #1
Quote: مبروك يا ابوبكر (البوست بتاعك) علّقوهو في المشلعيب زي بُخسة الروب واللحمه خايفين عليهو من
الكدايس والكدّارات والحايمات برّه (بطون بيوتن). يعني بكري أبوبكر لما شاف ست البوست يوما كلو
بره بطن بيتا قال يشيل البوست يوديهو الإصلاحيه.
كان بتاعي ما عارف ..؟؟ دة بوست الممكونيين بس عامليين ديليقيشن لانه ما فاضيين او المسؤليات زادت عليهم مما يجعلم دائما بر بطن البيت .. وانا جيت ساااي اعاين لقيت نفسي امين مكتبة وتمبس ما فاضي لينا السنة دي اهو معتل كاميرتو وحايم في بوستات تانية في تصوير خارجي ..
يا اخي فرفور دة زي ما قلت عايزولو ساحة وجماعة معلقيين فوق الاشجار وواحديين فوق العمود وبعديين هو يلعلع ..ما بيقدر علي زنقة الكنبة والكاميرات ... حسين ملاسي لانو مزنوق في امتحانات عايزنا نزنق في رمضان ما نلقي البونسنا مع انو هو الابتدا وزاغ وهسع بعد ما البوست اتعلق فوق عايز يشمت الكدايس فينا ... انت "سارة" دي منو ؟؟
Post: #461 Title: Re: ما أحلى ساعات اللقاء... Author: عبد الله عقيد Date: 09-30-2007, 02:42 PM Parent: #1
Quote: عادل مسلم محمود تاور عافية حسن جمال فرفور عبدالكريم ابوطالب محمد شبارقة عاصم البنا
يا (فردتنا) ياخي القائمة دي مقلوبة بالجد مفروض تكون كالآتي - بلا مجاملة
عاصم البنا عادل مسلم عبد الكريم أبو طالب (بتكيف ليهو براي) محمود تاور عافية حسن جمال فرفور محمد شبارقة
دي النصيحة يعني
Post: #462 Title: Re: ما أحلى ساعات اللقاء... Author: Ahmed al Qurashi Date: 09-30-2007, 06:57 PM Parent: #461
الاخت العزيزه / ممكونه
اتابع باستمرار هذا البوست الجميل ... اما حلقة الغناء الحماسى فلم اتابعها الا من خلال استعراضك لما دار فى الحلقة ولقد ذكرت ان الاستاذ السر قدور ذكر ان اغنية الواعى ما بوصو من كلمات رقية اخت عبدالقادر ودحبوبه وهذه المعلومه غير صحيحه لان الواعى ما بوصو من كلمات بت مسيمس وقالت هذه القصيدة فى ودحبوبه وذكرت فيها اسم رقيه اخته( وقال انا اخوك يارقية ) اما رقية فانشدت فى اخيها الاغنية المشهورة بتريد اللطام اسد الكداده الزام ... ولقد حدثنى بهذه المعلومه بادى محمد الطيب وهو الذى لحن هاتان الاغنيتان بهذا اللحن المتعارف عليه حيث كانت تغنى الاغنيتان كالمناحه قبل ان يعطيهما بادى هذا اللحن الجميل
Post: #465 Title: Re: ما أحلى ساعات اللقاء... Author: mamkouna Date: 09-30-2007, 08:26 PM Parent: #462
Quote: الواعى ما بوصو من كلمات بت مسيمس وقالت هذه القصيدة فى ودحبوبه وذكرت فيها اسم رقيه اخته( وقال انا اخوك يارقية ) اما رقية فانشدت فى اخيها الاغنية المشهورة بتريد اللطام اسد الكداده الزام ..
سعيدة للغاية يا دكتور بمتابعتك للبوست. شكراً على المعلومة القيُمة.. سأقوم بالتعديلات اللازمة لتصحيحها.. يا ريت باشمهندس أبو بكر..يصحح المعلومة في أعلى مداخلة الأغنية المذكورة.
العارفو الحلقة كانت عن الغناء الماخوذ من المديح وشكلها ما حانحضرا
Post: #468 Title: Re: ما أحلى ساعات اللقاء... Author: ودالعباسية Date: 10-01-2007, 00:23 AM Parent: #467
والله شكلها كدا ،،،ما حا نحضرها ،،،
Post: #471 Title: Re: ما أحلى ساعات اللقاء... Author: نهال الطيب Date: 10-01-2007, 00:47 AM Parent: #468
حلقة الليلة كانت عن الأغاني الفيها اللحن مأخوذ من لحن المديح زي إغنية في الليل الهاجع وغرد يا ساجع
وإغنية صفوة جمالك وطبعا عاصم تـالق كعادته
عصام وفرفور وأسرار بس تقول بروفة كورال شايلن ورقهم عين في الورقة وعين في الكاميرا تأني شنو ده المتذكراه من الحلقة فنيات ما معانا غير وردتي الحمراء الفوق دي ما بعرف شي
تسلموا على البوست كنيل من الجمال العذب ودي أجزله وأعمقه
Post: #485 Title: Re: ما أحلى ساعات اللقاء... Author: mamkouna Date: 10-01-2007, 11:31 AM Parent: #471
Quote: فنيات ما معانا غير وردتي الحمراء الفوق دي ما بعرف شي
أنا كنتَ زيٌك كدا.. لغاية ما لمٌيت في (( تمبس ))..!! حسي في طريقي إلى أن أكون (( هكر )) عالمي بدرجة..سفير!!
مرحب بيك كتير يا نهال.. شرٌفتينا و آنستينا..
Post: #469 Title: Re: ما أحلى ساعات اللقاء... Author: mamkouna Date: 10-01-2007, 00:30 AM Parent: #467
الحلقة تمنتاشر :-
* فعلاً و زي ما قال ود البنا...كانت الحلقة عن الغناء المأخوذ من المديح..أو الألحان التي تحوٌلت إلى أغنيات غزل بعد أن كانت مدائح نبوية.
* ذكر أبو الكلام أنه لاحظ اليومين ديل..إنو في ألحان أغاني عادية..تتحول إلى مدائح نبوية..فقال دا زي التشيل من المجرى..و تودي البحر...لأن العكس هو ما حدث في مسيرة الغناء السوداني.
* ذكر أبو الكلام أن أشهر أهل الفن السوداني القديم ك كرومة,,سرور..الأمين برهان..أقتبسوا ألحان أغنياتهم من المديح...و بالتحديد من مدائح الشيخ أحمد أب شريعة...الذي تأثروا به..نظماً و لحناً و إسلوباً.
* وُلِدَ الشيخ أحمد أب شريعة في منطقة البطانة قبل المهدية.درس في الخلوة و تميٌز بصوته العذب في التلاوة. صار بعد ذلك (( زمٌال )) أي شيٌال مع المداحين و كان يجوب مناطق السودان المختلفة مادحاً الرسول عليه أفضل الصلاة و السلام.
* من لحن مدحته الشهيرة (( صلاةُ الله ذو الأيدِ )) أُخِذ لحن (( جوهر صدر المحافل ))... تغنت بها...أسرار بابكر و المجموعة.
* من لحن مدحته الشهيرة (( الرسول سيد أسماء ))..لحٌن الشاعر عمر البنا أغنيته المشهورة (( في الليل الهاجع )). بدأ غناءها عصام محمد نور...و تمٌاها ليهو..ود البنا.
* من لحن مدحته (( على النبي المختار )) إقتبس الحاج سرور لحن أغنيته (( صفوة جمالك )) غناها لنا..عصام محمد نور.
* ذكر أبو الكلام أن أب شريعة إشتهر ب (( لِ متين )) إي (( إلى متى )).. و من مدائحه اللمتينية...(( لمتين للرسول..أسري )) كما ذكر أن إبراهيم عوض أيضاً إقتبس من (( متين يا المهدي نتلاقى...على الكوثر بلا عادة)) ...لحن أغنيته (( متين يا روحي نتلاقى..فراقك نارو حرٌاقة )). غنى مقطع منها...نادر خضر.
* ذكر أبو الكلام أن أثر أب شريعة إستمر حتى الجيل الثالث من شعراء الحقيبة.
* ذكر حاجة فيها إسم الشيخ (( من الله )) و مدحة تقول كلماتها.. يا الكريم أنقلنا..للديار الفيها....!!!! طه مدحو شغلنا.. (( معليش ما متذكرة الحتة دي ))!!! عووووووووك يا الزووووول.
* خُتمت الجلسة خير ختام...بأغنية.. (( الرشيم الأخضر..في الخديد الأنضر..هم سبب آلامي )).. شدا بها..فرفور.
بره الموضوع :-
* كانت في ضيافة (( بطن بيتي )) مساء اليوم..سيدة الخواطر الدافئة..إشراق ضرار و كانت سعادتي قصوى..لمن عرفت إنها بتتابع البوست دا كل يوم. تقبلوا تحياتها.... و يا ناس الشيخ و مرتضى و ود البنا الشايلين حالي..و قاعدين لي على الهبشة.. أنا لمن أفٌوٌت الحلقة...بكون بعمل في حملات ترويجية للبرنامج و...البوست..!!!
Post: #470 Title: Re: ما أحلى ساعات اللقاء... Author: mamkouna Date: 10-01-2007, 00:44 AM Parent: #469
إشراق ضرار لمن لا يعرفها.. شاعرة رقيقة و جميلة...و صديقة قريبة و حبيبة.. و زميلة إسفيرية عزيزة من بطن بيتنا التاني (( سودانيات )).. لديها قدرة عجيبة على تطويع اللغة و تشكيلها...لتخرج إلينا في شكل خواطر إسبوعية..و أحياناً عندما تبخل علينا..شهرية.. دي كانت آخر خواطرها... خاطرة 45
الي رجل ....تأريخ ...! .....
اللحظة الاشهي بين اللحظات المقطوعة من جلد النهارات الحارة اللحظة الاخصب بين اللحظات الغائرة في عمق الارض المجدبة
لحظة هي، لحظة النشوة العارمة، الصادقة، المزمجرة! نشوة انطلاق زغاريد الفرح بعد ان رصّع الكون نبأ البشارات ...
اللحظة الازلية من بين كل اللحظات التي توالت علي عمرها اكثرها دهشة اعمقها فرحة وانبضها حسا
الساعة الماطرة التي انتظرتها بفارغ الغيم ها هي تهطل بالبشارة و النبوة فتهلّل السماوات والارض . ... "انني احمل نبضي ونبضك مجتمعين في نبض صغير لمّا يزال خفقة بعد.....!"
هكذا قالت له وهي تخبره ببعض خجل وكثير فرح وكبير خوف هو سيبي ودفقك مرحي وفرحك بكائي وأنينك هياجي ونشوتك خوفي ورعونتك
هو بعض حلمي وبعض حلمك، أحمله كله في دمي مضرّجاً بدمي ودمك كائنا مخلوقا من الحب
الانبهار الصارخ رغم حتمية النبض الدهشة المزلزلة ..رغم طبيعة الخفقات
من بين كل الدهشات والمعجزات تبقى هي اللحظة الاكثر احتداما في النفس التناقض بين الرفض القاطع ..والايجاب اليقين والدهشة والدهشة والإيمان المحض بالخلاّق العليم!
(2)
قال لها وقد تفتحت اوردة الفرح والرهبة بداخله :" ؟أهي بنت ...؟"
قالت، في احتفائها العارف المتسربل بغلائل الدهشة والدعابة والانبهار:
هي اوائل غسق التخلق ، و النبض لمّا يشتعل بعد ....في دمي ... أيها الاخرق ..! ".. "فكيف لنا ان نتبين خيط الحب الابيض من خيط الالتزام الاسود .....؟"
كيف لنا ان ندرك ان كان اقحوانا او كانت قرنفلة ؟
ردت عليه...
فأجابها " لا يهمني كثيرا ان كان اقحوانا او قرنفلة ..اتوق فقط ان يحمل اسمك ، لآن أحرفه مغموسة في غدائر الشمس متوهجة كلما نطقت بها "
قالت له :" الآن أوقن ان بذرة الحب التي غرستها في ارض عشقي الخصبة قد انبتت عشبة ذات نبض سيكون لها سحر عينيك ولون شفتيك المزرق وانفك الانثوي ورجولتك الجامحة !
قال لها وهو يحاول جاهدا ان يتلبس لسان جدها غير الناطق بالعربية ..
" ألعن عكاريتك ...كم أحبك ..!!!"
Post: #472 Title: Re: ما أحلى ساعات اللقاء... Author: ودالعباسية Date: 10-01-2007, 01:04 AM Parent: #470
الليلة حا نبيت القوا ،،،
الحلقات 18 ،،،بى بتاعة الليلة دي نكون فى حلقتين طشو مننا ،،
ومافى زل عايز يجيبهم لينا ،،،
الله فى ،،،
Post: #474 Title: Re: ما أحلى ساعات اللقاء... Author: عبدالله وداعه الامين Date: 10-01-2007, 03:45 AM Parent: #472
ممكونة وضيوفك الكرامك
تحية وسلام وشكرا لكم ولي ابوبكر الباشمهندس
انا جبتا ليكم اغاني الحلقة 18 بس صوت من دون صورة
1 - جوهر صدر المحافل - بصوت اسرار
2 - في الليل الهاجع - بصوت عصام وقدور وعاصم
3 - صفوة جمالك - عصام
4 - متين ياروحي نتلاقى - نادر خضر
5 - الرشيم الاخضر - فرفور
Post: #486 Title: Re: ما أحلى ساعات اللقاء... Author: mamkouna Date: 10-01-2007, 11:39 AM Parent: #474
يا سلاااااااااااااام عليك يا عبد الله وداعة... تسجيل نضيف و كوالتي ممتاااازة... يا ريت لو تقدر تنزل لينا كل ما تقدر.. حاجة جميلة جداً.. تسلم..
Post: #483 Title: Re: ما أحلى ساعات اللقاء... Author: abubakr Date: 10-01-2007, 10:01 AM Parent: #469
Quote: أنا لمن أفٌوٌت الحلقة...بكون بعمل في حملات ترويجية للبرنامج و...البوست..!!!
عجيبة .. وانا ليه ما فكرت في حكاية تروييج البرنامج دي امبارح ..مرة واحدة اللوري اتعطل وغرز وبشتفتو حالي "وين الفيدو؟ ؟؟ وانتي كلو ليلة بر بطن بيتك وكمان جو بطن بيتك مزوغة وطالعة حملة ترويجية وما في زولا يقول بغم الا انا .. اها انا طالع حملة ترويجيةلاعادة البرنامج طوالي كل 3 شهور بشان سنة كتيرة والظروف بقت ما معروفة مع الاتحاد الافريقي والبخرات
Post: #473 Title: Re: ما أحلى ساعات اللقاء... Author: الزوول Date: 10-01-2007, 02:58 AM Parent: #1
السلام عليكم
Quote: • ذكر حاجة فيها إسم الشيخ (( من الله )) و مدحة تقول كلماتها.. يا الكريم أنقلنا..للديار الفيها....!!!! طه مدحو شغلنا.. (( معليش ما متذكرة الحتة دي ))!!! عووووووووك يا الزووووول.
قال أبو الكلام أن لأبوشريعة قصيدة مشهورة بصوت حاج التوم من الله وهو والد الكاتب الساخر والمخرج فيما بعد صلاح التوم ( دي من عندي) ويقول فيها يا كريماً قلنا للديار الفيها البريدو عقلنا طه مدحو شغلنا
أخذ محمد بشير عتيق اللحن وركب عليه أغنية من أشهر الأغاني للفنان عبد الرحيم الأمين ، حتى وإنه اشتهر بها فصار اسمه (عبدالرحيم الأمين الرشيم الأخضر) .................. برة بطن الموضوع: • فضحتينا يا (سارة) ... عليك الله جوهر صدر المحافل المافي زول في الدنيا دي ما غناها ، ما حافظاها ؟؟ وكمان بخرتك عينك عينك • يا فردتنا ... بى عين الرحمة والرضا (يرعاني )؟ أظن انها ... يلفاني ما يرعاني أو كما يقول عوض الكريم عبدالله • كما ذكر أن إبراهيم عوض أيضاً إقتبس من (( متين يا المهدي نتلاقى...على الكوثر بلا عادة)) متين يا المهدي نتلاقى ...على الكوثر بلا عاقة • أثبت أبو الكلام أن ثقافته الواسعة تشمل فيما تشمل المدائح ايضاً ... فالطريقة التي كان يترنم بها بالمدائح ( من غير بخرات ) تدل على المامه الواسع بهذا الفن • أبوبكر .... ؟؟ قسمكم (قسم الفيديو ) حاصل فيهو شنو
................ وما الناس إلا هالك وأبن هالك *** وذو نسب في الهالكين عريق
Post: #475 Title: Re: ما أحلى ساعات اللقاء... Author: الزوول Date: 10-01-2007, 04:26 AM Parent: #1
السلام عليكم مدير الفيديو أبوبكر الحاصل شنو ؟؟؟ أأطع نفسي عموماً نقوم بالواجب .... إلى حين في الليل الهاجع وقبلها المدحة التي اُقتبس لحنها بصوت أبو الكلام
............................. وما الناس إلا هالك وأبن هالك *** وذو نسب في الهالكين عريق
Post: #481 Title: Re: ما أحلى ساعات اللقاء... Author: abubakr Date: 10-01-2007, 09:41 AM Parent: #475
Quote: أأطع نفسي
معقولة دي ؟ تطلع نفسك وين ؟ تمبس عاداك ؟؟ انت بس لو شفتني بعد الحلقة 3 ساعات ما رفعت الفيديو والذي منو دي يعني عيييييك عدييل مع اني حاجتهد خالص بدون بخرات واكمل ....
Post: #476 Title: Re: ما أحلى ساعات اللقاء... Author: abubakr Date: 10-01-2007, 04:35 AM Parent: #1
ياشباب انتو شابكننا الخرطوم تقرء وبيروت تطبع سااااي ؟؟ ما بتقرو الكلام البيتكب بس تسمعو غني ... انا نضمت عن نظرية المؤامرة وكمبيوطراتي الاتدشدشن وانو حاقضي ساعات اصلحن وانو وانو وكمان اقترحت "بخور تيمان " من العين العاينة وانتو لا من شاف لا من دري ... اها الحلقة تمناشر في المشمش ؟؟؟ وخلو ملاسي يشوف ليكم حلل؟ الحلقة 18 مسجلة فيديو وحنشوف طريقة نعمل ليها اينكودنق يوما ما ونرفعها في بكانها وقبل العيد ...لكن لو فيصل نوبي رسل لي المسجلن باي فورمات انا بغيرن وبرفعن بشان ابومهيار ما يكجن ولدنا تاني ....
Post: #480 Title: Re: ما أحلى ساعات اللقاء... Author: abubakr Date: 10-01-2007, 09:21 AM Parent: #478
Quote: كفّارة للكمبيوترز يا باش..
كفر الله سيئاتك وكتر خيرك الناس هنا بقت كدايس بس تاكل بس .. الخ (تشوف بس) مافي زولن قالي كفارة غيرك وانا الضيعت ساعات طويلة مساء الامس اسجل وفيديو واصلح كمبيوترات ( اصلح حلل !!) ..دة كلو هين وبس الغاظني وانا متشبرك اشوف شوية واصلح شوية البخرات الكانو شايلنها عيان بيان تحت( مش امام) الكامير ورغم انف المراقبيين والممتحنين بس انا شفت محمدية ما مرتااح خالص وليهو حق بعد العمر الطويل دة مع الحافظيين ؟؟ يعني هسع انا بعد كام وتلاتين سنة شغال بناء وجو ساءلوني عن الطوب امشي لحد الكماين واجي راجع واقول .. هو الدخول للاستوديوهات دي سااي .. يعني انا اشيل بخراتي واجييكم يافردتنا.. ؟ الامتحانات بقت سااااهلة خالص عندكم بشان كدة البروفات كترو ( زماااانك كانو بيقولو عليها البروفسورات هسع ناس د.همزة عوض او حمزة عوض شابكننا يابروف يابروف بس بينسو النقطة (full stop ) البعد بروف .. هسع لو الحلقات الجاية كلها بخرات طيب انا حارق زيتي( دة ما زيت عباد الشمس بتاع الدعاية الفي نقسك بكان البرنامج دة) في شنو ..؟ انا ما عارف المرتضي مالو ومال قرايبنا الفي القرن الافريقي وناس كوناكري ؟ يعني هسع البخرة واللا الوحدة الافريقية احسن ؟..
Quote: (يا حليلكم والله بعد إنتهاء رمضان )
ما عليكي بالبخرات دي اكييد فيها اعادة السنة اها زي زمانك كان عميد كلية العلوم معروف بانو بيكتل الطلبة خوف ايام النتائج في مارس شهر الكوارث وقفنا صفوف صفوف ويبدء فلان الفلاني والواحد يجي طالع مزغطط ويقوم يعاين ليهو مليا( مليا "دي عربي) و dismissed وصاحبنا يرجع محوص اما الاعادة repeat the year فكانت عادية خااالص ( ما القراية كانت مجانا وفيها بيرسري ) اها ناس فردتنا يمكن يدوهم بيرسري مع الاعادة ...
Post: #482 Title: Re: ما أحلى ساعات اللقاء... Author: نجوان Date: 10-01-2007, 09:57 AM Parent: #480
Quote: شوية البخرات الكانو شايلنها عيان بيان
يا باش البخرات دي من سمات العصر (ولم يعد إسمها بخرات لأنها ما مدسوسة).. الفنانين الكبار (في العالم الناطق بلغة الضاد دي) أصبحوا يغنّوا (أغانيهم ظاااتها) وعلى جنب منهم كراسة ضخمة بها كلمات الأغاني كمان خاتّنها في ستاند ظريف (في عيانا بيانا أكتر من كده ).. وكتّر خيرهم على الأقل غنّوها فعليا.. (بدلا عن ال lip singing الأصبح منتشر..)..
ما عندي مشكلة مع البخرات.. مشكلتي في غياب ال fashion police لأنه في جرائم كتيرة من النوع ده إرتُكبت في هذا البرنامج.. (أبشعها فرفور بالأمس.. بالغ والله)..
Post: #493 Title: Re: ما أحلى ساعات اللقاء... Author: abubakr Date: 10-01-2007, 04:03 PM Parent: #482
Quote: الفنانين الكبار (في العالم الناطق بلغة الضاد دي) أصبحوا يغنّوا (أغانيهم ظاااتها) وعلى جنب منهم كراسة ضخمة بها كلمات الأغاني كمان خاتّنها في ستاند ظريف (في عيانا بيانا أكتر من كده )..
وانا اقوول الجماعة مجتهديين خالص بذاكرو حتي هم بغنو ؟ انا عندي حساسية مع اللبس الما بيلبق (زي كما بقولو الناس هنا ) واها فرفور دة يا يفرفر يا يجي كل يوم وهو متنكر في جلابية ناس غير واخرها بقي بتاع بخرات كمان ..انا قلت قايلو مذاكر وحافظ زي فردتنا ....
Post: #484 Title: Re: ما أحلى ساعات اللقاء... Author: محمد المرتضى حامد Date: 10-01-2007, 10:14 AM Parent: #480
يا باش كيفك ياخ، أنا ماعندي مشكله مع ناس كوناكري أو اوباسانقو ، على العكس أحترم فيهم اعتزازهم بزيهم الوطني الجميل بحق وهو يليق عليهم هم فقط لكن بصراحه ما جميل عند السودانيين بنفس الطريقه اللي مامكن جناح ام جَكّو تكون لايقه على توني بلير أو مثلا تلاقي كويزومي بتاع اليابان لابس على الله ، ما جايه مش كده؟ أنا ماعارف ليه لكن هي كده ، يعني مجرد إحساس رغم ذلك عندنا بنات سودانيات لائق عليهن زي الشعوب الأخرى ( المحبه للسلام) ناس أستر أويكي وبوزنيش بكيلا ، كلام الأزياء والتزيي ده بيذكرني واحد صاحبي قال لي كان شغال في فرع بنك أجنبي في السودان وجابو ليهم مدير لبناني فأصدر منشورا بأن يرتدي رؤساء الأقسام بذله كامله ، أها اليوم التاني عينك ما تشوفش إلا النور أي واحد مشا فتح السحاره وطلَع العجايب منها، المهم واحد فيهم بالغ عديل كده لأنو جا بحاجه كاروهات برتقالي بأخضر ببنفسجي يعني حاجه تزغلل فرآه المدير واقترب منه وهمس في أذنه قائلا: يا استاذ المنشور بتاعي دا ما ملزم.
Quote: برعاية شركة (......) للانتاج الفني ,تصدح \ المبدعة اسرار بابكر علي ضفاف النيل الخالد,بفندق شهرذادالعجوزة
ثالث ايام عيدالفطرالمبارك في امسية قاهرية تزدان القا بحضوركم
المتباهي
دا إعلان في صدر المنبر أو (المُعلاق) كما تسميه ممكونه أو المشلعيب في روايتي ، ورد في شكل بوست يعني تاكسي في شكل راكشا وما أظن يا بكري ساره تقدر تحفظ صدر المحافل من هنا للعيد. ربنا يحفظاويوفِقا..
Post: #491 Title: Re: ما أحلى ساعات اللقاء... Author: abubakr Date: 10-01-2007, 02:42 PM Parent: #484
Quote: بصراحه ما جميل عند السودانيين بنفس الطريقه اللي مامكن جناح ام جَكّو تكون لايقه على توني بلير أو مثلا تلاقي كويزومي بتاع اليابان لابس على الله
يا ودالمرتضي سلام .. اللبس الوطني لكل بلد يليق فطريا باهل ذات البلد ..هنالك علاقة روحية اولا او "المعتاد" تجمع الانسان مع لبسه الوطني حتي تناسق جسم الانسان حجما وشكلا مع لبسه الوطني يتضاءل امام تلك العلاقة فلا يهم كبيرا او صغيرا سمينا او ضعيفا ..فلذا نري لبس بلد معين في جسد انسان غريب حتي لو كان شبيها باهل البلد شكلا غير ملائم ..فجلاليبنا واثوابنا لنا وجلاليب اهل الخليج وعباءتهم لهم وكذلك جلاليب اهلنا في غرب افريقييا هي لهم مهما تقاربت الاشكال والسحن ...فكذلك بعض البلاد تتشابه في مبانيها وشوارعها لكل واحدة فيها او لها شيئا ما: غطاء عاما تشعر به ولا تراه او رائحة تميزها عن الاخري ..وعموما يغيظني لبس اي سوداني لبسا وطنيا هو لشعب اخر حتي الطاقية والتي استبدلوها بطواقي من الخليج وغرب ووسط افريقيا بدلا عن طواقيناالحمراء والخضراء والبيضاء الجميلة الخاصة بنا والتي لها مكا في ارثنا الغنائ ( عند النوبيين مثلا ) وكذلك ثياب وطرح وجرجار المراة السودانية التي لا اعرف لبسا للمراة السودانية اجمل من ذلك (وجهة نظر شخصية )...
حاشية : من النواقص في اعداد هذا البرنامج عدم وجود متخصص ما ينصح المشتركيين والمشتركات في خصوص ازيائهم فبرنامج يستمر شهرا كاملا ويستقطب انتباها كبيرا يجب الاستعداد له ( الا البخرات دي ما عارف كانو حيعملو فيها شنو ..يعني الواحد والواحدة مغني من غير كلمات..)
Post: #479 Title: Re: ما أحلى ساعات اللقاء... Author: محمد المرتضى حامد Date: 10-01-2007, 08:13 AM Parent: #476
والله ياممكونه البيزعلني جد يقوم يجيك واحد من أديس أبابا توووش داخل المسالمه وحي العرب وينط بي فوق الحيطه في بيت الرائع الراحل إبراهيم عوض عبدالمجيد ويقول ليك متين يا روحي نتلاقى ومتين ياحبيبو نتشاقى و..غايتو. حقو أي زول ما حافظ جوهر صدر المحافل ما يدخل أستوديو نهائيا ، بالله مش حاجه تجيب السكري إنو زول بيغني في السودان وكمان يجي التلفزيون وما يكون حافظ ( في حُق نَهَدو قلوبنا قافل)؟ ياخ دي فرانك سيناترا بدوبي بيها الطابق البوخه the one who doubled the steam و شارل أزنافورعامل منها رمية Apres toi وياما بعدك شفت الألم بالفرنسي . يا اخوانا الشال طبشيره و (شَخَّت ) القماش اللابسو (حركات) ده منو؟ قال لي صديق لم يشاهد (حركات) من قبل : انت يا اخوي ده عمر كوناكري ولاسفير بوركينا فاسو ؟ ودي أغاني وأغاني ولاّ الساحل والصحراء؟ تعرف يا عاصم زي ما قالت أختنا نهال ، الجماعة ديل كانوا شغالين بروفه وكل واحد شايل ورقتو يغني منها والحلقه بقت زي شراب الشاي بالتمر أو متابعة الترجمة أثناء مشاهدة الفيلم ما تعرف تركِّز مع شنو وباعتبارك الوحيد الماكان عندك (بخره) كان تقول لساره : أمشي أقعدي مع خَيَانِك ديل شان أديكم إملاء. ممكونه :
Quote: هو بعض حلمي وبعض حلمك، أحمله كله في دمي مضرّجاً بدمي ودمك كائنا مخلوقا من الحب
بالله ممكن تسلفينا أعمال إشراقه ضرار لل (الحب في المنبر)؟ ما تقولي لي إلعن عكاريتك.
Post: #487 Title: Re: ما أحلى ساعات اللقاء... Author: Souad Taj-Elsir Date: 10-01-2007, 11:45 AM Parent: #479
الأستاذة الفاضلة ممكونة والفريق الرائع الأفاضل، مازلنا نتابع هذا الإبداع. وهذه دعوة لكم جميعاً للمشاركة معنا ومواصلة الإحتفال أيضاً بأكتوبر المجيد صادق المودة.
(1) أي كون لا يسعك .. يضيق بكواكبه أي زمان لا يجود بك ... تنتحر ساعاته أي أرض لا تحملك ... تظل بوار أي ابتسامة ... لا تضئ من وجهك .... تعلن خاتمة المهرجان أي شعر يغفل عن عطرك .. تختل موازين وروده وقرنفله وياسمينه أي حمائم لا تهدل باسمك ... تنتحب منها ممالك السجع أي قمر لا يعلن عن انهمار ضوءك ... ينخسف أي غمام ، لا يهطل بحنانك ... تغور امواهه حسرة في صحاري الرهق أي حرف لا ينبض باسمك ... أنفيه من مملكة الكلام وأي قصيدة لا تغنيك ...أعلن عليها الحرب الآن وباسم جميع النساء وباسم جميع العاشقات أعلن أنني بحبك قد توجت مليكة الشمس
.......
(2) أراك في حلمي كل ليلة تطل من شرفات القمر وتمسك الانجم بيديك اتطلع اليك في عليائك متوسلة ان تأخذني اليك وان تغدق علي بعض ازهارك فتجلجل ضحكاتك أركان السماء وتقول لي:" يامجنونة.... ينبغي ان تكوني رحيقا تمتصه نحال العشق لتصلي الي أني لي .. وانت كل العطر ؟؟ أي سلم من الشوق أرتقي؟ أي درج من اللهفة اصعد؟ لاجدك؟؟
.... (3) متي تفجأني مواسم القمح بالنضج قبل الشتاء ؟؟ متي سيتفجّر النهر خصبا بلون الفرح ..؟؟
متى يلبس ليلي القمر؟؟
... (4) بحت لك ذات بكاء بان الدموع التي تغرق حرفي لن تكف عن الانهمار ..حتى تعانق ابتسامتك
... (5) حلمت بأنني أستحم في ضوءك .. ذات مدينة فأهديتني شفتيك منشفة
... (6) سافرت في اخضرار ضحكتك وفي ندى صوتك حتى آخر حدود السنابل وارسلت لك بطاقة حب بلون العشب فهل فاح شوقي في بريدك؟؟
Post: #489 Title: Re: ما أحلى ساعات اللقاء... Author: Hussein Mallasi Date: 10-01-2007, 12:42 PM Parent: #488
Post: #490 Title: Re: ما أحلى ساعات اللقاء... Author: mamkouna Date: 10-01-2007, 01:34 PM Parent: #489
Quote: هو الزول بقى على كيفو في حكاية الانضمام دي
لو كنتَ بتعرف أو سمعتَ بإشراق.. و لو كنتَ قريت ليها بتمعن..و ما إستعجلتَ..
كنتَ إنضميت لرغبة الجماهير.. و.. كنتَ خطبت وُدٌها.. و.. كنتَ أيقنتَ إنها من النوع (( العلى كيفو ))..
Post: #492 Title: Re: ما أحلى ساعات اللقاء... Author: abubakr Date: 10-01-2007, 03:56 PM Parent: #1
Quote: كنتَ إنضميت لرغبة الجماهير..
هو في جمهور غيري؟ عموما الف مرحب بيها باسم الجمهور (الهو انا) وزوار المكتبة الفنية يمكن تجي وتشوف لينا حل في "المؤامرة" الحاصلة : يوم ارسال مقطوع ويوم كمبيوترات ضاربة وتمبس غائب وبخرات كترت اليوميين دييل ...
Post: #494 Title: Re: ما أحلى ساعات اللقاء... Author: abubakr Date: 10-01-2007, 07:01 PM Parent: #1
حلقة تسعتاشر عن غناء الشياليين والكورس الذي له تاريخ صار قرنا ( ودالفكي اول من ادخل الكورس في 1908 .. اها يعني تحتفلو بالعيد المئوي السنة الجاية انشاء الله )...
دي بس تصبيرة لانو نظرية المؤامرة شغالة والليلة يوتيوب الان موقفة بعض الوظائف لرفع الفيديو نسبة للصيانة الاسبوعية يمكن تاخد وقت مش عارف بس صبرا صبرا ....
حاشية :1- بتاع الكامير رجع يزاول تصويرو للقفاوات 2- الواحد بقي يلاوز لما يشوف الشباب بيعاينو للتحت يمكن تكون في بخرة والليلة فرفور كان ما بيفرفر وبعاين تحت وهو بيغني وبتاع الكامير ابي ينزلها شوية نشوف البخرة وين ونفس الحركة سواها نادر خضر وانا كنت مشغول بس القي البخرة عشان اطلعم من الفصل ..؟
Post: #495 Title: Re: ما أحلى ساعات اللقاء... Author: mamkouna Date: 10-02-2007, 00:52 AM Parent: #494
الحلقة تسعتاشر :-
* كانت حلقة اليوم عن الغناء الجماعي أو (( الكورَس )).
* ذكر أبو الكلام أن الكورَس بدأ من زمن الغناء الشعبي...و ظهر جلياً في المدائح النبوية...حين يبدأ المادح في مدح الرسول (( عليه أفضل الصلاة و السلام ))..ثم يُردد الزُمٌال أو الشيالين وراءه المدحة..حتى تتحول الحلَقَة كلها إلى مادحين.
* عمنا الشيخ ود الفكي أدخل الكورَس في أغاني الطنبور عام 1908 ..و أغاني الطنبور كما هو معروف..أغاني شعبية.
* إشتهر محمد ود الرضي بِ (( الرميات ))..و أظنها بداية للمدحة..و كان يُدخِل عمل الكورَس في الرميات.. مثلاً..رمية.. سبب نوحي..و سبب دمعي الدوام جاري..جاري!! و غناها بنفسه...عمنا السر قدور...!!!
* بعد كدا تطٌور الدور الكورَسي..فأصبح الكورَس يُشارك في الغناء.. و من أشهر من إعتمد على الكورَس..عمنا سرور.. و من أمثلة ذلك..أغنية..أجلي النظر يا صاحي... و غناها بنفسه..مرة أخرى...عمنا السر قدور..!!!
* أدخل كذلك كرومة الكورَس في أغنية ...من كلمات محمد بشير عتيق.. (( ذُبت وجداً في هواك..يا حبيبي و لم أزل..عايش على سفح الأمل )) غناها لينا...فرفور.
* إنتقل بعد ذلك الكورَس إلى الغناء الحديث...و ظهر جلياً في أعمال الأستاذ محمد وردي.. أختارت المجموعة أغنية (( الليلة يا سمراء )) ذات اللحن الشعبي.. غناها لينا...نادر خضر.
* ذكر أبو الكلام أن من أكتر الفنانين الحديثين الأشركوا الكورَس...الفنان عثمان الشفيع..صاحب أكبر رصيد من أغنيات الكورَس... أختار أبو الكلام أغنية (( أيامنا..يا النسيت أيامنا ))... غنتها لنا...أسرار بابكر.
* أختار أيضاً أغنية سمعناها من أكثر من صوت..عثمان الشفيع... فاطمة الحاج..و..آخرين.. أغنية (( حبيتو ما حبٌاني..إتذكرتوا قام..نساني..ليه...أنا مالي )) غناها لينا...عصام محمد نور.. (( إن شالله خالة الجريفاوي تكون شافتها ))!!!
* ذكر أبو الكلام أن (( صالح عبد السيد أبو صلاح )) هو شيخ مشايخ الأغنية السودانية..و هو عبقري في الشعر و في المدائح النبوية.و أنه من الروٌاد المؤسسين و الأكثر تأثيراً في شكل الأغنية السودانية.
* أختار لأبو صلاح أغنية (( يا سمير بنظرتك أوفي الميعاد ))... التى حكى أبو الكلام أنه كان يطالب بها دائماً الفنان المطرب (( أحمد الفرجوني )). تغنى بها.. و من غير بخرات.. فردتنا..ود البنا!
بره الموضوع :
*على الرغم من أن الحلقة كانت عن(( الكورَس )) و الشيالين و الغناء الجماعي.. لكن كان واضحاً..ملل و زهج الزٌمالين... الظاهر كلام ملاسي صح.. آثار الصيام ظهرت عليهم جميعاً بدون فرز..!!
Post: #496 Title: Re: ما أحلى ساعات اللقاء... Author: ودالعباسية Date: 10-02-2007, 01:07 AM Parent: #495
وين التصاوير ،،،؟؟
حكى ساكت ما بنفع ،،،
Post: #497 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 02:02 AM Parent: #494
يا سمير بي نظرتك او في الميعاد - عاصم والمجموعة
Post: #498 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 02:10 AM Parent: #497
ذبت وجدا و يا سمارة الليلة يا سمرة - فرفور والمجموعة
Post: #500 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 02:11 AM Parent: #498
حبيتو ما حباني - عصام والمجموعة
Post: #505 Title: Re: ما أحلى ساعات اللقاء... Author: abubakr Date: 10-02-2007, 04:22 AM Parent: #494
الحلقة 19
ايامنا الحان وغناء عثمان الشفيع اداء (محاولة) اسرار بابكر (من غير بخرة )
Post: #499 Title: Re: ما أحلى ساعات اللقاء... Author: الزوول Date: 10-02-2007, 02:11 AM Parent: #1
السلام عليكم • تقليد محمد وردي يا نادر خضر – حتى لو في بداياتو مثل الليلة يا سمرة – مغامرة غير محسوبة العواقب ... تنتهي غالباً بالفشل الذريع ، وكذلك عبدالعزيز محمد داؤد ... يا فردتنا. • غنت أسرار بابكر أغنية أيامنا للشفيع .... حركات المد في تلاوة القرآن الكريم يقاس بها الزمن الذي يستغرقه الحرف في النطق به ، استعملت أسرار بابكر في هذه الأغنية اقصى حركات المد وهو الست حركات وهو ما ليس في الأغنية واستعمل الموسيقيون الأربعة حركات وهو قالب الأغنية الأصلي فظهر النشاز جلياً. • الحلقة دي شكلها سجلوها مباشرة بعد هرشة فردتنا الشهيرة .. لأنو فيها كسير تلج تقيل من جانب أبو الكلام لفردتنا .. صديقي أحمد الفرجوني ( شقيق فردتنا) .. ويغنيها ( إبننا) ... وكأنه يعتذر لفردتنا.. • أول مرة الاحظ لجمال البيت ده لأبوصلاح الشجر أقلام جميع .. والنيل مداد *** لو كتب أشواقي ليك .. ما عدّدا • حلقة بايخة
................ وما الناس إلا هالك وأبن هالك *** وذو نسب في الهالكين عريق
Post: #501 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 02:15 AM Parent: #499
الزول يا حبيب
تحية لك وسلام
ايه رايك في اغنية حبيتو واداء عصام
افتكر انها كانت فاكهة الحلقة
ودي واحترامي
Post: #503 Title: Re: ما أحلى ساعات اللقاء... Author: abubakr Date: 10-02-2007, 04:02 AM Parent: #499
Quote: • حلقة بايخة
كويس الجات من المختصيين واهل الراي .. الجماعة دييل كانو صايميين قبل رمضان؟ بختك يا ملاسي اهو تنبؤاتك طلعت صحيحة ...عموما انا ما انتظرت ليوتيوب ترفع الفيديو لاني فقدت الحماس ..وشكرا لود وداعة اهو الواحد لقي ليهو ضهر وطظ يا تمبس الخليتني في الهوا وانت معتل كاميرتك ذي البازوكا ؟؟
Post: #502 Title: Re: ما أحلى ساعات اللقاء... Author: ASIM AL BANNA Date: 10-02-2007, 02:45 AM Parent: #1
الغريبة رقم حظى 7 الاغرب الرقم 5 فردى الصفحة حلفت بالتفتحا مارضت تفتح لى ...
ياممكونة البوست ده بقى كلام اى كلام نرجع لى مرجوعنا
Post: #504 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 04:06 AM Parent: #502
الباشمهندس وحبيبنا الجميل ابوبكر
الشكر لك انت وطوال الشهر المبارك تمتعنا بتسجيلاتك الرائعة
ولولا مجهودك لما سكنّا هنا ونحن نترقب حضورك كل لحظة
ودي لك وتحياتي وشكرا جميلا جمال روحك ومحبتك
Post: #506 Title: Re: ما أحلى ساعات اللقاء... Author: abubakr Date: 10-02-2007, 04:35 AM Parent: #504
Quote: ودي لك وتحياتي وشكرا جميلا جمال روحك ومحبتك
يا ود وداعة ودي اطنان اطنان (اصلو بنتعامل بالطن كتير اها شي اسمنت وشي حديد فمعليش المفروض العربي يكون فيهو مقياس للعواطف ) والله اها لو انت ما رفعت لفردتنا قبل مدة طابخ البوخة ومعتصم الطاهر قام شرح شنو المعني اها انا البربري كنت حاكون متحير لليوم ...
دامت ايامك سعدا
Post: #508 Title: Re: ما أحلى ساعات اللقاء... Author: عبدالله وداعه الامين Date: 10-02-2007, 04:42 AM Parent: #506
تسلم حبيبنا ويديك العافية
بس بيني وبينك والله انا ذاتي لي اليوم متحير
تعرف الكلام لما يكون واضح بريح بس مرات الكلام بكون حمّال
بتشديد الميم وما واضح وجنس دا هو البجيب الكاروشة
نسال الله السلامة وليك الود والسلام
Post: #509 Title: Re: ما أحلى ساعات اللقاء... Author: abubakr Date: 10-02-2007, 04:44 AM Parent: #508
Quote: بتشديد الميم وما واضح وجنس دا هو البجيب الكاروشة
Post: #507 Title: Re: ما أحلى ساعات اللقاء... Author: abubakr Date: 10-02-2007, 04:41 AM Parent: #502
Quote: ياممكونة البوست ده بقى كلام اى كلام
البوست اتنحس من كترة عمايلكم البتزعل ...ياخي بوست اتحمل الصلعات والكاميرات زووم في القفا ولبسات فرفور وبدلة عصام الكروهات والدقيس والتثاؤب (انتو ليه ما نمتو كويس قبل الحلقات يعني بشان العداد من الحفلة الي البرنامج ؟ ) واها ختمتوها ببخرات ... اها قام زرجن يوم ارسال مقطوع ويوم يوتيوب حردان .. اصلو البوست يتحمل شنو واللا شنو ..
Post: #513 Title: Re: ما أحلى ساعات اللقاء... Author: mamkouna Date: 10-02-2007, 12:55 PM Parent: #502
البوست البقى أي كلام... و لا صه يا كنار البقت أي كلام..؟؟؟!!!!!
Post: #510 Title: Re: ما أحلى ساعات اللقاء... Author: الزوول Date: 10-02-2007, 05:18 AM Parent: #1
السلام عليكم كتب أبوبكر
Quote: كويس الجات من المختصيين واهل الراي ..
والله الشهادات دي يا بكري لما تجىء من (الجمهور) ليها طعم خاص أها يا جماعة من يوم الليلة الزوول من المختصين وأهل الرأي حسب استفتاء ( الجمهور) ........... حبيبنا عبدالله وداعة الشاعر الجميل شكراً لك وأنت تدعم مكتبة الفيديو بالجميل والجميل شفت دعوتي ليك للإنضمام لى شلة البوست كانت فوق رأي .. كيف؟ شكراً لك
Quote: الزول يا حبيب
تحية لك وسلام
ايه رايك في اغنية حبيتو واداء عصام
افتكر انها كانت فاكهة الحلقة
عصام محمد نور من أجمل الناس صوتاً وإن كان بصوته بعض الضعف فهو يعرف حدود امكانياته الصوتية وأجمل ما فيه تفرده بمحاولة التطريب التي ينتهجها والخلفية التي دائماً ما يؤديها عندما يغني غيره ( على فكرة حاول اسمع ما خلف الغناء العام وسيدهشك ما يفعله سعد الدين الطيب بالأورغ وزول الأورغ التاني (البيعزف بيده اليمين فقط) ومحمدية واسماعيل بالكمان ... قيل ثم من؟ قال وعصام محمد نور بصوته) وهو من النوع الذي يطرب نفسه أولاً .. ومن ثم المستمعين وليس بمستغرب أن تدعو ( خالة الجريفاوي ) ان شاء الله عصام
ولا نامت عين محمد المرتضى حامد ............................. وما الناس إلا هالك وأبن هالك *** وذو نسب في الهالكين عريق
Post: #526 Title: Re: ما أحلى ساعات اللقاء... Author: abubakr Date: 10-02-2007, 09:00 PM Parent: #510
Quote: ( على فكرة حاول اسمع ما خلف الغناء العام وسيدهشك ما يفعله سعد الدين الطيب بالأورغ وزول الأورغ التاني (البيعزف بيده اليمين فقط) ومحمدية واسماعيل بالكمان ...
يالزوول ...دائما بتاخذنا اصوات الشباب بعيدا عن ابداعات الفرقة الموسيقية لكن احاول ان اتابع ذلك مع كل عازف من الايقاع الي الاورج..يجب ان نفرد لهم مساحات هنا وياليت العارفيين بالموسيقس والالات يدلون بدلوهم .. انا معجب بحساسية محمدية فهو يتابع كل نغمة من كل الة ( هكذا يبدو لي ) وان اختلف صوت الة يلتفت تلقائيا صوب العازف ...
Post: #511 Title: Re: ما أحلى ساعات اللقاء... Author: abubakr Date: 10-02-2007, 05:42 AM Parent: #1
Quote: من يوم الليلة الزوول من المختصين وأهل الرأي حسب استفتاء ( الجمهور)
دي السطوة الادبيةوالثقافية .. بتجي براها من غير انتخابات ولا جمهور.. اجتهادات شخصية .. اها انت ما شايف السر قدور سطوة(هرشات) وصولجان( عكاز الابنوس) من غير استفتاء وانتخابات..
Post: #512 Title: Re: ما أحلى ساعات اللقاء... Author: mamkouna Date: 10-02-2007, 12:44 PM Parent: #1
نجمة الإنجاز لهذا الإسبوع.. goes to................ الأخ الرائع...عبد الله وداعة الأمين.
يا خي بالغت عديييييييييييييييييل كدا..!!!
Post: #514 Title: Re: ما أحلى ساعات اللقاء... Author: Abd-Elrhman sorkati Date: 10-02-2007, 01:15 PM Parent: #1
الاخت ممكونة وضيوفها الكرام لكم التحايا ،،
هذا البرنامج قام فيه شباب المغنيين بحرق أنفسهم تماما . ليس هناك مغني عاقل يقبل أن يطل علي الجمهور لمدة ثلاثون يوما متواصلة , فهذه المدة كفيلة بصنع الملل وكفيلة بأظهار بعض العيوب التي كانت خافية علي الكثير من المعجبين . يبدو واضحا للعيان الارتجال الذي صاحب البرنامج ويبدو ذلك تحديدا عتد الغناء الجماعي ،، برامج المنوعات تتطلب صنعة وليس كل ما سجل يجب أن يبث . الاستاذ السر قدور وجد فرصة ليغني فقد توقف نشاط الرجال لفترة طويلة . لدي حديث طويل حول البرنامج هذا أتمني أن اذكره في وقت آخر .
مودتي .
Post: #515 Title: Re: ما أحلى ساعات اللقاء... Author: mamkouna Date: 10-02-2007, 03:47 PM Parent: #1
مرحب بيك يا أخ سوركتي.. مداخلتك ثرٌة و رأيك على العين و الراس.. .. في إنتظار وعدك بالعودة و كتابة المزيد..
Post: #516 Title: Re: ما أحلى ساعات اللقاء... Author: ودالعباسية Date: 10-02-2007, 06:35 PM Parent: #515
رفه قلبى بى جناح النسايم ،،،
ود وداعة ما قصرته ،،
يا خال ازيك ،،،
اها الكمبيوتر ظبط ولا لسه ،،
خارج النص ،،
انتو ما شفتو ندي القلعة بهناك ،،
Post: #519 Title: Re: ما أحلى ساعات اللقاء... Author: abubakr Date: 10-02-2007, 07:49 PM Parent: #516
Quote: اها الكمبيوتر ظبط ولا لسه ،،
سلام .. حاجة تضبط تجي تانية تلخبط واهو بنعافر ... شايف الرواد كلهم بنزينم خلص وما في تعليقات وناس ابومهيار وفيصل نوبي داقسيين وكتر خير ود وداعة .. وملاسي في حاجات كتيرة مفروض يعلق عليها متا عارف بيفوتا ليه ؟...اما تمبس فالسنة دي باااالغ ؟ انا بس ما عارف هو معتل الكامير ليه طالما ما بيصور ؟؟؟
Post: #517 Title: Re: ما أحلى ساعات اللقاء... Author: abubakr Date: 10-02-2007, 07:14 PM Parent: #1
الحلقة عشرين عن "السامبا " في الغناء السوداني..في انتظار تعليقات المختصيين !! فلي فقط ملاحظات : رغم كل هنات في هذا البرنامج اعدادا الا انه قد جمع حوله الاف منا في الداخل وفي الشتات لعام اخر وعلي مدي شهرين انشاء الله..كثيرون منا ربما لم يعرفو هذا الشباب المشترك في هذا البرنامج الا من خلاله واكتشف فيهم جوانب مشرقة وابداعا رغم ما يكتب تعليقا عن ادائهم ومظهرهم احيانا الا انهم قد جمعونا حولهم واعادو الي مسامعنا ابداعا غنائيا سودانيا يعيش في الوجدان رغم تعاقب السنين عليه ... الاستاذ السر قدور له فضل ان جمعنا ونحن اشتات حول هذا البرنامج وله فضل ان عرفنا بما لم نكن نعرف او اعتبرناه امرا ليس من الضروري ان نعرفه وهو تاريخ لغناء سوداني وشعر غنائي وبهذا البرنامج فهو يستنهض غيره من العارفيين عن هذا الغناء والتاريخ لياتو بما لديهم فالتوثيق الفني والادبي امر حيوي في حياة الشعوب .. ان مقدرته علي ان يجمع كل هذه المعلومات -حتي وتلك التي هي بعض من رؤي شخصية- يستحق عليها الاشادة والتقدير ...
Post: #530 Title: Re: ما أحلى ساعات اللقاء... Author: mamkouna Date: 10-03-2007, 00:39 AM Parent: #517
الحلقة العشرين:-
* إستعرضت حلقة اليوم أهم أغاني (( السامبا )) السودانية. إستهلٌ أبو الكلام الحلقة بذكريات تعود إلى رحلة قام بها إلى لندن بدعوة من الأستاذ محمود صالح مدير مركز عبد الكريم ميرغني للمشاركة في حاجة فنية ما. و في الليلة الختامية لاحظ أبو الكلام أن عجائز الفرح..أو عجائز الإنجليز بينفعلوا جداً في أغنية (( القربو بيحنن..و البعدو بيجنن )) و لما سأل عرف أنهم كانوا في السودان في الخمسينات.
* من أشهر أغاني السامبا..أغنية (( أحبابي يا عينيا أنا..يا روحي أنا..يا قلبي أنا )) قام من النوم مفزوعاً و غناها لينا..نادر خضر.
* ذكر أبو الكلام على لسان الراحل أحمد المصطفى ..أنه تأثر بأغاني السامبا لمحمد عبد الوهاب..الذي إشتهر ببذله لكل مجهود حتى ينوٌع في إيقاعاته. من أهم أغاني السامبا العبد وهابية..يا وابور قولي رايح على فين..أنسى الدنيا..عندما يأتي المساء.
* عزف لينا محمدية..مقطوعة جميلة ل ليلى مراد..!!
* في اللحظة دي دخل علينا ود البنا بسؤال.. هل السامبا المقصودة..اللحن..أم الأغنية أم الإيقاع... و هل أغنية (( وصف الخُنتيلة..وصف تاجوج المافي مثيلها...)) سامبا؟؟؟
غايتو في الرد على سؤال فردتنا..أبو الكلام..دخل ب حمد..و مرق ب خوجلي!!!!
* أكد أبو الكلام أننا ك سودانيين..نملك ثروة هائلة من الإيقاعات المختلفة..لذلك نتقبل كل ما هو جديد..بل و يُصادف أن نملك مثله.
* ذكر أيضاً أن لحن (( دمعة الشوق كُبي )) سامبا..لكنه تحرٌف أو تغيٌر.
* أختار لعبد المنعم حسيب..أغنيته الأشهر.. (( كل ما سألتَ عليك..صدوني حُرٌاسك )) تغنى بها...حمد ود خوجلي!!!
* ذكر أيضاً أن للفنان الراحل عثمان الشفيع و الشاعر ود القرشي..عدة أغنيات على الرومبا..لكن عمل واحدة على السامبا هي (( يا إله فني ))..ثم عاد و عمل مع السر دوليب..(( اللون الخمري ))غنتها لنا...أسرار بابكر.
* ذكر أيضاً أن الفنان الراحل سيد خليفة..فاز في الستينات بلقب (( فنان السودان الأول ))..و أن أغنية (( نانا )) قد تكون سبب فوزه.. غناها لينا..جمال فرفور الشهير ب جمال مصطفى!!! لا حول و لا قوة إلا بالله... في ذمتك يا فرفور... (( نانا )) دي دايرة ليها بخرة؟؟؟!!!
* للكاشف أغاني كتيرة في السامبا..أشهرها أغنية (( المهرجان )) من كلمات عمنا السر قدور شخشياً..!!! غناها لنا...عصام محمد نور. * ذكر أبو الكلام أن الكَسرَة التي إعتاد الكاشف أن يغنيها بعد أغنية المهرجان..هي للشاعر عثمان وقيع الله.
بره الموضوع:
* حكى أبو الكلام قصة أغنية المهرجان - و الحتة دي عجبتني عدييييييييييل كدا - قال إنها قيلت في فتاة من مدارس الأحفاد..كانت تُشارك في رقصة في مهرجان الأحفاد السنوي..و قد طلبت منه نظم قصيدة فيها..و قد كان.. و ذكر أنه قابلته هي و زوجها - بعد سنوات طويلة - في القاهرة..و شكى زوجها من إنها تذكره كل مرة بقولها..في واحد الٌف فيني أغنية..... و أذكر أيضاً أنه قال - في مكان آخر - بأن أغنية (( زي القمر )) قيلت في حسناء طلبت منه كتابة قصيدة فيها..
ما دام الموضوع كدا يا جماعة... عليكم الله كلموا لي السر قدور يكتب فيني أي قصيدة..إنشالله...رثاء أو هجاء.. دايرة أسكت الممكون دا ب أغنية!!
Post: #518 Title: Re: ما أحلى ساعات اللقاء... Author: abubakr Date: 10-02-2007, 07:20 PM Parent: #1
الحلقة 20:
نانا يا نانا الحان وغناء سيد خليفة اداء فرفور
Post: #520 Title: Re: ما أحلى ساعات اللقاء... Author: abubakr Date: 10-02-2007, 07:50 PM Parent: #1
اللون الخمري الحان وغناء عثمان الشفيع اداء اسرار بابكر
Post: #521 Title: Re: ما أحلى ساعات اللقاء... Author: abubakr Date: 10-02-2007, 07:54 PM Parent: #1
كلما سالت عليك الحان وغناء عبدالمنعم حسيب اداء عاصم البنا
Post: #522 Title: Re: ما أحلى ساعات اللقاء... Author: هند محمد Date: 10-02-2007, 08:37 PM Parent: #1
كيف فاتنى كل هذا الآلق والروعة .. !!
بوست توثيقى رائع للدرر من الآغانى السودانية والآصوات الجميلة ..
ممكونة وعمنا اوبكر و شاعرنا القامة عبد الله وداعة وكل المشاركين فى هذا البوست ,,
يديكم ألف عافية هلى هذا المجهود الجميل والواحة البديعة ..
ويسلم احساسكم .. متابعين باستمتاع ..
فوووق للجمال ..
Post: #525 Title: Re: ما أحلى ساعات اللقاء... Author: abubakr Date: 10-02-2007, 08:55 PM Parent: #522
Quote: كيف فاتنى كل هذا الآلق والروعة .. !!
هند الجميلة البنت الحديقة نورتي
Post: #584 Title: Re: ما أحلى ساعات اللقاء... Author: mamkouna Date: 10-04-2007, 11:06 AM Parent: #522
سعيدين بوجودك معانا و متابعتك لينا يا هند محمد كل سنة و إنتي أحلى.
Post: #523 Title: Re: ما أحلى ساعات اللقاء... Author: abubakr Date: 10-02-2007, 08:48 PM Parent: #1
يوم المهرجان مهداء من امين المكتبة (الجمهور) وست البوست والادارة الفنية وكتاب الاعمدة والمعلقيين الفنيين الي الاستاذ السر قدور اطال الله عمره كلمات السر قدور الحان وغناء الكاشف اداء عصام محمد نور
Post: #524 Title: Re: ما أحلى ساعات اللقاء... Author: abubakr Date: 10-02-2007, 08:53 PM Parent: #1
Post: #527 Title: Re: ما أحلى ساعات اللقاء... Author: Moawia Mohammed Date: 10-02-2007, 09:56 PM Parent: #524
Quote: احبابي يا عيني انا الحان وغناء احمد المصطفي اداء نادر خضر
كلمات : اسماعيل خورشيد الحان و أداء : التاج مصطفي
Post: #528 Title: Re: ما أحلى ساعات اللقاء... Author: نجوان Date: 10-02-2007, 10:17 PM Parent: #527
Quote: الاستاذ السر قدور له فضل ان جمعنا ونحن اشتات حول هذا البرنامج وله فضل ان عرفنا بما لم نكن نعرف او اعتبرناه امرا ليس من الضروري ان نعرفه وهو تاريخ لغناء سوداني وشعر غنائي
من أجمل لحظات البرنامج يا باش حين ينطرب الأستاذ السر قدور.. ويهز راسه.. أثناء غناء الشباب..
في خاطري.. بيكون قدور وقتها جائل في شارع الذكريات..
له ولروّادنا التحية والتقدير.. ومتعه بالصحة والعافية..
Post: #529 Title: Re: ما أحلى ساعات اللقاء... Author: محمد المرتضى حامد Date: 10-02-2007, 10:51 PM Parent: #528
Quote: المفروض العربي يكون فيهو مقياس للعواطف
يا باش،
منو القال ليك العربي ما فيهو مقياس للعواطف؟
إنت ما سمعت واحد بيقول البت دي جهجهتني 9 درجات بمقياس ريختر؟ ما شفت واحده بتقول لي واحد أنا مكسّره فيك 5 ألف هيرتز, أو الراجل ده مكجناهو ألف فهرنهايت أو البت دي حارقه قلبي 7 ميجاوات ؟؟
تعرف يا بكري الشباب في السودان عندهم مصطلحات جديده في هذا الإتجاه عرفت منها في العطلة الأخيرة (مقاسات) للعواطف السالب منها والموجب لاداع لإيرادها هنا باعتبارها خارج الموضوع .
يا الزوول.. شوف أنا داير أقول ليك كلام ، أغنية المهرجان للكاشف أداها المحاكم الصوماليه في حلقة اليوم لأنه قدمها بشكل جميل ضمن أخريات في إلبوم كامل لآغنيات الكاشف وأنا مبسوط من الألبوم جدا لكن الطلعه اللي عملا فردتنا في النهايه معاهو خلّت المحاكم ذاتو ينبسط ، دي طلعه زي رحلة الأيربص 380 لندن - ملبورن بدون توقف اللي بغيرو فيها المضيفات في الجو.
Post: #531 Title: Re: ما أحلى ساعات اللقاء... Author: mamkouna Date: 10-03-2007, 00:51 AM Parent: #528
للباشمهندس الأروع..أبو بكر سيد أحمد.. و للحلوة..نجوان.. و لكل مُحبي..الزول الظريف..الرجل الموسوعة.. السر قدور.. في حالة نشوة و فرح..غير عادي.
Post: #542 Title: Re: ما أحلى ساعات اللقاء... Author: abubakr Date: 10-03-2007, 08:21 AM Parent: #528
Quote: من أجمل لحظات البرنامج يا باش حين ينطرب الأستاذ السر قدور.. ويهز راسه.. أثناء غناء الشباب..
في حلقة البارحة والشباب يشدون برائعة الكاشف "المهرجان" وهي من كلماته اطرق مليا ولم يستجب اطلاقا لمحاولات فردتنا وعاصم في ان يشاركهم الشدو ..اكيد عادت به السنين الي ايام وذكريات لها صدي عميق لديه ففضل ان يستمع الي شدو الشباب كخلفية تصاحب شريط ذكرياته....
Post: #535 Title: Re: ما أحلى ساعات اللقاء... Author: abubakr Date: 10-03-2007, 03:50 AM Parent: #527
Post: #544 Title: Re: ما أحلى ساعات اللقاء... Author: Moawia Mohammed Date: 10-03-2007, 02:44 PM Parent: #535
أنا عارفو بكون خطأ مطبعي بس حبينا نشاغلك شويه يديك العافية وتسلم يا هندسة
Post: #545 Title: Re: ما أحلى ساعات اللقاء... Author: abubakr Date: 10-03-2007, 02:54 PM Parent: #544
Quote: أنا عارفو بكون خطأ مطبعي بس حبينا نشاغلك شويه يديك العافية وتسلم يا هندسة
ياعزيزي وانا لاقي واحد يصلح اخطائي او ينبهني ليها ..؟
Post: #532 Title: Re: ما أحلى ساعات اللقاء... Author: ASIM AL BANNA Date: 10-03-2007, 01:59 AM Parent: #1
والله يامرتضى يافردة الله يديك العافيا تعرف تعليقك ده زاتو من ضمن المقاييس اللقيتا فى الاجازة الاخيرة عندنا بى مضيفاتو ..... يازول انت ماكنت كوييييس معانا الليلة مالك سمعتو ولا جابو ليكم ؟؟؟؟ رايك فوق راسنا برضو نحنا خواجات من ود البنا .... بعدين يا ممكونة السودان ده فيهو ابو الكلامات كوتار بس الدنيا ضيقة والحلقة برضو 25 دقيقة على 5 اغانى وخمس فنانين وابو الكلام يعنى (ابو الشهيق ).... ومرتضى قاليك فى فمه ماااااااء .... كل مرة جايبين لينا هرشة .... اكتر ناس بشاهدو البرنامج ده دايما بلقى تعليقاتهم منصبة على المغنيين ... ياربى ليه؟؟ هل هى واقصد الحلقات خاصة بالفنانين ام المعلومة التى يقدمها السر قدور ولنا فيها اجر المناولة وكان قلنا بغم نتهرش من قدور والاخرين برضو .... جمال هذه الحلقات داخل معلومات اغنياتها وتكلم هذا الرجل بمالم يقله مالك فى الخمر محاولا ان يلفت نظر السادة المشاهدين الى جمال مثل هذه الاغانى والاغانى معبرا عن خلودها فى ترديدها من جيل الشباب اذا جاز التعبير .. ولكن نحن نظل فى السودان نبحث عن السالب حتى يختفى الموجب ... وهل مر على الاذهان لماذا كل هذه المشاهدة العالية لهذا البرنامج رغم بعض الاراء السالبة من البعض ..؟؟؟ دليل على نجاحة وعلى كل.. راى من رايك اخى سوركتى فى تاريخ اخر حلقة تم تسجيلها لبرنامج اغانى واغانى اعلنت شخصيا للقائمين عليه بانها اخر مشاركة لى فى البرنامج واصررت على القائمين عليه بالحاح شديد ان تكون الحلقة الاخيرة كما سوف تراها توديعا منى للبرنامج ... واسبابى ليست كما وضحتها فى مداخلتك الكريمة ولكن بعض منها. هناك فى واقع الامر لاتجد تقديرا من الاخرين يدعم ماتقوم به وذلك بسبب عدم تركيزهم على جوهر الامر .... بل فى اطرافة من مالا يضيف او ينقص شىء من فحواه ... ولعلى استطيع ان اجزم كمستمع بان الاستاذ السر احمد قدور كان حريصا على تلميع بعض الاغانى المندثرة باسلوبه العبقرى حتى لا تضيع بين اكوام راجل المرا وغيرها من اللغاويس البتحصل (اصحو ياناس) الامر اكبر من ذلك بكثير ... وارتضينا نحن ان نكون مقلدين للاخرين بعد ان كونا اسماء لنا فى خارطة الاغنية الحاضرة اذا سمح لى البعض ان نؤدى اغانى الغير علنا اجلالا وتقديرا وتكريما لهم حيث ابدعو وضاع بعضهم هباء ... وليس على نادر خضر ان يكون محمد مسكين او ود المقرن او عاصم يكون فلاح او الخ بل كما قال استاذنا وردى لنا اجر المناولة فيها ... ولكن ليس هناك عيب فى كونى لم اقدمها بنفس طريقة فلان ... والسبب لانى فلان ولى احساسى وطريقتى واسلوبى الذى جعلنى فلان .
وددت اخوتى ان اناقش معكم شىء يجول فى خاطرى وانا استمع الى نقد الاخوة فى الشارع السودانى الذى لم يتفق ابدا على انه كان لابد ان يخلو هذا البرنامج من فلان وكل واحدا منهم كان يعطينى اسم مختلف عن الاخر مما يؤكد اننا لا ننتبه الى ان حب الناس مذاهب وهذا السبب الذى جعل هذا البرنامج يضم 5 فنانين واعتقد ان هذا سبب يجعل فرفور ياتى بمشاهديه وعصام يقبقب ناس الزول يجبهم معاهو وكذلك اختنا الراقية اسرار ونادر وايضا ابو الكلام له ثلاث قواد جماهيريةليست بالقليلة شعرية ومسرحية وبرامجية جعلت منه ابو الكلام بحق وحقيقة ... اقف اجلالا لهذا الرجل القامة الفنية التى مادامت قائمة بيننا وانه واحدا من الشخصيات القليلة جدا والتى تعلمت خبايا الفن السودانى (بيان بالعمل ) مانظريات فى الكتب وله الحق فى ان نمنحه اجر المناولة بدلا عن تجد منه الصحف فى السودان عناوين عريضة قاسية حد القسوة لمجرد اختلاف فى الراى بين فلان وبينه او لكونه واحدا يفتح موضوع وفى لغة الصحافة هاجمتا ليك فلان ..؟؟؟؟ ولماذا ؟؟؟ الهجوم بدلا عن التحليل الموضوعى المبنى على اساس الحقائق (؟؟؟؟) .
معليش ياممكونة هى خاطرة فى داخلى وبحت بها (ماغسانى) عدم موضعيتنا رغم انى احفظ حقوق الجميع فى التعبير عن رايهم بان فلان وتقديرهم لادائه على ان لا يكون حكم عليه بشىء الامن متخصصون ... بغض النظر عن مشاركتى بالبرنامج ولكنى دما اتجرد من هذه الصفة وانا اشاهد واقول لى ممكونتى فى البيت ( الحلقة دى بايخة او جميلة)مثلى مثلكم تماما ... ولكن اذا رجعت الى الشارع تجد التعليق ليس على الجوهر وانما على اشياء ليس لها صلة بهدف البرنامج التاريخى حتى وان اخطأ السر قدور فى معلومة او اخرى اخوتى فما قدمه استاذنا فى هذا البرنامج حسب قول الباش مهندس اخى ابوبكر اسعف فيه الكثير من الاغنيات التى كادت تموت بسبب تاخير بثها وتكدسها فى علب المكتبات وما لم يذكر ايضا ان السر قدور هو السر قدور لا يحتاج الى هذا البرنامج ليكون غير ذلك يكفى انه قدم لنا يوم المهرجان وقوليهو والشوق والريد وياحبيبى نحن اتلاقينا مرة والكثير من شعرة يكفى لاحترامه .... ولكنها لفتة بارعة منه ان يتحدث 60 يوما عن ابداع الاخرين .... ويؤسفنى ان لايقدر مثل هذا العمل اعلاميا ....
الاجدر بالذكر اخوتى ان البرنامج اصبح مسؤلية جماعية ليس لمن يقدمونه فقط بل للجميع مثل هذه الاغانى ظلت فى وجدان الشعب السودانى وانقطاع تواصل الاجيال فى الفترة السابقة جعل هناك فجوة عميقة جدا لابد من ردمها وهذه مسؤلية الجميع ومن لم يستطع فبقلبه فقط ... اما ابنائى (فكان ندائهم كما يلى(يا بابا السر قعور جا اجرى )) وكفى .... يكفينى ان يكون احمد عاصم من متابعى السر قعور بدلا من عاصم البنا وهذا المطلوب ويكفينى ان ارى اخوته يرددون مع اسرار لاقيتو باسم ويكفينى فخرا ان ارى اضعف الايمان ان الاطفال يستمعون الى ابجديات الغناء من قامة مثل استاذنا الذى نسبنا اليه صحفيا فى بعض المقالات ب (استاذ وتلاميذ) وكما قال عبيد عبدالرحمن فى رحله فى طيارة (يابختنا) به .... ,ولا يفوت البعض باننا كنا ندرك الكثير من السلبيات فى هذا البرنامج وده الجاب الهرشات ولكن اختلاف الراى لايفسد للود قضية ..... احيانا يعطى الحكم الاعب سماحة للضربة الحرة (للصالح) العام ... فلاباس بها وهى يمكن تجاوزها ان كانت تخدم قضية.
احبتى اسف على اطالتى فى الامر ولكن ثقتى فيكم جعلتنى واحد من اعضاء بطن بيت ممكونة ده . وودت ان افرغ مابداخلى فى بطن بيتنا فهلا عذرتموننى ؟؟ وتقبلتم
مودتى فردتكم
Post: #533 Title: Re: ما أحلى ساعات اللقاء... Author: الزوول Date: 10-03-2007, 03:12 AM Parent: #532
السلام عليكم الأخ عاصم البنا (موش فردتنا ، وده دليل على جدية الكلام الجايي) أظن أن هنالك سوء فهم عميق قد حدث هنا وأظنك فهمت مداعباتنا بغير ما أردنا بها يا أخي عاصم لو تعرف كم أحب هذا الرجل الموسوعة الأستاذ السر قدور ، ولو تدري كم أحب هؤلاء الشباب الرائعين وهذه الفرقة الموسيقية الذهبية لو تدري كم نحب هذا البرنامج الرائع لما قلت ما قلت.. تقريباً اخذ هذا البرنامج معظم وقتنا في رمضان وحرصنا الشديد على حضوره وتسجيله ثم اعادة حضوره بتركيز أكبر لنقوم بتلخيص ما دار فيه ثم تسجيل أغانيه ورفعها للنت حتى يتمكن من ليس لديه النيل الأزرق من متابعته ، هذا ليس فيه مجاملة بل هو حباً في البرنامج ومقدميه.. ربما إحتفائنا به زاد عن اللزوم وارتباطنا به ولّد لدينا الاحساس بأننا جزء منه ولنا حق النقد الذي نراه صريحاً وتحسبه جارحاً.. لا أدري عما يدور في الصحافة السودانية عن هذا البرنامج ، ولكني أحسب اننا بمتابعتنا اللصيقة بالبرنامج قد أضفنا له بعداً آخر ايجابياً وسط رواد المنبر.. في الصفحة الرابعة لهذا البوست رأيت نقداً جارحاً نقله الأخ الخواض عن احدى الصحف أو المواقع الالكترونية ، وقد أعددت رداً لهذا النقد ولكني لم أرد افساد صفحات هذا المكان بهذا الرد وربما سأنزله مع نهاية الحلقات. هذا انطباعات سريعة أحببت أن اسوقها لك وسأعود تفصلياً فيما بعد
................ وما الناس إلا هالك وأبن هالك *** وذو نسب في الهالكين عريق
Post: #534 Title: Re: ما أحلى ساعات اللقاء... Author: ASIM AL BANNA Date: 10-03-2007, 03:40 AM Parent: #1
زولى ... لايفوتك انى اتحدث بصفة عامة وليس عن بطن بيتنا لانى واحد من ناس البيت ده ولكن من كثرة المجموعات التى التقيت بها لمست ماقلتهة. قد يخوننى التعبير ولكن هى الحقيقة ولا اعنى مانقوم نحن به هنا فى بطن بيتنا لانى دعوت الكثيرين من خارج السودان لمتابعة ما احلى ساعات اللقاء من خلال نقلكم وهم ليسو با اعضاء حتى يعبرو عن شكرهم وان اشكركم نيابة عنهم واصالة عن نفسى لاسهامكم فى نقل ما تحدثت عن حتى خارج نطاق البث. وحاليا معى صديق من امريكا يشاهد ويشكر فيكم ... تابع اراء الاخرين خارج البوست وسف تجد الكثيرين امثال الصفحة التى تحدثت عنا انت سابقا . يعنى يازول اجيب ليك السر قدور يهرشك حتى تفهمنى ولا شنو ... انت قايل هرشونى ليه ما نطه زى حقتك دى .
Post: #536 Title: Re: ما أحلى ساعات اللقاء... Author: الزوول Date: 10-03-2007, 04:16 AM Parent: #534
السلام عليكم
Quote: يعنى يازول اجيب ليك السر قدور يهرشك حتى تفهمنى ولا شنو ... انت قايل هرشونى ليه ما نطه زى حقتك دى .
أها تاني رجعنا تعرف يا فردتنا بمناسبة الهرشة دي كل ما تتكلم – زي حلقة امبارح – أخت ايدي في قلبي الله يستر من الهرشة ... الله يستر من الهرشة ولما يعدي الموضوع بسلام .... اشيل نَفَسي وأختو... الحمد لله هرشتكم هرشتنا ............................. وما الناس إلا هالك وأبن هالك *** وذو نسب في الهالكين عريق
Post: #537 Title: Re: ما أحلى ساعات اللقاء... Author: abubakr Date: 10-03-2007, 04:48 AM Parent: #1
يا عاصم ...لاكون منصفا .. انا والان اطرق باب الستيين لم يكن لي يوما ما فنان معين او اغنية معينة او نوع من الاغاني السودانية المعينة فلذا استماعي للاغاني نادر وفق حياه اعيشها مغتربا منذ اكثر من ثلاث عقود وبعد عن اجتماعيات وحفلات ووجودي مع جيل هن بناتي وولدي ليس لهم في اغانينا بحكم نشاة وظروف كثير او قليل .. وانا وبحكم نوبيتي ان بلغ بي الوجد مبلغا ابحث عن اغانينا النوبية وكلها حنين وبكاء عن ارض ذهبت استقوي بها وانعش بها ذاكرة تاكلها كل يوم مسئوليات حياة وعمل وامراض الزمن ... عشت ايام طفولتي وصباي وايام ان كنت طالبا وخريج جديدا استمتع ببعض الفنانيين والشعراء وكان السر قدور احدهم واغاني الحقيبة اسمعها باصوات جيلها الاصلي ام ما تلي من فرجوني وعوض الكريم وترباس وعشقت يوما اصوات حسن عطية وابوداود والكاشف ويوما ابوعركي ومصطفي سيداحمد وكان خليل اسماعيل صوتا لا امل السماع اليه والجابري ولا اقول وردي فلقد ارتبط عندي باشياء كثيرة غير الغناء وابوللمين صوتا لجيلنا والذي سبقنا وفي زمان اول ابراهيم عوض وعثمان حسين واسماء كثيرة كنت استمع اليها من مذياع بيتنا احيانا فوالدي كان شيخا للتيجانية فكان المذياع لللاخبار اساسا ... ياعزيزي بعدت المسافة بيني والغناء والشعر السوداني حتي اثار انتباهي بوست هنا لابن استاذي الاخ حسين ملاسي العام الماضي فكان مدخلا لي لا ن اتابع هذا البرنامج الذي استهواني فيه امران احدهما اهتمامي بكل ما هو في تاريخ السودان باعراقه واثنياته وثقافاته وعماراته وغنائه فوجدت في الاستاذ السر قدور مصدرا محببا لرجل موسوعة وصاحب مهن كثيرة عصامي احب الحياة وكابد في مجالات كثيرة ترك فيها بصمات واضحة ولم تهزمه السنيين ولا تبدل الايام ولا غربة طالت به ابعدته عن واقع وبيئة ومكان صنع فيه ابداعاته -نجاحاته وحتي فشله احيانا- .. احيي في السر قدور اشياء كثيرة يبدو انها كانت في وجداني لم تهزمها غربة ولا حياة جافةوجددت في الذاكرة ولها لارض وبلد وناس .. سرد فيه اسلوب الحكاوي وسرد معلم التاريخ في مدارسنا سابقا وكتاب الصفحات الفنية في زمان بعيد .. سرد من ذاكرة رجل سبعيني اصر علي ان تبقي ذاكرته رغم السنين تحمل اثقالا من حب لمحتوي ما تحمل فبقيت ليسعف بها ذاكرتنا ...جمعنا هذا الرجل بحكاوييه وسرده لتاريخ وباسلوبه وبكونه احد كتاب ذلك التاريخ فتابعته بشوق ولهفة وازدادت معرفتي وجدد بعض قليل كان في الذاكرة ... هؤلاء الشباب هم الاضافة المطلوبة لمثل هذا برنامج واحي فيهم شجاعة ان يبقو لمدة ستيين حلقة( كافية كما قال سوركتي وهو متخصص في احد نواحي الاعلام المرئي بان يحرقهم "اي يذهب من لمعانهم " ) ومن خلال فضائية وشبكات اليكترونية جعلت اعداد مستمعيهم ومشاهديهم الاف كثيرة .. شجاعة في الجلوس مع السر قدور كل هذه الايام .. رغم فارق في العمر والتجربة والمعرفة والاسهام فكانو في مواقف كثيرة سندا وانت اكثرهم له وللبرنامج ولا اتخيل احدا غير الخمسة في البرنامج فلقد تشكل البرنامج في وجداني بهؤلاء الخمسة والسر قدور ...لم ياتي منافس اخر للسر قدور او للشباب لاقارن وما تعليقاتي الا اضافة لمزاح ولا يمكن ان يتعدي ذلك.. رغم طبيعة عمل وحياة فانني التزمت التزاما بان اكون متواجدا مهما كان الظرف ساعة بث هذا البرنامج ولم يحدث في عمري ان التزمت بمشاهدة اية برنامج اذاعي او تلفزيوني من قبل .... النظر الي عدد رواد هذا البوست في ثلاث اسابيع يعطييك مؤشرا لما وجده هذا البرنامج من قبول وما اللنقد والكتابات في الصحف عنه الا اضافة لنجاحاته ونجاح السر قدور واسرار بابكر ونادر خضر وفرفور وعصام محمد نور وعاصم البنا رغم انهم كما اعلم لهم نجاحاتهم الخاصة ..
يا عاصم انا ممتن لك وللشباب ولاستاذنا السر قدور بانكم فتحتم لي في غربتي التي طالت نافذة اخري لبلادي في وجداني . نافذه بقيت مغلقة او تفتح احيانا عرضا في زحمة عمل وحياة وبعاد... انا شاكر للصديقة العزيزة ممكونة التي اتاحت لنا هذا التجمع وتعلمت منها كثيرا في هذا المجال ولملاسي الذي ابتدره العام الماضي ولصديقي المرتضي الذي اتعلم منه كل يوم بعض من اشياء في وصف اشياء جهلي فيها كثير وللزوول الناقد العارف وودالعباسية وابو مهيار ونوبي والعزيزة نجوان العارفة كذ1لك بنواح كثيرة اتعلم منهاوشاعرنا ود وداعة الذي اسعفني باسهاماته وكلماته وتمبس الهارب وكل من كتب حرفا في هذا البوست فانا شغوف بالمعرفة وكل من اضاف شيئا لها اكون ممتنا له العمر كله ....
مرة اخري يافردتنا مهما قيل سلبا فذلك لا يمثل شيئا امام اسهام لكم جميعا في اثراء سماء بلادنا شدوا ...
يديكم العافية
ابوبكر
Post: #538 Title: Re: ما أحلى ساعات اللقاء... Author: الزوول Date: 10-03-2007, 05:25 AM Parent: #537
السلام عليكم
Quote: يا عصام ...لاكون منصفا .. انا والان اطرق باب الستيين لم يكن لي يوما ما فنان معين او اغنية معينة او نوع من الاغاني السودانية المعينة فلذا استماعي للاغاني نادر وفق حياه اعيشها مغتربا منذ اكثر من ثلاث عقود وبعد عن اجتماعيات وحفلات ووجودي مع جيل هن بناتي وولدي ليس لهم في اغانينا بحكم نشاة وظروف كثير او قليل .. وانا وبحكم نوبيتي ان بلغ بي الوجد مبلغا ابحث عن اغانينا النوبية وكلها حنين وبكاء عن ارض ذهبت استقوي بها وانعش بها ذاكرة تاكلها كل يوم مسئوليات حياة وعمل وامراض الزمن ... عشت ايام طفولتي وصباي وايام ان كنت طالبا وخريج جديدا استمتع ببعض الفنانيين والشعراء وكان السر قدور احدهم واغاني الحقيبة اسمعها باصوات جيلها الاصلي ام ما تلي من فرجوني وعوض الكريم وترباس وعشقت يوما اصوات حسن عطية وابوداود والكاشف ويوما ابوعركي ومصطفي سيداحمد وكان خليل اسماعيل صوتا لا امل السماع اليه والجابري ولا اقول وردي فلقد ارتبط عندي باشياء كثيرة غير الغناء وابوللمين صوتا لجيلنا والذي سبقنا وفي زمان اول ابراهيم عوض وعثمان حسين واسماء كثيرة كنت استمع اليها من مذياع بيتنا احيانا فوالدي كان شيخا للتيجانية فكان المذياع لللاخبار اساسا ... ياعزيزي بعدت المسافة بيني والغناء والشعر السوداني حتي اثار انتباهي بوست هنا لابن استاذي الاخ حسين ملاسي العام الماضي فكان مدخلا لي لا ن اتابع هذا البرنامج الذي استهواني فيه امران احدهما اهتمامي بكل ما هو في تاريخ السودان باعراقه واثنياته وثقافاته وعماراته وغنائه فوجدت في الاستاذ السر قدور مصدرا محببا لرجل موسوعة وصاحب مهن كثيرة عصامي احب الحياة وكابد في مجالات كثيرة ترك فيها بصمات واضحة ولم تهزمه السنيين ولا تبدل الايام ولا غربة طالت به ابعدته عن واقع وبيئة ومكان صنع فيه ابداعاته -نجاحاته وحتي فشله احيانا- .. احيي في السر قدور اشياء كثيرة يبدو انها كانت في وجداني لم تهزمها غربة ولا حياة جافةوجددت في الذاكرة ولها لارض وبلد وناس .. سرد فيه اسلوب الحكاوي وسرد معلم التاريخ في مدارسنا سابقا وكتاب الصفحات الفنية في زمان بعيد .. سرد من ذاكرة رجل سبعيني اصر علي ان تبقي ذاكرته رغم السنين تحمل اثقالا من حب لمحتوي ما تحمل فبقيت ليسعف بها ذاكرتنا ...جمعنا هذا الرجل بحكاوييه وسرده لتاريخ وباسلوبه وبكونه احد كتاب ذلك التاريخ فتابعته بشوق ولهفة وازدادت معرفتي وجدد بعض قليل كان في الذاكرة ... هؤلاء الشباب هم الاضافة المطلوبة لمثل هذا برنامج واحي فيهم شجاعة ان يبقو لمدة ستيين حلقة( كافية كما قال سوركتي وهو متخصص في احد نواحي الاعلام المرئي بان يحرقهم "اي يذهب من لمعانهم " ) ومن خلال فضائية وشبكات اليكترونية جعلت اعداد مستمعيهم ومشاهديهم الاف كثيرة .. شجاعة في الجلوس مع السر قدور كل هذه الايام .. رغم فارق في العمر والتجربة والمعرفة والاسهام فكانو في مواقف كثيرة سندا وانت اكثرهم له وللبرنامج ولا اتخيل احدا غير الخمسة في البرنامج فلقد تشكل البرنامج في وجداني بهؤلاء الخمسة والسر قدور ...لم ياتي منافس اخر للسر قدور او للشباب لاقارن وما تعليقاتي الا اضافة لمزاح ولا يمكن ان يتعدي ذلك.. رغم طبيعة عمل وحياة فانني التزمت التزاما بان اكون متواجدا مهما كان الظرف ساعة بث هذا البرنامج ولم يحدث في عمري ان التزمت بمشاهدة اية برنامج اذاعي او تلفزيوني من قبل .... النظر الي عدد رواد هذا البوست في ثلاث اسابيع يعطييك مؤشرا لما وجده هذا البرنامج من قبول وما اللنقد والكتابات في الصحف عنه الا اضافة لنجاحاته ونجاح السر قدور واسرار بابكر ونادر خضر وفرفور وعصام محمد نور وعاصم البنا رغم انهم كما اعلم لهم نجاحاتهم الخاصة ..
يا عاصم انا ممتن لك وللشباب ولاستاذنا السر قدور بانكم فتحتم لي في غربتي التي طالت نافذة اخري لبلادي في وجداني . نافذه بقيت مغلقة او تفتح احيانا عرضا في زحمة عمل وحياة وبعاد... انا شاكر للصديقة العزيزة ممكونة التي اتاحت لنا هذا التجمع وتعلمت منها كثيرا في هذا المجال ولملاسي الذي ابتدره العام الماضي ولصديقي المرتضي الذي اتعلم منه كل يوم بعض من اشياء في وصف اشياء جهلي فيها كثير وللزوول الناقد العارف وودالعباسية وابو مهيار ونوبي والعزيزة نجوان العارفة كذ1لك بنواح كثيرة اتعلم منهاوشاعرنا ود وداعة الذي اسعفني باسهاماته وكلماته وتمبس الهارب وكل من كتب حرفا في هذا البوست فانا شغوف بالمعرفة وكل من اضاف شيئا لها اكون ممتنا له العمر كله ....
مرة اخري يافردتنا مهما قيل سلبا فذلك لا يمثل شيئا اما اسهام لكم جميعا في اثراء سماء بلادنا شدوا ...
يديكم العافية
ابوبكر
الأخ أبوبكر لم استطع أن اقتطع من مداخلتك هذه الضافية شيئاً فأتيت بها كما هي لأنها تعبر عما يدور بخلدي والذي وعدت الأخ عاصم البنا بالعودة اليه وإن كان لي أن أركز على جزء فهذا النقطة
Quote: وما تعليقاتي الا اضافة لمزاح ولا يمكن ان يتعدي ذلك.. رغم طبيعة عمل وحياة فانني التزمت التزاما بان اكون متواجدا مهما كان الظرف ساعة بث هذا البرنامج ولم يحدث في عمري ان التزمت بمشاهدة اية برنامج اذاعي او تلفزيوني من قبل ....
وأخيراً .... إن لم يكن لهذا البرنامج الا فضل معرفتك وباقي أخوة البوست لكان هذا كافياً شكراً لك ............................. وما الناس إلا هالك وأبن هالك *** وذو نسب في الهالكين عريق
Post: #539 Title: Re: ما أحلى ساعات اللقاء... Author: نجوان Date: 10-03-2007, 08:03 AM Parent: #538
باشمهندس أبوبكر والزوول.. خلال مسار هذا الخيط .. (وخصوصا المداخلات الأواخر منه) والله أظنكم قد تحدثتوا بألسنة الكثيرين .. (أعلم تماما أنكم قد تحدثتم بلساني).. فكفيتوا ووفيتوا..
بديهي أن التطرف في النقد (سالبا كان أن موجبا) لا يخدم كثيرا.. ما تبقّى (وهو الغالب الأعم).. لابد وان يتضمّن ما يفيد البرنامج والمشاركين فيه..
الأستاذ قدور رمز من رموزنا الثقافية.. في بلد لا تعبأ كثيرا بتقدير روادها.. ناهيك عن رد الجميل.. محتوى الحلقات كان فنّا أصيلا وتاريخ .. لجزء من ثقافة بلد في زمن صعب وغير متعاون..
الفريق الموسيقي أثرى بوجوده أمسيات رمضان فهؤلاء الموسيقيون نشأنا على أنغامهم (تظل الكمنجة مرتبطة بالأستاذ محمدية ورفاقه .. في خاطر ووجدان الكثيرين )..
الشباب الفنانين.. (عصام.. عاصم.. أسرار..جمال.. ونادر).. على تنوّعهم .. متميّزين.. كل بطريقته الخاصة.. لا شك أن هذا البرنامج highlight رئيسي في حياتهم الفنيّة.. قرّبنا منهم وعرّفنا بهم أكثر.. إستقبلناهم في بطن بيوتنا كل مساء .. وأحببناهم.. أتمنّى أن يأخذوا منه ما يفيدهم ويفيد الفن في بلادي..
هذا برنامج دسم وfirst class لا يشبه هذا الزمن في شئ.. (ولا يمت بصلة لبقية البرامج) ممتنة أنا للأخت ممكونة.. ولجميع المشاركين ممن وقّعوا بكلماتهم.. ولم يبخلوا بوقتهم ومهاراتهم في تنزيل الأغنيات.. حتى تصل للبعيد والقريب..
سأفتقد أغاني وأغاني.. رغم عدم مواظبتي في المتابعة.. وكما قال الباشمهندس أبوبكر.. تعلمنا الكثير خلال هذه الأسابيع من البرنامج.. ومن أرائكم المطروحة في هذا البوست.. كل دقيقة.. هنا وهناك.. لم تكن خسارة أبدا..
الشكر ليكم جميعا.. وكل سنة وانتم بخير..
Post: #541 Title: Re: ما أحلى ساعات اللقاء... Author: abubakr Date: 10-03-2007, 08:15 AM Parent: #538
Quote: إن لم يكن لهذا البرنامج الا فضل معرفتك وباقي أخوة البوست لكان هذا كافياً
وهذا هو لسان حالي كذلك
لك مودتي الزوول( وقيل ان للزول 18 تعريفا في اللغة العربية وكلها من محاسن اللفظ والمعني )
Post: #540 Title: Re: ما أحلى ساعات اللقاء... Author: abubakr Date: 10-03-2007, 08:12 AM Parent: #1
نجوان
هذه اضافة واعية متزنة امينة لك مودتي وكل عام والجميع بخير
Post: #543 Title: Re: ما أحلى ساعات اللقاء... Author: محمد المرتضى حامد Date: 10-03-2007, 09:22 AM Parent: #540
الأخت نجوان،
أتفق مع جل ما ورد في مداخلتك الأخيرة وهي بحق مؤثرة،
حول الجزئية الخاصة بالتطرف في المدح والقدح أود أن أشير إلى أنني من الذين مارسوا هذا النوع من
الإدلاء (بالرأي) الفطري فأنا لا أفهم في النقد الفني ، ولكن لم يتعد ذلك مناكفة بعض الأحباب هنا
وبود في ظل إحترام للأستاذ قدور الذي عرفته في طفولتي وهو صديق لعدد من أفراد الأسرة الذين أسهموا
في العمل الإذاعي عندما كانت الإذاعة إذاعة وكنا أطفالا نشارك في برامجها معهم ، وعطاء قامة كقدور
لاينكره سوى جاحد فقد أثرى الفن والشعر والأدب والدراما وهو أرشيف وموسوعة متحركة أطال الله عمره
ومتعه بالصحة والعافية، أما الشباب الذين شاركوا بالأداء فرغم تعليقاتي علي أدائهم فهم من
القليلين من جيلهم الذين نستمع إليهم ولا أكذب عليك إن قلت لك إنني أحتفظ بأعمال لفرفور ونادر
وعصام وللأسف ليس لي شئ من انتاج اسرار بابكر باعتبارها جديدة ولم أرها سوى العام الماضي في ذات
البرنامج ، إلا أنني أقولها بصدق انني كالكثيرين من أبناء جيلي صُمَت أذاننا عن الجديد ولو لم يغني
هؤلاء الشباب الأغاني السابقة ل 1989 لما سمعناهم بل إنني لا أطرب لمعظم هؤلاء الشباب إلا عند تأديتهم
للأغاني القديمة وأكون كاذبا إن قلت أنني أعرف اي أغنية خاصة بأي واحد منهم باستثناء عاصم ، وأظن
أن ذلك مرجعه إلى ارتباط الأغنيه ، الى حد كبير ، بأزمنه وأمكنه وذكريات كوّنت وجداننا إضافة الى
أسباب أخرى لا أرى أن المجال يتسع لذكرها والكثيرين ممن هم في أربعينيات العمر إذا اقتنوا إلبوما
لأحد الشباب فهم لايستمعون إلا للأغنيات التي ترسبت في خلاياهم منذ زمن بعيد وكان الإستثناء ، في
حالتي ، عقد الجلاد في (بعض) إنتاجهم.
تعرفي يا نجوى البوست هذا الذي افترعته الأخت الجميله المثقفه ممكونه بالنسبة للكثيرين منا هو
بعض من عبق رمضان والحاله النفسيه الروحيه mystical التي يتركها فينا الشهر الفضيل وهذا البوست
استمرار جميل لبوست العام الماضي (أبو الكلام) الذي بادر به صديقي حسين ملاسي ، ولعلك بمراجعة بوست
ملاسي ستعرفين أن المدح والقدح هنا لم يكن مقصودا لذاته ولكن لأجل الطقس الخاص بالبوست نفسه أما
(النقد) فنتركه لأهل الفن والعلم وأهل مكه أدرى بشعابها لكن ما أعرفه جيدا جدا أنني سأفتقد هذه
المساحة وكل من شارك فيها بعد انقضاء الشهر الفضيل الذي أتمنى أن يعود عليكم وعلى السودان كله
وهو أرفع وأجمل.
بس لكن جلابية فرفور المشخته زغللتني وطريقة ساره في الغنا قوّمت نَفَسي والمخرج الشغال (قفا) على
قفا من يشيل هلك بعيري والبصبصه من البخرات جهجهتني ، يا نجوى السر ذاتو أول امبارح كان عندو
بخره توصف لإنعاش الذاكرة اسمها (الفكي قدور).
لك مودتي ولكل الأحباب الذين شاركوا في هذا البوست الواحه .
Post: #578 Title: Re: ما أحلى ساعات اللقاء... Author: نجوان Date: 10-04-2007, 06:49 AM Parent: #543
والله يا محمد المرتضى.. لست وحدك كلنا نتطرّف أحيانا في النقد.. (اعلم انه ليس بمبرر )..
لكن غالبا بيكون من غيرتنا على فنّنا والذي نراه يتسرّب من بين اصابعنا شوية كل يوم..
وبعض من نقدنا نابع من الأمل .. والعشم في خلق واقع مختلف.. (أو حتى العودة لأزمان جميلة..)..
وبعضه يصبغه الإحباط العام في بلد لا تسرّنا أمورها..
دمت بخير اخي الكريم وشكرا على شفافيتك..
Post: #546 Title: Re: ما أحلى ساعات اللقاء... Author: mamkouna Date: 10-03-2007, 03:33 PM Parent: #1
Quote: جمال هذه الحلقات داخل معلومات اغنياتها وتكلم هذا الرجل بمالم يقله مالك فى الخمر محاولا ان يلفت نظر السادة المشاهدين الى جمال مثل هذه الاغانى والاغانى معبرا عن خلودها فى ترديدها من جيل الشباب اذا جاز التعبير .. ولكن نحن نظل فى السودان نبحث عن السالب حتى يختفى الموجب ..
Quote: ولعلى استطيع ان اجزم كمستمع بان الاستاذ السر احمد قدور كان حريصا على تلميع بعض الاغانى المندثرة باسلوبه العبقرى حتى لا تضيع بين اكوام راجل المرا وغيرها من اللغاويس البتحصل (اصحو ياناس) الامر اكبر من ذلك بكثير ... وارتضينا نحن ان نكون مقلدين للاخرين بعد ان كونا اسماء لنا فى خارطة الاغنية الحاضرة اذا سمح لى البعض ان نؤدى اغانى الغير علنا اجلالا وتقديرا وتكريما لهم حيث ابدعو وضاع بعضهم هباء ..
Quote: وان اخطأ السر قدور فى معلومة او اخرى اخوتى فما قدمه استاذنا فى هذا البرنامج حسب قول الباش مهندس اخى ابوبكر اسعف فيه الكثير من الاغنيات التى كادت تموت بسبب تاخير بثها وتكدسها فى علب المكتبات وما لم يذكر ايضا ان السر قدور هو السر قدور لا يحتاج الى هذا البرنامج ليكون غير ذلك يكفى انه قدم لنا يوم المهرجان وقوليهو والشوق والريد وياحبيبى نحن اتلاقينا مرة والكثير من شعرة يكفى لاحترامه .... ولكنها لفتة بارعة منه ان يتحدث 60 يوما عن ابداع الاخرين .... ويؤسفنى ان لايقدر مثل هذا العمل اعلاميا ....
إحترامي إليك من صميم قلبي..غير ما أشعر.. يا عاصم بابكر..
Post: #547 Title: Re: ما أحلى ساعات اللقاء... Author: mamkouna Date: 10-03-2007, 03:46 PM Parent: #546
باشمهندس أبو بكر.. الزووول.. نجوان.. محمد المرتضى حامد.. قلتم بلسانكم..كل ما يعتمل في نفسي.. و لم تتركوا لي ما يُقال..
لكن..
ما معاي يا جماعة إنكم إتوادعتوا بدري..!! لسه بدري.. عندي التلت من عقلي..و عندكم تلتين..
Post: #548 Title: Re: ما أحلى ساعات اللقاء... Author: ودالعباسية Date: 10-03-2007, 05:18 PM Parent: #547
ياخى لقيتكم نضامين اكتر من ابو الكلام زاته ،،
اها ،، التعليقة وشالوها ،،
Post: #554 Title: Re: ما أحلى ساعات اللقاء... Author: abubakr Date: 10-03-2007, 06:58 PM Parent: #548
Quote: اها ،، التعليقة وشالوها ،،
تعليقة شنو ؟ ما بقينا مشهوريين وحنطالب النيل الازرق بحق الاعلان المجاني؟؟
Post: #549 Title: Re: ما أحلى ساعات اللقاء... Author: abubakr Date: 10-03-2007, 06:04 PM Parent: #1
ضيف الحلقة21 عمر بونقو من كوناكري
Post: #550 Title: Re: ما أحلى ساعات اللقاء... Author: Hussein Mallasi Date: 10-03-2007, 06:15 PM Parent: #549
أغاني الحقيبة من كترة الزول ما سمعها بقت زي حقنة البنسلين!
Post: #552 Title: Re: ما أحلى ساعات اللقاء... Author: abubakr Date: 10-03-2007, 06:38 PM Parent: #550
Quote: أغاني الحقيبة من كترة الزول ما سمعها بقت زي حقنة البنسلين!
البنسليين اهم اختراعات القرن الماضي طبيا وربما هذا القرن ...بتعالج امراض صعبة زي اغاني الحقيبة
Post: #551 Title: Re: ما أحلى ساعات اللقاء... Author: abubakr Date: 10-03-2007, 06:36 PM Parent: #1
الحلقة 21 عن الاسماء في الاغاني .. في انتظار كتاب الاعمدة والسيد يوتيوب يخلص مهمتو ويرفع الاغاني : *الاعلانات الاعلانات جننتنا ... النيل الازرق كانت بتضع الاعلانات في الجزء الاول من البرنامج فلذا الواحد كان بيبستمر في التسجيل بعد فيضان الاعلانات وحتي النهاية دون شوشرة الليلة النيل الازرق حشرت الاعلانات وكلها شاي واثاثات التقول السودانيين ما عندهم غير شراب الشاي والحوامة في دكاكيين الاثاثات ( هي الفيضانات خلت بيوت بشان يفتشو ليها اثاثات ؟ )... *فرفور عندو مقدرة كبيرة علي التاثير .. اهو نادر خضر الليلة جاينا من كوناكري * فردتنا الليلة التقول جاي من مكتب الصراف بعد ما صرف الماهية منتشي واخر انبساط ..
ممكونة انتي كمان ابقي زي ام ننو (ناهد حسين ثروت) واطلببي يكتبو لك غنية باسمك اهو انتي مستضيفة الجماعة دييل قرب شهر وبدل القراصة اهو افطار رمضان ؟
الحلقة ممتعة
انتهي
Post: #556 Title: Re: ما أحلى ساعات اللقاء... Author: محمد المرتضى حامد Date: 10-03-2007, 07:12 PM Parent: #551
Quote: ضيف الحلقة21 عمر بونقو من كوناكري
دي قويه يا باش، تعرف أخدت لي وقت أقول ياربي شيخو شقاري ؟ يا الله ده أحمدو أهيدجو؟ يا مولاي ده يعقوب
قاوون بتاع حرب بيافرا ، يا ناسي دي النيل الأزرق ولا إقليم كاتنجا؟ يا ربي ده أغاني وأغاني ولا دي
النشره وعمر كوناكري جاي يلاقي عمر البشير ، الحمد لله طلعوا شبابنا وليس كوناكري أو البشير.
أجمل ما في حلقة اليوم الشاب سعدالدين الذي تجري أنامله على الكيبورد زي البِلِّيَه في السِرويس.
ٌطبعاأغنية ناس لا لا ناس لا لا كتبت أصلا عن ناس السياسه السودانيه ومعليش يا ممكونه على الخروج
عن النص ، وبالتالي قامت بتأديتها ساره وما قصرت والله ياها زاتا الخالق الناطق. السياسه السودانية.
توبه يا أنّه دي من الأغاني اللي بتشهي (الزول) الإسم ذاتو زي ما أغنية (مريا) لها نفس المفعول.
لماذا غاب المحاكم الصوماليه عن حلقة اليوم؟ أوعى يجيني واحد يقول لي كان قاعد.
انت يا عاصم مش كان تنسقوا مع بعض تلبسوا تقيل ولا خفيف زي ما بيعملوا ناس بوتين وبوش؟ ياخي إفترضو
اننا عندنا شوية ذوق ما ممكن كاشوال امامك وجنبو فول سوت أو فول بزيت فرامل.
عاش الإتحاد الأفريقي.
Post: #558 Title: Re: ما أحلى ساعات اللقاء... Author: abubakr Date: 10-03-2007, 07:27 PM Parent: #556
Quote: عاش الإتحاد الأفريقي.
ما قت ليك يالمرتضي ..الاتحاد الافريقي يكسب ...ياخي وانا بستمع لعمر بونقو قت يعني ولدي لو جاء وسالني انت فاتح قناة النيجر ليه اقول ليهو شنو اصلو ما بيعرف غنانا لكن اها جيل الانترنت دة بيعرف صور وبلاد واهو انا جايب ليهو جلاليب مما هو صغيروني خالص بس عشان يتمسك بالهوية ودي نفعت كتير لانو مكان ما بيلعب وهو صغير (طفل ) كان اول ما يلاقي اطفال تانيين يقول " انا سوداني am sudanese) وفي اجازة مرة في دولة اسيوية وفي حوض السباحة لقي ليهو اطفال عرب وهات "انا سوداني " قامو جاريين لامهاتم " يم شو يعني سوداني ؟ " ويجي نادر يلخبط كل القلناه ليهو ...
Post: #566 Title: Re: ما أحلى ساعات اللقاء... Author: mamkouna Date: 10-04-2007, 00:31 AM Parent: #558
الحلقة واحد و عشرين:
* كانت حلقة اليوم عن (( الإشارة الفنية )) لإسم المحبوبة في الشِعر و الغناء السوداني.
* إستهل أبو الكلام الحلقة بالإشارة إلى أن سبب جنون قيس و منعه من الزواج ب ليلي..هو أنه ذكر إسمها في عدة أبيات من شعره.. لذلك تحفظ كثير من الشعراء عن ذكر أسماء محبوباتهم...و قالوا في ذلك.. أنا ما بجيب إسمو...أخاف الهوا يقسمو.
* في الحقيبة..ذُكِرَت أرقام الأبجد هوز للإعلان عن الحبيبة.. ك...واحد و أربعين سمى اللبيب عبد الله.. أو.. غرام سبعين.
أو لجأوا إلى إيحاءات أو كلمات تعطي نفس معنى إسم المحبوبة.. مثلاً.. غرامي ليك يا جاير..مصدرو الإنصاف.. أنصفت حُسنَك حب..و أنصفت شوقي عفاف...
هنا ما معروفة الحبيبة..عفاف..و لا...إنصاف..!!!
* الشاعر (( عمر البنا )) من أكثر الشعراء الإستعملوا الإشارة الفنية.. يا نسيم الروض زورني في الماسية.. و جيب لي الطيب من جناين آسيا..و أنعش روحي..
تغنانا بها....ود البنا.
* من أعمال عمر البنا أيضاً... كيف الحياة غير ليمك..من بُعدَك أصبح حظي..زي لون هضليمك يا نعيم الدنيا.
غناها لينا بمنتهى السلطنة و الرواقة...عصام محمد نور و هرمنوا معاهو بمنتهى اللذاذة...فرفور و فردتنا.
* ذكر أبو الكلام إنو للشاعر (( عمر البنا )) قفلات مُقنعات.. مثلاً... ضيٌعت حياتي...تسلم لي إيدك!!!
زي الحسمة دي... بعدها في كلام!!!؟؟؟؟
* حكى عن (( نَنو )) و هي (( ناهد يحيي ثروت )) النصف مصرية..نصف شايقية..و كانت أمها الشايقية صديقة لعائلة حسن عطية..و كانت بتعزمهم كل جمعة قراصة كااااربة...و طلبت من عبد المنعم عبد الحي..كتابة قصيدة لإبنتها الصغيرة آنذاك..نَنو... فكانت أغنية.. نَنو يا نَنو..في هواك جنٌو.. قالوا حبينا...و جنٌوا ما إتهنو..
غنى مقطع منها جمال فرفور.
* كتبَ أيضاً عبد المنعم عبد الحي لعثمان حسين..ناس لالا.. غنتها لينا...أسرار
* من أشهر أغاني الأسماء.. نانا يا نانا...لسيد خليفة حرام يا زازا تزيدي البيٌا....لأحمد المصطفى أنٌا يا أنٌا...من كلمات حسين عثمان منصور.. غناها لينا..مبعوث مدغشقر القادم من تانانوريف..مروراً ب جزر القمر...عبد الله سامبي!!!
بره الموضوع:
* الحلقة إنتهت..فجأة!!!
Post: #568 Title: Re: ما أحلى ساعات اللقاء... Author: mamkouna Date: 10-04-2007, 00:56 AM Parent: #566
ذكر عمنا السر قدور في حلقة اليوم..أن شعراء الحقيبة إستعملوا الإشارات الفنية المستوحاة من أبجد هوز..للإشارة لإسم المحبوبة.. لمعرفة المزيد عن هذا الفن الغريب..و..المثير.. هاكم مداخلات للدكتور أحمد القرشي في بوسته الأشهر.. الحزن فى الاغنية السودانية -الجزء الاول - الدموع التى ت...يبة وتطفئ نار العشاق ...علٌها توضح ما قد يعتريكم من دهشة!
Quote: ناس الحقيبة دائما يستعملون الارقام للإشارة للملهمة وذلك لاسباب اجتماعية حتى لا ينفضح امرغرامهم واليك هذه الرميات والتى فيها يرمز الشاعر لاسم الحبيبه..... اتنين وأربعين اسمك وراء وقدام والهضليم يا أم خد كساك بقى ليك اردام رأس الدولة طايع يبقى ليك خدام وان خالف أوامرك حكمه بالإعدام وأيضاقال احدهم فى جميلة تسمى امنة (1=الف....اربعين= ميم...) واحد وأربعين أنا جبت نماته بموية الدهب راسمين شليخاته وين الزى علم ضايق عذاباتها مرتبة من جهنم...... بمخداتها وقال أبو صلاح بعد أن زارته احد الفاتنات بالمستشفى ويبدأ اسمها بحرف الزين( يقابله الرقم 7).... سبعة اتعطفت زارتني في الشفخانه نار الحمه فجت وانكتم دخانه لمست جلدي قالت ما عليه سخانه في رد الجواب تاهت علىّ الخانه وأيضا قال أبو صلاح لفاتنة يبدأ اسمها بحرف السين (يقابله الرقم 60)...
سرى صافى النسيم رقص فروع الديره كم ميل ضمير ستين وهزّ صديره مرّ على الرياض حضن الرخص في خديره وفى النواره تقول شايله خمره يديره
نفحات النسيم....... احترت في تعبيره سكران صاحي زى شاربلى قنطار بيره بالحال العلى........ يابنيه انتى خبيره لو ارسلتى النسيم منك يكون تصبيره حتى الفنان الكبير بابكر ود السافل عليه الرحمة استعمل الارقام للإشارة لاسم محبوبته الذي يبدأ بحرف العين (يقابله الرقم 70) في أغنيته الشهيرة التي رقصت بها معظم عرائس السودان في الستينات والسبعينات..(.وهذه الملهمة كانت تلبس ثوب الحداد) .... من فريع البان البسوح نديان منه ياسلام...ويقول فيها.... ديسك الكره من سواد مو شيب ناجى من حره من غرام سبعين............... خائف ........انضره زولى ....فوق الجار.......عمره ..ما اتوره ******* با السمح والزين ....زولى فايت الند مقدمك ....راجيك من تمانين ........جد لون جسيمها حريرمن يوم فطم ما بهد والعجب سبعين......... يوم تفك الحد ****** با السمح والزين...نظرا قط ما كان الظرف تامه.....خاتيه قول ان كان من جمال سبعين ...اللبيب....بركان انت يا الفردوس...... جنة السكان
Quote: ودالرضى....وله قصائد كثيرة قالها في زوجاته مثل ست البيت بريدها براها أما زوجته بتول فلقد قال فيها( المرنوعة ...زى شمس الغمام في طلوعه أتنين) واتنين هو الرقم المقابل لحرف الباء في الحروف الأبجدية وهو اختصار اسم بتول زوجته .....أيضا ملهمة شعراء الحقيبة مليم فلقد قال فيها ودالرضى عدة قصائد مثل من الاسكلا وحلا وتلفان من الأجفان حيث ذكر الاسم (أتناعس ونام...من غير منام...عال يا أنام....ميمين يا لام ...الخاتى ملام ..للااقدام )...أيضا أشار إلى اسم مليم في أغنيته الجميلة (مية وتمانية وستة وستة ....حبيبي حليلو القام يوم ستة ) وهذه 108+6+6= 120وهذه مجموع حروف مليم ...حيث حرف الميم 40 واللام 30 والياء 10 والميم الاخيرة40 المجموع 120` هذه حسابات للحروف الأبجدية ( أبجد ....هوز... حطي...كلمنت الخ..) يعرفها رجال الدين من الصوفية حيث لكل حرف رقم ابتداء من واحد وحتى عشرة ثم عشرين ثم ثلاثين الخ..بمعنى إن حرف الألف واحد الباء اثنين الجيم ثلاثة الدال أربعة حتى عشرة حرف الياء ثم الكاف عشرين واللام ثلاثين والميم أربعين الخ...ومليم اخى الطيب انشد فيها شعراء كثر حيث قال فيها مصطفى بطران (عقلي انشغل بهواك والحكمة عيني...لاجه ومجافية النوم يا اربعينى) وأربعين هو الرقم الذي يقابل حرف الميم أول حروف مليم.
Post: #575 Title: Re: ما أحلى ساعات اللقاء... Author: abubakr Date: 10-04-2007, 04:35 AM Parent: #568
Quote: هاكم مداخلات للدكتور أحمد القرشي في بوسته الأشهر..
يا ممكونة ..د.القرشي لو بس مرة واحدة في الاسبوع كان جانا بجاي لاقمنا حجرا وخلانا مقهيين ساااي وكان اثري البوست دة ؟
Post: #579 Title: Re: ما أحلى ساعات اللقاء... Author: نجوان Date: 10-04-2007, 06:59 AM Parent: #566
Quote: ضيٌعت حياتي...تسلم لي إيدك!!!
يا سلام عليهم ناسنا ديل ياخ!
حلقة حلوة .. الكل منسجم وفي مزاج طيب.. بس جمال فرفور كورك أكتر من المعدل اليومي ..
Post: #569 Title: Re: ما أحلى ساعات اللقاء... Author: mamkouna Date: 10-04-2007, 01:17 AM Parent: #551
Quote: ممكونة انتي كمان ابقي زي ام ننو (ناهد حسين ثروت) واطلببي يكتبو لك غنية باسمك اهو انتي مستضيفة الجماعة دييل قرب شهر وبدل القراصة اهو افطار رمضان
نَنو و زازا و اللالا و أنٌا...أحسن من ممكونة في شنو؟؟؟؟ شوف القصيدة دي كيف... الحالة بدون قُرٌاصة..!!!
Quote: ممكونة... ممكونة
مخلوقة من ذاتا
هي الراسمه لي كونا
شالتني من الناس
آسراني بي شجونا
هبشتني في الاحساس
كاتلاني بي عيونا
زرعت لهيب الشوق
و القامة عرجونا
في القدلة زي الريل
والحشمة قانونا
في قلبي ديمة ببق
بالفرحة كانونا
شتلوها في دمي
جات مارقة معطونة
مسقية من النيل
غرقانة في لونا
كملانة من الخوف
انغاما موزونة
تنده تنادي الغيم
فرحانة بي جنونا
وتندسّا جوه الروح
مرتاحة في سكونا
بتحب وتدي الحب
بي شوقا... ممكونة..!!
عبد الله وداعة الأمين لندن 26 مارس 2006
يللا شوفوا منو في شباب النيل الأزرق ح يغنيها.. أنا برشح..... السر قعور..!!!
Post: #553 Title: Re: ما أحلى ساعات اللقاء... Author: abubakr Date: 10-03-2007, 06:46 PM Parent: #1
ياناس لالا الحان وغناء عثمان حسين اداء اسرار بابكر
Post: #555 Title: Re: ما أحلى ساعات اللقاء... Author: abubakr Date: 10-03-2007, 07:03 PM Parent: #1
نسيم الروض عمر البنا عمر البنا عاصم البنا (وبث.. ياعين يا عانية !!)
Post: #557 Title: Re: ما أحلى ساعات اللقاء... Author: abubakr Date: 10-03-2007, 07:17 PM Parent: #1
نعيم الدنيا كلمات عمر البنا الحان وغناء كرومة وكذلك غناها اولاد الموردة( حسب افادة د.احمد القرشي كما عرفت من المرتضي )وعبدالعزيز محمد داود اداء :عصام محمد نور
Post: #559 Title: Re: ما أحلى ساعات اللقاء... Author: abubakr Date: 10-03-2007, 07:55 PM Parent: #1
توبة ياانا كلمات حسين عثمان منصور الحان وغناء الكاشف اداء نادر خضر
Post: #560 Title: Re: ما أحلى ساعات اللقاء... Author: abubakr Date: 10-03-2007, 08:06 PM Parent: #1
ممكونة الزوول فردتنا فيما بقي من حلقات من البرانامج في اعمدتكم اليومية ارجو افراد سطور عن هذا الجمع المبدع من الموسيقيين محمدية واحمد واسماعيل وسعد والبقية (عذرا لمن لم التقط اسمائهم ).. هؤلاء حافظو علي اداء والتزام بصورة ممتازة حتي في اوقات كثيرة عندما كان الشباب تفوت عليهم لازمة موسيقية او يخرجون عنها كانت الفرقة الموسيقية تغطي كل عيب او نقصان باقتدار ودون ضجر ...لهم التحية والاحترام .
Post: #561 Title: Re: ما أحلى ساعات اللقاء... Author: Hussein Mallasi Date: 10-03-2007, 10:32 PM Parent: #560
أكرر .. لو كانت نسرين قد استبدلت بعفاف حسن أمين؛ كان أبو الكلام عرف حاجة
Post: #562 Title: Re: ما أحلى ساعات اللقاء... Author: محمد المرتضى حامد Date: 10-03-2007, 11:05 PM Parent: #561
والله يا باش التنسيق مهم ومفروض ناس النيل الأزرق يكون عندهم زول يحدد قصة الملابس دي خصوصا في طقس السودان المدهش دا، يعني الحلقات دي تم تصويرها في يوليو أنا ما عارف المحاكم كيف استطاع يصل الأستوديو بالجاكيت والصديري مع ربطة عنق ، بعدين لما الأستوديو يكون حار ، كما هي العادة، ويقوم الفنان أو الضيف أوالمضيف يتخرط عرق ويفك العود شان يمسك المنديل ويمسح نحن نكون وصلنا قسم الطوارئ، يعني المشاهد لو كان في ألبرتا بتاعت كندا حاتكون السخانه كتلتو هو زاتو. تعتقد يا باشمهندس ممكن يكون في مطرب جماهيري في غانا يلبس جلابيه أنصاريه وعمامه ترباسيه ويظهر في تلفزيزن ناس الأشانتي بكل بساطه كده؟
حسين ملاسي مسؤول من الخير .. دحين عفاف عمر أمين دي منو؟
Post: #563 Title: Re: ما أحلى ساعات اللقاء... Author: Hussein Mallasi Date: 10-03-2007, 11:21 PM Parent: #562
Quote: حسين ملاسي مسؤول من الخير .. دحين عفاف عمر أمين دي منو؟
لا حولاااا .. الله لا رماك معاها في برنامج؛ دي قبل شوية عملت حركة كدا لحيدر بورتسودان؛ لو قريب اظنو اسه في سنكات
Post: #564 Title: Re: ما أحلى ساعات اللقاء... Author: Hussein Mallasi Date: 10-03-2007, 11:31 PM Parent: #563
Quote: دحين عفاف عمر أمين دي منو؟
حسن أمين يا مرتضى .. حسن أمين؛ دي بدون ما تغلط في اسمها ما بترحم!!
Post: #565 Title: Re: ما أحلى ساعات اللقاء... Author: Hussein Mallasi Date: 10-03-2007, 11:51 PM Parent: #564
Quote: توبة ياانا كلمات حسين عثمان منصور
لا تذكر توبة يا أنّا إلا و يذكر حسين عثمان منصور؛ فأتذكر ولدو داك الكان مرشح نفسو لرئاسة الجمهورية!
Post: #567 Title: Re: ما أحلى ساعات اللقاء... Author: Abomihyar Date: 10-04-2007, 00:47 AM Parent: #565
توبة واحدة من قصائد حسين عثمان منصور التي اضاف لها
اللحن الذي وضعه لها العبقري الكاشف كثيرا.
غير أن الأغنية التي إرتبطت بحسين عثمان منصور
أكثر من غيرها يا ملاسي هي (خمر وليل وشفاه) التى غناها الراحل سيد خليفة.
تحياتي
وكل سنة وإنتو طيبين
Post: #572 Title: Re: ما أحلى ساعات اللقاء... Author: abubakr Date: 10-04-2007, 04:19 AM Parent: #565
Quote: لا تذكر توبة يا أنّا إلا و يذكر حسين عثمان منصور؛ فأتذكر ولدو داك الكان مرشح نفسو لرئاسة الجمهورية!
غريبة .. انا اذكرتو البارحة لما جابو سيرة المرحوم ابوه ... اصلو قبل الانتخابات كان متواجد كتير حتي هنا في بعض صحف الخليج هو وكمان اخوه وروسيا زاتا
Post: #571 Title: Re: ما أحلى ساعات اللقاء... Author: abubakr Date: 10-04-2007, 04:17 AM Parent: #563
Quote: لا حولاااا .. الله لا رماك معاها في برنامج؛
اكيد ياحسين .. السنة الفاتت كان عندها برنامج بعد اغاني بشوية وانا افتكرتو في اول مرة شكلة في الكاميرا الخفية بعدين عرفت انو برنامج تاني
Post: #582 Title: Re: ما أحلى ساعات اللقاء... Author: نجوان Date: 10-04-2007, 07:14 AM Parent: #563
Quote: دي قبل شوية عملت حركة كدا لحيدر بورتسودان؛
الحمدلله بنشاهد من بطن بيوتنا .. من خلال شاشة.. الله يكون في عون ضيوفها ست عفاف دي..
Post: #580 Title: Re: ما أحلى ساعات اللقاء... Author: نجوان Date: 10-04-2007, 07:03 AM Parent: #560
Quote: ممكونة الزوول فردتنا فيما بقي من حلقات من البرانامج في اعمدتكم اليومية ارجو افراد سطور عن هذا الجمع المبدع من الموسيقيين محمدية واحمد واسماعيل وسعد والبقية (عذرا لمن لم التقط اسمائهم ).. هؤلاء حافظو علي اداء والتزام بصورة ممتازة حتي في اوقات كثيرة عندما كان الشباب تفوت عليهم لازمة موسيقية او يخرجون عنها كانت الفرقة الموسيقية تغطي كل عيب او نقصان باقتدار ودون ضجر ...لهم التحية والاحترام
ditto شكرا يا باش..
Post: #570 Title: Re: ما أحلى ساعات اللقاء... Author: ASIM AL BANNA Date: 10-04-2007, 01:38 AM Parent: #1
ملاسى عفاف دى اختوها (دفعة فى ست عشة) فى الروضة زمان كانت بتظعمطنا اعمل حسابك انت مرتضى الله عالم ..
ابوبكر ده مالم يقله مالك فى السر قدور زاتو الله يديك العافية ...
الزول تعرف الهرشهة دى بقت زى كورة الهلال الفاتت الواحد بتفرج فى التلفزيون ويلف مع الكرورة لما يقع وتطلع اوت برضو...
نجوان ... انا اجزم انك موسيقية او لك علاقة بالموسيقى .... (مابتغالط)
ممكونا حفلة النادى الامريكى طرشقت (كجيتيها)
السر قدور يامرتضى بكى بدل فرفور وبسبب اسرار فى واحدة من الحلقات حضر مناديلك
افراد الفرقة الموسيقية هم : 1/ محمد عبدالله محمدية (كمان) 2/ سماعيل عبد الجبار(كمان) 3/ سعد الدين الطيب (اورق) 4/ عمر القصاص (اورق) وهو نسيب سعد الطيب وعازف الاورقن لدى فرفور 5/حمزة مراد (طبلة) 6/شريف مليجى (ايقاع) 7/خليل (بيز جيتار) 8/على فول (اورق شارك ثلاث حلقات) والسبب كان سعد الطيب ومحمدية فى القاهرة منتظرين زيارة الى امريكا استلمو الزيارة بعد الحفلة الماشين ليها بى يومين جو لحقونا . عصام محمد نو غاب حلقتين كان عندهم وفاة فى مدنى رجع باللورى ... البخرة بتاعت السر قدور كانت فيها حلقة فرضناها نحن عليهو ماكان عاوز يعملا ... الاستديو بارد جدا لما عمك السر بكح من البرد لكن اول مايولعو الكشافى يامرتضى وحياتك بتذكر الطابونا طوالى زمن العيش تاوقو ليهو باللمبة البتكتل الحشرات ديك .... وده الجاب المناديل ... بعدين الغيار كل تلاته حلقات او اربعة نمشى نغير فى غرفة العزابا (مكتب الشفيع) طبعا المحاكم الصومالية اسمن واحد فينا يشفق (على فكرة الزول ده ارقى من الرقى زاتو ) كاتل ضلو كده بعدين ناس الفرقة ديل يا ابوبكر اكتر ناس تعبو فينا فعلان عملو بروفات معانا واحد واحد ونفذو احسن مننا كلنا فعلا ... كامل تقديرى لهم والله ..
اغرب حاجه دايما كنت بتذكركم وانا بسجل وتعليقات ابوالكلام السنة الفاتت .. ابيت اكرر البدل بقيتو لى سبب الكرش نطت لى برا وشاعر بى خمت نفس برا سبب ..
والله انتو حلوين
Post: #581 Title: Re: ما أحلى ساعات اللقاء... Author: نجوان Date: 10-04-2007, 07:10 AM Parent: #570
Quote: نجوان ... انا اجزم انك موسيقية او لك علاقة بالموسيقى .... (مابتغالط)
لأ.. بتتغالط يا عاصم.. وما تغالطني في دي..
Post: #573 Title: Re: ما أحلى ساعات اللقاء... Author: abubakr Date: 10-04-2007, 04:23 AM Parent: #1
Quote: افراد الفرقة الموسيقية هم : 1/ محمد عبدالله محمدية (كمان) 2/ سماعيل عبد الجبار(كمان) 3/ سعد الدين الطيب (اورق) 4/ عمر القصاص (اورق) وهو نسيب سعد الطيب وعازف الاورقن لدى فرفور 5/حمزة مراد (طبلة) 6/شريف مليجى (ايقاع) 7/خليل (بيز جيتار) 8/على فول (اورق شارك ثلاث حلقات) والسبب كان سعد الطيب ومحمدية فى القاهرة منتظرين زيارة الى امريكا استلمو الزيارة بعد الحفلة الماشين ليها بى يومين جو لحقونا .
انت يا فردتنا بتاع العود مكجنو ليه ؟؟ وينو في اللستة الفوق دي
انا غيتو سمعت انو اسمو احمد المك وقريب حسن عطية اها دييل الواحد يخت اساميهم كل يوم هنا عشان المتابعيين للحلقات يعرفو انهم سبب اساسي لنجاح هذا البرنامج ..
Post: #574 Title: Re: ما أحلى ساعات اللقاء... Author: abubakr Date: 10-04-2007, 04:31 AM Parent: #1
Quote: يللا شوفوا منو في شباب النيل الأزرق ح يغنيها.. أنا برشح..... السر قعور..!!!
دي حتغنيها المجموعة بقيادة عمر بونقو في حلقة العيد ..هو ود وداعة سجل غياب ليه؟
Post: #576 Title: Re: ما أحلى ساعات اللقاء... Author: عبدالله وداعه الامين Date: 10-04-2007, 04:50 AM Parent: #574
Quote: دي حتغنيها المجموعة بقيادة عمر بونقو في حلقة العيد ..هو ود وداعة سجل غياب ليه؟
حبيبنا ابوبكر
تحية صباحية ويديك الف عافية
ود وداعه موجود ومبسوط جدا لي الابداع والحاجات الجميلة دي
انا دايما هنا حتى وان ما كتبت او علقت على شيئ بس اتاكد اني حضور
يديك الف عافية انت وجد شغلقك نضيف وخليتنا كل يوم بايتين في بيت ممكونة دا
نكشة لي ممكونة
جبتي القصيدة دي من وين يا ممكونة ياخ انا لثة صغير وخايف بهدروا دمي
جد كل الشكر والتحية لكي وهذا البوست الابداع والتحية الى حبيبنا السر قدور
والاعزاء عاصم وعصام ونادر وفرفور و اسرار والفرقة الماسية التي انجحت البرنامج
انهم صفوتنا وقاماتنا وسر العافية في جسد الابداع الفني السوداني الحديث
مودتي لكم جميعا
Post: #577 Title: Re: ما أحلى ساعات اللقاء... Author: abubakr Date: 10-04-2007, 06:09 AM Parent: #576
صبحك الله بالخير زولنا الشاعر ود وداعة...
Quote: وخليتنا كل يوم بايتين في بيت ممكونة دا
ما عشان كدة قالت عايزة غنية مخصوصة باسمها تريد مارك يعني لو لقت راديو في امجاد او ركشة مشغلها من غير اذن او الشباب بغنوها في اغاني واغاني ترفع قضية وتطالب بتعويض قدر الاخدو الاتحاد الاوروبي من مايكروسفت مؤخرا واها نحن علي جاه الملوك نلوك ( حنكون في تيم التحكيم arbiters)
Post: #583 Title: Re: ما أحلى ساعات اللقاء... Author: محمد المرتضى حامد Date: 10-04-2007, 08:02 AM Parent: #577
Quote: السر قدور يامرتضى بكى بدل فرفور وبسبب اسرار فى واحدة من الحلقات حضر مناديلك
يستاهل ، عشان تاني يجيبا.
Post: #605 Title: Re: ما أحلى ساعات اللقاء... Author: mamkouna Date: 10-04-2007, 07:45 PM Parent: #583
Quote: Quote: السر قدور يامرتضى بكى بدل فرفور وبسبب اسرار فى واحدة من الحلقات حضر مناديلك
يستاهل ، عشان تاني يجيبا.
عليك الله خِف على بت الناس.. فردتك زاتو المرة دي راضي عنها تمام الرضا.. قعور راضي... فردتنا راضي... أجي يا القاضي..!!!
Post: #587 Title: Re: ما أحلى ساعات اللقاء... Author: عبدالله وداعه الامين Date: 10-04-2007, 01:11 PM Parent: #577
Quote: ما عشان كدة قالت عايزة غنية مخصوصة باسمها تريد مارك يعني لو لقت راديو في امجاد او ركشة مشغلها من غير اذن او الشباب بغنوها في اغاني واغاني ترفع قضية وتطالب بتعويض قدر الاخدو الاتحاد الاوروبي من مايكروسفت مؤخرا واها نحن علي جاه الملوك نلوك ( حنكون في تيم التحكيم arbiters)
حبيبنا الباشمهندس
تحية ليك تاني وتسلم من كل شر
حقيقة ممكونة تستاهل كل خير واكتر من الغناء لانها نقية وجميلة باصلها لها التحية والشكر وكان انت بتكون في لجنة التحكيم انا من هسه عندي ليها اغنيتين بس عاوزين الملحن
ويا ممكونة عاصم دا اخد مني نص ومن هسه النص دا ليكي انتي ولو غالطك زول انا موجود امسكي عاصم دا من رقبتو لو جاب ليك النص ملحن وبي صوتو ما تخلية ويا عاصم شوف البحلك من ممكونة
Post: #585 Title: Re: ما أحلى ساعات اللقاء... Author: mamkouna Date: 10-04-2007, 11:39 AM Parent: #576
Quote: جبتي القصيدة دي من وين يا ممكونة ياخ انا لثة صغير وخايف بهدروا دمي
جبتها من ديوان (( منو البقدر يفوت عينيك )) الصادر عن دار (( سودانيات )) للنشر و التوزيع.. و محتفظة بيها من وقتها.. كل ما (( أتمكن ))..برفع بيها روحي المعنوية!!
Post: #586 Title: Re: ما أحلى ساعات اللقاء... Author: mamkouna Date: 10-04-2007, 12:57 PM Parent: #585
للشاعر الرقيق..عبد الله وداعة الأمين.. كمية من القصائد و الأشعار المُغناة.. أحلاها ..و أجملها..بصوت الفنان الرائع..و الصوت القوي و المُميز.. الدكتور ياسر مبيوع. يا ريت لو تقدر يا أستاذ عبد الله تنزل لينا منها.. صوت..فيديو..أو حتى..صورة..!!!
نكون شاكرين.
Post: #590 Title: Re: ما أحلى ساعات اللقاء... Author: abubakr Date: 10-04-2007, 02:08 PM Parent: #586
Quote: للشاعر الرقيق..عبد الله وداعة الأمين.. كمية من القصائد و الأشعار المُغناة.. أحلاها ..و أجملها..بصوت الفنان الرائع..و الصوت القوي و المُميز.. الدكتور ياسر مبيوع. يا ريت لو تقدر يا أستاذ عبد الله تنزل لينا منها.. صوت..فيديو..أو حتى..صورة..!!!
وما تقولي للرطان كدة من زمان ؟ اها هسع دي ما من حسنات البرنامج ؟ يعني الرطان كان حيعرف وين ؟ مرة وحيدونة في سودانيات لقيت اسم "شعر" وفتحت الصفحة وقابلت تاني بعد 40 سنة "المعلقات " وياها الجرية لليوم ذكرتنا بايام عصيبة وامتحانات ؟ يعني انتي ترفعي معنوياتك بلطائف ود وداعة براك ؟ دة كلام ... ياجماعة ما قلت ليكم ازدادو معرفة هنا..
Post: #588 Title: Re: ما أحلى ساعات اللقاء... Author: عبدالله وداعه الامين Date: 10-04-2007, 01:18 PM Parent: #585
Quote: جبتها من ديوان (( منو البقدر يفوت عينيك )) الصادر عن دار (( سودانيات )) للنشر و التوزيع.. و محتفظة بيها من وقتها.. كل ما (( أتمكن ))..برفع بيها روحي المعنوية!!
الاخت العزيزة ممكونة
تحية وسلام
الديوان دا انا ذاتي ما شفتو وما قريتو وناس سودانيات اتلوموا معاي
Post: #589 Title: Re: ما أحلى ساعات اللقاء... Author: عبدالله وداعه الامين Date: 10-04-2007, 01:38 PM Parent: #588
Quote: للشاعر الرقيق..عبد الله وداعة الأمين.. كمية من القصائد و الأشعار المُغناة.. أحلاها ..و أجملها..بصوت الفنان الرائع..و الصوت القوي و المُميز.. الدكتور ياسر مبيوع. يا ريت لو تقدر يا أستاذ عبد الله تنزل لينا منها.. صوت..فيديو..أو حتى..صورة..!!!
نكون شاكرين.
تسلمي ممكونة وشكرا فعلا قام الاخ العزيز مبيوع بتلحين وغناء مجموعة من النصوص وحاليا يعكف على تلحين 3 نصوص جديدة منها واحدة باسم (رد الجميل) وقد لحنت بطلب من شاعرنا وقامتنا الشامخة محجوب شريف ربنا يديهو العافية
اضافة الى بعض الاعمال التي قام بتلحينها الاخ ضياء ميرغني و الفنان مصطفى السني والملحن والموسيقي عثمان محي الدين والموسيقي والملحن الفاتح يس
وهدية ليك ولي ضيوفك اغنية (صحاني صوتك) بصوت ياسر مبيوع وبحاول مرة تانية انزله ليكم فديو
Post: #593 Title: Re: ما أحلى ساعات اللقاء... Author: نجوان Date: 10-04-2007, 06:34 PM Parent: #591
السر قدور منتشي اليوم.. وكيف لا ينتشي ..والحديث عن الكاشف.. روائعه.. موهبته.. وتقنياته الفنية..
جمال فرفور يقود المجموعة.. وجو سلطنة حقيقي.. في أغنية "الجمعة في شمبات"..
ده الويك إند .. الإعادة بتستاهل يا ممكونة.. ليه لأ؟
يللا يا مهندسين.. _____ (good day لأسرار برضو.. غنت بإحساس عالي .. وابدعت)..
Post: #592 Title: Re: ما أحلى ساعات اللقاء... Author: abubakr Date: 10-04-2007, 06:33 PM Parent: #1
في انتظار السيد يوتيوب يرفع التسجيلات وحتي ياتي كتاب الاعمدة ةالمختصيين بتعليقاتهم لي ملاحظات:
لم اري السر قدور متحمسا كما كان الليلة وهو يتحدث بمعرفة عن عبقرية الكاشف .. رغم حماسه فلقد تقبل با"ريحية" تدخلات فردتنا ودار سجال بينهما اكثر من مرة (مافي هرشات ولا حاجة كيتا للحاسديين ) .... انا شخصيا عرفت عصام وفرفور من خلال اغنيات للكاشف قبل اعوام ربما عشرة وهذا هو الذي قربهم الي وجداني وبالتالي كان مدخلا لا ستمع الي كل اغنياتهم .. كانت الفرقة الموسيقية الليلة سيدة الاداء مع السر قدور للعلم
انتهي
Post: #594 Title: Re: ما أحلى ساعات اللقاء... Author: mamkouna Date: 10-04-2007, 06:40 PM Parent: #592
باشمهندس أبو بكر.. و.. نجوان....
إنتو ما عندكم تراويح ؟؟؟؟!!!
Post: #599 Title: Re: ما أحلى ساعات اللقاء... Author: mamkouna Date: 10-04-2007, 07:17 PM Parent: #594
الحلقة إتنين و عشرين :-
تمٌ نقل التقرير للصفحة السابعة. لسهولة المُتابعة. عُذراً.
Post: #600 Title: Re: ما أحلى ساعات اللقاء... Author: abubakr Date: 10-04-2007, 07:21 PM Parent: #599
Quote: أنا خايفة يجي مرتضى..يشنف بت الناس تاااااااااااااني!
اكييد مش المرة دي .. يعني ما شاف محمدية مبسوط كيف يهز راسو ويعاين مرة لاحمد المك ومرة اسناعيل ...
Post: #601 Title: Re: ما أحلى ساعات اللقاء... Author: abubakr Date: 10-04-2007, 07:30 PM Parent: #599
Quote: حلقة اليوم كانت حلقة متخصصة...تستعصي على فهم الرجرجة و الدهماء أمثالي...
انا غيتو من الدرجات التحت تحت "امثالي" دي ...؟
Post: #595 Title: Re: ما أحلى ساعات اللقاء... Author: نجوان Date: 10-04-2007, 06:42 PM Parent: #592
Quote: كانت الفرقة الموسيقية الليلة سيدة الاداء مع السر قدور للعلم
كلام مضبوط.. تجلّت الفرقة.. اكتر من تجلّيها اليومي..
Post: #596 Title: Re: ما أحلى ساعات اللقاء... Author: abubakr Date: 10-04-2007, 07:00 PM Parent: #1
باسم الحب الحان وغناء الكاشف اداء نادر خضر
Post: #607 Title: Re: ما أحلى ساعات اللقاء... Author: mamkouna Date: 10-04-2007, 08:02 PM Parent: #596
الحلقة إتنين و عشرين :-
* كانت حلقة اليوم حلقة فلسفية موسيقية متخصصة..إستهلها عمنا السر قدور بالحديث عن إحتياجات الإنسان المادية-الجسدية و إحتياجاته الروحية. قال إنو إحتياجاته المادية من سكن و لبس و غيره تزول كما يزول الجسد...لكن إحتياجاته الروحية ك الفن و الشِعر و الموسيقى و غيرها من الفنون...تبقى ما بقي الجسد. a very good point .
* في 24 أغسطس الفات..مرٌت 37 سنة على رحيل إبراهيم الكاشف....أبو الفن السوداني و عبقري الأغنية و اللحن السوداني. و الكاشف خير مثال على الفن الذي يبقى رغم زوال الجسد.
* ذكر أبو الكلام أن الكاشف أدرك فن الغناء بصورة لم يدركها غيره و كان سبب أساسي في تطور الغناء السوداني.
* بدأ الكاشف حياته الفنية مُقلداً لأغاني سرور و كرومة...لكن و من نهاية الثلاثينات..بدأ في تقديم ألحان غير مألوفة..خرج بها عن الألحان المُتعارف عليها. غنانا ود البنا من عبقرية الكاشف.. (( في الشاطي طال بينا السمر...حبيبنا قال..ضوء القمر ..بيكشفنا..آآآآه ضوء القمر )).. (( الأغنية دي يا عاصم أول مرة أسمعها..سمعتها من واحدة إسمها (( نادية البنا ))..بتبقى ليك؟؟؟!!! ))
* نفس الإسلوب العبقري في تلحين أغنية في الشاطي طال بينا السمر...تكرر مع أغنية (( داخل روضة غناء )).. غنانا لها....عصام محمد نور.
* إستطاع الكاشف أن يجعل كل من حوله يغني..ففي كل لحن له..هنالك ((لزمة)) تستدعي مشاركة من حوله.. من الأمثلة لذلك... حبيبي قلبي حاب..رحلة بين طيٌات السحاب..
في الحتة دي دخل فردتنا و قال إنو (( اللزمة )) دي إتسمت مع كل الغناء السوداني..بمعنى أن الكاشف لم يأتِ ب جديد..و إنما فقط طوٌر ما هو موجود.. لكن عمنا السر قدور أصرٌ على رأيه..و ذكر نقطة حلوة جداً و عجبتني خالص.. و هي إنو في أي أغنية في كلمة محورية أو أساسية ..يرتكز عليها كل معنى القصيدة.. يعني في أغنية (( بإسم الحب أقدم ليك حياتي ))... حياتي هي الكلمة المحورية الأساسية... و في مقطع مثل.. حياااااااااااااااتي و معاها العاطفة النبيلة..بإسم الحب أقدم ليك حياتي... يمكن بسهولة معرفة إن روح القصيدة هي كلمة (( حياتي )) وفي ترديد جملة (( روح يا ليل,,تعال يا ليل ))...تظهر قاعدة الغناء الجماعي و عبقرية ألحان الكاشف التى تُجبر كل من كان حول المٌغني على ترديد اللحن و الأغنية معه.
أنا خايفة يجي مرتضى..يشنف بت الناس تاااااااااااااني!
* وصف أبو الكلام ألحان الكاشف...الهادئة..ثم تتصاعد...لتهدأ مرة أخرى.. بلاعب الكورة,,,الذي يوفر وقته و طاقاته لنهاية المباراة.
* خُتمت الجلسة برائعة (( عبيد عبد الرحمن ))...الجمعة في شمبات.. غناها بمنتهى السلطنة..لغاية ما إتكيف أبو الكلام ظااااااااتو.. جمال فرفور...الشهير ب جمال مصطفى..!!
بره الموضوع: حلقة اليوم كانت حلقة متخصصة...تستعصي على فهم الرجرجة و الدهماء أمثالي... يا ريت الموسيقيين و الملحنين المعانا.. ناس عاصم البنا..أزهرى نور الهدى..و نجوان.... يورونا رأي متخصص في الحلقة دي..
Post: #613 Title: Re: ما أحلى ساعات اللقاء... Author: نجوان Date: 10-05-2007, 00:07 AM Parent: #607
رأي لا متخصص ولا مختص يا ممكونة.. ينفع؟
أعجبني تحليل ابوالكلام لفن الكاشف الغنائي.. كان في كلام ابوالكلام كلام جديد (على الأقل بالنسبة لي).. وهذا في حد ذاته أمر يستحق الوقوف عنده..
ذكر ابو الكلام فيما ذكر ان الكاشف كان يبدأ اغنياته بهدوء ثم تأخذ الأغنية منحى تصاعدي.. والpeak يكون تقريبا في نهاية الأغنية.. وقدّم عدّة امثلة.. بصوته
فسّر قدور ان الكاشف -بهذه الطريقة- كان يوفر طاقته كفنان ومؤدي الى نهاية الأغنية.. تماما كالرياضي الذي لا يهدر معظم طاقته في بداية المنافسة.. (نظرية سليمة .. وصحيحة لكتير من الرياضيين المحترفين).. _____ من الممكن (والأرجح )ان التكنيك كان ايضا لجذب المستمع من بداية الأغنية والى نهايتها.. والتغيير الممنهج في نبرات الصوت (المقامات؟) وسيلة من وسائل كسر الرتابة.. والاستمرار في جذب انتباه السامع..
لا شك أن الكاشف كان perfectionist بقدر ما كان مبدعا.. (عارفة.. دي ما جديدة ) أراد ان يكسر القالب.. سعى للمزيد ... حتى للأغنية الواحدة ان تكون متجددة.. فيها عنصر مفاجأة.. وألا تُقرأ من عنوانها.. والأهم.. أن ينافس اللحن .. الكلمات.. في زمن كانت الكلمة هي روح الأغنية.. وكان لها القدح المعلّى ..
Post: #597 Title: Re: ما أحلى ساعات اللقاء... Author: abubakr Date: 10-04-2007, 07:00 PM Parent: #1
Quote: باشمهندس أبو بكر.. و.. نجوان....
إنتو ما عندكم تراويح ؟؟؟؟!!!
ما سمعتي ب"مع مراعاة فروق الوقت "..(الملا عمر!) ...نحن ما في جو بطن بيتكم ...
Post: #598 Title: Re: ما أحلى ساعات اللقاء... Author: abubakr Date: 10-04-2007, 07:07 PM Parent: #1
Post: #609 Title: Re: ما أحلى ساعات اللقاء... Author: abubakr Date: 10-04-2007, 10:46 PM Parent: #1
للاطمئنان :
وين الزوول ؟؟؟ وين الشابات والشباب الكانو بجاي قبلما البربري يستولي علي البوست ويبقي الجمهور وكل السلطات؟؟ دة كلام ... يعني الجمهور يتنازل عن سلطاته ؟ اصلو اسبوع ويومين الباقيين علي عهد البربري يا تستحملوهم يا تقولو لي من هسع اهو الواحد يتنازل بس مش عارف لمين ؟ حكاية التوريث المولعة اليوميين دييل ما عندي ليها طريقة ؟؟ اها البربري "الجمهور" يخلي الكراسي فاضية وفلزع ؟؟ اول ديكتاتورية دايرة تتنازل وما لاقية طريقة ؟ دة كلام
Post: #610 Title: Re: ما أحلى ساعات اللقاء... Author: Hussein Mallasi Date: 10-04-2007, 11:18 PM Parent: #609
شوف يا مرتضى .. حتهاجم لي أسرار – تاني – حأهاجم ليك عاصم
______ لا شيء شخصي يا عاصم
Post: #611 Title: Re: ما أحلى ساعات اللقاء... Author: Abomihyar Date: 10-04-2007, 11:20 PM Parent: #609
وين تمشي ياباشمهندس والله ماعندك أي طريقة
تمبس زاغ والزول بيدينا بالقطارة.
بعدين باقي ليك 8 يوم بس وليك علي نعمل ليك تكريم في البوست ده.
تسلم يا أمير.
Post: #614 Title: Re: ما أحلى ساعات اللقاء... Author: ودالعباسية Date: 10-05-2007, 01:42 AM Parent: #611
الواحد يعنى يغيب ولا تسالو منه ،،،
حلقة اليوم ،،
الكاشف وما ادراك ما الكاشف ،،
حلقة ممتعه زي ما بقول الخال ( باش )،،
تخريمة حقتى براااي ،،،
باسم الحب اقدم ليك حياتى ،، ما اتوفق فيها نادر خضر ؟
Post: #620 Title: Re: ما أحلى ساعات اللقاء... Author: abubakr Date: 10-05-2007, 01:00 PM Parent: #614
Post: #621 Title: Re: ما أحلى ساعات اللقاء... Author: abubakr Date: 10-05-2007, 01:02 PM Parent: #611
Quote: نعمل ليك تكريم في البوست ده.
اوع!! ..الحاجات دي و"اسماء في حياتنا " قالو بتودي طوالي برة البعيدة هناك ...
Post: #615 Title: Re: ما أحلى ساعات اللقاء... Author: ASIM AL BANNA Date: 10-05-2007, 02:18 AM Parent: #1
ازيكم ياناس .... نجوان (بتعرفى تهرشى ؟؟؟؟) طبظتيها واكدتى تحليلى انا بى تحليلك الماخمج ده . الزول ... خنقو عضم فى الفطور باقى ناس النيل الازرق بقو يزقو الحلقة شويه شويه رمضان دخل العضم . تمبس كجشنا ساكت برا سبب (خارج النص ..) فى بادىء حياة الكاشف كان يلقب بى طرظان عشان بكورك كواريك عالية زى القالا السر قدور وقرب يمشى احمد شرفى ... فى زمن كان فيه الغناء على شاكلة اسلوب عبد الحميد يوسف , واحمد المصطفى , وحسن عطية, وعثمان حسين ... قام جاهم زول بكورك زى حقت السر قدور دى سموهو طرظان .... وعندما اتى الكوريون الى معهد الموسيقى والمسرح فى اغنية( فنت بيهو) كانوا يانجوان بيسألو خريج اى معهد من الف هذا التاليف الموسيقى ..؟؟؟ الا وهو طرزان (بانت سعاد بعد مابقت حبوبه كالعادة وكرموها بعد ماماتت) ... تتفقو معاى انه الحلقة مربوطة بالشخصية المحورية التى يغنى لها الشباب .. موضوع الحلقة.
ملاسى ... قلت ليك بظعمطوك ماتقول لى شخصى ....
ممكونة .... عندى احساس انو الكتب القصيده دى ممكون شخصيا ... واجارى السر قدور واحلل ليك شويه ... قصة حلة الملاح والضيفان والكلام ده دحين رمضان ده ولا الفات ؟؟؟؟؟؟؟؟
مرتضى ... (اسراااااار .) يعنى اسرار كوتار ... وانت مابتاع شمارات لكن فى سر فاتك ... الحقو... الناس ديل ختو قرض معاك ...
الليله حضرت الحلقة فى ود البنا ولد اختى قال لى ياخالو السر قعور وقع ليه ؟؟؟؟
قلت ليهو وقعنا كلنا مع الكاشف كاشف العيوب ده ياولدى ....
ود العباسية ... ناس العباسية واولاد المورده مابكوركو نادر خضر البرنامج ده حايخليهو (نادر ) لانه حايضيف الكثير لى نادر خضر الفنان الجميل ويعطينا الاحساس زى حسن عطيه....
بالمناسبة مداخلتى لى السر قعور الكانت عن حسن عطية ما الحكاها (يقال ان واحد من ابناء الخرطوم طلب من الاستاذ حسن عطية ان يوضح الالفاظ اكتر فى الغناء ليتمكن من فهمه ..... فكان رد الاستاذ ... يا ابنى انا بغنى مابديش حصة املاء.) مودتى.
Post: #616 Title: Re: ما أحلى ساعات اللقاء... Author: محمد المرتضى حامد Date: 10-05-2007, 11:22 AM Parent: #615
Quote: شوف يا مرتضى .. حتهاجم لي أسرار – تاني – حأهاجم ليك عاصم
______ لا شيء شخصي يا عاصم
بالله يا حسين خليك fair وما تبالغ.
ياخي أنا أحترم كل الأسرار وانت عارفني لكن يا عزيز كل ما أقوم به هنا هو عرض وجهة نظري كمستمع ومشاهد ممعن في العادية يعني لما
تعجبني حاجه بقول يا الللله ولما نفسي ينكتم بفتش لي بخاخه. أها يا سيدي الشباب اللي بيغنوا ديل بيعجبوني في حالات معينه وبالطبع
لو سمعت تالاهون قسسا يؤدي اللونية الخاصة بالأمهرا حا أنبسط والمحاكم الصوماليه مريح عندما يؤدي إنت عارف أنا بحبك فهي تتفق مع
إمكانياته الصوتية (الهادئة ) أما جمال (بتاع الأزياء اللي يوم أوباسانقو وبونقو ويوم نهرو و نواز شريف ) ففي رأيي محتاج لحفل
في الساحه الخضراء ويشغل ال 12 اسطوانه
Pistons في السباق وانشالله السماعات ما يتلقي فيها سلك. والله يا حسين كنت أتمنى الشاب الفنان هاشم حبيب الله يكون هنا عشان يخت
الكلام عن الفن في مواعينو ويديك المفيد المختصر لكن بقول ليك شوف الفارق بين هؤلاء وبين فردتنا انو فردتنا لما يغني معاهم
جماعي بيقوم في منطقة العمليات بحاجت ما بيقدروا عليها ، أقول شنو يعني ، مثلا لما يكون في عرض جوي لعددمن الطائرات الحربية
كالجاغوار والفانتوم والميراج ستجد أن مسار الطائرات شبه معروف لكن فجأة تقوم السوخوي الروسية بحركة تسمى (الكوبرا) زي
الصوره التحت دي وتأخد وضع رأسي وتقلب في الجو راجعه للخلف بحيث يكون عاليها سافلها وتتجه عكس حركة السرب وبعد داك تعدل وضعها
وتعود بسرعة لتلحق به ومعها يعود حجابك الحاجز لوضعه الطبيعي ، أومثلا لما زين الدين زيدان يكون ماشي مع الدفاع تجاه المرمى
وفجأه يلف ويرجع للورا ويخلي الباكات عيييييك ويستدير ويختها في التمانيات ،أها يا حسين ، فردتنا ده زي السوخوي وزيدان وهو ضد
الرتابه والعاديه ويمكنه الطيران على كافة الإرتفاعات والإنحراف بأي زاويه وفي أي إتجاه وتحس معه أن كمية الأكسجين تكفي للجميع
وأنك في مساحات فسيحه عكس الجماعه اللي بيعملوا ليك dyspnea .
قال يهاجم البنتاقون قال.
يا حليلك يا هاديه طلسم.
Post: #618 Title: Re: ما أحلى ساعات اللقاء... Author: abubakr Date: 10-05-2007, 12:46 PM Parent: #616
يا والمرتضي .. حسين ما اتخيل البرنامج بدون فردتنا وخصوصا الحلقات البجو فيها ناس البخرات ناسنها في البيت او من الحفله توش الي البرنامج ؟ حتي الشباب اول ما يبدو اغنية ما حافظنها بيعاينو ليهو وتلقي الواحد/ه يعاين ليهو" ليطمئن قلبه " زي حصص العربي زمان والواحد يجي ما حافظ والمدرس يوقفو يقول ليهو "اتمم القصيدة من قوله "وجلمود صخر حطه السيل من عل "" فالواحد يحوص " انا كنت علي الاقل بحوص بالذات مع اللزول القال القصيدة دي عندي حساسية ضدو لله "...
Post: #646 Title: Re: ما أحلى ساعات اللقاء... Author: عبدالله وداعه الامين Date: 10-06-2007, 09:51 AM Parent: #615
يا سلام عليك انت وياسلام على الابداع وربنا يديك ويدهم العافية جد الواحد مستمتع معاكم بالرغم من انو لندن ما فيها تلفذيون نيل ازرق بس لازم نجي ونستمتع بيكم هنا كل يوم وزغرت يا حبيب كان علي التحاليل هينة وتسلم يا شفيف
Post: #617 Title: Re: ما أحلى ساعات اللقاء... Author: عبد الله عقيد Date: 10-05-2007, 12:15 PM Parent: #1
Quote: اما ابنائى (فكان ندائهم كما يلى(يا بابا السر قعور جا اجرى )
انا برضو أولادي اتعلقوا بالبرنامج وخاصة مشعل (5 سنوات)
بالأول طبعا قلت ليهم (على سبيل الافتخار) انو عاصم دا (صاحبنا).. فصار مشعل يقول لي (أصحابك جو).. بعد كم يوم أصبح يصفّق عند بداية البرنامج وهو يصيح (أييييييييييييي أصحابي جو)..
مرة كنت ما حاضر الحلقة وجيت سألتو عنها قال لي (صاحبك البيغمِّد داك جا لابس جلابية)
بالمناسبة يا ممكونة: البوست دا هو الوحيد الذي أقرأه خلال رمضان هذا..
تحياتي لكم جميعا
Post: #619 Title: Re: ما أحلى ساعات اللقاء... Author: abubakr Date: 10-05-2007, 12:57 PM Parent: #617
Quote: انا برضو أولادي اتعلقوا بالبرنامج وخاصة مشعل (5 سنوات)
مبرووك يا ودعقيد بس ادينا الوصفة بس عشان اجربا مع اولاد اخوي " انا بتاعني فاتو السن القانونية وتلقاهم مع بيونسي وجماعة غير "..ياخي يجو صدفة بكان ما انا قاعد يلقوني قاعد اسمع يعاينو لي شذرا ويجرو...امشي ليهم في غرفهم القاهم بيشوفو حاجات غريبة واستغرب ما بيجرو منها كيف .. حكاية اصحابي ما بتشتغل .. انا سويت اكتر من كدة مرة زمان وعيالي صغار في فنان اسمو بالضبط زي بتاعي "ابوبكر سيداحمد " وشفتو في التلفزيون وهو غناي ومصورين ليهو اغنية جميلة وهو راكب جمل وفي مناطق جميلة في غرب السودان وانا ما صدقت وجري لبكان العيال " تعالو شوفو ؟" جو جاريين واشرت ليهم الي التلفزيون وانتظرت لحد الاسم ظهر تاني كتابة وعاينو لي برضو شذرا وفاتو ...اجيال النيدو والبلاي ستيشن دييل الواحدج كيف يروضم بشان يسمعو زي النسمعو دة ؟
Post: #622 Title: Re: ما أحلى ساعات اللقاء... Author: Elmuez Date: 10-05-2007, 02:39 PM Parent: #1
Post: #623 Title: Re: ما أحلى ساعات اللقاء... Author: نجوان Date: 10-05-2007, 06:26 PM Parent: #622
مساكم سعيد.. الي حين حضور ممكونة لبطن البوست ده.. والباشمهندس..
الغربة كانت الموضوع.. حسب افتتاحية ابو الكلام.. رغم انه الإختيار للأغنيات لم يعكس ذلك.. (او اكون انا الما مركّزة)..
فردتنا ابدع في "بتتغيّر" لصالح الضي.. وسمعنا ابعاد جديدة في صوته.. وكالعادة .. غنّي بارتياح.. ودون مجهود..
الأمسية كانت لنادر خضر.. والفرقة الموسيقية.. فهو (اخيرا) غنّى الأغنية التي وجد فيها ذاته خلال هذا الشهر.. اغنية صعبة.. "ابني عشّك يا قماري" لسّيد خليفة... أظهرت الأغنية حنيّة وجمال صوت نادر..
اعتقد ان نادر يظلم صوته كثيرا بدفنه وراء همهمات الأداء المتأثر بالغناء الأثيوبي..
Post: #629 Title: Re: ما أحلى ساعات اللقاء... Author: abubakr Date: 10-05-2007, 06:53 PM Parent: #623
Quote: فردتنا ابدع في "بتتغيّر" لصالح الضي.. وسمعنا ابعاد جديدة في صوته.. وكالعادة .. غنّي بارتياح.. ودون مجهود..
الأمسية كانت لنادر خضر.. والفرقة الموسيقية.. فهو (اخيرا) غنّى الأغنية التي وجد فيها ذاته خلال هذا الشهر.. اغنية صعبة.. "ابني عشّك يا قماري" لسّيد خليفة... أظهرت الأغنية حنيّة وجمال صوت نادر..
اعتقد ان نادر يظلم صوته كثيرا بدفنه وراء همهمات الأداء المتأثر بالغناء الأثيوبي..
وبس ...
Post: #625 Title: Re: ما أحلى ساعات اللقاء... Author: محمد المرتضى حامد Date: 10-05-2007, 06:29 PM Parent: #622
الله يرحمك يا صاحب الصوت الندي الشجي صالح الضي.
كان صوته (يشق القلوب قبل الجلود) ومع أداء ساره لعش معاي الحب قلت : في (الحلقة) الظلماء يفتقد البدر.
مش معاي يا ممكونه انو الضد بالضد يبين؟
تالاهون أعجبني اليوم مع قشه قشه.. انشالله قشه ما تعتر ليك.
(فيرساتشي) اليوم لابس حارس مرمي سرقسطه. والله ما عارفين معاك وين نرسى.
فردتنا نايم، وين (الرُقاق)؟ بعد التلج الفوق ده كلو يا فردتنا تنسى؟
السر قدور أكثر من رائع ومؤثر ، ربنا يحفظك أيها الدكتاتور الرومانسي، بحق قدور من أحلى من تستمع إليهم ولا تمل.
الطيب عبدالله يا حليلك يا جميل .. والله السنين بدونك لاطعم لها.
إنتو الزول البيعزف العود صاحب فردتنا بيعمل شنو في العود؟
Post: #649 Title: Re: ما أحلى ساعات اللقاء... Author: mamkouna Date: 10-06-2007, 04:23 PM Parent: #622
مرحب بيك يا المُعز..و أهلاً بيك بيناتنا. للأسف.. اللنك ما فتح معاي..و ما قدرت أعرف الفلاش باك شنو.. يا ريت تقدر تعيدو لينا تاني.
تسلم.
Post: #624 Title: Re: ما أحلى ساعات اللقاء... Author: abubakr Date: 10-05-2007, 06:28 PM Parent: #1
الحلقة 23 عن "الغربة " وارادها السر قدور عن غربة الفنان والشاعر في زمن صارت الغربة والاغتراب و"الهجرة " معلما اجتماعيا واقتصاديا وثقافيا فلذا ربما تجد هذه الحلقة هو عند من يشاهدها من مئات الالاف من شتات اسودان في اركان الدنيا ...لاحظت انه لم يشير الس سرور وهو اول فنان سوداني اغترب شرقا قبل التجلني السيوفي ....
Post: #638 Title: Re: ما أحلى ساعات اللقاء... Author: mamkouna Date: 10-06-2007, 01:23 AM Parent: #624
الحلقة تلاتة و عشرين:-
* دارت حلقة اليوم عن الشعراء و الملحنين و المطربين الذين إغتربوا..لكنهم إقتربوا أكثر إلى الفن السوداني...حملوا أوطانهم في حناياهم...و إحتفظوا في وجدانهم بالوطن.
* تحدث أبو الكلام عن (( التجاني السيوفي )) الذي إشتهر في السودان..بل و نافس أحمد المصطفى و الكاشف و عبد الحميد يوسف. لكنه إتجه شرقاً عام 1943 إلى الحبشة و منها إلى اليمن. من أشهر أغانيه.. (( دموعي نازلة هميلة..يراني بين قفار..و أراه بين خميلة...من هوى المحبوب )) غنانا مقطع منها...جمال فرفور.
*تحدث أيضاً عن صالح الضي و غربته في مصر و علاقته الودية مع الشاعر عبد الرحمن الأبنودي. من أشهر أغنيات صالح الضي..و التي عشقها الأبنودي....أغنية (( بتتغيٌر )).. غنانا مقطع منها...عاصم البنا.
* من القاهرة أيضاً..تذٌكر أبو الكلام..الشاعر الموهوب..عبد المنعم عبد الحي...الذي إشتهر بقصيدة (( أنا أم درمان )) التي جاءت ك رد على قصيدة عبد الرحمن الريٌح (( الخرطوم )), ل عبد المنعم عبد الحي و سيد خليفة..أختار أبو الكلام أغنية (( أبني عُشك يا قماري ...قشة..قشة.)) غناها لينا...نادر خضر.
* من أشهر شعراء المهجر و الغربة و الإغتراب...الشاعر الكبير..إسحق الحلنقي..الذي رغم غربته فقد كان متواجداً بكثرة على الساحة الفنية السودانية. من أعماله...و من غناء صالح الضي..إختار أبو الكلام أغنية (( عيش معايا الحب )).. غنتها لينا...أسرار بابكر.
* خُتمت الجلسة برائعة الفنان الكبير..و المغترب الشهير..الطيب عبد الله.. .. ...(( السنين ))... غناها لينا...عصام محمد نور...الشهير ب عصام فرفور!!!
* فردتنا أخد ليهو غَمدة خلال أغنية (( السنين ))...أنا شخصياً ما لايماهو..أنا صحيت بعد دوبلاج ب مزااااج..!!!
Post: #626 Title: Re: ما أحلى ساعات اللقاء... Author: abubakr Date: 10-05-2007, 06:40 PM Parent: #1
الحلقة 23
عيش معاي الحب الحان وغناء صالح الضي اداء اسرار بابكر
Post: #627 Title: Re: ما أحلى ساعات اللقاء... Author: abubakr Date: 10-05-2007, 06:43 PM Parent: #1
دموعي نازلة هميلة الحان وغناء التجاني سيوفي ادار جمال فرفور
Post: #628 Title: Re: ما أحلى ساعات اللقاء... Author: Hussein Mallasi Date: 10-05-2007, 06:46 PM Parent: #627
Quote: إنتو الزول البيعزف العود صاحب فردتنا بيعمل شنو في العود؟
أنا متوقع في أي لحظة محمدية يمحط الزول دا بقوس الكمان.
Post: #630 Title: Re: ما أحلى ساعات اللقاء... Author: abubakr Date: 10-05-2007, 06:58 PM Parent: #1
السنين الحان وغناء الطيب عبدالله اداء عصام محمد نور
Post: #631 Title: Re: ما أحلى ساعات اللقاء... Author: abubakr Date: 10-05-2007, 07:19 PM Parent: #1
ابني عشك يا فماري كلمات عبدالمنعم عبد الحي الحان وغناء سيد خليفة اداء نادر خضر
Post: #633 Title: Re: ما أحلى ساعات اللقاء... Author: ودالعباسية Date: 10-05-2007, 07:48 PM Parent: #631
حلقة ممتعة ،،،
Post: #632 Title: Re: ما أحلى ساعات اللقاء... Author: abubakr Date: 10-05-2007, 07:28 PM Parent: #1
بتتغير بتتغير الحان وغناء صالح الضي اداء عاصم البنا
Post: #634 Title: Re: ما أحلى ساعات اللقاء... Author: Hussein Mallasi Date: 10-05-2007, 10:08 PM Parent: #632
عندما عندما تم تأليف عش معاي الحب و السنين لم يكن الحلنقي و الطيب عبد الله قد اغتربا؛ بل و لم يكن الاغتراب قد اخترع بعد !!
_____ ما تاكل راسنا ساكت يا أبو الكلام!
Post: #635 Title: Re: ما أحلى ساعات اللقاء... Author: Hussein Mallasi Date: 10-05-2007, 10:15 PM Parent: #634
واضح جداً انو الكابلي ما كان بيسافر القاهرة كتير!
Post: #636 Title: Re: ما أحلى ساعات اللقاء... Author: نجوان Date: 10-05-2007, 10:44 PM Parent: #634
Quote: بل و لم يكن الاغتراب قد اخترع بعد
يعني لازم يكون "قد اختُرع بعد"؟ ما سمعت بالخيال العلمي يا ملاسي؟
بـس ياهو ده!
Post: #637 Title: Re: ما أحلى ساعات اللقاء... Author: محمد المرتضى حامد Date: 10-05-2007, 11:05 PM Parent: #636
Quote: أنا متوقع في أي لحظة محمدية يمحط الزول دا بقوس الكمان.
والله يا حسين دي في التمانيات والحارس إتعشى نجيله. ياخ أنا ضحكت حتى تبين لي الخيط الأبيض من الخيط الأسود.
Post: #639 Title: Re: ما أحلى ساعات اللقاء... Author: ASIM AL BANNA Date: 10-06-2007, 01:52 AM Parent: #1
والله ياجماعة ناس مرتضى وملاسى ديل لو ما بعرفهم لكنت اقول من (اصحاب الخيال الواسع) زى مابقولو ناس الهيلا هوب ...
نجوان الله يديك العافية بس ماتنطى زى احمد ادم بتاع الهلال زمان فى دعاية الزيت تتعشى نجيلة .... يخوانا بى صراحة الزول ده ماتمام افقدو ... ولا قام يتعزز الليمون ؟؟؟؟
فكرته من لقياك اغيب قلتا كان يومين تلاته عايز اشوفا مكانتى عندك ياصفا الروح ياحياتا ولمن اتخيلتا شوقى فاق حدود الصبر فاتا غيرتا راييى وما احتملتا واشتقتا ليك فى اللحظة زاااتا
دى هدية يالزول كان ترضى عننا ... كلمات صباحى (والد الفنان معتز صباحى )
ممكونا بعد كدى نحن بنمشى الملجأ .... هملتينا شديد ...
صاحبك ياعقيد البغمد ده الهرشات كترت عليهو مرات بغمد خايف ليهو من كف ولا محطة غوس كمنجة ...
الليلة برضو حضرتا الحلقة فى ود البنا وبرفقة العم مختار البنا قال لى وكان من اول دفعة ابتعثت الى امريكا من اذاعة السودان الى تلقى كورس فى هندسة الاكترونيات والصوت .. قال بدون مقدمات(هو صالح الضى دة لمن كان بغنى زول كان بسمعو مافى لمن شرد .. عليك الله شوف الغنا ده سمح كيفن .) غريبة يابلد دايما كده ؟؟؟؟؟؟ بس جننا نقول الجنيه فى السبعينات كان بساوى 3 دولار ....
من اغنيات صالح الضى الكان لابدا من دخولا الحلقة (دلال) (ان قلت والله بحبونى يزداد دلالهم ويسلونى ... وان قلت خليتو هواهم يشكو الهوى ويسيبونى ... عملتا ايه ياناس فيكم ايه ذنبى بس حيرتونى ...تم تم تم تم ... بس الكف قرريييييب . خااااارج النص والشنقيطى
مرتضى ... والحاضرين بدون فرز .... عندى بوست اسمو (مطلوب القبض عليهم احياء ) اجو المرور ضرورى جدا ..ز
ها ها ها ناس النيل الازرق عادونى بالدعايات ...
مودتى
Post: #640 Title: Re: ما أحلى ساعات اللقاء... Author: ودالعباسية Date: 10-06-2007, 03:07 AM Parent: #639
والله يا ود البنا ،،،
امتعتونا فى رمضان دا ،،،
الواحد بقى لو ما حضر الحلقة دي زي بكون خرمان،،،
لكن بقول ناس الخال ما بقصرو بجيبوها مباشرة ،،
اتمنى البرنامج يواصل بالرغم من كل الكلام الاتكتب فيه ،،
والقصيدة جميلة ،،
Quote: واشتقتا ليك فى اللحظة زاااتا
Post: #642 Title: Re: ما أحلى ساعات اللقاء... Author: abubakr Date: 10-06-2007, 06:05 AM Parent: #639
Quote: غريبة يابلد دايما كده ؟؟؟؟؟؟ بس جننا نقول الجنيه فى السبعينات كان بساوى 3 دولار ....
3 و3 من عشرة من فضلك ؟؟مالك قاطعا ؟ ما هو جيلكم "الامبريالي " دة الرخص الجنيه ؟ هسع بالله فنلة فرفور دي ما ترخص القرش زاطو ؟؟ اوع المرة الجاية يجي لابسا وشايل معاهو كمشة مفاتيح ؟؟ اها ما نقدر نسجل ونطلع السطوح نعمل ديدبان؟ رخصتو الجنيه وكمان حتقلقو منامنا في الغربة ؟
Post: #641 Title: Re: ما أحلى ساعات اللقاء... Author: abubakr Date: 10-06-2007, 05:53 AM Parent: #1
الزول الزول انت وين يازول
دة كلام؟ الزول مافي وممكونة نايمة جو بطن بيتا وتجي بعد دوبلاج وفردتنا حائم مع عمو المن زمن مشروع ايزنهاور ونجوان بقت تجي متاخرة وودالعباسة بيمشي الحولية ويجي وش الصبح وابومهيار بس يتاوق بصمة خشمو وود وداعة من دييييك وعيييك يعني هسع انا لو عترت لي كلمة اقول يا منو؟ ...قولو ياباسط وادفرو معاي لحد الجمعة الجاية وبعدين نشوف ؟
Post: #643 Title: Re: ما أحلى ساعات اللقاء... Author: عواطف ادريس اسماعيل Date: 10-06-2007, 07:10 AM Parent: #641
الأحباء ممكونة وأبوبكر !!!
وحشتوني ,,,
ما أجمل هذا البوست ,,, يديكم العافية !!!
Post: #652 Title: Re: ما أحلى ساعات اللقاء... Author: نجوان Date: 10-06-2007, 05:16 PM Parent: #641
Quote: ونجوان بقت تجي متاخرة
ما في تأخير يا باشمهندس.. ده انا بنزّل الربورتاج بتاعي وتترات البرنامج لم تبرد بعد ..
وفردتنا يقول احمد آدم وزيت عافية.. ونجيلة وملوخية والله منتظرة ترجمته.. (او أفتش احمد آدم ده وين بلده دلوقت.. واسأله)
Post: #644 Title: Re: ما أحلى ساعات اللقاء... Author: abubakr Date: 10-06-2007, 09:22 AM Parent: #1
Quote: ما أجمل هذا البوست ,,, يديكم العافية !!!
بعض مما عندكن ...اها انتي وين ؟
Post: #647 Title: Re: ما أحلى ساعات اللقاء... Author: عبدالله وداعه الامين Date: 10-06-2007, 09:59 AM Parent: #644
Quote: وود وداعة من دييييك وعيييك يعني هسع انا لو عترت لي كلمة اقول يا منو؟ ...قولو ياباسط وادفرو معاي لحد الجمعة الجاية وبعدين نشوف ؟
حبيبنا ابوبكر تحية وسلام ود وداعه موجود ومعاك هنا كل يوم ومستمتع بي مجهودك الجميل ورائع وكل يوم بكون منتظرك هنا زي مدفع الافطار بس مرات الواحد بتاوق من بعيد لي بعيد بنسرق نظرة خجولة وبنطلع مبسوطين وانحنا عليك الله غير الدفر دا بسووا بينا شنو؟ شغلتنا في الدنيا كلها بقت دفر و دفير ندفر بوستات ندفر عربات والدنيا ما داير تدفرنا الله كريم keep it up وتسلم يا الحنين
Post: #648 Title: Re: ما أحلى ساعات اللقاء... Author: abubakr Date: 10-06-2007, 01:29 PM Parent: #1
Quote: ود وداعه موجود ومعاك هنا كل يوم ومستمتع بي مجهودك الجميل ورائع
طمنتنا الله يطمنك دائما .. اها بقينا في زولنا الضارب طناش حتي بعد ان وقف فردتنا علي بابه والقي قصيدة عصماء عله يستجيب .. ياناس هو زولنا هسع بيكون شايل العلم ومشي وين ؟
Post: #650 Title: Re: ما أحلى ساعات اللقاء... Author: mamkouna Date: 10-06-2007, 04:26 PM Parent: #648
أضم صوتي لصوتك يا باشمهندس.. و..أسأل عن الغايبين و الغايبات... الزوول.. تمبس.. فيصل نوبي.. منار.. رشا.. ملكة سبأ.
جايين..و لا نرسل ليكم مكافأة نهاية الخدمة..؟؟!!!
Post: #651 Title: Re: ما أحلى ساعات اللقاء... Author: mamkouna Date: 10-06-2007, 04:33 PM Parent: #650
سلام كبييييييييير ,,و تحية و لا أحلى.. للصحفية المُتميزة.. و الزميلة الإسفيرية العزيزة و الغالية.. التي طال إنتظارنا لها.. عطوفة. نوٌرتي و شرٌفتي... و غيابِك طال...كفاية تعال.
Post: #653 Title: Re: ما أحلى ساعات اللقاء... Author: abubakr Date: 10-06-2007, 05:38 PM Parent: #1
الحلقة 24 اللغة العربية الفصحي في الغناء السوداني بحضور وفد الافروارابو بقيادة عمر بونقو
Post: #654 Title: Re: ما أحلى ساعات اللقاء... Author: نجوان Date: 10-06-2007, 05:49 PM Parent: #653
جمال فرفور.. أسرار..
والأغنيتان الأوائل.. يعني (نص نص)
في انتظار البقية..
Post: #655 Title: Re: ما أحلى ساعات اللقاء... Author: نجوان Date: 10-06-2007, 06:09 PM Parent: #654
عصام محمد نور.. و "يا حبيبي ظمئت روحي للتلاقي".. للعاقب محمد حسن.. معليش.. يا عصام.. شكرا على المحاولة.. (قد يكون تحيزي لتفرد العاقب الغريب..)
فردتنا يقود المجموعة في "البحيرة" لعبد الدافع عثمان.. وهي الأغنية التي أنقذت هذه الحلقة من غرق محقّق.. __ يللا يا باشمهندس.. ومستر يوتوب..
Post: #656 Title: Re: ما أحلى ساعات اللقاء... Author: ودالعباسية Date: 10-06-2007, 06:16 PM Parent: #655
الليلة فردتنا بى بخرته ،،،
Post: #657 Title: Re: ما أحلى ساعات اللقاء... Author: Hussein Mallasi Date: 10-06-2007, 06:19 PM Parent: #656
ما قلت ليكم أبو الكلام دا قاصد الكابلي عديل! _____ في الفصحى ما جبتو .. داير تجيبو متين؟!!
Post: #658 Title: Re: ما أحلى ساعات اللقاء... Author: mamkouna Date: 10-06-2007, 06:32 PM Parent: #657
Quote: ما قلت ليكم أبو الكلام دا قاصد الكابلي عديل! _____ في الفصحى ما جبتو .. داير تجيبو متين؟!!
أنصحك تحضر الإعادة بالليل... بدون عبد الرحمن و أخواته..عشان تقدر ترٌكز!!
Post: #659 Title: Re: ما أحلى ساعات اللقاء... Author: Hussein Mallasi Date: 10-06-2007, 06:45 PM Parent: #658
شنو .. جابو و للا شنو .. ____ يعني الواحد ما يغمض دقيقة !!
Post: #661 Title: Re: ما أحلى ساعات اللقاء... Author: mamkouna Date: 10-06-2007, 07:11 PM Parent: #658
الحلقة أربعة و عشرين :-
* كانت حلقة اليوم عن الغناء باللغة العربية الفُصحى. أكٌد أبو الكلام أن الغناء السوداني بدأ ك غناء (( إستماع )) لذلك كانت للكلمة دور قوي جداً و أساسي. و أن الغناء العامي السوداني قريب إلى الفُصحى...و إستدل على ذلك بكلمات أغنية (( قائد الأسطول )) .
* أول من غنى بالفُصحى كان الفنان (( زنقار )) بأغنية (( يا عروس الروض يا ذات الجناح...يا حمامة ))... و حكى أن الأغنية المذكورة كانت محل نزاع طريف و وديٌ بين صلاح عيسى و أبو داؤود...حسمه أبو داؤود بقوله (( ياخي أنا رفدوني من الشغل عشان زنقار ))!! أصل الأغنية بدأ عند زيارة زنقار لبيروت...عندما أصرٌ عليه الطلبة السودانيين أن يغني لشاعر لبناني...فإختار هذه الأغنية للشاعر اللبناني إلياس فرحات...و غناها وقتئذٍ بمصاحبة آلة البيانو.
غنانا مقطع منها...جمال فرفور.
* من روائع الغناء السوداني الفُصحى ...أغنية (( هل أنتَ معي )) للشاعر المصري (( محمد على أحمد )) و هو موظف مصري عاش في السودان. لحٌن الأغنية برعي محمد دفع الله. و غناها عبد العزيز محمد داؤود. غنت مقطع منها..بتنا أسرار.
* من أشعار عباس العقاد الفُصحى ..إختار السر قعور رائعة الكابلي.. شذا زهر..و لا زهر..أين الظل و النهر. غنى مقطع منها...نادر خضر.
نهديها بصفة خاصة...للأخ العزيز...حسين ملاسي.
* عن العاقب محمد حسن..حكى أبو الكلام أن العاقب إبتدأ حياته الفنية بقصيدة عبد الله الفيصل (( نجوى ))...و كان آخر تسجيل إذاعي له..أيضاً لعبد الله الفيصل (( حبيب العمر )). للشاعر المعروف مصطفى عبد الرحمن.....غنى العاقب محمد حسن أغنية (( هذه الصخرة ))..التى غنتها أيضاً النجمة العربية المعروفة..فايزة أحمد. (( يا حبيبي ظمأت روحي و حنٌت للتلاقي )). غنى مقطع منها...عصام محمد نور.
* من أجمل من غنى للفُصحى.. أحمد المصطفى....راحل مقيم..لأحمد رامي التاج مصطفى...أيها الساقي...شعر أندلسي. و.. عن عبد الدافع عثمان...حكى أبو الكلام..أن عبد الدافع علامة من علامات الغناء السوداني..و من أجمل من غنى الفصحى... اختار لعبد الدافع ,,,أغنية (( أذكريني و أذكري يوم البحيرة )) لعلي أحمد باكثير.
_____ أبو الكلام دا اصلو غير المصريين ما عندو شي!!
Post: #664 Title: Re: ما أحلى ساعات اللقاء... Author: الزوول Date: 10-06-2007, 07:29 PM Parent: #663
السلام عليكم كل الشكر لفردتنا على القصيدة العصماء زملائنا في قسم الفيدو عنهم الباش أبوبكر رئيس قسم المراسلين الفنيين الممكونة نجوان .. ود وداعة ولكل من سأل عن الغيبة الفجائية ويرجع سبب الغيبة لهجوم رمضاني عائلي داخل بطن البيت على فكرة .. تركزت الونسة في معظمها عن البورد والبوست وأكتشفت – للأسف – أن شقيقي الأكبر الذي يكتب معي هنا منذ 5 سنوات تمكن أخيراً من معرفة أن الزوول هو الأسم الذي أكتب به هنا الله في ............................. وما الناس إلا هالك وأبن هالك *** وذو نسب في الهالكين عريق
Post: #695 Title: Re: ما أحلى ساعات اللقاء... Author: abubakr Date: 10-07-2007, 04:33 AM Parent: #664
Quote: تمكن أخيراً من معرفة أن الزوول هو الأسم الذي أكتب به هنا
عجيبة ودة وملفك فاضي ما فيهو شي .. اكيد عرفك من الكدارة اللابسة في صورتك الشايل فيها العلم ؟ يمكن هو شغال في الس اي دي وانت في الكي جي بي وبعدين جورباتشوف قال ليهو ؟؟
Post: #665 Title: Re: ما أحلى ساعات اللقاء... Author: نجوان Date: 10-06-2007, 07:38 PM Parent: #663
Quote: أبو الكلام دا اصلو غير المصريين ما عندو شي!!
ما جاب كابلي.. ما جاب كابلي.. دلوقت.. جاب كابلي ... بس لشاعر مصري.. وبكرة.. جاب كابلي .. لشاعر غير مصري.. بس راحل!
المرّة الجاية اعمل ال order بتاعك بالتفصيل ..مقدما يا ملاسي وما تعذّب الناس معاك!
Post: #666 Title: Re: ما أحلى ساعات اللقاء... Author: الزوول Date: 10-06-2007, 07:42 PM Parent: #665
السلام عليكم تعرف يا حسين كان عندنا استاذ لغة عربية لا شأن له بالغناء وفوجئت عندما عرفت انه مستمع مدمن للكابلي وفسر لي بقوله أن الكابلي هو أفضل سوداني ينطق اللغة العربية غناءً وانه يحبه فقط بسبب غنائه الفصيح ..... جهزت تعليقي على هذه الحلقة حينما اختفى اسم الكابلي ب ( يبدو أن الأمر أكبر من مجرد قلة زيارات الكابلي لمصر .. ) ولكنه أتى - على مضض - بقصيدة العقاد شذى زهر وأقول (على مضض ) لأنني أحسست احساساً ( شريراً) أنه اختارها فقط ليمكن نادر خضر من اشباع رغبته في اظهار مدى جماليات صوته عفواً يا حسين ولكني أظن أنه كان يجب أن يختار إما حبيبة عمري للحسين الحسن أو معللتي بالوصل والموت دونه .... لأبي فراس الحمداني ............................. وما الناس إلا هالك وأبن هالك *** وذو نسب في الهالكين عريق
Post: #668 Title: Re: ما أحلى ساعات اللقاء... Author: الطيب شيقوق Date: 10-06-2007, 07:58 PM Parent: #666
كيفكم ايها الاحباب
اليوم لقائي بكم من هنا وانا في لقاء ممتع وجميل مع امدرمان نفسها . احييكم اخوتى ممكونة الاخ ابو بكر واخي المرتضى والاستاذ عاصم ود القبائل من قثلب امدرمان شارع الشهداء .
عميق المودة
شيقوق
Post: #671 Title: Re: ما أحلى ساعات اللقاء... Author: abubakr Date: 10-06-2007, 08:21 PM Parent: #668
Quote: قثلب امدرمان شارع الشهداء .
يعني انت طلعت من جو بطن البيت في مسقط الي جو قلب امدرمان متين ؟ اسرع من كرويات الدم الحمرا والبيضا ...؟
تحياتنا الي ام عبدالله وعبدالله والجميع ...
Post: #701 Title: Re: ما أحلى ساعات اللقاء... Author: mamkouna Date: 10-07-2007, 11:46 AM Parent: #668
مرحب بيناتنا و في حضن وطنك يا ود شيقوق.. منتظرين تلفونك.. عندنا مشوار مهم...ل...كاكوم..!!!
Post: #700 Title: Re: ما أحلى ساعات اللقاء... Author: mamkouna Date: 10-07-2007, 11:37 AM Parent: #663
Quote: أبو الكلام دا اصلو غير المصريين ما عندو شي!!
إنتَ ناسي إنو (( نصو الحلو ))...مصري..؟؟!!!
Post: #670 Title: Re: ما أحلى ساعات اللقاء... Author: abubakr Date: 10-06-2007, 08:16 PM Parent: #662
Quote: عــــــــــــــــــــــــــدنا
انت بطن بيتكم دة كبير قد كدة يغيبك فيه اسبوع وتجينا طالع ببالونات ومعاك اخوك الكبير كمان ..؟ باقي لينا اسبوع فمافي غياب تاني لا جو ولا برة بطن بيتكم ....
عودا حميدا
Post: #669 Title: Re: ما أحلى ساعات اللقاء... Author: abubakr Date: 10-06-2007, 08:02 PM Parent: #1
عروس الروض الحان وغناء زنقار اداء جمال فرفور
Post: #672 Title: Re: ما أحلى ساعات اللقاء... Author: abubakr Date: 10-06-2007, 08:22 PM Parent: #1
هذه الصخرة الحان وغناء العاقب محمد حسن اداء عصام محمد نور
Post: #673 Title: Re: ما أحلى ساعات اللقاء... Author: abubakr Date: 10-06-2007, 08:37 PM Parent: #1
شذي زهر الحان وغناء عبد الكريم الكابلي اداء نادر خضر
مهداة الي حسين ملاسي من الجمهور "الهو انا" وست البوست من جو بطن بيتا ونجوان برضو من جو بطن بيتا والزوول وهو هابط بالبلونات وودالمرتضي برضو من جو بطن بيتو وود وداعة من وادي عبقر ودالعباسية من الحولية وابو مهيار وهو بيتاوق من الشباك وكافة العاملين لدي ست البوست ( ياخي نفسي قام هو دييل كلهم شغاليين هنا ؟ )
Post: #678 Title: Re: ما أحلى ساعات اللقاء... Author: محمد المرتضى حامد Date: 10-06-2007, 09:31 PM Parent: #673
العقاد المصري كابلي السوداني تالاهون الأثيوبي الملابس بوركينا فاسو
عاش الإتحاد الأفريقي
مافي شي بيزعلني إلا الناس الزي (الزول) دا ، يغيب شهر ويجيك شايل بالونات يقول ليك شذى زهر أبرزت إمكانيات تالاهون الصوتيه ياخ عليك الله خاف ربّك وين (شذى زهر) بتاعت كابلي و (شقى دهر) اللي سمعناها اليوم؟ (الزووول ) أمشي أنفخ بالونات غيرها. قسما عظما كابلي لما أسمعو في حفله يصدح ( وبي سكر تملكني وأعجب كيف بي سكر) أنا بتّرتَح وأتّكَل بالحيط وأخشى على نفسى من الإتهام بالتواجد في حالة سكر ظاهر في الأماكن العامه، اليوم سمعتها زيها وزي حاجات المجلس الوطني إياها.
والله يا ابوبكر أنا زعلان ومتحسس وماخد في خاطري إنو ساره الليله ماغنّت كأنها حردانه بسبب كلامي رغم انو التسجيل تم في يوليو. يا فردتنا ، ليه ساره ما غنت؟
يا فرده ، أنا ألف مره ما قلت ليك ما تتسدر لمشاكل التانيين وتشيل تقصيرهم وتعمل فيها جمل الشيل؟ السر قدور وضع كل الأغاني اللي مفروض تتغنى قبل 3 شهور من التسجيل وطالما الناس زاغوا من البحيره في اللحظات الأخيره، كما هو واضح ، كان تغني غيرا، على أية حال لولا تغنيك بالبحيرة لما كانت هناك حلقة اليوم ، عفيت منك يا السوخوي وفي رواية أخرى زين الدين.
في زول يقول لي فيرساتشي الليله مالو؟ ساهي ساهم، في احتمال يكون شايل هم مشوار جاكرتا شان يجيب قمصان زي بتاعت مانديلا؟
والله يا حسين كلما الكاميرا تتجه لمحمديه وأحمد المك أتذكر (المحطه) المتوقعه وأضحك حتى بانت نواجذي. الله يجازيك.
Post: #674 Title: Re: ما أحلى ساعات اللقاء... Author: abubakr Date: 10-06-2007, 08:59 PM Parent: #1
البحيرة الحان وغناء عبد الدافع عثمان اداء عاصم البنا
Post: #675 Title: Re: ما أحلى ساعات اللقاء... Author: abubakr Date: 10-06-2007, 09:14 PM Parent: #1
Post: #676 Title: Re: ما أحلى ساعات اللقاء... Author: sanaa gaffer Date: 10-06-2007, 09:17 PM Parent: #1
بوست ولا اروع ....
ارشحو لجائزة الطف واظرف واجمل وافيد بوست ...
ممكونة ... الديمة برة بطن بيتها لكن ما مقصرة ابدا في نقل صورة كاملة لكل حلقة ...
الباشمهندس ابوبكر ... والله بس لو عرفتوا الزول دة بيتعب قدر شنو عشان يوصل لينا الاغاني دي بصورتها الكاملة ؟؟؟ الله يديك العافية ..
الزوول ... والله اخوك بالغ ... خمسة سنين وما عارف ؟؟؟ يا ربي الداقس فيكم منو ؟؟
فيصل نوبي ... كب الزوغة من بدري ...
نجوان ..طلعتي خطيرة مرة ... ونافستي الكبار عديل ...
ملاسي وشظاياه ... بس كويس انها ( هنا ) شظايا ما بتسبب جروح ...
جميع المشاركين في هذا البوست ... شكرا لكم فقد امتعتمونا الى الحد البعيد ...
وكل سنة والجميع بخير ...
Post: #686 Title: Re: ما أحلى ساعات اللقاء... Author: mamkouna Date: 10-06-2007, 11:27 PM Parent: #676
Quote: بوست ولا اروع ....
ارشحو لجائزة الطف واظرف واجمل وافيد بوست ...
ممكونة ... الديمة برة بطن بيتها لكن ما مقصرة ابدا في نقل صورة كاملة لكل حلقة ...
شكراً يا سنوية على الكلام الحلو دا... لكن ما تصدقي الإشاعات دي.. أنا مُرابطة في (( بطن بيتي )) ... و بالتحديد قدام شاشة الأزرق أو شاشة الكومبيوتر.. هل تصدقي إنو هدوم العيد...طلبناها هوم ديلفري..!!!؟؟؟
Post: #677 Title: Re: ما أحلى ساعات اللقاء... Author: abubakr Date: 10-06-2007, 09:20 PM Parent: #1
سنوية .. قدامك 7 ساعات بس نوم وتجري رجلينك للشغل ..المسهرك شنو ؟ الصباح ما دايرك تشتكي من السهر ؟؟؟انا متعودة !!
Post: #679 Title: Re: ما أحلى ساعات اللقاء... Author: sanaa gaffer Date: 10-06-2007, 09:37 PM Parent: #1
والله يا ابوبكر الليلة النوم ابى عديييييييييييل ...
اكون منتظرة نتيجة مباراة الهلال ؟؟
وياها بكرة الشكوى المعتادة من النعاس وجرجرة الرجلين للشغل ...
النوم النوم باكريك بالدوم ...
Post: #681 Title: Re: ما أحلى ساعات اللقاء... Author: abubakr Date: 10-06-2007, 09:40 PM Parent: #679
Quote: اكون منتظرة نتيجة مباراة الهلال ؟؟
انا قلت حسين ملاسي بس السهران منتظر النتيجة .. دة انتي كمان .. هو اصلو في شنو ؟ الهلال مالو ؟
Post: #680 Title: Re: ما أحلى ساعات اللقاء... Author: abubakr Date: 10-06-2007, 09:38 PM Parent: #1
هااااام:
والبرنامج يكاد يصل الي نهايته ارجو من الجميع الجو بطون بيوتم وبرة والهابطيين بالبالونات وناس الحولية والمتاوقة ووادي عبقر ونجوان وسنوية وكل العامليين وكل الزوار والمراقبيين وحتي الزعلانيين مني وبمناسبة عيد الفطر ان يختارو الاتي : 1- اغنيتيين لكل واحد من الشباب( كل الاغاني موجودة هنا او في اليوتيوب :فتشو sidahmed07) 2-برضو ادائيين مميزيين للفرقة الموسيقية 3-موضوعيين ابدع فيهما الاستاذ السر قدور
واكييد حتكون في جوائز بس ما ليكم ....
الغرض هو ان ننظر الي الكم الهائل من المعلومات والابداع بتعمق اكثر من السماع فقط وينته الامر بنهاية الحلقات فالموضوع مهم حيث يتناول جوانب متعددة من الغناء شعرا ولحنا واداء وتاريخا لم يوثق من قبل لعل قي ذلك ما يفيد اجيال شابة وقادمة من مبدعين السودان لياتو بجديدهم يضاف الي المتراكم في وجدان السودانيين منذ قرن ...وامر اخر هو البحث عما يجمع ولا يطرح فالملاحظ ان هذا البوست يزوره يوميا ما لايقل عن 200 الي 300 زائر وان الاغنيات المسجلة في يوتيوب في مكان واحد فقط ( هو الذي ارفع اليه تسجيلات هذا البرنامج ) شوهدت حوالي 15الف مرة حتي اليوم ...في دوامة ما يحدث في بلادنا مهم جدا ان نبحث عما يجمعنا ونحن شتات في الداخل والخارج ..
لكم مودتي ابوبكر سيداحمد
Post: #684 Title: Re: ما أحلى ساعات اللقاء... Author: محمد المرتضى حامد Date: 10-06-2007, 09:58 PM Parent: #680
الباش بكري، يا سيدي ربنا يديك العافيه وبصدق صاف لا تشوبه المجامله أرى أنك من يستحق الجائزة، كما قالت الأخت سناء جعفر مجهودك في النقل والتحميل والشحن كان ضخما ونثمنه عاليا وعليه أصدرت مرسوما غنائيا بمنحك وسام النقل الوطني من الدرجة الممكونه، أنا أثمن لك دورك في تفعيل البوست ودعمك اللامحدود لفردتنا وكافة القضايا المصيرية وإنزال الأغاني الى أرض الواقع (يوتيوب). بجد بدون مجهودك كان مشينا الإصلاحيه .
Post: #694 Title: Re: ما أحلى ساعات اللقاء... Author: abubakr Date: 10-07-2007, 04:21 AM Parent: #684
Quote: بجد بدون مجهودك كان مشينا الإصلاحيه .
يعني ممكن اشتغل "مدرب اجنبي" ويدوني قروش كتيرة كدة ب"الدولار" ويرفدوني وبرضو يدوني دولاارات كتيرة بدل المرمطة دي في شغل البنايات القاطع نفسنا دة ؟
Post: #682 Title: Re: ما أحلى ساعات اللقاء... Author: abubakr Date: 10-06-2007, 09:45 PM Parent: #1
الاجابات للاسئلة الفوق دي تستمر طوال شهر شوال ( اها تشوفو ليكم حاجة تشغلكم يا ناس البالونات )
Post: #683 Title: Re: ما أحلى ساعات اللقاء... Author: sanaa gaffer Date: 10-06-2007, 09:54 PM Parent: #1
Quote: انا قلت حسين ملاسي بس السهران منتظر النتيجة .. دة انتي كمان .. هو اصلو في شنو ؟ الهلال مالو ؟
Post: #685 Title: Re: ما أحلى ساعات اللقاء... Author: محمد المرتضى حامد Date: 10-06-2007, 10:12 PM Parent: #683
تعرف يا ملاسي ، بمناسبة الهلال وكدا ، كان مفروض في الظروف دي الواحد يقيف معاك، نحن لما المريخ العظيم يكون لاعب لا بنساهر لا بندافر ، بس ننوووووم وباكر نسأل: يا اخوانا المريخ غالب كم. بالله يا باش أنصح ملاسي دا يحافظ على صحّتو ويجينا.
Post: #687 Title: Re: ما أحلى ساعات اللقاء... Author: mamkouna Date: 10-06-2007, 11:33 PM Parent: #685
من وحيٌ أغاني و أغاني.. و... من وحيٌ البوست الكامل - الدسم دا... .... كانت مُشاركتي في العدد الجديد من مجلة (( سودانيات ))...
Post: #688 Title: Re: ما أحلى ساعات اللقاء... Author: Hussein Mallasi Date: 10-07-2007, 00:04 AM Parent: #687
Quote: ولكني أظن أنه كان يجب أن يختار إما حبيبة عمري للحسين الحسن و معللتي بالوصل والموت دونه .... لأبي فراس الحمداني
لوم لي أسيا و افريقيا يا الزول؛ و كان حتكون مناسبة جداً مع أبو الكلام عشان: مصر يا أخت بلادي و كدا
Post: #689 Title: Re: ما أحلى ساعات اللقاء... Author: jini Date: 10-07-2007, 00:34 AM Parent: #688
انا البوست دا ساكن فيهو سكنى وما فتجت خشمى عشان ما تدفعونى الايجار! تلهون ابدع فى توبة يا انة كان رضيتوا كان ابيتو! عاصم البنا كان هو المقروض يغنى باسم الحب ! فرفور طوالى سرحان تقول مضيع ليهو بلنتى! تلاهون بفص قماش البجامة جلابية وقماش الجلابية بيجامة! مفروض يسجلوا الحلقة فى بيتهم! بوست جميل زى اصحابو! نصيحة اى واحد داير ليهو شناف! حسين ملاسى على مدار الاربع وعشرين ساعة! الحوادث! جنى
Post: #692 Title: Re: ما أحلى ساعات اللقاء... Author: abubakr Date: 10-07-2007, 04:10 AM Parent: #689
Quote: انا البوست دا ساكن فيهو سكنى وما فتجت خشمى عشان ما تدفعونى الايجار!
تدفع ايجار باك داتد مع غرامة المتاوقة والترس باسنق وايجار الاسبوع الجاي مقدم .. هو بس جهاز المغتربيين البتدفعو ليهو ؟؟
Post: #708 Title: Re: ما أحلى ساعات اللقاء... Author: jini Date: 10-07-2007, 05:31 PM Parent: #692
Quote: تدفع ايجار باك داتد مع غرامة المتاوقة والترس باسنق وايجار الاسبوع الجاي مقدم .. هو بس جهاز المغتربيين البتدفعو ليهو ؟؟
باك داتد مع غرامة المتاوقة والترس باسنق وايجار الاسبوع الجاي مقدم انت كنت شغال معاهم ولا شنو! اتنين تيمان اقباط جابوا ليهم ضرائب 186 مليون جنية! واحد فيهم قال لا اله الا الله محمد رسول الله! التانى قال ليهو:انت اسلمت ولا شنو! الول قال ليهو موش حاجة تكفر! هم خلوا لينا حاجة عشان ندفعها! جنى
Post: #711 Title: Re: ما أحلى ساعات اللقاء... Author: jini Date: 10-07-2007, 05:49 PM Parent: #708
Quote: مرحب بيك يا جني.. نوٌرتَ و شرٌفتَ... بالمناسبة الإيجار في البوست دا بالدقيقة.. شوف حسابنا عندك كم!!!
تستاهلو بس ايه هناخد الريح من البلاط! شرف الله مقدارك
Quote: بره الموضوع:
شكلَك ما غريب علي...إتلاقينا وين قبل كدا..؟؟!!
يكون فى عمرة كانون الأول! ابوالعبد رجع من الحج الى بلده لبنان وطبعا راجل يحب الفشخرة برغم غباؤه واصحابه حوله بسألوهو عن السعودية! أبو العبد: كل شئ منيح ومرتب أكل شرب اتصالات مواصلات أنا بنصح اى حدا بدو يحج يطلع على السعودية!! ياممكونة لا تروحى تحجى فى سويسرا! تحياتى
Post: #698 Title: Re: ما أحلى ساعات اللقاء... Author: mamkouna Date: 10-07-2007, 10:19 AM Parent: #689
مرحب بيك يا جني.. نوٌرتَ و شرٌفتَ... بالمناسبة الإيجار في البوست دا بالدقيقة.. شوف حسابنا عندك كم!!!
بره الموضوع:
شكلَك ما غريب علي...إتلاقينا وين قبل كدا..؟؟!!!
Post: #691 Title: Re: ما أحلى ساعات اللقاء... Author: abubakr Date: 10-07-2007, 04:06 AM Parent: #687
Quote: الحاج فيفالدي...جميل المواسم
وانا القلت اخليها لاخر الموسم "البرنامج" واجي لافحا ؟؟ انت ما بتعرفي انو انا امين المكتبة ؟؟ اصلو الطلعك شنو من جو بطن بيتك الوكت دة ؟ بوظتي البرنامج بتاعي
Post: #693 Title: Re: ما أحلى ساعات اللقاء... Author: abubakr Date: 10-07-2007, 04:15 AM Parent: #683
Quote: ياخ الهلال لاعب مع الفريق التونسي وفي ارضو ...
اها صحيت الصباح دة قريت انو "خرج " زي الجمل "ظلع"...انا غايتو كنت بلعب بلي وبشجع فريق الكشافة زمان ... هو فردتنا كمان "خرج" ؟؟
Post: #690 Title: Re: ما أحلى ساعات اللقاء... Author: abubakr Date: 10-07-2007, 04:00 AM Parent: #1
الاجابات للاسئلة الفوق دي تستمر طوال شهر شوال ( اها تشوفو ليكم حاجة تشغلكم يا ناس البالونات )
Post: #696 Title: Re: ما أحلى ساعات اللقاء... Author: ASIM AL BANNA Date: 10-07-2007, 05:14 AM Parent: #1
ياحبايب ... الليلة دى ليلة ويا لها من ليلة .... يا باش انا من قون صبحى 87 ماشفتا كورا للهلال مع انو لمن زول يسالنى انت مسلم ؟ بقول اااى ... ولما يسالونى هلالابى ولا... بقول بس قبلك ... الليلة اول يوم احضر كوراة اظنى شربتها انا ....
فى نفس الوقت جابو اكتر حلقة كنت خايف منها على الاطلاق الليلة .... اليوم دا بذكرنى امتحانات الشهادة يوم الرياضيات ما عارف ليه ؟
مرتضى سيدنا اسماعيل (تكوهو للضبح ) بس الله شاف لينا ... جابو الخرفان . توبا يا انا .
نجوان شكرا على الاطراء ياختى ماقصرتى ... اوع النجيلة بس
ممكونا انتى محمبكة منى ولا شنو ؟؟؟؟؟ فاتحى لى كده ولا عشان ماكتبتا ليك قصيده ؟؟؟؟
زولى هوى .... عيد الميلاد الفوق ده مابغوشنا .... كنت غافل وين ؟؟؟؟ دايرين مبرر واضح المكنة حقت اخوك دى تشبه لى رافت الهجان ( انت كنت وين ) ؟؟؟ لازم نساللك عشان ما يقولو ناس بطن بيتكم مهملنك تطلع لينا قليل ادب ...
ابوبكر ... والله حقو يدوك نوبل عديييل كده وبالمناسبة انا عندى ضيوف كوتار بتابعو بيت ناس ممكونا ده وبشيدو بى نجمة انجازك وهم ببلغوكم انت والزول احر التهانى واخلص الشكر واجزله لتمكينهم من مشاهدة البرناوج ... وانا كمان .
مرتضى محمدية اخر الاغنية كان داير يمحطنى انا بالغوس لما قلت الموسيقى بى صوتى ... بتاوق لى زى الداير يقطع الشارع .
بره النص والشنقيطى . مرتضى الرسالة ما جات
مودتى
Post: #697 Title: Re: ما أحلى ساعات اللقاء... Author: الزوول Date: 10-07-2007, 05:56 AM Parent: #696
السلام عليكم
Quote: محمدية اخر الاغنية كان داير يمحطنى انا بالغوس لما قلت الموسيقى بى صوتى ... بتاوق لى زى الداير يقطع الشارع .
قلت لى زي الداير يقطع الشارع .... انت فيك عرق من الرباطاب؟؟ Loooool ............................. وما الناس إلا هالك وأبن هالك *** وذو نسب في الهالكين عريق
Post: #699 Title: Re: ما أحلى ساعات اللقاء... Author: mamkouna Date: 10-07-2007, 10:28 AM Parent: #696
Quote: ممكونا انتى محمبكة منى ولا شنو ؟؟؟؟؟ فاتحى لى كده ولا عشان ماكتبتا ليك قصيده ؟؟؟؟
هووووووووي يا ود البنا.. ما تعمل فيها مجنون.. إنتَ ما قريت كلام عبد الله دا..؟؟!!!
Quote: ويا ممكونة عاصم دا اخد مني نص ومن هسه النص دا ليكي انتي ولو غالطك زول انا موجود امسكي عاصم دا من رقبتو لو جاب ليك النص ملحن وبي صوتو ما تخلية ويا عاصم شوف البحلك من ممكونة
Post: #702 Title: Re: ما أحلى ساعات اللقاء... Author: mamkouna Date: 10-07-2007, 11:59 AM Parent: #699
الأحباء أسياد و زوار البوست.. حيوا معي جميعاً الأخت العزيزة ..إيمان محمد حسين.. و بتها الحلوة..أليسار. الأخت إيمان..تحتفل اليوم بعيد ميلادها و هي تحارب سرطان لا يرحم.. تقاومه بصلابة و قوة و صبر و يقين...و إبتسامة و لا أحلى.. معاناة إيمان مؤلمة.. لكنها...معاناة متفردة.. إقرأوأ المزيد عنها هنا... معاناة متفردة.
كل سنة و إنتي أحلى يا إيمان.. كل سنة و إنتي طيبة يا أليسار.. عيد سعيد و عمر مديد بإذن الله.
Post: #704 Title: Re: ما أحلى ساعات اللقاء... Author: abubakr Date: 10-07-2007, 02:18 PM Parent: #702
Quote: حيوا معي جميعاً الأخت العزيزة ..إيمان محمد حسين..
شكرا ممكونة للتنبيه .. ايمان قوية تفضح لنا ضعفنا نحن الاصحاء..
Post: #703 Title: Re: ما أحلى ساعات اللقاء... Author: محمد المرتضى حامد Date: 10-07-2007, 12:26 PM Parent: #699
Quote: انا البوست دا ساكن فيهو سكنى وما فتجت خشمى عشان ما تدفعونى الايجار! تلهون ابدع فى توبة يا انة كان رضيتوا كان ابيتو! عاصم البنا كان هو المقروض يغنى باسم الحب ! فرفور طوالى سرحان تقول مضيع ليهو بلنتى! تلاهون بفص قماش البجامة جلابية وقماش الجلابية بيجامة! مفروض يسجلوا الحلقة فى بيتهم! بوست جميل زى اصحابو! نصيحة اى واحد داير ليهو شناف! حسين ملاسى على مدار الاربع وعشرين ساعة! الحوادث! جنى
والله يا جني ده شغل ألماني .
بالنسبه لموضوع الإيجار ده ردت عليهو ممكونه ال landlord
أما جلابية وبيجاما تالاهون دي إبداع قعدت مده أحاول أفهمو لكن الجيمات الكثيره دي جهجهتني جهجهه.
أنا بس داير أعرف تالاهون دا طاقية توت عنخ آمون دي لطشا من أبوسمبل كيف؟
أتفق معك بأن أغنية باسم الحب بالنسبه لعاصم تخصص ، مره غناها في نجوم الغد ومعاهو مغنية ولما
قال: أقوليهو تعال ليا حبيب روحي تعال ليا ، البنيه ما قدرت تجاريهو في طلعة السوخوي
المعروفه قامت قعدت في الكرسي.
قلت لي فيرساتشي سرحان؟ يا راجل ده مش سرحان ده عبدالبصير ذاتو. قلت ليك ماشي جاكارتا.
يا جني حلقة أمبارح دي زي جماعتنا كانوا نعسانين كدا بل نايمين عديل ، ياخ أنا ذاتي نمت لما
راجعت كباية الحلومر قلت يمكن تكون السبب ، المهم وأنا في حالة الخَدَر ديك سمعت قدور يقول يلا يا
شاخر البنا إنت وشاخر خدر غنوا لينا هل تدري يا نعسان وبعدكم جمال شاخور يغني لينا النوم
جافاني أديتو لي جيراني وبعدين عصام محمد نوم يختم لينا بي نومنا على مهلنا نُمنا على مهلنا .
ملاسي هاردلك.
Post: #713 Title: Re: ما أحلى ساعات اللقاء... Author: jini Date: 10-07-2007, 06:04 PM Parent: #703
Quote: يا جني حلقة أمبارح دي زي جماعتنا كانوا نعسانين كدا بل نايمين عديل ، ياخ أنا ذاتي نمت لما
راجعت كباية الحلومر قلت يمكن تكون السبب ، المهم وأنا في حالة الخَدَر ديك سمعت قدور يقول يلا يا
شاخر البنا إنت وشاخر خدر غنوا لينا هل تدري يا نعسان وبعدكم جمال شاخور يغني لينا النوم
جافاني أديتو لي جيراني وبعدين عصام محمد نوم يختم لينا بي نومنا على مهلنا نُمنا على مهلنا .
لوووووووووووووووول براحة بتفتح ليك محل تنويم مغنطيسى! عمر شخور الشين ما بفك النومة!
اهدى الاستاذ السر ادى قصائده الى الفنانة الفلاتية وهى يا حبيبى نحن اتلاقينا مرة لتغنيها ولم تستلطف الفلاتية الاغنية وفى الحقيقة ليست استايل الفلاتية واعدتها الى السر الذى اهداها الى الاستاذ العاقب رحمه الله الذى ابدع فى غنائها لتصبح حديث الجماهير فحز فى نفس الفلاتية وعندما قابلت السر صرخت فى وشو : الله يقطعك ويقطع عوض جبريل معاك!! السر قال ليها وعوض جبريل دخلو شنو! فقالت ضاحكة: شين زيك!! رحم الله عائشة وعوض جبريل الشين الجميل جنى
Post: #705 Title: Re: ما أحلى ساعات اللقاء... Author: عبد الرحمن الشبلي Date: 10-07-2007, 02:42 PM Parent: #1
يرسم علي اللوحةالزمن ويشرح مع الامل السؤال ويغزل خيوط نور الصباح مابين ضفاير عزة واوتار الخليل
وباعتبار انك جميل سميتك النيل والوطن
كل الحب علي هذا الجمال
Post: #706 Title: Re: ما أحلى ساعات اللقاء... Author: mamkouna Date: 10-07-2007, 02:52 PM Parent: #1
Quote: بالنسبه لموضوع الإيجار ده ردت عليهو ممكونه ال landlord
landlady لو سمحتَ...!
Post: #707 Title: Re: ما أحلى ساعات اللقاء... Author: عبد الله عقيد Date: 10-07-2007, 03:23 PM Parent: #1
سلامات
يا باشمهندس انا قاعد أجهز في نفسي (للترشيحات) بالنسبة لافضل أداء (فردي، جماعي، موسيقى) مقدما كدا.. أغنية (يوم المهرجان كانت من أفضل الأغنيات كأداء جماعي) وأغنية ود المقرن (أنا في شخصك) بالنسبة لأسرار.. وبقية الترشيحات تأتي
يا فردتنا .. مشعل ولدي قاصد (أثناء الغناء).. بعدين ياخي الزول دا فعلا مركز معاكم تركيز شديد.. أمهم برضو متابعة البرنامج و(قطعت فيك) بس ما بوريك. تقوم تقول لي (عيلتك كلها شغالة ضدي.. ).. ولا يهمك يا زول أنا غايتو واقف معاك قلبا وقالبا.. بعدين لو في (محطة بي قوس الكمنجة) فأتوقعها لنادر، عشان يصحصح شويّة.. بعدين ملاحظة الجماعة لصاحبك احمد المك صحيحة والله.. الزول دا قاعد سااااااكت..
Post: #709 Title: Re: ما أحلى ساعات اللقاء... Author: ودالعباسية Date: 10-07-2007, 05:39 PM Parent: #707
الحلقة شكلها الليلة زي الليل ،،
حاسى انها حا تكون ممتعة ،،،
يلا نتابع ،،
Post: #710 Title: Re: ما أحلى ساعات اللقاء... Author: abubakr Date: 10-07-2007, 05:48 PM Parent: #1
الحلقة 25 عن "الليل"
فردتنا هو Mr.Fix It
Post: #712 Title: Re: ما أحلى ساعات اللقاء... Author: نجوان Date: 10-07-2007, 05:59 PM Parent: #710
نادر خضر و "نسائم الليل روحي كلّمي" لثنائي العاصمة يغنيّها حمد الريح ستايل بالغت يا نادر بعد ما استعدلت معانا ياخ! ما ليك حق.. _____ أسرار.. للأسف اداء غير مقنع و very forgettable.. انقذه فردتنا..
Post: #714 Title: Re: ما أحلى ساعات اللقاء... Author: abubakr Date: 10-07-2007, 06:31 PM Parent: #1
ملاحظة غير فنية :
كان الشباب يسجلو حلقتيين في القعدة الواحدة ودة بيظهر من اللبس والحالة النعساية وترتيب البرامج حسب مزاج النيل الازرق والظروف ولكن الملاحظ دايما حلقة من الحلقتيين التين تسجلا في يوم واحد بتكون فيها شطحات ونواقص وبخرات ونعسات ولخبطة حتي في الاسامي يبدو ان النيل الازرق ما كانت بتضيف الجماعة دييل بين الحلقتيين ...
هذا للعلم انتهي.. يا "جني"( ما قلت ساكن بجاي كيفن الحاجات الزي دي بتفوتك انت جني صيني ما اوريجنال ؟ )
Post: #715 Title: Re: ما أحلى ساعات اللقاء... Author: abubakr Date: 10-07-2007, 06:35 PM Parent: #1
ليالي الخير الحان وغناء سرور
اداء عاصم البنا
Post: #716 Title: Re: ما أحلى ساعات اللقاء... Author: ودالعباسية Date: 10-07-2007, 06:40 PM Parent: #715
Quote: أسرار.. للأسف اداء غير مقنع و very forgettable.. انقذه فردتنا..
اوافق ،،،
وفردتنا شغال انقاذ ساااااااكت ،،
Post: #719 Title: Re: ما أحلى ساعات اللقاء... Author: Osman Musa Date: 10-07-2007, 06:59 PM Parent: #716
ياسودان يا عظيم عيد سعيد الف تحية استاذ السر قدور والشباب
Post: #729 Title: Re: ما أحلى ساعات اللقاء... Author: mamkouna Date: 10-08-2007, 00:30 AM Parent: #719
التحية و الود.. للأخ عبد الرحمن الشبلي.. و الأخ عثمان موسى. شكراً على مروركم...و في إنتظار مساهماتكم.
Post: #717 Title: Re: ما أحلى ساعات اللقاء... Author: abubakr Date: 10-07-2007, 06:52 PM Parent: #1
ياجمال الليل
اداء مجموعة اغاني واغاني
Post: #718 Title: Re: ما أحلى ساعات اللقاء... Author: الزوول Date: 10-07-2007, 06:56 PM Parent: #1
السلام عليكم حسين ملاسي دحين مش الكابلي عندو غنية في عز الليل ... يا هاجر ... أنا مساهر للتجاني حاج موسى؟
............................. وما الناس إلا هالك وأبن هالك *** وذو نسب في الهالكين عريق
Post: #720 Title: Re: ما أحلى ساعات اللقاء... Author: abubakr Date: 10-07-2007, 07:00 PM Parent: #1
يانسايم الليل الحان وغناء ثنائ العاصمة اداء نادر خضر
Post: #721 Title: Re: ما أحلى ساعات اللقاء... Author: ودالعباسية Date: 10-07-2007, 07:33 PM Parent: #720
نادر زول فنان وانا ما عندي اي اعتراض فى ذلك بس شنو ،،
فى بعض الاغانى لا يجيدها ،،
( بره الموضوع )
الوالد يا عصام لو جبته ليه سيره معتز صباحى طبعا ممكن يقوم يعمل فيك
اي حاجة ،، طبعا ما بريده نهائ ،، بقول بياكل الغنى
الله يديه العافيه ،،
Post: #722 Title: Re: ما أحلى ساعات اللقاء... Author: محمد المرتضى حامد Date: 10-07-2007, 07:58 PM Parent: #721
كالعاده فيرساتشي ما حافظ ويستنجد بفردتنا وفردتنا ما بيتأخر في الدعم اللوجستي وعمليات الإبرار الجوي ، ياخ نسايم الليل بيغنوها كده يا تالاهون ، يعني الزول ده لو كمّل الأغنيه كان العجوه المعطونه بي عسل بِقَت زِغني. تعرف يا عاصم ساكنه قلبي وما ليك جار سكني قلبي معاك بالإيجار دي رايقه لي من زمان بصوره ما ممكونه ، عفوا ما معقوله ، وبالذات عبارة (طيبك عبق وسنِّك براقه يسوي بق) لما كنت سغير كنت قايل أولاد المأمون بيقولوا (طيبك نبق) ، ياخ ميرغني المأمون وأحمد حسن جمعه كانا يفعلان العجائب لما يجو في الطلعه بتاعت الليل الليل يا جمال الليل وطبعا الإغنيه دي د. أحمد القرشي جايبا من جذورا وقال هي توليفه من عدد من الأغاني يعني شركة رولزرويس بتشارك بمحركات فريده في صناعة الإيربص والبوينج شان كده أغاني زي دي صناعتا بتكون بإتقان ماكدونالددوقلاس ,والقصيده تجيك intel inside. السر قدور برضو ما أدى القصيده حقها وأتمنى أحمد القرشي يفكفكا لينا إلى عناصرها بعيدا عن كلفتة قدور الممتعه ، بالطبع السر قبل يومين قال أيها الساقي إليك المشتكى كتبها ابن زيدون أو عمر بن أبي ربيعه وبالطبع لم تكن لأي منهما فهي لابن زهر الأندلسي وليست لابن المعتز الأندلسي كما هو متداول وهي من روائع الموشحات ونصها كما نقلته من المفتي قوقل:
والله شرح الموشح دا عايز بوست خاص زي ما بيقول ودشيقوق اللي قاعد في (الشهدا) اليومين ديل ، انت يا الطيب بتسوي شنو في الشهدا؟ ما تمشي تصور النهر الجاف شان توريهو للباش شان يآمن.
الحلقة كانت عن الليل والسر قدور قال كل شي جميل يحدث بالليل وده كلام الحراميه وناس الإنقلابات بيوافقوا عليهو ميه الميه ، أما قصة ما يحدث في الليل من مصائب أخرى فهو كثير يا قدور لدرجة انو عنترة ذاتو قال (عمي صباحا دار عبلة واسلمي) وقيل لنا أن العرب كانت تقول عمي صباحا لأن النوازل والبلاوي كانت تأتي ليلا سواء من مضارب بني هلال أو من خور عمر. وبمناسبة خور عمر دي إتذكرت خورتشوف ، قيل أن ملكة بريطانيا قامت بزيارة وزوجها دوق وندسور لموسكو على عهد خروتشوف الخرافي فقام جماعة المراسم بتقديم الدوق الى خورتشوف وقالوا له هذا زوج الملكه فسألهم : شغال شنو؟ قالوا ليهو ده زوج الملكه ، قال ليهم عارف لكن بالنهار شغال شنو؟
Post: #723 Title: Re: ما أحلى ساعات اللقاء... Author: Ahmed al Qurashi Date: 10-07-2007, 08:08 PM Parent: #722
أغنية جمال الليل كتب عليها في الإذاعة إنها من كلمات الشاعر موسى حسن ( شاعر جدودنا زمان ) وفى الحقيقة هي من الاغانى التي جمعها كرومه من عدة اغانى مثل فرع البانه البيرنع يقود وسبعه أم لونا غامق الخضار لابوصلاح وظبي الخدر الماشاف قفار للمساح والشويدن الروض الجنان لأحمد عبدالرحيم العمري ولم تعدل هذه المعلومة في الإذاعة حتى الان ... فمثلا الأبيات التي تقول ... طيبك عبق ................وسنك براقه بسوى بق ترنع تشبه مهر السبق .... وفوق أردافه كتيفه انطبق ****** فوقك عهود .......... برا وطه ويس وهود لي شلاخك وقفن شهود ..... أثمر فرعك جوز النهود
هذه الأبيات من أغنية فرع البانه البيرنع يقود لابوصلاح
أما هذه الأبيات التي تقول ....
طرفك كحيل...... وصدرك عالي وخصرك نحيل وبين أردافك دائما وحيل .... تشبهي سحاب الضحى عند الرحيل
هذه الأبيات للشاعر على المساح في أغنيته المشهورة ظبي الخدر الماشاف قفار اما اغنية سبعه ام لونا غامق الخضار لابوصلاح فمنها البيت الذى ذكرته يامرتضى والذى يقول .. تجلى نار ... قنديل وجهك يخفى الفنار ساكنه قلبى وما ليك جار ..... سكنى روحى معاك بالايجار
اما بقية الابيات فمن اغنية الشويدن الروض الجنان لاحمد عبد الرحيم العمرى
سجل هذه الاغنية الثنائى المبدع ميرغنى المامون واحمد حسن جمعه
Post: #726 Title: Re: ما أحلى ساعات اللقاء... Author: abubakr Date: 10-07-2007, 08:19 PM Parent: #723
بس جيت اقول انا تاني وحتي نهاية البرنامج ما حاقول بغم بس حاشتغل كرين ارفع الاغاني لانو اذا جاء الماء بطل التيمم وخصوصا اذا كان التيمم بايد مقشفة والحكاية انو كتائب العارفيين وصلت بقيادة د.احمد القرشي واها بعد دة الواحد يسمع ويقرء و يتاوق بس زي ناس كتار هنا .. مراحب ود القرشي ودة ليل ما بتاع ود المرتضي وخور عمر ودوق وندسور وحرامية خيران المجاري في الخرطوم القديمة دة ليل الانس والبهجة الجابك
Post: #734 Title: Re: ما أحلى ساعات اللقاء... Author: نجوان Date: 10-08-2007, 06:23 AM Parent: #726
Quote: بس جيت اقول انا تاني وحتي نهاية البرنامج ما حاقول بغم بس حاشتغل كرين ارفع الاغاني
لا يا باش .. رجاء ان ترفع الربورت تبعك كامل غير منقوص.. كلمة ..صوت وصورة.. أراؤكم جميعا تغذي روح هذا الخيط.. مختصين كنتم أم هواة.. ____ وألف شكر على شغل الكرين.. مجهود جبار ومقدّر..
Post: #724 Title: Re: ما أحلى ساعات اللقاء... Author: abubakr Date: 10-07-2007, 08:10 PM Parent: #1
Post: #725 Title: Re: ما أحلى ساعات اللقاء... Author: abubakr Date: 10-07-2007, 08:11 PM Parent: #1
الليل ما بنومو الحان وغناء الكاشف اداء عصام محمد نور وفرفور
Post: #727 Title: Re: ما أحلى ساعات اللقاء... Author: sanaa gaffer Date: 10-07-2007, 09:23 PM Parent: #1
Quote: الأحباء أسياد و زوار البوست.. حيوا معي جميعاً الأخت العزيزة ..إيمان محمد حسين.. و بتها الحلوة..أليسار. الأخت إيمان..تحتفل اليوم بعيد ميلادها و هي تحارب سرطان لا يرحم.. تقاومه بصلابة و قوة و صبر و يقين...و إبتسامة و لا أحلى.. معاناة إيمان مؤلمة.. لكنها...معاناة متفردة.. إقرأوأ المزيد عنها هنا... معاناة متفردة.
كل سنة و إنتي أحلى يا إيمان.. كل سنة و إنتي طيبة يا أليسار.. عيد سعيد و عمر مديد بإذن الله.
الاخت الحبيبة ممكونة ... قرات قصة ايمان وشعرت بحزن كاسح يغمرني ... لم اشعر تجاهها بالاشفاق ... فهي اقوى من ان نشفق عليها ... بل شعرت بها رغم ضعفها اقوى من الكثيرين الذين يدعون القوة ...
كل سنة وايمان وزوجها واولادها بالف خير ... الله يديها الصحة ويمتعها بالعافية وطول العمر ...
وشكرا يا ممكونة لانك اتذكرتي ... وذكرتينا ...
Post: #735 Title: Re: ما أحلى ساعات اللقاء... Author: mamkouna Date: 10-08-2007, 12:16 PM Parent: #727
لو عرفتي إيمان يا سناء.. ح تتعلمي منها...الصلابة و الصمود.. إيمان حالياً في بلجيكا.. ليلة أمس غادرت المستشفى للإحتفال بعيد ميلادها و ميلاد إبنتها.. إتصلت بيها و أنا متخيلة إنها ح تكون مرهقة و متعبة و..إلخ.. ماتتصوري يا سناء المكالمة معاها كانت كيف.. أنا بضحك على تعليقاتها من أول المكالمة لغاية آخرها.. خفة دم..لطافة..و...لذاذة ما عادية. زول زي دا..غير نتعلم منو..ح نعمل شنو!
بفضل الأيام المباركة دي..و صادق عميق دعواتنا.. ربنا يقويها و يتم ليها الشفاء... آمين يا رب العالمين.
Post: #737 Title: Re: ما أحلى ساعات اللقاء... Author: عبد الله عقيد Date: 10-08-2007, 02:09 PM Parent: #735
بفضل الأيام المباركة دي..و صادق عميق دعواتنا.. ربنا يقويها و يتم ليها الشفاء... آمين يا رب العالمين.
آمين يا رب العالمين
Post: #728 Title: Re: ما أحلى ساعات اللقاء... Author: mamkouna Date: 10-07-2007, 11:53 PM Parent: #1
الحلقة خمسة و عشرين:-
* كان موضوع حلقة اليوم..كما فهمت من مداخلاتكم/ن...و من الحلقة الحصٌلت نهايتها...و فاتتني إعادتها.. ... هو (( الليل )).
* إستهلت المجموعة الحلقة بأغنية (( الليل...الليل..يا جمال الليل )) و التي أسهب الدكتور العظيم أحمد القرشي في فك طلاسمها.
* غنت أسرار (( يا ليل أبقالي شاهد ))...و إنقسم الناس بين مؤيد و معارض.
* من ألحان السني الضوٌي..و من أغنيات ثنائي العاصمة (( اللي كان ثلاثي العاصمة ))..غنى نادر خضر واحدة من أغنياتي المفضلة...(( روحي كلمي و للبريد روحو سلمي..يا نسايم الليل ))..و يبدو إنو أكل العجوة المعطونة بالعسل...مما أثار سخط المؤجرين بالباطن!!!
* كان ختام الجلسة (( الليل ما بنومو ))...لعبيد عبد الرحمن و إبراهيم الكاشف.. من أداء...عصام فرفور و جمال محمد نور...!!!
* ختم أبو الكلام..كلامه بقصيدة أمرؤ القيس.. و ليل كموج البحر أرخى سدوله عليٌ...بأنواع الهموم ليبتلي ألا أيها الليـل الطويـل ألا انجلـي...بصبح وما الإصباح فيـك بأمثـلِ
كما تمنى لنا ليالي جميلة...و صباحات أجمل.. و قُمنا على مَهَلنا.
جوٌه الموضوع:-
Quote: *الباش بكري، يا سيدي ربنا يديك العافيه وبصدق صاف لا تشوبه المجامله أرى أنك من يستحق الجائزة، كما قالت الأخت سناء جعفر مجهودك في النقل والتحميل والشحن كان ضخما ونثمنه عاليا وعليه أصدرت مرسوما غنائيا بمنحك وسام النقل الوطني من الدرجة الممكونه، أنا أثمن لك دورك في تفعيل البوست ودعمك اللامحدود لفردتنا وكافة القضايا المصيرية وإنزال الأغاني الى أرض الواقع (يوتيوب). بجد بدون مجهودك كان مشينا الإصلاحيه .
Post: #730 Title: Re: ما أحلى ساعات اللقاء... Author: jini Date: 10-08-2007, 01:17 AM Parent: #728
Quote: كان الشباب يسجلو حلقتيين في القعدة الواحدة ودة بيظهر من اللبس والحالة النعساية وترتيب البرامج حسب مزاج النيل الازرق والظروف ولكن الملاحظ دايما حلقة من الحلقتيين التين تسجلا في يوم واحد بتكون فيها شطحات ونواقص وبخرات ونعسات ولخبطة حتي في الاسامي يبدو ان النيل الازرق ما كانت بتضيف الجماعة دييل بين الحلقتيين ...
هذا للعلم انتهي.. يا "جني"( ما قلت ساكن بجاي كيفن الحاجات الزي دي بتفوتك انت جني صيني ما اوريجنال ؟ )
اكيد لم تفتنى هذه الملاحظة وخاصة نحن بنسجل الحلقات عليك الله بيجامة تلاهون دى بتتلبس مرتين! الارهاق والملل كان بادى باستثناء قدور وعاصم نوعا ما يبدو ان الدهن فى العتاقى! طبعا السر قعور فى الكلام تيربو عديل ما بلحقو الا شقيقه عمر قعور! السر كان يمكنه اضافة محمود عبد العزيز لهولاء الشباب فله اداء متميز ونكهة كتير مهضومى ذكرتنى اغنية ليالى الخير جادن وادائه لها مع سامى الشيخ ووليد زاكى الدين! حقيقة الحقيبة منجم غنى ومجمرة للاصوات وامتحان عسير لا يجتازه الا الراسخون! جنى
Post: #732 Title: Re: ما أحلى ساعات اللقاء... Author: abubakr Date: 10-08-2007, 04:02 AM Parent: #730
Quote: السر كان يمكنه اضافة محمود عبد العزيز لهولاء الشباب فله اداء متميز ونكهة كتير مهضومى
وكان يسجلو الحلقات برة في السهلة او فوق السطوح وبدون مكرفونات...
Quote: كتير مهضومى
عجيبة الجماعة دييل بتكلمو وبيغنو وبعاينو ببطنم
Post: #733 Title: Re: ما أحلى ساعات اللقاء... Author: نجوان Date: 10-08-2007, 06:16 AM Parent: #730
Quote: حقيقة الحقيبة منجم غنى ومجمرة للاصوات وامتحان عسير لا يجتازه الا الراسخون
حكمة اليوم.. وكل يوم.. في هذا الشهر الكريم..
Post: #736 Title: Re: ما أحلى ساعات اللقاء... Author: mamkouna Date: 10-08-2007, 02:09 PM Parent: #730
Quote: السر كان يمكنه اضافة محمود عبد العزيز لهولاء الشباب فله اداء متميز ونكهة كتير مهضومى
قعور راجل طاعن في السن و موضة قديمة .. ما أظنو يقدر على تساريح محمود عبد العزيز و غرويد عيونو.
برٌٌات الموضوع:
ما صدٌقنا خِلصنا من عمر الفاروق...جانا جني..!!
Post: #731 Title: Re: ما أحلى ساعات اللقاء... Author: ASIM AL BANNA Date: 10-08-2007, 01:50 AM Parent: #1
الاخت ايمان حبابك على بالايمان ويابختنا بيك فى بطن بيتك ...
ملاسى ماتزعل التلاتات كتييييرة لكن السيرة العطرة بتنفع التزكار .
ممكونة (ياننو) دى كانت فلته كان بطلتى الحوامة وهجستى فى بطن بيتك تستاهلى يغنو ليك قارئة الفنجان اقصد (غاسلة الفنجان). جنك غسيل عدة والتحليل اليومى يفوتك .
مرتضى الرجل صاحب الخيال الواسع ... والله كل يوم انت وملاسى تخلونى اضحك اصحى الشفع ... وبعدين معاكم .
ود العباسية اهلك ديل جنهم اولاد المورده والمورده والغريبة كلهم هلالاب ... بعدين معتز صباحى ده لو غنى حقيبة (على فكرة انا سمعتو)مابتقدر تزح من جمبو .. اما قصة يلوك الغنا دى زكرتنى قصة قالا لى ترباس عندما اختلف معه احد المغنيين الكبار من جيله وفى لحظة صفاء وهو ممغوس منو بحكى لى فى الموقف قال لى الزول البغنى زى ...... ده ماعندو شغلة ولا شنو نحنا الغنا ده بنتمضمض بيهو صباح ومساء ... وبينى وبينكم صدق لم ارى فى حياتى زول بتمضمض بالغنا فى اشارة الى التلاعب المتمكن من استخراج المعانى بالتعبير الصوتى زى ترباس ... غايتو هسة مافى غيرو .
احمد القرشى ابوبكر ده لازمنا والله ماتطفشو لينا براحة عليهو .... والله انت دايما فى الخاطر الله يديك العافية ... لكن يا احمد اولاد المامون ديل دحين موش كان جنهم تقليعات زى دى وبالامارة غيرو رواية الفاضل احمد فى اغنية يانجوم الليل اشهدى الى الرواية الحالية التى تغنى بها اخيرا اقصد بعدهم عبدالعزيز المبارك ؟؟؟؟؟؟ بعدين اولاد المورده غنو الاغنية دى .....
الزول اتعلمت من اصحاب الخيال الواسع .....
ياعقيد ام العيال قوليها بكرة اولادك بعرسو كان حيين واللوارى بتقيف ... صلحى علاقاتك احسن .
نجوان ... الليلة شافك شغالة هزاز ...
انتو الملكة الهرشا منو؟
مرتضى قصة طيبك نبق دى زكرتنى محمد عبدالله الريح قال سمع واحد فى جده بغنى (مرضان باكى فاقد فيكى علاج طبيعى قالو ترك سكونك يادار وين حبيبى )مرضان باكى فاقد فيك علاج طبيبى ...
بالمناسة .... انا الموية الفى خشمى شرقتنى يامرتضى ... السر قدور قال يا احمد القرشى انه ياليل ابقالى شاهد اغنية اولاد شمبات ومن كترة الهرش فاتت على انا اقولها فى الحلقة المهم للمعلومية انه قصة هذه الاغنية انها الاغنية الشهيرة التى تغنى بها كرومة فى جوار الشيخ غريب الله مما جعله يامر بنداء ذلك المغنى ليستمع اليها عن قرب وعندما قالها كرومه استحول الشيخ قريب الله رحمها الله الاثنين معا وكل يغنى على ليلاه . اسف ولكنها الحقيقة ...... استعين بى صديق .... احمد القرشى للتصحيح .
مودتى
Post: #740 Title: Re: ما أحلى ساعات اللقاء... Author: Ahmed al Qurashi Date: 10-08-2007, 06:05 PM Parent: #731
Quote: بس جيت اقول انا تاني وحتي نهاية البرنامج ما حاقول بغم بس حاشتغل كرين ارفع الاغاني لانو اذا جاء الماء بطل التيمم وخصوصا اذا كان التيمم بايد مقشفة والحكاية انو كتائب العارفيين وصلت بقيادة د.احمد القرشي واها بعد دة الواحد يسمع ويقرء و يتاوق بس زي ناس كتار هنا .. مراحب ود القرشي ودة ليل ما بتاع ود المرتضي وخور عمر ودوق وندسور وحرامية خيران المجاري في الخرطوم القديمة دة ليل الانس والبهجة الجابك
الاخ العزيز/ ابوبكر
شكرا لكلماتك وترحيبك وحقيقة انت سيد البيت وانا لم اتابع الكثير من حلقات برنامج السر قدور ولكنى استمع الى الاغانى الجميلة من مجهودك المقدر والى ملخص الحلقات من مداخلاتك والاخت ممكونة ... الشكر اجزله لكم ولهذا البوست الرائع.
.
Quote: احمد القرشى ابوبكر ده لازمنا والله ماتطفشو لينا براحة عليهو .... والله انت دايما فى الخاطر الله يديك العافية ... لكن يا احمد اولاد المامون ديل دحين موش كان جنهم تقليعات زى دى وبالامارة غيرو رواية الفاضل احمد فى اغنية يانجوم الليل اشهدى الى الرواية الحالية التى تغنى بها اخيرا اقصد بعدهم عبدالعزيز المبارك ؟؟؟؟؟؟ بعدين اولاد المورده غنو الاغنية دى .....
الاخ عاصم البنا كيف حالك ... الاخ ابوبكر عندما يكتب تقف نحن احتراما وتقديرا وساكتب قريبا عن خليل فرح وهو من عنديهم ليشرفنى هذا الرائع فى بوست الحزن فى الاغنية ...اما تقليعات اولاد المامون فتتجلى اخى عاصم فى اغنية لى نية فى قمر السماء حيث سجلوا هذه الاغنية بلحنين الاول لسرور وهو غير مشهور والثانى اللحن المتداول حاليا وهو لميرغنى المامون كما فعل بادى محمد الطيب وغير لحن املى وغاية المنية والذى اشاد به عبدالرحمن الريح وكذلك اغنية الكواكب احتفلوا بالقمر والذى سجلها بادى بلحن جميل وسجلها ايضا بلحن كرومه بعد ان استمع اليها من الرواة ولقد اشاد الفرجونى بلحن بادى والذى قال اته اجمل من لحن كرومه ولكن بادى بتواضعه المعروف قال انه لا يستطيع منافسة كرومه.. المصدر ( احدى حلقات حقيبة الفن عن ابوصلاح قدمها عوض بابكر وشارك فيها بادى وعبدالرحيم سليمان )
Quote: بالمناسة .... انا الموية الفى خشمى شرقتنى يامرتضى ... السر قدور قال يا احمد القرشى انه ياليل ابقالى شاهد اغنية اولاد شمبات ومن كترة الهرش فاتت على انا اقولها فى الحلقة المهم للمعلومية انه قصة هذه الاغنية انها الاغنية الشهيرة التى تغنى بها كرومة فى جوار الشيخ غريب الله مما جعله يامر بنداء ذلك المغنى ليستمع اليها عن قرب وعندما قالها كرومه استحول الشيخ قريب الله رحمها الله الاثنين معا وكل يغنى على ليلاه . اسف ولكنها الحقيقة ...... استعين بى صديق .... احمد القرشى للتصحيح
كلامك صحيح يا عاصم والاغنية من الحان كرومهوفى الحفلة المذكورة كان معه صديقه الشاعر الفنان عمر البنا ولقد ذهب معه الى الشيخ قريبالله عندما استدعى كرومه والقصة ذكرها مبارك المغربى فى كتابه شعراء الاغنية السودانية
Post: #752 Title: Re: ما أحلى ساعات اللقاء... Author: abubakr Date: 10-08-2007, 07:45 PM Parent: #740
Quote: الاخ ابوبكر عندما يكتب تقف نحن احتراما وتقديرا وساكتب قريبا عن خليل فرح وهو من عنديهم ليشرفنى هذا الرائع فى بوست الحزن فى الاغنية ...
كتر خيرك كتير انا بتعلم هنا وبعرف منكم حاجات كتيرة فاتت علي ..
Post: #738 Title: Re: ما أحلى ساعات اللقاء... Author: abubakr Date: 10-08-2007, 05:24 PM Parent: #1
الحلقة26 عن "العيون "
اها فنجلو عيونكم وانتظرو
سنعود انشاء الله
Post: #739 Title: Re: ما أحلى ساعات اللقاء... Author: abubakr Date: 10-08-2007, 05:43 PM Parent: #1
محمدية غائب واسماعيل ما لابس بدلة وكمان سعد مافي وفردتنا قاطع السر قدور و ماا تهرش
Post: #741 Title: Re: ما أحلى ساعات اللقاء... Author: فيصل نوبي Date: 10-08-2007, 06:10 PM Parent: #739
ممنون لـممكونة للسؤال للمتابعة عن بعد نكهة أخري فأعذريني ..
يا شباب تسلم عيونكم
__ فيصل نوبي مركب مكنة قدور
Post: #742 Title: Re: ما أحلى ساعات اللقاء... Author: فيصل نوبي Date: 10-08-2007, 06:13 PM Parent: #741
فردتنا
سويتا ظاهرة شديد لمن قال ليكـ يا حبيبنا
Post: #744 Title: Re: ما أحلى ساعات اللقاء... Author: abubakr Date: 10-08-2007, 06:24 PM Parent: #741
Post: #743 Title: Re: ما أحلى ساعات اللقاء... Author: نهال الطيب Date: 10-08-2007, 06:16 PM Parent: #739
الحلقة الليلة كانت عن العيون وكان عمنا قدور مبسوط جدا تقبل كل مقاطعات الشباب وبالذات مقاطعات عصام محمد نور لأنها كانت كتيرة وغنى بمزاج معاهم حلقة لذيذة جوها ظريف عاصم أشتغلت تحت وفوق كويس في عيون المهاكعادتك ليدر الحلقة
أسرار عجبتني ولا بريد الغنية دي ما عارفة بس لو مديتي البال دي شوية في أصبر بهواك البال
عموما حلوين طيبين وبنحبكم
مودتي
Post: #745 Title: Re: ما أحلى ساعات اللقاء... Author: ودالعباسية Date: 10-08-2007, 06:33 PM Parent: #743
تحياتى يا شباب،،
ما حضرته الحقلة الليلة ،،،
بالله يا خال الحقنا سريع بى التقرير المصور ،،
Post: #746 Title: Re: ما أحلى ساعات اللقاء... Author: abubakr Date: 10-08-2007, 06:46 PM Parent: #1
عيون الصيد اداء عاصم البنا
Post: #747 Title: Re: ما أحلى ساعات اللقاء... Author: abubakr Date: 10-08-2007, 06:48 PM Parent: #1
عيونك كانو في عيوني للشاعر عبدالله النجيب الحان وغناء عبد المنعم حسيب اداء اسرار بابكر
Post: #754 Title: Re: ما أحلى ساعات اللقاء... Author: mamkouna Date: 10-08-2007, 09:19 PM Parent: #747
الحلقة ستة و عشرين:-
* كانت حلقة اليوم عن (( العيون ))...و كانت بدايتها مضحكة و فكهة و طريفة...حينما أشار أبو الكلام إلى أن موضوع الحلقة ح يكون عن العيون على الرغم من إنو الموضوع فيهو شوية حرج بالنسبة ليهو. حكى لينا كمان..إنه ناكف إحدى مهندسات الصوت (( المصريات يا ملاسي ))..بقوله..إزيك يا عيوني..فردت قائلة..دا مدح و لا ذم؟؟؟!! يا سلاااااام عليك يا السر قعور و على روحك المعنوية الحلوة.
* من أشهر قصائد العيون ..إستدل أبو الكلام بأبيات علي إبن الجهم.. عيون المها بين الرصافة و الجسر جلبن الهوى من حيثُ ادري ولا ادري
و...
ان العيون التي في طرفها حور... قتلننا ثم لم يحيين قتلانا.
* ذكر ابو الكلام ان القلب هو مغرفة العين ..كان عصام محمد نور في قمة خفة دمه حينما قاطع ابو الكلام قائلاً أن الخدود هي مهبط العين!!!
* ذكر أبو الكلام أن أول اُسطوانة في تاريخ السودان هي اُسطوانة أغنية (( أنا ما معيون ...أذاي و دواي خدود و عيون)) ل سيد عبد العزيز و عبد الله الماحي حينها ثم غناها بعد ذلك كرومة. ذكر أبو الكلام ان الصراع حول الاغنيات لم يكن موجودا في ذلك الوقت و المشكلة ما كانت ح تغني شنو..المشكلة كانت ح تغني كيف.!!! good point !
غنى مقطع من (( أنا ما معيون ))...جمال فرفور.
* من عين العاشقة و الحبيبة و عين الرضا..إنتقل أبو الكلام لعين السحر.و إستدل على ذلك بأغنية محمد علي عبد الله.. ((عيون الصيد..الناعسات عيٌوني..عيون النيل حاكن عيوني)) و التي ذكر فردتنا أن فيها تلاتة أنواع من العيون.. عيون الحبيبة الناعسات + عيون النيل أي منابعه + عيون الحبيب يعني نظام...تلاتة X واحد....شامبو + مٌزيل للقشرة + كوندشنر..!!
غنانا مقطع منها...ود البنا.
* في بداية الأربعينات..ظهر شاعر العيون1...أحمد إبراهيم فلاح.. من أشهر أعماله.. *عيوني هم السبب في أذايا و هم العيٌوني...لأحمد المصطفى *عيوني و عيونك..أسباب لوعتي...غناها كل من..التجاني السيوفي و الكاشف و الخير عثمان و من أشهر مسرحياته..مسرحية (( فرسان الغرام )). غنى عصام محمد نور مقطع من.. ((عيٌوني و عيونك..أسباب لوعتي )).
* في الستينات ظهر شاعر العيون2..عبد الله نجيب.و من أشهر أغانيه.. (( عيونك كانوا في عيوني )) لعبد المنعم حسيب. غنت مقطع منها...أسرار.
* من أشهر أغاني العيون أيضاً.. * العيون النوركن بجهرا..يا بدور القلعة و جوهرا ..لأبو صلاح * من عيونك يا غزالي...لعثمان حسين. * يقولو كان قايلين..نحن فيهم ما سائلين.. أنا والبريدو جلسنا..هنا.. كيٌة..للحاسدين.. عينيا أنا يا عينيااااا....عينيا اللوم عليٌا. * شوف العين..قالت دا لا لا..و صدٌت من تيها و دلالا.. حاول فردتنا يغالط في معنى (( شوف العين )) ف حسمه أبو الكلام بغناء مقطع كامل من الأغنية....في داعي يا فردة!!!
* يا (( عيون المها يا عيون )) لعبد الرحمن الريح و منى الخير..كانت مسك الختام.. غناها و بسلاسة و إبداع...نادر خضر.
بره الموضوع:
* غاب محمدية...إحتمال مشى يجيب (سوط عَنَج) للمِحٌيط!!! * لابد من الإشادة اليوم بأناقة عصام محمد نور. * أنا و جاراتي الليلة خبزنا كعك و غريبة.. لقيتهن كلهن متابعات (( أغاني و أغاني ))...بيسلموا عليكم و بيقولوا ليكم.. كل سنة و إنتو طيبين.
Post: #763 Title: Re: ما أحلى ساعات اللقاء... Author: abubakr Date: 10-09-2007, 04:19 AM Parent: #754
Quote: * أنا و جاراتي الليلة خبزنا كعك و غريبة..
لماذا سموها "غريبة " واللا اجيبلك السر قعور ؟
Post: #771 Title: Re: ما أحلى ساعات اللقاء... Author: نجوان Date: 10-09-2007, 10:06 AM Parent: #754
Quote: لابد من الإشادة اليوم بأناقة عصام محمد نور.
صحيح يا ممكونة.. البدلة انيقة.. وكمان مقاسو.
Post: #748 Title: Re: ما أحلى ساعات اللقاء... Author: abubakr Date: 10-08-2007, 06:50 PM Parent: #1
Post: #749 Title: Re: ما أحلى ساعات اللقاء... Author: abubakr Date: 10-08-2007, 07:08 PM Parent: #1
عيوني وعيونك اسباب لوعتي احمد ابراهيم فلاح شاعر العيون الحان وغناء التجاني السيوفي /ابراهيم الكاشف اداء عصام محمد نور
Post: #750 Title: Re: ما أحلى ساعات اللقاء... Author: نجوان Date: 10-08-2007, 07:17 PM Parent: #749
حلقة مزاجها رايق.. تلقائية.. ودندنات.. (ده كان وين من زمان ).. الكل (تقريبا) في موود معتدل.. استاذ قدور مبسوط شديد.. غنّى ودندن اكتر من كل الحلقات التي شاهدتها..
فردتنا أدى تمام كالعادة.. مقطع من "عيون الصيد".. (بس عاصم كان شكله ضجران او نعسان..) جمال فرفور.. مقطع قصير من "انا ما معيون".. لكن موفق.. عصام محمد نور.. اوصل الرسالة بإقتدار.. في "عيوني وعيونك"
الأمسية لأسرار.."عيونك كانوا في عيوني".. أداء جميل.. دون اخطاء.. ودون مساعدة من أحد..
نادر خضر و "يا عيون المها".. حكاية طويلة اداء سليم.. وكورس رائع من المجموعة.. فقط لو اعرف المشكلة وين؟ لوهلة..الأغنية بدت وكأنه ليس لها نهاية.. اداء نادر كان .. كالأناشيد المدرسية.. معذرة.. الأغنية كانت مملة بجد.. _____ والختام ..قمنا على مهلنا.. كورك فيها جمال فرفور حتى خفت على زجاج النوافذ.. _____ وعودة يا باش لأسئلتك عن البرنامج هذا الموسم..
Post: #751 Title: Re: ما أحلى ساعات اللقاء... Author: abubakr Date: 10-08-2007, 07:42 PM Parent: #750
Quote: اداء نادر كان .. كالأناشيد المدرسية.. معذرة.. الأغنية كانت مملة بجد..
he failed to close out
Post: #756 Title: Re: ما أحلى ساعات اللقاء... Author: نجوان Date: 10-08-2007, 09:37 PM Parent: #751
Quote: he failed to close out
هي دي المشكلة.. الinconsistency يعاني منها نادر.. وبصورة اكتر أسرار..
Post: #753 Title: Re: ما أحلى ساعات اللقاء... Author: abubakr Date: 10-08-2007, 07:46 PM Parent: #1
Post: #755 Title: Re: ما أحلى ساعات اللقاء... Author: نهال الطيب Date: 10-08-2007, 09:28 PM Parent: #753
نجوان الحبيبة جبتي الرايحة نادر غنى زي نشيد المدرسة وعارفة سبب ده أنو الزول ده لمن يغني ما بحس الكلام البقوله ودي مهمة جدا لأنو الأحساس ده هو البتصل بيه للمتلقى وهو بخليك توظف مقدرات صوتك للتعبير عن إحساس دواخلك بما تغنيه أنا لحد هسه مغيوظة من بعد الشر عليك عملها زي بدري صحيت من نومي غايتو يا نادر بس الحمد لله
ناس البوست سلام وريد شديد
Post: #770 Title: Re: ما أحلى ساعات اللقاء... Author: نجوان Date: 10-09-2007, 10:02 AM Parent: #755
Quote: أنا لحد هسه مغيوظة من بعد الشر عليك عملها زي بدري صحيت من نومي غايتو يا نادر بس الحمد لله
والحمدلله انا ما حضرت دي يا نهال..
Post: #757 Title: Re: ما أحلى ساعات اللقاء... Author: محمد المرتضى حامد Date: 10-08-2007, 10:25 PM Parent: #753
الله يرحمك يا عبدالمنعم حسيب ، لما كان يقول عيووووونك كانوا في عيوني
تتبخر كل النظارات الطبيه والشمسية وتذوب العدسات اللاصقه وتكاد ترى ليس
(إنسان) العين وحسب بل القرنيه والقزحيه والعصب البصري و الأهداب المسبله والجفون الناعسه كلها
تلامس عيونك وقلبك في رحلة رؤية تمتد من الفؤاد إلى الفؤاد. لم يكن حسيبا يؤدي النص بالقطاعي
كما فعلت وتفعل ساره بل كان ، بنَفَس واحد ملوّن كقوس قزح يوصل إليك جدولا منسابا من المشاعر
والمعاني، ولا أضف جديدا إن قلت أن الأداء له دور في توصيل المعنى ، فعلى سبيل المثال ما أحسه من
حسيب عندما يغني عيونك كانوا في عيوني هو تلاقي نظرات العاشقين وعندما تغنيها ساره أحس أنو في
واحد (بيحدِر للتاني)، يا اخوانا بالله مش مرات بجيكم إحساس بانو ساره دي غناها زي الفانوس
الببقبق؟ يا صوتا فيهو كم بلف مقفول؟ أو بلكات الصوت دايره صنفره أو تغيير؟
يا جني أنا ما شناف خليني أسأل ، فيرساتشي عليك الله في زول في الدنيا بيكورك بالطريقه دي ويدَّعي
انو قام على (مهلنا) ؟ طيب يعني لو كان قام (سدّاري) كان عمل شنو؟ ياخي أنا جاتني غمده وصحيت
قايل الكونكورد رجّعوها للخدمه تاني ، يعني عندنا ناس بيغنّوا ما بيعرفوا يوائموا بين الصوت
والكلمه لإكمال المعنى عند المتلقى بما في ذلك البودي لانقويج ،مثلا المحاكم الصوماليه يبتسم طالع
نازل يعني لو مافي صوت في التلفزيون حاتفتكر انو الزول ده بيغني ياعقد اللولي اللولي يا بت يا
حلوه يا هولي ، ولو رفعت صوت التلفزيون حتلقاهو بيغني عشان أهلك بخليكي واشيل في جرحي ماضيك.
برضو في واحد تاني دفعة الجماعه ديل والحمدلله ما مشارك وأصبح يقدم البرامج بيغني أي أغنيه ويحرك
يده رأسيا باتجاه أذنه اليمنى ولو رخيت صوت التلفزيون حاتعتقد إما انو في حالة تذمر واحتجاج أو
بينش في بعوض.
يا ناس تلفزيون النيل الأزرق، أتفهَّم انو المسألة بيزنس والدعايات والإعلانات هامة ولها دور في رفد
خزينتكم لكن معقوله بس تكون في خلطه بتعالج المصران والزكام والعجز النفسي والجلوكوما والبهق
والدبرسه ومرض حامد و(تنظم) السكري والملاريا والبواسير ؟ بالله يا اخوانا تلفزيوناتنا دي
بيشاهدوها في العالم ناس كتار ومافي داعي، زي ما الايام دي القناه الرئيسة تبث رسائل بئيسه معظمها
من نوع هنايه (يتهني) هناي بمناسبة الهناي و(المريج) على (الفقاقسي المصري), .. رحماك ، هل
عائد شركات الإتصالات والعمولة المدفوعة للتلفزيون يبررا هذا التشويه للقناة الرئيسة؟ ياخ مش كفايه
الباقي؟
الليله ضارب العود قلع الجاكت لما عرف انو محمديه ما جا باعتبار أن الجاكت كان لها دور تخفيف
اثر (المحطه) زي ما زمان كان البعض (يردِّف) يوم حصة التسميع.
تالاهون قسَّسَا أدخل نفسو في مطب عجيب بأدائه عيون المها ، ياخ دي لما كان العميري يقول فيها :
(علمتيني كيف أهواك ) توشك أن تشاهد إفتتاح (مدرسة الحب) اللي قال عليها نزار قباني وتبتهج فصول
الوله ويغدو السلم التعليمي هو وسيلة الإرتقاء من طابق العشق إلى دور الصبابه ،
العميري ، عطر الله ثراك أيها الجميل الشامل الراحل.
والله من أكثر الوجوه وضاءة وراحة وعزفه يسعد الروح المُعَنَّى ، عازف الكمان الذي شارك لوحده اليوم في
غياب محمديه، ياخ ده زول مريح.
غايتو يا فردتنا زي ما قال فيصل نوبي الليله الدكتاتور قدور تب ما قصّر معاك لكن يا فيصل باقي
ليك شغل فردتنا في ( فقدت صحاي لاتنصحوني) والتحليق على ذلك الإرتفاع الشاهق سيترك لقدور فرصة
غير أن يقول ما قال للفرده؟
بمناسبة حلقة العيون يا ممكونه ، بعض الخبثاء أطلق الكثير على أغنية (عيونك فيها شي يحير ويغير
اتجاه الزول) وقيل انه اتضح انوالعيون كان فيها كونتاكت لينسز ملونه وبعضهم أطلق على ( أرخي
الرمش فوق الرمش) أنها من (أغاني التراكوما).
الناس ما بتريِّح.
Post: #758 Title: Re: ما أحلى ساعات اللقاء... Author: الطيب شيقوق Date: 10-08-2007, 10:32 PM Parent: #757
Quote: الله يرحمك يا عبدالمنعم حسيب ، لما كان يقول عيووووونك كانوا في عيوني
تتبخر كل النظارات الطبيه والشمسية وتذوب العدسات اللاصقه وتكاد ترى ليس
(إنسان) العين وحسب بل القرنيه والقزحيه والعصب البصري و الأهداب المسبله والجفون الناعسه كلها
تلامس عيونك وقلبك في رحلة رؤية تمتد من الفؤاد إلى الفؤاد. لم يكن حسيبا يؤدي النص بالقطاعي
كما فعلت وتفعل ساره بل كان ، بنَفَس واحد ملوّن كقوس قزح يوصل إليك جدولا منسابا من المشاعر
والمعاني، ولا أضف جديدا إن قلت أن الأداء له دور في توصيل المعنى ، فعلى سبيل المثال ما أحسه من
حسيب عندما يغني عيونك كانوا في عيوني هو تلاقي نظرات العاشقين وعندما تغنيها ساره أحس أنو في
واحد (بيحدِر للتاني)، يا اخوانا بالله مش مرات بجيكم إحساس بانو ساره دي غناها زي الفانوس
الببقبق؟ يا صوتا فيهو كم بلف مقفول؟ أو بلكات الصوت دايره صنفره أو تغيير؟
يا جني أنا ما شناف خليني أسأل ، فيرساتشي عليك الله في زول في الدنيا بيكورك بالطريقه دي ويدَّعي
انو قام على (مهلنا) ؟ طيب يعني لو كان قام (سدّاري) كان عمل شنو؟ ياخي أنا جاتني غمده وصحيت
قايل الكونكورد رجّعوها للخدمه تاني ، يعني عندنا ناس بيغنّوا ما بيعرفوا يوائموا بين الصوت
والكلمه لإكمال المعنى عند المتلقى بما في ذلك البودي لانقويج ،مثلا المحاكم الصوماليه يبتسم طالع
نازل يعني لو مافي صوت في التلفزيون حاتفتكر انو الزول ده بيغني ياعقد اللولي اللولي يا بت يا
حلوه يا هولي ، ولو رفعت صوت التلفزيون حتلقاهو بيغني عشان أهلك بخليكي واشيل في جرحي ماضيك.
برضو في واحد تاني دفعة الجماعه ديل والحمدلله ما مشارك وأصبح يقدم البرامج بيغني أي أغنيه ويحرك
يده رأسيا باتجاه أذنه اليمنى ولو رخيت صوت التلفزيون حاتعتقد إما انو في حالة تذمر واحتجاج أو
بينش في بعوض.
يا ناس تلفزيون النيل الأزرق، أتفهَّم انو المسألة بيزنس والدعايات والإعلانات هامة ولها دور في رفد
خزينتكم لكن معقوله بس تكون في خلطه بتعالج المصران والزكام والعجز النفسي والجلوكوما والبهق
والدبرسه ومرض حامد و(تنظم) السكري والملاريا والبواسير ؟ بالله يا اخوانا تلفزيوناتنا دي
بيشاهدوها في العالم ناس كتار ومافي داعي، زي ما الايام دي القناه الرئيسة تبث رسائل بئيسه معظمها
من نوع هنايه (يتهني) هناي بمناسبة الهناي و(المريج) على (الفقاقسي المصري), .. رحماك ، هل
عائد شركات الإتصالات والعمولة المدفوعة للتلفزيون يبررا هذا التشويه للقناة الرئيسة؟ ياخ مش كفايه
الباقي؟
الليله ضارب العود قلع الجاكت لما عرف انو محمديه ما جا باعتبار أن الجاكت كان لها دور تخفيف
اثر (المحطه) زي ما زمان كان البعض (يردِّف) يوم حصة التسميع.
تالاهون قسَّسَا أدخل نفسو في مطب عجيب بأدائه عيون المها ، ياخ دي لما كان العميري يقول فيها :
(علمتيني كيف أهواك ) توشك أن تشاهد إفتتاح (مدرسة الحب) اللي قال عليها نزار قباني وتبتهج فصول
الوله ويغدو السلم التعليمي هو وسيلة الإرتقاء من طابق العشق إلى دور الصبابه ،
العميري ، عطر الله ثراك أيها الجميل الشامل الراحل.
والله من أكثر الوجوه وضاءة وراحة وعزفه يسعد الروح المُعَنَّى ، عازف الكمان الذي شارك لوحده اليوم في
غياب محمديه، ياخ ده زول مريح.
غايتو يا فردتنا زي ما قال فيصل نوبي الليله الدكتاتور قدور تب ما قصّر معاك لكن يا فيصل باقي
ليك شغل فردتنا في ( فقدت صحاي لاتنصحوني) والتحليق على ذلك الإرتفاع الشاهق سيترك لقدور فرصة
غير أن يقول ما قال للفرده؟
بمناسبة حلقة العيون يا ممكونه ، بعض الخبثاء أطلق الكثير على أغنية (عيونك فيها شي يحير ويغير
اتجاه الزول) وقيل انه اتضح انوالعيون كان فيها كونتاكت لينسز ملونه وبعضهم أطلق على ( أرخي
الرمش فوق الرمش) أنها من (أغاني التراكوما).
الناس ما بتريِّح.
غدا المرتضى الى اتوا وانا الى ولاية سنار
صحيح والله - ناس بتمشى سنين طوبببببببببببببببببببببببلة وناس بدون ما تمشى توصل - كفاك الله مثلث برمودة وكفاني الله طريق مدنى الخرطوم يا ابا اكرم .
Post: #759 Title: Re: ما أحلى ساعات اللقاء... Author: ودالعباسية Date: 10-09-2007, 01:38 AM Parent: #758
شكرا يا خال على الاستماع والمشاهده ،،،
بس ياخى كمل لينا القفلة بتاعة الاغنية ،،
نادر خضر وما ادراك ما نادر خضر ،،
الاغنية كانت جميلة والاداء ما دخل فيه شئ من الحبشنة بس هو غناها كلها كان يختار
ليه 3 كبليهات ،،
ولا شنو يا عاصم ،،!
عصام وفرفور اختصرو الاغانى مما سمح لى نادر يغنى الاغنية بى ارتياح فى الزمن
بس حلقة جميلة والبطل كان نادر ،،
Post: #761 Title: Re: ما أحلى ساعات اللقاء... Author: abubakr Date: 10-09-2007, 04:10 AM Parent: #759
Quote: بس ياخى كمل لينا القفلة بتاعة الاغنية ،،
الاغنية اقل من دقيقتيين يعني تحريكة الماوس اسرع منها وانا بعمل لايف ايدتنق يعني بقطع اثناء التسجيل والا تقعدو لي بعد باكر منتظرين لو سجلت كل الحلقة في ملف واحد بعدين عملت ايدتنق..
Post: #769 Title: Re: ما أحلى ساعات اللقاء... Author: نجوان Date: 10-09-2007, 10:00 AM Parent: #759
Quote: عصام وفرفور اختصرو الاغانى مما سمح لى نادر يغنى الاغنية بى ارتياح فى الزمن
لسوء حظ البعض يا ودالعباسية (وانا منهم)..
Post: #760 Title: Re: ما أحلى ساعات اللقاء... Author: ASIM AL BANNA Date: 10-09-2007, 03:06 AM Parent: #1
ياحبايب ... الليلة لا بطن بيتى ولا كرش الفيل ... طلعت من الجنا وسقطا ... شكرا ليكم يا ابوبكر ومسكونة اقصد ممكونة ... عملتو لى ابديتنق معاكم تانى شكرا ...
والله السر قعور جاب ليهو مايك كما اذكر ختاهو بى جانبة قال انتو قايلين نفسكم بتغنو احسن منى وقال كده انداح انشاء الله دى ماتكون الحلقة المعنية ....
العيون لما يغنو ليها لازم تذكر اغنية فلاح عيونك علمن عينى بكا الخنساء ... ايرضيكى؟؟؟؟ دى بتنفع مع البوست حق محمد المرتضى بتاع المكسريييين داك ...
اما الممكونيييين هنا ... حقو يغنو ليهم ياسليم الزوق يالجمالك صافى .... لان زوقكم كلكم صافى دون شك .
جنى ... مرتضى ده فى اسرار بتجى بالليل كتيره فايتاهو .... الغريبة يامرتضى السودان هنا ردود افعال الناس البسمعها فى الشارع كل الرضا عن اسرار بابكر .... ياخوى مالك ؟
ابوبكر احمد القرشى شايفو شغلك كرين ساكت الليلة ...
زمان كنت شغال فى السعودية فى جده وفى يوم سديت خانة لزميلى اسامة احمد المبارك مشى السودان اجازة ... ووظيفة كانت مندوب مشتروات .. وعندما اخدت الاوردر بتاع السباكة رجعت لعنوان فى الورقة التى تركها لى باسماء الزبائن اى من يشترى منهم ... فوجت اسم الشركة (ظعيط ومعيط للادوات الصحية) الله يمشى الحلقات دى على خير قبل ما يحصل فيها (محيط وظعميط)
على فكرة يانجوان ناس التلفزيونات دايما ببدو بى الحلقات القوية وفى النص الحشو اما الاخر بخلو ليهو الاجمل على ما اعتقد ... واذا كان كده يكون افضل واذا ماكان كده حقنا راح .
مودتى
Post: #772 Title: Re: ما أحلى ساعات اللقاء... Author: نجوان Date: 10-09-2007, 10:10 AM Parent: #760
Quote: على فكرة يانجوان ناس التلفزيونات دايما ببدو بى الحلقات القوية وفى النص الحشو اما الاخر بخلو ليهو الاجمل على ما اعتقد
سياسة سليمة.. بس تكلّمنا بيها هسه يا فردة؟؟..
Post: #762 Title: Re: ما أحلى ساعات اللقاء... Author: abubakr Date: 10-09-2007, 04:18 AM Parent: #1
Quote: على فكرة يانجوان ناس التلفزيونات دايما ببدو بى الحلقات القوية وفى النص الحشو اما الاخر بخلو ليهو الاجمل على ما اعتقد
هو فضل اخر ما كلهن تلات حلقات وواحدة منها انت قلت فيهاجيعير ودموع كتيرة يعني اتنين بس والقطر يصل المحطة وكاو واحد يشيل بقجتو ويفلسع
Quote: ابوبكر احمد القرشى شايفو شغلك كرين ساكت الليلة ...
كرين اتوماتيك
Post: #764 Title: Re: ما أحلى ساعات اللقاء... Author: sanaa gaffer Date: 10-09-2007, 04:39 AM Parent: #1
ازيكم كلكم ...
وتشكرات كتيرة على مجهوداتكم الرائعة الخلتنا احنا الناس البرة شبكة النيل الازرق نواكب الحلقات اول باول ...
وببركة قبايل العيد نتلاقى تاني في اللمة الحلوة دي ...
Quote: أنا و جاراتي الليلة خبزنا كعك و غريبة.. لقيتهن كلهن متابعات (( أغاني و أغاني ))...بيسلموا عليكم و بيقولوا ليكم.. كل سنة و إنتو طيبين.
ممكونة ... والله مشتهية كعك السودان المنقوش بالمنقاش داك ... وسكرو مدفق
غريبة !!! انتي مش عاملة رجيم.. لزومو شنو التكاليف والا بس عاجباكي" غريبة ممكونة وجيرانها" اها الواحد يلحق الباقي من البرنامج ويعمل دعاية زي بتاعة "وسرق الجورجينا " والسيناريو كما يلي : يجي واحد متسحب ويخلي كل مجوهرات "داماس" و "منصور" بتاعة الممكونيين وكمان" يعقها" علي الارض ويفتح الدولاب ويلقي علب "غريبة ممكونة وجاراتها" ويشيل الواحدة تلو الاخري في ملاية سحبها من الدولاب ( ودة كلة والممكونيين اخر شخيير ) واخر علبة يلفح منها كام واحدة ويعاين لينا " المشهديين" شزر مزر ويلف يشيل البقجة ويطلع وفجاة تستيقظ ممكونة وتركض صوب الدولاب وفي طريقها تتجاوز مجوهرات داماس والمنصور وكانها ما شي وتفتح الدولاب وتقتش عن الغريبة ولا تجدها وتلتقت الينا "المشاهدين "وهي تصيح " سجمي عملا وولع نيرانها وسرق غريبة ممكونة وجيرانها ".... شفتي كيف .. اها عايزيين منتجة او منتج حسب الحالة ... قالت غريبة قالت ...
Post: #766 Title: Re: ما أحلى ساعات اللقاء... Author: محمد المرتضى حامد Date: 10-09-2007, 09:21 AM Parent: #765
Quote: جنى ... مرتضى ده فى اسرار بتجى بالليل كتيره فايتاهو .... الغريبة يامرتضى السودان هنا ردود افعال الناس البسمعها فى الشارع كل الرضا عن اسرار بابكر .... ياخوى مالك ؟
شوف يا عاصم اسرار البنتاغون والخارجيه البريطانيه البتطلع بعد خمسين سنه ما لازمني ، و الأسرار اللي بتقول الشارع السوداني راضي عنها برضو ما عندي معاها شغله لأنو الموضوع مجرد اختلاف أذواق وأكون دجال لو قلت ليك ممكن أفكر أسمعا، ياخي دي أمبارح لما جابوها طلعت السطوح أتحرى الرؤيه.
يااب احمد، أستمع لكثير من المطربات والمغنيات من عائشة الفلاتية مرورا بالبلابل وفيروز وويتني هيوستن وسيلين ديون وليس انتهاءا بنسرين هندي لكن قريبتك دي كدي هسه خليها رمضان كريم.
بس قول معاي الله يستر رمضان الجاي لو عشنا مايجيبوا لينا واحده سودانيه بتغني في الإمارات بتذكرني متحف مدام توسو ، ساعتها سابكي على اسرار وأردد كما الشعب السوداني وأقول ( ضيعناك وضعنا وراك).
Post: #767 Title: Re: ما أحلى ساعات اللقاء... Author: abubakr Date: 10-09-2007, 09:37 AM Parent: #1
Quote: بس قول معاي الله يستر رمضان الجاي لو عشنا مايجيبوا لينا واحده سودانيه بتغني في الإمارات بتذكرني متحف مدام توسو ، ساعتها سابكي على اسرار وأردد كما الشعب السوداني وأقول ( ضيعناك وضعنا وراك).
بس!! قالو يمكن يبنو متحف زيو هنا
Post: #768 Title: Re: ما أحلى ساعات اللقاء... Author: نجوان Date: 10-09-2007, 09:55 AM Parent: #767
Quote: بس قول معاي الله يستر رمضان الجاي لو عشنا مايجيبوا لينا واحده سودانيه بتغني في الإمارات بتذكرني متحف مدام توسو ، ساعتها سابكي على اسرار وأردد كما الشعب السوداني وأقول ( ضيعناك وضعنا وراك).
خوّفتني يا محمد المرتضى.. _______ ما تقول الأيام دي عمرالفاروق كمان موجود!
Post: #773 Title: Re: ما أحلى ساعات اللقاء... Author: mamkouna Date: 10-09-2007, 12:29 PM Parent: #1
و الله يا باش ما عندك أي مشكلة لو رجعت السودان.. التلفزيون القومي و الخاص ح يفتح لك أذرعه و أرجله كمان. إنتَ بس.. طرشق شبكتك...و خليك سوداني!!!
Post: #774 Title: Re: ما أحلى ساعات اللقاء... Author: mamkouna Date: 10-09-2007, 12:42 PM Parent: #773
سنوية.. لمٌات الخبيز دي من أجمل اللٌمات. .. زماااان لمن كنتَ صغيرة (( و ما ح أقول متين زي ما قال السر قعور ))... كانت لمٌة الجيران..كل يوم في بيت...الليلة عند ناس سناء..بكرة عند ناس نهال..بعدو عند ناس نجوان..و الليلة الختامية عند ناس ممكونة (( عشان الكبيرة و كدا)).. و اللٌمات زاتها خشم بيوت.. في لٌمة قبل رمضان...بيتعمل فيها الحلو مر..الرُقاق..الآبري الأبيض..البصلة...الشرموط..البهارات..إلخ لمٌة قبل العيد..بيتعمل فيها الكعك..الغُريبة..البتي فور..بسكويت المفرمة..و القرقوش.
حسي الزمن إتغير..لكن نحنا (( ناس بحري )) ما إتغيرنا....بس إتطورنا شوية.. لمٌة قبل رمضان...عملنا فيها..فطاير و كرواسان. لمٌة قبل العيد...عملنا فيها...كعك بالعجوة..غُريبة..سابليه..بسكويت نشادر..و..ويفر.!!!
و باقي الحاجات جبناها..جاهزة!!
Post: #775 Title: Re: ما أحلى ساعات اللقاء... Author: mamkouna Date: 10-09-2007, 01:11 PM Parent: #774
و على الرغم من (( التطور )) القلتو ليكِ يا سناء.. و.. كعك العجوة..كعك الفانيليا..كعك بالمكسرات..كعك باللكوم..كعك مربع..كعك مستطيل..كعك مخروطي..إلخ
لكن - يعلم الله- ما بحب إلا كعك الله و الرسول دا.. ليكِ و لنجوان..ولنهال..و كل أهلي و ناسي في البوست و البوستات المجاورة.. جردل كعك..بالمُنقاش..و السكر الناااااااعم المدردر..
Post: #776 Title: Re: ما أحلى ساعات اللقاء... Author: الزوول Date: 10-09-2007, 02:15 PM Parent: #775
السلام عليكم ده شنو ده يا جماعة؟ الحاصل شنو؟ الواحد ما يغيب منكم شوية يجي يلقاكم قلبتوها مطبخ فلان داك ما عارف؟ ................ وما الناس إلا هالك وأبن هالك *** وذو نسب في الهالكين عريق
Post: #778 Title: Re: ما أحلى ساعات اللقاء... Author: abubakr Date: 10-09-2007, 03:25 PM Parent: #776
Quote: يجي يلقاكم قلبتوها مطبخ فلان داك ما عارف؟
هوا مطبخ فلان داك ذاتو .. انت شايل البيرق وحايم في البوستات التانية لحدما البوست دة بقي كافي شوب ..
Post: #796 Title: Re: ما أحلى ساعات اللقاء... Author: نجوان Date: 10-09-2007, 06:57 PM Parent: #775
شكرا يا ممكونة.. العيد عندكم والله يا ناس بحري
انا شكلي كده ح اعتمد على السوق.. وهدايا الأهل.. انشالله يكون زي الفي الصورة!
Post: #780 Title: Re: ما أحلى ساعات اللقاء... Author: abubakr Date: 10-09-2007, 03:40 PM Parent: #773
Quote: و الله يا باش ما عندك أي مشكلة لو رجعت السودان.. التلفزيون القومي و الخاص ح يفتح لك أذرعه و أرجله كمان. إنتَ بس.. طرشق شبكتك...و خليك سوداني!!!
انا برضة قت كدة .. انا بعد الكورس المكثف دة لمدة شهر وكمان بقيت اصاحب ناس العدادات زي فردتنا والنقاد والمعلقيين اياهم جماعة ممكونة والزوول ونجوان ومرة مرة كمان اكتب لي عمود والشعراء ناس ودوداعة والقرشي والمرتضي وودعقيد والعرريب ود شيقوق (اوع يصدق انو شاعر وينتظرنا هناك من هسع )والكتاب ناس سنوية ونهال اشعر بانو لي مستقبل باهر في هذا المجال ولازم اشتري لي كام شبك "يريور" ( دة الشبك الخليجي بتاع السمك) وارجع البلد عندكم اطرشق الشبكات التانية واها ناس ودالعباسية وابومهيار نوبي برضو حيلقو ليهم شغلانة معانا في الترعة الفضائية بتاعتنا .. اما تمبس فطظ .. ما حنشغلو معانا وخليهو يعتل كاميرتو دي ويشوف بكان تاني
Post: #777 Title: Re: ما أحلى ساعات اللقاء... Author: عبد الله عقيد Date: 10-09-2007, 02:58 PM Parent: #1
يا ود البنا ياخي عايز اوصيك.. (قبل الوداع).
اول حاجة سلم لي علي السر قدور شديد.. وقول ليهو إنت غيرت لي الكثير من أفكاري وآرائي حول الغناء السوداني.. أديتنا تاريخ فشل الكثيرون في نقله لنا.. قول ليهو انت زول فنّان .. الله يديك العافية..
تاني حاجة سلم لي على زملاك ديل واحد واحد.. بدون ترتيب (زاتو) وحقيقة اتضح لي بعد تقديم وتأخير وتاني تقديم وتأخير أنهم كلهم ممتازين وغاية في الروعة.
والتحية لك أنت لتواضعك بالبقاء معنا هنا، غيرك يكتفي بالمراقبة.. ولو لاقيت عمّك احمد في العيد دا قولو ود عقيد بسلم عليك وقال ليك (الشيوم) حصل بس ربنا يجمعنا بيك في ساعة (جمال)..
العيد مبارك عليكم يا ناس البوست السمحين
Post: #779 Title: Re: ما أحلى ساعات اللقاء... Author: abubakr Date: 10-09-2007, 03:30 PM Parent: #777
Quote: يا ود البنا ياخي عايز اوصيك.. (قبل الوداع).
لسه باقي تلات حلقات يا ودعقيد ..
Post: #781 Title: Re: ما أحلى ساعات اللقاء... Author: sanaa gaffer Date: 10-09-2007, 04:59 PM Parent: #1
Quote: الواحد ما يغيب منكم شوية يجي يلقاكم قلبتوها مطبخ فلان داك ما عارف؟
الزوول .. انت شفت عنوان البوست دة ؟؟
ما احلى ساعات اللقاء ... وهل يطيب اللقاء الا بمنتجات مطبخنا الجميل ؟؟
وبعدين مطبخ ممكونة دة براحة ينافس مطبخ منال ... بس عليك الله شوف وصفات الكعك والغريبة دي براها ما وجع
قديمة ... ( بلدي ) خالص .. وما استايل ...انا غايتو باحب البلدي وباكره الاستايل ...
والله يا ممكونة اتلومنا جد ... الظاهر انجرفنا ورا ريحة الكعك ونسينا انو دة بوست الغنا ...
معليش يا جماعة رمضان دخل العضم وبقينا نهضرب بالكعك ...
اها الغنا وين يا ابوبكر ؟؟؟
Post: #782 Title: Re: ما أحلى ساعات اللقاء... Author: abubakr Date: 10-09-2007, 05:30 PM Parent: #1
Quote: اها الغنا وين يا ابوبكر ؟؟؟
هو دة كمان بقي زي "الغريبة" بتاع ممكونة ؟ امشي اسالي فردتنا ؟ هو البرنامج يادوبك ابتدء وفرفور مغطي وشو وبيبكي اها بقينا في الجعيير .. وبعدين ناس "الفائز" "اثاث جميل اثا ث سمح" جو ناطيين .. انا مما بقيت اشوف تلفزيون ما اضطريت اشوف اعلانات قدر دة . يعني عشان اسجل اغاني بقيت احضر حصص شعبولا كلها ... دة كلام ياابوالفاضل البيت بقي جاهز واللا لسسسسه ...؟
Post: #783 Title: Re: ما أحلى ساعات اللقاء... Author: Hussein Mallasi Date: 10-09-2007, 06:02 PM Parent: #782
فرفرو يلبس شوية و عصام شوية
Post: #784 Title: Re: ما أحلى ساعات اللقاء... Author: Hussein Mallasi Date: 10-09-2007, 06:06 PM Parent: #783
منو فيكم الكلم السر قدور و قال ليهو انو في فنان اسمو عبد الوهاب الصادق يا عاصم
Post: #785 Title: Re: ما أحلى ساعات اللقاء... Author: Hussein Mallasi Date: 10-09-2007, 06:09 PM Parent: #784
Quote: والتحية لك أنت لتواضعك بالبقاء معنا هنا،
ما للدرجة دي كمان يا عقيد !!
Post: #786 Title: Re: ما أحلى ساعات اللقاء... Author: Hussein Mallasi Date: 10-09-2007, 06:16 PM Parent: #785
ممكونة & سناء
Post: #788 Title: Re: ما أحلى ساعات اللقاء... Author: abubakr Date: 10-09-2007, 06:22 PM Parent: #786
Quote: ممكونة & سناء
غريبة .. انت كمان عايز الغريبة والكعك ...!!؟
Post: #799 Title: Re: ما أحلى ساعات اللقاء... Author: mamkouna Date: 10-09-2007, 07:03 PM Parent: #786
ما دام بحري و ناس بحري و كعك بحري..كدا دا الودٌاك (( العودة )) شنو؟؟!!!!!!!
Post: #790 Title: Re: ما أحلى ساعات اللقاء... Author: abubakr Date: 10-09-2007, 06:27 PM Parent: #784
Quote: فنان اسمو عبد الوهاب الصادق يا عاصم
انت متاكد ؟ قالو كان قاعد في السعودية وعندو اغنية " الجرج جرحي براي منو البقاسي معاي "
Post: #791 Title: Re: ما أحلى ساعات اللقاء... Author: نجوان Date: 10-09-2007, 06:28 PM Parent: #782
المختصر المفيد الى حين وصول ممكونة والباش..
موضوع الحلقة السفر..
فردتنا و "من الأسكلا وحلا" .. مقطع قصير لكن رائع ..
"قلنا ما ممكن تسافر".. غنّى جزء صغير عصام محمد نور بصوت جميل.. لكن ببطء يحرّق الروح..
"سيب السفر" لعبدالوهاب الصادق غنّت مقاطع منها أسرار ببطء ينافس عصام.. معليش... بس الإتنين زمنهم فارق بصورة مزعجة..
نادر خضر في "الى مسافرة" لحمد الريح.. غنّى الأغنية تقريبا كاملة.. (زي امبارح) الفرقة الموسيقية ابدعت في الخلفية.. صوت نادر كان يبدو جميل احيانا خلال الأغنية.. إلا ان روح الأناشيد المدرسية ما زالت هناك.. (متين نتخرّج يا نادر ياخ؟)
وفردتنا يغني شوية من "سافر حبيب الروح" لعائشة الفلاتية.. وفرصة طيبة لسماعه يغني شئ غير الحقيبة.. لكن الأغنية لم تكن بنفس الإنسيابية التي عودّنا عليها (يا ريت لو قدور أعطاه الى مسافرة)
يختم الحلقة فرفور بـ "يا مسافر وناسي هواك" لسيد خليفة.. أغنية صعبة.. كمعظم أغاني الراحل المقيم.. اعتقد الأغنية لم تتماشى جيدا مع اسلوب الفرفور الغنائي ليوصل الأغنية .. بدا صوته محبوس .. عانى طرزان قليلا في هذه الأغنية.. ومساعدة من عصام محمد نور ..
والسلام ختام..
Post: #794 Title: Re: ما أحلى ساعات اللقاء... Author: abubakr Date: 10-09-2007, 06:38 PM Parent: #791
Quote: (متين نتخرّج يا نادر ياخ؟)
من عام الفيل لي هسع ..؟
Post: #787 Title: Re: ما أحلى ساعات اللقاء... Author: abubakr Date: 10-09-2007, 06:19 PM Parent: #1
الحلقة 27 عن السفر
ملاحظات عامة : فرفور وعصام واحد فيهم الترزي عمل ليهو بدلة من باقي قماش بدلة التاني وعشان كدة قاعديين جنب بعض بصلعاتم فردتنا ما عارف هل كان نعسان واللا بياخد ليهو غمدة بين الفقرات بس الغريبة اول ما يجيبو اسمو ينعنش وينعنشنا معاهو الي مسافرة دي بتذكرني بسنة 67 لما قبلونا في جامعة الخرطوم ..غايتو ايام !!!! محمدية رجع بشان كدة كلهم كانو موجوديين باللباس الرسمي .. انتهي
Post: #789 Title: Re: ما أحلى ساعات اللقاء... Author: mamkouna Date: 10-09-2007, 06:22 PM Parent: #1
جلسة الليلة كانت طااااااااااعمة و حنييييييييييييييييينة.... مًش كدا؟؟!!
Post: #795 Title: Re: ما أحلى ساعات اللقاء... Author: mamkouna Date: 10-09-2007, 06:52 PM Parent: #789
الحلقة سبعة و عشرين:-
* كانت حلقة اليوم عن (( أغاني الوداع و السفر و الفراق ))...و كانت حلقة و لا أحنٌ و لا أروع.
* إستهل أبو الكلام الجلسة بأغنية (( ود الرضي )) عن وداعه لمحبوبته في الميناء النهري.. (( من الأسكلا لو حلٌ ))... غنانا مقطع منها...فردتنا.
* حكى أبو الكلام أن ود الرضي و العبادي كانوا متقاربين في السن..و ولدوا أيام المهدية.
* من الميناء النهري..إنتقلنا إلى فضل الله محمد..الذي لم يستوعب فكرة الفراق و السفر..فصاح ملء قلبه..و بصوت محمد الأمين حينها..و بصوت عصام محمد نور حالياً.. (( قلنا ما ممكن تسافر...نحن حالفين بالمشاعر.. السفر ملحوق..و لازم إنت تجبر بالخواطر..)) (( قلبي وجعني ما قادرة أتم الباقي ))!
* عبد الوهاب الصادق أيضاً لم يتحمل فكرة الفراق و السفر..فغنى قائلاً.. (( يا مسافر إتدلىٌ...و سيب السفر يللٌا..)) غنتها لينا...أسرار بابكر.
* ود القرشي كان إرهابي عدييييل كدا..لمن قال.. (( القطار يتدشدش...يا الشلت محبوبي..!!)) طيب لو المحبوب لسه في القطار..النظام كيف ؟؟!!
* الرجل المهذب عثمان خالد..و الفنان الرائع حمد الريح..و بصوت نادر خضر..سبحنا في عوالم جميلة..و نزٌلنا عبرات حارقة و مؤلمة...و قلبنا وجعنا و نحن بنقول.. ياااااااااااااااااااا حليلو..!
* ل عشة الفلاتية..غنانا عاصم البنا..مقطع من.. (( سافر حبيب الروح..خلى الفؤاد مجروح.))
* خُتمت الجلسة برائعة صلاح أحمد محمد صالح...صاحب حقيبة الفن.. (( يا مسافر و ناسي هواك...أرواحنا و قلوبنا معاك.)) غناها فرافيرو.
بره الموضوع: * ملاسي.. أرجو إضافة نادر خضر و سعد الدين و أحمد المك لقائمة الرجال الذين يصبغون شعورهم.. و إضافة فرفور و عصام و بتاع الطبلة لقائمة الرجال الذين يصقلون شعورهم... و إضافة فردتنا لقائمة الرجال الذين سيفقدون شعورهم!!!
Post: #792 Title: Re: ما أحلى ساعات اللقاء... Author: abubakr Date: 10-09-2007, 06:30 PM Parent: #1
ما ممكن تسافر الحان وغناء محمد الامين اداء عصام محمد نور
Post: #793 Title: Re: ما أحلى ساعات اللقاء... Author: abubakr Date: 10-09-2007, 06:33 PM Parent: #1
سافر حبيب الروح الحان وغناء الفلاتية اداء عاصم البنا
Post: #797 Title: Re: ما أحلى ساعات اللقاء... Author: Hussein Mallasi Date: 10-09-2007, 06:59 PM Parent: #793
Quote: ملاسي.. أرجو إضافة نادر خضر و سعد الدين و أحمد المك لقائمة الرجال الذين يصبغون شعورهم ..
و إسماعيل عبد الجبار اخليهو
Post: #809 Title: Re: ما أحلى ساعات اللقاء... Author: mamkouna Date: 10-09-2007, 11:35 PM Parent: #797
الممكون قال ليكم... البقاء...للأصلع..!!!
Post: #798 Title: Re: ما أحلى ساعات اللقاء... Author: abubakr Date: 10-09-2007, 07:02 PM Parent: #1
يا مسافر ادللا الحان وغناء عبدالوهاب الصادق اداء اسرار بابكر
Post: #808 Title: Re: ما أحلى ساعات اللقاء... Author: mamkouna Date: 10-09-2007, 11:33 PM Parent: #798
في ذُمتك يا نادر خضر... (( حليلو قال ناوي السفر )) دايرة ليها بخرة؟؟؟!!!!
Post: #819 Title: Re: ما أحلى ساعات اللقاء... Author: abubakr Date: 10-10-2007, 03:58 AM Parent: #808
Quote: في ذُمتك يا نادر خضر... (( حليلو قال ناوي السفر )) دايرة ليها بخرة؟؟؟!!!!
دي كمان نقرتيها .. اها من بعد بكرة حتنتقدي منو؟؟ .. ما تخلي واحدة من الجيران .. امشي اعملي تفتيش علي كل غريبة وكعك عيد في الحلة ونزلي عمود يومي هنا في ايام العيد وبعد داك نشوف لينا موضوع تاني ...
Post: #800 Title: Re: ما أحلى ساعات اللقاء... Author: abubakr Date: 10-09-2007, 07:08 PM Parent: #1
الي مسافرة الحان وغناء حمد الريح اداء نادر خضر
Post: #801 Title: Re: ما أحلى ساعات اللقاء... Author: abubakr Date: 10-09-2007, 07:38 PM Parent: #1
يا مسافر وناسي هواك الحان وغناء سيد خليفة اداء جمال فرفور
Post: #802 Title: Re: ما أحلى ساعات اللقاء... Author: الزوول Date: 10-09-2007, 07:39 PM Parent: #1
السلام عليكم • فردتنا ... أنا عارف انها مجرد مقاطع من الأغاني ... لكن والله ما جاية تنط من جبل أولياء للرجاف حتة واحدة ، جمال أغنية (من الأسكلا وحلا) ... في تتبعها للمدن .. القطينة .... الدويم ... الجبلين .. الرنك ...الخ • يمكن – بسهولة – معرفة الفرق بين الموسيقيين المتميزين وملحني الأغاني الذين يأتون بالموسيقى بعد الأنتهاء من اللحن ليجعلوا الموسيقي تعزف نفس لحن الغناء ، أنظر لأغاني محمد الأمين ، وردي ، بشير عباس على سبيل المثال... تذكرت هذا الكلام وأنا أستمع للجمل الموسيقية الراقية جداً في أغنية محمد الأمين (قلنا ما ممكن تسافر) والتي أبدعت فيها الفرقة الماسية كعادتها • اليوم كان في كوسة... عديل كده ...فردتنا غنى (أغنيتين في عين العدو) يا ربي ده تعويض للهرشات ؟ • اكتشفت اليوم دور أحمد المك ( العواد) فقد ترك عزف العود في أغنية سيد خليفة ( يا مسافر وناسي هواك) وتفرغ لقيادة الأوركسترا بيديه والشيل بأعلى صوته ( تقول ناقصين شيالين) ... وعموماً كان اليوم في غلية الانشكاح ... أظن أن محمدية قد طمأنه من ناحية المحيّط
............................. وما الناس إلا هالك وأبن هالك *** وذو نسب في الهالكين عريق
Post: #804 Title: Re: ما أحلى ساعات اللقاء... Author: نهال الطيب Date: 10-09-2007, 08:25 PM Parent: #802
الليلة ما حضرت الحلقة كلهانظام ضيوف وغسيل عدة إفتخاري الله يجيبك يا العيد العدة دي قرضتنا دي بسيرة المطبخ والكعك ممكونة ست الناس لي حدهم تتعلي ما تتدلى يا بت أمي أنشاء الله كعكك نضوقه في كل سمح وزين يغشاك والعيد الجاي بجيب ليك أمي تخبز معاك
أبوي أبوبكر سلمت من كل شر يا سمح الخلقة والأخلاق
سلمتوا
Post: #805 Title: Re: ما أحلى ساعات اللقاء... Author: abubakr Date: 10-09-2007, 08:32 PM Parent: #804
Quote: أبوي أبوبكر سلمت من كل شر يا سمح الخلقة والأخلاق
تسلمي من كل ردي يا بتي ..
Post: #807 Title: Re: ما أحلى ساعات اللقاء... Author: mamkouna Date: 10-09-2007, 11:18 PM Parent: #802
يا بنات.. لمن تجوا ترصوا (( الكعك )) في الشيالات.. أدوا الزوول دا كعكو بلا سكر...!!
عشان تاني يشنف لينا مطبخنا!
Post: #803 Title: Re: ما أحلى ساعات اللقاء... Author: abubakr Date: 10-09-2007, 07:56 PM Parent: #1
Quote: السلام عليكم
انا لو اعرف بس انت بقيت بتغيب كتير ليه وبتجي متاخر ليه؟ اها من هبوطك بالبالونات ما عارفين حكايتك شنو ؟ كلها حلقتيين والراكوبة تفضي وبالوناتك تطير تاني .. خليك معانا شوية البوستات التانية ملحوقة ..ياسلام من بيرقك وكدارتك
Post: #806 Title: Re: ما أحلى ساعات اللقاء... Author: abubakr Date: 10-09-2007, 08:34 PM Parent: #1
اين ابومهيار وودالعباسية وولدنا سعدالدين (بتاع نيوزيلندا )...يا جماعة كلها يوميين وينفض السامر ...
Post: #810 Title: Re: ما أحلى ساعات اللقاء... Author: mamkouna Date: 10-09-2007, 11:45 PM Parent: #1
في غمرة دهشتنا و إستهجاننا ل (( سجمي..عملا فينا..و سرق الجورجينا )) و (( الشريف..شغل نضيف )) و (( أثاث جميل ....أثاث سمح )).... فاتني أن أشيد بالإعلان المؤثر و الجميل للمركز السوداني للسمع.. حيث يركض طفل و طفلة بكل براءة و سرور في الفضاء الوسيع.. لكن ... يصطدما بباب مغلق...يستطيعا رؤية ما بداخله لكن.. من وراء زجاج سميك يقف بينهم و بين متابعة ركضهم.
إعلان مُعبر..بسيط..و غاية في الجمال. دا من (( دُرر)) الفضائيات يا نجوان!
Post: #811 Title: Re: ما أحلى ساعات اللقاء... Author: Hussein Mallasi Date: 10-09-2007, 11:52 PM Parent: #810
Quote: في غمرة دهشتنا و إستهجاننا ل (( سجمي..عملا فينا..و سرق الجورجينا ))
في دي أظننا اختلفنا .. لعله انجح إعلان منذ "الكوكا كولا .. مشروب الهنا"
Post: #815 Title: Re: ما أحلى ساعات اللقاء... Author: abubakr Date: 10-10-2007, 03:45 AM Parent: #810
Quote: فاتني أن أشيد بالإعلان المؤثر و الجميل للمركز السوداني للسمع..
انا سجلتو عشان بتي (متخصصة في الاعلانات) تشوفو لما تجي انشاء الله.. يعني الحق حق والباطل باطل وفي زحمة شغل ساذج خرج هذا العمل المحترم
Post: #821 Title: Re: ما أحلى ساعات اللقاء... Author: نجوان Date: 10-10-2007, 05:42 AM Parent: #810
Quote: إعلان مُعبر..بسيط..و غاية في الجمال. دا من (( دُرر)) الفضائيات يا نجوان!
معاك مية مية يا ممكونة..
Post: #812 Title: Re: ما أحلى ساعات اللقاء... Author: Abomihyar Date: 10-10-2007, 00:20 AM Parent: #1
أنا موجود ومتابع وما نفقدك في شينة إن شاءالله يا باشمهندس أحيي مثابرتك
والله البوست ده إنت غزرته
مع عظيم إمتناني لممكونة والزول
والفنان المميز جنا البطانة عاصم البنا.
Quote: يا مسافر ادللا الحان وغناء عبدالوهاب الصادق
هذه الأغنية حسب إعتقادي هي للفنان الشعبي محمود علي الحاج
وليس كما نسبها الباشمهندس للفنان عبد الوهاب الصادق
الذي أرجو أن يكون قدإسترد عافيته بعد أن أبعدته علة مفاجئة
عن معجبيه لفترة طويلة.
ندعوا له ولكم جميعا مع قبايل العيد السعيد بالصحة والعافية.
Post: #813 Title: Re: ما أحلى ساعات اللقاء... Author: ودالعباسية Date: 10-10-2007, 02:25 AM Parent: #812
Quote: اين ابومهيار وودالعباسية وولدنا سعدالدين (بتاع نيوزياندا )...يا جماعة كلها يوميين وينفض السامر ...
يا خال شكرا على السؤال ،،
لكن تصدق دي دخلتى النت بتوقيتى فى الدوحة اساعة 4 صباحا ،،
شباب انا على البسكويت للعيد ،،، عشان نشرب بيه الشاي فى اول يوم العيد الصباح ،،
اقعدو عافيه ،،
Post: #817 Title: Re: ما أحلى ساعات اللقاء... Author: abubakr Date: 10-10-2007, 03:51 AM Parent: #813
Quote: لكن تصدق دي دخلتى النت بتوقيتى فى الدوحة اساعة 4 صباحا ،،
يا تو حولية ؟؟؟
Post: #816 Title: Re: ما أحلى ساعات اللقاء... Author: abubakr Date: 10-10-2007, 03:48 AM Parent: #812
Quote: وليس كما نسبها الباشمهندس للفنان عبد الوهاب الصادق
خايف السر قدور يهرشك قمت لصقتها في انا المسكين..؟؟
Post: #814 Title: Re: ما أحلى ساعات اللقاء... Author: Moawia Mohammed Date: 10-10-2007, 02:59 AM Parent: #1
من منا و منكم ينسي الفنان الشعبي الكبير عبد الوهاب الصادق ذلك الصوت الشجي الذي أثري الساحة الفنية في حقبة سبعينات القرن الماضي أيام كانت الاذاعة هي المنفذ الوحيد لمعظم الفنانين. لا يمر علينا يوم والا استمعنا اليه في برنامج ما يطلبه المستمعون الناس يهدون أغنيته الشهيرة من بعد ما فات الأوان الليله جاي تعتذر وترجع أيامنا الزمان من وين أجيب ليك العذر وفرحت بيك مديت دروب الريد كمان غزلت طيبة مشاعري غطاء ووشاح لكن وا ضيعة رجائي رديتني مكسور الجناح سقيتني بعد الحلوه مر
استمعت اليه لأول مره في برنامجي المفضل حينذاك (الحان) الذي كان يقدمه معتصم فضل يوم الخميس الساعة الواحدة و النصف قبل عالم الرياضة ونشرة تلاته الطويلة ديك مباشرة وطبعا يوم الخميس كان بفكونا بدري من المدرسة الواحد طوالي يجي جاري البيت مافيش تسكع في الشارع عشان يحصل الحلقة ومعتصم فضل زاتو كان راجل فنان ويحاول يرضي جميع الأذواق عشان كدا كان بيبدأ الحلقة بأغنية بالعود بعدين شعبي أو شعبي بالمندلين ثم بالأوركسترا و مرات جاز. طبعا فنانين المندلين ما كانوا كتار عشان كدا أي حلقة ما بتخلو من عبد الوهاب الصادق أو النور الجيلاني ( الذكري المنسية )أو محجوب كبوشية( أنا يا زمان ). عبد الوهاب الصادق عندو أغاني كتيره جدا أذكر منها
- بعد دا كلو كمان بتبكي - حبايبي الحلوين - الجرح جرحي براي - بياع الخواتم - ما أحلي التصافي من بعد التجافي - ست الريد بقت قساية - هلا لي هلالو ظهر و بان لي الليلة - تنساني أنا ( غنتها أسرار )
و طبعا أكيد ناس الأذاعة ما قاعدين يجيبوا الأغاني دي لأنو سيدها زاتو مغترب ليهو زمن لعن الله الغربة و الاغتراب
قف: يا الناس القدام الكلام دا ليهو قريب 30 سنه عشان كدا صلحونا لو في أغنيه من الفوق ديل ما حقت عبد الوهاب الصادق وتسلموا جميعا
Post: #818 Title: Re: ما أحلى ساعات اللقاء... Author: abubakr Date: 10-10-2007, 03:55 AM Parent: #814
Quote: يا الناس القدام الكلام دا ليهو قريب 30 سنه عشان كدا صلحونا لو في أغنيه من الفوق ديل ما حقت عبد الوهاب الصادق
كتر خيرك يا معاوية .. طلعنا قبل 30 سنة لكن الاسم وبعض الاغاني يادوبك نتذكرها وفي شباب زيكم هنا متذكريين الاسم والاغاني وحتي انو في السعودية ومريض با "السكري " (زينا سوا سوا) ما الغربة بتطفحنا سكر(ي)...شكرا
Post: #823 Title: Re: ما أحلى ساعات اللقاء... Author: mamkouna Date: 10-10-2007, 11:04 AM Parent: #814
شكراً يا معاوية على المعلومات الثرة.. أغاني عبد الوهاب الصادق مرسومة في عقلنا و وجداننا.. حبايبي الحلوين..أهلاً جوني.. و أنا ما قايل..حلوين زي ديل بيزوروني... كانت تغنيها حبوبتي - ربنا يرحمها و يغفر ليها- عند إستقبالها لنا...في زيارتنا الإسبوعية لمنزلها العامر بحبها و عطفها و حنانها.
الجرح جرحي براي..منو البقاسي معاي.. لو طالت السنوات..هوي يا جرح ما بريت.. أنا أصلي من تبيت..عارف طريقو صعب.
كانت أغنية أيام حلوة و جميلة.
و...
هلٌ لي هلالو..ظهر و بان لي الليلة.. كانت أغنية القون الأول - و ليس الأخير- في الممكون!!
Post: #820 Title: Re: ما أحلى ساعات اللقاء... Author: abubakr Date: 10-10-2007, 04:01 AM Parent: #1
اين فردتنا؟؟ هرشة جديدة جاية واللا شنو ؟؟؟
Post: #822 Title: Re: ما أحلى ساعات اللقاء... Author: محمد المرتضى حامد Date: 10-10-2007, 09:31 AM Parent: #820
في ناس كده الواحد لو قالوا ليهو إسمك منو يعاين في البخره. من المحزن أن تتبشتن أغنية أحبها حد الترنح إلى هذا المستوى (إلى مسافره) والله ما فضل لي إلا أقول ليهو (أهديك عيوني وإضنيني .. "عشان أستريح" ) يا حليلك يا حمدالريح والله يرحمك يا عثمان خالد.
بلغة عيال الزمن ده كنا شغالين (كسير تلج) قامن البنّوت قلبَنَها كِسير كعك.
Quote: ما دام بحري و ناس بحري و كعك بحري..كدا دا الودٌاك (( العودة )) شنو؟؟!!!!!!!
الكلام دخل الحوش.
ممكونه دي منطقه عسكريه ممنوع الإقتراب أو التصوير.
لكل الأحباب هنا أقول كل سنه وانتو طيبين والعفو والعافية والمعافاه باقي قدامي سفرا طويل بالحيل وادوني خاتركم ورضاكم وكان لحقنا معاكم حلقه كان بها ولو مالحقنا وتم الأجل سامحونا يا ممكونه.
Post: #824 Title: Re: ما أحلى ساعات اللقاء... Author: mamkouna Date: 10-10-2007, 11:06 AM Parent: #822
إلى مسافر:
تمشي و تجي بالسلامة..حمادة مع السلامة!
Post: #825 Title: Re: ما أحلى ساعات اللقاء... Author: abubakr Date: 10-10-2007, 11:10 AM Parent: #1
Quote: تمشي و تجي بالسلامة..حمادة مع السلامة!
حقو من الكعك والغريبة تخلي ليهو في البوست لحد ما يرجع بالسلامة ... اها ما قلتي لي " غريبة" يعني شنو ؟ واللا انتي كمان رطاني ؟؟؟
Post: #826 Title: Re: ما أحلى ساعات اللقاء... Author: mamkouna Date: 10-10-2007, 12:12 PM Parent: #825
Quote: اها ما قلتي لي " غريبة" يعني شنو ؟
أنا كنتَ عارفة (( كعك )) يعني شنو..لمن أعرف (( غُريبة ))..!!!
لكن يا سيدي..ما يصير خاطرك إلا طيب.. بعد التفتيش و التنقيب و التمحيص في دهاليز النت و دروبها.. إتضح أن (( الغُريبة )) حلوى مغربية...أنا كنت قايلاها تركية.. و..
Quote: اما «الغريبة» فسميت كذلك لانها اكلة الغريب، الذي يأتي الى مدينة لا عائلة له فيها، وكانت تصنع كزاد للمسافرين ليقاوموا بها الجوع اثناء السفر الطويل، كما كانت من بين المأكولات الرئيسية الموجودة في امتعة الحجاج، وفي غرف طلبة جامعة القرويين بفاس، التي كان يأتي اليها الطلاب من كل المناطق والمدن المغربية.
Post: #827 Title: Re: ما أحلى ساعات اللقاء... Author: mamkouna Date: 10-10-2007, 12:38 PM Parent: #826
أما (( الكعك ))..فهو فارسي..!!!
Quote: قال في لسان العرب (كعك):
الكعك: الخُبْز اليابس، وقيل: الكَعْك خبز، فارسي معرَّب، قال الليث: أَظنه معرَّباً. ا هـ
فاشتباه العجمة حاصل في هذه الكلمة لورودها في الفارسية (كاك)، ولم يدروا أنها دخيلة في الفارسية انتقلت إليها من اللسان العروبي عن طريق الآرامية ܟܥܟܐ (كعكا) وهي في العبرية כעך (كعك). فهذه الكلمة من المشترك العروبي في اللغات السامية، وهي دخيلة في اللغات الجرمانية.
Post: #833 Title: Re: ما أحلى ساعات اللقاء... Author: abubakr Date: 10-10-2007, 02:29 PM Parent: #827
Quote: قال في لسان العرب (كعك):
وبعدييييين ؟ طيب يعني دييل ما فضل ليهم الا جلمود صخر حطه السيل من علي ؟
Post: #831 Title: Re: ما أحلى ساعات اللقاء... Author: abubakr Date: 10-10-2007, 02:25 PM Parent: #826
Quote: إتضح أن (( الغُريبة )) حلوى مغربية...أنا كنت قايلاها تركية..
انا قايل المغاربة جابو لنا ناس حلويين بس ؟ اما اجدادنا ديلك فما جابو غير ادبسيس وخرسيس
Post: #828 Title: Re: ما أحلى ساعات اللقاء... Author: عبد الله عقيد Date: 10-10-2007, 12:46 PM Parent: #1
دي حقّت الوداع.. ياود سيد احمد
يا ممكونة.. البوست سحب البساط من كل ما عداه في المنبر.. مشكورة
يا باشمهندس.. انا مسافر (النهر الجاف) التاني.. اعيد في البراري.. الليلة بالنسبة لي الحلقة الأخيرة..
يا ملاسي.. ممكونة السنة دي سرقت منك الجورجينا.. فياخي ما تعملا فينا!!!
يا حبايب كلكم .. ودعناكم الله
العيد مبارك عليكم
Post: #829 Title: Re: ما أحلى ساعات اللقاء... Author: فيصل نوبي Date: 10-10-2007, 12:50 PM Parent: #828
عيدك مباركـ يا ود عقيد
يا حلوين سؤال ليه دائما قميص محمدية طالع بره البنطلون يعني ( الشكّه ) قاعد تفكـ
Post: #832 Title: Re: ما أحلى ساعات اللقاء... Author: abubakr Date: 10-10-2007, 02:27 PM Parent: #829
Quote: يعني ( الشكّه ) قاعد تفكـ
دة في الفطر قبل رمضان ؟
Post: #830 Title: Re: ما أحلى ساعات اللقاء... Author: abubakr Date: 10-10-2007, 02:22 PM Parent: #828
Quote: يا باشمهندس.. انا مسافر (النهر الجاف) التاني.. اعيد في البراري.. الليلة بالنسبة لي الحلقة الأخيرة..
انت كمان ؟؟؟ الفيضانات في الخريف الفات ما كفت انهارك انت والعرريب ودشيقوق؟؟ يا بختك .. تمنياتي لك ولكل احباءك بعيد سعيد ونتقابل في ايام اجمل باذن الله
Post: #834 Title: Re: ما أحلى ساعات اللقاء... Author: ودالعباسية Date: 10-10-2007, 02:44 PM Parent: #830
Quote: يا تو حولية ؟؟؟
هم اتنين يا خال ،،
حوليه فى السوق ،، وبعد السوق بنمشى حوليه القهوة ،،
Post: #837 Title: Re: ما أحلى ساعات اللقاء... Author: abubakr Date: 10-10-2007, 02:54 PM Parent: #834
Quote: حوليه فى السوق ،، وبعد السوق بنمشى حوليه القهوة ،،
باقي اليلتيين خليك في حولية ممكونة
Post: #835 Title: Re: ما أحلى ساعات اللقاء... Author: الزوول Date: 10-10-2007, 02:46 PM Parent: #1
السلام عليكم شنو يا جماعة ؟ يوم تقلبوها مطبخ منال ويوم تقلبوها وداع الأبطال ...... ما لسه بدري يومين وفي قول تلاتة زهجتو مننا خلاص؟؟ وبعدين ود البنا قال دايماً بيسيبوا الحاجات الحلوة للآخر ........ تخريمة 1 لكن ما لقيتك يا محمد المرتضى حامد عبد الشناّف الديمقراطي ... عديل كده تخريمة 2 بخت الناس العندهم عيد ، وسجم الناس العيدم في سودانيز اونلاين واكل (غريبة) ممكونة بالعيون ................ وما الناس إلا هالك وأبن هالك *** وذو نسب في الهالكين عريق
Post: #836 Title: Re: ما أحلى ساعات اللقاء... Author: abubakr Date: 10-10-2007, 02:52 PM Parent: #835
Quote: بخت الناس العندهم عيد ، وسجم الناس العيدم في سودانيز اونلاين واكل (غريبة) ممكونة بالعيون
انت قصدك الزوول بس ؟
Post: #838 Title: Re: ما أحلى ساعات اللقاء... Author: Hussein Mallasi Date: 10-10-2007, 05:51 PM Parent: #836
اسم على اسم ساكت يا جماعة
Post: #839 Title: Re: ما أحلى ساعات اللقاء... Author: Hussein Mallasi Date: 10-10-2007, 06:05 PM Parent: #838
عشان تعرفوا وجود مليجي كان مهم كيف. ____ الله ستر الليلة على عازف الإيقاع التاني من محمدية
Post: #840 Title: Re: ما أحلى ساعات اللقاء... Author: mamkouna Date: 10-10-2007, 06:15 PM Parent: #1
نادر خضر.. نجم جلسة اليوم...بلا مُنازع.
Post: #845 Title: Re: ما أحلى ساعات اللقاء... Author: mamkouna Date: 10-10-2007, 06:52 PM Parent: #840
الحلقة تمانية و عشرين:-
* إستعرض أبو الكلام في رمضان الفات...موضوع دخول المخترعات الحديثة (( قطار..تلفون..طائرة..إلخ ))..في الغناء و الشعر السوداني.. مواصلةً لما تقدم..كان موضوع حلقة اليوم عن (( السيارة أو العربية )) في الغناء السوداني.
* تحدث أبو الكلام عن الشاعر السوداني المُقيم في مصر..بشير عبد الرحمن..و الذي إشتهر بأغنية (( يا نديم الصبوات )) و عٌرفت بالخمريات...حتى جاء محمود أبو بكر..و حولها إلى (( عسعس الليل و ناما..و اكتسى الوادي الظلاما )). و تحكي قصة أغنية (( ست العربية )) أن جماعة سودانيين في مصر..إعتادوا أن (( يملٌحوا )) مع واحدة مصرية..من شارع عدلي للمنيل...حتى نشأت صداقة بينها و بينهم..فكتب بشير عبد الرحمن هذه القصيدة و غناها حسن عطية. غنى مقطع منها..فرافيرو!
* من أشهر العربات..عربية عبيد الطيب و التي كانت مثار سخرية و تنكيت من قِبَل أبو الروس لكثرة أعطالها مما دعاه لأن يوصفها بأنها ما عربية لكن إسبيرات ملاسي!!! (( إسم على إسم يا جماعة ما تتشالقوا ))! يا سايق..يا ماشي..و النظرة ماشة وراك.. وقٌف..وقٌف..و سوقني معاك...وين! غنى مقطع منها..فردتنا... و... ما عارفة ليه إتذكرت سامية باروكة و هي بتغني (( تقوم بينا العربية..تودينا للسادة ))!!
* يا السايق البوباي..الإشارة جاي و لا جاي.. و محمد حسنين...و حالياً..أسرار.
* فردتنا دخل شمال في أبو الكلام و ذٌكرو أغنيتو البتقول.. العربية الواقفة جنبي..... أبو الكلام فوٌت الموضوع...الظاهر الأغنية ذكرياتها أليمة.
* عن عبد القادر سالم...أبو الكلام كفى و وفى...و عبد القادر سالم هرم و سفير و رمز من رموز الغناء السوداني.نقل ثقافة كردفان لتصير جزء لا يتجزأ من ما نغنيه جميعنا. * مداخلة نادر خضر كانت عميقة و موزونة و مدروسة و محترمة..و كان نجم حلقة اليوم و هو يتباهى بوالده سائق اللوري ..و يتحفنا بأغنية عبد القادر سالم.... اللوري حلٌ بي..دلٌاني في الودٌي.
* خُتمت الجلسة برائعة سرور و التي كتبها إبراهيم العبادي..(( السايق الفيات )).. غناها لينا - بمساعدة بخرة كاربة- فرافيرو.
بره الموضوع:-
* عصام محمد نور رجع مدني..للخمستاشر! * محمدية شكٌ القميص يا نوبي! * أسرار الليلة عاملة برونزاج يا بنات؟!! (( مافي راجل يسألني برونزاج يعني شنو!!!))
Post: #848 Title: Re: ما أحلى ساعات اللقاء... Author: abubakr Date: 10-10-2007, 06:57 PM Parent: #845
Quote: ما عارفة ليه إتذكرت سامية باروكة و هي بتغني (( تقوم بينا العربية..تودينا للسادة ))!!
دي منو ؟ انتي بتجيبي الاسامي دي من وين ؟ غريبة ( مش الجاية من المغرب)
Post: #849 Title: Re: ما أحلى ساعات اللقاء... Author: abubakr Date: 10-10-2007, 07:00 PM Parent: #845
Quote: (( مافي راجل يسألني برونزاج يعني شنو!!!)
؟ برونزاج what is
حاشية : لماذا "مافي راجل" بس ؟؟ عنصرية ؟؟
Post: #850 Title: Re: ما أحلى ساعات اللقاء... Author: abubakr Date: 10-10-2007, 07:03 PM Parent: #845
Quote: أبو الكلام فوٌت الموضوع...الظاهر الأغنية ذكرياتها أليمة.
انا برضو قت كدة ... اها في العمر دة ما بنقدر علي ذكريات اليمة ؟؟
Post: #841 Title: Re: ما أحلى ساعات اللقاء... Author: abubakr Date: 10-10-2007, 06:31 PM Parent: #1
الحلقة (28)قبل الاخيرة عن الغناء والعربات واتت بعد الغناء والسفر وكمان المرتضي وود عقيد مسافريين وبكرة الحلقة الاخيرة فيسافر البرنامج ..عصام كان ما موجود ( سافر باللوري الي مدني).. كانو كلهمReasonably dressed بس نادر بتي شيرت وفرفور بجينز بس لو كانو تبادلو حتة من دة وحتة من داك يمكن احسن ... والباقي لممكونة ونجوان وما عارف الزوول بيجي علي مزاجو فيمكن يجي وممكن العربية تتاخر وفردتنا زاغ عدييييل ....
Post: #842 Title: Re: ما أحلى ساعات اللقاء... Author: abubakr Date: 10-10-2007, 06:35 PM Parent: #1
ياسايق يا ماشي الحان برعي محمد دفع الله وغناء عبيد الطيب اداء عاصم البنا
Post: #843 Title: Re: ما أحلى ساعات اللقاء... Author: abubakr Date: 10-10-2007, 06:50 PM Parent: #1
اللوري حلا بي الحان وغناء عبد القادر سالم اداء نادر خضر
Post: #844 Title: Re: ما أحلى ساعات اللقاء... Author: abubakr Date: 10-10-2007, 06:50 PM Parent: #1
ست العربية كلمات بشير عبد الرحمن الحان حسن عطية اداء فرفور
Post: #846 Title: Re: ما أحلى ساعات اللقاء... Author: abubakr Date: 10-10-2007, 06:54 PM Parent: #1
سايق الفيات كلمات العبادي الحان وغناء سرور اداء فرفور
Post: #847 Title: Re: ما أحلى ساعات اللقاء... Author: abubakr Date: 10-10-2007, 06:54 PM Parent: #1
يا سايق البوباي الحان برعي محمد دفع الله غناء محمد حسنين اداء اسرار بابكر
Post: #851 Title: Re: ما أحلى ساعات اللقاء... Author: abubakr Date: 10-10-2007, 07:10 PM Parent: #1
اين نجوان ؟؟؟؟؟؟؟؟؟
Post: #852 Title: Re: ما أحلى ساعات اللقاء... Author: mamkouna Date: 10-10-2007, 07:14 PM Parent: #851
Quote: اين نجوان ؟؟؟؟؟؟؟؟؟
مشت تعمل برونزاج..!!!
Post: #853 Title: Re: ما أحلى ساعات اللقاء... Author: abubakr Date: 10-10-2007, 07:25 PM Parent: #1
Quote: مشت تعمل برونزاج..!!!
كدي اشوف الفيديو وارجع لك ؟ النشوف
Post: #854 Title: Re: ما أحلى ساعات اللقاء... Author: abubakr Date: 10-10-2007, 07:27 PM Parent: #1
Quote: برونزاج
شغل "فوتو شوب " سااااي
Post: #855 Title: Re: ما أحلى ساعات اللقاء... Author: الزوول Date: 10-10-2007, 07:40 PM Parent: #1
السلام عليكم تعرفوا ياجماعة لما السر قعور كان بيحكي عن الناس الراسلوه والعلقو على البرنامج في رمضان الفات اتخيلتوا حا يشكرملاسي والممكونة والتيم العامل لكن أبو الكلام ملحنا سايي تعرف يا أبو بكر انا كنت نزلت آخر أغنية في برنامج السنة الفاتت على اليو تيب شاهدوها لغاية هسه حوالي 5 الف مشاهد دي ما دعاية للبرنامج محتاجة للتنويه ؟ يعني معقول بعد التعب التعبتو ده كلو يا أبوبكر مافي زول يشتغل بك ؟ ............ موقفين ... حسيت فيهم انو فعلاً البرنامج كان ممكن يكون جميل جداً لو كان في شخص محاور جيد ( حتى لو نسرين) الأولى عندما تداخل فردتنا بحرفنة لينبه السر قعور إلى أغنيته شخصياً والتانية لما نادر خضر تداخل عن اللواري ........... ممكونة... برونزاج ... معناها لابسة قناع من البرونز؟ ................... فردتنا.... باقي كم حلقة؟؟ ............................. وما الناس إلا هالك وأبن هالك *** وذو نسب في الهالكين عريق
Post: #867 Title: Re: ما أحلى ساعات اللقاء... Author: mamkouna Date: 10-10-2007, 11:35 PM Parent: #855
Quote: لما السر قعور كان بيحكي عن الناس الراسلوه والعلقو على البرنامج في رمضان الفات اتخيلتوا حا يشكرملاسي والممكونة والتيم العامل لكن أبو الكلام ملحنا سايي
تصدق يا الزووووول أنا حبست أنفاسي و أنا متوقعاهو يُشير لسودانيز أون لاين..أو بوست أبو الكلام و لو من بعيد.. غايتو...
البركة في (( إسبيرات ملاسي )).. أهو..مننا و علينا... و.. تلتو...و لا..كتلتو..!!
Post: #856 Title: Re: ما أحلى ساعات اللقاء... Author: abubakr Date: 10-10-2007, 08:03 PM Parent: #1
Quote: يعني معقول بعد التعب التعبتو ده كلو يا أبوبكر مافي زول يشتغل بك ؟
انا لي كام وتلاتيين سنة بصمم وببني بيوت وبنايات كتيرة بس في التلات سنوات الماضية بنيت اكثر من الفين فيلا وكام نادي و محلات تجارية وووو وقابلت كدة مئات من اصحاب البيوت بس لحدما يدخلو البيوت او المكاتب وتاني لو شافوني في الشارع ما يسلمو علي ..يعني بقت علي التسجيلات ( دي غير التي في الفوتبول .. يالابس الكدارة )...
تعرف في اليوتيوب الشاهدو تسجيلات البرنامج خلال شهر رمضان حوالي 23 الف اليوم ... والشاهدو البوست دة حوالي عشرة الف .. وربما في بوستات تانية تناولت البرنامج هناك الاف ...المهم هو تميز هذا البرنامج بتو حيد وجداني لهؤلاء كلهم جعلهم يتابعوه بشغف واهتمام بالغيين ... وما نحن الا من جملة من توحد وجدانهم مع كل هؤلاء ولا فضل لنا في نجاح البرنامج ...
وخليك معانا ... وبكرة نواصل انشاء المولي
Post: #857 Title: Re: ما أحلى ساعات اللقاء... Author: الزوول Date: 10-10-2007, 08:08 PM Parent: #1
السلام عليكم فردتنا.... تعرف... لما كنت بتعمل في الحركة ديك في آخر أغنية سائق الفيات قلت يا ربي ... بيبيتو سجل القوون ده متين حتى اكتشفت انك تبصص في جمال فرفور ( نسقيك بى كفوفنا حتى تتكفى) ( بالله البنات ما يسألوني بيبيتو ده منو). ............................ وما الناس إلا هالك وأبن هالك *** وذو نسب في الهالكين عريق
Post: #858 Title: Re: ما أحلى ساعات اللقاء... Author: abubakr Date: 10-10-2007, 08:20 PM Parent: #1
Quote: ( بالله البنات ما يسألوني بيبيتو ده منو).
اهو كدة يا بلاش دة منو ؟؟؟ زي اسم لبن بتاع اطفال .. مش
Post: #859 Title: Re: ما أحلى ساعات اللقاء... Author: abubakr Date: 10-10-2007, 08:34 PM Parent: #1
برونزاج
أما Estee Lauder فإضافة لمستحضرات الترطيب تقدم Bronze Glow Shimmering Mousse الذي يضفي على الجسم لمعة ذهبية رائعة إلى جانب الترطيب والحماية.
Post: #860 Title: Re: ما أحلى ساعات اللقاء... Author: abubakr Date: 10-10-2007, 08:54 PM Parent: #1
Quote: Quote: اين نجوان ؟؟؟؟؟؟؟؟؟
مشت تعمل برونزاج..!!!
هو بياخد وكت قدر دة ؟؟ طيب زراعة لون بتاخد كام
Post: #861 Title: Re: ما أحلى ساعات اللقاء... Author: نجوان Date: 10-10-2007, 09:50 PM Parent: #860
يعني الواحد يتأخر شوية يا ناس يجي يلقى البلد جاطت وراه؟ ___ البرونزاج يا ممكونة؟؟ والله انتي خطيرة! افتكرت انا براي الناقشة
لكنه تمام مع أسرار ..
خسارة اكتشفته في الحلقة 28!
Post: #862 Title: Re: ما أحلى ساعات اللقاء... Author: نجوان Date: 10-10-2007, 10:29 PM Parent: #861
معذرة ..التقرير متأخر..
الحلقة كما ذكر الزملاء كانت tribute للـ automobile industry بس ناقصة معرض السيارات..
حلقة جميلة.. تلقائية .. والكل منسجم .. ومبسوط.. (والله يا حليلكم!)..
استهل الغناء فرفور بـ "ست العربية" وبعده غنّى فردتنا "يا سايق .. يا ماشي".. الأغنيتين كانوا تمام..
ثم غنّت أسرار "يا سايق البوباي.." أغنية حلوة.. لكن أسرار قامت بعواستها وعملت منها شئ غير مفهوم.. فردتنا حاول يساعد بس ما كان في طريقة.. إلا يغنّي الأغنية هو! (ولم يفعل)..
مداخلات فردتنا ونادر .. شكّلت اضافة مهمة يحتاجها البرنامج ليخرج من إطار الفصل الدراسي..
دبت الحياة في البرنامج أكثر .. بعد ان امتد (ولو للحظة) من ثقافة الوسط ليشمل الفن الكردفاني.. تحدّث ابو الكلام عن عبد القادر سالم ودوره الرائد..
ثم غنّانا نادر "اللوري حلّ بي".. يبدو ان نادر غنّى من الأعماق هذه المرّة .. بقية المجموعة في غاية الطرب!..
"سايق الفيات" غناها جمال فرفور.. الموسيقى كانت في حالة فوضى.. لوهلة كدة.. لكن كله مغفور لأن الحلقة موفّقة أوي أوي .. ___ والختام.. قمنا على مهلنا.. بقيادة فردتنا جمال فرفور لم يجد فرصة ليكورك ..
Post: #864 Title: Re: ما أحلى ساعات اللقاء... Author: tmbis Date: 10-10-2007, 10:44 PM Parent: #862
Quote: يبدو ان نادر غنّى من الأعماق هذه المرّة ..
من الأعماق يا حبيبي يا غــالي .. يا نجوان .. واللا من اعماقو هو..؟ ازيكم يا شبــاب .. طبعا كنت مقاطع البرنامج .. ومتابعكم شوية عندكم بي جــاي .. كل سنـة وإنتو طيبين .. شنو يا هندسة قاطع مني الموية والنــور ..؟ يا ممكونـــة .. أخبارك شنــو ..؟
يا مولانــا محمد المرتضى .. شنو يا مسافر وناسي هــواك ..؟ أنا بره الفورمه .. وشايف القصة جابت ليها ( خبيز كمان ) .. ادونا بخره وتحياتي لكل الحلوين الهنا .. جون ود العباسية .,, والزووول وكلكم ...
Post: #866 Title: Re: ما أحلى ساعات اللقاء... Author: نجوان Date: 10-10-2007, 11:33 PM Parent: #864
ازيك يا تمبس.. ياخ بالغت في الإختفاءة دي..
نادر خضر اتقطّع في الكم حلقة الأواخر ديل.. ما فضّل ليهو إلا يقلب الهوبة.. ___ شايفاك قاطعت الفن وبقيت شغّال كورة وبس..
Post: #863 Title: Re: ما أحلى ساعات اللقاء... Author: sanaa gaffer Date: 10-10-2007, 10:43 PM Parent: #1
Quote: ( بالله البنات ما يسألوني بيبيتو ده منو).
Quote: اهو كدة يا بلاش دة منو ؟؟؟ زي اسم لبن بتاع اطفال .. مش
انت يا الزوول وجعتك عدم معرفتك للبرونزاج ولا شنو ؟؟ ...
ياخي بيبيتو دة مش الولد بتاع الكورة اللعاب داك ؟؟
اها يا باش ابوبكر زي ما قوقلت وجبت لينا البرونزاج بتاع استي لودر .. امش جيب لينا تاريخ بيبيتو وصورته كمان ...
نجوان ... تاني ما تغيبي كتير ...
ممكونة ... اخبار الخبيز شنو ؟؟ قلتي لي ويفر ؟؟ ما دايرة غير كعك ... وما زلت بانتظار البريد ...
Post: #865 Title: Re: ما أحلى ساعات اللقاء... Author: نجوان Date: 10-10-2007, 11:24 PM Parent: #863
Quote: ما دايرة غير كعك
يعجبني اتخاذ القرار.. والإصرار يا سناء..
Post: #869 Title: Re: ما أحلى ساعات اللقاء... Author: mamkouna Date: 10-10-2007, 11:44 PM Parent: #865
تعالوا يا بنات أحكي ليكم..حدوتة قبل النوم.. (( بيبيتو )) دا لاعب في فريق البرازيل. قام سنة 94 ..و كنتو وكتها صغااااار...لعب مبارة قبل النهائية مع فريق هولندا...و كانت مبارة حاسمة و صعبة شديد...و هو كان تعبان نفسياً لأنو زوجته ولدت طفلهما التالت قبل المباراة ب كم يوم..و هو ما كان جنبها... أها..يا بناتي.. لمن جاب القون الحاسم في المباراة..جرى على جنبة الملعب..و عمل يدينو زي ما عملها عاصم في غنية (( يا السايق الفيات )) و بدا هو و إتنين من زملاؤه في هزهيز اليدين زي كأنهم بيهزوا في سرير طفل رضيع.. كانت لقطة الموسم.
بالمناسبة.. نعمل (( الميزامبليه )) بكرة..و لا أحسن يوم العيد الصباح..!!!
Post: #868 Title: Re: ما أحلى ساعات اللقاء... Author: ASIM AL BANNA Date: 10-10-2007, 11:39 PM Parent: #1
ياحبايبنا ..... كلو سنة وانتو طيبين
والله كعك بنات بحرى فرب يفطرنا امس ولو كنا عارفين كان خلينا السرقدور يعمل لينا حلقة عن رمضان زايد عشان نغنى ليكم يابنات بحرى اخبزو مره انتو وحنو مره ادونا..... مايبقى قلام انتر نت ساى....
طبعا القرد فى عين امو غزال شكلكم مراعين لى شديد عشان الدنيا قبايل عيد ...
انا ماقادر ارد كل مرة اكتب يرفش الارسال ويمسح الكتبتو .... بالله شوف.
الزول .... ببييتو وين؟؟؟؟ فى المعاش؟
اسرار براها ياممكونة ؟؟؟؟
والله والواحد بشيل هم الشهر ده ينتهى لانو ببعثركم فى الحلة وبطن بيوت الناس يعنى الواحد لو داير يلكم تانى الا يجيب السر قعور يبركو ليكم فكى .
ليكم تحيتى
وانشاء الله دايما ملمومين سالمين وغانمسن فى كل خير ومابيناتنا الا المحبة دون اسباب
مودتى
Post: #870 Title: Re: ما أحلى ساعات اللقاء... Author: mamkouna Date: 10-10-2007, 11:53 PM Parent: #868
Quote: والله كعك بنات بحرى فرب يفطرنا امس ولو كنا عارفين كان خلينا السرقدور يعمل لينا حلقة عن رمضان زايد عشان نغنى ليكم يابنات بحرى اخبزو مره انتو وحنو مره ادونا.....
كفاية علينا..الجمعة في شمبات..!!!
Post: #871 Title: Re: ما أحلى ساعات اللقاء... Author: ودالعباسية Date: 10-11-2007, 01:23 AM Parent: #870
ويا السايق العربية ،،
تيييييييييت تايوتا ،،
تمبس حمدالله على السلامة
Post: #872 Title: Re: ما أحلى ساعات اللقاء... Author: عبدالله وداعه الامين Date: 10-11-2007, 02:58 AM Parent: #871
بالله يا سايق زود السرعة الوقت متضايق ونحن في لوعة
Post: #877 Title: Re: ما أحلى ساعات اللقاء... Author: mamkouna Date: 10-11-2007, 12:47 PM Parent: #874
شكراً يا معاوية على اللنك و على الأغنية.. ياخي إنت زول مبدع و عندك كم هائل من الأغاني النادرة و التسجيلات الجميلة. السنة الجاية لازم تنظم معاهم الحلقات...و كمان تقاطع أبو الكلام.. ..من غير هرشات...! حقيقي..إستمتعت بالموضوعين إيما إستمتاع.. تسلم يا ذوق.. و كل سنة و إنت طيب.
Post: #875 Title: Re: ما أحلى ساعات اللقاء... Author: sanaa gaffer Date: 10-11-2007, 10:08 AM Parent: #1
Post: #880 Title: Re: ما أحلى ساعات اللقاء... Author: sanaa gaffer Date: 10-11-2007, 05:03 PM Parent: #1
Quote: نفسي مرة واحدة ما اقول كدة لما اقابلك ؟
ابوبكر ... موعدنا تاني يوم العيد ...
النبي فيك كان تحبطني وتقول لي وزنك زاد تاني ...
كلم سامية تجهز الكعك وشاي اللبن ..
باقي شايفة ممكونة عملت نايمة ...ونجوان عملت مطنشة ...
وكل سنة وانتو طيبين ...
الا هو العيد بكرة ولا بعد بكرة ؟؟؟ ناس افتاء دبي لسة نايمين وما قالوا لينا عينكم في راسكم ...
Post: #881 Title: Re: ما أحلى ساعات اللقاء... Author: abubakr Date: 10-11-2007, 05:11 PM Parent: #1
Quote: الا هو العيد بكرة ولا بعد بكرة ؟؟؟ ناس افتاء دبي لسة نايمين وما قالوا لينا عينكم في راسكم ...
انتي مشغولة علي الاجازة واللا علي الكعك والغريبة ؟؟؟
Post: #882 Title: Re: ما أحلى ساعات اللقاء... Author: ديامي Date: 10-11-2007, 05:19 PM Parent: #1
كل عام وصاحبة هذا البوست وجميع رواده بخير
Post: #883 Title: Re: ما أحلى ساعات اللقاء... Author: Hussein Mallasi Date: 10-11-2007, 06:10 PM Parent: #882
أبو الزفت .. دا الكلام يا أسرار
ما أظن بعد "أنا سوداني" عندك تاني كلام يا مرتضى
_____ مش كدا و بس و أدتك كمان فوق البيعة "و الى العرب تنسب الفطن"
Post: #884 Title: Re: ما أحلى ساعات اللقاء... Author: ودالعباسية Date: 10-11-2007, 06:29 PM Parent: #883
كل سنة وانتو بخير جميعا ،،
Post: #885 Title: Re: ما أحلى ساعات اللقاء... Author: نجوان Date: 10-11-2007, 06:35 PM Parent: #882
حلقة حلوة.. وموفقّة للجميع.. جلسة ما منظور مثيلها فعلا .. نجم الحلقة: الفرقة الماسية..
الحلقة عن المبدعين من خارج العاصمة.. (ما زلنا في موود الشمولية من امبارح)..
للخير عثمان غنّانا فردتنا "انا العايز انسى آلامي".. وأكيد بهكذا أداء.. قد يكون أنسى الكثيرين آلامهم..
وحقا أبدع عصام محمد نور في "من أرض المحنة.. من قلب الجزيرة" لمحمد مسكين.. الموسيقى كانت والله ذكرّتني الإذاعة زمان
"الشال قلبي وسلا.. أخاصمو ولا لأ" لثنائي الجزيرة غناها جمال فرفور برواقة.. وانشالله يكون وجد اجابة لسؤال الأغنية
ثم غنّى نادر للعطبراوي "نسانا حبيبنا".. الحلقات الأواخر دي نادر ما قصّر..
وكان أداء أسرار ممتاز (مقارنة بالحلقات الأخرى) في الأغنية العلم والثانية للعطبراوي "أنا سوداني أنا".. موسيقى رائعة .. وكورس من الدرجة الأولى باصوات المجموعة..
والختام قمنا على مهلنا وقوفا ليك يا وطن..
Post: #886 Title: Re: ما أحلى ساعات اللقاء... Author: mamkouna Date: 10-11-2007, 06:47 PM Parent: #1
ثبتت الآن رؤية هلال شوال..في العاصمة الخرطوم.. كل عام و جميعكم بخير.. و تعود عليكم الأيام..بالخير و السعادة و الزيادة.... و تقبل الله منا و منكم صالح الأعمال.
Post: #887 Title: Re: ما أحلى ساعات اللقاء... Author: نجوان Date: 10-11-2007, 07:04 PM Parent: #886
كل سنة وانتو طيبين.. وأيامكم جميعها أعياد.. وأغاني..
Post: #888 Title: Re: ما أحلى ساعات اللقاء... Author: mamkouna Date: 10-11-2007, 07:11 PM Parent: #886
الحلقة تسعة و عشرين:-
* كانت توقعاتي كبيرة ...كنت أحلم بحلقة فوق العادة..لكن للأسف كانت حلقة عادية..و أكثر من عادية.
* كان موضوع الحلقة (( فنانين من خارج العاصمة )).
*بدأ أبو الكلام الجلسة بالكلام عن (( الخير عثمان )) القادم من (( ود مدني ))..و وصفه بأنه من مؤسسي الغناء الحديث. في بدايات الخير عثمان الفنية..كان يتغنى بأغاني (( التجاني السيوفي )).. من كلمات إسماعيل خورشيد..و من غناء التجاني السيوفي أولاً..و الخير عثمان ثانياً.. غنانا عاصم البنا.. عايز أنسى آلامي..و أحقق أحلامي.
* من أغنيات الخير عثمان الشهيرة.. (( حنتوب الجميلة )) لود القرشي.. و (( ساحر الجزيرة )) لمبارك المغربي..(( غنى مقطع منها السر قعور ظااااتو )).
* للشاعر فضل الله محمد...و للفنان محمد مسكين.. غنانا ود الجزيرة..عصام محمد نور.. (( أرض المحٌنٌة )) .
* من فناني مدني الشهيرين (( على المسٌاح )) الذي سُمي بالمساح لأنه كان يذرع مدني كلها جيئة و ذهابا..بحثاً عن حفلات و أغاني...!! أسهب أبو الكلام في الحديث عن الفرق بين.. ترزي أفرنجي....بتاع بدل و قمصان و بناطلين.. ترزي عربي....بتاع عبايات و قفاطين.. ترزي سااااي....بتاع سراويل و عراريق و جلاليب.. (( طيب البيخيط حاجات فرفور دا يكون ياتو نوع ))!!!؟؟؟
* لثنائي الجزيرة..غنانا فرفور.. الشال قلبي و سلا...أخاصمو و لا..لأ..
* من عطبرة..بلد الحديد و النار...إنتقلنا إلى (( حسن خليفة العطبراوي ))...الذي وصفه أبو الكلام بأنه (( صاحب إسلوب غناء متفرد )). للعطبراوي..غنانا نادر خضر.. ((حبيبنا الما منظور ينسانا..مالو سافر..روٌح ما غِشانا )).
* خُتمت الجلسة ختام جميل و مؤثر..برائعة العطبراوي.. (( أنا سوداني أنا )) بصوت أسرار..التي أبدعت في غناءها من غير بخرة و بكل حماس و إنفعال. بره الموضوع:-
* بره العاصمة مافي غير مدني و عطبرة و الأبيض..؟؟!!! * ما زالت (( فوازير فطوطة )) مستمرة! * القمردين عندَك..يا فردة! * تفتكروا دي الحلقة الأخيرة فعلاً...؟؟؟!!!
Post: #893 Title: Re: ما أحلى ساعات اللقاء... Author: abubakr Date: 10-11-2007, 07:42 PM Parent: #888
Quote: * بره العاصمة مافي غير مدني و عطبرة و الأبيض..؟؟!!!
ابتدينا في اللخبطة ؟؟؟ غريبة لا اتذكر خليل فرح ولا محمد عثمان حسن صالح وردي ولا اناااااا القاعد ادافع عنو واسجل برنامجو وووووو.. دي حالة .. مهمشيين حتي في اغاني واغاني ؟؟؟
Post: #892 Title: Re: ما أحلى ساعات اللقاء... Author: ودالعباسية Date: 10-11-2007, 07:18 PM Parent: #886
ياخال ،،،
الحقنا بى الفديو ،،،
خلينا نشوف الحلقة الممتعة دي ،
زي ما قالت نجوان ،،
Post: #889 Title: Re: ما أحلى ساعات اللقاء... Author: abubakr Date: 10-11-2007, 07:11 PM Parent: #1
عيدكم مبارك
الحلقة 29 كانت عن ابداعات فناني خارج العاصمة اي الاقاليم (زينا كدة !!!!) حلقة تسلطنت فيها اسرار ( اها كانت منتظرة ود المرتضي يسافر وعشان كدة عصام جاء لابس كاروهات )
ونواصل
Post: #890 Title: Re: ما أحلى ساعات اللقاء... Author: abubakr Date: 10-11-2007, 07:13 PM Parent: #1
حبيبنا الحان وغناء العطبراوي اداء نادر خضر
Post: #891 Title: Re: ما أحلى ساعات اللقاء... Author: abubakr Date: 10-11-2007, 07:15 PM Parent: #1
عايز انسي الامي الحان وغناء الخير عثمان اداء عاصم البنا
Post: #894 Title: Re: ما أحلى ساعات اللقاء... Author: abubakr Date: 10-11-2007, 07:44 PM Parent: #1
الشال قلبي وسلا الحان وغناء ثنائي الجزيرة اداء فرفور
Post: #895 Title: Re: ما أحلى ساعات اللقاء... Author: abubakr Date: 10-11-2007, 07:56 PM Parent: #1
من قلب الجزيرة الحان وغناء محمد مسكين اداء عصام محمد نور
Post: #896 Title: Re: ما أحلى ساعات اللقاء... Author: الزوول Date: 10-11-2007, 08:00 PM Parent: #1
السلام عليكم
Quote: ((طيب البيخيط حاجات فرفور دا يكون ياتو نوع ))!!!؟؟؟
............... أخراج ما كويس مفروض كانوا يخلوا حلقة الفراق لليوم ده مش يجيبوها في نص الحلقات اتخيلوا .. هل من عودة تاني ..... أم هي مستحيلة ............ عموماً لو كانت دي الختام فهي ما بطالة بطالة بس لو قارناها بحلقة السنة الفاتت هنا للمقارنة..
................ وما الناس إلا هالك وأبن هالك *** وذو نسب في الهالكين عريق
Post: #897 Title: Re: ما أحلى ساعات اللقاء... Author: abubakr Date: 10-11-2007, 08:14 PM Parent: #1
وهكذا يرحل قطار حياتنا عن محطة ممكونة والسر قدور والشباب والموسيقيين مواصلا رحلته املا في عودة اخري اليها ان امد الله في الاجال .. كانت محطة اتحد فيها وجداننا جميعا دون عصبية او غلو ودون اجندة وبروتوكولات مسبقة .. شكرا للسر قدور وهذا الشباب المبدع الجميل وباقة الموسيقيين المبدعيين الذين اجبرونا علي مدي 29 يوما ان ننتظرهم بشوق ولا نمل ان نستمع اليهم ... ساهمتم كلكم بتعليقاتكم ومتابعاتكم في اثراء هذا البوست فتعلمت منكم كثيرا فلكم شكري وان تجاوزت او تطاولت دون قصد فالسماح ... وليديم الله المودة بيننا ويعيننا في شتاتنا لنبقي متمسكيين بوشائج للمحبة تساعدنا في تجاوز مصاعب كثيرة تعاني منها بلادنا ..
وعيدكم مبارك وعساكم من عواده وكل عام وانتم بخير
ابوبكر سيداحمد
Post: #898 Title: Re: ما أحلى ساعات اللقاء... Author: الزوول Date: 10-11-2007, 08:22 PM Parent: #1
السلام عليكم
................ وما الناس إلا هالك وأبن هالك *** وذو نسب في الهالكين عريق
Post: #899 Title: Re: ما أحلى ساعات اللقاء... Author: abubakr Date: 10-11-2007, 08:35 PM Parent: #1
Post: #900 Title: Re: ما أحلى ساعات اللقاء... Author: abubakr Date: 10-11-2007, 09:17 PM Parent: #1
وداعا
"وقمنا علي مهلنا"
Post: #901 Title: Re: ما أحلى ساعات اللقاء... Author: ودالعباسية Date: 10-12-2007, 01:15 AM Parent: #900
الاحباب جميعا ،،
تحياتى لكم فردا فردا وكل سنة وانتو طيبين ،،
ياخال تصدق سمعته الاغانى هسى ،،،
وانا اعتقد انه بكرة ناس النيل الازرق حا يفاجئونا بى الحلقة الاخيرة
لانه كما قال الزووووول الحلقة الاخيرة السنة الفاتت كانت مميزة جدا ،،
وعيد سعيد عليكم جميعا والعفو والعافية ،،
Post: #902 Title: Re: ما أحلى ساعات اللقاء... Author: ASIM AL BANNA Date: 10-12-2007, 04:05 AM Parent: #1
ياحبايب كما تعودت ان اخاطبكم لحبى لكم من صميم وجدانى خالصا دو رياء
كل عام وانتم بالف خير
ربى يجمعكم فى الخير دائما ..... وبالجد كنتو اكتر من الروعة فى كل سطر كتب هنا ولا ادرى كيف اقولها ولكنى اتمنى ان لا يقف هذا البيت السودانى الاصيل والذى وضح للجميع بان (كل اناء بما فيه ينضح) بضم الحاء اما الزول صديقى اللدود (ينطحو)
كانت متعتى ان ارى ماتطتبونه وياريت ياريت لو الجميع كان موضوعى كما كنتم
الحلقة الاخيرة حلفت فيها طلاق الا تتسجل ولم احلف على بثها كانو ودو ممكونتى الخور .....
وهى فى لحظة زعل بعد حلقة الهرشة مباشرة ثار ثائرى امام منتجى البرنامج وقلت لهم (جعلتم مننا راديو يفتح متى ماتريدون ويقفل بى امر من الاستاذ ) فى اعتراض على الغاء شخصية كل منا وتجريده من اسمه حتى يعكس جمال فنان اخر .... وبالفعل طلاقى جاب نتيجة وقرر ان الحلقة الاخيرة تكون عن جيلنا الحالى واجمل الاغانى من كل واحد فينا ... وتم تسجيلها لكن رمضان قصر (غريبة) مش؟
غنا عصام محمد نور اغنية من الحانه (كتبت رثاء لابنة خالة التى توفت فى الحادث الذى حدث لهما فى طريق مدنى) . وغنت اسرار اغنيجة جميلة جدا اسمها (نسيتو) لكن كانت حلوة ايوه (راحت عليك)... وكذلك فرافيرو غنى من الحان احمد المك(زيتنا فى بيتنا ... ونادر اغنية من الحانة (محبشة توريكم هو منو نادر خضر تلهون شخصيا ) واجمل صور نادر خضر عندما يغنى اغنياته باسلوبه المميز .اما فردتكم غنى اغنية (هسة فيك انا شن اسو؟) ؟؟؟؟؟؟؟؟؟ كلمات كامل عبدالماجد ولحن عبداللطيف خضر (ودالحاوى) ...
دى اكتر حلقة ماكان فيها .. بخرات
والاجمل تمت فضيحة كل واحد فينا على العلن بنقاط ضعفة (الكبكبة) والحمد لله انا مركته منها لكنى سمونى المناكف تقريبا او (غالات) بالتاء عشان قدور قالها كده
اتمنى انو يجيبوها انشاء الله نصوم ليهم يوم تانى عشان نكون معاكم قبل ماتخدنا حفلات العيد ودوشتها منكم
مودتى دائمة الى الابد اريتنى لو بعرف اجيب بلوم كان عملت ليكم عيد ميلاد
Post: #903 Title: Re: ما أحلى ساعات اللقاء... Author: ودالعباسية Date: 10-12-2007, 06:10 AM Parent: #902
انا ما قلته ليكم فيها حلقة اخيرة ،،،
عاصم يا فنان ،،
كل سنة وانت طيب ،،،
الله يبشرك بالخير ،،حا نكون فى انتظار تلك الحلقة على احر من الجمر
واحتمال ناس النيل الازرق عايزين يعملوها عيدية لينا ،،
ونحن فى الانتظار ،،
Post: #904 Title: Re: ما أحلى ساعات اللقاء... Author: mamkouna Date: 10-12-2007, 11:50 AM Parent: #1
قشينا.. مسحنا.. نظٌمنا.. فرٌشنا.. رصٌينا الشيالات.. لبسنا هدوم العيد.. صلٌينا صلاة العيد.. فطرنا.. إستقبلنا أهل و أحباب.. و قلت كمان ما أنسى أهلي و أحبابي هنا.. كل سنة و إنتو طيبين و ربنا يعود علينا الأيام المباركة دي بالخير و السعادة..
عندي ليكم خبر حلو.. ح تتذاع حلقة إسمها (( كواليس أغاني و أغاني )) يوم الإثنين رابع أيام العيد..أعتقد إنها ح تكون سهرة أولى..و ح تكون سهرة حلوة.. تعالوا نتلاقى هناك..نستعيد الذكرى! ما أحلى ساعات اللقاء..بيكم.
Post: #905 Title: Re: ما أحلى ساعات اللقاء... Author: abubakr Date: 10-12-2007, 03:38 PM Parent: #1
Quote: قشينا.. مسحنا.. نظٌمنا.. فرٌشنا.. رصٌينا الشيالات.. لبسنا هدوم العيد.. صلٌينا صلاة العيد.. فطرنا.. إستقبلنا أهل و أحباب..
صحينا بدري صلينا مشينا الجامع صلينا صلاة العيد رجعنا البيت وخلاص .. بث الباقي كلو "مسجات" وتلفونات وبث... وخلاص... يوم الاتنين يوم عمل طويل لاسبوع طويل وناس بي ني بيجو متاخريين فلذا الكواليس بتاعة اغاني ما تبعي انا بس في رمضان لمان الجماعة يكونو detained.. اها ايه رايك يالزوول
اها وردي افتي في اسرار وعثمان حسين في عصام وننظر منو في نادر ؟؟
انا شخصيا في حكاية الغنا دي اعتمد علي ما يقرره وجداني وفق الحالة والمناسبة
Post: #915 Title: Re: ما أحلى ساعات اللقاء... Author: نجوان Date: 10-13-2007, 07:38 PM Parent: #914
سلام يا اهلي.. نحاول نحضر يوم الإتنين.. بس ما يجيبوها انصاص الليالي..
رايي في أسرار .. في الحسبة يكون.. ود عم رأي محمد المرتضى (لكن مع ذلك اشجعها لأنها بنية سودانية من بلدي وأقدر شجاعتها في برنامج ظلمها شوية)
وكما تفضلتم.. لا اسمع إلا أذناي ووجداني.. والأراء .. المنشورة.. من المشاهير ليس بالضرورة ان تكون موضوعية.. فيها الشخصي .. وفيها المجاملة وجبر الخواطر..
Post: #916 Title: Re: ما أحلى ساعات اللقاء... Author: ودالعباسية Date: 10-15-2007, 01:48 PM Parent: #915
كونو على الموعد يا شباب اليوم الحلقة الاخيرة ،،،
البوست دا فكيتو عكس الهواء خلاص ولا شنو ،
مدة الصلاحية بتاعته انتهت
Post: #917 Title: Re: ما أحلى ساعات اللقاء... Author: Gazaloat Date: 10-15-2007, 03:19 PM Parent: #916
وعلى مدى شهر كامل، ظللت امسك بكيبوردى بعيدا عن هذا الغيث الهاطل عنوة واقتدارا. كنت استرق المتعة من بعيد لبعيد!! قرأتكم جميعا حرفا حرفا .. وشولة شولة.. وسكونا سكون!! فما قدرت على ان افتح فمى بكلمة فى حضرة بهائكم الجميل وحضوركم الاجمل الا قولتى (( اللللللللللله!!) ثم اعود اصمت تأدبا و... وانتشاء مغشيا علىَّ احيانا، فما ينفع لافاقتى رش ماء الورد، ولا كافة المشمومات. ايتها الاقوام الجميلة، ذكورا واناث. خضَّر الله كيبورداتكم من طرف. وازهر فى اناملكم عادة تقسيم الحب والفرح بين الناس كما ( لحمة الضحية) لم تستثنوا جارا.. ولم تنسوا مارا بالطريق.
كل هؤلاء الشباب جميلين وغناؤهم جميل. ولكل منهم طريقته فى افشاء السرور والامتاع بين الناس نادر كان سمحا وغنايا وطروبا. فرفور كان يحكّر الكلام تحكيرا وينفثه نغما هادئا حتى عندما يرفع ( عقيرتيه )!!!! متجاوزا باقى الشلة ( لدى قناعة بأن لدى فرفور حنجرتين ركبتا فى جوف واحد والله اعلم!!) عصام محمد نور فى هدوءه يذكرنى دائما بجيل ناس محجوب عثمان والتجانى مختار وعبد الدافع اسرار بسم الله ما شاء الله ... كانت اذا ارادت!! تحولنا الى بعضا من النسيم حولنا!! وان شاءت ارادتها تغطسنا فى سابع ارض!! وكنت اشفق عليها من الهفوات والتى يبدو انها كانت تتعمد الاقتراب منها ثم فجأة تنبل مارقة!! هل انتبه احد الى هذه الخاصية فى اداء اسرار!!؟؟ استثنى عاصم البنا!!!!!! فما انا بالذى يستطيع تقييم العمالقة وكفى! لاتتاح لى ( عادةً ) ان انهل الماء من منابعه. لهذا ابارى الجداول والخيران والحفائر. ( تلك ارادة الله ارادها ربما للتكفير عن سيئاتى التى لاحصر لها ) لهذا اعتبرت نفسى محظوظا جدا ان قيض الله لى فى هذا الاسفير فرصة الاستمتاع بكل هذا البهاء الغنائى فى قناة النيل الازرق من خلال جداولكم الرقراقة. شكرا لكم ..لكن.. لهم ..لهن .. لنا.. و..لممكونة الحب والسلام والتحية الفقير من كل شئ... الا من حبكم منعم الجزولى
Post: #928 Title: Re: ما أحلى ساعات اللقاء... Author: mamkouna Date: 10-16-2007, 00:22 AM Parent: #917
لسه محتارة.. أحلى العثل..ولا...البثبوثة..!!
Post: #920 Title: Re: ما أحلى ساعات اللقاء... Author: abubakr Date: 10-15-2007, 06:43 PM Parent: #916
Quote: البوست دا فكيتو عكس الهواء خلاص ولا شنو ،
هي ست البوست فلزعت والزوول بتاع البالونات فكاها عكس الهوا وفات اها انت امسك فيهو قوي لحد رمضان الجاي
Post: #918 Title: Re: ما أحلى ساعات اللقاء... Author: abubakr Date: 10-15-2007, 06:24 PM Parent: #915
Quote: نحاول نحضر يوم الإتنين.. بس ما يجيبوها انصاص الليالي..
يانجوي ... اشعر برهق شديد من يوم عمل طويل جاوزت ساعاته نصف اليوم وغدا يوم اطول ان امد الله في الاجال وشايف هسع جماعة بيلعبو كزرة ويادوبك قون واحد وحسب جهلي بالكورة فاكيد كل الكام عشرين دييل ما جاريين وبنططو جنس النطيط دة كلو بشان قون واحد وما عارف الحكاية دي بتخلص متين .. اها كان عندكم معلومة عن توقيت البرنامج ادوني ليهو اضبط الكمبيوتر علي الوقت واشغل التلفزيون واتوكل انا ما شباب زيكم
Post: #919 Title: Re: ما أحلى ساعات اللقاء... Author: abubakr Date: 10-15-2007, 06:39 PM Parent: #1
Quote: استثنى عاصم البنا!!!!!! فما انا بالذى يستطيع تقييم العمالقة وكفى!
يا فردتنا اوع راسك ؟؟؟ شوف ليك تكالات بعد الكلام الفوق دة وبطل شغل تالاهون بعدين المرتضي يفتح لينا جبهة ما تنسد ؟
شكرا عبدالمنعم نيابة عن ست البيت الفي بطن بيتا ما فاضية من تقديم الغريبة والكعك للضيوف وكافةالمعلقات و المعلقيين الفنيين والمتاوقات و المتاوقيين ( يا جماعة ده عربي صح؟ ما تدويشونا بعديين زي ما سويتو للسر والشباب انا رطان ساااي )
Post: #921 Title: Re: ما أحلى ساعات اللقاء... Author: abubakr Date: 10-15-2007, 08:53 PM Parent: #1
الحلقة الاخيرة عن فن الاداء ابتدت الان 11:50 مساء الاتنين (بتوقيت الامارات) نواصل باكر ...
Post: #922 Title: Re: ما أحلى ساعات اللقاء... Author: mamkouna Date: 10-15-2007, 09:47 PM Parent: #1
أقشقش دميعاتي.. و أجيكم راجعة..!!!
Post: #923 Title: Re: ما أحلى ساعات اللقاء... Author: نجوان Date: 10-15-2007, 09:55 PM Parent: #922
أغنيات خاصة بفنانينا الشباب .. لنتعرّف على انجازاتهم وأسلوبهم.. والترتيب في الغناء كان أبجديا.. كما أوصى ابوالكلام.. الكل آخر شياكة لابس رسمي .. ابيض واسود..
"راحت عليك" غنتها اسرار غنت بإرتياح ربما أكتر من أي حلقة سابقة..
"عندك ضحكة يا ساتر" غناها جمال فرفور سمعنا جمال فرفور جديد .. ورائع.. اغنية رايقة ولطيفة.. موسيقى ولحن جميل (احمد المك).. وهارموني حلو من عصام وفردتنا..
"شن اسّو"... وفردتنا.. صوت قوي.. ومنسجم مع بصمة ود الحاوي الموسيقية لكن الإنسيابية أقل قليلا من المعتاد.. أكيد مزيد من التمارين.. ستجوّد الأغنية..
"القدر فرقنا منك".. عصام محمد نور أغنية هادئة ... أجمل جانب فيها هو صوت عصام نفسه ...
"كيف تفارق" يغنيها نادر خضر ولأنها من ألحان نادر ظاااتو.. التأثير الأثيوبي واضح من أول دقيقة أغنية سريعة ومتفائلة..
وضحت الثقة وحلاوة الإحساس بالغناء الخاص عند المجموعة.. حلقة ناجحة.. وباعثة للفخر..
والختام دندنة وقوفا.. "جلستنا يا سيدي انقضت.. لازم نعود.. يا السر قدور.. لازم نعود.." ووداع مؤثر بالأحضان والدموع.. ____ والسلام ختام.. وكل سنة وانتو طيبين.. كانت حقا امسيات سعيدة معكم..اخوة واخوات عزاز.. وألف شكر لست الحوش ممكونة.. على استضافتها الكريمة.. هذا بوست راقي ..مليان ناس راقيين.. ولغة راقية..
Post: #924 Title: Re: ما أحلى ساعات اللقاء... Author: Hussein Mallasi Date: 10-15-2007, 09:55 PM Parent: #922
في أواخر السبيعينات و أوائل التمانينات؛ عاد مغترب في السعودية في إجازته السنوية؛ فأرادت والدته أن تكرم وفادته؛ فصاحت في ابنتها أن تذبح لأخيها عدة دجاجات؛ سمع الرجل صياح والدته فأصيب بهستريا و أخذ يصيح:
جداد لا .. الكابلي لا .. جداد لا .. الكابلي لا .. جداد لا .. الكابلي لا ...
Post: #934 Title: Re: ما أحلى ساعات اللقاء... Author: abubakr Date: 10-16-2007, 05:07 AM Parent: #924
Quote: جداد لا .. الكابلي لا .. جداد لا .. الكابلي لا .. جداد لا .. الكابلي لا ...
غريبة انت كنت عارف انو كان عند الجيران (السودانية) شاغل المستمعين!!م عن عم السر واغاني ؟
Post: #925 Title: Re: ما أحلى ساعات اللقاء... Author: mamkouna Date: 10-15-2007, 11:13 PM Parent: #922
الحلقة الأخيرة:-
* من أجمل و أحلى و أرقى الحلقات. * إستهل أبو الكلام الحلقة بالحديث عن تجويد الأداء.و وجٌه شكر خاص للفرقة الموسيقية التي أبدعت في كل الحلقات..و لم تخذله أو تخذل المؤديين أبداً و خصٌ بالشكر قائد الفرقة محمدية. * شكر كذلك كل مطربي المجموعة...و نوٌه إلى أن الفنان الجيد هو من لا يسجن نفسه في أغاني الغير حتى لو كان يؤديها بنفس طريقة الفنان الأصلي.و أشاد بأصوات الشباب الرائعة..و ذكر أنهم (( أنداد))... لذا رأى أن يتم تقديمهم حسب الحروف الأبجدية.
* كان واضحاً الإعجاب الشديد و المكانة الخاصة التى تحتلها أسرار بابكر في قلب عمنا السر قدور من تقديمه لها و وصفها ب (( الكروان ))...و من القصة التى حكاها عن ماكياج أسرار و عن ماكياجه هو و تعليقه ب (( إيه تعمل الماشطة في الوش العكر ))!! * من كلمات إسماعيل الإعيسر و من ألحان محمد حامد جوار.. غنت أسرار أغنيتها (( راحت عليك )). أغنية هادئة و جميلة و مريحة..و تُناسب طبقات صوت أسرار العميقة و الرقيقة في آنٍ واحد..و التى ناضلت طوال الشهر الفائت لتتناسب مع طبقات أندادها من الرجال. ما شاء الله عليك يا كروانة... - كلمات جميلة..لحن مميز..أداء مُطرِب-
* أما فرافيرو..فقد وصفه أبو الكلام بأنه (( مستهبل ))..و حكى عن طلبه له ان يحفظ أغنية (( يا السايق الفيات )) ليجده قد حفظ (( يا السايق البوباي )) و برٌر ذلك بأنو ما كلو سواقين! من كلمات دكتور أحمد فرح شادول.. و من ألحان أحمد المك.. غنى لينا فرافيرو...أغنية (( عندك ضحكة يا ساتر )). - كلمات حلوة.. لحن خفيف راقص..أداء متكلف شوية-
* كانت لفتة بارعة من عاصم البنا أن يُهدي قصيدة أحمد فرح شادول (( في حضرتك تتبدل اللغة و الحروف )) لأبو الكلام..عمنا السر قدور.
* فردتنا أكدٌ كذلك إستفادته القصوى من البرنامج..و أكد أن نوعية الأداء الإتقدم ساعدهم على تجويد و صقل ما قدموه و ما سيقدموه مستقبلاً. من كلمات كامل عبد الماجد و من ألحان عبد اللطيف خضر الحاوي.. غنانا ود البنا.. أنا فيك شن أسو يا سلام لو جيتي أبدر..إيه تفيد باللهِ لو ياتو غيم النازلة منو..ياتو نسمة..و ياتو جو.. و الكواكب إيه لزوما..و إنتي مالية الدنيا..ضو..!!! - كلمات متميزة..لحن جميل..أداء مُعبٌر و خفيف الظل-
* عن عصام محمد نور..شبهه أبو الكلام بأبو صلاح لهدوءه و سكونه في الجلسات..ثم تحوله لكتلة من النشاط عند الأداء. تم حذف الجزء الأول من أغنية عصام محمد نور..لذلك لم يُذكر إسم الشاعر أو الملحن..لكننا عرفنا من فردتنا أن الأغنية لبنت خالة عصام التى توفيت في حادث حركة في شارع الخرطوم-مدني. كانت أغنية مؤثرة...و مؤلمة..مما أسال دموع أسرار. تقول كلمات الأغنية..
القدر فرٌقنا منك..و عشنا لحظاتو المثيرة.. يوم فراقك صرخة طافت..يالحبيبة المافي غيرا. - كلمات بسيطة عميقة المحتوى..لحن هاديء..أداء متميز-
* عن نادر خضر..أكد أبو الكلام أن نادر خضر يهتم بالأداء الصوتي..لكنه ينسى كلمات الأغاني..!!! من كلمات الفاتح حمدتو.. من ألحان تلاهون شخصياً..الودٌانا بيها شرقاً كما قال أبو الكلام.. غنانا تسفاي منقستو سلاسي.. بعد ما إتلاقت خُطانا..و الفرح في قلوبنا هلٌل قالوا جيتك بس زيارة..كيف تفارق تاني ترحل. - كلمات جميلة..لحن حبشي راقص..أداء متميز-
* خُتمت الجلسة..ب جلستنا يا سيدي إنقضت..لازم نعود.. يا السر قدور..لازم نعود..
جوٌه الجوٌه:
* منظر وداعهم ل بعض كان مؤثر و مُبكي..و قطع قلبي عديييييييييييل كدا!
Post: #926 Title: Re: ما أحلى ساعات اللقاء... Author: Hussein Mallasi Date: 10-15-2007, 11:18 PM Parent: #925
بكرة ماشي لي عرس .. و لو لقيت الفنان واحد من الجماعة الفوق ديل قطع شك حأقوم جاري.
Post: #927 Title: Re: ما أحلى ساعات اللقاء... Author: mamkouna Date: 10-15-2007, 11:41 PM Parent: #926
أنا ما قلتَ ليك..خلي "الغتاتة" بتاعتك دي !
Post: #930 Title: Re: ما أحلى ساعات اللقاء... Author: محمد المرتضى حامد Date: 10-16-2007, 00:53 AM Parent: #927
والله صدق حدسي بان سياتي علينا اليوم الذي سنبكي فيه غناء ساره فقد شاهدت اثناء حوامتي في شوارع المنبر فيديو
لمدام توسو جلني اتحسر على ساره حتى في تطاولها على صالح الضي و بغير عليها من روحي وتزيد مع الغيره جروحي
ملاسي حرام عليك ياخ الشباب ديل مجتهدين وفيرساتشي دا قالوا كان ثيردباك قبل ان يتجه لتسميم الازياء - هسه باكر
يقول عايز يبقى مطرب غايتو فردتنا اجبرنا على المتابعه لكن يا عاصم لو ما غيرتو الكرو انت وقدور تاني ما تحوم
بيجاي ولا انت ولا ممكونه
ابوبكر الباش انا ما.شفت الحلقه لكن كلامي في محلو وفردتنا لو غنى حبشي بتكون حاله فرديه لزوم التنويع لكن تالاهون ده
ببالغ في حبيبو بالزغني ويعمل لينا الحقببه بروزناج بالانجيرا
Post: #935 Title: Re: ما أحلى ساعات اللقاء... Author: mamkouna Date: 10-16-2007, 10:08 AM Parent: #930
Quote: لكن يا عاصم لو ما غيرتو الكرو انت وقدور تاني ما تحوم
بيجاي ولا انت ولا ممكونه
خلاااااااااااص.. إنتهيت من ( سارة ) و ( مدام توسو )..و قبٌلت عليٌ...!!!
Post: #932 Title: Re: ما أحلى ساعات اللقاء... Author: abubakr Date: 10-16-2007, 04:42 AM Parent: #925
Quote: لحن حبشي راقص
اها مافي حاجة بتخرب غير الكعك والغريبة .. هو في حبشي ما "راقص" ؟؟؟ اسالي ملاسي ؟
Post: #929 Title: Re: ما أحلى ساعات اللقاء... Author: mamkouna Date: 10-16-2007, 00:39 AM Parent: #1
باشمهندس أبو بكر.. كل سنة و إنتَ و عائلتك الكريمة بألف خير.. ..تعود أيامكم بالخير و السعادة و الأماني المتحققة بإذنه تعالى.
أرجو ملاحظة أن كل الفيديوهات الظاهرة على هذه الصفحة .. لا تعمل.. و يُكتب عند الضغط عليها.. this video is no longer available .
Post: #933 Title: Re: ما أحلى ساعات اللقاء... Author: abubakr Date: 10-16-2007, 04:45 AM Parent: #929
Quote: this video is no longer available .
شكرا للمتابعة .. الغريبة بس الاغاني الما من "اغاني واغاني " ؟؟ سيتم اجراء اللازم خلال الاربع وعشرين ساعة القادمة ( يعني حتي صباح الغد .. ما في واحدة او واحد يشتكي اشمعنا صبرتو علي الحلقة الاخيرة 4 ايام ؟ "
Post: #931 Title: Re: ما أحلى ساعات اللقاء... Author: abubakr Date: 10-16-2007, 03:32 AM Parent: #1
راحت عليك كلمات الاعيسر غناء اسرار بابكر
Post: #936 Title: Re: ما أحلى ساعات اللقاء... Author: ودالعباسية Date: 10-16-2007, 10:10 AM Parent: #931
الحلقة الاخيرة ،،
مقتطفات سريعة ،، الشباب ما قصرو ،،،
* ممكونة ست البيت ،،، احلى البسبوسه ،،، ليه لكن ؟،،،
* الحلقة كانت مميزة جدا ،، وبتحس انه الشباب مرتاح جدا ومعاهم ابو الكلام ،،
التمييز جا من انه اللبس كان موحد ،،الاسود طاغى بشكل كبير حتى على العازفين ،،
ما عارف دلاله على نهايه الحلقات ولا دلاله على انه السنة الجايه مافى اغانى واغانى؟
*الاغانى جميلة كلها ،،
*اغنية عصام براها ،،،لاحظتو معاي بعد الاغنية مدي تأثير عصام،،!
* فرفور ،،، وما ادراك ما فرفور ،، والنضارات السود ، ( معقول لكن يا فرافيرو )
* وسؤال لى فردتنا ،، ليه قطعوا بداية اغنية عصام المشاهد ما عرف كاتب الاغنية ولا
الملحن ،،
* فى النهاية وداع يدل على انها بالفعل اخر الحلقات ،،وتانى سكو ( مافى ) ،،،
وجلستنا يا سيدي انقضت ،،، ولازم نعود ،،يا ممكونة لازم نعود ،،
لكم كل الود ولى مجهود خالنا العزيز فى الفيديوهات ،،،
تحياتى لكم فردا فردا ،،،
Post: #937 Title: Re: ما أحلى ساعات اللقاء... Author: mamkouna Date: 10-16-2007, 01:41 PM Parent: #1
كانت الحلقة حداشر من (( أغاني و أغاني )) عن تاريخ الأغاني المصورة أو ما يُعرف حالياً بالفيديو كليب. ذكر فيها أبو الكلام أن من أشهر الفيديوكليبات القديمة..كليب الفنان الراحل / أحمد المصطفى و النجمة اللبنانية الشحرورة..صباح . و التي غنى فيها الراحل من كلمات حسن عوض أبو العلا...... رحماك يا ملاك..هواكَ ملكني.
بالصدفة عترت على الفيديو كليب النادر دا..و قلت أشوفو معاكم.
Post: #938 Title: Re: ما أحلى ساعات اللقاء... Author: abubakr Date: 10-16-2007, 04:29 PM Parent: #1
الحلقة الاخيرة
ياساتر
غناء جمال فرفور
Post: #939 Title: Re: ما أحلى ساعات اللقاء... Author: abubakr Date: 10-16-2007, 04:37 PM Parent: #1
الحلقة الاخيرة: عاصم البنا
فيك انا شن نسو
Post: #940 Title: Re: ما أحلى ساعات اللقاء... Author: abubakr Date: 10-16-2007, 04:44 PM Parent: #1
الحلقة الاخيرة القدر فرقنا
غناء عصام محمد نور
Post: #941 Title: Re: ما أحلى ساعات اللقاء... Author: abubakr Date: 10-16-2007, 05:02 PM Parent: #1
الحلقة الاخيرة:
كيف تفارق
الحان وغناء نادر خضر
Post: #942 Title: Re: ما أحلى ساعات اللقاء... Author: abubakr Date: 10-16-2007, 05:08 PM Parent: #1
الحلقة الاخيرة: لحن الختام
كلهم
Post: #943 Title: Re: ما أحلى ساعات اللقاء... Author: abubakr Date: 10-16-2007, 08:10 PM Parent: #1
اعلان ما زي بتاع سوداني للعلم :
وحيث ان هذا البوست والذي سته جو بطن بيتا قد لاقي اقبالا منقطع النظير فاق الاقبال علي زين وسوداني ومكرونة اليمامة وشاي موبايل وحبيب الكل سوداني وطرشق كان ما سوداني وحاجات عجيبة وغريبة بتحصل في اس دي تي في وبي ان وهارموني وساهور وشروق باعتبار ما سياتي ) وحيث ان اكثر من الذين صوتو لبرويز مشرف في انتخاباته الاخيره قد صارو مجاوريين لهذا البوست فلقد قررنا الاتي :
مواصلة تسجيلات لما لذ وطاب!!!! حسب الظروف وذلك اهتماما منا برغبة الجمهور ( الهوا انا) وذلك حتي لا تفقد ست البوست جماهيرها ... ونشير الي ان التسجيلات ستكون منوعة وسيقوم بالتعليق الفني والما فني برضو ست البيت ونجوان والزول ( كان ما هسع وصل بكين لحضور الاولمبياد اصلو كدارتو عاجباهو واها شايل بيرق ) ومولانا المرتضي وود وداعة وسيواصل ود العباسية الانتظار لاخر الليل للمشاهدة البلوشي وسيتاوق ابومهيار وجني حسب الظروف وكافة المهتميين ...
اها بربري ديمكراطي وعايز يستفيد من ال11 الف متفرج دييل ز. بالله ما تنسونا في الانتخابات الجاية ( هو في حاجة زي دي جاية ؟ )
وخليتكم بعافية
Post: #945 Title: Re: ما أحلى ساعات اللقاء... Author: abubakr Date: 10-16-2007, 08:29 PM Parent: #943
بداية الدورة الجديدة من برنامج ست البت التي جو بطن بيتا :
ونزولا عند رغبة الجمهور ( الهوا انا) فانا الواد خالد دة صوتو بيعجبني ( اها المرتضي كان ما عجبك برايك واكيد وحيث انه ما من ام درمان ولكن من الصحافة حتبستفو وحتقول حاجات لكن عموما انا ما هلاللالابي ولا مريخابي وهو هلالابي وانا موردابي (كيتا في تمبس ) ومؤازرة لودالعباسية لاني سكنت سنة كدة في حي الضباط ولو اني مراتي حبيبتي من الصحافة ): يا حبيبي انا عيان الحان : اسالو فردتنا والمرتضي وود القرشي وود وداعة والزول وومكونة ونجوان (نفسي قام كفاية لحد هنا)وتوزيع وموسيقي : الاورج
اداء خالد الصحافة
التسجيل من بيت ابو الهلالاب المرحوم الطيب عبدالله
Post: #944 Title: Re: ما أحلى ساعات اللقاء... Author: sanaa gaffer Date: 10-16-2007, 08:19 PM Parent: #1
Quote: وخليتكم بعافية
يديك العافية يا باش ...
انت المصحيك لغاية هسة شنو ؟؟
نسيت مشوار الصباح ومسافة نص دبي البتقطعها عشان توصل شغلك ؟؟
التحيات لسامية وضياء ...
Post: #946 Title: Re: ما أحلى ساعات اللقاء... Author: محمد المرتضى حامد Date: 10-16-2007, 08:32 PM Parent: #944
Quote: اها بربري ديمكراطي وعايز يستفيد من ال11 الف متفرج دييل ز. بالله ما تنسونا في الانتخابات الجاية ( هو في حاجة زي دي جاية ؟ )
والله دي قويه بحق يا باش هموما انا صوتي ما بديهو حتى لو بقى زي صوت ساره او صوت مدام توسو عندك برنامج (انتحابي) مقنع?
Post: #947 Title: Re: ما أحلى ساعات اللقاء... Author: abubakr Date: 10-16-2007, 08:45 PM Parent: #1
Quote: عندك برنامج (انتحابي) مقنع?
يا مولانا ناس فازو بالتصويت /الاجماع السكوتي وحكمونا وناس فازو في دوائر الخريجيين بالف صوت وبرضو حكمونا وانا في دائرة ممكونة عملت 11 الف وتقولي برنامج انتخابي مقنع يعني السر قدور والغنا دة كلو ما برنامج مقنع ؟؟ بختكم يحكمكم بربري صدج ( زي ما بيقولو الاعراب) وتقضوها بهجة وحفلات وحت ساااي ( بخت العرريب ود شيقوق حيحت حت ! )....والي سودان بربري مبهج ...
Post: #948 Title: Re: ما أحلى ساعات اللقاء... Author: ودالعباسية Date: 10-17-2007, 00:54 AM Parent: #947
ياخال سلامات ،،
صدقته فى انى بجى اخر الليل بسمع بلوشى دي ،،،
عشان انوم وانا مطمن عليكم يعنى مراجعة سريعة ،،
الفكرة جيدة يا خال ونحن معاك ،،
بس البوست كدا حا يطرشق ولا شنو ،،
Post: #949 Title: Re: ما أحلى ساعات اللقاء... Author: abubakr Date: 10-17-2007, 03:21 AM Parent: #1
Quote: بس البوست كدا حا يطرشق ولا شنو ،،
هي بالونات الزوول ما طرشقت بقت علي البوست ؟
Post: #950 Title: Re: ما أحلى ساعات اللقاء... Author: mamkouna Date: 10-17-2007, 09:57 AM Parent: #949
ما نعدمك يا باشمهندس.. و من اللحظة دي أنا متنازلة ليك (( بيع و شراء )) عن هذا البوست الذي ما كان ليكون و ما كان ليجمع ال11 ألف صوت..لولا مساهماتكم المُقدٌرة و الملموسة. بس أسمح لي أكون قائدة حملتك الإنتخابية القادمة.
يللا كلكم ... قولوا معايا.. يا حارسنا..و فارسنا..يا بيتنا و مدارسنا !!!
Post: #951 Title: Re: ما أحلى ساعات اللقاء... Author: نجوان Date: 10-17-2007, 10:02 AM Parent: #950
كنا زمن نفتّش ليك.. وجيتنا الليلة كايسنا..
Post: #952 Title: Re: ما أحلى ساعات اللقاء... Author: abubakr Date: 10-17-2007, 10:22 AM Parent: #1
Quote: يا حارسنا..و فارسنا..يا بيتنا و مدارسنا !!!
كنا زمن نفتّش ليك.. وجيتنا الليلة كايسنا..
اها زمن الغنا دة الغنوليهو هو ذاتوووو شاتنا برة ودحين دايريين ال 11 الف يلعبو بي دافوري ... انا بناء ولا عندي بيت ولا اية بناية وبالليل ما بشوف كويس ...
يا نجوان ما نسينا الدراب ولينا ليهو رجعات كتيرة اصلو في اجازة العيد القصيرة شفنا البدع في اس دي تي في وبي ان ووو .. بس ياناس البرونزاجات الواحدة كيف بتكون خاتف لونيين يعني الوش لون واليدين ( اها دييل بس الشفناهم بشان واحد ما يجي ناطي ويخسف بي الارض ) لون غير ...؟؟ انا شفت اكتر من واحدة من البنضمن شايلات مكرفون الوش لون والايدين الشايلات الميكرفون لون ..؟ بلدنا دي عجيبة ااوي ؟؟ والباقي بنقولو هناااك في : درر ودرّاب... مقتطفــات فضــائية.. فاضية... ]
Post: #953 Title: Re: ما أحلى ساعات اللقاء... Author: ودالعباسية Date: 10-17-2007, 10:55 AM Parent: #952
وفى مقولة اخري ،،
هشتكنا وبشتكنا يا رئيس
Post: #955 Title: Re: ما أحلى ساعات اللقاء... Author: abubakr Date: 10-17-2007, 11:38 AM Parent: #953
Quote: هشتكنا وبشتكنا يا رئيس
يا حتات !!
Post: #954 Title: Re: ما أحلى ساعات اللقاء... Author: نجوان Date: 10-17-2007, 10:59 AM Parent: #952
Quote: يا نجوان ما نسينا الدراب ولينا ليهو رجعات كتيرة اصلو في اجازة العيد القصيرة شفنا البدع
يا سلام عليك يا باش .. لك التحية.. ولكل ناشط في هذا المشروع ... مامكن غير الإعلاميين يفهموا في الإعلام أكتر من ناسو.. __ وبكري -قط- لم يرفع بوست الدرّاب في المشلعيب.. (يكونش شايفو مش أد المآم ولا إيه)..
Post: #956 Title: Re: ما أحلى ساعات اللقاء... Author: محمد ابراهيم قرض Date: 10-17-2007, 11:54 AM Parent: #1
ممكوووونة ... ما عارف أي حاجة .. ما فاهم أي حاجة .. ما تسألوني من أي حاجة ..
دخلت بس أو بث عشان أقول ليك و أقول ليهم كل عام و أنتم بخير ..
ده عشان تعرفي أن القرض لا ينسى ولا يتناسي ، بل أنه لا يتداغل أبدا!!!
Post: #957 Title: Re: ما أحلى ساعات اللقاء... Author: ودالعباسية Date: 10-17-2007, 12:18 PM Parent: #956
مش قلتو الحاجات الحلوة ،،،
والناس ازواق ،،،،
بس البت دي فنانة ،،وصوت متميز ،،،
Post: #958 Title: Re: ما أحلى ساعات اللقاء... Author: abubakr Date: 10-17-2007, 01:05 PM Parent: #956
Quote: ولا يتناسي ، بل أنه لا يتداغل أبدا!!!
جاي بعد العيد باسبوع ما بتداغل ما احسن كان تنظر عيد الاضحي ...؟
Post: #959 Title: Re: ما أحلى ساعات اللقاء... Author: abubakr Date: 10-17-2007, 04:22 PM Parent: #1
سهرة في النيل الازرق اول يوم رمضان 2007 السنين
الحان وغناء الطيب عبدالله
(اسمعو الغنا بس ومافي اي تعليق ؟ )
Post: #961 Title: Re: ما أحلى ساعات اللقاء... Author: نجوان Date: 10-17-2007, 09:34 PM Parent: #959
شفت جزء من السهرة الكانت مع الأستاذ الطيب عبدالله.. لكن .. حسب ما أذكر يا باش أعتقد انه كان lip singing ?? ___ (برضو أحسن من الدوبلاج )
Post: #960 Title: Re: ما أحلى ساعات اللقاء... Author: abubakr Date: 10-17-2007, 09:21 PM Parent: #1
ود العباسية .. ات لسه في القهوة؟ الساعة واحدة صباحا ... اها واصل سهرك مع قريبي دة:
اول غرام كلمات والحان وغناء محمد وردي( وبالعربي والماعا جبو يطرشق ؟؟ )
Post: #962 Title: Re: ما أحلى ساعات اللقاء... Author: mamkouna Date: 10-17-2007, 11:14 PM Parent: #960
عن إذنك يا باشمهندس....عندي شوية ردود و مارقة طوالي.. ما معقول نبيع بالنهار..و نجي نضع اليد..بالليل!
* تحية كبيرة و تعظيم سلام..و سلام مربع و مثلث و مستطيل كمان.. لقرض الناس قرض.,, إنتَ وين؟ من إعصار جونو..و عيييييك!
* يا ود العباسية..أخبار الحوليات شنو؟ ياخي (( حرم النور)) دي ممتااااااازة..و صوتها فيهو حاجة بتخليك تعرض و تنطط زي الراجل أب جلابية بيضا مكوية الفي الفيديو..و بتذكرك مناسبات حلوة و لمٌات أحلى. صوتها فيهو حماس ندى القلعة..و...بحٌة صوت قِسمة و فايزة عيسى!!
* يا باشمهندس...الزولة الجنب الطيب عبد الله و لابسة تركواز دي..أنا كنت قايلاها زوجتو شدة ما بتغني أكتر من الفنان زاتو.. إلى أن تفاجئت بإنها المذيعة!!!! دُراب..دُراب..دُراب..دُرااااااااااااااااب!!!
Post: #963 Title: Re: ما أحلى ساعات اللقاء... Author: ودالعباسية Date: 10-18-2007, 01:32 AM Parent: #962
ياخال ،،،
Quote: ود العباسية .. ات لسه في القهوة؟ الساعة واحدة صباحا ... اها واصل سهرك مع قريبي دة:
اسوي شنو اجازتنا 11 يوم شفته الهنا دا ،،
بمناسبة قريبك دا ،، الصوت بتاع زمااااان وهو قاعد يردد بس ،،،
انا غايتو بقول انه قريبك فنان مافيه كلام ،،، بس فى الوقت الحاضر
مفروض خلاص ما يغنى تانى لانه ما بقدر ،،،عشان ما يبهدل روحه ويفرق فى الزمن وكدا ،
اما الفيديو الاول بتاع الطيب عبدالله فيديو زي الليل لانه فيه ناس نضااااااااااااااف ،،
تخيل يا خال قبيل فى النيل الازرق جابو ( شكرالله) بغنى فى نفس الاغنية انا ياخى لمن
ما عرفتها ،، غايتو جوبغها جوبيغ ،،،الله فى بس
ممكونة ست البيت ،، كيفنك ،،
Quote: * يا ود العباسية..أخبار الحوليات شنو؟ ياخي (( حرم النور)) دي ممتااااااازة..و صوتها فيهو حاجة بتخليك تعرض و تنطط زي الراجل أب جلابية بيضا مكوية الفي الفيديو..و بتذكرك مناسبات حلوة و لمٌات أحلى. صوتها فيهو حماس ندى القلعة..و...بحٌة صوت قِسمة و فايزة عيسى!!
الحوليات لسه ما انتهت ،، باقى شوية ،،
انتى عارفه لو تابعتى قناة هارمونى حا تلقى فيديو كليب لى ( حرم) انا بس ما بعرف
انزل من قوقل فيديو كنت جبتو ليكم هنا ،،
لكن صوتها نار ،، انا غايتو من هسى حا اجيبها تغنى لى لكن وين وفى شنو
الله اعلم ،،
Post: #964 Title: Re: ما أحلى ساعات اللقاء... Author: نجوان Date: 10-18-2007, 08:02 AM Parent: #963
Quote: تخيل يا خال قبيل فى النيل الازرق جابو ( شكرالله) بغنى فى نفس الاغنية انا ياخى لمن ما عرفتها ،، غايتو جوبغها جوبيغ ،،،الله فى بس
بكل أسف حضرت جزء منها وما قدرت اكمّل يا ود العباسية.. شكرالله ده غناه بيضرس.. __ من أين يأتي هؤلاء؟؟
Post: #968 Title: Re: ما أحلى ساعات اللقاء... Author: abubakr Date: 10-18-2007, 06:47 PM Parent: #963
Quote: مفروض خلاص ما يغنى تانى لانه ما بقدر ،،،عشان ما يبهدل روحه ويفرق فى الزمن وكدا ،
باقي لي سهر الحوليات دة مودرك .. قريبي دة صوتو زي ما كان زمان اها قبل شهر مشي شارك الاثيوبيين في اعياد الملينيم ولعلع اما الاف في استاد ...
Post: #965 Title: Re: ما أحلى ساعات اللقاء... Author: abubakr Date: 10-18-2007, 10:24 AM Parent: #1
Quote: شكرالله ده غناه بيضرس..
اصلا انا ما سمعت بيهو وصدفة شفت البرنامج وبعديين قايلو واحد من الضيوف ساااي يعني البتكلمو وبس قالو ليهو يغني وانا اصلا كنت متحير في الزيت الكتير الفي شعر راسو فقت يارب اها تتطلع غنية مزيتة وبس طلعت مزفته ..ممكن واحد يرسل لي قائمة بالبغنو اليوميين دييل.. قضينا اكتر من تلتيين عمرنا بس نسمع اقل من 15 فنان بمجاميعو ( اها كان شفتو الملحمة بتاع الباشكاتب حتلقو النص والباقي معروفيين ) وكام عازف(كان شفتو ليكم تسجيل قديم لعثمان حسين بتلقاهم كلهم ) وكام لاعب كورة ( كلهم في فريق 1970 والفريق اللعب ضد الهونفيد المجري زمااااانك في استاد ام درمان). هسع تلقي البغنو كيمان كيمان في الخيم الكبيرة البنشوفا اليوميين دييل والعازفيين اها كان طلعت محمدية واتنين تلاتة كلهم جداد لنج وبتاعيين الكورة عد ساااي ..... اها شكرالله دة زعلني وقفلت التلفزيون ... الحكاية شنو ياجماعة ..انا كمان اغني واللا شنو ...يا فردتنا انتو ما عندكم غفير لحوشكم دة يعني اي واحد يجي ناطي رافعا عقيرته (دي عربي بالمناسبة انتو اصلا لغتكم العربية مخستكا ما زي بتاعتي انا الرطان .. شفت كيف ؟ ) توش تدخلوه والعدادات تشتغل ....
Post: #966 Title: Re: ما أحلى ساعات اللقاء... Author: ملكة سبأ Date: 10-18-2007, 11:39 AM Parent: #1
Quote: أحلى العثل..ولا...البثبوثة..!!
الممكوووووووووووووووووووونة
وبــث
Post: #967 Title: Re: ما أحلى ساعات اللقاء... Author: محمد المرتضى حامد Date: 10-18-2007, 04:11 PM Parent: #966
Quote: اها المرتضي كان ما عجبك برايك واكيد وحيث انه ما من ام درمان ولكن من الصحافة
على العكس يا باش خالد الصحافه صوته يشجيني و له اغنية تخصه بيقول فيها الحنين الجيتني بيهو والباقي ما عارفو
لكنها جميله لحنا وكلمات واداء.
لست منحازا لامدرمان في الغناءومجموعة ابناء الصحافه لهم اسهام مشهود ومن اكثر الاصوات التي احب الاستماع اليها صوت
فيصل عبداللطيف وهو من الذين اثبتوا خطا مقولة (سمح الغنا في خشم سيدو) اضف الى ذلك ادب وخلق فيصل وخالد وبصراحه
يا باش الادب والتواضع هما الفيصل والمقياس الحقيقي للمبدعين في مجال الفن في ظني رغم ان البعض يكتفي بما يسمع وحسب
وهذه وجهة نظر نحترمها.
يا باش لا اناز لامدرمان في الغناء كما اسلفت لان الانحياز موقف يتخذه الشخص حينما يكون هناك اكثر من طرف وامدرمان
لاتقف طرفا في اي منافسه او مضاهاة, امدرمان دي حاجه تانيه خالص , ياخ دي حي واحد فقط زي المسالمه وحي العرب قدم
للفن والرياضه ما لم يقدمه حي في الكرةالارضيه, يعني ممكن تكتب فن ورياضه في قوقل ايرث وتضغط سيرش تلقى روحك في المسالمه
Post: #969 Title: Re: ما أحلى ساعات اللقاء... Author: abubakr Date: 10-19-2007, 05:08 PM Parent: #1
هيا ياحبة!! ___________________
مهداة الي المرتضي والزوار الكرام و ست البيت التي ما زالت برة بطن البيت .. دة كلام
_____
هلل السعد لينا هبة بنا بنا هيا يا احبة كلمات ود الرضي ( مش متاكد لكن ودالرضي ود عمة مبارك حسن بركات وكانو اصحاب وانت بتحب شعر ود الرضي يالمرتضي .. وقالو ال "بركات" كلهم شعرا وفنانيين : ود الرضي - احمد المصطفي - خلف الله حمد - سيد خليفة - مبارك حسن بركات وشباب كتار اليوميين دول ) ..كلمات جميلة تحفز الحس الجماعي .. فهيا ..... غناء مبارك حسن بركات ( من تسجيلات النيل الازرق في عيد الفطر 2007)
Post: #970 Title: Re: ما أحلى ساعات اللقاء... Author: mamkouna Date: 10-19-2007, 09:01 PM Parent: #1
على شاشة النيل الأزرق..الآن إعادة للحلقة الأخيرة من (( أغاني و أغاني ))...
كيتاً في ملاسي!!!!
Post: #971 Title: Re: ما أحلى ساعات اللقاء... Author: الزوول Date: 10-20-2007, 05:57 AM Parent: #970
السلام عليكم ديون زمنية وظيفية تراكمت بعددية أيام رمضان ، وحان موعد استحقاقها بعده وترفيه اسري عيدي لابد منه تكالبت على ابعادنا عنكم فلكم العتبى حتى ترضوا ................................ لفائدة الرطّانة عناية الباش أبوبكر ترجمة لما ورد أعلاه ( اخدت الاسرة في رحلة العيد وبرضو شغل كتير وجدته مستنيني ) الشباب لقيتم متابعبن البوست بشدة خاصة تسجيلاتك وتقريباً كل الكمبيوترات مليانة ب(يوتيوباتك) يا زول اترشح سايي وانا اضمن لك الفوز ............................. وما الناس إلا هالك وأبن هالك *** وذو نسب في الهالكين عريق
Post: #972 Title: Re: ما أحلى ساعات اللقاء... Author: abubakr Date: 10-20-2007, 06:39 AM Parent: #971
الزوول ... بركة يا جامع
Quote: ( اخدت الاسرة في رحلة العيد وبرضو شغل كتير وجدته مستنيني )
كويس الاتعلمت الترجمة وجيتنا...
بعدين شغل شنو البيرجاك بايت في الحر دة ؟ ما عفن ؟
Quote: يا زول اترشح سايي وانا اضمن لك الفوز
اترشح دي من الفلترا ...؟؟ ما اصلو بقيت الجمهور وفي جمهور بينزل انتخابات ؟
Post: #973 Title: Re: ما أحلى ساعات اللقاء... Author: abubakr Date: 10-20-2007, 06:59 AM Parent: #970
Quote: كيتاً في ملاسي!!!!
هو مشغول بالتشكيل الوزاري وما فاضي لينا ؟؟ اها معذب روحو ساااي ...
Post: #974 Title: Re: ما أحلى ساعات اللقاء... Author: عبد الله عقيد Date: 10-20-2007, 03:28 PM Parent: #1
العيد مبارك عليكم يا جماعة كل سنة وإنتو طيبين
Quote: على شاشة النيل الأزرق..الآن إعادة للحلقة الأخيرة من (( أغاني و أغاني ))...
كنت محظوظ وحضرت إعادة الحلقة الأخيرة مساء أمس ولولا ذلك كنت (اموت بالمغسة)..
بسبب هذه الحلقة أعدت النظر كرتين في (تقييمي) لجمال فرفور كانت أغنيته هي الأميز وأداءه كان رائعا.. أسباب (زعلي) السابقة من فروفور (اتنين) واحد: ما بيدقق في الكلمات الصحيحة للأغنيات التي يرددها للغير. اتين: اختياره لكلمات أغنياته الخاصة فيهو نوع من (الخفة) الزايدة.. خاصة (الغلوتية) بتاعت الحلنقي (مامشكلة المشكلة ريدتك بقتك هي المشكلة) مش مشكلة بلّاي؟؟ بس الغنية الأخيرة دي كلماتها تختلف.. مع عدم الاستهانة (أبدا) بإبداعات زملاءه لكنه تفوق (في نظري)..
Post: #975 Title: Re: ما أحلى ساعات اللقاء... Author: abubakr Date: 10-20-2007, 03:44 PM Parent: #1
عيدك مبارك يا ودعقيد وعودا حميدا الي حوش ممكونة
Quote: أسباب (زعلي) السابقة من فروفور (اتنين)
اتنين بس ؟؟ دة جننا جن ؟؟ كل حلقة كانت فرفرتو نوع تاني
Post: #976 Title: Re: ما أحلى ساعات اللقاء... Author: نجوان Date: 10-20-2007, 03:55 PM Parent: #975
Quote: بسبب هذه الحلقة أعدت النظر كرتين في (تقييمي) لجمال فرفور كانت أغنيته هي الأميز وأداءه كان رائعا..
أتفق معك يا عبدالله عقيد.. وأضيف.. فرفور يرتقي بأدائه كثيرا حين يتخلّى عن: 1. الكواريك 2. الشخصية الشفتية
___ حمدالله على السلامة يا الزوول.. الجابك يجيب عقابك واولهم ست الحوش.. (الهمّلتنا على قول فردتنا )
Post: #977 Title: Re: ما أحلى ساعات اللقاء... Author: ودالعباسية Date: 10-20-2007, 07:56 PM Parent: #976
نجوان ،،،
Quote: فرفور يرتقي بأدائه كثيرا حين يتخلّى عن: 1. الكواريك 2. الشخصية الشفتية
صدقتى ،،،
الليلة بس سمعته ليه البوم جديد اسمه ( عنان) على اسم بته قالو
فيه 9 اغانى ،،
ياحلوين وينكم ليكم فترة ،،
Post: #978 Title: Re: ما أحلى ساعات اللقاء... Author: abubakr Date: 10-20-2007, 08:26 PM Parent: #1
Quote: ياحلوين وينكم ليكم فترة ،،
الحولية خلصت بدري واللا مشوكش ؟؟
Post: #979 Title: Re: ما أحلى ساعات اللقاء... Author: abubakr Date: 10-23-2007, 06:25 PM Parent: #1
يا ناس الحوش مشيتو وين ... يا ست البيت ؟؟؟
اها جايب ليكم غنية من حلقات اغاني بتاعة السنة الفاتت ..
يامار عند الاصيل الحان وغناء حسن عطية اداء فردتنا والشباب
Post: #980 Title: Re: ما أحلى ساعات اللقاء... Author: mamkouna Date: 10-23-2007, 06:34 PM Parent: #979
كتٌر خيرك يا باش.. ما بتنسى العُشرة..و لا..الصُحبة الحلوة..و ما بتجينا يدك فاضية.. يديك العافية.
إلا بالأمارة.. وين فردتنا..؟؟؟ دي كلها حفلات عيد؟؟؟ طيب حفلاتو دي..مش مفروض يشاركنا عدادها..؟ ما عندنا فيها..إنشالله الرُبع؟؟؟
Post: #981 Title: Re: ما أحلى ساعات اللقاء... Author: abubakr Date: 10-23-2007, 07:01 PM Parent: #1
Quote: كتٌر خيرك يا باش.. ما بتنسى العُشرة..و لا..الصُحبة الحلوة..و ما بتجينا يدك فاضية.. يديك العافية
.
انتو البوست دة يالله لقيتو وقعدت احفر من بوست لبوست لحد ما الكوريك اتعوج...وين الزوول ياناس وين ودالعباسية وين ود عقيد وودوداعة .. وووين يا ناس .. عشرة ما عندكم تخلو البوست كدة من غير زوار ...
Post: #982 Title: Re: ما أحلى ساعات اللقاء... Author: نجوان Date: 10-23-2007, 07:59 PM Parent: #981
Quote: * يا باشمهندس...الزولة الجنب الطيب عبد الله و لابسة تركواز دي..أنا كنت قايلاها زوجتو شدة ما بتغني أكتر من الفنان زاتو.. إلى أن تفاجئت بإنها المذيعة!!!! دُراب..دُراب..دُراب..دُرااااااااااااااااب!!!
السهرة بيعيدوا فيها دلوقت.. المذيعة .. بعد الغنا والصفقة دي كلها كمان زغردت!!!!!
والله احترنا واتلخبطت علينا الكيمان.. احنا دلوقت وين بالضبط في الأغاني .. الدرّاب ولا صبحية؟؟
بالله العارف.. يعمل معروف ويكلمني!
Post: #983 Title: Re: ما أحلى ساعات اللقاء... Author: abubakr Date: 10-23-2007, 08:09 PM Parent: #1
Quote: ولا صبحية؟؟
اكيد صبحية ... انا حضرت البرنامج مرتيين وهسع هي بذاتاا بتتكلم وقالت "كانت شرايط جوانا" .. اها شفنا الشريط بلصقو في الكتف , شريط امباشية لكن شريط جواني دة ما بنعرفو ...... انتي متاكدة يانجوان انها ما بتجسس عليهو او دبل ايجنت ؟
Post: #984 Title: Re: ما أحلى ساعات اللقاء... Author: نجوان Date: 10-23-2007, 08:19 PM Parent: #983
Quote: وهسع هي بذاتاا بتتكلم وقالت "كانت شرايط جوانا" .. اها شفنا الشريط بلصقو في الكتف , شريط امباشية لكن شريط جواني دة ما بنعرفو
المذيعة دلوقت قاعدة تزغرد تاني... (فيلم غريب جـــــــدا ) _____
والله يا باش لي زمن ما ضحكت قدر ده!
Post: #985 Title: Re: ما أحلى ساعات اللقاء... Author: abubakr Date: 10-23-2007, 08:23 PM Parent: #1
Quote: والله يا باش لي زمن ما ضحكت قدر ده!
خير اللهم اجعلو خير ...!!!!!!!!!!!!!!!!!
Post: #986 Title: Re: ما أحلى ساعات اللقاء... Author: نجوان Date: 10-23-2007, 08:29 PM Parent: #985
والله حكاية!
___ استغفر الله!
Post: #987 Title: Re: ما أحلى ساعات اللقاء... Author: abubakr Date: 10-26-2007, 05:15 PM Parent: #1
برضو من اغاني واغاني رمضان 2006
فرفور والمجموعة في زرعوك في قلبي !
Post: #988 Title: Re: ما أحلى ساعات اللقاء... Author: محمد المرتضى حامد Date: 10-26-2007, 07:53 PM Parent: #987
يا باش سمعت تحت تحت إنو في فكره مطروحه لبرنامج حايكون حدث في تاريخ الأغنيه بقناة خاصه, تم اقتراح أسماء شابه وبتفهم في الغناء ، مقدمة البرنامج حاتكون مفاجأة . الأهم من ذلك انو كل المشاركين مع السر لم يكونوا ضمن المرشحين عدا واحد فقط ودي ما دايره ليها درس عصر تم اقتراح صوت نسائي أعتقد انو من أجمل الأصوات التي ابتعدت قليلا بعد أن ازدحم سوق الغناء بزيت عافيه وبسكويت ساره وشمع مدام توسو الخ.... البرنامج من 30 حلقه ولاعلاقة له برمضان... مسلسل مش كده؟ خليك قريب.
Post: #990 Title: Re: ما أحلى ساعات اللقاء... Author: mamkouna Date: 10-26-2007, 08:58 PM Parent: #988
Quote: يا باش سمعت تحت تحت إنو في فكره مطروحه لبرنامج حايكون حدث في تاريخ الأغنيه بقناة خاصه, تم اقتراح أسماء شابه وبتفهم في الغناء ، مقدمة البرنامج حاتكون مفاجأة . الأهم من ذلك انو كل المشاركين مع السر لم يكونوا ضمن المرشحين عدا واحد فقط ودي ما دايره ليها درس عصر تم اقتراح صوت نسائي أعتقد انو من أجمل الأصوات التي ابتعدت قليلا بعد أن ازدحم سوق الغناء بزيت عافيه وبسكويت ساره وشمع مدام توسو الخ.... البرنامج من 30 حلقه ولاعلاقة له برمضان... مسلسل مش كده؟ خليك قريب.
خبر الموسم..!
Quote: مقدمة البرنامج حاتكون مفاجأة
لو..وسيلة عولمي أو ليلى الشيخلي أو بن نورة..ما فاضيات.. أنا و نجوان... available و on-call !
Post: #996 Title: Re: ما أحلى ساعات اللقاء... Author: abubakr Date: 10-27-2007, 05:15 AM Parent: #990
Quote: لو..وسيلة عولمي أو ليلى الشيخلي أو بن نورة..ما فاضيات.. أنا و نجوان... available و on-call !
برضو Freelancing ??بس ما في زغاريد وختيت حاجات في النخرات
Post: #989 Title: Re: ما أحلى ساعات اللقاء... Author: abubakr Date: 10-26-2007, 08:21 PM Parent: #1
Quote: البرنامج من 30 حلقه ولاعلاقة له برمضان... مسلسل مش كده؟ خليك قريب.
انشاء الله يهتمو بالاعداد ويجيبو زولا يقدر يحاور .. التوقيت مهم بحيث يتمكن المشاهديين من المتابعة بانتظام وهذه ميزة برامج رمضان.. في الايام العادية من الصعب المتابعة الدورية ...
Post: #991 Title: Re: ما أحلى ساعات اللقاء... Author: محمد المرتضى حامد Date: 10-26-2007, 09:32 PM Parent: #989
لو..وسيلة عولمي أو ليلى الشيخلي أو بن نورة..ما فاضيات.. أنا و نجوان... available و on-call !
ممكونه انتي بتنقلي كلامي الهناك تجيبيهو هنا ليه؟ شوفي أنا قلت لصاحبي البرنامج ده لو عايزو ينجح ما إلَك إلا ممكونه لكن بعد قصة أون كول وأفيلبل دي مافي طريقه، فنحن يا خزام لا نولي سلطة لطالبها. قال (خبر الموسم) قال.
ياباش، البرنامج سيكون على غرار نسايم الليل وسهرة واحده في الأسبوع وفي مواعيد مناسبه للعامه عدا ناس الأوفرنايت والأون كول.
Post: #992 Title: Re: ما أحلى ساعات اللقاء... Author: mamkouna Date: 10-26-2007, 09:57 PM Parent: #991
تعديل بسيط و يا دار ما دخلك شر:-
لو..وسيلة عولمي أو ليلى الشيخلي أو بن نورة..ما فاضيات.. أنا و..نجوان....
برضو ما فاضيات..!!
كدا كيف..يا خزام!
Post: #993 Title: Re: ما أحلى ساعات اللقاء... Author: رشا سالم Date: 10-26-2007, 10:19 PM Parent: #991
ممكونة العثل الأحلي من البثبوثة..
انا والله اتدربت علي الصبر في بوستيك دا وبوست نجوان بتاع الدراب..
اصلي حلفت قلت ما اتكلم في زول ولا اعلق علي حاجة في رمضان..
وقدر ما لساني الطويل دا يوسوس لي ..ابيت ما اطاوعو..
اها الحمدلله رمضان انقضي بخيرو ..عشان كدا في شمار حارقني
دايره اقولو ليكم..لكن لا والله ما بقدر ضميري ما راضي..
غايتو كدي خليني اشاور رقبتي تاني واجيك..
Post: #994 Title: Re: ما أحلى ساعات اللقاء... Author: محمد المرتضى حامد Date: 10-26-2007, 10:46 PM Parent: #993
تعرف يا باش في واحد اسمو أبوبكر سيداحمد قالوا فنان صاعد بأسانسير لما قريت الخبر قلت يارب الباش عملهامن ورانا وداير يعمل بروفه لرمضان الجاي ويدخل بوست ممكونه من أوسع شبابيكو؟ ربك رب الخير جات في العارضه وربنا ستر حفاظا على علاقتنا بيك واحترامنا لشخصكم.
حقو تنبه القراء انك ما بكري الغناي وكده.
رشا، سلامات وكل سنه وانتي طيبه ولا تُبطلي أجر الصيام.
Post: #997 Title: Re: ما أحلى ساعات اللقاء... Author: abubakr Date: 10-27-2007, 05:18 AM Parent: #994
Quote: تعرف يا باش في واحد اسمو أبوبكر سيداحمد قالوا فنان صاعد بأسانسير لما قريت الخبر قلت يارب الباش
اها دي كيف ؟؟؟ اسبيس شاتل ما يقدر يصغعد بي ... ما هو ذاتووو الانا كتبت عنو هنا وكمان مع اغنية .. ات بس ارجع الي ايام ا( الاسم عالاقل)لعيد وبتستمع ليهو هنا بيغني لقريبي ... انا سمعت ليهو قبل كدة عشرة سنوات وحاولت ان ارغب الغنا السوداني لاطفالي-حينئذ- بواسطته لكن بيونسي ما ادتو فرصة
Post: #995 Title: Re: ما أحلى ساعات اللقاء... Author: mamkouna Date: 10-27-2007, 00:18 AM Parent: #993
ود حامد يجي يقول ما بكلمكم بمفاجأة الموسم.. بت سالم تجي تقول حالفة و متقسمة..ما بتقول.. فردتنا يجي يقول..في فمي ماء..
يعني نحن الفي فمنا دا شنو.. ....ماء نار..!!!؟؟؟
Post: #998 Title: Re: ما أحلى ساعات اللقاء... Author: abubakr Date: 10-27-2007, 05:20 AM Parent: #1
Quote: يعني نحن الفي فمنا دا شنو.. ....ماء نار..!!!؟؟؟
ولا حاجة ... كلام بس ...ايه الرعب دة ؟؟
Post: #999 Title: Re: ما أحلى ساعات اللقاء... Author: abubakr Date: 10-27-2007, 05:29 AM Parent: #1
Quote: اها الحمدلله رمضان انقضي بخيرو ..عشان كدا في شمار حارقني
دايره اقولو ليكم..لكن لا والله ما بقدر ضميري ما راضي..
غايتو كدي خليني اشاور رقبتي تاني واجيك..
اها يابتي ( انا بتي برضو اسمها رشا وبناديها يا" رشا يا كحيل" والاسم عاجبا برضو بعد ما كبرت وصارت "عود" )... بعدين البوستين بتاع البتين دييل داير شمار كتير وهن ما فاضيات من النوم جو بطن بيوتن واها انا كل يوم اجري واجرجر في البوستيين اطلعن من بطن بيت المنبر دة ..بعدين انا بربري وما بعرف نضم العرب زيكن ..الواحد يشاور رقبتو كيف ؟ اها مما قريت كلامك دة وانا بنادي رقبتي اشاورا والف والف لحد ما وجعتني وما قادر .
Post: #1000 Title: Re: ما أحلى ساعات اللقاء... Author: نجوان Date: 10-27-2007, 10:23 AM Parent: #999
ود الرتضى ورشا سالم شكلهم عايزين يبيعوا المعلومات العندهم.. للنيويورك تايمز.. الحياة.. والجزيرة..
معلومات للبيع قولوا.. and name your price انتو فاكرين أغاني.. ودرر ودراب ما عندهم ميزانية؟؟
اهم شئ ان يتمخّض الجبل ويلد برنامج محترم.. وليس فئران وكدايس .. وببغاوات ومش عارف ايه.. ___ يا باش .. في مثل كده عن النوم .. بدل مصاقرة التلفزيون الكوارثي ده.. بس نسيتو والله
Post: #1001 Title: Re: ما أحلى ساعات اللقاء... Author: abubakr Date: 10-27-2007, 10:49 AM Parent: #1000
Quote: انتو فاكرين أغاني.. ودرر ودراب ما عندهم ميزانية؟؟
هم قايلين دة بلوشي ... اها برنامجكم دة شوفوليهو ادارة ترويج غيرنا ؟ النشوف شن تسوو بمعلوماتكم السرية دي ...
Post: #1002 Title: Re: ما أحلى ساعات اللقاء... Author: abubakr Date: 11-01-2007, 09:35 PM Parent: #1001
حالكم دة دايرلو موال
اها رماز ميرغني عندها ليكم موال :
Post: #1003 Title: Re: ما أحلى ساعات اللقاء... Author: mamkouna Date: 11-03-2007, 09:24 AM Parent: #1
ألف شكر يا باشمهندس على الموال الجميل دا... رماز من الأصوات الجميلة و مُميزة..و من نجوم الغد الموعودين بمستقبل مشرق.
حقيقي عجبني أداءها للكثير من الأغنيات..و أحتفظ في كومبيوتري بأغنية البلابل (( البيسأل ما بيتوه )) بصوت رماز.. ...صوتها مُنساب بسلاسة و بتنفعل بكل جوارحها مع الأغنية.كما تتميز برزانة و رصانة.. و جمال هاديء لا يُخفى على العين..مما يزيد قوة حضورها و درجة تقبل الجمهور ليها..
يا ريت نسمع رأي (( عدو الفنانات الأول )) فيها.. يا ربي بعد بسكويت سارة...و زيت عافية..و مدام توسو.. ح يكون عندنا شنو؟؟!!
Post: #1004 Title: Re: ما أحلى ساعات اللقاء... Author: abubakr Date: 11-03-2007, 10:01 AM Parent: #1
Quote: يا ريت نسمع رأي (( عدو الفنانات الأول )) فيها..
انا ناطرو ومقعمز هني ومحضر اغنية البسال ما بتوه بشان كدة وقلت الموال اول نشوف النتيجة شنو ...
Post: #1005 Title: Re: ما أحلى ساعات اللقاء... Author: محمد المرتضى حامد Date: 11-03-2007, 10:50 AM Parent: #1004
Quote: يا ريت نسمع رأي (( عدو الفنانات الأول )) فيها..
يا ممكونه والباش ، بصدق ما عندي عداء لفنانه بل العكس تماما وربما لحِظتما من مداخلاتي السابقه أني كنت أتباكى على البلابل وعائشه الفلاتيه والزمن السمح والأيام الخضر (أيام قرطبة)، كما عرضت للشابة نسرين هندي التي استمعت ل (إلبوم) تغنت فيه لعدد من المطربين بإجادة وكان أداءا مشجيا ثم شاهدتها مرة واحدة في تلفازنا تؤدي أغنية للراحل صلاح محمد عيسى فزاد إعجابي بها ليس لأنها أجادت بصوتها ولكن لأن لغة الجسد والتعابير المصاحبه للأداء كانت جد آسرة. (رماز) التي أشرت إليها لا أعرفها لكن إن كانت تلك التي غنّت (صبابة) في برنامج (نجوم الغد) فهي ممتازة لأن التي أعنيها كانت متمكنة وتغني بيسر وسلاسة مع صوت جميل ومخارج حروف واضحة ( مش زي الجماعه المخنوقين البيقوِموا النَفَس)، أها الكلام بجيب الكلام ، بعض اللي بيغنوا اليومين ديل من الفنانين الشباب في رأيي الخاص إنهم ما عندهم أدنى علاقة بالغناء سوى أن آبائهم أو بعض ذويهم من قبيلة الفن أو من المحسوبين عليها أو ما إلى ذلك ، ولعله ومن البدهيات أنك يمكنك تقديم مثل هؤلاء الى أجهزة الإعلام أو التطبيل لهم هنا أو في الوسائط المختلفة وسيبقون لفترة محدودة يطيرون بصواريخ الدفع وسرعان ما ينفد وقود المحسوبية ويذهبوا بعدها إلى مكانهم الطبيعي.
_____
تنويه:
شاهدت مؤخرا مدام توسو واعتذر بعد تلك المشاهدة عن ذلك اللقب وحاليا أفكر في تعديله إلى (باربي).
Post: #1006 Title: Re: ما أحلى ساعات اللقاء... Author: abubakr Date: 11-03-2007, 11:50 AM Parent: #1
رماز ميرغي في "البسال ما بتوه " (غناء البلابل)
Post: #1007 Title: Re: ما أحلى ساعات اللقاء... Author: محمد المرتضى حامد Date: 11-03-2007, 02:16 PM Parent: #1006
يا باش ياها ذاتا (رماز) اللي أنا قاصدا وهي بالفعل متميزه وأعتقد إنها هسه في بدايةالمشوار ومستقبلا حاتكون أفضل بس أغنية البلابل (البيسأل مابتوه) دي البلابل بيعملوا فيها شغل حقهن براهن، في منحنى خطير في الأغنية بيقولوا فيهو (كان سألت علينا كنت عرفت نحن الليله وين) ما أظن تاني تقدر واحده تكررو. قلت ليك في مداخله عن فردتنا فوق إنو في حركة في الطيران كدا ما بتعملا إلا السوخوي الروسيه Sukhoi إسمها الكوبرا بتعمل فيها عربده بين السحب يبدو أنني أحتاج لوضعها هنا شان تشوفا وتآمن.
Post: #1008 Title: Re: ما أحلى ساعات اللقاء... Author: abubakr Date: 11-03-2007, 02:23 PM Parent: #1007
يالمرتضي سومرسولت مع ارتداد للخلف ثم توجه الي الامام ما اظن عندنا كتار بيقدرو عليهو .. دى شغلانه عايزة تمكن فطري .. يعني ما ممكن الواحد يتعلما في اجعص معهد في الدنيا.. اغلب العندنا ياتوجه اماما او خلفا وشوية سايدووي موفيمنت ...
Post: #1009 Title: Re: ما أحلى ساعات اللقاء... Author: ودالعباسية Date: 11-03-2007, 03:21 PM Parent: #1008
ازيكم يا اهلنا ،،،
والله مشتاقين ليكم ،،،
قلتو لى الطيارة دي مالا ،، بتحفص فى الجو ولا شنو ،،
رماز دي سمعتها زمااااااااااااااان ،، ونفس الاغانى ،،،
بس ما جابت حاجة جديدة ،،
ولا شنو ،،
Post: #1010 Title: Re: ما أحلى ساعات اللقاء... Author: abubakr Date: 11-03-2007, 04:15 PM Parent: #1009
Quote: بس ما جابت حاجة جديدة ،،
انت حوليتكم ما خلصت ؟؟ رماز غنت اغنية خاصة بها من تلحيين احمد الك وكلمات الحلنقي اول امبارح وقالت انو عندها انتاج خاص قادم لشعراء معروفيين واحمد المك قال انو هم بحضرو اغاني تانية ...المهم انك تتابع شوية الحاصل برة الحوليات بعدين انت ما شفت السوخوي الفوق دة ؟؟ اها فردتنا كان بيسوي زي السوخوي دة وهسع هو مقرشنو لانو من العيد تاني ما طار
Post: #1011 Title: Re: ما أحلى ساعات اللقاء... Author: abubakr Date: 11-03-2007, 05:05 PM Parent: #1
الموضوع دة شاغل بالي :: دائما بنضحك من المصريين في انهم بيورثو المهن لاولادم ومرات غصب يعني ابن/بنت المدرس في الجامعة لازم مدرس/ة وكذلك ضابط الشرطة والقاضي ..ولكن ما عندهم مغني يورث ابوه كما هو عندنا الايام دي وقبل فترة قصيرة استمعت لاكثر من اربعة من ابناء فنانيين كبار رحلو و بنت او ابن يغنون وهنالك ابناء فنانيين احياء يدفعون بابنائهم الي الساحة وهناك من الفنانيين من يحاول استنساخ صورة اخري منه باحتضان صوت وفي هذ الصدد اشير الي التوام اللاتي يغنيان لثنائي العاصمة .. ومن الفئة الاولي اي ابناء وبنات الفنانيين شاهدت او اشاهد الان بن خضر بشير وهو يقلده حتي في اشاراته وسكناته .. المرحوم خضر بشير لجيلي انا واجيال الستينات والسبعينات في جامعة الخرطوم كان يمثل لنا شهادة باننا طلاب في تلك الجامعة فقد كان معلما مهما ومميزا ففناننا الاول هو خضر بشير ثم ياتي بعده الاخرون مهما كانت مكانتهم .. فالمرحوم كان لا يغيب من اية حفلة في الجامعة ولا رحلاتناويغني لطلاب الجامعة مجانا وبمزاج وفي اي لحظة ولا يرفض لنا طلبا ...اذن فخضر بشير لم يكن صوتا غنائيا فقط كان تصرفا ومعاملة ومعاشرة فصار الطلاب كلهم جمهوره ..ان يحاول ابنه استنساخ ابيه بلبس جلبابه شكلا وصوتا واشارات لا يجعل منه ابيه وانما يثير فينا جمهور ابيه حسرة علي ابيه ..
Post: #1012 Title: Re: ما أحلى ساعات اللقاء... Author: محمد المرتضى حامد Date: 11-03-2007, 08:39 PM Parent: #1011
الموهبة يندر أن تورث ياباش، قريبك وردي لم يكتف بالنأي عن المحسوبية وتقديم النحاس على أنه ذهبا بل بالغ في صدقيته بقوله أن إبنه لايصلح كمطرب. كنت ايضا سمعت بدرالدين عجاج يقول أن نانسي ليست مطربة جيدة أو هكذا كان المعنى. أما التوأم اللي بيغنوا لثنائي العاصمه ديل الله يكون في عونم.
Post: #1013 Title: Re: ما أحلى ساعات اللقاء... Author: محمد المرتضى حامد Date: 11-04-2007, 09:26 AM Parent: #1012
Quote: يالمرتضي سومرسولت مع ارتداد للخلف ثم توجه الي الامام ما اظن عندنا كتار بيقدرو عليهو .. دى شغلانه عايزة تمكن فطري .. يعني ما ممكن الواحد يتعلما في اجعص معهد في الدنيا.. اغلب العندنا ياتوجه اماما او خلفا وشوية سايدووي موفيمنت ...
وطلعة السوخوي دي يا باش تعجبني منذ نعومة الأذن في رائعة الجميل أبوآمنه حامد سال من شعرها الذهب بصوت صلاح بن البادية ، عندو (طلعتين) من نوع الكوبرا وتحديدا في :
فارِه. مترف.. لــــدن فنن .. لا .. ولافنــــــــــن هدني الوجد والشـــجن في الهوي قلبي اغتـــــرب
قلت أنقلهم ليك بالكامل مع شكري لتوجيهاتك الفنية وتوجهاتك اللارطانية.
ود العباسيه، كيفك يا بَرَكَه، قلت لي الطياره دي بتعمل في شنو؟ دي موظفه في الأرصاد الجويه.
Post: #1014 Title: Re: ما أحلى ساعات اللقاء... Author: abubakr Date: 11-12-2007, 07:20 PM Parent: #1
يا اهل الييت !!! قلنا يمكن "ارض الخير" وحشتكم
Post: #1015 Title: Re: ما أحلى ساعات اللقاء... Author: الطيب شيقوق Date: 11-12-2007, 08:12 PM Parent: #1014
ممكونة الهوساوي قونى مات لكن ورّث ولده وهذا برضه موهوب زى ابوهو بكتابة رجال النسوان من الزواج التاني .
كمان ولده بيضيف عناصر تخليك تلف وتدور حول الزوجة الاولى لحدى المقابر .
Post: #1016 Title: Re: ما أحلى ساعات اللقاء... Author: محمد المرتضى حامد Date: 11-12-2007, 09:53 PM Parent: #1015
Quote: كمان ولده بيضيف عناصر تخليك تلف وتدور حول الزوجة الاولى لحدى المقابر
والله يا الطيب دي brilliant وزي ما بيقولوا مرضانين الكوره ناس تمبس دي في التمانيات. تعرف يا الطيب أثناء عطلتك في الدندر مع النهر الجاف المنبر ده طعمو بقى زي أكل الإسبتاليه ولم يعد له الألق إلا بقدومك ، شايف مصنع التلج ده كيف؟ قلت لي يلف ويدور حول الزوجة الأولى حتى المقابر؟ ذكرتني قلب الدينمو ، والله كلامك ده أعاين فيهو واضحك وامشي واجيهو راجع ووالله ما متلاعب ليسئلا لكن حالتك تحنن ، يعني هسه قصدك الواحد يكون maktoob وقايل روحو Yahoo ؟
Post: #1017 Title: Re: ما أحلى ساعات اللقاء... Author: محمد عثمان Date: 11-12-2007, 10:09 PM Parent: #1
Post: #1018 Title: Re: ما أحلى ساعات اللقاء... Author: mamkouna Date: 11-13-2007, 11:12 AM Parent: #1
ردود متأخرة :-
* شكراً يا باشمهندس على رفع البوست كل شوية. عُشرتك..حلوة.
* شكراً يا ود حامد على السوخوي و الطيران المتفرد لإبن البادية.
* الحوليات عندك..يا ود العباسية.
* مرحب بيك يا ود عثمان.
أخيراً و ليس آخراً: * سؤال قديم...يتجدد..يا ود شيقوق..
كم يَبعُد الهوساوي أب عناصر ..من بطن بيتي؟ و هل من عناصره ..ال home delivery ..???
Post: #1019 Title: Re: ما أحلى ساعات اللقاء... Author: abubakr Date: 11-13-2007, 05:37 PM Parent: #1
Quote: كم يَبعُد الهوساوي أب عناصر ..من بطن بيتي؟
شن تسويبو ؟؟ اتي صدقتي نضم العراريب الماقدر يصلح تيمس عمو المغرز من سنة ستة ؟؟ اهو مشي قضي اجازتو في قندهار ياكل شيات وجانا صاد بحكاية الهوساوي
Post: #1020 Title: Re: ما أحلى ساعات اللقاء... Author: abubakr Date: 11-13-2007, 07:42 PM Parent: #1
ياناس الكوبرا السوخوي الحقو!!! بمناسبة معرض الطيران الدولي السنوي في دبي 10-11 نوفمبر
Post: #1021 Title: Re: ما أحلى ساعات اللقاء... Author: نجوان Date: 11-20-2007, 11:43 AM Parent: #1020
كيفكم يا ناس..
شاهدت بالأمس أوبريت السودان كلمات الراحل زين العابدين الشريف الهندي لحن وغناء الأستاذ الكابلي.. والكورال..
لمن شاهد.. أو سمع رجاء الإدلاء بدلوكم الفني ..
____ والشكر مقدما
Post: #1022 Title: Re: ما أحلى ساعات اللقاء... Author: Hussein Mallasi Date: 11-20-2007, 12:05 PM Parent: #1021
الجزء الذي شاهدته غلبت عليه الصنعة و التكلف.
_____
Quote: شاهدت بالأمس أوبريت السودان
و في انتظار رأي من شاهدت
Post: #1023 Title: Re: ما أحلى ساعات اللقاء... Author: abubakr Date: 11-20-2007, 12:10 PM Parent: #1
Quote: الجزء الذي شاهدته غلبت عليه الصنعة و التكلف.
هذا ما احسست به .. "الشحن" الرسمي طغي علي "الفني" فحرج العمل "فرمانا"
Post: #1024 Title: Re: ما أحلى ساعات اللقاء... Author: mamkouna Date: 11-20-2007, 12:49 PM Parent: #1
العزيزة نجوان...و كل الحبايب.. سمعت كتير جداً عن الأوبريت دا و كان نفسي أشوفو..لكن للأسف كل مرة بشوفو من غير تركيز! مرة شفتو في الفضائية السودانية و كنت بره بطن بيتي ...as usual ... و أمبارح شفتو من جوووووه بطن بيتي لكن معايا ضيوف ..as usual برضو و لله الحمد.
عاوزة من الشافو الأوبريت في برنامج ((مشاوير)) يجاوبوا لي على سؤالين:
1/ ليه أمجد كان بيقول للكابلي..يا دكتور؟؟؟ 2/ هل الزولة الكانت بترقص و ملفوفة بعلم الإتحاديين...حواء الطقطاقة؟؟!!!
Post: #1025 Title: Re: ما أحلى ساعات اللقاء... Author: abubakr Date: 11-20-2007, 01:31 PM Parent: #1
Quote: 1/ ليه أمجد كان بيقول للكابلي..يا دكتور؟؟؟ 2/ هل الزولة الكانت بترقص و ملفوفة بعلم الإتحاديين...حواء الطقطاقة؟؟
!!!
اها السعواليين دييل ما لاقي ليهن اجابات وكلو مرة اشوف الجزء دة-السعوال الاول- (كل يوم بجيبوه في البي ان ) وافتش السماعة والبالطو الابيض وما القاهم ؟؟ هو "دكتور" يعني شنو ؟ حكيم يعني واللا والي واللا وزير واللا رئيس نقابات واللا مدير واللا مذيع واللا مساعد رئيس جمهورية واللا مستشار واللا منشار ... شنو يعني جننتونا دكتور بروف دكتور بروف ...
اها اللابسع توب علم السودان انا بس عرفت النطارة اللابساها
Post: #1026 Title: Re: ما أحلى ساعات اللقاء... Author: ودالعباسية Date: 11-20-2007, 01:42 PM Parent: #1025
ازيكم يا شباب ،،،
امبارح وانا بلفلف كدا لقيت الاوبريت ،،
اول حاجة الشئ الملاحظ ناس كابلى والهيلمانه دي كلها
قاعدين يرددو ،،، يعنى العمل ما live
تانى شئ الكورال بحكى عن السودان عموما ، انا صراحه يعنى اتكيفته لمن
Post: #1029 Title: Re: ما أحلى ساعات اللقاء... Author: mamkouna Date: 11-20-2007, 08:51 PM Parent: #1027
Quote: شايف جابو للقطر دا مفتش جديد لنج يا ممكونه وشايفك انتي وأبوبكر وملاسي رحبتو بيهو ودي طلعه كويسه منكم .. مش قلت ليكم؟
أنا و الباشمهندس عملنا الواجب....ليس إلا.. لكن الناس الهوهوت و بأبأت و نونوت و كأكأت... و إحتفلت مع المفتش بيوم الطفل... ما عارفاهم ح يركبوا القطر دا تاني كيف.
حكمة اليوم:
إتقِ شرٌ من...كأكأتَ إليه!
Post: #1030 Title: Re: ما أحلى ساعات اللقاء... Author: نجوان Date: 11-20-2007, 09:55 PM Parent: #1029
الأوبريت.. و ما أدراك ما الأوبريت..
الكلمات طبعا.. قوية غطّت المليون ميل بعمق..
كابلي قمة دون شك.. لكن اللحن أتى فعلا متكلفا.. رغم التعقيد الظاهري إلا انه بسيط موسيقيا لدرجة الإحباط
يا ريت لو أوكلت المهمة للأستاذ وردي أو أبوالأمين فهؤلاء تخصص ملاحم.. ولأعطونا زوادة جديدة للتلاتين سنة القادمة.. _____ الكلمات إحتفت بالتعددية بسلاسة ووضوح لكن اللحن إبتذلها.. ______ كله كوم والدوبلاج كوم يا ود العباسية
Post: #1031 Title: Re: ما أحلى ساعات اللقاء... Author: abubakr Date: 11-21-2007, 03:23 PM Parent: #1
Quote: الكلمات طبعا.. قوية غطّت المليون ميل بعمق..
اوبريت سوداني
كلمات الشريف زين العابدين الهندى
تلحين وغناء عبد الكريم الكابلى والكورال
مساهر ليلك الطول نجومه هجوع وغرقان قمره في جوه السحاب مصروع بصارع فيك ضلام تمن سنينه سبوع واراقب فجرك الآذن زمانه سطوع وشايلك سيف نصر لا يطيش ولاهو بزوغ ورابطك يي حشاي من العطش والجوع واسقيك مني دم ودموع واوقد لك جحيم وشموع واقش منك دموع الضيم على خدودك بتتحدر واقبل فيك جبين مرفوع كراية النصر وبيرق عزة رفرف في ركاب فاتحين واغسل لك تراب الهجرة باليدين راجيك المجد مدخور لك سنين ودنين من حبوبتك الوقفت ترد الدين وتطرد حملة الباشا ومع الغازين حليله مهيرة كاسرة التوب وحد الزين
**
ومن جدك بكبرفوق جبل سرغام ودافن ضهره في كرري ومتكنتل ركاب ولجام وسال في ايده سيف العود ببعج بيهو كبدة وهام وقبال دمه ما إرشح مع البارود اكون شتت عليك اجسام ** أجسام من غزاة ماقدروا اسبوك ولاكشفولك المقنع ولا في الشينة ختوك ولا حلولك احداقهم ولاهم قدروا ادنوك ومما فاتوا لي هسع بدوروا رضاك واطروك
**
وكيف انساك وذكراك لي دما هو عروق ومما الهجرة حلت ليهو لابسك انتي عمة وطوق وعايشك جوه وجدانه معايشة الحنين لي الشوق وممزوجة فيك ممازجة اللسان لي الضوق
**
بشوفك في عيون النيل وفي الاطفال وفي تاريخك الاخضر على الاجيال وفي بحر الدمي اللسع بجم سيال وفي مستقبلا واعد كبار وعيال بشوفك بشري فيك شقق جبال ورمال بترسم لي طريق نجم العشا الولوال وتكشف فيك اسرارا كتار واهوال
**
والقاك حتى في رمش الغريب الضال مهوم في اليمن لا الحامدي لا السلال والاقيك في الخليج مشرورة حالك حال واثكل فيك يبيعوك بي الدهب والمال
**
فلذاتك مبعثرة في البلاد مأجورة تبني على الرمال احلامها ثم قصورها خلوك سايبة في ايد الطغاة ماسورة شان ما اسلموك الحلبي روب في كورة
**
ابشري نحن لسع في الخلا مرابطين ونحن عقاب عهود انصار مع مهاجرين ونحن سهارى ما بنعرف غمضة العين ونحن فداك نذود عنك بقالنا سنين حالفين بيك قسم غالي وعزيز ويمين مانضوق راحة لانشوف زوجة لا والدين ولا ندفن رؤوسنا على الرمال خايفين حتى نوقي من اشلانا اعلامك على القصرين وحتى نسوي لي القصفوك مقبرتين زي ما صنعنا تاره على الالف الفين وحتى انكسر القيد وانقسم نصين واكون عيدنا الكبير في مقرن النيلين
**
ومابننساك عشان اطراك في الازمان قريب منك قرابة الحدقة لي الانسان وجايل فيك جولة الدم على الوردان وقيمتك عنده زي قيمتك معاهو زمان
**
بعيشك هضة بتشارف تلال قيسان ويحياك موية في دارفور تبل عشطان واديم فيك من سنار ترع خزان وادفق خيره بي عند الرهد بستان واقول لي الدندر الغاضب كفاك جيشان واسهر لي وليداتك اعشى الحاري والجيعان
** منو الزيك ولد واستالد الاولاد منو الزيك يجيبهم ديمة عشرة انداد منو الزيك ببز الدنيا موية وزاد منو الزيك ضروع وزروع ونيل مداد منو الزيك بطان وغابة دون حداد منو الزيك سهول وادي وجبال اوتاد منو الزيك اصل موروث من الاجداد منو الزيك جراتق دم قدام وجداد قشى الدمعة يابت الرجال مابحكموك اولاد
**
بت الحر وام الحر واخت الحر وست الضنبة مردوم بي وراهو بجر ست الفي الخشش من العصير بنتر ست الخيل وست الفي القلوب بنقر وام الحلفو بيك وبي العذاب المر مابختولك الشينة ومناحة كر
**
اولادك فضلة الموت وبتلجوبو ودائماً سيرته في لسانهم ويتسلوبو وزرعك من زمان المهدي طارح دوبو واحدين بحصدوا وواحدين بكفو دروبو
**
تيلادك مسكر في الخزن محروس هجليج واندراب ومهوقني وابنوس ومن صمغ الهشاب سوي السنط ترتوس ومن شدر التبلدي الموية كوس في كوس ومن ضل النخيل الشمس دايرة تكوس ومن حرب المطر فرع الحراز مدروس ومن شوك السدر جيش السلم هكسوس ومن زهر التبر البادية باقية عروس وبي توب البرم سوي الطلح مبلوس ومن شدر الاراك عطر الرعاش مبثوث ومن سيف العشر جيش هكس صار مهروس والدوام واج بقيف الابتراوي خروس
**
فيك الفيل وفيك العنزة والجاموس وفيك التيتل اللبات قرونه تروس وفيك الاصلة والدابي اب درق وجروس وفيك ريل الودي البي ناله راتع اجوس وفيك صقر الكواهلة العينو كالفانوس وفيك فهود وفيك نور وفيك طاؤوس وفي نيلك عشاري اشيل من الجاقوس
وفيك بحر الجبل حاقب عري الرجاف وفيك بحر الغزال والجور وبحر زراف وفيك سوباط ملولو زي دبيبا خاف وفيك بحر العرب مليان نعام وزراف وفيك بحيرة قال (نو) سيده ما الاسلاف وفيك خور اب حبل شاقي البلد كشاف وفيك تمت العظيم شايل الكليت والشاف وفيك خور الدهب ذو الذكرى والاعراف وعندك مقرناً حرم سواك ما انشاف
**
وعندك الف خور في الوادي والفين رافد وحسبان الجزائر والجروف ماوارد والنبرو الحبيب لي عودو سيدو اقالد والساقية الحنين توريقها باكي وساهد والبلدات ونجاضات حليلة فايد وسمسم وام صقور وسهل قبوب ود زايد وصقيعة ام بليل براقها قايم وقاعد والمطر البكب اربع شهور ويدارد وفيك قنبلية كمبو سته الوارد وام سنات تغازل دوكة ماشه تحادد اسفاي بقول لي الفشقة بهمك شارد كونه الفار بقت ترع وجناين وموارد
))
))
!!!؟؟؟
البوست دا عندنا فيهو النص ..
..
)
))!
؟؟!!!
؟؟؟!!!
؟؟!!!
..
))...و كانت حلقة و لا أحنٌ و لا أروع.
!
..و نجي نضع اليد..بالليل!
!!!!
!!!؟؟؟
!
